EELLIE AND THE BIG CATS BY Billy Arjan Singh (Completed)

[Ngaia]

EELLIE AND THE BIG CATS.jpg (16.3 KiB) Viewed 9184 times

EELLIE AND THE BIG CATS
************************* Billy Arjan Singh

( He thawnthu ka rawn post tur hi ka irawm chhuak a nilova, thawnthu rotling, ‘classic’ an tih pawh a tling hek lo. Mahse a hlut ve riauna nia ka hriat chu cowboy leh love story bu ang maiin a ngaihnawm a, a tak tak a nih bakah a bengvarthlakin zirtir a nei tha hle bawk a ni. Thil kal tawh mah nise, chhiartu tan huaisenna leh tumruhna thar char chhuahna tur a nih ngei ka beisei.)

Part – I
Eellie chu khawi hmun atanga lo kal nge a nih ka hre hauh lova; mahse kum 1970-a ka chenna, Tiger Haven kawta a rawn lan hlawl tum erawh kha zawng ka la hre chiang ngang mai. Chumi tuk chuan lui kama ka lo thut mai mai laiin, ka awmna lam panna ramhnuai kawng siamtu mi eng emaw zat lo kal hi ka hmu a. An hnungah chuan ransa pakhat, tiauvut rawng, baihvai hmel tak leh sihal ang deuh hian a rawn zui a. Ui a ni tih reng a hriat loh va, a mei han hem vat vat leh a han tihpir leuhva a hmawr kual raih atang chauh chuan ui a ni tih a hriat theih a ni.

Chung kawng siamtuho chu thing hmuna an pil bo zawh thlengin ka en reng a; mahse uite chuan a zui zel ta hauh lo tih ka hre chhuak thuai a. Hmuh tuma ka han hawi kual chuan ka piah lawkah chuan a lo thu vang mai a. (India ramah hi chuan kum tinin ui neitu neilo hi a maktaduai telin an piang reng a), an vai mai chuan an vak vai mai mai thin a ni. He uite, thla ruk vel leka upa pawh hi chutiang ui chuang mai mai chu a ni ngei ang . A cher em avang chuan a vun chhanah a nakruh zawng zawng chu a lang thiak thei hial a, a khel ruh pawh kawr khaina ang mai in a pir va a. A hank al vel pawh chuan, tlema a bai deuh avangin a ei hmuh that loh luat avangin a dam zan lo emaw , tu emaw nunrawng deuhvin an ke thak hnawih nan an hmang vel thin emaw ni ngei tur a ni.

Mahse a hmai zum fir fer atang chuan a mit pahnih , fim tliang ral leh dum kak mai chu a rawn in kap lang surh mai thung a. chhang tlem tlem ka han peka lawm taka a ei dan atang chuan, mi kalsan leh tum tawh lova, cham hlen tuma lo kal ngei a ni tih ka hre thei nghal a. a mei kawh leuh chu a danglam hle a, ngharul (eel) a ang ema ka hriat avangin a hmingah Eellie tiin ka ko ta a ni.

Ka nu atanga ransa enkawl dan hi ka thiam a ni a, hetih lai hian ka nu chu ka la chenpui bawk a, Eellie lo lan hma lawk hian kum sawmpahnih(12) lai ka lo chenpui tawh, ui pa lian chi Labrador ka sun zo hlim chau a ni a, ui dang ka khawi duh tawh lova a rin avang chuan ka nu chuan Eellie chu chhiahhlawh ho hnawt kiang turin a tir a, mahse Eellie chuan kalbo leh mai a lo tum hauh lo. A mah tawngtu ‘missile’ lungtum zawng zawng a bum hnuah a cham vet a tlat a, a hnuah phei chuan mi zawng zawng ui chuam leh ngainat ber a nita nghe nghe ani.

Chaw tha eia ngun taka eenkawl a nih hnuah chuan a ron tha chhuak ve ta thuai a, ui nu duhawm takah a rawn chang ta thuai mai a,. Reiloteah phei chuan ka hnathawhna kawnga min puitu tangkai tak a nita nghe2 ani.
Hetih hunlai hian tuma chhawr lem lohin nungcha humhaltu, Wildlife Conservationist hna ka thawk mek a. kum Sawmthum (30) chuanglai mai chu zawhte lian chiho hamthatna ngaihtuahin ka hun ka hmang tawh a, ka enkawl berte chu keite Leh Sakeite an ni….

Balrampur state-a piang leh seilian ka ni a, hemi hmunah hian ka pa chu Sorkarin lal, Maharaja sumdawnna thil enkolsak turin a dah a. Himalaya tlang bul thuta naupang seilian ka nih lai chuan, vannei biki em em nia in hriatna hi chu, pasaltha leh nungcha chanchin zirmi tak Jim Corbett-a hnuaia inzir theia ka awm chu ani a. hemi ropui, mihring she hmang Sakei tamtak kaptu hnen atang hian ramsa chanchin tam tak leh Sakei lampang chanchi tam tak ka zir chhuak ani.

Ka tleirawl tirh chuan ramvah hi nuam ka tiin ka hlimna ber thin a ni a. mahse tun hnua ka han ngaihtuah let leh hian, khang huna ka hun hman dan te kha inchhir na ka nei chuang lova, ka chhuang bawk hek lo. Tunah chuan ramsa kaput ni tawh lo mahila, khang hun ka hmandante kha hringnun lamtluang peng khat ani ve mai chauh in ka hria. Khang huna ka nun danah kha chuan sa kah tih vel hi chu mipa naupang tawh phawt tana tih makmawh leh, an tawn ngei ngei thin a ni hial a; keipohin kum 12 mi lek ka nihin ka Keite kah hmasak ber ka ka hial a , Sakei (Tiger) ka kah chuan kum 14 leka upa ka la ni bawk.

Ka pa pawh hi pasaltha leh silai kapthiam tak, sapel nuam tie m em mai ani a. Mahse nikhat a ramvahna a a thil tawn a tangin a sap el thin chu a bansan ta hlauh ani. Chumi ni chuan ka pa chuan keite kah tumin leiah sa a chah a, amah chu thingah lawnin thingah a lawn ta a,. Keite chu pakhat chauh local tura a beisei lain pali (4) lai an lo kal ta a. A saruang chah bulah chuan thuin an in fiam ta vak hlawm a…Ka pa chuan kap mai ta lo chuan, keite rual infiam chu rei tak a thlir rena, a tawpah hnawh kian tuma a kut an beng vak2 pawh chu pawisa lovin an la in fiam chhunzawm zel mai si a. He a thil hmuh hi hmuhnawm a tih a a rilru a hneh em avangin ka Pa chuan thu a tiam a, a damchhungin ramsa pakhatmah a kap leh ngai ta lo ani. Chutiang deuh chuan keipawh ramsa thah ka duhna thin chu ka lo upat deuh hnu chuan humhalh duh zawknain a rawn thlak a. Mihring pung zel chuan ramsate chenna ngawpui chu an thiah duai duai reng avangin heng ramsate hi hlauhthawnawm khawpin an rem chak a, chuvang chuan tihhlum chu sawiloh, tihpun tuma enkawl an ngai tawh zawk ani.

Ka chenna Tiger Haven chu alandanah emaw, a nawm thu hlah emaw chuan tu tan mah han fak kur hluia tur a awm lem lo hle ang. Kan electric supply-te chu a mumal lo em em a, a chhe deuh reng mai bawk a. Ram vawt a nih avangin, tui chhuang lum tur pawhin in hnung lamah barrel lianpuiin kan chhuang hluah mai zel ani, Amaherohchu he mi hmuna rawn kalte hi chuan chawplehchialh an ngainain nuam an tive nghal thuai vethung thin ani. Bati eeng hnuaiah, thleng lianpuia tuiluma inchiaha han in bual vel chu nuam thei tak ani.; a tluk a awm bik kher awm love………..

Kan kawt lamah chuan phaitualhnim zau fe hi a awm a; kan ran vultehoin an peh reng avangin a to sang lutuk ngai lova, a rai dup reng mai ani. Phaitual hnim hmun paih lamah chuan Barley leh buh hmun zau fe a awm vet thung a, heath hian Arawn leh sava chi hrang2te chaw zawngin an lo kal khawm ve thin a ni, buh hmun piah lam phei chu hnim sang tak2, a then phei chu metre 3 laia sangten a bawm khat luk a, sazuk leh sakhi hoten tual chain an an hmang nasa thei hle. Tin, kan inhnung chiah ah vet hung chuan NEORA luite a luanga, luilam lehlam chu ngaw pik tak a ni nghal mai ni…….******

Eellie chu Tiger Haven-ah chuan a cheng hlen vet a a, ni reilote a awm chhung mai pawh chuan kan nun khaw hman dan chu a man chak hle mai. Nitinin ramhnuai lampan chuan kan chhuak dun ziah thin a. ; kan in atanga thuilote chu mihring chettlatna thin ramri chu a ni mai a; a bak zawng eroh ramsate lalram a ni ve thung a, Ani ang uite takte tan chuan ramhnuai hi hlauhawm hlirin a khat nite hian ka hriatsak thin a.. (Ka ngaih danin Keite-te hian an ei duhzawng ziak chhuak ta se , uisa hi an chaw tui ziah hmasak pawl tak a nih ka ring……. Heheheh )

Rikrum hlauhawm thil – mihring seh hmang te a hrang ngawt te niloh chuan kan ramvahnaah hian silai ka keng ngai lova. Kan kal velnahah chuan ralthuam keng tehreng pawh ni ila,, hlauhawm tawh thut thilah chuan Eellie chua ka chhan hman kher lovang. A chhan chu keite emo Sakeiin mi a beih reng2 hian hmun biru deuhva lo chana, kawlphe ang maia mi a bawh thut chin vang a ni,/ Chuvang chuan Sahrang chuan min rawn bawh thut nise chuan, ramhnuai pik tak karah chuan lo inven hman ngaihna avang dawn em a ni.
(kawng kawiah hian keite hi kan awrh nawlh mai ang tih pawh ka hlauhlel love,,achhan chu keite te chuan nghawng bawr hi an tum ber si a,,hahaa )

Amaherawh chu a taksa lianin chak ve lo mahse, Eellie chuan a ramsa hriatna chu a chhawr tangkai thiam hle thung a, a chenne khawvel tharah chuan nung khawchhuak turin rang takin a insiam danglam (adjust) nghal thuai thiam ani. Ramhnuaia kan kal lai te chuan ramsa chi hrang2in an hnuhma an hnutchhiah vel te chu nguntaka hnimin a chanchin a zir a. Sakeiin ramri chin a chhinchhiah nana a thin pil a hai khawh emaw, a zun a hnutchhiah emawte, sahrang thenkhatin an sa eibang an hnutchhiah te ,sanghal lei haikhuar te leh sazuk ek khawro tawh te thleng pawhin a awmzia ngung takin a zir zeal, chung thil awmzia leh pawimawhna chu pasalthain an hriatthiam tluk zetin a hrethiam ve nghal vek thin in ka hria,. Saphu emaw sazuk rang chi a hmuhte hian engtin emaw, umzui nghal mai a him leh him loh te a hre nghal mai thin a; mahse sazuk um remchang fe a hmuh pawhin keite emaw, sakei emaw a awm hnaih chuan a che chang tha duh ngai hauh lo ani….

A diktak phei chuan Eellie chuan Tiger Haven chhuahsan hauh lovin ramhnuaia ramsa cheng thenkhatte nen chuan in hnimhnaihna an nei daih tawh a. Chutih lai chuan Sai pahnih(2) ka khawi thin a; pakhat zawk hming chu Bhagwan piari – Pathian Hmangaihi a ni a, A pakhat zawk hming chu Sitara – Arsi a ni vet hung a, Heng sai hrawl pui2 pahnih metre 3 zeta sang leh ton 5 zeta ritte nen hian an in len hleih em avangin Eellie chuan, a dam chhunga sai rual nena lo chetla ho hrep tawh thin ang main awlai zetin a kawmngeihin a nel thuai thei mai ani.

Hei bakah hian ramhnuai ramsate nen in kawmna hun a neih lehna chu, tuna ka awmna atanga Km 13 vela hla, ka chen hmasak berna Jasbirnagar Farm-ah chuan ani.. tiger Haven bul vel ram chu a hniam em avangin furpui lai chuan tui lianin a chim ziah a.; ka in ngei pawh chu kal pawh theih hauh lova tuiin a chim hual put avangin,furpui lo tlak apingin ka Sai pahnih ten en chuan Jasbirnagar lamah chuan ka insuan thin a, ruahtui tam zual pui a reh hma chu kan cham thin ani…..

Jasbirnagar Farm-a awmte zing thingpui in lai hi kan inkawm khawm tam theih hun lai ber a ni a.hun eng emaw chen chu zing thingpui kan in apiang hian an pathum chuan an inchhaihin an intibuai ziah mai a. Eellie chu leiah a thu van gang a, zawngte pahnih chu khumah emaw, thuthleng velah an phu ve sek bawk ang a. An pathum chuan an ei tur chhang them emaw, biscuit emaw ka pek zawh veleh an in chhaih tan ta thin a. Eellie chuan a guptara chu khumah chuan a va zuan thut a, Guptara chu Eellie man hman lovah tlanchhiain thuthleng chuangah chuan a han ding a, chu chu Eellie chuan khum lamah bawk a um kir leh a, chutiang chuan an in um kawi zar2 mai thin ani. Guptara chu eellie ban phak loh chiah ah rawn kalin a mitko a phut zuk2 pah leh chek khum hlak2 pahin a rawn chhaih le hang a, a changing Elizabeth Taylor chuan Eellie in ringlo lai chu a hnung lam atanga a rawn vehin a meiah a han mansak thut thin a, thlah duh lovin a tlan hel pap2 a; tichuan in-pang-aw-zial-zial ang maiin an in um vir chai2 reng mai thin a ni. Tuk khat pawh, zing thingpui in hma chiahin an pathum chuan maksak tak mai in an rawn lang hlawl mai a. Guptara chu Eellie chungah chuan a rawn chuang bu larh larh a, an hnungah Elizabeth taylor chu, kut pahniha Eellie mei vuan ran chungin a ke pahnih chauhin a rawn kal zai2 mai bawk a, a hmuhnawmin a nuihzathlak thei kher mai.

Eellie-in zawngte nena inkawmngeih a zir ran em avang chuan, ramsa chikhatin ramsa dangte pawh thian pangai angin an kawm thei zel dawn nia ka rin chu a nghet deuh deuh va, a tira in ngeih lo deuhte pawh a hnuah an an inngeih zel theih ka beisei ta hial ani. Amaherawh chu chuti chung pawh , ka dam chhunga ka enchhinna ropui ber ni a ka ngaih ka tih tan dawn thleng pawh chuan ka ngaih a ngam zan chuang lova, ka la fimkhur em em tho ani..

[Ngaia]

EELLIE AND THE BIG CATS
Part – II
SHOOTING FORAYS

Zawngte pahnih inhmelhriattira inkawm ngeihtir chu a harsa vak lo a ni thei e; keite sahel ei mi meuh an thianzaho zinga han tah luh ve chu a ngampatthlak lu deuh lo maw aw, ka ti ve rum rum tho ani. Hemi hma deuh hian Calcutta/kolkatta – a ramsa enkawltu lar tak pahnih, Anne wright-i leh a fanu Belinda-I te chuan keitenote, thla khat vel leka upa, Bihar-a an char chu an enkawl a, chu keiteno chu min pek an tum a ni tih min hrilh chuan, ka ramsa dang khawite ngaihtuah hle mah ila, lawm takin ka lo pawm hmiah a. ka tum ber chu: keite chu vulaha, a lo len hnua ramhnuaia tha taka chhuah leh ani. Chutianga ka tihpuitlin theih hlauh chuan, ka inbul ngaw a keite rem mek chu pakhat talin ka ti pung leh thei dawn ani.

Anne wright-I te chuan keitenote chu Lucknow thleng relin an rawn phur a, kei chuan chutah chuan Jeep-in ka lo hmuak a . Chu keitenote metre khat vela sei leh mawi taka tial rian mai chu, khawpui ina khawsa zel tur chuan a thawm a na lutuk deuh tawh ani. Kan jeep-a kan hlankaia Jasbirnagar lama kan phur haw lai te chuan ka zauthau nasa hman kher mai. Eellie leh zawngte pahnihte chuan, kan va thlen chuan reception committee angreng hian varanda-ah chuan ding tlar tham chungin min lo hmuak a. An thian thar tur chu engtin tak lo ngai hlawm ang maw?
A hnu minute reilote chhung chu ka hlauhthawn lai ber chu ani. Anne wright-I chuan kete chu a nghawnga hling chungin motor atang chuan a kai thla a. Eellie chuan mi hmuh veleh mei hem vat vat chungin min rawn pan a, a tihdan pangaiin min lawm pahin min han bawh deuh khat khat a; chutah hlauhthawn ang ngeiin , eellie chuan kete note chu a awm ve tih a hriat veleh she tumin a han hap nghal ta pang mai a. Zawngte pahnih pawh chu lo kal hnaiin keite chu an rawn vau vet a a,. rawn hnaih duh chiah silo hian an rawn chhiat khum a, rang fe a an mitko an han phut khum awk awk danah chuan an khual thlen chu an lawm the chiam lo tih a hriat ngal reng ani. Keiteno pawh chuan chutia sa hlauhawm tak2 maiin an rawn chim rawn hrep mai chu nuam a ti lo a ni ang, hlauhthawn hmel deuh hian a then tha reng mai a, a rum ve char char reng bawk a.

Eellie chu nileng mai chuan a kawlh ta riau mai bawk a, Anne-I meuh pawh a beidawng hman hle. “Ekhai!! A theih dawn ngang loh anih hi. Eellie hian a pawm thei chuang loving,” a ti hial a.

Mahse a tisual der a ni. A ni hnihnaah chuan farm boruak chu a muanawm ta hle. A ni thumnaah phei chuan Eellie leh keitenote chu an in ngeihin, in bul vela hnimbuk hmun vel dai dar turin an chhuak tar al ral a. Eellie chuan a keite khual chu lawm takin a pawm vet a nge nge anih chu.

Keite chu aneitu hmasa te chuan ‘Cheetla’ tiin a hming an sa a. mahse kei chuan kete chu zawhte chhungkuaa lal fapa nia ka hriat avangin, tiin a hming chu ka thlak ta vat a. nitinin eellie nena an inkawm ngeihna chu a zual zel a; mahse, kan zawngte ten en chuan a rei hnuah pawh an intei thei ngang chuang lo a ni. Zawngte pahnih, awm hle hle thei lo che sek reng mai chu a ngaitheilo ani ang; a rilru pian ken ‘bawhthut chakna’ chu a lo chhuak a, hun remchang a hmuh apiangah beiin, thingkungah a um tlanchhe deuh reng mai thin a,. An in ngeih thei ngang dawn lova ka hriat avangin, eellie leh prince chu tiger haven lama sauna, zawngte pahnih chu hnutchhiah mai ka tum rilru ta a.

Tiger haven lamah chuan awlai tak leh buaina nei miah lovin kan in suan a, eellie chu jeep hmah, ka bulah chuan a thu vanga, Prince pawh a hnungah chuangin, kan ram tlan pelh vel chu a thlir vauh vauh a. Tiger haven-a kan riah hmasak ber zan chuan, kan pathumin veranda-ah kan mu tlar dal mai a, keichu a laia mu in Eellie leh Prince chuan min laitat a.

A tuk zing ka han tho chhuak chu kan buai hle. Eellie chu a bo hmiah mai. Ka han kohva, ka han zawn ngial pawh chuan hmuh tur reng a awm si lo. Keite note chuan eibang nei miah lovin Eellie chu a ei zo ta vek niin a rin theih chiah silo a. ka beidawn fe hnuah ngun taka ka han ngaituahin, eellie chu jasbirnagar lamah a kir leh ta niin ka ring ta ber a. Chu chuan min ti hlauthawng hlei hlei mai, a chhan chu eellie kha a ke veilam na avanga a la bai deuh vang leh, a kalkawng chu mihring awmlohna a nih avangin ramsa hlauhawm tak2 mai bakah, ui chuangtlai kawlh tak2 an tam bawk si.

Ka jeep-ah chuan rang taka zuangkaiin farm lam pan chuan ka tlan ta vat a. Farm ka va thlen chuan Elizabeth taylor leh sister Guptara-ateho nen chuan Eellie chu hlim takin an lo infiam mek lo niin!! Ka han hmuh phat chuan ka lawm chu ka thaw huai mai ani. Eellie pawh chuan mi han hmuh veleh chuan , mi tlan bosan nimahse a lawm ve hle thoin ka hria, mei hem vat2 chungin mi rawn pan thuai a. haw ka tum pawh chuan phur takin jeep-ah chuan a lo zuangkai theuh va.

Vanneihthlak takin , chutia jasbirnagar lama vawikhat a va let leh chuan a ngaih a tit ha thawkhat a niang. Eellie chuan tlanbo tum leh tawh lovin Tiger Haven-ah chuan Prince nen lawm takin nunkhaw hman an tum vet a zawk a,. An pahnih hian upat lam thuah chuan kum khat deuhthawin an in thla va. Keite chu kan bula a lo chen tantirh chuan thla li chauhva upa anih laiin Eellie erawh thla 15 laia upa a ni tawh thung, mahse an thang mek v eve a la ni.Eellie pawh chu a la thankin chiah loving chu ani ang, chung ramsa pahnih thanglian mekte inkara inthianthatna chu awlsam taka a pian theih ni. An inngeih loh chungchangah ka tan buaina tur a awm lova, ka tih tur zawng chu , a chang2 a thunun an ngaih huna thuneihna vilik deuh chauh chu a ni mai awm e…

Ka bulah seilian dunin Eellie leh Prince inzawmna chu a thang duang zel a. Zan khat pawh thil diklo awm ni a ka hriat avangin ka mutui lai chu ka thangharh hlawl mai a, ka thiante pahnih lam ka han en chuan keite leh ui chu ngil taka dingin chhuat lam chu an lo bihj dun ngar2 mai a. ka han hawi thlak ve chuan chhuatah chuan rul hlauhawm ber chi; rulngan lian zet mai,dum run mai hi ka khum hniam te bulah chuan a lo awm reng mai hi a lo ni a. Tiang chuh in rang takin ka zuang thova, rul chu ka vaw hlum hman ta hlauh va, Eellie leh Prince chu rul nen kan in beihbuai vel lai chuan an che chang hauh lova, an ramsa hriatna chuan rul nen kan in beih laia hmun min lo ken chu a pawimawh zia an hrethim ve viau a ni ang..

Ramsa pahnihte an inkawmngeih zual deuh2 hnu chuan an pahnih chuan ramhnuaiah lutiin sa an pel dun ta f ova, an thiandun inkawp chuan sa pawh an pel hlawhtling thei khawp mai. Thlasik intan dawna sazuk no neih hunlai hian an ramchhuak chu an hlawhtling leh thei zual a,. An sa pel dan tlangpui chu, Eellie chu sa hnawttuah a tanga , sazuk nu a note buaipui lai hi a va thawng thut a, sazuk talbuai tlanchhia chu Prince-a chuan a lo man chat thin a ni. Mahse Prince-a pui reuh chuan an she apiang mai chu a maha pumbilh tumin thingkunah a lawmpui daih zel mai a, Eellie chu a thinrim thei kher mai Eellie-in hah taka sa a um hrep hnuah a hlawh neih ve chhun chu, Prince-a’n thingkunga an sa she tui tiawm taka a ei lai lo thlir dauh2 chu a ni thin a ni. Tin, an ramchhuak chu an hlawhtling ziah kher lo bawk a. Tumkhat pawh Eellie leh Prince chuan sazuk tuai hi umin an nangching a, leiah chuan an nawr thlu der tawh a; mahse an la tleirawl at zia lantir nan min rawn zawn tumin an rawn kalsan daih mai a. An va let leh chuan an sazuk mansa chu a lo tlanbo daih tawh a, an hrilhhai dun kher mai…

Tun hmain keite hi ka la vulh ngai loh avangin, a vulh tawh ten thurawn min pek a piang hi ngun takin ka ngaithla thin a. Chuvangin sahuan enkawltu thenkhatin, sava hmul hi kete chaw atan a thatzia leh keiteiin an ei duh zia min hrilh chuan ka ramvah apiangin vaki emaw,thuro emaw talk ah tumin ka rifle .22 chu ka keng tel vet a ziah a.

Mak ka tih em2 mai chu, Eellie leh Prince ten sava ka kah dawn apianga ka silai ri leh ka kah thlak leh thlak loh an chhui dawn thiam em2 mai chu ani. Hmu lo mahse ka kah thlak chuan an hre thuai a, an pahnih chuan rang taka va chharin ka bulah an rawn hawn ziah thin a. Ramhnuai chutianga ramsa maksak tak leh inang lo tak pahnihte nena ramvah vel chu keimah ngei pawh mak ka in ti rum2 hial thin a; tin ,Prince chauh hi chutih lai leh tun thleng pawha khawvel puma silai ri nena keite train chhuak awm chhun a ni tiin engpawh ka thap ngam zan ani. Tichuan nitin mai chuan Prince-a chaw atan tiin sava kap tur chuan kan chhuak ta ziah a. Amaherawhchu, kartam fe a ral hma loh chu chutianga kan ramvah vel chu a sawt loh zia ka hre lawk lova. Nikhat chu ka thuro kah thlak Prince-a’n a ei dawn tuma a ha a sava hmul a pawt thla vel leh a sa chauh a ei hi ka va phawk a, a chaw atana tha bera an sawi sava hmul erawh chu a ei duh hauh lo anih chu. Tin, a sa pawh chu a la ei tha duh vak lo leh nghal.

Mahse chuti chung pawh chuan Prince leh Eellie chuan ka sava veh vel chu an la ngai thutak thei hle mai. Nikhat pawh vawi eng emaw zat ka kahthelh tawh hnuah chuan an dawhtheih tawh lohzia leh themtlaw min tihzia chu an hmel atang chuan a lang reng tawh mai a. A tawpah phei chuan Prince chuan a dawh thei tan gang lo a ni ang, a vawisawmna a tan thuro kah tuma ka tin vang2 lai chuan ka hnungah mi rawn zuainin mi su thlu tawp mai a, a hmel atang chuan ‘Themtlaw pa, kah pawh I kap fuh leh hlei lawng e,’ mi ti ni ngeiin ka hria a ni…

[Ngaia]

EELLIE AND THE BIG CATS
Part – III
UNLIKELY BOND

Prince-a pawh a lo than len zel chuan a keite zia, mahni inrintawkna a rawn lang chho zel a. Ani ang chi hi chu zan lampanga chetla thin an nih avangin Prince-a pawh chuan zanah chuan mahnia zalen taka chet a rawn ngaina chho telh telh a; Zanah pawh thingkungah a nih loh pawhin in chhungah a riak mai thin ani. Eellie vet hung erawh ka bula mut chu a la lungawi tawk viau va, chumai pawh niloin a mi hauh a tin a sawt hle bawk a. Prince-a’n kan mutna bul a rawn hnaih ringawt pawh a hnuah phei chuan a phal ta lo hial a ni..

Prince-a chu thlasawma upa a nih in ramhnuaiah ka sawn ta a, ti hian ramhnuai nungchang a zir tha thei zawk a ka rin vang a ni. Kan awmna atanga kilometer hnih vela hla, thingkung pakhatah sang lutuk lovin riahbuk ka siamsak a, a riah buk chu a hmingah Leopard Haven ka vuah nghal a ni. Zing tin leh tlai tin Eellie nen chuan ramhnuaiah Prince-a chu kan va tlawh ziah a, a chang changing Prince-a pawh chuan kan inah chuan min rawn tlawh ve thin bawk a..

Eellie nena Prince-a kan va tlawh apiangin Prince-a chuan min hmuh veleh a riahbuk atang chuan a rawn chhuk vat a. Eellie nen an hnar an han insiktir bap bap hnuah ka bulah lo kalin ka ke a han null eh thuak thuak a, tichuan kan ramvahnaah chuan min zui nghal ta thin a ni. Nipui khawlum elkhen lai pawhin ka thian pahnih ten en chuan ramvakin kan chhuak ziah tho a, a chhan chu Prince-a chuan ramhnuai chinchang a hriatna leh a nun zirna pawimawh tak a nih vang a ni. Kan bula a rawn awm tirh kha chuan a la nausen bawk a, ramhnuaiah hruai a harsa hle mai a; ngaw pik hring dup chuan a ti hlau tlat thin a ni. Chuvangin ramhnuaia a maha la tlat chhuah tir ka tum si chuan hruai var deuh hi a tul hle reng a. Ramhnuai hi a in diktak zawk chu a ni tih hriattir tur chuan hetia training lo pek lawk deuh hi a ngai a.

Tuk khat chu sapeltu hovin an thangkam atanga tal chhuak sakei nu pakhat hi a thla laksak tumin ka thlalakna nen ka chhuak a, ka rind an chuan khua a lum em avangin Neora lui khawimaw laia a inchiah dai lai hmuh ka beisei a ni. Ramhnuai ka pal tlang lai chuan ka thiltum chuan ka rilru a luahkhat hneh em avangin Leopard Haven chu tlawh lovin ka paltlang ringawt a. ka tumna hmun, lui kawi lai taka tui kuang zau deuh awm leh a kam velatiauvut hmun awm, a hming atana White Cliff of Dover ka tih ka thlen chuan ka beisei ang ngei in sakei nu chu a lo awm ngei a; mahse ka thawm a hre hman a ni ang, a lo kal bo hman chiah a. A pawi ka ti hle mai a, hei lo chu chu sakeinu thla laksak hun ka nei leh theiin ka inring lo ani.

Chutah ka hnung lamah chuan thawm ka hre ta a, ka han hawi let nak chuan Prince chu ka hnungah a lo awm reng mai a. A riahbuk atang khan mi lo hmuin helai hmun thleng hian min rawn zui a nih chu. Chutah mak tak main Prince-a ngei mai chu tuiah a zuanglut ta a, keitein tui an ngainat loh zia hi ka hre fo tawh a, mahse hei tunah keite zinga pakhat ngei chu luiah chuan nuam ti zetin a in hnim bawrh bawrh chu a ni si a.

A tuk zingah chuan nidanga kan tih ngai loh deuhin Prince-a leh Eellie chu luiah chuan ka hruai ta zawk a, White Cliff hmuna vaukam tiauvut tle sur maiah chuan an pahnih chuan inchhaih in an in um kawi zar zar mai a, chutah lui hnar lam atanga thing them tuiin a rawn len thlak chu umin luiah chuan an han zuanglut dun leh bawrh mai a. Tui chu an ti per chuai chuai a, chhimbal an ti zam put thei hial a ni. Chutah Prince-a chuan a inchiah daih zawh tawh hnuah lo chuakin min han chhaih veleh tat hung a. Ka camera chu mi laksak tumin mi han zuan zak zak a, chu chu Eellie chuan mi lo chhan ve lehin bauh tuar tuar chungin Prince-a chu a rawn bawh a, a hap deuh ziai ziai hnu chuan Prince-a pawh chu a hnawt kiang veleh ta a.

Prince-a’n infiamna nuam a tih ber chu likama thingtuai pakhat chunga lawn vel chu a ni a. A lawn san deuh veleh thingtuai chu a kur thla leh zel a, a kur fe hnuah Prince chu luiah chuan a tla thla leh bawrh thin a. Chutia han tih vel chu a ning their eng reng lo a, reife a va infiam hnuah lui kamah chuan lo chhuak lehin Eellie nen chuan an in umin an in chhaih leh vak vak a, chutah thingah bawk chuan va lawn lehin a kart awn sek thin a ni.

Chutia luikama keite leh ui an han in um a an in chhaih vel chu hmuhnawm tak a ni. Prince chu kg.30 laia rit a ni tawhin metre khat leh a chanve laia sei a ni tawh bawk a. An infiam lai chuan Eellie chu awlsam takin a tihlum thei emaw a tihliam na via thei a, mahse chutiang reng a thleng lo. Heng ramsa pahnihte hi an in kawm ngeihna a thuk em avangin chi hrang ni pawha mawi lo hian niin a hriat a.

Tum khat monsoon tuifur tlak laia thil thleng pa khat chuan heng ramsa pahnihte inkara inlaichinna hi chiang takin min hmuh tir a. Ruah a lo sur tam take m avangin Tiger Haven hnung lamah kan insuan leh rih a. nihnih dan zelah Prince-a tlawh tur chuan ka chhuak ziah a, tui lian chu a nasat em avangin Prince tlawh tur pawh chuan thuifea hel kual a ngai ziah thin a, a hahthlak theih em avangin Eellie chu ka hruai ve ngai miah lo va. Hetih lai hian a vawihnihna atan Eellie chu a rai mek a, note pawh a hring tep tawh a ni.

Monsoon tuifur tlak ral lamah chuan Eellie notelian ve tawh tak pakhat kengin Tiger Haven lamah chuan ka chhuak leh ta a. Chu ui note chu Eellie nen chuan an in an gem em a,hriat hran pawh a harsa hle a. mahse, Prince-a chuan engtin nge a lo tih dawn tih ka hriat rih loh avangn inah chuan ka dah phawt a, Neora lui la lian put mai chu lawnga inkar kaiin Prince-a awmna lam chu ka pan ta a, Prince chuan mi lo hmuh veleh phi chungin mi lo lawm a,ka haw lamah pawh lui kam thlenga mi rawn zuiin lawnga chuan ve thleng chuan a ngen ta zel a. Tichuan lawngah chuan phurin Tiger Haven awmna kam lehlam chu ka panpui ta a. luikam kan thleng ta tihah chuan Eellie note chuan mi lawm tumin mi rawn pan vat a, mahse Prince chuan a lo hmuh veleh she tumin a um ta chiam a. Chu uinote a len lamah pawh Eellie tiat lai tawh chu Eellie nen chuan inang the mahse Prince chuan a tihlum duh ngei ang, in chhungah tlan lut hman hlauh lo phei se chuan. Chuta tanga ka hriat chian take m em mai chu Prince chuan Eellie chu ui rual zinga pakhat main a hre lova, a mi malin a hria a ni. Ui dang reng reng chu ui dang an ni mai a, Prince-a tan chuan um tur leh a theih phei chuan she ngei ngei tur a ni ringawt mai.

Mahse heti chung pawh hian monsoon a lo reh a, eellie nen Tiger Haven lama kan insuan leh tirh pawh chuan ka la hlauthawng ru deuh hlek a. Prince chuan a lo la hre reng angem? Nge ui dang satliah ang main a lo hmu ve taw hang a, she a lo tum an gem?In kan va hnaih chuan Prince chu bathlarah chuan a lo thu vang mai a, ni dang zawng aiin a lianin a chak hmel zawkin ka hria. Motor atanga Eellie kan chhuktir pawh chuan a te riauvin leh chaklo bik hmel riauvin ka hre ta a.mahse, ngaihthat lohna tur reng a lo awm lo. Vawi khat an han in hnim thet a, chutah ui leh keite chu unau ang main an inchhaih leh ta chiam a, rei tak an inhmu lo tih reng a hriat loh.

[Ngaia]

EELLIE AND THE BIG CATS
Part – IV
BREAK FOR FREEDOM

Ramsa chanchin lehkhabua ka ziaha Prince chanchin tlem ka telh avangin Prince chu a lar hle tawh a. khualzin ka lehkhabu lo chhiar tu leh kan chenna bula sakei humhalhna Dudhwa National Park rawn tlawhtute chuan Prince chu hmuh ve ngei tumin an rawn pan ta sup sup mai a. Amah hmuh tumtu mi lo kal huai huai te laka venhim nan Prince chu ngaw pik hnuai hla lehzualah riahbuk thar ka siamsak leh ta ringawta. Prince awmna thar, luipui piah ram vel chu sa chi hrang hrang – sazuk ,sakhi leh sanghal tamna ram a ni a. mahse a thatna ber erawh chu mitlawhpawh phak lohva a falna chu a ni. Prince-a riahbuk thar awmna kawng panna awm chhun chu lui chunga leilawn thing ka dawh chawp chauh chu a ni mai a. Hriat ngailoh tumahin ka leilawn dawh chu an hmuh chhuah loh hram ka beise a, lo hmuchhuak ta tehreng pawh nise luiah chuan tla hlum daih se ka duh zawk fe a ni.

Prince chu a awmna thara ka dah tirh chuan tihtlangnel nan ui rualin a tihhlum sazuk note hi ka hnutchhiah a. A tuka ka va en leh chuan a lo ei zo vek a. Eellie nen chuan a inthar lawm nan ti niawm takin an ramvak chhuak nghal a; sazuk valai tak hi an rawn hawn nghal pang reng a ni.

Hemi ni atanga kar tlemte ral hnu tukkhat kan va tlawh leh chuan kan keite chuan ramsa puitling a she hmasak ber a lo she niin, sazuk puitling lian tak mai hi a lo veng khar mai a. A ei a remchan zawk nan tiin sazuk sa chu ka chansawmsak deuhva. Chutah amak ka ti ngei mai, keite chu a saseh atang chuan ui chuan a hnawtkiang ta daih anih chu. Chutiang chu a nih theih ka lo beisei ngai hauh lova, achhan pawh keite chu a riltam em vang leh sa chu ama she ngei anih tlat si vang ani. Eellie chu ka thlungbet ta ringawt a, sazuk ruang pawh chu Prince chuan harsa taka ka hlawh chhuah a ni sin ti niawm takin a riahbuk thingkungah chuan a pu chho ta daih a ni. Keite tan chuan a insum theihna leh a dawhtheihna sanzia tilangtu ni chiang hle in ka hria a; Eellie ni lo,rannung dang lak atang chuan chutiang intihbuaina chu a dawh thei hauh lovang le.

A hnu reilotea Prince-a’n sazuk tuai a she leh pawh chuan a hmaa Eellie nen an sa inchuh kha a la hr eve reng a ni ang. Eellie-in a chuh buai leh hmaiin thingkunga a riahbukah chuan a lawn chhoh pui nghal hmak a. mahse Eellie khan Prince chu thil zirtir ropui tak mai a lo nei reng a. Prince chu amaha ramhnuaia khawsa tak tak tur anih chuan a tanghma chauh hai tur a nih zia a lo entir reng a ni. Chuti ni suh se, Prince chuan a harsa zawngin hei hi a zir chhuah a la ngai mai thei a ni.

Prince chu thla 22-a upa a nih chiahin ka awmna hmunah chuan TV thlalatu leh chanchinbumi rual hi an lo thleng rup mai a. Chung mite chuan chanchinbu hrang hrang a chhuah atan Prince-a fin zia tilangtu thu, Incredible Leopard (keite maksak chu) tih buatsaih an tum a ni. Kei chuan an thiltum ka hriat hnuah chuan the Incredible Dog, Eellie chu hlamchhiah mai chi a nih bik lohzia ka lo hrilh a; mahse ka thusawi awmzia chu a tirah chuan man thiam lovin an ngai thutak lemlo hle ni in ka hria. Tichuan thla vel chu an han la ta tak tak a; white Cliff vela Prince leh Eellie an han inbihruksiak a, an han inum kawi zawr zawr leh an han inmanfiam han han hmuh hnuah meuh chuan an makti lutuk chu an meng phar awn awn mai a ni.

Hetih hun lai hian Prince-a pawh keite puitling diktak a ni tawh a, metre hnih laia sei a ni tawh in Eellie ai chuan a let nga ngawtin a rit tawh zawk bawk a. Mahse Eellie nen an han infiam vel reng reng chuan tina lo turin a fimkhur thiam em em mai thung a. Chanchinbumi hovin an en reng lai chuan Prince leh Eellie chu an han inum kawi zawr zawr a chutah Prince chuan tiauvut ah chuan Eellie chu a bawhbet ta khar mai a. A hrawka seh tumna chu a insum zo lo vang tih hlau ni awm taka Prince-a a han sawn vel daih mai chu mak an ti ngei mai. Keite ni pawhin a mawilo hialin an ngai a ni .

Hemi atanga kar ruk hnu velah hian ka hun lo beisei reng thin, mahse ka huphurh ruk em em mai si chu a rawn thleng ta nge nge a. Prince chuan a zalenna zawng turin min kalsan ta a ni. Mahse a kal bo tak tak hma chuan luikam dinglamah chuan tum hnih la a rawn inlar leh a. A tum khatnaah chuan luikam thingluang bulah hian bawkin, kan inlam chu darker chanve chhung ngawt a rawn thlir veng veng a; tlaiah lokir lehin thim hlimah kan in chu kal pel pahin vawi hnih min hank o dat dat a. Tichuan thla sawmpariat chhung laia kan thiantha ber pakhat a pianken chenna hmuna kir leh turin ramhnuai lam pan chuan min kalsan ta a ni.

Kum 1973 tawp lamah keite nu note pahnih hi ka dawng hlauh mai a. Prince-a’n min kalsan hma khan a kawppui tur keite nu ngaihtuahsak dan kawng ngaihtuahin ka buai ru hle mai a. A tawpah ka tihngaihna hre lo beidawng chuan Prime Minister Indira Gandhi hnenah lehkha ka thawn ta tawp mai a. Keite rem mai tur dan leh venna atana ka hmalakna chu min tanpui turin ka ngen a ni. A chhanna chu a rangin a ropui hle; khawpui sahuana nun khawhral mai tur, keite no pahnih min rawn present nghal vat a ni. An hmingah party pakhat ka telvena a, hmeichhe nopang pahnih te hming chawiin, Hariet and Huliete ka sa a; thlariata upa an nih veleh Tiger Haven lamah ka insuan pui ta nghal a.

Eellie leh keite no pahnih te chu an inngeih lo mai ang tih ka hlauhthawn avangin, an inhmelhriat chian hma chu nihnih chhung Eellie chu bawmpuiah ka khung hrang ta rih a. Keite no pahnih chu an duhna hmun hmun ah an tlat ka phalsak a; tin, rannung pathumte chu inhmutawn thei vekin chaw ka pe thin a, keite no pahnih te chu tuallaiah , ui nu chu a bawm chhungah.

A nit hum niah chuan enchhin nan tiin Eellie chu ka chhuah zalen vet a a, engkim atha vek dawn tih chu ka hmu nghal mai a ni. Amaherawhchu, Eellie-i’n Prince-a nena an inzawmna ang chiah erawh kha chuan chung laizawnnu pahnih nen chuan an inpawh tak tak thei hauh lova. A chhan ber niawm chu anni chu pahnih an nit lat a, inhlimchhuah tawnin an pahnih chauh pawh chuan an inawm tlei thei tlat a ni. Eellie chu Prince-a lo thlen tirh ai khan kum hnih lain a lo upa vet a a; chung ramsa pahnihte nen chuan han infiam nawk nawk thin bawk mahse, reilote ah a ning thuai zel a. A nin deuh hnua an la chhaih zel phei chuan thinrimin a hap thawi thuak thuak ta thin a. Keite no pahnih tihngaihna hrelo chuan Eellie chu kalsanin , an pahnih chauh chuan an awm fal phah ta thin a ni.

Mahse, eellie pawh chuan keite no pahnihte chu a han kawm rei tak deuh viau hnu chuan a kawmngeih chho ve leh ta telh telh a. An infiamna velah te pawh chuan tuipui tharin, a chang phei chuan hrui hmawr han thin vat vat pahin a han chhaih hmasa a, infiamna bul a tan pui ve thin bawk a, an ni pahnih pawh chuan chutia a lo nelawm tak viauah chuan chhaih hmasak an ching thar ve leh ta a, a chang chuan a inrin loh lain Eellie ke hnung ham sak tumin a hnung lam atangin an pan ru them them a; mahse, Eellie-i’n a lo hmuh hlauh chuan engmah tih tumlo ni awm takin an mit an la sawn thuai a, an hawisan vat thin a ni.

Prince khanin Eellie kha a mimal anga a hria ang chiah khan Harriete and Juliete te pawh chuan a mimalin an hr eve tih a lanchianna em em chu, tum khat ui chuang pakhat kan inbula a rawn lan ve hlawl tumin a ni. Keite no pahnih chuan chu ui chu an hmuh veleh she tumin an um nghal chiam mai a, ui pawh chu bak lengin a tlanchhe ve nghal a. Tin, an han infiam vel reng reng chuan Eellie chu engkim thununtu a ni a, anni aia nasa taka te zawk a ni nachungin a hnuaichhiah ve thei tlat a ni.

Rannung reng reng hi an taksa len zawk leh tet zawk athuin lalna leh inhnuaichhiah na hi a inhril tlangpui thin a;mahse helai hmunah erawh hi chuaneng dan dang emaw hman a ni chiang a ni ang, a te ber chu roreltu ber a ni zawk tlat a. Chung keite no pahnihte chu an han in chhaih harh tak tak lai chuan an hnung atangin an inzuan a, keipawh ka hnung atanga min zuanin , ka hnunga an bei loh leh min bawh thlu tawp tawp fova. Mahse, tumkhat Juliete-I’n Eellie an zawn vet um chuan a tum hnan dawn tih a hria a, boruakah a zuan dan thlak danglamin a han inperh leh vak a, Eellie chu a zuan khum ta hram a ni. Han tum hnan na se chuan Eellie tan chuan a nah le ang.

Hetih lai zanga ka tum ber leh ka buaipui ber chu Harriete and Juliete-I te chu tha taka enkawl puitlina, an puitlin hnuah chhuah zal;ena ramhnuaia chet tlat tir leh a ni. Kum hnih chhung lai chu engkim ka ruahman dan angina a kal vek a, mahse, kum 1975 April thla ah khan Juliete-i chu miin turin an hrai hlum ta daih mai a. Kan chenna chhehvel thingtlang mipuite chuan zawhte lianchi tawh phawt chu hlauhawm lutuk ah leh mihring ei hmang ngei torah an ruat ringawt a; Tiger haven ngei pawh chu ransa hlawuhawm leh rapthlak puipui awm khawmnaah an ngai tlat a , hetiang thil hi a thlena tu emawin tihnat ngei an la tum hi ka hlauhthawng rilru thin reng a ni.

Hemi atanga chawlhkar reilo teah Harriete-I hur hun lain Prince-a chuan zanlaiah min rawn tlawh a, mahse chumi zan chuan ka mut ngheh em avangin engmah ka hre velo a ni. Mahse a tuk zing ka han thawha kawt vela keite hniak chiar dup mai ka han hmuh chuan Prince-a hniak ngei a ni tih ka hre nghal mai a. Ka chhuidawn danin Prince-a chuan ngampa takin thing leihlawn ka siam kha a rawn kan a, kan inbul maiah chuan Harriet-I nen reife chu inkawmin an inpawl a ni tih chu ka hre thei a.

Thla tawp lam deuh chuan a hniak hnu atang bawkin Prince-a chuan min rawn tlawh leh a ni tih ka hre leh a. A tihdan pangaiin thing leihlawn atang bawka rawn kalin bathlar hungna metre khat laia sang chu a zuan khum a, chutah ka khum bulah lo pheiin Eellie-i mutna pindan khawngkharah ding lehin Eellie chu a thlir reng a. A nausea lai thian chu a tawpna atan a rawn tlawh leh a ni ngei ang, Prince chuan Eellie mutna bula a ding lai chuan a kal dawn ah ‘mangtha’ a ti ngei bawkin ka ring. Hemi hnuah hian ka hriat phak chinah chuan Prince-a leh Eellie chu an inhmu leh ngai ta lo a ni.

Harriet-i a lo rai chuan Eellie chuan a duat thar em em mai a, mahse vanduaithlak takin Harriet- i note te chu an dam rei ta lo hlauh va. Harriet-i chuan a tana riahbuk a bik taka ka siamsakah kum 1977 April thla khan nau chu a hring a, mahse an nu chuan leiah a lo sawn thla leh talh pek a. Monsoon tuifur a lo tlak chuan Harriet chuan a note chu a tukkhum sehin a mal malin tui lian chu a rawn hleuhkaipui a, Tiger Haven-ah chuan rawn insuanin pindan chhawng chung lamah a inkhuarpui a.

Mahse karkhat a ral chauh tih chuan phi chungin ka lawnglengah chuan a zuang lut a, luikam lehlama thiar kai leh chu a ngen ta chung mai a. A note chu a mala thiarin luikam lehlamah chuan ka insuanpui leh ta ringawt a, chutah chuan luikawr khawro zimteah an chhungkua chuan an cheng ta a ni. Mahse kei leh Harriet-I thasen zawng zawng chu lungchhiatthlak takin a thlawn leh ta vek a. july thla tawp lamah, a note te thlathum chiaha upa an nih chuan keite note pakhat zawk chu sakei nuin a she hlum ta daih mai a, he sakei nu hi a ma note ngei saiin a chilhlum sak avangin Harriet-i chungah a tuan pawh a ni ve mahna. Tin, anote pakhat zawk pawh chu Harriet chuan luikam lehlama thiar kai a tumna lam ah a thlauh palh a, a tlahlum leh ta bawk a. Harriet-i tluk zetin kei pawhin keite note pahnih thihna chu ka tuar a, ka inhnemna awmchhun chu enchhinna dang kawlhrawng tak ka buaipui lai mek chauh a ni.

EELLIE AND THE BIG CATS
Part – V
LEOPARD MEETS TIGER

Keini Tiger Haven-a chengte chu chhung inpawhtak mai leh hlim thei tak mai kan ni a,chuvangin rawmhnuai ramsate zawng zawng chunga leng thin sakei kan chhungkaw member-a belh ka tum zet chu a hlauhthawnawm ruin risk ka la nasa hle tih ka pha lem lo a ni. Chu sakei. Indian Tiger diktak chu September 1976 khan Leichestershire, England-a Twy Cross sahuan atangin ka la a.. A sakhmingah Tara ka vuah a. Chu sakei – nu note, thla li chauvah upa chu vulh puitlina ramhnuaia chhuah zalen leh theih hram ka inbeisei a ni.

Chhiarpui atanga a lan danin ramhnuaia cheng sakei, tunhmaa sing tam tak ni thin kha 1800 bawr vel chauh an la dam khaw chhuak the ihram ani awm a. Kum 1972 atang phei kha chuan India sawrkar laipui pawhin heng ramsa chereu mai tur danna leh chhanchhuahna atan hian ruahmanna lian tham tak, Project Tiger tih chu a duang chhuak ta hial a. Kei pawhin sahuan chhunga sakei pangaite hi vulh puitlina ramhnuaiah dah kir leh theih a ni tih entir pahin Project Tiger chu lo puih ve ka tum ani a. Tuna ka thil tum mek, Tara-i vulh puitlin chauh pawh hi ka hlawhtlin hlauh chuan ramhnuai sakei rual tlemte la awm chu a lunung pakhat te tal pawhin ka tipung ve leh thei dawn a nih chu.

A tir atangin Tara-i leh Eellie –i inhmelhriattira inkawmngeihtir chu ka huphurh vak lova, Prince-a kal bo hnuah pawh Harriete leh Juliete ten en rang taka an in kawmngeih leh theih mai avang khan thil a harsa vakin ka ring lem lo a ni. Amaherawhchu, ka rilru kap buaitu ber chu Harriet-i’n engtin the reng nge a lo dawnsawn ang tih chu ani. Ama fa chu Tara-i lawm taka lo dawngsawng tur chuan a beisei theih hauh loving le. A ni ngaihah chuan chutiang sakei chi reng reng chu sa hlawhawm an ni vek tawh dawn si a.
Remchang takin England lam pana ka chhuah hmain Tiger Haven-a pindan pakhat, Eellie riahna thin bul bathlar zau lai chu thirlen khauh takin ka hung ping vek a, ramsa bawm tha tak ka siam ta a. England atanga Tara nen kan hawn chuan a nghawngah hrui hling reng chungin Tara chu a bawmah chuan ka khung ta a. Eellie chuan kan mi tharnu chu a hmu duhin a ngaihven hle mai a, mahse chhete pawhin a hlauhna a lang lo.

Ni nga ka khung hnuah Tara chu ka chhuah ta a, eng nge lo thleng dawn tih chu phur takin ka lo thlir reng a, sakei leh ui chu an han inhnim that that a, Eellie awmdan chu a pangai lutuk mah mah niin ka hria. Chutah le, sakei nu note chuan ui chua han zuan ta chiah mai a; mahse ui nu pawh a lo duai bik lo. Rang taka lo bum zauh pahin a ngho a’n chhuah khum a , Tara chu a hap ve thuak thuak mai a, a naupang zawk na na na chu a tlawm zawkah atanga. Eellie chuan tunge huaisen zawk tih chiang taka a’n lantir hnu chuan lal dan tur indawt chu a chiang ta thuai a, an inkungkaih dan tur chu rel felin a awm ta a ni. Tara chuan reiloteah Eellie chu a lenkhalh thuai nain Eellie zawk chu a hnuai chhiahtu a ni zawk tar eng a ni. Eellie a thinrim changa a han hap thawi thuak thuak tawh hi chuan Tara chu a bawk vat a, a tap rum ngar ngar thin a. harsatna pakhatna chu a kiang ta.

Mahse hna huphurhawm tak mai, Tara leh Harriete in hmelhriattir chu la awm leh ta cheu mai. Tara nena Tiger Haven kan lo thlen tirh kha chuan keite chu luiral lehlampang thingkungah a chen lai a ni a, chuvangin tuna inhmelhriattie ka tum pawh hian amah lam turin lawng ka tir a. Lawngleng a lo hmuh veleh chuan phur takin a rawn zuang lut vat a, mahse kan hank al tan leh dawn chauh tih chuand thil chu a pangai zan lo tih a hre nghal thuai a, a hmel chu a tangin a ti hra mai a. Kan awmna lama lawng a din chuan a rang a ranga zuangthla a, thingkungah inkhawh chhovin a awm tar eng mai a, a mit chuan khaw dang thlir lovin Tara, a bawm chhunga an khung tlat chu a thlir reng ta ringawt mai a.

Darkar chanve vel zet chutia thingkunga a tawm hnu chuan ti taka lo chhuk thlin lawng chu a pan vat a, a va thu ta vang a. Mahse tumahin luikam lehlama hruai let an tum lo tih a’n hriat chuan beidawng hmel takin tuiah chuan a zuang thla a, amahin a hleuh phei ta ringawt mai a.

Harriete chuan ni eng emawzat chu ka chaw pek reng reng a ei duh tat lat lo mai a, mahse reilote hnuah a chaw duh pawh chu rawn chhuak velehin Tiger Haven lamah pawh hun a rawn hmang tam vet a tial tial a. Tara khungna bawm bulah kher chaw ka pe thin a, a rei deuh hnuah phei chuan a tira a ngaihtheih lo hem em sakei chu a ngaihthah zui ta mai mai a.

A ni sawm ni chuan Eellie chu remna kawng daptu leh tithlamuang tawntu atan hmang chungin Harriete-I awm ve reng lai chuan Tara chu ka chhuah zalen ta a. Mahse keite chuan an inkarah daidangtu thirlen a awm tawh lo tih a hriat veleh chuan bak lenga tlanchhia in thingkungah a lawn leh ta daih mai a, mahse rang taka lo chhuk thla lehin Tara chu tlan chungin a va pan a, a rum khum ta chiam mai a,Tara chu a hlauthawng hle mai. Keite a rawn tlan vut chuan a bawk thuai a, han leh thak pahin invent nan a lo rum khum vet a a. Harriete pawh chuan zawi te hian a rawn zuan khum zeuh a, an in chhaih tan chu a nit a reng mai a. Chutia an in chaih an in chhaih lai chuan remna palai hnathawktu Eellie chu ramsa pahnihte inkarah chuan a tlan tawn sek a, engkim atha vek e, hlauhthawn tur engmah a awm love tia hrilh tawn zel chungin amah pawh chu puitling buaina thelhtu tan lam nei lova remne palai hnathawktuah a tang ta a ni.

Chuta tang chuan ka thiante ho chu zing tin leh tlai tin ramhnuaiah lenhona hun ka neihpui ziah thin a, heihi tara tana a chenna thar inben belna leh a ngampatna tura thil pawimawh ber chu a ni. A hma zawng chuan Harriete-i chuan Eellie nena kan ramvah naah min zui tha duh hauh ngai lo kha a ni a, tunah erawh chuan kan ramvahna apiangah chuan a lo kal vet a zel a, a rilru pawt tu chu Tara vang chauh a ni tih a chiang hle. Kan ramvak kal vel chu la hmu ngailo tan chuan kan makin kan hmuhnawm thin ngawt ang, keiin hma ka hruai a, ka hnungah Eellie,chutah Tara, tara hnungah Harriete. Chutiang chuan kan inzui thliai thliai thin a ni. Sakei pahnih inkawmngeih thar te chu in ambush tumin an intlan khalh zak zak reng bawk nen. Hetiang hun reng reng a Eellie hnapui ber chu remna palai hna, naupang sual awm tha duh lo leh ninhlei thelhtu a ni a. Sakei pahnihte an ninhlei lutuk emaw, an inhauh dawn emaw chuan va thelh vatin sakei pahnihte chu a kart awn chhen thin a ni.

A chang chuan Harriet chuan Tara chu ramhnuaiah hruai luh a tum sateh thin a,mahse Tara chuan a zui tha duh vak lo. Tin, a chang chuanTara chu a han chhaih kawlh te te a, thingkungah a inum chhoh tir ta thin a. Teak thing ngil taka ding thluah te chu Harriet-i chuan awlsam takin a lawn zung zung thei a, Tara erawh thui lote chauh lo chu a lawn ve theih loh avangin an inum chu a bansan hmasaah a tang ta nge nge thin a ni. Keite hi chuan a tin hmangin thingkung ngil taka dingah pawh hian a in pawt bei thei a, che lova a awm vang vang hnuah a ban thahrui chakna hmang ringawtin a invawrh chho dawrh a, chutiang chuan awlsam takin sang tak thlengin a lawn zung zung thei thin a. Sakei vet hung erawh chu an ban thahrui te chu keite aiin chak zawk fe mahse chutiang chuan an ti ve thei lo a, a thuhrimin thing lawn mi an ni lo ve hrim hrim a ni.

Tara chuan ka Jeep hnunga a bawm tur ka siam chu a thansan thuai a,chuvangin motor nen sapel tura ka hruai reng reng chuan bawm dangah ka khung thin a. Eellie chu seat hmaah ka bulah a thu vang thin bawk a, jeep hnungah Harriet chuangin Tara awmna bawm chu a hrangin trailer-ah jeep chuan ka hnuk thin a ni. Tum khat chutianga sapel tura kan chhuah tum chuan hnimbuka cheng thin sazuk rual 200 zet tur hi kan va phawk thut mai a, Tara chu a bawm atanga ka chhuah veleh rang taka rawn zuang chhuakin sazuk rual chu a um ta chiam mai a. Sazuk rual tlan chhe ri hum hum chuan chulai hmun pumpui chu an pal khu rum rum a, hnimbuk sang tak tak karah chuan sazuk ho chu an rawn lim chhuak zawk zawk thin a, a tuai deuh han huk pap pap thawm leh a chal deuh thum deuhva an han huk dup thawm karah chuan sakei hahum thawm chu a rawn ri leh rum rum thin bawk a,mahse Tara chuan pakhat mah a man hauh lo.

Sakeiin sa a pel dan tlangpui chu sa she tur chu hnai tak thlengin a ruk teiin a veh den den phawt a, chutah hnai tak atangin rang takin a zuan tat hut thin a ni. Mahse Tara-i sa pelh ve dan , sazuk rual pawh veh lova a pawngpaw um chiam thin chu a dik tak chuan sakei sapel dan ni lovin ui ui sap el dan a ang daih zawk a. Eellie-i’n sa um dan a hmuh thin chu tihdan tur reng emaw tiin a zir ve a ni. A upat deuh hnuah chuah Tara chuan a sap el chu um chiam lova a veha veh dan a thiam ve chauh a ni.

Kum khata upa a lo nih chuan Tara chu a ha hlamte balin ha tak a rawn to vet a a. A hmaa saruh a khel satliah mai mai theih chauh te kha tunah chuan she kehin tunhmaa an intawm dial dial thinsaruh thlingte nen lam chuan a ei fai thei ta vek a. Eellie tan ei bang chan tur a awm ve tak loh avangin harriet-i eibang a chang ta ringawt thin a. harriet-i chu ngaw hnuaiah a fala chet tlat a chin avangin sa pawh a man thei viau va, a ei bang chu phal takin Eellie chu a ei tir ve mai thin a ni.

[Ngaia]

Part – VI
AN ENJOYABLE CHASE

India hmar lam ramah hi chuan monsoon tui fur tlak hmaa nipui thaw chuan April thla laihawl atanga June thla laihawl thleng hi a awh chho thin a. Hemi thla hnih chhung hian khawthlawng lam atanga westerly thli lo thaw chuan phaizawl zau pui, ro hull mai chu rawn tuamin boruak a tilum zual em em mai thin a, a mihring a ranin mi hi a tizawi ngawih ngawih reng mai a. Chutiang khaw lum karah chuan tlangram leh luiruam te chauh chu boruak dai leh thiang hmuh theihna a ni a, kan awmna tlangram ngaw pik tak hnuaia lui ruamahte chuan nipui chhung zawng chuan ramsa zang zangte chu an lo fuan khawm thin a ni.

Khaw lum a han thawh tak tak chuan Eellie leh Tara chuan lui velah chuan hun an hmang tam telh telah a. A la hmu ngailo tan chuan an han inchhaih vel thin chu a awihawm loh ngawtin ka ring thin a;a chhan chu an in lenhleih nasa tawh khawp a. Tara chu Eellie let sarih chuangin a rit tawh zawk a ni.Mahse Tara chuan fimkhur leh dim em emin Eellie chu a infiampui thiam tlat a. Tara chuan keimah mi chhaih chang chuan ka hnung lam atanga mi rawn sut thluk tawp tawp fo hi a ching a; mahse chutianga Eellie a han chhaih vet um pawh chuan a zuan fuh tak tak duh ngai lova, a sut fuh dawn chiahin a inher kawi hman chiah zel a ni.

Lui piah hmar lama kan lenvahna kawng chuan Dudhwa National Park chu a chhun chiah avangin kan len vah tum chuan achangin mihring kan tawk ve zeuh zeuh thin a. nikhat chu khalid-a, an gate vengtu chu kawngkawiah tak a thirsakawr rawn nawr nen kan intawk thut mai a, kei pawh chuan ka lo hmuh lawk bik loh avangin ka ramsa thiante laka lo inthiarfihlim turin ka hrilh hman bik ngang lo ani. Mahse hetih lai mek hian Eellie chu fanghmirbu haiin a buai mek a, Tara pawh kawngsir hnimbuk vel enthlithlaia a lo in tihbuai lai tak a ni a. Khalid-a rawn kal zel chuan kawngsir hnimbuk chu a rawn haikiang zel a, chutah Tara nen chuan an inhmachhawn tat hut ma a le. Khalid-a chu a phu zawk a, rang lutukin a thirsakawrah chuan zuangkaiin a tlanchhe ta chawn chawn mai.

Eellie leh Tara chuan Khalid-a tlanchhia an hmuh veleh chuan a rang a rangin an umzui nghal a. Khalid-a tlanchhe te teng tung leh ui bauh leh sakei rum ri nen an ri ta hum hum mai a. khalid-a’n thlai china huan a thlen a a bikbo takah chuan pawi tih hmel zetin Eellie leh Tara chu an tawp ve chauh va; an intihhlimna ropui tak an duh aia a tawp hma ta chu lunghnur hmel zetin an rawn haw ve leh ta a ni.

Hetianga ramhnuaia kan lenvah vel naah hian, chulai hmuna sakei nu lo awm hmasa, a hminga Big Tigress kan tih chuan mi hi a tibuai fo mai a; chu sakei chuan note a neih hlim a nih avangin Tara chu amah tibuaituah a ngai a ni ang. Tuk khat pawh ka thachhang dawltu Babu Lal-a chuan Eellie leh Tara chu ramhnuai velah chuan an taksa sawizawi turin a lenvahpui a, eng emaw avanga an phi cheng leh an ti deuh hra a han hmuh chuan a han hawi kual vat a. Big Tigress chuan an hnung lawkah chuan a zui hi a lo ni reng mai a. Lui an lo thlen chiah erawh chuan. Tara pawhin huaisenna a rawn nei thar veleh ta ani ang chu, tuk dang ang bawkin lui tuiah chuan inchiahin a thu tar eng mai a, lui kamah Eellie leh Babu Lal chuan thu chungin an lo nghak bawk a.

Chutah thawklehkhatah Tara chu a rawn ding thut a, Babu Lal-a awmna lam chu en pahin a hmui a phut ta zawt zawt a, chuchu sakei hovin an ngam lohte an tlawn lungawi dawna an chibai bukna ve thin a ni. Babu Lal chuan a hnung lam a’n hawi kir vat a, a piah metre sawm vel leka hlaah Big Tigress chu a lo awm ve reng tih a va hmu ta a. Mahse sakei nu pawh chuan an en a ni tih a han hriat chuan a hnungtawlh a, zawimuangin a pil bo vet a a.

A tuk zingah chuan a hmani a an chet dan vel va en thlithlai tur chuan Eellie leh Tara bawk chu hruaiin ka chhuak vet a thung a. A hniakhnu atangin a hma ni chuan Big Tigress chu a note thla nga mi vel lekin a zui ve a ni tih ka hre thei a. Tun tum pawh hian mi a rawn zui leh ta a; mahse a lam pana ka’n kal luih tak zawk avang chuan atlan bo ta thuai a. Tun tum chu Eellie leh Tara pawh chuan hlawuh an nei ta bik lo a ni.

Lui kamah lo let lehin Tara-I riahbuk kan thleng tep tih chuan Tara-I chu a ti thar leh tat hut a, kawngsira hnimbuk awm hmachhawn chuan kawng kalh zawng takin a bawkkhup a, hnimbuk lam chu a thlir tar eng a. Chutah hnimbuk chu a che luia luai a, eng ramsa emaw ni hian kawng rawn cross tumin a rawn tawn mek ani. Chutah thil dum run eng emaw ni hi kan han hmu zuai a, Tara hnar bul lawkah chuan tlangram savawm lian zet ma, thur bu mai hi a rawn lang ta hlawl mai a.

Savawmin Tara-I a hmuh veleh chuan huk tuar chungin a han bawh ta rawp mai a. Tara chu rang taka lo insasengin kawngpuiah chuan ka lam panin a rawn tlanchhe chiam a, a hnungah chuansavawm thinrim kawlh tak chuan a taksa hrawlpui chu then hlup hlup chungin a rawn umzui nghal rup bawk a. Keia hamhaih pawh chu inthing harhin chet lak tuma ka han inrin chiah chuan savawm hrawlpui chu rawl tawpin a han huk leh vak a, kawngsira hnimbukah chuan zuang lutin a pil bo ta hlauh mai a.

Savawm pil bo ta chiah chu Eellie chuan hlauh nei loang mai hian a han um let vet a thung a. Tara-I’n a zui ve nghal vat bawk a. Hnimbuk zinga an in um thawm chu a ropui ngei mai, a ri buan buan a, savawm chu vawikhat a han huk leh tuar bawk a. Rei vak loah Eellie chu a hmela hlawhtling intih hmel zetin a rawn haw a, Tara vet hung chu a tlanchhiat chiam khan a zahawmna a tihhniamsak hle niin a hria anga a thinrim viau ni tur a ni, thui fe thleng chu savawm chu a um a. Chu savawm thinchhiat em emna chhan chu ka hre ta thuai a, a tlanchhiat dawn a a inher khan a hnungzang zawng zawng chu a kawlh vek tih ka hmu hman a, pan leh hliamin a sen duai mai a ni.

Kar eng emaw zat a ral leh hnu chuan Tara pawhin sap el dan chu a thiam tawh hle mai a, a rawmngaw zeizia hriatna leh chanchin pawh a pung chho ve zel a ni. Amaherawhchu, Big Tigress chuan a khat tawkin min la yibuai zauh zauh fo mai a, a chhungkua humhim a tumna lampangah Tara chu amah tibuaitu nia ngaiin she tumin a veh a veh ta mai a.

Tuk khat chu mak tak main chhiatna lo thleng tur hriat lawkna ka nei tlat mai a. Hetih lai hian Sitapur-a ka thiante inah ka riak a, ka awmna chu Tiger Haven atanga km 130 zeta hla a ni. Zing dart hum velah mang rapthlak tak ka man atangin thlan fim tla phung chungin ka thangharh hlawl a. Ka mumangah chuan Tara-I na tuar rum thawm nasa tak mai hi ka lo hria a, Eellie leh Harriet-i nen Tara rum thawm lam chu kan pan vat a, mahse rum thawm kan hriatna lam chu a hle telh telh mai si a ni. Chu ka mumang mak tak mai chu ka theihnghilh leh nghal mai a, mahse chumi tlaia kan in ka va thlen chuan engtin tin emaw a hma zana a taka thil thleng chu ka mumangah ka lo hmu hi a lo ni reng mai a. Chumi zan chuan Tara chu Big Tigress chuan a lo bei a, harsa taka enkawl ngai fe khawp hian a lo hliam a, mahse vanneihthlak tak main kan Doctor thiam tak mai kan koh chuan uluk takin Tara chu a enkawl ta thuai a, sakawr ek hrik danna leh natna hrik dang danna injection chite a peka ngun taka a enkawl hnu chuan a lo tha chhuak ve leh ta hram a ni.

[Ngaia]

EELLIE AND THE BIG CATS
Part – VII
FANTASTIC SHADOWS

HUN A LOKAL ZEL CHUAN Eellie leh Tara inkara inzawmna hrui pawh chu a lo dul ve leh ta tial tial a. Tara chu a thanglian mek a, Eellie erawh a lo upat tak deuh avangin a ninhlei peih vak tawh lova. Tara nen an infiamna thin phawkphawhraw deuhte pawh chu a tan chuan ninawm a lo ni zo ta a ni. A chhan berah erawh chuan kan sakei nu, Tara chuan a lo thanlen chhohva a Keipui mizia a rawn chhuah tak takah chuan a sentet atanga chawi liantu Eellie chu a rinchhan theihna a tlem tae m a ni.

Thlasik a lo hnaih leh pawh chuan Tara chu zana ka khungna thin bawmah chuan khung beh a harsa ta deuh deuh a. Tlai khat Eellie nen sazuk rual pel tura an chhuah dun tum pawhin ui nu chu tlai thimah a lo haw thuai a, mahse Tara erawh chu a lo haw ve lawk lo va. Thim hnu feah pawh chuan kan awmna piah deuhva phaizawlah chuan sazuk huk thawm hriat tur a awm deuh reng a. Ka jeep chu ti nungin a hma light chu kan tieng a,

Eng zunagah chuan sazuk rual mit eng de thliah thliah chu a hmuh theih a, an paih hla deuhvah chuan mit kawp pakhat, a dangte zawng aia eng bik leh a chetsawn deuh apianga a rawng land an inthlak zat zat mai hi a hmuh theih bawk a. Chum it, a changa hring dal, a changa eng deuh pup thin chu tu dang nilovin Tara a ni tih ka hre nghal a, sazuk rual ho chu phaizawlah chuan an tlan kual pup pup hlawm a, an hnungah Tara chuan a um tlan dul dul a.

Babu Lal-a nen jeep-ah chuan kan zuang lut vat a,Eellie pawhin kal ve a ngen chhen avangin kan hruai ve bawk a. Phaizawl kan va thlen chuan kan motor light engah chuan sazuk rualho hlimthla te chu sei takin a lang ruah thei a., reife hnuah tlan thawm ri dur dur pawh chu a reh fel vet a a. Tara chuan kan motor lam chu rawn panin mi lawm nan a hmui chu a rawn ti phu phei hlerh hlerh a. Kan bul a lo thlen chuan Babu Lal-a chuan a nghawngah hrui a lo awrhtir a, that akin kan hruai ve leh ta mai a ni.

Tlai khat Tara chu zan darkua thlenga a lo la haw tak loh avangin a bawmah chuan sa leh saruh ka hnutchhiahsak a. A hnu deuvah chuan kan hriat loh laia rawn lut ruin sa chu a chanve a ei a, saruh chu a pu daih bawk a. Babu Lal-a chaw chum lai chu va kanin zanah chuan a put bo leh ta a ni. A hma ka thil lo tawn tawh atangin ramsa mihring vulh puitlin te reng reng hian an mi zawn ber an hmuh theih loh chuan an thil eng emaw tal, an hriat than deuh lain an kal bo leh chawk thin tih ka hria a. Prince-a khan ka thlalakna bawm a pub o daih bawk a, harriet-i khan ka pheikhawk; tin, zawngte pahnih khan ka tarmit an la bo daih bawk. Tichuan keichu a bawm bul maia mu thin ka nih avangin ka khum chu zanah Tara chuan mi rawn tlawh ngeiin ka ring a.

Ka rin chu a dik ta chiah a ni. Zan khat a lo kal leh chuan ka thosilen chu hai tetin ka blanket chu a pu daih a, kan awmna atanga metre 50 vela hla, antam huanah chuan a lo pawt sawm vek mai a. Chumi zan vek, dar 11 velah chuan ka mutui lai chu sakei hmui phut hlerh hlerh ka hriat than deuh hian min tiharh a, ka han men nak chuan ka khum bul mai metre chanve vel lekah chuan Tara chuan ngun deuh mail eh ka hmel chhinchhiah tum ni awm tak hian mi lo thlir reng a ni.

January 1978 a lo thlen chuan Tara pawh thla 20 laia upa ni ve tawhin a puitling ve tawh ta tak tak a. Eellie nen an inzawmna hrui chhutchahna chu a lo thleng ta nge nge a, Ho tea an infiam tan chu a tih dan pangaiin Tara chuan tlan chungin Eellie chu a han charge leh a, mahse nidang anga lo chhaih let ve tawh lovin Eellie chu meikhupin a tlanchhe ta a, ka humhimna zawngin mi rawn bawh ta ruak ruak mai a. Tara-i , amah aia let sawm laia rit tawh chu Eellie tan chuan chhaih ngam pawh a ni tawh lo a ni.

January ni 16-ah chuan ka tih dan pangai angina zingkarah daivak mai mai turin kan chhuak ho leh a, mahse thui lote chauh kan kal ho leh tih chuan Tara chu a kal hrang ta thuai a, chuta tang chuan keini a nausea lai atanga a thiante chu min kalsan hlen ta a ni.

Tichuan, Tara chu keipui diktak ang chuan ramhnuaiah chuan a khawsa hrang ta a. Ramhnuai sakei pa pakhat, a hminga Tara’s Male tia ka vuah nen chuan inthlahin chhungkaw pali a hring chhuak a, an vai chuan sakeino pa 9 lai an ni. Kum tamtak chhung chu ramhnuai kan intawh chang apiangin mi a hel ziah a, ka koh pawhin a hre duh ngai lo. A hun deuhvah erawh chuan ka koh chang apiangin a ding ta ziah a, ka lam lo hawi pahin ka lamah pen hnih pen thum lai te a rawn pen vet a thin a, chutiang chu sakei naran chuan mihring tupawh laka an tih ngai miah loh a ni. Kei chu a tan chuan khawvel danga cheng ka ni tawh a, mahse Tara chungah chuan awmzia tlemte tal ka la nei ve a nih chu. Mahse chu ka theihna chu keimah atanga pumchhuak a ni hauh lo tih chu chiang takin ka pawm a, a khawvel nun hman chhoh tirh atanga kaihruaitu Eellie chuan huvang nasa takin a nei tih ka hria a ni.

Mihringte kan lo upata kan lo thanglian ang hian Eellie pawh a lo upat tak hnu chuan a tuan pawh a muang taiin a harh ta lo em em a, a kum hnuhnung lamah phei chuan Tiger Haven atang chuan a vak hla ngai ta lo reng reng a. A awm hlimna ve pawh harsa taka bathlar chung zawk panna step chho tak lawn chhuah chhova chuta tanga ar-awn leh sava dangten a buh hmun an rawn tlan leh ralkhat phaizawl hmuna sazuk chaw zawng vel thlir mai mai chauh chu a nit a a. A ke chu a chak tawh lo pawh chu a ni ang, mahse a hnar finna erawh a la pangai reng a. Thli thawin ramsa rim a rawn len atanga kan bul vel ramngawah sakei a awm hnai tih a hriat phawt hi chuan a mutna atanga lo ding chhuakin a chenna hmun thim chin atang chuan theitawpa ringin a lo bauh ve tuar tuar thin a ni.

A tawpah chuan Eellie tawpna pawh kohkir rual lohin a lo thleng vet a nge nge a ni. Kum 14 laia upa a lo nih chuan Eellie chuan a hnute-ah Cancer a rawn vei ta hlauh mai a. A mit dum tliang ral maite chu a hma ang main a la fim tha nain, reiloteah a natna tuar natak avang chuan a rawn thim tan ta a, tichuan thihna kut vawt tak chuan a rawn man ta thuai a ni.

Eellie chu zawhte lianho ka enkawlna kawnga ka nunna peng pakhat, kawng tam taka min pui thintu a ni a;amah avang chauh hian heng sakeite nunzia tamtak hi ka hriatthiam theih phah thin a ni. A nun zia, fing tak leh dawh thei tak chuan ka tan in a khawi chi ransa te leh ramhnuaia chetla thin rams ate nen nun inzawmna kawng mi dawhsak a, ka tan chuan Eellie chu ui engkim, a tluk tur leh a leh pek awm thei tawh ngai lo tur a ni.

Eellie ruang chu Juliete leh Harriet-i ruang kan lo phum tawhna hmun, kan inbulah chuan ui tak chungin ka phum ta a. Hemi hmun hi kei pawh engtik hunah emaw chuan ka ruang zalhna atan ngeia hman a la nih ka beisei a ni. Kum 13 kal taah khan Eellie chu kan zingah, tu ma duh loh leh tu ma hmangaih lohvin a lo thleng a. Mahse tunah , mia kalsan leh takah hi chuan a thlan bulah chuan thuin ka mittui a tla ta zawih zawih a ni……..
*************************************************************