KA THIANNU HNEN-A KA THUTIAM BY Thickeeo Damn Lalthianghlimi (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

KA THIANNU HNEN-A KA THUTIAM BY Thickeeo Damn Lalthianghlimi (Completed)

Unread post by Ngaia » May 22nd, 2018, 11:25 pm

KA THIANNU HNEN-A KA THUTIAM .jpg
KA THIANNU HNEN-A KA THUTIAM .jpg (8.53 KiB) Viewed 10060 times

KA THIANNU HNEN-A KA THUTIAM BY Thickeeo Damn Lalthianghlimi (Completed)

KA THIANNU HNEN-A KA THUTIAM

Part-1

"Bawihi i phone ari" ka nu chu choka atang arawn au lauh lauhva.

"Hello"

"marin sangtei hian ahmu duh che a, hmanhmawh takin hospitalah irawn kal thei angem?" ka thiannu pa chuan arawn ti a. Ka kal vat tur thu sawiin phone chu ka dah a.

Nimin lawkah pawh ka hmu zo chiah tawh si a engthu nge asawi duh le? Hospital lam pan chuan ka kal phei ta a. A room ka luh chuan tumah an lo awm lova a, damlo khum a mu ka thian tha ber chu ka thlir vang vang a. Khawvel hi a fair lo ngawt mai. Thla hnih chiah pasal ala nei hman asin le, a vanduai bik ngawt mai.

"i rawn thlengna arei tawh em?" muang chang chuan arawn tawng a. Ka thlen chhiah thu ka sawi chuan, a bula kal hnai turin min hui a.

"marin thil ngen duh che ka nei a?" ka kut vawn pah chuan min melh kar a. Ka bu zeuhva.

"mahse,aharsa deuh maithei" arawn tih zawm a. Harsa mahse ka thian tha berin min ngenna chu tih hlawhtlin ngei ka tum ang.

"uMpa hi ka kalsan hunah lo enkawl la ka duh ani" apasal enkawl tir min tum anih chu!!!!!

"mi tha tak ania,min hmangaih em em a, keipawn akianga awm reng chu ka duh mahse ka kal trep tawh si a, atuarna dawn tih ka hria,mal taka a awm laiin akiangah lo awmin lo hnem la,midang ahmangaih leh a hlim taka a awm theih nan lo pui tur che in ka duh a ni" a sawi hnem deuh aniang, arawn khuh bawrh bawrh a.

"sangte..." ka melh vawng vawng a, diktak chuan inkawm ngeih hle pawh ni mahila apasal hi chu ka ngaina lo va, ka be ngailo bawk. Tlangval hmeltha tak ania,hna tha tak pawh anei. Sangtei nen hian an inngaizawng rei lova, an in ngaihzawn lai phei chuan hmundangah lehkha zirin ka awm bo daih a, phone velah chuan a fel thu asawi reng thin. Ka puih theih ka van ringlo em. A pasal in min be ngai bawk silo keilahin ka be ngai bawk silo engtin nge alungngaih laiin abulah ka awm theih ang.

"sangte.." ka ti nawn leh a, diktak chuan ka in ring zo lo ani.

"aharsa dawn tih ka hria alawm, mahse khawngaihin harsa mahse ka sawi hi min tihsak ngei tur che in ka duh ani" ati vawng vawng a, a aw rawla ngenna nasa lutuk chuan duhthlan tur dang min neih tir chuanglo.

"ka lo hnemin akiangah ka awm tlat ang" akut hmer vawng vawng pah chuan ka ti sep a.

"min tiam rawh" nui sang chuan arawn ti a.

"ka tiam ache"

Tlai rawngbawl ka ngaih vangin ka haw ta a.
Rilru nuam takin rawng pawh ka bawl theilo. Ka thutiam kha hlen ngai ta se, engtin nge ka hlen thei ang. Min ngaina miahlo tu chuan engtin nge a natna tawm min phalsak ang.

Zanriah kan eikham chuan ka pa in sangtei boral thu arawn sawi a. Ka mumal lo hle. Akal ahun tawh vang em ni vawin khan min hmuh hmanhmawh em em. Ka thutiam kha ka hrechhuak nawn leh a. Threnna ram khawvel ah hian hmangaihte kan thren reng chu anih hi!!

Thlan nghah te chu buaina lutuk awm lovin kan ti zova. Sangtei athih atang khan an in ah ka awm deuh chawt a.
A pasal nen hian an inneih khan an indang nghal avangin achhungte chu an buai em em lova.
Kar khat vel kan awm hnu chuan mikhualte pawh an haw hlawm tawh a,kei ngei pawh haw tawh tur ka ni.

sangtei nu leh pa leh ka chhungte chu Sangtei thu min chah hrilhin a pasal kianga ka awm hrih rem min tihsak turin ka ngen a. minlo hrethiam khawp mai.
sangtei pa chuan umpa hnenah ka awmpui hrih tur thu ahrilh pawh chuan engthu mah asawi lova, aphal ni mai ah ka ngai.

thla khat leh achanve lai Sangtei pasal kiangah chuan ka cheng a. ka thutiam ti hlawhtling turin hma erawh ka sawn lo hle. han haw ringawt dawn ila, amit ah tawrhna ka hmu a,ka thutiam kha ka hlen lo ani dawn si. In khatah cheng mah ila kan in be ngai lova, thil trul ah pawh bung tak tak baklo chuan kan in be meuhlo. Biak luih leh hnem han tum viau pawh ni ila, min ngaina tlat lova,min biak ahreh em avang chuan ngawi rengin a mamawh chu ka tihsak mai thin.

Thla hnih lai chu ka awm tling ta. Umpa nen pawh hmasawnna han sawi tur a awm meuhlo. A office bang rawn haw hi zu rim anam thin a. Han hau vak dawn ila atawrhna chhawktu ah a ngai miau si a, hnemtu tur ber lah in a kut tak ngial pawh ka vawn theih loh chuan dem ngawt thei ka ni biklo.

A office bang hi rawn haw tlai mahse ka mutsan ngailo.
him takin arawn thleng tih ka hriat chuan ka mutsan mai thin.

zan khat chu zan dang aiin arui a, aroomah pawh akal hleithei lo. Ka kuah lut a, apheikhawk leh coat vel chu ka hlip a, puan chu sin tirin asam chu ka chul heuh heuhva. A nupui hming arawn lam zeuh zeuhva, an pindan chu hawi kual ila, an inneih thlalak leh sangtei thlalak hlir a in tar dul mai a. Mi vannei tak chu ani ve ngawt mai, khawvela a awm ve tawhlo chung hian amah hmangaih em em tu pasal a nei a.

"i nupui pawn a hmangaih lutuk che asin, hetiang a awm lo hian hmalam pen la alawm ngawt ang" umpa hmel en pah chuan ka ti sep a, ka chhuak ve ta a.

tlem chuan hma ka sawn ve ta deuh, min be ve zeuh zeuh va. aroom ka tih faisak thin avang hian a thil awmna min zawH fo chang lah atam a. Chaw ei lai te chuan ka in be ve ta fova. Ka lawm khawp mai.

Nikhat chu a room ka tih fel na lamah sangtei thlalak pakhat ka ti keh palh a, room ah arawn lut thut bawk si nen. Hman hmawh lutukin darthlalang keh leh thlalak chu ka chhar vat a.

"ka nupui thlalak kha envanga khawih ngam nge inih?" ka lama rawn pek pawk pawk pah chuan vin lutuk chuan min rawn au khum a. sawi ber tur pawh ka hrelo, ka hlau khur nasa bawk nen. Ka ding ngawi reng a.

"room atang hian chhuak ngal rawh" thlalak min laksak pah chuan arawn ti ram hmak
ka hlau bawk nen chet nachang pawh ka hre lova

"ka sawi ihre nange" a hma aiin apawn vin tawh zawk, rang lutkin ka tlan chhuak a, ka khumah bawkin ka tap a

'ka tih luih pawh ani tawp silo' keimah leh keimah inkhawngaihna chuan ka mittui ka dang zo lo.
rei tawk fe ka trah hnu chuan ka chhuak a, hmuh tur alo awmlo leh tawh. office ah alet leh nghal aniang.

tlai ah pawh chuan lo nghak lem lovin zanriah ka lo ei san hmak a.
rei tawk fang ka inbual hnu chuan barhroom atang ka chhuak a, ka phu zuk mai.
kawngka nghengin umpa chu alo dingawn deuhva min lo la en char char zui. keilah towel nen chauh ka ni bawk si.

"tihpalh" aringlo mahse ka hre fiah khawp mai.

bathroom a lut tum a ka inher chuan ka kawngah akut pahnihin min rawn kuah a, ka khawng vek,chet nachang pawh ka hrelo, engtik lai khan nge ka bul arawn thlen hman pawh ka hrelo

"aaaaaaaaaa...aaaaa ho lutuk" ka tawng pangngai thei tawhlo.
a hmui chuan ka dar arawn nul thuak thuak a, boruak arit khawp mai. ka thinphu dup dup te chu rapthlak tak ani. ka khur der der a,vawt ka ti vang erawh ani lo.alamah min kuai herin ahMui lum thar thar chuan ka hmuiah min rawn fawp Phei chuan ka sa chhuak vek.
lo dang tur in chakna ka nei lova,chhang let nachang pawh ka hrelo, ka dawh mawl ve tawp a ni.
ngen ngawl tak leh chhanglet beisei tak chuan thiam takin min fawh chhunzawm leh a, ka hriat loh lai chuan ka hmui lo ti che ve in ka thiam tawk chuan ka chhang let ve ta a. vawilehkhat ah a in lahrang thut chuan min ti gamhaih khawp mai. chet sawn nachang pawh ka hrelo.
room atanga achhuah hnu pawh chuan ka melh ngai ka melh tlawk tlawk a, zu rim anam bawk silo. nilo ka thiannu pasal hi ka hmangaih ta em ni! ka muhil thei lo hrim hrim
Atuk ah pawh chuan hrelo ang hmakin a awm a. Ni thum lai chu vawikhatmah kan in be lo.zankhat chu zu rui chung hian arawn haw a hmeichhe pakhat arawn hruai haw zui, ka ngaithei derlo.hmeichhia chu en in
Chhuak turin ka hrilh a, umpa banah chuan ala vuan leh ta nghal. kawngka ah kaih phei ka tum chu umpa'n min rawn vuan ding a "ka nun ah hian lo inrawlh tum hlek suh, ka nupui pawh ini lo" roomah chuan an chho nghal a.

ka pan ber tur pawh hrelo chuan ka tlanchhuak a, ruah lah chu asur hnem em em lehnghal. Ka trah achhuak pawh ani tawhlo ka mittui hi aluang zawih zawih ani ber tawh. Nie, ka thiam loh ani.

Thlanmual chu ka thleng a Sangtei thlan hma ah chuan ka thingthi hnawk mai. Hming in ziak chu mi aa ang mai in ka en dauh dauhva, au chiam mai ka duh.
Va kal hnaiin thlana hming in ziak chu ka chul a
"Sangte min ngaidam rawh ka thutiam ka hlen thei dawn ta lo, achhan chu ipasal hi ka hmangaih ani. Ka tihpalh ka thian. Mahse ipasal chuan nangmah chauh ahmangaih che kei chu min ten asin"



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2018, 11:26 pm

KA THIANNU HNEN-A KA THUTIAM

PART-2

"bawihi ilo chhuk ve lawk thei angem?" ka nu chuan arawn ti a.

Sitting room a ka lut phei chu ka thil hmuh chuan min barakhaih khawp mai, Umpa leh Nuzauvi sangtei nu te chu an lo thu a. Han let leh ngawt dawn ila a mawi chhiah si loh avangin, ka nu kiangah chuan ka thu thla ve a

"marin han sawi nghal mai ila, sangtei lung hi a hma lam a phun kan duh a, ithu kan rawn ngaichang a?" sangtei nu chuan min melh kalh pah chuan a rawn ti a.
Mak ka ti angreng khawp mai. Kum khat em pawh ala vei silo. Hmanni a hmeichhia kha ka hrechhuak nghal a, umpa hian nupui neih a duh vang em ni le?

"in thu thu alawm, ka thu lak ve angai hleinem" insum hram hram chungchuan dam thlupin ka chhang a. Umpa chuan chhuat a melh ngur a, tawng a tum ve lemlo a ni maithei.

"nie, marin mak pawh iti deuh maithei,mahse a hma lam hi apawi lo zawka kan rin vang ania" sangtei nu bawk chuan min rawn chhang leh a

"nuzau ka thu lak intum tho chuan pasal neih thuai ka tum thova,sangtei lung chu ka pasal neih zawhah ni mai se" kei ngaihzawng pawh neilo chuan kan ti ve thuai a. Ani nupui neih hma duh vanga ka thiannu in alo tuar nachhan tur ka hrelo. Mahse ka nu leh pa te chuan zawhna min zawt ve fe dawn anih hi.

"thla leh ah kan phun ang chuan..." min ti sa phat

"lalmuanpui i zak miah nange.. I nupui neih hma duh vanga hetiang tih hi. Ka thiannu kha i hmangaih hle ani lawm ni? A tana ithih thleng a rinawm hi itih theih hnuhnung ber asin. Mi hring pawh i nilo" a thu sawi lai pawtchat in ka au phiar phiar a. Room lam pan nghal tumin ka in her a

" i sawi duh i sawi anga ikal daih ang maw?" min pawh let sawk pah chuan a ti thum bal a, min la en chiang em em zui

"min thlah rawh"

"ka nute pate marini hi nupuiah neih ka duh" ka thusawi ngaipawimawh lo deuh chuan ka nu leh ka pa chu a bia a, min la vuan reng tho

"khawngaihin phal ang cheu" atih zawm leh nghal a

"ka nei duhlo che" ka ti ram hmak a. Ka nu leh ka pa sangtei nu thleng chu mak tih vangin an meng kawk kawk mai

"room ah kan han inbe lawk ange" ka nu leh pa chu a melh zawk a. Min pawtchho nghal bawk a. Talchhuah tumlo min tih chuan indaw ngei ang. Achakin alian mah mah

"ka chhanna chu angai reng ang, nanglo hi neih ka tum tawh"
Ka thusawi hrelo ang hmak chuan ka bulah a rawn thu a

"kan innei vat ang" ka chalah a fawp zeuhva, achhuak nghal a. 'kan van innei awmlo tak' ka ti rilru a.

Pasal chu ka nei ve ta. Chupawh ka thiannu hmangaih em em tu leh ka hmangaih em em,mahse min ngaina ve ngailo tu.
Sangtei lung chu kan inneih hma in kan phun chung chung a. Ka chhungten nasa takin min nawrlo se la chu he thil hi tih ka duh kherlo.

Thla khat lai nupa kan ni ve ta. Nupa ni mahila khum khatah kan mu ngai lova, kan in be tlemin kan awm dun tlem em em a. Kan nupa room ah pawh chuan a ngai ngaiin sangtei nen a an inneih thlalak leh sangtei thlalak chu ala intar reng a, khawih pawh ka khawih sawn ngamlo.

Nitin hna ah a kal a, amah mi hausa pangngai a ni bawka ka awm nuamsa phian. Min ngaihsakna ka hmu ngai lova, ka phut lemlo bawk, achhanchu hmangaih pakhat chiah a nei tih ka hrechiang. Ka nawr lui ngailo bawk.

Ka mu tur chu laptop khawihin alo thu mu a, hna ala thawk tih hria in ka mutsan hmak a.

Ka taksa za mer mer vang chuan chianglo ruai chuan ka harh a. Min chul kual reng a. Boruak a diklo tan
a hmui lum thar tharin min rawn fawh chuan insum theihna ka nei tawhlo, ka thiam tawkin ka chhang let a. ka rum ri te chu maktak maiin ka vawikhat tawnna ani, ka thawk a pangngai lova, ka thin chu a phu dup dup a, a ni pawh a thawk dan apangngailo in aduhthawh tawh em em a

"ka mamawh che bawihte" a aw ril lutukte chuan min ti mur chuai chuai thei. Ka hnar theilo, ka mamawh ve takzet a ni.

ka bula mipa hmeltha em em chu ka melh vawng vawng a, naupang ang maiin a muhil siah siah a. Nie, tuna ka thil tih zawh chiah kha nakinah inchhir nan ka an ka la ring, thil dik ber pawh anilo. Ka pasal chu a ni ngei alawm mahse min hmangaih miau silo.

thla aral ve zel a, kha zana min khawih bak kha chu min khawih leh tawh lova. Min be ngai bawk lova. In ah a awm tlemin kan inkar atih zau belh em em ta si. Hmangaih viau pawh ni ila hnaih min duh miau loh chuan hnaih phet ka tum lemlo.

ka nawmsam loh bakah, thil ka ei tha thwilova, thil ho te te ah ka luak achhuak fo bawk.

Dr.Thaudeuh chuan min check a, nau thla hnih mi ka pai thu min la hrilh zui. Engtin nge a thlen theih. Vawikhatna ah ka rai nghal maw? Engtin nge he buaina hi ka chinfel ang? Fa chu ka duh alawm mahse he ti lo deuh hian
kan fa hian a nu leh pa thawnthu vang hian buaina a tawh ka hlau takzet a ni.

Ka tih fo angin thlanmual lam chu ka pan a, sangtei thlan ka thlen chuan enge sawi hmasak ber tur pawh ka hrelo. Sawi turin dikna pawh ka nei lo. Mahse, ka tihsual hi ka tuar thei ngei ang.

"sangtei mim ngaidam rawh, i chhungkua ipasal ka ruksak che a vamgin, ka hmangaih tih ka hrilh tawh che kha, mahse, min kalsan aduh anih chuan ka chelh lo ang. Ka thian mi vannei tak i ni chuan i kal hma lua a ni tiraw? Min haw viau suh aw, keipawn ka thinlung hi ka thunun theilo a ni" ka pum chu ka chul vang vang a " tah hian naute a awm asin" ka trap lo theilo. Mi zawng zawngin min nawr mahse lo nei lo tawp tur kha ka ni asin.

Reilote ka awm emaw ka ti a dar 9 alo ri der tawh. Khua lah chu a thim mup leh nghal. Ka theihtawpa chakin in lam ka pan a,mahse ka taksa chak loh vang chuan ka kal chak hleitheilo.

"khawnge ikal" in ka luh rual rual chuan min rawn pawtlet sawka.whn

"Lalrintluang min tih mangan zia hi ihria em?" a au a ni ber,min thing nawk nawk reng bawk

ka ni deuh nghulh a, ka khawhmuh afiah tawhlo. Ka hminga min ko mawlh mawlhtu ka hria a,mahse chhang turin chakna engmah ka neilo.

Damdawin ah chuan nihnih lai ka awm tawh a, ka nu chuan min awmpui reng a, Umpa hmel erawh vawikhatmah a rawn lan lo.

"kanu mim lova chhuahsan lawk ta che" ka nu chu achhuak ve mai bawk a.

Lehkha pakhat chu min rawn pe a, tukverh lam ah chuan ading a. Pawnlam chu a hawi daih a

ualehkha thawn anih hmel min pek hi

"marin he thu hi ka sawi loh vangin min ngaidam dawn nia. Umpa nen hian kan inhmangaih em a, mahse naute chungchangah hian kan in lungrual thei lova, fa pai hi ka la duh lova, a ni erawh chuan fa a awh thu asawi reng thin. Mahse, indanna ahriat lohin ka ei ru renga, tichuan ahrechhuaka a thinrim khawp mai, ka dem lemlo, achhungte an boral vek tawh vang hian fa neih a chhungkua a awt em ani. Min dem ngawt ang, hei ka tihsual Pathian in hremna min pe reng a. Mi dangin min dem mahse nangtal chuan min hrethiam hram angche. Ka pasal hi ka aiawhin lo enkawl hram angche. Achhanchu a ni hian hmangaihna dik tak a phu a ni. Chhungkua a phu a, lo enkawl hram rawh aw. Vana kan in hmuh hunah hremna chu min pe dawn ania.
chuan ka thian ka kianga i awm reng avang khan ka lawm e. ka lawm lutuk aw ka thian.

sangtei"

eng thil nge thleng ta hi. Ka chungah kher..

"marin.."

"chhuak rawh" ka au ring lutuk chu ka lu a hai vek thei

"marin"

"khawngaihin chhuak rawh" min rawn pan lai chu adingchawt a. A mit chu a sen ve deuh, a tap ve te pawh ani mahna, ka ngaipawimawhlo ka hua a ni.

Hreh tak chuan a chhuaka,,

ka tap ri ve thei ta. An pawi enge ka sawi.
kei chuan puih kha ka duh ber,mahse bum ve ve a ni. ka nun hi infiamna chauh maw lo ni? Hmangaihna zawng zawng a dawng a keichu a pek theih loh chhungkua pe turin min ti a maw?

Thiantha nih man a va to ve..

conti...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2018, 11:26 pm

KA THIANNU HNEN-A KA THUTIAM

PART-3

Kar khat lai ka nu leh pa te hnenah ka awm a. Umpa chu rawn kal fo mahse ka be ngailo. Mipa tawng duh em em ani lo bawk a. Ani pawn min be ngailo.
Ka nu leh pate vang chuan in ah chuan ka haw leh a,mahse tun tum chu inthiam lohna vel nei hauhlovin ka haw thung.

Tawng tam lo mahse athei na na ah chuan min be ve a,mahse ka chhang ngailo.
Chaw ei turin ka nghak ngai lova ka mutsan hmak zel bawk. Athawmhnaw tak ngial pawh ka su ngailo.

Inah a awm hnem ve ta deuhva,mahse kan in biak tam phah chuanglo.
A nu leh pa thih cham alo thlen pawhin ka kal pui duh lova, sawisel lem lovin amahin akal mai.

Ka naute pai chungchang hi kan sawi dun ngai lova, hreawm ang pawhin a awm ngailo.

Inkhawm dawn pawn arualin ka kal duh ngailo. Ka haw em asin, min hmangaih tu neih ve hi ka phu hle bawk. Ka nun tichhetu ani miau a.

"ka thiannu arawn thleng dawn a,nihnih chauh ani ang" chaw kan ei lai chuan arawn ti a

"school kan kal laia ka thian ania" ka chhan mai loh vang chuan rawn ti leh a, chhang lovin ka thawhsan hmak. Duh duh lo thleng ang hmiang,tu athian pawh nise insawi thiam vak kha angai lo.

A insiam lai chuan ka nu bia in ka chhuahsan hmak a, akal tur chu min rawn au zauhva ka ngaihsak lemlo.

Zan riah chu ka ei san leh a,lo nghah zel hi ka ba miau heklo.
A thiannu ni awm tak chuan arawn zui haw a,la thawveng phian lehnghal.
An in dah fel zawh chuan chaw ei chu asiam a "innu in ati dawnlo ami? Va thaibawi tawh ve?" a thiannu siamtei ati ami chunu chuan fiam ti tih chuan siampui pahin a ti a.

"a ei tawh a,naute apai bawk si a,min lo nghah chuan naute tan atha lo ang" a thil tih lai ti mial mial pah chuan achhang a. Van inla pasal tha ve tak em.

TV en in ka thu reng a, eng eng emaw sawiin an nui dun leh hak hak thin. Ka ei thlawtlo. Ka luakte pawh an ti chhuak zawk

Ka chips ei lai nen roomah ka chhosan daih a.
Dar10 velah roomah a rawn lut ve hram,chutiang chen chen engtak sawi ang maw..? Ka zawt awmlo emai. Ka muhil der hmak

"muttui" ka chalah arawn fawp zeuhva,puan min sin that tir hnu chuan thuthlengsei ah amu ve nghal a. A thil tih chuan min ti hamhaih lek lek a ni. Lemchang thiam lalpa award dawng mawlh mawlh tlak a ni.

Ka sawi tawh kha.. Kan nupa room ngei ah pawh sangtei thlalak hlir hlir,, zing tho ila a hmel hlir a hmel hlir,ka khawi che ngamlo hrim hrim. Vawikhat ka khawih khan min thah mai te pawh a duh hmel anih kha,min thah ai chuan lo intar chuai chuai ang hmiang. Ka naute nen kan puar chuan atawk.

A thiannu te chu ahaw dawn ni chuan a bazaar pui vel anih chu!!! Damdawiinah vawikhat pawh min la kal pui lo hian.

Umpa chuan dar2 ah arawn lam tur thu siam-hmelchhiai chu ka hrilh a,biakloh ka tum nen awwwww

"marin pasal tha tak nei si hi iva duat lo ve" ka chhuak tur chu insiam mawlh mawlh pah chuan arawn ti a.

"lo buaisuh" ka chhang tawilo theilo, ka be chak thlawt lo, ka pasal a melh dante khA ka hmu ve kur alawm em em a na

"hetiang chuan ila chan mai ang" ava sawi ngam zawk ve

"tulak atang" ka ngeiawm thiam ve em

"tulak atang pawn" ala rawn ti leh zui. Min hmangaih lova chan ngai lovin nupa kan nihna in min puar mai chauh ani.

"i duh leh nei la ti nia" min hmangaih lo tu kianga awm reng ka duh biklo

"i ti tak tak em?" van dilchhut tak em
"theih chu nise ka nei em em ang mahse.." angawi dat a "mangtha le" achhuak zui ta daih. Enge a sawi tum le, an ni hi an lo inzui deuh ani mai lo maw????

Chu mi zan atang chuan office arawn bang tlai ziah a, inkhatah cheng mahila kan inhmu manglo. Ka thawh hma in akal a,ka mut hnu ah a rawn haw leh thin.

ka nuamsam lovin thil ka ei thei lova. mahse chhuanlam siami haw atang khan ka ngaithalo ka mu tha lova chaw mumal ka ei ngailo, ka chau ngawih ngawih.

zing ka tho chu ka rin ang chiah amutna ah alo awmlo leh tawh. Khumah ka thu tum bur a.

"chaw lo ei rawh le" office akal daih tawh emaw tihnak laiin. Buai thlak takin chaw reng ka ei peihlo.
a thusawi hrelo ang hmakin ka mu leh a

"marin chaw lo ei rawh" ka chhang chuanglo

"chaw lo ei rawh" ka maimichhibg hmak thung.
thil a ri nghal thuai. chhuatah chuan sangtei thlalak chu alo tla keh nuai a.

adang ho pawh chu a paih nghal pawp pawp a. ka en ringawt. an inneih thlalak chu nalutukin a paih leh pawp a. mak ka tih piahlam,ka khawih pawh khan athinrim hle si a

"min biak loh pawn pawi ka tilo. Min mutsan a chaw min eisan pawn pawi ka ti lo. Ka thawmhnaw lwh engkim i ngaihsak loh pawn ka pawi tilo. Enteh.." chhuata sangtei nen a an thllak keh vek chu a kawk a

"heng thlalak zawng zawng hi engvang a dah bo lo nge ka nih i hria em?" a mit chu asen ram a

"heng thlalak zawng zawng hi ka dah bo loh nachhan chu idah bo hun ka nghah vang ani. I hria em.. Keimah engmah min ngaihsak loh pawn ka tuar thei,mahse ka naute leh nangmah i in ngaihsak loh chuan ka tuar theilo. Ka thei ngai ang. Min haw viau anih pawh in ka demlo che mahse nangmah inat pahna tur anih chuan min huat pawh ka phallo. Hun ka pe che a, nitin zan tin ka tawngtai chu ka ti ngamlo. mahse ka tawngtai apiangin itan leh ka naute tan ka dil thin asin. hreawm itih ang bawk hian keipawhin hreawm ka ti ve tih te hi min hriatpui ta che. ka nupui ini tih hi i pawm theih hun ka lo ngaichang reng a mahse engtikah mah i pawm ngai dawnlo anih hi" a beidawn hmel tak zet, alu atuai puat puat a

"he thil hi lo khawih suh angche" thlalak keh ho chu a kawk a

"chaw khu lo ei angche" tih leh chhuah arual nghal a.

tih hmasak ber tur pawh ka hrelo. Hetia ka awm vang hian min dem let daih a maw? Enge tih sual ka neih

chaw pawh ei lovin roomah chuan ka thu char char a

dar2 vel chuan motor thawm ka hria

"chaw khu ila ei chuang nange" arawn ti thum bal a, ekhai siam-hmelchhiai abulah alo ding tel. Min pet chhuak ngei dawn anih hi,inthup te pawh ahar tawh ani mahna. Thil ngaihtuah chianglo chuan ka tho hlawl a, tlanchhuah ka rual nghal. Ka ke lah chu atip em em mai lehnghal a, thlalak darthlalang keh kha ka rap ani ngei ngei ang. Min koh vak vakna pawh ngaipawimawh lovin ka tlanchhuak mawl veleh tawp a. An petchhuah nih ai chuan ala tha tho tho. Kalna tur dang hre heklo sangtei thlan bawk chu ka pan leh a

Lalnunsangi tih in ziak chu ka thlek vawng vawng a

"sangte hremhmun tem lawk tur hian i thiantha ber hi engvanga ti nge inih? Ihnathawh zawhloh engvanga thawh tir nge min nih? Eng vang nge engvang nge?" ka ti tuar tuar a

"ka thian hmelma kan ni lo asin, kum khua pawn i pasal.. Nilo ka pasal hian min hmangaih ve lo ang,chhungkua a awt iti tiraw, fa a awt iti tiraw? achhungkua a fa nen ngei min hnuchhawn asin, Lalnunsang i dawheh zehzuah lutuk.. a fa hi vawikhat pawh angaihsaklo asin" ka au tuar tuar

conti...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2018, 11:27 pm

KA THIANNu HNEN-A KA THUTIAM

PART-4

Damdawiin bawka ka lo awm leh tawh.
"a naupai hi afual a,ataksa achak lovin,indim viau angai,cutilo chuan naute hi a chhiat mai ang" doctor chuan ka nu leh Umpa chu ahrilh mawlh mawlh a. Ka ngaihsak peih lo.

"nu inthen kha duh" doctor chhuah chiah chuan ka ti nghal a. Adik pasal nei ang pawh ka nilo,ka nun infiamna a hmang ho hi ka tuar peih tawhlo

"bawihte tunah chuan nau ipai mek a,inthen chi anilo. In hmuh thiamloh changte chu a awm thin alawm,naute hi tha takin enkhawl la,pasal hi then mai mai loh tur" ka nu hian ka harsatna ahre ve lo atin ni.

"naute te hi chu ka pai duh tawhlo,chhiat ila atawk"
Ka biang ari nghal chawrh. Kawng ka a in khar nghal bur bawk a. Ka nu in avawikhat nan kut min thlak.

"Lalrintluang ka fanu tiin ka lo chhuang ve che asin,ipasal awm laiin i fa ipum chhung a mi ngei iduh loh thu isawi amaw?" min sawi nawk nawk a.

Kan tap dun hi ani ringawt. Fa ka duh lo ani reng renglo, tihpalh ang mai a ka fa a lo piang hi ka duh lo ani.

"bawihte,mipa te hi sawichhuaklo hian an na ve hle thin a ni. Muanpuia hi mi fel tak ania, angaihtuah takzet che, engpawh thleng se abula i awm tlat angai. Pasal neih tawh chuan puitlin angai ania. Pum khat in ni tawh a chuvangchuan harsatna te inhrilh dun zawk rawh u. In hriat thiamloh apianga inthen hi thil tha anilo" min en vawng vawng pah chuan min hrilh a.

Ka duhlo emaw pawh ni ila. Kan nupa in bawkah chuan let leh angai.
Ka let leh hnu chuan angaite bawkin kan inbe khat leh hle mai. Mipa tawng tam lo lutuk hi chu abuaithlak anih hi.

"hello mpa ka lo be lawk" siami tia number in save chuan a rawn ti a. Hmelphaki bawk chu.

"kha" a laptop khawih lai chu phone ka pe a. Ka van ei lo tak

"ka nupui thu thu a ni mai,ka lo zawt ang" tiri chu bathroom ka luh hma chuan ka hre hman. 'ka nupui' ekebale..

"siami pasal neihna ah min rawh sawm a" ka mu tur chu arawn ti sep a.

"kan kal theih tur leh turloh kan hrilh vat angai" ka chhan hma chuan arawn ti leh a

"chuan" ka ti deuh tawp a

"chuan.. I kal ve duh angem?" min melh lemlo chuan arawn ti leh a

"nangmah a kal iduh chuan kal rawh" ka mu hmak a

"ikal loh chuan ka kal dawnlova" inla pasal tha leh tawh

"ka kal kher angai hleinem,ka thian pawh ani ve lo" ka ti ve ngat. Siam-hmelchhiai min tihdan ah khan ka la tinrim ve tlat

"aw.. Siam kan lo kal thei lo ang" van mak zawt zawt tak

"SIAMI kan rawn kal ang" phone laksakin ka ti a. Phone ka pek let chuan min la nuih vur vur zui. Hepa mizia tak hi chu aw

"kha lo kha kawr ineilo ami?" nia,ka kawr tunlai lo tak hi analh lemlo tih ka hria, min sawisel kher angailo

"neilo,, min phur vek tawh" ka ti bung hmak. Rai kawrte pawh kan ha ve chak em em a. Nupui te ngaihsak nachang hrelo lutuk mai

"min zahpui dawn chuan nangmahin kal rawh" ka titau leh ngawt tawh mawle

"inhnuaiah ka lo nghak angche" van polite lo tak em.

siami chu ahlim hmel khawp mai. Mi pasal neite chu an khisang a,kei ve khawdur ang maiin ka tum hmuk kha ania. Ka indem lemlo,midang pawh an khi lemlo ang.

"i rawn kal duh a ka lawm lutuk aw marin" siami chuan min rawn chibai a. Sa free alawm le ka ti tep ani.

"nia,inalh khawp mai,ipasal pawh saw achhelo khWp mai" umpa leh apasal inbe mawlh mawlh lai chu en chung chuan ka chhang a

"i pasal achhelo daih zawk" nui awr awr chungin ala ti zui. Pasal aneih ni ah ka pasal ala hmutai tho,ka van ei lo tak em

"school kan kal chhung zawngin ka ngaizawng thin a,mahse vawikhatmah min duh ngailo. Min thlahthlam ngailo reng reng, harsatna ka neih pawn min pui reng zel. Pasal tha tak inei ani, ka awt thin lutuk che asin" ala rawn ti zui. Nge min awh em em nachhan pawh ka hre biklo, kan hlim loh nen aw

"siam kan haw mai ang,marini hi indim angai a,achau palh ang" ka kut a rawn vuan chung chuan siami chu arawn bia a. Ka chau tawp silo,sa free kan ei dawnlo ani maw

"ilo thaibawi ta hle mai" siami pasal chuan arawn ti a.

"marin ipasal hi lo chhawr vak vak suh aw,atlangval laite chuan a pa thei teh mai ania" nui vur vur chuan arawn ti leh kher. Ka chhawr ngai tawp silo

"inho,kal angle" min kai nghal a

"ka chhawr che ami?" ka la lungawi theilo, ka chhawr pawh ka hrelo

"an uang anih kha" a motor khalh lai khalh reng chung chuan a nui vur vur a.

"min nuih suh" tukverh lam ka hawi hmak

"umm.." teh tawp a

"ump.."

"ummmm.." mutchhuak aw deuh chuan arawn ti a

"ka tui ahal"
a mutna atanga thovin tui min lak turin athova

"muhil rawh ichau ang" arawn ti a. Ka harh tulh tulh thung
"ump"

"umm.." amutchhuak tih ka hria,ka mut achhuak ve silo alawm

"min nei hi i inchhir em?" ka thil zawh mai mai chu. Min chhanna tur chu ka hre hreh

"ho lutuk,chhan angailo" puanin ka in khuh zui nghal a. Ka hre ngamlo zawk ani

"hey.. Minlo enteh" ka puan sin chu arawn hlim a,ka lo en kar

"ka inchhirlo, chuan i thiannu afing nen i aaa lutuk hi mak ka ti" angawi deuh vang vang a
"muttui" ka biang ah afawp zeuhva, mu turin akal sawn nghal a.
mawl min ti maw? Ho emai,fing lutuk chuan ahreawm mai mai,mu hmak ang.

umpa chuan kawng tin rengin min ngaihsak a, inbe tam lemlo mahila, ka bulah ahun tam zawk ahmang thin. ka hlim ve thei hle. damdawiinah teh chuan ahmanlo chung chungin min kal pui thlap thlap zel.

"khumah lo mu ve tawh rawh" tuthleng sei a amu chu ka ti mawl tawp. Ho emai,ka ngai ve ani mai alawm

"ai"

"lo mu tawp suh" ka mu nghal hmiah. Min van ti zak tak,zak chuNg chungin ka sawi ve em em a

"min dek suh aw,ka insum thei lo ang" rawnin thawlh ve pah chuan ati sep a. Anui ani tih pawh ka hre thei. Avan sual thiam tak. Min rawn kuah chuan ka lo tal phat a

"awm tha te nu-i" a taksa chu anuih zawng chuan a ngawr dat dat a. Van inla romantic ve chiang tak

ka naupai pawh thla6 lai ani ve ta, ka inenkawl that vangin insawiselna em em pawh ka neilo. Chhungkua tak takte pawh kan ang ve ta deuh e.

kawngka chu arawn in hawng rawka sangtei nau babyi chu thinrim hmel takin arawn pen lut a,ka biang ari nghal thuai

"nang hmeichhe zaklo,ka u pasal ilo chhuhsak ngam amaw. ka u kha ithah ani,hmun dangah chuan awmlo ila inei tawplo ang,a thian angin i awm a ahlimna zawng zawng ilaksak leh si,i hlim bik hauhlo ang" min nam sawk a. ka pum.. ka pum anaa lutuk.

conti...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2018, 11:27 pm

KA THIANNU HNEN-A KA THUTIAM

PART-5

"ka u khan ahmangaih lutuk che asin" hmeichhia in ati ri chu ka hre riai riai a.

"tunah chuan nupui dang ka nei tawh alawm" achhanna chuan min ti lawm zo lo.

"anih ka u kha ihmangaih em?"
Hre lova muthilh daih ka va duh tehlul em

"ka hmangaih vang alawm nupuiah ka neih" nia nia.. A hmangaih tih ka hria,ka hrechiang khawp mai

"anih marini hi engvanga nei leh kher nge inih?" henu hian enge ahriat hrep le. A chhan dan turah ngaihdan ka nei mai theilo. Ka puan sin chu ka hum ruh hle a. 'chhang suh. Chhang suh' ka ti rilru a.

"ka fa apai mek ani" aw.. Thilmak pawh va ni suh, a fa ka pai miau alawm. Mahse tinge ka fa pai chauh asawi rik. Ti khawp khan hun hmang dunin kan awm a,afa chauh maw la pawimawh ber.

"ka u pawh khan i fa apai asin, a thih dawn ni thleng khan ifa hi hrin theih achak asin"
Eng thu nge asawi, sangtei kha arai maw..!!! Engthil nge thleng ta hi
A
Ka khuh kerh kerh takah chuan an lo hawi rual a. Nie, an thil sawi kha ka hre ve lo emaw an lo ti a ni ange.

Boruak chu arit khawp mai. Umpa lah tawng chu sawiloh mi aa ang maiin a en ngai a en tlawk tlawk a. Nia.. Kei ang thovin mak ati viau ang.

Zan arei tawh nen arawn la haw lo reng reng, vawin a athu hriat vangte pawh kha aniang chu. Mahse, tun thleng thlenga la rawn haw loh. Khawnge akal ang. Zawng tura chhuah maite pawh ka duh rum rum.

Tuthlengsei ah bawk chuan alo mu leh a. Nun hahthlak zia hi. Kan hlim ve dawn chauhva,tunah buaina dang leh bawk. Mi thi tawh pawh ka el zo silo chu ania maw,ka nep khawp mai.

Ni aliam a,kan inkar erawh azau telh telh thung. A tawng tlem thin chu thuhran,min be ngailo hrim hrim. Kan awm mawl ve tawp a ni.
Engtia chinfel tur nge pawh ka hrelo. Pathian hnen ah ngawi rengin ka thlen tawp ani mai. Nangni pawn engtin nge in tih bik ang. Thenin ka kalsan mai dawn em ni? Nge ni a ka chelh reng zawk dawn. Ka hrelo,ka hrelo takzet a ni.

Ka rit tawhin chet aharsa tawh bWk nen. Ka kianga awm ka pasal lah chu mi ruang chenpui ang chauh. A hmuh pawh min hmu mang ngailo

"nau neih hma chu ka nu te kiangah ka va awm hrih mai dawn em ni?" chaw kan ei lai chuan ka ti sap a.

"ithu thu ani mai" min chhang tawh dawn lo emawni ka tih hnuah min rawn chhang a. Tawng chhunzawm tawh lem lovin chaw chu ka ei a.
Office a kal dawn thleng chuan min be biklo. Office akal hnu chuan insiamin kan inah chuan ka phei a. Minlo hrethiam khawp mai.

Karkhat lai ka awm hnu chuan,umpa chuan min rawn ngaihvenlo reng reng,phone call tak ngial pawh ka dawnglo. Ka lo beisei sang mah mah te pawh ani ang.

Heti chung hian ka nu leh pa te chuan makpa tha berah ngaiin an la tan em em chu a ni si a maw.

"enge irawh tih dawn?" chhun chhunah Babyi(sangtei nau) hian kan in ah tih tur a nei miau lova

"ka ukha nangmah vanga thi ani" sehchilh nawk nawk chuan arawn ti leh a. Engvanga a u thihna a mawh min phur tir tum tlat nge anih pawh ka hrelo

"Baby iti mah mah tawh, iduh duh a itawng tur pawh ka ni ziahlo. Ka nau rual lek lehnghal zahna chang hrelo lutuk. I u khan ahun ahmang zo tawh ani mai, thihna thu ah duhthlan tur kan neilo, bakah i u thihna nen hian min sawi zawm ziah suh ang che" ka ti ve hmiah, ka insum viau angaihna bik ka hrelo

"ilo lan ve vang anih hi. A pasal achhungkua zawng zawng i ruksak a tiraw,mahse engtkah mah umpa hian ka u ang kha chuan ahmangaih ngai lo angche" rapthlak taka min melh chungchuan a ti chang fak a.

"ka carelo" ka ti ve hmak. Tawngthei zahna hrelo lutuk

"ka u hmangaihna dawn ang kha chu i dawng ngai lo ang" kawngka a khar ri chawrh a. Hmeichhe nasa ve tak chu a ni,mi in a luhkhungin tawngkam mawilo in minla char zui a nia.

ka zan mu theilo chu sangtei thlan lam ka pan a,mahse thlan bulah chu midang lo awm ka hmu a.
tunge awm tih en tura ka kal hnai chu ka thil hmuh vang chuan ka tlu lek lek

Umpa chu alo thu sawp nuai a, a tap ni mai in ka hria. Kha leh chen a hmel hmuh ka chak. Ka naute nen a kan mamawh em em hi sangtei thlanah ahun alo hmang thin a maw

"ka tihpalh.." a aw chu a khur der der a

"kan naute kha ka hmuchak asin,min ngaidam rawh" a fa thi tawh ahmuh chak thu asawi anih chu. Chuan ka pum chhunga afa ka pai mek hi engtin nge ni ve dawn. Ka khur hlawk hlawk ani tawp mai

"inbulah ka lo kal ve mai dawn em ni" em em a,heti tak hian kan nufa hian hlutna kan lo nei lo maw

"lalmuanpui" au rin ka tum tehlul nen ka theilo. Ka chakna zawng zawng a bo vek. Ka kawchhung zawng zawng leh ka ruh zawng zawng hi a na vek

"kal ta che. Kal rawh" ka khurh nasat lutuk avang chuan ka ding hlei theilo
min rawn vawn a tum chuan ka lo tawlh sawn vat a. nie, akut a min vawna beiseina thamral leh mai tur neih hi ka duhlo a ni

"i hria em.. Vawitam tak Pathian hnenah keileh ka fa hnenah hian hlimna chhete tal ihmuh ve theih nan ka dil thin. I hmangaihna ka beisei ngailo,mahse i fa lo piang tur tal hi chu ihmangaih thei ka beisei asin" ka au tuar tuar tawh a.

"sangtei thi tawh takngial pawh keini nufa hian kan tluklo anih hi. Nia nia, kal rawh. Kan inthen ang. Ka thiam vek biklo tih ka hria, mahse keipawh hmeichhia tho ka ni,thik thu ka nei ve in,ka na ve thei. Ka tawrh na hi ihmu ve ngailo. I fa thi tawh leh i nupui ihmangaih em em bulah chuan kal ta mawlh che,keini nufa chu minlo ngaihtuah suh,ka fa hi nu leh pa hmangaihna zawng zawng ka pe vek ang. Kan inthen tawh, i zalen tawh, aruk arala sangtei thlana kal tawhlo in iduh hun hun ah ikal dawn nia" ka thinte hi a tawt up up mai.

ka hmazawnah chuan ka kal hmawk hmawka,ka mittui chu ka dang buai peihlo.

"marin.." a au ring khawp mai

"lalrintluang"
ka leh hawi tur a nilo. hma lam chauh ka pan tur a ni.

Hei leh chen ka tawrhna chhan chu,ka tlawm vang emaw chakna ka neih loh vang anilo thutiam vawn tur ka neih vang chauh a ni.

Nie THUTIAM..

Tunah chuan chu thutiam chu thiah a ni tawh ang

conti...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2018, 11:27 pm

KA THIANNU HNEN-A KA THUTIAM

PART-6

Nau ka neih hun tur pawh karleh mai a ni tawh. Mamawg ang ang chu kan lam kim tawh bawk a, a thawven thlak ta khawp mai.

Thla hnih lai Umpa pawh ka hmu tawh lo. Ka beisei nun hlim tak aneih. Kei chuan ka beidawnsan tawh a ni. Amak khawp mai engtiang pawn kan hmangaihte chu hmangaih mahila, a beidawn ve thak theih zuk nia!!!!!

Ka nu chuan min awmpui chawt a. Ka fa ka hrinchhuah chiah chuan ka lawm vang leh lungngaih vangin ka mittui a tla. He lei a alo pianchhuah hma hauhva hnawl ani hi ka lainat in,hriat thiam har ka ti tak zet a ni.

Ka fapa hmeltha tak chuan apa achhun hle mai. Hmu ve se alawm dawn nge alungngai dawn tih pawh ka ngaihtuah thiamlo. A fapa amah chhun tak chu ka tan chuan apa ang mai a ni. Ka malsawmna dawn ani e tiin ka en kham thei ngailo.

Ka fapa pawh thal thum a ni ve ta. Apa anglo takin a tahbelh em em lehnghal a hahaha

"bawihte muanpuia hi kalsan tlak pawh anih loh saw" kanu chuan naute rawn pawm pah chuan arawn ti a. Enge asawi awmzia ka va hrethiamlo ve.
Motor a accident in damdawiin a a awm thu ka hriat chuan ka nghing lawih mai.
'ka kalsan tawh anih te chuan Lalpa hlim takin awm tir ta che' ka ti rilru a.

Naute ka nu bula dahin damdawin lam chu ka pan nghal a. Nie, haw viau mahila, enge tih theih ka neih. Ka hmangaih miau alawm, ka hmangaih tan chuan ka tlawm nawn awn awn mai ang chu.

Damlo khumah chuan alo bu bal a. A hmelte chu dangin a biang aki ram a. A lainatawm lutuk chu a inhmeh lo zawk.

Kan mit leh mit chu a intawng chat a.
"enkawl tur che nupui nei vat ta che" ti hmuar hmuar chung chuan a cabin hnawk vel chu ka ti fai a. Ngawi rengin minlo en thung.
"khatia mut reng kha i inhmeh ve thlawt lo, i fel hmel lutuk. Tho la min hau la i inhmeh daih zawk" ka tih pawn min la chhang chuanglo

Doctor hnen ah tinge a tawng miah loh ka zawh chuan chhan ngaihna reng min hrelo. Karkhat lai ka awmpui hnu pawn tawngkam khat pawh ala chhak chhuaklo.
Ti tura ka tih chu tha takin ati zel thin a. Chaw ka pek pawn a ei ve mai thin. Mahse tinge a tawng duh miah loh le..!!

"bawihte a fapa hi hmu ve se a tawng chhuak duh ve maithei asin" ka nu in arawn tih tak ah chuan ka harhchhuak zawk, tinge ahma khan ka lo ngaihtuah chhuahlo le.

Kan nufa chuan damdawiin chu kan pan a. Kan luh chuan mit khap leklo hian min lo en a.
An pa fa a ka hmuh dun chiah hian an inchhun zia ka hriat belh.
"kha ifapa Rammuanpuia, pawm ve tawh rawh ka chau" ti pah chuan naute chu akutah dahin thildang ka tihsan daih a.

A tawng beisei deuhvin ka Apple zai pah te chuan ka mitsir reng a.
A mittui alo tla anih chu..! !!
Tunah khan Umpa a atap a ni. Nie, atap

"ninawm.. Ka pai hah hah nen mi chhunna reng reng neilo" ti pah chuan apple chu ka pe a, naute laksak ka tum chuan alo tang tun reuh a" pawm rawh pWm rawh,i peih loh thleng thleng ipawm ang" nui vur vur chuan ka ti a. A nui zeuh tih ka hmu thei,anuih pawn a tah pWn hepa hi chu atha vek zek. Min dem suh u,duh ber te chu chhe viau mahse kan hmu tha vek zel alawn hahaha

"bawihte ipa kha zun khum ang che aw" ti pah in apple akhel tur chu ka pe a. Ka tawng hre ve ang hrimin a la khek ve chiam zui.

Damdawiin ah thla khat dawn a awm hnu chuan achhuak ve thei ta hram a. ka nu leh pa leh keimah ngei pawn haw leh a that zawk ringin ka haw leh a.

Naute nen apa nen kan va buai dawn em!!

Umpa chu medical leave vangin office akal angai lova. Nitin in kan in awm chhungkua hi a ni ringawt

Thla aliam leh pawh chuan ala tawng loh vang chuan doctor ka phone leh a, chhanna ngai bawk. Achhan ahriat loh thu leh, a taksa chutiang nghawng aneih loh thu min hrilh leh. Ka thinrim lek lek chuan ka hau deuh nghe nghe

"Bawihtea hming hi nalh iti em? I hming zawi a sak ania"
A kut khal nap nap chuan ka ti a. Min en kar a, diktak chuan min chhan ve kha ka beisei asin. Ka mittui khap kir hram hram ka tum chu ka theilo, ka tap leh tawp tawh
alama min pawt hnaiin ka mittui tla chu a fawp a. Ka chal fawp lehin min kuah vawng vawng a.
a taksa lumin min ur ham ham te leh a ri pa hrak ka hriatte chuan ka tah atichhuak zual. Naupang chhia ang mai a tapin ka inhnit a. Ka hnunga chul ka mittui tla apiang chu alo hru hul zel a. A hmui lum thar thar chu ka chal ah nghatin nghet takin min kuah tlat a.

Nie, he mipa hi ka hmangaih a ni. miten tlawm tiin min dem mahse kalsan tura min ngen anih loh chuan ka kalsan tawp lo ang. hmangaihtu achapo ve ngai silo.

kan fapa pawh kum khat atling tep tawh. nu ka nih angin ka fa ka pasal ka enkawl angai. chau pawh ni ila ka malsawmna dawn a ni miau si.

ka fapa leh apa infiam chu ka en reng a, a fapa chuan chhaihin a khek chiam a, Umpa lah a nui ringawt zel. Ka insum zolo chu roomah tlanlutin ka tap a

"Lalpa ka enkawl theih loh tur ka dil ngai che a mi? A enkawl theitu engvanga laksak nge i nih. I remruat dan hi ka va hrethiam lo em. Ka bulah hian engmah hi atha ve theilo a ni tiraw? I malsawmna min pek hi angaihna ka hrelo a ni, mi dawn tur zawk ka lo dawn em ni?
ka pasal hi ka hmangaih asin " ka au chiam a

"junior-a a ril atam tawh ania" aw.. Chu chu umpa aw ani. Umpa a tawng. Kum khat lai ka hriat tawh loh ka thla hlel em em aw ka hria. Nie, a tawng chiang alawm..

conti..

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)