THE CRUELLEST LIE (M&B) (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: THE CRUELLEST LIE (M&B) (Completed)

Unread post by Ngaia » June 10th, 2018, 4:04 pm

The cruellest lie 13
ZIAKTU :SUSAN NAPIER
LETLINGTU :HMA-I
RE TYPE :NUI LEO KHAWLHRING
Episode 13:
'A chung hawn loh ang chi hi a nia sawi ka tum ber chu' chiang ngam chiah lo tih hriat tak a a rawn tih chuan Claudia-i chuan mahni inrintawkna a nei let leh theih phah a. Car chu ama khalh mah ni sela a duh zawk thlang thei turin a siam ve tlat zui! 'Kan kir leh anga car hi kan va thlak thleng dawn em mi ang?' an ti a.

'Angai lo, Cobra pawh hi chuan anuam tho alawm' a ti sap a. An hmaa traffic eng chu a hring a ni tih a va hmu chiah a, an hnung lamah chuan car tam takin an la rawn zui bawk a. 'Zawimuang deuh a i khalh theih chuan ka tihna a nia' an ti leh sap a.

A tawng chhuah dam avang chuan Morgan - a chu a meng zau kawk a. 'I duh chuan i khalh thei tho ang chu' a rawn ti a. A car chu ti thiin a chahbi chu aphawi a, a rawn pe a hmuh chuan Claudia-i chu ameng phawk nasa mai a.

Claudia-i chuan lak atum miah lova, a en reng ringawt a. An hnung lama car lah chuan horn an pe chuah chuah tawh mai a. 'Morgan, motor dang kan dang a nia aw' an ti a.

'I khalh anih chuan tlemin kan i inthlahdul thei mahna' tiin a hmaah chuan chahbi hi a va pe a, Claudia-in a kut chu alo nawr sawn a.

'Ni lo, chulam chu ni lo tehse. Morgan, Hnung lama miten min tur hmanhmawh tawh teh a nia aw!' a ti a. A hmai dang leh hrilhai hmel takah chuan hrehawm tihna a langin a sen deuh ap ap a.

'I ti tak tak maw?' An hnung lama car dang tlan mai duhte chu ngaihsak lo lekin nileng pawhin a thu thei hial ang tih tur hian a awm a. A ti tak tak ani tih lah a hmel atang chuan ahriat reng mai si!

'Aw, ka ti tak tak ani' alo ti halh a. 'Hetiang ang car hi eng tia khalh tur nge anih ka hre lovang' an ti leh a.

Morgan - a chuan a chahbi chu an thun lut leh ta a. 'Car chak dangte nen a khalh dan a danglam chuang hleinem. Nash-a pawhin Ferrari a neih kha...... I khalh tawh hrim hrim em?' an ti a.

Claudia-i chu a nui sak a. 'I fiamthu a ni lo maw? Chris-a hian midangin an phur hi a duh ngai lova, hmeichhia lek phei chu a tithei lo zual ani. A car ngaihhlut tak mai bul hnaihah hian keimah chauhva ka kal pawh a phal lo hial ang. A awm loh lai chuan taxi hmangin ka duhna hmun chu ka pan mai ani'a ti a.


'I sawi awmzia chu i pualin car i nei lo tihna a ni a.. i khalh aphal lova... i pawiti chuang lo maw?' A aw-a maktihna hai rual loh hian a ti a. Claudia-i hmai chu asa hat hat a.

'Car neia ka khalh kher a ngai lo ani' an ti a. 'Kan insawn kual reng a, chuvang chuan ka car neih chu a buaithlak na a tam zawk dawn ani. Kan hotel awmnaah khan limo service a awm deuh zel bawk a' Morgan - a hmelah chuan a ngaihdan a ni chiah lo tih a lang reng a, nghet charh hian, 'Mi thenkhat te hi motor nei lo pawhin an awm thei alawm.. A bikin khawpui lian motor service reng na ah phei chuan...' an ti a..

'Chung ang mite chu a leina tur sum harsat vang a ni tlangpui a. Nash-a dam lai kha chuan chung thil chu i buaina niin a lang lova....'

'Motor khalh hi ka chak fahran lo ani mai, Ok? Chu chu i lo ngaihtuah buai a ngai em mi? Ngaihdam ka dil dawn che em mi? Miin car a neih leh neih loh buaipui chu i eizawn nana em mi zawk? Car atanga chhukin kea kal turin min duh em mi? I motor khalh hian khawi laimah min thlen dawn lo niin a lang bawk a' an ti a.

'Ok, Ok. Khatin thinur teh suh, Duchess' dam thlup hian a rawn ti a. Claudia i thinur hmel chu mit zim san chung hian a rawn en a. 'Le..... ka khalh tan dawn a nia' an ti a.

'A hun ta viau a ni' ram hmak hian a lo ti a. Dahtheihna tlachham tak hian a melh khai a. 'Aw le? engthil nge maw i la nghah cheu chu le? Tlanchhuak ta che, Pathian hmingin!'an ti leh that a.

' Eng hrin hun hi ka nghak phawt ang chu ka ti 'alo ti sup a.' Dan bawhchhiat belh leh ka duh tawh chiah hleinem' an ti zui a.

Claudia-i an hawi chhuah chuan an inhnial vel chhung khan eng chu a lo sen leh hman tawh tih a han hmu a, a ni pawh chu a sen chhuak nghal ap ap a. A ngaite bawkah an tan tha leh a ni ngawt alawm. A thinur lutuk chu inbeng daih mai a harsat hle mai a.

Nuihzat hmel taka a rawn en chu hria in Claudia-i chuan a en duh miah lova. 'I awmdan chu leh i inhmeh lo hle mai' a la rawn ti zui.

Claudia-i chu a inkuangkuah ran a.

'I lukhum kha i ti chuar chhe zo dawn alawm'

‌Claudia-i chuan a kut chu a la sawn a, a lukhum bial lai chu a lo ti per vek mai a. A lukhum chu an siam tha a, a mit sir chuan Morgan - a chu a melh renga. A lam a rawn hawi avang chuan tukverh chu a ngheng deuh a. A sam dum hlap mai chu a thur deuh chapin, a kawr var hak chu a pawt chho a. Chutia a en reng lai chuan a tie chu an pawt thla a, a kawrkilh chu an phelh then bawk a. A hmelah chuan zamna emaw pawh a lang hauh lova, ani ve thung chu a tirilah a khur ru der der reng a ni si a.

‌'Traffic eng lam kha en zawk la a tha lo maw, chuti lo chu tlan chhuahna chang i hre lo leh mai palh ang e' tiin a lukhum chu a khupah hian an dah a.

‌'Oh!! Ka hre lo le, a tha phian mahna' a lo ti a.

‌An melh hrawk a, Morgan - a lah chuan a lo nuih mai si a.

‌'Tuna hun reivak lo kan inkhalh chhung hian i mizia tam tak ka hrechhuak a ni. Khang i office-a thil tam tak sawia ruahmanna kan siam dun lai ai khan ka hriat belh tam zawk hi a mak hle mai' a rawn ti a.

‌An inhmuh chang, Simon - a tel emaw an pahnih chauh emaw a hna an thawh hian Morgan - a chuan engtik lai mai pawhin an hna chauh chu a ngaihtuah thin ni a alan avangin Claudia-i chuan mak a ti hial a, an inkar boruak chua danglam dawn tawh ta ah angai a. A huatna te chu dah bovin an pahnih inkarah chuan inthlunzawmna awmchhun chu an hna chauh a ni tiin a ngai lui ve ta tlat a.

‌Tunah ngaihngam in a awm tan ve dawn chauh a, a hma aia an boruak kaldan chu asosang ta emaw tih mai turin thil a awm leh chu a ni a. A lo hriat anga mipa khawngaihna leh lainatna nei lo, mahni chauh inngaihsak ching leh chapo lutuk a nihna chu engvanga a rilru atanga lo dah chhuak thei nge a nih a hre bik lo.

‌'Pawn boruak thiang tak dawn hi i mamawh in ka hria a. He hun chhung hian ka mizia thenkhat pawh i hriat thar ve ngei k ring' a ti a.

‌'Motor khalh thiam lo zet i nihna hi maw?' alo tihsan hmiah a. Thil engemaw a awm nawm loh theihn tur arawn sawi chhuah chu ahlau a ni.

‌Thinur lo tih hriat zet hian alo tlak karh a. 'Eng ang pawhin lang mahsela tih hlauh che emaw tihnat che emaw hi ka tum lo hrim hrim ani' alo ti a.

‌Chutiang a thutak leh that chhiat hmel pu tak, lungawi tel bawk sia a rawn tawng chhuah chu atan chuan a hlauhawm fe si.

‌'A nihna tak chu. Chuvang chu a ni mahna, Mark-a kha Italy lama i thawn liam tak vat ni. A chhan chu ka rilru atihnat i hlau a......' tihel fahran hian a lo ti let a. Chupa hmaa tlawm anga lan chu a tum bik lo.


‌'Marka kha a duh vang liau liau akal ani. Dik taka sawi chuan ferrari siamna hmun tlawh kha a lo tum tawh sa reng a. Eng thil pawh nisela a kal duhna thulh tir thei a awm chuang lovang......... Thil intawng fuh palh hi a awm ve chawk a nia....'

‌' A intawng fuh palh nalh kher mai! 'Claudia-i chuan a ti hmak a.

‌' Nula rinhlelhna ngah tak zawng i lo nih hi, Claudia? I ngai tawh reng em ni zawk? Ni khat bak ala thang lova.... '

‌' En teh'

‌'Min lo hrethiam lawk teh, Mr Stone. Mechanic ka kohsak mai dawn che em ni? Saw lai maiah sawn kan dinga, i motor hi achiang chiah lo angin ka lo hmu ani'

‌Police chu Morgan - a awmna lamah hian a rawn ding a, chu car chu awh hmel leh nalh tih hmel tak hian a en dauh dauh mai a.


‌Claudia-i hawi chhuak chuan eng chu ahring leh tawh tih ahan hmu a, an pahnih chuan anlo hmu hauh lo chu niin!


‌'Ka buaina chu ka car ni lovin ka mi phurh vang zawk ania' ngeiawm taka ner sawk chung hian an ti a, a thu ngil ta nghal a. Police chuan a car en chu hawisan in Claudia-i thutna lam chu a rawn melh a. A ni zak lah alo sen tan tan mai bawk nen. 'Ka car khawl chu adik lutuk zawk a, duh aiin a tlan chak a ni!' a rawn ti leh a.

‌'Oh!!' tiin police form pawl ha chuan a rawn nuih vur vur a. 'Ka hrethiam alawm, ka pu. Mahse, tlan leh tawh mai ila a tha ang a. Taka, i car kha analh kher mai!' a ti a.


‌'Ka lawm e. Hriat ve mai mai atan, eng ang pawhin ka motor chu chhe mahsela mechanic lam chu sawi rik a ngai lovang, a chhan chu ka car chhia te hi siam thiam tura ngaih ka ni tlat a. Chutiang chiah chuan ka car chhia chu ka siam ve mai mawle' an ti a.

‌police chu anuihzat hmel kher mai a. A helmet chu a khawih zauh a, Claudia-i meng phawk tak chu enin, 'A nih kha, Mr Stone. Hun nuam tak in hmang dawn nia... mam.......' a rawn ti a.

‌Bahlah hauh lo hian an tlan chhuak ta a, Police pa lah chuan nalh ti leh awh hmel tak hian a thlir zui vung vung a. An tlan chhuah chiah chuan, 'Engvanga khatiang ang thu zozai kha sawi tehchiam nge i nih chu le? Eng angin nge angaih dawn i hre reng si a' an ti nghal bawrh bawrh a.

‌' A ngaihdan tur ang chu a rawn lan a tang khan i hmai sen chhuak vek khan a siam reng tawh zawk alwm. Car chung hi hawng vek lo phei ila chuan hmangaihna kan chen dun emaw te pawh a ti hial ta ve ang' a ti a. A car gear chu an pawt hrawih a, kawngsir lamah hian a tlan phei a. 'Kha i sen leh vek tawh a nia aw, car chhunga hmangaihna na i chen tawp ber hun i ngaihtuah em mi?' alo ti a.


‌'Nilo, teuh lo mai!' tiin dawt a sawi a.

‌'Chris - a chuan hnehna achan tumin vawikhat tal a car chhungah hmangaihna chenpui che atum lo tih zawng min hrilh duh teh suh' A vawikhat na atan Chris - a hming a lam chhuah chuan huatna lang lovin chhaih fiam mai mai hi a ang zawk a. Chu chuan a rilru na tak tur pawb a chhawk hle bawk. Chris - a nen an pahnih inkar kha chu a rilru natna titam tu mai mai nia hriain ngaihtuah tam loh a tum ber tawh reng a.

‌'Ka thil sawi chu thudangah i pakai san zawk teh ang' Claudia-i chuan pangngai tak hian a ti chhuak a. A hma ang bawkin hawihawm taka a ngenna pawh chu Morgan - a chuan a lo zawm duh chuang lo.

‌'Car-ah hian hmangaihna ka chen na hmasa ber chu a thleng ve tho a ni' a rawn ti a.

‌'A va ropui ve le!' Claudia-i chuan chnag fak hian a lo ti a.

‌'A ropui khawp mai!' Mahse, thil nuam tak zawng ani lo a ni. A gear - ah ka kekawr ka la bahtir zui! Ka bialnu lah chuan alawm viau a ni'an ti a.

‌A rin loh tak hian Claudia-i chu anui chhuak ta hak a. Morgan - a awm laia nelawm loh tak anga lan der reng atumna chu an nuih chhuah takah chuan abo ve duak a.

‌'Hmeichhia chu......' tiin a tawp chawt a. Ngaihven lutuk anga lan chu a duh lo a ni.


‌'Mark - a nu maw? Aw ni e, Marina-i hi ka hmeichhe mutpui hmasa ber a ni a..... Kei erawh vanneih thlak takin a tan pakhat na chu ka nilo. A tuemaw zawkin thil kawngkal kan lo hre sa chu a vanneihthlak hle ani' a ti a.

‌Claudia-i chu amengphar awk a. 'I sawi awmzia chu..... bialpa dang anei maw?' a ti a.

‌Morgan-a chuan nuihzat hmel tak hian, 'Kum sawmpariat ani ve tawh alawm ;Bialpa te chu nwi teh reng e..... mahse, ka hmaah hian mipa pakhat chiah amutpui a ni' a ti a.

‌Chutia Morgan - an a chanchin a hrilh chu mak a tiin han sawi mai tur pawh ahre lo. Morgan-a car khalh pawh tlemin a muang tawh a, Harbour Point chu an tlan pel a. 'Nang aiin a upa a maw? an ti halh a.

‌' Kum hnihin a upa zawk a ni' tiin an ner sak a. 'Mark-a nena in kum inthlauh ang lutuk chu ni love. Mipa tleirawl tan chuan chung kum inthlauhna chu atir chuan a pawina a awm lo a ni, kan ngai pawimawh ngai lo. Eng thil nge ni ta, Claudia? Mipa tleirawl te rilru hneh a a rilru a tha nia a hriat te chu engvanga pawisa lo thei nge an nih ang? 'an ti a.

‌' Chutiang lam chuan ka lo ngaihtuah miah lova.... 'Claudia-i chuan an ti a.


‌' I dinhmunah hi chuna midang tana thil tha lo tak tih chu aharsa ang ka hria' ngeiawm tak hian a rawn ti a. 'Mahse, mi thenkhat hi chuan thil awm dan dik tak hmu duh lovin khawvel lamah hian an cheng thin a ni' an ti a.


‌'Ni e, awle, eng ang hmeichhia nge ka nih i ngaihdan hi thup buai lovin sawi tlang zawk law law la' an ti ram hmak a. 'Thil engkim hi i thiam loh anga lantir i tum chu a ni em lovang chu?' an ti a.

‌Morgan-a chuan adar a san ak a, 'Kawng khatah chuan a ni tho mai. Marina-i khan tisa thil lamah chuan kei aiin alo tawng hmasa zawk pawh a ni ang, mahse, rilru lamah chuna keichu ka puitling tawh fe ang ka ring. Nau a pai a ni tih ka hriat khan ka nun pawh rang taka siam chhoh ka tum a, mahse, ani khan a harsat a ni. Mahse, khatiang a kan inneihna hlawhtling chho tura ka beihna a hlawhchham kha chu ka inthiam lem lo, 'a ti a.

‌' I lo ngaihtuah ve tawh ngai em..... 'tia a bul tan tawh chu a thusawi tur an hriat chuan a ngawi leh ta daih a.

‌Morgan-a chuan a sawi chhuah hma hma chuan eng thil nge a ngaihtuah tih a rawn hre leh ta ni hian a lang a.

‌' Min neih a duh vang hrim hrim a rai ta a ni tih maw? A dik alawm. Ka nu leh paten sum lama min tanpui tur pawm tura min nawrin, kei chuan thil awmdan ka thlir in ka chapo vang nge ka pawm duh chuang lova. Chutiang a ka hnar chu athin a urin kan pahnih inkarah daidangtu bang a ni chho a. Dik tak chuan fa neih emaw pasal neih emaw kha aduh lo a, mahse, tihtlak emaw, midang pek emaw kha kan...............
‌duh chiah lo ve ve a ni ang'an ti a.


‌A aw ah chuan thinurna leh lungawi lohna engmah a lan loh avang hian tlangval hun chhung nuam tak tur tichhe zo tu hmeichhia chu a haw tak tak lo em mi dawn le, tih ngaihtuah na hi a lo nei a. 'Engtia thi mai nge a nih le?'


Morgan - a chu a ngawi rauh rauh a, 'Car accident ania' a rawn ti a.

Claudia-i chu alo tha halh a, 'Oh? A pawi ka tihpui hle mai che' an ti a.


'Kei pawhin pawi ka ti alawm. Kan nun kan in tichhe dun a ni ber e. Kum sawmhnih pathum chauh ala ni a. University - ah degree nei tura a zawm dawn lai tak a niin a rawi ta hlauh mai a, chutiang thil te chu a duh loh chunga a kalsan a ngai a. A car kha ka khalh lo..... Ka chuang ve lo bawk a ni'a ti a.


Chutiang a rawn sawi zawm leh chu Claudia-i chuan makti tak hian a lo en a. 'Ka zawt hleinem che ' an ti a.

'Mahse, i ngaihtuah ani'

Morgan - a chu ain sangmar teuh a ni tih a motor khalhna vawn nghet dan em em ah chuan a hre thei a. "Dik taka sawi chuan chu lam chu kalo ngaihtuah miah lo ani. Motor khalh thiam tak i ni alawm'an ti a.

Morgan - a pawh a inthlahdul ve ta a, 'Minute sawm hmalam kha chuan chu chu i ngaihdan a ni lo' a lo ti hmiah a.

'Motor khalh chka vak mai leh khalh thiam loh chu in ang lo nasa hle a ni. Keipawh a chang hi chuan ka tlan chak ve tho a ni' a ti a.

Fiamthu deuha sawi a tum a ni a, Morgan - a lah chuan chik fe hian arawn en a. 'Chu, motor chu ilo khalh thin a?' an ti sup a.

'Tehreng mai, chutiang a apawng a puia hlau ka ni hleinem' a lo ti a.


'A chang chauhvin maw? Chris - a hian motor khalh hi afimkhur lo viau em mi?' an ti a.


' Kawngpui pangngai ah hi chuan a fimkhur lo viau mai, mahse, a hnathawh hunah hi chuan a fimkhur thei hle thung a ni. An intlansiakna hi chuan an tlanchak tlangpui a, mahse, engtik lai mai pawh hian hmalam a en in a ngaihtuahna chu a motor khalh ah chiah adah thin ani. Lenchhuah chnag hi chuan....... hlauhthawnna pakhatmah nei lo hian a khalh ta thin a. A thi dawn a nih chuan intlansiak na hmun ah ngei a ni dawn tih hre lawk ang mai hian ache a, chuvang chuna kawng pangngaiah hian na thei lo ang maia inkhalh pur pur hi aching thin a ni'a ti a.

'Chutiang ang rilru pu kianga
‌chen chu thil hautak tak anih dawn chule' a lo ti ringawt a. 'Amah chuan em mi in hmalam hun tur ngaihtuah na nei miahlo..............nge ni a nang hian hun lo kal tur chu hlauthawng thaw dep dep in i thlir zawk?a ti a.



‌Tun tum chu Morgan - a chuan a rawn to mah mah a ni. Chitiang ang thil rapthlak tak mai han sawi chhuah chu a thil duh loh ber a ni, a sam, a hmai rawn zartu chu an hui kiang a, a thusawi lai chu tih tawp hmiah dan tur a ngaihtuah a. Chhan tuma a ka a an lai tak hian Morgan - a hi lungawi hmel tak hian arawn thaw ham ham a, kawngsir motor lo dinna bulah chuan a car chu akhalh lut ta a.


‌'Hetah hian eng nge kan tih a? Khawiahnge kan kal dawn?' tiin an zawt a.

‌'Min zawt tawh dawn lo emaw kalo ti hman alawm' a lo ti mai a. 'Ka chet dan thenkhat a min rin loh ang hu in kawng thenkhat ah chuan min ring tawk viau niin a lang. Tunah hian i mi rinna ang chiah chuan thil i hre dawn e. In ah mawle..............................'

‌The cruellest lie
‌end of episode 13
RE TYPE :NUI LEO KHAWLHRING








Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2018, 4:04 pm

The cruellest lie - 14
ZIAKTU :SUSAN NAPIER
LETLINGTU :HMA-I
RE TYPE :NUI LEO KHAWLHRING
EPISODES 14:
'Hei hi zawng thil tih loh tawp tur a nih hi!'

Claudia-i chu apartment nuam fahran chei lai takah hian kawng dawm at hian a ding a, a hmaa mipa ngai pawimawh loh hmel zeta thuthleng sei ngheng a thu chu a melh rawm rawm a.
Morgan - a chuan dam thlup hian arawn en a.' Engvang chuan maw? Kei chuan helai a kal hi achi viau ah ka lo ngai a. I sawi danah khan in luah tur i zawng a ni lawm ni? Engvang in nge hetah hian i chen mai loh vang?' tih pah hian varanda awmna kawngka pui chu a pan phei a, a kawngkhar chu darthlalang vek ani a.' A zalen asin, mimal ta ani a, khaw hawina tur pawh a tha viau a ni. Oriental Bay hi khawpuia kal reng tur tan chuan hmun thlan awm ber ani ang chu........ Nipuilai chuan hnathawk turin ke pawhin i kal mai thei ang a.... Ke akal hi nuam i tih zawng a ni tih ka hria alawm, Simon - a khan khawpui chhung ke a i fanna lamah ngaihdan tha tak a pe che in hotel - in fitness course te hawn pha a'tiin kawngkhar chu ahawng a, varanda ah chuan a chhuak a. A in hungna lai ngheng ur ur hian a va ding a, 'En teh, heta tang hian Harbour Point pawh a hmuh theih ani' ati a.

Claudia-i chu ache sawn theilo hial a, chung thil nuam tam tak chuan eng danglamna mah asiam in ahre thei lo.

'Ka ngaihven zawng a ni lo tlat mai, kan hna tur chu kan thawk tan thei tawh ang em?' a lo tihsan daih a.

Morgan - a chu a lam pan hian a rawn kal phei a, nisa in arawn chhun avang chuan eng ang hmel nge a put tih Claudia-i chuan a hmu thei lova.

'Enga ti nge Claudia? Mark - an flat zawn pui che a tum lai khan i hnial nghal miah si lova. Hei hi chu pakhat ka lo hnarsak tawh avang che a ka tihsak liau liau ah che i ngai thei ang' a ti a.

'Khang te chu a dang alawm' Claudia-i chuan a ti a.

'Oh!!!!! Eng kawngin maw?'

'A apartment ani lova..'

'Chuti i company ta......'

'Chu pawh a ni chuang ll. Peter-a apartment ani a, ka thian kan compay tana thawk tu ve mai ani' Morgan - a chuan a lo ti a. 'Ama in hi midang ta ang daiha i sawi kha hria sela chuan angaihdan a ni chiah lo mai thei ani. Thla li chhung hi German - a a awm a ngai a. Zirlai naupang heta awm thin lah a awm thei tawh dawnlo tlat mai a. A in hi aruak a kalsan mai aduh loh avnagin mi ka rin zawng deuh lo luah tur zawng turin min ti ta a ni..... '

' Chuan kei hi i ngaihtuahnaah chuan ka rawn lang ta a'Claudia-i chuan deuhsawh hmel zet hian a lo ti hlar a. 'Engtik laiin nge nang hian ka lakah hawihawm chhuaha rinna i nghah a......?'

'Chutiang chuan em mi i lo ngaih a, Claudia? Hawihhawm a?' tiin arawn pan a, Claudia-i chu hlauthawng tak hian a lo tawlh hnung a, thuthleng chuan a lo dang ta tlat mai si a, a ding ta ngawt a.

'Ka.... englo.... luah deuh reng tur chi a nia ka zawn hrim hrim ni...' nuam ti lo fe hian ati vat a.

'Chugi hei hi hmasawnna pakhatah chuan i ngai ang chu. Va fang kual vel la, i rilru pawh a dam deuh mahna.......' tih pah chuan tukverh chu apan a, puan chu an hlim chho a.

'Mark - a a zin bo bawk si a, ka hnathawh tur tul vangin in hotel - ah khan ka hun tam zawk chu ka hmang ngei dawn a, chuvang chuan min pehhel a ka hmel hmuh khat i duh te anih chuan heta awm hi afinthlak zawk hle mai thei ani. Hetah hi chuanloh theih lohva min biak that a ngai dawn lo asin' tiin an nui suk a. 'Lemchan angai lovang a. He hmunah hi chuan min sawmna tel lo in ka rawn kal mai mai thei dawnlo a ni....' ati a.

Morgan - a chuan hneh ngei tumin athlem a ni tih a hai lova, mahse, chu chuan thudik tak chu a la ti danglam thei chuanglo.Morgan-a chuan a awmdan zawng zawng chu ahrilh kher ngai lovin a rawn hria tihna em mi dawn? Pehhel hram tumin a awm ngar ngar tih chu han sawi chhuah mai aduh naa, a ngawi leh ta zawk a.

'Ka.. hre lo' a ti chhuak sap a, an hawi kual vel ruai a. Apartment nuam tak a ni tih a hai lova, bakah vaukam atang chuan a hnaihin lung vawm phak vel lekah a a wm bawk a. Mahse, morgan-a hian athianpa in aluah chu remchangah a la mai lo ang maw? tih a ngaihtuah chuan anui ta sak a.

'I duh ani tih ka hria.... remti mai ta che!' tiin Morgan - a chuan arawn melha, hnehtu intihna hmel hi alang thei a. Chuvang tak chuana duh ang chuan awlsam takin a thlem thlu thei lovang tiin a lo insang phek thung a.

'I duh anga midang han hruai kawi hi i nuna pawimawh ber chu ani e, tiraw?' an ti hmak a.

'A man i thlak miau te chuan eng nge pawi?' tiin a dar alo san uk a.

'Mahse, he apartment hi athlawn a ni i ti khan ka hre si a,' nelawm lutuk mah mah hian ati a. ' Dik tak chuan in enkawl tur ang ka ni ang a......a tul ang ang ka tih a ngai ang a..... Chuti a nih ai chuan hlawh min pek a ngai dawn lawm mi?' an ti a.

' Sumin nge ni ang thil dang zawkin? 'awlsam zet hian alo ti a.' I inchhiarna chu sawi ta che, Claudia 'an ti a.

Chu chuan kum hnih liam ta a thil thleng nuam lo tak mai, Morgan - an sum a pek chu a hriat chhuah tir a.' Ka hlawh tur ang chu min pe tawh anih kha, ila hre reng lawm mi? 'tiin a hawisan nghal daih a.

Dim te hian arawn khawih a, a rawn vawnna lai chu a lum ham ham a, a pawt her ta emaw tih mai tur hian a inher zawk a.

' A hma khan chuan nangmah zawk hi a ni chan nasa ka tih tak chu' thutak fe hian a lo ti a. 'Eng anga sum tam pawh in pe ila nunna ai chuan a hlutna chu a nep fe a ni. Peter - a tana ka thil tihsak hi i tan a ka thil tih sak zingah lo chhiar tel ve mai ta che' an ti a.

'Ka lakah hian engmah bat i nei lo' mangang rilru zet hian a ti a, a mitmeng pawl raih fing zet mai chu a en ngamlo
'Hun kal tawh chu.... Hun kal tawh ani.... a siam that theih tawh loh! I pawitih zia kha i lo sawi tawh a, kei pawh in ka pawi ti a, chutiang chuan i ngai mai teh ang' an ti a.

'Tawngkam ringawt hian bat a tlak zo ngai lo. I laka ka bat hi sum leh pai emaw tawngkam emaw pawhin a rul seng ngai lovang.' a tih lai chuan Claudia-i chuan a mit taka an en chu a inchhir kher mai a. 'Ni lo, kei chuan chuti maiin ka ngai thei lo a ni, ka thei lo........' Morgan - a chu a thutakin a lakah thutiam a nei hi a ang hle a. Claudia-i chu a chiai leh ta tak zet mai.

'En teh, apartment chu ka luah ang' a ti a. 'Ka lawm hle a, bakah.....'

'Lawmthu sawi a ngai hauh lo....'

'A nih eng nge i duh a?' thinur tak hian ati that a. 'Hei hi engvanga min tihsak nge i nih? Phuba lak nan maw....?' Morgan - a mit hriam hraihin a rawn en chuan a heh chu apet fan fan a.

'Phuba a? engvangin nge i lakah hian phuba lak ka duh ang? Eng thil nge i tih a, ka huat tur leh phuba ka lak duhna tur khawpa i chet?' a lo ti a.

Claudia-i hmai dang lap mai chu a lang buai deuh nak a. Tunah hian! Tunah hrilh rawh, tia turtu hi a awm a. Tun hi thil awmdan a rilru chawk buai fo thintu chinfelna hun remchang ber a ni ang a. Bul tan that a.. a nih loh leh a tawpna atan tia a hrilh ngei a ngai ang....................

'Ka...... ka..........' tia an inthianthat na tur emaw an inkar thil tibuai thei tur hrim hrim tichhe vek thei thil sawi chhuah a tum mek lai chuan Morgan - a chuan inngaihtuah muk hmel tak hian, 'Eng thil nge ka lakah chuan i tih a? Hna thar danglam tak i thawh na hun tur pek che a, i la awm ngai lohna khawpuiah chenna intur zawn hmusak che in, i lakah ka thil tihsual ngaihdam ka dilna..... tun leh hman thilah a ni ang chu. Engthilin nge ka lak atanga thilpek dawn harsa tih tir ta tlat che.....? '

Morgan - a chuan a rawn hnaih lem lo na a, an inhnaih mah mah hian ahre tlat mai a,' Morgan...... '

' Hei hi em mi, Claudia? '

Tih pah hian a kawngah chuan a rawn kuah a, a lamah chuan a pawm bet ta thlap mai a.

' Hei hi em mi i hlauh chu, Duchess?'

A rawn kun thla a, hnial tuma a ka alo ang chu arawn fawh hnan ta hmiah a, hlauhthawnna leh phurna inkawp hian Claudia-i chu afan chhuak a. A rawn fawhna chuan a nun nguai tak mai leh tuihal na a khat chu arawn chawm nung leh ta emaw tih mai tur hian chhungril lam thlengin afan chhuak ta ani.

Claudia-i chuba chhing ta chial a, Morgan - a mit pawl raih mai phurna avanga de sawr sawr chu a en reng thei tlat lo ani. Thil dik a ni lo, he pa hian engvang a a ngaihtuahna zawng zawng tibuai ta nge a nih chu le?

Hneh awlsam tak anga alang mai tur chu duh lovin ngaihtuahna fim put a tum hram hram a. Mahse, chung thil chu Morgan - a chuan atihtir thei lo. A heh hnuai lam chu an seh sak nar nar a, Claudia-i pawhin a hnial rei thei ta bik, a ka chhungah chuan a lei chu arawn hawl lut ta nawk nawk a. Morgan-a chuan a kawngah la kuah reng chung hian tlemin an tawlhhlat san a, a kut pakhat chuan a kawr hnuai chu a rawn zen lut ta da da a. A hnute chu a bra chhanah chuan an khawih sak nak nak a, Claudia-i pawh chuan a mamawh ber ang zia zang hian alo dawng sawng a. A thinlung ruak leh mal tak anga a lo inhriat tawhna thin chu a kaitho tel tlat thung a.

Ngaihtuah lem lo hian Claudia-i pawh chu adingdihlip ak ak a, Morgan - a fawh remchang thei ang ber tur hian a insiam rem a. A kawng bawra a rawn chul chu a hre thei a, chutah a pawnfen kawng chu a khawihsak da da a, chutah meuh chuan Claudia-i chu aharh chhuak ta zawk a. Morgan - a mitmeng pawl raih chuan alo en ve reng a, an pahnih inkara thilthleng chu eng angin nge a ngaih tih hriat a tum ani.

'Ni lo......' a tih sap chu Morgan - a chuan a rawn fawh zui leh takah chuan a sawi zawm thei tawh lo. A ka chhungah chuan a lei a rawn hawl lut a, chu chuan ngaihtuahna a neihtir thei lo a chha a ni leh ta a. Claudia-i chu an tawlh hla hrat a, Morgan - a chuan alo dang bik lo, a beng kawmah chuan a rawn seh sak nar nar a. A bra chhanah chuan a hnute chu a tham sak nak nak reng a, phurna avang hian a hmur chu a kawh ta lah mai a.

'Morgan...........' tiin an awmdan chu thil dik ani lo tih hriattir ngei tur hian a awmah chuan an nam a.


'Eng nge.....' a hnialna chaurau tak chu a ngaithla lo. Phurna avanga a taksa khur dar dar chua hre thei vek a. Hnung lamah chuan an nawr a, thuthleng seiin a lo dan takah chuan an ding a. A mal te chu achul sak vel ruai a, thuthlengah chuan zawi muang hian a mut thla ta ani.

Claudia-i chuan ceiling hi amelh chho ta ran mai a, a ngaihtuahna chu a buai deuh nak a, Morgan - a chuan a ti a lo chauh hial a ni. Nawmna nsa tak a tawrh chuan ati zawi zova.... He thil hi a thleng tak tak a nih si chuan engvang a sunagtuah leh duhthusam ang maia nuam leh duhawm nge a nih si le?......... thil tak tak ani thei lovang tiin a ngaihtuah a.

A tukhumah chuan ahan kuah a, chutah Morgan - a chuan a duh lo nge a tawp chawt a. Chutah a rawn chet chhunzawm ta nghal a, a a bawr ah chuan a rawn nawk nar nar a, chutah meuh chuan Claudia-i chuan hnar duh vang ni lo, nuam tih vang zawk hian a hming chu a lam ta sap sap a.

Morgan - a chu lungawi tak mai hian athaw hrawih a, fawp pah mawlh mawlh chung hian a bra chhungah a kut zen lutin a hnute chu a tham nawk nawk a, chutia a taksa lawng a rawn khawih takah chuan hlauhthawnna hian a khat leh ta a.

Hnial mai tuma a awm lai chuan a bra chu phelhin a hnute hmur kawh lah mai chu a ka lum hiam chuan a rawn fawh sak ta a. Chu chuan nawmna danglam tak siamin Claudia-i chuan a lo nek chho ve talh talh a. Chutah a pawnfen hmawr lamah chuan a chul thla a, a mal an chul leh ta zet mai chu Claudia-i awm ngaihna hre lo hi a rum chhuak hawk thei hial a. A mal inkara arawn zen luh tak chiah chuan Claudia-i chu athaw halh halh a. A te chhuak ta that mai a, a taksa pum chuan a khur dar dar a. Morgana chuan a vawr tawp a thleng a ni tih hria in a kuah nghet sauh a. Chutia a tih pah chuan Claudia-i mitmeng vam hiam mai leh a hmai tai deuh tak mai chu uluk tak hian a en reng a.

Claudia-i a ngawih tak thleng chuan a pawm bet a. Hnehna a chang a ni tih in hria in a lawm hle na a, a duh ang taka hmangaihna a chenpui tak loh avang chuan alawm ala kim rih lo.

Claudia-i chuan thil awmdan a rawn hriat chian hunah chuan thiam taka a lo dawnsawn a ngai dawn a, a laka a chak lohna a lan chhuah tir tak chu a lawm hauh lovang. Chu a chak lohna chu remchang a lak a tum lo a ni tih hriat a ngai a.......

Claudia-i chuan Morgan - a awmah chuan a hmai a phum kak a, mahse, Morgan - a hmel chu reiloteah ahma chhawn dawn tih a hria a, atan bihruk reng theih a ni dawn lo.


Morgan - a kuahna atang chuan tal chhuakinan ding auh a, a puihna a mamawh tawh lo tiin a inhrilh ru mawlh mawlh reng a,. Zawi muang hian adak chho ta a.

A hmela lungawi na leh hnehtu in tihna hmuh atum laiin Morgan - a hmel chu a lang dam thlup tih a han hmuh chuan mak ati kher mai a. Chu chuan thil awmdan a ti chhe zual sauh thung a. Chu thil chu mak a tiin a ten phah viau mahna.... A awmdan nalh loh tak mai han sawifiahna tur a ngaihtuah ngial pawh chuan ahre chhuak thei lo. A hmai sen tai hlar chu a dang lap a, chutah a rawn sen chhuak leh nghal a. He thil tluk a mualpho thlak hi a la ti ngai lo hial awm e. Morgan - a chuan a rin ang chiah a nula leplerh a nihna chu ahrechhuak ah ain ngai ngei ang tih chu thil chiang sa a ni.

An ngawi dun vang vang a, hun chu a kal duak duak ni ber hian alang a. Morgan - a chuan eng thilmah sawi lovin chutiang a din reng chu a tum a ni mahna. A tawng chhuah hma chu engmah a sawi dawn lo ni hian a lang a. A chet dan mawihnai lo tak mai avang chuan eng nge sawi sela a beisei ang? Chulam sawi lova, pangngai thei ang bera tawng chhuah tum hian a bei ta a.


'Er...' tiin a aw an thian kharh kharh a. Claudia-i chu a tawlh hnung hrat hrat a, Morgan - a chuan a ipte chu an zen lut nghal a. Eng thil emaw sawi turin a beisei a ni.. Eng nge a sawi ang? Engthu pawh nisela an hma chiah a thithleng zul zui a nih loh phawt chuan a tha ani mai.

'Ka.... i.... Mechanic thiam tak chu ini reng reng e?' mak tih hmel taka Morgan - an arawn en chu hmu in rang tak hian an chhunzawm leh a. 'Ka sawi awmzia chu Police hnenah khan i car i siam thin thu kha i sawi a..... i...... ti tak tak em mi...?' Pathian leh! Eng thu nge a sawi tak chu le? Hmeichhia in ahmel hriat lo mipa abia ang maiin a tawng chhuah chu le.......

A thusawi atthlak zia chu Morgan - a rawn nuih chhuah takah chuan alang chiang zual sauh a. A lu an thin takah chuan Claudia-i chu asen chhuak vek thei hial a.

'Min sawisel tumna em mi, Duchess? Tun lawka ka thil tih kha mechanic ang maia chetnaah i sawi dawn tihna em mi? Ka ti hrilhhai ta hle che a maw?' an ti a.

A chetdan!!!! Lungawi na thlen sak tih chu ahre chiang hle a nih kha......

Morgan - a chu a la nui ta reng a, chu chuan Claudia-i thin a ti ur tan hle a. Nui reng chung hian,' Kan thiltihah kha chuan mechanic lam reng reng ka rilruah a lang lo tih hi ka hrilh duh che a ni, Claudia. Ka ngaihtuahna hian thil dang a hre changlo hial zawk a ni. Ka rilrua lang angin ka rawn che chhuak mai ani. Fawh i nawmna te, ka tawhna i mamawhzia te, mi ilo dawnsawn dan bak kha ka ngaihtuah lo... 'an ti a.

' Hmeichhe hur herh tak chu ka ni lo! 'alo ti hmiah a.

' I ni ka ti ngai reng reng lo. ' tiin a hmel a zaidamna lo lang chhuak leh ta chu atan a hlauhawm leh ta viau a. Claudia-i mahni inhua leh mualpho intihna avanga zak taka awm laiin chuti maia hahdam leh engmah thleng lo ang maiin a awm thei lovang.

Ni lo.....a mit men danah chuan eng thil emaw tak zawng a chungah athleng ve a ni. A samte chu a thur deuh a, a hmui chu an infawhna avangin a lang sen deuh bawk a.

'Keipawh chutiang ang chu ka ni bik lo tih in belh leh ang hmiang.' a rawn ti chhuak a. 'Khang thil thleng ta te kha nula leh tlangval inkarah hian a thleng fo a ni. Mihring dam khawchhuah zelna hi khatah khan a innghat lian hle bawk...'

'Mahse, ka...... i........' Chutianga arawn sawi chhuak chu ahrethiam lo ani, a lakah chuah khatiang kha a ni si a....... nge ni a, khatih lai khan aboruak ah a cheng in a tawhna chu nuam atih ve em avangin a chungah chauh thil thleng a alo ngaih chu alo tawng ve zawk ni ang?

Mahse, Morgan - a rawn tawng chhuah leh chuan a beisei thil chu a ti bo leh nghal vek a. 'Tun tum chu kei aiin i thawk rang mah mah a ni e, Claudia. Zah viau nachhan tur a awm lo. Khatiang a i awm kha ka lawm viau zawk a ni' a ti a..

Tun tuma? A thusawi danah chuan tun mai kha chu a lakah a la duh tawk dawn lo tihna ni hian a lang tlat a ni! Claudia-i chu akhur der der a.

'Mahse, khatin....... ka sawi awmzia chu khatiang khan..... tihsual palh liau liau a ni' ati bah nawk nawk a. 'Khati khan nidangah ka awm ngai lo.... ka sawi awmzia chu a la thkeng ngai lo.... Oh!!! Ka Pathian leh!' tiin a inhup tlawk tlawk a.

'A tawp i thleng hma ngai lo? Nge ni a, a tawp hi i la thleng ngai lo zawk?' alo ti a.

'Morgan!' an ti that a, a hmai chu asen chhuak vek tawh hial a.

'Kha thil thleng kha sawi chhuah hrehawm viau i ti a nih chuan a pawi ka ti hle mai, Claudia. Mahse, thil thleng ta a vang kha chuan pawi tihna emaw inchhirna emaw ka nei hauh thung lo. Nuam taka siam che hi kei pawhin ka duh ber a niin chin dawk lak a awl viau ngei ang, '

A kut kar atang chuan Morgan - a chuan a rawn fiam em mi tih hriat tum hian an melh a, a hmel landan a hmuh chuan a rum chhuak lo chauh zawng ani e. A hmelah chuan lungawina chiah ahmu a, chu chuan tihzah a hnekin Morgan - a amamawh na chhung ril taka lo chhuak chu a hriat chhuah tir ta daih a.

Morgan - a chuan a banrekah hian arawn man a, a hmai hupna atang chuan an laksawn sak a. 'Kan pahnih i kara inhipna awm hi tuna lo thup bo a ngai tawhin a lang lo ani, Claudia.' nghet charh hian ati a. 'Tun lawkah khan min mamawh in min duh ve hle a ni tih chiang taka lanchhuah tir mai ani a, tisa thilah pawh kan inmil em a ni. Eng angin nge kan inkar hi kan kalpui zel dawn tih sawina hun a awm ta tihna ani ang...'

Claudia-i chuan Morgan - an a kut a chelh sak chu duh lovin an tal chat chat a.' I sawi awmzia chu i......... '

' Tunah hi chuan khum lama hruai che a, kan in mamawh na hi tihpuitlin a lungawi taka kan awm thlenga mutpui che ka duh ani. Ka chakzia hi i hrethiam lo zawk hial ang' an ti a. An inthing deuh nawk a. 'Mahse, ka nghak thei ang. He hmunah hian mutpui tur che a hruai che ka ni lo tlat a. I ngaihtuahna fim hmang thei lo khawp a hneh ka tum che avangin i duhthu vang pawh ni lova min mutpui ta anga min puh theihna dinhmun turah chuan ka indah lovang. Hmeichhe fimkhur takah i lo in ngai bawk nen. I ril a tam em? 'a rawn ti ta daih a.

' Eng a? '

' Lunch ei ahun a lawm, 'tiin an nuih suk a.' Hun nuam tak hman hi chuan a rei lo thei hle a ni lawm mi? '

Claudia-i chu an nui lui hram a,' Hun nuam tak hmang si hi engvang a engthawl a hlim viau lo nge ka nih si le? 'a ti a.

' Chu chhanna chu tha theih tawpin ka hriatthiam tir thei ngei ang che. Mahse, tunah rih hi chuan lunch ei ila, i briefcase - a hnathawh tur awm nichin maia i rawn sawi lan kha kan ei chhungin kan sawi dun zawk tawh ang chu'a ti a. 'Kan....... ka intifai phawt ang chu' a ti ve ta a. Restaurant - a midang bula awm chu atan chuan atha zawk ngei ang le, mahse, a bula kal mipa khum atanga tho chhuak mai anga alan loh chuan a ni thung.

Mahse, Bathroom atanga a chhuah chuan bathlar ni sa in a em at maiah hian an ei tur vel hi Morgan - a chuan a lo siam vek mai a.

'Khawi atanga i neih nge?' an ti ngawt a. Choka lam an fan lai khan ei leh in tur pakhatmah a awm lo tih a hria a. Restaurant atanga chah ni sela tun ang em em a rang hian an rawn pe thei dawn si lo!

'Ka car atangin mawle'

'Ei leh in tur hi tul tak thutah tiin i phur kual zel tihna em mi?' tiin dawhkan puan vara khuh chunga eitur tuihnai tak mai inchhawp chu a en a. 'Harbour Point hian eitur kha an pack sak thin amaw?' tiin an eitur bawma hotel hming in ziak a hmuh chuan an tia.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2018, 4:04 pm

THE CRUELLEST LIE - 15
ZIAKTU :SUSAN NAPIER
LETLINGTU :HMA-I
RE TYPE :NUI LEO KHAWLHRING
EPISODE:15
'Nang ang lady Zah awm tak mai ka lem lai chauhvin mawle' tiin a epa chair in hungah chuan thu turin an zai zir a, a thut hnuah amah pawh chu a thu thla ve chauh a.

'Ka ngainat kher kher chw hi a pawimawh em mi? An ti a.Chumi ni chu eng angin nge an hman chhoh leh zel dawn tih atan chuan ngaihtuah thiam a har ta hle a.

' Pawimawh tehreng mai, tisa phurna chuan min hneh thei hle mahse la, hmeichhia ka taksa leh ngaihtuahna zawng zawng min tawm pui a, min ngaina ve tih ka hriat loh chu ka mutpui thei ngawt lo ani. Nakin lamah min zahna pakhatmah i nei thei tawh ngai lovang 'an ti a.

' Le min dawp reng tawh lo khan i eitur kha ei ta zawk la. Chuan, lamna huna sawmna card design tur hi i lo ngaihtuah tawh reng em tih hi min han hrilh teh. Grafic artist pakhat thiam tak mai han thawh mai tur ka nei a, nang pawh in i duh ang zawng a nih leh nih loh pawh i ngaihtuah thei thova. Eng ang chiahin nge khawvel a car khalhthiam thlan chhuah te hi kan lo buaipui ang tih te pawh'a ti a.
##############################################################
Morgan - a chuan wine la bang zawng chu Claudia-i no-ah chuan an chhung khat a, Claudia-i chuan a no chu a keng va va a, eng anga tam nge wine chu a in tawh tih a inhre lova, mahse, a awmdan nuam tak avang chuan a ngaihtuah peih lem lova. Morgan - a chuan hmeichhia zu rui lehnghal chu mutpui aduh dawn lo tih ahria a, chutiang kher lo pawh chuan aduh chuan chet ala thei a ni tih a chiang tawh hle ani.

Kar hnih liam taa Morgan - a nen Oriental Bay apartment bathlar a wine an indun nen kha chuan in ang tawh hauh lova. Khami tum khan Morgan - a wine rawn ken chu rinhlelh hmel tak leh lawm lo hmel rak hian a en a nih kha.

Mahse, a rinhlelhna ang chuan Morgan - a chu ache zui ta lem lo.

Lamna hun atana ruahmanna alo siam chu Morgan - a pawmpui atan an hrilh ve a, mahse, ani chuan hnial khan tha tak nen a lo khalh leh zauh thin avang chuan a hma lawk a an thiltih ngaihtuah buai lova an thusawi a rilru a pek vek a ngai a.

A lehkha ziah kawhhmuh a tum lai chuan an kut chu aintawk fuh palh hlauh mai a, a thinphu chu apangngai lovin arang nghal at a. An hawi chhuah a mitmeng zim deuh san chunga a rawn en te chuan atiril a fan a.

Vawiin pawh hian a hma ang bawkin an pahnih chauhvin an awm a, a bathlarah a eisiam tu lo siamsak chu an ei dun a ni tih a ngaihtuah theih lohna tur angin an hna chu an sawi zawm leh a.

An thil ei chu a tuiin Morgan - a bathlar hmun hla tak thleng a thlir theihna chu a boruak a nuam a. Tunah zet hi chuan wng thil pawh a hmachhawn thei ang tih ngaihdan a nei ta hial a. Morgan Stone - a pawh nisela a thei ngei ang tih a hai lo.

Tunah chuan an ruahmanna chuan a nihna ang athleng chho dawn hnai ta a, chungte chu Morgan - a nawr na leh a thawhrah tam tak a tel vang ani tih a pha thei lovang. A hna a thiamnin thawhrimna chu a hnuai a thawkte lakah pawh a beisei a, amah pawhin a theihtawp a chhuah bawk ani. Morgan-a hlawhtlin na thuruk chu ataimakna leh thawhrim na piah lamah a hnuai a thawkte chu enkawl dan athiam in a ngaihsak thiam em em a. Anni hian theihtawp chhuahin an pu tan chuan an thawk ta thin ani.

Vawihnih chu Mark - an alo huat em em thin thuneih atumna hun chu atem ve a. A office - a an hnathawh laiin a ni ve ve bawk a. Claudia-i chuan chutiang a ngaih thupui em em ngaia a ruat loh laiin ani chuan a thu neihna khawih buai theiah a ngai tlat thung a ni.

Morgan - a chuan mipa naupang tihmawh ang mai hian a dawh kan a thil vel chu paih darh chum chum chakna a neih hmel hian a lo hria a. Chung athinur puak chhuah thut hnuah chuan a thin ur rei lovin amah pawh a thinurna hrik thlak chuan a ti harh huai ni awm tak hian hlim hmel a pu zui leh nghal mai thei a. Claudia-i chuan chhungrila alo pai tawt teuh reng a sawi chhuah tak vangah a ngai mai a. A hnu a midang ho ten nui hmel pu deuh a an rawn en chuan anni pawh chuan chutiang ang thil chu an lo tawng ve thin a nih a ring nghal mai a.

Ani pawhin Morgan - a lakah chuan thil tha tak a zir chhuak ve bawk a. Thiltih sual palh emaw a ngaihdan ang lo thil a awm changin chhuan lam siam a, hlau taka hmachhawn ai chuan thil awmdan dik tak sawi chhuah tum chuan ani pawhin a ngaithla nge nge thin tih a hre ta a.


Chutianga Morgan - a mize dang dai tak mai ahriat chhoh hnuah chuan, Claudia-i chuan a tana hlauhawm thwi thil ang tur atang chuan a inveng ta ran reng a. A apartment tharah chuan a sawm leh ta miah lova...a luah luh tirha an thawhpui thenkhat nen inthar an lawm naah pawh asawm lo. Morgan - a pawhin a sawmin a hnial zel a...... Sumdawnna lam thil nena inkaih hnawih a ni tih a hriat chauhvin a pawm thin ani.

Intih thiam lohna tak tak pawh nei lo hian an awm chho zel a. Tunlai te erawh hi chu Morgan - a chuan nikhat danah inhmuhna tur kawng a dap ziah emaw tih tur ani. Hetih hun chhung hian Wellington - a mi pawimawh tam tak, tun mai an contract atana pawimawh tur ni lo, hun lo kal zel tur a tangkai tur ang te a hmelhriat tir a. Embassy - in Cocktail party a buatsaih tum hnih pawh kal turin a sawm a, Morgan - a sawmna anga ngaihtheih mah nisela atan hnial chu thil atthlak tak ani dawn si a. Hetah hian Morgan - a mizia a la hriat ngai miah loh hi..... a chezia chu a nalhin a hawihawm hle a, mi lar leh nihna sang tak te lakah chuan achang a thin ram thut thin chu azia ani thei angem tih tur hian akhawsa a. Politics lama hmelhriat tha a neih dante leh an hming hmasa ngatin an inko tih te chu a hre ve ta a.

Rei pawh a ni lo Simon-a chuan hun reilote chhung Wellington mi challang takte zinga aintat lut thei chu a fing hle ani ang tiin a fak hial a, an head office lamah thil awmdan a report a, an lawmin an hnaah chuan thawk tha an ti a. He intlansiakna ah hian hotel hmingin a theih chuan car pakhat tal sponsor theih ni sela tih thu an rawn sawi ta hial a.

Chung thil chu Morgan - hnena sawi hmasak phawt angaih avangin ani buai leh hna ngah chuan naktuk lam ni thei sela tiin alo hnial a. Chutia alo tih chuan Claudia-i pawh lawm takin a awm ve mai a, chutah Morgan - a chuan a weekend hman hi tihbuai loh theih ni hram sela tih aduh a, he thil chung changah hi chuan inremna chu a duh tho tih erawh a sawi lang a. Intlansiakna thu pawimawh thei ang chi zawng zawng chu in ah a computer - a an awm vek thu leh a duh phawt chuan chu chu a rawn chhawr tangkai thei ang a ti bawk a.

Chutianga a va pan ngawt chuan amah inven a lo tum ve na chuan a chhuahsan leh thut thei ani tih a hai lova, atan Morgan - a rinloh ai chuan amah a inrin tawk lohna chu alian zawk reng tlat. Chuvang chuan an hotel car pakhat chu a khalh chhuak ta ngawt a. A duh ang hun hunah a haw thei dawn tih a hriat chuan alung a muang deuh dawn ani.

'Um dang ka hawn belh leh dawn em?' Morgan - a chuan a ti a.

Claudia-i inngaihtuah muk lai tak chu a harh chhuak nghal kawk a, a no chu a lo tlak fel leh der tawh tih a hmu a.

'Eng thilmah lawm kan nei lo ani lawm mi?' an ti a.

A thusawi chuan awmzia a neiin Morgan - a chuan engmah a chhang chuanglo hian a no hi an chawi a.

'Nipui chhung weekend kal muang raih mai hi lawm tur chu ani ang chu. Pathianin hun min pek zawng zawng hi hnathawh na hun atan ka hmang zo vek ti ta ila i awih angem? Ka tan chutiang a awm reng chu thil tha ber ani lovang tih ka hriat chhuah hma in ani a. Mihring nun damchhung hun rei lotea hlimna tawn theih tur pawh ka hlamchhiah a ni tih ka hria a. Ka naupan lai deuh a ka thil tum hlawhtlinna neih chuan min la awk a, chuti chung chuan ka kum lahin naupan lam apan der silo........ Khatih laia ka lo suangtuah thin chu ;sum leh thiltihtheihna neih a, duh ang ang a awm tih kha ani thin a. Ka hnathawh lai chawlhsan in eng thil nge ka nunah chuan ka duh em em tih ngaigtuahna hun inpekna chang pawh ka lo hre miah lo ani' ati a.

'Tun thleng pawh hian nangmah i in ngaihtuah na hi i tan a la pawimawh hle niin a lang' Claudia-i chuan a lo ti a. Chutah tim deuh hlek hian, 'I ngaihtuah chhuah takah chuan.... engthil nge ni ta chiah le?' an ti a.

Morgan - a chuan an nuih sak a. 'Hmun engthawl leh hahdam taka ka awmna tur, khawpui ka rilru chawlh hahdam theihna ang hi a ni ber in ka hre ta a. I ngaihdan chuan.... ka nihna anga min hmangaih ang hi, i lo ti pawh a niang, chutiang chuan a sawi theih ang chu' tiin a no chu an en a, a hmelah chuan nui hmel hi alang chhuak a.

'Ni e, nangmahah hian hmangaihna aia innghir nghona, chhiatna chhuak anga i hriat tlat chuan i tan chuan insiam that ngaihna a awm ngai lovang. Mipa piangthar tia sawi tur chu ka ni lova, mahse, mihring te hian kan tuhrah chu kan seng chiang a ni tih ka hre thung ani. A bik takin mihring te inkara inkungkaihna ah hian a ni zual ang. Chapona hian chhiatna a thlen a, heng thil pahnih te hian ka nihna an sawi lang a ni ber ang' an ti a.

Amah a in hua in a in hmusit viau a i tih chu a aw ah chuan a lang a, Chutah chiah chuan Claudia-i chuan eng thu nge hrilh a tum tih a hre ta a. Amah avang hian a nun leh nihphung tam tak a lo thlak danglam tih a ni ngei ang. A taksa natna avangin engmah tisual lo chu alo mawh puh a, kha thil avang khan Morgan - a nun chu khawih danglam a lo ni ta ani ang. A dawt thu avang khan a nun chu siamtharin a awm a nih awm chu!!!!

Claudia-i mita hrehawmna leh lungchhiatna lang a rawn hmuh chuan a thil ngaihtuah tur awm ang chu a dang daih hian a lo hmu thung a.

'Min awih loh hmel pu a i awm khaka thiam vek che a nia Claudia. Mahse, kum hnih hmalam a mipa ang kha chu ka ni tawh hauh lo a ni tih hi hria la ka duh a ni. Ok, ka la sawi fiah tawk lo ani ang' tiin an ngawi vung vung a. A thu tak zia han en chuan dawt sawi turin Claudia-i chuan a ngai ani hauh lo. 'Mihring ve tho ka ni a....... mahse, ka mihring a a chhe lam chuan midang nun nuam leh hlimawm tak tur chu a lo tichhe fo tawh thin a. Khatia i naute i chan ta kha awlsam taka theihnghilh in thleng lo ang maiin ka awm ta ah pawh i lo ngai a ni maithei a, a hnu lamah pawh ka ngaihtuah leh tawh lo ang hial che pawh in i suangtuah mahna. Mahse, ka ngaihtuah nawn leh ta fo a ni, ka ti tak tak bawk. I nun leh Mark - a nun atangin ka inthiarfihlim ta a, chu chu i duhdan a nih ka rin vang a ni bawk. Chu chu i thil tawn rapthlak tak maia ka tihtheih tawk ang leka nih chu. Mahse, eng harsatna pawh tawk chho ta la...... ka hre vek tho tho ang a....... ka pui bawk ang che. Mahse, nangmah kha i in enkawl thei hle ta anih kha'an ti a.

'Engtin nge.... engtin nge puih ka ngai tih chu i hriat ang a?' Claudia-i chuan khur dar dar hian a ti a, a inthiam lohna chuan a ei chhe tak ngial dawn a ni.

'Auckland - ah khan ka thian pakhat in a changin i awmdan kha a rawn hria in min rawn hrilh ve ta thin a. Tihbuai che ka duh vang ani lo.... puih theihna che a awm takin tih thu vang chauh ani' an ti vat a, chutianga a awmdan a lo chhui tir chu a duhlo tih amitmengah chuan hai hek lo. 'I hlim em? Hnathawh tur i nei em!?... Hrehawm takin i awm wm tih te hriat tumin a nia' ati a.

Morgan - a chuan tun thleng hian a lo awmdan leh khawsak dan zawng zawng chu a lo mitmei reng ani tih han ngaihtuah chuan ati khur dar dar a. Hrehawm ti taka inthiam lohna nen ahun a hman laiin ani lah chuan alakah thil thup ala nei reng a nia.

'wine chu i duh tawh lo tak tak maw?' tiin a rawn zawt a. A heh khur dar dar thup nan ano chu ahmui bul setah a lo chawikang reng tih ahre chhuak leh chauh a.

'Oh, aih...... aih ka duh tawh lo.... ka lawm e. Er... Coffee ni sela a apawi lo zawk mai thei' Morgan - a computer chu a en chhuak a, chuta tang chuan an hotel sponsor tur atn New Zealand mi driver chu a thlang chhuak fel tawh a. Tunah chuan arilru buai tak mai a wine in in a belhchhah tak chu a tihreh a ngai ani.

Morgan - a chuan an no chu ala a, inchhung dai raih mai ah chuan a chawi lut a. Claudia-i chuan vaukam ni sa in a rawn em tlet sar mai chu mit zim san chung hian a thlir vang vang a. A rilru hrehawm tak chu a thil hmuh mawi takin a tihreh theih chu a beisei hle a ni.

Morgan - a in tunlai engineer thiam tak te din chu tlang chhawr dawh atanga rawn chawr chhuak hi a ang zawk mah a. A thutna bathlar zau nuam tak atang chuan tuipui tui luang dam ruih mai chu a thlir thlak theih vek a.

Claudia-i chu an zi mar ar ar a, ni sa chuan ahmai leh a ban ruak kang mai chu a rawn em. ZIng lam boruak vawt takah khan jacket a ha a, a hnuai a kawr banbul eng a lo ha tel ta chu tun boruak lum takah hi chuan a lawm ta hle zawk a. A sam chu a darah hian a uai thla nghiau a.

Lawng chawlhna hmun leh ral lehlam a vaukam a tui inchhawk var suar suar thin chu ahmu thei a. A veilamah chuan mual dung thla hi tuipuiah chuan a inkhawh lut thla riah a. Thlang lamah thung chuan khawpui chhunga building ding khup chu alang iar bawk a. A chungah chuan tlang sang tak hian a hual a, chu chuan kawng kual tak a siam a, a kal tirh a la ni bawk a, chuta mi lo awmte chu akalna lam tur zawh a ngai ta hial ani tih an ngaihtuah chuan a nui var var a.

'I hria em.... kan zavai atan hian hahdam taka awm hi chu atha vek asin. Nisa hnuaia awm chu nuam i tih hmel hle mai' Morgan - a chuan a rawn ti a. Tray-ah hian an coffe in tur a rawn chawi a., Claudia-in a hmu thut chu aphu deuh zawk a. Mahse, tunah chuan Morgan - a hmelah chuan nichin lawka hrehawm tihna lo lang leh ngui tak kha hmuh tur a awm tawh lova. Hahdam hmel tak hian coffee chu athli chhuak a. Polo kawr dum leh designer jeans a hak chuan a tilang hahdam zual a. 'I rawn kal chu i lawm lo em mi a? Kan inkar pawh atha chho viau a nih hi tiraw? Karhnih chhungah kha chuan kan inrem lohna emaw inhnialna emaw pawh kan nei miah tawhlo a nih kha' ati a.

'Mahse.... Khang te chu........' tiin Claudia-i chuan sawi zawm tawh lo hian angawi ta daih a. Morgan - a chu thatchhiat hmel tak hian a chair - ah chuan a thu a.

'A chhan chu?' a rawn ti zawi sup a. A mit pawl raih leh a hnung lama tuifinriat lang pawl ruih mai chu a in ang lek lek a.

'A chhan chu thil awmdan ngaihtuahin ka thiltih pawh i pawm chhoh tak vang a ni ang?' an ti hraih a.

'Chuti maw?' nuihzat hmel tak hian Claudia-i chu an en a.

'I bula awm a nuam tawh a ni zawk mahna' hreh lutuk tih hriat reng hian arawn ti chhuak leh bauh a. Morgan - a mitmeng de sawr sawr a hmuh chuan a duh aiin a lang nalh mah mah zawk hial a.

'Bula awm nuam chauh maw? Ka nihna ka hlauh then ta anih ka ring e. Mi hip thei tak leh mi ngainat hlawh tak thin kha ka ni hian ka lo hre thin a.'

'Ngainat awm thei tura awm der vel hi chu ka hrethiam bawk' Claudia-i chuan a lo ti a. A coffee in chu a sat deuh avangin a lei a ti kang lek lek hial a.

'I sawi awmzia chu Nash-a bula i awm laiin tihna em mi? Ka rin mai nachhan chu a ni kha chuan hun tawp lamah a hlawkna tel tum mi thenkhat lo tap buai an awm in fak derna nen an rawn hnaih ang a......... tih lam ania ka sawi chu.......'

Chung ho zingah chuan a chhiar tel ve ta lo chu tlemin a zia awm ta a lawm!

' Chris - a hian midang bula awm hi nuam a ti a. Mipui zinga tal te leh party na a kal te hi anuam tih zawng ber a ni' a ti a.

'Mahse, nang chuan nuam i ti lo thung a' Morgan - a chuan a lo ti a.

'Chutiang in ka sawilo' a lo ti a. Morgan - a chuan a rawn sawisel ni hian a ngaihruat hman a, 'Ka la naupang a, mipa lar tak mai kha ka hmangaih a ni a. Hun hlimawm tak hman a, mi thar han hmelhriat kha ka nuam tih zawng a ni a. Khawilaiah pawh kan zinkualin sawmna hi kan hmu deuh reng a.......'

'Chung thil te chu nuam i tih vang zawk a ni lo maw..... a mipa ni lovin a larna leh amah in a ken tel ang chi hrim hrim ang kha?' a lo ti a.

'Dik taka sawi chuan ka hmangaih tih ka hriat hian milar a ni tih ka hre lo reng reng a, chang fak hian ati a.' A chetsual kha a inhliam deuh a, Press mite lak atanga a bihruk laiin kan inhmu a. Ka nu leh pate ta khualbuk lian vaklo ah hian a rawn thleng a, kar thum a rawn awm ani' a ti a.

'A haw hnu chuan engtin nge ni ta zel a?'

A dak chhuak vah a, a thiltih chu chhuan hmel taka lang thei tur hian a awm lui a. 'Ka zui ve mawle' a ti hmak a.

A zui ta kha tun thleng hian a inchhirna a neih a la hre ngai lova. A nu leh pa thingtlang khuaa cheng ve mai mai mawl mang ve tak te bulah kha chuan awm reng ta ang sela khawvel nun hlimawm tak awm hi a hre ngai miah lovang. A nu leh pa hian hmanlai rilru taka enkawl chhovin, thianghlim taka a nun hmang turin an duh a. Fa neihchhun mah nisela an khirh khiap hle bawk. Thuawih taka a awm hi a lak atanga an beisei aniin a hmangaihna lan tir na ah an zirtir fo reng a. A nun nguai tak mai leh beisei na awm lo lutuk anga a hriat thin lai te kha chu hun rei taka thil thleng hi a ang tawh mah mah a ni.

Chris - a a rawn lan chuan nula naupang tak mai khualbuk lian lo tak a nun hmang chho ve bauh bauh reng, tan in atang ang maia in ngai nun chu a rawn ti danglam ta a. A tan chuan hmangaihna chu thil pek awlsam tak..... Hlimawm leh nun atana chen fakawm tak ang a niin Claudia-i zirtir a nih dan nen chuan a inang lo kher mai a.

'Tu nge a nih chiah tih chu i hre vat lo tihna maw?'

'A hnu deuh lawkah chuan hre ve e. A nih lohna anga awm lovin min bum chhuak lo a. Chu chu i ngaihdan a lo nih chuan, cat khalh a intlansiakna chu a aeizawnna a nih thu pawh min hrilh vek ani. Chu bakah engang chiah nge thil awmdan a nih dawn tih angte..... '

' Chutia a hrilh lai che chuan thil phurawm tak a ni ngei ang. Mahse, a taka han tawn chuan ngaihtuah na ai chuan thil awmdan a danglam ngei ang le...... nang ang khirh taka enkawl nula tleirawl tan chuan' an ti a.

Chutiang a in lama a nundan a rawn sawi lang kher kher chuan ati lawm lo kher mai a. 'Ka nundan ka thlak chho ve mai ani' a ti hmak a. 'Inkawp a nuam tawl tura awmdun satliah kan ni lova, Chris - a nun nguai chawk harh tur ngawt pawh ka ni hek lo. Chutiang ang mai mai tur chuan zui turin min sawm a ngai lovang, min hmangaih ve ani' an ti a.

'A lakah hian i rinawm hle a ni tiraw, Claudia?' tiin a coffee no khu vang vang chu an in a, Claudia-i mitah chuan a rawn en reng a. 'Mipa fel leh duhthusam ang chi hliah hliah hi a lo ni reng em mi? Hmeichhia mipa pa tawk tak ang chi ngaisang chi hrim hrim hi i lo ni em mi, Claudia?'

'Ni lo, ni hauh lo mai' Claudia-i chuan a lo ti cbhuak hraih a. 'I ngaihdanah chuan Chris - a chuan ka lakah hian remchang a la ni ah i ngai tlat niin a lang a. Ka zui duh a, ka zui mai ani. Kum, sawmhnih ka niin ka nu leh pa te khuahkhirh na hnuaiah ka awm a, chuvang chuan thil tam tak hrethiam lo leh hawi zau lo ang pawh ka lo ni ang. Mahse, ka kum rualpui hmeichhe tam tak ai chuan ka rilru hi apuitling viau a ni. Ka thiltih chu ka hre chiang a..... Ka tan kir leh mai mai theih ani dawn lo tih pawh ka hria a ni'a ti a.
'Dik taka sawi chuan Chris - a ai pawh khan ka rilru a puitling zawk a ngaihchang ka nei a.' an ti leh a. 'A nun kha hlimawm zawng hlirin a nung a, bakah thil chiang leh neih theih loh neih ang chi hi a awmzia a hrethiam tak tak lo in ka hria a. A thil thlir reng reng hi...... A tha lam vekin a ni tlangpui a, a ngaihtuahna leh a rilru putdan pawh mipa naupang ang maia sawi chhuak phawng mai a ni bawk. A tawpah chuan thil engkim hi atha vek ang tih ngaihdan a nei a... nun chu atan chuan infiamna ang mai, intihhlimna chikhat ani mai a. Chutiang ang chu a mizia niin ka dah a, chuti ni lo sela chuan khatiang racing hlauhawm takah khan a zuang lut duhin ka ring lk ani. A chang hi chuan thutak ve deuh tura ka tih chang a awm ve bawk a, mahse, thil engkim a tha vek mai ang tia sam taka min chhan hi chuan thi hi a ur duh hle thinzawk a ni'a ti a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2018, 4:05 pm

The cruellest lie - 16
ZIAKTU :SUSAN NAPIER
LETLINGTU :HMA-I
RE TYPE :NUI LEO KHAWLHRING
EPISODE 16: ' A nih athih hma khan a laka i rilru putdan thin kha i la na lutuk lo tan in i in hria em? Morgan - a chuan alo ti sup a.

' A teuh lo mai, kan innei dawn a ni! 'a ti chhuak a.

‌' Chanchinbu lamah khan inneihna chungchang engmah a lang si lova' Morgan - a hmel landanah chuan athusawi chu a awih nge awih lo a hre miah lova, mak tak hian awih sela duhna a nei ta tlat zawk a.


‌'Kan thuruk a ni a... An intlansiak tukah khan Chris - an Las Vegas lama kal a rawt a, Midang tumahin an hre ve lo. Kan inneihna chu nakin lama puan chhuah kan tum a. Khatianga awm kha nuam atih zawng a ni a. Press mite hawi phawk tir leh, a thiante han shock vel chu athil nuam tih ber a ni hial ang. Mahse, khami kar khan inneihna awm lovin a ruang khan min deng ta zawk ani' a ti a.

‌Khatia Chris - a vui anih takah khan a tanna kawngkhar chu inhawng in zalen ta riauva inhriatna a neih chu a inthiam lo ru viau a. Khatia an inneih dan tur Chris - an thutak hmel vak lova a sawi chuan a rilru a ti buaiin, a hlawhtlin chhoh tak avanga hun tam tak an hman dun theih loh tak fo chuan a ngaihtuah na a ti buai a. Chris - a chuan an inneih that loh avanga rilru hrehawm leh chiang ngam lovah apuh sakin an inneih that hunah chuan abo mai ang a tih chu Claudia-i chuan awih har ati a. An inkawp tirhah kha chuan chutiang ang thil chu rawn sawiin rawt ta ang sela a pawm nghal hmiah ang tih chu ahria a. Mahse, an puitling chhovin thil tam tak an tawn chhoh takah chuan Chris - a a hmangaih na chu damchhung daih a i em? A eizawnna hlauhawm tak mai, engtikah mah a bansan hleihtheih loh tur hi a pawmpuiin hlim takin atawiawm reng thei ang em tih zawhna chuan arilru ati buai a.

‌A rai ta bawk nen, a naupai chuan arilru a ti nguai ah angai lui a, a fa pai chuan Chris - a pawh a tihlim em em bawk a ni. A fa chu a hmangaih in alawm em em ang tih ahria a, chu chu Chris - a zia ani tlat a. Nitin inpawm chawt lo mahsela a fa chu atan a phurrit leh ti buai tu ah a ngaih theih a ring lo. Claudia-i - chuan a fa avang chauh chuan chhungkaw din chu arem ti chho a, inneihna chu hlauhlawp taka ral thlir mai chuan a fa nun a khawih chhe thei tlat a ni....

‌'A thih hnuah khan chanchinbu mite lakah i biru bo daih kha chu a awm ve tho ve. Khatih lai khan i rilru a hrehawm viau awm si a.....'

‌Morgan-a ngaihdan chu a hrethiam nghal mai a. A bialpa thih hnu reiloteah mipa dang akawp lehnghal in nuam ti takin a a wm chho leh a. Nau a la pai leh nghal zui tih chu a ni....

‌Hrilh ngei angai a ni!

‌' Morgan, ka..... '

‌An tih tan lai chu Morgan - a chuan alo pawt chat hmaka. 'I nu leh pa te hnenah chuan kir leh tumna rilru i pu miah lo em mi?' a ti a.

‌Chu zawhna chuan ati phu zawk lo chuah a. 'Ka nu leh pate kha...... ngaihdan hmanlai ang reng tak an ni a, an thutiamah tawh chuan ding nghet tlat leh nundan hrim hrimah pawh khirh khiap tak an ni a. Hetiang ang mi hi chuan in ngainatna leh inngaihna te hi an ti lang lem lova.... an chhungkaw zinga miin pasal nei bo ta pawh ni sela a ni tho angnkan chungchangah chuan ka awmdan khan a ti zak nge mualpho an inti ka kalbo atanga rei pawh ni lovah an khualbuk lian vaklo chu an ti ral a. Australia lamah an pem ta ani. Chuta tang chuan kan la inbe leh tawh lo'a ti a.

‌'Nu leh pa te hian chapona avang hian an fate chungah hian eng thil nge an thlen thin le?' alo ti sup a. Chutiang a a rawn sawi chhuah chhan chu a hria a, a ni pawhin a lo tawng ve tawh a ni...... a tleirawl lai leh fa a neih tak hnuah hetiang chhungkaw buaina hi ani chuan a lo tawng tawh miau a. A sawi dan hmang atang khan a nupui neih hnuah hian Morgan - a chuan anu leh pa te hi a be pawp leh tawh lo tih a hre mai a. A ta tur a a nu leh pa te dahsak sum leh pai chu thamna anga ngaiin ahnawl a, chu pawh a chapona avang liau liau a ni. A nu leh pa te thih hnuah hian an sum dah khawl leh an ro zawng zawng chu Mark - a hminga dah ani ta a.

‌'Chuti chung chuan Mark - a kha kan inbiak pawh leh that i rinthu i lo hrilh a...... Chutiang anih si chuan chhungkua hi a hlu hle in i hria tihna a ni ang a.......' Dam thlup hian ati a.

‌Chutiang ang ka nih chu i awih theih tak tak ka ringlo'Claudia-i chuan alo ti hmak a.


‌Pehhel map lo hian,' A tir kha chuan ka awih lo alawm..... Mark - a hian i thusawi leh thil awmdan hmang i hrilh atangin min hmuh a remti ta tih a sawi lang a ni' a ti a.

‌A aw chu azawi supin dawhtheih na tlachham hmel hi apu a. Hun kal tawh sawi lan leh sawi dun chu Claudia-i aiin alo chak bik fahran lo hle tih alang thei a.


'I nu leh pate chu biak pawh i tum tawh reng reng em?'

'I sawi awmzia chu zahawm deuhvin ka nun ka hman hnuah hian maw!?' Claudia-i chuan alo ti fak a. Chupa chuan eng nge a neih a, mipa dang zawng aia a mipatna a hriat bik hliah hliah reng le? A aw chhuak ringawt ah pawh chuan eng emaw hlauhawm riau awma hre tlat reng nge a nih chu le?

' An ngaihah chuan hmeichhe zahawm tak ang hi ka ni ngai tawh lovang. Ka..... vawikhat chu lehkha ka thawn a. nau ka pai a ni tih ka hriat hian' Chuta thil thleng chuan adeng na hle kha a thil tih ah chuan a inchhir phah hle a ni. 'Ka lehkha a ngai bawk hi envelope dangah min rawn thawn kir leh tawp a. Chubak engmah thuthawn a awmlo.... an fanu ah pawh min ngai tawh lo tih lanna tur chiahin' tiin nuih za hauh lo tih hriat tak hian an thensak a. 'Ka lak atang chuan sawn fa chu an beisei loh ber a niin ka fa pawm chunga an kawt kaia ka va kal leh mai chu an hlaj ani mahna.......' A naupan hun lai chu engpawh nisela, a nu leh pa ten fa anga an ngai tawh lo tih han hriat chu a rilru a na vawng vawng lo thei lo.

' An chan ropui zawk hle ani, Claudia. I naute kha hmeltha tak ani ngei ang a, nang pawh nu tha tak i nih ka rinh e' a ti a.

Chutiang arawn sawi chuan arilru ati na zual sauh mai a. A mittui chu aparawl tiam tiam a.,ni engin a rawn chhun vanga a lo ngaih theih mai abeisei a. A mal chunga a kut a khalh nak nak chu a en chhuk a, Morgan - a rawn ding chhuak leh a lam a rawn kal phei chu ahre hauh lo. A chair bul a rawn thlen chuan ahre ve chiah a, a kut vawt thlar mai chu a kut lum ham ham chuan a rawn hum sak a. A thil tih chu ahre lo em mi? A chak lohna lan tir in ti hian a rawn hnaih theihna tur hun remchang ape a ni a!

'Chutiang chu i hre lova.....' tiin a kut chu phawi chhuah nghal a tum a, a ni lah chuan alo vuan lui ve tlat thung a. 'Engkim mai kha thiltih sual lian tak a ni ber e. Ka tana malsawm na ka chan ti pawhin kan sawi thei ang........'

'I fapa kha i chan hleinem, fimkhur loh vang chuan a thleng thei mahna, mahse chutiang ang chu i ni lo tih ka hria a.....' ati a.

'Dik tak chuan khatiang a nau ka pai ngawt kha keima fimkhur tawk loh vang ani.' tiin a mittui chu afar ta hial a. Morgan - a hmel en duh lo hian a thu khawng lah a. Kum hnih vel laiah kha chuan midang hmuh laia tah kha athil duh loh ber a ni a, tunah lah hetiang zet hian a awm ta a ni......

' Eng lo, a tu zawk in nge indanna hmang che u, amah nge nang zawk?'

Claudia-i mittui tla par chu a sen chhuak ap ap a. A ngaihdanah chuan Mark - a chuan nge amah chuan indanna hmang tiin a zawt a ni chiah mai. Morgan - a hi a ti hrehawm tawk tawh hle lo em mi?

' Keimah ka nia, ka ei theihghilh ngai miah lova, vawikhatte pawh. Mahse, ka vanduai ta ani ang' Chutiang thu chiah chuan a naute boral takah khan a doctor pawhin hnemna a ni pah fawm in a sawi a ni.

'Nau pai kha ka duh lova, naute pawh ka duh hek lo.' an ti chhuak leh hrawih a. Kha le! Khatianga a sawi kha chuan Morgan - ainthiam lohna pawh a nep thei mahna.

'Chuti i fimkhur loh vang a ni lova, thil mak a nih zawk chu. Mak taka nau pai. Naute neih chu i duh lo anga, mahse, i naute kha chu i duh a ni tiraw, Claudia.....?'

A kut hnung lam hnawng deuh hleka a hriat chu a mittui tla emaw a ti a, mahse, Morgan - a chuan arawn fawp a ni. A rawn kun hniam a, a pawnfen leh kawr hak inkarah chuan dim te hian arawn fawp zui leh a.

' Khatin awm teh suh...... '

A ka lum ham ham chu ahre thei a, chutah Morgan - a chu a rawn hawi chho a, an kut insuihna laiah chuan a fawp a.

'I naupai lai hun tam zawk kha chu i dam lo reng a...... Mark - an chung chu min hrilh ani... chutah nau i chhiat zui leh ta mai si nen. Doctor chuan i hun lo kal tura i naupai lehna turah effect a awm ang tiin a hrilh che em? Nau pai theih lohna tur ang te a awm thei em? 'an ti a.

' Ka......... awmlo. A.........a sawi dan chuan, ka rai hma a tang khan ka hrisel na chu a tha vaklo a..... chuti ni lo sela chuan.... pangngai takin ka pai tlang ang ati a.... nau ka pai leh duh a nih chuan harsatna awm miah lovin ka pai thei leh tho ang a ti bawk' Morgan-an chik lutuka a rawn en mai bakah, a kut hnunglam chuan a kawng bawr chu a rawn tawk fuh leh zauh thin a. Chu chuan ngaihtuahna fim tak ahmantir thei lo hial a ni.

'A nih khang i thil tawn avang khan hun lo kal leh a fa neihna hlauhthawnna thil te i neih phah leh reng reng em, i ngaihtuah em?'

Engvang a chutiang ang thu te chu rawn zawt mai nge a nih chu le? A pangngai zan lovah a ngai em mi? An tim deuh hlek a, a zawhna chu thang awh theihna a nia a ngaih rual in eng ber chu nge ni a hre thei lo.

' Naute dang han neih leh hi i duh ang em, Claudia?' dam thlup hian a rawn ti nawn leh a. A kut chu a dulah che hauh lo hian a dah vang vang a,. 'Fapa emaw fanu emaw neih hi?' an ti leh a.

'Ka.......' tiin a heh ro tak chu an liak zauh a, zawi sap hian, 'Engtikah emaw chuan ka duh mahna, khatiang ang thil kha thleng tawh lo turin ka beisei chu ani a.....'

'A thleng tawh kher lovang' a lo tihpui ve a. 'Tun tumah chuan i naupai tur chu i duh ang ngeiin i pai ang a. Taksa leh rilru lamah inpeih hmasa vekin sum leh paiah leh i dinhmuna chiang tawka hahdam taka i awm hunah a ni ang chu' a lo ti a.

'Nia.... aw, ka....... ring. Chutiang chuan......' hmun hriat ngai hauh lohnaa hruai luh hi a in chan rum rum hial a, tum leh thlenna tur hriat mai theih lohna hmunah. Ni chuan a sam chu a en tle sar sar a. Morgan - a chu ahmaah thingthi hian awm a, a mita thil eng emaw lo lang a hmuh chu nisa in a rawn en khalh vang mai mai em mi dawn..... a thu khawng ta lah a.

'Naute dang, a hmaa naute pa nena thisen inzawm pui chiah nen lo nei dawn ta ula, ka ngaih danah chuan a thlakna ang ani hauh lovang. Kha naute in aneih tur ang zia leh hmelhmang chu arawn nei ve vek ang a.....'

Nisa chu arui ta mai em mi! Chutiang ang thu chu Morgan - a chuan thu pangngai ho mai mai anga dam thlup in a sawi chhuak thei si a nia leh! A mittui a parawl kiang a, a mitah chuan a shock zia chu hai rual a ni lo. Chutiang ang thu han sawi chhuah chu..... 'Ka hrilh tawh che kha, Claudia. I lakah hian bat ka nei a ni, chu chu ka tan pek theih leh rulh theih a ni ngai dawn lo tih ka chiang a. Chuvang chiah chuan i lak atanga ka laksak che, nunna chu nunna veka rulh theib che hi ka tihtheih sang ber a ni. Kan inkar leikak thuk tak inzawm leh theihna kawng a nih ka ring bawk'

' I fapa nunna chu ka pe thei tawh lo, mahse, fa dang chu ka pe thei che a. Tun tumah erawh hi chuan pu ni lovin pa ka ni thung ang a. I phat duh loh chuan chu naute ka pekna che chu kan pahnih tana tisa thilah pawh nawmna leh hlimna min thlen tur a ni ngei ang a............. '

The cruellest lie - 16
RE TYPE :NUI LEO KHAWLHRING
End of episode - 16

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2018, 4:05 pm

The cruellest lie - 17
ZIAKTU :SUSAN NAPIER
LETLINGTU :HMA-I
RE TYPE :NUI LEO KHAWLHRING
EPISODE 17: Claudia-i chu a mengchhuak zawk a.

'Eng..... eng thil nge thleng a?'

'Ka hre bik mai lo, mahse, i rilru buai deuh avang khan i thidang ani ber ang ka ring' a lo ti a.

Claudia-i chu sofa sen dup nuam tak, lukhum nalh tak an dahna atang chuan han thawh chhuah mai hi atum a. A awmna room rawng var veka inhnawih chu Morgan - a tlang pang ina khawi emaw lai ber anih chu a hre chauh a. Thil thleng te kha chu a mumang vek a ni ngei ngei ang......., thil thleng thei lo a ni. Kut khur dar dar hian a sam chu an chul a, a bul a dawhtheih na a khata lo nghaktu mipa thu chu an en a.

'Engtin nge,....... helai hmun hi ka thlen a?' a ngaihna hre lo tak hian a ti sap a. Thidang tura luhai a neih lai pawh a inhre thei lo.

'Ka pawm che mawle' a lo ti mai a. No vawt takah hian eng emaw hi arawn pe a.

Tui a ni tih an hriat chuan lawm tak hian a lo in a, a dang ro lutuk pawh a ziawm ta hle a. A sam chu abengah an zep a, chutah a nghawng an khawih chuan a kawr hma kilh chu a lo in hawng a, a thlan deuh hlap a ni tih a hre thei a.. A kawnghren pawh a lo phelh thawl vek tawh a. Lukham kham chuan an mu leh vang vang a, zam rilru tak hian a kawrkilh chu akhawih nauh nauh a.

'Ka thidang rei viau em? '

'Ka pawngsual na tur hun anga rei chu ni lovev ro halh hian a alo ti a. No chu dawhkanah chuan an hung a.' I kawrhnuai kha atawt ang reng si a, chuan thawk lak awlsam nan tiin khatiang khan kalo ti ani, tui huha hruk che kha a ngai bawk si a' an ti a.

Morgan - a aw ah leh hmelah chuan tihelna leh nuihsawhna lam pakhat mah hmuh tur a awm lova, chutiang anga a awm chu a lo thlahlel ngawih ngawih tih an hriat chuan a shock kher mai a. Chutianga a rawn ti kher chu a awm a tiin a tawh awm reng a ni a. A zahawmna leh mipa hawihawm tak a nihna chu a nikhaw hriat loh laia hun remchang lo la tur anga a puhna chuan a ti chhia a ni tih a hai hek lo.

'Ka lawm e' an ti sap a. Engtin nge ngaihdam a dil ang tih chu a hre thei mai lova. A kawrkilh chu kilh that leh nghal mai a duh a, mahse, chutiang a a tih chuan Morgan - a mit a la zawk ang tih hlauhna a nei si a. A tihngaihna hre vak lo chuan a hrawk chu an khawih ringawt a.

'Ka nuam tih zawng tak alawm' tih pah hian a kekawr ipte chu a zen a, romol thianghlim zet mai hi a rawn phawrh a. 'Ka lo hrufai ang chu' ati a.

A awma tui a tih huhsak na lai chu a rawn hruk sak a, hnuai lam a melh daih avangin eng ang rilru nge a put ang tih chu a mit atang chuan a hmu thei mai lova. A dimdawiin a thiltih holam tak ngaihtuah chuan ainpet ruh ve deuh teuh ni hian a lang thei a.

A uluk kher mai a, Claudia-i chuan alo ti rilru a. A kawr chu an keu leh deuh a, zawi muang hian a rawn hru hauh hauh reng a. A tul aiin a hru rei mah mah emaw tihtur a nih laiin Claudia-i chuan alo hnial duh bik lova. Morgan - a awm bawr chu a melh ran a, thawm reh vek hnuaia an thawk la dun ham ham chiah chu ahre thei a.

Zawi muang hian ahnute inkarah chuan a rawn hreu zui leh a, Morgan - a hmel thutak fahran mai chu an melh chho ta hau mai a.

Chutia a hruk pah chuan a kawrkilh la inphelh lo chu an phelh sak a, engtin mah a lo hnial tak lovah chuan aphelh zawm leh ta a.

'Tunah chuan ka khawih che duhin min ngen thei tawh a....' an ti sup a.

A bra pan tak maiah chuan a rawn zen lut chho a, an phelh sak ta a. A kawng a rawn kuahin Claudia-i engmah sawi lo chu an fawp ta vawng vawng a.

A ka chhungah chuan a lei chu hawl lutin a rum chhuak hrawih a. Claudia-i pawh chuan hnial buai lovin a darah chuan a lo kuah a, a hnaih theih ang ber tur hian a lo kuah a. Chutia phurna leh nawmna in an zem takah chuan Morgan - a hnungah chuan a chul thla ve riak riak a, a hnaih thei ang ber tur hian a ngheng talh talh a.

'Yes.....' chutia an chhan let ve takah chuan Morgan - a chuan lungawi hmel fahran hian a ti chhuak hrawih a. A lamah chuan an pawt hnaih salh a. A kut pakhat chuan a hnute kawh lah mai chu khawihin a hmur kawh lah te chu an hrual nak nak a,. Claudia-i taksa nem thap mai leh Morgan - a taksa khauh tang tluka inmil chu awm chuang lovang tih tur a ni a. Morgan - a mipatna chuan ahip in a taksa khauh tang mai an nek fuh te chuan phurna a siam in a ni pawh chuan mahni in thunun na hloh hial khawpin phurna hian a zem buai ve tih a hai lo.

Morgan - a a in lak hran tak ah chuan thawk a la ham ham a.

'Kha thil awmzia kha hetia ka khawih che hi i pawiti lo tih angin ka ngai e' a ti chhuak hrawih a.

Claudia-i chu an hawi chhuak a. Morgana laka inpek tur leh tur loh chungchang ah chuan eng thutlukna mah a la siam hauh lo,a boruak khan a hruai bo a ni ber a.


'Ka......'

A awma akut dah chuan a rawn chul hauh hauh chu a hre thei a. 'aw tia min chhan na ringawt a ni ka mamawh ni' Morgan - a chuan a lo ti a.

'Eng..... eng nge i zawhna chu?' phurna in ataksa a zem chiai chiai rualin fimkhur duhna a nei leh tlat pek a.

'Eng nge a nih chu i hrechiang khawp mai.....'

'Ka..... i ti tak tak hauh lovang!' an ti chhuak sap a. Morgan - a mitmeng thuk ril raih chuan a awmdan a theihghilh tir thei hial dawnin ahria a.

'Ka thutak lova maw?' a lo ti thung a. A hnute veilam chu an tham nak nak a, a thin phu dap dap zawnah te chuan a kut chu a rawn dah a. 'Chuti si eng vanga nikhaw hre ta lo mai nge i nih a?' an ti a.

'Ka thidang mai chauh a nih kha' pangngai deuh zawk hian a ti chhuak a. 'Wine ka in leh nisa hnuaia ka awm vang a ni mahna...'

'I shock hle bawk a. Thil hote ah pawh i shock thei hle a nih hi, a dik em, Claudia? I thil tawn tam tak mai te ngaihtuah in........?' tiin a heh dang lap mai chu a rawn en a, a biang erawh a tai tak thung a. A mit uk kharh maiah chuan eng thil emaw inphum ru ni hian a lang bawk a, Morgan - a chu an kun hniam a.' Ka fa nei tur anga insuangtuah chuan a shock viau che tihna em mi? 'a rawn ti sur sur a.

Thil sawi awm pawh a ni lovin a zahthlak hle zawk a ni. Ngaihtuah ringawt pawh atan thiltih chi a ni hek lo. Rawn fawh a mamawh theih nan a a siam ringawt pawh hi a tih chi tawh loh. A hawi sawn ta daih a, a sawmna chu hnial tum hian, 'Tu hmeichhia pawh nisela khatiang a er..........'

'Mamawh nih maw?

' I thusawi khan mamawh na lam a hawi lo hrim.... 'a lo ti sap a.

' A hawiin, mamawh na liau liau a ni' tiin a kawngah chuan arawn kuah nghet ta sauh sauh mai a. A mala thut tirin an taksa chu an in nawk tir a.

'Chuvang chuan nawmchen duh vang hrim hrim a hmangaihna chenpui che duh turah chuan min lo ngai duh suh' a beng bula rawn thaw lum ham ham chung hian a ti a. 'Ka duh che a ni, Claudia... Ka hneh theihna tur ang che ka tana hmanraw awm thei ang zawng zawng ngaihtuah chhuah pawh ka hnial lo. Nang pawhin min mamawh ve tho tih ka hria a.....' tih pah chuan a hnute kawhlah mai chu an khawih sak a. '.......... Mahse, hun kal tawh a thiltihsual chu apawimawh i tih vangin i haider thei lova. I tlangval ni tura min pawm chuan i hun kal tawh thil thleng kha theihnghilh thei ta hialah i in ngai a, i inthiam lova. Engkim chu i nei vek thei ang, kei leh phuba lak...... '

' Hetiang zawng a i tih kher hi a ngai lo' mangang rilru tak hian a lo ti a. 'Phuba lak hi ka duh lo. I thiam lohna pawh a awm lova! I......... i fa ka neih chu i duh ngawt thei lovang.....' a ti a.

'Engvangin nge ka duh loh ang?' mangang taka hnial na tawngkam chu Morgan - a chuan a ngaithla duh lo. 'Hmeichhia te chauh hi em mi fa neih chak tur a? Mark - a nausen lai khan hna ka thawh rim avangin a bulah ka awm tam thei lova. Sumdawng thiam tak leh hlawhtling thei ka ni tih lantir ka tumna lamah ka mawhphurhna pa nihna chu ka hlen chhuak lova. Nitina fate leh pa te inhnaih zawk leh inpawh zawka an awm theihna turin tan lak nachang ka hre lova. Tun tumah erawh hi chuan pa tha tak mai nih ka tum ngei tawh dawn ani.. '

Chutia a rawn tawng chhuak chuan Claudia-i chu ati chiai lek lek mai a. Mahse, fa neih chak tak anga a insawina chuan a thinlung erawh a khawih tlat thung a.

' Mahse..... Mark a..... '

' Ah!!!Ni e, Mark-a ' tiin an ner sawk a.' Nangmah inven i tum tawha i tawngkam hman chhuah hlu tak mai a nia lawm. Mark - a chungchang chu in sawi ang hmiang. Ka fapa hmei hlui ka lo it hian mi pangngai lo angah min ngaih phah tir che i tihna em mi? Tenawm leh hauthlala ah i ngai maw?' an ti a.

A thu rawn sawi dan chu a ngeiawm hle a, mahse, Claudia-i chuan,' Chutiang rilru chu i pu em mi? tiin alo zawt let daih a.


A mitmeng dumpawl raihah hian nuihzat na hi a lang thei a. 'Ka duhin ka mamawh viau che a, a dik, Mahse, nang leh kei a inkarah hian tisa phurna bak eng thik emaw a awm a ni tih chiang takin kan hria a ni. Mipa te hian an hmeichhe it tawh phawt te lakah fa neih an duh ngai lo. Ka rawtna ai mahin ka mipatna hi i ring tawk lo zawk niin a lang 'a ti a.

' Ka tih awm rengah i ngai ve lo maw? '

' A dik mahna'


'Ka sawi awmzia chu Mark - a
Chu ilo nei tawh ngei a' an ti a, thutak fe a an melh chuan Morgan - a hmelah chuan nuihzatna hi a rawn lang chhuak teh tlat a.

'Khangte chu hun rei tak a mi a ni tawh a, mahse, eng ang pawhin rei tawh mahsela fa ka nei thei tih erawh ka chiang ngam a ni' an ti a.

Claudia-i chuan phawk fe hian Morgan - a chu a en a.


'Ka sawi awmzia chu i hria alawm' a lo ti leh sup a. 'Hmeichhe dang ka mutpui te lakah hi chuan condom ka hmang ziah a. Tihsual palh thuta nula rai leh kha ka duh tawh lo a ni' tiin a awm bawr chu a rawn melh ta reng a. 'I lakah hi chuan hman ka tum lova, chu hun lo thlen hlan chu ka nghakhlel tak meuh bawk. Eng ang chiah nge a nih dan kha hriat leh ka chak a. Kan pahnih atan hian thil tawn danglam tak a nih ve ve ka beisei e. Indanna lam hi tun hnai mai hian i ei thar em....... ?'


Chutiang a mamawh na tlang taka a sawi chhuah chuan Claudia-i chu a la shock hle a. Thudik tak hian a chhnag ta a,' Ei lo, mahse...... '

' A tha. Chuti a nih chuan fa i pai mai theih lohna tur a awm dawn lo tihna a nih chu. Chumi awmzia chu mipa i mutpui lohna hi a rei viau tawh tihna a ni thei em, Claudia?'

A chhang thei lo a ni! A kut chu la kangin Morgan - a chuan an fawp a. Rang zet hian Claudia-i chuan laksawn mai a lo tum chu ani chuan phal lovin a mal chungah chuan a dahthla a, a la vawn sak ta reng a.

' Khang ka thilsawi te khan a shock mahna che, mahse, nang pawhin i ngaihtuah ve tho a ni tiraw? Kan mutdun tur han suangtuah ringawt pawh hian mi a ti phur thei ani tiraw? Kan inkar a in dai danna pakhatmah awm lo pumkhat kan han ni tur chu, sawifiah thiam mai a nih ka ring lo.... '

Morgan - a thusawi leh ataksa ruh tang maiin a rawn tawk han hriat chuan Claudia-i chu atuiral lo chauh hial a. Chutiang a mutpui alo chak em em reng a nih chuan a rilru hepa laka buai ru reng tireh thei tur anih chuan a inpe mai ani ang chu. Hun reilote chhung nun hlimna chu chen ang hmiang......


'Dik taka sawi chuan ka fa pai tur anga ka suangtuah che pawh hian min tiphur ani' a rawn ti leh sur sur a. Rawn kun hniamin a awm chu a rawn nul deuh thiak thiak a. 'Ka fa ngei i pum chhunga a awm laia hmangaihna chenpui che hi ka chak a, ka ngaihtuah fo ani. Chu bakah i dula arawn thang lian tur leh i nau pai vanga i nun an danglam hret turte chu ka thil hmuh chak ber a ni bawk.....'

Claudia-i chu a khawng lah a.' I sawi awmzia chu...... i beisei a... mahse, ka ngaihdan chuan..... '

' Tun atanga hun reilote ah hian mahse tih tawngkam kha i bansan ang a, chuan engtin nge nita ang? 'ro halh hian Morgan - a chuan a ti a.' Ka rindan chuan nidang ang thovin a chhe thei ang ber khan ka thusawi hi i ngai leh ngei ang. Eng nge ka sawi awmzia taka i ngaih chu? I nau pai theih hun zankhat leh a nuam thei ang bera hun kan hman dun a, chumi hnuah i rai ta tih kan chian veleh a kan inkar chhut chah maw? '


Claudia-i chu a sa chhuak vek thei hial a, tal chhuah mai a tum chu Morgan - a chuan a chelh nghet tulh tulh mai a.


' Hrep tak che hian, Duchess. Mipa, an chi midang tana pe tur ang mi ni ila mudun kher lo pawhin tunlai thiamna hmangin naute chu kan siam thei ang che a, mipa tleirawl a mawhphurhna hlen chhuak ngam lova tlan bo tur ka ni lo! Dan pangngai angin i rai chhung chu ka enkawl ang che a.... I naupai hmasak zawk ngaihtuahin ka puihna leh ka enkawl na tha tawk tak i mamawh ngei dawn a. Chuan, awle...... 'a aw chu a dam tawh hle a...'...... Mi thiam te ngaihdan chuan hmeichhe thenkhat hian nau an pai hian tisa chakna lamah an mamawh a sang chho viau ani awm e. I duh leh mamawh ang zawng zawng chu tih puitlin sak vek che ka tum ang..... '


Claudia-i chu a sa chhuak pap pap thei hial a.' I........ i inpe zo kher mai a' an ti chhuak hram a, tihel taka tawngkhum a tumna chu a aw khur avang chuan a hlawhchham chiang kher mai.

'A tha hle lawm mi?' a lo ti a, a kut chuan thiam takin a rawn chul leh tan ta a. 'Mipa in chutiang a hawihawm na nen thil an ngen che chuan i hnar mai dawn em mi le?' an ti leh a.


Oh! Pathian! Claudia-i chuan a taksaa phurna lo insiam tan leh dodalna tha ber chu rilru fim tak put ani tih a hria a. An chhing vang vang a, a rawn tawhna a taksa in nuam a tih em em chu ngaihtuah loh hram hram a tum ran a.

' Morgan....? `


' Lungngai suh, Duchess. Eng ah mah lungngaihna tur i nei lo. I naute leh nangmah chu ka enkawl dawn che u a ni..... I rilru nawmna leh hlimna ka pe ang che tih ka tiam bawk ang... '

' Naute chu......... '

' Kan theih anga hrisel leh tha a ni ngei tur ani. Kan duhthusam angin a lo piang ta lo anih pawhin,kan hmangaih cheu dawn tho ang a........ '

Oh' Pathian, engvang a chutiang em em a Morgan - a chu alaka tha thei nge nih le? A mittui hi aparawl ta kiang a. A chan tur thil ropui tak chuan a lung a tichhia a ni. 'Ni lo, ni lo, ka naute pakhat kha a nia ka sawi chu. Ka fapa kha' tiin fimkhur deuh tak hian a tawng chhuak ta a. 'A hmel ka hmu a... min hmuhtir turin ka ngen a ni......'

Morgan - a khawng deuh lah chu ahre thei a, 'Oh?' a lo ti hak a.

Chutiang a rawn chhang chu a fimkhur vang leh thil pawi dang sawi chhuah loh atum vang a ni ngei ang, tiin Claudia-i chuan angaihtuah a, a meng chhuak ta nghal a. A thu ngil at a, a hmel chu ahlim lo hle tih a han hmu ta a. Chulam sawi chhuah chu achak lo a ni tih chiang takin a tilang a ni.

'A sam adum a.... chuan.....
. a mit rawng erawh ka hre lo thung..... A chhan chu a rawn meng chhuak miah lova' chu thi chu a hun tam takah a ngaihtuah thin a ni a. Bah nak hian a sawi chhun zawm leh a. 'A vuina hun kan hmang a.......'


Morgan - a chuan a lo kuah nghet sauh a, a mit takah hian arawn en a. ' chuan nangmah chauhvin a vuina hun i hmang a.... A pawi ka ti hle mai......'

'A hming sakna hun pawh ka hmang a' alo ti leh vat a, Morgan - a khawngaihna lo lang chhuak chuan a huaisenna um bovin lungchhe takin a siam mai ang tih a hlau ani. 'Hming nei lova phum a nih mai ai kha chuan hming a neih kha atha ka ti a...... thil chhe satliah ang mai ni lo...... mihring a nihna ang leh duhtu anei tih lan nan....'

'Claudia'

A lu a lo thing a. 'A hming ka phuah hi i hre duh em?' an ti leh a.

Morgan - a hmel chu tlemin a lang dam ta deuh a. 'Min hrilh duh chuan le' a lo ti a.

Morgan - a chuan hming satliah a hre turah a in ngai a ni ngei ang, chutia a hmel an lang dam ta hlup mai chu a haw lek lek zawk a.

'Christopher!' 'an ti chhuak hrawih a.' Chris tiin ka ko a! '

' Mipa hming atan chuan a nalh pawl tak a ni ang chu' dam thlup hian a lo ti leh a. Mipa pangngai fing tawk tak tan chuan chutiang ah pawh thil a la hrethiam lo chu a rin ang he hu i Morgan - a chu a lo fing tawk lo em mi dawn le.


'Chris - a, a pa hming chawia ka sak a nia' a rawn en reng avang chuan an ti chhuak leh a. Morgan - a awm hlai hlap maiah chuan a kut a dah chu an en a, an nem phei deuh a. 'Christopher Nash Lawson!'

Morgan - a chuan mak tihna pakhat mah anei lo tih tur hian a awmdan a danglam chuang lo. A hmel chu an en chho a, engvang a dawt a lo hrilh avanga lo nemsawn nghal mai lo nge a nih chu le? Huat tak te a haw awm tak a ni asin.


' Mark-a nen hian kan inkawp lo hrim hrim a!' an ti chhuak leh tuar a. Dam thlup a a awm reng chu a tuar thlawt lo a ni ber mai. 'Hrep tak che hian! Ka thusawi chu i hrethiam lo em mi a?' an ti leh that a.

'Ka hrethiam tehreng mai. Mark - a hi i fa a pa kha a ni lo tih min hrilh a ni'



Claudia-i mak tih a hun ve ta zawk a. A rawn sawi dan sam tak mai chu, a rin anga a dawt hrilh a duh loh vanga thinur taka a rawn teu khum ang chuan a awm ta hauh lo mai. Thinur a ankhum chiam tur pawhin a thiam zawk reng si a.......

'I hre tawh maw!' tiin a kut chu a mal chungah hian an dahthla tawp a. ' I lo hre vek tawh a.......!'

The cruellest lie
End of episode 17
RE TYPE :NUI LEO KHAWLHRING

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2018, 4:05 pm

The cruellest lie 18
ZIAKTU :SUSAN NAPIER
LETLINGTU :HMA-I
RE TYPE :NUI LEO KHAWLHRING
EPISODE 18: 'A la rei vaklo' alo ti a. 'Kan inhmuh atanga thla tam fe liam hnuah a ni ka hriat ni. Rawn hmuh che ka tum avangin ka rawn kal leh a..... I in ka rawn tlawh leh pawh a ni ber ang chu, mahse, i lo chhuak tawh a. I thenawm a mi kha a lo tawng duh ve hle a, i chunga thil thleng erawh a khawngaih hle thung che a... i naute.... thlasarih zet a nih hnu a i chan kha pawi ati hle ani..... '


A tana kalsan a har tak veleh Morgan - a chuan a vawnna nghet tak chu a thlah ta chauh a, a banah chuan a rawn chul hauh hauh a, chhungril lamah chuan Claudia-i chuan za er er hian ain hria a.

' I hria a....... 'a aw chu a la khur dar dar a. Morgan - a thusawi chu chiang takin a ngaihtuah chhuak thei ta hram a. A fa kha a tupa tur a ni lo tih alo hre reng a nih chu. Mahse....... awmzia awm lo hle mai..


' Eng.... eng chena thui nge i hriat chiah a? '


'Engkim mawle'


A chhanna chuan a tiphu zawk thei hial a. 'I hre hauh lovang....... khatiang zeta min tawngkhun hnuah....' a ngaihtuahna chiangkuanglo tak ang mai khan...... pa thi sen zawm tih kha i sawi a..... '


' Khatiang a ka sawi chhuah chuan thudik tak min hrilhna turin min ring tawk thei ang tih ngaihdan ka neih vang ani' a lo ti a.


'I sawi awmzia chu. ka inpuan i duh vanga khatiang kha sawi i ni tihna maw?' an ti chhuak that a, Morgan - a thu lo sawi tawhte chu hriat chhuah leh hram a tum ran a. A dawt sawi hrehawm ti taka a lo ngaihtuah thin, Morgan - a chuan alo hre ru vek a ni a, mahni inthiamlohna nen ahun tam zawk a khawhral lehnghal!


Zahna hian a luah khat a, chutah engmah hrilh lova chutianga alo awm chuan a ti thinur leh tlat a. 'min tal awh tir i tum a ih hi!' an tichhuak ta hmak a.

'Engtin nge chutiang a ka tih ang ni, Claudia!' A kut lum ham ham chuan arawn tawk reng a. 'Min hrilh chu i duh ani lawm mi...... min hrilh turin ka tur lui hleinem che' an ti a.


Chu chu thudik tak ani tih zawng a hria a, mahse a chhungril buai nuaih nuaih reng erawh a bo le lo. Khang a lo inthiam lo leh hrehawm ti taka a lo awm te kha..... chhan engmah awm lova inti hrehawm lek alo ni zawk a.

'Min hrilh maithei alawm!' an tichhuak leh hram a.


'I chnachin chu keia sawi tur ni lovin, nangma sawi tur alawm, Duchess' tiin a rawn nuih suk a.


'A nih loh hrilh ta lo ang che ila engtin nge ni ang?' cho zet hian a ti a.

'Chutiang a nih chuan kei pawhin ngawi rengin ka thu hriat chu ka up bo ve mai ang chu' alo ti a.


Chutianga asawi chu a awih hle a. 'Ka laka fa i neih duh thu i sawi kha... thil awmdan dik tak ka hrilh theih nan che a i...... tih luih..... em mi? `an ti tham tiak a.


' Thutiam ka hlen chhuah theih loh tur hi ka sawi chhuak mai mai ngai lo' tiin Morgan - a chuan a kut chu a rawn chelh a, a hmui tawh tirin a awmah chuan an dah thla leh a. A kawr hmalam chu a la inhawng a ni tih a hre thei nghal a, a kawr chu an pawt khawr ta ngawt a. 'Ka lakah chuan eng thil mah kha a la dang lova, ka rilru lak ka la thlak hek lo. I rilru i thlak ta mai em mi?' a ti a.


'Min haw ngei ang....' an ti sap a. An dinhmun chu inthlak ta chiah sela Morgan - a chu a haw hle ang tih a inhria a.


'I rilru ka ti na a, chumi thungrulh theihna tur kawng kha i zawng ve mai ani' alo ti a, hriatthiam na hian a khatin a tawng chu adam thlup mai a. 'Ka thin chu aur ve alawm... ka thinur vang ani ber a i chanchin ka chhui zel nachhan pawh. kum hnih chhung zawng thil awmdan ngaihtuah chhuahna hun ka nei ta a. Khatiang a ka laka dawt i sawi ta mai khan kei ang thovin i rilru a na ve ang tih ngaihdan ka nei ta a. Eng ang pawh chu lo ni ta nag sela, naute kha ka rawn lan thut avang khan ka hloh tir phah ta che a, ka thiam hauh bik lo..... '


Chutia a rawn sawi chhuahna chuan a deng na in a awm chhungte chu a tawt up up hial a, a ka hau mai bawk a. Morgan - a chuan arawn sawi chhunzawm zel a.' Midangte rilru tihnat hi hrehawm i ti hle a ni tiraw, Duchess? ti awm reng in lang mahsela, chung hrehawmna chu awlsam takin nawmna in athlak thei tih hi ka lan chhuahtir nan hun min pe ang che....'


A heh kau tiar ah chuan arawn fawp zui ta nghal a, a phurna nasa tak chu amah ah a rawn pe chhawng ni hian a hria a.


A rawn fawh takah chuan ahuaisenna chuan a daih tawh lo tih ahria a.. A inpuan zo chauh a, a zahawmna achan leh chu atan a mualpho thlak tak a nihna chu a ngaihtuah thei tawh lo. Morgan - a chuan a dawtsawi chu a haw lova, engkim a hriat vek hnuah pawh a rilru chu ala pangngai reng tih chu dam thlapa pawm a chak ber a.


Tuna a chunga thil thleng nuam tak chuan a daih rei dawn lo tih a hria a, mahse, hun lo kal turin a hril ang chu tiin a ngaihtuah thei tawk a. Kum hnih dang Morgan - a thinur chuan reh lam apan tan tiin a nghak thei tawh lovang, tunah ngei hian a mamawh tawh ani. A thinlung chhungril ber tidam turin Morgan - a chu a mamawh a, a hmangaihna leh aduhna ngawi reng a tihlan bak engmah ngaihtuah dang anei thei talo......


Claudia-i chu thuthleng seiah chuan athut tir a, a kawr a vawnna chu thlah in Morgan - a kawr hak hnuaih chuan an dap phei ve ta a. Ani chuan nghak hleithei lo hian a kawr chu ahlip ta pawp a, a taksa ruak kang mai rawn lang ta chu hmuhnawm ti tak hian Claudia-i chuan athlir vang vang a. Thahrui a ngah hmelin adar pharh chu a uk kharh a. A awm hmul thapah chuan an chul sak hauh hauh a.


A dulah chul thla in a kawnghren bulah chuan atawp chat a, Morgan - a chu alo thaw chhuak hrawih hial a.


'Tunah ka hun a ni ve ta' tiin Claudia-i kawr hak chu adarah an nawr liam a, a awm bawr chu a kut lum ham ham chuan chuan duh thawh tak hian a rawn chul lawr a. Thiam leh zei tak hian a bra chu a kut pakhat chiah hian a rawn phelh sak a.


'A hma in hetiang hi i ti tawh a' Claudia-i chuan thaw hak chung hian ati a, a zam lutuk chu mak a ti hial ani. Ani chuan a kut pahnih hmang lo chuan a bra chu a phelh thei ngai lo kha a ni a.



'Mahse, hetiang ang ema phurna tel chuan ni love' a rawn ti chhuak hak a. Claudia-i rim, rimtui siam chawp pawh ni lo chu an hip lut vang vang a. Morgan - a thaw hak hak thawm chu Claudia-i bengah chuan a ring hle mai a, a chhing ta ngawt a. Morgan - a rawn khawihna chu hriat fai vek theih aduh a ni.

Morgan - a rawn khawihna chu a mamawh em em a, mahse, a duhna ang chuan alan chhuah tir ngam mai lo. A rawn khawih tak mai lovah chuan a meng chhuak a, Morgan - a chuan a lo en vang vang a ni tih ahan hmu ta a ni. A hmel pa tak maiah chuan lungawina hi hmuh tur a awm a. Dim leh muang fahran hian abra chu an phelh a, a mita en reng chung leh ahnute chu khawih fuh loh hram a tum a ni. A bra a phelh thlak takah chuan a hnute kawh lah mai chu a en ta chauh a. An ngawi dun vang vang reng a.


'I thinphu pawh ka hmu thei hial a ni' Tham tuak hian a rawn ti a., ala rawn khawih chuang lo. Claudia-i chu an in en chhuk a, Morgan - a thusawi chu adik a ni tih a zuk hmu ta reng a. A thawk zawng chuan a hnute hmur kawh lah tawh mai chu a insep ak ak a. A vun no chak leh mai leh a awmbawr insep darh darh a hmuh chuan asa pap pap thei hial a. Morgan - a amamawh em avang chuan a nihdan phung zawng zawng chu ahloh a, a ni lah chuan a duh leh mamawh chu ahai hauh lo tih lah achiang nasa mai si a.


Morgan-a chu lungawi zet hian a rawn nui var var a, a hnute a rawn tham a, aw tham tuak hian, 'Ka thinlung zawng zawng nen hmangaihna ka chenpui dawn che a ni' tiin arawn kun hniam a, a hnute hmur chu arawn fawhsak ta a.


Chutia Morgan - a ka lum hiamin a hnute a rawn fawh chuan nawmna nasa tak hian atuam a, a rawn seh deuh nar nar takah chuan a au chhuak that that a, a lu a kan ta daih an hriat chuan hremna chi khat ah a ngai lo thei lo.


'Ka tina che em mi?' a rawn ti a.


A samah chuan a tham deuh nak a, a lamah chuan an kuai thla a, 'Aih...... aw.......... khawngaihin.......... tawp mai teh suh........
.........' an ti a.



A rawn nuih chu a han hmu a, 'I duh ang apiang i tihtir tur ka ni alawm, Duchess' a rawn ti a. A hnute chu a rawn tham leh ta nak nak a. 'I tihtur awmchhun chu eng nge ka tihsak ang che tih i sawi chauh a ni mai, chuan ka tih theih chu ka ti zel bawk ang. I nawmna hi ka tan chuan lawmman hlu ber ang asin.......'


‌Thiam tak hian a hnute chu a rawn fawp leh ta a, Claudia-i chu a kang leh awk awk thin a. Eng angin nge a chet dawn tih hrilh chu Morgan - a chuan a mamawh lo tih ahre chiang hle a. A duh leh mamawhna lai chu amahin a hriat hma hauh pawhin a hre thei ni hian alang a.....



‌A hnute chu rei fe a fawpin a seh nar nar a, chu chuan a duh leh mamawh na erawh a la puitlin lova, chu aia thil dang mamawh leh duh a la nei a ni. Morgan - a darpharh hlaihlap maiah chuan nuam ti tak hian asawk tan tan a, a sam a chul pah hian a awm bawr chu a kan ak ak a.


‌Morgan-a chu an inla hrang a, a jeans chu rum chhuak hrawih chung hian a phelh a, a hmanhmawh in a phelh rang hle a. A kekawrte lace pan tak a phelhsak chhung chu arei hial zawk ta ve ang. A malah chuan a rawn fawp zui leh a, nuamti tak hian a lo nek hnai talh talh a. Chutah Morgan - a pawh chuan a kekawrte chu a phelh ta nghal a.


‌Chutiang ang reng a mipa pian nalh leh it awm chu an awm a lo ring lo hial a, mahse, a hmaah chuan pathian ang mai a nalh leh sawisel bo tur khawp hian Morgan - a chu ading si a. A en reng a ni tih chu Morgan - a chuan arawn hmu ta a. Morgan - a chu arawn thu hniam leh ta nghal a.



‌'Ka ti lawm che em, Claudia?' an ti sup sup a, a duh leh mamawhna nasa tak mai chu thup buai a tum lo. 'A chhan chu tunah hian ka mitah chuan thil mawi ber i ni a, a tluk thei che an awm ngai lovang..... I taksa nalh tak mai leh i vun paw phak maite hi an hmuhnawm a..... ka mamawh ngawih ngawih che a ni....' a ti khur dar dar a. Chutah Claudia-i mit takah a en a, zep hauh lo hian,' Ka duh leh mamawhna che hi min chhawk thei dawn em? Nuam leh hlimawm taka ka hun min siamsak hi i thei angem...... 'a rawn ti leh sur sur a.


‌Pumkhat a an insiam takah chuan an rum dun hak hak a. Chhuat carpet dup inphahna chungah chuan Claudia - i chuan nawmna chu atawng ta ani. Hmangaihna an chen dun na hmun erawh chuan awmzia tak anei lo, a duh leh mamawh pek ani ta chu atan a pawimawh ber a ni zawk.



‌Chumi hnuah chuan Morgan - a chuan a bedroom lamah a pawm lut ta a, a khum lian tak mai, cotton puan var inphah na ah chuan a nghat a, nalh ti lutuk hian a taksa chu a rawn en leh reng a. CLAUDIA-I chu a vawrtawp a thlen vang nge a chau deuh nghulh mai a, ngawi reng hian Morgan - a chu a en chho a. A room chu nisa hian a rawn chhun at a, chiang takin an inhmu thei vek a. Chutah Morgan - a chu rawn thu thla in adulah chuan a rawn khawih a. Zep pakhatmah awm lo hian, ' Ka naute chu hetah hian ainsiam tawh angem tih ka ngaihtuah a ni? Hring nun hlimawmna tem tan turin........' a ti a.


‌Morgan-a chuan a thusawi tawh te chu hlenchhuah a tum hle a ni tih a hre thei a.


‌'Ka ring chiahlo, a la hma lutuk a ni' tiin a lo chhang a.


‌'Naute insiam nan chuan hun rei tak a ngai kher hleinem' tiin a khel chu a rawn chul sak hauh hauh a.


‌'Chutin duh vangin a rai mai theih loh tih chu i hria alawm' a lo ti let a. 'Engpawh chu ni se la ka tana naupaina hun tha ber niin ka hre hrih chiah lo........' an ti a.


‌Lungawi hmel hliah hliah hian Morgan - a chuan a rawn en a. 'Hmangaihna chen chungchang chu i sawi lo tih ka hria e, Duchess. Chu hun atan chuan tun hi a remchang hle si a............ Mahse, ka laka i bat tlak tur thenkhat a a wm a, tiin a khel bawr a a chul hauh hauh chu a kapkarah hian a rawn zen lut ta a, Claudia-i chuan phurna hian a rawn zawm leh tan ta chu a hre thei mai a.



‌'Ka bat a?' Claudia-i chuan an thusawi chu a ngaihtuah tak tak thei lova, Morgan - a khawihna chuan a ti sosang leh hle tawh a.


‌'Hmana i bat tawh, ka pawisa kum hnih liam ta a mi kha. Ka tupa nu in enkawl na tur pe anga ka lo in ngaihna kha a nia........'



‌'Oh!!! Kha kha maw' Claudia-i chuan a ti chhuak tiak a. Morgan - a chuan a la rawn khawih chhunzawm ta zel a, ' Ka rul leh vek ang che......' an ti chhuak hram a. Morgan - a khawihna ang ang chuan a awm ta a ni ber a. A pawisa kha a hmang tangkai chho hle tih chu a awih lo maithei e, mahse, chu chuan dawt a hrilh vanga kha sum kha pe a ni tih a ti danglam thei chuang lo.


‌' Tehreng mai.....sawifiah thiam loh khawp a thil ropui leh hlu in mawle' a ti a. A dulah chuan a fawp thla dan dan a, 'Naute he pum chhunga lo insiam tur hi kan pahnih inkar siamthatna tur, kan inthlunzawmna tur a ni dawn ani. Lawm takin kan pawm ang a, chuan kei pawhin ba ka tlakah ka ngai thei ang.............' a ti a.

‌The cruellest lie
‌eng of Episode 18
RE TYPE :NUI LEO KHAWLHRING

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)