CHAWL TURIN KA INPEIH TAWH - 13
Kàwn a chhuak phei leh a. Ramnghaka nen an inhmu a, a bike an hmuhna lam pan chuan an kal nghal a. Torchlight Cell thum nei chi leh Emergency light eng tak an keng ve a. Ramhnuai lam kal thut a ngaih takin eitur tlem leh Chempui nen an thawkchhuak a. He field hi khaw pawn lam deuha awm niin a hmun a thengthaw nuam a. Field chhaka phul hmun zau dup mai awm te chuan nula leh tlangval a hipin len nan an hmang nasa thin hle.
Bike awmna hmun an thlen chuan a bike chu awmtawh lo mahse Ramnghaka chuan bike inhunna vel chu a hrilh pah mawlh mawlh a. Field thlang lam ramhnuai pawh chu thui fe an zawng tawh tih hriat takin a kal laklawhte eng chu a lang hla raih tawh a. Field chhak lam phul hmun pawh an pal darh nasa thawkhat tawh a ni. Phul hmun chhaklam Sangkhuma Teak hmun-ah chuan Tlangval thenkhat chu an kuk ruih ruih a. Ramnghaka chuan "Hetiang nikhua hi chuan tlema mi ang lo fal nge mi chunga leng zawk ho hi chu an langsar thin a nia" a ti a. An khaw thenawm ram lam pan chuan an inzui chhuak ve nghal a.
An chet tlai avaga zawng tura chhuak laklawhtute chu zan dar 9 hmaa Dawr kawna chhuak khawm leh hman vek turin Khawtlang hruaitute chuan an chah lawm lawm a. A bona lai ber leh zawnna lai ber tur hriat a nih loh avangin a tahtawl te te zawn tha an ti a. A tuk lama tha thar zawka zawn chu tha an ti tlang hlawm a ni. Samuela te thiandun pawh thui vâk lova in lama tih tur an la neih avangin an haw leh thuai a. A inbual zawh veleh chuan a thil hawnsak te nen chuan Kimi te in panin a inkhalh chhuak nghal a. Kimi te pawh an lo la mu biklo. Mapuii te nen card dengin an lo intihlim a, Rozuala chungchang te leh a zin chungchangte zawtin an titi luam a.
Mapuii ten an mutsan hnu chuan Samuela chuan Kimi tana a hawnsak Sana chu a phawrh a. "Kim, thil ropui tak phei chu a ni lova, mahse hei hi ka hnen atanga i dawn hmasak ber nise ka duh a ni" a ti a. Sana chu a phawrh a, a bun tir a. Kimi chuan a lo en reng a. A mittui a rawn hnâm a, ngawi rengin Samuela chu a kuah ta ringawt a. Samuela chuan duat takin a lo kuah let ve a. Kimi chuan "Sam, engmah tih angai lo a sin..ka kiangah i awm hian ka hlim tawk a lawm, ka tan i inpe tih ka hria a, thilpek dang engmah a ngai tawh hleinem" a ti a. Samuela chuan "Lang lo leh khawih theihlo chu a tlo na a, khawih theih leh hmuh theih ngeia lawmna lo chhuahna a hrang daih alawm" a ti a.
Ni e, inhmangaihna kawngah Thinlung atanga chhuak hmuh theih hauh loh in ngaihsakna te, in lawmna te, tuarpuina leh hlimpuina te chu a hlu teh meuh mai. Mahse thinlung chhung ril ber atang chhuak a tak hmuh theih tura rawn indinchhuak chu tunge lawm lo awm ang le!!!
Zan rei tak tak hma chuan a hawng a. Khawlaiah mi pawh an vang leh pharh tawh mai. Kimi bula a awm hi chuan hun hi a lo kal duai duai zel anih hi, darkar khat pawh hi a reilo lulai deuh thin chu a ni.
Kimi leh Nghaktei te hi veng khatah awm mahse Kimi te inluah chu ke a kal chuan rei fe kal chu a ni tho a. Samuela hawn kawng hi kawng hnihah a kal theih a, Nghaktei te in lama tlan kual chuan a thui hret zawk a ni. Chumi zan chuan ngaihtuah lawk miah lovin Nghaktei te in lamah chuan a tlan kual a,enge maw riauin a mawlh ni tur a ni. Nghaktei te in a thlen dawnah chuan an in chhak lama ram awl chu a en pah zauh zauh a.
Rozualan a sawi tawh, thingkung bula ding thin a tih chu hmuh ve mai a inbeisei deuh a ni. Mahse a thim deuh avang chuan engmah a hmu thei lo va. Nghaktei te in zawnah chuan a tlanmuang deuh a. A pelh fel chiah lai chuan Nghaktei te inzawn kawng ko atang chuan tu emaw hi a rawn zuangthla thurh mai a. Samuela beng var ta ngang chuan a bike khalh lai chu a brake chawt a. A leh hawi nghal a. Nghaktei Pa chu inbengfai thuk thuk pahin In lam a lo pan mek a.
Samuela a hmuh chuan "E khai, Samuel, Rozuala te in lamah i awm nange?" a rawn ti var a. Samuela chuan "a...aw, sawtah ka kal leh lawk a, enge Nghaktei a an?" a ti let ve thuai a, Pu Liana chuan "kan tha a ni rih zel mai e, thenawm khawvengte an fel a, min buaipui khawp a" a ti a. Samuela chuan " a lawmawm chu, zan a rei tawh sia, Rozuala te inlamah kal ka duh si a, ka kal phawt ange" a ti a.
A hawn kawngah chuan a kawng chhak lamah khan eng tak ti ang maw tiin a ngaihtuah a, Nghaktei birthday-a An In an luh tirha Room atanga rawn chhuak chu Nghaktei Pa ngei niin a hre leh hnuhnawh a. A rin angin thil a thleng lo tlat zel mai. Nghaktei Pa a nih chuan a ngaihtuahna lo sen hahna chu a thlawn leh vekin a hria a. Tul lovah ngaihtuah a seng ni berin a inria.
Rozuala te in ah erawh chuan mi an la awm deuh laih laih a, a ni pawh chu ngawi rengin verandah-a thutthleng inhungah chuan a thu ngawi reng a. Inchhung a luh chuan Rozuala nu khan a lo tahkhum leh mai a hlau a ni. Rozuala thla niawm tak a hmuh dan te angaihtuah nawn leh a, dama hmuh a beisei tawh lo hle. A thi anih si chuan, khawvela a thiantha ber hi a rawn tlawh ve niin a hria a. Mahse thi tak tak tur chuan a la ring phal chuang lo. Inchhungah chuan tap thawm a ri leh hlut thin a.
CHAWL TURIN KA INPEIH TAWH BY RT Puia Mavala
CHAWL TURIN KA INPEIH TAWH - 14
Lungchhe thawm ngaihthlak reng ai chuan tiin kawt velah mei zu pahin a tei kual a. Dawr Kawn lam chu a lang ruih mai. Kal an awm leh phauh phauh thin tih loh chu a reh ve leh deuh duk tawh mai. Rozuala bike duat em em thin chu inkawtah chuan a inhung a. Bike seat-a thu pah chuan a hawi vauh vauh reng a. A ngaihtuahna a kawm mawlh mawlh a ni ber e.
Ral khata eng zauh zauh chu a hmu reng a. A eng hmuhna lai chu field bawr vel a ni tih erawh a hre thei. Eng chu a thim leh tak daih avang chuan a ngaih a tha chiah lo hle. A tirah kha chuan Rozuala zawng hawng tlai satliah turah a ngai a. Mahse tun ang zanrei thlenga zawng tur chuan a tlai mah mah tawh a ni a. A en reng lai chuan vawi thum lai mai a eng leh zauh zauh mai. Mak a ti hle mai. A meng kawk mai a. Chu light chu eng chu eng satliah a ni hauh lo. A lehkha zir lai khan a thian pakhat Thai- mi hian light hmanga inbiakna chungchang a hrilh hrep tawh a. Hneh sawh tak ni lemlo mahse a chhiar ve thei sawih sawih thin.
Chu a eng hmuh ngei pawh chu awmze nei a ni tih a hrethiam nghal a. An khuaah chutiang hman nachang hria an lo awm ve reng mai chu mak a ti hle mai. A eng hmuh chu lo chhiar tumin ngun zetin a lo en nghal a. A phone a phawrh a. A hawrawp chhiar chu a chhinchhiah nghal zel a. Signal petu chu hmanhmawh lovin a signal thenkhat phei chu a awmzia a hre hauh lo lehnghal a. Mak tak maiin a lo chhang ve tu awm an awm hauh lo thung. Rei fe a nghah leh hnuah light a rawn eng chhunzawm tawh lo a. An duhtawk a ni anga tih pah chuan phone-a a chhinchhiah chu a en vang vang a. A buai nak mai.
21 21 21 H H O O
A awmzia reng a hre hauh lo mai. Awmze neia remkhawm ngial a tum pawhin remkhawm ngaihna a hre lo. Rozuala nau ten thingpui in tura an rawn koh avang chuan inchhung lamah a lut veleh ta a. Field lamah chuan kal chu a duh viau nain engmah ava hmuh si loh chuan a hahthlawn dawn mai mai niin a hre bawk.
Khawtlang buaina leh manganna chu hriatthiam pui ve niawm tak ni chhuak chu a dul ruih mai. Ferehsan hunah phei chuan ruah a tlak mai hlauhthawnawm khawpin khua a rawn dur tawh a. Rozuala zawngtute pawh hmun li laia inthenin zawnna tur chin an insiamsak vek hlawm a. Khaw thenawm atangte pawh chuan tlawmngaih chhuaha Bo zawng tura rawn kal an thahnem hle mai. Mizo tlawmngaihna diktak a lan meuh chuan Vanduaina tawk te tan a lawmawm dan a ril em em a. Chutih lai karin inthlahrunna chuan hmun a chang lian lo thei bik chuang lo.
Nghaktei Pa leh a u te ho chu Rozuala zawnna lama an kal ve avangin Nghaktei nu leh Thenawm nu thenkhat chuan Nghaktei chu an awm pui a. Thil a ei mumal lohna a rei tawh em avang chuan a cherin a dawldang tawh hle. Darkar tam a harh ngai lova. A bak chu a mu chiah chiah reng mai a ni. Mahse muhil reng e ti lo chuan a phu zawk zawk reng a. A mang lamah tibuaitu nei niawm takin nasa takin a tal leh chiam mai thin. Hlimpuii thih sârhu laia Damdawi ina an hruai khan doctor chuan hlauhthawn luat avanga awm niin a sawi a. Reiloteah a rawn that chhuah tur thu leh ngaihsak reng turin a chah kha a ni a. Mahse tun thlengin harh chu sawi loh, a buai telh telh zawk ni mai hian a lang tawh a. Chaw mumal a ei loh avang chuan Thisen chaw an khai sak thin a. A tal nasat thin avangin a bana hriau an vih luhna te chu a vûng ùl mai lehnghal a.
Speaker tihdam rawngbawlna nei panpuia awmzia a la neih loh chuan Phai lama kalpui turin thenawm nu ho chuan thu an ràwn sap sap a. Mahse Nghaktei nu rilru lian a chhuak a, Pathian a rinna chhuan lamin Pathianin a tihdam theih reng thu a sawi thung. Mahse nu pakhat chuan "Ngawi teh, Nghaktei nu, Pathian hian chawp leh chilha rawn tihdamte chu tam tak nei mahse he khawvela mi thiamte hmanga kan damna tur leh kan nawmna tur tam tak a chhawp theuh a. Chu chu i hmu thiam lovang tih ka va hlau em!" a rawn ti a. Nghaktei Nu pawh chuan dik a ti. Mahse rilru chapo ve ran mai chuan amah aia mawl leh, lehkhathiam lo zawk, thingtlang-a piang leh seilian mai mai thu chu Khawpui chhul chhuak tan chuan thu fahrah mai a ni.
Nu pahnih rawn titi hawng chuan Nghaktei te chhungkaw mize mak an tih thu leh a biktakin Nghaktei Nu rilru len zia te chu an sawi a. Pakhat zawk chuan "An mahni belchiang lo tu tan chuan mi tha tak an ni alawm, mahse a hrechiang apiangin Nghaktei nu mize mak thu ania an sawi thin. An fanu Ngaihzawng pawh kha a tirah chuan an duh pui lo viau a. Mahse Fapa mal anih leh dawrkai hausa an nih thu a hria a. A be tha leh huam a niawm e" a ti a. A kalpui nu chuan "A lo nih chu a, keini lam hi chuan kan va pawh em em lova, kan beng te lah hi a ngawng khawp a. Hlimpuii boral chungchang te pawh kha mi hriat vek tawh hnuah a lawm ka lo hriat ve chauh ni. Ka thiannu fanu a ni sia, hmanhmawh em em in ka tlan phei ve nghal e ka tia, ruang kil pawhin thutna ka hmu ve thei reng reng hleinem" a ti ve bawrh bawrh a. Chutih lai chuan pâwi sumdawng niawm tak pakhat hi an tawk a. An pelh fel hnu chuan "Ngawi teh, thiani, tuna pâwite sumdawng kha Pu Liana ava ang em!!" a ti teh ngawt a..
Lungchhe thawm ngaihthlak reng ai chuan tiin kawt velah mei zu pahin a tei kual a. Dawr Kawn lam chu a lang ruih mai. Kal an awm leh phauh phauh thin tih loh chu a reh ve leh deuh duk tawh mai. Rozuala bike duat em em thin chu inkawtah chuan a inhung a. Bike seat-a thu pah chuan a hawi vauh vauh reng a. A ngaihtuahna a kawm mawlh mawlh a ni ber e.
Ral khata eng zauh zauh chu a hmu reng a. A eng hmuhna lai chu field bawr vel a ni tih erawh a hre thei. Eng chu a thim leh tak daih avang chuan a ngaih a tha chiah lo hle. A tirah kha chuan Rozuala zawng hawng tlai satliah turah a ngai a. Mahse tun ang zanrei thlenga zawng tur chuan a tlai mah mah tawh a ni a. A en reng lai chuan vawi thum lai mai a eng leh zauh zauh mai. Mak a ti hle mai. A meng kawk mai a. Chu light chu eng chu eng satliah a ni hauh lo. A lehkha zir lai khan a thian pakhat Thai- mi hian light hmanga inbiakna chungchang a hrilh hrep tawh a. Hneh sawh tak ni lemlo mahse a chhiar ve thei sawih sawih thin.
Chu a eng hmuh ngei pawh chu awmze nei a ni tih a hrethiam nghal a. An khuaah chutiang hman nachang hria an lo awm ve reng mai chu mak a ti hle mai. A eng hmuh chu lo chhiar tumin ngun zetin a lo en nghal a. A phone a phawrh a. A hawrawp chhiar chu a chhinchhiah nghal zel a. Signal petu chu hmanhmawh lovin a signal thenkhat phei chu a awmzia a hre hauh lo lehnghal a. Mak tak maiin a lo chhang ve tu awm an awm hauh lo thung. Rei fe a nghah leh hnuah light a rawn eng chhunzawm tawh lo a. An duhtawk a ni anga tih pah chuan phone-a a chhinchhiah chu a en vang vang a. A buai nak mai.
21 21 21 H H O O
A awmzia reng a hre hauh lo mai. Awmze neia remkhawm ngial a tum pawhin remkhawm ngaihna a hre lo. Rozuala nau ten thingpui in tura an rawn koh avang chuan inchhung lamah a lut veleh ta a. Field lamah chuan kal chu a duh viau nain engmah ava hmuh si loh chuan a hahthlawn dawn mai mai niin a hre bawk.
Khawtlang buaina leh manganna chu hriatthiam pui ve niawm tak ni chhuak chu a dul ruih mai. Ferehsan hunah phei chuan ruah a tlak mai hlauhthawnawm khawpin khua a rawn dur tawh a. Rozuala zawngtute pawh hmun li laia inthenin zawnna tur chin an insiamsak vek hlawm a. Khaw thenawm atangte pawh chuan tlawmngaih chhuaha Bo zawng tura rawn kal an thahnem hle mai. Mizo tlawmngaihna diktak a lan meuh chuan Vanduaina tawk te tan a lawmawm dan a ril em em a. Chutih lai karin inthlahrunna chuan hmun a chang lian lo thei bik chuang lo.
Nghaktei Pa leh a u te ho chu Rozuala zawnna lama an kal ve avangin Nghaktei nu leh Thenawm nu thenkhat chuan Nghaktei chu an awm pui a. Thil a ei mumal lohna a rei tawh em avang chuan a cherin a dawldang tawh hle. Darkar tam a harh ngai lova. A bak chu a mu chiah chiah reng mai a ni. Mahse muhil reng e ti lo chuan a phu zawk zawk reng a. A mang lamah tibuaitu nei niawm takin nasa takin a tal leh chiam mai thin. Hlimpuii thih sârhu laia Damdawi ina an hruai khan doctor chuan hlauhthawn luat avanga awm niin a sawi a. Reiloteah a rawn that chhuah tur thu leh ngaihsak reng turin a chah kha a ni a. Mahse tun thlengin harh chu sawi loh, a buai telh telh zawk ni mai hian a lang tawh a. Chaw mumal a ei loh avang chuan Thisen chaw an khai sak thin a. A tal nasat thin avangin a bana hriau an vih luhna te chu a vûng ùl mai lehnghal a.
Speaker tihdam rawngbawlna nei panpuia awmzia a la neih loh chuan Phai lama kalpui turin thenawm nu ho chuan thu an ràwn sap sap a. Mahse Nghaktei nu rilru lian a chhuak a, Pathian a rinna chhuan lamin Pathianin a tihdam theih reng thu a sawi thung. Mahse nu pakhat chuan "Ngawi teh, Nghaktei nu, Pathian hian chawp leh chilha rawn tihdamte chu tam tak nei mahse he khawvela mi thiamte hmanga kan damna tur leh kan nawmna tur tam tak a chhawp theuh a. Chu chu i hmu thiam lovang tih ka va hlau em!" a rawn ti a. Nghaktei Nu pawh chuan dik a ti. Mahse rilru chapo ve ran mai chuan amah aia mawl leh, lehkhathiam lo zawk, thingtlang-a piang leh seilian mai mai thu chu Khawpui chhul chhuak tan chuan thu fahrah mai a ni.
Nu pahnih rawn titi hawng chuan Nghaktei te chhungkaw mize mak an tih thu leh a biktakin Nghaktei Nu rilru len zia te chu an sawi a. Pakhat zawk chuan "An mahni belchiang lo tu tan chuan mi tha tak an ni alawm, mahse a hrechiang apiangin Nghaktei nu mize mak thu ania an sawi thin. An fanu Ngaihzawng pawh kha a tirah chuan an duh pui lo viau a. Mahse Fapa mal anih leh dawrkai hausa an nih thu a hria a. A be tha leh huam a niawm e" a ti a. A kalpui nu chuan "A lo nih chu a, keini lam hi chuan kan va pawh em em lova, kan beng te lah hi a ngawng khawp a. Hlimpuii boral chungchang te pawh kha mi hriat vek tawh hnuah a lawm ka lo hriat ve chauh ni. Ka thiannu fanu a ni sia, hmanhmawh em em in ka tlan phei ve nghal e ka tia, ruang kil pawhin thutna ka hmu ve thei reng reng hleinem" a ti ve bawrh bawrh a. Chutih lai chuan pâwi sumdawng niawm tak pakhat hi an tawk a. An pelh fel hnu chuan "Ngawi teh, thiani, tuna pâwite sumdawng kha Pu Liana ava ang em!!" a ti teh ngawt a..
| Link: | |
| BBcode: | |
| HTML: | |
| Hide post links |
CHAWL TURIN KA INPEIH TAWH - 15
Samuela leh Ramnghaka chu chau hnepin Pu Relthanga Balhla huanah chuan an thu chawl a. Rozuala bo dan chungchangah chuan khawilam ramhnuaiah mah awm in ring hlawm lo mahse khawchhung leh a chhehvel an dap kim viau a, an la hmuh loh zel avanga zau zawk tuam tura thawk chhuak an ni.
Thli a thaw deuh vuk vuk reng a, boruak a inthlak thut a nih loh chuan ruah chu a rawn sur hnai tawh hle. A tam zawk chu ruah sur tur laka him zawk nan an haw nguah nguah tawh a. To haw hun lai a nih avangin thlipui thawk thut thei kara ramhnuai vah chu an hreh tlâng theuh a ni.
Samuela chuan Ramnghaka hnenah chuan Rozuala thlâ niawm tak a hmuh thu chu sawi a tha m tia a in ngaihtuah buai lai chuan ruah a rawn tla tan ta mai. Rang tak chuan Huan thlâm lam chu an pan vat a. Ruah chu a buakin a rawn rawn baw hawk hi a ni ber mai. Thli a tel deuh avangin thlam chu a che leh deuh laih thin. Ramnghaka leh Samuela pawh tawng mang lovin Pawn lam boruak chu an ngaichang deuh reng a. Pu Relthanga te balhla huan hi Thli liam kawna awm anih avangin thli a tamin a thaw na thei reng a ni. Ramnghaka thlâm kawngka dak chuan, "sawta saw thlam panin a rawn tlan ve tar tar mai a, tu tak ni ang maw" a ti a. Samuela chuan a lo bengkhawn tehchiam lem lo. Mahse Ramnghaka chuan "Eheu, khawnge a tlanbo hman!" a rawn tih chuan a kawngkaah chuan a rawn dak ve nghal vat a.
Ramnghaka chuan "saw ti lai thing ding ro bul vela a rawn tlan saw ania ka hmuh. A rawn tlan hnai zel a, sawti lai Balhla kung bul a tlen sawn a bo daih mai" a ti a. Samuela chuan "i mit vai a ni lo maw" a ti a. Ramnghaka chuan, "Ni teh nang, khawi nge ka va enchiang reng reng teh ang tih leh ruah sur karah chuan tlanchhuah a rual nghal a. Bik bo na tur hmun a awm hauh si lo. A makti chu a rawn a hawi vual vual reng a. Samuela chuan thlam kawngka atangin a lo en reng a.
Ramnghaka thlam lama a let tur chuan mak a ti kher mai. A mit a nuai nawk nawk a. Rang takin a rawn tlan phei a, mahse thlam a rawn thlen dawn hnaihah chuan a ding leh chawt a. Samuela chuan Ramnghaka chezia chu a lo en reng a. "Eng thil diklo nge awm ta?" tiin a lo zawt nghal a. Ramnghaka chuan "sawti lai atanga ka rawn en phei khan i bulah tu emaw ding ka rawn hmu tlat a ni. Ka dawih zep vang a ni hauh lo ania, ka mit ka nuai a, ka hmuhsual emaw ka ti ve tho. Mahse a lo la awm reng. Ka rawn tlan phei chhung a bo leh hman si a, a ngaihna ka hre hauh lo" a ti a.
Samuela chuan mak a ti ve kher mai. Ramnghaka chuan dawt a sawi duh chu a ring hauh lo thung. Ramnghaka bawk chuan "Titeh, ruah sur mahse, he lai ram hi a hrisel nek lo mai, hawn zai i rel mai teh ang, ka hlau chu ka ti duh hauh lo na a, ka awm a ti nuam lo tlat a ni" a ti a. Samuela pawh chuan ruahsur kara hawn chu a lo hreh lutuk lem lova. Khúm atan balhla hnah an sat a. An inzui haw ta hnak hnak a.
Zan lamah chuan Kimi sawmin Rozuala te In lamah an leng phei ve leh a. Rozuala nu lah chuan "Mama, khawnge i awm le? I thiante pawh an rawn len hi..lo haw ta che" tiin a lo tah khum leh tawh a. Nutling lo awm ve dang te pawh chuan an mittui an hru fap fap hlawm a. Samuela te chu Rozuala room, inhnuai lama awmah chuan an awm a, Rozuala bungrua vel chu Kimi leh Rozuala nau hmeichhia te nen an rem fel a. Rozuala'n a thawmhnaw a thlakna hnuhnung ber nia an hriat pawh chu Khum lu thosilen banah a in bang a. An thlep fel a, ipte atang chuan Rozuala wallet leh cigarette bawm a lo awm a. Hengte hi tinge a ah lo le an ti a. Rozuala kha hmanhmawh taka inthlakin Nghaktei te in lam a pan tih an hre hauh si lo.
Wallet chu lain an en a. Driving license , ATM card leh lehkha pawimawh hmel fe fe bakah Cheng zathum a lo awm a. Rozuala pa koin an dahthat tir a. Rei mawi tawk an awm hnu chuan Samuela chuan Kimi chu a thlah hawng a.
Kalkawngah chuan an inbe tam lo hle. Kimi chuan chau ti hriat tak hian Samuela chu a kuah deuh thlawp a. Thlamuang takin a hnungah a bei deuh chawt a ni. Samuela chuan Mihring chungah chuan vanduai engpawh thleng thei a ni a. Mahse Kimi nen an inkarah kher hi Rozuala leh Nghaktei te tawn ang lutuk chu tawng ve lo ila tiin a ngaihtuah neuh neuh a.
In an thleng a, haw leh nghal mai a tum na a, Kimi chuan thingpui te rawn in veleh phawt rawh a tih tlat avang chuan hreh hmel deuh si, châk ru em em chung chuan a lut veleh ta a. Kimi bul chetah thuin Kimi kuhva rui thlan chu a hruksak a. "Hna ka hmuh theih veleh innei nghal ang aw, kim, ka nupui ni la ka ti tawh teh mai a nia." a ti a. Kimi chuan "Ka hre nang, Pathian thu thu a ni mai alawm, kan inneih hunah chuan kawrfual ka ha duh dawn lo ania, Puanchei ka bih anga, Kawr nalh tawkkk mai ka ha ang" a ti a, a nui var var reng a. Samuela chuan uang zetin, "Keipawh Coat ka ha peih lo ang, Hmanlai Pasaltha dress-in ka inthuam ang" a ti a. An nui dun bawk bawk reng a. Mahse hlim taka nuihna karah pawh hian lungngaihna thuk tak hian hmun a khuar thin a. Nuihna phenah a inlar hun a lo chang ve ran thin. Chu chuan Kimi nui hmel pawh chu hlimna hmelin a siam chuang hauh lo.....
Samuela leh Ramnghaka chu chau hnepin Pu Relthanga Balhla huanah chuan an thu chawl a. Rozuala bo dan chungchangah chuan khawilam ramhnuaiah mah awm in ring hlawm lo mahse khawchhung leh a chhehvel an dap kim viau a, an la hmuh loh zel avanga zau zawk tuam tura thawk chhuak an ni.
Thli a thaw deuh vuk vuk reng a, boruak a inthlak thut a nih loh chuan ruah chu a rawn sur hnai tawh hle. A tam zawk chu ruah sur tur laka him zawk nan an haw nguah nguah tawh a. To haw hun lai a nih avangin thlipui thawk thut thei kara ramhnuai vah chu an hreh tlâng theuh a ni.
Samuela chuan Ramnghaka hnenah chuan Rozuala thlâ niawm tak a hmuh thu chu sawi a tha m tia a in ngaihtuah buai lai chuan ruah a rawn tla tan ta mai. Rang tak chuan Huan thlâm lam chu an pan vat a. Ruah chu a buakin a rawn rawn baw hawk hi a ni ber mai. Thli a tel deuh avangin thlam chu a che leh deuh laih thin. Ramnghaka leh Samuela pawh tawng mang lovin Pawn lam boruak chu an ngaichang deuh reng a. Pu Relthanga te balhla huan hi Thli liam kawna awm anih avangin thli a tamin a thaw na thei reng a ni. Ramnghaka thlâm kawngka dak chuan, "sawta saw thlam panin a rawn tlan ve tar tar mai a, tu tak ni ang maw" a ti a. Samuela chuan a lo bengkhawn tehchiam lem lo. Mahse Ramnghaka chuan "Eheu, khawnge a tlanbo hman!" a rawn tih chuan a kawngkaah chuan a rawn dak ve nghal vat a.
Ramnghaka chuan "saw ti lai thing ding ro bul vela a rawn tlan saw ania ka hmuh. A rawn tlan hnai zel a, sawti lai Balhla kung bul a tlen sawn a bo daih mai" a ti a. Samuela chuan "i mit vai a ni lo maw" a ti a. Ramnghaka chuan, "Ni teh nang, khawi nge ka va enchiang reng reng teh ang tih leh ruah sur karah chuan tlanchhuah a rual nghal a. Bik bo na tur hmun a awm hauh si lo. A makti chu a rawn a hawi vual vual reng a. Samuela chuan thlam kawngka atangin a lo en reng a.
Ramnghaka thlam lama a let tur chuan mak a ti kher mai. A mit a nuai nawk nawk a. Rang takin a rawn tlan phei a, mahse thlam a rawn thlen dawn hnaihah chuan a ding leh chawt a. Samuela chuan Ramnghaka chezia chu a lo en reng a. "Eng thil diklo nge awm ta?" tiin a lo zawt nghal a. Ramnghaka chuan "sawti lai atanga ka rawn en phei khan i bulah tu emaw ding ka rawn hmu tlat a ni. Ka dawih zep vang a ni hauh lo ania, ka mit ka nuai a, ka hmuhsual emaw ka ti ve tho. Mahse a lo la awm reng. Ka rawn tlan phei chhung a bo leh hman si a, a ngaihna ka hre hauh lo" a ti a.
Samuela chuan mak a ti ve kher mai. Ramnghaka chuan dawt a sawi duh chu a ring hauh lo thung. Ramnghaka bawk chuan "Titeh, ruah sur mahse, he lai ram hi a hrisel nek lo mai, hawn zai i rel mai teh ang, ka hlau chu ka ti duh hauh lo na a, ka awm a ti nuam lo tlat a ni" a ti a. Samuela pawh chuan ruahsur kara hawn chu a lo hreh lutuk lem lova. Khúm atan balhla hnah an sat a. An inzui haw ta hnak hnak a.
Zan lamah chuan Kimi sawmin Rozuala te In lamah an leng phei ve leh a. Rozuala nu lah chuan "Mama, khawnge i awm le? I thiante pawh an rawn len hi..lo haw ta che" tiin a lo tah khum leh tawh a. Nutling lo awm ve dang te pawh chuan an mittui an hru fap fap hlawm a. Samuela te chu Rozuala room, inhnuai lama awmah chuan an awm a, Rozuala bungrua vel chu Kimi leh Rozuala nau hmeichhia te nen an rem fel a. Rozuala'n a thawmhnaw a thlakna hnuhnung ber nia an hriat pawh chu Khum lu thosilen banah a in bang a. An thlep fel a, ipte atang chuan Rozuala wallet leh cigarette bawm a lo awm a. Hengte hi tinge a ah lo le an ti a. Rozuala kha hmanhmawh taka inthlakin Nghaktei te in lam a pan tih an hre hauh si lo.
Wallet chu lain an en a. Driving license , ATM card leh lehkha pawimawh hmel fe fe bakah Cheng zathum a lo awm a. Rozuala pa koin an dahthat tir a. Rei mawi tawk an awm hnu chuan Samuela chuan Kimi chu a thlah hawng a.
Kalkawngah chuan an inbe tam lo hle. Kimi chuan chau ti hriat tak hian Samuela chu a kuah deuh thlawp a. Thlamuang takin a hnungah a bei deuh chawt a ni. Samuela chuan Mihring chungah chuan vanduai engpawh thleng thei a ni a. Mahse Kimi nen an inkarah kher hi Rozuala leh Nghaktei te tawn ang lutuk chu tawng ve lo ila tiin a ngaihtuah neuh neuh a.
In an thleng a, haw leh nghal mai a tum na a, Kimi chuan thingpui te rawn in veleh phawt rawh a tih tlat avang chuan hreh hmel deuh si, châk ru em em chung chuan a lut veleh ta a. Kimi bul chetah thuin Kimi kuhva rui thlan chu a hruksak a. "Hna ka hmuh theih veleh innei nghal ang aw, kim, ka nupui ni la ka ti tawh teh mai a nia." a ti a. Kimi chuan "Ka hre nang, Pathian thu thu a ni mai alawm, kan inneih hunah chuan kawrfual ka ha duh dawn lo ania, Puanchei ka bih anga, Kawr nalh tawkkk mai ka ha ang" a ti a, a nui var var reng a. Samuela chuan uang zetin, "Keipawh Coat ka ha peih lo ang, Hmanlai Pasaltha dress-in ka inthuam ang" a ti a. An nui dun bawk bawk reng a. Mahse hlim taka nuihna karah pawh hian lungngaihna thuk tak hian hmun a khuar thin a. Nuihna phenah a inlar hun a lo chang ve ran thin. Chu chuan Kimi nui hmel pawh chu hlimna hmelin a siam chuang hauh lo.....
| Link: | |
| BBcode: | |
| HTML: | |
| Hide post links |
CHAWL TURIN KA INPEIH TAWH - 16
Leng hawn âr khuang tur awm hnaivai lo mah se hawn a lo hun ve ta reng mai. Peihlo zet chuan Samuela chuan a hawn san leh ta nge nge a. A hawn kawngah chuan Kimi chu nui mah se a thinlung a ngui tlat mai chuan a rilru a tibuai ru hle mai. A hmangaih a, hmeichhe rilru lian leh luhlul ve tak anih avangin a zawt chhuak ngawt dawn lo tih a hria a. Tawngtai pui mai loh chu tih theih neiin a inhre lo.
Khawchhungah chuan mikhual an tam hle mai. Bo zawng tura khaw thenawm mi te leh Rozuala hmelhriat mi chi hrang hrang, khaw hran hran ami chu an inpel sup sup reng a. Mi vanduaina kara mahni khaw nula leh tlangval laka to vaklo ho lah chuan kherhthluk theih an awm dah lo maw tiin an lo phe vek sek hlawm a.
Rozuala pawh ni thum zet an zawng tawh a. Hmasawnna eih a awm thei lova, a tam zawk chu beidawng mah se mizo dana ni sarih tal zawn hma chuan beidawng aw kâ tuman an chhuah lo. Thenkhat titi ah chuan Phungin a chawi bo a nih an ring hlawm a. Thenkhat chuan Nghaktei awmdanin a rilru a tinâ em anga, intihlum turin khawi hmun emaw a pan a nih te an ring hlawm a. Mahse rin thu vek a ni thung, tu in nge thudik chu hrechhuak thei ang le?
Samuela chuan a phone-a a chhinchhiah, light signal awmzia chu a chhut thin a. 21 21 21 ni thei awm hrang hrang a ngaihtuah a. Alphabet atanga a chhutin dik theiin a hre lo a. Signal a chhiar sual ni maiin a hre tawh. A mah pawh a confi thei lo. Chhiar thiam lutuk a ni tlat lo va.
Pawn lamah thawm a rawn awm a, naupang chanchinbu sem a rawn lut a. Khawtual chanchinbu chu a rawn pe a. A en thuak thuak a, dah mai a tum lai chuan Thuziak pakhat chuan a mit a la tlat mai. Bible chang intarlan danah chuan hriatchhuah a nei zawk mai. Bible a la a, 21 21 21 H H O O awmzia tur chu a zawng nghal a. 21 vawi thum lai awm nawn chu hriatchian loh hlauh vanga tih nawn niin a ngai phawt a. A lo nih loh chuan kawng hrang hranga thlir a tum a ni. H leh O awm nawn te pawh chu Hriat chian loh hlauh avanga signal pek nawn ni ta se 21 H O a lo ni ta a.
Bible H-a intan ho a zawng kual a, Hosea, Hla thlankhawmte; Hagaia leh Hebrai te chu an ni. A awm ber Hosea chu a keu a. Bung 2 chang 1 na chu a chhiar a, a awmzia tur a hre lo. Mahse Hosea bu ngun taka a en hnu chua chang 21 awm thleng chu Bung 2-na chiah a ni tih a hrechhuak a. Chang 21-na a chhiar leh a, mahse a awmzia a la hrechuang lo. A rindan a dik dawn lo niin a hria. A en kual zel a, Hebrai bung 2 :1 erawh awmzia a nei ta deuhvin a hria a. "Chuvangin, benga kan hriatte kha thanhnem ngai takin kan pawisa lehzual tur a ni; chuti lo chuan, kan tawlh bo hlauh dah ang e." tih chu.
O awmzia chu a chhut ngial pawhin a hre chhuak ta chuang lova, tul lovah hun a khaw ral niin a inhria. Mi Bible chang inthawn mai mai nite in a hria a. Mahse bible chang awmze nei ber nia a hriat erawh Fimkhur tura inchahna a ni tlat thung.
Kawtah a chhuak a. Khua a dur deuh na a, ruah tlak hlauhawm erawh a ni lem lo. Khawlaiah chuan mi an tam ang reng hle. An in atang chuan Rozuala te in a lang thei lo deuh na a, lut chhuak an awm deuh reng tih erawh a hriat theih a. Chutia mi vei vak a thlir mai mai lai chuan Bazar bula ding dun lo en leh zauh zauh thintute chuan an mit a la ta riau mai. Pakhat chu Pu Liana ang riauvin a hria a. An pahnih chuan thil zuar tih hriat theih turin Bag trial lianpui an bât ve ve a. Sa tha lam ve ve an ni a. Pâwi sumdawng ni mai hmel an pu a. Chutia a en reng lai chuan Pu Liana ang tak zawk chu a thlamuang hmel tak leh inringtawk takin a hawi vauh vauh a. A bula mi zawk erawh chu hlauthawng hmel a pu lek lek hian a hre thung.
A zuk hmuh ve atang phei chuan Pu Liana ang zawk chu a rawn hawi tawh hauh lova, mahse a bula mi erawh chu a rawn hawi leh zauh thin a. A rawn hawi zawh apiang chuan enge maw an sawi dun ziah lehnghal a. A ngaih an ti tha lo tlat mai. Chutia a en ve reng lai chuan Rozuala thlâ a hmuh zana a awmdan ang, helhhawlh deuh tak leh mawlhtu riau a rawn awm leh ta nghal a.
Rei vaklo hnu chuan chu Pâwi pahnih chu Bazar chhungah chuan an lut ta daih a. A hmu zui thei tawh lo. Enge maw rawn thleng leh tur awm tlat a a hriat avangin a chaw ei pawh a tui ther der lo mai. Zan lamah chuan Rozuala te in lama reilo te a kal hnu chuan Kimi te in lam bawk chu a pan leh a. Chumi zan chuan ruah a tlak sek avangin khua pawh a vawt ang reng viau mai. Rei pawh leng lovin dar 9 leh a chanve velah chuan a hawng leh ta a. Engnge maw mawlhtu a awm avangin Nghaktei te in lamah chuan a tlan kual leh a. Nghaktei te in lan theih hma deuhah chuan a ding a.
Meizial a tan a, muangchangin ke in kawngchhak ram awl duai mai lam chu a pan a. Hla deuh tak atang chuan Nghaktei te in leh a chheh vel chu a hmuh chian theih hle. He laia a kal ngawt chhan a hre lova, mahse a rilrua mawlhtu awm chuan helaia thleng tur hian a nawr tlat thungin a inhria.
Meizial pawh pathum zet a zu zo ta. A thut chhan ber pawh a hre si lova, a ning tanin haw mai a tum ut ut tawh a. Mahse Nghaktei te kawngka rawn inhawng a, Pu Liana a rawn chhuak a.
Leng hawn âr khuang tur awm hnaivai lo mah se hawn a lo hun ve ta reng mai. Peihlo zet chuan Samuela chuan a hawn san leh ta nge nge a. A hawn kawngah chuan Kimi chu nui mah se a thinlung a ngui tlat mai chuan a rilru a tibuai ru hle mai. A hmangaih a, hmeichhe rilru lian leh luhlul ve tak anih avangin a zawt chhuak ngawt dawn lo tih a hria a. Tawngtai pui mai loh chu tih theih neiin a inhre lo.
Khawchhungah chuan mikhual an tam hle mai. Bo zawng tura khaw thenawm mi te leh Rozuala hmelhriat mi chi hrang hrang, khaw hran hran ami chu an inpel sup sup reng a. Mi vanduaina kara mahni khaw nula leh tlangval laka to vaklo ho lah chuan kherhthluk theih an awm dah lo maw tiin an lo phe vek sek hlawm a.
Rozuala pawh ni thum zet an zawng tawh a. Hmasawnna eih a awm thei lova, a tam zawk chu beidawng mah se mizo dana ni sarih tal zawn hma chuan beidawng aw kâ tuman an chhuah lo. Thenkhat titi ah chuan Phungin a chawi bo a nih an ring hlawm a. Thenkhat chuan Nghaktei awmdanin a rilru a tinâ em anga, intihlum turin khawi hmun emaw a pan a nih te an ring hlawm a. Mahse rin thu vek a ni thung, tu in nge thudik chu hrechhuak thei ang le?
Samuela chuan a phone-a a chhinchhiah, light signal awmzia chu a chhut thin a. 21 21 21 ni thei awm hrang hrang a ngaihtuah a. Alphabet atanga a chhutin dik theiin a hre lo a. Signal a chhiar sual ni maiin a hre tawh. A mah pawh a confi thei lo. Chhiar thiam lutuk a ni tlat lo va.
Pawn lamah thawm a rawn awm a, naupang chanchinbu sem a rawn lut a. Khawtual chanchinbu chu a rawn pe a. A en thuak thuak a, dah mai a tum lai chuan Thuziak pakhat chuan a mit a la tlat mai. Bible chang intarlan danah chuan hriatchhuah a nei zawk mai. Bible a la a, 21 21 21 H H O O awmzia tur chu a zawng nghal a. 21 vawi thum lai awm nawn chu hriatchian loh hlauh vanga tih nawn niin a ngai phawt a. A lo nih loh chuan kawng hrang hranga thlir a tum a ni. H leh O awm nawn te pawh chu Hriat chian loh hlauh avanga signal pek nawn ni ta se 21 H O a lo ni ta a.
Bible H-a intan ho a zawng kual a, Hosea, Hla thlankhawmte; Hagaia leh Hebrai te chu an ni. A awm ber Hosea chu a keu a. Bung 2 chang 1 na chu a chhiar a, a awmzia tur a hre lo. Mahse Hosea bu ngun taka a en hnu chua chang 21 awm thleng chu Bung 2-na chiah a ni tih a hrechhuak a. Chang 21-na a chhiar leh a, mahse a awmzia a la hrechuang lo. A rindan a dik dawn lo niin a hria. A en kual zel a, Hebrai bung 2 :1 erawh awmzia a nei ta deuhvin a hria a. "Chuvangin, benga kan hriatte kha thanhnem ngai takin kan pawisa lehzual tur a ni; chuti lo chuan, kan tawlh bo hlauh dah ang e." tih chu.
O awmzia chu a chhut ngial pawhin a hre chhuak ta chuang lova, tul lovah hun a khaw ral niin a inhria. Mi Bible chang inthawn mai mai nite in a hria a. Mahse bible chang awmze nei ber nia a hriat erawh Fimkhur tura inchahna a ni tlat thung.
Kawtah a chhuak a. Khua a dur deuh na a, ruah tlak hlauhawm erawh a ni lem lo. Khawlaiah chuan mi an tam ang reng hle. An in atang chuan Rozuala te in a lang thei lo deuh na a, lut chhuak an awm deuh reng tih erawh a hriat theih a. Chutia mi vei vak a thlir mai mai lai chuan Bazar bula ding dun lo en leh zauh zauh thintute chuan an mit a la ta riau mai. Pakhat chu Pu Liana ang riauvin a hria a. An pahnih chuan thil zuar tih hriat theih turin Bag trial lianpui an bât ve ve a. Sa tha lam ve ve an ni a. Pâwi sumdawng ni mai hmel an pu a. Chutia a en reng lai chuan Pu Liana ang tak zawk chu a thlamuang hmel tak leh inringtawk takin a hawi vauh vauh a. A bula mi zawk erawh chu hlauthawng hmel a pu lek lek hian a hre thung.
A zuk hmuh ve atang phei chuan Pu Liana ang zawk chu a rawn hawi tawh hauh lova, mahse a bula mi erawh chu a rawn hawi leh zauh thin a. A rawn hawi zawh apiang chuan enge maw an sawi dun ziah lehnghal a. A ngaih an ti tha lo tlat mai. Chutia a en ve reng lai chuan Rozuala thlâ a hmuh zana a awmdan ang, helhhawlh deuh tak leh mawlhtu riau a rawn awm leh ta nghal a.
Rei vaklo hnu chuan chu Pâwi pahnih chu Bazar chhungah chuan an lut ta daih a. A hmu zui thei tawh lo. Enge maw rawn thleng leh tur awm tlat a a hriat avangin a chaw ei pawh a tui ther der lo mai. Zan lamah chuan Rozuala te in lama reilo te a kal hnu chuan Kimi te in lam bawk chu a pan leh a. Chumi zan chuan ruah a tlak sek avangin khua pawh a vawt ang reng viau mai. Rei pawh leng lovin dar 9 leh a chanve velah chuan a hawng leh ta a. Engnge maw mawlhtu a awm avangin Nghaktei te in lamah chuan a tlan kual leh a. Nghaktei te in lan theih hma deuhah chuan a ding a.
Meizial a tan a, muangchangin ke in kawngchhak ram awl duai mai lam chu a pan a. Hla deuh tak atang chuan Nghaktei te in leh a chheh vel chu a hmuh chian theih hle. He laia a kal ngawt chhan a hre lova, mahse a rilrua mawlhtu awm chuan helaia thleng tur hian a nawr tlat thungin a inhria.
Meizial pawh pathum zet a zu zo ta. A thut chhan ber pawh a hre si lova, a ning tanin haw mai a tum ut ut tawh a. Mahse Nghaktei te kawngka rawn inhawng a, Pu Liana a rawn chhuak a.
| Link: | |
| BBcode: | |
| HTML: | |
| Hide post links |
CHAWL TURIN KA INPEIH TAWH - 17
A rawn hawi vual vual a. Lukhum a khum a. In chhak kó ah chuan thei leh thei lovin a lawn chho va, chhak lam a pan chho zel a. Thingkungah bulah chuan a thu ta vang vang a. Samuela chuan a en reng a, a ngaihna a hre lo hle. A hmaa Rozuala'n a sawi tawh Thingkung bula atanga rawn thlir thin a sawi kha a hrechhuak leh zawk mai a. Nghaktei Pa chuan a hmu ve thin nge, tun ang zan reia chu lai hmuna a thut na chhan tur awm reng a hre lo.
Pu Liana awmdan a thlir reng lai chuan chhak lam bawk atang chuan Mi pakhat rawn chhuk thla in Pu Liana nen chuan an inbe mawlh mawlh mai. Thil mak tak mai chu rawn kal thar pa chuan Lukhumparh tha zet hi a khum a. Rozuala thil sawi tawh hnu chu a bengah a ri nawn awn awn mai. Ngawi renga minute sawm panga vel a thlir hnu chuan Pu Liana chu in lam panin a chhuk thla a. Kawng ko-ah chuan a zuangthla vei tharh a. A zin hawn tirha a leng haw an inhmuh chungchang te pawh a hrechhuak nghal a. Pu Liana ah hian thil fel lo leh dik tawk lo chu a awm a ni a ti rilru a. Lukhum parh khuma chu tunge a nih hriat chian a chak ta tlat a.
Zawi muanga thovin Khumparh khum chu zui ruk a tum ta a. Khumparh khuma chu chhaklamah chho lehin fâr thing hmunah a lut a. Hmanhmawh tak leh thawm dim ru tak siin a zui chho nghal a. Chu thing awmna let liam chu kawngpui, Kimi te in atanga a hawn kawng thin zawk kha a ni.
A thim mup mai a, duh angin a kal chak thei lova, ruah tlain a tih nal bawk si avangin a tawlh thlu reng mai leh nghal, Fâr hmun a luhna zawn niawma a hriatah chuan thawmdim thei ang berin a lut ve a. A hma lamah chuan muangchang hian a kal a. A rawn leh hawi leh zawk thin avang chuan duh anga hnaiah pawh a zui ngam lo. A letliam chhuk thlaknaah chuan a chhuk thla a, rang takin Fâr kung phen zelah chuan a phei ve a. Mahse a bò ta tlat.
Chiang taka a chhuk thla lai a hmuh vei nen, kawngpui a thleng thla hman ang tih awm vel chauhvin chhuk thlakna bul ava thleng ve nghal a. Mahse kawngpui ah chuan mi tumah hmuh hman a nei ta hauh lo mai. Penna tur a awm loh mai bakah street light eng hnuaiah chuan Kawngpui chu chiang takin thui tak a lang ruah a. In ding tlar phei hoah lah chuan Pawn lam light an chhi eng vek bawk si nen, a ngaihna hre lovin a hawi reng a. A chhuk lai a hmu chiang a, hmuh hman loh hlau ngawih ngawihin a chak thei ang berin a kal phei a. Mahse a hmu hman ta si lo. A zui tih a hria nge, a lo biru zawk ni?? A rilru tete chuan zan danga chan leh a tum nghet nghal bur mai.
Khaw lian pangngai tak a nih ve tawh avangin mi an inhre vek thei tawh bik lova, mahni veng chhung takngial pawh puitling tan chuan naupang lam ho chu hriat hleihtheih an ni tawh lo. Chu ta karah motor kawng pawimawh tak a nih avangin Mikhual leh Motor veivak chawlhna ber leh riahna ber a, inhriat a harsa ve deuh thin. Samuela ngat phei chu High school a kal atanga Aizawl lama awm a nih avangin Khawchhungah chuan hriat loh a ngah hle bawk a. Chuvang chuan a thiante tello chuan khawi hmundangah mah a chhuak ngai lo tluk a ni. Mahse Kimi nen an in ngaihzawn atang chuan Kimite in leh an in chu a kar tawn nasa ve ta chauh zawk a.
A Sikret lei tur chu Nutei te dawrah chuan a lut a. Nutei chuan dawr a lo nghak a, thu ve rih tura a lo sawm avang chuan a thu khawmuang veleh a, Nutei chuan "Samu, i rin loh lam pang daih hrilh tur che ka nei a" a ti a. Samuela chuan "Eng lam nge ni a?" a ti a.
"Sawi kher tul ka la ti rih lo, nakinah chiang takin i la hre dawn tho a lawm"
"Sawi tlang ve nghal mai la"
"Ni love, chu mi hunah chuan min rawn hrechhuak dawn nia"
Nutei hmelah chuan fiamthu na hmel a lang lova, a nuih te pawh a za ru hle. Nuteiin a duh zia a hriat hian a khawngaih ve thin. Mahse khawngaihna ringawt chuan rei a daih loh a hlau ve tho si a. Fiamthu-a luh pui tum takin "Pasal i nei dawn a mi?" a ti a. Nutei chu a lo tûm hmak mai. Sawi sual a inti ngei mai. A inthiam lova, mahse a ruk tak chuan a nuih a la za tho. Nuteiin Samuela nuamlo ti hmel a hmuh chuan amah zawk chu a rawn nui chhuak ta uar uar a. Samuela pawh insum seng tawh bik hek lo, an nui dun ta nghek a.
Nghaktei chu Speaker tihdam rawngbawlna nei hnenah an hruai mek a. Pu Lianaah thil diklo awmin a hre tawh bawk si nen, Rozuala zawnna lama kal lovin Nghaktei te In lam tlawh turin a kal a. A va thlen chuan kawngka a kik a, chhawntu an awm mai loh avang chuan kawngka chu a hawng a, a lut a.
Inchhung chu a lo reh thiap mai. Pu Liana te, Nghaktei û te chu a ko a, mahse tuman an chhang lo. A tlangnel sa deuh tawh avangin room vel chu a en kual a, tumah a hmu lova, Nghaktei room pawh chu hawngin an en kual a, tumah a an lo awm chuang lo va.
Nghaktei room a hawng chu rim dangdai deuh hlek hi a rawn nam hak mai. Eng rim nge phei chu a hre hauh lo a, mahse a ngaih a that chiah loh avangin roomah chuan a lut a. A hawi kual a, Rozualan a lo hrilh tawh setana biakna milem vel chu an lo tireh nual tawh a. Tihreh an tumna lama an rinna pawh a awm chuk nghe nghe. Nghaktei khum chuan a thu a,a hmaah chuan Calender a intar a...
A rawn hawi vual vual a. Lukhum a khum a. In chhak kó ah chuan thei leh thei lovin a lawn chho va, chhak lam a pan chho zel a. Thingkungah bulah chuan a thu ta vang vang a. Samuela chuan a en reng a, a ngaihna a hre lo hle. A hmaa Rozuala'n a sawi tawh Thingkung bula atanga rawn thlir thin a sawi kha a hrechhuak leh zawk mai a. Nghaktei Pa chuan a hmu ve thin nge, tun ang zan reia chu lai hmuna a thut na chhan tur awm reng a hre lo.
Pu Liana awmdan a thlir reng lai chuan chhak lam bawk atang chuan Mi pakhat rawn chhuk thla in Pu Liana nen chuan an inbe mawlh mawlh mai. Thil mak tak mai chu rawn kal thar pa chuan Lukhumparh tha zet hi a khum a. Rozuala thil sawi tawh hnu chu a bengah a ri nawn awn awn mai. Ngawi renga minute sawm panga vel a thlir hnu chuan Pu Liana chu in lam panin a chhuk thla a. Kawng ko-ah chuan a zuangthla vei tharh a. A zin hawn tirha a leng haw an inhmuh chungchang te pawh a hrechhuak nghal a. Pu Liana ah hian thil fel lo leh dik tawk lo chu a awm a ni a ti rilru a. Lukhum parh khuma chu tunge a nih hriat chian a chak ta tlat a.
Zawi muanga thovin Khumparh khum chu zui ruk a tum ta a. Khumparh khuma chu chhaklamah chho lehin fâr thing hmunah a lut a. Hmanhmawh tak leh thawm dim ru tak siin a zui chho nghal a. Chu thing awmna let liam chu kawngpui, Kimi te in atanga a hawn kawng thin zawk kha a ni.
A thim mup mai a, duh angin a kal chak thei lova, ruah tlain a tih nal bawk si avangin a tawlh thlu reng mai leh nghal, Fâr hmun a luhna zawn niawma a hriatah chuan thawmdim thei ang berin a lut ve a. A hma lamah chuan muangchang hian a kal a. A rawn leh hawi leh zawk thin avang chuan duh anga hnaiah pawh a zui ngam lo. A letliam chhuk thlaknaah chuan a chhuk thla a, rang takin Fâr kung phen zelah chuan a phei ve a. Mahse a bò ta tlat.
Chiang taka a chhuk thla lai a hmuh vei nen, kawngpui a thleng thla hman ang tih awm vel chauhvin chhuk thlakna bul ava thleng ve nghal a. Mahse kawngpui ah chuan mi tumah hmuh hman a nei ta hauh lo mai. Penna tur a awm loh mai bakah street light eng hnuaiah chuan Kawngpui chu chiang takin thui tak a lang ruah a. In ding tlar phei hoah lah chuan Pawn lam light an chhi eng vek bawk si nen, a ngaihna hre lovin a hawi reng a. A chhuk lai a hmu chiang a, hmuh hman loh hlau ngawih ngawihin a chak thei ang berin a kal phei a. Mahse a hmu hman ta si lo. A zui tih a hria nge, a lo biru zawk ni?? A rilru tete chuan zan danga chan leh a tum nghet nghal bur mai.
Khaw lian pangngai tak a nih ve tawh avangin mi an inhre vek thei tawh bik lova, mahni veng chhung takngial pawh puitling tan chuan naupang lam ho chu hriat hleihtheih an ni tawh lo. Chu ta karah motor kawng pawimawh tak a nih avangin Mikhual leh Motor veivak chawlhna ber leh riahna ber a, inhriat a harsa ve deuh thin. Samuela ngat phei chu High school a kal atanga Aizawl lama awm a nih avangin Khawchhungah chuan hriat loh a ngah hle bawk a. Chuvang chuan a thiante tello chuan khawi hmundangah mah a chhuak ngai lo tluk a ni. Mahse Kimi nen an in ngaihzawn atang chuan Kimite in leh an in chu a kar tawn nasa ve ta chauh zawk a.
A Sikret lei tur chu Nutei te dawrah chuan a lut a. Nutei chuan dawr a lo nghak a, thu ve rih tura a lo sawm avang chuan a thu khawmuang veleh a, Nutei chuan "Samu, i rin loh lam pang daih hrilh tur che ka nei a" a ti a. Samuela chuan "Eng lam nge ni a?" a ti a.
"Sawi kher tul ka la ti rih lo, nakinah chiang takin i la hre dawn tho a lawm"
"Sawi tlang ve nghal mai la"
"Ni love, chu mi hunah chuan min rawn hrechhuak dawn nia"
Nutei hmelah chuan fiamthu na hmel a lang lova, a nuih te pawh a za ru hle. Nuteiin a duh zia a hriat hian a khawngaih ve thin. Mahse khawngaihna ringawt chuan rei a daih loh a hlau ve tho si a. Fiamthu-a luh pui tum takin "Pasal i nei dawn a mi?" a ti a. Nutei chu a lo tûm hmak mai. Sawi sual a inti ngei mai. A inthiam lova, mahse a ruk tak chuan a nuih a la za tho. Nuteiin Samuela nuamlo ti hmel a hmuh chuan amah zawk chu a rawn nui chhuak ta uar uar a. Samuela pawh insum seng tawh bik hek lo, an nui dun ta nghek a.
Nghaktei chu Speaker tihdam rawngbawlna nei hnenah an hruai mek a. Pu Lianaah thil diklo awmin a hre tawh bawk si nen, Rozuala zawnna lama kal lovin Nghaktei te In lam tlawh turin a kal a. A va thlen chuan kawngka a kik a, chhawntu an awm mai loh avang chuan kawngka chu a hawng a, a lut a.
Inchhung chu a lo reh thiap mai. Pu Liana te, Nghaktei û te chu a ko a, mahse tuman an chhang lo. A tlangnel sa deuh tawh avangin room vel chu a en kual a, tumah a hmu lova, Nghaktei room pawh chu hawngin an en kual a, tumah a an lo awm chuang lo va.
Nghaktei room a hawng chu rim dangdai deuh hlek hi a rawn nam hak mai. Eng rim nge phei chu a hre hauh lo a, mahse a ngaih a that chiah loh avangin roomah chuan a lut a. A hawi kual a, Rozualan a lo hrilh tawh setana biakna milem vel chu an lo tireh nual tawh a. Tihreh an tumna lama an rinna pawh a awm chuk nghe nghe. Nghaktei khum chuan a thu a,a hmaah chuan Calender a intar a...
| Link: | |
| BBcode: | |
| HTML: | |
| Hide post links |
Local Advertisement
MOBILE SIAM ZIR DUH TAN!!!
Tech-Inn Mobile Repairing Traning Centre, Bazar bungkawn
Kum tin mi za chuang eizawnna kan siamsak a, Eizawnna tlaka thiam turin kan zirtir thin
Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122
CHAWL TURIN KA INPEIH TAWH - 18
Calendar chu a en a, ni inrinbial thliah thliah chu a hmu ve nghal a. Hnai zetah a va en a. Thla hman liam tawha Thla bial zan zela inrin bial chu Thla hman lai mekah erawh a ni ve lo tih a hria a. Thla hman lai mekah erawh chuan thla bial atanga ni ruk niah a ni thung. Chu hunah chuan enge maw thleng ngei dawn a hriatna a nei a. A phone calendar-ah chuan a chhinchhiah ve nghal a.
Calendarah hnuai lam chu a chuar deuh a, thisen khang tawh ang tak mai a hmu tlat mai. Makti zeta a en lai chuan a phone a rawn ri phut a. A phu ve zawk mai. Kimi chuan a rawn bia a, scooty a ken loh thu leh a nawmsam loh deuh avanga rawn hruai hawng mai turin a rawn beisei a ni. Hmanhmawh takin a tlanchhuak nghal a. Pawnah chuan Pu Liana nen an intawk a.
Pu Liana chuan thip fe hian a lo melh a, a mitmeng a hmuh chuan haider lui hramin "Pu Lian, rawn len ka tum deuh a, tumah lah chu in awm si lo a, kalna tur pawimawh ka nei leh thut bawk si nen, nidangah ka la rawn leng leh zawk ange" tih pahin a bike chu a tinung a, Kimi te office lam chu a pan nghal a. Pu Liana chuan a en zui vung vung a, a phone a phawrh a, tu emaw be pahin inchhungah a lut ta a.
Khawvela hmun khawhar thei tak mai pakhat chu Mihring thinlung hi a ni. A luahtu tur diktakin a luahloh chuan mipui tam tak karah pawh mal a inhriatna a hring chhuak a. A luahtu tur diktakin a luah erawh chuan hmun hlimawmber a rawn siam chhuak leh thei thung si.
Nutei pawh chu dawrtu ngahin buai viau mahse a thinlung khawharna chuan a tuam hneh thin le. An inphur hmu ngun viau mah se a duhna a kiam thei chuang si lo. A ngai ngawih ngawih a, a kianga awm ve theih a chak em em thin. A thinlung khawharna erawh chuan Pathian a pawl tam tir thung thin. A tana khuanu ruat a nih chuan engtikah emaw chuan a hnen a rawn pan a ring a. Chumi huna lawm taka a lo pawm theihnan a rilru chu lo inbuatsaih a tum sauh sauh a. Hmangaihna chuan tisual mah se a ngaidam thin si a.
Kimi chu a mu nghal a, midang an awm ve loh avangin kawngka a kalh a, thlahlel tih hriat zetin Kimi bulah chuan a mu ve nghal a. An titi dun a. Kimi chuan "Engtin nge min hmangaih theih zawk le?" a ti a. Samuela chuan "Ka hre biklo, ka hmangaih vang che a niang" a nui a, "Nangin min hmangaih ve em" a tih zawm a. Kimi chuan "Aw, ka hmangaih che a lawm" a ti a. Samuela chuan "Engtin maw itih?" a ti a, a nui suk a, Kimi chuan "Ka hmangaih che" a ti leh a. Samuela chuan a hrechiang duh tlat lo. "maw?" a ti leh a. Kimi chuan "Ka hma...aaaa...nang chuuu" tih pahin a chum a. Lehlam hawiin a ti tau der a. Samuela chuan duat taka kuah pahin "Vawi tam tak sawi mah la ka hre kham thei hleinem" a ti a.
Kimi chu a lo leh hawi a, an infawp ta vawng vawng a. An uar tulh tulh a, Samuela chu Kimi chungah a bawk nghal a. A kut chuan Kimi taksa chu a chul kual ruai reng a. Mihring te suala tluk tir fo tu chuan inrawlhna tur a rawn zawng ve nghal chat a. Kimi pawh meng phallovin a thaw halh halh a.
Kimi taksa chuan Khuh mawitu a nei tawh lo, mahse khuh mawitu tello chuan a lo mawi daih zawk si a. Let leh thei rual an ni tawh lo. Hmangaihna lipuiah chuan an cheng dun a. Mahse nawm chhung chu reilote a ni a, thinlung erawh a hlîam hman si.
Zanah chuan Ramnghaka a phone a. Inhmuh a duh thu a hrilh a. Ramnghaka chu chanchin hrilh vek mai a tha in a hre tawh. Pu Lianan a en dan leh a rinhlelh dan a dik anih ngat chuan vanduaina tawk ve thei reng niin a inhre tawh a. Chuvang chuan a thu hriat chu thâmral tir a tum lo.
Ramnghaka chuan mak a ti ve ngei mai. Zawhna a ngah bawk a, "Police lam hrilh mai te a tha lo maw" a ti a. Mahse Samuela chuan"Nilo e, thuchiang engmah kan neih loh hi, Pu Liana kan ringhlel chauh a la ni alawm" a ti a. Chumi zan chuan Pu Liana leh Lukhumparh khuma chu chàn chhuah tumin an thawkchhuak nghal a. Mahse an beisei angin thil a kal lo va, an chang thlawn chiang hle mai.
Beidawng zeta an haw hnu chuan Light signal chungchang leh Calendar-a ni rinbial chungchang chu an buaipui a. Thla bial atanga ni ruk nia awmdan tur ruahmanna an siam a.
Ramnghaka haw hnu chuan Kimi nen chuan message inthawnin Kimi hrehawm ti chu a hnem a, diktak chuan amah ngei pawhin Pathian huat ber thil tih chu hrehawm a ti a. Ngaihdam dilin tawngtai mah se nuam a ti chuang lo.
Rozuala chungchang a ngaihtuah leh, khawiah tak awm ang maw? A la dam ang nge a thi reng tawh zawk ang tiin a ngaihtuah a. A hla duh em em mai a ngaithla pah a.
"When you went away that day
The world came down on me
We've been best of friends forever
And now it is time to let you go
Your spirit carries on as my
Life continues on alone"
A hawn hnua thil thleng tam zia leh Kimi chu awm lo se hrehawm a tih tur zia a ngaihtuah a, Hun hrehawm ber a tawn laia a tawrhna tikiam turin Kimi chu Pathianin a ruat hial niin a hria. Rozuala chungchang ngaihtuah reng chuan a lo muhil ve ta a.
"Chhum a lo zing mup mup a, Hla deuh atang chuan Mi pakhat hi a lam panin a rawn kal phei a, a rawn hnai zel a. Rozuala niin a hria. A thur bum a, a lo bal em em a.
Calendar chu a en a, ni inrinbial thliah thliah chu a hmu ve nghal a. Hnai zetah a va en a. Thla hman liam tawha Thla bial zan zela inrin bial chu Thla hman lai mekah erawh a ni ve lo tih a hria a. Thla hman lai mekah erawh chuan thla bial atanga ni ruk niah a ni thung. Chu hunah chuan enge maw thleng ngei dawn a hriatna a nei a. A phone calendar-ah chuan a chhinchhiah ve nghal a.
Calendarah hnuai lam chu a chuar deuh a, thisen khang tawh ang tak mai a hmu tlat mai. Makti zeta a en lai chuan a phone a rawn ri phut a. A phu ve zawk mai. Kimi chuan a rawn bia a, scooty a ken loh thu leh a nawmsam loh deuh avanga rawn hruai hawng mai turin a rawn beisei a ni. Hmanhmawh takin a tlanchhuak nghal a. Pawnah chuan Pu Liana nen an intawk a.
Pu Liana chuan thip fe hian a lo melh a, a mitmeng a hmuh chuan haider lui hramin "Pu Lian, rawn len ka tum deuh a, tumah lah chu in awm si lo a, kalna tur pawimawh ka nei leh thut bawk si nen, nidangah ka la rawn leng leh zawk ange" tih pahin a bike chu a tinung a, Kimi te office lam chu a pan nghal a. Pu Liana chuan a en zui vung vung a, a phone a phawrh a, tu emaw be pahin inchhungah a lut ta a.
Khawvela hmun khawhar thei tak mai pakhat chu Mihring thinlung hi a ni. A luahtu tur diktakin a luahloh chuan mipui tam tak karah pawh mal a inhriatna a hring chhuak a. A luahtu tur diktakin a luah erawh chuan hmun hlimawmber a rawn siam chhuak leh thei thung si.
Nutei pawh chu dawrtu ngahin buai viau mahse a thinlung khawharna chuan a tuam hneh thin le. An inphur hmu ngun viau mah se a duhna a kiam thei chuang si lo. A ngai ngawih ngawih a, a kianga awm ve theih a chak em em thin. A thinlung khawharna erawh chuan Pathian a pawl tam tir thung thin. A tana khuanu ruat a nih chuan engtikah emaw chuan a hnen a rawn pan a ring a. Chumi huna lawm taka a lo pawm theihnan a rilru chu lo inbuatsaih a tum sauh sauh a. Hmangaihna chuan tisual mah se a ngaidam thin si a.
Kimi chu a mu nghal a, midang an awm ve loh avangin kawngka a kalh a, thlahlel tih hriat zetin Kimi bulah chuan a mu ve nghal a. An titi dun a. Kimi chuan "Engtin nge min hmangaih theih zawk le?" a ti a. Samuela chuan "Ka hre biklo, ka hmangaih vang che a niang" a nui a, "Nangin min hmangaih ve em" a tih zawm a. Kimi chuan "Aw, ka hmangaih che a lawm" a ti a. Samuela chuan "Engtin maw itih?" a ti a, a nui suk a, Kimi chuan "Ka hmangaih che" a ti leh a. Samuela chuan a hrechiang duh tlat lo. "maw?" a ti leh a. Kimi chuan "Ka hma...aaaa...nang chuuu" tih pahin a chum a. Lehlam hawiin a ti tau der a. Samuela chuan duat taka kuah pahin "Vawi tam tak sawi mah la ka hre kham thei hleinem" a ti a.
Kimi chu a lo leh hawi a, an infawp ta vawng vawng a. An uar tulh tulh a, Samuela chu Kimi chungah a bawk nghal a. A kut chuan Kimi taksa chu a chul kual ruai reng a. Mihring te suala tluk tir fo tu chuan inrawlhna tur a rawn zawng ve nghal chat a. Kimi pawh meng phallovin a thaw halh halh a.
Kimi taksa chuan Khuh mawitu a nei tawh lo, mahse khuh mawitu tello chuan a lo mawi daih zawk si a. Let leh thei rual an ni tawh lo. Hmangaihna lipuiah chuan an cheng dun a. Mahse nawm chhung chu reilote a ni a, thinlung erawh a hlîam hman si.
Zanah chuan Ramnghaka a phone a. Inhmuh a duh thu a hrilh a. Ramnghaka chu chanchin hrilh vek mai a tha in a hre tawh. Pu Lianan a en dan leh a rinhlelh dan a dik anih ngat chuan vanduaina tawk ve thei reng niin a inhre tawh a. Chuvang chuan a thu hriat chu thâmral tir a tum lo.
Ramnghaka chuan mak a ti ve ngei mai. Zawhna a ngah bawk a, "Police lam hrilh mai te a tha lo maw" a ti a. Mahse Samuela chuan"Nilo e, thuchiang engmah kan neih loh hi, Pu Liana kan ringhlel chauh a la ni alawm" a ti a. Chumi zan chuan Pu Liana leh Lukhumparh khuma chu chàn chhuah tumin an thawkchhuak nghal a. Mahse an beisei angin thil a kal lo va, an chang thlawn chiang hle mai.
Beidawng zeta an haw hnu chuan Light signal chungchang leh Calendar-a ni rinbial chungchang chu an buaipui a. Thla bial atanga ni ruk nia awmdan tur ruahmanna an siam a.
Ramnghaka haw hnu chuan Kimi nen chuan message inthawnin Kimi hrehawm ti chu a hnem a, diktak chuan amah ngei pawhin Pathian huat ber thil tih chu hrehawm a ti a. Ngaihdam dilin tawngtai mah se nuam a ti chuang lo.
Rozuala chungchang a ngaihtuah leh, khawiah tak awm ang maw? A la dam ang nge a thi reng tawh zawk ang tiin a ngaihtuah a. A hla duh em em mai a ngaithla pah a.
"When you went away that day
The world came down on me
We've been best of friends forever
And now it is time to let you go
Your spirit carries on as my
Life continues on alone"
A hawn hnua thil thleng tam zia leh Kimi chu awm lo se hrehawm a tih tur zia a ngaihtuah a, Hun hrehawm ber a tawn laia a tawrhna tikiam turin Kimi chu Pathianin a ruat hial niin a hria. Rozuala chungchang ngaihtuah reng chuan a lo muhil ve ta a.
"Chhum a lo zing mup mup a, Hla deuh atang chuan Mi pakhat hi a lam panin a rawn kal phei a, a rawn hnai zel a. Rozuala niin a hria. A thur bum a, a lo bal em em a.
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)