CHAWL TURIN KA INPEIH TAWH BY RT Puia Mavala

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

CHAWL TURIN KA INPEIH TAWH BY RT Puia Mavala

Unread post by Ngaia » June 26th, 2016, 1:46 pm

CHAWL TURIN KA INPEIH TAWH - 1
.
Kum nga dawn lai mai mahni khua leh chhungte awm bosanin Ram pawnah zirna avangin a awm tawh a. A awm chhungin vawi 1 bak hawna hun a neihloh mai bakah Sum leh pai lama harsatna lian tak tak a tawk a. A zir tan atanga kum 1 naah Vanduaithlak taka a pain a boralsan hnu phei kha chuan mahni inchawm tak meuh meuhin a zir chhunzawm a. Lung lengin a nu leh a nau te pahnih pawh chu ngai hle mah se haw na leh kal lehna tura sum sen hautak dan a ngaihtuah chuan hrehawm ti tak chungin a awm hram thin kha a ni a. Tunah chuan a zirlaite a zo ta bawk a, mahni ram ngeiah thiamna leh finnate mahni ram tan tiin a haw ve mek chu a ni ta.
.
.
Taxi driver tawng duh lutuk chu a kham ru tak zet. Airport pawh an la kalhlat san hma hma chuan kuhva 2 ngawt mai a hmawm hman tawh leh nghal. A kuhva eina ti per thet thet pah chuan Aizawl leh Lengpui inkar kawng a hriat bel zia leh hun a hman rei ngailoh zia chu a sawi suam suam reng a. Driver thusawi pawh chu a rilruah a lut lem lo. Ngawi rengin a ipte atang chuan cigarette a phawrh a. "Kan pahnih chauh kan ni bawk a, a pawi lem lovang tiraw" tih pahin a tan zawm chu a ni der mai a. Taxi driver pawh chuan "E!! Min lo tan kep ve nghal teh, ka vengthawng zawk che a lawm. Keini hi chu thingtlang chhul chhuak tih takah, rel lû ang maiin kan khu luai luai reng zel mawle" tih pahin a khi vun vun a.
.
.
A meizial chu tui ti hmel taka fawh pah chuan Samuela chuan a mitmeng chu a tizim san a. Aizawla zan khat riaha, a tuka an khawlama haw tur chuan a rilru a siam a. Kawng sira mêl lung intung chu ngun zet hian a en thin a. Thlen thuai thuai a chak takzet tawh a ni. Thlasik boruak a intan tawh a. Boruak pawh a hit ve tan ta khawp mai. Khawlum lai aiin khawvawh laia inchei a nalh hma zawk ani chek anga, kawng sira mi ho reng reng chu an nung sar mai vek hian a hria a. Khatla lama a pu te inlamah chuan a inthlah tir a.
.
.
A pu te chuan an lo lawm thiam khawp mai. A high school kal laia a inluahna neitute niin chhung atana an insiam chawp an ni a. Pu Albert-a te chuan fanu 3 neiin fapa an neih loh avang chuan Samuela pawh chu an duat hle thin a. An inhnuai luah e ti lo chuan chaw hi an chhum kep reng a. An inpawh viau mai a. Hmeichhe rual ta chu Mipa hna deuh apiang Samuela chuan a tih sak bawk a. An inlawm tawn a ni ber e. An fanu te pathum nen pawh chuan unau ang maia inkawmin an khawilo vah chhuahnaah an hruai ve fo thin a. Amah aia u te vek an nih avang chuan an tirh pawh a hnial ngai lo a..khang an rawlthar chhuah hlim vel te pawh angaihtuah let a. A khua a har ru ve reng mai.
.
.
Tunah chuan an fanu upa berin Pasal a nei tawh a, a dawttu chuan nikum hmasa khan Kal tha lo vangin a boral tawh a ni. An naupang ber, Samuela aia kum 2 vela upa Siami chauh chu an lo kawl tawh a. Pu Albert-a chuan Samuela chu zawhna chhansen loh, an zirna chungchang vel chu a zawt bawrh bawrh reng a. Samuela pawh chuan tha taka chhang zelin a chhan zawh hma hma chuan zawhna dang hi a lo nei leh vut thin. A tuk cham turin a chelh tlat mai a. Samuela chuan Len chhuahna hun neiah ingaiin aw ve ta mai a.
.
.
A tukah chuan Siami chuan phal tak maiin a Rodeo chu a lo hman tir a. A Higher an kal laia a ngaihzawng A hrechhuak zawk mai, angaihzawng nu nena an in phurh kual nasat ve thin zia a ngaihtuah chhuak a. Mahse inzui nasa viau e ti lo chuan kum 1 hnuah an in tha then ringawt kha a ni a. A nuih te pawh a za ru ve hle mai. Khami bak kha ngaihzawng a la nei leh miah lo a. Duh tu leh ngaizawngtu erawh a hmu nasa, amah palian lam, hmelchhe lem lo tak a lo ni bawk nen, mahse a tu amah chu engah vak ngai lovin tha takin a be vek thin zawk a ni.
.
.
Bazar lam panin a in khalh chhuak a, chutia eng eng emaw a naute hawn tur a en lawr dan dan lai chuan Hmeichhe aw tliang nelh nawlh hian "Samuel" a rawn ti vak mai a, a awmna chhak chiah dawrah chuan a thiannu Hunmawii a lo ding a, a lo nuih var var a, a kutin a rawn hui a, a ni pawh chuan nuih let sak pah chuan a pan chho ve nghal a.
.
.
"The Huns(Hunmawii a koh dan), hei in dawr leh bawk maw" a ti lut a. Hunmawii chuan a tarmit vuah kara rawn hawi tlet kar pahin a lu a lo bu a, "engtiknge i rawn hawn?" a lo tih zawm ve vat a. Dawr chhungah chuan Hunmawii thiante pahnih hi an lo awm ve a,a va en thuak a,maktak maiinPakhat zawk chuan a mit a la nghal em em mai.Nula ngo pangngai tak a ni a, a sam tlema a tikir chu a inhmeh ngang mai. A hmuiah chuan engmah a hnawih lova, a thianghlim hle. A incheina a simple viau ang aiin a inhmeh em em thung a. Chutia a va en reng lai chuan a ni pawh chuan a rawn en ve reng tih a hriat takah chuan. Mahni induh tawk ve tak, Samuela chu a hawisawn nghal a.
.
Hunmawii chu lu zo vah leh tawngduh tih takah Samuela chu a thian lo awmpui te nen chuan an inhmelhriattir zung zung a. A hming maw .Kimi a tih chu...a thin chu a phu dut dut a, a awmdan chu a induh lo hle mai.
.
"Ka inhmelhriattir ve soh soh che u a, chibaite pawh ti ve u la" Hunmawii chuan a rawn ti a. A nui nghal hawk hawk a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 26th, 2016, 1:46 pm

CHAWL TURIN KA INPEIH TAWH - 2

Kimi te thiandun pawh chuan an kut an rawn phar chhuak ve vat a. Kimi zawk erawh chu a tawng tha duh vak lo. A thiannu zawk erawh chu Hunmawii ang maiin a dak ve char char tho mai. Samuela chuan "Mei ka zu dawn ania" tih pahin a tan fel leh der tawh a. Chutih lai tak chuan Kimi roh chuan "Min lo theh ve teh" a rawn ti var mai a. A beisei loh leh a rinloh lutukna lamah chuan pek ve nachang pawh a hre lawk lo zawk a. Cigarrette pakhat a'n pe a. A tanna tur a rawn dil zui lehnghal a, tui ti hmel takin a si ta vang vang a.

Samuela chuan eng ang hmeichhia tak ni ang maw, a khawlo ru viau lo maw le, chuti a nih loh chuan hmeichhe frank ve tak a ni thung ang ti vela a ngaihtuah mai mai lai chuan Kimi'n tui ti hmel taka a lo hnâr khu chhuah hlat hlat chu ava hmu a, he nu hi a lawm ru riau mai. Rei vak lo hnu chuan tihtur la neih chhuanlam siamin Samuela chu a chhuak ta nghal a. A chhuah pah chuan Kimi chu ava en a, ani pawh chuan a lo en reng a. Rang taka hawi sawn nghalin ngaihtuah zui lo tura intiam ru mawlh mawlhin tow wheeler park-na lam chu a pan sawk sawk a. An khaw sumo counter lamah hmanhmawh angreng taka tlan nghalin a tuka haw na tur ticket a va la a. A haw ve ta nghal a.

Zanah chuan a mu hleithei der lo mai, Kimi, a nuih paha a mit a chhing ta vek emaw tih tur nui hmel lawmawm deuh kha, a vei ru veng veng niin a in hria. Mahse hmeichhe meizial pak tulh tulh hi chu a in lam chi pawh an thei tlangpui thin. Chuvang chuan ka ngaihtuah tawh tur a ni lo tia rilru a siam viau chung pawn Hmeichhe tam tak leh hmeltha tak tak a hmuh kara Kha nu Kimi nui hmel a mitthlaa cham reng mai chu a zual tulh tulh a, a tawp a tawpah erawh a chhing ve ta hram a.

Sumo seat hnung berah chuan Pahnih chauh an chuan avangin duhdah zet hian Samuela chu a thu a. A bula thu vaipa erawh chu kil takah a thu fel at thung. Driver chuan a tape play chu a next zoh zoh reng bawk a, a hla duh tak a thleng ta aniang chu, music mawi tak chu a rawn ri riai riai a. Chawhnu dar 1 vel a ni tawh a, Aizawl khawpui pawh km tam fein an chhuahsan tawh a. Tuirial phai erawh a rin aiin a lo la lum thung a. Mahse thla a sik tak tak hnuah erawh chuan tlan pelh huphurhawm khawpa vawt a ni leh thin roh a. Hmana tuiriala thil zuar tleirawl hmaifang tha deuh mai, an thianho a an fiam vak tum a, Putarin a rawn hauh chungchangte ngaihtuahin a khi suk suk a.

Seling thlenna turin Km tam a awm tawh lo tihah an chuanna Sumo chu a ding chawt a, driver chu hmanhmawh taka chhuak nghalin "I na em?" a va ti phei nghal lung lung a. Midang chuang ve ho pawh chu chhuk sap sap pahin an hmaa Nula pakhat kawngpuia lo bawkphek leh a Scooty khalh lai ni ngei tur tuikawra lo mu ngât mai chu an buaipui nghal sap sap a. Samuela pawh rang taka chhuk vein scooty pawhchhuah tum chu ava pui ve nghal vat a.

Scooty an hung rem fel a, a khalh tunu awmna lam an lo kil bial laih chu ava pan ve chhat chhat a, chu nu chuan "He lai lei thil ah hian ka brake na lutuk aniang" tih pahin a kut metal road-a ain nemkhalhna chu a pilh hrup mai a. A kutzungte chu a ulh aniang tih pahin nâ a tih thu a sawi a. Samuela'n a hmuh chuan a ding chawt mai. Nimin lama Hunmawii te dawra a hmuh Kimi kha a lo ni tlat mai. Mak a ti rilru hle mai. Chutih laia mak a la tih leh zual zawk chu an khaw mi ho passenger dangte chuan Kimi chu tlangnel takin an fiam bawrh bawrh tlat chu a ni. A en reng a, a ni pawh chuan a rawn hmu ve thuai a, a nui seih a, a kut bawk chu a buaipui leh ta a.

Sumo ami First Aid vel an pek zawh chuan Kimi chuan a scooty chu khalh zawm mai an tum dawn a, mahse a kut dinglam chuan a hum tha ngam ta tlat lo mai. Inthlahrung hmel takin "Scooty khalh thiam in awm mial lo maw? Khalh hawn sak mai ka ngai ang" a rawn ti a. A vannei nge a vanduai, samuela chiah chu thalai, scooty khalh thiam awm chhun a ni a. "Tlawmngaih sak hram mai rawh" an rawn tih tak hlawm avang chuan scooty-a inphur tur chuan a bag pakhat an ak tha a. A awmdan chu a dik chiah lovin a hria, a phur miah lo naa, helhhawlh an sawi ang deuhin a pen te chu a lài tut hian a hria a.

"Kimi kha ini tiraw?" a la hriatchian tehlul nen an zawt nawn kher a. Kimi chuan "Umm, dawn lawm ni, Samuel" a lo ti let ve vat a. Samuela chuan chu nu inla confi ru lutuk chu a haw lek lek mai. "Khawi thleng nge i kal dawn?"
"********** ah"

"Kan khuaah chuan enge itih ve ngawt dawn a"

"Ka duh duh, tak taka, ka rawn sumdawng thin a"

(Khamaw ka tih reng kha nimina meizial a pak tual tual danah khan mi nun thlahdah ho deuh tak anih ka ring rengah Samuela chuan an ti rilru ngawt a) Mahse hmuh hoh atum viau rualin, a rualpui awm lek, a incheina changkang ru tak te leh a hawi her vel hrim hrim chu changkang a ti ru hle thung a.

Sumo-in a tlansan hnu chuan scooty chuan an inphur chhuak ve ta a. Kawng lakah chuan an inbe tam lo kher mai. Thingpui ina an chawlh zawk tih lohah chuan an tlan par par a. Hmun fai deuh nuam laiah chuan ding in meizial chu an zu chawl a, an ngawi dun reng a. A tawng hmasa zawk nih an hreh ve

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 26th, 2016, 1:47 pm

CHAWL TURIN KA IN PEIH TAWH - 3

A tawng hmasa zawk nih an hreh ve ve hle mai. Kimi chuan a phone phawrhin muangchangin a beng bulah an dah a. "Kan rawn thleng har lutuk tawh lovang....awle......min lo ngaihtuah duh suh.....aw....a fel lutuk e" phone chu a dah nghal a.

Samuela chuan "I kut chu enge" a ti hman zuau a, mahse ngaihsak lutuk anga lan duh chiah si lo chuan a ne ne ral leh ta mai a. Kimi chu a nuih a za ru hle mai. Titi vawrh nan tiin Hunmawii chungchang atang chuan a'n tan teh ngawt a. Hunmawii chanchin nuihzatthlak lam sawi chuan an nui dun ta hawk hawk a. Samuela chuan Kimi hlim taka a nuih zawnga a mit chhing vek thin chu a lawm em em mai. A hmai hlai lampang lek leka a hnar leh ka invuah dan fuh zia chu a en ning hleithei lo a.

Rei mawi tawk an chawlh chuan kal turin an inbuatsaih a. Mahse harsatna an nei ta tlat mai. An Scooty chu a nung thei ta hauh lo mai. An beih fe hnuah pawh chuan tih ngaihna hre lovin an chawlhsan ta tawp a. Samuela chuan a thiam ang ang chuan a hawng kual vel a. Tha lo lai awm a hmu si lo. Ni lah chu a her ve duai tawh a. Km 20 vel zet la kal tur an ni a. An rilru a hmanhmawh ru dun tawh hle mai. Khaw hnai ber chu Km 5 vel a la ni a. Tihdan tur an ngaihtuah fe hnu chuan khua awm leh hmasa ber thlenga nawr chu an titlu a. Samuela chuan scooty chu nawrin a hnungah chuan Kimi chuan a zui ta hnak hnak a. He mi ni hi enga ti tehreng nge ni, motor dang rawn tlan a vang em em mai a. An hmuh chhun te lah chu Aizawl lam pan an ni deuh fur lehnghal a.

"Ka tibuai ta hle mai che. Kei chu awm lo ila i thleng daih tawh awm sia" inthahrung aw tak mai chuan Kimi chuan a rawn ti a. Samuela chuan kimi inthlahrung tih hriat ngawih ngawih, a aw atanga rawn lang chhuak chu a hriatin a nuih a za ru hle mai. A khawngaih deuh bawk si. "Nakinah min la rul dawn nia" an ti ngawt a. Thu nawi nawi te te sawia an kal fe hnu chuan Samuela chau chuan chawlh a rawt a. Kawng chho deuh lek lek a scooty nawr chu a hahthlak phian aniang chu, an tui pai chu a lem khawlh khawlh a. Duh ang pawhin an kal sawt thei lo. A tawp a tawpah khua chu harsatna em em nei lovin an thleng dawn ta reng mai. Kimi pawh chuan a hnung atanga a rawn nem puina avang chuan chau hnepin a awm a. Khaw thim dawn ruaiah chuan Chu khaw workshop awm ve atang chuan an chhuak leh thei ta hram a. Khawvawt tih loh chu Harsatna dang tawk tawh lovin tluang takin In 900 zetzawt awmna Samuel Lalrinchhana pianna khua chu an zan thlen ta a.

Kimi chu an khuaah chuan a thiante nen Health Dept hnuaiah hna thawkin kum 2 kalta khan an lo awm a lo ni a. An inluahna thleng a thlah a. Kimi thiante 2, a inluahpuite chuan an lo hmuak a. Veng hran an nih avang chuan ke a hawn a huphurh deuh a. A nau Ruatthara chu phone-a biain anau chuan Bike-in a rawn hruai ta a.

Thla 3 dawn an khuaah chuan a awm ve ta. Kimi chu vawi khat bak a la hmu leh lo a. Hmu fo lo mahse pawi a ti lo. A hmuh fo chuan a zunah a uai telh telh ang tih a hlau a ni. Khatiang anga hmeltha chuan ngaihzawng a neih a ring nghet bur bawk a. A duh thu va hrilh a, va intih mualpho kawi vel kha a duh lo a ni. Krismas leh kumthar an chuan kai zawh hnuah chuan mitin mai chu an kawng zawh lai theuhah chuan an buai leh mam mam tawh a.

"Samu, insiam vat vat la, rei min lo ti tawh ang" A thianpa Rozuala chuan a rawn tur chhen a. Rozuala bialnu birthday a nih avangin chaw ei nghal turin a kalpui dawn a. Rozuala chuan a khat tawkin "Tihpui tur tha deuh kan hual che ania" a ti leh thin. Samuela chuan engah vak ngai lemlovin a nui mai a. A inpeih hnu chuan Rozuala chu a Bike Karizma eng chu a phit pui nghal a. A hnungah chuan rang zetin Samuela chuan R15 dum chuan a um ve nghal a.

Rozuala bialnu Nghaktei te in an thlen chuan Nghaktei te thian ho chuan an lo chhawn vat a. Inchhung an lut chiah chu kil khata Kimi lo thu ngawi ve reng chu Samuela chuan a hmu vat a. A rilru a buai leh tan tlat. A duh ruk em em Kimi chu a chan tur niin a hre lova, biak buai loh law law chu a duh zawk a. Mahse Kimi chuan a rawn hmu ve vat a. A rawn nuih var var a. A bula thu turin a lo hui a, chutia a hmeichhia zawkin a sawm miau takah chuan ava pan phei ve a.

Rei fe an titi dun mawlh mawlh hnu chuan Nghaktei room atang chuan te thawm a rawn awm a, ngaihvena room-a an tlan lut chu Nghaktei chu chhuatah a lo thu a. A lo khur zawih zawih a. Khum bulah chuan a thiannu pakhat Hlimpuii chu nunna nei tawhlo tih hriat zet hian a lo mu ngat mai bawk a. Thisen chu chhuatah chuan a luang nasa khawp mai. Hlimpuii pum thler atang chuan a rawn luang chhuak a. Hmeichhe awm ho chu an rak tuarh tuarh a. An khur nghal zawih zawih hlawm a. Nghaktei pa leh Rozuala chu rang taka tlan lut nghalin Nghaktei chu buaipui pahin thil awmzia an zawt nghal mawlh mawlh mai. Mipa awm ve dangte pawh chu rawn lutin Samuela chuan khuma puan awm chu la in ruang chu rang takin a khuh nghal a.

Police rawn thlen hma chuan Nghaktei chu enge thil awmzia an zawt mawlh mawlh reng a. Nghaktei chuan engmah a sawi thei lo. A tap khur hlawk hlawk reng mai..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 26th, 2016, 1:48 pm

CHAWL TURIN KA INPEIH TAWH - 4

A mit meng atang chuan a buai hle tih an hriat chuan A nu chuan midang awmlohna hmun lam panpuiin A thian hmeichhe thenkhat chuan an zui bawk a. An hnem pah mawlh mawlh a.

Reiloteah mipui pawh an rawn pungkhawm tawh hle a. Khawtlang hruaitute chuan inchhunga awmsa te tih loh chu luh an phal lova, kil khatah chuan Samuela leh Kimi pawh an thu ngawi reng a. Samuela chuan Kimi chu a khur ru ve dar dar tih a hriat chuan a tum lawk pawh nilovin a kut ava vawn sak chawt mai a. Kimi lah chuan inhnemnan a lo beisei ru ve tehreng nge a kut pahnih chuan a lo hum ve nghal vat a. Hlimpuii ruang ava hmuh chu ngaihtuah loh hram hram a tum a. Mitthi chiang taka a hmuh vawi khatna a nih ve tho bakah khatiang anga rapthlak phei chu a mumang lamah pawh a la mang lo hrim hrim a ni.

Kimi kut nel thep mai a vawn chuan a dam ve sawng sawngin a hria a. Kimi pawh chuan Hlimpuii ruang chu chiang taka a hmuh ve avang chuan a thauah a man a ni teh chek ang chu, a khur dar dar reng mai. Samuela chuan kuah beh thlawp mai a duh viau nain a rem ngang si lo. Khawngaih ru tak chung chuan a kut dinglam Kimi'n a vawn thlan dup tawh chu a hriat loh awm hmiah hmiah a.

Police lam pawh an rawn thleng tawh a. Engkim an tih fel zawh chuan Posmortem turin Aizawl lamah an phur nghal a. Nghaktei chu Police Station lamah thu zawh turin an hruai nghal a. An thiandangte pawh chuan an zui ve nghal a. Police Station lama Rozuala a kal ve nghal avang chuan Samuela pawh chuan zui ve nghal a tum a. Kimi chu a sawm a. Mahse a ni erawh chuan haw phawt a duh zawk thuin a lo chhang a.

Kimi a thlah zawh chuan Police Station lam chu a pan nghal a. Khawtlang a deng chhuak rang bawk a. Mi thenkhat chuan Thil awmzia hriatchian tumin Police Station bulah chuan an lo awm khawm tup a.

Nghaktei chuan mumal a lo la nei thei hauh lo. An biak pawhin a chhang lova. A en ngai en rengin a chang leh a khur leh hlawk hlawk thin. Police lam chuan an thiante dang chu thu eng eng emaw an zawt a. An hriatdan chu a in ang tlang hle mai. "Hlimpuii a kal ve tih hrelo tawk an awm a. A then chuan a Nghaktei te in a thlen hma thu leh room-a a inkhung nghal thu an sawi a. Nghaktei erawh Rozuala te lo thlen hma chuan eirawngbawl puiin an rawn thlen hnuah erawh Rozuala bulah a awm chawt a. Rozuala'n present a pek room lama dah tha tura a kal hnu reilo teah chutiang thil chu a lo thleng ta mai a ni" an ti hlawm a.

Mi khawsa thei tak an nih avangin Nghaktei birthday pawh chu an lawm ropui hle a. A pa kaisan lawmna ni pahfawmin thenrual pawh zau tak an sawm reng a ni. Dar 2-ah hunserh neih tumin chawhma lam atang chuan an buai hle tawh a. Tunge lo kal a, tunge Nghaktei room-ah chuan lut tumah an lo inchik lem lova. Hlimpuii pum zai thlerna chemte pawh hmuhchhuah a ni chuang bawk si lo nen, Nghaktei ber a la tawng thei bawk si lo nen an rilru a buai tlang ngei mai.

Rozuala nen pawnah mei zuin a chhuak dun a. " A va mak em!! Hetiang ang thil thleng thut mai chu. A titu awm rinthiam a harsa ngei mai" Samuela chuan a ti boh boh a. Rozuala chuan "Nghaktei sawn ka ngaih a ti tha thei thlawt lo. A â mai ang tih ka hlau" a ti ve charh charh a.

"Mai mai a, a thin a thawng lutuk a, hmeichhe awmnem deuh a nih vangin a la buai rih mai mai a nih saw, ngaihtuah lutuk duh suh"

"Ni e. Tha leh hram teh se." tih pahin a thaw halh a.

Police lam pawh an lu a hai ngei mai. A ruang hmu hmasa bertu Nghaktei lah engmah sawi theiin a awm lova. Nghaktei tein chu tumah luh theh lovin an veng nghal a. Hlimpuii thisen luang khâr pawh Carpet-ah chuan a ngai ngaiin a la kai a. A tul ang ang an thawh zawh chuan Hlimpuii ruang pawh rawn thlengin reh hlum a nih hnuah a pum zaithler leh anih thu an rawn sawi a. Police lam pawhin thu zawh fiah atan Birthday lawm nia ina awm ho chu an ko awl lo a. Kimi leh Samuela pawh an inhmu zing ta khawp mai. An inkarah chuan engmah sawi lo mahse engemaw tak a awm tih hai rual a ni tawh lo. Hetih laia Hlimpuii bialpa hlui nia an sawi Thangtea chu rinhlelh kai ber zing ami mah nise Nghaktei te inah tumahin an hmu hauh lo thung. Thangtea chu ruitheihthil duh tak anih mai piah lamah thinram tak niin an sawi lehzel a. Chutiang teh nuaih anih vang chuan ani pawh Police Station lamah a inlan zak zak reng a.


Hlimpuii thihna boruak chuan khawtlang ala chiah hneh rih hle. A thlâ a hrang ni tein sawi a awm nawk lehnghal a. Nghaktei chu la harh hleithei lovin a khawsik chhunzawm char char a. A rawn harhin a meng â vek a. Hlauh nei tih hriat zetin a khur leh hlawk hlawk a. A aw a chhuah thei lova, Rozuala pawhin a awmpui chawt reng mai.

Samuela pawh Kimi te in lam panin a inkhalh chhuak leh tawh a. Boruak chhe tak tawng mahse an ni pahnih inkarah erawh chuan Hmangaihna a rawn vul chhuak thung. Samuela nun chu a hlim em em a. Kimi chu a âtchilh lo chauh niin a inhria. An hmelchhe lo dun bawk a. An inzui tawh hi chuan mi enzui an hlawh châwk reng a ni. Chutih rual erawh chuan A thiantha Rozuala ngaihzawng awmdan erawh chuan a tibuai ve ngang mai...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 26th, 2016, 1:50 pm

CHAWL TURIN KA INPEIH TAWH - 5

Nghaktei awmdan an sawi tam berah chuan a â an ti tawh hial reng a. A hmel pawh hmuh theih khawpin a chhe rawih rawih a ni ber e. Rozuala pawhin hna thulh thak thaka awmpui chang lah a ngah a. Hma erawh a sawn viau thei lo.

"Samu, Ih...hlimpuii thla a hrang an tih kha tak tak a mi?" tiin Kimi chuan duhdah zeta Thu chungin Samuela malchunga a ke hlang chhovin meizial a pak a. Samuela chuan "Ka hre bik chiah lo, mahse sawi thawm chu a tam ve a lawm, mahse keichuan ka ring chiah lo" a ti ve mai a. Kimi chuan "Keichu ka awih a, an thenawm pain a sawi an ti. Zanah Hlimpuii te inchunga thu dum run a hmu thin an tia lawm" a ti a. Samuela chuan "Haha, an thenawmpa velah saw a dawihzep reuh lutuk a. Kha ai ngawt chuan In riak ho harh vek khawpa inhnuaia rumri an sawi kha ka awih zawk" a ti a.

Kimi chuan hlauthawng hmel deuhin "Aaa...sawi tawh lo ang, ka muhil leh thei lo palh ang, karlehah Mapuii an rawn haw dawn chauh bawk si, inchung naupang riahpui ringawt hi chuan min hnem lo teh mai ania" a ti a. Dar 10 a rik dawnah chuan an inluahna te Mipa naupang pahnih chu an mu tui tawh hle. Samuela chuan duhthawh zeta Fawh pahin "Chilthli ngahnu" a tia. A nui kur kur a. Kimi chuan ngei hmel zetin "Nang feee....i chilthli tam tam nen, i nghei ang" a ti a. Samuela chuan "Ka nghei chuan i nghei ve animai a" tih pahin fawh a rual leh a. A tirah Kimi chuan lo chhang tha vak duhlo mah se reiloteah a rawn chhang let nghal thuai a. Boruak a sosang tulh tulh a, Samuela kut pawh a awm mai mai lo. Mahse Kimi chuan phal chin a nei tlat. Chu a phal chin bak ramtiam erawh chu Inneih hun atan chauh a ni. A hnute lian tha tak mai chu a sawk tawn tawn a. Kimi pawh chu a thaw halh halh tawh mai. Mahse a tawp an thlen hma chuan chak tak chung siin an insum leh thei hlauh zel a ni.

Kimi nen chuan hun tam la inzui lo mahse ahmaa an induh rukna a parchhuak a ni ber a. A len loh leh phone-in an inbe reng a. An in ngai thin takzet a ni. A bula a awm chuan engdangmah a ngai leh tawh lo. Kimi bulah chuan a hlim takzet a ni.

Dar 11 rik dawnah chuan a haw ve leh thei ta hram a. A hawn kawngah chuan Kimi bawk lo chu ngaihtuah tur a hre lo. A hawn kawngah hian Hlimpuii te in kal tlang angai a. A hlau hauh lo naa, an sawi hrân ve nasat em avang chuan an in tlan pelh chu a nuam erawh a ti chiah lo.

Hlimpuii te in a lang thei tan a, muangchang chuan a tlan zel a, Hlimpuii te in bul ve ve hi in dangawm lovin awl a ni a. A ram neituten in an la sa lo a. A piah lam erawh culvert a ni. Chumi zawm chuan in dang erawh a awm phei leh vek tho.

Chu inhmun awl lai a thlen dawn chuan Thlang lam hawia hmeichhe pakhat lo thu a hmu a. A bike light chuan chiang takin a va chhun thei. Kawr dum tial aha a, pawnfen var nen, a tap a ang hle mai. A ngaih a tha lo hle mai. Chak tak tlan pelh dawn chuan Mihring pangngai a lo nih tak hlauhvin dawihzep nih hlawh a duh thak si lo a. A bul hnaiah chuan engpawh thleng ang hmiang ti chungin a ding chat a. "Hey!! Tunge inih a? Tinge i tah " a ti ringawt a. A aw pawh a hlauh ve deuh vang nge a lawi rut mai.

Chu Samthur deuh nu chu a che eih lo. A thut ngaia thuin a kun a. A inhnit hlap hlap reng a. Dik thei dawn a ahriat loh avang chuan Bike atang chuan a chhuk a. Ava kai tho a. A hmel an hmu chu a rinloh lutukin Nghaktei a lo ni reng mai. "Nghakte hetah hian enge i tih?" a ti nghal sawk sawk a. Nghaktei mit chu a meng mang lova, a sam thur bum karah chuan a tahna mit ko vel erawh a lang duk ram thung. Nghaktei chu a zawi vek a, a dang lap a, tisen a nei lo a. A mit chu muangchanga rawn mengin chiang zetin Samuela chu amelh kawk a. Samuela chuan nuam a tilo kher mai. Nghaktei lungngai hmel chu thinrim hmelin a rawn inthlak danglam thut a. Samuela chu aham ta buan buan mai. Chu velh Samuela chuan avawnna thlahin a inveng nghal a. Nghaktei chu te tuarh tuarh chungin atlan kual ruai a. In bul hnai ami thenkhatte pawh an thawm hriain an rawn tho chhuak a. Samuela pawh chuan rang takin Rozuala a phone nghal a.

Nghaktei te in lamah pawh inleng an tin darh hnuah mu turin an insiam a. A bula awm reng a nu chu zung tura a chhuahsan lai leh apa leh a u leh Rozuala te thingpui in lai ani. A nu zung zo a va luh leh chuan Nghaktei a lo awm ta hauh lo mai. An zawn kual hnu feah pawh chuan hmuh tur a awm tak loh avangin Mi tihbuai hlau takin pawn lamah zawng tura an lo in puahchah lai a ni a. In bul vel an en zawh vek hnu pawha an la hmuh loh avangin an buai hle mai. Chutih lai chuan Rozuala phone a rawn ri a. Samuela chuan Nghaktei chungchang a rawn hrilh nghal a. Rang takin Hlimpuii te in lam chu an pan nghal a. Ke a kala minute 20 dawn kal ngaihna hmun hun chawpchilh leh reilote chhunga a lova thleng phei hman chu sawichhuak lo mahse Rozuala leh Nghaktei chhungte chuan mak an ti ngang mai.

Samuela pawh chuan Rozuala te ava thlah haw hnu chuan a khumah a bawk thlawp a. A thiltawn vel chu ngaihtuah neuh neuhin mak a ti hle mai. A phone an en a, Missed call leh Message alo awm nual a, Kimi vek a lo ni a...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 26th, 2016, 1:51 pm

CHAWL TURIN KA INPEIH TAWH - 6

Rang takin a call let nghal a, thil thleng vel chu a hrilh hre ve a. Zan danga a len haw apiangin a thlen veleh a hrilh nghal a, muthilh dawn thleng rakin an in text thin a. A rei tak em avangin a ngaih a lo tha lo hman a lo ni a. Phone a dah rual chuan Samuela chu a khi sak a. A hmaa a beisei phak pawha a lo dah lo Kimi chu tunah a ngaihzawng chu a ni tawh mai si a. Kimi chuan a nunphung a tibuai zo vek tawh hian a hria. Engtik lai pawhin a tan chuan a inpeih at reng a. Thil tih laklawh lai pawh nei se lo leng rawh a tih chuan a inpeih nghal vat thin.

Inngaihzawnna atanga Hmangaihna lo piang chhuak hi ahma chuan a hrethiam ngai lova. Hmangaihna chu Inneih hnuah chiah awm theiin a hre bawk thin. Mahse tuna a awmdan chu a in ngaihtuah a, Kimi hi a hmangaih takzetin a hre tawh. A nat a phal lova, a lungngaih a phal hek lo. A tah a phal lova, theihtawpa tih hlim a tum thin. A theihphak tawkah chuan Kimi tan a inpe pumhlum vek a. Hetiang bak hi a awm leh thei dawn chuang amawn le tiin a mutnaah chuan angaihtuah a.
++
Zing nichhuak chu a mawi danglam ngei mai. Khawvel pang lehlama malsawmtu chuan khawvel pang leh lam tana enna leh malsawmna nih chak awm fahran hian Rangva inchung te chu a rawn chhun tle sût mai a. Khaw pawn deuha awm ramngaw humhalh lai atang chuan sava chi hrang hrangte pawh an rawn chiar leh nauh nauh tawh a. Zan rei lama ruah tlem a tlak avang chuan Leilung chu alang thar sur mai bawk.

Dawr kawn chhuaha Patling titi pawh a tla tha a ni teh chek ang chu, an nui leh dar dar reng a. Nutling em phura Retailer lam pan tawk lah bo lo. Chu inrinni tuka Sa serna hmunah chuan mi chi hrang hrang chu an in kal thelh sung a. Mitin mai chu mahni buai buaiin an buai mup mup reng mai.

Samuela pawh zan lama mu tha lo tih hriat zetin a rawn tho phak hle mai. KTP zingkar hnatlang a awm avang chuan hmanhmawh zetin KTP huan lamah chuan a liam ve nghal a. Zan lama Nghaktei chhuah bo thu chu an lo hre leh deuh fur tawh. Veng hran daih mah nise Hlimpuii thihna la rei lo nen, Nghaktei chanchin chuan khawtlang beng a verh zar zel a. Thenkhat inti ngaihtuah thui ho phei chuan Ramhuai paiah chhuahin Nizan lamah pawh chuan Ramhuaiin a pui a nih an rin thute an lo sawi sap sap hlawm a. Samuela ava thlen ve chuan zawhna zawt chak fe fe an lo tam khawp mai. Mahse Samuela erawh chuan a him chin leh Nghaktei mualpho lohna tur chin zelah chuan a sawi mam thluam thung a. A makna tur zawngin engmah a sawi tha duh hauh lo. Thenkhat erawh chuan an sawi chhawn leh naah chuan amak zawngin an sawi leh dawn tih a hriat kar avangin a zawng zawng chuan engmah a sawi duh lo va.

An hna an zawh chuan muangchangin Ramnghaka leh Nutei te nen an haw ho a, Nutei hi a ruka Samuela ngaizawng em em thin tu a ni a. Kimi nen an in ngaihzawn pawh hian a thikin a rilru a na em em a. Mahse mi nuntluang tak, Pathian tih mi a nih avangin engmah a tilang duh ngai lo va. Mahse hmeichhia tih takah a thiannu ber hnena a hrilh chu Samuela pawh hian a lo hre thawi ve a ni. Mahse Samuela chuan engah vak a ngai lem lo va, a biakchhiat phah lo va, a biakthat phah hek lo. Mahse nuam lo tih chang erawh a nei ve thin. Nutei chu an vengah chuan nula fel leh zaidam, Chhungkaw zahawm leh neinung tak atanga rawn chhuak a ni a. Amah a hmeltha vuah mai bawk si a. Tlangval tam takin rim thin mahse a rilru pekna chu Samuela chauh a ni. A chang chuan a beidawng ve lek lek thin. Samuela theihnghilh a tum pawhin a thei chuang lova, Kimi chu a thik rilru em em thin.

Chutia an kal ho vel mai mai te pawh chu a nuam tih tawk a tling hle a. Samuela chu ngaihzawng nei lai mah ni se engtikah emaw chuan kherhthluk ve theih mai a inring deuh thin a. Chu chuan beiseina chhete a rawn siam sak thin.

KTP-a an awmna group a in an avangin chhun lamah chuan Group sum tuakna turin chawhmeh an zuar ho va, Nutei chuan Samuela bula awm loh a hlau theih em avang chuan a zui chawt reng a. Samuela pawh chuan chuti taka ka bula awm chak te chu tiin tha takin a kawm thin a. Nutei lawmna tawk a tling hle thin.

Hlimpuii thih dan chungchang chu a bul atanga chhui that leh a nih avangin Police lam pawhin thu an rawn zawt veleh zauh tawh a. A titu ber man chhuak thuai se tiin khawtlang pawhin an thlawp tha hle a. Kawng tam takin Police lam tan pawh hma lak a awlsam phah a. A pum zaithlerna chemte niawm tak, thi khar awm nuaih tawh chu Nghaktei te veng bawlhhlawh paihnaah naupang thirchhe zawngin an hmu chhuak a. A chhuitu Inspector Lianhminga pawh chuan bung thar an kai niin a hria a. A rang thei ang bera Laboratory lama test turin chemte pawh chu an thawn nghal a. Result an ngaichang mek a ni. Chutih lai chuan Hlimpuii thla niawm an sawi chu a che langsar tan hle

Samuela pawh chu hna ngaihvena Aizawl lama kal a duh leh tawh a, mahse thiamna tak tak neitu aia Tihpuitu nei tha an lak zel avangin a hlawhchham leh thin. A nu chu an veng school pakhatah IV grade niin a hlawh chu an rinpui ber a ni a. A naute pahnih zirna

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)