COMMERCIAL LOVE BY DEBBIE RINAWMI

[Ngaia]

Hmingtei tan chuan that han chhuah vak na chhan tur a awm tawhlo bawk a,a pasal chu a pawisa eih tawhlo,tihnat a tum hrim amaw tih mai tur ani.Zanah te hian phone a hman khum a,a chang leh a tawivai der a,midang hming te hi a lam ri leh nawk nawk thin.Nitin,hnathawk chuang si loin a chhuak a,zana chhuah chang pawh a ngah mai.A rawn haw lah a chau thei em em a.

Zara chu a chhungrilah a ruak ngawih ngawih a,a nupui awmdan chuan a tina ani.Theih se chu maktaduai chuang peka vur theih a chak,a neilo chu a buaina ani.A chang chuan a nu leh pa chu a dem rum rum thin a,a nupui chuan a ni tel hian a hlat telh telh hian a hre thin.

Tuk khat chu Inrinni tuk danga a tih ziah thin angin Zara chu chawhmeh bazar turin a chhuak a.Chutiang ang hunah chuan an nu chu ala thawh ngailoh avangin thawm dim thei ang berin a kal a.

A haw hnu chuan kawngka hi alo inhawng huau a,mak a ti hle a.A luh pah chuan an nu chu a tho tawh anih ringin a ko a,chhanna a dawnglo.Nidangah pawh chhanna a dawn loh chang a tam zawk thin avangin ngaihthat lohna nei lemlo chuan thingpui a lum san leh mai a.Thingpui nen chuan room lamah ava lut a,an nu reng reng alo awmlo.An mutna te chu thleh vel thlapin alo awm a.Khumah chuan lehkha hi alo awm a.A thingpui kenlai chu dawhkanah nghatin lehkha chu a la a,a nghing lawih thei.
'I hriat angin ka hmangaihlo chea i bulah ka awm peih tawh thlawtlo...ka bialpa hausa tak bulah ka kal dawn....min rawn zawng mualpho buai duh suh'

Chawhma thak chu khumah chuan a thu a,a rilru chu a mang vek,rilru fim a pu thei mawlh lo.Tunah chuan a inti pa thei hlawl lo,a mittui chu dan rualloh,dan sen lohin a rawn luangthla leh ngiai ngiai thin.
'Hmingte,inenkawl tha la,hlim la,hrisel takin awm ang che',zawi te te in a ti sap sap a.

.........................................................

Hmingtei chu Zara chhuah rual rual chuan a insiam sawk sawk a,lehkha a ziah sa kha a phawrhchhuak bawk a.A thawmhnaw tha leh makeup nen chuan a phe chhuak nghal a.Taxi la in Dawnga te in lam chu a pan ding nghal a.Pawn atang chuan a call ngat ngat a,vawi 4 naah chuan a la thei hram a.
'Engeni zing zingah?'
'Tunah in in kawtah ka awm....a pawimawh lutuk'
'Tihian sawi mai la'
'Ka rawn luh i duh loh chuan rawn chhuak.rawh..min 5 pawh hun i neilo'

Dawnga chu reiloteah a rawn chhuak ve mai a.Hmingtei a hmuh chuan mak a ti kher mai.

'Eheu zing zingah khawnge i kal dawn?'
'I inah'
'Enge i sawi awmzia?'
'Nau ka pai...i fa ngei ani...kan pa nen kan hmang ngai tawhlo'
'Nupui nei lai ka nih hi....vawikhatmah rawn kal tawh suh...pawisa i duh chuan office ah i rawn kal dawn nia....inah chuan rawn kal tawh suh'
'Kan pa ka chhuahsan tawh a kalna tur dang ka neilo'
'I buaina a nih chu'

An inhnial bab bab lai chuan nu pakhat upa lam deuh tawh hi inchhung atang chuan a rawn chhuak vea,
'Paa,tunge a?'
'Inpa fa hi ka pai a'
'Lut ang'

Dawnga chuan a nupui chu a kailut dawr dawr a,kawngka chu a kalh hmak a.

Hmingtei chuan tihngaihna hrelo zetin a en reng ringawt a.A inngaihtuah lungpuam a,a tap ta hliam hliam a,kalna tur a hrelo takzet ani.An in lamah let dawn se,mi pa fa fai chung chuan a ngam hlawl lo ani,Chrisa alo chhuah chhe lutuk te kha a inchhir rum rum a.Lungchhe tak chuan khawlaiah a tei ruk ruk a.

A TAWP TA

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***



ENG A TI NGE FB AH DAH MAI LO A, WEBSITE-AH STORY KAL LAI A LAST EPISODE KAN DAH THIN?

Kan writer te hi an thuziah avanga hlawh siamsak kan duh si a, mimal pawisa chuan kan in chawm zo dawn si lo a, member ten website a story in chhiar a, fakna lam thil milem lo lang in hmeh ve zeuh khan website hnenah fakna ti tu company lam in pawisa min pe ve zel a, chung pawisa chu writer te an topup man atan te an lo hmang ve thin a ni.