Avenging Angels Chapter3

Western cowboy Re-type, lehlin leh mizo phuahchawp dahna

Moderator: writers

Bluefairy
Posts: 3
Joined: April 26th, 2022, 10:56 pm

Avenging Angels Chapter3

Unread post by Bluefairy » April 30th, 2022, 4:26 pm

Chapter-3


Mr Ferrier pawh chuan a fanu rilru put hmang pawh chu a hrethiam hle.Chu tlangval pawh chu Jentail mi alo ni bawk nen,a chak a,a huaisen bawk a,a rilru a thain a rilru a tluang em em bawk a,makpa atan chuan duhthusam a ni.
Mahse ,a fimkhur ru hle a,mormons ho zinga tu emaw ber chuan a fanu chu nupui atan an la rawn dil ngei ang tih a hria a,alo remtih loh vaih zawngin tihluihnaa a fanu chu an chhuhsak loh pawhin an nunna hial pawh lak an pawisa dawnlo tih a hria a.Chu bakah Jentail tlangval chuan an mit a tikham dawn hle bawkin a hria a,Vincent-a an ina alo len chang te chuan pardah chu a zar vek thin a.
'Tun hmain mormons sakhua chu sakhaw tha tak ni thin mah se,Pathian thu leh Bible kawra hmangin tenawm takin an che thin a.An thu awihlo apiangte chu an thawm hriat tur pawh awm lovin an bo zui vang vang thin.Nupui pawh an duh zah zah an nei a,thianglo reng a awm tawhlo a ni ber.Puithiam fapa Drebber chuan nupui pali a nei a,Sander chuan pasarih lai a nei bawk.
Mormons ho sawngbawl mai mai atan ka fanu hi ka phal thei lo a ni.

Tlai khat chu ka hlauh ang ngei ngeiin puithiam Ferguson chu ka inah a rawn leng lut hlawl mai a.
"MrFerrier,thu lawmawm tak mai ka rawn keng a.Hmana thlaler ram ro tak maia i fanu nen in nunna kan chhanhim dan kha ila hria ang chu?" min han ti a.
"Eng tin nge ka hriat loh tehlul ang,awm lo ula chu hetiang dinhmun pawh ka thleng lovang" ka ti a.

Han tei kual vel oah chuan a ni chuan,"I thu sawi chuan min tilawm kher mai.Tunah chuan kan ram pek che atang khan intungnungin mi hausa tak ilo ni ta a.Hei leh chen hi Mormons sakhua i thinlung taka pawm lo ang maiin nupui pawh i nei duh lova,engmah kan sawi buai lova.Tunah chuan i laka kan thil tha tih te min rulh lêt theihna hun a lo thleng ta a nih hi"tiin a mitmeng tenawm tak mai chuan min melh ralh a.

Kei chuan,"E.....in duh phawt chuan ka ram zawng zawng pawh hi pek che u ka inhuam takzet a ni"tiin ka chhang a.
Puithiam Ferguson chuan,"Chutiang em em kan phût love..i fanu Lucy Ferrier hi mi titi lêng vak atangin nula tituai nalh tak a ni tawh a ni tih te ka lo hria a,a nungchang pawh sawisel bo a ni a.Ka fapa Drebber emaw Sander,tu emaw zawk zawk tan hian a tha khawp ang chu" a ti ta mai a .
A ngaihna ka hrelo hle mai,ka lo hlauhthawn rûk chu a lo thleng ta nge nge si a.
Ferguson chuan,"I awm a va nawm loh hmel ve,ka chhuahsan rih ang che.Lo inngaihtuah ngun la a tha ang.I pawm lo a nih chuan min phatsan anga ngaiin Mormons sakhaw phatsantu i ni thei ania.A hremna chu i hriat kha" tiin ngeiawm taka min nuihin ka darah chuan a beng thek thek a.Min chhuahsan ta a.

Ni hnih hnuah chuan tlangval ,Drebber,a hmel leh a pian vel chu thahrui ngah hmel tak,mit meng rum ,hmel nêl awmloh zet mai leh Sander,a unaupa ang thova hmel nel awmloh ,mit meng nunrawng tak te chu kan mit hmuha rawn inla cham vel turin an rawn in hrosa a..

Lucy chu hlauthawng tak maiin a lo awm a.
Kan thutna pindana dawhkan chungah chuan Drebber chu a ke hlang chung hian thuthlengah a lo thu a..Sander lah chuan ka fanu chu ngun em em maiin a lo melh a....
Drebber chuan,"Kha Jentail tlangval ai kha chuan ka kiangah i nuamsa zawk ngei ang,ka nupui dangte chu i dah nîl hneh viau ang le"a rawn ti a.

Sander chuan,"Ni love,ka nupui tur a ni,nang chuan hmanni lawkah nupui i nei alawm,chu mai bakah a upa ka zawk ka ni bawk a"tia thu dang sawi zawm leh a tum hma chuan Drebber chuan a thiam thu a rawn sawi nghal zut zut a..

Ka fanu chung changa an duh dan anga rorel an tum avang te chuan min ti thinrim hle a.Ka insum hman lo chu ka puakruk silai chu ka chuh thuai a,an pahnih chuan ka tin ta a."Heta tang hian chhuak rawh u,ka in a ni a,in duh duha in rawn talna tur a nilo.Ka fanu hian a duh ber chauh pasalah anei ang.Nangni chu a neih che u ring buai duh suh u"ka ti ta mai a.

Sander chuan a kutzungchala min kawk chungin,"Mr Ferrier hei hi lo hre rawh,Mormons i phatsan a ni . Vawiin atangin ni20 chhung chiah inngaihtuahna hun pek i ni ang.Chumi hnuah chuan in chungah eng nge thleng dawn ka sawi theilo.Hun i neih lai hian lo inbuatsaih ang che"tiin rum taka min melhin a chhuak ta a.Drebber pawh chu ngawi renga chhuak ve hle hle mai lo chuan dawhkana thingpui no awmte chu a han hui thla nuaih a,a keh darh chuai a."Vawiin atangin i ni1 n a a intan e"tiin a chhuak ve ta nghal bawk a.



Lucy chuan mittui tla chungin,min rawn pawm chawt a."Ka pa,a thusawi kha ka lo hria a,Drebber leh Sander chu mi tenawm tak an ni tih i hre ve tho tiraw?Nupui tam tak an nei a,anni hnenah chuan min pe lul suh aw"tiin a tap zawih zawih a.
Lucy hnenah chuan,"Bawihte,anih leh kha tlangval kha i hmangaih viau em ni?" ka han tih chuan Lucy chu a rawn dak chhuak a,a mitmeng chuan hrilhfiah leh chhawn ngai lovin engkim a sawifiah vek a..

"A tha e,kha tlangval chauh kha pasalah i nei tur a ni.Lehkha thawn ila,kan chanchin zawng zawng hrilh vek ila,a hmangaih tak tak che a nih chuan a rawn chhanchhuak em em ang che" ka ti a..Vincent- chu lehkha kan thawn nghal a..mahse karkhat liam hnu pawh chuan engmah chhanna kan dawng ngai reng reng lova....Drebber-a te unau ka in atanga ka hnawh chhuaH nî atang khan Ni tin maiin inchhung khawi emaw laiah chuan number hrang hrang hi a rawn intar thin a,a tartu chu a thawm pawh hriat tur a awm ngai lo.Chu number-a number 1 tih a rawn intar nî chu ka hmangaih em em mai ka kianga a awm tawpna nî tur a ni.

Chutia kan kawngkhara number lo intar ziah chu ni hmasaber ni(Drebber te hnawhchhuah tuk) kha chuan kan hrethiamlo hle a .Mahse a tuk danga number indawta a lo awm zel avang leh vo-na lehkha alo intar zeuh zeuh avang chuan Puithiam Ferguson-a leh a fapate ho an ni ang tih chu ka ring nghal a.

Sander-a khan "ni20 chhung in ngaihtuahna hun i nei" min ti a,chu ni 20 chhung chuan a hla thei ang bera kan tlanbo thuai a ngai a ni .Mahse lehkha an rawn tar lai te chu kan hriat loh hlan,mit khap kar lek a nih thin avangin ,kan misual ho chuan min enthla reng a ni tih chu hai rual a ni lo.....
Tlanbo kan tum tih an hriat vaih phei chuan min that nghal duh law law ta ve ang.
Hmanah khan kha thlaler ram ro ah khan lo intawng lovin,riltamin lo thi ta zawk ila ti tein ka ngaihtuah rum rum a.Mahse inchhirin awmzia a awmlo.Tih theih awm chhun chu Vincent-a lokal hun nghah a,a rang thei ang bera tlanbo thuai a ni .

Vincent lahin min tanpui tura kan ngenna lekha a rawn chhang let thei silo ....eng tin nge a awm tak zel?Harsatna kan tawh takah chuan a hmangaihna pawh a nep ta a ni ngei ang.Lucy lahin a lo kal chu a ring bur mai si a.Keipawh chuan a ruk tak chuan min chhanchhuak tura alo kal ngei chu ka ring a,mahse a reh rei ta lutuk em a ni .A chungah thil thalo a thleng zawk nge nung damin a la awm em tih te chuan ka rilru a tibuai hle a.Ani chauh chu kan innghahna awmchhun a ni tawh si.



Vincent-a chanchin leh an awm lehzel dan tur hre turin chapter-4 update hun lo chang rawhle.....



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)