Avenging Angels Chapter1

Western cowboy Re-type, lehlin leh mizo phuahchawp dahna

Moderator: writers

Bluefairy
Posts: 3
Joined: April 26th, 2022, 10:56 pm

Avenging Angels Chapter1

Unread post by Bluefairy » April 26th, 2022, 11:55 pm

:? Avenging Angels


Chapter-1

Khawi hmun nge tih pawh hriat loh ram reh tak mai,ramsa thawm emaw rannung hram ri tak ngial pawh awm lohna hmunah chuan nî chu a sa em em mai a.Vantirhkoh ang maia hmeltha,mit meng fiah kak mai hian ka kut chu nghet takin a chelh a.
"Pa,anu ka ngai tawh ê,a bulah min hruai tawh rawh,anu eitur siam ka ei chak lutuk" tiin riltam vanga mitmeng chaurau tawh tak mai chuan min rawn melh a .
"Bawihte,i nu bulah chuan kan kal ve tep tawh alawm,tun atanga reiloteah i nu chu kan hmu dawn a ni.I nu awmnaah chuan i ril pawh a tam tawh lovang,hmun nuam tak maiah a awm alawm" tiin ka chhang a.
A nu a boral tawh tih reng a hre silo.
Thlaler hmun ram reh tak maiah chuan dam khaw chhuah ngaihna reng a awmlo tih chu hriain,thih inpeih sa atin kan pafa chuan chau tak maiin kan awm a.
Ka fanu Lucy chu ka pawm a,a dawldangin a chau tawh em em mai a.A mit chu a chhing siar siar a,"Apa....chaw.....ka ril.......ka ril atam.. "tiin chau tak chungin thei leh thei lovin a rawn phun ser ser a.
Tih theih engmah ka nei silo .
" Bawihte ,i nu bulah chuan kan kal thei tep tawh ania"tiin keipawh chuan ka mit ka han chhing a.

Chu thlaler ram ro leh rapthlak tak maiah chuan mihring tan dam khawchhuah ngaihna a awm lova,tanpuitu pawh an awm tawp lovang le. .
Mahse,darkar reilote hnuah chuan mipui thawm a awm tlat.
An zing atang chuan an hma hruaitu pakhat chuan mulukawlh ten an thlawh hual luai luai mihring ni awm tak chu a hmu a.
Nopang pakhat chu a va kal hnai a,an la dam nge damlo hriat nan an hnar bulah chuan a kut chu a dah a,an lo la thaw dep dep a.Nopang chuan a han sawi a,MrJohn chu a rawn harh a,mak a tiin a mumang emaw a ti hial thei ang chu.Chutah Lucy chu a han sawi nawk nawk a,a rawn meng diar diar a,an han ding chhuak chu mipui chu anlo ding khup mai a.Puithiam ni awm tak hi an zawn bawk a.An hruaitu chuan "Tu te nge in nih?" tiin min zawt a.Kei chuan "Kei hi John Ferrier ka ni a,hei hi ka fanu Lucy Ferrier a ni,he ramah hian kan bo a,kan tang mek a ni" ka ti a.
Chu pa chuan an puithiam ni awm tak mai lam chu panin a han hrilh ru a,chutah a rawn let leh a,"Nangni hian kan sakhua hi in zui ve dawn a nih chuan ei leh in tur leh ram pawh kan pe ang che u,mahse in zui dawnlo a nih erawh chuan hetah hian kan hnutchhiah cheu ang a,kan kalsan ang che u,eng nge in thlan dawn?" a han ti a.
Kei chuan "Nangni hi Mormons ho in ni maw?" tiin ka zawt a.
Mipui ho chuan ,"Ni e,mormons kan ni"anlo ti ve bawk a.
An hruaitu chuan Isua zui tute tihduhdahna a nasa lutuk a,chuvangin ram tha zawk ûmin kan tlanchhia anih hi " a ti a.
Kei chuan,"Ka zui ang che u,in sakhua chu ka vuan tlat ang"ka ti a.
Tichuan an zingah chuan min lawm lut ta a.Lucy nen chuan eitur leh intur te min pe a,kan lo chak thar leh ta deuh a.Kan kalna tur ram chu kan thleng ta a.Chutah chuan Puithiam chuan ram leh in te min pe a.Kut them thiamna lam hi ka chem kal ve na zawng tak a nih avangin sumdawn nan ka hmang tan ta a.Ka sumdawnna pawisa te chu ka khawl zel a,reiloteah in nuam tak ka lei thei ta a.Ka sumdawnna pawh a kal tluang chho zel a,chu khuaa mi hausa pawl tak chu ka lo ni ta a.Thenkhat tan chuan mit mim ang mai ka ni tih chu ka hrethiam a.Min ertu lah an bo lo.
Nupui neih lam pawh ka ngaihtuah loh avang chuan thenkhat chuan ,"Mormons nulate hi a iai a ni" te an ti a.Kei chuan mormons mi chu nupuia neih ka duh hauh lova,a chhan pawh an inneih dan hi thiil mawi hnailo tak a nih vang a ni.

(End of Chapter-1)
Khawngaihin min lo chhiarsak ve hram ru aw..
A ngaihnawm dawn chauh ania..



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)