Avenging Angels Chapter2

Western cowboy Re-type, lehlin leh mizo phuahchawp dahna

Moderator: writers

Bluefairy
Posts: 3
Joined: April 26th, 2022, 10:56 pm

Avenging Angels Chapter2

Unread post by Bluefairy » April 27th, 2022, 11:58 pm

Chapter-2
Swandam Lake phul hring mawi tak leh pangpar vul chûk karah chuan nula hmeltha tak mai,no nalh em em mai chu sakawr chunga chuangin a pain a tirhna hmun Fresno Street lam panin a inkhalh a.Kawtthlera mipa tawh phawt chuan an en duh em em mai a.Lucy chu a tituai a nalhin a pian atang ringawt pawha mi hip nghal em em mai a ni a.Sakawr khalh chu a zei em em mai lehnghal a.Fresno Street panna kawngah chuan mipui an lo tam khawp mai a,eng intihhlimna emaw buatsaihin an lo phu mur mur a,mipui tawt tak karah chuan a han inkhalh phei zel a,zurui intibuai nen chuan an intawh chilh a, chutah insual te zinga pakhat chuan a sakawr khel veilamah hian chemtein a rawn tai palh a,sakawr chu a chi-ai a,Lucy chu a hem thla dawrh mai a.
Tlangval pian tha tak,a pian atang ringawt pawh chuan a chak a ni tih hriat tak,nui mawi leh mitmeng nalh em em mai bawk si hian a kut chu rawn pein,"Puih i mamawhin ka hria"a rawn ti a.
Lucy chuan a kut no nalh tak mai chuan a han vuan a,chu pa chuan Lucy chu kaitho in a kut fawh pah chuan,"Ka puih i duh chu ka lawm hle mai,intihtheihna tham fe a ni" a han ti a.
Lucy chu zak leh lai hmel pu tak chuan hnuai lam a melh ran a,chu tlangval han melh leh zeuh pah chuan,"Nang ai chuan ka lawm zawk daih ang le"a ti a .Tichuan chu nula leh tlangvalte chu an han inhmelhriat chawp a,chu tlangval chu Vincent Hudson a ni a.Lucy chuan John Ferrier chu a pa a nih thu a han sawi chuan,Vincent chuan a mi ngaihsan em em te zinga mi fanu nena an han inkawm thei chu a lawm hle mai a.Chu mai bakah nula no nalh leh hmeltha em em mai,a vawikhat hmuhna atanga a mit la nghal em emtu nen hlim taka an inkawm chu a lawmna tizualtu a ni.
Vincent-a pawh chuan Lucy lung chu a dum ngang a ni ang,a pa in a tirhna hmun tur kal pel thak khawp chuan an lo titi tui hle mai a.Vincent chu sa pel thrang leh sa pel nuam ti em em mai a ni a.Berkshire-a ro hlu laih chhuahna hmunah a thawk bawk thin a.An inthlah dawnah chuan Lucy chuan Vincent chu an ina lengah te a sawm nghal bawk a,Vincent chu a phur ru hle a.
Chumi zan la la chuan an inah chuan a va leng nghal a.John Ferrier nen chuan an inkawm ngeih khawp mai a,sa pel nuam ti ve ve an nih avangin an titi tui hle a.Sawi tur apui pawh an nghah hle a.Lucy ai mahin a pa John Ferrier nen chuan an inkawm tam zawk a.An inpawh chho tan ta hle a.An inah pawh chuan a leng zing tulh tulh mai bawk a.Lucy nen an inkar pawh a nghet tulh tulh a.An inhmangaihna pawh a nasa tial tial a.
Zan khat chu Lucy hmu turin Vincent chu a rukin a va kal a,Lucy-in a hmuh veleh chuan an inkuah chawt a.Vincent chuan "Lucy,i pa in kan inneih hi rem a ti tawh asin.Naktuk ah hian Berkshire-ah ka kal leh tawh dawn a,nangmah ka neih theihna tur chein sum ka hlawh chhuah ve phawt a ngai a,ni30 hnuah ka lo kir ang a,chutih hunah chuan kumkhua atan kan chengdun thei tawh dawn a ni" a ti a.Lucy chu a hlim takzet a,an pahnih chuan an inkuah vawng vawng a.Vincent chuan Lucy sam chu a chu a chûl hliau hliau a ....
An mitmengah chuan an inhmangaihin engkim tuar an huam tih chu a chiang hle a ni....




End of chapter--2
Chhunzawmna update leh thuai kan tum dawn nia ... .



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)