SUDDEN THE MARSHALL OF LAWLESS - Cowboy - (Completed)

[Ngaia]

sudden.jpg (19.93 KiB) Viewed 29125 times

SUDDEN THE MARSHALL OF LAWLESS
Tza Hmar
www.storyfb.com mizo story thar englai pawhin chhiar tur a awm reng

SUDDEN
MARSHAL OF THE LAWLESS 1 to 5

Van dumpawl ruih mai, chhum hlawmin a zama vel kara ni sensa tak mai lo sa chhuak chu Stage Coach tawlailir khalhtupa, lu țuak deih vek tawh leh hmaisen țal mai chuan vawi sawm tam anchhia alo lawh tawh țhin awm e.
A bula țhu tawlailir vengtu pa hnenah chuan,"Hremhmun pawh hi hei aia ala sat zawk dawn cheu chuan eng emaw chenah ka kal lo anih vek pawhin ka piangthar nghal vat an," a han ti nuah nuah a.
Kawngchia leh bumboh lai ber an kal lai a ni a. Chunglai hmun chu lawr ruam deuh vek hi a ni a. "Devil's Dip" tiin an vuah nghe nghe a. Chutiang ang kawngchhia leh bumbohah chuan tawlailir hbuktu sakawrte chu ven leh hruai thiam an ngai em em a ni. Chutiangah chuan tuna a khalhtupa Bill Eames a han tluk phak tur chu an vang hle ang.
Tawlailir chu a insawh bur bur țhin a. A chang phei chuan a tluk mai hlauhawm khawpin a lwi nasa țhin a ni. Thui fe an kal hnu chuan kawr ruam chu an kal pel țan ta a. Driver Eames a chu a han dak chhuak a, "Devil's Dip" him taka han pelh hi chu thawk huaina a ni e" a han ti a.
Driver bula țhu, a vengtu pa chu chunglai ramah chuan a vawikhat kalna chauh ala ni a, hmun leh kawng chinchang engmah a hre vak lova. Eames a chuan,"A chhan ka hre si lova, thil engpawh lo thleng tur awm se, helaiah ngei hian anih ka ring tlat nia mawle," a han ti chhuak a.
A bula mi pawh chuan, "In lambun nan hmun remcuang takk anih hi maw le," a han ti zet a,"... mahse engmah kan tawk.....," a han tih zawm hman chauh a.
"Ti ding rawh, Phonto!" Aw fiak leh vin tak hian a rawn ti ta mai a. Eames a chuan rang 5akin a sakawr chu a han pawt ding a, a sahimna ber tur a ni tih hria in a ban chu sang takah a phar nghal a. Mahse, a bula vengtu țhuvchuan a kut chu a jan lek a, a kita a silai ken chu a awm zawnah chuan a han chawi kang a. Chuveleh an piah hnimbuk ațajg chuan ,"I silai kha paih vat rawh," a rawn ti ta a.
Aw lo chhuahna lai chu tawlailir vengtu chuan hun remchangah chuhin an kap ta mai a. A silai ri chu puakruk ri fiak țjak hian a rawn chhawn nghal zat ta mai a. Vengtu pa chu a țhut hmun ațang chuan a tla thla nghal tawp mai reng a.
Silai ri an hriat takah chuan sakawrte pawh chu an phi nghal ruai mai a. Chutia an buai vel lai chuan hnimbuk kar ațangin mi pakhat, sakawr chunga chuang hi a lo chhuak ta a.
Eames a chuan chu outlaw chu a han en a," Hei hi maw Sudden an tih fo țhin chu!".. silai kahthiam putuk leh phawi rang lutuk mai... khawthlang lam leh chhim lam ram zawng zawnga mi in a hming an sawi ringawt pawh a an țih em em chu," a ti rilru nauh nauh a.
Sakawr chung chuangpa chu lo kal hnai zelin, Eames a hnenah chuan," I bula thingrem kha han theh thla rawh," tiin ram zet hian thu an pe ta a.
Pawisa dahna thingrem chu leiah chuan an theh thla ta tawp mai a. Sudden a chuan,bla"A thawm ri pawh a mawi hle mai," a lo ti a. Chutah driver chu ahan en leh a, thingrem chu a sakawr zinah chuan a phurlarbet ta a, tawlailir chu a kal hel a, a chhunga chuang te hnenah chuan, " In ban phar chungin in lo chhuak thei ang," a han ti a.
A chhunga chuang mi pathum te chu hlau leh khur chungin an lo chhuak a, an ban an phar a. Outlaw chuan a han en vel thuak thuak a, pahnih te chu khawchhak lam mi an ni tih an inchei dan ațang chuan a hriat mai a, mi hausa leh neinung hmel vak an pu lo.A pathumna chu ku 30 awm mi vel, a inchei dan ațang ringawt chuan khawilai biak inah emaw kohhran upa ni mai awm hi a ni thung. Chunglai huna kohhran rawngbawltute hak țhin ang kawr dum, a nghawng a vara kual chu a inbel a. Chupa a han hmuh veleh chuan outlaw chuan makti hmel awm takin," E hue, kohhran upa nen maw" a han ti a.
Puithiam chuan," Lalpa, bawih rethei tak chauh ka ni e, unaupa" alo ti a. Outlaw chuan," Thlarau lam thilah chuan i hausa vakin ka ring lo reng a ni. I sawi dik ngawt mai," a han ti a.
"... Awle thil khawnkhawm vel dan te chu i thiam ve ngei anga, tuna i bula mite kha ngun takin han dap vek la, engmah hmaih suh ang che. Hmaih palh te i nei hlauh a nih chuan i beramte hian an pu hi an zui hlauh ang che," tih pahin a puakruk chu a han lek sang deuh a, hnial chi a ni lo tih chu a hriat khawp mai.
Puithiam chuan a țhiante chu a han dap țan a, thil hlu eng teh chiam an lo nei lova. Outlaw chuan puithiam chu ngun fe chuan a han thlek a, thawklehkhatah a kawr awmah chuan an țham thut a. A kawr chhung lam zen zuii, an nuih deuh sak a,"Thil hi ring dik thei tak ka nia," tih pahin chu puithiam ipte ațang chuan puakruk te chi ngul phir chu arawn phawrh chhuak ta mai a.
Deusawh tak chung chuan," E heu, remna palai hian hetiangte hi eng atan nge a tih ve chu le?" a han ti a. Puithiam chuan, hmun hlauhawm tak takah te kan kal ve țhin avangin mahni inven nana ka ken a ni, a lo ti thuai a.
Outlaw chuan puithiam chu chiang leh zual hian a han thlek a, playing cards leh pawisa tel tam tham tak chu a rawn phawrhchhuah sak leh ta a. Puithiam chuan," Khang lehkhaden te kha chu Gambler ta ka chhuhsak a nih kha. Tin, pawisa pawh kha ka ta a ni lova, mirethei leh chanhai zawkte țanpuina tur atana khawnkhawm a ni," a han ti leh a. Outlaw pawh chu a lo nui mai a.
"Ani maw! Ani maw, a lo nih tak chu! Tunah chuan heng pawisa te hian a thlenna tur hmun dik tak an lo thleng ta anih hi. Chung mirethei te zingah chuan ka tel ve alawm. Ka chham in ka rethei chiang ania, unaupa" a lo tih khum a.
Outlaw pa thiltih dan a ngaihtuah chuan a thinrim tawh khawp mai a, thinrim zet chuan, ka la rawn zawng chhuak ang chia... ka la that ngei ang che, a ti ta tun tun mai a. Thawk lehkhatah ava zuan thut mai a. Mahse, chu outlaw kuttum chu a rawn thlawk phei nghal fua a, kohhran upa inti pa chu lei charah chuan a thal ta hual mai.
Chumi hnu chuan lambun tupa chu a sakawrah chuan invawrh kai nghalin, driver hnenah chuan, tunah chuan i kal thei tawh ang. Mahse, thui lo deuh chu a lang lo lam ațang ka la rawn zui dawn che u ania. Hmanhmawh a țul lem lo ang i hria maw? A han ti a.
Eames a chuan, tunah engmah hmanhmawhna tur chhan kan nei tawh hleinem, lungawi lo tak chung chuan a lo ti ve a. Outlaw chu a han nui leh a, sakawr chu a pawt her a, hnim buk kar hniak lan theih lohna turah chuan a pilbo ta nghal a.
[6/9, 8:34 PM] Thuammawia Ranger NTC: SUDDEN
MARSHAL OF THE LAWLESS
Bung 2
Lawless chu khawthlang lama khaw rura ber berte zinga mi a ni ve a. A hming 'Lawless' tih hi a lo put dan erawh chu hriat chiah a ni lo.
In te chu, thingphel deuh vek sak an ni a, a kawng sir tawn tawnah chuan in chu a intlar phei vek bawk a, kawtthler hmalama in te chu saloon leh dawr in te an ni deuh ber. Tin, kawng sir tawn tawnah chuan kea kalna tur bika siam hi a awm leh bawk a.
Lawless khaw bul vel ram chu ram vulh nan pawha ramțha tak hi an ni ve a. Hmar lam mel 6 vela hlaah chuan Tepee mountain an tih chu a awm a, Lawless khua a,ang chuan khawdang lo hnai ber chu, Sweet water chauh chu a ni.
Tunhma ațang tawhin Lawless chu khualzinte chuan an rawn tlawh reng reng țhin a, mahse thim hnuah lo chuan an lut ngai mang lo. Kalkawnga eitur an lei ngah zet a, khawvar hmain an chhuak leh mai țhin. Lawless mite chuan engmah zawhna an zawt ngai lem lo. Mikhualte chu an awm awmin an awm tir ve mai țhin.
Stage tawlailir an rawk ațanga darkar 24 hnu velah chuan, mi 5 vel hi Lawless khuaah chuan an lo lut a. Chumi khua a saloon lian ber Red Ace saloon kawt an lo thlen chuan, an sakawr ațang chuan chhukin, an vai chuan cowboy vek an ni a.
Saloon lam chu rang takin an pan a. Kawngsir lehlama mi pakhat pawisak neih loh hmel taka lo țhu muhil niawm taka thle reng chu ngun takin an en a, chupa chuan nisa dal nan ti niawm takin a hmai khuh deuh hian a lukhum chu a kaikun a.
Chupa chu sheriff chuan uluk tak a thlekin a la naupan hmel hle mai an ti sup a. A bawpsei tak chu thluangin, a darpharh hlap chuan saloon bang chu a ngheng deuh du a. A puakruk paina bawm ruah dan ațang chuan sheriff chuan ngaihdan a siam thiam mai a."A silai zawng zawng pawh a dahkham zo tawh a nih saw, â lutuk, a ti sap a, a țhiante chu saloon ah chuan an zui lut ve nghal a.
Saloon chhung an pen luh ve meuh chuan a țhiante 4 chuan no an lo dawm far tawh mai a. An zinga pakhat chuan, hei, Strade, i dang ro a lo hnawng leh hman tawh bik em ni? pawnah i din reng a? a lo ti a. Sheriff chuan, ka boot a chirh kai kan tifai lawk a lawm maw le, a ti a. Bar nghaktu lam chu a pan phei nghal a.
Saloon nghaktu hnenah chuan, in khua hi in va reh ve, in marshal pawh a hahdam viau dawn hi, a ti a. Bar nghaktu chuan, Marshal maw, hahdam chiang e, kar khat liam taah khan thlanmualah kan zalh tawh mawle, a han tih zawm zat a. Chutah.... tun a mi hi tjlakhat chhunga pathum kan channa a ni tawh an ti leh a.
Jude bar nghaktu chuan, Stage rawk thute ka lo hria a, Suddena a che leh pek tawh a ni maw, a han ti a. sheriff chuan," Amah chu ka ni e, chu a ti a, sakawr pawk Eames a sawi dan leh hmana Sweet water dawrkai alo suam tawh Sands-a sawidan a inang khawp mai. Tunge ni sawlai kawngsira let reng saw tiin an zawt let nghal a.
"Cowboy vak rawlai mai mai a ni ang. Nihnih lai kal tawhah khan khua alo lut ve hlawl a ni" Jude a chuan a ti a.
Sheriff chuan, eng ang sakawrah nge a chuan tiin Jude chu a han zawt a, a ni chuan, " A dum a ni. Mahse, imi zawn chu a ni theiin ka ring lo. Strade ni hnih chhung chu khua hi a la chhuahsan miah si lo a, a rui reng ringawt mai a ni. Hetah hi chuan Sudden a chu i hmuh theih ka ring lo," a han tia.
Sheriff saloon a a luh rual chiah khan, ke a kalna chu nula hmelțha tak chuan a rawn zawh phei ve mek bawk a. Bang ngheng a tlangval zurui lo mu reng a hmuh chuan ring takin, " kawng min lo kian ta che," a han ti a.
Chu nula aw a hriat veleh zurui chu a rawn meng a, a lukhum chu an kai dak deuh a, a han en chhoh chuan a bula lo ding chu a hmu ta a. A ke chu tawm pahin " A pawi ka ti tak meuh a ni, ka pi," a han ti sap a.
Mahse, chu nula chu kaltlang mai ta lo chuan a la ding reng a, a nitmeng mawi fahran chuan a puakruk paina bawm ruak chu a enta reng mai a.
Kum 25 la tling lo tur, naupang te ni mai hian a hriat a, tlangval pian thiam tak niin a hmel pawh chu a chhe lo viau lehnghal.
A hmel leh pianhmang han chik deuh chuan a naupan vang ringawt chuan zuam mai chi chu ani lo tih a hriat theih mai a. Nula chuan, "I inzahpui miah na nge?", a han ti a, a pawi ka ti ngawt mai, ka pi, hetianga mi kalkawng ka lo dal hi a zia lo hle mai, tih pahin tlangval chu alo țhu chhuak ve a.
Nula chuan, mi kalkawng i dal bang hian ka ti hleinem, ka tih chhan zawk chu hetianga...., a tih lai mekin... ruih hi, tiin tlangval chuan a lo tih khalh a.
"... A pawi teh zawng a nih hi," tlangval chuan a han tih zawm leh nghal a. Nula chuan, chungte chu hrereng chung siin ila rui tho a.... a ti leh a. A kan harhfim anga hna te chu ka la thawk ve leh mai anga mi zahawm ka ni leh mai dawn alawm an ti a. "Hna te ka la thawk ang a...." hnathawh tur chu i duh a mi? tiin nula chuan an zawt leh a, Ani chuan, duh teh reng mai, ei lo chuan ka khawsa thei der silo" a han tih chuan nula pawh chu a lo nui ve sak a.
"Hnathawh tur i duh phawt chuan Double S ah lo kalla kan lo ruai ang che," a ti a, a kalsawn ta nghal a.
Tlangval zurui chuan, saloon tukverh in hawng ațang Stage rawk thu a nih chu a lo hre ve vek a. Ama hriat tawk lek bawk hian," Sudden a chu ka ni, han ti han ti mai ila chu in awih awm lo teh e. A pawi lo e. Dawheh pawh pawh min ti ula, Stage rawk lai chuan Red Ace saloonah ka awm reng tlat si. Thudik tak chu a ni si, mahse, in mi zawn zawka chu ka ni lo ania aw, sheriff. In mi zawn chu Sudden a pahnihna a nih dawn chu. Chupa ngei chu ni kei pawn hmuh ka duh chu" a ti sup a.
Pawisa ka mamawh tlat mai.. sawlai pa khan ka sakawr kha a la en vel reng emaw ni? A ti a, saloon hnung Corral lam chu a pan phei ta a.
Tlangval in corral a thlen phei chuan, patawi lam deuh Rancher niawm tak hian sakawr zin a lo bel mawlh mawlh a, chutih pah chuan Sudden a sakawr chu it/awt em em in a lo thlir leh țhin a. " Tlangval i hralh phal tawh mai lawm ni?" tiin a lo zawt nghal a. Mahse, tlangval chuan, phal lo. I inchawi ang hmiang. Sakawr aiah hian dollar 50 ka dah e. Tichuan, card kan in phawh siak dawn nia, a phawk huai zawk zawk in an man mai dawn a ni. Eng nge i ngaihdan an ti let ve thung a.
Rancher chuan, khawi ațanga i neih nge ka hre si lo. Tin, a chhinchhiahna JG tih te hi ka hrethiam ve mang bawk si lo, a han ti nawi deuh a. Tlangval chuan, Texas rama mipakhat in a man a ni a, a kawlh em avangin a thunun thei lova, tichuan, keiin ka thunun sak ta a, a neitu chuan ka hnenah min pe ta a ni. Ka hming lamtawi JgG tih hi a chhinchhiah nan ka chhu ta a ni. Ka hming chu James Green a ni a. NIGGER a anga sakawr țha hi chu an vang teh mai a nia, a han ti a.
Tlangval leh Rancher Bordend a chu phawk huai zawk nih tumin an inchawi țan ta a. A tir lamah chuan tlangval zawk chuan an hlauh deuh vek a, a sakawr leh a zin te nen lam a daglham hnu pawh chuan ala chawi ta zawk fo mai. Tlangval chuan, vawikhat phawk leh ila, chuta ka la hlauh fo chuan i ranchah thlahnih chhung hlawh nei loin ka lo thawk ang e, ran enkawl dan chu ka thiam ve lhawp asin tiin an sawm leh ngat a.A han phawh leh chuan tlangval chuan a phawk huai zawk ta tlat mai. An han phawk zel a, a sakawr te, a zin tw leh pawisa fai tam fe mai chu a man sak ta țeuh mai a. Bordend a chuan mak a ti hle mai," I neih zawng zawng i chan dawn emaw ka lo ti hman asin. Awle, a țha e. Engpawh nise, i han khelh vel dan kha ka lawm zawng tak a ni. Hnathawh turte i zawng a nih chuan Box B ah lokal la, ka lo ruai thei ang che, a ti ta a.
Jim an Red Ace saloon ava luh leh chuan a lo ruak huai tawh mai a, dollar 20 chu bar dawhkanah chuan theh thla in, " ka silai te kha min pe tawh rawh le" Jude a hnenah chuan a ti ta a.
Red Ace saloon ațang chuan pen chhuak nghalin, Green chuan thawmhnaw tharte leiin an in thlak fel nghal a. Mexican ho chenna deuh bik a kalpelh lai chuan, ama țawng ni awm tak hian," Awle, min dang chep hneh hle mai, min han that law law teh u" tih ri hi a hre ta a.
Zawitein kawngkhar chu a nam hawng a, inchhung cju a han melh vel a. Cowboy pakhat, patawi lam deuh thau mum kang mai hi puakruk keng chungin chhuatlaiah chuan a lo ding a. Amah hualin mi pathum hi chemte kengin an lo ding a, a hnunglamah chuan pa upa lam deuh tawh hian chu cowboy chu silaiin a lo tin ve reng bawk a, Green- la chuan a veilam sir a mexican pa in cowboy a rawn vawm tur chu ava hmu fuh hlauh mai.
Green a puakruk chu a bawm ațang rawn dawk chhuak zawkin, a puak zui nghal a. A silai mu chuan mexican pa darah chuan a zuk fuh a. Chitia an rawn kah takah chuan mexican pa pawh chuan a tum chu a hlah phah ta a, a chemte chu barah chuan a vawm bur ta ngur mai.
Chuveleh Green a chuan midang zawng pawh chu banphar turin an au nghal țhat a. Mexican ho pawh chuan an chemte chu chhuatah thlauh nghalin, ban an phar ta a. Green- la chuan bar hnunglama silaikengtu hnenah chuan, "kha silai kha lek sang la, i ban phar nghal rawh, Pronto" a ti ta a. A thusawi chu hnial buai tumna pawh nei lo in putar chuan a silai chu a dah ta a.
Green chuan cowboy lam chu hawiin, engnge ni in buaina hi? tiin a han zawt a. Chupa te tak te chuan, Țhiana a hun takah i lo thleng a nih hi. Heng zawng ho hian min that hman țhelh asin., a han ti zet a. Nimin ohan helai hi ka lo thleng ve a, enge ka chungah lo thleng pawh ka hre mumal lo. Ka zu inah khan damdawi eng emaw an telh a ni ngei ang. Tukin ka thawh ațangin ka dik lo tlat a ni....ka pawisa zawng2..pawh a bo vek bawk... Tichuan, ka zawng vel ta a, ka silai ka lo en hmasa lo tawp mai a, a mu a lo awm lova. Nang chu lo thleng lo la tunah hian ka thi tawh ngei ang a ti a.
Putar lam hawi pah chuan Green-a chuan," Hemi hian a pawisa zawng zawng a hmuh kim vek loh chuan i nupui, pasal sûn hlimm hnenah pawh ka dil zel ang" a han ti a.
A puakruk mu thun lhat chung chuan pa tawia chuan, " A ni hi ani anga maw?" a lo ti a. Mexocan pa chuan Green a thusawi awmzia kha a hrechiang ve hle a, a hlauh tak em avang chuan a pawisa lak zawng zawng chu a rawn pe kir ta a. Chumi hnu chuan Green a te pajnih pawh chu an in zui chhuak dun ta a. Hotel te deuh pakhatah lutin zanriah an kil dun ta nghal a.

[Ngaia]

[6/9, 8:46 PM] Thuammawia Ranger NTC: MARSHAL OF THE LAWLESS 3
Chutia zanriah te an kil zawh hnu chuan, Green a chuan a țhian chhar thar hnenah chuan a hmingte chu a han zawt a. Chupa chuan, "Ka hming chu Barsay a ni a, ka țhiante chuan Pete tiin min ko țhin. Nang enge i hming le?", a ti a.
Green chuan a hming chu a han hrilh a, " Heng lai ram nuam lo takah hian enge maw i tih le,?" Tiin a țhian chharthar chu a han zawt a. Pete a chuan," Ramri ațangin Montana lamah bawngrual kan rawn khalh a, tunah chuan kan hawng leh lam a ni. Sawlaiah ka pawisa te kha min lak chhuahsak lo la chu henglai velah hian hnathawh tur ka zawng ve mai mai dawn a ni," a ti a.
Green chuan," Kei chu bawngrual vel han enkawl chu ka ning ta. Chuvangin hna dang ka beisei a ni," a ti a. Petea chuan," Mahse, henglai te chu ranvulhna ram a ni si a," a lo ti a.
Green chuan a ni ngawt mai. Mahse, he khuaah hian marshal hna a ruak a ni awm asin, a ti a. Pete-a chuan," Khai khai, chu zawng tum duh suh. Helai hmuna marshal te zawngin rei an daih ngai lo. Cowboy ho ipte a dollar khat awm ai pawhin an daih rei lo zawk asin," a lo ti thuai a.
Thutak hmel fe in Green a chuan," Ka lawm e. Mahse, ka pawisa lo. Helai hmuna marshal hna thawk tur hian ka lo kal miau a," a ti a. Tin, thu dang leh chu, deputy tur ka melh deuh a, pa tawi lam deuh, nangmah ang deuh a thau hi ka mamawh khawp asin," a han tih zawm leh a.
"Kei hi deputy atan maw! Ani thei lo. Tunhma in mite ka lo rawk țhin a, sakawrte ka ru a, bawngte pawh ka ru....," Pete a chuan a ti hman chauh a. Green a chuan, ka ring dik hle mai, thil zir ngai zawng zawng chu ilo zir vek tawh zu nia. Thufing pawhin, rukru man tir chuan rukru bawk ruai rawh a ti alawm. Ka deputy atan chuan i tling chiang hle mai, Amigo a ti a.
Barsay chuan hotel neitupa hnenah chuan Green a thiltum te chu a han hrilh a. Durley a chuan," A tana țha ber chu, a sakawrah chuang sela, chu a thiltum chu a theihnghilh hma loh chuan kal zel mai sela. Lawless khuaa Marshal nih zawng mahni lu zawrh tluk chauh a ni," a lo ti charh charh a.
Mahse, Green a tum chu țhulh tir mai chi a ni lo tih an hriat chuan," Red Ace saloon neitu Raven a chu be tur chuan a kawh hmuh ta a".
Red Ace saloon a zu pen luh chuan bar nghaktu chuan a zu um chu a rawn phawrh chhuak thuai a. Mahse, Green a chuan nui sak chung hian," Ni rih love. Thawh tur te han thawk zo hmasa phawt ila mawle. Khawnge Mr. Ravena, hmuh ka duh a" a ti a.
Ravena awmna lam chu kawh hmuhin, Green a pawh chuan a pan phei nghal a. Pindanah chuan saloon neitu, Raven a chu a lo țhu a. Raven a chuan ngaihsak lem lo tak hian,"Enge i duh tak?" a lo ti a. Green a chuan a hnunglamin kawngkhar chu ngheng in, a kutzungpui chu a silai paina kawnghren ah chuan bat tangin, " He khuaah hian marshal tur in hmu zo lo a ni awm a, chu hna chu ka rawn beisei a ni, a ti a.Ravena chuan, Green a chu ngun taka thlek chungin, eng ang mi nge i nih pawh kan hre chiang silo an ti nghut a. Green a chuan," Ka hming chu James Green a ni a, Texas mi ka ni. Tunhnuah hi chuan, dan naran in chenna bik pawh nei lem lovin ka lukhumin daihlim min pek theih zawng zawngah hian ka cheng vel a ni ber," a ti a.
An duh angte an in zawh hnu chuan thlakhata dollar 200 hlawh tur chuan an in rem ta a. Green a chuan dollar 100 dang deputy hlawh tur nen a lo ti thuai a. Mahse, Raven a chuan a lu a thinkhum ta mai a. Green a chuan ngawiteh mut te pawh ka duh ve anga deputy neih loh ngawt chu, khawl ka ni bik bawk si lo. A han ti leh hram a.
Ravena pawh chuan a remti thei ve ta a. A dawhkan pawhdawh ațang chuan Arsi lem badge pahih leh chahbi bawr chu rawn la chhuak in Green a hmaah chuan an theh phei ta nghal a.
Green an an chawlhna saloon ava luh leh chuan bar pawh chu a lo ruak vek tawh a. Pete a chauh chu a lo awm tawh a. A ke dawhkan a hlan chungin Pete a chu tui titakin a lo muthlu a. Green a chuan ngawirenga pan pheiin a kawr awmah chuan Arsi lem pakhat zawk chu a han vuah sak a, an hnung tawlh leh deuh hret a, a puakruk pakhat zawk chu phawi chhuakin chhuat chu a han kap țhuai mai a.
Pete a chu a harh rang kher mai. Chhuatah chuan a tlu țhuai a. Mahse, second khat lek chhungin a kuta puakruk hum chung chuan a lo ding chhuak zui nghal a, a mit chu an len nghal ruai a.
Chutih lai chuan saloon neitu Durley a chu lo tlan phei nghal in. Green a chuan kawi sawi fe hian bang chu a lo ngheng a, a puakruk la khu vat vat keng chung chuan za tak maiin a lo nui sung a. Pete a chuan mi a zawng i lo nih chiah hi. Ka ring min delh tliah tir dawn alawm mawle, alo ti bal bal a. Green a vethung chuan , deputy țha tak i lo nih hi mawle. Tunah ngei khan ka hriat belh leh ta, a lo ti mai a.Pete a chuan a kawrawm a badge intar khawih pah chuan i va hlawhtling ta tak tak a ni maw, a rawn ti zui a.
Saloon neitu Durley a chuan, a țha bawk alawm. Mahse, marshal pawh ni la, khulai mulukawlh nen a in in kawp si chuan le... a han ti a. Mahse, Green a chuan, tuma thu hnuaiah hian ka la awm ve ngai lo tih pahin Durley a chu an siai sak a. Pete a hnenah chuan, tirawh kan inthar tur chu i va bel chiang ang hmiang, chahbi pawh min pek kha tih leh, marshal office en fel tur chuan saloon ațanga pen chhuah chu a rual zui ta nghal a.
[6/9, 8:47 PM] Thuammawia Ranger NTC: MARSHAL OF THE LAWLESS 4
Tlangsang leh thlaler lam ațang te chuan vaivut thli chu a rawn tleh thla chuai2 a. Lawless khuaah chuan tlai thim thut2 a ni tawh a. Chutih lai cjuan khawthlang chhim lam kawngah chuan cowboy pali hi sakawr chung chuangin chak fahran in an rawn tlan khu ta rum2 mai a.
Marshal office ațanga eng lo chhuak an han hmuh chuan an sakawr chu an pawt ding nghal a, an zinga pakhat chuan,"Chhe heu! Mosia, zahngai thei! Marshal thar an lo nei leh tawh a nih hi! A han ti a.
A puakruk chu phawi pahin, zirtir rawh u, boys, an ti a. Marshal office kawngkhar chunga signboard chu an kap nghal zawt2 mai a, a țhian dangte pawh chuan an rawn zawm ve nghal zat a.
Office chhungah chuan Marshal leh a deputy pawh chu an awm ve reng a, Green a chuan cowboy ho chetla chu tikverh ațang chuan a lo thlir reng bawk a. Pete-a chuan Green a chu mak tih hmel taka en chungin," Khang ho kha engti tih nge i tum dawn?" A ti ta a.
"A box B cowboy ho alawm mawle. Tleirawl lai hi chuan inngaihthiam pawh a țha e", a lo tih san mai a. Pete a chuan, a ni maw, Pua mahse nangmah an hmuhsitna che ni deuh berin ka hria ala ti țalh a.
Green a chuan, awle zaninah ngaihdam min dil loh chuan dollar nga ka pe ang che. Engpawh nise, signboard hi hnawih țhat a ngai tawh a ni, a ti a.
Green a leh Pete a te pawh chu Red Ace saloon lam panin an kal ve ta a. Saloon chhungah chuan mi an lo tamin, dawhkan te chu an luah khat fur mai a. Marshal lwh a deputy lo lut an hmiluh chuan an reh nghal duk a, mi te hmui phunin an inhrilh ru deuh sap sap a.
Bar buo dawhkan chu Box B cowboy te chuan an lo kil a, an hmaah chuan zu um leh no chu an lo chhawp far mai a. An bula awm ve te chuan hei hi marshal thar a nih hi, tiin an rawn hrilh ru sap a, an ni chuan marshal lam chu rawn hawi phei deuh țhapin, an zinga pakhat tleirawl samsen therthawr, Rusty an tih chu a țhutna ațang chuan a lo ding chhuak ta a.
" Nang hi maw marshal thar chu?" Aw chang fak hian a rawn ti ta a," Dawn lawm ni" tiin Green chuan a lo chhang ve mai a. Rusty a chu a han ding mar deuh a, a hmaa ding chu ngun fe hian a han thlek a, zu tlem azawng a lo lem tawh bawk a, a ngaihtuahna chu a sei vak tawh lo a ni.
' Kei leh ka țhiante hian, he khuaah hian marshal awm hi kan duh lo. A awm a țulna pawh kan hre bawk lo' a jan ti chhak mai a. Mahse, alo țul a nih pawhin marshal ni turin an tlak tak tak em tih hi ka fiah duh a ni. Chumi fiahna tur pawh chu ka ngaihtuah tawh a, han tum chhin teh le" tih pahin a kut bawr chu a khel dinglama thlak thlak chu a rual a, phawi mai in peih chuan a kut zungțang te chu a han zar pharh ta a.
Thawk leh khatah phawi ta che tih leh Rusty a chuan a puakruk chu a phawi a rual nghal a. A aw chu a hmui ațang chuan a chhuak zo hman țawk a ni. A dul nem chu puakruk ngul chuan a rawn hawlh ta tlat mai, chutih a hnekin a puakruk chu phawi tur a lo awm tawh hauh lo mai.A ruih zawng zawng te chu reh vekin, marshal puakeuk la chu a paiah an la fu dun vang mai si. A dul rawn hawlhtu lah chu ama pistol ngei ani tih a hriat phei chuan, engtik lai khan nge puakrukchu alo phawi chhuahsak hman tih reng a hre lo, a dam chhung pawhin a hre leh tawh bawk hek lo ang.
Chutihlai tak chuan Rusty a țhiante chu an lo au chhuak ve a,"Kap suh, marshal, a fiamthu mai mai a nih kha," an rawn ti ta a. Marshal chuan a puakruk kenchu Rusty a hnenah chuan a pe kir leh ta a.
Marshal chu nui deuh sang chung hian,"Awle, tunah hian min phawi khalh chu ila tum fo em? Han tum chhin ta che," a han ti a. Mahse, a mit meng ațang chuan marshal chu a fiamthu a ni tih a hrethiam mai a," E... ni tawh lo e, ka lawm e. Zanin tlai a i signboard kan rawn tih pawr kha pawi ka ti ngawt mai, min ngaidam aniang chu," a ti ta a.
awnze nei deuh tak hian, ani tak e, a siamțhat nan rawng bur khat chu a tawk maiin ka ring, a han ti a. Rusty chuan a țhiante chu han melh kual in, chu zawng kan ti ngei tur a ni. Keiman ka lo buaipui vek ang tih pah chuan a țhiante zingah chuan a țhu ve ta a.
Green a leh hawi chuan a deputy a kuta dollar nga tlang keng chunga amah lo en reng chu a hmu a. Pete a chuan, kha le ka chawi ta pek a nih hi. Nang misual lutuk, mi ei hek thiam khawp mai, rui chung hian a rawn ti a.
Chutihlai chuan Green a chu mipakhat hian rawn be vein, Bordena Box B neitu ka nia, nang hi vawiin tlai a Miss Sarolin in a sawi kha i ni em? Hna chu ila duh reng em ni? a rawn ti a. Greena chuan, ka lawm khawp mai, mahse tunah chuan tih pahin a kawr awma Arsi chu an keu lang a.
Borden an chu chu a hmuh chuan, uai marshal thar chu ini maw? Ka lawmpui khawp mai che, a ti ta zawk a. Green a chuan ka lawm e. Nang hi min pawmpui tu hmasa ber i ni, an ti ve a.
Chutih vel lai bawk chuan, Red Ace saloon neitu pa chuan puithiam ni awm taka a inchei in leng alo nei ve bawk a. Raven a hnenah chuan chupa chuan pawisa puk a lo dil mek a ni. Ravena pawisa a puksak hnu chuan, silai eng emaw min hawh tir tur i nei lo maw? Ka silai lah chu kan misualpa Sudden a khan min laksak daih mai sia tiin. Ravena chuan puakruk pakhat chu a han pe a, kha hei hi keng rawh. Kei zawngin silai ka hmang ve ngai lo.
Ravena leh a țhianpa, Perdoe inti chu saloonah chuan an lo lut ve ta a. Box B neitu tlangval Borden chu poker khelh puiah chuan an rawn sawm a. Borden a chak zawng tak a nih avang chuan a lo remti ve mai bawk a. Mahsr, Green chuan Borden a chu a mitmei chuan a lo khap deuh a, a ni chuan Green a mitmei chu a hrethiam chuang lova, a tel ve ta a.Green chuan Pete a hnenah chuan, hman deuh khan he pa hian Tostone khuaah trick nen a khel a, an hriat chhuah hnu chuan a thawmhnaw an hlih sak a, kurtai an chulh a, khawlai vaivut ah an mut a, chumi hnuah relah an thawn bo ta nghal a, a lo ti sap a.
Ravena chuan Greena hnenah chuan, marshal lotel ve ta che, a rawn ti a, Green a chuan ka duty lai a ni tlat mai tiin a lo hnial a. Ravena chuan zanin chu a reh viau hi mawle, engnah buaina a awm lovang ala ti ta fo a. Green a chuan, kan lo mghak rih phawt ang e, a ti leh mai a. A sawi zawh rual chiah chuan saloon kawngkhar chu a rawn in theh hawng zui nghal rawp mai a.
Cowboy inchei a inchei, thawmhnaw țawp zet mai ha hi a rawn pen lut a, a han ding chat a, a lukhum khuh bak sam lo lang chu a dum hlap mai. A mitmeng rum tak mai chuan saloon chhung chu a han melh kual a, a puakruk ken chuan a hawina lam chu a hawi ve zel a, thawklehkhatah Apache ho indo naa an au angin a han khek ta vak mai a.
Chutah aw thawp sat hian, mi hmuh duh ka nei, a han ti leh a. Vawiin hian mi pakhat mah ka la that lo reng reng mai a, ka silaimu hi mihring nunna chakin a za zek zek tawh mai a ni.
Khawnge in marshal thar an sawi ka lo hriata chu a awm a han ti leh a. Midang lo nui a hmuh chuan Green a chuan chupa chu zurui rak mai mai ni hian a ring rilru hmana. Mahse, amah a rawn chona chuan a thin chu a khei ru riau a ni. Fiamthu a nih leh nih loh ngaihtuah chang tawh lo chuan chupa chu ava hnaihchilh a, aw dam duai hian, min hmuh i duh a maw, a han ti a. Chu veleh saloon chhung chu a reh nghal duak mai. Midang lo awm vete pawh chuan an thil tih lai chawlh sanin, chumite pahnih lam chu an hawi vek a. An inkar chu feet thum vel chauh a ni tawh a, mahse Greena erawh chuana silai chu chuh tum awm pawhin alang chuang lo.
In hrosak pah chuan, țhingțhi la, i pathian hnenah i thlarau hum turin dil rawh, Greena hnenah chuan a han ti a. WILD BILL HIKOCK a ka nia, silai kah lamah chuan chuti hlauh, a han ti leh țhat2 a. Marshal erawh chu a kiai suk duh chauh a. I hming chu eng pawh lo nise, mi a lutuk,au khek te pawh chu iva lo thiam ve. Tunah..... tih pahin mita hmuh hman loh khawpa rangin Green a kut chu a phe zawka, a kutah chuan puakruk chu alo hum reng tawh a. A puakruk ngul chu chupa dul ațang chuan a hla lo kher mai. Green a chuan chang fal hian, hmetpuak ta che,a han ti leh a.
Engtik lai khan nge marshal chuan a,silai chu a phawi hman tumah hria reng an awm lo. Amah chotu pawh chuan hmet perse a ni pawh chuan Green a silaimu chu a dawng ve dawn tho tih chu a hrechiang ber te zing a mi a ni. Chutia a in ngaihtuah buai lai chuan , marshal chuan i silai kha paih rawh, tiin thu an pe zui zat a. Chu awka chhuak ah chuan paih rawh tih mai aia thuk a in phum tel tlat bawk si. I he lovin chupa chuan a silai chu a ten ta riau emaw tih tur chuan chhuatah chuan a thlauh ri ta bawl mai a.
Chu veleh marshal kuttum veilam chu alo dawk chhiak zawk a, chupa khabe ah tak chuan a rawn hnek ta siah mai a, chupa chu a tlu ta hnawk mai. Green a chuan a silai chu an pai leh te te a, a kawr awm leh kawngah chuan țham in, saloon ațang chuan a theh chhuak zui ta a. Saloon ah chuan, kha pa khan helai hmunah hian țhianțha te a lo nei a nih chuan, hei hi lo hrilh rawh se. Khawvar hma ngeiin he khua hi a chhuah san tur a ni, tih hi.
[6/9, 9:03 PM] Thuammawia Ranger NTC: SUDDEN MARSHAL OF THE LAWLESS 5
Marsha office kawngkhar biang nghengin Pete a chu zawi hmel tak chair ah chuan a țhu a, a ke chuan kawngka biang lehlam chu a tlawh a. Green a erawh chu office ah chuan a awm ve lo va. Pete a chuan a meizial pak talh talh pahin, lung leng awm tak chuan a zai ngal ngal a.
Chutih lai chuan nula pakhat ji marshal office ah chuan a lo kal a. Marshal awm leh awm loh chu a rawn zawt a. Pete a cjuan chu nu chu Antonia Sarel a ni tih chu a lo hre mai a. Chutia an in biak lai chuan ral khata sakawr chung chuang hman hmawh tak lo tlan chu hmuin, nula pawh chu inchhungah chian a nam lut nghal a.
Pete a chuan nula hnenah chuan ,"Kan țhiana saw tu emaw nen buaina an nei a ni ngei ang. Keimah nen pawh a ni mai thei. Tah khan lo awm la, silai mu hi chuan hmelțha leh țha lo a thliar ve silo," a han ti a.
Sakawr chung chuang chu lo tlan zelin, office kawtah chuan a rawn ding ta a. Pete a chuan a hmelah chuan Andy Borden a nih chu a alo hre thuai a. A hmelah chuan hlauhthawnna leh thinrimna chu a lang thei a. " Khawnge marshal a awm?" tiin a rawn zawt nghal chat a. Green a, Red Ace corral a sakawr thlung zo chiah rawn phei chuan, " Tunge min hmu duh?" a rawn ti nghal a.
Andy a hnel a rawn hmuh chuan, eng ti zia nge ni, Andy? a rawn ti a. Andy chuan, ka pa an kap, an that ta. Marshal, ka pa kap tu hi hre chhuak turin ka duh che a ni, a ti a.
Chutih lai chuan Tonia pawh chu pawnah a lo tlanchhuak ve nghal a. Andy chu țhutna pek pahin, a thiam ang ang chuan alo thlamuan ve a, Green a pawh chuan saloon ah in turte va lak sakin, hei hi in phawt la thil awmzia chu min hrilh dawn nia a han ti a.
Andy a chuan, ka pa kaptu chu tukin zing khan a kal chhuak a, hetah alo kal a nih ka ring, a han ti a. Green a chuan kal e, bank a a lut lai pawh ka hmu a lo ti a. "... ka pa chuan pawisa tlem a zawng lak chhuah a lokir leh thuai a tum a ni tih a sawi a, tin, kei chu a chhuah hnu darkar hnih velah Lawless khaw lam panin ka kal ve a. Tin, Old Mine ka lo thlenin kawnga a lo mu hlawm reng hi ka va hmu ta mai a ni, a ti a. A sakawt pawh a kiangah chuan a lo tlu bawk a ti a.
Kun chunga ka zuk en reng lai chuan, a lo menga thu pakhat hi a rawn sawi a, a chatthla chu a ni zui nghal mai a ti a. Marshal chuan, engthu nge a sawi a lo ti vat a. " Sudden" tiin Andy chuan a chhang a.
Andyyl chuan, dollar tlem te vangin he outlaw hian ka pa chu a that a ni. Marshal kan man ngei tur a ni dawn lawm ni? Ka awm mai mai tawp lo vang... țawng khur deuh dar dar chung chuan a han tih zawm zat a. Green a chuan, ka man ngei ang. A hun thu etmrawh chu thudang nise, sakawr kan lak hma chu miss Tonia hnena hian lo awm rawh, a ti a. A hnu lawkah chuan mipathum te chu tualthahna hmun lam pan chuan an chhuak zui nghal a. Bank an tlawh hmasa a Andy a pa chuan dollar sangnga chu a la chhuak ngei tih pawh chu an hre thei nghal a.
Andy a chuan hma hruai zelin, chu thil lo thleng chuan a nun pawh a nghawng danglam chak nghal hle a. Chu tleirawl hmel chu a tumruhna leh pachanna chuan a rawn thlak nghal daih a. Darkar chanve lai chu mual pawng te te, thing hnim buk țha tak tak karah chuan an kal vel a. Old Mine an thlen chuan tumah an hmu lo. "Sawlai bukah sawn ka dah a ni," tiin Andy a chuan tlang bula thing in kawng phui chuk lam chu a kawk a. Ruang chu an hmuhin, Green chuan ngun takin a han en vel a, a hnungzangah vawihnih kah a ni a, pawisa tlang zawng zawng lak vek a ni, a nawivtlem erawh chu a la ak a, hei pawh hi lak vek law law awm tak, tih pahin a tho a, a han hawi vel chuan anbbul lawk a.45 silaimu ruak chu a hmu ta mai a.
" Pistol hbathawh ngei maw? Andy, khawiah tak hian nge i va hmuh? a han ti a. Andy chuan, sawlai kawngpui lang thei lai takah sawn ka hmu, a lo ti a. "A chang rei hle mai, sikret pawh țum thum lai chu a zu hman anih hi" tih pahin sikret bung pakhat chu a han elh tliak a. Good Bull Durham sikret anih hi. Mexican sulhnu awm a lang lo. A sakawr dahna i zawng teh ang, an ti a. Borden a chuan, heng hi enge a țulna awm, a kaptu chu kan hre reng alawm a lo ti a.
Kan hria maw? Atu ate pawhin Sudden a chu an in vuah chawp thei vek ang chu. Mahni inthup mawina awlsam tak a ni asin, a han tih zawm zat a.
Sakawr dahna chu zawn rei a ngai hauh lo. A lan danah chuan sakawr pawh chuan a ning hman viau a nih hmel, thingkungah chuan hmul kai țhawt khawpin a in nawt ni hian a lang. Tin, a hmul ațang chuan sakawr dum ngei a ni tih a chiang. Andy a chuan, Sudden a chu sakawr dum chungah a chuang a ni lawm ni? a han ti a. Green a chuan ' Ni chiah e' a lo ti a.
Sakaqr hnu chuan chhim lam a pan niin ka hria, kan han chhui zel anga, nang, Pete hetah hian lo awm la, Andy a erawh chu Box B lamah kal sela, ruang la tur hian a naute tawlailir nen va pun rawh se tiin ro an rel nghal zung zung a.
An ngawih vang vang hnu chuan Pete a chuan, Green he Sudden hi i tawng ve tawh em? tiin a han zawt ta daih a. Marshal chuan, amah chu ka hrechiang khawp mai a han tih chuan Pete a chu mak tiin a phu deuh zawk a.
" Engtin nge chung te chu i hriat?" makti takin Pete a chuan a han ti ha a. Marshal chuan, a chhan chu Sudden a dik tak chu ka ni tlat a lawm a ti a.
Pete a chuan mak ti takin tuna a bula ding reng hi outlaw hmingthang leh mi te hlauh em em SUDDEN a ni a a han inchhal ta mai chu mak tiin a thlek reng a. A hu deuh chuan a lu chu thingin, a rawn nui chhuak ta deuh hak a, e kai chu chu ka lo ring reng reng hlei nem, thluak ka lo nei lo em kher a ni. Julies Ceaser a emaw King Cole a emaw i nih ka lo ring țhin asin, mahse ... a han tih zawm leh a..
Green a chuan, thudik tak fiah takin ka hrilh che a nih chu. Texas leh Bew Mexico ram velah chuan Sudden min ti țhin a. Helai hmuna Sudden, tunah ngei pawh hian ka hkibg chhalin thil a la ti ta zel a ni. Mithianghlim Josefa chu ni lo mah ila, chung a thil tihsualte chu tih tawp ka tum a ni. Tunah hian i țhianpa hi tunge ka nih i hriatchian hi țha in ka hria a ni. Chuvangin he thu hi ka hrilh ta che a ni.
Pete chu lo ding chhuakin a hmel landan chu thup hram2 tumin a han nui sak a. Green a hnenah chuan " Jim" a han ti a. Outlaw sawmli rual telkhawm pawh ni la pawi ka ti lo, engpawh lo thlwng rawh se, i thihna hmun chu ka thihna hmun a ni ve ang, a han ti a.Green a chuan ka thlang sual lo che tih ka hria e. Ka lawm ngawt mai, pete a han ti a. Amah vek chuan, awle tuna kan thu sawi zawng zawng te khan i ha hmai a pel hlek tur a ni lo. Lawless khaw mipui ten an hriat phei chuan necktie thar ka awrh dun a ni nghal mai...
Awrh chuba chakawm vak loh ang. Awle he tualthat tupa hnu hi kan chhui zel anga, khawchhungah uluk takin i beng i lo chhi dawn nia, tiin sakawr hniak chu a chhui zui ta a.
Pete a chuan ama hriat tham lek hian cowboy vak rawlai satliah i ni lo tih chu ka hre sa reng tawh alawm..... Sudden maw? Niawm reng pawh i ni e a han ti sap a.

I comment dan zir a chhun zawm zel ni ang.
lo click leh vek ru ooo

[Ngaia]

Marshal chuan sakawr hniak chu melkhat vel zet a chhui tawh a. An kalna chu Box B kawng zel a la ni a. Nakin deuh ah chuan Box B ranch kawng ațang chuan hnim buk te tak te te awmna lam kawngsirah chuan hniak chu a peng ta a. Green a chuan a chhui zui zel a.
Tlang bawk te deuh pakhat, a hmalama lo awmah chuan a han chuangkai a. Chuta țanga hmalam chu thlaler titih deuh vek hi a ni tawh a. Sakawr hniak emaw, sulhnu reng rengbhmuh tur a awm ta lo. Green a chian hepa hi henglai vel ramah hian a mikhual lo tawp mai, duh leh ramri thleng pawn kal zel mai ang aw, Nig tiin a sakawr chu an be sap a.
Fimkhur tak leh thawm dim tak chungin an kal zel a. Nakinah chuan lui pakhat Lazy Creek ni ngei tur hi an va hmu ta a. Ral leh lam chu Mexican ram a ni tawh a. Tui chu daikai theih mai tura kam a nih vangin harsa lo tak chuan an dai kai a. An hnu chhui lai pawh chu an hmu leh ta a. Mahse, lung bi boh leh khamkar an han thlen meuh chuan a chhui hleih theih ta mang lo va. Tuihawk luan kawr chu an han pawng zawh ta ngawt a.
Mual pawng pakhat an pel țep tih ah chuan, Spanish țawng țeng fahran maia țawng, i dawp chhuak thei em Lopez? Tih ri chu a hre ta a. In ralring tak chungin a thawm hriatna lam chu a veh chho ta țham2 a. Chumi hnu lawkah ngaw kar lawng hrulah chuan mi pakhat hi ava hmu ta a. Chupa chu Red Indian a lo ni a. ..a banreka hnungkhirh chungon thing tuaiah chuan an phuar bet a. Pa sang tak, la upat hmel vak lo hi a ni a, a rițam vang emaw, a damlohna vang emaw a ni thei ang, a cherin a dawldang hle a. Sazuk vun kekawr tih loh chu engmah dang a inbel lo. Mahse, a mitmeng ru tak mai han hmuh chian chuan a taksa chauh hmel tak pawh chi a țihawmna tizualtu mai an ni. A hma chiah ah chuan Mexican pakhat zahngaihna awmzia hre reng reng lo hmelpu,
thawmhnaw bal tawh tak inbel hi a ding ve bawk a, a luah chuan lukhum parh hlai tak, Sombrero an tih chu a khum a, a kutah chuan vuakna hrui hrual a keng bawk a, yard eng emaw zat a hlaah thupetu chu a ding bawk a.
Pavalai tak, hang lam deuh, sam dum tak leh rothap hmel tak hi a ni a. Chutiang anga nunrawng hmel chu Green a pawn a la hmu ngai lo. A hnar chu a per hle a, ha kuh deuh leh sri fahran hi a ni a, a lukhum pawh chu a chei rang nasa kher mai. A kekawr dum da deuh lam tawh chu a pheikhawk rawng sang Spurs in vuahnaah chuan a in thun lut țut a. A khel tawn tawnah chuan puakruk leh chemte luzum a pai ruang mai bawk a. Han en reng reng hian a de vel tuarh mai a. Chutihlai chuan a lu chu a han bu zoh a, hruihrual kengtu chuan Indian pa chu a awmah tak mai chuan a hlap țe țhuai2 mai a.
Indian pa awm chu a hlap kak ta duaih mai. Indian pa chu kun ngawihin a awm ațang chuan thisen thar lam chu a rawn chhuak țiam2 a, mahse, lo ding chhuak peh nghal in thing bul ang chuan a dingnngawi leh ta reng a. A khabe on khawng dawt2 toh mai loh chu a hmelah chuan hrehawm tihna hmel a lang hauh lo mai a, thupe tupa chuan, sawi rawh... Uicho pa, khawiah mge rangkachak chu a awm? a han ti leh nghal țhawt țhawt a. Indian pa chu a la ngawi reng a, a hmelah chuan zamna chhe te mah hmuh tur a awm lo. Thinrim leh hmusit tih hriat tak hian amah sawisa tute chu a melh ran mai a. Inthuam ropuia chian, Lopez vaw zel rawh. A ruh filh veka vuak a nih hunah zawng ala sawi em em ang, a han ti a.
A tirh pain a han vuak leh dawn lai tak chuan Green a silai chu a puak ta țhuai mai a. Lopez a chu a hlawm nghal tawp a. Chuveleh inthuam ropuia chuan a puakruk chu chuh ve a han tum a, mahse lo kal thar mitmeng chu a han en a. Lo kal thar pa puakruk khu vat2 mai leh a mitmeng a han hmuh chuan a chechang ngam ta lova. Green a chuan, han phawi chhin ta che dawihzep pa, a lo ti a. Mahse, chupa chuan i țanpui sual zawk a ni e, tlangval, Indian mai mai a ni a, rangkachak awmna a hria a ni, a han ti a.
Green a erawh chuan, engnge ka tih chu ka hre chiang ve khawp asin a lo ti ram hmak a. Tichuan, inthuam ropuia ralthuam ken vel te chu a han chhuhsak ta a, i kawrte kha hlip rawh a han ti zui a. Chupa chuan, Green a chu makti fahran chuan a han en a, vuuti mai a a kawr man tam leh hlu tak mai han hlih chu a hreh ve hle a, El Diablo ka ni asin, senor, ka hming pawh i lo hre țhin tawh in ka ring a han ti leh hram a.
Mahse, Green a chuan a ngaihsan phah vak chuang lo. El Diablo maw, tupawh chu lo ni la, i kawr chung kha i phelh loh chuanhremhmun lamah ka tir liam tho tho dawn che a ni, chumi hnuah zawng a lum tiin i kawrchung chu ila phelh tho ang, Green a chuan a han ti a. El Diablo chuan thupetu chu a han en a, silai lah chu a la hum reng si a, a thu chu han hnial mai mai chi a nilo tih chu a hre reng mai a, a thaw chu a sa phat phat a, hreh zet chungin a kawrchung chu a phelh ta a. Indian pa chuan chu tlangval tjil tum chu man thiam in hruihrual hmawr zum hrawl zetvmai lam chu a melh ran mai a.
El Diablo thung erawh chu a dang lawp lawp mai a. Hlau leh zat tih hriat tak hian chechang mai lo in a ding reng a. Green a chuan Indian pa chu hruihrual a lak tir ta a. El Diablo chuan, tlangval, i thil tih hi jgaihtuah ngun rawh, mingo ve bawk, old Spain thlah, Caballero ka ni asin. Lopez a te ang ngawt chu ka ni loț thinrim tak hian a han ti a.
I kutte kha chunglamah i phar chhoh loh zawngin Spain thlah mai ni loin thpahtu bûl i ni zawk ang, Green a chuan a han ti a. Fiamthu niawm takin a lang na a a sawiru chu a tak ru tlat si. A hma lawka a lo hrem tak Indian pa laka khawngaihna beisei chauh chu a hmabak a ni ta si a, Indian pa lah chuan thinrim tak chungin leh hruihrual hum ran chung chuan a lo thlir reng tawh mai a.
A hmel ațang chuan Indian pa phuba lak duh dan tur chu Green a chuan a hriatpui thei mai a. A lu chu a han bu nghauh a, chuveleh, hruihrual chu a ving thuak a, Mexican pa chu a țe țhawt a, a awm ațanga a koki liamin a khel thleng chuan a vual sen ta țuak mai a. Marshal chu a han bu leh nghat a, Indian pa chuan a vuakna hmasa kawkalh zawng chuan a han hlap leh țhuai mai a. Mexican pa chu a tlu ta tawp mai a, a kut te chu ramsa ang maiin a ti kawm a, a awm dawmin leiah chuan a tal a tal ta a. Marshal chuan ngaisang lemlo hmelpu tak chung chuan, old spain thlah chu i ni mai thei a, he pa erawh hi chu Indian chauh mai a ni. Mahse, a damdawi atan a hrem ta che a nih kha. I pian leh murna lam thu chu sawi tawh suh la, chutilo chuan, tun aia nasa zaw i la tuar leh hlauh dah ang e, a ti a.
Chutih lai chuan Indian pa chu chau tak mai hian a tlu bawkkhup thlawp a. Green a chuan ava pan hnai vat a. Lopez a tui thawl chu lain a han intir nghal a, Indian ho hi ka ngaina lem lo viau naa, an tuar chhel in an patling em em a, ka tih awm reng a ni a han ti sap a. Thichhawnga awm renfmg chung pawh chuan a hmelma pa hrem ala duh danah chuan pa tumruh leh zam mai mai lo a nihzia chu a chiang hle a.
Indian pa chu a lo harh chhuak ve leh tawh a. Green chuan an bul oawka an thlun Mexican pa sakawr chu kawkin , sakawr chungah sawn chuang la, he pa hian țhian dang a nei ngeiin a rinawm a, an lokal hmain in saseng thuai la a țha ang, a ti a. Indian pa chu harsa ti takin sakawtah chua a han in ham kai țawk a, Green a chuan a sakawr lamah chuan a kai phei ta a.
Green a te kal liam hnu chuan Mexican pa chu a lo harh chhuak ve a, a kuttum hum ruh chungin, kan la intawng leh ngei ang. Chumi hunah chuan El Diablo chetțhat hun a ni ve tawh ang, i la tuar nasa ang, a ti tun2 a.
Ramri an pelh hnu fe chuan Indian pa hming chu Green a chuan a han zawt a. Indian chuan, Black Feather a, Mohave lal hlui ka ni, zawite hian a lo ti sap a. Marshal chu tun hma lama Indian zinga lo cheng ge hrep tawh a nih vangin thil awmdan chu a man thiam mai a.
Putar Bordene a thattu hnu chhui chu a hlawhchham rih cuu a ni a. Lawless lam panin Green a te pahnih chu an in zui ta zel a. Thim hnuah khua an lut a. Chuvangin mite chuan an marshal oo haw chuan Indian pa khawngaih thlak tak leh Spanish sakawr nalh tak chung a rawn chuang a rawn hruai ve chu an hmu ta lo a ni.
In an thlen chuan Indian pa bu bathlarah chuan a bawk nghal thlawp mai a, a thidang zui nghal a. Pete a chu lo chhuak in Bordene a thih chung changah hepa hian eng in hnamhnawihna nge a neih ve a lo ti a. Green a chuan, chu zawng beisei duh teh suh, sakawrte hi han dah țha phawy la, hepa hi min rawn enkawlpui thuai teh a lo ti a. Green a chuan Indian pa chu pu lutin Pete a khumah chuan a mut ta a. Pete a lo lut chuan ama khum ngeiah Indian pa lo mu leh marshal in a hliam a tuam sak lai chu a rawn hmu a.
Green a chuan, han en teh, hepa hi a na hle a ni. A keah kah a ni a, vawikhatmah a rum lo, ngaihsan hmel tak hian a lo ti a. Pete a chuan a dam chhuak zo ang em? a han ti a. Green a chuan, a dam chhuak zo chek ang chu. Indian ho hi an thi hlei thei lo. Ka chhan lo thei silo a, min la rul ve leh chek ang chu maw, a han ti a.
Petea chu a vahvel dan leh thil tawh zawng2 chu a han hrilh a, Pete a chuan El Diablo nen maw in intawn a! Khawinghal bu i tawn darh lah ni a. Ngaisangtu a ngah in amah pawh arawn chapo ngang mai reng asin. Lawlessah pawh țhianțha tam tak a nei ngei ang a lo ti ha mai a.
"Hlauin ka dang lawp lawp mai," Green a chuan nuo chungin a lo tih san mai a. Peye a chuan, khawiah nge maw tualthat tupa chu a bihruk ang aw a han ti vawng vawng mai a.
Marshal chuan,"Rin ooh takin min bum kawi hneh viau pawh chu a ni mahna. Tualnah hian Lawless ah te pawh a lo tawm ve reng te pawh a ni mai thei asin. Mahse, a mak ka ti lem lo. Taka... kan mikhual pa hian chaw a nghei rei fu tawh awm a nia, eitur han ngaihtuah sak ta che," a ti ta a. Pete a pawh chu a chhuak ta nghal a.

In lo click leh vek dawn nia o.
chuan a phuai deuh mai thei a ka tye hman hmawh lutuk in chhiar leh hram ka duh sya edit lo in ka lo dah mai

[Ngaia]

SUDDEN MARSHAL OF THE LAWLESS 7

Chumi zingah chuan, putar Bordene a alo thih tak chungchangah enquiry lakna Red Ace saloon hnunglam Dance Hall an tihah chuan an nei a. Nula, Saker Pocte a te, Andy Bordene a te leh marshal te chuan an thil hriat ang chu an sawi țheuh tawh a, mahse, Green a chuan putar an thatna hmun a puakruk .45 mu ruak a hmuh te leh Mexico a a thil va tawn leh hmuh te chu engmah a sawi duh lo.
Chung mi lo kal khawm te zingah chuan Raven a pawh midang pahnih nen an lo tel ve a, chung mi pahnih te chu Green a chuan a la hre ngai lo hle mai a. Raven a chuan Green a chu a rawn pan a,"Marshal, hei hi Reuben a, Sarela Double neitu leh Soul Jevon a, ka ranch 88 foremen te nen hian in hmelhriat ve teh u," a ti a.
Pa thau zawk chuan a kut chu a rawn phar chhuak ta a. Mahse, Jevon a erawh chu a chechang miah lo va. Marshal ai chuan kum sawm vel zet a upa ni hian a lang a, pumruaah erawh chuan an in tiat hle a. Pa sațha nelh nawlh, hmai hriam hrak mai leh hmui hmul dum hlap mai hi a ni a. A hmuihmul chu a bul hle leh nghal a. A beng kawm ațanga a nghawng veilam thleng chuan ser a awm thla ruah mai a. A hmel a hmuh ațang ringawt pawhin marshal chuan chu mihring chu a ngei hle ringawt mai a.
Reuben Sarel a chuan," Hna i ngah hle dawn mai, marshal. Bordene a hi he khuaah hian mihlun a ni a, hetia amah lo thattu "Suddena" hi hrem ngei la ka duh tak meuh a ni," a han ti a. Jevon a chuan, " Chumi ti tur chuan Suddena chu i man phawt a ngai dawn a ni," a han ti a.
Jevon a vek chuan," I Indian rawn hawn saw a ni thei mai lo maw?" Marshal hnenah chuan a han ti phawng mai a. Marshal chuan," Mohave hnam niin a in sawi a. Mahse, a veivak niin ka ring a, a reng thuah engmah a la sawi țha duh meuh lo a ni," a lo ti a.
Jevona chuan, " A ho hle mai! Kawnglaia i hmuh chuan kalsan mai la a țha zawk tur! Hetiang a nih zel chuan keipawh rul tur nei, hliam tuar ka hmuh ve hunah ka la paw hawng ta ve ang. Indian vun sen bo tawh reng reng chu rukru leh dawheh tak vek a ni asin," a han ti salh salh a.
Ravena chu a lo inrawlh vat a, " Saul a hian a bawng a hlauh fo mai a, a thinchhe riau alawm mawle," tiin a lo tlip sak a. Double S neitu pa chuan, " Engpawh nise, kei chuan Indian ho hi eng atan mah ka ti ve lo. Mahse, Tape mountain vela cheng i bawng an rawn ruk peih chu ka ring thei po, mr. Raven," a lo ti a.
Ravena chuan Green a chu a office ah a hruai lut a, lehkha pakhat hi a rawn la chhuak a. Chu lehkha chu Green a chuan a han enchiang a. Sudden a man theitu apiang hnenah Dollar 1000 pek a tiamna Ravena hming sign hnan chu a lo ni a.
Chu lehkhaah chuan Sudden a hmel awmdan chu a in ziak lang lo va, mahse, a sakawr rawng te leh a ran dan te erawh chu a ziak thung a, Green a chuan chu lehkha chu saloon banga tar turin a la a, a chhuak ta nghal a.
Greena office lama akir leh a in ava thlwn chuan Black Feather a chu Pete a khumah chuan alo la mu reng a. Green a chu hmel hlim tak leh ngaihsan hmel takin a lo en a.
"Engtin nge i awm?" tiin Green a chuan a han zawt a, Black Feather a chuan, " Ka țha e," tih pahin thawh mai a han tum a. Mahse, marshal chuan a koki a lo nem pahin, hahdam takin awm rih rawh, Amigo, a han ti a. Black Feather a pawh chu a mu leh ta rih a, Black Feather a hian a theihnghilh leh tawh ngai lo ang a han ti a.
Green a chu a office lamah chuan a lut leh a, Pete a hnenah chuan, Sweet Water khaw sheriff Strade a hmu turin ka kal dawn a, dam lo hi lo enkawl ang che, tiin a chah a.
Pete a chuan, " A... lehta ngawt2 țhin a. I mihring chu nangman enkawl zawk la, sheriff chu keiman ka va hmu zawk mai ang", a lo ti nang nang a. Green a chuan, " Ni love. Sheriff chuan a lo hrechiang viau mai thei che asin," tih pahin a mit chu a han siai sak a, sakawrah chuan a zuangkai a, a tlan ta nghal a.
Pete a chuan, Lalpa zahngai thei a zarah sheriff chuan tunge a nih a lo hrechhuak em lovang chu maw...a han ti vang vang a.
Green an Sweet Water sheriff office a han thlen chuan, sheriff chuan Lawless khaw marshal chu a han thlek vang vang a, " Khawiah emaw chuan ka hmu tawh lo che maw?" a han ti phawng mai a.
Green a chuan nuisang chung hian, hmu tawh e, Red Ace saloon kawtah min hmuh tawh kha mawle. Mahse, i mi rin ang chu ka ni kher lo mai thei. Sheriff, engemaw chenah, zurui let mai mai hian Gentlemen ai chuan mi ti ti kan hre tam zawk mai thei a nia. Mite chuan," Hetiang zurui hian engmah an hre lo ang," tiin pawisa lo takin ka hriatah thuruk an sawi mai țhin a ni," a han ti a.
"Chu, marshal hna thawh chu i lo tum sa reng tawh a ni maw?" Sheriff chuan a ti a. Green a chuan, "Ni e. Tuna mi tu emaw, Sudden a inti hi zawn chhuah ka duh avangin, marshal hna hi ka thawk ta a ni," a han tih chuan Strade chuan makti fe chung hian," Chu, tuna helai vela misual kawhmawh bawl pa hi Sudden a tak tak a ni lo ve, i ti elo?" a ti hu a.
"Chu chiah chu a ni e," Green a chuan a lo ti ban chat a. A ipte ațang chuan lehkha phek a rawn phawrh chhuak a. Sheriff chu a han hmuh a, sheriff in lehkha a han en chuan, Sudden a man thei apiang hnenah dollar 5000 Texas ram Foutways khaw sheriff in a phal tih inziak chu a han hmu ve a. A landan chuan Sudden a chu, tlangval la naupang tak, sam dum, mit dumpawl, cowboy thuam a inthuam, silai pahnih pai leh sakawr dum lian tak, a hmai leh ke hmalam pakhat zawk hnunglamah avara rang chunga chuang a ni a. Green a chuan," Tah kha chuan Sudden a tak tak sakawr chu a ke hmalam pakhat zawk hnunglam ah varin a rang a. Mahse Eames a sawi dan chuan helai Sudden a sakawr chu a ke hmalam pakhat zawk (ngalchar) ah a varin a rang ta si a. Ani lomni?" a han ti a.
Strade a chuan, a ni maw, chutianga ka lo hre chhuak lo chu ava mak em! Tu emaw chuan thiltih sual a nei tihna a nih chu, a ti a. Green a chuan," Ni e. Chu chu, hepa in lambun ching hi a ni. A sakawr rawng hnawih chu a ni lo laiah a hnawih palh a ni," a lo ti a.
Chutihlai chuan Strade a chuan pawna marshal sakawr dum chu ava hmu a. A hmel chu a danglam hman deuh viau a. Mahse, Green a chuan, awle, sheriff, engkim fiah takin ka hrilh ang che. Tuna pawna inthlung sakawr dum, a hmai leh ke hmalam pakhat zawk hnunga avara rang saw Suddena sakawr dik tak a nih saw, a ti ta a.
Chuveleh, sheriff hmel chu a lo danglam zo ta. A hma lawka hmel hlim tak kha thinrim hmelin a rawn thlak a, a kut dinglam dawhkan chunga a dah chu a khel sir dinglam ah a thlak thla a, inring takin Green a chu a en ta ran mai a.
Mahse, Green a erawh chuan pawisa awm lo takin mei a han zial a, sheriff chezia chu engah mah a ngai duh der lova. "Tum duh ting suh, sheriff. In draw ah na na chuan mi khalh hauh lovang. Sudden a chu ka ni ngei alawm....."
".....Helai velah hian midang, ka hming mawi lo taka lo tithang tu chu zawng chhuak turin ka lo kal a ni. Tunhma pawhin a ni fo țhin a. Mithianghlim sualna nei lo chu ka inti hauh lova. Mahse, rukru erawh chu ka ni lo. Tin, mi silaia min tin hmasa zawktu te lo chu ka kap ve ngai lo a ni," a ti ta a.
Strade a chuan a hmaa ding tlangval, hlauhna tlachham ve hmel tak, mahni nihna zep thei hauh lova inpuang chu a han en vang vang a. Chutah Green a chuan lehkha dang a rawn phawrh leh a. Chu lehkha Stradea'n a han en chuan sawrkar lehkha pawimawh tak a ni tih a hre mai a.Lehkhaah chuan James Green a chu Governor hnuaia Deputy Sheriff hnathawk a ni tih a chuang a. Governor ngeiin a hming a sign bawk a. Tahzet chuan Green a chu lehkha a pek kir a, chibai a buk ta a. I thusawi te chu ka ring e, a ti ta a.
Green a chu a kiai sak a, ka țhianțha tak tak te pawhin, mi dawheh tak i ni e, min ti fo reng a ni. Thudang a lai chuan heng lai velah hian Pattersona emaw, Webb a tih hmingpu emaw i hre tawh mial em? a han ti a.
Strade a chuan lu thin pahin. Chung mite chu eng atan nge i tih? a han ti a. Green a chuan, an dam rei lutuk tawh tih ringawt in a chhang a. Sheriff Strade a chuan, Bordene a kha pa rilru tluang leh fel tak a ni asin mawle. Silaimu ruak pahnih kha i chhar a ni maw? tiin a han zawt hu a.
SUDDEN MARSHAL OF THE LAWLESS 8
Lawless khuaah chuan marshal thar chu titi tui ber a ni ta. Rusty-a leh Lesson-a alo sawiak dan te leh a țuan ran zia te chu miten sawi nuam an tih ber chu a ni. Buaina thawm riva pawh hriat tur avang ta pharh mai.
Indian pa pawhin ngai a rawn awh leh țan tawh a. Mahse, Green a te chu kalsan a tum hmel loh khawp mai. Zan lamah chuan chokaah a riak mai a. Green-a chuan pheikhawk Moccasin leh puanthuah te leh thawmhnaw hlui te a pe bawk a, ani tan chuan a tawk viau a ni.
Indian pa chuan choka te a thianfai a, thingtuah te laiin eirawng a bawl fel vek țhin a. Pete-a chuan Indian pa chezia chu mak a ti tawp thei lo.
Nikhat chu Green-a chuan Black Feather a ruai in Bordene-a an kah hlumna Old Mine chu ava fang kual leh a. Black Feather-a hnenah chuan engkim a hrilh vek a, ruahte a la sur lem loh avangin sakawr hniak te pawh chu alo la lang chiang viau mai a. Black Feather-a chuan chung hniak te chu ngun zetin a han en vel a, a sakawrah chuan a lawn kai a, " Ka hmuchhuak ngei ang," a ti nghut a, a kal ta daih a.
Tlai thim dawn ruai chuan Black Feather-a chu alo kir leh ta a. "Ka la hmuchhuak rih lo," a ti ringawt a, choka lamah chuan a phei a.
A tuk zingah chuan Indian pa chu a lo bo daih mai a. Tlai lamah bawk a lo kir leh a. Green- a hnenah cuan,"Ka hmu chhuak ta," a rawn ti a.
Chumi hnu lawk chuan Black Feather-a, chu choka chhuatah kawmawl hnuaia tui taka a muhil chu Green-a leh a deputy te chuan an va hmu a, a mut lai pawhin a silai roh em em chu a bulah a dah reng a. Green-a chuan," A hah bawk hle ta ve ang. Ava hmuchhuak tak zet em ni ang aw..." a han ti vang vang a. A Deputy chuan, " Naktuk lamah a entir dawn che a ni chek ang, ka lo kal ve te hi a țul ang em?, Green-a hnenah chuan a han ti a.
Green-a chuan, kan pahniha kal chu a ngai hran lovang. Nang chu hetah hian i lo awm dawn nia, a ti a.
Ni chu a la chhuak lo nain kawl chu a eng viau tawh a. Marshal leh Indian pa chu an chhuak ta a. Khua an pel chauh tih chuan Indian pa chuan Topee Mountain lam panin a hruai ta a. Mual dam diai, vaivut leh hnim te te awmna hmunah chuan reife an tlan dun a.
Black Feather-a chuan a hnu chhui chu a chhui fuh dawn ngei niin Green-a chuan a ring tlat a. A hmaa a lo rin rilruk sa tawh ang ngeiin tualthattupa chuan ramri chhung lut phawtin a lo kir leh a, America ram chhungah bawk alo lut leh a ni tih a chhui chhuak ta a, tualthattupa chuan a lo bum thiam ang reng hle mai.Chu tlang hnuai lamah chuan kawr ruam thuk tak Pine thingin a khuh chuk hmun chu a awm a, chumi chung lamah chuan lungpui tohlawt sang pui pui a awm khup bawk a. Chu kawr ruam lam an rawn thlen phei chuan Indian chuan lui te khawkrawk tak dung chu a zawh pui zel a. Furlong hnih lai mai luidung an zawh hnu chuan Indian pa chu vei lamah a inher thut a, thing buk zingah chuan a pil bo ta daih a.
Marshal chuan a zui zel a, an hma lamah chuan lungbang sang tak hi a lo awm ta a. Indian chuan a hruai zel a. Chumi hnu deuh chuan lei kak, chu lungbang ka tlang theihna tur lai chu an va thleng ta a.
Han en mai chuan hmuh pawh a har hle a. Chu kalkhan chu thinga siam Gate hlui tawh takin a lo dang a, chuta an han luh chuan hmun zawl Acres 12 vel tur awm hi a lo awm a, a vel chu lung bang sang pui pui in a hual vel a, hnim hring pawh a țo duah hle a ni. A kil tawpah chuan sakawr dum hi a lo tla a, a luhna tawn tirh chu leichar a ni a, chung leiah chuan sakawr hniak a tam hle a, hniak țhenkhat te phei chu Green-a pawhin a hmu a, hniak dang tê deuh pawh a awm nual bawk.
"I ti țha hle mai," Green-a chuan a han ti a, a hruihrual chu lain sakawr dum chu a han phih awk a, a han enchian chuan a chal leh a ke hmalam pakhat zawk chu a var hian a rang a.
"Hei ngei hi a nih hi. Kan tih leh tur chu a neitu zawn chhuah a ni ta," a han ti a.
Mahse, Black Feather-a chuan," Hetah tumah an awm lo. Ka en vek tawh," a lo ti a. Marshal chuan, " Chuti anih chuan, thil sual tih dawn chauhvin he sakawr hi a hmang a, sakawr dangin in lamah a haw leh țhin a nih dawn chu. Engpawh nise amah chu a awm hle hle hauh lovang," a ti ta a.
Gate chu a awmdan pangngai ang chiahin an dah a, Green-a chuan Indian pa chu engmah sawi lo turin a hrilh vek a, a haw tir ta a. Ani erawh chu khawchhak lam tlang hrul zelah chuan a kal thung a.
Thui a kal hmain bawng rual awmkhawm hi a va hmu ta mai a. Chung bawngte chuan eng chhinchhiahna nge an put tih en tuma a kun lai tak chuan a lu chungah silaimu chu a rawn ving ta fua mai a. Aw țeng leh pherh zet hian, che hlek suh. Ka hmeh per leh hun chuan i thluak kha a phirsi viau ang, a rawn ti țhat țhat a.
Mahse, Marshal chuan engmah pawh a ngaihtuah sak hman lo. A sakawr chu silai ri hlaua a talbuai nasat em avangin thunun tumin a buai nasa mai a, a han thunun theih hnu chuan a han hawi chhuak a. Silai a lo tin reng tu chu a han en a. Lesson-a a ni tih chu a hre nghal mai a.
"Aw khai... khi chu Mr. Wild Bill Hiccup a ni reng mai. Silai kau sa lehnghal in... min ti hlau hman țep alawm mawle! Engtizia nge khatia ka sakawr i rawn tih thlabar vak mai?" Green a chuan ngaihsan loh hmel takin a han ti a.
Chupa chuan a lo en ran a, a silai cheng chu a kut chuan a khawih ran reng mai a, hmeh per mai hi a han tum a, mahse, an inngaihtuah chiang a, marshal chu, "Ravena rawih a ni si a" a ti rliru a. A reng thuah silai chu phawi chhuahsa in hum reng mahse marshal chu a awm mai mai lovang tih a hrechiang ve si a, puakruk chu a bawmah a khung leh ta zawk a.
Lesson-a chuan," Tunge i nih ka rawn hre thei lo che alawm. Engtizia nge kan bawng kha khati taka i en vel kha mak ka ti em a ni," a han ti a. Marshal chuan, i bawng maw? tiin a lo zawt let a. Lesson-a chuan, ni e. 88 ah hian ka thawk a ni, a ti a. Green-a chuan," Ravena ranch a ni tak maw kha? Engtia zau nge a nih reng reng chu le? " a han ti leh a. Lesson-a chuan, a chhak lam melthum vela hlaah chuan Ranch chu a awm a ni tih a han hrilh a. Marshal chuan," Tunge hman zan khan rawn fuihpawrh che?," a han ti a.
Lesson-a chuan," Ka țhiante mai mai mawle. Fiamthu mai mai a nih kha," a han ti hluk a. Green-a chuan," I nui nasa viau bawk maw?" tih pahin a kalsan leh mai a.
Marshal chuan a han ngaihtuah zui neuh neuh a. "Lesson khan min kah fuh a tum ngei mai a, mahse, a themtlaw deuh a ni," a ti rilru a. Marshal in office ava thlen leh chuan Pete-a hnenah a thil hmuh zawng zawng te chu a hrilh ve vek a. Pete a chuan, "Lesson chu mifing vak a ni lo va, chuvangin, SUDDENA chu ni theiin ka ring lo," a ti a. Green-a chuan," Midang, thil ruahman vel tu leh amah aia fing zawk an awm a ni," a ti a.

[Ngaia]

SUDDEN MARSHAL OF THE LAWLESS 9
Lawless khuaah chuan buaina a chhuak khat tawh bawk a, mite pawh an thaw a veng sawt viau mai. Marshal mizia chu miin an hre chiang deuh deuh a, cho mai mai chi a nih loh zia an hriatin han inti pawr deuh pawh an vang pharh ta mai.
Nikhat chu Andy leh Tonia te pahnih chu dawr kawtah an inhmu fuh hlauh mai a. Andy chuan," I dam em, Tonia? Engti turin nge i lokal?" a ti a. Tonia chuan," Thil engemaw lei turin ka lo kal lawk a nih hi. Double S ranch an i va lo leng khat ta ve?" a han ti let ve a.
A pa thih ațangin Andy chu a lengchhuak ngai meuh lova, Ranch ah tihtur a tam avangin Tonia pawh a hmu hman ngai meuh lo a ni. Andrew Bordene a kha pa ngaihsam ve tak, rinawm tak si hi a ni a. Midangte a ring thei em em bawk a, a thil puk leh bat te pawh a ziak ngai lo. Miin an bat sak pawh ' Chumi hunah ka rul ang che' an tih chu a ring tawk mai a. Ziakin engmah a chhinchhiah ngai chuang lo. Chutiang a nih avang chuan Andy tan pawh thawh tur a tam lehzual a, a vak chhuak hlei thei lo a ni ber mai.
Tonia chuan, "Andy, puih theihna che ka neih...." a han ti hman chauh a, kawtlaia a thil hmuh avangin a thusawi lai chu a tawp chawt a., Andy a pawh chuan, "Ekhai! Circus pawl an lokal emaw ni chu le?" a lo ti ve a.
Chutih lai chuan kawttlerah chuan sakawr chungchuang tam fe hi an lo lang a. An hotupa, Spanish sakawr chunga chuang chu a inchei nasa kher mai. Chutianga inchei chu Lawless khuaa mite chuan an la hmu ngai lo a ni.
Lukhumparh hlai zet hi a khum a, a chhipah chuan peh buk sen hi a tar a, kekawrtlawn dunpawl hi a ha a, a kekawr sirah chuan rangkachak ni awm tak rawng eng tle fahran mai hi a bel tuar a. A spurs te chu tangkarua a siam an ni a, sakawr zin leh lakam te pawh chu tangkarua a cheimawi vek an ni. A zuitu mi paruk vel chu Mexican hlir an ni a, an inchei uar ve tehchiam lo. Mahse, hriamhrei chi hrang hrang erawh chu an ngah hle a.
Kawngsira ding mipakhat chuan, " Ava par nasa em! Tunge maw anih chiah chu le?" a han ti a. A bula mi chuan, El Diablo anih saw. Kan ramchhungah hian engti tura lokal tak ni maw? A sakawr saw khawi ațanga a ruk nge ni ang aw....? a lo ti ve bawk a.
Andy chu ring fe hian a han nui a, a nui ri chu hriain Mexican pakhat chu a rawn hawi phei a. Andy bula ding Tonia chu a rawn hmuh chuan a sakawr tlan lai lakam chu a pawt vak a, Andy te bulah chuan a rawn phei ta a. Mexican pa chuan a lukhumpharh hlai tak chu a han phawk a," Moraga ka nia, he nula hi min hmelhriat tir rawh,"Andy a hnenah cjuan a ti ta a.
Mexican chuan nula chu it hmel zet chuan a han melh cel a. A hmui chu a liak huh a, a thil tihdan chu Andya huat zawng tak a lo ni kher a, Mexican hnenah chuan," Tunge i nih pawh ka hre ngai lova, hriat pawh ka chak bawk hek lo," a han ti ngat a.
Chu Mexican chuan thinur deuh hian, " Senor hian El Diablo hi a lo hre ve tawh țhin em le?" a han ti a. Andy a mitmeng chu a hmuhin, "Ni e, Senor, El Diablo chu ka ni," a han ti vei nghut a. Andy chuan El Diablo chu ngun deuh hian a han thlek a," I nih ngei tak hi le!" a han ti a,
Tonia banah chuan vuanin a kal pui ta a. Chuti taka a pawisak loh avang chuan El Diablo chu a thinrim kher mai. A kawnghren kara puakruk chu phawi mai a rilruk deuh a.Mahse, puakruk a hmeh puah si chuan nungdamin a chhuak bik hauh lo ang tih chu a hrechiang si a. Tichuan a sakawr chu a pawt her sawk a, a hote hnen lamah chuan a tlan phei leh ta a. A thinrim em avang chuan a kawrhak hnuaia hruihrual a vuakna hliam a tuar te pawh kha sa huai huai in a hre hial a.
Kawngsir ațanga thil awmdan lo hmutu pakhat chuan , kan Mexican pa chu Andy a chuan a ti thinur kher mai. Seth Ravena rawn hmu tura rawn kal a nih hmel hle mai, a ti a. A ring dik viau a ni.
El Diablo leh a hote chu Red Ace saloon kawtah chuan an ding ta a. El Diablo chu a sakawr ațangin a lo chhuk a, a hote chu a han hui a, inchhungah chuan an lut ta a, a hote pawh chu an chipui, Miqual a in panin an kal ve ta nghal a.
El Diablo leh Ravena chu Ravena office chhungah chuan an țhu dun a, El Diablo chuan sikret dum lian zet hi a pet a, a khat tawkin zu chu a lem deuh reng bawk a. Ravena chuan a thusawi lai tih tawp nan," Chutiang chu thil awmdan a ni a, bawng zanga rual emaw, a aia tam zawk emaw pawh a ni thei ang. Bawng khelah chuan ka ranch chhinchhiahna a inchhu dawn lo. Ka leiba min rulh nana min pek ani dawn a, engpawh nise, ramri piah lam a,an luh tawh chuan tu ranch chhinchhiahna pawh chu pu se, va pawi ka ring tawh chuang lo," a han ti a.
Ravena thil lo ruahman dan chu El Diablo chuan a hrethiam em em a, a han nui suk a. Tunhma pawhin hemi te pahnih hi an lo indawr fo tawh țhin ang tih chu a rin theih mai a. Tunhma kha chuan Ravena hian ama bawng a hralh țhin a ni. El Diablo chuan inngaihtuah khun fe chungin Ravena chu thil pakhat a han zawt leh a.
Ravena chuan, "Tonia Sarel a nih dawn chu. Double S ranch neitu a ni. A pa chu hman deuh khan an that a ni," tiin a chhang a. El Diablo chuan, " A nalh ngawt nia, nalh tak a ni," tih pahin dawhkanah chuan S tih chu a han ziak a. S lai chu a han rin chho a, 8 ah alo chang ta a.Ngeiawm zet hian a han nui a, Ravena chu a melh rulh a, a nalh ngawt mai, awmze nei deuh hian a han ti leh a. A thusawi chu Ravena chuan a ngaihsak țha duh tlat lo. Chuvang chuan El Diablo chuan, mipa kha tunge ni? tiin a han zawt leh a.
Ravena chuan, "A pian hmang i han sawi ațang khan Box B neitu, Andy Bordene a nih ngei ka ring," a ti a. El Diablo hmel ngeiawm fahran chu a han en a, thinrim lo tura insum chu har a ti sawt hle a ni. El Diablo chuan," Andy a pa kha lak bo in a awm ve tho ani maw kha? Tun țuma kan bawng khalh tur chu Box B hian a tum dawn ani maw?" a han ti a.
Ravena chuan," Moraga, i tel lohna turah chuan inrawlh ve lo mai teh. Lawless khaw neitu ang maia i hote nena in lo lut ngawt mai hi i tisual hle a ni," a ti ta a. Diablo chuan, "Uicho ang maia a ruka lo lut leh chhuak leh mai turin min beisei em ni, Senor? El Diablo ka nih hi," chapo zet hian a han ti a.
Ravena chuan,"El Diablo inih vang tak chuan alawm fimkhur tura ka hrilh che ni. In ram chhungah chuan Akpui tlukin i lal pawh a ni mai thei. Mahse, ramri piah lamah hi chuan ak zathnih tluk leka hniam i ni. Thil țha i hriat duh chuan a theih anga rang in in ram chhungah lut leh rawh," a ti a.
El Diablo chuan," Moraga hi a tlanchhe ngai lo. Tlai thlengin hetah hian ka awm dawn," a lo ti a. Ravena chuan dar chhin ak pahin, i thu thu le, a ti a. El Diablo chu tirh haw pawh a tum duh ta bik lova. Buaina a awmlo pawh a ni mai thei. Mahse, Lawless khaw awmdan hi a hriatchian em avangin El Diablo chu haw thuai se Ravena duhdan a ni.
Ravena office ațanga a chhuah hnu reifeah chuan El Diablo chu Red Ace saloon ah chuan a lut ta a. A hawi her reng reng chu a chapo in, a inchei nasa bawk a, țhenkhat chuan an nuih ru tet tet a. Ravena hote tlem te chauh chuan an lo be ve a.
El Diablo chuan bar dawhkan lam chu a pan phei a, inchhungah chuan marshal leh Pete a te pawh an awm ve a, an lo titi tui lai tak a nih avangin El Diablo lo lut lai chu an lo hmu lova, bar bul a thlen dawn lai takin El Diablo chuan marshal chu a rawn hmu ta a, a ding chut a, reivak lo chu a han ding a, a puakruk chu a phawi ta mai a.Chutih lai tak chuan, El Diablo kawr hak chu Sudden a chuan a hmu ta a, rang deuh maiin Pete a chu a nam per dawrh a, a kawngbawr dinglam chu a khu nghal lawih a, Suddena puakruk mu chuan El Diablo puakruk hum lai chu ava deng per ta nawlh mai a. Mahse, El Diablo chuan a kawngbawr veilam a puakruk chu phawi leh ala tum ta fo a.
Mahse, Sudden a chuan," Che tawh suh" tiin vin zet hian a vau ta a. Thinrim teh mahse marshal vauna chu ngaih nep chi a ni lo tih El Diablo chuan a hrethiam ve nghal mai a. Puakruk chu phawi mai lovin reilote a han tawi muang rih a, chutihlai chuan a hnunglam ațangin mi pahnih hian an rawn chelh bet ta a.
Chutia an buai vel lai chuan Ravena a lo thleng ve ta a, engtizia nge? tiin saloon chhunga mite chu a han zawt a. Thil awmdan an han hrilh ve hnu chuan Ravena chuan marshal hnenah chuan,"Keiman ka ngaihtuah ang," a han ti a. El Diablo chu thlah turin alo chelh bettu te hnenah chuan a han hrilh a. A office lamah chuan a hruai ta a, kal pah chuan a hrilh ru mawlh mawlh a.
Ravena chhuah hnu chuan cowboy ho chu an in en a, Ravena chet dan vel chu mawilo an ti hle a. Mexican pa rawn chet duh dan pawh chu anmahni pawisak lohna angah an ngai a. Dawr nghaktu pakhat Loder a chuan," Marshal, Mexican khan eng vanga kah tum mai che nge a nih?" tiin a han zawt a. Sudden a chuan, ka badge hi a hmu aniang, nui chungin a lo tihsan mai a, an zawt sei duh ta bik lo a.
Ravena office an luh hnu chuan El Diablo chuan marshal nena an intawn tawh dan zawng zawng chu Ravena a hrilh ta vek a. Ravena pawhin rilru nawm lohna tak a nei ve a. El Diablo thinur lutuk chi pindan chhungah chuan a vei lauh lauh mai a, ka la that ang. Ka that ngei ngei ang, tih pahin marshal hrawka rek tur ang maiin a kut te chu a han phar kual vel a.
Ravena chuan, that suh ka ti lo che a, mahse, tun hunah leh helai hmunah hi chuan i that thei lovang. Marshal a ni si a, i chet dan ațang ngawt pawh khan khaw mipui te hian an țan lo tawp che a nia, an thawm chu han ngaithla teh a ti a.
An awmna sir saloon chhunga cowboy ho in hrosa thawm chu office ațang chuan a hriat theih a. Ravena bawk chuan, ka mikhual chu ni lo la tunah hian hrui hmawrah țanchhan nei lovin i nghawngin i uai tawh ngei ang. Chuvangin kawngkhar hnunglamah hian chhuak thuai la, ramri piah lam panin tlan thuai ang che a ti a.
Thinrim teh mahse Ravena thusawi chu a dik ani tih El Diablo chuan a hrechiang a. Chuvangin, kohna hmu a Ravena office chhunga Suddena va lut chuan El Diablo chu ava hmu hman ta lo a ni.
Țhuttlenga țhuin Ravena chuan," I Indian khawi zet chuan min ti buai hneh kher mai. Engtiziaa mikhual te kap mai nge i nih chu le? tiin marshal chu a han zawt a.
Sudden a mitmeng chu a nelawm loh kher mai. Aw chang fek fawk hian, ngawi teh Raven, Mexican rukru in puakruk a min kah hnu a him taka chhuah tir leh mai tur a min ring a nih chuan i ring sual hle ang. Engpawh nise, kan mexican pa kha i țhian a nih ka lo hre ve lo a ni, a ti a.
Ravena chuan, ka țhian a ni awzawng lo. Rel awmna hmuna va khalh kher ngai loin ka bawng a lei țhin a, ka awlsam phah hle a ni. Chubak inzawmna dang kan nei lo. Engpawhnise, chu chu ka sawi tum a ni a, Mexican khan țhuih hruai za aia tam a nei si a, lokal lehin khua hi rawn run ta mai se engtia tih nge i tum dawn? a ti a.Ravena chuan a lu a thing a, Sudden a pawh chu a chhuak ve ta a. Suddena chhuah hnu chuan Ravena chu a in ngaihtuah nasa in a thin chu a rim hle a. Marshal chu a haw hle tawh a ni. Amah ruaitu a nih avang pawh chuan a inhaw tel bawk a ni. Marshal tur ruat tu ni ngawt mahse chhan țha tawk a awm loh chuan a ban leh mai thei lo ang tih chu a hrechiang hle si a.
El Diablo nena an intih buai ațang ngawt pawhin Lawless mipuite chuan an marshal chu an ngaina in an ngaisang leh zual em em dawn tih Ravena chuan a hre reng a. Reife a in ngaihtuah hnu chuan a tho a, a thil ngaihtuah avang chuan a hmelte chu a thim ruih mai a.
Box B ranch cowboy chen khawmna in ațangin ral khata sakawr chung chuang lo tlan chu Rusty chuan ava hmu a,mulukawlh a ni maw? A hming Mulukawlh anih ang bawkin a an pawh a ang tak zet in ka hria, a ti rilru a.
Ranch kawt zawn a thlen chuan Ravena chuan, a sakawr a ti ding a. Rusty a hnenah chuan, "Ka ring" tiin a, zawhna tluk zeta chhum tawi chuan alo chhang ve ngat a.
Ravena chuan Rusty a chu a tlan pel a, ranch in kawt zawnah chuan a sakawr chu a tiding leh a. A kohna hriain Andy chu inchhung ațang chuan a lo chhuak a, lo leng rawh Seth a lo ti a. Ravena chu sakawr ațanga chhukin ranch in chhungah chuan a lut ta a, an țhut muan hnu chuan Ravena chuan in leh a chhehvel ram te chu a han enkual a.
Andy, in leh lo i nei țha hle mai. Dik tak chuan Andy a ram hi awhawm khawpa țha a tling ve reng a ni, henglai tui vanna hmunah si hian a ram chhungah luite a luang bawk a, bawng peh tur hnim lah chu duhthusam in a țha si a. I ram hian Double S ram ava khawih teuh hle in ka hria , Ravena chuan a han tih zawm leh a.
Andy chuan, kan chhak lam ramri hi a thlang lam ramri a ni mai a, a lo ti a. Ravena chuan," In ram ti puitling tur hian i pa khan sum a seng hnem viau in ka ring. Ranvulha sumdawn hi a hautak hle a ni tih tunah ka hrechhuak ve ta a, Jevon a theihtawpa i hren chunga a enkawl pawhin 88 hian ka pawisa a ei ral zel mai si a, ka harsa ta deuh si a, chu chu ka lokal chhan ber chu a ni", a ti ta a.
Andy chuan thil awmdan chu a hrethiam mai a, i pawisa ka bat kha min țhing turin i lo kal a ni maw? a ti a.
Ravena chuan, ni zel e. Chu mai chu a la ni lo deuh.... Tun ang hun khera han nawr che hi chu ka hreh ve hle a, mahse, ka mamawh ve miau mai si a ni. I bat chauh kha chu nilo in i pa pawh khan min bat sak ve a ni, a ti ta zel a.
Andy chuan," Ka pa in i pawisa a lo ba ve a maw?" makti fe hian a han ti a. Ravena chuan a ipte ațangin lehkha hi a rawn phawrh a, Andy pek pahin, "Han enchhin ve teh," a ti a.Andy chuan chu lehkha chu a han chhiar a, a pa leibatna lehkha chu a lo ni ngei a, a pa hming ziak pawh chu a awm bawk a, dollar 15000 zet ba angin a lang a ni. Mahse, thu a in ziak engmah a awm loh avangin bial pahnih pawh chu Ravena a chuan lo telh belh pawh nise hriat chhuah a har tur zia chu Andy chuan a hre mai a.
A pa leibatna lehkha chu a han thlek vang vang a, a rilru chu a hah kher mai. Mahse, a inthup hram hram a. " Ka pa leibatna lehkha ngei chu a nih hi. Mahse, ka pa khan chuan engmah min hrilh hauh lo mai a, bawng sangkhat vel khalhkhawm tir ka lo tum mek a, zanga dang khalh khawm belh a țul dawn a nih chu. Bawng leitu chu ka hmu maiin ka ring a. Bawng ka hralh theih chuan dollar 30000 vel chu ka hmuh theih ka in ring. Chuta țang chuan ka rul dawn che a nia, a ti a.
Lawless khaw pana Ravena haw chu a hlim kher mai. Andrew Bordene a khan, a fapa Andy a hnena leiba a neih thu a hrilh loh a ring reng a. Chuvanga leiba pawh kha ziak pung ngam chu a ni. A la hlawhtlin zui avang chuan a hlim haw reng a ni.
SUDDEN MARSHAL OF THE LAWLESS 10
Topee Mountain vela nilenga an vah kual hnuin Sudden a leh Pete a chuan inlam haw zai an rel ve ta a. Thil han hriat thar tehchiam an nei lova, sakawr dum lah chu a tlatna ngaiah bawk a lo la tla mai mai si.
Sakawr emaw, mihring hniak thar emaw pawh hmuh tur a awm bawk si lova, Suddena chuan," Engmah kan thawk ko lo na a, bansan rih a țha ang. Ka theih loh thut palh takin sakawr dum awmna hi hre ve la ka duh mai a ni," a ti a.
Hmarlam ram pana bawngrual kalna kawngpui zawn an va thlen lai chuan ni chu a tla lek lek tawh a. Ralkhat hla feah chuan Lawless khaw zawn ațanga vaivut lo khu phei chum chum chu an va hmu ta a. Pete a chuan, "Bawng rual an nih dawn saw. Andy a bawng a nih ka ring," a han ti a. Sudden chuan, a ni ngei ang tih pahin van lam a han enkual a.
"Thlipui a tleh dawn a nih hi. Mel 20 lai kal tur kan la nei si a, Andy a te ranch a riah mai ka thlang zawk a ni," a han ti a. Pete a chuan," Kei pawh. E heu! Andy a te chuan bawng rual chu an khalh chak kher mai. Thlipui lo thawk tur hi an hmu ve a ni ngei ang," a han ti hlut a. Reivak lo hnu chuan bawng rual zinga a hmahruai te pawh chu Suddena te pahnih chuan an hmu thei ta a.
Bawng rual khalhtu zinga cowboy pakhat chuan vaivut khu kara cowboy pahnih sakawr chung chuang chu ava hmu a, a puakruk chu a phawi chhuak nghal a. Sudden a chuan, "Andy, chaw eitur tih mai loh chu engmah ruksak che kan tum lo. Lawless khua hi hla kan ti ta thut a, i hnena riah mai kan lo tum asin," a han ti a.
Andy pawh chuan marshal leh Pete te pahnih chu a rawn hrechiang thei ta thuai a, "Bawng enkawl tur kan ngah si a, buaina kan tawh hlauh pawhin puitu pahnih kan neih belh tihna a ni mai a, a lawmawm ngawt a nih chu," a ti ta a.
Bawng rual an liam zawh hnu chuan sakawr chungchuang leh eisiamtu tawlailir te pawh chu an lo thleng ta zel a. Marshal chuan, "Bawng i nei țha hle mai," a han ti a. Andy chuan, "A țha thlankhawm an nih hi. Pawisa ka mamawh si a, an lei duh ngei tur ka thlang khawm a ni," a lo ti a.
Sudden a chuan, "Khawiah nge camp siam i tum dawn?" a ti a. Andy chuan, "Sawlai velah sawn hmun remchang deuh mai a awm a, ruam, melkhat vela zau a ni a, thing hmun a ni nghe nghe a, hnim peh tur a tam bawk si a. Dil pakhat a awm nghe nghe asin. Chu dil chu a mak ang reng hle a, fintu lui a awm silo a, hna a neihna awm reng ka hrethiam lo," a ti a.
Pete a chuan, " I hman tura siam bik liau liau a nih dawn chu," a lo ti fiamthu a. Andy chuan, "A ni maithei. Mahse, remchan lohna tak mai a awm ve tho mai. Chulai hmun ațanga helam hnaih hretah hian chirh dum hmun a awm a, bawngrual chu an stampede a, helam pana an tlan vaih chuan kan chhe vek a ni mai," a ti a.Sudden a chuan, "Chirhdum hmun i tih chu Quicksand i tihna em ni?" a lo ti a. Andy chuan, "Ni e. Quicksand ka hmuhah chuan a la mak ber hial awm e. Han en thuak chuan thlaler vaivut ang mai hi a ni a. Mahse, hnai tak a țanga en chuan chhunglam ațanga ti chetu awm ang maiin a che țual țual a, kut han zen luh chhin ngawt pawhin pawttu awm ang maiin mi a hip zel a, bawng an tlak luh palh hlauh chuan chhan chhuah ngaihna a awm lo reng reng ang," a ti a.
Reivaklo an kal hnu chuan an riahna tur hmun chu an va thleng ta a. Bawng rual chu tui an intir hlawm a, cowboy sawmpahnih velin an khalh khawm a, ruam kil tawp lehlamah thung chuan chaw chhumtu in mei a chhem a, eitur a buatsaih ve mek bawk a.
Reivak lo an awm khawm hman chauh tihin khawpui ri an hre ta a. Ngaihțha lo tak chungin van lam an han en a, chhum dum chhah pui mai chu chak deuh hian a lokal a, arsi te chu a rawn hliah zo ta a. Reiloteah ruah mal alo tla țan ta mai a, Andya chuan, "In ring rawh u, thlipui a lo thawk ngei dawn e," tiin a hote chu a han hrilh hlawm a.
Cowboy ho chuan țhelret kawr an ha sang sang a, sakawrah an zuang kai a, thli chu a lo na telh telh a, khawpui ri pawh chu a ring sawt hle tawh a. Andy chuan, "Bawng rual hian he lam hi rawn pan an tum phawt chuan kawng hnawh ping turin a hmahruai tam tawk chu lo kap hlum ila a pawi miah lo. An phili țan ta deuh niin a lang," a ti ta a.
Bawngrual ho chu thlaphang tih hriat tak hian an bu vel chuah chuah tawh a, a vengtu paruk te chuan an ven zawh loh pawhin Andy a chuan midang tirh belh a tum chuang lova, helai hmuna lo ven hi țul in a hre tlat si a.
A hote hnenah chuan, "Hmarlam pan a an tlan chuan a pawi tehchiam lovang, kal pahin kan khalh khawm leh thei mai ang," a han ti a. Chutih lai chuan kawl a lo phe zawr zawr a, khawpui chu ring deuh mai hian a ri zui a, ruah a rawn sur a, rial a lo tla tel ta chiam mai a, cowboy ho chuan theihtawp chhuah in bawng chu thunun an tum hram hram a.
Rial tla leh ruahsur pawh chu an pawisa zo tawh lova. Bawng rual chu stampede vak mai dawnin an hre si a. Mahse, an stampede lawk tak si lohah chuan Andy a chuan, "Kan vannei dawn a ni awm e," a hote hnenah chuan a han ti a.Thlipui chuan reh lam a pan leh ta deuh a, kawlphe leh khawpui ri te pawh a fan leh ta deuh a. Bawngrual pawh chu an zam hle hian a lang a. Mahse, tlanchhiat tum lem lo chuan an bial khawm tup tup a. Chutihlai chuan awfiak ring em em mai leh rapthlak deuh mai hi an hre ta a. Barsay Pete a chuan, "Apache ral beih khek anih chu. Engtizia ta mai nge ni ang le?" a han ti a.
Vawikhat a han khek leh vak a. Puakruk ri chuan a zui nghal a. Chumi hnu lawkah chuan cowboy ho chuan bawngrual tlan ri hum hum chu an hre ta a. Andy chuan, "An stampede a ni ta ngei mai. Intlar ula, a rawn tlan hmasa apiang chu lo kap thlu mai ula, chu chuan a dan theih loh erawh zawngin kawng in lo kian mai dawn nia, a nih loh pawhin bawngrual hmaah chuan in tlanchhe mai dawn nia," tiin a hote chu a han hrilh hlawm a.
Ruahsur chu a han fel tawh a, thli pawh a reh tawh bawk a, an lam pana bawng rual rawn dum phei khup khup chu an hmu a, bawng hmahruai te chu an kap ta a. Tamfe an kah thluk tawh hnu pawh chuan bawngrual tlanchhe lai chuan ramdang pan tum chuang lo leh din pawh tum chuang lo in cowboy ho awmna chu an rawn pan ta zel si a. Cowboy ho pawh chuan an bawngrual chu kawng kian turin lui ruam lehlamah chuan an tlan chhiatsan ve ta a.
Sudden leh Andy pawh chu bawngrual lo tlanna tur kawnglai taka awm an nih avangin sakawrah an zuangkai thuai a, pen bona hun an neih tawh loh avangin bawngrual hmalamah chuan an sakawr chu chak takin an tlan tir ve ta ringawt mai a.
Ruam ațang chuan rampharh zau chin an va thlen veleh an sakawr chu hmun sang lamah an lawn chhoh tir ta a, chuta țang chuan bawngrual lo tlan lai chu an thlir ta ringawt mai a ni.
Bawngrualte chuan tum lam bik pawh nei chuang lovin an tlan zel a, Andy a chuan, "Khawvar hma chuan tih theih engmah kan nei ta lo. Kan naute khan enge an tih i va enteh ang," a ti a. Camp lam pan chuan an kir leh ta rih a.
Cook chuan mei a lo chhem nung leh tawh a. Cowboy ho chu mei bulah chuan an lo awm khawm a, Sudden a te pahnihin cowboy ho awmna an va thlen dawn lai chuan Rusty a chuan, "Thlipui leh kawlphe avang ngawta stampede an ni miah lo. Khek ri kha an hlau a, chelh din rual an ni ta lo a ni " a țhiante hnenah chuan a lo ti a. Andy chuan, "In awmkim vek em?" tiin a hote chu a han zawt kual a. Rusty chuan, "Tod a awm lo va, in kiangah a awm ve emaw kan lo ti mai asin," a lo ti a. Andy chuan, "A tirah kha chuan kan awmho ngei a, bawng stampede hnuah kha chuan ka hmu ta lo mai a ni. I zawng thuai teh ang u," a ti ta a.
Sakawrah chuan an lawn ta sap sap a. Tod a zawng tur chuan an vak darh ta sang sang a. Rei an zawn hmain Tod a ruang chu an va hmu ta mai a. A hmel chu hriat harsa khawp hialin bawng rual chuan an lo chil nasa a ni. Andy a te ang bawk khan bawngrual hmaah tlan ve in bawng chuan an nang ching a, an chil hlum ta a ni ngei ang. Tod a ruang chu khuh țhain mut zai an rel ta a.
A tuk zing khawvar veleh chuan bawng rual tlanchhia chu khalhkhawm leh turin cowboy ho chu an chhuak leh ta nghal a. Pahnih zela inkawpin, Sudden leh Andy te pawh chu an inkawp bawk a.
Bawngrual tihțhaih tu bihrukna chu an va hmu chhuak thuai a. Sikret bung leh sakawr hniak , a ke hnuaia thir khen ngei chu an va hmu ta a. Suddena chuan, "A hnuhma ațang ngawt chuan hriat theih ka ngah lo hle mai. Mahse, Red Indian a ni lo tih erawh chu a chiang. Bawng bo chu zawng ve vat ila a țha ang," a ti a.
Ruam zim lai ațang hmun pharh zau zawk an va thlen chuan bawngrual chu an tlan darh nasa hle a ni tih a lang a. Ruam ațanga vei lam pana a kal lai chuan Sudden a chu Andy a chuan a han ko a.
"Kha lam kha Quicksand awmna lam chu a nia, kha lam a bawng tlan kha chu hmuh leh chi an ni tawh chuang lovang," a han ti a. Ruam ațang ding lam ruamah chuan an pahnih chuan an kal dun zel a, ram chu a lo pharhțha tawh hle a. Mahse, hnimbuk sang tak tak a tam hle a.
Thui fe an kal hnu chuan mi pakhat, Box B bawng rawn khalh hi an hmu ta a. Andy te pahnih chuan an han au vak a, chupa chuan a lo nghak ta a, marshal leh Andy a te an ni tih a hriat chuan a mengphawk nasa hle a. Amah chu Lessona bawk chu a ni si a.
Lesson a chuan, " Bordene, heng lai velah hian engtizia a in bawng te rawn vak darh mai nge an nih? Hengte pawh hi ka hmu a, an vah bo thui hmain 88 ranch panin ka khalh khawm ta mai a ni," a han ti a. A thu han sawi dan leh a thiam thu han sawi thuai thuai danah te chuan Sudden a chuan a ringhlel hle a. Mahse, Andy a erawh chuan ringhlel ve awm pawhin a lang lo.
"Min lo khalh khawm sak avangin ka lawm hle mai. Nizan khan ruama kan awmlaiin kan bawngrualte an stampede vak mai a, a dang pawh ila hmu leh foin ka ring a ni," a ti a. Lesson a chuan, "In vanduai hle a nih chu mawle. Bawng inkhalh khawm tih pawh ka lo hre ve hleinem. Nizan thli kha a na em a tin ni," a ti a.
Sudden a chuan Lesson a hmel chu ngun takin a en reng a, "Henglai velah hian Indian hmel i hmu em?" tiin a zawt ta a. Lesson a chuan rang fahran hian , hmu lo, a han ti zet a. Chutah, Indian chiah chu ka hmu lova, mahse, niminah khan heta țanga hmarlam melkhat velah sawn Indian hnuhma thar tak chu ka hmu a ni," a ti leh thuai a.
Lessona chuan a phuah chawp mai anih Sudden a chuan a ring tlat a. Mahse, engmah a zawt zui duh ta lova. Andy chuan, "I bawng rawn khalh te hi chu kan khalh zui ve tawh mai anga, a dang ila hmu leh anih chuan min hrilh turin Soula in hrilh mai anga, a la turin mi ka rawn tir mai dawn nia," a ti a, bawng chu an khalh ta a. Lessona chuan lungawilo hmel zetin Andy a te chu a thlir zui reng a. Ravena ranch in lam panin a sakawr chu a tlan tir ta vak a.Khawthim dawn vel ruai hian Andy leh a naute ho chu ruamah bawk chuan an inhmu khawm leh ta a. Bawng chu zanga vel an hmu kir leh a, Andy chuan lunghnur deuhin," Hei bak chu kan hmuh belh tawh lovang. Heti lek chu buaipui tham pawh a nih tawh loh hi. Chuvangin, ranch ah va kir leh ila, bawngrual dang va khawm leh ila a ni mai," a ti ta a.
Andy a te hoin ranch lam an pan hnu chuan, marshal leh Pete a te pahnih chu an la cham bang a, bawngrual tihțhaihtute awmna hmun chu an zawng ta a.
Rei an zawn hmain hmun pakhatah hian sakawr hniak leh mihring hniak hi an hmu ta mai a, Sudden a chuan, "Heng ho ngei hi bawng tihțhaihtute chu an nih hi. An hnu hma ațang hian Indian chu an ni lo tawp mai," a ti a. Silaimu ruak tlem an hmu bawk a, an hnuhma chu chhui zui zel chi anih loh avangin Andy a te chu an umzui ve ta a. Sudden a erawh chuan Red Ace saloon chhunga Lessona khek ri kha a lo la hre reng a ni.
www.storyfb.com mizo story thar englai pawhin chhiar tur a awm reng
]
KA RAWN DAH LEH TA TEUH MAI
MAHSE IN LO CLICK VE NGEI CHU NGAI ANG AW THIAN TE U

[Ngaia]

Andy a te hoin Box B ranch an va thlen leh hma daih chuan an bawng hlauh thu chu Red Ace saloon a awmte chuan an lo hre hman tawh a ni. Mexican pakhat hi Ravena office ah chuan a ruk te in a va lut a, Ravena chu thil awmdan ava hrilh a, reivaklo hnu chuan a chhuak leh ta mai a. A chhuah hnu chuan Ravena pawh chu Lawless bank pan chuan a chhuak ve ta nghal a.
Lawless khuaah chuan bank pakhat chauh a awm a, manager chu Lamuel Potter a ni. Bank chu ama ta niin a lang a. Ravena chu manager office chhungah chuan a va lut a, sawm pawh ngai lovin țhutthlengah chuan a han țhu a, "Potter, Andy Bordene a sum dinhmun min han hrilh teh," a han ti nghal chawt a.
Potter chuan, "Mister Raven, min dawrtu te sum dinhmun mite hnena lo sawi hi thil thiang lo tawp a ni," tiin a lo chhang a. Ravena chuan nuihzat hmel tak hian Potter a chu a han en a.
"I mutthlu ang e, harh chhuak vat teh. Mite chuan bank hi i ta emaw an tih avangin ka tan remchang a awm a, mahse i ta a nih leh nih loh chu i hre chiang hle in ka ring. Chuvangin, ka lakah hi chuan inchhuang hlek lo la a ni mai. Mister Ruston," a han ti a.
Chu hming chu a hriat ngawt pawhin Potter a chu a danglam nghal vek mai a, chu chu hre reng chungin Ravena bawk chuan,"Mr. Potter, zawhna ka zawt che a nih chu," a han ti leh ta a.
Potter a chuan Ravena chu han hnial ngam tur chi a ni lo tih a inhria a, tichuan office chhungril lamah chuan ava lut a, lehkhabu chu ava en a, a lo chhuak leh ta a, "Andy a chuan bank pawisa dollar 5000 a ba tawh a, amah pawh hman ni lawk khan ka hmu a, bawng hralh a tum a, a hralh veleh a ba chu min pe leh mai ang," tiin a hrilh a.
Ravena chuan, "A rul leh maithei che a ni. Mahse, a bawng rualte an stampede vak avangin a tam zawk chu a hlauh a ni. Ka thu hrilh tur che hi ngun takin lo ngaithla ang che. Andy chuan sum a mamawh dawn avangin pawisa puk a rawn dil leh ngei che in ka ring. Dollar 30000 lo puk tir la, mahse a rulh theih loh che a a ranch pe ngei tur che in lehkha engkim fel takin lo siam sak ngei ngei ang che, i hrethiam em?" a han ti a.

Potter a chuan hrethiam e ka pu, ban zet hian a lo ti a. Ner nung chungin Ravena chuan, "Chuti chu, ka hrilh ang che chuan lo ti ang che. Tin, engmah i sawi chhuak leh tur a ni lo. I sawi chhuah vaih zawngin kei pawhin sawi tur ka nei ve ang," a ti a, a chhuak ta nghal a.Ravena chhuak tur chu Pottera chuan lungawi lo tak hian a thlir zui reng a, Ravena thupek chu hnial ngam tur chi a ni lo tih a inhre chiang bawk si a, tunhma a a lo tih fo tawh țhin angin Ravena kut ațanga a tal chhuah theih dan tur kawng chu a ngaihtuah leh nasa ta mai a.
Nihnih a ral leh hnu chuan, Andy a chuan a bawngrual te pawh chu Box B ranchah chuan a kir pui leh vek tawh a. Nikhat chu Ravena office ah chuan a va leng a, a vanduai thu te chu Ravena hnenah chuan a han hrilh ve a, Ravena chuan khawngaih leh lainat hmel tak chuan a lo dawng sawng ve a.
"Chu, hmun thuma țhena hmun khat vel awrh chauh i chang tihna a ni maw? Hlauh vek aiin aziawm deuh chauh tihna a nih chu. I vanduai hle mai. Mahse, kan tuar ve chu a ngai anih si chu. Pawisa ka mamawh zia kha ka hrilh tawh che a, ka lo ring ringawt mai che asin. Engtia tih zui nge i tum zel ang?" tiin a han zawt a.
Andy chuan, "Bawng rual dang khalh khawm mai ka tum a ni. A hma ai kha chuan an duhawm loh tawh zawk ngei ang le. Bawng leitu hnenah pawh ka hrilh lawk vek tawh a ni," a han ti a.

Ravena chuan, "Nghah a ngai dawn a ni maw? Nghak thei ka ni tawh bawk si lo. Bank manager Potter saw engah nge i va hmuh mai loh? I ranch dahkham la pawisa chu a lo puk tir duh mai ang che. Tichuan muang chang deuha thil tih theihna hun pawh i nei zawk ngei ang, i tan a ziaawm deuh ang chu. Bawng chu i hralh hunah Potter a pawisa chu awlsam takin i rul leh anga, a ni mai alawm. Nawr luih vak che hi ka hreh hle a, mahse ka batna ten min nawr ve tlat si a, tilo thei lo ka ni bik tawh lo a ni," a ti a. Andy a chu a in ngaihtuah muk hle a ni tih a hmelah chuan a lang reng a.
Andy a nen a inbiak hnu lawk chuan Ravena chu marshal office ah chuan ava leng a. Marshal te pahnih pawh an lo awm a, marshal hnenah chuan," Enge chanchin? Andy an a bawng rual a hlauh nual a ni maw?" tiin a han zawt a.
Sudden a chuan Ravena hnenah chuan, "Nichin lawk khan Red Ace saloon ațangin Andy kha a lo chhuak a, chuvangin chanchinthar chu i hre vek tawhin ka ring," a lo ti a. Ravena chuan, "Thil awmdan chu min hrilh ngei a, mahse hmuh hmaih engemaw te a neih takin tiin ka zawt ve mai mai che a nia," a lo ti a.
Suddena chuan, "Andy a khan engmah a hmuh hmaih lovang. Red Indian ral beih khek thawm khan bawng rual chu a ti darh vek a ni," a ti a. Ravena chuan, bawngrual chu Indian ho hnawh darhah in ngai a maw? a han ti leh a. Sudden chuan, " Ni ngeiin a lang. I ti ve lo maw Pete? " a han ti a.
Pete a chuan rang fahran hian, " Indian ngei an ni," tiin marshal chu a lo chhang thuai a. Pete a chuan marshal chuan a rin dan tak chu Ravena hnenah chuan a sawi lo tih chu hre mahse enge a chhan tak chu a hriatpui ve lem lo. Mahse, a tawp thlenga marshal puih chu a tum tlat a ni.Ravena chuan, "Andy vanduai dan hi a pawi hle mai. A pa thih hnu lawkah hetiang vanduaina hi a tawk leh ta mai si a, a khawngaihthlak hle mai. Taka. Mr. Suddena chanchin hi i hre zui leh tawh em? "a ti ta a. Marshal chuan, hre lo, ti chauhin a lo chhang a, Ravena chuan, "I Indian khawi kha enge a chanchin? " tiin a zawt zui leh ta zel a.
Suddena chuan a la awm e, ti chauh bawkin a chhang leh mai a. Ravena chuan thinur deuh tak hian, "Kal bo tir thuai rawh. He khuaah hian Indian kan mamawh vak lo a nia," a ti ta a. A thu han sawi dan kal hmangah chuan marshal chu thu a pe a ni zawk mah a, chuvangin Sudden a chu a lawm vak lo a ni.
Ravena hnenah chuan, "Hnathawk atan ka ruai a ni," chang fak hian a han ti ngat a. Ravena chuan marshal chu rei tawk a han melh phawt hnu chuan, "I duh chuan ruai mai la, mahse thil engpawh a tihsual chuan a mawh chu i phur ang," a ti a, a chhuak ta nghal a.
Pete a chuan chil chu a han chhak pharh a, " I Red Indian khawi hi ka ning tawh ngawt a ni, eng atana chhawr reng nge maw i nih le? " a han ti a. Suddena te pahnihin Lawless khua an va thlen khan Indian kha sakawr a chuanga silai keng bawkin khua ațang khan a bo ta kha a nia, tun thlengin a lo la kir si lova, chuvangin, Pete a chuan thil awm dan a hrethiam vak lo a ni.Sudden a erawh chuan thil a sawi tam vak duh lova."Tubby, thil hriat chakna hian he khawvelah hian sualna a rawn pu lut a nih kha. Evi khan thil awmdan tur kha hriat chak lo sela chuan...."a tih lai mekin Pete a chuan, " Ho mai mai... ninawm," a lo ti hlak a, chokaah a luhsan ta daih a.
Darkar chanve vel a ral hnu chuan Sudden a chuan, "Pete, i sakawr va buatsaih rawh. Black Feather a a lokal leh tawh a, i kalchhuak teh ang," a ti ta a. Pete a chuan, "Tun ang hunah hian sakawrin kan chhuak ang maw? Reiloteah khua a thim mai awm si a, khawnge kan kal dawn?" a lo ti ha a.
Sudden a chuan, "A hmun thlengin kan kal ang a, kan kir leh mai ang. Tihtur hre lovin i awm mai mai a, i thau lutuk dawn. Exercise i mamawh tawh a nih hi," a ti mai a. Pete a chuan, "Ngal ruh ang mai a i cher avangin midang pawh nangmah ang veka awm tir i tum a nih chu," a ti a.
Indian chuan sakawr huang bulah a lo nghak reng tawh a, Sakawr chunga chuangin khua chu an chhuahsan ta a. Mahse khua an chhuahsan chu midangin an hriat lohna turin in hnunglam ațangin an chhuak a ni.Khawthlang lam panin thui fe an kal tawh a, tahchuan Pete a chu a insum zo ta ngang lova, Indian hnenah chuan, "I lal thluak ropui tak chhung a i thil ngaihtuah vel te kha tlem tal chu han phuh chhuak ve la, khawia kal tur nge kan nih pawh min hrilh ve la mawle?" a ti ta a.
Indian pa erawh chu a ngawi reng mai a. Suddena chuan, "Andy a bawngbo hmuh leh kan in beisei a ni. Black Feather a hi a țawng chak teh chiam lo a ni," a lo ti ve a. Pete a chuan,"I tidik zet mai. Kam tamna hi chu a tlachham ve chiang ngawt mai," a han ti zauh a.
Pete a vek chuan,"Țawngkam pakhat a khek a piang hi dollar khat tluk zet a hlu angin a ngai a ni chek anga, nang pawh hi eng i ni chuang bik lo," a han ti leh hlak a, thudang sawi leh tawh lovin an kal ta zel a.
Khawthim dawn țep ah ruam pakhat hi an va thleng a, ruam chu an zawh chhuak a, hmun zawl zau fe mai hi an va thleng leh a. Chulai hmunah chuan ding leh vei lamah kawng chu a lo peng a. Indian chu sakawr ațangin a chhuk a, an awmna bul lei chu ngun takin a han bih a.
"An la kal lo, i nghak ang" a han ti a. Sakawr ațang chuan an chhuk ta a. Ruam chhung luhna bul pawng hnunglamah chuan an biru ta a. Chunglai velah chuan hnimbuk sang tak tak hi a awm bawk a, kalkawng ațang chuan Suddena te pathum chu han hmuh theih chi rual an ni lo.
Darkar khat lai mai an nghah hnu chuan Suddena ngaih chu a țha zan tawh lova, Indian chuan a hre sual palh aniang tih te chu a hlau deuh rum rum tawh a. Mahse, chutih lai tak chuan ralkhata bawng bu ri chu an hre ta a.
Thla en lai a ni kher bawk a, hnimbuk kar ațang chuan an piah mualzawl lam chu an va thlir a, ralkhata bawng rual rawn dum phei khup khup chu an hmu ta a. Sudden a te pathum chu sakawrah chuan an lawn thuai a, bawng rual chu an lo nghak ta a.
A hmasa pawl chu an lo thleng țan tawh a, bawng khalhtu te zing a mi pakhatin an zawn a lo thleng tih chuan Sudden a chu a bihrukna ațangin a lo chhuak ta a,"Nang i ni maw Lesson?" tiin bawng khalhtu chu a lo be ta a.
Lesson a chu a sakawr ațang chuan a inher thuai a, a kut dinglamin a puakruk hmawr chu a vuan nghal chawt a. Mahse amah betu chu marshal a ni tih a hriat veleh a puakruk vawn chu a thlah leh ta thuai a, sawi tur pawh hre lovin thinur deuh mai hian marshal chu a melh ta ringawt mai a. Marshal chu amah chauh a lokal chu a nih ringin, " Henglaiah hian eng ti tura lokal nge i nih? " a han ti a.
Suddena chuan, "Henglai ram awmdan hi ka la chiang lo em em a, ka bo a ni," a ti a. A hma aia aw ring deuh zawk hian, " Pete lo chhuak rawh , 88 cowboy a ni e," a ti a. Pete a leh Indian chu a han hmuh chuan Lesson a chuan, " Eng vanga biru nge in nih? "lawm lo hmel tak hian a han ti leh a, Sudden a chuan," Tute nen nge in nih pawh kan hre si lo a, Mexican emaw bawng ruk hmang emaw in ni ang tih kan hlauva, kan biru mai a ni," a ti a.
Bawngrual chu an lo thlen belh zel a, ding lamah cowboy in a rawn veng a, pahnihin an rawn chhawm bawk a. Marshal chuan bawng chu a han en vek a, "Box B bawng a ni maw? Khawiah nge in hmuh?" a han ti a. Lesson a chuan kan ram chhung hmun tinah an vak darh a ni, a lo ti a.Sudden a chuan,"Andy a inpe kir leh dawn a ni maw? In foremen Soul Jevons a hi a fel hle in ka hria. Mahse, in kalna lam hi a kual deuh hlek a ni lo maw? Tuna in pan lamah hian in kal zel si chuan reiloteah ramri piah lam in thleng mai ang," a ti ta a.Lesson a chuan," Uai, heng lai ramchin hi i hrelo hle emaw ka ti asin," a han ti ve ngat a. Sudden a chuan,"Hre chiah love. Mahse ngaihdan tlangpui chu ka nei. Box B chu heta țanga kan veilamah hian a awm niin ka hria a, a dik em? "a ti ta a.
Lesson a chuan hreh tak chungin,"Dik e. Sawlai deuh hlek ațang sawn kan kal peng ta a ni. Helam kawng hi a hla deuh hlek zawk na a, a kawng hi a nuam zawk a ni," a han ti rawk a. Sudden a chuan ,"Zana bawngrual khalh hi thil harsa tak niin ka hria," a han ti leh a.
Lesson a chuan, "Chhun laia khalh tum kan ni a, mahse buaina kan tawk ta hlauh a ni. Kan kal zel ange.. dam takin le," a ti a, bawng rual awmna lam panin a sakawr chu a tlan tir ta a. Mahse, Sudden a chuan a va umzui leh thuai a," In bawng khalh hi zali rual lai a ni awm si a, in buai dawn em mai, kan pui ve ang che u," a han ti a.
Lawm lo tih hriat tak hian Lesson a chuan,"Lo tel ve a ngai lovang, kan khalh thei ang," a ti ta tlat a. Sudden a chuan, "In kalna lama kal ve tur kan ni a, kan pui ang che u," a ti ve tlat a. Bawngrual hma lamah chuan an tlan dun ta zel a.
Lesson a chuan marshal chu tihpalh thil thu a helai hmun a lokal a nih a ring lova, mahse hnawh bo ngaihna a hre bawk silo. Lesson a te tum dan chuan bawngrual te chu ramri bul khalh thlen a, El Diablo leh a hote kut a va pek an tum a ni. Mahse tunah chuan Andy a hnenah pek kir leh a ngai dawn ta si a.... marshal hi amah chauhva lokal chu ni ngat se.
Hreh tak chungin Lesson a chuan, " Andy a ranch lam panin bawngte hi khalh rawh u," tiin a hote chu thu a pe ta a. Tichuan, bawngrual te chu chhim lam hawi zawng ni lovin, khawchhak hawi zawngin an kalpui ta zawk a.
Pete a chuan, "Andy a chu a lawm teh ang chu. In chungah hian lawmthu sawi sen loh a ba a ni," a han ti a. Tuman an chhang lo. Engmah sawi loin bawngrual chu zankhua in an khalh a. Khawvar tirhah Box B ranch chu an thleng ta a.
Bawng chu midang ventir in Lesson leh Sudden a leh Pete a te pathum chu ranch in lam panin an kal hmasa a. Ranch chu an va thleng a, an han au vak a, Andy a chu a lo chuak ta a. Mak tih hmel tak hian, "E hiau! Engtizia nge nita le?" a lo ti ha mai a. Lesson a chuan, "Kan bawngrual zingah in bawng tam fe mai hi an lo tel ve a, kan rawn khalh kir sak che a ni. Kawng lakah marshal te hi kan rawn hmu bawk a," a han ti a.
Andy a chuan lawm zet mai hian,"Soul Jevons a chuan ava tițha tehlul em! Min hrilh mai ula, kan naute ka rawn tir mai tur alawm. Lo chhuk ula, ei tur i ngaihtuah ang u, kan naute hoin bawng rual hi chu an lo buaipui tawh mai ang," a ti ta sawk sawk a.Sudden, Pete leh Lesson a te pathum chu Andy a hoin chaw chu an ei ta a. 88 cowboy dangte erawh chuan Box B cowboy te nen in hrangah an ei thung a. Chaw ei pahin Andy chuan,"Lesson, ka lawm tak zet a ni," a han ti a. Lesson a chuan,"Tih theih dang nei hek lo i, kan tih theih ve chhun a nih kha," a ti luam a. Suddena nuih chu a za hle a. Lesson a chuan thudik tak a sawi miau si a, Lessona tan kawng dang zawh ngaihna a awm miau lo a ni.
Chaw eikham veleh Lesson a chu a tho a,"Kan haw tawh mai ang e, Jevon a khan min lo nghakhlel tawh ang. Tin, kawng kual lamah chuan kal tawh lo ila a țhat zawk ka ring," a han ti a. Sudden a chuan,"Kawngkual leh kawng diklo kal hi chu englai mahin a hlawk ngai lo," nui chung hian a lo ti ve a.
Lesson a leh a hote liam tur chu an thlir zui reng a. Sudden a chu za deuh hian a nui ta a. Pete a pawh chuan a lo nuihpui ve thuai a. Andy a chuan,"Infiamthu hriat chu min hrilh ve teh u, tunlai chu nuihzat tur pawh kan hriat loh em hi," a lo ti a.
Sudden a chuan,"Min ngaidam rawh Andy. Mahse, thil phal taka Lesson a lawmthu i han hrilh khan ka nuih a za mai a nia. Lesson a khan hrehawm a tingawtin ka ring. Pete leh Indian nen hian Lesson a te kha va hmu fuh hlauh lo ila chuan i bawng rual zawng zawng hi ramri piahlamah an bo zo tawh ang. Hmanni lawk a Lesson an i bawng tlem a rawn khalh ka hmuh khan ngaihdan eng emaw tak ka nei tlat a. Indian hi 88 ram enthla turin ka tir a, Indian hian a hun takah min hruai thleng ta a ni," tiin thil awmdan chu a hrilh ta vek a.
Andy a chuan,"Chuti chu a lo ni hlawm maw? Soul Jevons a a tel ve in ring em?" a ti ta a. Sudden a chuan,"Ka hre bik chiah lo, a bawng heti zozai khalh khawm thei tur chuan an foremen Jevons a chuan a hriat ve ngei chu a rinawm. A hriat loh va tihruk chu a harsa viau in ka ring," tiin a chhang a.
Andy a pawh chuan,"A theih kher lo vang le," a lo ti ve bawk a, Pete a chuan awmze nei tak hian, "88 neitu hi Seth Ravena a ni lawm ni?" a han ti ve a. Andy a chuan, "Nih chu ni e. Mahse, he thilah hian Ravena chu a tel ve ka ring lo. Mi tam takin Ravena hi an ngaina lo hle a, mahse ka țhian a ni tlat a, chubakah, bawng rual hi hlawhtling taka khalh thei turin Ravena chuan min duhsakna chhan a nei tlat a ni. A leiba rulhna turin bawng rual hi khalh ka tum a, pawisa chu a mamawh em em tih ka hre bawk a.," a ti ta a.Mahse, Andy a chuan, "Ka bawng rutu te zingah Seth Ravena hi a tel ve ka ring thei lo. A kher mai hle a, sum a duh em em bawk a, mahse misual erawh chu a ni lo," a ti tlat a. Sudden a chuan han hnial zui zel chu țul loin a hria a, a ngawihsan ta zawk a. Ravena thil tihsual chiah fiah theih tur engmah a nei rih silo.