SUDDEN GOLD SEEKER (Completed)

[Ngaia]

SUDDEN GOLD SEEKER
BUNG - 25

(Zanin chu tawi te in aw... Ka la bye bye phal leh si lo che u, naktuk zanah chuan kan zo tawh dawn nia.... S)

Chutia a han tih thut takah chuan a ngaihna hre lovin Lesurge-a pawh chuan ngawirengin a lo en ringawt mai a, a biang ah chuanben sak chawrh mahsela a hmel landanah chuan a danglam chuang bik lovang, a benga ahan hriat thar chu mak a tiin a hriatsual palh leh dik lo a nihte a ring rum rum a, mahse, a hredik tlat si. Hotu ni thang ani a. A hote Chutiang a han hel mai thei tur ah a lo dah chhin ngai hauh lova, Fagan-a chu a sa khawi ve mai mai.... Tichuan, zawi zawiin a dinhmun chu ahan hrechhuak chiang ta a. Engmah tih theih anei tawh lo. Fagan-a chu han hrem tumin emaw han thah tum hlek se chuan a mah chu athi ve ngei dawn tih a hre chinagta hlr mai. Heng zawng ho thuhnuai a ahan awm tur thu a sawi pawh a an lawm hmel a hmu lo pawh kha heng an lo tumruk vang hi ni ngei in a hre ta a. A thinrim chu apuakkeh lo chauh a ni tawh a. Mahse, lemchang thiam ngang a ni a. A in control hram hram a. Aw dam fe in, "Fagan, hunrei tak kan lo in thian dun ve tawh a, ka lo ring em em thin che a. Nangchauh pawh ni lo, i thia te pawh"

"I suahsual hna thawk turin" awmze nei takin Lem-a chuan alo ti bauh va.

"Mahse, hlawh tha tak tak ka pe tho thin che u alawm, Entirnan... kha coach in tih zawh hnu kham, Fagan-ahnen ah in in sem turin pawisa tam tak ka pe a" an in kara in rinhlelhna tihchhuah nan a tih ani na in, Paula chu rum zetin an melh duh hlawm lek chauh va. Fagan-a chuan " Chu chu dawt muhlum chiangbal ani, dere pawh min pe lo, ka pachhiat lai ani i ti a nih kha" a lo ti let a. Paula chuan a dar a chhin ak a " Ka fiah thei tawh si lo a le" a ti a. "Awle hei hi in lo ngaituah ngai em? Green-a leh a hote chuan gold chu an lo ruh fai vek si chuan i cha der dawn a, in kut chilo hawi mai mai dawn ani ngei mai " a ti a.

"Chu chu kan finfiah dawn alawm" Fagana chuan ati a. Lesurge-a khabe themthiam zia chu ahriat avangin a thian te pawh chu ahmin mai ang tih ahlau hlel lova. "Snowy-a sawi ang a gold khur chu hausa anih vaih chuan, kan zawng ho chuan an kheuh pilh emaw lek ala ni chauh ang" a han ti ve a.

"Kan tar mi a pa chuan a thusawi pawh a hriatzui hleihtheih loh hi. Enteh u, boys..in ang theuh a sem kan remti a ni. In duh leh chan nga pawh in a kan in sem ka hnial hauh lo. " a han ti a." E, i va hna thilphal sawt ve le, mahse, i tan ni lo pek chhuahah chuan i thilphal viau thin reng a ni. Paul...awle, tunah ka thilphal ka chhuah ve ang a, nula hi ka present ve ang che. Han.... deuh pawh ka lo rilruk viau na in, mahse, a fresh lo em mai. Phurrit chauh ani dawn tlat ani" Fagan-a chuna alo ti a.A sakawr lam chu apan a, A puakruk chu ala hum reng a, a han zuangkai a, chutah " I rifle pawh ka la tawh Paul.. Chuvangin zawng buai duh suh. I nupui chu chibai min rawn buk ve ang che. Nang tehchai ai chuan a pangai daih zawk ani.... Adios.. Zawnga" a tih khum a, Ngeiawm fe a salute pe in akalsan ta a.


Thinrim engphiarin Lesurge-a chu a ding reng a, a vanneihna tlang alawn chhuak chiah a, mahse hmanrua a a hmante chuan an daikhalh ta a, a tan chuan tuar ahar lutukin a lu chu vir muai muai in a in hria a. A ni Paula, khawvel a miropui leh hmingthang tur, mi mai mai Fagan-a te ang chuan an bum ta mai si a! Chutiang chuan gold hloh mai aiin a thin atirim zawk daih hial ani. A kut chu hum ruh in a taksa pum a khur dawt dawt chungin a hneh tu te chu anchhia alawh ta chiam chiam a. Chutah Rocking Stone chu hmu ngai lo ang maiin ahan hmu thut a. A tawp chawt a. "Vei hlawm tak chuan, an va han chak bik dawn rua lo em" tiin a au chhuak thawt a. An thil dahkhawmna lamah chuan a tlan phei vat a. Ami phuarte chuan chutia a authawm chu an lo hria a, ipte atanga thil a lakchhuah a, a ma kawr ipte a a thun mawlh mawlh chu an hmu ta a. An rawn pan phei a, hmeichhe hnen ah chuan, "Lo kal rawh, mi rawn zui ve tur ani" tiin athu ape ta a.

Snowy-a pawh chu ading ve nghal a, mahse Lesurge-a chuan "Ni lo, nang chu ti khan awm ringawt mai rawh." a lo ti a. Snowy chuan "Mary chu ka awmpui dawn ani" tiin a lo hnial ta tlat a. Chutah Lesurge-a thinrim chuan ring takin, "Kan zawng pa Fagan-a min chhan let kha hria in nang pawh in tih ve i tum khanglang ani maw?" tiin a awma ipte atanga Pistol phawiin a tin ta ran mai a. Mary chuan va dan atum nangin a thlen phei hma in a puakruk ngul chuan achhu ta thuai thuai a. Putar chu athu hnawk a, a chal atang chuan thisen arawn chhuak ta tiam tiam a. "Nang, mi dawihzep pa, i that ta anih hi" Mary chuan tap chungin a ti a.

"Ka chhu thlu mai chauh ani, a pawi ngawt mai" tiin Paula chuan a chhang a. "Lo kal rawh" tiin Mary chu a han au va. "Ka kal lo vang" a lo ti leh ta tlat a.

"Ka pawm. Kher i chak em ni? "

Hrehtak chung leh thin tawt tak chungin a zui ve ta nge nge a. Thing din na hmun chu kaltlangin tlang pang lam chu apanpui ta a. Tlang zawl an thlen chuan in lantir lo tur in a ti a. An hnuai zawn a mipaliin hna an thawk sauh sauh lai chu a zuk hmu thei a. Paula chuan ngeiawm fe in a ner khum a, "Vengtu dah nachang pawh an hre hrep lo ve. Midangho chu lo kal se ka va ti em... an vaiin..." a ti sup a. Nula chu ahmalam ah akaltir a, an hmuh theih lohna tur lam zel ah chuan kalin Rocking Stone ah chuan a han lawn a, gold an hmuh taka vangin khawdang an hmuh aring lo. Rifle han nei sela chuan a mal malin a thiar nghauh nghauh mai tur... a ha an phawisak tawh tlat si. Mahse, ar talh dan chikhat chauh a awm lo, tiin a nui ru tha a. "Thian Fagan, min lo that mai zawk la i tan a tha tur" a ti sup sup a.

Mary chu chau leh beidawng takin lung chung ah athu a, a ti rethei tu chu beidawng takin a thlir a. Chupa chu thingthi in lungpui bulah chuan milem be tur ang maiin a awm a. A kawr ipte atang chuan eng eng emaw a phawrh a, a hnuai ah chuan a phun mawlh mawlh a. A a ta ni berin ahria a, mahse, eng nge tih zawng a hre lo. Nakin ah chuan a ding ta a. A thiltih ah lungawi fe niawm tak hian a bu nghut nghut a. Hnuai lam a mite chu azuk thlir thla leh a. "Green-a chu awm ve nisela chu an fihlim vek mai tur" a ti sup a. A duh ang chu alo kal ve ngei mai, mahse arin lohna lam ah a ni thung. Cowboy chu a rawn lawn chho ngei a, a thian te pawh in a hnung ah an rawn zui a. An sakawr te an lakchhuah hnu in Snowy-a awmna an rawn thleng thut a, a ni a hliam a vangin a lu ahai hle a, Mahse, thil awmdan chu alo hrilh thei a. "Lora-i chu a nupui maw? Kan zawng sen pa chu...." Green-a chuan ati tan tan a.

Sudden-a chu a han en ha a, mahse, a ni chuan thil kal tawh lam chu ngaihsak lovin tun a an awmdan tur leh dinhmun chu a lo ngaihtuah ngat ngat a "A hmasa ber in nula kan chhanchhuah a tul. Khawiah nge kan zawn ang. Tih chu zawhna ani phawt a" a ti a. Putar chuan han tanpui ngaihna hre lo hle a. Mahse, Gerry-a mangang si tihngaihna hre si lo beidawng hawi kual vel chu a rawn te hlut a, "Enteh u, Rocking Stone bul a saw mipakhat a awm" a ti ta phut a. Snowy-a chuan "Paula a ni ngei ang, midang zawng chu gold khur lam ah an kal vek si a" a lo ti a. Sudden-a chuan a sakawr chak bik vangin a hma a tlan te chu khalh vek in a hmasa a. Lawn harsat na hmun alo thlen chuan a zuang thla vat a. A sakawr chu a kaihna a thlah thla a. A lawn chho tan ta nghal a. Paula chuan nawalh a han nawt a, a zu dep a, chutah nula banah a kai lawk a, hmanhmawh turin a tur nghal bawk a. Nula chu a han tal laih laih a. "Ni lo, ka kal duh lo, ka chan thei lo" tiin angen a.

"Mi a nu, thihna ani tih hre rawh" tiin a bek ah ahan hnek sawk a. Nula chu a uai hnawp a, a kovah pu in a hma a alo hmuh lawk tawh tlang chhip hmawr lam ah chuan a in ban kai phei ta a. Kawng chanve pawh ala thlen hma chuan a rawn puak ta dur mai a. A han hawi chho va. Lung in tiang chu a rawn bu thla a, lung siper tamtak nen chuan boruak ah an darh cho ta uaih uaih mai a. A rawn lumna tur zawn tak ah a awm tih in hria in Sudden-a chuan engtin nge a in chhanhim theih ang tih angaihtuah ta nghal a. Thil mak chauh lo chuan a chhan thei dawn ta lo ani. A piah awih pang ah chuan a han zuang phei a. A in man tan theih loh emaw a rah tleu palh chuan ruh leh tisa a lawi pawh chhar tur awm lek lovin a sawm vek dawn si a. Lung rawn lum ri chuan a beng a rawn fan a. A rawn ring tual tual a. En pawh a en ngam tawh lo. A ke ava rah na tur ngawt chu ngun takin a en a. Lung keh chu a lu chung zawn aleh a sir ah chuan a rawn ri thla ta hum hum a. A chung zawn a ko tohlawt chuan a veng him hram a.

Lirnghing ang maiin lei chu anghing dur dur a. Lung lum ri chu khawpui ri tluk in a ring bawk a. Chutah a vawn chu nghet zo tawh ngang a ahriat loh avangin thawk ahan la a, a sir ruam deuh hnim awmna ah chuan a han zuang chhuak thla ngawt a. Chutia a zuan rual rual chuan a lu chung zawn a Rocking Stone engemaw zat lir chuan a zuan khum ta hlauh va. A hma a awmna bul fik khat chung chiah chu rawn dengin a sawt kan leh hlauh va. A hnuai a mi pali te chu hlau leh thlabarin an lo hawi chho va. Chhuah na lam chu pan tumin an tlan a, anni pawh chuan an in chhanhim hman tawh lo tih chu an hmel ah a hmuh theih nghal vek ani. Chutah lungpui chuan, chu khuar ni ang mai chu a chhilh ta hmuk mai a. Lung chang leh lung chang in nawt ri chu a ri rum rum mai a. A khu luih luih bawk a. Tichuan, hmuh leh tur pawh awm lovin chung mipali te pawh chu a chhilh bo ta hmiah mai ani. Sudden-a chung zawn Yards 50 vel a sang ah chuan Paula chuan a thiltih chu hmuh ngei tumin alo thlir a lo ni a. Chutia Gold khur a han hnawh phui hnu chuan mi a ang maiin a nui ta chiam chiam a, a nui ri te chuan chulai ram chu a ti khawk rum rum a. A phuba lak tum na chu a hlawh tling thawkhat hle mai, mahse, a mi huat ber leh kawng dal tu ber chu ala chimih lo ta fo mai. Sudden-a chuan Lesurge-a leh aphurrit chu an tlan liam ahmuh chuan a umzui ve nghal a. A rawn nuih khum na hmun kha a rawn thlen chuan a ko chu a sang in tlak ahlauhawm em avangin fimkhur takin a kal a. A sir lehlam chu tlang pang mar zui mai a lo ni a. A leh lam chu hreipui cheh chhum hmawk ang mai hian a bung thla vut mai a. Sudden-a rilru ah chuan Mary chhanchhuah a, chu mi a pa chu dah bo a duh a, chubak chu engmah dang a rilru a nei miah lo. Amah ngei pawh chuan thihna chu zung khat lek in a bawhpelh ani si a.

[Ngaia]

SUDDEN GOLD SEEKER
BUNG - 26 Last

(A tawp a tawp ah chuan kan zo ve ta hram e, min lo chhiarsak thin a ka lawm em em a ni. Nakum ah dam te a kan awm chuan bu dang te pawh kan la ti leh zel ang chu.... In zavaiin Masi hman nuam vek ule... Hmeltha ho )

Misual pali te chu a khawngaihbik chuang lo, amaherawh chu a ti tu leh ramhuai pa chu hrem a, dah that chu a tul a tiin a tum tlat ani. A kawi lai takah chuan Lesurge-a chuan alo nghak a. A puakruk chuan a lo tin reng tawh mai a. Sudden-a a lo lan veleh chuan alo nui huah huah a. "Ding rawh, ka tin reng che hi, Cowboy" a lo ti a. Chutianga umphak mai arinloh a va nang ta thut chu mak tiin aphu zawk a, silai a tin chung a thu lo pe tu thu zawm rih pawh chu a tul tih a hai lo. Ti fuh in ti takin Lesurge-a chuan alo en vel a. "Awle, tunah chuan muangchangin kan in be thei tawh e, mahse, a hmasa in ka han hrilh ang che. Chet i tum emaw, min beih i tum vaih chuan hei hi en rawh" tiin a ke bul a nikhaw hrelo va let reng Mary chu ahan kawk a. "Silaimu in a min kahhlum palh emaw ka tawh palh emaw hlek chuan he nula hi Angel ho zingah a harh chhuak a ni mai" a ti hman chauh va, a sawi zawh hma in Sudden-a chuan alo chhang zauh va. " I harh chhuah na meidil nen chuan a inhlat viau ang chu" tih pah in chik fe in a awmdan chu amelh ru a.

"Mahse, ka hma hruai turin ka tir hmasa ang che. Tun thlengin min la bum tluang zel thei rih a. Mahse, hnehtu chu ka la ni thi vang, Fagan-a leh athian te ho chuan ka rifle min laksak a, mahse, lunghal na chu ka la nei tho a ni.mi a ho... Kei aia fing ah an in ngai vei a, ka ha min phawi zawh sak vek emaw an in ti a. Nang pawh hi i inring a ni maw? Mahse, heu i hmuh angin, Ace Trio card chu ka la hum reng hi"a ti a. "Mahse i thil thap ber chu i ti chhe ta si alawm" Sudden chuan alo ti a. A thiante chu engtia hla ah nge na la Ni loaqm a, a tlansan hla hle em ni....? He mi a pa hi engtikawng emaw a abiak khawtlai rih angai ani..... Biak rei deuh dan tur angaihtuah zel a "Ni lo, hei ka thil thap ber chu ka ke bul a hi alet reng ani. Gold khur a tang chuan Gold tamtak i la chhuak tawh tih ka hria a, he nula nen hian ka duh chuan ka thleng emaw nei emaw thei dawn ani." a ti a. Sudden-a chuan han chhan leh atum lai chuan a hnunglam atanga amah rawn ko ri a hre ta a. Gerry-a chuan athianpa thihna chu a hnaihtir sauh ani tih a la hre rih lo ani. Lesurge-a pawh chu a inring zual sauh a.

"I thiante i thlamuan chhan deuh a ni maw? An lo thlen hma in ka that dawn che" A silai a han tin ngil nghal a. Sudden-a chuan tih khawtlai theih hram la in beiseiin "I thelh palh hlauh tur ania." a han ti leh hram a. "Chuti anih leh ka kap nawn leh mai che anga ani mai alawm. Engmah tihtheih nangin i nei lo. Min kahhlum a ka tluk vaih chuan he nula hi...." a nuih huk huk a. Chutah a hmel chu alo danglamin a rawn meng dur leh ta thut a. "Awle, tunah nang bumhmang, uicho pa." a han ti leh tuarh a. A mitmeng ah chuan huatna hlir akhat tawh a. A taksa pawh chu phuba lak chakna leh thah chakna in a khat tawh a. Sudden-a chuan engtikah nge silai mu chuan arawn den anga, khawilai ah nge... engtin nge a nat dan tur tih chauh lo chu suangtuah dang a nei thei tawh bik lo.

Lesurge-a chuan akut zung tang chu ahan kuai tan ta a. Second hnih... Khat.... "Paul" tih ri a lo chhuak ta a. Chu Misual pa chu aphu zawk a, chu aw chu a hnunglam atanga lo kal ani. A aw chu danglam deuh hlek mahse Lora-i aw a nih tih ahre thei nghal mai a. Eng setana hnathawh in nge helai hmun a rawn hruai thleng hrep chu le? A hnunglam fit tlem te chauh ah ading a,khati khawp khan a ti thin ur in a sawisa si a.... Phuba la tur a lokal anih vaih si chuan le.... Silai kaw kar ah ading ani "Lora, kal kiang rawh, kan misualpa hian a kap fuh palh ang che."

"Ka pasal duhtak, ka rawn zui dawn che. Kan thi dun dawn ani. Paul duhtak.... Chu chu i duhthusam pawh ani ngei ka ring e"

Chu hmeichhe rilru leh a tumdan ahan hriat chuan a mangang ta hle mai a, hmeichhia chu a a zo tawh a ni. Tlangchhip atang pawh chuan a pawhthlak duh a ringhlel lo ta rum rummai a. Amah aiin Green-a chu a duh zawk tihpawh ahai si lo.

"Thihna thusawi ala awm lo ve, Lora... Nizanah khan ka lo thinrim em a, mahse ka thusawi leh tih kha ka tum tak tak lo. Ka hausain kan hlim dun kumtluan.... "

" Dawt sawi hi chu i thiam ve hle tawh mai maw, Paul... " a han nui chiam a. Lesurge-a hmulthi chu a ding sung sung mai tawh hial a. A thlahtu thisen chhutin ngaihdamna anei ngailo tih chu ahai lo. A han ngaihtuah ngun leh a. Sudden-a chuan akap ngam lova..... A han hnungtawlh leh hret a.

Mary chu a rap pial palh a, tluk a hlauh avangin dimtein a ke chu a pen hnung a, a vir zawk a, a kap nghal thuai a, hmeichhia chu a kun ngawih a, a rawn thlawh khum zuai a, tlangah chuan aliam thla ta a. Mahse chu chu a dam chhung a a thil hmuh theih hnuhnung ber chu a lo ni ve ta tho mai. A rawn leh hawi rual rual chuan Sudden-a silai mu chuan a thluak a luhchilh ve nghal ta zat a, a hmeichhe thah tlakna zawn ah chuan a tla thla zui ve ta vawn vawn a. A kawrchung chu sava thla inzap ang mai hian a phe thla luap luap mai a. Lora-in lei athlen rual rual chuan thingkung ah chuan tangin a inkhai ta nawlh a. A in then ta durh durh mai a. Zawi zawi in a nupui kiang ah chuan ramsa te eiral mai mai tur in alet thla ve ta ruai ruai a.
Sudden-a chuan puakruk khu vat vat chu hum chungin tlang pang chu a dawm a, a chal a thlantui chu ahan huih pawk pawk a. Chutah Mary che chu ava hmu ta a. A chet nasat chuan Lesurge-a te pahnih kalna lam chu a zawh ve nghal mai ang tih a hlau hman hle mai. Va man hman loh hlau a a han zuan dawn lai tak chuan rawn lehpel vuai tu hi awm in ahre tlat mai a, chu chuan Nula chu a va pawm vat a, a mit a rawn men chuan hai rual loh in an thinlung an in hmu dun tih chu ahriat mai a.

"Oh... Gerry... Ka va lawm. Nang ka han hmu leh chechu..... awih" tiin Mittui parawl teuhin Gerry-a chu ahan en a. Chuta Gerry-a mitmeng zet chu a hlim in hmuhnawm a tling awm e. Sudden-a chuan tlang piah lam chu ahan en phei a. A thinrim na leh hlauhna chu bovin hlim tak leh ngaihngam tak hmel arawn pu ta a. Tichuan a puakruk chu apai ah akhung a, athiante tawk tur chuan a rawn phei ve leh ta a.

A hnu ah Lora-i leh Paula ruang chu an chhar a, mawi takin an phum dun ta a. Lora-i chu Paula khan athinhnun tak ah a kap a lo ni a. A tlakna ah erawh chuan chhiatna engmah a nei lo thung. Sudden-a chuan ama puan in a tuam a. Thlan chhungah chuan dim te a dah in a zalh ta a. Lehlam pawh hawi lovin akalsan ta a. An phum fel hma chuan Mary chu a lo thleng mai lova. Sudden-a rawtna angin Gerry-a nen chuan hnung an rawn dawl a. Kawng tluan in an rawn ti ti reng a. Nula chuan "Ka hmuh hmasak ber che atang khan.... Mahse, ka hrethiam lo ani. Kawtthler a min hauh ni atang khan ka harh thar ta sawt niin ka hria" tiin a in puang a. Gerry-a chu hlimna chhiarsen lohvin a hlim a ni ber mai "Ka inpuang chiang ngawt mai" ahan ti a.

" Chu i ti tak tak em ni? Duhtak Mary" tih leh fawh arual a.

Chumi tlai chuan sawi tur nei aram pawh awm lo ang maiin Camp chu a reh deuh huai a. Roger-a chu a han tawng chhuak hmasa ber a. "Kan lungphun ding nghet Rocking Stone ahan awm ta lo chu khua a ti har riau mai. Gold khur chu kan han bih leh a, a inchhilh chuang kher mai" a han ti a. Snowy-a chuan "Keini tan chuan ni lo ve, Jim-a chungah lawmthu sawi kan ba a ni. Kan vai a bazarna tur khawp zawng a awm ngei ang chu tiraw, Mary" a han ti ve nghal a. Mary chu Gerry-a leh Snowy-a inkar a thu ani a. Mahse, a rilru ah pawisa leh hausakna lam reng a awm thei lo. "A awm zah zah chu in zat sem tur a ni ang chu" a ti let thlarawk a. Midangin an lo hnial a, a ma gold khur ngei a mi a tam bik chan tum lova in angkhat vek a sem a han tum mai chu an lo duh bik hauh lova. Ngawireng a lo thu Jacob-a chuan nui deuh chungin "Keiman ka ngaihdan kan sawi ve teh ang. He Gold khur neitu dik tak hian a remsiam mai tur niin ka hria" a rawn ti a. Putar lutuak varvo tawh mai chu Javiba chuan a en reng a "I ti ve em... Ducane? I ngawirei ta deuh lo maw?" a ti ta a.

Putar chu a han hawi chho va, a mit fim tak chuan chupa chu ngun fe in ahan en a " I hming ang pu ka tawh awm reng ka la hre ngai hleinem" a ti sap a.

"mahse, California rama Blue Bird hmun a Jake Halway kha chu i hria a ni lawm ni kha ? "
Snowy chu ahan thumar at a." Professor kha maw? "

" College atanga chhuak hlim hlawl ni mahila ka leili a that em avangin chuti chuan min ko ta ani. Tin, nang pawh Mad Phil (Phil mi a) an tih, thil reng reng chhinchhiah ngam zel mi i ni thin a. Deadwood ah khan ka hre daih tawh che a sin. Mahse, mitin hian mahni nihna leh hming hi haiderna chhan kan neih vek avangin ka ngawi ta ani. " a ti leh ta a. Mary chuan putar dar chu a kuah a" Ka va lawm tak em, ka pu Phil" a han ti sap a. "Mahse, engmah danglamna tehchiam a awmchuang lo ve" a ti zui leh a

"Awle, ka nihna chu ka in lan angaita a nih chu... thil chu anih nih a kaltir mai ka lo tum asin le" tiin a han hrilh a. Chutah, "In hriat angin, Wayside khua ahchuan tumah in ka nihna leh hming hria an awm lova. Ka unaupa lo nghak ka ni a. Lesurge-a a lo kal a, Phillip Ducane-a a rawn zawng tih ka hre ta a. Kei lah mi ringhlel chi ka lo nih ve reng vei nen, a hmu zo ta lo va. Chumi hnu ah chuan keima nih na tak tak chu a lem a chang tur in min rawn thlem ta a. Chutah Engnge a khalh tuma tak chu ka hrethiam chho tan ta a. Fagan-a chuan ka lehkha kha lo hmu in man a tum a. Mahsela ahlawhchham leh si a. Chuan apawtthler ta hmiah mai a. "tiin Mary chu a en a.

Mary chuan" mahse, keima remruatna zawk ani, ka lo hlan.... "

" Tichuan, kawng dangin an bei leh ta a. " tiin a sawi zawm leh ta zel a." Fagan-a chuan Mary chu Wayside khaw kawng tluan in a zui ta a. Chutah Lesurge-a chu a lo che ve leh ta a. A rin angin Phillip Ducane-a chu a awm lo ngei a ni tih a fiah ta chiang ta a. Chutah a suahsual leh remruat finrawl chu chhuah in a awm ang a zawng ta ani. A hmu fuhkher leh ta nghal a" tiin a han meng kalh deuh ralh a, a nui hak hak a.

"Tichuan, keima lamah chan ka lo remti ta a. Mahse, rin aiin a har phian a sin. " a han tih zawm leh a. Sudden-a chuan" I ti tha in i thiam ngawt mai. Ducane-a tak tak i ni ang tih pawh han rin ngaihna che ka hre hauh lo a sin. Midang zawng pawh han rin ngaihna hria an awm in ka hre lo. Midang pawh an ni ang chu... Jacob-a tih chauh lo chu, a ni lah hi saphu zial ang hlauh ami mai si a. " a lo ti ve a.
" Tih em ah chuan sumdawng te chuan kan ze thup hi a ngai fo thin reng a, chu lovah kei ngei pawh hi inthupin ka awm ve tlat bawk ani" Jacoba chuan alo ti leh a.

Mary chuan "Rinhlelhna pawh ka nei lova, mahse Lesurge-an a han puan hnu che khan engtin nge ka nu nen a kan in an tih i hriat theih tih erawh kha chuan min ti buai fo thin reng ani" a lo ti ve leh a..

Snowy-a chuan "Ka tawng sual thelh reng ani. Lesurge-a pawh in mak a ti ve reng a, mahsela nula te hian an nute lam hi an an chak zawk fo thin a ni tia ka han hrilh leh chuan min ring chawp veleh ta mai a, mahse thudik ani" a ti a. "Han rin loh zel ngaihna pawh ka hre tawh lo" tia Cowboy ho tawngkam a han hman chuan an nui ta ham ham hlawm a.

"Tichuan, a hma thil awmdan chu in hre vek tawh ang chu. Paula chu a duh dan angin ka khelhtir ta a. Chumi chhungin kei in Paula khel thei tu tur thiantha ka lo khawm ru ve bawk a. "tiin a han hawi kual a, a nui var var a." Hei hi ka sawi ngam ani. Wayside khua Jim-an a rawn thlen ni atang khan kan tan chuan vanneih na ropui tak alo in ta a ni. "a han ti ta zel a.

" Huh... Thil atthlak hi mai mai in sawi dawn chuan kei chu ka mu daih dawn"hmai sen tan tan in a lo ti ve a.

Jacoba chuan "Ngawi teh u, thilpakhat sawi ho tur kan la nei. Engtin nge Deadwood khua a mi te chu kan han hrilh tak ang le" tiin ahan zawt hlawm a.

Tumah in chhan ngaihna reng reng an hre lo. An hruaitu atana an hman ber chu an en thap a. An beisei ang ngeiin Sudden-a chuan kawng chu a rawt kaw leh ta mai a.

"Tunge chumi khaw lam a kir leh tum awm reng reng che u? "tiin ahan zawt kual ta thung a. Tumah in an chhan tak loh hnu chuan" Mi hnen a han phatmar pawh chu thil harsa tak ani ngei ang le. Chuvangin engahnge Laramie lam Kan pan mai loh ang le? Kawngah Red Indian ho tawh erawh ahlauhawm deuh mai thei a, mahse kan thahnem tawk bawkin hmanrua kan nei kim vek bawk a. Him tak a kan kaltlang theih mai ka ring tlat ani. "a ti ta a. Tichuan chulama kal chu an tum ta vek a.

***************

Chu lehkha chu Gerry ta tur alo ni a. Chu lehkha ahan hmuh chuan Gerry chuan a thian a hloh ta tih a hrethei nghal mai a. Ricking Stone a tang chuan him takin khua chu an thleng vek a. An hmalam thilchu an rel vel a. Snowy te Gerry-a leh Mary te chuan khawchhak ah Ranch siam a kal an rel a. Midang pawh chuan zui an tum ve bawk a. Mahse, Sudden-a chuan a rilru a a la thlan fel ve chiah loh avangin a la chambang rih a. Gerry-a chuan lehkha chu ahan hawng a, ti hian alo in ziak a.

Thian duhtak Gerry,

He lehkha them te ka han thawn na chhan che hi, in vaiin mangtha, chibai ka han tihna che u ani e. In hmachhawna sawi ka ngam lova. Chuvangin a dawihzep zawngin ka han tlanchhe ta zawk ani e. Hlimna chu ka duhsakin ka 'wish' che a tulin ka hre lo... I la vek zawk si a. Mahse, vanneihna ka duhsak zel a che u, tih hi a lo ni a.

"Kan zurui pa chu" tiin a phun sap a. "ka lo tawng ta kher kher che kha ka lawm in ka in chhuan phah ngei mai" tiin chu lehkha chu a be sap sap a.

***************

Laramie khua a tanga mel tam tak a hla ah chuan, van chu ni eng chuan Gold rawngin a en eng tle sut mai a. Sakawr dum lian takchunga chuang chuan hmalam ding tak a enin chhim thlang lam a pan ngat ngat a.

Boruak chu Far thing rim in a khat cham cham vek a. Phaitual hnim te chu zing dai chuan a lo bawh paw chek vek a. Zing sava, rannung leh changpat ei chi te chu chu sakawr lian tak lo tlan thawm ah chuan an treh darh ham ham a. Sakhi leh sazukte chuan hreh tak si, hlaubawk si in ngaw thim lam an pan sung sung bawk a. Chutia an tual chai na hmun leh hun rawn ti buai tu chu huat hmel takin an en hrak hrak hlawm a.

Mahse, chu sakawr dum lian tak chung a chuang erawh chuan chung chu angaihtuah lovin a rilrua a hrechang chiang lo. Kher mai. A ngaihtuahna ah chuan, nula, mal mum nalh tak leh hmeltha tak. Phaitual hnim chunga tuitak a mu a a kut leh lam lukhum a, hlim hmel tak leh thlamuang hmel taka thaw siai siai chu a hmu reng a.

A heh sen no chek mai leh biangno tak mai chu duat tak a han fawh a, han chul heuh heuh chauh lo chu a rilru ah thildang a awm thei lo.



*Nizan ah min lo chang thlawn a ka inthlahrung khawp mai.... Urlawk present ani mai aw.......... Chuan chuan Kan Sudden-a hi alerh ru reuh phian a .. Mangtha vek ule..