THE PILGRIM'S OF POISON VALLEY (Cowboy) (Completed)

[Ngaia]

BUNG..1.
(Post by T mawii)
www.storyfb.com


" Eng buaina nge awm?" a han ti a. Putar chuan, " Nula an la ta, anmahni Satterfield misualho, min rawn zui zel a. Amah chhanhim ka tum a, tunah chuan Clay Satterfielda an neihtir dawn ta ani," a han ti ṭawk ṭawk a.

Mipui ho lo pungkhawm a han hmuh chuan Val Heatona chuan hmanhmawh fe hian, " Tunge nula chu? Tunge a hming ni a, nang tunge i hming ve le?" a han ti a. Putar chuan, " A hming chu Idy May -i a ni....kei chu Old Ezra Dupple...." A lu chu sir lamah a thlephei chawrh a, Vala chuan athi ani tih a hria a,a ke te chu a thluan ṭhat tir a.
Mipuite chu an rawn thleng a," Enge ni? tu tih nge ni?" an rawn ti a, Vala chuan muang fe hian " Heta hi mitthi a awm a, adang pawh a awm mai thei, khawiah pawh awm ila, kan lu kan veng ṭha dawn nia, ahmasa berin he puan Inah hian enge awm i en ang u," a ti a, khum pakhat chu alo la um thar thar a.
VALA chuan nawhalh ahan nawt a, hmeichhe mawza hi khum mawngah chuan a hmu a,.Nawhalh chu athi leh ta mai a, Vala chuan ati tih pawh inhre hauh loin mawza chu khum a adah leh hmain a biang a han dep a,. Landlord chuan, " Hetah hian nula a awm reng a ni," a ti a.Vala chuan, Mi eng ang nge ni?" a lo ti thuai a, chupa chuan, " An lo thlen kha thim hnu ani tawh a, chiang takin ka hmu lova, mahse tleirawl a ni a, mi ria lam deuh, mi buang lam deuh niin ka hria,, Ramhuai ang deuh a ser ngah tak niin ka hria,..Putar thung erawh chu,ṭi deuh hru mai. ngampa lo deuh mai niin alang ," a ti a.
Vala chuan, hengho zingah hian Satterfield ho chanchin hria in awm em? tiin a han zawt a. Pakhat chuan, Satterfield ho maw!! hre lutuk, Outlaw misual eltiang, mi sakawrte pawh ruksak hmang zet mai an ni a, mahse, Dirty Devil ram a cheng an ni a, hemi chungchang a lo tel ve an nih phawt chuan ....a sawi zawh hma a ṭang rengin Vala chuan mipui ho hlauthawng hmel chu ahmu reng a, chumi darkar ngeiah pawh chuan chung outlaw rapthlak tak te chu an lo lang thut thei ani tih an hre reng si a.

An zinga pakhat chuan, " Satterfield ho an ni tih enginnge rin tir che,"? a rawn ti a, Vala chuan, Putar sawi zawng zawng kha adik vekin ka ring tlat asin, atihsan mai a, Bill Gentry chuan," Hetah hian nula a awm anih si chuan, achungah enge lo thleng? a han ti a. Vala chuan an piah tlanglam kawk chung chuan, " Saw mi tlang piahah sawn sakawr chungchuang rual tam fe an awm chuan, heng thil rawn titute hi chungho zinga mi chu an ni ngei ang, He nula hi ruk an tumna lamah a pa hi an that ani ang,. Chu chu zawnchhuah kan tum a nih chuan sakawr nena chet nghal mai tur a ni e" a ti a.
Mipui zinga pakhat chuan," Ni love ṭhianpa, satterfield ho in chu nula chu an la ngei anih si chuan, lak turin a awm a, an la ani mai a, lo buipui vak chu ka ngaihdan leh remtih zawng a ni ve lo ve," alo ti hmiah mai a, Billa chuan, Val, engmah asawtlo, khawvar hma chuan engmah kan ti thei chuang lovang,, alo ti a.
Mitthi ruang chu an han enfiah deuh hnu chuan silai mu panga lai alo pai a,. Thu ṭhenkhat sawi thei a alo la nung chu mak an ti zawk hle mai a.Vala chuan putar thi tur thusawi zawng zawng chu sawi leh vek kher pawh atum ta lemlo a, mi zawhna zawng zawng a chhan dawn chuan muang channa mai niin ahria a, kalbo daih a duh zawk a, mahse arilru chuan Satterfield ho miin an hlauh em em te chungah chuan enge atih theih en a duh ta tlat mai ani.
Khawvar hnu chuan Vala chuan sakawr bûk vengtu chu eng engemaw a zawt a,. Ani chuan, an chanchin ka hriat zawng zawng chu ka han hrilh che aniang chu. Henglai vela an lo lan ṭanna hi kum sawm panga vel lai ani tawh ang, mi tam zawk chuan chhimlam khawi emaw lai aṭangin an lo kal ani an ti a, Pitar leh Putar te, naupang deuh te leh misual chitin reng mai an ni hlawm a,a tir aṭangin an sual reng ani. A tir takah chuan Colorado ah sumdawnna an bei a, Outlaw Bull Beckar-a leh a hote an zawm ve ta a, tichuan hetah, chhimlam ram thlalerah an che ṭan ta a, chuta ṭang chuan Outlaw tak tak an lo ni ta ani.An bul vela mite kha an man khawm a, an zingah an chen luih tir a, engang fakau a sual nge an nih a, engzat chiah a tam nge an nih pawh ,tuman an hrephak tawh lo ani" a ti a.
An thusawi lo ngaithla vetu pakhat chuan ,"Ṭhenkhat chuan Bull Beckara kha an zing a ahotu ber ani, an ti asin," alo ti ve a. Buk vengtu chuan " cheng mahse an hotu ber chu ani awzawng lo mai, mipa dang pawh an nilo, an hotu chu CROSS EYED BIRDiE ani,( Cross eyed birdy =Berdie mitkalhi)" a ti a. Vala chuan," Cross eyed berdie a!" a ti hu a.
Ni e, Satterfield unaute zinga an upa ber, Lije Satterfielda nupui ani. Hman lawkah khan Outlaw ram aṭangin Lije leh anau Frost Satterfield chu an lo kalna,North Carolina lamah an kal a, nupui an nei a, Frosta nupui chanchin erawh chu ka hre hauhlo mai a, mahse Lijea nupui chanchin erawh chu ka hre nual a,amah ka hmu tawh bawk a, Ṭhiana, chu hmeichhia chu hnung lam a mitnei ang mai a ni.
Nu ria lam deuh, hang deuh mai ani a, a hmeltak phei chu aṭha ang reng viau a.mahse amit chu Awmlo kawngka ang mai ani a, a en che mai pwhin, i rilru thlengin ahmu tlang vek emaw i ti mai ang.A mit hi a makna pakhat chu a ni reng a, engtin tin emaw heng outlaw ho hi a thununin a fuihpawrh reng a, hman deuh lawk khan henglai vel ram hi an rawk chiam a, mipa te pawhin Keite kawlh ai chuan an hlau daih ani. Engpawhnise, tunah chuan an hotu ber ani tawh ani" a ti a.

Vala leh Billa chu mitthi ruang awmna Trending post lamah chuan an phei ve leh ta a, Vala chuan,,,"Bill, heng mipui ho hi lo biakbum la, i theih chuan pindan pawn lam hnuailamah hruai ang che, hemi ruang hi an fiah duh pawh ani mang si lova" a ti a. Bill Gentry chuan," Mitthi ruang dap vel chu duhlo hle mah ila, thil engemaw, thudik,,,dawt nilo,,,ka lo sawipui ang e. Hman lai a Jim Bridgera nena Red Indian ho kan beihdan chanchin vel ka lo sawipui ang a, chumi hlan chuan mitthi rung chu ilo enfiah thei ang chu", ati a.
Billa'n athusawi aṭan hma chuan Vala chuan alo nghak reng a, chumi in chhunga mi zawng zawng chuan Billa thusawi chu an ngaihthlak ngun hlawm em avang chuan Vala chu tuman an hmu lova, mitthi ruang chu an ngaihsak hek lo.
Chu mitthi, Ezra Cupple inti chu khumah an zalh a, puan hian an lo khuh tawh a, mi ṭhenkhat chuan aruang chungah chuan thilpek eng engemaw hi an lo dah tawh nghe nghe a,. A hmai chu a hmuihmul buk tak chuan akhuh deuh vek a, zaidam tak leh thawkrim tak hmel apu a, a incheina pawh mawl tak ani, a pheikhawk leh lukhum te phei chu an lo ruk bo sak tawh a, a kawr a phelhloh avangin ralmuanglo tak a mu tih a hriat hle ani.

Vala chuan mitthi ruang han dap hmasa bertu nih chu a hreh deuh hle a, mahse aṭulin a hre bawk si. A thil hmuh te zawng chu, Rangkachak tangka, tangkarua te,chemte te leh thil enge maw mai mai te an ni a, a kawr ipte ah chuan engmah a awmlo a, a pawisa paina kawnghren pawh alo bo tawh a. Vala chuan mitthi kawr ipte chhunglam leh pawn lam chu a han zen vel chuan lehkha phek a hmu ta a,. Vala chu kawngkhar lamah a phei a, a ṭhianpa chuan thawnthu chu ala sawi reng a, mahse a sawi tawp ṭep tawh si. Tichuan putar ruang chu ahan dap leh thuai thuai a, ip pakhat hi ahmu leh ta a, chu ip chu la hawnloh a ni a, hawn a tum lai takin kawngkhar lamah chuan thawm a hre ta a, tichuan thil fun chu ama ipte ah chuan athun ta mai a. Tukverh aṭang chuan a zuangchhuak hman chiah tihin kawngkhar chu a rawn in hawng a, pakhat hian, " E he, Windy, tukverh i khar na pek nge? Misualpa, zawhte te pawh alut anga sin", ati a,. Pakhat zawk chuan, " mai mai ṭhin a, ka khar ngei kha le," ti a ahan chhanna chu a hre leh a,,,Hei, a in hawng reng alawm....chung an thusawi chu Vala chuan a hre hman a, tuma hriat lohin mipui te chu a va fin leh ta a.Billa chuan Vala mitmei chu a man thuai a, an chhuak ta nghal a.

Billa chuan, "henglai kawng reng reng hi vawi tam ka lo paltlang hnu vek a ni a, alung te lam hian ka hre vek tawh. Mitthi mit chunga dollar chanve kha chu i hnutchhiah ka ring a, engemaw chang hi chuan thil tetakte a rukru nih hi chu pawi pawh ka ti vak lo a, mahse tuna mi hi chu a dan a dang deuhin ka hria," a ti a. Vala chuan lu a bu nghauh a," Ka hnutchhiah reng asin, A ipte chhunga dollar 80 pawh ka hnutchhiah, heihi Pathian ngaihah pawh rinawmna kawng anih ka rina," a ti a. Bill Gentry chuan," Chu chu alawm ka tih reng, mahse sawrkarin a rawn hriat hmain engatinge kan kal bo thuai loh vang, thu eng engemaw min zawt ang a, karkhat lai pawh min hreng duh mai thei si a," ati a.
Vala chuan, chu hmun chu kan pan dawn tlat silo alawm, chhimlam kan pan zawk dawn a lawm,..a ti a, Billa chuan " Chhimlam ah maw!! Mai mai a, thlaler aṭanga lo kir hlimhlawt kan ni a, i sawi lam chu thlaler a ni bawk si, thlaler hi ka ngaina vak tawhlo a sin maw le," a lo ti bui bui a.
Vala chuan ,,,min ngaithla teh Bill, nang leh kei chu mi vakvai kan ni a, kan kalna tur lam ngaihtuah kan ngailo. Kan tihtur kan ngaihtuah aṭul zawk, nizana tualthahna kha ka duhlo ani. Chu nula leh kha putar khan Satterfield ho hnen aṭang a tlanbo an tum a ni a,. Ka hriat danin heng tualthattu ho hi mawl tak tak, thlaler vaivut zing a khawsa, mimawl inbawkhawm mai an ni a, Putar khan nula chu tlanbo pui atum ani tih a sawi a, beidawng taka," Tunah chuan Clay Satterfielda anei dawn ta anih chu," a tih kha ka hri a, chuvangin Dirty Devil ah chuan kalin chu nula zawnchhuah chu ka tum ta ani," a ti ta a.

Billa chuan," tichuan nupuiah i nei anga maw"? a lo ti a. Vala chuan..Nupuiah a !! Ka la hmu ngai bik reng reng hleinem..a ti a, Billa chuan,..mi pakhat chuan milem ang mai ani e, atih kha alo ti leh a. Vala chuan," Bill, chungte chu dãwn pawh a ṭul lova, ka ti lui reng reng lo che tih i hria e," a lo ti mai a. Chu ṭawngkam chuan Billa thin chu a khei hle mai a,. Zawi fe hian, " Kan mitthi ruang chungah chuan enge i hmuh? Enge i lak?" a ti ta a. Vala chuan, " Ka la hre bik rih lo, Engpawh nise, henglai mite ta tur ai hi chuan chu nula ta tur chu a nih ka ring. Chuvangin, nula hnena he thil pe tur hian chhuanlam ka nei ta phawt, tihna a nih chu," a ti ta a. Bill Gentry chuan," Buainaah kan lut ngei dawn tih ka hresa mai,Mahse, i sakawrah chuang rawh le,. I kal tawh ang hmiang," a ti ve ta a.

Hemi chin phawt hi aw niang, kan tui dan a zirin kan post zawm leh zawm loh chu a hril chawp mai ang chu,,
Tin, a bu min hawhsakna lamah aphek hmasa ber alo bo daih mai a, a awm chinah ka rawn puak ve pawp mai a, min lo hrethiam dawn nia, Phone a type ngawr ngawr a ni e,
(T Lalrin mawii)

[Ngaia]

THE PILGRIM'S OF POISON VALLEY-----*------
Bung ,,2,,

THE DIRTY DEVIL.
-(Post by T mawii)------------*-----------------
Thlaler vaivut chu paltlangin tlangval leh Putar chuan an nunna a inkawp ang bawkin chu kawng chu an zawh ṭan ta. A ram chu a hniam hle a, Hnimbuk leh Sazupui hlo chuan akhuh vek deuh thaw a,. A hnunglam leh hmalam ah chuan Chinghnia leh Rul lian tak tak te chu an hmu zel a,. An veilam pang tlangpang ah te chuan lungpui lian tak tak te chu ading khup mai a.

Bill Gentry chuan," Eheu, eng ram nge ni ngai le? Death Valley pawh heti loliam ani bik lo ang e,thlakhat hnuah chuan kan kawng hi kan la bo nge nge dawn hi maw,"? a ti a.Vala chuan,,Thim hnuah Green River kan thleng ang,,chu chu kan kalna zel tur chu ani ang,,ati mai a.

Chutiang vaivut awmna chunga an lo kal hma chuan Wild west rama eng ri emaw ni mak tak mai chu an hre ta a. Helai ram velah hian thlai te, ngaw leh tlang sang zawk leh hring zawk pawh a awm lova, thlaler nasa zawk chu kal tlang tur an la nei tih an hrereng a. An sakawr a ṭang chuan an han chhuk a,Valan eng chhinchhiahna emaw hmuh tum a azawn lai chuan Billa chuan ei tur alo buatsaih thung a, nileng maiin Sakawr tawlailir hnu chu an zawng a,an hmu ta chuang lova,Chutiang ram zaupui mai a tawlailir hnu han zawn chu, buhpawl zinga hriau tla zawn ang maiin a vang ani.

Vala chuan meichhemna bul chu a rawn pan a, han ṭhut pah chuan mitthi ruang a ṭanga alak ipte chu rawn phawrhin, a kut chuan ahan hmet vel a,,Billa chuan, engatinge i hawn loh? arawn ti a. Vala chuan,,"ka hawngko hi kei pawhin mak ka ti, engdangmah awm silo hian pawisa chauh alo awm ang tih ka hlau ngawt mai,
Chuti anih chuan rukru ah ka in siam tihna ani dawn a,chu chu ka duh lo ani," ati a.
Billa chuan, Hawng la, "tangka a awm leh kan la mai tur a lawm, mahse kan chhia leh ṭha hriatna kan hmang zui tur ani! a ti a. Chu thil chu nghet tak a ṭhui ani a, Vala chuan achemte a han phawrh a,a ṭhuina chu a han zai chat a,. A chhungah chuan dollar ( America pawisa) zâ zela tel, ip hringa fun hi alo awm reng mai a,.an han chhiar a, fun sawmhnih leh pakhat hi alo awm a. Vala chuan,,Dollar sanghnih leh za, Ezra Cupple kha mi rethei zawk zawk chu alo ni love,,a ti a,pawisa ip chu ahan fun ṭha leh mai dawn a,mahse pawisa awmzat ziahna ahan zawng leh a, afunna lai velah chuan lehkha var, tetakte a thleh chu ahmu ta a, Vala chuan lehkhaip chu a han hawng a, lehkha chu ahan phawrh a, kutziak sin tak, lehkha ziak dan thiam chiahlo deuhin aziak hi alo awm a.
Chu lehkhaah chuan÷÷
"A lo hmutu apiang hnenah,,, Ka hming chu EZRA CUPPLE a ni a, Tlang dumpawl aṭangin kum sawmhnih lai a ni ta, James Satterfielda nen kan lo kal a ni, Kum sawmhnih hnuah kan kir leh a, kan hmelma pa fanu, hmeichhe naupang pakhat kan ruksak a, athi tawh ti a an sawi fo hi ani. Tunge anih a in hriat loh hi atan a hlimna zawk tur a nih ka ring. He nauang hi ahming IDY MAY-I a ni.mahse kei nen eng in zawmna mah kan nei lo.
Kei Ezra Cupple hian he hmeichhe naupang hi ka duh em em a, mikhual te zingah pawh lo thi ila, he pawisa hi atan ka dah ani. Hei hi a rukin pe la, amah hi Pizen Valley (Poison Valley) a ṭanga tlanbo turin ṭanpui rawh. I hnena chengin i chhiahhlawh rinawm tak a nih theih nan ṭanpui ang che.. E, Cupple" tih hi alo in ziak a.

Vala chuan chu thil ziak chu ring fe hian vawihnih a han chhiar chhuak a,.Billa vhuan, " Awle, nangma tan thil engemaw i hmu ta niin a lang e," alo ti a. Vala chuan, "A ang hle mai, He putar hian he nula hi a duhlo chung neih an tumna lak ata tlanbo pui a tum a ni a, mahse Satterfield ho chuan an um zui a, Ezra Cupple hi an that a, nula chu an la kir leh ta a nih hi. Bill, mite sawi anga Satterfield ho chu tawhkhirh tak an nih si chuan kan thu vai tlang mai angai a ni ang chu," a ti a.

Billa chuan a chawhmeh siam chu a han chawklet tawp tawp a, " I ti dik ngawt mai, mahse engtinnge Poison Valley chu hmuh i tum reng reng a? Lo hmu thei ta pawh ni la, engtia tih nge maw i tum chuan le?, tiin a han zawt a. Vala chuan,,"Rei kan zawn hmain chu nula rutu te chu kan hmu thuai mai ang chu, mahse, Cupple a sawi angin chu hmun chu hrefiah phawt ila, chutah, chu nula chu kan ruchhuak mai ang chu," a lo ti sam et a.
Billa chuan ringhlel deuh fe chung hian, " A nih tak chu, map te ziakin, circle te pawh rinin, a chhungah poison valley chu a awm tih hre ringawt mah la, a hmun tak i hrethei chuang si nang," a la ti ta hram a. Vala chuan, " Ka hria asin, heng Satterfield ho hi Colorado lui peng khawi laiah emaw zawng an awm ngei a ni, kan chhak lam hi Dirty Devil ram a ni a, chutah chuan an awm ang." a ti ta a.

Billa chuan, Ka ring hauh lo, ka ngaih ve dan chuan he lui hi zuk tla thla phawt ila, chutah chuan sumdawngtu a awm an ti a, chumi chu zawtin an kalkawngte pawh kan hre thei ang chu...a ti a. Vala chuan
kan hriat dan a dang anih chu, alo ti mai a.

Chung ram chu rapthlak tak ani a, Sakawr tawlailir nena tlanbo han tum chu atthlak mai ani. Cupple leh nula pawh chu Sakawr Tawlailir chuan ahum zo ta chuanglo a nih kha,mahse Vala chuan chu chu a ngaihtuah buai duh lo. A thiltih tum reng reng hi vawin a atih loh pawhin a naktukah chuan a ti ngei ṭhin. Engpawh nise he nula khawngaihthlak tak mai hi chhanchhuah atum tlat a, harsatna nasa tak,thih hial pawh tawh huamin, VAL HEATONA, tlangval kum 26 mi chuan a tihtur chu hlen ngei alo tum ta ani.
Ni li lai hnuah pawh misual ho hnuhma chu an la hmu ta chuang lo a, ram pilril tak a nih vangin Ramsial rual te chu an hmu ta zut mai a, Ramsa kawlh tak tak te oawh an tam khawp mai a, mihring erwh chu an la hmu lo thung. An kal zel a, nakinah chuan kham chhengchhe pui pui,a kal a kalna rual loh hi an hmu ta a. An hnuai ah chuan lui lian fe mai hi a luang pût mai bawk a, chu chu an kan ngei tur a ni bawk si.
Billy chuan, "He lui mawng lamah hian sumdawngtu in, Cox's Landing an tih chu a awm a, ani chuan heng Satterfield ho chanchin hi a hre em em mai bawk a,ka thu chu nise, chu chu kan pan mai tur," ati a. Vala chuan,,,Kir leh tur chuan kan lo thleng hla hman lutuk mah a nih hi mawle," a lo ti ve thung a.
A ni nga ni chawhnu lamah chuan, luipui luang ri hum hum an hre leh ta a, tun a lui an hmuh tur hi chu Colorado luipui ani tih an hria a, an hnuai feet 100 lai tura luipui so bulh bulh chu an zuk hmu a,Billa chuan," Dirty Devil ram ngawt anih hi," a ti a, chu lai hmun chu an han en vel a, chu lai hmun rapthlak tak mai leh mihring chen theihna ni awmlo khawp ang chu hmun dang an la hmu ngai lo.Billa chuan," khu laiah khuan chhuk mah ila, lui kal kaina tur a awm si lova, lui hnar lam pan tur kan ni mai," ati a. Vala pawh chuan chu chu arindan reng ani a,an theih anga hun ren erawh an tum thung a.Darkar khat lai hnuah chuan, Vala chuan Sakawr hniak ahmu ta a, chu sakawr chu pakhat chauh niin alang a, akalna pawh nihnih lai ni tawhin an hre nghe nghe a, chu sakawr hnu chu mel chanve zet an chhui hnu chuan hmun chhengchhe deuh maiah hian a tawp ta tlat mai a, chumi hnuaiah chuan lungpui zawl deuh hlek, thleng ang tak hi a awm a,chuta chhukna tur chuan kal theihna ṭawk ṭawk tur hi chu a awm a,mahse feet 60 zeta sang kham hlir mai ani thung si.

A beisei ang ngeiin Vala chuan mihring sulhnu a hmu ta a,Vala hlim authawm avang chuan Billa chu alo kal thuai a,"Tu emaw zawng chhuk a awm ngei ani. Mahse khung khampangah te khuan engtinnge maw a kal theih chu le? Lungbang sang pui pui ft 30 lai te khu inch khat anih ngawt si loh chuan..helai lui reng reng hi kan theihna a awm si lova, amak hle mai a!" a ti a, An hnuai lampangah chuan mihring lo awm pawh nisela, a thlem a thlem chhuah chauh chu an theihtawk ni maiin alang si.Vala chu a han au vak mai a, a aw chu a thangkhawk vel ruih ruih mai a.

Minute 10 vel lai hnuah chuan, mihring lungpui chung a lawn lo tum ṭuat ṭuat hi an zuk hmu ta a. Vala chuan," OH MY GOD", a han ti vak mai a, chu an thil hmuh chu putar pakhat,saruak deuhthaw a awm hi a ni a, a kawrte chu aṭet hnianghnuang mai a, a nghawng velah chuan a suih bawkkhawm vel mai mai tawh a, a kekawr lah chu a pawp hrup mai a, akhup chin chauh hi a awm tawh bawk a, a ke vel chu bawng vunin a tuam a, amah lah chu a cher kuam mai bawk a, a sam buang sei nghuau mai chuan a dar a vaw hnup mai a, A khabe hmul lah chu a seiin a buk khawp a, a awm a thleng pha hial mai a.a lan dan ngawtah phei chuan Pathian siam pawh a anglo zawk hial ta ve ang.(em em anna haha)
Vala chuan ring tak mai hian,," Tunge i nih? a han ti vak mai a,chu putar chu ading a, akut cher tak mai chuan a kawng chu a han dawm a, a han hawi chho vung vung mai a, chiang tak leh ṭeng deuh chhur hian," Tunge maw i nih zawk chu le?" a rawn ti ve thung a. Vala chuan,,kan lo chhuk ve thei angem? a han ti a, chu putar lah chuan sam fe hian,,Lo zuang thla ula ni mai alawm, a lo ti sam et a.
Vala chuan,.a nih leh ilo chhuak chho thei angem? a han ti leh a, Putar chuan, vin fe mai hian,,,Mupui ka ni hleinem, ka thla awm in hmu reng reng em ni? a rawn leh tih a. Vala chuan,,ṭanpui i duh kan rin vang a nia, i duh lemloh chuan Dam takin le,.a ti a, kal nghal mai a han tum a,. Mahse putar chuan," Min ṭanpui ta che u, hetiang hmun hreawm a Tangkeu sa leh Laiking sa ring a kum thum ngawt mai han awm chu in duh bik lovang ," a han ti a. Vala chuan,..chu ilo chhuak theilo tihna a ni maw? an ti a, Putar chuan...Aw ka lo chhuak thei hlawllo a ni e,.. a ti ve ta a. Vala leh Billa chu mak tiin an in en a, chumi hmunah chuan mihring tan karkhat pawh dam a awm theihna niin an hre lo.mahse chu putar chuan kum thum lai awmin a in sawi si a, a thu sawi lah chu rinhlelh rual niin an hre bawk si lo. Vala chuan, Khatah khan tuin nge maw dah kher kher che chu le? a han ti ve leh a, Sakawr hniak kha ahan hrechhuak leh a...Nimin piah lamah hei nangmah rawn tlawhtu che an awm anih hi, engtinnge min chhan dawn? a han ti zui leh a, Putar erawh chuan,.Min la chhuak thuai thuai rawh, ati a, amah tlawhtu chu a sawi bawk a. Vala chuan,,kan ṭanpui che chuan i inpe tur a ni, ati a, Putar chuan, engkim ka hrilh vek ang che u, a ti ve ta a.

Vala chuan,,Awle, mahse, khermei deuh mai kan ni a, kan hruizena kan khaichhuah che chuan, kan zawhna che i chhang vek tur ani ang, ati a, .Billa pawh chuan, min chhan ṭhat duh loh chuan kan thlakthla leh chawrh mai ang che,, alo ti ve bawk a.Putar chuan rinhlelhawm fe hian, " Awle, ka chhang vek ang che u, min la chhuak thuai rawh u, he meidil hreawm hi ka ning tawh teh mai ania," a ti a.
Vala chuan..Rawn ken tur thilte i nei em? a han ti leh a,A ni chuan, Keimah hi ka ni mai, engmah ka neilo, ati a, Vala chuan Billa hnenah chuan..Mihring pawh ani lovang, kumthum chhung Tangkawng leh Laiking sa han rin te chu !!! kei chu Laiking pakhat pawh ka ei thei dawn tawp si lova, ati a.

An hruizen chu an zawm a, an thlakthla ta a.Billa chu putar alo ni tawh bawk a, mihring han khai chhuah chu harsa ati hle mai a, a hruizen chu a sakawr " Barney" a tih nghawngah chuan a la vet a, apawt ṭang ṭang mai a. Vala chuan tlawhchhan tur remchang a nei ṭha bawk a, putar chu an pawt chhuak ta hlawl mai a. Chu putar an khaichhuah chu ralkhat a ṭanga en ai chuan alo cherin alo ṭawp zawk daih mai a mak pawh an ti hle mai a.Putar chuan, " Hemi khuarkhurum hremhmuna ka awm hnuah mihring hmel ka hmuh hmasak ber in la ni," ati a, Van lamte chu a thlir vak vak mai a, a ban cher tak chu a theih ang a sangin alu chung lamah a theih ang a sangin a phar a."Aw Pathian, tunah chuan zalenin ka awm leh ta," a han ti a.

Vala chuan..Tunge khatah khan dah che,? a han ti a, Putar chuan, " Satterfield misual ho in mawle, mitkalhi thupek an awih a,...silai chu nei na ila chuhhh,,," a sawizawm duh ta lo a, phawk fe hian...Satterfield ho in ni maw? a han ti ṭha leh a,. Vala chuan," Teh suh ei,,anmahni hi kan zawng zawk ani, tunah tunge i nih a, engvanga dah che nge an nih? han sawi teh le" a ti a.

Chu Putar chuan Vala te sakawr zina an eitur phurh chu a hmu a, a it em em mai a, châk awm fe hian,," Eitur in nei si a, ka ei phawt ang a, chutah ka hrilh ang che u," a ti ta thlawt a.Billa chuan,,,Kha lungpui a ṭanga namthlak leh kha i duh em ni? tunah i sawi tur neih chu sawi thuai thuai mai rawh, chuti lo zawng kan namthla leh mai tur che ania," a lo ti a. Mahse Vala chuan," Bill, nilove, Eitur kan pe hmasa tur ani" alo ti ta hlauh a..

Hemi chin leh phawt hi aw,,ka theih chin zel hi min lo hrethiam hram hram ula,, ka theihtawk hi min nawr buan buan loin min lo nghak hram hram ṭhin dawn nia.
Post/type tu nih ai chuan mi type sa chhiar ve mai ka duh zawk a, mahse he story post hi ka hmu bawk si lova.tin, a thu chheh rem chiahlo leh felhlel deuh lai hi, ngaihnawm leh chhiar nuam zawk tur ni a ka hriatin ka belh/paih zeuh zeuh bawk a, duh ang a type chak ahar phah deuh.chhiar nuam vek ule...

(T Lalrin Mawii, T mawii)

[Ngaia]

THE PILGRIM'S OF POISON VALLEY.-----*-----
Bung ..3.

THE TALES OF POISON VALLEY.
------------*-----------
(Post by T mawii).

Val Heatona leh Bill Gentrya'n Putar an lak chhuahna a ṭanga mel 20 vel ah chuan ram nuam deuh mai a awm a, chumi ram chu thliarkar ang maia mawi a ni a, a sir velah chuan lungpui lian pui pui leh phul zau tawk tak mai chu a hring dup mai a. Chulai hmun chu miin an hmu ngai zen zen lo. Harsatna nasa fe tawh loh chuan chulai hmun chu hmuh mai mai theih a ni tlat lo. Engemaw kawnga han ngaihtuah chuan he khawvela hmun hlauhawm leh rapthlak ber ani thei bawk.
Chumi kawr ruam mawi tak mai lai takah chuan Thing In nalh tak leh Bawng huang engemaw zat hi a awm a, chumi hmunah chuan Luite fim zet mai hi a luang del del a,In bul lawkah chuan Thei huan a awm bawk a,In sir khatah chuan pangpar huan a awm bawk a. Luite bulah chuan Derhken hi a par vul chuk mai a.

Chung In lian tak tak zingah chuan a lian deuh bik, khan hniam tak a sak hi a awm a. A chhungah chuan pindan pawh a awm mumal lova, lamna pindan a nihloh pawhin eng tihna hmun emaw zawng a ni ngei ang. A pindan awm chhun ber chu Capital 'E' ang deuh a siam a ni a, chhuatah chuan Red Indian ho puan ropui tak tak hi a in phah zui mai a. A in reng reng chu mawl tak a siam a ni a, mei chhemna thuk te, thlalak tar na te pawh engmah a awm lova, a pindan reng reng chu a danglam bik riau a ni.
He pindan hi Satterfield ho in sualna leh thusawi khawmna hmun ber a ni a,ṭhutthleng a awm nual a, chung zing a ṭhutthlengseiah chuan mi 15 an ṭhu a,.Tukṭhuan chu Indian nula pahnihin an buatsaih sauh sauh a, an chetla vel chu Negro chawchhum In a ṭang chuan a lo thlir reng a.

Dawhkan pakhat chungah chuan hmeichhe pakhat hi a ṭhu lap mai a, a sam chu Red Indian nula sam ang maiin a dum a; a vun erawh chu a ngo nalh tawkin a mam ṭha hle mai a.a kut zungṭang nalh deuh maiah chuan zungbun nalh deuh mai a bun a, a bengbeh leh ṭhi te chu Rangkachak leh Tangkarua a siam vek an ni.
Nimahsela chu hmeichhia chu vanduaithlak tak maiin a mit a kalh tlat mai a: hmeichhe hmelchhia phei chu nisela, a laktlak loh phah hle ang.mahse a hmel chu a ṭha tlat si ani. Chu pindanah chuan amah lo chu hmeichhia ṭhu ve pawh an awm lo.He hmeichhia avang hian a lawm miten an nunna an hloh ṭhin. A hote chung a atih ṭhin ang hian tu lalnu mahin an ti thei lo ang.
Chu hmeichhia chuan, " Nang Lije, Frost, Clay, Ulas pindanah hian lo kal teh u," a han ti a, Satterfield unau pali te chu an tho a, nula chu an zui ta a. Chu hmeichhia chu a ṭhut hma chu an ṭhu lo. An zinga pathum te chu amah hmachhawn zawngin an awm a, mahse ate ber, anaupang ber chu, chu hmeichhe bulah chuan aṭhu a, chu nula nen chuan an kut an in chulsak ta hauh hauh mai a.
"Khatiangin ka nupui tawk suh" Lije chuan a han ti a. Lije chu satterfield ho zinga upa ber a ni a.Sang tak, ria tak, thinchhiat hmel zet mai hi a ni a. Nula chuan, " Engmah sualna a neilo, amah hi ka ngaina ve hrim hrim a ni," a lo tih san mai a. Frost chuan..Birdie, engatinge Lije hi i thah a, Frost kha i neih mai loh? a lo ti ve a.

Frost chu lian tak, sual zet mai, a nau Clay nena in chen vel tur hi ani a, Birdie chuan..Ulas hi hmeichhe tih thiam ber anih hi, Claya pawh hian thiam ve sela chuan Idy May chu a nei daih tawh ng, ati a. Ulas chu a unaute aiin a hmelṭha bik a, Clay chuan, " Ulas khan dam reng a awm a duh chuan, Idy May chu awm tir mai mai rawh se, Lije chu ni ila, amah leh aṭhutna kha ka tlawh let tawp tawh ngei ang" a rawn ti a.

Birdie chuan, "Engmah inlo hriat loh hi, Ulas tih chauh lo chuan in pa kha in lo tluk awzawngin ka ring lo," a ti a. Frost chuan, Birdie,,enga tan nge min hmuh duh? a han ti a. Birdie chuan,,"I va sawi har em, tlemin nang chuan thluak chu i nei ve deuh a lawm, Idy May vang vek a lawm maw le, a thlarau kan tih chawlawl sak loh chuan Claya hi engti kawngzawng mahin neih a tum loh hi maw", a ti a.

Nakinah chuan Ady May chu chhiahhlawh pakhat Nancy an tih chuan a rawn hruai chhuak a, Satterfield ho chuan Claya nei turin an lo thlem a, tun hma zawng pawhin an lo thlem fo tawh ṭhin a,mahse a duh ngai lova, tunah pawh ala duh ta chuang lo ani.

Birdie chuan," Idy May, Claya neih chu i peih zan tawh em? a han ti a, mahse nula chuan,," Ka neih hmain ka thi mai ang" zawite hian ahan ti sap a. Birdie chuan," i neih duh loh chuan i thi tho tho ang," a tihsan mai a.

Idy may chuan, " Ani mai thei e, Pu Ezra Cupple pawh i that tawh a, kei pawh hi min that ve nghal law law la ani mai alawm," a ti a, Clay a chuan,,,Idy May, min nei la, afel vek mai ang, satterfield ho kuta seilian i ni a, kan thu awih la, kan chhungkaw zinga mi i ni mai dawn a sin," a lo ti a.Idy May chuan,,DELLEY ang mai hian maw? a han ti a.
Frosta chuan, " Ka nupuiin Cupple nen a tlan bo tir cheu ani maw?a nih chuan ka vua ang," a lo ti a, Idy May chuan, Delley chang a ni lo, i nu lam lamin le, mahse Delley chuan engmah ati ve lo, Cupple an ama thu a atih vek a ni," a lo ti a. Birdie chuan,," A ti buaithlak zet mai, Guancy an hmu lo phei sela chuan, Cupple chu a thi chiang ngat maw?" a han ti leh a, Claya chuan,,Athi chiang lo thei lo, kan suan mu reng a ei tam mai, a ril alo ṭam tawh bawk a," a lo ti a.
Chung thu an han sawi te chuan Idy May chu a lo khur alo khur mai a,Birdie chuan, " Claya i nei lo ang maw? tiin Idy May chu a han zawt leh a, Idy may chuan," Ka neilo tawp ang, engtinmah ka ti buai silo cheu a, fahrah ka nih chuan ka thu thu a awm tur ka ni a lawm,Aw engatinge min chhuah tir mai loh le? In chanchin hi ka sawi reng reng lo ang," tiin a han ngen a.

Birdie chuan, " Chu chu awihin min ring amaw!!? i tihtur ka hrilh ang che, Claya chu i nei ngei ngei ang, A nih lohleh Red Indian ho hnena hralh atan Guancy hnenah kan pe ang che.Karkhat lo liam an zuah lovang che, mahse kar nuam tak anih chu ring duh suh," a ti a. Idy May lungngai lutuk chu chhuatah chuan atlu tawp mai a, Mipa ho chuan an en ngawih ngawih mai a, Birdie erawh chuan athinrim chu ala ti reh duh ta chuang lo a.,Claya chu neih i in peih tawh em? a han ti leh a.
Nula chuan,," Ni love,aw....ka nei lo vang,," a han ti leh hram a,. Birdie chuan, " Kar hnih emaw in ngaihtuahna hun kan pe ang che, chumi chhung chuan chhang leh tui chauh kan pe ang che. Nangmah inthahna hun lah kan pe hek lo ang che, Guancy an a Indian hote hnen a hralh hunah che i man zat a hriat theih nan kan hmuh tir fo ang che," a ti ta a.
Birdie chuan Indian nula pakhat hi a han ko a, Idy May chu Thingtum In pindan thim takah chuan dah turin ahan ti a,. A pasal Lije chuan,,Birdie chutiangin ti reng reng suh,.. alo ti a.Claya a neih duh loh chuan ka ti mai ang, in kalna tur hmar lam chu in sakawrte siam ula, pan ula ani mai,,alo tih san hmiah mai si.

Tichuan satterfield ho chu an chhuak ta a, Frost chuan," He nu thu lo hi chuan engmah kan ti ngamlo chu a nih awm hi maw? Lije, nangma thaibawih vang vek a ni, Delley kan tih ang hi chuan ti ve la...." a ti a. Lije chuan," Hmana putar ai kha chuan thil chu ati ṭha zawk daih alawm , nangni ho lah hian in hruaitu ah min ngai duh silo, Frost emaw, Claya emaw hi an fing hle ka tih chuan ka daw a ni ang," a ti a.
Ullaa chuan, Birdie zawngin thil chu a ti ṭha alawm, a lo ti a. Frost chuan, ,Hmeichhe thuhnuai a awm dui reng hi ka ning tawh a nia, hman deuh a mitkalh, tuman an neih duh loh kha, tunah khawvel zawng zwng lalnu emaw a in ti mai a, Delley te ang a loneitu fanu, naran ringawt neih hi Lije, i lungawi mai lo maw? " a han ti a, Lije erawh chuan chapo pui fahran hian,..Delley chu i tih tihin ti la,Birdie zawng a mit kalh mahse, tun hma zawnga Satterfield awm tawh ho zawng zawng aiin a fing daih zawk ani," a ti mai a.

Tichuan, Hmar lama Red Indian ho Sakawr an rukna hmun lai vel a kal tur chuan an in buatsaih ta a. Kum thum emaw chhung chu Birdie thuneihna hnuaiah an lo khawsa tawh a, Mexican leh Montana inkar a sumdawnna lam a inzawmna ṭha tak an nei a,.An awmna Utah thlaler pilril lah chu sawrkar hriatpui phak loh a ni a,.Bawng vulh tute an tihbuai fo pawhin tumah daltu an awm si lo. Frost erawh chu Poison Valley a an Bawng vulhna hmun chu lo veng turin an hnut chhiah a.
An kal chhuah hma chuan Satterfield Pitar, Lije te,Clay te,Ullas te hotu nu chu Vaibel sehkawh chungin alo chhuak a,..Tun ṭum chu khawi lamah nge in kal dawn? a rawn ti a, Lije chuan, Hmar lamah Wyoming leh Mexico inkar vel a sumdawnna hmun rawk kan tum ani, Kanu, enge min chah dawn? a lo ti a.Pitar chuan,,"Chhangphut kunga siam Vaibel dawrzawn chanve leh Calico (vaihlo) tlem rawn hawn la, Claya leh Idy May inneih kawr tur pawh," a ti a, Lije chuan, Awle kanu, ati a, an kal liam ta a.

Lije hi Sanghar ang mai a kawlh nupui nei ani bawk a, an unau zingah rau rau chuan a zaidam ber zawk a. An tlan liam hnu chuan Pitar chuan,..Khawnge Idy May ? a ti a.Frost chuan, Idy May chu ngaihtuah lo mai rawh,Birdie enkawl alawm, a lo ti mai a.
Pitar chu a kal ta a, in pakhat tereuhte ah chuan alut a,. Abulah chuan In lian deuh hlek zawk hi a awm bawk a, chu inah chuan Pitar deuh thaw pakhat hi alo awm a,tui bel a tui chu alo herhchhuak mek a, a hming chu Delley ani.

Delley chuan pitar hnenah chuan,,Idy May chu engtinnge an tih tak? a lo ti a.Pitar chuan,,Birdie in a enkawl rih,,a ti a.Ṭhutthlengah chuan a ṭhu ta hnawk a, vaibel a zu a, hun kal tawh hnu hman lai chanchin a ngaihtuah vang vang a. Delley pawh chuan apuan suk lai chu a suk zawm leh mai a, Delley hi Frost a nupui a ni a, chutih lai chuan Delley chuan Idy May emaw, a pasal nu emaw bak chu tumah a kawm ngailo. Chung kum nga chhung lek a a awmdan lo danglam tak zia chu a ngaihtuah neuh neuh a. Nula mawl tak, loneitu fanu mai ani tih a in hria,. Chung lai vel chuan Frost leh Lije an lo kal a, an inchei nalhin tangka an ngah bawk si a, thlakhat hnu velah chuan Frost nen an in nei ta mai kha ani a.

Chung hma kum 20 velah chuan Satterfield ho chuan an awmna ram an kal naah putar pakhat ṭha vaklo a awm tih pawh an hria. Chu putar leh mi pakhat Ezra Cupple an tih chu an hotu ani tih an hre bawk. Mahse Lije leh Frost chu nupui neiin chapo fe in an lo kir a, chung lai chuan khawthlang ramah nula an vang em em mai a, Lijea'n Birdie Crumwalls a nei duh hi mak ati em em mai a. Crumwalls ho chu mirethei chu an ni lo, amah Birdie pawh hi Lehkhathiam ani a, apa pawh mi hausa tak ani nghe nghe. Birdie chu an unau zingah ate ber ani a, amit a kalh avangin tumahin an nei duh ṭhin lo va, mahse Lije tan zawng mitkalhlo nen danglamna a awm chuang lo.
Heng mo pahnih te hi an in ang loin an hrang dun em em mai. Delley chuan tunah chuan Satterfield ho chu outlaw an ni vek tih a hre tawh a, mahse eng ati thei chuang tawh lo.achunga phurrit lo awm chu a phur ngawt tawh mai a ni.
Birdie erawh chu chutiang a ni ve lo. An ram a kir leh te chu a duh tawh teuhlo mai a, thilsual tihte pawh a pawisa miah lo. Outlaw ho lalnu a in siam a tum tlat a, a hlawhtling ta ngei reng ani. Mahse Satterfield putar pakhat leh mi pakhat Bull Beckera an tih chuan Birdie chu an kalh fo tih ahria . Satterfield Putar chu ruaiṭheh niin a thi a, Bull Beckar pawh chu a bo nghal daih a,. Chuta ṭang chuan Birdie chu roreltu berah a ṭang nghal ta a ni.
Guancy an tih chu Indian pawl hotu ber leh Indian nula pahnih te chu Birdie chuan a thuhnuaiah a dah a, satterfield ho chhiahhlawh Ripa an tih chu a thuhnuaiah a dah nghal bawk a ni.Delley leh a pasala nu leh Idy May chu an awm hrang deuh bik a, Frost pawh an chhung zingah chaw a ei ve tawh ṭhin a, tunah phei chuan fa pathum, bal tak tak an nei tawh bawk,.
Delley chuan Idy mayi chanchin chu a hretlem kher mai a, Nula sam eng, rangkachak rawng an tih ang sam nei, tih leh Satterfield chu a ni lo ngei tih chu a hria. Fahrah ani tih pawh a hri a. Satterfield pitar chuan Idy May chu ṭha theihtawp ani tih a sawi ṭhin mai lo chu a chanchin engmah ahre lo.

Idy may chu Claya nei tura an tih lai vel te chuan Delley chuan pawi alo ti em em ṭhin a,chu nula chuan a remti mai ang tih a lo hlau ṭhin. Mahse putar Ezra Cupple an beiseiawm lo tak a atlanbopui lai te khan alo lawm ve em em mai a, mahse Claya leh midangten Idy May chu an rawn man leh a, Ezra Cupple chu an that a ni tih an rawn sawi chu mak pawh a ti lem lo. An hmuhna apiangah Cupple chu an thatin a lo ring sa reng a.

IDY MAY chuan buaina chu a la siam ta zel si a, mahse Delly ngaihdan chuan, tu tan pawh Satterfield ho han beih chu thil sawtlo niin a ring tlat, Idy may chuan khuareiah zawng CLAY Satterfield chu ala nei nge nge ngei ang le...i lo thlir zel phawt ang u.
.
(T Lalrin mawii, Tmawii)

[Ngaia]

THE PILGRIM'S OF POISON VALLEY.---*---

Bung ,,4.
The old Nevada Outlaw..

(Post by T mawii)

Vala leh Billa chuan riahbuk chu an siam thuai thuai a,.Putar chuan an eitur chhum chu ei chak hmel fe hian alo thlir dauh dauh mai a, ei tur chu a hmin pawh a nghak zo ta ngang lova, chinghnia ang maiin a hminlo chuan a ei ta buan buan mai a. Coffee bel te chu a khawih rawk rawk mai a, anni chuan an khap duh lemlo a,,Kum 3 chhung coffee ka ei miah lo,, a ti mawlh mawlh mai a.

Chaw a eikham hma chuan chuan engmah an zawt duh lova, kar loah chaw chu a ei fai ta vek mai a.Billa chuan a chaw ei lai chu alo en ngun bawk a, tun hma chuan chu putar chu lian tawk tak, sa ṭha nelhnulh, chak pawh chak tawktak a ni ang tih a hre mai a. Chu putar chuan," Nawhalh te hi ka nei ve ṭhin tak na a,kum hnih chhung zet chu misualnu chuan ka neih pawh a phal ta lova, ka meichhente hi tih thih loh hram hram ka tum ṭhin tak nain, alo thi leh nge nge ṭhin ani", a ti a.
Val Heatona chuan," An rawn tlawh ṭhin che em? a ti a, Ani chuan, thlahnih emaw, thlathum danah min rawn tlawh ṭhin. Tun ṭuma Lije lo kal chu alo kal har deuhin ka hria, min tlawh khat tawlh tawlh a, eitur pawh min pe tlem tulh tulh mai, an lo kal apiang hi ka hmuh hnuhnun ber ani mi awm mang e, ka ti ṭhin, ati a. Vala chuan,,mahse chaw an pe che alawm, ani lawm ni? a ti a.Putar chuan, " Uicho chaw mai alawm, an chaw lah chu chi a tel ngai silo. Achang leh Bawng sa leh Vawk sa ro lutuk, a chhe tawh tih hriat reng hi min rawn pe ṭhin a,. Mahse Lije chuan Apple dah ro min pe a, mahse an kalbo hma in ka ei zo hman zel.
Chung, phung ho chu ka theih ang a tih ka la tum a niang chu, Uṭawk leh Laiking sa te ei lo phei ila chuan rilṭam in ka thi daih tawh ang", a ti a. Billa chuan,,Sangha te i man mei lo'm ni? a han ti a,. Ani chuan, he lui hi a hnar a ṭanga hel a ngai tlat a, sangha manna ka nei bawk si lova, a lui reng reng hi a chirhdum bawk a, Sangha a awm thei lo a ni.a ti a. Vala chuan..i hleuh kai mai thei lovem ni? a ti leh a, putar chuan, a lui hi Tuizangkhauh a tam a, a hmar lamah lungpui hriam tak tak, insut palh a thihna mai tur a tam em a, tin, a pahnihna ah chuan, Tui hleuh ka thiam lo tlat, a ti ta a.
Vala te ṭhian dun chu an in en a, chu putar chu a thusawi ang pawh chu lo ni sela awm hle vekin an hria.Chaw a ei kham chuan Billa Vaibel chu an zuk tir a, a mitmeng fir tak chu lawm awm takin a lang a, Vaihlo te hi zuk tur ka dil fo va,mahse pek cbu sawiloh, min nuih mai ṭhin ani, ati a.

Vala chuan, " My God,,an han tih dan che hi chu kum zabi tam kal tawh a phung ho ang mai zuk nia,"a ti a. Putar chuan, " Birdie mitkalhi a la awm lai hi chuan, ramchhuah te chu ngaihtuah chi em ni? Thil pakhat ka damchhan a awm--chu chu Birdie hrawka reh a ni mai" a ti a. Billa chuan, Satterfield ho tan i in siam chimawm mai mai ani, ati a.
Putar chuan," An sam zaikhatte pawh ka la ti chhum love," a ti a. Vala chuan," Ngawiteh, kan lakchhuah che chuan Satterfield ho chanchin min hrilh i tiam a, chu chu nangma chanchin pawh ani nghal a nih chu,. Tunah hian sawiṭha duh vak dawn loin i lang leh si a,thu diktak i sawi tur ani," a ti a.Putar chu lawm o fe hian a rum nghut a, chutiangin min ti mai mai thei lovan, Satterfield pawh in nilo. Misual zawngtu in ni maw? a ti ta khui khui mai a. Vala chuan,,kan ni lo ve ve, a ti a.
Chu ramhuai putar chu Ezra Cuople a thih tnu leh an hriat ngailoh nula chhanchhuah an tum thu chu a hrilh ta a. Mahse pawisa leh lehkha ziak Cupplea hnen aṭanga an lak thu chu a hrilh lova, putar chu a nui huk a," Kum tam fe an zinga athawh hnuin Cupple chu an that ta ani maw? Kha ramhuai putar kha adik ani, phunnawi lah a nei ngailo, Jim satterfield angin he pawl hi tih len tum a ni a,mahse thu a nei phak ta lova, an thu thu in an dah ta ani."a ti a.
Vala chuan,,Nula chu..? a lo ti a. A ni chuan, "Satterfield zawng a ni lo, alo kalna chin pawh ka hre lo. Ka hmuh tawp berah kha chuan a dang bimbem khawp a, Claya a nei duhlo hi ka thiam lo love, kan ramhuainu tih lohah chuan a sual ber a ni,. Ullas hi a naupang ber ani" a ti a.
Vala chuan, " Chu nula chu lakchhuah kan tum ani,Satterfield ho chu i huat viau bawk chuan tihdan tur min hrilhin min ṭanpui ang che,"a ti a.Putar chuan,Nia ka ṭanpui ang che u, silai min pe ula, pakhat tal chu ka va that ang e, heng kum thum chhung hian Laiking sa ei min zirtir ta bawk a,.....ka thah theih chuan Poison Valley velah hian ka thah mang vek hma chu awm mai ka tum a ni, ati a.

Vala chuan," Chu chu kan duh lo, Poison Valley a luh theihna kan duh ani. Chuvangin an awmna min hrilh tur ani," a ti a. Putar chuan,,chulo pawh chu ka la tihsak theih che u a awm, ka hruai lut ang cheu a,tihdan tur pawh ka hrilh vek ang che u, Outlaw anga in luh loh chuan minute khat pawh an zuah lo ang che u..ati a.Vala chuan,,,I remruatna ang chuan min hruai lut thei hlauh la chuhh,,, a han ti a.Putar chuan amit ahan khap lup lup a," Pathian zarah putar Bull Beckara hi an tihhlum theih loh zia ka la entir ang mawle"?a ti ta a.

Vala leh Billa chuan,,Bull Beckar !!! Bull Beckar a!!! Nevada Outlaw putar kha ka ni, i tihna em ni? an ti rual ṭhawt a, Putar chuan,,BULL BECKAR-A ni teh lul e, mite chuan ka thi tawh emaw an tih ka ring hial ani.Nort Ca'liny (North Carolina) vela Jim Satterfield leh Ezra Cupple an thil an tih lai vel khan, khawthlang lamah hian Outlaw ropui ber ka ni, an pahnihin ka pawlah ka teltir ve ve a, an bul ṭanna ka tumsak ani." ati a.

Val Heatona chuan,,An tibuai mai che a va ni awm ve? a ti a. Ani chuan..Ka â em alawm mawle, he Poison Valley ah hian ka pawlte an rawn tidarh khawlo zo ta a. Kan ramhuainu chuan Satterfield hi chu Tûr a alo la hraihlum zo vek lo te anih chuan ka awmdan pangai a awm leh kha ka tum a ni. Vala chuan,,he Birdie hi thil sawi nuam tak chu a nih hi maw le,,a lo ti a, Putar chuan,,A mitkalhah Ramhuai a a awm tih ka hrilh fawk mai ang cheu, engtin pawh ti che u sela,pawi ka ti lemlo. Mipa reng rengin an hmuh chuan an zam mai a ni.A mit a kalh avangin a en leh en loh cheu pawh in hre mang lovng...a ti a.
Billa chuan,,Engvanga chu Ramhuainu chu man duh viau nge i nih? a lo ti a. Bull Beckar a chuan " Tangka tamtak ka neih a ring a, chumi a duh avang chuan khu pukah khuan min thlak ani.mahse Pathian zarah ka la dam alo'm, ani a thi tur ani, ati nghut mai a. Billa ṭawng leh hma chuan, "Ka pawisa awmna ka hrilh hma chu puka dah tur te min ti vela, a thih hma chu dah reng mai tur te ati a, hei, mahse ka la thi love...a ti a.
Billa chuan, Vala, kei chu he Poison Valley aia hmuh ka duh hmundang a tam mai, a han ti a.
Vala chuan, Kei pawh le, mahse he nula hi ka ngaihtuah ani.mahse heng Outlaw ho zingah hian .tlanbo pui duh pawh lo awm nise, atan a ṭhalo nasa mai dawn si a, chuvangin kan bei zel ang. a ti a.

Bull Beckee chu a nui huk a, "A ṭha ! Bull Beckara pawl ami anga in in sawi chuan in lut thei ang, chu nula chu lakchhuah in tum a ni si a, ati a,.Anni pawh chuan, Bull Beckara chauh lo chu chutiang thu hrilh lawk thei tur an awmlo tih an hri a, a sik leh dikloh erawh chu kan la hrechhawm zel ang chu.
Bulla chuan, Ka pawla mite anga inchhal inhnial chuan in tkanchhuak thei tawh lo ang, nang phei chu keimah ang bawk a putar i ni ve si a, tiin Billa chu a en a." He tlangval hi ka man ani, i ti ang a, Satterfield ho hriat hauh loin Wyoming kal pawhna ka nei ru a,mahse inbiak rukna te chu an thiam ve tho ani. Thu pawi tur anih chuan ,,Thlauh rawh,,i han ti ang a, chumi a an la rinhlelh che chuan,,,misual i that em?,,an ti ve ang a, nang chuan,,,Zanin chu Thla a eng no nghulh mai,,i ti dawn nia. Chulo pawh thuruk dang ka la entir ang che u, chutianga in tih chuan hun remchang in nei thei ang, an hriatchhuah che u in hlauh hunah zet chuan, Bull Beckera kan zawng,,ti ang che u. ati a.

Vala chuan,"A ṭha hle mai,"a ti a, Billa chuan, A ṭha, mahse nungdama kan chhuah theih hlauh chuan Dollar maktaduai khat ka chawi ngam..a ti a. Vala chuan, 'Kan bei chhin ang chu' chu nula chu tunge a nih a, engtinnge a ṭawng dan te min han hrilh teh,' a ti a. Beckara chuan,,i thlen hunah i hre mai ang chu,,a ti a. Vala chuan,," ka nghakhlel lutuk, engtia hla nge? han sawi teh Beckar," a ti a,. Putar chuan,"Bull" min ti rawh, ka ho te min koh dan ani, Sakawr chunga chuang chuan chawhma kal pawh ani lovang, mel 4 emaw velah lui alo awm ang a, chuta ṭangin mel 24/25 emaw vel, Pizen Valley chu a ni ang a, chhimchhak lam hawiin i thlep leh tur ani" a ti a.

Zan alo nih chuan Riah hmun an siam ta a, luiah chuan an innghat a, an mutna kawr chauh lo chu engmah an phelh lo. Outlaw putar chu an en ru deuh reng a, ani chuan an rilru chu a man thuai a,"Min ngaihsak vak duh suh u, kawmawl pakhat kha min thlauh ula atawk mai e, kumkhua aka khum tluk ve tho a ka lo hman a ni a, tahkhuan ka zuk chhuk ang a, ṭiauvut ah khuan ka zuk mu teh ang,"a ti a. Anni chuan chu putarin an sakawrte a lo ruk pawh a an hmuh theihna ngei turah chuan an puante an phah ve ta a.

Zanlai a pel tawh mah a,Vala chu engemaw vangin alo harh a, a thil hriat chu ngaitbla reng chungin ala mu a, amutna aṭanga ft 30 velah chuan engemawni hi a phe zoh zoh mai a, phung pawh ani mai thei, chutiang chu a awm ve fo tlat ani.

Vala chu ala ngawi reng a, a silai chu a han la a, a kokiah a chhuang a,. Chu veleh an riahna piah lawkah chuan mihring niawm tak hi a hmu ta a,. Vala chuan,"Ding rawh, Ch tawh suh," a han ti tuarh a, chu mihring chu a zuang zawr a, thil engemawni hian Vala biang chu a rawn vawm ṭhuai mai a, ṭiau vutah chuan atlu ta a, mahse alo tho leh thuai a, chu mihring pa zuang tur chu a han kap a, mahse a ṭhelh hlauh a.

Vala au thawm leh silai puak riah chuan Billa chu alo zuang tho a, Vala chuan a han kap nawn leh a, mahse afuh ta chuang lo ani ang, thimtham zingah chu thil chu a pilbo ta daih a, Bull, lo kir leh rawh.. a han ti tuar tuar a.

Vala chuan ahnung lawka thil ri chat kha ahan hrechhuak leh a, ahan dap a, chemte sei, hriam fe mai hi a hmu ta mai a, Billa chuan thinrim fe mai hian,,,kha putar bawlhhlawh rukhmang kha kan la chhuak vei rawk a,....a sawi zawh hma chuan Vala chuan,,Ngawiteh ,Bill, Bull Beckar ani ngei tih kan hre hlei nem, ngaithla mah teh, a han ti tak nain lui luang ri a vang chuan engmah an hrechiang hleithei si lova.

Vala chuan ngun takin a han ngaithla a, mi pakhat tui hleuh, vaukam lehlama kai turin tui a pal rik bawrh bawrh chu a han hre thei a,. Chutih lai chuan Billa chuan..Ka silai a bo daih alawm Val, a ti ta mai a. Vala silai chu a bo ve lova, an mutna hmun chu an han en ṭha vel a, Silaimu dahna bawm engemaw zat leh Vawksa ṭin ṭhenkhat chu alo bo vek mai bawk a.
Billa chuan..Kha ramhuai putar khan chemte a vawm hlum che atum anih hi,.. a han ti a.Vala erawh chuan..Midang an ni mai thei asin. Beckera ani nge nilo kan hre hleinem, ani kha chuan chemte pawh a neihloh kha mawle!..a ti a.Billa thung chuan..Amah anih loh chuan alo kal daih tawh ang.. ati thung a, Bull Beckaran riah atumna luikam lam chu an han en a," A va pawi em!! Bull Beckera awm ta lo..

Bill Gentry chuan," Hetiang hi ka duh lo khawp mai, athu min hrilh te kha, hetiang thil alo tih duh vang hi ani ngei ngei ang, hetiang hi anih avangin chu hmechhe sual chu zuk hmu mah ila, Satterfield ho chuan min lo beihrawn ngei ngei ang,"a ti a.
An Sakawrte chu an lo la awm a, an kawmawl chu an phah ṭha leh a,tlem an mu leh ta a.zingkhua alo var chu an lawm hle. Mihring hnuhma chu an han zawng hmasa phawt a, Bull Beckara leh an silai pakhat chu abo ngei mai.

Outlaw Putarin ṭiauvut a daina lai chu an hmu thuai a, an thlang lawk lui bulah chuan amu ngei mai a, reilo teah atho leh a, a kawmawl chu zialin, Vala leh Billa te awm naah chuan lo kal kir lehin, alo kir leh chuan bawkvakin a kal tih a sulhnu aṭang chuan a hriat a, Silai te, Silai mu te leh thildang te chu ava ru tih an hre thei a.Ṭiau vutah chuan a khup thla te, a kiu thla te leh a kutphah thla te chu a awm nuk mai si a.

Bill Gentry chuan, ..Hei amah ngei a nih chu a chiang a lawm, min that lo hi a mak zawk ani, harh hlauhlo phei la chu min that ngei ang, a ti a. Vala erawh chu a ngawi reng a, Bull Beckaran lui a kanna lai awm chu a zawng a zawng a, a hmu ta a, mahse chumi thlang lawk ft 6 vel leka hlaah chuan Bull Beckara hniak ni lo, ṭiau vutah chuan hniak thar deuh mai hi a hmu ta a.
"Bill, lo kal lawk teh" a han ti a, Billa chu a mit a var bawk a, chu hniak chu a hre nghal thuai a, " Red Indian hniak a nih hi, Injun Vahui ke ang hniak ka hmuh vawikhatna a ni," a ti a. Vala chuan,,Bull Beckara kan lo puh mai pawh ani,..a han ti leh ṭalh a,mahse Billa chuan..Chu chu enge ni chuang ang,? hei hi injun rukru kal vel hniak mai mai pawh ani thei a sin..a ti a.

Val Heatona chuan, "A ni emaw nilo emaw pawh nise, Beckara khan, Satterfield ho chuan Indian tam fe an kawl tih a sawi kha, Bill, Ngai mah rawh, he injun pa hian Beckara kan hnenah a awm ve tih a va sawi ang a,Satterfield ho in chu chu an rawn enfiah em em ang,. Beckera chu a awmna hluiah khan an va en anga, an hmulo ngei ang a, chutah, keinin kan zawng ani kan ti dawn nia,'a ti a, Billa chuan..ka rin ang ngei a hei hi injun rukru kal vel mai mai anih loh chuan a ṭha lo hle mai dawn a, chuvangin Beckara zawng chuan keimahin kal ila, tichuan........a sawi zawh hmain Vala chuan, "Ni love, i kal lovang, i kal aiin keimah ngei ka kal zawk ang , he thil hi ka bansan thei tawh lo.Beckara ṭhiante ni awm taka lan chu a ṭha lo vang, Mahni ngeia va luh a, chu nula chu va lak chhuah ka duh ani."a ti a.Billa chuan, ..Chu zawng ka hrelo , i sawi ang mai a chu thil chu nunrawnna leh thisen chhuahna te a nih dawn chuan, he ramah hian kan awm hi an hria nge hre lo tih zawn chhuah phawt a ngai dawn ani," a ti a. Vala chuan,..i sawi awmzia chu enge ni? a ti a,. Billa chuan,,he injun pa hian kan chanchin a sawi chuan, karloah min rawn zawng thuai mai ang, chuvangin, he lui hi kan rih loin lo nghak phawt ila, aṭha ang,"a ti a.
Vala chuan chu chu khawtlaina mai mai niin a hria a,.Poison Valley a nula chhanchhuah tum tan chuan khawtlai mai mai chu a ṭha loin a hria a, mahse Bill Gentry thusawi chu nakin hnulam dawn chuan thil ṭha tak niin a hre bawk si.
Tukṭhuan pawh buatsaih loin Sakawrah chuan an chuang a,tlang lamah chuan an kal chho ta a.. chutah chuan an sakawr chu an thukru a, Pousin Valley bawng vulhna hmun lan theihna tur hmun chu an zawng ta a. Hun a kal zel a, Vala chu a awm mai mai thei tawh mang lo.chung lai ramro tak, a ṭhen lai lai a thlaler hnim lo awm zeuh zehna hmun han thlir veng veng mai chu hun hlu tak khawhralna ah angai zel tawh mai ani.

Mahse chung tlangdung rapthlak tak mai karah chuan kawr ruam mak deuh mai a awm a, chu chu alawm Bull Beckeran Satterfield ho kum 20 lai an lo awm tawhna atih chu,. Hemi hmunah hian lo chawl ta lo sela chuan kawng chanve lai an kal tawh tur.
Nakinah chuan Billa chu a phun deuh bul bul a,.Vala pawh chuan athil enlai lam chu hawisanin Satterfield ho bawng vulhna lam chu a en ve ta a.An hmalam hnimbuk piah lam aṭang chuan mi panga vel hi an lo kal a,han en mai pawhin an zinga pakhat chu Indian ani tih a hriat mai a,.A dangte pawh chu rinhlelh rual lohin Satterfield ho zing a mi te an ni ngeiin a hriat bawk a.

Bung ..5..
Heres Come Lize Satterfield..

Chung Outlaw ho chuan lui daikaina lai vel chu ngun deuh mai hian an rawn en vel ta a.Lui an thlen hma chuan an ding vek a, Indian pa chauh chu a chhuk a, mihring hniak zawngin akun dun dun a,chutih pah chuan Lui chu a pan hnai zel a. Billa chuan," Silai chu la nei ila chuan, Ṭiau vuta a awm lai khu ka leh tir tawp mai tur," a han ti a,Vala chuan ,,Ka ta hi hmang mai rawh,,,ati a, mahse Billa chuan angaihsak tak tak lem lo.
Chutih lai chuan Indian pa chu Lui bul chenah chuan a ding a,midang chuan an hnaih ve nghal thuai a, an piaha lungpui lam chu an thlir phei ṭhap hlawm a,Billa chuan,,,Val, i sam zaikhat pawh kha chettir suh,chuti lo zawng an vunsen pa khuan a kap thlu der mai tur che a nia, kan sulhnu vel khu mak an ti anih khu,,a ti a, Vala chuan,,,Kan hnu an rawn chhui angem le? a ti a.Billa chuan,..An hnar hloh an duh leh duh loh a thu ani mai..ati bung nghut a,Vala chu a nui sak a, Billa chuan chumi hma chuan an thiltihah phurna em em anei hran lo a, tunah erawh chuan a rilru alo danglam sawt ta hle ani.
Outlaw ho chuan Lui chu an daikai a, tui chu an awm thleng lai a thuk ani.Vala te riahna bûk phei chu an en ngun hle mai a, a khat tawkin pahnih khat chuan tlang lam chu an en deuh hru hru reng mai bawk a.

Billa chuan,,Nizan Indian pa khuan chhun engah min hmuh leh tak siloh a vangin an mawhchhiat deuh anih dawn khu, in humhim duhin kan tlansawn pawh an ring a nih khu, ati a,. Vala chuan,..Nimahse Bull Beckara kha ala awm nge awmlo tiin a puk kha an en ngei ngei ang..ati a, Billa chuan..Saw Injun pa saw alawm ṭhalo roh chu le, Sakawr ka va kai ang a, lo awm ta che ,,ati a, Vala chu a bu nghat a, an sakawr chu hloh an duh lova, an hnu chu tih lan loh hram an duh bawk ani. Darkar chanve hnu velah chuan an awmna tlangdung,Bulla tanna puk lam pan chuan mi pakhat alo kal phei a,Indian leh midangte chuan an hmu thei hauhlo a,Vala chuan Billa chu apan phei thuai a,Billa pawh chuan Indian pa chu a hmu thei bik lova, Billa chuan,..Saw indian pa sawn ahmu ngei mai dawn.titeh, i kal teh ang, ati a.

Melkhat vel an kal hnu chuan lui panna kawng chu an va thleng veleh ta a, an bihrukna chu a ṭha hle mai a, Vala chuan duhthusam a sep vel a,"Beckera rawn en tur saw ilo ti ti pui teh ang, Beckera anga misual dang chu ka duh lem chuang lo a,"a ti a,Billa chuan, Bulla ṭhian kan ni tih chu a ṭha lo vang,i duh chuan ilo be teh reng ang hmiang,Poison Valley a zanriah ei turin min sawm ngut ange maw chu? a ti a.

Hmuh hauh loin lui panna chu an zawh thei a,an mi duha erawh kha chu a kal leh daih tawh na a,alo kal leh hunah an hmu lo thei tawh lo ang. An mi duh khan thleng ang tak lungoui a thlen lai vel chuan,Beckera an khaichhuahna lai vel kha an lo thleng ve tawh a,chu pa chu a ding chawt a,muang changin an awmna lam chu a rawn pan phei ta a.Lungpui chunga hnawhthlak angam siloh chuan a in pe tur ani ta mai,.Vala chuan chupa chu Silai kau sa reng ani tih a hria a,Billa pawh chuan a silai chu a tawklo ani bik lo.
A landanah chuan chupa chu kum 40 chunglam mah hi anih hmel a,Pa sang leh ria tak, hang tak ani. Ahmel chu Outlaw ani tih lanchian tirtu ani a,a hmai chu a chuarin a ser deuh nuk a,a ka leh hmui chu nui ngailo tih a hriat hle,a aakawr chu a pawtding a,an ṭawng chu a nghak ta a.Vala chuan chu pa chu hmelma an ni nge nilo tih ahriat nan thu azawh a nghak a,mahse angawi reng mai si.Amah zawk chuan,,Ṭhiana, i dam em? Henglai velah hian mi â i hmu mial lo maw? ati a,chupa chuan,,Mi â a, hmulo, Eng mi â maw?a lo ti a,Vala chuan,chu chu alawm kan hriat duh chu,Niminah khiti lai lui kaina tur khi kan zawng a,chutih lai chuan patling mangang au tuar tuar kan hre taa,kan han en chuan khu laiah khuan mi â ni awmtak putar kan hmu ta mai a.Lo chhuak turin kan han ngen chiam a, mahse jan hruizen thlakah te chuan zawng ang maiin a uai nul nul mai a.a ṭawng lah chu laktlak reng reng a awmlo.Lui bulah khuan eitur te kan pe vel a,mahse zanah kan mut hlanin chemte nena thahte min tum ta a,a tlanbo leh ta daih mai a, kan zawn kan zawn pawhin kan hmu thei tawh silo.mahse mi â dangte ang bawkin a tlanbo na hmunhlui lamah alo kirin kan ring ani.ati a,chupa chuan alo ngaithla ngun hle mai a,"mahse ṭhian te u, engti mi nge maw in nih le? tiin azawt ta daih a.

Vala chuan,Rangkachak lam bei mi kan ni a,kan ṭhianpa hian helai Colorado lui mawng lampang chanchin hi ahre tawh a,indian ho zinga achen ve laiin,Nevadas ho chuan Rangkachak khur ṭha tak tak awmnate an hre ṭhin tihte a hria a,heti lai ram hi a thlaler hle si a,helai hi kan kaltlang theih dawn loh chuan chuti lam chu pan kan tum ani.ati a.
Chupa chuan, Rangjachak lam timi pawh chu in va ang silo ve,ati a, Vala chuan,"Kan anglo reng ang chu, puakruk leh inthahnate hi rangkachak hmuh nan chuan aṭul ve fo asin.a ti a,ani chuan, outlaw in ni maw?Bawng vulhtu zahawm takte pawh in va ang si ve, ati leh a,Vala chu anui mai a.
Chutah Vala chuan,"Satterfield i ni em? tiin azawt ta phut mai a,chupa chu a sakawr chungah chuan aṭhu ngil zawt mai a,mahse a in siam ṭha leh thuai a,,,Ka ni asin,ka hming chu Lije Satterfield ka ni,ati a, amelh deuh ram ram a,,Anih engatannge i tih? ahan tih zawm leh a, Vala chuan, engatan ti love,nangni ho hi inhming athang em a,tlawhkual vel mai mai cheu kan duh ani,ati leh ta daih mai a.
Lije chuan thinrim fe hian,"Ṭhian te u, hemi hmunah hian Satterfield ho hian bawng vulhnate kan nei a,nangni hian kan zinga pakhatmah in tawk mai mai thei lovang,bei duh ting suh u, ati a,.Vala chuan,,Thiamloh min chantir nghal ngawt dawn elo, in hnathawh chu kan ngaihtuahlo, kan tibuai lovang che u. E khai, mahni nghawnga hrui han valh palh ahlauhawm dawn hi,rangkachak lai mi tetan chuan ram ṭha tak anih dawn hi,mitthite chuan engmah an sawi thei ve tawhlo tih i hre ve reng lo'm ni? a han ti a.
Satterfield pa chuan,,I ṭawng huai zet mai a,..alo ti a,Vala chuan,"Kan chan aṭha miau alawm, bawng vulh in nih si chuan khawi aṭanginnge bawng chu in hmuh ka hre mai,Nangni ho hi Outlaw deh khirh ber in ni tih ka hria ani,engvanga kha mi â pa kha khuarkhuruma dah tehreng nge in nih? Kum khat lai min dah tawh ati nghal si a"ati a.
Lije chuan,,,chu a hming a hrilh che u elo?a ti a, Vala chuan,,amah chuan Bull a in ti mai a,mahse thu kan zawt che anih chu,I ṭhiante chu han awm ve se tihngaihna pawh a awm deuh tur..ati a.
Thinrim fe hian Lije chuan.."A! An fin lai ni a an hriat phawt chuan tumahin Satterfield ho hi thu an pein an zawt ngam mai mai ngailo tih hre rawh,"ati a.Billa chuan,Val, i kaphlum mai ang hmiang, a samkhai zawk ang,alo ti a,Lije chuan alo hlau hman hle a, mahse Vala chuan,,ni rih love,hetah hian Satterfield pa rawn tibuai tur leh in thiltih rawn hre tura lo kal kan ni hleinem,mahse i duh chuan hetah hian insualna hmasa ber chu kan nei nghal mai ang chu..ahan ti ta a.
Lije chu mak ti awm tak hian amengbial kawk kawk mai a,"Thiamloh chu min chantir bik suh aw,dan hre mi (law man) te an nih ngawt siloh chuan,satterfield ho chu mikhual lawmthiam tak chu kan ni ve asin,chung dan hremi chu in nih ve ka ring ani,henglaia outlaw te hi chuan kan kal theih nan inbiakruk dan an hre vek ani,ati a.
Vala chuan Bull Beckara sawi angin amah leh amah chu thanga inkhalh awh mai a duh lova,chutiang thu engmah kan hre ve lo,ṭhian dun mai kan nia, i duh leh min kalsan la,i duh zawk leh min kalpui la,mahse chu mi â pa chu kan zawng zel ang,"ati a.Lije chuan lawm vak lo hian, in thusawi chu adik tak ang chu,kan in lamah ka nupui ka hmuhtir ang che u,chung Indian rangkachak khur chu kan hre ṭeuh tho a lawm, kan zawnpui ang che u, ati ta a.
Vala chuan, i ti ṭha e,mahse mi â pa chu?a han ti leh a,Ani chuan,,engatannge maw i tih vet tei le? ati a. Vala chuan, "Amah chauh hi Rangkachak awmna hria chu ani bik lova,mahse Rangkachak awmna puk min hrilh thei mahna,ka'n ti deuh mawle. Kan ngaihdan chuan kha pa kha chu a hmelah a hriat ani,"a ti a.Chutah Lije chuan..in fing zet mai,kha pa kha chuan Colorado lui mawnglamah khuan Rangkachak bawm a thukru roh a,a sawi hma loh chuan Dirty Devil ah khuan dah kan tum ani."ati a.Vala chuan,,A ṭhat dawn khawp chu,,alo ti ve ta a.
Chuta ṭang chuan an kir a,lui lam chu an pan leh ta a,Vala chuan Billa mitmei aṭang chuan Satterfield pa chu alawmlo hle tih a hria a,mahse hun remchang ahmuhte chu Poison Valley a an luh theihna tur leh n pan chhan IDY MAY-I hmuh theih nan chuan beih fan fan zel atum a...

Ka rawn bung 2 ta ṭhuai mai. Lo ninglo mai r'u, hehe.
Tupawh thilṭha tihtur hria a ti silo chu atan sual ani..jacob 4:17. (T Lalrin mawii)

[Ngaia]

THE PILGRIM'S OF POISON VALLEY-*-

Bung. 6.

The Queen Of Poison Valley..

(Re type...Tmawii)

Lui lam an pan lai ai mah khan Vala chu a fimkhur a. Billa putar tawh tak chu Sakawr puakphur ngaihtuahin a hnungah alo kal ve zel tih a hria. Chutia lui an va panna kawngah chuan misual hmel tak tak pathum, thingbuk hlim a ṭangin an rawn kal chhuak a.Valan hmuh a beisei ruk tak, Indian pa erawh kha chu a tel ve hauh lo.

Lije-a chuan, "Awle, ka bawngpu te ka hmuh tir duh che u, a hmasa ber aṭang sawn ..Jack Crad Lebough,,Seven-up Sorensen leh Apache Tom an nih saw. Ṭhian te u, hemi te pahnih hi engemaw zawng mi an nih hi.Enge in hming in tih kha? a han tih zawm leh a.

Chumi te awmdan a ṭang chuan Bull Beckera thusawi te kha an hrechhuak leh rum rum a, Vala chuan mi pathum te chu a en reng a, chumi te zingah chuan tunge rum ber ang a tawhkhirh ber ang tih a hrethei lawk lo a, mahse Apache Toma an tih inthlah pawlh Red Indian thisenkai anih avang chuan arilru chuan chupa chu a chhinchhiah deuh bik a.
Lijea thu zawh chhang chuan, " Val Heatona ka ni a, ka ṭhianpa hi Bill Gentry a nih hi a ti a, an hming diklo sawi chu a duh lo. Mi pathumte zinga pakhatmah chuan Vala thusawi chu lu bu takngial pawn an ngaihsak duh lo.
Apache Tom chuan Vaihlo a zial a, a Nawhalh chu a han nawt a, muangchang fe hian Vala te melh reng chung chuan a han pet a, a fawp vang vang a. Lije chuan a mite hnenah chuan," Kan bawng vulhna ah kal ve an duh a, Birdie hmuh veah ka duh a ni," a ti a. Vala chuan a rilru in, chu nula chu a ni lo'm ni Bull Becker a pawisa dahna ahriat duh vang a khawngaihna tel miah lo a sawisatu kha....?

Outlaw pathumte chu an sakawrah an chuang a, Lui lamah chuan an tlan ta a.Vala leh Billa pawh chuan an zui ve ta a,.Hmun leh hun hlauhawm takah an ding ani tih chu a tu ve ve mah chuan an hai lo.
Lije chu a rawn hawikir a, " Tunlaiin Tompkin Soring velah in awm elo? a rawn ti a, Vala chuan "Awmlo ve, Escante lamah ania kan lo kal chhuk ni,a ti a, Lije chuan "Tak tak maw? Kan nau te in rawn tawk lo chu a mak hle mai, an lo kal ve ngei kha, Lui kaina zawngin Dirty Devil-ah kan lo kal in ti si a" a ti a.

Chung aṭang mai pawh chuan zawhna chhan khirh tak tak an tawk ṭan ta. Ezra Cupple an thahna hmun a ṭang rengin inpek mai aiin beih ve mai an lo tum tawh ani si a.Vala chuan..Aw ni e, Colorado ah kan lo chhuk a, kan kir leh tawh zawk a ni, ati a. Chutia a sawi lai te chuan Outlaw pahnib chuan an lo melh reng a.
A zan hmasa aṭang rengin eitur an nei tawh lova, Khaw awmdan a ṭang chuan Poison Valley chu khawthim hnuaiah an luh an ring a, Vala chuan kawng diklo ah an hruai ang tih a hlau hle mai a, Ni tlak hma lawkin lui bul chu an rawn thleng leh ta a. Thim hmul velah chuan tlangpang thing awm mang lohna chu an lo thleng leh ta a.
Lije chuan..."Tlangdung chu kan thleng dawn...a sawi zawh hma chuan a sakawr a ṭangin a let hlawl mai a, a koki chu a dawm ta ngawih ngawih mai a. Chu a thil tuar chu silai (Rifle) lo puak ri ṭhuai an hriat zui tak chuan a den a ni.An vai chuan tlang lampang chu an en chho ṭhap a.

Chutih lai tak chuan silai mu chu an lu chungah alo vung thla leh thuak mai a, Lije chuan vin zet maiin, ..Kan mi â pa kha ani ngei ngei ang, min thah a rawn tum ngat alawm, a ti a.An kahna thi a hupna kutzungṭang kar aṭang chuan thi chu alo put ṭuam ṭuam mai a, Billa chuan,,'A mah ani ngei e, ka silai rutu kha, alo ti a, Lije chuan amite hnenah chuan,,Um rawh u ka ti, Ngaw karah khian a awm e, ati ṭhawt ṭhawt mai a.

Outlaw pathum chu an tlan thuai a, Vala te ṭhian dun erawh chuan Bull Beckara man an suh ve lemloh a vangin Lijea kiangah chuan an lo awm a. Vala chuan, "I hliam chu ka lo tuamsak ang che chu? a ti a,Lije chuan, Angailo, In kan thleng ṭep tawh e, ati a.
Chutih lai chuan silai puak ṭhuai ṭhuai chu an han hria a,.Au thawm zingah chuan Jack Cradle bougha aw chu an hri a. Silai lo puahna chu an va thleng ta a. Lo kal ru,,tun ṭum chu man lo mahse an umbo tawh reng reng ang, Nangni pawhin ngawihsan mai mai rawh u, ati a,.Bill Gentry chuan..Kei Silaiah ka ṭang ang, alo ti a.

An rinloh takin tlangpang a hmun mak tak chu an thleng ta mai a. Chumi hmun luhna turah chuan lungbang sang pui pui hi a tam mai a, a lai takah chuan luite hi a luang tlang a, an kal zel a, Vala chuan, " Hemi hmun kal sawn avanga insual kher chu kei ka duh zawng a ni lo a han ti a, Lije chuan,,Hmelma in nih chuan inchhuak leh thei tawh tawp lovang.a lo ti a.

Tichuan an kal zel a, nakinah chuan hmeichhe pakhat, sakawr rang deuh riairuai chunga chuang hi an hmu ta phut mai a, chu hmeichhia chuan kawrsen a ha a, a sakawr chu hmunzawl lam deuh panin a kheng tlan a, a thlang lawkah chuan kawrte hi a awm a, lungpui hi a in tawksir khup mai a. Mahse chu sakawr chuan a zuankhum ta zung zung mai a, nakinah chuan chu hmeichhia sam dum tak chu an hmaah chuan a lo thlengphei ta hlawl mai a.

Vala chuan chu hmeichhe mit mak tak mai chu a han hmuh chuan satterfield ho lalnu, Cross Eyed Birdie, anih a ring nghal mai a, aring dik chiah reng a ni.

Chu hmeichhia chuan a pasal chu a en reng a, mahse Vala chuan amah emaw a en a lo ti zawk a, a biang hang thetthawt chu a lo sen ṭawn ṭawn mai a,. Vin fe mai hian, " Nichina silai kha tu kah nge,? heng mi te hi tute nge ni? i ban kha engatinge ? a rawn ti zat zat mai a. Lije chuan zaidam awm fahran hian.." Hei min kap reng mai a lo'm mawle, Bull Beckara anih ka ring .Heng pawn lam mi pahnihte hian an rawn chhuah mai a lawm maw le!! a ti bui bui a,
Birdie aw lah chu hruihrual vai firfiak ri ang mai a ni a. "An eng a? Bull Beckaran a kap che maw? a ti a, Lije chuan..Min kap fuh mawle..a ti a, hmeichhia chuan a hamrik luangkuang aṭanga siam chu a han ham ri vak a, engtiziange heng mikhual te hian hriamhrei an neih ve in phal ? a ti a.Lije chuan,,Birdie, heng -ṭhiante hi an ṭha viau a nih ka ring e, an tihsual a leiah Bull Beckara an ti chhuak a, ani lah chuan thah a tum leh hlau si a, kan tan an la ṭangkai hle mai thei a sin, a ti a.

Birdie cbun, An hman tlak ang maw? Karei,,Hringei pawh kan ni silova, an chhawrbawkna tur ka hre phiangsen love,,a ti hlaih hlaih a.
Vala chuan Birdie mitmen dan chu a la hrethiam hauh lo mai a, Lungpui phen a ṭang chuan mi pahnih hi an lo tlan chhuak a, kawr bul a ṭang pawh chuan Beckara um tute pathum pawh chu an lo chhuak bawk a,.Chutih lai tak chuan Negro pakhat hi an chhak tlang a ṭang chuan Rifle nen a lo dak bawk a. Birdie chuan Vala chu a rawn pan a, a kut buang ria tak chuan Vala puakruk chu a rawn ban a,tahchun Vala chuan amah chu a en ani tih a hre ve ta chauh a ni. Birdie chuan,"Mi pe thuai rawh,"a han ti a,Vala chuan, " Ka pi, hmeichhe tihbuai ka duh hleinem,mahse ka silai hi tumah ka pe dawn lo."a ti a.

Chumi avangin Birdie chuan,,an pahnih hian kaphlum rawh u..a han ti tuar tuar a,.Chu veleh Vala chuan hmeichhia chu a pawm chawt a,a kuah ta tlat mai a.'Ni love ka pi, min kah chuan nangpawh an kap tel ve ang che, hetianga mikhual chunga ngilneih lohna entir mai lo hian, i pasalin a sawi ang khan zaidawh zawk ta che,' a ti a.
A damchhunga a nunna a derthawn ber lai ani hial awm e, A in nghahna Lije lah chuan a ṭanpui duhin a ring reng reng si lo. Birdie chu a thlah vaih chuan amah leh Billa chu thi sa an ni mai dawn si,. Vala chu a buai hle mai a, mahse nula han sawngbawl vel chu a lo tih ve fo tawh a ni a.Nula te hi thil hote ah pawh tih lawm theih an ni tih pawh a hria. Tichuan Birdue chu a han pawm nghet sauh a,a pasal leh midangte hmuh lai ngei chuan a fawp ta hmiah mai a.

Birdie chuan hlim hmel a put hma loh chuan a fawp ta reng mai a,tichuan nula chu
a thlah a,a nui ta a.mahse Billa hmel ah chuan hlauh thawnna a hmu thuai a, Lije leh Outlaw dangte chu Val Heatona chungah an lungawilo hle thung a ni.Vala chuan Birdie mitmei chu a man thiam si lo va, ngun takin a melh reng mai si a, chutah Birdie chuan,,"Ṭhian te u, heng mi te hi ka be duh e, an mitmei lo en ang che u, thil nuihzatthlak a ni love, Apache Tom, nangin lo veng rawh, rawn tibuaitu tur a piang chu," ati a.

Lije chuan,,"E Birdie,....a sawi zawh hma chuan Birdie chuan,,'Hram suh, Lo kal la, i ban kha ka lo tuam ang e, Jack, nangin tangte hi silai tel loin rawn hruai ang che.'""a ti a.
Vala chuan kan silai min dil a nih chuan la rawh u mahse a bo erawh chuan i hria ang ati a,.Birdie lakah chuan tlatlum dawn hlein a in hria a, mahse Beckera sawi ang khan misual, khawngaihna tlachham ani tih a hria. Ama nunna leh Bill Gentry nunna bakah an hriat ngailoh nula IDY MAY nunna chu a chhanhim tur a ni si a,.Birdie chuan,,Awle, Jack Crodlebougha hnenah in silai chu dah rawh u, in pe a ngem? Tlangval te u, a enkawl him tlat ang, a ti a, Vala chuan, Ni teh lul mai a ti a, a silai chu a pe mai a, Billa pawh chuan reife a ngaihtuah hnuah a pe ve ta a.
Birdie leh a pa sal chu an tlan hmasa a, tang pahnih te chuan an hnungah an zui ve a. An va thlen hnu pawh chuan anmahni vengtuten kal tur thu an pek hma loh chu an ding reng a,Crodle-Bough chuan Ṭhiana, Birdie fawh chu a ṭha thlawt alawm le, fawp lo la chu kan kaphlum ngei ang che u, a ti a.Bill Gentry chuan, .A nih tak hi mawle, alo ti a.Vala chuan, Hei kan la dam zawng ani lo'm ni? a lo ti bawk a.

Mutna pindan kawngkhar hla ber aṭang a silai leh ralthuam an dahna ah reilote an awm a, Crodlebough chuan a sana chu a melh deuh zuk zuk reng a, minute sawmthum lai alo kal hman tawh a,. Tichuan Tang pahnihte chu ṭhutna pindan lamah chuan a khalh phei ta auh auh mai a.
Vhutah chuan Birdie chu amah chauhin kawr ruam leh Bawng In lan theihna laiah chuan a lo ṭhu lap mai a..Kawrfual dumpawl a ha a,Jacka chu chhuak turin thu a han pe a. Vala chuan, Poison Valley ah chuan chu nula (hmeichhia) chu lalnu leh hlauhawm ber ani tih chu phat rual lohin Outlaw pa mitmei a ṭang chuan a hmu ta uar uar mai a.
Vala te ṭhian dun chu a ṭhingṭhit tir phawt a, ṭhutthlengah chuan a ṭhut tir ta a.

Nem deuh diai hian Birdie chuan " Engvanga lo kal nge in nih a? a han ti ṭan ta a. Vala chuan,, ka pi, i pasal i la zawt nange? a ti mai a.Birdie chuan, Ka pasal in hrilh chu ka hre reng a lawm, mahse thudik a ni ka hriat duh ni, a ti a.
Vala chuan, Thu dik chu ka sawi zo vek tawh a lawm, mahse Satterfield ho hi hmeichhe thunun in an awm tih chu lo hre hmasa hlauh ila chuan , kan lo kal miah lovang, a ti a.Birdie chuan,,In lo kal lovang maw? enge ka tih dik loh, thil pakhat chauh pawh in hria em ni? a ti a. Vala chuan, Thil pakhat chang em ni? Bull Beckera chungchanga i thil tib dan reng reng pawh hian hmeuchhe eng ang nge i nih tih leh eng eng fakau a thiltithei nge i nih tih chauh pawh hi ka hrethiam thei love,.a ti a.
Chutia a finzia a han faknaah chuan a lawm a, a chapi bawk a, mahse a thiltib an sawisel avangin a thinur bawk si, "Bull Becjera ṭhiante in ni maw? a han ti leh a,.Vala chuan Khawilam ah mah kan ni lo ve, nangmahni zinga mi emaw kan ti zawk a, i pasal hnen a ṭangin in chanchin hi kan hrefiah ta chauh zawk ani.a ti a.Birdie chuan Satterfield jo hi zawngin engmah an hre thei lo a nih hi, ati sap a.
Vala chuan, keini ang a ṭawng thlahdah mai mai mi nilo i mamawh anih chu alo ti thuai a, Birdie chuan, Sawi suh ting suh, in inbum mai mai a nih chu, Guanney leh Apache Tom a pawh ṭawng mai mai ngai lo mi ka nei ve tho,anni chu an ṭawng ve mai mai ngai hleinem a ti a. Vala chuan," A nih leh eng thu ber nge maw min zawh i tum chu le? a ti a."Tuna mi ang kha maw le, ka pasal pawhin chu bawk chu a zawt ang che u,a inhliam hlauh mai pawh a, inhliam lo sela chu in pumpelh hauh lo ang, ati a. Vala chuan, aṭhat nasat chu ati a, anuihsan mai a.

Chu hmeichhe mitkalh tak mai aṭang chuan engemaw tak awmin a hre tlat mai a, chu hmeuchhia chu a han nui leh nghal vei nen.Beckera in hnubchhuah naah khan kum hnihkhat awmin duh em? a ti ta mai a. Vala chuan,,Teuh nang, reilo te awm pawh ka duh lo,a lo ti vat a.Awm pawh ka awm hek lo vang, a han ti zui leh hram a.Poison Valley lalnu chuan, i ti tak tak maw? a han ti a. Vala chuan,"Teh reng mai, tumahin....Poison Valley lalnu pawhin min dah hlei lawng e,a ti hmiah mai a.

Bill Gentry chuan alo ngaih ve dan chuan,a ṭhianpa Vala thusawi tawh phawt kha chuan harsatna leh buaina lamah a hnuk lut tual tualin a lo hria.Vala erawh chuan chu hmeichhia chu an belhbul phawt chuan hun remchang an hmu thei maiin a ring tlat a,mahse hmeuchhia hi an khermei duh em a, eng tak ang rua maw?

"Kan la hre dawn alawm," Birdie chuan ahan ti a. A bula dar chu a han thing ri a, Indian nula Nancy an tih chu a lo kal a,Birdie chuan a lo hrilh ru a,a chhuak leh ta mai a.
Vala rilru ah chuan engemaw alo awm ta phut mai a, chu hmeichhia chu man a duh ani. Mahse, fawh atan ni tawh lovin Pouaon Valley a ṭanga chhuah nan leh Hmelhriat loh nula Idy May i hruaichhuah theih nan, Mahse a tihsual hlauh chuan Isy Mayi tan chuan beisei a bo ang a, atawp nghal bawk ang. Chulo rengah pawh Satterfield ho chuan Indian nula engzatnge an chhawr pawh a hre silo.
Chutia a in ngaihtuah buai lai tak chuan, Jack Crodlebougha chu Seven-up Sorensena nen leh Negro chhiahhlawh Ripa leh midang pahnih nen an lo lut ta phut mai a.

Birdie chuan, Rio, Kutkawl saw va la rawh,a han ti a, Negro chaw chhum chu a phe zoh va,pindan lehlama kutkawl pahnih chu a rawn la a,. Vala chuan chutiang thil vanduaithlak tak an tawk chu mak a ti hle mai a, in pek mai tur nge beih ve mai tur tihte a ngaihtuah rum rum a, mahse han beih ve mau chu a sawt tawh lo. Chu nula chuan a khawimaw lai aṭang chuan puakruk a han phawrh a, Vala chu a tin ta reng mai a.

Outlaw pahnih te chu an lo che phut a, Crodlebough chuan Billa chu a lo dawm bet reng tawh mai a, Negro pa chu a lo pen chhuak a, kawl chu a rawn bun tir ta a. Awle, he putar pa hi chu hruaichhuak ula, Bawngsa khai naah khan a kut khinghnihah khai kang reng ang che u, a hmel pui hi a lan theih nan a lu bulah khawnvar in dah dawn nia, Birdie chuan ati a..Vala chuan,, Ni love, ni love, he putar tuar tur zawng zawng hi chu min tuar tir vek rawh u, Billa zawngin he hmun a lo kal pawh hi a duh hlei nem' keima tih vek a ni, alo ti thuai thuai a.Billa chuan, "Chutin hram suh, keima duhthu ve reng a lo kal ka nih kha,'a lo ti ve thung a. Birdie chuan,"Ka sawi ang chuan ti mai rawh u," a ti a, a chhuak ta daih a.

Vala chu Negro awmkhauh pui mai leh,,Seven-up Sorensena chuan an sawm bet a, Billa pawh chu midang pahnihin an chelh tlat bawk a. An pahnih chuan an pawtchhuak a, Bawng an talhna pindanah chuan an hnuk lut ta thlawk tblawk a. Vala chu chau hle tawh mahse, a ṭhianpa putar chaklo tawh tak mai, khawngaihthlak tak mai chu ṭanpui a chak lutuk a, atheih anga nasa in a han tal chiam ṭhin a, a tal chhuak thei si lo va, a chakna zawng zawng te chu a bo zo vekin a hre ta hial a.

Bill Gentry chu kutkawl chuan a kutah hlingin an khaikang a, nâ a ti lutuk chu a ṭhen tlak tlak mai a. A kawl lah chu kahpathir vek a ni a, a kut te chu a ri tuar tuar mai a. Zawi der khawpin an khaikang ta reng mai a.. A na tuar chu a rum kawk kawk mai a, mahse a heh a pet a, a taksa in then tur chu inven atum hram hram a, a in then loh a piangin khawn var chuan a kang chawrh chawrh mai a. Vala lah chuan a ṭhianpa chu chhan thei bik hek lo, En ṭha ngam si lo, en lo thei bawk si lo chuan a ṭhu ve tawk tlawk mai a..

Edit lohin ka rawn thehchhuak ta mai,,lo chhiar mam mai ru,,
(T Lalrin mawii)

[Ngaia]

THE PILGRIM'S OF POISON VALLEY-*-

Bung .7.
The RV Of Satterfield.
Re-type T mawii)

Val Heatona chu reife a in ngaihtuah hnuin, a ṭhianpa putar tawh tak chutiang a sawisakna rapthlak tuar rei thei tawh lo tur chu,,Birdie hnenah emaw, tu hnenah emaw ber chuan ngensak tur niin a hria a. Bill Gentry erawh chuan, Val, min rawn ngaihtuah duh mah ta che, he chinghne nu hian ka thih hma loh chu min sawisak hi ban a tum hmelloh hi maw,! a ti a. Vala chu a kut an phuar tlat avangin a che thei mang si lo. A ṭhianpa na tuar rum hriat chu a duh lo hle mai a, henu, Cross Eyed Birdie tluk a hmeichhe sual hi chu he khawvelah thilnung an awm awm love.

Indian nula pakhat lo lut chuan Vala chu darkar hnih vel tur chu a rawn phelh a, Jack Crodlebough chu a hrilh ru a; tichuan mutna in lian lam chu a panpui ta a, Vala chuan,,"Mrs Satterfield ka hmu duh e," ati a, Billa chuan, "Kha ramhuainu kha a hnaih pawh hnaih suh," a lo ti a, Jacka chuan ,,Naktukah i hmu dawn nia, a lo ti a,.Vala chu Kawl bun ngailo a ni bawk a, a thin a rim em em mai a, mahse, a tal chhuah a a beihlet phawt chuan tang vengtute nawmsip bawlna mai mai a ni dawn si a.

Khua ahan var a, Billa chu a lo la inkhai then nawlh nawlh mai a, Vala chuan a thih ngei a ring tawh a, amah vengtu pahnihte chu a melh kawk kawk mai a. Chutia a melh a vang chuan a vengtu pakhat Brandy an tih zawk phei chuan a silai a phawi hman hial a,Vala chuan silai a neih leh neihloh pawh a ngaihtuah hman tawh lo. beih mai alo tum hman tawh a ni. Chutih lai tak chuan Silai a lo puak ṭhuai ṭhuai a, chumi thawmah chuan Billa chu a lo phu chhuak zawk a,Vala chuan vengtu dangin an rawn kap niin a ring hial a.
Mahse a ni lo...Silai puak ri ṭhuai ṭhuai a vang chuan mite chu an tlan darh chum chum a, Vala chuan khaihlumna dawhkan silaiin a rawn verh pawp lai tak pawh chu a lo hmu a, Tu aw emaw ber chuan,,Khiti lai tlangah khian a awm e, Bull Beckera ani, a hnunglamah um rawh u.a rawn ti a,Brandy pawh chuan a mitang vente theihnghilh chuan a um ve hman ṭhelh nghe nghe a.

Beckera chuan a rawn kap reng bawk a, midang pawhin an silai an hmetpuak ve bawk a.Beckera awmna lam panin sakawr chunga chuangin an tlan lim pur pur a, chumi In kahchhiat vek theihna chu hmun khat chauh a awm; chu chu a luh ṭantirh na buk Beckera awmna chu a ni. Mahse Beckera chuan an hmuh mai a hlauh a vangin a tawmna chu a tlanchhiat san ta a, silai puak ri pawh chu a reh zui ve ta nghal a.

Chu veleh Birdie chu a pasal ban awrh nen chuan an lo tlan phei a,Birdie phei chuan a mutkawr a la ha nghe nghe a, a chungah mipa kawrchung a ha a;Lije chuan a kut ṭha lamin Rifle a hum a.

Lije chuan,,Brandy, chu misual pa chu han zawng ve ta che, tang hi chu kan lo veng mai ang, ati a; Birdie chuan
Brandya kal hnu chuan;"I ṭhianpa chu amang a chhe awm mang e," a han ti el ngial a, Vala erawh chu a ngawi tlat a. Birdie tho chuan; Bull Beckera an rawn man hunah chauh i ṭhianpa chu kan chhuah ang, ati a.
Vala chu a tho phat a, tunah hian ka ṭhianpa saw phelhtir nghat vat rawh, a han ti a, Birdie nghawngah chuan a rek lo chauh hi a ni tawh a. A pasal pawhin rawn ṭanpui dawn se, Birdie rekhlum tur chuan a la chak tawkin a in hria.mahse chuti chung pawh chuan Birdie chuan hlauthawng hmel reng reng a pu lo. A pasal hnenah chun, "Awle Lije, nula te kha han ko la, putar chu phelh sela enkawl rawh se,"tiin thu a han pe a.

Lije chuan..I him ang maw?a ti a, Birdie chuan, Keimah leh keimah ka in enkawl ve thei, a tihsan mai a.

Lijea kal hnu chuan Birdie chuan a chahbi a han phawrh a, Vala an hlinna chu a phelh ta a, ..Ṭhiana, ka mi duhzawng tak i ni a, nizan te khan ka sawisak tir ve thei lo che a ni reng a, mahse ṭhiante na tuar en chu a nuam lo hle mai maw ? a ti a. Vala chuan a kut chuan an hlinna banrek chu a nuai nawk nawk a; Nuam teh suh e, tun lawk khan i hre lo pawh a ni mai thei a, i thi teuh teh a sin; a ti a, Birdie chuan, i mitmeng a ṭangin ka hre vek a sin, ati a.Lije chuan min ṭanoui mahse ka nghawnga i reh hman phawt chuan i ti rilru a nih kha, ati ta mai a.

Vala chuan, Ni chiah e, ka ṭhianpa chunga i tih leh chuan ka ti mai reng ang a ti a. Birdie chuan , mipa hi chu ka ngaina hlawm ngawt mai che u, Heng Satterfield ho lah hi Ulasa (Ulasys) tih chauh lo hi chu an â hlawm leh lutuk a, ka mit hi han kalh lo se lang chuan, nangmah ang mipa hi pasal atan ka nei ngei ang; a han ti a.
Birdie chuan Putar a lo sawisak tir chungah pawi a tih zia te a lo sawi vei luam a, Vala chu Poison Valley a engmah buaina siam lo a a awm duh phawt chuan a duh ang tak a siam len pawh a tum nghe nghe.Mahse Vala hi chutiang turin Poison Valley ah hian a kal si lo. Nakin hnuah phei chuan Birdie chuan Vala chu a silai a pekir leh ta hial a. Poison Valley khawi lai pawh fan theihna leh thu neihna a pe nghal bawk a.
Birdie chuan Vala chu Poison Valley hmun pawimawh leh pindan te chu a fan pui a, mahse,pindan pakhat erawh chu kal a phal miah lo.Tichuan Vala chu Birdie hnenah chuan a lo tlaktlum tak em a vang chuan a ṭhianpa Bill Gentry chu a duh duh in a hmu thei ta a.

Vala chu Billa awmna pindanah chuan a va kal a, Bill, i dam maw? a ti a Billa pawh chuan, Ka ban na tih mai loh chu na ka nei vak lo ve, a lo ti a, Billa kawng na duk cherchur te chu bandage in an lo tuam sak tawh a. Vala chuan,,Bill, nizan zankhua in an khai che elo? a ti a, Billa chuan..Khai lo ve, min khai sela chuan ka thi daih tawh ang chu, a lo ti ve mai a. I kal hnu lawk khan min phelh a,mahse khawvar dawnah min khai leh a, a na ngei mai. a ti a.Vala chuan," Kei lah chu min tina ve mang silo a, hmeichhe sual leh mak tak chu a nih hi maw le!! a ti a.
Billa chuan..An hruai bo che khan an sawisa ve dawn che emaw ka lo ti mai a, min sawisak na chhan hi,,IDY MAYI min hmuh tir duh vang ania lawm mawle, ati a,.Vala chuan,,Idy Mayi
a!!! a lo ti vak a.Billa chuan, Ni tehlul mai, i kal bo hnu khan ka hnunglam chu ka hmu theilo na a, nula ṭap ri ka hria a,a ka a hupsak ni awm takin a ṭap chu a tawp thut a,an hnuk bo leh ta mai a, ati a,.Vala chuan, chu nula chu henglai khawi pindanah emaw ber hian a awm ang a, ka theih phawt cbuan biak hram ka tum ang , ati a.
Billa chuan ,,Chu nula chu ru chhuak thei dawn pawh ni la, kei ka dam si lova, ka pui theilo mai thei che a ni.a ti a. Vala chuan, Chu nula chu ru thei pawh ni ila, he hmunah hian hnutchhiah ka tum awzawng lo che a ti a. Billa chuan, a nih kal i tum a nih chuan Satterfield ho lo thlen hma hian kal bo thuai rawh, an lo thleng leh ṭep tawh ang, a ti a. Vala chuan, Awle, chhuahsan che ka duh ko va, nula chu biak ka tum mai a ni. a ti a.

Nakinah chuan Satterfield ho chu Bull Beckera zawng hmu zo lo bawk chuan an lo kir leh a,Birdie chuan a lo hau hrep hkawm a. Val Heatona chuan fimkhur takin hmun hran hran a fang a,.Nakinah chuan hmeichhe pahnih hi a va hmu a,satterfield hmeichhe tar zawk chuan Vaibel hi a lo pak khu laih laih mai a, a mitkhur thuk tak chuan Vala chu a lo melh a,a kirsan leh mai a. Hmeichhe pakhat Dellyey pawh chuan ngun fe mai hian a lo melh a,a nau puak lai hmai bal tak mai chu a darah chuan a uai pur mai bawk a. Vala chuan, "Ka pi, i huan chu a mawi hle mai,"a han ti a.
Chu nu chuan,"Min pui tur phei chu awm sela, a mawi hle ang,"a lo ti ve mai a.Vala chuan, engmah ka ti hleinem, ka awm chhung chu ka puithei mai ang che, ati a. A ni chuan, E, i tihte chuan a ṭha nang,an nuihzat ang che, ati a. Vala chuan,Hei nangmah chauh chuan i thawk lova maw? a han ti leh a, Ani chuan, Thawk love, IDY MAYI nen.......a sawi zawm duh ta lova, a ngawi ta tkat a.
IDY MAY chu a ma fate zinga mi ni awm tak chuan a sawi a, mahse Vala chuan a nilo tih sawi a tum hauh lo.Delley chuan,,"Ṭhiana, i thiltih ngai chu tih zawm zawk rawh, "a ti ta daih a. Vala chuan, Idy May chu ka la hmu ngai hauhlo, a han ti leh a.
Delley chuan, Ṭhiana, chuti lampang chu ti duh ting suh, Idy May chu Claya nen an in hual a, Satterfield ho chu thikthu chhe deuh an nia, ati a. Vala thung chuan, Ka la hmu lo na a, ka lawm tho ve, ati a,.Delley chuan a puanah chuan a kut chu a han hru thuak thuak a, Ṭhiana, he Pouson Valley ah hian nungdama awm reng i duh chuan, i thil hmuh tum chu theihnghilh la, hmuh tum tawh reng reng scuh ang che, ati ta hmiah mai a.a hna chu a thawh chhunzawm leh ta a.Vala pawh chuan a ṭawng chhunzawm dawn tawh lo tih hria chuan a kal san ve ta a.
Val Heatona tan chuan kawng a rawn inhawng ṭan ta..Idy may chu Clay Satter