UTAH BLAINE CHAPTER 13
*********************************************
Big N neitupa Nevers-a hnena thu thar rawn thlentu chu Ben Otten-a a ni. "Chu, 46 ah chuan kir leh chu a tum amaw?" tiin nuihsawh tak hian Nevers-a chuan "A that chu. A dam rei dawn tawh loh chu," a han ti zui a.
Ben Otten-a rilru chu a hah hle. A hma lawkin Blaine-an chhuak turin a lo ti tawh. Mahse Nevers-a erawh a hrilh duh lo. A sahimna awm chhun chu Utah Blaine-a thah hi a ni mai. A rilru a hah em avangin Nevers-a tawngka chuan a ti harh zo chuang lo.
"Tunge 46 ah chuan awm a?"
"Turley-a a awm. Rink-a leh Hoerner-a te Angie Kinyon-i te inah an awm bawk,"
Chu thu a hriat chuan Ben Otten-a chu a ding chhuak a. Awm hle hle theiloin a vei sek a. "Chu chu a va han tha lo em! Hmeichhe chunga nunrawnna hi tumahin an ngaidam dawn lo. Chu chu nang pawh, Nevers, i hrechiang a ni lawm ni? Chutianga rawng taka che an awm hlauh chuan ka hote ngei pawhin an that duh ngei ang," a ti ta bawrh bawrh a.
Nevers-a erawh chuan "Rink-a bulah chuan a him ang. Hmeichhe lakah a rinawm phian asin," tiin Otten-a chu ngeiawm deuha melhin "Chu hmunah chuan keimah hi ka va kal dawn. He hmeichhia hian enkawl deuh a ngai anih hi. A rawn inbarh ve ringawt a, a phu tawk hmuh tir a ngai ta anih hi," a han ti a.
Otten-a chuan hriam hraih hian "Chu nula chu khawih hauh suh. Tumahin an ngaizam dawn lo," a lo ti a. Mahse Nevers-a chuan "Thuneitu dinhmun ka luah tawh chuan tuman engmah an ti thei tawh nang. A thuhrimin engkim hi Blaine-a vangah miin an ngai dawn tho tho," a lo ti a.
Angie Kinyon-i chungchang sawi zui a awmlo nain Nevers-a hian thusawi theia nungdama zuah hi a tum lo niin a hriat. Ben Otten-a chuan Nevers-a chu mak tiin a thlir tlawk tlawk a. Engti ang taka thui nge a lo kal tawh chu le? Hmanni mai khan ngawi rengin a ranch a enkawl a, it tak erawh chuan 46 ram tha hi a thlir thin. Helai ram neih anih theih nan hian mi khaihlumah bul tanin, Gid Blake-a thah a ni leh a. A hnuah Neal-a thah tuma beih a ni leh bawk. Tu ruahmanna nge ni ang? Nevers-a leh Miller-a te an ni ngei ang tih a ring. Mihring that a, a ranch chhuhsak piahlama hmeichhe thah duhna hial lo piang ta chu a rapthlak a ni.
Angie-i amah maia Nevers-a bula a awm tur chu tia ngaihtuah chungin a khabe a chul a chul a. A thlan te chu a luang ta zawih zawih a.
Na deuh maia kawngkhar khar chung chuan pawnah Nevers-a chu a chhuak ta a. Otten-a chuan chhuara shot gun intung chu a en vang vang a. Ortman-a khan shotgun kha a hmang a, Ortman-a tho an puh awm si a.......mahse bunkhouse lamah eng a la awm tih hriain a rilru chu a ti puitling ta lo. A thu hrimin engvangin nge Nevers-a hi a thah ang? Angie-i humhim a duh vang nge ama tan a lo beisei vangin?!
A dang a ro huam huam a, tui a'n lem lawk a, bunkhouse lam pan chuan a kal ta a. Upa lam, hmai zur deuh hi khumah a lo thu a, lehkha a lo chhiar a. Pakhat chu khumah a lo mu a, engin a ên phak chin khum pathumah chuan mutbu reng a awm lo. Otten-a chuan chung khum chu kawh pah hian "Thenkhat chu an tlanchhuak a ni maw?" a han ti a.
"Aw, tukin zingah kan zinga pathum chu an chhuak anih kha. Dem tehchiam tur pawh anni lo," tia a chhan chuan Otten-a chuan rang vatin "Eng vangin maw?" a lo ti a. Chupa chuan "Big N hi a ral thum chu anih hi," a lo ti a. Amah vek chuan "Nevers-an Blaine-a a beih reng reng hian a hlawhchham ziah. Chubakah a boruakah hrim hrim pawh a phak lo a ni," a han ti a.
"Pakhat chauh a ni si a!"
"Pakhat pawh ni raw sek sek, thil thlen dan hi en ta che. Amah chauha a thawh hi. Yellowjacket-ah kalin khati tak khan palian em em Ortman-a kha a va ching chau anih kha. Nevers-a te, Fox-a te, Miller-a, Fuller-a te, Rink Witter leh nangmah in tang ho a. Rin loh lamah zel rawn bei che u in Miller-a te, Lud Fuller-a te an thi tawh. Wardlaw -a pawh thiin midang pathum vel an thi bawk a. Tunah Todd-a leh Peebles-a, dehkhirh fe fe te an thi tih i hre reng lawm ni? Anih leh Blaine-a hi a thi ve tawh em? I hriat ang hian a la thih loh hi!" a ti ta zel a.
"A la vannei hrih mai a ni,"
Chu putar chuan
chil chhak pah hian "Vanneih vang niloin a phu reng a ni. Vawi hnih khat chu vanneih vang a tih theih. Mahse a beih che u apiangin a barakhaih ziah che u a. A rilru a chak ang bawkin a bei rang che u a, in khan lo deuh zawng anih hi! Tunah hian helai mei alh hi chhem mih a ni dawn hnai a, thisen pawh a chhuak hnem ngawt ang. Chutih hunah chuan dan rorelna a lo ding dawn. Nangni ho hian tan chhan tur tha reng in nei lo. Tumah hian in nei lo," a ti ta phiar phiar a.
Chu thu dik tak chuan deng dawt mahse a pawm chuang lo. Thinrim deuhin a inher a, a kalsawn ta a. Nevers-a hote ngei pawhin an phatsan ta. A sakawr dinna lamah chuan kalin a ding ta hle hle a. A chan chhiatna chuan a uai hniam nasa. Mahse Nevers-a leh Angie-i te awmdun tur chu a rilru ah lo lut leh in a rilru a kal thui ta hle mai. Hmeichhe satliah nilo, zuan zang leh zei si, a sakawr chung chuang tur kawngbawr vel che mawi tak te, a kawrawm zau laia a khuh bak vun tuihnai tak te, a awmbawr a chet vel paha then vel duhawm zia te chu ngaihtuahin rang zetin sakawrah a invawrh kai a, na tawka sakawr chu khengin a tlantir ta a.
A tum dan chuan Nevers-a aia thleng hmasa zawkin Rink Witter-a leh midangte chu a lo va that ang a, amah ngeiin Nevers-a pawh chu a that tur a ni. Bloody Basin tan tlangin chak tawkin a sakawr chu a tlantir a, a duat ve theih thin nen a sakawr pawh thih hlauhawm khawpa chakin a tlan tir a ni.
Red Creek khuaa restaurant pakhat dawhkan kila thu, Mary Blake-i lam chu Ralston Forbes chuan a en phei vang vang a. Tun hnaiah he mite pahnih hi an inkawp ngun khawp mai. Chutihlai chuan Forbes-a ngaih a tha thei lo. He khua leh ram hi eng hun pawha puak keh maithei dinhmunah a ding tih a hria. Tun darkar chhung lek hian khua leh tui rinawm leh mi tha nia a hriat ten silai pai leh pu in kawtthler an paltlang a hmu ta fo mai. Thil hi a buai ta nuaih a ni ber e.
"Otten-a pawh khua atangin a chhuak a," tiin Mary chuan a han hrilh a.
"A tel ve alawm," tiin Forbes-a chuan "A tir atang deuh mai khan. Mi thenkhat min hrilh danin mi khaihlum thin te pawh Lud Fuller-a a hotu a ni a. I pa an thah hma chiah khan Otten-a hi a tel tan ve a ni. A hnu lam khan anni hote nen an inhmu fo bawk. Khata tang khan fing taka awmin tel ve lo anga lan a tum mai mai tih ka hria," a ti zui a.
"Ka pa khan Otten-a hi thianthaa a neih a ni asin,"
"Hepa hi sum chauh um thin a ni. Mi duham aia hlauhawm hi an awm chuang lo. An zahawmna pawh hei hian a tibo vek thin. Sum hmuh leh neih hi an duh a, a neih dan hmangah engmah an pawisa lo,"
"Anih heng thil hi engtin nge a lo thlen theih?"
"Engemaw chang hi chuan mi hi an â zo ta em ni ka ti thin. Sum leh pai umin hrehawm tinreng an tuar a, an inthat a, an indo a. Chung mite chuan chutianga nun chu tihdan phung emaw an tiin an thanhnan thin. Duham ho chu awm dun theih ni hek lo, an inhal hlum thin anih hi. An sulhnu chhe tak chu mi thenkhatin an rawn siam tha leh thin. Hei hi thangthar lo chhuak thin thatna a ni a, a siamthat lam chu sawrkar chetlakna tur pawh a ni,"
Forbes-an a sawi lai mek chuan Padjen-a kha lo thleng ve in thutthleng pawh hnaih pahin Mary chu a rawn chibai a. "Tun hnai maiah khan khawchhung mi sawmpahnih laiin min rawn hmu a," rawn tiin "Khawchhung awptu tur mayor thlang tur te, rorel khawl leh marshal te thlanpui turin min rawn sawm a ni," a rawn ti a.
Dawhkan chum pahin Forbes-a chuan "Ka thlawp e, a hun lutuk tlat," a lo ti a. Padjen-a chuan "Marshal-ah tunge ni ang? Blaine-a hi tha ka tih laiin an duh tlat lo," a ti a. Forbes-a chuan "An pawm mai chu ring mahta che. Lehlama tang a ni alawm," tia a ngawih deuh hnu chuan "Rocky White hi a that ka ring tlat," a ti zui a.
"Big N a thawk thin a ni lawm ni?"
"A thawk lawr tawh vek. Neal-a, Nevers-a leh Otten-a te hnenah hian. Mi tha a ni a, tih tak zeta chu hna chu thawk tur chi a ni ang. Chu bakah mi thah hmang a ni lo bawk,"
"A that chu,"
"Engtin nge nibta zel ang, Rals? Utah tana pawi tur te hi a awm angem?"
"Awm mai thei. A lo awm anih pawhin he thil hi
a pawimawh. Indona hi tihtawp a ngai takzet tawh,"
An ngawi thap mai. Ralston Forbes-a hmel pawh a chau ta. Mary Blake-i lah a thuthmunah a che sek a. "Rals, chungho chuan enge an tih ang? Blaine-a hi an man ve dawn em?" a lo ti a.
"Ka hrelo le. An za hian he boruak hi an siam chu a ni phawt mai a. Thil nihphung tur chu hmuin ka inhria. Blaine-a huatna hi an nei hran lo. A bul tan tu a nilo tih an hria a, helai hmun hi dan ang thlapa chuh a ni tih an hre bawk. A hming lo than tawhna erawh hi chu a chaklohna lai a ni ang. Gunfighter a niin chu chu mite hriat dan pawh a ni," Forbes-a chuan a ti a.
"Anih leh Rip-a i hmu hnai em?"
"Hmu hnai e. A tha hret e. Chaw an pek lai pawhin a rawn harhin a rawn meng a, mahse a muhil lehnghal mai,"
Mary Blake chu thoin "Rals, Angie-i hi ka ngaihtuah hle a ni. A ranch lamah a awm a. Ka ngaihtuah ngailoh tehlul nen, tuna thil awmdan en hi chuan ka ngaihtuah ta tlat. A chungah engpawh thleng thei a ni," a tih chuan Forbes-a chuan a nghawng a tuai vat vat a, bu nghat nghat pah chuan "Ni e, a chungchang hi kan sawi reng asin Padjen-a nen hian," tih paha thoin pindan thlanglamah chuan a kal a. Mary chuan a lo nghak ran a. Angie a lo itsik thinna chu a bo hmak mai. Angie-i hi kut chak takin a enkawl a ngaiin Utah Blaine-a rochun tur hausakna enkawltu tur leh a pa thattute chunga phuba latu tur anih a pawm ta thut mai.
Tun hnaiah Rals-a nen an inkawp ngun em avangin a ngaihtuahna pawh a danglam ta. Rals-a hi Blaine-a ang mai ni mah se a danglam tlat. Blaine-a angin chakna a neilo a, a duhna te chak takin bawhzui ruak ruak lo mah se a tumruhna leh a tuma a chianna hi thlakhlelhawm tak a ni.
"Padjen, midang sawm khawmin i kalchhuak nghal teh ang," Forbes-a chuan a ti ta thut a. Mahse Padjen-a chuan "Ngawi rawh, chiang nialloa chet ngawt zawng a finthlak ngai lo. Rocky White-a lo kal turin ka chah mek alawm," a lo ti a.
Ngawi renga an thut lai chuan dawr neitunu chuan coffee te a rawn thlit belh a. Forbes-a chu a khua a har rilru in Padjen-a pawhin a hriatthiampui hle. Rei vakloah chuan Kent-a, general storr neitupa chu a lo lut a. A rual chuan Dan Corbit-a, an thirdeng leh Doc Ryan te an rawn tel a. A tawpah Rocky White chu a lo thleng ve ta. Tlangval sang leh sa tha, sek tak leh thutak hmel pu a ni.
"Hei hi a dik em? Town Marshal ni turin min duh maw?" a rawn ti lut a.
"Dik e," tiin Forbes-a chuan "Kan inhmukhawm a, kan sawi ho a. Nang hi Marshal atan kan thlang che a ni. He khua hi i enkawl ang. Tharum thawhna i ti tawp anga, khawchhunga lo lutin silai an pai lo anga; insual buai leh bungraw tihchhiatte a awm tur a ni lo. Khawchhung mite i vawnghim tur a ni," a lo ti a.
"Khaw pawnlamah hian engtin nge?"
"Chu chu ka lo ngaihtuah lai tak a ni. Angie Kinyon-i khaw pawna a ranch-ah a awm a, a tan a him lo. Amah lam turin kan chhuak tur a ni. Min lo bei an awm anih pawhin kan ti tawp anga, chungho chu kan man ang. Angie-i kan la kir ngei tur a ni," Forbes-a chuan a ti ta a.
White-a chu muangchangin a bu nghat nghat a. Awmkhawmho chu en kualin "Ka pa hi J.P a ni tawh a. Tum khat chu sheriff-ah a tang tawh bawk. Chuvang chuan ka tihtur chu ka hria. Amaherawhchu min hriatthiam a ngai ang. A pumpelh theih chhung chuan mi ka that lovang. Ka theig chin chinah buaina pumpelh zawngin mi ka man ang. Chutianga a tih theihloh chinah chuan min pui thei dawn em?" tiin a zawt ta a.
"A tawp thlengin le," Kent-a chuan lo tiin, "Hetah hian dan leh thupek kenkawh a hun ta," a ti zui a. Forbes-a leh midangte pawh chuan remtiin an bu nghat nghat a. Chutah Rocky White-a chuan enkual dan danin "Anih leh Utah Blaine-a hi engtin nge ni ang?" tiin a zawt leh ta a.
"Enge a ni bik chu?"
"Forbes, nang nen hian inthian tha tak in ni. Tin, helaiah ngei hian Padjen-a pawh dan ang thlapin a aiah a rawn ding a ni. Duhsak bik tumah ka nei dawn lo. A tul anih chuan ani pawh ka man mai ang," White-an a tih chuan bu nghat nghat in Forbes-a chuan "A dik alawm," a lo ti vat a.
White-a chuan a dinhmun sawn hretin "Min hrethiam ang che u. Blaine-a nen hian inhriatthiamlohna kan nei lo. A thiltih hi dika ka hriat avangin ka hna ka bansan a. Chu chu ka ngaihdan pawh a la ni zel. Sawlai ram zawng zawng neih tuma beih ngawt hi a remchang lo. Blaine-a hian lo do let theihna a nei a ni. Engpawh nise remna kan siam dawn anih chuan amah pawh a huam tel ngei tur a ni ang," a ti ta zel a.
"Dik chiah,"
Rocky White-a chu lo tho in "I kal nghal ang u," a rawn ti a.
Turley-a chuan chaw a chhum a, a ei fel ta. A bul vel chu a han dap kual a, whiskey bur a hmu fuh hlauh a. Noah zu chu thliin pawnah a chhuah pui a. Mi lo kal theihna tur kawng lam chu a thlir kual a. Darkar tam tak ranch ah hian a awm tawh avangin a awm hle hle thei tawh lo. Eng thil nge lo thleng dawn tih hriat a duh tawh.
Sumhmunah chuan a thu a, zu chu a in deuh reng a. Kil tin chu a mitmei reng bawk a. Blaine-a a thah phawt chuan dollar sangkhat zet, a dam hun chhung zawnga a la neih ngailoh a nei dawn. Blaine-a pawh hetah, 46 ah ngei hian lo kal tura ngaih a ni.
Chokaah chuan kalin zu a va inthlit belh leh a. Sumhmunah bawk chuan a rawn chhuak leh a. Kawng lam hawia a mit a han len chuan a ding chawih mai. A meng zau kawk kawk a, a thil hmuh chu vaivut pal khuk a ni thei angem?
Rifle kengin leika hmawrah chuan a va ding a, kawt zawl lamah chuan a chhukthla ta a. Thawm engmah a hre lo. A hmuh kha vaivut khu anih pawhin a tlem hle a ni ang. Laiking bel rawh khu a ni lek fang ang. Mahse thil awmdan chuan a tiril a ti khur tlat. Inring renga rifle lek chungin kawtzawl chu a enkual a, a reh tlawk tlawk a. "Hmeichhia ang maia ka'n hlauh khanglan chu le," a han ti ngawt a.
Rifle keng chung zel chuan corral lam a pan thla a. Sakawr chaw te chu thir kutin a hai chhuak a, a pe a. Rei vaklo sakawr chawei a en hnu chuan thing lianpui dinna lam panin muangchangin a kir a. Thingbul kak karah chuan thu in thinghmun chin leh in leh a vel te chu ngun em em hian a thlir kual a. Mahse engmah reng a hmu lo.
A awmdan thin ang lo takin a tirilah a khur tlat. Tho in inlam panin a kal leh chiah a, thawm chhete avangin a inher a, mahse engmah a hmu si lo. Boruak che vel karah thinghnah te chu a rawn tla nual a. Thinrim teuh chung chuan in lam panin a kal a, step-ah a lawn chho a. Kawngkhar chu hawngin sumhmun kil vawt nuam takah chuan a thu leh ta a.
In tur a inthlit leh a, chu chuan a tilum ta deuh bawk. Vawilehkhatah a ding thut a, engati nge tuemaw tal a bulah an awm tir loh? Thihna ang maiin a reh vawng vawng a. Sava chiap tur a awmlo a, chhimbuk takngial pawh a hram lo. Corral lamah a sakawr chuan ke a per a, a chik deuh nghur nghur a. Turley-a chuan a thlan a hru deuh reng a. Khua a lum em a ni. A khat tawkin zu a inthlit reng bawk. No chu dahin ngun lehzualin ngaw lam chu a thlir kual a. Thing hnah pakhat pawh an che lo.
Vawilehkhatah kawng lama sakawr chak vaklo a tlan thawm a hre ta. Hmanhmawh takin a tho a, sumhmun tawp lamah kalin kailawn chu a zawhthla ta a. Sakawr chu hmuh phaklohah a la awm a. Hmanhmawh hranloin sakawr chu a lo kal zel a, stable hnunglam a rawn thleng ta. Chutah a rawn kal kual a, kawt zawl chu a rawn thleng ta hlawl mai. Turley-a chuan sakawra chuang lukhum parh chu a hlai em avangin a hmel a hmu chiang theilo a. Chupa chu sakawr atanga chhukin sakawr hrui chu banah a vet a. Sakawr a kal hual lai chuan Turley-a chuan a han en chiang a, Utah Blaine-a ngei chu a lo ni.
Turley-a chuan mak a ti kher mai. Chhete mahin hepa hi a hmelma a nih theih a ring lo. Hmelma hetianga muangchanga an lo luh rin ngaihna a hre lo. Mahse heta hi a mi duh Utah Blaine-a ngei chu a rawn ding ta. Hepa ngei hian lu man dollar sangkhat a nei. Pa sang thlerh thlawrh, kut hmawr him damin, silai pahnih fual taka paiin a hmaah a ding ta tlat. Heng silai hmang hian mi sawmhnih emaw a aia tam emaw a that tawh lehnghal.
"Turley-a i ni maw?"
Turley-a dang ro chuan tawng chhuah mai a harsar tlat. Muangchang hian "Ni e, Turley-a ka ni," a rawn ti chhuak hram a.
"Turley, i thiante zinga thenkhat Red Creek-ah lo kalin silaimu tuarin an thi tawh. Chungte chu Todd-a leh Peebles-a te an ni,"
"An thi maw?" tiin Turley chu a phi buai tlat. Ni chu sa thar thuta hriain sumhmun hlim laia awm a chak kher mai. Engvangin nge zu kha a lo in? Zu rui chung chuan mi a che fimkhur thiam tawk lo. "Anni chu i that em ni?" tiin a zawt a.
"Todd-a chauh ka that. Peebles-a chuan hmangchang hre takin kawngkhar chhunglam atangin min kah a tum a. Mahse a hnunglamah shotgun kengin mi pakhat a lo awm si a. Chupa Ortman-a chuan Peebles-a chu a kap bung thelh a ni," Blaine-a chuan a han ti a.
"Engvanga chung chu min hrilh nge i nih a?" tia zawtin Turley chuan a rifle lek chhuahna remchang a zawng reng a, a che rang tawk angem le?
Blaine-a chuan dam thlap hian "I hriat duh ka rin bakah i nun i chhanhim theih nan. Tunah hian i hnung lamah khan Ortman-a ngei mai chu a awm a, a shotgun pangngai chiah chu a keng nghe nghe a ni," a han ti a.
"A sawi chu a dik chiah e. Tin, Blaine-a zawnah ka ding lo bawk. I silai kha i paih mai dawn nge i tum chhin dawn? Duhthlang thei i ni e," tia hnunglam atanga Ortman-an a rawn tih chuan Turley-a tukkhum chu a sa hat hat mai.
Turley-a chu a che ngam tawh lo. Silai a chuh dawn emaw an tih a hlau tlat. Vawilehkhatah a thaw a veng huai a, chil lem khawlh khawlh chung chuan "Chet lak ngaihna awmlo ah ka tum talh ngai lo. He hna atang hian ka bang e," a rawn ti a. Fimkhur takin a rifle chu leiah a dah a, a pistol pawh a paina kawnghren chawpin a thlauh thla a. Blaine-a thupek chu a nghak ta.
Blaine-a chuan "Turley, i sakawrah chuang rawh. Tichuan kal nghal ang che. Henglai velah i hmel a rawn lang leh hlauh anih chuan kan khaihlum ngei ang che," tiin thu a pe ta a.
Turley-a chu a khur dar dar a, "Min kaltir mai dawn amaw?" a'n tih chuan Blaine-a chuan "Aw, mahse hmanhmawh deuh teh......kan rilru kan thlak leh hlauh dah ange," a lo ti a. Turley-a chuan hmanhmawh phelengin a sakawr awmna a pan a. Khawilam nge a pan ang? Pine khua a pan phawt ang. Chuta tangin chhimlam ah kalin Silver City......a......helai atanga inthiarfihlim theihna apiang a pan mai dawn a ni.
Angie-i chu a hlauthawngin a che fimkhur hle a. Pistol hlui tawh tak, Navy Revolver, a pa in a hnutchhiah chu a awm. Thingrem pawhdawhah a mu thun sa thlapin a awm ran a ni. Silai a kawl tih a hriatna chuan a hlauhna tlem chuan a tikiang ngei a, mahse hman tuma chuh mai erawh a la tum lo. La chhuak ta se amahah thuhruk leh mai na tur remchang a neih loh bakah a tul hun tawpah lo chuan lak chhuah a tum lo.
A rawn thlen atangin Rink Witter-a mizia hi ngun takin Angie chuan a lo thlithlai a. Western mihring zei zia hre tan lo phei chuan amah a en danah hian rinhlelh tur zawn mai awm tak hian Rink-a hi Angie chungah hian a tha. Mi thah hmang, nunrawng tak ni mah se Rink Witter hi western mi anih angin a rilru chhungril takah hmeichhe zahna a nei tlat.
Hoerner-a erawh chutiang mi a ni lo. Hei hi Angie pawhin a hria. A sam a khuih a, a chei vel pawhin mi lêm lo thei ang ber turin a chei a. Angie hi nula hmeltha leh duhawm, mitmeng mawi leh hmui mawi tak a ni. Pa lian leh awmbawr hmul thup, aw thum deuh tak Hoerner-a hian a che vel a en ngun thei hle a. Mahse Rink-a a bulhnaia a awm chhung chuan Angie chuan himin a inhria. He gunman hi rura tak anih avangin Hoerner-a hian tih thinur a hlau hle a ni.
Rink Witter hi Indian ang maiin a dawhthei em em a. Blaine-an lehkha themah lo kir tur anga a insawi hian a lo kir ngei ang tih a ring hmiah. Rink-a hian Angie-in Blaine-a hi hmangaihin a hria a, chuvang chuan amah hi a zah phah a. Chung avang tak chuan Blaine-a thah hi a châk zual. Amah hian Blaine-a hi a ngaisang phian lawi si. Utah Blaine hi fighter ropui anih avangin Rink Witter hian a ngaisang a ni.
Kalkawnga vai vut rawn khu chal chal a hmuh chuan Rink Witter chu a che eih lo. Che map loa thu in a lo thlir ringawt. Sakawra rawn kal hi a hmel emaw a thawmhnaw inbel emaw a hmuh hma hauh hian Blaine-a a ni lo tih a hre tlat. Chu chuan a ti thinur hle.
Tu a pawh chu nise hetah hian a lo kal hauhlo tur a ni. Helaia lo kalna tur chhan a neilo hrim hrim. Blaine-a hi mi fimkhur tawp anih avangin helam rawn pan sakawr hnu leh vaivut khu hian Blaine-a lo lanna a ti khawbaw vek dawnin Rink-a chuan a hria. A lokal beisei rilruk tawh laia midang lo lang hi hnawksak a ti hle a ni.
Sakawra chuang chu Nevers-a a lo ni. Kawtzawl a rawn thlen chuan sakawr atangin a chhuk a. Rink-an a hmuh chuan zawitein, lungawilo takin a phun nang nang a. Nevers-a chuan sakawr chu kawtzawla hnutchhiahin kawngkhar lam chu a pan nghal a. Rink Witter chuan mawl a ti kher mai. Utah hi eng mi nge nia Nevers-a hian a ngaih aw? Hetiang reng renga hmun ualau a sakawr han kalsan chu a ti vawng vawng mai.
Nevers-a chuan kawngkhar chu nam hawngin Angie hmuh beiseiin a han enkual a. "Khawiah nge Angie hi a awm?" tiim a zawt ta tawl a. "Pindan dangah," tih pahin Rink Witter chuan Nevers-a chu rum takin a en a. "Eng thil nge ni ta ngai a? I â ta em ni? Blaine-an i sakawr saw hmu ta se a rawn lut duh hauh lo ang," a ti ta a.
"Blaine-a chuan 46 lam alawm a pan. Chu chu amah kan manna tur hmun chu a ni. Nang leh Hoerner-a pawhin chulam chu pan nghal rawh u,"
Rink-a ngaihdan a ni hauhlo a, a englai mah chuan a hmin lo. "A lehkhathem hnutchhiahah hetah hian a lo kir dawn tih a ziak a ni," a han ti a. Mahse Nevers-a chuan "Chu chuan awmzia a nei hauh lo. Khuaah Otten-an a hmu a, a hnenah 46 a a kal tur thu a sawi alawm. Chu hmun chu luah a chhuahsan a tum lo tihna a ni," a ti hmiah a.
Chu thu chuan awmzia neiin hre mahse Rink-a chuan ruahmanna tha tawklo awmin a hria. Chu bakah Nevers-a chet dan hi a duh hauh lo. A diklo lai a hmulo na in engemaw diklo chu awmin a hre tlat. A ngaihtuahnaah thil dang a lo lut a, "Otten-an Blaine-a chu khuaah a hmu maw? Anih leh engtin nge ka mi te kha an awm?" tiin a zawt a.
Nevers-a ngaihdan a pel thui tawh. Mahse han che vaih se Rink-a kut a tuar dawn chiang si. Hriam deuh hraih hian Nevers-a chuan "I mite maw? Eng thil tha tehlul nge an tih ang? Blaine-a leh Ortman-a ten an nuaibo tawh. Blaine-an Todd-a a that a, Peebles-an remchang zawnga a beih laiin Ortman-an a lo that hmiah," a ti ta a.
*********ADVERTISEMENT CLICK **********
UTAH BLAINE (Completed)
Moderator: writers
-
HLalthazuala
- Posts: 142
- Joined: March 19th, 2018, 6:51 pm
-
HLalthazuala
- Posts: 142
- Joined: March 19th, 2018, 6:51 pm
UTAH BLAINE
CHAPTER 14 (LAST CHAPTER)
%%%%%%%%%%%%%%%%%%%%%%%%%%
Ortman-a lo tel ve dan a zawhna chu Nevers-a chuan tawite in, chhum hmakin a chhang a. Hoerner-a chuan mei zu chungin ngawi rengin a lo thlir a. Helaia Nevers-a lo kal chhan hi hriain a inhria.
Rink-a erawh chuan helaia Nevers-a lo kal chhan hi a hre fuh vak lo. Lungawi vak lo chung chuan "Anih tak chu. 46 ah chuan kan kal ang. Turley-a pawh chutah chuan a awm. Chutah chuan Blaine-a chu a lut anih hrim chuan vawi khat tal chu Turley-a chuan lo kah awm tak a ni," a han ti a.
Rink-a chu inherin Hoerner-a lamah chuan a thle bak a, mahse chu paliana chuan haiderin Nevers-a chu a en tlat a. Dam thlap hian "Ka kal ve chu i duh takzet amaw? Helaiah hian ka lo awm zawk ange," a lo ti a.
Nevers-a chuan rum tawka melhin "46 ah chuan kal nghal rawh," tiin thinrim tih hriat tak hian "Tu'n nge ruai che?" tiin a zawt nghal a. Hoerner-a chuan "Nangmahin," tiin I hnen atanga hlawh ka lak chhung chuan," a'n ti zet a, "Bansan che ka tum maithei," a han ti zui a.
Rink Witter-a chuan a entawn sek a, Hoerner-a hnenah chuan "Ka hnenah chuan i lo kal dawn nge Blaine-a hi i hlau ta riau zawk?" tiin a lo zawt a.
Hoerner-a chu a inher thut a, hmel sen teuh chung chuan "Tumah hi ka hlau lo tih chu i hria alawm," tih pahin a lukhum leh rifle chu la in "Kal ila," a han ti zet a, kawngkaah chuan a ding leh deuh a, Nevers-a hnenah chuan "Rang takin kan lo let leh maithei," tiin a han hrilh ringawt a. Nevers-a chuan a thlir zui vawng vawng a, a hawikir leh chuan Angie-i chuan kawngka bul lawkah chuan lo dingin a hmu a. "Aw! An kal ta daih elo?" tiin a lo zawt a.
"Kal e," tia aw pangngai lo taka a chhanna chuan Angie ngaih a ti tha lo. Fimkhur takin a en a, englaimahin Nevers-a hi a ngaina ngai lo. Nelawm lo leh tum deuh bur reng mi a ni. Amaha nunrawnna hmu in Blaine-a te rilrua thianghlimna ang kha a awm ve lo tih a hria. Palian, nghawng lian tak leh dar zuih rut chuan dawhkan kil chung chuan Angie chu a melh a, "Angie, i hmaa awm hi ti lungni lo suh," a han ti phawng a. Angie chuan "Ka ti thinur ngawt em ni?" tia zawt let chung chuan a thil tawn mek chu hriain fim takin a ngaihtuah a. Hetiang hi kum sawm pali anih atang tawha a tawn thin a niin tal chhuahna kawng a lo hmu fo tawh thin. Mahse zaninah hian Russ Nevers-a zia hi a dang daih a, tih tum engemaw tak a nei a ni phawt ang.
"I hre reng ang chu," tiin Nevers-a chuan "Engvanga Utah Blaine-a lamah hian tang ngawt nge i nih a?" tiin a zawt a. Zawi sap hian Angie chuan "In zavaia zingah Utah Blaine hi a tha lawr lak. Ama ke in a ding ngam a, gunman tam tak phena dinglo in," a lo ti a.
Nevers-a chu a sen tawn tawn a, a mitmeng chu khakna in a khat a. He hmeichhia hi duhtawka hrual a zirtir a duh. "Amah chu ka hlauh i ring a ni maw?" ngeiawm zetin a'n ti naa a aw chhuakah hlauhna enge maw chu awmin a lang.
Angie chuan "I hlau tih ka hria. Russ Nevers, mi â i ni lo. Mi â chauhin Blaine-a hi an hlau lo," a ti zel a. Nevers-a chu chair-ah thu in "Coffee te kha min han in tir la mawle," a han ti a.
Coffee bel chu la in no ah chuan a thli a. Mahse Nevers-a beisei anga a bula va kal loin dawhkan sir atangin no chu a va pe a. A banreka lo man a tumna lamah coffee chhuan so hlim chu ti bua in a kutah a per ta. A sa ti lutuk chuan a kut chu te vawng vawng chung chuan a fawp a. "Khanglang che chuan. Tum rengin min leih a nih kha," a han ti a. Nuihsawh deuh chung hian Angie chuan "Engtin a? Mr. Nevers, i ti mak emai," a lo tih chuan Nevers-a chu a thinur nasa a. Rang zeta tho pahin dawhkan kal hual chuan "Tu emaw talin i thluak hi an su tur a ni. Chu thluak su tu tur chu kei hi ka nih hi," tiin man tumin dawhkan chu a hel kual a. Angie chuan "Mi lo lutin rawn hmu ta che sela â an ti ngawt ang che. Chubakah Blaine-a kha lo lut ta se engtin nge i tih dawn?" dawhkan hel pah chuan a ti a. Nevers-a chu a ding chawt a. A thinur chu a sen teuh a. A thusawi chuan a ti thinur zual. Mahse amah puitu tur zawng zawng a tir bo chiah tih hriain Blaine-a hi lo thleng ta thut se engtia tih tur nge ni ang tih chu a inzawt ta a.
Fimkhur takin Blaine-a lehkha hnutchhiah chu la in a lamah chuan a vawm phei a. "Kha kha en la, rilru siam rawh. Hetia min khawihbuai i tum lai hi Blaine-an hmu ta che sela eng thil nge thleng ang tih chu i hria alawm," a han ti zui a. "Min hmu dawn lo. 46 ah an lo that dawn," Nevers-a chuan a han ti ngawt a.
Chutiang thu an sawi mek lai chuan thil tam tak a rawn thleng ta mek. Ben Otten chuan hmanhmawh takin luikam in te chu a rawn pan mek a. Lee Fox-a pawh a hote pahnih nen kawng dang atangin he hmun hi an rawn pan hnaiin an rawn thleng tep tawh. A awmna chhuahsanin Blaine-a zawngin tlangdung lamah kalin helai hmun hi an pan mek a. Hmun thengthaw laiah dingin a han thlir thlak chuan Angie kawt zawla sakawr ding leh chu in pana chak taka sakawr tlan mek chu a zuk hmu nghal a. Lee Fox-a chuan a hote hnenah thu engemaw sawiin chu in pan chuan an tlan ta nghal a.
Red Creek khuaah chuan Deputy paruk ten shotgun keng theuhin hmun ruk laiah khua chu venhim tumin an ding far mai. An hna chu khua him taka ven a ni. Hotel hmaah thung chuan mi sawm panga lai mai sakawr chungah chuangin thupek nghakin an ding bawk a. Chutah Rocky White-a chu lo chhuakin Padjen-a leh Forbes-a ten an rawn zui a. An za chuan sakawr chungah an chuang ta a.
Cowboy rum hmel tak, helai phaizawla hnathawk mek chuan saloon nghaktu chu a no thlit belh pah chuan a'n en a, "Mi pangngai tan chuan kal chhuah a hun," a han ti ngawt a.
"Chu, i chhuak dawn tihna maw?"
Kawtthler lam thlek zauh pah chuan chupa chuan "Pawn lam pana khaw chhung mi thahnem tak chhuak tur khu i hmu lawm ni? Khung ho khu mi pangngai, tha leh â tak te an ni. Mister, khaw hrang hrangah ka lo khawsa tawh thin. Hetianga mi pangngai chin thin a ur a, an infawk khawm tawh chuan khaw chhuahsana tlan vang vang a hun tih ka hria. Minute sawm hnuah chuan helaiah ka hmel i hmu tawh hauh lo ang," a lo ti a.
Nevers-an a vawi hnihna atan Angie man tuma a um lai chuan Ben Otten chu a rawn thleng ve tep tawh. Angie-in pindan dang kawngkhar a thlen chiah chuan Nevers-a chu a ding chawt a, a din rual rualin sakawr tlan thawm a hre ta. A hmel chu a dâng var vek tih mai tur a ni. A pistol chuhin kawngkhar lamah chuan a tlan phei a. Mi pakhat sakawr atanga zuangthlaa kailawn lam rawn pan chu a va hmu hman chiah. Nevers-a chuan a hlau takzet a, silai chu mi lokalna lam hawi chuan a hmet puak ta a.
Ben Otten chuan kawngkaa mi lang zuai chu a hmuh rualin silaimu rawn chhuak de zuai chu a hmu zui a. A dulah silaimu chuan rawn deng dawtin kailawn chu rap pelhin a lumthla a, kawtzawlah chuan a let a let a. Russ Nevers-a chuan va kah leh tumin a va bih hnai a, a thil hmuh avang chuan maktia meng bial pawp pawp chungin leia lo mu Ben Otten-a chu a thlir ta reng mai.
Makti taka "Ben Otten," a tih thawt thawm chu Angie chuan a lo hria a. Rang takin thingrem pawhdawha a silai chu a la chhuak a, puanhnuai chungin choka lamah chuan a kal leh ta a. Nevers-a chu pawn ler step ah chuan a la ding a, kailawna per ri dat dat chu a hre reng a. Angie lam chu rawn hawiin "Otten-a a ni reng mai. Ben Otten-a ka that ta reng mai," a rawn ti a. Fox-a leh a hote pahnih an rawn thlen thleng chuan Otten-a chu a la thlir reng. Fox-a chuan Otten-a leh Nevers-a chu a en tawn sek a, "Engvangin nge Otten-a hi i thah rikngawt?" a han ti a.
"Min rawn thawng thut a, Blaine-a emaw ka ti a ni,"
Fox-a chuan Nevers-a chu chik zetin a thlir vawng vawng a. Chutah muangchangin thil awmdan a thlir hnu chuan thu tlukna siam ta ang maiin a bu nghut nghut a. "Mi hmuh loh turin dahsawn rawh u. Blaine-an helam a rawn pan mek a ni," tiin a naute pahnih hnenah chuan "Saw hmeichhia saw tawng theilo turin phuar rawh u. Mahse tina suh u," tiin thu a pe ta a.
Angie chuan Fox-a tawng ri chu hre mahse enge a sawi erawh a hre lo. Nevers-an Otten-a ban pahniha hnuh sawn tuma a beih lai chuan Fox-a naute pahnih chu sakawr atangin an chhuk a. Nevers-a pui tur ang deuha an chet avang chuan rinhlelh ngaihna a hre lo. Mahse vawilehkhatah amah Angie-i chu an man ta thut a. A silai kha hman chu han tum mahse an dawm beh tlat avangin a hmang thei chuang lo. Fox-a chuan "An ti na lo ang che. Utah lokal huna i lo au chul loh nan kan hreng mai dawn che a ni," a lo ti a. Tanpuitu tur beisei nei miahlo in Ben Otten-a thisen, vaivut leh kailawn vela far tih reh nana vaivut an phul lai chu a thlir reng ringawt a. An sakawr lak hran dan te, an hnuhma tih reh nan vaivut an phul lai te leh tanhmun an insem lai te chu fimkhur takin a lo thlir reng a.
Inchhungah Russ Nevers-a a awm a, Lee Fox-a chu sakawr inah awmin a hote zinga pakhat chu corral-ah a awm a. Pakhat erawh hnung deuh, hnim chin thingkung bulah a awm thung. Chungho chu mi that maithei tura inring renga an awm lai chuan an bul maiah Rink Witter-a leh Hoerner-a te an awm bawk.
Utah Blaine-an minute sawmhnih emaw vel lek a kalsan tihah chuan Ortman-a chuan sakawra chuang thawm a hre ta. A hmuh vuai danin Rink Witter leh Hoerner-a te pahnih niin a hria. Muangchangin Hoerner-a chu silaia tinin a han kap a, mahse a thelh tlat. Thelh mahse hemite pahnih hian an hlau hle a. Sakawr atanga zuangthla in hnim zingah chuan an bawk phek ran a.
Ortman-a chuan an ding leh vei vel chu a rawn phuh deuh reng mai. Silaimu vung ther ther karah Hoerner-a chuan "Utah chu a nilo tawp ang. Ani ni se kan kal hnaih hun a nghak ngei ngei ang," a han ti a. "Ani lo tih ka hria, Ortman-a zawk anih hi," a lo tih chuan Hoerner-a chuan "Anih engah nge hetah kan tawm reng. I kir leh nghal ang. Blaine-a khan nula kha a lam dawn hnai tawh ngei ang," a tih chuan Rink Witter-a pawhin dik a ti. Chubakah Angie-i amah maia a awm laia Nevers-a a bula a awm tur a ngaihtuahin tha a ti lo. A ngaihtuah chian zawh poh leh Angie-i dinhmun chhiat zia a hrechhuak a, Nevers-an kalbo tura a duh dan atang khan a chhui dawn vel a ni.
Chumi te pahnih chu hnungtawlhin an sakawr awmna lam an pan a. Sakawrah chuangin an kalsawn ta nghal a. An kal thawm a hriat chuan Ortman-a chu a phun nuah nuah a. Anmahni zui duhna a nei a, mahse Blaine-an "Helaiah hian lo awm reng rawh. Chulaiah chuan thian ka neilo tih ka hriat chian em avangin tunge ka kah tih lam ka ngaihtuah dawn miah lo," a tih tlat avangin a awmna ngaiah chuan a awm leh ta a.
Ortman-a chuan rawng te inbawlin kalkawng lam thlir chung chuan dawhkanah chaw a ei a. Chaweikhamah pawh leilung lan theih chhung zawng chu chulam thlir chuan a thu reng a.
Sycamore thingbuk leh a bula in te reuh te chu thimin a rawn bawh tan ta. Thim hnuaiah chuan pakhat te te in in hnunglam kawngkaah lo lutin zanriah an va ei a, a ngaiah bawk chhuakin an awmna an luah leh a. Fox-a pawh chu lo lut ve in Angie phuarna te chu enin a rawn phelh a. Coffee te chu a rawn siamsak a. "Tha te te in awm la, kan tina tawp lo ang che," a rawn ti a.
Angie chuan "Tha te te in a?"tih pah chuan "In zavaia aia mi tha in thah laiin tha te te in ka lo awm ang maw?" a lo ti hlar a. Khawthim hnuaiah in bul thingbukah chuan sava a rawn hram karh karh a. Fox-a chuan blanket lukhama mu in silai a hum reng a. Angie pawh a muhilin a rawn harh leh hlawl thin a.
Angie-i awmna ranch te reuhte atanga chhak lam tlangdung feet sangkhat vela hlaah Utah Blaine pawh blanket sinin khawvawt hnuaiah a mu a. Khua chu vawt deuh mahse a mu tui thei tho mai. A awmna atang chuan chu ranch te reuhte chu a lang thei a. Mahse sycamore thingbuk avangin a kawt zawl leh hnung lam kawngkhar chu a hmuh theih loh.
Angie-i sakawr leh ama sakawr chu corral-ah an awm ve ve tih a hriat theih laiin amah Angie-i erawh a hmu thei hauh lo. Khawthim hma hretin helai hmun hi a rawn thleng a, zan thim hnu chuan zan thla eng bak engmah chiangin a hmuh theih loh. A chang chuan chu in atang chuan êng a lo chhuak thin a. Choka lama eng chu a hmuh theih deuh reng a. Kawngkhar inkhar thawm pawh hriattur a awm reng a ni.
He ranch a awm te hi a thlen ve hmaa thleng vek annih avangin tute nge tih leh engzat nge tih a hre lo.Mahse Blaine-a chuan he hmun hi ngun takin an ven ngei a ring. Tlema tawlh hnungin mei a tan a. Khua chu vawt tial tial mahse mei erawh a chhem ngam lo. Hun remchang a nghak phawt dawn a ni. Inah chuan amah maiin Angie-i hi a awm anih chuan a tha. Amaha a awmlo anih pawhin thawm engemaw tal, hriattirna engemaw tal a awm a beisei tlat. A tuk zing thleng a nghak ang. Chu chu a hma thei ang berah ni se.
Fox-a chuan rang takin a lu a kan a, inchhungah pen thawm a hre ta tlat. Dimtea kawngkhar inhawng thawmba hria a, chutah kawngkhar chu a inhawng ta ngei mai. A hote pahnih be zawkin rang takin a che ta. Inchhungah chuan lutin khawnvar eng sep sep karah a hlauhthawn ang chiahin a va hmu ta. Nevers-a chu Angie-i mutna bulah chuan lo dingin, Angie-i chuan thlabar leh khur ru dar dar chungin a lo en ran a. Nevers-a chuan nuihsawh leh it tak si hian a lo en tlawk tlawk a. Fox-a chuan "Russ, kha kha i awmna tura tih a ni lo," a rawn ti a.
Nevers-a hmel chu thinrim vangin a sen vek a. Rang taka inherin "Khanglang che hian Lee! Engvangin nge i tih tur i tih mai loh chu le?" tiin a zawt a. Fox-a chuan dam thlap, mahse meng thip tak chung hian "Hei hi ka tih tur a ni. Mi khaihlum nih hi ka duh hauh lo," a ti hmak a.
"I awmna tura ruatah khan kir leh nghal rawh," bung vata Nevers-an a tih chuan Fox-a chuan then sak chung hian "Keimah maw? Kei chu hetah hian ka awm dawn. Nang kha sakawr inah kal rawh," tiin thu a lo pe thung. Ring tawkin Nevers-a chuan "A teuh lo mai," a han ti a. Mahse rang zetin Fox-a chuan a rifle chuan Nevers-a chu a tin a. "Chutia i tih dawn chuan i silai kha chuh rawh le. Anih loh vek chuan hetah hian tu emaw zawk zawk kan thih a ngai ta anih chu," a ti ve hmak mai.
Russ Nevers-a hian tun ang reng reng hian midang a huat a la hre lo. Rei tawk Fox-a chu a en tlawk tlawk a. A vir that a, "I duh ang chu ni phawt ang hmiang," tih pahin kawngkaah chhuakin na tawkin kawngkhar chu a khar a, a ri bur mai. A awmna atangin Blaine-a pawhin a lo hria a, a ngaih a thalo kher mai.
Tlang dung awih pang atang chuan pan thlain Utah Blaine chuan inchapcharna hun thleng dawn ta niin a ngai. Khawvar tan tirh chuan corral atanga yard sawmnga velah a ding a, chu chu sycamore hnuai in atang chuan yard sawmriat vel lai a ni. Hmanhmawh tulin a hrelo a, in leh a vel chu ngun takin a thlithlai a. Rei tak chhung chu thawm leh che eih a awm lo. Thil che awmchhun chu meikhu chhuahna a meikhu rawn zam chiai chiai chu a ni. Ngun takin thil kal tawh te a ngaihtuah a, eng hunah nge Angie-i hi zingah a thawh thin te a lo hre si lo.
Thli a awm miahlo a, khua a thiangin khua a lum dawn tih a hriat reng mai. Utah chu chau hle mah se indo turin a inpeih. Boruak rih dan leh tun ang dinhmun hrethiam tur hian hun a lo hmang hnem tawh a, inralrin dan pawh a hre kher mai. A thawmhnaw inbel bâl rim te, a thlan leh a thawmhnawa thisen kai ro rim te chu tui a ti lo. A hmel nise rei tak a inmeh tawh loh avangin a hmuihmul pawh nidang aiin a sei tawh. A taksa rimtui vak lo karah ramhnuai rim tui tak chu hip in piah deuha lui luang ri pawh a hre reng mai.
Meikhu chuan van sang lam a pan laiin vawilehkhatah khu ung deuh a rawn chhuak phut a, a reh duak a, a rawn chhuak leh thin a. Blaine-a chuan ngun deuhin a thlir reng a. In chhungah tu'n emaw....a.....Angie-in warning a rawn pe a ni maithei asin.
Corral atang chuan mi pakhat, Utah Blaine-an a awm tih pawh a hriat loh chu a rawn au thawt a. Ran tui pekna hnung atang chuan pakhat hi rang taka rawn zuang chhuakin hnunglam ina luhna kawngka lam pan chuan a rawn tlan phei a, Utah Blaine chuan a rilruin "I va han ti tha tehlul em!" tiin a nui var var a.
Angie-i tum chu a hlawhtling chiah. Rawl ring taka rawn vin chhuak karah Angie tawng ri te leh midang rawn inrawlh thawm te chu Utah chuan a hre reng mai. Ngawi rengin a ngaithla a, tu ber nge tih a hriat hleihtheih loh laiin pakhat chu Lee Fox-a ni ngei turah a ngai.
Pakhat chu hnunglam kawngka atanga lo chhuakin kun chungin ran tui pekna hmun lam a pan a, a bibo leh ta. Chupa chu Fox-a mi rawih, Machuk-a tia koh thin niin Utah chuan a hria a. Uluk takin a hma kawtzawl vel chu a thlir a, corral-ah mi pakhat a awm a, inchhungah pakhat chu a awm ngei bawk tih chu rinhlelh rual loh. Sakawr in lamah pawh tu emaw chu awm ngei turah a ngai. Eng zat chiah nge helaiah hian awm ang? Nevers-a angin Lee Fox-a hian mi a ngah lo. Paruk atanga pa sarih chu awm ngei turah a ngai. Pali panga pawh an ni maithei. Chung zinga dehkhirh ber tur chu Witter-a leh Hoerner-a ni turah a ngai bawk.
Hmanhmawh chu chetsualna anih hre rengin muangchangin engzat chiah nge awm tih hriat a tum a. A awhna tur thang an kam tih a hria. Mahse in chhung lam meichhem awmzia chu ei tur leh in tur an buatsaih tihna a ni. Amah Utah ngei pawhin coffee han in khalh khalh chu a chak hle a, mahse pahnih emaw laiin an vengin a ring si.
Thingbul zung kak karah thu in a nghak ran mai a. Inchhung lama thleng nawr ri te chu a hria a. Nevers-a chauh hi inchhungah awm se chuan a lut tawh ang. Nevers-a hi chu harsa loa phawi khalh mai theihah a ngai. Mahse Lee Fox-a a awm ve tih a hria. Ani hi remchang manglo a phawikhalh mai tur chuan namen lo tak anih pawh a hria. Dawhthei taka nghah chu fuh berin a ring a. Dawhtheihlohna chuan engkim a ti chhe vek ang. Helai hmunah engkim hmu theiin a awm tawh a, ani ai hian heng ho hian an ning zawk a, an rawn che hmasa ngeiin a ring.
Ruahmanna tam tak nei mah se paihthlak zel a ngai. Chutihlai chuan kawngka bula Angie lo kalin pawna tui paih chhuah paha Machuk-a a rawn ko chu a lo hmu zawr a. Machuk-a chu ran tui in tur dahna bul atang chuan chhuakin in chhungah eitur lamin a han kal a. Thleng nawr ri a hriat chuan Utah pawhin a riltam zia a hrechhuak leh a. A hnu deuhah Machuk-a chu lo chhuakin a hmun ngai a rawn luah leh a. A thuthmun atangin midang a ko a, chu erawh Utah chuan a hre hlei thei lo.
Chupa chu hnung deuh thingbuk atanga lo kal niin a lang. Tunah chuan pathum awmna chu a chiang ta. Khawiah tak nge midang hi an awm ang? Pakhat chu sakawr inah awm ngeiin a ring bawk. Reiloteah chupa chu lo chhuak lehin "Lee-a chuan a rei tawhlo ang a ti," tia a sawi chu Utah chuan chiang takin a hria a.
"A rei loh ka beisei, vaivut zinga tawm reng bik chu ninawm tak a ni,"
"Khua lah a lum hmel khawp lehnghal a,"
"Nevers-a ka'n ko ange," tiin pakhat chu a tho tharh a, stable bulah chuan a ding zawk a.
Nevers-a chuan kawtzawl paltlangin hnunglam kawngka chu a pan a. Utah Blaine chuan chiang takin a lo hmu a. A hmel a dur khuih a, a pawr hle bawk.
Nevers-a chu inchhungah chuan a lut a. Chawthleng nawr rik karah Nevers-a chuan "Tu'n nge min rawn thlak dawn a?" tia ring tawka a zawhna chu zawi sap hian Lee Fox-a chuan a chhang a. Engtin nge a chhan erawh Blaine-a chuan a hre lo. Mahse Nevers-a bawk chuan "Chutiang chuan i ti ang maw? Engemaw chang hi chuan i tih loh tur i ti thin, Lee. I tihdan chu.....ka va...." a tih lai chuan engemaw vangin a zuai leh ta a. Chuti chung chuan ring deuh zawkin Nevers-a bawk chuan "He hmeichhia hi enge maw a nih le? Dik tak chuan ........," a tih laiin Fox-a chuan "Sawi hauh suh," vin fiak thak hian a lo ti a.
Utah chu a inpeih ta at mai. Inchhung lamah chuan eng thil chiah nge thleng ta le? Hemi te pahnih hi hlauhawm tak ve ve an ni. Mahse inbeih tak takah chuan Lee Fox-a hi a chungnung zawk ngei ang. An inhnial hnu chuan Nevers-a bawk chu a rawn chhuak leh a. Thinur in seh rawp rawp chung hian stable lam chu a rawn pan leh ta.
Utah chuan a la nghak tlat. Midang teh vak chu an awm lo a, pali zawng hi an ni mai ang. An awmna chin lah a hre vek tawh. Tun tum hi chu infiahna, inchapcharna a ni ngei dawn ta. Nevers-a awmna a hria a. Nevers-a hi nuai bo chu ni se Fox-a nen chuan insiam rem dan dan a awm theih a ring. He Table Mountain rancher hi chu awmze nei tak anih laiin Nevers-a erawh chutiang mi chu a ni lo. Nuai bo a ngai tlat. Lee Fox-a bulah chuan Angie hi a himin a hria. Anih leh khawiah nge Ben Otten hi? Khuaah a awm nge a tlanchhuak ta zawk.
Hnimbuk zingah chuan Blaine-a chu lut lehin thlang lam atanga stable lam pan chhoh chu a rilruk ta. Chutah chuan Nevers-a a awm tih a chiang tawh. Fimkhur taka che in hnimbuk atang chuan thingbul lian tak lam chu a pan ta. Han pen leh dawrh se stable chu a thleng tawh mai ang.
Helai corral siam dan hi a danglam riau. Sir tinah kawngka a awm vek. Nevers-an a ven loh lam kawngka pana a pen chhuah chiah chuan Utah Blaine chuan a hnunglama intithei aw tih hriat takin "Blaine, ka lo thlir reng che asin!" tih thawm chu a hre ta.
Utah chu inherin a rin tak Rink Witter-a, yard sawmthum vela ding chu a hmu ta. A dinglam yard sawmhnih vela hlaah chuan Hoerner-a a awm bawk. Utah Blaine chu a ding chat a, an hual chiang lutuk. A hnungah Nevers-a a awm a, a hma lamah Witter-a leh Hoerner-a. In chhungah Fox-a awmin a hote pahnih ram dangah an la awm bawk.
Paruk an ni. "Utah, tunah zet chuan i chan a chau ta!" tiin amah a inhrilh a. Chutiang ngaihtuahna chu nei mah se a ngaihtuahna chu a kal zel a. Nungdama tal chhuah ngaihna reng a awm lo. A tih tur ni ta ber chu thah hmasak ber tur Rink Witter-a kah phawt. Chutah Nevers-a kah leh. Rang taka Rink-a kah a ngaih laiin hmanhmawh lutuk loa fuh ngei tura Nevers-a kah a ngai. A hnu lama a la dam anih ngai chuan stable-ah a tlan lut ang. Hetiang ti tur hian midang pali, chung zinga mi that tura rawih Hoerner-a te silaimu karah chuan chet a ngai dawn.
Thingkung bulah ke kak ta a dingin piah deuha Rink Witter-a mitmeng ngei chu a en siah a. Ri reng awmloin a reh tlawk tlawk a. Inchhung lamah kawngkhar a inhawng a. Chu in chhungah ngei chuan nula, amaha innghat nula duhawm tak a awm.
A dinhmun chu zir chiangin a tunhma dinhmun leh harsatna namen lo a lo hmachhawn tawh dan te a rawn lang uar uar a. Hengho aia tam hmaah hlauhna leh zamna nei miahloin vawi tam a lo dingchhuak tawh tih a hai lo. Tunah a hun a thleng ta tih hriain "Rink, helaia ka hmu che hi ka lawm khawp mai. Helai party naah hian i rawn tlai ka lo hlau khawp asin," a han ti a.
Zawi sap, khawng tak hian Rink-a chuan "Blaine, hremhmun lamah ka tir dawn che," a han ti a.
Utah Blaine chuan chu hmun leh hun reh tihbaiawm zet chu tih reh duh tawhin "Nang..." tiin deusawh zet hian "Rink Witter, puitu tello hi chuan khawiah mah nang hian min tir bo dawn lo. Rink, i silai phawi hi ka hmu tawh. Hmeichhia ang chauh. I ranglo lutuk hi ka zahpui che a, western tlangval leh gunfighter anga pawm tlak pawh i ni lo," a ti ta hrep a.
Nui chung bawk hian Blaine-a chuan "Hremhmun lama min thawn i tum chung changah chuan hetiang zat puihna hi chuan min thawn thei mahna. Mahse Rink, hremhmun kawngkharah chuan i thisen leh Nevers-a thisen ka bun chhuah chungah ngei ka tawlhlut dawn tih hi hria ang che. Nangni pahnih hi chu ka kalpui ngei ngei ang che u," a han ti leh a.
Awihawmlo khawpa rangin a silaite chu a kutah an rawn chawr chhuak nawlh mai. Rink-a hi a lo inring hle, mahse a thusawi khan a lo tibuai deuh a. Chuti chung chuan rang fahranin a silai a chuh a, mahse a phawi chhuak fel awrh tih chuan Blaine-a silai hmawr de rual thawt chu hmuin amah silaimu in a deng fuh tih hria in a pai dawrh a, a thi dawn tih Rink Witter chuan a hre nghal. A silaimu pakhat tal pawhin Blaine-a a fuh ve lo tur chu ngaithiamloin a theih ang angin a kap ve a, mahse a fuh ve chuang lo. Chutihlai chuan Blaine-a chuan a malpuiah a rawn kap fuh leh ta bawk. Chalchang tâla zuang dawrh dawrh chungin a silai hmehpuah lai chuan a tlu ta a.
Blaine-a chu a inher a, a silai pahnih, pakhat ang maia a ruala a hmeh puah hnu chiah chuan thingkung sirah inher remin a rinloh lutuk thil a hmu ta. Amah rawn kap loin Nevers-a chuan a silai chu Fox-a lam hawiin a hmet puak a, a dulah a va fuh a. Fox-a chuan a en tlawk tlawk a, makti em ema enin a silai phawi chhuah ve a tum a, mahse a pai ta tawng tawng a. Blaine-a lam hawi chuan Lee Fox chuan "Kha pa kha that rawh. Rilru chhe lutuk, dam tlak a ni lo," a rawn ti hram a, tual charah chuan a tlu hlawm ta tawp a.
Hoerner-a chu rawn tlanchhuakin tunah chuan Blaine-a hnungah a rawn awm a, a kap ta mawlh mawlh mai. Vawi thum ngawt a kap ta. Chulai hmun chu silai riin a khat a. Blaine-a chu thingbul atanga rawn pen chhuakin Nevers-a darah a va kap fuh a. A silaimu pahnihna chuan Nevers-a silai tak chu fuh lehin a leng dawrh a. Utah Blaine chu inherin thingthi chungin amah rawn kap tu Hoerner-a lamah a hmet puak ve ta. A silaimu denna avanga Hoerner-a kun ngawih chu a han kap nawn leh a. Hoerner paliana chu a sawp ta rup mai. A han inher leh chuan Nevers-a , a dar dinglam thisen chhuak avanga sen hnuang, a kut veilama dawm chunga ding chu a va hmu a.
"Nevers, tualthattu dik tak i ni," tiin chang bang hian Blaine-a chuan "Heng zawng zawng bul tan tu hi i ni. Neal-a khaihlum in tum tum khan Fuller-a nen in awm ve a, i aw kha ka hria a ni. Buaina phenah hian awmin nangmah vangin mi tha tam tak an thi a nih hi," tiin a silai a lek a, Nevers-a chu a te thawt a, Blaine-a chuan a thinhnunah ngei a han kap a, Nevers-a chu a pai ta tawng tawng a. Blaine-an a kah leh chuan a bul thing nghengin zawiin a tlu ta a.
Pa dar kum deuh khan winchester rifle la in uluk taka a rawn tin phei lai chuan in lam atang chuan silai a rawn puak ta thawr a. Makti taka Utah chuan kawngka lam a han thlir chuan Angie-in a pa spencer rifle ngei kenga a lo ding chu a hmu ta. Zamna reng neilo hian vawikhat a'n hmet puak leh a, Blaine-a chuan corral lam chu hawiin "Machuk, lo chhuak nghal rawh. Ban phar chungin lo chhuak rawh," tiin thu a pe ta a.
Tap chung deuh hian Machuk-a chuan "Ka kal thei lo. Ka ke min kahsak alawm," a rawn ti a.
Blaine-a chuan Angie lam chu a hawi a, a bula thing chu a vuan a. A hliam avanga chauin harsa deuh tak chung hian "Angie, i tha maw?" a rawn ti hram a. Sakawr tlan thawm a hria a, mahse a tlu ta. Inchhunga an zawn luh lai te, khum dup nuam taka an mut a, duat taka Angie-in a bawihsawm lai te chu a hre hauh lo.
Khawnvar eng tha vaklo hnuaiah a rawn harh chhuak leh a. A mutna khum bula chair a thu hmel chu khawnvar chuan a en a, ngaihngam takin a lo muthlu a ni. A che velah rawn harhin Angie chuan "Che suh, mu hle hle rawh," a lo ti vat a. Lukham kham tha pah chuan Blaine-a chuan "Engti zia nge ni ta a?" a rawn ti a.
"Hliam i tuar a ni. Vawithum kah fuh i ni a, i thisen a chhuak hnem em a ni,"
"Nevers-a te, Rink-a te chanchin?"
"An pahnihin an thi. Rals Forbes-a leh Padjen-a te hetah an awm a, pindan dangah an mu.
Rocky White-a pawh a awm ve,"
"White-a maw?"
"Red Creek khaw marshal thar ania lawm,"
White-a, tlangval sang thlarh, ran rual enkawl thiam tak kha marshal a lo ni ta reng mai. "A tha e. Ben Otten-a ve thung kha?" tia zawhna chu "I lo thlen hma zan khan Nevers-an a that tawh. Engvanga Ben-a kha lo kal nge anih ka hrelo. Nevers-a khan a lo kap ngawt mai a ni. Nangmah emaw a ti a ni maithei. Thah kha pawi a ti lo pawh a ni maithei bawk. Inbeih hma zan zankhua leh a tuk zing thleng khan sakawr inah khan a ruang pawh a awm alawm," tiin Angie chuan a hrilh a.
Otten...Nevers...Witter...Miller...Lud Fuller leh a hmain Gid Blake leh Joe Neal te an thi tawh. Engvanga thi nge an nih le?
"Angie, ram hi a thang zel a, a thang zel tur pawh a ni. Tun hi inbeihna lian tawpna nise ka ti. Mihringte tawpna hi tharuma inbeihna hi a ni tur tihna em ni zawk ang? Kawng tha zawk hi awm ngeiin ka ring a ni," zawitein Blaine-an a tih chuan Angie chuan "Red Creek khuaah roreltu, sawrkar an din asin," a lo ti a.
Blaine-a pawh chuan "Sawrkar tha, dik taka rorel tur kan mamawh," a rawn tih chuan Angie chuan "I chauh em hi, mu hle hle ta che," a lo ti a. Mahse Blaine-a chuan "Ka mu ang. I hriat angin 46 hi ram tha tak a ni a, tha taka bawng rual an tla suau suau tur te, luite tui thianghlim tak tih nut loha an luang dem dem tur te, ni chhuak leh tla turin a em no nghulh tur te hmuh hi chu a chakawm e," a rawn ti a.
"I ta vek a ni alawm. Joe Neal-a duhdan ang ngeiin. A tan i humhim ta alawm,"
"A tan leh i tan. I tello chuan engmah a ni lo ang,"
Amah en chuan a nui sak a."Ka telloin engmah a nilo ang maw?" tiin hlim tak hian "Helai ram leh nang hi ka hmangaih teh meuh asin," a'n ti zui a.
A taksa na leh sil them thum tawlh rem pah chuan Blaine-a chuan "Chutiang anih chuan ka'n muhil tawh ange. Hma deuhah min kaitho rawh. Coffee a tama tam in ka chak teh mai ania," tiin a muhil zui ta a. A bula hmeichhe duhawm tak hmai chu engin a rawn chhun tle zauh zauh a, pawnlam zan reh leh thiang tak hnuaiah zan thla engah sihal a û vang vang bawk a.
*********ADVERTISEMENT CLICK **********
CHAPTER 14 (LAST CHAPTER)
%%%%%%%%%%%%%%%%%%%%%%%%%%
Ortman-a lo tel ve dan a zawhna chu Nevers-a chuan tawite in, chhum hmakin a chhang a. Hoerner-a chuan mei zu chungin ngawi rengin a lo thlir a. Helaia Nevers-a lo kal chhan hi hriain a inhria.
Rink-a erawh chuan helaia Nevers-a lo kal chhan hi a hre fuh vak lo. Lungawi vak lo chung chuan "Anih tak chu. 46 ah chuan kan kal ang. Turley-a pawh chutah chuan a awm. Chutah chuan Blaine-a chu a lut anih hrim chuan vawi khat tal chu Turley-a chuan lo kah awm tak a ni," a han ti a.
Rink-a chu inherin Hoerner-a lamah chuan a thle bak a, mahse chu paliana chuan haiderin Nevers-a chu a en tlat a. Dam thlap hian "Ka kal ve chu i duh takzet amaw? Helaiah hian ka lo awm zawk ange," a lo ti a.
Nevers-a chuan rum tawka melhin "46 ah chuan kal nghal rawh," tiin thinrim tih hriat tak hian "Tu'n nge ruai che?" tiin a zawt nghal a. Hoerner-a chuan "Nangmahin," tiin I hnen atanga hlawh ka lak chhung chuan," a'n ti zet a, "Bansan che ka tum maithei," a han ti zui a.
Rink Witter-a chuan a entawn sek a, Hoerner-a hnenah chuan "Ka hnenah chuan i lo kal dawn nge Blaine-a hi i hlau ta riau zawk?" tiin a lo zawt a.
Hoerner-a chu a inher thut a, hmel sen teuh chung chuan "Tumah hi ka hlau lo tih chu i hria alawm," tih pahin a lukhum leh rifle chu la in "Kal ila," a han ti zet a, kawngkaah chuan a ding leh deuh a, Nevers-a hnenah chuan "Rang takin kan lo let leh maithei," tiin a han hrilh ringawt a. Nevers-a chuan a thlir zui vawng vawng a, a hawikir leh chuan Angie-i chuan kawngka bul lawkah chuan lo dingin a hmu a. "Aw! An kal ta daih elo?" tiin a lo zawt a.
"Kal e," tia aw pangngai lo taka a chhanna chuan Angie ngaih a ti tha lo. Fimkhur takin a en a, englaimahin Nevers-a hi a ngaina ngai lo. Nelawm lo leh tum deuh bur reng mi a ni. Amaha nunrawnna hmu in Blaine-a te rilrua thianghlimna ang kha a awm ve lo tih a hria. Palian, nghawng lian tak leh dar zuih rut chuan dawhkan kil chung chuan Angie chu a melh a, "Angie, i hmaa awm hi ti lungni lo suh," a han ti phawng a. Angie chuan "Ka ti thinur ngawt em ni?" tia zawt let chung chuan a thil tawn mek chu hriain fim takin a ngaihtuah a. Hetiang hi kum sawm pali anih atang tawha a tawn thin a niin tal chhuahna kawng a lo hmu fo tawh thin. Mahse zaninah hian Russ Nevers-a zia hi a dang daih a, tih tum engemaw tak a nei a ni phawt ang.
"I hre reng ang chu," tiin Nevers-a chuan "Engvanga Utah Blaine-a lamah hian tang ngawt nge i nih a?" tiin a zawt a. Zawi sap hian Angie chuan "In zavaia zingah Utah Blaine hi a tha lawr lak. Ama ke in a ding ngam a, gunman tam tak phena dinglo in," a lo ti a.
Nevers-a chu a sen tawn tawn a, a mitmeng chu khakna in a khat a. He hmeichhia hi duhtawka hrual a zirtir a duh. "Amah chu ka hlauh i ring a ni maw?" ngeiawm zetin a'n ti naa a aw chhuakah hlauhna enge maw chu awmin a lang.
Angie chuan "I hlau tih ka hria. Russ Nevers, mi â i ni lo. Mi â chauhin Blaine-a hi an hlau lo," a ti zel a. Nevers-a chu chair-ah thu in "Coffee te kha min han in tir la mawle," a han ti a.
Coffee bel chu la in no ah chuan a thli a. Mahse Nevers-a beisei anga a bula va kal loin dawhkan sir atangin no chu a va pe a. A banreka lo man a tumna lamah coffee chhuan so hlim chu ti bua in a kutah a per ta. A sa ti lutuk chuan a kut chu te vawng vawng chung chuan a fawp a. "Khanglang che chuan. Tum rengin min leih a nih kha," a han ti a. Nuihsawh deuh chung hian Angie chuan "Engtin a? Mr. Nevers, i ti mak emai," a lo tih chuan Nevers-a chu a thinur nasa a. Rang zeta tho pahin dawhkan kal hual chuan "Tu emaw talin i thluak hi an su tur a ni. Chu thluak su tu tur chu kei hi ka nih hi," tiin man tumin dawhkan chu a hel kual a. Angie chuan "Mi lo lutin rawn hmu ta che sela â an ti ngawt ang che. Chubakah Blaine-a kha lo lut ta se engtin nge i tih dawn?" dawhkan hel pah chuan a ti a. Nevers-a chu a ding chawt a. A thinur chu a sen teuh a. A thusawi chuan a ti thinur zual. Mahse amah puitu tur zawng zawng a tir bo chiah tih hriain Blaine-a hi lo thleng ta thut se engtia tih tur nge ni ang tih chu a inzawt ta a.
Fimkhur takin Blaine-a lehkha hnutchhiah chu la in a lamah chuan a vawm phei a. "Kha kha en la, rilru siam rawh. Hetia min khawihbuai i tum lai hi Blaine-an hmu ta che sela eng thil nge thleng ang tih chu i hria alawm," a han ti zui a. "Min hmu dawn lo. 46 ah an lo that dawn," Nevers-a chuan a han ti ngawt a.
Chutiang thu an sawi mek lai chuan thil tam tak a rawn thleng ta mek. Ben Otten chuan hmanhmawh takin luikam in te chu a rawn pan mek a. Lee Fox-a pawh a hote pahnih nen kawng dang atangin he hmun hi an rawn pan hnaiin an rawn thleng tep tawh. A awmna chhuahsanin Blaine-a zawngin tlangdung lamah kalin helai hmun hi an pan mek a. Hmun thengthaw laiah dingin a han thlir thlak chuan Angie kawt zawla sakawr ding leh chu in pana chak taka sakawr tlan mek chu a zuk hmu nghal a. Lee Fox-a chuan a hote hnenah thu engemaw sawiin chu in pan chuan an tlan ta nghal a.
Red Creek khuaah chuan Deputy paruk ten shotgun keng theuhin hmun ruk laiah khua chu venhim tumin an ding far mai. An hna chu khua him taka ven a ni. Hotel hmaah thung chuan mi sawm panga lai mai sakawr chungah chuangin thupek nghakin an ding bawk a. Chutah Rocky White-a chu lo chhuakin Padjen-a leh Forbes-a ten an rawn zui a. An za chuan sakawr chungah an chuang ta a.
Cowboy rum hmel tak, helai phaizawla hnathawk mek chuan saloon nghaktu chu a no thlit belh pah chuan a'n en a, "Mi pangngai tan chuan kal chhuah a hun," a han ti ngawt a.
"Chu, i chhuak dawn tihna maw?"
Kawtthler lam thlek zauh pah chuan chupa chuan "Pawn lam pana khaw chhung mi thahnem tak chhuak tur khu i hmu lawm ni? Khung ho khu mi pangngai, tha leh â tak te an ni. Mister, khaw hrang hrangah ka lo khawsa tawh thin. Hetianga mi pangngai chin thin a ur a, an infawk khawm tawh chuan khaw chhuahsana tlan vang vang a hun tih ka hria. Minute sawm hnuah chuan helaiah ka hmel i hmu tawh hauh lo ang," a lo ti a.
Nevers-an a vawi hnihna atan Angie man tuma a um lai chuan Ben Otten chu a rawn thleng ve tep tawh. Angie-in pindan dang kawngkhar a thlen chiah chuan Nevers-a chu a ding chawt a, a din rual rualin sakawr tlan thawm a hre ta. A hmel chu a dâng var vek tih mai tur a ni. A pistol chuhin kawngkhar lamah chuan a tlan phei a. Mi pakhat sakawr atanga zuangthlaa kailawn lam rawn pan chu a va hmu hman chiah. Nevers-a chuan a hlau takzet a, silai chu mi lokalna lam hawi chuan a hmet puak ta a.
Ben Otten chuan kawngkaa mi lang zuai chu a hmuh rualin silaimu rawn chhuak de zuai chu a hmu zui a. A dulah silaimu chuan rawn deng dawtin kailawn chu rap pelhin a lumthla a, kawtzawlah chuan a let a let a. Russ Nevers-a chuan va kah leh tumin a va bih hnai a, a thil hmuh avang chuan maktia meng bial pawp pawp chungin leia lo mu Ben Otten-a chu a thlir ta reng mai.
Makti taka "Ben Otten," a tih thawt thawm chu Angie chuan a lo hria a. Rang takin thingrem pawhdawha a silai chu a la chhuak a, puanhnuai chungin choka lamah chuan a kal leh ta a. Nevers-a chu pawn ler step ah chuan a la ding a, kailawna per ri dat dat chu a hre reng a. Angie lam chu rawn hawiin "Otten-a a ni reng mai. Ben Otten-a ka that ta reng mai," a rawn ti a. Fox-a leh a hote pahnih an rawn thlen thleng chuan Otten-a chu a la thlir reng. Fox-a chuan Otten-a leh Nevers-a chu a en tawn sek a, "Engvangin nge Otten-a hi i thah rikngawt?" a han ti a.
"Min rawn thawng thut a, Blaine-a emaw ka ti a ni,"
Fox-a chuan Nevers-a chu chik zetin a thlir vawng vawng a. Chutah muangchangin thil awmdan a thlir hnu chuan thu tlukna siam ta ang maiin a bu nghut nghut a. "Mi hmuh loh turin dahsawn rawh u. Blaine-an helam a rawn pan mek a ni," tiin a naute pahnih hnenah chuan "Saw hmeichhia saw tawng theilo turin phuar rawh u. Mahse tina suh u," tiin thu a pe ta a.
Angie chuan Fox-a tawng ri chu hre mahse enge a sawi erawh a hre lo. Nevers-an Otten-a ban pahniha hnuh sawn tuma a beih lai chuan Fox-a naute pahnih chu sakawr atangin an chhuk a. Nevers-a pui tur ang deuha an chet avang chuan rinhlelh ngaihna a hre lo. Mahse vawilehkhatah amah Angie-i chu an man ta thut a. A silai kha hman chu han tum mahse an dawm beh tlat avangin a hmang thei chuang lo. Fox-a chuan "An ti na lo ang che. Utah lokal huna i lo au chul loh nan kan hreng mai dawn che a ni," a lo ti a. Tanpuitu tur beisei nei miahlo in Ben Otten-a thisen, vaivut leh kailawn vela far tih reh nana vaivut an phul lai chu a thlir reng ringawt a. An sakawr lak hran dan te, an hnuhma tih reh nan vaivut an phul lai te leh tanhmun an insem lai te chu fimkhur takin a lo thlir reng a.
Inchhungah Russ Nevers-a a awm a, Lee Fox-a chu sakawr inah awmin a hote zinga pakhat chu corral-ah a awm a. Pakhat erawh hnung deuh, hnim chin thingkung bulah a awm thung. Chungho chu mi that maithei tura inring renga an awm lai chuan an bul maiah Rink Witter-a leh Hoerner-a te an awm bawk.
Utah Blaine-an minute sawmhnih emaw vel lek a kalsan tihah chuan Ortman-a chuan sakawra chuang thawm a hre ta. A hmuh vuai danin Rink Witter leh Hoerner-a te pahnih niin a hria. Muangchangin Hoerner-a chu silaia tinin a han kap a, mahse a thelh tlat. Thelh mahse hemite pahnih hian an hlau hle a. Sakawr atanga zuangthla in hnim zingah chuan an bawk phek ran a.
Ortman-a chuan an ding leh vei vel chu a rawn phuh deuh reng mai. Silaimu vung ther ther karah Hoerner-a chuan "Utah chu a nilo tawp ang. Ani ni se kan kal hnaih hun a nghak ngei ngei ang," a han ti a. "Ani lo tih ka hria, Ortman-a zawk anih hi," a lo tih chuan Hoerner-a chuan "Anih engah nge hetah kan tawm reng. I kir leh nghal ang. Blaine-a khan nula kha a lam dawn hnai tawh ngei ang," a tih chuan Rink Witter-a pawhin dik a ti. Chubakah Angie-i amah maia a awm laia Nevers-a a bula a awm tur a ngaihtuahin tha a ti lo. A ngaihtuah chian zawh poh leh Angie-i dinhmun chhiat zia a hrechhuak a, Nevers-an kalbo tura a duh dan atang khan a chhui dawn vel a ni.
Chumi te pahnih chu hnungtawlhin an sakawr awmna lam an pan a. Sakawrah chuangin an kalsawn ta nghal a. An kal thawm a hriat chuan Ortman-a chu a phun nuah nuah a. Anmahni zui duhna a nei a, mahse Blaine-an "Helaiah hian lo awm reng rawh. Chulaiah chuan thian ka neilo tih ka hriat chian em avangin tunge ka kah tih lam ka ngaihtuah dawn miah lo," a tih tlat avangin a awmna ngaiah chuan a awm leh ta a.
Ortman-a chuan rawng te inbawlin kalkawng lam thlir chung chuan dawhkanah chaw a ei a. Chaweikhamah pawh leilung lan theih chhung zawng chu chulam thlir chuan a thu reng a.
Sycamore thingbuk leh a bula in te reuh te chu thimin a rawn bawh tan ta. Thim hnuaiah chuan pakhat te te in in hnunglam kawngkaah lo lutin zanriah an va ei a, a ngaiah bawk chhuakin an awmna an luah leh a. Fox-a pawh chu lo lut ve in Angie phuarna te chu enin a rawn phelh a. Coffee te chu a rawn siamsak a. "Tha te te in awm la, kan tina tawp lo ang che," a rawn ti a.
Angie chuan "Tha te te in a?"tih pah chuan "In zavaia aia mi tha in thah laiin tha te te in ka lo awm ang maw?" a lo ti hlar a. Khawthim hnuaiah in bul thingbukah chuan sava a rawn hram karh karh a. Fox-a chuan blanket lukhama mu in silai a hum reng a. Angie pawh a muhilin a rawn harh leh hlawl thin a.
Angie-i awmna ranch te reuhte atanga chhak lam tlangdung feet sangkhat vela hlaah Utah Blaine pawh blanket sinin khawvawt hnuaiah a mu a. Khua chu vawt deuh mahse a mu tui thei tho mai. A awmna atang chuan chu ranch te reuhte chu a lang thei a. Mahse sycamore thingbuk avangin a kawt zawl leh hnung lam kawngkhar chu a hmuh theih loh.
Angie-i sakawr leh ama sakawr chu corral-ah an awm ve ve tih a hriat theih laiin amah Angie-i erawh a hmu thei hauh lo. Khawthim hma hretin helai hmun hi a rawn thleng a, zan thim hnu chuan zan thla eng bak engmah chiangin a hmuh theih loh. A chang chuan chu in atang chuan êng a lo chhuak thin a. Choka lama eng chu a hmuh theih deuh reng a. Kawngkhar inkhar thawm pawh hriattur a awm reng a ni.
He ranch a awm te hi a thlen ve hmaa thleng vek annih avangin tute nge tih leh engzat nge tih a hre lo.Mahse Blaine-a chuan he hmun hi ngun takin an ven ngei a ring. Tlema tawlh hnungin mei a tan a. Khua chu vawt tial tial mahse mei erawh a chhem ngam lo. Hun remchang a nghak phawt dawn a ni. Inah chuan amah maiin Angie-i hi a awm anih chuan a tha. Amaha a awmlo anih pawhin thawm engemaw tal, hriattirna engemaw tal a awm a beisei tlat. A tuk zing thleng a nghak ang. Chu chu a hma thei ang berah ni se.
Fox-a chuan rang takin a lu a kan a, inchhungah pen thawm a hre ta tlat. Dimtea kawngkhar inhawng thawmba hria a, chutah kawngkhar chu a inhawng ta ngei mai. A hote pahnih be zawkin rang takin a che ta. Inchhungah chuan lutin khawnvar eng sep sep karah a hlauhthawn ang chiahin a va hmu ta. Nevers-a chu Angie-i mutna bulah chuan lo dingin, Angie-i chuan thlabar leh khur ru dar dar chungin a lo en ran a. Nevers-a chuan nuihsawh leh it tak si hian a lo en tlawk tlawk a. Fox-a chuan "Russ, kha kha i awmna tura tih a ni lo," a rawn ti a.
Nevers-a hmel chu thinrim vangin a sen vek a. Rang taka inherin "Khanglang che hian Lee! Engvangin nge i tih tur i tih mai loh chu le?" tiin a zawt a. Fox-a chuan dam thlap, mahse meng thip tak chung hian "Hei hi ka tih tur a ni. Mi khaihlum nih hi ka duh hauh lo," a ti hmak a.
"I awmna tura ruatah khan kir leh nghal rawh," bung vata Nevers-an a tih chuan Fox-a chuan then sak chung hian "Keimah maw? Kei chu hetah hian ka awm dawn. Nang kha sakawr inah kal rawh," tiin thu a lo pe thung. Ring tawkin Nevers-a chuan "A teuh lo mai," a han ti a. Mahse rang zetin Fox-a chuan a rifle chuan Nevers-a chu a tin a. "Chutia i tih dawn chuan i silai kha chuh rawh le. Anih loh vek chuan hetah hian tu emaw zawk zawk kan thih a ngai ta anih chu," a ti ve hmak mai.
Russ Nevers-a hian tun ang reng reng hian midang a huat a la hre lo. Rei tawk Fox-a chu a en tlawk tlawk a. A vir that a, "I duh ang chu ni phawt ang hmiang," tih pahin kawngkaah chhuakin na tawkin kawngkhar chu a khar a, a ri bur mai. A awmna atangin Blaine-a pawhin a lo hria a, a ngaih a thalo kher mai.
Tlang dung awih pang atang chuan pan thlain Utah Blaine chuan inchapcharna hun thleng dawn ta niin a ngai. Khawvar tan tirh chuan corral atanga yard sawmnga velah a ding a, chu chu sycamore hnuai in atang chuan yard sawmriat vel lai a ni. Hmanhmawh tulin a hrelo a, in leh a vel chu ngun takin a thlithlai a. Rei tak chhung chu thawm leh che eih a awm lo. Thil che awmchhun chu meikhu chhuahna a meikhu rawn zam chiai chiai chu a ni. Ngun takin thil kal tawh te a ngaihtuah a, eng hunah nge Angie-i hi zingah a thawh thin te a lo hre si lo.
Thli a awm miahlo a, khua a thiangin khua a lum dawn tih a hriat reng mai. Utah chu chau hle mah se indo turin a inpeih. Boruak rih dan leh tun ang dinhmun hrethiam tur hian hun a lo hmang hnem tawh a, inralrin dan pawh a hre kher mai. A thawmhnaw inbel bâl rim te, a thlan leh a thawmhnawa thisen kai ro rim te chu tui a ti lo. A hmel nise rei tak a inmeh tawh loh avangin a hmuihmul pawh nidang aiin a sei tawh. A taksa rimtui vak lo karah ramhnuai rim tui tak chu hip in piah deuha lui luang ri pawh a hre reng mai.
Meikhu chuan van sang lam a pan laiin vawilehkhatah khu ung deuh a rawn chhuak phut a, a reh duak a, a rawn chhuak leh thin a. Blaine-a chuan ngun deuhin a thlir reng a. In chhungah tu'n emaw....a.....Angie-in warning a rawn pe a ni maithei asin.
Corral atang chuan mi pakhat, Utah Blaine-an a awm tih pawh a hriat loh chu a rawn au thawt a. Ran tui pekna hnung atang chuan pakhat hi rang taka rawn zuang chhuakin hnunglam ina luhna kawngka lam pan chuan a rawn tlan phei a, Utah Blaine chuan a rilruin "I va han ti tha tehlul em!" tiin a nui var var a.
Angie-i tum chu a hlawhtling chiah. Rawl ring taka rawn vin chhuak karah Angie tawng ri te leh midang rawn inrawlh thawm te chu Utah chuan a hre reng mai. Ngawi rengin a ngaithla a, tu ber nge tih a hriat hleihtheih loh laiin pakhat chu Lee Fox-a ni ngei turah a ngai.
Pakhat chu hnunglam kawngka atanga lo chhuakin kun chungin ran tui pekna hmun lam a pan a, a bibo leh ta. Chupa chu Fox-a mi rawih, Machuk-a tia koh thin niin Utah chuan a hria a. Uluk takin a hma kawtzawl vel chu a thlir a, corral-ah mi pakhat a awm a, inchhungah pakhat chu a awm ngei bawk tih chu rinhlelh rual loh. Sakawr in lamah pawh tu emaw chu awm ngei turah a ngai. Eng zat chiah nge helaiah hian awm ang? Nevers-a angin Lee Fox-a hian mi a ngah lo. Paruk atanga pa sarih chu awm ngei turah a ngai. Pali panga pawh an ni maithei. Chung zinga dehkhirh ber tur chu Witter-a leh Hoerner-a ni turah a ngai bawk.
Hmanhmawh chu chetsualna anih hre rengin muangchangin engzat chiah nge awm tih hriat a tum a. A awhna tur thang an kam tih a hria. Mahse in chhung lam meichhem awmzia chu ei tur leh in tur an buatsaih tihna a ni. Amah Utah ngei pawhin coffee han in khalh khalh chu a chak hle a, mahse pahnih emaw laiin an vengin a ring si.
Thingbul zung kak karah thu in a nghak ran mai a. Inchhung lama thleng nawr ri te chu a hria a. Nevers-a chauh hi inchhungah awm se chuan a lut tawh ang. Nevers-a hi chu harsa loa phawi khalh mai theihah a ngai. Mahse Lee Fox-a a awm ve tih a hria. Ani hi remchang manglo a phawikhalh mai tur chuan namen lo tak anih pawh a hria. Dawhthei taka nghah chu fuh berin a ring a. Dawhtheihlohna chuan engkim a ti chhe vek ang. Helai hmunah engkim hmu theiin a awm tawh a, ani ai hian heng ho hian an ning zawk a, an rawn che hmasa ngeiin a ring.
Ruahmanna tam tak nei mah se paihthlak zel a ngai. Chutihlai chuan kawngka bula Angie lo kalin pawna tui paih chhuah paha Machuk-a a rawn ko chu a lo hmu zawr a. Machuk-a chu ran tui in tur dahna bul atang chuan chhuakin in chhungah eitur lamin a han kal a. Thleng nawr ri a hriat chuan Utah pawhin a riltam zia a hrechhuak leh a. A hnu deuhah Machuk-a chu lo chhuakin a hmun ngai a rawn luah leh a. A thuthmun atangin midang a ko a, chu erawh Utah chuan a hre hlei thei lo.
Chupa chu hnung deuh thingbuk atanga lo kal niin a lang. Tunah chuan pathum awmna chu a chiang ta. Khawiah tak nge midang hi an awm ang? Pakhat chu sakawr inah awm ngeiin a ring bawk. Reiloteah chupa chu lo chhuak lehin "Lee-a chuan a rei tawhlo ang a ti," tia a sawi chu Utah chuan chiang takin a hria a.
"A rei loh ka beisei, vaivut zinga tawm reng bik chu ninawm tak a ni,"
"Khua lah a lum hmel khawp lehnghal a,"
"Nevers-a ka'n ko ange," tiin pakhat chu a tho tharh a, stable bulah chuan a ding zawk a.
Nevers-a chuan kawtzawl paltlangin hnunglam kawngka chu a pan a. Utah Blaine chuan chiang takin a lo hmu a. A hmel a dur khuih a, a pawr hle bawk.
Nevers-a chu inchhungah chuan a lut a. Chawthleng nawr rik karah Nevers-a chuan "Tu'n nge min rawn thlak dawn a?" tia ring tawka a zawhna chu zawi sap hian Lee Fox-a chuan a chhang a. Engtin nge a chhan erawh Blaine-a chuan a hre lo. Mahse Nevers-a bawk chuan "Chutiang chuan i ti ang maw? Engemaw chang hi chuan i tih loh tur i ti thin, Lee. I tihdan chu.....ka va...." a tih lai chuan engemaw vangin a zuai leh ta a. Chuti chung chuan ring deuh zawkin Nevers-a bawk chuan "He hmeichhia hi enge maw a nih le? Dik tak chuan ........," a tih laiin Fox-a chuan "Sawi hauh suh," vin fiak thak hian a lo ti a.
Utah chu a inpeih ta at mai. Inchhung lamah chuan eng thil chiah nge thleng ta le? Hemi te pahnih hi hlauhawm tak ve ve an ni. Mahse inbeih tak takah chuan Lee Fox-a hi a chungnung zawk ngei ang. An inhnial hnu chuan Nevers-a bawk chu a rawn chhuak leh a. Thinur in seh rawp rawp chung hian stable lam chu a rawn pan leh ta.
Utah chuan a la nghak tlat. Midang teh vak chu an awm lo a, pali zawng hi an ni mai ang. An awmna chin lah a hre vek tawh. Tun tum hi chu infiahna, inchapcharna a ni ngei dawn ta. Nevers-a awmna a hria a. Nevers-a hi nuai bo chu ni se Fox-a nen chuan insiam rem dan dan a awm theih a ring. He Table Mountain rancher hi chu awmze nei tak anih laiin Nevers-a erawh chutiang mi chu a ni lo. Nuai bo a ngai tlat. Lee Fox-a bulah chuan Angie hi a himin a hria. Anih leh khawiah nge Ben Otten hi? Khuaah a awm nge a tlanchhuak ta zawk.
Hnimbuk zingah chuan Blaine-a chu lut lehin thlang lam atanga stable lam pan chhoh chu a rilruk ta. Chutah chuan Nevers-a a awm tih a chiang tawh. Fimkhur taka che in hnimbuk atang chuan thingbul lian tak lam chu a pan ta. Han pen leh dawrh se stable chu a thleng tawh mai ang.
Helai corral siam dan hi a danglam riau. Sir tinah kawngka a awm vek. Nevers-an a ven loh lam kawngka pana a pen chhuah chiah chuan Utah Blaine chuan a hnunglama intithei aw tih hriat takin "Blaine, ka lo thlir reng che asin!" tih thawm chu a hre ta.
Utah chu inherin a rin tak Rink Witter-a, yard sawmthum vela ding chu a hmu ta. A dinglam yard sawmhnih vela hlaah chuan Hoerner-a a awm bawk. Utah Blaine chu a ding chat a, an hual chiang lutuk. A hnungah Nevers-a a awm a, a hma lamah Witter-a leh Hoerner-a. In chhungah Fox-a awmin a hote pahnih ram dangah an la awm bawk.
Paruk an ni. "Utah, tunah zet chuan i chan a chau ta!" tiin amah a inhrilh a. Chutiang ngaihtuahna chu nei mah se a ngaihtuahna chu a kal zel a. Nungdama tal chhuah ngaihna reng a awm lo. A tih tur ni ta ber chu thah hmasak ber tur Rink Witter-a kah phawt. Chutah Nevers-a kah leh. Rang taka Rink-a kah a ngaih laiin hmanhmawh lutuk loa fuh ngei tura Nevers-a kah a ngai. A hnu lama a la dam anih ngai chuan stable-ah a tlan lut ang. Hetiang ti tur hian midang pali, chung zinga mi that tura rawih Hoerner-a te silaimu karah chuan chet a ngai dawn.
Thingkung bulah ke kak ta a dingin piah deuha Rink Witter-a mitmeng ngei chu a en siah a. Ri reng awmloin a reh tlawk tlawk a. Inchhung lamah kawngkhar a inhawng a. Chu in chhungah ngei chuan nula, amaha innghat nula duhawm tak a awm.
A dinhmun chu zir chiangin a tunhma dinhmun leh harsatna namen lo a lo hmachhawn tawh dan te a rawn lang uar uar a. Hengho aia tam hmaah hlauhna leh zamna nei miahloin vawi tam a lo dingchhuak tawh tih a hai lo. Tunah a hun a thleng ta tih hriain "Rink, helaia ka hmu che hi ka lawm khawp mai. Helai party naah hian i rawn tlai ka lo hlau khawp asin," a han ti a.
Zawi sap, khawng tak hian Rink-a chuan "Blaine, hremhmun lamah ka tir dawn che," a han ti a.
Utah Blaine chuan chu hmun leh hun reh tihbaiawm zet chu tih reh duh tawhin "Nang..." tiin deusawh zet hian "Rink Witter, puitu tello hi chuan khawiah mah nang hian min tir bo dawn lo. Rink, i silai phawi hi ka hmu tawh. Hmeichhia ang chauh. I ranglo lutuk hi ka zahpui che a, western tlangval leh gunfighter anga pawm tlak pawh i ni lo," a ti ta hrep a.
Nui chung bawk hian Blaine-a chuan "Hremhmun lama min thawn i tum chung changah chuan hetiang zat puihna hi chuan min thawn thei mahna. Mahse Rink, hremhmun kawngkharah chuan i thisen leh Nevers-a thisen ka bun chhuah chungah ngei ka tawlhlut dawn tih hi hria ang che. Nangni pahnih hi chu ka kalpui ngei ngei ang che u," a han ti leh a.
Awihawmlo khawpa rangin a silaite chu a kutah an rawn chawr chhuak nawlh mai. Rink-a hi a lo inring hle, mahse a thusawi khan a lo tibuai deuh a. Chuti chung chuan rang fahranin a silai a chuh a, mahse a phawi chhuak fel awrh tih chuan Blaine-a silai hmawr de rual thawt chu hmuin amah silaimu in a deng fuh tih hria in a pai dawrh a, a thi dawn tih Rink Witter chuan a hre nghal. A silaimu pakhat tal pawhin Blaine-a a fuh ve lo tur chu ngaithiamloin a theih ang angin a kap ve a, mahse a fuh ve chuang lo. Chutihlai chuan Blaine-a chuan a malpuiah a rawn kap fuh leh ta bawk. Chalchang tâla zuang dawrh dawrh chungin a silai hmehpuah lai chuan a tlu ta a.
Blaine-a chu a inher a, a silai pahnih, pakhat ang maia a ruala a hmeh puah hnu chiah chuan thingkung sirah inher remin a rinloh lutuk thil a hmu ta. Amah rawn kap loin Nevers-a chuan a silai chu Fox-a lam hawiin a hmet puak a, a dulah a va fuh a. Fox-a chuan a en tlawk tlawk a, makti em ema enin a silai phawi chhuah ve a tum a, mahse a pai ta tawng tawng a. Blaine-a lam hawi chuan Lee Fox chuan "Kha pa kha that rawh. Rilru chhe lutuk, dam tlak a ni lo," a rawn ti hram a, tual charah chuan a tlu hlawm ta tawp a.
Hoerner-a chu rawn tlanchhuakin tunah chuan Blaine-a hnungah a rawn awm a, a kap ta mawlh mawlh mai. Vawi thum ngawt a kap ta. Chulai hmun chu silai riin a khat a. Blaine-a chu thingbul atanga rawn pen chhuakin Nevers-a darah a va kap fuh a. A silaimu pahnihna chuan Nevers-a silai tak chu fuh lehin a leng dawrh a. Utah Blaine chu inherin thingthi chungin amah rawn kap tu Hoerner-a lamah a hmet puak ve ta. A silaimu denna avanga Hoerner-a kun ngawih chu a han kap nawn leh a. Hoerner paliana chu a sawp ta rup mai. A han inher leh chuan Nevers-a , a dar dinglam thisen chhuak avanga sen hnuang, a kut veilama dawm chunga ding chu a va hmu a.
"Nevers, tualthattu dik tak i ni," tiin chang bang hian Blaine-a chuan "Heng zawng zawng bul tan tu hi i ni. Neal-a khaihlum in tum tum khan Fuller-a nen in awm ve a, i aw kha ka hria a ni. Buaina phenah hian awmin nangmah vangin mi tha tam tak an thi a nih hi," tiin a silai a lek a, Nevers-a chu a te thawt a, Blaine-a chuan a thinhnunah ngei a han kap a, Nevers-a chu a pai ta tawng tawng a. Blaine-an a kah leh chuan a bul thing nghengin zawiin a tlu ta a.
Pa dar kum deuh khan winchester rifle la in uluk taka a rawn tin phei lai chuan in lam atang chuan silai a rawn puak ta thawr a. Makti taka Utah chuan kawngka lam a han thlir chuan Angie-in a pa spencer rifle ngei kenga a lo ding chu a hmu ta. Zamna reng neilo hian vawikhat a'n hmet puak leh a, Blaine-a chuan corral lam chu hawiin "Machuk, lo chhuak nghal rawh. Ban phar chungin lo chhuak rawh," tiin thu a pe ta a.
Tap chung deuh hian Machuk-a chuan "Ka kal thei lo. Ka ke min kahsak alawm," a rawn ti a.
Blaine-a chuan Angie lam chu a hawi a, a bula thing chu a vuan a. A hliam avanga chauin harsa deuh tak chung hian "Angie, i tha maw?" a rawn ti hram a. Sakawr tlan thawm a hria a, mahse a tlu ta. Inchhunga an zawn luh lai te, khum dup nuam taka an mut a, duat taka Angie-in a bawihsawm lai te chu a hre hauh lo.
Khawnvar eng tha vaklo hnuaiah a rawn harh chhuak leh a. A mutna khum bula chair a thu hmel chu khawnvar chuan a en a, ngaihngam takin a lo muthlu a ni. A che velah rawn harhin Angie chuan "Che suh, mu hle hle rawh," a lo ti vat a. Lukham kham tha pah chuan Blaine-a chuan "Engti zia nge ni ta a?" a rawn ti a.
"Hliam i tuar a ni. Vawithum kah fuh i ni a, i thisen a chhuak hnem em a ni,"
"Nevers-a te, Rink-a te chanchin?"
"An pahnihin an thi. Rals Forbes-a leh Padjen-a te hetah an awm a, pindan dangah an mu.
Rocky White-a pawh a awm ve,"
"White-a maw?"
"Red Creek khaw marshal thar ania lawm,"
White-a, tlangval sang thlarh, ran rual enkawl thiam tak kha marshal a lo ni ta reng mai. "A tha e. Ben Otten-a ve thung kha?" tia zawhna chu "I lo thlen hma zan khan Nevers-an a that tawh. Engvanga Ben-a kha lo kal nge anih ka hrelo. Nevers-a khan a lo kap ngawt mai a ni. Nangmah emaw a ti a ni maithei. Thah kha pawi a ti lo pawh a ni maithei bawk. Inbeih hma zan zankhua leh a tuk zing thleng khan sakawr inah khan a ruang pawh a awm alawm," tiin Angie chuan a hrilh a.
Otten...Nevers...Witter...Miller...Lud Fuller leh a hmain Gid Blake leh Joe Neal te an thi tawh. Engvanga thi nge an nih le?
"Angie, ram hi a thang zel a, a thang zel tur pawh a ni. Tun hi inbeihna lian tawpna nise ka ti. Mihringte tawpna hi tharuma inbeihna hi a ni tur tihna em ni zawk ang? Kawng tha zawk hi awm ngeiin ka ring a ni," zawitein Blaine-an a tih chuan Angie chuan "Red Creek khuaah roreltu, sawrkar an din asin," a lo ti a.
Blaine-a pawh chuan "Sawrkar tha, dik taka rorel tur kan mamawh," a rawn tih chuan Angie chuan "I chauh em hi, mu hle hle ta che," a lo ti a. Mahse Blaine-a chuan "Ka mu ang. I hriat angin 46 hi ram tha tak a ni a, tha taka bawng rual an tla suau suau tur te, luite tui thianghlim tak tih nut loha an luang dem dem tur te, ni chhuak leh tla turin a em no nghulh tur te hmuh hi chu a chakawm e," a rawn ti a.
"I ta vek a ni alawm. Joe Neal-a duhdan ang ngeiin. A tan i humhim ta alawm,"
"A tan leh i tan. I tello chuan engmah a ni lo ang,"
Amah en chuan a nui sak a."Ka telloin engmah a nilo ang maw?" tiin hlim tak hian "Helai ram leh nang hi ka hmangaih teh meuh asin," a'n ti zui a.
A taksa na leh sil them thum tawlh rem pah chuan Blaine-a chuan "Chutiang anih chuan ka'n muhil tawh ange. Hma deuhah min kaitho rawh. Coffee a tama tam in ka chak teh mai ania," tiin a muhil zui ta a. A bula hmeichhe duhawm tak hmai chu engin a rawn chhun tle zauh zauh a, pawnlam zan reh leh thiang tak hnuaiah zan thla engah sihal a û vang vang bawk a.
*********ADVERTISEMENT CLICK **********
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)