JOHN WALDEN (Completed)

Western cowboy Re-type, lehlin leh mizo phuahchawp dahna

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

JOHN WALDEN (Completed)

Unread post by Ngaia » September 13th, 2018, 8:41 pm

TargetPreview.jpg
TargetPreview.jpg (22.35 KiB) Viewed 23764 times

JOHN WALDEN
Way to El-paso


Retyped - Ruatmawia Jahau

Bung 1 na (a)

The Re-appearance of John Walden

Tlai ni tla tur eng sen phut mai chuan Elpaso khua chu a chhun tle sut mai a. Khawpui lian tih takah mi chi hrang hrang an vak nuk nuk a. Sumdawnna chi hrang hrang bei tu te, pawisa khelh a eizawng te, mi luman a eizawng te , Rancher hote leh Ranch a thawk cowboy te nen kawtthler ah chuan an vei thelh sung sung mai a. Kawtthler lun lai takah chuan sakawr chung chuan an in sulpel nuk nuk a, sakawr tawlailir te pawh an tlan khu rum rum hlawm a.
Kawlkilah chuan ni a herbliam tep tih ah chuan Elpaso hmar lam kawtchhuah lam atang chuan sakawr pal khuk tih hriat tak mai hian vaivut a khu laih laih a. Vaivut khu chu Elpaso khaw lam pan chuan a rawn hnai zel a.
Ni a tlak fel meuh chuan sakawr chung chuang pa pawh chuan khua a rawn lut fel der tawh a. Chu sakawr chu a dum, lian tha zet mai hi a ni a. A chungchuang chu Gunfighter tih hriat tak mai hian a khel tawn tawn ah chuan puakruk a pai fual hnalh a. Chung a puakruk te chu a kawm hnum dan atang chuan hman than an ni tih a hriat hle a.
A rawn thang na a hla tham tih hriat tak hian a thawmhnaw inbel te chu vaivut in a bawh paw thuk mai a. Thawmhnaw dum tih hriat harsa khawp in a paw thur mai ani.
A sakawn zin sirah chuan Winchester rifle a inthiat vang a, a sir lehlamah chuan thawmhnaw tel ni awmtak hi a bawk tal bawk a. Chu bak chu thawmhnaw dang nei pawhin a lang lo. A hnungah chuan uisathiam tih hriat tak hian a zui thoh thoh bawk a.
Chu mikhual lo thleng thar chuan kawtthler a mi insul zult zut te chu a kalpel zel a, hmu awm pawhin a lang lo. Kawtthler ah chuan hmanhmawhna pianpui lo ni awm mai hian a kal chhet chhet a, 'Mary saloon' tih intarba zawnah chuan a sakawr chu pawt dingin a chhuk ta a. A sakawr a thlun fel hnu chuan a uipa 'Billy' ti a a koh chu zawi te in a han ve sap a, a sakawr bulah chuan a bawh tir zui ta nghal a.
Saloon chhunga a zuk luh chuan mi an lo thahnem hle a; zu in mek te, card khel te zai pah a lam dal dal tawk lah bo lo, mahni awm awm in an lo ri nuk nuk mai a. Hmeichhe awm herh tih hriat tak tak te chuan cowboy sum nei seuh awm a an hriat te bulah chuan a ni thei ang ber turin an lo in theh parh vel bawk a.
Anmahni tawkah an hlim tlang bawk a, chutia mikhual chhawlhal tak lo tei lut ve pawh chu pip e pup e an lo ti lem hlei lo a.

Mikhual chu a'n hawi kual thuak thuak a, saloon kawngkhar lampanga mi palite car khelhna sir a thutna awl chu a pan ding ve ta a. Thuthmun a remfel hnu chuan tirhkah pakhat chu a rawn kal nghal a, enge a duh tih a zawt a. A ni chuan whisky a duh thu a lo hrilh a, a rawn chhawp sak ta vat a.

Mikhualpa chuan whisky chu no a thli ta lo chuan a um chuan akhiat ta khawlh khawlh mai a, hmui phawi map lovin umkhat chu a khiat zo ta leuh mai a. A sir a cowboy pali card lo khel te pawh chuan chutia mikhual hremhmun tem zo hlim ang mai a in tur khiat ta khawlh khawlh mai, a thawmhnaw hak rawng pawh hriat mang loh a vaivut bawh pawt thak mai chu an melh ta ralh ralh a.
Mikhualpa chuan whisky um dang chu a han lam leh a, tirhkah chuan rang takin a rawn pe leh vat a. A ni chuan a um hnihna ani bawk a ti ni awm tak in muang changin no ah chuan a thli chhuak ve ta a.
Saloon chhung chu a melh kual dan dan a, a hmuh a piang chu hriatchian tumin a en vang vang zel a. Chung a mi enkual te chuan an rawn hmu ve pawhin a lang lo a. Hlauhawm a awm lo tih ahriat hnu chuan a churut chu a ṭan kai ta a. Muang chang a pak talh talh pahin a zu thlit sa chu a in ṭan ta a.

No chanve vel a in hman awrh tih ah chuan saloon kawngkhar chu a rawn in theh hawng ṭhuai a, palian tak, lukhum parh hlai pui mai khum hi a rawn pen lut ta chhut chhut a. A kawngbawr tawn tawn ah chuan puakruk a pai a, a hnung lawk ah chuan mi pahnih, rothap hmel tak tak te hian an rawn zui lut bawk a.

Kawngkhar bul mai a ṭhute chuan mi pathum lo lut thar te chu hlauh hmel fe hian ṭhutna an lo kian sap sap a. A lo hmu apiang te chuan hlau leh ṭih hmel takin an en hrak hrak vek a. Chumite pathum lo lut la hre ve lo ṭhenkhat te chu an la nui bawk bawk hlawmin a ṭhen te chu an la lam zui aih aih hlawm bawk a.

Kawmchar lama mahni chauh a ṭhu a whisky in mek chuan a lukhum parh hlai tak hnuai aṭang chuan alo mitmei ru reng a. Eng ti tur a lokal tak ni ang maw? tih rilru pu in a puakruk phawi mai in pu at chuan a awm a: han en mai chuan inring awm pawhin alang chuang lo!

Mi pathum lo lut thar zing a a hmasa ber, an hotu ber ni awm tak chuan blBar dawhkan chu nghengin mipui lam a hawi a., cowboy ṭhenkhat nula lampui mek te chu rum fe fe hian a melh kual thuak thuak a. Amah ngaihsak lo tak a an la lam dual dual chu a huat hmel hle hian alang a.

Saloon chhuat chu a per ri ṭhuai a, chutah rang zetin a puakruk chu a phawi nghal a, cowboy leh nula la lam dal dal lam hawi zawng chuan a hmetpuak ta thawr mai a. Chuveleh cowboy pakhat nula lampui mek chu a ṭhingṭhi nghal hnawk a, saloon chhuatah chuan athal ta der mai a. Nula chuan lainat hmel taka kuah chungin a ṭap ta hlawp hlawp a. Chutihlai chuan puakruk chu a rawn ri leh ṭhuai a, chu nula pawh chu a let ve leh nghal hlawl mai a.

Silai a han rik hmasak aṭang khan tumah awm lo ang maiin saloon chhung chu a reh nghal duk a. Chhuat a lam laih laih te pawh chuan chhuat an lampui mi pahnih te let reng an han hmh takah chuan phei chuan hlau em em in an phe dawr dawr a, ṭhutna awlah chuan ṭhu ta sang sang hlawm a.

Rawn lut thar te chu Bar dawhkan nghengin mipui hmachhawn zawngin awn fe hian an ding theuh hlawm a. Puakruk hmetpuak tu pa chuan a silai kah hmawr la khu hlat hlat chu chhem kiangin a paiah a thawlh lut ta a. Aw ring leh vin zet hian mipuiho hnenah chuan "Saloon chhung a ka rawn luh reng rengin in lo ngawi nghal ṭhap tawh tur ani ang. Min zah zia entirnan a rualin in ding nghal ṭhap bawk tur a ni. Tunah in zavaiin ding nghal thuai rawh ule." inti thunei hmel fe hian a han ti nghal zat a.

Chuveleh saloon chhunga awmhote chuan min dinkhalh palh ang tih hlau ang hrimin an ding nghal suauva. Mahse, mahni chauh a ṭhu, whisky in mek erawh kha chu mipui ding ta suau pawh chu hmu awm pawhin a lang hauh lo mai thung. A ṭhut ngai chuan ala ṭhu awn duai reng a, churut chu ala pak khu hlut hlut ta fo mai a.

Lo lut tharte pawh chuan anmahni pawisa lo zet a mikhual pakhat la ṭhu ta vung vung pawh chu an hmuh hmaih bik awzawng lo mai. An pathum chuan engemaw inhrilhin an in be ru sup sup a, chutah mipuite chu ṭhu turin thu an han pe leh ta a. Tumah ṭawng ngam pawh an la awm lo a, an la ngawi ṭhuap a.

Mi pathum, nunrawn hmel tak tak te chuan kawmchar lam a mahni chauh a ṭhu, churut pak khu luai luai reng chu muangchangin an pam phei ta chhur chhur a. Mikhual tlangval pakhat hma ah puakruk phawi inring ranin an va ding kak ta ṭuih hlawm a.

An hotupa ber chuan mikhualpa lam chu hawiin tlemin ava hnaih phei hrat a. Dawhkan a mikhualpa whisky inchhawp chu a laksak a, a thawk khat ta hmiah mai a. Chtah um ruak chuan dawhkan chu a vaw bur a, a kehdarh nghal chuai mai a, dawhkan leh chhuatah chuan a tla darh nuaih mai a. Mikhualpa chuan a lo ngaihsak duh chuang miah lo a. La hmulo cheu ni awm takin a churut chu ala pak tual tual a. A ṭhut awn duai dan aṭang chuan a inring thawkhat hle tih chu a hriat mai a.

Mi pathum zinga hotu ber chuan "Tunge ka nih i hria em? Mister?!!" thinrim hachang ṭhial bap bap chung chuan a'n ti a. Mikhualpa chuan a dawhkan kil lai chu tlem an nam kiang deuh hrat a, muangchang chuan a'n ding chhuak ve ta ṭuih ṭuih a. A churut chu ala sehkawh run mai a. Chutah a puakruk phawi inringin a kut bawr chu a khel tawn tawn ah chuan thlak ve ta ṭhu mai a. A churut petkawh reng chung chuan a hma a mi te chu a mal mal in thip zetin an melh ta dan dan a. Tichuan, a churut zuk lai chu a kut veilam a la thla in a hma chiah a ding a whisky inla rawn in sak hmiahtu hmai ah tak chuan an pen per nawlh mai a.

Chutah zet zawng mi pathum te chuan an hma ding chu cowboy naran mai mai ani lo tih pawh an hre chiang ta kher mai. Mi pathum hmaah chuan zam hmel a pu tlat lo. Tlemin an tawlh hla hrat a, inkar hlat deuhin an ding kak ta ṭaih hlawm a.
Phone atanga type ani si a. A bak aleng lo tlat.. tihdan remchang in hriat chuan min lo bengvar mai teh u..

Mi pathum te hmaah pawh chuan zam hmel a pu tlat lo. tlem in an tawlh hla hrat a, inkar hlat deuh takin an ding ta ṭaih hlawm a. An hotupa bawk chu thinrim em em in " Mister I thil tih ji i hria maw? Kei mi do zawng a che hi an dam khaw chhuak ngai hleinem. I hma a ding hi puakruk phawi rang leh kahthiam hmingthang Buck-a a ni tih hi i hria em?" chapo hmel tak chuan ati ta a. Mikhualpa pawh chuan, 'Buck' tih hming chu alo hre tawh ṭhin tih hriat tak hian ading ngil zawt mai a, hlauh a hnekin a hma aimah a rum zawk chuan an melh leh ta khuih mai a. Ti chuan a hma a dawhkan awm chu a chhuih leng phei lawp a, pen hnihin a pen hma hrat a, puakruk phawi mai in peihin a ding kak ta harh mai a. A hma zawn a ding Buck a chu rum em em a en chungin, "Buck mi dawihzep pa, i puakruk chu i chuh ngam dawn na nge??" tiin hmusit fe hian a cho let ve ta khawl mai le. Saloon chhung chu thei reh tak hian ala reh a. Mi pathum te chuan an puakruk chu an chuh rual ta ṭhawt a; chumi rualin mikhualpa pawh chuan a puakruk chu chuh ve nghalin a phawi rual chuan a puak nghal ṭhawt a, mak lutukin mi pakhat hmaah mi pathum te chu saloon chhuatah chuan an thal rual ṭhawt emaw tih mai tur ani ta mai a. Buck a chuan a puakruk chu a phawi ve hman ṭhelh a, a chet ran ve tehreng nen ṭ mahse, a chal a silaimu in a rawn verh tak sak avangin hremhmun ban hman loh hlau in a liamta zawk a; midang pahnih te phei chu an puakruk kawm chu an dawm hman vuai chauh ani, an ai a rang fe zawk an tawn miau avangin hremhmun lamah an hmachhawn chu tunge anih hre hman lo in a thlawk liam ve ta zawk a, thum dawp dawp khawpin saloon chhuatah chuan an thal ta hual hual hlawm a. Mikhualpa chuan apuakruk hmawr la khu vang vang chu chhem kiangin a paiah chuan a thawlh lut ve ta zauh a. Chutah meuh zawng saloon chhung chu a ri leh te mum mum mai a. A hma a arik dan nen chuan a in persan deuh ta thung a. Outlaw rura leh sual lutuk Elpaso khaw mipuiten an ṭih em em leh an hlauhtlawn huai huai Buck -a leh a ho te dah ṭha mai thei tu chu ngaisang em em in chibai an buk ta nuk nuk hlawm a. A ṭhenib zu in puiah an lo sawm bawk a, lo kuah chung chung tawk lah bo lo. "Ka pian a hnulama pistol phawi ka hmuh a zawngah ila rang ber mai, tunge i hming min hrilh thei em?" an ti sup sup a. Mikhualpa pawh chuan "John Walden ka ni a Walden tiin min ko mai ṭhin," tiin a lo hrilh ṭha ve mai a. 'Walden' tih ri chuan mi pui te chu a ṭhawng kher mai le.! Walden ahming hi a hrelo fa Texas ramah chuan tumah an awmlo hial ang tih theih khawp a hmingthang a lo ni a, amah an la hre vek lo mai zawk ani. Tin Walden chu kumhnih kal ta kha khan thi tawh angaih ani a, Outlaw hoin hnunglam aṭang an kap ni awm in an hria ani. tah hian rek bung lawk ang.. an in draw lai hi thleng law se. a pangaiin ka lo post leh ang.

Waldena chuan a entlang ṭha chungchuang tak Texas Governor in a kentir chu la chhuak in a han thlir ngial ṭhin a, mahse mihring mit aṭang mai chuan engmah hmuh theih a awm si lo a, chutah entlang chu dahin Winchester rifle chu a la leh ta zawk a. A kau nghal rap a, A uipa thlirna lam chu kap nghal mai thei turin a tin ta ran mai a.
A uipa awmdan aṭang chuan a thilhmuh chu ache sawn vak lo tih a hriat hle a. Chutiang a reingial a thlek hnu chuan khua pawh a rawn var ṭan ta ruih a. Sava te pawh an ṭhian ten siamtu an fak zawh san ang tih hlauin an theih tawpin an hram leh ta noh noh mai a. Luidung sava chikhat chu hruizam bawn luih hnuaiah chuan a zuk fu chat a, mahse hram chul leh hlauh nei tih hriat tak hian a thlawk leh ta nawl nawl mai a. Chutah zet chuan hlauh tur a awm tih hai rual ani ta lo.
Waldena chuan entlang chu la lehin a han en leh vang vang a, mahse thil hlauhawm awm hmuh anei mawlh si lo, chutah Billy chu a han en leh a, ani chuan lei lam reng alo thlir hauh lo mai a, Lei aṭanga feet 15 vel a sang chu a lo endaih niin. Chuveleh Waldena chu an thingbuk lam chu ngun takin a en ve ta a. Chu a thilhmuh chuan a tilungawilo ta kher mai le! Red Indian mi pakhat hian thal leh fei kengin anmahni lam hawi chuan alo awm reng tih chu a hmuh chu a ni.
A entlang chu rifle ah chuan a vuah sauh² a, ngun lutuk chuan chupa chu a tin ta vang vang a. A hmet puak ta ṭhuai mai a. Fuh paqh a fuh chiang kher mai. Silai a puah rual deuhthaw chuan Indian pa chu a let hlawm thla tawl mai a, a hnuai luiah chuan a tla thum ta dawp mai a.
Mihring an lo la awm tqkin tiin Waldena chuan a rifle chu a lek kang reng a, mahse thawm dang leh hmuh tur dang a awm tak loh ah chuan a inthlahdul ve ta deuh a.
Red Indian pa chu mahni mai a tlafal anih chu a ring thei chiah lo a. A awmna aṭanga hla vaklo ah midang tuemaw an awm a ring a ni. Silai thawm an hriat hriat rualin chulai hmun chu an rawn pan nghal dawn tih chu hrilh kher angaih lohna lam tak ani a. Red Indian ho ho pasalṭha diktak Ṭhiante chhan nan thih pawh hlaulo an ni tih ahria a. An ṭhianpa thih thu an rawn hriat hnuah ngat phei chuan amah chu thah an rawn tum ngei ngei ang tih a ring tlat a. Chuvang chuan a awmna ngai a awmreng chu a hrisel tawk lo tih pawh a hre chiang a, tichuan a mutpuan chu a thlep fel sawk sawk a, a insiam a, sakawr chungah a zuangkai nawlh a. A uipa, Red indian ruang hmim vat vat mek pawh chu zawite in an kova , a rang a rangin a rawn tlan chho ta thoh thoh a.
Waldena chuan Luite chu a kan a, kawngg mumal lo lai, a rualrem lai zel chuh siin hmanhmawh takin thinghmunah chuan a kal ta sauh sauh a..

Red Indian ramchhuak ho chu Walden a riahna aṭanga KM khat vela hla ah chuan riahhmun an khuar a. An sazuk kah chu chanin hlim takin an nui ham ham a. Zan rei tak thlengin an meng a, zanlai thlen dawnah chuan an mu ta hlawm a. An lalpa Donche a chu zing khawvar hmain a tho a, ram chhuak leh mai thei turin an in siam snng sang a.
Donche a chuan a hote chu an melh kual dun dun a, chu tah a han enkual nawn leh a. a hma kha chuan amah nen 12 chiah an ni a, tunah chuan 11 chiah an ni ta tlat mai.! "Khawiah nge huga hi a awm?" a ti vin ta tuar mai a, mahse tumah a awmna hria reng an awm der si lo.
An zing a pakhat chuan nimin ni tlak dawn khan lui mawng lamah khuan a ramvakin ka hria," a han ti ta a. An lalpa chuan "Rang deuhin kal nghal ang, a nung in emaw a thiin emaw kan hmu ngei ngi tur ani." a ti thum leh ta bul bul a.
Zing khua a han var ṭan takah chuan an ṭhianpa Hugo zawng turin Red Indian 11 te chuan lui mawng lam chu an pan thla ta sang sang a. An lalpa Donche chuan hma a hruai a, KM chanve vel an kal hman ang tih ah thlang lam a silai ri ṭhuai chu an hre ta a. Ngaw te chu a khawk ruih² a, chu veleh fimkhur takin an chhukthla ta zel a.
Thui pawh an kal hma a an thil zu hmuh chuan an thin a ti ur kher mai le! An ṭhianpa Hugo ngei mai chu luite tui luang laiah a zangthal zawngin alo mu khawng reng tawh mai a lo ni a. An hotupa chuan an enchiang a, Huga hrawkah tak silaimu luhna alo kaw phat mai a. A han kuai let thawk a, a tukhum lamah chuan silaimu tlangna chu a kaw phur mai.
A thinrim lutuk chu a meng tal tawp a, a hmel pawh a danglam chak kher mai. A rawn dur nghal khup a, chutiang bawkin a hote pawh thinrim lo reng an awm lo. Donche chuan a hote hnenah "Kir chho leh vat ila , khilai a riahna hnuhma aṭang khan kan hmelma pa chu chhui dan a awm thei ang. Tin, heihi hre reng ula, in hmuh pawhin tuman in kaphlum tur ani loang. A nung chungin kan man anga a luvun kan hik vek ang. Indian ho chunga kutthlak tu reng reng tumah nungdamin an chhuak tur ani lo," a ti nghut nghut a, a thinrim zia chu hai chi rual ani lo.
Tichuan Waldena hnu chu an chhui ṭan ta a. Zing khawvar tirh mah nise Indian ho chu hnuchhui thiam annih miau avangin Waldena hnu chu awlsam takin an chhui zung zung thei a.
Waldena chu fimkhur takin thing karah chuan a kal zung zung zel a. Khua alo var chian hnu chuan kalkawng pawh alo hmu fiah thei ta a. Chak lehzualin sakawr chu a kaltir sauh sauh a, a uipa pawhin a hnungah chuan a rawn zui ve dat dat zel a. Red Indian pakhat a thah pawh kha aṭhian ten an hmu tawh maithei si a, an hmuh vaih chuan awlsam takin a hnu an chhui thei dawn tih pawh a ringhlel lo. An rawn nan fuh vaih chuan lainatna nei lo lek in an sawisa duh ang tih pawh a hresa reng a. Chuvangin in mantir mai maicl chu a tum dawn lo. A sakawr ah chuan zuanthlak a ṭul pawh a zuangthla thei turin a inring reng a. Thawklehkhatah a uipa Billy a chu a bauh ta tuarh a. Chumi rual deuhthaw chuan ani pawh a sakawr pangah abet nghal thlawp a. A sakawr pangah a bei fel awrh tih chuan a thut lai a a dar zawn vel tur ah hian thal a rawn thlawk nghal fia mai a.an rawn man anih vaih chuan an tih duh dan tur awm pawh a hre sa mai a.
Chuveleh Walden a chuan a sakawr chu chak taka tlan turin a hrilh sap a, chuveleh a lim hian alim kawh ta fia fia mai a. Thal pawh chuan a rawn umzui gur fur reng a, a sir lawk lawk thingah te chuan a bur chawt chawt mai a.
Chutah a uipa Billy chuan red Indian rawn tlan hmasa ber chu alo zuan thlu tawp a, a seh nghal bawrh bawrh mai a. Indian hmahruaitu an lalpa chu a ṭe ta rawng rawng mai a. Midang te pawh chu ṭe chel chul chung chuan hmalam panin an tlan ve zel a. Waldena uipa ṭha lutuk, fing leh huaisen em em, a pu chhan nan chuan thih pawh hlau reng reng lo chuan reiloteah Red Indian lalpa chu a chingchau ta der mai a. Chumi hnu chuan apu lam pan a midang tlan phei zung zung te chu bauh tuarh tuarh chunga um in a lim phei ve leh ta par par a.
Tichuan ahnuhnung ber chu a hnung lam aṭang chuan a han zuan thlu leh ta tawp a, a seh leh nghal nawk nawk a. A tukhhumah tak a seh chat a,a zal rang kher mai. Midangte pawh chu seh hlum vek tumin Billy chuan a um leh a, a bauh pah tuarh² reng a. Chutah meuh zawng chu ui chu a hlauhawm zia an hre ta a. An mi um lai pawh ngaihsak ta lo chuan an tlan darh ta chum chum mai a.
Waldena sakawr chu thing hmunah a tlan fua fua a, thui pawh a tlan hma chuan a pang a bet reng Waldena chu thinghnah chuan a hrutthla ta nawk mai a. Thing a sutna a dar chu ana vang vang a, mahse na sawina hman pawh ani hek lo, thing phenah abiru ta vat a, a rifle thlauh tawh chu a chhar ta thuai bawk a.

A hnunglama red Indian rak chel chul leh uipa bauh tuar tuar lam chu a va hawi phei ve a. A uipa Billy a chuan Indian pakhat kaihza ah tak hian alo seh a, a lo thing nawk nawk chu ava hmu a. Chutihlai chuan Indian pa chuan chemte a phawia , Billy chua tin ta uaih mai a, chuveleh rang lutukin Waldena chuan a rifle chu a han hmet puak ta ṭhuai mai a, Billy vihhlum tum tu chu a tlu hnawk a, a tum pawh aṭhulh chiang kher mai. Mahse mi 8 lai an la dam cheu mai a, chung te pawh chu ṭhian chhan thhih ngam ṭhah an la ni tlat mai
Indian rak chel chul te chuan silai rikna chu an bawh phei ta nuk nuk a, ui lam reng an hre chang leh ta pek lo. Billy tan ve thung chuan hunṭha a rawn in her chhuak ve ta thung a. Red Indian pakhat chu a seh leh ta nawk nawk a. A ṭhiante chuan ui chu kah an han tum leh an ṭhianpa kah palh an hlau si a, chubakah sir lehlamah silai kengin a tin reng tih an hre bawk si a,an buai ta map mai le!
Walden achuan a rifle chu a dah lawk a, a pistol chu phawi chhuakin, amah rawn pan tu te chu alo thal ta nghauh nghauh mai thung a. Pathum te chu awlsam takin lei charah an tlu thlawp thlawp a, a la dam pali te chuan an ṭhianpa pakhat uiin a chin bawrh bawrh mai chu chhan tumin an fei kengin an pan phei leh ta a.
Chutihlai chuan Waldena a chu a awm mai mai bik hauh lo, a pistol chu a hmet puak leh ta ṭhak ṭhak a, indian 3 te chu an thal leh ta hawl hawl mai a. Billy chuan amah bmvih tum a fei lek uaih uaih chu a hmuhin a tawlh sawn vat a, chupa chuan a ṭhianpa zawk chu tlang pawp khawpin a chhun ta hlauh a.
Chutah a inrin leh hman hma chuh ni awm takin Walden a silai chu a rawn ri leh ta thawr a, red indian la dam chhun chu a tlu ve ta hlawl mai a. An mang zo ta phiar mai le! chutah waldena pawhin a puakruk chu a paiah a thawlh lut ve leh ta ta.
A uipa thaw hlawp² lamah chuan a tlan phei nghal a, a va kuah chawt a, a fawp ta vawng vawng a. Billy pawh chuan mei hem mat mat chungin a pu chu a lawm tih hriat tak hian a liak hlap hlap a.
Waldena chuan lawm hmel fe hian "Billy, i duhawm kher mai, ka nunna min chhan him sak leh ta; tunah chuan an thi zo vek tawh ax thlamuang takin kan kal leh thei tawh ang chu," a han ti a.
Chutihlaiin "I daw deuh hlek ani." tih ri a han hriat chuam a ti phu chiang kher mai le! Piah deuh aṭang chuan red indian lalpa, Billy anba zuan thluk hmasak ber kha a rawn harh chhuak leh tawh niin, Na tuar tih hriat tak hian a rawn tlan phei uih uih a. Chemte sei fe hi a rawn lek tle vur mai a. Waldena chuan a pistol chu rang lutukin a phawi dawk zawk a, a kau nghal rap a; mahse a han hmeh per pawh chuan a puak ta hauh lo mai, a lo kap ruak vek tawh chu niin, Waldena chuan a pistol.chu a paih lawk aṭ a boot kar a chemte chu a phawi a, a lek ve ta a. Thih ngam lu pu ve ve, chemte hmangin an in bei dawn ta ani.
Billy chuan an lam pan a red indian rawn tlan phei suih² chu a lo zuan a, a ni chuan a lo tlawh thal nawk a, seh tum a a rawn tho leh chubred indian pa chuan a chemte ken chuan a lo tai thler ta duai mai a. Chutah zawng a pu chhan thei chiin a awm ta lo, hliam nasa tak a tuar ve ta tlat mai.
Walden an a uipa nak thler sen duai mai a han hmuh chuan thinrimin a meng dur nghal khup a. Indian pa nen chuan thattu zawk nih tumin an in veh dun ta hruau hruau mai a Chutah imdian pa chuan a rawn zuan a, Waldena chu sir lamah a persawn a, a vai ve nghal fua a, mahse ani chuan alo la leu hman hlauh a. walden a pawhin a beihpui pa chu mi naran anih loh chu a hrethiam nghal mai a. Finkhur em em chuan an in veh dun ta hriau hriau a. Indian pa bawk chuan a zuan leh a Waldena chuan a sir lam a persawn pahin a malpuiah a lo tlawh sak chawrh a. Indian pa chuan engah a ngai vak lo kher mai. A kut dinglam chuan ava vai leh fua a, a lo la leu leh chiah tihin waldena hnarah tak ahnek ta bur mai a. Waldena chu a pai dawrh a, a hnar aṭang thisen a rawn dir ta zung zung mai a.
Indian pa chuan nuih khum uar uar pahin " Zawng chhepa, ka ṭhian te zawng zawng min thah sak vek manah i luvun ka hik dawn khawp mai" tiin a vau zui ta a. Chutah waldena chu chemte tlum hmawk khawp a chum tumin ahan vai leh fua mai a, waldena chuan lo bum zauh pahin a khabe ah tak alo hnek ve ta siah mai a. Indian pa chu a thal ṭhuai mai a, walden a chuan alo thawh leh hun nghak in a lo ding teu mai a. Indian pa chu a rawn tho leh ta ṭhum² a, a lu a han thin nawk nawk hnu chuan a rawn veh leh ta a, indian pa chuan a lu zawnah a kut a vai leh fua a, ani chuan alo bum leh a. A ke lamah avai zui leh fua a. Waldena chu rang zetin a zuang kang leh dawrh a. Chutah indian pa in a awm zawnah a rawn vai leh fua chu lo bum hman ta hek lo, a ban puam chu a kak ta duai mai a. Thisen a far leh ta thluah thluah mai a, a banruh erawh a khawih tello in a in hria.
Waldena chuan thisen far zawih zawi khawpin hliam tuar mahse tlawm thei chi ni tawh hek lo, a tawp thleng beih angai tho tho tawh a. A chemte humna lam zawk a la na lo hlauh bawk a, fimkhur lehzualin a bei ve leh ta a.
Indian pa in a rawn vai leh fua lai chuan kun zeuh pahin a naknemah tak a tai thler ve ta hrawih a. Thisen a rawn put ve ta nguah nguah a. A thinrim lutuk chuan ṭe ruai ruai chung chuan a rawn bawh phei leh ta ngat a. Waldenan a chemte a thlauh ta hlau mai le; chulai hun remchang chu chuhin Indian pa chuan chhip thlak zawng a chum nghek tum chuan ahan vai pawp a. Mahse waldena chuan abanrek ah alo man sak a, a in her pui mawp a, a hmalamah a bin ta tawp mai a. chutah zawng indian pa pawhin a chemte a thlauh ve ta a. Kuttum ve ve in an inbei ta ngian ngian mai a. Waldena pawhin a darna sakawr chung aṭanga thing a sut na leh abanpuam veilam kak duai te chu hre chang lo lek chuan ahnek ta mawlh mawlh mai a.
Indian pa hmel chu hmuh tlak loh khawpin a thi ta hnuang mai a. Thawklehkhatah walden a chuan a khabe ah a han dawm leh ta chawrh mai a, a thal zui ta hual hual mai a. Waldena chuan a bawhbet zui a, a banpuam tawn tawnah chuan ṭhingṭhit bet tlat a, a hrawk ah tak chuan arek ta a. A rekna vak rih lo bawk a, ti hian thu a zawt zui ta ngat a"Engvanga min rawn bei ngawt mai nge innih?" a han ti rum rat a. "
Ka ho te zing ami i tha avangin."
"Ka duh vang renga that ka ni lo, amah zawkin ka riahna buk thlang lawk aṭangin min lo chang reng a, ka thah loh chuan amahin min that dawn thova, ka che hmasa ta mai ani. Tunah i ho te zing a mi pakhat ka thah chhan chu i hre ta a. min ngaidam thei ang em?" tiin an zawt zui nghal a.
Ngaihdam te chu sawipawh iva sawi duh zawk ve? I luvun ka hik dawn mawle," a la ti chheu² mai sia.
Chutah Waldena chuan an rekna sauh a, " Ka thusawi hi ngun takin lo ngaithla rawh! Tunah hian duh ila chuan ka rek hlum thei che asin. Mahse, indian mi hi tumah ka haw ngai lova , a pawng a tak a thah pawh ka tum ngai hek lo. Tunah pawh hian loh theihloh a min turlui anih loh chuan ka rek hlum lo ang che. Min ngaidam thei ang em?" a han ti nawn leh ngat a.
"Ka hote zawng zawng i thah fai vek taqh hnu hian ka ngaidam ang che maw? Teuhlo mai. Tunah hian min rek hlum nghal law law rawh."
Walden a chuan Indianpa rilru put hmang tur chu a hriatthiampui em em a, thah loh hram a duh bawk a. Tihian a zawt leh ta cheu a," Min ngaidam theilo anih pawhin i nunna hi ka zuah ang a, min that lo turin i intiam thei ang em?" tiin a la zawt ta fo a.
Indian pa pawh chu a ngawi deuh run run a ," Ka nunna minzuah chuan keipawhin that lo tur che in ka in tiam e, mahse kumkhua pawhin i chunga ka thinrimna chu a reh lovanga, ka hmelma i ni kumkhua bawk ang" a ti ta a.

A nunna laksak hauh lo tur a a in tiam hnu chuan a nghawng a a reh na chu a thlah dul ta riai riai a, a thawhsan zui ta nghal a.Chutah indian pa pawh chu a rawn tho ve a, reilote ah ngaw lamah chuan a pil bo ve ta thuai a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 13th, 2018, 8:43 pm

JOHN WALDEN the way to El-paso
Bung 2 (a)
Black Stranger at WK Ranch

Waldena chuan a piah lawk a a uipa ngainat em em na tuar uk deuh dat dat reng chu lainat hmel takin ava pan a. A pawm a, tichuan a pistol chu a chhar a, a mu te a thun khat leh vek a. Chutah a rifle chu a chhar leh a, ring tawkin chang a han tum raih a. Hla fe aṭangin a sakawr chu an a chang tum ri chuba hriat veleh a rawn lim phei nghal ta pur pur a. A pu bul a rawn thlen chuan Billy a na tuar uk dat dat reng chu lainat em em hian Waldena chuan a sakawr chungah chuan a han hlang kai a.
Amah pawh chuan sakawr chung a lawn kai pawh chu harsa a ti hle a. A banpuam kak duai chu a en ṭhin a, thisen ala rawn chhuak ṭuam ṭuam reng a. Thinga a tauhna a darna pawh chu ala na vang vang reng a. A ban veilam na chuan engmah a ti thei lo a, chet pawh a che hleithei lo a.
A kut dinglam chuan a uipa chu a tlak mai loh na a kuah bet fan fan a, tichuan a sakawr chu muangchangin a kal tir ta hnak hnak a.. Reife an kal hnu chuan chhun chaw fak hun dawnah chu ngaw chu an kal chhuak ta hram a. Phaitual hnim hring dup hmunah an va chuang chhuak hlawl mai a, chulai ah chuan bawng ṭha leh thau tak tak an lo tla dul dul a. Chung bawng pangah chuan WK tih hi a in chhu kulh hlawm a. WK tih chu a neitu hming lamtawi ani ngei ang tih chu a ring nghal mai a.
A pem te leh a uipa hliam te chu ngun taka enkawl a ngaih avangin Ranch hnai ber pan nghal chu a tum ta a ni. A hmalam hla fe ah chuan Ranch In ni awm tak hi a lang thei nghe nghe a. Chulam pan chuan a sakawr chu muangchangin a kal tir a, a va hnaih deuh chuan Ranch In anibngei tih pawh a hre thei ta a.
Ranch In chu a chhawng a sak a ni a, ngun em em in a vel te chu chei a ni bawk a. Ranch In kawt ah chuan tuichhunchhuah ṭha tak a awm a, a vel zawng zawng ah chuan pangpar mawi tak tak a vul chuk bawk a. Ranch in sir tawn tawn ah Bunkhouse a awm ve ve a Bunkhouse awm dan aṭang pawh chuan Ranch nei tu chu a fimkhur hle tih a hriat mai a. A chhan chu Ranch In pakhat a cowboy inkhungkhawm hung ai chuan engbemaw thulh ah pawh hmun hnih a awm chu a ṭha zawk ngei ang le!
Bunkhouse ah te chuan Cowboy ṭhenkhat lehkha dengin an lo ri laih laih a. Waldena pawhin Ranch In lam chu a pan phei zel a. Gate vengtu chuan lo ti dingin enge a duh a lo zawt a. Waldena chuan," Khawngaihin in ah hian min luh tir hram rawh.. Ṭanpui ka ngai anih hi" tih pahin a ban veilam kak duai chu gate vengtu hmuh turin an lek kang a. A ui hliam chu a hrilh nghal bawk a. Chumi hnu chuan Gate vengtu pawh chuan a luh chu a phalsak ve ta a.
Gate chhunga a va luh chuan nu pakhat hian pangpar tui a lo pe a, mikhual lo lut hnenah chuan, "Ṭhianpa enge i duh tak le?" a lo ti a.
Waldena chuan chhang lo in a banna chu a hmuh ringawt a. Chu nu pawh chuan thil awmzia chu hria in a ni chu in chhunglamah chuan a hruai lut ta nghal a. Waldena hnenah chuan "Tikhan lo awm rih lawk teh, kan pa kan ko ang e," tihbpahin pindanah chuan alut nghal a, reilote ah pa pakhat chu pindan aṭang chuan alo chhuak a.
Waldenan a lo hmuh veleh"Ka pu chibai, hei i inah ṭanpuina beiseiin ka lo kal a, ka rawn tibuai hle dawn cheu anih tak hi." inthlahrung angreng tak hian alo ti a.
Ranch neitupa chuan "Ka pu.. ti lo in Kane tiin min ko tawh dawn nia. Ka hming chu Dr Wood Kane a ni. Kan hnenah inthlahrung duh reng reng suh. Ṭanpui ngaite ṭanpui hi pathian lawm zawng tak a nia," lo tih duam duam pahin a bag chhunga damdawi leh lapua chu a rawn phawrh nghal a, A hliam chu a buaipui sak ṭan nghal a.
Dr Wood an Walden a hliam a han enchian meuh chuan alo kak zau hle mai a, "Heti chung hian ila nui mai mai thei chu ania maw," a ti chhuak hial a.
Walden a chuan" Heng te chu a ve lek chauh alawm" tih pahin a kawr chu an phelh a, a darna chu a lo vung chur tawh a.
Dr Wood chuan a ban bul chu an hmet vel a," I dar ruh i sawh na hle anih tak hi, i banpuam hliam ai hian a na mah zawk dawn anih hi. Heti chung hian na neilo ang maiin i awm si a. I rura kan ti dawn nge, i tuarchhel ka ti zawk dawn? A lo berah kan zingah chawlhkar hnih teal chu i chen ve a ngai dawn anih hmel. Sawi ta daih ila engtianga hetiang hliam hi tuar nge maw i nih reng reng le?" tiin a zawt ta a.
Waldena pawh chuan Red Indian nen an inbeihdan te leh a uipa Billy ṭangkai zia te leh a nunna a chhanhim dan te nen chuan kimchang takin a chanchin chu a hrilh a.
Dr Wood a pawh chuan Waldena uipa fing leh huaisen tak bawkin hliam atawrh te chu a en vang vang a, a ngaisang hle tih pawh ahriat mai. Tichuan a hliam hmuamhma ah te chuan damdawi te ahnawih sak ve ta a. Chutah Dr Wood a pawh chuan an chhungkaw chanchin te chu a hrilh zui ve ta zel a. Fanu kum 16 mi leh fapa kum 12 mi a neih thu te nen. Inpawh takin an ti ti a, zu te an in dun hnu chuan chaw ei turin an rawn ko ta a. Chaw a ei duh leh duh loh pawh zawt hmasa lo a chutia chaw ei an siam mai te chu mak a ti a, mifel tak chhungkua chu an ni ngei ang le ati rilru a.
Waldena chu tuk,huan pawh la eilo ani bawk a l, a ril alo ,an tawh hle ani ngei ang, a na pawh hre chang lo chuan a ei ta bawrh bawrh a, ei pawh a eihnem ngiang reng a.
Tlai ni tla tur eng mawi tak pawh chuan a mawina leh a thiltihtheihna chu thlangtiang kawlah a herliam pui suar suar a. Chutih lai chuan Dr Wood a fate, Lucy leh Morgan Kane te, El-paso khua a an bazar lo haw chu hlim em em in an lo thleng ve hlawl a.
Lucy Kane hi tleirawl te mah ni se a pa thachhangdawltu ber anih avangin a naupan ang aiin afel hle reuh a. a hmel aṭha in a pian pawh a nalh hle a. Chu ai mah a mi hnehna riau ala neih chu a ngilneihna leh nungchang ṭha tak anei hi ani. A nau Morgan Kane a vethung hi naupang a mahnise mi an palen vang ngawt a hlau ngai miah lo, mipa ve tak ani reuh va. A tette aṭangin pistol phawi leh rifle kah nuam ti mi ani a, kum 6 mi leh anih lai aṭangin a pa pistol te a la chhuak a, an ranch pawnlam ramngaw ah te pistol ka alo zir ve tawh ṭhin ani. A kah zirna ber chu thehlei, thingzara tlan zai zai lai kah te ani.Amah ala naupan em avangin apa pistol chu atan chuan a rit lam hret chu ani.
Mahse, tunah chuan kum 12 lai ani ve tawh a, naupang ṭhangduang tak ani bawk a, hemi ni pawh hian hlim takin an in lam chu an rawn pan zel a, an rawn thlen hma chuan Morgan Kane a chuan a u hnenah "Mikhual kan nei ani ngei ang. Sakawr in sir a saw sakawr lian ṭha zet mai a awm" tih pahin Lucy chu a kawhhmuh a. Amah vek chuan "Mikhual hmelhriat hleih loh hi an lo thleng ve leh chawt ṭhin a, fimkhur loh man chu kan la tel ngei ang maw le! Kan chhehvelah outlaw bawng rukhmang an tam si a, tun karah ringawt pawh kan bawng 10 chuang lai a bova, Elpaso khaw marshal ve lah saw a laktlak loh ropui si. Pistol a phawirang hlur ringawt mai si a, outlaw man theih pawh pakhatmah aneih loh hi" a ti ve nang nang a.
Tichuan an Ranch In an thleng phei ta a, gate vengtu hnenah Morgan bawk chuan,"Khawilam mikhual nge in lo thlen leh tak ngawt?" an ti khamg khang a.
Gate vengtu chuan "Tunge anih pawh ka hre lo, pa mlian fe mai l, a dum hlir a inthuam ani a, a ban veilam athi hnuang a, ṭanpuina beiseiin a rawn lut ve chawt mai ani." tiin a lo chhang a.
Morgan chuan,"Mikhual hmelhriat hleih loh kan inchhunga la lut lonturin vawi engzat nge maw ka hrilh tawh che u le? Tun hnuah fimkhur tawh ang che u." tiin a naupan ang ai a rum fe chuan a han ti leh charh charh a. Tichuan a sakawr aṭang chuan a zuangthla tharh aṭ inchhung lamah chuan alut phei ve nghal a, gate vengtu chuan lungawi loh hmel fe hian a eb zui ram ram a.
A ni reng lah tak a. Morgan Kane a hi zawng a naupan ang aiin a ṭawngkam chhuak hi zawng a pa hliah hliah tlat a ni. Huat a la duh tan chuan lak theih awm tak pawh ani reng a. Pistol phawi a ran em avang hiam an cowboy chhawr ho zingah pawh cho ngam an awm tlat lo a, chu bakah an pu zaidam leh nun ngil tak fapa anih miau avangin an tbuai duh lo bawk ani.
Inchhung a zuk luh phat chuan ṭhutthlengsei a palian leh sek phiar fut mai in lehkhabu a lo bih vung vung chu a ham hmu nghal a. Chik fe hian a en vang vang a, a keler aṭanga a luchhip thleng a a en ngial hnuah pindan lam a pansan ve ta a.

Chutia Morganan a enreng lai pawh chuan hre awm pawhin alang lo a. A lehkhabu chhiar lai chauh chu a bih reng a. Morgan a pindan a aluh hnu lawk chuan Lucy i pawh chu a rawn lut ve a. An ṭhutthlengsei a tlangval lian thelhthawlh, hmelṭha fe mai leh Gunfighter tih hriat tak mai chu a rawn hmu ve nghal a. An ban an tuam bur chu mak tih hmel zet hian, "Mikhual i ni ang maw, engtizia nge i ban te chu?a na hle awm si a, mut hahchawlh zawk awm a lawm." a han ti a.
Walden a chuan "Na hran lo e, saw laiah sawn Red Indian ho nen kan han infiam hlek a lawm maw le." a ti duh chauh a.
Lucy chuan "I ban a nat chhung chu hetah i awm ve hrih aniang chu?" zawt titih deuh hian an ti no hnap a. A dik chiah chuan Lucy hian an mikhual hi a hmuh vawikhatna mah nise a ngaina nghal riau a, a hmangaih nghal em ni zawk?!! Chu zawng ani thei lo ang. Ala naupang lutuk a, hmangaihna awmzia pawh a la hre lo si a. A nu hnenah pawh nula leh tlangval inhmangaihna awmzia hi a zawt fo ani. A nu chuan " I upat deuh hunah i la hre ve mai ang." ti chauhin a lo chhang ṭhin.
Walden a chuan amah rawn betu hmeichhe tleirawl hmelṭha leh pian nalh tak mai chu mit la lo lek in a lehkhabu chhiar lai dabh hial khawp in a lo en ve vawng vawng a, Lucy in pindan a pan lai pawh chu a thlir zui zel a.
Chutah helai hmun a rawn tir tu Texas Governor in nula laka fimkhur tur a a chah te leh, hmeichhia reng reng chu hmelma en a en ringawt mai tur a a zirtirna te chu a han hrechhuak leh uai uai a. Tichuan tun a tleirawl hmelṭha leh nunnem, zaidam leh fel tak pawh hi hmelma angin a en ang maw?. A hmelna anih si chuan a pistol in akap thal tawp mai dawn em ni? Chu zawng thil theih loh tawp ani. He nula hmelma a neih ai chuan Texas outlaw zawng zawng te pawh hmachhawn a thlang zawk hial ta ve ang.
Chuti nise he tleirawl zunah hian a uai ta mai tihna em ni? Tleirawl mal no tak zut heuh heuh chung chuan outlaw engzatmah a tuk dawl a va rinawm si loh em! Walden a dinhmun chu a buai ta map mai le. Helaiah hian ranngo zawng tur a lokal ani hauh lo a, outlaw pathum rura tak tak te leh an hote zawng zawng nuaibo vek a, an hotu lawk zual deuh deuh te man fai vek tur a lo kal ani.
Pindan a Morgan a a va luh chuan a nu leh pa, thil ngaihtuah muk fe a lo ṭhu te chu a va hmachhawn ran a, a pa hnenah "Kapa, kan mikhual saw tunge ni?" a ti nghal ha mai a.
Dr Wood a chuan "John a ka ni, ti ringawtin min chhang, saw a ban tuam luk te saw i hmu anga, Red indian ho nen a an inbeihna ah an lalpa chemte i a tai thler ni awmin a sawi a, kan bawng eu ṭhin Red Indian hote kha a that fai ta vek anih chu. Mahse an lalpa erawh chu a chhuah leh ani awm e." a han ti a.
Morgan a chuan, "Amah chauh sawn Red Indian rualkhat a that vek thei ang maw? chu zawng thil theih a niin ka hre lo hulhual mai." a ti ve tlat mai reuh a.
A pa chuan " Amah chauh chuan nilo deuh e, a uipa ṭha deuh mai Billy nen an ṭang dun ani." a ti veleh a.
Morgan a chuan "A uipa nen chauh maw?!! Eng ang a uipa ṭha pawh ni sela ka la awih thei ta chuang lo." a la ti ve ta ṭalh a.
A pa ngei pawh chuan a fapa chu mak ati deuh hial tawh a. " A uipa nen chauh lo deuh Pistol leh rifle nen" tiin a chhang ve leh ta a.
Morgan a chuan "Engpawh nise kan mikhual hi ka en thuak aṭang mai pawhin Gunfighter rura lutuk ani ngei ang tih ka hre nghal mai. A hmaah pisto phawi mai inpaeih leh rum lutuk a ka melh pawhin en pawh min en duh hauh lo. Outlaw rura lutuk 'Dick' an tih pawh hi ani maithei asin. Kan kut a rulkua min zen tir a tum pawh ani maithei a, 'hnahkhawrin mulek a hring' an tih ang mai hian ṭha tak a kan enkawl lai hian kan chhiatna min thlen sak tu a ni thei tih pawh hre reng ta che u. A lakah fimkhurtluk a awm lo ang." a ti ta hmiah hmiah mai a.
A pa chuan "Ee.. mai mai a, mi dik tak ani ngei ang tih ka ria ani." a lo tih san mai si a.
Morgan a ve thung chuan " Min hnial reng reng suh u, fimkhur theihtawp a kan fimkhur a ngai a ni. Outlaw alo nih hlauh phei chuan a lakah fimkhur luat a awm thei hauh lo ang. A lo ni ta lo anih pawhin a pawina a awm hleinem. A banna te pawh saw silai a kahna ani lo ang tih in sawi thei em ni?" tiin naupang ṭawng ni awm lo tak tak a fing leh dik chuan a ti ta zel a.
A pa chuan "Ka fapa, silaimu luhna leh chemte hnuhma pawh thliar hrang thiam loah i pa hi min ngai chu a ni bil em lo ang chu maw?" dam thluam si hian a ti ve ngat a.
Chutia an inbiak mawlh mawlh lai chuan Lucy chu pindanah a rawn lut ve a, "Kan mikhual sawm a banna saw Red Indian hi nen a an infiamna ah a tina ni awmin zuk sawi teh tlat a. Red indian ho hian mi an va fiam na awm ve mawle!" mak tih hmel deuh hian a rawn ti lut niah niah a. Anni lah chuan an lo nuih liam mai a, "Nangin infiamna i tih leh mipa infiamna chu a dang hle ang," a lo ti mai si a.
Lucy vek chuan, "A ban te saw a nat awm tehlul nen na ti awm pawhin alang lo. Mipa diktak chu a ni, a hmel te lah saw a ṭha si a, a ngilneih hmel bawk si.."
Morgan a chuan a u thusawi lai chu pawt chatin, "Ngawi chipcham mai rawh, chutiang sawi rual ila ni lo, i zak lawm ni?" a lo tihsak ta hmiah mai a.
Lucy chuan chhan tumin a ka a han ang hman a, mahse a pa chuan a lo ṭawng khalh a, "Mami, mikhual hmelhriat loh lakah rinna an nghat thui lutuk ngai lo." aw dam thluam hian a lo ti a.
Lucy chuan, "Mahse misual ani lo chiang,,,"
Ala sawi zawh hma chuan Morgan a bawk chuan, "Ngawi hle hle rawh, i sawi tum chu ka hre mai. kan mikhual saw i lo ngaizawmg hman reng ani maw?? Chutiang rilru pu reng reng suh," a ti ta ṭhat a. Lucy zak chu a sen ta ap ap a, engmah pawh sawi tawh lo in pindanah a lut ta daih a.
Waldena chuan pindan chhung a Kane chhungkaw inbiakna leh an thusawi chu a lo hre pha vek a, a ruk in a lo nui tet tet a. Morgan a erawh chuan a rilru a tibuai deuh tlat thung. Naupang kum 12 mi lek si, chuti tak a a ṭawng pa reuh mai chu mak pawh a ti a. An chhungkaw mizia inan loh zia chu mak ati bawk a. Morgan a tih loh chu an im ang tlangpui a, Morgan a hi danglam bik riau ani. A rilru huaisen dan turzia leh eng ang takin phawirang reuh ang maw tih chu a ngaihtuah neuh neuh a. Chutih lai chuan chawei dar a rawn ri ta bal bal a, a suangtuahna khawvel a ta chu ei leh in lam a pumpui hnawh puarna hun chuan choka lamah a hruai peng ta a.

Bunkhouse aṭang chuan cowboy hote chu an chaw thleng kengin an lo zuang chhuak nak nak hlawm a. Waldena chuan tukverh aṭangin a lo thlir reng a, mi 20 chiah an ni a. An zing a pakhat chu a hawi her leh chezia aṭang chuan Foreman ani tih a hrethei mai a. A mit la tu ber zawk erawh chu, a hnung ber a rawn kal, pistol pai fual hnelh hnawlh, ngeng hmel tak chu ani. An Forenan in a vin tuar tuar pawh a eng teh ual a ngai miah lo 'Jack' an tih chu tawh a khirh hle ngei ang tih a hre nghal mai a.

Chaw ei an siam peih hnu chuan Walden a chu an chhungkaw zing a chaw kil ve tur chuan Dr Wood a chuan a sawm a.

Chaw an ei lai chuan Walden a leh Lucy i chu an inmelh leh zauh zauh ṭhin a, an fian te chu a han in khak ri leh fak zel bawk a. An chaw ei lai chuan tumah an ṭawng lo a, an ei mawlh mawlh ringawt a. An chhak lam a cowboy chaw ei te chu an in be leh sap ṭhin a. Walden a chu an mitmei deuh rwng a , an hnu duh hlawm hle a, Chaw ei kham hnubchuan inkawmkhawmna pindanah chuan Wood a te chhungkua leh Walden a te chuan whisky an dawm ho a. Morgan a chuan, "John a maw i nih? John tih ringawt hmingpu an awm ngai em ni? Khawi lam aṭanga lo kal nge maw i nih le?" chang deuh fal hian ahan ti a.
Waldena chuan " Boruak ṭha hip tumin ka rawn tei hawi vel ani." a ti satliah mai a.
Morgan a bawk chuan,"El paso khaw tenawm lutuk, ramhuai ho fuan khawm naah hian boruak ṭha hip i rawn tum a maw? Gunfighter te hi ilo ni reng ange?"
A la sawi lai mek in a pa chuan " Morgan, ngawih hle hle hi a ṭhat zawk na chen a awm chawk ania. Mi nihna zawh vak vak pawh hi a hrisel lo tih ka hrilh fo tawh che kha." tiin alo khap vat a.

Morgan a chuan inthiam lo hmel fe hian Waldena hnenahṭ "Ka tihpalh a ni e, min ngaidam rawh. Mahse ka hlauh vang che a ni lo tih hre reng la. Ka pa ka zah vang ani zawk. Outlaw inthup te i lo nih hlauh chuan i thluak burah khan suan tlang ka thun ngei ang. Naupang leh upa pistol kah nat lam a inthlau chuang lo." tih salh salh pahin a pistol kawm chu a beng thak thak a(ka lawm reuh lutuk 🤭🤭)

Waldena erawh chuan Morgan a chezia chu huat enah a en lo a, a ngaisang ru riau zawk a ni. Rei tawk an inkawm ho hnu chuan, "John, mu tawh rawh khai, i hliam te kha a na si a, hahchawlh hma a ṭha ang." pu Wood a chuan a ti a, mikhual pindanah a hruai lut ta nghal a.

Walden a chuan,"Billy kha khawnge a awm?" tiin a han zawt leh hlut a.

Morgan a chuan a pa chhan hma chuan, "Uicho mai mai te chu engah nge i tih? Pawn ah kan dah maw le," tiin a lo chhang thuai a. Billy ahi engtiang chiah in nge Walden a tan a ṭangkai a hre pha tlat lo a ni.

Chutah Walden a chuan, "Ka ṭhianpa Billy pawna a riah dawn chuan kei pawh khumah ka mu duh bik lo," a ti ta tlat a.

Tichuan Wood a te chuan a uipa chu va hruai sak an tum a, mahse Morgan a chuan a lo fang ve tlat thung a, "Uicho satliah mai mai kan inchhungah a riak ve tur ani lo" a lo ti mauh mai si a, chutah mahni mutna lam ṭheuh chu an pan ta hlawm a.

Zan mut reh ah Walden a chu a tho ta ṭham ṭham a, khun bana a gunbelt chu a la a, a hreng a, tukverh ah chuan dim te in a chhuak ta zal zal a. Sakawr in lam chu a pan a, a puanthuah neih chhun chu a va la a, buhpawl, ṭhal khawro hun a bawng chaw tur a an tiang vum thur zingah chuan muthmun a rem ta a. Chutah a han faifuk raih a, a pu faifuk ri Billy'n a hriat chuan rang takin a rawn pan ta vat a, a pu bulah chuan thlamuang tak in a bawk ve ta hlu hlu a.

Morgan a chu mi fimkhur tih takah zing takah a tho a, mikhual mutna lam pan chuan a kal ta ṭhem ṭhem a, kawngkhar chu dim te in a hawng a, an en nak chuan Walden a awzawng hmuh tur a lo awm hauh lo mai. Chutah a chhung te chu a kai tho a, an ri ta hlut mai a. An thawmah cowboy zawng zawng te pawh an lo tho nghal vek bawk a. Tichuan mikhualpa chu an zawng ta chiam a, pindan zawngbzawng an en pawh chuan an hmu ta hauh lo mai a. Morgan an mikhual mutna pindan tukverh chu an enchian chuan a lo in kalh hauh lo a, chuta ṭang chuan a chhuak tih a hre ta a. Cowboy hote chu a ko khawm a, chuta ṭang chuan an chhui zan ta a.
Waldena chuan an ri laih laih chu a hria a, a thova a mutbu a tel fel a, a sakawrah a dah leh thlap a. Mikhual pindan a an rik laih laih lai chuan a uipa a ko a, inkawmkhawmna pindanah chuan alut ta daih a.

Morgan a chuan Waldena sakawr ava en chuan, " Heta hi a sakawr pawh a awm reng a lawm, khawiah mah a kal hla lo tawp ang." a han ti lar lar a. Chumi a mṭang chuan hnuchhui zui ngaihna reng an hre ta lo a. An beidawng chu inchhungah an lut leh ta a. Inkawmkhawmna pindan a an han luh nak chuan an phu chiang kher mai. An mi zawn mek, a awmna chin an hrit loh chuan lehkhabu a lo chhiar veng veng mai si a.

Morgan a chuan, "Nizanah khawiah nge i riah?" vin zet mai hian a han ti a.

Waldena chuan "Ka sawisa diam tawh kha, ka ṭhianpa Billy a pawn a riah chuan kei pawh khumah ka mu bik hauh lo ang tih ka sawi reng kha," aw dam thlap hian alo ti mai si a.

Dr Wood a te hnena a chen chhungbkar hnih lai Waldena chu sakawr inah hlir a riak a, mahse, chutah chuan a riak tih tu mah rengin an hre lo. Wood a te chhungkua pawh emgemaw ti takin a chawk buai hneh hle a, mahse kar hnih a vei hnu chuan ngaiah an neih ve mai tawh a, an thlahthlam ve mai mai tawh ani.

A hliam te a lo dam tak deuh hnu chuan Walden a chu ram chhuak tur in a kal ta a. Ramngaw a va thleng a, thui pawh a la kal hman lo tih chuana thlang lawk a ngahchangin hawk dur dur pah a Red Indian pakhat a lo um kawibzar zar lai chu a zuk hmu ta a. A rifle chu a phawi lawk a, a hmet puak ta ṭhuai mai a. Nghalchang pawh chuan a hrai bah tak a siliaimu lo lut chu tuar loin a vir nawk a, a awp ta rawp mai a.
Red Indian mak ti leh hrilh hai pawh chu a ngaihna hre lovvin a ding ta reng a. Tun lawk a amah rawn um pap pap tu lah chu an en ṭhin a, leiah a bawk hnup mai si a. A chhak lam atang chuan alo insual pui hrep, a hote zawng zawng thattu leh amah ngei pawh thilo a ruang a chhuah leh tu chu a lam panin alo chhuk ta thauh thauh mai a.
Waldena chuan,"Ṭhianpa, kan in hmu leh ta maw? I thi teuh kher mai a." a rawn ti thla lang lang mai a.
Indian pa chuan, "Ka hmelma ila ni reng tih i hria em? a lo ti hmiah mai thung a.
Chuti chungin Walden a chuan," Min haw hle mahla keichuan ka haw ve lo che," alo tih san mai a.
Indian pa chuan,"Hmanah ka nunna i zuah tawh a, tunah min rawn chhanhim leh a, chuvangin ṭanpui i ngaih hun apiang a ṭanpui tur che in ka inpeih reng a ni," a ti ve ta a. Chutah,"Mahse, ka hmelma i ni tih hi theihnghilh hauh suh ang che," a ti leh ngat a. Waldena chuan engmah a chhang lo in a nuih sak ringawt a.
Tichuan an pahnih chuan sanghal sa ṭha lai lai chu an hlep ta mawlh mawlh a, chutah a zat leh zat a insemin Waldena chuan abawp leh a dar chu pu in WK Ranch lam pan chuan a haw leh ta a.
*
A tukah chuan Waldena chu a ramchhuahna ngaiah bawk chuan a kal leh ta a. Hlim em em in engmah ngaihtuah dang neilo ni awm tak in luite chu a zawh chho ta zel a. A hma a amah silai a lo tin reng tu pawh chu a hmu lo reng a. Amah lo chang tu outlaw pakhat awmna chu a zuk thleng ta a. A chunglam kawr kam sang lai aṭang chuan kah thluk tawp tumin a rifle chu a lo lekkawh vang mai a. A uipa kha hruai sela chuan amah lo chang tu chu a hmu tawh ngei ang. Mahse, a uipa chu a la dam chian loh avangin Ranch ah ah a hnutchhiah daih bawk si a.
Amah lo chang tu chuan kah thluk tawp tum a rifle a kau dawn lai chuan thil mak tak a thleng ta tlat mai. Waldena thah tum tu awmah tak chuan thal a rawn bur ta chat mai a. Walden a hma chiah a tuitling per chuai khawp chuan a tla hlawm ta nawk mai a. Chu thil chu Waldenan an hmuh chuan a sir lamah bawh rawp pahin a puakruk chu a phawi dawk nghal zawk a. Mahse a hma lawk a rawn tla chu a thi chiang hle bawk si.
Walden a chu a hawi kual a, a chhak lawkah chuan red indian lalpa, a nunna a zuah sak leh a chhanhim sak kha lo ding reng mai a. Thal kengin alo nuih vur vur a," Ṭhianpa, i phawi rang kher mai, mhse keichu lo inrawlh lo ila chuan phawiran khan awmzia a nei chuang hauh lo ang," alo ti chuar chuar a.
Waldena chuan,"Ka nunna min chhanhim sak ve ta, hmanah khan ka lo that ang che tih ka hlau hnuhnawh ta hle zawk mai," a han ti a. Chutih laiin Indian pa chu thing karah a pilbo leh ta daih a.
Waldena ramvak pawh chu hlawhchhamin inlam panin a haw leh ta a. Phai tual hnim hring dup hmun a han chuan chhuah chiah chuan a lam pana Lucy hmanhmawh tak a rawn tlan hlawk hlawk chu a hmu ta a. A rawn thlen chuan Lucy chu a sakawr nen an rawn thaw dun hlawp hlawp a,"John,.. John, Morgan leh ka pa thihna in ahmuak mek ani. Khawngaih takin.. kan cowboy zingah tumah chhan ngam an awm lo," a rawn ti hliam hliam a.
Waldena chuan, "Khawi hnunah cge tunah an awm?" tiin a a lo zawt let vat a.
" Hmarlam ah sawn ramri a buai deuh a. Kan ṭhenawm chiah ami saw Brooken a a ni a, kan inri na pal rawn ṭhiat in kan ram chhungah ban a rawn phun thut mai.. aa. sawi vek turin hun a awm lo, i kal vat zawk ang. Anlo thah hman ka hlau khawp mai," a ti a, a mittui te chu a biangah a luang ngiah ngiah a.
Waldena pawh chuan hmanhmawh a ṭul zia chu hriaiin a chak thei ang berin a sakawr chu a tlan tir ta pur pur a. Lucy pawh chuan a sakawr chu a theih ang tawkin tlan tir ve mah sela a hma a tlan chu a khan lo vai vai ngei mai.
An intihbuaina hmun ava thlen chuan Walden a thinrim lutuk chu a sa nghal pup pup a. A hma lawk a pa nunnem leh zaidam hmel tak kha tunah zet zawng a hmel chu ṭo lo haw tur ang maiin a dur khuih tawh a.
Brooken a cowboy chhawr te zing a palian tak mai Fit 6 leh inchi 7 ngawt a sang chuan Wood a te pafa chu a lo sawisa vel a. An hmai te chu a thi hniang hnuang tawh a. Morgan kane a chuan a rilruin ngam hle mahse tha in a hneh mawlh si lo. Walden a thin ti ur zual em em tu zawk chu, Brooken a leh a Gunman rawih pathun ten Wood a te pafa chil an lo chhak vel chu a ni. Brooken a Cowboy chhawr te ho chuan Dr Wood a cowboy chhawr te chu silai in an lo tin vek bawk hi a lo ni a. Chhan tum tu apiang thah sak hmiah hmiah turin an lo vau a ni.
Waldena thinrim lutuk chu a sakawr aṭang a zuan thlak leh cowboy palian a lam a kal phei chu a rual ta a," Tun bak kh i pen leh chuan i thi a ni mai," ti a a rawn vau lung² pawh chu engahmah a ngai duh chuang lo. Hlauh chu sawi loh hriat pawh a hre lo ni hian alang hial zawk a.
Chutah engbkhaw sawi sel set lo in cowboy palian pui awmah chuan a ṭham a,"Putar leh naupanga sawi sa a , an chung a kutthlak duh chu keiman aw.." tih pah chuan a khabe ah a hnek bur mai a. Amah chu palian hle mahse a hnektu kutthlak chu a nat em avangin hnunglamah chuan a pai ṭuang ṭuang a, a tlu sawp ta nulh mai a.
A meng phi ruai mai a, a in nuai nawk nawk a, a mitmeng a thinrimna lo lang chu rawhthar deuh tan phei chuan hlau a khurh zawih zawih na tham a ni. Mahse, tun a a hmachhawn mek erawh hi chu chutiang mi ni hek lo. Walden a ani miau a, outlaw tamtak te pawh lo tlawm tawh leh kuttum ringawt pawh a engemawzat lo that tawh kha ani miau a. He cowboy palian a pawh hian amah hnek tu chu John Walden ani tih hre ngat se chuan a chanchin a lo hriat fo tawh a vangin ṭhingṭhi in ngaihdam a dil duh ngei ang.
Mahse tunge a nih a hr miau si lo va,'Hriat lohna hian mi a ti â ṭhin,' an tih ang maiin a thinrim chu a rawn tho chhuak leh ṭuah ṭuah a,"Nauchahai, kut ka thlak r min ti vei a maw? kan el tliak vek teh ang che," tih pahin a rawh bawh phei ta mai roh a.
Chtah Walden a thinrim lutuk engmah pawisak pawh nei rawh lo chuan zuang zawk khawp in palian a hrawkah tak mai chuan alo hnek leh chawrh mai a. Chutah meuh zawngin paliana pawh chuan a palenna chu a chhuang thei ta bik lo, a dak awrh a, a keṭhiah vawr tawk leh tukkhum lei hlap dawt khawp chuan a tluthal leh ta hual mai a, a hrawk bawk keh sawk khawp a hnekna chu tuar lovin biak tur pawh a awm zui ta lo.
Chutiang tak a cowboy lianleh sang, pounds 242 lai a rit chu Walden a vawi hnih hnek na ah a thi ta der mai a nih chu! Chutah Walden a chuan Brooken a lam chu a rawn hawi phei ve leh ta a,"He thil hi nangmah vang vek a thleng a ni. A tuartur zawkin i tuar hma a midang nunna a boral ta hi a pawi hle mai. He thil i tih avanga hremna tur che i pumpelh mai in ring hlek suh. Kuttum a inbeihah min cho anih pawhin ka inpeih nghal a, thildang a min cho anih leh i khel ding leh vei a kha chuh tur a awm kha, i duh hun hunah i chuh thei ang," a han tih leh meuh chuan Brooken a mangang chu a meng phili nasa kher mai.

Brooken a chuan chuan kuttum a inbeihah han cho dawn se, a vawikhat hnek pawh a tuar dawn lo tih a inhre reng mai si. Puakruk a han inbeih ralah lah chuan cho ngam chu sawi loh, a hlauh in a hlau hliah hliah bawk si. Cowboy heti zozai maiin silai a an tin a an hual khup chung pawh a zamchhin eih lo mai chu a hlau tlat tawh a ni. Mi namai a ni lo ang tih pawh a hria a ni.
Brooken a mangang lutuk chu ṭanpuitu ngaiin a hawi ta ruai a, a mitmei hrethiamin a gunman rawih 3 te chu a bulah an lo kal vat a. Gunman pathum zinga pakhat chuan," Kan pu that tur chuan kei min hmachhawn hmasak angai ang" thum chak hian a han ti khang lang a.
Walden a chuan ,"Nangni uicho pathum te kha inthiarfihlim rih ula, Brooken a nen kan thu buai chinfel hnu ah nangni nen chuan ahranin kan la in hmachhawn ve leh dawn nia," a ti chang fak mai a.
Gunfighter pathum te chu an thin a rim kher mai. Nichin a rawn ṭawngchhuak a bawk chuan, "Tuman 'uicho' min la ti ngai lo. Chuvangin i kamtam man chu i hmu ngei ang," tih pahin an pathum chuan puakruk chu an chuh rual ṭhawt mai a.
Chuveleh John Walden a kut chu kawl phe ang mai a rang in a phe ve nghal zawk a, a kut pahnihah chuan puakruk a rawn chawr nawlh emaw tih palh mai awl tak ani. Chutih rualin a kawng zawn aṭang chuan a rawn de dun nghal zawk a. A sir lamah a bawk nghal thlawrh bawk a, lei a bawh chian hma chuan vawi khat a hmet puak leh zat a. A rual vek emaw tih mai tur khawpin Gunfighter pathum te chu an eu awrh awrh ta mai a, phaitual hnim chungah an thal ta hual hual mai a, hremhmun lam an pan tlang ta ngei ang le.
Walden a puakruk chu vawihnih chauh a puak emaw tih laiin mi pathum an thi tlat mai a. Engdang vang mah ani lo, a hmasa ah a ding leh vei a mi a puak rual ṭhawt a, chutah Brooken a hnenah chuan,"Khaile, ibphaw neih pali lai mai te chu chhawr theih an ni ta si lo a, duhthlan tur ila nei, kuttum a inbeih nge puakruk hmang zawkin? I duh zawk chu thlang rawh le. Nangni ang mi duham tanbhi chuan khawvel hi chu a zim lutuk hrat a ni. Thlarau khawvelah ka tir ang che a, chutah chuan i duh ang ram leh bawng vulhna tur pawh i hmu mahna. I duh thlang vat mai rawh," a ti hmiah mai le!
Chu zet zawng khawvel a duhthlan tur a zawngah a khirh ber mai awm e. Walden a vawikhat hnek pawhin thihna athlen thei si a. A puakruk vawikhat hmeh puahin thihna athlen thei bawk si. Brooken a mangang tihngaihna hrelo chuan Walden a hnunga cowboy pakhat chu a han siai suk a.chumi rual chuan a puakruk a chuh ve thut a.
Walden a chuan a lo rin lawk ang chiah anih avangin a mit a siai sak veleh khan veilamah a persawn nghal vat a, a puakruk hum chungin Brooken a chu a lo tin leh hman reng tawh a. Brooken a chuan a puakruk kawm chu a dawm ve hman a, mahse puakruk kaw hmawr amah lo thlir reng tu a han hmuh tak veleh chuan a puakruk kawm chu a sa ta thut emaw tih tur khawp a rang chuan a kut chu a la sawn ta vat a.
Morgan a pawh chu hliam na hle mahse a lo awm mai mai bik hauh lo. Brooken an mit a siai sak veleh khan a puakruk chu a lo phawi dawk zawk a, Walden a kah tumtu chu hremhmun lamah alo tir liam ve hman reng mai a.
Chutah meuh zawngin Brooken a hlau thlabar mangang lutuk chu a ding khr ta zawih zawih mai a, a hmai pawh a dang nghal lup a. A hma lawk a Kane a te pafa chil chhak a lo nuihzat bur tu kha a ding khup ta lup mai le. A khur nasa lutuk chu a sai hluk hluk a, a ke pawh chuan a tungding zo ta ngang lo a, leiah ṭhingṭhi ta hnuk mai a.
Khur zawih zawih a ṭhingṭhi chungin Waldena lamah chuan a kal phei bauh bauh a a bawkkhup a, ṭah aw ṭuau chung chuan,"Gentlemen, khawngaih takin min ngaidam lul rawh, vawikhatmah ka ti leh tawh ngai lo ang. Dr Wood a te chhungkua leh nangmah do tur hian vawikhatmah ka ke ka pen leh tawh lo ang," a ti khur ta dur dur a.
Lucy chuan Waldena te pahnih indawr vel chu ngun takin a lo thlir ve reng a, Brooken a awmdan a hmuh chuan a lo lainat em em mai a. Nichin lawk a a pa leh a unaupa sawisa hlum tur a thu pe tu mah nise a khawngaih hle a. Waldena bula va kal a ngaidam tur a va ngen tak a nap a.
Waldena pawh chuan a hma bawkkhup meuha ngaihdam diltu chu a en ve reng a. A hmel rum em em leh thinurna a khat pawh chu zaidam leh ngilneihna in a thlak veleh tawh a, chutah Brooken a chu kai tho in, "Ka ngaidam a che. Tun hnu ah chuan ching tawh ngai suh ang che. Nangmah ngeiin thu i intiam tawh a, i thu i sut leh a, he ranch hi i rawn beibleh a nih vaih chuan ka nhaihdamna che ka sut ve nghal ang. Tin pal in rawn ṭhiah zawng zawng pawh hi a ngai ah chiah hung ṭha leh ula , chu chu tunah ka hmuh lai ngei hian thawk ṭan nghal rawh u," tiin thu a pe zui ta a.
Chu veleh a cowboy chhawr ho te chu an phe nghal dawr dawr a, anmahni pal ṭhiah ngei siam ṭha leh tur chuan cowboy 30 lai mai chu an phu ta sung sung a. An hotupa ber pawh a bangbchuang lo. Mi pakhat hlau a patling chu ti zo zai mai han phut tak suau suau mai chuan hotupa tan chuan a tlawm thlak hle ani.

Dr Wood a leh a cowboy te chhawr te pawh chu anmahni Ranch lam pan chuan an ṭin phei veleh ta ham ham a, kawng a an kal pah te chuan Walden a puakruk phawiran zia leh a hnek nat zia te, a huaisen zia te an sawi nuaih nuaih vek a. Amah Walden a hriatah mgei pawh an sawi hreh chuang bawk lo a. Dr Wood a cowboy chhawr hote chu an hlim takzet tawh a, a zatin an za ruai tawh mai a ni. An ṭhenawmpa, an ngam loh, a gunfighter rura lutuk rawih te chu hun reilote chhungin an mikhual, mi pakhat ve mai bawk chuan a thal fai phiar thei chu mak an ti tawp thei thlawt lo. An mikhual pa puakruk phawi lai hmu hman lah an awm der bawk si lo. A phe vuai ani ringawt chauh a. Chutiang tak a puakruk phawi rang leh kah thiam, an lam ṭang a han ni si chu an hlim tak zet a ni. Cowboy palian a lah kha vawihnih chiah a hnek a, a thi der mai si a. Khatiang a hrawk bawk hnek keh vek thei kha chuan khawiah pawh hnek mahse a na thawkhat hle tih chu a chiang mai a ni.
Walden a a liam fel veleh Brooken a chu a inhrosa leh nasa ta mai a, a hote chu a hrawk khur khur a, cowboy ni ve mai awm tak pakhat chauh lak a khati tak a a han tlawm mai kha a tlawmla em em mai a, a zak bawk si a. A thinrimna chu a sosang tawlh tawlh mai a, a hote lah chuan amah chu annhmusitbriau ni te hian a hria a. Amah lo nuihzat deuh tu ni a lang cowboy pakhat chu a kap thal ta ṭhuai mai a, a inhrosa khur khur a,"Kan zawng tar pa kha kan that ngei ngei tur a ni. Tunah umzui leh nghal rawh u," tiin a hrawk ta tuar tuar a, mahse tumahin umzui tum zai reng an rel lo, an ngawi ṭhap ringawt a.
Cowboy pakhat chuan,"Kha mihring hmelma nih ai kha chuan ka hna aṭang hian ban nghal daih pawh ka duh zawk," tih pah in a sakawrah chuan a zuangkai lawk a, a tlan liam ta vang vang mai a. Brooken a thinrim lutuk chuan a puakruk ruak ṭhak khawpin a kap zui tak na a, a fuh lem hlei lo a.
A puakruk mu awmloh lai chu chuhin midang pawh chuan,"Keipawh keipawh," an ti a, an sakawr chungah an zuangkai nawlh a, an tlan liam ta duak mai a. Brooken chu amah chauhin an hnutchhiah ta! A hma pawh a athinrim tawh nak alaiin a hoten an zawng zawngin an phatsan zo ta vek mai chuan a ti thinur zual hle a, a thaw hulh hulh ringawt a.
Brooken an a pistol mu a thun khah hnu chuan a kiang vel a Dr Wood a te bawng rual tla duah duah chu a kap ta zawt zawt mai a. Bawng rual hlau lutuk chu bu ruah ruah chungin mei kawhin an lim ta zuai zuai hlawm a. A puakruk mu ral ṭhak khawpin a kap zui zel a, chu mai pawh duhtawk lo in a rifle a la lawk a, bawng rual tlanchhe hum hum chu a kap zui leh ta ṭhuai ṭhuai a. Bawng pakhat chu a thal hawl hawl a, chutah a sakawr chungah a zuamgkai nawlh a anmahni inlam pan chuan a tlan haw ta pur pur a.
Walden a ten Ranch an thleng tawh a, an sakawr aṭang a an zuan thlak phak phak lai chuan silai puak ri zawt zawt chu an hre ta a. Silai rikna lam an han hawi nak chuan bawng rual, hlauh nei tih hriat reng mai a an rawn awn rawng rawng ri te chuan barakhaih chiang kher mai. Bawng rual hlau lutuk te chu mei kawhin inhumhimna beiseiin Ranch in lam pan chuan an rawn tlan kawi nguai nguai a. Ranch in tualzawl an rawn thlen chuan bawngpa tuai man nalh tak tak te chu an tlu ta hawl hawl mai a. Brooken a silaimu in a fuh te kha a sarhu laia thi lo in Ranch tualzawl an rawn thlenin tlu ta phawk phawk mai a ni.
Reilote ah bawng lian ṭha tak tak te chuan in te chu an rawn hual tlim hmur mai a. Bawng thenkhat hliam tuar la thi ve lo te chu an ang hlawi hlawi a, an chil phuante a tla burh burh a. Awn rawng rawng a meng pual ru ru chung hian an tlu leh hnawk ṭhin a. Duat em em a lo enkawl tu te tan chuan tuar dam mai mai a har viau ang le! Chutiang tak a ran pawisawilo chung a kutthlak duh tu chuan hremna chu a va pumpelh dawn lo rua em!!
Morgan a thinrim lutuk chu a sakawr chungah a thlawh hian a thlawk kai nawlh ani ber mai a," Tuman min dang suh u," han tih ṭhat pahin Brookena ranch in pan chuan a tlan kawi phei ta ziai ziai mai a.
Walden a pawh chuan tumah in min rawn belh suh u," tih pahin a sakawr chungah chuan a in vawrh kai nawlh a. Morgan a tlan ta chu a umzui ve ta nghal zat mai a. A sakawr chu chak lutukin a a duk phei ta pur pur mai a, kar lo ah Morgan a chu a va pawh pha thuai a. An pahnih a thui fe an tlandun hnu chuan Brooken a tlan ziai ziai pawh an va hmu pha ta a, silai a han kah phak em chu a la ni si lo a.
Brooken a pawh chuan an rawn um ani tih a hriatin theihpalingkawh in a tlan sauh sauh a. An ranch in thlen hman ngei a tum niin a lang. Thawklehkhatah Brooken a chu a tlan kawi ta zawk mai a, an ranch in lam pan ta lo chuan ngaw lam panin a peng ta a. Waldena ten Brooken a thil tum hria a lehkhalhan han tum meuh chuan a ni chu ngaw chhungah alo lut hman reng tawh a.
Morgan a thinrim lutuk chuan va luhkhung a tum ta mai reuh a. Mahse Waldena chuan a lo khap bet thei hram a, "Fimkhur rawh, min lo chang maithei asin, chuvangin luhkhung chu a finthlak loh viau ang," a lo ti a.
Morgan a chuan,"Finthlak leh atthlak sawina himun anih loh hi.. a ṭul a ni mai. Ka that ngei ngei dawn," ti a hnial pah chuan ngaw chhunga zuan luh chu a tum ta mai a, mahse Waldena chuan sakawrin alo tlan khalh vat a.
"A hunlo ka ti ani lawm ni? Hun remchang dang ala awm ami ang. Thinrim lai hi rilru hman ṭul hun lai ber chu a ni. Tunah hian khau a thim ṭan ani tawh mai a, ngaw karah chuan va zawng mah ila kan hmu chuang hek lo ang. Chutih a hnu hmanah a lo thal tawp mai thei che a sin! Ka sawi chu pawm la, mi hnial reng reng suh," waldena chuan a han ti a.
Morgan a chuan "Ka pawm thei hram e, i sawi chu a dik theihna lai a awm ani; mahse ka hlauh vang che chu a ni lo ania, John Walden," chang fak chuan a han ti ve chhar chhar a.(Walden a hian Morgam a te hnenah John Walden ani tih a la sawi lo tih hriat tel a ṭha ang-Rj)
Walden a meuh pawhin mak a tiin a insum zolo teuh kher mai. Chutah,"Morgan, John Walden ka ni tih engtin nge i hriat?," aw nelawm fahran lo hian ahan ti a.
Morgan a chuan,"Elpaso khua a ka u nen kan va kal ṭum khan John Walden a hming chu an lo sawi huai huai a, outlaw rura lutuk, Buck a leh a hote mi panga lai mai fair lutuk a a thah thu te leh thi daih tawh a an ngaih rawn inlar leh ta maj chu mak an tih thu te an lo sawi huai huai a. Chumi zan la la chuan a bo leh tak daih thu te nen chuanm Thudang engmah pawh a sawi theih loh! An marshal pawh a mang a ang hle ani awm e. A deputy Barri a nen a hnu an chhui ta a, a lo kalna hmarlam kawtchhuah ah a kir leh tih a sakawr hnu aṭang chuan an hre ta a ani. Tichuan thui fe an chhui hnu in Waldena hnu chu kawng lakah a bo leh ta hmiah mai a, marshal Kenny a chuan a hlau deuh a maw ni 'thlarau mai mai ani ang' te a ti vel ta mai mai a. A deputy Barry a chuan, "Thlarau in puakruk a kap thei dawn em ni? Waldena tak tak a rawn inlar a kan hna a rawn thawk a ni mai alawm," alo ti mai si a. Chumi a ṭang chuan Marshal leh Deputy chu an in hmuthiam vak lo ani awm e.
Tichuan Walden a chu chuti mai aa bo theih ka ring lo a, kan rawn haw kawngah chuan i sakawr hnu chu ka rawn chhui zui ve ta zel a, mahse sakawr dang hnu a tam tawh em avangin chhui zel theih ani ta lo a, hmar lam a pan zel anih ngat chuan kan ranch a rawn tlawh ngei ka ring ta ringawt mai a ni. Tichuan ka beisei ang ngeiin kan ranch in kan rawn thlen chuan mikhual sakawr ka rawn hmu ta a. Waldena hmel hmu turah ka inngaih avangin hmanhmawmwh deuhin inchhumgah ka rawn lut ta a. Ka beisei ang chiah leh mihring aka ngaihsan ber mai, amah anga awm ka chak ve em em ṭhin ngei chu ka rawn hmu ta a. Mahse Waldena ani ngei nge ngei lo tih hriatchianna ka la nei bawk si lo a.
"Chutah rilru dang ka pu leh ta a, Waldena diktak inih ngei leh ngei loh fiah turin zan rehah i mutna rawn en ka tum ta a. Walden a diktak chu mihring zingah a riak ngai lo tih pawh mi sawi a ṭang ka lo hre ve tawh ṭhin a, tichuan i mutna pindanah ka rawn lut ta a, ka rin ang ngeiin ilo awm ta chiah bawk a. John Walden a ini tih chu tuma hrilh ngai lo in ka hre chiang ta che a ni. Ka la hriat loh pakhat erawh chu engtiang fakau in nge Puakruk i phawiran tih hi a ni a, mahse chu pawh chu nichin khan ka hre leh ta zel bawk ani.

"Mi tam tak ten i puakruk phawiran zia an sawi hian awih harsa ka lo ti em em ṭhin a, mahse tunah chuan mit ngeiin ka hmu leh ta zel a, vannei pawh ka inti hle ani. Engtinnge nangmah ang hian ka phawiran ve theih ang,"tiin Morgan a chuan thu tam tak a hrilh hnu ah chuan a tawp ah a han zawt ta a.
Chutah meuh zawng Walden a mak ti luruk leh Morgan a a ngaihsanna chu a hmel ah a rawn lang chhuak ve ta hial a. Morgan a zawhna pawh chu chhang ta lem lo chuan, "Outlaw emaw min ti ani lawm ni kha(h)?" a han ti ve leh rih a.
"Khatiang te chu inbumna hote ka hmang ve mai anih kha! I mizia hriat ka duh vang mai ani."
"Ka bum che emaw ka lo intih laiin min lo bum let der anih zawk hi!?"
"Nang pawhin min bum ve tho alawm."
"Engtin maw?"
"Zanah khawiah nge i riah ṭhin tih tun thlengin ka la hmu chhuak zo lo reng reng."
"Chung te chu thil ṭul lutuk ani hleinem, a aia ṭul zawk i hre ṭeuh alawm. Hriat tur tam tak ila nei bawk. Mahse, tumah chuan titina hun a tawp ta," walden a chuan a ti ta hmiah mai a.
Morgan a chuan,"Brooken a chu ngaw chhunga a luh tak si chuan a in lamah ilo chang ang hmiang. Zanih a lo haw ngei ngei ang; a lo haw loh pawhin a nupui fanau te tal kan sawisa dawn nia. Kan bawngrual tam tak pawisawi hlei lo a kap hlum a, hremna chu a phu ve reng reng," a ti ta chhek mai a.
Waldena chuan," Ni lul lo e, Brooken a sualna chu a nupui fanau ten an tuar ve zel tur a ni lo ang. A lak aṭangin kan venghim zawk tur a ni. Waldena nundan i zir duh tak tak a nih chuan chung zawng zawng chu hre reng ang che. Misual te lainatna nei lek lo a i thah hmiah hmuah laiin pawisawi lo te chungah erawh i ngilnei hle tur a ni. Pawisawi lo te chungah chuan bawkkhup a ngaihdam dil thei tur khawp a i inphahhnuai thiam a ngai ang," tiin Morgan a chu a hnial ta tlat a.
Amah vek chuan, "Brooken a hian a thinrim hrikthlak nan a nupui fanau te pawh hi a hmang duh hial ang. A cowboy chhawr te ngei pawh a kahhlum hmiah mai kha. A cowboy zawng zawng in amah an phatsan vek tawh si a, a thinur tur zia chu hriat sa a ni a, chuvangin a rawn haw hma ngeiin a nupui fanau te kan thiar chhuah a ṭul ani." a ti leh ta zel a.
Morgan a chuan "Ka lo fing ve tawh viau emaw ka lo inti a, Waldena bulah meuh chuan ka naupang thar leh a ni hawt e," a ti ta niah niah a.
"Naupang chu i la ni reng a lawm, kum 12 chauh i la nih hi," Waldena chuan a lo ti mai si a.
Morgan a chuan, "Naupang leh puitling kah nat lam a in ang reng," a lo ti ve khauh a.
Waldena chuan muanchanna hun kan nei lo, Brooken a leh a nupui fanau te chu inthiar fihlim turin kan hrilh thuai a ngai a, vawiin aṭangin indona chu kan ṭan tawh dawn a ni," a han ti a.
"Brooken a amah chauha a ṭan chuan duh tawkin kan sawisa thei dawn anih chu."
Waldena chuan, "Amahin a malṭan awzawng lo ang, Elpaso khua ah a va kal anga, gunman tam tak a rawn hruai ngei anga, amah chauh a a ṭan chu ring reng reng suh," a ti a. Chutih lai chuan Brooken a Ranch in chu an thleng phei ta a.
Brookena nupui chuan phawk hra a lo en chung hian, " Lo leng rawh u," hlau aw lek lek hian a lo ti a.
Waldena chuan " Lo leng hman teh vak pawh kan ni lo, zanih ah helai hmunah hian indona kan ṭan dawn ani. Indona a thlen tak tak hma in lo inthiarfihlim ula a ṭha ang. Heta ṭang hian han pan mai tur hnaivai hriat i nei em?" a ti a.
Chu nu chuan mak tih hmel fe hian, " Helai hmun aṭang hian kan chhuak anga maw?" a ti deuh ha a.
Waldena chuan, "Kan nawr lui lo cheṭ i duhthlanna anih chu! I nunna kha ila ngaihhlut deuh tak in kan ti mai mai a nia," a ti hmiah mai a. Pi Brooken pawhin Waldena hmel thutak hmel thutakna leh fiamthu mai mai ni lo a chhuak se a duhna chu hmu chiangin a inhre ve ta a. Tichuan a zan a zan chuan a fate pathum nen an in suan chhuak ve ta nghal a.
Chutah Walden a te pahnih pawh chu hmanhmawh takin ranch lamah an tlan kir leh ta a. An ranch in aṭanga hla fe a anla awm lai chuan silai puak ri zawt zawt chu an hre ta a. Chutah phei chuan hmanhmawh a ṭul tih hria in an sakawr chu chak leh zual tur chuan an tur sauh sauh a. An thleng ṭep tawh tih ah chuan Ranch In kil tin mai aṭang chuan mei alh a rawn chhuak ta hlupnhlup mai a, a kang nasa tawlh tawlh a, reilote ah meivapah a chang vek ang tih pawh tumanbhrilh hran an ngai lo hle a ni.
*
Brooken a chu ngaw kara a luh chiah khan an ranch lam chu pan lo in a kal zel a, Elpaso khuaah a va lut nghal a. Outlaw 20 rual lai mai a lova zawng khawm a. Walden a te rawn bei turin a zan la la chuan an rawn thawk lehnghal hi a lo ni a. Dr Wood a cowboy te lah chu an bawng thi ta te sa ringawt an buaipui in an hmanhlel si a, an ni Waldena leh Morgan a lah chu Brooken a um in an la thang ta vang vang mai bawk si a. Outlaw 20 rual te chuan an inrinloh lai chu an va nang ching ta a ni.
Ranch in chu kal hualin silai an hmetpuaknzawih zawih reng a. Dr Wood a cowboy te chhawr te chuan tih theih an nei ta hauh lo, in pek mai a ngai ta a ni. Tichuan an silai te paihthla in sang thei ang berin ban an phar hlawm a, cowboy paruk lai mai chuan nunna an lo chan hman der tawh a.
Brookena leh a mi chhawr te chuan Dr Wood a te cowboy te chu dimna nei reng reng lo in hruizenin an phuar ta mawlh mawlh a. Lucy Kane i pawh a bang chuamg lo. Brooken a chuan, "Nang hi ini maw, nichin a i pate nen a kan inbeih lai abzualko tur a tlan ta kha? I va chak dawn lo rua em," tih pah chuan a beng ṭhuai ṭhuai mai a. Lucy na ti lutuk chu a ṭe rawng rawng a.
Dr Wood a chuan a fanu , Brooken an a sawisa lai a han hmuh meuh chuan outlaw ho pawh hlauhna reng reng nei tawh lo in Brooken a chu a pan phei ta hriau hriau a. Brooken a chuan, "I fanu chhan tur chuan i huai ve hle mai maw? Mahse i hun a tawp ta," tih leh a puakruk phawi a rual a. Dr Wood a khup lawk ah tak chuan a kap ta ṭhuai a, ani chu a ṭhingṭhi hnawk ta mai a. Waldena leh Morgan a te chu awm se chuan heti mai hian annrawn sawisa bik lo tur a ni a, mahse tunah chuan hla takah an la awm si a.
Brooken a chuam, "I hmuh lai ngeiin i fanu hi ka'n sawisa teh ang," tih leh hrui hrual a hlap a rual ta ṭhuai ṭhuai mai a. Wood a nupui, nunnem leh zaidam lutuk chuan a fanu na tuar ṭe rawng rawng chu a tuar zo ta ngang lo a, Lucy i awmna lamah chuan a beng hup chungin a tlana a, a va kuah chawt a, a kiangah chuan a ṭap ta zawih zawih a.
Brooken a chuan, "Nang pawh hi thih i duh a ni maw ?! tih pah chuan Lucy i nu chu lainatna nei map lo in a kap ta thawr mai a. Chutah Lucy i chhipsamah chuan a han ṭham zui a, "Zawng hur nu, ti hian ka man ang che a, a la dam zawng zawng te hi buhpawl dah khawmna ah ka khung khawm anga, ka hal hnan dawn a ni," a han tih chuan Lucy hlau mangang lutuk chu a khur zawi zawih a, a dang sawp sawp aṭ ṭawng pawh a ṭawng chhuak thei lo a.
Chutah Brooken a chuan Lucy chu hruizenin a phuar ta mawlh mawlh a, a sakawr chungah chuan a hlang ta nawlh mai a. A hote hnenah chuan, " Tikhan Inbkha hal ula, mahni man ṭheuh kha in sakawrah in phuar bet ang a, kan in lam kan pan pui anga, kan hal hlum vek tur a ni.," a han ti a.
Outlaw rura lutuk ho lah chuan engmah pawi sak nei hek lo; WK ranch in chu kiltin aṭang chuan hal ta hluah hluah mai hi a lo ni a. Anmahni cowboy man ṭheuh te chu an hnung khirh a, an sakawr chung ah hlangin an tlan ta zuai zuai hlawm a.

Bung hnihna chu a zo ta e, nizanah ka type zawh tep ah ka hmet sawn palh a, ka luh leh chuan a lo bo vek a, ka lo dah har phah a, a pawi ka ti khawp mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 13th, 2018, 8:44 pm

JOHN WALDEN - the way to El-paso
Bung 3 na
Re- type..Ruatmawia Jahau

Walden a leh Morgan a te pahnih chuan outlaw ho tlanliam tur chu an rawn hmu hman ṭawk a. Ranch In lah chu a alh zuai zuai tawh mai si a. Morgan a chu In hung chhungah chuan a zuang lut rawk a, a nu chu a au tuar tuar a. Mahse tumah chhang tur reng an awm ta lo! A pa a han auh leh pawh chuan chuti bawk; a reh hian a reh vawng vawng mai a. Lucy han koh lahin a reh hmiah mai bawk si a.
Morgan a thinrim lutuk chu awm ngaihna reng a hre tawh lo. An kawt zawla cowboy paruk lai ruang te chu a han enchian chuan anmahni chhawr te hlir an lo ni bawk si a. Brooken a cowboy te chu thi an awm ve na nge? Khawiah nge an cowboy dang te pawh chu an awm tak vek ni? Waldena pawh chuan Lucy chu a ngaihtuah ringawt pawhin a ṭim uaih uaih a. Lucy chu a thi tawh em ni ang? Nge a a thi mek? Lucy chung a thil thleng tur a ngaihtuah chuan Waldena meuh pawhin awm ngaihna pawh a hre ta lo.
Chutah piah deuh a hmeichhe let reng chu a va hmu ta a. Chu lam pan chuan a sakawr aṭanga zuangthlain a kal phei nghal vat a. Lucy hmelṭha-i kha ani ang em? Texas rose par vul lai kha a chuai ta mai em ni? Lucy hmeichhe zaidam leh nunnem, khawngaihna a khat, a pa that tur a thupetu pawh ngaidam tur a dil sak tu kha a fam ta mai em ni? Chuti ni se Waldena chu khawvel zau takah hian a mal tlat dawn ta em ni ang.?
Chung zawng zawng a ngaihtuah chuan Waldena chuan hrehawm a ti tak meuh a, a hriat loh in Lucy chu alo hmangaih hman hle a ni ngei ang, thi tur a a han suangtuah chhin mai pawhin a phal thei thlawt lo a ni.
Waldena chuan lei char a hmeichhe let reng chu a han pawm kang a, an en chian chuan Lucy Kane i ni lo in a nu zawk a lo ni reng mai. Waldena chuan pawi a ti lo ni hauh lo in Lucyi a ni lo hlauh chu a lawm em em a ni. Waldena chu a thaw deuh huai a, Lucy chu a la dam a ni ngei ang le. Tunah hian an khawih chingpen mek pawh ani mai thei, hmanhmawh a va ṭul tak em!!
Walden an Morgan a nu a pawm lai chuan Morgan a pawh chu a kiangah a lo ding ve reng tawh a. Morgan an a nu a han hmu chuaa lainat em em a, a biangah mittui alo luang ngiai ngiai a; reilote ah a hmel chu thinrimna leh phuba lak chakna in a rawn luah lan zo ta a.
Chutihlai chuan a nu chu a rawn che ṭial ṭial a, a rawn meng ta diar diar a. Engemaw sawi tum niawm tak hian a hmui chu a chet det det a. Morgan a chuan, "Ka nu, ka ṭawng i hre thei em? Tunge kap che?" a han ti a.
A nu chuan aw tham deuh ṭiak hian, "Brooken.." fiah lo riai hian a rawn ti a.
Waldena chuan, "Khawnge an awm?" a lo ti vat a.
Morgan a nu chuan, "An...in...lam..ah," fiah lo tak bawk chuan a han ti leh hram a, chumi hnu chuan a chhing leh ta a.
Morgan a chuan, "Ka nu,, ka nu..?" a han ti lawm lawm a, mahse chhang thei a ni ta lo. Tunah chuan ring lutuk pawhin au ngial mahse auh harh theih a ni ta lo. Thlarau khawvelah chauh lo chuan in be pawp thei chi an ni tawh lo!
Morgan a te in pawh chu a kang nasa tial tial a, a ri ṭuk ṭuk a, a khu chho ngun ngun bawk a. Hlim taka an nuih ho na ṭhin chu ṭhal romeiah a zam ral dawn ta a ni. In kang sa tak chuan an pangpar mawi tak a vul chek te pawh chu a em vuai zo ta vek a. Duat tak a an lo enkawl ṭhin chuan mawina reng an nei tawh lo. Chutia in kang thlir a an awm reng lai chuan Billy a pawh chu sakawr in aṭang chuan mei hem mat mat chungin a pu te bulah chuan a rawn kal ta thoh thoh a. Waldena pawh a uipa a han hmuh chuan a lawm hle a, tunah chuan hun an nei tam ta lo kher mai. An tan chet lak nghal zung zung a ngai ta a ni.
Waldena chuan Morgan a nu ruang chu hung pawnah a pawm chhuak ta a, mei sa takin a rawn em phak lohna turah chuan a dah ta rih a. Billy chu a ko a, Morgan a nu ruang bulah chuan a bawh tir ta vung mai a, "Tikhan lo veng la, ramsa lakah lo veng ang che," tiin a han hrilh sap a, Billy pawh chuan a pu thusawi pawh chu hre kim chang kelh lo mahse a pu duhdan chu a hre ve a ni chek ang chu, a pu tlan liam ta pawh chu zui ta bik lo chuan a bawh ngaiin a bawk ta hlu hlu mai a.
Morgana thinrim lutuk chu a puak keh lo chauh hi a ni tawh mai a, "Brooken a thih hma chu ka bei zel dawn," a rawn ti chhuak phawng mai a, Brooken a te tlan liam takna lamah chuan a sakawr chu a tlan tir ta pur pur mai a.
Walden a chuan Morgan a thiltum chu a hriat tak avangin, "Morgan kal suh," a han ti tuar a, mahse a ni chuan Waldena ṭawng reng a ngaihsak tawh lo, hmalam panin a lim phei puat puat ringawt tawh mai a ni. Waldena chuan auh zui zelin awmzia a nei tawh chuang lo tih hria in chak mang kheng in a umzui ve ta ringawt a.
Waldena sakawr hi a chak ṭha bawk a, reilote ah a umpha thuai reng a, Morgan a awmna a va thlen chuan a sir a kal pahin,"Morgan, luhlul pa, thinrim lai hi rilru hman ṭul lai ber ka tih tawh kha! Ilo hrelo leh hman tawh elo? Thihna kawr ruam thuk rei ngial kal ngai a nih hi, Brooken a in thleng tur chuan a tlem berah darkar hnih lai kal angai dawn a, min lo chang ngei ngei bawk ang. Tunah hiam tlan let leh ila a hma a kan kalna lamah bawk khan kan kal leh ang a, kan lo lehkhalh zawk tur a ni. Phaizawl a nih avangin Brooken a te chu kan lehkhalh hman em em ang, i kal nghal ang," a sakawr chu a pawt her mawp a, a tlankir leh ta puat puat a. Morgana pawh chuan engmah sawi lo chuan a zui ve ta zawk a.
Waldena te pahnih chu a hma a Brooken a an umna lam kawmgah bawk khan an tlan leh ta ngar ngar a, an ṭawng tam lo dun kher mai. Annthil tum chu a namai lo em bawk a, an tawn tawh zawng zawng te nen a chhui kir phei chuan ṭawng duh viau chu a hun tawh lo reng a ni.
Darkar chanve dawn an tlan leh takah chuan Brooken a In pawh chuan an lo thleng leh dawn ruai tawh a. Chu in chu a la thim ṭhiap a vang leh thawm dang reng a la awm bawk loh a vang chuan anbla thleng lo tih pawh chu an he nghal mai a. Tichuan Brooken a te lo kalna tur lamah chuan anbkal khalh ta a. An sakawr chu ti dingin an chhuk ta a. Kawngsir hla vak lo ah an sakawr chu an thlung a, tichuan kawngsir chhak lam lung lian pui pui intawksir khup na ah chuan an hmelmante chu an lo chang ta khiau a ni.
Waldena chuan, "Heihi hre reng rawh silai i hmang hauh tur a ni lo," a han ti sap a.
Morgan a chuan Walden a thusawi awmzia hrethiam lo hmel zet hian, "Ka nu that tu, kan in min hal saktu leh kan bawngrual pawisawi hauh lo tam tak min thah sak tu chu ka lo chang a ni a, ka lo uipui tuilian thlir veng veng ang maw?" a ti ta hau mai a.
Waldena ve thumg chuan Morgan a thusawi ngaihsak vak lo ni awm tak hian, "Chemte hman i thiam em?" tiin a lo zawt ta daih a.
Morgan a chuan Waldena thusawi awm zia chu a ngaihna a hre pha lo chiang kher mai, "Walden nangmah ngei pawh hi i chiai deuh ani lo ma? I thusawi chuan awmzia a nei hlawl lo," a ti ta he haw a.
Waldena erawh chuan Morgan a hrethiam lo lutuk pawh chu hrilhfiah ta'nge a ti lem hlei lo a, "Chemte i hman thiam leh thiam loh ka zawt che a nih chu," a tihsan leh hmiah mai a.
Morgan a chuan ṭhenṭha chungin, "Min zawh tlat si chuan chhangbleh rih phawt che a ni ang chu; chemte hman te chu ka tilthenna lam pang tak a ni alawm," a ti satliah ve mai a.
"Tunah i keng em?"
"Keng e, ka boot chhungah ka thiat,"
"A ṭha a nih chu. Kan hmelchhe ho pawh an lo thleng ve ṭep tawh ang," Waldena chuan a lo ti ve mai a.
Morgan a chuan, " Kan cowboy chhawr ho zawng zawng man vek thei tur chuan Brooken a chuan outlaw a ruai hnem viau anih hmel si aṭ chu bakah rifle leh pistol nen an inring em em sa si.. keinin chemte nen ngawt engtin nge kan lo beih theih ang.? Nang pawh hi i a deuh a nih hi," a ti leh ta nang nang a.
Waldena ve thung chuan, "Waldena hi naupang kum 12 mi ang lek a chiai mai mai chi a ni ve lo tih kan hrilh hmasa phawt ang che. Cowboy 20 in ruaia, 6 an thi tawh a 14 an la dam a, ipa leh i u nen 16 chiah an ni. Chung ho zawng zawng man a phuar bet vek tur chuan gunman pawh a lo berah 16 an ngai tihna a ni a, mi pakhat tan sakawr pakhat a mi pahnih phur tur chuan angaihna a awm lo. Phuar beh tlat chung phei chuan angaihna a awm lo leh zual. Brooken a chhiar tel pawn a tlem berah 16 chu an ni reng reng dawn , chu bakah i u, an kutah a awm a, i pa pawh a awm bawk a,. Silai a i kah vaih chuan i pq pawh a thi ve nghal maithei a ni. Chulo rengah pawh a hmasa lam i kah chuan hnuhnung lam tan warning ṭha tak i pe dawn a ni a sin. Chuti alobnih chuan an mi phurh te ṭheuh kha dimna nei miah lo in an kap pawp pawp mai dawn a ni. Chuvangin a hmasa ho chu kan kal tir zel anga, a hnuhnung ber pahnih te chu kan lo zuan anga, kan vithlum nghal anga, anmahni lemah kan chang nghal mai dawn a ni," a han tih tak meuh chuan Morgan a pawh a lawm hle a ni.
mahse heti hian zawhna a pe leh ta a, "A bawr khawmin kal ta sela, a hnuhnung fal bik an awm lo maithei a, kan tan chet a va harsa duh awm ve?" tiin a zawt leh ta khauh a.
Walden a chuan, "An awm em em ang, pahnih khat tal chu min chang turin an hnuhnung fal deuh ngei ang." a ti a.
Morgan a chuan, "Pakhat chauh awm fal ta sela, kan va indaih awm lo ve.?" a ti leh ta zel a.
"Chuti a nih tak leh chet sual a awm lo ting anga a ni mai alawm. Keiman ka bitum anga, tichuan ka thah hnuah a ṭhian te chu ka zui ve leh mai anga, anni lahin min rinhleh nachang hre pha dawn hek lo. Gate veng tu-ah ka ṭang zui anga, nang pawh awlsam takin i lut ve mai dawn a ni," a ti ta thlap thlap a.
Chutah meuh zawngin Morgan a pawh chu hrethiam tih hriat takin a bu ta nghat nghat a, "John Walden nge nge.." a ti chhuak ta hial a.
*
Tunah chuan khua pawh a thim chiang tawhin thla chu a eng nuam hle a, a reh ruai mai bawk si nen.! Mahse rannung tenau leh vabak tih vel te erawh chu an hram ve chiah chiah a Hla fe mai, Brooken a te lo kalna lam turah chuan sihal rual khat an uuu rawng rawng bawk a.
Rin ai tak chuan an nghak rei ta vang vang hle a. Dar sawm pahnih meuh a rik tawh pawh chuan thawm hriat tur reng a la awm ta lo fo mai a. Morgan a chu naupang tih takah a beidaqng hmin ta der mai a, "Walden, helamah an kal ang i ti ringawt mai pawh a, i ring sual ve a nih hmel ta hle mai," a ti ta bauh a.
Waldena chuan, "Kei a sawi ani hleinem! I nu khan 'Brooken a te chuan an in lam an pan' a tih vang zawka helam hi pan kan ni," a hawi ta hau mai a. "Ngawi teh chu.., an lo thleng dawn ta e, hla fe a sihal uuu rawng rawng te pawh kha an reh ta duak mai. Rannung dang hram chuah chuah te pawh kha an thawm a reh sawt i ti ve deuh lo maw? Chu le.. ṭawng ri ni awm tak te chu i hre ve em? An fimkhur loh hmel kher mai lehnghal. Umm.. ngaih a hun ta," a ti ta hlut a.
Thawm chu an ngaithla vang vang a, Brooken a te ho an ni ngei ani tih pawh a rin theih ta a. An lo hnai tial tial a, mahse kawng a bumboh em avang chuan an kal sawt lo angreng hle a ni. An rawn ṭawng nawk nawk hlawm a, an hma lawkah thihna in ahmuak reng ani tih hre na se chuan an nghuai ngei ang le!
Tunah chuan Waldena te awmna pawh an rawn thleng phei dawn ṭep a ni ta. "Kan in pawh kan thleng ṭep tawh a, kan zawng hur man hote pawhin an thihna hmun tur an thleng dawn ta," a rawn ti phei lung lung a.
Chu thu an hriat chuan Morgan a chu a sa leh ta phat mai a, a silai a chuh nghal rap mai a. Mahse, Waldena chuan a lo dawm bet vat aan hmelma te hriat phak loj chuan engemaw ti ti in an inbengdai thei ta hram a. An bihrukna lungpui zawn an rawn thlen chiahin Brooken a bawk chuan, "Kan uicho te pahnih, Morgan a leh a gunman rawih chu an chawhdun chai chai kher mai, 'ka um e' te min han ti vei a, an in kang rem vek tawh an han hmuh meuh chuan anbtlanchhiat loh vek pawhin bak lengin min zawn um anga, kan duty ten an lo thal tawl tawl mai dawn si a, kan hnunglamah khan duty in dah a ni lawm ni?" tiin a hnung chiah a mi a han zawt zui nghal a. A hnung chiah a mi, outlaw tih hriat reng reng, puan duma a hmai tuam chuan, "Anmahni lo chang turin mi pahnih chu kan dah kha," a lo ti ve ngut a.
Brookena chuan, "A ṭha a nih chu; an thih kim vek hunah chuan an ranch zawng zawng saw ka ta vek tur a ni tawh mai a, in te ka sa ṭha ang a, nangnu mi ṭha tak tak te nen hian chawhlui te kan la kil ho ṭhin dawn nia," an ti leh soh soh a. Waldena te awmna zawn chu him takin an pel ta a.
'Nangni mi ṭha tak tak te' Brooken atan chuan outlaw te chu mi ṭha tak tak te an nih chu! Chumi thu an han hriat chuan an thinrim dun kher mai a, "Uicho pahnih, a han tih lai ngat phei kha chuan Walden a meuh pawh chu a insum zo lo teuh kher mai. 'An thih zawh vek hun chuan' khami thu kha chu thudik a ni ngei ang. Mahse an thi zo vek ngut dawn em ni? Thi vek tur a a han ring kher erawh zawng Brooken a chuan a ring ṭhelh deuh ani.
Brooken a chuan Lucy chu a kut hnung khirh tlat chung chuan a hma ah a ṭhut ti a, a hnung chiahah chuan hmaituam mi pahnih, tumah phur ve lo in an kal a. A indawt te te in an rawn inzui thliah thliah a, an hma ah chuan mi pakhat zel an rawn phur a. Chung an mi phurh te chu anmani cowboy ngei an ni tih Morgan a te pahnih chuan an hai lo kher mai. Chung ho zingah chuan Dr Wood a ngei pawh a tel ve a ni.
Walden a te pahnih chuan an lo thlir ru reng a, an tawmna lungpui chu kawngsir chiah a awm a nih avang chuan han ding thut sela chuan rifle pawhin an ni chu an vaw pha hial ang tih tur khawpin kawng chu an hnaih a ni. Anmahni rawn kalpel tu te chu tutenge an nih pawh an hmai an tuam tlat avangin an hrethei lo a, a zat an lo chhiar nghauh nghauh ringawt zel a. Sawm pakua in an rawn pel ta chiah mai. Sawm pakuana chiah pawh chuan mi phurh tel a neih ve avangin duty tur a an dah chu a la nilo tih pawh Waldena chuan a hrethei mai aa. Anmahni changtu tur a duty chu an chang let ta anih chu!
Morgan a chuan, "Hmai an tuam vek si a, tutenge annih kan hrethei bawk si lo a, chet a buaithlak zo vek dawn a nih hi le," a han ti sar sar a.
Waldena ve thung chuan, "Chet a awlsam phah lo ang tih i sawi thei chiah maw?" a lo ti let hlauh thung a.
Morgan a chuan, "Chet a awlsam phahna chhan tur awm reng kei chuan ka hre pha ve lo," a ti leh a.
Waldena chuan, " Keini pawhin hmai kan tuam ve thei tho a lawm, tu te nge kan nih an hre thei mai hauh lo ang," a han ti leh ta a.
Morgan a chuan Walden a ngaihtuahna ṭhatzia chu mak a ti ru rauh rauh kher mai. Rei deuh an han nghah leh hnu chuan an mi chan te pawh chu an lo hnai ve leh ta hle a. An fimkhur dun lo hle a, an rawn ṭawng phei dun bawrh bawrh mai a, "Min lo um zui lo chu mak ka ti kher mai! A pakhat zawk a kha Waldena ni thei awm tak te in in sawi si a, a pianhmang leh a inchei dan an sawi aṭang kha chuan Waldena chiah chu a ni. Waldena chu ni sela min rawn umzui ngei awm bawk si a, a mak kher mai. Walden a hi vawikhat chiah ka la hmu a, san antonio ah mi pakhat nen an inbei lai ka hmu a, a puakruk han phawiran zia chu sawi mai piah lam a ni. Will Bill Hickock a kha a lo tho leh emaw ka ti hial asin . A puakruk phawi lai ka..." a ṭawng chu a tawp ta chawt a. Chutah Waldena kawng zawn aṭang chuan puakruk pahnih chu a rawn de ta zawk a, hmaituam pahnih te chu an eu zawk a, an sakawr aṭang chuan an tla hlawm ta tawl mai a. Hremhmun member an pun belh leh ta. An sakawr te pawh chu an hma lawka silai lo puak ta ṭhawt chu hlaubin hnunglamah an tlan let ta zur zur a.
Chu veleh Morgan ate pahnih chu hmai tuam te pahnih thal reng lamah chuan an tlan phei vat a, an hmai tuamna chu an hlih sak a, an mit leh ka leh hnar chauh chu lang in an in tuam ve ta mawlh mawlh a. An mi thah te hmel chu an han en ṭhin a, an hriat zawng an ni lo a, tichuan an sakawr awmna lam chu an pan ta a. An sakawr chungah chuan an zuang kai nawlh a, an hmelma te um tur chuan an phei dun ve ta a.
Morgan a chuan thil awmzia man pha ve hek lo, kawng a an kal lai chuan, "Engatinge silai hman loh tur i ti kha ani si a,nangmah ngeiin i hman leh si a?" a ti ta he haw a,zawh awm tak pawh ani reng a.
Waldena chuan kan hlawhchham teuh zia kha i hre na nge? a hmasa zawk sakawr kha sakawr ṭha lutuk a lo ni a, kan rim a hriat veleh a ding ta tlat a, a ke a per tlut tlut a, a cik nghur nghur kha! A pu hnenah warning a pe a nih kha. Mahse a pu kha a beng tla lo lutuk a, ṭawng a cheh lutuk bawk a, a sakawr warning pek a hriat a ṭawng a han chat meuh kha chuan ka lo hmetpuak hman ta a nih kha. Pu nikhua deh hlek zawng ni sela chuan a nunna pawh a chhanhim ngei mai thei a ni. Khatiang sakawr kha alawm ka zawn ka zawn ṭhin. Nakinah kan hnathawh zawh hunah ka la zawng chhuak ange," tiin thil awmdan a hmuh te chu a hrilh ta vek a.
Kawng a bumboh hle na a, an sakawr chu a theih ang a chakin an kaltir sauh sauh zel a. An va um phak meuh chuan Brooken a te pawhin an ranch an lo thlengbhman ve chiah a. Silai ri an hriat avang khan ṭhenkhat chuan kawngsir aṭangin an lo chang a. Mahse, anmahni ang bawk a hmai tuam an han hmuh takah chuan an ṭhiante ah ngaiin an tawmkuk aṭang chuan an rawn zuang chhuak ta sup sup a.
Walden a hnenah chuan, "Silai ri kha kan lo hria a, enge thil awmzia," tiin mi pakhat chuan a lo zawt a.
Waldena chuan fimkhur tak leh nichina a kahhlum pa aw ang thei tur deuh a aw ti danglam ve hram in, "Kan dahṭha fel tawh e," ti chauhin a chhang a. Chutah zawng anni ho pawh chuan lungawi tak maiin ranch in chu an pan san ve leh ta mai bawk a.
Ranch hung chung Waldena ten an va thlen ve chuan Lucy te pafa leh an cowboy ho chu kut leh ke phuar chungin buhpawl dah khawmna inah chuan an lo thehlut nawlh nawlh mai a lo ni a. Chutah kawngka an khar khum ta hmiah a. Mi pakhat hi an ven tir a. Brooken a chuan hre hek lo, Waldena te pahnih hnenah chuan, "Tikhan gate ah khan duty nghal rawh u," a han ti leh rawk pek a, anni pawh chu an nui lo chauh ani. Tichuan duty tur te tih loh chu inchhungah an lut fai ta vek a, Waldena te vanneihna a la kaltluang ṭha hle a ni.
Reiloteah inchhung lamah chuan khawnvar an chhi eng ta sup sup mai a. Outlaw ho chuan engmah hlauhna chang pawh hre loin inchhungah chuan card khel turin an in hawrkhawm nghal tuau tuau ta mai a. An bengchheng tlangin an hlim ham ham hlawm kher mai le!
Brooken a chuan a nupui leh a fate zawng zawng an awm lo vek tih a hriat chuan a ang ta tun tun a, a rawl rin danah chuan a thinrim hle ani tih pawh a hriat mai a.
Morgan a te pahnih khan an that fai vekha angai pawh ani mai thei le!
Nakin lawkah chuan outlaw pahnih te chuan thil mum pel pul, barel ni awm tak hi an rawn zawn chhuak a. Mitang an dahna bulah chuan an dah ta a. Chutiangbchiah bawk chu an rawn zawn chhuak leh a, a hma a an dahna bul chiah bawkah chuan an dah leh ta a. Chu thil chu eng dang a ni lo, khawnvartui a ni.
Outlaw pakhat chuan, "Tikhan buhpawl dahna in kha hneh takin kan leih anga, card kan khelh zawh ah kan hal dawn a nih chu; an thi tur aw vel pawh hriat a chakawm tawh alawm le," ti a nuih huah huah pahin inchhung lamah an lut leh ta a. Thihna in a hual mek tih zawng hre ngat se an nui huah huah lo viau ang le.
Walden a ten an thiltum an han hriat meuh chuan an sa dun zar mai a, a tu zawk nge thinrim nasa tih pawh hriat har tak a ni. Dr Wood a leh Lucy i bakah an cowboy chhawr lak la dam zawng zawng te chu hung chhung a hal hnan an tum a nih chu! Morgan a tan chuan a thinrim thlak duh kher awm e.
Waldena lam ve thung! A hriat miah loh laia alo hmangaih ngawih ngawih awmchun, a tello a a nun khawhar ngawih ngawih, a ngaihtuah mai pawh a thi tur a a dah phal loh Lucy chungah a nunna a lo dah ve hial avangin ani pawh a thinrimna nep bik hauh lo ang le.
Card an kbel chu a n tui tlang ta hle tih ah Waldena chu tang veng tu bulah chuan a va kal a. Amah bum nan, "Amigo, engahnge hetah nula hmelṭha leh piannalh lutuk a awm ani tih kan hre reng si a, kan mipatna kan hman mai loh ang? Kab ṭhiante inchhung lumah hlim taka card an khelh laiin keini pawn khaw vawtah min duty tir a, anni ho kan hlep nan nuam kan lo leng ve chu a awm lo bik hleinem," zawi tak, fiah tak si chuan a ti ta a.
Duty pa pawh chuan, "A ni khawp mai, kha nula pian nalh leh tituai nalh lutuk, angel rawn in lar ang hrima duhawm kha kei pawhin ka it ngawih ngawih a sin," tih leh Waldena chu hmakhalh tumin kawngkhar pawh hawn chu a rual ta a.
Inchhungah a pen lut chiah tih chuan a tukkhumah Waldena chemte hriam lutuk mai chu a tlum lut ta thawih mai a. Chu veleh thawm pawh neilo chuan a bawk rup a, hremhmun lam a pan chu ani nghal ta der a, a tleitiri malmum zut turin tih theih reng a nei ta lo.
Rang lutukin Waldena chuan tang ho phuarna hrui chu a zai chat ta hmawk hmawk a. Tang ho pawh chuan mak an ti kher mai. Hmaituam ve tho si, anmahni chhan tu chu tu tak ni ang maw? Hetihlai w tangho rilru hi hriat theih ni ngat se chuan an lawmna leh mak tihna chu a inchen loh vek pawhin a intluk reng ngei ang le.
Waldena chuan tang ho chu thawm dim fe hian a be sap sap a, a mal malin a chhuahtir ta nghauh nghauh a, an ni chuan i he lo in a thu chu an zawm ve hmiah ringawt a. Gate duty lah chuan buaina siam lovin a lo chhuah tir ve zel mai bawk si a. Chutihlaia tang ho lawm tur zia chu tunge sawifiah thei awm ang ni? Thi mai tura an in ngaih tawh laiin chhanchhuak tu an nei ta tlat mai si a, anmahni man tute zing a mi ang maiim anni lah chuan hmai an tuam ve tho si. Tang ho lawm dan tur hi..! William Shakespear a ngei pawh in hrilhfiah dawn se rei ngial a ngaihtuah ve ngei a rinawm a ni.
A tawp berah Dr Wood a chu thei leh thei loin a rawn bawkvak ve ṭawk ṭawk a, Walden an a hmuh chuan a pu lawk a gate pawnah chuan a chhuah pui ta a. Walden a chuan an vai chuan a hruai zel a, thuife an kal hnu chuan thingbuk phenah tang ho a chhan chhuah te chu a thukru ta a. Silaimu leng laka lo inveng fimkhur turin a chah nghal bawk a.
Waldena chuan, "Hetah hian kan rawn kal leh hun thlengin min lo nghak ang che u," a han tih chuan a ngaihna hrelo zetin an in en he haw a.
Lucy chu rawn ṭawng chhuakin, "Min chhan chhuak tu hi tunge maw ni le..!?" a han ti ta niah niah a.
Waldena chuan, "Zawhna leh chhanna hun a ni lo, 'in mikhualpa' tih hi chhanna a ni rih mai," ti chauhin a chhang a, a tlankir leh ta hlawk hlawk a. An mikhualpa a lo nih reng chu! Kane a te pafa chu an lawm hle ang chu.(wood kane/ lucy kane/ morgan kane)
Sal tang chhuak hote chuan mak an ti hle tih an hmel aṭang chuan a hriat mai a, pakhat chuan, "Kan mikhualpa, puakruk phawirang lutuk leh hnekna lutuk kha a lo nih reng chu. Ka mi rin zawng tak a ni reng a ni." a han ti bal bal a. Waldena pawhin a sawi chu a hre hman nual a, mahse a hre tam lo kher mai; a tlanliam zui chu ani ta mai a.
Waldena leh Morgan a chu an che dun ta vat a, an mi thah pa ruang chu in hung na pawn lamah chuan anbpaih chhuak a, khawnvartui ṭin chu an khawih che ṭan ta a. Brooken an Dr Wood a te pafa leh an cowboy hal hlum a tumna ngei hian anmahni hal let an tum tlat a ni.
Kgawnvartui chu an leih baw ṭan ta a. Buhpawlah te chuan a luang zeih zuih a, bangah te chuan a theih ang ang chuan an leih zel a, in chu an zawn hual a, an leih pah ta zel a. Hneh fe chuan an leih huh ta zuih mai a. Barel khat an leih ruah hnuah pakhat dangnkha an pan phei leh a, an kuai let ṭan chiah tihah Brooken a zunram thiar tur chu a rawn chhuak ta hlauh mai le. Morgan a te pahnih a rawn hmuh chuan thinrim fe hian, "Kha engatinge?" a rawn ti tuar a.
Waldena zawk chuan, " Tang ho veng tura i tih khan a ti bua a lawm le. Amah pawh inchhunga kan nula man kha nawmsip bawl nan a hmang mek," a lo ti zaih a.
Brooken a thinrim lutuk chu a rawn tlan phei a, tang a dahna in kawngkhar a chu hawn a tum ta a. Chutih rual chiah chuan Waldena kut bawr hrawl zet mai chuan a hmaiah a rawn tauh ta chawrh mai a, Brooken a chu a thal chiang kher mai.
Chutah Waldena chuan a a' ṭhinṭhit te te a, a puakruk chu a phawi a, a puakruk chu a phawi a, a kawhmawr chu Brookena hnar ṭawk hler hlur kaw chhungah chuan a nawr lut pawp a, a kau nghal rap ta mai a, "Mister tunge ka nih i hria em?" a han ti zui ta sak a.
Brooken a chuan khur dut dut chung hian, "Hre lo..." tiin a chhang a.
Waldena chuan thutiam i ngaih pawimawh loh avangin keipawhin ka tiam angin ka rawn bawhzui ve ta anih hi," tih pahin a nawr na sauh sauh a, "Bengchheng i siam vaih chuan i tan a pawi hle ang," tiin a vau zui a, a hmai tuamna chu a phih hawng ta siah mai a.
Chu veleh Brooken a hlau lutuk leh mak ti lutuk chu a meng bial kawl kawl mai a. Chhun lam a a hlauh em em, bawkkhup meuha ngaihdam a dila ngei mai, thi tawh a a lo ngaih khan tunah a thutiam ang ngeiin a rawn um zui ta si! 'I thutiam anga i tih loh a sual i chhuah vaih chuan keipawhin ka ngaihdamna che ka sut leh nghal ang,' ti in a lo tiam lawk miau kha ani si a.
Chutah Brooken a chuan tihtheih dang anei ta lo tih hria in au vak mai a han tum a. Chuveleh rang lutuk in Waldena chuan a kut bawr lianpui chuan a ka a hupsak nghal hmiah mai a. A hmai a lo tuamna chuan Brookena ka chu a hnawh zui ta mawlh mawlh mai a. Tichuan tang ho an phuarna hrui ngei mai chuan Brookena chu an phuar ve ta hmiah mai a. Chutah khawnvartui la awmna barel ṭinah chuan an chiah bawrh mai a, buhpawl khawnvartui leih huh sa ah chuan an thawlh ta tawt mai le.
Waldena te pahnih chuan fimkhur takin khawnvartui chu a zawn a, bang vel te chu an leih ta hiau hiau mai a. Kawngka chu nasa zual bik a an leih bakah a kan kai awlsam nan vutin an chilh hnan bawk a. Chutiang bawkin hnunglam kawngkhar pawh chu an sawngbawl leh ta bawk a.
Waldena chu kawngka pui bulah a awm a, Morgan a chu kawmchar lam kawngka ah a ṭang thung a. Morgan an a hal kai chiah tih chuan hung pawnah a zuang chhuak nghal nawlh a, a lo tlan chhuak a piang thal zawt zawt turin a puakruk pahnih te chu a hum ran mai a. Morgan an kawmchar kawngkhar a hal kai chiah tih ah Waldena pawhin a tum lawk angin kawngkharpui chu a hal ve ta a. Ani pawh a hal zawh veleh gate pawn lamah a zuang chhuak ve nghal zat a, a lo tlan chhuak hmasa apiang ralpui sai in alo sai thlu nghauh nghauh mai dawn a ni.
Outlaw ho, card khel a hlim a au dar dar reng pawh chuan inkang an han hriat takah chuan ṭe chel chul chungin pawnah tlanchhuah an tum ta a. Outlaw pakhat chuan kawngkhar chu a han tlawh hawng lawp a, chutih rual chuan silai a rawn puak thawr mai a, chupa chu chhunglamah a thal ta awrh mai a. Midang te pawh chuan lawn lam chhuah chu tihchi ani lo tih an hriat chuan an inhnung lam kawngka chu ṭe chel chul chung chuan an pan leh ta a. Kawngkhar alh zuai zuai chu an bawh hawng rawp a, Morgan a puakruk chu a rawn puak ve leh ta zawih zawih mai a. A hmasa pahnih te chu an thal ve leh ta tawl a, in lah chu a kang nasa tial tial bawk si a.
Kawngkapui leh kawmchar kawngka ah chuan tlanchhuah chi a ni lo tih an hriat chuan tukverh aṭangin an zuang chhuak ta phawk phawk a, pawnlam aṭangin silai chu a puak de zawt mai bawk nen, pawna chhuak hmasa apiang chu an thi hmasa ani ta ringawt mai. Chutih lai chuan inchhungah outlaw ṭhenkhat chu na tuarin an chiau vawng vawng mai bawk a.
Inchhhung a tawm reng chu an thi tho tho dawn tih an hriatchian em avang chuan tukverh aṭang bawk chuan an zuang chhuak leh ṭhin, mahse an hmelma te chu khawi hmunah nge an awm tih hre hek lo, kahna lai tur bik pawh hrelo chuan an silai chu an hmet puak ve ta zawt zawt ringawt a, pawi a khawih lo hle mai reng a.
Tunah meuh chuan inkang chu a vung hlurh hlurh mai a. Pawna chhuak apiang lah chu an thal tawl tawl zel mai bawk si a. Inchhungah chuan thawm reng a awm ta lo a, rawn zuang chhuak lah an awm ta bawk lo. An thi kim ta tih Waldena te chuan an hre ta a. Brooken a Ranch in chu a kang hluah hluah a, an piah lawk a ramngaw te chu a em sen phut thei hial a.
Chulai hmunah chuan chhawrthlapui eng no tak zet mai pawh chuan enna reng a nei thei ta lo. Brooken a in kang khu ngun ngun chuan a énna chu a hliah hneh em a ni. Chutah ,Waldena leh Morgan a chu buhpawl dahkhawmna in ah chuan an tlan lut a, buhpawl zing a an thawlh Brooken a chu an va la chhuak leh ta a.
Waldena chuan Brooken a ka a hnawh sak na chu an phawrh chhuah sak a. "I duh tawkin i au thei tawh ang, i ṭhian mi ṭha tak tak i tih outlaw te chu warning pek nan i au nghek nghek thei tawh ang. Au phalna ka pe a che," a han tih el vel siah siah mai a.
Chutah Brooken a hlau mangang lutuk chuan aw tham deuh ṭuak hian, "Min halhlum lul suh u, in duh leh min kaphlum zawk mai rawh u," a ti ta ruai mai a.
Waldena chuan, "Nilo e, nang pawhin i mi man te chu kaphlum loa halhlum ngei i tum ani lo'm ni? Kan hnenah duhthlan tur emaw, beisei tur engmah i nei tawh lo. Beisei theih i neih chhun chu i nupui fanau te ṭha tak a enkawl tur a min ngen a ni ringawt tawh. I tan ṭawngṭai a hun khawp mai," a tihsan ta hmiah mai a.
Brooken a chuan, "Ka rawn thlen hmain in that vek hman ani lo'm ni?" Mak ti hmel tak hian a han ti he hu a.
Waldena chuan, "Nang ang a mi pawisawilo kutthlak ching ka ni ve hleinem," a lo tihsan mai si a.
Morgan a thinrim lutuk insum zo lo chuan, "Brooken, Ka nû i that a, kan bawng pawisawi thei hlei lo tei that ṭeuh bawk a, i chung a hremna lo thleng mek pawh hi i tan chuan a la nep lutuk hret ni hialin ka hria," a rawn ti ve ta bawrh bawrh a. Chutih rual chuan a hmaituamna chu a hlip ve ta nghal a. Brooken an Morgan a hmel a han hmuh takah chuan hlau tih hriat zetin a meng phar nasa kher mai le!
Morgan a vek chuan, "Kan ranch neih ilo tum chu i neilo chiang kher ang chu! Kan ranch saw outlaw ho leh ramhuai ho pawng tal mai mai nan chuan i hmang dawn lo," nuihsawh fe chung hian a ti leh ngat a. Chutah an in hal pawh kha a kang rem deuh duk tawh a, buhpawl dahna in chu a kang kai ve ṭep tih ah chuan an kalsan ta hmiah a. Brookena hlau mangang chu a au ruai ruai a. Anni lah chuan an ngaihsak lo em em mai lehnghal a. Hre awm pawhin an lang lo! Chutah an hmai chu an tuam leh a, an sakawr dahna lam chu an pan a, an zuangkai nawlh a, Lucy te awmna chu an pan ve ta a.
An va thlen chuan tang ho chhuak leh ta te chuan mak tih hmel takin an lo thlir ṭhup hlawm a. An tirilah chuan hlauh rukna an la nei tih an hmelah chuan a hriattheih bawk a. Lucy bawk chu a rawn ṭawng chhuak leh hmasa ber a, "Kan in kan pan nghal mai dawn em ni?" a han ti a.
Morgan a chuan, "In i nei tawh hleinem," alo tihsan ve ta hmiah a.
Chutia Morgan an a rawn tih takah chuan cowboy pakhat chuan, "Morgan a ani chiang mai, a aw aṭangin ka hre mai," a lo ti a.
Chuveleh Morgan a pawh chuan, "I hre dik e," tih pah chuan a hmai tuamna chu a phih thla nghal a. Morgan an chutia a hmai tuamna an phih hlim meuh chuan mak an ti lutuk chu an ri ta hlut hlawm a, an lawm bawk si a.
Chutih lai chuan Walden a pawh chuan a hmai tuamna chu a hlip ve ta bawk a. Misual tuten emaw an chhanchhuak ni a an lo inngaih laiin Morgan a leh Walden a an lo ni reng mai chu mak an tih hmel hlawm kher mai.
Chutia hlim em em a an rik hlut lai chuan an piah lawk a Brooken a awmna buhpawl dahna in chu a kangkai ve ṭan ta a. Hneh tak a khawnvartui leih ani bawk a, a kai nghal hluah mai a. Brooken a hlau mangang thlabar thawm zet chu a nasa teng tung hle kher mai. Buhpawl hlang ringawt pawh a kan duh dawn teh lul nen, khawnvartui leih hneh em em ani lehnghal a, a alh nasa ngiang reng a ni. Brooken a chu a ṭe rawng rawng a, a aw chu a zawi tial tial a, a ri hriattur pawh awm lo chuan a thamral ta a.
In kang a han rem fel meuh chuan khua chu a lo var ta der mai a. Morgan an a pa khup hliam a han hmuh meuh chuan a hmelah thinrimna hlir a lo lang a. Mahse thinrim hrik thlakna tur dang awm ta si hek lo le, a pai dai ve ta mai mai a.
Chutah Dr Wood a chu cowboy ho chuan an zawn haw ta a, in anva thlen meuh chuan an mittui a sur zung zung hlawm a. A hma a in nuam tak leh mawi tak, hlimna hmun ni ṭhin kha meivapah a lo chang zo ta si a. A sira bunk-house leh sakawr in te erawh chu a lo kang ve lo hlauh a, a ngai ngaiin alo la awm ṭhiap a. Kangmei laka inthiar fihlim tumin sakawr huanga sakawr te chu an lo tlanchhuak vek hi a lo ni a.
Dr Wood a khup ruh sawp avangin damdawi in a uluk taka enkawl angai dawn ta si a, tichuan sakawr tawlailirin Elpaso khaw lam an panpui ta nghal a. Dr Wood a chu cowboy pakhat leh Lucy chuan an va hruai a, an kal liam hnu chuan an cowboy thita te ruang chu phum turin an buatsaih ta nghal a.
Waldena chuan a uipa chu a han ko a, mahse Billy hmel reng reng hmuh tur a awm ta tlat lo. A han koh nawn leh ṭhin pawhin a reh vawng vawng ta mai a. Uisathiam fing leh huaisen tak kha khawnge a awm tak? A pu phatsanin a tlanbo ta mai emni zawk ang? Chu zawng rin har tak a ni.
Waldena chuan a zawng kual ta thuak thuak a, an piah fe ah chuan englai mah a phatsan ngai lo tu, a nunna vawi tam tak lo chhanchhuah sak tawh tu Billy chu nikhaw hrelo chuan alo let reng mai a. Waldena chu a ṭhianpa billy a bulah chuan a ṭhingṭhi nghal rap a, zah tak leh duat tak chuan a pawm kang a, a han enchian nak chuan a li leh hmui vel chu a lo chik hrup a. A ke hma pahnih chu chinghne seh tih hriat tak hian a chik nuk a, a nghawng te chu a kak diai duai bawk a.
Billy a meuh a han thi ta chu Waldena pawh a insum zo ta ngang bik lo, a biangah mittui a luang ta zung zung a. Chutah mittui tla zung zung chung chuan an hawi vel ruai a, abpiah lawkah chuan chinghe pahnih hrawl zet zet mai chu an lo thal ve reng a. Ui huaisen leh chak zet mai billy a seh chu tuar bik lo in an lo thi khawng ve reng mai a lo ni a, a pu lah chu misual ho phiangsen vangin a thang bo daih a ṭul si!
*
Tichuan Billy a chuan Mrs Kane(Morgan a nu) ruang chu vengin a mah aia lian daih chinghne pahnihten ei an rawn tum chu phal loin a nunna hial chan phah khawp leh tlanchhe miah loin a lo do let ve ṭang ṭang a, Mrs Kane i ruang chu a hum him ta anih chu!
*
Cowboy ho chuan mitthi ruang te chu phum nan chuan thlam chu an lai ta sauh sauh a. An laih zawh chuan annpi ngilnei tak leh an ṭhiante ruang chu thawhlehni hma zawng a hmu leh ngai tawh lo turin piallei thuah riat karah an thlah liam ta a. Bully a thlan tur pawh chu thuk takin an lai a, an phum ve ta thlap a. A thlan lungah chuan ti hian Waldena chuan a ziak ta a.

' *_Billy, John Waldena ṭhianṭha leh rinawm ber, hlauhawmna leh a sur a sa hnuai pawha phatsan ngai lo tu leh sahrang hlauhawm leh hmelma hlauhawm tak tak lakah pawh Waldena nunna venghim ṭhintu chuan October 21 ni hian khawvel a chhuahsan ta_*'

tiin.
Han chhiar han chhiar pawh chuan ui mai ani tih reng a lang bik lo. Walden a tan chuan a hlut em avangin 'Uicho' tia ngaih mai chu a harsa tak reng a ni.

X-----------X-----------X---------X

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 17th, 2018, 11:52 am

JOHN WALDEN - The way to El-paso

Bung 4-naa

Re-typed by - Ruatmawia Jahau

Urhsun tak a mitthi ruang te an phum zawh hnu chuan Ranch In kang ral vek tawh hmunah ngai ah chiah cowboy ho chuan in din leh an tum ta a. Walden a chuan Morgan a chu sakawr in ah a ko lut ta a, "Morgan, hei in in chu meivapah a chang zo ta vek si a, hetia a awmna chhan pawh hi keimah vang liau liau ni pawhin ka hria. Tunah hian In hi dinthar leh ngei pawh i duhin ka ring a, chumi kawngah chuan puih theihna che ka nei tlem em em a, ka theihna awmchhun chu pawisa tlem a zawnga ṭanpui che ani chauh mai," tih pahin El-paso bank aṭanga dollar singkhat lakchhuah theihna cheque chu a phawrha, a pe ta a.

Morgan an cheque a han enchian meuh chuan a mak a ti lutuk chu hnunglamah a tawlh sawn dawrh mai a, Walden a chu a en ta tlawk² ringawt a. Chutah, "Walden i thil mi pek hi a ropui lutuk a, a lawmawm ti hle mah ila, ka pawm lo ni mai teh se," tih pahin cheque chu a hmaah chhan a theh phei leh ta mai a.

Waldena chuan Morgan a rilru ṭhatzia leh tlawm a ngaih theih zia a hriat chuan a ngaisangbta em em a. Dollar singkhat lak chhuah theih te chu lawm leh phur tak a dawn a, lawmthu hrilh mawlh mawlh zawk mai awm! Mahse chuti zozai mi pawisa han hmansak ngawt mai chu harsa a ti thung tih chu a hmelah a hriat theih mai a.

Walden a chuan, "Morgan he cheque hi la duh lo mah la, keiman pawisa chu bank aṭangin ka va la chhuak anga, i in chu ka din tho tho ang. Keiman buaipui se min ti nge, nangman i buaipui zawk dawn?" a ti ta tlat mai a.

Morgan a pawh chuan a fiamthu mai mai zawng a ni lo tih a hriat chuan Waldena chuan pawisa a pek a hnu hmanah a la buaipui zui zel tur chu ni thei ngang in a hre ta bik lo a, cheque chu a la ta nge nge a.
Chutah Morgan a chuan, Walden, i lo ropui hle mai. Gunfighter vak rawlai mai mai ah ka lo ngai che a, i lo ropuiin ka lo hresual chiang hle mai che! Pawisa heti zozai nei si, engatinge in leh lo te i benbel ve zawk loh, hemi hmunah hian eng ti tur a lo kal nge i nih reng reng min hrilh ve teh?" tiin lawmthu sawi mawlh mawlh pah chuan a ngen ta a.

Waldena erawh chuan Governor in outlaw ho man chhuahna atan a a ṭulna apiang a pawisa lakchhuah theihna cheque a pek chungchang chu engmah a sawi duh lo a. Texas Governor tirh anih thu pawh chu ansawi duh hek lo, Morgan a hnenah chuan, "Inhrilhna nikhua a la tlai hleinem, nakinah eng ti tur a lokal nge ka nih chu ka lo hriattir dawn che nia. I zawhna hmasa kha kan chhang ang che. Texas ram mai pawh ni lo, United State ah hian outlaw an pung tual tual a, mirethei te nek chepin an awm a, an chungah misualin lainatna nei lek lo in ro an rel a, an duh duh an that a. Hetih lai hian mahni inchhung lumah hausak na ringawt umin ka awm ang maw? Hnai lo e, outlaw zawng zawng hi engemaw ti tal a ka tihnep sak theih nan ka damchhungin ka bei dawn. Mi dik te dikna nek chep a awm leh tihduhdah a an awm chhung chuan chung chu tikiang turin mutmu pawh tuah lo mah ila pawi pawh ka ti lo. Ka tan chuan in leh lo benbel tum chu thil theihloh hulhual a ni.," a ti ta hmiah a.


Morgan a chuan Waldena chu ngaisang tih hriat em em hian a en reng ringawt mai a, "Walden, i chungah hian bat ka ngah ta kher mai; thihna kawng ka zawh mek lai pawhin nang chuan min hruai chhuak a, nang chu awm lo la chuan kan chhungkua hi kan thi mang pak tawh ngei ang. Nangmah avang chauhin nungsamin kan la awm a, chuta chhapah pawisa tam tawk min pe lehnghal a, ka chunga i thiltih ropui zia hi ka damchhung pawhin ka rul seng lo ang, i kal na a piangah ka zui zel tawh dawn che," a ti ta hial a.

Waldena erawh chuan, "Chu chu thiltih theih a ni lo. Ka lakah bat i nei bawk hek lo ka kalsan ang che," tih pah chuan pawnlamah a chhuahsan ta nghal a.

Morgan a chuan, "Khawnge i kal dawn?" tiin a han au zui a.

Walden chuan, "Ka hna ka thawk tawh dawn," ti chauhin a lo chhang a.

Morgan a chuan, "Ka zui dawn che," tih leh Waldena umzui chu a rual ta mai a.

Wladena erawh chuan, "Lokal suh, nakin tlaiah ka lo kir leh mai dawn a lawm," tiin a lo dang a.

Morgan a chuan makti leh ringhlel hmel deuh ang reng si chuan, "I ti tak tak maw?" a ti hau mai a. Mahse Waldena chuan a chhang tawh chuang lo a, a sakawrah a zuang kai nawlh a, a tlanliam chu ani zui ta mai a.

Morgan a leh cowboy ho cbuan thlahlel tih hriat ngawih ngawih hian an thlir zui vawng vawng hlawm a. Morgan a hnenah chuan khawnge a kal dawn tih an rawn zawt nak nak a. Mahse Morgan a chuan a kalna tur chin a hriat bik loh thu leh tlaiah a lo kir leh dawn thu in a chhang ve mai a.Chutah, Morgan a chuan, "Tunge nia in rin?" tiin a zawt hlawm a.

"Dusty Fog anih ka ring."
"Dusty Fog a chu fit 5 leh inchi 7 chauh a sang a sin, kha tiang tiat tiat ani lo."
"Will Bill Hickock anih ka ring- kei chu"
"Hickock a te chu a thi daih tawh. Dead Wood City saloon chhunga a awm laiin a hnung lam aṭangin Jack McCall an a kaphlum a ni. A kahhlum lai chuan saloon chhungah ka awm ve ngei a, 1876 August thla ah a ni leh nghal." pakhat chuan a lo ti a.
Pakhat chuan, "Hmanni ah Elpaso ah ka va kal a, John Walden an Buck a leh a hote a thah thu an lo sawi a, Waldena pawh ani mai thei asin," a rawn ti ta phawng mai a.

Cnutah Morgan a chuan, "I ring dik chiah! John Walden a chu a ngei e," a han tih takah chuan cowboy ho lawm lutuk leh hlim lutuk chuan kut an beng dar dar a. John Walden a, Outlaw rura lutuk te pawhin an lo ṭih em em ṭhin chu an lam ṭang ngei ani tih an han hriat takah chuan an hlim kher mai lee

Pakhat phei chuan, "Puakruk phawi a rang ka lo ti reng a, a phawi lai pawh ka hmu hman mang hleinem le," a rawn ti chhuak ta hial a.

Morgan a pawh chuan, "Nizan a outlaw hnung dawl tute pahnih kan lo chan lai pawhin a puakruk phawi lai reng ka hmu hman hauh lo Lungpui phenah kan ṭhu dun a, vawilehkhatah, a ding chhuak thut a, chumi rual rual chuan a kutah puakruk chu a lo hum hman reng tawh mai a, a hmetpuak nghal zawt zawt a, hmaituam te tan kha chuan chet hman ngaihna a awm lo reng reng. An bu liam nghal hlawl mai mawle! Brookena killer rawih ho a beihlai ai pawh khan pui tak a ni." tiin a han tlip a.

Tlai lama Brooken a killer rawih ho hmaa a pistol phawi pawh pawh kha rang an tih zia hahipin an sawi ani si a. Chu ai pawha a la rang cheu chu mak an ti takzet a ni. Chutah Morgan a chuan Walden a nen a an chetdan zawng zawng, a rawtna fin zia te leh misualho rawn kalna tur a an chan thu , misual lema an chan ve tak dan te nen lam khan a hrilh fai ta vek a. Anni ho chuan chilthli tla lek lekin an lo ngaithla ṭhap a. Ngaihnawm an ti hlawm kher mai le. Waldena remruatna fin zia mawlh chu aak anti a ni. A tawpah pawisa dollar singkhat lakchhuah theihna cheque a pek thu chu a hrilh ta chauh a. Chuveleh an lawm lutuk chu an zuang tawr tawr ta mai a.

Chutia an hlim em em lai chuan eisiamtu chu tukṭhuan ei tur chuan a rawn ko ta hlawm a, phur fe chuan an kal ta sang sang a.

Chutia Waldena ber an lama a ṭan taka vang leh dollar singkhat lai an han nei thei mai tur chuan a ti phut tak meuh a. An ṭhian thi ta te pawh chu an hre chang tawh lo hial a. Morgan a erawh chuan an thil tawn zawng zawng te kha a nu khan hreve se a ti em em a, a hnuk te pawh a ulh ṭeuh mai thung a.

Chaw an ei lai laih lai chuan, "Kei leh Jack leh Foreman nen kan pathumin bank ah pawisa chu kan va la chhuak anga, In sakna tur bungrua kan theih ang a tam kan rawn lei nghal anga, chumi chhung chuan midang zawngin Insakna tur hmun hi in lo thianfai dawn nja. Mahse fimkhur tak khan awm reng ula, in silai tello chuan khawiah mah in awm tur a ni lo ang," tiin naupang ber e ti lo chuan an cowboy te chu Morgan a chuan thu a han hrilh ta malh malh a.

An cowboy te pawh chuan naupang thusawi mai mai tih lam rengin an ngaihtuah bik lo, Morgan a an ngaihsanna chu a zual tulh tulh zawk a ni. Chah leh hran ngai tawh loin a pa'n a theih loh san takah chuan cowboy hl enkawl chu a hna a ni tih a hrechiang em em a, amah ngei pawh naupang te anih a in theihnghilh ve hial a.
*
Waldena khan Morgan a te a kalsan tak hnu khan a hma zan a outlaw hmaituam a kahhlum tak sakawr kha a zawng ta ngar ngar a. A kahna hmun aṭang ngei chuan a hnu a chhui ṭan a. Mahse, sakawr kha pahnih an ni a, a khawi zawk nge ni ang tih chu a hre hauh lo na a, antlandun zel erawh chuan an awmna a inhlat loang tih erawh chu a ring mai a. Ngaw karah chuan thui fe a kal hnuah phaizawl hnim hring dup hmunah chuan a va chuang chhuak ta hlawl mai a.

Chumi phaizawlah chuan bawng rual an lo tla duah duah a, chung bawmg rual te chu WK tih a inchhu vek a. Morgan a te bawng ani tih pawh a hre mai a; ram pawh an lo nei zau kher mai.

Waldena chuan sakawr hnunchu a chhui zel a, an hnu aṭang chuan sakawr pahnihte chu an kal dun ani tih pawh a hre mai a. Thui fe a kal leh hnu chuan hla tak a sakawr pahnih tla dun chu a va hmu ta a. Pakhat zawk chuan hnim a pet mual mual reng a, a pakhat zawk ve thung chuan a lam a rawn hawi vung vung thung a. Chutah an lam chu a rawn pan phei ta chhur chhur a. Chu sakawr chezia a hmuh mai a ṭang pawhin a hmuh duh ngei kha ani tih a hre thei mai a ni.

Chu sakawr chu a rawn kal hnai zel a, Waldena chu a rawn thlir ta vung vung a. Chu sakawr chuan a ke in lei a phiat sut sut a, Waldena pawh chuan a pan hnai ve hret hret zel a, aw zaidam taka be chungin a nghawngah a chul thei ta a.

Chu sakawr chuan a zin pawh alo la inbel a. Chutah Waldena chu sakawr chungah chuan a zuangkai nawlh a, bawk phek thlam chung chuan a kuah ta hmiah a. Chu sakawr pawh chuan a chung a chuang chu thin thlak tumin a zuan pui zawk zawk a, a lim zuai zuai a, a chunga mi lah chuan a ke in q kherh bet tlat mai si a.

Rei ngial thinthlak tum a a beih hnuah chuan chu sakawr chuan a chung a chuang chu thin thlak mai mai theih a ni lo tih a hre ta ani ngei ang, thlamuamg awm tak a ding vung vungin hnim chu a pet ta hmuar hmuar a. Waldena chuan chul hauh hauh pahin a be mawlh mawlh reng bawk a. A uipa hriatrengnan Billy tiin a vuah ta a. Chutah a sakawr zin nen chuanna vuah thleng ta a, a sakawr erawh chu a duh duh a awm turin a chhuah zalen ta thung a.

Tukṭhuan pawh a la ei loh avangin Elpaso khua a va kal a, a pumpui hnawh puar zai a rel ta a. A sakawr zin sir aṭang chuan kekawr leh kawr a phawrh chhuak a, a thawmhnaw hak lai a dum suit chu hlipina inthlak ta a. Chutah sam lem leh hmuihmul lem a invuah leh a, chumi hnu chuan John Waldena tlangval thothang ṭha leh chak lutuk kha, putar sam ṭuak var vo tawh leh hmuihmul pawh ṭuak var deuh chhur a lo ni ta a. Hetiang chiah hian kumhnih lai bo tawh a an ngaih chhungnkhan a lo inchei danglam ṭhin alo ni. Chutianga inchei danglam chung chuan khaw hrang hrang a fang kual ṭhin a, tumah Waldena ani tih hria reng an awm ngai lo a, bo daih tawh leh thi daih tawhah an ngai hmiah ringawt tawh mai a ni.

Putar chu sakawr chungah chuangin Elpaso khaw lam pan chuan a lim tir ta pur pur a. A sakawr thar chu a chak leh chak loh fiah nam theihpatawp a han lim tir vel chu a duh pah fawm bawk a ni. Chu sakawr chu a lo chak nangiang mai reng a. A sakawr hmasa aia a hnualsuat bikna tur reng a awm lo. A hming thar 'Billy' chu hriat bel tir thuai thuai a duh avangin, a ko deuh reng bawk a.

A tlan ngial hnu chuan Elpaso khua pawh chu a thleng dawn ruai a ni ta mai a. A sakawr pawh chu a kal muan tir ve leh ta a. Khua a va luh chuan kawtthlerah cowboy zurui fe fe an lo pai ṭiang ṭiang hlawm a; aw pawr fe fe hian an lo zai lawng lawng mai bawk a.

Chu putar(Waldena) chuan chung cowboy zurui ho chu engahmah ngai lo in a kal pel zel a, 'Mary Saloon' tih lo intarna zawn a thlen chuan cowboy pakhat hi awn fe hian a lo ding ngal mai a. "Nang putar luṭuak pa kha tuna a i chuanna kha ita ani miah lo. Ka ṭhianpa sakawr anih kha," a rawn ti ta chhek chhek mai a.

Putar chuan,"I ṭhianpa chu tunge?" a'n ti a.

Cowboy chuan, "Nang putar khan ka hnenah zawhna te chu i zawt ngam elaw,? Ka ṭhianpa sakawr i ruk a ni, a chung aṭang khan ilo chhuk vat loh chuan ka silai hian ka hnuk thla tho ang che," a ti ta chheu chheu mai a.

Putar lawh chuan a thu chu awi tak chuan a chhuk thla ve mai bawk a, cowboy hnenah chuan, "Ṭhianpa, min ngaidam ang che, he sakawr hi ka ruk ni loin ka chhar ani a, a neitu awmna min hrilh theih chuan tunah ngeibhian ka pe lehnghal ang e," a ti ta a.

Chu cowboy chuan, "Dawt te ila sawi ngam ani maw,? Ka hnek thal tawp mai ang che," tih pahin a pan hnai ta mai a.

Putar chuan, "Kha bak kha rawn pen hnai tawh suh," tih ve hmak pah chuan a kut bawr chu a puakruk kawm bulah chuan a thlakthla ta ṭhu mai a. Putar a chuan kuttum a inbeih chu a la duh rih tlat lo. A chhan pawh a inchei danglamna a sam lem leh a hmuihmul lem te chu a tla palh anga, a tih tur a tih zawh hma in an hre chhuak palh anga, a tan hnathawh a harsa zo vek dawn tlat ani.

A hma a putar chuan puakruk phawi mai a tum tih a hriat chuan cowboy pa pawh chu a ding chawt a, "Kuttum aiin puakruk mu i thlang zawk ani maw?" tih pahin a puakruk chu a phawi a tum nghal a. Mahse a hmachhawn chu putar ni loin Waldena a ni miau a, a puakruk kawm pawh a dawm hman hma hma chuan putar puakruk chu a de ta zawk mai a, a eu awrh a tuallai vaivut zingah chuan a thal ta hawl hawl mai le! Waldena a ni tih hria sela chuan miṭha awm in a awm mai mai tur a le!

Waldena hian mi thah hi a duh vang hrim hrim pawh ani chuang lo a, tuna mi erawh hi chu outlaw ngei ani tih ama ṭawngka aṭangin a hre tlat a, a that mai ta zawk ani.

Chutah putar chuan a sakawr chu a thlung ṭha te te a, a mi kahhlum tak ruang pawh chu ngaihsak zui lo chuan, saloon chhungah chuan a lut ta daih a. Chu saloon chu a lian ṭha bawk a, a duh tan zu leh chaw pawh a awm a, ṭhenkhat chuan card an lo khel mek bawk a. Chutihlai a kawngka aṭanga putar sam ṭuak var vo tawh lo lut chu tumah pawhin an lo uksak vak lem lo a.

Putar chuan Bar lam chu a pan a, whisky no hnih an tlak nghal pawp phawt a. Dawhkan awl lam chu a pan ve ta a. Bang hnuchhawn zawngin kawngka aṭanga lo lutte hmu thei tur chuan a ṭhu a. A lukhum chu kum ge hian a kuai hniam a, a lukhum parh tak hnuai aṭang chuan saloon chhunga awm te chu ngun takin a melh kual kim vek a. Pawisa khel ṭhenkhat te chu gunman sual hmel tak tak te an ni hlawm a. Ṭhenkhat te chu cowboy satliah ve mai mai te an ni thung a. A ṭhen chu Rancher tih hriat fe fe putar ve tak tak tawh te an ni nawk bawk a. Nula awmherh fe fe lah an tamin mi chiti chitang awm khawmna hmuna ni ber mai.

Saloon chhung a thlir kual vel lai chuan tirhkah pakhat hian enge a duh a zawn zawt a. Putar chuan chaw leh bawngsa a duh thu in a lo chhang a, reilote ah tirhkah nula chuan bawngsa kanro leh chaw a rawn chhawp a, antui a rawn chhawp tel bawk a. Putar a chuan tui ti fe hian a ei ta bawrh bawrh a.

Chutia chaw a ei mawlh mawlh lai chuan kawngkhar chu a rawn intheh hawng lawp a, sual hmel fe fe pathum hi an rawn lut nghal a. A hmasa ber chu sa ṭha nelh nawlh ani a, puakruka pai fual hnalh mai bawk a. A hnung ami te pawh chuan fual hnalh bawkin puakruk pahnih an pai ve ve bawk a. An rawn luhtirh aṭang rengin an thinrim sa hmel hliah hliah mai a. Chung lo lut thar te chu a lukhum parh hnuai aṭang chuan a lo hmu ru reng a. Gunfighter an ni tih pawh a hre nghal a.
(Putar ti tawh loin Waldena kan ti tawh ang.)
A hmasa ber chuan bar nghaktu putar lam chu a pan a, a awmahba ṭham chawt mai a, aw ṭeng chher chhur hian, " Pawn a ruang saw tu thah nge?" a'n ti vin tawk a.

Bar nghak tu cbuan khur dur dur chungin, "Ka hrelo.."a lo ti tham ṭuak a.

A awm a ṭham tu bawk chuan, "He saloon chhung a inbei hi anni lo emni?" a han ti leh tuarh a.

Bar nghak tu chuan, "Nilo, pawna inbei anni. Nichin lawk khan silai vawikhat chiah puak ri chu ka hria," aw khur dur dur chung chuan a ti leh a.

A awm a ṭham tu bawk chuan, "Silai rik zawh chiah a lo lut chu tunge?" an ti leh ṭhat a.

Bar nghaktu chuan ngaihtuah niawm tak hian a han ngawi vung vung a, chutah,"Sawlaia putar ṭhu saw ni ta in ka hria," tiin Waldena chu a va kawk ta a.

Lo lut thar te pathum chuan muangchang a penin Waldena lam chu an pan phei ta chhat chhat hlawm a, a hmasa fal awm loin a tlarin an phei bak bak a. Saloon chhung ri nuai nuai pawh chu khuavang kallai ang maiina reh ta duk a.

Saloon chhunga lo awm te pawh chuan misual pathum leh putar, tuitih hmel tak a chaw ei mial mial lam chu an thlir ta ṭhap hlawm a. Hetihlaia saloon chhung a awm te hi an thin hi han dek ila a phu dut dut ngeiin a rinawm.

Putar chaw ei lah chuan a lam pana mi pathum lo kal phei ṭham ṭham te chu hmu awm pawhin alang hek lo a. A chaw ei lai ringawt ngaihtuah niawm takin bawngsa kan ro te chu a la ṭhial ṭalh ṭalh reng mai a.

Putar awmna bul an va thlen chuan Gunfighter pathum te pawh chu an ding ta a. Pahnih chu Waldena hma sir deuh, dinglam leh veilamah chuan an ding a. An hotu pa ber niawm tak chu a hma chiahah a ding bawk a. An in din hlat hlawm kher mai. An pathum chuan puakruk phawi thei mai turin an inring hle vek a, an kut bawr te chu an kawng zawnah an thlak thla ṭhu vek a.

Waldena hma chiaha ding chuan, "Hello mister, ,," a han tih pawh chu hre awm pawhin a lang lo a, chaw chu a la ei mial mial mai tho a.

Chupa bawk chuan Waldena lukhum chu a phih thlak sak lawl a, chtah Waldena sam var vo pawh chu a lang chiang ta hle a. Gunman pathumte pawh chuan mak an tihhmel hlawm kher mai. Chutiang taka putar si luhlul chu mak an ti anih pawhin tu nge dem thei ang?

Waldena chuan a lukhum pawtthla tu chu rum em em hian a melh ta khui mai a. A veilama mi chu a han melh leh a, chtah a dinglam a mi. Tichuan a chaw eilai bawk chu buaipuiin a bar zawm leh nghal mial mial a. Chutiang taka a kianga ding te chu a pawisak loh avang chuan Gunman te pawh chu an thin a rim ta kher mai. Chutitaka pawisa lo tu putar chu thah an chak zek zek tawh tih an hmel aṭang chuan a hriat theih mai a.

Waldena hma chiah ami bawk chuan, "Pu a, i mawl kher mai, he khua a i rawn luh tirh phat aṭangin tual i rawn that nghal a, nungchangbmawi zirtir hlek i ngai anih hi," tih pahin Waldena chawhmeh ban lai mek Bawngsa kan chhawpna chu a pet leng lawp maia, chutah puakruk phawi inring takin a ding kak lehnghal ta ṭu a.

Chutah tih ngaihna dang awm ta hek lo, muang changin Waldena chu a ding chhuak ve ta a. Chaw ei dawhkan tlem in a nawr kiang deuh hlek bawk a. Mi pathum te chu a hmachhawn ve ta chheu chheu mai a. Waldena chu rawn ṭawng chhuak ve ta in, "Mister, tumahin ka chawhmeh eilai min la pet buak sak ngai lo. Chhar khawm leh vek tur in second thum chiah hun ka pe a che. Khat.. hnih... thum...." Chuveleh Waldena kut chu a phe vuai a, pistol a puak nghal zawt zawt bawk a. A ding leh vei lam a mi te chuan an puakruk kawm pawh dawm hman loin saloon chhuatah an tlu thal ta hual mai a.

A hma chiah a ding chuan a bawm aṭangin a pawt chhuak ve hman na a, mahse a vawnna kutruh takah Waldena silaimu in tliak rawp khawpa a rawn den ve tak bawk avangin a puakruk vhu a tan chuan a rit lam deuh ta ani ang. Chhuatah chuan a thlauh ve ta bawl mai a. A kutna chu a dawm ta vung vung a, thisen a far nghal thluah thluah bawk a. A hma a ding, putar ni mai awm tak, pistol phawirang lutuk mai chu mak ti hmel zetin kâ ho hian a en ta ngur ngur ringawt a. Waldena chuan puakruk kawhmawr la khu vang vang chu chhem kiangin a vai vir mawp mawp a, a pai ah zei fahran maiin a thawlh leh ta zauh a.

A hmaa ding pa hnenah chu, "I chawhmeh pet buak chharna turin hun thawl deuh zawk ka pe leh ang che. Second nga hun i nei. Chumi chhunga i chhar duh lo anih pawhin kut lehlam dam him pial ila nei a, puakruk ila nei tho bawk a, i duh hun hunah i chuh thei ang.. pakhat.. pahnih.. pathum.."

Chuveleh misualpa chuan a puakruk bawk chu a han chuh leh ta chut roh a. A puakruk kawm a dawm hman chiah tih chuan Waldena puakruk pahnih kaw hmawr te chuan thim makin an lo thlir leh ta heu mai le! Waldena chuan, "Mister, chu tum duh ting lo mai rawh, kan in ran hleih deuh chu ani. I nunna kha i la ngaihlu duh anih chuan ka chawhmeh i tih buak kha chhar tawh rawh le," tiin a vawi thumna atan thu chu a han pe leh ta a.

Chutah meuh zawng chu Outlaw chuan a hma a putar ding chu mi namai anihloh zia hria in hreh tak chungin ama chawhmeh pet buak ngei mai chu chhar khawm leh ta ṭuih ṭuih roh a.

Chutia chhuat a bawngsa kanro a chhar pah chuan a puakruk thlauh chu chhar a han tum khanglang leh pek a, Waldena chu a melh pah zawk a, a ni chuan hmuve awm pawhin a lang lo. Chuvang chuan a puakruk chu a chuh leh ta thut mai a.Mahse chupa chet dan chu Waldena lo rinlawk ang ngei anih avangin a puakruk pahnih chu a phawi dawk leh zawk a, dimna leh lainatna tel miah lo in silaimu pahnih chu a chaldarah chuan a thun ve ve ta hmiah mai a. Chu outlaw chuan a ṭum thumna ah pawh a la chelh khalh hman ta chuang lo a. Chiang zet chuan a thal awrh a, hremhmun lamah a ṭhian te chu a um ṭuang ṭuang ta ve ang le.

Walden a chuana puakruk mu kah ruahna chu a han thun khat leh te te a, a paiah bawk chuan a thunlut leh ta zauh mai a. Chutah tirhkah hnenah bawngsa bawk chu a lam leh a, thilthleng chu hre lo ang hrimin a chaw ei lai bawk chu a chhunzawm leh ta mai a.

Chutia chaw a han ei zawm leh thei mai pawh chu saloon chhung a mi te chuan mak an ti bawk a ni ang, an phun ru sap sap hlawm a. A puakruk phawiran zia chu hmu ṭheuh ṭheuh chu an in hrilh mawlh mawlh mai hlawm a. An sawi zawng zawng te pawh chu hreve awm pawhin a lang lo a, a chaw eilai chu a chhunzawm mial mial ringawt a.

Duhtawk a pumpui a hnawh puar zawh hnu chuan whisky a han lam zui leh zat a, anbrawn pe rang kher mai. A rawn pe tu pawh chuan ahlauh hmel hle mai lehnghal a. Waldena dawhkana whisky a rawm chhawp lai pawh chuan a kut a khur deuh dat dat mai a.
Waldena chuan aipte aṭangin churut a han phawrh chhuak a, a ṭan kai a, a pak khu ta hlat hlat mai a. Whisky chu a thli a, muangchang chuan a in ta karh karh mai a.

Walden an muang chang a zu a in lai chuan kawngkhar chu a rawn in hawng a, palian tak, a kawrawm a arsi lem inbel chu a rawn lut ta a. A hmuh phat aṭangin Elpaso khaw marshal ani tih pawh a hre mai a. A hnung chiahah chuan Gunman tih hriat tak lakhat hian a rawn zui lut ve bawk a. Waldena chuan Marshal hnunga mi chu Deputy Marshal Barria anih a ring mai a. Elpaso marshal Kenny a leh Deputy Barria chanchin hi Morgan a hnen aṭangin a hre tawh a ni.

Elpaso a a va kal hmasak ber ṭum khan Marshal hian Waldena a rawn inlar tih a hriatin a hlau deuh ani awm a ni. A Deputy Barria nen pawh an inngeih vak tawh lo ani awm e, ti a Morgan an a lo hrilh te kha a hre chhuak uaih uaih a. Chutaṭang chuang marshal Kenny chu a ringhlel ṭan ta deuh a. Morgan an 'Outlaw pakhatmah man theih a la nei lo' tih a sawite kha a hrechhuak leh a. Kenny chuan Marshal badge phen aṭang outlaw ho chu alo zawm ru reng ang e!

Chung zawng zawng a han chhuikir chuan Waldena chu a sa leh ta zar mai a. Mipuite venghim tur leh misualte umbo tura ruat marshal meuhin outlaw ho alo zawm a nih vaih chuan a va han chak dawn lo chai chai ngai em! Chu chu John Waldena ngaihdan a ni bem mai.

Marshal chu inchhungah chuan a han haw kual vel ruai a. Miruang pathum ngawt thal reng mai chu a hmu ta a. Ruang lamah chuan a kal phei a, a han en chian nak chuan; a phawk nasa hu hu kher mai. A hmel chu hlauhna leh mak tihna in a khat nghal a, mahse a inthup leh thuai a. Hmel hlim tak pu in mipui lam chu a hawi leh ta zawk a.

Mahse marshal hmela hlauhna leh mak tihna lo lang zawk kha Waldena chuan a lo hmuh hmaih hau lo a. Marshal Kenny a chu a lo rinhlelhna pawh chu a dikna laihlan ani ta! A finfiahna chauh a ni pawimawh tawh reng ni. He marshal tenawm lutuk, Marshal badge phen aṭanga mipuite leh outlaw inkara palai hna tenawm tak thawk tu hian a inawhhlumna tur thingzar a tawng ṭep tawh ngei ang. Khawvel a hnuchhui thiam ber mai John Waldenan a ringhlel ta tlat mai.

Marshal chuan mipuite hnenah chuan, "Heng ho hi tu thah nge?" a han ti a. Mahse tuman an chhang lo a, an ngawi ṭhup ringawt a, "Hnung lam aṭanga kah emni?" amah bawk chuan a han ti leh a.

Mipuite chuan, "Nilo, fair tak a thah anni," an rawn ti ta sup sup a.

"Tunge that tu chu?" Marshal chuan a hanbti leh a.

Mahse tumah chuan an chhang leh ta hauh lo a. A ruk chuan kawmchar lama bang hnungchhawn zawng a putar sam ṭuak var vo tawh, whisky in lai mek chu an melh ralh ringawt a.

Chutia an ngawih reng lai chuan; aw ring leng lawng in, "Marshal, keima thah anih kha." Waldena chuan a rawn ti ta khawl mai a.

Aw lo chhuahna lam chu an hawi nghal ṭhup a, rawn ṭawng chhuak tu chu; marshal lo rin loh leh beisei loh takin sam ṭuak var vo tawh a ni tlat mai. Marshal chuan putar awmna lam chu a pan phei ta chhur chhur a, "Engvanga that nge i nih?" a va ti ta ringawt a. Chutah Waldena chuan muang changa rawn dinchhuah ve pahin dawhkan chu a nam tawlh pah hrat a.

Chutih lai chuan marshal chu a chiai hmel kher mai. Outlaw rura lutuk tak tak te thattu chu tunah a hmachhawn ta chu a ni mai si a, zawhna a han zawt ta kher kher chu a inchhir hle ani tih a hmel aṭang chuan a hriat hliah hliah mai a ni.

Waldena chuan marshal chu hmachhawnin ti hian a han zawt ve ta ngat a, "Marshal, nang chuan a chhan min zawt a, mahse ti hian kan chhang teh ang che. Heng ka thah tak te hi misual tenawm lutuk, Outlaw vek anni tih chu nang pawhin i hriat ngei ka ring. Chuti chung pawh a an thlavang hauh i la tum a, i lainat deuh anih chuan; an hnung i zui ve nghal thei ang. Outlaw lam ṭang i nih chuan i Badge khan a chhanhim hauh lo ang che," a ti ta khawl mai a.

Marshal Kenny a chuan outlaw lam ṭang nih chu a hlauh vang nge, a hmaa ding chu a hlauh hrim hrim vang zawk? A lu thak lo pui chu a hiat ta sut sut ringawt a, chutah mipui hnenah chuan ruang te chu zawn chhuak turin thu a pe ta zawk a.

Mipui ho chuan marshal meuh, outlaw lam ṭanga putarin a han puh ti tih ta mai chu mak tih hmel zet hian an en ta hau mai hlawm a. Waldena thil hriat angbhi hreve ngat se chuan mak an ti bik hauh lo mai thei a ni.

Waldena chuan Marshal chu hanbkah thal nghal awrh mai chu a chak zek zek tawh a, mahse chiang taka a thil tihsual mal man fak tur a la nei rih si lo. Engemaw tiin a inbengdai thei ta hram a.

Marshal leh Deputy an chhuah tak hnu chuan Waldena pawhin a sakawr awmna lam chu a pan ve ta a. A sakawr Billy chungah chuan a zuangkai nawlh a, Elpaso khaw tenawm tak chu a chhuahsan ta rih a ni.

Elpaso khua a chhuahsan lai chuan ni pawh a tla dawn suar suar tawh a. Hnunglam aṭanga rawn umzuitu an awm leh awm loh mitmei zauh zauh pahin fimkhur takin a sakawr chu chak zet in a tlan tir ta pur pur a. Kalkawnga thui fe a tlan hnu chuan a peng ta a. A hnu an rawn chhui anih pawhin chhui harsa turin kawngsirah hlir chuan a tlan ta zel a.

Chutia phaizawla rei tawk a tlan hnu chuan thinghmun a va thleng ta a. Helai hmun hi Elpaso a a kal hma lawk a a kalna kha ani tih pawh a hria a. Ramngaw a thu tak a kal hnu chuan a sakawr chu a ti ding a, a chhuk a, a thawmhnaw chu hlipin a inthuamna ngai bawk chu a inbel leh ta a. A sam lem leh hmuihmul lem, ṭuak var chhap te pawh chu hlip thlain a bag ah chuana khung leh ta vek a. Tunah chuan putar kum 50 chuang lai hmelpu kha John Walden a ah a rawn inlet leh ta a nih chu!

Tichuan a sakawrah a zuangkai leh nawlh a, Morgan a tw ranch lam panin a tlantir leh ta par par a. Rei tak a tlan hnu chuan phaizawl, hnimhring duah ṭha zet hmunah chuan a chuang chhuak leh ta hlawl mai a.

Waldena chu an hawikual ruai a, hla tak a, cowboy ho lo awm sap sap na chu a va hmu a. An in rel vel chu an buai nak nak hlawm hke tih pawh a hrethei mai a. Cowboy ṭhenkhat chuan bawngrual chu an lo khalh khawm mek bawk a. Chumi lam pan chuan muang changin a kal tir ta bauh bauh mai a.

An awmna a va thlen chuan In chu an lo rel tam hman viau mai a, cowboy ho in Waldena an han hmuh chuan an phawk hau hlawm a. An hmelah chuan amah chu an ngaisang hle tih pawh a hriat theih a ni. Waldena pawhin a thang hlanin a chanchin chu Morgan an an cowboy te hnenah chuan a lo hrilh anih pawh a ring mai a.

A rin ang ngeiin cowboy ṭhenkhat chuan, "Hello, Walden i lo kir leh ta maw?" An lo ti thei nghal mai reng a.

Waldena pawh chuan nui chungin, "Heta ka lo kir leh mai lohin, awmna tur dang nei hek lo i," a lo ti ve mai a.

Zanah chuan bunkhouse ah an riak ho ta a. Zan rehah Waldena chu a tho leh a, ama riah ṭhinna buhpawl dahna hmunah bawk chuan a insawn leh ta daih a. Hlauh tur awm hran lo mahse fimkhur tluk a awm ll tih chu Waldena ngaihdan ani.

**

Chawlhkar hnih chhung Waldena chuan Morgan a te in sa chu a pui ve a. Outlaw ho man chhuahna hna lampang chu engmah a ngaihtuah bik rih lo. Dr Wood a pawh chu a lo zia awm veleh tawh viauva, mahni in lam a in enkawl turin an rawn haw ve leh tawh a. Tunah chuan Morgan a te pawhin an in sak chu an zo ve ta bawk a, ngaihngam takin Waldena pawhin a hna ngai thawh zawm a tum ve leh ta a ni.

Outlaw ho man chhuah hna thawk turin Waldena chuan Morgan a te in chu November ni 3 ah a chhuahsan a, ama inthuamdan diktak bawkin a dum suit chuan a inthuam a tichuan tukṭhuan ei kham ve leh a sakawr thar billy a chunga chuangin Elpaso khaw lam chu a pan ta a ni.

Thlasik lai ani ta bawk a, khua pawh a thiang vuk a, ni pawh a rawn tlangsang ta viau a. Waldena pawhin Elpaso khua chu a thleng veleh ṭep tawh a. Chutih lai chuan a han hawi kir a, hla taka amah rawn pan a sakawrin vaivut a palkkhuk ram ram chu a va hmu ta a. Waldena pawh chuan a sakawr chu pawt herin amah rawn pan tu chu a lo nghak ta a. A landan aṭang pawhin tualthah tum chu a ang lo tlat ani. A rawn hnai zel a, Waldena awmna hmun chu a rawn thleng ve ta a.

Waldena chuan amah rawn zui tu chu Morgan Kane a ani tih a hriat chuan mak a ti hle zawk a, "Eng ti turin nge helam i rawn pan ve?" a ti ta hau mai a.

Morgan a chuan, "Nangmah zui turin!" a ti ve mai a.

"Min zui turin engtik laiin nge ka sawm che?"

"Engtiklai mahin min sawm lo a, min sawm pawh ka ring hek lo. Dikna ngaina mi i nia, misual te i hua a, keipawhin ka hua a ni. Misualte bei turin i kal dawn tih ka hria a, i hmung ka rawn zui dawn ani." Morgana chuan a ti ve tawp ringawt a.

Waldena chuan, "Misualte bei tur chuan ila naupang hret ani, kir leh nghal rawh," a ti ta a.

"Ka kir dawn lo. Ka kir leh anih pawhin kan in chu a khamphei zawnga ka luh angai ang," Morgana chuan a ti hmiah mai a.

Waldena thung chuan, "Tlemin puakruk phawi te han zir leh deuh rih la, Waldena hnung zui i duh tak tak anih chuan ka la rawn hruai ang che. Tunah chuan kir leh la, ka hnathawh tur hi a hautakzia hre ngat la chuan mi zui hauh lovang," a han ti leh a.

Mahse Morgan a chuan, "I hna thawh tur hi a hautak tih ka hriat avangin ka zui duh che ani. Kir tur chuan min nawr lui lo mai rawh, Walden," a la ti ve ta fan mai a.
Waldena chuanhaw luih tir tum chu thil theih ani lo tih a hriat hnu chuan a thlem a thlem haw a tum ta zawk a."Morgan in chhungkaw dinhmun i hre nange? I pa a dam lova a enkawl tur in i u chauh a awm a, ipa pawhin i bula a wm chu a chak em em a, ipa hi i hmangaih amih chuan tunah hian amah enkawl turin haw leh rawh," a ti ta a.

Chutichung pawhin Morgan a chuan, "I hnung ka zui avanga kapa ka hmangaih lo anih tak pawhin ka hmangaih lo ni aai rawh se," a lo la ti ta heu mai a.

Waldena chuan, " Morgan, thi tur ringawt a ka hnung zui tur chuan ka lainat lutuk che ani. Ranch zau tak i nei a, bawng sang tam tak i nei bawk a, i tan chuan damchhung khawsakna ah engmah harsatna a wm dawn tawh bawk si lo. Ilo upa deuh anga, nupui hmelṭha tak i nei bawk anga, i nupui fanau te nen hlim takin in cheng kumkhua dawn a lawm. Chung zawng zawng chu ngaihtuah chiang la, i rilru hi thlak leh ngai ang che. Tuna i thil tih hi rilru fim takin ngaihtuah la, naupang ngaihtuahin ngaihtuah bawk lo ang che," a ti leh ta dap dap mai a.

Morgan a chuan, "Ka thil tih hi ka hria asin! Rilru fim ka hmang a, naupang ngaihtuahin ka ngaihtuah bawk lo. Eng ang pawhin min thlem tum mahla ka thu tih tlukna chu 'ka kir dawn lo' tih hi a ni tho," a la ti ta ṭalh a.

Waldena pawh chuan thlem thluk theih chi a ni lo tih a hriat hnu chuan, "I duhthlanna ani a, mi zui turin ka sawm bawk hek lo che a, ka tilui bawk lo che a, mi zui dawn anih chuan zir tur tamtak ila nei ang. Tin, misual bei turin i rintlak dawn nge dawn lo ka chhin bawk ang che. Chung zawng zawng tih nan chuan chawlhkar hnih chhung hun kan nei thei anga, zir tur leh hriattur zawng zawng pawh chumi hunchhung chuan i hneh em em tur a ni ang," a ti ta a. Chutah an sakawr an kheng tlan a. Elpaso lam pan ta lo chuan a ṭul a piang zir turin ngaw lam an pan dun ta zawk a.

Rei tak ramngaw a an kal hnu chuan hmun pakhat,thing lian pui pui in a hual khup na lai, hmun zawl nuam tak chu an va thleng ta a. A bul lawk ah chuan Zotui thiang ṭha zet mai hi a luang her her bawk a. Chulai hmunah chuan annsakawr te chu dintirin riahbuk an sual ta a. Chawhnu herah chuan an duh ang chawlhbuk an peih ta a ni.
Waldena chuan puakruk phawiran a zirtir hmasa ber a. A ni pawh chu a naupan ngaihtuahina alo phawirang ve kher mai. Kim ruk lek a nih lai aṭanga lo inzir tawh ani bawk a, Waldena meuh pawh a tluk pha thaw thang ani. Mahse, chutiang tak chuan puakruk phawi chu rang mahse a tum tak erawh chu a kap fuh khat hle thung a. Phawiran a zir phawt a chumi zawhah kah fuh theih; Morgan a pawhin a thiam chak kher mai. Ni thum lek a zir hnu pawh chuan a tum chu a ṭhelh ngai ta meuh lova. Mahse, phawiran lamah Waldena duhthu ala sam lo cheu mai a. Kah thiam chu a ṭha a, mahse phawiran a pawimawh tlat. Zing aṭangin nitlak thleng an in zirtir a, mahse phawiran lam erawh chu inzirtir theih ani vak lo a, mahni a zir chi a ni. Morgan a pawh a tuina lam ani bawk a, hma a sawn chak hle ani.

A changin eitur leh chakkhai lam in Elpaso ah an kal leh zauh ṭhin a. Chaw pawh an ei hman meuh lo achha chu ani ber e. Ni thum tal tap an zir hnuah puakruk chu dah ṭha in rifle ve thung. Silaimu an ngah tawk bawk a, an ren lo kher mai. An bul vel a sava lo fu te chu an au thlawk te te a, an thlawk lai ngat an sai thla tawl zel mai a, thiam tak an ni ta. Rifle chu zir teh vak pawh a lo ngailova, nikhat an zir hnu chuan an dah leh thei ta a.

Tunah chuan kut lawnga insual (bare hand fight) ve thung aw! An thil zir a hautak ber tur chu an ṭan ta a. Inbeihdan step chi hrang hrang an inzirtir a, miin an lo hnek a lo indan dan te, lo inven pah a khawih let dan te, zuan pah a inpet dan te, insualdan chi hrang hrang an hriat ang ang chu an inzirtir zo ta a.
A hmandan vethung, anpahnih chuan an in veh dun ta theuh theuh mai a, Walden a chuan a tham lo zek zek kher mai. An in len hleih na sa mai si a, Walden chuan na vak si si lo hian a pet tlu leh tawp thin a. Morgan a pawh in Walden an a pet tluk chang pawh chuan zam bik mai lo in rang tak in a in perh tho vat a, fim khur tak in a bei leh thina. chu tiang a chawlh kar khat zet, kut tuma in beih leh chemte hman te an in zir tir hnu chuan outlaw ho chhui chhuah hna thawk tan turin an in buat saih dun ta a.

Waldena chuan, "Tunah chuan hemi hmuna ka lo kal chhan diktak chu kan hrilh tawh ang che... " a han ti chauhva, Morgan a chuan, "kahre chak tawh teh asin," a lo ti thuai a.

Waldena chuan, "Ka lo kal chhan diktak chu, Texas Governor tirh ka ni a, Elpaso chhehvelah hian outlaw hovin camp an nei ni a hriat ani a, an hotu lawk deuh deh te pawh an hming list te nen lam ka kawl vek ani," tih pah chuan a kawr ipte aṭangin lehkha a rawn phawrh chhuak ta a. Chu lehkha ah chuan outlaw hming a inziak tlar dul mai a, chutah chuan Elpaso khua a a luh hmasak ber ṭum a a thah tak hming 'Buck a' pawh kha a tel a.

An hotu lawk zual te pathum hming chu hawrrawppui in a inziak a.JACK NORRIS, WILTON leh BUCK te anni a. Tunah chuan pahnihte chu anla awm a ni. Walden a chuan, "He mite pahnih hming hi i hre tawh ngai em?" a han ti zui a.

Morgan a chuan Wilton a hming chu hre na meuh maib .Mahse Jack Norris a erawh chu ka hriat vawikhatna a lani," ati ta a. Walden a chuan,"Wilton a chu i hmutawh em.?" Ati leh a.

"Hmu lo, Wilton a hi mi naran zing a hmu an awm pawh ka ring lo. A hming chau hi anlar hlur ringawt a ni," Morgan a chuan a ti leh a.

Walden a chuan, "Hming hran an in vuah pawh a ni maithei asin. Anmahninkan hriatchhuah phawt chuan duhleh an hming chu lo thlak sawmsarih mahse a pawina a awm hleinem. An thlalak pawh ka kawl a, an hming chu tu pawh lo in vuah kawisawi mahse, anmahni kan hmuh phawt chuan ka hai lo tawp ang," a ti leh a.

"Heng an hotu lawk zual pathum te hi an luman pawh puitham leh lawk tak a ni. An pathum hian luman pawh singkhat ṭheh ṭhawh vek annei zu nia,,," a han ti leh a.

Morgan a chuan, "Chung mite chu i man anga, an luman chu awlsam takin i tel dawn a ni maw?" a ti a.

Waldena chuan, "Awlsam te chu hnai lo mai, thih ngama beih a ngai ngei ngei ang. Kan hnathawh tur hi thih leh dam inkar ami tak meuh a ni. Inbeihna a tawp a hnehtu chan te kan chang ta hlauh anih ngai chuan kan hnathawhna rah tlem a zawngbte chu seng pawh kan la seng ve ang chu," a ti a.
Morgan a chuan, "Anih leh midang te hi..?" a ti a.
Waldena chuan,"A theih thih kan man anga, man harsa zual deuhte chu kan that phiar anga ani mai. Anmahni thah miau chuan ka duh zawk tho. An luman chu tel lo mah ila sual rawng an bawl zawm theih lohna chu ka lungawi tho a ni. Pawisa hi ka thupui ber ani lova, misual te chet dan tih tawp hi ka thupui ber zawk chu a ni," a ti ta a.

Morgan a chuan Outlaw ho hming inziak tlar tuarh zing a number 6na hming hnuaia pentuisena inthai rin kalh chu kawk in, "Hei parukna Joel Dickens a hming hnuaia i thai hi enge a awmzia.?" A han ti a.

Waldena chuan, "Joel a kha maw.? Kha kha Elpaso ka rawn pan chhan ber No 1 chu anih kha. A luman atan pawh Dollar singkhat lai an chhiar ve asin," a han ti a.
Morgan a chuan, "Joel a chu khawi a mi nge..?" a ti a.

"San Antonio khaw chhuak ani a, ama pa leh San Antonio khaw sheriff that tu a puh ani," a ti a.

Morgan a chuan, "I man anga, a luman dollar singkhat chu i nei dawn ani maw.?" a ti leh a.

Mahse Waldena chuan, "Teuh lo mai, mi diktak te luman ka tel dawn lo, Joel a ang a mi khawngaihthlak hi khawvelah annvang viau ang," tih pahin Joel a chanchinchu a hrilh ṭan ta a.

**
"San Antonio ah apa leh shariff that tu ah puh ani a; United states sorkar chuan dan pawn ah hnawlin amah man thei tu hnen apiang aah dolar singkhat pek turin thua chhuah ta a thlalak te nenlam an tar chei chuai mai mawle," tiin Joela thlalak chu Morgana a han entir ve nghal a. Chutah han sawi chhunzawm zelin, "A hmel han en mai chuan mi ṭhatak hmel pawh a pu a, kumhnih chhung chu ramngaw ahbhlir ka hun ka hmangral deuh thaw a. Ramngaw a kumhnih dawn lai mai mihring hmel pawh hmu mumal lova ka awm hnuah nikhat chu ka ram vak haw, ka buk ka va thleng ṭep tawh tih chuan ka buk bul a sakawr inthlung chu ka va hmu ta mai a.

"Tichuan ngaih ṭha vak lo chung chuan buk chhungah tunge awm tih hriat tumin hnimbuk phen aṭang chuan ka enthla ta ran mai a. Chutah rawlthar zen thlerh thlawrh, hmelṭha fe mai chu ka buk kawngka ah chuan a rawn dingchhuak ta a. Tunge tih lah ka hre si lo, a la naupan hmel si. Engti tur a lo kal tak ni ang maw ti a ka ngaihtuah lai chuan chu rawlthar hmelṭha zet mai chu ramngaw khawk rum rum khawp a ring hian mi pakhat a au ta nghek mai a.." a thusawilai ti tawpin Morgan a hnenah chuan, "Tunge a auh i rin..?" a han ti leh rih a.
Morgan a chuan, "Rin ngaihna thlawt ka hre lo ve," a lo ti a.

Walden a chuan, "Ka hrilh ang che, chutia a auh chu keimah hi ka ni," tiin a thusawi ngai bawk chu a sawi zawm leh ta a.

Waldena chuan, " Ring zet zet chuan vawinga lai chu min au ta a mah se ama aw thangkhawk bak engmah chhanna a hmu thei si lo. Keilah chuan a chhan hre hmasa lova han eih ngawt chu ka lo duh bik si lova. Chutia beidawng hmel deuh a a awm a, tumah chhang tu aneih tak lohah chuan a han 'huiha' pap a, a hmaia thlanfim lo luang zawih zawuh te chu a kutin a hui pawk pawk ṭhin a. A hmelah chuan mangan la leh lungngaihna hlir hi a khat tawh a ni.

"Chutia a mangang hmel leh ṭanpui ngai em em hmel ka hmuh takah chuan ka khawnvaih ta riau a, mahse va inlan ngawt chu amah ka hriat mi ani bawk si loh avangin tih chi ani mgawt bawk si lo. Rilru chiai tak chung chuan ka thlir reng ringawt a.

"Ka thlir reng lai chuan a hmel chu ngui ta riai riai hian ka hmu a, a biangah mittui a lo luang ta zawih zawih mai a. Chutia ka en reng lai chuan, a kut chu chunglamah a phar chhova, van lam hawiin tawite hian a ṭawngṭai ta a. Chuta aṭawngṭai thu chham te chu tun thleng hian ka bengah a la cham reng asin. ' Aw pathian khawvelah hian dikna a roreltu an awm thlawt lovem ni.? Mi dik tak te leh ṭanpui ngai te ṭanpui tura i ruat John Waldena lah chu a bo tawh si a, ṭanpui tu ka van ngai tak em! Aw Pathian, nang chuan tualthattu chu i hria aṭ ka pa thattu pawh i hre si a..' tiin;

"Chutia a han ṭawngṭai chuan ka rilru chu mak tihna in akhat nghal a. Chu tlangval naupang tak chu a pa thattu a puhin a lu an zuar anih ka ring ta a. Tupawh ni se chu tlangval kgawngaihthlak tak chu dawt a an puhna lak ata chhanchhuah chu ka hna a ni ta ani. Kumhnih dawn lai tih tur pawh nei lovin ka thang bova, a chang changin putar lem a changin khaw chhungah ka lut zeuh zeuh ṭhin a.ka awmdan chu ka ning thawkhat ta bawk a, chu tlangval chu chhanchhuah ka tum ta ani.

"Ka sakawr awmna ka pan vat a, ka incheina thawmhnaw chu ka inbel a, ka buk chu ka pan ta a. Chu tlangval chuan mi hmuh veleh a cir zawk a, a piakruk chuan min lo tin hman reng tawh mai a. A hma in puakruk chu a keng sa lo tih chu ka hrechiang si a, a puakrimuk phawi lai reng ka hmu hman lo. Chutia mak ti hmel tak a ka din reng lai chuan, "Ka pu enge i duh?" Dam thlap, chang angreng tak si chuan mi zawt ta a. Keichuan, "Kha kha ka in ani." tiin ahnung lama ka chhawlbuk chu ka kawk ta a.

"A ni chuan 'animaw, ka hrelo ani, min ngaidam rawh ' tih pahin Puakrimuk a mi la tin reng chung chuan a tawlh ve ta zel a. Absakawr awmna a tawlh thlen chuan "heihi i in ni mahsereilote chhung chu ka thu i awih ve angai ang. Ka tibuai che hi a pawi ka ti khawp mai, mahse a ṭul miau si a ni. I lu chung lamah i ban phar la, tuna ilo kalna lamah khan ban phar reng chungin kir leh rawh,' mi la tin reng chung chuan a ti ta mai a. A chetdan chu mak ka tih em avangin ka la ding ta reng thova, "kapu khawngaihin ka thu zawm rawh, thah che chu ka duh lo ania' vin tak si, mangang hmel tak bawk chuan a ti leh ta a. A hmela thutakna leh kalsawn tur a min duhna ah chuan banphar chungin ka kir leh ta ani.

"Thui vak lo ka kal hnu chuan ka han hawikir a, tumah ka hmu ta hauh lo mai a, sakawr tlan ri lah ka hre hek lo. Mak ka ti lutuk chu ka hawihai ta reng mai a, chutah ngaih la ngam lo zan chungin ka buk lam chu ka pan phei veleh ta a.

"Ka buk ka va thlen chuan a sakawr hnu chu ka chhui ta a. Buk hnglam kawng ṭumah a lo kal ani. Chu kawng chuan khawilam nge a pan tih pawh a hrechiang bawk a, ka buk awmna tlang bawk chu a hel chhuak pawp a ni. Km hnih vel kal hnuah Sant Fe a pawh tih pawh a kut zungchal tlukin ka hre hnwh em em a. Tichuan ka bukah ka lut leh ta rih a, ka thawmhnaw ka tel a, ka sakawrah ka hlang a, amah lehkhalh tur chuan tlang bawk chu ka tan tlang a. Pumpelh aṭang chuan kawmgpui chu ka pawh ta thuai reng a.

"Kawngpuiah chuan sakawr hnuhma engmah a lo awm loh avang chuan ka lehkhalh tih pawh ka hrechiang a. A biru thei ang berah ka sakawr chu ka thlung a, thingbul phen aṭangin ka lo nghak ta ran mai a. Chutah rei pawh ka awm hmain ka mi nghah chu a rawn lang ta a. A sakawr chungah chuan fimkhur em em in a kutbawr chuan a puakruk kawm chu a vuan lo chauh rengin a chuang a. A hawiher aṭang pawh chuan a fimkhur ani tih hai rual ani lo.

"Ka tawm rukna aṭang chuan ka enzui zel a. Kawngpui a pawh veleh chuan chak zetin Santafe lam pan chuan a sakawr chu a tlantir ta per per mai a.

"Keipawh chuan ka sakawr lam chu ka pan vat a, ka umzui ve ta nghal a. Ka um fe hnuah Santafe khaw thlen dawnah chuan ka umpha ta a. Tichuan khawchhungah chuan a tlan lut a, keipawh ka lut ve ta nghal a. Santafe khaw kawtthler lai takah chuan a sakawr chu a kal tir zel a, saloon kawr a thlen chuan a chhuk a, saloonah chuan a lut ta a. Keipawh chuan chubsaloon kawtah chuan ka sakawr chu ka dintir ve ta nghal a.

"Salooon chhunga ka luh hma chuan kawngsir khawimaw laiah leh saloon bang vela lehkha in tar chuai te chu kan thlek hmasa rih te te a. Chung lehkha tarah te chuan thu inang hlir, hawrawp lian fe fe hian a inziak hlawm a. Chung thu ziak te chu hetiang hi a ni:
Joel Dickens, San Antonio a Rancher pakhat Joel Hardy a fapa chuan ama pa ngei Joel Hardy leh Sheriff a thah avangin amah man thei emaw, that thei tu apiang hnenah dollar singkhat pek a ni ang."
tih hi. Chung lehkha tarah te chuan Joel Dickens a thlalak pawh chu lian ṭha tak tak a intar kiau kuau hlawm a.

"Chu thlalak chu tun a ka zui mek, saloon chhunga lut ta ngei kha ani tih ka hriat chuan Joel Dickens a dinhmun hlauhawm zia pawh ka hriatpui ta kher mai. Chutah ka buk pawn a mi lo sawngbawl vel dan te kha kan ngaihtuah kir leh ta a, a dinhmunah ding ta ila a tih ang kha keipawhin ka tih ve ngei tur a ni ang. Tin, a hmel leh ṭawng ka chhuak reng rengah mahni pa te that duh tur khawp a misualah chuan rin harsa ka ti tlat ani. An lehkha tar ka chhiar zawh chuan saloon chhungah ka pen lut ve ta ani.

"Saloon chhunga ka luh chuan mi an lo tam khawp mai a. Thlanglam bang ep chiah ṭhutna awlah chuan ka ṭhu ve ta a. Whisky lem pahin Joel a chu ka zawng ru reng a. Kawmchar lam bang ngheng chuan whisky a lo lem ve pawl pawp chu ka va hmu ta a. Saloon chhunga awm ve te pawh chuan a mahnchunhria niawm takin an melh relh relh hlawm a.

"Whisky ni hnihna a tlak chiah tih chuan salon kaqngkhar chu a rawn intheh hawng lawp a, palian zet zet pahnih hi an rawn pen lut ta a. Saloon chhunvah chuan zawn nei tih hriat tak hian an hawi kual ruai a. Joel a lam an hawi chuan an duh an hmu ta tih hriat tak hian an bu deuh zohva. Whisky an tlak deuh pap pap hnu chuan Joel a awmna lam chu an pan ta chhur chhur a.

"Chu mi te chuan puakruk phawi inring ran chuan Joela awmna lam chu an pan phei zel a. Inkahna a awm ngei dawn tih ka hriat takah chuan keipawjmh chu ka ṭang ve ta at a. Ka dawhkan kil lai chu ka nam hla deuh hrat a, puakruk phawi mai inpeih chuan ka ṭhu awn ve ta a.

"Chung mi pahnih lo lut te chu Bounty hunter (Luman a eizawng) annih ka ring nghal mai a. Joel a chu thah a, a luman tel an tum tih pawh ka hre nghal mai a. Eng vang teh hrep nge mawni, Joel a chu ka lo ṭan ru em em ringawt mai a ni, tual thattu anih ka ring thei hauh lo bawk.

"Joel a chu thah an tum anih loh vek pawhin a nung chunga man an tum anih ka ring a. Mahae an man tum dan a fair em avang chuan Joel a chu ka hlauhthawnpui bik hauh lo. A chhan chu Joela puakruk phai ran zia kha ka lo hmu tawh tlat a, ka hlauhthawn ber zawk chu an inbeih buai laiin tu emaw in Joel a chu an lo kap mai ang tih ani zawk.

"Tichuan midang lak a ta Joel a lo ven him chu ka tum ve ta ringawt a. Pakhat zawk chuan, "Joel kan man a che, i pistol kha a hrenna chawp khan paihthla la i ban phar nghal rawh. Chutia i tih duh loh chuan kan that ang che," tiin an vau ta a. Chutih rualin a kut chu a kawng zawnah a phar kak thla ṭhu ta mai a. A ṭhianpa pawh chuan chuti bawk chuan inring em em in Joel a chu an hmachhawn dun ta a.

"Chutih lai chuan kei chu Joel a te lam pawh en loin saloon chhunga midang awm ve te hlir chu ka en thung a. A chhan chu diklo tak a chet tum an awm ka rin vang tlat ani. Chutia midang hlir ka en vel lai chuan Joela pawh a raw tho chhuak ve tawh tih ka mitsirin ka hmu thei a. Joel a chu rawn ṭawngchhuak ve ta in, "Pu te u, ka puakruk paina kawnghren chu ka thih hnuah in duh leh nangmahni ngeiin inla phelh dawn nia," a ti ve ta chheu chheu mai a, a thu chuan phelh thlak mai a tum lo lo chiang hle a.

"Saloon chhung chuba reh hian a reh tlawk tkawk mai a. Thawklehkhatah mi pahnih te chuan an puakruk te chu an chuh ta thut mai a. Chuveleh Joel a puakruk pawh chu a rawn puak ta ṭhuai ṭhuai a, mi pahnih te chu saloon chhuatah chuan an thal dun ta hawl hawl mai a. Joel a chu an khalh hman lo chiang khawp mai. Chutah Joel a chuan a puakruk hnawr la khu chiai chiai chu a bawmah a thlauh lut ta zauh va.

"Chutih laiin saloon chhung kilkhat, Joel a veilam a cowboy pakhat chuan a puakruk a chuh ve ta thut mai a. Joela lahin chu chu hmu ve reng reng si lo. Ka lo rin ruk ang chiah ani a. Keipawhin ka puakruk ka chuh ve vat a, chupa chu ka kap ve ta thawr mai a. Silai kan hmehpuah takahbchuan mak ti hmel takin saloon chhunga mipui ho chuan min rawn en ṭhup a. Joela ngei pawh chuan a ngaihna hrelo zet in min rawn en he haw a, a sir lawk a cowboy pakhat lah chu a thal der mai si a. Ka puakruk chu ka vaivir pawp a, a bawmah ka thlauh lut ve leh ta mai a.

"Ka ṭhutna aṭang chuan ka thova, muang changin Joel a awmna lam chu ka pan phei ta a. Joel a chuan mak tih hmel fe hian, "Enge thil awmzia?" alo ti ha a. Kei chuan, "I puakruk a bawm a i khung rual chiah khan rawn kah che a tum ani" tih pahin ka kahhlum tak ruang bula puakruk let reng chu ka kawhhmuh pah a, ani pawh chuan mak a tih hmel kher mai.

"Ka lam a rawn hawi leh a, "Pu a, i thiltih hi i hrechiang a maw.?" Mi ti ta hau mai a. Joela vek chuan ka nunna min chhanchhuah sak a,i chungah ka alwm tak meuh ani. Mahse fimkhur erawh chu a ngai tawh deuh dawn anih kha," a tih chuan a thusawi chu za ah za adik tih kei ngei pawhin ka hre chiang ani. Joel a outlaw ka ṭanpui avangin ka dinhmun chu a ralmuang vak lo tih chu ka hria.

"Joel a hnenah chuan, ' i phawirang kher mai, i mi duh tak i zawn a ngei pawh ila hmu ngei ang,' zawi te fiah tak si hian ka han ti a. Joela chu a phu chiang kher mai. A hnung tawlh dawrh a, makti hmel fe hian min en ta reng ringawt a. A hmelah chuan min hlau deuh lek lek tih pawh ka hrethei a. Kei lah chuan ka lo nuih mai si a. Chutah Joela chuan sir zawng titih hian min rawn kal pel ta a. Hnung tawlh zawngin saloon chu a chhuahsan ta a. Reilo te ah sakawr tlan thawm pawh a awm a, a zawi tial tial a, ka hre pha ta lo a. Joela chu a him leh ta phawt a.

"Joela tlan chhuah hnu chuan saloon chhung chu a ri leh ta luih luih mai a. Mite pawh chuan min rawn en hrek hrek hlawm a. Ka tan pawh chuta awm ve reng chu a finthlak loh tih ka hriat avangin saloon chu ka chhuahsan ve ta a. Ka sakawrah ka zuang kai nawlh a, kalna lam tur pawh hre lem lo chuan ka kheng tlan ve ta ringawt a.

"Chutia ka tlan lai chuan, "Ka rilruah zawhna tam tak a lo lut a, Joela chuan engvanga Waldena chu zawng nge? John Waldena chu Outlaw dang te chuan an hlau hle si a, engvangin nge ani hian a hlauh ve miah loh? Hlauh a hnekin a au vak vak zawk si a, outlaw dang te ava ang lo em? Chutiang chuan engvanga min lo zaqng tlat nge a nih ang? Chung zawhn zawng zawng chhanna chu thil pakhat chiah a awmin ka hre ta, 'Joela hi diklo taka puh ani anga, chumi lak a ṭang a chhanchhuaknturin kei hi min rawn mamawh ta ani ngei ang' tih hi ani.

"Tichuan San Antonio lam chu ka pan ta vang vang a, ni engemaw ti ka kal hnu chuan ka thleng ta hlawl mai a. San Antonio ah chuan ka inchei danglamna zawng zawng chu ka hlip leh vek tawh a. Waldena diktak angin ka inlan leh ta a, Governor in chu ka panding nghal nal nal a.

"Governor in min lo hmuh chuan mak ti leh lawm lutuk chu a au chel chul ta mai a, mi kuah chung chung bawk a. Governor nen hian civil war laiin kan lo in hrawn hrep tawh avangin kan inhrechiang em em ani.

"Governor chuan, "i thi daihtawh emaw tih nakalaia i rawn lan leh tak hlawl mai le! Kumhnih chhung khan khawiah nge i rawl bo daih ni? Kan mamawh tehlul che nen! Mi tamtak nangmah zawng turin pawisa tam tak sengin ka lo tir tawh asin" a tih chuan engtin mah ka chhang lova, ka lo nui satliah mai a..

"Amah vek chuan, "Hnathawh tur i ngah ta hle mai. Elpaso lamah tir dawn ta che i la i duh ang em?" A ti nghal ta tawl mai a. Kei chuan thawh tur a zir ani ang chu ka lo ti awlsam ve mai a. 'Elpaso ramah outlaw rura tak tak ten caml an nei niin kan hria a, an hming te leh an thlalak te pawh ka kawl vek a' tih pah chuan thingrem aṭang chuan outlaw hming list leh thlalak tamtawk fe chu a rawn phawrh ta ṭeuhva.

"Chung ho chu ngun em em in ka en kilh kelh vek a. Joel Dickens a chanchin chu ka zawt dilchhut ta deuh bik a. Governor chuan, "Joel a kha maw, puakruk phawirang lutuk anih kha. Nangmah tluk zet a phawirang anih loh vek pawhin a nep tam bik kher lovang. Amah tin reng tu sheriff pawh a kap hna asin," a han ti a. Joela phawiran zia chu ka hriat tawh avangin mak pawh ka ti hran chuang lo. "Sheriff chuan engvanga kah tum nge anih?" tiin ka han zawt a.

"Ani chuan, 'A bulte aṭangin kan hrilh ang che. Joel Dickens a chu Rancher pakhat Joel Hardy a fapa neih chhun ani a, tukkhat chu San Antonio khaw Sheriff chuan khawlai a fang vel a, chutia a kal vel lai chuan hla tak a silai han ri ṭhuai chu a hre ta a. Silai rikna lam chu rang takin a pan ta a. Joel Hardy te in bul lawk a kal lai chuan Joel a te inchhungah chuan silai vawihnih a ri ṭhuai ṭhuai a, Sheriff chuan inchhunga zuk luh a tum a, mahse in chu a lo inkalh tlat si a, a su hawng rawp a, a lut ta a. Sitting roomah Joel Hardy a chu thi hnuangin chhuatlaiah a lo let reng a. Pu Hardy a ruang Sheriff in a enreng lai chuan Joel Hardy a fapa Joel Dickensa chu tukverh aṭangina rawn zuanglut nghal a. Joel an a puakruk a bawma a khung zauh lai chu Sheriff ngei pawh chuan a hmu hman a ni.

"Sheriff chuan, "Joel Dickens, i pa thattu a man i ni!" tih pahin puakrukin a lo tin nghal a. Mahse Joela chuan rang mankhengin a puakruk chu a phawi zawk a, Sheriff chu a kap ta thawr mai a, chutaṭang chuan a tlanbo ta nghal a.

"Silai ri hria apiang chu rawn pung khawmin inchhungah chuan an lut a. Sheriff pawh chu a lo la thi lova, amah kap tu leh Joel Hardy that tu chu Joel Dickens tih a sawi hman ṭawk a, a boral zui ta nghal mai a ni. Chuta ṭang chuan Joel Dickems chu mi pahnih laka tualthattu a puh alo ni ta a. A luman atan dollar singkhat lai chhiar ani ta ani.' a ti ta a. Chutah kei chuan, 'Tunah chuan ka thlenna tur hotel ka pan tawh rih ange. Thawh tur pawimawh tak ka nei tlat a, naktuk lamah ka rawn kal leh dawn nia,' ka ti a, Governor nen chuan kan inṭhen ta rih a.

"Chumi zan chuan hotel pakhat ah ka innghat a, zanriah eikham chuan Joel a te Ranch lam panin ka sakawr chungah ka chuang a, ka kal ta a. Joel a te in ka va thlen chuan tumah an awm lova. A reilo berah chu in chu kumhnih deuhthaw luah tawh loh a ni ngei ang tih pawh ka hrenghal a. Tichuan an ṭhenawm lawk a in pakhatah chuan ka lut ta a. Nu pakhat thau deuh hi a lo awm a, chu nu chuan min hmuh veleh phawk fe hian, 'Enge i duh?' alo ti a.

"Kei chuan, 'Ka pi, inṭhenawm te hi khawnge an awm zawh vek a?' tiin ka zawt a. Hlau deuh lek lek hian min en a, 'khawnge an awm ka hre bik hauh lo mai,' tiin aw khur deuh lek lek hian min chhang a.

"Min ringhlel deuh hlek ni a ka hriat avang chuan nelawm thei ang ber tur a awm ka tum ve ta a, 'In ṭhenawm tlangval hi ka ṭhianṭha ber ani a, naupan tet a ṭanga sikul kal ho ṭhin kan ni a," ka ti ta a. Ka dawt phuah chawp chuan hna pawh a thawk chak ngiang mai. Chu nu chuan, 'A va han pawi tak em! Joela chu tunah chuan mitthi ang a ni tawh,' a rawn ti ta a.

"Kei chuan mak ti hmel fe hian, 'chu eng i tihna nge?' Ka han tih chuan, Joela chu a pa thattu a puh anih dan leh sheriff thattu a puh anih dan zawng zawng chu mi hrilh ta vek a. Ka hriat tawh hnu mah ni sehrelo ang maiin ka ngaihthlak angai si a, chu nu in a sawi zawh chuan rilru hah hmel fe hian, 'Joela naupang nunnem tak ni ṭhin khan a pa a that tawp lovang. Dawt anih chu,' kan ti ve ta ngawt a. A ni pawh chuan, 'Kei pawhin Joela chu chutiang mi anilo tih ka hrechiang a, mahse finfiahna engmah ka nei thei si lo,' a ti zui ta niah niah a.

" 'Chhiahhlawh pakgat tal an nei lovem ni?' ka han tih chuan a ni chuan, 'Chhiahhlawh aninami ang chu! Awmpui tlangval pakhat chu an nei,' a ti ta a.

"Kei chuan, 'chu tlangval chu khawiah nge?!' ka han ti leh zel a. 'Joel a te buai hnu aṭang khan ka la hmu leh ta miah lo,' a ti a. 'Chhiahhlawh chu tunge a hming?' kan tih chuan, 'Doherty a a nia, tlangval sa ṭha tel tul a ni a, a biang a ser kuau mai,' a ti leh ta zel a.

"Chutah ka ipte a ṭang chuan lehkhabu te ka la chhuak a, Doherty tih chu ka chhinchhiah ta a. Chu nu hnenah chuan, 'Ka pi, Joel a chu chhanchhuah theih ngei ka inbeisei. He tualthah thu a mawhphurtu diktak chu an awmpui Doherty a zawk hi a ni ngei ang,' ka ti ta a.

"Chuveleh chu nu hlim em em hian a au chhuak ta rawih mai a, 'Ka beidawn hnuah beiseina thar ka nei leh ta ka va lawm tak em! Chhanchhuak ngei ngei ang che aw. Joela chu miṭha lutuk a ni si a, khawngaih takin chhanchhuak ngei ngei ang che,' a ti ta chul mai a.

"Kei chuan, 'Joela chhanchhuak thei tur chu mi pakhat chiah ani. A hming pawh John Walden a ni,' ka han tih chuan mangang hmel takin a hawi hru a, a ṭap ta zawi zawih mai a.

"Chu nu chu ka khawngaih ta em em a, 'Ka pi Waldena chu a la thi lo asin!'ka han tih takah chuan mak ti hmel tak leh mittui parawl kiang chung chuan min en ta reng mai a. 'Ka pi lungngai reng reng suh. Joela chu i hmuh hun hunah tihian hrilh ang che. Waldena chu a la thi lova, nangmah chhanchhuah tumin a bei mek tih i lo hrilh dawn nia,' ka han ngawi rih a, chutah, 'tun a nangmah be mawlh mawlh tu che hi John Waldena chu ka ni,' ka ti ta a. Pawnah ka chhuahsan nghal hmiah mai a. Ka sakawrah ka zuangkai nawlh a, ka thlenna hotel lam pan chuan ka kal leh ta a.

"Kawngkawi a ka tlan liam dawn ṭep chuan kan hawi kir a, chu nu chuan kawngka aṭangin min lo thlir zui vawng vawng reng a, ka ban ka vai lap lap a, a ni pawh chuan mi rawn vai let ve a.

"Chumi tuk chuan Governor office lam chu ka pan leh ta a. Ani pawh chuan thil tih tur ṭul zawng zawng chu a ti zung zung a. Outlaw ho man chhuah nan a a ṭul apianga hman turin pawisa lakchuah theihna tur cheques chu min pe nghal a. Tin nula laka fimkhur turin min chah ngun em em bawk a, vanneihna dawng tur a duhsakna te min hlam hnuah Governor office chu ka chhuahsan ta a. Ka chhuahsan dawn chuan amah Governor chu kan chhaih ve leh hram a, 'Joel Dickens a chu kawl bun lovin, a khel a puakruk pai fual hnalh chungin i office ah ngei hian ka lo rawn hruai ang,' ka han ti a, a ni chuan, 'engtin aaa?' a ti hu a, mahse ngaihsak tawh lovin ka kalsan daih a.

Tichuan San Antonio aṭang chuan khawthlang lamah Elpaso panin relah ka rawn chuang ngar ngar a, El-paso khaw hmar lam hretah ka chhuk ta a. Chuta ṭang chuan Elpaso chu ka rawn hmar luh ta ani," tiin Morgan a hnenah chuan thu tamtak a chanchin leh a lo kal chhan zawng zawng chu ahrilh ta mial mial a.

Morgan a pawh chuan Waldena thusawi zawng zawng chu ngaihnawm ti zet hian a lo ngaithla ve kar mai a. Waldena hnenah chuan, 'Joel Dickens chu Elpaso velah a awm i ring em ni?" alo ti vat a.

Waldena chuan, "Ring chiah love, mahse a din hmun a hlauhthawnawm em avangin Santafe velah chuan a tal rei ngam hauh lovang. Amah hrechiang tu an tam si a; Elpaso velah hi chuan outlaw ho an zalen deuh hlek a, helam hi a rawn pan vat ka ring a ni," a ti ta a.

---------------------------------------------*

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 18th, 2018, 9:46 pm

JOHN WALDEN
(The way to El-paso)

Author - Khawlhring Vanlalvena

Re-typed by - Ruatmawia Jahau

Bung 5-na (a)

The way to death

Chawlhkar hnih chhung Walden-a leh Morgan-an thil tamtak an in zirtir hnu chuan an hnathawh tur diktak thawk turin ngaw kar aṭang chuan El-paso khaw lam chu panin an inkhalh chhuak leh ta a. An hnathawh tur hautak leh hlauhawm zia hre lo ang maiin an hlimdun hle nghe nghe a ni.

Thlasik ni chhuak chu a mawi kher mai. Thing hnah vela dai tla huh king kiangte che a chhun che ser ser mai hlawm a. Chutih laiin chungleng savate pawhin an siamtu fakin an aw tawp tawpin an zai a, an chiar nak nak hlawm a.

Walden-a te pahnih chuan ngaw chu an chhuahsan fel tawh a, phaizawl hnim hring dup hmunah chuan an sakawr te chu an kaltir sauh sauh zel a. Ni a vanlaizawl dawn ta tih chuan lungpui insir khupna hmun chu an thleng dawn ta a. Walden-a chuan, "Morgan, fimkhur tluk a awm lo a nia," tih sap pahin a sakawr chu thawmdim leh fimkhur takin a kaltir dap dap a. Chutah Walden-a sakawr Billy chu a ding ta tlat mai a, chuveleh, "Morgan, i sakawr aṭang khan zuang thla nghal rawh," tih leh amah pawh chu zuan thlak a rual ve ta a.

Sakawr aṭanga a zuan thlak rual deuh thaw chuan rifle a rawn puak nghal zawt zawt a, zuang thla ta lo na sela chuan outlaw man chhuah tum thei pawhin an awm hauh lo ngei ang. An sakawr aṭanga an zuanthlek veleh an let zui nghal tawp tawp bawk a. An behchhan lungpui khawk hlawk hlawkin an la rawn kap zui zel a.

Anmahni rawn kaptute pawh chuan an rawn pawngpaw kah vak vak ringawt chu sawtin an hre vak bik lo a ni ang, an kap duh ta bik lova. Chutah Morgan-a chuan kawng chhak lam lungpui a phen sauh sauh a. Walden-a chuan kawng thlang lam a lungpui a phen ve thung a.

Morgan-a chuan, "An tlanchhe tawh a ni lo maw?" a han ti sup a.

Walden-a chuan, "Tlanchhe lo tawp ang, kan bum lawk anga, ka bum chhungin a khat mawi tawkin silai ilo hmet puak ve zauh zawh dawn nia," a han ti a. Chutah a lukhum chu a phawk a, hmawlh hmawrah a tar a, a hamwlh hmawrah a tar a, lungpui chung lamah chuan a hawlh lawr chho dat dat a. Chutah anmahni lochang tute pawh chuan Waldena lukhum lawr chho dat dat chu an hmu an ni ngei ang, mihring lu rawn lang angah ngaiin an kap leng ta lawp mai a.

Chuveleh Walden-a chu na tuar ni awm takin a ha ṭe tuar a, a thlang hnimbuk karah chuan a let thla ta hawl hawl mai a. Chutah anmahni chang tu te zinga pakhat chuan, "Pakhat phawt..." ti fuh in tih hmel fe hian a han ti lung lung a. Morgan-a awmna lam thung chu an sai zui leh ta zawt zawt a.
Walden-a chu hnim buk tawi te te zingah chuan a let thla zel a, an rawn hmuthei tawh lovang tihah chuan a ding ta a, a hmaa alo kah let ve phauh phauh na a puakruk mu kah ruahna chu a thunkhat leh te te a. Anmahni chang tute che an hnunglam aṭanga barakhaih thut turin a veh ta hriau hriau mai a.

Engemaw chen a kal hnu chuan anmahni lo chang tute awmna chu a pel fel ta tih pawh a inhre ta a. Thawmdim em em chuan a veh ta zel a, lungpui phen aṭang chuan anmahni beitute chu a thlir let ta thung a, lungpui lian deuh deuh behchhanin mi pahnih hi an lo awm reng mai a. Chutah Walden-a chuan pakhat zawk chu kahhlum a, pakhat erawh chu thu zawhfiah atana a nunna zuah rih a, kahhliam ringawt a rilruk a.

Morgan-a lam kah leh tuma an tin khiau khiau lai chuan an hnunglam aṭang chuan silai a rawn ri ta zawt zawt mai a, pakhat zawk chu a silai hum lai paih dawrh khawpin a let ta hlawl mai a. Pakhat zawk erawh chuan a silai chu dahin a ban chu a dawm ta vawng vawng a. Walden-a chuan, "Thih i duh loh chuan i ban kha phar nghal rawh," a han ti ṭhat a, chu thupek chu zawm loh chi ni ta hek lo, a ban na lo lam chu a phar ve ta vat rohva, a ban lehlam erawh chu a khai zawi hnuang a, thisen a far nguai nguai mai bawk a.

Chutah Walden-a chuan, "Engvanga min lo kap ngawt nge in nih?" a han ti vin ṭhawt a.

Chupa chuan, "Pawisa kan mamawh em a ni," khur dar dar chungin a ti ve mai a, a hmel chu hlau tih hriat zet hian a tim dui bawk a.

Waldem-a chuan, "Tu in nge pawisa a ruai che u.?" tiin a zawt leh a.

Chupa chuan, "El-paso khaw marshal m Kenny an..." a ti ve nghal ta mai a.

Chuveleh Walden-a chuan Marshal a lo rinhlehna zawng zawng chu a dikzia a hre chiang ta kher mai. "Engtinnge he mi kawngah hian kan lo kal dawn tih in hriat?" a ti leh a.

Chupa chuan, "Engmah hriat lawkna kan nei lo. Nithum lai helai hmunah hian kan lo chang tawh che u a ni," a han tih chuan Walden-a chu a lo chek tlak tlak a.

Rin loh takin a nunna chu a laksak ta mai lova, "Marshal Kenny hnenah chuan va kal la, Walden-an a hnu a chhui mek tih hrilh rawh," tiin a chah ta a. Chupa pawh chuan a beisei phak loh lutuk a a nunna a zuah sak avang chuan lawmthu a hrilh mawlh mawlh a, a sakawr awmna lam chu a pan a, ban thi hnuang chung chuan a tlan liam ta vat a.

Chutihlai chuan Morgan-a chu a rawn thleng phei ve chiah bawk a, "Engatinge i thah ve nghal mai loh?" a rawn ti a.

Walden-a chuan, "Zualko atan ka tir duh alawm," a lo ti sam then a.

Chumi hnu chuan an kal leh ta a, mahse an kalna pangai kawng chu zawh zel duh ta lovin hla takah Elpaso khua chu a lehlam atanga helin an leh luh ta daih a. Khuaa an luh chuan a thim tan deuh chhilh chhelh tawh a, kawtthler sir in atangte chuan eng a rawn chhuak raih hlawm a, saloon chhung pawh chu an bengchheng laih laih tawh kher mai.

Walden-a te pahnih pawh chu kawtthlerah chuan an kal zel a, saloon pakhat kawtah chuan an sakawr chu an tiding a, saloon chhungah chuan an lut dun ta a. Saloon chhungah chuan mi an lo ṭhahnem hle a, cowboy card khel lai te pawh an awm nuk mai a.

Walden-a chuan, "Tikhan dawhkan pakhat kha lo kil rawh, card saw ka va khel ve ang e," Morgan-a hnenah chuan a ti a. Cowboy card khel mek te chu a va fin phei ve ta nghal a, Walden-a a ni tih hria an awm lo ani mai thei!

Rei tak a khelh ve hnuah pawh Walden-a chuan a man ve thei ta reng reng lo mai a. A paih a paih ta ringawt mai a. Man theih loh vanga han thinrim ngawtna chi lah a ni silo. Chutah Walden-a chuan pawisa a man theih miah loh chhan a hre chhuak ta! A bul chiaha ṭhu chuan an card hman lai nilo, card dang a lo kawl ru reng ni in; an hman lai nen chuan a in ang chiah mai si a. A duh duh a lo lachhuak mai ṭhin hi a lo ni a. Walden-an chu chu an hriat meuh chuan a sa kher mai, "Tuna i card ken lai kha paih nghal rawh, i ti fair lo kher mai," a han tih takah chuan chu pa pawh chuan inthiam lo fe chung hian a card ken lai chu a paihthla ve ta mai bawk a.

Chutah Walden-a chuan a khelh zawm leh ta zel a, man pawh a man thei ta hle mai a. A pawisa man te chu a ipte ah a khung ta malh malh mai a, chutihlai chuan Morgan-a leh zurui pakhat in hmachhawn mek hi a va hmu ta a.

Walden-a chuan a card khelh pui cowboy hnenah chuan, "Saw mite chu an hmuhnawm dawn khawp mai," tih pahin Morgan-a te chu a kawhhmuh ve nghal a. Morgan-a te chuan an puakruk dahṭha in kut lawng hian an lo inveh theuh theuh mai hi a lo ni a, saloon chhunga midang awm ve te pawh chuan Morgan-a te hlir chu an lo thlir ṭhup tawh a.

Chutah an han inhnek ta siah siah mai a. Morgan-a chu naupang tak a ni na a, a chak ngang zawk mai. Rei pawhan la inbeih hma in Morgan-a inbeih pui pa chu a thal ta hual a, saloon kawngka bulah chuan a thal ta reng mai a.

Chutihlai chuan saloon kawngkhar chu a rawn in hawng a, Marshal Kenny chu a rawn lut a. Kawngka bul a let reng a han hmuh chuan, "Tu tih nge?" a han ti a.

Morgan-a chuan, "Marshal, keima tih anih kha," hlauhna nei map lovin a lo ti ve hmiah mai a.

Chutah marshal chuan Morgan-a chu a pan phei a, puakrukin a tin ta mai a. Morgan-a lahin kuttuma an inbeih dawn khan a puakruk chu dawhkanah a lo hnutchhiah daih mai kha a ni si a. Marshal chuan, "Tualthah thu ah ka man a che," a ti ta mai a.

Morgan-a chuan, "Tualthah thu a? Tual ka that hleinem," a ti veleh a.

Marshal chuan kawngka bula let reng chu a kawk a, "Heihi i thah ani lawm ni?" a han ti a.

Mahse Morgan-a chuan, "A thi hleinem," a ti leh a.
Marshal chuan, "Thi lo mahse buaina siam tu inih avangin ka man a che," a la ti ṭalh a. Chutih pah chuan Morgan-a cbu kawl a buntir zui ta mai a.

Morgan-a chuan, "Keimah chauh hi buaina siamtu ka ni bik hleinem, i duhleh kan pahnih hian min man ta che," a ti veleh ta kha kha a.

Kenny chuan, "Marshal ka ni a, ka duh duh ka man thei a ni," a ti ta hniah mai a.

Chuveleh saloon kil khat aṭang chuan, "Marshal, i duh duh i man thei i nih leh nih loh fiah nan Morgan-a kha hruai chhuah han tum chhin la," tih ri chu a awm ta tlat mai a. Aw lo chhuahna lam chu an hawi nghal ṭhup a, chutia rawn ṭawng chhuak ta chu tunge tih hria lah an awm hek lo.

Kenny-a chuan aw lo chhuahna lam chu a pan phei ta a, "Marshal thu pe tu chu tu nge ni?" a va ti lung lung a.

Chutah cowboy ho card khelhna zing aṭang chuan Walden-a chu a lo ding chhuak ta a. Marshal Kenny-a hnenah chuan, "Thu ka pe lo che a, i duh duh i man theih leh theih loh chu fiah turin ka ti mai zawk che a ni," Marshal chuan tunge tih a hre hauh lova, a hming chu hre tawh mahse a la hmu ngai tlat lo a ni.

Kenny-a chuan, "Marshal hnial buai ṭhat loh zia kan hrilh teh ang che. I duh hun hunah i puakruk kha i chuh thei ang," tiin a cho ta mai a.

Chuveleh rang lutukin Walden-a chuan a puakruk chu a phawi dawk zawk a, a vaivir pawp a, Marshal chu a tin ta teu mai le! Marshal chuan Walden-an a puakruk a phawi hnua a han vai vir leh chhung khan a puakruk pawh a phawi ve hman ta ve ang. Mahse, chutiang tihna chang reng a hre tawh lo, mak ti zet hian a hma ami chu a en ta ho mai a, hmuhnawm a ti ni zawk mahin a lang.
Walden a chuan, "Marshal, duh ila chuan ka that der hman tawh che a ni. Mahse dan keng kawh tu (law-man) i nih a vangin a pawng a tak chuan ka that lovang che. Morgan-a sawi kha a dik chiah a ni. Buaina siam tu zawk chu kawngka bula mu reng saw a ni. I duh chuan amah chu va man la, Morgan-a erawh kha chu phelh nghal rawh," thu pe aw tak hian a ti ve ta hmiah mai a.

Marshal Kenny-a pawh chuan amah thlir reng tu thir kawrawng, a kawtawp asuan tlang awm reng chu a nel vak bik lo a ni ang. Morgan-a kutkawl bun lai chu a phelh a, a duh loh zawk kawngka bula let reng chu hreh hmel zetin a hling ta a. Pawn lamah a hnuk chhuak ta hruah hruah a, chutah saloon chhung pawh chu a ri leh ta luai luai a. Morgan-a pawh chuan a gunbelt chu a lo hreng vemeh malh malh tawh a.

Chutih lai chuan cowboy pakhat chu ring zet mai hian a rawn au chhuak ta lar lar a, "John Walden tak tak chu a rawn inlar leh ta," a ti lang lang a. Saloon chhung chu a ri leh ta mum mum mai a, hlim em em in Walden-a chu an rawn chibai ta nuk nuk a. Nula tawih tak tak te chuan an rawn kuah a, a ṭhenin an fawp bawk a.

Mipui an rik luai luai lai chuan Walden-a te pahnih chu an chhuak ta daih a. Morgan-a chuan, "Walden, engatinge Marshal kha i thah nghal hmiah loh? Keimahni min thah theihna turin mi pahnih a rawn ruai tawh bawk a, amah kan thah chu a thiang ani lawm ni?" a han ti a.

Walden-a erawh chuan, "That ringawt ila mipuiin kan thah chhan an hriat ve siloh chuan mipui thinrim kan ngam dawn em ni?" a han ti thung a.

Morgan-a erawh chuan, "Min that tur a mi pahnih a rawn tirh thu kan hrilh mai dawn a lawm," a la ti ta zel a.

Walden-a vethung erawh chuan, "Marshal in min that tura mi pahnih a rawn tirh thu mipui hnen a hrilfiah vek chu a harsa ang. Chu bakah mipui hnenah chuan a finfiahna entir tur kan nei dawn tlat lo a ni. Pakhat zawk kan that a, pakhat zawk lah a tlanbo daih tawh bawk si a, chuvangin marshal thah ringawt chu thil tih chi a ni lo. A aia chhan ṭha zawk a la awm em em ang, hmanhmawh mah ta che," a tihsan leh ta hmiah mai a.

*****

JOHN WALDEN
(The way to El-paso)

Author - Khawlhring Vanlalvena

Re-typed by - Ruatmawia Jahau

Bung 5 (b)

Walden-a leh Morgan-a te chu nihnih lai Elpaso a an cham hnu chuan khawchhung pawh a zalen sawt ta hle a. Outlaw sual tak tak te pawhin Walden-a chu an hlauh avangin an bibo diak tawh a. Tunah chuan Elpaso pawh chu khaw nuam tak, mipui te zalenna khua alo ni leh ta a ni.

Morgan-a chuan, "Walden, i thiltih dan hi a atthlak hle ṭhinin ka hria. Outlaw ho man tum si in an hmuhah i inlar vak vak mai a, tunah chuan pakhatmah hmuh tur an awm tawh loh hi! Engtikahmah i man thei hauh lovan," lungawi vak lo hmel hian a ti nang nang a.

Walden-a chuan, "Heihi ka duhthusam zawk tak a ni. I hriat angin Elpaso khua chu lian tak a ni a, saloon pawh tamtak a awm a. Chung saloon hrang hrang a outlaw ho mankhawm kim vek tur chuan a harsa lutuk. Saloon pakhata mi kan man chhungin a dang a mite an lo tlanbo daih zel dawn a, chung ho kan um chhung chuan kan man tawh sa te engtinnge kan enkawl reng reng ang? Tani nah han khung hmiah hmiah dawn ta ila tanin hotu ber Kenny a saw misual buru lutuk a lo ni lehzel bawk si a, thi tih chi a ni si lo. Tichuan kan thah avangin an bibo vek ang a, inlar ngam lovin an camp ah an tawmin ṭhap ang a, chu chu ka duhthusam a ni. An camp a mi chu kan man phiar tawh mai dawn a ni," tiin a hrilhfiah ve ta a.

Morgan-a chuan, "An camp awmna i hre tawh em ni?" tiin a han zawt leh hram a.

Walden-a chuan, "Zawhna siam i taima reuh hle mai maw? Hmanhmawh mah ta che, an camp awmna chu kan hre em em dawn a alawm," a ham tih.chuan Morgan-a pawh a inthiamlo deuh hle a, a kun ta raih a.

Elpaso a an cham chhung ni thumna tur tukah chuan Walden-a leh Morgan-a te thlenna hotel kawngka bul a hmehrik chu a rawn ri ral ral mai a. Kawngka chu an rawn kik dawt dawt bawk a. Walden-a te pahnih pawh chu engpawh thleng dawn se inpeih sa at in kawngkhar chu an pan ve ta a.

Walden-a chuan, "Lo lut rawh," a han tih a a rawn in hawn chuan rin loh deuh maiin putar pakhat hi thaw hlawp hlawp chungin a rawn lut rawih a. Walden-an ṭhutna a lo kawhhmuh vat a. A ṭhut tawh hnuah a la thaw ta hlawp hlawp reng mai a. Walden-a tepawh chuan a hahdam deuh hum chu an lo nghak ve ta ngawt a.

A hah zualpui lutuk a zia awm deuh hnu chuan, "Ka pu, ṭanpui ingai em ni?" Walden-a chuan a ti ta a.
Putar chuan, "Ngai teh meuh mai, min puih theih chuan ka lawm khawp ang," a ti ta a.
Walden-a chuan, "Ṭanpui i ngaihna chu han sawi teh le," a ti veleh ta a.

Putar chuan a hrilh ve ta nghal a, "Kum kal ta ah khan Elpaso aṭanga khawthlang lam Jacson lamah khuan Ranch ka lei ve a, a man pawh a tlawm hle a. Ka ranch lei chu Morris-a ta ani a, mahse ranch ka lei dawn lai chuan sum ka nei bawk si lova, amaherawh chu Morris-a chuan min lo khawngaih em em a, ka tar tawh bawk si nen, ka fanu nen chauhva khawsa hi kan ni a. Kan retheihzia hriain Morris-a chuan a ba in min lei tir ta a..," am khuh kharh kharh a. Waldena chuan sawi zawm zel turin a lo hrilh a.

"Mahse, Morris-a chuan pawisa chu a rulh dik tak a rulh theih dawn loh chuan ka thilneih zing a a duh ber min chhuhsak dawn a ni tih min hrilh a,.chu pawh chu ka remti ta zel a, chu ka imremna thu chu lehkhaah kan ziak a, a hnuaiah hming kan ziak ve ve a, chu lehkha chu copy hnih kan siam a, kan kawl dun veve bawk. Tichuan ka ranch chu ka enkawl ṭan ve ta a, cowboy tlem te chhawrin bawng ka vulh ve ta a.

"Kan bawng vulh aṭanga ka pawisa hmuh chu a tlem tham hle a. Kan in enkawlna leh cowboy ho hlawh bawkah chuan dollar tlem te chauh a bang ṭhin a. Chung a la bang zawng zawng chu chuang bang awm miah lovin Jacson Bank-ah ka dah ve zel a. Tichuan ka bawng vulh te chu an lo pung ve zel a, pawisa pawh ka nei tam ve sawt viau a, a tam thei ang berin bank-ah ka dah zui zel a. Chutianga ka tih zel chuan ka leiba chu kan hun tiam chiah a ka rulh theih lohna chhan tur pawh a awm lo.
"Morris-a chu nitin deuh thaw ka inah a lo leng ṭhin a...," chutia a sawi lai chuan Walden-a chua a lo kartlak khalh leh rih a.
"Morris-a chu ranch lei tir tu chea ni lawm ni kha(h)," a han ti a.
Putar chuan, "Aw ni e.." a lo ti vat a.
Walden-a chuan, "Anih leh i thusawi lai kha sawi zawm leh rawh le," a ti leh ta a.

Putar chuan, "Morris-a chu nitin deuh thaw kan in ah chuan a lo leng ṭhin a, a lo len a piangin, 'Kan inremna lehkha kha ila kawl ṭha maw..?' tiin min zawt ziah mai bawk a. Kei pawh chuan ṭha takin ka la kawl reng thu in ka chhang mai a.

"Mahse chutia mi zawh tak ziahah chuan ka ngaih a ṭha ta hauh lo mai a, a ni lah chu a rawn leng zing telh telh mai si a. Ka bawng lah chu nitin deuhthaw a bo ta ziah mai bawk si a, tih ngaihna ka hre der si lo. Chutaṭang chuan bank-a ka pawisa dahluh theihzat pawh a thla telin a tla hniam ta zel mai ani.

Tin, Morris-a ka rinhlelhna pawh chu a zual tial tial a, amah chu ka haw ta riau mai a. Mahse ka bawng ru tu ah chuan puh ngaihna ka hre chiah si lo. Hun a lo kal zel a, ka leiba rulhna hun tur pawh a lo thleng dawn ta a. Bank-a ka pawisa neih zat chu ka hre chiang em em a, a vaia a pung te nena ka lak vek chuan ka leiba rulhna tur chu a daih tih pawh ka hre chiang a, thlaphanna reng reng ka nei tawh lo."

Chutia a sawi chuan Walden-a chuan, "I leiba rulhna hun tur chu engtik nge in ruat.? a lo ti leh zauh va.
Putar chuan, " Zanin dar sawmpahnih ral hma hi.." a ti ta a.
Walden-a chu a meng zau kawk a, "Chu pawisa chu ila rul lovem ni?" a lo ti ve leh a.
Putar chuan,"La rul lo,," a ti mai a.

Walden-a chuan, "A la hmanhmawh thlak vak hleinem. Nakin zan dar sawmpahnih thleng hun ila nei a, tunah zing dar sarih chiah a ni a, relin Jacson khua chu pan nal nal la, bank-a mi pawisa chu la la ani mai alawm. Tichuan i lo kir leh vang vang anga, zanin dar sawmpahnih rik hmain i ril hman daih ang chu," a lo ti a.

Mahse, chu putar chu a ngui ta rawih rawih thung a, "Nimin khan Jucson ah chuan ka va kal tawh," a ti ta a.
Walden-a chuan mak ti hmel deuh hian, "Tichuan pawisa chu i rawn la lo a maw?" a ti a.
"Bank-ah pawisa lak tur pakhatmah a lo awm lova, a hma zan chiahin misualin bank an lo rawk a, pawisa zawng zawng an la fai vek," a ti chuai raih a.

chutah zet zawngin Walden-a leh Morgan-a chuan mak an tih hmel ta kher mai le! Walden-a chuan, "Chu zawng a buaithlak ta deuh anih chu maw le," a ti ve ta a.

Putar chuan, "A makna lai ber zawk chu ka han hrilh ang che u. Nimin tlaiah Morris-a chu a gunman rawih nen ka inah an lo leng a, Morris-a chuan, 'kan intiamna kha theihnghilh reng reng suh, kan intiam hun chhunga min pek theih loh chuan i thil neih zinga ka duh ber ka chhuhsak dawn che a nih kha. Naktip zan dar sawmpahnih thleng hun ila nei a, chumi hnuah chuan pawisa engzata tam pawh min pek tum mahla ka pawm tawh chuang lovang' a rawn ti a, a gunman nen chuan an kal leh ta a," a han ti leh ta a.

Walden-a chuan, "Hnathawh tur dang kan neih belh leh ta anih chu," a han ti nghat a. Chutah putara hnenah chuan, "Zawhna tlem kan zawt ang che a, thudik takin min chhang dawn nia," a han ti zui a, a zawt ṭan ta nghal a.

"I ranch chu hetaṭang hian engtia hla nge?"
"Mel sawm.."
"I ṭhenawmpa Morris-a chu eng ang hmel pu nge?"
"Tlangval sa ṭha nel nul, biang ser kuau mai," a ti ta a.

Chuveleh Walden-a chu a ṭhutna aṭang chuan a zuang tho zawk a, putar hnenah chuan zawhna dang a zawt leh ta a, makti hmel deuh hian putar chu a en reng a.

"Morris-a chu chulai hmunah chuan eng hun lai aṭang tawh khan nge a chen..?"
"Ka hre chiah lo, mahse a la cheng rei vakin a rinawm loh. Bawng pawh tlem te chauh a la vulh a, a in pawh sak thar hlim hlawl anih hmel hle," a ti ta a.
"Pawisa chu lo pe thei lo ta la, engnge chhuhsak che a tum ang?" a ti leh ta a.
Putar chu a thaw halh halh mai a, "Khawvela ka thil duh ber, ka nunna ai pawh a ka ngaihhlut zawk min chhuhsak a tum a ni."
"Enge ni chhuhsak a tum che tih chu a lawm ka zawh che,?" Walden-a chuan a lo ti a.

Putar pawh chuan inthiamloh hmel fe hian, "Min ngaidam rawh, ka rilru a buai em atin ni. Morris-a chuan ka fanu hmelṭha leh duhawm tak chu min chhuhsak a tum ani," a ti ta a.

Walden-a leh Morgan-a chu makti hmel zet hian an in en he haw a, putar thusawi zawng zawng chu ngaihnawm an ti dun bawk a ni ang, mit khap nachangbpawh an hre meuh lo ani ber e. An pahnih chuan putar thil chan tur chu ho an ti deuh nge, an in en a, an nui deuh rah rah a.

Putar chuan lungawilo hmel fe hian, "In nuih a za deuh pawh ani thei. Kei erawh chuan a nuihzatthlakna lai awm rengbrengbka hre lo. Ka fanu neihchhun Kelly Corn i saw Morris-a mi chhuhsak mai mai tur chuan ka phal lo reng reng. Min nuihzat mai bak tihtheih dang min neihsak dawn loh chuan ka kal mai ang e," tih pah chuan a thova, kal a tum ta a.

Walden-a chuan a lo dawm bet vat a, ṭhutthlengah chuan a nem ṭhu leh a, "Zahngai hram rawh, kan nuihzat hleinem che le. Kan ṭanpui em em ang che. Tunah chuan rilru hlim takin haw leh nal nal la, Morris-a hnenah chuan zanin dar sawmpahnih chiah a in intiam ang a ti puitling tur chuan i hrilh bawk dawn nia. Dar sawmpahnih hma chu i inah lo awm tir reng reng suh. Dar sawmpahnih rik hmain keini pawh i inah kan rawn kal ve ang," a ti ta a. Chutah putar pawh chuan a chhuahsan ve ta a.

Putar chhuah hnu chuan Morgan-a hnenah Walden-a chuan, "He thil hi ngaih mai aiin a thuk maithei a ni. Putar ṭhenawmpa Morris-a pianhmang kha ila hre reng em?" a han ti a.

Morgan-a chuan, "Hre dawn lawm ni, tlangval sa ṭha tel tul biang ser kiau kuau," a lo ti ve vat a.
Walden-a chuan, "I hre dik chiah. A nih Joel Dickens a te chhiahhlawh tlanbo Doherty a pianhmang kha ila hria em?" a han ti leh a.

Morgan-a chuan, "Ni dawn tak e, i mi zawhna awmzia pawh ka hrethiam ta! Kha putar ṭhenawmla Morris-a inti kha Joel-a te chhiahhlawh tlanbo ta kha ani tihna ani," a ti ve ta a.

Walden-a chuan, "Ni chiah e, mahse kan la finfiah dawn chau ani. Tunah hian dar sarih leh a chanve chiah a ni a, Tucson(Jucson ti a kan lo ziah kha ka lo ti sual palh a-RJ) khua chu heta ṭang a Km 120 a hla a ni a, sakawr chuan kan thleng hman tawh lovang. Elpaso aṭanga rel chhuak hmasa berah kan kal a ngai tawh ang. Rel chu dar sarih leh minute sawmlipanga chiahah a chhuak dawn a, minit sawmpanga chauh hun kan nei ta. Chaw ei nan minit nga m, insiam nan minit nga, rel station thlen nan minit li," a ti ta zung zung a.

Morgan-a chuan, "Putara ranch kha hetaṭanga Km sawm chauh a ti si a, Tucson khua a kal enge a ṭul na?" a han ti hau mai a.

Walden-a erawh chuan vin ṭhak hian, "Zawhna in zawh hun ani tawh lo, chaw chu ei mawlh mawlh rawh," a ti tuar a, chaw ei pindanah chuan a luh san ta a.
**
Zing dar sarih leh minit sawmli ah chiah Walden-a te pahnih chu sakawrin an inkhalh chhuak ta par par a, an va thlen chuan rel chu a lo kal ṭep tawh a. Rel station bul sakawr enkawltu hnenah chuan sakawr chu an dah ta a. Chupa hnenah chuan Walden-an dollar sawm a pe a, "Ṭha takin kan sakawr te hi i lo enkawl dawn nia," a ti zui zat a, rel kal tur ri ruai ruai lam chu an pan phei ta dawr dawr a.

Rel chu a kal ṭan ta ruai ruai a, ticket han lei ve na hman awm tawh hek lo, Rel kawngkhar chu an pawt hawng rawp a, an zuang lut ve ta nghal a. Rel conductor chuan, "Ticket nei ve lo tan luh ve phal ani lo," a lo ti a. Walden-a chuan engmah sawilo chuan dollar sawm a phawrh a, Rel conductor hnenah chuan a pe a, ani pawh chuan lungawi tak chuan ṭhutna awl chu a kawhhmuh ve ta mai a.

Rel chu a tlanchak bawk a, darkar hnih chhung lekin Tucson khua chu an thleng ta der a. Station an thlen veleh Walden-a te chuan sakawr an hawh a, Bank awmna lam chu an pan zui ta nghal a.

Bank awmna an thlen chuan Walden-a te chu hman hmawh takin an lut nghal rawk a. Bank Manager room ah chuan Walden-a chu a lut nghal a, Manager in Walden-a alo hmuh chuan phawk fe hian a lo en a, ṭhutna a lo kawhhmuh nghal bawk a. Ani pawh chuan ṭhutna remfel pahin, "Hemi Bank Manager hi inih ka ring a,?" a han ti a.

Bank manager chuan, "Ni e, mahse ka van hrelo che ve..?" a lo ti let hau mai a.

Walden-a chuan, "John Walden ka ni a, Bank rawk chungchangah thubuai rawn chingfel tur a lo kal ka ni," a ti ve ta a.

Bank manager chuan rinhlelhne reng a nei ta bik lo, "I hming hi chu kan lo ralkhat hriat ve ringawt ṭhin a, tun ṭum a kan bank an rawk chungchangah pawh hian kan mamawh hle reng che asin. Enge zawhna min zawh duh te i nei em?" a ti ve nghal sawt sawt a.

Walden-a chuan, "Zawh duh che chu nei tehreng mai. Mahse Pawnah sawn ka naupang rawn hruai a awm a, i room chhungah hian lo lut ve se a pawina a wm lem em ni?" tiin an dil rih te te a.

Manager chuan, "Nang meuhin ṭha i tih chuan keini lo hnial ngam a ni dawn em ni?" nui sak pahin a lo ti ve luam a. Chutah Morgan-a chu Waldena chuan a ko lut ta a.

Tichuan zawhna chu an inzawt ṭan ta a, "Bank hi engtik hunlai vel a rawk nge ni a in hriat?" a ti a.
"Zan dar sawmpahnih vel niin kan hria,"
""Bank-ah hian tumah riak an awm lovem ni?" a ti leh a.
"Bank enkawltu chawkidar a riakṭ"
"Bank enkawltu chu an that em?"
"That lo.."
"Bank enkawltu chuan chhunglamah kawngka a kalh lovem ni?"
"Kalh vek e, mahse kawmgkhar an chhu chhia a ni,"
"An chhu chhe thawm vel chu a hre lovem ni?" a ti leh ta a.

Manager chuan, "Kawngkhar inchhu ri bur bur thawm leh silai puak ṭhuai ṭhuai ri chu a hria a, a han thawh dawn chuan mi pakhat hmaituamin alo tin reng a, a che ngam ta lo ani awm e. Chumi chhung chuan midangin pawisa dahna thingrem chu an lo chhu chhia a, pawisa awm zawng zawng chu an la fai ta vek a ni," a han ti ta a.

"Engvanga silai chu kap ṭhuai ṭhuai nge an nih?"
"Bank rawk tute chuan Bank veng tu pahnih an kap ani,"
"A ni tak maw,? A nih leh bank chawkidar chu mi eng ang nge a nih?"
"Pa te renrawn, hmai bial deuh, hang lam, sam kir chhap a ni a, a hna a tlinin a viak a ṭha khawp mai. I zawhna ka chhang em?"
"Chhang teh meuh mai. A nih leh i chawkidar chu a thlalak min entir tur i nei em?"
"Nei e, khi khi bank hnathawk tute thlalak anih khi," bang a thlalak intar tuar chu a la thla a, Walden-a chu a entir ta a.

Walden-a te chuan ngun em em in thlalak chu an en dun ta a. Chutah a bag chhung ami outlaw ho thlalak tam taka lo ah chu Walden-a chuan a phawrh ve ta bawk a. Bank chawkidar thlalak nen chuan inmil a awmem tih a zawng ta ngat ngat mai a. Mahse chawkidar pa thlalak mil chu a vang kher mai. Thlalak hrang hrang chu a enlkual zel a, thlalak sawmhnihna a en chiah chuan chawkidar pa thlalak mil, an pui chiah chu a hmu ta tlat mai le!

Walden-a chuan thlalak chu ngun zet hian a entawn ta chhen mai a. A che vel chu Manager chuan a lo thlir ve reng a. Thlalak pakhat leh chawkidar thlalak a lek tawn chhen lai chuan Manager chuan, "Kan chawkidar hi ihriat zawng mi ani elo?" a rawn ti ta hlawl mai a.

Walden-a chuan, "Ni hran love," tih pah chuan, "In chawkidar thlalak hi ka kawl thei ang em?" tiin a dil zui ta a.
Manager chuan, "I duh a thu a ni mai a lawm," a lo ti awlsam ve ta then a.

Walden-a chuan chawkidar thlalak chu a ak tel ve ta a. Manager hnenah chuan, "In chawkidar hi tunge a hming?" a han ti a.
"Jefferson-a"
"Tunah khawiah nge a awm?"
"A ma chenna in ah,"
"A chenna in chu khawilaiah nge a awm?"
Manager chuan, "Rel station bulah. Heta ṭanga kal chuan veilam sirah 'Huston Saloon' tih a lo awm ang a, chumi piah chiah a in, a bang hring, a kawngkhar chu rawngsen hnawih ani. A chiang tawk em?" a han ti a.

Walden-a chuan, "Chu aia chiang chhanna chu ka mamawh hauh lo. Anih leh manager, hei hi ka han hrilh teh ang che. I chawkidar rin em em, Jefferson-a inti hi Jefferson-a ni lovin Phoinyx khaw chhuak, outlaw rura lutuk Dennis Hock a nih hi," a ti ta mai a. Chuveleh manager chu a ṭhutna aṭang chuan a zuang tho dawrh a, dawhkan chu a chum bur bur a, a thinrim lutuk chu a ṭhen chawk chawk ta mai a.

Chutah Walden-a vek chuan, "Heihi kan hrilh leh teh ang che. He bank rawk chungchangah hian a mawhphurtu ber pawh ani mai thei. Tunah amah hmutur chuan ka va kal ta'nge," tih pahin Morgan-a nen chuan chhuah an tum ta a.

Manager chuan, "Walden, khawngaih takin i hnung ka rawn zui ve min phalsak ta che. He Jefferson a inti hian min lo va bum nasa ngai em! Keimah ngei va kal a va sawisak ka duh tlat a ni," tiin a dil ta a.

Walden an, 'i duh leh lokal ta che,' a han tih chuan phur zetin a pen chhuak ve ta nghal a. Sakawr vuakna hruihual(whip) lian tawk a keng bawk a. Bank chawkidar in lam pan chuan sakawr chunga chuangin an in zui ta theuh theuh mai a.

Kawnga an kal lai te chuan Bank manager thinrim lutuk chu ṭawng pawh a ṭawng ṭha hleithei tawh lova. A hruihrual ken chu a vai fiak ṭhak ṭhak reng tawh mai a. "Outlaw misual rura lutuk chu ka hnuaiah rinhlelh na chang reng reng hre lovin ka lo thawhpui maw ni? Bank rawk avang hian heti khawp hian ka hming a chhia a, Jeffersona inti chu ka van hlap nasa dawn ngai em," sehchilh rap rap hian a han ti ṭhin a.

Mahse Walden-a chuan Manager hnenah, "Ka thu lo chuan engmah inti tur a ni lo, ka thupek in zawm ngei ngei tur a ni ang," alo ti ta a.

Manager pawh chuan, "Ni e, zawm hram chu ka tum ang e. Mahse ka insum theilo palhang tih ka hlau khawp mai," tiin alo chhang a.

Bank chawkidar in chu an va thleng ta a. Walden an hma a hruai a, Morgan-an a dawt a, manager chuan hruihrual lianpui kengin hnung a dawl bawk a. Kawngka pawh kik hmasa chuang lo chuan an in zuilut ta ṭheh ṭheh mai le!

Inchhung an va luh chuan pa te renrawn, sam kir chhap mai leh hang rin ren chu ṭhutthlengseiah chuan a lo ṭhu a. Lehkhabu alo chhiar niap niap a. Walden-a te a han hmuh chuan hlim hmel deuh hian a rawn tho chhuak ve ta vat a. Walden-a leh Morgan-a chu chibai te a han buk a. Walden-a te pawh chuan an lo ban ve mai a, mahse an phur lo kher mai.

Bank chawkidar chuan, "Ka pu heng heng ah te enge i rawn tih ve teh tlat a.?" tiin Bank manager hnenah chuan a han ti a, chibai an tum ve zui a.

Bank Manager erawh chuan, "In chibai lo zawk teh ang," in sum tum tak hian a han ti hmak a. A aw ah chuan a thinrim zia pawh a hriat hliah hliah mai a ni.

Bank chawkidar erawh chuan Manager thinrim chu hre awm pawhin alang lo, in ti hawihhawm fe chung hian, "Coffee kan lum ang che u," an ti leh ta daih a.

Manager bawk chuan, "Coffee kan in chak love," a ti leh nghut a, a hmelah chuan an chawkidar chu hlap hrep mai a chak zek zek tih pawh a lang reng a.

Walden-a chuan Chawkidar hnenah chuan, "In ilo nei nuam hle mai, Dennis Hock," a ti nghal ta tawl mai a.

Mahse Chu chAwkidar chuan ngai pawimawh lo fe hian, "Ka hming chu Jefferson a nia, tuna i sawi kha tu hming nge?" tiin a lo chhang a.

Chutah Walden-a chuan, "Vawikhat chiah dawt min han hrilh leh teh," tih pahin Dennis Hock chu a hnek thal ta ṭhuai mai a. An inlen hleih nasa mai si a, chutah Walden-a chuan Dennis a chu a zuk ṭhingṭhit nghal a, a puakruk chu a phawi zawk a, Dennis Hock a hrawkah tak chuan a nawr ta nawk nawk mai a. "Thudik sawi itan a ṭha ber ang," a tih khum ta hmiah mai a.

Zawhte in sazu duhtawka a sawisa ang vel hi an ang ber tawh a. Chutah Walden-achuan, "Dennis ka ni lo iti maw kha(h)," a han ti leh ngat a. MahseDennis Hock a hmelah chuan zamna chhete mah a lang chuang hauh lo.

A bet zawkah a a ṭang na a, Hock a chuan hlau lo bak sak hian a rawn chhang ve ta a, "Dennis Hock a diktak chu ka ni a lawm," a rawm ti ve ta sak a.

Chutah Waldena chuan heti hian a zawt leh ta a, "Banl rawk chungchangah hian engchennge i in rawlh ve?" a han ti leh a.

Hock a chuan zep sit set lo chuan, "Inrawlh chu sawiloh keimah avanga he bank hi rawk a ni. Ka remruatna vek a thiltih a ni zawk," a ti ve sak sak ta mai a. Chutihlai chuan Bank manager chu a insum theilo teuh kher mai.Walden-a a zah vang chauhin a insum leh thei hram a.

Walden-a chuan vin deuh ṭhat hian,"Tu te nge i ṭhiante chu?" a han ti leh a.

Mahse Hock a chuan zam lo zet hian, "Ka ṭhiante tana pawi tur khawp chuan ka kâ ka ang lovang," a ti leh ta hmiah mai a.

Walden-a thinrim lutuk chuan chupa hrawkah chuan puakruk in an nawr leh nawk a, a kau nghal rap bawk a. "Ka zawhna i chhan loh chuan i thi nghal ang," a ti ta chheu chheu mai a.

Mahse Hock a chu a la zam chhin reng reng lo. "I thir kawrawng kha ka hlau eih hleinem, John Walden nangmah hi ka zawng ṭhin chu a sin. Tuna kan in tawn dan hi mipa intawn dan ani thei dawn em ni? Ka inring lo lai mi hnek a, a che fuh zawkah i ṭang ta mai chauh anih kha, John Walden! Mipa dik tak inih ngai chuan tho la, i han inbei zawk teh ang. Kuttum itih leh kuttum ani anga, puakruk i tih leh puakruk in," tiin a cho let ta chher chher mai a.

Manager chuan, "Walden, a rawtna kha pawm reng reng suh that nghal rawh," a han tih chuan rum em em in Hock a chuan a rawn melh a. Manager pawh chu a thinrim tawp a ni ang, a insum zolo chuan sakawr vuakna hruihrual a ken chuan a hlap ta ṭhuai mai a. A hmai chu a thi nghal sung mai a,mahse Dennis Hock chu chhete pawhin a ṭe chhin eih lo reng reng a.

Dennis Hock a chuan, "Walden, mipa emaw i nih ka lo ti ṭhin che a, ka chona che chu i chhang ngam dawn na'nge?" a la ti ta chheu chheu mai a.

Chutah Walden-a pawh chu a tlawmla ve ngang ni ngei tur a ni, pa te tak te, a zakzeh chen lek turin a han chona chu a thinrim hle a ni ngei ang, a ngam zia tihlan nan a thova, a ding chhuak nghal auh a. Dennis Hock a pawh chu nui sen sen chung hian a rawn tho chhuak ve ta ṭaih ṭaih a.

Walden-a hnekna avanga luhai niawm tak hian a lu chu a thing nar nar a. Manager in a hlap avanga a hmai thi ṭiam ṭiam chu a kutin an huih leh pawk a. Rum rat in manager chu a melh leh ta khai khai mai a. Bank Manager thinrim lutuk chuan han hlap leh ṭhuai a tum lai chuan Walden-an a lo dang vat a.
"Walden, i a kher mai," a ti chhuak ṭhawt nghe nghe a.

Morgan-a lawh chuan, "Walden, i thiltih kha thil atthlak tak a ni," a lo ti ve bawk a. Walden-a thinrim lutuk tawh chuan anni pahnih ṭawng te pawh chu hma hre chang tawh lo. Dennis Hock a chauh chu a melh reng tawh a.

Walden-a chuan, "Puakruk a inbeih nge i duh, kuttum a inbeih?" tiin Dennis Hock chu a'n zawt a ta a.

Ani lah chuan nuih sen sen pah chuan, "Puakruk a inbeih ka thlang zawk e," a lo ti ta chhak mai a.

Walden-a chuan thinrim mitmeng sen ram hian, "Puakruk pawh i pai loh kha,?" a lo ti vin tuar a.

Hock a chuan, "Ni reng e, ka va la ange," tih pah a bedroom lam a kal chu a tum ta mai a.

Chuveleh Walden-a chuan a chhip samah a ṭham lawk a, "Hmelvarung, mi bum te chu tum duh ting lo mai rawh," a han tih ṭhawt pahin Dennis Hock a chu a phih let dawrh a.

Chutih lai chuan Morgan-a puakruk chu a puak ta ṭhuai mai a. Dennis a chuan a ban a dawm zawk a, ,chhuatah chuan puakruk a thlauh ri ta bawl mai a. Chutih lai a Walden-a han thih teuh zia chu- A jacket chhunglamah Hock a chuan puakruk a lo pai ru reng niin! Walden-an a chhip sama a va ṭham lai tak khan a puakruk chu a lo phawi ve hman reng tawh a. Walden-a chuan a lo hmu hauh si lo. Mahse Morgan-a mitvar tak mai chuan a lo hmuh hmaih hauh mai si lova. Hock a puakruk ban na lam ban puam ah tak chuan a va kah sak ta siah mai alo ni a.

Chutah Dennis Hock a chuan Morgan- a chu haw em em tih hriat fe hian a melh ta ram ram mai a. Thawkleh khatah khek ṭhawt pahin Morgan-a chu ava zuan thut mai a. Morgan-a chuan virzawk pahin a ke artui chhah lai tak chuan a lo kick zauh a. Hock a chu chhuatah a tla hlawm thlawrh mai a, a ka aṭang chuan thisen a rawn baw nghal hak hak mai a.

Dennis Hock a chu thaw ṭiah ṭiah chungin a rawn tho chhuak leh ta a. Chhuata a puakruk let reng chu chhar tumin a han bawh leh rawp a, mahse manager chuan a lo chhir len sak veleh lawp ta si a.

Tunah chuan Dennis Hock a chu thing-lu-bul-a-zawng-dan an sawi ang mai a ni ta. Mangang fe hian a meng phi riai ta mai a, a nuih pawh a za vak ta lo ani ang, a nui hmel hmuh tur reng a awm ta lo. A hmel chu thimrimna leh huatna hlirin a khat a, a ṭhen chak chak bawk a, a rawn ṭawng chhuak ta a, "Walden, i thi ve teuh kher mai, i naupang hruai kha lo inrawlh hlauh lo phei sela chuan hremhmun lam i pan tawh ngei ang," tih pahin thip fe in Morgan-a chu a melh ta kal kal a.

Hock a vek chuan, "Walden, mi rawn chhui chhuah mai dan hi amak kher mai, hnuchhui ilo thiam hle anih hi," tih pahin luhai niawm takin a puakruk awmna lam panin a han pai phei leh at at a. Waldena chuan Hock a thil tum chu a hai lo chiang hle a. A lehlamah chutiang taka an dan chep tawh pawh a, a la beidawn duhloh avang chuan angaisang phian mai nghe nghe a.

Mi dang zawng zawng chu an la ngawi ṭhap a, Hock a bawk chuan a ban dawm vawng vawng pahin, "Min that dawn tho tho ta bawk a, ka ṭhiante ka hum bik na reng tur a awm tawh lo," tih pah chuan a puakruk awmna lamah chuan a la pai phei nak nak zel a. Penthum emaw lekin a hnaih ta, Mahse Walden-a chuan a hmu tho na chungin chet chu hman hmawhthlakah ala ngai ta chuang lova.

Dennis Hock a bawk chu rawn ṭawng leh ta lar larin na tuar niawm taka han ṭhen chak chak pah chuan, "Ka ṭhiante chu Morris-a leh El-paso khaw marshal Kenny an ni," tih paha pai at at in a puakruk awmna ah chuan rilru nei takina ṭhu ta thlarh a. Chutah rang mang khengin puakruk chu a ban ta nghal a.

Mahse chu chu Walden-a hriat lawk sa reng ani miau mai a. Rang lutuk maiin a puakruk chu a phawi ta zawk mai a, a puak nghal dawt bawk a. Hock an rang lutuk a a puakruk a ban phei zauh lai chu a va kap ta a.

Dennis Hock a chu a in leng awrh a, thei leh theilo chuan Walden-a chu a rawn melh leh ta ṭawk ṭawk a, "Walden, hremhmunah kan in hmu leh ang, ..chutah .. chutah chuan.. hnehtu... i.. i.. i ..ni .. bik ...tawh.. lo... vang," a la rawn ti ta cheuva. Chutah a han leng zui leh awrh a, a zal ta raih raih a.

Chutah manager chu thaw ta deuh huai in, "Kan chawkidar pa hrep chu(h), a lo rura reuh kher mai, mahse nangni pahnih chuana nihna diktak rawn hailangin in rawn titlawm ta a, in hnenah engtin nge lawmthu ka sawi tak ang le?" a han ti a.

Walden-a chuan, "Kan thawhna kawngah hian tu hnenah mah lawmthu sawi kan phut ngai lo. A ni lawm ni? Morgan?" a ti a. Morgan-a pawh chu nui san san pahinaalo bu ve ta nghauh va.

Bank manager chuan, "Nichina a sawi te kha tute nge tih in hriat zawng ani em? Pakhat zawk kha Elpaso khaw marshal ni te khan a sawi a, a phuah chawp mai mai emawni zawk le,?" a han ti a.

Walden-a chuan, "Thudik tak a sawi a nih kha. Elpaso khaw marshal in ti saw outlaw rura lutuk a ni tih kan hrechhuak vek tawh a, 'Kenny' tih pawh saw a hming diktak ani bawk hek lo. Tin, Morris a a tih pawh kha outlaw rura lutuk bawk ani a, a ni pawh Morris tih hi a hming diktak ani bawk lo," a ti ta zel a.

Manager chuan, "Hminglem invuah chu an va han hrat em em ve mawle," tih nang nang pah chuan a chek tlak tlak a.

Walden-a chuan, "Dennis a room vel saw va en teh reng, pawisa tlem azawng chu a kawl maithei a ni," tiin manager chu a hrilh a, a ni pawh chu a lut phei nghal thuai a.

Reilote hnuah Bank manager chu hlim em em in a lo chhuak leh a, pawisa ip lian zet hia a rawn khai chhuak ta nawlh a, "I sawi dik kher mai, pawisa tam tham tak chu a lo kawl reng alawm le," a rawn ti lar lar a.

Chutah chhuatah chuan a bun ta ruih a, a chhiar zui nghal ta malh malh a. Rei tawk a chhiar hnu chuan lawm hmel zet hian a rawn dak chhuak a, "I hi, dollar nuaih khat chiah a ni," a han ti ta a.

Walden-a chuan, "Bank aṭang chuan dollar engzat nge an ruk chhuah reng reng,?" a lo ti vat a.

Manager chuan, "Dollar nuaih thum," tiin a chhang a. Amah vek chuan, "Dollar nuaih hnih a la bo ta cheuva, engtin nge kan chhui zel ang?" tiin beisei nei awm deuh hian a han ti a.

Walden-a chuan, "Kan kutah dah mai rawh, kan rawn chingfel vek mai ang," a lo ti awlsam then a.

Manager chuan, "Ka va han lawm tak em, in chungah engtinnge lawmthu ka sawi tak ang le? In duh zah zah pawisa hi la mai rawh u," a ti ta ngawt a. Chutih pah chuan chung pawisa, chhuata intiang vum thur te chu an lamah chuan a hnawl phei ta tawp mai a.

Walden-a erawh chuan, "Kha kha i pawisa a ni hleinem! Mi rethei te te ten an neih chhun, a pung awmin an rawn dah anih kha. Lawmthu sawi nan a i duh duh a i hman theih ani lo, ." a lo tihsan ta hmiah mai a.

Manager pawh chuan tisual a inti ve hle a, a lawm em em vang ani mai e. Inthiam lo hmel deuh hian, "A ni dawn tak e. Ka lawm lutukin ngaihtuahna fim pawh ka hmang theilo a ni," tiin thupha a chawi ta mawlh mawlh a.

Walden-a pawh chuan, "Kan hrethiam lutuk che alawm, inthiamlo duh mah ta che. Anihleh kan hna chu kan han thawh zawm zel rih ang e, tikhan i chawkidar ruang chu lo buaipui mai rawh" a ti ta a.

Manager pawh chuan, "Tehreng mai ka lo ti fel vek mai ang," a han ti a. Walden-a hnenah chuan lawmthu a sawi leh ta mawlh mawlh mai a, a hlim kher mai.

Walden-a te pahnih rel station pana an kal laiin Morgan-a chuan, "Walden, nichin khan Marshal Kenny a kah outlaw inthup anih kha i sawi chhuak ta mai si a, tunge anih i hre chiah em ni?" a ti ta phawng mai a. Heihi Morgan a ṭhat ce riau na ani a, a thil hriatthiam loh reng reng pawh midangte awm lai chuan a zawt ngai bik hauh lova. Walden-a nen chauh a an awmfal hnuah chauh a zawt ṭhin ani.

Walden-a chuan Morgan-a zawhna chu chhangin, "Hrechiang tehreng mai, Marshal Kenmy-a saw ka vawikhat hmuhna aṭangin tunge a nih chu ka hre nghal a sin. Outlaw hmingthang lutuk leh Elpaso vela outlaw hotu lawk zual pathum te zing a pakhat, nang pawhin a hming chu i hriat lar em em, amah ila hmuh ngai hauh loh nia ai sawi, 'Wilton' kha ani," a ti ta mai a.

Chuveleh Morgan-a chu a meng phawk ta hau mai a, mak ti em em in Walden-a chu a en ta hau mai a, "Kenny a saw a tenawm hle tih chu ka lo hre tawh ṭhin a, mahse chuti em a tenawm turah chuan ka lo ring pha ngai hauh lo ani. Anih engtinnge Wiltona chu ani tih i hriat..?" a ti leh ta zel a.

Walden-a chuan, "Wilton-a thlalak leh Kenny a hmel hi a inang em em a, mahse danglam pathum a awm. Chung a danglamna te chu :- Kenny a chuan hmuihmul sei tak a zuah a, a sam a zuah buk chhum bawk a, tin a pathumna ah chuan a awm a Marshal chhinchhiahna arsi lem inbel saw ani leh mai. A sam leh a hmuihmul saw meh fai sak ta ila chuan Wilton-a diktak kan met chhuak ngei ngei ang tih ka sawi ngam ani," a ti ta hmiah mai a. Chutah Wilton a thlalak a ah chu phawrhin Morgan-a chu a entir ve ta nghal a.

Morgana pawh chuan, "I sawi dik hmel khawp mai," a han ti ve ta nghat a.
**

Walden-a te chu rel station an thleng ta a, tlai dar li a Elpaso pantur rel ticket chu an la ve nghal a. An chuanna tur rel hi a muang ber chi a ni a, tlai dar liah Tucson aṭanga an chhuah chuan tluang taka an kalin zan dar sawmah Elpaso chu an thleng thei chauh dawn a ni. Mahse dar sawmpahnih thleng hun an la neih avangin Walden a te chuan pawi an ti chuang lova.

Walden-a chuan, "Hei tunah 12:30 chiah a ni a, kan kal hma in darkar thum leh a chanve chiah hun kan la nei a, intihhlimna hmunah te rilru iva ti zangkhai ve mai mai rih ila," tiin Morgan-a chu a sawm ta a.

Mahse Morgan-a chuan, "Kan hnathawh lai hian ka rilru a luah riau mai, intihhlimna lam reng reng ka rilru ah a lut thei lo. Saloon ah hian ka lo chawl hahdam anga, nangmahin va teihawi mai mai rawh," a ti a. Walden-a pawh chuan fimkhr tak a awm tura a chah hnuah chuan intihhlimna lam pan chuan a kalsan ta a.

###########

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2018, 9:00 pm

JOHN WALDEN
(The way to El-paso)

Author - Khawlhring Vanlalvena

Re-typed by - Ruatmawia Jahau

Bung 6

(Morgan Kane Dead or alive!)

Walden-an a kalsan hnu chuan Morgan-a chu rel station bul lawk a saloon ah chuan a lut a. Saloon chhungah chuan bang hnungchhawn zawngin a ṭhu a, whisky a in karh karh a, a rilru pawh a buai hle a ni ang, a hmel chu pawh a lang chi-ai niaih mai. An thil tawn te chu a zawh loh vang nge, a vanduai dawn vang? A hmel chu a ngui riau mai a.

Chutia whisky no a dawm rauh rauh lai tak chuan a ngui riau na chhan chu a lo thleng dawn ta a ang hle mai! Saloon kawngkhar chu a rawn intheh hawng ṭhuai ta mai a. Killer diktak tih hriat hliah hliah panga lai mai chu kawngka ah chuan an rawn in zui lut ta a. Saloon chhungah chuan an hawi kual vel ruai a, Morgan-a an rawn hmuh chuan an rawn pan ding ta chhur chhur hlawm a.

Morgan-a pawh chuan amah lo pan tu te chu a lo hmu ve reng a, a whisky no dawm lai chu dawhkanah a nghat chawrh a, amah rawn lan tu mi panga lai mai te chu hmachhawnin a lo ding ve ta teu reuh mai le!

Chung zinga hmasa ber chuan aw dam thluam hian, "Valte, Walden-a zui tu kha i ni tiraw?" Morgan-a hnenah chuan a ti ta nghut a. A aw chu damthluam angin lang mahsea nelawm loh ru em em a, a aw damthluam piah lamah chuan hmuhsitna leh huatna a in phum ru tlat a ni.

Morgan-a te reuh chuan zamna nei bik eih lo hian, "Chu chu enge nangni tan hriat a ṭul na?" a ti ve ta bap mai a. Chutah zawng saloon chhung bengchheng luai luai pawh chu a reh ta duk a. Naupang te mai leh pa rothap hmel tak tak panga lai mai in hmachhawn lam te chu an thlir ta ṭhup mai a.

Morgan-a betu bawk chuan chik em em a en chungin, "Valte, i ṭawngkam chhuak chu a kha fak fak hle mai, i â hle niin ka hria. Tuna a hnung i zui hi zui tawh lo turin thurawn ka han pek che ka duh a, i pawm duhlo anih erawh chuan i tawpna ni a thlengta tih hria ang che," dam duai si hian a han ti leh ta hmiah a.

Chhete mahin Morgan-a chu a la zam chhin eih bik ta chuang tlat lo, "Ka duhna kawngah hian tu thurawn mah ka mamawh lo, ka duh duh ka do mai ani. Nangnin engmah sawi theih in nei lo," a ti veleh ta sak sak mai a.

Chupa bawk chuan, "I a hle mai, i tana ṭha tur pawh i hrelo anih hi. Puakruk chu i phawirang viau maithei, mahse kan vai hi chuan min phawi khalh vek hman chuang lovang," a ti ta nghut roh va.

Morgan-a chuan, "Min cho anih chuan a mal te te in fair takin kan inbei zawk dawn lawm ni?" tiin a cho ta chheu chheu mai a.

Chutia Morgan-an a han tih meuh chuan Killer ho, a hma a ding te chu an thinur ta kher mai. A hma a, ṭawng chhuak bawk a chuan, "I rawtna chu ka pawmlo ni rawh se, i duh chuan i rilru ila lam let thei ang," a ti leh ta a.

Morgan-a chu mi luhlul tih takah inlamlet ai chuan thih pawh a thlang daih zawk ngei ang le! Kawng engkima amah ṭanpui tu, thihna kawr ruam a zawh lai pawh a cbhan chhuak tu, an chhungkaw humhim tu, a in sak nana dollar singkhat petu John Walden-a kha phatsanin a hnung a zui tawh lo mai ang maw.? Hnai lo mai, Walden-a phatsan ai chuan thih pawh a thlang zawk ngei ang.

Morgan-a chuan zamna reng reng nei lovin a hmaa ding mi panga lai chu rum lutuk hian a en ta kal mai a, "Mister, in vaia ka phawi khalh hman lo che u a nih pawhin a thi hmasa ber tur chu nangmah kha ini," a ti ta chheu chheu mai le. Chu vauna nelawm lo zet mai chuan a barakhaih hle ani ngei ang, amah thlem tu chu a hnungtawlh nghal dawrh a, killer panga te chuan Morgan-a chu thah ngei tumin an kawng zawnah ah an kutbawr chu an thlakthla ta ṭhu mai a.

Morgan-a chu a thi dawn ta em ni? Naupang hmelṭha leh duhawm, rinawm leh tumruh, nungchang ṭha, outlaw ho bei tur a in leh lo, a hausakna zawng zawng kalsan tu chu a fam mai dawn ta em ni? A pa tar tawh tak leh a farnu nunnem tak Lucy Kane te chu tunge enkawl zui ta ang? Morgan ṭang sauh sauh rawh, thi hman ila ni lo, tihtur ila ngah lutuk, zam reng reng suh! John Walden, khawnge i awm? I hmangaih, i lainat ngawih ngawih, nangmah zui chak vanga in leh lo kalsan tu kha tunah Seol ṭihbaiawm tak chuan a ka zau tak a an khumin a chang reng mai hman hmawh ta che!

John Walden, Khawthlang rama puakruk phawi rang ber, second khat chhunga vawithum hmet puak hman khan a puakruk phawi ran te kha tun hun atana chhawr tur hi ani dawn lawm ni? Intihhlimna hmun chuan hlimna rah ṭha a chhuahsak ngut angem le? Morgan-a chu a va han mal tak em!.

Thawklwhkhatah Morgan-a kut chu a phe vuai a, puakruk a rawn puak nghal zawt zawt a. A sawilawk ang ngeiin amah bia a, thlemtu ber chu a thal haasa berah a ṭang ta a, a dawtah a veilam a mi a thal leh a, a mu thumna tue a hmetpuak zo ta tlat lo mai le! A thalte zinga pathumnaah a ṭang ta tlat mai le! A dar leh a nak nema puakruk mu rawmnlut avang chuan a puakruk hmeh perna chu a tan chuan a khauh lutuk ta. A han kuai fan fan a, a tlu ve ta hnak mai a.

Mi pathum la dam te chu rang mangkhenin an inher a, saloon chu an chhuahsan ta vat a. An sakawra zuang kaiin kawtthlerah chuan anntlanche ta zuai zuai mai a.

**

Walden-a chuan hmuhnawm chhuahna lam a pan a, a va then chuan papakhat sek em em mai, bull fighter an tih mai leh bawng lian chi hi an lo insual tir a. Engtizia tehreng nge maw ni Waldena chuan chu thil chu hmuhnawm a ti thei reng reng ta lo mai a.

Chutah a rilruah chuan ngaihṭhatlohna a lo lut ta a. Morgan-a a kalsan dawn laia a hmel ngui riai mai te kha a ngaihtuah chhuak a. Hlauhawm ber hmun pawha an awm pawh hmel zam ngailo leh ngui hmel pu ngailo a nih tehlul nen , engtizia nge a kalsab dawn lai khan a hmel kha ngui em em mai ni ang? Morgan-a chuan thil ṭhalo a tawk dawn a ni ngei ngei ang! Chung zawng zawng a han chhuikir chuan hmanhmawh takin a tho ta a, Morgan-a lo awm tumna saloom lam pan chuan a tlankir leh ta a.

Morgan-a awmna saloon a thlen dawn hnaih chuan a lo ngaihṭhatloh lawk sa nak alaiin silai a ri ta ṭhuai ṭhuai mai lehnghal a. Saloon lamah chuan hmanhmawh theih tawpin a tlan ta bgar ngar a.

Chutah a va hnaih hle tawh lai chuan hmanhmawh zet a mi pathum, kawtthlera tlan chhuak ta puat puat te chu a hmu ta a. Chuveleh ani pawh chu inchhung lamah chuam a tlanlut ve ta nghal a.

Inchhung a zuk luh chuan Morgan-a chu zawi hniang leh mi pahnihin an lo bawihsawm lai chu a zu hmu nghal a. Chhuatah chuan thisen a luang nguai bawk a, ruang pahnih ngawt a let reng mai bawk nen. Nula ṭhenkhat chuan Morgan-a chu lainatin an lo ṭah hawm hawm hlawm a, an vawikhat hmuhna aṭangin Morgan-a chu an lo ngaizawng nghal em em ringawt mai hi a lo ni a.

Walden-a chuan Morgan-a chu a han en vang vang a, aw nelawm loh leh vin ṭhak hian, "Tu thah nge?" a ti tuar mai a.
Morgan-a bawihsawm tu chuan, "A thi hleinem a lo ti vat a.

Walden-a pawh chu thawveng ta deuh huai niawm tak hian a thaw hawk a, Morgan-a bulah chuan a ṭhingṭhi ta a, a mar te a han khawih chuan a lo pangai hle a. Chutah pa pahnih te hnenah chuan tu kah nge tih a han zawh chuan an ni pawh chuan mi panga in annrawn beihrawn thute, an zinga pahnih a thah hman thu leh pathum dang te an tlanchhiat tak thu te chu an hrilhfai ta vek a.

Walden-a pawh chuan saloon chhunga a luh dawna mi pathum, kawtthlera sakawr chung chuang tlanchhia a hmuh te ngei kha anni tih a hre nghal mai a. Mi pahnih te hnenah chuan, "Tikhan damdawiin lo pan pui ula, mi pathum te chu ka va umzui leh ange," a ti a, a tho zui ta mai a.

Walden-a chuan a kianga cowboy pakhat Winchester rifle ken lai chu a phih thlak sak lawp a, hawh han dil ṭhatna hman pawh ni ta hek lo, kawmgkhar chu a tlawh hawng ṭhuai a, saloon kawta sakawr lo inthlung pakhat chu a phelh mawlh mawlh a, a zuangkai nawlh a, mi pathum te tlanliam na lamah chuan a limtir ta per per mai a. Saloon chhunga awm te chuan pawna chhuak meuhin a tlanliam tur chu kâ ho hian an thlir zui ta vawng vawng a.

Walden-a chuan a chak thei ang berin a chuanna sakawr chu a tlan tir ta ziai ziai mai a. Mi pathum ten khua an chhuahsanna lamah chuan a tlantir ta zel a. Reingial a um hnu chuan mi pathum te pawh chu a va um pha ta a. A mi um te lah chuan um tu an nei tih an inhre lo emaw ni tehreng ni, thlamuang awm fe hian an sakawr te chu an kal tir bauh bauh va.

Walden-a chuan ngunthluk deuhin a sakawr aṭang chuan rifle in an tin ta vang vang a. A han hmetpuak ta ṭhuai mai a. Pakhat chu a sakawr aṭang chuan a hlawm thla ta tawl mai a, mi pahnih la dam te chuan umtu an nei tih an inhriat veleh an sakawr te chu rang fe hian an tlantir chawp chilh ta nghal a.

Walden-a pawh chuan chak mang khengin a umzui ve zel a, tlan chungin mi pahnih te chuan an rawn kap let ve ṭhuai ṭhuai ṭhin a, mahse sakawr tlan chak lai aṭanga hnunglam ami lehnghal han kah chu a teuh lo chiang hle mai.

Walden-a chuan sakawra bawk phek tlat chungin a hma ami te chu a kap leh ṭhuai ṭhuai ṭhin a. Mahse sakawr tlan lai aṭanga sakawr chak tak bawka chuang ve te kahthlak nalh nalh chu thil harsa tak ani miau a, a kap fuh thei mai bik lova.

Mi pahnih te pawh chu inbei ṭhang an ni bawk a, an duai mai bik lo kher mai. Ngil tak pawha tlan lovin kahfuh harsa thei tur ang berin an tlan kawi pah zawr zawr ṭhin a. Phai zawl duai ani bawk a, kawngsir han tla pen na mai tur lah a awm bawk si lo. Silai hmet puak phauh phauh reng chung chuan an in thlur phai ziai ziai a.

Rei tawk an inum ngial hnu chuan Walden-a chuan pakhat chu a kap thla ta tawl mai a. Tunah zet chuan Walden-a um pa pawh a mangang ta kher mai! An in kap tawn ṭhak ṭhak reng a, an in kap fuh thei mai si lo.

Thawklehkhatah Walden-a mi um chu a peng ta thut a, kawng mumal hlei lovah phai zawl hnim karah a sakawr chu a tlantir ta chuk chuk a. Walden-a lahin a tawp thlen hma chu tawpsan mai chu a tum der si lova, a mual daih chhung chu um a tum a ni ngei ang.

Thui fe an inthlur dun hnu chuan an hma hla fe ah Lone River luipui a lo luang cham put a, an tlan zel a, a changin an han inkap leh zauh ṭhin a. Luipui pawh chu an hnaih ve ta zel a, tlan zelna tur khawmualin a daih ta lo. Chutah Walden-a mi um chuan tlan zelna a awm lo tih hriain a rawn hawi let thut a. Walden-a chu rawn kah leh a tum a, mahse a puakruk chu a lo kap ruak vek tawh si a, thinrim leh mangang lutukin a ṭe ruai ruai a, a puakruk chu leiah a paih ta thlawp a.

Lone river lui lah chu sakawra han zuan khum chi rual a ni teuh mai si lova. Puakruk pawhin a kah khum phak loh ani si a. Tih ngaihna awm ta hek lo, chupa chu khek ruai ruai chungin tuiah a zuangthla ta bawrh a, a hleuh zui ta pap pap mai a.

Chutah Walden-a chuan a mi um chu kah tumin a puakruk chu vawithum tlawng a han hmet kauh kauh ṭhin a, a ni silai pawh chu a puak thei ta tlat lo, a mu a lo kap ruak ve vek tawh a lo ni a. Tih theih dang a awm ta si lova, a zuanthlakna ah chuan zuangthla ve in tuiah chuan an in um ta ngian ngian mai a. Ral leh lam a kai hman vaih chuan Walden-a kai ve tur chu duhtawkin a lo sawisa mai dawn si a, chu chu hriain a han hleuh chak zual sauh sauh a.

Walden-a chuan a um pha ṭep a, a um pha ani ta; a ke hmawrah a va man a, chu veleh a ni chuan tui chu a han chhek per ta chuai mai a. Walden-a hmaiah chuan tui in a rawn vut hlawp a. Chutia Walden-a in huih buai vel lai chuan lo hleuh kai hman tumin a ṭang sauh sauh a.

Walden-a chuan a theih tawpin a um leh ta a. A um pha ṭep tihah chuan a mi um chuan vaukam lung chu a va man pha ta hlauh mai a. Chu chu Walden-an a hmuh chuan a tha tawp tak meuh leh tui rinchhan pah chuan a zuan ta lawp mai a, a kawngah a va man ta chawt mai a.

Misualpa chuan(a film e 😉😉) vaukama chhuah hram tumin lungpui chu a kuah fan fan a, mahse tui lam aṭangin Walden-a chuan a rawn uai rit tlat tawh si a, a tih ngaihna hre lo chuan lung a lak theih theih chu la in Waldena chu a chhu ta a. Mahse a chhu na thei bawk lo nen, Waldena lah chuan a pawisa lo hle mai si a.

A kawng aṭang chuan a zakah a man chhova, chutah a nghawngah a rek pha ta a. Misualpa chu a thaw bawrh bawrh a, Waldena chu a koki rah chhan chuan vaukam chhuak hmasa ah a ṭang ta a.

Walden an vaukam a chhuah chiah chuan a hmelmapa samah chuan a ṭham lawk a, a hnuk chhuak ve nghal lawp a. Luikam ṭiauvut sa vur maiah chuan a hnuk ta chiam mai a. Chutah a kaitho leh lawp a, thal ṭhuai khawp chuan a hnek ta bur mai a, a ṭhingṭhit zui nghal nawk a. Chutah a boot kara a chemte tle ṭha ver vawr tak chu phawi chhuakin misualpa hrawkah chuan a chuktuah ta teu mai a.

Chutah Walden-a chuan, " Zawhna ka zawt che'nga, ṭha taka min chhan duh loh chua..." tih pahin a hrawk chu a han zai kak hlak a, a rawn thi nghal zaih zaih bawk a.

Misualpa thlaphang mangang lutuk chuan ṭah aw ṭuau chuan, "I duh duh min zawt rawh," a ti ta ngawt a.

"Morgan-a kha engvanga kap nge in nih?" a han ti a.
Tunge Morgan-a chu..?"
"Naupang hmelṭha leh nungchang ṭha lutuk saloon chhung a in danchep a, in chova in kah tak kha mawle," a han ti tuar a. Chutih laia a aw chhuak rapthlak zia chu lo hre pha awm ta se chuan an hlau hlawm hle ang le.
Chupa chuan, "Morris-a leh Kenny-an min tir ani," a rawn ti tham ta ruai mai a.
"Engvanginnge Morgan-a chu thah an duh kher...?"
"Walden-a hnungzuitu a nih avangin,"
"A hnungzui tu pawh thah an duh chuan Walden-a pawh chu thah an duh ngei tihna ani ang maw,?" a han ti leh ta a.
"An pahniha that tura thupek kan ni a, mahse Walden-a chu kan hmu ve ta lo a ni,"
"Engtinnge hetah a awm tih in hriat?"
"Elpaso aṭang a rela an kal tur kan hmu a ni," a ti ta a.

Walden-a chuan, "Ka zawh duh che chu ka zawt kim ta a che," tih pah chuan zuang tho ta a, mahse chupa chuan a hlauh em avangin chet pawh che sawn ngam lovin ala mu reng a. Walden-a chuan chang fel fawl hian, "Walden-a chu thah in duh a, mahse in hmu ta si lova, tunah chuan i hmu ta, i bula ding hi amah John Walden diktak chu a ni, thah chu han tum chhin teh le," a ti ta bem mai le!

A hma pawha a hlauh tawh nakalaia Walden-a ngei a ni tih a han hriat meuh chuan misualpa chu a meng phar awn awn ta mai a. A khur nghal zawih zawih a, thahrui reng reng a nei ta lo. Waldena hming ringawt pawhin han a thawk chak kher mai. Chutih ahnu-hmanah Walden-a chuan, ,"Walden a hi chuti mai a thah chi anih leh mih loh han bei chhin reng reng teh," a ti sek sek mai lehnghal a. Mahse misualpa chuan chet zai reng a rel lo. Mahni zawn mek a hmu ta cheng a, lawm viau awm tak, laqm hmel a pu thei ngang lo a ni.

Waldena thinrimna chu a sosang tial tial a, a insum zo ta lo. Aw ring tak, ṭeng chhaka au ruai ruai pah hian, "Pawisawilo te chunga kutthlak ching leh Walden-a thah tum tu te chan tawk chu hei hi a ni," tih pahin a chemte tlum hmawkin misualpa thinhnunah tak a chum ta zawt a, a ni chu a ṭe ṭhawt a, a zal nghal rawih rawih mai a. Hetih laia Waldena au thawm hi outlaw hote chuan hre ngat se chuan sakei ha hum ri bawng rual ten a hriaa an tlanchhe dul dul angin an tlanchhe ve ngeiin a rinawm.

**
Walden-a chuan chemte chu phawiin a hrufai a, a boot chhungah chuan a thawlh lut leh ta a. A sana a han en chuan dar thum chiah a ni a. Elpaso rel kal hmain darkar khat hun ala nei a, tuna a awmna aṭang hian Tucson khua chu a hla fu tawh a ni. Tichuan lohtheih lohvin Lane river chu hleuh kai angai ta si a, a chauh tawh tehreng nen, mahse chawl muang hman a ni tlat lo. Morgan-a pawh kha a lo thi der tawh mai thei asin! Chutah kawng dang awm ngang hek lo, luipui cham put mai ah chuan a zuangthla leh ta pawp mai a, a lo kalna lam pan chuan a hleuh leh ṭan ta a.

Minit 15 hnuah a hleuh kai leh thei ta a, a chau lutuk chu lui kamah chuan a ṭhu hnawk a, mut hah chawlh veng veng a chak kher mai. Peihlo fe chung chuan a tho leh ta ṭaih ṭaih a, vaukama a sakawr hawh, chaw pet hmuar hmuar chungah chuan zuan kai leh mai a han tum a, mahse a tha in a tlin ta hauh lo mai. Harsa ti fe in a lawn kai ta hram chauh va, chutah a sakawr chu chak fe in a lim tir leh ta a, Tucson khua chu a pan leh ta zur zur a.

Walden-an Tucson khua ava thlen chuan darthum leh minit sawmnga panga chiah a ni ta a. Rel station pan turin minute nga chiah a nei ta. Mahse, silaimu lei a ngai a, Morgan-a hmuh leh a duh bawk nen, a rilru hah dan tur zia chu i hrethiam mai ang chu!

Walden-a chuan silaimu tam tawk tak a lei a, a puakruk a a thun bak chu a gunbelt ah chuan a zep tlar tuar mai a. Chutah damdawiin pan chuan a sakawr chu a tlantir leh ta a, damdawiin kawtah sakawr chu a dintir a, damdawiin chhungah chuan a tlanin a tlan lut ta rawk rawk a.

Morgan-a chu khumah a lo mu bam a, a hmel aṭang pawhin engmah ala hre lo tih chu a hriat theih a. Beidawng hmel takin Daktawr hnenah chuan, "Daktawr, ka nau chungah hian beisena ala awm angem?" a han ti a.

Daktawr chuan, "Awm tehreng e, a nakah silaimu a tlang a, pakhatin a dar ruh a su a, a ruh chu a khawihchhiat loh hram ka beisei. A mu phawrh chhuah a ngai dawn a, rei deuh hlek enkawl a ngai ang," a han tih chuan Walden-a rilru pawh chu a dam deuh huai a.

Chutah Walden-a chuan, "Daktawr, ka nau hi thlakhat chhunga i enkawl dam chuan dollar sangnga i ta ani mai," tiin a han tiam leh zung zung a.

Tichuan Waldena chuan hman hmawh tak bawkin damdawiin chu a chhuahsan leh ta a. Rel station lam pani sakawr chu a tlan tir leh pur pur a. Damdawiin a chhuahsan lai pawh hian rel kal tur chu a kiu ruai ruai tawh a, chak mang khengin rel station chu a pan a, rel pawh chu a kal ṭan ta ṭual ṭual a.

Walden-a thiltih tur pawimawh zia hria se chu rel pu te pawh hian an lo nghak hram hram tur hi a ni a, mahse an hriatpui ve der silo. Tucson khaw bank aṭanga pawisa dollar nuaihhnih lai a la zawmg dawn si a. Pawisa kawl tute lah Elpaso lamah an awm daih bawk si.

Rei lote ah rel chu a tlan ta vuah vuah a, Walden-a chuan a lawn hman tawh dawn lo tih a hriat veleh kawtchhuah lamah chak zetin a tlan khalh leh ta zawk a.

Tucson khaw kawt chhuah rel kawng va thlen chuan rel chu Walden-a awmna a rawn thleng chawpchilh ve nghal bawk a. Mahse motor te ang a phar din ve mai mai chi ni hek lo. Walden-a chu a sakawr chung aṭang chuan a zuang nawlh a, rel pangah chuan a bei thlawp a, dawm chhan tur lah chu a vang kher leh nghal. Elpaso khaw thlenga in ham tang tur chuan tih chi rual ani dawn si lo. Elpaso chu sawi loh, KM khat inhamtan pawh huphurhawm tak ani.

A vanneih a siamin a va zuan khan rel compartment(pindan) hnung ber tukverh chunglama thir tlawn kham chu a man fuh hlauh zawk a. Chuti nilo phei sela chu Rel pang mam pur, a tlanlai lehnghala in ham tan mai chu thil harsa tak tur ani. Walden-a chuan tih theih pakhat chiah a nei, chu chu rel chunglama lawn chhoh a ni.

Walden-a chu rel chunglama lawn chhoh tumin a bei ta fat fat mai a, rei ngial a beih hnuah a chuang chhuak chho ta hlawl mai a. Rel lah chu a tlan chak tawh bawk a, a thaw vuk vuk tawh mai a ni.

Walden-a chuan rel chunga a awm lai chuan a boot rawng chhunga chemte nena a dah dun, entlang ṭha zet mai, kezungpui tia lek a kawl chu a phawrh chhuak a, an hma lam kawng chu ngun takin a thlir ta vang vang reng a. Ngun em em a a thlir vang vang lai chuan thil mak tak mai hmuh a nei ta tlat mai! Mi pahnih hian relkawng chu tihchhiat tumin an lo bei sauh sauh a lo ni a, mit lawng mai chuan hmuh phak chi pawh a la ni lo.

Walden-an ngun lehzuala a han thlir chuan pakhat zawk chuan relkawng thir phah chu a kar phawk ta hlawl chu a hmu ta a. A chuanna rel dinhmun chu a chau sawt ta kher mai. Rela chuangte lahin an dinhmun hlauhthawnawm zia chu an hre hauh si lo. Rel khalh tu ngei pawh chuan a hrelo reng reng a. Rel lah chu a tlan chak fur fur hle mai si a, a tlan lai tihdin thut lah chu tih chi ani der dawn si lo.

Rel chu a tlan ngaia a tlan reng chuan misual pahnih ten relkawng an tihchhiatna hmun chu kar lovah a thleng mai dawn a. Chumi hmun anva thlen chuan Driver in a tiding thut anga, loh theih lohvin an accident ngei ngei mai dawn chu ani si a. Chung te chu Walden-a chuan a hmu tlang sa vek a, chuveleh muanchanna hun a awm tawh lo tih hriain rel tlan zur zur lai chuan a lu lam panin rel chungah chuan a theih anga chakin a tlan phei ta zawi zawi mai a. A pindan inzawmna laiah chuan a zuangkai nawlh nawlh zel a, Walden-a kha rel pindan 30 lai inzawm, a hnuhnung ber compartment ah a zuang kai a nih kha.

Fimkhur takin a tlan phei zai zai zel a, a khalh tu awmna pindan chung zawn chu a thleng phei ta hlawl mai a. Rel khalhtu hnenah chuan zawi zawi a rel chu ti zawi tial tial tura zuk hrilh tumin a chungah chuan a bawk ta thlawp mai a. Rel hmalam darthlalanga a lu a zuk dak thla chiah chu rel vengtu tura an dahte chuan engmah pawh a sawi hman hma hma chuan rel rawk tumah ngaiin kah an lo tum ta mai a. Chutah Waldena chu chunglamah bawk chuan a dawk chho leh ta zawk a. Rel khawl ri bengchheng bawk nen, ṭawngka a han inhrilh hriat chu tih chi a ni si lova, Rel vengtute lah chuan amah chu ringhlelin kah an lo tum bawk si. A hma aia fimkhur tawh zawkin a lo inlan leh hun chu an lo nghak ngei dawn tih chu chiang sa ani ta.

Waldena chu a buai ta map map kher mai. Chutah a entlang chu an phawrh leh a, an en leh chuan rel kawng chhe lai chu an hnaih tawh hle mai lehnghal a. An chuanna rel hi a muang chi ni hlauh lo phei se chuan an thleng der tawh ang. Walden-a chu thawmdim takin a kir leh ta rih a, driver awmna leh pindan dang inzawmna laiah chuan a uaithla ta a. Compartment hmasa ber tkverh darthlalang lamah chuan a in man phei ta hriau hriau zel a. Chutah a puakruk kawm chuan darthlalang chu a chhu keh ta chuai mai a, chumi thawmah chuan rel vengtute chu an lo hawi vat aṭ rawn kah an tum leh ta mai a.

Darthlalang keh aṭang chuan Walden-a chuan Rel vengtu pakhat chu a kap thal ta ṭhuai mai a. Chutah tukverh darthlalang dang chu a chhu keh leh ta chuai a, a chhungah a lut ta a. Rel khalhtu chuan Waldena chu hlau em emin a lo en hau mai a. Walden-a chuan vin deuhvin, "Rel hi zawi zawiin ti ding rawh," a ti ta ṭhawt a. Rel khalhtu chuan a ngaigna hriatloh hmel zet leh hlau em em chuan a en ta hau ringawt a, rel suam tum tu ah a ngai tlat a ni.

Walden-a chuan a puakruka rel khalhtu tin pahin vin zet hian, "Hawi hu hu bak kha tih theih dang i nei tawh nange? Rel hi zawi zawiin tiding vat mai rawh," an ti leh ta tuar a. Rel khalhtu lah chuan a ngaihna hriat loh hmel zet leh hlau em em chuan a en hu ringawt a(Engti kawng he hu in nge rel te a khalh thiam zawk ni. 😆) rel suam tum tu ah a ngai tlat ani.

Waldem-a chuan, "Misual emaw minti a ni maw? I ring sual hle ang. John Walden ka ni a, he rel chhunga mipui tam tak te leh i nunna ngei pawh chhanchhuah tum ka ni zawk," a han ti leh ṭhawt a. Rel khalhtu chuan a la rinhlelh hmel kher mai. (Driver chhawvah🤣🤣)

Walden-a bawk chuan, "Tuna kan dinhmun hlauhawm zia hi i hre hauh nange, kan hma lawkah sawn mi pahnihin rel kawng an ti chhe mek tih chu i hre mai ang," a ti ta a.
(A hmuh ang hmu ve lo in engtin nge a hriat a a rin reng reng le- RJ 😉)

Rel chu a zawi tial tial a, chutihlai chuam kawng chhia pawh chu a hmuh theih chawp chilh te reng mai a. Walden-a chuan Relkawng chhia chu Driver(hehu a tiin koh mai chi 🤣) a han kawhhmuh a, a ni pawh chu a phu chiang kher ta mai. Mak ti deuhvin Waldena chu a rn ta reng a. Walden-a chuan, " Tunah zet chuan min ringhlel bik tawh lovang chu maw," a han ti deuh ngat a.

Rel khalhtu chuan, "Ringhlel tawh love, a tir kha chuan rel suam tum emaw ka ti che a, " a lo ti ve mai a.

Rel chu a ri ruai ruai a, a ding ta a. Misual pahnihin relkawnvmg thir phah an tihchhiatna pawh chu pen sawm emaw lekin an thleng lo chauh emaw ani a. Chuveleh rel khalh tu lawm lutuk chuan Waldena chu a kuah ta chung chung mai a, Walden-a chuan, "Rel vengtu erawh kha chuan min tihbuai a tum tlat avangin a nunna a chan phah ta anih kha. Pawi pawh ka ti tak meuh ani. Mahse mipui heti zozai nunna boral vek ai chuan tiin mi pakhat nunna laksak chu ka pawiti bik lo ta mai anih kha," a han ti ta zung zung a.

Chutia rel ding ta mai chu mak ti em em i mipui ho chu rel tukverh aṭang te chuan an rawn dak huang haung hlawm a. An hma lawka rel kawmg thirphah pakhat inphawk hlawl an han hmuh takah chuan an phawk hru hlawm a. Rel pindan hrang hrang kawngkhar chu a rawn inhawng ta sup sup a. Thilawmzia hriat tumin rel lu lam chu an rawn pan ta dul dul a. Thilawmzia an han hriat chuan mipui ho chu a barakhaih hlawm hle mai a.

Chutia rel kawng ber a chhiat tak si ah chuan Tucson khaw pana haw leh mai loh chutih theih dang awm ta hek lo, Western cowboy ho duh loh ber, ke lawnga kal a ṭul ta tlat mai a. Walden a ngei pawh chu Tucson khaw lam pan chuan ke in a kir leh ta hnung hnung a.

Tunah zet chua Elpaso khaw bul lawk a putar chuan a fanu chu a chan dawn ta a ni. Amah ṭanpui tu ber tur Walden-a lah chu Tucson khaw lam panin akir leh ta bauh bauh mai si a.

Walden-a chu a theih anga chakin Tuvcson khaw lam pan chuan a kal vat vat a. Rel dinna aṭang chuan Tucson khua chu KM sawmhnih emaw lai a ni tawh a. Ni lah chu a tla dawn suar suar tawh mai si a.

Walden-a chuan a mi man tur marshal Kenny a leh Morris chu an lo tlanbo hman ang tih mawlh a hlau tawh a. Pawisa dollar nuaih hnih lai an kawl si a.. Chung zawng zawng chu an tlanbopui vaih chuan...! An tlanbopui tur a ni lo. An tlanbo hmain man ngei ngei tur tih chu a ngaihdan a ni bur mai.
Walden-a chuan theihpatawp a chakin Tucson khua chu a pan ta ngat ngat a, zan dar sawmah a thleng ta a. Walden-a chu a chauh hle mai a, mahni lo mah a chauh sa tawh nakalaiin Km 20 lai keil in a kal leh bawk si. Hotelah chuan a lut a, a duhtawka chaw eia a zan a zan a Elpaso pan lehnghal chu a tum a ni.

Sakawr enkawltu awmnaah a va kal a, a ni lah alo mu tawh bawk si. Han kaihthawh vel chhung pawh a uihawm ta! Tichuan sakawr huangah a lut a, chak hmel fe fe pathum chu a la chhuak a, a hawh man atan dollar 500 a dah ta ngawt a. Chu chu sakawr enkawl tuin zing a thawh huna a hmuh atan a ti a ni.

Waldenan sakawr pathum lai a lak chhuah nachhan hi chu chhum lo chat lova Km120 lai a tlan ngar ngar a ṭul dawn vang a ni. Sakawr pakhat a chauh hunah pakhat chungah a chuang leh zel mai dawn a ni.

Walden-a chuan zan dar 10 leha a chanve ah chiah Tucson khua chu a chhuahsan ta a. Elpaso lam pan chuan atlan ta ngat ngat a. A ma chuanna nilo, sakawr dang pahnih te chu a kai a, a hnungah chuan an rawn tlan ve zur zur zel a. Rei ngial a tlan ngar ngar hnu chuan khawchhak lamah ni pawh a lo eng riai riai ta a.

Khua a lo en chian deuh takah chuan a chuanna chu thlakin a dang pakhat zawk cbungah chuan a chuang leh ta a, chawl chuang lo leh chak lutuk si lovin a tlan leh ta ngat ngat a.

Ni a lo vanlaizawl chuan a chuanna sakawr chu Walden-a chuan a thlak leh ta a. Rei tak a tlan leh hnuah tui a in tir ta a, amah pawh chuan duhtawkin a in ve a. Chutah Elpaso lam pan chuan a tlan leh ta ngat ngat a. A tlan leh fe hnu chuan Elpaso khua chu KM 15 vel lekin a hlat(hnaih) ta a. Chunglai velah chuan ranch tenau tak tak an lo awm ve far a. Cowboy hnathawktu ṭhenkhat te chuan chaktaka anmahni tlan pel tu sakawr leh a chunga chuang, a dum hlira inthuam chu an thlir zui vawng vawng zel a.

Chutihlai chuan Walden-a hnena ṭanpuina ngen tu putar hming kha a lo zawt hauh lo mai tih a inhrechhuak ta thut mai a. Engtinnge chu putar in chu a hmuh theih ang? A fanu hming chu Kelly Corn a ni ngei mai a, mahse a pa hming zawk chu Walden-a chuan a hre tlat si lo. Kelly tih erawh chu a tel ve ngeiin a ring ringawt a.

Rei tawk a tlan leh hnu chuan cowboy ṭhenkhat hnathawk chu a hmu leh ta a. A sakawr chu a pawt ding a, putar pakhat 'Kelly' tih hming pu an awm leh awm loh a zawt ta a.

Cowboy pakhat chuan duh dah deuh hian, "Putar pakhat Kelly tih hming pu an awm leh awm loh chu nangman i hre zawk lawm ni? Engatan nge itih?" tiin cho hmel fe hian Walden-a chu a lo chhang ta mai a.

Waldena chu a za(sa) ta zak mai a, han thal nghal tawl mai a chak hle a. Mahse tual han thah chhan em turin thu leikuai lutuk a tling chiah bawk si lova, a in bengdai leh ta hram hram zawk a. Thinrim insum tih hriat zet hian, "Kelly tih hmingpu awmna chu in hre lovem ni?" a han ti leh a.

Cowboy pakhat chuan, "Kelly tih hming pu chu kan hre ṭeuh ang chu, eng 'Kelly' nge i mi zawn chu?" a lo ti ve leh a.

Walden-a chuan putar hmingpum chua hriat siloh avangin a fanu hming 'Kelly Corn' tih chu a sawi ta a. A hmaa chhangtu cowboy bawk khan , "Kelly Corn tih hming pu chu kab hria, mahse putar ni lovin nula a nia, tunah chuan 'nu' a ni tawh zawk ang," a ti ta a.

Chu thu Waldenan a hriat veleh sakawr chungah chuan a ṭhu ngil nghal zawt a, a hmelah thinrimna hlir alo lang ta. Waldena hmela thinurna leh maktihna lo lang an hmuh chuan cowboy ho chu za deuh hian an nui ta tlawrh tlawrh hlawm a.

Cowboy pakhat chuan, "Mak i va han ti awm ve, i bialnu elo?" nuihsawh fe hian a han ti leh nghal a. Mahni maha thinrim tawh sa nakalaia chutiang kher kher a a han tih takah chuan Waldena chu a thin a rim ta kher mai. Thinrim avanga hachang ṭhial rap rap chungin, "Morris an emni nei?" a han fi ta ṭhawt mai a.

Cowboy ho chu an la nui ta ṭha thova, pakhat chuan, "Morris an a lo khalh hman che a ni maw?" a han ti leh hram a.

Waldena chuan cowboy ho hnenah chuan thinrim zetin, "Morris a chu khawiah nge a awm?" a han ti leh a.

Cowboy pakhat hian nuihsawh deuh mai hian, "Morris a chu engatan nge i tih? I duh chuan kan hrilh tho ang che. Tunah chuan inah a awm chuang lo. Zawng mahla Elpaso khuaah lo chuan i hmu chuang lovang," a han ti a.

Waldena chuan, "Morrisa in chu khawiahnge a awm?" tiin a zawt leh ngat a, chutih lai chuan cowboy ho zinga pakhat chuan an piah deuhva in pakhat chu a kawhhmuh ta a.

Chulam pan tur chuan Walden-a chuan a sakawr chu a pawt her a, chutihlai chuan cowboy ho zinga pakhat chuan ring deuh hian, "Morrisa in chhunga lut tur chuan phalna i lak hmasak a ngai ang," a rawn ti leh ta a.

Waldena chuan clwboy ho awmna lamah chuan sakawr pawt her lehin, "Tu hnenah nge phalna lak ngai?" a ti ve ta ha mai a.

Cowboy rawn ṭawng chhuak vek chuan, "Kan vaia phalna lak a ngai ang," a ti ta a. Chutah Waldena ngaihdan a ni ta bau lo mai a, amah chhaih kawlh tum hrim hrimah a ngai ta hmiah mai a.

A sakawr aṭang chuan a zuangthla ta nawlh mai a, cowboy ho hmachhawn zawng chuan a ding kak ta hah mai le. An hnenah chuan, "Morrisa inchhung ka luhna dal thei tur apiangbka hmaah hian lo ding rawh ule," a ti ta chheu chheu mai le.

Waldena cbu an hriat loh vang nge, cowboy ho zinga pawkhat chu a rawn pen chhuak ve ta tlat mai; Waldena chu hmusit hmel deuhva en hau pahin, "I ṭawng pa ve kha kha kher mai. I kawng dal tur chuan ka rawn chhuak e," a rawn ti ta a.

Waldena chuan amah rawn chotu hnenah chuan, "I duh duh hunah i puakruk kha i chuh thei ang," a ti ta chhak mai a.

Chupa chuan ngei hmel zet hian, "Khanglang che chuan.. a nih leh aw.." tih pah a puakruk chuh a rual ta mai a. Mahse Waldena hmaah chuan satel ṭuan ang chauh a ni ta! A puakruk kawm a dawm hman chauh tihah Waldena puakruk mu chuan a chaldarah tak a verh ta siah mai a. Chu chu tuar lovin a thal ta hual hual mai a. Vawikhatmah Waldena kawng dal leh ngai tawh lo turin khawvel a chhuahsan ta ani. Waldena cho chu thihna! Waldena chuan hnehsawh zetin a puakruk chu a vaivir pap pap a, a bawmah chuan a thlauh lut ta zauh mai a.

Cowboy la dam te lam chu hawi lehin, "Ka kawng dal tur inla awm chuan in rawn pen chhuak leh thei ang," tiin a cho zui leh ta ngat a. Mahse rawn pen chhuak ngam rengvan awm ta lo. Chutah a mal te te a zawtin, "Nang, Morris a in a ka luh i rem ti em?" tiin a han zawt dan dan hlawm a.

Cowboy ho pawh chuan an vaiin, "Keichuan ka rem ti e," an ti ta diah diah hlawm a, an hlau ta kher mai.

Walden a chuan, "A ṭha a nih chu. Walden a kawng dal tu chan tur chu heti hi a ni mai," tih pahin ruang thal hual chu a kawk ta siah mai a.

Walden a hming an han hriat meuh chuan cowboy ho chuan an hlau lehzual ta kher mai. An meng phawk hru ta mai hlawm a, chutah Walden a chuan ti hian a zawt ta a, "Morris a hnuaia thawk vek emni in nih?" a han ti ta a.
Anni ho chuan, "Ni e, " an ti rual ṭhawt mai a.
Walden a vek chuan, "Anih leh in pu Morris a in tih hi a hming diktak in hria em?" a ti leh a. Mahse tuman an chhang lova, Waldena chu an en ṭhap ringawt a.

Chutah, "Inpu Morris a in ti hi 'Doherty' a ni a, a hming lar zawk chu nangni pawhin in hriat angin 'Jack Morris' outlaw rura lutuk ani," a ti ta a. Cowboy ho pawh chuan mak an ti tih hriat takin an hawi ho hlawm a, an chek tlak tlak hlawm a.

Chutah Waldena chuan tihian a han hrilh leh ta a, "In pu tawp na mi tur chu vawiin hian athleng dawn ta a ni. A duh a piangbin in thiar fihlim thei ang. In hlawh chu keiman ka pe vek ang che u. In pu hi zanin nngei hian ka man dawn a, in phatsan dawn nge, a lamah in ṭang dawn?" a ti leh ta chheu chheu mai a.

Walden a hmelma lama ṭan chu an ngam lo a ni chek a ni ang chu, "Kei chu ka hna aṭangin ka ka bang e," an ti ta sap sap hlawm a. Waldena pawh chuan an thlakhat hlawh ṭheuh cbu a sem ta dan dan hlawm a. Chutah an sakawr chungah an chuang a, Morris a ranch chu an chhuahsan ta phiar hlawm a.

Waldena chu cowboy ho tlan liam hnuah fimkhur taki Morris a in chu a pan phei ta a. A va thlen chuan sakaqr chu a dintir a, thawm dim takin in chhungah chuan a pen lut ta a.

Inchhungah Walden a a zuk luh chuan hmeichhe pakhat hi in kawm khawmna pindanah hian ngui em em in a lo ṭhu kun nghiai mai a. Chu hmeichhia chuan Waldena lut thawm a hriat chuan a rawn dak chhuak vat a, a hlau hle a ni tih chu a hmel aṭang pawhin a hriat theih a ni.

Waldena chuan chu hmeichhia chu Kelly Corn i a ni ang tih chu a ring mai a. Putar sawi ang ngei khan chu hmeichhia chu a lo hmelṭha kher mai reng a. Mahse a ṭah nasat em avang chuan a hmelṭhat tur ang pawh a ṭha lo hialin a mit chu a lo bui luk a..

Walden a chuan hmeichhe hnenah chuan, "Kelly Corn i nih kan ring ringawt a," a ti ta a.
"Ni e,"
"Pasal i neihna a la rei lovang chu maw?" ti a Walden an an zawh mai pawh chuan hmeichhia chu a khur nghal hlak hlak a. Kelly Corn i thil tawn rapthlak tur zia chu a hriatthiam pui nghal vek bawk a. A khawngaih em em a, Waldena bawk chuan, "I pa khawiah nge a awm?" a han ti leh a.
Chuveleh Kelly chu lungchhe em em in a ṭap leh ta zawih zawih a, Waldena chuan a ngaihna a hrelo kher mai. A lo zawt ta kher kher chu a inchhir rum rum zawk hial a.

Walden-an lainat taka a en reng lai chuan Kelly chuan a mittui sur zung zung kar aṭanga rawn melhin, "Ka pa chu khawvelah a awm tawh lo," a rawn ti ṭeu mai a.

Chu thu Walden an a hriat meuh chuan a taksa pum mai chuan a sa leh ta hep hep mai a, tualthah chakna hlirin a khat ta, thinrim hachang ṭhial rep rep chungin, "I pa chu engvanga thi nge?" a han ti leh ngat a.

Kelly chuan mittui parawl kiang chung hian, "Morris-an mi rawn hruai dawn laiin ka pa chuan a phal lova, a ni chuan lainatna nei lek lovin a kap hlum ta a ni," a ti sep sep a, a ṭap leh ta zawih zawih a.

Walden-a thinrim lutuk chuan insum har a ti ta hle mai. Sakeibaknei rilṭamin seh tur a zawng ang mai hian a phi ta ruai mai a. Kelly hnenah chuan, "Morris a chu tunah khawiah nge a awm?" a han ti a.

Kelly chuan, "Elpaso ah a kal. Aw.. he ramhuai bawlhhlawh tak lak aṭanga min chhanchhuak thei tu tur hi ka va mamawh tak em," a ti ta vawng vawng mai a. Chu hmeichhe chet dan chuan Walden-a meuh pawh a hneh kher mai.
Waldena chuan, "Morris a chu engtikah nge a lo haw leh ang?" a han ti leh a.

Kelly chuan, "Dar sawm hma chu a lo haw lovang tih min hrilh," a ti leh a. Chu thu chuan Waldena chu a ti ṭang leh ta auh mai a. Elpaso khuaa kal mai mai, engvangin nge dar sawm daih daih a alo haw kher na chhan tur? Phiarruk dang an nei leh ani ngat mai. Morris a hian pawi a khawih thui hman lutuk dawn tlat. Chuvangin a rang thei ang ber a hruizena hlin angai ani tih chu Waldena ngaihdan sawh sawn theih loh chu a ni ta a ni.

Walden a chuan, "John Walden ka ni a, i pa in ṭanpui turin min rawn sawm a, mahse vanduaithlak takin ka chuanna rel kawng a chhe ta hlauh mai a, a hun takah ka rawn thleng thei ta lo a ni. Ka naupang hruai an kaphliam bawk si nen, ka buai ta em a tin a ni. A hun takah lo thleng thei ni ila chuan i pa pawh a boral lo tur. Nang pawh hetah hian i awm bawk hek lovang. Mahse lungngai reng reng suh ka ṭanpui zel dawn che," ti a a hming hrilh meuh in a hnem ta malh malh a.

Kelly chuan, "I naupang hruai chu tuin nge kap?" a han ti sap a.

Waldena thinrimna chu a rawn sosang thut a, Kelly zawhna pawh chu chhanna chang a hrelo teuh kher mai. Aw tham ṭuak hian, "Kan ramhuai bawlhhlawh Morris a hnathawh vek hi mawle. Elpaso ṭanga Tucson kan kal tur min lo hmu a, engtinnge min rawn zui theih tih reng pawh kan hre pha lo. Tichuan ka naupang hruai nen a kan awm hrang lai an rawn nang ching ta hlauh mai a, ka naupang hruai chu an beihrawn ta a, mahse a damchhuah leh ngei chu ka beisei," tiin! Tucson khuaa an hnathaeh leh bank rawk tute an chhuichhuah dan te, Morris a leh Elpaso khaw marshal lo inhnamhnawih ruk dan te, Morgan a an kah thu te, rel a nan hman loh vang a a chunga a lawn mai thu te, mahse rel chunga achuan vanga mipui tam tak nunna a chhanchhuah phah tak hlauh leh rel station chu a hun taka thlengin a chhungah chuang ve ta nise amah ngei pawh a boral phah theih mai tur thu te, ke lawng ngat a Tucson a pan leh thu te, sakawr pathumin Elpaso a rawn pan a, Morrisa cowboy chhawr te nena an indawr dan thleng chuan kimchang tak leh tawi kim thei tur ber chuan a hrilh ta a.

Walden an a chanchin a sawi lai te chuan Kelly chu a lo kimki chawih chawih a. Waldenan a sawi zawh chuan thawveng ta huai niawm tak hia, "Nang hi maw John Walden ti a an lo sawi ṭhin chu? I lo ropui hle mai. Tuna i chetdan tawite a i sawi ringawt pawh kha keini ang tan chuan kumkhaw sawi a tling ngei ang. Ngawi teh ka va han bengvarlo ṭhin tak em, coffee pekna chang che reng reng pawh ka hriatloh chu le. Min ngaihthiam ka ngai hle a ni," inthiamlo hmel tak chungin eisiamna pindanah chuan aphei ta vat a.

Reilote ah Kelly chuan coffee sen tak ngeng ngawng a rawn chawi a han hmuh meuh chuan Walden a meuh pawhin a rilṭam leh tuihal zia chu a in hrechhuak ta chauhva.

Coffee a in zawh hnuah eisiamna lamah chuan a hruailut a. Waldena chu chaw ei a siam sak a. A chaw ei lohna a rei ta bawk a, Waldena chuan a ei hnem kher mai a chaw ei tawh a zawngah chuan a la ei tui ber hial ang. A chaw ei kham chuan, "Elpaso khaw lamah chuan ka va kal lawk ange, zan dar sawm hma ngeiin hetah ka rawn kir leh ang," a ti a, Elpaso lam pan chuan a chhuak ta a.

*-------*------*------*------*

Waldenan Elpaso a pan leh mek lai hianmi khawngaihthlak tak, a pa thattua dawt a puh, a luman pawh dollar singkhat lai an chhiar Joel Dickens a pawhin Waldena zawngin Elpaso khua a pan ve mek ani. An pahniha an intawndan ngaihnawm zet mai chu Bung sarih naah a lang e! Joela outlaw a nih tak dan te nen...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)