QUINN'S RAIDERS (COMPLETED)

Western cowboy Re-type, lehlin leh mizo phuahchawp dahna

Moderator: writers

Jakob l hd
Posts: 44
Joined: May 31st, 2018, 1:03 am

QUINN'S RAIDERS (COMPLETED)

Unread post by Jakob l hd » November 10th, 2018, 10:47 pm

QUINN'S RAIDERS : Cowboy (COMPLETED)

By:-J.D.Bodine
Lettu : Lalthuamluaia Ralte
Chhuahtu : C.Thangzuala.
(Jakob L.Hd)

Bung – 1

Van dumpawl ruih maiah chuan mulukawlh rualkhat hi an virkual pup pup a,hnuailam panin an vir hniam zel a.An hnuailama mulukawlh rualkhat dang nen chuan mitthi ruang awmna lampan chuan an vir hniam zel a.Tlang phena mulukawl birlut tam zawh zai danah chuan chulai hmunah chuan miruang tam tawk tak an awm tih hairual a ni lo.

Phairuam tawntirha sakawr chungchuang rualkhat rawn lut mekte tan chuan mulukawlhho thil pan chu hmuhphak a ni lova.An hotupa chuan a hote chu thu a han pe a,mi pangate chuan phaitualhnim sang pui pui chungah chuan an sakawrte chu hmalam panin an lim tir ta puat puat a.

Marcus Quinna chuan,"Christ le(h) a va han rimchhe kher em!" a rawn tichhuak phawng a.A kawrchung fual vaivut rawng chu chu thli lum hek huk uih thang huam mai chuan a chhem phe hlawp hlawp a.

A sira mi pawh chuan a hmai a chuar nang nang a.Amah pawh chu Quinna ang bawka kum sawmhnih ralkai tawh,hmai uk kherh khawrh,hmel rum el awl hi a ni a.Anni ang hmel-meng thip rem rawm leh hmuichip hmak mai hi ' killer' ho hmel land an diktak a niin;anniho pawh hian timna neimiah lovin mi an lo that hnem tawh reng a ni.Anni ho hi American Civil War lai khan chhimlam tang sipai,Confederate Calvary (Rebel-helho) zinga mi an niin an hotupa ber General Lu-a a tlawm tak hnu pawh khan an inkawp zui ta zel a.An Confederate Unit hming 'Quinn's Raider' tih pawh an chhawm zui ta zel a ni.Tunah hian Colorado Territory,Rocky tlangdung bulthutah thihna nunrawng thiltihtheihzia an hmachhawn dawn mek a ni.

Tlangpawng an lawn chhuah chuan an thlanglam chu an han thlir thla a.Sipai sakawr chungchuang chi ruang thahnem tawk tak hi yard za vel huamchhungah hian an lo let phung mai a,an zavai mai chuan an kut emaw an ke emaw a kimlo vek mail eh nghal a.An luvunte chu hihsak an niin an taksaah chuan thla a bur ve vu hlawm a.Wagon (Sakawr tawlailir) kang hek huam hi a thal ngut a,a hnuktu sakawrte pawh chu thah fai vek an niin an rilte chu mulukawlkte chuan an khaechhuak hniang hnuang mai a.Hringei sava hmelchhe zet zette chu miruang leh saruang chungah chuan an fu fer fur a,an eitur hmu chu hlim zet hian an hram chel chul bawk a.Chulai hmun rimchhiat dan chu tawrh hlelhawm tak a ni.

Quinn hnaih bertu Hank Proudy-a chuan,"Kan Bluebellies anchhedawngho an nih hi ! Mahse hetiang lutuk kher hi chu an phu billo aa sin mawle ! " a han ti bal bal a.(Bluebellies Union sippaiho an cheksawlhna/koh duhdahna a ni.An uniform dumpawh hak vang a, dul dumpawlho ti niawm tak a ni).Sipai ruang pakhat,kawr thler hiang hnuang,a dula fei bur vu chu a han en vang vang a, chutah an zinga pakhat Billy Joe-a, vaivut rawng kawrfual ha chu a han en a.Quinn's Raider ho chuan chutiang kawrfual zangkhai tak chu an inbel vek nghe nghe a.

Chu tlangval lian zet mail eh khabe leh hmuihmul sen thur mai Billy Joe Hinggins-a chu," I tidik mai thei" tiin a lo rum nghut a.

Midang pahnih,Bob-a leh Loomis Depro-a te chu an hawikual sek hlawm a.Anni pahnih hi unau an niin Chocktaw Indian thisen kai an ni a.An thil hmuh chu chuti tehchiamin an ngaihven ve lova,an fimkhur hle ringawt a ni.An pahnih zinga upa zak Bob-a chuan,"Marcus, helai hmin hi a ralmuang lo tawp"tih pahin a chhel vel tlang bawk hniam te te chua han kawk kual a,"Thleng chhunga awm ang mai kan ni.Thangvalh chhunga lu rawlhtr pawh ka in chan lek lek"a han ti a.

Quinn-a pawh chuan,"A dik a ni " a lo ti a.A lukhum chu a phawk a,thlan bawh hnawm chuap chu a han chul thuak thuak a."Sipaiho ang mai a…." a thusawi lai chu sawi zawm lovin,"Wagon kang bang saw han en teh u" a ti ta thut a.

Thil tle sep sep chu engdang nilovin rangkachak pawisa a ni chiang mai.Hank-a chu a han thaw halh a,"Heng sipaihi hian khawilai hmun emaw an thiante hlawh tur an rawn keng a nih hi.Injun ho chuan pawisa mamawh heklo,an kalsan ta mai a nih saw" a han ti a.

Marcus Quinna chuan"A chhartute chu a neitu turte an ni mai. Kan saddle bag ah thun ila,i kal teh ang u" a han ti a.Mipangate chuan Wagon lampan chuan an sakawrte chu miruang karah chuan an phei tir ta a.Miruang tlantu mulukawlhte chu an thlawk darh chum chum a.

Billy Joe-a chuan'Rangkachakte saw hlu teh mahse…" a tih rual chiahin silai a rawn pauk ta thawr mai a.A dangin a rawn zui nghal a.Sakawr chungchuang dawrzawn khat zet tur mingo hlir leh nghal hi an rawn lang nghalin an rawn kap zawt zawt a.An zing a pakhat chuan ring zet hian,"Hey, in inthiarfihlim vat loh chuan suangtlang in dawlh a ni mai"a rawn ti a.A Winchester Rifle chu a han hmet puak zui a.Silaimu chuan Proudy-a sakawr ke bul chu a rawn verh phut sawt a.

Quinn-a chuan " Eng mihring nge nia an inhriat le?Naute u,kap let rawh u.Rangkachak saw an rawn hnaih tur a ni lo"tiin a han au that that a.

Raiders ho chuan an ralthuam chu an lekchhuak ve ta a.Loomis Depro-a Henry rifle chu a puak hmaasa ber a.A silai hmawr de zawk leh khu lawih atang chuan silaimu gram 216 a rit chu a thlawk phei fua a.Quinn, Proudy leh Bob-a rifle puak riin a zui nghal a.Billy Joe-a pawh chuan a silai danglam tak leh kah na zet mai pistol-carbine chu rang zetin a lekkawh a,a han hmetpuak nghal a.An hmelma te zinga pakhat awmah chuan a va verh sawt a.Chupa chu sakawr atang chuan a len hian a leng thla lawp mai a.

"Silai kah ka'n zirtir ang che u" tih paha Loomis-a rifle han puah thawr rual chuan an hmelmate zing a pakhat chu a sakawr atang chuan a phawng thla hlawl a.
Mahse wagon pan tura an tlan kual a tul tlat avangin Raiders ho chan chu a chhe zawk deuh tlat thung.Rawn kal tharho chu awihpangah rawn tlanthlain rangkachak awmna chu an hnaih hmasa zawk ta tlat a ni.An vanneih ve hrim hrim vang nge,vanlam atang a thilmak rawn thleng zawk,Raiders ho zinga mi tumah chuan silaimu anla tuar lova,mahse teuh tak chu a ni.Bob-a kawrfual tlang chu an rawn kap tet hawk a, Hank Proudy-a lukhum pawng chip pawng chu an rawn verh sak bawk a.Billy Joe-a banrek veilam chu a rawn thi tiam tiam a,mahse chu hmuihmul senpa chuan thisen chu a thingper thawt a,hmelma ho chu a bawhzui zel thova.An hmelma ho chu tawlailir phena tlanlutin tawlailir phen chu tan chhanah an hmang ta a.An hmelmate chu an tam zawk a,chuvangin tullo taka nun chan chu an tan tihchi a ni lo.

"Engtinnge ni ang ?" Proudy-a chuan a han ti a.Quinna chu ban vai pahin,"Tlan zel ang u" a han ti thawt a,a sakawr chu a phih her a,midang pali te pawh chuan an um zui ve nghal a.Loomis-a chu a sakawr ' Buckskin' chu a kheng lim zawk a,midangho chu a tlanpel a.Chu tlangval la naupang tak lukhuma sava hmul intar hnuaiah chuan a sam dum hlap mai chu a leng siau siauva,A stirrup(sakawr zina ke rahchhan)a din pahin a carbine chu a lekkawh a,Rebel ho indo au hlain a han te thawt thawt a.

Chutihlai chuan wagon phen atang chuan mi pakhat hian shotgun in a rawn tin a. A hmetpuak hman tep tihin Marcus Quinnaa Henry rifle chu a puak dawt a.Shotgun kengtupa, sazu hmel ang tak lubur chu a va verh sak a.Thisen leh thluak hi a per chuai a.Sakawr atanga a letthla chu stirrup-ah a ke a tan avangin sakawr chu sipaiho ruang zingah chuan a hnuk nawk nawk mai a.Sakawr dum pakhat chu a let tawp a,a chunga chuang chu a vawrhthla nawlh a.An zinga pakhat chu Raiders silaimu-in a ban a kah sawmsak avangin na tuarin a chiau chul bawk a.

Quinn-a chuan," Vawikhat dang hel kual leh ang.Kan um darh em em ang " tiin a hote chu a han auva.Anni ho chuan Rebel indo au hla in an lo chhang a,inpawmchilh mai inpeihin an puakruk an lekchhuak far mai bawk a.

Tunah chuan an hmelmate nena an inkar chu yard zathum vel chauh a ni tawh a.an hual zim zel a…

Bob-a chuan"Murcus ! I dinglam en rawh ! Tlanglam khi !" a ti ta thut mai a.
Bob Loomis-a au ri a hriat chuanQuinn-a chuan a dinglam chu a han en thuai a.Tehhrep chuan ! Cheyene ho ! Cheyene raldo mi chuan au tial ruan ruan chungin an rawn pan tla mek a.An sakawr tlan ri chu a thum dur dur mai a.

Marcus Quinn-a chuan " Kan silai ri an hria a ni ngei ang " a han ti a.
" Engtizia nge anniho tum ve lova,keini chuan min tum chu le ?"
" An vanneih ai a ni ta ve ang "
" Naute u,luvun chan ai chuan theihtawp a inven tur.Kan vunsen ho khi khuai kawlhin griezzle savawm zuk ai pawhin an tawrhhlelhawm ngei ang "
Chu chu a dik chiah a ni. Cheyenne raldomi inhnawih rang riai ruaiah chuan huatna hmel lo chu hmuh tur a awmlo.An zavaiin za vel zettur hi an ni a,sairawkherh,fei leh silai chhuak hlui chu ' Uzzle loader ' an keng vek a.Quinn's Raiders ho chu a chan chau zawka an tan vaih chuan chulai hmuna sipai ruangho chan ang chu an chan tur a ni.
Hank Proudy-a chuan a kawrfual hnuaia a pai shotgun tantawi a lek chhuak a.Cheyenne hovin an rawn hnaih ta hle a,an thal a rawn thlawk ta fur fur tih chuan Hank chuan a shotgun chu a han hmetpuak a,Indian zinga pakhat chu a te thawt a,a sakawr atang chuan a letthla tawp a,a taksain lei a deh chuan a lo thi fel der tawh a ni. Billy Joe-a puakruk pawh chu a puak thlawnlo kher mai.Loomiss-a te unau .44 revolver laka thi pawh chu Indianho thi tawh zawngzinga a zahve zet chu an nu.Raiders ho erawh chuan kut anla tuar ve hauh lo thung. An zinga silaimu thlawnlo ber chu an hotupa,sang zeih zawih Marcus Quinn-a chu a ni.

Marcus Quinn-a chu puakruk phawirang leh kap thiam chungchung a ni bawk a,a sakawr sen uk chung a bawkphek deuh thlar chung a a puakruk Colt Army Model .44 a kawm sainghova siam a han hmehpuah chuan Indianho chu an sakawr atngin an tla thla phawk phawk mai a.A silaimu khat phei chuan yard sawmnga zet a hla a mi Indian lal tenau pakhat thinhnunah a va verh siah mai a,inher pahin Indianho zinga pakhat chu a pheikhawk ' Moccasin ' ah a va kah sak a.Chu Indianpa chu te thawt pahin a vir zawk a,sakawr atang chuan a thal thla ta hawl hawl a.

Indian palian zet mai hian a sakawr chu Quinn-a lam hawiin a rawn tlan phei tir a,Quinn-a chuan a hrawkbawkah tak mai a lo verh sak siah a.Quinn-a kawrban chu thal hian a rawn thiltlang pawp a;thal a rawn kaptupa sakawr chu Quinn-a chuan a lu ah a va kahsak a,sakawr tlu tur chuan a chunga chuang chu luruk keh rawp khawpin leiah a vawrh thla a.

Sakawr dang pahnih an tlu leh ta a.A chunga chuangte chu an thal hawl hawl a.Marcus Quinn-a sakawr pawther lai chutalhtum nen an rawn pan a.Dephro-a te unau khan Indian pahnihte chu an hmuh veleh an silai an hmetpuak rual thawt a.Indian pahnihte chu an lu leh an pum a silaimu lut tuar lovin an tlu thum dawt a.

Raiders ho chu an au chel chul a,a tuamah chuan an nunna la chan lo mahse an vanneihna chuan engchen chiah nge a daih ang?

A hnunglamah chuan laipui puak thawm niawm fahran a ring a hriat avangin Quinn-a chuan a sakawr chu rang zet mai hian a pawther mawp a.Indian lalpa,an lallukhum sava hmula cheimawi khum lawk bur mai chuan a rawn tawhchilh tep tawh mai a,vunsenpa chu a rum ngul nul a.

Indian lalpa chuan a hmanlai chhuak silai chu vawikhat a hmehpuah tawh avanga a hman tlak tawh loh avangin a mu dang han thunna hman a awm tawh lo a ni.

Indian lalpa silai paih chuan Quinn-a sakawr a va den dawt avngin sakawr chu a khek tuar(h) a,inthing nawk nawk chungin a ke hnunglain a ding ta ur ur mai a.A sakawr chuan a vawrhthla ngei dawn tih hriain Quinn-a chuan stirrup atangin a ke a phawi a,leiah a letthla ta a.Vaivutah chuan a tlu khu lawih a,rang takin a zuangtho nghal a.Indian lalpa chuan a lo nuih thu a,Marcus Quinn-a chuan a carbine chu a han hmet a,a mu a lo awm tawh hauh lo mai a.Indian lalpa chuan a sakawr chu a rawn tlan phei tir a,talhtum hrawl zet mai a hmawr a lungtum phuarbeh hi a lek ur a.

Sakawrin a rawn chil hmain Quinn-a chu a persawn nawlh a,sakawrin a tlanpelh dawn chiah chuan Quinn-a chuan Indian lalpa ke ah a man chawt a;mahse Indian lalpa ke chu a kawnga a luvun khai atanga thisen farin a bual nal avangin han man ngheh theih chi a ni lo.Quinn-a chuan a sakawr ke ah chuan a man chawt a,a tha tawpin a han phih nghek a.Sakawr han petek dawrh ah chuan Indian lalpa chuan a balance a hloh a,sakawr atang chuan a tla thum ta dawp mai a,Quinn-a chuan a bawhzui nghal a.

Indian lalpa chu au tuar pahin a letsawn tawp a,zuan thawh pahin chemte hrawl zet mai hi a rawn lek chhuaka.Quinn-a pawh chuan a boot rawngsang chhunglam a achemte pai chu a phawi ve thuai a.A tuamah mah tlanchhiat tum hauhlovin an inveh kual ta thauh thauh mai a.An chemte han vilik vel chu ni eng chuan a chhun tle zawr zawr mai a.An chhehvela sakawr tlanri tuk tuk leh silai ri te chu an hre changlo reng reng a ni.

Vun senpa chuan " Mitvar-pa i thi dawn.Jumping Antelope-a hian a that dawn che " a han ti nghut a.Jumping Antelope-a chu a te tuar(h) a,Quinn-a chu a rawn zuan ta thut mai a.Quinn-a chu lo persawn hman hlauh lo se la chuan inbeihna chu a tawp ngei ang.Quinn-a chu kunhniam pahin a per dawrh a,vunsenpa chemte chuan a rawn thawi fua mai a,Indianpa chuan kawr a hak ve loh avangin atan chet vel a awlsam phah hle a.Quinn-a erawh chu a kawrfual chuan chet vel a ti harsa deuh tlat a ni;mahse han phelhna hun a awm silo.

Vunsenpa chu a phur dawn chauh emaw tih tur hi a ni a.A nui then thu mai a, Marcus Quinn-a chuan a chemte chu rang taka lekkan pahin Indian lalpa chu a va bawh phei a.Indian lalpa chuan a chemte chu a lo thailen sak ta lawp mai a.Jumping Antelope-a chuan hlim zeta nui huk chungin thah nghal tumin Quinn-a chu a rawn zuan ta a.

Quinn-a chu a zuanglet dawrh a,sipai officer raung a pal nawk a.Miruang chu a chawikang lawp a,Jumping Antelope-a chuan amah chu rawn vit fuhlovin miruang duldh a rawn vit pawp a.Quinn-a chuan miruang chu a han nawr phei nghek a,Indianpa chu a petek dawrh a,a chemte chu a thlauh ta a.Chuveleh Quinn-a chuan a khabe ah a han hnek nghek a,Indianpa chu a thal ta tawp mai a.

Marcus Quinn-a chu a hawikual thuak a,Ni pawh a hniam tawh hle a,a thil taw hang chu a hote chau tawh tak taktenantawh ve vaih chuan an chan a chau dawn tih leh hun khawhral hman a ni tawhlo tih a hre ta nghal a.

Quinn-a chu a thingthi rawp a,Jumping Antelope-a chemte thlauh chu a char a,a hrawkah a zai sak ta hlaih mai a.Chemte hnuhma atang chuan thisen lar tak hi a rawn bawchhuak hawk hawk a.Quinn-a chuan Indian lalpa lukhum,sava hmul a cheimawi chu a phelhsak a,Indian raldomi dangho hmuh tur chuan a han lek kang a.

Chu thil chuan an dawi chu a tha lovin a chak tawklo tih a enntir a ni.Reilo teah an thiante ruang lak remchang chang la in,Cheyenne ho chu an tlanchhe zo ta vek a.Bob Depro a chuan Quinn-abulah a sakawr pawhdin pahin," Khatiang thil kha engemawchang chuan a tangkai viau reng a sin.Raldo hnam Cheyenne hote ang hi chu puithu tak an ni,indonaa an hruaitu ber a thih tawh chuan an zam chhe zo vek zel " a han ti a.
Quinn-a chuan," Chhawl a hal duh kher mai,ka sakawr kha a tlanbo daih leh nghal " a han ti bal bal a.

Bob-a chuan,"I sakawr chu Loomis-an a man kha. Hei,ka rawn kai phei a lawm,chuang la wagon awm na lamah khan I kir phei vat teh ang "a lo ti a.

Wagon kang bang awmna an thlen chuan Raiders dangho kha an lo awm kim thap tawh a,an hmel a dur khap hlawm mai nghe nghe a.An zinga pakhat chuan,"Injunho nen a kan inbeih lai khan kan mi tenawm ho chuan rangkachak kha an lo tlanbo vek a lawm." a han ti a.

Billy Joe-a chuan rangachak pawisa tlang khat hi an hotupa lam a theh phei pahin,"Kha chiah kha min hnutchhiah anih kha " a han ti a.

Hank-a chuan hmel dur khap chung hian,"Macus, engtinnge ni ang ? "tiin Quinn-a chu a han rawn a.

Quinn-a chuan pawisa tlang chu a ipte a ah pahin," Kan uichoho chu kan umzui ang " a han ti bung nghat a.Cutah Bob Depro-a dar ben thak thak pahin,"I unaupa nen hian minute sawm chhunga an hnuhma in hmuhchhuah phawt chuan saloon kan hmuh hmasak berah intur ka chawi ngei ang "a han ti a.

Loomis-a chuan, "Anih leh nawhchizuar ho hmu fuh ta ila i intiam tho vem ?" a lo ti a.
Quinn-a chu a nuisak ringawt a.

Depro-a te unau chuan intur chu an hlawh thei ta phawt mai a. Raiders ho chuan rangkachak rutute chu an umzui thei ta a ni.Tlangram huamchin mel khat zet a hla an thlen hnu pawh chuan an kalsan tak induna hmun rimchhe zet chu an la hre zui ta fo a ni.

BUNG-2

Ruah chu han miah lovin darkarn engemawzah a sur tawh a,an huh zawr vek tawhin an ril pawh a tam tlang hle tawh a.An lukhum parh tlang atanga tui rawn dir thla chuan an kawrfual leh sakawr tuang leh hnungzang chu a far tluk tluk a.Tlangsang lam atang chuan tuihawk a rawn luangthla dul dul a,Raiders ho chu tlangsang lam pan chuan an lawn chho zel a.

Rangkachak rutu mi pasarihte hnuhma pawh ruahtui chuan a tlengbo zo tawh a.Hnu chhui thiam chungchuang tak an ni nachungin Loomis-a leh Bob-a te pawh chuan an hnu chhuite hnuhma an chhui fuh thei bik tawh lova,an rinthuin an kal a ni deuh ber.Ruahsur tirh khan tlangkang chirh vawrh chhuahin a siam hmulzawl an thleng a,lungbang hrul kawngtum engemawchen an zawh hnuin,luite engemawzat an kan leh tawh a.Khua a thim tep tih chuan hmunawih leh zual hi an thleng ta a.Marcus-a chuan a kut a phar a,a sakawr chu a pawt ding a,a hmel chu a dur khap mai a.
“ I beidawng ta deuh em ni ? “ Billy-a chuan a han ti a.
Quinn-a chuan,” Heti ringawta kan kal zel chuan kan mitenawmho hi engtikahah kan hmu zo lovang.Khawi tlang kar khan ber nge an pal tlang kan hre silo.Chhaklam khi en teh u “ a han ti a.

An hmalamah chuan tlangsang tak leh khawkrawk deuh mai hi a awm a,a chhiplam chu chhumin a bawh phui mup a.Kawl a phe zawr zawr reng bawk a.Marcus Quinn-a chuan a hote chu a han en a, ” Army ho hlawh chu kan chan hlen dawn ta ni berin a lang,chuvangin sum hmuh dan kawng kan dap mai a tul ta ni berin ka hria.Denver kan pan mai dawn em ni ang ? Engnge in ngaihdan ? ” tiin a hote chu a han rawn a.

Bob-a chuan phur fe hian, ” Denver chu khaw nuam tak a sin “ a lo ti thuai a. An tlawh hnuhnunber tum khan Mexican thisen kai hmeichhe pakhat a lo khuaikhem hlak tawh a ni.

Hank-a chuan,”Marcus, thawmhnaw zawrhna dawr pawh a awm nghe nghe kha.I kawrfual kha han en teh”a lo ti ve thung a.Quinna chu a bu nghat a,thawnhnaw thar chu a mamawh hle reng a ni.

Nihnih a ral hnu chuan Ni pawh a lang ve ta in khuaa thiang nuam hle a.Vansangah chuan chum var hlak hi an tawlh del del a,sava an hram nek nek bawk a.Khawchhiat avanga engemawchen an vah chhuah theih tawh loh avangin khaw han tha ta chu lawmin Denver khaw mipuite chu kawtthlerah an vak chhuak sup sup a.Broadway kawtthler phei chu a lun zual hle a.

Nula buan chaklo hmel tak tak atanga nu zahawm,pa zahawm hmel pui pui an awm a.Inchei dan chindan thar thar inbel a ze nuk bawk a,mahse chungho chu Raiders ho zinga tumahin an hmu lo.An rawn thlen tirh atangin a tira an luh Paladium Saloon chu an la chhuahsan ta hauh lova.

Paladium Saloon chu thim deuh rep rup hi a ni a.Meikhu rim leh beer man tlawm rim a nam vung vunga,sum tlachham lam tawhte tan chuan Paladium Saloon chu pan ngei ngei chi a ni ringawt.

Marcus Quinn-a chu poker khelhnaah a tel a,Denver khuaa sum peupun chu khawilam,a tir atangin a la inpaih ta zar zar a.A hmazawna thu inchei nalh tak chungei hmel zet hian a melh ram ram thjin a.Dollar thum aia tam thap phal a nilova,card nga a semin joker telh loh a niin card dang pawhbelh phal a ni hek lo.Poker kheltute chu-sumdawng,damdawi zuar,Central Post Office clerk,Quinna leh a man thei ber Vest(chakaikhawrh kawr)nalh zet mai hatute chu an ni a.Vest hapa chuan cheroot a pehkawh run a,inti mitak zet hian a tum deuh hmuk reng bawk a.Tarmit frame tle zet nei hi a vuah a.

Saloon pindan hnuanglam kilah chuan Depro-a te unau chuan ‘dice’ an khel ve thung a.Marcus-a hrilh ang a fimkhur taka an khelh avangin an la inpaih cha em lova.Dollar hnih dang a han man leh tih chuan Loomis-a chuan Bob-a chu a han nuih sak a.
Bob-a chuan,” Unaupa, I paih leh te anih loh chuan……ka chhawl a hal tawh khawp mai”tiin a unaupa chu intur lam turin a han phut fiam a.
“ Beer lam ta che.”
“ A tha chi chu a to si a,man tlawm chi lah bawng zun emaw tih mai tur a ni bawk sia,ka lam lo law law mai ang e.”

An zinga pakhat sumdawnga vakvelpa chuan,”I thawh hun” Loomis-a hnenah chuan a han ti a.

“Engtizia nge nita ?”

“Thirdeng Anvil Ambrose-a leh, kha palianpui khabe hmul senthur mai kha banbuan(ban elh)in an inchawi a lawm maw le,an ban sir tawn tawnah bati an chhi a,A chaklo zawk ban chu a kang pilh dawn a ni mai.”

An referee(endiktu) chuan a rawmawl chu a thlauha,hmuhnawm ti zet hian palian pahnihte inelh chu a thlir vung vung a.An ni pahnih ban hrawl zet mai chu a phiar tawng tawng a,an chalahte chuan thlan a rawn bawl tuam tuam mai a.An sirah chuan pawisa nawi leh ‘note’ tlem a zawng hi a awm a.
Billy Joe-a leh Anvil Ambrose-a chu an inhneh tawk kher mai,A lo entute chu chak zawk tur in rinsiak in an lo inchawi tan ta a.
“Anvil Ambrose-alamah sawm ka dah e”
“Khabe hmul senpa lamah sawmhnih ka dah.”

An zinga pakhat,lukhum pawng sang deuh mai khum,Prince Albert coat ha chuan,”Chutiang zat lekte chu a tlem tham lutuk,zahnih ka dah e,tunge min cho let dawn ?” a ti lar lar a.

Murcus-a teho chuan an card khel lai chu an chhunzawm zel a,milian pahnihte chu anngaihsak ve lem lo.Marcus-a chuan card chu a han sem a,card an han thal chuan Marcus-a card ‘flush’chu Queen pahnih leh Ace pathum ahnehin Vest hapa chuan a ei/man leh ta a.

Card chu an han sem leh a,Vest hapa chuan cent nga a han ‘bet’a,midang pawh chuan an dah diat diat a.

Card an han en chuan Vest hapa chuan,” Ka man leh ta niin ka hria.Ka card…..” a tihlai mek chuan Bar sir lehlamah chuan authawm leh natuar te deuh thawt thawm hi a rawn tichhuak a.in banelh pahnihte zingah chuan hnehtu an awm tawh a ni.chaklo zawk ni ta leh an bati chhit ina a kan zawk chu Anvil Ambrose,Sixth street thirdeng,kahpathir ang mai a khauh ban sek phiarfut mai chu a ni.

Billy Joe-a ban hrawl zet mai chuchunglama lek chhohsak pahin an referee pa chuan, ”Champion thar ! “a han ti nghek a.midang ho pawh chu an pawisa inchawi chungchang sawifelin an ri chel chul a.

Mi mit chu thildangin a rawn la ve ta ! Chu thil chu poker khelhna dawhkan kiltute kar a thil tleng a ni.st hapain Billty Joe –a te lam a hawi chiah tih chuan Marcus Quinn-a chu a zuangtho thur a,kawlphetluk zet a rangin a kut chu a phe zawka a holster atanga puakruk a phawichhuah rual chuan a han kau ri rap a,”Mechanic em ni inih chu le ?” a han ti thawp sat a.

“Eng….engtin a !”

“ Ka sawi chu I hriat kha,I kut khinghnih kha muangchangin chung lamah lek cho la,I card te kha dawhkanah dahthla rawh.”Vest hapa chuan thupek chu a zawm ngal a.A card neih chu Queen pali leh ak ace a lo ni a.

Marcus-a chuan,”I Vest chunglama i card dah i phawrh lai ka hmu ru reng a sin “ tih pahin a vest kawr chu a han phih hawnsak a,card engemaw zah hi a rawn tlachhuak a.”Pawisa tlemte inchawiah pawh bumna I hhmang duh a ni maw ?”tih pahin Vest hapa pawisa man sa chu a tham khawp a,a ak ta hmiah a,chutah puakruk ngul chuan a hnarah han hlap sak a,Vest hapa hnar chu a thi nghal zawih zawih a.

“Sawnchhepa,ka unaupa kha thlawhbo san vat rawh ” tiin hmeichhe chhawr pakhat chu a te ta chul mai a.Marcus –a lampan chuan a rawn tlan phei nghal a.Amah chu nu lian set mai a niin a san lamah pawh Marcus Quinn-a chen zet hi a ni a.A ban chum buang mai chuan a kawrban chu a tawn mar tung mai a.Quinna chu a rawn bawh phei a,a biangah a rawn hnek ta chawrh mai a,Quinna chuan a lu chu tek chuai hian a hria a.A silai chu a puak dawt a,Vest hapa beng chu a hek hlawk a.Na tuar meng aa ruai chung hian Vest hapa chuan,”Lotty,kan sawnchhepa hi i han sawisa hlum teh ang “ tih pahin Marcusa chu a bawh phei ve ta nghal a.

Dawhkan chu ri thawt khawp hian a tlu zangthal tawp a,card leh pawisa nawi te chu a tla darh ur ur a.Dawhkan kiltuho pawh chu an insaseng nghal a.Hmeichhe dang pakhat Lotty thiannu hian Loomis Depro-a chu saidawium hian a lo vaw ve bawk a.Loomis-a chu hmeichhe kut a thlawn a tuar duh mi a ni hauh lo.Marcus Quinn-a pawh chu a danglam chuang bik lo.

Quinn-a chuan Lotty chu thil tuaivirna pawisa khelh na delhsawm vek khawp hian a hnek thal tawp a.Loomis-a chuan a bula mi pakhat zu um chu a la lawk a,a rawn hlap tunu chu a hlap thal tawp a.Chu nu ka atang chuan thisen a luangchhuak zawih zawih a.

Billy Joe-a chu palian zet hian Billiard khelna tuangin a lu ah a rawn hlap sak a.Billy joe-a chuan inher pahin chupa chu a tham kang lawp a,bar dawhkan hnunglama an darthlalang thar deng keh chuai khawp chuan a han theh leng lawp a.Bob Depro-a pawh chuan amah rawn hnek ve ringawttu chu anghawng ah a kuahsak a,nghawngruh tliak ri rawp khawp hian a han elh a.A han thlah chuan ring kawi chhur hian duhloh paih an sawi ang mai hian a let hlawm tawp maia.

Kawtthler lamah chuan thawm a rawn awm a,saloon kawngkhar bul atang chuan mi pakhat hian “Constable ho,form dumpawl ha ho an rawn kal e “a rawn tita chul a.Pawnlama Law officer hamrik riin a zui nghal a.

Paladium chhunglamah chuan an la inbei nasa mai a.Dawhkan leh thuttlengte chu a thal rem rum mai a,mi tlemte chauh la him dam an awm a,chungho zingah chuan Raiders ho chu an la tel kim thap a.Dan kengkawhtu lam an lo kal tih an hriat veleh Raiders ho chuan inhnunglam kawngkhar an pan nghal a,Hank Proudy-a rawn tur nen an intawk a.

BUNG-3

Raiders hovin kawtthler an paltlang phei lai chuan kawtlaia tualchhung mi veivak ho chuan kawng an lo kian thuai thuai a.Quinns Raiders ho chu an landan atangin an kawn han dal chi an nilo bawk a ni.Harsatna tam tak lo sukiang tawhin dinhmun hlauhawm tak tak atangin vawi tam tak an lo talchhuak tawh,hmelma te vehin an awm fova,a vehtu ah an tang fo tawh bawk. Chutiang hun leh thil namailo tak tak an lo hmachhawn fo avang chuan an hmel chuan nelawm lohna leh pawisak neihlohna hi a pu tel tlat thawh a ni.
Tunah hian Colorado Territory,mi tam takin ran vulhna atan a ram tha,thil laihchhuahna hmunpui leh awmhmun benbel nana ram tha ber mai nia sawi chu an rawn lut ve ta a ni. Mahse Quinn’s Raiders ho chuan awmhmun benbel a in leh lo din chu an ngaihsak lo hle.
Marcus Quinn-a chu Claibone Country,Missisipi a thingtlang khaw te reuh te Baywater a piang a ni a.Civil War hmalam kha chuan anni chhungkua pawh midangte ang bawkin mihang sal an nei ve thin a;mahse chung chu khuarei thil a ni ta.Yankee-ho(civil war lai a hmarlam tang ho koh duhdahna)a vangin a nunkhua a lo danglam zo ta.Tunah chuan a pian a seilenna ram lam a anmahni awpbettute thuhnuaia kun ai chuan tuna a nundan hi a thlang zawk a ni.
Sang zeih zawih,sam eng,mitmeng dumpawl raih mai,pa inti rorum nazawng melh zam thei khawpa mitmeng rum a ni a.A hnar invuah fuh tak leh a khabe bial mep mawp chuan hmeichheho ngainat a hlawh hle a ni.Puakruk phawilamah chuan zawhte ang mai a tuanrang a niin,a kap thelh khat hle bawk Outlaw hruaitu ni a i puh chuan a nui ringawt ang;mahse a dik tlat si a ni.
Hank Proudy-a Claiborne Country lam chhuak bawk chu lemchangtu ang mai a hmeltha a ni a,nula lakah pawh a to hle reng a ni.A sam buang uk lampang chu sei fe hian a zuah a,a hmuihmul chu enkawl ngun a ni tih hi a hriat hle bawk a.An chhungkua chu lo neih a eizawng an ni a,ani hi unau mipa pahnih zinga a naupang zawk a nih vangin in leh lo ah chuan chan a nei ve ta lova,chuvangin Quinns Raiders ho hi a zawm ta a ni.

Billy Joe Higgins ani hi thahrui leh tihrawl hlawmkhawm a ni ringawt mai.A sam senthar mai chu a met ngai lova,a khuih pawh a khuih khat hle.A sam ang bawk in a khabe leh hmuihmul pawh a sen thur mai a,Fit ruk leh inches ruk zeta sang a niin Whisky barrel hi inchhung dung chen zeta vawm thlawk nawlh thei a ni.Thahrui a ngah ang bawk in silai chelek pawh hnehsawh tak a ni.

Depro-a te unau ah chuan Bob-a chu a upa zawk a niin Loomis-a chu a naupang zawk a ni a.An pahnihin nula leh sakawr ngaina tak an ni a.Choktaws Indian leh mingo inkara piang an ni nghe nghe a.Bob-an whip (savun hruihrual)a ngainat viau laiin Loomis a vet- hung chuan chemte hi a ralthuam ngainat ber a ni thung. An chhuahsan a tang khan Claiborne Country lam reng reng an sawi ri zui ngai lo.
Raiders ho chuan Quinn-a chu an hruaitu ah an pawm thlap a.A ni tluk a hruaitu nih tlin an zingah awmin an inhre hek lo.
Quinna leh a hote chuan nawhchizawrhna in chu an hnaih yah le a.Khawchhung hruaitute thupek angina zawng zawng chu kangmei laka invent nan leirawhchan a sak vek tur a ni nachungin thing in hmuh tur a awm thluah a.Madame Louisa-I chi khawtlang hruaitute thupek zawm tha pawl a ni.
“Hei hi em ni ?”
“A nih hi Billy Joe”

Marcus-a chuan,”A nelawm thei ang berin awm tum ang che u.Chutilo chu luh an phallo khanglang ang e”tiin a hote chu a hrilh a.
Bathlar zimte ah chuan an chuangkai a,kawngkhar chu an han kik a,hmeichhe pakhat hi a rawn dak a.Vun buang thekthawk hi a ni a,” Pute u,engnge induh le ?”a han ti a.
Quina chuan,” Bawihte,engdang vak nge duh se min tih ?” a lo ti a.
Chu nu chuan,”Ka hre lo le,zanlam chu ni se thudang-mahse chawhnu tlang her chauh a la ni si a” a ti niah niah a.
Lemchang thiam tak a lo ni bawk a,Hank Proudy-a chu a rui der ta a,rui aw zet hian, ” Pitar,min luhtir vat mai the.I sakawrnu khawi zawng zawng hrai tlai thei tur khawpin ka tang tawh a nia.A ni lawm ni,Beauregard ?” a han ti a.
Beauregard tia a koh Marcus-achuan,”Wendell,loi ngawi mai mai teh,min luhtir thovang.Madame Louisa-i hauh i hlauh avang mai mai a nih hi” a lo ti a.
Chu Negro tleirawl chu a meng zau kawk a,”Madame Louisa-i nen in inhria a ni maw ? Rawn lut rawh u” a ti ta sawk sawk a.
Inchhuangah chuan an inzui lut ta a.An va luhna hall ang renga cheibawl chu an lo cheimawi nasa hle a.Nula chuan,”Pute u,min zui rawh u” a ti a.An va luhna pindan chu uluk tak a enkawl tih hriat tak hian a fai hlarh a.Chhuatphah pawh chu dup tak a niin pen fimkhur deuh loh phei chuan keruh bilh sual pawh awl tak tur a ni.Inchung atanga khawnvar khaina “Chandelier’ tle vur mai chuan mit a ti vai thei rum rum hial a.
Boba chuan,”A nuam dangdai kher mai “ a han ti a.
Loomis-a chuan,” Kan sum neihin a daih dawn em ni ?”a lo ti ve bawk a.
Marcus-a chuan,” Ngawi teh u,sum nei awm taka kan lan loh chuan min nawrchhuak nghal a ni mai “tiin a thiante chu a han hrilh ru a.
Rinloh takin Madame Louisa-i chu vanglaini kum tam lo pel tawh,kum sawmruk chuang mah tawh tur hi a lo ni a.A inchei ulukin a thawmhnaw inbelte chu a man to chi vek a ni tih a hriaat hlaih hliah a.
Madame Louisa-I chuan,”Naute u,nula khawilai kan nei hauh lo mai.Kan indawr theih hun tur chu nakin deuh-rei deuh tak a la ni ang “a han ti a.A awka chhuak atang chuan thupe thang tak a ni tih a hriat hle a.
Quinn-a chuan,” Ka pi,i hmun hi an fak khawp mai a.An fak ang ngei a nih pawh ka ring a;mahse kei leh ka thiante hi a hmel hmu hmasa lova thil lei hreh chi tak kan ni tlat si a “ awmze nei fe hian a han ti a.
Madame Louisa-I chuan chiang zet hian Quinna chu a han en a,engemaw chen a han ngawih vang vang hnu chuan,” A tha e. Gentleman dik tak in ni tih pawh ka hria e.Nula duh bik riau inneih chuan han sawi ula ka kaitho rhei ang.Mut phei chu an mutui viauin ka ring” a ti ta a.
Marcus Quinna chuan” Ka pi, ka thianpa Wendella nen hian kan inchawi a,a hlohtu zawk ka ni a,chuvangin a nula kawm man ka tum a ngai ta a.Nula pawh ama thlan tur a ni ang “ a han ti a.
Hank Proudy-a chuan Rebel ho hla ‘Dixie’tih kha faifuk hian tawite a han sa a.Chutah ‘Ring the Banji’tih khan a han chhunzawm a.
Madame Louisa-i chuan,” Chhimchhak chhuak a ni maw ?Tenessee nula Alice May-i kan kawl a tak a sin.A duh zawng tak….”a la tihlai mekin Hank Proudy-a chuan,”Ka pi,min lo hrethiam la,min hrilhtute chuan Fanny Fat Thighs-i min kawhhmuh a,chutiang hmingpu nula kawl i nei em ?” a lo ti a.
Madame Louisa-I chu a rawn dakchhuak a,”Neih phei chu nei e,mahse vawiin chuan hun a neih ka ring lo.Inleng ‘special’ a nei tlat “a tita a.
Quinna chuan,” Wendella-a duh ber a ni a sin maw le “a han ti nghat a.
Madame Louissa=I chuan Proudy-a lam chu a hawi a,Ka ringhlel hleinem.Ka misawipa chu a rawn thleng hmasa tlat si a ni.Chhawng hnihna pindan hnunglam ah khian pindan a bik deuh a siam ah tawm dun anih kha.Chutiang ang chiah chu pindan dang a awm thova;mahse hmeichhe kawppui tur chu Fanny nilovin midang a nih a ngai tlat mai.” a han ti ta zat zat a.
“Pindan chu I han enchhin ang u hmiang”

“In zavai hian maw ?!”
“Kei leh Wendell-a hian,a thu ber hun a ni tlat”
“A that chu,Ophelia…” tiin Madame Louisa-I chuan a chhiahhlawh Negro tleirawl kha a han auva.
Quinna chuan,”I chhiahhlawhnu chu ko buai duh suh,kan indawr fel nghal mai dawn bawk a,nangmah ngeiin min kawhhmuh la ka duh a ni.”a lo ti a.
Chu pitar hmel chu a daanglam deuh sawt a,engemawchen a in ngaihtuah hnu chuan,” A tha e,min zui rawh u.Midang hi hetah hian an lo awm mai dawn em ni?”a tit a a.
“Pawnlamah a tihchi zawk ang”tih pahin Depro –a te unau chu mit a siai khum zauhva.Chutah “Madame Louisa,ka hriatsual loh chuan sawlai lawkah sawn vangtlang sakawr in(Livery Stable) ka hmu tlatin ka hria,A dik em ? “ a han ti zui a.Madame Louisa-I chuan,” I hmu ang,a awm a lawm “a lo ti mai a.
Marcus Quinna chuan,”Buggy chung khuh nei chi lova hawh ta che u.Wendella-a hi tunah a kal thei tawk a ni a,Khumlaizawla a thawh leh hun phei chuan han kal chi ziazang a ni lovang.” Bob-a te ho hnenah chuan a han ti a.(Buggy/sakawr tawlailir te chu,sakawr pakhat hnuh chu)
“Ngaihdan tha tak anih chu Beauregard,kanlo buaipui ang e”
Quinna lehProudy a chuan Madame Louisa-I chuchhawng chunglam panin kawilawn hrawl leh mawi zet mai ah chuan an zui cho ta a.Kailawn chu kawng chanve ah hian hmun hnih ah a lo inthen a,Louisa-I chuan veilam zawk a zawhpui ta a.Bangah chuan hmeichhe saruak lem lian zet mai hi a intar kulh mai nghe nghe a.
Mi pathumte chuan chhawnghnihna chu ang thleng chho ta a. Corridor hi a lo awm a kawngkhar engemaw zat hi a lo awm bawk a.Kawngkharte chua an inkhar vek hlawm a.Madame Louisa chu hmalam panin a kal zel a.
Quinna chuan “Bea-i I tih chuan kan mi zawnpa hi a hming a hria em ?” a han ti sar sar a.
Hank-a chuan,”Lukawlh,naupang lam,len lama pavantlang niin a sawi.Tin,ser a neih bakah insual zo hlimhlawl niawm taka mitmeng bui deuh niin a sawi bawk. A hming erawh chu a sawi lo.” zawi te bawk hian a han ti let a.
“A that tawk bawk chu!”
“Tha tawkah I ngai phawt teh ang “
Madame Louisa-I khan, “Pute u,inhmanhmawh lem lo em ni ? ” a rawn ti a.
Quinna chuan,” Ka pi, kan lo kal e” a lo ti thuai a.
Khua chu a tlai tehchiam lo na a,Madame Louisa-i nula chhawr ho chu an chawl mai mai lo tih kawngkhar phen atanga rum ri nghat nghat te,han te deuh that ri te leh khum chik ri rawn chhuak atang chuan hai rual a ni lo.Kawngkhar pakhat zawn ah phei chuan han inbeng ri chawrh leh te fan raih thawm hi a rawn ri chhuak a.
Kawngkhar chu a rawn inhawng dawrh a,hmeichhe pakhat sambuang dal rep rawh hi saruak ngal ngat in a rawn lang a. A hnute khinghnih chu na tawk tak a thamna ni awm tak hian a sen ruak mai a.
Madame Louisa chuan,” Henrietta !” a han ti thawt a,chutah “I zak na nge ? I zahmawh kha khuhbo vat rawh !” vin zet hian a han ti a.
Chu nu chuan,”saw pa saw mawle,min dim lo leh lutuk “ a han ti a.
Madame Louisa-i chuan,” Duh ang tawka kawm tur i nih avangin pawisa pawh ‘extra’ i dawn belh kha.I tih lawm zawh loh chuan i hna i tlin lo a ni mai ” a lo tih khum a. Pa pakhat khabe uai deuh diai duai hi kawngka biang hrulah chuan a rawn dak duk duk a,”Henrietta, i thing lutuk rawn lut vat rawh”a rawn ti khur khur a.
Nula chuan,”Ka rawn lut lovang”a lo ti vin hlar a.
Madame Louisa-I chuan,” I lut tur a ni !” a han ti thawt. Hank-a chuan Marcus-a chu a han en a,a dar a han chhin ak a.
Madame Louisa-i chuan,” I duh leh hemi zawhah hian i bang nghal thei ang “ tih leh nula chu pindan chhung a nawrluh a rual nghal a.Kawngkhar chu a inkhar ri nghal dawt bawk a.Madame Louisa-i chuan a rawmawl a phawrh a,a hmui a hru thuak thuak a.Ner deuh nang chung hian "Khatiang thil kha kan tawk leh zauh thin "a han ti a.
Quinna chuan,"I hnathawh hi a hautak awm hi maw le " a lo ti a.Chhang lovin Louisa-i chuan," Pute u,min rawn zui zel rawh u " a lo ti a.
Hall ah chuan midang hmel hmuh tur an awm loh lai tak nia a lan avangin Quinna chuan Proudy-a chu a lu a han buk khum nghat a.Chuveleh Proudy-a chuan Madame Louisa-i chu a kuahbet thut a.A ka hup a rual nghal a.
Marcus Quinna chuan,"Hun a khawhral thlak mai mai a ni.Louisa,Fanny leh a dawrtupa chu khawi pindan berah hian nge an awm ?"tiin a han zawt a.
Chu pitar chuan thinrim zet hian a lu a thing nawk nawk a.
Quinna chuan,"Min hrilh duh miau siloh chuan keimahnin kan zawn hmuh mai a ngai a nih chu ! Hank,kawngkhar sir ber kha han hawng teh" a han ti a.
Hank-a chuan kawngkhar chu pawhhawn mai a han tum a,a lo sak phian mai a,a koki in a han nek vak a;kawngkhar chu thawm pawh awm manglovin a inhawng ta mai a."Helaiah hian pindan hrang hrang bihthlakna a awm ka ring tlat "Hank-a chuan a han ti a.
Quinna- te pahnih chuan pindan chhungah chuan Louisa-i chu an nawrlut a. Quinna chuan kawngkhar chu a khar nghal a.Chu pidan chu a zimin ceiling pawh a hniam chem chawm hle a.Kal pah chuan Marcus-a chuan pindan bihthlaka kua chu a bih phei zel a,sawm leh pahnih zet hi a lo ni a."Heng hi nula ho biak ruk nan a i siam nge pawisa chawi a nula ho mi tawmpui lai bihthla duh ho tana i siam zawk em ni? “ tiin Hank-a chuan Louisa-i chu a han zawt a.
Quinna chuan Hank-a chu ngawi turin zaizirin a han khap a.Bang awng atanga a thil hmuh chu a hmu duh chi tan chuan mit titlai tak tur a ni.
Quinna chuan,"Pakhat chiah ka la bak e.Han bih leh chhin teh ang" a han ti a.Kun hniam chungin bang a an awng rehpawh chu a han bik leh a,"Ka rin ang chiah a ni,amah ngei a ni.I luhchilh nghal ang" a ti ta a.
Chu pindan chu zau nuam tak hi a ni ,khumah chuan pa pakhat hi a lo thu a.Hmeichhia hian thu chungin Mandolin(tingtang chikhat)a lo ban mek a.An pahnih chuan ruak ngal ngat hian an lo awm a,mipa hmel landan chu Bea-i sawi ang chiah kha a ni.
Hmeichhia,Fanny ve thung chu hmeltha tak mai hi a lo niin a hnute chu a lian lam mah mah a ni.A mawng bawr leh a khel vawng len dan atang chuan Fanny Fat Thighs-i tih awm reng bawk a ni.(fat thighs=khelbawr vawngi tihna a ni ngei ang)
Marcus Quinn-a chuan a puakruk phawi pahin,"Hank kan pi-i kha i kut lehlam khan vuanbet la,bang hi han tlawh teh.A pan bawk a,a tlawh phel theih mai ang " a han ti a.
Bang chu a ri dawt a,Raiders pahnihte chu an mi man nu nen chuan pindan chhungah chuan an zuang lut nghal a.
Lukawlhpa chu anchhelawhin a rak thawt a.Fanny Fat Thighs-i chuan Mandolin chu a thlauh a,a te chul a.
Madame Louisa-i chu tawng chhe tinrengin a rak nawk nawk bawk a.
Quinn chuan lukawngpa bekah tak mai chuan a puakruk ngul chuan a hem chuawrh a,chutah khum bul a a thawmhnaw dahna chu a han hai nawk nawk a.Proudy-a khan Fanny chu puakrukin a lo tin rawn a.
Quinna chuan,”Engmah ka hmu lo,pawisa kawl pakhat mah a nei nange ? a han ti a.
Fanny Fat Thighs-I chu a inthing nawk a,engmah phei chu a zawichhuak lova.
Louisa-i zawk chuan,” Nula hian a hlawh tur a laksak tawh a,engnge kawl se in tih ?” a lo ti bak hlar a.
Fanny chu a insangmar a,”Sipaiho hlawh tur an ruk thu a chapo pui thelul nen,sum neih a lawi a nei lo “a han ti a.
Marcus-a chuan,” A thil chapo pui chu a dik a ni.A thianten sum tam zawk ankawl a nih dawn chu ! Amah hian min hrilh mai ang.Kan hruaichhuak dawn em ni,Louisa ? ” a han ti a.
Louisa-i chuan,”Nangni ang mi bawlhhlawh lutuk hi ka tanpui ang che u anga maw? Engvang…”a tih lai mek chuan Hank-a chuan a beng ta chawrh mai a,Louisa-i chu a thidang ta nghe nghe a.
Hank-a chuan,”Uichonu ! Hun remchang chu nei sela chuan min that turin mi a pun duh ngei ang.Fanny,nang engnge i rilru ?”a han ti a.
Fanny chuan,”Thiante u,kei chuan buaina ka duh ve lo a nia,Verla hi ka lakthlak pui ang che u “ a lo ti thuai a.
Quinna chuan,”Verla maw anih ?” a han ti a,chutah,”Hmanhmawh teh u. Madame Louisa-i hi a rawn harhchhuah vaih chuan lo dan che u ka tum loh avang khan min liak erh dawn a nia “a tita a.
Marcus-a chuan,”Hank, hall lam kha lo en rawh. Verla hi ka’n pu ang a,Fanny-in thawmhnaw rawn keng rawh se “a ti a.
Pindan hrang hrang an pelh lai chuanan kal lam a an thawm hriat tur ang kha chu hriat tur a awm tawh lova.Tumah rawn inlan an awm heklo.Fanny chuan thawmhnaw a inbel a,Verla thawmhnaw leh silai chu gunbelt chawpin a keng bawk a.
Fanny chun,”In sir lamah khuan kawngkhar a awm a,hmahruai ila a tha ang “ a han ti a.A aw chu a thamin a hlau hle tih a hriat a.
A te chhuah thut emaw a tlan thut emaw a hlauh vangin Marcus chuan,”Ni love,kei mah ka’n hmasa ang e”a lo ti thuai a.
Kailawn chu eng inchhi a awm loh avangin a thim deuh khup a.Pen hnih vel a pen hman chauh tihin Marcus-a chuan kailawn a tute emaw boot rawngsang dah chu a pal palh a,a petek nawk mai a.Verla a put bawk si avangin a ding ngil lawk thei lo chu a pai thla nawk a,kawngkhar chu a zuk delh hawng rawp a.Mi pakhat hi a rawn lang ta a.Hank Proudy-a chu a au thawt a.Fanny’n a dal tlat avangin silai a chelek thei silo.
Mi pakhat hi kawrban hlim tung mai hian Quinna chu a rawn dinchilh a,hreipui hi a lek ur mai bawk a.” Madame Louyisa’n buaina siam ching hi a duh hleinem ” tih leh Quinna lu zawn a hreipui vaithlak chu a rual ta a.

BUNG-4

Madame Louisa-i in panna kawnga buggy(tawlailir te chi) inhung,hmalam atang chuan silai a rawn puak thuai a.A tluk chhuahna kawngkhar pawn step a bawkvak ti tih chungin Quinna chu a han dak chhuak a.Hreipuia cheh tumtupa hmai ner sawk leh athisen leh ruh nawi per thawt chu a han hmu hman a.
Chu pa lianpui chuan a hreipui ken chu a thlauh tawp a,ban phar du chungin step sirah chuan a tlu thum dup a.Vawikhat ahan leng awrh a,a zal hlen ta a.
A tlukna lamah khan Marcus-a chu a insawh na lutuk lo hlauh a.Verla chu a pawm a,a tho thuai a.Loomis-a chuan tawlailir khawngkhar chu a lo hawng thuai a,Quinna leh Billy Joe-a chuan an mi manpa nikhaw hre lova la zawi reng chu tawlailir chhungah chuan anhnawh lut a.Anni ho chu a rem dan ang angin tawlailirah chuan an inhnawh a.Proudy-a chuan Verla thawmhnaw kha a keng a,Bob Depro-a chuan tawlailir hnuktu sakawt chu Whip-in a han hlap thuai a,kawtthlerah chua chak zetin a tlan phei ta a.Wagon leh ke a kalho leh sakawr chungchuanhote chu an pel phei zut zut hlawm a.
Constable pakhat hi Madame Louisa-i in lam panin a tlan phei dawr dawr a.Hank-a chuan, "Silai ri kha a hria a ni ngei ang"a lo ti a.
Marcus Quinna chuan,"Tuten emaw tukverh atangin thil kaldan kha an rawn hmu a ni maithei bawk"a han ti a.
Sikret a tan a,a han pak khu laih laih a,"Min hmututen kan tawlailir hmelhmang ho an report maithei,chulovah Madame Louisa-i leh Fanny khan min sawi chiang thei hle bawk ang" a han ti leh a.
"Fanny kha kut kan thlak ve si lova,engmah a sawi duh ka ringlo..."
Marcus-a chuan," Thil tha ber chu khaw chhuahsan a,hmun remchang zawn phawt a ni.Loomis-a hian Livery Stable ah kan sakawrte kha va lam sela a tha ang " a han ti zung zung a.
Loomis-a chuan,"Laremir panna kawnga thing ding fal nalh bulah khan ka rawn hmu ang che u"a lo ti a.
"A tha e" Marcusa chuan a ti a,driver thutna lamah chuan a kun phei a,Bob-a hnenah chuan,"Kan hmalama in lo hmasa ber sirah sawn tawlailir hi tiding la,Loomis-a chhuk hunah khawthlanglam panin i tlan zel dawn a nia" a han ti a.
Billy Joe-a chuan,"Kan sawnchhepa hi engtinge kan tih dawn ?a rawn harhchhuak tawh a nia" a rawn ti a.
Marcusa chuan,"A auchhuah loh nan silaiin lo tin phawt mai rawh.Tunah chuan engmah inzawt thei kan nih loh hi"a lo ti a.
Chu buk ram chu belhfakawm tak chu a ni lo chiang kher mai.A awmna chu a fal nelh nawlh hle a.Tute emaw vakvelin reilote chhung chauh luah atan a an khawr ve nawk nawk a ni tih hi a landan atang chuan a hriat reng a.
Buk bulah chuan luite hi a luang a,Cottonwood thingin a hliah tlat avangin ralkhat atang phei chuan han hmuh mai theih pawh a nil ova.He bukah hian Raiders ho chu Denver an rawn pan khan an chawl zawk tawh nghe nghe a ni.Chumi tum chuan sum hloh hlen tawh tur a inngaiin an ngui hle a.Tunah erawh chuan antan sipaiho hlawh tur sum thahnem tawk tak chu hmuh let theihna kawng a inhawng leh dawn ta a ang ta hle.
Khawthlang lam tlang chung zawnah chuan nit la tur chu a lang sen luang luanga.Reiloteah khua a thim tawh mai dawn a ni.Buk sawprawp zet bathlarah chuan Marcusa leh Proudy-a chu an thu dun a.Bob Depro-a chuan tualah mei a vil a,Loomis-a chuan chemte a tat hriam mek a.
Buk chhungah chuan Verla kha kha kut leh ke phuar hlawm tlatin a thu a,ruak vekin a la awm nghe nghe a.Fanghmir in an seh nge titin an seh zawk a te that that thin a.
Bukchhung chu thing mawih rim leh sazu bu rimin a thang huam mai a.Hlauh avangin Verla chu a thlantuiin a bual huh zuih mai a.Chuti taka hlau pawh chu a awm reng a ni.
Buk kawngkhar chu a rawn inhawng dawt a.
Billy Joe-a arawn lut a,chhuat ah chuan thingbung banrek tiat vel,fit ruk vel zet a sei hi chhuatah chuan a han theh thla dawt a.”Kha kha i hmu em?I ka ichip zui zel theih i inring fo em ni?Kan la hre dawn a lawm.Marcus,khuarkhuruma kan paih hma hian i che ve hlek duh em?’ a han ti a.
Marcus ate chu inchhungah chuan an rawn lut ve ta a.Marcusa chuan, ”Verla i ni tih kan hria a,sipaiho rangkachak laa Cheyenne ho kut a thi tur a min kalsantute zing a mi kha i ni tih kan hria a;mahse kan dam khawchhuak ta hlauh a ni.Sipaiho hlawh tur in tlanbo pui kha kan ta diktak a nih angin neih ngei kan duh a ni.I thiante ho khan khawilam nge an pan ?”a han ti charh charh a.
Lukawlhpa chuan chil a chhak thawt ringawt a.
"Kan sawnchhepa hian tawhkhirh tawkah a inngai anih hi".
"Heti kawng zawng chuan kan indawp chhuak dawn lo tawp mai.Han khaikang phawt mai teh u."
Marcusa'n thu a pek veleh chuan Billy Joe-a leh Hank-a chu an che nghal vat a.A kut phuar belhbawm leha ke phuar belhbawm inkarah chuan,thingtlawn an rawlh a,vawk zawnin a pu kang ta nawlh a;mahse verla chu a la tawng duh chuang lova.Thing tlawn hmawr tawn tawn bangkila an nghah hnu chuan Marcusa chuan Verla chu a pan hnai a,"Thianpa , kan chanai min laksak avangin kan thiante ho nen hian zu tha chi pawh in ngam lovin zanhnih zanthum zet Denver dai Cherry Creck luikam sakawr inah kan riak tih i hria em? Kan chan ai pawisa kha min ruksak lo ula chuan hrehawm lutuk chuan kan khawsa bik hauh lovang.Verla, i thiante ho hming chu min hrilh dawn em ? I na tawrh tur pawh a nep phah deuh mai thei a sin " sehchilh rap rap hian a han ti a.
Lukawlhpa chuan ,”Ka hrilh phiangsen lovang che u “ a lo ti vin hlur a.
Hunk Proudy-a chuan,” A la sim duhlo fo a ni maw ? Marcus,ka’n han hrem hlek dawn em ni?” a han ti a,
"Rangkachak kha kan mamawh miau si a ...."
Be tin hian,a zahve lungalhthei ling var mai a hnawhkhah kengin Verla chu Bob Deproa'n a rawn pan hnai a.A unaupa Loomis-an chemte kengin a rawn zui bawk a.
Bob-a chuan “ Chocktaw ho hnam chindan ka’n entir hlek ang e.Kan mi mante chu engemawchang chuan an mitmu kan kerchhuak thin a,an mitkhurah lungalhthei ling kan thunsak thin a ni.Loomis,i chemte kha min han pe teh “ tih pahin Verla mitvun chu a han dap zai zai a.
Chu ngawt pawh chu a tawk hle a ni.Vawt ti thut mai hian an mitangpa chu a khur dawt dawt a.A mittui chu a rawn fan chhuak a,zun a cheh nghal pheng phung mai a. “ Nilo,P-thian hmingin ka ngen a che u.Ka mit chu min tihdel sak lul suh u “tiin a te ta chul mai a.
“ I tawng duh dawn tihna em ni ?”
“ Engkim ka sawi vek ang.Ka hming chu Verl,Verl Randolph-a ani a,khami ni khan nangmahni ho ang bawk in mulukawlh awmna lam kha kan pan a.Kan hotuten vensen ho laka chhan che u kha an duh lova,rangkachak nen khan kan putbo ta a ni.In zavaiin in thi vek ah kan ruat nghe nghe a sin.”
Loomis-a chuan,”Bob,vawiin chu a na tuar te thawm ka ngaithla chak riau mai,hepa hi a tlawmngai thei lawm ni ?” then deuh tha chung hian a han ti a.
Boba’n a chhan hma chuan Verla chuan,”Lo ngawi rih lawk teh u.Thildang pawh a la awm “ a lo ti chul a.A kut leh ke leh a hmaute chu a duk deuh ruih tawh a.Aw khur dawt dawt hian,”Engnge inla hriat duh ?” a han ti a.
Quinna chuan,”In hotupa chu tunge a nih ?”a han ti a.
Verla chuan,”Hotu pahnih kan nei a lawm,Lomex-a leh Diablo-a “ a ti a.
Quinna chuan,”Trump Lomaxa leh Diablo Kids maw?” a lo ti a.
Verla chuan,”Anmahni chu I hria elaw? Mi tawrawt lutuk veve an ni a,pawisak pakhatmah an nei lo”a ti a.
Marcus Quinna chu a inher a,tukverh lamah chuan a phei a,khawthlang lam kawlsen phut chu a thlir vang vang a.
Billy Joe-a chuan,”Marcus,Verla mi sawi te kha I hriat mi an lo ni maw ?tiin Quinna chu a zawt a.
Verla zawk chuan,”Diablo-a chu Rio Grande lam chhuak,Diablo khua a kawsa thin a ni a.Lomaxa ve thung chu khawchhak lam mi a ni a,Civil War lai khan major a ni a.Ran Lomax Rangers a din nghe nghe a,a pawl din chu Quinns Raiders an tih ang deuh a ni a,mahse anniho chu’Yankee’ an ni thung “a lo ti thuai a.
“Kha Lomaxa kha maw ?” Quinna meuh pawh mak tiin a phu zawk a.
Verla chuan,” Ni e.Tualthah ata a kha maw le “ a han tih chuan Quinna chun,Verla kha la thla tawh rawh u.Eitur pe ula,nahse ngun takin veng ang che u.Naktuk zingah kan rualin a kal ve ang “ a ti ta a.
Billy Joe-a chuan,”Khawilam ah maw ?” a lo ti hu a.
Quinna chuan,”Kan pan lam tur chu zanin mut hma in Verla hian min hrilh mai dawn a lawm “ a han ti a,zalo fe hian a han nui zui hak a.

BUNG--5

Tlang an han lawn san deuh hnu chuan ni pawh a chhuak tan tawh a.Ralkhatah chuan vur khuh tlangsang pui pui hi an ding luah hlawm a.Hnai deuh zawkah chuan thing chi hrang hrang, far thingte,juniper te leh spruce thing a ding zen thulh a.Chulai ram chu a awih viau na a,kal harsa khawpa awih chhia chu a nilova.Tlangsang boruak thengthaw tak chuan sakawrte chu chakna a pe ni ngei tur a ni,that ho hmel fe hian an kal sauh sauh hlawm a.
Nakin deuhah chuan kawr ruam hi an va thleng ta a.A chhuatah chuan lungpher hi a inphah zui mai a.Kawrr ruam kotlang tawn tawn chu chunglamah chuan a insi thulh a,kawrruam sir lungbang hrul ah chuan luite hi lung khawkrawk karah a luang a.Niin a chhun ve loh avangin chulai hmun chu a thim deuh ruih mai a.
Verla an chuantirna chu buggy hnuktu an lak kha a ni a.Mihring chuan than lohna a nih avangin a hel deuh reng mai a.Kawrruam an han luh phei chuan a ding tat lat mai a.A kaitu Billy Joe-a chuan anchhelawh bawrh bawrh chungin a han phih nghek a,sakawr chu a petek dawrh a,Verla chu a vawrh thla tep a.Verla chuan,”Fimkhur rawh,ka kut in phuarbet tlat si a,ka indawm nghet vak theilo a nia.Lomax-Diablo gang chuan sakawr ruk tur pawh a tha ber chi ngat asin maw an thlan thin le “a ti nuah nuah a.
Billy Joe-a chuan.”Ngawi chipcham la a ni mai.ka thu chu nise tunah te hian khawilai kham mawngah emaw mulukawlh chaw turin I let hlawm reng tawh ang “a han ti a.
Verla chuan,”In lak tlak loh zia chu,sipai rangkachak in ban phak a awm reng tawh Lomax-Diablo gang in laktir theih danah atang khan a hriat reng a ni.” a la tita fova.
Billy Joe-a chuan,”Mahse mihur pawh dawr thei lova I ruih let zawi reng lai kan man leh tho che a lawm”a han t I a.
Verla chuan,”Fanny kha ka hrai tlai chiang teh a sin”a lo ti vin hlur a.
An hmalama lo va kal fal Marcusa kha a rawn let leh a,”Kawrruam hi kan hma deuh ah sawn a tawp a,kan va pawh tur ram chu a chhengchhiat hmel khawp mai.Verla, thil min hrilh tur I nei em ?a han ti a.
Lukawlhpa chuan chil a chhak phurh a,” Eng thil maw ?”a han ti a.
Quinna chuan,”Helamah hian Trump-a leh Diablo-a leh a hote an kal tih I hrechiang a maw? Min bum I tum chu a ni lo maw ?”a han ti a.
“Quinn lo ngaithla teh……”
Raiders dangte chuan an sakawr pawt dingin luite tui chu an intir a.Hunk-a leh Bob-a chu an sakawr atang chuan an chhuk a,an tuithawlte chu an thunkhat a.Billy Joe-a chuan a kawrfual ipte atangin sarep hem hmin a phawrh a,a thial nuau nuauva.A hmel pawh a hma ai kha chuan a hlim deuh tawh zawk a.
Marcusa chuan,” A la hma deuh bawk a,kan sakawrte chawlh hahdam tir pahin i inphihharh the ang u ”a ti a,sakawr atng chuan a chhuk nghal a.
Gray Peak leh Mount Evans tlang lam atang chuan thli vawt zet hi a rawn tleh heuh heuhva,Quinna chuan Love and Pass (tlangkar khan)thlen chu a hautak hle dawn a tih a hrereng a.Lomaxa te chuan phaizawl zaupui mai Divide an tih chu an pan ngei a rinse vek anangin Verla chuan kawng diklo a zawhpui lo tih a hria a ni.Lomaxa te chuan Palisades an pan em ni ang ?An sawi ang a Lomaxa’n a Indian nupui chulai hmuna adah tak tak anih chuan hmun dang an pan a rinawm lemlo.
Quinna chuan tui vawt zet mai chuan a hmai a phih a,chutah an mitangpa chu a han en a.Tuman hlanthlak an tum loh avangin kutphuar chungin Verla chu sakawr chungah a thu ngawi reng a,sakawr lah chu awm hle hle duh lovin a ter deuh utut reng mai a.
Marcusa chuan an mitangpa chu a pan phei a,”Hey,Verla,tui i in ve duh em? Han chawlhhahdam ve deuhte I duh lawm ni?”a han ti a.
Verla chuan,”A hrehawm thei ang ber a min awmtir hi intum ber emaw ka ti a sin” bak hluk hian a lo ti a.
Quinna chuan Verla kut an phuar na chu a phelhsak ta a.Sakawr atanga chhuk pahin Verla chuan,” A va nuam teh reng em !”a ti hlut a.
Quinna chuan,”Verla, diklo tak a chet i tum loh chuan tui in phalsak i ni ang a,ei tur pawh kan ei ang tho vaimim kanpuah kan pe bawk ang che” a han ti a.
“Eitur chu khawnge i dah ?”
“Saddlebag-ah,sipaiho hlawh tur rangkachak khung ka tumnaah.Cheyeene-ho nen kan inbeih laiin nangni phiangsen ho khan in lo rubo leh nghal” Quinna chuan vaimim kanpuah pek pahin,”Verla,Quinns Raiders hi bum tum duh ang che.Bumhmang hi kan tei theilo teh a nia” a han ti a.
Verl Randolph-a chuan vaimim kanpuah thial tawlh tawlh chung chuan eng thu emaw hi a han sawi a.
Quinna chuan,”Verl,enge i sawi ka hre thei hauhlo”a lo ti a.
Verla chuan “A lo nih tak chu,ka ti mai mai a nia” a han ti a,chutah,”Gang-ho bansan a Denver a khawsak ngheh ka tum a,mahse card khelhna ah ka sum chanve zawng zawng ka paih zo ta vek mai a…..” a han ngawi vang vanga,”Anni ho chuan Rockies kal tlangin Outlaw Trail pawh an tum a.Chumi hnuah Brown Park,Nine Mile Canyon,chutah Robber Roots atanga Utah Territory luh a chhimlam pan zel an tum a ni.” a han ti leh a.Chutihlai chuan Hank Proudy leh Loomis-a chuab an rawn zawm ve a.
Quinna chuan”Rin ngam i ni dawnin a lang e”a han ti a.Verla chuan,”Min ring ngam ringawt mai rawh”a han ti a a.Vawilehkhatah vaimim kanpuah chu a thamkhawm thut a,Loomis-a leh Hunk-a hmaiah chuan a vawm ta thawt mai a.Marcusa kapkar a pet tumin a ke a lek nghal bawk a.Quinna chu a lo inher hman avangin a tum anga a til bawra pet fuh lovin a khelah a petsak ta zawk a.Quinna chu a phe zawk a,a puakruk phawi pahin,”Che suh!”a han ti thawt a.
“Engmah hloh tur ka nei chuang lo.In zavaiin hremhmunah liam vek rawh u” tia au tuar tuar chungin Verla chu luite kama sakawr awmna lampan chuan a tlan kawi phei zawr zawr a.

Marcusa chuan silai hmetpuak lo turin midangho chu zaizirin a han hrilh a,Verla chu a um phei ve ta a.Lui chu a daikai a,Verla chu a lehkhalh ta a.Verla chuan Loomis-a sakawrah zuankai a han tum a,a au chul avang khan sakawr thlabar chu a lo tawlhsawn dawrh a.Chu chu remchanga hmangin Quinna chuan a puakruk chu a bawmah a khung a,Verla lam pan chuan a tlan phei ta a.
Verl Randolph-a chuan luite kama lungtum pakhat chu a char a,Quinna chu a vawm ta nghek mai a.Pound hnih zet a rit granite lungchang zet mai chuan Quinna awm chu a rawn deng dawt a.a awm chu a na hit chuai(h) a,a thingthi ta hnawk a.
Verla chuan a rawn pan phei a,a silai rawn phawi a tumlai chu Quinna chuan a hrawkah a lo hnek sak a.Verla chu a thaw ri hruih a,a tawlhlet dawrh a.Marcus Quinna chuan a bawhzui a,a rem lai laiah a hnek ta mawlh mawlh mai a.
Verla mitko chu a kak ruah tawh a.Thisen chu a mitah a rawn luanglut tuam tuam a,a hnar pawh chu a thi hnuang tawh mai bawk a.A hahmai pakhat a bal tawh bawk a.
Marcusa chuan “I duhtawk tawh em ?”a han ti a.Verla chu a ngawih reng a vangin a bengah a han hnehsak leh chawrh a.Verla beng chu a rawn thi nghal zawih zawih a.
“Quinn ka duhtawk tawh e,min khawih tawh lul suh “
“Tlanbo I tum leh ang em ?”
“Tum tawh miah lovang”
Verla aw chu a tham tuak a,a thaw ri hruih hruih mai bawk a.
Raiders dangte chuan Quinna te pahnih chu an rawn din huala.Hman chak tih hriat hliah hliah hian an kututm chu an humruh ran mai hlawm a.
Verla chuan “Min khawih tawh lul suh u !”a ti chul a.Chutah,”Palisades panna kawng ka kawhhmuh ang che u.A hmasain thil mamawh lam turin Belnap khua tlawh phawt ila” a han ti leh a.
Quinna chuan a kut pilh chu chul hauh hauh chungin,”Chu khua chu a hma khan a la sawi ri miahlo”a han ti a.Chutah Proudy-a hnenah chuan.” Sakawrah hlang ula,tun tum chu sakawr dul nen phuar belhbawm tawh rawh.Nghet theihtawpin phuar ang che” a han ti zui a.
Verla chuan,”Krista leh ! Quinn min sawisa hrep tawh a lawm.Min ring ngam rawh.Rinngam ka ni tih ka tiam a che “a lo ti chul a.
Quinna chuan,” I intiam avang khan ka ring ngam chuanglo che” a lo ti hmiah a.
Khua chu vartianah an lut a,van lamah chuan arsi an lo de phauh phauh a.An chhehvel tlang vur khuh var vo maI te chu a lang mai hle a.Quinna leh a hote chuan khuaah chuan eitur leh silaimu tam tawk lei an tum a ni.Sipaiho hlawh tur anhmuh letna tur kawngah chuan cung thil pahnih te chu an mamawh nasa dawn a ni.
Belnap chu khua tia chhiar ve theih chang chang chauh hi a ni a.Kawtthler awmchhun chu yard zaa thui (sei)pawh a tling lova.Kawtthler sir tawn tawnah chuan in tlem a intlar ve bang a.Saloon pawh pakhat chiah a awm nghe nghe a ni.
Marcusa chuan” Khua tia han sawi theih pawh a nih meuh loh hi” ner deuh nang chungin a sira kal,Verla leh hank Proudy-a hnenah chuan a han ti a.
Verla chuan,”Trump leh Kida te sawihmang khan khawlian tak chu a nilo reng a ni”a lo ti a.
“He khua hi I la tlawh ngai biklo tiana a ni maw ?”
“Helai ram velah hi chuan ka la mikhual khawp mai.lomaxa te thil ruahman vanga rawn teilut ve mai ka ni”
Hank Proudy-a chuan,” Belnap a kan awmchhung hian I fimkhur hle angaii ang.An thlanmualah sawn hmunawl a la tam em saw.”a han ti a.

Verla Randolph-a chuan a hmiui a chip hmak a,kawtthler chu an zawh phei ta zel a.In pakhat a bang a ‘The Gem’ tih intar zawn an thlen chuan Marcusa chuan a sakawr chu a pawt ding a,midangho pawh chu an ding ve nghal a.Sakawr atang chuan an chhuk a,an kawrfual chu an beng fai thuak thuak hlawm a.Chu Saloon chu chhawlbuk aiin a changkang hret chauh a ni ber e;mahse Saloon awmchhun a nih miau avanginRaiders ho chu thirhipthei tluk zetin a hip na vet ho a ni.Saloon kawngkhar chu an su hawng a,mi pahnihin Verla chu an karcheh a,saloon chhungah chuan an lut ta a.

Inchhung chu a thim deuh ruih a.Eng awm chhun chu bangrel a bati tlem a zawng an chhit chu a ni mai.Bar dawhkan chu barrel pahnih chung a thingphel kham hi a ni a,Bar dawhkan hnunglam banga sazuk pachal lu an tar chu chu saloon chhunga thil mawihnai deuh hmuh tur awmchhun chu a ni mai.Bar dawhkan hnungah chuan bar nghaktupa pathau zet mai hi a lo ding tova,mi pathum hian thil an lo ei mek bawk a.
Marcusa te ho chuan Whisky an lam nghal a.Bar nghaktupa chuan a rawn chhawp a,a che vel chu a maung ngang mail eh nghal a.
Hank-a chuan whisky chu a han lem hmasa ber a,vawihnih a hank huh thuai thuai a,a pum chu a sa thla vut vut mai bawk a.Bar nghaktupa hnenah chuan,”A tak kher mai,mahse um a inziak Old Overholt chu niin ka hrelo” a han ti a.
Bar nghaktupa chu muangchangin a rawn inher a,”Overholt chu nikum lamatang khan kan nei tawh lo.Tuna kan neih hi chu helai hnai tlangram a cheng mi pakhat siam a ni a,kei chuan a tui lohna pawh ka hre hran hleinem”
“Keipawh “
“Chuti a nih chuan a tha anih chu !A man chu mi pakhatin Cent sawmpanga zel a ni a ni.Paruk inni a dollar khat tihna anih chu”

Loomis-a chuan”Sawmpanga vawi ruk chu sawmkua alawm “ a lo ti a.

Bar nghaktu chuan a dar a chin uk a,Quinna chuan,” Sawi tam angailo “ tih pahin a bag a phawrh a,cent sawmkua a chhiarchhuak a,bar nghaktupa chu a pe a.Pawisa a dawn zawh chuan bar nghaktupa chuan bar sir kila chair chu a pan phei chhut chhut a,chair ah chuan a thu a,a muhil zui ta mai a.
Billy Joe-a chuan,”Verl, khawchhung mi zawng zawng hi heap ang veka thothang tha hi em ni an nih ?An nih vaih chuan Denver lamah hmun fianrial deuh zawng a kir leh mai ka duh a ni” tiel tih hriat fe hian a han ti a.
Verl Randolph-a chuan,”Ka hre biklo le.Belnap khaw chanchin hi hriat ka nei bik lo.Hmeichhia erawh chu an van hmel riauvin ka hria.Trump Lomaxa khan helam kawngah hian khawlian deuh zawk Bitter Wash a awmin a sawi a.Keipawn chu khua chu ka la hmu bik hauhlo “ a lo ti a.
Mi pathum awm ve te kha anthu a inhmu vaklo ni tur a ni,an ri ta hlut mai a .Quinna chuan chu mite lam chu a hawi thuai a.An zinga hmelchhe ber thusawi chuan midang pakhat ban dinglam bul chu a ti thinrim hle ni hian a lang a.
Banbulpa chuan,”A tha e, Seth Oaslow ko chhuak nghal ang. Awm ve lo tura induh chuan Morg Rappa hian awmlui a tum biklo “ ring zet a tih pahin kawngkhar lam a pan nghal a.
Rappa chuan Raiders ho chu a rawn kal pel a,a rawn kal pelh pah chuan Verl Randolph-a chu chiang zet hian a han melh a,pawnah a chhuak zui nghal a.
Randolph-a chuan dakchhuak duh hauh lovin a thil inlai chu a en reng a.

BUNG-6

Morg Rappa chu kawtthlerah rualremlo zetah chuan anchhelawh a phun mawlh mawlh chungin a kal phei dawr dawr a.Kum hnih kalta a a banbulh atang kha chuan kut hna a thawk ngai meuh lova,Gem-Saloon ah chuan a tap deuh chawt reng a.
Kawtthlera a kal laite chuan Cutgut Canyon lama khawsa whisky siam thintu Cicinatus McGuire putara chu a rilruin lawmthu a hrilh mawlh mawlh a.Rokies tlangram ah chuan thlasik a nat theih em avangin thlasik lai chuan khawchhak lam atangin whisky a rawn thleng ngai meuhlo a ni.
Thirdeng dawr bul a thlen chuan Rappa chu a han ding deuh dat a.Thirdeng,Phil Phillips-a chu a lamhnai,a nu ni fapa a ni a.A rilru thlak leh ta niawm takinRappa chuan Phill-a dawr chu a kal pelt a zel a.Tuna hmuh a tum chu a laina hnai tho Kibbee Rapa a nia. Kibbee Rappa chu a ‘Cousin’ a pa unaupa fapa a ni nghe nghe a.Nunrawng tak leh thinchhe zet mai hi a ni.
Morg Rappa pawh chu zaidam tia han sawi tur a ni biklo;mahse a pawng a pui a thinchhe ngawt zawng a ni bik hauh lo.A ban chu tawlailir vengtu in shotgun a kah bun sak bakah a nupui chu Verl Randolph-an a lo uire sak kher a.Chung thilte chuan angaihtuahna a ti tawiin a thin a chhiat phah ta em em a ni.
Randolph-a khuaah a rawn kal tih a hriat chuan a nupui Flo-i chuan hmuh a tum ngei ang.Vaw hrep mahse a sawt chuang lovang.Chuvangin Verl Randolph-a chu thah a tul a ni ringawt mai.
Rappa chuan kawtthler pensanin tlanglam panna kawng chu a zawh chho ta a.Khua atang chuan a cousin awmna chu darkar chanve kal vel hi a ni a.
Rappa leh Kibbee-a chu chhungkhat annih mai bakak mi inang sa inang an ni a.Verl Randolph-a hmachhawn tur chuan an in thurual thei ngei ang.
A ruala rawn kal ve mi pang dangte khan Verla chu anpuih a rinawm lem lova.An pui ta anih chuan thlan thar laih a ngai ngei dawn a ni.
"Khuan ah hian Cafe a awm em ? " (chaw leh thil dang zawrhna)
"A thlawna eitur ka buatsaih thin ang hi in duhzqwng a ni lemlo em ni ?"
Marcus Quinna chuan ' Gem Saloon neitupa chu a en a," Tlang takin sawi ta dawt mai ila,i artui kan rim a tui loh mai bakah i chhangte lah chu ui chaw tluk chauh niin ka hria " a han ti a.
Saloon nghaktupa chuan a dar a han chhin uk a,"Man chawi a chawei in duh phawt chuan Clem-an a nei ang.Thildang pawh a zawrh tel nual kha.Kei chuan Clem-a chaw sawi tuiti taka ka ei pawh ka hre nek love " a ti nuah nuah a.
Bob Depro-a chuan,"Nanga tui tih leh tih loh kan ngaithuah lemlo" a lo tihsan a.
Hank-a chuan,"Clem-a dawr chu i pan phawt teh ang u." a ti a.Pawnah an inzui chhuak ta a.
A hnuhnung ber a kalin Loomis-a chuqn Verla chu a chhawm a.Verl Randolpha chu a tawng leh ta reng reng lova.A inngaihtuah muk hle a.' He khuaa ka thiante khan min tanpui vat ang chu maw....Raiders ho hmel an hmuh avang hian min hria angin an lang duhlo a ni ngei ang.An mitang ka ni tih pawh an hai hauh lovang.Morga pawhin min tanpui duh mai thei-Flo-in min tanpui tura a tih phawt chuan a hnial ngam hauh lovang,min puih chuan a laina hnaiteho pawh an tel ve ngeiin a rinawm.Raiders ho hian hawi champ thei an nilo tih an inhre thuai ang.' A thil ngaihtuah vhuan Verla chu a tihlim deuh sawt a.
Clema cafe chu in te tak te,tha fahran lo tak hi a ni a;mahse pawnlam a en ai chuan a chhung chu a lo changkangin a thianghlim phian a.Dawhkante chu puanin a inkhuh thlap a.A nghaktunu kum sawmthum pang mi vel chu hmel nelawm tak leh dawr nawm hmel tak hi a ni a.Chu nu chuan Raiders ho zinga Verl Randolph-a a han hmu chu amak a tih hmel hle a;mahse a hawisan leh thuai a.Verla chuan lu a lo thin khum em ni ? Quinna chuan a hresual a nih a ring leh ta zawk a.Quinna teho chuan thuthmun an remfel hnu chuan coffee leh eitur an lam ta a.Cafe nghaktunu chuan,"Sawi ta mai mai ila ka hming chu Flo-i a nia " a ti a,choka lama luh a rual nghal a.

**********************

Thing inchhungah chuan mi pahnihte chu stool tawngtawl zetah hian an thu a.Kibbee chuan hlum bela a zu dah chu a han khiat khawlh a,Morga chu a han pe ve a.Duhthawt zet a a lem hnu chuan Morg Rappa chuan hlumbel chu Kibbee chu a pe let leh a.Hetiang hian darkar khat chhung zet pawh zu indun se la,a tu amah mah an rui chhe ngai hauh lo a ni.
Mi pahnihte chu rui chhe hauh lo mahse an tan thil buaithlak tak a awm tlat mai.Verl Randolpha chu Outlaw hlwhtling tak a niin dawihzep a ni hauh lo bawk.Kibbee-a angin a ke a bai ve lova,Morg Rappa angin a ban a bul ve lo bawk.Trump Lomaxa leh Diablo'a te thian a la ni leh zel a.Tu ah lah gunman rorum hmel tak tak a rawn kawp leh ta bawk a.
"Morg,Flo-i hi khawnge a awm ?"
"A hnathawhna Clema hnenah,engtizia nge?"
"Unaupa,hna hi thawk ve thin la chuan i nupui hi a hahdam ve deuh ngei ang tih hi i ngaihtuah ve ngai em ?"
"Eng hna nge maw thawk thei se min tih le ? Ban pakhat chauh,veilam leh nghal ka nei a,dinglam hmang thiam zawk ka ni leh nghal si. "
Kibbee-a chuan,"Morg Rapp,lo ngaithla teh,Verl Randolpa chu a lukawlhah suantlang kan thun sak ang a; chuti chuan i nupui chuan nanglo chu midang ngaihven tur a nei lo mai ang.A rilru pawh a danglam zui ve mai ang " a han ti a.
Morg Rappa chuan,"chutiang chu ka rilru putdan chiah a ni " a ti a,zu chu a han lem pawp a,a han hahchhiau zui a.
Kibbee-a chuan,"Mahse Randolpha chu kan malthlur a ngai dawn a ni.A rawn kal pui ten an puih vaih erawh kan chan a chau hle ang.Hetiang hian rem i han ruat teh ang.Verl Randolpha chu vawiin chawhnu lam hianin in lama rawn kal turin Flo-i hrilh tir la,chu aia hma a a rawn kal theih phei chuan a tha hlei hlei a ni mai.Chutichuan a thiante awmloh laiin kan bei thut mai dawn a ni."a han ti a.
Morga chuan inngaihtuah muk hmel tak hian a lu a hiat nauh nauh a,chutah," I remruat tha viau mahse a hlawhtlin ka ringlo tlat.Flo-i...." a tihlai mek chuan Kibbeea thinrim chu te thawt pahin a zuangtho ta thut mai a." Morg,lo ngaithla rawh.Flo-i chu i hmin thei lo a nih chuan kei chu ka ralbang nghal a ni mai."a ti ta tun tun mai a.
Morga pawh chuan," A tha e.I rawn kal ve dawn em ?"a ti ta nge nge a.
Kibbee-a chuan," I inah ka lo nghak ang che.Hun rei a duh lovang "a ti a.
Morga chuan,"Verla chu a thian panga te nen khan rawn kal ta sela ?"a ti leh ta zel a.
Kibbee-a chuan then deuh thu chuang hian,"I in chhakah khan lung tohlawt a awm a ni lawm ni ? Lunglum hi hlauhawm tak a sin.Rang lutukin min chhilhbo thei a sin " a ti ta a.
********

Loomis-a chuan a sakawr ke khingkhat thinkhen thalo chu siamthat tir tumin thirdeng in lam a pan a.Midangho chu an thil mamawh lamin an awm hnufual a,an zingah chuan Verl Randolpha pawh a tel ve a.Loomis-a chuan thirdeng Phila'n thirling sen vur mai a deng tek sawk sawk chu a thlir duah duah a.Taima taka mi hnawthawk lai thlir hi a nuam tih zawng a ni reng a.
Cafe-ah khan tumkhat chu an hmeichhe chawrnu biak a tum avangin Verla kha a nghawk sawk a,Marcusa'n tawnglo turin Verla chu a rawn khap nghal bawk a.Verla chun hmeichhe biak chu a chak zek zek hian a lang a,mahse a tawngchhuak ngam ta chuang lova.
Phila chuan Loomisa sakawr ke thirkhen chu tha takin a siamsak ta a.A thlan chu a han huih pawk pawk a,chutah," I thiante pawh an lo kal ta " a han ti a.A phu zawk a,"E hau ! Amah a ni reng mai." a ti ta hlut a.
Loomisa chuqn ," Engnge ni ta ?"tih leh Phila lam rawn hawi chu a rual a.Phila makti chu a ang phuauva."Verl Randolph,awmhlen tawh turin em ni i rawn haw ?"a ti ta a.
Marcusa te ho chu an in enkual thuai a;chutah Verla lam chu an hawi rual thawt a.Quinna chuan Verl Randolpha kawr awmah chuan a tham chawt a,"Thirdengpa sawn a hria che a ni maw?Henglai velah hian mithar i ni lo tawp mai.A dik em?"a han ti a.
Verla chu a mengkhup lap a,a mitvun chu a phu zawih zawih mai bawk a." Quinn,min that lul suh.Thil hlauh ka neih avangin dawt ka sawi...."a han ti a.A aw chu a khur dawt dawt mai a.
An zavai chuan thirdeng dawrah chuan an lut ta a.Quinna chuan thirdeng hnenah chuan,"Hepa hi i hriat hnu niin a lang a.Kei chuan helai velah hian a khawsa thin tih reng ka lo hre ve hleinem " a han ti a.
Phil Phillips-a chuan,"Verla hian a hrilh lo mai mai che u a nih chu ! Belnap a mite hian Verla hi kan hrechiang khawp mai.A lar vak lemlo nain mite lawm a hlawh phian a sin. A chhan chu Lomaxa leh Diablo-a te...." a la tihlai mekin Quinna chuan," Nupui fanau a nei em?"tiin a lo zawta.
"Lomaxa leh Diabloa chuan nei lo.An nula duh zawng an hmu lo a ni ang.Diablo'a chuan....."
"Verla chungchang a nia ka zawh che "
"A ni tak maw ? Verla hian nupui a neih awm reng reng ka hre lo"
"I hrechiang chiah maw ?"
"Hrechiang e.Nikum lam erawh kha chuan..."
Quinna chuan thildang daih a lo ngaihtuah a.He khuaah hian Verla chu a lo khawsa thin a nih si chuan thil awmdan hrethiamin a thianten rawn chhan an tum thei tlat a ni.Thildang buaipui a hun khawkral hman an nilo tih hriain Marcusa chuan Phila thusawi pawh chu ngaithla chhuak hman lovin,"Khua hi i chhuahsan vat ang u"a ti ta a.Verla chu a kawk a," Nang kha ka bulhnai thei ang berah i kal tur a ni.Khua kan chhuahsan hma chuan tumah i be tur a ni bawk lo.I hria em?"a han ti zui a.
Verl Randolpha chu a bu nghat a.Quinna chuan,"Thianpa,ka thu i zawm loh chuan i thi a ni mai"Verla hnenah chuan a han ti phawt a,Phila hnenah chuan,"Thirdengpa,kan kalsan mai ang che."a han ti a.
Phila chuan,"Min la rawn tlawh leh thin dawn a nia.Verla,damtakin le,fimkhur tak zelin aw " a lo ti ve thuai a.
Raiders ho chuan an sakawr zinte chu an suihnghet a,an kal dawn tep tih chuan kawtthler kil tawpah chuan Flo-i kha a rawn lang a.
Bob Depro-a chuan,"Ban a rawn vai e-engemaw sawi chu a nei a,mahse ka hre thei tlat lo" a han ti a.
Marcus Quinna chuan a sakawr chu a pawther a,a kut a han vai zauh a,an sakawr chu ankheng tlan ta a.Anmahni lo thlir tengtu mi pahnihte chuan an rifle an la a,an sakawr dahna lam an pan nghal a.Pakhat zawk meng thip zel mai phei chu a ban dinglam a bul nghe nghe a.

BUNG-7

Quinns Raiders ho chuan tlangsang lam panin Belna chhimthlang lam kawng chho zet chu an zawh a.A ram chu a khawkrawkin khawi maw lai laia thingbuk bawrchhawr te te hmuh tur awm leh zauh thin tih loh chu hnimhring leh thingkung hmel dang hmuh tur a awm lova.An hmalamah chuan Sawatch tlangdung chu a inkham ruah a,a chhip vur khuh var vo mai chu chhumin a bawh paw chuk a.
Chulai hmun khawimawlai ah chuan Trump Lomax,Diablo Kids leh a hote chu an thil ruk 'sipai hlawh' nen an awm zawng a ni phawt mai,chu an thil ruk chu Marcus Quinna leh a hote kut atanga an ruk anih ang bawkin U.S.Sawrkar thil ru an ni nghal bawk a ni.
Lungpui kar atang chuan a rawn khu chhuak laih a,silai ri hian a zui nghal a.Han bihruk na tur hmun lah a awm der silo.A lo changtute chuan tanhmun anthlang fuh kher mai.
Hun engemawchen kal ta atang khanmi engemawzatin Quinna leh a thianre ho chu nuaibo an lo duh tawh thin a.Tunah hian chumiteho zinga thenkhat chuan Winchester rigle nen anmahni that tumin an bei ta a ni ngat mai le ! Silaimu chuan Hank-a sita lungpui chu a rawn deng khem hrawk a,silaimu dang leh chuan Billy Joe-a hma a fit khat vel lek a hlaa thingbuk hnah chu a rawn chhawk thawt mai bawk a.Raiders ho chuan an rigle an phawi a,silai rawn puahna lam hawi chuan an rifle chu an hmetpuak zawilt zawt a.Mahse an awmna chu a ualau lutuk lam a ni.
Quinna chuan a sakawr chu a pawther mawp a,a Henry rifle chu chunglamah a han lek a,"Naute u,i bawh phei ang u.Proudy,nang hnung han dawl rawh " a han ti thawt thawt a.
Proudy-a chuan hnung a tawn dawl a,Verla chu an laitat a,silai tawn rikna lampan chuan an tlan phei ta a.Verla chu ralthuam neilo mahse thlahthlam an tum hauh lo a ni.
An han tlan thut takah chuan Verla sakawr chu a talbuai leh ta a.Verla chu a vawrhthla lo chauh a,sakawr tuangah chuan a inham tang hram hram a.

Raiders ho silaimu chuan anmahni lo lambuntute inphenna lungpui chu a deng khem hlawk hlawk a.Silaimu khat chuan Verla chuanna sakawr nghawng chu a rawn thawi pilh hlawk a,sakawr hlau mangang chu a khek tuar(h) a,a ke hnunglamin a ding ur ur a,a ke hmalam chu a vai vuat vuat mai a.
Mi pakhat Quinna la hmuh ngai hauhloh hi lungpui chungah chuan a rawn tlan lawn a,Spencer rifle hi a keng a,hmehpuah zawt zawt pahin,"Mihurpa thi rawh" a han ti thawt a.Mi pakhat dang hian a rawn zawm a.
Lungpui chunga rawn chuangkai hnuhnung zawk chu a ban lehlam a bul nghe nghe a. A kut veilamin puakruk a hum a,a hmetpyak zawt zawt a,mahse a silaimu chuan pawi a khawih pha lo hle.
Marcus Quinna silaimu chuan Spencer rifle kengtupa awm chu a verh siah a.Chupa kawr awmah chuan thisen a rawn val chhuak pawp pawp a.A ka atang chuan thisen a rawn phyan chhuak bawrh bawrh a,ang phuau chungin lungpui atang chuan a letthla ta tawp a.A tal awrh awrh lai chu Taiders silaimu thum in a rawn fuh leh a,a zi awrh a,a zal hlen ta a.Chutihlai chuan Verla sakawr talbuai kha a zuang zawk a,a tlan ta chiam a.
Ban bulpa chuan,"Ka unaupa in that maw,sawnchheho,Verl Randolpha kha ka chhuah bik chuang lovang."tiin a te chul a.
Raiders ho silai chu a puak zawt zawt a,silaimu chuan ban bulpa hrawk chu a tawn thler hawk a,silaimu dang chuan a ke khingkhat chu a rawn verh leh siah a.A te thawt a,lungpui atang chuan a hlawm thla ta tawl mai a.
Billy Joe-a chu a sakawr atangin a zuangthla vat a,banbulpa lam pan chuan a tlan phri a.A bul a thlen chuan a han pawm tho vat a,banbulpa chu a thaw ti bawrh bawrh a,a zawi ta hnawk a.
Hank-a chuqn,"A tute tehhrep nge maw an nih le ?"a ngaihna hriat loh hmel tak hian a han ti a.
Bob Deproa chuqn "An thah tum ber chu Verl niin alang " a lo ti a,chutah,"Khawnge Verla hi ?"a han ti a.
Loomis-a chuqn,"Kan chhanhim chu a ni ta phawt mai"a han ti bauh a.
Marcus Quinna chuan,"E khai ! En teh u " a han ti thawt a.Verla sakawr chu a lo talbuai nasa mai a,a chiphuan a tla var buah mai bawk a.Verl Randolph-a thlabar chu a te chul a.An hma lawkah chuan kawrthuk zet mai hi a awm a,sakawr chu han thunun theih ziazang a nih loh avangin kawrruamah chuan a tla thla ta nge nge a.
Lungphera a zuk insawh dawt rual chuan mihring te thawm leh sakawr khek ri chu a reh nghal hmak a.Quinna leh a hote pali chuan thinrim phun bal bal chungin kawrruam chu an thlir thla thap a;chutah an sakawr chu an pawther a,phun nang nang chungin an kalsawn ta a.
Billy Joe-a chuan chil a han pik puat a," Kha banbilpa khan Verla kha engvanga haw viau nge maw a nih dawn le ?" a han ti a.
Hanka chuan," Engvang pawh lo ni ta se,Verla ber a thi tawh a,anni pahnih lah an thi hlawm reng tawh bawk a, hriatchhuah a har duh fu ang" a lo ti a.

Loomis-a pawh chuan a Navy Colt mu thin khah pahin,"Chulam zawng i theihnghilh tawh teh ang u"a lo ti ve bawk a.
"Marcus,engtinnge ni ta ang ? Verla kha Lomaxa te ho awmna min hruai thleng theitu a ni si a ?"Loomisa chuan a han ti a.
Quinna chuan,"Loomis,i rilru ti hnual duh suh,kan sawnchheho chu kan zawng hmu em em ang.I kalsawn phawt teh ang u.Miruang pahnihte pawh saw phum an tul lo"a lo ti a.
Mi tawhkhirh tak tak panga te chuan an sakawr chu an pawther a,an kal tan leh ta a.Khua chu a tlai lam tawh a,boruak pawh a vin tha hle a;mahse thli vawt tak lak atang chuan an kaerfual hak chuan a vawnglum tha hle a ni.An hnunglamah chuan mulukawlh an rawn lang nghal vat a,an thlawk kual pup pup achutah miruang tlan tur chuan hnuailamah an bir thla ta sup sup a.
Quinns Raiders ho ho han tal ve tawhna chinah chuan mulukawlh hote chuan eitu an tlachhamlo hle zel ni berin a lang.
Tlai ni eng chuan tlangte chu a chhun eng sut a.Reiloteah khua a thim tawh mai dawn a ni.Kawngzawl chin an thleng ta a.Tawite an kal leh hnu chuan kawrruam hmunzawl lampanin tlangpangah an chhukthla ta a.Kawrruam ah chuan dil,fit sawmnga bial vel hi a awm a.A kamah chuan far thing a ding zen thulh a.Dilah chuan zanriah hmeh tur sangha man tur pawh a awm mai thei a ni.Marcusa saddlebag ah chuan nghakuai leh a hrui a awm a,Depro-ate unau chuan an kawl ve ve bawk a.Thing hmun an thlen chuan hnimbuk kar atangi sakhi a rawn zuang chhuak a,chak zetin hmun fai laiah chuan a lim phei a.
Bob Depro-a chuan kawlphe aia muang hret chauhin a rifle chu a bawm (scabbard) atang chuan a pawt dawk zawk a.A koki lam a lekchhoh pahin a hmetpuak thuai a.Hnimbuk kar a sakhi zuanglut tur chu a let hlawm ta tawl mai a.A nghawng atang chuan thisen a rawn luangchhuak zaih zaih a.Loomis-a chuan sakhi chu a pan phei thuai a,sakawr atang chuan a chhuk a,sakhi hrawkah chuan chemte in a han zai a,sakhi chu a tal laih laih a,reiloteah a zal ta raih raih a.
Murcus-a chuan,”A vun kha helaiah hian lip mai rawh u.Dilkamah khuan kan inkulh dawn a nia.Tui chawi hran angai lo ang a,a tihchi khawp ang”a han ti a.
Billy Joe-a chuan,”Zanin chu han khawih rak tur kan nei ta lo bawk a,lungalhthei kan mamawh dawn ta lo a nih hi”a han ti a.
Marcus-a chuan,”A dik chiah.Verl Randolph-a khan zanin chu hremhmunah a hmang dawn ta chu a ni phawt mai a,hremhmunah zan te a awm ve ngai a nih chuan !”a han ti a.
Hank Proudy-a chuan,”I sakhaw mi tan ta riauvin ka hria”a han ti a.Quinna chuan engdanga chhanglovin,”Ka ngaihven ber zawk chu sipaiho hlawh tur rangkachak kha a ni”a lo ti a.
“Saw saw Bitter Wash chu a ni maw?”
“A nih hmel khawp mai.Verl Randolph-a pawhih a sawi kha.”
“Belnap ai ngawt kha chuan a lian zawk a lawm”
Khua chu a sir tawn tawnah lungbangin a hual zui mai a.Quinna chuan Saloon pali aia tlemlo a chhiar thei a.” Tun tum chu zu inna chhan tur chhuanlam kan nei ta “ tih pahin Quinna chuan a sakawr chu ‘Red Mule’ kawtah chuan a pawt ding a. "Lomax-Diablo Kid Gang-ho chu khuaah hian an la awm reng nge an paltlang hriat i tum phawt teh ang.Insemdarh ila thil kan hre chak thei deuh ang. Red Mule-ah hian kei ka lut ang a,Saloon dangah in lut ve dawn a nia"a han ti a.
"Darkar khat vel hnuah min hmuh i duh lovang maw?"
"Sawlai Hotel tih intarna kawtah sawn kan in hmu dawn a nia"
Hank-a leh midangho chu an kalsawn ta a.Saloon dang,Miners Rest,Telluride leh The Turban antih ah te chuan an insemdarh ta a.Quinna chuan Cigar a a tan te te a,muangchangin Saloon ah chuan a lut ta a.Bar a pan ding nghal a.
Bar nghaktu,hmuihmul zuah du mai,ban hmul thiap thuap chuan,"Engnge i in ang?"tiin a lo zawt a.
"Old Overholt i nei em?"
"Nei tlat lo mai"
"A nih leh Cyrus Noble min han pe ta che.I Whisky chu engnge a an reng reng?"
"Tui lutuk maw le"
"Chuti chu i lo tem chhin ang hmiang"
Bar nghaktu chuan intur chu a rawn thlit a,Quinna chuan cent sawnhnih panga tlang a pe a.A nawi a rawn kir tak loh avangin Quinna chuan,"Min kir dawn nange ?" tiin bar nghaktupa chu a han zawt a.
Ani chuan,"Bitter Wash ah hian Kerosene Jake-a tih chauh lo chuan Whisky na khat cent sawmhnih pang vekin a nia kan hralh ni.Ka mi sawipa chuan a titlawm deug a,mahse Kerosene(khawnvartui)rim nam bak hlui tur a neilo ang che" a lo ti a.
"I mi sawipa chu khawnvartui zuar a ni maw ?"
"Ni e"
Bar nghaktupa chuan midangho chiau au turin Quinna chu a kalkian san ta a.Miners ho chuan an hnathawhna chungchang an sawi mawlh mawlh hlawm a.Marcusa chuan Outlaw ho chungchang sawichhuahna hun a melh ru reng a.
Chuta tang chuan Trump Lomaxa leh Diablo Kids chungchang pakai a remchang dawn tlat a ni.
Hank-a chuan Miners Rest Saloon bar dawhkan bula dingin Saloon chhung chu a han thlir kual vel a,chutah a intur order Whisky leh rye chawhpawlh chu a han lem pap a.An chawhpawlh tawk hle hian a hria a.Hetiang zu chawhpawlh hi Hanka tui tih zawng ber phei chu a ni lo,mahse remchanna a nei tlat a ni.Vawiin hian Hank-a hian mi danglam tak anga lan a duh a,a chhan chu thil danglam tak hriat a duh vang a ni.
Khua a mite chuan chti mai a awlsamin Lomax-Diablo gang chungchang chu an hrilh mai a ringlo ru tlat a.Chuvangin a lemchan thiam chu hman tangkai a tum ta a ni.
Reivaklo inchhunga mite a thlirkual hnu chuan belh bul tur a thlang fel ta a.Saloon chhunga inchei nalh(uluk) leh thutna lam chu a whisky nen chuan a pan phei ta a.
Chupa suit hak chu fai taka khuih a ni a.A hnunglam bangah chuan a lukhun chhip bial 'Derby hat' chu a tar a.Hun hriat tumin a sana rangkachak a siam chu a han en zauh a,amah chu khuaa bank neitu,hausa tak leh mi zah kai tak a ni a.
Hank-a chuan," Ka pu,in khaw nuam tak ah hian mikhual ka ni a,gentleman dik tak i ni a ka hriat avangin ka rawn bel bul tawp mai che a ni.Bitter Wash ah hian hmun duhawm tham tak rochungtu tur zawng chhuak tura lo kal ka ni a,chumi kawngah chuan min pui thei ang em?Banker hnenah chun a han ti a.
A mi biakpa chu a rawn dakchhuak a,a mitko a han san ak a,"A nih tak chu ! Mahse vawiin atan chuan ka hna ka lo zo tawh tlat mai.Naktuk lamah inbe zawk ang hmiang.Ka bank chu dar sawm....." a la tihlai mekin Hank-a chuan," Ka pu,min lo hrethiam hram mai teh,chhete pawha ka tlai palh pawhin thil a buai zo vek thei a ni.Ka hming chu Walter Wagersa a ni a,Illinois biala Merchants Bank of Chicago 'agent' ka ni a.He thil hi kan Bank in a buaipuiin mawh a phyr tlat a ni.Ka mi xawnpa thil rochungtu tur chuan tunhnai lawk khan helai hmun hi a rawn paltlang a rinna ka nei a,amah pawh hausa tawk tak a ni nghe nghe"a lo ti zung zung a.
"Mr.Wagers,tanpui theih che chu ka duh khawp mai;mahse.... "
"Khawngaihin Mr........."
"Belvidere.Rufus Belvidere-a ka nia.Bitter Wash Bank neitu hi ka nia."Rufus Bevidere-a chuan a lo ti thuai a.Chutah,"Mr.Wagers,tanpui che pawh tum mah ila i mi sawi a chu tunge a nih ka hriat tlat siloh chuan ka inhnem na ringawt chuan awmzia a nei lovang.Chuvangin a hming leh a pianzia te han sawi la."a han ti leh a.
"A hming chu ,Mr.Harold Lloyd Lomaxa a ni a,United State Army ah pawh a lo tang hrep tawh a ni awm e.Tunhnai phei chuan 'Trump' tiin an hre lar zawk......."
Banker pa chu a phu zawk a,a zu pawh chu a sawi baw thelh nghe nghe a.Proudy-a chu a han hui zoh a.Proudy-a chu Banker pa lamah chuan a kun hnai thuai a.
Rufus Bevidere-a chuan," Official tak chuan engmah ka sawi thei lo.I mi sawipa chu mimal tak chuan kan inhre lova,a hming erawh chu ka hre fo tawh thin.Mahse ka theih ang tawk tawkin ka tanpui ang che" a ti ta a.
" Ka pu,engtikawng pawhin min pui la ka lawmdan a pangngai reng ang. "
" Lo ngaithla rawh i tihtur chu........."

*********

Billy Joe Higgins-a bula ding 'Miner' pa chuan bar dawhkan chu a no mawng chuan a han chhu ri dawt dawt a.Amah chu Billy Joe-a tluk zeta dar pharh hlai leh tihrawl nghah hi a ni a.a kutbawr te pawh chu a hruanghrau ve hle a;mahse san lamah chuan Billy Joe-a ai chuan a hniam deuh zawk a.Bar nghaktupa chuan card khelho a buaipui avanga a intur lam thawm a hrelo chuan miner pa chu a ti thinrim hle a.
BillyJoe-a chu,chu miner lamhawi chuan a inher a," Eng thil maw i phu chu ?" tiin a han zawt a.A aw thum tak chu a ringlo hle nain benga rawnga han thun loh chi ziazang chu a ni lo.
Miner,Speera chuan," Ka thil phu maw ? He saloon chhunga ka duh duh neih theih hi maw le." a lo ti hluk a.
Billy Joe-a chuan,"Thianpa,i rilru chu Outlaw hote,buaina siam chinghote leh Union sipai hote rilru puthmang diktak a nih chu.Anniho chuan dan chunga leng niin an inhre tlat a ni.Nang hi chu dan leh thupek dodal duh chi i nih ka lo ringlo a sin."a han ti a.
Speera chuan rui meng phelh deuh phung chungin Billy Joe-a chu a han melh rulh a.Chutah a ha bal zet lang thu khawpin a han then suk a," Mister,dan leh thupek chu ka zah hle reng asin"a han ti a.
Billy Joe-a chuan,"Mahse chutiang mi ni si,engtizia nge Trump Lomaxa leh Diablo Kids te ang mai a i khawsak si?" a ti zui ta zel a.Chutiang kawng zawng chuan chu khua chu Lonaxa te hovin an tlawh leh tlawh loh chupa ka atang chuan a hriat theih hlauh a beisei a ni.A hrechhuak thei ta lo a nih leh midang ruilo deuh a belbil ve leh thung mai ang chu!!
Speera chuan,"Lomaxa leh Diablo-a chu ka hmu a sin.Ka lakah chuan nep tak an ni.Card khelh an thiam loh mai bakah an rui chhe em em leh nghal" a ti ta a.
Billy Joe-a chuan,"Chu,khuaah hian an la awm elo"tiin a han zawt a.
Speera chuan,"Khua an chhuahsan tawh.Khawilam nge an pan ka hre lo"a lo ti a.A no ruak chu a buaipui zui leh ta a."Hei,barnghaktupa,min han thlit thuai rawh.Rannung tlaktlailopa ! a ti leh tuar(h) tuar(h) a.
Billy Joe-a chuan chu foreman chu chhaih buai a rilruk ta a.Foley Speera chuan mi ngainat a hlawh lo hle hian a lang a.Amah lah chu a bal em em mai lehnghak a.A thawmhnaw ah te chuan leihlawm a kai luk a,a boot bun pawh chu leihlawm emaw tih mai tur a ni.Vawiin chawhnu lam khan Telluride ah hian kawhmawh bawl tumin a rawn lut a,thian pakhatmah a rawn hruai heklo.
Billy Joe-a chuan bar dawhkan zu um inhung a chanve vel zu la awm chu a la a,a mawng chu bar dawhkanah chuan a khawng thla a,um keh leh Speera biang chu chuktuah pahin,"Foley,hun ka nei tamlo a nia.I mitmu hi ka nawr chhuah vaig chuanhmeichhe tumahin a melh pawh an melh chhin duh lovang che.Lomaxa leh Diablo-a chu engtinnge ka hmuh theih ang sawi vat rawh"a ti ta a.
Foley-a chu a mengphawk hru a,aw khur dur dur hian,"Ka hrilh ang che,lo ngaithla rawh...."a han ti a.
Boba leh Loomis-a te chu The Turban Saloon 'main room' ah chuan an awm reilo hle a.Cilling atanga khawnvar chhitna rawn uaithla,tle vur mai zawn a ding nula sam eng tle siau maiin mitmeng danglam deuh tak a a rawn melh zauh zauh an hmuh chuan chu nu chuan,"Suze-i ka nia"tiin a hming a han sawi a.
Suze-i chuan,"Eng hnathawk nge in nih a ?"tiin a han zawt a.
Loomis-a chuan," Gunsmith" a lo ti thuai a.(Gunsmith=silai siamtu)
Suze-i chu a theih ang tawk a nawiin a han nui sak a,"Chu, intihhlimna in zawng a maw?"a han ti a.
Boba te pahnih chuan,"I sawi dik chiah"an lo ti tual thawt a.
Suze-i chuan,"Ka chenna chu in hnunglamah sawn a nia "a han ti a;chuti chuan Suze-i chenna ah chuan an inzui lut ta a.
Suze-i chuan,Thiante u, in pahnihin min kawm thei ang;mahse a double a min pek a ngai ang.Dollar sawm tur anih chu.A zahve min peklawk a ngai bawk ang"a han ti a.
Loomis-a chuan,"A harsa hleinem"tih pah chuan pawisa a han phawrh a;mahse Suxe-i chu pe lovin pawisa tlang chu a vawrh lauh lauh a.
Suze-i chu khum bulah chuan a ding a, nui var var chungin,"Engtinnge ni dawn?"a han ti a.
Boba chuan,"Suze,thil pakhat a awm...mi thenkhat zawn kan neia,chuvanga Bitter Wash a rawn kal kan ni.Chu'ng ho chu an kalna apiangah saloon leh nawhchizuarho bula insawi lian thei tak an ni nghe nghe.Kan mizawnte Lonax-Diablo gang ho chu i lo hmuh leh hmuh loh kan hre duh a ni"a ti ta a.
Bati chhem mih ang mai hian Suze-i hlim leh phur hmel chu a reh nghal vek a.Khur deuh dat dar chung hian,"Chutiang engmah hriat ka nei lo:a han ti a.
Loomis-a chuan ,"Anni ho chu hlau suh.Keini hi min hlau zawk ang che"a lo ti a,a hmel chu a nelawm tawhlo hle bawk a.
Boba chuan,"Fiamthu kan thawhlo a nia"a han ti a.An thil hriat duh an hriat ran theih zawk beiseiin Suze-i chu a biangah a han beng a thuai a.
Suze-i chu a te thawt a,bang hrulah a ding sai dar dar a.
Loomis-a chuan chemte a phawi ve nghal a.Suze-i chuan tap pur chung hian,"Engkim ka hriat chin chu ka hrilh vek ang che u;mahse hriat ka nei tam lo.An zinga thenkhatin min dawr a,hmanni lawk khan khuan an chhuahsan a,khawnge an kal zel erawh ka hre lo.Thildang hriat belh induh chuan......"a ti a,a ngai ta daih a.
"Sawi zel rawh"
"A hrilh theitu tur che u Bitter Wash ah hian midang pakhat a awm.Chupa chu..."
“ Suze,chupa chu tunge a nih?"
Inhnit hlap hlap chungin Suze-i chuan mi pakhat hming a sawichhuak ta a.

BUNG-8

Bitter wash Saloon chuan thawmthat leh rawng hnawih that a manawh tawh kher mai.An sak tirh chuan mawi leh pui ve tawk a ni ang tih a ruangam indin dan aṭang chuan a hriat theih a.
Quinna teho chu Hotel bathlarah an ding khawm a.
Billy Joe-a chuan," Engemaw hriat chhuah chu ka nei e" a han ti a.
Hank-a chuan,"Keipawh" a lo ti vat a.
Depros-a te chuan,Kan hrr hnem ber mai thei a sin"an lo ti ve bawk a.
Thuthmun an rem a,an thil hriatchhuah te Marcusa chu an hrilh ta sap sap a.Lucky Lady Mine lan pan tur supply phur wagon hian a rawn tlanpel a;mahse a tuatemah chuan melh pawh an melh chhin lo.
Minute sawm a ral hnu chuan Quinna chuan a hote report chu a ngaithla kim ta a.Muangchangin sikret a han tan a,"Kan thil hmuhchhuah chu a in ang tlangpui a nih hu"a han ti charh charh a.Sikret chu a han pak khu laih laih a,"In thawk tha khawp mai.Tun atang chuan kan fimkhur leh zual a ngai ang.He khua ah hian hmeichhe pakhat..
"A hming chu Amy Rice-i a ni nghe nghe."
"......Thil laih chhuahna eng tlangpangah in a nei a.Eizawnna bik pawh a nei lemlo a ni awm e."
Hank-a chuan,"Captain,chu chu thilmak a ni lem hleinem.Bitter Wash hi khaw chenghnawng tak a ni lova,chuvangin intun nunna tur chuan mahni theih ang zawng zawng a chhia emaw a tha emaw eizawn nan an thawh a tul tlat a ni.Tangkarua hi hmuh belh sela chuan thil awmdan hi a dang deuh maha !"a han ti a.
Marcusa chuan,"A ni khawp mai,mahse chu lam chuan kan tan paqimawhna a nei lemlo bawk a,duhtawk ila.Amy Rice-i im lampan a Diahlo Kida kallai leh a inchhunga thin hnu a lut lai vawi khat aia tam an lo hmu a ni.Chuvangin henu Amy Rice-hian Diablo Kida te ho kalna lam a hriat ka ring tlata ni.Han tlawh vat ila a tha ang"a han ti a.
"Tunah hian maw?"
"Kan tlawh ran leh a tha a ni mai.Tangkarua zawn tum angin kan in sawi nghe nghe dawn a nia "
Pa pakhat tarmit vuah hi Horel atang chuan a rawn chhuak a," Khang chair te kha kan mikhualte hman atana kan tih asin.Vakrawlai thutna a tan kan dah hleinem"a rawn ti a.
Quinna chuan"Chu,kalsawn turin min duh tihna a ni maw ?"a lo ti a.
Chupa chuan," Ni e,kalsawn nghal rawh u "a han ti a.
Quinna chuan," Pu-a,tihtur dang neilo ila chuan hremhmun a liam thleng kan thu ang;mahse kalsawn tur a min tih avang ni lovin kei leh ka thiante hian hnathawh tur kan nei tlat si a ni "a han ti a.

***************

Hmeichhia chuan," Pute u,mi reng reng an thil hriat duh ka hrilh man hi a tlem lem lova sin.Chu chu ka hrilhlawk ang che u;mahse min berawn tawhte chu an inchhir ngai hauh lo"a han ti zat zat a.
Amy Rice-i chu mithmul sei seng sawng,hmel nelawm tak leh meng fim kak mai hi a ni a.Vawikhat hmuhna atangin chu nu chu fing tawk tak a ni ang tih Quinna chuan a ring thei nghal mai a.
Quinna chuan," I tidik ngeiin ka ring e.Engzat pawh chawi huamin ka thiante nen hian kan rawn pan che a;Gambler kan nih angin sum lamah chuan kan harse vakin ring duh suh"a han ti a.(Gambler=lehkhadena eizawng)
Amy Rice-i chu a nui sak a,a nuih zawnga a ha rawn lang chu a kawrhak ang mai chuan a var sar a." Mr.Quinn,ka parlor(inkawm khawmna) a luh man ringawt pawh dollar za a sin"a han ti a.
" Hall-ah hian a titiho theih mai loh em ni ?"
"Theih loh tlat mai "
" Ka'n fiamthu mai mai a nih kha.Bank note in pe ila a pawm em ?"
" Pawm tehlul mai "
Amy Rice-i chuan,"Min zui rawh u le.Ka thil lem kha mawi inti em ?"a han ti zai a.
Kilkhat a thing dawhkana vatawk lem inhung chuan Hank Proudy-a min chu a la hle a.Amy Rice-i hnenah chuan," A mawi khawp mai "a han ti a.A nu khan chutiang chiah chu a nei ve thin a ni.
Amy Rice-i chhuang chhuang tih hriat fe hian,"England chhuak a nih kha "a lo ti a.
Hank-a chuan,"England atanga rawn kal i ni maw ?" I awphawi pawh....." a la tihlai mekin Amy Rice-i chuan,"Nausen ka nih laiin ka nu leh pa ren America ah hian min pem pui a.Oregon lam kan pan laiin kan Wagon train chu Arapcho Indian hovin an lo bei a,kei tih loh chu an that fai vek a;chuti chuan Arapcho Indian zingah chuan ka seilian ta a.Anni ho hnen atang chuan mitvarna danglam tak ka chharchhuak ta a ni " a han ti a.
Hank-a chuan," Tlangrama tangkaraw awmna hmun i hriat theih riauna ang chi hi maw ?" a lo ti a.
Amy Rice-i chu a bu nghat a,"Tangkarua chauh lo pawh,rangkachak atanga suan thlengin.Mahse chung thil awmna hre tur chuan ka in hi ka chhuahsan kher a ngai lo.Ka mitthla ah hian a rawn lang mai a ni."a ti a.
Parlor ah chuan an lut ta a.Pindan chhung chu a nuamin uluk tak a enkawl a ni tih hi a hriat hliah hliah mai a.Inchhung bungrua te chu Cherrywood leh Oak thing a siam an ni a,bangah chuan mi hrang hrang tlalak hi a intar thluah a,mahse a tuate mah chu Marcusa hriat zawng an awm lova.
Amy Rice-i chuan,"Thu u la,kan indawr na chu i tan dawn ang u le " a han ti a.
Chair nuam tak a thuthmun an remfel hnu chuan Marcusa chuan,"Miss Rice,kan zavai hian thawkho 'partner'kan nih avangin a huhova rawn hmu che kan ni.Tangkaraw laihchhuah lam hi beih ve kan rilruk a.Gurnison lam kan han bei ve chhin a,mahse kan hlawhchham let der a.Mr.Higginsa hian..." tih pahin Billy Joe-a chu a han melh zauh a."Mr.Higginsa hian i chanchin mi sawi a hre fuh hlauh mai a,kan rawn pan nghal vat che a ni "a han ti a.
Amy Rice-i chuan," Anih leh engnge tihsak che ula min tih ?" tiin Quinna chu a han zawt a.
Quinna chuan," Helai velah hian tangkaraw zawn kan tum,mahse tisual palh thei kan ni lo-kan neih zawng zawng chan thak huama beih kan tum a ni "a ti a.
Amy Rice chuan," A zawnna hmun tur,khawia sum dahkham tur nge tih leh tunge dawr tur tih hriat induh tih ka hre mai." a lo ti thuai a.
Quinna chuan, “ Miss Rice,chutiang chiah pawh a ni lo.Tangkaraw laihchhuahna hmun tur chu kan hre tawh a,mahse mi ta a ni a.A neitu chu dawr kan duh a,mahse kan zawng hmu thei tlat lo a ni."a han ti charh charh a.
Amy Rice-i chuan " A neitupa chu zawnchhuah sak tur che u in min duh tihna a ni maw?" tiin Quinna chu a han zawt a.
Marcus Quinna hmelah chuan dawt a sawi tih hriat rual a ni lo.Thutak fe hian," Nichiah e ka pi.Tangkaraw awmna hmun chu helai Bitter Wash bula awm hi a niin a neitupa chuan lehkhadenna a mi dahkham a man a ni nghe nge " a han ti a.
Amy Rice-i chuan inngaihtuah muk hmel fe hian a heh a pet fan fan a,chutah " Chupa hming chu min han hrilh teh "a ti ta a.
Quinna chuan," Helai velah hi chuan a hming lem Diablo Kid tiin an hrelar zawkin ka ring " a han ti a.
Amy Rice-i chuan insum a tum nasa hle nain a aienna 'Crystal Ball' a khawih zawnga a kut khur deuh leh a gmel danglam ta deuh sawt chu Quinna chuan a hmuh hmaih hauh lo.Chuvangin chupa hming chu a lo hre tawh thin a ni tih a hriat theih mai a ni.A han thu ngila," Pu te u,puih theih che u chu ka inbeise.Ngawi rengin lo thu ula,ka thluak ka han sawr bing ang a,Crystal Ball ah hian in thil hriat duh chu ka hmu thei mai ang "a han ti a.
Engemaw chen an ngawih thap hnu chuan Amy Rice-i chuan," Ka hrechhuak ta.Phaizawl,phaitualhnim hmun ka hmu a,thingkung pakhatmah hmuh tur a awm lo.Ramsa chikhat,bawng ang tak,bawng aia lian zawk si,a dum,thlukvum lian tak nei ka hmu tel " a rawn tichhuak a.
"Ramlawi maw ?"
" Aw ! Ramlawi a ni tak e.Piah deuh fe ah sipai hmun a awm.A rawn lang hnai leh hret 'Robert Wright ' tih inziak ka hmu."
Quinna chuan," Bob Wright-a Fort Dodge Kansan a mi kha a ni ngei ang.Miss Rice,Diablo-a chu chulai hmunah chuan ramlawi pel turin a kal i tina em ni ang ?" a han ti a.
Amy Rice-i chuan," Aw ni e.Ka thil hmuh hi a diklo ngailo.Diablo Kida chu hmuh induh a nih chuan Fort Dodge,Kansas inpan a ngai tihna a nih chu "a lo ti thuai a.
"Dawt muhlum a nih chu "
Amy Rice-i chuan," Ka pu,engnge i sawi ?"bung deuh vat hian a han ti a.
Quinna chu a thova,Amy Rice-i chu a hnaih phei a," I thusawi kha dawt muhlum ka ti a nih chu Diablo Kid emaw Trump Lomax emaw lehan zinga tuamah Kansas ah ramlawi pel turin an kal hauh lo.Nang pawhin chu chu i hrechiang khawp mai.Kida chuan lehkhadenah tangkaraw laihchhuahna a man bawk hek lo " a ti ta hmiah hmiah a.
Amy Rice-i chuan," Engatinge dawt min hrilh ?"a lo ti let ve kha a.
Quinna chu za lo zet hian a han thensak a," Ka pi,kan dollar za hi rinawm tak leh dik taka hlawhchhuah i tum dawn emaw ka ti a,mahse i tenawmzia i ti lang ta tlat si a nih hi.Diablo Kida awmna chu min hrilh vat mai rawh " a ti ta a.
" A ni tak maw ?" tih pahin Amy Rice-i chu a zuangthova.Dawhkana pawhdawh chu a hawng a,pistol te chi Tufts and Calley Special a rawn phawrh thut mai a.Quinna nghawnga chuktuah pahin," Diablo an a hman dan min zirtir angin ka hmang dawn a ni " a ti ta a.
A hmel atang chuan a thusawitu chu a ti mai mai lo tih a langchiang hle bawk a.

BUNG-9

Quinna chuan,Lo ngawi rih lawk teh,i hmet puak ang e " a han ti a.A hrawk chuktuahtu Derringer kawhmawr chu a vawt ngal mai a.Proudy,Billy Joe leh Depros-a te unau chu chet ngaihna hre lovin an ding khawng reng ringawt a.Marcusa chuan a rukin signal han pe zauh sela chuan rang taka puakruk phawiin Amy Rice-i chu an kaphlum thei nghal ang;mahse an chet thut chuan Quinna nunna chu a derthawng thei tlat si a ni.Chuvangin chu nu biak buai mai loh chu tih theih dang an neilo tih an hrechiang hle a ni.
Quinna chuan ," Amy,ka lo rindan a dik chiah a nih hi ! Amy tia ka ko che chu i pawiti lovang chu maw ? Diablo Kida'n a rawn tlawh zing hle che tih khua a mite hian an hre vek a sin. I thusawi ngaithla tur ringawta rawn kal a ni zozai lo tawp ang.In thleng thuk dun hle tih a hriat mai,khumpui pawh inkai dun hial tih hairual a ni lo "a han ti a.
" Ngawi chipcham rawh ! Quinn-chu chu i hming diktak anih chuan " vin zet hian Amy Rice-i chuan a lo ti a.
Quinna chuan " Ka hming dik tak a ni e " a han ti phawt a.
Chutah muang ban fe hian," Kid-a te chuan Kansan lam an pan hauhlo tih kan hria.Khawnge an awm min han hrilh mai teh.Sipaiho hlawh tur nen an tlanbo a,chuvangin sum an ngah tawk a,khualzin tawlailir emaw Bank emaw chu rawk an tum rih hauh lovang "a han ti a.
Amy Rice-i chu muangchangin a tawlhkual a,derringer kawhmawr chu Quinna tukkhuma a chuktuah rual chuan," I rindan i phuhchhuak hnem ta hle mai.Sawitur dang i la nei em ?"a han ti a.
Quinna chuan," I hnathawh 'aien' hi inthup nan i hmang mai mai tih ka hria.Miner ho lah hi an chhaw khawp a,an lo ring thlu ve khanglang che a.I sum hmuhna ber zawk chu Diablo kut atangin a ni tih ka hria "a han ti leh a.
Amy Rice-i chuan," Kid-a nena kan dinhmun min tihchhiatsak hi ka remti dawn hleinem.Kal rawh u,celler-ah ka khalh lut dawn che u a ni "a ti ta a
Marcus-a chu a thensak a," Amy,min tihlau thei dawn a lawm " a han ti a.
Amy Rice-i chuan," Kal ringawt rawh, i........."a ti hman chauh a,Marcusa chu a che ta thut a.Amy Rice-in a silai a leksawn hret tih a hriat chuan a thingthi rawp a,rang lutuka inher pahin hmeichhe banrek chu chunglamah a vaichho dawrh a,derringer chu a per lawp a.Midangho chuan puakruk anchuh ve nghal a,Amy Rice-i chu an tin ta thap a.Hank Proudy-a chuan Amy Rice-i banrekah chuan a va mansak a,hnunglamah a han her sak a.
Marcus Quinna chuan derringer chu a chhar a,dinchhuah pahin," Tunah chuan thurawn min pe thei dinhmun ah I ding ta lo a ang hle.I sawi taw hang khan rang tak a kan thawh chhuah a tul a ni.Chutilo chu Diablo leh Lomax ate ho khan pawisa kha an lo hmang hman hlauh dah ang e.Kan thil hriat duh tha taka min hrilh duhloh chuan kan nawrlui dawn che a nia.”a han ti a.
Amy Rice-I thinrim chu a tal laih laih a,Hank-a chu ham tumin a kut lehlam a phar vat vat a,” Min nawrlui ang maw ? Zawngchheho ! Min nghaisa engang ma hula engmah ka hrilh chuang lovang che u.” a ti tan tan a.
Amy Rice-I chu a tal leh chiam a.Hank-a dawmna atang chuan a talchhuak a Marcus-a biangah chuan a ham sak ta a.
“ Ka pii chuan infiam a chak deuh a ni maw ? “ tihpah in Quinna chuan a hmuiah a han ben sak a.
“ A tha e “tih pahin Hank-a chuan Amy Rice-i chu a pawmkang nawlh a.Ani chu a lo thidang der mai a.Marcus-a chuan “ Ka beng na vaklo a sin maw le.” a han ti a.
Proudy-a chuan hmeichhia chu thutthleng seiah chuan mut a han tum a.Vawilehkhatah Amy Rice-I chu a rawn zuang tho thut a.
Marcus-a chuan,” Crystall ball kha khawihtir suh u !”a han ti thawt a.
Amy-I zuang phei chu Loomis-a khan a lo dang hman a,mahse chu nu chuan dawhkan chu a namthlu hman tat ho a.Dawhkana khawnvar inhung chu chhuatah chuan a tla keh chuai a.Meialh chu a ding ta hluah mai a,dawhkan khuhna leh tukverh puanzar chu a man kai ta nghal a.Meikhu hakin an khuh bawrh bawrh hlawm a.
Murcus-a chuan,” Chelhbet rawh u “tiin a au thawt a.Proudy-a chuan,” Billy Joe,kawngkhar kha lo veng rawh.Tlanchhuah a tum chuan lo manbet ang che.”a han ti a.
Bob Depro-a chu meialh karah chuab a zuang phei a,Amy Rice-i chu a va vuan bet a.Chutihlai tak chuan Puanzar kang hian Bob-a kawrban chu a rawn mankai ta hlauh mai a.Hmeichhia chu a talchhuak a,tukverh darthlalang su keh chuai khawpin pawn lamah a zuangchhuak ta a.
Amy Rice-I chu phaitual hnim chungah hian a zuk tla thum dawt a,awihpangah chuan a lum thla tawp tawp a,hnimbuk karah a lum lut ta a.
Chutih chhung zawng chuan Raiders ho chu meialh laka inhumhim tumin an phili buai nasa mai a.Bob-a chuan a kawrfual chu a phelh a,a unaupa kawr kang chu a han hlap hlum sak a.
Hmeichhe zuanchhuahna tukverh lah kha bang kangin a tuam nasat em avangin han belhbul chi a ni solo.Kawngkapui lah chu a nghet bur mai si,thawk a harsain an hrawkte chu a thip hlur tawh mai a.
Pawnlamah chuan tualchhung mite chu an au chel chul a.Dar an vaw ri a,sakawr tlan thawm a ri tuk tuk bawk a.Tui phur wagon in inking chu a rawn pan mek bawk a.” Inchhungah khian awm an awm maithei a ni.”
“ A kan zau zel loh nan in dang kha tuiin theh huh hmasa rawh u “tite in an au chel chul a.
Billy Joe-a chuan,” Hetah hian a chhuah theih mai thei “tiin a thiante chu a ahn auva;chutah kawngkhar chu a han su nghek a,a inhawng thei ta mai a.Pindan chhungah chuan an tlan lut a,meikhu chu a zing mup mup a,meialh erawh chu a la rawn thleng ve rih lova.
Marcus-a chuan,” Sawta saw tukverh niawm tak a awm e.Sawlam pan sawn I vak phei ang u.” a han ti a.Tukverh bul chu Marcus-a chuan a thleng hmasa ber a.Harsa fe hian tukverh chu a hawng the ihram a,” Loomis,Bob,nangni chhuak hmasa rawh u.Billy Joe,rawn hmanhmawh rawh “ a ti tuar(h) tuar(h) a,a mitin Hank-a a han zawng a.
” Hank, khawnge I awm ?”
“ Ka rawn kal dawn e “
A rawn kal pelh pah chuan Proudy-a chuan Marcus-a chu a han nuihsak a,dawhkan pawhdawh vel atanga lak niawm takeng thil thil emaw hi a pawm bawr tun a.Marcus-a chuan,” I aa ta em ni ? I nun chhanhim chauh ngaihtuah rawh “ a lo ti a.Proudy-a chuan,” Ka ngaihtuah a lawm “ tih leh tukverha zuanchhuah a rual nghal a.
Marcus-a pawh chu a zuangchhuak ve nghal a.Billy Joe-an Quinn ate pahnih chu a lo kaitho thuai a,bang kang hek rawn tla mai tur lak atang chuan an inthiarfihlim nghal vat a.
Tlangbawk pakhata tawlailir dahna atang chuan in kang chu an thlir thap a.
Billy Joe-a chuan,” Khungho khuan in kang khu thelh theih an inbeisei em maw ni le ? a ti nuah nuah a.
Marcus-a chuan “ An thelh thei kher lovang “a lo ti a.In kang thelh tum ho chu an tlankual ruai a.
Loomis-a chuan,” Engtinnge ni zel ang ? Kha nu lah kha ka hmu ta hauh lo mai,a bi bo ta a ni ngei ang “a han ti a.
Marcus-a chuan a lukhuma meivap kai chu a han thingthla a,a hmai thlan hluam mai chu a kawrban chuan a han hru thuak thuak a.” Khawchhunga hmuh chu a beisei awm loh hle na a,I zawng chin reng reng the ang u.Darkar hnih vel kan zawn hnu pawha kan hmuh loh chuan kan kal mai dawn a nia.Bob,kan sakawrte kha I lo va la thei ang em ?” a han ti a.
Loomis-a chuan,” Keiman ka va la ang e.”a ti hman chauh a,aw hian “ Pute u,lo ngawi rih lawk the u “ a rawn tita thut a.
‘Leh rih thin a; Marcus-a chuan a lo ti rilru a.Mi pakhat sahha deuh mai hian anmahni chu a rawn pan phei a.A kawng bawrah chuan Walker Colt hi a pai a, vest kawr awmah chuan arsi lem hi a tar tle vat vat a.
Quinn-a chuan .” Marshal,engnge nit a ?”a han ti a. Chutah,” I badge bel atang khan Marshal i nih ngei ka ring thla rawk a “ a han ti leh hnuhnawh a.
Chupa chuan,” I ring dik ciah.Marshal chu ka ni chiang a lawm.Dan Sturbridge-a ka ni a,in tana thil pawi tak chu vakrawlai ho ka ngaitheilo hi a ni,Amy Rice-Ii in hi in lo halt e a nih phei chuan…..” a han tihlai mekin Quinn chuan,” Marshal thil tihsual kan nei miah lo.
Amy Rice-I biakrawn tumin kan tlawh a,inchhunga kan awmlaiin khawnvar a tlu palh ta a.Nungdam a kan chhuak thei hi kan vannei hle a ni “a lo ti a
Dan Sturbridge-a chuan Raiders ho chu a mal te te in a han thlek kuala,chutah Quinna lam hawi leh pahin “in ngaih angin in vannei kherlo mai thei a sin.In zingah hian Amy Rice-I ka hmu ve thlat lo.Meipui zingah sawn a awm em ni zawk ?” a han ti a.
Chutihlai chuan kangthelhtu ho chu an au tiarh tuarh a,an tlandarh ta cham cham a.Inchung chu a rawn chim thla a,chunglamah meisi chu a leng tek chho chum chum a.
" Amy Rice-i maw ?" Quinna'n a han tih chuan Sturbridge-a chuan," Chu nu ngei chu a ni ka sawi chu " a lo ti ngut a.Chutah," Nangni mikhual ho hi in chet danah in rinhlelhawm riau a ni" a han ti leh a.
Hank Proudy-a chu a rawn pen chhuak a.Bed room atanga a thil lak kha a la hum reng nghe nge a," Marshal,min ringhlel chu a dik chiak a nih chu " a rawn ti ta chhak.
Quinna chuan Proudy-a rilru chu a man thiam chiah lova,mahse inrawlh ve loh phawt a tha tih a hre mai a.
Sturbridge-a chuan Hank-a chu a hmachhawn a," Tunge maw inih reng reng le ?"a han ti a.
Hank-a chuan," Marshal,ka hming chu Bud Rawlings-a a ni a.anniho hi ka thiante,Dan Tucker,Hollis Wayne leh Carverate-a te unau an nih hi,Jeffe leh Leoana Osage hnam an ni a,kan zavai hian Bounty Hunter kan ni "a han ti a.(Bounty Hunter =Mi luman khawma eizawng)
" Bounty Hinter maw ?"
Hank-a chuan," Aw. Ni e.Marshal, min lo ngaithla teh.Trump Lomaxa,Diablo Kida leh an hote paruk pasarih vel zawnga rawn kal kan ni.Marshal,he tlalak hi han en teh " tih pahin frame a thlalak intar hi a rawn lekchhuak a.
Dan Sturbridge-a chuan thlalak chu a han en a,"Hepa ha hmai bal hi hmanni lawk khan khuaah hian ka hmu tawh thin " a han ti a.
Hank-a chuan," Diablo Kida a nih hi.I hre thei mai lovem ni ? In Amy Rice-i hian hepa hi a lo khawi thin a lawm. He in ah hian kan rawn chhui lut a,thil awmdan ka han sawi chuan silai a chuh ta thut mai a,min tihhlum vek tumin ama in ngei pawh a hal duh ta hial a ni.He thlalak pawh hi a bedroom a mi kan tlanchhuah dawn a ka lak a nih hi " a han ti a.
"Kriste le(h) !! Hepa hi ' Wanted '(luman nei) a nia maw ?! " Mashal chuan a lo ti hu a.
Hanka chuan " Dollar sangnga zet maw le " a ti a.
Marshal Sturbridge-a chuan,” Amy Rice-I chuan Diablo-a leh lomax-a awmna chu a hre ngei ang maw ? Kan dawp chhuak ngei tur a ni.Khawnge amah hi a awm reng reng a ?”phur zet hian a han ti a.
Hank-a chuan,” Ka hre bik hauh lo mai.Kan chhuah ve theih hmain tukverhah a zuang chhuak a,kan hmu zui ta hauh lo “a lo ti a.
Chutihlai chuan in kang chu a pu,in a chim tar up mai a.Thingkung kar atanga meialh rawn inhlap chhuak leh zauh thin tih loh chu engdang awm lovin a thim tam up mai a.
Bitter Wash Town Marshal Dan Sturbridgea chuan a lukhum a han phawk a,a lu hiat nuap nuap chung chuan,”Amy Rice-I chu a bibo hlenlo taw pang.Saloon ah emaw nawhchizawrhna in ah emaw a tawm ngei ngei ang.Zanin zankhuaa zawn…..” a la tihlai mek chuan thing hmun atang chuan sakawr hi a rawn tlanchhuak ta zawk mai a.Bob Depro-a sakawr dum lian zet kha a lo ni reng mai a.A chungah chuan Amy Rice-i kha a chuang a,sakawr chu whip-in a hlap thuai thuai mai a.Quinna te leh midanghote chu a rawn tlan pel a,kawtthlerah chuan a tlan phei ta zel a.Bob-a chuan,” Ka sakawr a ni reng mai”tiin a au chhuak thawt a.
Marshal chuan,” Uicho tluk zet mah ni se,hmeichhe chungah kut ka thlak thei tlat lo.Chulo rengah kan thah mai chuan Diablo-a hnen min hruai thleng theitu awmchhun a nit lat si a,a tih chi loh vang “a han ti bul bul a.Hank-a chuan,” Marshal,man kan han tum ang e “tih leh midang ruala an sakawr dahna lampana tlan a rual nghal a.
Marshal chuan,” Va man ngei rawh u.Chumi chhungin ‘Posse’ ka lo khawm ang e “tiin Hank-a chu a han au zui a.(Posse=misual man tur a tualchhung mi inpete)
Bob-a chu Loomis-a hnungah chuan a zuangkai a.Marcus-a chuan a sakawr senuk lian tha zet mai chu a kheng lim zawk a,midangho pawh chuan an zui ve nghal a.
Tlangchhip an lawnchhuak tih chuan Proudya chuan,” Marcus,saw le.Sakawr chungchuan a thiam kher mai “ a han ti a,an hmalam chu a kawk a.

BUNG-10

A tuk zing ni a han chhuah meuh chuan Amy Rice-i chuan amah umtute chu a bihbosan thei ta tih a hre ta a.Tlangram kawng chhe tak tak paltlang mahse,chau the vak hmel pawhin a lang lova.Khawthlirna hmun remchang a thlen chuan a han hawikual vel a.Kawrruam thuk tak takte leh far thing hmun ngaw hring dup mai te chu a hmu thei a.Ralkhatah chuan tlangsang deuh mai,a chip chhumin a khuh var hluk hi a ding luah bawk a.Boruak chu a rehin a vawt var mai a.
A hmalamah chuan Palisades Lake hual veltu phaizawl hring dup mai a awm tih leh chumi hmun thleng tur chuan kawng bumboh leh kal harsa leh zual a awm tih a hria a,a insehruh a.Chulai ram khawkrawk chu pumpelh thei a nilo tih a hrechiang hle a.
A sakawr zinah chuan a inher a,sakawr thil phurh chu a han belchiang a.Mipa thawmhnaw hnuaiah chuan vaimim kanpuah,bawngsa leh vawksa rep tlem a zang hi a lo awm a.Silaimu a alo bawk a.Zanlama Quinna leh a hoten bum an tumdan kha a han ngaihtuah chhuak a,a thin chu a rawn rim thar leh tat hut a.
A in nuam tak leh a bungraw manto tak takte a thawmhnaw nalh leh mawi tak takte chu a chan phah ta vek a ni.Thih phah hial dawn pawh nise phubalak a tumruh sauh sauh a ni.
Sakawr chu a kaltir leh ta a.Nakin deuhah chuan luite hi a va hleng ta a.
Sakawr chu a pawt ding a,sakawr atang chuan a chhuk a,insilfai tumin luite chu a pan thla ta a.Luite a thlen chuan a thawmhnaw chu a phelh a,a duhtawka a insilfai hnu chuanBob Depro-a kekawr leh savun kamis chu a inbel ta a.Thawl hle mahse a thawmhnaw pangngai kang tet hrep hrup chu inbel zui zel chu a ni tawh silova.
Sakawrah chuan a lawn leh ta a.Vawiin ngei hian chulai ram ‘Devide’ an tih chu pelh a tum a ni.Thil awmdan a hrilh hun chuan Diablo-a chuan phuba a la ngei ang le !!!
A thil ngaihtuah avang chuan a nui sak a.vaimim kanpuah chu a tham chhuak a,a han bar a,sakawr chu chak deuh zawkin a tlan tir ta a.Ni pawh a sang tawh viau a.
Billy Joe-a chuan,”Marcus,han en teh,khulai ruam Cedar thing dinna khu “a han ti a.Billy Joe-a kawhna lam chu Quinna chuan a ahn en a,cedar thing kar atng chuan meikhu hi a rawn zam chhuak chiai chiai a.Bob Depro-a chuan,” In a awm a ni mai awm mang e.” a han ti a.Loomis-a nen sakawr pakhatah an la chuang dun tar eng a.
“ A ni mai thei e.I panthla phawt mai the ang u “
Marcusa chuan hma a hruai a,kawr ruam zim zetah chuan an lut thla ta a.Kawrruam atanga an han chhuah chuan hmun zawl,phaitual hnim bawh hrin dup hi an thleng ta a.Beram tlem a zawng hi an lo tla a,piah deuhah chuan thing in hi a awm bawk a.Kawta tlangbanah chuan thawmhnaw a inzar a,chaw chum rim a nam cham cham bawk a.
Amaherawh chu,mihring hmel hmuh tur pakhatmah an awm lova.Inhrul a Corral(Sakawr dahna) ah chuan sakawr parit zet hi an awm a.Quinna teho an hmuh chuan an ring an lo tun a,an phit dut dut hlawm a.An zinga pakhat,a paw-uk phei chu a tha chungchuang hle a.
Bob-a chuan,” Han en ve teh “tiin sakawr paw-uk chu a unaupa a kawh hmuh a.” Ka hmu a lawm “Loomis-a chuan a lo ti a.
Marcus-a chuan Bob-a te rilru chu a lo man thiam ve mai a.Chulai hmun chu an pan fuh dawn hle hian a hria a.Amy Rice-I hnu kha Bitter Wash pelh hnu tlangramah an hloh daih mai a.Devide chu paltlangan tum tangawt mai a ni.Verl Randolpha’n Lomaxa leh Diablo-a chuan Outlaw Trail kal tlangin Pallisades Lake pan antum tih a sawi kha an la hre reng a.
Hank Proudy-a chuan,” Hello,in a mite kha “a han ti a.Tuman an rawn chhang lova,sakawr atang chuan an chhuk a,an sakawrte chu in atang chuan yard sawm vela luite tui chu an in khawlh khawlh hlawm a.
In kil sir atang chuan mipa aupan pakhat hi hreipui kengin a rawn chhuak a.Raiders ho hmel muh chuan a ding chawt a.Depro-ate unau chuan mipa naupang chu an lo hmu hmasa ber a.Loomis-a chuan a lu a han bukkhum nghauhva,chu mipa naupang chu kum sawmpathum mi vel ni hian a lang a.Kekawr leh kawr inzawm hi a ha a,a thawmhnaw inbel chu a hlui tawh hle a.
“ Mama,heta cheng hi em ni I nih ?”
“ Aw ni e,ka pu”
”I chhungte nen em ni?”
“Ni lo”
Quinna chuan,” I khawhar thin hle ang maw ? Chhungkhat dang I neilo em ni ?” tiin a han zawt a.
Naupang chu a ngawi reng ringawt a.Quinna te chu hlauh hmel zet hian a en reng a.Quinna chuan,”Tlangval,engtizia nge ? Hetah hian nangmah chauhin em ni I awm ? A hmasain I hming min han hrilh phawt teh “a han ti leh a.
“Ka hming chu Jakob-Jake-a a ni ‘‘ naupang chuan a ti sap a.
Quinna chuan,”Jake,lo ngaithla the,kan thianpa,kawr kang pawp deuh nual,lukhum a
sava hmul tar i hmu em ? A sakawr an ruk sak a,sakawr lei a duh a ni.Isakawrte saw sawihmin vek an ni taw hem?”a han ti a.
Inchhung atang chuan thawm a rawn awm a,tap thawm hi a ang ber a.Billy Joe-a chuanMare Leg revolver chu a phawi tle zawk a,kawngkhat sut hawn leh inchhunga zuanluh chu a rual ta a.Marcus-a leh midangte pawh chuan puakruk an phawi ve nghal a,an inring nghal thap a.
Billy Joe-a chuan ,”Kha naupang kha amah mai a nilo a nia,silaiin tin rawh u “inchhung atang chuan a rawn ti a.
Marcus-a chuan,”Ka va lut ve ang e “tih leh kawngkhar lam pan chu a rual nghal a.Inchhung a ahan luh tirh chuan pawn eng atanga lut a nih vangin engmah a hmu thei lova,mahse reiloteah a hmufiah leh ta thuai a.
Hank-a pawh chu kawngkharah chuan a rawn ding ve a,bang hrula khum inhungah chuan saiip chungah hian hmeichhe naupang kum sawmpahnih mi vel hi a mu a.A thawmhnaw inbel chu pawnchhe hnangkhai hi a ni ringawt a.A sam bal zet chuan a hmai c hu a khuh hnuang a,thotle hian an vir hut hut mai bawk a.
“Jake,min khawihtir tawh lul suh.ka tlin tawh nganglo a ni.Ka tlin lo ! Ka tlin lo !tiin thei leh thei lovin a tap faih faih a.
A han tal zawng chuan a hnungzang duk reih ruih leh thikhar niawm tak rawn lang chu Marcus-a te chuan an hmu ta a.Quinna chuan,” Nula,Jake-a chu pawnah a awm daih a lawm “ dam thlap hian a han ti a.
“Min khawihtir lovang ti raw ?”
“Tir lovang,nula,tunge I hming?”
“Nan..Nan Abercrombia.Ka nu leh pa chu an thi tawh.Hetah hian ka unaupa Jake-a nen chauh kan awm.”
Quinna chuan,”Lo ngaihven rawh u”a ti a,Bill Joe-a te chu a chhuahsan ta a.Inchhung rimtuilo zet a han chhuahsa chu a thaw a veng deuh huai a.
Marcus-a chuan,”Jake,dan kengkawhtu kan nil ova,mi chungchanga inrawlh hi kan tum ngaih hek lo;mahse helaiah hian thil diklo eng emaw chu a awmin a lang tlat a ni.Hmeichhe naupang saw pawngsual a ni ti raw ?”mipa naupang hnenah chuan a han ti a.
Jake-an a chhan hma chuan Bob-a chuan,”Marcus,mi pawngsual tur chuan a la upa lovin ka hria a sin”a han ti a.
Jake-a chuan,”Ka pawngsual hleinem”a lo ti bung nghut a.
Marcus-a chuan” A nih leh eng thil nge intawh min han hrilh the” a han ti a.
Jake-a chuan a hreipui human kut chu a tiche nauh nauh a,a inpetruh hle bawk a.Marcus-a chuan puakruk chu a la keng ta reng a;mahse chu naupang chu that nghal mai ai chuan a thusawi ngaihthlak ve phawt tha in a hria a.
Bob-a chuan,”Kha naupang kha a sakawr manah Dollar sawmthum pek ka tum a,dollar sawmruk a phut khanglang a,sakawrte saw sawizawi vek tawh niin a sawi lehnghal ! Tumahin an sawizawi sak lo tawp ang.Dawt a sawi aiah a sakawr pawh saw a thlawn a neihsak a sin ka tum “ a rawn ti leh a.
Quinna chuan,”Bob,lo ngawi rih lawk teh “a han ti phawt a.naupang hnenah chuan,”Vala,zawhna che chu min chhan vat a tha ang. Thudik tak hmuhchhuah ka tum a ni.Chu chu ka mize dik tak a ni”a han ti a..A awka chhuak chu a nelawm hran lo hle a.
Jake Abercrombia chuan a hreipui ken chu a thlah a,”Aw le,engkim ka sawi vek ang”a tita a.A mit khuhtu a sam chu a han huikiang a,a hmel chu a dur khap mai bawk a.”Min tanpui duh phei chu ka ring hran lo.Midangho ang tho kha innih ka ring tlat a ni.Kan sawnchheho kha !”aw khur deuh dat dat hian a han ti a.Marcus-a chuan naupang chu a darah a vuan a,a han sawi nawk nawk a.” Tlangva,mi tutee maw lo kalin an rawn tibuai che u a ni maw ? Nan-I pawh saw anmahni vanga sawtia awm saw a ni maw?”a han ti a.
Mittui tla pur chungin Jake-a chu a bu nghat a.Quinna chuan,”Chuti chuan engtingne nit a zel?Engtinnge an chet tak ? Engtik hunlai khan nge ?tiin Jake-a chu a zawt ta sek a.
Jake-a chuan a mittui a hru hul a,a han inpet fan fan a,chutah,”Kar kal ta mai kha a ni.An zavaiin sawn chuanglai an ni a,tawhkhirh hmel tak tak hlir an ni a.Thuamphur sakawr pahnih an rawn hruai tel aAn zinga pahnih ha hmai bal leh pa cher deuh chu a thusa ber a ni a.Kan ram sakawr man sa min laksak an tum a,ka pa chuan a phal lovaan intibuai ta a.Ka pa chu an sawisa ta hrep mai a ni “a han ti a.
“I pa maw ?” Hanka chuan a lo ti a.
“ Han sawi zel phawt the se “ Marcusa chuan a lo ti a.
Jake Abercrombia-a chuan,” Ka pa chu an phuar hlawm a,ka unaunu an pawngsual lai chu an enluih tir ta a.Ka pa chuan an thiltihlai chu bansan hram hram turin a ngen a,mahse an kutthlak bak hlawhchhuah a nei lo.Chutah,an hotute zinga pakhat zawk chuan,’ Trump,sakawrte saw I va khalh chhuak the ang.Naute u,induh tawk khan chen rawh u’ a ti a,a sawi ang chiah chuan an che ta a ni “ a han ti a.
Loomis-a chuan,” Tlangval,chumiteho chuan im sakawrte chu an laksak che u ni khan i sawi si a ?”a han ti a.
Jake-a chuan,” Tuna mite saw chu an rawn kal lai chuan an tlanbo vek. Min laksak chu a dangho a nia,tuna mite saw chu an kalsawn hnu a ka khalh khawm an nih saw “ a ti a.
Marcus-a chuan,” Outlaw ho chuan an kalna lam tur an sawi em ?”tiin Jake-a chu a han zawt a.
” Sawilo “
“ Khawilam nge an pan ?”
“ Khawthlang lam “
“ Anih leh I pa chuan engnge atih a ?”
“ Engnge a tih maw ?” Naupang chalah chuan thlan a rawn bawl chhuak tawk tawk a,a hnar ah chuan a luangthla ngiai ngiai a.
“ I pa-in engnge a tih ka zawt che a lawm.Misualhovin an kalsan hnu che u chuan engtinnge a khawsak tak zel ? Nu chu I nei tawh lo tiraw(h) ?”Marcusa’n a han tih chuan Jake-a chuan,” Nei tawh lo.Nikum thlasik lai khan min boralsan tawh.Ka pa chu….ka….pa…..” a sawi zawm thei ta lova.
Billy Joe-a chu kawngkaah a rawn dak a,Marcusa chu dar a rawn chin khum ak a.
“ I pa chu helai hnaiah hian a awm em ?”
“ I pa awmnaah chuan min hruai vat teh “
Muangchangin naupang chu in hnunglam pan chuan a phei ta a.Poplar thing hi a ding zen thulh a.Thingbuk pakhat hnuaiah chuan Jake-a chu a ding chat a.Leivung thar fe hi thing bulah chuan a inchhung pawng thar a,a bulah chuan suahdur hlui tawh tak hi a let bal a.
Marcusa chuan,” Thlan a ni maw? Tlangval,I pa thlan a ni maw ? Nangma phum em ni ?”a han ti a.
“ Ni e,ka pa “
“ Lomax ate chuan an kaphlum nge an sawisa hlum zawk ?”
Jake-a khup chu a sai hlawk hlawk a,a kut chu a humruh tlat bawk a.Nakinah chuan,” Haichhuak ula,a lu ah hreipui luhna inhmu thei ang.Misualho thah a ni lo,keima thah a ni.Misualhovin min kalsan hnu khan a rilru a kim tat lat lo mai a.Nan-i chu P-thian anchhe dawng,tite in a aukhum a,anchhia te a lawh ta buan buan mai a.Thah hial a tum ta mai a,lo dan ka tum a,mahse keipawh chu min tawk zui ta zel a,min that ngial dawna ka hriat avangin hreipui ka chuh ta mai a ni “ a han ti a.
Quinna chuan,” Nu leh pa I nei tawh si lova,in leh lo hi enkawl zui theih zel I inring em ni ? Ram sakawrte saw corral a I khung theih danah sakawr sawizawi chu I thiam a ni ang maw ?”a han ti a.
Jake Abercrombia-a chu a han bu nghat a,” Mahse,ka farnu saw a thluak a buai ve tat lat mai a.Khua-ah han kal pui dawn ila pawisa ka nei bawk si lova “a han tih chuan Bob-a chuan a ipte atangin rangkachak pawisa a rawn phawrh a,” Chuti a nih chuan I lo indawr teh ang.Hei, dollar sawmhnih a nia,hei aia to chuan khawiahmah I hralh chuang lovang,dollar sawmhnih i dawng hi lawm hle rawh “a lo ti a.
Jake-a Abercrombia—a chuan pawisa chu a la a,” Ka hralh e “ tih leh pawisa chu ah that a rual nghal a.
Marcusa chuan ni chu a han en a,” Khawthim hmain mel engemawzat kan la kal hman ang.Inbuatsaih rawh u le “ a han ti a.
Bob-a chuan hulhliap zara sakawr zin an dah chu a la chhuak a,sakawr paw-uk chu a phi hawk a,corral atang chuan a kaichhuak a.Midangho chu an sakawrah an thu far tawh a,Bob-a chu an thlir thap a.
Boba’n a zin a han bel chuan sakawr chuan a dawh tha ve mai a,mahse duh chiahlo tih hriat tak hian a beng chu a ti dawh deuh hu a.
Boba chu a chungah chuan a zuangkai a,a lakam vawn pah chuan “ I kal ang u le “a han ti a.
Chu sakawr la sawihmin thathum lo chu vawilehkhatah a khek tuarh a,a zuang ta chiam mai a.Boba chu a inring hman hlauhva,sakawr chu engemaw chen a zuan kual hnu chuan a tal buai ta lova.
Boba chuan,” Hey,I pa chuan a hna a tlin lutuk lo a nih hi”tiin a han auva.Jake-a chu a nui sak a,inchhungah a lut ta a.
Kawrruam an kal pelh hnu chuan Billy Joe-a chuan<Marcus,kha naupang khan thudik a sawi I ring em?”a han ti a.
Quinna chu a ngawi reng a.Billy Joe-a bawk chuan,” A farnu kha amah pawhin a pawngsual ve a ni mai thei,a farnu khan a hlau em mai “a han ti a.Marcus Quinna chu a la ngawi ta reng a.

BUNG-11

Nihnin chhung zet chu ram palaileng hmun khawkrawk tak taka an inzui kawi hnu chuan Raiders ho hnungdawltu Billy Joe-a chuan a hnar a len vut vut a,” Whisky var rim a nam tlat mai.Helai hnaiah hian tu’n emaw zu a thlawr a ni “ a han ti a.
Civil War hmaa Claiborne Country,Mississippi a an awmlai khan apa Irish mi chuan chutiang zu chu a lo siam ve fo thin avangin Billy Joe-a chuan a rim chu a lo man rang hle a ni.
Marcus-a chuan a sakawr a pawtding a,a rawn lehhawi a,” Billy Joe,I thil rim hriat kha ka hr eve ta “a han ti a.
Billy Joe-a chuan,” Kan pawh thuai ang .Kan zu thlawrtupa kan hmuh hun chuan Trump Lomaxa leh Kida chungchang kan zawt dawn nia.Helam kawng hi an zawh maithei asin “a lo ti a.
Hank Proudy-a chuan,” Kal kual vak a ngai lova Palisades Lake panna kawng awmchhun chu helai chauh hi a ni “a han ti a.
“ Kan pu-a zu pawh chu kan tem sak nghal ang chu “
“ Tehreng mai “
Billy Joe-a chuan,” Chulam chu kan hnial loh zawng tak a ni lawmni ?”a han ti a.
Marcusa chu a nui sak a,” Ke kham leh chhawlhal tihreh chu a chakawm nasa a lawm le “a lo ti ve bawk a.
Darkar chanve pawh a la rallo tih chuan tlangdungah hian an chuangchhuak ta a.Hmunzawl zimte lungpuiin a hual khup mai kara bukte ding chu an hmu ta a.Zu thlawr rim chu a nasa zual sauh bawk a.
Billy-a chuan,” Hello, in a mi kha ! “a ti hman chauhva,ring zet mai hian silai a rawn ri ta dur mai a.A ri a rin danah rifle naran mai nilovin Sharp rifle .50 ni ngei hian a lang a,silaimu chuan Loomis Depro-a nghawng chu a rawn thawi thuak a.

Raiders ho chuan puakruk an phawi a,an sakawr chu an pawt her nghal a.Lungpui phen atanga silai khu rawn zam chhuahna lam pan chuan an sakawr chu an tlantir ta a.An hnaih deuh ta tih chuan an silai chu an hmetpuak ta zawt zawt a.
Silaimu chuan lungpui chu a deng khem hlawk hlawk mai a.Anmahni lo lambuntu chuan a rawn kap let ve miah lova.Depro-a te unau chu sakawr atangin an zuangthla a,kun chunga hmalam pana tlan pahin an puakruk chu an hmetpuak zawt zawt a.
Hank-a chu Rebel au hla in a han auva,midangho chuan an lo chhawn vat a.Sir tawn tawn atanga silai rawn rikna lam chu an pan phei ta a.
Lungpui phenah chuan Sharp Buffalo gun John Brown model hi a lo let ngat a,mahse hniak tihloh chu mihring hmel hmuh tur a awm lova.Hank-a chuan haiderin a panna lama chhoh pahin,” Thiante u,min rawn zui rawh u “tiin midang ho chu a han auva.
Mi pakhat,khabe hmul sei zet mai hian Hank-a chu lungpui phen atang hian a rawn zuan tat hut mai a.Chemte hriam hmel zet mai hi a hum ran mai bawk a.Hank-a chu a vir zawk a,chupa chemte chuan a kawrfual ban hmawr chu a rawn tai thler kawk a.Hank-a chuan,” Panga leh pakhat chu kan intam hleih lutuk.Inpe mai rawh,chutilo chu I thi a ni mai “tih pahin chu palian zet mai chu a puakruk chuan a han tin a.
“ Ka chemte hi dah ila min tina lovang maw ?”
“ Ka tiam a che “
Chupa chuan a chemte chu a thlauh ta bal a.Proudy-a chuan a puakruk ngul chuan chupa hnar tawk hlur maiah chuan a han hlap sak a.Chupa chu sa talhna hmuna bawng an chek thlu ang mai hian a tlu thum ta dup mai a.
Buk lamah chuan an hnuk thla a,sakawr thlunna thingkhamah chuan Billy Joe-a chuan a han bang liam hnawp a.Sakawr tar zet tawh lo inthlung chu hlauvin a tum chiam a.
Chupa chu a rawn harhchhuak ta a.Quinna chuan,” Thiana,engvanga min lo kap ringawt nge i nih ?”a han ti a.
A chhan lawk loh avangin Quinna chuan a nakah a han chhir dawt a,chupa chu a te thawt a.
Quinna chuan,” Zu siampa,tunge i hming ?”a han ti a.
Khabe hmul sepia chuan na tuar then deuh thu hian “ Cincinatus McGuire tiin min ko thin “a ti a.
Marcus-a chuan McGuire-a chu thip zeta melh chung in,” Sharp rifle khan engvanga min lo kap ringawt nge I nih ?”tiin a han zawt a.
McGuire-a chuan,” Ka hrilh loh che u chuan min that dawn em ni ?”a han ti leh rih a.
Quinna chuan,” Ni chiah e “a lo ti hmiah a.
McGuire-a chuan,” Khangho kha hlau the mah ila ka hrilh mai che u a niang chu !Anmahni zuitu an awm leh awmloh lo ngaihven turin min ti a,an sahimna ka zawn loh chuan min that tura an rawn kir leh nghal tur thu min hrilh nghal bawk “ a ti ta a.
Quinna chuan,” Tuten maw ? Thupe tu che chu tute maw an nih ?” a han ti a.
“ Trump Lomaxa leh Diablo Kida te,anchhedawngin awm hlawm rawh se “McGuire-a chuan a han ti a.

Quinna chuan,Cincinatus McGuire-a inti chu ngun deuh mai hian a han en a,a hmelah
chuan dan leh thupek ngaisang chi chu a ni lovang tih a hriat theih mai a.” Han sawi zel the,khawilam nge an pan ? Engtika rawn kir leh nge an tum ?”a han ti a.
McGuire-a chuan,” An rawn kal leh hun tur chu ka hre lo.Engzatnge annih chiah ka lo chhiar lova,sawm emaw sawmpahnih vel emaw an ni ang.Hmarlam an pan a,Grizzly Gap a kaltlang an tum a ni ngei ang “a han ti a.
Quinna chuan,” Grizzly Gap lam chu a panna kawng a awm em ni ? ‘’ tiin Mc Guire-a chu a han zawt a.
McGuire-a chuan,” Tlang pahnih ding thiang inhmu ang a,chu chu ding taka pan tur a ni.kawrruam zim deuh mai a awm a,tuikhawhthla pawh a awm a,hai chi a ni lo.Mister,chuta tang chuan ‘Devide’ pawh awlsam takin I kaltlang thei ang “a ti a.
Marcus-a chuan,” A tha tawk bawk e.I kal leh taw hang u “a han ti a,puakruk chu a pai tha nghal a.Midangte pawh chuan an puakruk chu an pai ve nghal a.Loomis-an an sakawrte kha ahan hruaithla a,reiloteah Billy Joe-a tih loh chu sakawrah anchuang ta thap a.
Billy Joe-a chuan,” McGuire,min kah hnuah pawh i nunna kan la zuah a,lamthu ai nan engemaw chu min pe dawn lawmni ? Kan duh ber chu…..” a tih laiin McGuire-a chuan, ” Bik chhung,kawngkhar bul maiah khan hlumbelah intur a awm kha.I duh zat zat la rawh,a tui the a sin”a lo ti a,a han then zui sak a.
Billy Joe-a chuan,”Pakhat a tawk mai”a ti a.Hlumbel pakhat chu a sakawr zinah chuan a hlang a,sakawrah chuan a zuangkai a,a thiante chu a umzui ve ta a.
Thing hmunah chuan nitlak thleng rawk a tawm tawh a.Quinna leh a hote ho an liamna a rei tawh hle a.Chumi zan chuan an rawn kir leh a rinawm lemloh va.Mahse fimkhur thuhlaah sakawr chu hnutchhiahin thawm nei lo thei ang berin awihpangah chuan a chhuk a.
McGuire-a buk bul chu a thlengthla ta a.Whisky rim a nam rum rum a,buk chu fimkhur zetihn a pan phei tat ham tham a,bang hrulah chuan a ding a,thawm a han ngaithla vang vang a.Khawchhaklamah chuan thla pawh a rawn chhuak tan tawh a,chaichim leh rannung dangte chu hnim karah an tlan ri rak rak a.Thawm dang hriat tur erawh a awm lova.
Engemaw chen a din ngaia a din hnuin Amy Rice-I chuan kawngkhar chu a pan phei tham tham a,dimtein a han hawng a.Buk chhungah chuan bati a lo alh tang tang a.Bati engah chuan Amy Rice-I chuan inchhung chu a han thlirkual thuak thuak a.A tawp dan chu pui tak a ni.Saiip tet hrep hrup hi a in chapdarh nuaih a.Bungbel bal ung zet zet hi a let ruih a,kil khatah sazu hrawl zet hian cheese(sap saum)hi a lo tlan mawlh mawlh a.
Amy Rice-I chu buk chhungah chuan silai lekkawh chungin a pen lut ta a.Cincinatus McGuire-a chu khum tawngtawl zetah chuan kawmawl bal zet chungah hian a mu hnar burh burh a.
Thah nghal mai tumin Amy Rice-I chuan a Henry Rifle chu a koki lamah a han lek chhova,chutihlai chuan sazu kha a tlanchhe thut a.Cheese bur a tihthlak thawmah chuan McGuire-a chu a rawn harh a,”Engtizia…..”a ti hman chauh a,Amy Rice-I chuan a rifle chu a hmetpuak ta chawt a.A rawn harh paha a chetsawn avang khan McGuire-a chuan a nun a chan loh phah ta a ni.Silaimu chuan a bana a rawn fuh avangin a te thawt a,Amy Rice-I chuan a han kap leh a,mahse a thelh hlauh a.
“Miss Rice, thian kan ni lovem ni ? Kei leh Diablo……”
Amy Rice-I chuan hnaih phei pahin McGuire-a chu a han kap leh siah mai a.McGuire-a hmai chu silaimu chuan a deng hek hlawk maia.McGuire-a chu khum atang chuan a letthla tawp a,chhuata a bungbel dah chu a delh ri rum rum a.
McGuire-a tal vuat vuat lai chu Amy Rice-I chuan a dulah a han kahsak leh a.McGuire-a chu a la thi ta lo fova.Amy Rice-I chuan a dinchilh te te a,rifle kawhmawr leh McGuire-a chaldar chu a chuktuah a,rifle hmehpuah chu a rual nghal a.”Cincinatus,I tawng hnem lutuk a ni “a han ti zui sap a.
Hmarlam pana thuife an kal hnu chuan Quinn ate chuan bumin an awm tih an hrechhuak ta a.Tuikhawhthla leh sang zet mai chu hmuh phei zawng an hmu ngei mai.Mahse kawrruam chu kham hualchhuak vek a niin han kaltlang ngaihna reng reng hi a awm lova.Devide lama kir leh mail oh chu tih theih dang Raiders ho chuan an nei ta lo a ni.
Engemawchen an hnulama an let leh hnu chuan a tira Devide an luhna tlangkar kha an thleng leh ta a.
Khua chu a thiangin boruak chu a lum nuam hle a;mahse chawhnu lamah chuan thli vawt tak mai a rawn tleh a,khua a vawt tan leh ta hle mai a.
Zanah chuan hmun fai laiah an riak a,a tukzing vartianah an thova,sakawr chungchuang chungin an eitur neih an gang che an ei a.Tlailamah chuan luite hi an va thleng a,chulai hmunah chuan riah an rel ta a.Luite a li lian deuhah chuan nghakuai an kam a,zanriah hmeh khawp chu sangha an man ve ta mai a.
A tukzingah chuan an kal tan leh ta a.Kawrruamah bawk an lut leh ta a.Thli a awm ve lo bawk a,tlangsang kal ai chuan a nuam zawmah a.An kalna sir tawn tawn chu lungbang sangpui mai a niin lung lianpui pui hi a intiang er ur hlawm a.Engemawchen an kal hnu chuan thil ri thum dup hi an hr eta thut a.Quinna sakawr chu a petek nawk a,Quinna chuan a thunun hman hram a,a han dakchhuak a,” Tlan vat ang “tiin a au chhuak nghal a.
Kawrruam lampan chuan lung lianpui pui a rawn tlathla ta hum hum mai a.

BUNG-12

Marcus Quinna,Billy Joe leh Proudy-a te chu an rawn kalna lamah khan an tlanlet leh ta a.Au chul chungin Depro-a te unau chuan an rawn zui ve nghal a.Kawrruam luhna kawng chu tlemin a kawi deuh hlak a,chulai hmun chu inhumhimna awmchhun a ni mai.An zinga chak ber Quinna a sakawr sen uk chuan hma a hruai aHank-a hmalam,ban phak lekah chuan lungtum hi a rawn tla dawt a.Hank-a sakawr chu a ding chawt a,a tal ta chiam mai a.Sakawr chungchuan thiam tak chu ni lose,Hank-a chu a vawrhthla tawp ngei ang.Boba sakawr sawizawi hmin that chiah loh pawh chu a talbuai nasa hle a;mahse Boba ban tha chaktak chuan a thunun the ihram hram a.Vaivut khu mup mup karah chuan lungthil leh leibawi a rawn lengthla chum chum a,maimitchhing chungin an sakawr chu an tlantir zel a.
Lungtum hian Quinna hnung chu a rawn deng hit mup a,lungtum dang hian a lu ah a rawn tlak zui a,sakawr atang chuan a tla ta tawp mai a.Billy Joe-a sakawr chu a petek nawk nawk a,a ding ta chawt a.Proudy-a chuan a sakawr chu a pawther a,Marcus-a chu tham kan tumin a han kun vaka,a tham thelh a,amah pawh chu sakawr atang chuan a tla thla ve dawt mai a.Depro-a te unau chu vaivut khu luih luih karah chuanhmalam panin an tlan zui zel a.Quinna veilamah chuan lungtohlawt hnuai puk deuh hi a awm a.Chumi lam pan chuan Billy Joe-a leh Hank-a chu an vak chho nawk nawk a,Quinn ache hleitheilo chu an hnukchho dawt dawt a.Lungtohlawt hnuaiah chuan an tawm ta thap a.
Chutah,vawilehkhata a intan thut ang bawk khan a reh ta duak a.A reh dan em em chu a rapthlak lamah a kal lek lek zawk a ni.Thli thaw ri a awm lova,sava hram tak ngial pawh hriat tur a awm heklo.Vaivut chu a la khuk chuai chuai avangin thil hmuhfiah a la harsa hle a.Quinna te ho chuan antawmna atang chuan thi dang deuh mai hmuh beiseiin vaivut khu karah an melhkual ruai a.
An tlansan tak lam kha chu lungtum tlakhawmin fit sawm zet a chhahin a chilh hmuk mai a.An lukhum vaivut kai chu an vaw fai a,an zimar a,an tawmna atang chuan an chhuak ta a.
Marcus-a chuan chunglam chu a han thlir a,lungtohlawt awmna kha a lo khuar duk tawh a.An hnungzang leh dar velte chu lungtum tlakna avang khan a pilhin a na vel them thum a.Billy Joe-a phei chu a kalbai suih suih a.
Proudy-a chuan,”Awih chu a harsa tirawh u ?”a han tichhuak phawng a.

Marcus-a chuan,”Ka mit pahniha ka hmuh hi awihlo thei ka nit lat silo”a lo ti ve bawk a,chutah,”Billy Joe,engnge I an ? A na viau em ?”tiin a zawt a.
Billy Joe-a chuan a khabe hmula vaivut kai tihfai pahin,”Ka kheimit a ulh a,mahse engmah tham a ni lo”a lo ti a.
Hank-a chuan,”Amaha rawn chimthla nilovin lunghalana hnathawh a ni chiang mai.Helai hnaiah hian thil laichhuahna hmun emaw Rel kawng emaw pawh a awm lova,chuvangin tihluih a ni tih a hriat hle bawk”a han ti a.
Billy Joe-a chuan,”Marcus,helai hnaiah hian mi cheng an awmlo a ni lawm ni?”a han ti a.
Quinna chuan,”Mi cheng an awm ka hre hauhlo mai.Helai vela kan chetla tih hre tur awmchhun chu Amy Rice-I kha a ni mai.Lomaxa leh Diablo-ate tan chuan anmah kan umzui a ni tih han hriat ngaihna a awm silo.Anniho chuan sipaiho rangkachak nen khan inthiarfihlim hlen thei ta ah an inngai ngei ang”a han ti charh charh a.
“Chuti chu hmeichhia kha helai hnaiah hian a awm tihna a ni ang maw?”
Marcus-a chuan a dar a han chin ak a,lung tlakna a vang khan a lu chu a la na ngut ngut a.An zinkawng thui tak chuan a lo ti chau sa viau tawh bawk nen,an sakawr an tlanbo vek avangin engemawchen ke a ankal a ngai dawn niin a lang leh ta nghal a.”Loomis-a leh Boba kha an rawn lang ve vat ang chu maw “a han ti thla rawk a.Amah ngei pawh chuan a thusawi chu a ring bik chiah lo.
Mahse rin loh takin sakawr tlan thawm an hr eta thut mai a.Boba sakawr paw-uk kha a rawn lang a,a chungah chuangin Boba chu a rawn nui var var a.A hnuhnung bera kal inLOomis-a chuan putar pakhat a rawn chhawm a,chu putar hmaichu nisa emu k khuk mai hi a ni a.A mit bul chu a duk kual raih a,a sam leh a hmuihmul chu a tuak var va a.Vaivut a kai paw thar bawk a,a kut bal zet chu a phar kak da a.
Sakawr atanga anchhuk hnu chuan Quinna chuan,”Putar,thil puak chungchangah khan sawitur engnge I neih ? I sawi vat loh chuan kut I tuar ngei ang”a han ti a.
Putar chuan,”Thil puak chungchangah khan inrawlhna ka nei miah lo”a ti khur dar dar a.
Loomis-a chuan,”Hlawm tak a! Hei hi han en ve the u ! “tih pah chuan a kawrfual ipte atang chuan lunghalna leh a fuse hi a rawn phawrh a.” Hengte hi a hnen atanga kan lak anih hi ! Mahse eng vanga thi tur a min duh nge a nih erawh chu ri ngaihna ka hre bik lo “a han ti a.
“Amah khan sawi the se”
“Nangniho hi Fergus Jareda’n engmah a hrilh lovang che u”
Bob-a chuan,”Tungnge Fergus Jared-a chu ?” a lo ti a.
Quinna chuan,”Kan hma a putar tawp leh rimchhe tih loh chu tumah dang Fergus Jareda an awm lovang”a han ti a;chutah,”Jared,a hmasa berin hmeichhia kha khawnge a awm han sawi phawt teh” a han ti zui a.
Jareda chuan,”Ka nupui Indian nula Otter who Sleeps-I chu kum sawnhnih kalta khan a thi….”a tihlai mek chuan Quinna chuan,Bitter Wash a an hmeichhe dawithiam kha a lawm ka sawi”a lo ti a.
Jareda chuan,”Ka inbual lohna chin pawh ka hre tawh lo” tiin Quinna thusawi awmzia chu a la haider ta fova.(wash=inbual,insilfai etc)
Hank-a chuan,”Marcus,keiman ka’n be vet hung ang e”a han ti a,chutah,”Fergus Jared,thil laihchhuah tur zawnga vak kual thin I ni tiraw ?”a han ti a.
“Ni e,engatinge ?”
“I lo indawr the ang.Dollar sawmhnih hi ka pe ang che.Lawmthu sawi nan ka zawhna min chhan a ngai thung ang.Hmeichhia lungtohlawt I haldarh(chim) pui kha khawnge a kal tak ?”
Jareda chuan,”Hmeichhia an awmlo reng reng.Chu chu chhechhamin ka sawi ngam.Ka duhtak Mary hmingchhalin chhia ka chham e “a han ti a.
Quinna chuan,”Mary chu tunge ?”a lo ti a.
Jareda chuan,”Ka sabengtung nu a nia”a ti leh ta lek si a.
Proudy-a chuan,”A tha e,I kal thei ang”tih pahin putar hnungzangah chuan a han beng thawr a,”Keini pawh kan sakawr vakbo pathum kan hmuh hunah kan kalsawn ve nghal mai ang”a han ti leh a.
“Chu zawng chu em ni ?”
“Chu zawng chu ni e “
A ngaihna hre lo niawm tak hian Fergusa chu a han hawikual a,chutah a dollar sawnhnih hum chu a han melh zuah a,bai leuh leuh chungin a kalsawn ta a.
Hank-a chuan,”Kan sakawrte kha khawnge an awm tak ang le ? Tui leh hnimhring awmna lam an pan em ni ang ?”a han ti a.
A zawhna chu chhang lovin,”Hank,kha putar kha hremlohva chhuah I tum tak take m ni ?Quinna chuan a lo ti a.
An sakawrte chu luikamah chuan hnimhring petin an lo tla a.Awlsam takin an man khawm a,putar tlan liamna lam kha an pan ta a.
Vaivut chunga putar hniak chu chhui a awlsa hle a.Hmun fai laia thingtuma sak in te tak te an thlen chuan an sakawe atangin chuan an chhuk a.
Quinna chuan,”Jared,rawn chhuak rawh.I rawn chhuah vat loh chuan Mary mei hi ka tan dawn a nia “tiin a han auva.
Jareda sabengtung nu,Mary tia a vuah chu pawr fep fawp hi a ni a,khawvawt avang chuang a ding kun reng a.
Reiloteah kawngkhar chu a rawn inhawng dawrh a,Jareda chu rawn tlanchhuah pahin a phun mawlh mawlh a.Zurui ni mai awm hian a pai nawk nawk a,”Krista,kan rukru nu,ui….ui”tiin a riat nawk nawk a.
Quinna chuan,”Uichonu tih I tum em ni Jared ?”a lo ti thuai a.
Jareda chuan,”Kha nu khan lung halna ka tihpuah chhungin in ka lo nghah sak ang che a tia.Putar rethei hi min rawk duh a nih chu”a ti bawrh bawrh a.
Quinna chuan,”Rice-I kha em ni I sawi ? Tar tawphnawkpa,min chhang vat rawh.I rangkachak a ruksak che em ni?vin deuh tak hian a han ti a.
Jareda chuan,”Hmeichhe pakhat hi sakawr dum chunga chuangin a lo kal a,a hmelma nawhchizawrhna hmuna hralhtuten amah an um thu min hrilh a.Ka puih phawt chuan a lawm tur zia leh engmah min laksak a tumloh thu min hrilh a”a han ti a.
Quinna chuan,”Chu nu hming chu Amy Rice-I em ni ?tiin a han zawt a.
Jareda chuan,”Amy tih lampang chu a ni”aw khur hlawk hlawk hian a ti a,a mittui a tla par mai bawk a.
Quinna chuan,”Pu-a,ka thusawi hi lo ngaithla the.Helai ram chin hi I hriat hmel bawk a,Palisades Lake thlen theih dan min hrilh la,chu nu chu ka man pui ang che”a tit a a.
Jareda chuan,”Ni e mawle.Mary hi a zin ka’n bel ve phawt ang e.Tunang hunah chuan tlangkar khan ah pawh vur a chhah lutuk lovang chu maw”a ti ve ta a.
Vur chu nilengin han miah lovin a sur chum chum reng a.Hmar lam atanga thli rawn tleh chuana ti zual sauh sauh mai bawk a.Raiders ho leh Jareda chu an sakawr ah chuan kun deuh chal hian an chuang a,an inkuah khawr hlan hlawm a.Hawina lam a piang chu vurin a khuh var vo mai bawk a.
Marcus-a chuan,”Jared,keini ho hi chu chhimlam chhuak kan ni a,hetiang boruak hi kan la tawng ngai hauh lo.Nang I tawng tawh em?”tiin a zat ta chawt a.
Jareda chuan,”Thalsik a piangin Rokies tlangram hi chu hetiang hi a dan a lawm;mahse thlasik runpui a la thleng silova,khaw awdan hi a mak khawp mai”a ti bal bal a.
“Engtinnge chhu chu I hriat theih?”
“Beaver an la tawmim tlat a lawm”(beaver=tui a khawsa,sazu lam chirannung chikhat)
Thawm danglam deuh a hriat avangin Quinna chuan a sakawr a pawt ding a,”Chu,eng thawm nge?”a han ti a.
An zinga pakhat chuan,”Thli tleh thawm bak thawm dang a awm em ni?”a lo ti a.
Quinna chuan,”Au emaw te ri emaw a ang khawp mai”a han ti a.
Vawilehkhatah Jareda chuan,”Chinghne rual an nih chu.Helam an rawn pan a ni chiang mai.An tam hmel khawp mai leh nghal”a rawn tichhuak ta a.

BUNG-13

Vur sur chum chum karah chuan chinghne rual chu chiau chel chul chungin an rawn thawk phei ta a.Ngho lang vurhin an thenthu mai hlawm a,an hruaitu chu lian fal tak mai,pound za zet a rit tur,hmul sei kawh fia fua hi a ni a.
Marcusa chuan," Rifle chuh rawh u " tiin a han au thawt a,amah pawh chuan a Henry rifle chu a phawi nghal a.
Quinna rifle chu a puak dawt a,silaimu chuan chinghne hruaitupa hnung chiah a mi chu a va deng let tawp a.Raiders dangte pawh chuan an silai an hmetpiak ve ta nghal a.chinghnia te chu an thal tawp tawp a,an thisen chu a per chuaih chuaih mai bawk a.Chinghne bauh sup sup karah chuan silai puak ri chu a thangkhawk rawih rawih a.
Sakawrte chuan tlankir tumin an ke an per thum tlut tlut a,mahse an pute chuan an thunun thei hram hram zel a.
An tlanchhiat vaih chuan chinghne rual riltam koham zet zet te chuan an rawn umzui ve nghal mai dawn a,an tan cht lakleh a buaithlak mai mai dawn a ni.
Silaimute chuan chinghniate chu an deng let tawp tawp thin tak na intlanchhiat mai antum awzawng lova.A la dam ho chuan Quinna te ho chu an la rawn pan chhunzawm zel a.
Old Fergus Jereda chuan,"Mary hi an rawn bei phawt ang a,chutah sakawrho an beizui ang.Tawlhlet vat i la,kham hrulah tan i la ang u " tiin a au tuarh tuarh a.
Boba chuqn chinghne palian zet mai chu a han kap a.A tikawlh zual tingin a kaphliam a,chinghnia chu a rawn zuang phei zawk a,Boba sakawr nghawngah chuan a rawn bei chawt a mai a.Sakawr chu a khek tuarh a,a tlu thum ta dawt mai a.
Sakawr tluk hma chiahin Boba chu a zuangthla hman a,vur zingah chuan a ler tawp tawp a.A han thuchhuak hlawl a,sakawr pawh chu thawh tumin a lo leng vuat vuat a,mahse chinghnepa chuan a hrawkah hrawkhrawl chat hmawk khawpin a seh sak ta a.
Chutilai chuan Hank-a pawh chinghne dangin an lo beih rawn mek a.
Quinna chuan,"Sakawr atangin chhuk i la,kan sakawrte hi kan hnunglam vur khi chat karah sawm khalh lut ang u.Venhim tlat an ngai dawn a ni " tiin a thiante chu a han auva.
Chinghneho chuan Hank-a sakawr chu an rawn bawr rawn a,Hank-a chuan a rifle chu a pawt dawk zawk a,a sakawr tluk rual chuan a zuang per dawrh a.A sakawr chu a tha in a ngainat em avangin Hanka thin chu a eim kher mai.A fifle chu a han hmetpuak dawt a,chinghne pakhat a sakawr mawng bawr sehtu chu silaimu chuan a hnawl leng lawp a,thisen chiahpiah nuaih in vur zingah chuan a let hlawm ta reng a.
Chinghne pakhat dang chu Hanka silaimu chuan a thluak per chuaih khawpin a va fuh leh a,chu chinghnia pawh chu a thal ta reng a.
Quinna,Billy Joe,Depro-ate unau leh Jered Fergusona te chu lungbang hrulah chuan an tawlhlet a.An hnungah chuan sakawrte chu an dah a,chinghneho chu han kap let tawp tawp thin mahse,a dang an rawn thawk zel a.
A rifle chu a kahruah tawh avangin Hank-a chuan a puakruk a phawi a,a han hmetpuak zawt zawt a,pakhat chu a kap fuh a.
Vawilehkhatah chinghne rual hruaitu khan ngho lang vurh a then thu chungin Hank-a chu a rawn zuan ta a.Hank-a kawrban chu a thler hawk a,chunghne taksa sir takin a rawn den avangin Hank-a chu a tawlhlet dawrh a,a thingthi hnawk a,kawng sirah chuan a letliam thla ta a.Vur per vel chuan a rawn bawhzui chum chum mai a.
Chinghne hruaitu chuan Proudy-a lam chu a panthla ta a.Thisen rim a hre laklawh tawh bawk a,chinghne ho chuan hlauh an hre tawh meuh lo a ni.
Billy Joe-a chu Proudy-a lampan chuan a tlanthla ve thuai a,chinghnia chuan Proudy-a chu a lo zuan chiah a.Hank Proudya chu a letsawn hman hram a.Billy Joe-a chuan chinghnia chu a tukhumah a tham a,a han phih nghek a.Chutah a hmui chunglam leh hnuailam ah a man a,a kuai ta fan fan mai a,chinghnia chu a hrawl bawk a a lo chak ve phian mai a.
A tang nasa bawk a, Billy Joe-a banpuam chu a pawng tawlh tawlh a.A thlan pawh a rawn bawl tuam tuam thei hial a.A tawpa tawpah chuanchinghne khabaruh tliak ri chu a ri rawp a,Billy Joe-a kut chu thisen hian a rawn bual lum puat a.Billy Joe-an a han thlah chuan chinghnia chu a tla zawi ta hnawk a.
Silai chu a puak leh ta zawt zawt a.An hruaitu ber a thi ta bawk a,rwiloteah chinghne ho chu an tlan darh zo ta a.
Fergus Jareda hmel hmuh tur a awm ve ta hauh lo mai a.An han hawikual ngial pawhin hnaivaiah a hmel hmuh tur reng reng a awm lova.Marcusa chuan awihtlan vur khuh var vo mai chu a han thlirkual vel a," Khawnge maw kan putara chu a awm le ?"a han ti a.
Loomis Depro-a chuan," Hey,Jered "tiin ring zet hian a han auva,mahse chhanna reng a awm lova.
Hank-a chuan a sam leh a kawra vurzam kai chu a han thianfai a," En teh u " tih pahin an thlanglam chu a han kawk aq.Midangho pawh chuan vur zinga Jareda let hlawm reng chu an hmu ve ta a.Jareda hmai chu chinghne ho khan an lo seh hek huam mai a.
"Kan rannungho khan an sehhlum a nih hi !"
"A in kha pel hauhlo se tha tur "
Bob-a chuan," Marcus,engtinge ni zel dawn ? He uicho khawngaihthlak tak hi kan phum dawn em ni ?"a han ti a.A kut a kuangkuah hlan danah amah chuan phum a tum hmelloh hle a.
Marcus-a chuan," Chhawrna awm tawh hleilote chu heti hian kalsan ila a ni mai.Chulo rengah muangchang hman jqn nih loh hi " a lo ti a.
" Vur thlipui tleh hi kan tawn tlang thei ang maw ?"
Marcus-a chuan," Bob-a leh Hank-a kha.....Jareda sabengtungah khan chuang ula,chinghneho rawn kir leh hmain i kalsawn vat teh ang u " a lo ti a.

************************************************************************

Amy Rice-i chu inchhung mei urlum nuam takah chuan a lut ta a,pa satha tak chu a kuah nghal a.
Chupa chuan,” E khai ! Amy a ni reng mai ! Mipa thawmhnaw pawh I inhmeh tho a nih hi”a han ti a.
Amy chuan,” Karei ! Kid,kan inhmu leh ngai dawn tawhlo emaw ka ti hial a sin.Bitter Wash a ka in min halral sak a,ka rawn tlanchhe ta ringawt mai a ni.Marshal lah chuan ‘ Posse ‘ khawmin min rawn umzui leh nghal”a han ti a.
Pindan chhungah chuan midang pali an awm ve a.Chungho chuan sangha tin parcel khaikhup chungah card an khel a.Midang ppakhat hi a rawn luh belh a,khumah chuan a rawn thu a.
Diablo Kida chuan Amy chu a han nuih sak a.A ha hmai a bal tih mai lohah chuan pa hmeltha tawk tak hi a ni a.Diablo-a chuan,"An rawn umzui che maw ? Tutenge an nih ?" tiin Amy chu a zawt a.
"A rapthlak lutuk......"
"Thil ka zawt che a nih chu !"
Amy chu a phu zawk a.Kida dawhtheihna tlakchham zia a lo theihnghilh a ni.
"Kid,ka chhang dawn che a lawm.Quinna inti leh a thiante pali an ni a.Trump-a nen inhote nen hian an zawng che u a ni.Sipaiho hlawh chungchang pawh kha an hre nghe nghe" Amy chuan a ti ta sawk sawk a.
Kid-a chuan,"Bounty Hunters em ni an nih ?"tiin a han zawt a
"An nih ka ring chiah lo.Rangkachak vanga zawng che u an nih ka ring zawk;mahse Kid,chet ka la a,ngaimawh an ngai tawhin ka ringlo.Lung hal khum turin rangkachak zawng mi,mi pakhat ka hmin thei hlauh mai a "Amy chuan a han ti a.
Kida chuan," I ti lawmawm hle mai,Amy " tiin Amy chu lawmthu a han hrilh luam a.Card khelho chu an tho sap sap a;khuma thu pa tih loh kha chu anchhuak fai ta vek a.
Kida chuan," Witt " a han ti a.
Chupa chuan," Kid,engnge ni ?"a lo ti a.Kida chuan khuma thu Witt,tia a koha chu chiang zet hian a han melh a. Witt-a chu fit ruk leh inches ruk zet a sang hi a ni a,thahrui angah hmel hle bawk a. Tliak tawh tih hriat taka a hnar a perh deuh thlam danah chuan insual pawh a hrat tawk hle tih a hriat theih a.
Kida chuan," Witt,ka bialnu nen hian hun rei tak kan inhmu tawh lova,chuvangin min lo chhuahsan lawk thei em?"a han ti a.
Witt-a chuan," Kid,ka awm ve hi a pawi lem em ni ? Nula pawhin a ngaimawh hmel lemloh kha "a lo ti a,a chesawn duh chuang lova.
Kida thin chu a thawk thut mai a," Kei hian ka ngaimawh a lawm " tih leh khum lam pan phei chu a rual a.Witt-a chu a kawnghrenah a man a,chhuatah chuan a thehthlu ta hnawk mai a.A khabe ah a han chhir zui a.Kida spur chuan Witt-a biang chu a at kak hlawih a,a rawn thi nghal zawih zawih a.
Kida chuan," Chhuak tura ka tih che chuan chhuah nghal mai tur a ni " a ti a.Witt-a chu a kawrnghawng ah a man sak a,a han phih tho lawp a.Kawngkhar lamah chuan a nawr phei a,kawngkharah chuan a namchhuak lawp a.Witt-a chu hmai sawh chawrhin a tlu chhuak a,a tal awrh awrh a,chelo changlovin a let zawi ta reng a.
Kida chuan bangrela Whisky um inhung chu a la a,a chhin a hawng a,a han lem khawlh a;chutah,"Amy,ka duhtak i han inkuah teh ang"tih leh Amy chu duhthawh zeta kuah a han rual a.

BUNG-14

Denver an chhuahsan atang khan chulai phairuam a an rach hmuh chu an rach hmuh tawh chuan a changtlunh ber leh nawm hmel ber a ni a.Ranch in chu thing chi hrang hrang hian a khat mawi tawkin a hualchhuak vek a.Ranch in chu te fel ren rawna sak a ni a,chhekin lian vaklo leh hulhliap inzar pali hi a awm a.Ranch in chu pindan pahnih nei ni hian a lang a,hnunglamah chuan in te pen a awm bawk a.Mihring hmel erawh hmuh tur a awm lova.
Ranch hnathawk ho chu hnathawkin an chhuak bo vek a nih Marcusa chuan a ring a.
Bathlarah chuan hmeichhe pakhat hi a rawn chhuak a,in awm kawr,thawhnaw naran deuh tak hi a inbel a.A sam chu meialh ang mai hian a sen tle zur a,Winchester rifle hi a zakzeh ran bawk a.
Marcusa chuan," Tawng lam chu ka'n bultum ang e " a han ti a,a sakawr chu hmalam panin a kaltir ta nghal a.
A tawng zawnga tlangsang a an awmlai anga a thaw a khur ta lo ringawt pawh chu thawnventhlak hle hian a hria a.Chinghne rualin an rawn beih atang khan nikhat em pawh a la ral lova,mahse boruak danglam sawt dan chu mak tak a ni.Hmun hniam lamah chuan thlasik a intan dawn chauhva,helai phairuamah phei chuan boruak chu a lum nuam tawk chauh a ni.
Corral chu an pel phei a,corral a sakawrte chu an tha chungchuang hle a.
Quinna chuan," Chibai ka pi "a han ti a,bathlar bulah chuan a sakawr chu a han pawtding a,a lukhum tlang a han khawih zauh a." Devide paltlanga rawn kal,khawthlang lam pan zel tum kan ni a,chawlh rei pawh kan tum lo.Mahse kan sakawrte hi tui leh chaw pek kan duh a,keiniho pawh hian eitur kan mamawh ang.Kan sakawr pahnih chinghne rualin min sehhlum sak a,sakawr lei tur in neih phei chuan kan lawm khawp ang " a han ti zung zung a.

Hmeichhia chuan” Mister,sakawr chungchang chu mipaho kuta awm a ni a.Engpawhnise,tui lampang chu in hnunglamah sawn luite a awm kha.Bawngsa a awm a,pawna ei in pawiti em ?”a han ti a.
“ Pawiti love, ka pi “
Mipaho pawh an rawn thleng har lovang.Bawng tlabo an zawng a nih kha ! Phairuam hi a zau lova,an thang rei ngai lo.An rawn haw har dawn chuan min hriattir nan silai an kap mai thin,”
Quinna chuan,” Silai kah sawi takah chuan ka pi,I chelek vel danah i Winchester kha i lek chhuak ngun hle a ni maw ?tiin a han zawt a.
Chu nu chuan,” Lekchhuak ngun bawk e.Mikhual an rawn kal a piang hian ka lekchhuak ve ziah;mahse nangniho hi chu vakrawlai naran in nilo tih ka hre mai.Chhimlam ram atanga lo kal in nih ngei ka ring.Magnolia lam atanga rawn kal in ni mial lo maw ?”a han ti a.
Quinna chuan,”Ka pi, Mississippi bial,Claiborne Country atanga rawn kal kan nia “a lo ti thuai a.
Hmeichhia chuan,” Ka pa pawh Alabama lamchhuak a lawm.Lookout Mountain an tih velah khan a khawsa thin “a han ti ve leh a.
Quinna chuan,” Ram mawi leh nuam deuh a sin “a ti a.
Hmeichhia chuan,” Pute u,min lo hrethiam lawk mai the u,ka naute a tap tlat mai.Lo va insilfai u la,ka siam peih veleh eitur chu ka rawn pe ang che u “a ti a,inchhungah luh a rual nghal a.
Billy Joe-a chuan,” Nu fel tak a nih awm kha maw le “tih pah chuan a sakawr atang chuan a chhuk a.A ke ulh chu tawk palh lo turin a fimkhur hle a.
“Ni e “ tih pahin Hank-a chuan luite lam chu a pan phei a,”Naute a tih kha naute tak tak a ni ang chu maw ?”a han t ihram a.
Loomis-a chuan,” A ni ang,a tap rawl kha a zawi em mai”a lo ti a.
“Engvanga chokaa eitur min pe duhlo nge maw a nih le ?”Hank-an a han tih chuan Quinna chuan,”Chu phei zawng ka hre lo le “a lo ti a.
Hmeichia chu thlenga eitur kengin a rawn chhuak ta a.Quinnate ho chuan cottonwood thing hnuaia thutthlengseiah chuan thuthmun anrem a.Hmeichhe eitur rawn pek chu an ei mawlh mawlh a.
Hmeichhia chuan,”Ka hming chu Emmaline Cunninghami a ni a,ka pasal chu Jim Cunninghama,Rio Grande lamchhuak a ni a,Mexicanho zinga seilian a ni awm e “a han ti a.
Billy Joe-a chuan,”Eitur i siamthiam hle mai.Rawngbawl thiam tak thil siam ei a khat bawk a,a lawmawm danglam kher mai”a han ti luam a.
Emmaline chuan,”Theihtawp ka chhuah alawm”a lo ti thuai a.
Quinna chuan,”I eitur siam tui dan atang hian chu chu a hriat a lawm”a lo ti ve thuai a.A nelawm thei ang ber a lan a tum a,mahse a kut erawh chu a puakruk atang chuan a dah hla duh hauhlo thung a.
Mrs.Cunninghami chuan,”In hming min hrilh ve thei em ?”a han ti a.
Hank-a chuan,”Kei hi Ha….”a tihlai mek chuan Quinna chuan,”Keiman ka’n sawi ang e,ka pi,keini pathum hi Des Plaines Brothers kan ni a,a ni hi Virgila a ni a”tih pah chuan Hank-a chu a kawk a,Billy Joe-a chu kawk lehin”Ani hi Royale a ni a,kei hi Jonathana ka ni.Tin,Kan thiante pahnih saw,Monfred Bayersa leh Imlay Maggarda an ni.Mifel tak an nia”a lo ti zung zung a.
“A nih leh henglai velah hian engti tura rawn kal nge in nih?”
“Ka pi,chu chu ka sawi thei tlat lo mai.Sawrkar thil,thuruk a nit lat mai.I hriatthiam hram ka beisei”
Mrs.Cunninghami chuan a chal a han chuar deuh a.”Politics lam thila lo kal chu in ni em lo maw?”a han ti a,
“Ka sawi ang khan……”
Mrs.Cunninghami chu a hlim hmel sawt a.Raiders ho piahlam chu a en a,sakawr chungchuang pathum hi ranch in kawt lam pan chuan an lo kal a.Mrs.Cunninghami chuan,” Ka pasal leh kan foreman an nih saw.Tin,grulla horse chunga chuang saw kan rinpui ber Cletusa a nih saw”a han ti zung zung a.
Cunninghamate chu an sakawr atang chuan an chhuk a,Quinnateho chu an rawn pan phei a.An landan maiaah chuan pa tha tak leh nelawm tak ni hian an lang a.
Cunninghama chuan”Emmaline,inleng kan nei elo ?”a rawn ti phei a.
“Jim,englo…”
Quinna chuan,”Des Plaines unau kan nia”a lo ti thuai a.An hming inphuahchawp kha a han sawi a,ama hming inphuahchawp pawh a lo theihnghilh leh hman tep tawh a.
Foreman chuan Earnest Lockmana a nih thu a sawi a.Jim Cunninghama chuan Cletusa chu Whisky la turin a tir a.
“MIpaho tak hi chu’h” Emmaline-i chuan a lo ti hlak a,mahse lungawilo hmel erawh a pu hran lova.
Cunninghama chuan,”Mikhual kan nei khat bawk a,a awm ve alawm,tiraw(h) Earnie ?a han ti a.
“Tehreng mai” Foreman chuan a lo ti a.Whisky chu coffee navah chuan a thlichhuak a,a um chu an inhlanchhawng zel a.
Reiloteah chuan sakawr indawrin anphul ta hlut a.Lockmana chuan nuih a heh hle a,Cletusa erawh chu a ngawichawi viau thung a.Ranch neitupa chuan Appalousa chu a chhiar to phian mai a.
Khua pawh a tlai lam ta hle a.Khawthlang kawl pawh a sen phut tawh a,phairuam atang phei chuan ni pawh a hmuh phak tawhlo a ni.
“Um khat dang chu kan han in leh dawn em ni ?”
“I la neih chuan a lawmawm ngawt ang”
“Cletus !”
Cletusa chu a tho nghal vat a.Jim Cunninghama chuan mikhual kawm dan tawk a thiam hle a.Quinnateho chu an thiltih tum leh an kalna lam tur a zawt hauh lova.A tawpa tawpah chuan Quinna chuan hun an khawhral thlawn mai mai dawna hriain,”Jim,keini chauh hi em ni khualzin helama tunhnaia rawn kal ?”tiin a zawt ta nge nge a.
Cunninghama chuan,”Nilove,kar kalta khan hokhat an rawn chawl zawk a.An zavai chuan sawmpahnih vel zet an ni”a han ti a.
Quinna chuan,”Engang hmelpu nge an nih min hrilh thei em ?”a ti zui ta zel a.
Jim Cunninghama chuan aw a han thian kharh a,sawi tan ngaihna hrelo niawm tak hian a han ngawi vang vang a.An chunglamah chuan Cottonwood thinghnah chu thlifimin a chhem ri sang sang a.Marcusa chuan,”Jim,kei leh ka thianteho hi Pinkerton Detective Officer,Omaha atanga rawn kal kan ni a.Thla hlui khan U.S sawrkar pawisa,rangkachak pawisa,sipaiho hlawh tur chu rukbo a ni a.Chu pawisa chu Trump Lomaxa leh Diablo Kida ten an kawl tih hriatchhuah a ni a.Rokies tlangram paltlangin kan rawn chhui ta char char a ni”a han ti charh charh a.
Lockmana chuan,”Pinkerton mi leh sa maw in nih?”a lo ti a.
Cunninghama chuan,”Chutiang mi in ni ang tih rin ngaihna reng reng ka lo hre hleinem”a lo ti ve bawk a.
Quinna chuan,”Tunah chuan ka zawhna che kha a pawimawhzia I hriat tawh ka ring.Helai vela khualzin veivak zinga tu emaw ber hi kan mizawnte chu an ni thei tlat a ni.Washington thuchhuak chuan rangkachak chu hmuh let leh ngei ngei tur a ti bur mai si a”a ti a,rancher pa lam chu a han kun hnai a,”Thil tangkai report theitu tan phei chuan lawman phal a ni nghe nghe a sin”a han ti a.
Cunninghama chuan,”Jonathan,lawman chu engzahnge an phal reng reng a ?”tiin a han zawt a.
Lawmman zat chhut niawm takin Quinna chu a han ngawi vang vang a;chutah,”Jim,pawisa chu a zavaia hmuhchhuah leh phah theihna khawp anih phei chuan Dollar zahnih ai chuan a tlemin ka ringlo”a han ti a.
Emmaline-i khan,”A va ropui em !”a lo ti halh a.
Jim Cunninghama chuan,”A tha tawk khawp mai.Dollar zahnih chuan ka rach leiba ka rulh bakah kan nu thuamhnaw tur ka lei thei bawk dawn a”a ti nuah nuah a.
Emmaline-I chuan,”Jim,Jonathana hi hrilh vek mai rawh.Khangho nena in indawr dan thleng khan”a lo ti a.
Marcusa chuan a phurzia tihlan loh hram tum chungin”Chumite nen chuan in lo indawr a ni maw ?”a han ti a.
Jima chuan,”An hotute nen kan indawr a lawm.Pakhat chu ha hmai bal a ni a,a thianpa chu cher chhe zet mai a nit hung a.An rawn kir leh huna lam turin thingrem min kawltir a,a kawl manah dollar sawm ka dawng nghe nghe.Thingrem chu lian deuh mai,kuang tiat lai hi a ni a,a rit em em mai bawk.Celler ah thingrem chu kan tah ta a nih kha”a tit a a.
Quinna chuan,”Ka va en duh ve mawle “a lo ti a.
Cunninghama chuan,”I duh phawt a thu a ni mai a lawm.Emmaline,khawnvar han la the “a han ti a.
Emmaline-I chu in ah a lut phei a,khawnvar khaiin a lo chhuak leh thuai a.
“Celler a chuan I lut ang u le”tih pahin Cunninghama chuan tualzawl hmun khat pawng bik deuh chu a pan phei ta a.Celler kawngkhar khuhtu leivungah chuan hnim a to khat deuh vek a.
Celler kawngkharah chuan handle hrawl zet a in vuah a.
Cunninghama chuan,Cletus,nang han hawng teh “a han ti a.
Cletusa chuan handle ah chuan a vuan a,a han pawt vak a,celler kawngkhar chu a chik thawt a,a inhawng ta a.
Cunninghama chuan khawnvar chu a nupui kut atng chuan a la a,a leksang a,”Khutah khuan thingrem chu a awm,Jonathan.Kan la chhuak dawn em ni ang ?”a han ti a.
Marcusa chuan,”A luhchilh mai theih bawk a,ti tawh u”a ti a,stepah chuan an penthla ta a.Raiders dangte chuan an zui ve ta nghal a, pindan kilah chuan thingrem lian leh sei deuh mai hi a lo inhung a.
Hank-a chuan ,”Cunningham,rawn chhuk ve t ache.A zim viau na a,I ramchhung a ni tlat a,chuvang….”sawi zo lovin a tawp chawt a.
Marcus-a leh Billy Joe-a chuan thingrem chin chu an han hawng a,thinrim zet hian an rum dun ta nghat mai a.Cunninghama khawnvar khai engah chuan thingrem chhunga thil awm chu a langchiang kher mai.Thingrem chhunga thil awm chu engdang ni lovin ‘ Alu ‘ lek a lo ni a.
Celler kawngkhar chu a inkhar ri dawt a.Eng chu a thim nghal a.Quinna leh a thiante chu thangah an awk a lo ni reng mai.
Celler kawngkhar bulah chuan Amy Rice-i kha a rawn phei a.” Karei !Inte penah sawn kan inkhung hlum hman dawn emaw ka ti tawh a sin !”a lo ti a.
A bula ding Kida chuan,”Mahse,kan hlawhchhuah a tha vet hung a lawm.Kan thangkam a per fuh e”a lo ti a.
Kida chuan Cunninghama dar chu a beng thak thak a,a hlim han nui then vel chu a ha hmai a lo bal bawk nen a nunrawn hmel lehzual a.



BUNG-15

Trump Lomaxa chu Union sipai Officer sat ha liah luah a nihlai nen kha chuan danglam tawh tak a ni.Tunah chuan ruhkawl vunin a tuam hi a ni ringawt tawh a.Civil War laia a lo vei tawh,chuap natna chuan amah a eichhe hneh hle tawh a ni.A hrisel ang bawkin a nun pawh a chhe em em a.Eng thil pawh ti se atan pawi awmin a hre tawh lova,pawisak pawh a neilo hle reng a ni.
Tunah hian Valley Ranch,Rocking H choka ah a awm a,a hmuihmul pawr fap mai chua kut cher zet chuan a han tuai hauh hauh a,”Denver thlen hma phaizawl atang khan min zui tawh a maw?”a han ti a.Amy chu a en ran a.
Chair a thu in Amy chu a rawn dakchhuak a,”Rangkachak inlak atang khan chu chu Bitter Wash a ka awmlaia ka chhutchhuah a ni”a han ti a.
“An hotupa chu Quinna a inti maw ?”
“Inti e”
Cunninghama chuan,”Hetah hian Jonathana,Jonathan P.Des Plaines unau zinga mi niin a insawi”a lo ti a.
Emmaline-i chu tawngchhuah ve a han tum a,mahse a tawngchhuah ve hmain Lomaxa chuan,”Marcus Quinna,Rebel Army Captain hlui,Rebel Calvary Unit tawhkhirh ber hotupa thin kha a nih chu ! Ngunhnam leh silai pawh hmangthiam tak a ni.Tumkhat chu Quinna leh a hote ‘ Quinn’s Raiders ‘ chuan Tennesse ah rel an hal darh a,General Beauregard Z.Scotusa leh a hote zahnih lai an thi nghe nghe “a han ti a.
Diablo Kida chuan,”An che pui hle mai” a lo ti a,a Whisky chu a tlak pawp a.
Lomaxa chuan,”An chetdan chu Conffeyville,Kansas a ka chetdan nen a thuhmun chiah a ni.June 1863 kum kha a ni nghe nghe.Mi inkhawm laiin Baptist Biak In ka hal darh a,mi zahnih vel zet an thi a ni.Ka hal darh chhan pawh an Pastor chu hmelma lamtang,enthlatu a nih vang a ni”a han ti a.
“Lunghalna in em ni?”
“Aw ni e,lunghalna ka hmang “
Emmaline Cunninghami chuan,”A nih leh ram leh hnam hmangaihna rilru hi I pu ngai reng reng em ?”tiin a zawt a.
Lomaxa chuan Emmaline-I chu mengzim san hian a han en a,chutah,midangho,Diablo,Cinningham,Amy Rice leh Cletus ate chu a han melh kual a,”Emmaline,ka hote zinga ka chuan ber pakhat pasala I nei chung pawh hian min hrechianglo hle mai.Ram leh hnam hi ka hmangaih ve ngailo.Indona ah pawh khan thil pakhat vanga tel ka ni,chu chu ral beih dan thiam ka duh vang a ni.”a tit a hmiah a.A han khuh zui chiam a.
“Anih leh indo zawh hnu hian engvanga Outlaw a tang ta mai nge I nih?”tia a han zawh chuan Lomaxa chuan,”Ni e,suamhmangah chuan ka tang ngei alawm.Mahse thil dang vang ni lovin phuba lak ka duh vang a ni.Khawvel lakah hian phuba lak ka duh……A chhan chu,mi rethei tak tak an awmlaiin mi hausaho hi ka haw tlat a ni”a han ti a.A han khuh leh bawrh bawrh a,a khuh zo chu a rawn dakchhuak a,”Phuba chidang lak ka duh bawk.Chu chu ka hmelma kumhlun Marcus Quinna chungah a ni”a ti ta a.
Diablo Kida chuan,”Captain Quinna leh in inkarah chuan eng thil nge awm ?Engvanga a laka phuba lak duh chu nge I nih ?tiin a zawt ve ta a.
Lomaxa chuan,”I la hre velo a ni mai thei,tuna tang chuan lo hre tawh rawh.Mihring tungchhova kal zawng zawng zingah Marcus Quinna hi ka mi huat ber a ni.Cheyenne ho kut a kalsan mai lo khan lo kaphlum ta zawk ila ka ti rum rum thin.Kan uichopa hi thi turin ka duh a,a thih dawn pawhin a hrehawm thei ang berin thi se ka duh a ni”a han ti a.
Amy chuan,”Trump,inhaw tak takte hi chu ka lo hmu ve tawh thin a,mahse,hetiang em em a inhuatna nasa hi ka la hmuin ka la hre ngailo”a lo ti a.
Trump Lomaxa chu chair ah chuan a thu hnawk a,a khak thi chu a rawmawl ah chuan a han chhak a.”Nichin khan ka sawi hmaih a,Coffeyville a an Rebel spy pakhat kan man chu nula ,keima bialnu ngei mai a ni a.Khaihlum turin a chungthu ka rel a,an khaihlum tar eng bawk a”a han ti a.
“Engtinge ni zel?”
Lomaxa chuan,”Ka bialnu Rebel spy a siama thlemtu \fuihtu chu tudang ni lovin Captain Marcus Quinna a ni”a tita a.
A tirah chuan mi pangate awmna thingzung hnuai ‘Root Celler’ chu a thaw ipik thlak e tih mai a ni a,mahse a han rei deuh chuan a vawt ta hle mai a.An chep bawk si a,a hrehawm sawt hle a.
Zanlai a pel fel tawh a.Celler ah chuan rawn luh tumin Chaichim hian Celler kawngkhar chu a hai ri rat rat a,Hank-a chuan Alu chuan a han vawm a.
Marcusa chuan a mawhphurtu berah inngaiin a inthiamlo nasa hle a.A sawi chhuak ta nge nge a.
Loomis-a chuan,”Marcus,I rilru tihah duh suh.Tumahin kha samsen uichonu rilru kha kan hriatsak bik hleinen,a pasal pawh kha”tiin Quinna chu a han hnem a.
Hank-a chuan,”Jim Cunninghama kha a pasal tak tak anih I ring a maw ?” a lo ti a.
“An inawm tawk ngawt lawm ni?”
Step chungbera tingthi chungin Marcus Quinna chuan,” Engmah sawi a sawt tawh lo.Rangkachak kan nei thei tep tihin bumin kan awmn ta a nih hi”a han ti a.
Bob Depro-a chuan,”Chu chu a dik chiah”a lo ti a.
Marcus Quinna chuan,”Pahnih leh pahnih belh pali tih hre tawh phawt chuan sakawr chungchuanghovin thingrem lian an phur hauh lovang tih an hrethiam ve ang maw le”a han ti a.A han ngawi vang vang a,chutah,” Celler kawngkhar hi namhawn I han tum leh chin the ang u”a han ti a.
“Kan namhawng thei chuang lovang.A rih mai bakah pawn lamah engtin emaw an kalh a ni”
“Tun tum chu a kalhna zawnah Billy Joe-a tang tawh rawh se”
Kawngkhar chu an darin an do kim thap tih chuan Marcusa chuan,”Pathum ka chhiar thlen veleh tan kan la dawn a nia”a ti a,”Pakhat,pahnih,pathum”a han ti zui a.
Tan an han la ta a,an rum nghat nghat a,an nghawngte chu a phiar tawng tawng mai a.An chalah te chuan thlantui a rawn bawl tuam tuam mai bawk a.An kawrte chu thlantuiin a chiah huh dup tawh a.
“Tang rawh u”tiin an infuih rewng bawk a;mahse kawngkhar chu chhete pawhin a kang chin eih lova.Thingphel kilh zawmna phekte pawh chu a che hauh lo a ni.
Loomis-a chuan,”Bansan mai chi a ni”a han ti a.A aw chu a chher deuh chhuai tawh nghe nghe a.Billy Joe-a chuan,”La ni rih love.Inthlahdul suh u”a lo ti a.
Billy Joe-a chuan theihoatawpin tan a han la a.A rum nghut nghut a,a thlantui chu a luang zawih zawih mai a.
Kawngkhar chu a che chuang miah lova.Billy Joe-a pawh chu a beidawng ve ta a.
Marcus-a chuan,”I chawl hahdam the ang u”tih leh chhuata thut a rual a.Thahrui I khek tawh zawk ang u.Min la rawn lachhuak mai ang”a han ti a.
Proudy-a chuan,”Hetah hian thih thlengin min khung mai lovang maw?”a lo ti a.
Quinna chuan,”Jima leh Emmaline-I khan Lomaxa leh Diabl-a min hmuhtir an chak dawn em a sin.Indo lai atang tawha ka hmelma Lomaxa khan a mi nuihsawh hmel min hmuhtirlo chuan min hnutchhiah hauh lovang”a ti a.
Celler kawngkhar an hawnlai chuan Lomaxa chu hul zet hian a han nui a.Nithlar zawnga a din avangin Lomaxa leh Shotgun keng mi pathum hmel chu a langchiang thei lova.
Quinna chuan,”Lomax,nangmah em ni ? Engtikni ah emaw chuan kan la inhmuh leh ka ring reng a ni”a han ti a.
Lomaxa chu a han nui leh chiam a,nasa fe hian a hank huh zui a.A khuh chu a tawp thei lawklo leh nghal a.A khuh a han reh fel chuan,”Ni e,Quinn,keimah ngei ka ni.Ka lo nghahna a rei tawh bawk a,phuba lak a phurawm dawn kher mai a”a han ti a.
Quinna-teho chu nieng chuan an mit a tivai rum ruma,an kut chu an puakruk bulah andah far na in silai chelek tumna chi a nilo tih erawh chu an hrechiang hle.
Lomaxa chuan,”Quinn, I thiante nen khan rawn chhuakchho turin ka sawm a che u.Ka thianpa Diablo Kida hi han hmu ve teh;mahse in rawn chhuah hmain in gunbelt kha in phelh vek a ngai ang”nuam ti fe hian a han ti leh zat zat a.
“Phelh duh ta lo ila”
”Ka bula Shotgun kengte hi inhmu em?Hmun leh hmuna shotgun hnathawh rura theih dan chu inhriat ve ngei ka ring.Ka kut hi ka pharchhuah vaih chuan changpat chehchhum pawh intluk lovang”
An puakruk leh chemte lei a an paihthlak hnu chuan Lomaxa chu a han bu nghat a.Quinna-teho chu celler atang chuan an inzui chhuak ta a.
Lomaxa chuan hmai zangthal ha hian Quinna chu a han thlek a.A taksa chu a danglam nasa tawh hle na a,Lomaxa mitkhur thuk dan leh a hnar zum dan chu a ngai reng a la ni.Mahse tunah chuan a taksa mai nilovin a rilru pawh mi pangngai rilru ni tawh lovin ramhuai rilru dik tak a ni tawh tih Quinna chuan a hai lo.
A kawng daltu chu nungdamin a chhuah ngai miah lova,tu chungahmah zahngaihna a lantir ngai hauh lo a ni.
Lomaxa chuan,”Quinn,kan inhmu leh ta maw ? Kan inhmuh hnuhnun ber tum kha I la hriat reng ka ring”a han ti a.
Marcusa chuan thip zeta melh chungin,”Coffeyville a Marcella Mowbry an tihhlum tum a nih kha.Chhanchhuak turin Quinn’s Raiders ruat kan ni a,kha nula duhawm tak kha enthlatu an man dangte ang bawkin kahhlum ter emaw mittinin an ti a;mahse nangman I thu in thil I ti tlang ta a nih kha”a han ti a.
Lomaxa chuan,”Marcella-I chu chhekin khanchhukah ka khaihlum chiah reng a ni.Nangniho pawh thangah in awhphah ta a nih kha”a han ti a.
“Kan tlanchhuak leh thei tho a lawm”
“Kan hot eve ve hruaiin kan pahnihin kan in malbeih nghe nghe a nih kha”
Trump Lomaxa chu a khuh leh ta bawrh bawrh a.A rawmawlin a hmui a han hru fai a,”Quinn,Coffeyville a I lo thi law law zawk lo kha pawiti rum rum khawpin ka siam dawn che a ni.Mahse chumi hmain tutenge kan nih ka han inhmelhriattir phawt ang che.Scatter gun keng pa sang tak hi Witt-a a ni a,Jima leh Earnie-a saw I hriat tawh kha.Amy Rice-I saw kan thawhpui zinga pakhat a ni a,ka bula mi hi Diablo Kida anih hi.Cheyenne ho nen in inbeih buai laia rangkachak tlanbopui kha Kida remruat a ni nghe nghe.Nungdama in rawn chhuah thei kan ring hauhlo a sin”a han ti a.
“Mahse pangti him pialin kan rawn chhuaka,helai hmun hi kan rawn thleng thei si a nih hi!”
“Nungdamin in awm rei lovang.I laka phuba lak dan tur,ka lungawina tawk tur ka relfel diam tawh.I hote pawh hi an thi tel ve ang.Anniho hi Coffeyville ah khan an tel vet lat”
Kida chuan,”Hengho hi an kalna lam turah hruai tawh rawh u”tiin a hote chu thu a han pe a.
Quinna chuan,”Hmundang min panpui dawn elo?”a han ti a.
Kida chuan,”Chhekin hnung tlangah khian kan hruaichho dawn che u a ni.A hla lo.Tha taka in kal loh chuan Witt,Jima leh Earnie-a hian an Shotgun a in lubur thlawh darh kha an chak zek zek a nia”a han ti a.
Witt-a chuan a shotgun chuan zaizirin Quinna-teho chu kal turin a han hrilh a,ranch inkawtah chuan an inzui phei ta a.Lomax,Diablo-a leh a hote chuan Quinn ate chu ngun zet hian an thlir reng a,an hnaihchilh lutuk duh hauhlo bawk a.Marcus Quinna chuan Emmaline-I emaw Amy Rice-I emaw manbeh thut dan awm sela,invent nan hmangin a talchhuah theih mai a han beisei deuh a;mahse Lomaxa leh Diablo-a mitmeng atang chuan a thiltum chu awmzia a nei dawnin a hre leh ta lova.Hmeichhe pahnihte chu a tu emaw zawk zawk chu lo manbet thei pawh nise Lomaxa chuan a thah theihna a nih dawn phawt chuan hmeichhiate chu a dim chuangin a rinawm loh a ni.
Lomaxa chu a rum leh nghat thin a, a khat tawkin a khuh deuh reng bawk a." Quinn,mi huaisen ber bertr pawhin an huaisenna hlohva an intipachan zawh loh hun a thleng ve thin a sin.Chu chu nungchanga inphum hi a ni " a han ti a.Engemawchen a khuh bawrh bawrh hnu chuan," He awihtlan tawp (chhip) ah khian puk a awm a,chu puk eng leh eitur pakhatmah awm lohna ah chuqn khalh luh che u ka tum a ni.Puk khawngka lungin kan chilh ang a,thimtham zingah in vakkual ang a,in chaklo telh telh ang a,in thahrui in a tlin loh hunah chuan in thi tawh mai dawn a ni " a han ti zat zat a.
Quinna chu a mangang ru ta viau mai a.Cellar ah kha chuan awm ni sela,engemaw chang changin an rawn hawng thei a.Puk a lung a anchilh hnan tlat chuan damchhuah a beisei awmlo hle ang le ! Boruak thianghlim,tui leh eitur a awm dawn der silo.
Lomaxa chuan," In rawpral mek laiin keiniho chuan Outlaw Trail lamah kan thian dangte kan fin ang a,sipaiho hlawh tur kan lak kha kan insem ang a,khuaah kan tleh lut ang a.Nula,zu leh sa,lehkhaden......kan duh dan danin kan sum chu kan chen hem hem mai dawn a ni.Kut thi phunga in haichhuah intumlai khan keiniho chu a nuamsa thei ang berin kan lo khawsa dawn tihna a nih chu "a han ti a.Za lo fe hian a han nui zui a.
Kida chuan," Lungpui phenah khan puk kawngka chu a awm "a han ti a.
" Lut rawh ule " tiin Lomaxa chuan Quinna-teho chu thu a han pe a.
Puk kawngka chu fit sawm vel a sang hi a ni a,a vanglam chu chu ai chuan a zim fe zawk a.Puk chu a thim mup a,boruak chu a ritin a uap churh mai a.
Puk kawngka atanga eng fiahlo tak rawn inkap lut atanga a lan danin puk chhung chu fit sawm leh panga vela sang ni hian a lang a.
A thim em avangin puk chhungril lam chu a hmuh theih lohva.' Kan tawp dan tur chu a va duhawmlo em! 'tiin Marcusa chu a inngaihtuah a.
Diablo-a khan," Chunglamah khian kan thianpa Cletusa'n suahdur leh lungral nen hna a thawk mek a nia " tiin Quinna teho chu a rawn auva.
Amy Rice-i chuan," Kid,ka in an hal vanga hetiang lutuka an chunga thiltih hi a dik chiah dawn em ni ?"a han ti dek dek a,Kida chuan," Keima in zawk alawm " a lo ti hlur a.
Trump Lomaxa chuan," Ka pawi an sawi man a nih hi ! An duham man an hmu a nih hi ! " a han ti a.
Hmun him chin an thlen chuan Lomaxa chuan, " Cletus, kan inthliarfihlim ta. Lung lian ho kha han kar lum tawh rawh le " a han ti a.
Reiloteah puk chhung chu thil ri chuan a rawn nghawr dur dur a, puk chu a nghing deuh dut dut a. Thawm a reh fel hnu chuan Lomaxa ho chuan, " Marcus Quinn,damtakin le,I thanteho pawh kha,damtakin. Hremhmun ah kan la rawn hmu ang che u " tih ri hi fiahlo ruai hian an hria a.
A reh ta tlawk tlawk a.

BUNG-16

Rocking H a an tanna cellar nen kha chuan a inang lo hle. Puk chhung chu cellar ang tho khan thim ve mahse,an tawt em avangin cellar kha a hrehawm hle laiin puk chhung chu a vawt nghulh mai a,boruak vawt chuan an ruh a seh ngut ngut mai a ni.
Reiloteah Raiders ho vawtti chu an khur bauh bauh hlawm a. Boruak rimchhe thang nghur a vang chuan an uak leh vak vak thin a. Chu puk chu savawm,keite tin velin tawm nan an hmang thin ni ngei tur a ni.
Proudy-a chuan nawalh a han nawt eng a,nawalh engah chuan mi panga te hmel pawr tak,mahse tumruh hmel zet zet chu a rawn lang a. Hun khirhkhan leh hlauhawm tak tak an lo paltlang tawhin,thihna ngei ngei tura ngaihte pawh an lo paltlang tawh thin a. Tun tumah pawh hian chiti maia beidawn chu an tum hauh lo a ni.
Hlauhna leh zamna aiin thinrimna in an thinlungah hmun a luah hnem zawk a. An nunna chu humhim an tum ruh em em a ni. Silai leh rathuam dang nei tawhlo mahse, an rilru an tihnual chuang lo.
Thahrui leh ngaihtuahna thluak an neih chung chuan chuti maia lungaia indawmkun an tum hauh lo.
Nawalh eng chu a thi ta a.
A thim leh ta mup mai a. Marcusa chuan, " Naute u,heta tang hian kan chhuak tur a ni. Kan chhuak ngei tur a ni " tiin a rilrua lian ber chu a han sawi chhuak a.
" I tidik chiah,Marcus " midangho pawh chuan an lo ti ve thuai a.
Boba chuan, " A hmasa berin puk chhung hi i fangkual phawt teh ang u. Lomaxa leh Diablo-a khan he puk hi an la fang chianglo mai thei a,han belchiang ila,puk tepen khawi emaw ber hian hlet a nei mai thei a sin "a han ti a.
Loomis-a chuan, " He puk hian engvanga tepen dang nei ring nge i nih ? " tiin a unapa chu a han zawt a.
Boba chuan, " Puk ka luh ve tawhna reng teng chuan tepen pahnih pathum a nei vek a ni. Missouri a Jesse Jamesa te bihrukna pawh kha a kawtlang a sin " a han ti a.
Billy Joe-a chuan, " Missouri leh Corolado a inang hleinem. Puk dang sawi sawi a ngailo. Tuna uichoho min khalhluhna chuah hi ngaihven a tul a ni " a lo ti a.
Marcusa chuan, " Billy Joe-a khan a tidik a ni. He puk chungchangah hian rilru kan sawrbing a tul a ni. A hmasain eng kan mamawh ang. Lomaxa te khan kan nawalh min laksak lo hlauh a,kan nawalh in a daih rei dawn lova kan hriat chuan meichher siamdan kan ngaihtuah mai dawn a nia " a han ti a.
" Meichher tur kan nei hleinem "
" Ka kamis hi ka thawh e " Quinna chuan a ti zo chiah a, "E heu ! " a han ti zui a.
Hank-a chuan, " Marcus,engnge ni ta ? " a lo ti thuai a.
Quinna chuan, " Ka kawr ka phelh chiah tih khan thil engemaw in min rawn far alawm le. Tui pawh ni chiahin ka hre lo. Nawalh kha han nawt eng ula enge anih i han en teh ang "a han ti a.
Nawalh an han nawh en chuan Marcusa chuan a kawr chu a han depkai a,chhuatah chuan a dah a. Puk chhung chu a han thlirkual thuai thuai a.
" Ka rin ai daihin a thuk hmel a nih hi ! "
" En teh u,keimahni chauh kan nilo tawp mai "
Chunglam an han en chuana han en chuan Quinna chuan Hank-a thusawi awmzia chu a hrethiam nghal a.Puk chugn chu lung mam emaw sawrbawl satliah nilovin,chinai tui far(fay far) hi a lo awm thluah mai a.Mei a han en tak hluai ah chuan Bak a tama tam namenlo an thlawk ta nuaih(h) nuai(h) mai a.An chik sup sup mai bawk a.
Proudy-a chuan,”Grizzlie savawm ai chuan an nelawm deuh zawk e “a han ti a.
Quinna chuan,”Hank,Billy Joe-a nen puk dinglam hrulah kal u la,Bob-a leh Loomis-a veilamah,kei a laiah ka’n kal ang e”a han ti a.
An han kalsawn zawng chuan an penthawm chu a thangkhawk duh hle a.Billy Joe-an,”Chhun chawfak hunah helai ah hian kan inhmukhawm leh dawn a nia “a han tih chuan an nui hak a.
Meichher atan a remchang,an kawr,an rawmawl,an kutkawr thleng an hman hnu chuan an inhmukhawm leh ta a.
Puk chhuatah chuan an thu bial laih a.
“Lomaxa sawi ang khan puk hian hlet a neilo tak tak emaw ni dawn le ?”
Marcusa chuan,”A neihloh a ring chu a ni ngei ang.A nei tih chu hria se,keiniho hi min khung hauh lovang.A duhber chu kan zavaia a hrehawm thei ang ber a kan thih a ni tlat”a han ti a.
Hank-a chuan,”Khapa kha hmuh leh theih ka duh ngawt mai.A chila chisawm vek a nia ka duh ni “a han ti a.
Quinna chuan,”Kan chhuah hunah I duh ang tak chuan kan che dawn alawm “a lo ti a,a han then sak a.”Chumai bakah,sipaiho rangkachak kha keimahni ngeiin kan hmang bawk ang”a han ti leh a.
Bob Depro-a chuan,”Marcus,I chawl hahdam rih teh ang u.Chawl hahdam zet ila kan bei tha leh dawn a nia- Bawngsa leh artui ei a va chakawm ve “a han ti zui a.
An zavai mai chuan an ril a tam em em vek a.Hank-a sana a a landanin puk chhungah chuan darkar sawm leh pahnih zet an awm tawh a.A hma zana Emmaline Cunningham in eitur a pek bak kha chu engmah an la ei leh ta lo a ni.
Marcusa chuan,”N e,mutthilh I han tum phawt teh ang “a ti a.Lungchhuat charzetah chuan a bawkkhup zawngin a han mu a
An cunglamah chuan bak an chik sup sup .Reiloteah chuan Billy Joe-a chu a hnar ta burh burh a.
Marcusa pawh chu a vak chau bawk ,mn bo thak kawpin a muhil ve ta a.
Marcus Quinna mutui lai chu en thl ema ni hian a rawn tiharh lawl mai a.A zangthal zawngin a han mu vang vang a.Puk chhung thim dn chu imitthlawn an sawi ang mai hi a ni a.Eng thil emaw chu a awm a ni-mahse a ngaihtuah chhuak zo silo.A bul vela a thiante muhil thawm chu a ngaithla a,Billy Joe-a chu a la hnar bur bur a,Loomis-a chu a han thaw ri leh hrawih thin aHank-a leh Boba chu pangngai tak hian an thaw a.An muhil thawk dan hrang hrang chu Marcusa chuan a hre bel hle.Civil War lai atanga lo inzui tawhin vawi za tam an lo mu tlang tawh tlat a ni. A thiante muhil thawri chu nidang/zandang an tho a ni, mahse…………
Marcusa chu a han inngaihtuah vang vang a.Pawnlama muthilh leh pukchhunga muthilh chuan danglam na zawng a nei ang.Pawnlamah chuan thla eng emaw arsi eng emaw hmuh tur a awmin thlifim thawri hriat tur a awm a.Engemaw change sakawr ke per ri hriat tur a awm bawk.Puk chhung chu a reh ruai thung. A reh….. chu chiah chu a ni.A muthilh dawn khan bak an chik ri sup sup a,tunah erawh chuan an thawm hriat tur a awm ta hauhlo a ni.Engtizia nge nit a ang le ?!!
Marcusa chu a dingchhuak a,”Thiante u,tho the u.Pawnlamah zan a ni tawh a,chet tan leh a tul ta”ring zet hian a han ti a.
“Engnge nit a ?”
“Marcus,thil diklo a awm em ni ?”
Marcusa chuan,“Han ngaithla teh u “a han ti a.
“Thawm engmah kan hre lo”
Marcusa chuan,”A dik chiah.Khawnge bak zo zai te kha an awm tak ang ?” a han ti a.
Loomis-a chuan,”An thi zo vek tawh a ni mai lo maw?”a han ti a.
Marcusa chuan,”Sabengtung thluak zat pawh thluak I pu nange ? Khawilamah han thih zawh vek thu a awm lo.Pawnlamah an chhuak a ni mai.Bak chuan ni tlak veleh chaw zawng turin an chenna puk an chhuahsan thin a ni”tiin a han hrilhfiah a.A nawalh a phawrh a,A pheikhawk keartuiah chuan a han thai alh a.A hmalama a lo va kal tawhna lai kha a han en a,puk chhuat chu tlemin a lo chho deuh a.
Quinna chuan,”Bak an thlawhchhuah theih chuan he puk hi tlangpang khawimaw laiah a kawtlang tihna a ni mai”a han ti a.
Boba chuan,”Chhun en nghak zawk ila a tha lo maw ?Puk bang khichat a awm anih chuan nizung a rawn inkap lut mai dawn a lawm”a lo ti a.
“Tunah pawh I ril a tam nasa tawh a ni lawm ni ? Mitenawmho thanga min hruailuh avangin Rocking ‘H’ nu pawh kha I ngei viau a ni lawm ni?”
“A huatin ka haw hluah hluah”
Marcusa chuan,”Chuti a nih leh kal turin inpeih vat mai rawh.In hmaa mite kawnghren vuan ula I kal ang u le”a han ti a.
Billy Joe-a chuan,”Puk chung a hniam sawt khawp mai “ a han ti a.
“Ding chunga a kal theih tak loh leh kan bawkvak tawh mai ang chu”
Minute sawmhnih vel an kal leh hnu chuan bawkvaka kal a ngai ta tak taka.A chang phei chuan puk chung chu fit thum vel chauh a sang te hi a ni ta thin a.An kut zungtang chu a thi tuam tuam a,an kekawr khupte chu a tet hrep hrup tawh mai a.
“Boruak tharlam rim ka hria”
“Kan hmalama mi saw eng a ni lawm ni ? Thla eng em ni ?”
An dingngil thei ta a.Tlan titih hian eng rawn luhna lam chu an pan ta a.Bak tlem a zawng hi an thlawk kual pap pap a.Reiloteah lungtohlawt chungah hian an chhuak phei ta hlawl mai a.An chunglamah chuan thla a eng phut mai a,arsi a de sap sap bawk a.Chumi tum tluk reng reng chuan Raiders ho chu an la hlim ngai lo.An thlanglamah chuan hla deuh takah hian tukverh atanga eng inkap chhuak an hmu thei a.
Quinna chuan,”Khuta mi khu Ranch in kha a nih khu.Puk hi a lo kual a nih hi.Lomaxa leh Diablo-a ten min luhtirna pawh kha kan hlat lutuk lo tawp ang”a han ti a.
“Kan mi bawlhhlawhho kha ranch ah khuan an awm In la ring em?”
“I hmuchhuak teh ang u”
Awihpangah chuan an chhukthla ta a.Ranch in chu hla ang reng viau mahse phaitual hnim chunga an kal tak avangin puk chhuat lungphera kal ai kha chuan a hahdam thlak hle zawk a.
In bul an thlen chuan inchhungah chuan khawnvar pakhat chauh a inchhi tawh a.In a awm chuan mut mai a tum tawh ni ngei tur a ni.
Hank-a chuan, ”Kawngkapui atangin nge hnunglam atangin ?”a han ti sar sar a.
Quinna chuan,””Depro-a ten in hmalam tangin kan lut ang a,Billy Joe-a nen hnunglam atangin rawn lut ang che u.Luh thut tur a nia,silai chuhna hun pekloh tur”a han ti a.
Inchhungah chuan midang tumah an lo awm lova.Emmaline Cunninghami kha chokaah naute pawmin amah chauhvin a lo awm a.Quinna te ho hmel a hmuh chuan a tho uaih a,mahse a thut ngaiin a thu leh ta zawk a.”In lo chhuak thei maw ? Pa namailo tak in nih ka ring reng a ni”a han ti thla rawk a.
“Khawnge mipaho hi an awm ?”
“An chhuak bo vek.Jima pawhin a dan pangngaiin Trumpa leh Diablo Kida te a zui leh ta anih kha.Kum tluanin a kalbo deuh reng a,pawisa pe turin a khattawkin minrawn tlawh thin”
Quinna chuan,”Eitur han zawng khawm teh u”a han ti a,chutah hmeichhe hnenah chuan,”Umzui kan tum a,khawilam nge an panmin han hrilh teh”a han ti a.
Hmeichhia chuan,”Ka pasal tawngkam takin,ka hrilh phiangsen lovang che “a han ti a.
Billy Joe-a leh Boba chuan eitur chi hrang hrang-coffee,vawksa rep te dawhkanah chuan an rawn dah a.A tawngkam nalhlo tak an hriat chuan hmeichhe lam hawi chuan an rawn inher a.
Quinna chuan,”Loomis,nausen kha I la ngaitheilo reng em? “ a han ti a.
Loomis-a chuan,”Ka ngaihtheihloh dan a la ngai reng tih chu I hria a lawm”a ti a,naute mutna chu a pan phei nghal a.Naute chu a han chawichhuak nawlh a.
Emmaline-I chuan,”Ka fapa!” tiin a te thawt a,nausen pawh chu a tap nghal a.
Quinna chuan,”I fapa lu hi a kek darh vek dawn a nia.Loomis,thuk bulah khan ding la,naute kha a kerekah vuan rawh”a han ti a.
Emmaline Cunninghami mai chu a var pap mai a,a rawn dingchhuak a,mittui tla par chung hian,”Aw P-thian ! That lo hram rawh u”a ti khur zawih zawih a.
Quinna chuan,”Kan hriat duh chu sawi vat rawh”vin zet hian a han ti a,naute chu a tap ring zual sauh a.
Emmalinei chuan,”Pallisades an pan-Jima,Trumpa,Kida-an zavaiin.Rangkachak pawh chutah chuan an dah.Khawngaih tkin ka fapa kha min pekir rawh u”a ti chul a.
‘Kan ralthuamte kha an keng vek em ni?”
“Keng lo.Almira ah a awm”
Hank-a leh midangho chu pindanah an lut a,puakruk,Henry rifle leh Bob Depro-a whip nen,an rawn lang leh thuai a.
“Kawr kawl I nei em ?”
“Pawhdawhah a awm ang”
Quinna chuan,” Emmaline,corral a mite saw kan sakawr kha an ni tiraw ? Kal vat kan duh a,thingpui chu min lum sak duhlo mai rawh”a han ti a.
“Tommy……”
“A fapa kha pe tawh rawh,Loomis, A pa hming ang a puttir lo lehnghal !”a tita a.
Emmaline-I chuan a fapa chu pawm pahin,” Jima kha a pa a ni hleinem,Lomaxa zawk kha a lawm”a tita a.

BUNG-17

Khawchhak lam atanga khua a lut tur chuan Pellisades dil helkual phawt a ngai a.Khuaa han chhiar tham pawh hi a ni meuh lova,Miner hovin thil mamawh lam nana an din a ni deuh ber zawk a.Saloon chu store nen a inzawm a,in dang tlem a zawng a awm bawk a.

Trump Lomaxa chu a sakawr lian tha zeta tang chuan a chhuk a. “ Kid,tirawh I kal nghal teh ang”a han ti a.
Midangho pawh chu sakawr atang chuan an chhuk sap sap a,an sakawrte chu thingtlawn khamah chuan an thlung a.Outlaw hotute pahnih chu saloon ah chuan an lut a.Jim,Cletusa,Earnie-a,Witt-a leh Amy Rice-i te chuan an zuilyt ve nghal a.
Bar a lo awm sa ho chuan an lo lawm hle a.
“E khai,Trumpa leh Diablo-a”
“The Kid leh Lomaxa an rawn thleng ta !”
“Hotupa,in va rawn rei ve ? Buaina in rawn tawk em ni ?”
Pindan chhung meikhu chuai chuai zingah chuan Outlaw ho chu an dingkhawm a.Tlemte chauhin a khabe leh hmuihmul an met a.An zinga a tam zawk chuan dil chu inbual nan an chhawr tangkailo hle tih an hmel atangin a hriat theih a.An zinga tam tak chuan Quinna te nena an inbeih ni,thla hmasa lam tawh a an thawmhnaw inbel ngai kha an la inbel reng nghe nghe a. Rui deuh chher chhur leh hmeichhe rawp a rawp huam chungin ram zau tak an paltlang a,helai hi an rawn thleng ta a ni.
Sipaiho rangkachak kha an la insem lova,store enkawl tupa kawtah a la awm ta reng a.
Chuvangin zu pawh a bel hlirin an la in a,rangkachak chu chan ve vek an duh avangin tumah an kalbo hauhlo bawk a ni.
Lomaxa chuan," Buaina phei chu kan tawk lo. Quinna leh a hote chingfelin kawng lakah nikhat kan rawn cham khawtlai alawm maw le " a han ti a. A lukhuma vaivut kai chu a khelah a han vaw fai a.
" Marcus Quinn, Quinn's Raiders a mi kha maw ? " Chu thu rawn sawitupa chu pa hang deuh ren run hi a ni a,a aw phawi atng chuan Mexican a ni tih a hriat hle a.
Diablo-a chuan, " Ni chiah e, Hernando,an zavaiin kan phum ta a nih kha " a lo ti a.
Mexican-pa chu a han ham bui bui a," Pa tawhkhirh zet a ni a sin " a han ti a;chutah,"Ramkachak sem turin em ni in rawn kal ? " tiin Kida chu a han zawt a.
Amy Rice-i khan,’’ Engvanga rawn kal nge kan nih i rin, Creasere ? " a lo ti a.(creasere=mingo hovin mexican ho an koh duhdahna).
Diablo-a chuan, " Amy, a tawk " tiin a lo khap a. Saloon neutupa chu a hman loh avangin Lomaxa chuan," Frawley ! Frawley-a hi khawnge a awm ? " a han ti lang lang a. Midangho pawh chu an hawikual thuai a. Bar ah chuan hmeichhe tleirawl chauh hmuh tur a awm a.
Lomaxa chuan, " Hey Fay ! Chu chu i hming a ni tiraw(h) ? Frawley-a fanu i ni lawm ni kha ? Khawnge i pa hi a awm ? " a han ti a.
Fay-i chuan," In hnunglamah sawn Whisky a in a nih kha "a lo ti a.
Lomaxa chuan, " Kan rawn kalna a hla in a hahthlak nasa si a, dawhtheihna ka tlachham viau tawh a nia. Rangkachak kha in hnunglam ah sawn a thukru a ni lawm ni ? Khawilaiah nge a dah ? " a han ti a.
Fay-i chu cher lampang,kum sawm paruk mi vel,hnute pawng ve alh tawh hi a ni a. A hmel pawh a chhe lo phian a. A sam buangthang mai chu a han thing che nat nar a, " A thuhrukna ka sawi chuan ka pa'n min vaw hrep ang " a han ti a.
Trump Lomaxa chuan, " A vuak aia na in ka vaw thei che a sin-a tul phawt chuan " a lo ti a. A han khuh kharh kharh a,in hnunglam kawngkhar ah chuan a chhuak phei ta a.
Midangho pawh chuan an zui ve nghal a. Diablo-a chuan kawng dal tak a Fay-i ui ' Penny ' lo bawk chu a chhir dawt a, ui chu beleuh chul chung hian a tlanchhe ta a.
Earnie Lockmana chuan, " Sawta saw a awm alawm " a han ti a. Saloon neitupa chu banghrula thutthlengsei inhungah chuan a lo thu a. Zu um hi a lo inchhawp a,a khabeah chuan zu chu a lo luang nguai mai a.
Diablo-a chuan zu um chu nawrsawn pah chuan, " Pawisa kha rawn lak kan tum a sin. Rang takin han phawrh rawh " a han ti a. Kida hnungah chuan Hernando kha a ding a,lungawiloh hmel zet hian a phun nuah nuah a.
Kawngkhar bualah chuan Fay-i khan," Kei chu mipa thawmhnaw inbel hi ka duh ve hauhlo " a lo ti a.
Trump Lomaxa chuan, " Frawley,pawisa kha insem kan tum a nia. Nangpawhin i lo kawl hahman chanai i nei ve ang;mahse kan hmanhmawh a nia " a han ti ve a.
Saloon neitupa chu rui lutuk tih hriat zet hian a thle lawk lawk a. A kut zu buakhuh chu a kekawrah chuan a han hru hul a. A kekawr chu amah tluk thawthanga upa hi niinhalral daih tawh phu hliah hliah hi a ni a.
Frawley-a chu petek dawt dawt leh phun nuah nuah chung hian a rawn ding chhuak a.
Cottonwood thing tuluangah lamah chuan a pai phei nawk nawk a. Thing kawrawng chhung chu a han zen a.
Diablo Kida chuan, " Thing kawrawng chhungah a thukru a ni maw ? I han en teh ang" toh pahin Witt-a nen chuan putar chu an namkiang a,thing kawrawng atang chuan pawisa chu an phawrh ta a. A zavaiin ip nga a ni a,ip pakhat ah chuan a zahve chauh rangkachak a awm a.
Trump Lomaxa chuan, "Kan kalsan lai khan a zavaiin a khat vek a nih kha " a gan ti a. A han khuh zui chiam a. A khuh a reh fel hnu chuan, " Frawley,engtizia a pawisa hi kimlo nge a nih ? Min hrilh vat loh chuan a pawi viau ang " vin fe hian a han ti a.
" Englo......"
Lomaxa chuan, " Hernando " tiin Mexicanpa kha a han auva. Ani chu a rawn phei thuai a,putar chu a kawrawmah a tham a,a kutphah hlai leh chumbuang mai chuan Frawley-a hmaiah chuan a han beng thuai thuai mai a. Putar hnar chu a thi ta zawih zawih mai a.
" Putar,sawi vat la i tan a tha zawk ang " a han ti zui a.
Frawley-a chuan thei leh theilo hian, " Vanneihna inbeiseiin card ka khelhpui a a ni.
Khawngaihtakin putar chungah hian kut thlak tawh suh " a han ti a.
Diablo-a thinrim lutuk chu a neng aa ruai tawh a. " Kan naute zinga mi nen maw ? " a
han ti a.
Sumdawng vakkual pakhat nen. In pawisawi ka tum vang a ni miahlo " a lo ti a.
A thusawi chu Outlaw ho chuan an uksak lo kher mai. An thinrim hmel chu an landan a rapthlak lehzual a. An zinga pakhat hnar per deuh thlem thlum chuan chuan Frawley-a chu puakruk nen a rawn hnaih phei a, " Tenawmpa,i thi dawn chiang alawm ? " a han ti khur khur a.
Lomaxa chuan, " Lo ngawi rih teh,Glandorf. La that mai rih twh suh. Hrehawm tuar hmasa sela ka duh a ni. Tleirawl kha khawnge a awm ?" a lo ti a.
" Fay-i, Frawley-a fanu kha maw ? Khawnge maw a lo kal hman le ?"
“ Kan en loh chhungin a lo thep bo hman a ni ngei ang ?"
Amy Rice-i khan," A tlanbo awzawnglo mai,sawlai hnimbuk karah sawn a biru a nih kha.
Va en rawh u."a rawn ti a.
Cletusa chuan hnimbuk awmna chu a thleng phei hmasa ber a. Uinu rang khan a lo ngur chhur chhur a. Cletusa chuan puakruk a phawi a. Ui lu ah tak mai chuan a va verh a,ui thisen leh thluak chu a per chuaih a,a let hlawm ta reng a.
" Kan zawng chhenu chu man rawh u "
" Rawn pawt phei teh u "
Fay-i chu thingbulah an nambet a,Earnie-a chuan dimlo baksak hian a thawmhnaw chu a han hlih sak a.
Lomaxa chuan," Tunge hmasa ber dawn ?"a han ti a,a han nui hak a. Chutah," Hmasak ber tum in awm nange ? Keiman bul ka'n tan ang e ?"a ti a.Fay-i chu a phihthlu a,a han bawh zui a. Fay-i chu a te vawng vawng a.
Midangte pawh chuan Fay-i chu an sawp zui zel ta zel a. Chu tleirawl chu a te tuarh tuarh reng a. A pa pawh chu a lo rum kawk kawk mai a.
An zavaia duhtawk an ngah hnu chuan Lomaxa chuan," Rangkachak ip kha thuamphur sakawrah khan hlang rawh u.Flame River kan thlen hunah kan insem dawn nia "a han ti a. A puakruk Remington Army Model chu a phawi a, Frawley-a ka ah chuan a hawlh lut a, " Putar,tumahin Trump Lomaxa leh Diablo Kida hi an rawk ngam ngailo. I hria em ?"a han ti a,puakruk chu a hmet per zui a.
Silaimu chuan Fawley-a thluak chu a deng per chuaih mai a. Duhloh paih an sawi ang mai hian a let hlawm ta hlawl mai a. A lo en ve rengtu Fay-i chu a meng bial pawp pawp a,a thidang zui ta a.
Outlaw ho chu sakawrah an lawn a, reiloteah khua an chhuahsan fel ta a. Fai Frawley-i chu zawi muangin a harhchhuak a,harsa ti fe hian a han inbengkang a. A kapkar chu a na ut ut mai a. An pawngsual lai khan Amy Rice-i khan vhhan a tum hauhlo tih a han ngaihtuah chhuak a.
A pa ruang chu a han en a,thovin an lo vir vut vut hman tawh a.

******

A tukah chun Raiders ho chuan Pallisades Lake chu an rawn thleng ve ta a.Saloon nghaktu Negro nu lianpui chuan Marcusa chu thil awmdan a hrilh a. Frawley-a tepa an sawisa lai kha bangawng atangin a lo bih reng hi a lo ni a.
Quinna leh Proudy-a chu khum pindanah chuan an lut phei a. Thingphel khumah hian Fey-i chu a lo mu a.
Quinna chuan, " Lomaxate hovin an pawngsual che a,i pa an that bawk tih an sawi a, sipaiho rangkachak nen an kalbo leh ta tihte kan hria a. Nula,ka thusawi chu i hria em ?"a ti a,nuka lamah chuan a han kun hnai a. Fay-i chu a la insilfai loh avangin thlan leh thisen rim a nam thang huam a.
Fay-i chuan, " Ka pa chu vanramah a kal tawh. Keipawh khang ramhuaiho khan........" a tia,sawi zawm thei lovin a nghik faih faih a.
Negro nu kha a rawn kal a, " Kalsan mai rawh u. Mister, Josephine-i hian he nula hi a damrei tawh dawnlo tih a hria a ni " a rawn ti a.
Quinna chuan,"A pawngsualtute chungchang sawi a nei em ? Khawilam nge an pan tih te"a han ti a.

Negro nu chuan,"Mister, Flame River a lam ri zing khawp mai"a ti a.
"Flame River chu khawnge a awm?"
"Ka pasalin vaivut ah a ' Map ' a ziahsak dawn che u a nia "
Negro pa kawhhmuh danin Flame River chu khawthlang lampang tlang bulthut kawr thuk taka luang a ni a, Utah lama luang zelin Green River a fin a. Obadiah Striya,Negro pa chuan," Ni hnih kal vel a ni ang " tiin a hrilh a.
Raiders ho chu an kal ta thuai a. Darkar khat vel ral hnu chuan Josephine-i kha kawngka ah chuan a rawn lang a,"Kan nula-i chuan a tlin ta lo nge nge e "tiin a pasal chu a rawn hrilh a
Obadiah-a chu a nui suk a,"Tunah chuan pawisa te kha kan ta a ni ta tihna anih chu ! Saltangin kan rethei rei tawh bawk a,kan phu ve alawm tiraw(h) Josie " a han ti a.

******

" Sawlai ralkhat a mi saw Flame River antih chu a ni ang maw ? "
" Kan midumpa chuan dawt a sawilo a nih hmel khawp mai."
Tlang thli thawt vur vur naah chuan an ding a.
Marcus Quinna chuan, " Dawt han sawina ngawt tur chhan a awm hleinem."a han ti a.
Billy Joe-a chuan, " Kawrruam atanga meikhu rawn chhuak khu Lonaxa-teho camp a nih dawn khu "a han ti a.
Tlangpangah chuan an inzui thla ta a. Reiloteah kawrruam chu an thleng thla ta a.Ruam zim zet chu thui vaklo an zawh hnu in a lo var zau deuh a,dil lian vaklo hi a lo awm a,an sakawrte chu tui an in tir ta a.
Quinna chuan, " Denver bula kan hmuh ang zel tho kha an la nih ka ring. Chuvangin kan intam hleih si a,an inringlo lai kan thawn thut a tul a ni."a han ti a.
Proudy-a chuan,”Chu chu a tihchi ber ang”a ti ve thuai a.
Bob Depro-a chuan,” Kan inpeih fel tawh kher mai. Kan silaite pawh tel hnawihin kan load vek a,mahse kan sakawrte hi chu an chau lam tawh chu a ni” a han ti a.
Quinna chuan,”Sakawr chungchang ngaihtuah buai a ngaiin ka ringlo.Ram awmdanah hian kan va beih veleh tanhmun siamin min lo kahlet ve mai ka ring”a lo ti a.An kal leh ta zel a.Lui chu phaitualhnim hmunah hian a luangtlang a,a mawnglam chu a kuang a zimin a khawkrawk hle a.Tui luang ri chu a ri hum hum mai a.
Quinna leh a thiante chuan ‘ V ‘ pianhmang ang deuh,phairuam luhna kalkhan hi an va thleng a.
Quinna chuan,” Outlaw Trail Camp a ni chiang mai.Helaia thukte hi hman fo hnu an ni tih a un(g) dan atang hian a hriat mai”a han ti a. “ Kalkhan hi kaltlangin piah deuhah sawn Lomaxa-te chuan camp an siam ta a nih dawn hi,mahse sakawr hmel a va lang lo ve maw le ! An kalsawn leh hman tawh emmaw ni dawn le ?”a han ti a.
Loomis-a chuan,”Khawilamah nge an kalang ? Luilah saw suarchhia tih hriat taka a so varbuah buah bakah,lungbang kara luang a ni bawk si a,han daikai theih ngaihna a awmlo. “a lo ti a.
“He lamah an rawn let leh bawk si lova,kawng chu a awm ngei tur a ni “
Phairuam,hnimhring leh phaitual hnim to na hmunah chuan an lut phei ta a.Phairuam sir tawn tawnah chuan lung lianpui pui a intiang er ur hlawm a.
Phairuam an lut fel tih chuan an inzar pharh nghal a.Depro-a te unau chuan rifle an lekchhuak ngal a.Billy Joe-a pawh chuan rifle a phawi ve nghal a.
Silai hi a puak thuai a,silaimu chuan Marcusa beng chu a rawn thawi thuak mai a.An sirtuak tuak lungpui intiang phen atang chuan silai a rawn ri thuai thuai a.
Quinna chuan, ”Kap let rawh u” tiin a hote chu thu a han pe a.Amah pawh chuan Henry rifle chu a lekchhuak nghal a.Raiders ho chuan phairuam kiltawp lampana an sakawr tlan phei tir pah chuan an silai chu an hmetpuak zawt zawt a.
Lui luang so bulh bulh bullawkah chuan lung hmun hi a awm a.Chulai hmun chu antan inhumhimna awmchhun niin a lang.Lungpui phenah chuantawm ta sela chuan chhaklam atang chuan an rawn hmu thei dawnlo a ni.Lunghmun lam pan chuan Quinna chuan a sakawr a a tlanpelh lai mek chuan a sakawr chu na tuarin a khek ta tuarh mai a.
Silaimu hrawl zet mai chuan Quinna sakawr nghawng chu a rawn verh niin.Silaimu luhna kua atang chuan thisen a rawn baw chhuah puat puat a,sakawr chu a petek nawk nawk a,Quinna a zuanthlak rual chiah chuan sakawr chu a tlu thum ta dawt mai a.
Quinna chu leichar zetah chuan a zuk insawh dawt a.Sakawr chuan a delh thawi thuak mai bawk a.silaimu hian a kawrban chu a rawn tawn thler hawk a,a silai chu lekkan a han tum a,mahse a tlu leh ta hnawk mai a,A rifle chu a thlauh per dawrh a.
Chianglo ruai hian sakawr tlan ri,Raiders ho au ri leh sakawr tlan ri tuk tuk chu a hria a,a thim mup a,engmah a hre zui ta lova.

BUNG-18

Arawn harhchhuah leh chuan Quinna chuan van dumpawl ruih chu a hmu hmasa ber a.Sava thlawk sap sap chu a hmu a,mulukawlh hmel erawh chu hmuh a nei hauhlo thung.
Quinna chu a han zimar a,a lukhum a tlak avangin nisa chuan a lu chu a em tlawk tlawk mai a.Engthawm emaw hi a hria a,a han ngaithla chuiang a,a fiah telh telh a,silai ri a ni tih a hr eta a.Sakawr atanga a tlakna avang khan a sil thum a,mase sakawr in a delhlo kha vannei a inti hle a ni.
Mahse thil awmdan chu a la man thian chiah rihlo a ni.A lu chu chhah mup hian a hria a,intihharh tumin a lu chu a thing nawk nawk a.
“I rawn harh ta maw,Captain ? A tihzia hle mai”tih pahin Hank Proudy-a chuan a rawn bih hnai a.Quinna chuan a kut chu a han phar chhuak a,Hank-a chuan a lo vuan a,a kaitho ta a.
Lung hmunah chuan an lo awm reng tawh a.Lungpui phena thingthi chungin silai an lo hmetpuak zawt zawt a.
An hmelma te chuan an dangbet chuang hle a ni.An chhak lungpui intiang khawm yard sawmnga vel a hla ah chuan an hmelma ho chuan tan an khawh a,an rawn kap zawt zawt reng a.
Macua chuan, “ Kan la him vek maw ? Khawnge kan sakawrte kha ?”a han ti a.
Hank-a chuan,”I ta leh Billy Joe-a ta chu an thi tawh.Ka sakawr sakawra ka pawhkai laic he in Billy Joe-a sakawr chu an rawn kahhlum sak a ni” a ti a.
Marcusa chu a han indap kual vel a,a pilh deuh nian nuan tihloh chu na dang a lo neilo hlauh a. A puakruk a phawi a, " Trumpa leh a hote chu engzahnge in dahthat tawh ? " tiin a thiante chu a han zawt a.
Hank-a chuan, " Engenaw che kan inkap tawh a,a hmunin a zir lova,inkah fuh a har khawp mai. Han en ve chhin teh,nichin kha chuan miruang pahnih chu ka hmu mawle "a han ti a.
Quinna chuan lungpui phen atang chuan a han bih a. Hanka sawi ang chiah kha a lo ni a. An hnunglama an sakawr la dam ho,pathumte kha an lo la inthlung bawk a.
Silaimu hian lungpui chu a rawn deng dawt a,a sawhkhawk chuan Quinna lukhum chhippawng chu a rawn verh pawp hawk a. Han kap let ve turin hmelmaho awmna chu puakruk a han kah phak a ni si lova. A thinrim chu a phun sap a.
Quinna chuan, " Bib,Loomis,Billy Joe lo ngaithla teh u. In silaimu kha sum rih teh u. Kun hniam bawk ula. Lomaxa chuan kan la dam tih hria se a tawk rih. Rangkachak kha chu kalbopui an tum ngam rih lovang ."a han ti a.
Boba-te ho chuan an silai kah chu an chawl a,Quinna lam chu an rawn hawi thap a,an silai hmawr chu a la khu vat vat hlawm a.
Billy Joe-a chuan, " Marcus,remruat dan dang i nei em ni ? Kan chawl rih dawn nge,tlanchhuah kan tum zawk dawn em ni ?"tiin a han zawt a.
Quinna chuan, " Khawthim hun i nghak mai teh ang u. A la rei deuh mai thei a,mahse i dawh hram hram teh ang " a ti a.
An chhaklam atng chuan an rawn kap leh phauh phauh thin a;mahse Raiders ho chuan an kaplet ve hauhlo a. Mei an chhem a,eitur an suam a,an inthun puar ta hlawm a. Ralvengin an indin chhawk ta zak zak a.
Engemawchen an nghah hnu chuan ni pawh a tla ta a,khua a thim tan ta chhulh chhulh a.
Marcusa chu a thova,a chemte ' Bowie Knife ' khin nelh nawlh chu a han lekchhuak a. " Tun atanga darkar khat vel ral hnu,thla chhuah hmain kan che ang. Rawn kal hnai teh u "a hote hnenah chuan a han ti a.
Quinna chuan an chetlak dan tur chu a han sawi zung zung a. Billy Joe-a chuan," A ' risky ' hle mai,mahse kan hlawhtling mai thei a ni. " a han ti a.
Loomis-a chuan, " Kan hlawhtling tur a ni." a lo ti nghat a.
Marcusa chuan, " Loomis,ka thusawi kha i hrethiam maw ? Kan sawnchheho khian naktuk nichhuah rualin min rawn bei ngei dawn a nia,tang kawl an duh hauhlo bawk ang."a han ti a.
Loomisa chu lungbangah chuan a uai nawlh a,lungko a hamna lamah a kut chu a thip hlur tawh a. A hnuailam chu a han en a,han tla palh hlauh sela chuan fit za vel zeta hla a lungpui chungah chuan a tingruh a bilh tliak ngei ang.
Raiders ho chuan a mal malin Lomaxa leh Diablo Kida hote awmna ah chuan hmun hrang hrang atangin lawnchhuah chhoh an tum a ni. A mal te te in thawm neilo thei ang berin Outlaw ho chu an that ang a,a tukzingah Lomaxa te chuan a hote chu thah then an ni tih an hre chauh dawn a ni.
Loomisa chu lungko ah chuan a lawnchhuak ta hlawl a. Chulai hmunah chuan hnimbuk hmuh tur pawh a lo awm lova,han bihrukna tur eih pawh awmlo hian a fai hun mai a ni.
Loomisa chuan a singlam fir sawmnga vela hla ah chuan sikrwt fawh en phet phet hi a hmu a. Chemte inchi sawm zeta sei chu a phawi a,a sehkawh a,bawkvakin a mi hmuh chu a pan phei ta hruah hruah a. Thim zinga mihring ruangam chu a hmu thei ta thuai a.
A mi vehpa chuan rifle a keng a ni tih pawh Loomisa chuan a hre thei a. A hnaih ta hle tih chuan chemte chu a hmawrah a vuan a,a vawm phei ta fua mai a. A mi hmuhpa chu a naka chemte a rawn luh thawih chuan a bu ngawih a,a tlu tur chu Loomisa chuan a va dawn vat a,thawn neilo thei ang berin leiah a zalh ta a. Chemte a thisen kai chu a mi thahpa Cletusa kekawrah chuan a han tat fai a. Cletusa chu chalchang pawh awm hauhlovin a thi nghal hmiah a ni.
Boba chuan a bitum tur pa chu hnimbuk karah chuan a veh phei tham tham a. Chu ralvengtupa chuan luikama lunghmun lam chu a thlirthla leh zoh zoh thi a. Bob Depro-a chuan a kawnghren kara a savun hruihrual,Whip chu a lekchhuak ta a. A han vai vak a,ralvengtupa chu a va vaw ta a.
Whip chuan a hmelmapa nghawng chu a va zem thlawp a. Boba chuan a han phihzui nghek a. A hmelmapa chu a thaw hawk a,a petwk dawt dawt mai a. Chutah a tlu hnawk a,a han tal aih aih a,a zal ta rawih rawih a.
Billy Joe-a chu thawm neilo thei ang berin hnimbuk karah chuan hmelmaho camp lampsn chuan a vakphei a. A palian hle nain a thawm dim theih dan chu mak tak a ni.
Hmun fai laiah chuan pa pakhat hi meilum aiin a lo thu a. Winchester rifle hi a kuah ran a,a bulah chuan zu um a in chhawp bawk a.
Billy Joe-a chuan chupa chu a pan hnai ta hrauh hrauh a. A pawh phei tep tihin chupa chuan a rifle chu leiah a tluk a,pai deuh chhur chhur chuan hian a han ding chhuak a.
Chuveleh Billy Joe-a chuan a zuan phei thut a,a ka huosak pahin a kut lehlam chuan a ring chu a han herhsak nghek a.
A hmelmapa ringruh chu a tliak ri rawp a,a tal awrh awrh a,a zawi ta hnawk a. Billy Joea chuan a mi thahpa chu zawite hian a zalh a,mei chu vaivuta a chilh hnuin thinghmun lamah chuan a vak phei ta a.

*****
Hank Proudy-an a en reng lai chuan ralvengtupa chu a han inhiat soh soh a.
Hank-a chuan hman mai inpeihin a chemte chu a hum ran a. A fawng savuna tuam chuan han chelek vel a tinuam hle a ni.
Ralvengtupa chuan a rifle chu a kut dinglam leh veilam chuan a ken thlak chhen a. Thlanglam chu a thlir leh vung vung thin a. A pen zawngte chuan a spur chuan lung a khak ri leh chhak thin a. Hank-a chuan ralvengpa chu a veh phei tham tham a. A hnai tawk ta tih chuan a zuan phei ta thut a,a kut veilama a ka hupsak pahin a hrawkah chuan a zai sak ta hlawih a.
A hmelmapa hrawk atang chuan thisen a rawn baw chhuak puat a,a thi zui nghal a. A awmna a fal deuh avangin thawm pawh dim duh chuang lovin Hank-a chuan a mi thahpa chu a nghat ri chawrh a,a kalsawn nghal a. Midang a hmuh remchan leh takin tih thilthu ah a chemte chu pai lovin a keng zui zel a.

******

Marcusa hmai chu a ri chawrh a, a han rum nghat a,a tawlh let dawrh a. A that tumpa chu fit ruk leh inchi ruk zet a sang,sa tha lutuk mai bawk si hi a lo ni a. A lo che thei fu roh a ni. Quinna chuan a luhai chu tihreh tumin a han thing nawk nawk a,a hmelmapa chu a pan phei leh ta a.
A hmelmapa chuan a rawn bawh phei leh ta a. Quinna chuqn sirlama persawn pahin a thinhnunah a lo hnek sak a. Chupa chu a thaw ri hulh a,a tawlhlet dawrh a.
Marcusa chuan kham lam chu chan a tum hauhlo. A han tawlhkuala, " Rawn kal rawh le " a hmelma hnenah chuan a han ti a.
A hmelmapa chuan rum ngul ngul chungin a rawn bawhphei ta a.Quinna chuan a ke ah a lo daikhalh a,chupa chu a petek chuan chuan a,Quinna chuan a bawh zui a,a khabe ah a han hnek chawrh a. A hmelmapa chu kham kovah chuan a tla lian ta a. Kawrruam mawnga lungah chuan a zuk insawh thum dawt a.

BUNG- 19

A tukzingah chuan Raidersho chu an tawmkhawmna hmunah chuan an awm kim leh thap tawh a. An sakawr zinte chu an suihnghet mawlh mawlh a. Vawiin chu silai leh silai, kutlawng leh kutlawnga pa leh pa inkhuainuai a ngai ngei ang le ! Quinna chuan Trump Lonaxa leh a hote chu a zahve zet an thahsak in a hria a.
Phairuamah chuan mulukawlh rualkhatin sakawr ruangte kha an tlan tan tawh a.
Mulukawlh rual dang an rawn lang a,an zinga thenkhat chu tlang chunglamah chuan an birlut hlawm a.
Proudy-a chuan, " Mulukawlhho chuan kan mithahte ruang kha an hmu a ni chiang mai.
Lomaxa leh Diablo-a te khan an chhut thiam ve ang em aw ? " a han ti a.
Billy Joe-a chuan, " Chawei dawnah an kimloh hunah an hrechhuak mai ang. " a lo ti fiamthu a.
Marcusa chuan, " I kal tawh ang u,Billy Joe, Boba nen khan chuang dun ula,Hank-a leh Loomis-a chuang dun bawk rawh se. Phairuam luhna lam kha i pan vat teh ang u."a han ti a.
An sakawrah chuan an lawn a,an tawmna hmun atang chuan an tlanchhuak ta a. Tlang chunglam atang chuan tuman an rawn kap lova. Tlang an lawnchhuah chuan Quinna chuan a sakawr a pawtding a, " Enteh u " a ti ta thut mai a.
An thlanglam chu an han hawithla a, Gangho zinga a la damho zawng mi paruhte chuan lui lam an lo pan mek a.
Rangkachak tlanbopui theihna kawng awmchhun chu phairuam luhna lam leh Flame River chu a ni mai. Chulai hmunah chuan lui a luangso bulh bulh a,suar khauh zet mai chu sakawr tan pawh han daikai theih chi emaw han hleuhkai theih chi emaw ni pawn a lang lo.
Lomaxa leh Diablo-an hma an hruai a, Witt-a leh Mexicanpa khan an zui a. An hnungah chuan midang pahnih hian an zui a. A tira pate reuhte emaw antih kha Amy Rice-i a lo ni reng mai a. Sakawr dum lian zet chungah hian a chuang a.
Lomis-a chuan, " Ka sakawr kha a ni." a rawn tichhuak a.
Hank-a chuan, " Kida sakawr kaih thil phurh khu i hmu em ? Rangkachak kha a ni chiang mai."a han ti a.
Marcus Quinna chuan," Lawngleng a awmlo a,mahse pum a awm a,khumi hmang khuan tlanbo an tum a nih khu."a han ti a.
Raidersho chu lui lam pan chuan an tlanthla ta a. Silaimu hi a rawn ving chho fua a. Depro-a te unau chuan an kaplet ve nghal a.
Mexican-pa chu a sakawr atangin a tla a, a ke chu sakawr zin ke rehchhana a tan a vangin sakawr chuan a hnuk ta chiam mai a. Mexican-pa chu a te chel chul a. Lungkovah hian thluak per chuaih khawpin a intauh ta bur mai a,a te ri chu a reh nghal chiang kher mai.
Billy Joe-a pawh chuan a rifle chu a hmetpuak zawt zawt a. Outlaw ho zinga pakhat chu a sakawr zinah chuan a inher lawih a,phaitual hnim chungah chuan a letthla ta tawl mai a.
An hmalamah chuan Lomaxa,Diablo,Witt-a leh Amy Rice-i te chu an sakawr atangin an chhuk a,Witt-a leh Diablo-a chuan pum chu lui lamah an hnuk hnai a. Lomaxa'n rangkachak a hlan thlak lai chuan Amy Rice-i chuan sakawr chu a lo chelh a.
Amy Rice-i chuan a puakruk chu a lekchhuak a, Raiders hote chu a rawn kap zawt zawt a, a kap thiam fe reuh leh nghal a. Hank-a lukhum chu a rawn kap leng lawp a, Loomis-a lukhuma sava hmul intar chu a rawn chhawk hmawk bawk a. Witt-a pawh chuan Raiders-ho chu a rawn kap ve ta bawk a. Raiders-ho chuan bihrukna an zawng sap sap hlawm a. Billy Joe-a chuan, " Tihtawp theih dan kawngkhat chiah a awm. Chu chu that chimih vek a ni " a han ti a.
" Hmeichhia pawh khu maw ? "
" Silai kah thiam ve tho hek le ! "
Lomaxa leh Kida chuan pum chu lui ah an hnuklut tawh a. Pum chu tui luang chak zet mai chuan a rawn nemher sawk sawk a. Witt-a leh Diablo-a chuan rangkachak ipte chu pumah chuan an hlang lut a, pumah chuan Winchester rifle pali a awm bawk a.
Lomaxa chuan puakruk hum chungin pum chu a pan phei a, a nui then thaw mai bawk a.
Diablo-a leh Witt-a pawh chuan kal mai inpeihin pum karna thingtlawn pawh chu an vuan ran tawh a.
Amy Rice-i chu pum thlunbehna hruizen bulah chuan a thingthi a, a kaihthleh chemte hi a phawrh a, a ha in a seh(kai) chan a.
" Zai chat rawh. Hmeichhia, zai chat rawh " tiin Lomaxa chu a au tuar(h) tuar(h) a.
Amy Rice-i chuan, " Ka rawn lawn ve phawt ang " a han ti a.
Diablo Kida chuan, " I lo kal ve thei lovang. He pum hi mi pahnih phurhna tur a siam a ni a. Rangkachak kan la phur tel bawk si." a han ti a.
Amy Rice-i chuan, "Kha, Witt-a pawh a chuang ve tho alawm, sawn chheho " a ti tuar(h) tuar(h) a.
" A lo chuang ve a nih tak hi " tih pahin Lomaxa chu a inher a,a puakruk chu a hmetpuak ta dawt mai a. Witt-a chu tuiah chuan a tla thla ta bawrh mai a; chutah Lomaxa chuan Amy Rice-i lam chu a hawi a,puakruk chu vawihnih a han hmet puak a. Silaimu hmasa zawk chuan Amy Rice-i chu a hnutr inkarah a va fuh a Amy Rice-i kawrawmah chuan thisen hi a rawn val chhuak pawp pawp mai a, silaimu hnihna chuan a mitkovah a va fuh ve thung a. Amy Rice-i chu a that ta tawp mai a. Lomaxa leh Diablo-a te chu an in nuih sak a, Diablo-a chuan pum thlunna chu a phelh a,tuiluang chak zet chuan pum chu luimawng lam panin a lenthla ta vawn vawn mai a.
Billy Joe-a chuan, " Kap rawh u " a han ti thawt a. Depro-a te unau silai chu a puak rual thawt a, Diablo Kida chu a dak awrh a,a tlu tawp a, pum atang chuan a tawlhliam ta a.
Lomaxa chuan pum chu lungkovah a intauhchhiat mai loh nan thingtlawn nen chuan tan a la a,a phili buai nasa mai a.
Billy Joe-a chuan, " A tlanchhuak thei dawn anih hi ! " a han ti zawi raih a.
Bob Depro-a chuan, " Teuhlo mai ! Nungdamin khawi hmunahmah a kal tawh ngai lovang ! " a lo ti a. A puakruk chu hmalamah a lekkawh a,mitsiai meuhin a han tinzawn a,an zingah chuan a ni hi mit tha ber a ni nghe nghe a.
Tifuh inti zeta Lomaxa nui then thaw lai chu Boba silai a puah rual chuan a bu ngawih a, a awm chu a dawm chawt a. A kutzungtang kar atng chuan thisen a rawn hnamchhuak tuam tuam a. A indawm kun ngawih ngawih a, rangkachak pawisa ip chungah chuan a tlu ta thlawrh a.
" I thiam lutuk " tiin Loomis-a chu a lo au chul a.
Billy Joe-a pawh chuan, " Kan mi tlaktlaolo pa chuan hremhmun a pan ta " a lo ti nghut a.
Bob-a chuan, "Rangkachak erawh chu kan chan hlen dawn ta a nih khu ! Khutiang hrim hrim chuan pum khuan yard za pawh a thlen hmain a insawhdarh vek ang " a lo ti a.
Mahse Marcusa leh Hunk-a a lo ngaihtuah tello a ni. Flame River luimawng lam, luikam hrulah chuan Quinna te pahnih chu an tawm ran mai a, kartu awmlovin suar khauh zet mai chuan pum chu a rawn len vir thla nawk nawk a.
An zawn a rawn thlen veleh chuqn Quinnate pahnih chu pum zawnah chuan a zungthla ta a. Pum chungah chuan an zuk tla ri dawt a. Pum karna thlingtlawn chu an chuh thuai a,pum chuan lung a su tep tihin Proudy-a chuan thingtlawn hmang chuan a khalh ngil hman hlauhva. Lui khawkrawk zetah chuan pum chu a intauh darh mai loh nan thingtlawn chuan an vengthla ta zak zak a.
An hmalam chu Hank-a chuan a han thlir a," Tuikhawhthla a awm tlat mai " a rawn tichhuak a. Cyclone tleh thawm ang mai a tuikhawhthla ri hum hun chu an hre ta nghal a.
" Engtia sang nge....? " Quinna chuan a ti hman chauhva,tui zangkhauh chuan pum chu tuikhawhtla ah chuan a len liam ta a.
Quinnate pahnih chu pum thingtlawn tawnbehah chuan an indawm fan fan a,rangkachak ipte pawh chu Lomaxa khan pumah a phuarbeh vek avangin a tlabo theilo hlauh a.
A han ri bawrh a,tui chu a per chuai(h) a. Chutah an pum chu li dam dup maiah hian a langchhuak ta a. Muangchangin luimawng lam pan chuan an tawlhthla ta dek del a.
" Captain Marcus ! "
" Hank Proudy ! " sawi tur an van dun ngei mai.
Pum kotlang chuan tiau a su a,an ding ta a. Hank-a chuan, "Sakawr tello chuan....." a la tihlai mek chuan Quinna chuan, " Bob-a te ynau khan mun rawn zawnghmu thuai mai ang. Nui ri ngawt rawh " a lo ti a.
A tirah chuan an han nui dun var var phawt a,reiloteah an nui dun ta tliah tliah mai a.
Khawthim dawn ruai chuan sangha an man hlauh mai a. An hemhmin lai chuan Higgins-a leh Depro-a te unau pawh an rawn lang ve ta hlawl a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)