QUIET TOWN : DUSTY FOG ( Completed )

Western cowboy Re-type, lehlin leh mizo phuahchawp dahna

Moderator: writers

Jakob l hd
Posts: 44
Joined: May 31st, 2018, 1:03 am

QUIET TOWN : DUSTY FOG ( Completed )

Unread post by Jakob l hd » December 30th, 2018, 3:06 am

QUIET TOWN - Dusty Fog.

Buatsaihtu : Lalsangliana.
Chhuahtu : Tv. Lalthianhlima
(Jakob L.HD)

BUNG-1

Chu khua chu ‘ Quiet Town ‘ tia vuah zawng a ni ngei mai, mahse khua azawngah chuan a rura pawl tak erawh a ni thung. A khaw chhehvel tlang ramah te chuan rangkachak khur an hmu chhuaka,chu chu thla riat kalta mai kha a ni nghe nghe a. Chung atang chuan he khua hian hminga chher in sum pawh a hmu tam hle a ni.
Tun hma chuan Quiet town hi in sawmhnih khua emaw lek a ni a, mahse a chhehvel rama rangkachak an laihchhuah atang chuan a lo thanglian a lo thang chak em em a,tunah hi chuan mel khat bial lai, Saloon te, Dance Hall te, Pawisa khelhna in te, Dawr te leh chenna in te in a lo khat vek tawh a ni. A khaw rem dan chu kil li nei deuh vek a sak hi a ni a. Grant Street an tih mai chu chhak leh thlang zawnng a kawt thler kal tlang chu a ni a. Tin, chhim leh hmar zawngin kawtthler dang pakhat Lee Streetan tih mai chu a awm ve bawk a. Chumi kawtthler pahnih insuih finna lai chu a khawpui lun n alai ber a ni bawk a. In lian leh hming nei tham pali lai – Bearcat-I Saloon te, Golden Gal Dance Hall te,Pat-a Whisky Parlour te leh Beaunains Theatre an tih te chu chuti laiah chuan an awm khawm vek a.
Chung in pali baka in dang la awmte chu sawi tham a lian a vang tawh hle a, mahse Grimwood-a in,Funeral Paradis an tih erawh chu a lian ve hle a, a neitupa Grimwood-a pawh chu a hausa hle bawk a ni.
Marshal Office leh Jail te pawh chu duhawm tawk tak zawng a ni a, a chhungah pawh pawisa leh rangkachak tam tawk fe chu an kawl ve reng bawk a.
Khaw chhehvel tlang ram atangin Miners hote chuan an rangkachak laih chhuahsa chu an rawn la lut a,duhtawkin khuaah chuan an rawn chen ta thin a, chhun zan zawmin dawr thenkhatte chu a inhawng reng thin a. Khaw thim hnu chuan hmeichhia leh naupangte tan kawtthlera chhuah ve ngam a ni tawh lo. A khua a mite pawh chuan kawtthlera silai ri te mai mai chu an hriat zin tawh avangin ngaiah an nei tawh mai a, inkap hlum pawh a khat tawkin an awm deuh reng bawk a.
Miners (Rangkachak lai chhuaktute) chu pa rura tak tak an ni hlawm a, anmahni ang chiah a rura vet ho,khaw chhungah chuan tam tawk tak an awm reng bawk. Chungho chu khaw chhunga han che vel thin chu namen lo tak a ni. Hmeichhia zan vah chingte pawh chuan puakruk te chi an ak deuh chawt a, chung hmeichhiate pawh chuan a tul phawt chuan an thil neih hlu ber humhim nan(chu kher chu hum him a tul lo an tih pawhin thil dang tul an tih a piang) an puakruk chu hreh miah lovin an hmang ve mai thin !
Chung ho bakah bawng khalhtu cowboy te chuan khua chu chawlh nan tak an rawn hmang ve bawk a. An hlawh la hlim, cowboy ho khaw chhunga rawn che tla velte chuan khua chu a tipui leh zual bawk a. Texas ram atanga lo khal, cowboy pakhat chuan he khua hi – Quiet Town ‘ tiin a lo vuah ta nghe nghe a ni.
Khua a lo lut atanga darkar hnih chhung lekin khaw chhungah chuan inkap hlum te,chemte a insual te, Saloon chhunga bungrua zawng zawng tichhe vek khawpa a chhunga mipui insual te lehzurui pakhatin vawmpuaha in pakhat a vawm darh vek laite a rawn hmu hman a. Chung zawng zawng a hmuh hnuin Bearcat-I Saloon ah a lut a,inchhunga mite hnenah chuan, “ He khua hi a pui hrep hi mawle – Quiet Town ‘ tia vuah tur a nih hi,” a tih phah ta hial a. Chuta tang chuan tun hmaa a hming pangngai –‘ Gilem ‘ ni tawh lovin chu khua chu ‘ Quiet Town ‘ an lo ti hlen ta a ni.
Khua chuan zan reh lai pawh a nei thei lova, sakawr tlan ri leh silai ri chu hriat peih a thu a ni mai. Thlan laih tur leh kuang siam turte a tam em avangin chutiang kawnga eizawng tu, Grimwood-achu a hausa hle a. Khua a lo thlen ve phat atangin Grimwooda chuan an hotute a berawn a. Tichuan mithi an awm phawt chuan an kuang te a siamsakin an thlan tur te a lo laih tir ve thin a. A hnathawh man putu tur mitthi chuan chhungte a neih loh pawhin khaw hotute chuan an tum turin an ti thlu ta bawk a. Reilote ah Grimwood-a chu an khuaa mihausa ber a lo nit a hial a. Chutiang khawp chuan mitthi phum tur leh kuang siam tur a tam a ni.
Chu khuaah chuan Dan mumal pawh a awm thei hauh lo. Pa tha tak tak pathum laiin Dan kengkawh turin Marshal hna an lo chelh tawh a, mahse Marshal Badge kawrawma la tar reng chungin chung mi pathumte chu an boral vek tawh a. Chuvangin tunah hi chuan pa pakhat nui reng mai, hman tlak loh let derin Mashal hna chu a thawk ringawt tawh a. Chupa chu a rintlak loh em avangin an khaw hotute pawh chuan ram dang atangin Hickok-a te, Dan Troop-a te leh Matt Dillon-a te chu an khua ah Marshal hna thawk turin an sawm a,mahse, anniho chu tumah lo kal thei an awm bawk silo. Chuvangin an hruaitu lu ber, Matt Gillem-a chuan a thianpa Texas rama awm hnenah chuan tanpui tura sawmna a thawn ta nghe nghe am mahse tun thlengin chhanna engmah a la hmu lo leh ta zel bawk si.
Irish Pat-a Saloon ah chuan mi pali hian lehkha an deng a. An pawisa inchawi chu a tam tham loh bawk avang leh thawhtanni a lo nih kher bawk avangin, entu pawh an hmu meuh lo. Lehkha indeng te chu Miner pakhat, Texas cowboy pahnih leh Glamber pakhat Baker-a an tih te chu an ni a. Pathumte chanchin pawh chu sawi tur tumahin an hre meuh lo. Glambar pa erawh chu a thianpa, Bull Moos-a nen hmanni deuh lawk khan khua ah chuan an lo lut dun a, Texas mi an hmuh tawh phawt chu ngun deuh hian an en dun zel a, hlauh nei ni awm takin an lang dun bawk a.
Bar sir lehlamah chuan khaw hruaitu lu deuh deuh, Sam Gillem-a te, Banker te, Saloon neutute aiawhtu Frank Barsen-a te,Rangkachak khur a hnathawkte aiawhtu Angust McTavish-a te, an khaw thirdeng, Will Lealen-a te,sumdawng aiawhtu Bradgave-a te ho chu an thu khawm a, karkhat chhungin an khaw chhungah chuan chhiatna eng ang tenge lo thleng tih an sawi ho nak nak a.
Chutihlai chuan Saloon kawngkhar chu a rawn inhawng a, inchhungah chuan Texas Cowboy pahnih an lo lut ve ta a. Pakhat zawk chu pate takte hi a ni a, a thianpa erawh chu tlangval sang tak a ni thung. Chupa chuan puakruk pakhat leh chemte pakhat a pai a, a dum hlir hian a inthuam bawk a. A hmel han en ngawt chuan naupang awm tak ni hian a lang a,mahse a mitmeng erawh chu a naupang teh chiam lo thung. Mitmeng atanga mite mizia lo hre thiam deuhte chuan chu tlangval chu kawlhsen tak a ni ang tih an hre thei awm e.
A thianpa erawh chu pa te takte a nih bawk vang emaw ni, tuma ngaihsak pawh a hlawh ve meuh lo. Puakruk pahnih a kawm hmalam hawi zawngin a pai a, a inchei uluk hle bawk a. Belhchian deuh chuan a sa that dan atangte leh a kut bawr len dan ngawt a tang pawhin a tha hrui ngah tak a ni ang tih chu hai rual hi a ni thung lova. An pahnih chuan kawngkhar bulah an ding dun a, inchhunga mite chu an en kual vel thuak thuak a,tah chuan an lut dun ve ta a.
Dawhkana lehkha lo dengtute lam chu an pan dun a, a pa te zawk chuan, " A lo tel ve theih em ? " ti in a han zawt a. Baker-a chuan chumite pahnih chu chhang mai lovin ngun zet hian a han en leh rih a, mahse Miner pa chuan, " Lo tel ve rawh u khai," a lo tih khalh ta thuai a. Thutthlengah chuan a pate zawk chu a han thu a,a thianpa hnenah chuan, " Lon ? '' tiin a han zawt a. Ani chuan, " Aih, ka pa'n riltam laia lehkhaden te,zu in te leh nula khalh te a phal ve lo. Ka inthun puar hmasa rih dawn, " a lo ti a, chawei dawhkan lam chu a pan ta nghal a.
Texas tlangval te zawk chuan dawhkan kiltute chu a han en kual a, Miner pa chu pa lian leh sek zet mai hi a ni a,a chak hmel hle bawk a. Chupa bula Texas mi pakhat lo thu ve chuan a lukhum chu a thutthleng banah a khai a,a sam chu a dum tha hle a, hmai dang lam deuh,hmai tlang hriam rat mai hi a ni a. A kawr tlang chu a thlep let a, chu chu hnunglamah hnung lamah a kilh bet leh tlat bawk a. A kawr chung tlang a thleh let chhan chu inchei nana a tih zawng a ni hek lo,a puakruk phawina a dal dawna a hriat vang chauh zawk a ni.
Pakhat leh erawh chu pa te lam,satha va tak hi, puakruk pakhat chauh pai hi a ni a. Chu chuan a thiante chu kawhhmuh pahin, " Hei hi Doc Leroy a ni. A sira mi hi Mike-a a ni a, a bula mi hi Baker-a a ni a, kei hi Rusty Willis-a ka ni, " a han ti a.
Texas tangval pawh chuan a ipte atanga pawisa lakchhuah pahin, " Ka hming chu Dusty Fog-a a ni, " a ti ve ta a. Rusty-a leh Doc Leroy-a chu an inmitmei zauh va, Baker-a pawh chuan a thianpa Bar sir a dinglai Bull Moos-a chu a va en a,lu a va buk khum zauh va. Tichuan, Bull Moos-a chu dawhkan bulah chuan a lo phei a, Dusty-a hnung zawn takah chuan a rawn ding a, an lehkhadeng lai chu a rawn en ve ta a.
Baker-a chuan Texas mi pathumte chu ngun deuh mai hian a han en tawn vel a. Tunhma lamin an la inhmuh chu ring ngailo mah se,a ngaih chu a tha thei chiah lova. Baker-a chuan lekhaden chu a la a, a han sem tan ta a, mahse a sem zawh hmain Dusty-a chuan, " Ngawi rih teh,tun a I lehkhaden kenlai kha zat nga a nih chuan……" a rawn ti tan chauh va, a sawi tum pawh a sawi zawh hma hma in Baker-a chu a ding thut a, a kawrchung ipte chhung lama a puakruk chu a chuh ta nghal mai a.
Thutthleng a tanga Dusty-a ding chhuak tur chu a nghawnga lo reh thut mai tumin, Bull Moos-a pawh a lo inring ve khiau bawk a. Mahse Dusty-a chu ding mai lovin a dinglam sirah a thutthleng atang chuan a let phei ta zawk a. Baker-a chuan Dusty-a chetdan chu hmu mahse,a tum chu a sawhsawn hman ta lo. Tichuan, a thianpa Bull Moos-a chu a puakruk chuan a kap ta a.
Dusty-a chuan tluk pahin a puakruk veilam chu a kut dinglamin a phawi chhuak a,rang lutuk deuh mai hian vawi thum a han hmet puak a, Baker-a chu a eu zawk a,a tlu sawp ta nghal a. Dusty-a chuan puakruk chu a la keng khu vat vat a,a lo ding chhuak a. Dawhkan lehlam a khaw hotu lo thukhawmte chu a va en a. Anni pawh chu an lo ding vek tawh a. Baker-a chu a va hnaih a, a puakruk ken lai chu a pet per sak lawp a, amah chu ngun zawkin a zuk en leh rih a. Tichuan, Bull Moosa awmna lam a pan leh ta a.
Doc Leroy-a pawh chuan, Baker-a lehkhaden nem chhuah tawh chu a han tilang ta a,mi zawng zawng hmuh ngei turin tawka zat nga chu dawhkanah chuan a rawn dah lang a. Dusty-a hnenah chuan, " I hmu rang hle mai, I mit a ran ang bawk in i kut pawh a rang a ni. Baker-a thil tih dan kha kei pawn ka lo hmu ve reng a, sawi chhuah ka tum lain min rawn sawi khalh ta a ni, " a han ti a.
Rusty-a vethung chuan, " I thil han tihdan kha chet an tum dan hrelawk i ang hlein ka hria, " Dusty-a hnenah chuan a han ti a. Dusty-a chuan, " Khatiang chiah khan ka Cousin- Lane Clements-a pawh Newton khuaah an kaphlum tawh a ni, " tih chauhvin a chhang a.
Dusty-a thusawi chu Doc Leroy-a leh Rusty-a te pahnih chuan mak anti dun hle a. Rusty-a chuan, " A thianpa khan kah che a tum a ni tih hre si a,i hnung zawn a Bull Moos-a lo ding ngam mai kha a mak viau a ni, "a han ti leh a. Dusty-a chuan, " Baker-a puakruk kha Derringger a ni a, mihring taksa han kap tlang thei tur chi a ni lo. Chu bakah………" a han ti leh tan chauh va, Saloon
kawngkhar chu a rawn inhawng a,inchhungah chuan mi pahnih hi an lo lut ta a. An hnung lawkah midangin an rawn zui ve bawk a.
Inchhunga lo lut pakhat zawk chu ' suit ' hian a inthuam zaih a, sap ram atanga rawn kal ni awm takin a lang bawk a. A rawn luh pui pa erawh chuan kawr hlui fe hi a ha a, a kaw-awmah chuan Marshal Badge hi a rawn tar bawk a. Chupa chuan puakruk phawi chhuak sain Dusty-a bul chu a rawn thleng a. " Tu tih nge ni ta ? " vin deuh fe hian a rawn ti a. A hnung lamah a hote chuan an rawn zui lut ve tawh a, silai an keng vek a.
Engdang mah sawi lovin Dusty-a chuan, " Ka tih anih kha." a han ti a. Marshal chu ngawi rengin a han en leh rih a. Reiloteah Marshal chuan, " A nih a hnu, ka man dawn che a ni mai, " a han ti leh a. Dusty-a chuan, " Engnge thil tih dik loh ka neih ? " tiin a han zawt leh a. Marshal chuan a hmui a han liak huh a, Dusty-a chu chhang mai lovin ngun zet hian a han en leh rih te te a. A hnunglama pakhat lo ding ve chuan, " E, tual i that a ni lawm ni ? " tiin Marshal chu a rawn tawng khalh a.
Chutih lai chuan Bar atangin Lon-a chu a rawn kal hnai a, a thianpa bulah a rawn ding a. Marshal leh a hote hnenah chuan, " Thu tha lo tak a nih chu i sawi ni, " a han ti zet a. A thianpa hnenah chuan , " Ti rawh , i chhuak......" a han ti leh tan chauh va.
Marshal chuan Lon-a che vel chu ngun fe hian a lo en reng a. A puakruk chu a han lek sang deuh va , Dusty-a hnenah chuan , anmahni vau nan , " Puakruk ka keng a sin , " a han ti a. Chu veleh Saloon kawngkhar atangin , " I puakruk chu paih thuai rawh, " tih ri inchhunga mite chuan an hre ta mai a.
Thu rawn petu aw chhuak atang chuan puakruk emaw rifle emaw keng chungin Marshal chu a rawn tin reng tawh a ni ngei ang tih chu rinhlelh ruala ni tawh lo. Chuvangin Marshal pawh chuan a puakruk ken lai chu a thlauh va, Saloon kawngkhar lam chu a va hawi phei ta thuai a.
Saloon kawngkhar chu awn fe a ngheng chungin palian zet mai, fit 6 leh inchu 3 zet a sang tur hi a lo ding a. A hmel that dan atangte leh a taksa inphut mawi dan atang ngawta thlir chuan Grik Pathian ni awm tak hian a lang nghe nghe a . Puakruk pahnih a pai a , a kut dinglam chuan sikre hi kawh fe hian a keng a, chu chuan Marshal chu a lo tin reng a. Sikret maia amah chu rawn tin a ni tih Marshal in a hmuh meuh chuan a thinur lutuk insum zo lo chuan chhuatlai a a puakruk thlauh hnu chu char leh mai a han tum a. Chutih lai chuan kawngkhara mi chuan Dusty-a te bulah chuan a lo phei ve tawh a.
Marshal hnenah lo kal thar pa chuam , “ I ti buaithlak mai mai ti khan awm ringawt rawh se, i mamawh chai loh kha, “ tiin Marshal puakruk char tum lai chu a han khak zui hram a. Chutia a tih pah chuan chhuatlai a Marshal puakruk chu a va chhuih len sak dawrh a.
Marshal rawn luh pui tlangval chuan Marshal chu a han en a, a hnenah chuan, “ I tihtur chu tita che,” a rawn tita a. Mahse, Marshal chuan chung mi pathumte chu a han en thin a, mi naran an ni lo tih an hmel atang chuan a hre chiang nasa mai si a. Amah rawn betu chu chung lai vel rama seilian a nih loh avangin chin chang engmah a hreve lo tih te pawh a hai bawk hek lo.
A kut dinglam in a hmai a han nuai a, zawite hian, “ Ka awm a nuam mang lo ka ti,” a han ti a.
Chu veleh a hnunglama amah rawn zuitute chu an phun ta sup sup a, pa pakhat chuan, “ Buaina a awm phawt chuan englaimahin i awm a nuam ngai reng hlei nem ! Chuvang chuan alawm, he khua ah hian buaina pawh a punlun ni. Heng tualthattute ho hi man ngei tur an ni,” a rawn ti a.
Chuveleh Marshal chuan a kawr-awma Marshal Badge chu a phih thla a, chhuatlaia paihthlak pahin, amah rawn betu hnenah chuan, “ A nih a hnu, Kennet kareh zaupa, nangmah ngei chuan man vek la a ni mai a lawm. Thih ka la chak teh chiam hlei nem. I duh ang chiah chuan ti mawlh ang che,” thinur deuh mai hian a tilet ve ta a. Ngawi rengin Kennet-a chu a kal pel a, pawnah a chhuak ta nghal a.
Kennet-a chuan a thiante chu a han en vel a, inti pachang takin Dusty-a te chu a va hnaih a, an hnenah chuan, “ Tunah hian kan Dan-in a phal angin, khua leh tui ka nihna chu chhuangin, Citizen’s arrest Dan chu in chungah ka lek dawn a ni. Tual in thah avangin ka man dawn che u a ni, “ a ti leh ta a.
Chutia an inbe vel lai lo entu Rusty-a pawh chuan, “ Ngawi teh Doc, Texas tleirawl chuti maia han thlahthlam bik chu kan tan a mawi dawn em ni ? “ a thianpa hnenah chuan a han ti a. Doc Leroy-a pawh chuan, “ Teuh nang, anni hi kan phatsan mai zawngin kan thiante pawh khan min be leh duh tawh kherin ka ring lo,” a lo ti ve thuai a. Dusty-a hnenah pawh chuan, “ Captain Fog, rem i tih chuan lo tel ve kan chak ngawt mai,” a han ti a.
Irish Pat-a chuan Doc Leroy-a thusawi a hriat veleh, “ Captain Fog i tia law ? “ tihpah in khaw hruaitu lu thu khawmte chu a han en kual a, “ Khai, Matt, i thelh thuai loh zawngin kan banker fapa leh a thiante hi kan chan ngei ang. Heng mite tutenge annih ka hre ta. A lo lut hnuhnung ber hi Mark Counter-a a ni a, a dum hlira inthuam hi Ysabel Kid-a a ni,” a han ti leh a. Tah zawng McTavisha pawh chuan, “ A te ber hi Dusty Fog-a an tih thin chu a ni ang maw ? “ a lo ti ve ta a.

BUNG-2

Rifle leh laiphir keng mi sawm leh pahnite chuan Texas tlangval pangate chu an hmachhawn ta a. Chung tlangval pangate chu tutenge annih hre chiang se zawng tlem tal chuan an tim deuh tur !
Dusty Fog-a chu Mexico khua atanga Bushred Sheldon-a leh a hote rawn hruai chhuaktu bawk kha a nil eh a, naupangte a la nihlai pawh a Captain ni thei khawp a fel a ni. Puakruk a kah thiam zia leh a phawi ran zia te pawh mitin hriat a ni bawk.
Mark Counter-a pawh chu Dusty-a tluk thawthanga puakruk phawi rang leh kap thiam ve bawk a ni. Buaina a awm tawh phawt chuan phur taka tel ve peih chawt a ni bawk. A insual hrat zia chu hre lo an vang hle awm e.
Ysabel Kid-a vethung chuan puakruk kah chu Dusty-a te tluk em chuan a thiam ve lo. Mahse, rifle kah ah chuan a tluk tur an vang hle thung. A tum a kah fuh hi chu dan pangngai a ni mai a, a hlah palh hlauh erawh chuan mak tia sawi tham a tling zawk chauh a ni. A puakruk chu second khat chhungin a phawi chhuak a, a kap ve hman hram a. Dusty-a te erawh chuan second chanve chhungin an tum an kap fuh hman tlat a ni.
Kennet-a chu a han lehhawi a,a thiante chuan engtinnge an ngaih ve ti ni awm takin a han en kual vel a. Duh se chuan Dusty-a leh a thiante chuan an inrin hmain Kennet-a leh mi pali panga vel chu awlsam takin an kap hlum thei ngei ang. Kennet-a te chu Sap ram atanga rawn chhuak hlim hlawt an ni a, Texas mite chuan chuti takin puakruk an phawi rang thei ang tih leh puakruk kah an thiam ang tih ngaihna pawh an hre hek lo. Quiet Town chanchinte an lo hriat chuan,tunhma lama sap rama an lo tih thin ang bawkin anniho chuan thil tam tak ti thei dawnin an inngai tlat a ni. Mahse chu zawng, thil chin chang an hriat tlem luat vang mai a ni.
Rei fe an ngawih hnuin, Miner pa chuan, “ Thiante u,thil inhre sual palh a ni. An inkahna khan thil fel lo engmah a awm lo ve, “ a rawn ti chhuak a. Mahse Kennet-a chuan, “ Lehkhadeng ho zingah khan i tel ve miau va, chutianga i rawn sawi pawh chu a awm viau ve, “ a lo tih san mai si a.
Kennet-a chet dan chu, Dusty-a chuan a ning tan ta deuh va, A thiante pahnih Mark-a leh Ysabel Kida te chuan ngaihtuah chiang lovin engmah an ti lovang tih a ring ngam a. Rusty-a te pahnih pawh chu ngaihtuahawm lo hle in a hre bawk a. Inkahte a lo tul hlauh chuan Kennet-a leh midang tu emaw chu rang takin an kap thlu thei nghal mai dawn tih pawh a hre chiang em em a, Mark-a leh midangte pawhin a then azar chu an lo kap thlu ve thei thovin a ring bawk a.
Tichuan, Kennet-a leh a thiante tan pawha tlawmngaih thlak tak a nih lohna tur ngaihtuahin, “ Mitthite chungthu hi rel fel in la duh dawn te a nih phawt chuan, thubuai sawina ah kan lo kal mai ang, “ a han ti a.
Mahse, Kennet-a chuan lu thin pahin, “ Chu zawng, a rem lovang. Tual thah vanga in chung thu hi ngaihtuah tur kan ni tlat a, “ a lo ti ve leh ta zel a.Dusty-a chuan a dar a han chin ak a, a ngawi leh ta mai a. An tan buaina pumpelh theihna tur Kaawng a hawn sak pawh a an zawm duh si loh chuan a tan tih loh ngaihna a awm tawh lova ni.
Mark Counter-a vet hung chuan, “ A nih leh ka thiante chu han man ta che u, man thei dawna in inrin phawt chuan, “ a rawn ti ta chhak a. Chutihlai chuan Matt Gillem-a chu a lo zuang chhuak a,Kennet-a te bulah a rawn ding a, a hnenah chuan, “ Ngawi rih rawh u, Kennet, i thiante hi engmah ti lo turin hrilh thuai rawh, a tlai luat hma hian, “ a rawn tit a a.
Kennet-a chu Gillem-a Bank-ah Manager hna thawkin a awm ve a. Gillem-a chu a hre chiang hle bawk a. Pa fel tak leh thil chin chang hre tak niin a lo ngai ve bawk si a. Ani meuhin chutia a rawn ti ta mai chu mak a ti hle a ni. Quiet Town ah chuan Dan mumal taka wm tura duhtu a ni ve tih pawh Kennet—a chuan a hre chiang hle bawk si a. Chuvangin a hnenah pawh chuan, “ Ka pu, tanhmun kan khawh ve a tul a ni. Heng tual thattute hi hrem lohvin, chuti mai a chhuahtir chu a fel lovang, “ a han ti leh hram a.
Gillem-a chuan, “ Dusty Fog-an Glamber kha a kaphlum tih chu kan hre theuh. Mahse, Baker-a leh Moosa tekhan intiam rualin Dusty-a kha kahhlum an tum a, chu bakah Baker-a kha lehkhaden ah bumna a hmang tel bawk a. Chuvangin, Baker-a leh Bull Moos-a a lo kah hlum avang hian Dusty-a hian thiam lohna a nei miah lo. I thiltih tum hi in tih luih ngat chuan in zinga a chanve hi chuan naktuk nichhuak in hmu leh tawh kher in ka ring lo. Tual thahna engmah a awmlo. Baker-a kha chu tuanfum vanga thi hma mai a ni zawk, “ a lo ti ta a.
Chutah zawng Kennet-a leh a thiante chuan thil awmdan an ngaihtuah chian ta deuh va. Sap rama College an kallai te chuan thil tha tih tumin engkim ngampa takin an ti thei zel a, buaina a awm pawhin Police ten an rawn pui mai thin a. Mahse Quiet Town angah te hi chuan miin thil tha tih a tum pawhin amah lo hnialtute chu puakruk nen a beih let ve theih ngei a tul tih te pawh an ngaihtuah chhuak ta hlawm a.
Chutah zawng, Kennet-a pawh chuan, “ A nih leh tual thah thu kan ngaihtuah hunah chuan lo kal mai se a tha ang chu,” a ti ve ta a.A rilruin Gillem-a thil tih dan chu a la hrethiam teh chiam lo ta fo va.
Kennet-a rilru chu hria ni awm takin Gillem-a chuan, “ Kennet, henglai ram hi chu danglam tak a nia. Inchenna hlui, sap ram nen chuan in anglo tak a ni. Captain Fog-a hi man luih lo tum ta ni ula, a ni hian a duh phawt chuan in laiphir ken lai kha in lekchhuah hmain pali vel chu a kaphlum hman ngei ngei ang che u. A thiante ho pawh hi duailo tak vek an ni. Chuvangin, in thil tih tum hi thulh mai zawk rawh u, “ a lo ti leh a.
Kenneta chuan, “ Puakruk chelek thei na-zawng chutianga kan thlahthlam dawn chuan……..” a han ti leh tan chauh va, Gillem-a chuan, “ Heng mite kher hi chu ‘ theina zawng ‘ tia sawi chi an ni ve lo. I laiphir ken lai khan anmahni hi kah tumin han tin dawn chin the reng, i hre mai ang chu, “ a lo ti leh ta zel a.
Kennet-a chuan a laiphir ken lai chu lek chhuah tumin a han che tan chauh va, Dusty-a te lam hawi zawnga a lek khawh hman hmain, Ysabel Kid-a chuan a puakruk a phawi a,a cheng kau sa vek leh hmet puak mai tura inring rengin Kennet-a chu a rawn tin ta mai a. Muangchangin a cheng chu a han khup thla leh rih a. Kennet-a hnenah chuan, “ Mister, kei hi chu a che muang ber ka ni, “ aw ban zet hian a han ti zui a. Engmah dang pawh sawi leh tawh lovin Bar lam a pan phei ta nghal a.
Gillem-a pawh chuan, “ Ka sawi tawh ang khan, mi naran mai an ni ve lo. Ysabel Kid-a kha a daw emaw ti hlek suh u. An zingah chuan a phawi muang ber reng a ni, “ a la tita deuh deuh va.
Chutihlai chuan kawngkhar chu a rawn inhawng leh a,inchhungah chuan pa cher deuh,sang fe mai hi a lo lut leh ta a. Lukhum chip zum chi a rawn khum a, a incheina reng reng chu a that hlawm em avangin pa khawsa thei tak a nih chu a lang chiang hle. Chhuat laia ruang pahnih lo let reng te chu a han en a, Baker-a ipte chu a zuk dap vel a, pawisa ip a han phawrh chhuak a,” Pahnih an ni maw thi ? Engtikah tak reh ang maw ? “ a han ti a.
Gillem-a chuan, “ An pahnih hian buaipui ta la, Baker-a pawisa hian a daih angem ? “ a lo ti a.
Chupa chuan, “ Baker-a hi chu chawisak a ngai lovang. Mahse pakhat zawk buaipui man hi chu khaw enkawltute’n an peksak a ngai ang, “ a han ti leh a. Kennet-a te chu an lo insum zo ta lova, “ Nang zet hi chuan pawisak i neilo mang e, ‘ Mulukawlh ‘ tia i hming an vuah che pawh hi a dik ngawt a ni, “ a lo ti chhuak ta hial a.
A hmel en ngawt chuan Grimwood-a chu a thinur a ni tih pawh a hriat meuh lo. A aw chhuak pawh a danglam the chiam lova. A mitmeng erawh chu a nelawm the chiam bik lo a ni. Kennet-a hnenah chuan, “ Tlangval, thisen chhuah duh lo chi tak ka lo ni kher kher chu i vannei ngawt mai. Chuti ni suh sela i thu han chhak chhuah chu huatthu ah ka la ngei ang maw le, “ a han ti a.
Kennet-a chuan, “ Thisen chhuah chu lo duh ta lo pawh ni la, kawtthlera mithite thil neih zawng i lo awt hle anih hi,” a la tit a talh a. Grimwood-a chuan, Kennet-a thusawi chu ngaihsak pawh a ngaihsak zui duh ta lova,a hote chu inchhungah a ko lut a, ruang chu a zawn chhuah tir ta nghal a. Amah pawh chuan a zui chhuak ve ta nghal a.

Grimwood-a chhuak tur chu Dusty-a te chuan an lo en zui reng a, a thiante hnenah chuan, “ Lo thi ta mai pawh ni ila, ani kher kher kha chu min phum tur chuan lo ruai lo hram ang che u, “ a han ti a. Mark-a chuan, “ Thih te chu hlau duh ma ta che, a fel leh a tha te chauh hi a nia thi hma thin ni, “ a lo ti thuai a.
Rusty-a chuan, “ Ni chiah e. Tun thleng thlenga ka lo la dam ve thei hi mak pawh ka ti viau a ni. Taka, ka hming chu Rusty Willis-a a ni a, ka thianpa hi Doc Leroy-a a ni. Kan pahnih hian……” a la tihlai mekin, Dusty-a chuan, “ Wadge Ranch a thawk ve ve in ni, “ a lo tih khalh thuai a. Dusty-a bawk chuan, “Kliddoe-a leh a hote in um tiau hnu thla hnih vel khan Abilene khuaah bawng rual khalhin ka lo kal ve a sin, “ a han ti leh a.
Ysabel Kid-a pawh chuan, aw nelawm loh zet hian, “ Ni e, Dawihzepa kha hmuh ve ka duh teh lul nen, in lo um bo hman hlauh va, pawi ka ti ngawt mai, “ a lo ti ve a. Doc Leroy-a chuan, “ Klidoe-a chu i thian em ni,? “a lo ti ve a. Ysabel –Kida chuan, “ Ni chiah lo. A hnena thil thlen tur pawimawh tak ka nei,kan inhmuh hunah, “ tih chauhvin a chhang a. ( Klidoe-a nen a an inhmuh thu hi,’ The Trail Boss ‘ tihah a lang)
Thu dang engmah an sawi leh hmain Bar neitupa chuan, “ Captain Fog, kan pute hian an hmu duh che a ni awm e,! “ tiin Dusty-a chu a rawn ko ta a. Dusty-a chuan khaw hruaitute ho thutna lam chu a pan phei ta nghal a. Gillem-a chuan Dusty-a chu rang takin chibai a rawn buk a, a hnenah chuan, “ I dam em, Captain Fog ? Ole Devila chuan ka lehkha a lo hmu ta ngei anih hi. Thiante u, he tlangval hi alawm, lo kal tura ka chaha chu, “ tiin a thiante chu a han hrilh ta thuai a.
Dusty-a chuan Gillem-a thusawi chu a hre thiam lo hle a, a hnenah pawh chuan, “ I thusawi chu ka man hauhlo mai. Uncle Devil-a bawng rual kan rawn khal mai a nia. Lekha i thawn pawh ka lo hre ve hlei nem, “ a han ti a. Gillem-a chuan pawiti rilru fe hian, “ Ole Devila’n a tirh vang che a lo kal i ni nange ? “a lo ti leh a.
Dusty-a chuan, “ Ni lo. Newton khuaah kan chhungte zinga pakhat,nichin Glamber thi ta khan a lo that a- ‘fair ‘ lo takin. Dan Troopa’n thil awmdan chiang takin min lo hrilh a. Tichuan Glember kha kan rawn umzui ta a ni. Uncle Devil-a hnenah puitu tur dilin lehkha i thawn em ni ? “ a han ti let a.
Gillem-a chuan, “ Ni e. Chuvanga lo kale maw i nih ka lo ti reng a sin. He khua ah hian Law Officer kan mamawh tak meuh a ni,” a ti ta a. Dusty-a chuan, “ Intana ka tangkai theihna tur kawng ka hre mang lo. Law Officer atan chuan Hickok-a te, Matt Dillon-a te leh Dan Troop-a emaw chah mai ula a tha zawk ang. Dan Troop-a phei chu thla leh khian a hnathawh lai a tawp dawn a, a lo kal duh ngeiin ka ring, “ a han ti a.
Gillem-a chuan, “ Vawiin hi thla thar nihnih chauh a la ni a,thla khat chhung zet Dan Troop-a chu nghah a la ngai dawn tihna a ni a. Chumi chhung chuan kan khua hian Dan lek kawhtu tur, mi rintlak deuh kan mamawh a ni. Nang hi kan lo beisei ber che chu i ni mai a. “ a la tita fo va.Gillem-a thusawi chu Dusty-a chuan a ngai sual palh ta deuh a ni ang, lungawilo tih hriat fe hian, “ Mister, ka silai hi ka zuar lo a sin, “ a tita khawl mai a.
Gillem-a chuan, “ I silai i zuar ka ti awzawng lo. He khua-ah hian Law Officer kan mamawh a, chutiang mi tur chuan phawiran theoh ngawt pawh a sawt bawk hek lo. Phawi rang na zawng duh ni ila chuan he khuaah ngei pawh hian an tam hlein ka ring. I phawi rang tih chu kan hria a, chutiang bawkin Hickok-a te leh Dan Troop-a te pawh an rang ve a ni. Law Officer ni tur chuan phawi ran theih chu a ngai the meuh mai. I pa pawh kha rang tawk ve hlein thinin ka hria. Tunah mai pawh khan i phawi ran dan chu kan hmu tawh a ni. Mahse i insum thei tih kan hre bawk . Hickok-a chu ni la chuan timna nei hauh lovin nichina miten an tih thinur lai che pawh khan i kap daih tawhin ka ring. Mahse Kennet-a te i kah duh loh dan atang khan Law Officer ni tur chuan ka it tlat che a ni, “a lo tita a.
Dusty-a pawh chu a inthiam lo rilru deuh hlek a, Gillem-a hnenah chuan,” Law Officer chu tun hmainka la ni ngailo,ka pa hnuaiah rei vaklo Deputy Sheriff hna ka thawk tawh a, mahse bawng ven bak chu engmah thiam ka nei lo, ‘’ a han ti leh a. Barsen-a chuan, “ Mexico khua a i va kal chanchin te pawh kha kan lo hre ve a, bawng veng tura va kal zawng i nih loh kha, “ a lo ti ve ta a. (Mexico khua Dusty-a te va kal thu hi ‘ Ysabel Kid ‘thawnthu bu ah a lang )
Dusty-a chuan, “ Kha kha chu dang tak a ni. Hetiang khaw lianah hian Law Officer ka la ni ngailo, “a la tita fova.
Mahse, Irish Pat-a chuan, “ He khua hi sawizawi thei tur chuan huaisen tak nih a ngai. Chuvangin nang hi kan mamawh che a ni, “tiin a lo tang ve bawk a.
Bradgate-a ve thung chuan, “ Captain Fog, he khua hi thenfai kan duh tawh a ni. Kan khaw chheh velah rangkachak an laihchhuah tak avang hian , mihring duhawm lo tak tak kan tawn fo mai hi a ninawm thawkhat hle tawh a. Thil awmdan i hriat duh chuan tukverh ah hian va dakchhuak la, i hmu mai ang. Saloon te, Dance Hall te, Glimbing House te leh nula nungchang tha teh chiam lo chenna hmun hlir i hmu ang. Kan thianhlim e, zawng kan ti bik lo. Mahse, mumal nei deuh va khawsak ve tawh kan duh a ni. Sualna a tam lutuk,in thahna te,inpawng nekna te leh sual chi hrang hrangin kan khat ringawt a ni. Chungte chu tawp tawh se kan ti a ni, “ a lo ti ve a.
McTavish-a pawh chuan, “ Chu chu a dik a ni. Keini Miners ho pawh hian khua hi kan tlawh tha ngam tawh lo. Rangkachak tlem neih vanga arte thih mai kan hlau a ni. He khua ah hian tumah kan him tawh lo.”a lo ti ve a. Gillem-a pawh chuan, “ Khauh taka dan lekkawh theitu tur kan mamawh tak zet a ni. Nichina kan Marshal ang mai mai ni lo, mi tak tak kan mamawh a ni. Engnge i ngaihdan le ? “ tiin Dusty-a chu a zawt leh ta a.
Dusty-a'n a chhan hmain Saloon ah chuan pa sang zet mai hi a lo lut a, chapo leh engthawl fahran hian inchhunga lo awmte chu a han en kual vel a. Bar sira dawhkan lam chu a rawn pan hnai a . A lukhum chu a han kuaidak a, pawisak nei lo tih hriat fe hian a mei zuk lai chu a han pak bial a. A inchei dan atang leh a puakruk pai fual dan atangte chuan Glamber a ni ang tih chu inchhunga mite chuan an hre thei nghal vek a.
Chupa chuan, Dusty-a chu an reng chungin, " Thu pawimawh sawihona in nei tih ka lo hria a, engvangin nge koh ka nih ve loh ? " a han ti a. Gillem-a chuan, " Engvanginnge kan koh ang che. Council a tel tur hian tuma'n an remti hleinem che, " a lo ti a.
Chupa chuan muangchangin a kut a thlak thla a, a puakruk kawm chu a han chul vat vat a, " Hetah hian Vote ruk chu ka nei ve a, chuvangin he khaw enkawltu tur hian Hire Killer mai mai chu thlan ka remti lova ni, " a han ti leh a.
Dusty-a chuan a meizuk laiin Glamber kawrawmah chuan dum thawt khawpin a va pen per a, a hnenah chuan, " Mister, nangchuan Vote ruk chauh i nei a, kei erawh chuan sawmpahnih ka nei. Chuvangin i duh taka chu i thlang tling ta lova ni. Mister Gillem, in Town Marshal tur chu ka ni. Nang, pawisa-khelh- chingpa, hnialna engnge i neih le ? " tiin Glamber pa chu a han en a.
Glamber leh Dusty-a chu an inhmachhawn a, ngawi rengin an in en a. Inchhunga thawm dang lo awm ve te pawh chu, thawklehkhatah a reh ta duak mai a. Rei fe an ngawih hnuin Glamber chu a tlawm ta zawk a ni ang, Dusty-a hnenah chuan, " Engmah hnialna ka nei lo ve. Mahse hei hi hre reng rawh. Quiet Town ah hian Law Officer rei an dam ngai lo, " a han ti a.
Dusty-a chuan, " Pawisa khelh chung chu khawi lai ah mah an dam rei ngai lo. I puakruk kha khawih tawh suh. Thlah vat rawh, " a han ti a. Glamber chuan chutihlaia puakruk han phawi nghal mai chu a chak rilru hle a, a tan a remchan dan tur pawh a hre bawk a. Puakruk kawm vuan sa tawh a nih vangin atan tuan that zawk a awl phah hle ang tih pawh a hre bawk a. Mahse, chitu chuang chuan Dusty-a phawi khalh hman a la inring ta ngang lo a ni ang, a kut chu a la chho va. Saloon atang chuan a chhuak ta nghal a.
Glamber chu a chhuah veleh Gillem-a chuan a thlan chu a rawmawlin a han hru te te a, " Clint Fang-a tlawm zawka a tan theih reng ka ring ngailo a sin le !? " a han ti a. Dusty-a chuan, " Tunge a nih ? " a han ti leh thuai a. Gillem-a chuan, " Bearcat Annie-i hnena thawk a ni a, an zingah chuan phawi rang leh hlauhawm bera an neuh a ni. Fimkhur a ngai viau vang, " a han ti a.
Kennet-a pawh chuan, " Captain Fog, kan thil tih sual ks hrechiang ta. Quiet Town Marshal ni tur hian i tling tih pawh ka hre chiang ta ngawt mai, " a lo ti ve ta a.
Dusty-a chuan, " Ka thiante chuan ' Dusty ' tiin min ko thin. Engpawh nise Deputy pali ka mamawh ang, " a han ti a. McTavish-a chuan, " Pali a ni ? ! In va tam deuh awm ve ?! " a lo ti thuai a.
Dusty Fog-a chuan, " Khawchhunga cheng pawh intam miau alawm. Keini mi panga hlawh minpek avangin khua hian chuti teh chiamin a tuar lovang. Mi naran chu Deputy atan ka duh bawk hek lo, " a lo ti leh a.
Gillem-a chuan, " Deputy pali maw i duh chu, ? " tih pahin Bar lam chu a va hawi phei a. " Mark leh Ysabel Kid-a te hi i thlang ngeiin ka ring. Mahse midang pahnihte saw chu cowboy satliah va mai bawk anni in ka hria, " a han ti leh a.
Dusty-a chuan, " Mark-a, Ysabel Kid-a leh kei pawh, cowboy naran ve mai kan nia lawm. Chuvangin kan panga hian min ruai ngei tur a ni, "a ti ta tlat a.
McTavish-a chuan, " A va hek sak awm deuh em ! " a lo ti leh hram a. Mahse Gillem-a chuan, " A nih leh nang chu Dollar za thlatin kan pe ang che. I Deputy tuete hi chuan thla khat ah Dollar sawmriat an hlawh ang. Tin, lei chawi a awm phawt chuan, an pawisa chawi chu in nei vek ang, " a lo ti ta thuai a.
Dusty Fog-a chuan, " Ni lo ve. Kei chu dollar za lwh sawmgnih min pe tur a ni. Midangte hi za theuh. Tin, thil dang chu engmah kan khawih lovang, " a lo ti a.
Gillem-a chuan, "I hlawk lo hle ang ," a lo ti a. Dusty-a chuan, " A ni mai thei. Majse, hlawkna duh vang ngawt a thil ti sual hauh lo, Marshal te'n pawisa an chawitir ka hmu tam tawh a ni, an pawisa chawi chu an nei dawn tih an hriat vang chauhvin mi tam tak an man buai a, pawisa anchawitir thin a ni. Chu chu ka dih zawng a ni ve lo," a lo ti ta tlat a.
Gillem-a chuan, " A tha a nih chu. A nih leh chutiang chu rem kan ti vek em ? " tiin a thiante chu a han rawn a, anni ho chuan rem anti tlang hle hlawm a.
Dusty-a bawk chuan, " A nih leh, Dan Troop-a lo thlen hma chuan Town Marshal chu ka ni phawt ang. Tin, tun thla tawpa min rawn thlak thei lo a nih pawhin,midang rawih tur inhmuh thlengin ka awm rih ang. Tin, tul ka tih ang chu engkim ka ti tlang zel dawn a, chu chu tuma'n min hnial tur a ni lovang. Duhsak bik neih pawh ka tum lo, " a han ti leh a.
Irish Pat-a chuan, " Keiniho hi chu min duhsak bik lo mah la a, kan vui lovang. Thil tih sual engmah kan nei bawk si lova, " a lo ti leh a. Chuveleh Dusty-a chuan, " Ka thil tih a piang min zawmpui zel ang maw ? " tiin a lo zawt thuai a.
Pat-a chuan uar fe hian, "Teh lul mai ! I duh aia nasa zawk mahin kan lo pui zel ang che, " a han ti leh a.
" Zu zawrh hi khap lo tum ta tlat ila, eng angin nge i ngaih ve ang ? "
Pat-a chu a phu deuh zawk a. Dusty-a hnenah chuan, "Ka nu aia ka hmangaih zawk chu min lak bo sak luih duhin ka ring thei lo ! " a lo ti a.
Dusty Fog-a pawh chu a nui ta a. A thiante awmna Bar lam chu a pan phei ve ta a.
A thiante hnenah chuan, " A nih leh, Don, Mark, Quiet Town Police ah chuan kan tang dawn ta a nih chu, " a han ti zet a; Doc Leroy-a leh Rusty-a hnenah chuan, " Ka pa chuan, ' misual man turin misual bawk an tha ber ' a ti thin a. Chuvangin, induh chuan, inpahnih hian Deputy-ah in tang ve thei ang, " a han ti a.
Dusty-a leh Doc Leroy-a te chu an in en a, an nui rah rah a.Karkhat vel hnu ah chauh an thiante an lo thleng ve ang tih an hria a, tunah pawh hian tihtur mumal engmah an neih loh avangin an ning tan hle tawh bawk a. Chuvangin, hna harsa leh hlauhawm deuh han thawh chu an chak zawng tak a lo ni ve bawk a, hlim thlak hle dawn ni pawhin an hre tlat bawk a. Chu bakah an thiante lo thlen ve huna anni pahnih, Doc Leroy-a leh Rusty-a te, Deputy Marshal an lo ni ta mai tur chu an ngaihtuahin remchang hle dawnin an hre bawk a ni.
Doc Leroy-a chuan hlim fe hian, " Kan pahnihin min ruai ta a nih chu, " a lo ti a.
Dusty Fog-a chuan khaw hotute thutna lam chu a pan phei pui ta hlawm a.
Gillem-a te ho hnenah chuan, " Kan inpeih ta e, " a han ti a.Soehna chu a lo ding chhuak a, " Captain, thil pawimawh tak pakhat a la awm. Miners ho zingah a rethei deuh deuh te chuan,buaina tha lo tak kan tawk mek a. Rukru ruaiin kan rangkachak phurtu te an lo rawk fo mai a, mahse, eng kan la ang thei bawk silo. A tirah chuan Henry Plummer-a hote annih kan ring deuh ngawt a,mahse, Bronco Calhoun-a hote ni awmin an sawi leh ta zawk a. Chu pawh chu ni thei chiahin ka ring bawk silo. Bronco Calhoun-a hote zingah chuan chhim leh hmar lam mi an inchawhpawlh nasa hle si a, " a han ti a.
McTavish- pawh chuan, " Pawl hnih ah an in siam pawh a lo ni mahna, " a lo ti ve bawk a.
Soehen-a bawk chuan, " Chu zawng, a ni thei lovang. Miners ho an beih lai chuan an inchawhpawlh vek ni awmin an sawi bawk si a, " a lo ti leh a. Dusty-a chuan, " Chutiante chu Country Sheriff hna a va ni awm ve ? " tiin a lo zawt ta thung a.
Gillem-a chuan, " Kan ram hian behna mumal tak a la nei tlat lo. Tu Country hnuai a awm tur nge pawh kan la hre chiah lo. Hria i la chuan min enkawltu Country Sheriff pawh chu kan ruai thei ve ngei ang. Kan khaw chhehvel Country te hian an ram thu neihna hnuai a lakluh hi an hreh tlat a ni, an thiamawm viau bawk si, " a lo ti leh a.
Dusty-a chuan, " A nih leh ka theih ang tawkin chin fel kan tum ang e. Rangkachak khur atangin in rangkachak te chu engtinge inthawn chhuah thin,? " a lo ti ve ta a.
Gillem-a chuan, " Henglai velah hian tawlailir neitu Company pali panga vel lai chu an awm thin a. Tunah hian pakhat chauh a awm tawh, Joe Delue-a leh a fanu Rozie te chauh. An tawlailir leh a khalhtute an bo tak zeuh zeuh avangin, midangte chu an bang zo vek tawh a ni. Mahse, Joe-a chu chutimai a tih zam chi a ni ve lo," a lo ti a.
Dusty-a chuan, " Jail hi khawilai ah nge a awm ? " tiin Gillem-a chu a han zawt a. " Jail in chu Lee Street ah a awm. Kalh pawh a inkalh lova, in Badge tur pawh a awm vek ang. In ei man kan tum vek dawn a, tin, heta inthawh chhung chuan silaimu man pawh kan tumsak vek ang che u, " a lo ti thuai thuai a.
McTavish-a thung chuan, " Silaimu man hi a to viau va,chuvangin a theih hram chuan puakruk kawm chelek deuh zawk turin ka duh che u a ni, " a lo ti a. Ysabel Kid-a chuan, " Ka Dragon Colt hi talhtuma han hman ngawtah chuan a uihawm deuh vin ka hria, " a lo ti a. McTavish-a chuan, " Thangtharho hi, pawisa hlut zia pawh in hre hrep lo ve, " a ti ta rawk a.



Link:
BBcode:
HTML:
Hide post links
Show post links

Jakob l hd
Posts: 44
Joined: May 31st, 2018, 1:03 am

Unread post by Jakob l hd » December 30th, 2018, 3:07 am

BUNG – 3

Dusty-a chuan a hote chu pawnah a hruai chhuak a. Kawtthlerah chuan an phei ta a. Bearcat Annie Saloon chu an va kal pel a. Chu Saloon a chhawnga sak hi a ni a. A hual chhuakin bathlar a awm bawk a, inchhawng hnuai lam tukverh atangin Clint Fang-a leh a thiante ho chuan Dusty-a te kawtthler a kal chu an lo thlir thap a.
Dusty-a chuan, “ Mark, Rusty-a nen kan sakawrte kha va kai phei ula, nakinah Deputy hna rinawm taka thawk tura chhechhamna te chu in la nei zui dawn nia, “ a han ti a, an inthen ta hlawm a.
Dusty Fog-a chuan Jail in sak dan te chu ngun fe hian a han thlek kual vel a. Jail chu lung hlira sak hi a ni a, Jail chhung va luh hlawt chuan Marshal Office a ni nghal mai a. Tukverh pahnih a nei bawk a, pindan lai takah chuan dawhkan pakhat leh thutthleng pathum vel a inhung a, a kilsir lehlamah chuan thuk a awm bawk a. Pindan hnung luhna kawngka lu chungah chuan Henry Rifle pathum leh laiphir pali bangah a intung bawk a. Dawhkan te chu a bawlhhlawh in vaivut a tam hle bawk a,dawhkan ah chuan Log book a lo awm bawk a.
Dusty-a chuan dawhkan pawhdawh chu a va hawng chin a,pawhdawh pathumah chuan zu um ruak hlir hi a lo awm a,a palina ah chuan, lungin tang an dahna pindan chabi hi a lo awm thung a, chu chu kengin pindan hnunga kawngkhar awmah chuan a lut phei ta a. A va luhna chu pindan zau fe hi a lo nil eh a,tang andahna pindan hrang pali te chu a lo lang thei tawh a, tin, kawngkhar dang pakhat a lo awm leh a. Chu kawngkhar chu Dusty-a chuan a va hawng a,a chhungah chuan khum paruk lai hi a lo intlar dal a. Khum te chu a en zawh hnu chuan, Office pindan lamah a kir leh ta thuai a.
Office-ah chuan mi pakhat hian Dusty-a chu a lo nghak reng tawh a,chupa chu dawhkan bulah a lo thu a,a ke chu dawhkanah a hlang kai a. Dusty-a lo lut lai chu en reng chungin sikret a pakkhu talh talh a. A incheina atangin amah chu Gambler ni hian a lang ber a. Ysabel Kid-a leh Doc Leroy-a te chuan, sir lehlam atangin dawhkan bula thu chu ngawi reng hian an lo en a, Dusty-a chuan Glamber chu a va hnaih a, eng sawi set set lovin dawhkana a ke dah chu a han phiat thla lawp mai a. Glamber chu rum zet hian a han meng a, “ E heu, nang hi i ni maw, kan Marshal thar tur chu ? “ a han ti a.
Chupa zawhna chu chhang lovin, Dusty-a chuan, “ Ding thuai rawh, “ a han ti a.
Glamber chuan, “ Ka din……..” a ti hman chauh va,a kawrchung nghawngah Dusty-a chuan a vat ham a,a phih tho ta dawrh mai a. Gambler chu pen hnih lai Dusty-a chuan a han phih kal a.
Dustya’n a awma a thamna kut chu thlahtir tumin Gambler chuan, hnunglamah a han phih let chiam a, Dusty-a chuan Gambler chu pawt lovin hnunglamah a nam let tat hut mai a, Gambler chu hnung zawngin a tawlh kir dawrh a, chhuat laiah chuan a thu ta hnawk mai a. A zakhnuaia a puakruk ah that chu phawi tumin a chuh ta nghal a.
A kut a lo chawr chhuak thut ang maiin, Dusty-a kutah chuan puakruk a lo awm hman der tawh a, a cheng a hank au ri rak pawh Gambler chuan a hre nghal a. Dusty-a chuan, “ Phawi chhuak thuai rawh, “ tiin Gambler chu a han cho zui leh ta nghal a.
Gambler chuan Dusty-a puakruk kua chu ngawi rengin a en a,a taksa a silaimu lo lut tur chu, eng tak anga ng maw- ti ni awm tak hian mit khap lo lekin,Dusty-a kut zungchal ringawt chu a en reng a.
Dusty-a chu Law Officer dang ang bawk ni ve tura angaih tlat avangin Gambler chuan, “ Min kap suh, ka inpe e, “ tiin a au ta chul a.
Dusty-a chuan ding tur a a hrilh avangin, Glamber chu rang zet hian a ding a, Dusty-a chuan, “ Lon, as puakruk hi laksak la; inchhung hi thenfai tir nghal rawh, “ a tita a.
Gambler chuan hreh hle mahse, a hnial ngam si loh avangin hmunphiah a la a, inchhung chu a phiat tan ta a. Office-a a lo kal chhan khan chu, hmunphiat tur a a rawn inpek vang a ni hauh lo mai. Dusty-a ten, Clint Fang-a an lo vau zam thu kha a lo hr eve a,chuvangin, Clint Fang-a aia a theih zawk zia lantir tuma lo kal a ni ber zawk a,mahse a hlawhchham chiang hle a ni.
Mark-a leh Rusty-a pawh chuan sakawrte chu Jail sirah an thlung fel tawh a. Jail piah lawkah Jenny te in,hmeichhe duk dak vaklo awmkhawmna chu a awm leh a,chumi piah lam chu, Chinese ho chen khawmna hmun a ni tawh a,chunglai vel chu hmun him lo bera an ngaih a ni nghe nghe.
Gambler chuan hmun a phiah zawh veleh lunginah hruai nghal turin Dusty-a chuan,Ysabel Kida chu a han hrilh leh a.
Rusty-a chuan, “ Hetiang hna hi ka la thawk ve ngailo a, ka phur zawng tak a ni, “ tih pahin pindan chhungah Gambler chu a nawr lut ta a.
Office a an lo kal khawn vek hnuin,pawhdawh atang chuan Dusty-a chuan, Deputy Badge chu a la chhuak a, a hote hnena sem pahin thutiamte chu a sawitir pah a. Chhia an chham zawh hnuin Dusty-a chuan, “ Rusty, nang leh Doc Leroy-a te hi chuan hetiang hna hi in la thawk kherin ka ring lo. Thil tlemte, hmanhmawh taka inhriat tur a awm. Kar hkat chhung chu , Mark-a emaw keiin emaw kan hruai zel dawn che u a.
“ Heng thilte hi hre reng rawh u :- Puakru phawi tur leh kap nghal mai thei tura in inrin hma chuan,tumah man suh u. Mi tupawh in man chuan bang lam hawiin din tir ula, kut khinghniha bang chu bengin, awn deuhvin din tir ang che u.Amah chuan indap laia beih che u a tum phawt chuan,a ke ah in thai thlu mai dawn nia. Mi inman reng rengin,amah chu ngun taka in dap hma chuan ram dang hawisan loh tur. Nelawm takin lang mahse,amah chu ngun taka en tlat tur. Mei zuk emaw, thil dang eng pawh lak a duh vangin a kut chu inhmuh theih loh torah a dah inremti tur a ni lo “.
“ Tawlailir chuanglai man intum dawn chuan,hnunglam atangin pan hnai ang che u. Tichuan, a tawlailirin a chil thei lovang che u. Ka hnuaia inthawh chhung chuan,lungin tang in nghaisa tur a ni lo, that akin in enkawl tur a ni ang. Thubuai sawina ah thu hretu ang a in kal chuan, in thil hriat chian chauh sawi rawh u, mi inhuat vangin emaw, chhanchhuah induh vangin emaw, dawt inphuahchawp tur a ni lo. Roreltuin in thil hriat loh a zawh che u chuan,thudik tak insawi mai tur a ni. Loh theih loh vanga tu emaw inkap a nih chuan kap zui zel rawh u-a thihna ngei tur, a sahuat laiah. Tin, in va kaha chuan puakruk a ken chhung chu inkap zui zel tur a ni, puakruk a la ken phawt chuan hlauhawm a la tling a, chuvangin kap zui zel tawh u, “ tiin a chah ta a.
Doc Leroy-a leh Rusty-a chu an in en ringawt a. An hmuh tirh lai kha chuan Dusty-a chu cowboy naran ve mai ni khan an hria a,tunah erawh chuan danglam an ti ta hle mai. Phawi rang leh kap thiam tawk tak chu an ni ve ve ngei a, mahse chu ngawt chu a tawk lo tih an hre chiang ve hle a ni.
Dusty-a bawk chuan, " Mark, Rusty-a leh Doc-a te nen inchhunga silai hi tifai vek ang che u. Tin, Lon, nang hi Jailer I ni rih a, Gambler khan Jail chhung kha a tifai tawk emaw lo enpui ang che, " a han ti leh a.
Mark-a chuan," Engnge i man chhan deuh ber ? " tiin a han zawt chhin a.
Dusty-a chuan, " Buaina a siam vang a ni mai ang chu, Log Book-ah ka'n chhinchhiah nghal ang e. Doc, Rusty, Jail chhunga mi,eng pawh in va pek dawnin emaw in hruai chhuah dawnin emaw, in pahnih zelin kal ula, Jail chhunga va lut zawk chuan, puakruk chu pawna lo nghaktu hnenah a hnutchhiah zel tur a ni ang. Jail chhung inluh dawn chuan, a chhunga tang chu kil lehlamah inhnawt kiang ziah bawk tur a ni," a han ti leh a.
Chutihlai chuan pindan lehlam atangin Glamber chuan Jail kawngkhar chu a rawn sawi ri chiam a.Ysabel Kida'n kawngkhar a va hawng a,Glamber hnenah chuan, " Lo bengchheng teh suh, lehkha kan deng a, engmah min ti ngaihtuah thei lo, " a va ti a.
Glamber chuan, " Min chhuah thuai rawh u,heti ngawt chuan min khung thei loving, " ring zet hian a rawn ti thung a.
Ysabel Kid-a chuan, " I hre sual a nih chu, kan khung zo der tawh che alawm, " tih pahin kawngkhar chu a va hawnsak a, Gambler chu Office-ah chuan a lo lut phei ve ta a.
Mark-a chuan, a kutzungpuiin dawhkan leh hmunphiah awmna Gambler chu a lo kawh hmuh a, "Thuai " a han ti zui a, Glamber chuan hnial a han rilruk zet a, mahse,hnial chi ni dawna a hriat loh avangin hmun chu a pphiat leh ta a. A phiah zawh chuan,a tukzingah Court-ah an hruai dawn tih an hrilh zet a, Jail-ah chuan an kalh hnan leh ta mai a.
Chutia an buai vellai chuan mi pakhat hi kawngkhar ah chuan a lo lut a,Dusty-a hnenah chuan, " Marshall, Bearcat Annie Saloon-ah buaina a awm e, kan thirdeng Bollingera'n a zia a chhuah mek a ni," a rawn ti ta a.
Dusty-a chuan, dawhkana a lukhum chu lak pahin, "Doc, Mark, min zui rawh u, " ati a, pawnah chuan an inzui chhuak ta thuai a. Thu rawn sawi tupa pawh chuan a zui chhuak ve nghal a.
Saloon lam pana an kal lain, thu rawn thlentupa chuan, " Bollinger-a zawng,a huatthu a chhe em a ni. A luhlul nasa mai si a, chuvangin va fimkhur hle ang che, Marshall, " tiin a han chah zui a.
Dusty-a te hovin Saloon bul an va thlen chuan, mipui an lo pungkhawm tam hle tawh a. An thil va tihtur huphurh awmdan tur chu, Dusty-a chuan a hrethiam hle mai bawk a. Tuna buaina hi tha taka a va thelh theih phawt chuan, Quiet Town mipuite chuan amah chu an pawisa zui hle ang tih a hria a, a va hlawlhchham thung erawh chuan a thu engmah an pawisa tawh dawn lo tih pawh a hmu tlang nghal a ni.
Dusty-a chuan Saloon kawngkhar chu a han hawng a,a chhungah chuan a lut ta nghal a, a hnungah Mark-a leh Doc Leroy-a te chuan an rawn zuilut ve nghal a. Saloon chhung chu a pawnlam landan aimahin a lo ropui zawk a. Bar hnunglam almairah-ah hian saidawium tam fe hi a inhung tlar dul mai a,chumi chung lawkah chuan darthlalang lian fe hi a inkhai bawk a.
Bang lehlam ah chuan kailawn a indawh chho va, inchhawng luhna turah chuan bathlar hi a lo awm leh baqk a. Kil leh lamah chuan Music tumtute thutna an rem bawk a. Pindan lai takah chuan pa lian deuh mai, meng sen rum leh hlauhawm hmel zet mai hian , pa lian fe mai hi a lu chungah a lo chawi mek a. A ke bulah chuan mi pahnih an lo thal der tawh bawk a, an biang leh hmui vel a Cy Bollinger-a hnekna hnute chu a lo vung bur tawh a.
Dusty-a te lo lut chu an hmuhin pa pakhat chuan, " Marshal, va thelh thuai teh khai,! " a lo ti chul a. Bollinger-a chuan puakruk pawh a pai ve lo nghe nghe a, mahse a han tan zawnga a ban phiar sek dan atang chuan, a chak dan tur chu a lang sa reng mai si a. Dusty-a chuan,engtin tak va thelh ang maw ? ti rilru reng chungin, Doc Leroy-a chuan a lo thlir a. Will Bill Hickoka Marshal a atan lai zawng ni se, Cy Bollingera a va kaphlum nghal mai tur ! Dusty-a chuan engtintak va thelh ang maw ?
“ Bollinger, thlah thuai rawh ! “ Dusty-a chuan ring zet mai hian a han ti a.
A lu chunga pakhat a chawilai pawh chu la thlah chuang lovin, Bollinger-a chu a lo hawi phei a, Dusty-a chu a rawn hmuh chuan a hmel awmdan chu maktak maiin a inthlak ta thuai a. Mihring a chawikan lai pawh chu hre chang tawh lovin, chhuat laiah chuan a thlauh hnawk a, Dusty-a chu, sipai chibai inbuk dan angin khawng zet chuan chibai a han buk a.
“ Captain Fog, I dam em ? “a ti chhuak nghal a.
Dusty-a chuan Bollinger-a biakna chu chhan pawh tum lovin amah chu a va pan hnai a, sipai officer-in an hote an hrawk ang a vin hian, Bollinger, Jail awmna lam chu I hria, pan nghal rawh, “ a han ti leh a.
Dusty-a te lo thlirtu, mipui ho chu a rualin an thaw huai a. A thinur loh lai chuan Bollinger-a chu pa tha elkhen a ni tih an hria a,mahse a thinur hlauhawm zia erawh chu hai tumah an awm lo, tu thu mah a zawm duh ngailo tih pawh an hria a ni. Mahse, an rin lo hang takin thil a lo thleng ta .
Bollinger-a chuan, “ Aw le, ka pu, “ tih pahin a bula lo tlu tawhte chu a kan phei a,pawnah a chhuak ta nghal a.
Inchhawng bathlar atangin nula pakhat hi a lo chhuk thla ve ta bawk a. Chu nula chu nalh ang reng tak, mahse mipa ang mai a chak hmel leh pian thiam zet mai hi a ni a. Satin kawr hring a ha a, a sam chu a lu chhipah a tawn khawm a, lunghlu bengbeh a beh bawk a. A kawrfual hring chu a mal thlengin a kak chho va,a han pen zawng chuan a malpui chu hmuh peiringawt a. Dusty-a te bulah chuan a lo ding a,anni pathum chu muangchangin a han en rih te te a.
“ Naupang hle ni awmin an sawi che a,ka rin aiin I lo la naupang zawk, “ Dustya hnenah chuan a han ti a.
Dusty-a chuan, “ Ka pian tirh a ta tawh tun thlengin chu chu ka la buaipui ber a ni. Engtikah emaw chuan ka la thansan ve mai ang, “a lo ti a.
“ Cy Bollinger-a i tih dank ha , tha ka tih le mai, “a han ti leh a.
Dusty-a chuan engdang vaka chhang lovin, “ Buaina hi tu chawhchhuah nge ? “ tiin a han zawt a.
Chu velleh mipakhat chuan,a bula Gambler ding chu kawkin, “ A bul tantu chu heap hi a ni, Bollinger-a a tih thinur deuh hnu in, ‘ Texas Light Calvary ‘ ho chu lak tlak pakhatmah an awm lo ‘ te a tih khum a nih kha, “ a lo ti a.
Dusty-a chuan, “ Chutiang chuan a lo ngai a ni maw ? “ tih pah chuan a lehhawi thut a, Gambler chu a khabe-ah na zet mai hian, chho zawngin a hnek ta chawrh mai a. Gambler chu a dak awrh a, tluk pahin a hnulama dawhkan lo awm chu a bawh thlu tel a. Bearcat-i hote zinga an pa chak chuan tawlawl chuan, Dusty-a chu beih tumin a rawn zuan phei ta nghal a.
Dusty-a chuan,amah rawn pantu ban chu a lo vuan chawt a,na deuh maiin a phih tat hut mai a, a kut chu hnunglamah a kawih sak vak a,a han nam leh chiam a,a nam pahin, “ Mark “ a han ti a. Chupa chu a pai phei uan uan a, chuti lai tak chu Mark-a chuan a khabe ah chho zawng bawkin na tawk tak mai hian a lo hnek sak leh ta bur mai a.Chupa chu a eu ual ual a, a tlu ta a.
Mark-a chuan a thiltih chu nuam a ti tih hriat fahran hian a kut a lo nuai a, a kut chang te chu a han elh ri tuarh a,kut khawng tihrehna tur ti ni awm tak hian a han thawk khum vel a.
Pindan sir lehlam a Bearcat-i hote zinga pakhat chuan puakruk phawi mai a han tum a,mahse, Doc Leroy-a chuan hmuh harsa khawp a rangin puakruk a phawi a, chupa chu a tin ta a. Ani thung chuan,’ engtingne ni dawn ? ‘tia rawn ni awm takin an hotunu lam chu a va en a. Bearcat-i chuan a lu a lo thin khum a, chu veleh ani chu a din pangngaiin engmah ti lo chuan a ding leh ta thuai a. Bearcat-i khan bei zui zel turin rawn ti mah se, Doc Leroy-a silai phawi ran zia a hmuh hnu kha chuan, eng han ti leh ngam tur pawh a ni tawh chuang lo.
Dusty-a chuan, “ Ka pi, Cy Bollinger-a chu indo lai khan Texas Light Calvary ah a tel ve a,chuvangin an pawl hming sawi chhiat chu a ngaithei lova ni. Kei pawh an zingah chuan ka tel ve, “ a han ti a.
Bearcat-i chuan, “Bannock-a hi zawng,a kamtam lutuk thin a ni. Bollinger-a tih thinur hlauhawm zia te chu hr eve tawh awm tak zawbg a ni a sin maw le. Amaherawh chu, Bollinger-a, Texas Light Calvary-a a tel ve thu chu a lo hre kher lo pawh a ni mai thei, “a lo ti ve a.
Dusty-a chu a nui sak a. Bollinger-a chuan a thil chapo pui ber pakhat chu Texas Light Calvary-a thawk a nih ve chu a ni , chuvangin a kalna apiangah a uanpui zel thin tih te pawh Dusty-a chuan a hre chiang em em a.Mahse, Bearcat-i hnenah chuan, “ I tidik mai thei, thubuai a lak i tum angem ? “ a han ti a.
Bearcat-i pawh chuan, “ Tul i tih loh chuan engmah sawi buai ka tum bik love, kan khaw hotute ( Town Council ) khan an ruai rang deuh em mai che a, rem ka tih leh tih loh thu pawh sawina hun min pe ve lova, “ a han ti leh a.
Dusty-a chuan, “ I hnuaia thawk,mi pakhat chu a lo kal ve kha, mahse vote angah tawk ta lo a ni, “ a tihsan mai a.
Bearcat-i chuan, “ A nih tak kha mawle, midang ka rawn tir leh a,nangmah rawn ko tur che in, mahse, tun thlengin a lo la kir leh ta lova, “a han ti leh a.
Dusty-a chuan, “ A lo kir lawk lovang, Jail-ah a awm rih,”a lo ti leh mai a.
Bearcat-i chu a lungawi tawh lo hle a, meng nur deuh fe chungin, “ Engnge tihsual a neih ? “ tiin a han zawty a.
‘Nung-dama a la awm kha a vannei zawk hle a ni. Law-man pawh tibuai ngam chuan engkim tawh an huam tur a ni,”
Inchhunga awm vete chuan thil awmdan chu ngun takin an thlir a. Chumi khuaah chuan, Bearcat-I Saloon chu a lian ber pawh ni mai lovin,a rura ber a ni bawk a. A neitunu pawh khawchhunga thil ti thei ber pawh a an lo ngaih thin a ni. Tunhma reng rengin,a huatthu sawi ngam pawh an la awm ngai meuh lo. An lo awm palh hlauh pawhin,rei an daih ngailo tih an hre chiang theuh bawk a. Chuvangin, Dusty-a te ho chu engtin tak ti ang maw- tiin an nghak thap hlawm a.
Bearcat-i chuan, “ Intur in duh em ? “ a han ti leh rih a.
“ Kan duty lai chuan kan in ngailo, “ Dusty-a chuan a lo ti leh zel si a.
“ Tichuan, Quiet Town ah hian Law-man tan chuan pawisa siam a awlsam hle tih ka hria,zawn dan thiam phawt chuan, Engzatnge i hlawh dawn ? tiin Dusty-a chu a han zawt a.
Dusty-a chuan, “ Ka duh tawk, bawhchhiat ngai loh Dan pakhat ka nei, Lal pahnih rawng ka bawl ngai lo,hmun hnih atangin hlawh pawh ka la ngai bawk hek lo. Chu dan chu damreina a ni tih pawh ka hria,” a lo ti a.
Mark-a pek chuan, “ Ka pi, Dusty-a hi zawng, a nu leh a pa ten an zir em a, hawih a hawm riau a nia. Chuvangin a thusawi tam tak chu ka han hrilh mai ang che. Thamna a la ngai lo, “ a lo tit a khawl mai a.
Bearcat-i chu thinrim tak takin a thinrim tawh a,mahse a la insum hram hram a. Dusty-a hnenah chuan, “ A lo ni maw ? Ka hriat vawikhatna a la nih chu ! Ka hote thilk tih sual man chu ka chawi ang. Tun chinah, ka hote zing a mi tumah lungin ah khung tawh suh u, ka rem ti lo ! “ a ti ta deuh hmak a.
Dusty-a erawh chuan, “ Ka pi, ka duh a piang ka tan tir zel ang. I hote, tupawhin min tih buai leh vaih zawngin an inchhir hle taw hang, “ a ti ve ta a.
Dusty-a te ho pawna an chhuah hnu reilo teah Jain in chu an thleng dawn ta a, chutihlai chuan, Jail chhung atang chuan hmeichhe aw hian, “ Ngaihtuah ngun hle rawh, Cy Bollinger, ka tuar peihlo tep tawh a ni. Kan misualnu inah I va kal a,mite i lo va tibuai leh nghal a, “ tia ang ri an hr e ta a.
Inchhungah chuan an va luta, Bollinger-a chu a nupui chuan a lo dinchilh a,a lo hau mawlh mawlh chu niin, ani pawh chuan a thian ang tawkin a lo pha ve mek bawk a.
Bollinger-a nupui chuan, Dusty-a te a lo hmuh veleh, aw nem deuh tak zawkin, “ Chibai, Captain Fog, Cy hian i huatthu a sawi loh ka beisei. A va lenna misual ho sawn an lo hruai sual ve thin a ni,” a lo ti hlut a.
Chibai te an han inbuk a, Dusty-a chuan, ‘’ Tihsual engmah a nei love,mahse, Cy…” a han ti a. Bollinger-a chuan rang zetin, “ Engngeni ka pu ? “ a rawn ti a,khawng zet hian a han ding a.
Dusty-a chuan, “ Buaina I siam leh vat chuan, beng pawtin ka suk tir tawh ngei ang che, i hria em ? “a han ti a.
“ Hria e, ka pu “ a lo ti thuai a.
Dusty-a chuan thil mak tak, ‘ Karate an tih leh Ju-Jutsu ‘ an tih chu a thian tih Bollinger-a chuan a hria a, chuvangin inhel nuai ral ah pawh a hneh dawn hauh lo tih pawh a hre bawk a ni.
“ Tumah ka tibuai tawh lovang, “ a ti leh thuai a.
A nupui pawh chuan, “ Tibuai thei lo turin ka veng tlat tawh ang, “a lo ti ve thuai a.a pasal hnenah thung chuan, vin zet maiin, “ Lo kal thuai rawh, nangpa kha ! “ a han ti hlak a. Bollinger-a chuan thiamthu sawi mual mual chungin a nupui chu a zui chhuak ta tuang tuang a.
‘’ Nupui nei tawhte khawsak dan chu ,khatianng kha a ni, “ An chhuah fel hnuin, Dusty-a chuan a han ti zui a.
Rusty-a pawh chuan, “ Ni chiah e, chuvang chuan alawm tun thlenga tlangval ka la nih ! “ a lo ti thuai a.
Mark-a chuan, “ Kan tang chu engnge a an zel ? “ tiin Ysabel Kid-a chu a han zawt chin a.
“ Thlamuang takin a mu rih a nih kha, hmunphianna na na na chu a tawk ‘ Rethei ‘ hle a ni, “ Ysabel kid-a chuan a lo ti a.


Show post links
Top
Jakob l hd
Posts: 39
Joined: May 30th, 2018, 10:33 pm
Contact: Contact Jakob l hd
Post by Jakob l hd » November 14th, 2018, 9:34 pm

QUIET TOWN : Dusty Fog. Bung – 4
By : J.T. Edson
Buatsaihtu : Lalsangliana.
Chhuahtu : Tv. Lalthianghlima
(Jakob L.HD)
Bung – 4

Quiet Town ah chuan Dusty-a chu, ni hnih lai Marshal a ni tawh a. Tuk khat chu, Mark-a te pali chuan Marshal Office ah chuan lehkha an deng a, an kiangah Dusty-a chuan ding chungin an lehkhadeng lai chu a lo thlir a. Chutihlai chuan nula pakhat hmeltha zet mai hi a lo kal a,an lehkhadeng lai chu a rawn hmuh chuan, " Hetiang ti ringawt hian a ni maw hlawh in lo lak thin ? " a rawn ti ta a.
" Ni lo ve, ka pi, mutthilh loh lai chauhvin a ni lekha kan den, kan deng khat khawp a sin, " Ysabel Kid-a chuan a lo ti a.
Nula chuan, " Engmah ngaihtuah lova hetia lehkha in den mai mai lai hian, tanpui ngai tam tak an awm tih inhre lovem ni ? In kaphlum te pawh an awm mai thei a sin, " a han ti leh a.
Chuveleh Dusty-a chuan, " Tu maw ? Eng hunah nge ? Khawilaiah nge ? Engtinnge ? " rang deuh mai chuan a rawn ti ta a.
A thiante hnenah pawh chuan, " Mark, inpeih rawh u, tun atanga minit nga ah kan chhuak tur a ni. Ka pi, khawngaih takin thil awmdan chiang deuh zawkin min han hrilh teh, " a han ti leh a.
Nula chu lungchhe hle mahse a insum hram hram a, " Dutchy-a te ramah ka pa an kap hlum...a hmun chu ka kawhhmuh ang che u. Webber-a hi khawnge a awm ? " a lo ti leh a.
Dusty-a chuan, " A chawl ta rih, a aiah kei hi Marshal thar chu ka ni. Kan kal pahin chanchin chiang takin min hrilh dawn a nia, " a han ti a.
Nula chuan, Dusty-a chu chik fe hian a han en leh rih a,rin ngam tur nia a hriat tak avangin a hnenah chuan, “ Ka hming chu Roxie Delue a ni. Saw ti lai deuhvah sawn ka sakawr ka thlung a, kawtlai ah sawn ka lo nghak ang che u, “ tih pahin pawnah a chhuak ta a. Dusty-a te pawh chuan an zui chhuak ve ta hlawm a.
Khua atanga thui fe an kal hnuin Roxie chuan, “ I hming pawh ka la hre ve lova ? “ a han ti a.Dusty-an a hming a hrilh hnuin, Roxie bawk chuan, “ Ka sawi taw hang khan,ka hming chu Roxie Delue a ni a,ka pa hian Freight Haulagr Company a enkawl a. Tukin khan ka pa nen Dutchya te inah va kal kan tum a,an in kan va thlen dawn tepin silai a ri a, ka pa chu sakawr atangin a tla ta mai a, amah rawn kaptu pawh ka hmu hman lo, “ a han ti a.
Dusty-a chuan, “ I pa chuan hmelma a nei em ? “ tiin a zawt a. Roxie chuan, “ Tlem chu nei e, mahse upa tak tak ahlir an ni tawh. Henglai ah hian rei pawh kan la awm ve hman lova, amah thah duhna nei khawp hmelma lian a neih ka hre lo, “ a han ti leh a.
Chutihlai chuan tlang ram an lo thleng tep tawh a, Dusty-a chuan, “ Company dang lo suamtute kha an ni thei ang em ? “ tiin a han zawt leh a.
Roxie chuan, “ Theih chu thei e,mahse, enge vanga ka pa thah duh nge an nihna tur chhan ka hre lo a ni,” a ti ve mai a.
Doc Leroy-a pawh chuan, “ Chhan dang awm silo, hlawkna tur pawh awm miah si lova,mi nunna laksak ngawt chuan awmzia a nei lo hle a ni, “ a lo ti va e.
Dusty-a chuan, “ Kawng dangin lo ngaihtuah tai la, nangni hi company awm chhun chu inni tawh awm a. In company hotu ber chu a lo boral si chuan, in company pawh chu a tawp ve mai dawn a. Chuti a nih si chuan Miners ho chuan an thawmhnaw phurtu tur an nei tawh dawn lo tihna a ni ang a. Company thar din tum mekte lo awm ta ang se la ? Chuti a nih chuan henglai a company in suam an tawk ta te leh I pa an lo kap ta te pawh chuan chhan tha tak a nei tihna a ni dawn lawm ni ? “ a han ti a.
Roxie chuan, “ A ni viau mai, kan tawlailir company awm lo chuan Miners ho chu an buai hle ang. Mahse ka la chhunzawm zel tho dawn. Tak a; heta ka lo thlen hnu lawkin mi pakhat a lo kal a,kan company chu lei ah min rawn dil a, mahse, ka pa chuan a lo hnawt chhuak a,ani chu a thinur ta deuh va,ka pa chuan puakrukin a tin a,chuvangin a tlan chhuak ta thuai a, “ a han ti leh a.
Chutia an kal lai chuan,an kalna mual chu an lo kal liam ta ta a. An thlang hla fe ah chuan in pakhat hi an zuk hmu thei a. In bul lawkah chuan rangkachak laichhuahna khur hi a awm bawk a. In hnunglamah chuan huangah sakawr tlem a lo inthlung bawk a, tuallai ah chuan mihring ni awm tak, kawmawla inkhuh hi an zuk hmu thei bawk a. Roxie chuan a sakawr chu in lam panin chak takin a tlan chhuk tir ta chiam a, midangte pawh chuan an zui thla ve a.
An tlan pahin Dusty-a leh Ysabel Kid-a te chuan in leh a chhehvel ram chu ngun fe hian an en thla zel a. In an zuk thlen dawn tep chuan mi pathum,pawnah an lo chhuak a. A lo chhuak hmasa ber chu, sang tak, sam var mai, hmel tha zet hi a ni a.A biangah ser a tam hle bawk a. A hnungah hian Mexican pakhat hian a rawn zui chhuak a, chupa biang pawh chu a ser nasa ve hle a. A puakruk leh chemte bawm te chu a ruak vek hian a pai a. A hmui sirte chu a la thi deuh nuan bawk a. Mexican chu midang pakhat hian a hnungah a rawn chhawm chhuak a. Chupa chuan chemte leh puakruk pakhat ve ve hi a pai a, Roxie chu a hmuh veleh a lukhum a phawk a, “ Miss Delue, hei hi tunge ni ? “tiin Dusty—a chu a han en a.
Roxie chuan, “ Dutchy, hei hi kan Town Marshal thar chu a nih hi,” a han ti a,tuallaia kawmawla thil inkhuh chu a hawisan hram hram a.Dutchy-a chuan, “ Town Marshal maw ? Chuti chu hepa hi duhna I nei ang, “ Dusty-a hnena han tih pahin, Mexican pa chu a han kawh hmuh a. A bula lo ding ve pawh chuan, “ Sawti lai tlang bula ka kal lai sawn; he pa, Mexican pa hian Dutchy-a hi lo kah tumin a silaiin a lo tin mek a, ka man hman hlauh va ni,” a lo ti a.
Dusty-a chuan, “ A pem nasat danah,kham a lum hrep a an viau hi mawle. Doc, Ka thil duh i hria em ? “ a han ti a.
Doc Leroy-a chuan, chhan pawh chhang harsa duh lovin,a sakawr zin sira a ip khai chu a va la a, tuallai kawmawla an thil khuh chu a va pan a, kawmawl chu a va phih hawng a,a tihtur chu muangchangin a tit a a.
Dusty-a chuan Mexican ding ngawi reng chu a han pan hnai a,amah mantu hnenah chuan, “ Thil awmdan chu chiang zawkin min han hrilh ve teh,” a tit a a.
Ani chuan, “Ka hming chu Happy Day-a ani a, heta ka lo hma HI CHUAN Army Scout ka ni thin a. Mexican pa hian, Sharp Rifle a Dutchy a tin lai hi ka rawn nang ching a,ka man ta nghal a.Mexican pa hi thil zawh chian tumin Dutchy-a nen kan bei chiam a,mahse engmah a sawi duh lo, “ a han ti a.
Dusty-a chuan, “ Sharp rifle maw a hman ? “ tih pahin kawngkhar bula sakawr zin leh rifle bawmte chu a han melh a, Dusty-an a hnenah chuan, “ Hengte hi i ta em ni ? “tiin a han zawt leh rih a. Ani chuan a lu a lo bu nghut a. Chutah, Dusty-a chuan, “ Lon, silai kha han endik teh , “ a tit a a.
Ysabel Kid-a chuan sakawr zin sira rifle bawmte chu ngun fe hian a va en a, Dusty-a hnenah chuan, “ Sharp Rifle bawm ni tur chuan a tawi lutuk ang, “ a han ti a. Chutih lai chuan a bulah, Doc Leroy-a chu a lo kal ve a, silaimu lekchhuak chungin, “ Sharp emaw Spencer rifle mu emaw a ni thei ang, “ a rawn ti a.
Roxie chuan a ip khai atangin puakruk a la chhuak a,mexicanpa chu a va pan hnai a, “ Ka pa hi i thah ngei a ni, tu’n nge tir che ? “ thinrim deuh mai hian a va ti a.
Mexican-pa chuan Roxie chu che lo chang lovin a lo en reng a,a zawhna pawh chu chhan tumin a lang bawk hek lo. Roxie thinrim lutuk chuan a puakruk chu a kau va, mexicanpa chu a tin ta siah mai a. mahse, a hmeh per hmain Dusty-a’n a banah a va bawn beh sak a, “ Khati kha chuan engmah kan hriat phah chuang lovang, “ a va ti a.
Roxie chu a thinur vangin a hmui te pawh chu a khur hlawk hlawk tawh mai a,Mexican pa chu hank ah thuai mai hi a chak ber a.
Ysabel Kid-a chuan tawlailir lam chu hawi pahin, “ Tah sawn phuar bet rawh u. Tichuan, thu tlem a sawi ngei ang, “ a rawn ti ve ta a.
Dutchy-a chuan, dim lo zet hian Mexican pa chu a nawr pheia, tawlailit ke ah chuan a van nam bet a. Day-a pawh chuan hruizen chu a rawn la a,Mexican pa chu a phuar bet ta a.
Day-a chuan, “ Ka pi, hruihrual kha han la teh “ a ti a, Roxie chuan hruihrual chu a la a, a han lek vel chin vat vat a. Tawlailira apa ruang,kawmawla an khuh chu a va en leh rih a, tah chuan, “ Keiman ka vua ang, “ a tita a.
Day—a chuan, “ Hmeichhe han tih chi a ni love,” tiin Roxie chu a lo hnial a. Roxie chu reilo te a han inngaihtuah a, engmah dang pawh sawi lovin inchhungah a lut ta a.Day—a chuan Roxie hruihrual thluah chu a va la a,Mexican pa chu a va pan hnai a, mahse, ani chuan hlau awm pawh in a lo lang duh ta chuang lova. Mingo ho chuan an that duh dawn lo tih a hre chiang a, engmah sawi lova a ngawih tlat chuan, a hlawh tam dawn hle tih pawh a hre bawk si a, chuvangin, nuihzat awm tak maiin Day-a chu a han en a, a awm pangngai bawk in a awm san leh ta mai a.
Ysabel Kid-a chua Mexican pa bulah chuan a lo ding a. Day—a hnenah chuan, “ Vuak a sawt lovang, “ a rawn ti a.
Dutchy-a chuan, “ A nih a hnu,chhuah ula, ka han pawtsawm vek anga a ni mai a lawm,” thinrim deuh mai hian a han ti a. Mahse Ysabel –Kida bawk chuan, “ Chu pawh a sawt chuang lovang, “ a han ti phawt a.
Mexican pa lam chu a hawi a,a hnenah chuan, “ Huaisen tak a ni ngei ang. Sonora atanga lo kal a nih ka ring. I ni ti raw ? “ a han ti a.
Mexican-pa chuan, “ Ni e, Senor, “ a tit a a.Ysabel Kid—a a hmuh tirh atang khan,tunhma lam tihl a hriatte a hre chhuak thar leh a, chuvangin, vuak ringawt ai pawhin Ysabel Kid-a hmel ringawt pawh chuan a ti hlau zawk a ni.
Ysabel Kid-a bawk chua, “ Sonora atanga lo kalte chu huaisen tak anni hlawm a sin . Engtingne an koh che ? “ a han ti leh a.
“ Juan Sebastian “ a lo ti a.
Ysabel Kid-a chuan,aw nem zet hian, “ Kei pawh, El Cabrito- tiin min ko thin. Hepa hi i kahhlum em ni ? “ tiin kawmawla ruang khuh lam chu a han en a.
Mexican -pa chet dan leh awmdan danglam tak zia chu mak tak a ni. A zam tawh hle tih pawh a hmel ah chuan a lo lang chhuak a.Mexican ram velah chuan, ‘ El Cabrito ‘ chu hming hlauhawm a an neih a ni thin reng a. Chuvangin, Mexican pa lo zam ta pawh chu a mak the chiam lo ve.
Ysabel Kid-a chu en reng chungin, “ I thusawi chu a awmzia ka hrethiam hauh lo……. “ a han tih man chauh va, Ysabel Kid-a ban dinglam chu a che zauh va, a chemte a phawi chhuak ta mai a.
Ysabel Kid-a bawk chuan,a ma ai a vin zawk hian, “ Ka hriat duh chu min hrilh thuai rawh, “ a han ti a.
“ Bronco Calhoun-a a ni, “ mexica-pa chuan a ti chhuak ta a.
Chuveleh,Day-a chuan a va pan hnai a, a hnenah, “ I daw a ni, “ a va ti a, a thinrim em avangin a hmelte pawh a dur vek tawh a.
Mexican-pa chuan, " Ka daw lo, Senor. Bronco chuan tawlailir neitu, putar hi kaphlum turin min tir a. Miner pa pawh kha kahhlum nghal ka tum a ni, " tiin a tang tlat a.
" Tunah hian Bronco Calhoun-a chu khawiah nge a awm ? " tiin Dusty-a chuan a lo zawt a.
Mexican-pa chuan, " Saw…………. " a ti hman chauh va, a kawr-awma silaimu lo luhna kua chu an hmu ta nghal a.Silaimu lo kal ri pawh an hre ta bawk a.
Tawlailir sira dingte chu rang takin an insaseng nghal thuai a,a then chu tawlailir hnuaiah chuan an lut nghal a, a then chu an awmna bulah an bawk nghal thlawp bawk a.
Doc Leroy-a bulah Ysabel Kid-a chu a va bawk a, an chhaklam a tlang chu an han thlir chho va,ralkhata silai khu ni awm tak lo zam chiai chiai chu an hmu ta nghal bawk a. Mexican-pa rawn kaput ni awm tak pawh chu chianglo zet hian, tlang karah chuan an han hmu bawk a. mahse, puakruk a hank ah phak a nih loh avang chuan a thinur chu a han inhrosa leh ngawt thin a. A rifle lah chu a sakawrah a dah daih bawk si.
Ysabel Kid-a chuan,chang a han tum raih a,a sakawr var chu a han ko va. Chutihlai chuan, inchhung atangin rifle hi a lo puak ri a,an chhak tlang kara mihring pawh chu a lo pil bo ta hman a.
Ysabel Kid-a chuan, " Ka han um zui duh an gem ? " tiin Dusty-a hnenah chuan a han zawt a.
Dusty-a chuan, " A sawt loving, a awmna hmun khi I han thlen meuh chuan, hmuh phak a ni tawh chuangin ka ring lo. A awmna lai khi a lung hmun bawk a, a hnu engmah a chhui theih awm bawk si loh. Tunge han kaptu kha ? " a han ti a.
Cutihlai chuan,inchhung atangin Roxie chu koki vuanin a rawn chhuak a, a kut leh lamin Dutchy-a rifle chu a rawn keng chhuak nghal a. Midangte pawh chu an bihrukna hmun theuh atang chuan an lo ding chhuak a. Mexican-pa erawh chu an phuarna hrui khan a la chelh avangin, tawlailir ke ah chuan a lo ding zawi reng tawh a.
Dusty-a chuan va enchain pahin, " A rawn kaptu hi silai kah thiam tak a nih hi, " a han ti a. Thil rim engemaw tak Dusty-a chuan a hre ta a, Mexican-pa chu a va hnaih zual sauh va, chutihlai tak chuan Day-a'n, " Mexican-pa kha a daw a nih i ring em ? " tiin Dusty-a chu a rawn zawt a.
Dusty-a chuan, " Eng thu ah maw ? " tiin a lo zawt let thuai a.Day-a chuan, " Bronco Calhoun-a tirh ni ang a a insawi kha maw le, " a lo ti a. Dusty-a chuan, Bronco Calhoun-a chanchin chu tunhma pawhin a lo hre fo tawh thin a, Bronco-a chu Outlaw a ni nghe nghe a, a fapa te paruh chu a ho va, chu bak tumah dang pawh a ho ngailo tih a hre bawk a. Mahse,Mexican-pa khan, Bronco-a tirh ni khan a in sawi miau si .
Dusty-a chuan, " Ka hre bik lo. Lon, nang engnge i ngaihdan ? " tiin Ysabel Kid-a chu a han rawn ta zawk a.
" Mexican ho reng reng chuan, ' Thawhtanni tuk hi Thawhlehniin a zui ziah ' tih pawh sawi mahse,ka awih sak duh kher loving. Mahse, hepa kher hi chu a zam em a, dawt a sawi ngam ka ring lo. Thudik a sawi niin ka ring, " a lo ti a.
Roxie chu a lo kal hnai a,an chhak tlanglam chu en chho reng chungin, " Kha tiang khawpa themtlaw kha ka niin ka lo inhre ngai bik lova sin mawle, " a rawn ti a. Dutchy-a chuan, " Ka silai kha I lo hmang a ni maw ? "tiin a lo zawt ve thung a. Ani chuan, " Ka lo hmang mai a ni, tawlailir chhungah ka rifle dah vang chauh va ni, I silai hian a kap sang deuh va nih hi, " a lo ti a.
" Mexican-pa khan, thu engnge a hrilh che u ? " Dusty-a hnehah chuan a han ti leh a.
"Bronco Calhoun-a tirh niin a insawi anih kha, "
Roxie chu a inhum ruh a,thinrim vanga aw khur deuh dat dat chungin, " Calhouns-ho hnathawh a ni maw ? Mexican-pa kha chu an tirhchhiah mai mai a ni. Calhoun mihring ka hmuh apiang chu ka that zel ang. Kat hah dan tur kawng pawh ka hre lo, mahse, ka that zel tho tho, "a han ti tan tan a.
Chutihlai chuan,sawi tum nei ni awm tak leh nuam lo tihna nei ni awm tak hian Day-a chu a lang a. Mahse engmah sawi lo vin a ngawi hlen ta mai a.
Dusty-a zawk chuan, " Miss Delue, tihtur tul hi i ti hmasa phawt ang u. Tawlailir hi kan han puahchah ang e, " a lo ti ta thuai a.
Quiet Town lam pana anchhuak ta chu, tumah tawng duh pawh an awm lova, tawlailir chu Dy-a chuan a khalh a,a sirah Roxie chu ngawi rengin a thu a, a khat tawkin tawlailir hnunglama a pa ruang an phurh chu a thlir leh ringawt thin a. Inngaihtuah fimna hun a nei ta bawk a, a hmabak ko zia te pawh chu a hre chiang tawh hle a ni. An Company chu tih nun zel pawh duh mahse, mahni, hmeichhia leh nghalin han enkawl chi chu ni dawnin a hre lova, Day-a chuan la pui zel duh se zawng engpawh a ni tur.
Khawthim hnuin Quiet Town chu an va thleng a, kawtthler velah te chuan mi an lo tam tan hle tawh a. Mahse, anni ho chu ngaihsak pawh an chang meuh lo. Jail kawtah an ding a. Jail atangin Rusty Willis-a chu a lo chhuak a, rilru nuam lo fe tih hriat tak hian, " Dusty, Lee street a Detarh-a inah, Bert Colhoun-a a awm a; ' Marshal ka that dawn ' tia a sawi, Mark-a'n a lo hria a,tunah hian Mark-a chu a va thang mek a ni. Jail hi lo veng turin min hrilh a ni, "a lo ti a.
Dusty-a chuan, Roxie chu a han en phawt a,tahchuan, " Doc, Miss Delue hi undertaker hnenah hruai nghal la, pui nghal bawk ang che, " a ti a. Roxie chuan hnial chi ni a a hmuh tak loh avangin, engmah a sawi chhuak ta lova.
Day-a vethung chuang, " Captain Fog, I thianpa chu va pui ve la,a tha dawn lawm ni ? "a han ti a.
Ysabel Kid-a chuan nui chung hian, " A ho mai mai, mahni invenghim thei tawk tawh tura upa a ni ve tawh a lawm. Chubakah, Mark-a chu phawi rang ve tawk tak a nia, " a lo ti a.
Day-a erawh chuan, " Chutiang ringawt a ni lo. Bert Calhoun-a chu amah mai a ni loving, puitu a nei ngei ngei ang. Chuvangin, inthianpa chu an tihrawn ang a, pui a la ngai ve ngei ngei ang, " a la ti ta f ova.
Show post links
Top
Jakob l hd
Posts: 39
Joined: May 30th, 2018, 10:33 pm
Contact: Contact Jakob l hd
Post by Jakob l hd » November 16th, 2018, 4:01 pm

QUIET TOWN - Dusty Fog. BUNG – 5
By : J.T. Edson
Buatsaihtu : Lalsangliana.
Chhuahtu : Tv. Lalthianghlima
(Jakob L.HD)
BUNG – 5
Dusty Fog-a te ho khua an chhuahsan hnu khan, Mark-a leh Rusty-a te chuan Jail an lo nghak a. An tihdan pangngaiin,khua ah chuan buaina a aw mem ? tiin an vak chhuak ta a. Kawtthler pakhat a an kal lain, Hotel chhunga thawm engemaw lo awm chu an hre ta a. Inchhung an va luh chuan, Hotel neitupa-in a hnuaia thawk hmeichhe pakhat hi a lo vua a, hmeichhia chu a lo te tuarh tuarh mai a.
Mark-a chuan, engkhaw sawi set set lovin, Hotel neitupa ban chu a va vuan a, amah chu a han kuai her a, a bekah na zet mai hian a hnek ta chawrh mai a. Hotel neitupa chu hnunglamah a leng lawp a, tukverh a va deng a, tukverh puanzar leh darthllalang te nen, pawnah a tla chhuak nghal a. Mark-a chuan a ke ah a va man a, Jail lamah a pawt phei ta a. Jail a a va dah hnuin, Hotel neitupa chu a lo harhchhuak a, mahse, engmah sawi pawh a tum chuang lo, a khabe ruh a tliah tlat avangin.
Chu lo pawh, hmuh hnih laiah buaina a awm a, Mark-a te chuan an thelh thei zel a. Jail ah thenkhat te chu an rawn hruai belh nual bawk a.
Tlai lam a lo nih chuan, Mark-a leh Rusty-a te chu Jail inah an awm leh tawh a,an vahchhuah hma lawkin, Jail-ah chuan Irish Pat-a a lo kal a, " Captain Fog-a khawnge a awm ? tiin a rawn zawt a.
Mark-a chuan, " Tihtur tul a awm avangin an chhuak bo rih a nih kha, Engnge tulna awm ta ? " tiin a lo chhang a.
" Bronco-a fapa upa ber, Bert Calhoun-a chu Lee Street a, Detard-a inah a awm. " a han ti a.
" Tichuan ? "
'' Marshal ka that dawn tiin a inhrosa chiam mai, " Pat-a chuan a ti ta a.
Mark-a chuan a puakruk kawm dinglama a puakruk chu a phawi chhuak a, a mu a inthun khat em tihte ngun taka a endik hnu in, a bawmah a khung leh a,vei lama mi chu a phawi leh a, chu pawh chu ngun taka a endik hnu chuan, " Thil tih tum hlawlchham tir hi ka huat zawng tak a ni, " a han ti thum ta chhak mai a.
Rusty-a chuan, " Mark, engnge tih i tum ? " tiin a lo zawt a. Mark-a chuan, " A…Marshal kah hlum hi chu thil harsa tak a ni fova, chuvangin a lo intah hriam nan, a deputy hi kahhlum lo tum hmasa phawt se ka ti deuh va, " a han ti a.
" Min hruai ve duh em ? " Rusty-a chuan a han ti a.
Mark-a erawh chuan, " Duh love, pakhat chauh thah a duh a ni awm a, nang chu tah hian lo awm la, kan tangte hi lo veng ang che. Dusty-a te an lo kir leh hman chuan, ka kalna i lo hrilh dawn nia. Pat,i thu hriat chu khawi atanga i hriat nge ? "a han ti a.
Pat-a chuan, " Kan kamtam hlawm em a, khaw chhung mite hi chuan hre lo pawh an awm tawh kherin ka ring lo, " a ti ta mai a. Mark-a pawh chuan, chu chu mak a ti bik the chiam lo. Chutiang thu chu mite ti ti tui ber a ni miau va. Khua a mite pawh chhuan, Berta'n, Dusty-a a cho tih an hriat chuan, a ni, Dusty-a chuan a bei ngam ang em ? tiin, thil lo thleng tur chu an ngaichang thup tawh ang tih pawh, Mark-a chuan a hrethiam nghal vek mai a.
Dusty-a a awm rih si loh avangin, Mark-a chuan a ai lo va awh mai chu tha berin a hria. Quiet Town ah hian, Dan vawngtu tha tak an awm a ni tih chu mi zawng zawng hriat a nih thuai theih nan, Mark-a chuan theihtawp chhuah a huam tak meuh a ni. Khua a mite pawhin, Dan vawngtute an zah theih nan leh an pawisak theih nan, Marshal meuh cho ngam ta chu rei ngawihsan chi niin Mark-a chuan a hre bawk lova ni.
A lukhum a la a, Rusty-a hnenah chuan, " Tah hian lo awm reng la, min rawn puih tum suh ang che, keimah chauhvin ka kal dawn, " a han ti leh a.
Rusty-a chuan, Mark-a chu chute the chiama hriat chianna hun a la nei lova. Chuvangin, puakruk phawi rang a nih zia leh a kah thiam zia te pawh a la hre hek lo. Chuvangte pawh chuan, Mark-a chu a ngaihtuah hle bawk a ni. Mahse, Mark-a thu chu zawm tulin a hre bawk si a, Mark-a kal tulna chhan chu a hrethiam ve em em a, mahni chauhva va kal tulna chhan pawh chu a hrethiam leh zel nghe nghe a.
Mark-a chu Lee Street-ah, Detard-a Saloon lam pan chuan a kal ta zel a, chu Saloon chu khaw hmawr fem a awm a ni a. Khua atanga tlanchhuah thut a tul pawhin, a remchang dawn tih Bert-a pawh chuan a hria a ni ngei ang, chulai hmun kher a lo thlan na chhan chu.
Mark-a chu kawtthler ah chuan muang fe hian a kal phei zel a, amah lo changtu an awm em tiin a mit leh beng a chhi ngun hle bawk a. A kalkawng a Saloon leh chenna in a pelh atangte chuan, miim amah chu an lo thlir ru reng tih pawh a hria a. Detard-a Saloon awmna ep lam kawtthler ah chuan muangchangin a kal phei zel a, Saloon zawn a thlen chiah chuan kawngpui chu a kan phei a, Saloon chu a pan ding ta nghal a.
Saloon kawngkhar chu a va hawng thuai a, Bar ah tumah pawh an lo awm ngam tawh lova, Bar nghaktupa leh mi pakhat, tawp zet a inchei hi Bar ah chuan an lo ding dun a. Bar nghaktupa phei chu zam awm hle hian a lang nghe nghe a.
Bar nghaktupa bula ding chu huatthu chhiat hmel zet, meng rum tak mai hi a ni a, puakruk pahnih, fual fe hian a pai a. Chupa chu Bert Calhoun-a a ni tih hre tur chuan zawlnei nih kher pawh a ngai bawk heklo. Bar nghaktu zam hmel dana tang te,inchhunga midang lo awm ve te kilsir lehlama an lo insaseng lawk dana tangte chuan engkim a chiang nghal vek mai a ni.
Mark-a pawh chum awl tak zawng a ni bik chiah lo. Puakruka incho nikhua a thil awmdan te pawh a hre chiang ve thawkhat hle tawh a ni. Chuvang chuan inchhunga a luh dawn tep khan, a Deputy Badge chu a kawr hak chung zawk chuan a hliah tir a, inchhungah chuan a lut ta chauh va.
Kawngkhar rawn inhawng a hmuh veleh Bert-a chu a phu deuh zawk a, a lo in ralring nghal hle bawk a. Mahse, Mark-a a han hmuh chuan a ngaihtha leh ta deuh ni awm tak hian a inthlah dul leh ta thuai a. Dusty-a kha chu pa te takte a ni – tia an sawi thin kha a lo hr eve bawk a. Chuvangin, Mark-a chu Dusty-a a ni lo tih pawh Bert-a chuan a lo hre ve mai a. Zu no chu a han la a, a chhunga zu awm chu hmuhnawm ti awm tak leh ngun fe hian a han en a. Chutihlai chuan pawnah sakawr tlan ri a han hre ta a, tu tak ni ang maw- a ti rilru a. Ring fe hian, “ Kan Law-man chu khawiah nge maw a bihruk le ? “ a han ti chhuak a.
“ Heta hi, “ Mark-a chuan a lo ti thum chhak a. Chutia tih pah chuan a kawrhak pawn zawk chu a keu a, Deputy Badge chu a hai lang ta a.
Bert Calhoun-a chuan Mark-a chu nuihzat awm fe hian a han en a, a phur tawh zia chu a mitmengah a lo lang chhuak nghal a, Mark-a hnenah chuan, “ Dusty Fog-a i ni hleinem, “ a ha ti leh rih a.
Mark-a chuan, “ Ni lo reng e, Dusty-a chu tihtur a neih avangin a kal bo rih, a First Deputy ka nih vangin, a aiawh turin ka lo kal mai a ni, hlawhchham tir che ka hreh em a nia, “ a han ti a.
Bert-a chu Bar nghenga ding hi a ni a,a han ding mar a, a kut pawh chu a puakruk zawnah a dahthla ta nghal a. Mark-a en reng chung chuan, “ Chuti tur a ni dawn maw ? Marshal ngei thah tuma lo kal chu ka ni na a, engmah ti lova awm ngawt ai chuan, nang lo buaipui rih che pawh chu a hlimawm deuh zawk ang chu, “ a han ti a. A sawi zawh rual chiahin a puakruk a chuh ta nghal a.
Chutihlai la la chuan, kil lehlam a mi pakhat lo ding ve pawh chuan a puakruk kawm a lo vuan lai Mark-a chuan a va hmu ve ta nghal a. Antih rawn dawn tih pawh a hrethiam nghal a. Bert-a aia rang zawk fe in a puakruk a phawi a, a han phawi chhuah lai chuan Bar chunga khawnvar eng chuan Mark-a puakruk ngul chu a han chhun tle zawk a.
A puakruk chu a phawi chhuah pahin a chengte chu a kau nghal sa vek a, a han phawi fel rual chiahin, a kawng zawn vela tang chuan a hmet puak ta a. Bert-a chu a vir mawp a, chutihlai vek chuan kil lehlama mipakhat chuan a puakruk a lo phawi ve ta a.
Bar kawngkhar chu a rawn inhawng rawk a, Day-a chuan, “ Deke, “ tia au chungin inchhungah a rawn zuang lut ve ta nghal bawk a.
Bert-a tluk lai vel chuan a thianpa chu a han tim leh rih a.Day-a chu a rawn hmuh chuan, mak ti awm deuh mai hian, “ Dayt….. “ ti chung rengin, a puakruk chuan Day-a chu a rawn tin ta zawk a. Mahse, sir lehlam a zuan phei pahin, Day-a chuan a pistol a phawi a, a va kah khalh ta a. Chupa chu a che lawih a, a puakruk a thlauh va,amah pawh chu a tlu ta nghal a.
Bert-a pawh chu tluk zawng a tlu tawh na a, mahse a la thi bik lo. A puakruk pawh a la keng reng a, tichuan kah mai tumin Mark-a chu a rawn tin leh ta a. Mahse, Mark-a chuan, Bert-a chu a lo la en reng a, chuvangin, Bert-a'n a rawn kah hman hma in a va kap leh ta zawk a. Bert Calhoun-a chu a let tawp a, a pyakruk chu a thlauh va, chhuat laiah chuan che leh tawh lovin a thi ta a.
Mark—a chuan puakruk la keng reng chungin inchhunga awmte chu a han enkual a. Chutilai chuan, Dusty-a leh Ysabel Kid-a te pawh chu an rawn thleng ve ta bawk a. Day-a chu, Mark-a chuan a va pan hnai a, “ A hun takah i lo thleng a ni, ka lawm e, “ a han ti a.Dusty-a hnenah thung chuan, “ Nghah hman I ni si lova, ka lo chet khalh ta mai che a ni, “ tiin ngaihdam a han dil a. Dusty-a chuan a puakruk a khung lut a, chhuatlaia ruang awm na lam chu a va pan a, dimlo zet hian a ke in a han thai let a.
Chutihlai chuan inchhunga mite pawh chu an lo phun leh mur mur tawh a. Dusty-a chuan, “ Day, Jail ah hmuh duhna che ka nei, Mark,engnge i an a ? “ a rawn ti ve ta a.
Mark-a chuan, “ Ka tha e, mahse he tlangval hi lo kal kher lo se zawng,engnge ka an dawn ka hre lo, “ a han ti a.
“ I thi mai dawn lawm ni ? “ Dusty-a chuan a lo ti thuai a.
Bar nghaktu hnenah chuan, “ Detard-a hi khawiah nge a awm ? “ a han ti leh a. Pa cher deuh, hang zet, Glamber inthuama inthuam hi a lo ding chhuak a, “ Keimah hi ka nia “ a rawn ti a.
Dusty-a chuan chupa chu duhawm lo zet hian a han melh chiam a, “ Mark-a hi tih rawn tum leh kah hlum tumin,hetah hian an lo chang a, thil awmdan hi i hriarpui ve em ? “ a han ti leh a.
Detard-a chuan, “ Hriatpui lo ve, Bert-a chu amah chauhvin a lo lut a, mahse engmah ka lo ti ngam chuang lo. Midang an tel ve ang tih ngaihna reng ka hre bawk hek lo, “ a ti a.
Chutihlai chuan Ysabel Kida ve thung chuan, mipui lam chu ngun zet hian a lo enkual a, Awmkhawm ho zingah chuan mi pakhat hi a va hmu a, chupa chu a pan phei ta nghal a. Chutihlaia Ysabel Kid-a hmel chu, Apache zu rui, thinchhe lutuk tawh,huat tur ngawt melha vak vel hi a ang ber a. Ysabel Kid-a chuan, Bearcat-i thuihruai, Clint Fanga bulah chuan a va ding a, “ I tlatna mual i sawn thui lu deuh lo maw, Zawnga ? “ tiin a va zawt a.
Ani chuan, “ A ni mai thei, he khua Law-man te hian engnge an an the reng hmuh tumin ka lo kal ve a ni, “ a lo ti ve mai bawk a. Ysabel Kid-a chuan, “ I hmu tawh a, tihbuai chi anni lo tih pawh I hre chiang tawh hle a ni lawmni ? Nangmah ang bawkin, Law-man tihbuai tumtute an hlawhchham ve ta a nih hi. Amaherawh chu, anni chuan engkim a tawp thlengin anti ngam a nih hi, “ a han ti leh a.
Clint Fang-a chuan thinur teuh in Ysabel Kid-a chu a pan hnai sauh va, mahse, a ding ta chawt mai a. Ysabel Kid-a chuan a chemte, Bowie Knife chu a lo phawi chhuak hman der tawh a, Clint—a dul zawnah chuan a lo tin reng tawh bawk a.
An bul hnaia mite chuan hmun an lo kian thuai thuai a, Clint-a puakruk phawi ran zia chu an hre theih si a, a rang lama insaseng mai chu a fin thlak berin an hria a ni.
Clint-a ngei pawh chuan phawi rang tawk hle in a inhria a ni. Mahse, Ysabel Kid—a chu a han en thin a, zamna ruk engemaw tak a nei tat lat a. Puakruk chu han phawi ngawt mahse, a hmeh puah hmain Ysabel Kid—a chuan a chemte chu chhawr hman dawnin a hre ta a. Dusty-a te, Mark-a te chuan ‘ chance ‘ an pe duh ngei ang tih pawh a hria a, mahse Ysabel Kid-a hi chuan chutiang thil atthlak tak chu a buaipui ve duhin a ring thei lo. A chet hlek chuan, a rawn bawh nghal mai a ring tlat a ni.
Clint Fang-a chuan dawih zawk a tan chu a hreh ve hle mai. A lo uan thin dante a han ngaihtuah let a,tunah hian engmah ti ngam lova a tlawm mai si chuan, a hnu leh lama miten, amah Clint—a an la hmuhsit zui dan turte chu ngun fe hian a han ngaihtuah a, tlawm chu a ngai ve hle a ni. Mahse, chemte luzuma vih ngawt ai chuan tlawm chu a thlang a zawk a, “ Kei zawng, chuti takin ka huatthu a chhe ve lo, engmah tum pawh nei lovin ka lo kal ve mai mai a ni, “ a tit a ngawt a.
Ysabel Kid-a chuan a chemte chu a bawmah a khung leh thuai a, “ Tum engmah i neih si loh chuan chhuak leh ta mai che, “ hmusit deuh mai hian a han ti leh kher a. Clint-a thinur lutuk chuan a puakruk chu ahan chuh leh mai a chak em em a,mahse Ysabel Kida chuan a che vel chu a lo en ngun kher bawk si. Chuvangin, hreh tak chungin Ysabel Kid-a chu a kal pel a, pawnah chuan a chhuak ta a.
An thil tih dan chu Dusty-a chuan ngawi rengin a lo thlir ve reng a. khaw chhunga mite chuan Dan kengkawhtu te an zah theihna tur leh,an pawisak theihna tur a ni dawna an hriat avangin a lawm rilru hle zawk a.
Day-a vet hung chuan, “ Mark, tun chinah chuan fimkhur hle tawh ang che. Bronco Calhoun-a chuan phuba lak a la tum ngei ang.Berta leh Deke-a te kha a ngainat ber be rte an ni. A that theih dawn phawt che chuan engmah tih a hnial lovang, “ tiin Mark-a chu a lo hrilh ve mek a.
Dusty-a chuan anni ho chu an vaia Jaila kal turin a hrilh a,tichuan Jail in lam chu an pan tlang ta a. Jail an va thlen chuan doc leh Rusty-a te pahnih pawh chu an lo awm dun leh hman tawh a. Inchhung an luh veleh Dusty-a chuan, Lon, Doc leh Rusty ate hi hruai la,khua va fang rawh u, “ tiin a tir leh nghal a.Tichuan, anni ho chu an chhuak ta thuai a.

Mark-a leh Dusty-a chu thutthlengah an thu a,Dusty-a chuan, Day-a chu thutthlenga thu ve turin a hrilh a, " Bronco Calhoun-a chanchin kha hre hle niin i lang a, thil dang engnge sawi tur i neih le ? " tiin a han zawt a.
Day-a pawh chuan, " Bronco Calhoun-a chanchin hi ka hre hle tak a sin. Hre tur pawh ka ni reng a,ka hming pawh hi Day-a a ni lo. Ka hming tak chu Dayton Calhoun-a a ni zawk. Broco Calhoun-a te in a…….." a la tihlai mek chuan, kawngkhar chu a rawn inhawng a, Roxie chu a lo lut ta a, a kut dinglamin puakruk a rawn keng chhuak sa a, chu chuan Day-a chu a rawn tin a,a cheng a han kau ri rap a, thinur theih tawpin Day-a chu a melh ta ran mai a.
" Nang pawh Calhoun i lo ni ve a ni maw ? Bronco Calhoun-a te chhung zinga tel ve zuk ni nek che a, " a rawn ti ta a. Puakruk cheng chu kau sa vek a nih avangin, inchhunga mite chuan Day-a chu chhan ngaihna reng an hre tawh lova. Che rang hlawm hle mahse, antan Day-a chhan ngaihna a awm tawhlo a ni. A kut zungchal tlema a chettir hlek chuan puakruk chu a puak ang a, Day-a chuan a tuar ngei dawn a ni tih an hre reng a ni.
" Min kap ta che, Calhouns pathum kan boral a ni mai ang chu, " Day-a chuan a lo ti a.Roxie chuan, " Mahse, Mark-a khan, pakhat chauh a kap hlum a ni lawm ni ? " a han ti leh rih a. Day-a chuan, Roxie chu ngun taka en reng chungin, " Ni e, Mark-a chuan, Bert Calhoun-a kha a kap hlum a ni. Keiin Deke-a, " a ti leh ta a.
Roxie chuan a puakruk ken lai chu a ti hniam sawt a, mak ti awm tak hian Day-a chu a en a, a hnenah chuan, " I unaupa i kap hlum a ni maw ? " a han ti ha a.
Day-a chuan, " An zingah kum tam tak chu cheng ringawt ma hila, Bronco Calhoun-a fapa ka ni ve lo. Bronco-a te ho hian kan tawlailir chuanna chu an rawk a, a chhunga chuang midangte chu an that vek a, mahse, ka nu nen hian Calhoun kan nih ve avang chauhin min zuah ta a ni. Hutihlai chuan kum sarih mi lek ka la ni nghe nghe a, Bronco-a te chhung zingah chuan kum sarih zet kan cheng ve nghe nghe a, a fate ang bawka min hruai sual ve phet a tum a, mahse a thu ka awih duh tlat lova. Kum sawmpanga kka tlinin, Bronco a te chhung chuan Bank an rawk a, um bovin an awm ta nghe nghe a. Anni chhung chu him takin an tlanchhuak a, an pawl zinga pang alai chuan an thih phah nghe nghe a. A hnu fe ah kan in ah, Bronco-a chu a lo kir leh a,chumi tum chuan a rui hle nghe nghe a.
"Bank chu ka nu vanga rawk thei lovah a puh a, ka nu chu a kaphlum ta mai a, keipawh chu min kah hlum ve nghal mai a han tum a, mahse a puakruk mu chu a lo ruak ta hlauhva, kei chu min zuah ta a ni. A puakruk chuan min chhu thlu a,min kalsan ta a, ka thi emaw a ti a nih ka ring.
" Thi ngei tur pawh ka ni reng a,mahse, Red Indian vak vel mi pahnihin min rawn hmu ta hlauhva, anni pawh chuan min thah mai an tum a, chutihlai chuan Alvin Travish-a'n min rawn chhanchhuak ta a ni.
" Alvin-a chu ka chungah a tha em em a, ka nu ruang kan phum a, Alvin-a chu ka zui ve ta zel a. Chuta tang chuan Bronco-a leh a fate chu, ka hmuhna a piangah ka that zel ang,tiin rilru ka siam ta a. Alvin-a chu Army Scout hlui a ni bawk a, thil tam tak min zirtir ta a. Rei fe kan inzui hnu in, henglai velah hian Bronco-a leh a fate an che thin tih ka lo hria a, tichuan ka lo kal ve ta a ni, " a han ti a.
Day-a'n a sawi zawh meuh chuan inchhung a mite chu an ngawi thap mai a, Roxie pawh chuan a puakruk ken lai chu hre chang tawh lovin, Day-a chu mak ti tak hian a en reng mai a.
Day-a hnenah chuan, " Thil ka lo khawih pawi hman thelh a ni. I duh phawt chuan ka hnenah I thawk ve dawn a nia, " tiin Freight Company a thawk ve tur chuan a sawm ta a. Day-a pawh chuan a chak zawng tak a lo ni a, tichuan inchhung boruk chu a lo zang leh ta a.
Dusty-a chuan, " Thil pakhat, kan tan chuan Happy Day-a i la ni reng tur a ni. Khua a mite hian Calhoun anga an hriat ve che chuan, fel lohna tam tak a awm theiin ka ring a ni, " a lo ti a.
Roxie pawh chuan, " Ni e, henglai vel ah hian Calhoun ho chu anlar tawh lo the a nia. Ti rawh, Day, kan Office-ah va kali la, midangte pawh I va hmel hriat ve nghal dawn a nia, " a han ti leh a. Dusty-a chuan, " Keini pawh, Mark, i chhuak ve tawh ang hmiang, " a lo ti ve ta a.
Pawn an va chhuah dawn tepin, Ysabel Kid-a, Doc Leroy-a leh Rusty-a te chuan, tang mi pathum hruaiin Jail an rawn thleng leh tawh a. Tangho chu Jail chhungah an han khung fel zet a, Dusty-a chuan, " Lon, tangho hi lo veng la, Mark, Rusty-a nen Chinese Street lo va fang u la, Keini, Doc-a nen kawtthler lehlam kan rawn fang ve ang e, "a ti a, an chhuak ta a.
Dusty-a leh Doc Leroy-a te chuan, Beaumain Theatre zawn an thlen lai chuan, Bearcat-i Saloon atanga silai lo ri chhuak chu an hre ta a, tum hnih lai a ri a, a ri hmasa zawk chu a zawi deuhva, a hnuhnung zawk erawh chu a ring deuh hlek bik a. Saloon pindan hnuaihnung zawk a tukverh chu a rawn keh sawk a.
" Ti rawh, i hmanhmawh ang, " Dusty-a chuan, Doc-a chu a tur hmanhmawh a.
Kawtthler chu an kan a. Bearcat-i Saloon ah chuan an va lut ta a. Bar nghengin Bearcat-i chu a lo ding a, Dusty-a te lo lut a hmuh veleh a rawn pan hnai thuai a, " Engnge induh tak le ? " tiin a rawn zawt a.
" Inchhawngah khian silai vawihnih a ri a, engtizia nge ni ? "
Bearcat-i chu a nui sak a, inchhawng lam chu a han hawi chho va. Inchhawng bathlar ah chuan pa lian zet mai hi a lo ding to mai a. Tin, inchhawng pan chhohna kailawn tawntirh ah pawh chuan, Bearcat-i hote zinga palian ber pawl, sek tung mai, inchhung venghim tur a anrawih, Bouncer an tih mai chu a lo ding ve bawk a.Bearcat-i chuan Dusty-a chu a han nuih leh a.
" Han chho la, han enfiah ta che, "
Show post links
Top
Jakob l hd
Posts: 39
Joined: May 30th, 2018, 10:33 pm
Contact: Contact Jakob l hd
Post by Jakob l hd » November 17th, 2018, 6:56 pm

QUIET TOWN : Dusty Fog. Bung-6
By : J.T. Edson
Buatsaihtu : Lalsangliana.
Chhuahtu : Tv. Lalthianghlima
(Jakob L.HD)
BUNG – 6
Inchhunga mite chuan amah chu ngun takin an en tih hre reng chungin, Dusty-a chuan inchhawng lawnna kailawm lam chu a pan ta a. Bathlar atanga rawn en thla tute leh Bar bula lo entute chuan, Bouncer pahnih chu, Dusty-a chuan – engtin tak ti ang maw – tia hriat chak tak chungin an lo thlir reng hlawm a.
Kailawn tawntirh a Bouncer lo ding chuan Dusty-a chu a lo nuih deuh thu a,an inkar hlat lam chu a lo the rilru noh noh va.Dusty-a erawh chuan, " Tawlhsawn vat rawh . Inchhawngah khian ka chho dawn, " Bouncer hnenah chuan a han ti ta a.
Mite rin loh ang takin Bouncer chuan Vdusty –a chu kawng a lo kian a, mahse Dusty-a'n a pelh dawn tep laiin, Dusty-a chu chum thluk mai tumin a rawn bei ta thut mai a. Han chum fuh hlauh mai se zawng, Dusty-a chu che leh tur a awm tawh kherin a rinawm loh. Dusty-a chu a kun zauhva, a lu-in Bouncer dul chu a su ta nghek mai a. Bouncer tawlhkir lai chu a hmui hnuaiah,a kut pahnihin chho zawng deuh hian a han sat zui nghek mai bawk a.
Kut lawnga inbei ah si, chuti khawpa mite'n amah an khawih nat chu Bouncer chuan tunhma in a la hre ngai awm lo ve. Mittui tla phung chungin kailawnah chuan a thu ta hnawk mai a. Chutia a thu lai chu – ' Karate Dana – tegatana ' antih chu hmangin, Dusty-a chuan a kut a han tipharh a, a kut zungpui chu chhunglamah a han thlep lut a, chute chung chuan Bouncer hrawk bawkah a han sat leh chawrh mai a, ani chu thawk pawh thaw thei lovin a thal ta hual mai a.
Chupa chu en pawh enzui leh duh tawh chuang lovin Dusty-a chuan a kal pel a, kailawnah chuan a lawn chho ta a. Kailawn tawpa Bouncer dang lo awm chuan, Dusty-a lo lawn chho chu a lo en reng a, a lu-ah rawn tlawh tumin a ke a lo lek uaih a,mahse,a ke-rekah chuan Dusty-a chuan a loman lawk a, theihtawp tak meuhin a herh ta nghek mai a. Bouncer na tuar chu a te tuarh a, kailawn vawnbanah chuan a bu liam a, a tla thla ta a. A hnuai chhuatah chuan a zuk insawh dawt mai a. Chu pawh chu Dusty-a chuan en zui pawh a tum chuang lo.
Quiet Town tea ng a khaw rura ah hi chuan, Dan kengkawhtu pawh rura deuh taka chet a tul a ni tih Dusty-a chuan a hre chiang e mem a ni.
Bathlara lo dingte chuan Dusty-a chu kawng an lo kian sawk sawk a, ani chuan, " Khawiah nge inkahna a awm ? " tiin anni ho chu a zawt a.Dusty-a chuan a hre fuh ngei dawn niin Bearcati chuan a lo hria a.
" Ka thin inti ur tan tak tak dawn ta. Ka hote hi ka paihchhuah tir mai che u chuan, in nuamsa vak lo vang, " tiin a han vau zui a.
" A ni ngawt mai ka pi, nuam kan ti miah loving le, mahse inchunga I thil khai khi, vawihnih vel lek ka kah hmain, i hote chuan min paih chhuak hmanin i ring emaw chu ? " Doc Leroy-a chuan aw nelawm fa hran lo hian a lo ti a.
Bearcat-i chuan chunglama khawnvar halna,darthlalang hlir a siam, man tam deuh mail eh ram dang atanga harsa taka a chah chhuah chu a han en a, an kah thlak sak mai chuan a dang neih leh mai harsat dan tur thlengin a ngaihtuah zui zel a, a hote chu thu a pe ngam ta lova.
Silai ri lo chhuahna pindan chu Dusty-a chuan a hawng a,a chhungah chuan a lut ta a.Dusty-a va luhna pindan laiah chuan, dawhkan sei fe hi mi sawm velin an lo kil a. Sir khatah chuan Gambler pakhat,cher deuh tak leh sang fe mai hi amah chauhvin a lo thu a, chu chuan dawhkan kiltu dangte chu a lo hmachhawn a. A dinglam sirah chuan Colt Army Revolver hi a lo awm bawk a. Tin, a veilam, dawhkan chungah bawk chuan mi pakhat hi bawkkhup zawngin a lo tlu reng bawk a,chu chuan a kut dinglamin puakruk te deuh chi Smith & Wesson Revolver an tih chu a lo hum reng nghe nghe a. Han en mai chuan engtia thi nge a ni tih hriat a har hle a.
Dusty-a chuan Gambler thutna hnunglam chu a va en a, tukverh darthlalang, silaimu in a va den kehna chu a va hmu nghal mai a. inchhunga lo awmte hnenah chuan “ Tu’n emaw, thil awmdan hi min hrilh the u, “ a han ti a.
Dawhkana ruang en reng chungin, Gambler chuan, “ Pawisa tlem a hloh va, a thinur in lehkhaden hi chhinchhiah ru ah min puh a,puakruk a chuh ta a, mahse min kap thelh a, min kap hmasa bawk a, mahse, keichuan ka thelh ve ta lo a ni, “ a han ti a. An zinga pakhat pawh chuan, “ Marshal, chu chu thudik a ni. Hei hi Frank Derringer-a a ni a, bumna hmangin a inkhel ve ngai lo, “ a lo tihpui thuai a.
Dusty-a chuan, “ Ka Deputy kha, hank o lut the u, “ a han ti a.Glamber Frank Derringer-a hnenah chuan, “ Mister Derringer, i kawrchung kha han hawng the, “ a han ti leh a. Gambler chuan a kawrchung kilh na chu a phelh a, a awm chu a han keu lang a. Puakruk paina kawnghren chu a hreng ve lo na a, a ban bul ah chuan puakruk dahna, savuna siam hi a lo nei vet ho va.
Chu chu Dusty-a chuan ngun fe hian a han en a, Army Revolver bawm ngei a ni tih chu a hre thei nghal a. Tin, a awma a dah behna te chu a taksa lend an ang a siam a ni tih a hmuh chuan, dawhkana ruang lo awm pa ta kha a ni lovang tih a hria a, chuti a nih chuan, Derringer-a puakruk chu Army Revolver ngei chu a ni ang tih pawh a hre chiang ta bawk a.
Doc Leroy-a chu a lo lut a,a hnungah Bearcat-i pawh chuan a rawn zui lut ve nghal a. Bearcat-i chu a han hawi vel chiam a, “ Derringer, engmah sawi suh, ngawi tlat rawh. Ukil kan ruai dawn a nia, “ a rawn ti a. Dusty-a chuan, Bearcat-i chu pawisa duh lovin, dawhkana lehkhaden chu a kawk a, “ Doc, lehkhaden hi han enchiang the,chhinchhiahna a awm em ? “ a han ti a.
Bearcat-i bawk chuan, “ Marshal, he inah hian bumna kan hmang ve lo, “ tiin Dusty-a chu a lo hnial leh a, chumi tum chuan thudik sawi ni awm tak pawn a lang nghe nghe a. Doc Leroy-a chuan lehkhaden chu a la a, khawnvar engah chuan ngun fe hian a hnung lam leh hma lam te chu a han en vel a. Dusty-a bula din leh pahin, “ An chhinchhiah ru a nih hi, lehkhaden hnung, a lai taka lehkhatui kai hi a tak bik a ni. Ngun taka en loh chuan hmuh harsa tak a ni, “ a tita a.
Dusty-a chuan lehkhaden chu a la a,ngun fe hian a han lek vel a, a tir ah chuan danglamna engmah a hmu mai thei lova, mahse, ngun leh zuala a han en hnu chuan, lehkhaden hnung lam a lehkhatui kai dum deuh bik chu a hmu thei ta a. Chung chhinchhiahna hmu tur chuan mitvar pawh a ngai hle awm e. Chu bakah, an en n alai tur hriat lawk pawh a tul ngei ang.
Dusty-a chuan, “ Hetiang hi a ni lawmni ‘ Daubing ‘ an tih thin hi ? Mister, I kut han pharh chhuak the, “ Gambler hnenah chuan a han ti leh a. Derringer-a chuan thil awmdan chu a hrethiam ve nghal mai a. Tin, chutianga lo chinchhiahtu chu man chhuah awlsam tak a ni tih pawh a hre bawk a. Chuvangin a kut chu a pharh chhuak ta a.
Derringer-a kut zungpui te chu Dusty-a chuan a han en vel a,mahse, engmah a hmuh tak loh avangin, dawhkana ruang chu a va kai let a, a kut chu a va ensak leh a. Chupa awma puakruk luhna chu a va hmu hmasa ber a, Tin, a kut zungpui veilamah chuan lehkhatui tlem hi a lo kai a, tin, chupa tarmit vuah lai, a bula lo tla reng chu a han char leh a. Chu chu Doc Leroy-a chuan a lo ensak ve thuai a. A han vuah chin zet a,Dusty-a chu a han pe a. Tin, Doc Leroy-a bawk chuan mithi kawnghren chu a han dap vel a, a kawnghren chhunglam ah chuan lehkhatui, bur te tak te hi a han phawrh chhuak leh ta mai a.
Chu veleh, “ Dusty, hepa ngei hi chhinchhiahtu chu a lo nih hi, “ a han ti zet a. Gambler hnenah chuan, “ Mister, ka lo ring sual palh che a ni. Smith & Wesson Revolver puak ri kha ka hre hmasa a, a kah pawh a nat loh deuh zawk avangin, hepa pawh hi a kap tlang zo lo ni ngeiin ka ring a. Chuvangin, chu puakruk chu i ta ni tur leh,hepa hi kap hmasa zet a, a puakruk leh i puakruk chu thlak thleng ta ni angin ka ngai che a ni, “ a tit a a.
Dusty-a pawh chuan, “ Keipawh, a tirah kha chuan chu chu ka rin dan ve chiah a ni a, mahse, i revolver ah hian a zen i thun tam vaklo niin ka ring leh ta zawk, “ Derringer-a hnenah chuan a lo ti ve bawk a.
Derringer-a chuan, Dusty-a mizia chu hriat thiam harsa a ti hle mai. Marshal a lo kal tih a hriat tirh kha chuan,Jail-ah an dah ngei dawn niin a lo ring a, Jail a a khung loh vek pawhin, khua atanga hnawhchhuah ngei kha a lo inring tlat a, A hnathawhna nu, Bearcat-i leh Dusty-a in ngeih loh dan pawh a hre ve vek a,chuvangin, Dusty-a chuan a chungah zah a ngai duh hauhin a ring bawk si lo.
Bearcat-i pawh chuan mak a ti ve hle a a ni. Engmah sawi lovin Dusty-a chu a en reng a, mahse, Dusty-a zawk chuan, “ Ka pi, Undertaker ka rawn tir ang e, a awm tawhte a nih loh chuan. I hote pahnih kha engnge an an ve ? “ a han ti a.Bearcat-i chuan, “ Doctor-in a enkawl v eve mek a ni.I lo che rura thei hle mai Marshal, ka han fiam mai mai che a sin maw le, “ a han ti thla rawh a.
“ Fiamthu hi ka duh ve bawk a sin, min lo fiam leh hunah phei chuan ka nui sei hle taw hang, I saloon hi ka khar nghal bawk ang, “ Dusty-a chuan a loti a.
Chutia a vau zawh chuan a lukhum chu Bearcat-I chibau buk nan ti ni awm tak hian a han khawih zauh va, pawnag a chhuak nghal a, Doc Leroy-a pawh chuan a zui chhuak ve vat a.
Jail Dusty-a ten an va thlen chuan lungin tang an lo pung hle tawh a.Jail chhungah chuan zu ruih vanga tang an tam ber a. Dusty-a te an lo luh veleh Mark-a chuan, “ Tang zinga pakhat hi enchiang deuh la ka duh che a ni, Doc,. Kan mutna pindan ah khan kan dah hrang a, “ a lo ti a. Doc Leroy-a leh Dusty-a te chuan,Mark-a chu pindan ah chuan an zui lut ta a.
Khumah chuan, a hma lawk a lehkha an denpui ve pakhat chu a lo mu a. A hmaite chu a dang em em a, a thawk pawh chu a zawi hle bawk a.
Mark-a chuan, “ Chinese ho chenna venga kan kall laiin, kawtthler ah Chinese pahnih in a pheikhawk hi phelh sak tumin an lo bei mek a, kan va thlen veleh an tlanchhe ta a ni. A thil nei dang zawng chu an ruk zawh sak vek a, “ a han ti a.
Dusty-a chuan, ‘’ Butyl chloride chu damdawi hlauhawm tak a n lawm n tiin, Doc Leroy-a chu a han zawt thuai a. Doc chuan, “ Nih ch ni e, mahse a petu hian, pek tawk a thiam phawt chuan, hlauhthawn tur engmah a awm lovang, “ a tihsan mai a.
Dusty-a erawh chuan, “ Chu zawng fimkhur a tul hle dawn a nih chu, chuvangin,a petu chu hmuh chhuah thuai tum tur a ni, tu emaw an hraihlum hma in, “ a tit a a.
A tuk khua chu a lo var ta ngei a, damdawi rui a tlu reng tawh, Mike-a pawh chu a lo harh chhuak ve ta a. A lu chu a dawm a, pindan leh lam a thawm ri chu mak ti chuan a ngaithla tar eng a. Jail pindan kawngkhar, thir tlawn hlir a siam chu no beng nei khawn rik pahin, Ysabel Kid—a chuan Jail pindan chu a fang vel a, aa pah chuan ring fa hran hian a khek vel chiam bawk a.
Rusty Willis-a pawh chuan ur zet aiin Ysabel Kid-a chu a zui ve nghal thuai a, an thil tihdan chu rui thing te tan chuan a tawrhlelhawm hle awm e. A hma zana duhtawka lo in rui tawh te chuan, a tuk zing vartian vel laia thawm bengchheng han hriat chu nuam an ti the chiam lo a ni.
Ysabel Kid-a te chuan, chung mite chu an awmna atang chuan an khalh chhuak a,pindan laiah chuan an thut tir ta a.
“ Zingchaw ei rawh u, “ tih pahin,Mark-a chuan naupang pakhat hi thlengin thil a rawn chawi luh tir nghal bawk a. Eitur chu an hma ah an rawn hlui thliah thliah a. Mahse, thleng chhunga thil awm chu an hmuh veleh rang lutukin bualin lam an pan ta nghal a.
Ruithing, kaw ruak tawh leh nghal in, an hma thlenga chhangphut chawh kawi,thlum pawh thlum loh,vawt nguak tawh tih hriat reng, an han hmu chu an tuar zo ngang lo a ni ang, luak turin an chhuak rang tlang ngei mai.
An chhuak tur chu Mark-a chuan a han nuih zui a, a thiante hnenah chuan, ‘’ An rawn kir veleh chhuat hi ngun takin hru fai phawt se la, chhuah tir taw hang che u, “ a han ti a.
Mike-a vethung chuan, pindan a Dusty-a lo lut chu, “ Chu engnge nita ? “ tiin a lo zawt thuai a.Dusty-a chuan, “ An mi man te an han fiam hlek a nih chu,. Nang, chanchin sawi tur engnge I neih ? “ tiin a zawt ta a.

Mike-a chuan,” Nizan khan nula hmeltha deuh mai hian thil a rawn pawm bawr teuh mai a, a thil pawm chu ka chhawk a, Hotel lamah ka va thlah ta nghal a. Hotel-ah chuan a nutapa a lo awm a, chu chuan in tur mi lo pe a. Chu chu ka hriat hnuhnun ber chu a ni mai, “ a lo ti a.
Dusty-a chuan, “ Chinese kawtthlerah an char che a nih kha. Chinese ho chuan i thil neih an laksak ngei che an ring a ni ang. I inhloh tam em ? “ a han ti leh a.
Ani chuan, “ Dollar zahnih khat chu a ni ngei ang. Khawnge, ka va kal the ang, “ tih pahin chhuah mai a han tum a.
“ I chhuak aw-zawng lovang, “ Dusty-a chuan a lo ti thuai a.Mark-a leh Rusty-a chu< Hotel atangin nula leh a nutapa chu va hruai turih a tir ta nghal a.Tin, an pindan pawh ngun taka va dap turin a hrilh nghal bawk a.
Rei vak lo hnu-ah,Mark-a Leh Rusty-a te chuan pa pakhat leh nula inchei nalh fe hi an rawn hruai ta aDusty-a chuan, “ Heng mite hi an ni em ? “ tiin Mike-a chu a han zawt a.
“ Ni e, “ tih pahin mipa an rawn hruai luh chu a va zuan ta nghal mai a. Mahse, Mark-a chuan a lo man hman a, a nam kir leh nghak a.
“ Mike, a tawk tawh e, chaw va ei ve nghal rawh, “ a han ti a.
Mike-a pawh chuan thinur hle mahse, a thil tih chu zia lo a ti deuh vam tichuan engmah dang sawi leh lovin, pindan ah chuan a luhsan ta a.
Mark-a chuan, “ Hei Dollar zahnih hi an pindan ah kan hmu a, mahse, Butyl erawh chu kan hmu zo lo, “ Dusty-a hnenah chuan a han ti a.
Dusty-a chuan, “ Chuti chu, tu emaw zawk hian an la vawng anih dawn chu, Butyl hi thil vang tak a ni a, an paih bo phal maiin ka ring lo. Dap an tul dawn tihna a nih chu, “ a lo tit a a.
“ Min dap vaih zawngin, ka te vak mai ang, “ thinur deuh mai hian nula chuan a lo ti a.
Dusty-a chuan, “ Te pawh i te tak tak duh ngei ka ring, “ a han ti zet a, chutih lai chuan Doc Leroy-a te chu an rawn inzui lut ve mek a. Dusty-a chuan, “ Mrs Bollinger, Special Deputy ka mamawh dawn a, Karkhatah Dollar sawm hlawh tur a ni ang. I thawk duh em ? “ a han ti a.Ani chuan, “ Duh e,” tih pahin, inchhunga nula lo awm ve chu a han en a, a thawh tur awm chu a hrethiam ve nghal mai a.
“ Kan tan nghal mai dawn em ni ? “ tiin Dusty-a chu a han zawt a.
Dusty-a chuan, “ Ni e, pindan hnung lamah sawn he nula hi va hruai la, va dap rawh, “ a lo ti a. Nula chuan tan khawh the tum mahse, Mrs, Bollinger chu a len em avang leh a chak zawk bawk avangin a tang zo ta lo a.Tichuan pindan hnung lamah chuan an inzui lut ta a.
A mipa zawk erawh chu, Jail ah Dusty-a chuan a nawr vet hung a, Amah chu dap zawng an han dap chin ve ngei a, engmah an hmu ta chuang lova. Chutih lai chuan, pindan hnung lam atangin, in chum ri leh in beng thawm ni awm tak te chu an hr eta a.
Reilote ah Mrs. Bollinger-i chu pindan atang chuan a lo chhuak ta a, saidawium te tak te hi a rawn keng bawk a. Nula kha erawh chu a khabe vuan chungin kil khatah a ding ta reng a.
Dusty-a chuan, “ Tikhan lo awmpui rih la, a tanna hmun tur ka’n siamtir nghal ang e, “ Mrs Bollinger-i hnenah chuan a han ti a. Jail hnung lama sakawr chaw dah khawmna tur a an siam, in te tak te chu, hmeichhe lungin tang dahna turin a siamtir ta nghal a.
Thil a rel thiam dan chu an hmuhin, Doc Leroy-a leh Rusty-a chuan Dusty-a chu an ngaisang sawt hle a ni.
Show post links
Top
Jakob l hd
Posts: 39
Joined: May 30th, 2018, 10:33 pm
Contact: Contact Jakob l hd
Post by Jakob l hd » November 18th, 2018, 3:28 am

QUIET TOWN - Dusty Fog.

Buatsaihtu : Lalsangliana.
Chhuahtu : Tv. Lalthianghlima
(Jakob L.HD)

BUNG-1

Chu khua chu ‘ Quiet Town ‘ tia vuah zawng a ni ngei mai, mahse khua azawngah chuan a rura pawl tak erawh a ni thung. A khaw chhehvel tlang ramah te chuan rangkachak khur an hmu chhuaka,chu chu thla riat kalta mai kha a ni nghe nghe a. Chung atang chuan he khua hian hminga chher in sum pawh a hmu tam hle a ni.
Tun hma chuan Quiet town hi in sawmhnih khua emaw lek a ni a, mahse a chhehvel rama rangkachak an laihchhuah atang chuan a lo thanglian a lo thang chak em em a,tunah hi chuan mel khat bial lai, Saloon te, Dance Hall te, Pawisa khelhna in te, Dawr te leh chenna in te in a lo khat vek tawh a ni. A khaw rem dan chu kil li nei deuh vek a sak hi a ni a. Grant Street an tih mai chu chhak leh thlang zawnng a kawt thler kal tlang chu a ni a. Tin, chhim leh hmar zawngin kawtthler dang pakhat Lee Streetan tih mai chu a awm ve bawk a. Chumi kawtthler pahnih insuih finna lai chu a khawpui lun n alai ber a ni bawk a. In lian leh hming nei tham pali lai – Bearcat-I Saloon te, Golden Gal Dance Hall te,Pat-a Whisky Parlour te leh Beaunains Theatre an tih te chu chuti laiah chuan an awm khawm vek a.
Chung in pali baka in dang la awmte chu sawi tham a lian a vang tawh hle a, mahse Grimwood-a in,Funeral Paradis an tih erawh chu a lian ve hle a, a neitupa Grimwood-a pawh chu a hausa hle bawk a ni.
Marshal Office leh Jail te pawh chu duhawm tawk tak zawng a ni a, a chhungah pawh pawisa leh rangkachak tam tawk fe chu an kawl ve reng bawk a.
Khaw chhehvel tlang ram atangin Miners hote chuan an rangkachak laih chhuahsa chu an rawn la lut a,duhtawkin khuaah chuan an rawn chen ta thin a, chhun zan zawmin dawr thenkhatte chu a inhawng reng thin a. Khaw thim hnu chuan hmeichhia leh naupangte tan kawtthlera chhuah ve ngam a ni tawh lo. A khua a mite pawh chuan kawtthlera silai ri te mai mai chu an hriat zin tawh avangin ngaiah an nei tawh mai a, inkap hlum pawh a khat tawkin an awm deuh reng bawk a.
Miners (Rangkachak lai chhuaktute) chu pa rura tak tak an ni hlawm a, anmahni ang chiah a rura vet ho,khaw chhungah chuan tam tawk tak an awm reng bawk. Chungho chu khaw chhunga han che vel thin chu namen lo tak a ni. Hmeichhia zan vah chingte pawh chuan puakruk te chi an ak deuh chawt a, chung hmeichhiate pawh chuan a tul phawt chuan an thil neih hlu ber humhim nan(chu kher chu hum him a tul lo an tih pawhin thil dang tul an tih a piang) an puakruk chu hreh miah lovin an hmang ve mai thin !
Chung ho bakah bawng khalhtu cowboy te chuan khua chu chawlh nan tak an rawn hmang ve bawk a. An hlawh la hlim, cowboy ho khaw chhunga rawn che tla velte chuan khua chu a tipui leh zual bawk a. Texas ram atanga lo khal, cowboy pakhat chuan he khua hi – Quiet Town ‘ tiin a lo vuah ta nghe nghe a ni.
Khua a lo lut atanga darkar hnih chhung lekin khaw chhungah chuan inkap hlum te,chemte a insual te, Saloon chhunga bungrua zawng zawng tichhe vek khawpa a chhunga mipui insual te lehzurui pakhatin vawmpuaha in pakhat a vawm darh vek laite a rawn hmu hman a. Chung zawng zawng a hmuh hnuin Bearcat-I Saloon ah a lut a,inchhunga mite hnenah chuan, “ He khua hi a pui hrep hi mawle – Quiet Town ‘ tia vuah tur a nih hi,” a tih phah ta hial a. Chuta tang chuan tun hmaa a hming pangngai –‘ Gilem ‘ ni tawh lovin chu khua chu ‘ Quiet Town ‘ an lo ti hlen ta a ni.
Khua chuan zan reh lai pawh a nei thei lova, sakawr tlan ri leh silai ri chu hriat peih a thu a ni mai. Thlan laih tur leh kuang siam turte a tam em avangin chutiang kawnga eizawng tu, Grimwood-achu a hausa hle a. Khua a lo thlen ve phat atangin Grimwooda chuan an hotute a berawn a. Tichuan mithi an awm phawt chuan an kuang te a siamsakin an thlan tur te a lo laih tir ve thin a. A hnathawh man putu tur mitthi chuan chhungte a neih loh pawhin khaw hotute chuan an tum turin an ti thlu ta bawk a. Reilote ah Grimwood-a chu an khuaa mihausa ber a lo nit a hial a. Chutiang khawp chuan mitthi phum tur leh kuang siam tur a tam a ni.
Chu khuaah chuan Dan mumal pawh a awm thei hauh lo. Pa tha tak tak pathum laiin Dan kengkawh turin Marshal hna an lo chelh tawh a, mahse Marshal Badge kawrawma la tar reng chungin chung mi pathumte chu an boral vek tawh a. Chuvangin tunah hi chuan pa pakhat nui reng mai, hman tlak loh let derin Mashal hna chu a thawk ringawt tawh a. Chupa chu a rintlak loh em avangin an khaw hotute pawh chuan ram dang atangin Hickok-a te, Dan Troop-a te leh Matt Dillon-a te chu an khua ah Marshal hna thawk turin an sawm a,mahse, anniho chu tumah lo kal thei an awm bawk silo. Chuvangin an hruaitu lu ber, Matt Gillem-a chuan a thianpa Texas rama awm hnenah chuan tanpui tura sawmna a thawn ta nghe nghe am mahse tun thlengin chhanna engmah a la hmu lo leh ta zel bawk si.
Irish Pat-a Saloon ah chuan mi pali hian lehkha an deng a. An pawisa inchawi chu a tam tham loh bawk avang leh thawhtanni a lo nih kher bawk avangin, entu pawh an hmu meuh lo. Lehkha indeng te chu Miner pakhat, Texas cowboy pahnih leh Glamber pakhat Baker-a an tih te chu an ni a. Pathumte chanchin pawh chu sawi tur tumahin an hre meuh lo. Glambar pa erawh chu a thianpa, Bull Moos-a nen hmanni deuh lawk khan khua ah chuan an lo lut dun a, Texas mi an hmuh tawh phawt chu ngun deuh hian an en dun zel a, hlauh nei ni awm takin an lang dun bawk a.
Bar sir lehlamah chuan khaw hruaitu lu deuh deuh, Sam Gillem-a te, Banker te, Saloon neutute aiawhtu Frank Barsen-a te,Rangkachak khur a hnathawkte aiawhtu Angust McTavish-a te, an khaw thirdeng, Will Lealen-a te,sumdawng aiawhtu Bradgave-a te ho chu an thu khawm a, karkhat chhungin an khaw chhungah chuan chhiatna eng ang tenge lo thleng tih an sawi ho nak nak a.
Chutihlai chuan Saloon kawngkhar chu a rawn inhawng a, inchhungah chuan Texas Cowboy pahnih an lo lut ve ta a. Pakhat zawk chu pate takte hi a ni a, a thianpa erawh chu tlangval sang tak a ni thung. Chupa chuan puakruk pakhat leh chemte pakhat a pai a, a dum hlir hian a inthuam bawk a. A hmel han en ngawt chuan naupang awm tak ni hian a lang a,mahse a mitmeng erawh chu a naupang teh chiam lo thung. Mitmeng atanga mite mizia lo hre thiam deuhte chuan chu tlangval chu kawlhsen tak a ni ang tih an hre thei awm e.
A thianpa erawh chu pa te takte a nih bawk vang emaw ni, tuma ngaihsak pawh a hlawh ve meuh lo. Puakruk pahnih a kawm hmalam hawi zawngin a pai a, a inchei uluk hle bawk a. Belhchian deuh chuan a sa that dan atangte leh a kut bawr len dan ngawt a tang pawhin a tha hrui ngah tak a ni ang tih chu hai rual hi a ni thung lova. An pahnih chuan kawngkhar bulah an ding dun a, inchhunga mite chu an en kual vel thuak thuak a,tah chuan an lut dun ve ta a.
Dawhkana lehkha lo dengtute lam chu an pan dun a, a pa te zawk chuan, " A lo tel ve theih em ? " ti in a han zawt a. Baker-a chuan chumite pahnih chu chhang mai lovin ngun zet hian a han en leh rih a, mahse Miner pa chuan, " Lo tel ve rawh u khai," a lo tih khalh ta thuai a. Thutthlengah chuan a pate zawk chu a han thu a,a thianpa hnenah chuan, " Lon ? '' tiin a han zawt a. Ani chuan, " Aih, ka pa'n riltam laia lehkhaden te,zu in te leh nula khalh te a phal ve lo. Ka inthun puar hmasa rih dawn, " a lo ti a, chawei dawhkan lam chu a pan ta nghal a.
Texas tlangval te zawk chuan dawhkan kiltute chu a han en kual a, Miner pa chu pa lian leh sek zet mai hi a ni a,a chak hmel hle bawk a. Chupa bula Texas mi pakhat lo thu ve chuan a lukhum chu a thutthleng banah a khai a,a sam chu a dum tha hle a, hmai dang lam deuh,hmai tlang hriam rat mai hi a ni a. A kawr tlang chu a thlep let a, chu chu hnunglamah hnung lamah a kilh bet leh tlat bawk a. A kawr chung tlang a thleh let chhan chu inchei nana a tih zawng a ni hek lo,a puakruk phawina a dal dawna a hriat vang chauh zawk a ni.
Pakhat leh erawh chu pa te lam,satha va tak hi, puakruk pakhat chauh pai hi a ni a. Chu chuan a thiante chu kawhhmuh pahin, " Hei hi Doc Leroy a ni. A sira mi hi Mike-a a ni a, a bula mi hi Baker-a a ni a, kei hi Rusty Willis-a ka ni, " a han ti a.
Texas tangval pawh chuan a ipte atanga pawisa lakchhuah pahin, " Ka hming chu Dusty Fog-a a ni, " a ti ve ta a. Rusty-a leh Doc Leroy-a chu an inmitmei zauh va, Baker-a pawh chuan a thianpa Bar sir a dinglai Bull Moos-a chu a va en a,lu a va buk khum zauh va. Tichuan, Bull Moos-a chu dawhkan bulah chuan a lo phei a, Dusty-a hnung zawn takah chuan a rawn ding a, an lehkhadeng lai chu a rawn en ve ta a.
Baker-a chuan Texas mi pathumte chu ngun deuh mai hian a han en tawn vel a. Tunhma lamin an la inhmuh chu ring ngailo mah se,a ngaih chu a tha thei chiah lova. Baker-a chuan lekhaden chu a la a, a han sem tan ta a, mahse a sem zawh hmain Dusty-a chuan, " Ngawi rih teh,tun a I lehkhaden kenlai kha zat nga a nih chuan……" a rawn ti tan chauh va, a sawi tum pawh a sawi zawh hma hma in Baker-a chu a ding thut a, a kawrchung ipte chhung lama a puakruk chu a chuh ta nghal mai a.
Thutthleng a tanga Dusty-a ding chhuak tur chu a nghawnga lo reh thut mai tumin, Bull Moos-a pawh a lo inring ve khiau bawk a. Mahse Dusty-a chu ding mai lovin a dinglam sirah a thutthleng atang chuan a let phei ta zawk a. Baker-a chuan Dusty-a chetdan chu hmu mahse,a tum chu a sawhsawn hman ta lo. Tichuan, a thianpa Bull Moos-a chu a puakruk chuan a kap ta a.
Dusty-a chuan tluk pahin a puakruk veilam chu a kut dinglamin a phawi chhuak a,rang lutuk deuh mai hian vawi thum a han hmet puak a, Baker-a chu a eu zawk a,a tlu sawp ta nghal a. Dusty-a chuan puakruk chu a la keng khu vat vat a,a lo ding chhuak a. Dawhkan lehlam a khaw hotu lo thukhawmte chu a va en a. Anni pawh chu an lo ding vek tawh a. Baker-a chu a va hnaih a, a puakruk ken lai chu a pet per sak lawp a, amah chu ngun zawkin a zuk en leh rih a. Tichuan, Bull Moosa awmna lam a pan leh ta a.
Doc Leroy-a pawh chuan, Baker-a lehkhaden nem chhuah tawh chu a han tilang ta a,mi zawng zawng hmuh ngei turin tawka zat nga chu dawhkanah chuan a rawn dah lang a. Dusty-a hnenah chuan, " I hmu rang hle mai, I mit a ran ang bawk in i kut pawh a rang a ni. Baker-a thil tih dan kha kei pawn ka lo hmu ve reng a, sawi chhuah ka tum lain min rawn sawi khalh ta a ni, " a han ti a.
Rusty-a vethung chuan, " I thil han tihdan kha chet an tum dan hrelawk i ang hlein ka hria, " Dusty-a hnenah chuan a han ti a. Dusty-a chuan, " Khatiang chiah khan ka Cousin- Lane Clements-a pawh Newton khuaah an kaphlum tawh a ni, " tih chauhvin a chhang a.
Dusty-a thusawi chu Doc Leroy-a leh Rusty-a te pahnih chuan mak anti dun hle a. Rusty-a chuan, " A thianpa khan kah che a tum a ni tih hre si a,i hnung zawn a Bull Moos-a lo ding ngam mai kha a mak viau a ni, "a han ti leh a. Dusty-a chuan, " Baker-a puakruk kha Derringger a ni a, mihring taksa han kap tlang thei tur chi a ni lo. Chu bakah………" a han ti leh tan chauh va, Saloon
kawngkhar chu a rawn inhawng a,inchhungah chuan mi pahnih hi an lo lut ta a. An hnung lawkah midangin an rawn zui ve bawk a.
Inchhunga lo lut pakhat zawk chu ' suit ' hian a inthuam zaih a, sap ram atanga rawn kal ni awm takin a lang bawk a. A rawn luh pui pa erawh chuan kawr hlui fe hi a ha a, a kaw-awmah chuan Marshal Badge hi a rawn tar bawk a. Chupa chuan puakruk phawi chhuak sain Dusty-a bul chu a rawn thleng a. " Tu tih nge ni ta ? " vin deuh fe hian a rawn ti a. A hnung lamah a hote chuan an rawn zui lut ve tawh a, silai an keng vek a.
Engdang mah sawi lovin Dusty-a chuan, " Ka tih anih kha." a han ti a. Marshal chu ngawi rengin a han en leh rih a. Reiloteah Marshal chuan, " A nih a hnu, ka man dawn che a ni mai, " a han ti leh a. Dusty-a chuan, " Engnge thil tih dik loh ka neih ? " tiin a han zawt leh a. Marshal chuan a hmui a han liak huh a, Dusty-a chu chhang mai lovin ngun zet hian a han en leh rih te te a. A hnunglama pakhat lo ding ve chuan, " E, tual i that a ni lawm ni ? " tiin Marshal chu a rawn tawng khalh a.
Chutih lai chuan Bar atangin Lon-a chu a rawn kal hnai a, a thianpa bulah a rawn ding a. Marshal leh a hote hnenah chuan, " Thu tha lo tak a nih chu i sawi ni, " a han ti zet a. A thianpa hnenah chuan , " Ti rawh , i chhuak......" a han ti leh tan chauh va.
Marshal chuan Lon-a che vel chu ngun fe hian a lo en reng a. A puakruk chu a han lek sang deuh va , Dusty-a hnenah chuan , anmahni vau nan , " Puakruk ka keng a sin , " a han ti a. Chu veleh Saloon kawngkhar atangin , " I puakruk chu paih thuai rawh, " tih ri inchhunga mite chuan an hre ta mai a.
Thu rawn petu aw chhuak atang chuan puakruk emaw rifle emaw keng chungin Marshal chu a rawn tin reng tawh a ni ngei ang tih chu rinhlelh ruala ni tawh lo. Chuvangin Marshal pawh chuan a puakruk ken lai chu a thlauh va, Saloon kawngkhar lam chu a va hawi phei ta thuai a.
Saloon kawngkhar chu awn fe a ngheng chungin palian zet mai, fit 6 leh inchu 3 zet a sang tur hi a lo ding a. A hmel that dan atangte leh a taksa inphut mawi dan atang ngawta thlir chuan Grik Pathian ni awm tak hian a lang nghe nghe a . Puakruk pahnih a pai a , a kut dinglam chuan sikre hi kawh fe hian a keng a, chu chuan Marshal chu a lo tin reng a. Sikret maia amah chu rawn tin a ni tih Marshal in a hmuh meuh chuan a thinur lutuk insum zo lo chuan chhuatlai a a puakruk thlauh hnu chu char leh mai a han tum a. Chutih lai chuan kawngkhara mi chuan Dusty-a te bulah chuan a lo phei ve tawh a.
Marshal hnenah lo kal thar pa chuam , “ I ti buaithlak mai mai ti khan awm ringawt rawh se, i mamawh chai loh kha, “ tiin Marshal puakruk char tum lai chu a han khak zui hram a. Chutia a tih pah chuan chhuatlai a Marshal puakruk chu a va chhuih len sak dawrh a.
Marshal rawn luh pui tlangval chuan Marshal chu a han en a, a hnenah chuan, “ I tihtur chu tita che,” a rawn tita a. Mahse, Marshal chuan chung mi pathumte chu a han en thin a, mi naran an ni lo tih an hmel atang chuan a hre chiang nasa mai si a. Amah rawn betu chu chung lai vel rama seilian a nih loh avangin chin chang engmah a hreve lo tih te pawh a hai bawk hek lo.
A kut dinglam in a hmai a han nuai a, zawite hian, “ Ka awm a nuam mang lo ka ti,” a han ti a.
Chu veleh a hnunglama amah rawn zuitute chu an phun ta sup sup a, pa pakhat chuan, “ Buaina a awm phawt chuan englaimahin i awm a nuam ngai reng hlei nem ! Chuvang chuan alawm, he khua ah hian buaina pawh a punlun ni. Heng tualthattute ho hi man ngei tur an ni,” a rawn ti a.
Chuveleh Marshal chuan a kawr-awma Marshal Badge chu a phih thla a, chhuatlaia paihthlak pahin, amah rawn betu hnenah chuan, “ A nih a hnu, Kennet kareh zaupa, nangmah ngei chuan man vek la a ni mai a lawm. Thih ka la chak teh chiam hlei nem. I duh ang chiah chuan ti mawlh ang che,” thinur deuh mai hian a tilet ve ta a. Ngawi rengin Kennet-a chu a kal pel a, pawnah a chhuak ta nghal a.
Kennet-a chuan a thiante chu a han en vel a, inti pachang takin Dusty-a te chu a va hnaih a, an hnenah chuan, “ Tunah hian kan Dan-in a phal angin, khua leh tui ka nihna chu chhuangin, Citizen’s arrest Dan chu in chungah ka lek dawn a ni. Tual in thah avangin ka man dawn che u a ni, “ a ti leh ta a.
Chutia an inbe vel lai lo entu Rusty-a pawh chuan, “ Ngawi teh Doc, Texas tleirawl chuti maia han thlahthlam bik chu kan tan a mawi dawn em ni ? “ a thianpa hnenah chuan a han ti a. Doc Leroy-a pawh chuan, “ Teuh nang, anni hi kan phatsan mai zawngin kan thiante pawh khan min be leh duh tawh kherin ka ring lo,” a lo ti ve thuai a. Dusty-a hnenah pawh chuan, “ Captain Fog, rem i tih chuan lo tel ve kan chak ngawt mai,” a han ti a.
Irish Pat-a chuan Doc Leroy-a thusawi a hriat veleh, “ Captain Fog i tia law ? “ tihpah in khaw hruaitu lu thu khawmte chu a han en kual a, “ Khai, Matt, i thelh thuai loh zawngin kan banker fapa leh a thiante hi kan chan ngei ang. Heng mite tutenge annih ka hre ta. A lo lut hnuhnung ber hi Mark Counter-a a ni a, a dum hlira inthuam hi Ysabel Kid-a a ni,” a han ti leh a. Tah zawng McTavisha pawh chuan, “ A te ber hi Dusty Fog-a an tih thin chu a ni ang maw ? “ a lo ti ve ta a.

BUNG-2

Rifle leh laiphir keng mi sawm leh pahnite chuan Texas tlangval pangate chu an hmachhawn ta a. Chung tlangval pangate chu tutenge annih hre chiang se zawng tlem tal chuan an tim deuh tur !
Dusty Fog-a chu Mexico khua atanga Bushred Sheldon-a leh a hote rawn hruai chhuaktu bawk kha a nil eh a, naupangte a la nihlai pawh a Captain ni thei khawp a fel a ni. Puakruk a kah thiam zia leh a phawi ran zia te pawh mitin hriat a ni bawk.
Mark Counter-a pawh chu Dusty-a tluk thawthanga puakruk phawi rang leh kap thiam ve bawk a ni. Buaina a awm tawh phawt chuan phur taka tel ve peih chawt a ni bawk. A insual hrat zia chu hre lo an vang hle awm e.
Ysabel Kid-a vethung chuan puakruk kah chu Dusty-a te tluk em chuan a thiam ve lo. Mahse, rifle kah ah chuan a tluk tur an vang hle thung. A tum a kah fuh hi chu dan pangngai a ni mai a, a hlah palh hlauh erawh chuan mak tia sawi tham a tling zawk chauh a ni. A puakruk chu second khat chhungin a phawi chhuak a, a kap ve hman hram a. Dusty-a te erawh chuan second chanve chhungin an tum an kap fuh hman tlat a ni.
Kennet-a chu a han lehhawi a,a thiante chuan engtinnge an ngaih ve ti ni awm takin a han en kual vel a. Duh se chuan Dusty-a leh a thiante chuan an inrin hmain Kennet-a leh mi pali panga vel chu awlsam takin an kap hlum thei ngei ang. Kennet-a te chu Sap ram atanga rawn chhuak hlim hlawt an ni a, Texas mite chuan chuti takin puakruk an phawi rang thei ang tih leh puakruk kah an thiam ang tih ngaihna pawh an hre hek lo. Quiet Town chanchinte an lo hriat chuan,tunhma lama sap rama an lo tih thin ang bawkin anniho chuan thil tam tak ti thei dawnin an inngai tlat a ni. Mahse chu zawng, thil chin chang an hriat tlem luat vang mai a ni.
Rei fe an ngawih hnuin, Miner pa chuan, “ Thiante u,thil inhre sual palh a ni. An inkahna khan thil fel lo engmah a awm lo ve, “ a rawn ti chhuak a. Mahse Kennet-a chuan, “ Lehkhadeng ho zingah khan i tel ve miau va, chutianga i rawn sawi pawh chu a awm viau ve, “ a lo tih san mai si a.
Kennet-a chet dan chu, Dusty-a chuan a ning tan ta deuh va, A thiante pahnih Mark-a leh Ysabel Kida te chuan ngaihtuah chiang lovin engmah an ti lovang tih a ring ngam a. Rusty-a te pahnih pawh chu ngaihtuahawm lo hle in a hre bawk a. Inkahte a lo tul hlauh chuan Kennet-a leh midang tu emaw chu rang takin an kap thlu thei nghal mai dawn tih pawh a hre chiang em em a, Mark-a leh midangte pawhin a then azar chu an lo kap thlu ve thei thovin a ring bawk a.
Tichuan, Kennet-a leh a thiante tan pawha tlawmngaih thlak tak a nih lohna tur ngaihtuahin, “ Mitthite chungthu hi rel fel in la duh dawn te a nih phawt chuan, thubuai sawina ah kan lo kal mai ang, “ a han ti a.
Mahse, Kennet-a chuan lu thin pahin, “ Chu zawng, a rem lovang. Tual thah vanga in chung thu hi ngaihtuah tur kan ni tlat a, “ a lo ti ve leh ta zel a.Dusty-a chuan a dar a han chin ak a, a ngawi leh ta mai a. An tan buaina pumpelh theihna tur Kaawng a hawn sak pawh a an zawm duh si loh chuan a tan tih loh ngaihna a awm tawh lova ni.
Mark Counter-a vet hung chuan, “ A nih leh ka thiante chu han man ta che u, man thei dawna in inrin phawt chuan, “ a rawn ti ta chhak a. Chutihlai chuan Matt Gillem-a chu a lo zuang chhuak a,Kennet-a te bulah a rawn ding a, a hnenah chuan, “ Ngawi rih rawh u, Kennet, i thiante hi engmah ti lo turin hrilh thuai rawh, a tlai luat hma hian, “ a rawn tit a a.
Kennet-a chu Gillem-a Bank-ah Manager hna thawkin a awm ve a. Gillem-a chu a hre chiang hle bawk a. Pa fel tak leh thil chin chang hre tak niin a lo ngai ve bawk si a. Ani meuhin chutia a rawn ti ta mai chu mak a ti hle a ni. Quiet Town ah chuan Dan mumal taka wm tura duhtu a ni ve tih pawh Kennet—a chuan a hre chiang hle bawk si a. Chuvangin a hnenah pawh chuan, “ Ka pu, tanhmun kan khawh ve a tul a ni. Heng tual thattute hi hrem lohvin, chuti mai a chhuahtir chu a fel lovang, “ a han ti leh hram a.
Gillem-a chuan, “ Dusty Fog-an Glamber kha a kaphlum tih chu kan hre theuh. Mahse, Baker-a leh Moosa tekhan intiam rualin Dusty-a kha kahhlum an tum a, chu bakah Baker-a kha lehkhaden ah bumna a hmang tel bawk a. Chuvangin, Baker-a leh Bull Moos-a a lo kah hlum avang hian Dusty-a hian thiam lohna a nei miah lo. I thiltih tum hi in tih luih ngat chuan in zinga a chanve hi chuan naktuk nichhuak in hmu leh tawh kher in ka ring lo. Tual thahna engmah a awmlo. Baker-a kha chu tuanfum vanga thi hma mai a ni zawk, “ a lo ti ta a.
Chutah zawng Kennet-a leh a thiante chuan thil awmdan an ngaihtuah chian ta deuh va. Sap rama College an kallai te chuan thil tha tih tumin engkim ngampa takin an ti thei zel a, buaina a awm pawhin Police ten an rawn pui mai thin a. Mahse Quiet Town angah te hi chuan miin thil tha tih a tum pawhin amah lo hnialtute chu puakruk nen a beih let ve theih ngei a tul tih te pawh an ngaihtuah chhuak ta hlawm a.
Chutah zawng, Kennet-a pawh chuan, “ A nih leh tual thah thu kan ngaihtuah hunah chuan lo kal mai se a tha ang chu,” a ti ve ta a.A rilruin Gillem-a thil tih dan chu a la hrethiam teh chiam lo ta fo va.
Kennet-a rilru chu hria ni awm takin Gillem-a chuan, “ Kennet, henglai ram hi chu danglam tak a nia. Inchenna hlui, sap ram nen chuan in anglo tak a ni. Captain Fog-a hi man luih lo tum ta ni ula, a ni hian a duh phawt chuan in laiphir ken lai kha in lekchhuah hmain pali vel chu a kaphlum hman ngei ngei ang che u. A thiante ho pawh hi duailo tak vek an ni. Chuvangin, in thil tih tum hi thulh mai zawk rawh u, “ a lo ti leh a.
Kenneta chuan, “ Puakruk chelek thei na-zawng chutianga kan thlahthlam dawn chuan……..” a han ti leh tan chauh va, Gillem-a chuan, “ Heng mite kher hi chu ‘ theina zawng ‘ tia sawi chi an ni ve lo. I laiphir ken lai khan anmahni hi kah tumin han tin dawn chin the reng, i hre mai ang chu, “ a lo ti leh ta zel a.
Kennet-a chuan a laiphir ken lai chu lek chhuah tumin a han che tan chauh va, Dusty-a te lam hawi zawnga a lek khawh hman hmain, Ysabel Kid-a chuan a puakruk a phawi a,a cheng kau sa vek leh hmet puak mai tura inring rengin Kennet-a chu a rawn tin ta mai a. Muangchangin a cheng chu a han khup thla leh rih a. Kennet-a hnenah chuan, “ Mister, kei hi chu a che muang ber ka ni, “ aw ban zet hian a han ti zui a. Engmah dang pawh sawi leh tawh lovin Bar lam a pan phei ta nghal a.
Gillem-a pawh chuan, “ Ka sawi tawh ang khan, mi naran mai an ni ve lo. Ysabel Kid-a kha a daw emaw ti hlek suh u. An zingah chuan a phawi muang ber reng a ni, “ a la tita deuh deuh va.
Chutihlai chuan kawngkhar chu a rawn inhawng leh a,inchhungah chuan pa cher deuh,sang fe mai hi a lo lut leh ta a. Lukhum chip zum chi a rawn khum a, a incheina reng reng chu a that hlawm em avangin pa khawsa thei tak a nih chu a lang chiang hle. Chhuat laia ruang pahnih lo let reng te chu a han en a, Baker-a ipte chu a zuk dap vel a, pawisa ip a han phawrh chhuak a,” Pahnih an ni maw thi ? Engtikah tak reh ang maw ? “ a han ti a.
Gillem-a chuan, “ An pahnih hian buaipui ta la, Baker-a pawisa hian a daih angem ? “ a lo ti a.
Chupa chuan, “ Baker-a hi chu chawisak a ngai lovang. Mahse pakhat zawk buaipui man hi chu khaw enkawltute’n an peksak a ngai ang, “ a han ti leh a. Kennet-a te chu an lo insum zo ta lova, “ Nang zet hi chuan pawisak i neilo mang e, ‘ Mulukawlh ‘ tia i hming an vuah che pawh hi a dik ngawt a ni, “ a lo ti chhuak ta hial a.
A hmel en ngawt chuan Grimwood-a chu a thinur a ni tih pawh a hriat meuh lo. A aw chhuak pawh a danglam the chiam lova. A mitmeng erawh chu a nelawm the chiam bik lo a ni. Kennet-a hnenah chuan, “ Tlangval, thisen chhuah duh lo chi tak ka lo ni kher kher chu i vannei ngawt mai. Chuti ni suh sela i thu han chhak chhuah chu huatthu ah ka la ngei ang maw le, “ a han ti a.
Kennet-a chuan, “ Thisen chhuah chu lo duh ta lo pawh ni la, kawtthlera mithite thil neih zawng i lo awt hle anih hi,” a la tit a talh a. Grimwood-a chuan, Kennet-a thusawi chu ngaihsak pawh a ngaihsak zui duh ta lova,a hote chu inchhungah a ko lut a, ruang chu a zawn chhuah tir ta nghal a. Amah pawh chuan a zui chhuak ve ta nghal a.

Grimwood-a chhuak tur chu Dusty-a te chuan an lo en zui reng a, a thiante hnenah chuan, “ Lo thi ta mai pawh ni ila, ani kher kher kha chu min phum tur chuan lo ruai lo hram ang che u, “ a han ti a. Mark-a chuan, “ Thih te chu hlau duh ma ta che, a fel leh a tha te chauh hi a nia thi hma thin ni, “ a lo ti thuai a.
Rusty-a chuan, “ Ni chiah e. Tun thleng thlenga ka lo la dam ve thei hi mak pawh ka ti viau a ni. Taka, ka hming chu Rusty Willis-a a ni a, ka thianpa hi Doc Leroy-a a ni. Kan pahnih hian……” a la tihlai mekin, Dusty-a chuan, “ Wadge Ranch a thawk ve ve in ni, “ a lo tih khalh thuai a. Dusty-a bawk chuan, “Kliddoe-a leh a hote in um tiau hnu thla hnih vel khan Abilene khuaah bawng rual khalhin ka lo kal ve a sin, “ a han ti leh a.
Ysabel Kid-a pawh chuan, aw nelawm loh zet hian, “ Ni e, Dawihzepa kha hmuh ve ka duh teh lul nen, in lo um bo hman hlauh va, pawi ka ti ngawt mai, “ a lo ti ve a. Doc Leroy-a chuan, “ Klidoe-a chu i thian em ni,? “a lo ti ve a. Ysabel –Kida chuan, “ Ni chiah lo. A hnena thil thlen tur pawimawh tak ka nei,kan inhmuh hunah, “ tih chauhvin a chhang a. ( Klidoe-a nen a an inhmuh thu hi,’ The Trail Boss ‘ tihah a lang)
Thu dang engmah an sawi leh hmain Bar neitupa chuan, “ Captain Fog, kan pute hian an hmu duh che a ni awm e,! “ tiin Dusty-a chu a rawn ko ta a. Dusty-a chuan khaw hruaitute ho thutna lam chu a pan phei ta nghal a. Gillem-a chuan Dusty-a chu rang takin chibai a rawn buk a, a hnenah chuan, “ I dam em, Captain Fog ? Ole Devila chuan ka lehkha a lo hmu ta ngei anih hi. Thiante u, he tlangval hi alawm, lo kal tura ka chaha chu, “ tiin a thiante chu a han hrilh ta thuai a.
Dusty-a chuan Gillem-a thusawi chu a hre thiam lo hle a, a hnenah pawh chuan, “ I thusawi chu ka man hauhlo mai. Uncle Devil-a bawng rual kan rawn khal mai a nia. Lekha i thawn pawh ka lo hre ve hlei nem, “ a han ti a. Gillem-a chuan pawiti rilru fe hian, “ Ole Devila’n a tirh vang che a lo kal i ni nange ? “a lo ti leh a.
Dusty-a chuan, “ Ni lo. Newton khuaah kan chhungte zinga pakhat,nichin Glamber thi ta khan a lo that a- ‘fair ‘ lo takin. Dan Troopa’n thil awmdan chiang takin min lo hrilh a. Tichuan Glember kha kan rawn umzui ta a ni. Uncle Devil-a hnenah puitu tur dilin lehkha i thawn em ni ? “ a han ti let a.
Gillem-a chuan, “ Ni e. Chuvanga lo kale maw i nih ka lo ti reng a sin. He khua ah hian Law Officer kan mamawh tak meuh a ni,” a ti ta a. Dusty-a chuan, “ Intana ka tangkai theihna tur kawng ka hre mang lo. Law Officer atan chuan Hickok-a te, Matt Dillon-a te leh Dan Troop-a emaw chah mai ula a tha zawk ang. Dan Troop-a phei chu thla leh khian a hnathawh lai a tawp dawn a, a lo kal duh ngeiin ka ring, “ a han ti a.
Gillem-a chuan, “ Vawiin hi thla thar nihnih chauh a la ni a,thla khat chhung zet Dan Troop-a chu nghah a la ngai dawn tihna a ni a. Chumi chhung chuan kan khua hian Dan lek kawhtu tur, mi rintlak deuh kan mamawh a ni. Nang hi kan lo beisei ber che chu i ni mai a. “ a la tita fo va.Gillem-a thusawi chu Dusty-a chuan a ngai sual palh ta deuh a ni ang, lungawilo tih hriat fe hian, “ Mister, ka silai hi ka zuar lo a sin, “ a tita khawl mai a.
Gillem-a chuan, “ I silai i zuar ka ti awzawng lo. He khua-ah hian Law Officer kan mamawh a, chutiang mi tur chuan phawiran theoh ngawt pawh a sawt bawk hek lo. Phawi rang na zawng duh ni ila chuan he khuaah ngei pawh hian an tam hlein ka ring. I phawi rang tih chu kan hria a, chutiang bawkin Hickok-a te leh Dan Troop-a te pawh an rang ve a ni. Law Officer ni tur chuan phawi ran theih chu a ngai the meuh mai. I pa pawh kha rang tawk ve hlein thinin ka hria. Tunah mai pawh khan i phawi ran dan chu kan hmu tawh a ni. Mahse i insum thei tih kan hre bawk . Hickok-a chu ni la chuan timna nei hauh lovin nichina miten an tih thinur lai che pawh khan i kap daih tawhin ka ring. Mahse Kennet-a te i kah duh loh dan atang khan Law Officer ni tur chuan ka it tlat che a ni, “a lo tita a.
Dusty-a pawh chu a inthiam lo rilru deuh hlek a, Gillem-a hnenah chuan,” Law Officer chu tun hmainka la ni ngailo,ka pa hnuaiah rei vaklo Deputy Sheriff hna ka thawk tawh a, mahse bawng ven bak chu engmah thiam ka nei lo, ‘’ a han ti leh a. Barsen-a chuan, “ Mexico khua a i va kal chanchin te pawh kha kan lo hre ve a, bawng veng tura va kal zawng i nih loh kha, “ a lo ti ve ta a. (Mexico khua Dusty-a te va kal thu hi ‘ Ysabel Kid ‘thawnthu bu ah a lang )
Dusty-a chuan, “ Kha kha chu dang tak a ni. Hetiang khaw lianah hian Law Officer ka la ni ngailo, “a la tita fova.
Mahse, Irish Pat-a chuan, “ He khua hi sawizawi thei tur chuan huaisen tak nih a ngai. Chuvangin nang hi kan mamawh che a ni, “tiin a lo tang ve bawk a.
Bradgate-a ve thung chuan, “ Captain Fog, he khua hi thenfai kan duh tawh a ni. Kan khaw chheh velah rangkachak an laihchhuah tak avang hian , mihring duhawm lo tak tak kan tawn fo mai hi a ninawm thawkhat hle tawh a. Thil awmdan i hriat duh chuan tukverh ah hian va dakchhuak la, i hmu mai ang. Saloon te, Dance Hall te, Glimbing House te leh nula nungchang tha teh chiam lo chenna hmun hlir i hmu ang. Kan thianhlim e, zawng kan ti bik lo. Mahse, mumal nei deuh va khawsak ve tawh kan duh a ni. Sualna a tam lutuk,in thahna te,inpawng nekna te leh sual chi hrang hrangin kan khat ringawt a ni. Chungte chu tawp tawh se kan ti a ni, “ a lo ti ve a.
McTavish-a pawh chuan, “ Chu chu a dik a ni. Keini Miners ho pawh hian khua hi kan tlawh tha ngam tawh lo. Rangkachak tlem neih vanga arte thih mai kan hlau a ni. He khua ah hian tumah kan him tawh lo.”a lo ti ve a. Gillem-a pawh chuan, “ Khauh taka dan lekkawh theitu tur kan mamawh tak zet a ni. Nichina kan Marshal ang mai mai ni lo, mi tak tak kan mamawh a ni. Engnge i ngaihdan le ? “ tiin Dusty-a chu a zawt leh ta a.
Dusty-a'n a chhan hmain Saloon ah chuan pa sang zet mai hi a lo lut a, chapo leh engthawl fahran hian inchhunga lo awmte chu a han en kual vel a. Bar sira dawhkan lam chu a rawn pan hnai a . A lukhum chu a han kuaidak a, pawisak nei lo tih hriat fe hian a mei zuk lai chu a han pak bial a. A inchei dan atang leh a puakruk pai fual dan atangte chuan Glamber a ni ang tih chu inchhunga mite chuan an hre thei nghal vek a.
Chupa chuan, Dusty-a chu an reng chungin, " Thu pawimawh sawihona in nei tih ka lo hria a, engvangin nge koh ka nih ve loh ? " a han ti a. Gillem-a chuan, " Engvanginnge kan koh ang che. Council a tel tur hian tuma'n an remti hleinem che, " a lo ti a.
Chupa chuan muangchangin a kut a thlak thla a, a puakruk kawm chu a han chul vat vat a, " Hetah hian Vote ruk chu ka nei ve a, chuvangin he khaw enkawltu tur hian Hire Killer mai mai chu thlan ka remti lova ni, " a han ti leh a.
Dusty-a chuan a meizuk laiin Glamber kawrawmah chuan dum thawt khawpin a va pen per a, a hnenah chuan, " Mister, nangchuan Vote ruk chauh i nei a, kei erawh chuan sawmpahnih ka nei. Chuvangin i duh taka chu i thlang tling ta lova ni. Mister Gillem, in Town Marshal tur chu ka ni. Nang, pawisa-khelh- chingpa, hnialna engnge i neih le ? " tiin Glamber pa chu a han en a.
Glamber leh Dusty-a chu an inhmachhawn a, ngawi rengin an in en a. Inchhunga thawm dang lo awm ve te pawh chu, thawklehkhatah a reh ta duak mai a. Rei fe an ngawih hnuin Glamber chu a tlawm ta zawk a ni ang, Dusty-a hnenah chuan, " Engmah hnialna ka nei lo ve. Mahse hei hi hre reng rawh. Quiet Town ah hian Law Officer rei an dam ngai lo, " a han ti a.
Dusty-a chuan, " Pawisa khelh chung chu khawi lai ah mah an dam rei ngai lo. I puakruk kha khawih tawh suh. Thlah vat rawh, " a han ti a. Glamber chuan chutihlaia puakruk han phawi nghal mai chu a chak rilru hle a, a tan a remchan dan tur pawh a hre bawk a. Puakruk kawm vuan sa tawh a nih vangin atan tuan that zawk a awl phah hle ang tih pawh a hre bawk a. Mahse, chitu chuang chuan Dusty-a phawi khalh hman a la inring ta ngang lo a ni ang, a kut chu a la chho va. Saloon atang chuan a chhuak ta nghal a.
Glamber chu a chhuah veleh Gillem-a chuan a thlan chu a rawmawlin a han hru te te a, " Clint Fang-a tlawm zawka a tan theih reng ka ring ngailo a sin le !? " a han ti a. Dusty-a chuan, " Tunge a nih ? " a han ti leh thuai a. Gillem-a chuan, " Bearcat Annie-i hnena thawk a ni a, an zingah chuan phawi rang leh hlauhawm bera an neuh a ni. Fimkhur a ngai viau vang, " a han ti a.
Kennet-a pawh chuan, " Captain Fog, kan thil tih sual ks hrechiang ta. Quiet Town Marshal ni tur hian i tling tih pawh ka hre chiang ta ngawt mai, " a lo ti ve ta a.
Dusty-a chuan, " Ka thiante chuan ' Dusty ' tiin min ko thin. Engpawh nise Deputy pali ka mamawh ang, " a han ti a. McTavish-a chuan, " Pali a ni ? ! In va tam deuh awm ve ?! " a lo ti thuai a.
Dusty Fog-a chuan, " Khawchhunga cheng pawh intam miau alawm. Keini mi panga hlawh minpek avangin khua hian chuti teh chiamin a tuar lovang. Mi naran chu Deputy atan ka duh bawk hek lo, " a lo ti leh a.
Gillem-a chuan, " Deputy pali maw i duh chu, ? " tih pahin Bar lam chu a va hawi phei a. " Mark leh Ysabel Kid-a te hi i thlang ngeiin ka ring. Mahse midang pahnihte saw chu cowboy satliah va mai bawk anni in ka hria, " a han ti leh a.
Dusty-a chuan, " Mark-a, Ysabel Kid-a leh kei pawh, cowboy naran ve mai kan nia lawm. Chuvangin kan panga hian min ruai ngei tur a ni, "a ti ta tlat a.
McTavish-a chuan, " A va hek sak awm deuh em ! " a lo ti leh hram a. Mahse Gillem-a chuan, " A nih leh nang chu Dollar za thlatin kan pe ang che. I Deputy tuete hi chuan thla khat ah Dollar sawmriat an hlawh ang. Tin, lei chawi a awm phawt chuan, an pawisa chawi chu in nei vek ang, " a lo ti ta thuai a.
Dusty Fog-a chuan, " Ni lo ve. Kei chu dollar za lwh sawmgnih min pe tur a ni. Midangte hi za theuh. Tin, thil dang chu engmah kan khawih lovang, " a lo ti a.
Gillem-a chuan, "I hlawk lo hle ang ," a lo ti a. Dusty-a chuan, " A ni mai thei. Majse, hlawkna duh vang ngawt a thil ti sual hauh lo, Marshal te'n pawisa an chawitir ka hmu tam tawh a ni, an pawisa chawi chu an nei dawn tih an hriat vang chauhvin mi tam tak an man buai a, pawisa anchawitir thin a ni. Chu chu ka dih zawng a ni ve lo," a lo ti ta tlat a.
Gillem-a chuan, " A tha a nih chu. A nih leh chutiang chu rem kan ti vek em ? " tiin a thiante chu a han rawn a, anni ho chuan rem anti tlang hle hlawm a.
Dusty-a bawk chuan, " A nih leh, Dan Troop-a lo thlen hma chuan Town Marshal chu ka ni phawt ang. Tin, tun thla tawpa min rawn thlak thei lo a nih pawhin,midang rawih tur inhmuh thlengin ka awm rih ang. Tin, tul ka tih ang chu engkim ka ti tlang zel dawn a, chu chu tuma'n min hnial tur a ni lovang. Duhsak bik neih pawh ka tum lo, " a han ti leh a.
Irish Pat-a chuan, " Keiniho hi chu min duhsak bik lo mah la a, kan vui lovang. Thil tih sual engmah kan nei bawk si lova, " a lo ti leh a. Chuveleh Dusty-a chuan, " Ka thil tih a piang min zawmpui zel ang maw ? " tiin a lo zawt thuai a.
Pat-a chuan uar fe hian, "Teh lul mai ! I duh aia nasa zawk mahin kan lo pui zel ang che, " a han ti leh a.
" Zu zawrh hi khap lo tum ta tlat ila, eng angin nge i ngaih ve ang ? "
Pat-a chu a phu deuh zawk a. Dusty-a hnenah chuan, "Ka nu aia ka hmangaih zawk chu min lak bo sak luih duhin ka ring thei lo ! " a lo ti a.
Dusty Fog-a pawh chu a nui ta a. A thiante awmna Bar lam chu a pan phei ve ta a.
A thiante hnenah chuan, " A nih leh, Don, Mark, Quiet Town Police ah chuan kan tang dawn ta a nih chu, " a han ti zet a; Doc Leroy-a leh Rusty-a hnenah chuan, " Ka pa chuan, ' misual man turin misual bawk an tha ber ' a ti thin a. Chuvangin, induh chuan, inpahnih hian Deputy-ah in tang ve thei ang, " a han ti a.
Dusty-a leh Doc Leroy-a te chu an in en a, an nui rah rah a.Karkhat vel hnu ah chauh an thiante an lo thleng ve ang tih an hria a, tunah pawh hian tihtur mumal engmah an neih loh avangin an ning tan hle tawh bawk a. Chuvangin, hna harsa leh hlauhawm deuh han thawh chu an chak zawng tak a lo ni ve bawk a, hlim thlak hle dawn ni pawhin an hre tlat bawk a. Chu bakah an thiante lo thlen ve huna anni pahnih, Doc Leroy-a leh Rusty-a te, Deputy Marshal an lo ni ta mai tur chu an ngaihtuahin remchang hle dawnin an hre bawk a ni.
Doc Leroy-a chuan hlim fe hian, " Kan pahnihin min ruai ta a nih chu, " a lo ti a.
Dusty Fog-a chuan khaw hotute thutna lam chu a pan phei pui ta hlawm a.
Gillem-a te ho hnenah chuan, " Kan inpeih ta e, " a han ti a.Soehna chu a lo ding chhuak a, " Captain, thil pawimawh tak pakhat a la awm. Miners ho zingah a rethei deuh deuh te chuan,buaina tha lo tak kan tawk mek a. Rukru ruaiin kan rangkachak phurtu te an lo rawk fo mai a, mahse, eng kan la ang thei bawk silo. A tirah chuan Henry Plummer-a hote annih kan ring deuh ngawt a,mahse, Bronco Calhoun-a hote ni awmin an sawi leh ta zawk a. Chu pawh chu ni thei chiahin ka ring bawk silo. Bronco Calhoun-a hote zingah chuan chhim leh hmar lam mi an inchawhpawlh nasa hle si a, " a han ti a.
McTavish- pawh chuan, " Pawl hnih ah an in siam pawh a lo ni mahna, " a lo ti ve bawk a.
Soehen-a bawk chuan, " Chu zawng, a ni thei lovang. Miners ho an beih lai chuan an inchawhpawlh vek ni awmin an sawi bawk si a, " a lo ti leh a. Dusty-a chuan, " Chutiante chu Country Sheriff hna a va ni awm ve ? " tiin a lo zawt ta thung a.
Gillem-a chuan, " Kan ram hian behna mumal tak a la nei tlat lo. Tu Country hnuai a awm tur nge pawh kan la hre chiah lo. Hria i la chuan min enkawltu Country Sheriff pawh chu kan ruai thei ve ngei ang. Kan khaw chhehvel Country te hian an ram thu neihna hnuai a lakluh hi an hreh tlat a ni, an thiamawm viau bawk si, " a lo ti leh a.
Dusty-a chuan, " A nih leh ka theih ang tawkin chin fel kan tum ang e. Rangkachak khur atangin in rangkachak te chu engtinge inthawn chhuah thin,? " a lo ti ve ta a.
Gillem-a chuan, " Henglai velah hian tawlailir neitu Company pali panga vel lai chu an awm thin a. Tunah hian pakhat chauh a awm tawh, Joe Delue-a leh a fanu Rozie te chauh. An tawlailir leh a khalhtute an bo tak zeuh zeuh avangin, midangte chu an bang zo vek tawh a ni. Mahse, Joe-a chu chutimai a tih zam chi a ni ve lo," a lo ti a.
Dusty-a chuan, " Jail hi khawilai ah nge a awm ? " tiin Gillem-a chu a han zawt a. " Jail in chu Lee Street ah a awm. Kalh pawh a inkalh lova, in Badge tur pawh a awm vek ang. In ei man kan tum vek dawn a, tin, heta inthawh chhung chuan silaimu man pawh kan tumsak vek ang che u, " a lo ti thuai thuai a.
McTavish-a thung chuan, " Silaimu man hi a to viau va,chuvangin a theih hram chuan puakruk kawm chelek deuh zawk turin ka duh che u a ni, " a lo ti a. Ysabel Kid-a chuan, " Ka Dragon Colt hi talhtuma han hman ngawtah chuan a uihawm deuh vin ka hria, " a lo ti a. McTavish-a chuan, " Thangtharho hi, pawisa hlut zia pawh in hre hrep lo ve, " a ti ta rawk a.
Show post links
Top
Local Advertisement
MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni.

Hrechiang duh tan Contact : 9612099411 / 9862016122

Jakob l hd
Posts: 39
Joined: May 30th, 2018, 10:33 pm
Contact: Contact Jakob l hd
Post by Jakob l hd » November 18th, 2018, 8:06 pm

QUIET TOWN ; Dusty Fog
By : J.T.Edson
Buatsaihtu : Lalsangliana
Chhuahtu : Tv. Lalthianghlima
( Jakob L.Hd )

BUNG – 7

Dutchy-a chu a inngaihtuah nasa hle a ni ang, Quiet Town khawchhunga sakawr chunga a chuan lai chuan, Dusty-a leh Mark-a te pawh chu a lo hmu chang tawh meuh lova, kal pelh mai hi a han tum a, mahse, Dusty-a chuan, “ Hey, Dutchy, i va han hausa tawh awm ve, i thian hluite pawh be lova pelh mai i tum tak ? “tiin a han au fiam a.

Miner Dutchy-a chuan, a sakawr chu a han pawr ding chawt a, Dusty-a te awmna lam chu a rawn hawi phei thuai a.

Dusty-a te chu Quiet Town-ah chuan karthum vel zet an cheng ve tawh a. Khua pawh a muanawm sawt hle nghe nghe a. Dutchy-a leh Roxie pawh chu a khat tawkin an inhmu thin a, tin, Roxie pawh chuan Freight Company pawh chu, Day-a nen khan an enkawl zui ta zel a. Broco Calhoun-a te pawh kha an reh lai tak a nih avangin, Miners hote pawh chuan buaina engmah tawk lovin, an rangkachak laichhuahte pawh chu a thawn chhuak leh thei tawh a.

Dutchy-a chuan, “ Min ngaidam rawh khai, Captain Fog, ka lo hmu lo palh che a ni. Ka inngaihtuah buai deuh vang a ni e, “ a han ti luam a.

Mark-a chuan, “ A nih dawn tak kha le, mahse, riltam chunga inngaihtuah buai ai chuan, puar deuh elh awlh a inngaihtuah chu a nuam daih zawk ang, ti rawh, Bonton-a dawrah i va inthun puar ang u, “a lo ti a. Tichuan an pathum chuan Bonton a dawrah chaw ei turin an kal ta a.
Inchhunga an thut fel hnu in,Dutchy-a chuan, “ Miners ho in rangkachak an laih chhuahna khur hian rei a daih tawhin ka ring lo, rangkachak hi rei a awm thei tawhin ka ring thei lo, “ tiin a rilru a a thil vei ber chu a sawi chhuak ta a.
Dusty-a chuan, “ I ring mai nge, i hre chiang ? “ tiin a han zawt a. Dutchy-a chuan, ka hre chiang a ni mai ang chu. Geologist ka ni a, chutiang lam chu ka hriat ve zawng tak a ni bawk a. Tun a ka rangkachak khurah ngei pawh sawn, rangkachak a tlem sawt tawh hle a ni, “ a ti leh ta a.Dusty-a chuan, “ I thil sawi chu engnge a awmzia chiah ka hre thiam ve mang lo ka ti, “ a lo ti a.
Dutchy-a chuan,” Sawi fiah a harsa hle a. ka hre sual pawh a ni ve mai thei bawk. Lei hnuaia lung inthuah dan hi mak tak a ni ve a, lung chang leh lung chang inkarah; rangkachak hi kan hmu thin ber a. Chuvangin, tuna kan rangkachak hmuhna pangngai hnuaiah hian, lung chang chu a awm ve ngei a, chumi hnuai leh ah chuan rangkachak tam zawk a la awmin ka ring deuh tlat a ni, “ a han ti leh ta zel a.

Chutihlai chuan ei tur an rawn laksak a,chaw chu ei chungin, Mark-a chuan, “ Rilru han tihhah na chhan tur emgmah ka la hre rih lo ka ti, “ a lo ti a. dutcha chuan, “ Hriat chian harsa tak a ni a, chungin hre chiang tur chuan rangkachak khur chu, tun hma aia tuk fe hian laih angai tihna a ni mai, chutiang ti tur chuan hmawnraw tha leh danglam bik deuh a ngai dawn a. Tin, mahni mai a han tih chi pawh a ni dawn lova, kei ringawt chuan khur pangngai chu ka la enkawl thei a, mahse, hmanraw thar chu mahni mai a enkawl theih chi a ni dawn si lova, “ a ti ta a.

Dusta chuan awlsam fe hian, “ Hnathawktu rawih belh la a ni mai alawm, “ a lo ti thuai a. Dutchy-a erawh chuan, “ A dik ngawt mai. Mahse, thawktu ruai tur chuan pawisa tam tawk a ngai dawn a, hmanraw leina tur leh, heta rawn phurh thlenna man tur erawh chu ka nei dawn tawh si lova ni, “ a ti ta zel a.

Mark—a chuan, “ Miners hausa deuh hlek te berawn ve la, “ a lo ti a.
Dutchy-a chu a han nui leh rih a, tahchuan, “ Ka be vek tawh alawm,mahse, ka rindan chu min pawmpui ve lova ni. Thil chiang vak lova pawisa khawhral chu an ngam meuh lo. Chuvangin, Mining Company hnenah thirhrui ka thawn ta ngawt mai a; nimin khan a chhanna ka hmu leh tawh nghe nghe a. Bank-a ka pawisa dah zawng zawng ka la chhuak ang a, Miss Delue-i chu ka va berawn nghal mai dawn a ni, “ a han ti leh a.

Dustya chuan, Dutchy-a chu a ringhlel hauh lova, mahse ngaihtuah lugkham engemaw a nei tlat a, Chuvangin Dutchy-a hnenah pawh chuan, “ I ngaihdan hi midang i hriattir ve reng taw hem ? “ a han ti leh a.
Dutchy-a chuan, “ Tlem chu hrilh ve tawh e, mahse, ka sawi taw hang khan, tuman min ngaihsan pui duh lova ni, “ a ti mai a.

“ Tute’n emaw an lo ngaihsan pui viau mai tur che a sin,” Dusty-a chuan a ti ta a.
Dusty-a chuan, Quiet Town-ah hian a rukin thil ti thei tu emaw tak awm nia rinna a nei tlat a, Chuvangin, khaw chhunga buaina lo awm thin te, tawlailir Company an lo rawk thin te, leh thil fel lo tam tak lo awm thin te chu ruahman lawktu awm tlatin a hre bawk a, mahse a ngaihdan chu fiahna leh tih lan theihna kawng engmah a nei rih bawk si lova. Chu bakah, Saloon tam takte chu a neitute’n nghak lovin, midangin an nghak mai a, a neitute chu hriat theih pawh an ni bawk hek lo.

Saloon nghhaktute ngei pawh chuan, anmahni ruiatu leh Saloon neitu tak tak chu an hre bik lo tih pawh Dusty-a chuan a hre zui zel si. Chuvanggin, chung Saloon zawng zawng neitu leh khawchhunga buaina chawk chhuak tur a lo bei thintu chuan, chanchin thar hriat a chak hle ang tih a hriatsa mai a.Tun a, rangkachak khur la awmte hi hman tlak loh an lo nih mai chuan, a neitu chuan a bansan mai dawn a. Tin, Dutchy-a ngaihdan chu a dik palh anih hlauh chuan, mi chhuahsa hnu, rangkachak khurah te chuan, rangkachak tam tak laihchhuah tur a la awm leh dawn tihna a ni si a.

Chuvangin, khawchhungah chuan buaina chawk chhuak thintu,thil ti thei tak chu a lo awm tak tak te anih phawt chuan, khaw chhung ah enthlatu taam tak a nei ngei ang tih pawh hriatsa a ni. Ti chuan, Dutchy-a thinhrui thawn thu leh a chhanna a hmuh thu te pawh chu, mi chuan a hre leh vek tawh ngei ang tih thute Dustuy-a chuan a ngaihtuah zui zel a.

Chaw a ei kham veleh Dutchy-a chuan, “ Ka thil tih dan chu a tha tawkin i hria em ? “ tiin Dustya chu a han zawt leh a.
Dusty-a chuan, “ Rangkachak laih chhuah lam chu engmah hriat ka nei ve lo. Mahse, i thil tih tawh vek vek chu a tawp thlengin I bei zel duh ang tih ka hria a ni. I hmanraw chah tur chu chah phawt mai la, tichuan hnathawktu tur, pahnih khat chu I hmu thei to in ka ring- nakin hnu a hlawh la pek tur pawhin,” a lo ti a.

Dutchy-a chuan, “ Chuti chu, Bank atangin ka pawisa chu ka va la chhuak phawt mai the ang. Miss Delue pawh hmanraw la tur chuan ka tur hmanhmawh ang. Chinchang hma zawk a ka hriat theih chuan, Miners dangte tan kawng tha ka siam sak ve thei mahna, “ a ti ta a. Tichuan, Dusty-a te chu lawmthu a hrilh hnu chuan pawnah a chhuak ta a.
A chhuah veleh Dusty-a chuan, “ Mark, Dutchy-a kha zui la, pawisa a lak chhuah hnu ngat phei chuan thlahthlam hlek suh, “ a han ti leh a.

Mark-a chuan, “ Ka hman loving, rukru kan man kha Court-ah ka hruai a ngai tlat, “ a lo ti a. Dusty-a chu a tho thut a, “ A nih leh eiman pe ang che, “ a han ti a. Marka’n a hnial leh hman hmain pawnah a chhuahsan ta daih a.
Dusty—a chuan hmanhmawh deuh mai in, Jail in lam chu a pan nghal a. Jail a va thlen chuan Ysabel Kid-a chhuak tur chu a va nang hman a, midang pahnih erawh chu an lo chhuak hman tawh a.Kid-a hnenah chuan, “ Lon, Bank-ah va kal rawh. Dutchya’n pawisa a la chhuak dawn a,tuma ruk sak theih loh turin veng ang che, “ a han ti a.

Ysabel Kid-a chu a nui var var a, Dutchy-a leh mi pakhat insula lai chu a lo hmu tawh a, insual a theih zia pawh a hre chiang em em a.A pawisa laksak an tum phawt chuan, an buai hle ang tih pawh a hria. Chuvangin, engmah sawi lo chuan Bank lam chu a pan ta a.

Kid-a chuan ke a kal hi a thil hreh ber a ni tho mai. Deuputy a tan a hrehna chhan ber pawh, khaw chhung fan fo a tul thin vang chu a ni. Mahse, ke in Bank awmna kawtttler lam chu a pan ta tho va, kawtthler a va thlen lai chuan, Bank chhunga Dutchy-a lut tur chu a va hmu hman a. Bank chu lung hlir a sak hi a ni a, Bank va luh a, pindan lo awm hmasa berah chuan Kennet-a leh amah puitu pahnih te chu ‘ counter ‘ hnung lamah an lo awm a.

Tin, pindan chhungah chuan thutthleng tlem an dah bawk a. Counter hnunglam ah chuan pindan a awm leh a, ch chu Gillem-a pindan bik a ni. Pindan chhung lam si, chung lamah chuan bathlar a awm leh a, chung bathlar atang chuan inchhung chu veng turin, mi pathum, laiphir keng hi an duty reng bawk a. Chumite vang pawh chu a ni ngei ang, Bank chu englai mahin an la rawk ngai lo a ni. Bank luhna kawngkhar chu pakhat chauh a ni, chuta tang a lo lut leh chhuak a piang chu, Duty hote chuan an awmna atang chuan an hmu chiang thei hle bawk.

Bank pawn lam bang chu nghengin Ysabel Kid-a chu a va ding a, a Deputy badge pawh chu a ak bo va. Bank chhung a Kennet-a leh Dutchy-a inbe lai pawh chu a hmu thei reng a, tichuan, inchhunga midang lo awm vet e pawh chu muangchangin a han thlir kual vel a. Hmeichhia tlem leh mipa paruk emaw vel lek Bank chhungah chuan an awm a. Kawtthler lehlam chu a va hawi phei leh a, dawr pakhatah hian, dawr bang chu nghengin Cowboy pakhat, kawi fe a lo ding hi a va hmu a, chu Cowboy chuan a khat tawkin Bank lam chu a rawn hawi phei deuh reng a.

Bank chhunga mi pakhat awm ve chuan, Dutchy-a pawisa lachhuak lai leh, a ipte—a a khung lai chu ngun fe hian a lo en reng a. Kawngka bulah chuan rei lo te a va ding a, a lukhum a phawk a, rawmawl-in a hmaite a han hru deuh nual bawk a, tichuan kawtthler ah chuan a chhuak ta a. Chu veleh, dawr bang nghenga cowboy kawi fe a lo ding chu, a lo ding mar a, a meizuk lai chu a paih a, ram dang hawi sawn tawh lek lovin Bank kawngkhar chauh chu a rawn en phei ta a.

Bank atangin Dutchy-a chu a lo chhuak a, khaw hmawr fem lam panin a kal ta nghal a. Cowboy pawh chuan a lo dinna lam kawtthler atangin Dutchy-a chu a zui ve ta zel a. An hnu deuhah Kid-a pawh chuan chu mite pahnih chu a chhawm phei ve ta a.

Roxie te Company Office chu, khaw hmawr fem a awm hi a ni a, chute lam pan niawm takin, Dutchy-a chu a kal zel a. An kal thui deuh hnu chuan kawtthler pawh chu a reh sawt hle a. Chutihlai hun chu mi tam loh lai tak a ni thin reng a. Nute chuan inah hna an thawk a, an mipate lah rangkachak khurah an bo zo vek a, naupangho lah chu sikul ah an awm vek si.

Rei fe an inzui hnu in cowboy chuan kawng chu a kan a,Dutchy-a chu hnai deuh fe atangin a zui tan ta a. Tum hnih lai chu a va hawi let a, mahse, Kid-a chu hmuh hman lohvin bang phennah chuan a lo biru hman ziah a, diktak chuan, a biru hman han tih tur pawh hi a ni chiah lo, a biru deuh reng a, a chang changing a lo chhuak leh zauh thin a ni zawk mah. Ysabel Kid-a pawh chu a ngaih a tha tawh lo hle a, thil engemaw tak lo thleng dawn niin a ring tlat tawh a.

Dutchy-a chuan hmun biru deuh hlek lai hi a lo thleng ta a. Chu veleh cowboy chu a hmanhmawh sauh va, Dutchy-a chu va umpha a, puakruka tin reng chungin, “ Ding rawh, “ Dutchy-a hnenah chuan a han ti ta a.
Dutchy-a chu a ding chawt a, a hnungzangah cowboy hian puakrukin hmawr hian a rawn nawr nghal a. Chutihlai vek chuan, an hma lam atangin puakruk phawi chhuak sa bawkin mi pathum an lo chhuak leh a, Dutchy-a chuan a ban a phar a.
“ Hun in khawhral thlawn mai a ni e, pawisa engmah ka nei lo, “ Dutchy-a chuan a han ti a.
Dutchy-a hnung lam a tintu, cowboy chuan, “ A nih hlawm tak chu, kan la hre mai dawn alawm, “ a lo ti a. An zinga pakhat chuan Dutchy-a chu a rawn hnaih deuh suah va, chutihlai chuan, a piah deuh va Ysabel Kid-a lo lang chu a va hmu ta a, “ Law-man a ni, “ tiin a au chhuak ta nghal a.

Kid-a chu englai mahin puakruk phawi ranah chuan a la uang ve ngai lo. Chunglai ramah chuan ‘ phawi rang ‘ tia an sawi thinte chuan, second chanve ral hmain puakruk pailai an phawi a, an tum an kap fuh hman tlat a ni. Kid-a erawh chuan second khat dawn lai a hmang ral a ni.
A Dragon Colt chu phawi pahin hma lamah a bawk phei nghal thlawp a. Chutihlai chiah chua a lu chung zawnah puakruk mu a lo ving phei thuak hman a. Mahse, ani pawh chuan puakruk chu a hmet puak ve ta a.

Dutchy-a zuitu cowboy chu a ding mar zawt a, a puakruk a thlauh va,a tlu ta a. An zing a pakhat chuan Kid-a chu kah tumin, a puakruk a lo lekchhuak ve mek a, mahse a khabe ah chuan Dutchy-a chuan na fe mai hian a va hnek ta chawrh mai a. Chupa chu a tawlh kir dawrh a,a inchhuih palh a,a tlu ve ta a. A tluk zawng chuan lungah a zuk insawh palh hlauh va, che lo chang lo chuan a thal ta reng a.

Midangte zinga pakhat zawk chuan, Dutchy-a lam hawi zawng hian puakruk a han hmet puak a, Dutchy-a chu a koki ah a va kap fuh ta hlauh mai a, kah nawn leh a tum lai takin, Kida’n chupa chu a rawn kap thlu leh ta a. Mahse, a tluk tawh hnu pawhin puakruk a la keng ta f ova, Dusty-a sawi kha hre reng chungin a han kap nawn leh a,chupa chu a zawi ta hnawk a.

An zinga la dam chhun chuan beih zui zai a rel ngam tawh bik lo. A inher tuht a, a tlanchhe ta chiam a. Ysabel Kid-a chuan a va umzui thuai a, mahse, an piah lawk kawtthler chu a lo kawi a, chumi zawn Kida’n a va thlen chuan a hmu zo ta lova. Chupa chu a lo tlanbo hman tawh a, hmuh leh chi a ni pawn Kida chuan a ngai ta lova, Dutchy-a awmna lam panin a kir leh ta a.

Dutchy-a chuan a hnek thluk-pa kha a lo en mek a.Kida hnenah chuan, “ A thi reng mai, “ a lo ti a. Ani chuan, “ A tha anih chu, “ a lo tih san mai a. “ Khawnge, I koki chu I lo en teh ang, “a han ti leh thuai a. Chutihlai chuan mi tlemte an lo pung khawm a, hmeichhia an ni deuh ber a. Tin, Roxie leh Day-a te pawh an Office atang chuan an lo tlanchhuak a.

“ Engtizia nge ni ta ? “ Roxie chuan a rawn ti a.

Ysabel Kida chuan, “ Mi pathumte hian, Dutchy-a hi rawk an lo tum a ni. A koki hi i enkawl sak thei angem ? “ a lo ti a.

Roxie chuan, “ Mexican Border vel a Smugling i beih theih hma daih tawh khan, hetiang hliamte hi chu ka lo enkawl thei daih tawh a sin, “ a han ti deuh fak a. Day-a thung chuan rukru pakhat, Kida kah hluk chu a lo en ve mek a, ruang chu a han kai let a, chutihlai chuan Kida pawh chu a bulah a lo kal hnai ve a,a hnenah chuan, “ Tunge anih i hria em ? “ a rawn ti a. Tin, Roxie chuan, Dutchy-a chu an Office lamah a hruai ta nghal a.

Day-a cchuan,” Hria e, Joe Calhoun-a anih hi, “ tiin a lo chhang a. Ani chuan, “ a nih leh,a dang pahnihte hi i hria em ? “ a lo ti leh a. Day-a chuan, “ Hemite pahnih hi chu ka la hmu ngai lo. Mahse, pakhat zawk hi chu, chhimlam atanga lo kal a ang ngawt mai. Bronco Calhoun-a chuan, hmar lam mi chauh a ho thin,” a lo ti a.

Day-a sawi ang chiah chuan America Chhim leh Hmar ho chu an awm pawlh duh meuh lo. Chuvang chuan Bronco-a hian chhim mi leh hmar mi a ho pawlh hi thil mak tak a ni.

Dusty-a te an lo thlen hma zawng, Kid-a te chuan ruang chu an lo veng a.Reilote ah Dusty-a te chu an lo thleng ta a. Thil awmdan chu a hmuhin Dusty-a chuan, “ Lon, i lo kap hlum vek chu a pawi mang e, an tawm khawmna hmun hriat ka duh teh lul nen, “ a han ti a.

Ysabel Kida chuan, “ Khaw pawn, khawi maw laiah emaw a ni ang e, “ a lo ti a. Mahse, Dusty-a chuan, “ A ni kher lo loving,an awmna chu a hlat deuh chuan khua atanga tlanchhe vat thei turinm sakawr an rawn ken ngei a rin awm a ni. Sakawr pawh an rawn ken loh danah, khawilai ah emaw hian antawm anih ka ring,” a lo ti leh a.

Roxie te Freight Company Office-ah chuan ava lut ve a. Roxie chuan, Dutchy-a koki hliam chu a lo tuam sak mek a. Silaimu a tlang avangin a koki chu, chuti teh chiam a buaipui awm a ni vak lo nghe nghe a. Day-a chu a lo hmuh veleh Roxie chuan, “ Day, Dutchy-a hian Newton khua atangin hmanrua phur tur in min duh a, kan thei angem ? “ tiin a lo rawn thuai a.

Day-a chuan, “ Ni nga hnu ah emaw kan lo kir leh thei main ka ring. Chu chu a remchang em ? “ tiin Dutchy-a chu a han zawt vet hung a.
Dutchy-a chuan, “ Remchang e, Newton khua ah chuan thirhrui pawh ka thawn nghal mai ang, “ a lo ti a.

Dusty-a thung chuan, “ Dutchy, pawisa kha i tihral hma chu, ka hote zinga pakhat hian an veng chawt tawh dawn che a nia, “a lo ti a.Mahse, Dutchy-a chuan, “ Chu zawng a ngai loving, tuma’n min rawk an tum leh tawh lovang, “ a lo ti a.

Zing lam, hma fe a la nih lain Bearcat-I chuan Saloon chhung chu a fang vel a, inchhungah chuan mi pawh an la tam the chiam lo nghe nghe a. Chutihlai chuan ama Office kawngkhar chu a rawn inhawng a, Clint Fang-a chu a lo dak chhuak a, zaizirin Bearcati chu a rawn kova. Bearcati chu a va lut thuai a, kawng chu a khar leh ta nghal a.

Pindan lai takah chuan mi pakhat hi a lo thu a,chu chu kawhhmuh niawm takin, chupa lam hawi zawng chuan Clint Fang-a chu a han thle phei a. Chupa chu a inngaihtuah nasa hle ni awm hian a lang bawk a. Bearcati hnenah chuan, “ Engnge a an ? “ tiin a lo zawt chawt mai a. Bearcat-i chuan, “ Ka tih tur chu ka zo. Nangni engnge i an ? “ a han ti vet hung a. Chupa chuan, “ Kan hlawhchham der mai, “ a lo ti thung a.

Bearcat-i chuan, “ Pawisa chu in la thei ta lo tihna a ni maw ? “ a han ti leh a. Ani chuan, “ Ni e, “ a ti mai a. Bearcati chu lungawi lo fe hian a lang a,a han vei thuak thuak a, chupa hnenah bawk chuan, “ Thil awmdan chiang takin min han hrilh ve the,” a han ti leh a.
Chupa chuan, “ I sawi ang khan engkim a lo thleng dik vek a. Dutchy-a chuan, Bank tangin pawisa chu a la chhuak a, Miss Delue te Office lam panin a kal ta a. Dutchy-a chu kan hual a, awlsam takin pawisa pawh chu chhuhsak theih mai kan inring tawh a. Mahse, Red Indian niawm tak, Deputy khan min rawn tibuai ta thut mai a, Tenspot-a leh Joe-a te chu a kap thlu a, Dutchy-a chuan pakhat a lo chum thlu bawk a,kei chu ka tlan chhia a,ka biru ta a,hei tunah hian ka lo thleng thei chauh a ni, “ a han ti a.

Clint Fanga chuan, “ Dutchy-a chu khawiah nge a awm tak ? “ a lo ti ve a. Mahse, Bearcat-i bawk chuan, “ An zui ru lo che maw ? “ tiin chupa chu a lo zawt leh ta thuai a. Ani chuan, “ Ka rawn fimkhur hle a, tumahin min rawn zui lo. Ka bihrukna hmun a ka kir leh hma in rawn hrilh che hi a tul in ka hre tlat a ni, “ a han ti a.

Bearcat-I chuan, “ Min rawn hrilh tawh a, tunah chuan rang takin kir leh tawh rawh. Calhoun-a hnenah chuan a fapa chanchin chu hrilh ve la, mahse, la biru tlat turin hrilh ang che, “ a han ti leh zel a.

Chupa chhuah hnu chuan, Bearcati chu inchhungah chuan a vei leh ta ngat ngat a. Fimkhur taka engkim a lo ruahman sa chu a lo thlawn leh ta vek tihna a ni si a. Amah, Bearcat-i thununtu, an hotupa chu a chungah a lawm dawn lo tih pawh Bearcati cuan a hre reng a. A chunga thuneitu chuan hlawhchhamna reng reng a ngai thei lo tih a hre chiang tawh hle bawk.

Chuvangin, Dusty-a leh a hote ti boral turin thu a rawn pe leh mai ang tih te Bearcati chuan a hlau rum rum tawh a. Chutiang han ti thei tur chu tumah khawchhungah hmuh tur an awm pawh a ring bawk si lo. A mangang rilru ve hle tawh a ni.
Bearcati chunga thuneitu chuan, Dutchy-a thil hriat chhuah leh tih tum zelte pawh chu a lo hre ve vek a, Chuvangin Dutchy-a chuan hmanraw thar chu chah chhuak lo tura duhna chhan tha tak a nei tlat a ni.

Rei fe an ngawih reng hunin, Clint Fang-a chuan, “ Bearcat, tu hnuaia thawk nge maw kan nih le ? “ tiin a zawt ta chawt mai a. Bearcat-i chuan, “ I zawhna chu sawifiah deuh teh,” a lo ti thuai a. Clint Fanga chuan, “ A khat tawka rawn kantu che kha hriat ka duh a ni,tunge anih hre ve turin, a hmel ka hmuh pawh I phal bawk silo, i bialpa a nih lah ka ring bawk hek lo. Kan chunga hotu ber i nih hi ka ring thei lo. Tunge a nih ? “ a ti leh ta a.

Bearcati chuan, " Hriat i duh tak tak em ni ? Nge min zawt naran ve mai mai ? " a ti ta a. Chutih lai a Beracati hmel hlauhawm zia leh thinrim zia, Clint Fanga'n a han hmuh meuh chuan a zawhna chu zawh zui zel hi niin a hre ta lo. A zawh loh tur leh a hriat loh tur hriat a tum a ni tih Clint-a chuan a hre chhuak ta bawk a. Tin, Dusty-a te laka a tlawm atang kha chuan a chungah Bearcati hi a lawm thei vak tawh lo tih pawh a hre chiang hle bawk.

Chutia rei lo te an han ngawih leh hnu chuan, kawngkhar chu an rawn kik ta hlauh va. Bearcati chuan lo lut turin pawn lam a mi chu a han au va. Inchhungah chuan Bar nghaktu pakhat hian mi pakhat, kawrtial zet ha hi a rawn hruai lut a. Chupa chuan a kut dinglamin churut a rawn keng lut a, Bearcati chu a rawn pahnai ta a.

“ Hetah hian hotu I ni em ? “ tiin a rawn zawt chawt mai a. Bearcari chuan, “ Ni e. Tunge i nih ? “ tiin a lo zawt vet hung a.

“ Ka hming chu Joe Mandy-a a ni. Min rawn chah a nih kha, “ a han ti a.Hlim lo teh mahse, Bearcati chuan a han nuih ve hram a, a hnenah chuan, “ I nula te zinga a thei deuh deuh pahnih, zanin ah hian i rawn chhuah thei angem ? “ a ti ta a.

Mandy-a chuan, “ Thei teh lul e. Olga-i leh Haufman-i te ka rawn thawh ang e, “ a lo ti thuai a. Bearcati chuan, “ Haufman-i chu German nula a ni maw ? “ a han ti leh a. Mandy-a chuan, “ Ni e, A thei ber…..” a la tihlai mekin, Bearcati bawk chuan, “ I hote chuan i thu an awih em ? “ a han ti leh zel a.

Mandy-a chuan, “ Awih teh reng mai, engti atan nge i duh ? “ a han ti a. A zawhna pawh chu chhhang tawh chuang lovin Mandy-a chu a thlah ta a.

Mandy-a chhuah hnu chuan, Bearcati chu a hma ai chuan a hlim leh ta deuh va. Dutchy-a pawh kha German mi bawk a ni tih a hria a, Chuvangin an ram a lo hmangaih ve phawt chuan, Bearcati thil tum pawh chu a hlawhtling ve mai thei a ni.

Bearcati pawh chu pindan pawn zawkah a chhuak ve ta thuai a. Saloon kil sir dawhkan ah chuan a mah chauhvin Frank Derringer-a chu a lo thu a, Bearcati chuan a va pan hnai a, a hnenah chuan, “ Frank, ka han ngaihtuah chiang a, Dusty Fog-a hi mi tha tak a ni ta zawkin ka hria. Chuvangin Jail-ah va kal la, zanin a hmuhnawm chhuah tur hi rawn en ve turin ka hmingin va sawm ta che, “ a vati a.

Bearcati’n chuti mai a a rilru a thlak ta thut chu mak ti rilru tak chungin, Frank Derringer-a chuan, “ Nia maw le, ka va kal ang e, a lo ti a. Reilota ah a chhuak ta a, rang zetin a rawn kir leh a, a thu rawn thlen chuan Bearcati chu a ti lawm hle nghe nghe a.
Frank Derringer-a chuan, “ Dusty-a chu ka va hmu a, amah leh a hote chu an rawn kal dawn a nih chu. Dutchy-a pawh a lo awm ve a, ani pawh ka rawn sawm nghal a, an lo kap hliam leh nghal bawk a, mahse, a lo kal tho dawn, pawi i ti loving chu maw ? “ a han ti a.

Dutchy-a lo tel ve tur chu Bearcati chuan pawi a ti lo kher mai. Dusty-a chuan, Dutchy-a chu a veng reng tawhin Bearcati chuan a lo ring a, Chuvangin Dusty-a a sawm phawt chuan, Dutchy-a pawh chu a lo tel ve ngei dawn nia ringin, Dusty-a pawh kha sawm a ni chauh nghe nghe a. Chutia Dutchy-a a lo tel theih dawn chuan, a thil ruahmansa pawh a hlawhtling mai thei. Rilru hlim tak chungin a hote zinga pakhat chu a Office-ah a ko lut a, tihtur eng engenaw Bearcati chuan a lo hrilh taa.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)