NÂO VÁ Becky Rafa Renthlei (Completed)

Moderator: Becky Rafa Renthlei

Ngaia
Site Admin
Posts: 14893
Joined: April 30th, 2016, 4:07 pm

NÂO VÁ Becky Rafa Renthlei (Completed)

Unread post by Ngaia » June 24th, 2019, 6:17 pm

omkhn3no.jpg
omkhn3no.jpg (18.15 KiB) Viewed 17017 times
NÁO VÂ

Becky Rafa Renthlei

Rhapsody(Thuhmahruai)

"Min rin loh avanga rinawm lo ka ni lo va, min rin êm váng a rinawm chawp lah ka ni hek lo. Ka hmangaihna che hian rinawmna a keng tel zâwk asin." A ṭawng dam thlap leh ril rûih, thinrim awkâ ni miah si lo chu chhân ngaihna ka hre dêr lo.

Ni e, ani ang 'mipa rinawm' tia insawi chhên lo; a ṭawngkam hman chhuah dik thlup lawi si hi ka ring ngam mai tur a ni dâwn lo'm ni.

####

"Vanlalthlamuanpui, tûn hi rawn haw hun a ni em ni?" Inchhung ka luh ruala ka pasal aw vîn tûk ri ka hre hmasaber a.

"Kan hna a laklawh deuh alawm le." Ka aw a ring hauh lo nâin a khûr deuh tihtih a, "I hna chhuanlam hian vawi engzat nge i lo hâw tlái tawh?" Tihpaha ka sam a rawn phih rualin ka pai nawk nawk a.

Ṭawngkam khat lek ka chhâk chhuak leh a nih vaih chuan kut min thlâk zui dawn tih ka hrereng; chuvangin 'Ṭîk' pawh ka ti ngam tawh dêr lo. A thinrim âng thâwm chuan ka bengkawrawng chhung thlengin a luh ngut ngut a, he khawvela ka lo pianchhuah ni aṭanga ka thiltih sual lian ber chu pasal ka lo nei hi a ni.

"Pasal nei i ni tih theihnghilh ṭhak khawpin i hna i ngaihsak zâwk a nia, bâng ang che, bâng ngei ngei rawh; i hlawh chhetê tel lo pawh hian kan awm thei." Ati leh tûn tûn a ka ngawireng thung.

Ni e, ka pasal Lalthlengliana nen hian kum thum pum ṭhak kan innei ve tawh a, fâ erawh chunglam hian min la pe lo fo! Vawi tam kan incheck up-tawh chung pawhin hmasawnna hmuh tur rêng rêng a awm miah lo va, 'In ṭha ve ve' tia doctor sawi bâk chu chhânna mumal hriat tur a awm lo.

Kei hi Vanlalthlamuanpuii ka ni a, ka nu leh pa fanu neihchhun niin kum thum liamta khân Lalthlengliana nen kan inru ta khâ a ni a, ka zirlai a laklawh viau nâ a, âtna thlarau sualin min bei miau hek! Ka nu leh pa phal lo chungin pasal ka nei ta chu a nia, ka nuih ní aiin mittui tla chung a ka awm ní a tam zawk.

"Mi â ang mai a melh ngai melh reng lo vin inthlâk rang rawh." Tihpaha min rawn nam sawk chuan ka thin tertek a chhuak ve ta. "Lalthlenglian, i duh duh a kut thak hnawihna tur ka ni lo a nia," ka sawi zawh rualin a ke chungah ka rap sawk a, a lêt leh tur a râpthlâk dâwn tih ka ngaihtuah hman tawh bîk lo atin ni! Ka biang vei lam thîp zawk leh ka bânpuama min hnekna chu tawrh zawh a har leh dawn mang e.

"Ka thinrim e, i tia law!?"

Chumi hnu chuan chintâwk awm lovin min sawisa zui ta a, ka mittui far khat tê pawh a far lo, ka taksa sil ṭhûm leh ka Hnâr aṭanga thisen a rawn chhuah pawh chuan chêt zâi rêl lovin chhuatah ka ṭhu nuaih a, a tâwpkhâwk ta takzet.

Ka pasal chhuak tau ta chu en pawh ka en duh lova huatna meipui alh hluah hluah ka pâi niberin ka hria. Fa kan neih loh avanga a mize inthlâk ta vek hi hriatthiam har ka ti, beiseina nen ka la dawh hrâm hrâm ṭhin kha a ni a, tunah zet chuan ka pa inah ngei ngei a ka haw a ngai ta; hreh teh mah ila kawng dang thlan tur neiin ka inhre tawh lo.

##
Apex Bank kawtah ruahsur nasat vanglaiin ka ding ve rân a, mipui zi nuk nuk kâr a ṭawng lâwng lâwng thawm chuan ka lû a luh ngut ngut a, vawiin hian ka pasal thu hnial ka duh loh avângin hreh zet chungin ka intlar ve chu a ni a.

"Sente, inchhungah ṭhutna a awm reng alawm lokal rawh," tlangval pakhat hian min lo ko a, a hmel chu hmu tawh thânin ka inhria a; mahse, khawi a ka hmuh nge tih erawh ka hre ta mai lo.

"Ah, a ngai chuang hleinem ka hmanhmawh lutuk chuang lo va," tiin ka dinna pawh ka sawn duh eih lo, min kotu satliah zui ngawt hi ka tihtur pawh ninghal lo chuan.

Ka pasalin min lo bihthla ru ang tih hriat pawh va ni suh.

Chu pa ner sak chu ka hmu tho nâin ka ngaipawimawh duh lem lova 'Sente' ti a min ko ṭhintu chu pakhat chiah a awm, ka nu chauh a ni, chu lah chu kum khat liam ta khân a thi daih tawh si!

Darkar chanve zet ka din hnuah ruah pawh a bâng ve ta hrâm a, ka jeans kekawr hâk hmawr lam phei chu a huh phung tawh a, ka kawr pawh a huh nual tawh bawk nen mi zinga teikual chhên kha ka hreh ve deuh bawk a ni.

Ka hming an lam tâkah chuan counter lam ka pan ve ta a, ka hnungah min zuitu an awm tih ka hria; mahse, ka en lem hlei lo va, henglai hmunah te chuan mi chi hrang hrang an kat nuk a ka hmelhriat em em an awm pawh ka hre hek lo.

"I hmanhmawh vak lo anih hmel hle mai," ka bengbul a mipa aw ri ka hriat chuan amah en turin ka lehhawi vat a, a hmel chu leh..!

A hmui chip hmak chu ka hmu hmasa ber, chutah mitmeng fiah kek kâwk a min entu ka hmuh rual chuan ka ṭim sawk thei nia! Hnuailam ka bih nghal vat a, a hmel a common lo em em lehnghal.

"I hming i hre lo nge, vawithum an lam tawh a nia," ti supin counter nghaktu lam a melh zauh a, chumi ruala ka hming bawk an lam leh tâkah chuan hmanhmawh zetin chu pa chu ka kalsan ta a, min biakna kha pakhat tê mah ka chhang lo tih ka hrechhuak chiah! Mawlthlâk deuh ve.

Ka tihtur ka tihzawh vek hnuah Bank chhuahsan tumin kawngkhar lam ka pan a.

"Mahni hming pawh hre hlei lo ruahsur hian nan hrep che se la i harh kâwkin ka ring," nichina ka hmuh pa bawk khan ka lam hawiin a rawn ti leh hrâm a; Rum âl a melh chung hian, "I chhe keh a nih chu.." ka ti hmak.

"I chhe fê.." tih pahin min rawn nêk zui salh a, chhân pawh ka chhâng peih tawh lo. Nizana ka pasalin min sawisaknaah khân ka hmêl hmai hmuh tlâk lutuk a awm hran lo tih ka hre ru kar.

Taxi-châng a ka din lai chuan, "Lalfakawma hian phur châk viau lo che mah ila ka motor-ah i lo chuang thei ang." Nichina min lo betu bawk kha a ni!

Hawi lêt hmak pah hian, "Ka lawm em em e, ka lo chuang lo phawt mai ang aw."

"Ka lawmthu tak a ni lawi si, lo chuang malêk rawh," A sawizawh rualin chakzet hian min tlânliam san ta a.

Min lo hmutu an awm em? Tia ka hawikual ngial lai chuan Taxi stand aṭang a ka pasal hmel dur khup chunga rawn pên chhuak chu ka lo melh lêt ve ngar a.

"Khatiang mipa kha i lo biak ṭhin vâng a ni maw i lo haw tlai theih em em!?" Ka dinna bulah rawn ding vein rum fahran hian min melh ngur a.

"U Thlengte, helaiah inhnial ka duh lo a nia, ka hlawh ka la chhuak tawh a, haw phawt ang." Dam thlap a ka chhânna chuan a ti thinrim tulh tulh em maw ni!

"Khanglâng che chuan mualpho ka hlau rêng rêng lo, khawi hmunah pawh awm la ka nupui nikhua lo zet thunun tur hian dikna ka nei a nia." Taxi din ṭhupna hmunah chuan zak map lovin min ṭawngkhum leh ta a.

Ngawi rengin a Bike dahna lamah ka zui phei ve ta hnâ hnâ a, ruahsur pawisa ṭhak lova min dopui hmiah hmiah pawh chuan eng mah ka sawi lêm lo.

Khawsak harsa kan ni hauh lo va, vawiinah pawh ka hlawh lâkchhuah hi a ṭûlna ka hre miah lo; mahse, ka pasalin min nawr miau avangin khawchhe hnuaiah ka chhuak ta kha a ni a, min hruai tura kal duh mang hlei lo khân min zui ru leh tho si. Ka taksa sil ṭhêm ṭhûm mah se inhau buai ai chuan thuawih taka kal mai a finthlak zawk.

Kan in lam panin kan inphur phei leh ta a. Nichina min lo betu Lalfakawma inti kha Hospital road-ah kan tlânpêl a, min en duh ang reng viau bawk.

U Thlenga nen hian kum ruk laiin kan inthlau a, kum thum zet kan inkawp hnuah laklawh thil avanga inru kan ni a, a nu nen chauhva khawsa anni a, amah hian hna nghet a neihsa avangin harsa bakberhin kan awm lem lo. Kan inneih aṭanga kum hnihnaah hna ka nei ve chauh bawk.

Huh hluam chungin in kan thleng a, ṭawngkam khat mahin min be hek lo. Min ânkhum hrep ringin ka lo inring ru ve rân a; mahse, kan nupa room-ah min kai lût tê tê a, "Sente, nang nen hian kan inpum hlen tak takin ka ring lo, chuvang chuan i pa hnenah lêt leh mai rawh." Ka rin loh deuhvin a ṭawng dam thlup nia!

"Inṭhen leh mai mai tura pasal nei ka ni hleinem.." ka ti ve sap a.

"Ka sawi ang hian zâwm mai rawh, i hlawh kha keng chhuak la naktuk zing Sumo chhuakah inkhua pan ang che, i bungrua pawh vawiinah pack fel vek la, ka rawn thawn dawn che nia." Hnial theih miah loh hian a ti leh ta a.

"U Thlengte.."

"Seni, min hnial suh, ngaihzawng dang ka nei a, i chhuah hun kan nghâk reng a nia." Zawi supa a tih tâkah chuan min vawnna thingthlain, "Kut min thlâk te ka laka lawmna tur rêng rêng i neih loh lai te khan tuarchhuah hun ka neih ringin ka lo ngawi ve ṭhin a; mahse, kei aia midang duhzawk i nei a nih chuan ka kal ang. Ka kal em em ang." Ka ti ve hmiah.

"Kal turin ka tirêng che a ni." Kan room a chhuahsan zui nghal a, ka chhungril tâwt up up tihreh tumin thâwk ka la sek sek a, tûn hnai aṭanga min en dan a dang ta vek leh ho mai mai a kut min thlâk fo ṭhin te kha ngaihzawng a lo neih vâng lek chu niin!

Tlâwm ka inti a, mualpho thlâk ka ti ru ngawih ngawih bawk. Lungleia awm ka pa phone-in ka pasal min tihdan ka hrilh ve ta a.

"Senbawih, i ṭap em?" Tih min zawt hmasaber.

"Ṭap lo ve.."

"Ṭap duh rêng rêng suh an hmusit phah ang che, kan lo hruai dâwn che nia.." a ti dam thlap a.

Min hruai a ngaih loh thu leh naktuk zing chhuak Sumo-ah ka rawn haw mai ang tia ka sawi chuan, "Puitling i ni tawh a, ka ngaihtuah lo che a nia, dam takin i lo thleng turah ngai ang." A bâk eng vak sawi tawh lovin kan inbiakna ka titawp ta a.

Chawhnu pumpui insiam nân ka hmang a, kan pa a lo lêt leh tawh lo. Ka thawmhnaw zawng zawng ken vek a rem dâwn si lova a tam thei ang ber ken tumin ka inbeng muk ṭân ṭân khawp mai. Ka pa inah fanu mal duat hlawh thei reng kha ka ât man têlin mualpho taka ka awm a ṭul ta si.

##

Ka chuanna 'Sumo' driver hmêl dam thlup ka hmuh chuan a rûkin ka nui sak a.

Ni e, kha driver khân ka ngaihtuahna hre vek mah suh se ka kalna tur hmun dam takin min thlen dâwn a hriatna nghet tak ka nei tlat nia. Ka mimal nuna ka sengluh hmasakber mipa, hun kha leh ka chênpui leh kan inneih hlim a min duat hliau hliau tu Lalthlengliana hmêl hmu nawn tawh miah lovin kan khaw panin ka haw ta chu a nia; ṭahin awmzia a nei lova nuih vak vakna chi lah a ni mang si lo.

"Sente, i zin ve dawn em ni?" A hnungber seat-aṭanga mipa aw thâwpsat ri ka hriat chuan ka lehhawi vat a. Lalfakawma'n kiai suk chung a min lo melh chuan ka meng deuh kâwk nia!

Ka hming lah chu a hre em em a, niminah a car-a chuang turin min sawm a; tunah Lunglei Sumo-ah a lo chuang leh daih bawk si a, he pa hi tu chiah nge maw a nih lê!?

"Zin dawn a nih hi." Ka chhâng tâwi tek tawk hle.

Chumi hnu chuan min be zui tawh bik chuang lova, Seat no
1 leh 2 ka hauh avângin driver nen chiah kan ṭhu bawk nen ka boruak kenin a zir si lo nen ka ngawi ngal mai.

Sialsûk kan thlen a chaw kan eikham hnu lawkah kan driver pum a na ta tlat a, nachhawkna eitir a kan nghah ngial hnuah pawh motor khalh thei ziazâng a nih tâk loh avangin, "Valpui, min khalh chhâwk mai teh," a ti ta ringawt a. 'Valpui' tia a koh pawh chu atu ber nge ka hriat ve si loh.

Driver seat-a lo ṭhu ka hmuh meuh chuan ka nuih a za ta lo khawp mai. Lalfakawma lek kha lo niin! Nui suk chung hian min rawn melh a, "Ka bula ṭhu châk an tam nen Vanlalthlamuanpuii kher ka'n ṭhutpui dawn chu a nia." Ngeiawm zeta a ṭawng chu ka chhâng châk zek zek; mahse, kan insûm ta zâwk a.

"Darkâr eng emaw zât kan la tlân dawn sia tûm bûr suh." Min la ti tak deuh deuh nia maw le.

Mipa zak thei lo tak a nih loh pawhin kawlhrâwng ve thawkhat a ni ngei ang. A theih chhung chu biak ka tum lo bur. Pasalte duh loh hnu Vanlalthlamuanpuii kha ka ni tlat alawm.

Kan driver pumna chu pawi ka ti fâl deuh bikin ka hria, damna pe theitu ka nih miau loh avangin Lalfakawma khalhah ka duh emaw duh lo emaw ka chuan tho tho a ngai dâwn a nih hmel.

"Sente, eng nge i tih ber dawn?" Thenzawl kan thlen hma lawkin min rawn be leh hrâm a, ka chhâng ang nge chhâng lovang tih ka ngaihtuah fê hnuah ban chap hian, "Ka haw dâwn," ka ti ta a.

"A lo nih tak chu.." tih pahin a bân thahrui ngah hmêl taka thisen zâm pâwng ṭalh ṭalh khawp a steering a herh chu ka en reng a, a hmêl tak rûn phênah hian eng emaw tak a awm lawi si.

Mipa ṭawng tam lutuk a nih loh hmel.

"Min ngaisâng tih sawi hlek suh." Nui suk chunga a tih veleh pawn lam ka thlir nghâl daih a, kei hian tû mipa mah hnaih tumna ka nei tawh lo mai nilovin ka tum lo bur.

U Thlenga khân ka chhuah rual rualin nupui a hâwn ang nge hâwn lovang tih ka ngaihtuahnaah a rawn lût zawk a, ka tûm zui nghal hmak.

Thenzâwl kan tlânpelh dawn chiahah Bike chak lutuk hian min rawn tlanpêl fua a, Valpuia'n Sumo a tihdin dawt rual chuan inring hman hek lo, hma lamah ka bu dawrh thei a! Thinrim lutuka ṭawng chhuah tumin ka âng zuau hman, kan hmâ a ka pasal Lalthlengliana, mitmeng thîp fahrana rawn hawi ka hmuh chuan thawhuai chungin ka inhûm ruh fan fan a.

Engvanga min rawn umzui nge a nih?

"Vanlalthlamuanpui..." Tia min rawn koh chuan Valpuia lam hawiin, "Tlânsan rawh khawngaihin.."

"Sente, inbia ula a ṭha zawk lo maw?" A tih chuan, "Ka duh lo tlânsan ang.." ka ti leh a.

U Thlenga bike aṭanga a rawn chhuk ka hmuh meuh chuan zâmna namên lo hian min fan chhuak a, Valpuia ṭhutna lamah ka tawlh nghal rawk rawk a.

Amah ka hlau tihna nilovin mualpho pherh erh a inchhuah ka hlauh vâng a ni pakhat. Passenger dangte an zahawm chu thuhran.

"Vanlalthlamuanpui, ka awm loh laia chhuah kha ka lâwmin i ring em?" Tih pahin ka ṭhutna kawngkhar a rawn phih hawng rawp a.

"Valpui..." tiiin zah pawh sawi hman lêk lo hian a kutah nghet zetin ka vuan a, khaw hawi ngaihna a awm dawn hleinem maw le.

"I ṭhianpa nen Sumo-ah in lo intiam rual vêl a..." Thlenga ṭawngkam mei nei zet chu chhân piap piap a châkawm kher mai. "Ṭhianpa, midang hmai te hi zah ve la khawngaihin min kalsan mai rawh damlo phur kan ni leh nghâl a.." Valpuia aw dam thlup leh nghet churh chu a zahawm ru riau.

"Lo ṭawng miah suh, nimin a ka nupui i be lai kha ka hmu reng che a nia, mi nupui i uirêsak zawk em ni?"

"Valpui chhân tlâk a nih loh kha, a duh leh a nupui kha hruai se keini chu i kal ang u.." hnunglama ṭhu te chuan an rawn ti ve bawk a, min chhuktir hlau zet hian ka ṭhu nghet sauh sauh thung.

"Vanlalthlamuan, min lo zui rawh.." Thlenga aw vin zet chu haiderin Valpuia kutah ka vuan ṭang a, ka chhân vaih chuan kut min thlâk dawn tih ka hresa vek, tu'nge mi nupa inkâr buainaah inrawlh thûk duh ang, bâkah 'min hnawtchhuak' tia insawi mualpho kher kha ka hreh ve bawk.

"I nupui hian Lungleiah zinsan che a tum miau si a kan kal phawt ang e." Tiin motor a tinung nghâl hlarh hlarh a.

U Thlenga'n ka bânah rawn vuanin min phih chhuah a tum zui ta bawk nen kan hnunga ṭhute ṭawng sep sep te chuan ka zahna anti zual a, "U Thleng, kal turin min ti a ka kal a nih hi, i ruala lêt ka tum tawh lo." Zawi sapin ka ti ve ta nge nge a.

"I nupui thusawi chu i hria maw?" Tia a kut ka vawnna chu tilangin, "Ka rualin, ka motor khalhah ngei a haw ang, ṭawngkam khat pawh i chhâk chhuak leh a nih chuan ka dîm dawn hauh lo che a nia." Zawi fiah taka Valpuia ṭawng chu a nghet charh nia!

Chuta u Thlenga ṭawngkam chu sawi chhâwn leh tlâk pawh a ni lo, thinrim inseh ruh ṭeuh chung hian kawngkhar nam khâr burin a kalsawn ta a. Valpuia thinrim meng dur khap melh zauh chung hian, "Ka lawm e." Ka tisap a.

"I lâwmna hian engchen nge a daih ang aw.." ti supin chakzet hian kan tlân chhuak leh ta a.

A sawi dik. Lalthlangliana mizia ka hre tawh a, min kaltir mah se min umzui leh thovang. Chuti a nih rualin hnunglam hawikír zuk zuk mihring ka nih loh avangin ka hâw ta sa sa, a tawp thlengin a nia ka ṭan dawn ni.

"I pasal chuan a duat khu chûk lo che a nih hmel; mahse, a kianga ka sawi ang ngei khân him dam takin i tum ram ka hruai thleng ngei ang che." Inringtâwk tak chunga Valpuia(Lalfakawma) ṭawng chuan min ti hahdam sawng sawng thei nia.

Zahna leh mualpho intih lutukna avânga ka mittui hnâm sak chu ka khap per chiai a, ka bula ṭhu ngawi ngul Lalfakawma vâng hian ka him hrâm a ni ber e.

'Ka nunah tû mipa mah hian hmun an chang tawh lovang' tiin rilru ka siam sauh sauh va.

B+>[BeckirafARenthleI]<+®®



Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » June 24th, 2019, 6:17 pm

2.NÁO VÂ

Becky Rafa Renthlei

Mualṭhuam kan thlen hma zawng Valpuia'n min be tawh lo va, ka chuanpuite pawh an ngawi ṭhap tho. Kan zin boruak a nawm loh vek bâkah mak ti hmel taka min en hrek hrek te chuan ka chhungrilah nuam lo tihna leh zahnain min ṭham er er a!

"Pasalte hriat lohva hâw mai mai rual chu i ni miah lo." Tiin min rawn melh zawk a. "Ka chungchâng hriat eng mah i neih loh chuan sawi ve mai mai suh," Valpuia ka chhânna avang chuan a hnunga ṭhute an phun leh sep sep a, ka ngei lek lek hlawm.

Lalthlengliana avanga zahna leh mualphona ka tawrh zozaite hian rilru paukhauhna min pêk belh sauh sauh thung.

Lunglei kan thlen thlengin Valpuia'n min be nawn tawh lo hrim hrim, midang te nen erawh an inbe luam a, ka ngaihtuahna vâk kual zut zut te nulât lai hun ṭha hmang ve hman mang lovin pasal ka nei kha a ni a; fá nei chuang bawk si lovin ka lêt leh hi ka zahna tizualtu a ni pakhat.

##

Ka pa inah karkhat lâi ka awm tawh a, kan pafa leh ka cousin Lalmuanpuii te nen kan awm ho nâw nâw a, pâwn ka chhuak lo mai ni lovin ṭhenrual lo lût pawh ka pehhel zar zar a ni deuh ber. Zawhna chhân sen loh ka dawng dâwn tih ka hre miau alawm.

"Senbawih, inpa a rawn thleng a nia." Ka room-ah ka pa lo lûtin min rawn ko a.

U Thlenga'n min biak pawh mai mai loh nân social media mai bâkah a number pawh 'black list'-ah ka dah vek a, a lokal tur thû ka hre lâwk bik lo.

"Ka be peih lo." Tia ka chhân chuan, "Puitling takin thil sawi dun rawh u, i lamah ka ṭang tlat dâwn alawm, sumchhuah a ni emaw, mâk pawh nise insawifel tho tho a ngai a nia." A tih deuh tlat avângin huphurh ru zet hian ka chhuak ve ta nge nge a.

Sitting room sofa-a ṭhu ka pasal hmêl pawr fap chu ka en thuak a, ka ten hluah hluah!

"Sente, lo haw tawh rawh.." a ti nghâl tawp nia!

"Haw leh mai mai turin kan inah hian ka lêt lo."

"Ka tihpalh takzet, i tel lova awm ka zuam lo khawngaihin min ngaidam la, lo haw leh hrâm rawh." A hmâa ka hriat ṭhin ka pasal min duat deuhtu aw kha a ni; mahse, a chhe ber thleng thei turin rilru ka siam tawh a, haw leh ka tum lo bur.

Awkâ ka pawh tâk mai si loh ah chuan a mize pangngai a rawn chhuah leh ta. "Ṭha tê têa ka koh lai chein 'ka haw duh lo e' i ti a maw!? Rum zetin min melh a, ka pa a rawn ṭawg chhuak ve ta.

"Thlenga, a pa In a lo thleng tawh a, a duhthu a rawn chhuak lah a ni hek lo; ngaihzawng neihsan mai mai tur a tan ka fanu hi i kutah ka hlân lo a nia." Ṭawngkam dam thlap; mahse, thunei aw taka ka pa'n a tih meuh chuan mitmu pâwng zâwrh khawpin min melh nia maw le.

"A ṭha alawm, a thawmhnaw engmah chan inbeisei suh se, lâk buai pawh tum lo
ula, ka hâlral vek dawn." Zak miah lovin zuk ti a!

"Ê, i duh ang ang chuan ti ang che, ka fanu lêt lehna tlâk mipa i ni lo tih ka hriatchian phah sawt." Tih pahin u Thlenga hmaah tak a va ding a, "Nang ang mipa ka lo neihtir che hi ka tihsual liau liau a ni. Sum kan chhuah ang." Chumi hnu chuan thinrim meng dur khup chungin u Thlenga a chhuak tau ta a. Mak tak maiin ka thâwl huai nia!

Nuthlawi ka ni ta.

Ka bungrua lâk tumna kan nei lo va, ka pa duh dan ang chiahin Lalthlengliana inah vawikhat mah luh leh ka tum ta lo.

"Sente, nun bul ṭan ṭhat tum la, kum upa i la ni miah lo a nia i tâ tur dik tak Pathianin a la pe mai ang che." Ka pa min hnemna chuan ka thlâ ati muang hlê.

Ka hna hi chuti maia bansan a rem dawn loh avangin arang lama Aizawla lêt leh phawt ka tum ta a, tunah kum 28 ka pum awrh chauhva ka hmabâk a thim lutukin ka hre bik lo. "Ka fate an khawngaihthlâk em mai' tih tur pawh ka nei bik hleinem maw le.

Ka khumah muhil thei lovin ka tâlsek a, a la hma bawk si. Fb leh whatsapp pawh mumalin ka khawi tawh ngai lo kha a ni a, ka chat list-a number lâwng ringawt lo lang ka hmuh chuan ka en ve ngial a.

"I pasal kha ni ila ka chhuah hauh lovang che, keimah Lalfakawm of Valpuia," deuh kher kher chuan! Chhân loh ka tum zet a; mahse, ka chhâng châk zek zek.

"Ka pasal i ni lo hlauhva min chhuah mai rawh aw." Tia ka chhân chuan, "Chhuah lah lo ve, in inkawtah ka ding a nia, i pasal ngaia i kûr nguai a nih loh chuan kawngkhar lo hawngin min lo welcome ta la.."

"Ve lutuka che.. "

"I pa ka call kher dawn em ni?"

Valpuia hian ka pa pawh a hria tihna maw! Lungleiah ka awm lohna a rei tawh si a, tunge a niha khawi veng nge a nih pawh ka hre eih lo.

"Ka pa i biak duh chuan amah call mai rawh, mangṭha le." A en chiah tihah min rawn call ta a, vawithum ka 'ring' zawh tir ṭhak pawhin a la rawn call char char nia!

Luhlul leh luhlul kan intâwng a ni ber. Keiin ka pick duh bîk si lova ka phone lah a ri chhên bawk nen ka switch off hmiah.

Puanin ka inkhuh thân a, min be zui tur khawpa a lakah ka tlângnel ka hre hek lo. Kan doorbell ri ngar ngar chuan ka lungphu ati rang sawt thei nia. Amah bâk a ni tawp lo vang.

"Sente, kawmchhakpa in a hmu duh che.." ka cousin Muanpuii'n min koh chuan ka hawi tang hrâ a, 'kawmchhak pa maw?'

Valpuia a ni kher lo thei bawk.

Khum thawhsanin ka chhuak leh ta nge nge a; mahse, tu'nge ka hmuh hi!?

Valpuia hmel fai sar leh a sam la ro lo tih hriat fahrana hnâwng deuh chap te, a mitmeng thim mäka nui hmel lo lang te chuan khaw dang min hawitir thei lo!

Chutah nui suk chung hian, "Kawmchhakpa hi ṭhutna te min kawh hmuh ve la..." atih chuan, "I duh duhnaah khân ṭhu rawh.." ka ti nghat a.

"Vanlalthlamuanpui, pasal ṭhen tih vânga tûm bûr kher loh tur aw, Aizawlah ka phur phei duh lo mai tur che a nia." Sofa hnai berah ṭhuin min en deuh vang vang a, hepa hian min hriat chian hmel ropui mai si a, a ṭawngkauchheh rêng rêngte pawh hi a nghet deuh churhin ka hria.

"I rual kher lo va kalna tur ka hriat hrâm ka beisei, sumo tezawng a tam êm mai,"

"I pa'n ticket a lâksak diam tawh che a, cancel mah la ka pawm lovang." Tih pahin ka dinna bulah a rawn kal hnai a, hmun leh hmunah phei chuan a palen zia ka hmu thiam chiah. A lo berah 5'11 vel a sâng a nih ngei ka ring.

"Driver pumna kha dam hrâm turin ka ṭawngṭai ngei a ngai dawn a nih chu.." ka sawi zawh rualin ka bânah a rawn vuan a, "Driver pangngai ka ni lo nâ a, ka Sumo-ah ngei i chuang ang. Lo inready la.." ka bengbula min hrilh rûk sup chuan ka run ngei mai.

Ka chhân hman hmain a chhuak zui daih a, mipa chimawm tak a ni. A chhe lo hlê bawk.

Nithum hnuah ka hna zawm turin ka kal a ngai a, u Thlenga nen kan inhmuh palh hlauh tâkah tiin ka pa'n Muanpuii hruai ve turin min ti nghe nghe. Mahse, ka hnial fithla hrâm chu a nia.

Ka nî te inah ka awm a ngaih dâwn vângin a rûk tak chuan ka thlâ a muang lo. Ka pasal zah hre lo leh mualpho hlau eih lo nen kan inhmachhawn leh a nih vaih chuan nuih a za leh dawn lo mang e.

Ka pa nen rei ngial kan titi hnuin ka room-ah bawk ka lût leh ta a. Ṭawngṭai tura ka maimitchhin veleh Valpuia hmêl hlir zuk lang a.

After 2 days

LALFAKAWMA(Valpuia)

Tlangval ṭha ve pangngaiin mi nû ka hmu tâi tlat hi thlarau sual hnathawh a ni chiang alawm. Vanlalthlamuanpuii ka hmuh hmasak ber ni kha Apex bank kawt chu a ni hauh lo. Ka in aṭangin nitin a office kal tur ka tâwk ziah a, a pasalin a thlah lai pawh ka hmu fo bawk.

A sam dum sei angreng tak duh dah taka a ṭawn tawp te, make-up tel miah lova a hawi fái veng ṭhin te khân ka mit a la ru viau a nih kha. Amah chauhva a lokal lai hmu fo mah ila mi nû a ni tih ka hriat tlat avangin ka be ngai lêm lo. Ni e, tuma hriatpui hauh lovin a chanchin kimchang ka chhui ru vek bawk, an nupa inkâr ṭha lo pawh tlângkam aṭangin ka hre nual bawk a, inrawlh emaw intáhluh tumna rilru erawh ka pu miah lo. Mi nupui ngaizawng duh tur khawpa mipa nêp leh nikhualo ka ni tlat lo va.

Kei hi Lalfakawma ka ni a, Aizawla piang leh seilian niin nau hmeichhia pakhat Aringi ka nei a, tuna ka thlenna Lungleiah hian pasal neiin a awm a, Sumo pathum ka neih zînga pakhat kawlin eizawn nâna an hman ber a ni.

Keiin Guwahati service ka enkawl a, driver pahnih chhawr lai ka nei bawk. Ka nu leh pa boral hnua ka thawh chhuah liau liau a nih vângin ka roh hlê.

Kum 35 na ka hmang ṭan ve mek a, ka farnu tâna unaupa ṭha tak nih kha ka tum ber niin M.Com ka zawh hnuah sawrkar hna ngaihven lovin tihian keima pualin bul ka ṭan ve ta a ni. Ka pa pension-na erawh ka chhawr ṭangkai viau.

Dâr ruk leh a chanve a rîk tawh pawhin Sentei a lo la lang ve miah lo va, ka ruala kal turin a pa'n engkim a tifel vek tawh a, ka be zui ta lem lo kha a nia; passenger dang an kim vek tawh hnuah muangchâng hian a rawn kal chhat chhat a, a pasal nen an inṭhen tih ka hriat khan mak tak maiin ka chhungril a hlim tlat lawi si!

"Hey, hmanhmawh ve deuh la.." ka biakna hre lo ang hmiahin zuk ngawi leh reng a!

"Vanlalthlamu..."

"Lalfakawm, ka hmingpum hian min ko lawl lawl kher suh..." ka sawikim hma hmain ati vîn ṭhak a, a mitmenga min ngeina rawn lang chhuak erawh ka haider hmiah.

"N0.6-a ṭhu tur i ni nâ a khawngaih mark-in 1 ah ka sawn che." Ka tih chuan, "Ka ṭhutna tur dik takah ṭhu ila ka mood a on zawk ang." Ka thusawi engah mah ngai hlek lo hian a ṭhu lût tharh a, midangho mitmei vêng miah lova kawngkhar a khar bur phei chuan ka phu zawk nia.

Tukkin chu a mood a off âwm hle mai.

Henu hian a pasal a ṭhen hlen tak tak dawn a nih chuan chhuah ka tum hauh lo mai ni lovin ka ûmzui nghâl char char dawn. Aringi'n a chanchin kimchang min hrilh tawh a, chhetê mahin iaina ka nei lo.

Lunglei kan chhuahsan hma chuan biak ka tum hauh lova min ngainat theih nân leh min nêl theih nân theihtawp chhuah erawh ka tum thung.

Vanlalthlamuanpuii ka zûna uaitir tur hian hun tam ka mamawh hauh lovang.

B+>[BeckirafARenthleI]<+®®

NOTE: In mi ngaihdam ka ngai, ka hun a chêp lutuka edit na hun thawl takngial pawh ka nei hleithei lo a ni e. Sawi lawk lovin ka remchanah ka rawn complete pawp ang. Chawlh lailâwk erawh ka tum lo aw. Min hrethiam hrâm dawn nia.

Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » June 24th, 2019, 6:18 pm

3.NÁO VÂ

Becky Rafa Renthlei

Lalfakawma

Sentei ka kianga ṭhu tura ka tih chuan a duh tlat loh avangin driver seat-ah ka ṭhu tûm bûr a. Pasal ṭhen hlim a ni bawk nen chuti mai chuan a rilru hneh a har ngawtin ka ring; mahse, mipain 'hnaih ka duh' ka tih a hnû, midang lang ve hman lêk lova hneh khâ ka tum tur a ni ringawt.

A ngawi ngal a, a mimeng lian lam deuh leh a hnar ngûl sâng vah te, a vun ngo uchuak ni hauh si lo sen chek te chu front mirror aṭangin ka thlêk leh zauh zauh ṭhin a. Ngaihzawng tihtham fê ka nei tawh, ani ang a ka vei hi an awm âwm pawh ka hre lo.

Haulawngah chaw ei turin kan chhuk ta a, kan Seni erawh a ṭhutna ngaiah a ṭhu tlat a, "Hey, chaw rawn ei rawh..." nelawm taka lan ka tum rih miah lo.

"Ka ei peih lo."

"I ei loh chuan inpa i la ngai tihna.."

"Valpui, kanpa chungchâng sawi tur hian dikna i nei lo mai nilovin i inrawlh ve a ṭûl hran lo." Chang faka min chhân chuan a ṭhutna lam kawngkhar ka hawng rawp a, "Ka passenger te hian damlohna a ni emaw harsatna, chaw ei duh lohna chhan mumal tak annei a nih loh chuan an ei vek tur a ni; tin, ei man pawisa annei lo a nih pawhin ka pêksak mai ṭhin. Chuan, eng harsatna nge i neih ve han sawi ta che.." ka tih chuan a en ngai a en reng a.

"Vanlalthlamuanpui...?"

"Aw, ka ei dawn, ka ei dawn," vîn fê a tiin min nam dat dat a, "A ṭhat chu, ka ei rualin i ei thei reng alawm," a bânah vuanin Hotel-ah ka hruai lût ta a.

Kan chaw ei chhung zawng pawhin a ṭawng eih lo! Min en lova a chaw chauh ngaihsak niâwm tak hian zuk bâr mial mial a! Ngêng lutuk mai.

"Driver inti thû deuh motor-ah ka chuan leh a tâkah." Tho hluai paha atih chuan nui suk chung hian ka melh a, "Nakinah chuan, 'Valpui, seat ala awm em?" tia min zawh sek hun ala thleng ngei ang." Ka ti lui ngat.

"Lalfakawma tih hi an lerh duh." Nui duh miah lova tiin a ei man a pe a, a chhuak nghal nal nal nia! Ka lerh tih pawh ka hriat si loh.

Driver pangngai ka ni lo tih sawi kher ka tum lo va, a dik tak chuan Guwahati-ah pawh bungraw la tur bâkin ka kal ngai lo. Kan in chung sak zawm a ngaih vângin theihtawp chhuahin ṭan ka khawh a, 'Hausa' tia sawi vul chûk tur ni lo mah ila, 'Mipa intodelh' ka ni. Vanlalthlamuanpuii tân hian ka tling tâwk bawk.

Haulawng kan chhuahsan hnu lawkah ka bula ṭhu chuan Sentei inṭhutthleng puiah a sâwm ta nghê nghê a, ka tihtîr ni hek suh, a rûkin ka nui suk suk. A chhan chu kan Seni hian midang a hnial dawn lo tih ka hre tlat a...

Ka kianga a lo ṭhut hnuah chuan Gear ka thlâk dawn apianga a malpui ka deh zeuh ṭhin chu a run hlê tih a hmêl aṭangin alang reng a, ka pawisa dêr mai si lo va; sih sah mai a!

Kan chuanpui mipa uang deuh ho phei chuan, "Phur tlang daih rawh, mo lawm turin kan inpeih at a nia." An la tizui nen Aizawl leh Lunglei inkâr kawng a tâwi ruih mai alawm lê.

'Welcome to' sawmhnih pali zet kan tlânpelh meuh chuan Aizawl kan lût ta a, counter-a chhuk tum kha an in thleng thlah ka tum leh ta. A chhan chu a thlenna hmun ka tân hriat a ṭûl miau alawm.

"Min thlah kher ka ngai lovang.." min hnial hi a peih ve hrim hrim chuan ka hria.

"Ka thlah dawn che, min hnial eng ang mah la ka pawm dawn si lova tum buai duh suh." Midang an chhuk vek tawh a, min chhuksan lui ṭâng ṭâng ang tih ka hlauh vangin a kutah ka hûm tlat thung.

"Ka nunah inrawlh tum suh, pasal pawh nei thei lo hian mipa dang ka hnaih leh i ring em ni?" Zawi sapin a ti ta a.

"Mipa dang ka ni hleinem, keimah Lalfakawma of Valpuia ka ni tih i thinlung khan hre rawh se, i pasal ang mipa kha ka ni hek lo. Ka duh che a, ka duh nitin bawk ang che." Min chhâng lova a ngawih tâk rengah chuan motor tinungin ka tlân chhuak ta a.

Min hnial ta lo. 'Min duh ta' tihna pawh a ni lova a thlenna tur hmuna ka hruai a duh vâng hian tlêmin hmâ ka sâwn hret.

A nî te nupa in an lo hmuak a. Ti hi chuan ka duh hun apiangah ka lêng tawh mai dawn a ni; a hnathawh ka hre sa a, anpa néna an inneih lai kha chuan ka hmu ngun khawp mai; mahse, tunah chuan kan vêngah a rawn awm tawh dawn si lo a; vêng dangah lêng tlut tlut ila a ni mai.

"I ṭhianpa chu thingpui in turin sawm ve la," a nî in a tih chuan, "A hmanhmawh lutuka a in hman lovang." Lo tiin min en duh miah lova, "Ka hman tho mai, bungraw dah pahin ka rawn lut ang, Sente, thingpui chu va lum rawh." Hnial chi hauh loh hian ka ti a.

Min melh râm râm chungin, "Lo luh ve kher pawh a ṭûl lo." A nî hriat hlau zet hian a ti leh a, ka hre lo der tlat thung.

Sentei hi hmeichhe ṭawngtam zawk zawk a ni hran lo va. A mize dam raih hi mí ngainat a hlawh nachhan anih pawh ka ring. Inkâwm ngeih ber ang ziazânga ka biak bawrh bawrh tâkah chuan min chhâng lo thei bik hek lo, ka duh aiin ka ṭhu khawmuang rei.

##

VANLALTHLAMUANPUII

Ka nî te in aṭangin office ka kal nitin a, ka pa nen zantin kan inbe ziah bawk. Chhungte mah nise 'Ei rawh in rawh' tih nghâka awm reng kha ka nin deuh avangin in luah tur remchâng ka melh pah reng a, chuti mai chuan hmuh a awlsam dawn lo khawp mai.

Thlahnih dâwn ka ni te ka fin ve hnuah an rem tihna thlapin inhnuai tê fel rân mai ka luah ve ta a, u Thlenga paw'n a bialnu a hruai lût tawh tih tlângkam aṭangin ka hre zui bawk nen tlêm chuan ka rilru a na ve deuh. Ka hmangaih ni a ka hriat, engpawh huama ka zui khâ a ni a; fâ ka pêk theih loh avanga kan nupa inkâr chhe ta hi hriatthiam har ka ti.

Mahse, kei aia midang duh zâwk a nei miau si a, thlan tur dang ka nei lo atin ni.

Nuthlawi ka nih mai bâkah mahniin in ka luah bawk nen mi sawi ka hlawh ang tih ka hlau ru viau a, kan chênna hmun nghet a nih miau loh avangin kawng dang thlan tur ka nei si lo.

Zantin deuh thaw Valpuia'n min rawn bia a, ka nî te ina ka awm khan vawithum a lo lêng hman; mahse, ka biak ṭhat hûrh loh avang tepawh a ni mahna a rawn lêng chhunzawm ta lêm lo. In ka luah hrang tih pawh ka sawi lang duh miah lo a; Whatsapp lam aṭanga min biak pawhin a rûl tawk chiah zelin ka chhâng ṭhin.

Transfer han dil ve ngawt dâwn ila ka thawhna a la rei bawk si lo. Ka in luahah khawhar takin ka awm deuh chawt zel. Tute mah ka be tuitam hek lo, ka chanchin a chhe zâwnga an sawi ka hlauh êm avangin kan ṭhenawm hnai ami te takngial pawh ka kâwm lo a ni ber mai.

Ka phone a rawn rîk chuan enchiang mang hlei lovin ka chhâng a.

"I in dang tih engvangin nge min hrilh loh?" Valpuia aw hniam chhak ri ka hriat chuan ka off ṭhelh nia! Chhâng lova ka ngawih reng lai chuan, "I tân eng mah ka ni lo tih ka hria; mahse, in i luah hrang tih min hrilh duh lo tur khawpin a ni maw min lo huat?" Thinrim awki ni miah si lo; mahse, a lungawi lo a ni tih hriat theih tho si hian a rawn ṭawng leh a.

"Ka eng mah ni lo na na nâ chu ka hrilh kher che a ṭûl lo a ni mai."

"Seni, mipain ka duh che tih ka sawi tawh a, chuti maia rilru thlâk danglam thut thut mi ka ni lo bawk. Hmaichhanah kan sawi dun ang." Tiin phone a off zui hmak.

Dik tak chuan amah ka duh lo hulhual tihna a ni lova mipa hrim hrim hnaih leh ka tum tawh lo a ni zâwk. Ka pasal vânga ka zahna leh mualphona a la inṭan dawn chauh va; lerh ber ang ziazânga mipa lo kawp thawt thawt khâ ka rilrem zawng a ni hek lo.

Khumah phone khâlin ka mu zangthal ar a, u Thlenga nen kan inneih tirhte ka chhuikîra thinrimnain min tuam hlup hlup thei nia. Ka ât êm avangin ka nih tum pawh ni phâk lo leh ka nu pawh dawmhlum thei lovin ka awm phah a ni a, ka chhungrilah hian Lalthlengliana huatna a rawn awm thar leh tawh.

"Kawngkhar te hi chhunglamah kalh ve tur a nia, mahni a awm si i huai mah mah." Ka khum bula mipa ṭawng ri ka hriat chuan rang lutukin ka meng chhuak a, ka room-ah, ka khum bulah ngei Lalfakawma a rawn ding nia!

"Eng nge i rawn tih dâwn?" Rang lutukin ka ṭhu chhuak nghal a, "Hmaichhanah kan sawi dun ang tih ka sawi lovem ni?" Tih pahin min pawt tho nghal a, ka ṭang hman îk lo; amah si chêta min kuahin "Khawi hmunah pawh awm la, ka zawng chhuak zel ang che." Fiah fak leh dam thlupa a ṭawng chhuah chuan che map lovin ka ding a.

"Min thlah rawh.." ka tâl zui phat phat a, "Ka kuah reng theihna tur che hian hun tam nghah ka tum tawh lo a nia, i pasal hlui ang mai maia mipa nikhualo ka ni lo tih i hriat theih nân min fiah ta che; Sente, min fiah rawh.." Tiin ka hmai bulah a rawn kûn hniam a, 5'6 lâia sâng ka ni chung pawhin ka la chen lo hlê.

A mitmeng fin hmel zeta fiah kâk te, a mitko hmul dum chhah ṭha tak leh a hmêl tilang ṭha zual tura a hnar ngul sâng angreng tak te chu a vawikhat nân zâm hauh lovin ka en ve ta a.

Mipa ka hmuh tawhah chuan 'Pa' tak a ni. A ṭawngkam chhuak reng reng a dam thlup a, mi puitlingzia amahah hian hmuh tur a awm bawk.

"Valpui..."

"Chu chu ka hming a ni, ka nu leh pa min koh duatna ka chhawm a ni bawk." Ti supin ka mitah tak min en a.

"Min hlat tum lovin min hriat chian tum la, chuta i lungawina leh i hlimna tur i hmu lo a nih chuan chiang takin min hrilh la ka inthiarfihlim ang." Tiin, min vawnna a thlah a, ka thluak nu but hi engtia tih reh chi nge ka hre mai lo.

"Lokal rawh.." ka tum loh deuhvin a bânah ka vuana choka lam ka panpui ta a. Ka in luah zimtê hi a rawn ti tâwt zo vekin ka hria.

Bungrua eng mah tih tham ka la nei lo va, ka pasal hluiin ka thawmhnaw lâk a remti lo bawk nen chhuanpui tham eng teh ual ka nei lo. Mahse, ka in lêng pa pawh driver a ni a, min hrethiam ang chu. Valpuia, Apex bank kawta ka hmuh induh tawk tak kha Sumo driver a lo ni reng a, anpu te car a lo khalhsak pawh a ni mahna.

"Min kâi chung hian kan ding reng dawn em ni?" A nui zui suk suk a, chokaah kan lo ding reng chu niin!

"Eng lo..ih..ṭhu rawh.."

"Eng lo," ti nawn supin ṭhutthleng sei pakhat lek awmah chuan a ṭhu a, "Sente, i nuna lo luh ka duh, in inṭhenna a la rei lo tih ka hre tho a; mahse, hun min pe rawh.."

"Mipa hrim hrim hnaih leh tumna ka nei tawh lo."

"I rilru tur ka hrethiam a nia, ni e, min duh miah lo tu leh mahni rilru chhungril phawrhchhuak ngam lo hmeichhia hi ka hlatsan mai tur a ni." Ka rin loh dan deuhva tiin a tho chhuak vut a, "Valpui.." tia ka koh chuan, "Ka sawi dik a ni lawm ni? I pasal Thlenga ang tura min ngaihna kha bansan la, chumi hnuah ka rawn lang leh ang." Ka chhân hmain a chhuak zui daih.

Helai thleng thleng rawn kal ve in a duh duh a sawi tawp tawp a, a chhuak chu a nia. Eng ang mipa nge a nih hre fai vek lo mah ila mi eng emaw tak chu a ni chiang alawm.

Zankhuain ka muhil thei ṭhak lo. Ka phone nise group-a ka awmna bâk eng mah ri eih a awm lova, ka mitthlâahValpuia hmêl hlir a lo lang zut zut a, chu chu ka duh loh ber a ni.

##

Office kal tura ka chhuah vek hnuah phone ka theihnghilh tih ka hrechhuak leh hnuhnawh a, nizan ka mut ṭhat loh êm avangin ka mit a thîp hlur bawk.

Ka in luah kawta dingte ka hmuh chuan ka pên tawp chawt.

Lalthlengliana leh a nupui thar inkuah rialin an lo ding a, min hmuh veleh, "Thlamuanpui, ka passbook leh ATM Card khaw'nge i dah?" Thlenga hmel dur khup chu hundang nise ka hlau ngawt ang; mahse, tûn hun a nih miau avangin chhetê mah hian ka hlau lo.

"I chanchin ka ngaihven loh ang bawkin i mimal thil pawh ka khawih ngai lo." Ka ti ve hmak a.

A ni rêng bawk a, kan inneih lai khan ka khawihsak ngai lo hrim hrim.

"Dâwt sawi suh, nang mah bâk khawih tur leh hre tur an awm lo." Tiin min khawih châk hmêl zet hian min melh rum ûl a.

"Thlenga, ka hre lo ka tih chuan ka hre lo a ni mai, ka hmanhmawh deuhva ka kalsan ang che u.." kalpelh mai ka tum chuan ka bânah a rawn vuan a, "Thlamuanpui..."

"A kut i vawnna kha i thlah loh chuan khawih tur chein minute tam ka nghâk dawn miah lo a nia." Valpuia aw ka hriatin ka lehhawi vat a. Ka in chhukna step-ah lo dingin a inkuangkuah thân a, Thlenga ngun zetin a en bawk.

"Nang kha lo inrawlh suh..." Tia min vuan nghet sauhin Thlenga chu a nui ṭhû a.

A nupui thar erawhin eng mah a sawi miah lo, Valpuia leh anpa a melh tawn sek thung.

"Inrawlh tawh lo tur chu nang zawk kha i nia, i nupui nen mi pawi in sawi hma khân kal rang rawh u. Sente, kalsan rawh.." kan awmna a rawn thleng thla tawh a, ka bân leh lamah vuanin, "Kal ang, tlâi ka duh miah lo a nia." Ati zui hmuk a. A sawi awmzia hre lo mah ila Thlenga min vawnna thingthlain Valpuia ka zui ta a.

Anni nupa erawh thinrim hmai sen ṭeuh hian an lêt chho leh ta a. Ka phone theihnghilh ka lâk lai pawhin a ngawi reng a, eng nge a ngaihtuah tih pawh ka hre thei lo.

"I nuna a rawn inrawlh chhên i duh loh chuan inphenna tur ngaihtuah ang che, chumi atan chuan ka awm bawk." Tiin kawta Car lo dingah chuan lut turin min mitmei a, hmannia a khalh tho kha a niin ka hria.

Hnial chhin eih lovin ka lût ve ta a.

Ni e, Lalthlengliana zu rim nam reng hian min bansan hlen tak tak lovang, a nupui lah khan a hlauh hmel nasa mai si a; Aizawla ka awm chhung hi chuan a khâk tawka min tihbuai ka ring tlat, ka in luah awmna thlengin an hre tawh si a; thil mak tak a ni.

"Inphen nân chauh maw ka hman ang che?" Tia ka zawh chuan, "Chu aia ril leh thûk zawk chuan i nunah ka la awm ang," inring tawk zeta tiin a tlan chhuak nghal a, ka thawhna hmun pawh ka sawi miah chungin zuk hre vek a!

"Ka nunah mipa seng luh ka tum lo." Ti chauhvin ka chhâng kha a nia, office kawt thleng min thlahin, "Tlai lamah min lo nghâk la ka lo hruai leh ang che." Biak zui hman miah loh hian chak takin a tlan chhuak leh nghal daih nia.

Lalfakawma hian chuti mai chuan min bânsan hauh lovang, a sawi ang tak tak khân inphenna tur mipa ka mamawh a ni.

Chumi atan chuan min ngaihventu Lalfakawma hnaih mai hi a finthlâk mai thei a ni. Fiah a cho bawk a, ka fiah ngei tur a ni dawn lo'm ni...?

B+>[BeckirafARenthleI]<+®®

Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » June 24th, 2019, 6:18 pm

4. NÂO VÂ

Becky Rafa Renthlei

NOTE: Ka story min hlutsaka min chhiarsak ṭâng ṭângtute in zahawm hle mai. Ka pa damlohna avangin leh a boral tâk si avangin post ve ûk chhunzawm hleithei lovin ka awm a, pawi ka tiin inmi hriatthiamna ka ngen tak meuh e. He story hi long story tur atana ka buatsaih a ni lo va; mahse, short story-ah ka khung leng chuang bawk si lo a, tihian ka rawn chhawpchhuak ve tawp khâ a ni a, ka long story tur atana ka buatsaih zawk 'The Rapsagyan family' erawh muangmara post ka tum a, min lo chhiarsak leh hrâm hrâm a ni ang chu. Min duhsaka comment ṭha tak tak te, fuihna thu ka ṭawngkauchheh chungchanga fakna ka dawn tepawhin min ti nui vur vur zel a nia, damlohna karah pawh nangmahni vangin ka lo nui leh ṭhin. Min chhiarsaktute zawng zawng chungah lawmthu ka sawi tak zet a ni e.

√** In lo theihnghilh ṭhen palh tâkah chapter 3 ka'n dah hmasa ang e aw.

GRACIAS -BRR
3.NÁO VÂ

Becky Rafa Renthlei

Lalfakawma

Sentei ka kianga ṭhu tura ka tih chuan a duh tlat loh avangin driver seat-ah ka ṭhu tûm bûr a. Pasal ṭhen hlim a ni bawk nen chuti mai chuan a rilru hneh a har ngawtin ka ring; mahse, mipain 'hnaih ka duh' ka tih a hnû, midang lang ve hman lêk lova hneh khâ ka tum tur a ni ringawt.

A ngawi ngal a, a mimeng lian lam deuh leh a hnar ngûl sâng vah te, a vun ngo uchuak ni hauh si lo sen chek te chu front mirror aṭangin ka thlêk leh zauh zauh ṭhin a. Ngaihzawng tihtham fê ka nei tawh, ani ang a ka vei hi an awm âwm pawh ka hre lo.

Haulawngah chaw ei turin kan chhuk ta a, kan Seni erawh a ṭhutna ngaiah a ṭhu tlat a, "Hey, chaw rawn ei rawh..." nelawm taka lan ka tum rih miah lo.

"Ka ei peih lo."

"I ei loh chuan inpa i la ngai tihna.."

"Valpui, kanpa chungchâng sawi tur hian dikna i nei lo mai nilovin i inrawlh ve a ṭûl hran lo." Chang faka min chhân chuan a ṭhutna lam kawngkhar ka hawng rawp a, "Ka passenger te hian damlohna a ni emaw harsatna, chaw ei duh lohna chhan mumal tak annei a nih loh chuan an ei vek tur a ni; tin, ei man pawisa annei lo a nih pawhin ka pêksak mai ṭhin. Chuan, eng harsatna nge i neih ve han sawi ta che.." ka tih chuan a en ngai a en reng a.

"Vanlalthlamuanpui...?"

"Aw, ka ei dawn, ka ei dawn," vîn fê a tiin min nam dat dat a, "A ṭhat chu, ka ei rualin i ei thei reng alawm," a bânah vuanin Hotel-ah ka hruai lût ta a.

Kan chaw ei chhung zawng pawhin a ṭawng eih lo! Min en lova a chaw chauh ngaihsak niâwm tak hian zuk bâr mial mial a! Ngêng lutuk mai.

"Driver inti thû deuh motor-ah ka chuan leh a tâkah." Tho hluai paha atih chuan nui suk chung hian ka melh a, "Nakinah chuan, 'Valpui, seat ala awm em?" tia min zawh sek hun ala thleng ngei ang." Ka ti lui ngat.

"Lalfakawma tih hi an lerh duh." Nui duh miah lova tiin a ei man a pe a, a chhuak nghal nal nal nia! Ka lerh tih pawh ka hriat si loh.

Driver pangngai ka ni lo tih sawi kher ka tum lo va, a dik tak chuan Guwahati-ah pawh bungraw la tur bâkin ka kal ngai lo. Kan in chung sak zawm a ngaih vângin theihtawp chhuahin ṭan ka khawh a, 'Hausa' tia sawi vul chûk tur ni lo mah ila, 'Mipa intodelh' ka ni. Vanlalthlamuanpuii tân hian ka tling tâwk bawk.

Haulawng kan chhuahsan hnu lawkah ka bula ṭhu chuan Sentei inṭhutthleng puiah a sâwm ta nghê nghê a, ka tihtîr ni hek suh, a rûkin ka nui suk suk. A chhan chu kan Seni hian midang a hnial dawn lo tih ka hre tlat a...

Ka kianga a lo ṭhut hnuah chuan Gear ka thlâk dawn apianga a malpui ka deh zeuh ṭhin chu a run hlê tih a hmêl aṭangin alang reng a, ka pawisa dêr mai si lo va; sih sah mai a!

Kan chuanpui mipa uang deuh ho phei chuan, "Phur tlang daih rawh, mo lawm turin kan inpeih at a nia." An la tizui nen Aizawl leh Lunglei inkâr kawng a tâwi ruih mai alawm lê.

'Welcome to' sawmhnih pali zet kan tlânpelh meuh chuan Aizawl kan lût ta a, counter-a chhuk tum kha an in thleng thlah ka tum leh ta. A chhan chu a thlenna hmun ka tân hriat a ṭûl miau alawm.

"Min thlah kher ka ngai lovang.." min hnial hi a peih ve hrim hrim chuan ka hria.

"Ka thlah dawn che, min hnial eng ang mah la ka pawm dawn si lova tum buai duh suh." Midang an chhuk vek tawh a, min chhuksan lui ṭâng ṭâng ang tih ka hlauh vangin a kutah ka hûm tlat thung.

"Ka nunah inrawlh tum suh, pasal pawh nei thei lo hian mipa dang ka hnaih leh i ring em ni?" Zawi sapin a ti ta a.

"Mipa dang ka ni hleinem, keimah Lalfakawma of Valpuia ka ni tih i thinlung khan hre rawh se, i pasal ang mipa kha ka ni hek lo. Ka duh che a, ka duh nitin bawk ang che." Min chhâng lova a ngawih tâk rengah chuan motor tinungin ka tlân chhuak ta a.

Min hnial ta lo. 'Min duh ta' tihna pawh a ni lova a thlenna tur hmuna ka hruai a duh vâng hian tlêmin hmâ ka sâwn hret.

A nî te nupa in an lo hmuak a. Ti hi chuan ka duh hun apiangah ka lêng tawh mai dawn a ni; a hnathawh ka hre sa a, anpa néna an inneih lai kha chuan ka hmu ngun khawp mai; mahse, tunah chuan kan vêngah a rawn awm tawh dawn si lo a; vêng dangah lêng tlut tlut ila a ni mai.

"I ṭhianpa chu thingpui in turin sawm ve la," a nî in a tih chuan, "A hmanhmawh lutuka a in hman lovang." Lo tiin min en duh miah lova, "Ka hman tho mai, bungraw dah pahin ka rawn lut ang, Sente, thingpui chu va lum rawh." Hnial chi hauh loh hian ka ti a.

Min melh râm râm chungin, "Lo luh ve kher pawh a ṭûl lo." A nî hriat hlau zet hian a ti leh a, ka hre lo der tlat thung.

Sentei hi hmeichhe ṭawngtam zawk zawk a ni hran lo va. A mize dam raih hi mí ngainat a hlawh nachhan anih pawh ka ring. Inkâwm ngeih ber ang ziazânga ka biak bawrh bawrh tâkah chuan min chhâng lo thei bik hek lo, ka duh aiin ka ṭhu khawmuang rei.

##

VANLALTHLAMUANPUII

Ka nî te in aṭangin office ka kal nitin a, ka pa nen zantin kan inbe ziah bawk. Chhungte mah nise 'Ei rawh in rawh' tih nghâka awm reng kha ka nin deuh avangin in luah tur remchâng ka melh pah reng a, chuti mai chuan hmuh a awlsam dawn lo khawp mai.

Thlahnih dâwn ka ni te ka fin ve hnuah an rem tihna thlapin inhnuai tê fel rân mai ka luah ve ta a, u Thlenga paw'n a bialnu a hruai lût tawh tih tlângkam aṭangin ka hre zui bawk nen tlêm chuan ka rilru a na ve deuh. Ka hmangaih ni a ka hriat, engpawh huama ka zui khâ a ni a; fâ ka pêk theih loh avanga kan nupa inkâr chhe ta hi hriatthiam har ka ti.

Mahse, kei aia midang duh zâwk a nei miau si a, thlan tur dang ka nei lo atin ni.

Nuthlawi ka nih mai bâkah mahniin in ka luah bawk nen mi sawi ka hlawh ang tih ka hlau ru viau a, kan chênna hmun nghet a nih miau loh avangin kawng dang thlan tur ka nei si lo.

Zantin deuh thaw Valpuia'n min rawn bia a, ka nî te ina ka awm khan vawithum a lo lêng hman; mahse, ka biak ṭhat hûrh loh avang tepawh a ni mahna a rawn lêng chhunzawm ta lêm lo. In ka luah hrang tih pawh ka sawi lang duh miah lo a; Whatsapp lam aṭanga min biak pawhin a rûl tawk chiah zelin ka chhâng ṭhin.

Transfer han dil ve ngawt dâwn ila ka thawhna a la rei bawk si lo. Ka in luahah khawhar takin ka awm deuh chawt zel. Tute mah ka be tuitam hek lo, ka chanchin a chhe zâwnga an sawi ka hlauh êm avangin kan ṭhenawm hnai ami te takngial pawh ka kâwm lo a ni ber mai.

Ka phone a rawn rîk chuan enchiang mang hlei lovin ka chhâng a.

"I in dang tih engvangin nge min hrilh loh?" Valpuia aw hniam chhak ri ka hriat chuan ka off ṭhelh nia! Chhâng lova ka ngawih reng lai chuan, "I tân eng mah ka ni lo tih ka hria; mahse, in i luah hrang tih min hrilh duh lo tur khawpin a ni maw min lo huat?" Thinrim awki ni miah si lo; mahse, a lungawi lo a ni tih hriat theih tho si hian a rawn ṭawng leh a.

"Ka eng mah ni lo na na nâ chu ka hrilh kher che a ṭûl lo a ni mai."

"Seni, mipain ka duh che tih ka sawi tawh a, chuti mai rilru thlâk danglam thut thut mi ka ni lo bawk. Hmaichhanah kan sawi dun ang." Tiin phone a off zui hmak.

Dik tak chuan amah ka duh lo hulhual tihna a ni lova mipa hrim hrim hnaih leh ka tum tawh lo a ni zâwk. Ka pasal vânga ka zahna leh mualphona a la inṭan dawn chauh va; lerh ber ang ziazânga mipa lo kawp thawt thawt khâ ka rilrem zawng a ni hek lo.

Khumah phone khâlin ka mu zangthal ar a, u Thlenga nen kan inneih tirhte ka chhuikîra thinrimnain min tuam hlup hlup thei nia. Ka ât êm avangin ka nih tum pawh ni phâk lo leh ka nu pawh dawmhlum thei lovin ka awm phah a ni a, ka chhungrilah hian Lalthlengliana huatna a rawn awm thar leh tawh.

"Kawngkhar te hi chhunglamah kalh ve tur a nia, mahni a awm si i huai mah mah." Ka khum bula mipa ṭawng ri ka hriat chuan rang lutukin ka meng chhuak a, ka room-ah, ka khum bulah ngei Lalfakawma a rawn ding nia!

"Eng nge i rawn tih dâwn?" Rang lutukin ka ṭhu chhuak nghal a, "Hmaichhanah kan sawi dun ang tih ka sawi lovem ni?" Tih pahin min pawt tho nghal a, ka ṭang hman îk lo; amah si chêta min kuahin "Khawi hmunah pawh awm la, ka zawng chhuak zel ang che." Fiah fak leh dam thlupa a ṭawng chhuah chuan che map lovin ka ding a.

"Min thlah rawh.." ka tâl zui phat phat a, "Ka kuah reng theihna tur che hian hun tam nghah ka tum tawh lo a nia, i pasal hlui ang mai maia mipa nikhualo ka ni lo tih i hriat theih nân min fiah ta che; Sente, min fiah rawh.." Tiin ka hmai bulah a rawn kûn hniam a, 5'6 lâia sâng ka ni chung pawhin ka la chen lo hlê.

A mitmeng fin hmel zeta fiah kâk te, a mitko hmul dum chhah ṭha tak leh hmêl tilang ṭha zual tura a hnar ngul sâng angreng tak te chu a vawikhat nân zâm hauh lovin ka en ve ta a.

Mipa ka hmuh tawhah chuan 'Pa' tak a ni. A ṭawngkam chhuak reng reng a dam thlup a, mi puitlingzia amahah hian hmuh tur a awm bawk.

"Valpui..."

"Chu chu ka hming a ni, ka nu leh pa min koh duatna ka chhawm a ni bawk." Ti supin ka mitah tak min en a.

"Min hlat tum lovin min hriat chian tum la, chuta i lungawina leh i hlimna tur i hmu lo a nih chuan chiang takin min hrilh la ka inthiarfihlim ang." Tiin, min vawnna a thlah a, ka thluak nu but hi engtia tih reh chi nge ka hre mai lo.

"Lokal rawh.." ka tum loh deuhvin a bânah ka vuana choka lam ka panpui ta a. Ka in luah zimtê hi a rawn ti tâwt zo vekin ka hria.

Bungrua eng mah tih tham ka la nei lo va, ka pasal hluiin ka thawmhnaw lâk a remti lo bawk nen chhuanpui tham eng teh ual ka nei lo. Mahse, ka in lêng pa pawh driver a ni a, min hrethiam ang chu. Valpuia, Apex bank kawta ka hmuh induh tawk tak kha Sumo driver a lo ni reng a, anpu te car a lo khalhsak pawh a ni mahna.

"Min kâi chung hian kan ding reng dawn em ni?" A nui zui suk suk a, chokaah kan lo ding reng chu niin!

"Eng lo..ih..ṭhu rawh.."

"Eng lo," ti nawn supin ṭhutthleng sei pakhat lek awmah chuan a ṭhu a, "Sente, i nuna lo luh ka duh, in inṭhenna a la rei lo tih ka hre tho a; mahse, hun min pe rawh.."

"Mipa hrim hrim hnaih leh tumna ka nei tawh lo."

"I rilru tur ka hrethiam a nia, ni e, min duh miah lo tu leh mahni rilru chhungril phawrhchhuak ngam lo hmeichhia hi ka hlatsan mai tur a ni." Ka rin loh dan deuhva tiin a tho chhuak vut a, "Valpui.." tia ka koh chuan, "Ka sawi dik a ni lawm ni? I pasal Thlenga ang tura min ngaihna kha bansan la, chumi hnuah ka rawn lang leh ang." Ka chhân hmain a chhuak zui daih.

Helai thleng thleng rawn kal ve in a duh duh a sawi tawp tawp a, a chhuak chu a nia. Eng ang mipa nge a nih hre fai vek lo mah ila mi eng emaw tak chu a ni chiang alawm.

Zankhuain ka muhil thei ṭhak lo va. Ka phone nise group-a ka awmna bâk eng mah ri eih a awm miah lo, ka mitthlâahValpuia hmêl hlir a lo lang zut zut a, chu chu ka duh loh ber a ni.

##

Office kal tura ka chhuah vek hnuah phone ka theihnghilh tih ka hrechhuak leh hnuhnawh a, nizan ka mut ṭhat loh êm avangin ka mit a thîp hlur bawk.

Ka in luah kawta dingte ka hmuh chuan ka pên tawp chawt.

Lalthlengliana leh a nupui thar inkuah rialin an lo ding a, min hmuh veleh, "Thlamuanpui, ka passbook leh ATM Card khaw'nge i dah?" Thlenga hmel dur khup chu hun dang nise ka hlau ngawt ang; mahse, tûn hun a nih miau avangin chhetê mah hian ka hlau lo.

"I chanchin ka ngaihven loh ang bawkin i mimal thil pawh ka khawih ngai lo." Ka ti ve hmak a.

A ni rêng bawk a, kan inneih lai khan ka khawihsak ngai lo hrim hrim.

"Dâwt sawi suh, nang mah bâk khawih tur leh hre tur an awm lo." Tiin min khawih châk hmêl zet hian min melh rum ûl a.

"Thlenga, ka hre lo ka tih chuan ka hre lo a ni mai, ka hmanhmawh deuhva ka kalsan ang che u.." kalpelh mai ka tum chuan ka bânah a rawn vuan a, "Thlamuanpui..."

"A kut i vawnna kha i thlah loh chuan khawih tur chein minute tam ka nghâk dawn miah lo a nia." Valpuia aw ka hriatin ka lehhawi vat a. Ka in chhukna step-ah lo dingin a inkuangkuah thân a, Thlenga ngun zetin a en bawk.

"Nang kha lo inrawlh suh..." Tia min vuan nghet sauhin Thlenga chu a nui ṭhû a.

A nupui thar erawhin eng mah a sawi miah lo, Valpuia leh anpa a melh tawn sek thung.

"Inrawlh tawh lo tur chu nang zawk kha i nia, i nupui nen mi pawi in sawi hma khân kal rang rawh u. Sente, kalsan rawh.." kan awmna a rawn thleng thla tawh a, ka bân leh lamah vuanin, "Kal ang, tlâi ka duh miah lo a nia." Ati zui hmuk a. A sawi awmzia hre lo mah ila Thlenga min vawnna thingthlain Valpuia ka zui ta a.

Anni nupa erawh thinrim hmai sen ṭeuh hian an lêt chho leh ta a. Ka phone theihnghilh ka lâk lai pawhin a ngawi reng a, eng nge a ngaihtuah tih pawh ka hre thei lo.

"I nuna a rawn inrawlh chhên i duh loh chuan inphenna tur ngaihtuah ang che, chumi atan chuan ka awm bawk." Tiin kawta Car lo dingah chuan lut turin min mitmei a, hmanni-a a khalh tho kha a niin ka hria.

Hnial chhin eih lovin ka lût ve ta a.

Ni e, Lalthlengliana zu rim nam reng hian min bansan hlen tak tak lovang, a nupui lah khan a hlauh hmel nasa mai si a; Aizawla ka awm chhung hi chuan a khât tawka min tihbuai ka ring tlat, ka in luah awmna thlengin an hre tawh si a; thil mak tak a ni.

"Inphen nân chauh maw ka hman ang che?" Tia ka zawh chuan, "Chu aia ril leh thûk zawk chuan i nunah ka la awm ang," inring tawk zeta tiin a tlan chhuak nghal a, ka thawhna hmun pawh ka sawi miah chungin zuk hre vek a!

"Ka nunah mipa seng luh ka tum lo." Ti chauhvin ka chhâng kha a nia, office kawt thleng min thlahin, "Tlai lamah min lo nghâk la ka lo hruai leh ang che." Biak zui hman miah loh hian chak takin a tlan chhuak leh nghal daih nia.

Lalfakawma hian chuti mai chuan min bânsan hauh lovang, a sawi ang tak tak khân inphenna tur mipa ka mamawh a ni.

Chumi atan chuan min ngaihventu Lalfakawma hnaih mai hi a finthlâk mai lo maw? Fiah a cho bawk a, ka fiah ngei tur a ni dawn lo'm ni...?

@BRR

4.VANLALTHLAMUANPUII

Office-ka thlen hnuah pawh ka nun a nguai raih a, Valpuia thusawi khân ka rilru a luah ta reng bawk; ani ang tlangval ṭha pangngai leh hmêl ṭha, pianphunga mi aia chung zawkin min buaipui tlat hi a ngaihna ka hre dêr lo!

Ka whatsapp tone-a rîk chuan rang zetin ka en a, private msg ka dawng khât ve teh a nia.

"In bân hunah min lo nghâk ang che, min lo nghâk lova i hâw anih chuan i in luah awmna ka hriat kha," a engah mah hmâin a rawn ti nghal tawp a.

"Hruai ka ngai reng reng lo, min duhsaknaah ka lawm em em e," tia ka chhân chuan, "Seni, min hnar châkin râk râk mah la kei hian ka um zui zel dawn che tih theihnghilh hlek suh," hmaichhana min bia ang maiin a msg ringawt pawh zuk nghet churh a!

"Min um zui mah la eng teh ual i ni chuang lovang."

"Kan la hria ang chu, fiah ka cho alawm," tiin min rawn call zui zat a.

"In bân hunah ka sawi anga min lo nghâk lo a nih chuan ka rawn kal tak tak dawn a nia," ati hniam chhak a.

"I inrawlh peih sia e,"

"I rin phâk bakin a nia ka rawn inrawlh dawn ni," ka chhânna pawh nghâk lo hian phone a off zui ta daih a.

Mahni-a in luah hi a lehlamah a zahawm lutuk lo tih ka hria; mahse, chhungte in a awm char char tur erawhin a inthlahrunawm lawi si.

Ka pa nen kan sawi dun ngial hnu-a in dang ta chauh ka ni a, ka zahawmna humhim tur hian ṭan ka lâk fê a ngaih hmel.

Tlailam dar nga-ah office ka chhuahsan thei chauh va, a sawi lâwk tawh ang ngeiin min lo nghâk thlap bawk.

"Keimahin ka haw mai ang,'' ti mah ila awmzia a awm dawn lo tih ka hriat sa avangin ngawi reng hian a car-ah ka lut ve ta a.

Thil ṭûl dang tih tur ka neih leh neih loh min zawh bâk kan mimal chungchâng eng mah a sawi lang lo.

Ka in luah kan thlen chuan, "Ka lawm e," ka'n tikhawmawi ve bawk a, nelawm vak loh a min melh chung hian, "Min kalsan châk zek zek mah la i inah lo luh ka tum tlat," tiin a ṭhutna lam kawngkhar hawngin a rawn chhuak ve nghal a; "Valpui, min hrethiam la, ka in luahna te min hmuh dan tur te min thlirsak ve rawh," lungawi chiah lova ka tih chuan, "Mi sawiah buai lovin keimahah chauh buai rawh." Ka hnial hman hma chuan ka bânah a vuan lawka min pên pui ta pâwk pâwk a!

Ka in zimtê chu a tichêp zual sawt.

Be tuitam bîk lovin ka inthlâksan hmiah a, dik tak chuan a mi uap a nâ-in ka thaw a veng miah lo; mahse, a luhlul nger ngur lutuka hnial a sâwt eih si lo.

Bedroom-aṭanga ka chhuah leh chuan ka rin loh deuh thil ka hmu! Ngawi reng hian a lo che mawlh mawlh a, thâwm nei miah lovin Alu a lo vel a, "Hey, eng nge kha kha i lo tih ve rîkngawt!?"

En pawh min en lo hian, "Chaw lo chhum rawh, hetah ka ei ve dawn."

"Enteh Valpui, zah tlâk chu ka ni hauh lo; mahse, hetia i duh duha i khawsak ngawtna chhan tur a awm bik lo a nia, min chhuahsan la ka lawm hlê ang."

"I sawi tam ṭhin em mai," ka thusawi engah mah ngai lovin a che zui mial mial a, zawhna eng mah min zâwt hran lo hian a duh duh a inzawn chawp hmiah hmiah a ka ngaithei der lo.

"Lalfakawm.."

"Eng nge, Vanlalthlamuanpui?"

"Haw rawh."

"Ka duh hun hunah ka haw ang, ka ril a ṭâm a nia, che vat vat teh ang," a thiltih lai a zawm leh mawlh mawlh a, "Lalfakawm, i ti mah mah," tih paha a thilsiam lai chhuhsak ka tum chuan a duh lo nasâ! Rang fahrana min chelhbet chung hian, "I thinlung duhna khâ zawm a har viau em ni? I pasal hlui ang mize pû ka ni lo a nia." Ka mitah chiang taka min enin nui hmêl a pu miah lo bawk.

Tûn hi 'i pasal ang mize pu ka ni lo' tih vawithum vel a sawi rîkna a ni tawh.

"Ka pasal hlui nen intehkhin kual lo mai teh,"

"Ka intehkhin awzâwng lo, ka nê pawh a ek lo, Thlenga nun kha ka nun dan nen a inpersan sihsah em mai, vawikhat mah min tehkhin tawh lo la; kan danglamna hmuh thiam tum zawk ta che." Chiang taka a thilsawi chu a dik ka ti ang reng.

A thusawi hnialin kalh reng mah ila min chhâng dang zel tho si a tihngaihna ka hre tawh bik lo! A duh ang ang hian han che phawt teh se.

Reilotê hnuah eirawng a bâwl zo vat a, keiin chaw ka lo chhum ve thung a, kan inbe tuitam lo khawp mai. Mipa che fel tak a ni tih a lang reng a, 'mipa ka hnaih tawh lovang' tiin rilru siam nawn fo mah ila Lalfakawma nungchang hian tlêm chuan min hîpin hriat chian châkna ka nei chiang alawm.

"Sen, i thinlung duhzawng zawm hi a harsa viau em ni? I zahawmna pe lêt tur che hian ka inpeih reng a nia," chaw kan ei laiin a rawn ṭawng bauh a.

"Ngaihzawng nei thei dinhmunah ka ding rih lo, khawngaihin min nawr suh."

"A ṭha e, ka nawrlui lovang che; mahse, min nghah rei tir lutuk lo la," tiin chaw ei dawhkan a thawhsan zui nalh a, biak zawm dan tur ka hre lo bawk nen ka thlênga chaw ka thaikual mai mai a, ka kâ a tui hlawl lo.

Ka nun buaichuar nuai hi engtia tih reh chi nge ka hre mai mai lo e a.

Kan eina vel ka tihfel zawh meuh chuan zan dar riat a ri tawh a, ani lah chu a phone-ah games khêlin min be lumlâm lo hrim hrim, 'haw tawh rawh' tih erawh ka hreh ve deuh si nen room-ah ka luhsan ta a.

Ka pa call-in a hriselna chungchâng te ka zawt luam a, rei pawh ka be lo, ka nghâwnga kut lum thar tharin min rawn tawh chuan ka phu nasa kher mai!

"Eng thil nge?" ka ding hluai a!

"Shh, hah dam rawh.." a bân lum thar tharin min rawn kuah bet nghal a, amah en tura ka dâk chhuak chiah chu a hmuiin ka biang a rawn nûl thuak a. "Sen.." sawi zawm tawh lovin ka hmuiah a rawn fâwp ta a, dam thlap leh ngenngawl taka min fawhna chu hnar ka duh; mahse, ka chhungrila nuam tihna rawn inṭham chuan min chêt sawn tîr thei ṭhak lo nia!

Ka pasal lakah rinawm tak leh zahawm takin nun ka hmang a, fa nei lo vin min ruih khum fo mah se nupa nun hman chungchângah ka ti beidawng ngai lo. Nupui ka nihna angin ka mawhphurhna ka hlen chhuak ve ṭâng ṭâng tho. Chhungrila nuam tih lohna leh phurna nei miah lova nupa nun hman kha thil châkawm ni nghal lo chuan.

Kan inneih ṭantirh khâ kan pha lo mai ni lo vin Lei leh Van ang mai a inpersan, nun inthlakthleng hlawk a ni ta zawk a.

Valpuia'n dím leh duat taka min fawhna chu mak takin ka thinlung hian a pawm thlap! Chhâng lêt lo mah ila hnial lovin ka dawh mâwl tawp thung.

"Sen, vawikhat chauh min chhâng ve rawh," a hmui lasawnin ka bêngkawm leh khabe a fâwp kual dan dan a; a kawr hnungah ka lo pawt ṭang thung, tîmna deuh ka nei tlat a, min rawn fawh nawn leh hmain ka insaseng ta a, khumah ka ṭhu thla hnak a, hnuai lam ka bih nghâl char char.

"Nula thianghlim ang maia awm kha tum lo la, i nihna ka hria a, ka nihna i hre bawk; i duh lo chung nawrlui duh tura mipa tuihâl ka ni lo," thinrim awkâ ni miah si lo; mahse, ngeiawm lam lek leka tiin ka room a chhuahsan ta a. Umzui emaw biak zui pawh ka tum hran lo.

Re ngial khumah ka ṭhu a, a chhuak thâwm ka hriat loh avangin ka che chhuak duh mai lo. Mut chhuah chu sawi loh nichina min fawhna khân ka chhungrilah engtin emaw ni tak min fan raih raih reng nia maw le.

"Room-ah min tawm san reng dawn nge, i kianga mu ve tura min sawmna?" Choka lam aṭangin a rawn ti a. Tunah zan dâr sawm a ri tawh a, haw a hun tawh viau.

"Naktuk office kal a la ngai si a, min hawsan ta mai che," room aṭanga chhuak pahin ka chhâng a.

"Heti taka min ngaina lo leh min hnar chung hian eng vanga ngaihven reng che nge ka nih ka hre hrep lo e," a ṭhutna ka va thlen ve hmain a chhuak zui nghal daih.

Ka inthiam loh rualin a hnen aṭanga ka inthiarfihlim theihna hun ṭha a ni tih hriain ka ngaihven khu chûk duh ta lo.

Ni e, pasal ṭhen hlim hlawl tâna mipa dang hnaih leh kha thil zahthlakah ka ngai tlat a, mipa hnaih loh hi a him berin ka hre ve tlat.

Mu tura ka insiam lai chuan kawngkhar dimtêa inhawng ri hre thânin ka inhria! Ka la kalh fel lo tih ka hre chawpchilh bawk.

Dimtê a room kawngkhar hawn ka tum chuan pâwn lam aṭangin tu emaw hian a rawn pawt ri hrâwk a, ka ṭê nghal ṭhawt a, ka tlu teuh kher mai.

Tunge ka hmuh hi?

Lalthlengliana, meng sen rûm leh zu rim nam thur thur chung hian ka room-ah a rawn lût a, "Eng, eng nge...?" Thinrim lutuk vângin ka duh ang pawh ka sawi chhuak ṭha thei lo. "Tenawm nu, mipa i mamawh chuan ka awm alawm, i pasal hian i mamawh ka'n phuhrûk sak ang che." Tihpahin ka âwmbâwr a rawn ṭhâm nawk a.

"Thlenglian..." theihtawpa nâin a âwmah ka chûm a, ka tukkhum sam a vawnbehna chu a na ngat ngat hlê mai.

"Mihur nu.." ka hmui rawn bawhthuah tumin a lo kûn hniam a, chuti maia infawhtir emaw inkhawih tîr ka tum lo nasâ. Kûn zauh chung hian chhuata ka pheikhawk tlawhphelh tawh chu ka chhar vat a, a remna lai lâiah ka vaw ve ta a.

"E e ê, i lo va nasa ta ve," ka samah kêkin min phihdâwrha chhuatah ka thal chiang kher mai, a hma a min sawisak ṭhin lai khân ka ngawi reng ṭhin kha a ni a, tunah chuan thih thâin ka sual lêt ve mai tur a ni.

Min zah lo tu na na nâ chu engvangin nge ka zah bîk lem ang?

Thâwm dim theih ni tawh hek lo, kan ri leh bur ṭhin a, heti anga min sawisa a nih chuan kâr lovah nikhua ka hre lo thuai mai dawn; min ṭanpuitu tur ka koh angai a ni.

Ka inluahnate koh tuma ka âng zuau chu ka hmuiah rawn hupin a kut lehlam hian ka kekawr hâk lai a phih tâwk a. 'Ni lo' ka kut tin hriam tak chuan a remna apiangah ka ham bawrh bawrh a.

"Thlamuanpui, ṭang kâwisawi lo mai teh, nichin lawka i tih hnu vek a ni ka tih dâwn ni, kha pa ai kha chuan ka tilawm ṭhin che a ni lawm ni?"

Min melh dan chu a tuhnai lo khawp mai. Mihur melhin a nia min melh ni! Heti ang mipa hi engtin nge pasalah ka lo neih duh zâwk le!

Valpuia a lokal tih a hria, engtin nge a hriat hman ni!

Min biakna leh a ṭawngkam ngeiawm tak tak te chu chhâng lovin ka sual lêt mial mial a, dik tak chuan thâah ka hneh hlawl lo. Ka thâwk a sak a, thâ a lawi ka nei ta lo.

"Thlenga, khawngaihin min kalsan rawh.." ka hmui hupna a thlah rualin ka ti sap a, "Teuh lo, zanin hian ka tâ i la nihzia fiah ngei ka tum." Ka hmeichhiatna tawh tuma a kut a chêt rualin a hmaiah tak ka bêng ta a.

Chuta a thinrim hmêl chu Setana pâwl hlauh!

Kan thâwm a rin teh lul nen inchungte tumah an rawn díkdâk lo hi thil mak tak a ni.

Thlenga'n dim baksak lova ka thawmhnaw a phih bawrh bawrh lai chuan vawilehkhatah mipa thinrim rûm thâwm a lo ri chhuak hulh a; Thlenga bek a ri zui chawrh bawk!

Ka mittui kâr aṭangin Valpuia thinrim hmai sen awp awp leh Thlenga kut a thlâk thâwm chu a ring ngei mai. 'Lalpa ka va lawm êm' tiin ka phun sap a.

"Eng ang mipa nge ni-a i inhriat? I nupui ni lovin i nupui hlui a ni, thuneihna i nei tawh lo," zâwi fiah taka a ṭawng ri chuan thihna rim a nam hial awm e.

Ani zurui mai mai leh tlangval rui lo hai lo taksa fit ṭha si tezawng, Thlengliana hneh chi ziazâng ni nghal lo chuan; pâwna an innawr chhuah thleng leh, "Vawikhat pawh i nupui hlui bulah ka hmu leh che a nih chuan Jail mai ni lo, Hremhmunah ka thawn tawh ang che." Tia Valpuia ṭawng thawm chu ka ngaithla reng a.

Mahni inkhawngaihna te, mal riauva inhriatna te chuan ka mittui a ko chhuak chiang kher mai; ani vang hian engtia rei nge thin thî-a ka awm tawh loh.

Chhuak zetin ka ṭap ta hlawp hlawp a.

"Hey, ṭap duh mahta che ka awm alawm, ka venghim zêl ang che." Valpuia lo lûtin khumah min hlâng chho va; ka taksa lang heihuai te chu puanin a rawn khuh nghal bawk a, ka ṭah a chhuak zual sauh.

"A nih leh le, tikhân i thinlung tâwt leh nâ a reh dawn a nih phawt chuan ṭap ngat ngat mai teh; mahse, tûn hi ani vânga i ṭah tawpna tur a ni tawh ang, Lalfakawma hian i tân eng pawh ka huam tih hre reng bawk la."

Khuma ka ṭap khur ngat ngat chu ka samah chûlin, eng eng emaw a sawi sap sap a. Rei ngial ka ṭah hnuah, "Min haw san rawh, mahni-a awm ka duh," ka tih chuan, "I kiangah, i bulah ngei hian ka awm ang, 'kal suh' tia min ngen lawm lawm hun ala thleng lovang tih tunge sawi thei?" A ṭawng zawh rualin ka bulah ngei a rawn inthawlh ve ta a.

Lo dam tumin ṭan khawh ve mah ila nghet taka min kuahna chuan kal a tum loh zia a târ lang chiang hlê.

##
Ka harh rual rualin min khan bet tlattu taksa lum ham ham ka hre hmasaber a, nizan chungchâng ka hre chhuak chawpchilh bawk.

Ka kianga tui taka muhil Valpuia hmêl hmuh chian tumin ka inher rem hlek a, 'hmelṭha' tia sawi vul chûk tur ni lo mah se a hmêl pa zet te, a bân thahrui ngah hmel zeta thisen zâm pâwng ṭalh ṭalh te chuan en chian a dâwl hle. Ruihtheih thilin atih buai ve loh mahni inkhai ding zo tih a hriat hliah hliah.

"Sen, muhil leh rawh," a rawn nui suk a, a muhil awzâwng lo.

"Tho rawh.."

"Teuh lo, a la hma êm mai," min kuahna ati nghet sauh va.

"Ka ti tak tak, office kal hma angai dawn a, min ṭanpuinaah lawm thu ka sawi e." Tia thawh ka tum chuan a lo phal îkhaw lo.

"I mit kha dârthlalanga i en hunah office kal i duh tawh tawp lovang,"

Rang lutukin min kuahna a bân dah sawn sak ka tum leh a, min thlah ve mai bawk. Ka hmêl ka'n hmu chiah chu ka ner nasa ngei mai; ka mit a bûi chûk a, ka khabe bâwr leh ka bek a duk raih bawk, nizana Thlengliana min khawihna a ni tih hai theih pawh a ni lo.

Valpuia âwm nghêng khân ka lo ṭap muhil daih chu niin!

"In pu ka phone sak dawn che nge, nang mahin i call dâwn?" Ka khumah a la mu reng a, ka hau buai duh tawh lêm lo, tunah zing lam dâr ruk chauh a ni a, kan pu phone nân chuan a la hma mah mah.

"Tikhân i mu char char dâwn êm ni? Inthlâk ka duh a.." tiin ka thawmhnaw chuar ṭup leh kawrkilh inphelh huang te chu ka ṭhâmkhawm hnuhnawh a.

"Dawn lo ve, nakin deuhah ka tho ang, tikhan inthlâk rawh, lehlam ka lo hawi ang e," tiin chiang zet hian min melh leh tê tê a, chutah bangkil lam hawiin a insiam rem ta a.

A mizia zahawm ru riau hi ka ngaisâng thar ta viau, a pâwng atakin min duh lang huam lo va, a duh chin sawiin a ngawi mai zêl.

Ka thawmhnaw lain bathroom lamah ka phei san ta a.

Ka taksa sil ṭhûm leh na sup sup chu haider theih ka duh hlê mai; engtikah nge nun zalen taka ka awm ve theih ang? Min venghim turin Valpuia hi ka kawp ve mai dawn nge, ngun taka inngaihtuah ṭha-in ka hria a, Thlenga hian eng chen nge min tihbuai dawn ka hre si lo.

Thaw chhuak halh chungin mit ka chhîng ta vang vang a.

Ka inbual zawh hnuah inthlãk fel diamin ka room-ah ka lût a, puana inkhuh hlûn chung hian a mut ngai rengin a la mu bawk. Vawiinah a service dawn lo em maw ni!

"Valpui...?"

"Umn.."

"I service dawn lo em ni?"

"Dawn lo chu a nih ber hi, tunah zin chhuah hun pawh a ni tawh lo," ka lam hawiin a rawn inlet a, min en chîk hle bawk.

"Keimah vânga ṭhulh i nih chuan a pawi ka ti."

"Ṭhulh chhan tlâk i ni alawm, vawiin lamah tibuaitu i la nei mai thei a, ka awm rih ang," ati sup a.

"Ka tibuai tam tawh êm mai che, ka lo inbuaipui ve thei tawh ang," khumah ṭhu-in a hmêl ka en duh miah lo a.

"Sente, ka kalsan dawn lo che, i him a ni tih ka hriat hma loh chuan ât ka so dawn rêng rêng lo; vawikhat sumo tlân chhuah loh avang khân eng êm ka ti lo vang," tih pahin ka kâwngah a rawn kuah a, ka phu zawk thei nia!

"Thil ṭha ber a ni lo." Tia min kuahna phelh ka tum chuan a nui suk.

"Thil ṭha zawng zawng atih vek theih loh, mi zawng zawng kan tilawm sêng hek lo, hah dam takin awm la rawn mu leh rih rawh, engtin mah ka ti dawn lo che a nia," ati dam leh thlup a.

Ni e, min kalsan turin nawr chhên mah ila ṭawngkam thlâwn ka seng mai mai.

"I kiangah, i bulah nitin zan tin awma ka venhim theih nân che ka neih ngei che a ngai tih hria la, i pasal hlui laka tâl chhuah i duh takzet chuan min nei rawh." A hmel thutak rûn leh nghet churh te chuan ati der lo tih ka hrethiam mai.

Pasal neih chu sawi loh, ngaihzawng neih pawh ka ngam lo a ni a; mahse, Thlenga nungchang ka en hian min vênghim tur mipa ka mamawh lawi si.

Ka nunah mipa ka seng lût leh dawn a nih chuan Valpuia of Lalfakawma tluka ṭha ka tân an awm lo ang.

Mahse, chutiang tur chuan ka la inpeih chiah si lo. Min zawhna pawh chhâng ta chuang lo chuan ka ngawi reng a; ani pawh a ṭawng bik lo.

Eng kim hmachhawn tur hian chak tawk lo mah ila ka thinlung ala inpeih si lo.

"Tun hi ka sawi hnuhnun ber na tur ni rawh se, ka duh che a nupuia neih che pawh ka duh; ka hmangaih che tiin sawi kher lo mah ila pasala min neih chuan i duh i hmu ang." A sawi zawh rualin amah en turin a lamah min pawt her a, a mitmeng fim kâk chu ka en ṭha ngam lo.

Rawn kun hniama min rawn fawh tâkah chuan mipa dang ka thlang dawn lo tih ka chiang ngam chiah.

Dam thlapin ka lo chhâng lêt ve ta a...

B+>[BeckirafARenthleI]<+®®

Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » June 24th, 2019, 6:18 pm

5.NÂO VÂ

Becky Rafa Renthlei-BRR

Dim leh duat taka min fawhna chuan ka rilru hrehawmna leh tâwt ṭûna ka inhriatna te kha zuk chhâwk zangkhai thei a!

A kiangah him riau niin ka inhriat phah a, pasal nei tawh ṭhin ni mah ila a vawikhatna ang maiin min fawhna chuan ka taksaah nghawng a nei si.

"Sen, office kal lo la, nilêngin i kiangah awm ka duh." Ka hnungzângah a chûl hauh hauh a.

"Ni e, mahni chauhva awm ka huphurh ve tho, ka hmai lah hi.." ka biang vûng lâk chu ka tuai zauh a.

"Lalthlengliana kha duh aiin ka la khawih na lo mah mah," ka biangah a kut dinglamin a rawn chûl a, dik tak chuan min ngaihsakna leh min duatna hian ka hnuk ati ulh tlat. Ani ang hi pasalah lo nei ta zawk ila ka mualpho pherh hrep lo tur.

Khumah mu dun mah ila mipat hmeichhiatna lam hawia min khawih a tum miah lo hi ka ngaisâng ang reng, a khât tâwkin min fawp leh zauh zel a, keimah vânga a service lo hrim hrim pawh hi min ngaihsakna chikhat a ni ka ti lo thei lo.

Eirawngbawl a hun tâk avangin min thawhsan a, thawh chhuah ka tum ve chuan, "Tukin chu ka âwl ang che, nidangah erawh zawngchhang awih loh." Nui suk chung hian ati awlsam êt a.

Khum thawh san pawh ka tum buai peih ta lo, kan pu ka va call a, damlohna thila ka kal theih loh tur thu ka sawi chuan min lo hrethiam ve viau a, ka lawm ang reng.

"Hey, vawiin nilenga kan hna tur chu mut leh ei a nimai," Tukṭhuan kan ei laiin ati a.

"Ka tibuai em che a ka inthlahrung,"

"Ngun takin ka thusawi tur hi lo ngaithla ang che, ka sawi laiin min lo chhân tum lo la, ngun taka inngaihtuah nân vawiin nilêng leh zanin hun ka pe ang che." A tih chuan ka mengphâwk hrâ a.

"Sawi la.."

"Nupui neih hun ka ni tawh a, nang aiin kum liin ka upa zawk bawk, mite anga inngaizawnga kum eng emaw zât inzui te kha ka tân thil tih chi a ni ve hek lo; ka duhah ka chiang a, ka hmeichhe duh leh nupui neih duhna rilru ka put aṭang khân nang mah hlir ka tinzawn ṭhin che. Chuvangin, pasal ṭhen hlim ni mah la keia tan danglamna a awm lo; tin, mahnia awm hi i tân a him lo tih i hriat ve vek kha, vawiin hi zirtawpni a ni a, naktukah Lungleiah i pa hmu turin kan kal anga engkim ka hrilhfiah vek a ngai a nia," tiin a chil a lem khalh a.

Sawi ve tur rêng rêng ka hre lo.

"Mi sawiah buai lo la, pasal neih leh hi i tân a harsa ang tih ka hria; mahse, hetiang hian i awm kumkhua thei dawn lo va arang lama inneih mai hi a ṭha zawk, inngaizawng kuala inzui rual kan ni tawh lo ve ve.." ati ta hmiah hmiah a, a thilsawi chu ka rin loh lam thil daih a nih vângin, "Chutiang a theih ngawt loh, thlahnih erh awrh kan inṭhen aṭangin a liam a, thil mawi pawh va ni suh."

"Thlenga pawhin a hruai lût nghal a, nang i nih vânga inthiam lohna tur eng thil mah a awm lo; mahse, nawr luih che erawh ka tum miah lo a nia, i pasal hlui i la beisei a nih chuan thu hran nise.."

"A lakah eng rilru mah ka pu lo, pasal neih hrim hrim hi ka ngam tawh rih lo a ni." Tiin ka tho chhuak nalh a, "Tunah chhânna min pe nghâl suh ka tih kha, ka inah haw lawk angaia ka rei lovang, naktuk zingah ka zawhna che chhânna ka hre duh dawn a, chuan, zanin pawh hetah ka riak leh dawn ei châk i nei em?" Tiin min zawt zui zat a.

Lû thing nâ nâ chung hian, "Ka chhânna tur che chu a pangngai reng," zawi sapa ka tih chuan a ngaithla tawh lo hrim hrim; a jacket lain kawngkhar bulah a ding a, siai zauh chung hian, "Sente, thutlûkna dik i siam ka beisei, min neih phawt loh chuan eng ang mipa nge ka nih tih leh ka hmangaih tak tak che nge tak tak lo tih i hre dawn si lova, a sawia sawi aiin chêtzia hian thû a sawi tam zawk a nia," bân vai zauh chunga tiin ka chhânna a nghâk tawh eih lo, inringtawk zetin a chhuak zui nghal hmiah.

Nizan ka boruak tawnin a zir lo bawk nen pasal neih chu sawi loh, ngaihzawng lam ka tinzawn lo hrim hrim a, ka pa bula sawi ngam chi ni nghal lo chuan.

Ka thluak a buai vek, a vawikhat nân kan inbe ṭha ve dêk dêka nupui neih thleng thlenga a sawi kai nghal hi a ti ve mah mah deuh a ni.

Valpuia'n min chhuahsan hnu chuan inbual faiin inchhung pawh ka theih ang ang hian ka thian ve a, driver nupui nih tezawng ka duh teuh lo mai. Lunglei line a nih phei chuan zanah min riah bo san hun a awm fo dawn a, mahni-a awm a ngai leh tho dawn! Chi loh lutuk ka ngaihtuah thui peih lo e a.

Dar khat bawr velah chawhmeh leh eng eng emaw khai bâwr ṭeuhvin a rawn lang leh ta a, "Kan lo ṭha em?" A ha var rual ṭhap langin a nui ve mial!

"Ṭha e, i lokal duh mai mai a nih kha," a lang fai sar a, a sam hnâwng deuh chap te chu a inhmeh ta riau. Lalfakawma mize cool ruih leh nghet churh hi a ngainatawm ru phian.

"Khatiang hmel tehhrep kha pu lo la chuan pawn lamah chaw ei chhuahpui che ka duh a nia, i hmel ka hmuh khân Thlengliana ka huatna a zual sauh." A sawi zawng ringawt pawhin a ner sawk thei nia.

Ni e, Thlenga ka huat zia leh ka ten zia hi sawi sawi pawh ka peih lo, nizana a chêt dan chukchu zet te kha mipa pangngai tih chi a ni lo a, nupui dang a nei tawh a, a duh loh hnu ka ni bawk, rilru chhe tak ala rawn pu duh fo khâ court-a khin tlâk a ni.

"Tukina ka thil sawi kha ngun takin ngaihtuah ang che, i pa hian zankhat mitchhin tâwk ta se engtin nge i awm zêl ang tihte kha ngaihtuah kai la," thingpui no dawm chunga tiin chîk tak hian min en bawk.

"Ka hria alawm, kan inhriatna a la rei bawk si lo; bâkah chuti maia innei rum rum tur chuan ka zuam ngang lo a ni e. Valpui, nang pawhin ngun zawkin ngaihtuah ve la kan mizia leh nunphung eng mah kan inhriat sak lo, tihsual leh hi ka hlau tawh a ni."

"Min rin tâwk angai rêng a ni," tukverh panin a kal phei a, a va dâk vang vang a, "Min rin a ngai a ni." Ati leh sup a.

Chumi hnu chuan atu a mah mah kan ṭawng chhuak tawh lo.

Rei fê kan ngawih vang vang hnu-in, "Mihring nupa a insiam tur hian inngaihzawnna nghet neih hmasak a ṭûl i tih tlat chuan kei nen kan inrem thei dawn lo a nih hmel, 'mipain nupui neih ka duh' tia ka sawi chhuak a nih chuan ka ti tak tak bawk. I chhânna tluantling nei nghâl turin tunah ka nawr lo che a, naktuk zingah chhânna min pe dawn nia." Dam thlupa tiin ka lam a rawn hawi a.

"Zanriah ei nân a la hma bawk si, ka inah ka hruai ang che, râlkhat aṭanga indawr zawng inrinhlelh a nâ tepawh a ni mahna."

"Ang lo lutuk, pâwn chhuak chi ka nih loh hi.." ka ti nghat a.

"Step panga bâk i tân kal a ngai lovang, car ka rawn keng.." ka room lamah min nawr phei dat dat a, hnial a sâwt leh miah dawn lo.

Ka insiam laia awm ve a tum deuh em maw ni?

"Tikhân i awm ve reng dawn em ni?"

"En teh, Seni, saruaka ding tur i ni lova underwear leh bra i inbel ve êm ang chu tiraw, mahse, chhuak tura min duh chuan ka chhuak ang e, chokaah ka lo nghâk ang che." A chhuah nghal a.

Thusawi te hi eng emaw zâwng takin a awih phian a, mipa mak ve tak chu a ni. Cotton kekawr inthawlh sawk sawkin shirt lian lam deuh ka inbel bawk a, ka hmai erawh cheimawi chi ziazâng a ni lo. Kan nihna ang ang a min pawmtute hi alawm hlu ber le.

"Vanlalthlamuanpui, dârkar eng zat nge nghah i ngaih dâwn?" Ka hmingpuma min kohna chuan ka thin tertek a kai chhuak teuh kher mai.

Thlenga'n min koh nâna a hman kha chuan eng teh ualah ka ngai lo va; mahse, Lalfakawma min kohna erawhin thinlung a tawk zar thung! He pa hi ka duh ṭan tihna a ni thei mai em? Ni lo, ṭhian anga kawm hi ka tâna thil ṭha ber a ni lawi si.

Insiam peih diama ka va chhuah chuan ngun leh chîk zet hian min lo en a, chutah nui suk chungin, "I hming hi a sei deh duah sia ka lam chhuah chhungin ka thâw a chham ṭêp.." a nuih a zat hmel kher mai.

"Vawikhat pawh ka hmingpuma min koh leh chuan i châk lo viau ang Lalfakawm, ka pu in duh taka a phuah kha i lo nuihzat vel a.."

"A sei êm alawm.." ka darah vuanin pawn lamah min hruai chhuak ta a, kawngkhar pawh ama'n a kalh fel thlap a, chahbi zuk ak daih a.

"I pa in ang maia chêt kha i sim a ngai, hei chu ka in, ka chênna bik liau liau a ni e," ka tilui ve ngat a.

"Kha ti ang ṭawngkam ka hriat duh loh vâng khan alawm inneih ka rawtna chhan 'ka ta, ka ta' tih awm lo turin," ṭha tê hian ati leh mai a, hnial zui dan vak pawh ka thiam lo.

Step kan chhuak chho chiah ka luhna turin car kawngkhar a hawng a, ani pawh driver seat-ah a ṭhu lût nghal bawk. A che rêng rêng a dik thlup a, Apex bank kawta ka hmuh lai kha chuan tlangval hawklak ve mai mai turah ka ngai deuh khâ a ni a; mahse, reilotê a kianga ka awm chhung hian a puitlin zia ka hre telh telh.

"Eng nge i ngaihtuah?" Ka malah a kut ṭang sei thlurhin a rawn hmer a.

"Eng mah.."

"I thluak vâkvel nasa lutuk thunun dan ṭha deuh ka hria a nia," tiin ka hmai bulah a rawn kun hniam nghal a, min fawh a tum chiang!

"Hey, Fakawm!" Thlêk sawn ka tum chuan a kut veilama ka biangah vuanin, "Mi zawng zawng hmuha fawh che hi ka hre miah lo a nia, min lo bihthla te pawh an awm mial maithei asin," ti lehin a rawn kûn lui leh ngat a.

"A chi loh Valpui," ka mitmenga ti lo tura ka ngenna chu engah vak ngai lo tih hriat deuh hian ka hmui a rawn si zeuh a; "Khawi hmunah pawh ka ta i ni tih zak miah lo-a ka tih lan theih nân ka nupui i nih ngei a ngai." Inring tâwk zeta car steering vuanin a tinung nghâl vat vat a, ka va hlauthawng hman si êm.

A chênna hmun kan thlen chuan mak tih lutuk vangin ka hawi hau thei nia!

U Thlenga te vengah khân a lo awm ve reng niin! Kan in aṭanga hla lo te-ah a ni nghe nghe a, 'tu in nge' tia ka lo inzawh rûk fo ṭhin, a chhunga chêngte ka hmuh ngai miah loh building lianpui kawta car atih din chuan, "Hei hi in in maw!?" Tiin ka zawt hliai a.

"Yes, keimah Lalfakawma in a ni e, a chhungah hian ka chêng a, chîmbuai tu ka nei lo tih ka hrilh lâwk a che." Car aṭanga min hruai chhuah pahin a ti liam puat a.

Ka pasal in hlui ka hmuh chuan mak deuhvin hlauhthawnna ka nei miah lo.

Valpuia hi tûn hmain ka la hmuh awm ka hre miah lo a; mahse, kan venga Sumo pathum nei Fakawma kha amah hi a ni tih tunah ka hre chhuak ve chiah!

A chhan pawh a in hnuai kawngpui ân chin zawng chu garage atan a hmang vek a, sumo pahnih a ding bawk! Chu mai ni lovin bike(RS-200) la thar ang reng tak pakhat a awm bawk a, a in hi chhâwng thum niin a chung ber erawh la sak zawh loh a ni a, tlangval satliah chu a ni lo tawp tih ka hre mai.

Thlenga nen kan inneih lai khân kohhranah kan inhmang lo hlê a, office nitin ka kal tih loh pâwnah ka tei chhuak meuh lova hmel hriat pawh ka nei tam vak lo; amaherawh chu a in hi nitin ka kal pêl thung.

"Mak i va ti awm ve?" Ka dara kuah pahin inchhungah min luhpui ta a.

Bungrua pawh duhthusam a ni, mipa mahni chauhva chên nân chuan a lian mah mah a; a phuisui khup mai. "I inah ngaiin i duh ang angin i awm thei ang," room pakhatah min luh san nghal daih a, duh tâwkin inchhung ka lo en kual thung. Engkim a faiin a hnûm hlarh a, enkawl uluk tih an hriat hlawm hlê.

Banga chhungkaw thlalâk intar chu ngun zet hian ka en a, a nu aiin a pa a chhun zawk bawk, nu leh pa a nei tawh lo tih hrilh chawp ngai lovin ka hria a, a farnu chu ka hmuh hnu a ni leh lawi si.

"Sen, ka rilru ka thlâk thut, hetah chaw kan ei zawk dawn nia, chuan i thawmhnaw siam turin kan lêt phei ang a; naktukah Lunglei panin kan chhuak ang," min râwn miah lovin ro a rawn rêl zung zung a, ka run zawng tak.

"Lunglei kalna chhan tur pakhat mah ka nei lo, Thawhṭanah office kal a ngai." Ngaih dan ni vak lo hian ka chhâng nghat a.

"Kan inneih chuan i hna i chawlh san ang," a la ti tak deuh deuh a.

"En teh, i duh duh sawi turin em ni helai hmunah hian min hruai, thluak ka nei ve a, i duh ang anga awm tur ka ni lo a nia," tiin kut kuangkuah thân hian amah hmachhawn zawngin ka ding a.

"Thinchhe reuh si.." ti nghutin ka lam a rawn pan ta a, kei ka lo tawlh hnung zel thung.

"I duh lo chung ka nawr lui dawn lo che, pasal i neih lai aṭang tawh khân kei hian ka duh che a; mahse, mi nû ngaizawng duh tur khawpa mipa nêp ka ni lo, in inṭhena chu chu remchangah hmangin ka zuan chat rêng a ni, duh duh sawi ka ni lova ka duh tak zawk a ni ka sawi." Bang ka nghen tâkah chuan tawlhsawnna tur awm tawh hek lo, min si chêt hian a ding a; min en ngun hle bawk.


"A hmain min hria maw!?"

"Hria e, Vanlalthlamuanpuii nui hmel pu ngai hauh lo hmeichhia, nitin ngui nghiaia office kal ṭhin kha thla tam tak liam ta khan ka lo ngaihven tawh.." ka khabe-ah a rawn dawm a, a mitmeng fin hmel tak chuan khaw dang a hawi eih lo.

"Ka hmu ve ngai miah lo che.." ka ti sap a.

"Min hmu turin i mit khân khua i hawi hleinem.." ka chalah a fawp zauh a, tawlhsawn ka tum chuan a lo phal îkhaw lo, "Min thlah la.." ka zak titih ringawt!

"Nang thlah tur che hian vawi tam rilru ka siam a; mahse, ka thei lo chu a ni e. Sente, ka duh che.." zâm map lova a ṭawng chhuak chu a thâm sap a, a rinawm hmel hliah hliah.

"Ka duh lo che a ni bik lo, kan inṭhenna a la rei lo êm a ni.." ka ti chhuak ve ta nge nge a.

"Chu lam zawng buaina tham a ni lo e, ka kiangah, ka inah ka hmub phâka awm turin ka duh che.." a sawi zawh rualin ka hmuiah a rawn fâwp ta vang vang a, a hmui hnâwng chap leh min fawhna dam thlap chu uar takin ka lo chhâng ve ta a.

Ni e, tlân chhiat reng hi thil ṭul ber a ni lo a, hringnun hi kan fight ve angai alawm maw le, inneih lam tinzawn ṭung lo mah ila amah hnaih duhna rilru nghet tak ka pu ru ve tlat. Tlangval ṭhalaiin kei, nuthlawi min duh ngawih ngawih a nih chuan engvangin nge ka bîkbo reng lêm ang.

Rei ngial kan infawh hnuah min pawm nawlhin a room-ah min luhpui ta a..

B+>[BeckirafARenthleI]<+®®

DAM CHUAN NAKTUK ZANAH HE STORY HI COMPLETE-IN KA RAWN DAH BUR DAWN A NIA.


Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » June 24th, 2019, 6:18 pm

6.NÁO VÂ

Becky Rafa Renthlei-BRR

LALFAKAWMA(Valpuia)

Ka room-a Sentei ka hruai luh chuan ka rin loh deuhvin min hnial lo teh tlat! Khumah muang chânga ka nghah pawh chuan mit a chhîng chial a, a lan dan duhawm zet chu a inhre dêr si lo!

A kiangah mu ve in a hmuiah bawk ka fâwp chhunzawm leh ta a; min chhâwn ṭha kher mai. He nu ka duh dan em em hi thil mak a tling hial! 'Mi nu' a ni tih ka hriat tirh te khân râlkhat aṭangin ka lo na ru vawng vawng kha a ni a; tunah hian chhuah ka tum lo bur.

Sex hmanpui tumna ka nei miah lova ka nupui a nih hmâ chuan alakah thil ṭha lo tih tumna ka nei lo hrim hrim.

A âwmbâwr kawh lah a kawr chhâna ka khawih chuan ka kut a rawn vuan bet chat a, "Valpui.."

"Umn..min ring rawh a bâk ka pêl lovang.."

Chutia ka tichung pawh chuan ka kut a thlah duh tawh miah lo! Nghet zet hian a chelh tlat a, ṭhut chhuah a tum a ka phal bik si lo.

"Lalfakawm, i in a min hruai avang hian i duh duha min khawih tum kher suh.." ka rilru lo ang deuhva min puhna chu ka run kher mai.

"A bâk ka pel lovang tih ka sawi lovem ni?" Tih pahin a âwmbâwr ka khawih lui leh ngat a, a thinrim duh lo ṭang vel chu nasa ve tîktêk tak a ni. A kut tin hriam ṭha lutuka min hamin min kheuh bawrh bawrh a; ka nuih aza deuh.

Hmeichhe dang chu ni se min neih châkin an phî ruai ang a, Vanlalthlamuanpuii ka duh nachhan hi eng dang vang a ni lo, a style common lo deuh hi ka ngaina miau alawm! Kha leh chen ka lo thlithlai rûk khâ a ni a; a thinrim poh leh a hmelṭha tulh tulh.

"Thinche ve sihsah.." a tâl chhuah loh nân ka kuah bet tlat a, "Thaw tura min la duh chuan min thlah vat rawh," a nui duh mang si lo a, ka vawnna ka thlah chiang kher mai.

Rang lutuka tawlh sawnin khum a thawhsan nalh a.

"Sen.."

"I nawm i mâka i khawih tur ka ni lo, nuthlawi zah tlâk ni lo mah ila zahawmna erawh ka nei ve.." ti nghauhvin ka room chhuahsan a tum ta mai!

"Hey, eng nge i hriat a?" Ka thusawi a ngaithla tawh lo rêng rêng, ka room kawngka a khar rîk bur chu ka hriat chhun a ni mai.

Ka chhungrilah tlâwm intihna leh nêp intihna riau a rawn awm a, heti khawp hian zah pawh dâwn lo in ka buaipui ve a, sex chauh hmanpui duha min ngai hi ka ngaih dan a pêl hlê. Ka umzui ang nge umzui lovang tih ka ngaihtuah fê hnuah an vêng, a lo awmna hrep tawhna a ni si a, a pasal Thlengliana te chhungin an lo hmuh palh tâkah tiin ka va ûmzui leh ta a.

Room aṭanga ka chhuah chuan sitting room sofa-ah lo ṭhu-in a en ngai a en reng a, melh pawh min melh chhin eih lo. Ka awm ve tih hre lo ang hmiah hian a malchunga a kut dah chu a kheuh ngar ngar a; a awm dan naupang chhia zet ka hmuh chuan ka nui chhuak teuh kher mai.

"Sen chukchu.." ka nui chhuak ta hawk hawk a. Chutia ka koh chuan rum deuh hian min melh ve ngei; ka nuih ati za tulh tulh a! Nichina ka thinrimna kha theihnghilh ṭhakin ka nui nasa zual sauh va, ani pawh thinrim tak tak ni se min haw san daih ang chu maw le.

"Valpui, ka haw duh.." zawi sapa tiin a kuttin bawk a kheuh leh a, "Haw lovang, tihian ka ru nghâl che a nimai," a bulah ṭhu thlain a darah ka kuah a; a duh lo nasâ.

"Lalfakawm min hruai haw dawn nge keimahin ka haw dawn!?" A ding hluai a, a kal tur chu pawt ṭhu lehin, "Thinawrh viau zel suh, i natna turin eng thil mah tih ka tum hleinem, hetah chaw kan ei ang a; naktuk chaw ei khamah Lunglei panin kan chhuak ang, i pa hnenah a thuphungin engkim sawi ka duh a, chu chu mipa ka nih ang ngeiin ka mawhphurhna a ni bawk." Ka ti tlang hmiah a.

"Min hmangaih em ni? Nupui/ pasal inneihna hi chuti maia lakzam tur a ni lo a nia.." ati sap a.

"Ka hmangaih leh hmangaih loh che i hriat fiah duh chuan pasal atan min nei rawh tiin ka sawi rêng alâwm le. Nge, min nei duh lo hrim hrim zawk?"

"Eng lo.." sawi zawm tur hre lo niâwm tak hian a ngawi zui ta vang vang a, kal chhuah pawh a tum ta bik lo nge a ṭhutna ngaiah ṭhu-in inchhung a melh kual a, inngaihzawnna mumal awm lova inneih tawp a ngam lo deuh niin ka hria.

"Min duh ngang lo a nih chuan sawi belh tur ka nei lo a nia, hmeichhe duh lo chung tilui tur khawpa hmeichhe mamawh ka ni lo e," ka sawi zawh rualin, "Lokal rawh, ka thlah ang che." Kawngkhar panin ka kal nghal a, min zui lawk loh avang chuan, "Sente, lokal rawh, i nunah ka rawn inrawlh tawh lovang," kawngka bula ka ding chu min en vang vang a, chutah, "Ka hlauhthawng a ni.." ati ta a.

"Min ring ngam lova i hlauthawng a nih chuan i rin ngam i nei dawn nia," pawnah ka chhuak zui ta a. Ani pawh a rawn lang zawm ve nghal bawk a, eng mah a sawi bik hek lo.

Ka duhna ringawt tilianin nei ta ila kan hlim chuan si loh chuan awmzia a awm dawn lo, nupui vawikhat bâk neih ka tum lo a, chumi atan chuan ani hi ka thlang rêng bawk.

Ka ina chaw ei tur khân ka ti ve tak nâ a, kan boruakin zir hek lo, a in luah panin ka tlan phei pui ta a, ṭawngkam khat mah kan chhâkchhuak lo ve ve.

Kan thlen hnuah pawh min be tawh miah lo hian a chhuk nal nal a, a ve lutuk hian a! Ka biak sek a ṭulna ka hre bik lo, chak fê-a ka tlan liam san hnuah ka thaw chhuak hawk a, a bulah thil tam tak ka sawiin ka ngaiven zia ka tilang bawk. Chuti chung chuan min hnarna tur a zawng char char zel chu a nia; ka bânsan a ṭul tihna.

Kei, Lalfakawma hian min duh lo tu ka pan ṭâlh ṭâlhna chhan tur ka hre bik lo. Ka duh tawh lo tihna a ni lova chapona ka nei ve tlat.

Vanlalthlamuanpuii ka ngaihven avanga ka nunphung khaihlak fo te, ka in sak lai bungraw lâk a hun tawh chung pawha kal bosan ka hreh zia te ka ngaihtuaha ka thinrim thar leh thut!

##
Sentei

Ka khumah ka mu bâm a, ka thluak vâk kual zut zut tih reh tumin ka maimitchhing tlat a; tûn maia ka pa thusawi khân ka ngaihtuahna ati thui hlê.

Valpuia'n ka pa hnenah nupui atana min duh thu engkim a lo hrilh vek a, chu mai ni lovin Thlenga'n min tih dan te pawh a lo sawi vek chu niin! Ka pa nen engtika inbia nge annih ka hre hauh lo va; eng vanga min buaipui khu chûk reng nge a nih pawh ka hre lo, amah hi chu ka duh ve reng; mahse, ka hlauthâwng ngawih ngawih.

Ka pa'n Valpuia nena lo phei tur angin min ring vek tawh a, kei lah chuan ka lo hnar diam bawk si, ka phone phawrhin biak ka tum ta a.

"Eng nge?" Tia min lo chhân hmuk avang chuan ka dah leh teuh kher mai.

"Ih, naktuk chuan Lungleiah kan kal dawn ta em?"

"I duh lo a ni lawm ni, kei nena inhnaih taka awm ai chuan khatia i pasal hluiin atih buai phâk che a awm kha i duh niin ka hria, dawhtheihna leh mî nghah theihna hi ka nei tam vak lo a ni mahna, nuthlawi buaipui reng hi ka hah thlâwn mai mai," ka chhânna pawh nghâk lo hian a off zui hmak a.

Ni e, ka thiam loh liau liau a ni. Ṭha takin min duh thu leh nupuia min neih hial duhin ka pa a be thlap a; ka hlauhthawnna leh induh tâwkna ka lo dah lian deuh atin ni! Sana ka en a, 6:30Pm ari dêk dêk chauh a ni.

Khum thawhsanin rang zet hian ka insiam zung zung a, Valpuia ina kal ngei ka tum ruh hlê.

After 1 hours

Fakawma in kawt ka thlen chuan ka tîm leh deuh a, doorbell hmet hmasa lo chuan kawngkapui ka sâwi chhina a inkalh miah lo! Dimtêin ka lut ta a.

Amah lah chu hmuh tur zuk awm miah lo va!

"Valpui...."

Vawithum lai ka koh hnuah pawh min chhâng miah lo a, ka hlauhthawnna a zual sauh. Hawi hrek hrek chung hian a hma lawka kan awm dunna a bedroom lam ka pan phei ta a, ka zah lohna zawng zawng sâwmkhawmin a room kawngkhar ka nem hawng a, ka thil hmuh chu leh!

A khum zaupuiah chuan a bawkkhup zawng hian underpant nen a lo mu a, min hnungchhawn zâwnga awm a nih vangin ka thâwm a hre lo nge a rawn dâk chhuak lo hrim hrim.

"Valpui, i muhil em ni?" Ka pan hnai hret hret a.

Khuma ka ṭhut thlâk thleng chuan a che map lo. Ko pah zêlin a dârah ka sâwi dat dat a.

"Umn.." inlet thawk chunga a mit a rawn men chhuah chuan mak atih hmel kher mai!

"Nang maw!?" Ṭhut chhuah pawh tum chuang lo hian chiang zetin ka mitah a en a.

"Ka pa i lo bia a,"

"Bia e, i pa'n ama thû thû tiin min thlah a, nang erawh chuan min ring ngam lo thung a.."

"Ka dinhmun i hriat kha, ka hlauthawng a ni," ka tih chuan ngun leh zuala min en chungin ka kut nghet taka ka hûm chu rawn vuanin a thin zâwnah tak a dah a.

"Min rin loh avanga rinawm lo tur ka ni lo va, min rin êm avanga rinawm chawp lah ka ni hek lo. Ka hmangaihna che hian rinawmna a keng tel zâwk asin." A ṭawng dam thlap leh ril rûih, thinrim awkâ ni miah si lo chu chhân ngaihna ka hre dêr lo.

"Maw!? Min hmangaih maw!?" Ka âw a chhuak ṭha thei lo a chhâ chu a ni e!

"Min hriat ve hma thlaruk liamta aṭang khân ka duh tawh che, hmangaihna a keng tel nghal ka tih chuan dâwt ka sawi tihna a ni a; mahse, mi nupui i ni tih ka hriat reng lai pawh khân ka thinlung ka thunun thei ngai lo, ka hmangaihna che erawh engtik aṭanga lo piang chhuak nge ka sawi fak thei lo na-in mipa dang laka chân che hi ka duh lo, ka duh lo hulhual.." thâwk ala hap a, a hmui zâwnah ka kut dahin, "Min nei rawh, i tân ka awm zel ang," zuk ti teh thlâwt a..!

Ni e, ani ang 'mipa rinawm' ti-a insawi chhên lo; a ṭawngkam hman chhuah dik thlup lawi si hi ka ring ngam mai tur a ni dâwn lo'm ni.

"Valpui.."

"Yes, chu chu ka hming a ni." Rawn ṭhu chhuakin amah hnaih zetah min pawt a, ka hnial ta bîk lo. A taksa ruak kûng leh lum vung vung te, a rim pa hrâk te chuan ka thinlung a tawk zar thei nia!

"Ka pa hmu tur chuan kan kal dawn nia.."

"Tlemtê talin min duhna rilru i pu ve tiraw!?" A ti sup a.

"Duh lo che ila helai thleng thleng hian ka rawn umzui lo vang che," a nuih suk rualin ka khabe leh hmui vel a rawn nawr nâ nâ a, "Chân che ka duh miah lo, tû mipa mahin ka lak aṭangin an lasawnin an tina lo ang che," uar leh duhthawh taka min fawh zui tâkah chuan hnial chu sawi loh, ka lo dawngsawng ṭha hlê a ni.

Rei ngial kan infawh hnuah, chaw ka ei tawh leh tawh loh min zawtin a la ei loh thu a sawi nghal zat bawk a.

Kan inkar boruak dang ta zak chu ava nuam si êm!

Ei tur siam dunin a khât tâwk hian kan infawp zauh zauh reng a, ka tana mipa rintlâk, ka nihna ang anga min pawmtu mipa ka tawng ve ta. Lalakawma hnena inpumpek hi ka tisual ngaiin ka ring lo.

Zanriah kan ei chhungin a nu leh pa chanchin leh a û Lungleia pasal nei hnen aṭanga ka pa phone number a dil thu te, hmâ lo lâkpui tura atih dan vel a sawi zar zar a, ka nuih aza kher mai.

"Sen, min hriat hma daih khân a rûkin ka lo buaipui nasa tawh che asin, facebook-ah vawi eng zat nge i hming ka zawn ṭhin tih pawh i hre tawp nâng," a lâi ve deuh nge a nui suk a.

"Ka awih kher lo," ka tih chuan, "Min hrechiang anga i la hre chhawm mai ang, i pa'n a rem tih chuan a rang lama inneih ka duh a nia," ati tlang hmiah hmiah a.

"Nia, ka pa kan hmu phawt anga kan sawi ṭha dawn nia."

"Rilru thlâk kha a rem tawh dawn lo a, chuvangin zaninah engkim sawi fel vek ka duh a nia,"

Kan thil eina vel kan seng fel zawh meuh chuan zan dâr sawm a ri tawh!

"Min thlah haw tawh la, ka thawmhnaw eng mah ka la siam lo a nia," sofa-ah inngheng rialin kan ṭhu dun a, "Hetah riak la zingah kan phei dawn nia,"

"A chi loh.."

"I tan hlauhthawn angai lovang, ka nupui i nih hma chuan 'up down' tumna ka nei miah lo a nia, fair tak zelin le, miin min hmu emaw hmu lo emaw rinawmna hi kan nunah a bet tel tlat tur a ni a, ka kiangah riak mah la, Setana ram dâi thleng tura mipa hur herh ka ni lo, a hunah erawh ka ri phat ang," zak map lova a thilsawi chuan mipa rilru nghet a nih zia min hriat fiah tir khawp mai.

A sawi ang tak takin zankhuaa a kianga ka mu chung pawhin a pawi tur chin eng mah ati lo, min duatna leh min ngaihzia te, kei lo hmeichhe dangin a rilru an lâk pên ngai loh thu a la sawi fo.

#Lunglei Road

'Welcome to' pali zet kan tlân pelh hnu lawkah, Vâi Truck chak zeta rawn tlân chuan min sut luih a tum nimai hian ka hria; ka kianga ṭhu Valpuia hmel ner sawk ka hmuh rualin kawng thlang lamah kan tlân liam tih chu ka hriat hnuhnun ber a ni ta.

Ka mit ka men chhuah ruala ka lu na tluk tluk te, thâwm ri nuai nuai te chu ka mang hriat reiruai a! Ni tak, Truck sut ai chuan tiin kawng thlangah kan tlân liam ta kha a ni a; ni lo, Valpuia kha!

Thawh chhuah tuma ka chêt chuan ka bân ding lam a ri ṭhawt a, a zawi hnawk mai.

"Valpui..." ka aw a ri chhuak chang chang chauh a ni.

Ka piah maia rûm ri ka hriatna lam ka va melh chuan Valpuia hmêl thisenin a chiah piah nuai ka va hmu ta a.

"Valpui," ka theih tâwpa ringin ka ko ve bawk a, chhânna ka dawng lo chiang kher mai. Thei leh thei lo hian a awmna lamah ka vâk phei a, ka kut leh lam ka hmang ngam bawk si lo, 'Lalpa min pui lul rawh,'

Rûm ri a zâwi telh telh a, a awmna ka vah thlen meuh chuan a mit meng tur pawh a awm ta lo, thisen hlirin a bual khat vek!

"Lalfakawm! Ka ṭawng i hria em?" Kan chhak lawka mî ṭawng thawm hre pha mah ila kan awmna an la rawn thleng teuh si lo.

Chhângtu ka nei lo va rilru hlauthâwng leh khur dar dar chung hian ka kawrin a hmaia thi kai chu ka hrûk sak a.

"NÁO VÂ(Kal suh, min kal san suh)" thâm supa a lo ṭawng chhuah rualin a mit aṭangin mittui a rawn luang a, nikhua a hre zui ta lo.

Hmabâk êng tak neia ka lo inhriat ve nate kha mitkhap kâr lekah a thâmral dawn ta.

Ka khaw hmuh a fiah lo tial tial a, ṭawng nawk nawk thâwm ka hriat tepawh a hlâ tial tial bawk a.

Ka hma lam thim mup chu ka hriat theih hnuhnung ber a ni ve ta...

B+>[BeckirafARenthleI]<+®®

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
CLICK KHA THEIHNGHILH LO ANG U AW!!
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 2 guests