UNKNOWN MAN by. Becky Rafa Renthlei (Completed)

Moderator: Becky Rafa Renthlei

Ngaia
Site Admin
Posts: 18313
Joined: April 30th, 2016, 4:07 pm

Re: UNKNOWN MAN by. Becky Rafa Renthlei (Completed)

Unread post by Ngaia » December 20th, 2017, 7:21 pm

UNKNOWN MAN

by.Becky Rafa Renthlei

Chapter-25

Drawing room-ah duhthawh zetin kan infawp ngar ngar a. A bák thlen chákna in ka khat, mahse naute vang hian ka tîm leh deuh. Tihtawp vat a ngai a ni.

Hrehzetin ka inla hrang ta hram a. Dominic hmel phelh phang ka hmuh chuan ka nuih a za ru hle a, min nawr lui ngam chiah lo niin ka hria.

"Kiara,"

"Umn..dinner buatsaih kan ngaih kha, ka inbual chhungin i lo buaipui mai dawn em niang?" Pawisawi lo hmel takin ka ti ta daih a.

"Dinner tehhrep pawh chu a, eitur ringawt i ngaihtuah hi ka hrethiam thei lo, i thau belh mang bawk si lova!" a ti hluk a. Ka nui ringawt, a țhutna chair ațang chuan lo thovin, ka darah min kuah a..kan room thleng min hruai ta a.

"Engvangin nge kan inbual dun mai lohvang?"

"Ni lo e, ka lo inbual hmasa anga ka rei lovang." Min chhán hma chuan bathroom-ah ka lut ta daih a. Kan Inbual rual anih chuan thil thleng tur ka hre mai! Tun dinhmunah chuan a țha ber lo.

Țhutkhawmna pindan ka thlen thlak ve meuh chuan a tlai ruih tawh a. Pindana nu valai angreng tak a rawn luh chuan Dominic chuan țhu turin a lo hrilh vat a. Tunge tih ka hre ve bawk si lova, ka hrilhhai angreng viau!

Chu nu lam hawi chuan mi pahnih eitur buatsaih turin a hrilh ta a. Chunu chuan makti hmel pawh a pu lem lo.

Kan pahnih chauhva kan awm hnu chuan, "Dinner siam lam chu ka peih leh ta lo mai, nang pawhin i siam ka remti chuang lo..Chinese food siam tur ka ruai a nih kha.." A lo ti sam ét a.

"A ngai kher chuang lova," tiin a bulah chuan ka țhu thla ve a.

"Eisiam turin ka nei lo che..Kiara, hmangaihna min chenpui hi i tum tawh miah lovem ni?" A thusawi inpersan lutuk vang chuan ka nui hak a.

"Hmangaihna chenpui duh lo che ah min ngai deuh em ni? Kan boruakin a zir loh vang mai mai alawm." A lunghnur hmel ka hmuh chuan țha takin ka chhang a.

"Zing ka thawh hlima ka bula i hmel ka hmuh thuai theih loh chuan ka buai vek zel! Kiara ka thlahlel takzet che a ni."

Thin phu dap dapin a thusawi chu ka ngaithla a. "Chu chu ka duhdan chiah a ni ve tho, mahse min thawhsan zel a nih kha "

"Huhh..ka bula mut i hreh em kha..min riah chhuahsan i tum ut ut reng a, ka dang hram hram zawk che a." Sawi fuh inti zet hian a nui deuh a.

"Khangte kha chu a dang daih alawm..Tu emawni bula riah kha i thlang ta zawk a!" Chimawm zetin ka ti a.

"Nang tereuh hi...ka sawi tum tak pawh ka sawi zawh hmain min lo chhang zel a." Tiin zahzelah ka sam chu a zût a. "I sam kawi hi i inhmeh ka ti, hmeichhe sam ngil siau kawp țhin khan, nupuiah a opposite chiah ka nei ta a nia.." a ti leh daih a.

"Chu..min iai țan deuh elaw!?" Titau deuh titih a ka țawng chuan, "Ngai kawi kher lo la...Sam ngil nei ai chuan nangmah hi ka duh fé che. Ka damchhunga ka bula awm reng turin ka duh che a ni, Kiara.." Thutak zet hian a ti ta a.

"Oh..Dominic ka..." ka thaw chhuak nghal ham ham a, ka hmangaih thu ka va'n sawi chhuak teuh ve le.. A țawngkam dam thlup hian ka duh loh thleng thleng min sawitir dawn alawm le...

"Ka hmeichhe lo kawp tawhte lakah chuan i dang hlak a ni. Kan inneih ni a i hmelțhat zia kha..hetah ngei hian inneih țhat leh ka duh hial mai.." uar fahran hian a ti leh a. A hmeichhe lo kawp tawhte lakah chuan ka danglam a ni tih ka ringhlel ngai lo. Mahse inneih țhat leh lam reng reng chu ka ngaihtuah miah lo thung.

"Party zawh lamah kan sawi țha dawn nia, ka pa kan hriattir ve phawt ang chu.."

"Ka pa rilru hi engtin nge awlsam taka i hneh theih chu le...?" tiin min kuah nghal thlap a. Ka nghawngah chuan a hmai phumin, "I kianga awm reng ka duh," tih sap pahin ka hmai vel chu a fawp lawr dan dan a. Ka ir ah te chuan fawp thla zelin ka hmuiah a rawn fawp ta a.

"Dinner ka peih tawh e, Mr....Oh," kawngka bula ding eisiamtu chuan hmuh thiang lo hmu palh ang maiin a țawng bah nawk a. "A pawi ka ti lutuk..ka...lo hre lo a.." nuam ti lo hmel taka a rawn tih chuan ka inla hrang vat a.

Pangai taka chhang tur chuan Dominic chu a inthunun nasa mai a, "Minute nga hnu ah kan lo kal ang, Mrs.Maxwell." A ti ta a.

"Awle, Sir..." rangtakin a kalsawn nghal vat a.

"Dominic, kan kal nghal ngei chu a ngai ang!" tiin ka ngheng hnai țalh țalh a. "Ok...kan ei poh a niang chu.." tiin min kai tho ta nghal a.

Mrs.Maxwell thilsiam chu a tui hle a, ka ei nual mai! A tawp nan kaikuang kan chu ka hmawm leh hram a, ka lem fel hnu lawk chuan ka pum a rawn let but but a, ka luak dawn ta mai.."Dominic, bathroom ah..." Ka sawi zo hman tawh lo. Bathroom lam pan chuan hmui hup chungin ka tlan ta chawn chawn a. Ka hnungah hmanhmawh zetin Dominic chuan min rawn zui a.

Bathroom-ah chuan ka luak ta bawrh bawrh a. Ka luak chhung zawng chuan ka hnungah Dominic chuan a lo chul hauh hauhva.

Ka thil ei ho chu ka luak chhuak leh vek a, ka tháwl huai mai!

"Kiara, engtizia teh thut nge?" Min pawm nawlh a, Sofa-ah chuan min nghat thla ta a. "Mrs.Maxwell, tehhrep chu a..." a ti hmuk a.

"Khawngaihin, eisiamtu chu hau lul suh. Keima dik loh a nih kha..kaikuang ka ngeih lo tih ka lo theihnghilh atin ni.."

"Chupawh ni se..." a la ti hram a, hlauthawnna mitmenga min en chuan nuam ka ti lo. Kaikuang ka ngeih loh vang a ni lo...ka naupai vang zawk a nih ka ring a..

"Doctor ka ko dawn em niang?" A ti hmuk a.

"Oh..aih..angai lo..ka zia tawh alawm..biscuit leh bawnghnute min lo lák sak la.."

"Chu chauh chu maw..in check up phawt la, chumi hnu ah i ei chauh dawn nia."

"A ngai lo ka tih chu.." ka duh aiin ka vin mah mah. Maktih hmel takin min en a. "I tana țha tur ka ngaihtuah vang zawk a nia," dam thlap hian a ti leh a.

"Ka țha alawm.." tih paha tho chhuakin choka lam chu ka pan a. "Enge tih i tum?"

"Eitur dang ka zawng leh dawn mawle..ka pum a ruak vek alawm," ka ti hmak a. Dominic phun hluk ri chu ngai pawimawh duh lovin chokaah chuan ka lut leh ta a. Min rawn zui ve zel tho.

Mrs.Maxwell chuan dawhkan a lo tifel mek a, min lo hmuh chuan, "Pawi ka ti lutuk..Kaikuang i ngeih lo tih ka lo hre lova!" Inthiam lo tak hian a ti sap a.

"A ho lutuk, inthiam lo duh suh! Chu ai chuan eitur dang ka duh leh zawk."

"Awle, ka lo chhawp sak ang che lo țhu rawh." tiin dining chair chu min pawh chhuah sak a.

"I duh chuan i haw thei tawh ang, ka nupui hi chu ka lo buaipui ve tawh ange!" Eisiamtu lam hawiin Dominic chuan a ti ta a. A ngei ringawt anih hmel! He pa tak hi chu...

"Awle..Sir.." inthlahrun hmeltakin Mrs.Maxwell chu a chhuak ta a.

"Khatia tih kha a țul ber lo e," Dominic lam hawi chuan ka ti hmak a. A ngaihdan a nih loh hian a ti leh hmuk hmuk țhin a.

"Kan mamawh tawh hleinem, a thilsiam i ei ve atana ka it ber pawh i ei hleithei lo a nia!" Tiin bawnghnute leh chocolate biscuit chu min rawn chhawp a. "Keima lam dik loh vang ka tih kha mawle..theihnghilh tawh rawh."

"Yes, nirawh se, i țan ve em em a!" a la ti țalh a. Ka nuih tawp.

"Engtik nge Gavin te chu an lo thlen ang le?" Tiin ka zawt zui daih a.

"Gavin te nge? Talinda te?" Dominic hmel chu a inthlak daih a.

"Oh..an pahnihin..engemaw i hriat le..Dominic, thil ho mai maiah inhnial ka duh miah lo a nia!" Buiscuit țhial hmarh hmarh pah chuan lungawi vak lo hian ka ti a.

"Kiara, atawp nan..ka unaupa hi hnaih suh..abák ka sawi tawh lohvang! Ka pa pawh, Gavin pawh, kei aia ngaihsak i neih hi ka duh lo.." ti hmukin choka ațang chuan a chhuak daih a. Va'n naupangchhia thei tak!

Ka duh tawka thil ka ei hnu chuan muangchangin choka chu ka chhuahsan ve ta a.

Dominic Pov*

Ka nupui hi mi mak tak a ni. Suzy țawng ngeiawm tak tak a hriat khan a rawn țawngchhuah ve ka ring ania! Chutianga ti ta lo chuan hmel danglam miah lovin kan inbe lai kha a lo thlir veng veng thei nia! Amy a haw hlur leh bawk sia! Ka hrethiam tehhrep lo ve a!

Ka nu leh pa lem ziah nachang hre khawpin a fing tawk a. Ka pa lah chuan aduat uchuak mah mah..ka ngaithei lo lek lek țhin. Han sawisel ngawt dawn ila an pahnih hian an luhlul dun ropui si! Engahmah min ngai mang reuh si lova..ka thluak a tibuai vek!

Amy hnena kan inneih chhan ka sawifiahna kha a lo hria a, a hmalama ka sawi a hre leh si lo.. 'Ka duhin ka hmangaih a, inneih nghal ka duh. Mahse amah Kiara'n a duh loh avangin kan innei lova, a nu leh pa thil hriat sual vang liau liauva nei thei chauh ka ni' tiin ka hrilh kha a nia..a tawp lam chauh a lo hre hman kha zialo ka ti khawp mai! Ka rin ang chiahin ka insawifiahna pawh a ngaithla leh duh lo a..ka nupui luhlul lutuk hi chu aw....

Gavin kan inah arawn chén ve ták si ah chuan ka talbuai leh vek a. Diktak chuan kan inang ropui si a, a hmaa thilthleng ang kha a thleng leh ang tih hlauhnain ka khat tawh...Kan hmel leh pianphung inang lutuk vang hian tunhma pawhin buaina kan tawk fo tawh a, Gavin lah chuan ka lem a chan ațang khan sam dum ngawt a pu lui ta lehnghal a! A original sam pu leh tura ka hrilh angai dawn a ni.

Talinda ka ngainat ém vang pawh nilovin, ka nupui leh ka nau inbe tam lutuk tur ven nan ka chah mai a ni. Kiara lah hian ka nau hi a ngain phian a, á...ka rilru hi a dik lo zo vek tawh.

Zanin dinner kan neih laia Kiara awmdan kha a țha miah lo. Eitur a duh ta lutuk hi ka hrethiam lo bawk..Hmeichhe dangte angin mawi loh hlauvin a phi ve chung lova, hei tak hi ka ngainatna chhan pakhat a ni. A nihna ang ang hian alang chhuak hmiah hmiah a...Amy i'n a ben khan ka lo țang lutuk a, khanu kha kut ka thlak lo chauh. Australian merger tihfel lai a neih hi inchhuan phah nan a hmang ziah lehnghal a..kan zo țep tawh a, ka be țha lui hram hram a ni...ka hne lutuk tawh..Amy Raymond hi..

Kiara'n a ben ve khan ka lo nui ru var var a. Ka nupui hi a duh lohna ah chuan nasa ve tak a ni tih ka hriat phah. Kan inhmuh hmasak ber zanah pawh khan min sual lét ngam ngat kha a nia! Ka saruak lem a ziak ang tih mawlh ka hlau! Artist thiam tak a ni a..a nihna ang takin a ziak lang thei tlat! Drawing room pawh tlawh ru ve zauh zauh tawh ila a țha ang!

Tunah tak hian enge a tih ang aw! Choka ațang khan ka chhuak daih sia, ka thimrim vanga chhuak chu ka ni chiah lo na a..kei aiin kha eisiamtu kha a țan zawkin ka hre leh tlat pek a..ka lawm viau lo..

'No' Ka chhuahsan ațangin minute sawmhnih aliam tawh a, a la rawn chho miah lo..tun thleng thlengin engthilmah a ei tawh lo tawp ang!

Rangtakin inhnuai lamah ka chhuk thla ta a. Ka thil hmuh avang chuan ka ding chawt..Sitting room chhuatah chuan cushion dahin a țhu thluang diai a. TV chu uluk em em in a lo en a nih chu..a thil en lai chauh chu ngaihsakin mit a khap eih lo...a landan cute zet chu a inhre der si lova...!

'Fifty shades darker' film sexy zet leh hmuhnawm deuh kha uluk em em hian a lo en ve ngial a..a inhmeh thlawt lo..

Dimtein ka pan phei țhám țhám a, a hnunglam ațanga a mit ka hup sak chuan a țé deuh țhat a..

"Min thlah teh Dominic, i rim ațang khan ka hre vek che.." a ti deuh hmak a. "Ka nupui film en duh zawng chu leh.." Ka fiam chák tlat.

"A changtupa khi ka duh tawp..min lo tibuai miah suh..Lalpa lehh.. Christian Grey(Jamie Dornan) chhiat loh zia khi.." a la ti zui ahh..

"Huhh..A hur emai.." tih pahin ahnungah chuan țhuin ka kuah thán a. "Hur kher lo...Director te an ruahman angin a che mai a ni..dinner eipui atan min han sawm mai se la..."

Ka lo thik leh ringawt tawh...ka pa leh Jamie Dornan hi an inhre chiang a! Kan car chhuak thar la hmasa ber tu a ni ziah..a birthday party ah a sawm a nih vaih chuan Kiara hian a bepawp hrim hrim ang..Ka thlen tir dawn lo hrim hrim...

"Jamie Dornan..huhh.." ka nui pah kher a. Kiara huat tawk a tling ve em em a, min rawn nghawk sawk..a kutthlak lah hi a ná phian a.

"I en peih loh chuan han mu rawh." a ti deuh hmak a. "Talinda te kan nghak chhuak law law ang chu.." Ka tih chuan sana a melh zauhva..A țhiannu hi a ngaina hle a..Unaunu ang chiahin a en tak kha mawle...a mut san phal awm lo emai!

An inkár buai chhan lah kha kan unau vang a nia! Nuam lo ka ti viau!

"An lo thleng dawn tawh angem?" Tih sap pahin min rawn ngheng țalh țalh a. A taksa lum hiamin min nghen chuan ka danglam leh țan der..!

"Tunah dar sawm a ri tawh a, sawmpakhat bawr velah chuan an lo thleng theiin ka ring!?"

"Ok..kan lo nghah ngei chu a ngaih hmel..Chuan țawng tawh lovin ka film en lai khi min en zawh tir phawt la.."

"Umn..En ta poh che..intur i duh em?"

"Coke..ka duh e..chuan popcorn pawh.." min chhang rang mah mah..

"Wife..cinema hall a ni lo a nia..Popcorn kher chu a harsa ang.."

"Min leisak mai la..." ka lo sawi ta kher kher a ni. Ka tih sak leh ngei a ngai dawn e..Joshu hi a mu tawh angem aw..?

"Ka chhuah daih chuan nangmahin i awm dawn asin.."

"Ni bawk si..Elina awm bawk silo..ka ei chák asin le.." ati nai nai a.

"Ok..Joshu emaw hnathawk dang ka va leitir ange.." tia, thawhsanin cottage lam pan chuan ka kalsan ta a.

A film en kha ka ngaihtuah leh a, ka nui chhuak hawk. Ka nupui hi chuan min ti phu reng mai dawn a nih hi..! Suzy pawhin model emaw a ti hial kha a nia, hmeichhe țhenkhat chu nise, artist anihna ringawt pawh hi chapo pui tham a nia. Ani ve chuan an hriatchhuah hlau takin hming dang a in vuah țáwk țáwk a. Ka nu kha la dam se..hetiang hmeichhia mahni lu zo veh vawh, midang rinchhan lo mo a nei hi a lawm viau ngei ang! Ka pa ang hian!

Joshu chu popcorn lei tura ka hrilh chuan mak a ti hle tih ka hria. Nui țha chung hian a kal ta nghal a.

Ka hnathawk zingah chuan ka ngaina ber bawk.

Inchhunga ka va luh leh chuan Kiara chu a țhut dan ngai chiahin alo la țhu a. Chips alo ei leh hmarh hmarh tawh..a hmui bulah chuan a kai liam a. Kum 22 a ni tih pawh hi ka awih lo lek lek țhin..a chang hi chuan...

"I duh ve em?" tiin a thil ken chu a rawn lek zauh a. Ka lo bu liam satliah ve ringawt..a țhutna bulah chuan țhu thla ve in a thil eina, a hmui bula kai chu ka fawhfai sak zauh a..."Min tibuai leh țan dawn a mi!?" Meng de sar chung hian a ti a.

"Tehnang..honey, zo thuai se ka ti.."

"Chuti nih chuan lo ngawi mai mai rawh," tiin a thil en ah bawk chuan rilru a pe leh daih tawh..Keipawh laptop phawrh chhuakin ka hna ka khawih ve ta a.

Joshu rawn lut chuan kan lo ngawi reng a hmuh chuan a áw a thian kharh a. Popcorn leh eitur dang emawzat a rawn khai bawr lûk bawk. Ka mitmeiin Kiara pe turin ka hrilh a..

"Kiara, ma'am, kha le.."

"Oh, Josh, nangmaw?" ti hliaiin a nui var var a.

"Umn..ka kal leh nghal mai ang," tiin Kiara chu a nuih suk a. Ani pawh chuan bu nghat chungin eitur lam chu a ngaihven san ta a. Ka lam hnai ho zawng zawng hian ka nupui hi an ngaina chu a nih tawh ber hi...

Ka laptop ka bih ve tak na a, Kiara chu ka melh leh zauh zauh țhin. Kan nupa chauh hian awm ila a nawm phian dawn hi..

Sawmpakhat rik nan minute sawmpanga ala awm tihah chuan a thil en chu a tawp ve ta țáwk a.

Ka bulah chuan rawn țhuin ka laptop chu a bih zauh a. "I car aia țha kha ka siam tir dawn!" Ka tih chuan a nui nasa ngang mai! "I ta chu ka ta..." chimawm takin ati zui zat a.

"Chuti BMW saw ka ta tihna a ni maw!"

"Ni e, mawle...kan ta...Chuan kan in, kan khum, kan room," a ti deuh duah a. Nuam ka lo ti viau. 'Kan' tih țawngkam hian nupa kan nihna a ti nghet sawtin ka hria..!

Pawn lama car thawm kan hriat chuan kan tho rual țhawt a. Kiara darah chuan kuahin pawnlam chu ka panpui ta a. Ka nau leh Talinda hmuhah nupa inngeih tak kan ni tih lantir ka tum.

Verandah ah chuan Gavin te chu ka lo nghahpui ta a. Car ațanga Talinda rawn chhuak a hmuh meuh chuan alam panin a tlan thla ta daih a..an țhiandun hlim hmel hmuh hi alo nuam ber a ni. Ka chah sual lo ve.

Țhutkhawmna pindanah Kiara leh Talinda chu an țawng mawlh mawlh a, Gavin nen ngawirengin kan en tawp! Sawitur an ngah dan em em chu...Mak kan ti dun a ni ber..

"Bro, whisky kan dawm dun dawn em niang?"

Ka chhan hman hmain Kiara chuan ,
"Whisky maw?" a lo ti vat a. "Umn..min tllit sak hreh loh chuan.." Gavin chuan a lo chhang a.

"Tui pawlh nge pawlh loh..Husband?" Nui sang hian min rawn en a. "Khawngaihin, tui pawlh ka lo in ange, Gavin khan tui pawlh loh in thung se.."

Intur siam mawlh mawlh pahin Kiara chuan Talinda țawng chu a chhang pah zel a.

"Zanin chu Talinda nen kan mudun thei angem?" Intur min pek pah chuan min zawt a.

"Teuhlo..."

"Teuhlo.." Gavin nen kan ti rual dun țhawt a. Hmeichhe pahnih te in melh ralh chu ka hmu reng!

"Zanin chauh te chu.." Kiara chuan a la ti hram a. Ka phal teuh lo..ka rilru ang chiah a pu ve tih hriat tak hian Gavin chuan min siai zauhva..."Hun tamtak in la hmang dun dawn chauh alawm, ka nupui tellova mut tumna ka nei lo." Ka ti deuh nghut a..whisky chu tlák papin.."Zan a rei tawh..lo inbuaipui ve tawh mai rawh u.." tiin Kiara chu ka kai sawn pui nghal daih a. Hetia kan awm khawm reng chuan kan tlaivar thei takngial dawn alawm..

"Ok...Dominic sawi kha a dik chiah..ka chau khawp mai Kiara, mut hahdam ka duh..Gavin a awm tho bawka, min ngaihtuah suh," Talinda chuan a ti ta hlauhva. Upa zawk nge nge...rem a hre țhin e..Talinda sawi avang chauh chuan Kiara chuan min zui ve ta a.

Lungawi chiah lo niawm tak hian a tûm deuh bár a. Hetiang hmel a put hian a hmelțhat zia a inhre der si lo..fawh nawk nawk ka chák kher mai! Ani lah chuan ngawirengin bathroom-ah min luhsan hmak a. Ka tih lungawi angai ngei ang!

Khumah reife ka ghak a, a lo chhuak lawk lo lehnghal..tui herh haw ri ka hre pha vek a. Inbual pawh nise zawh a hun tawh lutuk..a thinrim lah hi a nasa ve sia..ka pawh duh lawk lova..mahse a rei ták ém avang chuan bathroom lam pan chuan ka phei a..

"Kiara,"

"Kiara, honey..enge i tih em em a! I dam lo mai anga sin.." Min chháng chuang țhak lo. Bathroom kawnghar chu ka sawi ta dawt dawt a, hlauhthawnna mak tak ka nei nghal bawk. A tawpah arawn hawng ve ta hrám a..

Ka thin a rim hman deuh kha ania, mahse a hmel pawr phang leh chauh hmel zet ka hmuh chuan ka kuah vat a. Min rinchhan titih deuh chuan khum lam kan pan a..a awmdan hian ka ngaih a ti țha hlawl lo.. khumah chuan dimte in ka muttir a..a thawmhnaw ka phelhsak chuan min hnial miah lo..

Nidang chu nise a duh lo viauvin ka ring! Engemaw tak harsatna a nei a ni..mutkawr ka háktir hnu chuan puan ka sintir leh thlap a. A țawng miah bawk silova, a bula ka inthawlh ve chuan min lo kuah vat.

Ama duhthu ngei hian min kuah khát ve khawp mai! Nuam ka lo ti hman leh pek viau! Hetia min ngai awm tak leh min mamawhna a tih lan hian nuam ka ti țhin. Mahse, zanin a chauh hmel dan em em hi a țha lo..tlaiah khan a luak vak a. Nichin pawh khan a luak leh a ni ngei ang!

Ka lo ngaihthah lutuk deuh a ni. Ka inthiam ta lo tawp!

"Honey," min chhan loh avangin a hmel en tumin ka kuai dák deuh a. A lo muhil der tawh..ka áwmah beiin a muhil a nia..ka awih thei lo zawk!

Naktuk chu a duh emaw, duh lo emaw in check up turin ka hruai ngei ang!?

Ka nupui damlohna chu ka damlohna a ni....A hmuiah chuan ka fawp a, a vawt thler lehnghala ka kuah ta hle hle a..Ka hmangaih thláwt a ni....

©<++++[BeckirafARenthleI]++++>®



Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » December 20th, 2017, 7:21 pm

UNKNOWN MAN

by.Becky Rafa Renthlei

Chapter-26

Ka țhanharh chuan zinglam dar sarih a ri tawh a, ka bula ka nupui mu thaw sák sák ri ka hriat chuan ka ngaih a țha veng veng. A hmel dáng lek lek hi engvang nge niang aw!? Vawiin lam chu incheck up turin ka hruai ngei dawn a ni. Ka thawhsan kha a duh lo viau na a, a harh veleh eitur a duh leh nghal thovang!

Elina awm lo chu a hrilhhai thlak angreng! Talinda leh Gavin pawh hi an va reh ve mawle... Choka ah lutin bawnghnute ka ti lum a, Orange juice a duh viau țhin bawk alawm le..Tray ah ka nupui duhzawng chu ka rem sawk sawk a. Kan room lamah ka chhoh pui leh ta a.

Kiara tui taka mu ka hmuh chuan ka kaitho phal lo lek lek..a bula va mut ve leh mai ka duh deuh rum rum hman a. A puansin chu a kawng thlengin a lo dah thla a. A mutkawr chhana a áwmbawr lang deuh ruai chu ka hawisan hlei thei lo..A pian a nalh mai bakah a vun mám țha zet hi mipa duhthusam a ni. A bawp sei thlarh chu a khal țha reuh hle a..a kuttin leh ketin englai pawh a var sar țhin hi hmuh a nuam phian bawk..ka hmeichhe mutpui tawh ho te ang lo takin hmangaihna chendun kawngah pawh hma asawn chak hle...

A rum țiah țiah ri avang chuan ka thil ngaihtuah lai ațangin ka harh zawk a. Khumah ka țhu thla nghat vat, a chal sam hui kian sak pahin, "Good morning wife," ka tih chuan nui var var chungin, "Morning husband, ka ril a țám," a ti zui zat a. Ka rin dan vel chiah..ná nei hmel pawh a pu leh tawh lem lo..khum ațang chuan thovin ka biangah min fawp zauhva. Bathroom-ah a lut ta a.

Kiara rawn chhuah hnu chuan khumah țhuin tray chu a malchungah a dah a. Ka ken chhoh ho zawng zawng a ei fai leh vek tih ka hmuh chuan ka nuih a za hle a, "A dang i duh belh em?"

"Duh lo ve, mahse nakin lawkah chuan ka duh leh thovang!" a la ti hram a. "Company ah i kal dawn lo em ni?" Min zawh leh ka ring reng a.

"In check up turin ka hruai phawt ang che. Chumi hnuah ka kal chauh ang," ka tih chuan ngaihdan nih loh hmel zet hian a tûm deuh hmak a.

"Dominic, incheck up ka ngailo ka tih kha," a ti deuh hmak a.

"Min hnial suh nizana i awm dan kha a țha miah lo tih ka hria, khawngaihin min hnial suh.."

"Ka țha ka tih chu mawle, hmeichhiate chuan khatiang khan kan awm fo alawm."

"Engnge in entir pawh chu i hreh viau le." Ka duh aiin ka vin mah mah. Min hnial reng hian ka thin a tirim deuh tlat! Amah ka ngaihtuah vang a nia..engmah hi a hre thiam duh lo.

"A țha e, kan in entir dawn nia," ti hmakin pindan chu a chhuahsan a, kawngkhar chu ring zet hian a khar ri bur bawk a. Tunlai a mize inthlak lutuk hi ka hrethiam lo..Talinda ka zawt tawp mai dawn em niang?

Inbualin ka thawmhnaw ka thlak vek a. Office ah kal a ngai thova, a duh ngang lo a nih leh incheck up lam chu ti lo mai ang! Ka nawrluih chuan a thinrim leh emaw anianga..kan inkar țha sa a ti buai leh vek ang!

Breakfast room ah Gavin leh Talinda chu in haw lo zet hian an lo awm dun a. He mite pahnih hi an induh ve tak tak nge? An awmdan hi ka hrethiam tehhrep lo ve a..Kiara hmel hmuh tur a awm lova..drawing room ah a awm leh pek a niang! Chulam pan chuan ka phei ta a. Kawngka a inkhar phui chiah lo deuh a, Kiara țawng thawm ka hriat chuan va pawh mai lovin kawngkhar chu zimte hian ka hawn belh a...

"Dominic hian incheck up turin min nawr reng a, engtin nge ka tih dawn?" Tunge maw a biak le..ka chungchang te an sawi bawk si. Leh lama mi țawng chu ngaithla tih hriat tak hian a ngawi deuh vang vang a. "Ka luak zeuh zeuh a, a hun hma hian a hria ang tih ka hlau alawm, hrilh hun tur a i sawi kha kan nghak thleng thei dawn lo ang riau. Vawiinah incheck up turin min hruai a tum a, kan kal a nih phawt chuan naute chungchang hi a hre ngei dawn a..."

Engthu nge ka hriat hi..? Kiara hian nau apai a ka lákah a zep amaw!? Lalpa lehh..engtin nge a theih zawk? Tunge a naupai chungchang hi hre ve? A pasalin ka hre lova, tunge a biak? Ka fa a ni lo tih na em niang? Zawhna hlirin ka khat a.. Ka thinrim lutuk hi ka puakkeh takngial dawn!

An thusawi pawh ngaithla zawm tawh lovin, dim baksak lo hian kawngkhar ka chhuih ri bur a. Ka kal nghal nal nal bawk.

Kiara chuan ka thawm a hria a ni ngei ang? Min ko zui lawm lawm a, a hmel pawh ka hmu peih mai mai lo..kan inrem theih nan ka inphah hniam ve a, tun țum chu ka thiam loh a ni ta lo e. Midang fa pai reng chungin kei hi min nei amaw? A ni thei lo..Kan mutdun hmasak ber khan ala thianghlim tlat a ni. Chuti a nih chuan ka unaupa fa a ni ngei ang? Kha zanah khan an lo chesual ngei a nih hi...

Ka thinrim êm avang chuan inchhung a awm pawh ka peih lo. Company lam pan chuan chak fê in ka inkhalh chhuak ta a.

Hna pawh ka thawk thei chuang lo. Ka nupui a rai a, min hrilh lo...chu ringawt chu ka rilru ah a awm. Kiara'n vawi engemawzat min lo call a, Gavin leh Talinda paw'n min call tho. A tawpah phei chuan ka switch off ta daih a.

Penthouse-a haw pawh ka chák lo kher mai. Mahse Kiara biak ngei hi ka nupui a nihna angin ka tihtur a ni. Ka pa birthday thlen nan ni thum chauh a awm tawh a, lunghnur taka ka pa siam ka duh lohvang chauhvin ka insum rih ang! Chumi hnu ah ka nun ațangin ka kaltir ngei tawh dawn a ni. Ka hmangaih êm avangin hrehawm chu ka ti ngei anga..ka hmangaih anga min hmangaih ve siloh chuan awmzia a awm chuang lo..

Zan dar riat velah ka haw ve chauhva. Talinda leh Gavin chuan dinner an lo kil a. Kiara hmuh tur a awm leh ta lo. Kan room-ah ka tlan chho nghal vat a. Ka lut lai min lo hmuh chuan a rawn ding chhuak a. "Dominic," ka hre lo der hmak.

"Dominic, ka sawifiah thei..."

"Insawifiah ngai lovin ka hre vek alawm, nau i pai a..mahse ka hre ve lo."

"Ka sawifiah thei ka ti reng alawm," a ti dam thlap a. "Engtinnge i tih theih zawk le..Kiara, kan nupa inkarah hian tunge tlazep tih chu ka hre thuai ang." Ka ti hmuk a.

"Ka thusawi i ngaithla dawn nge? I ngaihdan kha i kal tlang pui dawn!?" a tih chuan rum zetin ka melh a. Pawisawilo mitmeng niawm taka min melh te chuan ka haw hlur tawh.

"Ka fa a ni em? Nge, Gavin zawk?"

"A ni tih chu i hria alawm.." ala thinrim chuang lo.

"Ka hre lo, ka hre hauh lo..phone i hmang lai kha lo hre lo phei ila chuan tunah pawh ka la hre chuang lovang! Min bum duh suh.." ka ti tuarh a. A mitmenga zámna lang hauh lo hian min en lêt kal a. "Hrilh che chu ka tum reng alawm, mahse a hun ka la ti rih lo mai a ni." Chang fak hian a ti ve ta a.

"A țha e, min hrilh ngai lovin ka hre ta alawm, ka pa party buaisaih hi zo se..min chhuahsan ang che. Amy te kha i lo thîk kawi vel a, nangmah i lo dik loh vang a nih hi..." Ka ti ta hmiah a. A mengphawk deuh hra a..maktih hmel fahran hian min en bawk.

"Dominic, a tawpnan ka insawifiahna hi i ngaithla dawn nge dawn lo?"

"Oh..Pathian hmingin..min vau ve lo mai rawh Kiara, Amy kha chuan ka sum a duh ngei mai! Mahse nang angin mi bum a ching kher lo." Ka tih chuan ná a ti hle tih a mitmeng rawn alh deuh phát ațang chuan ka hre mai!

"A țha e, ka pa party siam thleng ka nghah a țulna ka hre bik lo ve." Thinrim insum taka tiin room chu a chhuahsan ta a. Ka zui thla ve nghal ta tho a. Țhutkhawmna pindana Talinda țhu chu Drawing room ah a pawt lut dawr dawr a, a țhiannu hrilhhai hmel ka hmuh chuan ka nuih a za lek lek.

"Bro, enge in buaina? Kiara hian dinner ei turin a nghak reng che a."

"He thilah hian lo inrawlh ve suh Gavin," ka ti hmuk a. Drawing room ah luh ve ka tum chuan chhung lamah an la inkalh hnan zui ah.., hrep tak hian!Kawngkhar chu ka chhuih leh bur a. An rawn hawn phah lem hlei lova..

Darkar hnih lai an inkhung tawh, engemaw an tih em em ni? Gavin lah chu a phi sek. A bulah chuan țhuin whisky no thum ngawt ka in tawh a!

Drawing room kawngkhar a rawn inhawn chuan ka ding vat a. Kiara ngawt ka melh, Talinda chuan min huat hmel takin min melh a. Kiara hmel landan chu..țap hrep hmel a pu bawk..an pahnih hian an ințan hle tih ka hre tho a, mahse Talinda'n min huat ve ngawt nachhan tur ka hre lo. Duh leh a țhiannu hi hua se..dik lo zawk chu amah a nia.

Nizan te khan kan hlim em em a, hlimna puar pawleng mai a lo ni si! Tunah zet chuan ka khawvel a lo kehchhe zo ta a, engtianga siamțhat leh tur nge tih pawh ka hre tawh hek lo.

Gavin lam hawi chuan Kiara chu a nui hak a, nuihza tak tak erawh a ni lo.

"Hlim taka nuih theihna tur ila hria chu ka lawm ngawt mai!" hmusitna áw hian ka ti lui ngat a.

Kiara chu a rawn inher vat a. Min hmachhawn zawngin ading a, zám hauh lo leh mitmeng rum angreng tak hian min melh nghek phawt a. "Eng nge i duh..ka nuih avang hian i lo na viau em ni?" ngeiawm zet hian min chhang a.

"Thusawi dun," tiin ka ner sawk a. "Engthildang nge ni ang?" Tiin a lam ka pan phei chhak chhak a. Min hlau hmel a pu chuang lo.

"Sawidun duh lo tu kha tunge..Dominic Malakian!" Min cho ár reuh. A thinrim laia a landan te hlei hlei hi a țha sia, ka thil ngaihtuah mai mai chu le..hun lo lutuk.

"Tunah ka duh thung alawm," tiin dim vak lo hian kan room lamah chuan ka kai chho dawr dawr a. A țang ve nasa viau a, tháah min hneh miau hek lo le..Kan khumah chuan ka nem țhu hnawk a. A țe țhat..

"Nau ka pai tih i hriat kha, min dim lo viau suh."

"Tunge a pa?"

"Tu vak nge ni se i tih? Nangmah Dominic Dron Malakian kha mawle.."

"Dawt min hrilh chai suh," ka ti hrawk a.

"Dawt a ni tlat silova, a pawi ka ti khawp mai!" a ti deuh hmak a. Ka fa a nih chu ka ring ve tho..mahse engvangin nge ka lakah a zep kher nachhan? Fa ka áwt tih hre chung reng lehnghalin!

"A tirte ațangin min bum char char a, infiam nan min hmang a ni!"

"A bul ațangin kan țan leh zel dawn a nimaw!?" A hmaa ka lo tih dan ang chiah chuan a țawng chhuak kher a. Ngeiawm thiam ve a nia!

"A tawk e, mu tawh rawh," ka ti ta ringawt a, min hnial dang zel bawk si..

"Ka mut lohvin ka țhu reng peih hleinem!" A la ti hram a. Bathroom-ah ka luhsan ta daih a. Kiara bulah hi chuan ka thinrim rei thei miah lo.

Bathroom ah reife ka awm a, pindan a ka let leh chuan alo mu fel diam tawh. Min hnungchhawn zawngin a mu ngát a. Ka ngaihbel vang nge a thau deuh riauvin ka hria! Intur dawmsan ka tum zet na a, ka țhulh leh ta zawk a..a mutthilh lai hian duhtawkin ka kuah thei alawm. A bulah chuan ka mu ve ta zawk a.

A pumah chuan dimtein ka chûl sak a, ka fa a pai hi ka lawm rualin min hrilh loh avang khan ka thinrim bawk si..He nu tereuh hian ka thluak a tibuai vek!

Zinglam dar hnihah ka harh hlawl a. Kiara a mu tawh miah lo..Ka ngaihtuahna a buai leh nghal vek! Bathroom ka en phawt a, a awm lo. Inhnuai lamah ka tlan thla leh a, a reh țhiap bawk si..Drawing room pawh pawn lamah a inkalh thlap...Khawiah nge maw a kal le...!

Garage chahbi ka la a, pawnlamah ka chhuak ta a. A car a awm miah lo..beidawng zetin inchhungah ka lut leh a. Gavin leh Talinda'n an hre mial maithei tih ngaihdan ka nei leh thut a. Chumi hmain ka phone phawt ang!

Switch off a inti tlat bawk sia, ka mangang lutuk chuan ka nau chu ka kai tho ta ringawt a. Phak zetin an rawn tho chhuak a. Thil awmzia ka hrilh chuan kei aiin an bo hmel mah zawk!?

Talinda phei chu a mangang nghal hle a, Seattle-ah hmelhriat a neih kan hriatpui der bawk si lova. A țhiannu takngial pawh hrilh hre lovin khawiah tehhrep nge maw a kal ang le..Lalpa..Ka nupui venghim hram rawh..

A insawifiahna kha lo ngaithla tal ila țha tur a nia..

Kiara Pov*

Dominic min tih dan kha ka ngaizam mai mai dawn lo. Party zawhah chhuak turin min ti a maw! Insawifiah ka tum pawhin a ngaithla duh lova, naute chungchang ka pa nen kan sawidun tih hria se a lawm ber tur a ni reng sia!

Kan hrilh nghal lohna chhan pawh a pa vang a nia! Ka hmangaih ang hian min hmangaih se chuan min ngaithla em em ang. Ka lemziak ber ka zo tawh a. Khatia Dominic nen kan inhnial hrep hnu khan Talinda engkim ka hrilhfiah a, min lawmpui rualin Dominic ka hrilh nghal lo kha min dem ve tho..Mahse..a hun lai khan Amy a awm ve a..ka inthiam ve tlat!

Khuma min kuah ran chunga Dominic muhil hmel chu ka thlir vang vang a. Dimte a thawhsanin pindan chu ka chhuahsan a. Pan mai tur ka hre lo..Hetia inngeih chuang silova inkhat a chendun reng hi a țulna ka hre lo ve..

George khan ka duh hun hunah a in a kal tur khan min ti tak alawm le..kan buainaah hian a tel ve thova, ka pan phawt mai ang! Dominic pa chenna panin ka thawmhnaw pawh keng chuang lovin ka car thar chuan ka tlan chhuak ta a. Darkar khat lai tlan a ngai a, motor veivák a tlem lai a ni hlauh a, a zia phian!

Ka pa'n min lo hmuh chuan a lawm hle a. Ka kal chhan ka sawi hma hmain, amah zawk chuan a hre vek tih a lo sawi hmiah a. A fapa mangangin vawitam a lo va phone a ni awm e..

"I pan tur dik tak i rawn pan a ni, Kiara, beidawngin ka siam ngai hauh lovang che.' tiin min kuah hlu hlu a. Ka nu leh pa tak tak nilo ah chuan min hmangaih tu ber a ni. Ka țah chhuak chu insûm ka tum viau na a, ka thei ta lo.

Chhuak zetin ka țap ta a. Ka bán hma chu ka hnungah chulin, "I duh chen chen țap rawh..ka fapa hi i hmangaih tih ka hria alawm.." a ti sup a. Meng phelh phang chunga ka en chuan a nui suk a. "Mak i va ti awm ve, hmangaihna hrethiam turin ka upa tawk tawh alawm," tia min kuahin ka pindan turah min hruai ta a.

Zep lovah chuan ka thla amuang nghal siai siai mai!. Midangin nél lo mahse ka tan chuan pa nih a tling khawp mai!

Khumah min țhuttir a. Ka rilru lákpen tum tih hriat tak hian a birthday programme an duan láwk te chu min hrilh a. Sawmna hi ama lam ațanga ruahman tur a ni a, Amy kha buaipui turin a tih tak kha mawle...

"Pa, sawmna in sem chhuak vek tawh em?" ka ti sap a.

"Sem tawh e, enge ni ta?" dam thlup hian a ti a.

"Pakhat sawm ve duh ka nei a," ka tih chuan, "Zawhna chang che ka lo hre lo a ni..ka fanu in a ngaihpawimawh em em chu tunge niang aw..!" a nui pah suk a.

"Christian Grey..Oh..Jamie Dornan mawle.." Ka tih chuan mitmeng buai deuh nak hian min en a. "In in hria em ni?"

"Hre hran lo ve.. ka ngaisang em a, a takah hmuh ka chák," zak deuh tak hian ka ti a. Naupangchhia min tih hmel tak hian, "Hmm..Mr.Dornan chu ka hria alawm..ka kutah dah rawh..keiman ka lo hrilh dawn nia, secretary kaltlang ni lovin." A ti ta a.

"Maw! Jamie, i hria maw!" mawl hmel zetin ka ti hliai a.

"Hria e..kan company luxury new car, la hmasa bertu a ni ziah alawm..lunngai suh i pasal rilru i hriat theih nan Mr.Dornan ngei hi kan hmang dawn nia.." A ti awl sam ét a.

A va'n nuam tak..ka rilru natna theihnghilhin ka nui ta hak hak a.

"Ka fanu, nalh thei ang bera i lan theihna turin, țang nasa ang che." tiin ka darah a béng thak thak a. "Ka fapa rilru hneh ngei tum la..chumi tur chuan duhsakna ka hlan a che." Tiin min chhuahsan ta a.

Ka phone ka on chuan missed call tamtak a awm, Dominic min call na phei chu vawi 32 lai a ni. Ka call back nguar ang.. A fa anih te a'n ring lo kual vel a..ve lutuk a..!

Party zanah a hre khawp ang..Khawvelin tunge ka nih an hriat hun tur chu...

©<++++[BeckirafARenthleI]++++>®

Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » December 20th, 2017, 7:22 pm

UNKNOWN MAN

by.Becky Rafa Renthlei

Chapter-27

Khuma mu chungin ka ham bai bai a, ka rin loh deuhin ka mutui phian! Ka pa'n min chhuahsan hnu khan ka muhil zui nghal deuh mai anih ka ring.

Ka pindan luah chu a nuam reuh hle a, hotel-ah ka lo innghat hman ang tih pawh a hlauhawm alawm le..Dominic ka pasala ka lo pawm hi ka tisual ta em ni? Engvanga min chhuah tir duhna rilru hial pu nge a nih? Á...keipawh ka thiam chuang lo.. Naute chungchang ka lo hrilh nghal lo kha pawi ka ti vawng vawng. Awmzia a nei tawh si lo.

Khum bula tui inchhawp chu ka in khawlh khawlh a. Ka luak chhuak nghulh a tihreh deuh ka rin vang a ni. Ka thawmhnaw hlipin, bathroom ah chuan ka lut ta a. Mikhual hman a tana robe leh towel fai tak an dah chu ka hmu ta a.

Robe sen duk chu lakangin ka ha a. Nghet takin a kawngah ka suih thlap. Thil ka ei vat a nih loh chuan ka luak leh dawn khawp mai..zing lam nawm loh ka nei țan der chu a nia..ka thá khur dar dar reng chu tih tawp tumin tháwk ka la vang vang a. Mikhual room chu ka enkual a, a thawveng reuh hle mai!

Ka pa penthouse chhungah hian mikhual room engzat tak awm ang maw! Thawmhnaw hák tur ka nei bawk si lo.. Va'n buaithlak tak!

Bathrobe nen chuan ka chhuak ta ringawt a. "Ka hmu che chu ka lawm khawp mai, Mrs.Malakian," nui sang chung hian nu thau lam hian min chibai nan a kut a lo phar chhuak a. "George khan i thawmhnaw tur a ngaihtuahin ka hria, engthil pawh duh leh mamawh i neih chuan min hrilh zel dawn nia! Eng thil nge i ei duh ang?" A ti leh a.

"Bawnghnute lum leh biscuit a ni mai," ka ti vat a. "Ok..lo țhu rawh, ka lo pe ang che.." tiin chokaah chuan a lut a..Ka thawmhnaw hák tur ngaihtuahin ka pa a kal maw..kan inah a kal loh hram ka beisei..

Dominic Pov*

Zankhuain Kiara zawngin Gavin leh Talinda nen Seattle-a hotel hnaivai kan en vek a, kan hmu zo lo. A tawpah phei chuan beidawngin kan haw ta ringawt a. Sitting room sofa ah kan țhu țhap a. Ka á thei takngial dawnin ka hria, khawiah nge maw a kal le..a nu leh pa a be bawk si lo..A chungah thil țhalo a thleng a nih chuan ka inthiam thei ngai lovang!

Gavin paw'n min hnem ngaihna vak a hre bik tawh lo va. Jane a chán lai kha a hrechhuak tih ka hre thei mai! A hun lai khan a nat dan tur ka lo hriat thiam pui phák lova..tunah ka hmangaih ngawih ngawih ka nupuiin zankhat lek min awm bo san tih ka hriat a ka mangan zia hi..Ka nupui leh ka fa tello te chuan ka khawvel a tawp a ni dawn a sin..

Khawvar hma lawkin ka lo muhil sek a. Doorbell ri ring zetah chuan ka harh zawk. Kan tho rual țhawt mai! Kawngkhar lam pan chuan chak zetin ka phei a. Kiara a ni mai thei asin..!

Pawnlama lo ding ka hmuh chuan ka beiseina neih ve chhun chu a reh riai riai a. Ka pa lo ding chu hmel hlim ka hmuh hleithei lo.

"Min luhtir i tum lovem ni!?"

Ding sawn deuhin a luh theih nan kawng ka kian a. Tun ang zing lutukah engti tura lo kal nge a nih? Kiara awmloh chungchang ka hrilh miah lo..A lo hre ru reng zawk a nih ka ring ta a. Phur deuhvin ka zui lut a.

Talinda a hmuh chuan a hmel a danglam nghal vek! "Nang hi tunge i nih? Helai hmunah hian tihtur pakhatmah i nei lo.." A vîn deuh țhak a. Ka girlfriend emaw a ti a ni chiang mai.

"Pa, Talinda a nih hi..Kiara țhiannu; chuan ka unaupa girlfried a ni bawk." Ka tih chuan ka pa hmel chu a la rum úl thova. "Kiara, țhiannu a nih chuan tinge a kiangah a awm si loh?"

"Maw! Kiara awmna i hria tihna mi?" rang lutukin ka zawt a. Engtin nge ka pa bulah a kal ang tih ngaihtuah chhuahna chang kan hriat loh le.. Ka hahdam nghal huai mai!


"Zana i in chhuahsan duh khawp a rilru naa i siam hnu ah, a awmna te min la zawt ngam amaw? I nupui, i fa pai mektu hian chhan awm lovin min rawn pan lovang tih ka hria asin Dominic," Chhum hmuk hian min chhang a. A naupai chungchang pawh ka pa hian a hriatpui vek tihna a nia..!

"Chutiang a ni lo. Kiara'n ka lákah naute chungchang hi a zep alawm! Niminah phone hmanga midang a biak ațangin ka hre ve chauh zawk a nia, engtin nge kei a pasal ngei hi min hrilh loh?"

"Gavin, i țhiannu nen khan lo inthiarfihlim ula a țha lo maw, i û thluak thawl zet hi kan zilh hlak ange...!" Ka pa chuan Gavin chu a melh run a. A thinrim hi chu kan unau hian kan pal zam ngawt ngam bik lo. Gavin leh Talinda'n min chhuahsan hnu chuan ka pa nen chauh sitting room sofa ah chuan in ep chiahin kan țhu ta a.

"I nupui thawmhnaw la tura lokal ka ni..a háklai nen chauhva lo lut a nia, hmeichhe hmelțha lutuk thawmhnaw lei tur chuan ka upa ta deuh a ni e. A mamawh zualpui tur pack la ka lêt leh nghal mai ang." A ti ta a.

"Ka pa, enge maw i hriat le..i fapa aiin i monu i țan zawk a maw?" Thinrim takin ka ti a.

"Ka mo nilovin, ka fanu a ni..Kiara hian ka hnen ațangin a thlawnin engmah a dawng duh dawn lo tih ka hriat vang a lo kal ka nia, a thawmhnaw chu i siam dawn nge? Keiman ka siam dawn?"

"Tunțum chu thiam lohna ka nei miah lo. Amy vanga kan buaina pawh ka chingfel tawh a. A naupai chungchang a zep kher hi chu ka hrethiam thei lo..a thawmhnaw chu aman a duh chuan rawn la rawh se..nangin emaw, keiin emaw kan pêk a țulna ka hre hauh lo." Ka ti chang fak a. Ka pa lehzelin a țan hi ka ngaithiam lo..

"Dominic, thil i hre sual duai a ni. A naupai zep tura ti tu chu keimah ka ni." A tih chuan rum zet ka melh a.

"Engvang nge tih ka zawt thei che angem?" Ka pa mah nise ka haw lutuk tlat! Kan nupa inkarah hian a inrawlh thuk mah mah a ni. Oh..fanu a awt tih chu ka hria, mahse a fapa min thlauhthla tur khawpa hlu erawh Kiara hi a ni lo..a thisen zawm loh lehnghal!

"Ngun takin ka thusawi hi ngaithla la, i nupui nen kan chhuahdun khan restaurant a kan awm laiin, nikhaw hre lovin a tlu a. Ka țhianpa clinic-ah a rang thei ang berin ka hruai a. Chutah chuan nau a pai tih kan hre chiah. I la hrereng a nih chuan khatih hun lai khan Amy inah i riak a nih kha..Kiara'n a hrilh nghal loh nachhan che chu i hrethiam tawh maiin ka ring..A pasalin hmechhe dang khum a țawmpui tih a hriat khan a nát i ring lovem ni?" A ti dam ta thluam a.

"Amy chungchanga kan buaina a fel hnu pawhin min hrilh chuang hleinem!" Ka la ti țalh a.

"Kha chu keiman hrilh lo turin ka tih vang a nih kha..Ka fapa ka haw reng reng lo che..ka birthday zana surprise che kan tum vang a nia! Nimin zinga phone a, a biak kha keimah alawm! Chupawh incheck up tura i tih khan kan plan a buai vek a hlauva..a hun hma, party kan neih hmain naute chungchang hrilh loh che kha kan titlu ta kha a nia! A taksa lam harsatna avangin loh theih lovin min rawn call nghal vat a ni.. kan inbiakna i lo hria kha pawi ka la ti fo..surprise kan tumna che a flop ta tihna a nia..!"A ti ta a.

Ka thawveng nghal hawk mai! "Kiara chu ka va hruai nghal teh ang," ka tih chuan, "I nupui luhlul zia i hre tawh emaw ka tia, a lo pawm nghal mai lo tawp ang che."

"Chupawh nise hmundanga a awm ka phal lo..ka hruai haw dawn a ni tawp mai," Ka ti hmuk a.

"Han tum chhin la, ka va kir phawt anga, i duh leh i rawn kal ve dawn nia." A ti awlsam leh mai a. Kan ințhen a phal lo tih a sawi ve na a ni tih ka hrethiam.

"I rualin ka lo kal ve anga!?"

"Ni lo e, ka fapa, ka rawn hmu che tih a hriat vang a, Kiara'n min huat ka duh lo."

"Ok..a thawmhnaw chu engtin nge niang?" Ka nui nghal vur vur a.

"Hák hnih khat kha a tawk mai, i in a ka kal laiin i awm lo tih ka sawi ngei angai dawn a nia, chuti lo zawng i nupui ka ngam lo palh ange!" Nui suk chung hian a ti a.

Hmanhmawh takin kan room ah ka tlan chho vat a. Kiara thawmhnaw dahna chu hawngin ka hmuh hmasak ber, jump suit chu ka la a, underwear leh bra nen, bag ah khungin inhnuai lamah ka chhuk leh ta a.

Ka pa ka pek chuan a khi suk a, "I nupui rilru hi tina ngai suh, chán i duh loh chuan, chuti lo chu tu emaw hmel duh a nei mai thei a nia!" Chimawm zet a nui chunga sawi ni mah se ka ngaih a țha miah lo. Amah lah chu a chhuak zui nghal daih a.

Kiara'n midang duh a nei amaw! Tunge niang le! Ka pa'n a hriatpui bawk tihna a nia..Chu pa chu ka zawn chhuah ngei angai dawn a ni..Ka chhuah lo tawp ang!

Kiara Pov*

Breakfast ka ei hnu fê ah ka pa chu a room ah a lo lut ve chiah a.

"Nizan lam te i mu țha em? Kiara?" tih pahin a bag ken chu khumah a rawn dah a. Ka makti hmel a hmuh avanga, nui suk hian, "Min zawh thui hmain ka lei a ni lo a nia, in chenna hmunah ka va kal a, thawmhnaw lei lam hi ka tih lohna a rei deuh tawh bawk nen i hákthlak ka va la a nih kha.." A ti zung zung a.

Dominic penthouse ah a va kal a nih chuan ka awmna hmun an hriat ngei dawn chu...Pawi tawp nang! Ka haw dawn tihna a ni kher chuang lova..Talinda leh Gavin pawh an ngaih a țha deuh ang chu..engmah ka hrilh ta mang si lova..!

"Ka lawm e, ka'n inthlak anga ka lo zawm thuai dawn che nia!" Ka ti a, Dominic chungchang zawh ka tum hran lo..a pa ani a, a rukin an ințan tho chuan ka ring!

A thawmhnaw rawn lák berkher chu jump suit ala ni zui! Pawilo ka ha mai niang chu..!

Ka pa ka va fin leh hnu chuan a inchhung min fanpui a, Malakian hausak zia ka hriat belh a ni ngawt alawm le.. pawnlamah min hruai a, pool zau tak chuan ka mit a la hle a, helai hmuna chén hi a chákawm hliah hliah...

"Naute i neih hunah chuan ka hnenah in cheng ve dawn nia!" Ka pa'n a tih chuan ka nui ringawt a. Ka ngaihtuahna thleng hian min hriatsak vek lo chauh a ni.

"Kiara," Min rawn ko tu chu tudang nilovin Dominic a ni. A hmel ka hmuh hian ka luak a chhuak tlat..a hmain hetiang hian ka awm ngai silova. Ka thlahlel ngawih ngawih țhin zawk kha a nia.

"Kiara," ti lehin ka bulah a rawn ding chawpchilh a. Ka pa ka va en chuan mit a lo siai zauhva..inla hrethiam vel lutuk.."Tikhan lo awm ru, inchhungah ka luhsan dawn che u a nia!" Tiin a kal zui nul nul a.

"Hruai tur che in ka lo kal a ni." Dominic áw chu a zawi hle a. Inthlahrung te pawh a ang ve lek lek alawm le..

"Ka lo haw dawn lo," ka ti hmak a.

"Khawngaihin, thinrim tawh suh..helai hmun hi i in a ni lo. I sawi țhin kha, kan inah haw ang." Dam thluam hian a ti a.

"Ka in a ni ka ti lo..min duh lohna hmunah awm ka tum lo, englai pawhin ka pa hian min pawm reng a ni, nang ang lo takin," ka ti deuh salh a.

"Ka hria alawm, luhlul chhuah tlat lo teh, chuti lo chu..." a sawi zawm duh lo lui ngat a.

"Eng nge? min blackmail leh te i tum a ni lo maw?"

"I lo haw theihna tur a nih chuan engmah tih hreh ka nei lo. Ka rualin ilo kal dawn nge? I lemziah kha ka pa ka hrilh dawn?" A ti thum chhak a.

"Oh...tenawm viau lo teh, Dominic..kha lemziak kha ka tan a pawihmawh zia i hriat kha.." Mangang ru deuh tak hian ka ti a. Ka zui haw lo a nih chuan ati leh duh tak tak ang! Chu chu ka duh hauh loh thil a ni.

"Kiara, ka duh chu ka nei zel țhin..tunah hian ka duh chu kan in a i lo haw leh hi a ni bawk."

"Party zawh a chhuah ai chuan tuna inthiar fihlim hi ka tan a țha zawk!"

"Kha chu ka thinrim laia ka sawi a nih kha, ka fa nen hian khawiahmah in kal lo tawp ang..a țul anih chuan tihluihna pawh ka hmang duh mai ang!" a tih rual chuan min pawm nawlh a. A car dahna lam pan chuan min pén pui ta páwk páwk a. A remna laiah ka chumin ka hám a, a sáwt chuang lem hlei lova. "Min hám pilh vek mah la ka hruai haw tho tho dawn che." a la ti zui ah...

Huizz..angaihna a awm lo..

"Ka pa tal ka hrilh loh chuan ka kal ngawt thei lo," ka tih chuan, "A hrethiam em em ang, a nupui nilovin, ka nupui alawm i nih! Chuti teh ualin a ngaihven lovang! Ka nupui ka hruai haw chungchangah a lo buai ve vakna tur a awm lo.." tiin car kawngkhar chu min pawm reng chung chuan a hawng a, dimtein a seat-ah chuan min țhuttir ta a.

Tlan chhuah zui theih miah loh turin pawn lamah a lock thlap a, kan inhrechiang ta hle mai! Chhuk leh ka tum tih a man thiam pha a ni ngei ang!?

Car-ah chuan rawn țhu lûtin zawimuangin kan tlan chhuak ta a.

Ka ngawi ngal a, min biak a tum bik lo. Ka car ve kha engtin nge ni ta ang? Țawng loh ka tum ve kha a nia.

"Ka car kha, min lét pui leh rawh ka hnutchhiah ngawt thei lo a nia," ka ti hmak a.

"Lunngai suh, ka pa driver-in a lo dah mai ang," a ti liam puat a. Ni dawn tak driver pawh engemaw zat an nei ang chu mawle..

Kan penthouse kan thlen chuan kawngkhar min hawnsak hun nghakin ka țhu rán a. A la hmanhmawh lo em em lehnghal a..

In a kan luh pah chuan Dominic hmel chang tak mai chu ka melh zauh a. Talinda leh Gavin hmuh tumin ka hawikual a. A lo hrethiam a ni ngei ang!

"Anni kha chu ngaihtuah duh suh. I pasal chauh hi min ngaihven la a tawk!" A ti deuh hmuk a.

"Ka ngaihven theih turin awm ta reng che." Kan room panin step ah kan chho dun a, ka kutah nghet zetin a chelh tlat bawk. Bedroom kan thlen chuan kawngkhar chu a hawng a, ka dara kuahin min luhpui ta a.

"Tunah hian i ngaihven theih turin ka awm e, mu ang!" Nui suk chung hian a ti ta a.

Ka kawngah a rawn kuah zui zat a, "Ka lak ațanga hlat i tum poh leh ka hnaih ve telh telh ang che." Tiin ka kawr hák chu min hlihsak a tum ta a. Ka duh lo tál vel chu engahmah ngai lo hian, "Min hnial reng leh min do rengna hi bansan a hun tawh lo maw! Kiara," a ti leh sup a.

"Tisa thila inpawh ringawt hi a tawk lo a nia, Dominic!"

"Tunge tisa thil tih sawi! Chutiang ka sawi lai ka hre hauh lo." Tiin ka áwmbawr chu a tawk a. Lum ka ti țan der nia!

"Mipa ve tawk tak kha i niin ka hria a, insum theihna i neih ka beisei..i hriat ang in nau ka pai a, doctor in rem a tih hma chuan nupa nun kan hmang thei lo." Ka ti ve zaih a. Hetia ka tih mai loh chuan thiam takin min thlém leh anga ka lung a awi leh vat palh ang..

"Naute vang chauhvin i him hram e..mu hahdam ang che." Tiin ka hnial hman hma chuan khumah min muttir ta a. Ka bulah a rawn mu ve nghal bawk, min kuah pahin, "I tana țha tur i hriat chuan mutthilh tum ang che..nizan zankhuain ka muhil lo tih hria la, mut ka mamawh ve tho!" A ti ta a.

Ka awmbo san avangin a tlaivar a maw! Ka awih chiah lo. Talinda'n sawitur a ngah leh ang chu..
*******
Party Night*

Ka pa birthday a nih rualin kan inneih lawmna a ni tel tho bawk a. Ka thawmhnaw hák tur ka thlang uluk kher mai; Vawiin nilengin parlour-ah Talinda nen hun kan hmang a. Ka sam kawi chu ngil siauvin ka pawh tir thlap. Ka landan thar chuan min ti confi sawt bawk..

Chiffon kawrfual ka taksa rem zaih a, țhui chu ka ha a. Rangkachak rawng a ni in a sir kak chuan ka mal a tilang thui hle a, mahse zanin hian zahawm tak leh nalh taka ka lan a ngai tlat a ni. Nidang ang lo takin make up pawh ka hmang uar deuh! Kan inneih zungbun tih lovah chuan Diamond bengbeh simple angreng tak ka inbel leh tawp a. Dressing table hma a ka lo inthlék vang vang lai chuan Dominic chu a rawn lut ta a.

Dinner suit buang thák body fit a ha a. A chhip sam tih phir hi a inhmeh takzet! Ka dress a hmuh chuan a nur náng a. "Wife, kha thawmhnaw lo kha hák tur i nei lo tih sawi hlek suh. I inhmeh viau na a, mipa dang hmuh a tan ka duh lo." A ti deuh hmuk a. Ka sam ngil ta siau chu hmu thar thut ang mai hian a mengpháwk hle bawk.

"Oh..Dominic, hmánlai hun a nih loh hi..zanin hian Kiara nilovin Maxi ka ni dawn tih i theihnghilh loh ka beisei." Ka ti deuh ngat a, huat theih miah loh tur hian ka nui lui ngial a.

Jamie Dornan a tel ve dawn miauva, Dominic rilru diktak hriat nan hma ka la dawn alawm..

'I tan eng ang chiaha hlu nge ka nih ka hre thuai ang! Dominic Dron Malakian....' ka ti ril ru a.

©<++++[BeckirafARenthleI]++++>®

Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » December 20th, 2017, 7:22 pm

UNKNOWN MAN

by.Becky Rafa Renthlei

Chapter-28

Party țan hun kha zan dar riat a ni a. Hunserh mumal tak ka pa khan a ruahman a ni. Tunah dar sarih pawh a la ri lova, Gavin leh Talinda pawh an nalh dun khawp mai. Talinda hian phuba lák a tum tawh lo tih ka hriatna ringawt pawh hian min ti thawveng huai thei.

Drawing room-a ka hruai luh khan ka naupai chungchang leh Dominic ka hmangaih thu thlengin ka hrilh thlap a. "Mak ka ti lem lo, ka û phuba lák tumin Gavin hi ka hnaih tih ka pha lo. Mahse, Jane thihna chhuitu lam ka rawih te'n an chhui chhuah chu racing car brake fail vang a ni an tia, Gavin pawh a thi lek lek tih ka hre lehzel a. ka ngaihdan kha a lo dik lo tawp a ni." A ti a.

"Tunah Gavin lakah eng rilru nge i put," tih ka zawh khan, "Ka hmangaih chu ka ti lo..hmangaihna hi enge a nih ka hre lova. Mahse a kianga awm hi ka thlahlel reng a ni." tiin min chhang a.

Kan lo mawl dun zia leh thil hrechiang mang lova ngaihdan kan lo siam ngawt vang khan kan nun kan lo ti hrehawm a ni tih te kan sawi a. Tunah chuan Talinda pawh a rilru a dam tawh tih ka hria, Gavin nen an inkar erawh hi chu ka sawi phák a awm lova..an in chingfel ve thei turah ngai ang.

Kei leh Dominic zawk hi a ni, buaithlak chu!

Ka sang viau nain zanin chu high heel bun ve ngei ka duh tlat. Khum chungah țhuin pheikhawk chu ka in thawlh mawlh mawlh a. "Kiara, khatiang bun kher kha a ngai a mi! Lo tlu sual palh ta la, naute tan khan a pawi thei a...!" Dominic lungni lo hmel en tum chuan ka dák chho ha a.

"Oh..ka tlu miah lovang! Min ngaihtuah suh, ka confi ve tawk!"

"Ok..i tih tlat te chuan..inpeih rawh le..kan tlai a rem miah lo a nia!"

"Ka present tur kha car-ah min lo dahsak dawn em niang?" Ka tih chuan a nui suk a. "Ka dah tir vek tawh, hmanhmawh rawh le.." Min tur sek sek a ka ngaihdan a ni lo lek lek. Mahse inhnial ka duh bik lo..dressing table a ka cluch dah chu la in, room kan chhuahsan ta a.

Ka pa penthouse kan thlen chuan car tam tak a intlar dul a, ka rin aiin mi a sawm hnem dawn a ang riau mai!

Car ațanga kan chhuah chiah chuan, kan lam panin ka pa chu a lo kal a. Min hmuh veleh, "In rawn tlai ka ring lo reng a ni, kan mi sawm a tam zawk chu an rawn thleng tawh a nia!" Tiin, Dominic ngaichang miah lo chuan inchhung lamah min hruai lut ta a. Dominic lo phun hluk ri chu a hre lo der hmiah.

Inchhungah chuan mi an lo tam tawh hle a. Wine no inkhak thawm leh țawng ri bengchheng zet chu kawngkhar kan luh rual chuan a reh hmak a. Ka pa in ka darah kuahin mipui lo awmna lamah chuan min hruai phei ta a. Țhenkhat chuan min en chîk hle tih ka hria, a țhen te erawh chuan George-a girlfriend ah min ngai deuh a ni mahna. Kan hnungah Dominic chuan min rawn zui ve zel a..

"Ladies & gentleman, zanin a party ka siam chhan ber te an lo thleng ta bawk a. In hmel hriattirna hun tawite ka nei a nga, party kan țan dawn nia." Ka pa chuan dawhsan lamah chuan min hruai chho ta a. Ka zám tur a ni lo..Dominic chuan ka kutah a rawn chelh vat a. Ka bulah a lo ding reng tawh chu niin..!

Mipui lam hawi chuan ka nui var var a. An vaiin tumah hriat ka nei lo..Amy Raymond tih loh chu..zanin hi Malakian chhungkaw programme siamah a tel tawpna tur a ni tih ka pa khan min hrilh avangin ka ngaimawh lem lo a ni. Kil khat ațangin rum zetin min rawn melh a, ka hre lo der hmiah thung! Min hmusit viau a, ka surprise chák ber te zinga mi a ni.

"Ka birthday a nih rualin, ka bula ding te hi ka fapa upa zawk Dominic Dron Malakian leh a nupui Kiara Forbes Malakian te an ni a, an inneih lawmna party a ni nghal bawk a ni." A sawi zawh chiah chuan kut béng riin a zui a. An phun deuh mur mur bawk. Makti awm tak pawh an nia lawm, Seattle ah kan innei tlat lova!

Tun hun tluka ka nihna pholan hun remchang a awm lo. Ka pa lam chu hawiin, "Ka present tur che hi khawngaihin min pawm sak ang che..keima kut chhuak ngei a ni a, ka hrilh láwk loh che avangin min hrethiam dawn nia!" Ka ti sap a. A ngaihna hriat loh hmel tak hian min en a, chutah mipui lam a hawi leh te te a, "Ka fanu hnen ațangin thilpek ka dawng dawn a, ama kutchhuak ngei a ni bawk, min lo hrethiam ula, in thilpek te a mal malin ka hawng dawn lo va, ka fanu min pek erawh chu kan zavaia hmuh atan ka hawng thung dawn a ni." Ring leng lawngin a ti ta a.

Kan ruahman láwk angin Talinda leh Gavin chu hall-ah an rawn pen lut a. An hnungah ka lemziah chu Joshu leh Don, chuan an rawn zawn lut ta a, a intuam vek avangin tuman an hmu thei rih lo.

Mipui lam an ngawi țhup a. Kei erawh ka lo zám ru em em, Dominic chuan ka kutah nghet takin chelh lo phei se chuan boruak zo lo hian ka tlan chhuak daih duh ang.

Lemziak chu dawhsanah chuan an rawn dah ta a. "Ka pa, hawng rawh le.." Dominic chuan a ti a, George chu tîm ve deuh niawm tak hian min en leh phawt a, ka lo nuih sak a. Chutah lemziak an dahna lam chu zawimuang hian panin a hawng ta a.

Amah leh a nupui lemziah a hmuh laia ka pa hmel kha ka theihnghilh thei tawhin ka ring lo. A hmel a, awih lohna leh mak tihna, lawmna inpawlh nuaih mai ka hmuh chuan ka chhungril hi a lo hlim ve veng veng! Mipui lam hawiin Joshu leh Don chuan lemziak chu an hûng țha leh phawt a. Kan misawmte chuan 'Maxi' tih pahin kut an beng ta dur dur a. Mi za chuang kut béng thawm chu ring tak a ni.

Amy ka zawng ru nghal vat a. Kil khatah hmui hupin a lo ding zum reng! A meng pháwk hra a. Talinda leh Gavin chuan min lo nuih var var thung"

"Ka fanu, enge thil awmzia hi...! Ka pa makti hmel chu a la reh hlei thei lo..Ka lam pana rawn kalin min kuah ta vang a. "Ka lawm e, Kiara..ka lawm takzet! Mahse kan mi sawm te haw hunah i insawifiah ka phût a nia." A ti sup a.

Ka chhán hman hmain Dominic chu arawn țawng ve ta a. Mipui lam hawi chuan, "Artist thiam tak Thompson fanu lemziaktu 'Maxi' tia in hriat kha, ka nupui Kiara hi a ni e..." min chhuang taka a tih chuan kut an béng leh a..an phun leh deuh mar mar bawk.

Dawhsan ațanga kan chhuk chuan lawmpuina chibai min buk tumtu te chu ka chháng seng meuh lo. A tawpah phei chuan ka pa in a rawn ti tawp ta ringawt a. Amy hmel mawlh kha..khawnge maw a lo awm daih ni..A zak ve viau chuan ka ring! Ve lutuk a..

Sawm bikte chu ka pa chuan min hmelhriattir zel a, Maxi a ti deuh kher lehnghal! Min chhuang taka min hruai kual fé hnu chuan kil khata wine no lo dawm mek, min hnungchhawng zawnga ding bulah chuan min din pui ta chat a. Chu pa chuan Norfolk jacket leh cream rawng kekawr țhui nalh tak a ha a. Hnunglam ațangin tunge a nih ka hre mai lo.

"Mr.Dornan," ka pa in a tih chuan kan lam hawi turin zawimuangin a rawn inher ta a. Lalpa leh...Jamie Dornan maw! Ka pa hian a lo sawm ta nge nge a nih hi...ka actor ngaihsan em em kha... Min hmuh chuan a nui suk a. "Mr.Malakian, i monu chu min hmelhriattir phal dawn ta lo emaw ka tia!"

"A hming chu i hriat kha..tikhan lo inkawm rawh u..ka țhiante intur kan dawm pui ve lawk ange." ka pa inla zei vel chuan ka nuih a ti za ru hle a. A kalsawn nghal hmak lehnghal!

"Kiara,nge Maxi zawk? Ka hmu che chu ka lawm khawp mai," nelawm zeta nui var var chungin Jamie chuan ka biangah a fawp zauh a.

"Keipawh ka lawm e," zak deuh tak hian ka ti lét ve sap a. Music a rawn rik takah chuan chulam pan chuan ka bánah kaiin min kal pui ta a. A sang țha hle naa Dominic ai chuan a sang chuang lo. Khawnge maw Dominic pawh hi a awm daih ni..!

Nichin deuh ațang khan ka hmu tawh miah lo! "I pasal i zawng deuh em ni?" Jamie chuan a ti sup a. Ka hawi nasa ve bawk ém alawm le..

"Er..umn..zawng deuh tho!" Tinge maw ka zah țût le..

"I pasal chuan min melh rum khawp mai! Mahse..a pa phalna thlap a, ka bula awm i nih kha, hlauthawng suh." A ti ta a.

A hawina lam ka va en chuan Intur no dawm chunga nula chhelo zet bula dingin Dominic chu ka va hmu ta a. A mitmeng chang tak ațang chuan enge a ngaihtuahnaah awm tih ka hre mai thei lo..A lawm lo tih chu ka hre thei tho nia! Ho emai! Ani pawhin hmeichhe dang a dinpui ve tho alawm le.. Zanin bák Jamie kiangah ka awm thei dawn si lo a....Ka inthiam chawp ta mai!

"Min lámpui duh angem Kiara?" Jamie chu ka en vat a. "yes," ka ti lo vat.

Lámtual lam pan chuan min hruai ta a. Hmeichhe țhenkhat chuan min en zui deuh vang vang tih ka hria! Jamie chuan hre ve awm hmel pawh a pu lo.

Ka mitsirin Dominic chu ka melh ru zauh a, ka chezia nguntakin a rawn thlir reng! A hmel rum tak ka hmuh chuan ka inthiam chiah lo..

Party chu anuam țan dawn chauh a ni. Talinda leh Gavin pawh lámtualah chuan inhnaih fé in an lam dun a. Upa lam deuh ho chuan dawhkan kilin intur an dawm far bawk a. Lámtual kan thlen hma chuan min lo be tu neuh neuh an awm vangin kan ding khaw tlai leh ta hlek a. Keimah mai nilovin Jamie ngaisangtute pawh an ni nawk hlawm!

Dominic leh Amy rawn inzui ka hmuh chuan ka mengpháwk deuh hra a. Mahse ka inthup leh vat! Nula chhe lo tak tak an awm țeuh laiin Amy a thur chhuak leh nalh a nia! Ka thîk tih a hriat vang a nih ngei pawh ka ring!? An pahnih chuan min kalpelin phur tak hian an lam dun ta a.

Chutia Dominic leh Amy lám ka en lai chuan ka bengbulah, "I pasal sawn min thík a ni chiang mai! Mrs.Malakian," Jamie thusawi avang chuan ka phu deuh zawk a. Ka chháng lem lo.

"Lám lovin pawn lamah kan hawi thawveng zawk dawn em ni!" a tih chuan ka pawmpui thlap..Dominic leh Amy lám lai melh leh zauhvin Jamie bánah chuan ka kuah ve ta a. A lo nui suk..He pa hian engkim a hrethiam chiang! Actor tih takah min duh hmel deuh niawm tak chuan ka hmuiah a fawp zauhin pawnlamah min hruai ta a.

Party thawm bengchheng ninawm tak kalsan pawh a chákawm ve alawm le..

Páwn a kan chhuah hnu chuan second engemawzat Jamie chuan min en vang vang a. "I pasal khan a hmangaih hle che a ni." a ti ta a.

"Huh..Mr.Dornan, engmah i hre lo."

"Mipa ka nih hi..ka mipat pui rilru chu ka hre ve alawm!" A ti leh mai a.

"I hriat dik loh ve chhun a ni ngei ang!"

"Ni lo ve, min that duh mai tur hmel a pu alawm le..chuan i lemziah ho engemawzát ka kawl a sin," tiin thildang a sawi zawm daih a.

"Oh..a ni maw!" Ka ti hliai a.

"I la naupan tehlul nen i thiam hle a ni."

"Ka lawm e," ka ti sap a.

Hmalamah chuan rawn áwnin, a kut a rawn phar chhuak a, "Kan ințhian zel ang chu," a rawn ti ta a.

A kut ka lo dawm hma chuan ka tîm leh deuh hlek a, "Kan ințhian ang chu," ka lo ti ve ta a.

Ka kut chu a rawn tawk zauhva, ka mitah tak min en ngar bawk. "Ka hnarah hian bawlhhlawh a awm nge thildang vang zawk?" Fiamthu zetin ka ti a.

Jamie chu a nui ta var var a, a mit sir lamah chuan a de sar sar bawk. "Chutiang lam a ni lo," tiin a lu a thing mai a. "Party hlimawm tak an neih laia, mi nupui, hmelțha leh naupang bawk si..talent nei țha zet.. ka kianga i awm duh hi ka lawm! A ti ta a.

"Actor zinga ka ngaihsan ber bulah ka awm thei hi ka lawm fé," Ka lo ti var a. Hmelțha tia min sawi vang chuan ka lai leh ringawt tawh.

"Ka ring chiah lo..I pasal i hmangaih tluk zetin ani paw'n a hmangaih che..hlimtaka in awm theih nan duhsakna ka hlan a che Mrs.Malakian," tiin ka biangah a piai leh zauhva. Ka lo nui var var a.

Kut béng thlap thlap ri kan hriat chuan kan hawi rual dun țhawt a. Dominic chu car pakhat ngheng hian kawisawi deuh hian a lo ding a. A mit buang thák, de deuh sar ațang chuan thinrimna a lang a. Chutia Jamie nen chauh kan lo ding chu ngaihdan nih loh hmel takin min melh ngur a..Ka awm a nuam vak lo..

"I pasal thin ka tirim a nih ka ring! Ka kalsan phawt ang che Kiara, min mamawhna i neih chuan i pa in min biakpawhna tur number a neih kha," tiin min kal san ta a.

Chutia Jamie kal hnu chuan Dominic chuan ka lam a rawn pan ta chhak chhak a. A mitmenga min tenna lo lang chu ka hmuh hmaih hauh lo...

"Kei aia i thlan zawk chu zui ta che.." A ti thum ta chhak a....

©<++++[BeckirafARenthleI]++++>®

Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » December 20th, 2017, 7:22 pm

UNKNOWN MAN

by.Becky Rafa Renthlei

Chapter-29

Mahni inringtawk taka Dominic kal nul nul chu ka umzui dawn nge dawn lo! Jamie Dornan a thik ve ngei! Ka láka thikthu a nei ringawt pawh hi a lawmawm hrim hrim, mipa ah pawh inti pa lutuk tak mai kha a ni miauva..

Inchhung lam ri luih luih chu ka hne hle a, Dominic hmel ka hmu miah lo. Ka pa a țhiante zinga intur no dawm chunga lo țhu chu ka pan ve ta ringawt a. Talinda leh Gavin hmel hmuh tur a awm leh ta lo..he mite pahnih hi chuan hmun fál an zawng reng mai dawn a nih hi..Innei law law se an tan a țha zawk ang! Sex ringawt an buaipui tho si..

"Lo kal rawh ka fanu..coke tal i dawm ve dawn lawm ni?" Nui chunga min tih chuan ka lu ka thing ná ná a. A beng bulah ka hrilh ru ta sap a, "Ka pindanah ka lo chawl hahdam a nge! Boruak hi ka zo lo deuh niin ka hria," ka tih chuan min pawmpui tak hian a lu a bu nghat a. A țhiante hnenah chhuanlam min siamsak nghal vat bawk.

Mikhual room, hmán zana ka riahna ah khan midangin min chim buai theih lohna turin ka lut ta daih a.

Ka thawmhnaw chu phelhin shower ka nei zawk a. Underwear leh bra nen khumah ka mu ta hmak a. Ka chau ve thláwt! zú lam chi reng reng ka insum tlat tawh a, party tih velah ka kal anih chuan ka rui deuh ziah țhin kha a nia! Ka naute vang hian zanin pawh khan far khat mah ka in lo.

Ka pindan lehlama hmangaihna chen dun thawm ka hriat chuan tute nge hrilh hranpa ka ngai hauh lo. Talinda áw a ni chiang mai! Tun ang hunah pawh an inthlakhlelhna an ti lang zel chu a nia! An dem awm loh ve, ngaihthlák a hrehawm deuh tih mai lohvah chuan! Beng hupin ka maimitchhing ta daih a.

Khuma mu chungin ka ham bai bai a, ka puansin chuan ka inkhuh țha leh sauh sauh a. Bathroom lama thawm awm avang chuan ka meng chhuak rang kher mai!

Bathroom kawngka chu a rawn inhawnga, mipa lo chhuak chu rang tak hian ka en vat a. Dominic lek chu niin..! Nizanah ka room-ah hian a riak ve tihna mi le..ka hre miah lo! Ka mutui hle a nih ka ring! A sang țha in a 'Pa' hliah hliah hliah a. A taksa chu a ruak kang a, boxer bák inbel a nei lo. A hmel țha zet chu ka en ning thei thlawt lo. Shower-a a inbualna avang chuan a sam chu a la huh a, a sam a țanga tui lo far chu a taksaah a luang thla a..a landan sexy zet chuan ka hrawk a ti ro halh mai!

"Dominic,"

"Ka nupuiin ka fa a pai chungin mipa dang a thlêm kual vel a nia!" Ngeiawm zet hian arawn ti a.

Min hmusitna leh huatna mitmenga min en chuan ka chhungril a ná veng veng! "I ngaih ang kha a ni lo ania!" Zaidam takin ka ti a.

"Min bum thei tawh lovang Kiara, Jamie Dornan i ngaihsan zia pawh ka hria! Nizanah a fála hmuh theihna tur i dap reng tih kha ka hre lo der ang maw! Ka nupuiin a pasal theihnghilh țhakin páwn lamah actor hur zet a awmpui a nia!" Thil tenawm tak sawi a ang mah zawk!

"Dominic, i țawngkam hman fimkhur deuh rawh," ka ti vin țhat a.

"Sawi dik loh ka nei em ni! Ka thusawi kha ka chiang khawp mai!" A ti leh hmuk a.

"Chuti nih chuan i hnenah sawitur ka nei tawh lo a nih chu," ka ti ve hmak a. Jamie chu ka ngaisang tehmeuh mai mai! Mahse țhianah kan insiam fel diam tawh. Diminic ka hmangaih a ni tih hrethiam turin ani kha a fing tawk bawk.

"I nei lo pawh a ni mahna le..! Mahse kei chuan hrilh tur che ka ngah hle thung a ni!" A ti thum chhak a. Khumah chuan rawn țhuin mitmeng dam deuh zawk hian min rawn melh a. Ka lo hawisan hmak.

"Ka chanchin hi engmah hriat i la nei na fo nge, Mrs.Malakian? Hre tur i ni asin! Kan inneih chhung reilote ah hian chuti maia tihnat chi leh hnawl chi ka ni lo. Ka fa pai tu leh lek phei chu."

"Eng nge i sawi awmzia chu?" Ka ti ha a.

"I á hle a ni." tiin ka hnute chu a rawn tawk zauhva.

"I sawi awmzia ka la hre lo fo. Á chu kei ni lovin namah kha i ni..Dominic." Ka ti ve leh a. A hmui a lo pet sawi nghek a.

"Min ring tawk lo a nih chuan sawi theih ka nei hleinem! Min kaltir i duh hrim hrim a nih chuan ka inthiar fihlim ang! I hriat angin naute enkawlna tur pawh ka thawk chhuak ve thei a, kha Amy kha nei mawlh rawh." inherin Dominic chu ka hmachhawn ve hmiah a. A hmel landan avang chuan ka thinrimna pawh chu a reh chawpchilh nghal der! Tawrhna, khawharna leh min thlakhlelhna lang zut zut chu ka hmu ta a.

Engemawchen Dominic chuan min en hnuah, "Kaltir che maw! Chutiang tur chuan a ngena min ngen fo a ngai ang ang Kiara!" A ti sup a.

"Ka pa hi i vengthawng a nih chuan ka sawifel thei a nia!" Ka tih chuan, "Ka pa hrep chu! Kan nupa inkárah ani khan sawitur a nei lo." A ti hmuk a.

"I â takzet tawh anih hi..a tir ațang reng khan..a fuh tawh lo..inbumna leh phuba lâk tumna hian engmah țhatna a nei lo..chesual dun lo puiin kan inneih phah tawh a..hlimna aiin nátna kan inpe tawn zawk a ni!" Dam thlapin engtin nge ka țawng chhuah theih zawk!?

"Nang ka hmangaih che hi átna a nih chuan ka â zel mai a niang chu Wife.." Dominic thusawi chu ka hresual a ni chiang!

"Maw! Engmaw i sawi kha...?"

"Kiara, ka hmangaih che..tu mipa mah hian ka hnen ațanga an lák hran che hi ka phal ngai lovang," a ti ta a.

Lalpa leh...Dominic hian min lo hmangaih ve reng a maw!? Ka awih thei lo..!

"My God..kha mipa Jamie Dornan thah ka chák zia kha Pathian chauhvin min hriatpui ang! Kiara, min hrem tawh suh..nang leh i pum chhunga ka fa awm nen khan ka hmangaih ngawih ngawih che u.." Dam thlap leh zawi sup hian a ti leh a. A lamah min pawt hnaiin ka áwm ruak kangah chuan a hmai a phum a. A rawn lum deuh pap nia! Dominic hi a țap chiang mai!

"Dominic," Tiin ka kut pahnih chuan a biangah dawmin, a hmel hmu chiang thei tur chuan ka kuai dák a. A mitmeng buang thák hnawm deuh chap ațang chuan a mittui a tla a ni tih ka ring thei chiah..Hetiang khawp hian ka tán a tlawm thei amaw! A hmuiah dimtein ka fawhsak ta a.

"Keipawhin ka hmangaih che, Husband.." ka hmui ka láksawn rual chuan ka ti ve sap a.

"Wife, Pathian hmingin tuna i thusawi hnuhnung ber kha han sawi nawn leh teh." Tiin min ngen leh ta tlat a.

Nui deuh chungin, "I ngaihdan leh i ex-girlfiend te ang lo takin, ka hmangaih che.."

Makti leh awih theilo hmel pu deuh hian min en a, "I sawifiah leh deuh thei angem? Engtiklai ațangin nge tih te.." a ti leh a. Ka nuih a za ang reng hle a.

"Sawi dawn chuan a tam lutuk..a pawimawh ber chu..Jamie ani emaw, mipa dang an ni emaw, ka pasal Dominic Dron Malakian chauh hi ka hmangaih awmchhun i ni." Ka ti ta a.

"Whew..Ka lawm e, keipawhin ka nupui luhlul leh kawlh turu deuh lo hi chu ka hmangaih thei ngai lovang.." A ti leh sup a. Ka bánah a rawn vuan chat a. Ka mitah tak enin, "Seattle ah ngei hian innei țha leh ang, i duh angem?" A ti leh a.

"I ti tak tak em ni?" tiin ka hnaih ve țalh țalh a.

"Tun ang reng hian ka la titak ngai lo," A ti leh hmiah.

"Engvangin nge inneih țhat chu i duh kher a?"

"A hmasa kha chu blackmail a nia, tunah chuan kan inhmangaihna vanga innei kan ni tih hi khawvelin an hriat ka duh a ni, engtikahmah ka kal tir ngai lovang che."

"Mahse..naute hi.."

"Aw nge Aih"? Min tur leh sek sek tawh.

"Hmn..inneih țhat leh chu ka duh alawm, ka nu leh pa te pawh an rawn kal ve anga..."

"Dawn chiang..ka pa duhdan pawh a ni." tiin ka chhán hman hma chuan min pawt hnai leh sauhvin, thlah leh ngai tawh lo tur nimai awm hian min kuah ta a. Thawmhnaw mumal inbel kan nei lo bawk nen, kan boruak a țang nghal at mai!

Chutia min rawn tawh chuan ka taksa pum chu Dominic thlakhlelhna in a khat a. Chutah min en leh vang vangin, ka khurh dar dar thleng chuan min fawp leh vawng vawng a. A tawp thei dawn ta lo emaw tih mai tur a ni. Ka hlim ém avangin thildang pawh ka hrechang ta meuh lo.

Inthlahdul hnak hian ka lo ngheng hnai țalh țalh a. Hmanhmawhna nei hauh lo hian ka taksa chu a chul lawr dan dan a. Kan tháw pawh a rang halh halh tawh. Dominic chu rawn dák chhuakin tisa chákna avanga meng phelh phang chung hian min nuih suk a. A hmel țhat dan hi..min hîp chiang alawm...

"Ka hmangaih che..wife!" áw thám deuh sap hian a ti leh a. "Ka hmangaih ém che avang hian mipa, nangmah hnaihtu apiang che hi ka haw hlur zel,"

"Oh..Dominic," tiin a fawh tur chuan ka dák deuh ha a. Lungchim tak hian min lo fawp leh vang vang a. "Ka hmangaih hmasak ber leh ka mipa hmasa ber i ni, kalsan che hi ka duh ngai lovang!" ka ti ve ta a

A biang leh bek velah chuan ka lo chulsak ve dan dan a. Min pawm bet chawih a, a thin phu dawt dawt pawh ka hre thei hial...!

"Ka hriat ka lo inring ngai lova, nizan ațang phei kha chuan i lakah hian ka beidawng ta deuh a ni. Jamie lákah ka hlauh ta che niin ka ngai a, Kiara" Rilru natna áw hian a ti sup a.

"Nangpawh, Amy nen in lám dun tho alawm."

"Amy hi chu nangnen kan intawn hma thil a ni. Nang i lo lan ve ațang khan hmeichhe dang tumah ka hnaih leh tawh ngai lo. Nizana ka lámpui nachhan kha chu i lo thîk ve mial tákah ka ti a ni."

"Hahh..thîk chiang e, hmeichhe dang i hnaih apiang ka thîk! Keimah chauhva pumbilh che ka duh."

"Jamie Dornan kher ni lo, ka unaupa ngawih ngawih pawh ka thîk a nia, Mahse tunah chuan ka hlauthawng tawh lo..min hmangaih tih ka hre tawh si a."

"Gavin chu hmanrua mai alawm," ka tih chuan a nui suk a. "Ka hre tawh e, aman tukinah min hrilh a, chuvanga i pindana lo lut ve ngam chauh ka ni. I țhiannu pawh i tán a țang na ngang mai!" A ti leh a.

Talinda pawh maw! Henu tak hi chu..Dominic ka hmangaih thu ka hrilh kha a lo sawi leh thawt thawt a ni ngei ang! Ka hmuh hun chuan a chák lo ang chu...

"Ka hmuh tirh phat ațang che khan ka awm hlat san thei tak tak lo che tih chu i hria alawm! Farm house-a kan awm lai a, ka hna thil a min rawn koh pawhin, chán che ka hlauh ém vangin ka aiawh turin ka nau ka la hmang hram a nia!" Zak ve deuh hmel a pu a. "I engber hian nge min hîp tih sawi fak tur ka hre lo. Mahni inringtawk tak i nihna te, i luhlulna te, á..i engkim hi ka duh vek!" Nui chung hian a ti leh a, hlimna hian a hmel chu a káp éng ve deuh a.

"Gavin kha nangmah emaw ka ti hman țhelh a. Min fawp ve ngei a, mahse maw..ka thinlung hian i ni lo tih a hre tlat. Min nawr lui deuh se, zankhatnaah khan ka mutpui hialin ka ring..in inang ve ém a ni..pawnlam landanah chuan! I unaupa hian a hmangaih hle che a ni! Khami zan khan pindan hrangah min riahtir daih a..Ka thlém hmasa lehnghal!" Zak deuh tak hian ka inpuang ve ta a.

"Kiara, mipa tán hnar i har ve ém a ni. Ka unaupa chu lawmthu ka hrilh ngei a ngai a nih chu..Lalpa..kha zan khan chhinkhatmah ka chhing lo, engtin nge in awm ang tih ngaihtuah reng rengin ka tlaivar țhak!"

"Shh..engmah a thleng hleinem! TV show nei turin a tukah Crewe kan pan nghal daih tih i hriat kha..In hmel inang mahse ka thinlungin ka mipa hmangaih chu a thliar hrang thei thung!" Tiin ka nui var var a.

"Kan la hria ang chu.." Dominic chuan cho zet hian min en a. Khumah min mut ta riai riai a.

Ka pasal a ni a, a lákah inthup ka tum tawh lo...Ka inbel chhun bei tham tak chu min hlih sakin, a boxer hák a hlip ve nghal bawk a. Dominic mit buang thák chuan ka taksa chu a en lawr dan dan a. A mitin a enna chu a kut chuan a zui zel bawk, ka áwmbawr ațanga țanin, ka hmeichhiatna thleng chuan khawih loh lai a nei lo..

Min fawp turin a nghawngah ka kuah ta a. Duhthawh takin hmangaihna chu kan chendun ta a. Min dim a tum viau ná a, a thei lo chu a ni e..Ám taka kan chét hnu chuan shower nei turin bathroom ah min pawm lut a. Chutah pawh a bul ațanga țan țha lehin kan inhmangaihna chu a takin kan lantir leh ta..Ka pasal hi ka hné thei ngai lovang...!

Bathroom kan chhuahsan hnu chuan towel a intuam hlán chungin khumah ka pasal ngheng chialin ka țhu a. Thawmhnaw hák thlák kan nei miau lova..Party na a kan hák kha kan inbel leh ngawt te a nih loh chuan...!

"Engtik nge naute kan neih ang le..?" A rawn ti thut a. Ni dawn tak engmah ka la hrilh chiang reng reng hleinem mawle...!

"Tluangtaka ka pai anih chuan tun ațanga thla sarih hnuah kan nei ang."

"Nangmah ang deuh ka duh a nia...A luhlul reuh ang chu aw..." tiin a nui hawk a. "A chhun che chuan nula lamah a tla na viau ang!" Ka ti ve zat a.

"Gavin sam rawng diktak hi i hre duh em?" Tiin thildang daih min zawt a.

"Umn...sawi la.."

"A sam hi a buang a, a mit rawng a dum thung. Ka lem a chan dawn khan ka tih dum tir a, chuan kei ve thung hi...."

"I sam a dum a, i mitmu rawng a buang thung," a sawi zawh hma hmain ka lo chhang a.

"Nang tereuh hi..."

"Ka pasal mitmu rawng hre lo tura á ka ni lo e..." inti thei lek lek a ka tih chuan a nui suk.

"Ka hlauh hman teuh zia che kha, i hmelțhain i nalh a, i hausa tho bawk si..mipa dangin min tibuai tawh ém lovang chu..." Fiamthu titak deuh hian a ti leh a.

"Huhhh...i 'ta' chu ka 'ta' chutiang bawkin ka ta chu i ta...tih ka sawi lovem ni! chumi khaikhawmna chu 'Kan' tih hi a ni." Ka ti nawn leh ngat a.

"Ka va'n hmangaih tak che..wife..." a ti ta thláwt a. Min fawp leh țan nghal der! Ka hnial duh eih lo..A tan ka in peih at zawk a ni.

Kawngka kik ri kan hriat rualin, ka pa chu a rawn lut hlawl a. Chutia kan lo inkuah chial a hmuh chuan zak hmel a pu ve deuh roh.

"Hrep tak hian...! Ka puihna tel lovin in lo insawi fel diam tawh tih ka ring thiam mai e..." A ti hluk a.

"Ka pa, Seattle-ah ngei hian inneih țhat leh kan duh a ni." Dominic a'n a tih chuan a nui vur vur a. "Gavin leh Talinda paw'n inneih phalna min dil zo chiah a ni." A ti ta a.

"Maw!"

"Maw!" Dominic nen kan ti rual țhawt a.

"Ka fapa pahnihte inneihna buatsaih thei tura ka dam thleng hi ka lawm takzet! In hmangaih tak in neih tluka hlu hi ka tan a awm lo..Son," A hnuk a ulh ve deuhvin ka hria!

"Kan lawm e...Dad," Inthurual ang hrimin Dominic nen chuan kan ti leh a.

Ka lawmna hian van a tawng pha hialin ka ring..Gavin leh Talinda pawh ka lawmpui takzet...Ka țhiannu ka hmangaih em em kha ka unaunu a ni dawn tak tak ta e.....

"In thawmhnaw tur Joshu la turin ka tir a, a lo thleng țep ang! Lunch ei a hun lek lek tawh a. Inkhung reng lo khan in inneihna tur rel angai dawn a nia! Gavin leh a țhiannu pawh an inkhung leh tawh kha..." Tiin min siai zauhva, a chhuak ta a...

Dominic phone a țang chuan ka nu leh pa reifé kan be leh te te a. A hun tur kan la sawi theih loh avangin kan inpeih veleh hrilh kan tum thu Dominic chuan a hrilh zung zung a. Naute chungchang a hrilh laia a hmel hlimna a khat chuan min ti lawm veng veng!

A tawpah an inbiakna chu a titawp ve ta hram a. Malakian private jet-a hruai a tum bur.

Joshu țawng lang lang thawmah Dominic chuan min chhuahsan ta a. Kan thawmhnaw hák thlak tur nen pindana a rawn luh leh chuan a nui vur a. "I thawmhnaw kha sawisel lo hram ang che, Elina a awm silova thlan tur a hre thiam lo a ni awm e," a ti a.

"Ok..a lo lák apiang ka inbel mai aniang chu..."

"A țha..nupui phunchiar deuh ka duh lo a nia.." Min fiam pah zauh a.

"Pasal thikthu chhia ka duh bik lo..."

Thawmhnaw kan inbel zawh hnu chuan lunch ei turin mikhual room chu kan chhuahsan ve ta hram a. Ka hlim ém vangin ka ril a țam tih pawh ka lo hre tawh hlei nem mawle...

"Mrs.Malakian...kan eitur min zuah ve ang chu maw..!" Talinda room ațanga rawn chhuak chuan nui var varin a rawn ti a. A hnungah Gavin a'n a lo zui ve bawk a.

"Eitur in mamawh ve a mi? Va inkhung leh mai rawh u..bro...!" Ka chhán hman hmain Dominic arawn inrawlh vat a.

Tunah chuan an unau inkár pawhin ngai a awh leh ta. Dominic sawi ang chiah khan Gavin mitmu rawng chu a dum tak a lo ni..a nu mitmeng a chhun a nih hi..Ka pasalin a pa mitmeng a chhun thung a. An danglamna a tlem khawp mai!

Ka pasal nui var var chu ka siai ta zauh a.....

Talinda Pov*

Ka ú vanga Gavin hi hnaih lui ve mai chauh kha ka nia. Accident thlen dan kimchang ka hriat meuh chuan Gavin thiam loh ni lovin racing car company neitu lam daih an ni ta a. Kha racing car kha intlansiakna an neih zawh hnu ah company mechanic lamin major check nei tura an ruat khan a lo check loh vangin accident kha a thleng ta a ni.

Kan unau sum khawl hmang a private detective ka rawih khan report kimchang a pék danah phei chuan Jane thihna khan Gavin nasa takin a nghawng a. Kum hnih pumhlum țhak racing car khalh tawh lovin mahni inlamah a tawm chawt a. 'Pawn lamah a hmel hmuh tur a awm ngai lo a..Mi á ang maiin a awm,' a ti a nih kha.

Ka hmel a hmuh hmasak ber ni a, hlimna, maktihna leh awih theihlohna niawm tak ka hmuh pawh kha ka hmusual lo a ni tih ka hrethiam ta bawk. Racing lam chawlhsanin eizawnna mumal pawh a nei tawh lova..A phirpui Dominic hi awm lo phei se chuan mihring pangai nunphung a zawh leh hi tuman an ring tawh lo.

Jane emaw min tihna khan nasa takin min tiná țhin a, ka û boyfriend lo kawp kha ka inthiam chiah lo. Mahse, kan mutdun hmasak ber ațanga ka rilru ném tial tial ta kha hriat loh der ka tum viau ná a, ka thinlung hi ka thunun thei bik si lo chu a nih hi..Min hmangaiha min thlahlel ngawih ngawihtu a ni a, ka rilru putdan PHUBA LAK ka tumna pawh chu zawi zawiin a reh chho hret hret a.

Ka phuba lák tumna avangin ka țhiannu ka hmangaih em em rilru ka ti na a. Ka û kha a lo tho leh dawn tihna a ni bawk si lo. A thi tawh a, Gavin berin mawhphurhna a lo nei leh si lo..Kiara ngaihdam ka dil ngei a ngai a ni. Dominic a'n Washington kal tura min rawn biak khan ka lawm hle a..

Chutah ka beisei phák hauh lohvin Gavin khan min lo hruai leh ta nghal! Washington thlenna tur sum khawlsa ka nei hauh lova..engkim ruahmanna felfai tak hnuaiah vek niin Kiara te chenna Penthouse-ah ka awm thei ringawt pawh hi ka lawm tawk..

Gavin leh Dominic mizia ka lo hrechiang tawk lo hle tih ka hre thar ta bawk a. Kiara'n Dominic a lo duh a, a hmangaih em em nachhan pawh ka hmu fiah uar a ni..

Ka lo hrechiang lo lutuk leh ka rilru puthmang chhe zet vanga thil ka tih khawloh teuh zia ka ngaihtuah phei chuan keimah ka indem ru ngawih ngawih thei nia! Ka țhiannu naupai chungchang ka hriat khan ka lawmpui em em a, Gavin ka hrilh ve vat ta kha a nia! "Lungngai mahta che, i pai thuai theihnan nupuiah ka nei ang che. Ka hmangaih che,Talinda..Jane nau i nihna ang leh Ka hmangaih min hmangaihpui tu hi damchhunga ka kawppui tur atan ka duh che." A ti a nih kha...

Gavin hi ka hmangaih em? Hunin ala hril ang chu..mahse tunah chuan ka ngaina takzet tawh a. A sawmna pawh ka hnar ta lo..

'I nihna diktak ka lo hriat chian loh vanga ka tihnatna zawng zawng che ah khan min ngaidam hram turin ka ngen a che u, 'Unknown Man,' tia Kiara'n a lo sawi țhin kha ka hrethiam ve chiah...A rui țawng mah nise, a dik hle a ni..Hriat loh mipa zûnah ka uai țan der a nia!

George paw'n min pawm thlap tih ka hria. A fapa in min hmangaihna hi a hmu thiam a nih ka ring!? Kiara nen unau kan ni dawn ta..Malakian mo nih chu ka chák ta phian mai....

End of Talinda***

Lunch kan ei lai chuan, "Kiara, Lemziak avang khan ka lawm e," Ka pa chuan a ti ta a. Nizanah lawmthu min hrilh tawh reng sia!

"Ka tih ve theih tawk a ni e," ka ti sap a. "Ka lo ngaihtuaha, ka hmuhtirh che khan hmuh tawhna che nei thánin ka inhria a. Keini upa lam tan chuan hriat reng alo har ta a niang e! Maxi tih ai chuan Kiara, tih hi ka duh daih zawk!" Tih pahin ka pa chu a nui suk a.

"Talinda leh Gavin inneih hunah ka nupui hian kan chhungkaw lem a la ziak dawn nia," Min chhuang tak hian a ti a. Ka lo meng phawk ngang mai!

An vai chuan ka chhánna nghakin min thlir țhap a. Dawhkan hnuai ațanga Dominic a'n min kheuh zawk chuan ka phu zawk! "Er..umn..engmaw!" ka ti vat a. An lo nui țhaw hlawm lehnghal!

"Kan nupa thlalák a ziak tel ve duh dawn lo aniang!" Gavin chuan min rawn fiam ve zauhva..Talinda a awm ve vang hian a lai deuh reuh emawni! Naupangchhia thei lutuk!

"Han innei fel ve phawt ula mawle..." ka tih chuan "An innei chu a ni ber alawm! Certificate chiah an mamawh tawh!" rawn ti tu chu ka pa a ni.

Dominic rawn nui hawk chu ka mitmeiin ka khap vat a..Talinda zak hmel sen țawn țawn chu ka hmu ru reng!

Lunch nuam tak a ni..ka pa phal lo chung keini nupa chu kan haw ta a. Gavin leh Talinda erawh chuan ka pa an awmpui tawh dawn a ni...An thawmhnaw pawh kan hnathawk te kan pék tir mai niang chu...

Inhmuh leh vat intiam chungin ka pa penthouse chu kan chhuahsan ta a.

Hmangaihna hi chu a lo mak a ni..huatna te hi hmangaihnaah a in let thei a, tisa in itna pawh hmangaihnaah a chang thei tho bawk a..Hmangaihna hian engkim a lo thlák danglam thei takzet a ni.

Ka pasal car khalh chu ka en vang vang a. A hnehsawh kher mai!

"Ka sumdawnna lam ka thlahthlam rei tawh riau a, company tlawh zawk ka duh deuhva i lo kal ve duh em?"

"I tih dan dan a ni mai," ka ti sap a.

A rangkachak sana bun chu a bih zauhva. "Kan awm rei kher pawh a ngai lovang, sign tur neuh neuh ka sign anga, kan haw vat dawn nia!"

"Ok..." tiin a malpuiah ka tawk zauh a. A nui suk.

Malakian motors company building kan thlen chuan hnathawk hovin Dominic chu zah takin chibai an lo bûk a. A nupui tiin min hriattir zel bawk. Țhenkhat chu makti deuhin an awm a, a țhen erawh chu nizan party ah khan an lo tel hlawm avangin hmel hlim tak min lo hmuh zel a...An mitmenga ngaihsanna lo lang chu hlim takin ka chhàwn ve zel bawk.

Dominic office a kan luh chuan a secretary thar Amy ai awhtu pawh a lo awm reng tawh a. Nuthlawi niin, kum sawmli vel tur a nih ka ring!

"In lo kal thei chu a lawmawm e," tiin computer chu a off a. "Mrs.Malakian ka hmu thei che hi ka lawm khawp mai!" Polite taka tiin in a nui var var a. A ngainatawm reuh tawp. Nu te lam deuh a ni a. A rawn din tákah phei chuan ka dar a chen ngawr ngawr a ni. A pian erawh a nalh phian..

Dominic a'n paper a sign mawlh mawlh lai chuan coffee intur a secretary chuan min lo pe a.

"I office chu a nuam hle a mai," Dominic lam hawi chuan ka ti sap a.

"Margaret, hna ka thawh chhungin ka nupui kha office lo fanpui ta che." Dominic chuan a ti ta a.

"Ok..Boss," Margaret nen chuan kan chhuak zui ta a.

Show room leh motor parts dahna thlengin min fanpui vek a. Painting room phei chu pui tak a ni. Dominic leh George thawhrim dan tur pawh ka hmu thiam uar mai! Hausa tur chuan taimák angai a, thawhrim angai bawk a ni tih ka hrethiam ve tlat!

Ground floor-a kan awm laiin Dominic chuan min rawn fin ve ta a. Office hnathawk te chu ko khawmin eitur a treat ta vek a. Hnathawk tute lam hawi chuan, "London-a kan inneihna ah tumah ka sawm lo che u a, tun ațanga rei vak lo ah hian, Seattle ah kan innei țha leh dawn a, a hranin sawmna card kan sem chhuak dawn tho tak náin, tunah hian kan nupa ngeiin kan sawm che u a ni tih min hriat sak țheuh dawn nia. Kan lo advance deuh a ni e," Nui chunga a tih chuan kut an lo béng dar dar a. Lawmpuina min hlan nghal sap sap bawk. Hlim taka inkai rialin office building chu kan chhuahsan ta a.

Kan chenna hmun kan thlen chuan ka chau ve khawp mai! Elina ala rawn haw lo bawk nen Dominic eisiam tir ngei angai dawn a ni! Eisiam leh vel tur chuan ka ti hlei thei tawh lo chu a ni...

"Elina a awm silova, dinner hi engtin nge ni dawn?" Tlawn pah deuhin ka ti sap a.

"Lungngai suh wife, ka oder diam tawh." A ti sam ét a. "Dinner siam aia pawimawh tihtur kan nei alawm!" Tia, min pawm nawlhin kan room lamah min pawm chho ta zel a...

"Kan tih tur chu ka hresa deuhvin ka hria," nui var var chunga ka tih chuan...

"Thil man chak deuh leh hrethiam hma tak ka lo nei tel reng che a nimaw! Wife, I pasalin ka mamawhna che hi min han chháng lét ta che.." A ti ta a.

Ka țan hmasak a phût tihna a nimaw! Ka țan ngei ang..ka tan zah țulna tur a awm tawh lova..ka hmangaihna thup buai angai tawh hek lo..

A lungawina tur chu ka pe ngei ang....

©<++++[BeckirafARenthleI]++++>®

Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » December 20th, 2017, 7:22 pm

UNKNOWN MAN

by.Becky Rafa Renthlei

Last Chapter -30

Kan nupa room-ah Dominic chuan min pawm lut ta a. Tunah chuan rilru hmunkhatin pu-in kan nung dun tawh ang. Duhthawh zet hian kan infawp ngawr ngawr a. "Naute tan hian a țhat loh phah ém lo'ng chu!" Ka tih chuan...

A lo nui hawk a, "A nu in i hriat loh chu a pa talin ka hriat angai a ni tihna a nimaw! Naktukah incheck up turin ka hruai ang che." A ti ta a.

Khumah chuan kan tlu dun ran a, hmanhmawh fahran hian kan thawmhnaw inbel chu kan phelh a. Dominic taksa ruh țang mai ruak vek a awm chu ka en vang vang a. "Ka hmangaih che Dominic..Oh..ka hmangaih takzet che..." ka ti no ta hnàp a.

"A nih min han entir teh le..chét ziain," tih pah chuan a chungah min pawt kai ta nawlh a. Ka tihtur ka hai lo kher mai! A hmui lum ham ham leh fawh chákawm zetah chuan ka fawp ta a, a kawng hnuailamah ka kut chu dahthlain a mipatna chu dimtein ka tawk a. Uar theihtawpin hmangaihna kan chendun ta a.

A bawp thahrui ngah hmel tak sei thlerh thlawrh, a dar pharh hlai țha tak leh in khaithli thlarh mai chu ka en kham thei thlawt lo. Ka pasal a ni lo ang tih ka hlau ru ngawih ngawih!


After 1 Months:

Wedding Venues Seattle...

Wedding hall zau leh ropui zet, mihring sanghnih leh zanga zet zawt len theihna hmun chu Malakian chhungkuate chuan an hire a. Vawiin hi kan inneihni a ni a, Malakian phirte chuan a rualin nupui an nei dawn ta a ni.

Talinda mothuam man zawng zawng ka tum vek a, ka unaunu ni mai tawh tur leh ka țhiannu nibawk tan insen so hi ná ka ti lem lo. Kei lo chhungte leh țhianțha a nei bik lo a, ka pa min hringtu in a kai lut dawt a ni. A upa zawk nupui ka nihna ang leh innei tawh sa kan nih avangin kei erawh chu George an min kai lut ve thung dawn a, hei hi ka nu leh pa remruatna a ni bawk.

Hall zau pui chhungah chuan mipui an țhu khat tlat a. Ka zám ve deuh lek lek thei nia! In lam ațanga hall kan panna kawnga Dominic leh Gavin chu Rolls car- in an kal a. Kei leh Talinda Mercides car in kan kal ve thung a ni.

Malakian cars company staff zawng zawng sawm an ni a. London ațanga ka chhungte lo kalna tur senso Dominic a'n tum vek a a tum a. Mahse ka pa in a phal ta lo..an inhnial fé hnuah ka pa duh dan zah sakin Dominic chuan keimahni kan inbuaipui a phal ve ta hram kha a nia!

Hall pawh a nalh thei ang bera chei a ni bawk a. A vawihnihna tur ni tawh mah se, ka tan chuan a hlu em em tho a ni. George a'n min kaih luh lai chuan mipui an lo ding țhup a; music ri riai riai chuan ka hnuk a ti ulh ve lek lek!

Kan in cheidan tur engmah Malakian unaute hian an hre miah lova. Talinda nen a rûk thei ang berin kan buaipui a. Chutiang bawkin anni pawh engmah kan hriat sak bik lo..Dominic leh Gavin te lo dinna hmun kan thlen chuan ka hawi hai hman viau!

A chhan pawh an inang ém a ni! Suit dum dak hlarh an ha ve ve a, an inthuamdanah danglam na awm lo..an sam thlengin a dum ve ve a..Gavin paw'n a la ti dum tho tihna a nia! He mite pahnih hian eng rilru nge maw an put ni...min tih zah an tum chiang mai..! Talinda ka pa in arawn hruai lut ve leh ta a. A mokawr hák chu a inhmeh reuh hle a! Keimah ang bawkin Malakian unaute lam a hawi chuan a chiai hle a. Ka nuih alo za ngang mai!

Ka dinna bul a lo thlen chuan ka beng bulah, "Unknown Man," a rawn ti sap a. Ka nui chhuak teuh ngei mai!

Mipui lam chuan min thlir țhup a. Dominic leh Gavin chuan kan țhian dun chu min en reng a. An nui duh țhak lo lehnghal a! An mitmu rawng pawh a buang ve ve tlat..! An mahni hnaih fé ah ka ding a nih loh chuan hriat hran ngaihna a awm lo.

'Lalpa..min pui hram rawh' Talinda zám hmel lutuk ka hmuh chuan Dominic te chu ka ngei lek lek! Tenawm dun lutuk mai!

Inneih hunserh kan țan ta a. Pastor chuan Malakian unaute kiangah Talinda nen min hruai ta a. Ka pasal ka hriat hran theihna turin ka insawrbing a. A upa zawk nupui ka ni a, Dominic ka hriat theih chuan Talinda tan Gavin chu hriatsa a ni dawn a ni.

Dominic leh Gavin te hmaah tak chuan ka va ding a. Mit khap eih lovin min lo en dun a, ka vei lamah ka tawlh phei hleka, engmah ka 'feel' lo... tlémin dinglamah ka pen phei leh a. Ka thinphu rang dat dat ta avang chuan ka dinglam a mi ngei hi Dominic a ni tih ka hria. Nui sak chung hian, "Husband," Ka ti ta sap a.

Ka pasal hmela lawmna leh hlimna lo lang chhuak avang chuan thaw ka la hak. Talinda paw'n Gavin a pan ve ta vat a. Zungbun inbuntir hun leh thu chham zawng zawng te chu a rualin kan ti vek a. A hma ang kha ka ni ta lo..hlimna thuk tak nei chung leh ka hmangaih tan liau liau țha takin ka chham chhuak thlap a. Nupa kan nihna min nemngheh hnu chuan hunserh a zo ta a. Kan invawn hmasak nen kha chuan a dang ta hlak mai...

Thlalak chhung rei lutuk chu ka hné hman hle a. A tawpah phei chuan Talinda leh Gavin chu kan inthiarfihlim san ta daih nghe nghe a.

Inneih lawmna a zawh vek hnuah Gavin leh Talinda Honeymoon hmangtur kan thlah liam leh te te a, Paris-ah an kal dawn a ni. Keini ve thung chuan honeymoon hman kher, țul kan ti ta lo.

Ka nu leh pa hlim hmel khan keipawh minti hlim hle a... An fanu hlimna an duh ber a ni tih min hrilh nghe nghe!

Ka nu leh pa chu ka pa(Dominic pa) khawhar an hlauh avangin a penthouse-ah an insawn a. Hun tháwl min pe leh hrám tho..Nu leh pa te nge nge..fate hmangaih hi a lo ná aniange! Min ngai tak chungin an inthiarfihlim ta kha a nia!

Kan chénna hmun kan thlen chuan mut vang vang ka chák ber tawh..

"Wife..ka nau nen min thliar hrang thei kha ka lawm takzet..ka hlauhthawn zia kha i hrethiam phák lovang!" Dominic chuan a ti ta a. Khumah inngheng rialin kan mu a, ka dul a chul hauh hauh reng a.

"Ka thinlungin a hria che ka tih kha," intithei deuh takin ka ti ve sap a.

"Talinda buai hmel ka hmuh khan ka nui chhuak țep alawm, lence inang kan vuah bawk sia!"

"Enganga danglam pawhin inchei mah la, ka hre zel thovang che."

"Ka hria a, ka chhuang hle che a ni." A nui var var a.

"Honeymoon hman i duh bawk si lova, a hmain kan hmang tawh lo bawk nen.." A ti leh sup a.

"I kianga ka awm chhung chuan a hran a honeymoon hman a ngai hleinem! Kan damchhung hun hi kan honeymoon chu a nimai!" Ka ti ta a.

"Ka kalsan ngai lovang che...ka hmangaih che.." tiin ka hmuiah a rawn fawp ta vang vang a.

A tuka ka harh chuan ka pasal áwmah ka la bei chial a. A mitmeng buang thak chuan min lo melh reng a, a harhna a rei tawh hmel viau!

"Ka ril a țam hle mai, breakfast tur siam ila..." ka ti nghal a. A nui suk.

"Kan siam ange..lo mu rawh. Mut tam i mamawh a nia!"

"Mu bik lo e, ka bulah i lo mu dawn te a nih si loh chuan.."

"A nih chuan intifai rawh le..inhnuaiah ka lo nghak ang che." A ti ta a.


EPILOGUE


Kumkhat hnuah chuan kan fanu leh fapa te baptisma chang lai chu insi riala ding chungin kan en a. Puithiamin an lu a tui thianghlim a rawn far chuan an țé rual țhat a.

Ka naupai chhung zawngin ka pasalin nitin min hmangaihna a lantir fova. Phir ka pai bawk nen ka in zo lo hle a, Elina bákah nurse pahnih leh housekeeper pakhat kan lák belh bawk.

Kan fate'n baptisma an chang tawh bawk a. London-ah ka nu leh pa te tlawh turin thlathar hian kal kan tum a ni.

"Fá neih ve an chák tawh riau a nih saw!" Dominic chuan ka bengbulah a rawn ti sap a. A enna lam ka va en chuan Talinda leh Gavin chuan khawdang hawi miah lovin kan fate baptisma chang lai chu an lo thlir a.

Talinda pawh a rai ve tawh a, naute en turin an rawn kal sek zel kha a nia! George paw'n a tûte pahnih chu a átchilh hle bawk. Malakian junior (Gavin te fa) a pian hma chu, an hnéna cheng turin min sawm reng zel a. Chu erawh Dominic nen kan hnial thei hrám.

Kan penthouse a nursery room zau hek hawk kan siam tir a. Naupang toys a tam ngang mai! Kan inneih nawn khan nau ka pai tih an hriat hlawm vangin kan present dawn pawh naupang toys hlir deuh thaw a ni.

Seattle-ah pawh lemziak tur tamtak ka hmu a. Nau awmtu kan nei tho náin ka lo hnar zel a. Ka fate hi keimah ngeiin buaipui ka duh a ni. Kan room-ah naute khum kan dah tel ve a, a chhan pawh ka pasalin riah hran tir a phal tlat lo. Ka hnunglama thawm ri hlek ka hriat chuan lehhawi thuai a.

Dominic-an a fanu muhil lai pawma ka lam a rawn pan chu ka hmu a. "Wife, i fapa saw va pawm ve rawh le.." Nui var var a, atih chuan naute mutna lam pan chuan ka kal ta vat a. Huhhh..a harh chai si lova..min tih der chiang!

Ka pasal lam hawi chuan ka lei ka chhuah zauhva, "Dominic Dron Malakian, an țé deuh hleka i pawm zel zawngin aw..i duat sual khawp ang.." ka ti a. Mahse, kei ngei pawh ka insum thei chuang lo. Ka fapa muhil lai biangah chuan ka fawp zauhva.

"Mrs.Malakian, fá țha tak tak min pek avangin ka lawm e..." A áw chu a thutak hle a. "Engtik nge UNKNOWN MAN, lemziak kha min pék dawn le..." A ti ta a.

Ka hrechhuak leh chiah, kan intawn tirha Dominic lem ka ziak kha Crewe-a ka aparment-ah pack thlapin ka dah alawm le..inluah man ka la chawi vek thova ka bungraw tam zawk a la awm hrim hrim bawk.

"Hahh..ka pe lutuk ang che..țhutkhawmna pindanah kan tár i phal dawn phawt chuan..." fiamthu deuhin ka chháng a.

"Ka nupui lemziak a nih phawt chuan kan inchhung hmuntinah hian tár ka phal..."

"Umn..kan zin hunah kan la dawn nia..kawr ha lo ngei a i awm lai a ni tih kha i la hriat ka beisei...khalai ațang daih tawh khan ka lo duh tawh reng che tihna a nia." Lai ru deuhvin ka sawi chhuak ta a.

"Keipawh ka ni tho alawm..zak duh mahta che.. hetiang em em hian hlimna min thlen dawn tih hria ila chuan..."

"Oh...Dominic, kei pawh ka hlim alawm..ka hlim takzet.." tihpahin ka pasal chu ka ngheng țalh țalh a.

"Ka fanu hi ka'n mut ange..chumi zawhah, kei min nei hi i hlim takzet em? Tih i lantir dawn nia wife..." Nui var varin a ti ta a.

"Yes, ka inpeih e..husband..." ka ti ve sap a.

Ka pasal, ka hmangaih Dominic Dron Malakian hlimna pe turin ka thawmhnaw hák lai chu ka hlîp ta sat sat a.....

***THE END****

Ka story beitham tak 'Unknown Man' min hlutsak a min chhiarsak tute zawng zawng chungah ka thinlung takin lawmthu ka sawi e...


©<++++[BeckirafARenthleI]++++>®

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)