UNKNOWN MAN by. Becky Rafa Renthlei (Completed)

Moderator: Becky Rafa Renthlei

Ngaia
Site Admin
Posts: 18313
Joined: April 30th, 2016, 4:07 pm

UNKNOWN MAN by. Becky Rafa Renthlei (Completed)

Unread post by Ngaia » December 20th, 2017, 7:06 pm

UNKNOWN MAN by. Becky Rafa Renthlei (Completed)

UNKNOWN MAN

by. Becky Rafa Renthlei

Chapter-1


Party-na hmun Talinda nen kan thlen chuan mi an lo zi hut hut tawh a, ka kawr hák tawngchham zet chuan ka mal chu thui deuh a tilanga, vawikhat hniam deuhin han kun phei ila chuan ka panties tlâng a lang thawthang ang tih khawpa chhing a ni. A nghawng lah chu a'n zau mai mai khawp a, ka âwmbawr chu a ngai angin a lang lo chauh bawk. Talinda ka best friend paw'n hetiang thawmhnaw tho hi a inbel a. Kan nihdan lo anga kan lan kha angai miauva.

Zanin hian mi thlêm thlûk tuma thawk chhuak kan ni. A chanchin ka hre tam lova, a hausa hle tih leh tlangval la naupang tak luhlul zet tih chu ka hriat awmchhun a ni. Kei hian a lakah engthil tihtheihna nge ka neih ka hmuh tir ngei ang.

Intur an sem kual chu lo ban vatin ka in vei pap a, Talinda dinna lam ka en chuan mipakhat sáng lam deuh sam kir deuh bap nen hian engemaw sawiin an phun sap sap a. Haa... he nu nghal dan em em hi chu(h)

Music ri ruai ruai karah chuan țawngthawm a ri lawng lawng bawk a, rui deuh hleka ka in a nih loh chuan he party hi ka hné vat dawn tih ka hria, zu semtu chu huiin a tray chawi lai chu ka lâksak a, no thum ka han in tehreng a nih kha! Ka luak lo chauh tawh, zu chuan ka taksaah chuan hna thawkin music bengchheng zet karah chuan lám tumin ka pen phei ve ta a.

Ka bâna min pawt dawrhtu avang chuan ka pai nawk a, mahse amah tho chuan ka tlu tur chu a lamah min pawt hnai hrawka, a âwmah chuan ka bei thlawp mai! A rimtui hman rim chuan ka hnar a verh zar a, mahse ka luak a ti chhuak tlat thung.

Vawilehkhatah ka pum chu let butin, chupa chu ka luak khum ta ngheng mai a....!

"Hrep tak chuan...! Khatiang zat intur kha chuan i la nau deuh lo maw!?" a áw chu a ril ruih a, Naa...chutiang ngaihtuah thei pawh ka ni lo.

Kal sawn tuma ka inla hrang chiah chu ka luhai lutuk vang chuan ka pen hleithei der lo. Ka mit men ka tum pawh chuan a har țalh mai, chu pa chuan min pawm nawlhin min pen pui pâwk pâwk a. A țawng pawh hla taka ri nimai hian ka hria; hriat fumfe ka nei lo.

Ka harh leh chuan ka awmna chu ka hre mai lo khum zau zetah ka lo mu a, ka khum erawh chu a ni lo. 'No' ka awmdan kha ka hrechhuak ta uar uar a. Thawh tumin ka inbengkang a, ka luak leh mai dawn a hriain lukham chu ka delh leh ta riai riai a.

"Chét kha tum buai duh suh," ka áw hriat hnu tho kha a ni. Ka sirah chuan mipakhat a lo mu ve reng a, rum fahran hian min melh bawk a.

"Khawnge ka awm," ka ti sap a.

"Khumah," bul hmuk hian min chháng a. Khum tihte chu ka hre ve reng a lawm le...!

"Khawi hmun nge ka tia lawm!" Vin fé hian ti lêtin ka țhu chhuak nghal a. Thawmhnaw inbel ka nei hauh lo lehnghal! Ka áwmbawr chu a ngai ngai chuan a lang a, ka puansin chu rang zet hian ka pawt chhova.

"Zah na'n chuan a tlai deuh tawh lo maw? Nizana i thawmhnaw hâk ngaihtuah kha chuan i ti der a nih ka ring mah zawk!?" Chupa mai mai chu(h)..

"Khawnge ka thawmhnaw?"

"Ka paih," min chháng tawi thei lutuk chu ka ngei kher mai, a hmel enchian tum chuan ka inher ta a.

A sam chu a dum hlap a, a mitmeng buang thák chuan chiang fahran hian min lo melh lét a. A hnar ngul sang vah leh a hmui mi hnehsawh hmel zeta ner deuh sak chu ka ngei zawng tak a ni. Kum sawmthum bawr vel a nih ka ring.

"Engvangin nge i paih ngawt a."

"Khatiang thawmhnaw tenawm ha chung khan ka khumah ka muttir che chu beisei suh," a ti hmuk a.

"Ka haw duh."

"Haw la, ka dang reng reng lo che."

"Ka thawmhnaw tel lo in ka haw thei lo tih chu i hre ve tho ang. I máwl viau a nih loh chuan."

"I thawmhnaw hâk leh hâk loh a in ang reng, tikhan haw la ti nia," ngeiawm zet hian a ti leh a. Ka thinin a tuar ta lo, thawmhnaw ka ha lo tih lam ngaihtuah lék lo a che thutin a samah chuan ka țham sak a, ka theihtawkin ka kêk ta buan buan a. "Nang mi tenawm, tenawmpa!"

"Vawithum ka chhiar hmaa min thlah loh chuan i inchhir palh ange," a ti duh chauh. Thlah ka tum awzawng lo, a aia nasa chuan a sam chu ka pawh sak leh a, "Nangnu hi...," ti supin ka kut chu min phihthlak sak a, rang zeta che in min lehthala, a taksa rihna chuan min delh bet ta run a.

A palian hle mai boxer a ha tih loh chu thawmhnaw inbel a nei bik lo a, a dar ruak kung chu a sek deuh lek lek bawk, a kawng fék lam chu ka melh thla ngam tawh lo, ka mit ka chhing ta daih a, ka kut pahnih a chelh beh tlat avangin tal eng ang mahila a sawt dawn lo tih ka hria, che lo hian ka mu ta ran a.

"I mitmeng kawlh hmel zet khan ka ui thi ta min hriat chhuah tir," tiin a nui hawk a. Ui nen min tehkhin vel a maw!
Chupawh ui thi tawh ber kher nen lehnghal!

"Tho vat rawh tenawmpa, mi hur ka ni lo." Ka ti ve sak a.

"Mi hur thawmhnaw hâk ang i ha thung a lawm," tiin ka hmai bulah chuan a rawn kun hniam a. Na zet hian ka hmuiah a rawn fawp ta a.

Ka theih tawpa lo țang ve in ka hmui chu ka chîp tlat a, chu chuan a ti thinur a ni ngei ang min thlah thut a, ten hmel zet hian a hmui chu nuaiin a tho ta daih a.

Keipawh khum khuhna chuan intuamin ka tho ve a, ka purse dawhkana awm chu lain ka phone ka phawrh a. Talinda missed call vawi ruk lai a awm a, ka call back vat loh chuan a mangang hle ang tih ka hria. Dar zat ka en chuan zinglam dar nga a ri chiah a, a mut tawh ka ring tho nain ka call lui ta tho a.

Vawithum ka call pawhin a pick thei lo a inhnem ve thovin ka ring a, a muhil nghet hle a nih loh chuan nizana a biak pa kha a zui haw ve a nih ka ring ta ber a...

Haw ringawt dawn pawh ni ila thawmhnaw hâk tur ka nei bawk si lo, rilru buai zet hian khumah chuan ka țhu thla leh hnawk a. Pindan chhung chu ka melh kual a, mipa room tih hriat tak hian a thim deuh khap a, Wardrobe lian fé fé pahnih a awm a drawer leh dressing table changkang zet a inhung bawk, carpet chhah leh hnûm hlarh chuan pindan chhung chu a ti lang fai hle a, sofa pakhat a awm bawk. 'Curtain' man to tih hriat tak a inzar dulh bawk a, intur dahna thlengin a awm vek mawle...! Mi hausa nuam tawlna room niawm tak a ni.

Wardrobe lian zawk chu dimtein ka pan a, ka hâk tur engemaw tal ka dap ngei a ngai. Under wear takngial pawh inbel ka nei si lo, nizana kan 'plan' chu a 'flop' ta vek phawt a. Talinda thinrim dan tur ka hrethiam vek. He mihring a hming pawh ka hriat loh lakah hian ka inham buai ta vel chu a nia! Engtinmah min ti lo tih chu ka hre thei tlat; misual tak a nih loh pawhin mi mak tak a ni ang, Nizanah a khumah ka chatthla der a nia, ka him turah ka ngai ve hmiah. Chuti ni lo se khapa khan min nuihsawh nan a hmang tawh ngei ang.

A hmel tihmawh hmel zet leh ngeng ngulh kha ka ngaina teh hrep lo. Khawiah nge maw a awm daih ni! A Wardrobe chu dimtein ka hawng a, a inkalh miah lo!

Thawmhnaw chi hrang hrang a inkhai tlâr dul a, ka hâk tur awm pakhatmah ka hmu lo ka zawn ngial pawhin, a hnuai lama thawmhnaw inthlep dul chu ka keu láwr leh ta a, T-shirt te deuh pakhat ka hmu ta hlauh; chu chu phawrhin ka ha nghal a, a hnuai lam tur a la ngai. Drawer chu pawt hawng lehin ka hai zung zung a, boxer pakhat chu ka la chhuak ve hmiah, engmah ha lo a awm ai chuan a la zia tho tho ti rilru chung chuan ka ha leh a.

Chu pa thawmhnaw chu ka tan chuan a lian lam hret a, tihngaihna dang awm hek lo le...

"Nang nu kha engthil nge....!?" Vin zet hian kawngka a țang chuan arawn pen lut a. A thawmhnaw ka lo ha chu maktih hmel tak hian a awm a, áwih thei lo hmel a pu mah zawk!

"Mr....er... ka kawr i paih daih sia ka lo indap chawp ta mai," pawisawi lo niawm tak hian ka ti sap a.

"Ka hmu e, i hmel en aiin i kawlhrawng zék, a neitu phalna la lo va mi thil khawih hi dan kalh a ni."

"A neitu phalna la lo va mi thawmhnaw hlih saka paih hi dan kalh a ni," a áwki ang chiah chuan ka ti ve a.

Rum lutuka min en chung chuan, "Nanga thawmhnaw, zu rim nam hum hum kha engatanmah ka ti lo, ka thawmhnaw i luak khum man hi min pe dawn khawp mai," a ti ram hmuk a.

"Ka luak khum turin min rawn hnaih vei a nih kha, ka hriat dan chuan min rawn pawt lo la chuan ka lam nasa viauin ka ring," ka ti ve zel a.

"Pathian leh! Chutiang chuan i sawi thei a nia, eng hmeichhia nge maw i nih hrep le!? Chhuak rawh, ka in ațang hian chhuak rang rawh," thinrim lutuk hian a ti a.

"I bulah hian ka awm peih awzawng lo, ka kawr i paih manah i thawmhnaw hi chu ka hâk mai a ngai ta a ni, i ngah thova rawn thawn kir che ka tum lo law law," ti ve hmakin dawhkana ka purse chu lain kawngkhar lam chu ka pan a.

"I duh duh sawiin kal nghal i tum a maw!? Hrep tak che hian! khatiang boxer chhing ha chung khan i chhuak thei lovang min lo nghak rawh ka thlah ang che," a ti leh lawi si a.

"A aia chhing leh lang tam hain a lawm party naah ka kal le..."

"Ngawi chip cham rawh, party chu a zo tawh," tiin drawer ami pyjama dum hi ka lamah a rawn theh phei a.

"Kha kha ha rawh, motor ka lo zuk la chhuak ang," a ti hmuk a.

A pyjama min pek chu a sei hle a, mahse ka ha ve ta tho, khaw en laia boxer nen chauhva awm chu ka duh bik chai lo. Min thlah te chu a la tum leh ta nghal a, min ngaihsak ve niawm tak a...! A hming min hrilh duh der lo lehnghal, ka hrilh bik nguar ang!

A car-ah chuan chuangin tukverhah chuan ka dâk vang vang a, biak hmasak huphurhawm tak hian a ngawi ngul a. Țawng chhuah ka tum bik lo, a awmdan ngeng ngulh chu ka huat zawng tak a ni.

"Nizana min luak khum avang khan kei hi ka ngawi mai mai dawn hauh lo a nia," kawng lam chauh chu a en a.

"Haa..ka luak a ni ve mai a, ka luak vang khan kha party atana ka thawmhnaw lei man to tak ka chán ve tho a nia Mr.!" ka ti ve hmak.

"Min luakkhum mai piah lamah ka party i ti khawlo tih i hria em? I chétdan țhing zet avang khan ka mi sawmte bulah ka awm theih loh phah," a ti hmuk hmuk a. A țawng zawngte chuan thil tenawm sawi ang mai hian a ner nawk a.

"Ka kianga awm turin ka sawm hleinem che, i duhthu ngeia min rawn hnaih i ni."

"Khangláng che chuan lawmna chang hre lo lutuk mihring i nih hi, kalsan che ila chuan kha party a hmeichhe ráwp tak tak mipa ho khan nawmchen nan an hmang ang che," vin zet hian a ti chhuak țhawt a, a car chu tichak zual sauhvin min hrem tum niawm tak hian chak fê in a tlan a.

Ka hlau viau nain hlau ang erawh chuan lan ka tum hauh lo, ka chenna apartment ka hrilh chuan hre awm pawh hian a lang lo a, a speed lah chu a tihniam duh der lo. He mihring sual zia hi....!

Ka apartment kawtah chuan hrilh nawn ngai lo hian car chu a tiding ta a.

"Chhuak rawh, kan inhmuh tawh loh ka beisei," a ti hmuk a.

"Coffee tal lo in la, i inah eitur min hlui nachang i hre si lo va, breakfast tal chu ka lo hlui ang che," ti-el zet hian ka ti a.

"Engmah ka duh lo, nangmah ang chiaha tuihnai lo bák min hlui tur i neiin ka ring lo," a ti nghut a.

"A țhat nasat chu," tiin car ațang chuan chhukin kawngkhar chu na zetin ka khar bur a, stepah hmanhmawh takin ka tlanchho a, a car tlan chhuak thawm chu ka hre zawm tawh lo.

Apartment hi kumhnih chhung atana kan luah hawh a ni a, ka țhiannu Talinda hian a hnuai zawk luahin keiin a chung ber ka luah a ni.

Ka nundan hahdam raih țhin kha tunah chuan Talinda vang hian ka hahdam hleithei tawh lo a ni. A unaunu Jane-i thihna a mawhphurtu zawnchhuah a tum a, chutah chuan amah puiturin min sawm a ni. Jane bialpa hlui chu ka la hmu ve hauh lova, mahse Talinda chuan amah chu a hre thung a, chumi avang chuan nizan party-ah pawh khan kal kan ni reng a, ka nih loh dan anga ka lan a ngai a, kha thawmhnaw taksa lang tam zet kha ka inbel a ngaih phah a ni. Jane-i bialpa khan nula pharvar lam deuh a duh tih kha kan hriat dan a ni.

Kei hi Kiara Forbes ka ni a, kum 22 na ka hmang mek. Arts college ka zawh hnuin lemziakin sum tam tak ka hai lut a. Mahse, ka lemziahah chuan ka hming dik tak ka hmang ngai lo thung, chumi anih vang chuan hahdam takin chimbuaitu awm lovin ka studio-ah lem ka ziak mai țhin a ni. Melchester-ah ka nu leh pa an cheng a, weekend hmangin ka haw zeuh zeuh țhin; unau pianpui ka neih loh avangin min ngai thei hle a. Talinda ka puih zawh hi chuan ka nu leh pa kiangah ka haw ve tawh ang.

5.8 feet a sang ka ni a, ka thau lemlo khawp mai, ka sam coffee rawng ang maia sen uk kharh chu a kawi kual nasa hle a, sam ngil tak hi ka awt ve țhin viau a ni. Remchangah ka la pawt ngil ve ang chu.

English ho vun rawng var zet ang lo takin ka vun hian American a pawl deuhva, chu chuan thlahpawlh ka nihna a tilang țhin, ka inchhuanna awm chhun a ni ve hial ang; a sen no chék reuh a, ka áwmbawr chu ka taksa dang ang lo takin a lian ve phiana, a kawh lah mai. Talinda hian in eithau deuh turin min ti fo țhin a, ka ti hleithei lo chu a ni e.

Kha pa thawmhnaw kha ka la inbel tih ka hriat chuan bedroom-ah lutin ka inthlak sawk sawk a, paih ka tum ngial nain washing machine-ah ka vawm lut ta zawk a. Kar khatah ka in enkawltu hi vawithum a lo kal țhin a, lemziak ka neih laklawh lai phei chuan rilru ka pék nasat țhin avangin inchhung tihfai nan hun ka nei meuh lo.

Chokaah breakfast ka insiam a, kha pa mi ze ngeng ngulh leh induh zet kha ka mitthlaah alang leh țhin. A khumah min muttir a, eitur takngial pawh min pek nachang a hre lo, mihausa uikawm zet a nih dawn kha!

Ka phone charge lai rawn ri thut chuan min ti phu zawk a, Talinda a ni tawh ngei ang.

"Hello,"

"Kiara, inbiak kan ngai," Talinda thophang áw hi chu a hai theih loh.

"Umn, breakfast ka lo siam kép ang che, lo chho rawh."

"Ok.." Phone a off hmak a. Henu tak hi chu(h)..

Talinda nen hian kum hnih chhung kan inhre ve tawh a, apartment lo luah hmasatu a ni a, ka insawn tirh ațangin ani nen hian kan inkawm dun char char a, unau dang ka neih loh vangin ka ngaina hle a ni. Ani pawh hian unaunu Jane a nei a, kum thum liam tawhah khan car accident-ah a boral a, nu leh pa an nei tawh lova, home ațanga seilian an ni nghe nghe. Kum an tlin hnuah an unauin tuna apartment hi an luah a, 'Rush up Bar' ah thawkin ei an zawng a ni.

Breakfast tur ka peih fel hnu chuan Talinda chu muangchang hian a rawn lut a, "Kiara, nizan kha chu a fuh chiah lo a ni tiraw?" tiin dawhkan chu a rawn kil ve a.

"Inhmel hriattirna pawh min neih hma hmain kha samkir kha i zui dáwk dáwk a nih kha," nui sak chungin ka ti ve a.

"Husky a nih kha, Husky Roscow,"

"Wow, in hun hman dan tur pawh ka hre mai e, i apartment-ah zan inriak dun ngeiin ka ring."

"Yes, ni chiang e, nangpawh i duhtak i tawng ta aniang, i bo hmak mai lawm," a ti har har a.

"Nizan ang reng reng khan ka la che fuh lo ngai lo," tiin nizan ka hun tawng kha kimchang takin ka hrilh ve malh malh a.

"A hming tal pawh i hre lo a maw!?" Mak tih hmel tak hian a ti leh a.

"Hre nang min hrilh lova, ka hming pawh min zawt lo. 'Kan inhmuh tawh loh hram ka beisei' a tia lawm," ka tih chuan za tak hian a nui ar ar a.

"Hit viau lo, hetiang hmun zim lutukah hian engtin nge kan hriat loh theih ang? Ka la hrechhuak em em ang."

Talinda chuan a juice inna no ruak thawhpui pah chuan thawveng tak hian a țawng zui mawlh mawlh a.

"Ka hre chák bik lo ve," ka ti sap a.

Talinda'n min chhuahsan hnu chuan ka studio-ah ka lut ve nghal a, Thompson fanu te ber lemziak ka la zawh loh chu chhunzawm tumin ka țhu leh ta a, minute engemaw zat ka beih ngial hnu pawh chuan ka ti hlei thei der lo. Kha pa mitmeng buang thak mai chauh kha ka mitthlaah a rawn lang zel a, chawhma pum țhak chu engmah ziak lovin coffee ka in tluk tluk mai, chu chu ka duh loh thil tak a ni bawk.

Ka apartment tifaitu a lo thlen lai pawh chuan lemziakna thawmhnaw nen pawnlam thlirin ka la ding veng veng a. Mak a ti viauin ka ring! Ka chin țhan dan a ni lo tlat a, ngaihtuahna dang ka nei ta thut a, kha pa lem kha ka ziak a nih loh chuan kei hian thildang ka tih san thei dawn hauh lo. Hrep tak hian!

A bul ațangin lemziak tur chuan ka inpuahchah țha leh ta a, kha pa mitmeng ril ruih leh a hmai fang te chu mitthla chung zelin ka thai țan ta a. Lunch ei țhulh țhaka ka ziah meuh chuan ka thil ziah chu lungawi takin ka thlir ta veng veng a, a kawng a chin chunglam chauh ziah ka tum a vangin kawr hâk tir loh chu ka tumdan a ni.

'Vawiin atan chuan duh tawk phawt ang' ti rilru chungin shower nei turin bathroom-ah ka lut ta a. Ka nunah mipa pakhatmah ka la seng lut hauh lo, ka hmuh zawh loh vang ni lovin ka zirlai zawh phawt ka duh vang kha a nia, ka zo ta a; mahni ke ngeia din tumin ka bei leh a, mipa ngaihsak nan hunawl ka nei leh thei si lo. Ka țhiannu thawhna 'Bar' ah inti thawveng turin ka kal ve zauh zauh tih loh chu ka studio chhung hi ka chhuahsan meuh lo chu a ni e.

Ka inbual zawh chuan a tlai ruih tawh a, dinner mahni chauhva ei ka peih lo kher mai! Hmundangah ei chhuahna tur ka zawn ngei a ngai dawn a ni.

Doorbell ri chuan min ti phu zawk a, inleng ka nei khát ve nasa mai si a tu tak chu nimaw!?

Kawngkhar hawng tur chuan ka phei a, kawngkhar pawn lama ding ka hmuh chuan kawngka chu khar lehnghal ka tum,mahse ka tlai ta hret, chupa chuan a ke rawn dah lutin inchhungah chuan min nawr lut a.

"Ka thawmhnaw i hâk haw man leh ka khuma i riah man te, min luakkhum zawng zawng te khan man a nei tih i hria ang chu maw Miss!" a ti hmuk a.

"I rawn lut lui dawn tho sia, ka hnial lo mai ang che," ti a tawlhsawnin inchhungah chuan kan inzui lut ta a.

"Dron Hetfield ka ni" polite lo zet hian a ti hmuk a.

"Mr.Hetfield, nizan chungchang kha chu i sawi tawh lo teh ang," ka tih chuan mitko san ák hian min melh a.

"Zaninah dinner min kilpui chuan kan theihnghilh thei chauh ang."

"I zam lo ve hle mai!" ti ram hmakin ka melh ram ram a. Ka apartment chhung chu chík fê hian a enkuala, lemziak pathum banga ka tar chu en vung vungin "A nalh hlawm kher mai, lemziak i ngaina viau a ni maw," a ti sup a.

"Ngaina tehreng mai, i lo kal chhan tih hlawhtlin ka tum mang si lova min lo chhuahsan tawh mai la," ka tih chuan rum zetin min melh a.

"Hming i nei ve lo aniang maw?"

"Kiara Forbes," Min zawhna ang ki chiah chuan ka chhang ve a.

"Miss Forbes, insiam rawh le dinner eiturin ka hruai chhuak ang che, i duh loh chuan i aparmentah hian kan ei tho ang."

"Khawi hmunah mah nangnen chhuah ka duh lo tih i hriatthiam ka ring."

"A țha alawm," ti a ka lam rawn panin min kaichhuak ta dawr dawr a. Ka thawmhnaw hâk chu pawn chhuahpuina chi a ni lo tih ka hria, thinrim takin ka tal chiam a, awmzia a awm lo hle mai.

"Luhlul i chhuah chuan i apartment kalh felna hun pawh pék i ni lovang," tiin Dron Hetfield chuan min vawnna chu a thlah a. Thinrim lutuk hian a lam chu ka hawi chho a, țawng tuma ka áng zuai tawh chu a hmel rum fahran avang chuan ka chip leh hmak.

Ngawi rengin apartment kawngka chu ka kalh a, 'ka zui khawp ang, dinner pawh a rualin ka ei bawk ang' ka rilru chuan ka ti mawlh mawlh a.

"I thawmhnaw kha i thlák duh em?" Dron chuan a ti sup a.

"Ka lawm e, i duh angin tihian ka kal ang, i tan inchei kher ka tum lo,'' ka ti let salh a.

"Umn.." tiin ka banah chuan min rawn vuan leh nghal zat a, ka zui duh loh a hlau deuh emaw ni he pa hian! A kut lum thar tharin min tawhna chuan ka awm ati nuam lo viau. Chu erawh tih lan ka tum lo.

Apartment kawta Jaguar car hlui lam tawh lo dinna lam pan chuan min pen pui páwk páwk a. Car awmna kan thlen chuan ngawirengin kawngkhar min hawn sakah chuan ka țhu lut a, 'min biak pawhin ka chhang miah lovang' ka ti rilru ran a.

Driver seat-ah chuan țhu lutin min melh chhin eih lo hian car chu tinungin a tlan chhuak ta nghal a.

Min panpuina tur lam hriat ka chák rilru viau nain ka zawt chuang lova, a hausak hmel tehreng nen a car hman chu a hlui lam hret a ni. Crewe-ah hian restaurant leh hotel changkang tamtak a awm tih chu ka hria a, mahse ka kal tam lo viau..

Dron chuan a car chu hnehsawh zeta thununin kawng chauh chu ngun tak hian a en a. Ka awm ve tih hre lo ang hmiahin ala awm zui! A khawsak dan ngeng ngulh chu ka ngainat zawng a ni lo.

"Ti tau duh suh, awmzia a awm lovang," a rawn ti hmuk a. Ka chhán duh loh avang chuan min melh zauhin "Kiara, kum engzatnge i nih?" a ti leh sup a.

Ka hrilh awmlo emai! "I hriat a ngai lo" ka ti hmak a.

"Ok..ka la hre thuai tho ang" Min biak chhunzawm tum tawh lo tih hriat zet hian a car khalh lai chu a ngaihven zui nghal daih a. A hmel nelawm loh zet chu a hlauhawm lek lek a ni.

'Buratta restaurant' tih inziah kulhnaah chuan min luhpui a, a thianghlim hle mai engkim chu a fai sar a, restaurant dangte angin changkáng vút lo mahse, a nawm hmel reuh khawp mai! Dawhkan hauhsa a nei tih hriat tak hian chu lam pan chuan min hruai a. Chulai hmunah chuan ka thawmhnaw hák chu a langsar vak lem lo tih ka hre mai.

Dron Hetfield hi tu chiah nge maw a nih le!? Crewe-ah ka awm rei ve tawh tho sia ka la hmu ngai miah lo. Awlsam takin ka apartment-ah a rawn kal thei mai a, kan party na in kha ama ta a nih ka ring ta lo tawp mai. Kei hian misual tak leh mi 'kidnaped' chingte hi ka lo zui aniang a! Ka hlauthawng thar ta thut a.

A dawhkan hauhsaah chuan in hmatawnin kan țhu ran a. Waiter chuan 'menu' pakhat ve ve min pe a. Engmah ka ei chák lo, ka hlauthawng ru riau a, kut khur deuh dar dar hian dawnkana tui inchhawp chu inthlitin ka in khawlh khawlh a. Ka chezia chu hmaih nei hauh lovin min en reng tih ka hria, chu chuan min ti zam viau bawk.

"Min hlau deuh tihna mi Kiara! I ei duhzawng chah rawh le" Dron áw chu a vawt deuh ruih a.

"Engmah ka eichák lo, intur erawh ka duh thung," ka ti sap a.

"Ka ei ang i ei ve mai angai anih chu," tiin waiter chu a hui zauh a.

Waiter-in wine a rawn chhawp chu inthlit tumin ka ban a, ka kut khur dar dar chu Drone chuan a lo hmu hman a ni ngei ang!

"Ka lo thli ang." a áw vawt ruih chu ngaihthlak a nuam lo tak zet. He mihring hi a hmelțhain a mipa hliah hliah a, mi hípna nasa tak pawh a nei chiang alawm.

Wine chu ka tem hlak a, ka pum ruak lutuk vang chuan ka luak a chhuak nghal a, ka ner nang bawk.

"In zo rawh," a ti leh hrak a.

"Ka thu thu," ti ve hmakin dawhkanah no chu ka dah a.

"In rawh ka tih chu. Min hnial reng suh," a ti hriam hraih a.

Ka wine inbang dawhkana ka dah chu la in ka in zo ta vek a, chu chu la duhtawk mai lo chuan inthlit belh lehin no hnih dang ka in leh bawk a. A eitur order a lo thlen meuh chuan ka meng phi chiai tawh.

Dawhkana eitur inchhawp chu a tuihmel hlawm hle a, chicken tikka, fish fry leh chips lam te an ni nual hlawm. Ka rilțam tawh bawk nen hawichhuak miah lo vin plate-ah eitur chu suak chhuakin ka ei nghal mawlh mawlh a.

"Hmnp.." Drone chuan arawn ti hmuk a, ka hawi chhuak rang ngei mai!

"I ei chák lo ve chu leh..!" Drone chu a nui suk a. Ka zak ru viau, ei châk awm lo tak khan ka lang vel kha ania, tunah lem dawhkana eitur awm chu ka ei fai vek lo chauh tawh! Ani thung chuan engtham mah a ei lo tih ka hmu mai!

"Ka ei man hi chu ka pe mai dawn nia," sehchilh zet hian ka ti ringawt a, wine ka lem hnem deuh vang a ni tih ka hria.

"I pe dawn nia, mahse khawiah khan nge i eiman tur chu i dah ang le!?" Ngeiawm zetin ati a.

Ha.. Engmah ka ak chhuak lo tih ka hre tawh lo, hmanhmawh taka min chhuahpui khan ka hák lai nen chauh ka ni tak alawm le..Chupa mai mai chu(h)

"I ei belh leh dawn nge, i inbelh leh zawk dawn?" Dron Hetfield ngeiawm dan chu a turu lam hret a ni.

"Ka duhtawk tawh e," inthiam lo tak hian ka ti sap a, min peksak tur ringawt atan ka ei hnem mah mah a ni.

"Inthlahrung der duh suh Kiara," a la ti zui hram a.

"Min hrethiam dawn nia ka lo inhnem deuh a ni."

"Khati tur kha a ni e Kiara Forbes, kan kal dawm em niang?" A nui deuh suk a.

Ka chhan hman hma chuan rawn ding chhuakin dim fahran lo hian min pawt tho a, ka luhai chhulh tih reh tum chuan ka inthing deuh nak a.

"I kal thei turah ka ngai, nge ka pawm i duh zawk? Tun chinah chuan zu lam chi reng reng in ve tawh suh ang che."

Min țawngkhum dan chu ngei viau mahila ka chhang peih lo. A tih ang ang chuan ka awm tawp a, dinner ei ve midang mitmei veng hauh lo in Dron chuan min pawm nawlhin car dahna lam chu min panpui hmawk hmawk a.

"Wine no thum, whiskey no thum i in apianga hetianga i awm zel dawn a nih chuan pawngsual i la tawk mahna!" Car seat-a min nghah chawrh pah chuan a ti hmuk a. Car chu khalh chhuakin apartment lam pan chuan min lét pui leh ta a.

Ka awmdan chu ka duh lo tak zet, zu lam chi hi ka inkhát ve viau a, nizan party-na a ka in leh tuna ka in aia tam hi ka in ngai lo. Nizan kha chu engpawh ni se, zanina ka in hi chu he mihring Dron Hetfield vang hi a ni chiang alawm!

Apartment kan thlen chuan ka mut chhuak lutuk vang chuan ka meng hleithei der lo. Meng phelh deuh phang chung chuan kawngkhar kalhna chu hawn tumin chahbi chu ka hawlh nawk nawk a. Ka hnunga ding Dron chu lo phun hlukin min nemsawn a, amah chuan kawngka chu a hawng ta a.

Sofa-ah chuan thatchhe zet hian ka țhu a, Dron erawh chu ka epchiahah a țhu thung a. A inthuamdan chu a ho angreng hle tih ka hre ve chiah, Shirt dum hain cotton kekawr dum hlap a ha leh tawp a, businessman chu a ni lo tawp ang!

Chîk tak hian min en tih ka hria a, ka haider lui tlat bawk.

"I khawsak dan en hi chuan mahnia awm pawh a hrisel lo viau ang, nu leh pa enkawltu tur che i nei lo nge, an enkawl peih lo zawk che!?" kha fak hian a ti a.

"I hriat a ngai lo," ka chháng rang mah mah.

"Eizawnna mumal i nei lo chu a ni ngei anga, hetia i tal mai mai danah hian zan lama eizawng chi i nih chuan ka 'hire' thei reng che a nia," a țawngkam chu a ngeiawm tak zet. Kei hi inzuar țhinah min ngai tihna a nih chu..tenawm lutuk!

"Ka lawm e Mr.Hetfield, min chhuahsan thei tawh ang ka chau riau a," thinrim insum zet hian ka ti fak a.

"Ka duh hunah ka haw ang, lo inngaihtuah ang che; ka kianga chen chu a nuam viau ang. Mahse, Crewe-ah hian kan awm thei dawn lo tih hria la, i phu tawk hlawh ka pe ang che."

"Maw! I kianga chen maw? I â deuh chu a ni lo maw!?"

"Au bengchheng vak suh, zurui au hi ka ngaithei lo," ala ti zui a.

"Ka rui tawh awzawng lo," tiin ka ding thut a, Dron țhutna lam pan chuan ka phei a, a bánah pawtin, "Haw rawh, nizan chungchang kha dinner ka eipui che khan a fel tawh." Engahmah ngailo tih hriattak hian a ner sawk duh chauh!

A bána ka vawnna chu enin ka mitah tak chuan min en leh a, a mitmeng chang fahran buang thak chu a fiah țha hle mai, nuam lo ti zetin ka vawnna chu thlahin hnuailam ka bih ta daih a.

"Kiara," Tháwp sat a tiin a rawn ding nghal a. Ka khabeah chuan dawmin amah en tur chuan zawimuangin min kuai dák ta a.

Kawngkhar ri țhuai chuan min ti phu zawk a, chutia ka hriatchian pawh nihlei lo nen inhnaih zeta kan ding chu nuam lo ka ti ru viau.

"Kiara, khawnge i awm daih a."

Talinda chu țhutkhawmna pindanah chuan a rawn lang zawm zat a. Chutia mipa nen inhnaih fé a kan ding chu makti tih hriat tak hian a ding deuh chat a!

"Er...Aw...dinner pawnlamah ka ei a," ka țawng dan chu leh...Mipa nen min la hmu dun ngai tlat lova, mak ti tur chu a ni. Talinda țawng ri a hriat rual khan Dron chuan tukverh lam a hawi daih a.

"Kiara, min hmelhriattir ve ngei ka beisei," Talinda chuan a ti zawm zat a.

Dron chu rawn inherin Talinda hmachhawn zawng chuan a ding ta a.

"Dron Hetfield, nizana minpuitu kha a ni e," ka ti sap a. "Chuan Dron, ka țhiannu Talinda Lawford anih hi." Ka sawi zo hman chiah.

Talinda hmel awmdan ka hmuh chuan ka hrilhhai hle mai, a dáng deuh sáwp sáwp a, makti tih hriat tak hian a mengbial kal bawk. Dron chu ngei hmel tak hian a en a. He nu hi engemaw a hriat ni!

"Maw, Dron Hetfield maw!?" Talinda áw chu a fiak țhak mai.

"Chu chu ka hming a ni e," Dron chuan ati thum chhak a.

"No, Mr.Malakian ka hria che alawm," Talinda chuan ala ti tak deuh deuh a.

"Da, engemaw i sawi le...!?" Ka lo inrawlh ta vat a.

"Kiara, ka hawsan ang che, i țhiannu pawh nangmah ang thovin a rui ve a nih dawn kha. Ka sawmna che kha i lo ngaihtuah dawn nia," ngeiawm taka tiin kawngka lam chu a pan a. Ka chháng buai peih lo, Talinda lah chu mawl hmel zet hian sofa-ah ațhu thla hnawk a.

"Da, enge thil awmzia!?" A bula țhut ve pah chuan ka ti a.

"Kan buaina chu anih kha, ka ú (Jane) bialpa chu amah kha a nia, Gavin Dron Malakian anih kha. Hetfield nilovin, nizana kan inchei danglam chhan ngei kha amah a ni." Thinrim tak hian a ti ram hmarh a.

Mak ka ti ngei mai! Talinda hian a hai chu ka ring si lo. 'Dron' tih lai chu an hming a inang bawk si. Malakian leh Hetfield enge thil awmzia ni ta ang? Dron khan a hming min hrilh dik lo a nih ngei dawn hi..Ka țhiannu lam ka țang tlat ang.

"Kiara, kan 'plan' fuh lo mahse amah ngei kha party siamtu chu a ni a, nizan khan zantir lamah hmuhtur a awm lova, tunah kan hmaah ngei a rawn awm ta. Min puih ngei ka beisei ka û tan." a ti ta a.

"I hai chu a ni lo maw, Hetfield a inti sia," ka la ti țalh a.

"Bum che a tum anih kha, Jane abum ang khan. Washington-ah Malakian Motors Company liantham zet an nei alawm," a ti leh a. Mak ka ti tawlh tawlh mai! Motor company nei ve si, Jaguar țawng zet a khalh a nia, thil awihawm loh tak chu a ni..!

"I hrechiang tak tak a nih chuan, kan hmalák dan tur sawi la, Hetfield a lo ni tak tak anih erawh chuan kan chhe vek a ni mai!" Ka ti a.

"Umn.. ka hai lo, Dron Malakian a nih kha, in inhmuh leh hunah ka țhiannu khan a hai palh che a, pawi ka ti khawp mai tiin thupha i chawi dawn nia" Talinda chu a phur ta sarh mai.

Kan chét fuh loh vaih chuan a pawi khawp ang. Mahse, ka țhiani hian hrechiang a inti bawk a, Jane chunga a tih ang khan kan ti ve ngei tur a ni.

©<++++[BeckirafArenthleI]++++>®



Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » December 20th, 2017, 7:07 pm

UNKNOWN MAN

by.Becky Rafa Renthlei

Chapter-2

Pnone ri chuan ka mutui lai chu minti harh a, saisirin tihtawp tumin ka ban a. Sana ka en chuan zinglam dar sarih chauh a la ni si! Tunang hunah ka tho peih teuh lo. Phone pawh ngaihsak tawh lem lo chuan mutthilh leh tumin ka maimitchhing a.

Nizan khan Talinda chhuah hnuah ka mu ve nghal daih a, vawiin hian 'Country Gallery'-ah ka lemziah sawm panga lai pho chhuah a ni dawn a, kal ve ka ngai dawn tih ka hria.

Talinda sawi dan khan Dron Hetfield hi a unaunu thihna a mawhphurtu a ni a. Hetfield nilovin, Malakian a ni zawk tihna a ni. Ka thinlung hian mak takin kha pa kha a ni lo tih min hriattir a, mahse ka țhiannu hian hrechiang a inti hle bawk si. Jane tan chuan theihtawp chhuah ka tum bawk.

Mu lui zel duh tawh lovin ka tho chhuak ta nge nge a, breakfast pawh ka ei duh ta lo law law a, bawnghnute inthlitin cake leh biscuits, ka nu siam min lo tháwn ngei mai chu ka hmeh ta zawk a.

Dron Hetfield rilru hneh hi ka tum ber tur a ni dawn tihna a nia, kei experience chhete mah nei lo hian engtin nge hmá ka lák ták ang. Ka nu leh pa hian Range Rover leh Bentley car an nei a, Bentley zawk hi ka kawl thung a, keima pualin Luxurious car pakhat tal chu neih ve ngei ka tum.

Dressing table hmaah chuan țhuin, ka hmai ka chei malh malh a, lemziak thiam Kiara angin tumahin min hre lova, 'Maxi' tiin ka hming ka dah tlat a lawm.

Lemziak chi hrang hrang pawh zalen takin vawiinah hian ka en theih phah dawn a. Reporter tihbuai phak loh a ka awm theih nan, he hming hi ka hmang a ni. Ka lemziah hnuhnung ber dollar engemaw zat man chu a ziaktu hmuh tumin, reporter hovin an cháng țhup a. Engtikah emaw chuan ka nihna hi tarlan a la ngai dawn tih erawh ka hria. Talinda, ka nu leh pa bákin an hre lo.

Crew-ah hian min hrechiang em em tu an awm lo bawk a, ka inchei dan pawh holam thei ang ber ka thlang mai aniang chu..

Cotton kawrfual pâr chiai bánbul ha in, sandal ka bun leh tawp a, ka kawr nena inrem tak bag chu ka darah bâtin; apartment chu ka chhuahsan ta a.

Car khalh lovin taxi ka cháng ta zawk a, Bentley car khalh chhuah nan ka kal na tur hi a hnai mah mah.

Country Gallery ka thlen chuan mi an tam tawh hle a, lemziak engemaw zat chu hralh chhuah theih a nih tawh thu an lo puang mek a. Ka ziah ho chuan en a hlawh hle mai!

Min hnungchhawn zawnga ding chu Dron Hetfield ni ngeiin ka hria a, Talinda tana ka hnathawh tur kha hre rengin, a lam pan chuan ka phei ta a.

"Mr.Hetfield," ka ti sap a. Rawn inherin, ka mitah tak chuan min en a.

"Helai hmunah enge i tih," a ti thum chhak a.

"I tih ang tho kha maw le Dron," ngaihnobei thei ang ber chuan ka ti a.

"Lemziak i ngaina tak alawm Kiara," a ti leh sup a. Min bia pawh ang lo zawk mah!

"Nizan chungchang kha pawi ka ti khawp mai, ka țhiannu khan a lo hai palh che a, a aiawhin ngaihdam ka dil che."

"Helai hmun hi chutiang sawina tur a ni lo," ti hmukin ka bánah chuan kaiin min kal pui ta a.

Duh lo viau mahila, ka hná ka thawh a ngai miau si a, hnial thei dinhmunah ka ding lo. Ka thêmthlúk tur pa hi a namai dawn lo tih ka hre mai. 'Lemchan chu i han țan tak tak ang hmiang, Mr.Hetfield' ka ti rilru a.

"Hetah hian lo ding lawk la, ka rawn zawm leh vat ang che. Khawiahmah lo kalsawn suh ang che, i tana țha i hria a nih chuan," a ti a.

Dron chuan min kal sanin pa upa lam tawh smart zet, lemziak bánga intar dul uluk fahrana lo thlirtu lam chu a pan ta a. Lemziak a ngaina ve hle anih dawn hi he mipa hian, Jane khan a lo átchilh bur pawh kha thil mak a ni lo.

A ruangam nalh tak leh a hmel 'pa' zet te hi, hmeichhe tan chuan hnar phal chi a ni hauh lo. Mak takin a bula ka awm hian engtin emaw tak, sawifiah thiam theih si loh hian ka danglam tih ka hria, chu chu ka duh hauh lo.

Country Gallery angah te hi chuan mihausa uchuak deuh hlir an kal khawm țhin a. Dron hi a hausa viau tihna mi ni dawn? Mahse ka ring chiah lo, a car țáwng zet ațang kha chuan thil awihawm pawh va ni suh!

Dron ka bula a lo lêt leh chuan ka lo nui sáng a, engtikawng zawng pawhin a rilru hneh ka tum bur. Thihna ém a chungah thlentir tum lo mahila, na taka siam a, kalsan hi ka hna a ni.

"Kan kal dawn em niang?" Dron áw chu a hniam chhak chhak khawp mai.

"Umn, kan kalna tur hmun chu ka zawt kher lo ang che," inti fel fahran hian ka ti a.

"Lemziak leina tur sum thawhchhuah dan ka hrilh ang che," min hmusit hmel tak chuan a ti leh a. Kei hi 'call girl' ah min ngai tih ka hria, ka haw viau nain min puhna chu ka pawm mai a ngai a ni. Amah ka hnaih theihna tur a nih chuan...

A car țáwng zet chuan min phur leh ta bauh bauh a. Hmanzana kan party na inah khan min hruai tih ka hriat chuan mak ka ti tehchiam lo. Hmun hla deuh leh changkang deuh kalna tur sum nei hmel a pu lo ém a ni.

A chénna hmun kan thlen chuan ngawirengin inchhungah min hruai lut a. Living room zau hek hawka sofa nalh zet zet inhûng chu kawk zauhvin, "Lo țhu rawh, inbiak kan ngai," a ti sup a.

"I sawi tur chu sawi vat la, rei awm ka tum lo," ka ti a.

"Fel ber anga lan kha tum buai duh suh," tiin ka ep chiah sofa-ah chuan a rawn țhu a.

"Enteh! Dron, tihtur tamtak ka nei ve a, sum thawhchhuah ka ngai tih i hriat kha," no thei ang ber chuan ka melh a. Lemchan hun chu a ințan e.

"Ka hria alawm, ka chénna hmunah naktuk hian min zui la ka duh a ni,"

"Maw! Ka sum mamawh ang i nei ngei dawn tih engtin nge ka hriat ang?" A nui suk a.

"Lungngai suh, chulamah chuan zankhatah engzat nge i inchhiar!?" A mitmengah chuan min tenna niawm tak hi a lang a. Chhándan tur ka hre ta hauh lo. Engzat nge ka sawi tâk ang? ka buai ru map mai!

"Ok..i sawi hreh a nih chuan min tih láwm dan azirin ka pe ang che. I lungawi lo a nih ták leh kan siamrem leh dawn nia," a ti awlsam ta ét a.

He pa mizia hi mak ka ti tulh tulh, min duhna leh ítna a tilang lova, chuti chung chuan a kianga chéng turin min sawm tlat bawk si. Min ten hmel viau khan ka hre sia...!

"Khawi hmunah nge i chen? He aparment hi i ta a ni lo ami?" Hriat ka chàk zek zek a.

"Ka luah hawh a nih hi, ka chénna hmun chu thurúk ni rawh se," min chháng tawi thei mah mah.

"A țha alawm, ka tih lawm ngei che ka beisei," tiin zak lo awm tak hian ka pan phei a, a malchungah chuan ka va țhu vei tharh a.

"Kiara, tunah chuan ni rih lo e, i mamawh chu ka phuhrúk sak khawp ang che. Ka chenna hmunah," ti hmukin, alamah min kuai hnai a; chiang zet hian ka mitah a en kalh bawk. Ka zám lutuk chu tháwk pawh ka tháw țha ngam lo.

Kan inmelh ta ran a, ka zámna tih lan loh hram hram ka tum ve tlat, ka lemchan turah hian zah a rem lo tih ka hria. A vawikhat nan mipa ka la hriatchian hauh lo chu ka fawp hmasa ta a.

A hmui ka fawh rual chuan duhthawh zet hian min fawp lét tawn tawn a, a thin phu dat dat ri te chu ka hre pha hial mai! Min chhanlêtna chuan ka taksaah chuan hnathawkin, nawmna engemawtak hian min fan chiai chiai a, a kut lum thar thar chuan ka kawr chhanah ka taksa chu a chúl lawr dan dan a. Táwp a hun tih ka hria, mahse mak takin ka taksa chuan a thlahlel ru tlat.

Dron chu inlahrang hmasain, "Táwk rawh se, chhunzawm ka duh viau rualin tun atan chuan kan duhtawk ang," thám deuh sup hian a ti a.

Inthunun tum niawm tak hian a thaw háwk bawk a. Ka bul țanna chu a chhe hran lo e.

"Tun ațang hian i hna chu țan nghal ta che Kiara, naktuk zingah ka chénna hmun kan pan dawn a, eitur leh engkim athar ken vek a ngai dawn bawk. ka thawmhnaw min siam pui la, chumi zawhah bazarah kan kal dawn nia." A ti duah a.

Dron mutna pindanah chuan kan inzui lut a, hmanzana ka riah ve ngawtna khum chu ka melh zauhva, ka zak ru chem chem thei nia.

"Jeans leh cotton hák nuam tur i keng dawn nia, i thawmhnaw sexy zet zet kha chu hmuh nawn ka duh lo, thawmhnaw chhanah nilovin a tak ngei a i taksa kha hriatchian kan tum ang chu," ngeiawm lek lek hian a ti a.

"Lutuk tlat, chu chu ka duh ber a nia lawm," ka nui pah ar ar a. Nuam dawn ngei mai! Bumtu chu bum lét ve hmak ila nimai...!

"Ka kianga i chén chhung chu mipa dang kawp a rem dawn lo tih hria la, fimkhur ang che."

Kan 'plan' anga ka che chhuak thei a nih chuan game ropui leh nuam tak a ni ngei ang!

Dron thawmhnaw kan pack fel hnu chuan lunch eitura chhuah ka rawt a, a duh leh tlat lo. Kan pahnih chuan lunch kan buatsaih dun ta a, engkim chu tițhang tih hriat tak hian a hnehsawh hle zel a, mipa ngaisanawm tak niin ka hria; Jane kha bum kher lo se chuan ka mipa duh chi tak a ni.

"Chhangtháwpa butter tah tal chu i thiam ang chu maw!?" Dron chuan vawksa fry pah chuan a ti a.

"Thiam ve e, coffee pawh ka siam thiam," runluih pah deuh hian ka chháng a.

"Nangmahin i awm sia, enge i ei țhin ang le! Nge, i mipa kawp ten an hruaichhuak deuh reng zawk che?" Kha fak hian a ti leh a.

"Min hruai chhuak tlangpui, breakfast erawh chu Talinda nen kan ei dun țhin."

"I mimal nun zawh che ka tum lova, keipawh min zawt suh ang che," a ti leh hmuk a.

"Lungngai suh, pawisa min pek chuan a tawk mai," ngaipawimawh awm lo takin ka ti ve zel a.

Lunch kan ei chhung chuan kan țawng lo ve ve a, Dron eisiam chu a tui takzet, eisiam ka thiam viau a, mahse thiam anga lan ka tum ta lo law law mai, ka nih lohna hlir hi hria se, ka tan a țha a, engkim a awlsam phah tihna nimai.

Chawhnu hun pum pawh bazar nan kan hmang a, pawisa a nei zêk lehnghal. Eng hna nge a thawh hriat ka chák hle a, chu erawh ka zawt ngam lo.

Thawmhnaw dawr lian taka min luhpui chuan angaihna hrelo tak hian Dron chu ka melh há a.

"I duh duh kha thlang rawh le, i taksa lang tam lo thei ang ber chi thlan i tum dawn nia, a hnuai lam erawh chu sexy thei ang ber thlang thung la." Nuihza fé hian a ti ta a.

"Thawmhnaw min leisak ka ngai lo, ka nei alawm," ka ti sap a.

"Ka sawi ang chuan ti mai rawh, mihur ho hâk ang kha ka ngaina lo," ka beng bulah a rawn ti sup a.

A țawng duh dan chu ka ngei viau a, chhan lêt ka tum lai tak chuan dawr nghaktunu chu kan bulah a lo kal ta si a, ka ngawi ta zawk a.

"Miss, englam nge i duh ang?" Polite takin min zawt a.

"Jeans, shirt, tlailam kawrfual leh kamis, cotton ho hrim hrim pawh," Dron chuan min țawng khalh zung zung a. Rum zeta ka va melh chuan a nui suk.

Keimah diktak kha chuan hnial a duh. Ka lemchannaah erawh chuan arem si lo, huiii... buaithlak ve!

Ka apartment-a min thlah fel meuh chuan khua a thim tawh a, dinner kan ei dun leh ta kha a nia, Dron mize ngeng ngulh phènah chuan zahawm rúkna riau ka hmu, misual vâkvél chu a ni lo tawp ang!?

DRON HETFIELD POV*

Dominic Dron Malakian ka ni a, kum 31 na ka hmang mék. Washington-a Malakian Motors Company neitu fapa upa zawk ka ni. London-ah tihtur pawimawh neiin thlathum kalta khan ka rawn kal a.

Phirpui Gavin Dron Malakian kei aia darkar chanve leka naupang ka nei bawk. Kum thum kalta khan a bialnu nen car-a chesualin a bialnu chu a thi a. Gavin hian rilru lamah harsatna nasa tak a táwk mék a ni.

An chétsualna hun rei deuh tawh mahse accident satliah nilova kan hriat avangin, chhui chiang turin kei hian hma ka la mek a. Party ka siam zan khan ka mi rinhlelh te an tel ve ngei ka ring a, mahse Kiara Forbes vang hian ka hmalákna hmasa ber a chhe ta vek a nih kha. Nula awmțha duh lo buaipuiin kha zan kha ka hmanral angaih phah a. Ka haw takzet!

Company neitu anga lan ka tan a remchang lova, Hetfield hming hawhin ka nihna ka thup ta a ni. Kiara chu ka hmeichhe tawn tawhah chuan a la dangdai ber awm e, ka hmuh hmasak ber ațang khan mak takin min hîp tlat a, ka ngaihtuahna a luahin ka paih bo thei der lo lehnghal. Thawmhnaw maksak zet a ha chung pawhin ka mit a la hle a ni.

Hetiang mi awmțha duhlo lákah hian inhnamhnawih ka duh lo viau a, mahse amah siamțha tur hian ka la tlai lovin ka ring ve tlat!

A hmel a țhain a lang nalh hle a, sáng reuh viau bawk, model ho ang lo takin a áwmbawr a lian kawh lah a, mipa tan chuan îtawm khawpa piannalh a ni. A bawp sei thlarh leh a mawngbáwr vawng țha zet chuan ka mipatna a kaitho thei hial mai! Ka party-ah ka sawm ka hre lo nain, tuemaw ber khan an rawn hruai chu a ni ngei anga!

Whiskey no thum zet a in ka hmuh khan ka lo mangang ru hle a nih kha, mipa ho mit a chunga fu țhûp kha hre lo ang hmiahin ala khawsa zui! Nge, a tumsa ve reng pawh ka hrep lo e..!

Engang hmeichhia pawh ni rawh se, kei hian ka 'ta' ah ka siam ngei tur a ni. Nupui atan ka duh chiah angem? Chu erawh chu hunin ala hril ang chu...

Ka chénna apartment hi ka lei thar a ni a, Kiara dáwt ka hrilh kha chu ka inthiam chiah lo. Mahse, mihausa pák huam hmeichhe tamtak zingah a tel ve tlat a, ka nihna hi a hrechhuak tur a ni lo. Malakian company rochuntu tur mipa kawp atan chuan a hniam mah mah! Chutih rualin mipa dangin duhtáwka an mutpui chu kei hian ka ngaingam lo chu a ni ber e..

Kei hi ka â deuh tawh zawk hial aniang!

A chénna hmun ka kal khan a felfai phian lawi sia, hmeichhe mak tak a ni. Ka nau Gavin-a room a, lemziak intar ka hmuh ang kha a lo tar ve a. 'Maxi' lemziah angaisang ve viau tihna a nia, sum ngah ber niawm tak chuan a tar tam phian lehnghal!

A țhiannu Talinda Lawford khan min hrechhuak teuh ther ther hle mai. Chhuanlam siamin ka chhuahsan ta kha a nia. Kiara țhiannu kha ka hmu fo tawh, ka hmuhna hmun erawh ka hrechhuak zo ta lo.

Naktukah Yorkshire biala Leeds-ah ka hruai dawn a, Crewe ațanga hla fé a ni. Khawpui nun tel lovin ka kiangah awm se, a him berin ka ring! Mihur tlahlang ang maia awm tur atan chuan ka phal lo a nih ber chu...

'Kiara, Kiara Forbes' ti chhuak supin, Whiskey chu ka tlák pawp a.

Kan company siamchhuah, 'Bentley car' a garage ah ka hmu nghe nghe a, sum lamah a buai lo viau a nih hmel! 'Mipa tamtak mutpuiin a hlawhchhuak' tih ka ngaihtuah zawng ringawt pawh chuan ka thinrim țun thei nia!

Rui zeta ka khuma ka muttir zan khan a thawmhnaw ka phelhsak vek a, a vun mám tak leh no chék kha khawih lo turin ka insum nasa viau mai! Mipa tan chuan hnar har tak a ni. Rui viau lo se hmangaihna chénpui mai kha ka hnial eih lo nia! Tenawm zawk hian!

Ani lah kha engmah hre lovin a mu bawrh bawrh a, a muhil lai ka hmuh phei kha chuan ka á lo chauh, a hmel pawisawi lo zet khan min hîp hliah hliah a, fáwp hrep lo turin ka insum nasa hle a nih kha.

Ka unaupa Gavin lakah ka thup ngei angai dawn a ni. Gavin nen hian kan inang hle a, a bialnu boral hma kha chuan unau inkawmngeih tak kan ni țhin. Tunah chuan thihna avangin mal leh khawhar takin a tawm tlawk tlawk a, rilru lam doctor kan ráwn phah fo a, ka unaupa hlimna tur hian engthil pawh tih ka huam, mahse Kiara a hmuh hunah kei ang thovin a âtchilh dawn tih ka hria, Kiara hi hetiang mi hi ni lo se chuan thuhran a nia. A nundan pawlawh zet hian ka unaupa a tiná ang tih ka hlau a ni.

End of Dron Pov*

Ka thawmhnaw ken tur Talinda chuan min siampui malh malh a. zan dar kua a ri tawh, Dron Hetfield kiangah ka chéng dawn tih ahriat chuan min ngaihtuah hle a.

"Kiara, a kianga chên kher angai a mi, a bum ve ang che tih ka hlau a nia," Talinda chuan a la ti ve țang țang a.

"Jane, phuba lák i duh chuan ka tih ngei angai tih i hriat kha, ka taksa ka hralh dawn hleinem, ka invêng thei em em ang," ka ti sap a.

"Puih i ngai a nih chuan rangtakin min hrilh dawn nia, i nu leh pa lakah chhuanlam țha táwk tak kan siam a ngai dawn a nia."

"Lunngai suh, mom leh dad chuan an hrethiam ang. Dron min hruaina tur hi ka hre lova, kan thlen veleh phone in ka hrilh dawn nia; 'museum-ah lemziak dah turin ka kal' tiin dâwt vár ka hrilh mai dawn alawm."

"Ok..Kei paw'n ka lo sawi ang,'' a ti ve ta a.

Thawmhnaw kan remfel vek hnu chuan inthlah nan wine kan lem leh te te a.

"Ka ngai ngawt ang che," ka ti sap a.

"Kei deuh, ka tána i thiltih hi ka theihnghilh ngai lovang," mittui tling pam hian a ti leh a.

"Him pialin lo lêt ka tum dawn nia," fiamthu deuhva ka tih chuan Talinda pawh a nui leh thei ta.

"Washington-ah a hruai loh hram che ka beisei," tiin a nui hak hak a.

"Washington-a kalpui tlák thawmhnaw keng turin min ti lo," ka ti ve vat a.

"Kha pa zúnah khan i uai tur a ni lo, i thinlung khán bumtu a nihna kha hrereng rawh se," Talinda țawng dan chuan ka nuih a ti za hle a.

"Yes boss,"

Wine bottle chanve lai kan in hnu chuan țhiani pawh a haw ve ta hram a.

Dron Hetfield hi engtizawng pawhin kan tina tur a ni bur.

Ka khumah chuan muin ka mit ka chhîng ta vang vang a.

Doorbell ri bengchheng zet chuan min tiharh hlawl a, khum ațang chuan rang takin ka chhuk nghal a. Vawiinah Dron nen kan chhuak dawn alawm le..Kan chhuah hun tur min hrilh miah lova, tunah a nih loh hram ka beisei.

Ka pyjama suit, ka nu min leisak ka hák chu ka delh chuar hle a, inthlákna hman a awm tawh si lo, kawngkhar hawng tur chuan inhnuaiah ka tlan thla ta a.

Kawngkaah Dron nen chuan kan inhmachhawn ta ran a.

"Nula pumpa i tho tlai hle mai! Tunah dar kua a ri tawh a, kan chhuah a hun tawh a sin!" A ti hmuk a.

"Kan chhuah hun tur i sawi si lo a," ka ti ve hmak.

"I mutkawr chu B.c, hunlai vela naupang hák awm tak a nih kha," nuihza lek lek hian a ti a.

"Ka duh duh ka há ang, lo buai suh,"

"Nizanah mipa riahpui i nei lo tih ka hre mai, chuti ni lo se kha kawr kha i ha miah lo ang."

"A haw tawh pawh a ni maithei sin, tunge hria!?" Ka ti salh a.

"Kiara," vin fê hian a ti țhawt a.

"A dik alawm, i hre hleinem ka duh duh ka mutpui thei."

"Nie, ka hre lo, engmah ka hre lo, hmeichhe pangai i ni emaw ka lo ti leh țhin," ngeiawm zet hian a ti ta a. Chutia min tih takah chuan nuam lo ka ti leh lawi si.

"Ka insiam chhung min lo nghak rawh," tiin thudang ka sawi ta daih a.

Lungawi chiah lo niawm tak hian a thaw háwk a, "Zankhat lek mipa tel lova i awm thei lo a nih chuan ka awm alawm," ti supin, alamah chuan min pawt hnai a; ka hmuiah ná zetin min rawn fawp ta a.

A dim lo kher mai, ka hmui chíp tlat chu nawr kau tumin țan ala ve thung a, ka káwngah nghet taka chelhin a kut lehlamin ka tukkhumah a vuan bawk a. Dimna nei lêk lovin min fawp chhunzawm bawrh bawrh a.

He mihring zei lutuk lakah hian ka intát lût dawn chu a ni si a....

©<++++[BeckirafArenthleI]++++>®

Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » December 20th, 2017, 7:07 pm

UNKNOWN MAN

by.Becky Rafa Renthlei

Chapter-3

Duh tawk chin nei lo niawm tak hian min fawp lui ngawng ngawng a, ka tan pawh hnar a har hle mai. Ka thiam ang ang chuan lo dawngsawngin, min fawhna ril ruih leh dam ta deuh thlup chuan ka thluak a ti chawl mai dawn hian ka hria!

Kawngka bulah kan la ding reng tih ka hre chhuak thut a, chu chuan ngaihtuahna pangaiah min hruai kir leh ta chauh. Hetianga min fawp fo dawn a nih chuan kei hian invén theih loh chin ka nei thuai dawn a ni.

Dron a inlák hran meuh chuan ka ke chuan min zo meuh tawh lo. Sofa hnai ber chu panin ka țhu hnawk a, a hmel pawh ka en ngam lo.

"Experience nei lo ang khan awm der vel teh suh Kiara," Dron chuan a ti sup a. Kei hi min manchhuak takngial dawn!

"Lo țhu rawh ka'n insiam ange," tiin ka tho a. Diktak chuan a bula awm reng hi tun atan chuan a fuh ber lo.

"Hmanhmawh ang che, kalkawng a thui a nia,"

"Umn..Ka inbual zuai ang," tiin inchungah ka chhoh san ta a.

Ka inbual lai te chu a rûkin min lo bihthla mai thei asin! A nih loh pawhin a rûk kher kher lovin min lo en mai thei bawk! A landanah he pa hi a thusawi ang apiangah eng ang pawh nise, a țha emaw, țha lo emaw ti duh chi a nih hmel tlat a ni.

Oh! Ka thil ngaihtuah dan mai mai chu(h) Dron hian nawmchen nan bak min duh dawn lo tih ka hria. Ténna mitmengin min en țhin tih ka hmuh hmaih bik lo.

Ka inpeih meuh chuan dar sawm a pel tawh a, ka thawmhnaw dahna bag chu inhnuaiah ka khai thla a. Ka tháwmah Dron chu rawn dákchhuakin, muang fán raih hian ka taksa chu a enkual ta dan dan a.

Ka ke lér ațanga țanin ka kawng fék rát mai leh dul thép zaih mai te chu a en chho zel a. Nuam ka ti fahran lo kher mai! Ka shirt hák mar țang mai chhana ka áwmbawr kawh lah mai lo lang te chu reifé a thlir a. Chuti taka min en chîk chuan ka ngaih a ti țha hauh lo. Min en chho zelin, ka sam käwi zet, hnung lama ka țawn mawl tawp thleng chuan a en a. A tawp berah ka hmel chu a rawn en ta a.

Engnge a ngaihtuah tih a mitmengah chuan a tilang hauh lova. Min ngaihsanna emaw, min îtna emaw pawh hmuh tur a awm lo. Inthunun theihna riau a neih chu ka ngaisang hle mai!

Inchungah ruak veka ka inbual laiin, inhnuaiah a lo awm ngat ngat a nia.

Min fawhna khan ka kawchhung thleng hian a la fan a, ka ngaihtuah zawng ringawt pawhin ka la lum pap pap thei nia! He pa hi ka inhneh tir vaih chuan ka thiltumah ka hlawhchham tihna a ni dawn a sin! Teuh lo mai!!

"Min en reng dawn nge? Ka bag hi lain motor-ah min dah sak dawn!?" Ka áw chu a ri chhuak chang chang thei chauh a ni. 'Confi' taka lan tum ve lai a, fuh lo țhin ve le...!

"Khatiang thawmhnaw i hák kha chuan zanlam chawzawng țhin i nihna ka theihghilh mai dawn alawm," Dron chu ngeiawm tak hian a țhensak a.

"Ka tan zawn angai hleinem, min lo záwng záwk țhin alawm," ka ti lét ve a. Dro chuan ka bag khai chu min láksakin, apartment ka kalh fel chhung chuan car-ah a lo zuk dah a.

Jaguar car țáwng zet kha chuan kan kal loh hram ka beisei. Kan tum ram thlen hmain min sawh chau zo ang tih pawh a hlauhawm alawm le.

Dron chu Jaguar car bulah alo ding run a. "He car hlui zetah hian min chuantir i tum tihna a mi?" Ka insum zo thláwt tawh lo.

"Phunnawi lo mai teh," ti hlukin ka lamah chuan a lo kal a. A duh duh a min control a tum nghal ringawt chu ka haw kher mai.

"Ka car hi engahnge kan ken zawk mai lohvang!?"

"I inzawrhna hlawhah khan ka chuang ang maw? Teuhlo mai," thinrim sehchilh nawk nawk hian a ti tuarh a.

Ka thinur ru kher mai, mahse ka tih lan a rem si lo! Ka mipa duh loh ber mai ka hnaih angai tlat hi ka thinrim țûn tawh. Ka tawlh hnung hrat a, a thinrim insum hmel te chu a țha zawk emaw tih tur a ni. 'Lalpa, minpui hram teh. He pa hi ka duh mai loh nan min pui lul ang che, Jane anga buma ka awm ve lohna turin' ka ti rilru mawlh mawlh a.

"Ka seh lovang che, min hlauh angai lovang Kiara!" Ka tawlh hnung hrat hrat a hmuh chuan a ti chhuak leh țhawt a.

"Ka hlau lo che, i car-ah hian ka chuang peih lo mai a ni." Ka ti lét ve a.

"Engvang chuan maw? I mipa kawp țhin te car hman anga changkáng lo a nih vang em ni?"

"Kan zinkawng a thui viau dawn a nih chuan damtakin ka thleng thei angem tih ka ngaihtuah zawk a ni,"

"Lungngai suh, i thleng em em ang, lût tawh rawh le.." ram hmuk hian a ti leh a.

Hreh zetin ka țhu lût ve ta a, Dron pawh driver seat-ah țhu nghalin kan tumram pan tur chuan kan tlan chhuak ta a.

Crewe station kan tlanpelh chuan hlauhthawnna ka nei deuh thut a. Kan kalna tur hmun tal hriat ve ka phu a ni.

"Dron, khawi hmunah nge kan kal dawn!?" Ka zawt ta nge nge a! Min rawn melh zawkin kawng lam chu a en leh nghal daih a.

"Engatan nge i tih? Kan thlen hunah i hre mai dawn alawm," a ti sup a.

"Ka hre chák ve a ni mai a, hriat ve hi ka phu a ni." ka ti leh a.

Dron hmel chu a rum ta deuh sawt a, lungawi lo hmel a pu mah zawk.

Engnge kan kalna tur hmun sawi pawh chu a hreh viau ni! Min hrilh dawn lo a nih chuan he car-ah hian ka chuang zui dawn reng reng lo. Ka luhlul ve thiam tho!

"Min hrilh dawn lo a nih chuan i ruala kal hi ka tum bîk lo a nia." Ka ti hmak a.

"Chhuk han tum chhin chiah la," tiin car chu a khalh chak sauhva. Ka hlau viau turah angai a ni ngei ang, kei hi ka duh lohnaah chuan min ti lui bik hauh lovang!

"Vawithum ka chhiar hma a i tiding lo a nih chuan kan tuar dun a nimai," tiin ka vau ve kha kha a. Engahmah min ngai lo tih hriat tak hian a țhen suk duh chauh.

Vawilehkhatah Dron lamah chuan ka tawlh phei thuta, a steering wheel vawn lai chu va tibuaiin, ka ke dinglam chuan a break chu ka rap bawk a; ka chét dan chuan a țhawng hle aniang! Car chu thunun tumin a bei a, ka vawnna ka thlah duh bik si lo, kan tlan kawi zawk zawk ta mai, hlauhna pawh ka nei tawh bik lo.

Dron chuan na zet hian break chu a rap tuarh a, kan ding chawt mai. Invuan nghet viau lo phei ila chuan ka lu ka sawh dawtin ka ring. Thinrim lutuk hian ka lam rawn hawiin, "Thih i duh pawh a ni thei, kei chuan ka la duh lo, Kiara Forbes," a ti chhuak țháwt a.

"Ka duh tih ka sawi lo, kan kalna tur sawi chu a har viau a mi? I thiam loh liau liau a ni," ka ti vin țhát a. Ha.. Ka tláwm dawn bik lo, ka ti ve laklawh tawh tlat!

"Ngawi chip cham rawh, lo hruai lo tawp che ila țha tur!" thinrim inseh ruh țeuh chunga a tih chuan ka ná zawk mai. A țha alawm, ka zui lo chiang khawp ang, kan dinna hmun ațang hian Crewe station hlat zawng ka hre chiah lo na a, darkar chanve vel ke a ka kal chuan ka thleng thei maiin ka ring?

Chhang tawh lovin car ațang chuan ka chhuk a, na zet hian kawngka chu ka khar bur bawk a. Ka lemchan tur kha ka theihnghilh vek! Pawi chai tawh lo, ka chapona hian atlin lo nimai rawh se.

Crewe station pan chuan ka kal ta a, Dron chuan min koh pawh a tum chhin eih lo. Chu chuan ka thin a tirim zual sauhva, ka sana bunlai ka en chuan chhun dar sawmpahnih a ri tawh. Thui fe ka kal hnu pawh chuan motor tlan thawm takngial pawh hriat tur a awm lo.

Hnunglam hawi map lovin nisa hnuaiah chuan ka kal ve țáng țáng a.

Talinda phone ka duh viau rualin a hlauthawng lutuk ang tih ka hlau a, ka țhulh leh ta zawk. Minute sawmhnih dawn ke in ka kal tawh a, ka thlan a tla zawih zawih thei nia! Ni chu a sa tulh tulh emaw tih tur hian min em tlawk tlawk a. Ka luhlulna avang tal pawh hian Crewe chu ka thleng tur a ni ringawt!

DRON Pov*

Engtin nge khatiang khan a chét theih zawk? Kan aaccident lo hlauh kha Pathian hnenah lawmthu awm rawh se! He Kiara hi mi satliah a ni lo, a thin tertek chhuak chu a hlauhawm vei phian dawn mai! Pawisak a nei lo viau lehnghal!

Nisa hnuaiah thui tak ke in a kal peih ka ring lo kha a nia, tunah darkar chanve dawn a liam tawh a, a hmel reng reng hmuh tur a awm lo. Ni lo, tawhsual táwk ta se....Helai hmun reh lutuk motor tlan zen zen lohna hmunah hian engtin nge ka kaltir theih zawk? Hlauhthawnnain ka khat nghal a, nula chhe lo tak mai, mahni chauhva ke a kal an lo hmu anih vaih chuan an khawih duh ngei ang! Hrep tak hian!

Rangtaka car chu herin Kiara kalna lamah chuan chak fé hian ka tlan ve ta nghal a. Kawngkám vel nguntakin ka en pah zel bawk a, khawiah tehhrep nge alo awm hman ni! Hlauhthawnna mak tak hian min tuam hlup hlup a, kan kalna tur kha lo hrilh țha hle hle ila hetiang hi kan thleng hauh lovang mawle...mahni inthiamlohna hlirin ka khat tawh.

Ka hma lawka Range Rover ding pawh ka hmu pha tawh a, Crew rawn chhuahsan zawng a ding a ni nghe nghe, a bulah chuan mipakhat hi kun deuhin a ding bawk a, chulam pan chuan ka Jaguar chu ka tlantir ta a.

Range Rover bulah ka car chu dintirin ka chhuak nghal vat a, A hnung kawngkhar ngheng chuan Kiara chu a lo țhu sawp niaih a, a t-shirt nghawng ațang chuan zau fé hian a thler thla a. A âwmbawr lang huai chu hre hmel pawh a pu lo, thinrimna hian min tuam nghal hlup hlup a, chu pa lam pan chuan ka pen phei ta a.

"Engthil nge ti ni a i inhriat?" tih pahin a kawráwmah chuan ka țham sak a.

"I hmuh ang khu a nimai!" Min chhán dan mai mai chu(h)..

"A chungah engthil nge i tih," ti leh hráwkin, ka theitawpa ná chuan ka hnek ta țhuai a. Chumai duhtawk lo chuan a pai deuh nawk chu chelh lehin, chintáwk nei lovin ka hnek ta mial mial a. Kiara ka ngaihtuahna avang leh chu pa ka huatna chuan pawisak min neihtir thei tawh lo.

"Dron," Kiara țawng ri ka hriat rual chuan chu pa chu thlahin alam ka pan vat a.

"Dron," Kiara chuan ti leh sapin a inhnít ta hlawp hlawp a. A țap ri ka hriat chuan engtin emawni hian ka awm! Range Rover khalh tu chu thah duhna rilru ka pu hial mai!

Kiara chu pawm nawlhin ka car-ah chuan ka țhut luhtir ta a. A chunga thil thleng zawh ka duh viau nain, a hun chiahin ka hre lo leh ta zawk a.

A la insút hlawp hlawp a, ka thiam loh vek a ni. Ka lamah kuah hnaiin a sam hnawk niaih chu ka chûl mam sak a. Hnem dan vak ka thiam lo. Ka thinrim lutuk chu awmngaihna ka hre meuh lo a ni e.

End of Dron Pov*

Thui fé ke a ka kal hnu chuan, chau zetin kawngsirah ka țhu a, ka tuiin hál lutuk ber chu hrehawm ka ti kher mai.

Motor ri ka hriat chuan Dron a nih ringin ka ding ta vat a. Mahse, Range Rover lo tlan ka hmu ta zawk a, ka țhutna ngaiah chuan ka țhu thla leh ta a. Motor chu phar din ka duh viau rualin misual tu emaw pawh anni thei tih ka hriat avangin phar loh mai chu ka tum ta a, tuihál viau mahila ka tuar mai niang chu...

Range Rover a lo thlen chuan min hmu lo a ni ngei ang! Min tlanpel ve mai a, ka thawhuai thei nia!

Mahse, ka thawveng reilo kher mai, motor chu rawn back lehin, ka zawnah tak chuan a rawn ding ta a. Driver phakar hmel zet ka hmu zui nghal zat a, a hmel ațang ringawt pawh hian ka ngainat chi a ni dawn lo tawp mai!

"Nula, khawilam nge i pan dawn?" Intih nelawm tum fé hian min zawt vel a.

"Crew station ah" tih chiahin ka chháng a.

"Ka rualin lo kal zawk rawh, helai hmun khawhar taka mahni a țhut ai chuan nuam i ti zawk daih ang," tiin min rawn hnaih tual tual a, a mitmeng fin phakar hmel tak chu ka hmuhhmaih bik reng reng lo. Tlanchhiat tuma ka inher chu ka kawrah min pawt hráwk ta kha a nia, ka țé nghal tuarh. Ka tha a khur dar dar bawk.

"Khangláng che chuan," tih pahin ka t-shirt nghawngah chuan țhamin min phih dawrh a. Ka shirt thler ațang chuan ka bra hák chu a lang vek a, a mitmeng hur zeta ît hmel taka min en chu duh lovin, ka bag chuan arem lai laiah ka vaw ta kha a nia. Motor phenah chuan min pawt phei dawr dawr a, ka theihtawpa ka tal chung pawhin ka hneh ngang lo. Tihdan tur remchang ka ngaihtuah ru ran a, motor bang ngheng chuan min nam bet a, ka hnute chu khawih a rawn tum ta mai. He pa min khawihna hi ka dawh mai mai anga maw! Teuh lo mai!

Ka khúp chu tawmin ka theitawpa ná in, a kapah tak chuan ka tauh sak ta a, min vawnna a thlah rual chuan ka békah tak min hnek ta sawk a, engtiklaiin nge Dron kha a lo thlen tih ka hre miah lo, reivak lo chu ka thidang a ni ngei ang!?

Ka men leh hmasak ber chuan Drona'n min khawih tumtu a lo hnek mawlh mawlh chu ka hmu hmasa ber a. Ka inrawlh vat loh chuan a that duh hialin ka ring. A hminga ka koh khan a thlah ta chauh a nih kha, car-ah min pawmlutin ka țah chhung zawng chuan ka samah duat takin a chûl a, a țawngtam hran lo.

Dron Hetfield mize dangdai tak hi ka ngaisang țan viau, businessman inla smart tak takte angin awm ngai lo a, amaha 'pa' rûk riauna awm hi ka hmuhhmaih thei bik lo a ni.

"That law law zawk ila atan a țha ang," thum chhak a Dron țawng ri ka hriat chuan amah en tur chuan ka dák chho a, a áwmpharh hlai țha zetah ka lo la bei thlap reng nia, ka zak ru viau nain ka huntawnin zir miau hek lo le...!

"Kiara, a khawih hman che em!?" tiin ka biangah a kut pahnih chuan arawn vuan a. Ka lo țhen sak a hmuh chuan ka sam chu hui kiangin, min hnekna lai chu a hmu ta a, a insehruh tlat dan ațang chuan a thinrim hle tih ka hre mai, "Kan ramhuai pa chu..kan khawih leh hlek ange, a phu tawk hremna a dawng ngei tur a ni," a ti chhum hmak a.

Dímte a min țhut țhattirin a kamis háklai chu a phelh a, min khuhnan a hmang ta a, ka taksa lang lam reng reng ka ngaihtuah chang tawh lo. Ka in en chuan ka shirt thler huai ațanga ka bra sen hák te, ka hnute lang phir țhaih te chu ka hmu ve chiah a, a kawr min pek a ka inkhuh țha sawk sawk a hmuh chuan a nui suk.

Car ațang chuan chhuk leh tumin Dron chuan kawngkhar handle chu a vuan a, "Khawih nawn tawh lo mai rawh," ka tih chuan min en deuh vang vang a.

"A phu táwk hremna pek belh hlek ka tum mai chauh a nia," lungawi vak lo áw hian a ti leh a.

"Ni lo e, a mipatna hmang leh tur pawh khan a beih fé chu angai ve ang!" ka tih chuan mak tih hmel zet hian a țhut dan a siamrem a, zawhna nei hmel a pu bawk.

"Maw, engthil chiah nge thleng!?" Ti supin ka kut chu a vuan a, ka tihdan zawng zawng ka hrilh zawh meuh chuan a nui hawk hawk a. Thinrim hmel a pu ta lo.

"Ka bag kha kan theihnghilh daih," tiin car ațang chuan chhuk ka tum a, "Lo awm rawh, keima'n ka va la ange," car kawngkhar chu hawngin, a chhuak ta nghal a.

Dron awm loh lai chu ka chuh ve vat a, ka shirt hák chu hlîpin a kamis chu ka ha ta vat a, ka tan chuan a lian hle na a, ka thawmhnaw dahna bag hawnna hman awm tawh lo. Kamis bân chu ka kiu thleng chuan thlepin, a tlánglam chu ka kàwngah ka suih țat bawk a; a tâwk der.

Ka bek na ut ut chu tihreh dan awm se ka ti kher mai, a vûng hialin ka ring tawh a, side glass-a ka en chuan a sen țul mai! Tui bottle ka hmuh chu banin ka in nghal khawlh khawlh a; min ti harh sawng sawng thei nia.

Dron rawn lét leh chuan ka bag chu a rawn keng va va a, tawnzau nen chiah a awm bawk nen, a taksa phiarfat leh thahrui ngah hmeltak chu a lang chiang hle mai. He mihring hi chu a țha thlâwt a ni, a landan 'pa' zet chu hria angin a lang duh țhak lo. Car-a a rawn țhut luh thleng chuan ka lo en vawng vawng a. Ka en reng tih hria niawm tak hian min rawn en lêt ve a, a mitmeng buang thák ril ruih chuan min ti zám thei mai dawn alawm le...!

"Muangchang tawh lovin kal nghal ang aw, ngaihdam dilna lam chu kan thlen hunah ni rawh se," tiin ka biang chu a tawk zauh a. Min ngaihsakna chuan ka thinlung a dek zar mai!

"Ngaihdam dilna tur a awm hleinem, ka thiam loh a nih kha," ka ti ve ta thuai a.

"Ni lo ve, Yorkshire bial Leeds-ah in ka nei a, chu chu kan kalna tur hmun a ni e," dam thlup hian tiin, a kawr ka hák chu en lehin mitko a san ák a. Țawng zawm tawh lovin kan tlan chhuak ta a.

Crewe ațang chuan Yorkshire chu kilometre za vel laia hla a ni a, kan tlanchak viau chuan zan dar kua velah kan thleng thei ang. Chutiang chen chen motor a ka chuang a nih chuan ka thlatin bi (menstrual period) a pangai lo ah ka nei leh ngei dawn a ni.

Zinkawng thui tak zawh ka theih lohna chhan pawh hetiang vang hi a ni a. Doctor ka pan phah fo a ni.

"Khaw hnai ber kan thlen hunah damdawi kan lei dawn nia, i biang a vúng țan a nia, pawi ka ti takzet a ni," Dron chuan inthiamloh hmel tak hian a ti a.

"Dron, khatiang zawng kha chuan țawng teh suh, ka thiam loh zawk a lawm," ka ti lêt sap a.

"Mutthilh hram tum la, i chau lutuk ang. I thawmhnaw hák kha chu thlák lo mai rawh aw, i inhmeh lutuk tlat," ngaihawm tak hian a nui suk a.

"Tawnzau nen car i khalh kawngtluan dawn tihna a ni maw!?"

"Ni mai rawh se, min en rei duh ve deuh alawm," min fiam zawm zat a. Ka en reng kha a hria a ni chiang mai! Ka lai nghal em em ringawt!

Ka zak hmel chu hmuin, "I danglam bik riaun hian ka hre țhin," thutak zawk hian a ti leh a.

Chhan ka tum deuh zuau a, mahse ka țhulh leh ta zawk a, amah ka hnaih na chhan tak tak a hriat hun chuan engtin nge min tih ang? Dron Hetfield a ni emaw, Malakian pawh ni rawh se Jane phuba ka lák tho angai si.

Hrehawm ka ti țan der tawh. He mihring zúnah hian ka uai tur a ni lo bur. Talinda nen kan 'plan' a tel lo ka ti tam viau tawh lehnghal!

Ka chhán mai loh avang chuan Dron chu a țawng zawm tawh bik lem lo a, ka biang sa vut vut theihghilh tum chuan ka maimitchhing ta a.

Ka taksa kham țhûm avang chuan ka țhutdan siamrem tumin ka che a, ka hlauhthawn a thleng dik ta. Ka kap lam rawn lum pup chuan thilthleng chu sawinawn ngai lovin min hriatthiamtir vek. Engtin nge ka tih tak ang!?

Dron lam chu ka melh zauhva, kawng lam chauh a en a, ka awmdan vel chu hria ang paw'n a lang lo. Khua a thim vek tawh a, rei vaklo ka muhil a nih ka ring!

Engmah pads kawlsa ka nei lo, hetianga hláah min hruai dawn tih ka hre bîk lo nen, inrinna cháng ka hre lo chu ka inthiam chawp leh vel a...

Dron ka hrilh a nih loh chuan ka tan kawng dang a awm lo. insilfaina tur tal ka mamawh. Under wear leh ka jeans kekawr hâk thlengin thlák vek angai dawn lehnghal! Lalpa..engtinnge ka tih ang!?

"Dron," inthlahrung tak hian ka ko a.

"Umn..." min en chuang lem lo. Ka sawi hreh lutuk leh engtin nge bul ka țan ang tih ringawt ka ngaihtuah a.

"Kiara, buaina i nei mi? Sawi la, i bek chu a na viau tawh ang tih ka hria, lo nghak hram hram rawh khawchhung kan lut țep!" a ti daih a.

"Dron, englo...er..angai leh lo mai," ka ti buh nuai a. Ka țawng bah lutuk vang aniang car chu kawngsir zau laiah chuan a tiding ta nge nge a.

Car chhung chu a ti éng nghal a, ka lam rawn hawiin a kut chuan ka sam chu hui kiangin, ka bek chu a rawn en ta a. "A vúng nasa tawh hle mai!" a ti sup a.

"Khawchhung luh nan minute engzat nge la ngai ang?" ka ti a.

"Minute sawmpanga vel anih ka ring, tuna kan tlan dan anga kan tlan chuan, a ná viau tawh em?"

"Na lutuk lo e, englo a nia..." ka sawi zak tlat pek a nih chu....

"Eng? Sawi la hun kan khawh ral zel a nia," a ti ve leh mai a.

"Ka period a, pads ka keng si lova, i car seat-ah pawh hian a kai nual ang," ka sawi chhuak hlawl mai.

"Maw! Engtin nge a thlen theih?" a ti hluk a. Makti hmel a pu deuh bawk.

"Thui tak motor ka chuan chuan a awm zel a, kan kalna tur min hrilh loh vang khan inrinna cháng ka lo hre lo ni," inthiam vak lo chung chuan ka ti sap a.

"Awle, a hrehawm viau loh chuan lo tuar leh hram rawh aw, reilote chauh a ni tawh ang duhtak," a ti dam ta thluam a.

Tunah khan 'duhtak' min ti a nih chu, Dron hian engthil chiah nge maw ka chungah hian tih a tum le...!

©<++++[BeckirafArenthleI]++++>®

Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » December 20th, 2017, 7:07 pm

UNKNOWN MAN

by.Becky Rafa Renthlei

Chapter-4

Werrington khawchhung kan luh chuan Hotel leh Motel tihtlák deuh Dron chuan a melh zel a, pawisa nei ber ang chuan ala awm zui leh ta nghal a, hetiang a nih rau rau chuan car chuan nuam deuh leh changkáng deuh neih ve awm tak!

'Loops hotel' kawtah car chu a tiding ta a. "Lo chhuak rawh le, room pakhat darkar chanve chhung atan ka hauh anga, intihfel nan i hmang dawn nia, kan inhnawhpuar law law bawk ang," a ti ta a.

"Mahse, ka jeans hâk mawng hi Dron!? Mangang âw deuh tak hian ka ti a, ka zak viau bawk a ni.

"Ok.. car-ah lo awm la, room ka va hauh lawk ange, ka rei lo ang," car ațang chuan a chhuak ta nghal a.

Dron rawn lét leh hma chuan Talinda leh ka nu leh pa te ka phone a, ka nu chuan ka hrilh láwk loh chhan dilchhût taka min zawh chuan chhán dan tur ka hre lo kher mai. Ka thiltum hi an hria a nih chuan an lawm hauh lovang le.

Dron rawn kir leh chuan ka țhutna lam kawngkhar chu rawn hawngin, ka inrin hman hma chuan min pawm ta nawlh a. A chétdan chuan min ti hrilhhai hle mai. Hotel chhunga min pawm luh chuan atam zawkin min rawn en tih ka hria, ka zak lutuk tihngaihna hrelo chuan Dron áwmah ka hmai ka phum ta daih a. A nui hawk ri ka hre zawm zat bawk.

Room-a min pawm luh hnu ah dimte hian chhuatah min nghat thla ta a. A chétdan cool ruih chu ka duh zawng tak a ni.

"I mamawh tur lo ziak chhuak la, ka kal chhungin lo inbual fai ang che. Hun kan ngah lo tih hria la, i hmanhmawh deuh dawn nia," Thupe áw tak hian ati sup a.

Pen leh paper min pékah chuan ka mamawh chu ka ziak zung zung a, Dron chuan min en reng tih ka hria, ka lai viau bawk. Pads leitir chu ka hreh viau nain tihngaihna dang awm hek lo, a lei ve mai niang chu.. Amah lah chuan ngaipawimawh hmel a pu der lo.

Dron chhuah hnu chuan room chu ka melhkual ve ta chauh a, a zau lem lo; khum pakhat a awm a, sofa leh dawhkan a ni deuh mai. Wardrobe pakhat lian vak lo awm chu ka va hawng ta a, towel fel thlapa inrem zinga pakhat chu lain bathroom ah ka luhpui a.

Ka thawmhnaw ho chu sûkfaina hun ka neih loh avangin paih mai ka tum ta zawk a, thi kai su reh tur chuan hun ka mamawh tam dawn tih ka hria. Hmanhmawh takin ka inbual ta sawk sawk a, towel-a intuam hlán chung chuan bathroom chu ka chhuahsan ta a.

Sofa-a Dron lo țhu ka hmuh chuan ka phu zawk a, a lo lêt rang hle mai!

Dron Pov*

Kiara mizia awm chu hriatthiam harsa ka ti kher mai. Amah ang hmeichhia hi ka la tawng ngai hauh lo bawk. A chángin luhlul viau angin a lang a, a hnu lawkah nunném hmel tak leh zakzum viau angin a lang leh lawi bawk si. A chanchin hriat belh duhna hian ka khat ta tlat a.

A mitmeng mawi zeta min melh phei kha chuan awmngaihna ka hre lo hial a nih kha. Hetiang ém a mitmeng mawi leh zahawm nei hi ka hmuh pawh ka la hre lo. A meng lian kel kawl hle a, a mithmul sei er sang mai chu pawi sawi lo tih hriat tak hian a khâp fak fak țhin a nih kha. A melhna ringawt pawh hian mipa te thinlung ti tuiral nghal tur chi hi a ni tlat. Chu erawh hman țangkai dan ka zawng ve tawh thung ang, mipa dang a hnaih tur a ni lo.

A nunah mipa engzat a tam nge a sengluh tawh ang aw! Thíkna hlirin ka khat nghal a, ka kamis ha tura ka tih khan khatiang em em khan a inhmeh ang tih ka ngaihtuah thleng pha lo. A țap lai hmel ka hmuh khan mak takin ka chhungril hi a lo na ve tlat a, tun ațang chuan tumahin Kiara hi an tih țah ka phal leh tawh ngai lo ang. Chhûngte sawitur a nei lo nge!? Mahni chauha tál kual vel tur chuan ka thlahthlam phal lo.

A period thu zak chung chung a min hrilh khan ka khawngaih reuh hle a, pawisawi lo niawm taka a lang fo țhin hi mak ka ti ru riau tawh.

Kiara thil lei tur ziahna lehkha, dawr nghaktu ka pék chuan a nui deuh vur vur a, kei hian engtiklaimahin hmeichhe pads ka lei ka ring ngai lo. A ziah ang ang kim thlapa min pack sak hnu chuan hotel lamah ka kir leh ta a.

Thawmhnaw hák thlâk tur takngial pawh a nei lo ang tih ka hrechhuak leh hnuhnawh a, car chhûngah a zin bag chu a awm ngei mai! Mahse a phalna tel lova khawih ka duh loh avang chuan hotel sir mai a, hmeichhe thawmhnaw an zawrh țeuhna hmun chu ka pan leh ta zawk a, a size pawh ka hre thlap thei hial ang chu mawle..

Under wear, bra leh velvet kekawr ka thlansak a, ka leisak ngei a ha dawn tih ka hriatna chuan min ti nui var var mai.

End of Dron Pov*

Khum chunga thawmhnaw thar lo awm ka hmuh chuan Dron ka melh vat a. Ka mitmeng chu a lo chhiar thiam a ni ngei ang, a țhutna ațang chuan tho chhuakin ka lam panin a rawn kal a.

"Inthlákna tur i mamawh ka ring a," nui suk chung hian tiin, ka biang vûng deuh ál chu a rawn chûl a. Min tawhna kut lum thar thar chuan ka thisenzam thlengin a fan thei nia!

"Kiara, pawi ka ti takzet," ti leh supin duatna mitmeng hian min en a. Ka khabe ah dimte a kuaiin a hmui lum thar thar chuan dam thlapin min fawp ta a. Ka thinlung chuan hnar a duh, ka taksa erawh chuan ka thinlung duhzawng chu a zawm ve si lo.

Ka towel hnuaiah inbel engmah ka nei lova, min fawp duhthawh tulh tulh a, ka thiam ang tawkin ka lo chhanglét ve tawn tawn bawk.

Towel ka bih kárah a kut chu dah lûtin ka mal chu a chûlkual ta dan dan a. Lalpa! Kei hian engmah ka la inbel lo, tenawm hian a! Dron pawh chuan ka ngaihtuahna ang chiah chu a nei a ni ve ngei ang! Hreh hmel takin a inla hrang ta a.

"Sorry, inthlak rawh le, kan thiltih tum hun hi a fuh chiah lo," min nuih zat hmel fé hian a ti a. "I rálthuam tetakte chu inbel rawh le," a ti zui leh a. Ngeiawm thiam ve tlat. Khuma a thil dah chu banin rangzet hian bathroom-ah ka lut ta a. A la nui ri hawk hawk zui.

Dron hian ka size a hre dik thlap mai, ka hnute avang hian bra lei ka harsat viau țhin kha a nia, achhan pawh panty set lei dawnin, a chunglam hi size lian a ngai zel a, order na bik ka nei mai zel, mahse Dron chuan ka táwk chiah a lei thiam tlat nia!

Thawmhnaw ka inbel zawh chuan ka sam chu hui mám thuakin thuakin bathroom chu ka chhuahsan ta a. Dron kamis tho kha ka ha leh a, velvet kekawr min leisak nen pawh a inrem thlap!

Intur dawm chungin Dron chuan phone in tuemaw a lo be pah mawlh mawlh a, ka tháwm a hre lo a ni ngei ang!

Khum bula dawhkan chungah chuan eitur tuihnai tak tak a lo inchhawp țeuh a, he pa thil ngaihtuah kim dan hi a mak zawk. Eitur rim chuan ka ril a ti țam rawih rawih mai!

Ka bianga hnawihtur niawm tak damdawi chu ka la a, darthlalang zawng chuan ka bag ka hai rak rak a.

"Keiman ka lo hnawih sak ang che," Dron chu ka bulah a lo ding reng tawh a, Phone a a biak chu hriat ka chák kher mai, farm chungchangte kha an sawi nual a, farm a nei tihna mi le..Huh..hriat vek tum lo zawk ang!

"Ka hnawih thei alawm, a ná vak tawh lo," ka ti sap a.

"Ka lo hnawih ang ka tih chu, min hnial suh duhtak," tiin ka damdawi ken lai chu min láksak a. Khumah amah chu țhuin amal chungah min țhuttir ve nghal zat a, ka fimkhur viau a nih loh chuan kei hi ka na ngei ang.

Tunah chuan 'call girl' lemah ka chang rih tlat a, amah duh hliah hliah anga ka lan hi a țul hrih a ni. Ka thinlung erawh ka pe tur a ni lo, hei hi Talinda nen kan plan 'A' a ni. 'Plan A a flop chuan 'B' kan try leh tur a ni' tih kha kan ruahmanna a ni, ka la tluang rih viau e!

Damdawi a hnawih zawh chuan dinner kan ei dun leh te te a, wine pawh no khat bák in a phal lo a, ani pawhin motor khalh a la tum vangin no khat chiah a in. A chét dan fair thlap thlap zia chu(h)

"I ril a țam awm hle mai, kan chah belh leh dawn a mi,?" Dron áw thawp sat chuan ka thil ngaihtuah lai ațang chuan min kai harh zawk a.

"Umn..Aw..angai lo ang," ka țawngdan chu leh..

"I plate chawp khan i ei zo vek dawn amaw ka ti hman alawm," A nui sáng a. Ka zak ru chem chem, Dron kianga ka awm ațang hian ngaihtuah chiang mang lo a thil ei vak vak ka chíngthar ta riau!

"Ka puar tawh e, engmah i ei ve hleinem!?" tiin a plate a eitur awm chu ka en a, engtham mah a ei ve lo.

"Leeds kan thlen hunah eitur lam chu ka ti ve țan chauh ang,"

"Oh, keimah vang a nimaw eitur i order, a zia lo hle mai!" ka ti hliai a.

"Ka ui note thi ta pawh khan chaw a duh khawp mai! Tu emaw angin," nuihzat hmel tak hian a ti leh a.

"Min nuihzat viau suh Dron," ka ti deuh hmak a. Fiamthu thawhnán min hmangah ka ngai deuh tlat, ka túm deuh bár a.

"Model tamtak aiin, i taksa a nalh zawk!" a ti leh daih. Phakar ru ve tlat, ka titau ve laklawh tawh.

"I ei chák lo anih chuan," tiin a plate a eitur la báng chu lain ka ei ta mial mial a, ka hawichhuak duh țhak lo.

"Kiara, naupangchhia viau suh. Ka fiam che nih kha," ti a, la nui deuh suk chung hian min en deuh vang vang a, ka lai leh ringawt tawh. Ka confi thei thláwt lo he mihring bulah hi chuan...!

Leeds kan panna kawngtluan chuan Dron chuan min ngaihsak hle a, steering a vawnna kut lo zawk chuan ka kut a hum leh vang vang țhin. A chezia reng reng chuan min híp hliah hliah tawp.

Thir a siam gate lianpui kawtah car chu a tiding ta a. Car ațang chuan chhukin amah ngei chuan gate chu a hawng a. Chu in Brick hmanga siam lian lutuk lo chu a nawm hmel kher mai! Dron chuan car chu khalh lût mai turin min mitmei zauh a, Jaguar țáwng lam tawh chu gate chhungah chuan a khalh lût ta a.

Tala lianpui hian a lo inkalh bur a, 'Dominic farm house' tih lian taka intár chu makti tak hian ka en a. Dron chénna hmunah kan kal dawn emaw ka tia, Dominic tih a intár kulh bawk si! Ka thluak a buai vek!

Dron inchhunga a luh tawh hnu pawh chuan zui mai lovin farm house kawtah chuan ka la ding reng.

"Kiara..." min ko tuarh a.

"Yes, ka lo kal." Hmanhmawh zetin inchhungah chuan ka lut ve ta a.

Inchhung cheidan chu a hmánlai ruih mai, mihausa țhenkhat farm house nen chuan a dang hle a, mahse a thianghlim hle thung. Meichhemna thuk lian zet bulah chuan inbualna kuang (bathtub) hrawl tak a inhûng a, hall zau fahran lo ah chuan intur dahna cupboard a awm bawk. Choka thil reng reng pawh a tunlai lo vél vek a, ka chét țhinna hmun nen chuan dang tak a ni.

Dron chuan ka room tur min kawhhmuh a, chu pawh a zau fahran lo hle mai. A hausak ka lo ring ve em em kha a nia, rethei berh tak ni lo mahse hausa ti a sawitur a ni lo. Car țáwng tak a lo khalh țhin pawh kha ka dem ta hauh lo mai! Talinda sawi Jane bumtu Dron Malakian, company neitu chu a ni thei lo tawp ang!

Nge? Dron Malakian sumdawnna chu a tlachhe tawh zawk em niang!?Jane thih ațangin kum thum lai a liam tawh a, tlachhia pawh nise a awm ve tho mai.

Ka bag vel room ah min dah sak thlap hnu chuan hall zimte a, thukah chuan mei a chhém hluah a, sofa hlui tawh pathum inhûng tih loh chu dawhkan pakhat a ni leh mai! TV takngial pawh a awm lo.

"Kiara, engin nge i rilru tibuai, min zawt mai la," Dron chu meilum bula cane chair ah chuan a țhu a. Kei erawh chuan inchhung bungrua chu ka enkual ruai a.

"Dominic farm house, tih inziak khan ka rilru a tibuai. A neitu phalna tello a lût ru ah ka inngai lo thei lo." Diktakin ka chháng a.

"Lo kal teh ka bulah hian.." tiin chair pakhat chu ka țhutna'n a chhawp chhuak a. Zan dar sawm a ri tawh a, mut mai ka duh tehlul nen!

Dron bulah chuan ka țhu a, zu lam in ve a phal loh avangin coke intur min pe a, ani chuan whiskey a in thung.

"I rin anga hausa chu ka ni lo maithei, mahse farm house hi ka ta a ni e," a ti sup a. A mitmeng ril ruih chuan min en a, engnge a ngaihtuah tih hriat tumin ka en lét ve kar a, engmah ka chhiarthiam lo a mitmeng ațang ringawt chuan!

"Dominic chu i hming tihna a mi?" Mawl hmel zet hian ka zawt a.

"Umn..Dominic Dron Hetfield ka ni e. Zanin ațang chuan Dominic ti a,min koh ka beisei," a ti leh sup a.

"Dron tih ai chuan ka duh fé zawk, Dron..hah eng hming nge ni ang ka lo ti țhin réng a ni." tiin ka nui sak a.

"He hmunah hian engnge kan tih ber dawn? Dominic," a hming thar a ka koh chuan a lo nui suk a.

"Ah..naupang fel Kiara, nuam kan táwl ang chu...naktukah farm hi ka fanpui ang che."

"Zanin atan chuan mut hahdam ka mamawh ber, ka sil țhûm mai!" ka tih chuan min pawmpui tak hian a lu a bu nghat a.

"Lokal rawh le, zanin ațangin ka bulah i riak țan dawn tih theihnghilh lo la," inringtáwk tak hian a ti ta a.

"Maw! Mahse, ka room tur min pe bawk sia!" Makti takin Dominic chu ka melh a. (Dominic ka ti zel tawh ang)

"Kha chu polite lantirna a nih kha, mikhual neih thut pawh a, kan buai loh nan."

"Midang lokal tur an awm ve tihna mi?"

"Maithei, an lo kal ta anih leh i room kha i hmang mai dawn alawm, mahse chutiang hun a thlen hma chu ka bulah i mu ang. Ka hruai chhan che ti hlawhtling turin," a ti ta a.

Kei hi engthil átthlakah nge ka inbarh luh ták! Mipa bulah ka la mu ngai lo hrim hrim! Engtin nge ka tih ták ang!?

Dominic lah chu min nghakin a ding uaih tawh a, ka mangang ru takzet a ni.

"Kiara, min hlau ta mai em ni?" Ngeiawm lek lek hian a ti a. Ka hlau tih leh mipa bulah ka la mu ngai lo tih engtin nge ka sawi ngam ang? Muangchángin Dominic chu ka zui ve ta hnak hnak a.

A room chu a zau bîk lo hle a, room lai takah chuan khum lian vak lo a awm a, Wardrobe thing hmanga siam a awm leh tawp, dressing table hmanlai tak pakhat a awm bawk a, mak ka ti tulh tulh mai! Damdawi khan min chháwk tawh lo aniang, ka bek chu a na ut ut a. Naktukah phei chuan a duk vekin ka ring hial!

"I pindanah khan lo va inthlák la, ka lo intifai ve ange, i biangah damdawi ka hnawih zawhah kan mu dawn nia," dam thluam hian a ti a. Ka láwm zawng tak a ni, Dominic bulhnaia awm reng lo hian phone hman ka ngai hmasa tak alawm le...

"Awle, phone hman ve lawk ka duh a, a remcháng khawp ang."

"Tunge biak i tum," a ti ta hmuk a.

"Talinda mawle, min ngaihtuah ve a, chanchin ka hrilh ve ang chu," ngai pawimawh lo thei ang ber chuan ka țawng lui ve ngat a.

"A țha lawm, tun țum bâk chu ka hriat lohvin phone hman a rem tawh lo ang." ti nghutin min chhuahsan ta daih a. A thinrim ringawt nia! Phone hman pawh chu engemaw huat thlala awm viau le!

Talinda ka phone chuan a lo chháng rang kher mai.

"Kiara, i țha maw? Ka ngaihtuah lutuk che," a rawn ti a.

"Umn, țha e kan thlenna ala rei lo,"

"Khawi hmunah nge a hruai che,?" He nu tak hi chuh! Zawhna hlír!

Kimchang taka ka hrilh hnu chuan kan inbiakna ka titáwp ta a. A kianga mu tura min tih chungchang kha chu ka sawi lang ta lo.

Ka lemziah ve ho pawh báng awm lovin an hralh vek tih ka hriat chuan ka láwm hle mai. Tuna ka thiltih lai hi a zawh chuan muangmarin ka ziak leh ang chu.

Ka zin bag chu háwngin mutkawr ka la chhuak a, Dominic chuan sexy viau turin min beisei dawn tih ka hria, mahse chutianga mutkawr sexy ka nei hauh lo. Ka hák țhin pangai ka nu min leisak ngei kha ka ha leh ta a.

Hreh viau mahila a kianga mut chu ka tih ngei angai, ka thlatin bi hian min chhanhim ém ang chu...

Dominic pindana ka luh leh chuan boxer chauh hain khumah a lo bawk duai a. A pianhmang nalh tak chu ka hawisan thei bik lo. Ka tháwm hre awm pawh chuan a awm lova, a muhil a nih ka ring. A darah zawite hian ka va khawih da da a, a la che chuang lo.

"Dominic, i muhil a mi,?" ka ti sap a.

Min chháng miah lo, tihharh hlau zetin damdawi chu ka biangah ka hnawih a, a nuam sawng sawng mai.

A bulah chuan ka mu ang nge mu lovang tih ka ngaihtuah rauh rauh a, engtinmah minti bîk náng tiin khumah chuan ka lawnkai ve ta a, amah pawh chu puan sin țhat tirin amah hlat thei ang ber chuan ka mu ta a.

Motor ah ka chuang rei bawk nen ka lo muhil nghal daih chu niin.. ka harh leh chuan Dominic chuan min lo kuah thlap a, a bawp chuan min khan run bawk nen ka harh káwk mai.

Dimte thei ang berin min kuahna chu phelh sak ka tum a, ka kut chu rang zeta man betin, "Tikhan awm mai mai rawh ka chau a nia," a ti sup a. A harh reng sia, phakar lutuk mai!

"I rit ém alawm."

"Che lo khan mu țha hle hle rawh, i chunga ka awm i duh loh chuan," a ti leh a.

"Enga? Engmaw i sawi?" ka ti țhát a.

Rawn dák chhuakin min nuih suk. "I chungah khan ka awm thei tihna anih chu Kiara," a tih leh a. He khuma ka mut ve ngáwtna chhan hi Jane leh Talinda vang tih hria se chuan a nui miah lovang.

Ka ngawih ták reng avang chuan alamah min kuah hnai salh a. A hmui chuan ka hmui rawn siktirin dimte hian min fawp a. Rei pawh min fáwp lovin a inla hráng leh thuai, ka kàwngah rawn kuahin, "Muhil leh ang le duhtak, hun kan la ngah alawm i chau lutuk ange," a ti ta a.

Ka lo rin dan ang lo zel hian a che a, a khawsak zia danglam tak hi ka hrethiam thei dawn lo a nih hi... Mipa dang chu nise, min chhuah hauh lovang.

Dominic Dron Hetfield hi mipa dangdai tak a ni. Hmeichhe tan chuan átchilh loh hi thil har tak a lo ni dawn a nih hi.

A vawithumna atan Dominic âwm ngheng chial chuan ka harh leh ta a. Ka biang na hlur chu ka hre hmasa ber a, a hlimchhawn khan a na tho tak nain, hetianga rei chu a nat ka ring lo kha a nia, patling thinrimin min hnek a ni bawk a, chuti mai chuan a reh dawn lo a nih hmel!

Khawsik tur ang maiin vawt ka ti a, Dominic hian min kuah tlat lo se chuan, ka khúr thei hialin ka ring. A taksa lum ham ham chuan min ur a, mipa taksa nghènga la mu ngai lo ta chu nuam tih rúkna riau ka nei tlat nia!

Doninic erawh chu a la mutui hle a, hahdam hmel tak hian a mu a, a hmul meh loh rawn țo thar chuan alandan a ti danglam hle mai, niminah thuitak motor a khalh a; a chau ve ngang a nih ka ring!

Ka hrawk thíp hlur chuan ka awm a ti nuam lo hle a, dimte a thovin bathroom-ah ka lut a, ka intihfai vek hnu a ka chhuah leh pawhin ala harh țhak lo. Eisiam tur tumah an awm ka hre lo a, siam erawh ka tum hran lo.

Diktak chuan khawsik tur ințham ang chiah hian ka awm a, khumah ka mut leh mai loh chuan kei hi ka dik dawn lo tawp mai!

Dominic Pov*

Ka țhanharh chuan a tlai tawh hle a, ka awmna hmun ka hai țêp lehnghal! Ka bula mu ka hmuh chuan ka awmna hmun chu ka hrechhuak chiang hle mai. Engtin nge hetianga rei hi kan mut theih zawk le!?

Kiara hmel ka en chuan a sen deuh țán a, tihharh hlau tak hian a chalsam hnawk niai chu ka hui kian sak a, a chal chu a lo sa deuh vur lehnghal a. Kha mi tenawmpa khan a hnek ná viau a nih ka ring, damdawi kan hnawih chung pawhin engmah a ang lo chu a nih dawn hi...ka thinrim thar leh kher mai! Engtin nge ngaihsak zui tawh lova ka lo mutthilh theih le..?

A kut tetakte zén thlarh leh no chek chu ka pumah a nghat a, a kuttin nail polish hnawih ngai lo tih hriattak a var sar ka hmuh chuan mak ka ti viau. A khawsak anga khawsa ho chuan maksak tak tak an hnawih țhin sia, Kiara ve thung chu a fai sar mai..kei hian ka lo ring dik lo zawk em ni!?

Call girl a nih hi ka ring lo leh thut zel! Amah lah chuan a pha chhin eih bawk si lo. Ka duh a ni he nu hi..eng mihring pawh ni rawh se, Kiara a nih chhung chuan ka duh tho tho ang!

Vawilehkhatah Kiara chu a rawn khur hlawk hlawk a, a rûm deuh hak bawk. Hlauthawng zeta ka koh chuan mitmeng á deuh riai hian min en a, min hmu awm ang paw'n a awm lo. Hlauhthawnnain ka khat nghal vek.

"Kiara."

"Kiara," ka koh nawn leh pawh chuan min chháng chuang lo. A taksa khur tih reh tum chuan ka kuahbet a, a khawsik a sáng hle a ni. Lalpa..engtin nge ka tih ang!?

Hospital áwmna lah chu a hla hle bawk si, nghet takin ka kuah a, a țawngvai deuh nawk nawk bawk, a thusawi mumal hriat theih pawh ka nei lo.

He hmun a ka lo hruai ta kher kher hi a pawi ka ti ta viau a ni. Ka inthiam thei lo.

A taksa a lum deuh hnu chuan a khúr pawh a ziaawm viau tawh a, ka phone la tur takngial pawh in ka thawhsan ngam lo.

"Mom," a rawn ti chhuak sap a, nu a la nei a ni ngei ang!? Zawimuanga rawn meng chhuakin ka mitah tak min rawn en a, a meng phelh phang mai. A thophang hmel lah chu a țha zek lehnghal!

"I țha em? I enge na ber?" tiin ka zawt vat a.

"Eng thil diklo nge thleng?" Min la zawt lét zui a.

"I damlo alawm, khawsik sáng tak i nei a."

"Ka țha e," a ti sap .

"Tikhan lo mu la, eitur ka'n siam ange," ka tih chuan harsa ti hmel tak hian a nui sak a. A biang vûng chuan țawng a ti harsa a nih ka ring.

"Ka țha alawm min ngaihtuah suh," a la ti ve țáng țáng. A hmuiah chuan fawp zauhin, eitur siam tur chuan ka chhuahsan ta a.

Kiara ei duhzawng tur ka hre miah lo, mahse siamsak ve ngei ka duh si a, eitur siam pawh a thiam der si lo. Soup chak táwk tak háwp se a zia in ka ring.

Ka chénna hmun diktakah khan hruai thei ila ka duh hle mai, hetiang choka bungrua țhing zet zet hi ka hman a ngai lo tur a nia, ka thiam loh vek a ni!

Oven hlui lam tawhah chuan bawngsa ka ur hmin a, vegetable soup leh salad, brandy in hlek bawk se la a zia mai ang.

Tray-ah rem thlapin pindan lam chu ka pan leh ta a, lukham ngheng chuan a lo țhu a, a damlo hmel te hlei hlei chu a țha zual. A sam coffee rawng uk khak chu a dar velah a tla chhap a, nula dang sam ang lo takin a kawi kual hle, a inhmeh phian bawk he nu hi chu a danglam vel vek a ni.

Dawhkan chungah tray chu ka nghat a, ka chevel chu nguntakin min en tih ka hria, brandy no khat pap ka pék chuan ner náng chung hian a lo ban ve mai a, zu lam chi reng reng in ka phal tawh lo kha a nia, tunah ka pe leh si chu mak a ti tih ka hria!

Brandy a in zawh chuan tray chu a malchungah dah sakin eiturin ka hrilh a.

"Soup kha háwp zo vek rawh aw."

"I ei ve dawn lo mi,?" zawite hian a ti a.

"Dawn e, ei phawt la nakinah ka ei ve ang," ka tih chuan ngaihdan ni vak lo hmelpu hian min en a.

"Ka rualin engahnge i ei ve mai lohvang," tiin fork chuan bawngsa hawlhin ka hmui záwnah a rawn dah a. "Âng rawh le, i siam vek tawh a, ka lo eitir ve tawh ang che," nui var var hian a ti ta a. A chét dan naupang chhia zet chuan ka nuih a ti za hle mai!

Hetianga a hlim hmel ka hmuh hian alawm ka danglam fo țhin.

End of Dominic Pov*

Dominic eitur siam chu a tui hle a, bawngsa ur hmin chu a tui dangdai kher mai, kan pahnih chuan tray a eitur awm zawng zawng chu kan ei fai ta vek a.

"Ka lákbelh tawh lo tak tak ang maw, Kiara."

"Umn, ka puar tawh mahse, nangma'n i la duh chuan thuhran ni se," ka ti a.

Dominic chuan, "Ka duhtawk viau e, doctor kan chah dawn nia, i tan motor chuan leh pawh thil tih chi ah ka ngai tawh lem lo," a ti a, a mitmeng buang thàk mai chu nelawmna leh ngilneihna hian a khat a. "Kan inhmuh tirh a, ka ngaihdan tenawm zet ka hrilh avang che khan min ngaidam dawn nia. Ka hriatchian loh vang che a ni e," tiin thupha a chawi a.

"I thupha chawina chu pawm a ni e," nui sak chung chuan ka ti a. Dominic rilru ka hneh țan mék tih ka hria, ka chhungril lam hian nuam chu a ti lo. Ka chungchang a hriatchhuah hun tur mawlh chu ka huphurh a. Kei hian ka duh ve tho hi a buaithlakna lai chu a ni.

Mak tak maiin Dominic kianga awm hi a hahdam thlák hliah hliah a, him bik riauva inhriatna ka nei bawk. Ka damlo tih a hriatba min ngaihsak dan te kha a ti mai mai lo tih ka hria a ni.

"Ka lawm e, Kiara i chanchin min han hrilh teh, i chungcháng hi engmah hriat ka nei lo tih i hre ve tho anga!?" Dam thluam hian a ti leh a.

Thudik hrilh ka chák kher mai, mahse a rem rih si lo.

"Hmeichhe mak danglam tak ka ni tawp mai," fiamthu deuh hian ka chháng a.

Dominic chu khumah chuan a rawn țhu ve a, nui hmel pu deuh chung hian min rawn en a, "Chuti ka duh ang angin ka ngai thei che tihna em ni!?" a ti a.

"Kan mimal nun chu...ka mimal nun a ni mai, nangpawh i chanchin hriat ka nei bik lo," ka ti ve zaih a. A sawi phawt loh chuan sawi ka tum bik lo. Dominic lakah hian duh aia thûk luh a awl dawn tlat, kan game nen a inrem lo.

Thle bak chung hian Dominic chuan min en vang vang a, "Ok.. tihian a tlachawp hian awm mai ang aw..keimahah i lungawina tawk i hmuh ngei ka beisei," a ti ta a.

A chanchin a sawi duh bik tawp si lo a.

"Ni e, mahse call girl ka ni lo tih hria la, min ténna mitmeng ka hmuh țhin kha hmuh nawn ka duh lo," ka ti sap a.

"Chuan call girl i nih si loh chuan engvanga ka sáwmna hi pawm nge i nih si?" a ti ta khauh a. Nui hmel a la pu reng nain mak tihna deuh a nei tih ka hria, a nui hmel chuan ngeiawmna lam aiin mak a tihna a lang mah zawk a, chu chuan ka awm a tinuam vak lo. Diktak chuan call girl anga min ngai kha ná ka ti ru tlat a tin ni!

"Lemziak leinan sum ka mamawh alawm," tiin dáwt ka sawi leh ta ringawt a.

"Ka hrethiam e, i mamawh ang chu ka pe ngei ang che." a ti ta a.

Chumi nileng chuan Dominic chuan min ngaihven em em a, thil duh leh mamawh ka neih leh neih loh min zawt reng a, lunch pawh buatsaihin a sil fel leh vek a; pasal rinawm leh duhthusam ang maiin ania a chét ni!

Tlai lamah chuan thukah mei a chhem hluah a, bathtub lian zetah tuilum chhungkhatin inbual turin min ti tlat pek a nih kha....

"Kiara, i taksa ka hmu vek tawh, engmah hrehna chhan tur a awm lo," Dominic áw chu a thám deuh țuak a.

"Ka inbual laia i awm dawn loh chuan hreh lo ve, mahse kalsawn phawt rawh," ka ti ve tlat a.

Engtinnge helaiah ka inbual ngawt theih ang, bathroom pawh ni lo ah hian..! Chhuat ka tihuh vek anga sin!

"I inbual laiin damlo leh ta la," a la ti hram a.

"Ka zia tawh alawm, ka biang vang mai mai anih kha min kalsan tawh rawh le,"

Lungawi zán lo chuan min chhuahsan ta a, rang fahran hian ka thawmhnaw hák lai chu ka hlîp a, bathtub ah chuan ka inchiah ta vang vang a. Nuamti tak hian ka maimitchhing ta a.

"Kiara, engthil teh hrep nge..?"

Dominic áw fiak țhát avang chuan ka harh chiang kher mai! Ka lo muhil daih a nih hi...Lalpa leh..!

"Min tih hlauhthawn zia hi i hria em? Darkar khat dawn ka nghak tawh che!" ti hlukin a thawmhnaw inbel chu a phelh nghal mawlh mawlh a.

"Dominic engthil nge maw tih i tum le, ka rawn chhuak dáwn," mangang zet hian ka ti a.

"I hun a zo tawh, ka rawn zawm ve dawn che mawle," tiin a taksa ruak vek chu zahpui hauh lo hian ka lam pan chuan a rawn phei a.

A taksa nalh thlurh leh phiar fat ka hmuh chuan ka hawisawn thei bík lo. A vun sen uk kharh chuan a tilang 'pa' hle a. Bucket hian tuilum dang rawn chhawp belhin, ka inrin hman hma chuan bathtub ah chuan a rawn lut ve ta a.

Tléma min tawlhsawntir deuhvin ka hnung chiahah chuan a rawn țhu a, sahbawn chu ka hnungah a hnawih nghal zat bawk a. Min tawhna chuan ka kawchhung thleng chuan a fan chiai chiai mai!

Uluk fahrana sahbawn a hnawih zawh chuan scrubber chuan ka hnung chu náwt lehin ka dul leh áwmbawr vel chu a náwt thuak thuak a, ka zám takzet!

"Ka tih ang khan ti ve rawh le," tiin sahbawn chu ka kutah min hmehbel a, ka hmaah chuan a țhu ve nghal a. Zawimuangin a taksa ah chuan ka hnawih ta a. Ka kut chevel chu ngaicháng niawm tak hian a ngawi reng a. Kan boruak țang ru zet chu kan hai lo ve ve!

Dominic chu ka lam hawiin arawn inher a, kan inhmachhawn ta ran mai!

Enge lo thleng tur tih hrilh hranpa ka ngai hauh lo! Muangchángin ka hmuiah chuan a rawn fawp ta a. A rei tulh tulh a, min dim lo telh telh bawk, a kut phah hlai țha zet chuan ka taksa chu a chúlkual ruai a, ka áwmbawr pawh duhthawh takin a țhám táwn táwn a, nawmna mak tak hian min tuam hlup hlup mai!

"Kiara, i nalh takzet," Dominic áw chu hla tak ațanga lo ri chhuak ang maiin a zawi hle a. A kutin zei zeta min khawih chuan ka lo insiamrem ve zel a. Hmangaihna min chenpui a tum tih ka hrethiam mai, kei hian ka dang tur a ni. Mahse, ka thlahlel ru viau lawi bawk si..

"Helai hmun chu ni lo e, duhthusam a ni lo," Dominic chuan ti supin, bucket a tui thianghlim chuan min tleuh ta puat puat a. Amah pawh intleuh fai ve nghalin, bathtub ațang chuan min pawm chhuak nawlh a.

Ruak veka kan taksa a indeh chuan ka taksa chu lo danglamin ka la hriat ngai loh phúrna nasa tak hian min fan a. Ka thianghlimna hlan nan chuan Dominic lo chu mipa dang thlan tur chuang ka hre lo. He pa hi ka duh takzet! Ka thil ngaihtuah mai mai chuh...

Bedroom lamah chuan min pawm lut ta a, towel chuan dimdawi taka ka taksa chu hru hulin khumah chuan min țhuttir a. A taksa chu hru hul ve leh thuakin khumah chuan alawn kai ve nghal zat a. A taksa nghenga min kuah leh tákah chuan a thinphu dat dat chu ka hre thei hial, kan thinphu chu a inthùm rawn tlat tlat a ni ber mai!

Chutia dimdawi taka min rawn khawihna chuan inthunun ka tum ve na zawng zawng chu a tibo hmiah. Uar leh duhthawh takin min fawp leh a, Dominic chétdan chuan nawmna tamtak min pe in, chu tuipuiah chuan ka pil ta vawng vawng a.

Uar theihtawpin ka lo chhanglét ve a, ka inthunun thei lo a ni ber mai. Ka la hriat ngai loh phúrna hian ka taksa chu a fan a, tisa châkna nasa tak mai hian min tuam dun a ni ber mai!

Dominic chuan ka awmdan chu a hai hauh lo tih ka hria a, eng thu emawni a sawi sap sap a, ka áwmbawr kawh lah mai chu a khawih kual a. Dang turin thà ka nei lo, min khawihna chu nuamti tak hian ka lo dawngsawng țha ve hle a, Dominic taksa chu ka thiam ang angin ka chûl ve ta dan dan a.

Ka chétdan chuan a tiphur zual sauh a, tisa phurna namén lo chuan min tuam dun hlawp hlawp a. Dominic mipatna khauh țáng mai chu ka tawk fuh ta a, heti taka ka rilru a luah mai hi engvang nge ni ang?

Chutah ka dinhmun leh nihna ka thil tum leh amah ka hnaihna chhan ka hrechhuak ta thut a, ka inngaihtuah fím a ngai! Jane phubá lák kan tumna ah hian ka taksa hmang țangkai turin Talinda khan min duh hauh lo.

Ka ngaihtuahna avanga ka taksa lo danglam chu Dominic chuan lo man vatin, "Kiara, ka...engtizia nge?" a ti bah nak a.

"I hriat kha, ka thlatin bi ka lo theihnghilh a ni," inthiamlo hle niawm tak hian ka ti sap a.

"Hrep tak hian...! ka tihpalh lutuk, hrechhuak tur ka ni asin le, i la damțha lo hle bawk nen," inthiamlo tak hian a ti chhuak ta a. Ka thaw huai mai.

Dominic chu inlahrang nghalin inthunum tum niawm tak hian tháwk a la káwk a. Nuam lo ka ti ru viau.

Tun țum pawh ka him leh ta hlauh! Ka inthunun viau anih loh chuan kei hi ka che chhe ngei ang le...!

"Thawmhnaw ha ila, dinner tur kan buatsaih dun dawn nia," Dominic chuan dam thlap hian a ti ta a.

Ka tháw huai mai, "Umn..." ka lo ti ringawt a.

"Kiara, min hrethiam dawn nia, hmeichhe nalh tak i ni a, ka inthunun thei ngang lo a ni e," inthiam loh hmel tak hian a ti zui leh a.

Dominic rilru tluangpurh mai hi ka tiná dawn chu a ni si a. Hrehawm ka ti țan viau a ni.

©<++++[BeckirafArenthleI]++++>®

Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » December 20th, 2017, 7:08 pm

UNKNOWN MAN

by.Becky Rafa Renthlei

Chapter-5

Dominic eitur siampui tur chuan chokaah chuan ka lut a, diktak chuan hetiang bungraw hmánlai zet zet hi ka hmang thiam pawhin ka ring lo.

Choka chu lian lem lo tak a ni na a, a fel thlarh mai. Chutiang taka Dominic a che fel chu ka ngaisang kher mai. Hnawk nuaiha chêt chu ka peih teuh lo. Eisiam thiam lo ah min ngai ta sa sa, thiam lo der zel mai ang.

"Intur i duh en? Coffee leh beer lam te? Dominic chuan a ti a.

"Beer maw! Coffee ka duh zawk, ka lo insiam mai dawn em ni? Thil awmna vel min kawh hmuh la.." ka ti a.

"Ok..siam ta poh che, siamsak che ka hreh hauh lo a nia."

"Eitur min siam sak zel bawk si a, coffee tal chu ka lo siam ve ang," tiin ka nui hak hak a. Ketli ah chuan tui ka chhuang a, Dominic chuan no te, fian leh coffee dip, chini ka mamawh tur chu a rawn dah zung zung a.

Kan pahnih a intur coffee ka siam chu breakfast dawhkanah chuan ka dah a, choka zimte a, a che ka hmuh chuan ka nuih a za tlat nia!

Engemaw chen hi țawng miah lovin kan awm dun a, Dominic chuan tui tih hmel tak hian coffee chu a in a. Min ngaihsanna niawm tak a mitmenga lang chu ka hmu reng.

"Farm ah hian engtia rei nge kan awm dawn?" Dominic chu ka zawt a.

"Thlakhat emaw a aia rei pawh a ni maithei," a ti a.

"Chutiang em em a rei ka apartment awmbo san ka duh lo."

"Karkhat chhung lekin kan inhrechiang hman dawn em ni Kiara," Dominic chuan a ti ta a. Engnge inhriatchian pawh chu a chák em em ni? Kan thil ruahman te hi hriat lâwk a nei em ni zawk? Chu erawh ka ring chiah lo.

"A tla chawp i ti em ni kha? Chutiang chuan kan awm mai aniang chu," ka ti ta ringawt a.

Dinner kan ei zawh meuh chuan zan dar riat a ri tawh a, TV en tur a awm bawk si lo, Dominic kianga mut ringawt bák tihtur dang a awm lo. Chu lah chu ka hreh ngawih ngawih bawk si...

Ka nu leh pa tal be thei ila chuan a zia deuh tur.

Dominic phone rawn ri ral ral chuan min ti phu zawk a, Sofa ah inngheng rialin kan țhu dun a, cupboard chunga, a phone dah la tur chuan a tho ta a. Min rawn melh zawkin páwnah a chhuak ta daih a, ka hriat ve a duh lo tih a khawsa zia ațang chuan ka hre mai!

Ka phone ah lai chu phawrhin Talinda ka call ve ta a, a thil min hrilh chuan ka thluak a tibuai vek. Country Art Gallery a lemziak ka pho chhuah kha an hralh fai vek a nih kha, Karleh khian 'Maxi' (ka lemziahna hming)chu TV show phakhatah interview turin min ngen a nih chu. Lalpa..engtin nge ka tih ták ang? Ka duh hun hmain vantláng hmaah ka nihna tarlan a ngai dawn tihna a ni.

Dominic tih loh chuan min hre mahse pawi ka ti lo. A ni hian min hrechhuak ta se? Lemziak thiam ka ni tih a hriat chuan sum ka mamawh loh zia leh ka hausak zia a hre chhuak mai dawn a sin. Ka nu leh pa thlengin a chhui chhuak thei vek anga, ka bum tih a hre thuai ang. Mahse, he pa hian min hrechhuak lo thei ve tlat tho, a chhan chu businessman a ni lova; TV leh news paper chhiar a ngaina lo ve thei tlat! He lai farm hlui zeta min hruai danah hian khawsak sáng tak chu a ni lo tawp ang!

Talinda nen kan inbiak zawh hnuah pawh Dominic chu a la rawn lut lo fo a. Tu nen nge an inbiak tehreng ni! Hmeichhia anih ngei ka ring?

Room-ah ka luhsan ta daih a, ngaihtuah tur tamtak ka neih ve tho avangin Dominic buaipui reng pawh ka hman bik lo. Talinda nen naktukah ruahmanna felfai tak kan neih angai dawn a, Show-ah inlan duh lo ringawt mahila, engtikniah emaw chuan min la hrechhuak tho tho dawn tih ka hria, kum hnih lai ka inthup tawh a, tun hi mipui hmaa ka inlanna hun țha a ni tlat a ni....Engtin nge Farm hi Dominic tel lovin ka chhuahsan ták ang? Tih lam zawk kha a ni.

Khumah chuan muhil thei lovin ka let kual sek a, Dominic lah chu a reh vang bawk si. A chhuah ațangin darkar tam a liam tawh hialin ka ring!

Ka khawsik pawh a ziaawm tawh a, ka biang vûng pawh nimin lam ai chuan a zia daih tawh bawk. Ka pindanah khan ka va mu daih dawn em niang?

Dominic Pov*

Ka phone a rawn rik chuan mak ka ti hle a, min biak tumtu ka en chuan ka pa ala ni zui. Engthil tehhrep nge mawnile? Farm house a ka awm chhung chu min tibuai lo tur khan ka hrilh chiang viau kha a nia. Thil pawimawh tak a ni ngei ang! Páwnlamah call chháng tur chuan ka chhuak ta daih a.

Ka pa sawidan chuan kan company car siam chhuah thar ber chu Australia a, kan business partner te'n an rawn bèlchiang dawn a. Naktipah meeting neih tur a ni, ka tello chuan meeting neih an duh lo tih an sawi bawk. Ka tel ve ngei a ngai a, arang lama haw turin min rawn ko a ni. Engtinnge Kiara hi ka tih ták ang? Malakian company neitu anga min hriat ka duh si lo...engkim a buai zo vek!

Ka phirpui Gavin Dron Malakian lah chu sumdawnna thil buaipui turin a thluak a hmantlák rih si loh. Kiara hi ka chân duh a nih si loh chuan Gavin hi farm house ah ka chah mai angai dawn a ni. Ka aiawh turin! Kan inang ém ém a, ka lét leh hmain Kiara chuan min hrechhuak hman kher lo maithei asin. A risky viau ang tih chu ka hre na a, kawngdang dap chhuah mai tur ka hre ngang lo a ni.

Ka pa nen kan inbiak zawh chuan ka nau Gavin chu ka be leh te te a, ka thil ruahman ka hrilh chuan a phûr ngei mai! Kum thum zet a nui ri ka hriat tawh loh hnuah a nui ri ka han hre leh ta chu a nia. Kiara mizia ka hriat ang ang ka hrilh bawk a. Infawh zeuh bák Kiara lákah chuan engmah a ti tur a ni lo, tih chu ka hrilh nawn mawlh mawlh a.

Naktukah ka private helicopter-in Yorkshire ah Gavin chu a rawn kal anga, kei leh Kiara chu incheck up tur angin; Leeds ah kan kal ve thung dawn a ni, kei helicopter in Washington-ah ka lét anga; Gavin leh Kiara thung chu farm house ah an lêt dun ang. Chu chu kan ruahmanna a ni. Ka nau hian thil a ti khaw lo ém lo'ng chu!?

Inchhung a ka luh leh chuan Kiara chu hall-ah a lo awm tawh lova, hmanhmawh takin ka pindan chu ka pan ve ta a. Khuma Kiara lo muhil ka hmuh chuan ka thaw huai mai, bum anga ka inhriat tlatna chuan ka rilru a ti nuam chiah lo a, mahse ka 'ta' a ka siam hunah ka nihna diktak hi ka hrilh chauh ang. Tunah pawh sum a duh vanga min zui a ni a, sum tel lovin keimah Dominic Dron Malakian ngei hi min duh turin ka siam dawn a ni.

Ka thawmhnaw phelhin, a bulah chuan ka inthawlh ve ta a, damlo tawh lo hram se ka ti hle mai, a nat hian awmngaihna ka hre țhin lo tih pawh ka inhre chiang bal tawh. He nu tereuh hian mi híp theihna maktak a nei chiang alawm. A hmui sen siahah chuan dimtein ka fawhsak a, hmangaihna chenpui tur pawhin ani tluk tur hmeichhia ka la tawng lo. Mi thianghlim chu ka ni hauh lova, mahse ka hmeichhe mutpui tawhte mizia leh Kiara mizia hi chu lei leh van ang vel a ni!

A kawngah kuahin mutthilh tum chuan ka maimitchhing ve ta a.

End of Dominic pov*

"Kiara, mutduh nu, breakfast ei a hun tawh," Dominic áw nuihzatna a khat chu ka mang hriat ruai ruai a.

"Kiara, harh teh i breakfast tur a dai vek dawn," ti a, hmui lum thar tharin ka chal a rawn fawh chuan peih lo zet hian ka meng chhhuak a. Dominic chu insiam peih diam hian khum bulah a lo ding tawh a, dawhkana eitur awm chu kâwkin, "Intifai la, a daih hmain ei rawh," nui var var hian a ti a.

Tho chhuakin bathroom ka pan vat a, nizan khan a lo mut lai ka hre lo reng reng. Dominic ka bulah a mu nge mu lo pawh ka hre țhak lo a nia!

"Tûktin breakfast i khumah pék zel i ngaih dawn chuan rei ka tlin hauh lovang," nui suk hian min fiam a.

"Naktuk ațang chuan ka siam hlir i ei tawh dawn nia,"

"Huh, artui kan pawh i thiam lo ania, ka lawm e.." Dominic chu a nui nasa zual sauh a. A eitur siam chu a tui leh pek khawp mai, omlette leh toast, apple jam a tát thlap bawk a, bawnghnute nen, he pa bula ka awm reng a nih chuan ka thatchhe zo vek ang mawle!

"Farm chhuahsanin khawpuiah kan kal dawn nia, incheck up ngei la ka duh," a ti a.

"Ka țha tawh tak tak, doctor ka mamawh lo," ka ti vat a.

"Min hnial țhin teh suh Kiara, doctor i hmu duh lo anih pawhin, kal chhuah ka ngai a; nangmah chauhvin farm house ah hian ka hnutchhiah thei lo che tih i hria alawm."

"Farm min fanpui turah ka lo ngai a," ka ti sap a.

"Kan lét leh hunah ni rawh se, le..insiam rawh le," tiin tray chawi chuan a chhuak ta vut a.

Hmanhmawh takin ka inthlák zung zung a, make up pawh ka hmang duh lo. Dominic pawh kha simple zetin a inthuam a nih kha, cotton jeans tight lam ha in shirt ka ha leh tawp a, a tawk der.

Dominic chuan hall ah min lo nghak reng tawh a, chík takin ka inthuamdan chu a en a, mitko san ák hian, "Lo kal hnai teh Kiara," a ti sup a.

Rangtakin ka pan ve mai, amah hnaih fé chuan ka va ding a. A taksa lumna chuan min ur pha hial nia! Ka inrin hman hmain ka hair clip chu min phawi sak daih a, "Tikhan i nalh zawk!" tiin a lamah min kuah hnai a, ka hmuiah chuan a fawp zauh a.

Inkai rialin pawn lamah kan chhuak ta a. A jaguar car a, ka chuang hreh hmel a hmuh chuan, "A dang hman tur kan zawng dawn nia," a ti sup a.

"Farm house a kan awm rih dawn te chuan car kan mamawh chuang nang!?" ka ti a, inthiam lo hmel pu reng turin ka duh bik lo, min duat ropui si.

"A dik tho mai, i car i ngai deuh tawh lo maw?" A ti ve mai a. Car kawngkhar min hawnsakah chuan lutin seatbelt ka hreng nghal a. A ni pawh rawn țhu lut vein Leeds bazar lam pan chuan kan tlan chhuak ta a.

"In check up chu i ngai lo tak tak ang maw?" Dominic chuan a la ti ve țang țang a.

"Ka țha tawh tak tak, bazarah teikual mai mai ka chák zawk," ka lo ti sam ét a. Nui hawk hawk chung hian,"I kum zat diktak min hrilh tawh la.." a ti a.

" Kum 22 ka pum țép," rang fahran hian ka chháng a. "Kei aiin i naupang fé a nih chu," tiin rem leh rem lo hian ka malchunga ka kut dah chu a rawn vuan a, min ngaihsakna hian alawm, amah min ngainat tir em em țhin chu!

"I kum zât ka zawt ve lo mai ang che, a aiah thil tui táwk min treat ang,"

"Lutuk, mahse reilote car-ah nangmahin i lo awm lawk thei angem?" Tiin min zawt a. Ka lo bu nghat nghat, nimin lam aiin min ngaisak zual sawt emaw tih tur a ni.

'Rions burger' tih inziahna dawr bula parking ah chuan Jaguar chu a khalh lut ta a.

Leeds ah hian vawikhatmah ka la kal ngai hauh lo, mipui zi hut hut zingah chuan Dominic chuan min kai chungin min kalpui dawr dawr a. Burger dawrah min luhpui dawn emaw ka tia, ka rin loh lam daih, tlereuh dawrah min luhpui ta a.

"I duh duh kha thlang rawh le," tiin bracelet an dah țeuhna darthlalang box bulah chuan min dinpui ta a. Tlereuh lam hi ka ngaina lem lo a, mahse kan inhmuh hmasak ber zana ka inbel chuai kha ala hrereng a nih dawn hi, ngaina awm ang taka ka lan angai leh ta.. Hui..buaithlak țhin!

"A nalh hlawm hle mai, thlan ber tur ka hre lo, nangma'n min thlansak mai la," inla no zet chuan ka ti a. Ka thlang thiam miau lova! Min thlansak apiang bunin, lawm ber ang khan lang ila thil a awlsam a ni mai.

Dominic chuan, dawr nghaktu chu kovin bracelet chi hrang hrang chu a phawrh tir zel a. A tawpah chuan rangkachak rawng stone hringduka chei, de sep sep chu ka bánah min buntir ta a. A simple viau rualin a nalh hle mai! A thlang thiam hi ka'n ti khawp a, pawisa lam chu a nei turah ngai ang! Jane pawh kha tlereuh a leisak nualin ka ring, he pa zei dan leh hmeichhe rilru hneh a thiam dan em em hi a lutuk mah mah!

Mipa in thil min leisakna hmasa ber a ni a, ka thinlung tak erawh chu a lawm lo thei bik lo.

Dawr kan chhuahsan hnu chuan restaurant nuam takah hian min luhpui leh a, in ep chiah a țhuin Dominic hmel chu chiangtakin ka en a, hmeichhe tan chuan hnar harsa tak tur hmel a pu a ni. A rimtui hman rim chuan ka hnar a verh zar a, Gentleman diktak ang chiahin a lang, tunah kher hi chuan!

Jane phuba lák chu ka tum tehmeuh mai, mahse ka thinlunga amah ka thlakhlelhna hi engtin nge ka tih ták ang? Ka rilru teh hrep pawh hi a!

Kan pahnih chuan sangha kan chah ve ve a, a tui ém avang chuan ka ei leh nual dawn tih ka hre mai.

Dominic chuan a chair nghenchhan chu a ngheng ur ur a, nui hmel pu deuh chung hian min rawn en a, "I pumah hian a léng hnem thei phian mai ka ti Kiara," a ti a.

"Model ka nih loh vang a niange, ei leh in lam hi ka insum vak lem lo," ka ti țha ve mai a. Wine in min phalsak avang chuan no khat chu ka in zo der tawh a, mitzim san a min en chung hian, ka no chu a lamah dah hnaiin min chhun khah sak leh a. Tuna a awmdan hi ka ngaih a țha fahran lo, inthlahna hun hmang te pawh kan ang dawn alawm!

Waiter-in kan plate ruak rawn seng pahin, dessert menu a rawn dah leh a. Rapsberry kan thlang ve ve a.

"Kan thil duhzawng a inang zel mai a nih hi," Dominic chuan a ti sup a. "Black coffee hi i duhzawng a ni em?" a ti leh a.

"Ka duh vak lo."

"Tak tak, keipawh ka ngaina lo," naupangchhia zetin a ti a.

"Chutiang bák chu in anna kan neih pawh ka hre lo," nui sáng hian ka lo ti a. Dominic chuan ngun fahran hian min en leh reng zel a, vawiin a awmdan hi mak tihna riau ka nei! Mahse, ka sawi chhuak lem lo.

Chutia restaurant a kan țhut hahdam lai chuan Dominic phone chu a vibrate leh cher cher țhin a, a ngaihsak lem hlei lova.

"Hun thawl tak hnuaiah thawmhnaw in ang ha a bazar i duh em?" tiin min rawn zawt thut a.

"Maw, thawmhnaw inang maw?" Mak ka ti lo thei lo. "Umn..kal ang le.." tiin counter lamah chuan min hruai a, kan eina bill a pék fel vek hnuah restaurant chu kan chhuahsan ta a.

Thawmhnaw zawrhna building lianpuiah chuan min luhpui a. Ka hâk tur kamis țial a thlan chu min pe a, ama ta tur chutiang rawng tho chu a thlang bawk a, Torn jeans mipa leh hmeichhe hák navy blue kekawr ala tel bawk a; a thil thlan reng reng chu a țha chi leh man to chi zel a ni. Boot pawh design inang chiah a thlang leh a, ka ta tur zawk chu bun chhin turin min ti nghe nghe a, cowboy hun laia an incheidan ang maiin kan lang thei dawn alawm le..!

A thawmhnaw min thlansak ho pawm țán chung chuan dressing room ah chuan ka lut ta a. Dominic pawh mipa inthlákna tur room lam pan chuan akal ve bawk a.

Ka thawmhnaw inbel chuan ka landan a ti danglam kher mai. Ka hák tawk a hre chat zel thei hi mak ka la ti a ni, Eng rilru nge a put a, hetiang ngaihtuahna te a neih reng reng!? A kum ngaihtuah chuan puitling viau tur a nia sin le...

Dressing room ațanga ka chhuah chuan Dominic chu ala rawn chhuak ve lova. Mipa zawk si a rei phian mai!

Minute sawm dáwn ka nghah hnu chuan paper bag khai chung hian a rawn chhuak ta a. Min hmu lo a ni ngei ang? Min zawng niawm tak hian a hawikual a.

"Dominic," ka lam arawn hawi a, a nui var var bawk.

"I inhmeh ka ring reng a ni," tiin ka lam panin a rawn phei a. Ka thawmhnaw dahna bag chu min láksakin pawnlam pan chuan min kaichhuak ta a.

"Eng lampang nge lei hmasak i duh?" tiin min zawt a.

"Lei ngai ka neih pawh ka hre lo, dinner special tak buatsaih ila, chumi tura kan mamawh lei chu a ni mai. Zanin chu champagne kan dawm dun ve ang chu," tlawn pah deuh hian ka ti a.

"A țha alawm, hawh le..kan țan nghal mai loh chuan farm house kan thleng tlai lutuk ang?"

"Leh lawk, thawmhnaw leh bracelet min leisak vang hian ka lawm e," tiin dingdihlip ák ák hian a nghawngah chuan ka kuah a, ka lamah kuai hniamin a hmuiah tak chuan ka fawp ta a.

Reilote chauh fawp ka ni a, mahse Dominic chu chesawn mai lovin, min en deuh reng a. Chutah nui sukin ka kutah chuan a chelh a, bazar hmunpui lamah chuan min hruai ta a.

Dominic Pov*

Kiara kalsan chu ka hreh takzet, farm house kan chhuahsan pawh chuan Washington kal loh dan kawng ka la ngaihtuah char char a. A kianga awm hi ka thlahlel viau tawh a lo ni.

Bracelet ka leisak te chuan hmeichhe dang chu ni se, an khu ruai ang chu.. Ka Kiara hi chu a ni ve hauh lo. Lawm lo anga lang chuang miah si lovin, zahawm takin a awm thiam tlat a ni.

Restaurant-a kan awm lai chuan vawi engemawzat ka nau(Gavin) chuan min rawn phone tawh a. Leeds arawn thleng tawh tih ka hria a, kan ruahman láwk tawh angin thawmhnaw dawrah min lo nghak ta kha a nia. Thawmhnaw inang ha a bazar puiah Kiara ka sawm ta ringawt a nih kha!

Dressing room-ah Gavin chuan min lo nghak reng tawh a, ka thawmhnaw lei chu alamah theh pheiin rangtaka ha turin ka hrilh nghal a. Ka nau lah chuan serial film chang turah a inngai deuh nge? A phûr hle lehnghal!

"Bro, a hmelțha em?" Gavin chuan min záwt sek a. Ninawm hian a!

"Țawngtam lo la, care viau ang che, ka lem i chang dawn tih hria la, ti thinrim hauh suh ang che," ram hmuk hian ka ti a. A la nui țháw zui ah...

"I ko duat ve em? Entirnan sweetheart, honey..tih vel te'n" ngeiawm tak hian a ti leh a. Ka hriat țhin a bialnu boral hmaa Gavin, chimawm zet a kha a ni leh hialin ka hria.

"Teuhlo, Kiara a ni tawp mai, eisiam a thiam lova, breakfast, lunch, dinner heng zawng zawng hi i siamsak vek dawn nia." Ka tih chuan a nui lai a tawp chat a.

"Enga, chung zawng zawng chu ka tih vek angai ang maw!?"

"Yes, bro...all the best," tiin kan naupanlaia kan tih țhin angin a bánpuamah chuan ka hnek sak a. Gavin paw'n eisiam chu a thiam viau, mahse a thatchhe hle a ni.

Hun kan ngah loh avangin thil zawng zawng inhrilh hriatna hun a awm tawh lo. Phir ah pawh kan inang zual em em a, Gavin hi kei aiin a hniam hlek a, ka pianpui sam a dum hlap a, Gavin sam erawh chu a uk buang kharh thung. He laia a lo kal dawn avangin ka sam ráwng ang thei ber turin ka tih danglamtir chúk chûk ta kha a nia.

Kiara chuan a hriat hran loh hram ka beisei takmeuh! Nithum chhung lek chuan Gavin pawh a lo inthup ve deuh mai niang chu...!

Dressing room ațanga Gavin chhuak lai chu ka thlir reng a, Kiara thlalák ka entir theihnghilh daih! God..

Ka va inlan leh arem tawh si lo, Gavin lah chuan anthawmhnaw hák ațanga hrethiam ve mai ta lo chuan, a hawikual vak vak a. Ka mangan zia kha! He pa thluak hi chuan a ngaihtuah tlém teh e...!

Vanneihthlak takin Kiara chuan a lo ko ta hlauh a, ka thaw huai mai!

Kiara, lawmthu sawi ri te chu ka hre pha vek a, keimah ka ni lo tih chu ala hre lo phawt chu ania!

Mahse...Engnge ka hmuh hi! Kiara chuan Gavin ngháwngah chuan kuahin alamah akuai hniam a, a hmuiah a fawp a nih chu...

Damn..shitt, Ka phirpui Gavin chu keimahah angai hmak thei a nia...

Chutia Kiara nen an infawh lai chuan ka unaupa chuan a kut chu hnunglamah rawn dahin, thumbs up min rawn pe zauhva...Chimawm hian!

'I kut hmawr pawha i khawih a nih vaih chuan' ti supin, Gavin leh Kiara chu ka kalsan ta a....

Mahni unaupa ngei pawh ka thîk rum rum mai dawn alawm le...Lemchan mah ni se....!

©<++++[BeckirafArenthleI]++++>®

Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » December 20th, 2017, 7:08 pm

UNKNOWN MAN

by.Becky Rafa Renthlei

Chapter-6

Dominic nena bazar chu a nuam dangdai hle mai, pawisa angah phian lehnghala, eng hna nge a thawh ang le? Tih ringawt chuan ka rilru a luah leh ngut ngut tawh.

Kal lam kha chuan min be hmasa zawktu kha a nia, tunah chuan a țawng tam lem lo khawp mai! Keimah deuh hlir ka țawng char char a, thlaihnah leh theirah tharlâm ka thlan te chu sawisel lovin a man a pe nghal hmiah hmiah a. Kan thawmhnaw hák a inan vang nge? min hmu apiang chuan min thlêk zui zel a, Dominic lah chuan intitatu deuh hian ka kutah a vuan deuh reng bawk a. A nuam dangdai viau!

Champagne leh Beramsa kan lei leh hnu chuan inkhai báwr lâkin car awmna lam chu kan pan a. Min thlir rengtu awm anga hriatna ka neih tlat chu le..! Ka hawikual ngial pawhin, chutiang awm ang ka hmu bawk si lo. Helai hmunah hian hmelhriat pakhatmah ka nei reng reng hleinem!

Farm house kan panna kawngtluan chuan kan țawng mang lo reng reng, Dominic mize cool ruih chu hrethiam lo zet hian ka melh leh zauh zauh țhin a. Chutia ka en apiang chuan min lo en ve zauhin a nui leh suk țhin, hepa hian eng style nge hman a tum leh ták ni!?

Farm house kan thlen hnu pawh chuan kan thil lei zawng zawng chu Dominic chuan a dah fel vek a. Thil hnawk a ngaithei lo viau a nih dawn hi!

"Eitur kan siam vek hnuah kan intifai chauh dawn nia," Dominic chu a rawn țawng ve ta hram a.

"Beramsa hi oven-ah kan ûr hmin dawn nge? Pawn lamah meichhemin kan hem zawk dawn?" ti a ka zawh chuan, "I duh dan zawk zawk a ni mai," a ti sup a.

"Ok..oven hi hmang mai ang, páwnlama hun hman a chákawm rualin ka tihpui thiam ve dawn si lo che a, inchhungah hian i tlingtla law law mai ang aw!? Ka ti ta a.

"Umn..Kum engzat nge i nih tawh Kiara?"

"Maw! tukin lawkah pawh ka hrilh reng che sia," angaihna hre lo zet hian ka ti ha a. "Sorry, ka lo theihghilh leh daih," ngaipawimawh awm lo tak hian a ti leh lawi a.

Salad, steak leh soup ka siam a, Dominic ve thung chuan Beramsa chu oven-ah a ur a. A chezia nguntaka ka en chu hre awm hmel pawh a pu lo. Dinner kan peih vek hnu chuan inbual turin room lamah ka kalsan ta a.

Talinda nen rei fé kan inbia a, naktukah Talinda damlo chhuanlamin Crew-ah Dominic chu inhruaitir turin min ti a, zanin hian hrai rui turin min ti nghe nghe, chu erawh chu ka hnial thei hram..a ruahman dan chuan Leeds thleng Dominic Jaguar car in ka kal anga, chuta țang chuan car dang 'hire' turin min ti a ni. Sum lamah harsatna ka nei lo, mahse engtin nge Dominic chu ka bûm ták ang? tih hi ka buaina chu a ni.

Ka inbual zawh chuan silk kawrfual ka khúp thleng chauh chu ka ha a, ka sam chu a tlét sar thlenga khuihin ka darah a innghat chhap a, make up pawh ka hmang ve nual. Zanin hian Dominic rilru ka hneh ngei a ngai dawn tih ka hria a, nalh thei ang bera ka lan a țul tlat a ni.

Hall ka thlen chuan Dominic chu sofa-ah thatchhe zet hian a lo țhu thluang duai a, hetianga a awm lai hi ka la hmu miah lo! Ngun fé hian min lo en a, a mitmeng chu nidang anglo takin a dum fiah deuh, a buang thák țhin kha a nia. Ahhh..a mitmu rawng danglam țhin hi ka la hre ngai lo a nih dawn hi. Ngaihawmnaa khat hian min en a.

Jeans leh kamis ha țhin khan zanin chu dinner suit a ha ta thlap mai. A la inhmeh em em zui! Hetiang thawmhnaw pawh hi a inhmeh tho a nih hi.

"Kiara, i nalh hle mai," ti supin, a bula țhu tur chuan min mitmei zauh a.

"Nangpawh mawle, khatiang thawmhnaw kha i inbel tih awih harsa ka ti, i inhmeh hle mai," ka ti ve zat a.

"Dinner special tak kan kil dun dawn ania, jeans nen ringawt chuan i lunghnur palh ka hlau deuh a." A nui leh suk a.

"Intur lam kan țan dawn em niang," inla zei fahran hian a bulah ka țhu ve nghal a. Dominic chuan ka darah vuanin alam hawi tur chuan min kuai her hret a, îtna, duhna mitmeng hian ka mitah chuan enin a hmui lum ham chuan min fawp ta a. A rimtui inhnawih rim chu nizana a hman nen khan a inang miah lo, thildang ngaihtuah duh lovin min fawhna chauh chu ngaihtuah ka tum ta zawk a.

Ka lo chhánglét ve tih a hriat chuan Dominic thaw chu a rang sawt a, ka hmaiah te chuan fawp lawr dan danin, keipawh chuan ka lo ngheng hnai ve țalh țalh a. Dominic chuan a duhthawh sawt viau a, a kut chuan ka mal te chu a chûlkual ruai a. Zanin hi a danglam riau mai! Ka plan a fuh chho dawn e...

Chutia kan infawh mawlh mawlh lai chuan Dominic chu inlahrang deuh thutin, inthunun tum hian tháw a la hrawk a. Amah ka vawnna chu dimte hian min phelhsakin, a tho chhuak ta daih a, a chétdan chuan min ti hamhaih hle mai!

"Enge ni ta?" tiin ka zawt vat a. Ka mitah chuan rawn enin hrehawm tihna niawm tak hi alang zuai a, mahse a rei lo ém a, ka hmusual a nih ka ring mah zawk!

"Intur chu kan dawm dawn em niang, hun kan la ngah viau a nia, Kiara," a ti fel ât a. Lawm viau tur ka ni, mahse ka lawm hauh si lo.

Kei hian Dominic hi ka lo thlahlel hle tawh tihna em ni?

Minute khat zen zawn hnuah Dominic chuan champagne bur chu hawngin glass no khat pap hian min pe a. Min hnáwl ni a, hriatna ka nei tlat a, chu chuan min tina tlat a nih chu..Intur chu banin ka tháwkkhat pawp a. Rui hnápin in ila a zia deuh mahna!

"Khatianga i in chuan reiloteah i rui mai dawn a sin," nuihzat hmel tak hian min la ti zui a.

"Ka hria e, ka hria e," tiin amah pawh en duh lo chuan ka no chu ka thlikhat leh nghal zat a.

"Pawi ka ti ngawt mai Kiara, mahse khatia in vak vak kha chu a țha lo. Muangchángin le..." a ti dam thluam a.

"Ti hian kan titi reng dawn nge? Dinner kan ei dawn!?" Ka ti hmak a.

"Ok..kan ei dawn nia, honey."

"I honey ka ni lo."

"Nih leh Kiara." Dominic chu za tak hian a nui ta hawk hawk a. Chu chuan ka thin tertek a tichhuak leh tlat!

Ka țhutna ațang chuan tho tharhin, dinner chu ka buatsaih mawlh mawlh a. Dominic chuan ka kawngah rawn kuah vatin, "Ka fiam che a nih kha Kiara, thinrim lul suh," a ti a.

"Min nuihzat kher kha angai lo," ka túm bár a.

"Hey, thinrim awih loh, i tihtauh chuan kan dinner special programme hi a flop vek tihna," Dominic chuan a ti ta a.

A nui hmel chu nidanga ka la hmuh ngai loh a ni. A landan danglam zet chu inhre hmel a pu țhak lo a, a mitmu rawng hi kei hian ka lo hresual chhiava a nih hi, a buang reng reng lo. A dum țha hle zawk a ni, engtinnge a hma khan ka lo hmuh ngai miah loh le..?

"Ok...Beramsa kha cut la, a dang hi chu ka kutah dah rawh," nui var var hian ka ti ve ta a.

"Titau tawh suh aw, honey," a la nui reng a, ka sawi ang chuan sa chu a cut ve mai bawk a. Vawiin Dominic awmdan zet chu a dang zar mai! Duhtak, ti a min ko tawh lovin 'honey' min han ti ngei a, romantic seen pawh a thiam tho a nih hi he pa hian...

Hlim takin dinner chu kan ei a, a mitmeng dum fiah kâk chuan ka thil ei lai chu min lo thlir leh veng veng zel. Vawikhat min hmuhna ang mai hian a mit chuan min kalsan meuh lo...tun hi Talinda chungchánga dáwt ka hrilh hun țha ber tur chu a ni...

"Dominic." Ka ti sap a.

"Yeap," min rawn en nghal vat a.

"Ka țhiannu kha a damlo a, naktuk hian Crewe-ah kan lêt angai."

"Tu i țhiannu maw!?" A ti hu a, makti hmel a pu bawk.

"Talinda mawle, naktukah Leeds thleng jaguar-in min dah la, a bâk chu ka inngaihtuah ve mai ang," ka sawi mâm țha viau e.

"Kal ngei ngei a ngai kher em ni?" Lawm chiah lo hmel a pu deuh a. Ka lemchan ințan hun chiah a ni e.

Dominic lamah chuan kal pheiin, a malchungah tak ka va țhu tharh a.

"Kiara, hetiang hian awm teh suh," a ti thám țuak a.

"Min lo ning tawh viau a nimaw Dominic?" Titau áw a ka tih chuan ka biangah a fawp zauh va.

"No, Crewe-ah chuan keiman ka hruai ang che," a ti ta a.

"Tak tak, dáwt min hrilh lo tiraw?" tiin a nghawngah chuan ka kuah a. A hmui fawh chákawm taka chhah deuh tapah chuan ka fawp ta vang vang a.

Chutia duhthawh taka kan infawh lai chuan Dominic phone ah lai chu a rawn ri phut a, kan inthlah chiang kher mai! 'Hun lo lutuk' ka ti chhuak sap a. Ka țawng a hre pha tih ka hriat chuan ka zak ru leh deuh! Amah thlahlel viau angah min ngai tawh ngei ang!

Dominic chuan a malchung ațang chuan min dah thla a, a phone chu phawrh chhuakin a chháng ta a. Engtiklaiin nge phone thar a lo neih hman bik le? Vawiina a lei chu a ni lo phawt! A chhan pawh dressing room tih lovah kha chuan a kiangah ka awm zel a, ani hian phone pahnih a lo nei ru reng a nih dawn hi...!?

Ka phone hmang angaimawh em em a, ani ve thung chuan a duh hun hunah midang biaknan a hmang leh tho si! Ka lawm bik lo...

Dominic țawng mawlh mawlh lai chuan a hnunglamah dimtein ka phei țhám țhám a, a inrin hman hma chuan a phone ken lai chu ka chhuhsak ta thut a. Rawn call tu pawh en lem lo chuan ka tlánchhiatpui ta daih a.

"Kiara, eng thil nge maw i tih le!?" Dominic áw ah chuan hlauhthawnna ri a tel. Fiam ka la châk tlat!

"I duh chuan lo la ve mai la," tiin bedroom ah ka luhpui a.

"Kiara, please, a pawimawh a nia," thinrim ngam chiah si lovin a rawn kal hnai ve zel a. Kei lah chu khum chungah lawnin ka nui har har a, ka chêt dan awih thei lo hmel taka Dominic an min en chuan ka nuih a za tulh tulh mai!

"I chák lo khawp ang," tiin a pheikhawk bun lai chu a phelh sawk sawk a. Khumah chuan a rawn lawnkai ve ta a. Ka phone ken lai chu lâk tumin a rawn ban a, keiin alák hlauvin ka lo chekual ve sek thung.

"Honey, duhtawk teh," tiin a nui hawk hawk a. "Please, I need you, Kiara," ti phawt la! Ka tih chuan rang fahran hian min rawn kuah thutin ka phone kénna lam ka kut chu nghet tak hian a chelh a. Chu chu remchangah hmangin a hmuiah tak chuan ka fawhsak ta a. A meng deuh káwk chu ka hmu hman tho!

Duhthawh taka infawpin kan thaw dun halh halh a, Dominic chu inlahrang hmasain, "Kiara," zawi tháwp sat hian a ti a. Ka kut a vawnna chu a thlah riai a, a mitmeng buai deuh nak chuan ka thiltumah ka hlawhtling tih min hriattir thung! Dominic mitmengah chuan min duhna,îtna leh thlakhlelhna alang dawt zut mai a ni.

Phone chu pe lêtin, "Phone khawih min phalsak lo a, nangpawhin khawih tawh bik suh," ka ti sap a.

"Umn..mahse...Kiara," a țawng bah ve nak tho. Phone chu bih leh zauhvin a off ta a. Kan boruak țang ru tak chu kan hai lo ve ve.

"Champagne kan la ngah sia, kan dawm dun leh dawn em niang," ka tih chuan min pawmpui nan a lu a bu nghat a. Khum ațang chuan chhukin hall lamah kan inzui phei leh ta a.

Naktukah Crewe kan pan dawn a, tluangtaka kan thleng thei a nih chuan interview pawh ka nei thei dawn e...Plan 'A' chu a kaltluang hle mai! A bâk chu hunin a hril ang chu...

Dominic nen chuan sofa ah țhu dunin intur no kan dawm leh ran tawh a. Nichin lawka kan chét dan naupangchhia zet kha ngaihtuahin, ka nui hak a.

"Enge i nuih chhan min hrilh ve la?"

"Crewe kan thlen hunah i apartment-ah tho khan em ni i awm ang?" A zawhna pawh chháng lo chuan thildang ka sawi daih a.

"Umn..i chénna hmunah awm ve turin min duh tihna mi." Thutak zet hian a ti a.

"Maw! Ka chénnaah maw!?"

"Aw.. mak i va ti awm ve a," tiin ka no ken lai chu a no chuan a rawn khak zauhva, "A...eng lo..i ti tak tak lo tiraw?" Ka ti bah nak a.

"Ka fiamthu a nih kha, zankhat bák Crewe-ah kan awm lo ang, farm house ah kan lêt leh tur a ni. Chumi anih loh chuan kan kal thei lovang!" Dominic chuan a ti ta a.

Zankhat chauh maw kan awm dawn? Ka inpeih hman ém ang chu!

"A țha alawm Mr.Hetfield," ti-el lam lek lek hian ka ti a. Mitko a san ák duh chauh.

Dar kua arik meuh chuan mutchhuakin min zem chiai chiai a, Dominic erawh chuan thukah thing ala tuah belh sauh sauh a, mutchhuak hmel a pu ve lem lo. Movies entur tal awm se a zia deuh tur a nia, heti ringawt chu a zia lo lam deuh chu a ni.

"Dominic, mut mai ka duh, naktukah chuan hma deuh hlekah chhuak thei ila ka duh ngawt mai," ka ti a.

"Kan tum dawn nia, zanin chu i pindanah riak ta mai che," a rawn tih chuan ka hrilhhai hle a, diktak chuan a kianga mut kha nuam ka ti viau a, him riau a inhriatna ka nei țhin. Mahse, zaninah chuan ka bula mut a duh ta lo phawt chu a nia! Thinur ru țeuh chung chuan amah pawh en tawh lovin ka pindan lam chu ka pan tau hmak a.

Ka khumah chuan muin ka inngaihtuah ngut ngut a. Zan hnih chu Dominic kiangah ka mu tawh a, ka thlém ngial pawhin hmangaihna chénpui min tum hauh lo hi mak ka ti lo thei lo! Mipa dang nen khaikhin chhin ngaihna ka hre lo nain, a mize dangdai zet hian amah min ngaihtuahtir lo thei lo.

Pindan leh lamah a mu tih hre reng chung hian engtin nge ka mutthilh theih ang?

Gavin Dron Malakian Pov*

Ka ú Dominic nen hian kan in ngaina hle a, unau pianpui dang kan nei lo a. Ani chu businessman a ni a, kan tui zawng a hrang hlak thung. Sumdawnna lam hian ka thinlungah hmun a chang lova, tun thleng hian Dominic thlazar hnuaiah ka la awm ta reng chu a nia, min ngaihsakin min duat hle bawk. Car Racing ka tuipui viau a, chu erawh an remti lo bur thung a ni. Mahse, an thu zawm duh lovin keima duhthu ngeiin ka tilui țang țang a. Ka hmangaih ber Jane Lawford ka chán phah ta kha a nia.

Khami hnu ațang khan ka nun a buai chhova, hmeichhia reng reng ka hnaih tawh ngai lo. Dominic hian țanpui ngai lo se chuan tunah pawh he Kiara Forbes bulah hian ka awm lo tawp ang.

Farm house ațanga ka puihna a rawn dil khan ka hnial nasa hle a, ka u hian hetiang khawp hian hmeichhia a átchilh ang tih hi ka ring pha lo. Rei fé kan inhnial hnuah, min ngenna chu ka pawmsak ta hram kha a nia.

Hmeichhe kawp lâwr ve tak a ni. Keiin Jane rinawm taka ka zui lai khan ani chuan hmeichhia tih tham fe a kawp hman a nia. Heti taka ama lem ka chan a ngaih ták hialna hmeichhia chu hmuh ka châk ve ta a. Ni reilote lemchan ringawt chu ka thei ve turah ka ngai nghet hmak. Ka ú tan a nih chuan hrehawm deuh mahse ka ti ve hram a niang chu.

Jane Lawford bâk ka tan hmeichhe dang an awm thei lo. Mahse, Kiara nen reilote kan awm chhung ringawt pawh khan Dominic hian engvanga átchilh viau nge a nih? tih ka hrethiam ve chiah.!

Kiara Forbes, hmeichhe ngaihawm tak leh hmelțha tak a ni. A pian dik thlarh te chu mipa tana hnar harsa tur tak a ni a, hetiang hmeichhia hi an váng viau a, Dominic hmeichhe lo kawp tawh te nen chuan a dang zar bawk!

Jane thih hnu a, ka hmeichhe fawh hmasak leh ber chu ka unaupa bialnu a ni ang tih hi rin harsa ka ti hle mai!

Zanina min rawn phone tu kha Dominic a ni a, Kiara khan min chhuhsak ta daih a, engtin nge ka insawifiah ták ang? Kan țawng zawng zawng kha a hriat loh hram ka beisei! Keimah anga rilru naa a awm hi ka duh lo a ni.

Kiara khan Dominic emaw min tih tlat avangin, ka kianga mut a inbeisei tih ka hria! Ka hmeichhe ngainat tur chi tak a ni. Zanina a titau pawh kha ka dem lo, atan hriatthiam theih chi ni hek lo le, ka unaupa bialnu bula mut ringawt kha ka inthiam thei lo, hmeichhe îtawm tak bulah lehnghal! Min thlém leh a nih vaih chuan ka țang zo dawn lo tih ka hria...

Second best nih ka tum lo.. Ka lo táwng hmasa lo hi ka vanduaina chu a ni. Englaimahin Dominic hi ka hmakhalh thei ngai lo chu a nih hi!

'Second best' ti chhuak leh supin ka glass no ken chu ka vawm keh ta chuai a.

End of Gavin Pov*

Ka harh leh chuan khua a vâr tawh a, ruah atla deuh lehnghal, kan chhuak thei lo mai ang tih ka hlau hle a, breakfast tur ka siam vat a nih loh chuan kan chhuak tlai lutuk ang. Dominic tehreng pawh hi a la tho lo em niang?

Hmanhmawh taka intifaiin choka ah chuan ka lut a. Thawm reh țhiap chuan ka awm a ti nuam lo viau, nizana a bula min muttir duh loh avang khan Dominic kaihthawh chu ka hreh ru viau, ka la thinrim deuh tlat!

Chhangtháwpah chuan butter tâtin kan pahniha eikhawp tur chu plate ah ka rem țhap a. Bacon leh Coffee ka siam leh tawp, a bâk chu kawnglakah kan inhnawhpuar ve tawh mai ang chu...

"I va tho hma ve Kiara, farm house chhuahsan chu i chák tawh awm hle mai!" Dominic chuan a rawn ti a. Choka ah chuan rawn lutin ka thilsiam chu a enkual a.

"Kan hmanhmawh loh chuan ka țhiannu a thinrim ang, breakfast ei ila chhuah vat ka duh," ka ti zung zung a.

"Eisiam i thiam lo a ni lawm ni? Engthil nge ka hmuh si hi, nimin tlaiah pawh Beramsa tih loh kha chu i siam vek a ni." Min bum hauh lo ang!

"Oh.. Dominic thildang chu i sawi rih lo teh ang, ka hmanhmawh viau a nia," ka ti leh a.

"A țha alawm, ei ila." Tukin chu a zia a dang leh ta, engzata tam nge he pa hian mizia a neih bik le!?

Ngawi rengin kan eidun ta a, Dominic khawsak phung hi ka hrethiam nek lo e! A cháng leh min duat hluau hluau a, ka invéng ve ran tawh ang.

"Thawmhnaw lum kan lei dawn nia," ti a, Dominic-an min rawn biak chuan ka lo phu zawk a.

"A ngai lo ang, ka lawm e," tiin ka lo chháng a, ka hmalam kawng chu nguntak hian ka en lui tlat a. Farm house kan chhuahsan ațang khan mumalin kan inbe tawh lo. Car darthlalang ruahin a rawn theh chu wipers chuan a lo tifai zel a, ruah pawh a sur tam telh mai!

Ka ke váwt tak chu car chhung lum chuan tih lumtir ka tum a. Khaw awmdan chu a țhat loh sáwt em avang chuan thawmhnaw lum lam inbel chu ka mamawh thuai dawn tih ka hria. Kan inkár boruak nuam lo ru zet chu a chhan ka hrethiam chiah lo a. Dominic hmél rum deuh tak chuan ka awm a ti nuam tehchiam lo.

A ruangám chu ka va melh zauhva, nithum dawn hepa kiangah hian ka awm ve ta a, a mize inthlâk reng hi hriatthiam a har a ni.

"Crewe a lêt leh chu i duh lo leh deuh em ni?" ti a min rawn en chuan a fiamthu chu engahmah ngailo anga awm ka tum tlat a, a duh duhin min tikual tawh bik lovang.

"Ka țhiannu damloh chungcháng a nia, ka rilru ka thlâk leh chu i ring tak takin ka ring lo," ka ti ve salh a.

"Hmeichhe inringtâwk tak hi ka lawmzawng tak an ni." Dominic chuan meng de sar chung hian a ti a.

Chháng lem lovin ka dar ka san ák ringawt a, Dominic chu hawisanin kan tlanpelh ták ram chu ka thlîr daih a. Farm house ah hian lêt tumna ka nei tawh hauh lo, ka hná chu ka apartment ațangin ka thawk zawm tawh ang. Dominic hian min hlátsan thut thei dawn lo tih ka hria, ka taksa a duh angin a la chén tlat lova; a tlâwm mai mai lovang tih ka hria a ni.

"Titau duh suh Kiara, thil chin țha lo tak a nih kha," a rawn tih chuan ka lo en vat a. "Ka titau lo ve, sawitur ka nei lo a ni mai alawm" ka ti hmak a.

"A țha, hmeichhe ngawih hun hre tak hi ka duh, i bulah chuan mak min tihtir thei thil a awm fo dawn a nih hi," tháwp sat hian a ti a. Min tih thinrim a tum chiang Dominic hian! Hrep tak hian!

"Oh...ngawi hmiah mai teh," ka ti ta ringawt a.

"Kan hma lawkah sawn eitur zawrhna a awm a," a ti sup a.

Hnial ka duh viau naa, mahse a taksa lian leh sei thlurh chu motor țáwng zetah darkar hnih chhung deuhthaw a awm tawh avangin a chau tawh hle ang tih ka hrechhuak leh a.

"Awle, boss, kan inhnawhpuar dawn nia" ngeiawm zet hian ka ti a. A nui suk.

Ruah pawh a hán deuh tawh a, Dominic chuan a jacket háklai chu hlipin, ka darah min sintir a, dawr awmna ah chuan min kalpui ta dawr dawr a....

A duhnaah hi chuan a polite thei viau zel!

Dawr chhunga kan luh chuan Dominic chuan dawhkan pakhat min pan pui a. "Enge i in ang? Tui em ni? Zu lam chi reng reng in phalna kha chu nizan khan a tawp tawh a," nui chung hian a ti a. Mahse, nui lui a ang mah zawk.

"Engpawh a remchang chang a ni mai. Coffee sa țha tawk ver vawr a nih loh pawhin chocolate sa tawk a awm chuan ka duh ang."

"I duh ang pek che chu ka tihtur alawm, honey," a ti thawp sat a.

Ka chhâng buai peih tawh lo. Chimawm lutuk!

"Hei le coffee chu," tia coffee sa țha tawk tih hriat reng mai ka hmaa waiter-in a rawn dah chuan ka phu zawk a.

"I lu tereuhte ah khan enge i lo ngaihtuah leh tâk?" Dominic chuan min en reng chungin a ti a.

"Eitur lam chu chah tawh la, kawng ala thui si," ka tih san daih a.

"Ok, chah ang hmiang Kiara, eitur lamah i rilru i dah leh tawh a, thildang chu sawi tawh lo mai ang! I ngaithla tak tak paw'n ka hre lo."

Kan tlânchhuah leh meuh chuan ruah chu a hán fel vek tawh a.

"Kiara, car khalh thiam tak ka ni tih i hre tawh em?" a ti ta a.

"Huhh..ka awih chu ring suh, hetiang car-ah hian ka chuang leh tawh lo ang," ka ti vei hmak hmak a.

"I seatbelt hrêng nghet rawh le, min ngaihdan a dang deuh mahna!" tiin Dominic chuan steering chu nghet zet hian a vuan a, a speed chu tisángin chak fé hian min tlanpui ta a, minute nga dawn chu ngaihtuahna mumal nei lovin ka awm.

Jaguar car-ah ka chuang tih pawh ka theihghilh thei mai dawn alawm, car racing-a tel ang mai niin ka inhria a. Dominic car khalh thiam dan chu a turu lam hret a ni! Kan kal lamah te khan hetiang hian khalh se chuan kan thleng hma viau ang!

Car chu hnehsawh fé a thununin, a khalh zar zar a, amah lah chuan nuam a la tih hmel em em zui a...!

Hei pawh mize thar leh bawk! Engtikahmah hepa hi ka hrechiang thei ngai dawn lo a ni hi...

©<++++[BeckirafARenthleI]++++>®

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)