SOLOMOS BRIDE BY Becky Rafa Renthlei (Completed)

Moderator: Becky Rafa Renthlei

Ngaia
Site Admin
Posts: 25813
Joined: April 30th, 2016, 4:07 pm

SOLOMOS BRIDE BY Becky Rafa Renthlei (Completed)

Unread post by Ngaia » January 28th, 2018, 1:25 pm

SOLOMOS BRIDE

by.Becky Rafa Renthlei

Prologue:

Sidney International Airport-ah ka awm leh ta reng mai! Ka nupui phuahchawp zet kha ka zawng ruai a. A tarmit vuah lianpui phen ațanga min melh leh zuk zuk tur ka mitthlaah alang uar uar a. Airport main gate ațanga hmeichhe pakhat inkhaithli thlarh mai leh confi hmel zet; dák váh a lo phei ka hmuh chuan ka mit láksawn nachang reng reng ka hre lo.

Ka dinna bul arawn thleng a, a mitmeng pawl phát chuan chiang zet hian min en a. "Dazel, ka rawn tlai lo tih ka hre mai!" Àw thám deuh sapa a tih chuan ka meng buai deuh nak a.

Ka nupui thlaruk kalta a ka neih áw ngei kha a ni. Engtin nge hetianga nalh leh mi híp tur hian alo inthlák danglam ták? Lalpa leh! Ka nupui zeilo leh chincháng hre lo zet kha hetiang hian a inthlák danglam thei ang tih ka ngaihtuah ngai lo! Tuna ka hmaa ding hi chu model tamtak aia nalh a ni a, min hîp zar mai.

Ka nupui Briena Larson Solomos kha a ni ngei si!

A story tak hi khawiahmah copy phal a ni lo a, in group ah in post ve duh anih chuan a link hi share ula, a story erawh chu hetah chhiar tir rawh u whatsapp ah copy daih lo a, a link atanga an chhiar hian a story ziak tu ten hlawh an nei zel thin a, in copy chuan a ziaktute hlawh ru tihna in ni. A link share hi chu phal vek a ni e.
A link share dan: https://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a story full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved
www.storyfb.com



Chapter-1

Ka nun hmandan tura ka lo ruahman láwk ve zawng zawng pawh tunah chuan tihchhiatin a awm ta. Briena Larson vanga ka tlangvalna ka hlauh ta leh inneihna hmanga phuar beh ka ni hi ka la pawmzam thei meuh lo chu a ni e.

Ka nu leh pa te ruahmanna zawm lo thei lovin ka awm a ngai a, Larson Wool Industry leh Solomos Wool worth company inzawmtir an duh vangin an fa neihchhun ve ve min inneihtir ringawt hi a fair hlawl lo. Ka nupui tur hmel ka hmuh ni kha ka theihnghilh thei tawh pawhin ka ring lo.

Billionaire fanu mal ni ve siin a nun hmandan class lo zet chu ka ngainep hle tih ka pha lo mai ang. A sam buang ro hmel zet chu a tukkhumah a vial tawm tawp a. Tarmit power tam hmel zet leh chhah tup a bun chuan a biang a awhkhat deuhthaw tih theih a ni. A sang reuh phian a, feet 5'8 vel lai chu a nih ka ring. Mahse, a chér mah mah tih a thawmhnaw inbel lian hlup chuan a tilang chiang hle bawk. Ka khaikhawmnaah chuan nula class lo zet a ni tih hi a ni mai; kum sawmhnih lek ala ni zui ah!

Dinner ei tura kan țhut vek hnu chuan muangchang hian a room ațangin a rawn chhuak a. Ka nu leh pa leh Mr.Larson te nupa chu thawhsana tlanchhuah daih ka chák kher mai! Chu erawh ka pa vang chauhvin ka ti ta ém lo.

"Briena, kan nghak reng che, Dazel nen khan țhu dun mai rawh u." Ka pa chuan a ti nghal zung zung a. Henu bulah hian ka țhu anga maw? Teuh lo mai!

"Ka pa, puitling kan ni tawh a, țhu dun kher lo pawhin in thusawi tur chu kan ngaithla thei reng alawm," Briena rum zeta en pah chuan ka ti hmuk a.

"Mr.Solomos, ka țhutna tur chu ka thu thu a ni mai, lo buai duh suh." A la naupan tehlul nen henu tereuh hi a chapo ve hle a nih dawn hi. A hmel te lah hi a; Ka ngainat zawng pawh a ni hrep lo.

"Kan hriat țheuh angin Solomos leh Larson Wool Company hi kan fate vang hian a inzawm tawh dawn a. Fa mal in nih ve ve avangin in nu leh pa te hian kan sumdawnna zauh zel kan duh avang leh company dangin min beihrawn rengna ti tawp tur hian he kan thil ruahman hi intih hlawhtlin ngei ka beisei." Ka pa chuan a ti dap dap a.

"Mahse, ka pa..."

"Brie, bawihte ka sawi vek tawh kha," Mr.Larson chuan a fanu țawng zel tur chu a lo khap hmiah a. A pa chu rum takin a melh lét ve khai a, chu chuan a hmel landan hmuh a ti hrehawm zual. A hnarngul sang vah leh tê lam deuh chu nalh reuh phian mah se, a hmel hian min híp hlawl lo a ni. Tehtawp mai a!

"A țha alawm, heta țhut ve reng hi ka tan a țulna ka hre lo ve." Ti hmakin chu nu tê reuh chuan dinner pawh ei tum lem lovin a lo chhuahna pindan a pan leh ta daih a. Ka nu leh pa vangin ka țhu lui hram hram a, ani ve kha chuan aia upa zahna pawh a nei lem lo a nih dawn kha.

"Dazel, ka fanu kha i hriatthiam hram ka beisei, kum sawmhnih atling awrh chauh a, pasal a nei dawn tih a hriatna hian a țháwng ve deuh rih a ni e." Mr.Larson chuan a ti dam thlap a. A nupui leh ka nu erawhin engmah an sawi ve lem lo.

"Briena room-ah khan va lut la, in duhdan te va sawi dun rawh u." Tih pahin ka pa chuan wine a lem khawlh a. Lawm lo hmel a pu hran lo.

"In duhdan khan ruahmanna siam ula, ka duhdan chu i hriat kha nupui neih hi ka la duh lo." Ti hmukin ka tho chhuak daih a, hrilhhai hmel taka min en tu ka nu chu melh leh zawkin pawnah ka chhuak ta a.

**

Kei hi Dazel Solomos ka ni a. Solomos wool worth company neitu te fa neihchhun ka ni. Kum sawmthum pahnih ka pum chiah a, feet 6'2 a sang ka ni. Ka pa thlazar hnuaiah awmin min kaihruai țha hle a. Company enkawl tur hian min ringtawk tawh hle bawk a ni.

Ka nu in nupui nei thuai turin min nawr reng a. Min nawr țhin lai khan ka lo ngaihsak lem lo mai pawh a, tunah hmeichhe mawl hmel zet leh changkang lo zet ka neih angai dawn ta chu a nia. Hetiang hi a thleng ang tih hria ila chu Natalie kha ka nei mai tur a nia. Ka hmeichhe kawp langsar ber zinga mi a ni a, a nalh hle bawk.

Tun dinhmunah hi chuan ka nu leh pa ka haw hlur a ni mai! Melbourn-ah kan cheng a. Jimmy Larson fanu nupui a ka neih chuan wool worth company chairman ka ni thei dawn tih ka pa in a sawi ní ațang khan ka nun hi a zalen ta hlawl lo. Nupuia ka neih kher a țûlna lah ka hre hek lo a, a fapa neihchhun ka nih ang ngeiin company hi ka rochun mai tur a ni dawn lawm ni. Khanu kha lo piang lo tawp se a țha tur a nia!

Ani kha ka biak ngei a ngai. Inchhungah chuan lutin ka nu leh pa te lam pawh ngaihven lem lo chuan Briena room ka pan nghal a. Kawngkhar ka kik rualin vin fe hian, "Tu nge?" A lo ti hlur a.

"Keimah..." tih pahin kawngkhar chu ka nem hawng ta a.

Khumah țhu thluang diai chung hian laptop a lo khawih mawlh mawlh a. Min melh zawk ringawt; a laptop bawk chu min bihsan leh daih nia. Min be châk vak bik lo a nih hmel! "I nu leh pa thu zawm a min neih chu i tum em ni?" Ka tih chuan a túm hmak a. Min chháng duh eih lo. A luhlul hmel reuh hle mai, ka nei chák bik der si lo a.

"Kan pahnih hian țangrualin engahnge kan nu leh pa te chu kan hnial mai loh ang?" Nelawmna tel hauh lo hian ka ti leh a.

"Enteh, Mr.Solomos, ka nu leh pa hian min hmangaih viau asin pasal nei tura min ti anih chuan ka nei mai tur a ni. Mahse, nang kher i lo ni hi chu pawi ka ti khawp mai; kei chuan inneihna hi tlanchhiatsan ka tum miah lo." A ti chang fak a. A áw chu rin aiin a thám mawi phian!

"Chuti min neih chu i hnial lo tihna a ni maw!?"

"Hnial hran lo e, pasal nei turin ka la naupang tih chu ka hria mahse, hei hi lo hre ta la i rilru a danglam phah mahna..." tiin a thaw hak a. "Ka pa hian Lung lam natna a vei a, a fa neihchhun ka ni a, company leh engkim kan in leh lo ram te, share holder ten min neihsak mai a hlauthawng a, chuvanga i pa nen inremsiamna nei an ni tih ka hria a sin."

Ka thu hriat chu mak ka ti hle a, Jimmy Larson hian chhan leh vang awm lo vin a fanu naupangte hi pasal a neihtir hauh lovang tih lo hre tur ka nia sin le.

"I pa leh ka pa an ințhianțha hle tih i hre ve thovin ka ring a..." a ti leh sap a. Min la en chuang lo.

"Ka hria alawm, ka nu leh pa hi hnial ka duh bik lo va, mahse, nupui nei tur hian ka la inpeih lo a ni. Chubákah nang kher lehnghal!" Ka tih chuan a ner sak a.

"Oh..ka hria e, Mr.Solomos, i girlfriend nalh tak tak te ang kha ka ni hauh lo tih ka pawm thlap. I duh lo chung nawrluih che hi ka tum a ni lo a, pasal neih hi ka chák ring bik suh. Kan company hmelhriat loh kuta dah ai chuan tiin an thu ka zawm mai a ni."

"Kan innei a nih chuan chéndun ka duh dawn hauh lo tih lo hre ta la..." ka tih chuan ngaipawimawh lo fe hian a laptop chu a khup thak a, a tarmit chhah zet phen ațang chuan min melh kiau reuh va, ran doctor te pawh a ang dawn dawn alawm. "Chulamah chuan buaina a awm lovang!" A ti vei hmak a.

"I chiang maw? Nang ang class lo lutuk hi ka nupui ni turin ka duh lo che." Ka ti khawl a. Thu pehhél hi ka thiam zawng a ni lem lo bawk. "Pasal atan ka ît bik lo che, i chapo mah mah lo maw?" A ti ve sak a.

"I nu leh pa, ka chhungte vang chauhvin he inneihna hi ka pawm ang. Inneihna ropui beisei lo la..a hming chauhva ka nupui nih i duh chuan hnialna ka nei ta bik lo e..hmeichhe pamham, ka sum chauh duhtu te hnar nan i țangkai phianin ka ring."

"Chuti a nih chuan kan inrem ni rawh se, i duh ang chuan ka awm ang; mipa dang ka kawp pawh i phal tihna a ni maw?" Ngeiawm tak hian a nui sak a. A ha var rual țhap chu a nalh vei phian a.

"Ka girlfriend ka thlah thut thei bik lova, chuti anih chuan mipa dang i kawp pawh phalsak a ni e. Mahse arûk thei ang berin ni rawh se. Media lam hriattheih turin i in pholang tur a ni lo" Ka tih khum sak a. Henu hian khawia mipa mah kha a chhái thlu nguar ang! Amah duh tur khawpa mipa mawl an tam vakin ka ring lo. A sum leh pai chauh duhtu anni te a nih ngawt loh chuan..mihausa fanu kha a nibmiau va.

"Nangpawh media lam hriatah ualau takin i girldfriend i pholang tur a ni bik lo." A ti ve leh kher a. Ngeiawm chikimi a ni ringawt! Kei min el tur hi chuan a hniam mah mah. A thusawi zawm tumna ka nei miah lo.

"A țha e, Sidney ah i awm anga, kei Newyork-ah, chu erawh chu kan pahnih thurûk ni rawh se. Kan nu leh pa te'n kan chéngdun lo tih an hriat kher hi a țul miah lo a nia." Ka ti ta a.

"Sidney-ah company main building a awm a, nang Newyork lam daihah i awm chuan company engtin nge i enkawl theih ang." A ti khauh a.

"Ka awm lo tih hre tur chu nang leh kan michhawrte chauh an ni ang, Newyork-a kan company ka țhutchilh dawn alawm, Sidney-ah chuan ka thachhang dawltu a awm thung ang. Buaina tur engmah a awm lo."

"Ok..ka lawm e, ka tibuai hauh lovang che. Wool worth company ah staff pakhat angin ka thawk ve mai dawn nia." Nui sak chung hian a ti leh a. Engkim hi cho hliah hliah hmel a pu a, ala naupan tehreng nen mak chu ka ti deuh!

Inneihna mawlmang thei ang ber buatsaih turin kan nu leh pa te kan nawr ve tawh mai niang chu..

In lungrual ber niawm fahran hian Briena room chu kan chhuahsan ta a. Sitting room-ah coffee no dawmin an lo țhu a. Min hmuh veleh ka pa chuan, "Ka fapa eng ruahmanna nge in siam ták?" A ti vat a. Jimmy Larson natna hi ka pa hian min hrilh hauh lo. Țul a ti lo a ni ngei ang!

"Inneih chu kan remti ta e, mahse, holam thei ang berin kan duh a. Register office ah ni mai se tih hi kan duhdan a ni. Media lam hriattir kher pawh țul kan ti lo a. A ni lawmni Brie?" Tiin Briena chu ka siai zauh va. A lo man rang khawp mai, nui sak chung hian a bu ve ta nghat nghat a.

Henu chimawm zet hi hriatthiam a har reuh ngawt mai.

"A țha e, in duhdan kan zahsak ve thung ang che u. In tan a harsat dan tur pawh kan hrethiam a nia, a rang thei ang berin innei ula..Sidney-ah in kal vat a ngai a nia!" Ka pa chuan a ti zung zung a. Briena lo thaw hawk ri chu ka hre pha reng. A hmingin chauhin ka nupui a ni dawn a, ka la zalen thei tho alawm..kumkhuain kan chéngdun lo turah ngai ang.

"Dazel, ka fanu hi țha taka i enkawl ka beisei tlat dawn a nia." Mrs.Larson chuan a ti ve sap a. Enkawl maw? Huh...a fanu nen a kan inremsiamna hi hria se chuan an lawm lo khawp ang le.

"Awle, tehreng mai, ka kutah engkim dah rawh, company kalphung pawh ka theihtawkin ka lo zirtir dawn nia." Ka ti ve ngial a. Briena lo nui hak chu ka melh vat a. A hawisawn rang kher mai!

"Naktukah in mamawh tur lam khawmin bazar ula, mokawr fual tih vel in mamawh loh hmel bawk nen, naktipah court-ah innei nghal mai rawh u." Ka pa bawk chuan a ti leh a. An hmanhmawh dan em em hi a lutuk hrat! Jimmy Larson erawh engmah sawi lovin a ngawi ngul a. A hmel tak ránah chuan enge a ngaihtuahnaah awm tih pawh ka ring thiam lo!

"Mahse..." Briena chuan hamhaih hmel takin a ti sap a. A sawizawm leh lem hlei lova.

"Brie, bazar dun te chu ka chák lutuk alawm," Ka tih chuan a mengphar ák a. Min rinhlelh theihna tur hian awm ka tum lo a ni tawp mai. Rei vaklo lemchan angai tih ka hria chupawh Sidney kan thlen hma zawng chauh..

"Ok..Dazel..min lo lam mai dawn nia," a ti fet át a. Thil a man chak mah mah! A fing phian a nih dawn hi...A hmel leh taksa-in min hîp lo mah se, a thluak a hmantlák tal a; țha ve reng reng e.

Chumi hnu chuan kan chénna hmun panin Larson Villa chu kan chhuahsan ta a. Nupui hual nei ka ni ta, mokawr hák a ngén tlat lo kha ka lawm a ni. A sáng ropui si a, a cher bawk nen eng thawmhnaw mah a inhmeh paw'n ka ring hrep lo.

Briena Larson Pov*

Ka pa dinhmun hian zir ík se chuan pasal neih hi ka duh miah lo. Lung țhalo a nei tih ka hriat khan ka buai chiai țhak lo a. Ka nu zawk hi manganthlak khawpin a tálbuai kha a nia! Kei leh zel hi chuan thluak fîm hman ka ngai a ni.

Kan sumdawnna enkawl hautakzia ka hre ve kar a. Larson Wool Company board director zinga mi ten share an nei thliah thluah a. Ka pa natna hi an hrechhuak a nih vaih chuan buaina liantham kan táwk ngei dawn tih pawh ka hria. Company kalphung leh sales chungchang pawh ka pháktawkin ka zir ve a. Fanu mal ka nih mai bákah ka la naupan ém avangin engmah thiam lo turah min ngai a. Ka ni teuh si lo.

Ka pa Jimmy leh ka nu Gene Larson te duhdan angin ka inthup fai vek a. Mi lo hmuh atan chuan nula chut leh ningkhawng hre lo ang mai ka ni. Ka incheidan thlengin rual ka pawl meuh lo chu a nia. Sumdawnna chungchanga ka hriattur pawimawh leh sum chetvel dan pawh ka kum phu lovin ka hre hnem. Ka nu erawh hi chuan a tuipui hlawl lo, chuvangin vantlang leh company staff te ngaihdanah chuan engmah thiam nei lo angin ka lang mai a ni.

Pawnlamah ka chhuak tlem em em a. Boyfriend takngial pawh ka nei lo, keimah hian ka zir lo ve hrim hrim bawk a. Oliver Solomos (Wool worth company neitu) leh ka pa in business inthlunzawmna hmanrua atana an fate inneihtir tura ruahmanna an siam tih ka hriat khan ka mangang hle a. Company enkawl turin ka la naupang si, ka pa pawh a rilru a hah hle a nih kha. A fanu pasal atana a thlan chu a țhianpa Oliver Solomos fapa Dazel Solomos a ni.

Dazel Solomos chanchin chhuiin nithum chhung laptop ka khawih char char a. Ka thil hriatchhuah chuan min ti lawm fahran lo. Dressing table drawer-a Dazel profile ka print out chu la chhuakin ka bih leh ta vang vang a.

'Solomos Gold son'(Dazel); kum sawmthum pahnih, feet 6'2, Original hair colour black, eye colour dark brown. A in ziak thla dul a, nula lamah pawh a tla na hle tih media lam report inziahna chu ka chhiar thla leh a. A hmel hi chu a țha chiang alawm. A pian nalh zet leh inkhaithli zuih chuan ka tháwk a ti danglam nghal thei nia! Mipa ka hmuh tawh zawng zawngah a țha lawr lak. Mahse, a chapo mah mah.

Dinner kan kil ho dawn tih ka hriat khan ka zám hle a. Thlalak aiin atakah a țha lehzual tih ka hre bawk, kei ang hi engtin nge nupuiah min neih duh tehlul ang. Kan khawvel hman a hrang daih a ni. A tan chuan kum sawm pahnih zetin ka naupang a, chutah a lo kawp țhin te nen in anna pakhatmah kan nei hek lo.

Dazel Solomos hi neih ka duh réng em? A hmelțhatna leh a pianphungin min híp nghal tih hi ka pha thei bik lo. Mahse, a hmela min nuihsawhna lang te, mi hnuaihnung ber nimai awma min enna te khan min ti ná tlat. Ka pa natna vanga innei tur nimahila 'Chona' a ni. A nuam dangdang dawn viau e...

'Min lo en reng rawh, ka inthlák danglam thei ve chiang khawp mai' ti chhuak sapin ka paper ken chu ka pawtsawm vek a, dustbin-ah ka paih ta daih a.

A girlfriend te lehpel țhak khawpin ania ka chét dawn ni. Ka nui sak a.

A tuk zinga ka harh chuan a tlai tawh hle a, kan bazar dawn tak kha maw le.

Engmah lei tur mamawh ka nei hauh lova, Dazel lo thlen hma ngei a inpeih ka ngai. Ka inthlák ta sawk sawk a.

Darthlalang hma a ka lo din reng lai chuan ka room kawngkhar chu an rawn kik dat dat a. Hlauthawng ru zet hian ka tarmit chu bunin kawngkhar lam pan chuan ka kal hlawk hlawk a.

Ka nu leh pa anni lo phawt tih ka hre thei tlat a ni. A chhan pawh ka tho tlai deuh a nih paw'n min tibuai ngai lo, kawngkhar kik tura rin pakhat chiah ka nei.

Dazel chu kawngkhar biang ngheng chuan a lo ding a, ka hmel a hmuh ruala a ner deuh sawk chu ka hmu hman hram. Min hmusit hmel leh ngainep hmel ka hmuh chuan ka nuih a za ta tlat a. Chhia hi min ti ve thláwt hian ka hria! Ka nui chhuak hak nghe nghe!

"Thil nuihzat thlak ka sawi em ni?" A ti hmuk a.

"Sawi lo, ka...." Dazel hnung lama thil awm ka hmuh chuan ka țawng tawp chawt a. "Helmet nen maw!" ka ti hliai a.

"Ni e," tiin hnunglama a kut dah chu a rawn pharh chhuak a, "Khawi zawk nge i khum duh le..?"

Helmet pahnih a rawn lekchhuah chu ka lo en hau mai a, "Ka...ka chuang ngai awzawng lo."

"I tum chhin tawh reng reng em?"

"Tum chhin náng."

"Chuti anih chuan i vawikhat chuanna tur a ni mai alawm!"

"Car-in kan kal thei mai lovem ni?" ka la ti ve țáng țáng a. "Miss Larson tihmawh viau lo teh." Dawh theihna tlachham tih hriat tak hian min melh run a.

"Engmah pawh ka la ei hleinem," ka ti ve zel a. "Huh! Chhuanlam siam reng suh, i ei chhungin pawn lamah ka lo awm ang." Tiin a inher vut a, a kal nghal daih nia!

"Bawihte, Dazel thu ang khan awm phawt rawh, bike khalh thiam tak a nia lawm," ka nu chuan a ti dam thlap a. Bawnghnute lum leh toast min rawn chhawp sak a. Breakfast ah chuan thildang vak ka ei ngai lo.

"Nu..ka chuang ngai lo tih i hriat kha.."

"Ka hria e, ka hria e, hlauthawng mahta che." Ka hlau tho tho min tlûkpui ta se, hah... ka zak viau ang.

Pawna ka chhuah veleh Dazel bike hûnna chu ka pan nghal a, min lo en reng lehnghal. "Hmanhmawh ve deuh la maw le.." A ti nghut a. Min khak fek fek reng mai a, ka zaidamna hian a tlin lo lek lek zel.

Ka chháng buai peih vel lo. Bike-ah chuan a chuang a, hreh zetin a hnungah ka lawn ve ta hrám; helmet ka khum vei thlap bawk nen ka inhmeh lo hú hian ka hria!

Chak zetin min tlanchhuahpui ta a. Ka hlau lutuk! Min runluih ni hialin ka hre mah zawk. Loh theih lohvin a kawngah ka kuah ta ringawt a, 'tlan muang deuh rawh' ka tih tuar chuan hre lo ang hmakin zu awmthei a maw le..ngeiawm lutuk!

Dawr chi hrang hrang intlar țhup naah chuan min dinpui ta a. Inchhung bungraw zawrhna dawr te, thei tharlám zawrhna te, engkim an zawrh pawlh na hmun chu darthlalang bang phen ațang chuan ka bih dák dák a. Dazel chuan máwl min tih hmel tak hian, "Khatia bih dék dék lo khan lut ta mai che, țhing lutuk." A ti hmuk a

"Keimahin ka lut duh awzawng lo."

"A chép ropui si, ka lut peih hleinem."

"A nih chuan keimah a luh ka tum silova, kan haw thei tihna a nih chu.." ka ti ve hmak.

"Chimawm nu..lokal rawh," tiin ka banrekah chuan a rawn vuan a, dawr chhungah min hruai lut ta a. A hmel dur deuh khup chu ka en duh lo ve tlat. A thinrim pawhin a hmelțha tho.

Dawr nghaktu chuan nupa kan ni ngeia ngaiin min rawn pan a, "Puih theihna che u ka nei em?" a rawn ti thuai a.

"Ka țhiannu mamawh tur hi lo enpui ta che," ti supin dawr chu a chhuahsan ta daih a. Zui chhuak ve mai lo turin ka insum nasa viau. Mahse, inthunun hram hramin inneihna a hák tur kawr awmna lam chu ka pan ta zawk a.

Mokawr fual ka ha dawn lo bawk a, maksak zetin ka inchei hial dawn emawni! Cream rawng suit țhui nalh fahran ka ha chhin ta a, ka táwk chiah lehnghal! A dang pawh enzui tawh lovin chu kawr chu ka la nghal tawp a. a rem tur pheikhawk ka nei sa bawk nen, ka bag ah chuan ka thun ta hmak a. A man ka pék fel vek hnuah pawh Dazel chu a lo la lang ta lo fo.

Pawna ei leh intur zawrhna dawr kawtah chuan ka lo nghak ta ngawt a. A rawn lét meuh chuan minute sawm dâwn ka lo ding hman tawh. Ka thinrim țûn bawk nen en pawh ka en peih lo.

"Min lo nghak rei em? I duh i lei kim maw?" Ka hmalam chauh chu ka en ngar a, ka chháng awm lo emai.

"Titau lo mai teh Miss Larson, ka chhuahpui duh ringawt che pawh hi lawm hle la a ni mai." Ngeiawm zet hian a ti a.

"Ka lawm e," ti-el tak hian ka ti ve hmak a. A lo nui hawk thung. Mahse, nuihza tak tak a nui nilovin min nuihsawhna zawk a ni.

"Mihausa fanu ka hriat ah chuan i la chut ber, thawmhnaw nalh lei tur i hriat pawh ka ring hrep lo ve."

"Kan haw dawn em niang?" Tiin thildang ka sawi ta daih a. Ka lo chhuahpui ta kher kher hi ka inchhir tawh takzet. Ka thawmhnaw neihsa kha naktukah chuan inbel mai ila a țha reng sia, hepa nungchang hi ka ngaithei dawn tlat lo.

"Hi, Dazel dear..." Hmeichhe áw tliang nalh fahranin arawn tih chuan ka hawi sawn vat.

"Natalie, hmuh che ka in beisei miah lo!" Dazel áw dam thlap ka hriat chuan mak ka ti ru viau! Kei min biakin hetiang hian a ti ve ngai hauh lo.

Chunu hmel en tuma ka inher tur chiah chu Dazel chuan min pawt sawk a, rang zeta inherin min kuai her tel nawk bawk. "Darling...henu hi tunge?" Chunu chuan a la ti hrám a.

"Natie, zanah kan inhmu dawn nia, tunah chuan kan kal phawt angai..ka zawhte khawi thar tur hian haw a ngen a..." Dazel țawngkam kher chuan ka thin a khei zak mai! Ka tál ve phat a.

"Lokal thuai mai rawh," Sehchilh nawk nawk a tih pahin min kai dawr dawr mai a, kan tlán hi a ni hrim mai.

"Engthil nge maw i hriat le..?" Ka ti țhawt a.

"Helai hmun ațang hian kal bo thuai zawk teh ang." Tiin bike húnna bulah chuan min dinpui ta țáwk a. Helmet chu min khumtir sawk sawkin, bike ah chuan a lawn zui vat a; hawi lêt ka tum lai takin, "Hmanhmawh rawh," a ti vin țhak a. Ka hawi lét ngam ta lo, chak fe a min tlanpui pawh chuan hlau angin ka lang duh tawh bik țhak náng...

Kan tlan chak bawk si a, tháwk pawh ka thaw țha ngam lo. A tawpah phei chuan a hnungah beiin ka maimitchhing ta tawp a.

"Briena Larson, ka hnungah khan mutthilh tum țhak suh," tia min nghawk sawk chuan ka phu zawk a.

"Mr.Solomos, vawikhatmah i rual hian ka chhuak tawh lovang tih hre rawh."

"Oh..Ka duhthusam chiah a nih chu," ngeiawm tak hian a ner suk a. Ka tarmit bun chu rawn phelhin a vuah chhin a, chutah ring zet hian a nui ta vak a.

"Eng nge?" Vin zeta ka tih chuan a aia ringin a nui lui leh kher a.

"I tarmit power chu leh..ka hmu phir vek che. Hetiang a chhah teptup bun lo hian zangkhai deuh emaw, lens tal vuah mai la..Lalpa, ka nuipui tur i ni tih hi ka awih thei hlawl lo a ni e, ka rilru ka thlák hma hian innei vat ila a țha ang. I hmel hmuh reng hi ka peih lo e." A ti ta hrep a.

Kan inneih chuan hmun hrangah kan chéng dawn tak a lawm le, mahse, a țawngkam hman kher chuan ka thin tertek a kaitho nghal zak mai. Ka tarmit a ken chu rang zeta chhuhsakin, a inrin hman hma chuan a bánah ka seh sak ta vak a. A rum nghut ri ka hriat rual chuan hmanhmawh fe in kan in lam pan chuan ka tlan ta chiam a.

Min umzui lo a ni ngei ang! Ka pindan ka thlen ruala bike tlanchhuak ri ka hriat chu amah a ni tih ka ring thiam mai!

Engvanga seh ngawt nge maw ka nih le..? Â...min țawngkhum dan kha a ngeiawm ve ém a ni. Hmn..a thiamloh a nia lawm le, min hmusit turin kei aia a sán bik vakna ka hre lo e a. Hmelțhain nalh hle mah se, a nungchang khan min hîp chai lo...

Kan inneih hunah chuan Briena Larson diktak ka hmuhtir ang maw le..

Melbourn 14 Dec. Solomos Penthouse:

Ka room-ah chuan ka vei tawn chhen a, Briena Larson min sehna hnu val kulh ka hmuh apiang hian ka thinrimna a tho leh țhin. Khanu máwl leh țhing zet kha ka nupuiah ka nei thei lovang! Natalie khan a hmel a hmu hman em? Ka hre lo.

Ka pa rei fe ka sawipui hnuah pawh a rilru ka sawhsawn thei ngang lo chu a nia. A fapa hlimna aiin a țhianpa a ngaipawimawh zawk hi ka pai dam thei lo chu a ni e.

Dar 11:15 Am a ni tawh a, Briena chimawmi te chhungkua an la rawn thleng lo fo. Court chhungah inneih kan tum zet na a, ka nu leh pa in an duh leh ta lo. Kan penthouse-ah kan innei dawn ta a ni.

Ka suit hák thim lam chuan ka hmel nelawmna tel miah lo chu a tilang chiang lehzual a. Ka hlim lo mai nilovin ka táwt up up a ni ber mai. Study room zau zetah chuan ka nu leh pa, kan company lawyer leh Larson company lawyer te nen kan țhu țhap tawh a.

Contract sign-na tur paper ka hmuh rualin chu pindan chhuahsan tum chuan ka ding uaih a. Kawngka a rawn pen lût ka hmuh chuan thinrim zet hian ka țhu thla leh hnawk.

Jimmy Larson te nupa leh Briena rawn lut chu mit khap eih lo hian ka lo melh ngur a. Cream rawng suit a hák chuan a tilang chêr lehzual a, a taksa dawldáng leh pan thlarh chuan min híp mawlh lo. A sam buang khawro zet kha a chhipah a vial tawm vek a, tlem chuan hmuh a nuam ta deuh. A tarmit pawh a la bun vá thova, make up tlem a zawng a hmang ve a ni ngei ang! Heti khawpa sum ngah si fashion lama a buai tlat lo hi thil mak tak a ni.

A khup hnuailam khuhtu awm lo chu a nalh reuh phian a. Amah hi asáng viau bawk nen inchei deuhin emaw, intuai hnûm deuh se chuan a nalh riauvin ka ring. Ka thil ngaihtuah mai mai chu..(h) a hun lo lutuk!

Hunserh angreng kan hman zawh chuan kan lawyer-in contract paper chu a chhiar chhuak ta a.

"He dan hi inzawm ngei tur a ni. Ka chhiar chhuak vek anga, chumi hnuah in sign dawn nia...

1. Khum khatah mudunin nupa nun in hmang ngei tur a ni.

2. Solomos & Larson company rochun tu tur fapa in neih hma chuan in ințhen tur a ni lo. Ințhen rawt hmasatu zawk chuan company ah chanvo(share) a nei lovang.

3. Kum hnih chhunga fa in nei thei ta lo anih chuan contract hi tihdanglam theih a ni ang. Hei hi a pawimawh zual a ni a, a bák chu nangmahni'n in chhiar zawm tawh dawn nia." Tiin paper pakhat ve ve Briena nen chuan min pe a. Kei chuan ka chhiar chhuak vek tawh, Briena hmel dánglap ațang chuan kei ang thovin a huphurh ve a ni tih ka hre mai!

Kan nu leh pa te hian an ti mah mah a ni. Henu mutpui hi ka chák hlawl lo. Kan boruak țang ru at chu hre lo ang hmiahin lawyer chu a țawng mawlh mawlh a. Hming kan sign zawh chuan Jimmy Larson chu a thawchhuak hawk a. A lo țang ru ve hle a nih ka ring.

Briena tan chuan a pa vang a he inneihna hi remti a ni a. Kei ve thung chuan company tán leh ka nu leh pa tan ka ti ve thung a ni. Min hringtu kan nu leh pa te rilru tihnat kan hreh ve ve na hi henu nena kan inanna awmchhun a ni a. A bák zawngah engmah in anna kan nei lo, ka khawvel zautak leh ani khawvel siamchawp zimte hi engtin nge a inan tehreng ang ni!

Buaipui tur țul ang ang kan tihfel hnu chuan nupa kan ni ta. Media lam hriattir kan tum lova, thurûk a ni rih tlat! Company elpui tamtak kan nei a; chung ho hriat kher chu țûl kan ti lo kha a nia.

"Dazel, i nupui nen hian sidney lam in pan mai angai tawh ang. Honeymoon inhmang pah nghal thei tihna a nih chu.. Christmas a hnai tawh a, rawn haw lo law law ula tih hi kan ruahman dan a nia, in mizia leh nungchang inzir tawnna hun țhatak a nih ngei ka beisei." Ka pa chuan a ti ta a.

"Tunah kal nghal turin min duh tihna mi?" Ka tih chuan Mrs.Larson chu a lo bu nghat a. A fanu hi a lainat takzet tih a mittui tling pam ațang chuan ka hrethei mai! Chu chuan tlemin ka rilru a hneh ve ta deuh a. Tun dinhmunah pasal nei turin a fanu hi a phal hauh lo tih hrethiam turin ka fing ve táwk.

Briena chu a ngawi reng a. Hnuailam bihin a heh a pet fan fan tih ka hmuh chuan ka lainat ve deuh. Ka â thei takngial dawn, ka pa tehhrep pawh hi a. Honeymoon maw? Teuhlo mai!

Zinkawng thuitak zawh dun ka peih miah lo, chuvangin ka private jet-in Sidney chu kan pan dawn ta a ni. Briena paw'n min hnial lem lo, a ngawi ngal a biak pawh ka tum bik lem hlei lova.

Thawmhnaw leh bungrua engmah kan keng lo a, ka apartment-ah kan chéngdun dawn tih ka hriatna hian min ti țim ur ur thei nia. Ka mutpui ngei chu a ngai sia, ințhen vat kan duh chuan fá neih thuai thuai angai! Eng dan nge maw an siam le...?

North Sidney Australia; Solomos Apartment Plus Sm. At 3:00pm

"Briena, housekeeper chawlh hmanga a haw lai a nia, dinner i lo buatsaih thiam angem?" Ka tih chuan maktih hmel tak hian min en hau a.

"No, ka thiam lo. I duh chuan pawn lamah i eichhuak thei ang, min ngaihtuah duh suh." Mar pát hian a ti a. Ve lutuk hian a! A bulah hian ka awm peih bik awzáwng lo.

"Umn..chuti a nih chuan ka chhuahsan ang che. I lo inbuaipui ve mai dawn nia," tiin bedroom-ah ka luhsan ta daih a.

Shower ka nei zuai a, țhat chhuah pawh ka tum der vel peih lo, ho emai! Kan chhungte'n min hmu pha lo bawk 'Bar' ah kal daih ila nimai lawm.

Insiam peih vek a living room ka thlen thlak chuan Briena ka hmu mai lova, khawiah nge maw a lo kal hman ni!

"Briena," Vawihnih lai ka koh hnuah pawh a thawm hriattur a awm țhak lo. Huh! Ka ngaihven hluah a țulna pawh ka hre hrep lo ve.

Garage ațanga car ka khalhchhuah lai chuan pangpar bulah min hnungchhawn zawnga Briena lo ding chu ka hmu ta a. Car thawm a hriat ve ngei chu ka ring a, a lo hawi duh țhak lo! Mi mak tak chu a ni. Sum hmansen loh a nei a, hlim hmel a pu chuang der bawk si lo. Jimmy Larson fanu ve meuh si a khawsak dan mawlmang zet hian min ti hrilhhai letling zawk!

Chak fe hian ka tlan chhuahsan ta daih a. Contract-a inziak ang khan zanin hian ka mutpui chu angai ngei dawn sia, kei ang hian a huphurh ve tho chu ka ring. Mipa ka nih ang ngeiin ka hming ka sign hnan tawh a nih chuan tlanchhiat erawh ka tum lo. A nuam emaw nuam lo emaw ka tih ngei chu angai ang.

Hmeichhe tuihnang pai leh mipa lawmzawng a che phur thiam tak chu a ni lo tawp ang.

End of Chapter-1

Words: 5923
Page : 17 (A4)

Dated: 23rd December 2017


©<++++[BeckirafARenthleI]+++®



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 1:26 pm

2. SOLOMOS BRIDE

by.Becky Rafa Renthlei


Chapter-2

North Sidney NSW 161 Street

Christmas a hnai tawh hle a, khawpui chhung hmuntin mai chu an chei pe tuar a. Natalie nen khan nizawk ila chuan a dan adang deuh ang maw le. Bar-ah whisky dawmin dawhkan pakhat ka kil ve a. Hetiang reng reng hian ka la mal ngai lo. Khanu tereuh kha ka lo hruai ve ta mai lo va, eitur siam a thiam lo a nih si chuan rilțámin a awm reng dawn tihna a nia! Whisky chu tlák papin adang ka inthlit leh nghal zat a. Rui hnâpa in a chákawm kher mai, mahse, ka hmabák hlenchhuahtur huphurhawm zet khan min kap run lawi si!

Ka ruih deuh avang chuan rei fé car-ah ka țhu leh te te a. Aparment ka luh meuh chuan zan dar sawmpakhat a ri tawh. A reh țhap a, ka in enkawltunu chawlh lai a lo ni kher hi a vanduaithlak leh zel zawng a nih hi.

Ka khuma mu ka hmuh chuan bedroom kawngkaah ka ding ta chawt a. Briena muhil thaw sák sák chu ka thlir ta reng a. Tarmit a bun tawh lova, a hmai fai sar leh mám zet chuan ka mit a la kher mai. A sam khawro deuh emaw ka tih kha lukhamah a inchap darh niai a. A mit a chhing chial bawk!

Thaw ham ham chung hian ka thawmhnaw ka phelh ve ta a. Nidanga ka awmdan ang lo takin phurna maktak ka nei bawk. Ka thil in kha a thawk țan a ni ngei ang! Chu lo thildang puh tur ka hre hauh lo.

A bulah chuan dimtein ka inthawlh ve ta a. A taksa lumna chuan min ur ham ham a, a rimtui hman nam chék chuan maktakin ka tháw a tirang thei nia. Engang pawhin min dan tum mah se, zanin hian kan inneih chhan tihhlawhtlin ngei ka tum a ni.

"Briena," tih sup pahin a kawngah ka va kuah ta a. A che miah lo.

"Brie, harh teh," rúm țiah țiah chung hian ka lam hawiin a rawn inlet thak a. A hmuiah dimte a ka fawh chuan a meng chiang kher mai! Phur thei ang bera ka chét angaia a, chumi tur chuan ka infuih ru sauh sauh thung.

"Engthil...eng?" meng buai nak a atih chuan ka nuih a za ru hle. Tuna a landan hi amah a ka ngainat ve lai awmchhun a ni ngei ang.

"Contract number one kha kan tih angai alawm.." Tiin a biangah ka fawp thawi thuak a. Rum mangkhenga min enin, "Oh..i ti tak tak lovang tiraw!?" A ti hliai a.

"Kan tih ngei angai alawm, keipawhin pumpelh chu ka duh...mahse, i hriat angin fair taka chét hi ka tih țhin dan a ni. I hming i sign rual khan ka sign ve tih i hriat kha.." ka tih chuan tlémin a inthlahdul ta deuh a, lukham chu a delh leh ta riai riai a. Heti ringawt chuan eng kan ang dawn lo intur dawm hmasaktir ila a zia deuh mahna.

"Brie, min lo nghak lawk la...zanin chauh chu kan mimal nun dah țhain hun hman tum teh ang. Kan chétdan a zirin nau pawh i pai nghal thei a, kan zalen hma thei maithei asin." Nelawm thei ang ber tura ka tih chuan min chháng lovin a mit a chhing ta daih a.

Khum ațang a thovin intur dahna cupboard lamah chuan ka kal a. Sherry umkhat leh shot glass pahnih nen kan khum lam bawk chu ka pan leh ta a. "Brie, sherry hi in rawh le.."

"Zú ka in ngai lo..."

"I zámna kha a tireh mial maithei asin.."

"Diktak chuan kan tih kher angaih ka lo ring lova.." ban deuh tak hian a ti leh a.

"Ka lak ațanga zalenna i neih theih nan kan tih ngei angai..i tan leh ka tana ti ka ni." Chang deuh fak hian ka ti leh a. Sherry no a kutah ka hmehbel nghal chawt chawt bawk. Ner náng chungin a in vei khalh a..a tui ti lo hmel ka hmuh chuan ka nui suk.

"A va'n tui lo ve le.." a ti nang nang a.

"In zo vek rawh."

No khat a in zo ta phawt. No hnih tal intir țalh ka tum a. A in ve mai bawk, a hma ang ém a tuilo tihmel a pu ta lo deuh! Kei paw'n no hnih lai ka in leh a, ka thisen rawn lum țan chu thunun ka tum lem lo.

Khumah lawnin ka țhingțhi a, a hmai bul chétah ka kun hniam ta a, mit khap zak zak chunga min en chuan nui chhuak lo turin ka insum nasat a ngai viau. A zei lo tih piah lam a ni, mipa ala fawp ngai miah lo a ni ngei ang! A meng phelh deuh phang a, a mitmeng paw ráma zahna rawn lang chu ka hmuh hmai bik lo.

Ka kut hmawr chuan a nghawng ațangin ka chûl thla a, chutah a hnute zawnah tawlh thlaktir zelin, "Maimitchhing la, feel tum rawh țang țung lo khan," ka tih chuan a thaw hak a. Ka nghawngah a kut pahnih chu rawn suihin alamah min kuai kun ta a, ka rin loh dan deuhva che a ni bawk a, ka hamhaih ve deuh! A thil in a thawk țanah ka ngai hmiah.

A hmui lum ther ther si chétin min kuai hnai a, kei mipaah pawh 'pa' ve tak hi ka insum thei ta lo chu a ni e. Duhthawh zetin a hmuiah chuan ka fawp ta bawrh bawrh a. A zei lutuk lo náin a hmui ném thep chu fawh a nuam phian!

Ka kut pawh a awm mai mai ta lo..a mutkawr hák ve chhun ka hlihsak lai pawh chuan a mengchhuak chuang lo a, ka duh dan tak zawk pawh a ni. A cher ve hle a, mahse a awmbawr erawh ka rin aiin a nalh daih! A ruh deuh țalh a, a kawh deuh vah bawk. Thawmhnaw lian pui pui a hák țhin vang khan rindan tur pawh ka hrethiam chiah lo kha a nia. A hnute khuhtu awm lova lang var haih leh a hmur sen no chek chuan ka mipatna a kai tho chiang kher mai!

"Brie, ka mitah min en rawh."

"Dazel, khawngaihin i tlingtla vat teh ang," thám deuh sapa a tih chuan ka zawm rang teh a nia. A hmeichhiatna hnawm deuh chapah chuan dimtein ka lut ta riai riai a. A rum deuh hak ri ka hriat chuan ka tîm leh deuh! Mahse, kir leh thei ka ni tawh lo. A la thianghlim ang tih chu ka hre tho náin, nula thianghlim ka la mutpui ngai miau si lova; ka dim tawk lo a ni maithei! Ka duhtawk ka ngah ruala a insût ri hraih ka hriat chuan keipawh a sirah ka let thla ve nghal a. Ka rin phak bákin a nuam. Amah hi zei hawi ve ík se chuan hlimna vawrtawp kan thleng dun mai tur a nia! Chu zawng ka mumang ramah pawh a thlen ka ring lo e...!

A țap chhunzawm turah ka ngai deuh ngawt a, chutianga awm ta lo chuan khum chu thawhsanin bathroom-ah rei fé a va inkhung a. Towel pink veng țát chung hian rawn chhuak lehin dawnkana Sherry kan in báng chu a in leh ta vek a nih chu..a khawsak phung dangdai zet hian min ti phu fo dawn a nih hmel..Hmeichhe dang chu ni se, an țap hliam hliamin ka ring. A luhlul ang bawkin a tuar pawh a chhel ang, henu hi mi satliah a ni hauh lo. A kum phulo in a tum a ruh a, a chezia chu ngawirengin ka thlir tawp.

Thawmhnaw dang pawh inbel lem lo chuan drawer pakhat awmna bulah hian a va kal a. Rui ang pawhin alang lo, kan khawsak dan kha hre chhunzawm ang pawhin a lang duh der lo nia! Drawer chhungah chuan engnge awm ka hre hauh lo mai! Dimte hian a chhunga thil awm chu a phawrh ta a, chips tuihmel tak tak pack engemawzat pawm țán chung hian khumah a rawn țhu a.

"Kha kha khawia mi nge?" Mak ka tih ém avangin ka zawt lo thei lo. Kan inneih zawh hnu khan a clutch tih loh chu engmah ken a nei lova, apartment kan thlen thleng engmah leina hun a awm hek lo. A mamawh tur leh kan mamawh tur chu ka secretary khan a lo dah nual tih ka hria. A thawnhnaw țhenkhat erawh chu a nu ten an rawn thawn dawn chauh a. Eitur lam a dah tel lo tih ka chiang bawk.

"Ka lei," Min chháng tawi tek tawk hle a.

"Engtikah.."

"I chhuah hlan khan..eitur siam ka thiam lo ka tih tawh kha, ka ril a țám ve tho va..."

"Huh...Car i khalh thiam a mi?" Ka tih chuan a nui sak a.

"Mr.Solomos, i rindan ang lo takin ka thiam ve tlat. Dawr kal nan pawh i Commodore car ngat kha ka hmang mawle.." Sehchilh deuh nak hian a ti ta a.

Chips chu a ei ri hmarh hmarh a, min ti ei chák ve vek, hetiang lam hi ka ngaina lo viau a, mahse, ka eipui ve dawn chiang, amah lah chuan 'I duh ve em?' a ti duh miah lo lehnghal! Polite lo bawk si.

Țhu chhuakin a thil ken chu ka ban da da a. Ka lák hmain a thawhpui daih a nih chu, "Ka ei ve duh.." ka tih chuan a dar a san ák duh chauh. Chimawm lutuk..Ka ei malêk ang! Â.. kei hi ka titau deuh tihna mi? Huh! chips vang mai mai a titau rual pawh ka ni tawh lo. Hrep tak hian.

Khumah thinrim ru țeuhvin ka țhu a, sana ka en chuan zinglam darkhat a ri tawh. Cupboard bula Briena ding chu ka thlir reng a, inbelh leh a tum emawni le..?

"Rawn mu rawh."

"Ka thu thu, contract angin kan mudun tawh a, tunah chuan pindan hrang ka hmang thei tawh." A tih chuan chhán mai dan tur ka hre lo. Hmeichhe dangte angin min ngaihsak teh huam lo va. Min atchilh lem lo tih ka hriatna hian tlem chuan mak min tih tir deuh!

"Tehreng mai, khum khat a mutdun chákna ka nei bik lo tih i hresa a ni hial lo maw?" Ka ti ve ngat a.

"Hre lem náng, hmeichhe mamawh ngawih ngawih ang khan i khawsa bawk sia. An sawi ang hi i nih chuan hmei engemawzat i nei ngei anga...!?" țawngkam a duhtui lo reuh hle mai, ka lerh tih chu ka pha lo. Mahse, hmei ka nei thluah kher lo.

"Duhtawk rawh, mutthilh ka duh a nia, pindan lehlam saw hmang ang che." Ka tih chuan a ner sak a.

"Enteh, Dazel, he pindan hi i ta a ni maithei, mahse insawnchhuah ka tum lova, nangmah zawk khan pindan lehlam saw va hmang rawh." Zàm map lovin min en kal a. A thisen a sang mah mah, ka pindan ațanga insawn chhuak turin min ti ngam a nia!

"A teuh lo. Ka pindan a nih hi.."

"Oh..kan pindan ti ta che..'kan' tih tur aw..." tiin wardrobe chu a hawng țhuai a. Ka thawmhnaw chu a en láwr ta dan dan a.

"Engnge maw i tih le? Ka thawmhnaw dahna a ni tih i hria ang chu maw?"

"Hria e, ka thawmhnaw a lo la thleng ve silova, i thawmhnaw ka hák mai loh chuan..." a la ti ham ham a. A rui tak tak a nih dawn hi..

"I duh kha inbel ta poh che, min tibuai tawh suh ka muhil dawn." Ka ti hmuk a. Ka kham lutuk takzet.

Min chhâng tawh lovin bathroom-ah a lut ta daih a. Hmundanga inthlak kher a ngai lo chiang e, a engkim ka hmu vek tawh a, a'n zak der leh vel a. Țhing lutuk!

**

Ka harh leh chuan a tlai tawh hle a. Ka bula thaw sák sâk ri ka hriat chuan nizan lam ka hrechhuak zawk mai. Briena chuan ka pyjama suit ha chungin min kuah chial a. A la naupang hle tih ka hre tho nain a mutthilh lai phei chuan alang cute tawp. Ka rilru puthmang mai mai chu le..Ka hmeichhe duh chi a ni lo hrim hrim, vawikhat ka mutpui vang mai mai hian ka rilru ka thlák tur a ni lo. Min kuahna chu phelhsakin ka tho ta daih a.

'Ka nupui' he thu hi ka ngaihtuah duh tawh hlawl lo. Ka phone-a Natalie missed call tam zet ka hmuh chuan ka call back vat a. Nupui ka nei tih a hre tur a ni lo tawp! Kan inkár hi he Briena vanga a chhiat hi ka duh bawk lo. Sidney a lo thleng tawh tih a sawi chuan ka hlauthawng ru deuh! Briena hmel hi chu a hmu tur a ni lo. Hmanni pawh khan zawhna chhan sen loh min zawt a, ka pha hul thei hrám. Min hmu khawlo vek ang!

Breakfast room ka thlen thlák chuan Joanna a awm lo tih ka hrechhuak leh chiah. Breakfast ka insiam angai dawn tihna a nia! Briena lah khan engmah a siamthiam chai si lo. Tlawktlâw lutuk mai! Ka eitur ka insiam anga, amahin a eitur chu inbuaipui mai rawh se.

"Ka ril a țám hle mai, Dazel engemawtak ka ei a nih loh chuan ka țamchhawl takngial dawn." A rawn luh lai ka hre miah lo. Ka thilsiamah ka rilru zawng zawng ka pêk avangin a tháwm ka hre lo reng reng! Eitur min la dil ngam a nia..chunu mai mai chu..(h)

"I eitur siamsaktu tur che ka ni lo." Bung nghat a ka tih chuan a mengphar awk a.

"Tihmawh viau lo teh, ei ka siam thiam lo tih i hriat ve vek kha, i house-keeper a awm bawk si lo."

"Hmeichhia leh..zahna cháng hre ve la..i eitur chu insiam rawh, i thiam lo a nih chuan nghei ngam mai la ."

"Dazel Solomos, i eitur siam ruala ka ta tur siam tel chu a har viau a mi?"

"Har lo ve, mahse, i eitur siam tumna rilru ka pu lo ." Rum lutuk hian min rawn melh a. A biang sen țáwn țáwn ațang chuan a thin a rim hle a nih ka ring. Ka pyjama suit kha ala ha reng a, a sam sei tak chu phiarin sir lamah a thlakthla a. A doctor tarmit niawm tak kha a bun rá bawk. A thianghlimna hlauh vanga zam hmel lah a pu hek lo. Kawng dawm meuhvin min en a. A mitmeng paw ráma min huatna lang chhuak ka hmuh chuan ka țhen sak.

"A țha e, tuitakin i ei dawn nia," ti hmakin breakfast room ațang chuan a chhuak ta daih a. A titau ngam ve khangláng a nia.

Ka thilsiam ka chhunzawm san ta daih a. Engnge a tih a, engtin nge a awm tih hi ka lo buaina tur a ni lo chiang e.

Breakfast dawhkan kil a pineapple juice ka inlai chuan basket khai hian a rawn lut leh ta a. Motor chhuak thawm ka hre miah lo, min chhuahsan ațang khan minute sawmpanga bák a la liam lo tawp ang.

Basket chhunga thil awm ka hmuh chuan ka nui chhuak hawk a. Chhangthawp tharlám leh butter box pathum, strawberry corn flakes thildang pawh a tam mai! Engtik lai khan nge a lo va lei hman le..?

Eitur a siam thiam lova, ka siam lai khan khawngaih min dil se chuan ka siam kép ang ka lo ti rilru deuh kha a nia. Mahse, a teuh lo mai! Khawngaih dil ai chuan zingkara ke a dawr kal a duh zawk a nia! Ka ring sual leh ta.

Chhangthawp chu toaster-ah a dah nghauh nghauh a, ka awm ve tih hre lo ang hmiahin a thiltih lai chauh chu a ngaihven nia. Fridge a bawnghnute chu lachhuakin a chhuang pah bawk a, ka thil ei lai ngaihsak miah lovin a chétdan chu ka thlir ta reng a.

Tui tih hmel takin a ei țáwn țáwn a, cornflakes leh bawnghnute a chawhpawlhah chuan cream tlém a telh bawk. A tui hmel kher mai! Omlette ai thláwt chuan a thilsiam ho angreng tak sawn ka mit a la daih zawk.

"I omlette siam chu a tui vak nange?" Ngeiawm tak hian ala ti zui ah..

"A tui lo tunge ti?"

"Oh..tui ti ni la i ei zo daih tawh ang, ka lo luh tirh ațang khan i la khawih leh miah lo tih ka hmu e."

"I hmusual a nih chu..plate khat ka ei zo tawh, i lo luh hma khan.." Tinge dáwt ka sawi kher le.. vawikhat chiah ka la ei reng sia.

"Haa..Dazel, ka ei ang hi i duh ve tih sawi mai la, nang ang lo takin ka uikawm ve țúng lo a nia."

"Ka uikawm kher lo." Ti hmukin ka țhutna ațang chuan ka ding hluai a. "Engmah kha ka eichák tehhrep lo, khatiang naupang ei awm lek a nih kha." Ka tih chuan a nui sak a. Min hmusit hmel a la pu mah zawk!

"I inren lutuk a nih kha, nupa kan ni tho nain i account țâwm che ka tum miah lo a nia. I lo hlauthawng deuh a nih tákin," a ti leh kher a. A leili hriam zet hi ka ngaithei dawn der lo.

"Ka lawm e, Miss Larson." A bák chhan dan tur ka hre miau lova.

"Vawiinah lam enge i tih dawn tih pawh ka la zawt miah lo che a, Newyork i pan nghal dawn nge?" Chhangthawp keih hmak paha min zawh chuan chhan dan tur ka hre leh ta lo. Mi țawngtam ka nih loh mai bákah henu bulah hian sawitur ka hre lo tlat zel!

Newyork lam ka lo ngaihtuah thleng tawh reng reng lo. Engtin nge ka theihnghilh theih le?

"Ka girlfriend nen kan chhuak dun dawn maw le," ka ti ta ringawt a. Natalie ka sawm chawp tawh mai niang chu.

"Ok..a țhat chu...keipawh ka chhuak ang. Dar ruk hma chuan ka lo lét dawn lo tih ka sawi nghal e, i hmeinu nen hun thawl tak in nei thei tihna a nih chu." Tiin a tho nalh a, ka chhánna pawh nghak lo chuan breakfast room a chhuahsan ta a. Ka va'n haw ngawih ngawih tak! A kum zat hi a sawi dik lo a ni chiang mai, ani ang kum lekah hian hmeichhia hetiang êm a chaltlai hi an awm thei dawm em ni?

Ka úm zui vat a, hetiang mai mai hian min namnúl tur a ni lo. Ka nupui a ni tlat! Huh! Ka nupui.

Bedroom- a a lut tur chu han nangchingin a bánah ka man bet ta a. "Ni lo ve, Briena, i haw hma tur a ni." Ka ti hrawk a. "Chumi a nih loh chuan.." Ka sawizawm duh lo lui ngat.

"Chumi a nih loh chuan enge, Dazel?" Zawi sap hian a ti ta a. Min cho hmel tak hian a dák vah bawk.

"Dinner ei hman a i lo haw lo a nih chuan nizana i chunga thil thleng ang kha tih nawn leh i duh tihna a ni ang."

"Nang mi tenawm, zakthei lo pa.." tih tuarh pahin ka ngalah a rawn pêt chawrh a. "Contract ang diak diak a kal duh lo tu kha nangmah i nih kha." Vawt raih hian a ti ta a. Room-ah rangzet hian a lut nghal hmak bawk. Kawngkhar a kalh ri rak rak thawm ka hriat pawh chuan chêt mai nachang ka la hre lo.

A duh chen chen inkhung rawh se, pawi tawp lo e.

Darkar hnih ngawt study room-ah ka awm tawh a, Briena tháwm hriattur a awm lo reng reng! Ka rin aiin a inkhung rei peih zék. Nge? Laptop hmaah a țhu leh tawh zawk? Jimmy Larson fanu hian engmah thiamna a nei ve pawhin ka ring lo. Company staff angin ka thawk ang a la ti deuh deuh va, ani engatanmah chhawrna tur ka hre hrep lo ve. Mahse, ka pa thuhnuaia awm kan la ni a, Briena pawh company neitu a ni ve tho tih ka hrechhuak leh hnuhnawh.

Lunch ei turin pawn lamah chhuak daih ila a nimai. Eitur insiam reng ka peih lo a. Khanu lah kha a rintlák mang si lo! Chimawm ropui si.

Inthlák tura kan room ka pan chuan a inkalh miah lo a, chhung lamah a inkalhkhum ngei khan ka hre sia!

Pindan chhungah Briena a awm reng reng lo. Hmanhmawh zetin ka inthlak sawk sawk a, inhnuai lamah pawh a awm chuang lo. Khawiah tehhrep nge maw a lo chhuah ni? Sidney-ah hian a mikhual viauin ka hre sia, nimin tlai lamah kan thláwk lût ve chauh a. Vawihnih dawrah a kal hman tawh a nia! Kawlhrawng lutuk.

A phone number ka nei reng reng lo. A nu leh pa zawt dawn ila thil tihchi a ni lem bawk si lo. An ngaih a țha lo nghal vat mai dawn a, chu chu ka thil duh loh ber a ni. A kalna tur awm ang ka ring thiam der lo lehnghal, a duhzawng leh a ngainat thil engmah hriat ka nei lo.

Lunch ei tur pawh chuan ka chhuak duh ta lova. Thinrim zet hian ka vei sek a, garage ah ka car a kim țhap bawk si.

Zan dar ruk a pel ta. Thawm ri hlekah ka hawi nghal vat zel a, sofa-ah chuan țhuin whisky no ka dawm a. 'Rawn haw teh Briena Larson zirtirna ka pe khawp ang che ' ti supin whisky chu ka tlák pawp a; Ka pum a sa nghal ram ram. Engmah ka ei lo miau va...

Kawngkhar inhawng thawm ka hriat chuan ka dák chhuak vat a. Percel pahnih pawm chunga Briena lo lut chu rum zet hian ka lo melh a.

"Khawiah nge i kal?" Ka lo ti nghal hlur a. Ben țawlh tlak a ni. A la nui var var lehnghal a!

"Ka chhuak dawn ka tih kha.."

"Tu thu in nge i chhuah, engtinnge i rawn haw?" Ka hmel rum ûl a hmuh vang chu nge, a nui hmel a reh riai riai a. 'A țha, i nui rei dawn lo reng a ni' ka ti rilru a.

"Ka thu in maw le," tih pahin chahbi a vai zauh a. Car thar a lei tihna mi le?

"Min chhang țha rawh aw, Mrs.Solomos," Ka ti hmuk a.

"Hah! Mrs.Solomos," tinawn ve sapin percel chu dawhkanah a dah ta a. "Mrs.Solomos ni lovin Briena Larson maw le..Dazel uikawm pa." A ti nawn ngat a. Min zahpah lo hmel ka hmuh chuan ka thin a rim hlur mai, a lamah chuan ka pen phei ta chhak chhak a. Engtia tih nge ka tum ber erawh ka hre lo.

"I hming chu Solomos a ni. Nizan ațang khan i ni leh zual bawk Larson tih kha sawitel țhak tawh suh." Ka tih sup chuan a tarmit phelh meuhvin min en ta kalh a. A mitmu rawng paw phât de deuh sar chu ka melh let ve reng a, a hawisawn duh chuang der lo.

"Engtik lai khan nge Solomos ka lo nih a, han sawi teh Dazel?"

"Ka sawi zawh chauh kha..i beng a ngawng tel deuh em ni? Insiam la pawn lamah dinner kan ei ang."

"Ka ei diam tawh. Ka tel lovin i ei mai a ngai dawn ta a nih hmel, Mr.Solomos." A ti fak a. Percel chu a hawng nghal mawlh mawlh a, enge a chhungah awm tih en tum a ka kun rual chuan ka lu a min nem sawk a. "I mamawh engmah a awm lo, naktuk zinga ka breakfast tur leh zanina ka ei tur a nih hi," a ti ta a.

"Enga? Engmaw i sawi?" Ka lamah ka pawt hnai dawrh a. A tarmit ken chu a thlauh ta a. Ka thinrim ve bawk nen chhuat a tarmit tla chu ka rap keh ta vek a.

"No," a ti sap a.

"Yes."

"Tenawm pa, mihring pawh i ni lo vawk i nih kha, vawk ang chauh i ni." Ti leh in ka áwmah min chum a, a kutthlak a na phian! Tukinah min pét tawh a, ka dawh mai mai dawn tawh lo; zirtirna ka'n pe hlek ange.

A kut pahnih chu manbeh sakin sofa awmna lamah chuan ka pawt phei dawr dawr a, a tâl ve nasa ngang mai. Min hneh dawn lo tih ka hriat ang bawkin a hre ve awm tho sia, a la tál ve țang țang tho! Chuti mai chuan ka duh angin ka thunun thei der lo.

"Awm țha rawh. Vawikhatmah kut min thlâk tawh suh." Tiin sofa ah chuan ka nem țhu hnawk a. A ke in min la tlawh hrám nia! Kawlh lutuk.

"Ka tarmit min tihchhiat sak ngam a maw," thinrim áw khur dar dar a atih chuan tlemin ka inthiam lo ta deuh.

"Kawhmawh bawl reng lo la chuan a chhe tawp lovang."

"Enteh, Lorna, min present a sin. I thil tih pawizia hi i hre lo a ni." Tiin a pheikhawk bun chu hlipin ka khélah a rawn vaw zawt a. Ka nui teuh lutuk! A thinchhiat em em zia hi thilmak a ni!

"Kut min thlâk tawh suh, ka sawi nawn tawh lovang."

"Duh leh,"

"Țawng tawh suh, ngawi reng khan țhu rawh."

"Duh leh," a la tih zel vang chuan a bulah țhu thlain a hmuiah ka fawp ta siah a. A rin loh dan deuh a che ka ni bawk a, a meng bial nasa mai! Dim baksak lo leh runluih paha fawp ka ni bawk a, ka hmui a thip hlur thei nia.

A theihtawpin a tál ve tak ná a min hneh ta ngang lo, zawi zawiin a inthlahdul ta hret hret a. Min chháng lét lo a, a dawh mawl tawp ringawt.

Ka hmui ka láksawn rual chuan a hmel chu chiangtakin ka en a. Miittui tling pam hian min melh lét a, chutah a hmui chu pet lehin chhuak zet hian a țap ta a.

A țhutna ațanga a thawh chuan chelh pawh ka tum lo. Chhuata tarmit keh chu insût hlap hlap chung hian a chhar ta sawk sawk a. A chétdan chuan min țhawng viau! A luhlulin a kawlh hle a, mah se...a rilru chu naupangchhia chiah chiah, kei hi ka lo ti lutuk deuh em ni? Inthiam lo ru zet hian ka en reng a. A thil chhar khawm chu paper-ah fûnin kitchen lamah a phei pui ta daih a.

Ngawi rengin a hnungah ka zui ve zel a, a kut silin a hmai a phih nghal bawk a. Ka awm ve tih hre lo ang chiahin a khawsa leh tawh..heihi ka huat ber a ni bawk! Hmeichhe dangin min neih loh hlauva an phét sek laiin ani erawh hi chuan mipa ang paw'n min en ve lo. Nizana kan mutdun pawh khan ahmelah nuam tihna leh phurna reng a nei lo kha a nia! A pa vang chauhva min nei a ni tho náin kei hian beisei ka lo nei tel reng a ni zawk em ni? Huh!

Living room dawhkana percel chu ala a, a chhunga eitur ho chu fridge-ah a dah lut leh thlap a. Min melh chhin eih lo! A țahna avang chuan a hnar leh mit a sen rám a, tuna a landanah hi chuan kum sawmparuk mi vel lek niawm a ni.

Chinese food inpack thlap chu bowl-ah ruak chhawngin dining table ah chuan a hûng a. Amah pawh chair a țhu ve nghal bawk, hawi chhuak map lo hian a ei ta mawlh mawlh a, a insût leh faih zel. Thinrim chunga thil ei a țhalo tih hre turin a la naupang deuh a ni.

"Brie, duhtawk rawh," ka ti ta ringawt a, chuti a nih loh chuan luak khawpin a ei duh mai ang. Ka sawi hre lo ang hmiahin a ei lui ngáng ngáng a, a bowl hi ka láksawn sak a nih loh chuan thinrimin a ei zo thei takngial dawn!

"Briena," Rum zetin min melh nghek, a tho chhuak ta a. A thil eina vel a sengfel vek hnuah a chhuak vei tharh a. Ka zui zel tho.

"Min zui reng kha duhtawk rawh Dazel Solomos," a ti hmak a.

"Ka zui loh che in..thil âtthlák tih i chîng êm alawm."

"I lo buaina tur a awm lo, min hnaih țhak suh," a bulah ka țhu lui ta tho a.

"Sorry, thinrim tawh suh," ka ti dam thluam a, a țah laia a hmel khawngaih thla la zet kha mitthlain ka nui hawk a.

"What, sorry?"

"Sorry," ti leh supin a biangah ka tawk zauh a. Chutih laitak chuan kawngkhar chu a rawn inhawng a, "Darling, call i pick thei miah lo.." Natalie chu a rawn pén lut ta thlarh thlarh a.

Briena inlahrang vat chu ka hmu reng. Natalie tehreng pawh hi a..lokal suh ka ti reng sia! Lalpa leh..vawiin hian hruai chhuah ka intiam tak alawm le..

"Darling, henu hi tunge?" A ti nghal ta réng a, "I apartment-ah hian enge a tih ve a?" a tih zawm zat a. A thikthu a chhe ropui si engtin nge ka chhán ták ang?

"Natie, ka...." ka'n țawng bah vel chu le..

Briena lah chu engmah sawi tum lo tih hriat fahran hian a inkuangkuah thán a. 'Ka nupui' tia inhmel hriattir ka duh der si lo.

"Tunge i nih?" Briena lam hawiin Natalie chuan a ti chang fak a.

Ka bulah arawn țhu nghal zat a, nidanga a tih țhin dan ang thovin; midang vengthàwng hauh lo hian ka hmuiah a fawp ta a....

End of Chapter-2
Words: 5214
pages : 16 (A4)

Dated: 24th december 2017


©<++++[BeckirafARenthleI]++++>®

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 1:27 pm

SOLOMOS BRIDE

by.Becky Rafa Renthlei

Chapter-3

Dazel Apartment Plus Sm: Living Room.

Ka inchhungah ka girlfriend-in ka nupui hmuh laiin min fawp a nia! Briena hi engtik laiin nge ka nupui tia ka lo sawi tâk?

Natie chuan min fawp tawn tawn a, nuam tihna pakhatmah ka nei lo. Briena tehreng pawh hi inthiarfihlim ve mai tur a nia. Natie'n a hmui a láksawn hnu chuan, "Dazel, henu hi tinge a awm ve reng a? I apartment enkawltu ka tih dawn chuan Joanna kha niin ka hre sia!" In la no zet hian a țawng țálh țálh.

"Nang nu kha tinge i la țhut ve reng hun thawl kan mamawh tih i hriatthiam ka ring." Briena lam hawi chuan a ti hmak a.

"Sawm loh mikhual ka lawm tehchiam lo." Briena țawngdan mai mai chu(h).

"Khangláng che chuan i la naupan hmel tehreng nen i zam lo reuh hle mai. Darling tunge henu hi? Nichin ațangin ka zawhna i la chhang miah lo." Ka lam rawn hawi pah chuan a ti leh a.

"Ka.." sawidan tur ka hre mai lo.

"I boyfriend nen khan lo sawidun rawh u, tunge ka nih i hre duh takzet a ni chuan.." Natalie nen rum zet hian min melh a, inchung panin a chho ta daih a. A khawsazia ngéng ngalh hi Natalie te ang 'kei ka ni' in ti ve tan chuan ngeiawm tak tur a ni. Mahse, ka nuih a za tlat thung. A pasal angah hian min la ngai thei tlat lo chu a nia! A awm ve tho ve.

Briena kal hnu chuan Natalie chu a la tum bár a. "Dazel, khanu kha tunge? Tinge engmah i sawi duh miah lova, kei min thlauhthlain ani kha kawp i tum a ni lo maw?" A ti leh a.

"Chutiang lam a ni lo. Briena Larson a nih kha. Hun engemawti chhung chu ka inah hian a chéng ve rih dawn a.."

"Engmaw i sawi? Hetah a chéng dawn maw? I tan enge a nih?" Vin zeta a tih chuan sawi mai dan tur ka hre lo.

"Eng lo a nia, Company lama thawk tur a nih kha, Mr.Larson-a fanu a nia, ka inah hian a awm rih anga, kei erawh chu Christmas zawh lamah Newyork ka pan tawh dawn a, karkhat chauh kan chengdun dawn alawm. I tan venthawn tur a awm lo." Ka ti ta ringawt a. Hetia ka tih mai loh chuan nupui ka nei tih hi Media lamin an hriat kan duh lo kha a nia! A hunah chuan ka nu leh pa in an puangzar mai ang.

"Hmun dangah insawntir mai la, chendun kher enge a țulna?" A la ti zel a.

"Hriatthiam tum rawh, a rei dawn lo. Nang tluk tur che hian a nalh tawk lo tih i hmu a ni lawm ni? Khatiang hmeichhia ka duh i ring ém lo'ng chu!"

"Ok..A țha alawm, i rualin Newyork ka pan ve dawn tihna a nimaw?"

"Loh theih nang, i kal tel ve ngei ang." Ka tih chuan a nui ta var var a. Henu hi chu a chhe lo thlâwt, hmeichhe tamtak min duhtute zingah ani chauh hian min hîp a ni. Tisa thil takin kan inrem hle bawk. A thikthu chhe lutuk erawh hi chu khak deuh angai, mipa ka nia inzawmna nghet neih hi ka la tum chhin ngai lo. Tunah loh theihlohna vangin nupui tuihnai lo zet ka neih angai a, Briena vang hian Natie ka thlauhthlák a țulna ka hre hran lo.

"Intur kan dawm dawn em niang?" A lo bu nghat ka hmuh chuan vodka la turin ka thawhsan ta a. A duh ber kha a ni tlat a.

"Khanu kha ka ngainat zawng a ni lo. A inthuam dan te kha Middle East lam mi niawm tak a ni." Natie chuan a la ti hmarh hmarh a.

"A thawmhnaw ngainat zawng a ni tihna aniang chu.."

"A hlawh a tam vak lo a ni ngei ang! Retheih hi chuan duh anga țha thawmhnaw leina tur sum a harsa duh a nia!" Briena hnuaichhiah zeta a tih chuan ka ner sawk. Ani aiin a hausa fé tih hrilh ka tum miah lo, ka nupui a nih mai bákah World wool company lar tak neitu fanu a ni tih a hriat loh hi tun dinhmun atan chuan a him rih tlat.

"A ni chungchang kha sawi tawh lo teh ang, ka kham tlat!" Ka tih chuan nui sáng hian min ngheng hnai țalh țalh a. A hmui sen hlar mai chuan min rawn fawp ta a. Hnar ka tum eih lo.

Duhthawh zetin kan infawp tawn tawn a, hmanhmawh zeta kan thawmhnaw inbel chu hlipin, sofa dûp zetah chuan kan tlu dun ta a.

A taksa mám han mai ka zut chuan Briena vun a tluk lo tih ka hre nghal. Ani kha ngaihtuah hun pawh a ni lo, Natie chu chunglamah țangin a tihtur a hai lo kher mai, duhthawh taka a chet hnu chuan ka chungah a bawk zawi ta thlar a. A zei thláwt! A hma kha chuan hmangaihna chendun tiin kan mutdun hian ka lo ngaihtuah țhin kha a nia. Zanina kan chetdan erawh hi chu tisa chák hrikthlakna satliah a ni berin ka hria. Briena ka mutpui laia nawmna vawrtawp ka thlen ang kha ka thleng lo tih ka pha thei lo ang. Khanu hrep kha! Ka ngaihtuahna a luah rei mah mah.! Chhing sawkin Natie chu ka kuah ta a.

Thawm bengchheng zet hian minti harh hlawl a. Ka ring kham ut ut chu ka hre hmasa ber. Zawimuanga ka men chhuah chuan sofa-ah ruak ngalngatin Natalie nen kan lo la mudun a. Sana ka en vat a, zinglam dar sarih a pel tawh.

Briena kha...!Tun thleng thleng a mu tur kan ni lo.

Ka tho chhuak vat a, Natalie pawh ka kaitho ve nghal bawk a. Choka kawngka ațang chuan Briena chu a rawn pen chhuak ta a. Lalpa leh..min hmu vek tihna nimaw!?

A sam chu sáng takah a țawn a, Jump suit sen țial hain running shoe a bun bawk a. Exer la zo chiah hmel a pu, a biang sen deuh țán ațang chuan a la hahdam lo tih a hriat mai. Min rawn melh zawk a, a ner zui sak bawk.

"Nangnu kha min en reng loin i hna thawk rawh." Natalie chuan a ti fak a.

"En reng in duh loh chuan living room sofa lovah khan mudun ula ti nia!" An inchháng tawk khawp mai. Briena sawi hi a dik chiah, helaia kan lo muhil hi kan thiam loh a ni.

"Nangnu hi i chák dawn lo khawp mai!" tihpahin Natalie chuan thawmhnaw ha mumal lovin Briena lam chu a pan ta a. Lo dan ka tumna kut chu a vai sawn lawp a. "Company staff pakhat ve maiin khatiang khan min țawngkhum ngam amaw?" A ti khur dar dar a. Ani pawh hi kawlh ve fia fia tak a ni. Briena'n engtin nge atih lêt ve hmuh ka châk tlat pek a nih chu.

"Company staff maw! Miss, i hresual deuh a ni lo maw, sawm lohvin mipa inah i kal a, chutah ualau takin inla mudun zui a, Mr.Solomos hian kha i taksa kha nalh a ti viau a nih pawhin kei chuan ka ti ve lem lo. I hnute te kha i lo hnawh puar belh țhin a nimaw! Thlaláka a landan leh tuna a landan a dang tlat!" Tiin a nui lui hak a.

"Oh...nang mi tenawm!" Tia inhup chungin Natalie chu ka lam panin a rawn lét leh a. Sofa-a a thawmhnaw hnawk nuai chu a inbel ta mawlh mawlh a. Nui chhuak lo turin ka insum nasat a ngai viau. Model a ni a, a hnute a te viau tak alawm, thlalâka a landan leh a taka a pianhmang inpersan zet hi Briena hian a lo hmu thiam a nih ngei dawn hi.. Henu tak hi chu aw...!

"Dazel, i hmeinu kha i lo zilh deuh thei angem? Thawmhnaw ha lova midang hmachhawn mai mai rual a ni tawh lo tih i hrilh ngei ka beisei!" Tia inher hmakin inchungah a chho ta a.

"Vawiinah chhuahtir ang che, i chhuahtir lo a nih chuan kan inhmu tawh lovang " Natalie thinrim insawh nghawng nghawng chu thlêm tumna ka nei lo. Ka chhuahtir theilo tia insawifiah pawh ka tum chuang lova.

"I thu thu a ni e, inhmuh tawh loh i duh chuan sawi theih ka nei lo a nia."

"Dazel, khanu kha i țan zawk tihna mi? Min țawngkhum dan i hriat vek kha."

"I va inrawlh hmasa tih ila hre ve rengin ka ring, i inpeih chuan pawn thlengin ka thlah ang che."

"A lo nih tak chu..thlah ka ngai lovang, khanu nen khan inzawmna innei chiang a ni, ka la hre khawp ang." Tiin a bag chu ala tau sawk a, a chhuak nghal hmak bawk. Dim lo zeta kawngka a khar hnu chuan ka thaw huai mai.

Briena țawngkam kha ngaihtuah lehin ka nui hawk a. Tumah hlauh a nei lo reuh emawni! Tupawh mai hi a cho ár reng a, midangin an ti hmasa a nih loh chuan a ngawi thei viau lawi bawk si.

Breakfast room-ah lutin eitur ka siam ta daih a. Tun țum chu ka siam kêp ve ngei a ngai tawh ang. Nizanah a tarmit ka rah chhiatsak bawk nen; thupha chawina angreng deuh te pawh a ngai ve ang chu..min pháwk chiang ngang bawk sia, ka nu leh pa beng a thleng anih vaih chuan a fuh viau lo.

Pen thawm ka hriat chuan ka lehhawi vat a. Inchei peih sa diama Briena lo ding chu ka nuih suk a. Kawrfual a khup khuh lo hlek a ha a, a sam a chhipah a vial tawm vek bawk. A darah a kawr rawng ang chiah bag a bát leh tawp a. A landan simple zet chuan mit a ti hahdam hliah hliah.

"Breakfast ka peih țêp," ka tih chuan a dar a san âk a.

"Ka lawm e, ka ei tawh tlat."

"Engtikah?"

"I hmeinu nen in mutthilh hlan khan ka lo ei diam tawh. Min siam sak ve leh dawn lo tih ka hriat vang te pawh a ni mahna," ngeiawm takin a nui sak a.

"Ka siam sak dawn lo che tih ka sawi lo."

"Oh..Mr.Solomos, nimin lam kha chuan i sawi chian khawp kha maw! Inhnial nan hun ka nei lo, ka chhuak dawn tih rawn hrilh che ka tum mai a nia."

"Chhuah kher enge a țulna?" Ka la ti țalh a. A sawi kha a dik chiah, nimin lamah khan breakfast ka siamsak ve dawn loh thu ka sawi tak kha maw le.."

"Ka tarmit i rahchhiat ták kha siamtir ka tum, Lorna min present ka tih tawh kha. He aparment hi i ta a ni maithei, mahse, i hmei te'n an duh duha min țawngkhum dawn a nih chuan ka paidam mai mai dawn lo tih lo hria la, tin, zalen taka ka awm thei dawn lo a nih chuan engvangin nge Melbourn-ah ka haw mai lohvang?" A ti ta hmak hmak a.

"Ngawi hmak rawh. Hmeichhe țawngtam zet ka ngaina lo a nia." Ka hlauh ang chiahin thil a kal dawn tlat! Melbourn-ah a lêt vaih chuan ka nu leh pa an lawm lo khawp ang le.. A luhlul reuh sia ka dan ngei a ngai.

"Hmeichhe țawngtam ka ni hauh lo. I nupui ka ni a, kan contract ah khan kan chenna hmunah hmeichhe dang i mutpuiin i khawi thei tih inziak a awm lova, chuvangin ka ngawih reng a țulna a awm lo." Hmak mai a! Min vau ve khangláng emawni.

"Nizan thil ang kha a thleng nawn tawh lovang, ka tiam a che."

"Chuti tur chu a ni reng a ni. I duh duh kawp thei turin i zalen a, chulam chu sawisel tumna ka nei lo che. Amaherawh chu he apartment chhungah hi chuan khatiang thil kha i thlentir tawh tur a ni lo. Min palzam emaw min runluih anih chuan ka sawi ang khan ka awm ngei ang. Pasal ka mamawh lo tih i hriat kha." A ti ta a.

"Ok..A thleng tawh lovang, Newyork lamah ka insawn thuai dawn a, Christmas thlen nan nihnih chiah a awm tawh a, chumi chhung chauh chu inrem takin awm tum teh ang." Ka ti ve ta a.

Awle, a țha e, ka kal a nia."

"Min nghak lawk la ka hruai ang che."

"A ngai lo ve, niminah car thar ka lei alawm. I girlfriend ringawt i ngaihtuah a, garage enna chang i hre lo pawh ka dem lo che." Tia nui lui sakin min chhuahsan ta a.

Ngeiawm chikimi nge nge, țawngkam pawh a thiam phian e, mipa zawk kan hawi lawl lawl mai chu a nia! Common lovi, Kawlhteii, hming chi hrang tamtak ka phuah sak țeuh hman. Kum sawmhnih erh awrh a nia, khawvel a hmachhawn ngam salh salh khawp mai.

Hmeichhe țhenkhat chu nise, sum khawrala nawmsip bawlin an hun ang hmang ang. Ani erawh chuan a nihna ang angin khawvel hi a hmachhawn ngam mai a ni. A nunah mipa tih vel hian hmun an chang lem lo khawp a nih hmel. Tum bulfûk tak a nei ngeiin ka ring a, a chanchin chhuichian hi ka tih hmasak ber tur a ni. A phone number ka la nei ta lo fo! A nu va biain ka zawt mai dawn nge?

Vawikhat chauh kan mudun a, chu lah chu ka ngaihtuah fo lehnghal! Hrep tak hian..ka nunah ani ang hian hmun an chang tur a ni lo. Eng car nge a lo lei thawt thawt le..Pali lai ka nei a, hman ve mai awm tak! 'Seperate girl' Hah!

Briena khan enge a ei kha? Corn flakes leh bawnghnute, cream a mix tak alawm le..ka ei ve dawn khawp mai. Fridge chu hawngin ka mamawh tur ka lachhuak a, hetiang thil hi ka ei chák ve ta chu a nia! Awihawm loh zawk hian a...!

North Sidney Warringah shopping Mall 104; 11:00 Am

Briena pov*
Warringah Mall ground floor-ah ka tarmit siamtir turin ka dah a, christmas a hnai tawh viau náin ka tan chuan engtihnamah ni ve hian ka hre lova. Kum dang chu nise, kan chhungkuain hlimtakin hun kan hmang leh anga, kumin ah ve thung chuan ka pasal lem zet nen nu leh pa hmuh phák lovah ka hmang dawn chu a ni sia. Ka țah a chhuak zawk.

Dazel Solomos hi haw viau thei ka ni lo tih ka hria, amah vangin kan company a him phahna lai a awm ve a. A tan chuan ka țha tawk lo tih ka inpawm thlap l. A hmeinu chhe lo zet ka hmuh phei kha chuan ka inhmu tê chem chem mai! A nungchang ngainatawm loh zet leh chapo tak kha nei lo phei se chuan Natalie Stone tluka hmelțha ka hre lo. Wool worth fashion model a ni bawk. Chuti a nih chuan Wool worth leh Larson company kan inzawm tawh avangin kan company hnuaiah a thawk tihna anih chu... Dazel girlfriend kum hlun. News paper-ah an lang chuai chuai țhin a, khawi hmunah mah ka hai lovang.

Contract anga kan mutdun hnu khan ka thawl huai thei nia! Dazel min khawihna kha maktakin ka taksa hian a dawngsawng țha hle a. Inthunun tumin ka bei nasa viau bawk. Tawn hriat ka la neih miau loh avang leh mipa ka fawh hmasak ber leh mutpui awmchhun a ni. Kum sawmhnih ni ve tawh mahila mipa lam hawi hian ka mit ka lèn ngai lo.

Dazel tan erawh chuan a hmasa ber ka ni lo tih ka hria a. Diktak chuan a hmelțhain a hausa a, nula tam tak átchilh rawn a ni. Kei ngei pawh hian kum sawmparuk ka nih lai khan ka lo buaipui hrep tawh kha a nia. Company inremsiamna hmanga kan innei dawn tih ka hriat khan ka phur ru hle tih ka pha miah lo. Pasal neih ka duh ta viau tihna nilovin, Dazel kianga ka awm thei tur kha ka lawm viau. Mahse..

A mize nelawm fahran lo te, chapo leh induh zet te hian amah ka lo dream țhin ang nungchang pakhatmah a pu lova, chu ai chuan huatna rilru min puttir ta zawk hlauh! Contract anga kan kal dawn anih chuan nau pai vat kha a fuh ber. Vawikhat chauh mutdun hian a rai theih tho tih ka hre ve tlat. Mutdun leh ka duh tawh bau lo.

Natalie nen saruaka an mudun ka hmuh khan ka ná zawk a. Mahse, dem thei ka ni lo, kan inremnaah midang inneihsan a theih vek kan ti miau va. Ka enliam mai angai ta a nih kha. 'Ka girlfriend ka thlah thut thei bik lo' a ti thlap tawh tlat alawm.

Newyork-a, a awm chhungin theihtawp chhuahin ka lo inbuatsaih ve thung dawn a ni. Company-ah hian board director ni phák tura thiamna nei ka ni tih hi ka hmuhtir ngei ang. Tuna min hriat dan Briena Larson țhing leh mawl, engmah thiam neilo emaw atih hi tunge ka nih chiah ka la hmuhtir ngei ang. Car khalh pawh thiam lo turah min ngai a, ka ni teuh si lova. Wool company kalphung leh fashion design thlengin ka thiam tih a hriat huna a hmel awmdan tur hriat ka chák tawh kher mai. Ka thil ngaihtuah avang chuan ka nui sak a.

"Mahni a nui vur vur rual lek i la ni maw?" Glass house manager niawmtak chuan nui sáng hian min bia a.

"Hah..umn..i siam zo dawn tawh em?" Ka tih chuan ka lam hawiin tarmit a rawn lek vá a. A zo der a nih hmel!

"Siam a har hleinem Miss, thildang mamawh i la nei em?" Polite takin min zawt leh a, kei ai chuan a upa hretin ka ring a nelawm hmel viau.

"Er..eng lo, contact lens transparent in nei em?"

"Tunah chuan nei lo e, kum tawp chawlh hmangin an haw vek a; kan hnathawkte an rawn let hunah kan nei ang. I mamawh réng a ni. Kha i mit rawng mawizet thup bo tura tarmit i bun tlat hi mak ka ti reng a ni." a ti deuh duah a.

"Pair thum ka order thei angem?"

"Lutuk tlat, i hming leh phone number dah la, a lo thlen hunah ka lo hrilh ang che, karkhat hnuah aw.."

"Ok," Ka tarmit bun chhan hi ka nu leh pa bákin an hre lo. High school ka kal laiin computer ka átchilh bur a, ka khawih nasat lutuk nalamah ka mitin a zo leh silova, lu ná ka nei fo țhin. Luhlul chhuahin ka khawih lui ngang ngang a, zai hial ka táwk ta kha a nia. Ka mit veilam hi nikum hmasa khan an zai tawh a, chuvangin tarmit tel lo hi chuan ka awm ngai ta meuh lo. Ka nin deuh chángin lens ka vuah mai a, ka best friend Lorna khan Italy an pém dawnin tuna ka bun lai hi min present a ni. Ka roh hle bawk.

A man te kan inpék fel hnu chuan glass house chu ka chhuahsan ta a.

Warringah Mall-ah nilengin ka bazar a, eitur leh Christmas tree, a cheina tur nen ka lei tel nghal vek. Hetiang tal ka tih loh chuan ka â thei takngial dawn alawm.

Ka nu leh pa, Dazel nu leh pa tiamin an thil tur ka lei tel bawk a. Ka thawn fel nghal vek, min phût ka ring chiah lo náa ka tih sak ve ta thova. Dazel tân Japan siam gold sana ka lei tel a, a man a to far far khawp mai! Mahse, min puih inhuama a nupui ka nih manah a phu ve chuan ka hria. Box tereuhteah khungin ka tuamtir thlap a. Sum a ngah viau tih ka hre thova mahse, a bun duh emaw, duh lo emaw ka pe tho ang.

Tlailam dar nga a rik meuh chuan pangpar zawrhna dawr ațangin ka chhuak ve chiah. Kan room leh living room-ah pangpar khawi ka tum bawk.

Lunch takngial pawh ka ei lova. Coffee leh burger pakhat ka ei bâk engmah ka ei lo. Dinner min siam kep lo leh ngei anga, a nih loh paw'n Natalie nen pawn lamah an chhuak daihin ka ring. French food leh kaikuang hem hmin, champagne bottle hnih ka lei haw a, Zú ka ngaina hauh lo náa hman zana sherry ka in khan a tih theih ve riau kha maw!

Apartment Plus 6:30 Pm

Briena lo haw hun nghakin ka vei chhén a, a chhuahna a rei tawh tehreng nen tun thleng thlenga tihtur enge a neih chen chen ni. Dinner ei tura hruaichhuah ka tum tih ka hrilh lâwk bawk si lo.

Kawt a car ri ka hriat chuan ngaihtuah chiang mang lovin ka chhuak ve ngawt a. Lexus RX var sar rawn tlan lût chu ka hmu ta a. Tun ang hunah inleng neih ka inbeisei miah lo. Tumah leng tura sawm ka nei lova, Briena țhiante ti dawn ila helaiah hmelhriat a neih ka ring si lo. Car nalh fahran ka garage kawt a ding chu ka thlir reng a.

Car ațanga Briena rawn pen chhuak ka hmuh chuan thâwk ka la hawk. A che rang hle mai henu tereuh hi, Australia a car chhuak thar ber a lo lei hman a nia. Chupawh number bel thlapin, Lexus car nei zo tur khawpa hausa kha anni miau va. Nupuia ka neih Briena țhing zet leh chut deuh kha hmuhtur a váng telh telh. Inthlâk hlawk lo mah se hmeichhe dangin an neih ve loh zahawm rûkna riau a nei tlat a ni.

"Hi, Dazel, min lo pui teh," min ko lang lang a. Ka lam hawiin a bán a rawn vai zauh bawk . Step-ah pen thla páwk pâwkin a bul ka thlen chuan Christmas tree vuah chawp ngai chi min kawhhmuh vat a. "Tirh mai tur an awm silova, min puih ka ngai ang."

Car ațang chuan box paruk zet inchhungah ka thiar lut tawh a. Eng em em nge maw a lei ni!

"Dazel, box pakhat chiah a awm tawh, a dang hi chu ka rawn keng mai ang. Car hi ka'n dah lut lawk ange."

Box pakhat chawi chungin ka kalsan ta a. Ka rin loh dan deuh hian a khawsa ve ziah! Nikhatah hetianga tam lei hian a bazar thei a nia. Ka hmeichhe hriat ho te kha chuan bazar pui an nei zel a, chubakah anmahniin engmah an keng ngai lo. Midang an ruai mai țhin. Briena erawh chuan tumah hruai lovin engkim amahin a buaipui vek a nia!

Apartment chhuatah a thil lei chu a awm dul a.

"Insiam la dinner eiin kan chhuak dawn nia." Ka tih chuan a mengphar âk a. "Ka lo haw ve chauh a, chhuah ka peih tawh teuh lo."

"Insiam phawt mai rawh restaurant hnaite kalna tur ka hria alawm."

"Pawi ka ti khawp mai, ka chau lutuk tawh, hetah kan ei thei mai lo'm ni?" Tûm bâr hian a ti a. Ka khawngaih ta deuh. "I siam dawn te chuan.." ka tih veleh a nui leh ta var var a.

"Ok, shower ka nei zuai anga min lo nghak la.."

"Umn, rei suh aw ka ril ațam viau a nia." ka tih chuan bu nghatin kan room pan chhohna step-ah chuan a tlan chho ta a.

A chángin che naupangchhia viau țhin mah se, puitlin riauna pawh a nei tel tho. A lo chhuk hmain intur dawm ila a zia ang chu. Brandy no hnih ngawt ka in tawh, a lo chhuk har phian!

"Intur min dawm san vel a.." A thâwm ka hre miah lo. Mahni a inngaihtuah ka ching țan tlat a zia viau lo.

"I duh ve ka ring lo zawk a.."

"Hmn.."

"Engnge? Zû lam ka ngaina lo i tih kha," tiin dawhkanah no ka dah a. "Eitur lam ngaihtuah teh ang," Dining room lamah chuan ka kai phei ta a.

"Lawk aw.." tiin percel lian vak lo dawhkan a mi chu a la leh te te a, dining table ah chuan nghatin a hawng rak rak a. Eitur hlirin a khat vek!

"Nang hi..."

"Yes, dinner min siam kép ka ring lova ka inhmakhua a nih kha," a ti sap a.

"Phakar reuh lutuk!"

"A la dai lovang, kan ei nghal thei ania."

French food leh kaikuang chu a tui kher mai, eitur tuihnai pawh a thlang thiam zêk. Inbe lem lovin kan ei ta mawlh mawlh a.

"Tree saw min cheipui peih angem?" a tih chuan ka nui hawk a.

"Maw!"

"Christmas tree saw mim cheipui ve la.." a ti nawn leh a. Kan ei ruahna vel a thian pah mawlh mawlh a.

"Brie,"

"Dazel," kan țawng rual dun țhawt a.

"I peih loh chuan ka tilui chuang lova.."

"Ka peih lo ka tia mi?"

"Min chhâng har em alawm."

"C'mon, Brie, inhnial lovin i ti vat zawk teh ang." Ka tih chuan ka bânah vuanin living room lam chu min panpui ta a. Ama duhthu ngeia min tawh hmasak berna a ni. Ani lah chu chutiang ngaihtuah hmel pawh a pu lo.

Hetia nelawm taka a awm reng chuan kei hian ka duh mai dawnin ka hria! Nge? Ka lo duh țan der tawh zawk!?

End of chapter-3
Dated: 25th december 2017

©<++++[BeckirafARenthleI]++++>®

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 1:29 pm

SOLOMOS BRIDE

by.Becky Rafa Renthlei

Chapter-3

Dazel Apartment Plus Sm: Living Room.

Ka inchhungah ka girlfriend-in ka nupui hmuh laiin min fawp a nia! Briena hi engtik laiin nge ka nupui tia ka lo sawi tâk?

Natie chuan min fawp tawn tawn a, nuam tihna pakhatmah ka nei lo. Briena tehreng pawh hi inthiarfihlim ve mai tur a nia. Natie'n a hmui a láksawn hnu chuan, "Dazel, henu hi tinge a awm ve reng a? I apartment enkawltu ka tih dawn chuan Joanna kha niin ka hre sia!" In la no zet hian a țawng țálh țálh.

"Nang nu kha tinge i la țhut ve reng hun thawl kan mamawh tih i hriatthiam ka ring." Briena lam hawi chuan a ti hmak a.

"Sawm loh mikhual ka lawm tehchiam lo." Briena țawngdan mai mai chu(h).

"Khangláng che chuan i la naupan hmel tehreng nen i zam lo reuh hle mai. Darling tunge henu hi? Nichin ațangin ka zawhna i la chhang miah lo." Ka lam rawn hawi pah chuan a ti leh a.

"Ka.." sawidan tur ka hre mai lo.

"I boyfriend nen khan lo sawidun rawh u, tunge ka nih i hre duh takzet a ni chuan.." Natalie nen rum zet hian min melh a, inchung panin a chho ta daih a. A khawsazia ngéng ngalh hi Natalie te ang 'kei ka ni' in ti ve tan chuan ngeiawm tak tur a ni. Mahse, ka nuih a za tlat thung. A pasal angah hian min la ngai thei tlat lo chu a nia! A awm ve tho ve.

Briena kal hnu chuan Natalie chu a la tum bár a. "Dazel, khanu kha tunge? Tinge engmah i sawi duh miah lova, kei min thlauhthlain ani kha kawp i tum a ni lo maw?" A ti leh a.

"Chutiang lam a ni lo. Briena Larson a nih kha. Hun engemawti chhung chu ka inah hian a chéng ve rih dawn a.."

"Engmaw i sawi? Hetah a chéng dawn maw? I tan enge a nih?" Vin zeta a tih chuan sawi mai dan tur ka hre lo.

"Eng lo a nia, Company lama thawk tur a nih kha, Mr.Larson-a fanu a nia, ka inah hian a awm rih anga, kei erawh chu Christmas zawh lamah Newyork ka pan tawh dawn a, karkhat chauh kan chengdun dawn alawm. I tan venthawn tur a awm lo." Ka ti ta ringawt a. Hetia ka tih mai loh chuan nupui ka nei tih hi Media lamin an hriat kan duh lo kha a nia! A hunah chuan ka nu leh pa in an puangzar mai ang.

"Hmun dangah insawntir mai la, chendun kher enge a țulna?" A la ti zel a.

"Hriatthiam tum rawh, a rei dawn lo. Nang tluk tur che hian a nalh tawk lo tih i hmu a ni lawm ni? Khatiang hmeichhia ka duh i ring ém lo'ng chu!"

"Ok..A țha alawm, i rualin Newyork ka pan ve dawn tihna a nimaw?"

"Loh theih nang, i kal tel ve ngei ang." Ka tih chuan a nui ta var var a. Henu hi chu a chhe lo thlâwt, hmeichhe tamtak min duhtute zingah ani chauh hian min hîp a ni. Tisa thil takin kan inrem hle bawk. A thikthu chhe lutuk erawh hi chu khak deuh angai, mipa ka nia inzawmna nghet neih hi ka la tum chhin ngai lo. Tunah loh theihlohna vangin nupui tuihnai lo zet ka neih angai a, Briena vang hian Natie ka thlauhthlák a țulna ka hre hran lo.

"Intur kan dawm dawn em niang?" A lo bu nghat ka hmuh chuan vodka la turin ka thawhsan ta a. A duh ber kha a ni tlat a.

"Khanu kha ka ngainat zawng a ni lo. A inthuam dan te kha Middle East lam mi niawm tak a ni." Natie chuan a la ti hmarh hmarh a.

"A thawmhnaw ngainat zawng a ni tihna aniang chu.."

"A hlawh a tam vak lo a ni ngei ang! Retheih hi chuan duh anga țha thawmhnaw leina tur sum a harsa duh a nia!" Briena hnuaichhiah zeta a tih chuan ka ner sawk. Ani aiin a hausa fé tih hrilh ka tum miah lo, ka nupui a nih mai bákah World wool company lar tak neitu fanu a ni tih a hriat loh hi tun dinhmun atan chuan a him rih tlat.

"A ni chungchang kha sawi tawh lo teh ang, ka kham tlat!" Ka tih chuan nui sáng hian min ngheng hnai țalh țalh a. A hmui sen hlar mai chuan min rawn fawp ta a. Hnar ka tum eih lo.

Duhthawh zetin kan infawp tawn tawn a, hmanhmawh zeta kan thawmhnaw inbel chu hlipin, sofa dûp zetah chuan kan tlu dun ta a.

A taksa mám han mai ka zut chuan Briena vun a tluk lo tih ka hre nghal. Ani kha ngaihtuah hun pawh a ni lo, Natie chu chunglamah țangin a tihtur a hai lo kher mai, duhthawh taka a chet hnu chuan ka chungah a bawk zawi ta thlar a. A zei thláwt! A hma kha chuan hmangaihna chendun tiin kan mutdun hian ka lo ngaihtuah țhin kha a nia. Zanina kan chetdan erawh hi chu tisa chák hrikthlakna satliah a ni berin ka hria. Briena ka mutpui laia nawmna vawrtawp ka thlen ang kha ka thleng lo tih ka pha thei lo ang. Khanu hrep kha! Ka ngaihtuahna a luah rei mah mah.! Chhing sawkin Natie chu ka kuah ta a.

Thawm bengchheng zet hian minti harh hlawl a. Ka ring kham ut ut chu ka hre hmasa ber. Zawimuanga ka men chhuah chuan sofa-ah ruak ngalngatin Natalie nen kan lo la mudun a. Sana ka en vat a, zinglam dar sarih a pel tawh.

Briena kha...!Tun thleng thleng a mu tur kan ni lo.

Ka tho chhuak vat a, Natalie pawh ka kaitho ve nghal bawk a. Choka kawngka ațang chuan Briena chu a rawn pen chhuak ta a. Lalpa leh..min hmu vek tihna nimaw!?

A sam chu sáng takah a țawn a, Jump suit sen țial hain running shoe a bun bawk a. Exer la zo chiah hmel a pu, a biang sen deuh țán ațang chuan a la hahdam lo tih a hriat mai. Min rawn melh zawk a, a ner zui sak bawk.

"Nangnu kha min en reng loin i hna thawk rawh." Natalie chuan a ti fak a.

"En reng in duh loh chuan living room sofa lovah khan mudun ula ti nia!" An inchháng tawk khawp mai. Briena sawi hi a dik chiah, helaia kan lo muhil hi kan thiam loh a ni.

"Nangnu hi i chák dawn lo khawp mai!" tihpahin Natalie chuan thawmhnaw ha mumal lovin Briena lam chu a pan ta a. Lo dan ka tumna kut chu a vai sawn lawp a. "Company staff pakhat ve maiin khatiang khan min țawngkhum ngam amaw?" A ti khur dar dar a. Ani pawh hi kawlh ve fia fia tak a ni. Briena'n engtin nge atih lêt ve hmuh ka châk tlat pek a nih chu.

"Company staff maw! Miss, i hresual deuh a ni lo maw, sawm lohvin mipa inah i kal a, chutah ualau takin inla mudun zui a, Mr.Solomos hian kha i taksa kha nalh a ti viau a nih pawhin kei chuan ka ti ve lem lo. I hnute te kha i lo hnawh puar belh țhin a nimaw! Thlaláka a landan leh tuna a landan a dang tlat!" Tiin a nui lui hak a.

"Oh...nang mi tenawm!" Tia inhup chungin Natalie chu ka lam panin a rawn lét leh a. Sofa-a a thawmhnaw hnawk nuai chu a inbel ta mawlh mawlh a. Nui chhuak lo turin ka insum nasat a ngai viau. Model a ni a, a hnute a te viau tak alawm, thlalâka a landan leh a taka a pianhmang inpersan zet hi Briena hian a lo hmu thiam a nih ngei dawn hi.. Henu tak hi chu aw...!

"Dazel, i hmeinu kha i lo zilh deuh thei angem? Thawmhnaw ha lova midang hmachhawn mai mai rual a ni tawh lo tih i hrilh ngei ka beisei!" Tia inher hmakin inchungah a chho ta a.

"Vawiinah chhuahtir ang che, i chhuahtir lo a nih chuan kan inhmu tawh lovang " Natalie thinrim insawh nghawng nghawng chu thlêm tumna ka nei lo. Ka chhuahtir theilo tia insawifiah pawh ka tum chuang lova.

"I thu thu a ni e, inhmuh tawh loh i duh chuan sawi theih ka nei lo a nia."

"Dazel, khanu kha i țan zawk tihna mi? Min țawngkhum dan i hriat vek kha."

"I va inrawlh hmasa tih ila hre ve rengin ka ring, i inpeih chuan pawn thlengin ka thlah ang che."

"A lo nih tak chu..thlah ka ngai lovang, khanu nen khan inzawmna innei chiang a ni, ka la hre khawp ang." Tiin a bag chu ala tau sawk a, a chhuak nghal hmak bawk. Dim lo zeta kawngka a khar hnu chuan ka thaw huai mai.

Briena țawngkam kha ngaihtuah lehin ka nui hawk a. Tumah hlauh a nei lo reuh emawni! Tupawh mai hi a cho ár reng a, midangin an ti hmasa a nih loh chuan a ngawi thei viau lawi bawk si.

Breakfast room-ah lutin eitur ka siam ta daih a. Tun țum chu ka siam kêp ve ngei a ngai tawh ang. Nizanah a tarmit ka rah chhiatsak bawk nen; thupha chawina angreng deuh te pawh a ngai ve ang chu..min pháwk chiang ngang bawk sia, ka nu leh pa beng a thleng anih vaih chuan a fuh viau lo.

Pen thawm ka hriat chuan ka lehhawi vat a. Inchei peih sa diama Briena lo ding chu ka nuih suk a. Kawrfual a khup khuh lo hlek a ha a, a sam a chhipah a vial tawm vek bawk. A darah a kawr rawng ang chiah bag a bát leh tawp a. A landan simple zet chuan mit a ti hahdam hliah hliah.

"Breakfast ka peih țêp," ka tih chuan a dar a san âk a.

"Ka lawm e, ka ei tawh tlat."

"Engtikah?"

"I hmeinu nen in mutthilh hlan khan ka lo ei diam tawh. Min siam sak ve leh dawn lo tih ka hriat vang te pawh a ni mahna," ngeiawm takin a nui sak a.

"Ka siam sak dawn lo che tih ka sawi lo."

"Oh..Mr.Solomos, nimin lam kha chuan i sawi chian khawp kha maw! Inhnial nan hun ka nei lo, ka chhuak dawn tih rawn hrilh che ka tum mai a nia."

"Chhuah kher enge a țulna?" Ka la ti țalh a. A sawi kha a dik chiah, nimin lamah khan breakfast ka siamsak ve dawn loh thu ka sawi tak kha maw le.."

"Ka tarmit i rahchhiat ták kha siamtir ka tum, Lorna min present ka tih tawh kha. He aparment hi i ta a ni maithei, mahse, i hmei te'n an duh duha min țawngkhum dawn a nih chuan ka paidam mai mai dawn lo tih lo hria la, tin, zalen taka ka awm thei dawn lo a nih chuan engvangin nge Melbourn-ah ka haw mai lohvang?" A ti ta hmak hmak a.

"Ngawi hmak rawh. Hmeichhe țawngtam zet ka ngaina lo a nia." Ka hlauh ang chiahin thil a kal dawn tlat! Melbourn-ah a lêt vaih chuan ka nu leh pa an lawm lo khawp ang le.. A luhlul reuh sia ka dan ngei a ngai.

"Hmeichhe țawngtam ka ni hauh lo. I nupui ka ni a, kan contract ah khan kan chenna hmunah hmeichhe dang i mutpuiin i khawi thei tih inziak a awm lova, chuvangin ka ngawih reng a țulna a awm lo." Hmak mai a! Min vau ve khangláng emawni.

"Nizan thil ang kha a thleng nawn tawh lovang, ka tiam a che."

"Chuti tur chu a ni reng a ni. I duh duh kawp thei turin i zalen a, chulam chu sawisel tumna ka nei lo che. Amaherawh chu he apartment chhungah hi chuan khatiang thil kha i thlentir tawh tur a ni lo. Min palzam emaw min runluih anih chuan ka sawi ang khan ka awm ngei ang. Pasal ka mamawh lo tih i hriat kha." A ti ta a.

"Ok..A thleng tawh lovang, Newyork lamah ka insawn thuai dawn a, Christmas thlen nan nihnih chiah a awm tawh a, chumi chhung chauh chu inrem takin awm tum teh ang." Ka ti ve ta a.

Awle, a țha e, ka kal a nia."

"Min nghak lawk la ka hruai ang che."

"A ngai lo ve, niminah car thar ka lei alawm. I girlfriend ringawt i ngaihtuah a, garage enna chang i hre lo pawh ka dem lo che." Tia nui lui sakin min chhuahsan ta a.

Ngeiawm chikimi nge nge, țawngkam pawh a thiam phian e, mipa zawk kan hawi lawl lawl mai chu a nia! Common lovi, Kawlhteii, hming chi hrang tamtak ka phuah sak țeuh hman. Kum sawmhnih erh awrh a nia, khawvel a hmachhawn ngam salh salh khawp mai.

Hmeichhe țhenkhat chu nise, sum khawrala nawmsip bawlin an hun ang hmang ang. Ani erawh chuan a nihna ang angin khawvel hi a hmachhawn ngam mai a ni. A nunah mipa tih vel hian hmun an chang lem lo khawp a nih hmel. Tum bulfûk tak a nei ngeiin ka ring a, a chanchin chhuichian hi ka tih hmasak ber tur a ni. A phone number ka la nei ta lo fo! A nu va biain ka zawt mai dawn nge?

Vawikhat chauh kan mudun a, chu lah chu ka ngaihtuah fo lehnghal! Hrep tak hian..ka nunah ani ang hian hmun an chang tur a ni lo. Eng car nge a lo lei thawt thawt le..Pali lai ka nei a, hman ve mai awm tak! 'Seperate girl' Hah!

Briena khan enge a ei kha? Corn flakes leh bawnghnute, cream a mix tak alawm le..ka ei ve dawn khawp mai. Fridge chu hawngin ka mamawh tur ka lachhuak a, hetiang thil hi ka ei chák ve ta chu a nia! Awihawm loh zawk hian a...!

North Sidney Warringah shopping Mall 104; 11:00 Am

Briena pov*
Warringah Mall ground floor-ah ka tarmit siamtir turin ka dah a, christmas a hnai tawh viau náin ka tan chuan engtihnamah ni ve hian ka hre lova. Kum dang chu nise, kan chhungkuain hlimtakin hun kan hmang leh anga, kumin ah ve thung chuan ka pasal lem zet nen nu leh pa hmuh phák lovah ka hmang dawn chu a ni sia. Ka țah a chhuak zawk.

Dazel Solomos hi haw viau thei ka ni lo tih ka hria, amah vangin kan company a him phahna lai a awm ve a. A tan chuan ka țha tawk lo tih ka inpawm thlap l. A hmeinu chhe lo zet ka hmuh phei kha chuan ka inhmu tê chem chem mai! A nungchang ngainatawm loh zet leh chapo tak kha nei lo phei se chuan Natalie Stone tluka hmelțha ka hre lo. Wool worth fashion model a ni bawk. Chuti a nih chuan Wool worth leh Larson company kan inzawm tawh avangin kan company hnuaiah a thawk tihna anih chu... Dazel girlfriend kum hlun. News paper-ah an lang chuai chuai țhin a, khawi hmunah mah ka hai lovang.

Contract anga kan mutdun hnu khan ka thawl huai thei nia! Dazel min khawihna kha maktakin ka taksa hian a dawngsawng țha hle a. Inthunun tumin ka bei nasa viau bawk. Tawn hriat ka la neih miau loh avang leh mipa ka fawh hmasak ber leh mutpui awmchhun a ni. Kum sawmhnih ni ve tawh mahila mipa lam hawi hian ka mit ka lèn ngai lo.

Dazel tan erawh chuan a hmasa ber ka ni lo tih ka hria a. Diktak chuan a hmelțhain a hausa a, nula tam tak átchilh rawn a ni. Kei ngei pawh hian kum sawmparuk ka nih lai khan ka lo buaipui hrep tawh kha a nia. Company inremsiamna hmanga kan innei dawn tih ka hriat khan ka phur ru hle tih ka pha miah lo. Pasal neih ka duh ta viau tihna nilovin, Dazel kianga ka awm thei tur kha ka lawm viau. Mahse..

A mize nelawm fahran lo te, chapo leh induh zet te hian amah ka lo dream țhin ang nungchang pakhatmah a pu lova, chu ai chuan huatna rilru min puttir ta zawk hlauh! Contract anga kan kal dawn anih chuan nau pai vat kha a fuh ber. Vawikhat chauh mutdun hian a rai theih tho tih ka hre ve tlat. Mutdun leh ka duh tawh bau lo.

Natalie nen saruaka an mudun ka hmuh khan ka ná zawk a. Mahse, dem thei ka ni lo, kan inremnaah midang inneihsan a theih vek kan ti miau va. Ka enliam mai angai ta a nih kha. 'Ka girlfriend ka thlah thut thei bik lo' a ti thlap tawh tlat alawm.

Newyork-a, a awm chhungin theihtawp chhuahin ka lo inbuatsaih ve thung dawn a ni. Company-ah hian board director ni phák tura thiamna nei ka ni tih hi ka hmuhtir ngei ang. Tuna min hriat dan Briena Larson țhing leh mawl, engmah thiam neilo emaw atih hi tunge ka nih chiah ka la hmuhtir ngei ang. Car khalh pawh thiam lo turah min ngai a, ka ni teuh si lova. Wool company kalphung leh fashion design thlengin ka thiam tih a hriat huna a hmel awmdan tur hriat ka chák tawh kher mai. Ka thil ngaihtuah avang chuan ka nui sak a.

"Mahni a nui vur vur rual lek i la ni maw?" Glass house manager niawmtak chuan nui sáng hian min bia a.

"Hah..umn..i siam zo dawn tawh em?" Ka tih chuan ka lam hawiin tarmit a rawn lek vá a. A zo der a nih hmel!

"Siam a har hleinem Miss, thildang mamawh i la nei em?" Polite takin min zawt leh a, kei ai chuan a upa hretin ka ring a nelawm hmel viau.

"Er..eng lo, contact lens transparent in nei em?"

"Tunah chuan nei lo e, kum tawp chawlh hmangin an haw vek a; kan hnathawkte an rawn let hunah kan nei ang. I mamawh réng a ni. Kha i mit rawng mawizet thup bo tura tarmit i bun tlat hi mak ka ti reng a ni." a ti deuh duah a.

"Pair thum ka order thei angem?"

"Lutuk tlat, i hming leh phone number dah la, a lo thlen hunah ka lo hrilh ang che, karkhat hnuah aw.."

"Ok," Ka tarmit bun chhan hi ka nu leh pa bákin an hre lo. High school ka kal laiin computer ka átchilh bur a, ka khawih nasat lutuk nalamah ka mitin a zo leh silova, lu ná ka nei fo țhin. Luhlul chhuahin ka khawih lui ngang ngang a, zai hial ka táwk ta kha a nia. Ka mit veilam hi nikum hmasa khan an zai tawh a, chuvangin tarmit tel lo hi chuan ka awm ngai ta meuh lo. Ka nin deuh chángin lens ka vuah mai a, ka best friend Lorna khan Italy an pém dawnin tuna ka bun lai hi min present a ni. Ka roh hle bawk.

A man te kan inpék fel hnu chuan glass house chu ka chhuahsan ta a.

Warringah Mall-ah nilengin ka bazar a, eitur leh Christmas tree, a cheina tur nen ka lei tel nghal vek. Hetiang tal ka tih loh chuan ka â thei takngial dawn alawm.

Ka nu leh pa, Dazel nu leh pa tiamin an thil tur ka lei tel bawk a. Ka thawn fel nghal vek, min phût ka ring chiah lo náa ka tih sak ve ta thova. Dazel tân Japan siam gold sana ka lei tel a, a man a to far far khawp mai! Mahse, min puih inhuama a nupui ka nih manah a phu ve chuan ka hria. Box tereuhteah khungin ka tuamtir thlap a. Sum a ngah viau tih ka hre thova mahse, a bun duh emaw, duh lo emaw ka pe tho ang.

Tlailam dar nga a rik meuh chuan pangpar zawrhna dawr ațangin ka chhuak ve chiah. Kan room leh living room-ah pangpar khawi ka tum bawk.

Lunch takngial pawh ka ei lova. Coffee leh burger pakhat ka ei bâk engmah ka ei lo. Dinner min siam kep lo leh ngei anga, a nih loh paw'n Natalie nen pawn lamah an chhuak daihin ka ring. French food leh kaikuang hem hmin, champagne bottle hnih ka lei haw a, Zú ka ngaina hauh lo náa hman zana sherry ka in khan a tih theih ve riau kha maw!

Apartment Plus 6:30 Pm

Briena lo haw hun nghakin ka vei chhén a, a chhuahna a rei tawh tehreng nen tun thleng thlenga tihtur enge a neih chen chen ni. Dinner ei tura hruaichhuah ka tum tih ka hrilh lâwk bawk si lo.

Kawt a car ri ka hriat chuan ngaihtuah chiang mang lovin ka chhuak ve ngawt a. Lexus RX var sar rawn tlan lût chu ka hmu ta a. Tun ang hunah inleng neih ka inbeisei miah lo. Tumah leng tura sawm ka nei lova, Briena țhiante ti dawn ila helaiah hmelhriat a neih ka ring si lo. Car nalh fahran ka garage kawt a ding chu ka thlir reng a.

Car ațanga Briena rawn pen chhuak ka hmuh chuan thâwk ka la hawk. A che rang hle mai henu tereuh hi, Australia a car chhuak thar ber a lo lei hman a nia. Chupawh number bel thlapin, Lexus car nei zo tur khawpa hausa kha anni miau va. Nupuia ka neih Briena țhing zet leh chut deuh kha hmuhtur a váng telh telh. Inthlâk hlawk lo mah se hmeichhe dangin an neih ve loh zahawm rûkna riau a nei tlat a ni.

"Hi, Dazel, min lo pui teh," min ko lang lang a. Ka lam hawiin a bán a rawn vai zauh bawk . Step-ah pen thla páwk pâwkin a bul ka thlen chuan Christmas tree vuah chawp ngai chi min kawhhmuh vat a. "Tirh mai tur an awm silova, min puih ka ngai ang."

Car ațang chuan box paruk zet inchhungah ka thiar lut tawh a. Eng em em nge maw a lei ni!

"Dazel, box pakhat chiah a awm tawh, a dang hi chu ka rawn keng mai ang. Car hi ka'n dah lut lawk ange."

Box pakhat chawi chungin ka kalsan ta a. Ka rin loh dan deuh hian a khawsa ve ziah! Nikhatah hetianga tam lei hian a bazar thei a nia. Ka hmeichhe hriat ho te kha chuan bazar pui an nei zel a, chubakah anmahniin engmah an keng ngai lo. Midang an ruai mai țhin. Briena erawh chuan tumah hruai lovin engkim amahin a buaipui vek a nia!

Apartment chhuatah a thil lei chu a awm dul a.

"Insiam la dinner eiin kan chhuak dawn nia." Ka tih chuan a mengphar âk a. "Ka lo haw ve chauh a, chhuah ka peih tawh teuh lo."

"Insiam phawt mai rawh restaurant hnaite kalna tur ka hria alawm."

"Pawi ka ti khawp mai, ka chau lutuk tawh, hetah kan ei thei mai lo'm ni?" Tûm bâr hian a ti a. Ka khawngaih ta deuh. "I siam dawn te chuan.." ka tih veleh a nui leh ta var var a.

"Ok, shower ka nei zuai anga min lo nghak la.."

"Umn, rei suh aw ka ril ațam viau a nia." ka tih chuan bu nghatin kan room pan chhohna step-ah chuan a tlan chho ta a.

A chángin che naupangchhia viau țhin mah se, puitlin riauna pawh a nei tel tho. A lo chhuk hmain intur dawm ila a zia ang chu. Brandy no hnih ngawt ka in tawh, a lo chhuk har phian!

"Intur min dawm san vel a.." A thâwm ka hre miah lo. Mahni a inngaihtuah ka ching țan tlat a zia viau lo.

"I duh ve ka ring lo zawk a.."

"Hmn.."

"Engnge? Zû lam ka ngaina lo i tih kha," tiin dawhkanah no ka dah a. "Eitur lam ngaihtuah teh ang," Dining room lamah chuan ka kai phei ta a.

"Lawk aw.." tiin percel lian vak lo dawhkan a mi chu a la leh te te a, dining table ah chuan nghatin a hawng rak rak a. Eitur hlirin a khat vek!

"Nang hi..."

"Yes, dinner min siam kép ka ring lova ka inhmakhua a nih kha," a ti sap a.

"Phakar reuh lutuk!"

"A la dai lovang, kan ei nghal thei ania."

French food leh kaikuang chu a tui kher mai, eitur tuihnai pawh a thlang thiam zêk. Inbe lem lovin kan ei ta mawlh mawlh a.

"Tree saw min cheipui peih angem?" a tih chuan ka nui hawk a.

"Maw!"

"Christmas tree saw mim cheipui ve la.." a ti nawn leh a. Kan ei ruahna vel a thian pah mawlh mawlh a.

"Brie,"

"Dazel," kan țawng rual dun țhawt a.

"I peih loh chuan ka tilui chuang lova.."

"Ka peih lo ka tia mi?"

"Min chhâng har em alawm."

"C'mon, Brie, inhnial lovin i ti vat zawk teh ang." Ka tih chuan ka bânah vuanin living room lam chu min panpui ta a. Ama duhthu ngeia min tawh hmasak berna a ni. Ani lah chu chutiang ngaihtuah hmel pawh a pu lo.

Hetia nelawm taka a awm reng chuan kei hian ka duh mai dawnin ka hria! Nge? Ka lo duh țan der tawh zawk!?

End of chapter-3
Dated: 25th december 2017

©<++++[BeckirafARenthleI]++++>®

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 1:30 pm

SOLOMOS BRIDE

by Becky Rafa Renthlei

Chapter-4

24th December Solomos Apartment.

Christmas tree lian leh sángzet living room-a inhûng chu thlirin Briena nen hlimtakin kan nui var var reng a. A nalh viau bawk. Hetiang mai mai buaipui hian hun ka khawhral ang tih ka ngaihtuah pha ngai miah lo. Briena bulah hi chuan thil thar engemaw ka zir belh zel zawng a nih hi. Natalie ngaihtuahna hun pawh ka nei leh ta lo.

"Christmas bazar tawpna na ber a ni tawh a, kan chhuak ve dawn lawm ni?" Engmah ka leisak miah lova, tihsak tumna pawh ka nei lo kha a nia. Mahse, ka rilru puthmang a inthlák daih!

"Dazel, hnial che chu ka hreh viau náin min hrethiam la, inchhungah chétna tur a awm neuh neuh a, ka lo kal ve lo mai ang."

"Min hnial chu a ni ber alawm, Joanna awm loh chhungin midang kan ruai thei thova."

"Ni lo ve, ka ti thei alawm, zan thum chiah hetah i awm tawh dawn a, midang lâk leh kha a buaithlâk."

"Kan pahniha chhuahdun i hreh chuan sawi țha ve mai la," lungawi vak lo a ka tih chuan a ner sak a. A tarmit phén ațangin min melh leh kar tawh.

"I hriat kha..nimin nilêng ka chhuak tawh a, nangmahin kal mai rawh."

"Christmas Eve hmandun pawh i hreh riau ang a?"

"Hreh lo e, i hmeinu bula hman i duh zawk lo maw?" Min ti lêt khauh a. Natalie nen kan inkâr kha a hre ve lo tak a lawm le.

"Khalam kha chu theihngilh rawh, ka nupui phuahchawp bulah ngei hian hman ka tum e." thinrim ru taka tiin ka inher vut a, kan room lam ka pan ta daih a. Hrep tak hian. 'I hmeinu' tih teivet! a thîk ka ring chiah bawk si lo.

Insiam peih vek a ka chhuk thlák chuan Briena chu ala buai hle a. Step tawpah dingin a chezia ka thlir ta reng a. Pangpar khawina darthlalang veka siam, dawhkan chungah chuan a lo hûng mek a. A bulah rose par rawng chi hrang hrang khawitur bucket ah a lo inchhawp bawk. Hmeichhiain ka inchhungah pangpar an khawi ta chu a nia! Ka mumang te pawh a ang dawn dawn alawm le.

"Ka kal a nia," Ka be miah lovang ka ti kha a nia, ka lo theihghilh leh daih. Ka sawi zo vek tawh si.

"Ok..bye.." Pangpar lam bawk min ngaihven san leh ta daih a. A sam a thur deuh chhap a. A biang sen țán chuan a ti lang naupang lehzual, Sawti chung sawn a inla puitling ve em em a. Ka nuih a za deuh tlat! Ka farnu niawm zawk tak a ni. Huh! Ka farnu...

Min ngaihsak loh ém vang chuan lungawi lo ru țeuhvin ka chhuahsan ta nge nge a.

Briena Pov*

Christmas tree min cheipui lai khan ka mitsirin ka melh ru zeuh zeuh a, a nuamti hmel khan minti hlim hle. A chhip sam buk lam lek lek buai deuh niai chuan a tilang sexy hle a. A hnar ngul sang vah leh a khabe ruhkual invuah nghet charh te hian mipa a nih zia a tilang chiang hle. Jumper dum a ha a, a kiu thlenga a kawr bán pawt tawmin a vun buang deuh kharh ka hmuh chuan Australian a ni tih a hriat hle.

Dazel Solomos tluk a mipa chhe lo hi an váng viau ang. Actor niawm tak a ni. 'Min en reng lo khan i hna thawk ve la..' min tih khan ka zak ru viau a, mahse, hriattir ka tum lo.

Nilengin aparment chhunga room țhenkhat kan luh tamna tura ngaih chu ka chei vek a, ka chau viau tawh. Mikhual pindan leh choka, study room tih loh chu duhthusamin ka chei tawh a. A tawp nan kan bedroom-ah pangpar ka khawi leh ta a. Room dang ka cheidan ang lo deuha special in chei ka duh tlat.

Silver rawng bucket chhungah champagne bottle hnih leh ice cube box ka dah bawk a. Ka romantic viau lo náin zanin chauh chu ka theihtawpa țhain inbuatsaih ka tum. Hmanzan khan chips kha a ei ve châk tih a sawi a, ka phal lo kha a nia. Korean soystick chips new pack ka lei ho chu bucket bulah a lendan indawtin ka rem țhap a. Wine glass pahnih ka chhawp tel bawk.

Ka inpeih ta. Intihfai chiah ka hmabak tawh. Ka sam fai takin ka su a, bathtub ah rei fe ka inchiah leh te te a, diktak chuan Dazel vanga inbuatsaih hluai hi ka tum a ni lova. Newyork a pan hma a christmas hlim taka hman ka duh ve vang a ni. Tun bák hi kan hmang dun tawh lo maithei a, kan hma hun kan hre der si lo. Min ngaina hran lova, kei pawh hian midang a nei tih hrereng chung hian alakah ka intátlut ang tih ka hlau ve tho.

Dressing table hmaah țhuin ka sam sei tak chu a tlêt sar thlengin ka khuih dalh dalh a. Make up tlem ka hmang bawk a, mascara ka inhnawih laitakin ka phone a lo ri thut. Ka phu nasa ngang mai, Huiz, ka mit hnawih a pherh vek!

"Brie," Ka nu áw dam thlap ka hriat chuan ka hahdam sawng sawng mai.

"Brie, bawihte, i present kan lo hmu a, kan lawm khawp mai. I pa pawh a țha e, ka fanu ka ngai takzet che." áw chuai raih hian a rawn ti a. Ka hnuk a ulh mai dawn alawm le..

"Keipaw'n ka ngai che u, Dazel nu leh pa pawh present ka thawn thova, engmah an rawn sawi lem hlei lova." Ka tih chuan, "I ti țha lutuk, lawmthu sawina phût kher mahta che." a ti dam thlap a.

"Dazel chuan a duat che em?"

"Duat e, zanin pawh hun nuam tak kan hman ka beisei."

"A țhat chu, i pa vang anih rualin i hmakhua kan ngai tel tho tih i hre dawn nia." Ka pa nen rei vak lo kan inbiak leh hnu chuan phone kan dah ta a.

Ka mit hnawih pherh vek vangin hmai ka phih țha leh te te a. Uluk fahranin a bul țang chuan ka hnawih leh ta a.

Ka inthlak zawh vek hnuah inhnuai lam panin ka chhuk ta a.

Living room 7:00 Pm

Ka rin aia ka rei ták avangin Briena lakah ka inthlahrung hle a, zanin bik atan a inbuatsaih nasa ve sia tih lunghnur ka duh miah lo.

Living room ka luh chuan engkim peih diamin a awm tawh a, Briena hmel ka la hmu lo. A inbual a nih ka ring.

"I inbual hmasa dawn em Dazel?" Tih pah chuan min rawn melh zeuh a. A thawmhnaw inbel ka hmuh chuan ka mengphar deuh! Ka luh tirh khan ka hmu lova, study room bulah a ko ding reng chu niin!

"Shower ka nei zuai ang." Ti liam puatin ka kal pel a. Chuti anih loh chuan ka inthunun thei lo palh ang tih ka hlau, he zan hi hlimtaka hman ka duh ve tho a. Tisa thil taka Briena hnaih tum hi a țha ber lo.

A thawmhnaw hák sexy zet nen hian hmuh ka inbeisei lo mai nilovin hetiang ha duh turah ka ngai ngai lo. Chiffon senduk nghawng zau lam hret hain a hnung lam a ruak káng a. A pianhmang a lang chiang hle bawk. Tarmit bun lo phei se chuan ka hai mai dawn alawm! 'Inthlâk leh rawh' tih mai ka duh a. Mahse, ka insûm ta zawk.

Zan tluana min thlêm a tum reuh emawni!? Chu lah chu ka ring chiah bawk si lo. Briena Larson kalsan thuai hi ka tan a finthlâk ber. Ka duh aiin kan inpawh mah mah.

Kan room chhunga ka luh chuan maktiin ka hawikual ruai a. Romantic scene ang vel alawm le..Henu hian rem a hre reuh zêk! Pindan lum deuh ham ham chuan zauthauna min siam țan der! Pangpar khawi pawh a thiam hle mai. Ka hriat loh engzata tam amahah hian la awm ang maw?

Briena kawr rawng ang levis kamis hain, dinner jacket dum leh cotton jeans dum ka inbel a. Vawiin lamah present tur ka lei sak bawk. A hnen ațanga thilpek dawn ka inbeisei lova, kei erawh chuan pek ngei ka duh thung.

Rei awm lovin room chu ka chhuahsan ta a. Sofa-a Briena lo țhu chu ka hmuh chuan nui sukin ka pan phei ve ta a.

"A hun nen a inhmeh reih rawih hle mai, Mrs.Solomos. I lo buai hle ang tih ka hre mai e." Ka tih chuan mitmeng nung sarh hian min melh a.

"Dinner ka order a, a lo thlen hmain intur kan dawm dawn em niang?" ti sapin champagne chu a melh zauh a. Hawng rawh min tihnaah ka ngai ve hmiah.

"Dinner ei hmain ruih phalsak i ni lo a nia," tiin ka fiam pah zauh a. Za zet hian a nui ta hak hak a, a nui hmel ngainatawm tak chu ka vawikhat hmuhna a ni. A duhawm hle bawk.

Intur no kan dawm lai chuan tree-a khai tur ka lei belh chu ka hrechhuak zawk a. Christmas tree hring dap mai cheina vel tur dahna bawm chu ka la chhuak ta a.

Briena chuan thingkung chu a en vang vang a. "Ka thawnhnaw hâk nen hi chuan ka pui thei dawn tawh miah lo che a nia," chal chuar nâng hian a ti a.

"Keimahin ka ti mai niang chu..vawiin lam i che hah bawka ka awl ang che." tiin light vel ka fit țan ta a.

"A țhat chu, thing chu chei vat vat la..ka nghakhlel tawh em mai!" Ti sapin a no a intur chu a tlâk vei pap a.

"I tarmit kha zanin chauh chu i bun lo thei angem?" Tia ka zawh chuan a phelh ve mai bawk.

A hnu darkar chanve chhung vel chu ka buai ta char char a, engvanga Briena hlimna siamsak tum tlat nge maw ka nih le..! Ka inhrethiam tawh bik lo.

"Dazel, duhtawk tawh la, a mawi takzet!" A tih chuan inthunun hman lovin a hmuiah ka fawhsak zauhva.

"Hey, Dazel enge i hriat a?" Sen ap ap chunga a tih chuan, "Khatia tih kha ka châkna a rei tawh lutuk." Ka ti ve mai. Zêp țulna a awm lo ka châk tlat sia.

"Oh..engmah pawh i la in ve lo, lokal rawh ka thlitsak ang che," tiin Sofa hnai berah chuan min țhuttir ta a.

Whisky min thlitsak ve ngei a, ani erawh chuan champagne a in thung a, ri hluai lo mahila nuam ka ti ru veng veng nia!

A thil in chuan a hneh ta deuh aniang a țawng barh barh a, a doctor tarmit lian pawh a vuah leh ta lo. A mitmeng paw râm phi deuh chiai ka hmuh chuan mak takin ka danglam țan der. Min hmuh hlau ru zetin ka bawp ka khawkherh ta ringawt a.

Pindan chhung chu a'n en kual leh te te a, "A mawi vel vek mai," hlim zet hian a ti sarh sarh a. "Dazel, helai hmuna ka awm ve ringawt hi a mak ti raw!? Kan pahnih tan hian zan danglam tak a ni. Ka nu leh pa kiangah lo hian ka hmang ang tih ka lo ngaihtuah ngai miah lova."

"Kei pawh nupui neiin ka hmang ang tih ka ring bik miah lo." Ti ve in whisky ka tlâk pap a. Hun dang chu ni se, hmeichhe țhian nen kan party leh ngei anga. Zanin zawng a dan a dang ta a ni e.

Kan dinner tur a rawn thlen tâkah chuan hlimtakin kan kil dun ta a. Eitur siam thiam lo tih takah thil tuihnai leh hrisel a hre chat chat khawp mai. Sangha hi ka ei ngai lem lova, ka plate-a mi pawh pakhatmah ka la khawih lo.

"Sangha i ei duh nange?" Tia min zawh chuan, "A ruh nei chi hi ka ngaina lem lova," ka ti țha ve mai a.

"Khawi ka lo thén sak ang che," tih pahin ka plate chu a ban nghal a, hnehsawh zetin a thian ta malh malh a. A then fai hmasak apiang min pe zel a, min ngaihsakna chuan ka thinlung a tawk zar mai.

Ka thil ei lai ngaihsak lo lêkin ka lo melh leh veng veng zel. Hmeichhe dang anga inchei parh ve ni se a hmel țhat dan tur hi..tih vel mai mai ka lo ngaihtuah pek a! Contract hmanga innei kan ni tih pawh ka theihnghilh thei mai dawn. Kan eina vel kan sengfel dun leh vek a, chumi hnu chuan dining hall kan chhuahsan ta a.

"Tunah chuan i present tur la turin kan pindan ah ka'n kal lawk ange." Ka tih chuan a nuih seih a, "Kal ka duh rilrukna chiah a nih chu," tiin min zui ve nghal a.

"Brie, ka rei dawn hleinem min lo nghak la.."

"Dazel, ka fiamthu lo a nia thil lâk tur ka nei ve tho alawm."

"Yes," Ka nuih a za hle a, ka kalsan dawn emaw a ti niin ka hria.

Room-ah kan inzui lut ta a.

"Min nuih a law, Dazel Solomos?" A ti nghauh a. Lawm loh hmel zet hian a tûm deuh hmak bawk.

"Teuh lo," Ka nui suk.

"Dazel Solomos, i..."

"Eng nge ni?" lo ti vatin ka mit ko ka san âk a.

"Engmah," a ti leh hmak a. A awmdan naupangchhia zet avang chuan ka nuih a za tulh tulh, khumah chuan a țhu vei tharh a. Ka wardrobe chhunga box pathum ka dah chu ka la chhuak ta a.

Briena chuan phâwk hra hian min en a, "Eng thil tehchiam nge maw ni le?" A ti hau a.

"Hawng la i hre mai ang," tiin present tur chu ka pe ta a. Ka thilpek chu a duh ka beisei hle ringawt.

Bawm chu tîm deuh dai hian a hawng ta a. Perfume a hman fo țhin ang leh chocolates bawm lian tawk, kawrfual leh silk scarf chu a phawrh chhuak ta a.

"A mawi kher mai," a âw chu a thâm deuh țiak a. Lawm tih hriat tak hian a nui ta var var a. "Ka lawm e, ka lawm lutuk tlat," tia rawn dingin ka hmuiah a fawp ta zauh a.

"Hmeichhe duhzawng ka hre tam lo va, ka present ve pawhin ka secretary te kaltlangin ka ti mai țhin, nang erawh chu keimah ngeiin ka leisak che a nih kha," Ka ti ta a. A dik chiah bawk, Natalie tak ngial pawh engmah ka lei sak ngai lo.

"Oh..ka lawm tih bâk sawi tur ka hre lo, mipa thilpek min pe hmasa bertu i ni. Tunah i hun a thleng ve e." Tiin dressing table drawer chu a hawng rak rak a. Box tetaktê a rawn phawrh ta a.

A chhunga a dah tur awm ang ka hrethiam miah lo. A tê reuh bawk si!

"Kha le..i duh emaw duh lo emaw, min pawmsak ve ngei ka beisei." A hnen ațang hian thilpek ka beisei lo kha a nia. Nimin lamah a lei fel diam a nih hmel, phût lêt neiin ka pe lova. A hma ațang daih tawhin min pêk a tum tihna a nia, ka beisei loh dan bawkin thil a thleng leh ta.

Box chu a kut ațang chuan ka lâksak ta a. "I hawn hmain champagne no khat ve ve in leh phawt ang." A ti leh rih, a zâm deuh a ni chiang mai!

Pindana ka luh khan champagne bucket chu ka hmu miah lova, a bula chips vel inrem țhât ka hmuh phei chuan ka nui lo thei lo. Henu hian min tih hlim tumin a thâ a seng ve hle tih ka hre mai! Min duh deuh emawni! Chu erawh ka ring chiah si lo.

Intur kan dawm zawh chuan, "Hawng tawh rawh le," a ti ta sap a. Box pawna inziak ka hmuh chuan za lutukin ka nui hawk. Engtin nge hetiang thil hi a lo hriattheih le..?

'SOLOMOS GOLD SON' tih rangkachak rawnga inziak chu ka zût a. Ka nu leh pa in company board chairman nihna min pek țum khan hetiang chiah hian an rawn ziak a ni. Briena hian a hriat ka ring miah lo kha a nia! A lo hre ru reng si!

Box ka hawna a chhunga thil awm ka hmuh chuan ka hrilhhai angreng hle a. Ka thilpek nena khaikhin phei chuan min pe țha lutuk mah mah a ni. Ka lawm hle bawk. Engkim a phâk tawka țha ngaihtuah mi a ni tih ka hre thar ta bawk. Japan siam ngat gold sana min pe hi ka thinlung takin ka lawm a, min pek duhna rilru chhut thiam sak lo mahila, rilru țhatak a ni ngei ang tih ka ring. A chhan pawh, nimina a chhuah khan kan inhnial deuh kha a nia, Natalie vangin; chuti chung chuan ka ta tur liau liauvin hetiang thil hi a lei tho a nia! Ka tluk lo hle mai.

"Brie, ka lawm e, min buntir hreh loh chuan," a hmaah ka bán ka dah phei a, sana chu ka pe nghal bawk. Hetiang leina chang a hria hi thuhran ni se, mipa duhzawng a hre hle tihna a ni.

"Min bunsak avangin ka lawm e, ala hma sia, khawpui an cheimawi hi kan fang ve dawn em niang?" Inthlahrung áw deuhva a tih chuan ka pawmpui rang teh a nia. Ngaihtuah chhuahna cháng pawh ka hre tawp náng!

"I car thar kan keng dawn tihna mi?" Ka tih chuan a nui var var a. "Ka khalhah i chuan duh dawn te chuan.." tiin min melh zauh a. "Ka thawmhnaw ka thlâk chhungin pawn lamah min nghak la.." zak hmel a pu ve ngei.

"Ka hmuh vek tawh kha.."

"Chupawh nise...chhuak ve mai la.." tiin room kawngkhar lam pan chuan min nam dat dat a. Ka chhuahsan ve ta tho. A tih theih thlâwt loh, a duh loh zawngah hi chuan min hlau der bawk si lo.

Apartment kan chhuahsan chuan zan darkua a ri tawh a, Briena chuan car khalhin passenger seat-ah ka țhu ve ngial a, hei pawh thil thar leh bawk. Hmeichhe lu zo veh vawh chu a ni chiang alawm, ka hriat tirh a chut ka tih tehreng chumi letling hlauh chu a lo ni sia.

Ka thil hriatchhuah thar chu..mi reng reng an nungchang leh mizia hre hmasa hawt lova ngaihdan lo siam zung zung hi a fuh ber lo tih hi a ni. Briena pawh a hmel landan chu engpawh nise, amah ka lo rindan nena inpersan zet nungchang nei a lo ni reng sia!

Hnehsawh takin car chu a khalh a, ka nu leh pa remruat angin zungbun kan inbuntir ta lo kha a nia. Newyork ka pansan dawn a nih phei chuan buntir ngei duhna rilru ka pu ta.

"Brie, inneih zungbun bun hi enge i ngaihdan?" Min chhan dan tur ka hre châk kher mai.

"Maw?" Ka zawhna chu mak a tih hmel hle a.

"Inneih zungbun bun i hreh em?"

"Chi náng, zungbun ka bun te chuan miin pasal ka nei tih an hre vek dawn a, zawhna chhan tur ka ngah awm emai."

"Hre dawn e, i pasal hming i sawi mai aniang chu.." ka la ti țalh a.

"Media lam hriat kan duh loh kha, tin, vantlang hmaah ka pasal i ni tih kan puangzar thei lo bawk." A ti fel át a. Nimin mai kha chuan hetiang thil hian min tibuai lo a sin le...kei hi ka â tak tak a ni ngei ang.

"A țha e, theihnghilh daih rawh, ka zawt satliah mai mai che a nih kha," ka ti ta ringawt a.

Hmun hrang hrang kan fangkual a, Melabu hospital kawt chu an chei nasa lehzual a, Briena chuan thlalâk a rawt deuh tlat a vangin vawi engemawzat thla kan la ta nghe nghe a.

"Mr...In nupa khan in inhmeh lutuk tlat," Tleirawl lo ding ve zinga pakhat chuan a rawn ti ta a. Ka lo nui suk.

"Kan lawm e..baby..." tiin ka wallet a pawisa chu ka pe ta a. Briena zak sen deuh ap ap chu enin ka lamah ka pawt hnai a, a hmuiah ka fawhsak ta a.

Chulaia tleirawl ho chuan kut an beng dar dar a. "Mr.Solomos..kan hria che a nia," an tih chuan Briena chuan rangzeta ka bánah vuanin car lam panin min tlanpui ta hlawk hlawk a. Lo hnial nachang pawh ka hre lo.

Car chhunga kan țhut luh hnu chuan, "Min hrechhuak ta." A ti sap a. Hlauthawng hmel a pu bawk.

"Engmaw an hriatchhuah?"

"Oh..hre lo der vel teh suh. Nupa kan ni tih maw le.."

"Kei min hre mah se, nang an hre ve chuang lo che a," tiin ka hnem vat a.

"Chu pawh ni se..."

"I hlauthawng lutuk a nih kha, hre mah se enge pawi? Ka nupui i ni miau a lawm." Ka ti ta a. Ni e, Briena hi ka nupui a ni. Engmahin tun dinhmunah a thlâk danglam thei lo.

"Hah...i nupui lem!"

"Lem tel lova ka nupui i ni, Pastor hmaa inneihna thutiam chham aiin, Dan hmaa inneih hi ințhen a harsa zawk tih hre tur khawp a puitling i ni tawh. Theihnghilh miah suh." Ka ti chhum hmak a.

"A lo nih tak chu..Solomos!" Ti ve hmakin chak fe hian car chu a tlantir ta a. "Khalh muang deuh rawh.."

"Ka thu thu.." a ti leh tlat tawh.

"I pasal thusawi hi zawm ve la..Mrs.Solomos."

"Huh! Ka pasal, " ti sap pah a, a break chu rapin car chîk tuar khawp chuan kan ding dawt a. Seat belt hreng nghet viau lo phei ila chuan kan insawh na phian ang.

"Engemaw i hriat le?" Insum hman lovin ka ti tuarh a.

"Engmah, Solomos ka ni lo Briena ka ni, Briena tawp." Tiin zám map lo hian min melh kar a. "I duh chuan i khalh ve thei tawh ang," ti hmakin car kawngkhar chu a hawng a, a chhuak ta a. Driver seat-ah ka insawn ve hmak.

Car chu hêlin passenger seat-ah chuan a țhu ve ta thung a. Biak huphurh awm khawp hian a tûm deuh bâr a. A eng ber khan nge maw ti thinrim ni!

Car tukverhah chuan dâkin pawnlam a thlir ta daih a. Ka be zawm ta bik lo, a thinrim lai hi chuan ngawihsan mai hi a finthlák zawk. Chuti a nih loh chuan min hlau reuh mang si lova, zanin kan boruak hi tihchhiat belh ka duh hauh lo.

Garage-a car ka hun fel hnu pawh chuan Briena chu a la che chuang lo va. "Brie," ka kohna a hre lo a ni ngei ang a che miah lo. Car ațanga chhuakin a țhutna lam hawn ka tum chuan tui deuhin a lo muhil nia maw le..

Dimtein ka țhut remtir te te a, chutah car kawngkhar chu hawngin ka pawm chhuak ta a. Remote hmanga ka lock vek hnuah aparment lam pan chuan ka pawm chho ta a.

Kan room-ah luh tlangpuiin khumah dimtein ka nghat a. A boot bun ka phelhsak lai chuan a rûm deuh țiah țiah a. A harh dawn emaw tiin ka ngaicháng leh te te phawt , a harh tâk siloh avang chuan a thawmhnaw inbel chu hlih sakin mutkawr ka haktir thlap hnu chuan ka thaw huai mai.

A thawmhnaw ka phelh lai khan ka lo țang țung thei nia! A taksam mâm han ka hmuh laia danglam loh hrâm tum ka nia. Eng ka ang chuang lo chu a ni e. A hnute nalh zet hi mipa tan hnar theih loh khawpa itawm a ni bawk.

Tarmit bun tawh lo tur hian ka hmin ngei tur a ni. A sam rawng pawh thlâktir ta ila, pitar ang maia inthuam lo hian a landan ka hmu châk ngawt mai.

'Briena ka thluak i ti buai țan der tawh a nia' ti chhuak sapin ka thawmhnaw ka hlip ve ta a. A taksa ka hmuh vanga ka mipatna lo tho thunun turin tui vawt a inbual ka mamawh.

Bathroom ațanga ka chhuah chuan khum tlangah țhuin no a lo dawm diam tawh a. A mu nghet lo hle a ni ngei ang! Zû in țhang si lo ah chuan a dawm tam mah mah tawh tlat!

"Ka thawmhnaw min thlâksak a..." ner sak chunga a tih chuan ka dar ka san âk a.

"Min kai tho mai lova.." sehchilh deuh nakin a ti leh a. "Nia, ka ko che a i harh tâk loh vang khan ka duh danin ka che ve mai a ni."

"Ok..zanin chu rui hle teh ang," a ti ham ham a.

"A țul tam lovang, tuna i ken lai kha in zo la, a bâk chu in a rem tawh lo." Nelawm vak lova ka tih chuan nui lui sakin, "Min dan tum chhin chiah la.." meng chiai chungin a ti ta a. Chhan mai dan tur ka hre leh ta lo, a lungawina tur hian han awm phawt teh se..!

Cupboard a white wine chu lain a inthlit leh nghal zat a, champagne mai pawh a duh tâwk lo. A aia strong in a la tum ta deuh deuh a...

"Mahni chauhva in chu a nuam duh awm lo emai, min thlit kêp ve law law la.."

"I insum rei thei ka ti reng a ni." A la ti zui ah..

Min khei ru deuh a țawng dan lah hi a thiam phian a, huat dawn a huat tham nimang si lo hian a țawng leh fak zel!

Kan inrem theihna tur a nih phawt chuan zanin chu rui deuhvin in dun law law ila a ni mai. Engmah pawisak ka nei ta bik lo..

A nuam phian maithei a sin..

Dated: 26 December 2017

©<++++[BeckirafARenthleI]++++>®

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 1:31 pm

SOLOMOS BRIDE

by Becky Rafa Renthlei

Chapter-5

Briena rui meng phelh phang ka hmuh chuan duh tawktir a hun tawh tih ka hria, kei pawh eng ka ni bik chuang lo. A țawng barh barh reng a, a biang sen deuh țan chuan a tilang naupang hle bawk.

Chips engemawzat kan ei tawh a, "Merry Christmas, Brie." Ti chhuak sapin khumah chuan ka țhu ve a. Fawp lo turin insum nasat ka ngai viau.

"Dazel, ka mut a chhuak lutuk tawh. Mahse, ka nu min biak tir phawt la.." a ti sap a. Tun ang hunah biaktir chi ni nghal lo chuan zinglam dar khat a ri tawh a nia.

"An mu vek tawh ang, naktukah kan be dawn nia muhil rawh le.."

"Mawh..vawikhat chauh ka be duh, ka ngai a sin."

"Um..ka hria e, muhil phawt la naktukah kan be dawn nia ka tih chu, tuna kan va biak chuan an ngaih a țha lo palh ang." Thlem pah titih hian khumah chuan ka muttir ta a. Lukham a deh rual rualin a maimitchhing nghal. Puan ka sin țhattir vek hnuah amah kuah chialin ka mu ve ta a.


25th December Apartment Solomos.

Ka țhanharh chuan a tlai tawh hle a, Briena mutna ruak hiai ka hmuh chuan min thawhsan tih ka hre mai. A ril a țâm a nih loh vêk pawhin a lu a nat hle ka ring. Bathroom-ah lutin ka intifai zung zung a, nizana kan chétna hnuhma hmuhtur a awm tawh lo a, Engkim a fel fai thlap tawh.

Inhnuaiah hmanhmawh zetin ka chhuk a, a reh tlawk tlawk! Briena hi khawnge a kal daih le..? Ani tereuh hi a lo teichhuak leh emawni, chu erawh ka ring chiah lo deuh.

Pawn lamah chhuakin verandah ah ka ding deuh vang vang a. Garage ațanga pawr fe a bucket khai chunga a lo chhuak ka hmuh chuan ka thaw huai mai.

"Engthil nge i tih a?"

Nui sáng hian min rawn en a. "Car ka tifai maw le.."

"Nangmahin maw!" A hawikual chiam a, "Helai hmunah hian nang leh kei chauh kan awm a.."

"Nia, ka hria e.." Ka ti leh lawi si.

"Chuti nih chuan keimahin ka tifai tihna anih chu.." ka bulah a rawn ding tawh a. "Breakfast i ei tawh em?" Tiin a bucket ken lai chu ka láksak nghal a.

"Ei tawh e, i la ei lo mi? I mutui lutuka ka kaitho duh lo che anih kha."

"Ei náng, min siam tumna rilru i pu tihna mi?" fiam ka châk deuh tlat.

"I ei duh dawn te chuan.." Inchhungah kan inzui lut ta a.

Eng tak siam ang maw? A siam ang ang sawisel lova ei ka tum poh niang chu. Minute sawmpanga a ral hnuah breakfast dawhkan a eitur min chhawpsak chu ka melh vang vang a. Breakfast ka ti tak náa, lunch a ni zawk mah ang ang chu. Chawhnu darkhat a ri der tawh.

Apple cheese cake, coconut milk leh fried proscutto tui hmel zet ka hmuh chuan Briena ka melh vat a. Hetiang hi a siam thiam tihna mi le..?

"Hei hi nangma siam maw?" Awih hmel chiah lo hian ka en a.

"Ka siam thiam i ring mang nange, Dazel?"

"Er, eisiam ka thiam lo i ti sia," ka tih chuan ner nâng hian, "Ka siam thiam ve chhun a nia, Christmas puala ka eitur siam ei hmasa ber tu i nih kha." A ti ta a.

"Ka lawm e, zanin chu hmundangah dinner kan ei chhuak dawn nia." Tih pahin cheese cake chu ka hmawm thaih a. A tui vei phian..hun dang chu ni se ka ei lovang. Hetiang lam hi ka ngaina tehchiam lo va.

Chawhnu pum Briena duhdan angin car kan tifai ta a. Wool worth company neitu nupa tuak thar ten car kan sil ta chu a nia. Hnathawk zawng zawng an chawl vek a, servicing lama kal ai chuan a țha zawk a ti ve miau bawk nen, lungawi chiah lo hian ka tihpui ve ta tho a.

Bedroom-a kan awm hnuah, "Min hruaina tur hmun min hrilh mang si lova, thawmhnaw hâk áwm chi tal min hrilh la ațha ang," tih pahin kawng dawm chungin Briena chu a ding tau a. Dar san âk chung hian, "Nalh vak a ngai lo." Ka ti liam puat. Robe chiah hain khum bulah chuan ka ding a.

"Nizana i hâk ang kha chu ha tawh lo la, simple tak kha a tawk mai. Tarmit bun awih loh." Ka tih chuan za takin a nui ta hak hak a.

"Dazel, ka tarmit bun pawh chu i va ngaithei lo ve mawle," tiin a wardrobe chu a hawng a.

"I ngaihdan dan le.." ti hmukin a wardrobe lam pan chuan ka phei ta a.

A thawmhnaw chu ka en lawr ta dan dan a. Nizana a hâk ang ni lo thlan ka tum a ni. Kawr dum a taksa rem tura țhui chu ka la chhuak ta a. "Hei hi ha ang che, ka'n inthlâk ve lawk ange," tiin ka thawmhnaw dahna lamah ka phei leh a.

"A tir ațang khan sawi ve mai la, min thlansak i tum te chuan.." nui ar ar in a la ti zui ah.

"Ngawi mai mai teh, Brie, ka hâk tur thlang ve rawh le.." ka ti zaih a.

La nui reng chung hian ka thawmhnaw a keu dan dan a, dawhthei lo zet hian ka lo tur sek. Min chhang lem hlei lova, a tawpah dinner suit buang thák chu a thlang ta a, kamis chunga hâk tur vest a la tel bawk a. Hetiang thawmhnaw hi ka nei tih pawh ka hre tawh lo a nia. A hai chhuak nalh mai.

Uluk fahrana kan induan hnu chuan apartment kan chhuahsan ta a. Inngeih taka awm hi a lo nuam zawk daih tih ka hrechhuak uar mai.

13rd Moon Restaurant Safitel Sidney. 7:00 Pm

Table ka hauhsa vek tawh avangin chu lam pan chuan waiter-in min hruai a. Briena kawngah kuahin chulaia lo awm ho chuan min en duh hlawm hle. He restaurant hi tun hnai lawka an hawn thar a ni a, ka vawihnih kalna a ni.

Waiter-in menu min rawn chhawp chu Briena nen pakhat ve ve kan la a. A ei duh zawng ka hre lo ang bawkin ani pawhin ka duh zawng a hre bik lo tih ka hria a, zanin hi a kianga zanriah ka kil hnuhnun ber tur a nia. Briena ka la hrilh lo náin naktuk hian Newyork ka pan dawn a. A kianga chên reng ka tum lova. Ka ngaina tih ka pha lo. Mahse, kan nunphung leh a zia hi a inmil hlawl lo a, kan ngainat zawng pawh a hrang hlak a ni.

Zanriah kil hmain intur kan dawm leh te te phawt a, "Company a thawh chu i tum tak tak a mi?" Ka zawhna avang chuan a mengphar deuh ák a.

"Umn..Aw tum e, ka pa in engkim a sawifel vek tawh, i nupui ang nilovin, Briena Larson ang zawkin a nia ka thawh dawn, board member ka nia lawm," a ti dam thlap a.

"Engangin nge i thawh dawn tih hriat a chakawm khawp mai." tiel lam lek lek a ka tih chuan a nui sak a.

"Dazel, i hre duh takzet em?"

"Hre duh lo ila ka zawt lovang che, Briena, hna chungchanga experience nei tur chuan i naupang mah mah. A neitu fanu emaw, nupui pawh ni la..i thiamnain a tlin loh chuan awmzia a awm lo tih i hriat ka ring." Ka ti hmuk a.

"Sidney a Wool worth company hi i țhutchilh dawn lo a nih chuan managing director ah ka awm dawn a ni." Mahni inringtawk taka tiin a no a intur la bâng zawng chu a in zo nghal vek a.

"Engmaw? Director maw!?" Ka nui hawk. Awihawm loh lutuk Bella Vista hmunah hian director ka ni reng țhin a, chu ka dinhmun chu henu hian luah a tum a nia.

"Director nie, naktip hian hna ka zawm ang. Bella vista ah i awm a nih chuan i hnuai chiaha ka thawk anga, i awm dawn lo a nih chuan share holder nei tam ber dawttu ka nih ang ngei hian company ka enkawl ang." Zâm map lo hian min en kal a. Kum sawmhnih lek ni siin, tuna a landan hi chu nula puitling ang chiah a ni.

"I fiamthu a ni ngei ang." Ka tih chuan, "Kal ta che Newyork pan chuan, enge ka tih theih i hre mai ang." Ti hmakin intur a inthlit leh zat a.

Kan eitur chah a lo thlen tâk vangin a tu mah mah kan țawng tawh lo. Ka pa ka biak ngei a ngai. Briena director-ah a awm thei lovang. Tim Hathaway ka thachhang dawltu a awm tho a, ani inrawlh a ngai ve lo hrim hrim.

"Company enkawl tur hian min ring lo a ni tiraw Dazel?"

"Inrawlh tum lo tawp mai rawh. I kum leh experience ngaihtuahin tuman an pawm lovang che." Thinrim insûm takin ka ti a.

"Oh..ka inrawlh angai tlat sia, Trade and commerce lam hi ka tuina a ni."

Ka chhâng tawh lo. Ka pa nen inbe phawt ila a fel duak ang. A luhlul ropui si a, tun hi inhnialna hun pawh a ni lo.

Eitur lam ka ngaihven san ta daih a. Briena eitur chah ka hmuh chuan a tui hmel lehpek khawp mai. Blue steak salad, marsala mushroom leh pecan te a ni nual a, tomato broth sen hiam leh hnáng thlarh phei chu a tuihmel lehzual. Henu tak hi chu...!

"Ka thil chah ang hi i ei châk tih sawi tum miah suh." Min la ti zui a.

"Ka ei châk ka tia mi?"

"I rawn thlek dûk dûk kha ka hmu reng alawm," tiin a nui sak a.

"Dawt sawi ching viau lo mai teh." Tih pahin Gem lettuce chu ka hmawm hmak a.

Briena mit fing zet hi ka pumpelh hleithei lo chu a ni e.

"Dazel, darling, i ran doctor nen dinner in kil dun vel a..." Natalie leh mipakhat kan dawhkan bula lo ding chu ka hmu ta a. "Briena a nih hi..." Ka ti hmuk.

"Oh..Briena tarmit liani a ni tak alawm.." tih pahin ka darah a kut a rawn nghat a. A rawn lan hun hi a fuh lo ka ti takzet.

Natalie melh zauhin Briena chuan soup a hawp san leh daih a. Hmu lo ang chiah hian a thil ei lai a chhunzawm mawlh mawlh. Natalie țawng kha a hre pha reng sia ala ngawi tlat chu mak ka ti hle!

"Darling, zanin chu ka chénna hmunah lokal ve thung la, hei Jacky birthday hi a nia," nui ar ar chunga a tih chuan ka ding chhuak ta nge nge a.

"Hei min hmuh ang hian zanriah kan ei laklawh a, nakinah kan inbe dawn nia. Natie." Ka ti sup a.

"Oh..i doctor tereuh hi i treat tihna a nia," a tih leh chuan, "Natalie." Zawi fiah kalh hian ka ti ta a. Briena hmai sen awp awp ka hmuh chuan a thinrim hle tih ka hre mai. A thil ei lai dahin a rawn ding chhuak a. No a tui a zat ve la awm chu lakangin Natalie hmaiah a theh ta țhawt a. "Sawm loh mikhual ka ngaina lo tih i hriat kha..Miss Stone." A bâk engmah a sawi lo.

"Tenawm lutuk! Nangnu hi ka that dawn khawp mai che." Natalie áng hlawk hlawk leh Briena kutthlak tuma a pan phei ka hmuh chuan ka lo dang vat a. "Ka that khawp ang che, ti lehin Briena hmaiah a beng ta țhuai a. A hawi sawk.

"Ngaihdam min dil rawh." Khur dawt dawt a Natalie'n a tih chuan "Teuh lo," Briena chuan a ti chang fal a. Tih lêt ve tum awm ang pawhin a lang lova. Restaurant chhunga awm ho phun deuh mur mur chu "Ennawm kan siam lo," tia khapin Jacky chuan a enkual a.

"Tun chiah ka sawi leh ang, Briena, ngaihdam min dil rawh." Natalie âw pawh a ring țha khawp mai. Buaina dang ka duh loh avangin, "Brie, a sawi ang chuan ti mai rawh." Ka lo inrawlh ve vat a.

"A teuh lo, hremhmunah kal hlawm rawh u, ngaihdam dil tur chu kei ni lovin Miss Stone hi a ni e." Ti hmakin a clutch dawhkana a dah chu lain, țawng tuma ka âng zuau chu a kut vaiin min khap a, "Mr.Solomos, i hmeinu kha i duh chuan ngaihdam i dil thei ang. Kei chuan dil tumna ka nei lo." tiin rum taka min melh nghek hnuah, restaurant chhunga lo awm ve amah en tute chu kalpelin; dâk váh hian a chhuak ta a. Dan ka duh viau rualin min melhna khan ka thiltum min țhulhtir leh ta zawk a.

A ngaihdanah Natalie țan zawk ka ang miauva, chu erawh a dik lo. Buaina dang chhuak tur ka duh loh vang zawka ngaihdam dil tura ti mai chauh ka ni. A mualphona tura chêt a hreh hauh dawn si lo.

Kan eina bill ka pêk fel hnuah restaurant chu ka chhuahsan ve ta a, Briena zawngin ka hawikual ngial a. Hmuh zui tur a awm lo, ka car-a kal kan ni a, taxi a la a nih loh chuan hawna tur a nei dawn lo tih pawh ka hre sa vek. Restaurant kawtah min lo nghah mai ka ring kha a nia! Mahse, hmuhtur a awm tak lohah chuan apartment lam panin ka inkhalh chhuak ta a.

Zawimuanga tlanin kawngsir ke a kalna tur an siam chu ka melh pah zel a. A phone a off tlat vangin biak tlang theih a ni der si lo. Rilru bet lo zetin apartment chu ka thleng ta hlawl a.

Inchhunga ka luh chuan living room a Briena lo țhu ka hmu hmasa ber a. Ka thawm a hriat chuan min rawn melh zawk a. A hawisawn leh nghal daih!

A thawmhnaw pawh a la thlák lo. A pheikhawk erawh chu a lo phelh tawh a. A ketin fai zet chu light chuan a chhun tle deuh a. Inkuangkuah thán chung hian luhlul hmel zetin hmalam a melh ding ngar bawk.

"Min lo nghak lo a..." Ka ti sup a. Ka țawng hre lo ang hmiahin a la che duh eih lo.

"Briena, i ngaih ang kha a ni lo a nia." Dam thlap a ka tih chuan ka lam hawiin a rawn inher a. "Min biak luih țalh tum lo mai rawh. Mr.Solomos." Kha fak leh zawi sap hian a ti ta a.

"Kan pahniha chhuak dun kan nia, haw rual leh tur kan ni bawk." A âwki ang chiaha nelawm loh chuan ka ti a.

"Keimah ka inenkawl thei, kha i hmeinu ang lo taka zahawm ka ni bawk."

"Natalie chétdan avang khan pawi ka ti takzet! Theihnghilh daih rawh."

"Engmaw? Theihnghilh turin min duh a maw! Khanu kha ngaihdam dil turin min la ti ngam a nia, i ti mah mah lo maw?"

"I dil chuang hleinem."

"Dil lo reng e, ka dilna chhan tur awm hek lo."

"Ka chungah thinrimna zawng suh. Tuiin i theh hmasa a nih kha."

"Enga! Khatianga min țawngkhum chung khan i la țan zawk a nia! Lalpa leh...Inkawp awm reng pawh in lo nih hi, tenawm dun lutuk..." ti tuarhin chhuata a pheikhawk dah chu a la a, room chhuahsan tur chuan a pen ta a.

"Tikhan kal tum ngawt zel suh," ka tih chuan a pen tawp chat. "Ka duh duh naah ka kal ve bawk ang chu..i hmeinu bulah awm la ti nia," a ti leh sak a.

"Briena Larson, i țawngkam hman kha fimkhur rawh." ka ti nghut a. Engemaw a hriat hrep ni! Ka chungah a thinrim hlur ringawt a!

"I țawngkam kha fimkhur zawk rawh, i nupui lem ka nih hi..i thu thu a awm tur ka ni lo." A țawng dan kher kher chuan min ti thinrim kher mai.

"A țha e, hetiang chuan kan sawifel thei dawn lo a nih hi.." tiin a bánah chelhin kan room lamah ka kai chho ta dawr dawr a. A țang nasa viau náa min hneh bawk si lo. Tûm hmak chung hian step chu a rap chawrh chawrh a. Hmeichhe naupang nuar tur te pawh a ang dáwn dâwn alawm le.

Khumah chuan ka țhuttir hnawk a, "Nupui lem i ni nge ni lo ka fiah thei reng a nia!" Ka tih hmuk chuan min melh kar a. Ka vest chu phelhin kamis pawh ka phelh nghal a.

"Engnge tih i tum?" Zawi sapa a tih chuan tilui tih hriattak hian ka nui hawk a. "Ka nupui lem ni a inngai hi nupui tak ni turin ka siam dawn maw le.. " Ka kawnghren phelhin ka kekawr pawh phelh leh ka tum a.

"Dazel, i â tawh a nih hi..." min hlauh hmel ta deuh.

"Kan contract in a huam chin ang chiah khan chêt ka tum mai a nia, zanin hian Mrs.Solomos i nihna hi ka nemnghet dawn a ni. I dam chhunga i theihnghilh theih tawh loh tur zirtirna ka pe bawk ang che." Nghet charh a ka tih chuan khum ațang chuan a tho hliai a. A pén sawn hmain ka hnaih phei ruak a, boxer nen chauh a hmaah ka ding ta a. A hawisawn nghal hmak.

"Min khawih țhak suh."

"Ka nupui ka khawih theih lohna chhan tur ka hre lo." A khabe ah chuan dawmin ka kuai dâk deuh a. Kan mit a intawng sak. A mitmeng paw ráma hlauhna leh zámna lang chu haiderin a hmuiah na zetin ka fawp ta a.

A duh lo țang vel chuan minti phur sawt. Hmeichhia ka fawh thlahlel lo awmchhun a ni ngei ang. Fawp tawn tawn chungin khum lamah ka pen phei pui zel a. A tâl nasat êm vangin a samah ka țhâm bet ta tlat a.

Khumah chuan bawhbetin a thawmhnaw inbel chu dim lo zet hian ka phihsak țhawt a, ka samah a kut lehlama kêkin lehlamin a rem lai laiah min chum bawk a. Ka hmui ka lâksawn rual deuhthawin min chum pawp pawp nia.

"Min thlah rawh..tenawmpa.."

"No, ka nupui i nihna i pawm hma poh leh i tan a hahdam thlâk ang." Ka tih chuan a che leh phat a, ka biangah a kuttin hriam zet chuan min ham hrawk a, zawhte kawlh chiah chiah! Ka biang thîp vang vang chu ngaihsak duh lovin a kawr hâk lai ka pawtthler ta káwk a.

"Dazel, Pathian hmingin..duhtawk teh.." A țawng pawh ngaihsak lo chuan a bra chu chunglamah ka nawr tawm táwk a, a hnute lo lang kawh vah chuan ka mipatna a kai tho țalh țalh thei nia!

Ka chétdan chu thlâkin dam deuh zawk hian a hmuiah ka fawp leh ta a. A chîp tlat. Luhlul ve tak a ni!

Rei fé ka fawh luih ngawr ngawr hnu chuan a inthlahdul ta deuh chuan ka hria. A taksa ka tawh kual dan dan lai pawhin che lo hian a mu zar a. Chunglam a melh ngar bawk, mipa tan chuan runawm ve tak a ni.

A thawmhnaw inbel chhun ka hlih vek hnuah ka mitah tak min en ve ta chauh a. "I duh ang chuan che ta che, misualpa," a ti sap a. Ka nui hak.

"I nalh thung alawm, ka nupui kawlh em em nu..." A nui duh țhak lo. A taksa lawng, lum ham ham ka deh rual chuan phurna nasa tak hian min fan nghal raih raih a, a hmuiah dimtea ka fawh chuan min chhâng hran lo náin a hma ai chuan a zia ta deuh. Ka kut chuan a taksa péng pawimawh lai chu dim takin ka khawihsak leh a, a tál deuh aih avangin ka bawpin ka kherh bet ta tlat a.

"Brie, min tawk ve rawh."

"No, ka thei lo.."

"I thei tih ka hria alawm, khawngaihin.."

A hmuiah bawk chuan bur lehin duhthawh zet hian ka fawp a, ama duhthu ngeia min khawih a tum ve miau si lo a, a kut pahnih chu lâin ka kawngah ka kuahtir ta hmak a, lâksawn pawh a tum ta bik lo.

Ka khawih ang ang chuan a dawh tawp a, a hmeichhiatna hnáwng chap ka tawh chuan insûm hle mah se min mamawh ve a ni tih ka hre thei. Dimtein a taksa chu ka zawm ta a, a thaw deuh hak!

Uar leh duhthawh taka ka chetpui hnu chuan a sirah ka mu thla ve ta a. Insiam țhat emaw pawh a tum chuang lo. "Ka hua che," zawi sapa a tih chuan ka chhungril a na zawk!

"Min hua a ni maithei, mahse, ka nupui i ni...nau i pai hma chuan i ni zel bawk ang tih i hriat kha..Nau i pai nghal theihnan țawngțai rawh." Ka ti nghut a.

Min chháng lovin khum ațang chuan a tho a, chhuata a thawmhnaw ka paih darh chu chhar khawm mawlh mawlhin dustbin-ah a paih vek a, bathroom ah a lut nghal ta hmak a. Ka chétdan kha a țha lo tih chu ka hria, Larson ni lovin Solomos a ni tawh tih hriat nawn tir ka tum mai a ni.

Lalpa...Nau pai tir hram teh...ro khawmtu tur an hmuh hma chuan ka nu leh pa hian min ințhentir hauh dawn lo tih ka hria. Min thlahlel lo tu kianga țhat chhuah hi thil har tak a ni.

Min âtchilhtu nalh tak tak kalsanin nupuiah ka nei a, lawm chu sawi loh min la haw zui a nia! Eng hmeichhia nge maw a nih tehhrep ni!

Khum ațang chuan thovin intur ka inthlit a, Christmas zan ka hman ral ve dan chu leh...Whisky no hnih ka in zawh hnuah bathroom ațangin a rawn chhuak ve ta țáwk a, min en miah lovin min kalpel thuak a, a inthlâk laia ka awm ve a phal lo țhin kha a nia! Min pawisa lo zet hian a robe hâk chu a hlip a, under wear leh bra nen khumah a țhu a, a mutkawr chu muangchang hian a ha ta a.

Ngawirengin ka thlir a, chutah bedroom slipper chu inthawlhin kawngkhar lam pan chuan a kal ta a. A dangdai hi a ni tawp mai. Umzui pawh ka tum hran lo.

Company board director chungchang a sawi kha ngaihtuah chhuakin ka pa zawh chian tum chuan ka phone ta a.

"Ka fapa, tun ang hunah enge ni ta?" Rei fé a ring hnuah min chhâng țâwk a.

"Briena, company-a a thawh tur chungchang hi i hriatpui em?" Pehhél kual lovin ka zawt tlang pawp.

"Hria e, Fashion & wool board director turin kan thlang tawh." A tih chuan mak ka tih hle a. "Ka pa, engtin nge ka hriat lovin ruahmanna in kalpui theih le..?" thinrim taka ka tih chuan a thaw huai a, "Briena aia țha leh rintlâk tur an awm lo, ka fapa min ring hmiah rawh." A ti dam thluam a.

"A țha e, in duh ang chuan ti ta che u, company in buaina a tawk a nih chuan ka inrawlh lovang," ka ti hmuk a.

"Khawnge Briena? I kiangah khan a awm lo em ni?"

"Awm lo, inhnuaiah a chhuk lawk."

"A present min rawn thawn kha kan hmu a, i nu alawm khawp mai, kei pawh ka lawm hle tih min lo hrilh sak dawn nia," tiin ka chhanna pawh nghak lo chuan a hmet tawp ta daih a.

Eng present nge maw a sawi le...? Henu hian ka nu leh pa thilpek a pe a maw! Ka hrethiam thei hlawl lo. Board director..Huh! Ka nu leh pa hi an upa ta deuh aniange!

Whisky ka inbelh leh a, darkar khat a liam tawh a, a lo la chho chuang lo! Engemaw a tih chen chen ni.

Inhnuaiah ka chhuk ve leh ta nge nge a. Sitting room sofa-ah chhing chialin a lo mu a. "Briena," a darah sawiin ka ko a, a rûm dat ringawt. Sofa sir a martini um chanve la awm ka hmuh chuan a mutthilh chhan ka hre mai! Zû a lo in ve leh ringawt a nih hi..Mawl lutuk..!

Engang pawhin kaihthawh tum ila a harh dawn chuan loh avangin ka pawm nawlh a, kan room ah ka chhoh pui ta a.

Hlimtaka hun hman ka tum tehreng nen Natalie lo lan hma zawng kha chuan kan boruak a țha ve hman a nia. Khanu kha engtin nge ka lo duh theih zawk! Manner hre bawk si lo.

Thlauhthlâk vang vang chi a ni. Ka nu in a ngainat theih miah loh nachhan kha ka hmu thiam ve chiah.

Briena chu khumah muttirin a bulah chuan ka mu ve nghal a, duhin hmangaih lo mahila ka nupui a nih chhung chauh hi chu ka mawhphurhna ah ka dah ve tlat.

Chatthla khawp khawp a lo in reng reng, a átthlak lutuk!

Zingah a thawh hmain Newyork ka pan dawn a, ralkhat ațang hian kan inrem zawk mahna.

**

Ka bân mu churh churh chuan min ti har hlawl a. Sana ka en chuan zinglam dar li a ri chauh a. Ka bân kham chunga tui taka Briena muhil ka hmuh chuan ka nui suk. Thlamuan hmel tak hian a thaw sék sêk a, dimte a ka bán chu lain a kawng a chin puanin a khuh loh chu puan ka sin țhattir ta a.

Thawm dim taka chéin ka thil pawimawh ka khung sawk sawk a. Ka kalsan hma poh leh a țha a ni mai.

Ka insiam peih vek hnuah lehkha hnutchhiahin a hmuh ngei ngeina tur khum sira tui bottle inhung chuan ka delh thlap a. Nizana a chunga ka chétdan avang khan min haw hlein ka ring.

A hmuiah chuan fawp zauhvin kan nupa room chu ka chhuahsan ta a.

End of Chapter-5

27th December 2017

©<++++[BeckirafARenthleI]++++>®

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)