ENCHANTE LOVE SORENO BY Becky Rafa Renthlei (Completed)

Moderator: Becky Rafa Renthlei

Ngaia
Site Admin
Posts: 25813
Joined: April 30th, 2016, 4:07 pm

Re: ENCHANTE LOVE SORENO BY Becky Rm Renthlei (Completed)

Unread post by Ngaia » March 25th, 2018, 11:51 am

ENCHANTE LOVE SORENO
(Quieres Casarte Conmigo?

Becky Rafa Renthlei

Chapter-19

City Hospital
Los Angeles(LA)
California
Friday 2:00Am
Jerome Evans

"Mr.Evans, engmah ngaihṭhat lohna tur a awm lo a nia, i nupui hi a thâw a hah mai a ni, hei chu naupai eng emaw zat ten an nei fo ṭhin a, amaherawh chu a 'heart rate' ala sâng riau mai a, oxygen kan pe mêk e," Doctor-in min thlamuan tum taka a tih chuan ka thla a muang chuang lo.

"Ka lawm e, Anna, a naupai a ṭha em?"

"I nupui dinhmun a zirin kan zai nghal chûk chûk mai thei bawk a, hetiang dinhmuna a pai tlang a nih chuan a tân pawh hlauhawmna chen a awm thei a, thlasarih te chu zai dawn rau rau chuan a fuh ber, thlariat a tlin erawh chuan naute a 'no' leh tawh si a.." tiin coffee thlitsa chu min pe a, a thusawi chu ka beng rawngah a luh pawh ka hre lova, ka thluak a buai mup.

"Tunah zinglam dar hnih a ri tawh ania, darkar thum lai helai hmunah hian kan awm tawh a, zai ngai a nih leh nih loh i hrechiang thei lo a maw!?"

"A heart rate a sâng ka tih chu Mr.Evans, nangmah ngeiin i duh chuan va hmu rawh mahse, minute nga bak awm a rem lo ang," Dr.Anna nen ka nupui an dahna pindan chu kan pan ta a.

Amelia chu khumah a lo mu bâm a, a maimitchhing tlat a, a mitmeng pawh ka hmu thei lo, a hnarah oxygen an pêk avangin a hmai pumpui pawh a lang kim hek lo. Hetianga a awm chhan hi mi duham lutuk Ramon Salia leh Eliaz Sanchez vang a ni, a tawp thleng turin ka inbuatsaih dawn nge, ka nupui dinhmun ziaawm hun ka nghak dawn!?

Amelia kut vawt ngiai chu ka hûm vang vang a, chak taka awm duh mi a ni a, zanin te khan hruaichhuak lovin Penthouse-ah lo awm mai mai ila hetiang dinhmun tehhrep hi kan tawng lo tur. Thil sâwt tawh lo ngaihtuah vak vak chu duh lo vin ka lu ka thing a, a biangah dimtê a fawpin ka chhuahsan ta a. Ka en rei thei ngang lo chu a ni e.

Ka engkim, ka hlimna leh lâwmna, min nuihtirtu leh min tithinrim ṭhintu, ka hausakna it ve miah lova, keimah chauh min ngaihven ṭhintu leh ama hlimna tur pawh ngaihtuah hmasa lova a nu leh pa venghimtu, mahni invêng thei khawpa luhlul leh kawlhrâwng Amelia kha khumah he khawvel eng hmu miah lo ang mai leh a pum chhunga naute pawh hrechang lêk lo ang maia chak lovin a mu a nia! Ka lung a awi thei hlawl lo.

Joe an dahna cabin-ah ka lut leh a, Ignacio chu khum bulah lo ṭhuin a indawm kun lap a, ka thâwm hriain a rawn dâk chhuak ta a. A mit sen râm aṭang chuan a ṭap a nih loh tal pawhin a thinrim hle tihna a ni ngei ang. Joe, Sam leh Ignacio hi unau ang maia in en anni a, an induhsak hle bawk.

"Jefe..!"

"Mateo, hahdam tum rawh, Sam ka be pawp tawh a, tunah LA panin a rawn thlâwk mêk, kan hmeichhe pahnih te erawh chu kârkhat chauh training hmabâk an nei tawh a, awm tluantling law law rawh se," khum bula chair chu pawt hnaiin ka ṭhu ve nghal a, Joe dar dinglama silaimu tâng an phawrh chhuak tawh a, hliam dang a nei lem lo.

"Jefe, engtia hmalâk nge i tum, Ariana Gonzalez puihna ka ngen mai dawn em ni ang."

"Ni rih lo e, Joe leh ka nupui dinhmun a ziaawm hma chuan eng inbeihna mah awmtir ka tum lo." Tiin Joe hmel dâng lap leh a hmui duk deuh chu ka melh vang vang a, ka nuna mi pawimawh pahnihte hliam tawrhtirtu hi ka chhuah tawp lovang, ka sum zawng zawng pawh khawhral ngai mah se a tawp thlengin ka bei dawn a ni.

"Ariana chuan min pui hreh hauh lovang, mahse, 'World Tour' neilai a ni a, dinhmun hlauhawmah a ding thiang lo a ni, a fans te an khawngaihthlâk lutuk ang," ka tih chuan Ignacio chu a bu nghat nghat a. Ariana Gonzalez hi ka bestfriend kumhlun a ni a, 'Shadow of the life' band-a an vocalist a ni. A lâr hle bawk. Mafia boss Mr.Templeton-a fapa neihchhun a ni tih ka'n sawi lang tel hrâm ange..

"Madam leh Joe ka lo awmpui anga, reilote mut hahchawlh tum la," Ignacio a ṭawng mawlh mawlh lai chuan ka bodyguard dangte an lo thlen belh a, ka nupui pindan pawnlamah pahnih duty tura ka hrilh hnuah, hospital lobby panin Ignacio nen kan inzui chhuak leh ta.

Ruahmanna felfai zawk kan siam angai a, heti ringawt chuan Ramon Salia hian a sual chhuahin a inluling tulh tulh bawk si, Los Angeles Metron lamah report kan theh lut tawh a, an chhui ṭan mêk a ni. A hma khan report tumna ka nei lova, ka Estates chauh neih a tum lai kha chuan ka ngawi mai ṭhin; tunah erawh ka ram mai nilo ka nupui thlenga min chuh ta hi kei, 'MJS Company chairman Jerome Evans' hian ka palzam thei tawh lo a ni. A tlâwmthlâk lutuk ka ti ve deuh ta.

"Sir, i nupuiin nau a vei tlat mai!" Hmanhmawh lutukin nurse pakhatin min lo hrilh a, Ignacio-a makti hmel ang tho hi ka landan anih ve tho ka ring! A nau neih thla pawh va ni suh!

"Eng thil nge i sawi, tunah thlasarih chauh a nia..." ka ṭawng zawm leh hmain, "Jefe, inbengdai rawh thil awm thei a nia lawm," tiin Ignacio chu arawn inrawlh vat a, corridor reh ruihah chuan ka aw kha aring viau a nih ka ring, mihring awmchhun te chuan kan awmna lam an rawn hawi a.

"Min lo zui rawh u," hmanhmawh taka nurse kal chu Ignacio nen kan zui a, Joe erawh a muhil rih tho a, midangin lo awmpui phawt mai teh se.

Amelia pumna tâl vel ka hmuh chuan ka chhungril engtin emawni a awm, ka kut pahnih chu hûmin ka lo ṭang ve nasâ! Amah lah chu oxygen pêk ala ngai bawk nen hmuh a hrehawm kher mai, darthlalang phen aṭanga en mai kan ni a, a chhungah luh theih hek lo le..

'Operation theatre of Pregnant' tih intâr kulhna a, Amelia an nawr luh lai chuan Ignacio-an ka kutah nghet zetin a vuan a, eng thu mah a chhâkchhuak lova, a mitmenga min thlamuan a tumna erawh chu ka chhiar thiam ve mai.

'Lalpa ka nupui venghim rawh' tih chiah hi ka sawi theih tawk a ni.

Ani thawhah lehnghal, chutah zai ala ngai zui dawn a nia, a dinhmun a ṭhalo tih hrilh hranpa ngai miah lovin ka hrethiam vek a, Amelia tellova nun hmang tura ka indah chhin ringawt pawhin ka khawvel a tawp ve mai dawna hriatna ka nei.

"Jefe, lungngai lutuk mahta che, engkim a pangngai leh vek mai ang," Mateo ṭawng zawi sup chu ngaihthlâk a hahdam ngawt mai, unau pianpui ka nei lova, ka nu nise kum riat ka nih laiin a boral tawh bawk. Ka pa Juan Evans tân theihtawp chhuahin hna ka thawk ṭhin a, ka pa hmangaihna bâk ka dawng ngai hek lo. Hmeichhia ka lo kawp tawh ho pawh ka sum leh pai it anni tlangpui a, Amelia ka tawn aṭang chiaha ka nundan inthlâk danglam ta hi keipawhin mak ka ti fo ṭhin.

Ka phone phawrh chhuakin Ignacio ka pe a, "Ka pa call la, Felipe Lopez pawh chanchin kimchang i hrilh dawn nia," tiin Hospital pawnlam chu ka thlirsan ta daih a, ka kawchhung tâwt phui muk leh ṭangmar at hi Amelia dinhmun a ṭhat hma chuan reh thei dawn lo.

'Amel, i thi tur a nilo, ka hmangaih thu che pawh ka la hrilh lo che a nia' ka ngaihtuahna bing mup tihreh tum chuan chunglam ka melh kâwk a, Ramon Salia leh a ṭhuihhruaite hi ka that chimit vek a nih loh chuan 'Jerome Evans' ka ni lo tihna a ni ang.

"Jefe, Sam an a be duh che.." Ignacio-an phone min rawn pe a.

"Sam, eng nge ni ta!?" Ka aw ṭial zawi ruih chuan keima aw anna reng a nei lo.

"Jefe, darkar thum hnuah ka rawn thleng dawn a, hospital-ah ka lo tlang dawn nge, ruahmanna thar siam i nei em?" Lehlam aṭanga Sam aw fiah fai zet chu a ngaihthlak a hrehawm loh khawp mai.

"Thlawhnaah khan muthilh tum la, helam i lo thlen hunah chuan chawlh hahdamna hun i nei lo maithei a nia, hospital i lo pan nghal angai ang." Ka tih chuan "Yes, in enkawl ṭha rawh aw.."

Sam nen kan inbiak zawh hnuah Joe awmna pindan panin kan phei leh ta a, ka nupui an zai chhung hian ka â hman takngial dawnin ka hria! Sana ka bik sek a, hun lah chu a kal muang ropui si!

"Jefe, Joe a harh a nia," Ignacio chu ani leh ni lo angin a phûl hlut a, nurse ko turin a tlânchhuak zui a, Joe pawh tun aṭang chuan ka bodyguard ang nitawh lovin ka unaupa angin ka en tawh ang, chutiang bawkin Ignacio leh Sam pawh..

Ka hmelma te bei tur hian bodyguard aiin ka unau tharte nen ṭanrual a awl zawk ngei ang.

"Jefe..!" Joe min ko ri ka hriat chuan ka panhnai vat a.

"Joe, chhel takin aw.."

"Jefe, pawi ka ti lutuk, ka invêng hman ta ngang lo a ni," harsa tih hmel zeta a ṭawng chuan a kutah vuanin, "Ṭawng tum rih suh, i dam ngei angai ania O'Hara," Tihpahin a kut chu nghet takin ka hûm a, thei leh thei lova a ṭhen sak sak chu ka lainat kher mai.

Silai mu pahnih dawng tura chak tâwk Joe O'Hara hi ka ngaisâng tih ka pha buai lo mai ang.

"Ka nupui an zai mêk a, inpahnih hian ka nun a mi pawimawh ve ve inni tih theinghilh ngai suh," ka tih chuan a mittui a khap per sak.

"Ma'am chu a ṭha maw!"

"Ṭha lo, a dinhmun a ṭha hauh lo," diktakin ka chhang a, Joe hmela thinrimna lo lang chu ka hmu reng, a pi tân hian thih pawh a huam hial ang tih ka hria a ni.

After 3 hours
City Hospital
5:00Am
Saturday.

Sam leh Ignacio chu inkuah rialin Joe pindanah an lo lut a, Amelia erawh an la zai zo lo fo! Doctor sawidanah oxygen pêk lai a ni a, hmanhmawh theih a nilo tiin nichin mai khan min rawn hrilh a, thisen unit hnih an pe mêk bawk.

Mipa ka nih ang ngeiin ka buai phili chung lova, kan chunga roreltuin kan awmdan tur chu a rel fel mai ang tih hi ka innghahna neihchhun a ni.

Ka hmangaih min lâk bo sak tur khawpa nunrawng lah a nih ka ring hek lo.

"Jefe..!" Sam chuan min kuah thuak a, chau hmel pawh a pu eih lo nia, Sam nge nge a ṭha ṭhin a nia!

"Tluang taka i rawn thleng thei chu a lawmawm kher mai," tihpahin ka kianga ṭhutna awl chu ka kawhhmuh a, Joe hmai bulah kun hniamin, "I bialnu tân dam ngei a ngai a nia, chuti lo zawng nangmah thehthal thei tur khawpin training a dawng ṭha a nia," Sam fiamthu thawhah chuan Joe chu a nui vei suk a, Christy nge Jacinta zawk tih pawh ka hriatpui ve lem hlei lova..

"Ka thusawi tur hi ngun takin ngaithla ang che u, tun bâk sawi nawn ka tum lo a nia," ka tih chuan min en ṭhap a.

"Yes, Jefe.." anti rual dial!

"Tun aṭang hian nangni pathum hi ka hnuaia thawk ni tawh lovin, ka unaupa angin ka en tawh dawn che u a, nangni pawhin chutianga min en theih chuan a lawmawm khawp ang." Ka sawi zawh ruala an makti hmel chu hundang nise ka nui nghekin ka ring.

"Mahse, Jefe.." Ignacio an atih chuan, "Jefe, tih erawh nangni aia ka upat avangin in hmang zui thei ang, ka hminga min ko duh zawk a nih pawhin hnialna ka nei lo ania," ka tih chuan a naupang ber Sam chu a nui huk nia.

"Eng nge!?" Sam melh paha ka tih chuan, "Jerome tiin nge kan koh dawn che 'Mouri' tiin," fiamthu titak deuhva tiin a la nui ṭhu a, Amelia minti hrechhuak zawk nia.

An pathuma hlim hmel ka hmuh hian ka thutlûknaah ka inchhir ngai lovang tih ka hria a ni.

Sam chu thil thlen dan leh kan boruak vel Ignacio an kimchang takin a hrilh a, Joe nen ngun takin kan lo ngaithla thung. Ka nupui chungchâng a hrilh lai a, a hmel chang rût chu hmuh a nuam viau lo. A dar pharh hlai ṭha zet chu a sawi nak a, tualthah duh mai hmel a pu hial alawm le!

Joe awmna pindan kawngkhar a rawn rik rualin kan hawi nghal ṭhap a, nurse têreuhtê hi nui sângin a rawn lut ta.

"Mr.Evans, i nupui an zai zo tawh a, kan rawn dah chhuak ṭêp, chuan nau.." a sawi zawh hma hmain Sam chuan, "Naute a ṭha em? Mipa nge hmeichhia..?" alo ti hmanhmawh a nurse pawh a nui tawp!

"Mipa 2kg leh100gram a ni e, naute en nân minute thum hun in nei," atih chuan kan ding rual suau a, Joe pawh thawh ve tumin a insehruh nasâ! Mahse, a tân tih chi rual a nih loh avangin lungawilo zetin lukham a delh riai riai a, ka khawngaih angreng.

Naute hmel ka hmuh ruala ka hlimna ang hi engtikahmah ka nei leh tawh pawhin ka ring lo, a mitmeng buang thak chu ka neih ve loh a ni. Amelia mitmeng chiah chiah ani a chhun ni, a vun no chek thisen kai niai chu tenna pakhatmah ka nei lova, a sam dum hlap erawh chu ka sam nen a inang tih ka hre mai.

"Hey, naute, min hmuh tawh kha aw.." ka tih chuan Ignacio leh Sam chuan ka â emaw anti ani ngei ang min en hau a, min hmuhdan kha ka hrilh dawn teuh lo, ka nupui nen chiaha kan hriat tur thurûk a ni.

"Jefe...!" Sam chu a nui suk suk a.

"Eng nge? A pa ka nia kan inhmu fo alawm," ka tih chuan Ignacio chu za lutukin a nui a, fiamthu ka thawh khât ve bawk êm a ni.

'Ka fapa' ka ngaihtuah zawng ringawt pawh hian lawm lohvin ka nui leh zêl! Amelia pawh ngaihtuahawm lutuk a ni lo tih kan hre leh zêl nen kan boruak hap a dang ta zar mai. Hmeichhia kha ka lo dil ve tlut tlut a, chuzawng kan Pathianin a remti lo a ni ange. Engkima lawm thiam hi a pawimawh ber.

Mahse, kan inneihna erawh a derthâwng ta tihna a nia, contract a tawp dawn tih ka thinlung hian a hria a ni. Chu chuan ka chhungril ati ngui sawt a, mah se ka nupui rilru hneh turin ka la dam tal alawm le.

"Sam, a thlâ kha lâksak la Joe i hmuh ve dawn nia," ka tih chuan nui sûngin a phone ah lai a phawrh ta a.

Amelia an rawn nawrchhuah lai chuan 'lobby' ah coffee kan lo in mêk a, kan hmuh an la phal ta lo fo! Thawhah a nih miau avangin chîmbuai an remti dawn lo tih hriatsa a ni a, naute pawh an 'up' tawh a, ala harh tlat loh avangin Amelia'n ala hmu bik lo.

"Jefe, i pa a rawn thleng ṭep, Penthouse lam aṭangin information kan dawng chiah e," Tiin Sam chuan coffee noruak chu dustbin-ah a vawm lut a, Joe pawh naute thlalâk an entir tawh a, a nui var var reng mai. Kâr hnih pum ṭhak up rih a ngai tih an sawi chuan ka hnual nghal rawih rawih nia.

"Jefe, madam lo harh hmain intifai ve zawk la, i lang pawr teh mai a nia, ka hruai ang che," Ignacio an atih chuan ka pawmpui viau, darkar thum hnuah damdawi hnathawh a reh chauh dawn a, doctor sawidan hi a dik a nih chuan ka haw hman zân tihna a nia.

"Yah, a ṭha e, shower neih ve zuai chu a pawi lo khawp ang, Sam, Joe kha i lo vil ṭha dawn nia.." tiin Ignacio nen hospital kan chhuahsan ta a.

Ka nupui kalsan ka hreh viau rualin tihtheih engmah ka nei lova, a lo harh hun a ka hmel hmuh a hrehawm loh nân leh nalh thei ang bera lan kha a pawimawh hmasa tlat!

Contract tawp lo tura hmâ la hmasa zâwktu tur chu keimah ka ni.

Saturday
Afternoon
City Hospital
Amelia Evans.

Ka hrawk thip hlur leh ka pum kham ṭhûm avang chuan ka mumang ram nuam tak chu chhuahsanin ka bula ṭawng thawm chu ka hre vuai vuai a, mit ka men hma hauhvin tu âw nge tih hrilh hranpa ka ngai hauh lo.

Ka pasal leh a pa Juans Evans inbe thawm a ni.

"Spain-ah kan thukru rih mai dawn em ni ang, amah nen inbia ula Hotel Enchante tluka ṭha a awm lovang," Juan Evans aw thûm bul bul chu ngun lehzuala hre thei turin beng ka chhi kar a. An thusawi awmzia hre mah suh ila buaina ala reh lo tih ka hrethiam ve mai.

"Amelia rawn harh phawt se, ka lo sawipui dawn nia, ka nupui leh ka fapa himna hi ka ngaipawimawh hmasa ber," Jerome-a ṭawngdan aṭang chuan kei hian fâ ka nei tawh tihna a ni chiang mai! Mahse, ka neih ala hun miah si lo! Ka chungah engthil nge thleng ta? Ka thâwkdan dik loh avanga hospital pan tura ka hrilh lai kha ka la hre ngei mai a, a bâk engmah hriat ka nei reng reng lo!

Mak ve! Ka thi tihna em ni, ngawiteh, mumang ramah ka la chêng em ni zawk, ka lo suangtuah ṭhin Vanram kawtchhuahah kha chuan ka awm lo chiang a...Jaja! Ka â deuh em mawni le!? Hremhmun lamah pawh ka kal chuang miah bawk si lo.

"Ka fapa, inbuatsaihna ṭha zawk nen Ramon Salia hi kan hmachhawn a ngai dawn a nia, detective pahnih chhawr belh leh la, engzata tam nge ṭhuihhruai an neih tih i hriat hmasak a ngai dawn a nia, chu'ng zingah chuan nula pawh an awm ngeiin ka ring a, hmanrua tur ngaihven tel ang che." Juan Evans an atih leh tâkah chuan kei hi ka thi lova, minung ramah ka lêt leh chiah zawk tihna a ni.

"Tui.." ka aw chu leh! Amelia aw a va'n ang lo deuh ve le..

"Duhtak, i harh em?" Ka ṭawng ri a zawi hle chung pawhin Jerome an a hre pha a nia! Ka meng chhuak ta riai riai a, ka khum bula ka pasal ding leh Juan nui suk chu ka hmu hmasa ber.

"Tui ka duh," ka tih leh chuan rang takin min lâksak a, "Âng rawh le, vawikhatah tam tak in phalsak i la ni lo a nia," tihpahin Jerome chuan ka kâ-ah tui a rawn far hlek a, ka lei pawh a tihnâwng tham lo. Ka hmui tep chap chap chung a ka ân leh chuan a hma aia tam zawkin a rawn chhung lut a, a phal tlêm ve hle mai! Tui mai mai pawh a ui ṭung tawh mai zawng a nih hi...

"Ka fanu, nâ i nei em?" Min en vang vang paha Juan Evans an atih chuan ka nui lui sak a, a hmel dam thlup leh thuneih hmel taka a hawi vel ka hmuh hian Jerome-a nen inang ka ti viau.

"Neih em em pawh ka hre lo," tiin ka chhâng sap a, "Ka chhuahsan ang che u, Joe ka'n tlawh ve lawk ange," tiin a tho a, Jerome an kawngkhar thleng a thlah hnuah khum bulah rawn ṭhu thlain, "Ka lawm e aw, fapa min pek avangin.." ati sup a, ka hmui ro zetah chuan dimtê-in a rawn fawp ta a.

"Maw! Fapa maw!?" Min thlah ruala ka zawh chuan a nui suk a, "Aw ni e, fapa i nei a ni."

"Ka hmu thei angem?"

"Ka hrelo le, a tê lutuka thla kim lova piang a ni bawk nen kârhnih chhung up tur a nia, Amel, i mit rawng ang chiah kha a pu ve asin," atih chuan ka en châk zual sauh nia.

"Tunah ka en duh," ti a thawh mai ka tum chuan ka pum a na nghal zawk mai!

"Tinge, ka pum.."

"Shh..i fapa hi zai chhuah alawm, indim hle i ngai a nia, khatia i chêt phut chuan a ṭhuina a peh mai ang," dam thluama tiin ka kawr hâk chu dimtê hian a hlim ta a, ka pum an zaina plaster-a inbel phui ka hmuh rual chuan ka thawchhuak nghal hap.

"Engmah ka hre ve miah lo hi mak ka ti!" Zawi sapin ka ti a.

"Nikhaw hrelovin i awm char char alawm, Amel ka mangan zia kha i hrethiam phâk ngai lovang," ka samah chûlin ka biang leh mit a chûl kual dan dan a, a mitmeng dam ruih leh ngilneihnaa khat hi ava'n thlamuanthlâk si êm.

"Doctor ka koh chhungin nangmahin i lo awm hreh em?" Min ngaihtuah tih hriat taka min zawh chuan 'aih' tih nan lu ka thing mât mât a.

"Ok..." tih leh kawngka lam pan a rual a, a taksa nalh zuih leh inkhaithli thlurh pawh ala pangngai reng e.

'Nu' diktak ka ni ve ta, fanu ka nei dawn emaw tiin ka lo phur ve viau kha a nia, fapa ka duh lo tihna nilovin fapa ka nei a nih chuan kan inneihna a tawp dawn tih ka hriat vang zawk a ni. Jerome-a leh ka fâ tello hian ka awm thei dawn em ni!? Teuh lo mai, ka awm thei chatuan lovang!

Ka pum an zaina chu ka chûl a, ka taksa a chhinchhiahna min siamsaktu ka fapa tel lo hian khawi hmunah mah ka kal dawn lo bur, beih lêt angai a nih pawhin thih ṭhak thlengin le..

'Amelia intichak rawh' tiin ka infuih ru sauh sauh ta a.

Jerome-a ruala doctor leh nurse pahnih an lo luh chuan ka lo nui sâng a.

"Mrs.Evans, i ṭhat hmel viau mai," doctor-in min check chhung chuan nurse kuta naute awm chu ka lo thlir veng veng a, a têt hmel hle tak mai a..!

"Tun ṭum chu dam ṭha varin i chhuak dawn nia, test eng emaw neih leh ala ngai dawn a, i fapa nen in chhuak rual dawn nia," doctor Anna ṭawng pawh ka ngaithla mumal lo.

Naute hmel ka hmuh chuan ka mittui a tling pam mai, a hmelṭha teh vur lova, a sam dum hlap leh a mithmul buk lam deuh chu a inhmeh reuh hle a, Jerome-a fapa tih a hriat hliah hliah, American mipa te nungchang ang hi a pu ve anih vaih chuan ka hrem nasa ngawt ang. Jaja! Awihawm loh lutuk! Kei hian duat chikimin ka duat dawn tih ka hria, ka fâ, ka rila rah kha a ni tlat a.

"A hmelṭha i ti em?" Jerome an min zawh chuan dar san âkin, "Hmelṭha ti a sawi tur chu a ni hauh lo, a hmelchhe chuang hek lo, tu emawni a ang!" Tiin ka nui var var a.

"Tunge a chhun a.." lungawi vak lova atih chuan, "Ele, Mourizo Soreno mawle,"

"Lopez leh!" Khumah rawn ṭhu thla ve in nurse pahnih ding reng chu a melh a, "Min lo chhuahsan lawk ula.." ati sup a.

"Mahse, Sir, naute kha.."

"A hunah in rawn la dawn nia, kan fapa alawm, atâna ṭha lo tur kan tilui duh hauh lovang," ti a achhân chuan an inmelh zawk a, room chu an chhuahsan ve mai!

"Awmtir ve mai mai tur che a nia," ka ti sap a.

"Sawi tur ka nei alawm khang ho hriat ve kher kha angai lo a.." a ti deuh hmuk a. Naute chu a bân sei thlurh chuan a kuah ve ngial a, a'n zei loh dan em em hi!

"Sawi la.."

"Karhnih chhungin venhimna uluk tak hnuaiah hospital-ah i awm rih anga, kan buaina kha i la hriatreng chuan nang leh kan fapa hi in him dawn miah lo, kei ka awm emaw ka lo thi palh thei bawk, tunhma ang kha i ni thei dawn tawh lo tih i hriat ka duh a ni, a chhan chu pakhat i nih lai kha chuan i inveng thei ngei mai, mahse, kan fapa hi venhim tel i duh ngei dawn a, bodyguard pawh i neih a ngai tawh dawn a nia.." atih chuan chhân mai dan tur ka hre lo.

"Jerome, i sawi awmzia hi..!"

"Hlauthawng suh, tunah chuan i kiangah ka awm alawm, ka theih chhung chu venhim zel che pawh ka tum, nichin khan ka sawi hmaih a, Joe pawh an kâp hliam a, tunah hospital-ah hian a awm ve mêk bawk."

"Maw! Joe an kâp maw!?"

"Yah..ngaihtuahawm chu a ni tawh lo, mahse, kan zavai hian fimkhur kan ngai vek tih sawi ka tum mai a nia, damdawi in kan chhuahsan rualin Spain-ah ka dah dawn che nia," tiin a fapa hmel chu ngun takin a en a. Tuna a khawsazia hi a mak tlat!

"Police hnenah report tawh mai rawh," ka tih chuan a bu nghut a, "An chhui mêk, Amel tih hlauhthawn che ka tum lo a nia," tiin ka mitah min en vang vang a, a mitmeng thim khap leh ril ruih chu ka hawisan thei bik lo.

Naute a rawn ṭap ta tlârh tlârh a, a mit chu lasawnin, "Ka dah phei tawh ang aw, duh aiin ka lo pawm rei deuh a ni, " a fapa ṭap chu a sawi hliau hliau a, ani lah a ṭap uar tulh tulh!

Nurse duty chuan ka fapa chu a rawn la ta a, a hnungah Jerome-an a zui ve bawk a, ka rin aiin naute a ngaina dawn tlat! Kei chu pawm ve min phalsak rih loh avangin châk eng ang mahila ka pawm buai ta lo. A lehpek awmzel tur ka duh loh vang a ni pakhat bawk.

Ramon Salia hian engvanga Jerome hi haw em em nge a nih ka la hrethei chuang lo, min ngaizawng pawhin ka hre chuang lova, a hma paw'n a kiangah nileng hun ka khawhral a, vawikhat pawh min tawk lo. Ka pasal nen hian thildangah inhuatna an nei zawk a ni lo maw!?

Mayla Ansell kha Ramon-a nupui hlui a ni a, Jerome nen an inkawp tih a hre ve vek tho si. Kei hian hriatsual ka nei nge? Joe lehzel an kâp hliam a, engmah hi ka hrethiam teh nuai lo.

"Eng nge i ngaihtuah vung vung a," Jerome-a lo luh lai ka hre miah lo!

"Er..engvak mah.."

"I fapa chu i ngai lo riauvin ka hria,"

"Ngai tehreng e, nakinah phei chuan a pa aiin min ngaina ngei ngei ang," fiamthu deuhva ka chhân chuan a kiai suk a.

"A hming phuah turin i nu leh pa an lokal dawn a nia,"

"Tak tak maw.." ka pa ka huat rualin ka nu zawk erawh ka hmu châk hle thung.

"Ka Private Jet ka tir mek alawm, i tan hian engpawh tih ka huam tih vawi engzat nge ka sawi dawn," thutak zeta atih chuan, "Vawi za.." tiin ka nui hak a.

"I nat deuh leh kan hlauthâwng a, i dam deuh leh i chimawm leh si.."

"Min duh tho a ni lawm ni?" Pawisawi lo ber ang maia ka ṭawng chu nui suk chunga min en in, "Duh mai nilovin KA HMANGAIH CHE," zawi leh fiah faka tiin lehlam a hawi nghut a, a thusawi leh a hmel landan a inrem hlawl lo.

"Jerome...?"

"Ka sawi ang chiah kha i laka ka rilru puthmang a ni e," nghet charha atih chuan ka hamhaih zawk zamah..!

"I ti tak tak lo tiraw!?"

"Tun angrênga thutak lai hi ka la nei lo zâwk, min ring rawh, i tân engpawh ka huam tih ka sawi lovem ni? Nangmah vangin kum eng emaw zat ka lo zuah tawh ka sam pawh ka mêt a, a chhan chu Mafia pawl emaw min tihna kha ka nihna ani tlat si lova, Mourizo Soreno ang nilova, Jerome Evans ka nihna ngei hmang hian i nunah ka lo lût a ni." a ti deuh duah a, sawi ve tur pakhatmah ka'n hriat loh chu le..!

"Chuan..?"

"Min hmangaih rawh ti a ngen tlat che ka tum lo, amaherawh chu ka nupui ni reng la, he contract hi tunah chuan kalpui ka duh tawh lo, ka fapa tân leh ka tâna i awm phawt chuan tlâkchham i nei ngai lovang," a sawizawh rualin ka kut a rawn vuan a, "Amel, ka thinlung zawng zawngin ka hmangaih che," tiin ka kut chu lakângin a hmui hnawm chap chu a sîktir ta a...!

"Keipaw'n ka hmangaih che," ka tih chuan a mengphar âwk a, awih thei lo hmel a pu bawk.

"Ka sawi vanga sawilang i nih chuan nakin lawkah i inchhir dawn a nia," ati sup a.

"Enteh, Jerome, min bum ni a ka hriat lai zawng zawnga i bula ka chen chhan kha engvang nge ni a i rin?"

"Amel...!"

"A ṭha e, a hma ang bawk khan sawia a fiah lo anih chuan practical-in ka lantir leh dawn em ni ang?" Cho zeta ka chhânna avang chuan a rawn kun hniam a, ka hmuiah a rawn fawp ta chat nia.

"Ma'am...!"

Sam leh Ignacio lo nui ṭhû ka hmuh chuan ka inlahrang vat a.

"Kan lo luh hun a fuh viau lo.." Sam chu a la nui ṭhâ reng a, ka zak lek lek.

"Eng nge ni ta!?" Jerome an atih chuan Sam leh Ignacio chu an inmelh ralh a, "Jefe, Ma'am kan hmu châk ve tawh alawm, a pindanah hian darkar khat dâwn i awm tawh a nia," tihpahin Sam chu ka bulah a rawn kal phei a.

"A dik chiah, zaninah khum pakhat kan dah belhtir ngei angai dawn a ni." Tiin Ignacio chu khuma ṭhu turin ka hui a, a lokal ve mai. A hma khan ka ngaina lo tih a inhriat vang nge min hnaih lutuk ngai lova, tunah chuan min duhsak zia leh min ngaihsakzia ka hre tawh a, ka ngaina phian!

"Ignacio, eng emaw min tihsak thei angem?" Ka tih chuan 'Aw' tih nan a bu nghat a. A ṭawngtam lo ve hrim hrim tih erawh ka hre ve tawh.

"Penthouse hnunglam leh Estates-ah thing tamtak phun tur hnathawk lo ruai ta che," nui miah lova ka sawi vang nge min en hau a, Jerome pawh a bâng chuang lo.

"Duhtak, chutiang te chu.." Jerome an atih chuan ka la nui duh chuang miah lova, ka fiam hlek châk tlat.

"Ka fapa hi thingkung sâng tak takah a lâwn thei rih dawn lova, kum a tlin ruala a lawn phâkna tur in lo buatsaih ang chu ka ti deuh.." ka sawi zawh rual rualin Sam chu insum thei lovin a nui huk a, ka nuih vaih chuan ka pum a na leh dawn tih ka hriat avangin ka pum ka'n dawm hmasa leh tê tê a, a zia viau lo.

"I dam ṭha leh ta tih hriat tluka nuam hi a awm chuang lo ve," Jerome chu a nui vei suk a, intitatû deuh taka min kuah chuan ka melh râm râm a, a hrelo der hmiah.

"Sam, Joe kan va ngaihven tawh dawn em ni ang," Ignacio chu dingchhuakin kawngkhar lam a pan a, Sam a siai zauh lai ka hmu reng.

"Duhtak, nangpawh chawl hahdam tawh rawh le," Jerome chu ka mutna khumah a rawn lâwn ve a, ka hnial lo ve chiang asin.

After 2 Weeks
City Hospital

"Jacinta, Luis kha pawm rawh le," Jerome an car khalh lovin Mateo Ignacio an khalh dawn a, ka nu in kan fapa hming atana a phuah hi a mawi dangdai ve chiang êm.. 'Luis Soreno Evans' tiin a phuah ngial a, Soreno a telh kher nachhan chu Jerome-a nu hming a nih vang a ni.

Vawiin hi hospital kan chhuahsan ni a ni a, Jerome-a Porsche car(Turbo 9112) leh ka Volvo car an rawn keng a, Joe pawh kan rualin a chhuak ve ta law law a, niminpiah khan a chhuak thei tawh tho tak nâin min nghak ta a ni.

Ka nu leh pa Spain-ah an haw tawh a, keini pawh nithum hnuah kan kal ve dawn a ni. Kan him zawk nâna ka pasal ruahman a ni a, Jacinta, Christy leh Sam ten min zui thung ang.

Hospital kawta kan awm laiin Jerome-a phone a ri chhên a, kan buai bawk nen a pick hman lawk lova, a âwl ber ka nih vangin a kekawr hâk lai ipte chu zenin ka phawrh chhuak a, ka nu a ni.

"Hello.."

"Phone kha i pasal pe chhawng rawh," aw thüm ṭêng zet ka hriat chuan ka phu zawk a, phone ka thlauh lo chauh!

"Khaw'nge ka nu...!?"

"Mrs.Evans, i nu leh pa chu hremhmun lamah kan thawn liam tawh.." a sawi zawh rualin phone chu ka thlauh ri bawl a, chhar leh turin chakna ka nei lo.

"Ma'am...!" Ignacio an min lo hmu a ni ngei ang, ka bulah a rawn ding a, leia phone tla chu kâwkin ka ṭhingṭhi nghal hnawk, kha pa khan dâwt a sawi lo tih ka thinlung hian a hre tlat alawm.

"Jefe.." Ignacio an Jerome-a a koh rualin min pawt tho ta nghal a, Jacinta tih loh chu car aṭangin an rawn chhuak a, Jerome chuan min rawn panin Ignacio-a phone ken lai chu a lâksak a, a hmel rum ta sawt leh a mitmeng dur khup chu hlauhawm tak a ni..

Chutia kan buai laitak chuan..

"Jefe, Ma'am..." Jacinta chu car tukverhah rawn dâkin a bân a rawn phar ṭâwk ṭâwk a, ka Volvo car-a chuang te chu Jacinta leh ka fapa Luis chauh anni. Ka car tlanliam ka hmuh rualin umzui ka tum a, thâ ka nei lo.

Ka car kha Ignacio-a khalh tur a ni a, tunge khalh chhuak ta!? Ka fapa leh Jacinta an kidnap tih ka hrethiam nghal mai, ka kut chu nghet taka hûmin ka heh ka pet ruh a, ka mittui a far fap.

Jerome-a chu Vanlam hawiin a au chiam a, inhnêm tur chuang kan awm lo. Chutah harh chhuak thut ang maiin Jerome chu a Porsche car-ah lutin chak lutuk hian a tlânchhuak ta a, tumahin an au ding zo lo...

Kan tâwpna tur hi a chhia mai nilovin thih vekna tur khawpa buaina liantham a ni ta...

End of Chapter-19

©<++++[BeckirafARenthleI]++++®



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 25th, 2018, 11:51 am

ENCHANTE LOVE SORENO
(Quieres Casarte Conmigo?

Becky Rafa Renthlei

Chapter-20

32 Street
LA.CA
Jerome Evans

Ka hma a Amelia car khalhtu pa chu tunge anih ka hre thei ṭhak lo a, a chhan pawh mask a vuah tlat vang a ni. Ka fapa ka chân ai chuan thihchilh pawh ngai se, a tawp thlenga bei turin ka inpeih ta e.

Ka ûmpha lek lek tawh a, naute a phur tih inhre lêk lova a tlân vang hrim hrim pawh hian thih a phu a ni. Ka phone lah ka ak der si lo, 'Alpine' hmun panna kawng azawh tâk thutah chuan ka tâlbuai lek lek a, ka fapa kârhnih mi lek, chu pawh up zawh hlim lehnghal an ru duh hi ngaihdam a harsa viau dawn a ni.

Ka rilruah ka nupui a lo lang nghal a, nun hlimna kan tem ve ṭan dawn chauhva, buaina dangin min tlâkbuak zel mai chu a ni si a, Amelia thinrim dan tur hi ka ngaihtuah thleng pha lo zawk! A che chhuak thei dawn der si lo, nge? Ani têreuh hian kawng hran a lo rek leh mai lawng maw? A fapa himna atan a nunna a thâp duh dawn tih kei aia hrechiang tur an awm chuang lo.

Alpine kawng zawh tura car ka her rem chiah tihah Jacinta te chuanna car chu a lo hnungtawlh thut a, ka car 'bumper' hmalam a rawn tauh sawk nia! Ka insawh dawt, chak taka an tlan zui leh tâk avangin ka ûm leh ta tho a, ngun takin kawng chauh ka en a, eng emawti takin min bei leh dâwn a hriatna ka nei.

Mahse, ka rin angin a thleng ta miah lo, ka hma a ka fapa te chuanna car chu a ding thut a, driver seat aṭanga a khalhtu rawn uaithla hnâwp ka hmuh chuan ka speed tisângin ka tlân leh ta a, kâr lovah an bul ka thleng ve mai.

Jacinta chuan a kut lehlamin ka fapa a pawm a, lehlamin 'wrench' hrawl ṭha zet a hûm bawk a, sawi nawn ngai lovin car khalhtu saw wrench-in a hlap tih ka hrethiam nghal mai.

"Jacinta, helamah..." Ka aw hriain a rawn lehhawi a, a hmel chang rât mai a ṭang chuan tumah thah hreh a nei dawn lo tih alang reng bawk.

"Jefe, Luis hi lo pawm teh, he mihring hi ka'n tukzal ange.." tiin driver chu a pan ta a, "Ni lo, a kut kha phuar la, thu zawh duh tamtak ka nei a nia.." Ka fapa chu muhil lovin a meng kiau a, a kutzungpui a fawp tih ka hmuh chuan a rilṭam dan tur ka hrethiam chiah.

"Jess, Luis hi lo pawm zawk teh, keiman kha pa kha ka lo buaipui ang,"

"Yes, Jefe.."

A tu mah mahin phone kan ak si lova, chanchin inhrilh ngaihna a awm der lo, Amelia khan min rawn umzui ta em pawh ka hrechuang lova, a rang lama Penthouse thlen a ngai, thil âtthlak tih a tum ngeiin ka ring a, ala dam chiang bawk si lo.

Kan mi man pa chu phuar hlawmin car hnungah kan muttir a, Jacinta'n ka fapa chu pawmin car ka khalh thung a, ka nupui car erawh kan kalsan tawp. Hun remchangah kan la buaipui ang chu..

"Wrench kha khawi aṭanga i hmuh nge?" Jacinta melh zawk paha ka tih chuan, a nui sak a.

"Car hnung kil a tool box a mi ka lâk," ati sam êt nia!

"Lawmthu sawi ngaihna ka hre lo, ka lawm a ni tawp mai," ka ti sup a.

"Jefe, ka hna alawm, madam rilru tur ka ngaihtuaha, kalkawngah eng emaw tal ka ti anih loh chuan an awmna hmun kan thlen rualin mitâng kan ni dawn tih ka hresa a, chuvangin remchang ka melh ve mai a nia," tiin a nui leh sak a, he nu hi hmeichhe satliah a ni lo tih ka hrechiang deuh deuh! Ka nupui hian mi ṭangkai leh remhria a thlang thiam chat chat khawp mai.

Penthouse lam pana kan tlân lai chuan Luis chu a ṭe deuh ṭhat ṭhat reng a, Jacinta tân pawh tih vak ngaihna avâng viau, kei pawh chuti tho.

Naute enkawl dan training neih mai chi em mawni, buai lai lai a chutiang lo ngaihtuah te chu a, Metron station kawtah reilote car ka ti ding zawk a, report pe zuai zuaiin kan mi man pa kha hlânthlak ka tum uk a, ka ṭhulh leh ta zâwk. Amelia'n a hmu ve duh ngei ang, a lungawina tâwk tal kutthlâk ve teh se.

Penthouse kawta bike pali ding ka hmuh chuan a ngaihna hrelo zetin garage-ah ka tlân lut a.

"Luis kha inchhungah luhpui nghal rawh aw, Jess.." car kawngkhar hawn sakin Jacinta chu ka fapa pawm chungin a pen chhuak ta a, Ignacio leh Joe an rawn tlan phei vat a, Sam leh Amelia ka hmu tel miah lo!

"Jefe.." Ignacio chuan ka bânah vuanin inchhung lamah min luhpui dawr dawr a, Jacinta leh naute lam pawh a ngaihven lo.

"Khawiah nge ka nupui!?"

"Chu chu alawm.." Ignacio chu a meng thim raih a, engmah a sawizawm lem hlei lova. Kan nupa room-a ka pen luh ruala ka thil hmuh chu leh!

Amelia chu bikers dress-in alo inthuam ap a, a sam sâng takah ṭawnin a jacket hâk hmalam a chilh phui thlap bawk a, tun ai hian thleng tlai ila chuan a fapa zawng turin a chhuak ngei dawn tih alang reng. Sam chu a bulah lo dingin ka nupui chhuak tur a veng a nih duh hmel.

"Ma'am," Jacinta'n a ko ri chu a hria a ni ngei ang pawnlam hawi tawh lovin kan dinna lam a rawn hawi a, a mitmeng bui lâk aṭang chuan a ṭap a ni tih ka ring thiam mai.

"Jess.." Phun sap chungin Jacinta kuta naute awm chu a ban ruak a, a mittui far zawih zawih chu tuma'n an demin ka ring lo. Thi thawthânga a neih kha a ni tlat alawm, engvangin nge a nat loh rêng ang ni..

Luis chu nghet takin a pawm a, a nu taksa lumna hre ve ang hrimin kan fapa pawh a tâl ve ṭat ṭat mai.

"Jefe, kan chhuahsan rih ang che u," Sam hmel ngui raih pawh a rawn êng leh ta. Kan chhungril hlim lo mah se Luis kan lâk lêt vang hrim hrim pawhin kan lawm a ni. Mahse, tun hi kan tawpna tur a ni lova a bul ṭanna chauh ala ni rih tih kan hrefiah vek thung.

An chhuah fel vek hnuah Amelia chuan ka lam a rawn hawi ve chauh a, a mitmeng dul hnak a lâwmna leh hlimna lo lang chhuak chu hmuh ava nuam si êm..

"Jerome.." tisapin Luis pawm chung chuan min lo pan a, ka tih tur ka hai lo chiang kher mai, dim leh duat takin a hmuiah ka fawp ta a, tawp chin nei thei lo ang maia kan infawh lai chuan Ignacio a rawn lang hlawl! An chhuak fel chauh emaw tih lai lai a! Thil pawimawh tak sawi tur aneih ngei pawh ka ring.

"Sorry, Ma'am, Jefe.." inthlahrung tih hriat takin tukverh lam a melh zui nghal daih a.

"Madam, i nu leh pa chu tun mai khan an chênna hmunah..." sawi zawm tawh lo tura ka mitmei avang chuan a tawp chawt a.

"Ignacio, sawi zawm rawh ka tân eng thil mah na lua a awm tawh chuang lo, dawngsawng turin ka inpeih e.." Amelia ṭawng zawi raih leh dul hnak ka hriat chuan Ignacio chu sawizawm turin ka signal zauh a.

"I nu leh pa chu tunah hian in chênna hmun Aparmentos-ah Ramon Salia ten an awm chilh a, kut erawh an thlâk lo, a tlanna tur sum emaw, Estates nena inthleng turin thu min rawn thawn a ni." Tihpahin kan lam hawiin phone a rawn lek lang a, Felipe Lopez leh a nupui thlalak chu min entir ta a.

Ka nupui rik hluai hun ka nghak deuh kha a nia, teuh lo lutuk, khumah a fapa chu mutin a jacket hâk lai hlipin a fapa bawk chu a buaipui leh nghal a, an zaina hliam pawh duhthusamin a hil lo tih ka hria, a nungchang cool raih leh nghet charh chu nidanga ka la hmuh ngai loh a ni.

"Ignacio, an sum mamawh zat hriat lo tum la, an kut hmawr pawha an khawih a nih chuan eng inremna mah a awm lovang tih hrilh rawh," ka tih chuan Ignacio chu a bu nghat a.

"Ma'am, bike saw kan dahkir leh dawn nge?"

"Dahkir lo ve, mamawh thut awm thei a ni a, Agency lam be fel turin Joe kha i hrilh dawn nia, kârkhat chhung 'hire' phawt rawh u.." Luis hnêk tur hnute siam mawlh mawlh pahin Amelia chuan ati ta a.

"Duhtak..!"

"Enteh Jerome, car ai chuan bike mamawhna a tam fe zawk, tun dinhmunah hi chuan anmahni ûm tur pawhin bike tho a ṭangkai, car hmansen loh i nei a, mahse, a ṭangkai vak rih lo ang," a sawizawh rualin khumah a ke a hlângkanga a chê reng reng ala khawr ru deuh tih ka hmu reng, mahse, na lo anga lan a tum leh tlat a nih ka ring.

"Naute kha Christy kutah dah rih la, chawl hahdam rawh, i nu leh pa chu ka kutah dah la, ka lo buaipui ang," Amel chuan min en vang vang hnuah, "An sum phût ang chu pe la, anih loh pawhin i grape huan chu pe rawh, tunah chuan eng inbeihna mah thlentir lo hrâm la, chu chauh chu ka ngen che a ni." Atih chuan Ignacio nen kan inmelh zawk a.

"Amel, ka Estates hi chuti maia anni pêk ka tum reng reng lo, kan thlahtute aṭanga kan inrochun a ni asin," Amelia thluak hian khawilam nge a hawi pawh ka hrethiam lo, pawisa ka ui a ni lova, ka grape huan ka pe a nih chuan engtikahmah ka nei leh tawh ngai dawn lo tih pawh a hrethiam tawp nâng.

"Ka nu leh pa te nge pawimawh, i grape huan chu..!?" Chang fala atih chuan chhan mai dan tur ka hre lo a, Ignacio zawk a rawn inrawlh ta a.

"Ma'am, i hrethiam lo a nih kha, i nu leh pa chungah engmah a thleng lovang," Ignacio chuan chhuak ang tiin min hui zauh a, boruak hrehawm nâklaia inhnial leh rih kha ka peih zawng pawh a ni lo.

Kan bul ṭan dan tur sawi hmasak angai a, kei, Sam leh Igncio chu zanin hian Spain-ah kan thlawh ngei ngei angai dawn a, Joe nise ala rintlâk chiah bawk si lo. Metron lamah engkim report kan pe tawh a, Lopez Apartmentos pawh zanin hian an hual fel vek hman tura ngaih a ni.

"Joe, Jacinta nen ka nupui lo awmpui ula, khawiah mah a chhuak tur a ni lo, damdawi ei ngai leh engkim a hun takah vek a ni tur a ni."

"Yes, Jefe.."

"Sam, nangin ka private jet pahnih la chhuaktu tur lo ruat la, pilot pahnih kan mamawh bawk ang, US Abbasador lam be bawk la, silai eng emaw zat kan mamawh tih inhriattir dawn nia, in license zawng zawng ka ta pawh tiamin check fel bawk rawh aw.." Study room-ah ka vei thuak thuak a.

'Ka nupui leh ka fapa nunna venghim tur hian eng hmanrua pawh ka hmang hreh lo tih ka sawi lovem ni?' ka ti sup a.

"Jefe, bike chu kan hire rih dawn tihna em ni.." Ignacio chuan kut kuangkuah chungin min thlir a, ani hi ka engkim a ni ka tih tawh kha..

"Aw, ka nupui duhdan ang khan kârkhat chhung chu bike pali saw kan kawl ang, wine company-a share holder te ka biak chhungin Christy nen ka Company-ah kalin Estates document in va la dawn nia.." ka sawi hnem bawk a, ka thaw huai huai mai.

An tihtur ṭheuh titurin study room an chhuahsan diak a, kei erawh chhuak ve lovin ka la vei zak zak thung.

Nunna chân huama thawk chhuak tur kan ni a, Spain lama kan agent nen inbiak angai tho bawk nen ka phone chu phawrhin private detective ka chhawrlai mek ka phone ta a.

"Mr.Evans, Felipe Lopez hi ka ringhlel riau mai," phone alâk rual rualin ka michhawr chuan a rawn ti nghal a.

"Engtizawngin maw!?"

"Ramon Salia nena ṭangkawp ni tlata hriatna a awm e.."

"Ani thei lovang Felipe te chu ka nupui a pa ania lawm," ka tih chuan a thaw huk a.

"Chu tak chu ka buaina a ni, Felipe hian engvanga tihchhiat tum che nge a nih tih hi ka buaina ber a ni. I nupui pawh a inrawlh mai thei.."

"Ngawi hmiah rawh, ka nupui rawn sawi lang tawh suh," ka vin nghal ṭhawt a!

"Ok, Mr.Evans, Spain in lo thlen hunah Enchante hotel-ah khan innghat suh ang che u.."

Detective nen kan inbiak zawh hnu chuan ka kawchhung so bulh bulh thunun tum chuan thâwk ka la kâwk a, Felipe a lo inrawlh anih vaih chuan Amelia pa a ni emaw ka zuah tawp lovang.

Engvanga ka chhiatna tur duh nge a nih tih hi ka ngaihtuah ngial pawhin ka hrechhuak zo lo. A fanu nupuia ka neih chhan hi kan company Wine man dollar eng emaw zat a bâ a, ama duhdan leh a fanu ka hmangaih vanga inremsiam kan nia, Amelia hminga awm Enchante Hotel nise man to takin ka leisak kha a nia.

Enchante Hotel hi Amelia hmingin tun thleng hian a la awm renga ka thlâk danglam miah lo bawk, ka nupuiin a thâ leh zung a lo khawhralna a ni a, pêk lêt ngei pawh ka tum bawk.

"Jerome.." Amelia aw ka hriat rualin kawngkhar ka pan nghal a, ka nupui chuan a thawmhnaw a lo thlâk vek tawh a, kan pindan chhuahsan lo turin ka chah ngun nen an hrilh lo nge helai thleng thleng te a alo chhuk ni!

"Duhtak, pindan chhuahsan lo tur i nia sin," a darah ka vuan a, nichina a lungawilo hmel kha hmuh tur pawh a awm tawh chuang lo.

"Ka hria alawm, inbiak kan ngai," ti a ka bânah vuanin study room-ah bawk chuan min luhpui leh a, a mitmeng nung sarh ṭhin dul raih ta hi hmuh nuam ka ti lo.

"Sawi la, khuma mu hahdam zawk tur i nia.." ka tih chuan dingdihlip âk âkin ka hmuiah a rawn fawp zauh a. A khawsazia hi ka hriatthiam zawng a ni leh pek lo!

"Kan fapa min pêkkir leh avangin ka lawm e, ka hmangaih che," ati sap a.

"Kan fapa anih angin venhim hi ka tih tur a ni, ka hnenah lawmthu sawi lovin Jacinta i hrilh zawk dawn nia," tiin Luis kan lâk lêt dan chu kimchang takin ka hrilh a, ka sawi tawp lamah chuan a nui chhuak ta hak a.

"Jacinta leh Joe hi an ingaizawng tih i hria em?" Tiin min zawt teh daih nia.

"Hre nang," ka ti liam puat a, dawhkan chungah chuan ṭhuin a ke a thên lauh lauh a, an zaina te kha nâ ati lo nge dam ṭha pangngai angin a awm leh ringawt tawh!

"Christy leh Sam pawh mawle, bodyguard angah pawh ka ngai thei chiah tawh lo," tiin alamah min pawt hnai a, "Buaina chu buaina ni rawh se, an vai hian him dam taka an awm ka duh ber," a bân rawn pharin ka nghâwngah a kuah chial a, min thlâkhlelhna hi hnar ka tum eih lo.

Ka nupui hmui fawh tluka thlâkhlelh leh duh dang ka nei lo, duhthawh takin kan infawp ta a, a kawr hâk chhungah zen lutin a hnutê mar leh khauh ṭang mai chu ka chûl ta nge nge a, hnuailam a rawn insiamrem ve tial tial bawk.

"Mouri..!" Ka nupui aw sexy zet hi ka hre ning ngai lovang.

"I la dam ṭha si lova, hmangaihna chendun a chi dawm em ni?" a nghâwngah fawpin a mawngbâwr ka ṭham salh a.

"Ding chungin tihdan ka thiam alawm, ka thâ sen a ngai miah lo.." fiamthu deuhva tiin a nui var var a, eng style nge a rawn phawrh leh dawn ni!

"Ok, i inhuam chuan kei chu.."

"Haji! Ṭawng tawh miah suh," tiin a thawmhnaw inbel chu a phelh ta a, "Tun ṭum chu nangmahin inphelh ve rawh le," ala ti zui ah..!

Saruakin kan inhmatawn râna ka mipatna a kut lum ther ther a arawn tawh chuan thâwm ka chhuah lo thei lo, a tân mipa hmasa ber ka ni tih hi hmangaihna kan chendun dawn apiangin ka hrechhuak fo bawk. A hmeichhiatna hnawm chap maia ka luh rualin nghet takin min kuah a, a hmuiin ka hmui a rawn nul nâ nâ a, kan tum ram fang turin ka che uar sauh thung.

"Je..Mouri.." a sawi tum ka hriatsak avangin ka kuah ta hle hle a, kan nupa inkâr a fel chuan khawvel buaina te chu kan hmachhawn dun thei tih hi ka ngaihtuahna thar a ni.

Kan la din reng avangin ka pawm nawlh a, sofa inhûng hnai ber chu panpuiin, "Le, i thawmhnaw inbel la, ka ken tur min siampui a ngai dawn a nia," ka tih chuan a meng phâwk nasâ!

"Khawiah nge i kal dawn!?"

"Amel, zanin hian Spain panin kan chhuah ngei ngei angai a, i nu leh pa te hi ka mawhphurhna anni."

"Jaja! Keimah zawk hi Spain pan tur ni khan ka inhria a.."

"Kan tum dan kan thlâk leh zawk a ni, Luis hi zinpui tur atan chuan a la tê mah mah a, darkar sawmpathum leh minute sawmli thlawhnaah kan chuan a ngai tih i hriat kha.."

"Mahse, ih, englo.." sawi mai dan tur a hrelo ani ngei ang a thawmhnaw chhuata tla chu chharin a inbel mawlh mawlh a, thinrima inkalsan ka duh miah lo.

"Khawngaihin, tun ṭum chauh chu ka thusawi hi zawm ve rawh aw, chuan mi hmuhtir tur che ka nei ania," tiin thawmhnaw ka inbel ve ta nghal a.

Hmangaihna chen zo hlim ang pawhin a awm zui theih loh chu a ni ber e, Amelia bânah vuanin study room chu kan chhuahsan ta a.

"Dalmas, store room kawngkhar chahbi rawn la teh aw..." tiin ka bodyguard pakhat chu ka melh zauh a, Dalmas hi kan zingah a tâl tam vak lova, company lama min venghimtu a ni.

"Jerome, eng nge kan tih dawn?" Amelia'n atih chuan nui suk chungin, "Thiam thil show-na hun ka pe ang che, mahse, indim hle thung la.."

Store room chhung thim khupa Amelia ka luhpui lai chuan angaihna ala hrelo hle tih a hmelah alang reng. Light ka on rualin kan mi man pa hmel chu a chhun nghal a, a meng ṭha theilo nge a chhîng suk suk a, Jacinta hlapna lai a tukkhum chu thikharin a khawng uaih bawk.

"Hei eng thil nge..?" Ka kut nghet zeta vuanin Amel chu a phun sap a.

"Kan fapa kidnap tumtu kha a nih hi, i taksa tana ṭhat loh phahna tur lo tâwk velin khawih ve phalsak i ni, chumi zawhah Police hnenah kan pe dawn nia,"

"Jaja! A va ropui dawn ve le..!" Tiin chu pa chu a pan hnai ta a, chair-ah kan phuarbet vek a, a kâ kan hnawhphui tlat bawk.

"Christy tih loh Penthouse-a awm zawng zawng han ko khawm teh le.." tiin Dalmas chu a tîr ta a, engtin nge tih a tum pawh ka hrethiam bik lo.

Minute thum vel ngawi rengin chu pa chu a melh ngar ngar a, ka nupui hian ât chhuahin a that dawn lo tih ka chiang ve tâwk.

"Mourizo Soreno, a kâ hnawhna saw han phelh teh le," ati leh sap a, engvanga Mourizo hming lam nge anih ka hre lo, zawh buai ka tum hek lo, chhan nei lovin ati lo ang tih ka ring ve mai a ni.

"Cuál es tu nombre?(Eng nge i hming?)" chu pa khabe-ah chuan dawmin a zawt ta a. A zawh pa lah chuan chhân tum hmel a pu der lo.

"Duhtak, Spanish ṭawng a thiam lo a ni ang, English hmang mai rawh," ka tih chuan, "Mouri, he pa hian English aiin Spanish ṭawng a thiam ngei ang, a chhan chu Spain-a min umtute zinga mi kha a nih hi, i hre tawh nange?" Ati ta a.

Ngun zawka ka en chuan ka hmuh hnu a ni tih ka hre ve chiah, Ramon Salia hnung zuitu rinawm ani mahna.

"Ma'am," tiin Ignacio, Sam, Joe, Jacinta, Dalmas te chu an rawn lut ve ta a, chulaia koh anni chu mak antih hmel viau hlawm mai. Kei pawhin ka hre bik tlat lo va..!

"Joe, i chemtê kha i rawn keng em?" Ka nupui chuan ala ti tak deuh deuh a!

Chu pa bul aṭanga hnungtawlh hretin kut hnungsuihin a ding âl a, kut thlâk pawh a tum chuang lo.

"Él Senor, i hming min hrilh tawh rawh le," zawi sapa a zawh leh chuan chu pa chu a rawn dâk chhuak a, Amelia chu chil a chhâk nghal ṭhawt a, a fuh lo hlauh!

"A ṭha e, ka fapa Luis nei tur hian hun harsa tak ka paltlang a, ka fapa hlutna hre miah lo tu hi ka dim dawn miah lo che," tiin a panhnai leh hret a, kan zavaia hmuh lai chuan na zetin a biangah a hnek ṭhuai a, chu pa hawi sawk chu hmuh a nuam fahran lo. A lungawina tâwk turin han inhrithla teh se.

Ka fapa hmel a hmuh a, a mittui far kha Amelia mit aṭanga ka vawikhat hmuhna a ni a, ani meuh a ṭap anih chuan a nâ hle tihna a ni bawk.

"Joe, i chemtê chu.." Joe lam hawiin a kut a dawh dâ a, Joe chuan tîm deuh takin a pe ve ta tho. A vit êm lo'ng chu!

"Ka fapa hi ka nunna a ni, ani tihnat tumtu chuan kei hi min tihnat a pawisa lo tihna a nia, Ignacio, Sam, a kekawr kha phelhsak ula nautê pawisawi lo eng atan maha ngai lotu chu chithlah thei lo turin kan siam ange.." a ti hmak mai le!

Ka inrawlh duh miah lo, kan misuala hian a thih phah dawn lo tih ka chiang ve êm a ni.

A sawi ang chiahin Ignacio leh Sam chuan Spanish pa kekawr chu phelhsakin a kekawrte pawh an phelh vek a, nui lo turin ka insûm nasat angai viau. A duh lo tâl vel chu an chelh hneh mai bâkah an phuar nghet si a, a beidawnthlâk ngawtin ka ring.

"Fa neih chu sawi loh i mipatna hi i hmang leh ngai tawh lo ang," tihpahin chu pa serh chu chemte fawng lam chuan a hlap ta a, nichina awrâwl chhuah duh miah lo kha a ṭê ṭhawt nia!

Rem hria hi ka'n ti khawp a, Joe leh Sam, anvaiin an nui vek a, chemtê khân a mipatna a hlehsak dawn emaw tiin an thaw dep depin ka hria, vawithum ngawt a hlap sak hnuah meuh chuan âwrawl a chhuah peih ta lo. A thlan a tla zawih zawih a, hei aia na tur hi thihna ni si lo ah chuan mipa tân a awm thei dawn chuang em ni?

"Ngaihdam dilin awmzia a nei lova, min dil buai hek suh," ti leh sapin a tawp nan vawikhat a hlap sak leh ta a, chu meuh zawng a tuar ta ngang lo a nia nge a kun ngâwih a, rawn dâk chhuak leh tur pawhin chakna a neih tawh ka ring lo.

Joe chemte a pekkir pahin, "Sil uluk hle ang che," a siai zui sak a, Joe an ka nupui ngaisâng taka a en chu ka hmu reng.

Mipaho nui ṭhu leh Jacinta nui var var chu bân vai khum zauhin ka nupui darah ka vuan a, store room chu kan chhuahsan ta a.

Spain-a min zui a tum der ta miah lo chu mak ka ti deuh a, luhlul chhuahin kal ṭâlh a tum turah ka ngai deuh kha a nia, ka ring sual leh ta!

Jet-a kan luh dawn thleng chuan bân ala rawn vai lap lap a, hlim hmel a pu hran lova, lungngai hmel pawh a pu chuang lo.

Kan inhmuh tawpna tur a ni em ka hre lo nâ a, ka nupui leh ka fapa te kalsan hi ka huphurh khawp mai. Buaina chingfel tur erawh chuan keimah ngei ka pên chhuah a ṭul tih kan nupain kan hrechiang a ni.

Thawmhnaw min siampui lai khan engvakmah a sawi lo va, min melh leh zauh ṭhin tih ka mitsirin ka hmu thung. Ka kal chhuah dawn meuh kha chuan a mittui a tling pam a, "Chanchin min rawn hriattir i bâ a nia..'' 'bâ' ang zâwnga a sawi leh kher chuan ka nuih a tiza deuh. Kan fapa min pawmtir leh tê tê hnu-in ka hmuiah min fawp vang vang a, ka thinlung a tawk zar nia.

Thlawhna a kan luh hnu pawhin Penthouse lam ka thlir vang vang a, kan nupa pindan tukverh aṭanga ka nupuiin ka fapa pawm chunga min thlir ka hmuh chiah hian Ramon Salia ka mithlaah a rawn lang nghal a. Engkim hi a mah vang vek a ni.

Ving taka Jet a thlawh chhuah rualin ka nupui pawh ka hmu zui ta lo..

End of Chapter-20

©<++++[BeckirafARenthleI]++++®

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 25th, 2018, 11:52 am

ENCHANTE LOVE SORENO
(Quieres Casarte Conmigo?

Becky Rafa Renthlei

Chapter-21

MJS Penthouse
Los Angeles
1:45 Am
Amelia Evans.

Jerome-a awm lo chu ka ruak nghal huaiin ka hria a, Luis ka hua tihna nilovin a piang hma lutuk hi ka thin a ur lek lek a ni. Zai tâwk lo ila chuan ka pasal tân ṭangkaina tlem tal ka nei ve tur a nia, Jerome khan min thlamuan a tum ve viau a, mahse, boruak inlumlet dan hi ngaih a ṭha mawlh lo.

"Ma'am, i muhil theih meuh nange?" Christy leh Jacinta ka kiangah an awm ve reng a, Luis hi pindan hranga riahtir chi ni a kan hriat loh avangin kan room-ah ka awmpui ve mai a ni. An pahnihin enkawl an inhuam em em a, ka hmuh phâk lova awm turin ka duh lo a ni ber mai.

"Darkar ruk chiah an la thang a, Sam kha msg thawn chhin teh, Jerome-a amuhil em tih te han zawt chhin la," Sofa-a Christy ṭhu chu ka melh zauh a, kum sawmhnihpakhat chauh a nia, thiam thil angah reuh phian hi a ngaihsanawm ka ti.

"Ma'am, Ramon Salia hi hmaichhanah i hmu ve tawh em?" Jacinta'n ham bâi bâi chunga atih chian, "Hmu tawh e, a kiangah nikhat pumhlum ṭhak hun ka hmang tawh alawm," Jacinta makti hmel chu nuih lêt sakin, "Ka fiamthu lo a nia, pa hmelṭha tak a ni, Jerome a tluk mah suh se, American mipa-ah chuan a chhelo lawr lak," ka sawi zawh rualin an nui ta hak hak a.

"Shh..In nui ring lutuk, Jess, Joe ai thlâwt chuan Ramon Salia hi a chhelo daih zawk, dam ṭha ila chuan kan han thlêm dun tur a nia,"

"Ma'am, engmaw i sawi?" Joe chu lungnih loh hmel zetin a lo lut ve chiah a, ka thusawi a hre hman chiang!

"Englo, Ramon Salia aia i ṭhat thu maw le," ka nuih za lutuk chu ka insum hrâm hrâm a. Ka nuih anih vaih chuan Joe'O Hara ka ngam lovang. Jaja!

"Ma'am, i sawi kha ka hre vek," tihpahin a chhuak tau nghat a, Jacinta lah chuan hlauhthawn hmel tâwkin min rawn en a, chutah zawng insum miah lova za lutuka ka nui chu min en tawp.

"Zan lai laia, nuihna tur in hmu chu a lawmawm khawp mai," Pindan chhunga rawn lut ka hmuh chuan ka nui tawp chawt a, engtin nge tun angah a rawn luh theih, Dalmas-a thawmhnaw inbelin Eliaz Sanchez chu Kawngkaah a ding a, a pistol hûmlai chuan ka chal zâwnah a tin vâng bawk!

A awmzia chu security kaltlangin Dalmas a that tihna a nia, engtia chêt lâk chi nge ka hre mai lo. Ṭhuihhruai a nei em tih lah hriat pawh va ni suh.

"Wow, Elias, engtin nge i lo luh theih ka zawt lo mai ang che, i Pistol kha dah thla la.." dam thlapa ka ṭawng chuan Jacinta leh Christy chu an inmelh zauh a, 'Engtinmah ti suh u,' ti a ka mitmei chu an man thiam nge an ngawi reng a.

"Amelia, i lo ropui ta hle mai, i pasal awm loh hlan hian eng thil nge ka lo tihpui ang che aw," a pistol ken lai chu a kekawr kâwngah zepin min rawn pan hnai a.

"Engvak nge kan tih anga, tun hma ang khan intur kan dawm leh ang chu mawle.." ka tih chuan mitko san âwkin min en a, Luis muhil chu melh zauhvin, "I fapa chu, American ui note ang maiin a mutui a nih kha.." tiin hnai fahranah a bih a, kutthlâk lo turin ka insum nasat a ngai viau.

Game khelh hlek angai dawn a nih hi..

'Eliaz, ka naute pahnih hi han hmelhriat ve ta che, bodyguard thawmhnaw inbel chu i inhmeh lo em mai, Jerome-a thawmhnaw inbel zawk la, amah a awm chuang hleinem," nui sak chunga ka tih chuan a ngaihna hre vak lo hmel a pu!

"Jess, whisky kha lo thli ta che," ka ti nghal zung zung a, ka bum thei dawn em chu ka hrelo nâa ka bei chhin phawt ang chu le..

"Ma'am, Luis hi ka pindan lamah ka lo awmpui dawn em ni ang," Christy chu a ṭhutna aṭanga tho chhuakin Elias bulah chuan a rawn ding a.

"Ah, Elias hian a hmu châk ve ang chu ka ti deuh," tihpahin khum kil lamah chuan dimtêin ka tawlh chho a, "Khumah khan ṭhu rawh Elias, i lokal hun hi a fuh viau ania, hman zan avang khan min ngaidam thei lo anih pawhin min theihnghilh sak tal la, ka pasal awmlaia khatia i ṭawng kha i tidik bik miah lo ania," tlawn pah titihin a mitah ka en kalh a, a nui ta suk mai.

"Amel, tlem talin min duhna i la nei ve tiraw?" Elias chuan ka bânah a rawn vuan a, whisky rim a nam huk mai!

"Hahdam rawh, ka nauteho hi ka chhuahtir anga kan sawi dun dawn nia,"

Jacinta intur chawi chunga a lokal chuan wine nokhat ka la a, Elias in whisky a ban thung, kan chêt nalh viau chuan hliam tuar miah lovin kan rêk bet thei dawn a ni.

"I fapa hi dahsawn teh a hmel hmuh a ninawm tlat," Elias chuan meng sen rûmin Luis chu a melh a, hundang nise chuan ka kick bu lâwp duhin a nia ka rin ni! Mahse, tunah zawng thil tihchi pawh ni nghal lo chuan, pistol pawh kan nei ve hleinem..

"Luis hi pindan dangah in lo kalpui dawn em ni ang," Ka fapa muhil melh zauh chunga ka tih chuan î he lovin Jacinta'n a pawm nghal a, engtia chêt lâk tur nge tih ka hriatthiam loh vangin Luis awm lo hian a him hmasa phawt tih ka hria.

Elias nen chauh kan awm hnu chuan wine ka tem hlek hlek a, zanlai a pel tawh a, ka pum a ruak bawk nen in tam chu thil theih loh tluk a ni. Elias erawh chuan whisky pawh nohnih ngawt a tlâk tawh a, rui chhia nilo mah se a kâi nuam tawk vel chu a ni tawh hrim hrim.

"Engtin nge helai hmunah hian i lo luh theih?" Ka rilru luah bertu a ni tlat a, hriat chhuah ngei pawh ka tum.

"Thil harsa a ni hleinem, i pasal chhuah hma daih khan Penthouse kawtah ka awm tawh," tiin Elias chu a nui vur vur a, a mitmeng hur hmel zet pawh ala pangngai reng.

"Nangmahin maw!?"

"Ni ang chu mawle, he hmunah hian mipahnih ai chuan pakhat tân luh a awlsam fê zawk," tihpahin ka dar leh hnungzâng a rawn zut a, ka lo insangmar ṭalh ṭalh thung. Che phut lo turin ka no chu nghet zetin ka vuan a, ka duh aiin ala rui lo tlat! A hur tâwk lekin a nia ala awm ni..

"A nih chuan bodyguard thawmhnaw inbel kha eng nge a ṭulna?" Ka ti sap a.

"Amelia intifing viau teh suh, zanin hian ka that hreh miah lo che a nia," ati tak nâin ka hnute bâwr vel chu a melh rûn a, ît tih hriat taka a chil lem khulh ri chu a ring kher mai.

"Enteh, ka pasal neihna chhan hi i hria nge hre lo..!?" Tih ka zawh chuan a no a intur la bâng zawng chu a tlâk pawp a, chutah chiang deuhva min enin, "Engah nge ka hriat lohvang? I pa nena kan ruahman alawm," nui huk chunga atih chuan ka phu zawk!

A hmaa ka lo rinhlehna ṭhin kha a dik ngei ka ring ta tlat bawk!

Ka pa hian sum a duh vangin pasal min neihtir chûk chûk a, leibâ rulh tur tamtak a neih tho rualin eng emaw tak tum a nei tih hi ka rin hriat a ni.

"Ka pa chuan eng ber nge Jerome-a lak aṭang hian a duh a?" Zaidam viau pawh a har ṭan ta. Mahse rik hluai hun lah chu a ni miah si lo.

"I pa duh ber chu i hminga awm Enchante Hotel kha neih let leh a duh a ni, i pasal phuahchawp hian a phal ngût ange maw chu le.."

Elias thusawi chu mak ka ti tulh tulh a, ka hotel leitu kha Jerome hi tihna a lo nimaw! Vawikhatmah a thâwi pawhin a sawi chhin eih ngai lo kha a nia, engtin nge ka lo hriat loh theih!?

"Ka pa-in hotel neih lêt duh ni ta se, nangin eng hlâwkna nge i neih ve chuan anga..!" ka tih chuan rui tih hriat taka meng phelh phung chungin, "Nangmah hi mawle, i pasal ber a thih te chuan i hmingin engkim a awm dawn ngei a, fapa i nei bawk nen, engvangin nge nichin mai khan i fapa kha ka kahhlum loh tih i chhût miah nange? Hmanraw ṭangkai lutuk tur a nih hi.." tiin ring lutuk mai hian a nui a, a sakhmelah tak bêng lo turin ka inhûm ruh ṭang mai.

"Thil harsa a nih loh chu, ka pasal te chuan Spain pawh ala thleng tawp nâng, hlim takin intur dawm ila kan mu dawn nia, khawvar hmain helai hmun kan chhuahsan thei dawn chuang hleinem," tiin ten chung chung chuan a biangah ka fawhsak zauh a, a nui tawp chat!

"Min la hmangaih ka ring rêng a ni," tihpahin ka hnutê rawn khawih a tum a, chu erawh chu chhuanlam siamin ka hnar hrâm.

A no ah whisky tak ṭha tawk tak ka thlit khahsak leh tê tê a, zawhna pakhat ka la nei, ka zâwt chhuak ngei bawk ang.

"Querida(Duhtak) Ka pa nen ṭangkawp ni ta ula, Ramon hi engvanga inrawlh nge a nih?" Zawi sapa ka zawh chuan a ngawi vung vung a, chutah nui suk chung hian, "I pa nen ringawt te chuan eng ruahmanna mah kan puitlin thei hleinem, Ramon puihna tel lo chuan penthum pawh pen a har asin, ani hian i pasal Estates kha a duh thung a ni," a ṭawng ring vak tawh bik lova, a rui thawkhat hle tih ka hre mai.

"A ṭha e, ṭhuihhruai i neih chuan ko la, hetah mikhual pindan eng emaw zat kan nei alawm, darkar thum tal mu hahdam ila khawvar hunah ro hran kan rel dawn nia," ka tih chuan, "I pasal lâktlâk loh zet anga bodyguard nei turah min ngai deuh em ni? Keimah chauh ka ni, keimah..." tiin a bu lâwp lâwp a, a no ken lai chhuhsakin kan nupa khumah chuan ka muttir ta a, hetia ka tih mai loh te chuan min zaina ala dam fel lo nen tharum thawh chi ka ni der si lo.

Tuna ka hriat duh ka hriat tâk zawng zawng pawh kha a lo luh tirh khan kutthlâk ila chuan ka hre hauhvin ka ring lo.

He mihring tenawm zet, rul ang maia vervek hi kum thum chhung ka lo zui tawh a, a mizia ka hre hneh ve tho. Khuma Elias-a rui hnar bur bur chu en leh vang vangin kan pindan chu zawi muangin ka chhuahsan ta a.

Ṭhutkhawmna pindanah Joe leh Jacinta chuan Dalmas-a hliam an lo buaipui a, Elias khan a bekah pistol-in a chhu a, nikhaw hre lova a awm laiin a thawmhnaw hlipin a rawn inbel tih a hriat mai. Dalmas chuan thawmhnaw pawh ala ha ta chuang lova, Sofa-ah kekawrte nen a mu zar nia!

"Joe, kan room-ah chho ula, Elias khi han phuar hlawm rawh u, store room-ah in dah lut dawn nia, Dalmas chu ka lo awmpui ang," ka tih chuan min en hau a. An rilru ka hriatpui mai, kut ka thlâk emaw an ti a nih ka ring.

"Ma'am, i ṭha em?" Jacinta'n min ngaihtuah hmel zeta atih chuan, "Ṭha lutuk tlat, in hmanhmawh loh chuan khi 'Phivawk' khi a lo harh mai ang," tiin Dalmas a mutna lam chu ka pansan ta a.

"Dalmas, i pindan panin i kal thei angem?"

"Yes, ma'am," tiin a mutna aṭanga rawn tho chhuakin a ṭhu ṭha a, ka nêl teh hûrh lo nâa tlangval fel tak a nih ka ring.

"Zinglam darthum a ri tawh a, engmah thil thleng a awm tawh lo turah ngai ang, Joe leh Jess an awm a, chawl hahdam rawh le,"

"Gracias ma'am (ka lawm e, madam)" a pindan kawngkhar thleng ka hruai a, Christy leh Luis awmna ka pan ve ta a.

Apartment BA 181
Malaga.Madrid
Spain
Mateo Ignacio

Darkar thum liam ta khan Spain dam takin kan thleng ta chu a nia, Sam leh Jefe an chawl hahdam a, tunah chêt lâk rup theih anih loh avangin Jefe Apartment-ah intur dawmin ka ṭhu khawmuang ta vel mai mai a nih hi..

Ka boss housekeeper Salome hi a mu ve ngai miah lo nge, tunah pawh chokaah cake a la ur tlut tlut a, Spain kan kal apiangin eitur tuihnai tak tak min chhawpchhuah tur zuk nei reng zel a..!

Spain Embassy lam aṭangin ralthuam an rawn dah dawn a, kan mamawh tur ang kan chah ho chu a kim vek tawh a. Joe video min lo thawn ka hmuh chuan mak tiin ka mengphar âwk mai!

Jefe te nupa khumah chuan Elias Sanchez a mu hnar bur bur a, a thawmhnaw Jacinta'n a phelhsak mêk tih ka hmuh chuan ka nui suk. Madam hmel erawh alang ve miah lo a, Joe chu ka call ta a.

"Yes, Mateo..." Joe aw zangkhai leh puam ṭalh hi hriat a nuam ṭhin khawp mai.

"Eng nge thil awmzia?" Ka tih chuan a nui huk huk nia mawle.

"I madam in thiam thil a show leh hlek a, zanin phei chu kan kut hmâwr pawh kan chêt hman meuh lo," tiin thil awmzia a rawn sawi zung zung a, Dalmas in hliam a tuar tih a sawi erawh chuan tlêmin a âw a dul deuh.

"Tikhan engtia tih nge in tum?" Ka tih chuan, "Madam duh danin store room-ah kan dah dawn mawle.."

Joe nen kan inbiak laia ka dâk chhuak chuan Jefe kawngkhar bula lo ding reng chu ka hmu ta a, kan thusawi engzat nge a rawn hriat ka hre miah lo. An nupa khumah Elias a mu tih a hriat vaih chuan a nupui a ngaihtuah leh hle dawn tih hriatsa a ni.

"Ignacio, tunge i biak?" Jefe aw chang fak avang chuan ka tîm deuh a.

"Ih..Joe mawle,"

"Penthouse lamah thilthleng a awm em ni?" Ti a min zawh leh chuan sawi mai dan tur ka hre lo a, ka sawi loh chuan nakin lawkah hrechhuak leh ta se min dem lutuk dawn tih ka hria.

"Englo, Jefe..Elias Sanchez kha Penthouse-ah a lut a.." tihpahin Joe video min lo thawn chu ka entir ta a, a hmel ruh nghal ṭalh ṭalh chu hmuh a nuam viau lo.

"Kan nupa khumah he pa hi a mu a maw!" thinrim lutukin phone chu min pe lêt a.

"Jefe, i ngaihdan ang kha a ni lo, madam hmel pawh alan ve miah loh kha.." ka tih chuan, "Ka nupui hmel alang lova, ka fapa hmel a lang hek lo, Joe kha call la, kan nupa room cctv record min lo thawn rawh se," ati ta chheu chheu mai le.

"Jefe, hahdam rawh," tiin Joe min hrilh ang chin chu ka hrilh ve leh ta nge nge a, a hma ai zawngin a thinrim hmel zual! Kei hian sawi loh tur ka sawi em mawni!

"Joe chu keiman ka'n bia ange," tiin a pyjama hak ipte aṭang chuan a phone phawrhin Joe a call ta a, cctv record pawh tuna thawn nghal turin a hrilh bawk a, phone a dah hnuah rum zet hian min rawn melh leh phawt a..

"Ka hnuaiah kum kua i thawk tawh a, hmânni lawkah ka unaupa ang maia ka en thu che ka sawi lo vem ni?" Jefe thinrim hmel dur khup chu ka en a, a sawi tum pakhatmah ka man thiam lo.

"Ka nupui neihna kumkhat pawh ala tling lova chuti chung chuan amah in ṭan zawk a nia," cupboard lam panin a kal vut a, whisky umkhat rêk chhuakin tui pawh pawlh lo chuan a in ta khawlh khawlh a, a englaiah khan nge tih dik loh ka neih tih pawh ka hre tawh lo.

Jefe hian a nupui a hmangaih tih ka hriatpuina leh inrem takin awm se tih ka duh bâk chu eng thilmah an inkârah hian ka inrawlh lo. Venhim hi ka hna a ni a, chu chu ka ti mai chauh a ni.

Ka phone a rawn vibrate chur chur chuan ka en vat a, Joe tho a ni.

"Joe, eng nge?"

"Cctv record ka lo thawn che kha lo en rawh, engmah paih ṭhen a awm lova, a ngai ngaiin ka rawn thawn che, Jefe pawh ka thawn tho a, madam thil tihdan hi ka hrethiam miah lo, tunah Elias kha store room-ah kan khung fel tho si a.." rilru buai tih hriat taka Joe ṭawng chu ka bengkhawn tawh lo, ka piaha 'Jefe' thinrim lutuka phone bih chunga ding chuan ka mit ala daih zâwk!

"Joe, duhtâwk lawk ang, video chu ka lo en ange..''

Phone ka dah hnuah Jefe lam panin ka pên phei a, whisky bottle chu nghet taka hûmin a thaw kâwk a, a kuta a thil ken lai chhuhsakin a phone a madam hmel lo lang chu ka hmu ta a.

Madam(Amelia) leh a ex- boyfriend (Elias) chu khumah inhnaih fê in an ṭhu dun a, intur dawmin madam chu a nui sâng a, zawhna a zawh reng reng Elias chuan ṭha takin a chhâng zel bawk. Ka hriat fiah loh tam tak pawh ka hriat phah ṭeuh mai. Felipe Lopez pawh a inrawlh ngei a ni tih alang reng tawh a, mahse, engvanga madam hian Elias biangah te hian fawp kher nge a nih! Madam hmel lah chu alang ṭha em em a..!

Mak ka tih em em chu Madam in,
"Thil harsa a nih loh chu, ka pasal te chuan Spain pawh ala thleng tawp nâng, hlim takin intur dawm ila kan mu dawn nia, khawvar hmain helai hmun kan chhuahsan thei dawn chuang hleinem," ti a Elias bianga a fawp kher hi Jefe tân paidam chi a ni lo! Kei takngial pawh ka thinrim hlur mai.

"Bumhmang, hmeichhe tenawm, in pafa hian ka zuah lo ang che u.." Jefe thinrim lutuk tihngaihna hre lo chu hnem vak dan pawh ka thiam lo.

Madam te pafa hian an lo bum reng tihna a nia, nilo, a ni thei dawn em ni?

Tukkhum dawmin ka hmalam ngun takin ka en a, tunah lah Spain-ah kan awm daih si a, Jefe nen minute eng emaw zat ngawi renga kan ṭhut hnu chuan khua a var ṭan tawh a, Los Angeles leh Spain hi kan 'time' a inan loh avangin anni tân chuan chhunlai vel a ni tawh ang.

"Ignacio, Sam kaitho la, Felipe Lopez chênna hmun kan pan ang," ati sup a.

"Mahse, Jefe.. engmah hmanrua an lo la dah si lo a," ka tih chuan kiai suk chung hian, "Kut leh ke kan nei alawm, ka insiam dawn a, nang pawh insiam ang che, min zui dawn chuan.." ti supin a pindan a pan zui nghal hmiah. Hnial ngam chi pawh ni nghal lo chuan..

Sam chu kai thovin thil awmzia ka hrilh ve nghal a, Video a en lai chuan a ner leh suk suk ṭhin a, "Ignacio, madam hian thil tum nei lovin hetiang hian a khawsak ka ring lo," a rawn ti bauh nia.

"I mit kha i meng a nih chuan a lanchian viau kha le, an nupa khumah hahdam takin a bialpa hlui a kawm thei a nia, kan ṭan sual deuh a ni ngei ang," ka tih chuan Sam chu a ngawi reng a, ngaihdan nih loh hmel zetin, "Madam hi ka hrechiang ve tâwk, a tawp thlengin alam ka ṭang zel ang," ti hmukin a Radilo boot chu a bun mawlh mawlh a, Haji! Buaina thuah thum kan hmachhawn a ni ringawt a lawm le..!

"Tunah pawh Elias nen an tlanbo lo tih tunge hria!?" Ka ti vei hmuk a.

"Ignacio, an tlanbo a nih phawt chuan tuna report i dawn ang chiah khan i dawn em em ang, Christy hnen aṭang pawhin ka dawng bawk ang," inringtâwk zeta atih chuan dik ka ti viau lawi si.

Chumi hnu chuan ngawi rengin kan insiam dun mawlh mawlh a, engzata tam nge beih tur kan neih tih pawh hriat va ni suh, ka Pistol chu a pâiah khungin kawnghren ka hreng leh phawt a, Sam nen thawmhnaw inang vek kan inbel ziah ṭhin bawk. Jefe hian eng nge a inbel ve dawn tih ka ngaihtuahpui hauh lo.

Kan inpeih thlap hnuah Living room-ah Jefe nghakin kan ṭhu a, Whisky nokhat ve ve Sam nen kan lem leh hman hrâm..

Pen ri thlap thlap ka hriat rualin ka no chu dawhkanah ka dah a, Jefe hmel thim mâk mai leh a mitmeng fiah kâk chu ka hmu hmasa ber. Nichin khan whisky tuipawlh loh kha a in ngei si a, tunah lêm rui hmel chu sawi loh tawhkhirh hmel zet a pu zawk!

A sam a zuah lai khan Mafia boss niawm takin a 'Pa' a, tuna alandan phei hi chu 'Pa' tak a ni.

A chhip sam leh a bek lam chu a khuih pial vek a, Armano Jacket dum leh a hnuaiah shirt dum body fit a inbel bawk a, a darpharh hlai zet chu a lang chiang ngei mai, ralthuam engmah pai hmel a pu lova; a boot leh a kutkawr thlengin a dum vek a ni a, hrechiang hle lo ila chuan Mafia boss emaw ka ti ngeiin ka ring. Mahse, ka boss Jerome Evans zawk kha a ni tlat si.

MJS Wine Company hnehsawh taka enkawltu leh a bodyguard thlenga enkawlna ṭha petu, a nupuiin a bum tih a hriat pawha buai chiai mai mai lo Jerome Evans|Mourizo Soreno hi ka phatsan ngai lovang.

Apartment kawta Lamborghini (Tracking super car) ah chuan kan lut ta a, khua a var fel tawh a, Sam chuan car khalhin front seat-ah Jefe a ṭhu a, kei, a hnung seat-ah ka ṭhu thung.

Jefe chuan hmalam ngun takin a en a, a thinlung nat dan tur hi ka hriatthiampui phâk ve in ka hria.

"Jefe, madam i be tawh em?" Ka tih chuan a ngawi rûn a, min chhâng dawn tawh lo emaw ka tih hnuah, "Vawi ruk ka call tawh a, a pick thei lo, a buai rih a ni a nge," ati sup a.

"Joe emaw Jacinta emaw tal ka be dawn em ni ang,"

"Joe kha bia la, Amelia khan vawiin ngei hian ka Penthouse chhuahsan rawh se, ka fapa kha a hruai tel duh a nih chuan a hruai tel thei ang, zawhna dang a zawh belh hma che in line i cut dawn nia,"

"Mahse, Jefe..!?"

"Ka sawi ang chuan ti rawh, anni pafa tihchhiat mai mai theih ka ni lo, ka hmangaihna hai dertu hi ka mamawh lo tih ka'n sawi nawn leh ange.." thinrim insûm zeta atih chuan Sam chu a thaw hawk a,

"Jefe, madam insawifiahna ngaithla miah lo a chhuahtir chu a finthlâk miah lo a nia," Sam an atih chuan dik ka ti ve tho.

"A insawifiah duh a nih chuan ka awmna leh ka number a hria alawm, nizan chungchang pawh pakhatmah min hrilh lova, zawh fiah ka tumin call a chhâng leh chuang si lo, a duh chuan Elias Sanchez chu a zui thei ang," zawh zui ngam tawh miah lovin a pistol chu a check ṭha daih nia. Dam thluam angin lang fo mah se a duh lohna chinah chuan mipa a ni tlat!

Joe biak tumna ka nei miah lo. Spain kan chhuahsan hmain boruak engemaw danglam a thleng hman ngeiin ka ring, madam ka ṭan vang nilovin ralkhat aṭanga thu tawp siam erawh ṭha ka ti lo ve tawp mai a ni.

Joe ka biak loh vanga hrem ka tuar hmain Ramon Salia kutah ka thi hman mahna, Sam te anga bialnu te mithnawih tih pherh tur pawh ka nei ve chuang hleinem..

Sam leh Joe te an thi palh a nih chuan Jacinta leh Christy an ṭap emaw kha a ni anga, an mithnawih a pherh dawn tih ka hrechiang êm..

Thi tur an awm anih chuan keimah Mateo Ignacio chauh hi ka ni.

Felipe Lopez chênna Apartmentos beni beach kan thleng ta. Thil danglam hmuh tur a awm hran lova, a reh ṭhuap, Spanish Metron Car takngial pawh hmuh tur zuk awm lova!

Aparment kawtah Sam an car chu a tiding ta a, briefcase khat tlatin pawisa kan dah a, chu mai ala ni lo, Grape Estates document leh Hotel Enchante hralhna lehkha pawh kan keng tel vek a, kan inbiak dan a zirin tharum chu kan thawh turah ka ngai.

Engzata tam nge an nih kan hre lova, keini pathum chauh ka ni si!

"Spanish Embassy kha phone la, Apartment kawtah kan awm tawh tih hrilh rawh," Jefe ṭawng bung nghat chu ka haider hmak.

Embassy lam an inready tawh a, keini kan lut phawt anga, Metron an rawn tir nghal dâwn tih Jefe ka hrilh zawh chuan car kawngkhar chu hawngin a chhuak ta a. Sam pawh a chhuak ve nghal bawk a, ka âwmah kut dah kawkalh zauhvin ka zui ve ta a.

Security chuan a kal hmasa ber Jefe chu a lo tiding ta ngei a, "I boss Ramon Salia hnenah, Jerome Evans a lo thleng tih han hriattir rawh," thûm chhak a tiin garage lam a melh zui daih a, Madam Ducati bike bula lo ding mipakhat a hui zauh lai ka hmu hman. Tunge a nih ka hre lo.

"Mr.Elcano, min la hria em?" Chu pa lo thlen veleh chuan a be nghal a.

"Yes, i sam i zuah loh avang khan ka hai che i ring reng reng em ni Mr.Soreno," Chu pa chu a nui ta var var a.

"Manuel, ka nupui bike kha mamawhna ka nei thut mai thei a nia, Roshima venhim kha i hna tur a nih kha aw," tiin Jefe chuan Manuel ti a a koh pa koki-ah chuan a bêng thâk thâk a.

"Tehreng mai, madam chu a ṭha maw!?"

"Ṭha e, car pawh hman mai theih turin i lo buatsaih dawn nia, kan luh a hun tlat," a kiai zui suk a, Manuela chuan a kamis hâk chu keu zauhvin a chemte pai chu arawn lang ta a, "Boruak ka man thiam a nia, Mr.Soreno, i lam ka ṭang e," tiin a siai suk a, a lawmawm ru phian.

Apartmentos
Living Room
Spain
Jerome Evans

"Ramon, Felipe te nupa hi kan kutah min pe phawt ula, Estates document hi i ta a ni nghal e," Sofa-a ṭhu Ramon Salia intivei zet chu nui sukin ka melh a.

"Document chu i rawn keng ngei em tih te pawh kan en ve phawt ang chu," Ramon chuan cigarette a pak khu tual tual a, Felipe Lopez hi ka detective chhawrin a ringhlel tih kha dâwt a ni miah lo. Nizana Elias Sanchez inpuanna kha thudik tih ka hre tlat! He mite pathum hi an inthurual ṭhap tih ka hrethiam vek bawk.

"Ignacio, document kha han entir ta che,"

Ignacio chuan a rawn phawrh a, Ramon Salia leh chu pindana awm mi paruk te hmuh theih tur chuan ati lang ta a. Ramon-a hmel nui ṭhû chu a tenawm zawk!

"Felipe, car-ah min lo nghâk rawh le," ka tih chuan Ramon chu ala nui ṭhu a, "Enchante Hotel pawh ka duh tel tih kha ka sawiin ka hria," a ṭhutna aṭanga rawn ding chhuakin ka lam a rawn pan a, keipawh ka ding chhuak ve nghal chiah bawk.

"Enchante Hotel nilovin Estates kha i duh niin ka lo hria a, nge a sum faiin i duh zawk?" Tiin Sam chu ka mitmei a, briefcase chu hawngin a chhunga pawisa khat ṭûn Ramon leh Felipe an an hmuh chuan an nui tawp chat! Chu chuan Amelia pa, Felipe Lopez hi a inrawlh ngei a ni tih a tilang chiang tâwkin ka hria.

"Jacob.." Ramon Salia chuan a bula ding a nghawk zauh lai ka hmuh rualin Sam chuan briefcase chu chhin hmakin a kalh zui nghal a. Jacob ti a a koh pa chuan a Pistol pai lai a Sam chu tinin, "I thil ken kha min pe nghal dawn nge, helai hmunah hian i thi dawn?"

Ka che duh der lo, "Inbumna chu a tawp ta in ka hria, i fanu pawh mamawhna ka nei tawh lo ve, Felipe," Tiin nizana Joe min lo thawn video kha an hmuh theih turin ka tilang ta a, Ramon Salia leh Felipe-a makti hmel chu a râpawm zâwk!

"Sam hi a thi a nih chuan Amelia leh Elias pawh an thi ve nghal ang," ti a ka vauna chuan hna a thawk ṭha khawp mai, Ramon hian Amelia thih a phal lo chiang em mai.

"Tenawm pa," tih ṭhawt pahin Felipe chuan min rawn zuan a, Jacob-a pistol pawh a puak ri nghal! Mahse tumah a kâp fuh lo.

Felipe chu dimna nei miah lovin ka pêt thal tawp a, min bum chu thuhran a fanu leh zêl hmanrua a ahman vang hian thi tlâk a ni. Kan inphêk sual a ni ber tawh. Ignacio leh Ramon inhnek sawk sawk lai ka hmu vuai a! Suit dum inbel pa rawn zuang phei chu a dulah tak side table-in ka hlap a, tho leh tur a awm lo.

"Sam, kan document pawimawh ho kha la la, Manuela zuk pe rawh," ka sawi zo hman chiah, Manuela zawk chu rawn langin Sam nen an inhlân chhawng a, a chhuak tur chu Ramon Salia in zui a tum chuan, "Nang chu kal ve lo ve, i chan tur i la dawng kim lo," tih pahin ka theihtâwpa nâ in a hnarah ka hnek sak a, ka kutah thisen a kai nghal ṭhawt!

Dimna nei miah lova ka khawih lai chuan silai a ri nghal ṭhuai a, Mateo Ignacio chu a vir nghal nawk! A kaptu chu Felipe Lopez a ni.

"Ignacio," ka aw a thinrimna rawn lang chhuak chu thihna rim a ni.

Ramon Salia chhuata mu chu chhuih dawtin, "Felipe, min han kâp ta che, min kâp rawh, Ignacio ni lovin kei hi i kah tur zawk chu ka ni," ka pan hnai lui zel a, a pistol kenna kut khur dar dar chuan a dawihzep zia a tarlang mai chauh a ni.

Sam hmuh tur a awm lova, Jacob-a leh mipahnih kha a ûm chhuak ta in ka hria, chu pawh ka chiang bik lo. Metron Siren' ri ruai ruai ka hriat chuan Spanish Embassy lam an lo thleng tawh tih hrilh nawn ka ngai lo.

"Felipe..!" Ka koh rualin ka zuang nghal zawk a, a pistol hûmna kut dinglam chu ka pêt sak ta a, Pistol a puah rualin Living room bang a kaw nghal hawk!

"Dam hi i phu hlawl lo," tihpahin na lutukin ka kick zui nghal a, thi mah se pawi tihna ka nei tawh eih lo.

"Jefe..!" Ignacio aw ka hriat rualin ka dâr a thîp zawk a, chumi zawhah ka ke pawh, thei leh thei lova hawi lêtin min kaptu chu ka en a, Ramon Salia a ni.

Sofa nghengin a ṭhu a, min thah tum tih hriat lutuk hian Pistol chuan min la tin a, a kâp leh tur chu a mu a awm tawh hauh lo! A mengphar vel ka hmuh chuan kei pawh chhuatah ka ṭhingṭhi thla hnawk a, ka jacket chhunglam zenin Pistol chuan ka tin ve ta!

"Hremhmunah kal rawh, a sat lutuk pawhin rawn kir duh tawh suh ang che," ka sawi zawh rualin Ramon Salia âwmah vawihnih ka kâp ta a, ka khawhmuh fiah lo chu tihfiah tumin ka mit ka khap fak fak a, Ignacio an rilru nat hmel taka min melh chu ka la hmu vuai vuai..

Metron thâwm leh Ambulance ko ri te chu ka hre ruai ruai a, Amelia nu Miranda pawh hmu thânin ka inhria..

Chutah, ka nupui Amelia hmel leh ka fapa Luis Soreno Evans hmel ka hmuh fiah lo ta tial tial chu ka hriat hnuhnung ber a ni ta....

End of Chapter-21

©<++++[BeckirafARenthleI]++++®

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 25th, 2018, 11:52 am

ENCHANTE LOVE SORENO
(Quieres Casarte Conmigo?

Becky Rafa Renthlei

Chapter-22

Guimarés, Pintagoras
Private Hospitals
Spain Madrid
Sam Orego(Bodyguard)

Emergency room kawtah chuan rilru pik zetin ka vei tawn chhên a, ka pian a hnulamah tun ang rênga hlauhthawnna leh manganna hi ka la nei ngai lo. Ka kiangah tumah an awm lova, Jefe leh Mateo Ignacio chu Emergency room ah an nawr lut chiah kha a nia, an dinhmun nise hrilh hranpa ngai lovin a ṭha lo tih ka hre chiang ve êm a ni.

Madam phone ka tum lahin a theih der si loh, Boss leh Mateo ten an lo rinhlelhna kha a thleng dik ta mai em ni? Penthouse-a mite hrim hrim ka be tlang thei lo hi thil mak tak a ni.

Police lamin Ramon Salia ṭhuihhruaite leh Felipe Lopez an la tawh a, thawven khat chuan ka thawveng ve tho mai.

Hospital kan pan lai khan Jefe chu biak theih a ni tawh lova, Mateo erawh fiah lo takin a rawn meng â leh ruai ruai ṭhin a, an hliam hi a na êm a, an dinhmun derthâwng lutuk ka hmuh hian Spanish Metron te ka dem lo thei lo. Min ngaihthah deuhva hriatna ka nei tlat a ni.

"Sam, coffee in ang hmiang, khatia i tei sek khan mitmen a nuam miah lo a nia," Manuel Elcano chu coffee nohnih kengin ka kiangah a rawn ding a, ani hi Madam driver, kan document vel lo dah ṭhatu kha a ni. Kei aiin a upat hmel zawk bawk.

"Hetiang dinhmunah hi chuan awm ngaihna hriat a har duh viau a nia," ti supin coffee chu ka ban ve mai a, darkar engzat nge la nghah a ngaih dawn ka hre lo nâ a, ka hahdam thei ṭhak lo. An pahnih hian an thi tur a ni lo bur.

Jefe leh Ignacio hi an thi anih chuan Jail chhung pawh ni rawh sek sek, Ramon leh a hote kha ka that fai phiar ang, chu chu Christian te Pathian hminga ka thutiam a ni, ka thihchilh dawn tihna a nih chu.

"Eng nge i ngaihtuah vung vung a!?" Manuel an ṭhutna min kawhhmuh paha atih chuan koki ka san khum âk a.

"Ngaihtuah ber tur ka hre lo, Madam kha biakpawh han tum ve chhin teh,"

"A nu in a be tawh ngei ang, Miranda Lopez hi he thilah hian a inrawlh ve hleinem," ka beng bulah a rawn ti sup a, Lopez chhungkua hrim hrim hi ka haw hlur tawh, Jefe pawh hian Amelia kher lo hi hmangaih neih ve mai tur a nia...

"A inrawlh emaw rawlh lo pawh nise, ka ngaipawimawh lo ve," tih pahin coffee ka lem khalh a, Manuela ner suk chu ka hmu reng.

Khatia Jefe an kahhliam lai khan Ramon-a pawl te pathum kha ka ûm chhuak ta kha a nia, eng mihring pawh nise an insawifiahna hre hmasa lo hian tualthah ka tum ngai lo. Mahse, anni'n min that hreh lo anih phawt chuan ka that hreh bik lo tih hi ngaihdan nghet taka ka neih a ni.

Tualthah vanga thi tur an awm anih chuan kei hi a hmasa ber ka ni ngei anga, an pathum khan ka that chiang ngei tih pawh phat buai ka tum hek lo.

"Mi â ang maiin i melh ngai melh reng suh, detective hna thawk tlâk i ni miah lo," Manuel chuan ka koki-ah a rawn bêng thap a.

"Nih pawh ka la tum chhin ngai lo, Wine sâwrna khura bungbut kût kût hi ka inhmeh ber," ka thusawi avanga Manuela nui suk suk chuan min ti hahdam der chuang lo nia.

Darkar hnih a liam ta.

Dr.Patricia, Dr.Esteban leh Dr.Raul te lo inzui chhuak ṭhâm ṭhâm chu thinphu dap dap chungin kan lo nghak a, hundang chu nise, rang lutukin an awmna hmunah tlânpheiin chanchin ka zawt zung zung tur a nia. Tun ṭum zet zawng, chêt chhuah a sak ṭalh mai!

"Mr.Orego, An pahnihin kan khawih fel tawh e, darkar chanve hnuah an rawn nawr chhuak anga, cabin pakhatah kan dah dun dawn nge, a hran ve ve in..?"

Dr.Esteban hmel phelh phung aṭang chuan an khawih rei thawkhat tih a hriat mai a, a chhe lam leh a ṭha lam pawh an sawi lang bik chuang lo.

Tumah thurawn min petu tur an awm lo bawk nen Cabin pakhatah dah turin ka ti ve tawp a. A awmpuitu tur tho ka nia a hranga dah chuan kartawn chhên a ngai anga a buaithlak mai mai.

"Cabin khatah dah phawt ang, a ṭha mai lawm ni Manuel?" Mahni thu a tih tlang tawp aiah Manuel chu ka râwn der ve a, a lo bu nghut nghut. He pa hi awm lo phei se chuan ka buai khuchûkin ania ka rin ni..

After 5 hours
Cabin 143

Jefe leh Ignacio, khum indawt a mu chu ka en renga, Luxury cabin-ah Senior boss (Juan Evans) an dah tura thu min pek vang a ni.

Jefe sawi ka la hriatreng chu 'Sum hmansen loh neia dam ṭhat leh chuan bawk si loh hi engtihna mah a ni lo' tia a lo sawi ṭhin kha a dik hlein ka hria.

Madam hnen aṭangin eng thu thar mah hriat leh dawn ka la nei lova, Joe te ho pawh chuti tho! An intiam rual veka min phatsan ta zawk nge tih hriat pawh va ni suh. Zanin hian Juan Evans, North America aṭangin a rawn thlâwk dawn a, keini lam aṭang chuan lo hmuaktu tur pawh kan awm dawn lo.

Ama bodyguard te a hruai ve turah ngai ang.

"Sam.." Madam(Amelia) hmel ka hmu phut mai chu ka mit vai emaw ka ti dawn alawm le! A hmel pawr fap leh hlauthawng hmel chuan ka thinlung ati nêm leh ṭhelh a, mahse, amah vanga Jefe rilru na hmel kha ka theihnghilh theiin ka ring lo.

"Yes, Ma'am.." a bâk engmah sawi ka tum lo. Ka ngei tíktêk êm...

"Ka pasal a ṭha em?" Ka bulah rawn dingin ka kut a rawn vuan a, min vawnna chu thinthlâk ka duh ut ut hial nia!

"A ṭha lo, a dinhmun a ṭha miah lo.." ka tih chuan ka bânah vuanin cabin chhungah min nawr lût a, "Chanchin min hrilh lo in engtin nge in awm theih?" Nichina a aw dam thlap kha hriat tur a awm tawh lo, a vín ṭhah mai!

"Vawi engzat nge biakpawh kan tum che, Ma'am, min hrethiam rawh," tiin Jefe leh Ignacio te awmna lai screen-a an zar hliahna bulah chuan ka ding a.

"Dâwt sawi lo mai teh, Sam Orego! Ka nu in min be pawp thei a, nangniin min be thei lo thung a, thil awihawm loh tak anih chu, Spain-a awm ṭheuh ṭheuh, a va mak dawn ve!" A ṭawngkam fel fai thlap leh nelawm miah silo hi ka vawikhat hriatna a ni hauh lo nachungin ngaiah ka nei thei reng reng lo. Thupe ṭhang aw a ni.

"Jefe leh Ignacio te chu kah hliam anni a, tunah nikhaw hre lovin an awm mêk.."

"Dios! Chuti chung chuan i zêp a maw!?" Thinrim lutukin a kut a hûm ruh ṭang a, rum lutuka min en hnuah, "Eng mihringah nge min ngaih a, Sam Orego!?"

"Madam, bengchhen phal a ni lova, i lo awm ve hi Jefe paw'n a duhin ka ring lo," ka tih chuan min melh vang vang a, "Ka awm leh awm loh tur chu keima thu a ni, engvanga hetianga awm nge i nih pawh ka hre mai mai lo," ti nghauhvin cabin chhungah chuan a vei sek a, chutah "Bengchhen an phal lo maw!?" Ti lehin a nui ta chiam a, min runluih tih ka hria; ka boss nupui a ni a, zah taka be tur ka nih rualin Elias bianga a fawp lai kha ka mitthlaah alo lang zel a, ka insûm thei bik lo a ni ber mai.

"Khaw'nge Joe te...!?" Ti a ka zawh chuan,

"I hriat ve a ngai lo, i duh leh phone la ti nia, doctor ka be dawn a, min dal hauh suh ang che," ram hmarha tiin ka chhânna pawh nghâk lo chuan a chhuak zui ta a. Madam kha a ni tlat a, tih zui vak ngaihna pawh ka hre bik lo.

Puanzar chu keuvin Jefe hmel dâng bai chu ka en a, a dar aṭangin silaimu pakhat an phawrh a, a malpuiah an kâp thâwi bawk a, Ignacio ai chuan a hliam nêp deuh! Mahse, natak tur chu a ni tho.

Ignacio ve thung chu a nâkah chemte a bur kha a nia, a bânpuam hmun hnihah an kâp bawk. An vihna hian a 'Lung' a khawih tel lo an ti tak nâa tawrhhlelhawm tak a ni. Ignacio hian keini aiin Jefe hi a ngaihsak tih pawh ka hria a, a thi a nih vaih chuan a pawi thui khawpin ka ring.

Darkar sawmpariat hospital-ah kan awm tawh a, madam kha alo lang tawh miah lo! Luis hruaiin a rawn kal ve nge Los Angeles lamah a hnutchhiah tih pawh ka hre tawh bik lo.

Joe ka phone ta a.

"Haji, Sam, engtizia nge chanchin i rawn sawi miah loh.." Phone a pick rual rualin Joe chuan min zawt nghal a.

"Nang pawhin min be bik hleinem!"

"Fiamthu thawh hun a ni lo a nia, vawi engzatnge biak pawh kan lo tum che, Christy thinrim hi thlêm dan tur ka hre miah lo a nia," ala rawn ti zui ah..!

Thil fel lo chu a awm chiang! Awlsam takin Juan Evans ka be tlang thei a, a bâk zawng kan inbe pawp thei miah lo hi thil mak a ni!

Joe chu thil awmzia ka hrilh puat puat hnuah kan inbiakna chu ka titawp ta a, a chhan pawh Jefe alo harh tih ka hriat vang a ni.

Puanzar ka keu chuan 'Jefe' an fiah fakin min lo en a, a tih ṭhandan pangngaiin a kiai suk bawk.

"Mamawh i nei em?" A hmai bulah ka kun hniam a, "Tui..." a bâk engmah a sawi lo.

Rang takin tui ka intir a, doctor ko turin ka chhuahsan ta a.

MJS Apartment
Spain Malaga.
Amelia Evans.

"Manuel, ka nu leh Roshima kha ka kianga chêng turin rawn hruai ang che, ka solicititor te lo bia la, a rang lamin Apartmentos kha hralhna lo zawng rawh se.." Ka driver Manuel chu ka melh râna mak ati anih pawhin makti awmin a lang duh lo.

"Ma'am, Apartment hralh te chu thil tih chi a ni dawn em ni? I pa pawh damchhungin a tâng bik tawp nâng!?"

"Maw!? Manuel, tuna i sawi kha a bul aṭangin han sawi nawn leh teh." Ka nu khan ka pa Jail-a a awm thu a sawilang miah lo! Buainaah a inrawlh tih hre tho mahila Ramon Salia'n Jerome-a a beih laiin ka pa a awm ang tih ngaihna ka'n hriat miah loh chu le..!

"Ma'am, i pa hian i hotel neih lêt a tum vangin leh i pasal hnen aṭanga sum tam tham tak hûi a inbeiseia, Ramon leh Elias kha a thurualpui a ni, i pasal kutthlâk hmasa bertu pawh, i pa Felipe Lopez a ni." Thawchham dâwna Manuela ṭawng ka ngaihthlâk lai chuan thinrimin ka insehruh nasâ..!

Hei vang chiah hi alo nih hi Sam kha ka chungah a lawm loh em em, Jerome-a pawh a lawm hauh lovang. Spanish Metron Station-ah ka kal ngei a ngai dawn a ni, ka pa hmu turin..

Alicante Spain
Abbs Police IF|Metron
Station 205

"Sir, Felipe Lopez ka hmu thei angem?" Police IF dawhkana file lo check mawlh mawlh chuan ka ṭawng hriain min rawn en a, a hmel chang rût leh ser do chuan ati lang nelawm loh zual a, ka mitah tak enin, "Miss, i hmu thei lo ang tih ka hlau khawp mai, tunah chuan hospital lamah venhimna ṭha tâwk hnuaiah enkawl mek a ni." A hmel en aiin a ṭawngkam a dam thluam nia!

"Miss, nilovin Mrs.Amelia Evans ka ni e."

"Ok, i pa chungah dânin hremna a lekkawh dâwn tih i hria ang chu maw, ka naute hovin an hruai dawn che nia," tisupin 'intercom' a hmet a, Metron smart zet pahnih hi nui suk chungin an rawn lût ve nghal a, ngun fê a min thlêk ngial hnuah, "Sir, kan inpeih e," a sâng zawk chuan min hûi zauh a, Station kawtah kan inzui chhuak ta a.

Police bike pahnih hman mai theihin alo ding vâng tawh a, anni hian min phurh an tum tihna em mawni le!? Taxi hmanga kal ka ni si a!

"Sir, tlânchhuak hmasa ula Taxi-in inhnungah ka rawn zui dawn che u nia," ka tih chuan, "Mrs.Evans, kan rualin kal mai rawh, Traffic jam tihvelin a tibuai che anih chuan kan nghâk hman kher lo ang che," ati deuh hmuk a..

"Jaja! Bike-ah ka chuang anih chuan keima khalh ngei a ni tur a ni," ka ti ve hmak.

"Enteh, Mrs.Evans, helai hmunah hian a mamawhtu zawk niin min lo pan a, hospital-a kal tur chu keini nilovin nangmah i ni," a aw chhum hmuk avang chuan ka ner sak a, "In hna alawm inhnial thui vak angaiin ka hre lo," tihpahin a naupan hmel zâwk chu ka siai zauh a, "Lokal rawh, i ṭhianpa ai hian ka khalh thiam zawk daih a nia," tiin Bike awmna lamah chuan ka phei a, min zui ve mai.

"Mister, tlânchhuak hmasa la kan lo zui ang che," tiin a sâng zawk kha ka melh a, a lawm vak lo hmel chu ka haider hmiah thung.

Tûm bûr chungin Bike-ah chuan a lâwn a, a ṭhianpa chu ka bulah rawn dingin chahbi min pe a, "Dan kalhin Police bike i khalh dawn tih i hria ang chu maw!?" A nui suk a, "Hlauthâwng mahta che, himdam takin kan thleng em em ang," tihpahin Bike-ah chuan ka lâwn a, ka Ducati bike tluk mah suh se, ka confi ve tâwk.

Ka pa leh Ramon Salia te awmna hospital pan chuan châk fê-in kan tlanchhuak ta a, kan hmaa Police pa tlân pawh kâr lovah kan ûmpha mai. Side glass aṭanga min melh zuk zuk chu ka hmu reng a, ka phurh pa hnenah chuan, "Khawi hospital nge sawi la, i ṭhianpa hi kan 'lukleu' san dawn nia," ka sawi zawh rualin speed ka sán thut a, Police pa chu kan tlanpêl nghal fua!

"Mrs.Evans, i dinglamah peng rawh," a aw khur deuh dar dar aṭangin a hlauthâwng tih ka hrethiam mai a, Jaja! Ka phur hlum awm bik lo em mai tih pahin a aia chakin ka tlân zui leh ta a, ka hnunga ṭhu in ka kâwngah nghet lutuka min kuah chuan ka nuih a za ngei mai.

"Police i nih chuan eng ang dinhmunah pawh ding la, i hlauthawng tur a ni lo," ring zetin ka hnunga ṭhu chu ka bia a, min vuan nghet sauh sauh thung.

Metron Hospital
23 Avenue.

Parking area-a kan tlânluh a kan din fel vek hnuah pawh ka hnunga ṭhû pa chuan chhuk zai a rel lo! Ka kekawr kâwng a vuan ṭung a, a lungphu dup dup pawh ka hrethei hial nia!

"Senor, i chhuk dawn nge helai hmunah hian movie kan show dawn?"

"Mrs.Evans, kum sarih chhung Bike ka lo khalh ve tawh a, lungphuchawl a min thihtir i tum em ni?" Min vawnna thlahin a chhuk a, "I lungphu a chawlh loh kha, a rang mah mah zawk a ni lo maw," ka Helmet khum lai hlipin amah chu ka pe a, a hmai sen awp awp ka hmuh chuan a thinrim tih hrilh hranpa ka ngai miah lo.

Chutah nui sak chung hian, "Police Bike ka khalh thei hi ka lawm viau a nia, a lehpekah chuan Madrid kawtthler hi ka fankualpui ngei ang che," min chhânna pawh nghak lovin ka sam ka tuai mâm puat a, Hospital lam ka pan san ta a.

"Hey, lo ding rawh," ka pên lai tawp chawtin ka lo nghak ta a, a ṭhianpa nen ka hnungah hmanhmawh zetin an rawn pén pâwk pâwk a, ka rindan vel chiah, ka pa an dahna hmun thleng him taka min hruai hi an hna a ni tlat a, keimahin min kaltir ka ring lo reng a ni. Ka pa awmna Cabin pawh ka hre reng reng lo!

Ka pa an dahna cabin chhungah chuan min hruai lut ta a, Police dang pathum an lo awm bawk.

"Mrs.Evans, Mr.Lopez chu a harh chiah a, i lut nghal thei ang," Police pakhatin hma a hruai a, pindan chhungah chuan kan lut ta a.

Ka pa hmel ka hmuh rualin thinrimna sawihleih theih loh hian min tuam hlup hlup a, eng nâ mah nei hmel a pu lo. Thíp zetin min melh rûn a, a fanu ka ni tih hi awih a harsa a ni.

"Amel, eng nge i lo tih dawn, Los Angeles-a awm tur i nia sin," khum aṭanga rawn ṭhu chhuakin buaina a inhnamhnawih lo niawm fahran hian a ner suk a.

"Ka pa i ni meuh em?"

"Eng nge i sawi awmzia, i pasal uikawm lutuk khan dâwt fahrah tê tê a lo hrilh che em ni?" Tiin Locker-a tui bottle chu a ban zui zat nia.

"Ka pasal sum leh pai i ît vangin kei hi hmanruaah min hmang tih hi thudik a ni em?" Ka aw chang fal avang chuan mitko a sân uk a, tunhma zawnga ka la hmuh ngai miah loh a mitmeng vervek lutuk chu ka hmu thiam chiah.

"Amelia nge nge thil i man chak hle mai, i nu nen ka lo that hmasa zâwk lo che u hi ka tihsual lian tak a ni," zak ṭhak lova atih chuan ka thin tertek a chhuak phut! A hmaiah nâ zetin ka kut veilamin ka hnek bur a, a la nui nia maw le.

"Mrs.Evans, kutthlâk theihna dan i nei lo a nia," ka bula Police pahnih ding chu rum lutuk hian ka melh a, "Nei tehreng mai, min hringtupa in khawvela kan awm duh lova min thah a châk thu a sawi lai hian ka lo nui sâng ang maw! Teuh lo mai, a phu tâwk hremna petu tur chu keimah a 'blood type' ngei hi ka ni e, in duh chuan min dan han tum chhin ula," tihpahin ka pa kawr âwmah chuan ka ṭhâm a, a mitmeng luhlul zet leh Chapo âr hi tun hunah ngei ka tihtawp sak dawn a ni.

"Amelia, i pa hi kut min thlâk ngam a maw! "

"Khatiang kha kutthlâk pawh va ni suh, ka pa ṭha takin ilo in enkawl dawn nia, i tupa hmel i hmu ve lo tur erawh pawi ka tihpui khawp mai che, Apartmentos kha ka hralh dawn a, ka nu chu ka hnenah a cheng ang, chuan i lo hriat ve mai mai atan Santa Monica-a Enchante Hotel pawh kan inneih Anniversary-ah ka fapa Luis Soreno Evans hmingin ka dah ang, i dam chhunga Jail bang i zût tur hi ka khawngaih lâwk che, i fanu hian chhanchhuak duh viau che mahila ka thei lo ang tih ka hlau viau a ni; i thah tum ber ka pasal kha a thi miah lo," thawchham lek leka ka ṭawnglai chu Felipa Lopez chuan min en reng ringawt nia.

A beng bulah kun hniamin, "Lopez ka ni tawh lo, Evans ka ni," ti sapin a biangah ka chûl zauh a, a hmel dâng ta lap ka hmuh chuan ka lainat ve deuh. Mahse, tihlan erawh ka tum lo bur. A thiltih sual man phur ngam lo tur khawpa nêp a ni lova, Spanish pachal a ni tlat alawm..

"Kan kal dawn em ni ang," tiin Police pa chu ka melh zauh a, ka pa nena kan inbiakna a record chu ka kutah min hlan rualin a nui suk a, "Mrs.Evans, i tihtur diktak i ti a ni." a khabe hmul pawt zauhvin kawngka lam a pan ta a, a hnungah ka zui ve nghal bawk.

"Amel...! Min ngaidam thei angem?" Ka pa aw zawi ruih chuan ka pên lai a titawp chat a. Hnunglam erawh ka hawi lêt lo.

"Ka pa, i fanu ka nia lawm, ka hming hi Evans nimah se, ka thisen erawh Spanish a ni, ka ngaidam thei che a, i pawikhawih erawh chu ka theihnghilh thei lovang tih i hriat kha Buena Noches(Mangṭha le)" tiin vawikhat pawh hawi lêt tawh lovin Cabin chu ka chhuahsan ta a.

Ka thinlung a nâ lo ka tih chuan dâwt ka sawi tihna a ni dâwn a, ka pa vâng hian ka pasal pawh kalsan a ṭul dâwn tih ka hria, tunge amah thah tumtu fanu chu nupuiah duh rêng ang ni!?

Guimarés, Pintagoras
Private Hospitals
Spain Madrid
Jerome Evans

Damdawi in khumah a saisir zawngin ka mu a, vawiin hi ni ruk ka awmna chiah a ni. Ignacio pawh tukkin lamah a rawn harh ve tawh a, nunphung pangngai kan zawh ṭan leh thei dawn ta tih ka hriat rualin ka hlim hauh si lo. Engtin nge ka nupui hi ka tih tâk ang, mipa ka nihna angin ka ngawi ral mai dawn nge? Inṭhen turin thu ka titlu dawn tihah ka la inngaihtuah buai reng chu a nia; Luis ka ngaihtuah chhuah apiangin inṭhen ka ngaingam lo leh ṭhin.

"Jefe, madam lokal laia muthilh der kha a ninawm ngawtin ka ring,"Sam an a rûkin wine min lo ken a, ka taksa tân a ṭhat loh vang nilovin he hospital hian dân an nei deuh thlap a, Patient reng rengin Alcohol lam chi in loh tur tih kha a nia, kei erawh chu ka naute hian min duhsak liam liam a, doctor round zawh hnuah ka in mai zel. Min la man chhuak lo phawt chu a nia.

Nitin Amelia a lokal ṭhin a, bodyguard in a lo thleng tih an sawi rual rualin ka muhil der tlat zel a, nimin khan Luis a rawn hruai tel ve a, ka hmuh châk êm avangin vawikhat chu ka meng dere hrâm! A che thei lo zawk ka nih tlat avangin leh damdawi in a awm lai ka nih vang hian Amelia chungah engmah ka lungnih lohna ka lantir hran lo va, Spain thleng thlenga min rawn umzui hi chhan ṭha tâwk tak a awm turah ka ngai.

"Jefe, madam alo thleng..!" Sam chuan ka no ken lai rang lutukin min chhuhsak a, ka nupui hûhâng hian ka naute ho ala tibuai reng tih ka hria.

"I muhil der leh dawn em?" Sam thusawi avang chuan ka nui suk a, ka nuih a za tak tak bawk. Cabin kawngkhar inhawng ri ka hriat rualin ka maimitchhing zui ta a, ka nuih ala za deuh tlat.

"Sam Orego, I boss chu eng nge a lo an le!?" Amelia rimtui hman rim chuan ka hnar a verh zar a, nichin khan puanin ka lo inkhuh hman ta lo a...

"Ma'am, a rawn harh zawk a, a muhil leh chiah.." Sam dâwtsawi chuan min nuih chhuahtir ṭhelh nia!

"Ok, a ṭhat chu, zaninah Apartment lamah lêt la, keiman ka awmpui ve tawh ang, Luis pawh buaipui ngai ani hran lova, i bialnu thawveng zet nen hunthâwl ka pe ang che u."

Sam leh Christy a sawina tih ka hria a, engtin nge a hnial ang tih ka ngaihtuah rauh rauh laiin Sam chuan, "Ma'am, a pawi ka ti khawp mai, Christy chuan min hrethiam lutuk tlat, Jefe dam ṭhat hma chuan awmpui ka tum a, chutiang bawkin Ignacio pawh.."

"Ah, chuti a nih chuan ka pasal tifai tur hian hun min pe ve lawk dawn em ni ang,"

"Nurse in a tifai tawh.."

"Sam, dâwt engzat sawi turin nge Jerome nen in lo inremsiam a, a fai nge fai lo chu keimah ngeiin ka check ang, wine rim nam hum hum te hi ka hre lo emaw i ti ange, i hnâ thawh zel i la duh chuan dâwt sawi tawh suh," ka nupui ṭawng chang fak avang chuan Sam chu a ngawi ta vang vang a. Kei erawh ka muhil lo tih a hriat ka hlauh êm avangin thâwk pawh ka thaw ṭha ngam lo.

"A taksa hrûkna tur ngaihtuah la, an tihfai dâwna an hman hman ṭhin chu i hriat kha," tiin a pen ri thlap thlap a, an zaina kha a dam ṭha tawh tihna em ni ang, nge ani hian luhlul chhuahin a rawn pal lui leh zawk pawh ka hre lo.

"Ma'am, Jefe muhil lai tihharh hi a sual thlâk deuh lo maw!?" ka thlavang hauh zeta Sam ṭawng chu ka ngaithla reng a, he pa hian thil a tikhawlo takngial dawn, an inhnial a nih vaih chuan Amelia hi a duai lo leh nasa dawn tih ka hriatpui vek.

"Ka sawi ang chuan ti mai rawh, a mamawh tur chu min lo lâk la, min chhuahsan dawn nia," Ka nupuiin atih chuan Sam chu washroom-ah a lut ta a ni ngei ang, a ṭawng thâwm hriat zui tur a awm ta lo a, ka mut achhuak eih si lo, min hrufai dawn chu a ni a, ka insûm tluantling thei angem?

"Ma'am, puih i ngaih tâkah ka lo awm ve zawk ange," Sam ṭawng thâwmah chuan ka meng dere leh a, tui leh towel fai bucket tê-ah a rawn khai lut a, eng ang pawhin dil mah se ka nupui hian a hnial dawn tih ka rin hriat mai.

"Puih ka ngai anih chuan ka lo ko ang che, nge i boss hmanrua hi i hmu châk viau zawk!?"

"Eng hmanrua maw!?" Sam zawhna chu ṭul lo ka'n ti khawp a!

"E, Luis a siamna hmanrua hi i hmu châk a nih chuan, a muthilh lai hi a remchang khawp ang, a kekawr saw lo va hlip ta che,"

"Ma'am, chutiang...englo..ka sawi tum.." Sam ṭawng bah nawk nawk avang chuan kut ka hûm ruh a, fiamthu thawh nan min hmanga hriatna ka nei, ṭawng chhuak lo turin ka insûm ngar ngar a..

"I sawi tum chu ka hria alawm, le, min puih a ngailo tih chu i hriatthiam ka ring," Amelia'n atih leh tâkah chuan Sam chhuak thâwm chu ka hre zui nghal a, a tlâwm leh ta nge nge e.

Ka nupui kut lum thar tharin ka pyjama a rawn hlih chuan ka che hrat a, a kuta min tawh lohna chin hi a rei tawh êm asin! Chutih rual erawh chuan Elias bianga a fawp lai kha ka hrechhuak nghal zat nia.

"Jerome Evans, i mit kha meng la, min en rawh.." Ka la meng duh chuang lo a, ani têreuh hian ka muhil lo tih a hre lo tawp ang.

"A ṭha e, i duh chen chen chu muhil der la ti nia," tih pahin tui vawt lutuk chuan ka mipatna a rawn tihuh ta a, ka phu chiang ngei mai, a towel ken chu ka hmai bulah rawn khâi langin, "Ni li chhung ngawt min pehhêl tawh a, kei hi ka ngawi reng turah i lo ngai a ni ange, Jerome," tihpahin ice cube chu towel-in a tuam a, ka nghâwngah te, ka pum leh ka malpui velah a dep kual ta sek a, men loh theih pawh ni nghal lo chuan..

"Eng nge i hriat a?" Ṭawng loh ka tum kha a nia, a âtthlak teh e..

"Eng nge ka hriat vak anga, i damdawiah hian muthilh derna an telh em? Tih doctor ka zawh ngei angai ang," tihpahin ka mipatna chu a kut vawt tak chuan a hûm tâ a, "Duhtawk rawh, Elias Sanchez ka nih loh hi.."

"I nih loh vang reng alawm, duat taka ka enkawl che, Elias angah ngai che chu ni ila chuan.." a sawi zawh rualin ka malpui na lai chu a rawn hmer salh a, ka rum nghal hrâwk!

"Amelia, chimawm chhuah tur ringawtin em ni i rawn kal?" Zawi supa ka tih tâkah chuan, "Chimawm chhuah hmasa zawktu chu nangmah i ni, Jerome, Elias nena kan chungchang hi sawi tur i nei a nih chuan zêp ṭhen lo khan tunah sawi rawh," towel huh chuan min hru thuak thuak a, a thinrim hmel tehlul nen a kut erawh a dam phian!

"Sawi tur ka nei lo, nihnih hnuah hospital ka chhuahsan dawn a, chumi hma ngei chuan ka Apartment i lo chhuahsan dawn nia, Luis chhuanlamah hman tum bawk suh.." Ka thusawi chuan a ṭhâwng deuh nge min en hau a, LA-a ala awmlai daih tawh khan min kalsan turin ka hrilh tawh, Ignacio khan a hrilh ngei ka ring bawk si. Tunah lah makti hmelpu in min en leh lawi sia!

"Kan contract a la tawp hleinem, thla thum hun ka la nei a, chuti maia chhuah ka tum lo," towel huh chuan min rawn vawm a, "I duh ang anga i chawhkawi tur mihring ka ni em ni? Kan inneih dan chungchangah fel lo awm mah se, kan inrem tawh emaw ka lo ti a, Spain i pan hma kha chuan hetiang mizia hi i put pawh ka hre lo," a ni leh ni lo angin a ṭawng zawi sap nia!

"Kha hei hi en rawh," tihpahin ka phone chu ka pe a, Spain kan pan zana kan room-a thilthleng kha ennawn ka tum tawh lo.

"Hei hi eng nge?" Video a en lai hmel chu chîk takin ka lo en a, maktihna te awih theih lohna te a lang dawt zut a, chutah thawhuai chunga phone chu min pe lêtin, "Min lo ring ngai miah lo a ni tih ka hre ta, ni eng emaw zat min pehhêl te, Sam leh i pa, Juan takngial pawhin min biak ṭhat duh lohna chhan pawh ka rin hriat mai!" Tiin a nui lui sak a, "Insawifiah ka châk rualin ka sawi lo zawk mai ange," ka chhânna pawh nghâk lovin a chhuak ta a, kawngka a Sam lo lut tur nen an intawh pawh chuan zuk en duh ṭhak lo va..

Amelia chhuah hnuah ngawirengin ka en ngai ka en reng a, Sam paw'n min biak a tum bik lo. Kan boruak hrethiam turin a fing tawk bawk.

"Jefe, madam kha.."

"Ka entir tawh a, insawifiahna tur a nei lo a ni ange.." tiin ka mut dan ka siamrem a, Dr.Patricia a rawn luh tâk avangin engmah kan sawi zawm tawh bik lo.

"Jerome, i nupui iti lungawi meuh nange?" A rawn nui lut var var a, doctor hmelṭha tak a ni. Ka nupui a tluk lo deuh tih mai loh chu..

"A lungawi lo tih pawh ka hriat si loh.." Ka malpui hliam tuamna chu a keu zui nghal a, "A hil chak khawp mai, nihnih hnuah inchhuah theih ngei ka beisei," nui var var a atih chuan za vak lovin ka lo nui ve a, Apartment-a haw pawh ka châk lem lo.

Cabin tukverh darthlalang phêna ka nupui ding ka hmuh chuan ngaihtuahna thar ka nei thut! Kan ṭawng a hre pha dawn chuang lova, "Patricia, min lo hrethiam lawk.." tihpahin ka lamah ka kuaihnai a, a hmuiah ka fawhsak ta a, Patricia makti âng pam chu a aia duhthawh lehzualin ka fawp ta a, ka mitsirin ka nupui ka melh zauh a, ani paw'n min en ve reng.

"Sam, va enzui rawh le, i pi chu.." Amelia inher nghauh ka hmuh rualin Sam ka tir zui nghal a, a lo hrethiam tehchêk a ni ang chu..î he lovin a chhuak nghal hmak..

"Jerome, i sawifiah ngei angai a nia," Patricia chu a nûr nâng a, "Ka nupui rilru hriat nân ka'n che lawk a nih kha," ka tiliam puat a, "I nupui khân a hmangaih hle che tih ka hria ania.."

"A luhlul lutuk sâwinghin dan tur ka ngaihtuah mêk a ni, min puih hreh loh chuan hospital kan chhuahsan hnuah pawh min rawn tlawh fo angai dawn a nia, i puihna ka mamawh," tlang takin ka hrilh hmiah.

"I ṭhen phal si lova.." inti hre zeta atih chuan ka bu nghut a.

"Ignacio hi min pêk phal dâwn te chuan i hna chu ka thawk ang," za lutukin a nui a.

Mateo Ignacio leh Dr.Patricia maw!?

"Kei chuan ka phal zân, Ignacio chu i buaipui thei ang," ka malpui a tuam ṭhat hnuah nui ṭhâ chungin min chhuahsan ta a.

Ka nupui chêt lâk dan tur ka hre châk khawp mai. Min hmangaih takzet anih chuan eng emaw tal chu ati ngeiin ka ring.

MJS Apartment
Jerome Evans

Vawiin hi Luis thlakhat a tlin champha a ni a, kei pawh hospital aṭangin ka chhuak ve chiah a, Ignacio erawh ala chhuak ve thei lo a, ngaihtuahawn lutuk a ni tawh lo thung.

Ka Aparment reh ruih chuan ngaih te pawh a tiṭha lo rum rum alawm le, Joe leh Jacinta chu ka thupêk angin Santa Monica lamah tukkin khan an kal tawh a, Sam leh Christy, ka nupui leh ka fapa chauh Apartment-a awm tur kan ni.

"Jefe, madam a awm lo a nia.." Sam chu hmanhmawh zetin kan pindanah a rawn tlân lut a, ka bula Luis muhil chu a melh ralh bawk.

"A chhuak lai i hmu em?"

"Hmu nâng, Christy zawkin a hmu a, min hrilh.."

"A thawmhnaw a awm em han enchhin teh," ka sawi zawh rualin Amelia thawmhnaw dahna chu a hawng zui nghal a, engkim a ngai vekin a awm!

"Ama chênna hmunah a awm em tih Manuel emaw Roshima pawh zâwt nghal rawh," ka tih chuan rangtaka a phone phawrhin pindan chu a chhuahsan ta a.

Kan haw hlim aṭangin Amelia ka la hmu miah lova, Luis erawh Christy kutah a awm vangin ka lo ngaihsak lutuk lem lo, hmânni a kan boruak vel vang khan ngai a awh ka ring chiah lo hrim hrim a, min hruaichhuak tur pawhin a rawn kal lem lo. Ka rindan sa kha a nia..

"Jefe, Apartmentos te chu madam in a hralh daih tawh, Manuel, Roshima, Mrs.Lopez pawh Spain-ah an awm tawh lo, an kiangah madam a awm lo bawk," Sam hlauthawng hmel ka hmuh chuan kei pawh ka dang chuang lo. Apartmentos a hralh tih pawh ka hriatpui miah lo a nia, eng ruahmanna nge maw a neih le..

"Sam, a lo haw veleh mai lo'ng maw, khawiah emaw a kal chhuak lawk a ni ang," ka ti taknâin ka rilru a nuam chiah lo.

"Ok, duh leh ngaichang chhin ila," Sam chhuah hnuah damdawi ka ei leh tê tê phawt a, Luis tui taka muhil chu en in, 'I nu hian ka thluak a tibuai hneh ve ngawt mai tiraw..' tisupin a sam dum hlap chu ka chûl a, ka fapa ka hmangaihna leh ka nupui ka hmangaihna hi a inangreng asin le, a dân a dang mai pawh a..

After 4 hours.

"Jefe, madam awmna kan hre tawh!" Christy chu kan pindanah thawmdim zetin a rawn lut a, a hnungah Sam an a lo zui bawk a, "Tunah khawiah nge a awm a, rawn hruai haw nghal rawh u," ka thin a rim hlur tawh a, tunah khua a thim tawh a, dinner ei hun a ni ṭêp tawh bawk. A fapa ngaihsak lêk lovin darkar nga chuang a thangbo thei a nia.. Lutuk a..!

"Ah, Jefe..chuti maia hruai awlsam a ni lo," inthlahrung dâka titu Sam chu ka melh a, "Khawi hmunah nge a awm!?"

"Enchante Hotel hnung lama thingkungah khan..."

"Eng a...!?" Ka aw chu leh..

"Ka sawi ang chiah kha a nimai, thingkungah a awm e, mi eng emawzatin an thlir ṭhup a, a manager ṭhin Franco pawh a beidawng ṭhak tawh," Sam an atih leh phei chuan ka tâwt up up a, eng mualphona nge ka la hmachhawn leh dawn tih pawh ka ngaihtuah thleng ngam tawh lo.

A luhlul si a, tuman an ko thla lo tawp ang.

"Car thlengin min hruaithla la, a bâk chu ka sawi ang zelin i ti dawn nia.." Sam nen muangchangin inhnuai lamah kan chhukthla a, ka taksa ala dam ṭha lo nasa mai si a, mahni a kal chi pawh ka ni lo.

Enchante Hotel hnunglamah Sam an Car chu khalh lutin mi sawmhnih vel lo dinna piahah chuan car chu a tiding ta a, ka thil hmuh hi ka awih thei lo..!

Eng anga mawlin nge a lo chêt leh tâk ni..!

Thingkung sâng zet kâkah ka fapa nu chu Whisky ûmkhat hûmin a lo ṭhu a, a mitmeng a ṭang reng reng pawh chuan a harhfim lo tih a hriat reng mai, ka thinrim tih ngaihna hre lo chuan thâwk ka la huai a, Sam an car kawngkhar a hawn a ka chhuah rualin Amelia au lang lang ri chu ka hre zui nghal a...

"Por favor me Alguien ayuda, (Min ṭanpui rawh u, tu emaw khan..)" nui ar ar chungin ala ṭawng zui a, a hnuaia mipa ding ho chuan hmuh chian tumin an vanvadâk hâ hlawm a, eng style ṭhing lutuk nge a chhawpchhuah pawh a inhre leh tawp nâng..!

"Sam, a lâwnna thingkungah khian lawn ve la, rawn hruaithla rawh.." ka ti sup a, MJS Company chairman nupui ve meuh tih atân a chuan a zahthlâk tih piah lam a ni.

"Lady ka ni lo, doctor pawh ka ni lo, actress pawh ka ni chuang lo, keimah Amelia Lopez," tiin a âu lauh lauh a, a hming sawi tel kher lo se chuan khua a thim tawh a, a hmel a hmuh chian theih vak loh asin le..!

"Sam, hnlmanhmawh rawh," tiin ka tur sek a, kei lah chu lâwn ve chi ka ni der si lo..

Sam, thingkunga lawn a tum lai chuan a whisky inbâng chu rawn leihbua in Sam lu ah tak a far a, ala nuihzat em em a, "Sam Orego, i Jefe chu rawn kaltir ta che.." tihpahin rawn chhuk a tum a, a rui miah lo, khawthim hnuah pawh Sam a hre chat thei a nih chuan rui chhia a ni lo, a tider anih rinna ka nei a, han kalsan ngawt dawn ila, thil tihchi nichiahin ka hre si lo! Haji..

Zawimuangin thingkung awmna lam chu ka pan phei a, chutih lai tak chuan Bike pakhat chak lutuka min rawn tlanpeltu chu ka hmu thawi fua! Tunge anih pawh ka hre bik lo. Thingkung hnuaiah chuan dingin, "Duhtak, lo chhuk rawh le," tiin dam thlap hian a ka nupui chu a thlêm ta a, thingkung bul ka thleng ve chiah!

Chu pa chuan helmet a khum tlat avangin tunge tih rindan ka nei lova, a aw nise, ka hriat hnu a nih pawh ka hre chuang lo. Chu pa thusawi chu zawmin Amelia chu a rawn chhuk ta a, ka ring dik chiah. Rui chhia a ni lo.

Min tihthinrim a tumna mai a ni. A mizia hi ka hrechiang ve thawkhat tawh..

"Mourizo Soreno, mangṭha le.." tihpahin inthazo zet hian bike ah chuan a lawn a, an zai ani tih hriat theihna tur pakhatmah a awm lo. A mitmeng sen râm a min huatna lo lang kha ka hmu hman, chutah helmet khum ve in, ṭawng chhuak tura ka ân rual chuan chak lutukin an tlânchhuak ta a, tunge a phurtu kha tih pawh ka hre ta chuang lo..

"Sam, car-ah lut ila i umzui ve nghal teh ang,"

Amelia te tlânna lam kawngah chuan chak fêin kan tlan zui ve ta a...

End of chapter-22

©<++++[BeckirafARenthleI]++++®

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 25th, 2018, 11:54 am

ENCHANTE LOVE SORENO
(Quieres Casarte Conmigo?

Becky Rafa Renthlei

Chapter-23

32 Street
La Barracca Bar
8:50Pm
Jerome Evans.

Ka nupui hian eng buaina liamtham nge min thlên leh dawn tâk ni! Sam-an car chak lutuka a khalh chung pawhin kan hma a tlân te chu umphâk ngaihna a awm lo, sawtiang em em a Bike khalh thiam chu mipa namai lo tak a nih ngei ka ring a; a hnungah ka nupui chu sam phe lâwp lâwpin ala ṭhu zui a. A kut pahnihin Bike khalhtupa chu nghet fê-in a kuah bawk a, ka thin arim tet tet..

Luis ka ngaihtuah chhuah phei chuan Amelia hi vuak lawlh tlak a ni. A nu hnute tui a ring lo hlauhva, chuti ni lo se chuan ka fapa khawngaihthlâk tur zia hi..

"Jefe, Bike kha ka hmu tawh miah lo.." Ka ngaihtuahnaah ka lo chêng lutuka Bike kan ûm leh ûm loh pawh ka hrechang tawh lo.

"Engtin nge i hlauh theih!?" Sam chu vin viau ka tum laiin ka thiamlohna chin pawh a awm ve thova, Dr.Patricia ka lo fâwp khanglâng kha ka tih loh tawp tur a ni, ka nupui nunphung ṭha lo ka vulh thâu mai mai lek a ni! A nungchang chimawm kha a sim ve tawh asin le..! Tunah erawh a ngaiah bawk ka inham buai leh ta chu a nia.

"Ka hmu leh si..!"'Sam-a enna lam ka hawi ve chuan 'La Barraca Bar' kawtah ka nupui chuanna bike ding chu ka hmu ta a, thil zahthlak a tih hma ngei a kan hruai haw ngei a ngai dawn a ni.

"Jefe, lokal ve duh loh mai rawh, i intina zual ang,"

"Kei ka nih loh chuan tumahin an hruai haw thei dawn lo tih ka hria alawm Sam, ka nupui mizia chu i hriat kha.." Car aṭanga kan chhuah chuan 'Bar' thâwm bengchheng zet chu ka hre hmasa ber a!

Music ri dup dup kârah chuan Sam nen kan inhnawh lut ve tâwlh tâwlh a, mipui lam suau suau leh glass no inkhak ri te chuan ka beng a luh ngut ngut nia! Ka dar hliam ala dam fel lova, ka malpui erawh chu a zia viau thung a, henglai hmunah hian eng thilmah tih tur a awm lo, Amelia awm ngaihna hre lo lutuk thunun nan hian sum engzat pawh khawhral ngai dâwn mah se ka huam zân..

Thil pakhat ka rilrua lo lang chu, eng ang mi pawh nise ka nupui leh ka fapa nu a nihna a bo chuang lo a, a mualphona leh a mawi lohna hliahkhuhtu tur chu kei, a pasal ngei hi ka ni. Ka hmangaih tlat avangin..

Dawhsan lamah chuan ka pen chho zel a, "Jefe, whisky nokhat tal te chu dawm ve ila helai hmun thlen ve manah," Sam nui vur vur chuan kan kal chhan min theihnghilh tir ṭhelh nia!

"Lutuk e, waiter kha ko la, kan pahnihin kan dawm dun ang chu, i madam chê tla lai uluk zâwka kan hmuh theihna lai tur ṭhutna remchang kan melh ange.."

Sam chu phur zetin Bar counter-ah chuan a phei a, intihhlimna hmunah an kal khât ve êm a, a awm ve tho mai.

"Lady, lampui duh tan hun a inhawng e," Stage lam chu ka hawi chho a, mi chi hrang hrang lam suau suau zingah ka nupui chu pawnfen chhing lutuk fêngin a lo intheh kual vel nia! A lampui pa pawh tudang nilovin 'ka ṭhianpa' ti a alo sawi fo ṭhin Pablo Salvador a ni.

Engtin nge helai hmunah hian alo awm daih theih!? Los Angeles-a ka hmuh bâk kha vawikhatmah ka hmu zawm tawh miah lova, a boyfriend a lo ni reng tihna em ni ang!?

'Pablo Salvador' ti a phun supin kut kuangkuahin an lamdun chu ka thlir ta a. Ka lung erawh a âwi zân lo deuh!

Amelia ruangam nalhzet leh inkhaithli thlarh chu nula lâm ve ho zingah chuan a langsar bik nalh a, a kawr hâk senno chuan a taksa a phuar ṭang a, a hnute kawh lah leh a kawngfêk rât chu alang chiang ngei mai! A mawngbâwr atih chêt rualin a under wear tlang a lang zeuh zeuh bawk. A mitmeng buangthák ṭhin kha a a phî chiai a, a harhfim hlawl tawh lo tih pawh hrilh hranpa ka ngai hauh lo.

"Jefe.." Whisky tak ṭha zet Sam an min pek chuan ka lo ban vat a, rui khawp erawh chuan in ka tum lo.

Amelia chuan Pablo beng bulah eng emawni hi a hrilh zauh a, Pablo rang taka kalsawn chu ka enzui zel thung, muisic play tute awmna lamah chuan pheiin a tihtawp tir ta a, thawm a reh ta duk mai. Dawhsan lâi takah Amelia chu dingin a nui sâng a, a hmelṭhat zia a inhre der silo.

"Damas y Caballeros (Nula leh Tlangvalte u)" Amelia au lâng lâng ri chu an bengkhawn ṭhup a, Sam chuan maktih hmel takin ka nupui chu a en a, "Jefe, ka han hruaithla dâwn em ni ang," atih chuan, "A duh ang khi tihtir phawt rawh," tiin Sam kutah ka vuan a, a ngaihna hre lo hmel pu!

"Sasa danza( Spanish lamdan chikhat) en duh zawng tan helai hmunah hian dollar sawmnga zel dah khawm tur," Amelia chuan Bar counter lam chu a kawk zauh a, amah hi lâm a tum em lo'ng chu!

"Bien, bien, bien,(Aw le)" Bar chhunga awmho chu an au dual dual a, Bartender chuan pawisa khâwnin a tlingkhâwm hmasa chu counter-ah a dah zel a, minute nga chhunga a khawnkhâwm pawh tam tak a ni.

"Estás listo (In inring em?)" tihpahin Amelia chuan Pablo chu a signal zauh a, music ṭang tak arík rualin 'Sasa danza' ngei mai chuan a inthehkual ta a, rui phur tih hriat reng reng hian pawisak tehchiam a nei lo! Amah a hleitlingin a nalh zuai si a, Spanish hmeichhia ani tih a lang hliah hliah bawk.

Bar chhung ri nuai nuai kha a reh ṭhup a, a hmei a pa in ka nupui hnehsawh zeta lâm chu an thlir ṭhup nia! Pawisa lah an thâp sâng tulh tulh a, Pablo Salvador nena an lamdun lai phei chuan nghet takin ka no ken chu ka hûm a, vawm ṭhuai lo turin ka insûm nasat angai viau!

"Jefe, music saw ka off ang aw," Sam- an ngaisang awm fê a ka nupui amelh zauh zauh chu ka hmuh hmaih bik lo. Hetianga lâm tur hian ka lo beisei ngai lo, engpawh mai hi a hnehsawh em em zel zawng a ni e! Ka nupui 'Kawlhteii' hian..

"Yes, off la, a duh emaw duh lo pawh nise i rawn pawmthla dawn nia," Sam kal hnuah whisky nokhat ka tlâk leh tê tê a, ka nupui hi ṭhen pawh ni ila, ka hlim chuang lovang, amah hi ka 'addict' a ni ber mai.

Sam chuan music bengchheng zet a off rual chuan mipui thâwm a ri huk a, Amelia pawh Pablo âwmah a bei thlap bawk! Khi mihring khi engtia tih chi nge ni ang aw!?

Counter lam ka va hawi chuan dollar eng emaw zat hi Manager chuan a lo chhiar nuap nuap a, ka nupui lâm hlawh a ni. Chulam pan chuan ka phei ta a, "A vai khan min lo pe rawh," Manager makti hmel ka hmuhin ka nui suk a.

"Sir, hei chu kan nula hlawh tur khi a nia, zanin hian amah vangin Wine leh Whisky kan hralh hnem hle asin," Pawisa chu a chhiar chhunzawm leh a, ka rin aiin a tam phian!

Sama'n ka nupui rui ṭhing zet chu a rawn pu lâwp lâwp a, a hnungah Pablo Salvador in a rawn zui bawk a, anmahni kâwk zauh pahin,"Nula itih saw ka nupui Amelia Evans a ni e, pawisa kha min pe dawn nge i Bar-a Wine leh Whisky kan supply ṭhin hi ka titawp zawk dâwn?"

"Englo Sir..." Manager chuan a pawisa ken lai chu min pe nghal sawk sawk a, ka ît vang nilovin hmanrua atana ka duh vang zawk a ni.

"MJS Wine company siam chhuah, intur i la zuar duh anih chuan zanina thilthleng hi theihnghilh hmiah ang che, a thâwi pawhin a ri chhuak a nih chuan a pawi khawp ang, i customer te thunun la ka nupui ani tih an hre tur a nilo, CCTV record-a ka nupui lanna zawng kha tunah ka duh nghal ania," ka sawi zawh rualin tuemaw pakhat a hûi ta zauh a.

"Mr.Evans, minute sawm hnuah i chênna hmunah kan rawn dah dawn nia," nuam lo tih hmel zetin a kut a vai sek lai chuan ka chhuahsan ve ta a.

"Jefe, helamah," Sam chu car bulah alo ding tawh a, Pablo Salvador pawh a bike chungah ṭhuin ka lam a lo hawi vung vung a, "Mr.Salvador, dam ila duh chuan ka chênna hmunah min lo zui ang che," car-ah ka ṭhu lut nghal hmak a, a hnung seat-a ka nupui muhil chu melh zauhvin, "Sam, hmanhmawh deuh ang aw," ka ti ta a.

Amelia irhfiak uk uk avang chuan Sam an hnunglam a hawi leh zauh zauh ṭhin a, ka nupui hi engtin paw'n awm se ka naute ho hi chuan an hmu khawlo chuang lo, a chhan chu an ngaisâng laklawh ve tlat!

Ka Apartment kan thlenin zan dar sawmpakhat a ri tawh a, dinner pawh kan ei lo, Luis ka rilruah a rawn lang nghal a, car hnung seat-a a nu rui chatthla hi hrethiam ve mah suh se a hmuh ka duh miah lo.

"Sam, ka nupui kha kan pindanah pawm chho la, Pablo Salvador hi kan be lawk ange," tiin Bike aṭanga rawn chhuk mêk Pablo lam ka hawi a, Amelia nen an inrualkhat velin ka ring.

Mak takin ka thîk hran miah lo nia! Ka nupui hian mipa a ngaisak hlawl lo tih ka hrechiang a, a thinlung la ve tu ber Mourizo lah kha boruakah a thâmral tawh si, a pasal pawh min ûksâk tehchiam lo a nia, ka tân mipa dang thîk a ngaiin ka hre lo.

Chuzawng ai chuan a nungchang chimawm lutuk leh rilru puitling a pu lo lutuk hian ka thluak a tibuai zawk.

Study Room
MJS Apartment

Pablo Salvador nen inhmatawnin kan ṭhu a, zanin hian engkim hriat fai vek ka tum a ni.

"Mr.Salvador, ka nupui nen hian eng inkungkaihna nge inneih?" Ka ti nghut a.

"Mr.Evans, i nupui hi ka ṭhianṭha tak a ni tih i hriat kha," tiin ka mitah tak min en a, zâm hmel a pu hran lo.

"Engtin nge zaninah khan a awmna hmun i hriat theih zawk a! Los Angeles-a awm tur i nih laiin Spain-ah kan inhmu leh daih si!" Ka tih chuan a ngawi vang vang phawt a, chutah..

"I nupuiin a hmangaihna che hi engtia rei nge i haider dawn a, eng chen nge i tihnat dawn!?" Zawi sapa min zawhna avang chuan ka ṭhu ngil a, ngun takin ka en ta a.

"Kan nupa inkâr buai chu kan chingfel mai ang, i lo inrawlh angai lo,"

"Mr.Evans, Amel hi ka ṭhianṭha tak a ni tih vawi engzat nge ka sawi dawn le, hlim lo taka a awm lai hi hmuh ka duh tawh lo ania, kum thum kal ta a Elias nen an inṭhen khan a kehchhe vek tawh a, tuna a nungchang maksak tak te hi engtik aṭanga lo inṭan nge i hre tawp nâng, i ṭhen dawn a nih loh chuan hmangaih leh duat taka enkawl hi a phu a ni." Tiin ka kutah pendrive arawn hmehbel chawt chawt a..

"Eng thil nge?"

"I ngaihthlâk hunah i hre mai ang, avai khan en vek bawk ang che," kawngka lam a pan zui nghal a, "Khawiah nge i kal dawn!?"

"Spain-a ka lokalna chhan chu Amelia Bike kha ka leichhawn sak dawn a, amah ka rawn hmuh dan erawh duhthu a sâm lo khawp mai," tiin ka chhânna pawh nghak lo chuan a chhuak zui ta a, a pendrive min pek chu en ka tum lo deuh dâwn a, mahse, eng nge awm tih tal te chu hriat a châkawm ve alawm le..

Kan nupa pindanah ka chho ve ta nghal a, khuma ka nupui mu chu ner suk chungin ka en a, a mutkawr hâk a inhlim deuh avang chuan a pum an zaina ser kalh chu alang raih a, rinai takin a dam ṭhat hmel! Tichung sawn a la lâm ve tak âwt âwt a, khawvel hi a ta emaw ati tak tak tawhin ka hria!

Laptop-ah Pendrive chu vit lutin screen a lo lang ka hmuh rual chuan ka mengphar âwk nia!

Spain kan chhuahsan zana Elias kan nupa pindana lut lai leh Pistol-a ka nupui atin lai chu chiang takin alang a, khami zana thilthleng zawng zawng a vaiin Pendrive-ah chuan a inrecord vek, Amelia'n game a khelh avangin an zavaia him anni tih pawh hrilh hranpa ka ngai lo.

Kei hian pawi liantak ka khawih zâwk a ni. 'Ka hmangaih che' ti a ûi tak chunga min thlah lai kha ka mitthlaah a rawn lang a, Joe leh Jacinta'n Elias an sawisa lai ka hmuh phei chuan ka lo insehruh ve nasâ!

Screen-a Felipe Lopez hmel lo lang ka hmuh leh lek phei chuan a hma aiin mak ka tizual! Hospital khumah muin Police-in an vil rân a, Amelia hmel chang rât pawh a rawn lang ta a, a pa a hnek lai te leh an thusawi engkim chiang taka ka hriat tâkah chuan ka tukkhumah kut suihin ka thawchhuak nghal hawk, a pa nen pawh an ṭangrual miah lo!

'Lopez ka ni tawh lo Evans ka ni' hniam chhaka ka nupui ṭawng kha ka bengah ari nawn tlut tlut nia! Min ngaidam thei lo ta se engtin nge ka awm ang!? Laptop ka khup rual chuan kawngkaah Luis pawmin Christy a rawn pen lut ve chiah a..

"Jefe, Luis hi ka riahpui dawn nge in bulah ka lo dah dawn?

"Shower ka nei zuai anga, min lo nghak lawk la," ka sawi zawh rualin a nui sak a, "Eng emaw eitur ka lo lâk ang che aw," atih chuan 'angai lo' tih nan ka thle zauh a, Amelia mutna sirah Luis chu a muttir ve ta a, an nufa a an awmdun lai tluka hmuh nuam hi a awm lovang.

Shower ka neih lai te chuan ka nui leh suk zel a, engtin nge ngaihdam ka dil ang, keima'n ka ṭan hmasa a nih loh chuan ani hnen aṭang chuan engmah ka hre tawp nâng!

Christy khan a thawmhnaw kha a thlâksak a nih ka ring deuh ngawt a, mak ka tih ve em em chu Amelia nu hi hi a ni. Kan inneih hnuah vawikhatmah a fanu hmu tur takngial pawhin alokal miah lova, a tupa hmel pawh ala hmu lo anih ka ring, Lopez chhungkua tluka luhlul leh dangdai hi tu chhungkua nge awm ve ang le.!

Kan pindana ka luh leh hnuah Christy chuan min chhuahsan ta chauh a, zanin chu Luis hnute hnêk tur siamin ka tlaivar ngei dawn e, ka nupui rim tak zet chu hriat loh der ka tum ngial pawhin a harsa lam hret a ni! Zanina alâm hlawh kha dollar eng emaw zat ani tih ka hria a, hun remchangah keimah ngeiin ka la pe ang chu..

Master Bedroom
Amelia Evans
7:00Am

Naute ṭap ngâk ngâk ri chuan ka mutui lai min ti harh hlawl a, peih lo zeta ka men chhuah chuan ka bân dinglamin Luis ka lo delh tlat chu niin! Dios!

Rang lutukin ka ṭhu chhuak nghal a, Luis chu pawmin ka sâwi ve ngial nâa aṭap bâng duh ṭhak lo. A uar telh telh emawni! A hnute hnêk tur siam tumin ka buai phili nghal chung a, ka luak lah a chhuak ut ut bawk si.

Khum kil lama mu ka hmuh chuan ka mengphar âwk a, Jerome chu puan pawh sin lo hian alo muhil a, a hmul meh lo ṭo far chuan ati lang upa sawta ka hriat chu le..

Ti khawp hian a fapa a ṭap nasa a, 'haji' pawh tilovin zuk mutui thei a..!

"Jerome..! ka tlawh nghal dawt a, ala che eih lo nia!

"Jerome Evans.." tinawn leh in a aia nâin ka tlawh leh a, chutah erawh zawng a rawn meng chhuak ve hrâm!

"Luis hnute hnêk tur lo siam rawh," tihpahin khum aṭang chuan ka tho a, ka fapa chu pawmin pindan chhungah ka vei tawn nghal chhên bawk, a ṭap lah a bâng duh der lo.

Jerome an hnute a siam zawh chuan Luis chu pawmin ama'n a hnêktir ta a, a pa taksa a nghen rualin a ṭap bâng nghal hmiah!

Intithei zeta min rawn melhin, "Nautê, thlakhat mi lek pawh hian duattu hi an hria a nia," a'n ti ngei ah..

"Chu! Duat lo minti deuh elaw!" Chhuat laiah dingin ka kâwng ka dawm âl a, ka lu na ut ut pawh ka hrechang lo hial..

"Washroom-ah lut la, intifai rang rawh i fapa hian 'Bar zû' ṭhing rim a rui a nih hi.."

"Eng a, eng maw i sawi!?" Khumah ka ṭhu nghal chawrh a, "I fapa hian nizan zankhua khan zu ṭhing rim a híp a, a rui anih hi, ka thusawi awih la, intifai rang rawh," tihmukin Luis mittui tling piau chu a hruk sak ta a, ka inthiam ta chiah lo deuh.

Ngawirengin washroom-ah ka lut ta hna hna a, nizana ka hriat hnuhnun ber chu Bar-a ka lâm lai vel kha a ni. Ka kiangah Pablo a awm bawk a, engtin nge helai hmunah ka awm daih theih le! Pablo kha engtin nge a awmzui tâk pawh ka hre lo.

"Amel, lokal teh.." Pindana ka luh rual rualin Jerome an min lo ko nghal a, Luis pawh alo muhil fel leh der tawh!

"Eng nge, nang nen hian sawidun tur engmah kan nei tawh lo," ti nghauhvin ka thawmhnaw ka thlâk mial mial a, ka pum ri rak rak chuan ka rilṭam zia a rawn tarlang a ni ber mai.

"Lokal teh.." zawi supa atih leh tâkah chuan ka pan hnai ve ta nge nge a, a hmel tak rûn leh a mitmeng fiah kâk chu ka en lêt ve kalh a, a bula ka ṭhutthlak rualin ka kâwngah min kuah a, min fawh tuma a lo kun hniam chuan ka hawisawn hmak.

"Jerome, doctor Patricia ka ni lo a nia," dinchhuah ka tum chuan min kuah nghet sauh a, "Ka hria alawm, doctor ai chuan ka nupui Amelia hi ka duh fê zawk." A âw thâm sup leh zawi ruih chu ka mumang emaw ka ti dawn alawm le.

"Min ngaidam thei lo anih pawhin i chunga ka chêtdan kha min theihghilh sak thei lo'm ni," tiin a kut lum thar thar chuan ka kut a rawn vuan a, lâksawn ka tum deuh nâa ka ṭhulh leh ta zawk! A mitmeng thim ruih leh dul raih chu ka hawisan thei der lo.

Chutah muangchangin a 'lens' vuah chu a phelh ta a, tuna a mit rawng ka hmuh hi chu beach-a ka tawn 'Mourizo Soreno' mitmeng kha a ni. Maktiin ka âng pam a, "Amel, vawikhatmah ka bum tawh lo ang che, ka fapa hming chhâlin ka tiam a che."

"Eng, ih..Jaja!" Sawi mai tur ka'n hriat loh chu le..

"I hnena ka lo tiam tawh ang ngeiin, khawvel hi a pumin lei ngai mah se i pasal hian i tân ka lei mai dawn lovem ni! Ka damchhan i ni, i tello chuan engtihna mah ka ni lo tih ka lo hrechhuak har êm a ni," atih leh chuan ka thluak phu sep sep ṭhin kha zuk chawl hmiah a..

"Jerome, i â lo ti raw!?"

"Mi â angin min hmu em ni? I hriatthiam theihna tur anih phawt chuan ât mai pawh ka pawiti hauh lo," a kiai zui suk a. A va'n hmelṭha vawr vawr tak.

"Kei aiin doctor nu kha i thlang zawk kha a nia!"

"Shh..kha chu hmanrua mai a ni, Sam Orego thuhretu ka nei a nia,"

"Chuti a nih chuan.."

Vawilehkhatah ka ding chhuak phut a, a hmaiah na zetin ka hnek ta a.

"Amel...!" Makti lutukin min en a, nâ ti hmel pawh a pu lova, min khawih lêt tum awm pawhin alang lo.

"Kha kha doctor Patricia i fawh vânga hremna anih kha, chuan hei hi.." ti a hnek leh ka tum chuan ka kutah a man chat a, "I lungawi thleng raka inhnektir che ka duh rualin, ka fapa hmuh laia khatiang thiamthil show kha chu ka duh lo," Tiin Luis meng kiau lam chu a melh zawk a, nichin khan a mutui viauin ka hre sia, engtik laiin nge a lo harh leh hman le..!?

"A ṭha e, ngaihdamna ngah tak nupui i nei hi lawm hle la anih chu," tihpahin a malchungah ka ṭhu ât a, min kuah nghal thlap thung, Luis ngawirenga mu chu melh zauhvin, "I nu hi ka'n duat ve lawk ange," a sawi zawh rualin ka hmuiah a rawn fawp nghal chat a, î he lovin ka lo chhânglet ve nghal vat bawk, chutah tawp chin nei thei lo ang maia kan infawh ngar ngar lai chuan,

"Sorry, Jefe, Madam," Christy leh Sam an lo luh rual chuan kan inthlah ta hrâm a, a malchung aṭanga chhukin Luis ka buaipui ve zaih, chhuanlam ṭhatak a ni e, ka fapa hi...!

"Sam, eng nge ni ta?" Jerome an Sam a zawh chuan, "Nizana kan kalna record kha an lo dah tawh a," tiin eng maw ni Jerome-a a pe zauh a, ka ngaih a'n ṭha lo nghal ringawt a..

"Ok, breakfast chu room-ah min lo pe dawn nia, Christy, Luis lo bualfai ta che," ati nghal zung zung a, room-a breakfast ei a ṭulna ka hre miah lo nâ a, ka hnial ta bik lo.

Sam te an kal chhuah hnuah Jerome chuan min en vang vang phawt a, "Ka lo hmangaih viau nachhan che hi ka hre ta," tiin Laptop chu a ban zui zat a, a sawi awmzia ka hre lehpek lo.

Chutah Laptop-ah chuan Pendrive chu vuahin nizana ka lâm lai kha chiang lutukin a rawn lang ta a, Dios! Mihur awmṭha duh lo chu nêp tê a ni ringawt! Ka mawngbâwr leh kumkâr zawng zawng nen alang fai vek lo chauh va, ka âwmbâwr pawh duhthusamin alang chiang! Laptop chu ka khupsak thawk a, ka hmai ka hup nghal vang vang! Ka zak mai a ni lova, ka mûr seng sengin ania ka hriat ni!

"I lo hnehsawh haih haih kha le, fly kick mai pawh ni lo, 'Rapsagyli' (tisa châkna pholan) lam pawh i thiam e," tiin a kiai suk a, a thinrim viau dawn emaw ka tih laia a nui hmel ka hmuh tâkah chuan ka thawchhuak huai huai..

"Jerome.."

"Tun ami kha ka vawikhat hmuhna anih angin a tawpna ni bawk rawh se," tiin Pendrive chu a phawi a, a ak ṭha nghal hmiah.

Khum chu thawhsanin ama drawer bik chu a hawng a, pawisa tam tham zet a rawn phawrh chhuakin ka malchungah arawn dah ta a, a hmelah engmah hriatthiam theih tur ka hmu lo.

"Eng nge?" A ngaihna hre vak lovin ka melh chho hau a, "Nizana i lâm hlawh a nih kha, zanin tlaiah khawi restaurant emaw berah min hruai ngei angai dawn a nia," atih chuan ka hrechhuak ta uar uar a, nizanah dollar sawmnga zel ka khawntir tak alawm le!

"Teuh lo, paih rawh.."

"Paih lo ve a, i hlawhchhuah dan chu eng pawh nise, a hlu tho tho a nia," tiin pawisa chu drawer-ah a dah lêt leh ta a, Jerome-a mizia inthlâk ta thut hi ka rilrem zawng tak a ni.

Salome-in breakfast a lo dah lai pawhin ka ngawi reng a, ka la zak ru chem chem a, ka tleirawl laia ka lâm bâk kha chu nizan a mi kha a ni leh mai, chupawh rui chung lehnghalin a nia, a zia viau lo.

Breakfast kan eikham hnuah pawh pindan kan la chhuahsan ta chuang lova, kan boruak inthlâk ta dawrh leh nuam ru ta riau chu kan hai lo ve ve bawk.

"Amel, i pa kha a chungchâng ngaihtuah ṭhat i duh em?" Jerome chu ka bulah a rawn ṭhu a, a mitmeng dam thluam a hmangaihna lo lang chhuak chu hmuh kân chi pawh a ni lo.

"Duh lo, a thiltihsual man phutâwk hremna a hmu ngei tur a ni.." ka ti hmak a, ka ngaihdan diktak a ni bawk.

"Mahse, i pa a nia lawm.." atih leh chuan, "Tuna ka ngaidam anih phawt chuan a aia nasain buaina ala chawkchhuak ang, kumkhuain a tâng reng bik nâng," ka tisap a.

"Ok, Joe leh Jacinta rawn kir hunah eng emaw ruahmanna kan siam dawn nia, vawiina kan tih tur chu Ignacio Hospital aṭanga hruaichhuah a ni."

"Ah, Ignacio a chhuak dawn a maw!?" Ka ti hliai a, "Umn, dâwn e, in lama enkawltu tur doctor kan rawihsak dawn nia," tiin ka biangah a chûl riak riak a, ka lo îp chawih thung!

"Hmangaihna chenpui che ka châkzia hi i hria em?" Ati sup a.

"Hnialna ka nei lo phawt a.." a kekawr kâwng ka'n dap nghal ngawt a!

"Haji, tunah chuan hun kan nei tawh lo, hospital kan pan a hun dâwn a, Ignacio an min nghâk reng tawh ang," a hmui hnâwng chap chuan min fawp thâwi thuak a, chutah a insiam rem leh nghal thuai a, "I thawmhnaw thlâk la, kan kal dawn nia ati ta a.

Guimarés, Pintagoras
Private Hospitals
Spain Madrid

Hospital corridor-a kan kal lai te chuan min hmu apiangin min enzui zel tih ka hria, a chhan chu ka kutah ka pasalin a vuan reng a, a hûm nghet hle bawk.

Tuna Jerome-a thawmhnaw inbel hi Mourizo Soreno dress kha a ni, a sam pawh a damloh chhung zawng khan a mêt lo va, a tukkhum lam phei chu a sei hret, mahse, a hma anga sei kha chu a ni tawh lova, a bek leh khabe hmul a zuah miah lo thung a, Radilo Tawnzau dum hâin Jean kekawr dum dak hlarh a inbel bawk a, a boot bun hrawl leh branded tih hriat lutuk chuan ka mit ala nghal zar nia!

A inbel ang deuh chiah chu min thlansak ve kha a nia, tawnzau chungah kamis body fit ka ha thung, ka pasal hian taksa lang tam thawmhnaw a ngaina tehchiam lo tlat a!

Tuna kan landan ang hi alawm ka lo dream fo ṭhin 'Mafia pawl' a achangtunu leh a changtupa ngei kha...Jaja! Mafia zawng nilul lo ve, MJS Wine Company Chairman te nupa zawk maw le..

"Mr.Evans, vawikhat chauh in lam hawiin camera ka hmet thei angem?" Reporter pakhat kan kiangah a lokal a, hundang chu nise a thlâwk thui ngawtin ka ring!

"Yes, sub head-ah eng nge i hman dawn? " Jerome an min melh zauh paha a chhân chuan chu reporter pa chu a nui ta var var a, "Naktuk zing chhuak chanchinbu-ah i lo en dawn nia," fiamthu a tiin kan lam hawiin camera chu a rawn de ta zuai zuai a..

"Ka lawm e, Mr& Mrs.Evans," Reporter kal kian hnu chuan Ignacio-a awmna cabin lamah inkai rialin kan lut ta a.

"Jefe, Ma'am," Ignacio chu lukham nghengin a lo ṭhu a, a bân dinglam a awrh bawk. Ka rin ai daihin ka hmu ṭha phian!

"I inpeih tawh chuan bill kan tihfel tir ange," Jerome chu kawngkhar lam panin a pên phei a, chutih lai tak chuan Dr.Patricia a lo lût ve chiah bawk!

He nu hi engtin emaw tak ka tih ngei chu a ngai ang, zankhat ka rilru atihnat man kha ka'n zilh ve hlak ange..

"Mrs.Evans, i ṭha maw!?" Ka lam pana doctor lokal chu ka lo nuih sâng a, min kalpelh dâwn lai tak chuan a ke veilam chu ka kalh ta zauh a, inring bik hek suh! Cabin chhuatah a bawkkhup thlawrh a, ka nui duh miah lo.

"Dear..."

Ignacio a che rang ngei mai! Khum aṭangin a rawn chhuk vat a, Patricia chu a kaitho ta a, he mite pahnih inkârah hian eng emaw chu a awm chiang! Jaja! Mateo Ignacio leh Doctor Patricia maw!

Jerome-a kawngka bula lo ding chuan min siai zauh a, ka chezia kha hmuh hmaih a nei lo tih a nuih suk suk danah ka hre mai.

Hospital building kan chhuahsan chiah tihah thâwm a rawn awm huk a, reporter tam tham zetin min hual nghal ṭhup nia!

"Mr.Evans, i fapa hming min hrilh thei em?"

"Mr.Evans, Ramon Salia nen mimal inhuatna innei em ni?" Zawhna chi hrang hrang a ri nuai nuai a, a ṭhen te phei chu ka hre mumal lo, Camera a de chuai chuai reng bawk nen Ignacio erawh car-ah a ṭhu lut thei hrâm.

"In zawhna pahnih kha ka chhâng anga, a bâk chu chhan ka tum lo," Ka pasal aw thûm chhak leh ril ruih chu hnial chi pawh ninghal lo chuan..

Thâwm a ri leh nuai nuai a, chutah Jerome chuan a bân dinglam phar zauhvin, "Ka fapa hming chu Luis Soreno Evans a ni e, Ramon Salia nen mimal inhuatna kan neih awm ka hre lova, mahse, ka Estates min neih sak a tum tlat leh ka nupui Amelia Evans min chuhpui avanga inbeihna kha thleng a ni." Media lam thâwm ari leh huk a. Chutah..

"Ka nupui leh ka fapa tihnat tumtu chuan a pasal Jerome Evans hi min hmachhawn hmasak zel a ngai tawh ang," inringtâwk zeta tiin ka darah min kuah a, ka luhna tura car kawngkhar min hawnsak thlap hnuah reporter lam vawikhat pawh melh tawh lovin car chhungah a ṭhu lut ve ta a...

Tuna ka pasal chezia ka hmuh zawh chiah kha 'Jerome Evans| Mourizo Soreno' min hmangaih khuchûk tu leh ka hmangaih diktak kha a ni...

End of Chapter-23

©<++++[BeckirafARenthleI]++++®

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 25th, 2018, 11:55 am

ENCHANTE LOVE SORENO
(Quieres Casarte Conmigo?

Becky Rafa Renthlei

Last chapter-24

Apartment BA 181
Malaga Madrid
Spain.
Jerome Evans|Mourizo Soreno
After 2 weeks

"Jefe, Estates kha engtikah nge kan tlawh leh ang, Christy pualin kha lai hmunah khan Party min siamsak ve la," Sam chu ka fapa pawm chungin ka ṭhutna bulah a lokal a, Luis hi kan chang hman meuh tawh lo, ka bodyguard te leh nurse pahnih bâkah kan housekeeper te thlengin pawm an inchuh reng a, a chang phei chuan ka nupui a thinrim lek lek zel, an pawm ve a phal lo tihna nilovin ala tê em a, an pawt lâwr lutuk hi a sual phah vek dâwn zuk ti mauh a..!

"Tehreng mai, i madam in a hmuh hma che in Soreno kha pindanah luhpui rang rawh, thlathar ni hmasa berah Los Angeles kan pan dawn nia,"

"Mahse, hetah in innei ṭha phawt dawn lo em ni?"

"Hey, thil zawng zawng hriat tum suh, saw tu emawni a lokal ania," ka tih chuan ka hawina lam chu en in a nui tawp hmak.

Ka nupui vung fê-a lo phei mêk chu a hmu ve nghal a ni ngei ang, rang lutukin ka malchungah Luis a rawn dahthla a, "Jefe, ka kal.." Sam kal liam hnuah ka nui chhuak huk.

"Balcony-ah Luis ṭhutchhuahpui loh tur tih kha vawi engzat nge ka hrilh tawh che," Ka nupui 'Kawlhteii' chu ka kiangah kâwng dawmin a rawn ding a, a biangtai hlar leh a mitmeng kawlh hrâ hi ka hmu tam tulh tulh a, ka ngaina telh telh nia, a rilru a ṭha tih ka hre tlat a, anihna lo pui angin alang ngai lova, a ngaihdan a nih loh pawhin tlang takin min hnial mai zel.

"Vawithum min hrilh tawh thânin ka hria," tiin ka bula ṭhu turin ka mitmei ve nghal a, kan inkâr nuam lutuk ta avang hian awm ngaihna ka hrelo mai dawn alawm le.

"Jerome, thil hrilh tur che ka nei," nichina a fiamthu hmel kha hmuh tur a awm tawh lova, ani leh ni lo angin a thutak vei phian!

"Inṭhenna tih vel a nih loh chuan engpawh i sawi thei ang,"

"Englo, Enchante Hotel, Los Angeles ami zawk kha Luis hminga dah ka duh a.."

"Eng maw! Kha te chu i pa hminga awm a nia, thlâk danglam chi a ni nâng," ti a ka chhân chuan lehkha inthlep hi ka kutah hmehbelin Luis chu a pawm zui nghal a, "I chhiar zawh hunah i ngaihdan min hrilh dawn nia, Luis hi luhpui a hun tawh," tiin a tho zui nghal a, dan buai pawh ka tum lo, a chhan chu eng emaw takin a rilru a kap a nih ka ring. Hetianga a awm tawh chuan amahin awmtir ila a zia ber.

Ka nupui lehkhathawn min pek chu kuai pharhin ka chhiar ta a.

"Ka fanu, i pa hi min ngaidam ngai suh ang che, i lâka ka thiltih kha ngaihdam tlâk loh khawpa sual a ni, Enchante Hotel number one zawk kha i hmingin ka dah tih i lo hre lo palh ange, kha chauh kha i tâna thilṭha ka tihtheih hnunghnung ber a ni, i chanpual ka laksak tâk che leh i rilru natna ka thlen avangin ka inchhir chatuan dawn tih erawh min hriatsak dawn nia, i nu kha hlimna tlemtê tal temtir ve thei la ka lawm ngawt ang, ka hmangaihna aia nasain a hmangaih che tih i hrereng dawn nia.

Ka tupa hmel vawikhat chauh ka hmuh theih nan i pasal kha min biaksak thei angem, chu chauh chu ka ngen a che.."

Felipe Lopez-a kutziak hraw hraih ka chhiar zawh hnu chuan ka maimitchhing vang vang a, kei chuan ka ngaidam thei a, mahse, a pawikhawih lian tak erawh dânin a ngaidam thei silo hi a pawi ber lai chu a ni. Sum tamtak sengin kan 'bail' chhuak thei tehmeuh mai a, ka nupui thu thu ni rawh se, a tupa Luis hmuh a duh anih chuan hnialna ka nei lem lo bawk.

Kan nupa pindanah lutin Amelia chuan a thawmhnaw a lo rem ṭha mawlh mawlh a, englai mahin midang khawihpui a duh ngai lo hi a danglamna a ni.

"Duhtak, i pa in i hminga adah te chuan i pawm mai tur a ni, amaherawh chu i nu kan hnena chêng ve turin hrilh ta la.." ka sawi zawh hma hmain, "Ka nu'n a duh lo, ka sâwm vek tawh a, i nupui ka lo nih tâk si ah chuan Santa Monica lamah inbengbel turin a kal daih tawh alawm," Amelia hmel ngui deuh bâr chu ka en a, a nu tal chuan a ngaihsak ka ring ve asin le..!

"Lungngai mahta che ka awm alawm, ka tiam tawh che kha avaiin tihlawhtling vek rih lo mahila i tân ka bei zel ang," tiin a bulah ka kal hnai a, min rinngamna turin eng emaw tal ka tih a ngai dawn a ni.

A mitmeng buangthak a min melh vang vang hnuah dingdihlipin ka hmuiah a rawn fawp ta a, ka rin loh dan bawkin a che leh nia!

A kut a min khawihna te, a hmui hnawm chap a min fawhna te hi ka hnê thei ngai lovang, tun hunah ngei hian chêtziain ka hmangaihna ka lantir dawn lovem ni! A nu leh pa laka a natna zawng zawngte paihbo sak thei vek lo mahila, a tân ka awm reng a ni tih hriattir hi ka tih mâkmawh a ni.

Ka nupui dul thep zaih chu ka chûl ta riâk riâk a, a under wear chhung zen luh ka tum chuan ka kutah vuanin, "Jerome.." ati thâm sap a, chu ringawt pawh chu phurna tham a ni.

"Hmangaihtu in kan hmangaihte tân engpawh tih kan huam tur a ni dawn lawm ni!?" Ka tih chuan a kut lum thar thar chu a vâk kual zui zat a, a khawih tur pawh a hai lo chiang kher mai.

"Min fawp ṭha teh," tiin ka thaw hawk a, phurna-in min zem chiai chiai lai tak hian chimawm chhuahin min fawp thâwi thuak thuak zel nia, duhthawh taka chhunzawm dawn veleh a inlahrang leh tlat a, a style hi ka man ve tawh khawp mai! Hmangaihna chendun kawngah pawh ka duhdan a hre tawh hle a, a pe chhuaktu a ni fo bawk ṭhin.

Ka mipatna a rawn tawh leh tâkah chuan amah chu pawm nawlhin khumah ka nghat a, duhthawh fahranin ka fawp ta ngawih ngawih a, min chhân lêtna pawh duhthusama ṭha a ni, ka nupui tluka hmeichhe phurthei leh mipa chawkphur thiam hi an vâng pharhin ka ring!

A hunah a nu zêm a, kutthawh a ngaihin amah a inveng zo leh si, engkimah no hluakin a awm ngai lova, hmeichhe dang te neih ve loh thiamthil tam tak a nei bawk, chimawm lamah nise, a khingpui te paihthla ṭhak khawpin a chimawm leh lawi si, ka tân Amelia Evans bâk an awm ngai lovang..

"Thawmhnaw i inbel hnem mah mah a a ni," ka tih chuan, "Under wear ka ha tawh ngai lovang," ati sap a, ka nui huk. Ka inthununna zawng zawng min hlauhtir fai vek theitu chu ka nupui tho a ni. A hmuiah chuan ka fawp leh chat a, min chhâng duhthawh kher lehnghal!

"Tunah.." ati chhuak ta sap a.

"I duh ang ngeiin le Querida(Duhtak)"

Ka nupui thawmhnaw inbel chhun chu hlipin a taksa lang var haih chu ka thlir vang vang a, a dul ser pawh alang raih alawm..Tunah tak hi chuan ka mamawh a, ani paw'n min mamawh bawk.

Khumah chuan ka muthla ve nghal a, kawngkhar kan kalh lo tih ka hrechhuak thut! Luis pawh kan theihgnghilh ṭhelh nia! Engmah hrethiam ve lo mah se a zahawm ru riau!

"Kawngkhar i kalh chhungin Luis hi a kil lamah ka lo sawn a nge," Amelia'n atih chuan, "A eng pawh chu ni rawh se, he inchhunga mi zawng zawng pawhin min rawn en dawn mah se ka tawpsan dawn chuang lo,"

"I tawpsan dawn hleinem hun thâwl ṭha zawk kan neih theih nan kawngkhar kalh chu a finthlâk viau a nia," atih leh tâkah chuan dik ka ti viau bawk si.

Kawngkhar ka kalhfel zawh hnuah khumah ka lêt phei leh a, "A bul aṭanga ṭan leh a ngai tawh lo turah ngai ang," a hmeichhiatna hnawm chap chu ka chûl thuak a, a inpeih hle tih hrilh hranpa ka ngai lo.

Ṭawngkaa min chhang lovin ka hmuiah a rawn fawp chat a, ka taksa remlai lai a chûlkual zui nghal dan dan bawk a, a kuta min tawhna chu a hmuiin a chhuizui zat zel nia! Pumkhata kan insiam takah chuan a ṭe deuh ṭhat a, keipawh ka bâng bik chuang lo, ka rûm nghat ri chu a ring lem lo mai pawh a..

"Jaja! Min la hria em?" Amelia hmel hlim siah chu hmuh a nuam ngei mai.

"Eng nge i sawi awmzia!?" Hmangaihna kan chendun zawh apianga thu mak deuh min zawt ziah hi ngaiah ka nei thei der lo, tuna min zawhna pawh hi ka hrethiam chuang lo engvangin nge ka hriat ngawt ang!

"Tun maia min hruaina North Pole-ah khan kei aia ṭha i lo hmu mial em!?" Fiamthu a tiin a nui hak hak a.

"Ka hruaina hmunah che khan kal leh duhna rilru ka pu leh nghal.." ti ve in a hnute chu ka tawk zauh a, Spanish ṭawngkam eng emaw a sawi sap a, mahse, eng nge a sawi ka hre hman lo.

Ka nupui chuan a lu chungah a bân a phar diai a, a landan sexy zia lah a inhre der si lo, kan taksa duh anga ala infit tawk loh vang te pawh a ni mahna ka mut a chhuak raih raih thei nia, ka inhliamna kha dam fel angin lang mah se a chhungril erawh ka chêt nasat chuan a na fek fek ṭhin a. Ani pawh indim ngai tho a ni a, tun ṭum atan chuan ka duhtawk der..

Amelia chhing diar diar chu ka lamah pawthnaiin ka kuah ta hle hle a, a thawrang zualpui pawh a reh ta deuh e, "Amel..." ka ti sup a.

"Umn.." Ka mitah min en vang vang a, min hmangaihna mitmeng hi ka chhiarthiam theiin ka hria..

"Querida, Queires Casarte Conmigo?(Duhtak, ka nupui tak niturin min nei nawn duh angem?)" Ka tih chuan a ngaihna hre vak lo hmel hian min en in, "Por que (Eng maw)"

"Kan inneihna hmasa zawk kha chu contract a ni a, chutiang nilovin dam chhunga ka nupui ni tawh turin inneih ṭhat leh ka duh a ni, contract-in a tihbuai phâk loh nupa tak tak leh chhungkua din min phalsak rawh," Min chhâng lovin a ngawi vang vang a, chutah,

"Engtikah nge he thu hi i sawi ang tih ka lo nghâk reng zawk asin, ka hmangaih che," ka hmuiah a fawp zui ta vang vang a..

Chumi hnu chuan Shower kan nei dun leh tê tê a, Luis paw'n a nu leh pa min hrethiam niawm takin a muhil sâk sâk reng nia!

Enchante Hotel
La Perla Luxury
Toledo city
Amelia Evans

Vawiin hian ka pasal Jerome Evans nen keima hotel ngeiah inneihna hun kan hmang ṭha leh dawn a, tunah hunserh ṭan ala hun lo deuh a, Enchante Hotel ka pa in a lo hralh tâk kha ka pasalin min pêkkir leh tâk avangin he hmunah ngei hian hian inneih ka duh ta a ni.

Ka bula ṭhu hmeichhe pahnih nui sâng reng hi an kâ hup ka châk ngawt mai, tunah lah thiamthil show-na chi a ni der si lo.

Kan opposite-a ṭhu te pawh an nalh hlawm fia fia ngei mai, Ka pasal Jerome Evans, Sam Orego leh Joe O'Hara te chuan Suit dum dak hlarh inang ṭhapin an ha a, Jerome-a duhdan angin a bodyguard ni tawh lovin Luis Soreno God father te vek annih mai bâkah kan Grape Estates Manager anni tawh dawn bawk.

Tun hunah hian Solicitor te tel lovin Pastor hmaah ngei kan inkutsuih dâwn a, nupa tuak thum kan awm dawn tihna a nih chu, kan vaiin kan hlimtlâng tih a lang reng a, a bikin Joe hi ani leh zual, a nupui tur Jacinta a rawn thlêk leh dûk dûk zel a, Sam erawh a insûm thei viau thung!

Keini hmeichhe lamte pawhin mokawr fual var kan ha ṭhap a, a ṭhuidan erawh a inang lo ṭheuh a, tumah hniam bîk awm lovin kan sâng ṭha hlawm khawp mai, kan zinga tê deuh ber Christy bun tur pheikhawk kan zawng rei ngar ngar hle a, 'inches' thum zeta sâng a bun meuh chuan kan inrual pât mai alawm, Jacinta nen Flat shoe kan bun ta hlauh va..

Inneihna thutiam khûnkhân taka kan chham laiin Luis Soreno rawn ṭap erawh chuan boruak ati khawlo ṭêp a, Dr.Patricia leh Ignacio kutah kan dah ve a, he mite pahnih hian naute enkawl dan training an neih ngei a ngai ang, kan doctor nu in kan ruala inneih a duh laiin Mateo Ignacio hi zuk zak tlat pek a..!

Jerome-a tân theihtawpin hna a thawk a, a mimal ang zawng leh company tana ṭhahnem ngai ber a nih vangin season leh aṭang chuan MJS Wine company a private detective hna chelh turin lâk thar a ni. Doctor Patricia nen Mexico ah inneih an tum deuh kher a, ka lungni zân lo deuh. Mahse, amah enkawl seiliantu a pa ala dam ve tlat a, a thu kan hnial ngam ta lo a ni.

Hunserh kan hman zawh hnuah midang zawng hi Honeymoon hmang turin an kal dawn a, keini nupa ve chu Luis tel lova kal chhuah kan inhuam chiah lo bawk nen Los Angeles lamah kan lêt dawn a ni.

"Ma'am, engtikah nge kan kawr hi kan phelh dawn," Christy ka beng bulah a lo phun sar sar a.

"Hunserh hi han zo fel phawt se, a nâwlpui an chhuah hunah ka ruahman ang khan kan che ṭan dawn nia," Jacinta phur hmel lutuk ka hmuhin kei pawh ka phur ve nasâ..

Enchante Hotel hi ka thâ leh zung ka lo sen ralna hmun anih vangin ka tân a hlu hle a, ka pasal leh ka fapa tih lohah chuan ka ngaihlu viau a ni. Chu chu Jerome paw'n min hriatpui thlap a, chuvanga min pe lêt leh a ni tih ka hria a, ka lawm hle bawk.

Ka pasalin min hmangaih êm avanga ka vanneih zia hi nitin ka hre thar zel bawk a, 'Kuangkhat pawisa hlawhchhuah' tih vel ai chuan Kuangkhat pawisa neituin min hmangaih hi a hlu fê zawk tih ka hre fiah chiang bal..

"Amel, Joe leh Sam te hi an hmanhmawh tawh a nia," Jerome-a bânah vuanin Luxury cabin pakhatah ka pawt lut châwt châwt a, ka tih ang chiahin Jacinta leh Christy pawhin an pasal tharte chu an pawt ve nawk nawk bawk a, honeymoon hmanga an kal hma ngei hian thil entir tur kan nei tlat alawm..

Sofa-ah kan mipa pathumte chu an ṭhu ṭhap a, kan chêtdan tur hi pakhatmah rindan an nei lâwk tawp nâng, keima ruahman kha a nia, vawikhat pawh an hriat theih turin ka la sawichhuak eih lo.

"Amel, engthil nge? Pawnlamah min nghâk ṭhup a nia," Jerome an atih chuan, "Min lo nghak ve phawt rawh se, min nghâk chhuak peih ta ngang lo a nih leh an kalbo ve mai ang chu, an lo kalchhan ber inneihna a zo tawh a, party ṭan pawh a la hun hleinem," tiin ka mokawr hâk hnung zipper chu Christy ka phelh tir ta a..

"Ma'am..." Joe leh Sam-an anti rual ṭhawt!

"Ka pasalin kan inneihni ah mokawr dum hâk ka duh tih kha a lo theihnghilh ta ni in ka hria," tihpahin ka kawrfual chu chhuatah a tla ta hnak a, a hnuaia ka hâk lace dum sexy zeta ṭhui ka taksa rem zaih nen chuan ka ding ta a, ka tih ang zelin hmeichhe pahnihte chuan an ti ve bawk a, anni pawhin ka hâk ang hi an ha ve a, kan lo sawi tawh ang chiahin honeymoon hmang tura an kal thleng chu he kawr hi kan ha dawn a ni.

"Lopez leh!" Jerome-a hmel nûr nûng chu ka melh a, "Lopez ka ni lo, Evans," ka sawizawh rualin a nui suk a.

"Ok, Evans," tiin Joe leh Sam lam chu hawiin, in nupuite hi hruaichhuak teh u, mahni chan ṭheuh kha thunun bawk ila khawilai thingkungah emaw an lo inzep leh ngawt ange.." Za lutukin a nui zui a, ka nui ve tawp!

Kan nupa chauhva kan awm hnuah, ''Boss nupui i nihna hi theihnghilh tawh ngai suh," tiin ka biangah a fawp zauhva, "Tunah chuan ka nupui diktak, Luis Soreno nu i ni e," tiin a kekawr hâk ipte aṭang chuan contract paper kha rawn phawrhin, a pawtthler ta kâwk kâwk a, dustbin-ah a vawm lut nghal hmiah!

"Ka thinlungah Soreno a thi ngai lo va, ka hmangaih hmasak ber a ni bawk, chutih rualin Evans tello chuan ka awm thei leh si lo," ka tichhuak sap a, ka hmuiah duhthawh taka min fawh laiin, "Ma'am, Luis hi kan hawpui mai dawn," nui ṭhâ chunga Ignacio rawn lut chu ka melh rum ngial a, ka thinrim lo tih erawh a hrethiam ve tho.

"Ka fapa hi i awm ṭha peih lo chu a nih ber hi, doctor ringawt buaipui lo khan Luis hi ngaihsak ve rawh aw Mateo.." tiin ka fapa chu Mateo kut aṭang chuan ka la ta a.

"Yes, ma'am.." a nui leh suk a, ka thawmhnaw dum inbel chu inti hrethiam fahrana a en vang vang hnuah, "A hmasa ami ai kha chuan a nalh zawk!" Ti supin a kuzungpui a tipir vâ a, Ignacio nge nge a ṭha ṭhin e..

Enchante Hotel kan chhuahsan meuh chuan Cameraman tam tham zetin min ûmzui nuk a, sâwm bik chauh te tih loh chuan tumahin kan lam hawiin Camera an hmet de tur a ni lo tawp! Chu chu ka pasal thuchhuah a ni..

Car-a kan ṭhut luh dawn laiin reporter nghal fâlin ka hmai bulah Camera a rawn lek a, ka thin tertek a chhuak phut! Ka pangpar ken lai chuan a hmaiah ka nawr sawk a, Jerome an a ke ah alo kalh zui ve bawk nen lei chârah a tlu thlawrh a, keini nupa ve thung chu inhrethiam lutukin kan innuih sak a! Nuam hap hap tak a ni.

EPILOGUE

Los Angeles USA
CA 90067 MJS
Grape Estates
Amelia Evans

Tukkin chanchintharah khan Ramon Salia leh a ṭhuihhruaite chu tualthah thubuai avanga an chungthu relsak a nih thu leh damchhunga Lungin tâng tura US Prison Van-a an chuang lai kha ka hmu a, an phutâwk hremna an hmuh vangin ka nui lo thei lo, Elias Sanchez erawh murder case aneih loh vangin kum sawmpahnih tâng tura a chungthu rel a ni a, ka ex-boyfriend chan chau ta lutuk khan ka nuih ati za viau lem lo.

Ka pa (Felipe Lopez) ve thung chu ka pasal duhdanin a chungthu ngaihtuah ṭhat a ni a, misual rual ṭanpuitu a nih vangin kum nga chhung a tâng ve dawn ta tho a ni. Jail-a aluh hmain a tupa Luis Soreno Evans a hmu hman hrâm kha a nia, Prison Van-a a chuang tur ka hmuh meuh chuan ka mittui a hnâm sak thei nia! Ka pa kha a ni tlat a...

"Ma'am, i pum kha ka lo en chhin!" Jacinta dul puar lian lutuk hi ka lo zak zawk!

Joe O'Hara nen an inneih hmaa Vanram kawtchhuah an lo tem rûk rahchhuah chu thla nga hnuah a lo lang a, Luis ka neih dawn a ka pum ang tiat lawih khan zuk puar a..!

"Engmah en tur a awm lo, ka fapa in kum hnih a tlin hma chuan adang neih tumna ka nei lo a nia," Grape rah ka hmawm zauh a.

"Kan la hria ang chu," tihpahin a kawr hâk a hlim a, amah a nulian bawk nen hmuhnawm tham a ni!

"Jess, wine kha min lo lâk teh.." Joe an a nupui atir zui zat a, vawiin hian Estates-ah Party ropui lutuk kan buatsaih dawn a, wine sâwrna khura thawk ho zawng zawng leh, grape rah lo tute pawh tiamin kan kim thawkhat a, kan Hotel Enchante-a hnathawk pawh an kim hle bawk.

MJS main company a hnathawk laite leh Share holder tlêm a zawng an tel bawk.

"Amel, Celeste wine kha min lo lâk ve dawn em ni ang," ka pasal chuan a fapa pawm chungin min rawn pan a, a nu leh pa kan len ṭhat nen Luis hi a tê reuh viau a, mi fâ chu nise ka ngaina tehchiamin ka ring lo. Mahse, ka rila rah, ka fapa kha a ni miau a, ka duat ve hleuh hleuh êm..

A chhang tur ka pai leh anih ngat chuan ka indim tawh viau ang, fly kick leh chemte vawm pawh bânsan hmiah chi! Bike khalh phei chu ka pasalin a phal lo bur bawk.

"Tunge min cho?" Ignacio an chemtê a vai tle zak zak a, grape tang rah an ṭâwnkhawm chu target a ni tih hriat takin number a inbel thlap a, ka za leh sek tawh.

"Nupa a thawhchhuah mai chi mawle," Sam an a lo ti ve bawk a, Jerome-a a nui suk suk duh chauh.

"Ka cho zân," tiin ka kamis hâklai chu ka phelh a, ka pasal mitmeng thîm raih chu ka hmu lo der hmiah.

"Amel, boss nupui inrawlhna chi a ni lo," Jerome an ka bânah a rawn vuan a, a kut lehlamin Luis a pawm bawk a, "Boss nupui ka nih vang tak hian alawm tel ka tum, tumah inthliar hran loh tur, Luis pawh tel ve rawh se," tiin ka fapa chu ka ban nghal a.

"A ṭha e, Evans Family law law in le, ka pa kan koh tir ange.." tiin Christy chu a ko nghal lâwng lâwng a, Juan Evans pawh Mexican nuthlawi nen inkuah rialin an ṭhut dun tak kha maw le!

"Son, i nu anga kawlhrâwng leh chimawm ni lo tur hian kumkhat i tlin veleh khawiah emaw ka train ang che," Luis bianga fawp zauh chunga ka pasalin atih chuan ka run ngei mai.

"Jaja! I pa anga Mafia pawl emaw i intih tlat loh nan i sam hi keimah ngeiin ka mêt ziah ang," a tih ang chiahin Luis biang lehlamah chuan ka fawp ve a, a kiai suk.

"Ka Estates-a thingkung ding zawng zawng leh Apartment te Penthouse kianga thing ding zawng zawngah 'hoarding' ka târtir anga, 'He thingkungah hian lawn suh' tih a inziak vek bawk ang," a sawizawh rualin alamah min hnûkhnai zui salh a, a tih tum ka chiang ve tlat!

Chutah duhthawh lutukin ka hmuiah min fawp ta a, hmangaihna, îtna leh tisa châkna a inpawlh nuka ka'n hriat chu le, rei ngial kan infawh hnuah Luis Soreno a rawn ṭê leh ṭhat ṭhat a..

"I nu ang maia chimawm ni lul suh aw.." a fapa sam chûl zauh pahin ala ti hrâm nia!

"Enchante Hotel min pêk lêt avangte Mourizo Soreno anga ka nuna i lo luh avangte hian ka hmangaih chatuan dawn ta che a ni.." Ka pasal Jerome Evans chu kumkhua a thlah leh tawh lo turin a kutah ka vuan ta a..

Jerome Evans ka duh a, Soreno te
pafa erawh ka hmangaih thung...

THE END

Note: Enchante Love Soreno story chu zan sawmhnihpalina-ah a hmâwr kan lo bâwk ve ta reng mai, ka story beitham zet min ngaihlut saktute leh khêl lova zantin min chhiarsaktu reader taima tak tak te inzarah ka zo ta hrâm chu a nia, ka tân in hlu takzet a ni.

Min chhiarsaktute, Comment ṭha tak tak leh min fuihphur ṭhintute chungah ka thinlung takin lawmthu ka sawi a, duhthusâm lo lai atam hle ang tih ka ring a, hmasawn zel erawh ka tum ve fan a nia, mizoṭawng kauchheh hi a lo har ru zêk a, punctuation rem dik lo leh spelling mistakes pawh a tamin ka ring a, in mi hriatthiamna ka dil nghal bawk e.

He story zet zawng Vitamin A-Z a nih ngei ka beisei.. 😂

Hmeichhe dinhmun vulh thau lam story hi ka tuipui deuh zawng a ni e.🙊😀

Ka lawm e

©<++++[BeckirafARenthleI]++++®
www.storyfb.com mizo story thar englai pawhin chhiar tur a awm reng

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)