Rainbow Without Colors By Floria Laldansangi (Short story)

Moderator: Floria

Ngaia
Site Admin
Posts: 19502
Joined: April 30th, 2016, 4:07 pm

Rainbow Without Colors By Floria Laldansangi (Short story)

Unread post by Ngaia » September 5th, 2021, 1:52 pm

tf6qyp4j.jpg
tf6qyp4j.jpg (9.86 KiB) Viewed 3862 times
Rainbow Without Colors

By
Floria Laldansangi

Part < 1 >

RINFELI...POV


Mi inzir säng tak ka ni lova, mahni hming pawh ziak chhuak thiam ṭawk niin; English phei chu, tunlai ṭawngkam takin, "tual chher sap ṭawng" antih ang tak meuh meuh a ni.

"Broken English," antih ai mahin ka English hriat leh thiam chhun hi a mawi lovin, words hriat chhun a piang remkhawm nawk nawk hi a ang mah zawk!

Mahse, chuti chung chuan ka lehkhabu ngainat ber erawh, 2015-kuma Vietnamese Author ziah, "Rainbow Without Colors," tih a ni daih anglawi si a.

Kha lehkhabu ṭha tak mai, Film hiala an siam, hit tak mai ziaktu khan "hmangaihna" hi engtiang chiahin nge a hmuh ka hriat thiampui hauh lo, a hmangaih leh hmangaihtu pakhat a chân avanga rilru buaia a awm phah hial kha ka hrethiam lova, ka hrethiam ngai dâwn hek lo.

Mahse, a nun khawhar tak leh ti mawitu rawng leh êng chhe têmah pawh neih lohna erawh ka ṭawm puiin, ka nun nena inthlun zawm tlat ang a ni.

kan pahnih nun chu; Hringnun, duhthusâm ngam lohna leh beisei neih miah lohna khawvel zîm tê, chhimbal lang ve ṭhin, ti mawi tura rawng reng reng chhuah ngai si lo ang hi a ni tih ka hmu thei thung!


He lehkhabu Rainbow Without Colors hi mipangai chuan an chhiar peih loh emaw duh loh emaw tur a ni tih ka hria, a chhan chu mipa pahnih in hmangaih tak, an nu leh pa te inneih tak avanga, an hmangaihna tluan tling zo ve ta si lo chanchin a nih vang a ni!


A thawnthu erawh ka nun nen inzawmna pakhatmah a nei miah lo mah se, a ziaktu khawharna leh malna kha ka pawh tlat a, a nunah rawng reng reng a chhuah ngai lo tih ka hmuhpui tlat a tin ni!!!

.
.
.
.

2018 fûr ruahtui tamlai tak a ni, a ngai tê bawkin kan khaw kawt thler tin mai a diak kawi leh zeihzuih a!


"Khawnge i kal dawn?" Aw ri chang tak mai ka hriat rualin, kawngkhar bulah chuan nihliap nghet taka hum chungin ka ding khawng zui at.


Ka Pa, ka Pa hrawn lam chu kim ki dek hian ka hawi a, a zu no dawm ran chungin min en run bawk.


Saw a mitmeng hur tak leh min it na saw engtikah tak reh ve ang i maw? A mita lang chhuak chauh nise, a taka puitlin ngai loh nise hmuh loh dan ka zir thiam tawh ngei ang!

Mahse, a mit a lang leh rilru kaldan a puitlin fo ṭhin hian, he hremhmun ata hi ka dam chhungin ka kalsan dâwn lo tih, ka taksa chhungah a luh a, duhtawk a nawm a chen a piangin ka hre nawn ṭhin!


"Kawr bân tlawn ha rawh. I taksa hliam te kha midang hmuh tir i tum em ni? Tum buai suh ka tih tawh kha," a thusawi ngaihsak lo ang a lang si, mei nei tak chuan a tih zawm zat.


Ngawi rengin nihliap chu bangah ka tung fel a, kan room neih ve chhun, plywood hmanga kan pin hran chhe te ah chuan lutin, ka kawrlum neih zinga ṭha ve ber polar dum chu la in, ngawi reng bawkin ka chhuak zui leh.



"Rasgula bur lian pakhat, Lion 2 leh Good day lian 1," dawr nghaktu chu a vawikhat min hmuhna a ni si lova, min en leh zuk zuk ṭhin!


"He video hi i hmu tawh em?" Ka sir aṭangin aw a rawn chhuak, nihliap ka khum hniam mai bakah, hmeichhe lian tak ka ni lova, ka pil vekin ka ring.


"2015 bawr vel kha niin ka hria, a lar chiam tawh alawm. Tunah chuan a nula ve tawh viau lo'ng maw? Video ami aiin a chh** pawh a mawi tawh zawk maithei," an nui zui huk huk.


Nghet takin ka nihliap chu ka chelh a, thaw pawh ka thaw ṭha ngam leh tawh lo, a ai hniam zualin ka nihliap chu ka keng zui bawk!


Tu chungchang nge ansawi a, eng video nge an sawi tih ka beng awmna ka chian tluk hian ka chiang a tin ni!



"Nei nalh ve khawp mai. Vawikhat na nâ nâ chu duhtawk mai a han khreinch rak tuar tuar a chakawm ve alawm le," ka bulhnai a ding zawkin nui huah huah chungin a tih zawm leh puat. Kei erawh ka chanchin ansawi na avangin kawchhung khur ru dar darin ka thil lei chu ka nghak a.


"Tunlai ṭhangthar ho hi engtia ṭawngkam hi inthlahdah a, hmeichhia pawhin kan sawi peih tawh lo sawi neuh neuh reng nge maw innih le?" Dawr nghaktu nula, Âmtei chuan a rawn ti hlak hlak.


Ka thil lei ho min pek chu kut khur ru dar darin ka ban a, ka hmel chu an hmu ang tih hläu tak hian ka kim ki dek bawk!


"Sex video mah ansiam ngam te chuan sawi se se mai mai ngam ang chu Lalâmte. Farstar pahnihin min rawn pe vat mai rawh," ka bula ding zawkin a lo ti leh zat.


Kûn ngar chuan ka inher a, thui pawh ka pên hman lo, "pawisa i thlauh nula," tia aw thum lam, zawi tak siin a tih chuan ka ding dat a, inher ka duh mah se khang tlangval pahnih, ka video ṭawp tak en chunga nuihza em em te kha an la din ve avangin ka inher ngam lo.



"I pawisa," tia ka hmaa rawn dingin a kut phah chu a pharh a, a hmel en tumin dah chhuah ka tum, kan In tukverh aṭanga ka dinna lam rawn hawi vâng mai ka Pa hrawn ka hmuh ruala rang taka pawisa chu banin, "ka lawm e," ka ti vat, ka läwm thu sawi chu keimah pawhin ka hre ṭawk a ni!


Kal pelin chak takin kan in kawngah chuan ka pen hlawk hlawk a, ruah a rawn sur tam lehnghal nen, in ka thlen meuh chuan ruah a baw leh nghal hum hum.


Inchhung ka tlân luh rualin, ruah sur ri hum hum karah chiang takin kawngkhar in kalh ri sawk sawk chu ka hre zui nghal a, engthil nge thleng dâwn a, eng nge ka tawrh leh dâwn tih ka hre chiang nghal em em bawk!


"Tunge i biak kha?" Muangchangin ka inher.


Ka thil kei chu chuatah ka thlak ri khap, ka pahrawn kam nam, thisen za leh ṭan tih hriat tak chuan min en ngur a, "ka hre lo," ka ti sep.


Rapawm zet a nui hian, "ka awih i ring em ni Lalrinfel. Tunge a nih i sawi dâwn em? Nge ni a, i mipa kawp thar," a ti chhar chhar.

"Mipa kawp thar" chu thu chu a sawi fo ṭhin.

Ka nunah hian mipa pakhat chiah ka la la lut a. Ka ring em em a, ka duh zat ang chiaha in duh let ve kha ka ring ṭhin. Mahse, bumna leh mualpho na bak pek ka ni ve ta chuang lo!


"Ka hre ngai lo tak tak," ka dinna ngaiah dingin ka Pa hrawn chu ka en kar a.


"Zawng uicho dawheh nu," ti tuar chuan Y.M.A no a kenlai chuan min vawm ṭhuai, ka chalah a ri fawk. Mit ka chhing sawk bawk!



Ka tukkhum sama kek zui awrhin, ka dak awrh bawk a, thuthlengsei lamah ka bek vaw dawt khawpa min nam letin, chhuat a ka mut vial rualin ka dulah a chhir zui zat.


Ka lu a hai muai muai a, ka ri hriat pawh ka beng chhungah an kiu vawng vawng bawk!


Mahse, vawikhat pawh aw rawl ka chhuah lo, ka mit chu mittui vangin a hnawm chap a, far khat pawh a far lo thung!


"Tunge a nih?" Ti leh hrawk a, ka mu vial lai chu ka chhip sam aṭanga min hnukin chhuatlai ah chuan min dah a, min kuai zangthalin ka kawrlum hak chu a pawt hawng sawk sawk!


Ka t-shirt hak lai, hlui tawh tak mai chu a pawt thler hawk hawk bawk a. Eng nge a thih dâwn tih ka hriat tluk zetin ka sual let dâwn lova, min ṭanpui tur an awm hek lo tih kan hre ve ve!


Ka hnute khuhtu awm tawh lo chu a zu rim nam huam leh kuhva ei na, ka sen huam mai, kam sir berh niah chuan a fawp kual nawk nawk a.


Ka taksa, vawi tam a sawisak ṭhin leh a pawngsual ṭhin duk thleh thluah chu a tawh hlek a na ru vawng vawng nen chuan, dimna tel miah lovin ka taksa ah chuan chet a la leh a!


Ka kekawr lum haklai chu pawt thla sawkin, a mipatna vawi tam tak ka chhunga a nawr luh ṭhin chu phawrh chhuakin, kak tak maia ka bawp pawt kau chuan, dimna tel hauh lovin a nawr lut nghal sawk sawk!


Mit chhingin, ka bekah ka mittui a luang ngiai ngiai, "nangang mihur, hmeichhe awm ṭha duh lo hi chu maw enkawl dan leh hrem dan ka thiam lutuk," zu leh tisa chakna avanga thisen lum, khur dar dar chuan a ti chhuak nawk nawk!


Ka chunga su lauh lauh a, min d**p sawk sawk paha ka hmuiah rawn fawh a tum chu ka lo thle sawn, na tak maia ka hmaia hmerin, "khanglang che chuan," ti kha hrawi hian min beng zui sawk bawk a.


Ka na lutuk chu na ka hre tawh lo zawk a ni mah na. Emaw ka taksa hian pawngsual, kut tawrh, na taka sawisak te chu ngaiah a nei a ni mah na le!



Vawikhat pawh ka ṭe chhin chu sawi loh, chîk khat pawh ka chik eih lo bawk!


Duhtawka ka chhunga a chet hnu ah a mipatna phawi chhuakin, a b** chu ka hmai zawna thing per sawk sawk chung hian, "mipa dang mamawh lova ka siam che hi lawm viau tur ini? Ka chawm, ka hrai, chaw leh z**ng thlenga ka chawm i ni," A nui zui hak hak.



A kekawr ha ṭha in, "zanin ka duty dâwn avangin ngawi rengin lo awm ang che," tih leh room a luh a rual. Min kalsan ang ang chuan ka mu tlawk tlawk.


Ṭap chhuak tur emaw na tuar au a, ṭanpui na au turin chakna leh huaisen ka nei tawh lo.


Ni lo, tu ṭanpuina mah ka au buai peih tawh lo a ni mah zawk.


He khawvel nunrawn zia hi i hre tawh ngai em? Ahhhh... Ka sawi awmzia chu he khawvel mihring cheng te, Mizo te kan famkim zia hi i hre tawh em?


Ila hre lo a nih chuan i lo hre tawh dawn nia! He khawvel, famkim lohna khawvelah hian mihring te hi kan famkim tawh lutuk a ni tih hi!


Ṭanpui na au in, ka nun, hremhmun, he khuar khurum aṭanga min la chhuak tur leh min pui tur au ila, tunge rawn ding chhuak tur a ka beisei ngam ang?


He khawvel mahni nun chauh a buai, mihring famkim awm khawm te hian, tunge minpui a, ka natna leh tawrhna min hmuh sak ang ni?


Ka na tuar au ri leh mangang aw rawl ṭhenawm pa pawhin a hriat duh loh chu, engtin nge khawvel, mi famkim awmkhawmna hian a hriat ka beisei ngam ang ni? A ni lo'm ni?


Tu pawh mai hi an famkimin, an dikin, tihsual nei ve ngai lo annih avangin, ka thil tihsual tawh hre reng tu te lak aṭang hian eng puihna nge ka beisei ngam ang ni?


Min hmangaihtu mipa a ka ngaih pawhin min tih mualpho a, ka khawvel a tih chhiat duh si chuan! Heng mihring maktaduai tam tak zingah hian tunge min pui ngam ang ni?


Puihna ka mamawh tih ka hria a mah se, puihna ngên turin huaisenna ka nei tawh lo.

Ni e, a tir tê kha chuan he khawvelah hian beiseina mei chher chhe tê, êng ve da da kha ka la hmu ṭhin!


Mahse, a ni tawh lo. I bengin an nuihzatna che aw ri a hriat fo va; i mitin an tenna che leh hmuhsitna mitmeng i tâwn fo chuan, midang rin chu sawi loh, nangmah leh nangmah ngei pawh i inring ngam tawh lo ang a, tu emaw laka beiseina neih chu sawi loh, i nun ngeiah pawh beiseina i hmuh tawh loh a, i neih ngam tawh loh chinah chuan nun hian awmzia a neih loh zia i hre chhuak fo tawh zawk a!


Ansawi ṭhin, "chhum dum chhah tak phênah ni êng mawi tak a awm ang hian, ruah hnuah chhimbal mawi takin a zâm chhuak ṭhin," tiin. Mahse, an hriat loh chu, he taksa, thlarau ah hian chhimbal chu lang ve ṭhin mah se, ti mawitu rawng rêng a nei ve ngai lo a ni tih hi!




RCA...POV (Lalrinchhana)



"Hello!"


"I la tho nange? A mak em em e Lalrinchhan. Counter ah an dah tawp tih anrawn sawi kha, han la vat rawh, Sumo counter vela thildah rei chu a bo duh si," ka bialnu in a rawn ti hlak hlak.


Ka hmai tuai puatin ka ṭhu chhuak a, nui suk chuan, "inneih hma aṭangin min tir kawi reng mai a. Ka thaibawih dawn tlata ka hriat chu ni," ka ti chu a rawn nui chhuak hak.


"Lawm hle rawh, ka dah a nia," tih leh ka chhan hma in a off zui zat. Phone en in ka nui zui suk.



Khawzawl aṭanga Zokhawthar-a min sawn na pawh, thla khat leh kar 2-na chiah a ni, fur ruah tui tamlai a ni bawknen, an khawchhung pawh duh ang takin ka la fang kual lo.


Vawi 2/3 chu Rih dil a kalin kan tlan pel ve tawh, ka hriat danin In 2000 bawr vel niin ka lo hria a; Mahse, hman ni deuh kha In 3500 bawr vel antih kha ka hre leh ta tlat.


"Thingtlang" han tih em em tur niin ka hre lo, ruah erawh Ṭiau lui kam maia awm kan nih vang nge a tam riau in ka hre thung!


.
.
.

Ka sirah tleirawl pahnihin Facebook page lama sex video ni âwm tak an post chu comments pe pahin an it thu an sawi zui a, ngawi rengin ka ding ve.


Ka rilru in, "tunlai Mizo ṭhangthar te hian social media hi midang tih mualphona atan kan hmang ta ber a ni lo maw aw?" Tih min ngaihtuah tir roh roh.



"Inṭawngthei mange, Rinfeli inbulah a din ve reng kha," dawr nghaktu Âmtei chuan a ti zui hlak .


Keipawh chu ka hawi vat a, tluk a hläu nge ni, lei rah chim a hläu zawk a kal dim viau mai!


"U Rc i duty dâwn em ni?" Firstar min pek pah chuan a ti a, a lam hawiin, "nia maw le," ti sup chuan pawisa pe in ka inher, kha nula, Rinfeli ti emaw ni. Sex video neia an sawi ipte aṭang chuan pawisa thir hi a tla a.



A lam panin, "i pawisa i thlauh," ka chhar, ka tifai nghal bawk.

Hawi pawh rawn hawi chhuak miah lovin, ka kut phah ami chu rang tak hian a rawn ban a, nichin maia lei rah chim hlau ni âwm taka a pen ang lo takin, chak tak leh kawng diak leh berh takah chuan a pen zui hlawk hlawk. Ka nui ta suk!


Rei erawh ka nui lo, khang tleirawl thusawi kha a hre ve vek tiha hriat mai a, eng ang taka hreawm leh zak nge a nih ang? Tih chu ka ngaihtuah zui zawk. Nuih erawh a har ṭalh mai!

.
.
.
.

"Tun aṭang chuan duty-naah rui sa emaw kam nam sa in rawn kal tawh suh ang che u," ka ti zawi sup. U Rammuana zu nam tha tha leh kam nam ṭawng tla hawlh lutuk chu ka ngai thei lo riau.


Facebook-ah hmeichhe thlalak en chunga, patling ṭhankin uaih tawhin a, a mutpuo chak thu sawi zuah zuah pawh chu a zahthlak thaw khat viau a ni!


An hnathawhna chin bak chu engtiang pawhin awm sela ka va sawk phak a ni hauh law.


Mahse, an duty, an hna ah an chiang tur a ni tawp!


"Ka Pu min hrethiam dâwn nia," a rawn ti buh deuh nuaih, ka lo bu nghut ringawt.



"Tunlai chu ruah a tam nen Kuli lam a ṭha riau mai," Kawngkhar bula ding chungin, ka hmingpui Rca ve tho in a rawn ti a.


Ka ṭhutna aṭanga pawn lam thim thet thet, ruah sur buan buan hnuai a bungraw phur en chungin, "tar lam hi an awm fo mai a, thawktu dang an awm lo nge?" Kuli antih hi leichi chauh turah ka lo ngai mai a, bungraw pangai thlengin an lo phur tih ka hriatna a la rei hauh lo.


Tin, hmeichhia pawhin hnamhrui nen bungraw lian tak tak an phur pur pur mai hmuh chuan kan in hmu nep lek lek mai dâwn alawm le!


"Tisawn tleirawl chakvak hovin an këp vek a, hlawh a ngaiin an la ve leh tho alawm. Zokhawthar mipui ho hi hetia bungraw lut chhuak phura ei zawng, ei chawp dap hi a tam zawk leh an eizawnna ber a ni si a, 'a hranpa-in inṭanpui a har' anti ve a, tiang zawng hian tar chak vak lo leh hna rum thawk thei lo an kêp a, hming an lam hun an lo awm leh, chhâwl hâl ho tui an lo sem a, a ṭha phian a sin," Rca chuan a rawn ti duah.



"Kum engzah te nge in awm tawh?" U Rammuana chu ka en.



"Kum 5-na tur a ni keihi, U Rammuana te hi kum 6-na vel a ni ang. Takan a, awm hun chhung sawi takah chuan U Muan, Rinfeli school luh tir i tum tawh lo em ni?" A tih zawm zat , chair pawt hnaiin kan bulah a rawm ṭhu hnai zui a.


"Fa i nei tawh em ni?" Ka lo ti. Rca chu a nui huk, "a khai a! I in luahna thlang lawkah an awm a, ila hmu nange, fanu pasal nei rual a nei tawh alawm," Rca bawkin a rawn ti hluai.


U Rammuana chu a nui sen sun sun a, "a kal tu turin a duh tawh loh ber chuan tih theih ka nei hleinem. A nu boral aṭangin a mizia chu inhre vek alawm," a ti zui nuah nuah.


"Bakah, hming chhiat kan tawng lo ber," a ti zui leh. Chal ti chuar tapin Rca'n a en a, "Chutiang tur a ni ngai lo, tleirawl lai te chuan tu pawhin kan tisual alawm, kum 3 lai a vei tawh dâwn hi. In ngaihtuah ṭha teh khai! Pasal, a chhia, a ṭha neih te a duh ang a, rual pawl lo lutuk a dah ringawt chu a dik ber lo a nia," an thusawi chu ngawi rengin ka ngaithla, U Rammuana chu ka en leh ṭhin.



A ruih deuh vang nge a fanu chanchin sawi chu a duh vakin a lang lo, a hmel lah a pe chhe thei ang reng bawk si!



"Khawia pasal nge maw hmuzo se i tih le?" Ngaithei vak lo tih hriat tak hian ti hlukin a tho nulh, ruahsur hnuaiah chuan chhuakin, kan ep chiaha duty Assam Rifles ho bulah chuan a va ṭhu zui kuk bawk a.




"Sawi pui sawi pui suh, a thin a rim zel. A dinhmun aṭang chuan ka hrethiam tho a! 'Mahse' lo ti ve leh khanglang ila, a video a leakout aṭang khan Rinfeli hi khawlai ah kan hmu ngai ta meuh lo a nia aw! Hei kum tel chu a ni tawh. A ti âwm ang lo chu ka ti ve deuh," U Ṭhai'n a rawn ti luai luai, a muhil emaw tia!


"I muhil emaw tia?" Rca pawhin a lo ti sup.


"A vawt lutuk, zanin a huphurhawm khawp mai," a nui zui vur vur.


"A sex hmanpui chu a bialpa em ni?" Ka rilru ah U Rammuana fanu ringawt chu a awm pek ni!


"Ni e, 12 zirlai ve ve maw le annih. Mapuia'n a ṭhianpa video a thawn a, a ṭhianpa chuan a lo thawn kual ni tur a ni. A zia lo tak tak a nia aw! A mipa lah chu vairamah an thawn zui daih bawk si! Ti hian kumtin deuh thaw tu tu emaw hian social media-ah a khat tawkin an rawn phawrh lar leh a, Rinfeli pawh thiam lo mah se a khawngaihthlak zo zai ka ti," ti deuh duahin kuhva chu ei turin a siam zui sawk sawk bawk a. Chinai lah chu a tat hnem!


"U Muana'n FIR a thehlut lo hi mak ka la ti fan. Rinfeli inphal viau mah se video kha duh vang renga ti leak out anni bawk si a, Mapuia nu leh pa lahin an ngam sak sak khawp a'h. A tir te khan social media ah nen, ṭhenawm khawvengah an insawi fel char char mai a, a zia lo tih pawh hian a daih lo. Mizoram pumin ti hian kan hriat dan lah a chhe tawh si," kuhva ṭhial tuam tuam pahin U Ṭhai bawkin a rawn tih zawm, ka lo bu nghat nghat ringawt a.


Heihi a ni ka farnu te ka hrilh fo ṭhin chu, hmeichhe mualpho na hi mit khap kar leka thleng, damchhung daih ni si! Kan tunlai Mizo society, Kristian society la ni si hi hmeichhe chak lo te tán hian a hlauhawm zualin, mualpho awl tê a ni tih hi!

.
.
.
.

Ni a ral a, July thla chu a ral ve leh mai, ruah tui pawh tam tawh lo tak a ni. Ṭiau lui erawh ala lian bulh bulh viau thung!


"I ke chu a nâ em ni? I ṭha meuh maw?" Ka hmaa ding, an In lam thlir ngawih ngawihtu tleirawl chu ka be sup.


Ka lam a rawn hawi, a mitko duk deuh leh biang vung deuh chu, rang takin hawi sawn mah se ka hmu hman tho.



"Ka ṭha," tih leh pensawn a tum chu a bânah ka lo chelh a, a thing thla vat, nâ ti ni âwm tak hian a ner zui vawng vawng bawk a.


Hmeichhe mak ta a ni, hmeichhe dang chu ni se, "a nâ," ti emaw talin an rak âwm si a!


"I kut kha ka en chhin thei angem?" A sam kar aṭangin min rawn melh, tlai lam unau hmel hai hunlai âwm a ni a, ruah sur tawh lo mah se kan dinna erawh ala diak ban khawp mai!


"Ka ṭha.." A tih laiin, "i Pa In ah a awm tho a ni lo'm ni? Rawn lut kawi lawk rawh," tih leh kalsawn ka tum chu, "engvangin nge ka zui ang che," tiin a tawlh hnung surh, a tawlh thlu lek lek chu ka chelh vat a, a dar ka vawn na pawh chu a nâ nge a ṭhen zui sawk!


A engtia ka khawihna a piang chu nâ ti hmel pu nge maw a nih le?


"Min rawn zui rawh," pangai taka ti supin ka In luahna lam chu ka pan a, thui fe ka kal hnuah ka lehhawi, 1mins dâwn vêl min en ngur hnuah ka dinna lam chu a rawn pan chhat chhat.

Kawng hi laih thar, metal tura duan a ni a, duh aiin a ban ṭha in, a diak ṭha, pen deuh chawrh chawrh ngai ang kha a ni bawk nen, a taksa nâ nen chuan chet a harsat a niin a lang!


Tleirawl hmelchhe tak a ni maih lo tih min rawn hnaih zel rualin ka hmu thei. Mahse, a mizia chu hmeichhe dawih zep deuh tan chuan "a hlauhawm ru lo maw" tih turin sawifiah harsa khawp hawi her leh mitmeng, mizia a nei ru reuh thung!

.
.
.
.

"I duh duh kha en kual rawh," in chhung a luh ruala a hawi kual ka hmuh chuan ka ti vat!


Ka lehkhabu chhiarna, tukverh lam chu ngawi reng hian a pan hnai a, dawhkana lehkhabu ho chu a en kual dan dan, a che vel chu engti zawng emaw takin hmuhnawm ka ti, a nui sen sen a, a sam, a dar thleng leka sei ngil zet mai, a hmai zar tu chu a bengah a zep a, a nghawnga rehbeh na ang maia duk bel tluk leh a bân rek, a kawr bânin a khuh loh lai lang chu a duk thluah zel tih ka hmuhin ka kâ ka âng zuai, "khawi aṭanga a neih nge?" Tih chu zawh ka duh mah se he hmeichhe hian min chhang dâwn lo tih ka hriat avangin ka chip leh ta zawk a!


Nui deuh sâng chuan ka lam rawn hawiin, "henghi i chhiarlai em ni? Khawi hi nge i duh ber?" A rawn ti.



A mitmeng chu ka hmuh ngai miah lo mitmeng a ni, an kawmchhak ah hian thla 2 pum tawp chu ka awm ve ta, ka hmu ve zeuh zeuh a, ka hmuh a pianga a hmel erawhin a mitah hian khawharna bak hmuh tur a awm ngai lo, ka hmuh tlem vang nge erawh ka hre chuang lo va!



"Can't Hurt Me - David Goggins kha ka duh viau mai. Mipa, harsatna tam tak paltlang leh sual chhuak, harsatna hmachhawn dan chanchin a ni," tiin, "Lehkhabu i ngaina em ni?" Ka tih zawm a. In herin lehkhabu chu dimtê hian a dahthla a.


"Ngaina lo. Eng nge i in ah hian min hruai chhan chu ni?" Tun maia a hlim hmel kha a bo hmiah, he hmeichhe mitmeng aṭang hian eng nge a ngaihtuah tih pakhat pawh ka chhiar thei lo nia maw le!


"I hliama damdawi hnawih tur ka rawn la ang," ka ti sup.


Rang takin a kaw hmawr chu pawt thla sawk sawkin, a sam, a benga a zeh chu a hui thla zat bawk a!


"I buaina tur a awm lo," tia pensawn a tum chu, "ṭhu rawh," ti bul hlukin ka pensawn san nghal, ka aw chhuakah chuan hnial ka duh lo tih a hriat ngei ka ring.


"I taksa ah heihi i hnawih dawn nia," ointment chu a lamah ka lek, min rawn en chho kiau, a hmai vung deuh burah chuan kut a tuar tih mimawl ber pawhin chiang takin a hria ang.


Ointment chu a la a, "nangmahin lo inhnawih rawh, phone ka hmang ang a, thu zawh duh che ka la nei," ti lehin room-ha bawk ka luhsan leh.


Ka phone phawrhin Rca chu ka call a, "Sir."


"Rc, U Rammuana fanu chanchin hi hriat chian emaw en zui lo tum teh a, kut a tuar niin ka hria, a Pa hriat tir kher lo la," ka ti sup, tleirawl kum 20 pawh la tling lo tur hmeichhia lehnghalin a chutia hliam a tuar chu ngawihsan mai harsa ka ti.


Keimah hi ka dik lo tih ka hria, henu chanchin hian engti zawng emaw tak hian min verh riau zel tlat a ka hriat hrep chu ni!

.
.
.

"Kum engzah nge inih?" Room aṭanga ka chhuah hnu ah, chhun lama vaimim chhum inchung Nu in min pek chu ka ti lum a.


Rinfeli ṭhutna lam chu hawiin, "kum 35. Kum engzah nge inih ve?"


"Kum 19, rawng i bawl thiam em ni?" Ka kuta purun hnah chu en in ka mitah a rawn en leh, nui chungin, "mahni in kum 20 dâwn ka awm tawh alawm, hengte chu thil har a ni hleinem," ka ti ve mai.


A bu ve nghat, a nui hmel ka hmu leh tawh lo, lehkhabu a en laia a hmel kha ka hmu sual nge tih tur khawpin a mit leh hmelah engmah a lang leh tawh lo hrim hrim.



"Lehkhabu i ngaina tih ka hre thei. Eng nge i lehkhabu ngainat ber?" Purun hnah chep chung chuan ka zawt a.


A hnung tukverh a dak thla in, "Rainbow Without Colors," aw zawi tak hian a rawm ti chhuak!


Ka lo nui huk, "gay novel a ni lo'm ni?" Ka lam a rawn hawi a. Thuthlengseia ṭhu ṭha in, "ni e, mipa pahnih inhmangaihna chanchin kha ka hrethiam chuang lo nâ in, a ziaktu khawharna kha ka duh chhan chu a ni. Khawvelah hian beisei nei ngam lo khawpin a kil tawih tih ka hmu thei," a ti leh sep sep.


Ka kut chu hru faiin chiang takin a mitah chuan ka en a, "mahni anpui ngaihzawn hi Bible huat a ni a mah se kha novel erawh kha chu tihian en ila, i duh chhan tur âwm angber a lang chu, a khawharna nge ni a, a nuna a beidawnna zawk?" Min en ve ran, hmeichhe dang nise mipa, an aia upa daihin chutianga an enna chu zâm emaw zahna emaw mitmeng a en âwm tak a nih laiin, he hmeichhe mitmeng ah erawh chutiang chu hmuh tur a awm hauh lo thung!



Ka hmuh awm chhun chu, tuna ka zawhna chiah kha a ni, "khawharna leh beidawnna" a bak a mit thim rup karah hian hmuh tur a awm lo!


"A dik alawm, kan nun chhimbal lan ve ṭhin na, ti mawitu rawng awm si lo ang hian, kha Novel ziaktu pawh khan chu chu a tawng tih ka hriat vangin ka duh," a mit dum fiah tak chu current eng hnuaiah chuan mittui vang nge ni ka hre lo, a tle ral ral a, "i lehkhabu ngainat ang hi chu mi famkim leh chak, huaisen te tan chauh a chhiar tur a nih hi," a tih zawm sap.


He hmeichhe naupang ṭawngkam tin mai hian awmzia a nei a, a awmzia erawh ka hre lo ni lovin, ka ring ṭha ngam lo thung!

Eng ang hmeichhia nge maw a nih chiah le?


<>~>~>~><>



Link:
BBcode:
HTML:
Hide post links
Show post links

Ngaia
Site Admin
Posts: 19502
Joined: April 30th, 2016, 4:07 pm

Unread post by Ngaia » September 5th, 2021, 1:52 pm

Rainbow Without Colors

By
Floria Laldansangi

Part < 2 >


RINFELI...POV


Ka hmaa mipa ding chu mit khap fak fakin ka en kar. Ka lo rindan leh a ruk a, tukverh aṭanga ka bihthlak ṭhin, mi tam tak zinga mize danglam nei tur a ka rin ang chiah a ni.


Mi tam tak mit atanga ka hmuh fo ṭhin, hmuhsitna leh diriamna te a mit aṭang chuan ka hmu ve lova; ka hmuh zawng chu putar rilru tluangtlam leh ṭha tak; Mahse, mahni ngaihtuahna thup thiam miah lo, thin butut ve tak chauh a ni ka hmuh ni!


"I thil chhuan a so."


"Ohhh! I duh ve em? Vaimim chhum lum," pensawn pah chuan a ti a.


Ka ṭhutna aṭanga dingin kan In lam bawk chu ka thlir leh, engtin nge ka haw ang, nge ni a, ka tlânbo hlen dawn? Mahse, chêng khat pawh nei lo, haklai nen chauh hian Mêl buk tak ngial pawh ka thleng awm si lova!


Ka pa hrawn chahthlak laiin ka haklai nen ka chhuak a, sub-center ah kalin ka zun ka han test a nih kha!

Eng nge thleng inhria em? Kei hian a vawihnihnan ka Pa hrawn fa ka pai leh a nih chu! SÂWN chu a ni mai lo'm ni?


"Rinfel...." Ka harh zawk, rang lutukin ka hming rik chhuahna lam chu ka hawi a. Engtin nge ka hming a hriat? Ahhh... Mizoram mipui zatve ai tam mah hian min hria ang chu! Zawhna atthlak tak a ni?


"Zanriah ila ei lo a ni lo'm ni?" Chair chu a pawt chhuak a, "rawn ṭhu rawh," a tih zawm zat.


Ngawi rengin ka en, he khawvelah hian a thlawnin engmah ka dawng ngai lova, he mihring hian engvanga ei tur minpek tum nge a nih?


"Eng nge i duh?" Ka ti chhuak.


Vaimim chhumlum chu hawpin, "eng nge i sawi awmzia?" Min rawn melh zawk.


"Engvanga ei tur minpe nge inih?" Ka lak aṭang hian sex a beisei ve chu a ni lo'ng maw?


A nui huk a, a hmui tissue-a hrui faiin, "ṭhenawm naupang ril ṭam ei tur pe turin chhan ka neih a ngai em ni?" Nui hmel nelawm tak pu chung siin, a mitah chuan ka zawhna chu mak a ti tih ka hmu thei thung.


"Ka ril a ṭam lo," tih leh pensawn in chhuah ka tum a.


"Rinfel, rawn ṭhu rawh. Zawh duh che ka nei ka tih kha," a aw ki chu a hniam sût a, hnial erawh hnial ngam miah loh thung. Ka pa hrawn vin hrawk hrawk aiin a hlauhawm daih zawk bawk.


Muangchangin ka inher a, ka chhungrilin ka pa hrawn ang maia min phih phar a hläu ru nghal ringawt chu duh lo vin, ring lo viau mah ila, ka hlauh rukna erawh ka thunun theih piah lam a ni tlat!



"Ka ei zo lo ang che," ka mawngin chair a dai rualin nui zui suk hian a ti leh sup a.


Ngawi rengin ka ṭhu ve ta ran, "ei phawt rawh, i ril aṭam tih ka hria alawm," ti lehin, fian chu ka bulah ka rawn nawr hnai a.



"Eng nge i duh?" A lam ka hawi!


"I lak aṭang hian engmah ka duh lo," a ti ve mai.



"I hliam te kha engtia i neih nge tih ka hre duh," ka mal chu ka hmer zui salh, zawitê-in ka thaw ka hîp let bawk a!



"A chang chuan kan harsatna sawi chhuah hian kan zâng hawk ṭhin a nia," ka lam a rawn hawi, a nui suk bawk.


"Tu bulah maw?" Ka nui lui hak, a zat vang erawh a ni teh chiam lo.


"Sawi dik loh ka nei em ni?" A mit a ti zîm sän.



"Nei lo ve mah se, i thusawi aia i nunhlui valume a rin zawk chuan engtin nge i thusawi an hriat theih ang ni?" Fian chu ka ban a, ka hawp zui zat.



"Tu pawhin tihsual leh dai sual chang kan nei alawm. Siamṭhat erawh kan tih makmawh a ni, huaisen taka kan siam ṭhat a ngai," a ṭawngkam tin chuan ka lak aṭanga hriat duh a nei tih ka hria; Mahse, engtin nge ka nun, ka hman mek hringnun rapthlak tak hi sawi chhuak se min tih a, min beisei ni?


Ka nun hi hrechiang sela min hläu-in, min diriamna mitmengin min en ve leh mai lo ang tih tunge sawi thei?


"Huaisen?" Ka melh zawk, ka nuih a za tak takzawk dâwn, huaisen na pawhin a phatsan tawh hringnun a la tawng lo a nia nge!



"Mihring te hi kan famkim tawh lutuk a, i tihsual ah ngaihdam dil la, annuih a za zual ang a; insawifiah la, an diriam zual sauh ang che, i ngawih tlat leh an hmuhsit zual che-in, an zuam sauh bawk ang che. Kan ṭawngkam chhuakin tu emaw huaisen na leh beiseina a lakbo sak tih hre lo khawpin kan famkim ṭhin bawk si a," ka thusawi chu a hrethiam em ka hre lo mah se, thle deuh hê hian min rawn en.


A nui ta suk a, "a nih chuan school kal leh te hi i suangtuah ve ngai lo em ni? Duhthusam tih puitlin te i nei âwm si a," a tih leh phei chuan nuih vak mai ka duh.


Duh thu ka sam lohna chin pawh ka hre tawh lo.


"Duhthusam neih te chu ka tan a ni ve hleinem, duhthusam ka nei lo," ka ti ṭha ve mai bawk a.


Nui huk a min en chuang miah lovin, "duhthusam neih lohna khawvel hi engtin nge ansawi i hria em?" A lam ka hawi, min rawn en ve chiah bawk!


"Duhthusam awm lohna hringnun chu, chhimbal rawng nei lo ang a ni," ka lo ti sep, chuvang alawm ka nun hi chhimbal rawng nei lo nen ka tehkhin fo ni!

A bu nghauh a, ṭawng tumin a âng zuai tih ah, ka ṭhutna aṭanga tho chhuak thutin, "ka lawm e. I zawhna te ka chhang tawhin ka hria," tih leh chair chu ka nawr sawn.


A fian ken lai dawhkanah dahin, "Rinchhana ka nia, 'U Rc' minti mai dâwn nia, ṭhenawm kan ni ta bawk a, min mamawhna i neih chuan min rawn pan ṭhin la, lehkhabu emaw mamawh dang i neih pawhin," dam dup hian a rawn ti a.


A mitah ka en vang vang, "zawhna ka zawt leh thei ang che ngem?" Ka kalsan mai loh avangin a rawn ti leh, a ṭhutna aṭangin a rawn ding zui bawk a!


Hnai taka min rawn din hnaihin, "i Pa khuan kut a thlak ṭhin che em?" Chu zawhna chuan ka thawk lak leh thisen kal lai a ti tawp zui hmak emaw tih mai tur a ni!


Ka kut chu ka hum zui salh a, thaw halhin, "tu Pa-in nge mahni fate kut thlak ngai ni?" Ka ti chhuak sep, ka aw chu a khurh chhuah lohnan ka thunun nasa viau bawk.


Mahse, ka kawchhung erawhin, "kut min thlak satliah lova, pawngsual ka ni bawk. Ka thianghlimna min laksak a, ka nun hremhmunah a chan tir a, ka khawvel min laksak bawk," tia au chhuah chiam mai ka duh; Mahse, tu in nge ka thusawi ring ang a, kei mihur, ṭhan thi pawh neih hmaa pawngsual tawk, mipa mamawh reng, ka hming lem pawh UI CHO ve mai thusawi hi tu teh hrepin nge awih ang ni?


Ka sawi tawh kha, ka thusawi leh na tawrh aiin ka nunhlui thawm a ring tlat a tin ni!


"Rinfel, puih i mamawh chuan ka pui thei che a nia. Harsatna i neih chuan...." Min rawn khawih a tum, ka tawlh hnung hrut.




Ka hrawk a rawn na ut ut, ka mit erawh a hul hak thung, ṭap turin mittui nei tawh hek lo i lê!


Ṭah chhuak, ṭap tura mittui sên tur nei tawh si lo, rilru leh kawchhung na rûm vawng vawng chuan ka nui chhuak a.



"Tinge? Sex video nei tawh, taksa engkim mai Mizo mipui-in an hmuh tawh hmeichhe chanchin hi sawi zau sak i duh ve em ni?" Ka thle hâ.



A phun hluk a, "buaina i tawk em ka ti mai a ni?" A ti hluk.


Ka inrin hma-in ka biang a rawn lum thla pup bawk a.


Kum 5, ka nu boral aṭanga kum 5 hnu-ah tu emaw in puih ka ngai em tih leh buaina ka tawk em tih min zawhna hmasa ber a ni!

Mahse, keimah ngêi pawh ka inrin zawh loh laiin, engtin nge he mihring, ka vawikhat biak leh hriat hi ka rin ang ni?


"A nih chuan min hmangaih thu i sawi thei angem?" Za lo tak hian ka ṭhensak.


"Maw?" Ka zawhna chu hre lo pawh a ni lo.

"Ka hmangaih lo che, hmangaih tur che in chhan lah ka nei hek lo. Bakah, naupang mai ila ni," nui chungin a ti leh.



Ka nui a, a zat vang erawh a ni lo chiang!


"Ka hria alawm, "ka hmangaih che" tih thu i sawi thei lo em ni? Hmangaihna ka mamawh hle si a," a tawp lam chu boruakah ka aw a thâm ral, rilru kim lo emaw minti tawh ngeiin ka ring!


A nui hmel chu a reh tial tial a, "Rinfel, i harsatna tawh ah hian i Pa...." A rawn pen hnai.


"Ka tawk lo," lo ti vatin, inher-in chak takin ka chhuahsan a, tualzawl, thim chin ka tlen rualin ka mittui chu dan rual lohin a rawn luang chhuak zung zung, ka in hnit zui hlawp hlawp bawk a!


Harsa tak chuan ka chil ka lem khalh a, ṭap chung chuan mangang zet leh mawl inti tak siin ka nui chhuak zui bawk!


Huaisen na chhe tê tal nei ila hetiang hian ka nun hi a hreawm kher angem? Nge ni a heiai nasa hian hmuhsitna leh diariamna ka tawk nasa zawk ang? Tunah a ai nasa a hmuhsitna tawk turin sawn ka pai zui bawk a!



Muangchangin, ka tân In, hrem hmun, kan In lam chu ka pan chhat chhat.


Kawngkhar bulah chuan dingin, mit ka chhing vang vang bawk a.

A vawihnihnan a fa ka pai a ni tih a hria a nih chuan, ka nau chhiat thleng ṭhak min sawisa leh duh dâwn tih ka hriat avangin zep tum a, remchang hmasa berah pawisa tlêm a zawng nena tlanbo tum rilru chung leh, mahni nunna atana beih let tuma in puahchah rilru tak chung chuan dimtê in kawngkhar chu ka hawng a.


In chhung ka luh fel rualin, min thawi fua hian hmun phiah a rawn thlawk zui vûk bawk. Ka thaw chhuak kawk.



"Khawiah phiangsen nge i kal?" A ti ṭhawt.



Ka ngawi ngal, "i inzuar em ni? I inzawrhna aṭang em ni sàwn i pai?" Thinrim ṭawng seh chilh rap rap mai a tih chuan, ka meng kawk.


"Eng maw?" Ka ti chhuak haw!


"Chh* hur nu leh!" Ti leh hrawk hian a phone chuan ka dulah a rawn vawm sawk a.


Nau ka pai tih a hre rang lutuk chuan minti hamhaih, kawngkhar a rawn rik avangin min ben a tum, a kut phar uaih tawh chu a dah let sawk a.


Kei erawhin phone chhuata tla chu chharin, ka hmet eng a, Facebook ka luh rualin ka kawchhung a khur nghal dawt dawt, mittui far zui fep fep hian mangang zetin ka nui chhuak bawk a!


Message screenshot an post darh chei chuai chu en thla in, ka nui chhuak uar uar, "tlailam khan zun test turin a rawn kal a, a rai a. Tu fa nge a pai ang le? I bialpa hawlh hnu a nih khi aw! A luck hi ka ti khaw a'h," Tih te mai chauh a ni chu message chu!


Mahse... Mahse, a vawihnihnan Mizoram pumpui deuh thaw hmuhsitna min diriamna min dawn nawn tir leh tu a ni lawi si!


"Rc, kan pafa buaina chu kan pafa-in kan chingfel thei," ka Pa hrawnin a tih ri leh kawngkhar khar dawt a, a kalh ri te chu chiang takin ka hria a mah se, ka ngaihtuahna, ka thluak hi a chawl leh ta dûk thung!


Kha sub-center a thawk hmeichhe fel leh hmelṭha tak khan, ka chanchin tu emaw a hrilh avanga tuna ka hmachhawn mek sakawlh hi min rawn hriatpui angem?


Ka biang a thîp sak, min benna chu nâ ka tih vang ni lovin, ka mangang lutuk leh, he hringnun leh khawvelah beiseina ka neih ve dâwn a pianga pawhthlak a ka awm fo chuan duh lo teh mah ila, ka mit aṭangin mittui a ko chhuak leh ṭhin a tin ni!


Chhuatah chuan ka mu kawm ngar, min benga, min chhir a, ka taksa a khawihna ri bak chu ri dang reng reng a chhuak lo!


Ka mittui erawh ka hnar ngulah a luang ngiai ngiai thung!


"Min that law law ta la," chu chu ka duhthusam awm chhun a ni.


Ka aw chu a chhuak ṭawk ṭawk, ka ṭawng zawngin ka dul a na thîp veng veng bawk a!


A rawn ṭhu hniam, "that thei che ila ka ti! Engtik laiin nge mikhual tlangval te khi ilo han in l*k tir leh hman a?" Ti kha hrawih hian, ka hmaiah chil a chhak zui thlawrh a.


Mit hnawm chap chuan ka melh chho, ṭawng ka duh, sakawlh a nih zia hrilh ka duh a mah se ṭawng turin ka na mah mah rih tlat!


Ka hmaia a chil chhak pawh tuai fai lovin mit ka chhing riai riai, theih nise, theih ni ngat sela men tawh loh a, hetiang hian....hetiang a awm hlen leh harh chhuah tawh loh hi ka duh takzet a ni, ka duh takzet!


Mahni nunna la tur êm chuan ka huaisen si lova, ka hnukchah thleng law law a min sawisak mai tur hi a nia! A ni lo'm ni?


Harh chhuah tawh loh a, mit chhin hlen chu ka duhthusam lian ber leh duhthusam dang engmah ka nei lo!!!



<><><><>


RCA...POV



Rinfeli zawhna "min hmangaih thu sawi rawh" a tih leh a mitmeng a hmangaihna a mamawh zia ka hmuh khan sawi mai tur minti hre lo takzet.


Naupang, hmangaih taka kuahtu mamawh ngawih ngawih kha a ang ber!


Chair ah chuan ṭhu letin ka phone chu rilru nuam zan lo chungin ka hmet eng a.

Facebook ka luh ruala ka hmuh hmasak ber erawhin, ka tum miah loh leh tih ngai miah lohin comments min chhiar tir!


Rinfeli video leh message screenshot pakhat chu an post a, "sex video a siam hnu-ah sâwn a pai leh a, eng nge in ngaihdan?" Tiin Zosap ah chuan an post kalh.

Post Comments lah chu, kei patling kum 30 râl kai tawh pawh hian hmuh hreawm ka ti a nia!


< "Vai fa te hi a ni mai lo'ng maw? Mizo mipa in an Lu peih tawh âwm si lova?"

< "Khawia sàwn nge a lo pai leh hman a? Mipa tel lovin a awm thei lo chu a ni phawt ang a."

< "Vawikhat tal mutpui ve chu a chakawm alawm le."

< "A naupai vawihnihna niin ka hria, hmanah damdawiin ah nau a chhiat avangin a lut tawh an tih kha ka hre tlat."

< "Video khi min lo send ve teh."



Comments tam tak chu hmuhsitna, diriamna, nuihsawhna leh tenna ṭawngkam a ni, 100 ah 1 bakin "a nun a hreawm angem? Eng thil nge a tawn ang le? A dai sual palh laklawh tih a hriat, ka khawngaih letling. Hringnun rah pelh palh hi chuan, tum leh duh miah loh thleng a dai tlang hi a awl a sin," tiin zuhan comments lo a maw le!


An comments hnutchhiah thumal tin mai chu patling tán pawha en leh hriat hreawm a nih laiin, kha hmeichhe tleirawl khan engtin nge a dawn sawn ve tak ang?


Hei hi em ni Rinfeli'n, "khawvel mihring famkim" a tih leh, "famkim lohna khawvela mi famkim te," tia a sawi chu nita!


Kawmthlang lam aṭanga aw ki vin leh ring tak ka hriat rualin ka vawi hut, ka chal ti chuar tap hian ka ngaithla nawn leh!


Rinfeli te In aṭangin thawm a rawn chhuak tih ka hriatin ka tlân chhuak vat a, an in lama tlân thla in, an kawngkhar chu ka chum dat dat.


U Rammuana thinrim hmaisen hlar mai chuan kawngkhar a rawn hawng a, Rinfeli hmel erawh ka hmu thei lo, "in ṭha em?" Ka ti sup, Rinfeli erawh a rawn nui chhuak uar uar. Min ti hamhaih zawk dâwn alawm!


"Kan ṭha, mamawh i nei em ni?" Rinfeli en zawkin U Rammuana chu ka en leh, "ka inrawlhna tur chu a ni lova.." Ka ti hman ṭawk, "kan pafa buaina chu kan pafa-in kan chingfel thei," tia min tihsan hluk chuan kawngkhar chu a khar zui hmiah!


Ka thaw chhuak hawk, ka kekawr ipte zen in ka hawi kual, ṭhenawm khawveng hian tumahin an thawm vâng hi an hre lo nge, tu amah chhuak leh rawn ngaihven pawh an awm loh ni? Mak chu ka ti ru viau mai!


Kut a thlak ka rin ruk deuhna kha ka la neih avangin kalsawn mai lo chuan an In kawtah chuan ka ding deuh vang vang a.


Rinfeli nui ri ni âwm tak ka hriat zeuh bak thawm dang hriat ka neih takah loh chuan ât hmel tak hian ka khi suk.


A engtia mi chhungkaw buaina leh annun a in rawlh ta mai nge maw ka nih le?


An sawi ang khan, 'hmeichhe khaw lo ve tak, awm ṭhat tum lo ve hrim hrim a ni mai lo'ng maw? A pa-in a khungbeh tlat chhan pawh hi hetiang a sàwn a pai a hlauh vang a ni angem e' tih te chu rilru ah a rawn lang ta ang zut zut a.


"Ka buai lohna turah ka buai a tin ni," ti sup chuan ka pensawn.


A vawikhatnan ka tih ngai loh leh buai ngai lohna, midang nun leh chhungkua ah ka buai a, ka buai loh tawpna tur a ni tih leh a tawpna tur a ni tih ka hrechhuak zui chiah bawk!



<><><>

Link:
BBcode:
HTML:
Hide post links
Show post links

Ngaia
Site Admin
Posts: 19502
Joined: April 30th, 2016, 4:07 pm

Unread post by Ngaia » September 5th, 2021, 1:53 pm

Rainbow Without Colors

By
Floria Laldansangi

Part < 3 > Last >


RINFELI...POV


Ningâ ni a ni a, in entir turin ka Pa hrawnin min phur chhuak a, keimaha Doctor min hnuh tirin, khawi lamah nge a pil bo ka hre leh tawh lo.


Doctor-in ka tan nau tih tlak a hlauhawm thu a sawilai te chuan ka rilru hi a mang vek a, he naute hi a piang thei lo tih ka beng awmna ka chian tlukin ka chiang bawk si!


Ka bul vel a mi te leh hnathawk ho min en dan chu hmuh loh hram hram tum mah ila, an mit fing tak leh famkimna a thuama min enna aṭang chuan tlânbo theihna rêng ka nei si lo.


"Hetah hian lo nghak rawh, damdawi ka rawn la ang," tia nurse-in a tih chuan, zahna leh in kil tawihna, natna leh ngaihtuahna thi ṭhuap chungin, ngawi reng leh kûn deuh ngarin ṭhut thlengah chuan ka ṭhu thla a.


"Engtikah emaw sawn a pai hi chu ka ring hrim hrim a," ka hnung lam aṭangin hmeichhe aw hi a rawn chhuak a.



"Enteh, a Pa khi a pa diktak a ni lo an ti lehnghal a ni lo'm ni? A nu a boral tawh si a, a Pa nen pawh khian an in dep ve fo lo ang tih tunge sawi thei, hnuailamin unau leh pahrawn a hrerang ve si lova," pakhatin ti zatin an nui zui kur kur.


Ka kut chu ka mal chungah nghet takin ka hum khawm a, ka thaw dep dep bawk!


An ṭawngkam te chuan minti nâ em tih pawh hre lo khawpa rilru mangang chuan ka ṭhu tlawk tlawk a ni ber!


"Lalrinfeli," tia nurse min kohna ka hriat rualin ka ding vat.


Thinphu dat datin muangchangin ka hnunglam chu ka hawi a.



Hmeichhe pahnih mai bakah U Rca leh nula hmelṭha tak mai an lo ṭhu ve bawk, chu chuan ka zahna leh natna a ti zual nge ka hre lo, ka thlanfim a rawn bawl zui ṭiam ṭiam.


Ka mit phak chap mai chu khap fak fakin, "sawi zawm rawh u; Mahse, i hmaia hlim hmel a awm theihnan chhan a awm ngai ang bawkin, mitin nun hian thawnthu a nei a nia," ka aw chu a khur dar dar, thunun ka tum nasat vei nen ka hlawhchham ṭhak thung!



U Rca chuan mit zîmsan hian min lo en a, a bula ṭhu nula hmelṭha tak, a kut inti neitu tak a vuan rantu pawh chuan, hmuhsitna tel miah si lo vin, nui hmel nelawm tak hian min lo nuih var var, chu chuan minti zak zual a, ka dinna hmuna pil bo vang vang mai min duh tir sauh thung!


Ni e, heihi a ni ka dinhmun ni ta chu, tu emaw in khawngaihna leh lainat emaw, nelawm tak mitmeng a min en nasa poh leh ka in kilh tawihna leh zahna a nasa zual sauh bawk si!


Hmalam hun êng taka thlir turin huaisen na ka nei tawh lova, tu emaw mi ṭha leh min hrethiam tu an awm dâwn a ni tih chhungrilin min hrilh ve ṭhin mah se, an puihna dil tur khawpin ka dinna, zahna kâwn leh natna aṭang hian ka pensawn ngam tawh ṭhin si lo!


Damdawi ka lak hnuah, taksa khur ru deuh dar dar chung chuan pawnlam chu ka pan a.


He nau hi ka ti tla thei lo a, ka ti tla a nih chuan ka nunna atan pawha a hlauhawm tur thu an sawi si a; mahse, ka tan chuan nitin leh darkar tin hi thihna ko tlânga ding a, thi thei si lo ang ka ni thung!


Doctor thusawi te khan hlauhna minpe eih lova; ka hlauh zawk tak erawh he ka pumchhunga naute, ka duh loh leh ka hmangaih ngai loh tur hi ka pai puitlin palh hlauh ang tih a ni ka hlauh zawk ni?



Ka mittui a rawn luang ngiai ngiai, ka kal ngaiin ka kal chhat chhat, ka mit meng reng siin khawilam nge ka pan ka hre lo. Ka hma zawn chu a thim mut a, kum tam tak hnu ah, a vawikhatnan, a vawikhatnan tak meuh meuh ka ṭawngṭai a, Pathian hming ka lam leh hmasak bera ka dil erawh, "khawngaih takin ka nunna hi la hrâm rawh," tih chu a ni.



Pathian hnena ka ṭawngṭai lohna leh a hming ka lam lohna chin pawh ka hre tawh lo.

Biakin ka kal hnuhnung ber kha, ka la hre reng mai, ka video leakout hnu deuh chiah a nih kha.


Khami ṭuma min sawidan ka hriat reng chu, "zahna a hre love ngawt mai. Engtin nge Biakin te a rawn la kal ngam le? Zahna a pianpui ve lo a niang?" Zahna chu ka hria a, an Pathian, ka Pathian ni ve ṭhin In-ah rilru hahdamna leh thlarau lama minpui tu ka zawn ruk vang a, zahloh chhuaha kal ve mai ka ni a sin!


Ni e, Biakin rap ve turin ka bawlhhlawh lutuk a, Pathian hi au duh lo leh be duh lo ka ni bik lo. Auh a, koh a, ka Pathian a nih ve ṭhin vang pawhin a puihna ngen ka duh a sin!



Mahse, ka tling lo a, a hming lama a puihna ngên ve turin ka bawlhhlawh zia min hrilh tu chhungril a ka neih tlat avangin, ka huaisen tawk lova, ka tenawm zia ka hriat chhuah fo avangin ka auh loh phah ṭhin zawk a ni!


Pathian khi a awm ka ring a, a awm a ni tih ka hre bawk; Mahse, kei ang tan ni lovin, mi famkim leh ṭha, sualna nei lo tán a ni ang e!


"Lalrinfel..." Ka harh zawk.


Ka hnunglam chu ka hawi a, ka pa hrawn mai bakah, U Rca leh a bialnu ka hmu zat.


Hnuai lamah, nurse leh dam lo, in entir tam tak chuan min rawn en chho ṭhap bawk a.



Mittui luang ngiai ngiai chuan mangang zet hian ka nui chhuak sen sen a.


"Ka zuan thlak i hläu em ni? Ka thih chuan läwm ber tur i ni âwm si a," ka thle bak.


Ni e, Hospital building chungah a ni ka lawn kai ni!


Ka chhungril khawi emaw lai hian zuangthla turin min hrilh a; Mahse, zuang thla tur erawhin huaisen na famkim ka la nei chuang lo!


"Engthil atthlak nge i tih rawn phei rawh," ka Pa hrawn chuan a ti leh hrawk, "thil i tisual a nih chuan a siam ṭhatna tur ngaihtuah rawh. Mahni nunna la lovin," a tih zawm leh khur khur.



Za tak chuan ka nui chhuak, ka ten lutuk leh mangang au aw rawl a ni mah zawk!


"Thil pakhat, thil pakhat chiah ka zawt ang che. Pakhat chiah..." Mittui luang zawih zawih chuan ka Pa hrawn, ka dinna aṭanga hlam 3 vela ding khur mai en ngawih ngawih chuan ka ti chhuak a.


"Engvanga tinge i nih? I eng pawi nge ka sawi fakau a i kut ka tawrh a, pawngsual hial ka tawn fo ni? Chu chauh, chu chauh chu min chhang rawh Pa...." Mittui tla zawih zawihin, kum tam tak liamta aṭanga ka zawh chak, ka ngam ngai si loh chu a rawn puak chhuak a.



"Engthu lawi lo nge i sawi?" A meng tal rawk rawk, a hawi kual a, kan hnuai ah leh a bula ding ve U Rca leh a bialnu chu a en leh, "dawtsawi lo khan rawn kal rawh," ka nui chhuak leh hak.


"Dawt?"


"Ni e, ka thusawi a piang chu dawt a ni. Helai a awm zawng zawng pawh hian tumahin min ring lo tih ka hria. Min ring pawh ni ula, tumahin min nuihsawh leh min diriamna avangin inthiam lohna inneih phah chuang lo.


Tinge ka thih inhläu em ni? Nui rawh u, ka awmdan hi inrin dan chiah a ni leh lo em ni?" Hrawkna kham ut ut leh mittui tla zawih zawih chuan ka au chhuak.


Ka dinna 30ft chuang zeta sang aṭang chuan ka en chhuk a, "in khawvel, nangni mi famkim awmkhawmna hi ka tan chuan a thimin, a pik lutuk a, kal ngaihna leh hawi ngaihna ka hre ve lo a ni. Ṭanpui tu ka mamawh a, ka au a; Mahse, tumahin inbeng in khawn duh lo. Tunah, tunah thihna ko tlángah ka ding emaw intih avanga in mit aṭanga hlauhna lo lang kha eng nge ni ngai?" A tawp lam chu ka riat nawk nawk.



Ka taksa a khur hlawk hlawk bawk a. Mahse, ka la zuangthla thei chuang lo a nih chu!


Ka ke hi phuarbet tu an awm emaw tih mai tur a ni! Ka rilru a inpeih a, ka chhungril khawi emaw lai hi a la inpeih lo ni maiin ka hria!



"Rinfel, Rinfel inbengdai rawh, thihna hian engmah a chingfel lo a nia. I Pa hian a pawngsual che tih i sawi a, hremna i pek theihnan i dam a ngai, a ni lo'm ni? Tuna i huaisen ang khan ding la, Pathian khian chhuahna tur kawng awm lovin mihring te chungah harsatna a thlen tir ngai lo. Min ring rawh?" U Rca bialnu chu mittui nen ka en ngawih ngawih.



"Pathian," ka nui hul hak, "min la hre ve a nih si chuan engvanga ka nun hi ti rethei em em nge a nih tih i lo zawt dawn nia. En rawh, heta mi zawng zawng hian ka thih hläu in min en ṭhap a, ka mangan lai leh puih ka ngaih lai te, Pathian ka mamawh em em lai te, naupang kum 14 mi lek zantin kut thlak a nih a, pawngsual a nih lai khan khawnge an awm?



Ka nun an nuihzat a, nawhchizuar chhuaha min chhuah lai te khan vawikhat chauh tal eng nge ka an tih min zawt tur khan in Pathian, ka Pathian pawh ni ve ṭhin kha khawiah.... khawiah nge a awm? Khawiah mah a awm lo, a ngawi a, a reh a, a reh vawng vawng a, engtik lai mahin êng a rawn chhuah ve ngai lo.


Ka tum a, ka bei a, beiseina chhetê tih alh ve ṭawk ṭawk ka tum pawh, nangni mifel leh famkim, Pathian ring tlattu te hian a ni min ṭhelh mit sak leh fo ṭhin ni? Chuti chung chuan ka nun hremhmunah hian chhuahna a awm ang maw?" Thaw kawk kawkin, ka hnungzangah boruakin min hnawhbet tlat chung chuan, "ka chau tawh a ni, ka chau takzet," ka ti chhuak rawih rawih.


He hmun, he khawvel aṭanga bo vang vang bak duh ka nei tawh lo, chu chiah chu a ni duh ka neih ni!



"Rinfel i nunna i lak a vangin i tawrhna te a reh phah dawn lo, i hmalam hun i kut ngeiin i ti chhia tihna a ni dâwn a sin. Min ring la, beiseina nei rawh, i Pa hi hremna a na thei ang ber ka pe ang tih ka tiam ang che," U Rca chuan min rawn pan hnai.



Mittui tla zawih zawih hian ka lo nuih sen sen, "engtin nge i pek ang, jail-ah i khung dâwn em ni? A nih khang kum 5 chhung ka tawrh ve na te kha le? Zantin, nitin ka tawrhna te, ka mualpho na te kha le?" Ka en ngawih ngawih.



"Min ring rawh, thihna hi buaina chinfelna a ni lo," min bengdaih a tum tih ka hria.



Ka chil chu harsa takin ka lem khalh, ka hrawkna lutuk chuan min hmet hlum dâwn hialin ka hre bawk, "mahse, ka natna leh tawrhna te kumkhua-in a tawp tawh dâwn a sin. Mualpho na, zahna leh diriamna, chung zawng zawng hma chhawn a, tuar nawn leh turin chakna ka nei tawh lo a ni," ti chhuak sap sapin ka hnunglamah chuan ka tawlh hret hret a.



"Ti suh Rinfel..." Tia ka lama U Rca kut rawn lek chhuah chu chelh ka duh mah se, he khawvel thim tak mai, famkimna leh ṭhatna a thuam, mifel te chauh êng chhuahna ah hian ding turin chakna ka nei tawh lo a ni.




"Ka tihpalh U Rc, ka tihpalh......" Mittui tla zawih zawih a tiin ka hnunglamah chuan liam thlà in, boruakah chuan ka tla vawng vawng a, muangchanga mit chhingin, he khawvel, mi ṭha leh famkim te chauh lenna hringnun chu muangchangin ka thlah liam riai riai bawk a!


Ka taksa in lei a deh rik awk te chuan nâ reng reng ka hre lo, ka hahdam a, mittui kar aṭangin inchung sâng tak aṭanga U Rca min rawn en thlakna chu nui sen sen in mit ka chhin san leh riai riai bawk!


<><><><>


RCA..POV


"A awm tawh lo a ni," tia Doctor thusawi chuan min ṭhawng hran lo.


Ka hma ah ngei ding a, puih a ngaihzia leh puitu a mamawh zia ka hmu lo kha mawl ka inti in, he thihna ah hian mawhphurhtu ka ni tih ka inhre chiang em em bawk!

Engtin nge kha hmeichhe naupang au aw leh rûm ri kha ka hriat loh theih?

Ka ngaihdan leh rindan ka lo dah lian hmasa lutuk a, ka hmaah ngei a thi lai ka thlir liam a ngaih phah ta a nih hi!
.
.
.
.



Rinfeli ruang chu an in lamah kan phur chho a, Nancy-i pawh a la pangai lo tih a awmdan ah ka hre thei.


U Rammuana erawh Thana ah hruaiin, lockup-ah dah hmasak a ni a, a chung thu chu court rel turah a awm ang chu!


Ṭhenawm khawveng, Rinfeli chanchin hria a piang chuan mak an ti a, an lainat zia an ti lang nasa in, M.H.I.P leh NGO hruaitu hrang hrang ten U Rammuana hremna na tak a tawh theihnan sorkar an nawrin, Zokhawthar mipuiin kawng zawhna annei nghal bawk.



"Rc, heihi i lehkha tur a ang ka ti," tiin Y.M.A President Ramtharnghaka, "Bawiha" kan tih mai chuan a rawn ti a.


Nancy-i nen chuan in en in ka lo ban vat, lehkha chu ka phawrh a, kut ziak sin nalh tak leh felfai taka inziak hian, "engtin nge bul ka ṭan, U Rc minpuih theihthu kha i sawi a, kum tam tak hnu a puih ka mamawh em tih leh harsatna ka nei em tih min zawt hmasaber tu ini. Chuvangin ka ngaina che a, midang mit aṭanga ka hmuh ṭhin diriamna leh hmusitna i mitah ka hmuh ve loh vang te pawh a ni mahna le!

He lehkha i chhiar hunah chuan kei erawh chu an sawi ṭhin HREMHMUN lam panin, in chen mêkna khawvel aṭangin ka bo tawh ngei ang. I puihna ka mamawh a, min pui ngei dâwn a ni tih ka hre bawk! Khawngaihin ka Pa kha zawhna pakhat chauh min lo zawhsak la, heihi min lo hrilh sak ta che?


Zawhna tam tak ka nei lo, ka hriat tur leh tawrh tur te chu mi tam tak hnen aṭangin ka dawngin ka hre tawh a; Mahse, ka Pa lak aṭangin zawhna pakhat chiah hriat duh ka nei, pakhat chiah, 'engvanga ka chunga nunrawng em em nge a nih a, engpawi nge ka sawi a pawngsual tawk fo tur leh kut thlakna tuar fo tur khan?' Mahse, chuti chung chuan ka nu nunna tana theih tawp chhuah naah erawh ka sawi theih tak si loh lawmthu min lo hrilh tel sak dâwn nia!


U Rc, harsatna ka nei em tih min zawh kha ila hre reng em? Kha tihlai khan huaisen tawk ila, inrin tawkna chhe te tal lo nei ila, vawiin ni hian he lehkha hi i chhiar a ngai hauh lo tur a nia; Mahse maw, ka tawng che erawh ka lawm tho mai, a chhan chu kha khawvelah khan mi zawng zawngin min diriam lo a ni tih leh, keiang mi famkim lo ṭanpui turin tu emaw a awm a ni tih min hmuh tir a, min hriat tir avangin. Engtiangin nge min thlah liam dâwn ka hre lo, mi tam zawk chuan, pawi antih thu sawiin, min lainat thu ansawi ang a, ka ruang chungah 'lo tuar hram hram la ni tur' tiin min thlah ngei ang!



Mahse, nangtal chuan tuar hram hram turin min hrilh lo la, ka kalna tur hremhmun ah tal diriamna leh hmusitna ka tawh tawh lohnan nui chungin min mangṭha dâwn nia! A chhan chu maw ka tawrh hrâm hrâmna khan nitin a nung chunga min phum ṭhin vang a ni! Tiin.


Ka chhiar zo chu, patling ṭhankin uaih tawh hi mittui far fep fep chungin thaw ka la kawk a, "i tawrhna te ka lo hre lo kha min ngaidam la, puitling leh ai a upa nih ka tlin lohna ah erawh min ngaidam suh ang che," harsa tak chuan ka ti chhuak hrawih! Nancy-in nghet takin ka kut a rawm chelh vat bawk a.


Tunah chuan a thusawi, "famkim lohna khawvela mi famkim awmkhawm," a tih chu kei leh nang ngei hi kan ni!



Kan ṭawngkam chhuak leh thu chhuakin tu emaw beiseina de va va chu kan chhem mit sak fo va, natna leh tawrhna nena hringnun sual ṭauh ṭauh ṭhin te chu, tharum tel miah si lovin kan lo sawisak fo ṭhin vangin, hmeichhe hlim thei tak tur leh, huaisen taka khawvel hmachhawn ve tur kha a hringnunah leh, a mihring pui ngei chungah beidawnna meichher kan chhi a, kan chhem alh sak a, mahni nunna hlut zo lo khawpin kan siam a ni tih ka hre chhuak chiah bawk!


"Ni e. Natna awm tawh lohna tur ni a i hriatah chuan chawl la, he khawvel i tána hremhmun ni si, a parzû leh mawina i tem ve hman loh leh, thliah ve hman loh. Eng tiang chiaha mawi nge a nih hriat chakna pawh i neih tawh lohna lei anchhe dawng, lei vantirhkoh i hmuh lohna hmun hi rawn ngai reng reng suh ang che!!!!" Tiin.

LALRINFELI kum 19 lek a upa, natna leh hliam tam taka tuam khawm thlarau chu ka thlah liam a ta a!!

< A TAWP TA >

<><><><><>




Note : ka sawi tawh angin, he story hi 2018 daih tawha ka ziah, ka zawh hleihtheih miah loh a ni a, zanin hian a tawpna hlimawm loh takin ka zo thei ṭawk a😆🙆‍♀️ngaihnawm intih ṭheuh ka beisei e😘in zavai chungah ka lawm em em e💚🙆‍♀️

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)