LOVE AFTER MARRIAGE By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: LOVE AFTER MARRIAGE By Floria Laldansangi (Completed)

Unread post by Ngaia » June 5th, 2022, 12:57 pm

{ LOVE AFTER MARRIAGE}

By

Floria Laldansangi


Chapter < 37 >


"Enkawl..... Enkawl, inbe teh ang," Enkawla car-a lut tur chu ka au deuh lang lang a.


"Ka va kal lawk," ka ṭhiante enin ka tlân sawn nghal a.


"Tinge min hêl?" A nui vur vur. A lu thak lo pui hiat zuiin, "a nuam lo ve a," a ti sup. Ka lo ner vak thung. Chaw ei kan sawm pawhin a la pha char char ka ngei lek lek zawk.


"Thil zawh duh che ka nei a."


"Betty-i chungchang em ni?" Ka lo bu nghat.


"Inpa fa a nih i ring chiah lo a ni tiraw? Ka lo nui lui sak. Ka dindan siam remin a car chu ka ngheng zui a.


"Rindan ka thiam lo, Rammuanawma fa a ni takzet em tih zawhna hi ka nei leh ṭhin. In anna chu an nei tih ka hria, mahse rin ngaihna ka hre lo," ka ti ta sep sep a.


"In pa nen pawh rindan kan thiam lo alawm, vawihnih ngawt DNA test kha kan ti hial a sin."


"A hrim hrimin engvanga Rammuanawma fa a pai tih sawi miah lo nge a nih le. Enteh, Pathlawi fa nei a ni tih hre lawk ila chuan ka tán pawh Betty-i pawm hi a awlsam dâwn a. Mahse, nau ka pai hnuah, Betty-i pian hnu feah kan hre chawp a, pawm leh en dan ka thiam lo," Enkawla hian thil zep a nei ang tih ka hläuh êm avangin ka rilru diktak ka sawi chuak ta tawp tawp ringawt.


"Florence-i pawh khan Tengheta fa emaw a ti a ni âwm e. A landanin Jessica-in a hmang ṭangkai a ni ber. Tengheta khan college kan kal lai aṭangin Florence-i hi a duh tawh a. Tengheta tán chance Jessica-in siam sakin Florence-i leh Rammuanawma a inṭhen tir hmasa zet a, Florence-i fanu Pa pawh Jessica-in Tengheta a hrilh leh vek a, Rammuana'n a hmangaih che tih a hriat veleh Florence-i leh Betty-i hmangin ṭhenhran che u a tum a, a medical result lem kha Florence-i hmuh tura dahlui a ni bawk," mak ti fe in Enkawla chu ka en chho.


A awihawmloh hial zawk, hmeichhe pakhatin chutiang zawng zawng ruahmanna chu a siam a nia.


"Tengheta'n a fa a ni lo tih a hriat khan Florence-i kut thlak a ching ṭan bawk nen, inpa fa nei thei lo, i uire san ve emaw a ti zui nen, beiseina säng tak a nei chho khân hetiang dinhmunah hian a hruai ta a ni e. I tan Betty-i pawm chu a harsa ang tih ka hrethiam alawm. Kan nu pawhin DNA test ṭhat a lo rawt sak ngawt a," a nui zui huk.


Za vak lo va nuiin, "ka rilruk ve deuh tho a," ka ti ve sap. Ka ngaihtuah tak tak, a chang chuan "Rammuanawma fa lo ni lo ta se," tih te hi ka ngaihtuah rum rum ṭhin. Rammuanawma'n hriase a lungawi lo viau maithei a ni.


Eng ang pawhin pawmhar ti mah ila, Betty-i chu Rammuanawma thisen ngei a lo ni e. Ka duh emaw duh lo emaw ka pasal fa a ni tih ka pawm a ngai niin alang.


"Thilthleng te hi i awih ngam chiah na nge?" Za vak lo va ka nui chu a hmu a ni ang, ka melh chho a, "Mizo kara thleng âwm pawh a ni hleinem," ka ti chhuak thlawt. Mak ka ti ve êm a sin. Kum 10 chuang teh meuh kha Rammuanawma nun chawhbuai hna a thawk tawp mai a nia. A khawngaihthlak awm zawk hial alawm.



"Huatna, itsikna neih te chu mahni hrehawmna mai mai. Mahni siamchawp lehnghal. Thinlung khawngaihthlak an nia," tiin ka Pa hian a sawi mai ṭhin. A dik ka ti ta viau mai.



"Mizoram thleng tura kan ruat loh hi a thleng chho nuk zel chu a nih hi. Mahni nupui sawisa hlum te, pasal that te, tleirawlte ni si a, mahni nunna la ta te," a ti duah chuan ka lo bu nghat nghat.


Kristian ram kan tih ramah hian thilmak tak tak leh awihawmloh lutuk a thleng chho zut tak tak chu a nih hi.
.
.
.

"Nangni pafa chu, eng nge in lo inpawm leh tâk ni? Damdawi in ah inbuai lo em ni?" Kawngka bula ding, an pafa in pawm lam chu ka pan a.


"Zanin..."


"Ka kal dawn chiah," a lo ti nui sup chu ka melh ram ram. Thlamuanpuia lah chu a pa âwmah a bei ang hle hle bawk a.


"Petrol te a hek, rawn haw reng suh," ka ti chu zat hmel tak hian a nui chhuak huk, "ka fapa ka ngai alawm," a la nui reng. Ka sawi peih tawh lo, a zawm dâwn chuang lo, a fapa hi a atchilh ni hian ka hre ber tawh.


"U..."


"Eng nge i rawn tih leh dâwn?"


"Ka rawn kal zin hmel e. Boruak ka rawn nang fuh lo bawk si," a nui vur vur.


"Chaw ei turin ka ko a nih kha," ka pasal leh ka nau chu ka melh vak. Engtiklai aṭang te khan nge an lo inkawm ngeih em em ni?


"Hmanzanah zan inriak bo a ni maw? Hmeichhia an la tel zui a. Sâwn i thlak chuan aw Hmingthansang i chaklo ang aw," ka hau zui hlak hlak.


"Aaa!! Thlamuanpuia nu chu 'âng reng machine' emaw tih tur hi a ni ṭhin a, ar-mawng ang mai phun reng mai. Ka lo pawm dawn em ni," Rammuanawma nen chuan an nui zui huk huk a.


"Ka hauh peihmah che u hi lawm rawh u," ti leh hrâm a, ka pasal nui vur vur chu enin, a chhuak tur chu ka zui chhuak ve zat.


"Chanchin i hre tawh em?" Ka melh chho ralh.


Ka kawngah a rawn kuah a, "Enkawla nen kan lo inbe zo chiah a. I ṭha maw?" Car bulah chuan a ding dut.


A kawnga ka kut rawlhin ka kuah zui a, ka dak chho vah bawk, "ṭha chiah lo, a thawpik thlakin nuam pawh ka ti lo," ka hmuiah a rawn fawp zauh. Ka lo nurnang mai, mi ṭawng lai laiin.


A nui ri suk a, "kal suh ka tih che kha, hetiang rilru hi i rawnpu haw dawn tih ka hre reng a ni," dik inti fe hian a rawn ti chhuak a, ka hmui hnuailam ti pawrh vakin, "a thiltih chhan ber a zep leh lawi tlat a, a chhan hriat ka chak alawm," ka ti leh siam siam.


"Engthu nge a sawi?"



"Ka Pu lakah a inthiam loh vangin," a lo thaw hulh a, a sana bih zauhin, "ka tlai dâwn Bawihi.." Ka hmuiah fawp leh vang vanga inla hrang vutin keipawh ka tawlhsawn ve vat a, car a ṭhut luh tawh hnuah, "takan a, thlathar chu inkhaw lamah kan zin hman ang aw, hun ka insia dawn nia," ka lo nui var var.

Ka pasal fel lutuk hi vawikhat fawh leh ka duh a ni, kal hnaiin nui var var chuan ka fawp zauh a, "ka Pa chu a läwm khawp ang. Ka lawm e," a mitmenga min hmangaihna leh hlimna lang chhuak zut zut chu ka hmuh hmaih bik hauh lo.



Ka Pa kum 70-na tur a ni a, kal ngei ka duh sia, a hnaah a buainen inthlahrung deuha ka sawi kha a lo ngaihtuah zui reng a ni ngei ang.

Hmm Lalfamkima a ni ringawt tawh alawm le.


"Inpa a kal liam tawh tho kha, i fapa ek hi rawn thian teh," ka inher vat, a putea a lo ek khum leh a ni maw.


A taksa aṭanga hla taka alo pawm kang chu nuih zui khek khekin , "a e leh tawh elo?" Ka ti chhuak a.


"Ka pawm ve a piang hian a zun loh leh a e ziah," a ti nung nung.


Nui kur kur chungin, "nupui ineih hunah i thaibawih dâwn a nih kha," ka ti chu a awih chiah lo a ni ang, aner nasa ngang mai!!
.
.
.

"Inla chhuak lo maw? Inchhuah hman kan hläu khawp a. Mate, heihi, i pa damdawi tur," ka Niin a rawn ti lut sawk sawk.


"Nizan khan kan theihnghilh alawm maw le, a zawh teuh tawh thu a sawi zin nen," ti zuiin a nuivur vur a.


"Ka bag-ah ka'n dah mai ang e. Kan rualin kal ve mai ula ṭha tur a nia."

"I ni Bawli te ho nen kan rawn chho law law ang. Khawnge in Pa leh Bawihpuia?"


"Toilet-ah a hruai leh lailawk a nih kha..." An rawn chhuk ve chiah bawk.


"Awi! Bawihpuia chu a va mawi em em ve. Api inpawm tir lawk rawh," ka Ni a hmu chu a nui leh nasa mai. Duattu hi chu a hre ve alawm.



Ka Niin pawmin a fawp deuh nawk nawk a, "ei zo vek mai dawn che mi le," Rammuanawma ka bulah a rawn ding nui vur vur.



"Engtik maw Ni inrawn chhoh ve ang?"


"Nilaiah a anih ka ring, Lunglei lama i ni te chhung kan lo nghak ang chu. A tlai dâwn kal tawh rawh u," Ethan-a chu ka Ni pawmna aṭangin a tâlpit zui zat.


"Pawmte hi ka duh rei lo ve te hi anti ve sisawi a," ka niin a ti zui lang lang.


"U Hnem, kan kal dâwn a sin. Minzui ve ula ni mai tur a nia."


"Kal rawh u, kal rawh u. Kan nupain in kan lo nghak a," a mitko a kan ak.


Rammuanawma nui ri sukin, "naute lo siam ve rawh se," ti supa a chhuak zui chu ka nui vur vur ringawt a.


Tun hnua ka hriat chhuah chu, hmana U Hnemi sawi, "hetiang hi a ni ngai lo, a nui duhin biak a nuam lutuk," a tih kha, a hma khan ka lo awih ngai lo va, tunhnu hian ka awih ta viau mai.


"Khawnge Lalduata hi, kan rual khan chhuah a tum emaw ka tia," ka fapa steering herh kual nuam ti lutuk chu enin, "khatah chuan i ṭhu thei lo aw," ka ti zui zat.


"Seling a thleng tawh ang chu." Ka ni in rawn tiin.

"Seling-ah min lo nghah tur thu a sawi kha," Rammuanawma'n a rawn ti ve sup. Ka theihnghilh daih.


"Bawihte, i pa khalh tir rawh," car luh ruala ka mala pawm ka tum chu a rak leh tawh.

"Thlamuanpui, sual ṭhin suh," Rammuanawma lah chu a la nui huk huk zui a.


"A va mangan thlak ṭhin ve maw le Bawihpui le," ka Niin ka ṭhutna lam aṭangin a rawn ti ve nung nung. A sual a nia he nau hi chu. Lellul mai!


"Tete hne rawh," hnute phawrh ka tum ve leh a kâ chip zui hmakin min ban ve chauh. Ka beng chak thei!


"Hnute i hmuh chiah hian i fel a," Rammuanawma a rawn nui huk, motor khalh chungin a fapa hnute hne lai ke chu a rawn tawk leh zauh ṭhin. A lo tlawhlet ve nek nek bawk.



"A na lutuk Thlamuanpui.." A mawngah ka beng zui thlawrh. A la nui vur vur zui a.


"I seh leh chuan i hne tawh lo ang."

"Ben a ṭul kher zel em ni?" Rammuanawma chu ka melh vak.


"A nâ alawm," ka ti zui hlar, a fapa hnute seh ka ben ṭhin hian a lo tum vuau zel.


"Ṭah tum miah suh aw Thlamuan..." A pa aw a hriat veleh ṭah a tum a nih chu. A tenawm reuh a nia!



A harh bawk si, mutthilh ve sek duh pawhin a theih loh reng reng, seat hnunglamah a insawn thul, a va mangan thlak tak ka fapa hi chu! Zawng thluak a ei em ni tih hial natham a ni ṭhin.


"Nute...." Khawzawlah kan ding a, "Bawihpuia chu a muhil elo?" Car chhung a rawn bih duk duk.


"A muhil deuh chiah, a tâl chau a nih saw," car aṭangin ka chhuak zui ve a.


"Zovi hei chauh hi em ni Bag i neih?" A bu nghat, Zovin minzui chho ve dâwn a, Nute Mahruaii te erawh Pa David-a dam loh avangin minzui thei lo thung.



"Thil eiin kan chawl dâwn em?" Kanpa lam chu ka hawi.


"Duata..." Ka melh dun a.

"A hrim hrimin inah chawlh kawi intum lo em ni?" Nute Mahruaii enin, "kan thleng tlai dâwn lutuk, ka ril chu a ṭam deuh a," ka ti niah niah.


"Dar 8, dár 9 velah kan thleng thei ang chu," Rammuanawma'n a rawn ti sup.


"A nih chuan chawlkawi lo mai ang u," tui ka in zui a.


"Ei tur ka lei kha," engtik laiin nge a lei ni.


"Engtikin nge i lei? Kawngah ka ei mai ang. Zovi, i U Duata Bike ah nge chuan i duh kan bulah?"


"Car-ah, Au Hminga chu khalh chak thei êm mai," a lo ti vat. Kan nui dar dar. Keipawh hi Bike khalh thiam nazawng phurh hi ka duh lo reng reng.



"Zovi fel deuhin han awm la, i Pa leh i U te ho thu han awih bawk la, Mate, sarep a awm leh min rawn hawn ru aw. Lawisa rep ka ei ve duh a nia," a ti zawm zat zat ka bu nghat.


Ka Pa piancham lawm chauh kan tum kha Läwmthu sawina neih anti nghal a, Tahan-a Ka Pu, ka Nu Pa nau chiah hian Lawi chal a rawn thawh a, keini nupa-in Vawk 2 leh ka Ni te ho vin Ar. Kan tipui dâwn khawp mai.


"Zovi i college kalna tur i ngaihtuah tawh em? Kan bula awmte chu i duh lo em ni? Khawnge i thil lei chu?" Kanpa chu ka zawt zui zat.


"Zovi, i ṭhutna bulah khan sarang dum a awm kha. I fapa lu sawn siamṭhat a ngai a nih saw," min rawn melh zui a. A fapa mu dik lo mai mai pawh hi a ngaimawh thei si.


"I nau lu kha dahṭhat sak nghal rawh," a hnunga ṭhu a ni bawka tir reng mai ang.


Engtia thui nge kan tlân tawh pawh ka hre lo, ka lo muhil ve daih a ni ngei ang.


"Bawihi... Bawihi.."


"Bawiha saw hnute a chak niin ka hria," ka meng diar diar.


Zi mar ṭalh ṭalhin ka ṭhu ngil a, "Zovi i nau i lo awm elo? Hnute ka lo pe ang e," seat hnunglamah ka inher zui.


"Khawilai nge kan thlen tawh," Ethan-a pawmin hnute ka pe zui a.


"Kan lut ṭan," a rawn tih sup rualin Champhai road In awm hmasa ber a lang zui zat. Kan va tlân chakin ka van mu rei awm êm êm ve le, Champhai sawi loh Melbuk kan luhlai pawh la hre miah lo a nia.
.
.
.
"Pa....." Min lo hmuak nual mai.



"Bawihpuia chu khawimaw?" Wheelchair lam chu a pan zui ve tar tar a.


Inchibai kualin, ka nau te ho vin kan thawmhnaw an thiar lut zung zung bawk.


"E he! Lawi in talh tawh elo?" In chhung hnawk zet mai, sa sahna hmun ni âwm tak en kual chuan ka ti chhuak a.


"Ni lo ve, i Pute Tlana ten an vawk an talh a, hetah a ṭhen anrawn dah maw le," ka Nutei'n a lo ti vat.


Sofa-ah thu thla hnawkin, kan Pa rawn ṭhu ve chu a malah ka ke ka hlang zui zat. A nui zui suk.


"E khai! Dinte, inrawn thleng tluang maw?" Nu Veni te nupa leh Pa Noa te anrawn lut a.


Lo chibai vatin, "Pathian zarah kan tluang e. In lo dam em?"


"Dam lutuk e. Dr. Muana pawh a hmelṭha tulh tulh mai a nih hi maw," dak vah hian a en chho a, ka bula taksa lian deuh ding luah mai melh chho ralhin, chhuang ru deuh tak chuan ka nui var var a. A pianphung ringawt pawh hi chhuan tham a nia sin.

"Pasal i neih ṭhat thu ansawi nasa a, a nih tak hi maw. Thim thamah hmuh phei chuan i lian si a, hlauh tham i tling mai dâwn alawm," Pa Noa'n nui vur vura tiin, "heihi i fapa maw?" Thlamuana rawn tlân tar tar lu a lo tawk zauhin a tih zui zat.


"A nih ve kha," a U te ho um kawi chu nuam a ti ngang mai, a khek tuar tuar mai.


"A hmelṭha kher mai i fapa hi, thlah pawlh te pawh a ang dâwn dâwn alawm," Pa Tawna'n a rawn ti ve chu nui chungin, "kanpa chi lo chi dang a tel deuh a," nui ar ar a ka ti chhuak chu Nu Veni a lo nui nasa ngang mai.


"A ni tak ang a, a hmaifang hi a Mizo lo riau mai," Nui thlawrh thlawrh chuan a fiamthu zui a, "a pa pawh hian tu chi nge a hre miah lo a nia," remchang a piangah hian ka sawi chhuak zel bawk a.


Ka pasal läwm vak lo, läwm lo ngam si lo hmel dur khup chu ka nui khek khek, tih luih hi a nuam ve e!

"Inbual hmasak intum em? Nge chaw in ei hmasa dâwn?"


"Zovi i inbual hmasak duh leh inbual hmasa la, I U Rammuana nen keini kan In ah kan zu inbual ang," Zovi chu a bu nghat.


"Kan chhuk dâwn em ni?" A ding zui nul a.

"Nu Ven lo lêng rih rawh u aw, kan zu inbual ang e," ka ding zui ve a.


"Kan luggage ho kha?" Ka ti leh. Kan ri nasa lutuk leh Thlamuana pawm inchuh, lo duh bik si lo rak nen chauh a ti zual.


"In ah Hlutea te ṭhian ho vin an hnuh thlak tawh kha."



"Ka pawmthla dawn che em niang," a bân bulah ka lo beng taih. A nui tak suk suk a.


Kan inleng leh Pa Ṭhaa te lo nui vur mai.


"Pa kan chhuk dâwn a sin, Thlamuana kha chu rawn hruai thla mai rawh u," ka Pa chu a bu nghat.


"Ka ruala inbual chu i duh amaw?" Ka melh chho ralh.


"Engmah ngaihtuah suh, ka chau aw Rammuanawm," ka lo tih khalh vat chu, awmze nei deuh hian a nui zui huk huk ringawt a. A rilru ka hre reng, tuna nupa nun hmang turin ka chau lutuk a awihawmloh êm mai a.


"Rammuanawm, i kut la sawn rawh," saruaka inbual na nâ nâ chu ka hnunglam aṭangin min rawn zen rualin ka ṭim nghal er er thei.


"Teuh lo," ti supin ka dulah a rawn hup a, lehlamin ka hnute a hup zui zat bawk, a kut ṭang zei tak maia min zût zuiin, ka hmeichhiatnaa a zut thlàk rualin ka lo thaw hawk.


Ka pasal taksa khauh ṭha tak, huh chap mai chu nek zui ṭalh ṭalhin, "kan nupa room a nih loh hi," ka aw zet chu leh!


Ka taksa leh thisen danglam ta thuai ṭhin hi ka haw ru ṭhin.


Ka beng bulah a nui ri suk a, "ka hria e..." Ti leh supin ka beng a seh zui ne ne. Ka âwm ka sep ta dârh dârh mai! Hlauh vang mi si lovin, ka pasal tawhna leh thisen lum avangin tiril a khur leh ta der der bawk a.


"Zankhat nghei i pe na mah mah lo maw?" Ka aw chu a khur leh lek lek tawh.


"I hria alawm..." Ka hmeichhiatnaah a nuai zauh a.


"Rammuan..."

"Shitttt... Thâwmdim rawh Lala," a aw hur zet mai chuan min hneh leh tawh lutuk, mipa dang kâ aṭanga ka hriat nise ka ten ṭhin dâwn nen.


A thaw hulh a, a kut ṭang ka hmeichhiatnaah a thun zui zat, "Ahhh!!" Thaw kawkin ka ip zui chawih.

Ka nghawngah fawpin, a kut ṭang chu a ti che a, ka hmeichhiatna chu a nuai zui nawk nawk, kezungpui kawm ngar ngarin, ka hnunglama ka pasal malpui, mar ṭha tak mai chu ka ṭham zui ngat ngat bawk.


A lungphu dup dup leh a thaw ri chu ka bengah ring tak a ni.


Bang lamah min nawrin, ka hnungzang, ka nghawng a fawp kual a, a lei hmangin ka taksa vawt thler mai chu a liak tel leh zauh ṭhin bawk. A kut pakhat lah awm mai mai lo, ka hnute, naupawm hnute kawh tak chu duhthawh takin a sawk tawk tawk bawk a.

Awm ngaihna ka hre leh tawh lo, ka kâah lah boruak a leng hek lo. A hming lam chhuaha thun luh tir ka duh, mahse ri chhuah thei ka ni lo tih ka hre reng mai bawk si a.


Thaw kawk kawkin a lam hawiin min pawh her a, bathroom chhung a light an chhit dîm tak hnuaia ka pasal inbual huh hnawm chap mai, tisa chakna mitmeng phelh Phang chu, amah ka mamawhna avanga mitmeng phe ruaia hmuh chuan, a lang ṭha zual takzet.


A rawn kûn hniam a, min fawp zui tawn tawnin, ka khelah chelhin min chawi kâng nawlh. A kawngah ka lo kherhbet ve nghal zat bawk.


Kun hniamin a tukkhum samah ka kut rawlha ṭham salhin, ka fawp nghal tawn tawn a, ka pasal aia duh thawh chuan ka lei a kâ chhungah ka hawl lut a. Ka chetdan teh thut chuan a ṭhawng nge min fawp reng chungin a rawn nui ri suk.


"I huaisen ta hle mai ka hmangaih," a aw chu a zawiin, a khur ve lek lek a, a thawp sup bawk. A nui zui suk chu thaw chhuak dar darin a darah ka khabe ka nghat zui a.

kan thaw dun hlawp hlawp, muangchangin ka hmeichhiatnaah a mipatna khawng leh hrawl tak chu a rawn hnawh lut a, ka pasal dar chu seh zui ta ngat ngatin, a hnungzang chu ka ṭham ngawt ngawt bawk.



Ka khel tawn tawna chelhin, a che zui zawt zawt bawk a. Aw rawl ka chhuah lohnan a hmuiin ka hmui a chilh leh hmiah bawk.


Nupa kar hmangaihna chhinchhiahna pakhat, lei vanram chu, vawi eng emaw zah a vawrtawp thleng a, fang dun lehin kan thaw zui ta kawk kawk mai.


Vawh tih vang ni si lova, kaihza khur dar dara ka ding chu tui luma min rawn tleuhin, rang takin towel chuan min tuamzui a.



A mah pawhin towel vengin min pawm zui nawlh.


"Pawnah midang an awm chu," ka aw pawh a la dik lo masa, a rum nghut a, "Hotel..." A ti zet tawh, a âwmah ka lo beng taih, thaw leh hulh a min nghatin, ka biang tawn tawna chelha min fawp leh vawng vawngin a chal chuan ka chal a nawr a, a thaw chhuak zui ham ham bawk.


Ka pasal chu melh chho kiauin ka nuihta sen sen a, a biang, khabe ruh kual lian tak, mawi lo khawpa lian ni si lo chu chul a, a hmui tuai sak zauh va, dingdi hlip zauhin ka fawp ve zauh, a lo nui ri ve suk mai.

Ka hnara fawp lehin, "ka hmangaih che," tiin a inla hrang zui vut.


"Ka hmangaih che," tih thu hi a kâ aṭang ka hre ta fo va, ngaiah neiin emaw dawngsawn dan ka thiam ve tawh ang chu ka ti ṭhin.


Mahse, a ni hauh lo, min hmangaih thu thâwp sup leh rilruih maia a sawi a piang hian ka lungphu a la tirangin, ka vawikhat hriatna ang maiin, ringhlel ni si lovin rinhar ka la ti ṭhin!!!
.
.

< D-day>

"Khawimaw Thlamuanpui, lo khawih zel suh," ka Pa birthday cake a batti kan dah chu lo ban a tum ve zel a.


"I birthday pawh a ni hleinem," Hlutea'n a fiam chu a rak nghal ringawt.


"Apu birthday alawm Ethan..." An lo nui dar dar, a birthday emaw a ti ngawt lehnghal.

Birthday hla kan saklai pawhin a Pu malchungah ṭhu in Batti chhem hlum a tum ve nasa khawp.


"Apu-in chhem hlum hmasa rawh se," ka ti chu a rak vak a nih chu. Ka melh ve vakna chu min en miah lovin batti a chhem ve ang phut phut a, chhem hlum zo der si lo.


"A tawk aw, cake ei kan duh," cake kan zai tur pawh kan buai leh pek teh e.



"Awi! Thlamuanpuia ang fapa neih aiin lentar ka duh. Hmelṭha viau mah se a sual e!" Uar zeta Siamsiami'n a rawn tih chuan nui chungin Rammuanawma ka melh chho vat.


A nuih a za ve vak lo a ni ang a, a inhmuam up em mai.


"I tar ṭan tawh alawm kha. Senior âtin a bawhzui der mai che a," Zingengmawia'n a lo fiam chu kan lo nui dar dar.


Pathian zarah kan hlim a, Lawmthu sawina hun pawh kan hmang nuamin, kan hmang tluang viau bawk. Kan haw dâwn zana Ely-i zu ruiin buaina tlem a siam tih loh chu kan felfai viau.



Ohh! Thlamuanpuia sual uchuak, duat tih inhre lutuk rak reng nen!
.
.
.
"College kal leh hi i duh em Bawihi? Bawiha kum 1 a tling tawh tho va," ka pasal âwma bei hle hle chuan ka la thaw deuh kawk kawk a. Ani pawh a lungphu a la ri dup dup tho.

Boruak hip vang vanga thaw chhuak ham hamin, dak chho vin, ka melh chho ralh a.


"Thluak a chawl tawha awmzia a awm lo. Chuai chuan..." Ka tawp dat.


A taksa chungah chuan ka insawn chho sat sat a, a lo nui nghawr dat dat. A taksa hi ka khum pakhat chu a ni dêr tawh tlat a ni.



"Chuai chuan eng nge?" Dam dupa lo ti supin ka sam hnawk niah chu ka bengah a zep zui a, a kutzungpuiin ka hmui a tuai zui zauh bawk.



"Betty-i...Betty-i kan bulah awmtir ila," a mitko a lo san awk.


"Ethan-a a ngaina em em tho si a, ka Nu te bula a awm pawh ṭha viau mah se unau a seilen leh, nu leh pa hmangaihna dawnga seilen tluk naupang tán chuan a awm lo," ka ti zui sep sep.


Läwmthu sawia kan khua kan zin ṭuma ka pa thusawi leh zawhna kha ka ngaihtuah leh ṭhin, "rilru nuamin i awm thei dâwn em ni?" A tih leh, "naupang chu enkawltu a zir a ni. Bible pawhin 'naupang chu a kalna âwm kawngah zirtir ula, a lo puitlin pawhin a thlah lo vang,' a tih kha," tiin Betty-i chungchang ngaihtuah ṭha turin min chah mawlh mawlh a nih kha. A sawidik chiah bawk, khang kum 1 chhung kha rilru nuam takin ka awm bîk miah lo.


Ely-i a ruih fo a, in chhungah buaina a siam tih hriat leh, a khat tawka Betty-i a hmu thei lo tih hriat phei chuan zan mut loh phahnan ka hmang fo bawk si, kan bula lâk pawi tihna ka nei ta lo reng reng.



"Inngaihtuah chiang rawh Bawihi."



Ka lu ka lo thing vat vat, "ka ngaihtuah tawh alawm, a hun viau tawhin ka hre bawk. Iti ve lo em ni?" A hrawk bawk chu ka khawih zui niap niap a.


Thaw chhuak hawkin, "i inchhir lo ang maw? Ka Pa te bulah pawh nuam a ti tho si a," min ngaihtuah hmel taka min enna chu nuihlet var varin, "chhirna tur a awm hleinem. I fanu chu ka fanu a ni ve dâwn alawm. Bakah, naupang pawisawilo a nia, ka khawngaih," ka ti chhuak sap sap, ka ti tak tak bawk. A nu tihdik loh avanga Betty-i a pa laka lo ṭhen hran reng pawh a dik bik lo.


Mi tamtakin, "i mawl hle mai, a pi leh pu bulah pawh awmse a in ang reng," an ti ang a.


A ṭhenin, "itih tur diktak a ni," minti bawk ang. A a tam zawkin, "a ṭul kher em ni?" Anti dâwn tih ka hria.


Tin, ka hrin ka fa ang takin ka hmangaih thei ang em ka hre lo. Ka tiam thei hek lo mah se kan seilenna a zirin mihring hmalam hun a danglam thei a ni tih ka hria a. Betty-i pawh hian Pa hmangaihna dawn a phu a, chutiang chiah chuan Nu hmangaihna pawh!



Nuhrawn ṭha ber ka nih ka ring lo mah se ka theih tawp erawh chhuah ka duh a ni. Khawngaihna leh lainatna a awm a, ka neih theih chuan hmangaihna pawh a awm ve ngeiin ka ring!


"Papa...papa..."

"Hey.. Buddy..." Rammuanawma'n nui chungin, aw thum dûtin a chhang vat.


"Thlamuanpui..." Blanket ka pawt chho vat. Rammuanawma a nui chhuak huk a.

Kan lam pana rawn tlân lut ter terin, "pawh..pawh..pawh..." A pa chung aṭangin min namtlak a tum nghal zat. Inti thu ve thei sia'h!


"I room-ah va mu rawh, zanah chuan hetah ka mu dawn," Rammuanawma âwmah chuan ka beilui vat, a rak ring ṭhin teh e.


A chala kawk zauhin, "sual lutuk mai..." Ka let thla zui tap.


"Zing dár 4 chauh, naupang dang hi i ang lo bik lutuk," saruak veka ka la awm avangin blanket chu ka pawtbet ran bawk a.



"Junior, in tihbuainan chuan a hma deuh lo maw?" A dulah a ṭhut tir a, bu ve nasa mai. Ka lo nui chhuak ta hak, a pa hi chu a atchilh ve a ni. A tho hlim pawh hi a pa hi a zawng nghal vat zel.


Mi chhungkua hi an ni ve em ka hre lo, mahse keini chu an pafa hian an in atchilh tawp a, a chang phei chuan ka thinrim pha fo bawk.


Kum 1 leh thla 4 a ni ve leh tawh. Pathian zarah a hriselin a chak em em a, tunah te phei chuan "Papa" tih leh "pawh" tih hi a thiam lutuk tawh a, a Pa-in min kuah hlek se, "pawh, pawh.." Lo tiin min namsawn zung zung zel!!!


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:57 pm

{LOVE AFTER MARRIAGE}

By

Floria Laldansangi

Chapter < 38 >


Rammuanawma....POV



"Eng nge i duh Rammuan? Kum khat hnuah min nuihzat turin i rawn lang ngam ta em ni?"



"Sign rawh."

"Engthil nge ka lak aṭang hian i la duh? Hetianga ka nun i siam hnu hian engthil fakau nge min laksak i la duh ni?"


"Florence, i dinhmuna insiamtu chu tudang an ni lo, nangmah ini?" Dam dup hian ka ti chhuak a.



"Ka fanu pek che maw?" A rawn ti ṭhat.


"Ka nun he hmuna i tawp tir hnuah ka fanu chhuhsak mintum a maw?" A ding zawt.


"Ṭhu rawh Florence..."


"RAMMUANAWM...."

"Uluk deuhin ngaithla rawh, tunah hian i fanu hian PTSD a nei mêk a ni," ka ti chhuak ta hluk a.


"I thusawi hi ka rin leh i ring em ni?"


Ka kiai ta suk a, chair hnung ngheng datin, "psychologist i nih kha Florence. I thiamna kha hmang rawh. Naupang kum 1 miin eng nge a mamawh a, a tlakchham a, engin nge PTSD thlen thei tih?" Ka ti leh sup sup.


Min en kar chungin a rawn ṭhu hniam a, "i fiamthu lo tiraw? CBT therapy te a dawng em? Ni lo, EMDR therapy a pawimawh zawk."


"I fanu i ngaihtuah a, naupang pangai ang a seilen tir i duh chuan ka nupui nena kan enkawl turin he paper-ah hian sign rawh."


"Engtin nge ka rin ang che. I fanu a nih pawh ring lo tu inih kha," a au ṭhat.


"Florence, he hmunah hian inhnialpui tur che a rawn kal ka ni lo, Betty-i hian puih a mamawh. In ngaihtuahna hun ka pe ang che. Mahse, thil nghah ka thei lo tih i hriat," ka ding zui a.



"I nupui hian a ti duhdah lo ang tih engtin nge ka hriat ang ni? Min haw hle si a. Phuba laknan enkawl remti chauh ni ta se la."


Ka nui suk, "ka nupui mizia i hria a ni lo'm ni?" Ti supin ka kalsan a.


Ka nupui hian rei tak Betty-i hi a ngaihsak lo thei dawn lo tih ka hria. Mahse, ka rinai erawhin a rilru a thlak hma thung.


Betty-in PSTD a neih avanga a ṭawng duh miah loh lai a lo ni bawk nen. Hmalam huna buaina a awm lohnan leh ka nupui rilru haha a awm lohnan dan ang thlapin engkim hi tih ka duh a ni!!


<><><><>~>~>

RAMDINSANGI...POV


"Tah khan ding rawh. Che miah lo khan ding ang che. Khawia chirh diak nge i va khawih? Hei i thawmhnaw zawng zawng leh i taksa, i hmai nen chirh diak vek a nih hi." Ka fapa kum 1 leh thla 4 mi, chirh diak kai nuaiha ka hmaa ding chu, hmawl tereuh te nen chuan ka tin ve ran a.

Min rawn melh chho kiau, ṭah chak, ṭap ngam si lo chu ka nuih a za lek lek.


"Kawmchara ka leilaih diakah a lo va kal a nih kha," U Hnemi'n lo chhan a tum tih a hriat ve leh an nuih tlawn ang vel a.

He naupang fing phakar lutuk hi chu a buaithlak ṭhin.


"Kalrawh, i pa rawn haw hmaa i inbualfai a ngai. I U te chaw an rawn ei dawn bawk sj," vawn ka tum chu Choka bathroom lam panin a tlan zui ter ter. Ka lu ka thing ta mat mat ringawt. Tun aṭang hian kan inveng seng lo tak tak chu a ni.


"Lo..lo..." A lu suk ka tum chu a lo tal ve a.


"Thlamuanpui...." Ka ti ṭhak chu min en vat.


"Che tawh suh, i bal turu lutuk. I chet leh chuan nawhlung hian ka khawng ang che," shower chuan ka phuh nghal sur sur. A ṭawng thiam ṭan fiah lo rak rak pawh a ngawi ta kar mai a lawm.

Han nuai deuh ila, "lo, lo, lo," hi a lo ti ve sisawi a, hauh leh hmel hlim lo te lah hi a hre zek bawk si.


Kan inbual zo towel nen kan inpawm chhuak chu, Rammuanawma a rawn lut ve chiah a.


A pa a hmuh rualin a tâlpit lehnghal ta. A mak a nia he nau hi chu.

"Hey Buddy! I nu i ti thinrim leh tawh em ni?" A pawm zui nawlh.


A thawmhnaw bal la tura bathroom a letin, "chirhdiak a lo khawih a nih kha," ka ti zui hlak hlak.


"Khawi, han inbual rawh, thawmhnaw ka lo hak tir ang," an inpawm chho ta leh nulh nulh mai. Ka umzui ve vat a.


"I rawn haw hma dâwn emaw ka tia," Ethan-a kawr hak tir pahin ka pasal thawmhnaw phelh chu ka melh zauh.


"Kawina tur ka rawn nei lawk alawm le. I pangpar chu i sawn tawh em ni?" Ka lo bu nghat.


"U Piana'n min sawnsak a nih kha. Inbual vat rawh, ka Nu te an rawn thleng ṭep tawh ang," a thawmhnaw bal chu ka lo khawm vat vat.


Rammuanawma thawmhnaw hak tur khuma dah chhuakin, Ethan-a nen inhnuaiah kan chhuk thla leh a.


Ka Pa te pawh anrawn lut ve chiah bawk. Ethan-an a U a hmu chu lawm ngang mai, a tlan hnaih nghal vat, Betty-i pawh a nui ve sen sen. Betty-i hi a ṭawng tam lo vin a nui tam lo tak nâ chu, Ethan-a bulah hi chuan a ṭawng ve zauh zauh a, a nui ve sen sen zel.


"Rinai in rawn kal hma."


"Ely-i kan rawn tlânchhiat san titih a," ka Nu-in a lo ti vat a. Ka lo nui vur vur.

"Thantea chu a va fai ve maw le," ka Pa-in a fiam zui zauh.


"A inbualfai chiah chirh a lo va khawih a, kan inbual nawn leh a nih kha. Eng nge i ke chu a an Pa?"


"A zia tawh lutuk. I pa Varak rawn thawn kha ka ngeih a nih hmel," läwm tih hriat tak hian a nui zui vur vur a.



"Nimin chu Betty-i kan va entir a," Ka nu chu ka melh zauh.


"PTSD an lo tia, engtia enkawl chi nge maw ni dawn ni. Therapy lak ringawt hian a pui zo lo ang tih ka hläu deuh. Kan lo hhre har si a," a tih zui sep sep.


"Kan nupa-in kan lo ngaihtuah a. Kan bulah awm ve tawh mai sela tiin," an nupa chuan min en vat.


Ka pasal inbual fai, rimtui chem chem nen ka bulah a rawn ṭhu thla a, "innu sawi hi tak tak em ni?" Ka Pa-in a lo ti vat.

"Vawiin khan Florence-i ka va hmu a," Rammuanawma chu rang tawkin ka en.



"Dan ang a felfai taka enkawl ka duh avangin paper sign tur ka pe tawh a, a sign chuan kan bulah kan awmpui tawh ang chu," ti sup supin mak ti zeta ka en na chu min rawn en deuh vung vung.



"Dr. Terry ka hmu bawk a, a dinhmun erawh chhia a ni lo tih leh, a bul vela awm an pawimawh chhoh tur thu a sawi a," a tih zawm sup sup.


Nichin khan kal kawina a neih thu a sawi tak kha maw. Engkim felfai taka tih duh, a hnua buaina awm lo tura inven a tum zia ka hmu thei.



"I ngaihdan chu ka ṭawmpui khawp mai che," ka Pa-in lo ti churh churhin, "Ely-i zawk hi tunlai chu enkawl ngai zawk tak a ni," a tih zawm zat.


"Puitling a ni tawh a, chhia leh ṭha a hre tawh. Tumahin kan pui thei lo," Rammuanawma'n buk zet zet hian a lo chhang hluk hluk.


Pawnlama Ely-i ṭhu ka hmuh takah chuan ka tho zui vat, ka pasal min enzui na pawh chu en let lovin pawn lam, Ely-i ṭhutna bul chu ka pan vat a.


"U Dinte.."


"I rawn lut ve lo va," ka ṭhu thla a.



"Pawn boruak hi a nuam zawk alawm," a harhfim teh khiah, Rammuana'n rui chunga rawn kal tawh lo tura a tih kha a hre ve reng em maw ni?



"Betty-i enkawl i tum elo?"


"Ummm, kan tum chhin chu a nia," ka nui seih a.


"Ka Pa te bulah pawh awmse a in ang reng tho sia, i peih e," ka lo nui, "kan mawhphurhna alawm. Fate chu nu leh pa hnuaia an seilen hi a fuh ngai," min rawn en deuh vang vang a.



"Nunsanga khan a lo sawidik a nih hi," a ti chhuak ta hap.


"Huh!" Ti deuh haw in, ka nui leh a, "eng nge a sawi a?" Ka ti ṭha leh.


"Aw...Betty-i pawh hi i hmangaih leh thei mai ang tih. Mahni hrin loh sawi loh pasalte hmangaih hlui fa phei chu ka en peih lo ang," a ti zat zat.


Nui chhuakin, "kan chunga a thlen chiah hian a dân a dang daih a nia. Engpawh kan chunga thleng kan dawnsawn dan a zirin kan nundan leh thlir dan hi a danglam ṭhin lutuk. Mi tamtakin min dem ang a, tamtakin 'mawl' minti bawk ang. Mahse Ely, chung thusawi leh midang ngaihdan ten kan nun an tihbuai phak loh a, haider dan leh hmuh loh dan kan thiam chiah hian, hringnunah step 1-in hma kan sawn ṭhin.


Tin, mawhphurhna tlânchhiatsan leh, haider te, thil thleng tawh siam ṭhat theih tawh loh avanga din a, pensawn tum miah loh te hi eng nge a ṭangkaina ni? Natna kan tawrh te, harsatna kan tawrh te chu mihring kan nih chhungin a thleng fo dawn si a. A ni lo'm ni?


Mahse, chuti chung pawha hmalam pan tlat, muang deuh hlekin, harsa deuh mah se tumna nei tlattu hringnun tluka huaisen leh chak a awm dâwn em ni?" Ka thusawi dam dap mai chuan a hnuk a ti ulh nge ni, a mittui a rawn luang ngiai ngiai. Ni e, Betty-i chungchang chauh ka sawi tlat lo va tin ni.



"Mahse, theih tawp chhuah ṭauh ṭauh pawh a, theih pawhin a tlin loh hringnun hi a awm ve si a," a rawn ti chhuak sep sep. Mittui nen a min rawn en in, "Chutiang khawpa harsa chu ni sela. Emaw, mahni inrintawkna tlachham ta vek si ila. A chhanchu ka chhungril hi a ruak tawh lutuk si a," a ti leh ṭuak a, a kut dawhkan a mi chu banin ka hum vang vang. Mihan hnem vel te hi ka thiam miah lo. Mahse, Ely-i hian tu emaw dawmtu a mamawh niin ka hria.



"Betty-i pawm harsa ka tihlai khan ka ngaihtuah ṭhin. Mahse, hringnun i thlir dan han siam rem ve hret teh, dinna ngaia ding a, kalsan tawh hnu thlir let fo aiin, hmalam thlir tlattu te hi a sin hlimna hmu nge nge ṭhin ni. Ka pa thusawi i hria em, 'thildik ti an inchhir ngai lo. Dik tih hre si, chumi kawnga kal lo a piangte chu a inchhir ṭhin te an ni,' tiin. Tamtakin kan hriat thiam ṭhin loh chu, tihsual hi pawi ber a ni lo tih leh, tihsual avanga chawlh san zawk hian min vaw chhe ṭhin. Engkim hi a hmu thiam leh, hmuh tum tan chuan kawng a lo awm zel ṭhin," ka thusawi te chu a hrethiam meuh em ka hre lo. Mahse, tuna a dinhmun aṭang leh a nundan aṭang hian chhuak ve se ka ti takzet.



Kan hun tawn a in ang lo tih ka hria, mahse kan chunga thleng hmachhawn tur leh ding turin tumahin minpui thei lo, mahniin tumna kan neih miau loh chuan.


"U Dinte, nagmah ang hian nu leh pa fuihtu nei ve ila ka ti. Ni e, ka nu leh pa te chu an la dam ngei a, mahse i nu leh pa in hringnun zirlai an hrilh keuh keuh che ang hian min hrilh ve ngai lo. Ka tawt a, inbun ruahna neih ka duh pawhin ka nu leh pa hmaah hian thumal pakhat pawh ka sawi chhuak thei lo. A chhan i hria em?" Mittui nen min rawn en a.


"A chhan chu maw, min hnem a, thu ṭha emaw chakna thu min hrilh aiin, min hau a, min dem hmasak zet ṭhin vang a ni," a ngawi deuh vang vang a, "ka Pu thusawi te kha lo ngaithla ila, Nunsanga pawh hi ka chan miah lo tur. 'Nuamsa turin pasal neih tum suh,' a tih te kha lo ngaihtuah chhunzawm ila, lo ngaithla ila, ka mipa hmangaih ber ka chan lo tur," a mittui a tla zawih zawih.



Sawi tur pakhatmah ka hre lo, ṭah chhuak ve leh hrawk na ṭeu chuan a kut chu ka chelh ngawt ngawt ringawt.


Pu Kamlova ka mitthlaah a rawn lang zut zut bawk, a tu leh fa te kha thu ṭha a hrilh ve nasa ṭhin alawm. Mahse, a hunlai khan tumah khan an bengkhawn lo va, tar thusawi leh mahni thu duh, mahni thu dik berah ngaihsakin, anzawm duh lo a nih kha.


"I dik lohna leh i thiam loh, i tlakchham i hre chhuak tawh alawm, ka Pu chu a läwm khawp ang. Bakah, Ely i Nu leh Pa ten, nu leh pa nih an tlin lo a ni tih i hriat a, i ngaih chuan, anni aia ṭha nih engvangin nge i tum loh ang ni. Nu leh Pa tinten an duh chu, an ni aia ṭhaa an fate hmuh a ni si a," ka tih chuan a rawn nui sen sen a.


"A hma daih tawhin lo biak tawh tur che a nia," ka ṭah nuih ve ta hak hak.

A nun khawhar hi kan hmuh thiamsak lo niin ka hria!
.
.
.
"Engthu nge Ely-i i sawipui ni?"Ka hnunglam aṭangin min rawn kuah a, ka nghawng a fawp zui zauh bawk.


"Hmeichhe thuruk," a nui ri suk.

A lam hawia inherin, "Florence-i chuan eng nge a sawi zawk?" Ka hmai zartu sam dimtêa hui sawnin ka bengah a zep a, "in ngaihtuahna hun a mamawh thu. A sign ngei ang. Duhthlan tur dang a nei lo, Betty-i a ngaihtuah ve hle si a," a ti sup sup.


Ka lo bu nghat nghat, eng pawh a rilru leh tih chu lo ni sela, Nu a nihnaah a fanu chu tana ṭha chu ngaihtuahna fim tak nen a ngaihtuah turah ka ngai.

Ka pasal hmelṭha zet chu melh chho ralh ralhin, min fawh theihnan ka hmui ka tipawrh tarh a, nui chhuak hawkin min fawp zui vawng vawng, min pawm zui nawlhin khum lam minpan pui nghal zat bawk.


"Betty-i zankhatna tur a ni sia a mu thei lo ang a," khum kan thlen dâwn chuan a ding dat a.



Khumah min ṭhut thlakpuiin, a nghawngah ka kuah ran bawk.

"Muhil thei ang, Ethan-a bula mut a duhthu a sawi kha," a ti sup sup. Min rawn fawp leh vang vang a.


"Bawihi, rilru pe rawh," ngaihtuahna dang pu a ka fawp let chu a ngaithei lo nasa, ka nui chhuak ta ar ar.


"Zanah hi chuan i thuber zel a," tiin ka fawp zui ta tan tan.


Kan nupa room a nupa hlim nuiri te chuan minti thlamuang a, ka pasal taksa lianpui mai ka kuah leh fawp mek hian min venghim tih ka hre bawk.


Henghi ka hringnun ni mek, ka ka la chhiar zel tur ni bawk chu.

Eng angin nge kei leh ka pasal, Betty-i te hian bul kan ṭan dâwn ka hre lo. Keimah ang chiahin Rammuanawma hian a fanu laka mawhphurhna hre siin, mawhphurhna lakdan a thiam bik lo tih ka hria a.

Chutiang bawkin, kan fate tan nu leh pa ṭhaber kan ni dâwn kan ti thei lo. Mahse, kut inchelha engkim hmachhawn dun kan tiam a, kan theih tawp kan chhuah dun dâwn a ni tih ka pasal ka hmangaih a ni tih ka chian tluk hian ka chiang a ni.


"Ka hmangaih che Lala," tia ka thawmhnaw phelhtu chu, hmangaihnaa khatin ka en chho a, a hmai a dawma nuih sen senin, "keipawhin ka hmangaih che," ka ti chhuak ve sep sep bawk. Hmangaihna leh thlak hlelhnaa khata fawp lehnghalin, kan thisen kal lai a danglamin, kan thawk a rang a, in mamawh tawnna in, chhunglam aṭangin a rawn let chhuak bulh bulh, "Papa...Papa.." Rammuanawma ka chung aṭangin a vawrhin a invawrh thla.


"THLAMUANPUI..." Ka ti chhuak thlawt. A phu ve nasa a niang, kan bul a rawn thlen hmain a ding dawt a.


Mit chhing sawkin ka thaw zui kawk kawk, Rammuanawma thaw ri pawh ring tak a ni.


"Dude, a hun lo hle mai," a rawn ti chhuak ve halh. Min rawn en zui, ka pasal chunga lungawi lo lek lekin, "kawngkhar kalh ṭhin ta che maw," la thaw deuh kawk kawkin ka ti zui hlak. A nui ri suk duh lek lehnghal.


Thlamuana chu ran nui vur vurin, "pawh...pawh...pawh..." Khuma rawn lawn a tum zui a, thawmhnaw kan inphelh darh vek tawh miau avangin, "ngaihsak rawh, ka in ha dawn," tih leh ka pajamas tla darh chu ka ban khawm a.


"A muhil ve mai ang," bul zet leh tihzawm leh ngei duh tih hriat taka a rawn tih chuan, "Betty-i..." A thusawi ngaihsak lovin kawngkhar lam ka hawi vat.


Ka thaw chhuak zui halh bawk, a nau in a thawnsan si a, a mahin a mu emaw ka tia, kawngka bulah teddy bear pawmin a lo ding ngar chu niin.


Blanket hnuaiah pajamas ha sawk sawkin, "Betty, hetah lo kal rawh. Kan bulah i mu ve duh em?" Ka ṭhu chhuak a.


"Anu te bulah," tia sawi mai ka tum a, ka la tîm deuh tlat. Ka lei hi a la sak deuh a ni mah zawk.


Ngawi rengin min en kiau a, a mit a khap fak fak bawk.

Min rap lek lek dâwn alawm a!


"Betty..." Rammuanawma'n a lo ti ve sup.


Ka pan hnai a, a hmaa ṭhu thla in, "ka bulah i mu duh em? I nau te nen kan mu dawn a," ban ka tum chu a tawlh hnung hret.


"Bawihi, a room-ah hruai let mai rawh," an pafa-in min rawn en heu chu niin.


"I lo kal duh em?" Keimana ban hmasa lovin ka kut chu a vawn theih turin ka lek chuak a.


Min enin, Ethan-a awmna lam chu a thlek leh hmasa tete, min rawn en leh a. Zawi muanga a kut minpe in, a bu ta nghat. Ka nuih ta sen sen.

Ka hriat chhuah chu, Betty-i hi vawikhat pawh ka la tawk lo a ni tih hi a ni. U Damtei fanu Cynthia te pawh ka pawmin ka läwm ve fo va, ngainat pawh min ngaina em em, mahse kei hian Betty-i ngainat tur hian ka lo awm ngai miah lo tih ka hre chhuak.


A U nena khuma kan lawn tur chu blanket a lo tlawh nek nek.

"Thlamuanpui, kan mu ve duh alawm," Betty-i hlangin, kan inkarah chuan ka mut tir a.

A U teddy bear a lo pawt vat, Betty-i lahin lo pawtbet ve bawk.


"I ta rawn keng ve ta che, i U ta chu i chhuh ngawt ni, thlah rawh," a kutah chuan ka beng taih, a na miah lo, a ri thlep chauh a nia.


A pa lam hawiin a men zui puau puau, ka vahan hlap châk tak, hlap rual ni tawhse chuan ka hlap pawp zel ang.


"I u i tibuai hmasa a," Rammuanawma'n nui chunga lo ti ve in a kuah zui hlu hlu.


An pafa in kuah chu ka lo melh vak, Betty-in min rawn mut hnaih sat sat takah chuan ka bân kham tirin ka lo kuah ve vat bawk a. Min kuahlet ve lem lo nâ-in, nichin maia min en dan ang kha chuan min en ta lem lo thung.

Chu ringawt pawh chu hmasawnna pakhatah ka ngai mai!


<>~>~>~>~>~>~>


[ Zaninah 'Last' kan titawh ang chu tih laiin, nilengin ka nuamsam lo va, kan la zo thei lo deuh tlat. Sei pawh a sei viau lo, min hrethiam mai teh u. Pathian zara dam chuan naktukah a hmawr bawk kan tum dawn nia.]

💜 💜 Ads click kha theihnghilh lo hram ang u aw, chhauh pahin min lo click sak ve zeuh la, thanks


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:57 pm

{ LOVE AFTER MARRIAGE}

By

Floria Laldansangi

Chapter < 39 > [Last Chapter]


"Eng nge i duh ni?" ka kekawra lo pawt dat dat chu ka en thla a.

Toilet lam a kawh va chuan nuiin, "kal rawh le," Betty-i toilet kal duh mi lo pawt chu niin.


"Dinte, Ethan-a chu inah hnutchhiah mai la," Thlamuanpuia chu a hawi nghal vut, a hming lam rik te hi a hre thei a nia.



"A pawi lo mai, kan kal a nia," Betty-i kaiin, kan nufa thum chuan kan chhuak a. U Piana a awm loh avangin taxi la in, damdawi in lam kan pan mai a niang chu.


"Awi nangni nufa chu in va chhangchhe ve," Nu Ma-i a lo au lang lang.

"Dintei pawh phir pawm ang mai alawm inih," a tih zawm zat. Nuih let sen senin, "phir pawm ai chuan ka buai lo deuh a nia," Taxi rawn ding chu kawngkhar ka hawng zui zat. Betty-i hi enkawl vak a ngai lo hrim hrim nen, an rin ang aiin ka buai viau lo.


Zan lamah tlemin a harsa deuh tih mai lo chu, buaina a siam meuh lo.


Damdawi in kan thlen rualin Dr. Terry-a zawng hmasa lo vin, Rammuanawma hmuh tum chuan ka lut a.


"Nupui fanau nei tawh a nih saw, fimkhur rawh," tia nurse pahnih inbia chu ka hre hman.


Kan lam panin Rammuanawma a rawn pên pawk pawk a, Thlamuana lahin a Pa a hmùh rualin, a khek lehnghal ringawt bawk.


"In va rawn thleng hma ve," ka pasal coat var ha, liantak mai chu ka bulah a rawn ding a, a fapa banin, min rawn fawp zui zauh.


Kan bul vela awm ho chuan min en duh viau tih ka mit sirin ka hmu thei. A hnathawh naah hian ka lang vak ngai lova, Nurse tamtak pawh hian min hre lo tih ka hria.



"Dr. Rammuana nupui elo inih?" Nichina hmeichhe pahnih titi te kha an ni.


"Aw ni e," nuih let sängin ka ti a, zawhna min zawttu bula ding ve nurse pakhat chuan min en uluk viau bawk. "Pawmlai nei," tih ansawi kha ka pasal hi a ni êm lo'ng chu maw?



"Kal ila," ti supin, "Kimkim, ka rawn let har deuh ang aw. Emergency a awm loh chuan Dr. Mandy-i i be mai dâwn nia," an thawhna a la rei lo nge ni, ka vawikhat hmuhna an ve teh tlat.


"Nurse thar em ni?" Dr. Terry office lam kan panlai chuan ka ti sep. A fapa chhaih pahin, "an nih kha," a ti ve mai a.
.
.
.
"Doctor, hma a sawn iti si a, engtik nge ṭawng a tum ang le?" Betty-i leh nurse infiamna lam chu ka hawi a, Thlamuanan a lo tibuai ve zel bawk. A U khawih a piang hi khawih a tum a, a hmaa a duh miah loh pawh a U-in a khawih chuan a duh ve zel, a mangan thlak a nia kan Thlamuana zet hi chu.


"I hmanhmawh a nih kha, thla 2 chauh alawm la ni. Mahse, thla 2 chhung hian hmasawn na nasa tak kan hmu thei. Tunah chuan nurse te pawh a nuihin, a duh zawng leh duh loh zawng pawh a hriat tir thei tawh alawm," Dr. Terry chuan nui sängin a ti a. Ka lo thaw ham ham.


Zanah lah hian mangchhia a nei emaw tih mai tur hian a rak thut a, a ṭap zui ziah bawk. Muhil leh tura in awih chhung hi a rei duh bawk si a.


"ka thlah haw zet dawn che u em ni?" Ka lu ka lo thing vat.


"Dam lo mamawhtu che an awm ang. Bawihte, i Pa hnaah a let a ngai," Thlamuana pawm ka tum chu a Pa nghawngah a kuahbet tlat.


"Thlamuanpui, sual chhuah loh tur," lak hran ka tum chu a rak nasa teh e.


Rammuanawma a nui hawk hawk a, "Dude, i nu nen haw hmasa ta che u," a lu a thing ve ang mat mat zui!


"A nih chuan i U nen kan haw dawn a sin, nangmahin rawn haw rawh aw. Betty, hawsan ang," Betty-i kaiin inher ka tum a, a rawn ṭhu chhuak vat.


"I rawn kal dâwn em?" A pa chu a en leh vung vung.


"I Pa hnaah a let a ngai. Damdawi inah i awm leh i mawngah, hriau lian tawkin an chiu ang che nga," ka ti chu Rammuanawma a lo thaw hulh, "naupang tihṭhaih ching suh," a lo ti sup. A va fapa lellul hi sual hek maw le.

"I nu te rualin haw la," tih zawmin min rawn pe a, a duh ve leh mai bawk.


"Ka rawn haw har lo ang," min fawp vang vangin nurse-in anrawn koh tak avangin a inher vut a, damdawi in chhung lam chu a pan zui pawk pawk.


A lian ṭha nelh nulh si a, a coat var hak nen chuan en zui vawng vawng loh chu har tak a ni.
.
.
.
"Betty-i inthlak chak zia hi inhmu ve em?" Siamsiami hawina lam chu kan hawi deuh ṭhap, Cynthia leh Ethan-a te unau chu an in umkawi zar zar a.

"A ṭawng ve siam siam tawh alawm a nau te ho karah pawh," U Damtei'n a lo ti vat.


"Kum 1 a tling ve tawh alawm le," Remruati'n a lo ti ve bawk a.

Kum 1 lai chu kan bula a awmna a ni ve leh tawh, a la ṭawng tam lovin, "nu emaw pa emaw" tiin tumah hi min la ko lo nâ chu, Ethan-a erawh a ko ring thei viau tawh thung, kum 3 mi lekah chuan a ṭawng lah chu a fiah em em bawk a.



"A nu hi intlawh leh tawh em?" Siamsiami en in ka lu ka lo thing vat. Kan bula dan ang thlapa dah a tum dâwn khan Rammuanawma nen kan kal dun a, khabak kha chu ka kal leh tawh lo hrim hrim.



"Sawita daih ila, nimin kan va in entir chu damdawi in canteen-ah kan ṭhu kawi a. Kan hnungah khan nurse ho kha an ṭhu a, pakhat khan, 'fa pahnih nei tawh alawm a nih. Pawmlai nei melh hi chu a tawn loh thlak êm mai,' kha a tia, ka ngaihsak lem hlei lova, a hnuah pakhatin, 'a ho e, an nupui te hmangaih tak tak nise an uire san chhan tur a awm lo. Dr. Rammuana te ang phei chu an nupui nithei dâwn lo mah ila, an secret affair neihpui nih pawh ka pawisa teuh lo mai,' a rawn ti ta chu ka hawi vat a, hauh ka tum mêk laiin, 'zahpuiawm lutuk, a sawi pawh i zak lo'm ni. I nu leh pain an zilh ngai lo che em ni,' nurse upa lam deuh hian a rawn ti ta zek a, hauhbelh chiam ka chak nen, Cynthia-i haw châk a lo ṭap ve chiah a, kan hawsan ta alawm," U Damtei'n a ti hlak hlak, a ṭawng zawng pawhin a thinrim zia a hriat theih.


"Inpa hi chu a hrisel hmel si, a hmel lah hi vântlâng chunglam a lo ni bawk nen, veng fimkhur rawh. Nangmah te hi inchei hnûm ve deuh la," Siamsiami'n a rawn ti hlak hlak. Ka lo nui vur vur ringawt a.


"A mak ngawt mai, social media te hi han lut ila, nupa inṭhen chhan han chhiar ila, in uire san ni zo ta zel te hi Mizo Christian-na nen chuan a inhmeh lo deuh chu a ni," Remruati'n a rawn ti ve siam siam.


"Mipa leh hmeichhe thiam loh ve ve mah nise, hmeichhia tena mitmei kan hmuh loh hi chuan mipa hian min zuan ngawt ngam lo a nia," Siamsiami'n a rawn ti zat. Uire leh uire tu nih hi chu a tenawm ve bawk êm a ni.


Kan titi mawlh mawlh laiin, "Anu..." Rawn ti ri avangin ka phu zawk, ka hawi dawrh thei nia maw le.


Keimah ang chiahin midang pawh chu an hawi vat hlawm a.

"Ka kut...." Ka lam pana Betty-i rawn ṭap hliam hliam chu lo dawm vatin, "engtin nge min koh kha?" Ka lo ti chhuak vat.


"Ka tlu...." Ṭap hliam hliam chuan a ti leh.


"Betty, anu han ti leh teh," midang pawh chuan an lo ti sap sap. Min koh nawm erawh a tum lo a ni ang, ka nui chhuak tak seih a, kum 1 hnuah min kohna hriat pawh a lawmawm hrim hrim.


"Engtin nge i tluk a? U Hnem, First-aid kit kha min rawn lak mai dâwn em ni," ka ti nghal lang lang.

"Ethan-an nam tlu a.." Cynthia-in a lo ti vat chu, "a ni lo e a.." Thlamuanpuia'n rang fahranin a lo pha zat. Betty-i chu ka melh zauh, a nau in a nam tlu a nih hi, a kâ a chip leh hmuk danah. A nau hi chu a hum thiam ve lutuk alawm.


"Anu..." A rawn ti leh chu ka en leh kawk tho, U Hnemi pawhin a rawn hria a ni ang, "tunah khan a ko che em ni?" A rawn ti chhuak a.


Rammuanawma rawn lut ve chiah chu, "Duhtak, lo kal teh..." Ka ko nghal chul.

"Engtin maw min koh a?"


"Ka kohdan che a pawimawh lo, lo ṭhu rawh," ka bula rawn ding chu ka pawt ṭhu rawk rawk.

"Betty. Bawihte, min ko leh teh," midang chu a melh kual hrek hrek a.


"Anu.." A ti leh chu ka nui chhuak hak, ka ṭah nuih lek lek zawk.


"Apa han ti teh.." Siamsiami'n a ti chu a pa en ran ranin a lu a thing mat mat a, Rammuanawma a lo thaw hawk.


"A zia chho ve mai ang, Nu tia a ko tawh hrim hrim che pawh a lawmawm alawm le," U Damtei'n a lo tih chuan ka pasal chu läwmnaa khatin ka melh a, a lo nui ve suk suk tho.


Kum 1, kum 1 tehmeuh ka nghak a nia, thildang chu sawiin, min be ve zeuh zeuh mah sela, "anu" tia min koh erawh beisei, beisei ngam si lovin ka awm reng ṭhin.

Min ko ri hriat meuh erawh, ka rin phak bakin ka hlim a, sawifiah thiam si lohin ka hnuk te a ulh lek lek bawk!
.
.
.
.
"A mak e," kanpa inbual tur bathroom lut tawh chu rawn dak lehin a nui leh suk, "keiai i vannei a nih kha," tiin a lut zui a.

Ni e, a pa zawk ko lova min ko hmasa kha a mak hrim hrim.


Rammuanawma thawmhnaw bal chu ka thing pharh a. Eng emaw hi a rawn tla khep.


"Condom..." Ka tih rualin bathroom lam tlân mai ka tum a, ka ding leh dat. Bathroom melh rawm rawm pahin, "Rammuanawm..." Ka ti ṭhat.


"Min ko em ni?" A tihna pawh chu ka chhang peih lo.


A inbual zawh hmain ka mutsan ta daih a, "min lo nghak lo va," min rawn kuah a tum chu ka lo tawlh sawn vat


"Bawihi..."


"Nangmah khan mu rawh," ka lo ti hlar.


"Ka ti thinrim che em ni? Nge i fapa zawk?" A nui ruh ruh.


"Min khawih suh..." A kut ka lo paihsawn vat.



"Lungawi lohna i neih leh sawi la," a ti hluk.


Ka ngawi rauh rauh, "Bawihi..." Min kuai her ta nawk mai.


Ka melh ram ram, thaw hakin, ka hmai tlâng chu a chul a, "tihsual ka nei em ni?" A mitko a san zauh.


"I lo haw hmain tunge i hmuh?"

"Malika te nupa.." Awlsam tak hian min chhang.


Ṭhu chhuak hlawlin a condom ah ka hmuh chu ka la chhuak a, "kha, i la hman duh takin," a vawmin ka vawm.


Khuma condom chu la in a nui ta suk a, "ka ta a ni hauh lo," min rawn en.


Kuangkuah fel atin ka hawisawn hmak thung.


"I ta ni lo i ah chhan tur a awm lo."


"Ka ṭhiante fiamthu a ni ngei ang," ka melh zawk, condom chu a en a, "ka ta a ni em tih fiah i duh em?" Ka en hraw hraw.


A nuihza lutuk insum, hmui hnuailam pet leh zauh ṭhin chu ka ngei tawk a tling viaubawk.


Condom chu a lek kang a, "M size hi ka thun len i ring em ni?" A nui deuh phut.


"Bawihi, ka tán chuan L a ngai.." A nui ruh ruh.


"Ka thun chhin dawn em?" Tih leh thawh a tum mai, ka lo pawt let vat, "i â mi?" A nui chhuak hawk hawk.


Keipawh chu ka nui ve ta sen sen tho, tu in nge L a lian a hmang ang tih ring bik ang ni.


"Zantin i hmu sia.."

"Rammuanawm..." Za deuhin a la nui hawk hawk zui.

"Damdawi inah pawh ngaizawngtu inei a," ka ti leh ngat. Alama min pawtin, a malchungah min pawmkai a, ka khabe a chelhin ka hmui hmet kau tiar chuan min fawp ta vang vang, "ka mitah chuan nagmah chiah hmeichhia an awm," a nui leh suk, lai ru deuhin ka lo ner nang a, nui ri lehin min fawp zui leh vang vang.



Ka mitah pawh amah chiah hi a ni mipa awm ni!!!

.
.
.
.
< kum 12 hnuah>

"Nu.. I muhil em?"


"Eng nge ni leh ta?" Ka muhil dâwn chauha pakhat, pakhata min tih harh chu ni.



"Miin an hmu duh che a?"


"Tunge? I nau a la muhil em?" Betty-i chu a bu nghat.


"Ka hre lo, i awm em tih min zawt ringawt a?" Ka tho chhuak.


Room kan chhuahsan rualin, "Nu.. U Dinte, ka Nu duhtak....."



"Pawisa ka nei lo," ka fapa kum 14 mi, sang ṭha kheu khua mai, min kuahtu chu ka melh chho ralh. A U a lo nui khek khek a.


Hetianga min tlawn a piangin pawisa bâk min dil ngai lo.

"Pawisa min pek châkna thlarau te hi i nei miah lo amaw?"



"Nei miah nang aw," kan nufa thum chuan kan nui thla khek khek.


"U..."


"A hmaa i puk pawh min la pek loh kha," a U pawisa puk a tum chu a lo chhang vat.


"Khawnge..." Ka ti hman ṭawk.


"Florence..." Ka ti zui sep. Jail aṭanga a chhuah aṭangin kan la hmu ve miah lo va.


"Dinte..." Ka fanu ka bula ka kut kuah rantu chu a en a, Ethan-a en lehin, "an lian tawh hle mai," a ti zui sep.


"Lo ṭhu rawh. Bawihte thingpui i va lum mai dawn em ni?"


"A thlum nge a hang."


"A thlum khan ti rawh, ril te pawh a ṭam alawm," tiin ka ṭhu thla ve nghal a.


Betty-i chokaa lut chu a en zui vang vang, "lawmthu hrilh tur che in min duh em?" A ṭap dâwnin ka hria.


"Bawiha i u lo va pui rawh," ka fapa ṭhu ve rûn chu ka kalsawn tir a.

"Betty-i...."

"Lungngai suh, laksak tur che a rawn kal ka ni lo. Eng nge a an tih rawn hmuh ka tum mai chauh a nia," a lo ti vat.


A rukin ka thaw ta huai mai, ka inhum ruh viau tih pawh ka lo inhre lo hrim hrim.


"Tunge inih hrilh turin min duh em?"



A nui a, ka fanu thingpui rawn chawi chhuak lam chu hawiin, "a hre duh a nih chuan a la zawt em em ang che," tiin min chhang sep. A mittui hru zauh chu ka hmu hman.


"Lo keng chhuak vat rawh," a nau chu a au zui a, "tlemtein a thlum deuh mai thei, ka nau-in a lo telhbelh a," a nu tak chu lai deuh hian a nuih a, ka bulah min si chetin a rawn ṭhu leh zat.


"Nu..."


Thingpui no banin, ka en a, ka bengah a rawn phun sar sar, "i intiam tawh kha..." Min nek ṭalh ṭalh. Florence-i mittui tling pam chu ka mit sirin ka hmu ru reng.


"Result a la chhuka si lo va," pawlsawm a pass chuan phone lei ka tiam a, a sawi deuh reng mai.


"Keipawh ka duh..." Ka sirah a rawn ṭhu ve zat.


"Pawlsawm i la ni ve lo."


"A ho e, kan class ah phone nei antam lutuk. U Dinte..."

"A mawl thei a nia," kan nui hak.

A lianin a sang si, mi hi U dut dut a ching. Vawikhat an basketball khelhna kan enna ah, a pa te lovin kan kal hmasa a, min U reng sia, a U emaw ka nih tiin, ka Number min dil tawk an rawn awm ta chu, a pa in a hau ta hluk hluk kha a nia. A la sim thei lo.


"U Dinte.."

"A â a nia aw. U ziah suh Apa in a hau leh ang che,".Betty-in a lo ti vat. Ka lu thinsanin, "Heihi i Ni a nih hi, Siaha lama i Pu kha inla hria em?" An bu nghat, "a fanu a nih hi," ka ti ta sep sep.


"Aw! Siaha kan zina a thlalak kan hmuh kha tiraw?" Betty-in a rawn ti var. Florence-i mittui tla teuh lutuk chu ka lainat, mahni hrin ngei maiin min hriat miah lo va a natdan tur ka hrethiam pha lo zawk. Engtiang yaka nâ ni ang maw?


"Ka haw phawt ang e," a ding vut.


"Zanriah te ei ve law law la."


A lu thingin, "naktuk Delhi chhuk ka tum a, mamawh lam khawm hma ka rawn kawi mai mai," Betty-i chu en lehin, a nuih var var a, "nu i nei vannei hle tih in hrereng ang che," tiin a pen chhuak hlawk hlawk.


Ka fate pahnih hawihil lutuk chu ka en a, kawngka lam ka en leh ṭhin, "a ṭap a ang," Ethan-an a rawn ti chhuak.


"Ka ngaina vak lo e, min en duh si," nui sen senin Betty-in a lo ti ve bawk a. Ka rilru erawh a nuam lo, Betty-i hi a naupanlai aṭangin a rilru a no êm avangin a pian na chanchin hi ka Pa te ho khan sawi an phal miah ta lo kha a nia.


"I Pa a rawn haw a nih chu," pawnlam ka pan vat.


"Inlêng i nei em ni?" Car aṭanga a rawn chhuah rualin a ti zat.


Kal hnaihin, "Florence-i a lo kal a," ka ti sep a.

"Sawi a nei em ni?" A aw a min ngaihtuahna chu ka hre thei, ka lu ka lo thing vat vat.


"Thlamuanpui, minpe rawh," an unau anrawm in um chhuak leh ta. An nulat tlangval tawh tehreng nen hian!

Pakhat lah hian a U tihbuai hi nuam a ti em em bawk a. A thikthu lah pe chhe bawk. Hman ni Betty-i a ṭhianpa in bike-a a rawn thlah pawh, "kawm tawh suh," a tih khum ringawt. Kan Thlamuana hi chu a mangan thlak lam deuh chu a ni.


"200 chauh te chu min puk tir ve mai la, 3% pungin," Ethan-a chu U khawlbawm keng a tlân nui vur vur a.


"A hma pawhin 2% i tia, min rul tak tak lo. Nu, ka nau hi..." A um leh a um pha bawk si lo, a ṭap lek lek zel.

Kan nupaa in kuah rialin nui chung chuan kan thlir ta reng a.


"Bawihtei kan hrilh duh ang em?" Ka pasal chu ka melh chho ralh. Ka fate in um kawi zar zar chu ka en leh.


Thaw ham hamin, "zawhna a neih a, a hriat duh hun a awm a nih leh kan la hrilh ang chu," ti sup supin, ka chhipah a fawp zui vawng vawng a.



Ni e, chumi hunah chuan hrilh turin ka inpeih ngei ang. Tunah erawh ka fanu chauh nise ka ti a ni. Ka hma ka sial em ka hre lo, mahse thudik hriat tir ka la ngam lo a ni.


"Papa...."


"I fanu rangkachak a ṭap...." Ka inla hrang zat.


A fanu kum 5 mi chu a pawm nawlh a, "inchung aṭangin em ni i rawn chhuk ni?" Mittui tla miah lova ṭapin a bu nghat nghat.


Ka lu ka lo thin khum mat mat ringawt, a U Ethan-a tetlai chiah chiah, a pa hi a atchilh em em a, fa nei thei tawh lo tura indah hnua pai kan ni bawk nen, mi zawng zawng duat hi a hlawh tih a inhre bawk si.


"Ethan-a i chhûn," tih leh Thlamuana zawk hian, "ani ang em emin ka sual lo," a ti ve khanglang zel bawk a.


"Hmai te pawh chu in va dah bal ve maw le," an inpawm lut chu zui lutin, "nangni unau pawh kha rawngbawl min rawn pui rawh u aw," Betty-i te unau in umkawi reng chu ka au zui lang lang.


"Annie hi bual hmasak a ngai a nih hi Bawihi."


"Bawihtei alawm..." A hminga a Pa-in a lam chu a lo vin hlar.


"Bawihtei..." A nui huk huk.


"Annie Lalpekthari," A u Ethan-an a rawn fiam lut chu a rak leh tuar tuar tawh.


"In pafa khan inbuaipui rawh u, rawngbawl a hun dâwn," tiin chokaah ka luhsan daih. A pa a awm chuan bual tum mah ila min duh leh dawn chuang lo.

"Nu, naktukah tiraw Anu Hnemi te chaw an lo ei dawn," Betty-in rawngbawl min puih tum rawn lutin a rawn ti a, ka lo bu nghat.


Nau an neih aṭangin an insawn chhuak a, tunah chuan Pathian zarah fa pawh 3 lai an nei ve tawh.


Ka nau Duata pawh nupui fanau neiin Chanmari ah an awm a, Hlutea ka Ni te bulah awmin college a la kal ve bawk.


Ka pa erawh kum 5 liamta khan min boral san a, a duhdan takin ka Nu thlan bulah kan zalh ve bawk.

Hun a kal zung zung a, kan fate an nula tlangvalin, hmalam huna vawikhat chu ka fanu upa zawk vang hian ka mittui a la tla leh dâwn a ni tih hre mah ila, ka pa boral dawna a sawi angin, "i inchhir ngai dawn lo Mambawih, thildik a ni itih ni," a tih kha.



Ka nunah hian inchhir tur pakhatmah ka neih ka hre lo va, ka nei dâwn hek lo. A chhanchu, kawng dik ka zawh a ni tih ka chian êm vang a ni.


"Zanin chu ei chhuak ang u hmiang," ka pasal a rawn lut.

"Yes, ka insiam dawn..." Ethan-a chu inchung lamah a tlân chho nghal dêr.


"Keipawh ka insiam dawn.." Betty-i a tlân chhuak ve nghal a.


Ka pasal chu thlek hâ in, "i sawi vat lo va," nui vur vurin ka lam a rawn pan a, min pawt dingin ka kawngah a kut rawlha min kuah chuan, "a tlai chuang hleinem," ti supin mitmeng de sawr sawra min enin min fawp nghal vawng vawng.


Nui var varin a nghawngah ka kut ka suih zawm a, dingdi hlip ak akin ka fawp let ve vang vang bawk!

Hei baka lei vanram hi a awm leh tawh dâwn chuang em ni?


< A TAWP TA >

<>~><>~>~>

NOTE : Pathian zarah Love After Marriage chu kan lo zo leh ta der mai. Ka readers fel leh mi hriatthiamna ngah tak tak te inchungah thinlung takin ka läwm a. Ka story ngaina a, min lo chhiarsak a, min duhsakna zawng zawngah lawmthu ka sawi mawlh mawlh e.❤️❤️ Lo damṭha ula, in mit lo duat ula, Pathian zara dam chuan story thar nen lo let leh vat ka tum dawn nia. Ka lawm vek e.💚💚

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)