STONE HEART by Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: STONE HEART by Floria Laldansangi (Completed)

Unread post by Ngaia » June 10th, 2019, 8:02 pm

STONE HEART
By floria laldansangi


7

Ka hma a ṭhu ngawi reng, ka pa te nupa leh ka pi chu ka en kar, "enge ni a? Engtik ah nge khaw lam ah inlet dawn, ka dam tawh a, LRM ah thawh leh ka tum si a keichu," Ka ti sup


Dawhkan a bank pass book rawn dah pah chuan, "heihi la rawh, kan in leh ram hralhna pawisa a ni a, i zirlai chhunzawm na tur khawp chu a awm ang," Ka pa in thutak zetin a rawn ti sup, ka en haw ringawt, tun a tak a zirlai chhunzawm tur pawh a min nawr reng hlawm chu nge maw an nih le?


"Engmaw? In leh ram in hralh tak tak amaw? Khawnge in awm anga, ka pi leh keichu kan in enkawl thei, ka pa nang leh ka nu hi khawnge in awm ang, khawlai a riah in tum em ni? Nilo, min awmfin intum chu a ni emlo maw kan inluah ah hian," Eng rilru pu in nge kan neih ve chhun ngawih ngawih chu an tih ral chhan ka hrelo a ni



"Lunglei ah i nî te hnen ah kan awm tawh dawn a, an inhnuai min luah tir dawn bakah anpa hnathawh na ah hna minpe tel dawn bawk a ni awm a, i pi pawh lunglei lam ah a awm ve tawh ang, kan vai hian nunthar a bul ṭan kan mamawh takzet a ni," Ka pa thusawi chu a kâ aṭang a chhuak ni awmlo hial a mawi a ni zawk

Nunthar a bul ṭan a duh na chu ropui ka ti takzet, mahse ka lehkha zir zawm leh zawmloh in enge maw in kung kaih na aneih ni


"Nurse puitling ka ni ve tawh a, nangmah ni in in enkawl theih chuan keichu ka in enkawl thei, min ngaihtuah suh u, pa nun bul ṭan i duhna chu ropui ka ti takzet, i sawi ang khan lunglei lam ah ka nî te bul hnai ah awm in bul te han ṭan tumla, keichu min ngaihtuah suh u ka tih kha, he pawisa hian bul ṭan zawk rawh," Ka ngaihdan diktak a ni, sum nei viau leh ka pa te ngaihtuah tel ngailo ni ila chuan doctor nih ngei tum in bul ka ṭan ngei ang
.
.
.
"I muhil thei meuh nange?" Corridor a ka nu, coffee no keng a rawm chhuak chu ka en vat


Nui sang a ka bul a rawn ṭhu in, "thla a eng khawp mai, lung te pawh a leng vawng vawng mai alawm le," Coffee no pakhat min pek pah a atih chuan ka nui sak

"Ka lawm e."

Ka hriat chin ah pangai tak a kan inbiak awm chhun a ni hial ang, ka naupai a chin kha ka chung ah a ṭha zual in ka hre tlat pek a, ka sawi tawh angin min ngailo a, ka be ngai heklo, kan in phek en vel mai mai a ni ber


"I pa hian min hmangaih lo tih hre chungin ka nei a," Ka en vat, a ni erawh hmalam thui tak a en vang vang thung, rilru na vawng vawng hmel te pawh a pu mah zawk

Coffee tem hlek in, a nui sak, "zu duh ve tak ka ni a, i pa angchiah a uire san ka nih aṭang a zu in hi ka nia, kan rilru a in ang a, kan in hrethiam tawn a, chu chu kan awm tlan chhan a niber, a ruih at zual chang a piang a i lak a a inthiamloh thu leh i nu a huat thu a sawi fo ṭhin, i hmel ah i nu hmel a hmuh tlat ṭhin avang a, a mah leh amah a in huat zia pawh mittui tla chung hian a sawi fo a sin


Vawiin lam a pawisa kha a neih zawng zawng tak meuh meuh a ni, a duh ber chu i chak em em doctor nih tir che a ni Zualte, tun bak hi i suangtuah na ti puitling turin hun i nei tawhlo maithei a nia aw, in ngaihtuah ṭha rawh, i nunhlui duhawm lo tak tak te siam ṭha a, i nunhlui vang a mite zahloh na i hma chhawn hun a, i lu i hawisan theih na tur a i pa ruahman na a nih hi, hmeichhia kan ni a, kan vawikhat dai sual hian kan nun pum a ti chhe mai nilo in kan hmangaih te leh min hmangaih tu te kan ti na reng ṭhin a nia," A ti dam dap dap a, ngawi reng in ka ngaithla


Ka pa hian min haw ve hrim hrim emaw ka ti ṭhin, a chhan chu a mit aṭang hian min huatna mitmeng leh natna bak ka hmuh ngailoh vang a ni


"Ka pa leh nang chu khawi ah pawh awm ula in ngaihtuah awmloh tih ka hria, mahse ka pi erawh kalsan tur in rilru ka siam nawn tawhlo hrim hrim, Nu, thudik min hrilh thei angem? Min hring tu nu hian he kan thu chungchang ah hian in rawlh na aneih leh neihloh?" Ka pa hian ka zirlai chhun zawm tur a minduh ta thut hi ka ringhlel rum rum a ni, min hringtu nu kha a haw hle si a


"Nei lah lo e, Zualte ila naupang a, vawikhat tihsual leh keh chhiat a vang a din na ngai a ding a, hmalam pan ngawtlo tur chuan nun hi a uiawm lutuk a nia," Nui var var a tih leh a ṭhut na aṭang a ding chuan, "ka mutsan angche, mu hma rawh ila dam chiang silo, naktuk lam ah keini pawh lunglei kan pan dawn sia ka mu hma ange," Tih leh inchhung ah alut nghal, ka hma zawn chu ka thlir vang vang


Ni e, a sawi dik alawm, mahse hmalam pan tur chuan kala chak tawklo a ni, ka phone chu phawrh in ICU pawnlam aṭang a ka fanu an ûp lai, hmel pawh lang chiang manglo Te-in min rawn thawn chu ka en leh vang vang, "Bawihte, Loicy i hming hi pu hman in, ko hman che ila ka ti ngawt mai, ka bul ah awm ni la, ni lo, vawikhat tla kuah che ila tiang tak hian ka na angem?" Ka mittui a rawn far kauh kauh, ka rai lai a ka tih ṭhin dan bawkin, ka dul chu ka chul riak riak, mahse ka fanu, ka dul rawn pet fo tu kha a awm tawhlo, a thep thler a, an zai chhuahna ser bak hnut chhiat engmah a awmlo a ni
.
.
.
"Zualte, Hmangaihzual, i la mu lo tih ka hria, rawn chhuak rawh," Kan inluahna kawt a U Zuala aw ṭeng zet mai ka hriat chuan ka hawi dawrh


Ka pa te TV awmna lam a an mut avangin thawm an hre hma khawp ang, rang lutuk a corridor aṭang a inchhung a lut chuan kawngkhar ka hawng nghal rawk rawk

"Zualte..." Step a ṭhu thle lawp lawp chung a U Zuala'n ka hming alam mawlh mawlh ka hmuh chuan ka pan vat

"Engthil nge maw itih le?" Engtia hetia rawn awm thar ta thut nge maw a nih hrep ni? Ka hriat theih chin a U Zuala zurui ka hmuh vawikhat na a ni hial ang


"Zualte, Zualte, nangmah i ni tiraw? Damdawiin ah, ni lo, ICU ah i awm tawhlo tiraw?" Pai chawn chawn a din ngil tum chuan a in ham buai vel chu ka en reng

Ding kat deuh nak nak a ka kut rawn vuan in, "ka tihpalh, Zualte bul ṭan ṭha leh ang, min kalsan hlen tur a ka ngaihtuah lai khan ka â thei mai dawn in ka hria, khawngaih in," A ngen in min ngen ngawih ngawih, tiang tak a U Zuala tlawm hmel hi kala hmu ngai miahlo

Mipa, inti pa ve tak, mahni tawk a chapo, tuma hnen a ngaihdam dil duh ngailo kha a ni si a


A hmel chu thla eng hnuai ah chuan chiang lutuk in ka en, "Zualte," A rawn ti leh sup, thaw la hak a min vawn na muangchang a phelhsak chuan, "U Zual, engvang a hetia awm ta thut nge i nih ka hrelo, mahse nupui nei lai i ni a, kan inkar ah engthil mah a awm tawhlo, a awm leh tawh ngai heklo ang."


"Ka ṭhen ang, ka tiam a che, ka....." A sawi zawh hma chuan, "LALṬHAZUAL," Ka ti ṭhawt, engtin nge chutiang thu awihawmloh lutuk te a sawi theih ni, min rawn en, a mit meng chu phi chiai mahse a mitmu tle ral ral erawh chiang takin ka hmu thung, a ṭap ve a nih chu!!!


"Zualte a hma ang a min rin leh na tur a nih phawt chuan ka nghak angche, kum 2, ni lo, kum 5, aih, kum 10 pawh nise ka nghak angche," A â tawh a ni ngei ngei ang


"I dam chhung pawh a i siam ṭhat thei tawhloh tur ka nun ah hian i thlen tir tih i hria em? Ni lo, keima thiamloh zawk a ni, ka ring che a, ka hmangaih ṭhin che kha ka thiamloh takzet a ni, mahse tun ah chuan ka danglam tawh."


"Aih, a diklo, hmangaih na a danglam theilo, ka hmangaih che a, min hmangaih bawk, fa pawh kan nei dun a ni lawm ni?" U Zuala ka hriat ṭhin luhlul leh 'ka duh' a tih tawh chu neih ngei tum ṭhin kha a ni chiah a ni


"Hmangaih tu erawh kan danglam thei a ni lawm ni? Kan fa maw?" Ka nui hak, "duhlo a, ti tla tur min hrilh tu i ni tih i theihnghilh a nge? Heiai a ka huat zual loh nan che ka hma ah rawn inlan fo tawhlo la ka duh a ni, hmeichhe sual tak leh khawngaih na neilo ang mai in min lan tir suh," Ka ṭawngkam chhuak chu a chiang in, thu tawp a ni tih a hre chiangber in ka ring


"Zualte," Tih leh ka kut rawn vawn leh a tum chu, "U Zual eng ang hmeichhia ah nge min ngaih, i duh hun a i paih chhuah, i tih nat leh i duh hun a i rawn let leh na tur ka ni ah i ngai em ni? Ni lo e, min hre chianglo a ni, ni e, ka hmangaih ṭhin che, mahse i fa ngei ti hlum a, pawisa nen hial i duhloh zia i lantir ni khan ka thinlung a ka lo vawn leh hriat ve ṭhin LALṬHAZUALA kha a thi tawh a ni, mahse chuti chung chuan ka fa pa i nih na a bo loh miau avangin tun ah hian i hma a la ding a, la bia che ka ni, khawngaih in hmeichhe zaktheilo, mi pasal hmangaih lai ngaizawng tlat ang chuan midang mithmuh ah min lan tir lul suh, zanin hi kan in hmuh tawp na ni rawhse," Ka ti takzet a ni, kan in hmu fo a nih chuan keimah chauh ni lo, a nupui hmeichhe fel leh in ngaitlawm tak kha kan ti na tel dawn tlat a ni

"A tawp na, a tawp na maw? Chu chu i duh dan takzet em ni?" A hmel a beidawn na lang chhuak chuan ka lungphu zawn hi a ti na vawng vawng, a chhan chu tiang tak hian U Zuala hi a tlawm ngailo, a na hmel ka hmu ngai heklo


A hma ang kha chu nise, ka kuah anga, ka hmangaih zia ka hrilh ngei ang, mahse engkim hi a danglam tawh a ni, "Zualte, Hmangaihzuali kha ka hmangaih a ni," A nui hak, a nuih erawh a za miahlo, a ṭah a chhuak tel te inka hre mah zawk

"Hmangaihzuali, hmeichhe nunnem, mi pawisawi hlau em em tu, ka hriselna engkim ngaihtuah ṭhin tu, ka chauh hlau em em ṭhin tu kha ka ngai a, kuah ka chak a, zanlai a ka ṭhan harh pawhkn ka ngaihtuah a, a pang ti lum kha ka ngai a, hmeichhe in vawng tak, hmangaihna ngah tak Hmangaihzuali kha ka ngai in ka hmangaih takzet a ni

Ka tihsual nge ka mawl rah ka seng erawh pawm a har ka ti, mahse maw Zualte i mittui tla ka hmuh hian ka na tel ve ṭhin tih i hria tiraw? Ka hmangaih na che kha ala danglam miahlo a sin, hmangaih tu che pawh, a tawp na maw? Ni e, ka hmel i hmuh tawp na a ni ngei ang, mahse hei erawh hre reng rawh, Hmangaihzuali kha ka hmangaih takzet a ni," A thusawi chu mittui tla zawih zawih in ka ngai thla

Enga tinge a hma khan min hmangaihlo em ni, ni lo, hmangaih tu in, kan hmangaih te nat kan duh in, kan bum thei dawn em ni? Chu chu hmangaih na a ni ang maw?

"Min hmangaih ngailo, hmangaih ti chung a min bum thei a nih chuan hmangaih na a nilo a ni?" Ka rilru dik tak a ni, ka in hnit hlawp hlawp bawk

"A tawp na, a tawp na tur a ni, a tawp na ah pawh kala ti ṭap fo che a nih hi, Zualte hlim hi i phu a nia," Nui var var, mittui kar aṭang in ka en, a hmelṭha tak te, min kuah fo na ban lian tak leh darpharh hlai tak te leh âm tak mai min fawh fo ṭhin na hmui chu ka en, ni e, a tawp na ah pawh minla ti na fo a ni

Kan tawp na tak tak tur a ni, engkim a tawp vek tawh, ka hmangaih ve ṭhin na leh min hmangaih na te kha hetah hian a tawp hlen vang vang tawh ang
.
.
.
.
REMRUATPUIA.....POV


"Ka theilo," Ka ti tawi tak, ka hma a ka pa ṭhu chu ka melh zawk, nupui neih maw? Hmel hriat ngailoh leh nghal

"Ka nupui tur chu keima duh thlan na ngei ani tur ani lawm ni?" Bul zet in ka ti leh nghut

"Remruatpui," Ka pa in a ti ṭhat, ka nernawk


"Lucy-i hi hmeichhe fel tak a ni a, a nu leh pa mi ṭha tak an ni bawk, thu kan thlung tawh a, i tih hlawhtlin ngei a ngai bawk," Hnial a duhlo tih hriat tak chuan a ti leh fak fak


"Inthu thlun chu ka buaina tur a awm chailoh chu, i duh leh engvang in nge nupui dang i neih leh mai loh ang ni," Ka pa melh run chung chuan kha zet in ka ti chhuak

"I kâ kha veng ṭha rawh, i nu a ni...."

"Ka nu a nilo, kha thu kha sawi fo suh," A ṭawng zawh hma in ka ti hrawk, "ka nu leh ka nau te aiin i nupui i thlang a, i thlan ang chuan awm rawh, kan nun a in rawlh lo hian," Seh chilh nawk nawk chuan ka tih zawm zat

"Engtiang a rei nge kha hmeichhia vang khan i thinlung kha kharkhip i tum? A tir aṭang hmeichhe ṭhalo a ni tih vawi tamtak ka sawi bawk, i nu hmangaih pui thei lo tu che hmeichhe khan nangmah pawh hi a hmangaih lo che, i sum chuah a ni a duh ni," Thinrim ṭha leh tih hriat takin ka nî in a rawn tih zawm leh hmiar hmiar a, mahse ka nunhlui a hmeichhia vang a nupui nei duhlo leh hmeichhe ngaihsaklo ka ni hauhlo tih hi an hre silo


"Ka nî, a tawk, ka pa he thu hi a tawp na ni rawhse, ka nupui tur leh ka mi hmangaih te chu keiman ka enkawl thei, ilo buai a ngailo," Thinrim zet a ti leh pensawn ka tum chu


"Eng chungchang nge in sawi a, Mama nupui tur ni in ka hria, ka rawn hriat sual loh chuan," Nancy'in ka chhang chiah rawn kai lut chung a atih chuan ka thaw kawk

"Heichu tunge a, ngawi lawk teh, Doctor Zualtei a nih hi, a fel a sin," Couch a ṭhu thla pah chuan a tih zawmzat

"Ohhh, kha chu ka in entir na a Doctor min ṭanpui tu thlalak a nih kha, Delhi ah khan min pui char char a, thla ka lak sak a nih kha, a fel a nia aw, a hmelṭha reuh sia," Ka nî in alo ti ve vat bawk

'Zualtei' kha Nurse Hmangaihzuali kha em ni?

"Tu maw?" Rachel-in a rawn tih tuar ah chuan kan hawi vat

Nancy-i kut a thlalak chu pawt thla hlawk in, "Hmangaihzual," Seh chilh zet chuan a rawn ti chhuak

"In hre ve e law, ka U, Lucy ai chuan Doctor Zualtei pawh hi nupui tlak tak tur chi mawle," Ka nî in a rawn tih chuan, "ni a tawk he thu...." Rachel-i rawn khur dawt dawt ah chuan ka ṭawng lai ka tawp chawt

Pawm kang lawp in, "Rachel," Ka au nghal mawlh mawlh, room a pawm lut in hmanrua ka nau in a rawn lak chuan ka en dik nghal zung zung

"Engtin nge a awm? Damdawiin pan angai angem?" Ka nî leh Nancy hlau thawng lutuk chuan anlo ti ve chhen bawk

"Natchhawk na in ka chiu tawh a, hlauh tur a awmlo, eng emaw thu in a ṭhawng deuh mai a nih kha," Ka unaunu dang bel mai, depression nasa lutuk vang a taksa khuar kak mai, hmeichhe nalh tak ni ṭhin kha, mitthi tawh vun ang mai a dang bal chu ka en vang vang, hetia a nun a buai ṭan na hi kum 5 lai a ni ta, hmalam pan se, a nun ah engpawh thleng tawh mahse ama ke a a din leh ka beisei pui takzet, ka unaunu tan hi chuan engpawh tih ka huam a, ka enkawl huam bawk

A nu hi haw viau mahila Rachel-i erawh hmeichhe nun nem tak, leh rilru ṭha tak a ni a, ka pa fanu a nih angin ka en hrang bik heklo

"Lalpa ka lawm e, Nancy i U hi lo awmpui la, Remruat min rawn zui rawh," Ka nî in room chhuahsan pah a atih chuan ka thaw hak, kha inneih na chungchang bawk kha anih chuan inhauh kan ṭan leh dawn tihna a ni
.
.
.
"Lucy-i hi i pa in nei tur a atih chhan che i hria em?" Ka Nî in a tih chuan ka lu ka thing ringawt, a chhan hria pawh ni ila ka nei dawnlo hrim hrim, bakah a sumdawn na thil vang bak a ni dawn chuanglo

"Lucy-i hi i nei a nih chuan i Hotel tan pawh ham ṭhat na tamtak ila hmu dawn a nia, an chhungkaw sum dawn na chu i hriat kha," Ka rin tawk vel

"Ka nî he thu hi chu tah hian tawp rawhse, ka pa sawi mah tih nak alai a," Tih nghut chuan a room chu ka chhuah san nghal

"Nupui chu inei dawn tak tak em ni Mama?" Rachel-i room aṭang a rawn chhuak pah a Nancy'in a tih chuan chhang pawh chhanglo in inhnuai lam ka pan nghal


"Tak tak in Mama in ngaihtuah chiang rawh, bakah bawihtei pawn nu a mamawh a lawm le," Nui tuh tuh pah a chair a ṭhu thla pah a a tih chuan ka ner nawr

"Daddy," Choka a rawn tlan lut pah a ka fanu in min rawn kuah chuan ka nui hak

"Vawiin school ah i fel em?" Ṭhu hniam chuan ka piai zauh

"Hetah bawihte lo kal teh, thil ka hrilh angche," Nancy'in a lo ti ve nghal zat, enge a hrilh tur ka hre nghal, henu hi chu naupang fuih hi a ching khawp a

"A ṭul lo inthlak rawhse," Ka fanu nuih var var chuan ka ti sup

"Ka duhlo, Nancy vawiin ah minlo hruai tur thu i sawi a, mahse min hruai lo," Lungawilo tih hriat zet chuan a nî chu a melh ve ram ram, ka nui hak, a thinrim hi chuan Nancy-i hi chu a hming hian a ko mai ṭhin


"Ohhhh vawiin chu a nîpuii kha i hria em? Rachel-i kha alo haw a ka va hmuak alawm, lo kal vat rawh, mommy thar i duhlo em ni?" Mit hmul san ak ak chung a a koh chuan ka melh vat

"Nancy," Ka ti vat bawk, ka fanu in a nî bul pan pahin, "Anî iti tak tak ami, kan school a mi te chuan mommy an nei vek a, mahse ka neilo a, mommy tur ka duh ve tak tak," Lawm tih hriat zet chuan a ti nghal chul, ka thaw hak, henu hian engthil nge maw a hrilh leh pek dawn ni

"I daddy i dil thiam dan a zir a niang chu, i mommy tur chu maw a hmelṭha lutuk," Uar fahran a a hrilh chuan ka lo nui tawp, ka fanu hmel a hlimna lang chu nidang a ka hmuh ngai reng reng loh a ni, ka fanu hian nu chu a lo mamawh tak zet em ni?


Ka theih tawkin enkawl in hlimna ka pe ka inti ve viau a sin, tun a ka fanu hmel a hlimna erawh kala hmuh ngailoh a ni

Ka phone rawn ri ral ral ah chuan choka chhuahsan in, "Zira i zawng chhuak tawh em ni?" Kum 5 liam ta a nurse ngeiawm lutuk mai kha ka zawn tir, zawn hmuh chu har ve tak a ni


"Aw ka pu, a nu leh pa hi lunglei lam ah an awm a, mahse..."

"Mahse enge?" Kalo ti vat

"Mail in a kim chang ka rawn thawn che kha i en mai dawn em ni?" A rawn ti hap

Engthil nge maw ni, "ka hrethiam e," Tih leh phone off in mail rawn thleng chu ka check nghal

'Doctor Hmangaihzuali' Doctor maw a lo nih tawh a, ka kiai suk, a Pa Lalbiaktluanga, a nuhrawn te nen a cheng ho in, a nu leh pa erawh zu ngawl vei an ni

"A ṭha e, ka zawng hmu ta che a lawm, kan in hmu vat dawn nia Doctor Zualte," ka ti sup



********XXX********
"Hmangaihzual kum tamtak hnu ah nangmah ngeiin ka huang chhung i rawn pen lut dawn a nih hi, lo nghak rawh, ka nun ti chhe vek tu hi i nun na ngei kha kala la ve ang, ka hmangaih min laksak angchiah khan."
********XXX********

****Riya***



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:02 pm

STONE HEART
By floria laldansangi

8

ZUALTEI....POV


"Ehe! U Zualte i va rawn haw hma ve," Ka hnunglam a ṭang Maroi aw ka hriat chuan ka in her vat, a hmel a mak tihna lang chhuak chu ka nuih hak, Te-i te in a ka riah tawh hi chuan ka haw hma ngailo êm a tin ni

"Zingkar ah em ni inchhuah dawn?" A tih zawmzat, ka lu thing pah a inherin, inchhung lam pan chuan, "ni lo, reilo te ka mu leh lawk ang," Ka ti sup

"I sawi ang kha ka khung fel vek tawh a nia, coffee i duh em?" Choka a lut pah a atih chuan, "aih, milk ka lo in lak mai ang, ka pa te hi an rawn la thlenglo tiraw?" Milk thli chhuak chuan ka melh zauh, Kum 5, kum 5 lai a liam ve ta

"Thleng e, nizan khan alo anlo thlen, ilo tho ta maw?" Tih zawmzat chuan kawngkhar lam a melhna chu ka milk no dawm lai nen chuan ka hawi ve vat

Ka hma a mipa lian leh sang ṭha zet mai, inbual zo hlim tih hriat zet a sam leh hmui hnawm chap mai chu, a chhip aṭang ka en thla diat diat, a dar in pharh hlai ṭha zet leh banbul lian ṭha zet te, a t-shirt hak var taksa phuar deuh ah chuan six-pack a nei tih hriat reng reng, ka chil ka lem khalh, a bawp sei thlarh te chu!!! Lalpa leh!!!


"Min endik zawh tawh chuan i tawlh sawn thei a ngem?" A aw zet chu!!! Mizo a ni, harh rawh Zualte....ka beng bul a ka hming ring lutuk a lam ri ang mai hian ka harh zawk, ka â em ni? Te-i ka chhun zo vek tawh

"Ohh," A bak sawi tur ka hrelo, khu ral thei ila ka khu ral chum chum tawh ang

Mak tih hmelzet a min en chuan, "i hnung a coffee kha ka insiam ve duh a," A thle bak, Lalpa...Lalpa, kan in ah ka Korean bialpa te i rawn tir em ni? Teuhlo, hetiang hmel pu Korean ah duh ka neilo, arhhh.. Hei pawh Te-i zia, Korean drama min en pui nasa lutuk a, tar a hnu lam ah kan tleirawl ṭha leh hi a ni ringawt

"U Zualte, i ṭha em?" Maroi aw ka hriat chuan ka harh zawk, awiiiii....ka â em ni? Maroi leh ka hma a ding mipa hmelṭha zet mai in mak tih hmelzet a min en chu zak lutuk in ka bul hnaiber a chair chu pawt chhuak rawk rawk in ka ṭhu thla rawk rawk, enge ka ngaihtuah a?? Ka rilru ka hloh em ni?

Ngawiteh, hepa hi tunge a nih? Enge kan in ah atih? Ka pa a rawn thleng tawh si a? Ngawi lawk teh, he pa hi kan ramhuai putar hian a rawn hruai lut em ni? Warning ka pe tawh si a, he inchhung ah zu leh a zu ruihpui ho hruailut lo tur in


"Zankhatll lek riah na tur dang inei lo em ni?" Ka hma a rawn ṭhu thla chiah mipa lian leh huhang na zet chu ka melh zawk, ka thusawi hrethiamlo ni awm tak a min melh deuh kawk chuan a thle bak

Ka nui hak, "rui thlep a, khawlai a vak mai mai tur chuan uiawm i inti ve deuhlo em ni?" Ka ti leh nghat, engthil nge ka hriat tehreng ni, nidang zawng pawh a kan inchhung a rawn leng lut leh mikhual te ka biak ngailoh nen

"U zualte hei chu...." Maro'in a rawn tih rualin, "ilo haw tawh maw? Remruat i va tho hma ve, maro coffee kha milo siam ve nghal la, i pa hi ala harh nange?" Ka pi dinning room rawn lut pah a ka bul a rawn ṭhu chuan a ti nghal bawrh bawrh, ka meng kawk, he pa ren run hi kan ramhuai putara rawn hruai luh a ni nange?


Ka chil ka lem khalh, ka hma zawn chiah a ṭhu mipa lah chuan min en run leh nghal, min en awm pawh a ni, ka ṭawngkam teh hrep kha, ka ṭhut na zawn hi rawn chim thut maise ka va ti tehreng êm

"Ka tho chiah e, keipawh coffee ka duh ang aw," Ka pa choka a rawn lut paha a rawn tih chuan thil awmzia hriat tum in phawk fe in ka pa leh ka pi ka melh tawn zak zak

"I fanu chu hriat chian a chakawm takzet a nih tak hi," Min rawn melh zawk a coffee tem hlek a atih chuan ka thaw em pawh ka hrelo, he dinning room hi ava te ta em em ve tih tur khawpin boruak hip tur zu han vang a mawle

"I pawi alo sawi leh hman em ni? Min hrethiam dawn nia Remruat, ala puitling hleitheilo anih hi," Maroi coffee rawn pek la pah a ka pa in atih chuan ka lo nernawk, min hre chiang ber ang te chuan a ṭawng a


"Zanin chu zanriah chhungkaw kim a ei tur aw, pawimawh sawipui tur che ka nei a nia," Ka pa in a tih zawmzat chuan ka en vat, englam nge ni a, kum 28 hnu lam ah a vawikhat nan thu pawimawh min sawipui a duh a nih chu, mak ka tih zia ka thup thei meuh lo

"A pawi hle mai, chawhnu dar 2 ah champhai ka pan ang, tun thla chhung chu khilam ah hun ka hman ka ring," Tih leh ka ṭhut na aṭang a din ka tum chu, "ṭhu rih teh," Ka pa in a ti sup, a hmel thu tak lutuk chu ngaih te pawh a ti ṭhalo rum rum alawm

Nge ni a, ka pa hian natna alo nei reng ani lo maw, cancer, chuap ro, zu a in nasa ropui si natna a nei tawh em ni? .... Ni lo, ni lo, awihawmloh lutuk, ka ngaihtuah na avangin ka lu ka thing nawk nawk

"Keizawng pawnlam ah kalo va ṭhu teh ang, ni lum ai pahin, a vawt emai," Ka pi tar tawh takin a tiang hawl chung chuan choka a chhuahsan chu ka melh zawk, ka lak ah zep an nei a ni, ka pi hmel kha a dik miahlo


"Maro tui vawt minlo lak mai," Tih leh ka pa melh in, "i damlo ami?" Ka ti sap, a damlo thing miahlo, han haw viau mahila ka pa ala ni tho

"I thluak ah khan ngaihtuahna ṭhalo lam hlir em ni i ngaihtuah ṭhin?" Kan mikhual pa mai mai chu(h)!!!!

Rum lutuk in ka melh hrawk, Maroi alo nui hak, "chutiang lam a ni lo, zanin ah hrilh che ka tum a, in a i awm dawn tak siloh ah chuan tun a sawi a ṭha in ka hria," Ṭawng tum a ka âng hman zuai tih ah ka pa in damdap a arawn tih chuan ka kâ chip hmakin ka hma a ṭhu palian zet leh hmelṭha zet mai chu ka melh ram ram...No..No..No a hmelṭha leh lo, Mr . Rude

"Englam nge ni a?" Kapa hmel thutak lutuk chu ka ngaih a ti ṭhalo lehzual, nidang ah tiang hian minbe ngai hauhlo

"Pasal neihlam te hi i ngaihtuah tawh em?" A zawhna min zawh teh daih chu ka melh vat, ka nui chhuak hak bawk

"Chu chu maw i sawi tur pawimawh neih chu?" Ka ngaihtuah chiang a ka nuih lah a za tulh tulh, "sawi tur dang ineih tawhloh chuan ka room lam ah ka kal dawn a nia," Tih leh nui vur vur chuan din ka tum


"Ṭhu rih rawh, ka sawi tur tak kala sawilo," Ka pa in a rawn tih leh chuan ka melh deuh vak, a pawimawh viau dawn amaw tih laiin khatiang mai mai in zawh, midang awm velai leh nghal in

"Engtia han hrilh tur che nge maw ni?" Ring silo in a ti leh sup, engthil chiah nge maw sawi a tum reng reng ni, hmeichhe thuchhuak ang mai tukin zing chu a nawi ru riau mai

"Sawi mai mai teh," Dawh theilo zet a tih leh tui in chhawp chu ka in nghal, "i zu man ba i rul theilo a ni êm lo maw?" Ka zawhna chu a mawilo viau tih ka hria, mahse a hmel thutak lutuk hian zawtlo theilo in mian siam tlat a ni

"Kum 28 lai i ni ve tawh, chu vangin Remruata hi pasal a nei turin ka duh che a ni Zualte," Ka tui in ka phuh ṭhawt, ka hma a ṭhu mipa lian zet ka phuh per tih hriat takin, ner nawng in tissues la chuan a in hru nghal mawlh mawlh

Enga? Tun ah khan ka hresual em ni? He pa hi maw? Engtik laiin nge ka pasal tur alo nih a? Kei hian ka nei ang maw? Huh..... Ka pasal tur chu keimah Hmangaihzuali chiah hian in thuthluk na a siam ang

"Pa," Duh aiin ka au ring mah mah, "engvang a chu thu chu sawi nge inih ka hrelo, mahse....pasal ka nei dawnlo, a chhan chiang tak a hre tu pawh i ni," Thinrim si, ka pa thusawi ring phal chiah silo chuan ka ti nghek

Ka pa in, a kut a inbengdai tur min zap pahin, "tun tut tut ah nei turin ka ti lo che, Remruata nen pawh in in hre chiang ve phawt anga," Ka awih theihlo, "PA," A au in ka au a niber

"He mihring hi ka nei dawnlo, a chiang em?" Thinrim zet a ding chhuakin ka hma a thu palian zet mai kan thusawi hrelo ang hmak a ngawi reng leh hahdam hmel zet a coffee in chu ka melh hrawk




"A mak bawrh bawrh thei, ṭhu rih..." Atih laiin, "Pa, engvang a pasal nei tur a tun a tak a min nawr nge inih ka hrelo, mahse ka nei dawnlo tih hre chiang ber tu i ni bawk, Ka nun ah hian engtik laiin nge thu thlukna ilo siam ve ṭan ka hrelo, mahse ka nun ah chuan keimah chiah in thuthluk na ka siam thei," Ka ṭawng chu ka seh chilh nawk nawk te in ka hria, pasal neih maw? Hremhmun a min nawr liam tum ang vel a ni

Ka nunhlui kalsan a, hmalam pan a, nunthar nen a nun pawh hi thil har lutuk a ni a sin, ka theih tawp ka chhuah ka ti chung pawh hian ka fanu, a hmel vawikhat pawh ka hmuh hmanloh kha ka manglam thleng in kala hmu fo a, U zuala, U Zuala boral dan ka ngaihtuah let phei chuan hlim hi ka phu ve hlawl lo a ni, ka ngaihtuah na a ka nunhlui a letleh tak a vang chuan ka mittui a rawn hnam sawk ka khap fak fak

"In ngaihtuah angche," Ka pen sawn tur chu ka pa in thutak lutuk in a rawn ti leh hram chu ka pa leh a bul a kan thusawi hrelo ang hmak a awm, coffee no dawm a, coffee no melh ngar ngar tu mihring chu rum lutuk in ka melh vak, ka nun a ni a, ka nun a thuthluk na siam turin tumah ka mamawhlo
.
.
.
.
*****"U Zual, ti suh, aih, aih, tisuh khawngaih in," U Zuala car a ṭhu lut chu ka um ṭawk ṭawk, vawi lehkhat ah a thim nghal mut, thil ri rum rum ri kar a ṭangin U Zuala aw ngei mai, khami zan, ka hmub tawp ber zan, thutawp kan siam zan a a thusawi, "A tawp na, a tawp na tur a ni, a tawp na ah pawh kala ti ṭap fo che a nih hi, Zualte hlim hi i phu a nia," Chu aw chu a rawn khawk rum rum

Mittui tla zawih zawih in, "ka tihpalh, hetiang hian a tawp dawn tih ka hrebiklo a ni, ka tihpalh," Ṭap hawm hawm chuan ka au chhuak******



Ka room kawngkhar in kik kharh kharh ka hriat chuan manglam a ta chu ka harh zawk, ṭum dang ang bawkin mangchhia in minti buai leh ta, khami zan khan U Zuala khan accident a tawk ang tih ka ring phalo, "a tawp vek tawh," Kan tih khan hetiang a kan tawp hi ka ring pha miahlo, thaw la kawk kawk in ka mittui ka hru hul tawk

kawngkhar in kik ri reng chu lungawilo lutuk in, "enge?" Tih leh ka hawng sawk


Ka pi hmel ka hmuh rualin ka thaw hak, "i hriatpui a ni tiraw?" Ka ti nghal tawng, a chang hi chuan ka pi pawh hi ka haw lek lek ṭhin ka pa hi a hlau tlat ṭhin a


"Zualte i pa hian chhan ṭha tak vangin he thuthluk na hi a siam ngei ang, bakah i nunhlui vang a hetia awm ngawt chu a ṭhalo emai, i nî te ho pawhin an mangan pui em che hi," Ka pi in a tih nuap nuap chuan khum a let thla tap in, "ka nun dan ah hian ka lawm tawk tawh viau, ka pa chung ah leh ka nî te chung ah ka lawm takzet, doctor ni thei tur a min puih na zawng zawng ah, mahse chu mi vang ringawt chuan pasal ka hmel hriat ngai miahloh ka neih chhan tur ka hrelo a ni," Ka rilru diktak a ni, pasal neih hi ka tum ngailo hrim hrim tawh in a


"Chutiang tur a ni ngailo, hmalam pan a nunbul i ṭan ve a ngai alawm," A ṭan leh dawn, ka pi tak hi chu


"Pi nun bul chu ka ṭan tawh a lawm, a tawk tawh, ka mut ala chhuak, chawhnu lam ah champhai lam ah kan kal a ngai si a, tlem tal kan mu leh ange, chuan inneih tih vel kha ka hre nawn duh tawhlo a nia," Tih leh ka mu ṭha sat sat, a thaw ri deuh hak chu ka hre reng

Pasal neih maw? Teuhlo lutuk, ka fanu van a awm tan nu ka ni a a tawk viau, mahse kha pa, palian a kha khawi ah emaw ka hmu tawh a ni, ka hmuh tawh na erawh ka chiang tawhlo
.
.
.
.
Ka luggage hnuk chuan ka room ka chhuah san rualin, "i fanu khi i ba rulh nan hman i tum a maw? Chu chu ka rem tih i ring em ni? I fanu tan thil ṭha iti ve tawh dawn emaw tih laiin, ka fapa i ni tak meuh em ni tih hi ka ngaihtuah let ṭhin, engtin nge mahni fa te ngei ba rulh nan hman i tum theih zawk," Ka pi aw khur dar dar ka hriat chuan muangchangin ṭhut khawm na lam ka pan chhat chhat


"Ka nu, kan ba min rulh sak tu khan pawisa a rulh duhlo in, Zualtei nupui a neih min dil a lawm, enge ka tih chuang ang, ba ka rul a nihloh chuan ka nun na an la mai dawn a sin," Ka pa thusawi chu ka mang lam zawk em ni? Keihi ba rulh na tur in maw pasal nei tur a minlo tih


Ka mittui rawn hnam sawk chu ka khap let sak sak, "ba rulh na tur in maw pasal nei tur a milo tih ni?" Ṭawng chhuah a harsat zia chu, ka hrawk a tawt in ka hnar leh mit a thip rân bawk


"Zual...Zualte," Ka nu hrawn in a rawn ti bah nak nak


"Ka zawh che chu, keihi i zu man ba rulh nan pasal nei tur in min ti em ni?" Ka au tuar tuar, ṭah chiam mai ka duh rualin ka mittui erawh a tla thei tawh der lo


"Chutiang a nilo, ka ba ka rul zo tawh, tukin a...."


"Tukin a mipa khan a rulh sak che a, tu nge a nih a, eng ang mihring nge a nih pawh i hriatloh chu kei hi nei tur in ilo in rem siam pui ta a, a ni em? Ka sawi dik em?" Ka pa chu rapthlak ti lutuk in ka melh


"Ka leiba neih na ten min that se i ti em ni? Duh thlan tur dang ka neilo a nih hi," Chu chu maw in sawifiah nan a hman theih awm chhun ni a?


"A nih chuan ka nun na hi a hlu ve lo i tih na em ni? A ṭha e, ka ruang i hmuh hma chuan ka tan buaina i siam hi i duh tawk dawnlo a ni tiraw?" A au a au tuar tuar chuan inchhung aṭang chuan chak lutuk in ka pen chhuak hlawk hlawk, engtin...... Engtin nge ba rulh nan min hman theih, ka pa mit hmuh ah hian fa nu ka ni ve ngailo takzet em ni?


***Riya***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:02 pm

STONE HEART
By floria laldansangi

9

REMRUATPUIA....POV


"I thil tih hi a dik tak meuh amaw? Doctor-i pa ba i rulh sak a, a rulh nan a fanu nupui a i dil chu?" Ka ṭhianpa, ka kawmngeih ber Rinhlua'n a rawn tih chuan nui suk in, "hna thawh tur inei lo em ni? He ta rawn dak ṭeuh lo hian?" Ka office a hahdam hmel zet a ṭhu ka ṭhian pa chu ka melh zawk


"Karleh ah hna ka ṭan dawn chauh a, tunkar chu ka awl rih tihna a nih chu, zanin chu midang kan ko khawm dawn em niang? Doctor-i hmel te pawh chu hmuh a chakawm a lawm le, a hming tal te sawi ve la," A tih zawmzat zat, a hmel a a hriat chak zia a lang reng bawk

Ka lu thing mat mat in, "ka hmanlo tih i hriat kha, a hun ah i hre mai ang, meeting ka nei a, ti khan lo awm rawh," Tih leh ka file la chuan kawngkhar lam ka pan nghal


Ka phone rawn ri ah chuan ka kekawr ipte aṭang a phawrh in pawnlam ka pan nghal


"Mama, tun ah lo haw rawh ka U hi....Ahh....Rachel khawngaihin i chem kha dah rawh," Nancy hlauthawng aw ka hriat chuan hmanhmawh lutuk in lift pan chuan, ka car dahna lam ka pan, car ah ka ṭhu lut nghal, engthil nge thleng a sawi a ngailo


"Nancy ka thusawi ngaithla rawh, zim hnai lutuk lo ula, hlau thawnglo in, a chem kha dil rawh, ka rawn thleng nghal," Tih leh chak lutuk in ka tlan chhuak

Rinhlua phone in kan in rawn pan nghal turin ka ti nghal zat
.
.
.
.
.
Gate ka tlan luh rual in car ti ding tuarin ka tlan chhuak nghal

"Eng thil nge i duh, engvang a tiang a awm hi nge inih, Rachel i duh sawi rawh, i nî hian ka pe angche," Ka nî in ṭap aw lawirat leh hlauthawng tih hriat zet a atih chu kawngkhar ka tlan luh rualin ka hre nghal

"Sir," Kan awmpui nula te chuan anlo ti vat

Dinning room a tlan lut in, Nancy leh ka nî, kan awmpui te ho hlauthawng hmel chu ka en kual, an beidawng tih an hmel ah alang reng

Chhuat a thisen kawi niah leh Rachel-i ban a thisen chhuak far kauh kauh chu en in ka thaw hak, "Rachel, min en rawh, tunge ka nih?" Zaidam zet chuan ka ti sup

Mittui nen a min rawn melh chuan, min en deuh vang vang, "lo kal hnai suh, penkhat pawh i rawn pen hnaih leh chuan ka thi a ni amai," A au tuar, a chem ken lai lek kang uaih chu midang ho anlo ṭe ve tuar bawk


"Rachel min enrawh, keimah i unaupa Remruata," A lam a pan hnai hret hret chuan ka ti leh sup, muangchang a min rawn en in, a mit a khap fak fak

"Rem, Remruata," A phun sep sep, ka lu bu nghat nghat in, "keimah, i chem ken kha minpe rawhle?"

"Remruat, aih mintiam rawh, kha ramhuai nu lakah khan ka tan phuba ila ang tih, min tiam rawh, mintiam a nihloh chuan i hma ah ngei hian ka nun na kala ang," Atawp lam chu a au in a au, a chem ken bawk chu a lek kang leh

"Rachel, enge i harsatna ni?" Ka nî in beidawng lutuk chuan a rawn ti ve leh hap, "tu chungchang nge i sawi U, minti hlauthawng i chem ken kha dah thla tawh rawh, i thisen a chhuak nasa tawh lutuk," Nancy'in a rawn ti ve bawk


"Awi ka rei Lalpa!! Rachel engthil nge i tih? Duhtak eng amaw ti teh, a thi thei mai ang?" Ka pa leh a nupui, Rinhlua te pathum dinning room rawn tlan lut a ṭap ṭuau a ka pa nupui in a tih chuan ka melh hrawk

Tun hi hlauthawng a biak chi a nilo tih hre chiang ber tu a ni

"Engmah in hrelo, kha ramhuai nu vang khan enge ka chungah thlengin hria em? Khanu phiangsen vang khan...."


"Ka tiam, ka tiam a che," A au tuar tuar lai a tawp chat, mak tih hmel zet a min rawn en in, "min bumlo tiraw, dawt i sawilo tiraw?" A mitmeng a beiseina rawn de sawr sawr chu hmuh theih khawp in alang chhuak

"Ka thutiam ka ti hlawhtling lo ngai em ni? Dawt ka hrilh tawh che em ni?" Ka mit a hahdam tur a ti pah chuan ka pan hnai hret hret

A mittui rawn luang ngiai ngiai in a chem ken chhuat a thlak ri bawl chuan a ṭhu thla hnawk, a ṭap khur nghal dar dar

"Ka hlawhtling dawn, ni e, ka hlawhtling dawn U Zual lo nghak rawh," A phun sep sep


A bul a ṭhu thla pahin, "engkim a ṭha tawh e, i hliam te hi tifai ang aw?" Tih leh kuah thawh ka tum chum ka ban a man chatin ka mit ah tak min rawn en kiau, "Remruat iti ang tiraw?" Ṭah aw ṭiau a a tih nawn leh chuan nuihsak in ka bu nghat, a hmel a hahdam na lang nghal suai suai chu ka thaw ve hak


Pawmkang lawmin kawngkhar lam ka pan pui, ka nî chair a beidawng leh rilru na tih hriat zet a kan che vel chau tih hriatzet a, lo en ngawih ngawih chu ka melh zawk a rilru tur chu ka hrethiam lutuk tlat

"Lalpa ka fanu chung ah hian enge thleng ta?" Ṭap hlawp hlawp in ka pa nupui chuan alo ti ve bawk
.
.
.
.
"Enge thleng Nancy, Rachel-i hi engvang a khatiang a awm kha nge a nih?" Damdawi in a hneh tih hriat tak a Rachel-i muhil thaw sek sek chu ka melh zawk, a hliam Rinhlua'n a ti fai mawlh mawlh bawk

Couch a ṭhu thla hnawk in, "ka hrebik nang, ka nî nen doctor Zualtei pan leh kan duh thu leh a fel zia thu kan lo sawi a, choka ah tlan luh in Hmingi chawhmeh chanlai chem laksak in a inzai nghal ringawt a nih kha," Rachel-i melh vak pah a atih nuah nuah chuan ka thaw hak, a chhan tur ka hrethiam nghal


"A dam fel tawh emaw tih nak alaiin, Bawihtei school a kal hman chu a lawmawm, a hmuh ve atan ka duhlo, bakah Delhi ah let leh rawhse, mipangai angin hna a thawk a, a pangai vek, Mizoram a rawn thlen aṭang mi â ang maiin a awm leh tawh, tiang te chuan..." Nancy'in a tih hlak hlak chu, "Nancy," Ka ti deuh ṭhat


Khatiang khan a unaunu chungchang a sawi tur a ni miahlo, "khatiang kha sawi tur ini miahlo, ka nî leh ka pa te kha lo va ngaihven rawh," Ka tih zawmzat, lungawilo tih hriatzet in, "ka hrethiamlo che a ni, he mite nufa vang a ka nu tawrh na zawng zawng kha i hre chiangber si a, engvang Rachel-i te nufa hi haw ve miahlo nge i nih tih hi, ka nu in min pai a ni tih pawh hre chungin ka pa in ka nu a ngaihsak loh zia leh, ka pian hnu ah pawh ka pa hmel vawikhat pawh hmuh tur a awmlo, pa ka nei lo emaw tiin leh ka nu nitin rilru na leh a rilru kimloh thleng ṭhak khawm a enliam thei tu ka pa hetiang a a awm chhan chu Rachel-i te nufa vang vek hi a ni


Û ang a en a, theih tawp chhuah a, 'a thiamloh na a awmlo' tih hriat reng ka tum pawh in a hmel ka hmuh hian ka nu tuar na leh ka tuarna te kha ka hre chhuak lo theilo, pa ka neihloh laiin a ni erawh in ka pa min chhuhsak a, engkim a nei thung, enge tun ah pawh kan enkawl angaih na, engvang a a fanu te hi engkawl sak nge i nih ka hrethiam lo che a ni Mama, i nupui in a chhuahsan che a, a chhan chu he Rachel-i fanu i enkawl duh vang leh ka nu rilru kimlo enkawl reng a peihloh vang tih ka hria, pawnlam mite sawi dan i hre duh em? 'Sawn thlak a, nupui uire san tu,' tiin a an sawi chhan te hi, he Rachel-i te nufa vang vek hi a ni, engvang in ka huat loh tehlul ang ni," Mittui tla zawih zawih a Nancy'in a sawi chu ngawi reng in ka ngaithla tawp

Ni e, ka nau hi ka pa in ka nu a uire san hnu a piang a ni a, Rachel-i ai hian a naupang zawk bawk, ka pa uire hnu a, ka nu in ka pa fa alo pai leh kha kan lawmlo hle a nih kha, mahse ka nu khan ka pa a hmangaih êm avangin a thlah phal thlawt silo a, ka nu hmangaih na leh kan unau tawrhna zawng zawng te aṭang khan enge kan dawn let?

"Nancy a tawk, i U a nihna a bo lo, a thiamloh a awmlo tih i hriat bawk kha," Ka pa te ho choka aṭang a rawn chhuak chu mit thip ram in ka mwlh zawk bawk


"Ka hua a ni, ka pa pawh ka hua, in vai hian ka hua che u, ka nu nen a kan tawrh na zawng zawng te kha tuman in hrethiamlo, chuti chung chuan ka nu that tu fanu ka enkawl ala ngai fo a, ni lo, a tunu chawp in mawle, in vai hian ka hua che u," Nancy'in ti leh tuar chuan a ṭhut na ṭang a tho thut in pawnlam ah a tlan chhuak nghal

"Heyyyy.. Nancy," Rinhlua'n umzui a tum chu ka dang vat, "amah in awmtir rawh, a thawl hawk mai," Ka ti sup, ni e, hun a mamawh a ni, kum tamtak hnu ah a rilru awm zawng zawng a sawi chhuah vawikhat na a ni, ka nu boral hnu aṭang phei chuan Rachel-i te nufa hi a mil lo lehzual tih ka hria, mahse a ti lang ngai lemlo thung, la naupang viau mahse a rilru erawh keiai a puitlin chang a awmfo

"I fate lak a ser nung i siam hi a reh tawh dawnlo a nia ka pa," Ka pa mitsen ram a ding chu ka melh zawk


Rachel-i pawm chuan a room lam ka pan pui ngal, hahdam hmel zet a a muhil chu ka en vang vang, ka hmai ka tuai puat, engthil nge ka tih ang, ka nu ka chan ang chiah a, ka unaunu chan ka duh hauhlo ang bawk in a thil mi ngiat pawh hi tih ka duh chuanglo, mahse ka unaunu tiang a siam tu erawh chhuah ka tum chuang hauhlo bawk


Ka phone phawrhin ka sect ka call, "meeting kha ka tello in lo kai hruai mai rawh, chuan Nancy hotel ah a rawn kal chuan min rawn hrilh angche," Phone a pick rualin ka ti sup
.
.
.
.
"Rina, Rachel-i hetiang a a awm leh chhan ah hian ngaihdan i nei em?" Rachel-i room a ka pa te nupa rawn lut pahin Rina an zawh chuan ka lo melh ve vat


"A pasal a boral aṭang khan depression a nei nasa tih chu ka hria a, mahse a zia tawh viau si a, engthil chiah in nge maw ni hetia awmtir leh ni?" Ka pa chuan a ti niah niah


"Hetiang lam hi ka hre vak biklo a, mahse rilru lam doctor pan zawk ula ṭha ka ti khawp mai," Rina'n a tih rualin, "ka fanu hi rilru kimlo itih na em ni?" A nu in a rawn ti ṭhat


"Chu chu ka sawi tum a nilo, depression a neih nasat lutuk chuan mahni intih nat leh midang, a bul vel a mi tihnat mai pawh pawi a tilo ang, ama tan bakah intan a ni ka tih ni," Rina chuan atih zawmzat

"Ni e, i sawi dik khawp mai, thlathar ah Delhi lam ah in enkawl leh ila a ṭha ang, Mizoram ah chuan a nunhlui hian ala ti buai tlat a nih hi," Ka pa in bu nghat nghat a atih chuan ka thaw va hak

Ka pa in khawngaih hmel tak a Rachel-i a en chu ka chhungril khawi emaw lai ah hian ka na veng veng nia mawle, a chhan chu saw tiang mitmeng sawn kei leh Nancy'i hi min la en ngailoh vang a ni mahna
.
.
.
.
"Remruat," Rachel-i aw ka hriat chuan ka harh zawk, khum tlang bawhin kalo muhil a ni tih ka hre chiah bawk


A hmel dang bel mai chu ka en vang vang, a nu hi haw viau in, ka nu natna tamtak thlen tu ni mahse Rachel-i erawh pawisawilo, tihsual neilo a nihna ah ka haw thei lo a ni, ka nu damloh leh rilru kimlo a awm lai pawh hmangaih tak a min fuih reng tu kha a ni miau a


"Ilo harh tawh maw? I kut chu ala na em?" A ban a zai na ka tuam sak chu ka melh zawk


A lu thing mat mat in, "i thutiam kha iti hlawh tling ang tiraw?" A mittui a tling piau, ka mit ah tak min en kiau bawk


"Rachel kan inbiak angai takzet a ni, he thil hian pawisawilo nun a ati chhe vek thei tih i hria em? Hetiang hi inih na a ni silo a, engthil chiah nge i ngaihtuah le?" Engtin nge pawisawilo hmeichhia chu nupui a neiin na takin ka siam theih ang ni


"Aih, pawisawilo a ni lo, tual that tu a nih saw, i thutiam kha i hrelo em ni? Remruat pasal sûn leh ka fanu pa neilo, fahrah a siam tu hi tunge a nih i hria em? Kha ramhuai nu kha a ni, ka pasal a ngaizawng a, ni lo, a thihzan pawh khan an awmdun tih ka hria a ni, chuti chuan pawisawilo iti amaw?" A au in a rawn au leh nghal tuar tuar


"Ka fanu in, Nu ti a min koh loh chhan te, a nu ka ni tih a hriatloh chhan te hi engvang nge a nih i hria em, khanu vang kha a sin, ka pasal min thah sak a, pawisawilo iti a maw?" Mittui tla zawih zawih chuan a au leh tuar tuar, khum a ṭhu kangin ka kuahbet

"Ka hria e, ka hria e, ka tiam a che, i duh ang chuan ka ti ang," Ni e, ka nu pawh kha ka pa in uire san in, hmeichhe dang a rawn hruailut a, engtiang chiah in nge a tawrh ka mit ngei in ka hmu a ni, a rilru thlengin a khawih a, 'mi ang lo, rilru kimlo' tih a hlawh phah hial a nih kha

Rachel-i tawrhna hi ka hrethiam, ka ti hlawhtling ngei bawk ang, ka nu ang mai a rilru na leh huatna a khat in a nunpum a hman ka remti hauhlo


***Riya***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:02 pm

STONE HEART
By floria laldansangi

10


ZUALTEI....POV

"I ṭha meuh a maw?" Tei'n nau chaw hrai pah a tih chuan ka bu deuh nghat, "ṭhalo anih chuan, 'Aih' ti ve mai la, ṭha ang a lan tumlo khan, a reng reng thu in, i pa pawh ṭha takin eng vang a chutia ba ngah em em nge a nih tih pawh chu zawhfiah tum la," A tih leh chuan couch ah ka tlu tawp, zawi zet a mu in, a nau chaw pe chu ka en nguai nguai, ka chau a ni engkim mai hi ka hne a, hmeichhe chak tak, nunhlui sawi tur neilo ang mai a lan te hi ka kham hluah hluah


"Ba rulh na tur pawh lo ni la, pasal i neih phah dawn chuan lawmawm lam ah ngaila, putar nei tur in a tilo che a ni lawm ni?" Nui vur vur a arawn tih zawm chuan ka melh vak, "Ramhlun," Ka ti hlak chu a nuih za tulh tulh leh nghal


"Tak tak in a, ṭha deuh in inbiak tum rawh u, nupa a insiam te hi chutiang a tih mai mai chi a ni hleinem, puitling an ni tawh a hre tur chu an ni, a chhan zawh tumla," A tih leh chuan mit chhing sawkin, "zu man ba bak khawi aleiba nge nei se itih ni?" Thinrim inseh ruh ṭung chuan ka ti hlak


Ka beidawng lutuk leh rilru hah lutuk chu ṭah chhuak viau e tilo in ka mittui lah tla tur a awm derlo


"Ti khan mahni in ngaihtuah vak vak ṭhin suh, hei leh chen hmalam panin ke i pen tawh a, ka chhuang lutuk che a nia," Nui var var a arawn tih chuan ka thaw hak

"Ehe! Engtik in nge? Remruata chu Mizoram a rawn let le? Ka khawngaih ngawt mai, a cher ve duk te a ka hriat chu ni?" Te-i phun nuah nuah chu zawi zetin, couch a kawi zet a mu chung chuan ka melh zawk


A TV en lai a mihring rawn lang ka hmuh chuan ka meng kawk, "i hria maw sawpa saw?" Duh aiin ka ṭawng ring mah mah


"Heia angchu, Rendezvous Hotel neitu a nih saw, Ohhh! Tak in a, hman deuh, ti ila, a rei ve leh tawh, damdawiin i awmlai a nurse ho ti ṭap tu kha a nia, 'manners pawh hrelo' i tih vak pa kha ila hria em? Rempuia hi lawm," Tei'n a tih takah chuan ka hre chhuak zawk


A dik, kha mihring kha a ni, engtin nge ka ngaihtuah chhuahloh le, a awmzia chu 'khanu' fa hrawn kha a ni tihna, ka pa ka biak a ngai a ni

"Te-i in ah ka haw angai," Tih leh ka ding nghal. Phawk fe a min en chuan, "champhai chu i kal dawn lo em ni?" A tih chuan ka lu ka thing


"Midang an awm mai ang, ka luggage hi chu i hman hun ah rawn dah tir mai rawh," Tih leh kawngkhar lam ka pan nghal, engtin nge a nih theih, kei hian minduhlo a, min hnutchhiah tu fa hrawn pasal ah ka nei ang maw? Phiangsen hian!!
.
.
.
In chhung ka pen luh rualin ka pa ka zawng nghal, "Zualte in la chhuak lo em ni?" Ka nu in min hmuh rual a a tih chuan, "khawnge ka pa a awm?"

Min en kawk in, "enge ni ta a, room ah..." A sawi zo hmanlo an room ah ka tlan lut nghal


"I hria a ni tiraw? Kha mihring, pasal a nei tur a mintih kha, khanu fa hrawn kha a ni tih i hria tiraw? I hria em ka tih chu?" Khum a pa ṭhu, a zu no dawm ran chu ka au khum nghek


Thaw la hak a mitmeng sen ram a min rawn melh phei chuan a zu no ken lai ka ben thlak sawkloh nan ka in hum ruh


"Ka hresa biklo tih ka sawi pawhin min ring dawn chuanglo a, engvang a min zawt buai duh nge i nih?" A ṭawng a seh chilh leh ta nawk nawk tawh, a rui thaw khat leh hle tawh tih a hriat

"Engzat, engzat chiah in maw min hralh a?" Ka beidawng lutuk te ṭah chhuak lutuk chu ka aw pawh a khur lek lek, au khum leh chiam mai ka tum nen ka aw ri pawh a chau ta ni mahna, a chhuak ṭawk ṭawk


Ka mittui tla tur ka khap let sak sak, "ava mak tehsek, ka hralh lo che," A rawn ti ṭhawt


"Min hralh lo a maw? I ba rulh nan a pasal min neih tir i tum hi in hralhna diktak a ni, i thinlung, i mit hmuh ah hian vawikhat tal FANU hi ka ni ve tawh em? Ka theih tawp chhuah a enkawl che u a, ka tan i thil tih te rulh let ve che tum in ka bei ve mek a sin, i leiba tel lo pawh hian he in, i ruih thlek buk buk na hmun ka lei nan hian bank ah engzat a tam chiah nge loan rulh tur kala neih i hria em?" Ka beidawng lutuk chu ka aw a chhuak ṭawk ṭawk, ka biang a rawn lum thla pup, ka hru tawk


Ka pi leh ka nu room kawngkhar bul a ngawi reng a ding chu ka melh zawk, "i hriatpui a ni tiraw?" Ka nu hrawn chu ka melh, ka pa a melh ve nghal zat, ka kut hum ruh in, "in leiba chu nangmah ni in rul angche u, ka bat a nilo a, ka rulh chhan tur ka hrelo," Seh chilh nawk nawk a harsa ti zet a sawi chhuak in room kawngkhar lam ka pan nghal


Ka pi leh ka nu in min en kar chu mit thip ram in ka en, ka ṭap chhuaklo chauh a ni
.
.
.
.
"Let's have CT scans and MRI, patient vital are oke," Kan buai nuaih nuaih kar a Lucy-in nurse hnamdang pahnih a be lai ka hmuh hmuh chuan ka pan vat


Damlo in hliam ka en chuan CT scan ti tur in hun a awmlo tih ka hre nghal, "OP room ah nawr lut rawh u," An nawr sawn tur chu ka vuan vat

"Engthil nge i tih hi Hmangaihzual, CT scan ti hmasa lo in operation tih i tum a maw? Engtin nge emergency a ni tih i hriat? A taksa...." A sawi zo hmanlo

"CT scans leh MRI itih chhung in damlo hi a thi thei tih i hria em?" Ti hrawk a nawr sawn ka tum chu ka banrek a rawn vuan in a phihsawk, ṭawng tum a a kâ a ang zuai tih ah

"In hnial angailo, TA patient tumah he damdawiin ah lakluh tawhloh tur, ER ni lo in, cancer canter a nih hi, civil lam ah thawn vek rawh u, intern ho khan damdawiin dang transfer na tur zawng nghal rawh u," Chu thu rawn sawi tu, damdawiin chief executive chu ka melh kawk


"Cancer center pawh nise doctor kan ni a, nunna chhan chu kan tih tur a ni," Chief chu a kut chung lam ah a vai thuak, a phone hum lai a min rawn kawk in, "Pathian kan ni lo," A thusawi ka hnial vang a lungawilo tih hriat tak chuan min run ran bawk, ka awih theihlo engtin nge chutiang chu a sawi theih zawk ni, he damdawiin chief executive a ni meuh a maw?

"Chu chu ka sawi tum a nilo tih i hriat kha, damdawiin dang i zawn chhung in damlo te hian nun na an chan thei tih i hria a ni lawm ni," Ka thinrim lutuk chu ka ṭawng ka seh chilh lo chauh


"OP room ah nawr lut rawh," Rawn ti tu lam chu rang lutuk in kan hawi nghal dawrh hlawm, kan lam pan a rawn pen mipa hmel ka hmuh phei chuan ka mitmu a pawng chhuaklo chauh

"Rinhlu," Ka phun sup, min rawn nuihsuk in, "i damlo kha enkawl phawt rawh, TA patients zawng zawng a theih theih kan enkawl ang, doctor kan ni a, nun na chhan chu kan tih tur a ni," Min rawn melh in a kiai suk, ka nuih let ve sak

Kum tamtak hnu ah ala inthlak danglam lo takzet a nih kha, "Rinhlua," OP room kan luh dawn chuan ka phun nawn sap, ka nui hak bawk
.
.
.
"Doctor j tih tur hi i chiang a maw?" Male nurse Siama'n a rawn tih chu ka melh zawk, "i hlai em ni?" Za lo lutuk in a rawn nui, "teuh..teuhlo," A ṭawng bah lutuk chu nuih hakin damlo pum chu ka zai hawng


"Scissor."

"Doctor vital a tla hmian," Khawl a rawn ri ṭek ṭek


"Chiai suh, i kut rawn la rawh," Ka melh, a tlanfim a tawn bawl ṭiam ṭiam


"I hlau a nih chuan room i chhuahsan thei," Ka thle bak, chil lem dawk in a hawi kual, nurse dang ho in an en ṭhap chu thaw la kawk kn a rawn ban da da

A ban rek a man chuan damlo kaw chhung chu ka zen tir, "i feel thei em?" A lu a thing mat mat


"Relax," A kut ti che hret chuan, "ti khan," La ti leh suh, uar zet a bu nghat nghatin, "iti dik, i dik doctor," A hlim hmel lutuk chu nui hakin, "Ok kan zo dawn e," Tih leh ka tihlai ka chhunzawm mawlh mawlh
.
.
.
.
"Doctor," Nui ri hak pah a, operation room ka pen chhuah rual a lo ti tu lam chu ka hawi vat, Rinhlua bang ngheng a kuangkuah chung a kawisawi zet a ding ka hmuh chuan ka nui var var

Ka lu tuam na leh mask la thla in, "engtia rei nge ni ta? Ka mumang emaw ka ti hial dawn a lawm, i dam maw?" Kum tamtak chhung ka hmuh tawhloh, ka school kal lai a ka ṭhian neih chhun chu ka pan vat


A lam a kut phar chhuak a chibai ka tum chu ka ban rek a man chat a, a lam a min pawt hnai dawrh chuan min kuah thlawp, ka meng deuh kawk, "ila ngai reng a nih hi," A rawn tih takah chuan ka nui hak hak, a hnungzang a beng thak thak pahin, "i ṭhang deuh tihloh chu nangpawh ila ngai reng e," Ka thusawi chu a nuih a za hle a ni mahna, za lutuk a rawn nui chhuak in min nam sawn hlek chuan min en vang vang


"Wow.. Doctor chhelo lutuk ka thawhpui dawn a nia," Hepa tak hi chu


"Minthlah teh, coffee in teh ang," Nui var var a ka tih chuan ka dar a min kuah thak in, "lutuk tlat," Tih leh min pensawn pui nghal

Ka sawi tawh em? Ka school kal lai chuan ṭhian pakhat chiah ka nei ṭhin tih hi, naupang dang in min kawm duhloh a, an nu leh pa te thlengin a, ka kawm nih an hlauhpui lai pawh a ka kiang a awm a, ka mamawh hun leh ka hma a ding a, ka ṭhian ni reng awm chhun chu Rinhlua chiah hi a ni
.
.
.
"Engmah sawilo in i bo daih a, ka mangan zia kha i hria em?" Coffee no minpek lak pah chuan ka ti hlak, ka ngaihtuah let a ka lungawilo thar thut

Class XII result a nghah lai a, engmah pawh sawilo a, zankhat thil thu a a bo hmak mai kha ka tuar thiamlo hle a nih kha


"Chu milo ngai viau elaw? I ṭap em?" Ka bul a rawn ṭhu thla pah a a tih chuan a ban bul ah ka lo beng taih

Nui huah huah in, "tak tak in, khatih lai khan ka pa a boral thut a natlawk na pawh awmlo in, Aizawl ka pan angai a, a zan a zan in, phone ila neilo tih i hriat kha, ka pa boral aṭang reilo ah shillong ah ka chhung ten min dah leh bawk sia, biak pawh dan tur che chu ka zawng ve reng na, Lucy ka hmuh hmasakber a ka zawh pawh i chanchin a nia aw," Inti thei zet a min melh ralh pah a atih chuan ka nui hak

"Class XII i zawh hnu ah i awm na chin a hriat bikloh thu leh khua ah pawh i awmloh thu a sawi a, i chhung te number a neibik mai silo nen, biak pawh ngaihna thlawt che ka hrelo a ni," A ṭawng lai a a hmel landan ah chuan a ti tak tak a ni tih a hriat reng

"Ka ngai hle bawk che," A rawn tih zawm sap, nuih var var a en in, "kei hian a nia ngai che, kawmtur ka nei tawh silo a, ka lunglen ṭhin zia kha," Ka ti tak tak, Rinhlua hmel ka hmuh ngai ta lo kha ka ṭap ru fo reng a ni, ka tan chuan ka ṭhian ṭhaber kha a ni miau a


Coffee lem hlek chuan, "nupui/pasal inei tawh em?" Ka nui hak, zawhna in ang chiah kan in zawt rual leh ta nghal


Nui hak hak in ka lu ka thing mat mat, "nangzawk?" Tih leh ka melh ralh

A bu nghat chu ka meng kawk, "mahse kumtir khan kan inṭhen a," A rawn ti sup chu ka coffee in lai ka phuh ṭhawt

"Enge? Mak tih tur a awm em ni?" Ka khuh bawrh bawrh lai ka hnungzang nui ruh ruh chung a rawn beng thak thak a a tih chuan ka thaw kawk kawk


"Nupui ṭhen mai mai tur chi i ni silo a," Ni e, Rinhlua a nungchang leh a mizia diktak hriat chian chuan nupui a a siam tawh ṭhen mai mai chi a nilo tih in hre ngei ang, thil mak tak a ni

Khuh kharh kharh chuan, "ka tihpalh, chutiang mi..." Ka tih lai mek in nuisuk in, "ka tawn leh dawn vang che a niang," A rawn ti vat, rum lutuk a melh rawm rawm pahin, "uang uang suh, mi in an hria ang," Ka ti tak tak, kan school kal lai pawh in, "ka bialnu," Mintih hi a ching a, hmeichhe tamtak huat ka hlawh phah fo ṭhin


Kan nui vur vur laiin ka phone a rawn ri ral ral, "lawk aw," Tih leh ka phone chu ka phawrh, tunge a nih ka hre hauhlo, ka save loh number a ni


"I in ngaihtuah rei tawh hle mai Doctor," Ka pickup rual a rawn ti thum chher chher tu aw chu ka hailo nasa ngei mai, ka aw hriat fo tawh ang maiin a hmel pa zet leh rum ul mai kha a rawn lang tel nghal zat

"In ngaihtuah tur ka neih ka hrelo, ka buai deuh a...." A rawn nui hak

"I buai hle a nih ka ring, doctor mipa nen a nui thler duai duai hman chu," A ṭawngkam hman duh dan kher kher chu leh!!!! Kum 5 liam ta a kha damlo chapo lutuk zia chiah kha a ni


"Aw... Ka buai alawm, ka bialpa nen a nuih thler duai duai chu a pawi na ka hrelo," Tih hlak a phone off ka tum chu, "naktuk zan dar 7 ah Rendezvous hotel ah rawn kal angche," Ti nghut chuan a off nghal hmak, off tu zawk a ṭan ka tum vei nen, thu minpe lutuk te chu ka hua, thu minpe kual tur in a chhiahhlawh pawh ka nilo


"Diklo a awm em ni? Bialpa i nei a maw?" Rinhlua aw ka hriat cchuan ka phone rum tawk a ka melh lai chu ka harh zawk, thaw hak a nui lui zet in, "ahhh..aih, neilo, ohh naktuk zan i hman angem?" A ṭha a lawm, engtiang a zakin nge ka siam dawn che lo en rawh


"Hman e, chaw ei min sawm dawn em ni?" Mit hmul kan ak ak chung a a tih chuan ka nui hak, "dinner Rendezvous hotel ah kan ei dawn nia, dar 7 ah aw, ward fan ka ngai," Tih leh ka ṭhut na aṭang a tho chuan ka kalsan nghal


"Eh... Zualte," Mak tih hmel zet a a tih leh chuan lehhawiin ka nuih sak, rawn tho chhuak in kalam rawn pan a, ṭawng a tum mek laiin a phone a rawn rik avangin a ding dat, "kalo va lut ange," Tih leh ka kalsan nghal, ka nui var var, Lalrempuia nge Lalremruata zawk pawh ka hrelo e, engtiang chiah in ka tihzah dawn che lo en tawp maiteh, min la nei duh cheu em kan en angchu

***Riya***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:09 pm

STONE HEART
By floria laldansangi

11

"U Zualte, box i dawng a nia," Maroi aw ka hriat chuan choka aṭang a chhuak in, "enge ni a?" Tih leh a a Box lian zet mai ken lai chu ka ban


"Ka hrelo, thawmhnaw a ang ka ti, zanriah i ei dawnlo tiraw?" A tih zawmzat, bu nghatin, "ka han insiam ange," Tih leh ka room lam ka pan nghal

Ka luh rualin ka Box ken chu en kual chuan, "enge mawle?" Ka ti sup, ka phone a message ka dawn a vangin parcel hawng pah chuan ka en, "zanin ah rawn ha angche," A number ka save lo na in tunge a nih ka hre nghal, ka nernawk, Box chhung a kawrfual ni ngei tur var thianghlim zet mai leh pheikhawk sang nalh lutuk mai tle deuh sar sar mai ka hmuh chuan rang lutuk in ka chhin nghal hmak


A thilpek ka lak chhan tur a awmlo, ka phone rawn ri chu melh vatin, "Zualte, in in awmna lai vel kha sawi ṭha leh teh, hei ka rawn chhuak dawn chiah a," Rinhlua an phone ka pickup rual a atih chuan, ka nui hak, kan in awmna lak sawi in, ka insiam ve nghal mawlh mawlh


Makeup hmang nasa chi ka nihloh bakah hman dan ka thiam teh lua lo bawk nen, lip gloss leh ka hmai a pawt pheuh pheuh hi chuan ka duh tawk viau ṭhin


Long-sleeve embroidered cocktail dress, ka khup khuh pha chiahlo, ka pian rem thlap, k kawngfek lang chiang tur a min phur deuh ṭang chu ka ha sawk sawk, ka sam dum kawi deuh ngiai mai chu ka thlah mawl tawp bawk, han ṭawn danglam vak dan thiam heklo


Nude heels chu la chhuak in ka bun nghal bawk, darthlalang a in en vang vang chuan ka nui sak, "Rempuia emaw Remruata pawh lo ni rawh, zanin hian eng ang takin nge ka tih zah dawn che," Keimah leh keimah inbia chuan ka in nuihsak
.
.
.
"Wow, i nalh lutuk U Zualte," Maroi'n kawngkhar lam ka pan chu nui var var a alo tih chuan ka nui sak, lan nalh ve ka ngai a lawm, "ka lawm e," Ka ti sup


"E khai! Khawnge Zualtei," Rinhlua tak hi chu, car lam pan chuan, "i over thei lutuk," Dar 7 a ri dawn kal ang," Tih leh car kawngkhar minlo hawn sak na ah chuan ka ṭhu lut nghal, a ni pawh nui var var in a rawn ṭhu ve nghal zat


"Ok, zanin a dinner min ei chhuahpui i duh chhan hi, kan inhmu lawm na a nilo tih ka hria a, a chhan i sawi thei tawh angem?" Min rawn melh zawk, car ti nung in a tlan chhuak zui nghal


Ka thaw hak, diktak chuan ka zam ve reng mai, engtia bul han ṭan tur nge maw nile?


"Ka...aa.. Rinhlu, ka...ka bialpa ni tur in ka duh che," Teh tlawng chuan


Mi rawn en kawk chu ka kut a vai in, "ni lo, ni lo, zanin atan chauh ka bialpa lem ni rawh ka tihna a nih chu," Rang lutuk in ka ti nghal chul, a nuisuk a hmel inthlak zawk chu ka hrethiamlo na ka hmu hman tho

Rawn nui chhuak leh hawk hawk in, "bialpa ineilo tih sawi miah suh," A va ngeiawm thei tak, nei ila ka hruai miahlo ang

"Ngeiawm viau zel suh," Ka ti hlak, ka melh ram ram bawk, nui hak hak a min rawn melh zawk in, "ohhh, ka tihpalh ineilo tak tak anih chuan a pawiloh zia i hrethiam pha lo ang," Enge a sawi tum ka hrelo na in, pawi tak a ni, bialpa tun ah tak hi chuan ka mamawh zia a hrethiam pha lo ang
.
.
.
Rendezvous Hotel tih lian kelh kawlh a in tar na ah chuan kan tlan lut, a compound ringawt pawh fan fe tham a ni ngei ang, car aṭang a ka chhuah rualin kan lam pan a suit dum vek ha rawn tlan phei ka hmu nghal zat, ka bul a a rawn din rualin, "Dr Zualtei ini ang maw?" Polite lutuk mai a a tih chuan Rinhlua ka en vat


Mahse ka insiam ṭha nghal, enge mak ka tih vak ni, ka mi hmuh tur hi mi naran mai mai nilo in Rendezvous Hotel nei tupa a lawm mawle



"Kan lut dawn em ni?" Ka kawng a rawn kuah pah a Rinhlua'n a tih chuan ka lo ip chawih, ka awmdan chu a hrethiam a ni ngei ang min rawn melh chhuk chuan a nui suk, ka bengbul a rawn kun hniamin, "in hmangaih tak ang a kan lan angai tlat a hriatna ka nei," A rawn tih sup chuan ka nui hak, a pawi tawp nang


"Khawngaih in helam ah hian aw," Ka hming min zawt tupa hnamdang hmelpu, vai lam pang tidawn ila Mizo ṭawng chu fiah tak ni bawk si, a hmel a ṭha veng bawk lehnghal, in a tih chuan kan bu nghat


Ka lungphu rang ta dut dut chu ka hrethiamlo, ka hriat thiam siloh in ka zam ru em em mai leh nghal

"Hetah hian a ni e," Min hruai tupa in kawngkhar lian lutuk mai, enkawl uluk tih hriat ngawih ngawih hawn a tum chu, "ngawi...ngawi rih rawh," Ti bah nak chuan thaw kala kawk, engvang a zam chiam nge maw ka nih hrep ni

"I ṭha meuh maw, pawnlam ah kan ei mai dawn em ni?" Rinhlua'n a rawn tih chuan ka lu ka thing mat mat, engmah lah hi a hre ve der mai bawk silo a, hahthlak hian

"Lut angle," Nui lui sang a tih leh min hruai tupa chu ka melh zawk, kawngkhar a hawn rual a ka thil hmuh erawh ka khabe a tla ta daih emaw tih tur khawp in ka ang zau

Music ri riai riai leh mipui, ni lo, mi hausa awmkhawm ri niah niah leh a ṭhen rimawi rem a lam ngiai ngiai mai ka hmuh chuan kan kalna hi a diklo emaw ka ti hial zawk

"Min.." Tih leh min hruai tupa en ka tum chu a lo awm tawh der lo lehnghal

"Ilo thleng ta maw?" Aw thum zet mai ka hriat chuan ka hawi vat, ka hma a ding palian zet chu a chhip a ṭang uluk lutuk in ka en, suit thianghlim lutuk var sar mai leh bootie dum V-shaped a awrh chu in hmeh tak a ni

"A..aw, kan inbe dawn emaw ka tia?" Ka ti bah nak, a nui suk, Rinhlua a melh zawk, "ka bialpa a nih hi, doctor Rinhlua," A ṭawng hma in ka sawi zawmzat


Mahse 'ka bialpa' ka tih chuan a nuih a ti za emaw ni tih mai turin a nui tut tut, "i chiang a maw i bialpa tih?" Ala nui tho, Rinhlua chu ka melh, a ni erawh ka sawi thiamlo maktih na, thinrim hmel lek lek te a pu, a hmel landan ah chuan Remruatpuia hi a mil vak biklo emaw ni tih mai tur a ni, ni e, a hmel hi a chapo hrim hrim a, hmelṭha viau mahse a hawi her chapo lutuk hi mipangai mil chi ni heklo


"Mahni bialpa hrechiang lo tur ah min ngai em ni?" Ka ti hlak chu nui chhuak hakin, "Bawiha kan inhmel hriat tir angche," Tih leh ka ban bul a man chuan alam ah min pawt hrawk

"Ka nupui tur ka tih kha, chuan heihi," Min melh run chuan Rinhlua lam ah a thle nghat, "inhmel hriat tir a ngailo ni in alang, engtia in hria nge in nih tih hriat ka mamawh hranlo, mahse ka ṭhian ṭhaber ngaihzawng erawh ka hriatpui thlap thung," Ka thi, ka zo der, he mihring pa hi tihzah ka tum vei nen, ka zak lutuk leh ka inti mualpho lutuk chu bo thut mai ka chak mah mah a ni, air-con hnuai pawh chu ava lum ta hat hat ve mawle


Rinhlua hi he mihring pa ṭhian ṭhaber hi maw? Ka zak lutuk chu ka thlanfim te a rawn tla dawn in ka hria, a rawn bawl chhuak ṭiam ṭiam ngei angle


Sawi mai tur pawh ka hrelo, Rinhlua chu ka melh hrawk, ka hre thiamlo, a lungawi lo nge maw ni? Za lo lutuk in a ṭhensak sak, ni e, a ṭhian ṭhaber ti mualpho tur leh bum turin ka hruai chhuak a nia, a lawm hauhlo ang, ka ṭah te a chhuak rum rum zawk a lawm le, ava han chet chhiat theih em em ve

"Minthlah teh, i nupui hual ka ni aw zawnglo," Ka duh aiin ka aw rawl a ring mah mah, kan bul hnai a awm ho an rawn hawi ṭhap, thinrim zet a namsawn dawrh chuan ka hawi kual, Kum 5, kum 5 lai liam hnu ah, a hmasaber ni leh tur in, ka nu, minduhlo a min hnutchhiah tu ngei mai nen khan chiang lutuk in kan mit a in tawng chat


Min hmu thut chu mak a ti tih hriat takin a meng kawk, kei erawh in mak ka ti hranlo, a chhan chu he ka bul a ding mihring mi uap na ngah lutuk leh chapo, rilru chhe si, mahni hmasial si leh palian hmelṭha lutuk hi a fapa a ni miau a


"Ok, a ṭha a lawm," Ti nghut a ka ban rek a rawn vuan chuan alam ah min pawt leh hrawk, ka kawng a vuan chat chuan a kut leh a ka tukkhum sam a ṭham in a hmui sexy zet mai chuan ka hmui a rawn chilh hmiah, ka meng kawk, 1min vel chu ka hamhaih viau

Min fawh nat em avangin ka harh zawk, ka theih tawp in a awm ah ka nam, ka kut lehlam in a naknem ka sik in ka chum bawk, lung tum ang vel a ni, ka hah thlawn mai mai, ka tal nasat pauh (poh) leh min vawn na leh min fawhna a nghet tulh tulh leh nghal

Ka high heels bun a a ke a rap chuan ka rawt zui zat, a duhdan dan hian min pawt kawi biklo ang, a nak a chum leh sih (sik) ngawt ai chuan ana a ni mahna min thlah rang teh, ka pai deuh deuh chawn chawn, ka hmui hnawm chap chu ten lutuk in ka hru tawk bawk, silfai na tur awmse ka sil nghal duh hrim hrim ang

Na a tih hmel ve a ni mahna, a then ve sak, "Remruat," Rawn ri ṭhak tu lam chu thinrim zetin ka hawi dawrh, Lucy-i thinrim tih hriat ngawih ngawih hmaisen tawn tawn a ka hma a rawn ding chu phawk fê in ka en, min en dan lah chu THI RAWH tih melh in min melh

Enge hetah a tih ve a, "min hrethiam rawh Lucy ka hrilh mailoh cheu avangin min hrethiam vek dawn nia," A hmelah chuan ngaihdam dil hmel pawh a pu hranlo

Kan lam pan a Remruata pa tih hriat lutuk, an in an zia chu ID card an in ṭawm thei hial angchu mawle, min hring tunu nen a rawn pan chuan, "engthil nge thleng hi Ruatpui?" A hmel ah pawh chuan mak a tih zia alang reng

A bul a ding mihausa nu, midang pawisawi ngailo leh rangkachak fian pianpui sa ang mai a nalh min hring tunu ding chu ka melh zawk, ka ten zia chu rapthlak hian, ka uak chhuak lo chauh, thinrim na leh maktih na in min melh ve rân bawk, ka hlauhloh zia chu a mak a ti zawk hial angchu


"Ka...." Ka tih laiin mekin ka banrek a rawn man leh a a bul a min pawt hrawk chuan, ka kawng ah a vuan nghal zat

"Sawidun tur kan nei a min hretidawn nia, zanin party nuam takin hmang rawh u," Tih leh min pen sawn pui nghal pawk pawk

Mangang lutuk a Rinhlua din na lam hawi ṭawk ṭawk chuan ka va melh, zalo zet a nui suk chhuan a kalsawn daih lehnghal, enge maw a hriat le? Mahse engtin nge a ṭhianber he ramhuaipa hian ka bialpa a nilo tih a hre tawh miau a min chhan ang ni? At thlak hian!!!!

Hotel a hna thawk ho chuan mak tih hmel fe a min en zui vawng vawng tih ka hmuh chuan ka chum ve chawrh chawrh tak na in cubic lung, kut tum a hnek sawm tum ang vel a ni, ka kut ana fê zawk


" Minthlah rawh?" Midang awm tawhloh na chin kan thlen chuan ka ti ṭhat, a pen lai ding dawt chuan min en chhuk run run in min vawn na kut en leh chuan min thlah ve mai, min thlah lo a nih chuan ka seh tawh ang tih rilru ka put lai a nia min thlah hlauh chu a lawmawm letling, seh pawh ni ila hepa renrûn hi chuan a thu tê lo chuan min thlah dawn chuanglo tih a hmelṭha lutuk ah hian a lang reng


Min vawn na ka banrek a kut hrawl zet, thla lang var kulh mai chu tuai vut vut pahin rum tawk a melh chuan, "hmer sawm itum a mi?" Ka ti vak, ka ngei lutuk chu ben ve sawk mai ka duh, ka ngam der bawk silo

Min en run run chu," enge?" Ka tih zawm leh hlar chu a nui hak, diktak chuan ka kaw chhung hi a diklo, ka zâm nge he mihring hi ka huat vang zawk, ka lungphu a diklo a, a rim pa tak leh a hmelṭha lutuk vang te hian ka thawklak a sak ṭalh hian ka hria


Ka lam a rawn pen hnai hret chuan ka tawlh hnung ve hret, a hmel chu nuihza hmel ala pu reng, zam hmel pu duh bik ṭhak lo chuan a mit ah ka en ve ran bawk

A kut rawn phar chu min khawih dawn emaw tiin ka kut ka vai thuak chu a phun hluk, ka dar a min nam chuan kan sir a kawngkhar nam hawng in min nam lut rawk rawk, "min tawk suh," Kala ti ve hram a(h) ka lut tawh reng sia awmzia a awm lo ve bawk sia, hahthlak hian, he pa bul hnai a awm hi ka ngeihlo a nih hi, ka chawmawlh tlat zel


"Lung ngai suh ka pawngsual lo angche, hmeichhe duhlo chung ka khawih ngailo," Ti sam et chuan couch ah a ṭhu thla hnak, rum tawk a melhin, "sawi rawh enge i sawi duh?" A thusawi chu hrelo ang hmak in thudang ka sawi hmak, ka taksa chu uluk lutuk in ka chhip aṭang a en thla dan dan

"Ka gown rawn thawn...." Ka kut la vai thuak, ka chhungril rawn khur ta der der chu ka haw takzet, a hma chiah ah chuan ka ṭhu thla ve vat chutilo chuan ka zam tih a hre nghal dawn tih a mitmeng fiah leh fing lutuk ah sawn ka hmu ve reng, bakah a ni thilpek ka pawm chhan tur a awmlo

"Ka rawn thawn let tir kha he hotel ah hian, a point ah lut rawh," Ka kuangkuah at, hnungzang char at in ka ṭhu bawk, min khawih a tum a nih vaih chuan awlsam takin min pawngsual bik tawplo ang, a mitmeng lerh lutuk saw ka hua

"Ok, ka duh i hria alawm? I thuthluk na hre tur zawk ka ni," Thatchhe zet a ṭhu chuan couch hnung ngheng chuan a ṭhu kak duai, a bawp lah chu an sei mai mai khawp leh nghal

"Ka thuthluk na chu i hriat tawh kha, ka leiba nilo in ka pa leiba a ni," Ti nghat a thawh ka tum chu mit chhing duar duar in, "ṭhu rawh," A rawn ti sup


Ka thin tertek a chhuak leh tawh, "enge?" Vin mangkheng a ka tih chuan meng chuang hauhlo in, za zet in a rawn nui chhuak hak hak, "thinchhe reuh lutuk, tunah hian i in lei na loan ila rul zolo tih ka hria, in khawilam a in leh lo pawh i pa'n leiba rulh nan a hmang tawh a, tun a in thar lian lo te mai, room 4 lek awm, square zaulo lutuk khi min neilo a nih chuan i pa in a dahkham leh dawn tih ka hrilh duh che a," A ṭawngkam tin mai chuan muangchangin min deng chawrh chawrh hian ka hria

Enge kan khawlam a kan in chungchang a sawi chu awmzia ni? Kum 5 kalta khan ka lehkhazir nan a hralh a ni lawm ni? Pawisa te kha ka in leh lo hralhna mah nise a tam tih ka hria mahse, "mihausa takin, to takin a lei," A ti a nih kha, a lo hralh lo tih na em ni? A nilo ang, hralh lo se khatiang zo zai kha khawi a mi nge neise ka tih, ka lu ka thing mut mut

Ka hma a duhdan lutuk a ṭhu bawpsei zet mai, mit chhing chung a a kut lehlam a, a bek hmet dem dem chu melh vakin, "dawt a nih chu," Engber nge keimah pawhin dawt a nih ka hrelo, ka hrelo takzet


Nuisuk a rawn meng a, ṭhu ṭha in a malh ah a kiu a nghat, chiang fek fawk a min en in, "duhthlan tur inei, keimin neih nge ni a, i pa jail a khung a, i in leithar, loan pawh ila rulh zawhloh in tereuhte, i pi ho a in awmna in saw chân," Kan in chu a hmusit hle a ni tih a ṭawngkam maltin ah chuan alang reng

A lian hauhlo, mahse ka neih zawng zawng leh neih piahlam a ka lei a ni, a ni nuihsawh mai mai tur a ni hauhlo, "nei duh talo che ila," Melh rân chung chuan ka ti ve nghat

A dar san ak in couch hnung bawk ngheng a duhdah lutuk a ṭhu leh chuan, "i pa bakah i nu pawh jail an tang ang, in in saw ka hmingin a awm bawk ang, i pa contract ziah dan a ni miau a," Enga contract a ziak a maw??

"Zanin hun inei, ka nawr luilo che," Min nawrlui nilo in duhthlan tur awmlo in min siam a nih hi

Ka thinrim lutuk chu a mit chhing leh duar duar chu ka vawm sawkloh na ka in hum ruh, ka tha a za mer mer in ka hria, thaw kala kawk kawk


"Chhuak tawh rawh, nge beisei ila nei?" A rawn meng, mitmeng tenawm lutuk a min rawn melh chuan rum lutuk a melh let in, "i mumang ah pawh a thleng lo ang," Kha lutuk a ti chhuak hrawih in ka tho chhuak, ala nui ri hawk hawk zui a

Thinrim zet a kawngkhar pan in ka hawng sawk, ka khar ṭhuai bawk, ri bur tur a ka rin vei nen a ri khep chauh a ni, hreptak hian tu pawh mai hian ka thin tihrim belh hi an thiam emaw ni???

***Riya***

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:09 pm

STONE HEART
By floria laldansangi

12

REMRUATPUIA...POV

"He inneih na hi thil theihloh a ni, engtin nge Lucy nu leh pa kan chhan tak ang duhtak," Dinning room ka luh rualin, ka pa nupui thinrim ṭawng ri leng lawng chu ka hre nghal zat, Lucy nu leh pa hrilhtur a hriatloh vang nge a tum ang a thil a thlen loh vang zawk pawh ka hrelo e


"I duhtawk thei tawh em? Zingkar aṭang i sawi tawh, i fapa a nilo a a duh duh a nei thei, i bengchheng lutuk," Nancy'in ti hrawk chuan dawhkan a fian nghat deuh chawrh in a ding nghal


Lut tlang mailo chuan kawngkhar biang nghengin ka ding kawi ngiai, an thusawi chu ka ngaithla ran bawk

"Lalnunthar i nu a nih hi, khatiang a be tawhlo tur in ka hrilh che kha ṭhu rawh," Ka pa in a ti hrawk, Nancy'in thinrim zet a melh let hrawk in, "KA NU A NILO, a chiang em?" Ti tuar chuan chair nawrsawn sawk in Dinning room chhuahsan a tum chu ka lo ding run mai a hmuh chuan a ding dawt

A mitmeng khup nghal zal zal chu hmulo derin, "ka nupui neih tur ah hian ka râwnlo che u, ka hrilh che u a ni, sawi tur a awm tawhlo," Ti nghut chuan lut tlangin chair pawt chhuak in ka ṭhu thla nghal

Ka hnunglam aṭang, "Mama ka nu in lam ah ka riak rih dawn a nia, hemi te ho hi lunglei an phei hun ah ka rawn awm phei leh ang," A ṭawng a seh chilh deuh nak nak, ka bu nghat ringawt, Nancy-i hian ka pa a huat zia hi ala thup hleitheilo a ni ber, ka nu khan a boral hma in kan unau hming in, in a lei, ka pa te Lunglei aṭang a an rawn phei a piang deuh thaw hian Nancy erawh ka nu in lam ah a riak phei thung

Nupuii'n ka ei tur pasta a rawn chhawp chu nuihsakin, "Nupui vawiin chu bawihtei te school ah ilo va kal leh mai dawn em ni? Mikhual pawimawh kan nei dawn si a," Nupuii hi kan naupan lai a ṭang a kan in a awm a ni a, ka nu damlo pawh khan amah vekin a ni enkawl

Ka pa nupui hi a ngainalo hle tih hre mahila, keimah ni vang a he in la chhuahsan lo hi a ni ber


"Keimah ka kal dawn nia," Ka pa nupui in a rawn ti deuh nghat chu melh zawkin, "a ngailo, a ngainalo che tih i hriat kha," A tunu a ni tih hi rin har khawpin Bawitei hian zu han ngaina lo a mawle

"REMRUATPUI..." Ka pa in a rawn ti ṭhawt, fork leh fian ka hum lai chu dawhkan ah nghat ri deuh chawrh in ka ding chhuak nghal zat, "kan naupan lai khan hetiang hian kan nun ah inrawlh ni la hetiang hi kan thlenglo maithei a sin," Ka thinrim ka insum zia chu ka ha ka seh ruh

Chair nawr sawn ṭhuai in, kawngkhar lam ka pan nghal pawk pawk, Nancy emaw midang hmuhlai in ka pa hi ka ngainalo emaw ka hua a ni tih hi tihlan viau ka duhlo, Rachel-i hi kan unaunu ala nih ve tlat avangin a remlo pawh a ni mahna
.
.
.
.
"30mins hnu ah Hotel ka rawn thleng ang," Ricky-an phone a pickup rualin ka ti nghal hluk


"Ok, engkim ka peih fel tawh e, darkar khat hnu ah an rawn thlen tur thu ka dawng bawk e," Ricky hi kan ṭhianpa ve tho a ni, kei leh Rinhlua, Ricky hi chu ṭhian tak tak piah ah in cousin ho kan nih avangin kan in ngaina zual hlawm bik


"Ka hrethiam e," Tih leh ka phone rawn ri chu ka en vat, ka rinloh lutuk number aṭang a call ka dawng chu ka car khalh lai ka ti ding tuar, "Ricky ka dah nia," Tih leh ka phone chu la kang in ka en deuh vang vang, ka ṭhensak, ka rinai hma in min rawn bia, ni lo, keimah zawkin ka nawr ka rin vei nen


"Tunah i hman em? I hman chuan 15mins hnu ah Floria Hotel ah kan in hmu dawn nia," 'Hello' pawh ka ti hmanlo chu a niber e


"Ka rinai thuthluk na i siam rang daih," Sana ka en zauh, hun ka nei tawhlo hle tih ka hria

"I duhlo em ni?" Ka nui hak, hmeichhia, mahni in ring tawk tak leh, 'kei ka ni,' inti chin chu a ni ve hrim hrim e

"Ka Ho..." Ka sawi zo hman leh talo


"I Hotel changkang tak leh ropui tak, mihausa te bak rah phakloh na hmun kha ka rawn penluh beisei suh, i hmanlo a nih chuan..."


"A ṭha a lawm, kan in hmu dawn nia," Hmeichhia mahnise a duhlohna ah chuan nekluih harsa tak a ni tih a tilang chiang hle


Phone a off hnu chuan ka phone chu en in ka nui hak, car ti nung chuan Floria Hotel lam ka pan nghal
.
.
.
"E heu!!! Heihi tunge? Keini Hotel ang ah te ka hmuh tak mai?" Hotel Ka luh rual a Malsawma kan colleges kalpui ṭhin in alo tih chuan ka nui hak

"Hmuh lawk tur ka nei a, tunlai hnalam te," Ka tih zawmzat

Nui vur vur in, "i hmu ang hi a ni mai, room i mamawh dawn em?" Mit hmul kan ak ak a atih chuan ka lu ka thing vat, "breakfast ei pahin le," Ka ti sup
.
.
.
.
"Enteh u, sawlai a rawn pen lut hmeichhia saw, a chhelo lutuk," Ka sir a ṭhu te ṭawng ri ka hriat chuan coffee in pahin ka ṭhut na a zawng ni awmtak a hawi deuh vual vual ka hmuh chuan ka en ran


Min rawn hmu tih hriat a thaw halh in kalam a a rawn pan, a pian chu nalh tak a ni, 5'5ft a tling chiang tih a hriat, a mal mum nalh zet leh kawngfek rat mai te chu mipa tan enzui lo harsa tak chu a ni ngei a lawm


"Dr. A nihsaw, thla hmasa khan Hlimpuia te an accident khan damdawiin hnaiber ah kan lut a, cancer center ah sawn a thawk a lawm, a pic pawh ka nei nual mai," Ka hma chiah a rawn ṭhu thla mek nula khal zet mai rawn en pah a kan sir a tleirawl in a sawi leh chuan hnek chawrh mai ka duh rum rum, engvang a mipa dangin it hmel tak a enzui chu ngaihtheilo viau nge ka nih pawh ka hre chuang lo


"Coffee i duh ve em?" Min en nghal run, a mitmeng dum fiah zet mai chu nidang anglo takin a chauh hmel takzet, a phone ken chu dawhkan a dahri khep in a kut a suih zawm nghal, zam hmel lek lek te pawh a pu ve, zam mahse a tilang dawn chuanglo tih ka hria

"A hmasa in ka zawhna te min chhang la ti chuan ka thuthluk na ka hrilh dawn che nia," A mitmeng fiah takchu a dul hnak, nizan a muhil lo pawh a ni mahna, a makeup hman pawh a chhah deuh, mahse uchuak a ni hauhlo, a mit hnuailam val chu hmeichhe dang ang bawkin thupbo ve te pawh a tum a nia nge

"Engthil nge ni a?" Chair hnung nghengin ka kuangkuah at, a mit ah ka en ran bawk

"Engvang in nge ka pa leiba hi i rulhsak, ni lo, ka pa leibat chhan leh hei zozai mai rulh tur a neih chhan hi i hria a ni tiraw?" A mitmeng ah chuan a pa leiba chu zu man ringawt a nilo tih a ring phal thlawtlo tih a lang chiang reng


Ka dar ka san ak, "chu chu ka inrawlhna tur a ni in ka hrelo a ni, haw la, engvang in nge i pa i va zawh mailoh ang ni?" Ka chhan dan ah chuan a lungawi chiahlo a ni mahna a mitmeng a rum nghal ul, ka nui suk, a thinrim hian a hmelṭha zual a ni tih hi a hria a ngem? Nizan party na ah pawh khan a thinrim hmel sexy zet kha insum zo lo in ka fawp ringawt a nih kha mawle

"Hethil hi i inrawlh na tur a ni pawh a ni mahna, zu man ba satliah rulhsak tur in mimawl i ni lo tih nang leh keiin kan chiang a ni lawm ni?" A ti chang fak, keimah ang chiah a dawh theihna tlachham ve tak a ni


"A ṭha a lawm, min chhang thei lo a nih chuan ka thuthluk na ka sawh sawn a ngai a nih hmel," Tih zawmzat a thawh a tum chu, "i lehkha zir nan," Engvang a sawi chhuak ngawt nge maw ka nih hrep ni, mahse he chair a thawhsan vaih chuan chance ṭha a vang tawh viau ang tih ka chiang, he hmeichhe luhlul zet mai hi hneh emaw nawrluih chi ni miau heklo


"Maw?" A hmel a mak a tih zia chu, a rawn awn hnai lutuk chu min rawn bawhlo chauh a ni

"I lehkhazir nan ka ṭhianpa hnen aṭang in loan a puk a, ka rulhsak, ti chuan a chiang tawh em?" A rilru ala buai nge, a pa thiltih chu a ringlo zawk pawh ka hre hreplo e, a kut chhunglam ah a vai thuak

"A ṭha a lawm, engvang a rulhsak nge i nih, ka tan a a ni a, ka rulh tura ni lawm ni?" Tun mai a hmeichhe hmelṭha mitmeng a maktihna kha a bo leh tawh, a ṭhu ṭha sat sat, mahni in ring tawk tak leh indahsang ve tawk tak hmel a pu leh daih tawh, hmeichhe in thunun thei tak a ni


"Ka sawi tawh in ka hria," A kut a vai leh thuak, a awmdan inring tawk lutuk chu kei mipa zaidam zawk zawk lo chuan ka ngaithei derlo

"I thuthluk na chu i sawi dawn nge ka duhdan in thil ka kalpui dawn," Ka ti chang fak, a mitmeng ah chuan min hlau bik zawk zawklo tih a ti lang chiag mah mah


Min en ran chungchuan, "he khawvel hmeichhe tamtak zing ah keiai ṭha pawh i tawng awm si a, bakah mipasal hual lai leh hmeichhe dang nen a in zawmna nei lak ah ka in ham tang ngailo," Ka nuinhak, ka nuih erawh a zalo, kum tamtak liam ta ah khan hetiang rilru hi lo pu nise ka farnu hi hetiang din hmun ah hian a ding hauhlo ang


"Nuihzat tur ka sawi em ni?" Min melh ram ram, ka lu ka thing, "hmeichhe dang te nen a kan relationship ah chuan buaina tur a awmlo, min nei tur in i inpeih ah ka ngai, kan sawitur kan sawi zo tawh in ka hria," Ka tih zawmzat


"Ka ringlo che," Min melh ran, ka ding tur chu muangchangin ka thu ṭha leh riai riai, "ka ringlo che," A tih awmzia chu ka hrelo a ni


"Engtin nge ka pa nen a in contract sign hmang khan nakin zel ah min thunun lo ang tih ka hriat ang ni," Min rinloh zia chu a mitmeng fiahzet mai leh mahni inring tawk tak ah chuan a lang reng

Ka nuisuk, "tih theih inei chuang em ni? Mahse min ring rawh, mipa mahni thusawi a ding ṭhin ka ni," Ni e, Rachel-i lak a ka thutiam kha engzat pawh aman pek ngai ni rawhse ka ti hlawhtling ngei ang


"Kan hlimthla ngei pawhin, thim a kan awm chuan min kiansan ṭhin tih i hrelo em ni?" Chu thu a sawi lai a hmel chu na tuar vawng vawng ang mai a ni, a pa vang erawh a nilo, tu emaw in natak in an hliam tawh emaw tih mai tur in a ri chhuak, mahse amah ngei hi a ni ka farnu hetiang a awmtir a, a fanu fahrah a siam tu chu

"Contract paper ka kut ah dah la ka duh, chumi itih hun chuan kan kalzel dantur kan sawidun thei ang," Tih zawm leh zat a a ṭhut na aṭang a ding chhuak in dawhkan a a phone dah chu ban in min rawn nuihsak chuan a pensawn nghal, ka nui ringawt, a inrintawk dan chu pui tak a ni

Hnunglam aṭang nuisung in a pensawn chu ka en reng, heti tak a hmeichhe nalh leh hmelṭha, confi bawk si chuan engvang a mi pasal pawmlai ngai zawng tlat chu nge maw a nih le? Tih ka ngaihtuah chuan ka ka thing mat mat, thui pawh a kal hma in a sir a ṭhu chu chair aṭang a rawn bin thla tawp, a per sawn deuh dawrh, mahse rang lutuk a ṭhu thla in a buaipui nghal



A thawk leh thawk loh en in a kun hniam, "ka pu ka ṭawng i hre thei em?" A biang a beng thek thek chuan a au nghal mawlh mawlh, midang in an zim nghal hut chu pan hnai in, "syringe a awm em?" Min rawn melh, hnathawk ho chu ka melh vat


"Allergy a nih hi, syringe chu a awm em?" A ti leh hrawk, thaw theilo a ka ang hlawi hlawi chu a thawk theih nan a awmdan a siam rem sak vat

"A awm miahlo, engtin nge ni ang?" Malsawma'n rawn ti vatin ambulance a call nghal

"A thawk a buai," Tih leh CPR a ti nghal

"Syringe a awmloh chuan..." Tih leh a rawn dak chhuak, "I pen kha min rawn pe rawh," A tih zawm zat


Kan bul hnai a ding ho chu, "rawn zim hut suh u, heart attack a nei tel a nih hi, defibrillator a awm em?" Malsawma bawk chu a melh

A thlan fim rawn bawl ṭiam ṭiam ah chuan a hah ti ka hria, ka ṭhu hniam vat, "kalo ti ange?" Ka tih chuan min ring chiahlo nge a chawl duh derlo

A ban a vuanin, "min ring rawh, ka ti thei," Ka tih leh sup chuan hah tih hriat tak a chiang zet a min rawn en in a awm sawn hret, ka nuih sak, midang rin na chu a nei tlem ve hle a ni, ni lo, a nei miahlo zawk pawh a ni mahna

"Chutiang kan kawl awmpawh ka hrelo a nia," Malsawma'n a ti dek dek chu.

"He hotel changkang tak ah hian emergency a hman tur pakhat mah in kawl lo a maw?" Malsawma pen ken chu phih sawk in a herh hawng nghal mawlh mawlh, a chhung a pen tui vel la chhuak in a rawn ṭhu hniam, a thin chu chhe ve tak a ni

"Khawngaih in minpui lawk dawn em niang?" Ka thlebak, hetiang thil ah pawh a awmdan in thunun thei lutuk chu doctor ni awm reng a ni

Thawk harsa ti zet a hmaisen tawn tawn a ang hlawi hlawi mai leh a theih tawk a awm ṭham tawk tawk damlo chu a zangthal tir, "a kutlo vuanbet angche," Tih leh a ke chu ti tung in a khup chung, 'mal te' kan tih mai ah chuan pen case chuan a vit sawk, midang awm ho chu an lo "aaaa" dual


"Muangchangin thaw la rawh," Min rawn melh, "a thawk awlsam theih nan a awm kha iti kang deuh dawn em niang?" A rawn tih leh chuan ka bu ve nghat

A ṭhensak, a ṭhen zawng a biangsum chiang lutuk a lang chu ka vawikhat hmuhna a ni, a hmui phir sexy zet maichu hah avangin a liak hnawm chap, fawh ka chak zia chu ka chil ka lem khalh

"Ambulance a rawn thleng," Malsawma aw kan hriat rualin an rawn lut nghal

Zualtei chu thaw hak in a ding chhuak, damlo ṭhut na lam pan chuan a ei tur chah, ei zawhloh chu la kang in a hnim dan dan, "heihi prawn flavour a tel em?"Malsawma a rawn melh leh ran tawh, a en danlah chu police thiltisual tu an man, an dawp ang mai ni hian ka hria

Malsawma'n a sir a ding chef ni ngei tur chu a melh ve nghal zat, "a tel a lawm," Chu pa chuan a tih sup chuan dawhkan a plate dah ei bawl in, "ka rin tawk chiah," a phun sep

Kan lam rawn pan a chhuat a a phone awm chu chhar in, "in Hotel changkang tak ah hian mi pakhat a thi ṭep a nih kha, First aid box in nei a, hliam tuam leh enkawl na chauh ni lo, emergency a hman tur defibrillator leh thil dang kawl in mamawh a ni," Ti leh fak fak chuan min rawn melh zawkin pawnlam a pan nghal vah vah

Ring tun at mai a, in ring tawk lutuk a a pen chhuak chu kan en deuh ṭhap a ni ber

Malsawma'n mak tih hmel fe a en vawng vawng chuan min rawn nek zeuhin, "tunge?" A mitmeng ah chuan a ngaisang hle pawh a ni mahna


"Ka nupui," A nui chhuak hawk, ka dar a beng thawk in, "fiamthu thawh a hun," Hrep a!!! Fiamthu ka thawh aw zawnglo


"I rinloh a thu a ni mai, a sawi ang kha kawl tum angche u," Tih leh ka dar a vawn na kut dah thlak sakin pawn lam ka pan ve nghal zat


Taxi a chang tih hriat tak a hawi kuai chu a bul a dingin, "ti khan lo nghak rawh, ka drop dawn che nia," Ti sup a ka pensawn tur chu taxi rawn tlan phar dingin, "No, thanks," Tih leh vawikhat pawh min melhlo in taxi ah a ṭhu lut nghal


A inrintawk na leh in duhtawk na chu ngeiawm lek lek ṭhin mahse, ati duhawm riau a hriat na ka nei, ka nui suk, mize belh chian chakawm tak chu a nei chiang a lawm

Ka phone message rawn thleng chu ka en vat, Ricky message tih ka hmuh chuan rang lutuk in ka car park na lam ka pan nghal, mikhual pawimawh tak kan neih tur ka theihnghilh hminder a lawm mawle
.
.
.
.
Office ka luh rualin ka dawhkan hma a ipte zen at a min hnung chhawn zawng a ding Rinhlua ka hmuh chuan, "tun ang hun ah enge ka office ah te i tih a?" Dar 11 a ri thuak, hospital lam a awm tur a ni si a


Ka lam rawn hawiin, mi rawn pan hnai engmah sawi set set lo in min hnek ṭhuai, ka kat nawk, a chhan zawh ka ngailo, nizan thilthleng kha a ni ngei ang

"Hmangaihzuali hi kalsan angche," Ka rinlawk ang chiah a ni, mahse hetiang a a chet erawh kan ngaihtuah pha hauhlo, eng inzawmna chiah nge an neih ka hre chak pawh nilo in, hriat ngei ka mamawh zawk a ni, a chhanchu he hmeichhe tereuh hi a ngaih ang ngawt a awlsam a ni hauhlo tih hriase ka duh

Ka ding ngil chu min rawn hnek leh ṭhuai, ka kâ chhung a al puat, ka chil, ni lo, thisen chu chhuat ah ka chhak thlawrh, ding dil a thaw la hak chuan ka kamsir thi chu ka tuai zauh


Khawihlet tum na ka neilo, ka kawr awm a rawn ṭhamin, "engthil phiangsen nge tih i tum i hria em?" Ti tak a Rinhlua thinrim hmel hi kala hmu ngailo, a nupui hlui, a mit hmuh ngei a uire chungah pawh ṭawngkam vin vawikhat pawh hmanglo in a ṭhen a nih kha, min ṭhawng mai ni lo engthil chiah nge he Hmangaihzuali ah hian a hmuh tih ka hre chak a ni


Ka kawr awm a ṭham na phih thlaksak chuan ka kawr hak chu ka siam ṭham, "engtia in hria nge in nih hriat ka mamawhlo, mahse ka nupui tur a ni tih erawh i theihnghilh palh a nge," Ka thusawi chu a pawmlo tih hriat takin a nui hul hak

Min hnek leh mai tum a kut a phar uaih tih a kawngkhar a rawn in hawng ri khep, "engthil nge thleng a?" Ricky-a kan bul a rawn din a rual nghal, a kut chu ala let fua

Tiang tak a Rinhlua kut ram hi kala hrelo, zaidam leh dawhtheih na ngah tak mihring a ni ṭhin si a, nge ni a, Hmangaihzuali hi a lo duh reng zawk, ka ring chiah si lo, hmeichhia a ngaihsakloh zia hre chiang ber tu ka ni angchu


"Ka zawhna chu in hrelo em ni?" Kan in melh rawm rawm lai Ricky bawk in a rawn ti leh, thaw hakin ka chair lam panin ka ṭhu thla hnawk


"Ti buai suh angche, i infiam kual nan chuan a thinlung a thianghlim hlim mah mah," Rinhlua bawkin a rawn tih leh nghut chuan kawngkhar lam panin a chhuak nghal, "thinlung thianghlim maw?" Ka nui hul hak, kha hmeichhe mawina khan a bual a ni ve chek angchu maw??

Ricky-an thil awmzia hre thiamlo zet a kawngkhar nen a min en tawn zak zak chu ka khabe ruh ti che ralh ralh in, "engmah a nilo, an rawn thleng tawh em?" A ṭawng tum chu ka ṭawng khalh vat

Awihlo zet a ner nung in, "an nghak reng tawh che a lawm, khatiang hmelpu khan i hmu em lo ang chu tiraw?" A tih chuan ka thaw hak, ka khabe ruh leh ka biangki chu rinai a na reuh phian leh nghal


"Office hi lo tihfai tir angche," Tih leh lehkha pawimawh la chhuak in ka ding nghal, "Rinhlua thin ti rim tur khawp in, engthil nge maw itih le?" Min melh ran, ka ṭhensak, "engmah a nilo, takin ka sawi ang khan social media leh chanchinbu vel a kan thlalak chu i chingfel em?" Ka ti leh zat, bu nghatin, "tehreng e, in sawifiah na tur i ngah a nia," Nui vur vur a a tih chuan ka nernawk


Nizan lam a Doctor Zualtei nen kan thlalak anlo post chhuak leh hman pek a, vanneih thlak takin a hmu hmanlo a ni ngei ang engmah a sawiloh dan ah........



***Riya***

(Readers fel leh hmelṭha tak tak te, mi hriat thiam na ngah em em te in chung ah ka van lawm ṭhin tak êm aw👏❤️ka rawn dah theihloh pawhin min ṭawng thlamuan in min fuih ṭang ṭang zel a, Pathian in a let tamtak in malsawm cheu rawhse😍in fel si ka lawm em em lutuk vek a nia)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)