STONE HEART by Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: STONE HEART by Floria Laldansangi (Completed)

Unread post by Ngaia » June 10th, 2019, 8:22 pm

STONE HEART
By floria laldansangi


25


REMRUATPUIA.....POV

Ka car khalh lai te chu ka nui leh vur vur ṭhin, Hotel ka thlen pawh in security duty leh staff min hmu tu te apiang chuan min en zui vawng vawng zel tih ka hria

Naktuk zan mai a Mr. INDIA thlan na neih tur ah kan Hotel ah an neih dawn avangin an buai mup mup, hall a lut chuan ka en pui, ka nui leh suk ṭhin chu, "Boss heihi," Rawn ti tu lam chu ka hawi vat, "saw lai sawn dah rawh u, engkim a ṭhaber vek tur a ni, buaina a awm ka duhlo," Tih leh hall ka chhuah san chu an phun sep sep


"Boss hian ngaihzawng a nei chiang," Ti ri ser ser ka hriat chuan ka ding dat, thil hriat chhuah ka nei, ka office pan vat in kan inneih certificate chu ka zawng, ka phawrh rual a nui ṭhu a en chuan thla kala nghal, IG ah ka fnu nen a an muhil lai thlalak nen a post kawp chuan, ka nui huk huk, ti em em hian hmeichhe pakhat vangin a hlim theih tih reng reng ka hre ngailo


Ka chair a ṭhu thla chuan comment tin chu ka en nghal zat zat, ka nui leh huk ṭhin, a ṭhen in, "ka doctor star ruk kha a nih hi, i nupui maw alo nih a," Ti a comment te an awm nak chu ti fuh inti lutuk in ka nui hak hak, "ti hi chuan tu man duh hmel ngawih ngawih in an en tawhlo tawp ang," Ka nui hak hak

Kawngkhar rawn in kik ri kharh kharh ah chuan ka phone dah vat in lut tur in ka hrilh nghal zat


Ricky-a rawn hawi lut hu hu in, "enge staff ho sawn an hriat a?" A rawn ti lut nuah nuah chu nuisuk in, "ka hrelo, enge ni a?" Ka tih chuan couch a ṭhu thla hnak a file ni awm tak dawhkan a dah chuan, "i thil mi zawn tir kha," A ti sup


Alam pan a a hma a ṭhu chuan, "i zawng hmu ta em ni?" Tih leh dawhkan a file ni awm tak awm chu ka melh, Hmangaihzuali nu ka zawn hmuhsak chuan a lawm viau ang, ka ngaihtuah zawng pawhin ka kiai leh suk ṭhin, hua ang in lang mahse a nu a mamawh zia a mit meng ah khan ka hmu miau tlat a ni



Dawhkan a plastic bag in chilh ṭha thlap chu melh leh zauh in, "i zawng hmu duh tih i chhiang maw?" Thu tak zet a a rawn tih chuan ban pahin, "ka duhloh thil ka ti ngai em ni?" Ti sup chuan ka hawng nghal


Thlalak hlui tawh tak tak ka hmuh chu ka en vang vang, ka hmel hriat te zing a mi ni awm tak an ni, "henu hi em ni?" Ka ti sup, bu nghat in, "paper kha en la," A ti leh sup, paper awm chu la chhuak a chhiar in ka meng kawk


"Hei hi..." Mak ti lutuk a ti chuan thlalak bawk chu ka en leh, a dik a ni, heihi Hmangaihzuali pa leh ka pa nupui ngei an ni, mahse ka nuhrawn hi Hmangaihzuali nu maw? Engtin nge a nih theih, heihi Hmangaihzuali hian a hre rêng em?


"Heihi a dik chiang a maw?" Ka ti leh hram chu, "a dik alawm, kum 5 liam ta khan Zualtei hian accident lian tham tak a tawk a ni awm a, chumi ṭum pawh chuan LRM ah awm in, a damdawi bill zawng zawng hi Nu Siami pek vek a ni," A tih chuan ka paper ken chu ka hum khawr nawk nawk


"A awmzia chu, a tir a ṭang engkim an hresa tih na maw?" Seh chilh zet a ti chhuak hrawih chuan ka ding chhuak, "enge tih i tum Bawiha, in ngaihtuah hmasa phawt la aw," A tih chuan ka ner sawk, "Hmangaihzuali nu leh pa te Hotel ah hian rawn hruai angche," Tih leh ka phone la chhuak in Rachel-i ka call nghal


"Mama," A rawn ti sep, ka hauh zan aṭang khan tlemin min hlat deuh tih ka hria, "i nu leh pa zanin ah zanriah Hotel a ei turin rawn hruai angche," Ti nghut in ka off nghal, thinrim lutuk chuan dawhkan ka chum ri bur, Hmangaihzuali phiangsen hian engkim remruat sa vek in maw kei hi min neih a, ka nui hul hak, kei hian ka hmang ṭangkai zawk emaw ka tia, Rachel-i sawi angchiah a ni, a hlauhawm takzet

Maw? Ka pa nupui hi a nu diktak maw? A ṭha a lawm, zanin hian chhungkaw in hmuhkhawm na hun ka siamsak angche u, ila thup buai reng thei em tih kan hria angchu
.
.
.
.
Hmangaihzuali leh a nu in hnial chu uluk lutuk in ka en, zanriah kan kil ho hmasakber ṭum a an in chhan deuh bap bap pawh khan an vawikhat in chhân na a anglo ka ti rilru tawh reng a nih kha, hneh sawh lutuk a a nu a chhang chu ka nui hul hak, ka thinrim insum lutuk vang a ni mah zawk


Ka office a pu lut chuan min melh rawm rawm, hlauh vak a neilo tih hriat takin min en ve khar khar bawk


Min ṭhen a duh thu a sawi lai a ka ben teuh zia chu pui tak a ni, ka ben mailoh nan fawh ka tum chu min beng sawk, a na reuh em em mai lehnghal, rilru na lutuk tih hriat chuan mittui tling pam leh sen ram in min en, ka hma a mittui tih thlak a hre zia chu a in hum ruhdan leh mit khap fak fak ah chuan ka hmu thei, ka hma a mittui tih tlak leh tlawm ai chuan thih pawh a thlang zawk hial in ka ring

Room a chhuahsan rualin na lutuk in glass dawhkan ka hnek keh chuai, couch ah ka ṭhu thla hnawk, kawngkhar rawn ri rawk ka hriat rualin, "Pui.. Lalpa leh!!! I kut kha engtin nge i tih?" Ka kut aṭang a thisen far kauh kauh chu rawn khawih a tum, ka kut lo vai sawkin, chhuat ah a ṭhu thla hnawk


"I kut kha Puia," Min ngaihtuah hmel zet a Marini'n a tih leh chuan mit thip ram a melh hrawkin, "chhuak rawh, chhuak rawh," Ka ti hrawk, couch a ngheng rawk rawk, min hlau tih hriat lutuk chuan a ding chhuah tum in ain hai nawk nawk


Ricky-a rawn tlan lut in staff au nghal chuan, "first-aid box min rawn pe rawh u," Tih leh Marini mittui tla lek lek a min en chu a ban a pawt in, "chhuak phawt teh," Tih leh a nawr chhuak rawk rawk bawk, ka kut na lo lam chuan ka chhip sam ka tuai puat, phiangsen hian!!!!


Ka sir a rawn ṭhu thla rawk rawk in, ngawi rengin first-aid-kit an rawn dah chu hawng in ka kut chu a ti fai nghal, ka thaw leh hak ṭhin, a tuam zawh rualin, "Hmangaihzuali kha a haw ta em ni?" Ka ti sup

Bu nghat in, "a nih hmel," Tih leh darthlalang keh nuaih chu melh in a ṭhensak, ka ṭhen ve suk ringawt, min hrechiang ka thin thawk natzia pawh, tumah in min khap tumlo se anti fuhber zel ang


"Ka haw hmasa dawn a nia," Tih leh ka ding nghal, "driver koh sak i ngai em?" Ricky-an kawngkhar ka pen chhuak tawh tih a min rawn auh chuan ka ban ka vai zauh, na lutuk ka nilo, ka in khalh thleng thei


Car park a lut in, ka car lam ka pan, Car a ṭhu lut chuan chak lutuk in ka tlan chhuak, traffic jam chu ning zet in steering ka chum let dawt ṭhin, ka mitthla ah Hmangaihzuali mittui tling piau hmel kha a rawn lang ang zut zut bawk a, ka thaw hawk hawk, nghet lutuk in steering ka hum, ka kut kak lai a thip sek sek


Ka hâ pui ka ṭhial ri bap bap bawk, Hmangaihzuali tehrep hian min bum khanhlang a, ka nui hul hak, minbum vang a thinrim nge ka nih a, Hmangaihzuali mittui ka tih tlak vang a keimah leh keimah inhua ka nih pawh ka in hre hreplo, chiang tak a ka hroat erawh Hmangaihzuali mi luhlul lutuk leh chapo lutuk hmeichhe mit aṭang mittui leh natna ka hmuh khan awm ngaihna minti hrelo tih hi a ni


In ka thlen chuan car pawh hung ṭha lo in inchhung ah ka lut tlang nghal, ṭhut khawm na a Nancy-i leh Loicy-i games lo khelh chu en in, "Zualtei a rawn let tawh em?" Ka ti sup


"Daddy i kut kha ana em ni?" Loicy-in a rawn tih chuan ka kut melh zawkin, "ka khawng palh a," Ti sup chuan Nancy-i chu ka melh leh, min chhan a tumlo tih hriat zet a a games khelh chauh en chuan a ngawi ngal, thaw ri hrawih in kan room lam ka pan nghal pawk pawk


Room thim ṭhap chu light on in ka en kual, a ruak ta huai hian ka hria, ka kamis hak chu ka kut na lo lam a a kilh phelh in chhuat ah ka vawm hlawm tawp, bathroom pan chuan ka kut tih huh hlau zetin ka inbual sawk sawk bawk


Khawi ah phiangsen nge maw a kal le? A nu leh pa a zui haw lo tawp ang tih lah ka hrereng, a chhungte hma a rilru na tihlan a hreh dawn tih keitluk a hre chiang an awm hauhlo ang
.
.
.
"U Zualtei chu zawng buai duh suh, damdawiin ah damlo an ngah a a riak nghal dawn," Nancy'in a room a lut pah a, inhnuai lam ka pan tur a rawn tih chuan ding dat in ka en phei, "a rawn bia che em ni?" Ka ti sup, a dar san ak in, "in hauhpui reng suh, nangmah kha a nia aw la chawh dawn ni, ka unaupa mah nila ka ṭan dawn miahlo che a nia, U Zualtei tluk i hmu dawnlo, thinchhe si," Ka zawhna min chhang lo a ṭawng duah a, ti hlak hlak chuan room ah a lut hmak, ka thaw hak, engmah a hre der silo a, a mi huat em em fanu a ni tih hi hriase ala ṭan reng chiah ange maw ni?
.
.
.
.
Car a lut in ka tlan chhuak leh, ka phone phawrh in Hmangaihzuali ka call nghal zat bawk, ala ring ral ṭhak ṭhak zui, thinrim zet a steering chum bur chuan a ṭhiannu Te-i te inlam ah ka inher pawp


An in zawn a car ti ding chuan ka tlan lut nghal zat, Te-i te nufa leh tleirawl pahnih TV en a ṭhu chu an rawn hawi vat, "Maram kawngkhar i khar nange?" Tei'n rum lutuk a min melh chung a a tih chuan ka kiai suk, a mitmeng rum em em leh minhuat zia a tihlandan ah Hmangaihzuali a lut tih ka hre nghal


"Khawnge a awm?" Ka ti sup chu mi ngaihsak loh hmel zet a TV lam hawi in, "a rawn chhuah chiah kha in in tawklo em ni?" A ti liam puat chu chik lutuk in ka en, run ang zan ah a vak chhuak hauhlo ang


Ka ringlo tih a hria a ni teh hrep a niang chu rum lutuk a min rawn melhin, "zawngla," A a ti deuh ṭhat, ka nui suk, Hmangaihzuali ka hre chhuak, an thinchhiat zia chu a inchen vel viau ang, in kawm awm tak pawh an ni


In her vut a ka chhuak tur chu, "Remruatpui, a mittui farkhat pawh itih tlak chuan ka chhuah dawnlo che a nia," Min hrilh pawh nilo in min vau ve a ni mah zawk


Ka car a lut vat chuan muangchangin kawngpui a tlan in, kawngpui sir lam chu ka en pah zel bawk, engvang a ngaihtuah em em nge ka nih pawh ka hre hreplo e, a mit a ṭang a mittui chhuak ka hmuh khan ka awm a ti nuamlo a ni ber, a dik khawilao emaw ah amah in lo ṭap ta se, ka lu ka thing chutiang hmeichhia a ni hauhlo, mahse enge ka tih hi, keihian a vawikhat nan hmeichhe ngaihtuah in ka zawng kual ta vut vut chu a nia!!!!


Car ka ti ding dat, Hmangaihzuali te in zawn ah ka ding tih ka in hrechhuak nghal zat, muangchangin ka chhuk, an in lam ka pan chhat chhat, an in kawngkhar zawn a ding vang chuan ka kik mai dawn a ka thei derlo, mit chhing sawm a kik ka tum nawn leh chu

Kawngkhar rawn in hawng thut ah chuan ka meng kawk, Hmangaihzuali pa nen kan in hma chhawn ta ran, sawi mai tur lah chu a vang em em, "no kan dawm dun dawn em niang?" Ti sup a rawn chhuak chuan kawngkhar chu a nam khar nghal khep, min ben sawk ka rin nen a aw dam dap chu inthlahrun a na zawk mah mah in ka hria

Ka car hun na lam pan chuan, "heihi em ni i car?" Kawk zauh a tih leh hawn a rual nghal, ka nui hak, a mizia chu Hmangaihzuali hian alo chhun fuh khawp a nih hi, hahthlak hian engkim ah Hmangaihzuali, Hmangaihzuali bawk ka hre chhuak fo ta mai hi ka sim tur pakhat zing a mi a ni


Ngawireng in ka ṭhu, car ti nung chuan khawilam nge a kal duhna a sawiloh avangin ka tlan chhuak mailo chu, "tlan chhuak ta che, RV lam ah chuan i peih dawnlo sa a, zu awmna, in biak theihna ah a ni mai," Ti awlsam leh et chuan seat belts a hreng nghal zat, a awmdan chu engti zawng emaw takin ka pawh riau, tiang ngaihdan hi ka pa lak ah pawh kala nei ngailo, pafa in pawh tak ang maiin a ṭawng bawrh bawrh


Ka Hotel kawt kan thlen chuan car ti ding dat in, "a pawi êm lo angchu, ka office ah inbiak a rem ber ang," Ka ti sup chu, "pawilo e, hma hruaila," Tih leh a chhuk that, zantir lam a an chung a ka awmdan mawilo lutuk vang a min zilh hrep ka rin nen, pangai tak leh in pawh tak ang mai a min be ve zel chu thil mak tak a ni ka ti lo theilo, rilru puitling, pa dinhmun hretak a ang ber, he mi nungchang vang pawh hi a ni mahna, zahthlak loh a ka ngaihlai pawh a, Hmangaihzuali chuan zahtak a, a hma a ala din zel chhan ni


Ricky haw tur nen Hotel chhung kan lut kan intawh chuan min en deuh haw in Zualtei pa chu a en leh, "sawi tur kan nei lawk a," Ka ti sep, bu nghat in, "mamawh in nei dawn em?" A tih chuan ka lu ka thing, "haw hma rawh, midang an awm alawm," Tih leh a dar a beng thak thak in, "ka pu helam ah aw," Hmangaihzuali pa chu kalna tur ka hrilh nghal zat


Rajesh-a assist. Manger chu kan lam rawn pan in, "Sir mamawh in nei em?" A rawn ti vat, ka kut vai zauh chuan, "whisky ka in ang ṭhin kha rawn dah la, ei tur tlem nen," Tih leh ka office lam ka pan pui nghal


Ka office kan luhrualin, "i Hotel chu kalo en chianglo a, a pui hle mai," A tih chuan, "ka lawm e," Ka ti sep, hei pawh Hmangaihzuali tihdan a ni, tu pawh mai hi ho tê ah pawh nise lawmthu a hrilh vek ṭhin driver an ni emaw kan awmpui te pawh nise, "khawngaihin tih leh ka lawm e," Tih hi a sawi fo ṭhin
.
.
.
.
.
Whisky rawn thleng chu la in ka thli nghal, nui vur vur a tlak pawp chuan, mi rawn en kalh, a mitmu fiah dan leh a mit hmang a mi a thunun dan chu a fanu hmangaihzuali chiah chiah a ni


Ka tlak ve pap, "Zualtei hring tunu hi i hria a ni tiraw?" A no a ka thlit leh chuan a rawn ti sup, ka bu nghat ringawt diktak chuan he thu chungchang hi sawi ka duh tawh miahlo, engkim hresa a, hrelo ang mai a an awm hi min bum na ah ka ngai


"Hethil hi chu ala thlen ka rin vang a nia, Lalsiamthari fahrawn i ni tih ka hriat rual a, he inneih na ka pawm pui kha tih tawp ka duh ni," A ti leh kauh kauh, ka nu hrawn hming alam lai chuan chang tak a ni, a no a whisky bawk chu a tlak leh pawp, in ṭhang tih tak a, eng ah vak mah a ngailo a ni mahna, a ner ve sawk sawk lo emai


"He inneih na hi tih tawp kala duh fan tih hre tur in ka duh che, ka fanu hi pa dang te angin engmah pe theilo mahila, pasal te leh a chhungkua ten a, an hmuhsih leh diriam na hmun ah hian ka hnut chhiah theilo," Tih leh a ding nghal, ka en kawk, a fanu hi ṭhen ka tum hauhlo bawk


"Thuthluk na i siam fel hun ah min rawn bia angche," Ti leh nghut a pensawn a tum chu ka no a whisky awm chu tlak pawp in, "ṭhen ka tum hauhlo," Ka ti sup, a pen lai ding dat a ka lam rawn hawi chuan ka en chho ran, "Hmangaihzuali nen contract dang kan sign tih i hria em tih ka hrelo na in, kan pahnih inkar a nih bakah nupa kan ni tawh bawk," Ka no chawi kang zauh a nuisuk a ka tih chuan mit zim san in min en, thinrim hmel ala pu miahlo bawk, he a inthunun theihna leh mitmeng hmang a midang a thunun theihna hi a nih hi Hmangaihzuali hian a lo chhun em em ni, ka zu chu ka lem khalh bawk


"Mipa nilo âwm takin tihluih na hmang in hmeichhia vawnbeh tum suh angche, huat na bak i hlawh chhuak dawnlo a nia, thurawn ka pe che a nih chu," Tih leh kawngkhar lam a pan nghal, ka nui hul hak, tihluih na hmang a vawnbeh maw? Teuhlo lutuk, ka thu chauh a engkim hi thleng tur a ni tawp, a thleng ngei zel bawk ang


Ka phone chu phawrh in Rajesh-a ka call nghal, "ka rawn kal pui putar kha lo buaipui angche, a kal duhna thleng hruai la," Tih leh ka off nghal, reilo ah ka phone rawn ri leh nghal chuan, "Sir, amah a taxi a lak theih thu a sawi a," A rawn tih chuan ka nui hak, "ka hria e," Tih leh ka off nghal, pafa in ang tak an ni, nelawm tak siin an chapo ru em em a, mahni an indahsang in, anthu an duh takzet bawk
.
.
.
.
.
"Harh teh, mikhual an rawn thleng ṭan a nia," Ricky aw ka hriat chuan lu na lutuk in ka meng chhuak, room hnawk alo then tir mek bawk, couch ah ka muhil zui a ni tih ka hre nghal zat

Lu na ut ut a ṭhu chhuakin, "dar engzah nge?" Ti sup chuan tui chu ban in ka in nghal khawlh khawlh, "chawhnu dar 3 a pel tawh, hei zo zai hi i in zo a maw?" Whisky um ruak an khung ho chu melh in min melh leh run, ka bu nghat ringawt



"Ka inti fai anga ka rawn chhuak dawn nia, 15mins hnu ah meeting tur in lo in paih rawh u," Tih leh bathroom lam ka pan nghal, tiang a ka inloh na chin a rei tak deuh vang a niang, ka lu ana lutuk mah mah, ka luak a chhuak em em khawp leh nghal
.
.
.
.
Chawhnu pum a Hotel thar sakna tur meeting nei a ka ṭhut hnu ah taksa na zet a chhuak in ka phone ka phawrh, Nancy-i call in, "Zualtei in ah a awm tawh em?" Ka ti sup, Ricky-a ka lam rawn pan chu file pe in, "ka haw dawn a nia," Ka ti sup


"Damdawiin ah an buai thu a sawi a, nizan ilo haw lo elaw, Loicy-i inti mangang alawm, enge in hriat a, nupa pa a zanriah chhuah," A rawn ti hlak hlak, thaw hakin, "kan buai thu lo hrilh rawh, ka rawn be leh angche," Tih leh phone off in, ka car pawn a in hung sa ah chuan ka ṭhu lut nghal


Hmangaihzuali thawhna cancer center chak lutuk in ka pan nghal zat, rei pawh tlan lo in ka tlan thleng nghal, ka tlan chak bawk êm , thleng rang tak ka ni, car pawh hung ṭha lo a chhuak chuan, damdawiin chhung ah ka tlan lut, henu phiangsen hi min hel a tum vaih chuan a ti sual khawp ang


"Ohhh Remruatpuia ini em?" Minlo ti tu chu ka en vat, "i nupui i rawn zawng em ni?" A tih zawmzat chuan ka bu nghat, "a awm na i hria em? A office ah em ni?" Ka en ran, min en haw in, "a rawn chhuah chiah kha, ila um pha ang," Tih leh pawn lam a en chu chhang tawhlo in ka tlan chhuak nghal


Ka hawi kual, khua a thim deuh tawh avangin ka hmu mailo, Te-i te in ah chhan a let ka rin tawhloh avangin an in lam pan in car a lut in ka tlan chhuak ve nghal, ka hma a a din hun hun chu na lutuk in ka hrem khawp ang, heti khawp a ka ngaihtuah vang hrim hrim pawh hian hremna na thei angber a phu hrim hrim, a engtia um kawi reng nge ka nih lah ka hre heklo

An in thlang deuh a car ti ding chuang ka chuak vat, an in step chhoh na tur a ka pen tur chu, "enge i duh?" Zualtei aw a ni, ka ding dat, thim chin ah ka tawlh lut hret bawk


"Sawi tur pawimawh ineihloh chuan let rawh, he lai hmun ah hian tuman an lawmlo che," Ti kha leh fak fak chuan pensawn a tum, a ban ah tu emaw in a vawn chuan a thing thla sawk, tunge a nih tih ka hmu mai theilo


"Min khawih tawh suh ka tih kha," Hmangaihzuali chuan a ti hrawk, a aw chhuak ah a huat zia alang reng, "Remruatpuia hian ka fanu ini tih a hre tawh tih i hria a ni lawm ni? Engvang a la luhlul em em nge inih, Mizoram hi chhuahsan la, hna ṭha tak ka zawn sak thei che, nilo, heiai a hlawh tam hian damdawiin lian tak tak ah i thawk thei, i nu leh pa, i pi te hruai in kal rawh u, ka buaipui vek angche u," Chu thu sawi tu chu tu dang nilo in ka pa nupui, Hmangaihzuali hring tunu ngei a ni

Khanglang a, a pawisa hmang in he ram aṭang a thawnbo a tum a maw? A tum ang chuan a awl sam hauhlo ang, Hmangaihzuali hian minbum man ka hrem ve lo tlat, a chung a thunei tu cbu keimah chiah ka ni

Pen chhuah ka tum ka che hrut chu, Hmangaihzuali a nui hul hak hak, a thinrim leh rilru nat a piangin thupbo nan a nui lui fo ṭhin, hei chu a tihdan a nih avangin ka hre chiang mah mah tawh, a chhan chu tuma hma ah hian tlawm a tum ngai miaulo a


"Kum 5 liam ta a pawisa hmang a min thehbo i tum ang bawk khan maw? Chutiang a ti tur chuan kan enge inih a? Rempuia pawh chuan hriase hlauh tur ka nei ve chuang em ni? I tan he ram hi ka chhuahsan angmaw? I tan a tlanbo tur khawp in ka enge inih? Mawh ka enge inih?" A tawp lam chu chang tak a ni, a au a ni mah zawk


"Remruatpuia hian keimah chauh nilo nangpawh hi a chhuah dawnlo che tih i hria em?" A nu chuan a ti leh tuar, "tihsual ka nei em ni?" A nui hak, ṭah chhuak te pawh a ang mah mah zawk, thaw kawk a hnung lam rawn hawi chuan van lam a dak, a mit a khap fak fak, êng in a rawn chhun phak avangin a mittui vang a tle ral ral chu ka hmu thei


A nu lam bawk hawi leh chuan, "nang leh kei hian inzawmna kan neilo tih i theihnghilh a nge, ka hma ah rawn inlan tam tawh suh," Seh chilh nawk nawk a tih leh su deuh sawk chuan step ah a pen chho pawk pawk


A nu chuan thinrim leh beidawn hmel zet a en chho in a phun deuh sup, Hmangaihzuali chu ka en reng, "engtin nge maw ka tih dawn che le? Engthil chiah nge inun ah hian thleng hrep ni?" Ti sup chuan car ah letin ka ṭhu vang vang, engthil nge ka tih, Hmangaihzuali hian minbum takzet em? Engkim hresa a min neih na chhan hi chhan dang a awmlo tak tak amaw? Keimah leh keimah ka in zawt mawlh mawlh, ka mitthla ah nichin mai a mittui tle ral ral kha a rawn lang leh, ka thaw kawk kawk, a mittui ka hmuh ringawt pawh a ka thawk a tih sak zia hi a in hre awm tawp silo a, engvang a hetia awm hi nge ka nih, a mittui khan ka awm zawn hi a tina ve tlat a hriat na ka nei teh hrep pawh chu keimah Remruatpuia anglo tawp a ni
.
.
.
.
ka dar a rawn beng thak a, ka sir a rawn ṭhu thla chuan, “i ṭha meuh maw?” whisky lam pah chuan Ricky-an a ti sup, ka no chu ti che ralh in ka lem hlek

Min en vang vang chuan, “Hmangaihzuali hi nang hian i duh satliah pawh a nilo, i hmangaih tawh a nih hi,” Thutak zet a atih chuan ka nui hul hak, keihian saw hmeichhia saw ka hmangaih ang maw? Teuhlo lutuk


“Thu lawilo i sawi dawn a nih chuan haw rawh,” Ka ti nghut, nui hak a whisky chu tem hlek in, “ka sawi dik iti deuh em ni?” Leh ṭalh a, teuhlo lutuk mai, kei hian hmangaih sawiloh duhna chhe te mah ka nei hauhlo, ka tan chuan ka infiam na leh ka unaunu chung a a thiltih ka rulh letna tur hmanrua chiah a ni, ohh, minbum a vang pawhin, kala rul let khawp ang, awmze neilo a ka lungphu a tihdanglam fo avang pawhin mawle


“Ka nu a dam silo a ka hawsan dawn che a nia, in ngaituah rawh,” Tih leh ding chuan a kut ṭang a ka lungphu zawn kawk deuh sawk sawk in, “helai hi ngaithla rawh, i lu chauh nilo in,” Nui vur vur a tih leh a pensawn nghal, nernawk in ka no a whisky la bang zawng chu ka tlak pawp, a dang ka chah lehnghal

Keihian ka duh ang maw? Nilo, hmangaih a ti em ni? Hmangai ka neih pawh kala hre hreplo e, hmangaih na a awm dawn em ni? Ka pa pawh hian hmeichhe hmangaih hi a ngah tawh zo zai lutuk a, tuber kha nge a hmangaih ka hrelo, keipawh hian hmangaihna hi ka nei em tih ka in hriatloh lai a, kha hmeichhia kha ka va hmangaih daih ang maw? Fiamthu ah pawh a nuihzat thlam teh chiamloh


Ka dar a kut nem thep mai in min rawn zût dan dan chu mitmeng phi luai in zu no dawm chung chuan ka en, ka rui hle a ni ngei ang, Hmangaihzuali hmel te ka hmuh ni, ka nui hak, whisky bawk chu ka tlak leh pap, "Rempui," Ka zu thli leh tur chu ka tawp chat

Chu hming chu, Hmangaihzuali min koh dan a ni, a hmui no sen chêk leh phir sexy tak mai a ka hming alam chhuah dan chiah a ni, din tum in ka in nem khalh, "i tlu dawn, engtia rui em em nge maw i nih le?" Chu aw ka hriat leh erawh Hmangaihzuali aw a ni leh tawhlo

Ding bu lawp lawp a hmeichhia ka bul a ding ka tluk hlau zet a ka ban bul a vuan tu chu en chian ka tum, ka nuisuk, ka hma a ding Hmangaihzuali nileng leh zankhua ka lu um chhung a awm, a hming ka ngaihtuah zawng pawh a ka lungphu ti danglam a, ka thinrim pui leh ka kuah chak em em si, phawk fe a ding a min en chu ka nuih vur vur


"Hmangaihzual, nang hian minbum a maw?" Ti bah nawk nawk, bu lawp in a dar ah ka lu ka nghat chawrh, a rim tui chek mai, cherry blossom rim nam chem chem ṭhin kha hip tum in boruak ka hip kawk, mahse Hmangaihzuali rim a ni hauhlo, cherry blossom rim a nam hauhlo, a vun nel thep leh a sam rim no chek mai pawh kha a ni hauhlo


"Rem... Ding ṭha teh?..... Ka nilo," A tih chu ka hre ruai ruai, meng chiang a, mahni a ding a, tunge min kuah tu hi en tur in tha ka nei tawh derlo, mahse ka taksa leh hriatna thazam zawng zawng hian Hmangaihzuali ka feel ang khan pakhat mah a feel na ka nei hauhlo tih erawh chiang lutuk in ka hre thung

"Hmangaihzual," Ka phun sep sep, ka mitthla ah a nui hmel mawi lutuk, a ha var siau mai leh a nuih zawng a, a biang veilam a biangsum khuar kak te, a hmui hnawihsen tel miahlo, sen no chek phir sexy em em te chu a rawn lang zut zut, mit chhing diar diar a nui nghawr dat dat chuan ka phun sep sep

"Remruatpui, harh rawh," Chu aw chu fiah lutuk in ka hria, men erawh ka meng thei lo


"Kei hian Hmangaihzuali ka hmangaih ang maw?" Ka ṭawng chhuak em ka hrelo na in, ka in zawt mawlh mawlh tih erawh ka in hre chiang lutuk thung, ka hmangaihlo ka ti na in, ka chhungril khawi emaw lai hian a pawm thei derlo leh nghal, tu phiangsen nge a nih a ka hmangaih na dawng tur hian, a phu em? Aih phulo, ka unaunu pasal kawp a, a thihna hial thlen tu, Loicy-i fahrah a siam tu hi keihian kalo hmangaih ang maw? Thulawilo a ni, mahse engtia ka thluak ngaihtuah tur tamtak awm lai a a hming leh hmelṭha lutuk ringawt ngaihtuah chu nge maw ka nih phiangsen ni???

Tu emaw khan chiang takkn ka hmangaihlo a nih tih min hrilh teh u, saw hmeichhia saw ka hmangaih ang maw? Huhhh


***Riya***



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:22 pm

STONE HEART
By floria laldansangi


26


ZUALTEI....POV


Ka phone ri ral ral ah chuan mit thip urh in ka meng, Remruatpuia a nih leh ring in en mang hlei lo chuan ka reject hmak, an in ka let loh na pawh ni hnih lai a ni ta, min call tluk tluk bakah Te-i te in leh damdawiin ah pawh a rawn kal tih ka hria, min in hauhpui tur in emaw a nuhrawn nen a kan in kar ka zep vang a min dem a, min au khum tur mai mai in ka hmu peih teuhlo


Zi mar ar ar a, sana en chuan zinglam dar 10 a ri thuak, ka dawhkan sir a coffee in hung ka hmuh chuan ka ban nghal, lehkha them a, "morning," Tih inziak a smiley lem tel ka hmuh chuan ka nuisuk, "Rinhlu," Ka ti sep, nizan zankhua deuh thaw in ka buai, damdawiin ah ka riak law law ta kha a nia


Coffee lem hlek a, ka hmai tuai fai thuak thuak a ka ding chhuak chu, ka phone bawk a rawn ri leh, muangchang a la kang a ka en chuan Loicy-i te school aṭang a ni tih ka hmuh rualin rang lutuk in ka pickup nghal


"Doctor Zualtei, Loicy-i nu a ni em aw?" Ka pickup rual a hmeichhe aw fiah zet in a rawn tih chuan ka chhang vat, "an zirtirtu ka nia, nimin leh vawiin Loicy-i school a rawn kal tawhlo a, a chhan an sawi mang silo a, ka rawn call tawp mai che," A rawn tih chuan mak ti fê in, "Nu Puii emaw a nî Nancy-i te pawhin an rawn hrilh lo che em ni?" Engtia school chawlh tir nge maw an nih le?


"Hrilh hauhlo mai, a nu ini a, a chhan i rawn sawi tur ah ka ngai a," A aw ri ah chuan mindem hlê tih a lang chhuak, ni e, ka thiamloh vek a ni, 'a nu ka ni tawh' ka inti a ni lawm ni? Engtin nge Remruatpuia ka huat a vang ngawt a Loicy-i theihnghilh ṭhak a ka awmbo theih ni? Eng ang nu nge maw ka nih hrep ni?


"Ka tihpalh lutuk, damdawiin ah kan buai deuh alawm mawle, ka haw dawn chiah a, ka fanu ka lo bia anga, naktuk ah chuan a rawn kal ngei ngei tawh ang, khawngaih in min hrethiam hram teh," Thupha ka chawi nghal mawlh mawlh, "a lawmawm ngawt ang, naupang, hmangaih na leh ngaihsak na dawn an mamawh hunlai tak a ni a, in nupa pawhin hun in pek tam deuh ka beisei takzet," Tih leh a off nghal, ka mit ka chhing sawk, a sawi dik vek a ni, keimah chiah kalo in ngaihtuah hrep a ni e


Ka kawr chung in khai chu la in, Doctor coat var chu hlip sawk sawk in ka bag ka ban nghal, nimin tlai khan Nu Puii te nufa chu Thenzawl lam ah an chhungte boral an awm avang a an kal a ngaihthu min rawn call khan a sawi tak kha maw, chuti a nih chuan Nancy-i leh Loicy-i chiah in ah an awm tihna a nia, ka ngaihtuah chhuah tam pauh leh ka thaw a pik in ka in haw hluah hluah, engtin nge ka theihnghilh hmin thâk theih ni?


Kawngkhar ka hawng tur chu a rawn in hawng ri rak, "i va hman hmawh hmel ve, thil thleng a awm em ni?" Rinhlua'n min en deuh haw chung a a tih chuan, "haw vat ka ngai in ka hria, i haw ve dawn em?" Ka ti nghal, min en deuh hu chuan, "i hmanhmawh chuan ka thlah angche, ka duty ala hun chiah chuanglo a," A tih chuan ka hnial buai duh talo, ka bu ve nghat


Damdawiin pawnlam pan hlawk hlawk chuan Rinhlua'n min rawn zui ve bawk, a car awmna lam pan chuan ka lut vat, a rawn ṭhut luh rual a car ti nung chuan, "thil thleng a awmlo tak tak maw?" Tlan chhuak pahin min rawn melh leh, ka phone phawrh a Nancy-i call pahin, "Loicy-i nimin leh vawiin school a kal lo a ni âwm e, a damlo a nih ka hlau deuh," Ka ti sep, ka rilru lah chu a hmanhmawh em em, Nancy-i lah chuan a la thei derlo


"Hlauthawng suh, engmah a thlenglo ang, a pa pawh a awm a ni lawm ni?" A tih chuan Remruatpuia hmel ka mitthla ah a rawn lang nghal, ka lungphu bawk a rawn thum ri leh dup dup tawh, ka thaw ka la kawk, chhanglo in, "Nancy-i hian phone a pick thei miahlo leh nghal," Ka ti sep, ka kut te chu a khur lo chauh bawk, Home line ka call lahin tuman an la thei bawk silo, hlauhthawn na in mintuam hlup hlup hi a niber

Ka mal chung a ka kut dah chuan ka kut phah thlan dup chu, ka mal ah ka tat leh tawk ṭhin, Rinhlua'n ka kut rawn hum vang vang in, "a ṭha em em ang," A ti sup, min hnem dêr lo, Remruatpuia hrep lah call a pick theilo, engthil phiangsen ah nge maw a buai ni



Car a ding dat rualin hmanhmawh lutuk in ka pe tek chhuak a ni ber, Rinhlua pawh nghaklo in inchhunglam ah ka tlan lut, inchhung ruak leh reh duk mai ah chuan ka hawi kual, "Nancy, Bawihte in awm em?" Tih leh inchung lam ah ka tlan chho


Nancy-i room en in tumah an awmloh avangin, a dawt chiah Loicy-i room chu ka hawng ṭhuai, Rempuia driver Diktea'n, Loicy-i chal puan nen alo deh mek ka hmuh chuan ka pan nghal ruak ruak, "eng..engthil nge thleng?" Ka hlauthawng lutuk chu ka khur chhuak lo chauh, chhan awm silo in ka mittui a rawn hnai kuar kuar leh ta nghal hunlo thei lutuk


"U Zualte, hlauthawng suh, a khawsik a sang deuh a, damdawi ka pe tawh a, a zia awm tawh e, a muhil chiah a nih hi," Tih pahin a ding chhuak nghal, Loicy-i muhil dangbel mai, hmui hil bam mai chu en in ka mittui a biang ah a far kauh, hru vat in, ka rilru in ngaihdam ka dil nghal mawlh mawlh, thu ka tiam a, rei pawh ala liamlo mahni in ngaihtuah lutuk luat ah ka theihnghilh nghal a nia, nu ni tlak pawh ka nilo


In sut ri hrawih chuan, "Nancy-i hi khawnge?" Dika en chho chung a ka tih chuan, "nizan zankhua in Loicy-i hi a enkawl a, ei tur lei in a chhuak a nih kha," A tih leh chuan ka bu nghat, Remruatpuia... He mihring hi khawnge a awm

"Khawnge i pu?" Ka tih rualin a meng kalh nghal rawk rawk, "a room ah em ni?" Tih leh ding in kawngkhar lam ka pan nghal


Kan nupa room, ohh, a room a ni zawk angchu, pan in Rinhlua a rawn chhuak chiah chu en haw in, "enge kha tah itih?" Enge kan room ah te a tih ni, " a awm em?" Ka tih zawmzat


Min en deuh vang vang in, "Loicy-i chu enge a an?" A ti sup, "a ṭha e," Tih leh room kawngkhar hawn ka tum, ka vawn na kut chu rawn vawn hnan in, "lut lo la a fuh zawk ang," A ti sep, engvang in maw? Luhloh chhan tur ka neilo


Min vawn na dahsawn sak pahin ka hawng nghal zat, ka pen luh rualin ka ding nghal dawt bawk, ka mittui a rawn luang thla pup, ka awm zawn hi chem hriat lutuk ang a sah sawk ang mai a ni, ka nghing dawt hian ka hria


Kan nupa khum ngêi mai a Remruatpuia leh Lucy-i saruak ngal ngat a, an zahmawh pawh khuhmawi hnai tu pawh awm lêklo a, in khan chial a mu ka hmuh chuan ka kehdarh vek ni hian ka hria, ka sa hat hat, ka awm nat zia chu ṭawngkam engmah hian a sawifiah thiamlo ang, tu ln a ka awmdan hi, na vawng vawng siin ka ral chem chem hian ka in hria


"Chhuak phawt teh ang," Rinhlua'n ka ban a rawn vuan a min pawh chuan ka phihsawk, ka mittui hru hul tawk tawk in bathroom ah ka lut nghal, ngawi reng a chhuahsan ka tum aw zawnglo, a fanu damlo khawsik in a awm a, a ni in hmeichhia nen nuam alo tawl amaw? Tenawm lutuk, mihring pawh an ni hrep lo

Bucket ka zawng nghal vut vut, lian lutuk lo awm ka hmuh chu tui herh haw a, a khat pup mai a tui chawi chhuak chuan khum lam ka pan

Rinhlua'n min rawn pan hnai vatin, "engthil nge tih i tum Zualte?" A rawn phun sar sar, enge a hlauh a, a phun ser ser ni, "awmsawn rawh," Tih ṭhawt a nek sawn lawp a khum bul a ding rem sauh sauh chuan Remruatpuia leh Lucy-i rawn che ṭuah ṭuah a, rawn meng diar diar chu, bucket a ka tui khai lai chuan ka theh ṭhuai, an harh chiang teh e!!


An ṭhu nghal awt, "engthil phiangsen nge?" Remruatpui'an a ti hrawk, Lucy-i a rak tuar bawk, thinrim tha khur dar dar a ding in ka mittui ka khap per sak sak, ka mit thip zia chu a phak urh thei, mei alh chhuak thei se a chhuak khawp ang, ka awm zawn na hi, Remruatpuia vang nge Loicy-i damloh vang zawk ka thliar hrang mai thei heklo


"Bawi..bawihi," Rempuia chuan a ti bah nawk nawk, Rinhlua a lo thaw ri hak, ka bul a rawn ding in, "chhuak phawt teh ang, Loicy-i a harh palh ang," Tih leh ka dar a kuah a min pensawn pui a tum chu, thip lutuk a kut khur dar dar a hum ruh in Remruatpuia ka melh, a taksa khuh tu awmlo en chuan Lucy-i lam chu a en leh


"Engthil nge itih he tah?" Lucy-i hmai bul chet ah chuan mak tih hmelzet leh thinrim hmel takin a ti hrawk, ka nui hul hak, eng lem chan na nge ni lehpek ni, tenawm hian!!!


"Remruatpui, engmah i hre tawhlo tak tak tih sawi tum suh angche," Lucy-in thinrim zet a chhang let a, a saruak na zahpui miahlo a ding chhuak in min rawn melh, keimin zahlo anih pawhin, Rinhlua, mipa dang, a mipa awmpui ni hauhlo, mipa puitling awm ve reng lai pawhin saruak ngal ngat in min melh ram ram ngam chu a huaisen ka ti takzet, "inhmuh ang hi engkim a nih dan a ni, Rema, mawhphurh na la tur in ka beisei lo che, nizan a, a ngen a min ngen tu chu nangmah inih kha," Ti leh fak fak chuan chhuat a a thawmhnaw tla darh nuaih mai chhar khawm in bathroom lam a pan nghal, Rempuia chu a hmai a tuai puat, min rawn melh chho leh


Lu hai in ka tlu mai dawn in ka hria, ka tha neihzawng zawng sawm khawm in ka ding ve ṭawk ṭawk chauh a ni, ka mit ka chhing sawk, boruak tam tham lutuk ka hip bawk, blanket huh deuh hlek veng chung a Rempuia rawn ding chhuak in, "bawihi i hmuh ang kha..." Tih pah a min rawn ban a tum chu ka kut chunglam ah ka vai thuak, ka tawlh hnung hret bawk, "i mimal nun ah ka buailo, engtin..." Ka thinrim vang nge ka rilru nat vang zawk ka hrelo, ka ṭawng ka seh chilh lo chauh


"Engtin nge i fanu damlo, zankhua mai a i room bul chiah a muhil theilo a an awm laiin, nang..." Room ka en kual, Lucy-i rawn chhuak chiah melh hrawkin, "hmeichhia nen nuam i chen a," Za lo lutuk in ka nui hul hak, "bawihi..." A ti leh sup chu, "in sawifiah a ngailo, kan inkar ah engmah a awmlo tih kan hre ve ve, chuan in nun a ni bawk, mahse, i fanu lakah erawh i mawh phurh na hlen angche," Ti leh fak fak a kut hum ruh chung a melh chho hrawk hrawk a pensawn ka tum chu ka ban ah a rawn vuan chat


Ka lungphu bawk a ai nasa in a rawn rang leh tawh, ka thawk a ti harsa in ka kâ ah a leng leh ta lo, mit ka chhing sawk, thawk lak vak ka tum a, ka danglam dan a hriat ka hlauh êm avangin muangchangin thinphu dup dup leh thip zawk zawk, sa vawng vawng si chuan ka thaw chhuak


Min vawn na kut chu melh zawkin, "i kut hmawr pawhin min khawih tawh suh ka tih kha," Pangai tak a sawi chhuah ka tum vei nen, a tawp lam chu a chang mah mah, ka duhloh dan tawpin ka mittui a rawn hnam ṭiam ṭiam bawk, ka khap fak fak


Min vawn na phih deuh sawkin ka nui lui hak, ka nuih erawh a zalo lutuk, ka ṭah chhuak lutuk ṭap chhuak thei silo awm ngaihna hrelo nui ka ni ber


Ka pensawn tur chu kawngkhar a Dika rawn dakin, a rawn hawi kual hraw hraw, Rempuia thaw ri hrawih chu ka lo ip chawih, a zak nge a thinrim zawk pawh ka hrelo, min rawn en in, "U Zualte, Loicy-i a harh a," Muang ban chap a a tih chuan ka bu nghat


Lucy-i ding ve reng chu melh in khum mawng lam a a kawrchung ni awm tak awm chu melh leh in kala kang, ka nui hul hak, "tih tur ineih tawhlo chuan chhuak rawh," Kha lutuk a tih leh a kawr chawp chuan a hmai ah ka vawm ṭhuai, "Hmangaihzual," A rawn ti ṭhat chu Dika lam hawiin, "pawn thleng thlah angche, taxi chu a phar din thiam ve mai ka ring," Ner sawk a tih leh ka pensawn nghal

Room ka chhuahsan rualin ka thaw hawk, ka taksa a zawiin ka tha a rawn khur nghal der der, bang ka nek nghal rawk rawk bawk, ka tlu lo chauh, room chhung a ka in hum ruh zia leh ṭan zia ka hre chhuak, ka awm zawn hi ana in, ka lungphu hi lak chhuah daih ang a ni, ka kut, bang ka dawmloh na lam chuan ka awm ka ṭham tawk tawk, ka thawk sak zia leh boruak hip tur van zia chu hreawm tak a ni, tu emaw in khawngaih na tel miahlo a, min sawisa a, ka hliam a chi a phul belh zel ang hian ka chhungril hi ana vîn tûk hian ka hria

"I ṭha em?" Rinhlua'n ka hnunglam aṭang a ka dar a min rawn kuah pah a a tih chuan ṭawng mai tur pawh ka awmlo, ṭah chhuah ka duhlo, mahse ka mittui erawh ka dang zawh rual a ni ta biklo nge a rawn luang chhuak zawih zawih

Banglam hawiin ka lu ka thing mat mat, ka kut ka phar chhuak ringawt bawk, ka ṭawng chhuak a nih chuan ka ṭap chhuak dawn tih ka hria, ka in hnit hlawp hlawp, ka mittui tla tih reh tum chuan ka hru tawk tawk, ala tawp mai theilo zui, kawngkhar ri ka hriat rualin ka theih tawp a chak in, bang leh Rinhlua rinchhan chuan Loicy-i room pan in ka lut nghal


Ka mittui la tla reng chu hru hul tawk tawk chuan khum a Loicy-i leh Nancy-i ei tur lo in barh chu ka pan vat, min rawn en haw in, Loicy-i hmel ah chuan min hmu chu a hlim zia alang reng, Nancy-i erawhin ka awmdan a hrethiam tih hriat takin min khawngaih hmel lutuk in min en, ka haider hmiah thung, a chhan chu khawngaih nih ka duh miahlo, khawngaih na dawn hian mihring chu minti chaklo tlat ṭhin tih ka hria a ni


"Mummy i buai tawhlo a mi?" Mittui tling piau a min en a min rawn nek naw naw chung a Loicy-in a tih chuan ka bu nghat, ka mal chung a hlang kangin, "ka tihpalh aw," Ka ti sep, ka mittui bawk a rawn hnai leh tawh, engtia mittui pawh chu ngah thar ta em em nge maw ka ni le?


"Nancy'in i buai tih a sawi a," Lungawi chiahlo chuan a tih leh sep, ka ṭah nuih hak, Nancy-i pawh a rawn nui suk, "nidang ah chuan min hrilh zel tawh rawh aw?" Nancy-i en chung chuan ka ti sep, keima thiamloh vek tho a ni, nu ni tlak hi ka nilo takzet, ka fa theihnghilh in zan ka riak bo a nia


Bu nghatin, "ka tihpalh, tih buai che ka hlau a," Nancy-in a rawn ti sep, zalo zet in ka ṭhensak, ṭah insum mah harsat nak a laiin, nuih luih phei chu a zawng zawng sawm khawm a ngai tak meuh meuh a ni


Min tihbuai a hlau nilo in, a unaupa awmdan ka hmuh a hlauh vang a ni mahzawk tih a mitmeng ah alang reng, ka buaina tur a awm hauhlo, a duh duh in a awm thei a lawm, mahse enga tinge ka nat tlat mai le?


"In ril a ṭam em? Ei tur ka zu siam ange aw?" Tho chhuak tharh pah a nui sang a Rinhlua nen min en tawn chung a a tih chuan ka bu deuh nghat, nimin lam aṭang engmah kala ei mumal lo, ka ril ṭam zia ka hre chhuak nghal



"Keipawh ka ril a ṭam," Loicy-in a rawn ti ve vat, ka ṭah nuih hak hak, Nancy-i leh Rinhlua pawh nui hak hak in, "a nih dinning hall lam ah chhuk vek ila, rawng zu bawl mai ang u," Loicy-i pawm kang lawp chuan ka ding chhuak nghal, naupang hi chu a damloh pawh a theihnghilh leh nghal a ni ngei ang, a nui leh nghal ar ar, hetiang naupang ang mai a, nalai leh nat chhan, natna theihnghilh nghal zel theih nih te hi ava chakawm tak êm

Loicy-i room aṭang a kan pa li a inzui chhuak chu Rempuia room aṭang a rawn chhuak nen kan in tawk chiah, mi rawn en rûn, Loicy-i a melh leh, a hmel ka hmuh rualin nichin mai a saruak ngat a Lucy-i nen an mu dunlai kha chiang lutuk in ka mitthla ah a rawn lang nghal zat lehnghal


Ka luak mai dawn in ka hria, "chhuk ang u," Nancy'in a rawn ti nghat, Rinhlua nen an in zui thla chu pensawn mai ka tum a, "Daddy nizan ah khan ka damlo ka ti sia, kawngkhar min hawnsak duhlo a," A pa lak a alungawiloh zia chu a melh ve ram ram dan leh a ṭawngkam chhuak tin ah chuan a lang, engtin tak a fanu chhuahchhalh na chu chhang ang maw?
Ka nuih pawh a za teh hreplo e


"Bawihte, daddy hi a buai lutuk..." Ka tih lai mekin, "ka lo mûhil tui deuh a ni, ka tihpalh aw bawihte, daddy hi i ngaidam thei em?" A rawn pen hnai, chawp chilh a dawt a sawi chu rapthlak ti lutuk in ka en, "hnar hnuai a kâ a awm chhûng chuan phatna a bo lo," Antih kha a lo dik khawp a nih hi


Kan bul a rawn ding chuan a nui suk, ka kaw ruak nen ka luak mai dawn in ka hria, hetiang em em a Remruatpuia hmel ka ten hi kala hre ngailo, "tun chiah aw, Mummy, daddy hi tun chauh chu ngaidam ang aw?" Min rawn melh kar, tihluih na tak meuh meuh a nui lui sang chuan ka bu nghat


In hnuai lam ka pan pui nghal, ngawi rengin Rempuia'n min zui ve bawk, dinning hall kan luh rualin ei tur dawhkân ah an lo chhawp mawlh mawlh, a rim tui zia chu ka kua a ri ruk ruk nghal in ka hria



"Siam tur awlsam a awm silo a, noddles hi ei mai ang u aw, a tui tho ang," Nancy'in a U melh hrawk a, nui sang a min rawn en chung a a tih chuan ka nui suk, Nancy-i pawh hian ka nihna diktak hi ala hre chhuak vat dawn tih ka hria, engtin tak ngai ve ang maw? A U angchiah hian BUM ang ah a in ngai ve tho
angem?

"U Zualte, i duh zawng a nilo em ni?" Nancy'in a rawn tih chuan ka harh zawk, ṭul lo kalo ngaihtuah tam leh tawh a ni, "ahhh, nilo e, ka duh lutuk," Tih bah deuh nak chuan chopsticks chu la in ka thai kual nghal


"Nu Puii, a vah te a awmpui a ngaihtawh avangin, thenzawl lam ah a khawsa tawh dawn a, Dini erawh heta ṭang a zirlai a chhunzawm anga, part-time a thawk tur Nu Puii'n min zawn hmuhsak tawh a, naktuk aṭang hna a rawn ṭan bawk ang," Rempuia'n a rawn ti thup dup dup chuan engmah ka hrelo leh Nu Puii'n engmah hrilh lo leh chhiat an tawh pawh min hrilh miahlo chu ka vui ru viau nâng in an buai lai ni tur leh Rempuia nen kan inzawmna hre chiang tan chuan ngaih pawimawh vak tur ka nihloh zia ka in hre chhuak thar rum rum


Ka ei zawh chuan, "Zualte damdawiin ah ka letsan angche, ka rawn be dawm che nia," Rinhlua'n a tih chuan ka bu nghat, "ka lawm lutuk a nia," Kawngkhar thleng zui chuan nui var var in ka ti leh, ka lam rawn hawiin, "Zualte, bansan ka tum a, mahse ka rilru ka thlak leh, ka nghak dawn a ni," A tih chuan a sawi awmzia ka hrelo lutuk chu en deuh haw in, "eng maw?" Ka ti hû chu ka chal a rawn kawk zauh in, a nui hak hak, a kal nal nal leh nghal, enge a sawi awmzia, tu leh enge nghah a tum chu, a hmel hlim dan ah phei chuan hmangaih nei te pawh a ang alawm mawle


Ka in her rualin ka hnung deuh a rum lutuk a min en rûn chung a ding Remruatpuia ka hmuh chuan ka phu deuh zuk, ka thaw hak bawk, dinning hall a lut hmak chuan Nancy'in kan ei na vel a seng chu pui in, "ka lo sil ang Nancy han mu hahdam rawh nizan i muhil silo a," Tih leh thleng sil a tum chu ka ban vat


"A ngailo bawihtei kha lo han mutpui rawh a mut a chhuak a nih kha," Nui var var a atih chuan Loicy-i ka en chu a lo ham bai bai, nizan an mu tamlo tih a hriat reng, a harhna ala reiloh nen, a mut a chhuak leh nghal a nia, "a nih chuan le," Tih leh ka kut hruhul chuan



Loicy-i pawm lawp in, "muhil ang aw," Tih leh ka chhuahpui nghal, khawnge Remruatpuia kha a kal ka hrelo, car tlan chhuak ri lah ka hre heklo, a duh duh na ah kal ang hmiang ka buaina tur a awm lutuk mah mah


Room kan luh rualin ka phone a rawn ri ral ral, Loicy-i khum a nghat chuan ka ipte aṭang la chhuakin ka en, "Maro, enge ni ta?" Ka lak rual a ka tih chuan, "U Zualte, ka pi ER ah kan hruai a, tun ah ilo kal thei angem?" Hlauhthawn hmel lutuk leh ṭap lek lek a a rawn tih chuan ka meng deuh kawk


"Engthil nge thleng a? Maro, chiai lo khan sawi teh," Tih leh Nancy-i rawn lut chiah chu ka melh zawk, "ka.. Ka hrelo, zinglam pawh khan ala ṭha, nichin deuh khan a muhil emaw ka tia, kaih thawh ka tum a, a harh theilo a.." A ṭap zui nghal hlawp hlawp


"Ka hria e, ka rawn kal nghal ang," Tih leh phone off in, "Nancy, ka pi damdawiin ah an hruai a, ka chhuah lawk a ngai a," Loicy-i chu ka melh, in a kalsan leh tur chuan ka rilru a nuam chiahlo, min en kiau chu, "i kawrlum," Tih leh a thawmhnaw inkhai na lam pan chuan ka hai nghal rawk rawk


Nancy'in pheikhawk pum a lo bun tir ve bawk, in khung rawk rawk chuan, "Nancy ilo awm hahdam dawn nia, kan rawn haw hun tur ka hrelo a, zanriah chu lo inbuaipui mai rawh," Tih leh Loicy-i kai chuan in hnuailam ka pan pui nghal hlawk hlawk



Kawngpui lam pan chuan taxi ka zawng, kan awmna lai hi a fâl deuh a vang hian taxi tlan vel pawh a vâng pharh, ka phone phawrh in taxi koh mai theih tur number ka save ka zawn mawlh mawlh laiin car pakhat hi kan bul ah a rawn ding dat


"Mummy," Loicy-i aw ka hriat chuan ka dar chhuak, ka phone kalo bih nasa lutuk a ni, nuisang a min en tu chu, "Siama," Ka ti sep


"In hmanhmawh hmel sia, lo lut ula, pawi itihloh chuan," A nui sang, hnial thei pawh ka nilo, Loicy-i kai chuan a seat hnung kawngkhar hawng rawk rawk in kan ṭhu lut nghal


"Khawngaihin Ebenezer Hospital," Ka ti nghal, bu deuh nghat chuan a tlan chhuak ve mai, ka awm tawt lutuk chu ka thaw leh kawk ṭhin, thui pawh kan tlan hmain pawnlam a Remruatpuia leh Lucy-i dingdun kan tlan pelh chu hawilet in ka en leh, Lucy-in Rempuia kut ah vuan in a melh chho kar

Ka thawk a rawn sak leh tawh, engvang a hetia awmfo mai hi nge maw ka nihle? Tun a ka awmdan leh ngaihdan chu, kum tamtak liam ta a, U Zuala'n kei leh ka pum chhung a ka fanu, min hnut chhiah leh keiai a Rachel-i a thlan lai a ka awmdan angchiah khan, kalsan leh duhloh zawk ah ka ṭang leh ta a ka in ngaih na chu paihbo ka duh takzet, mahse ka awmzawn ah hian chu thu, "duhloh leh hnawl," Ka nih nawn leh thu min hrilh tu chu a ring mah mah a ni


"I ṭha maw?" Hnunglam ka hawi chu Siama'n a rawn ti sup, ṭhu ṭha vat in, "ka ṭha e," Tih leh Loicy-i chu en in a ham ham bai chu chawi nawlhin ka mal ah ka nghat, a nui sen sen, a chau ve takzet a nih ka ring, a taksa pawh ala sa deuh huam mai, ka kuah vawng vawng, a chhip ah ka fawp vang vang bawk, ka lainat riau pek lehnghal


Car ding dat ah chuan ka hawi chhuak, damdawiin kawt kan thleng tih ka hre nghal, ka bag ban pahin kawngkhar ka hawng, "ka lawm lutuk," Ti leh sup chuan Loicy-i muhil pawm pahin damdawiin chhung chu ka pan hlawk hlawk


Ka luhrual a Te-i ka lam rawn panin, "i rawn hruai duh a," Loicy-i melh zauh chuan a ti sup, "ka pi enge a an?" Ka nu leh pa, Maroi te lo din na lam pan chuan ka ti nghal zat


Doctor a rawn chhuak chiah bawk, "Doctor ka nu chu enge a an?" Ka pa in a tih chuan min enkual in, "beisei a sanglo viau mai, tun a kan tih theih zawng chu a...." A tih ban chap laiin, "enge i sawi awmzia?" Ka ti vat, sawi vat maise ka duh, Te-in Loicy-i ka pawm chu a rawn ban, ka pe ve mai bawk


"A nihleh le, Stroke bakah a lunglam fel lo hi enkawl ngaihna a awm tawhlo a ni, rei tak kan in chelh theilo ang tih ka hlau khawp mai," Damdap a a tih leh chuan ka nghing dawt thei, nimin zan pawh khan kan la inbia in, kanla nui dun si a, Maroi'n min kuah, ka nu leh pa te pawh an lung ngai ve a ni mahna an kun lap, ṭawng mai tur tumah kan awmlo


Ka chau in ka na vel vek, thil thleng hi a rang in, engkim mai hi a in dawt chho zawt zawt ni mai hian ka hria, ICU chhung a ka pi oxygen an pek chu pawn aṭang ka en ngar ngar, ka mittui a rawn luang thla ngiai ngiai, ka nu leh pa rawn chhuak in khawngaih hmel zet a min en chuan, "lut ve la," Anti sup, ka lu ka thing, ka pi hmel hi ka hmu ngamlo a ni, tunu chhuanawm tak ka nilo, sum ka thawh chhuah a, ka in enkawl theih hnu ah ka mimal buaina avangin hun tam a bul ah ka hmang thei ngai heklo, a natna pawh hrethiam leklo in ka awm a, enge doctor ka nih man ṭangkai ni


Mahni indemna leh i ln thiamloh in min tuam hlup hlup, ka na vawng vawng
.
.
.
.
"Nimin aṭang ila ṭhu ngar ngar a nia, heihi inla inti harh rawh," Tih pah a coffee min rawn pek chu mit phak chuak in ka ban, ka mitmu kham lutuk te chu khap pawh a hreawm lam pang a ni, nimin aṭang helai hmun hi kala kalsan lo hrim hrim, zankhua in ka ṭhu tlaivar ṭhak bawk, ka naknem a na in, ka mawng a kham ut ut bawk


"Loicy-i te chu Ben-a nen Marami'n a rawn hruai ang," Ka hawi kual dan a ṭang a hre thiam a ni ngei ang, a tih zawmzat, bu nghat in coffee chu ke tem hlek, "nizan ah a sual em?" Te-i melh zawk a ka tih chuan a lu thing pahin, "Ben-a nen nuam anti khawp mai, zinglam deuh ah khan a khua a rawn sik leh deuh tihloh chu tih a nuam viau," A tih tak ah chuan an zirtirtu ka la be miahlo, ka bul a bag chu ban in ka phone ka hai rak rak


"Loicy-i te zirtirtu in nichin khan a rawn call che a, kalo pickup a nih kha, ka sawi tawh kha," Tih pah a ka phone min rawn pek chuan ka nui lui sak, ka kut a rawn dah deuh chawrh chuan, "i nuih a zatloh hi chuan nuih luih hi tum ṭhin tehsuh," Ati zui hlak chu ka nuih sen sen, a ṭah hleih theih chuang bawk siloh chu a nih hi maw!!

"Enge in an a?" Rinhlua aw ka hriat chuan ka en vat, a rawn nui lut vur vur, "nizan ah ka hrilh a," Tei'n a ti sup chu ka melh vak ringawt, a buai awm tehlul nen, "kan zia lutuk e, tun ah chuan oxygen pek pawh a ngai tawhlo, dar 4 vel khan doctor in a phawisak tawh," Ka ti ve vat

Ka nu leh pa, Loicy-i te ho an rawn thleng ve chiah bawk, Loicy-in, "Mummy, Ben-a nen kan mu tlang asin," Inti thei zet a min rawn nek leh nghal naw naw chuan a ti var var, a sam an phiar kak saklah chu ala inhmeh vei phian lehnghal a


"Zualbawih, haw la, chawl hahdam rih rawh, vawiin lam chu i nu te nen kanlo awm ange," Ka pa in a rawn tih chuan ka en vat, tunlai chu zu a in nasa vaklo nge ni a hmel a fai vang reng mai


Midang ho pawhin pawmpui zetin an bu tliar tliar, "ngaihtuah awm a awm rihloh hi, tihtur a awm chuanglo, i chau tih i hmel ah alang reng, luhlul lo khan haw phawt rawh," Ka nu in a rawn tih zawm ve zat, hnial ngial ka tum na in mut ve sek erawh ka mamawh tih ka in hriat chian êm avangin ka bu ta nghat


"Ka thlah dawn che em ni?" Rinhlua'n a rawn ti sup, "ni e, in thlah tir rawh, Loicy-i hi chu kalo awmpui ange, ngaihtuah suh, Isak-a bul ah Ben-a nen hian ka hruai dawn nia," Tei'n a rawn tih ve leh tak ah chuan ka mal inkar a ding Loicy-i chu ka melh zawk, a sam phiar khawih zauhin, "Ben-a bul ah lo rih rawh aw, mummy hi ka haw lawk anga ka rawn kal leh vat ang," Ka tih chuan uar zet in a bu nghat nghat


Ka bag la a ding chuan, "a nih tlailam ah ka rawn kal leh dawn nia, Te-i, bawihtei chu i kut ah ka dah rih mai aw," Melh zawk a ka tih chuan bu nghat in, "ngaihtuah suh," Loicy-i ban pah chuan a ti vat, ka din zawng te chuan ka lu a hai tak muai muai a, mut chu kalo mamawh takzet a ni

Ka haw dawn chuan ICU lam pan in ka pi chu ka en leh vang vang, ṭha chhuak leh ngêi se tih ka beisei takzet bawk
.
.
.
.
Rinhlua car ka luh rualin ka mit kham lutuk chu ka chhing nghal hmiah, "muhil rawh, thlen hun ah ka kai tho dawn che nia," A rawn ṭhut luh pah a atih pawh chu ka chhang peih tawh thlawtlo, ka mit a kham in ka lu ana ut ut, zan thum ngawt ka mumal tawhlo chu a nia

"A mutthil kha mawle," Rinhlua'n a ti hluk ri chu ka hre ruai ruai, ka ban a rawn phih sawk tu an awm avangin chiang lutuk in ka meng kawk, hnai lutuk ah Remruatpuia nen kan in melh, ka hawi nghal thuak thuak, kanlo thleng daih tawh a ni tih ka hre nghal


Rempuia'n hnai lutuk a min din chilh a min en chu melh in, "awm sawn teh," Ka ti sep, a hmel ah chuan lungawiloh na a nei tih ka hria, enge a nih hrelo mahila tun ah rih chuan in hnial buai emaw in bauh pui turin ka chau lutuk, ka kâ pawh ka âng peih ṭâwk chauh a ni


Car aṭang a chhuah ka tum chu a tawlhsawn duh eih lo, ka melh chho leh a hmelṭha lutuk ka en hian ka lungphu a rang a, ka na vawng vawng tlat zel, chuvang in a hmel hmuh tamlo thei ang ber a awm ka duh ni in ka hria, "sawi duh ineih leh sawi vat rawh," Ka ti leh sep, ka chau lutuk takzet zet a ni, in hau a, tha sên tur ka nei tawh thlawt lo, a ngawi ngal chu thaw hak a nek sawn in, "Rinhlu ka lawm e aw, tlailam ah kan inhmu dawn nia," Tih leh zawi lutuk in inchhung lam ka pan hnak hnak


Inchung a chho in kan nupa room luh mai ka tum a, ka tîm tlat chu ka hrethiamlo, nimin zinglam a ka thil hmuh khan minla ṭhawng pawh a ni mahna, Loicy-i room lam ka pan ta daih chu Rempuia'n ngawi rengin mi lo en reng, room ka luh rualin khum ah ka bawk thlawp, puan pawh sin hleilo in ka mut dan siam rem sat sat in ka mit ka chhing nghal hmak bawk


Room ah Rempuia a rawn pen lut tih menglo mahila ka hria, ka mut na rawn hniam sût ka hriat rualin ban tha chak zet in min rawn kuah nghal, ka ip zawk, tal chhuah ka tum ka che phat chu a bawpsei ṭha zet a min kherhbet nghal in, "sihhh, muhil rawh," Thawp sap a tih leh ka nghawng a rawn thawk khum ham ham, ka mur leh er er tawh, ka taksa hi ho te a danglam nghal zel hi ka in haw takzet


A hmui lum nuam zet a ka nghawng a fawp dan dan chu ka tal leh phat, mahse min kherhbet hneh lutuk mah mah, a kut in min kuahbet tlat bawk nen ka kut lah ka ti che thei tawh derlo, "ka thusawi ngaithla tawhla," Zai dam zet a ti leh sup chuan min kuai zangthal in ka chung ah a bawk kai nghal zat, ka melh ram ram, chauh nak alai hian hah a tih damloh zia chu pui tak a ni


"Ti khan min enlo teh, i ngaih ang kha a nilo tak tak, Lucy-i kha ka kut hmawr pawhin ka khawihlo tih ka chiang, in taksa sawiloh in rim pawh a in anglo hrim hrim, keimah a ding turin ka rui lutuk a chu zawng chu, mahni pawh a ka din theihloh lai in engtin nge.." A hmui hnuai a pet zauh, ka mit ah tak min en chuan, "min ring tawhla," A nui suk, a hmel hi chu sawiselbo a ni alawm, tun a a in sawifiah na zawng zawng pawh kha rinhlelh na tel hauhlo in ka thinlung chuan a ring leh nghal thlap tawh bawk, mahse tih lan mai erawh ka tum chuang miahlo


Ka thawk rang leh ta hat hat chu inthunun tum in, ka thaw chhuak ham ham, "awmsawn tawh teh, ka chau a nia," Ka ti sup, nui suk a ka hmui a rawn fawp thut chuan min fawp tawn tawn, ka dawh mawl tawp, ka chal a a chal nghat a thaw chhuak ham ham in, "muhil tawh rawh," Ti sup a ka hmui bawk a fawp leh vawng vawng chuan a let thla tap, a ban min kham tir in nghet lutuk in min kuah nghal, a awm hlai zet ah chuan mit chhing chial in ka hmai ka phum kak, nimin lam a ka natna leh ka chauh hluah hluah na te kha a reh nghal duak duak ni mai hian ka hria, ka him in ka hahdam leh ta sawng sawng mai
.
.
.
Ka phone ri ral ral ka hriat chuan meng mang hleilo in ka dap rak rak, ka dap fuh mai theihloh avangin mut la chhuak zet a meng phi luai a ṭhu chhuak chuan, ka bag chu ka ban rak rak, Rempuia kha a mu ve emaw ka tia, a tho tawh tih ka hre chiah, ka mutui hle a ni ngei ang

Te-i hming ka hmuh rual a pickup vat chuan, "Zualte, enga tinge call i lak theihloh, i pi a boral a ni, tun ah in inlam a hruai turin kan buai pui mek a," A rawn tih chuan ka meng kawk, ka khawng nghal awt thei, "ka... Ka rawn kal nghal," Ti bah nawk nawk chuan khum aṭang chuan ka zuang thla a ni hrim


Ka kawr rim chu a tui vaklo tih ka hriatin hmai pawh phih hleilo chuan kan room a tlan lut in ka in phelh sawk sawk, thawmhnaw fai in bel chuan Loicy-i room a ka bag chu la in inhnuai lam ka pan thla hlawk hlawk, ṭah chhuak tûn e tilo chuan ka mittui a tla thei derlo lehnghal


Kawngkhar ka hawng tur chu a rawn in pawt hawng ṭhuai, Rachel-i ṭap zo hlim ang mai a mit sen ram leh thip ram ka hmuh chuan ka thaw hak, in hnial a ṭan dawn a nih chuan a hunlo khawp ang

Rawn pen lut chhat chhat chuan ka hma ah ding in na lutuk in min beng sawk, ka thle sawk bawk, "engthil nge maw itih le?" Ka ti ṭhat chu ka kawr awm a rawn ṭham in, "dawt a ni, dawt a ni tih sawi rawh," A au tuar tuar, a a mittui a tla nghal zawih zawih bawk


Kawngkhar ah min hring tunu a rawn tlan lut ve chiah bawk, Rachel-i kut rawn vuan in, "Rachel insum rawh, keiman, keiman engkim ka hrilh angche," A ngen ngawih ngawih, eng chung chang nge ka hrelo na in, tun ah hi chuan hun ka neilo takzet


A kut thing thlak sak sawk chuan, "Rachel, engpawh nise tun ah hian hun ka neilo takzet," Ti leh pensawn ka tum chu min pawtlet hrawk in, "nang nen hian thisen kan in ṭawm ang maw? He nu hi i fanu tih i sawi a ni lawm ni? A ni nge kei hi min thlan? Aih, thusen in ṭawm pawh ka duhlo," A bul a anu ding chu a au khum tuar tuar, ka mit ka chhing sawk


"I nei thei ang, a ṭha em? Ka mamawh hauhlo, ka mamawh ngai heklo ang," Ti deuh hrawk chuan ka pensawn nghal, kawngkhar a Nancy-i mak tih hmel zet a lo ding ka hmuh chuan ka ding dawt, rilru nat hmel lutuk in min en, sawi mai tur pawh ka hrelo, "U Zualte, ka... Rachel-i nen unau maw in nih a?" A awihlo lutuk leh ka chhan na chu, "NILO," nise tih a beisei zia alang reng, ka mit ka chhing sawk

Rachel-i rawn nui lui uar uar in, "i mo chhuan em em in a bum che a ni tih i hre ta a, engtin nge ila ngaih ve le? Kan vai hian bum in kan awm tihna anih chu," Elhsen lutuk in a rawn ti leh tuar

Rachel-i thusawi ngaihsak lo zet a Nancy-i lam ka pan chu pawnlam ah a tawlh hret, mittui tla lek lek in min en, in her thut a tlan nal nal chu um mai ka tum a, ka phone bawk a rawn ri leh, Te-i a ni, Nancy-i tlan chu en vawng vawng in ka pickup, "ka rawn kal mek," Ti sup chuan pawnlam ka pan chu, "Hmangaihzual tun a ka nu i mamawhlo ang hian i dam chhûng in mamawh ngai suh angche, engtik ah mah ka nu fanu ini tih ka pawm ngailo ang, aih, a fanu i ni thei ngailo ang," Rachel-in mi rawn au zui tuar tuar chu chhanlet tin ah pawh ka tin lo, an nilo buaipui tir ka ngah lutuk

Dika motor lo hrufai hliau hliau chu, "kan in ah min hruai rawh, tun ah," Tih leh ka ṭhu lut nghal, Nancy-i hmel ka mitthla ah a rawn lang, in thiamloh na in ka khat, "ka tihpalh," Ka phun sep, zep ka tum hauhlo, a chhan chu min hring tunu nen hian kan inkar ah engmah a awmlo a, a awm ngai heklo ang, kan inzawm na chu, a hming a a thisen ka ni leh min hringtu a nihna hi a ni, a bak engmah a awmlo, a awm ngai heklo ang, a awm pawh ka duh heklo


***Riya***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:22 pm

STONE HEART
By floria laldansangi



27


REMRUATPUIA.....POV


Engtin nge Lucy-i nen kan nupa khum ah ngei saruak ngal ngat a kan lo mut dun theih dan ka hre hauhlo, mahni in sa seng theilo khawp in ka rui tih ka pha hauhlo na in hmangaih na erawh ka chen pui lo tih ka hming ka chian tluk hian ka chiang thung, ka rui hle na chungin Hmangaihzuali taksa leh rim hre hranglo tur khawp in ka ngaihtuahna ka hloh hauhlo bawk


Rinhlua a car a Hmangaihzuali muhil ka hmuh chuan ka thin a sa leh zak tawh, mahse rei erawh a nilo, a mitmeng dul hnak mai, chau tih hriat ngawih ngawih a min en chuan ka thaw hak, kuah vawng vawng mai chakna in min tur letling zawk hlauh leh nghal, enge thleng zawh mai ka tum a, zawhna hun ala nilo tih ka hriat avangin ngawi rengin ka zui, kan room ah chuan luh ala hreh hle tih hriat takin Loicy-i room a pan chhat chhat, ni e, keipawh ni ila, ka lut mai hauhlo ang


Ngawi rengin ka zui lut, a bag khum a theh thla chuan a bwk nghal thlawp, mu ṭha sat sat chuan a mit a chhing nghal chiai bawk, nizan zankhua in khawi ah nge a awm ka hrelo, engthil nge a tih a ti em em a chauh ni? Loicy-i pawh khawnge a hruai ka hre hauhlo, mahse a him tih erawh ka chiang hle thung, Hmangaihzuali a rawn awm aṭang a Loicy-i nunhlim zia leh min mamawhloh sawt zia ka ngaihtuah chuan ka nui suk



A mutna a mu ve chuan ka kuah nghal chat, a tal ve phat phat na in rei erawh a tal peih lo, ka in sawifiah na chu min ring chiah em ka hrelo na in a ngawi ngal thung, a luhlul zia ka hriat avangin tihluih aiin min rindan tur a awm ka thlang ta zawk

Ka ban khan tir a, ka awm a kuahbei hlu hlu chuan ka awm ah a hmai a phum kak, reilo ah a muhil nghal mai bawk, a hmelṭha zet mai chu ka en vang vang, a bek ah a sam zeh sak chuan a chal ah ka fawp vang vang bawk, hetia kuah ka chak zia hi a hrethiam phalo tawp ang, kei hian henu hi kalo hmangaih rêng em ni?

Ka nu hrawn hmel ka mitthla ah a rawn lang ka thaw hak, Ricky-a sawidan chuan a pianhlim in Hmangaihzuali hi a pa hnen a hnut chhiah in ka pa a rawn zui lut a nih kha, za lo zetin ka nui hul hak, eng ang nu nge maw a nih chiah le? Hmangaihzuali muhil thaw sek sek chu en in, ka kiai leh suk, a naupan lai chanchin a sawi lai hmel kha ka hre chhuak, a aw ri chhuak zawng zawng pawh ah pawh anat zia alang kha a nia, kei hian engthil nge ka hriat a, minbum chhuah a ka chhuah hrep ni?

Kawng ṭhenkhat ah phei chuan Nancy-i nen an dinhmun a in ang viau, a nu a hua pawh hi ka dem hauhlo a, a chungchang sawi chhuah fo a duhloh zia phei chu sawi theih ka neihloh zia ka hre chhuak, a hnar a kawk zauh in, "ka tihnat tawhloh che ka beisei ang bawkin, kan inkar ah engmah a awmloh thu sawi tawh hauh suh angche," Ka ti sup, 'kan inkar ah engmah a awmlo' ti a a sawi hian fo hian ka tum miahloh leh duhdan ni miahlo in ka chet chhuah phah fo ṭhin


Ka phone rawn ri chu en in, "ka rawn chhuak chiah," Ka pickup rual a ti sup chuan Hmangaihzuali muhil thaw sek sek chu dimte a thawhsan in a bek ah ka fawp leh zauh, nuisuk a pawn lam a chhuak in inhnuai lam ka pan nghal

Nancy-i leh in enkawl tu thar hnathawh dan tur lo in hrilh mawlh mawlh chu pan hnai in, "Nancy, Guwahati ah ka chhuk lawk dawn a nia, ni 3 hnu ah ka rawn haw ang, ka thlen veleh ka rawn bia angche u," Ti sup chuan min chhan na pawh nghaklo in pawnlam ka pan nghal


Diktea'n, "ka thlah i ngai em?" Alo tih chu ka kut vai zauhin, "a ngailo ang," Tih leh car a lut in chak lutuk in Hotel lam ka pan nghal, Hotel ka thlen rual a inchung zawl a chho in Helicopter minlo nghah na lam ka pan vat, Ricky nen Guwahati pan in kan thlawk nghal, ka rilru in Hmangaihzuali ka hrilh lo chu nuamlo ti viau mahila, a muhil tui lai kaih thawh erawh ka duh hauhlo, keimah vangin a chau hle tih ka hre si a
.
.
.
.
.
Kan thlen rualin Contractors ho bia in, Hotel sakna hmun tur vel kan en kual nghal, ka phone rawn ri sek chu ning zet a en in, Nancy-i a ni tih ka hmuh chuan Ricky-a ka melh zawk, "minlo hrethiam lawk mai," Tih leh ka pensawn nghal


"Mama, i hre tawh tiraw? U Zualtei hi..." A in hnit hlaw hlawp, engthil nge maw a hriat ni?


"Enge ni a, ṭap lo khan sawi rawh, ka buai a nia," Ka ti sup, in hnit feih feih chuan, "U Zualtei hi ka pa nupui fanu a ni tih hi i hria em?" Thinrim si rilru na aw si a arawn tih chuan ka thaw hak, ka rin dan tawk vel ni mahse a rilru nat avang a a ṭah erawh ka ring phalo kha a nia


"Tu sawi nge i hriat a?" Min rawn ko tu lam chu hawiin, "Mate ka rawn be leh angche tun ah chuan..." Ka tih lai mek in, "U Zualtei pi a boral tih i hria em? Ka kal duh hauhlo mahse nang tal chu i lan a ngai in ka hria," A rawn tih chuan min sawi ve det, chutiang a thi mai tur in damloh na em em a nei emaw nile?


"Enge i sawi awmzia?" Sana ka ban a mi chu bih zauh, tlai dar 5 a ri dawn, "nimin khan damdawiin ah an admit tih chiah ka hria, nizan zankhua in U Zualtei damdawiin a awm kha, i hria emaw ka tia, i zin chhuak tur pawh kha hrilh che ka tum a, min ngaithla silo a," A aw ah chuan min dem zawk mah mah, Hmangaihzuali lak ah a thinrim emaw tih lai a, kei mindem


Kei erawh in Hmangaihzuali ka dem takzet, a pasal ka ni a, min hrilh tur a ni lawm ni? Nge keiai a bialpa Rinhlua a ring mah mah zawk, thinrim in seh ruh zetin, "ka hria e, ka rawnbe leh angche," Tih leh off in Ricky te din na lam pan chuan, "tun ah Mizoram ah kan let angai, helicopter bia la, darkar chanve hnu ah Hotel LUNA ah an rawn thleng tur a ni," Tih leh ka pensawn nghal


"Engthil nge thleng teh thut a, Bawiha ti mai chuan kan haw thei rih miahlo tih i hriat kha,". A rawn tih chuan car a lutin, "Hmangaihzuali pi a boral a nih chu, rawn lut rawh," Ka tih zawmzat, min hnial a tum deuh ûk chu ka en rûn avangin a dar san ak chuan a rawn ṭhu lut ve vat, chak lutuk in ka tlan chhuak nghal


Hotel ka thlen rualin car aṭang a ka chhuak chu ka rinloh tawp in Lucy-i ka hma rawn ding chu ka en haw, enge hetah a tih? Tun a ka hmel hmuh peihloh ber te zing a mi a ni hial ang, "Engthil nge ka hmuh hi, min zui chu a ni êm lo maw Rema?" A nui suk, ta deuh deuh chuan, a ni zui kual turin ka hun ka ui mah mah


"Kalsawn teh," Tih leh ka pensawn nghal, "kan haw tlang dawn em niang, ni 3 hnu ah ka haw dawn a," Hnunglam aṭang a rawn tih leh chuan chhan pawh ka chhanglo, a ni nen a haw tlan chhan turlah kan neilo

"Heihi enteh," Ricky-an a phone ka hma a arawn lek chhuah chu ka melh zawk, rang lutuk a hawi let in Lucy-i awmna lam pan leh pawk pawk in hnai lutuk ah ka din chilh, "engthil phiangsen nge Media ho i hrilh?" Ka ti hrawk, a nui hak, a kut a ka awm rawn zut de de chuan, "kan pahinh inkar," A ti sep chu a kut ka paih sawk, "kan inkar ah engmah a awmlo tih i chiang em? Ricky tun ah Mizoram chanchinbu mi zawng zawng call la, hengthu lawi lo vawrh darh tu te zawng zawng hi dan ang a an chung a hma kan lak tur thu hrilh angche," Lucy-i melh hrawk chung a ti chuan ka ner nawk, a hmel a a thinrim zia chu a lang a puak kehlo chauh zawk a ni


"Darkar 1 hma in an delete in ngaihdam dilna an ti chhuak tur a ni," Ka tih zawmzat, Hmangaihzuali'n ngaihdan diklo a neih phah phei chuan Lucy-i chawp hian ka nghawng tir duh hial ang, "Remruatpui kan inkar ah engmah a awmlo ti tur in enge thlsng kan hriat kha," A rawm ti chang fak fak, kiai suk a pensawn pahin, "i taksa it awm vaklo khawih duh tur khawp in ka â lo e," Ka ti chu a tuar na deuh nge, hnunglam aṭang mi rawn au tuar tuar, chhanglet turin hun ka nei lo nasa lutuk
.
.
.
.

ZUALTEI......POV

Kan in a lengkhawm ri tleng tleng te leh ṭhenawm khawveng, nu leh pa zai ri hriat chuan minti na in min hmet chau takzet, ka hawi kual, mite lo ṭhat zia hi a thar i. ka hria ka tilo theilo, Mizo nih hi chhiat kan tawh leh harsatna kan tawh chiah hian a nawm zia leh a thlamuan thlak zia a lang chhuak ṭhin, keini chhungkua khawtlang leh kohhran tan a mi ṭangkai lo ber mai inchhung a heng zat hi an pung khawm a nia

Ka thawhpui te, Doctor min nel em em lo te, nurse thleng rawn kal ṭha hnem tak te chuan lung anti chhe rum rum, khawvar lam a vui tur a nih avangin tlaivar tur nula tlangval an rawn kal sap sap bawk


Doctor rawn kal ve dang haw tur chu kawngpui thleng ka thlah, "Doctor Zualte han inti chak hram hram teh khai, a chawlh hmat hi i pi tan pawh a nawm na tur a ni thei a nia," Cancer center director ber in a rawn tih chuan ka bu nghat, "ni e, in rawn kal thei hlawm a ka lawm lutuk e, thla inti muang," Ka tih chuan ka dar a rawn beng thak thak in, "kan haw phawt ange, naktuk lam ah kan rawn lang ve leh dawn nia," Ti liam liam chuan an car ah an lut chu ka en reng


An tlan liam rual a inchhung lam ka pan leh chu, "Rendezvous Hotel nei tupa leh Doctor Lucy-i hi anla inzui tak tak a mi le?" Nula ho phun sar sar ka hriat chuan ka ding dat, an phone an bih leh sap sap, ka ip te ka phone chu phawrh in ka en ve nghal, Milar te News ah anla in kawp thu leh tun ah Guwahati Hotel ah hmuh dun an nih thu te, thu tamtak mai a inziak ka chhiar zo senglo, ka nghilh dup, tun mai a upload ala ni zui, ka tha rawn ṭhûm ta chu ka sir a ding chu tunge a nih pawh ka hrelo, ka ner rawk rawk


"Zualte," Rinhlua aw a ni, ka lu hai lutuk leh na lutuk chu ka khaw hmuh a thim mûp, "i ṭha lo tawp mai," Tih leh min pawm kang lawp, khawilam nge min pan pui dawn ka hrelo ṭang buai tur in tha ka nei heklo


Khum ah min nghat tih hriat takin a dûp sût, "Te-i nachhawk na khan chiu rawh, ka car ah drip a awm ka han la ange," Rinhlua'n a ti ri chu ka hre ruai ruai chauh a ni, men tum eng ang mahila tun ah hi chuan a vawt ka ti in, ka mit hi charbeh ang hmiah a ni, ka mitmu tih chet ringawt pawh in a na kham ut ut thei


Vawh tih vang a ka taksa khur der der chu eng emaw rih zet maiin min rawn delh chu ka hre ruai ruai, taksa a ni, tu taksa nge ka hrelo na in min delhbeh erawh ka feel in tlem chuan a ziaawm khawp


"Engthil phiangsen nge itih kha?" Chu aw ṭeng zet chu Rempuia aw a ni, lengkhawm ri dup dup kar ah pawh a aw chu fiah fia fia tak a ni, nge ni a, kei hian ka hresual zawk, min delh bet tu chu lak sawn daih ang in ka zang hawk bawk


"A khua a sik nasa hle tih i hmulo em ni?" Rinhlua a ni, ke meng diar diar, in bengkân mai ka tum a tha ka nei derlo, "i khawih a ngai hauhlo," Rempuia'n a ti hrawk, an ṭawng chu chiang takin ka hre thei

"Remruatpui, mioa chu ila inti ve takzet amaw? Nat tlawk tlawk a i nupui a awm laiin hmeichhe dang buaipui in i awm a?" Rinhlua chuan a ṭawng a seh chilh nawk nawk, ka na lutuk chu ka thaw ṭha theilo hial in ka hria, Rempuia hian a nupui ang in min ngailo tih ka hria, mahse mihring ka nih ve na ah minzah erawh ka lo phût ve ṭhin kha a nia, kalo phût sang mah mah em ni

"Engmah i hrelo," Rempuia'n a ti hrawk, ka meng a ka harh vat a nihloh chuan Remruatpuia kut ram lutuk hian a khawi leh duh mai ang, zahlah a hrelo ve nasa ropui mai si a



Harsa ti zet a in beng kang chuan Rempuia'n, Rinhlua kawr awm a a ṭham chu ka melh, ka rin ang chiah a ni, min rawn en ve zat bawk


Rinhlua'n a kawr awm Rempuia'n a ṭham na phih thla sawkin, "tun aṭang chuan ka enkawl tawh ang, i hmeichhe kawp lai chiah ngaihtuah rawh," A hrilh pawh a nilo, a ti ngei ngei dawn tih alang reng, "pawn ah kalo va awm ange," A tih zawm zat, ṭawngkam a chhanglo in ka mitmei zauh

Rinhlua chhuah rual a Rempuia ka lam rawn pan chu melh pawh melh nawn tawhlo in thawh ka tum, ka tho lo a nih chuan he mihring zaktheilo lutuk hi a rawn in thawlh veleh duh mai ang, ka lu na lutuk chu a puak keh mai dawn in ka hria, ka ding tur kat deuh nak min rawn dawm chu muangchang a ka kut la let in, "puih ka ngailo," Thinrim a au khum turin chakna reng reng ka nei tawhlo, "bawihi," A ti sup chu ka kut chung lam a phar zeuh in, "ka chau lutuk," Ka ti sep, ka ti tak tak bawk, a ni emaw Lucy-i pawh nise an chungchang hria a, in hnialpui tur in tha chhe mah sên ka tum tawhlo, in sawifiahna ngaithlak nan hunlah ka nei heklo


Lengkhawm zai kar ah chuan ka lut phei, ka pi ruangbu, ka nu leh pa bul ah chuan lu na lutuk in ka ṭhu ve ran, Rempuia'n min rawn en ngar ngar chu enlo mah ila heng mipui zozai kar ah hian ka taksa hian a hre hneh lutuk mah mah


Hunserh hman te, thlalak leh ka pi kan vui liam thleng chuan ka mang lam hriat ruai ruai, engkim mai chu fiahlo ruai hian ka hria, damdawi tha tak meuh meuh in ka ding in ka ṭawng a ni ber, ka mittui farkhat mah a tla lo na in ka chau in ka na ngut ngut, ṭap chhuak ila, ka na zawng zawng hi au chhuah pui ila hei ai hian ka na lo zawk mai thei a ni
.
.
.
.
"Kan haw phawt ange, Zualte in enkawl ṭha la aw, damlo mai tur hmel i pu a nia," Ka pa cousin Pate Hriata'n nui vur vur a a tih chuan ka nui ve suk


"U Rem, thla kan la dun thei angem?" Ka hnung a ding ve run Rempuia lam pan chuan a Patea fanu in a ti chu ka khak vat, ka pi ruang ni aṭang khan ala awm ve ngar ngar, makpa tak tak te pawh a ang ni mai lo in, lunglei lam a kan chhung te leh kan khua aṭang a rawn kal ve ho chuan makpa fel leh ṭha tak chhuah in an chhuah vek, lem a chang rei peih hi kan ti khawp a


"Tehreng mai," Rempuia'n a ti sup chu ka melh vak, "U Zualte lo kal rawh nangpawh," Tih leh ka bân a min pawt chuan ka in kar ah a ding, "pa lo hmet rawh," A tih zawmzat, a pa lah chuan nui vur vur in a ban ve mai bawk a


"Zualbawih nui ve deuhla, ṭap tur i ang alawm," Pate'an a rawn tih chuan ka nur nang, ka ang tak tak viau in ka ring a ni, "a tawk e, car ah lut tawh rawh, kan thleng tlai lutuk ang," phone rawn pe pah a atih chuan, Hlu'in Rempuia en chho vur vur in, "Lunglei a in Hotel ah sawn ka birthday party kan hmang thei angem, vawikhat chiah?" Ngen ngawl lutuk a a tih leh chuan a dar a beng thak in, "lut rawh, awihawmloh lutuk," Ti hlak chuan ka melh vak


Rempuia'n nui suk in, "min rawn biala kalo ruahman dawn nia," A tih chuan ka melh hrawk, naupang thusawi mai mai lak thutak a ngai miahlo, bakah ka laina ten a antih buai turin kan inkar ah hian engmah a awmlo


"Yes, ka lawm e, U Zualte i vannei e," Nui awr awr a a tih chuan ka ṭah te a chhuak lam lam, vannei? Ka nuih te pawh a za zawk in ka hria



Patea te an tlan liam chuan ka pa chu ngawi rengin in chhung lam a pan, ka zui lut ve tur chu Rempuia'n ka ban a rawn vuan a min pawt sawn in, "in biak kan ngai," A ti sup, thaw hak a min vawn na dah sawn sak pah chuan, "Lucy-i nen in chanchin a nih chuan i sawi angailo ang, ka sawi tawh kha kan pahnih in zawm na chu paper ah chauh a ni, a bak engmah a awmlo, in lam ah haw tawh rawh, Loicy-i ngaihven i mamawh ang, ka pa te hi tunkar chu kan awmpui rih ange," Tih leh min chhan na pawh nghaklo in ka in her, "Hmangaihzual, i chiang a maw engmah kan pahnih inkar ah hian a awmlo tih?" A aw chu chang tak a ni, rilru na te pawh a ang lek lek, mahse nat chhan tur a nei miahlo, min hmangaih sawiloh, min duh na chhe te mah a nei ve tlat lo, hawilet lo in, chhang pawh chhang tawhlo chuan inchhunglam chu chak thei angber in ka pan



Ka pa kawngkhar bul a lo ding a min en reng chu, ka melh zawk, Rempuia car chak lutuk a tlan chhuak chu en in, "i hmangaih a ni tiraw?" A rawn ti sup, ka en kawk, "pa," Ka ti vat, mahse hmangaih a tih lai a ka lungphu mai nilo ka chhungril a khawi emaw lai ah hi chuan an pawm thlap tawh tih ka hria, phat rual loh in kei hian Remruatpuia hi ka hmangaih a ni


"Chaw ei an siam kha va pui bawm rawh," A ti zawmzat chu chhang tawhlo in ka lut nghal, "Zualte khawnge inpa kha, chaw ei kan hman tawh si a," Chaw ei tur a inbuat saih chung a minlo zawh liam liam chuan kawngkhar lam melh leh chuan, "Hotel lam ah hna ṭul a nei thut a," Ka ti ve mai, khawilam nge a pan dawn phei chu ka hrelo


Chaw ei lai pawh chuan Remruatpuia fel zia an sawi sep sep, ni e, hetia en mai chuan makpa neih chhun, ṭangkai leh inle zo tak a ang êm a tin ni, tumah hi dem thei pawh ka ni neklo e, Remruatpuia thluak hman zat ve pawh hi kan pha hlawm lo chu a nihber hi maw

Mikhual leh inleng ṭîn meuh chuan tlai dar 4 a ri dêr tawh, "ka haw phei ve dawn em ni ka ti Zualte," Tei'n choka aṭang a rawn chhuak pah a atih chuan couch a zawi lutuk a ṭhu chuan ka en, a hah viau ang, Isak-a damdawiin ah ala awm ve bawk nen, zan lam tihloh chu minla kalsan lo hrim hrim


"Ka lawm ngawt mai i awm hi chu, i chau ngawt ang, naktuk a ni lawm ni Isak-a pawh a chhuah dawn?" Ka tih chuan bu nghat a rawn ṭhu chuan, "kan tum dan chu a nia, awm rihse ka duh viau na in, a duh tawh thlawt silo a," A tih nuah nuah chuan ka nui hak, damdawiin hi chu a ninawm ve êm a ni


"Mummy," Kawngkhar lam aṭang a Loicy-i aw ka hriat chuan kan hawi vat, Nancy-i nen rawn lut chuan ka lam ah a rawn tlan nghal, Nancy-i hmel ah chuan sawi duh a nei tih ka hria, Te-i ka melh zawk, "Loicy, Ben-a muhil kan kaitho dawn em niang?" Tih leh ka mal chung Loicy-i ṭhu chu a rawn ban, phur lutuk a Loicy-i ter at at in, "keiman, keiman," Tih leh room lam ah a tlan lut nghal, khawiber ah nge a mut pawh chu a hre chuang silo a


"Thlang lam ah khuan inbia ila," Tih leh ka ding nghal, ka pensawn chu mi rawn zui ve mai bawk, chair kan dah a ṭhu thla in, "Loicy-i khawsik enge a an?" A rawn ṭhut thlak rualin ka ti sep, "a ṭha tawh lutuk e, damdawi i rawn hawn tir kha ala ei char char a," Ti chuan mi rawn en vang vang, "U Zualte, ka ngaihtuah, Mama sawi angin i thiamloh a awmlo in ka hria," Atih zawm sep


Ka nuisuk ringawt, han chhan vak ngaihna ka hrelo, engthil chiah nge an hriat ka hrelo bawk nen, Rempuia'n, Nancy-i lak a chutiang thu a sawi chhan lah ka hre heklo, a nu hrawn nen kan inkar ka sawiloh vang khan mindem hle zawk si a


"I pianhlim in Rachel-i nu hian a kalsan che tih ka hria a, ka pa min kalsan dan nen ka dinhmun ah ka dah a, ka hrethiam tawh che," A rawn nui sak,"ka tihpalh aw," A tih zawmzat, "a ho lutuk, i cooking class kal chu enge a an?" Thudang sawi ka duh, min hring tunu emaw a kaih hnawih thil engmah hi hriat ka duh rihlo

"A nuam lutuk, Mama pawhin engmah a sawi buailo a," A hlim zia alang reng, "ava lawmawm ve," Ka ti sep, min en vang vangin, "Mama nen hian engvang a innei teh thut nge in nih chu ka hre chiahlo na in, in in hmangaih tih chu ka hria, in hau tawh tehsuh u," A tih chuan ka nui chhuak lo chauh, keichuan ka hmangaih tih ka pha hauhlo, sawi chhuah kher erawh ka tum chuanglo na in, Remruatpuia hi chuan min hmangaih nilo in, ka pa leiba vang chauh a, a thiltih theih zia lan chhuah tir a tum na pakhat ve mai chuah ka ni


"Nancy, mummy bul ah hian ka awm thei tawh angem?" Ka ṭawng hma a Loicy-i rawn chhuak a ka bul a rawn ding pah a atih chuan ka nuih var var, "zanlam ah in rawn lam mai dawn em ni? Naktuk school kal angaih chuan," Nancy-i en pah a a ka tih chuan a bu nghat, "zan ah lengkhawm a rawn kal ka tum a, ka hruai pah mai ang, a nih bawihte ka hawsan dawn che aw," Tih leh ding in, "U Zualte, ka haw hmasa mai ang, nangpawh rawn haw vat la ka ti, inchhung a reh lutuk a hreawm," A tih chuan ka nui ringawt, theihse chuan let tawhlo vang vang a nia ka nâp zawk ni


Nancy-i chhuah hnu a Te-i kan ṭhut na bul a rawn ṭhu chuan, "Remruatpuia nen a in awmdan hi ka hrethiamlo," A rawn ti sep, ka nui hak, Ben-an, Loicy-i rawn koh chuan Loicy-i pawh a tlan chhuak ve leh mai bawk


"Engtia awm chhunzawm nge i tum reng reng, Lucy-i nen an inkawp phei chuan?" A tih leh chuan ka sawi thiam siloh in ka na ru leh veng veng tawh, ka mitthla ah an awmdun lai bawk a rawn lang leh


"Kan inrem na ala tawplo a, heti hian kan awm ve naw naw a ngai chu a nia," Ka ti sep, keipawh in kan awmdan hi ka hrethiam teh nuaihlo


"Chhuahsan i rilruk ngai em?" Te-i tak hi chu, ka lu ka thing, "ka duhthlan na hmang in ka pen lut a, he inzawmna hi a tir aṭang pawmlo tak tak ni ila chuan ka pa mualpho aiin ka mualpho na a lian dawn tih ka hriat vang a nia ka pawmpui ni, a tawp thleng thawm neilo a engkim fel tak a tih ka duh ber," Ka tih chuan a bu nghat, ka ngaihdan tak tak a ni bawk, mahse a tawp thleng hian tun a ka chak leh ka in rintawk ang hian ka chak in, ka in ring tawk takzet a ngem? Natna bak ka chhuahpui dawnlo tih lah ka chhungril ah hian ka hre ve rân bawk


A tir khan tihluihna hmang mahse mihring hi thah a kan in vau ngawt te a nihloh chuan duhloh a in nawr luih hi thil har tak a ni, duhthlan tur dang chu minpe lo ngei alawm, mahse bul ṭanpui erawh ka duh thlan na ala ni, patling in thu a tiampui a, ka pa thutiam tih hlawhtlin nan leh kan hming a hliau loh zawk nan a bul ṭanpui kha ka nia, nilo, ka hma ka sial vang pawh a ni zawk angchu, miten, "Doctor Hmangaihzuali, a pa chu.." Ti a an sawi ri ka hriat ngamloh vang a niber


"Bakah ka min hring tunu chanchin a hre tawh a, a inchhung ah min kawl rei vak peihlo ang," Ka kiai suh, Te-i pawh rawn nui sukin, min em deuh vang vang


"Sawiloh ka tum zet a," Tei'n a rawn tih chuan ka en hâ, "enge?" Tih melh chuan ka melh, thaw la deuh hakin, "i pi boral hma deuh khan Nu Siamthari a rawn kal a, i pi nen an inbia a, enge an sawi ka hrelo na in i oi chu a thinrim hmel khawp mai," A tih chuan ka en kawk, engthil nge ni ang? Ka pi ka ngaihtuah chhuak, min hring tunu chanchin hi a chhelam in vawikhat mah ala sawi ngailo, hmel danglam pu in a sawi chhuak ngai heklo



"Enge ni angle?" Ka ti sep, ka ngaihtuahna erawh a kal thui takzet, chutiang a ka pi thinrim na thlen tur in engthu nge an sawi ang, thuruk kan hriat ve chiloh nge ni anga, min kalsan vangin ka pi hian a hau in a thinrim ni ang, chutiang pawh chu a ni maithei a ni, thih dawn ah a rilru a awm te a sawi chhuak in, a thinrim na a lei baw ve te pawh a ni mahna


***Riya***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:22 pm

STONE HEART
By floria laldansangi

28




ZUALTEI.....POV


Karkhat zên zawn ka pa te hnen a ka awm hnu ah Rempuia inlam ka pan leh hna hna chu a nia, inchhung ka luh chuan tumah anla tho tih hriat zet in a reh ruih, inchung a chho tlang lo chuan choka lam ka pan nghal

Choka a ei tur ka lo siam mawlh mawlh chu hnunglam aṭang in, "tunge inih a?" Rawn ti tu lam chu ka hawi vat, Rempuia khan lâng a rawn kal an awm dawn tih a sawi kha ka hre chhuak zawk


Nui sang in, "breakfast chu keiman kalo siam ang, tihtur dang ineih leh ti zawk rawh," Han insawi mai dan tur ka hriatloh avangin ka ti vat, min en vang vang, "mahse Pi Lucy-i ei duh i hria em ni?" A tih chuan ka bread la chhuak tur chu ka tawp chat, tuma hrilh ngailo in khang kar chhung zawng khan Lucy-i nen an chengdun tih ka hre nghal



"Mummy," Loicy-i aw ka hriat chuan ka mittui rawn tla tur khap let sak sak chuan ka in her, "ohhh, Loicy-i nu maw inih a?" In thiamlo tih hriat zet a min en chu, "a pawilo," Ka ti sep, mahse ka tlawm a ni, ni e, ka tlawm leh ta


"Engtik in nge ilo let, i thawm ka hre miahlo," Loicy-i chair a ka ṭhut tir chu Nancy-in a rawn ti vat, "ala reilo, ei ru, in tlai ang, class kal i ngai ve a ni lawm ni?" Nancy-i en chung a ka tih chuan ka sandwich siam chu chhawp in, "i siam chu a tluklo mai thei a," Ka nui suk, "kan ei ange, chuan mark ka pe angche," A tih chuan ka nui hak


Dinning hall kawngkhar bul a ṭang, "ohhh, Zualtei chu i rawn let tawh a," Lucy-i, Rempuia kamis chhing teu mai a ha chung a rawn pen lutin dawhkan a tui in chhawp chu thli chhuak in a in nghal zat, "enge hetah itih a? Rawn kal tawhlo turin Mama khan a hrilh che si a," Nancy'in alo ti hlak chu ngai pawimawhlo fahran a nui hakin, "i hmu ang hian," Tih leh in enkawl tu chu melh in, "coffee minlo siam ve rawh," A tih zawmzat


"A ngailo, siam angailo, kan mikhual a nilo a, inleng atan lah kan duhlo, police ka koh hma hian chhuak vat maiteh," Nancy'in a ti hlak hlak, kei erawh ngawi rengin ka ṭhu, Loicy-i en zauhin, "ei vat vat la school kan kal dawn nia," Ka ti sep, ka kawchhung sat zia leh nat thip zia chu ka puak keh dawn hian ka hria


Lucy-in thinrim zetin, "Nancy, Hmangaihzuali chhuah rual a i U nupui tur chu keimah ka ni, min zahtur in ka tilo che, mahse fimkhur angche," A ti ṭhat chu Nancy-i a nui hul hak, "zahna tla chham lutuk," Ti hrawk in,"kawngkhar i hawnsak leh chuan kan in ah hnathawk turin i rawn kal buai a ngai tawhlo ang," In enkawl chu melh hrawkin a tih zawmzat


Rempuia rawn lut in min hmu thut chu a ding ve deuh dat, ngawi ngal a rawn ṭhu in, "Lucy-i, i tih tur i tih zawh chuan haw rawh," A ti nghut, Lucy-i thinrim hmaisen tawn tawn a min rawn en in a inher vut, a pen tau nghawng nghawng chu Nancy-in, "chawh lutuk," Ati leh hram, ka kiai suk, hetiang a an awmtheih thu sawi tu zawk ni mahila, an awmdun a ni tih hriat leh hmuh erawh anatdan a dang daih, ka thawk a harsa a, ka awm hi a thip in ana veng veng bawk


"Daddy enga tinge alo lên ziah a?" Lucy-i chhuak tau nghawng nghawng en a, a pa lam hawi leh a Loicy-in a tih chuan ka nuih a za thut chu ka nui chhuak hak, Remruatpuia chu a rum nghut, mahni fate zawhna siam khawp in a hruailut ngun tihna a ni mai sia, zahthlak hian


"Ei vat vat la, school kan tlai ang, ka han in tifai anga, ka rawn chhuk chuan kan kal dawn nia aw," Tih leh ka ding nghal a bu ve nghat, Rempuia'n min en reng tih ka hria, ka melh duh ṭhak lo, ni lo, a hmelṭha lutuk ka en hian ka nat a zual tlat a ka hriat vang zawk a ni


Inchung a chho chuan kan nupa room zawn ah chuan ka ding deuh vang vang, "lut rawh, i ngaih ang khan engmah a thlenglo," Rawn ti thum nghut tu lam chu rang lutuk in ka hawi, step ah a rawn pen chho pawk pawk in, min kal pel fua chuan room ah a lut tlang nghal, ka lungphu bawk hi enga tinge a ran leh tak em em mai le? Ka bul hnai a a awm sawiloh ka hmuh phak a awm ringawt pawh hian ka zâm in, ka danglam tlat ṭhin hi keimah ah hian diklohna a awm zawk emaw ni


Muangchangin ka pen lut, kan nupa room ni si ah chuan, midang room a lut ang mai ka ni, ka sawi thiam dan ber chuan, 'ka mikhual' dûk in ka in hreber


"Khatia thilru tur ang mai a awmlo khan rawn lut raw," A ti leh deuh hrawk chu ka melh vak, a sawi dik ve bawk sia, engah mah ngailo ang a thaw la hak a bathroom lam pan in, ka luhrualin ka thaw chhuak hawk hawk, hmanhmawh lutuk a in ti faiin ka chhuak leh nghal


A kawr hak phelhin kawr ha lo a a ding luah mai ka hmuh chuan a ai nasa in ka lungphu a rawn in vuak thum tluk tluk, ka chil ka lem khalh, a chet zawng a a dar thazâm che ṭalh ṭalh leh hnunglam aṭang pawh a taksa in phiar ṭâng mai chu thlir ngawih ngawih tham a ni



"Min thlir reng dawn nge i inthlak ve dawn?" Nuihza aw lek lek a a rawn tih chuan ka harh zawk, kalo en reng tak tak lehnghal hahthlak hian!!

Rang lutuk a ka thawmhnaw awmna lam pan chuan ka hawng nghal rawk rawk, a nui ri huk chu ka hre reng na ka haider hmiah thung, engah mah ngailo ang mai in ka kawr hak chu kan hlip ve pap a, ka hmul thi a ding sur sur lo chauh a ni, min rawn din hnaih hret phei chuan ka vun te hi a bawl chhuak ṭiam ṭiam in ka hria


Rang zet a kamis var la chhuak in ka in ha nghal sawk sawk, ka chetze lai lutuk erawh a hriat thiamloh hram ka beisei, ka kekawr hak ka phelh tur chu bang ngheng a kawi sawi zet a ding a mit tla lo chauh a min en tu chu ka melh zawk, uluk fahran a min en in lungawi hmel lutuk chuan a nui suk suk, ka lai em em ringawt chu ka in haw ru hluah hluah

"In phelh rawh ka hmuh hmuh vek a nih kha," Nui ṭhu a a tih chuan rum tawkin ka en, a sawi kher kha a ngai hauhlo


Ka kekawr phelh chuan smart-pant dum ka in thawlh nghal zat, ka kamis bak bilh lut in, pheikhawk flat bun in, ka sam chu ka chhip ah sang lutuk ah ka bawk tawm, min la en ngar ngar, ka che khawr lo chauh bawk, "i sam kha thlah rawh," A rawn ti sup chu melh zawk in, ka bag la in kawngkhar lam ka pan san nal nal chu ka hnunglam aṭang a ka sam tawm khawm na lutuk a rawn pawt sawk chuan a pawt phelh sawk


Rak ṭhat in, "Remruatpui," Ka ti ṭhat chu rawn hawilet miahlo in inhnuai ah a pen thla pawk pawk chu thinrim lutuk in a hnunglam aṭang ka melh hrawk, phun hlak hlak chung a step a ka pen thla chu, step tawp ber a ding in ka lam a rawn hawi chho, a nui vur vur, a nuih mawi zia chu rapthlak zawk hian, naupang kum 10 mi ang mai a ni alandan chu, naupang in an duh an hmuh a an hlim hmel hi a ang ber



A bul ka thlen thlak rualin, a kut melh zauh chuan, "min rawn pe rawh," Ka ti nghat, ala nui vur vur, a kut a ka sam ṭawn na a ken chu a ipte ah a thun hmiah, rum lutuk in ka melh, ṭawng tum a a kâ a âng zuai tih ah dinning hall aṭang a Loicy-i rawn tlan chhuak in, "Daddy in hman tawh a mi? Kal tawh ang u," A rawn tih lang lang chuan Remruatpuia chu ka melh leh hrawk



"Kal ang," Tih leh Remruatpuia nui vur vur chu kalsan in Loicy-i kai chuan ka pen chhuahpui nghal, "ka drop angche u," Kan hnunglam aṭang a Rempuia'n a rawn tih chuan hrelo ang hmak in ka awm, gate lam panin kawngpui lam Loicy-i kai chung chuan ka pan hlawk hlawk


Vanneih thlak lutuk in taxi a rawn tlan chiah bawk, Rempuia'n car a rawn khalh chhuak tih ka hriat avangin rang lutuk in taxi chhung ah Loicy-i chu ka ṭhut tir rawk rawk, "Mummy, daddy kha kan bul ah a kal ve theilo em ni?" Loicy-in a pa car kan hnung a tlan chu en vauh vauh chung a a tih chuan ka ṭhensak ringawt, sawi tur lah hi a vang thei si a



"Ka pi khawilam ah nge in kal dawn?" Driver in a rawn tih chuan ka kal duhna pawh kala sawilo tih ka hre chhuak chiah, Loicy-i te school awmna chu ka sawi vat, Loicy-i en leh in, "fel deuh a school ah awm tur aw, in ban dawn ah U Diktea'n a rawn hruai angche," Ka tih chuan a bu nghat nghat, "Mummy sawtah min kalsan tawh dawnlo tiraw?" Min rawn melh chho kiau, ka nuihsuk, engtik ni ah emaw chuan kala kalsan in, a pa in nupui dang nei in Nu thar a nei anga, minla theihnghilh dawn si a, chu thu ka ngaihtuah ringawt pawh chuan ka na veng veng thei


Loicy-i school a ka thlah hnu ah bank ah ka tlang nghal, SBI office ka luh rualin, "Ehe! Doctor Zualte, enge i rawn tih ve dawn teh mial?" Bank manager Steve-an nui var var a alo tih chuan a ṭhut na hma a ṭhu thla in, "inbuai loh lai ka rawn chuh deuh a, ka loan rulh chungchang....." Ka tihlai mekin, "E khai! Inpa khan a hrilhlo che em ni? A rulh zawhna a rei tawh a lawm, engmah i rulh a ngai tawhlo," Keiai a mak tih hmel fê zawk a min en chuan sawi mai tur pawh ka hrelo


Engtik in nge a lo rulh rêng ni? Engmah a sawi hauh silo a, bakah rulh tur kala ngah nasa mai tih ka hria, chung zawng zawng chu a rul zo vek a maw?


"Engmah i hrelo tak tak em ni?" Ka chhan mailoh avang a mak ti zet a a rawn tih leh chuan, za lo zetin ka kiai suk, "a reng reng in nula emaw tih lai che a pasal ilo neih daih ni? Damlai lu min sûn tir ringawt alawm," Nui vur vur a a rawn tih leh chuan ka nui suk, tlangval senior zet fiamthu duh a fel viau e tilo hian, min en dan hi ka ngaina hauhlo


"Ka pi boral vel nen ala sawilo a nih dawn chu," Nui sak a ka tih chuan a bu ve nghat, "mo lawm in in rik hut hut ka rin nen, in dai teh ṭhap lutuk a," A ṭawngkam vel chu Rempuia leh Lucy-i te thuthang a hria tih alang reng, ka nuilui hak hak, "ri hut hut turin kan tleirawl tawhlo emai, khatiang hunlai kha kan pel ve ta te pawh a nia nge, ka kalsan phawt angche, ka lawm lutuk a nia," Tih leh ka ding chhuak chu, "Rendezvous Hotel nei tunu han nih meuh chuan i buai zual ta hle mai maw?" Kher zel chuan


"E khaih! Ka thawh chhuah a tel lo emai, a neitu ah pawh ka in ngai hleinem, a nih ni hman nuam le," Kala nuisang, ka mizia a hrechianglo mah mah, hriase chuan min kher peih tawp nang


Bank ka chhuahsan rualin ka phone phawrhin Rempuia ka call nghal, "bawihi tun ah chuan kala buai deuh a, nakin deuh ah kan inbe dawn em niang?" A pickup rual a ṭawng pawh ka ṭawng hma a arawn tih chuan a off lehnghal, angaihna hrelo zet in ka phone ka melh vak ringawt, leiba neih belh ang a ka in ngaihna lah chu a lian tulh tulh lehnghal

Taxi rawn tlan chu phar dingin, "cancer canter," Ka ti sup


Hospital ka luhrualin Tracy-in mi pakhat biak a tum ni awm a a kut a phar kual vak vak chuan, "a naute saw, kan zai chhuah a ngai, bâwk, hetah hian bâwk a awm, i hrethiam em bâwk lian pui a awm," Zaizir meuh a chiang fahran hrilhfiah a tum lai ka hmuh chuan ka pan hnai vat, "enge ni a?" Ka hmel a hmuh rualin a thaw hawk, "Lalpa leh!!! A ṭawngthei silo a, a beng a ngawng bawk si, ziak a hrilh kan tum leh a chhiar hleithei silo, engtia tih chi nge pawh kan hre tawhlo," A sir a ding patling melh zawk a beidawn hmel zet a min rawn en chuan nurse leh doctor dang ho chu ka en kual, an hmel landan ah an bejdawng he tih a lang

"Enge buaina ni a?" Ka tih chuan Tracy-in medical report min rawn pek pahin, "a nupui raipuar hi kan zai vat a nihloh chuan a nun na in a chan mai dawn si a, engtia han hrilhfiah chi nge ka hrelo, a neih ala hunlo tih buai in a buai bawk si," Beidawng zet a chair a ṭhu thla hnak a a tih chuan ka nuih suk, a hmel chauh hmel lutuk leh an ṭawng in man lo lutuk chu an hmuh nawm letling phian lehnghal


Damlo pasal ni ngei tur chu ka en, "engthil nge awmzia doctor ka nupui hian thla 6 chauh nau ala pai si a, nimin mai pawh khan kan in checkup a, doctor pawhin, engkim a ṭhat thu a sawi bawk a ni," Zaizir a min rawn hrilh chuan ka bu nghat, "inbeng dai la, tun ah hian i nupui hi zai a ngai a ni," Ka tih chuan a meng kawk


"Enge i sawi awmzia?" Kut zaizir bawk in a rawn ti leh, hlauhthawng hmel a pu nghal bawk, engmah a nupui chanchin a hriatloh dan a thildang awm tur a ka ngaih a vangin


"In doctor pan na lehkha, heilo medical records dang in nei em?" ka tih chuan a bul a bag bal ve lam pang, chhe ve deuh tawh lam pang chu bu nghat in a hai nghal rak rak


Paper pakhat hi rawn phawrh chhuakin, "heihi a nia," Zaizir a a tih chuan ka la vat, Doctor phone number awm chu ka call nghal


"Hello, Doctor Buatsaiha a ni em aw?" A pickup rual chuan ka ti nghal


"Aw ni e, puih theihna che ka nei em?" Ka rin aiin a aw a nu reuh phian lehnghal a



"Hei i damlo enkawl tawh," A hming in ziak chu ka en zauh, ka sawi nghal zat bawk


"E, aw ka hrethiam mai e min rawn call chhan, an nu khan anpa hriat a duhlo a, a chhûl ah khan bawk a awm a, a ṭhang ve zel mai si a, zai tur a ka tih lahin nau a paih phal bik silo a, anpa lakah ka zep pui ta anih kha, tun ah khawi ah nge an awm?" A ṭawngkam ah chuan a serious viau a ni tih alo hre lawk daih tawh tih alang reng bawk


"Cancer centre ah, Doctor Hmangaihzuali ka ni a, tunah i damlo enkawl na record zawng zawng Fax in min rawn send dawn em niang, kalo zir chiang a nge chu," Ka tih chuan, "tehreng mai, ka rawn thawn nghal ange," Ti chuan a off nghal

Beisei nei zet a min en ṭhap tu nurse leh Tracy-i, damlo pasal chu ka en kual, "tun ah chuan a theih ang ang khanlo enkawl phawt rawh u Tracy, medical report ka en hnu ah, test ngai ang a pianglo ti la, result a zir in a naute chu kan paihsak mai a ngaih hmel," Ka tih chuan Tracy-i chu a bu nghat


Ka hma ding chu ka melh leh, thil awmdan zaizir in ka hrilh ve nghal mawlh mawlh, a hmel ah chuan hlauhthawn na, rilru hah na a rawn lang chuat zut zut, an nu ka biak phawtloh chuan a chhulbâwk erawh kala sawi mai thei biklo, a dar a beng thak thak in, "ka theih tawp ka chhuah ang, nangmah pawh i rilru siamfel thei turin lo in ruahman la," Ka tih chuan a bu nghat nghat


Ka office a ka luh rualin Faxing chu ka hmu nghal, ka la nghal vat, chair a ṭhu in ka en nghal mawlh mawlh, Dr.Buatsiaha sawi angchiah in a bâwk chu a ṭhang tak zet tih alang


Tracy-i office lam ka pan nghal, damlo raipuar ultrasound hmang a a lo en chu ka enpui nghal, "rinai a lian daih mai," A rawn ti sep, Doctor hmasa hnen a ṭang a report awm chu ka pe nghal, "heilo en teh," Tih leh a thil tih lai chhunzawm sak chuan uluk lutuk in ka en, a lian mah mah tawh a ni, a naute hi hrisel rih viau mahse, a bâwk ṭhang zel hian a nek cheo vat anga, a Nu hi a ti chau in na tamtak a thlen dawn bakah, heti reng chuan chhul cancer a thlen thei tlat bawk



"Tracy zai a ngai ang," Ka ti sep, "umm, kalo ngaihtuah mek a," A rawn tih ve chuan damlo chu ka melh, minlo en kiau, ka nuih sak


Zaizir in, "i naute hi i paitlang a nih chuan i nun na in a chan thei tih i hre si a, engvang a pai tlat nge maw inih le?" ka tih chuan a nui var var, a naupai thla 6 mi chu a chul zauh, a mutna aṭang a rawn ṭhut chhuah a tum chu Tracy-in a lo pui vat bawk


A natna neih chu lungkham hmel leh lungngai hmel pawh a pu chuanglo, amah lah chu a cher em em mai bawk si


"Vawikhat tal nau i pai ve tawh em?" A dul chul hliau hliau in min rawn melh, a nui sâng bawk, ka tan erawh chu zawhna chuan min vit ngut ngut thung, "pai ve tawh e, fanu pawh ka nei tawh a lawm," Ti a ka chhan chak zia chu pui tak a ni


"I la pailo a ni tiraw?" A nui leh sak, a naupai a chhuan zia leh a hlimzia chu a hmel dawl dang em em ah pawh chuan a tle sêt sêt thei


"Nau ka pai tih ka inhriat hma hian ka chhulbâwk hi Doctor in min hrilh a, chhulbâwk chauh a nih thu a sawi nâ in, nu ka ni a, ka pum chhung ah hian ka thisen hmang a insiam mek naute a awm tih ka hai mawlh lo, checkup dang ka neih leh hnu ah thla 2 mi naute ka pai tih kan hria, ti tla a, ka chhul bâwk zai tur in min hrilh, khatih lai khan ka nun na chhan hmasak kha, mihring ka nihna ang in ka tum hmasa ve meuh a lawm, Ka tan a hlauhawm zia ka hre ve bawk a," Zaizir a min biak a vangin a mittui rawn tla chu a hru hul zauh


"Mahse keimah inchhanhim nan ka fa hmasaber tih hlum kha ka ngam ta nganglo a ni, ka â iti em? Doctor chuan naupai ka leh theih tawhloh tur thu a sawi miau si a, ka pasal fa awt em em tu leh min hmangaih em em tu a awm a, engtin nge ka thah theih tehlul ang ni, doctor nu dinhmun ah ila dinglo a, i hrethiamlo pawh a nithei, natna tamtak minpek rual hian, kan pahnih nun na atan chakna minpe a, huaisen na minpe tuber chu ka pum chhung a ka naute hi a ni, ka pasal hrilh lo hrâm rawh u, Thla 1 dangleh chiah ka pum chhung ah hian awmse kan zai chhuak thei ang tih doctor in a sawi a, nghak hrâm ang u," Mittui tla zawih zawih chuan kut zaizir in min ngên ngawih ngawih, ka mittui a rawn hnai ṭiam ṭiam

Ni e, minti na mahse, kan pahnih nunna atan a chakna minpe a huaisen na minpe tu chu kan naute, kan pum chhung a awm, kan chakna thahrui kha a ni miau a

Ka mittui a rawn luang thla pup, "Doctor," Tracy-i aw ka hriat chuan ka hru hul vat bawk, mittui tling piau a nuisang a min en tu chu nuih letsak in, "a nih chuan damdawiin ah i awm ang tih mintiam thei a ngem?" Kut zaizir a ka tih chuan a nur deuh nang, "hetiang a nikhaw hrelo a i tlu leh a nih chuan i naute pawh i chan phah thei bawk a," Ka tih zawmzat


Thaw deuh hak a a dul zût zauh in a bu nghat nghat, ka nuih var var, "Tracy, admit turin ilo buaipui maidawn em nile?" Ka tih chuan min en kawk, "enge in sawi chu ka hrelo na in, Zualte hethil hi chu a risky lutuk lo maw?" Kan bul a ṭhu chu a melh leh zauh

Nuihsak a damlo en chungin, "thla 1, thlakhat chiah kan theih tawp kan chhuahpui dawnlo em ni? A fa chhanhim tur in heileh chen a kal tawh si a," Tracy-i chu ngên ngawl zetin ka en chho, a ngaihdan nilo viau mahse a khawngaih ve te pawh a ni mahna a bu ta nghat nghat, ka nui var var, damlo pawh chu a rawn nui hak hak



Tracy-i nen a in zui chhuah hnu chuan ultrasound thlalak chu ka en vang vang, ka mittui rawn hnâm ṭiam ṭiam chu ka khao per sak sak, "i vannei lutuk a nia, nunna thâp a hmangaih tu che Nu inei a, i Nu tan harsatna siam miah suh angche," Ka phun sep, ka fanu thlalak ka hre chhuak, ka ipte aṭang ka phone phawrh chhuakin, ICU pawn lam aṭang a lak fiah lo em em mai chu ka en, ka mittui a rawn far kauh kauh, ka in hnit ri hrawih bawk


Vawikhat, vawikhat chauh a hmel hmu ve ila chuan ka lung hi a dam ve mial mai thei a ni, kuah emaw vawikhat chauh a biang tereuhte leh a kut leh ke tereuhte te hi hûm in, khawih hman ni ila ti em em hian ka fanu hi ka sûn hauhlo tur, ka mittui a rawn luang ngiai ngiai chu ka hru hul tawk tawk, "harh rawh Hmangaihzual," Ka lu ka thing sawk sawk, nunhlui vangin ka ṭap tawhlo ang ka ti na in, ka fanu erawh ka nunhlui ala ni theilo chu a ni e


Ka office lam pan a kal in ka luhrualin Rinhlua ka hmu nghal, nui sâng a min en in, "khawnge i kal a, damlo in an nghak ṭhap tawh che si a?" Nui vur vur a a tih chuan ka nui hak, ka chair ah ka ṭhu thla nghal zat, "i ṭap em ni?" Hnai lutuk a min rawn en a tih zawmzat chuan, "kalsawn teh, awihawmloh lutuk," A dar a nam pah a ka tih chuan, a nernawk


"Ward i fan hun a ni tawhin ka hre sia, damlo ka ko lut ṭan tawh dawn a nia," Ka melh zawk, nui huk huk a ding chhuak in, "5mins kala nei, zanin ah dinner kan ei dun dawn nia," A tih chuan ka kâ ka âng zuai, min rawn kawk in, "chhuanlam engmah ka duhlo," Mit min siai zauh a tih leh kawngkhar lam panin a pen chhuak nghal, ka nui hak, tleirawl thazat lai ang mai a a pen thauh thauh chu ka nuihzuih hak hak


"Doctor," Hmingtei'n a rawn tih chuan bu nghat in, "rawn luh tir rawh," Ka ti sep, Hmingtei hian Rinhlua a duh hle tih ka hria, Rinhlua lah hian chutiang zawng chuan a en dêr bawk silo, Hmingtei'n, Rinhlua rilru nat hmel tak a en hian, Rempuia lak a ka rilru put dan ka hre chhuak ziah mai lehnghal
.
.
.
.
Nileng a lunch pawh eilo a damlo ka en hnu ah sana ka bih zawk, "Hmingte, damlo engzat nge la awm?" Ka ril lah chu ṭam em em khawp, "pakhat, i ril a ṭam em ni?" A nui var var, ka nui ve suk, Rinhlua a bawk kawngkhar a a rawn lawr leh chu ka lo melh vak, vawiin ni ringawt ah vawi li a rawn lan na a ni tawh tihtur a nei pawh ni dêr silo


"Enge ni leh ta?" Ka bul a a rawn pen chu kalo ti hlak, a nui tuh tuh, ka hma a ṭhu pitar chu en in, a ṭawng theilo tih ka hria, "tho la, heihi ei rawh, keiman kalo en ange," Tih leh min pawt tho in ka kut ah sandwich a rawn dah nghal


Damlo pitar chu a ṭawngtheiloh thu ka sawi duh ṭhak lo, engtin nge a chetbuai ve hrim hrim ka en chak, sandwich tuamna phelh chuan, ka sir a mutna ah chuan ka ṭhu kai that, ka keih nghal hmawk bawk


"Ka pi, i hming," A melh zawk, pitar chuan a hma lehkha chu kawkin a en ve rân, Rinhlua a bu nghat nghat in, "i awmdan i sawi thei em?" A tih chuan pitar chu a en leh, pitar chuan kut zaizir in, "ni thum liam ta khan bathroom ah ka tlu a, ka lu hi ka sawh a, ala pawng deuh bawk, a tir chuan ana hranlo, mahse nimin deuh aṭang khan ana lutuk a, ka luak a ti chhuak in ka lu a hai em em bawk nen," Zaizir a a sawi mawlh mawlh chu Rinhlua an phawk fe in min rawn en, ka en duh miahlo, pitar chu ka en ngar ngar


"Eng.. Enge a sawi hi? I lu a na em ni? I luak a chhuah chuan hritlang khawsik te a nilo maw?" Rinhlua'n a tih chuan ka insum thei tawhlo ka nui chhuak hawk, ka sandwich ei ka phuh chhuak lo chuah bawk



Pitari chu thinrim tih hriat zet a Rinhlua a melh hrawk hrawk in min rawn en, "Doctor a ni ve tho a ni lawm ni? Eng doctor nge a nih a?" Thinrim zet a atih chuan nuih in sum zet a pan hnai in, "kalsawn teh," Nui tut tut a tih leh ka pawt tho, "i luak engtin nge a awm?" Zaizir chuan ka ti vat


"Thla hmasa khan vawi 2 thisen in ka luak a, tun hnai te khan vawi 3 vel ka luak leh bawk, ka lu ka sawh hnu ah erawh luak tak chu ka luak leh tawhlo," A tih chuan ka bu nghat nghat, "i lu chu CT scan kan ti anga, MRI leh x-ray bak ah ṭul dang test dang dang kan ti dawn nia, naktuk ah results rawn lam tur in ilo kal leh mai dawn em ni?" Ka tih chuan a bu nghat, "Hmingte, ka pi hi test ti tur in kalpui mai ta che, kalna lam tur a hrelo ang, Chhana a awm chuan tir maila," Tihbpah chuan lehkha ka pe nghal


An chhuah rualin, "engtik laiin nge kut zaizir a ṭawng dan te ilo zir a," Ka bul a rawn ding a hnai lutuk a min en chung a a tih chuan ka thle bak, "Doctor i ni em? Tih ka pi khan min zawt a," Ka tih chuan a nui ve huk, "minti mangang zawk alawm, damlo dang a awm tawhloh chuan kal ila," A tih chuan sana ka en zauh, tui no chu ban a tui lem khalh chuan, "Hmingtei hruai ve ila, a haw a hun ve tawh tho a," Ka tih chuan a hmel a dang zawk, a dar rawn san ak in, "ok," Tih leh a pen chhuak nghal, nui var var a ka coat var phelh sawk sawk chuan ka bag ban zauh in ka zui chhuak nghal


Office aṭang a kan chhuah rualin Hmingtei a haw tur a rawn chhuak ve chiah, "Chhantea khan a hruai a," A ti ve mai, bu nghat in, "dinner kan ei dawn, lo tel ve rawh," Ka tih chuan Rinhlua a melh zauh, "kan kal dawn a mi?" Ti deuh nghut a pawn lam a pan pawk pawk chu Hmingtei ban a pawt chuan ka chhuahpui nghal, Rinhlua mood inthlak thut chu a chhan ka hrelo na in zanin hian Hmingtei rilru put hmang hi ka hrilh sak ngei ngei dawn a ni tawp


Car a kan ṭhut luh rualin, "Red pepper ah aw," Rinhlua'n a rawn ti sup, a tlan chhuak nghal, Hmingtei nen chuan kan ṭawng siam siam, ka kawm nuam tih chi tak a ni, a ri ve hut hut lo na in over miah silo in a ṭawng duh em em, a mize nu hnâp mai chu mipa tamtak tan chuan a duhawm ngawt in ka ring


Red pepper kan thlen chuan car a park, kan chhuk rualin Hmingtei phone a rawn ri, "lo va lut ru ka rawn lut ang," Tih leh phone a pickup nghal, a nu a ni ngei ang a biak dan ah, "Hmingtei rilru put hmang hi i hrethiam miahlo em ni?" Kan luh pah a Rinhlua hnaih zet a kal chuan ka ti sup, thaw ri deuh hrawkin, "hria e, chumi vang a hruai inih chuan theihnghilh angche, ka rilru put hmang hi i hrethiam lo tak tak nge i hrethiamlo der zawk?" A pen lai tawp chawt a ka lam hawi a a rawn in her chuan ka en kawk, "maw?" Ti hû chuan ka en chho haw


Eng rilru nge a put a? Tunlai Rinhlua thu mak pui pui a sawifo hi ka hrethiamlo a ni, "keihian i lak ah rilru lo pe ta ila engtin nge itih ang?" Chiang lutuk in min en, ka hresual em? Nge ni a tun a a thusawi kha ka rilru a awmdan ang hi a nilo zawk


"Min chhang theilo nge ka sawi i hrethiamlo zawk Zualte, keihian ka duh che, ṭhian ang nilo in hmeichhia ang in ka duh," Ka nghing dawt dawt thei, Rinhlua hian minduh a maw? A fiamthu em tih en tum chuan ka thlek vang vang, mahse fiamthu sawiloh nidang zawng zawng aiin a hmel a thutak zawk


"Rin..." Ka tih sep rualin, "a pawihle mai, ka nupui hi ka hruai tawh ange? I sawi tur i sawi zawh tawh chuan," Rawn ti thup chher chher tu lam chu ka hawi vat, kawngkhar aṭang Rempuia leh Lucy-i rawn pen lut chu phawk fe in ka en, enge an rawn tih dawn, ka nui hul hak, tukin zing kha chuan ngaihsaklo ang khan a awm si a, pawnlam a in hmu leh tur si chuan chhuah tir hmasak daw daw loh tur a nia


Kan bul a a rawn ding chu a hlauhawm tham, a hmel thim leh mit meng dur khup mai chu ṭo ruah haw tur ang mai a ni, "Rinhlua ka hrilh tawh che in ka hria, ka unaupa i nih ang in ka nupui a ni tih i theihnghilh a nge," A tih leh chhar chhar, a ṭawng ri a ring hauhlo, a khauh in kut thawh mai duh tur ang hian a mar ṭha thung


"Zualtei chu Rinhlua ila thlah chuanglo a," Lucy-i chu a rawn nernawk, "dinner in ei dun dawn ni in alang," Ngeiawm lutuk in Rempuia ban vua hnap chuan a tih zawmzat

"Min rawn zui rawh," Rempuia'n ti hrawih a ka ban a rawn vawn chu na lutuk in ka thingthla sawk, a ni duh duh a kawih phar tur ka ni mai mailo, a hmeichhe hruai awmve reng lai a min khawih ngam te chu a huaisen ka ti takzet


"Doc..tor," Hmingtei'n muang ban chap a kan bul a rawn din pah a a tih chuan kan pa li chuan min en rual hrek hrek, "Rinhlua dawhkan i hauhlawk tawh em? Ka ril a ṭam tawh, Hmingtei kal ang u," Tih leh Rinhlua ban a vuan a ka pawt sawn tur chu ka ban lehlam a mi rawn pawt her sawk

Ka rak ṭhat, Rinhlua kut a rawn thlawk ni hian ka hria, a thli bak ka hrelo, Rempuia'n a din na bul a dawhkan a nek rum rum chu phawk lutuk in ka en, Lucy-i rak tuar in Rempuia lam a pan nghal rawk rawk, pan ve ka tum chu Rinhlua'n mk pawt let dawrh in, "ka enkawl tawh dawn tih ka sawi kha," Rinhlua'n seh chilh nawk nawk a arawn tih chuan Rempuia chu a kamsir thi ser ser tuai zauh in a rawn ding chhuak, a lian rapthlak si, sapui hliam tuar hi a angber


Restaurants a awm ve ho an rawn pung khawm tual tual bawk, "ka nupui kut kha thlah rawh," Rinhlua min vawn na chu a melh ngur ngur, a lan dan hlauhawm lutuk chu ka hmul thi a ding sur sur thei, "tun aṭang chuan ka thlah leh tawng ngai dawnlo tih ka hrilh che ni rawhse," Rinhlua'n a ti leh ve hrawih


Kan mualpho tak ngial dawn a ka hriat avangin, "Rinhlu a tawk, Hmingte, Rinhlu hi chhuahpui rawh, nilo, chhuak ang u," Ka ti bah nawk nawk, Rinhlua thinrim pawh chu hlauhawm tak a ni, mahse Rempuia thinrim ding ngawi ngur leh mit thim rup mai a min en chhur chhur na chu ka hlau fê zawk, min pawtsawm vek mai ang tih hlauhawm khawp a ni


Ka chil ka lem khalh, Rinhlua a kai chung a ka chhuak tur chu, "Hmangaihzual penkhat pawh i pensawn leh a nih chuan ka that duh hial ang tih hre rawh," A rawn ti chhuak hrawih, a aw ṭeng zia leh mar zia chu, ka kawchhung a fam thla rawih rawih thei, ka pensawn a nih chuan a ti duh tak tak dawn tih lah a lang reng bawk

Mit chhing sawk a in her in, hei zozai customers hma ah a zah loh chuan zah chhan tur ka nei bik hian ka hrelo a ni, ka hlaulo ka tih chuan dawt muhlum ka sawi ang, ka hlau, ka hlau lutuk, mahse hlau anga a lan erawh ka tum aw zawnglo


Ṭawng tum a ka kâ ka âng zuai tih ah Lucy-in Rempuia ban a vuan in, "kal tir mai mai teh, ba rulhna leh phubalak na atan chauh a ineih a ni tih hi a inhrelo a nih hi, ala chapo viau leh nghal a," A tih chuan ka nghing dawt, tun ah khan phubalakna a ti em ni?


"Ngawi hmak rawh," Rempuia'n a ti hrawk, a vawn a thing na mah mah a ni mahna a kat nawk nawk, "i kâ kha i âng leh anih chuan i lei hmang thei tawhlo tur in ka siam angche," A tih zawm hrawk bawk


Kei erawh Rempuia chu ka en, "enge a sawi awmzia?" Ka phun sep, customer an tam rapthlak si, pawn lam aṭang a kawngkhar ah an rawn dak huang huang bawk, mahse zah ka hre tawhlo, nilo, tun a Lucy-i thusawi zawh chiah kha ka hre zo vek duh a ni zawk

"Zualte, Zualte a hun rihlo, helai hmun hi chhuahsan ang," Rinhlua'n min rawn pawh chuan ka vai kiang sawk, Rempuia lam ka pan chhat chhat, "sawi rawh? Barulhna tihloh ah enga tan nge min lakluh?" Ka pen hnai zel


"Bawihi," Mi rawn vawn a tum chu, "sawita che," Ti tuar in kalo vai kiang sawk, ka mittui ka khap per sak sak bawk, kei, kei ve mailak ah hian eng thil fa kau nge a duh, PHUBA maw? A engpawi nge ka sawi?


"Keiman ka hrilh angche," Rawn ti tu lam chu kan hawi dual, mipui tam tham lutuk kar aṭang Rachel-i rawn pen lut chu mak ti lutuk in ka en, a nui sang bawk, a hmel a hneh tu in tihna leh min hmuhsitna lang chhuak zawng zawng chu rapthlak tak a ni



"I hre duh tak tak tiraw?" A nui hak, "Rachel ngawi rawh," Rempuia'n a rawn ti hrawk, ka ban ah vuanin, "pawn ah sawi ang," Tih leh a hnuh in min hnuk chhuak nawk nawk, tal eng ang mah ila ka hnehlo nasa rapthlak si, "min thlah rawh, i sawi thei lo em ni?" Ka au tuar tuar


A ban a seh leh ka tum chu rawn in her vut in mi pu lawp, car awmna lam min pan pui nghal pawk pawk bawk, ka tal laih laih, a sam ah kek in, ka chum dawt dawt ve na in, kut ṭang a cement bang hawlh kuak tum ang vel a ni, a thum awk awk a chu zawng chu, na a tih hmel loh lutuk te chuan ka thin a ti rim zual

Phun hluk a car bul a min nghat chawrh chuan ka per sawn nghal dawrh, "ramhuai pa," Ka ti ṭhawt, min en ngur ngur, min put avang a hah hmel pawh a pu lo


"Sawi tawh rawh, leiba lo ka lak aṭang hian enge i duh," Ka au leh tuar,"a mak bawihi, in ah haw ang, umm bawihtei min nghak a nia," Thudang sawi tum chuan a thlem in min them, ka hriat duh kala hre derlo, "a tawk Mama," Rachel-i aw leh bawk a ni


Ka nui hul hak, "a ṭha e, sawi rawh," Thaw kawk kawk in Rachel-i ka bul a rawn ding chu ka en, ka mit a hnawm chap bawk, "Rachel a tawk ka tih kha, Hmangaihzuali car ah lut rawh," Rawn ti deuh hrawk a min man leh a tum chu ka pe tek sawn dawrh, a thaw ri hrawih bawk

In khawih tir hi ka tum mai mai tawhlo, "aih, hei leh chen ka nghak tawh, zanin hian engkim ka hrilh tur a ni," Rachel-i chuan mi rawn en, Rinhlua ka bul ah a rawn ding ve chiah bawk


Rachel-i chu a nui hak, "a hma ang bawkin mipa dawi ât dan ila thiam a ni tiraw, ka unaupa hian engvang a nei che nge a nih i hre duh a maw?" A tih laiin


"Rachel a tawk ka ti a ni lawm ni?" Rempuia'n ti ṭeng chuai chuan a kuai her sawk


Rachel-i lah lo duailo nasa, "keima turluih vang che a nei che a nih kha," A unaupa en chho chhuan a au khum tuar, Rempuia'n a nam sawn sawk, "ngawi rawh," A ti hrawk bawk, kut a thlakloh nan a kut a hum ruh ngar ngar, kut thisen zam pawng leh hmai sen ṭul mai, bek pawng ṭawlh ṭawlh chu tlan chhiat vawn vawn na tham a ni


Kala hrethiam lo, engvang in nge Rachel-i hian kei min neih tir, Rachel-i chuan hlaulo zet in min rawn en hrawk

"I â em ni? Ka thusawi kha i hrethiamlo tih sawi tum hauh suh, U Zuala kha i thah a nih kha, ka nat ang chiah khan na la kantih vang a nei che a ni, i hrethiam tawh em? Mahni pasal pawmlai ngeiin keini ai hmangaih leh ngaihsak an neih natzia te hmu ve vekla ka tih vang a nupui a neih luih tir che ka ni," Rachel-i chu a mittui a tla zawih zawih, a au tawn tawn

Kei erawh sawi mai tur pawh ka hrelo, ka chawmawlh vek, ka ding lai chu ka kaihza tha a zawi hnak, Rinhlua'n min rawn kuahvat chuan, "i ṭha em?" A ti sup

Rempuia'n min rawn pan hnai in, "bawihi ka sawifiah thei," A rawn tih chu mittui tling piau in ka melh chho, a duh a hmu tawh e, a hmu mah mah a ni


"Ka fanu leh ka chhungkua, kan nun ata hi hla tak ah awmrawh, ka pasal fa pai chungin ka pasal i nun a awm tur in i chelh bet a, ilo ropui e, a nun na hial ila tawh a, i lawm tawh em? Loicy-i fahrah a siam tu chu nang hi ini, ka fanu in NU ti a minkohloh chhan chu nang hi ini, i lawm tawh? I fa i chan avang khan i tuar na viau ah i ngai em ni? Ka pasal, ka fanu pa he khawvel aṭang hian i la bo tih i hria em?" A rawn au leh tuar tuar


Loicy-i hi Rachel-i fanu maw alo nih, a thusawi tin mai chuan min deng dawt dawt, ka thaw a sak in boruak hip tur kham khawp ka neilo, "Rachel duh tawk rawh," Rempuia aw chu hlauhawm tawh tak a ni

"Aih, ka tawrh ang zawng zawng kha tuar se ka duh, hmangaih ten min phatsan nat zia te, maw? Loicy-i hi i fanu maw? Keimah, kei leh U Zuala fa a nih hi, thi pawh nila keihian ka....." A tih laiin chhuat a let thla tawp, Rempuia'n a beng tih ka hria, a beng na ngang a nih ka ring a let thla tawp, a ṭhu sawp niah



Mittui nen a rawn dak chhuak, a hmai a dawm bawk, "kut minthlak amaw?" Au tur a chakna ala nei te chu ka awt letling mah mah zawk

"Rinhlu, min hruai haw rawh," Ṭah chhuak si, ṭap chhuak thei silo in ka pik up up, ka na lutuk hi ṭawngkam hian a sawifiah thiamlo, tun a ka awmdan chu thlan a a nungchang a in phum ang mai hian a hreawm inthawk pawh ka harsat

"Ka hria e," Tih leh min pensawn pui a tum chu ka ban ah Rempuia'n a rawn vuan, muangchang a hawiletin ka en, ka mittui a tling piau, a hmel a natna chu ka hmuh hmaih hauhlo, nge ni a heipawh hi a lem chan na vek ni zawk


Min vawn na melh in, ka mittui a rawn far kauh kauh, "enge ila duh, i duh ila hmu kimlo em ni?" Ṭawng ring a au khum turin chakna ka nei tawhlo, ka riat nawk nawk a ni mah zawk


"Bawihi khawngaihin," Tih pah a a rawn pen hnai chu min vawn na ka theih tawp a vai kiangin, "ba ka rul tawh a, i tum ang ngeiin minti na tawh bawk, hmangaih ten hmeichhe dang kut an vuan lai hmuh natzia ka hre tawh a, nilo," Ka ṭah nuih hak,"ka hre nawn leh a ni zawk, Rempui," Mittui nen ka en

"Ka hmangaih che, chu chu a ni tiraw i hriat duh, ka hmangaih che a, natak a min siam i tum a nih chuan i hlawhtling e, min kaltir tawh rawh, i duh i hmu tawh a ni lawm ni? Khawngaih in min kal tir rawh u," Ka mittui a rawn luang zawih zawih Rachel-i ṭhu sawp niah chu ka melh thla leh, "in duh in hmu e, in lawm tawh em? Tun aṭang chuan nang ni leh kei, kan inzawmna a tawp nirawhse," Harsa ti lutuk a sawi chhuak chuan Rempuia'n mitsen ram a min en na chu mittui kar a ṭang a melh in muangchangin ka inher san



Ka na a ni, ka na takzet, ka tlawm vawng vawng bawk, ka hmangaih thu ka hrilh a, min thlah vawng vawng tur in a ngen in ka ngen ngawih ngawih bawk a nia

Ka pen chhat chhat, Rempuia min en na chu ka tukkhum a za mer mer, heng a hu hang na lutuk te, min en zui na te ka feel dan zawng zawng te hi engtik ah nge a reh ang, ka pensawn rual hian bo in reh vek se ka ti ngawih ngawih

Rinhlua'n min rawn vawn a tum chu ka kut chunglam ah ka phar zauh, keimah in ka kal thei, tun aṭang chuan keimah in ke ka pen leh dawn tuma puihna ka mamawh hauhlo

Mahse... Ka taksa chu ka ke hian a zolo a ni mahna, ka ṭhingṭhi thla hnawk, lei ka nem sawk bawk, ka kut phah thip vawng vawng chu mittui tla zawih zawih chuan ka en

"I ṭha em? I kut a thi a nia, a na em?" Rinhlua a rawn ṭhu thla rawk rawk, kawngpui kam kan thlen tawh avangin vei vak pawh an awm nuk

Khawpui a rawn ri dur dur, ka na te min tawrhpui ve a ni mahna, "a na, ana lutuk, ana lutuk a min hmet hlum tak ngial dawn in ka hria," bah nak nak a ti chuan ka in hnit hlawp hlawp, ka kut na erawh a ni hauhlo, ka thinlung, ka thinlung chhung hi a na lutuk, ka kut chu lehlam in ka dawm, ka ṭap khur dar dar, ruah a rawn tla sep sep


Ka kut thisen rawn hruk pahin, "ka hria alawm, Zualte i tuar chhuak ṭep tawh a nia," Rinhlua'n a tih chuan in hnit hlawp hlawp in, "ka hrelo, enge ka tih ang, engthil nge ka tih tak ang?" Ka ṭap chhuak nghal hawm hawm, ka kut ai mahin ka awm zawn, ka lungphu zawn hi ana lutuk, ka thi tak ngial dawn in ka hria


"Engkim a ṭha leh vek ang," Tih pah chuan a awm ah min kuahbei, lei ah ka ṭhu sawp hnawk, ruah a rawn sur nghal hawk hawk bawk, khawpui ri leh ruah te pawh hian ka nat zia an hria a ni mahna, khawpui ri leh khawlphe zawr zawr ri kar ah chuan ka aw rawl tawp in ka ṭap chhuak, kum 5, kum 5 chhung a ka inkhungbeh tawh natna zawng zawng te nen ka au chhuahpui ni maiin ka hria, tun bak, tun bak hi ka ṭap leh tawh heklo ang

Ka awm ah min hnawh, ka âng hlawi hlawi, boruak ka hip thei tawh reng renglo, ka kaw chhung rum vawng vawng si chuan ka hrawk erawh rehbeh ang hmiah a ni thung, ka taksa peng tin hi chem hriam tak hmang a tlem te te a hleh thlak ang miah hian ka na a ni, phuba lak nan chuah min hmang tih Rachel-in a sawilai ka mitthla a rawn lang zut zut, ka taksa a rawn khur dawt dawt chu, "Zualte, Zualte, i harh em?" Rinhlua aw chu hla tak aṭang ka hre ruai ruai, tun ah mit ka chhing a nih chuan men leh tawhloh a, ka fanu bul a kal vang vang ka duh a ni, bawihte min hruai bo vang vang rawh, ka bek a ka mittui luang ngiai ngiai leh Rinhlua a min au thawm chu ka hre vuai vuai


Mit ka chhing riai riai, Loicy-i hmel fiah lutuk in ka hmu, "Mummy min kalsan tawh dawnlo tiraw?" A tih ri chu ka beng ah hian a khawk rum rum bawk, ka lungphu erawh na tak a hmer tu awm ang maiin a phu zawi tial tial thung


"Loicy," Ka phun sep sep

***Riya***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:22 pm

STONE HEART
By floria laldansangi



29


REMRUATPUIA......POV


Ka hma a mittui luang ngiai ngiai a ding, hmeichhe chak tak leh lu zo tak ni ṭhin, mahni ke a ding a, hawi vah ṭhin kha a ding thei talo tih hriat takin, ka kut nilo mipa dang kut leh chakna rin chhan a ding ṭawk ṭawk chuan min en


Min hmangaih a ni tih chu sawiloh mahse a mit, mittui tling piau leh natna a khat ah chuan ka hmu thei, mahse ka hmu tel dang leh erawhin, kei Remruatpuia, mipa ah pawh pa tak inti, chapo bawk si hi min ti na ngut ngut nia, tun ah chuan min hmangaih na ka hmuh fiah thiam angchiah in huatna ka hmu tel miau a, a pensawn tur chu vawn leh a, "kalsuh" ti a hrilh ka duh, mahse ka kut hi ka ti che theih hauhlo nia mawle, harsa ti tak a oen chhat chhat chu ka thlir vawng vawng



Harh chhuak thut in kawngpui lam an pan chu ka um vat, ruahsur kar a Hmangaihzuali ṭap hawm hawm ka hmuh chuan ka ding dawt, pan hnaih mai ka tum a, k ke hi charbeh ang maiin tihchet a harsa, ka phawi maitheilo, an hnunglam aṭang in ka en tlawk tlawk, pan hnaih a, Rinhlua ai a kuah tu zawk nih a, natna ka thlen zawng zawng te chu kuahdam vek mai ka duh, mahse chutiang ti tur in ka awm chhung ah hian mahni inhuatna lian lutuk in min tuam khat tlat


Rinhlua'n, Hmangaihzuali a pawm kang lawp mai ka hmuh chuan ka in sum thei tawhlo, ka pan hnai pawk pawk, ruahlah chu a sur duh in kawl a phe zawk zawk bawk, a pensawn tur a dar a vuanin, Hmangaihzuali zawi hnuang mai leh mit chhing chial chu ka melh, "engtin nge a awm?" Ruahsur leh khawpui si dur dur kar ah chuan ka au hrawk hrawk

"I thilduh i hmu a ni lawm ni? A hmangaih na hi i phulo tih hriala, Hmangaihzuali hnaih ah hian rawn kal tawh suh angche," Au ri chuai chuan a pensawn pui pawk pawk, a sawidik a ni, keihian a hmangaih na ka phu miahlo


Tih theih nei silo in ruahsur hnuai a ka hmeichhe hmangaih, ka nupui mipa dangin a kalsawn pui lai chu ka thlir liam vawng vawng

Maw? Hmangaih ka ti em ni? A dik, keihian zep rual loh in saw hmeichhia, ka nupui, ka ta chauh ni ṭhin saw ka hmangaih a ni, chuti mai a bansan ka tum aw zawnglo, ka nupui a ni a, ka ta chauh a ni bawk


Ka car awmna lam pan chuan chak lutuk in ka let leh, khawi ah nge Rachel-i kha a kal ka hrelo, ngaihven tur lah in hun ka nei heklo, ka nupui mipa dangin an hruai a, chupawh nikhaw hrelo a awm lai lehnghal, ka zuilo ang maw? Teuhlo lutuk Remruatpuia ka nih hi, ka duh chu engtia harsa pawh nise ka nei ngei ngei ṭhin, Hmangaihzuali pawh ka ta a ni a, ka ta chauh a ni kumkhua bawk ang


Huh hnuang a Car ah lutin chak lutuk in car park na aṭang in ka tlan chhuak, kawngpui Rinhlua a tlan na lam ni a ka hriat ah chuan ka tlan ve nghal zat, rei pawh liam lo ah ruahsur nasat a vang a traffic jam ah ka ûm pha thuai, a hnung ah zel ka tlan, ka zui a ni tih a hria em ka hrelo na in hria pawh nise pawi ka ti hranlo, a chhan chu a car chhung a awm saw ka nupui a ni tlat


Durtlang damdawiin kawt a a din chuan ka ding ve nghal, rawn chhuak in hmanhmawh lutuk in Hmangaihzuali chu a pawm chhuak rawk rawk, Hmangaihzuali chu engmah hrelo in a zawi hnuang, hlauhthawn na in min rawn man nghal, accident kan tawh ṭum a hlauhthawn na ka neih angchiah kha a ni, car a ṭang a chhuk rawk rawk chuan ka pan hnai pawk pawk


Rinhlua chuan min melh hrawk, engmah sawilo in a tlan luhpui nghal, "a pang a sa lutuk," Khum a nghah pah chuan Rinhlua'n a ti nghal zat, "pawn ah lo va awm ru," Nurse in a tih chuan awm ka tum teuhlo, ka nupui nikhaw hrelo in a awm a, a khawsik a sang hle tih ka hre bawk a, kalsan ka tum aw zawnglo mai


"Karawh," Rinhlua'n ti nghut a min kalpel chu ka che sawn eihlo, "ka pu..." A tih rualin, "in tih tur ti rawh u, ka nupui a ni a, khawimah kalsan ka tum aw zawnglo," Ka ti hrawih, min hlau tih hriat tak a mitmeng khup dâi chuan doctor chu a melh, "a pawilo, a bp hi lo check rawh," Doctor mipa chuan a ti nghal zat, an che vel chu ka en rûn

"Doctor a bp hi a hniam lutuk 102/52 lek a ni," Nurse in a tih chuan ka pan hnai rawk rawk, "bawihi, harhteh, i hre thei em?" Ka sawi dat dat, "ka pu, lo awmsawn la kan tihtur tih na min dal," Doctor bawkin zaidam tak a rawn tih chuan ka melh zauh


Hmangaihzuali rawn meng diar diar chu, "bawihi," Tih leh ka kin hniam rawk rawk, ṭawng tum a a hmui a tih chet chuan, "enge i sawi?" Tih leh ka kun hniam, "min kalsan rawh," Chu thu chu a phun ang chauh in lang mahse ka beng ah hian ring tak a ni

"Ka pu," Nurse in a rawn tih leh chuan mit khao fawk fawk in muangchangin ka ding chhuak, ka pensawn chhat chhat bawk, Hmangaihzuali an khawih vel chu ngawi rengin ka en, "min kalsan rawh," A tih chu kabeng ah a rawn khawk rum rum, ka thawri hrawih, harh chhuak rawh, chutiang ngaihtuahna hun a nilo, keimah leh keimah ka in hrilh


An check zawh rualin, "ka nupui chu enge a an? Engvang a nikhaw hrelo a awm nge a nih nilo, engtik nge a harhbchhuah dawn?" Ka ti nghal zung zung, "hlauhthawn tur dang a awmlo na in, enkawl erawh a mamawh hle a ni, a taksa a chaklo in zan a mu tamlo a, a khawsik a sang in thisen a neilo hle bawk, Nurse a thawmhnaw huh kha ilo thlak dawn nia, drip khai lai kha a zawh chuan a rawn harh vat mai ang, ward pangai ah i sawn nghal dawn nia," A tih zawmzat, ka thaw hawk


"A thawmhnaw hi ka thlak dawn a pawn ah lo va awm ta che," Nurse in a tih chuan Hmangaihzuali hmui duk chûk mai a mu chu ka en vang vang, ka mit ka chhing sawk, engthil nge maw ka tih hi le? Kei hian nikhaw hrelo in ka siam a ni, "ka pu," Nurse in a rawn tih leh chuan in her vut in ka pensawn nghal



Rinhlua a ṭhut na bul a ṭhu thla hnawk chuan kan ngawi ngal, a phone chu ka hma a rawn lek in, "heihi a ni lawm ni duh? Hmangaihzuali hi kalsan rawh," A rawn ti hrawih, a thinrim a insum hle tih a hriat reng


A phone chu la in ka en, restaurants a kan in hnial lai video a ni, Lucy-i ṭawng ri lah chu a chiang em em bawk, ka thaw ri hrawih, a phone pe let chuan ka ding nghal zat, ka pensawn rualin, "a hma ah rawn inlan tawh suh ang," A rawn tih leh chuan ka ding dat, "heiai a na a siam i duh a nihloh chuan," A tih zawmzat rualin chak lutuk in ka pensawn nghal pawk pawk


Ka car bul ka thlen rualin ka chum tawh, ka pet nghal ṭawk bawk, ka chhip sam buk laih mai chu tuai puat in, na lutuk in car bawk chu ka hnek leh ṭhuai, engthil phiangsen nge ka thlen tak hi, ka kaw chhung sa lutuk leh mahni in huatna leh thinrim na a rawn so bulh bulh chu tih daih tum in thaw kala kawk kawk, nichin mai a meng mang hleilo a Hmangaihzuali ṭawngkam lah chu ka beng ah a ri ring tulh tulh


Car kawngkhar hawng sawk a ṭhu lut in chak lutuk in ka tlan chhuak fua, steering chu ka chum leh dawt ṭhin, ka phone phawrh chhuakin Ricky-a ka call nghal, "rawn call che ka tum chiah a, enge heng thu post leh video zozai hi ni ngai?" Rei pawh ring lo a a pickup rual a Ricky-an a rawn tih chuan ka thaw ri hrawih, ka puak darh mai dawn in ka hria


"Engkim, engkim Hmangaihzuali'n a hre vek tawh," ka ti chhuak hrawih, Ricky-an, "eng chungchang maw? Bawiha i ṭha meuh maw?" A rawn tih leh chuan ka mit ka chhing sawk, ṭhalo tak ka ni, tun ah hrian ka puak kehlo chauh a nih ber hi maw

"Lalthazuala leh Rachel-i chungchang engpawh i hriat theih ang ang hriat tum angche, Hmangaihzuali nen a an chanchin pawh," Seh chilh nawk nawk a ka tih leh chuan ka thusawi awmzia a hrelo leh tih hriat takin, "eng chungchang nge maw i sawi le?" A rawn ti leh hap, steering ka hnek ṭhuai, "ka sawi ang chuan zawng chhuak mai rawh, Lalthazuala chhungte hnen aṭang pawh hriat tur a awm chuan zawt chhuak vek angche," Tih leh ka off nghal ṭhuai, ka phone car hma a theh thla ṭhuai in car ka ti ding nghal tuar, car aṭang chhuakin


Kan in chu gate pawn aṭang chuan ka thlir vang vang, he in lian zet mai hi ka nu awmloh hnu a, in lam phur tak a ka haw chhan pakhat chu Hmangaihzuali a ni ṭhin, zanin zet erawh Hmangaihzuali vang bawkin ka pen lut hreh a ni, he inchhung a hlimna a rawn thlen zawng zawng te kha, ka chapo na leh ka induh tawk lutuk luat avangin ka hnawtbo mek chu a ni si a, ka fanu hnen ah enge ka sawi ang, a nu awmna min zawtse engtin nge ka chhan ang?


Boruak hip kawk a thaw hawk chuan gate ah chuan ka pen lut, muangchangin inchhung thim rup mai a pen lut chhat chhat chuan light dîm zet hnuai ah chuan ka hawi kual hruk hruk, zan dang zawng zawng aiin a reh hian ka hria, tukin zing ah kha chuan nui ri te, a thinrim hmel leh Loicy-i nen a an nui ri te kha hriat tur ala awm kha a nia, ka mitthla ah rilru na lutuk a mittui tling piau a min en na kha a rawn lang, thinrim in min beng se, min chum in emaw min sual let leh ṭauh ṭauh se ka awm a nuam in ka inthiamloh na pawh a zia daih zawkin ka ring, mahse khawngaih minla dil zawk a nia



Ka nui hul hak, "enge ang hmeichhia nge maw a ni le?" Ka phun hluk, dinning hall a lut phei chuan cupboard a ka zu dah ka phawrh chhuak, chair a ṭhu thla hnawk in ka thli chhuak nghal zat, ka tlak deuh pap pap, ka hrawk a sa thla vawng vawng, a thlen chin chu hriat tak a ni, "Ka hmangaih che, chu chu a ni tiraw i hriat duh, ka hmangaih che a, natak a min siam i tum a nih chuan i hlawhtling e, min kaltir tawh rawh, i duh i hmu tawh a ni lawm ni? Khawngaih in min kal tir rawh u," Mittui tla zawih zawih a a ngen a min ngen lai chu ka beng ah hian a khawk rum rum


Ka no a wine thli khat pawp chuan ka tlak pawp, ka no chu ka vawm keh nghal chuai, dawhkan ka chum ṭhuai ṭhuai bawk, ka mit a rawn hnam sawk, a mitmeng fiah tak leh nalh tak mai a natna leh mittui tih thlak kha ka tumber chu a ni sia maw? Ni e, k duh ka hmu a ni lawm ni, engvang a thinrim a, mahni inhua nge maw ka nih phiangsen ni?


Chair ah chuan ṭhu thla hnawk in wine chu a um in ka birh pawp pawp, "duhtawk rawh Mam," Nancy'in ka zu um rawn phih sawk chuan a ti ṭhat, light a on lai reng reng pawh ka hrelo


Thle deuh luih luih chuan ka en, ka nui suk, ka nau, ka nau tal min ngaihtuah tur ala awm a lawm, chhuat a no tla keh nuaih chu a en kual, min rawn en leh, a thaw hak, "U Zualtei nen in chanchin ka zawtlo angche, i awmdan ah i thiamloh a ni tih ka hria, chuvang in hetiang a awmlo hian inti harhla, rilru fim nen in harsatna chinfel dan ngaihtuah rawh," Tih leh ka ban a rawn vuan chuan, "tho rawh, i thawmhnaw a huh vek hi i damlo mai ang," Tih leh min pawt ve ngar ngar



Min pawt che eihlo chu thaw hakin, "Mam, a mak, tho rawh," A tih leh hap chuan ka nui hul hak, kan harsatna chingfel tur hian enge ka tih ang ka hrelo a ni, khawngaih dil a min kalsan duh tu hi ka chelh lui dawn nge, mipa dang kut vuan turin ka thlah zawk dawn? Phiangsen hian a!!! Rinhlua a mitmeng leh Hmangaihzuali duh lutuk a a en na mitmeng ka ngaihtuah chhuah phei chuan ka thisen kal lai te hi a tawp dawn hial in ka hria



Ka ṭhut na aṭang ding chhuak tum chuan dawhkan ka nem, ka harsat phian lehnghal a, ka engtihmah hi a tluanglo zawk emaw ni? Nancy-in mi lo pui vat, "engtia hetia awmthei nge maw inih le? Nangmah pawh i ang tawhlo," Nancy-i aw ah pawh chuan maktihna leh natna a in pawlh, keipawh in engtia awmtur leh engtia awm thei nge ka nih ka inhrelo chu a nih hi!!


Ni e, hmeichhe pakhat tih chhiat a, natna thlen sak ka tum kha ka hlawhtling ngei mai a, chumi rualin ka thinlung ngei pawh ka hriat thiamloh ka hrethiam a, chu erawh sawi chhuah sawiloh tihlan pawh a remlo zui ta chu a nia, hreptak hian!!!


"Keimah in ka in buaipui thei, mu tawh rawh," Ti bah nawk nawk chuan ka pensawn tur chu ka kat nawk nawk, mi rawn dawm a tum leh rualin ka kut chunglam ah ka phar thuak, keimah ngeiin kan room chu ka thleng thei a ni, tu puih mah hi ka phu heklo



Mahni leh mahni in pal khut khut chuan step ah ka chho, ka mitvai phiangsen nge Hmangaihzuali nui hmel leh rilru na hmel a rawn in lan chhawk ang zut zut lehnghal a, room kawngkhar bul ka thlen chuan ding bu deuh lawp lawp in ka en vang vang, he room a lut hreh ngawih ngawih te khan ka siam chu a ni sia, "a pasal," ka nih thu kala sawi ang pung pung zui a


Ka lu thing nawk nawk a kawngkhar hawng ṭhuai chuan ka pen lut, khum pan chhat chhat chuan ka bawk thlawp, ka thaw hawk, "k tihpalh," Ka ohun sep, ka mit ka chhin rualin Hmangaihzuali nui hmel mawi lutuk a rawn lang nghal zat

Ka biang ah rawn khawih a, ka chhipsam ṭhâm ne ns a, ka hnungzang a zut thla riak riak tu Hmangaihzuali kut nem leh dam dâp ang mai chu ka feel veng veng, nui sûng in ka mit ka chhing diar diar, ka ngai a ni, kha hmeichhia, induh tawk lutuk leh chapo ka tih fo kha ka ngai takzet a ni, "ka hmangaih che a ni, kei hian ka hmangaih takzet che a ni," ka phun sep sep

Ka mitthla a Hmangaihzuali'n nui sâng a, ka lam a Doctor coat var ha chung leh Stethoscope a nghawng a awrh chung a a rawn pan ka hmuh chuan ka nuih var var
.
.
.
.

"Mama, tho teh, harh teh, pawn ah saan reporter an tam lutuk a nia, Bawihtei pawh school a kal theilo, harh teh, a mak e," Nancy'in min rawn sawi nawk nawk a atih chuan, mit thîp ûrh in ka meng chhuak kawk, nizan a ka taksa kut nem tak a khawih ang mai a ka feel kha, ka mumang lek maw lo ni a, hreptak a!! Ka ruih a piang mai a Hmangaihzuali hmel ka hmu fo mai hi a ṭha lo tawp mai, a hma lahin Lucy-i, a mah emaw ka ti tawh bawk, ka thaw hawk , "tho la inti fai rawh, media mi antam lutuk, an zawhna te saw chhang in chingfel tum teh," Nancy'in ti leh hlak chuan ka room a chhuahsan nghal


Bang a sana i tar chu ka en zawk, zinglam dar 10 a ri thuak, lu na bur a ṭhu chhuak in ka bek ka dawm deuh vang vang, pawnlam a ri nuaih nuaih ka hriat chuan tukverh lam hawiin ka pan hnai, ka thaw hawk, in hnuai gate pawn lam a Media mi, bawr luih mai ka hmuh chuan ka lu na a ati zual phiangsen in, Hmangaihzuali te in leh a awmna damdawiin ah pawh an awm khawp ang


Ka phone zawng chuan ka hmuh rualin Ricky ka call nghal, "Hotel kawt ah reporters antam lutuk a nia," A rawn tih chuan thaw ri hrawih in ka phun zui hluk, zu ṭhing rim kala nam ang hum hum zui ah!!!

"Tun ah security team Durltang damdawiin ah leh Hmangaihzuali te in ah a tam thei angber tir chhuak la, tuman an ti buai tur a nilo, darkar 1 hma in ka chingfel vek ang," Ti leh phone off in bathroom lam ka pan nghal, phiangsen in, hethil hi duh aiin a darh zau mah mah



Bathroom a inti fai sawk sawk a chhuak in ka inthlak mawlh mawlh, inhnuai a pen thla pawk pawk in, "Daddy, mummy hi ala tho lo a mi?" In hnuai ka thlen rual a ka fanu zawhna chu chhan mai dan tur ka hrelo, ka nui tawi tak, "Mummy chu a damlo a, in ah a awm rihlo, pawn ah Nancy-i tel lo in chhuak miah suh aw," Tih leh zawhna dang min zawh leh hma in pawnlam ka pan nghal nal nal, fate zawhna zawh pawh kan hlau ṭan chu a ni dêr mai sia


Gate a ka pen chhuah rualin min rawn bawr huk, Ricky-an security team a rawn tirh an rawn thleng chiah bawk, reporters ho dang chuan min rawn din hual, camera a de nghal chuai chuai, zawhna a ri nghal zawt zawt bawk

"He video hi i sawifiah thei em? I nupui i neih chhan hi phubalak lak i duh vang tak tak em ni? Engvang a phuba chu la duh nge inih? Engthil sual nge i nupui chuan i chung ah alo tih rêng ni?"


"I Hotel bord members zing a share holders lianber fanu Doctor Lucy-i nen hian affairs chu in nei tak tak em ni? Nge ni a i nupui pawh hian ngaihzawng a lo nei ve tak tak? Thutlem tal i sawi thei em?" Engber nge chhan tur pawh hriatloh chuan a ri chuah chuah


Thaw hawk a ka kut chunglam a phar zauh chuan, "ngawi phawt ula in zawhna ka chhang angche u," Ka ti chuan a reh tial tial, an ngawih ṭhap hnu ah, "i nupui i neih chhan a an sawi hi a dik rêng em?" Pakhat in a rawn tih chuan za lo lutuk in ka ṭhensak


"Ka nupui hi ka hmangaih a, ka hmangaih vang a nei ka ni bawk, he video hi a lem ka ti a nih chuan dawt ka sawi ngei ang, kan nupa inkar a ni a, sawi thui vak ka tumlo bawk, he thu leng vel chungchang a diklo tak a thutheh darh emaw ka nupui emaw a chhungte tibuai a, zui buai in awm chuan dan angin ka che chhuak bawk a, social media a thudiklo tak tak leh ka nupui hming hliau theih na post leh sawi an awm chuan chung thleng chuan ka hrût chhuak vek ang," Ka tih ṭhak chuan an phun sur sur


"A nih chuan Doctor Lucy-i hian dawt a sawi itih na em ni? In inkar ah engmah a awmlo takzet a maw?" An rawn tih leh chuan ka thaw ri hrawih, engthil teh hrep in nge maw Lucy-i pawh chu ka ngaihzawn rin tir ni?


"Awmlo, a awm ngai heklo ang, a chiang em? Thudiklo theh darh lo tur in ka hrilh nawn leh angche u," Ti nawn hrawih a pensawn chuan k car awmna lam ka pan nghal, min rawn zui an tum chu in her in, "khang thutang diklo zawng zawng kha darkar 1 liam hma in a bo vek tur a ni," Chief security guard chu melh hrawk a tiin car ah ka lut nghal



Chak lutuk in Hotel ka pan nghal, Hotel kan tlen chuan VIP car park na ah ka car ka hun rem rualin kawngkhar a rawn in kik ri kharh kharh, Ricky-a hmel ka hmuh chuan kiai suk a chhuakin, "engkim a fel em?" Ka ti nghal sup


File minpe pah in, "damdawiin ah pawh reporter an tam khawp mai, mahse lung ngai suh, nichin mai khan an chinfel tawh thu an rawn sawi," A tih zawmzat bu nghat nghat a, file keu chuan kal pahin ka en nghal mawlh mawlh, Ricky-an hna chung chang a sawi mawlh mawlh bawk


Lift lam kan pan chu, "min thlah rawh u, reporter ka nilo tih vawi engzat nge maw ka hrilh dawn che u le, Remruatpuia ka hmu duh mai a ni, ka ṭawng in hria em?" Thinrim a au tawn tawn ri ka hriat chuan ka ding dat, Te-in min rawn en ve chiah bawk, a thinrim zia chu a alh chhuak lo chauh, a mit aṭang leh a beng aṭang te sawn mei alh chhuak theise a chhuak nasa viau in ka ring


"Rawn kaltir rawh u," Ka tih chuan ka file ken lai leh tablet chu Rajesh-a pe in, "plan angin engkim a kal tur a ni, karleh aṭang hna an ṭan thei tawh ang," Ka ti sup, ka hma a thinrim hmaisen tawn tawn a ding Te-i chu ka en chhuk


"Ka office ah kan inbe dawn em ni?" Ka ti sup, helai hmun ah hi chuan vei vak an tam mah mah a ni, ka pensawn tur chu, "a ngailo ang Pu Remruatpui, he hmun ah hian lawmthu rawn sawi tur chauh a rawn kal ka ni," A aw a ring in a chang fia fia khawp mai ka thaw hawk



"Ka pi helai hi chutiang sawina hmun tur a nilo, office lam i pan ang u," Ricky-an zawi sep a thlêm ti tih a a tih chuan Te-i chu a nui hul hak

"I zak leh si em ni? Zak duh suh, lawmthu sawi mawlh mawlh tur a rawn kal ka nih hi, ka ben che hlau duh suh, ka kut thianghlim lutuk hi i hmai bawlhhlawh lutuk khan ka ti bawlhhlawh duh hauhlo, Remruat, ka unaunu rilru leh taksa na tak a siam a, damdawiin a admit ngai khawp a i siam a vangin lawmthu hrilh che ka duh mai a nia," A rawn ti leh fak fak, muangchang a in her in ka en, a mitmeng thinrim alh phût ah chuan lawm hmel chu langlo tak a ni, min zuan thut anga min ham buan buan ang tih mah hlauhawm zawkin


Min rawn en chho ar ar, Hmangaihzuali ka hrechhuak nghal zat, ka nui hak, ka hma a, ka khabe hnuai aṭang a min cho ar reng mai a ding ṭhin, tlawm tum ngai reng reng lo hmeichhe luhlul leh induh tawk lutuk kha ka hrechhuak lo theilo


"Ni e, na tak a i siam hnu ah chuan nui tur i ni reng a ni, a mittui itih tlak avangin lawmthu ka hrilh angche, amah hmangaih tu diktak a hriat phah a, nilo, hmangaih tu diktak in a rilru put hmang a tihlan theih phah a, i zâr vek a ni e, hmangaih na diktak dawngin a kut chelh tlat tu, a hlimloh leh a mittui tlak hlau em em tu mipa diktak a nun a lakluh hun rem chang i pe a, lawmthu ka sawi mawlh mawlh a ni, tun aṭang chuan a nun aṭang a hla thei ang ber ah awm angche, ni lo, a lam hawi pawhin rawn nui ve tawh suh," A au tuar tuar, Hotel a hnathawk leh mikhual, vei vak zawng zawng chuan ding meuh in hmuhnawm thlir in min thlir ṭhap, kei erawh a thusawi, "hmangaih tu," A tih lai chuan ka nui hmel a ti reh tial tial, ka thin nilo, ka lungphu, aih ka kawchhung hi a hit thla mup mup mai in ka hria, hetiang a ka awm vawikhat na leh hmasaber a ni hial ang, nge ni a ka damlo dawn zawk



"Ka pi insum teh helai..." Ricky-an ti leh a bân a dawm a tum chu a lo vai kiang sawk, khap ka tum hauhlo, a chhan chu Hmangaihzuali lak a ka thil tih nen chuan he thil hi chu nêp tê a ni tlat a ni


"Kala sawi zawi hauhlo a nia, i hmangaih em em i nau Rachel-i hnen ah pawh lawmthu minlo hrilhsak angche, Hmangaihzuali bialpa a luhkhung hnu a, Hmangaihzuali rawn dem leh a, tual that tu hial a in rawn puh avangin lawmthu kan sawi mawlh mawlh tih lo hre rawh u, mahni a mipa pakhat pawh nei zo lo, hmeichhe dang mipa lân hnu a, sawnpai chung a Lalthazuala luhkhung tu mai mai a nih kha, Hmangaihzuali hma a a hmelchhe lutuk mai kha vawikhat pawh a rawn in lan leh a nih chuan, a lei hmang thei tawhlo tur in ka pawh dâwh sak duh ang tih hria angche," Kha lutuk a ti tuar tuar a thaw kawk kawk chuan min melh hrawk hrawk in a in her vut



A pensawn tur chu ding dat a rawn inher leh in, Ricky-a rawn kawk vâ chuan, "i hmel kha darthlalang ah en la, keiai a i tar zia i hmu ang, i pi rual i hriatloh chuan i kâ kha ang ve tawh suh," Min rawm melh hrawk, "in kawo awm tak pawh in ni," Tih leh hrawk chuan a pensawn hlawk hlawk chu, "tun...tun ah khan keimah em ni tar mintih, chu nu mai mai chu(h)," Ricky-an ti leh pensawn atum chu, "kaltir rawh, mikhual leh Hotel a awm ho hnen ah sawn ngaihdam ka dilna thu i hrilh hlawm dawn nia," Tih leh lift lam pan chuan ka pensawn nghal


Ka nui hul hak, ni e, tunah chuan hmangaih tu Lalrinhlua a nei tawh a, kei engtik lai pawh a natna thlen tu leh mittui ti tla reng tu bul ai chuan a hlim zawk fê angchu, aih, a hlim zawk tih ka chiang a ni


"A ruk a Hmangaihzuali veng tu tur chu ka dah tawh aw," Lift ka luh rualin Ricky-an a rawn ti sup, ka kiai suk ringawt, hlatak aṭang a ka venhim chuan ka duhtawk thei mai angem? Nge ni a, ka chelh bet tlat dawn zawk?



ZUALTEI......POV


Ka harh hlim a ka awmna ka hai nasat zia kha, Rinhlua lah Remruatpuia hmuh a hmu in kala ko zui bawk a, hahthlak hian, nimin lam thleng kha chuan reporters ho damdawiin kawt ah an awm tih ka hria, kala chhuahloh hrim hrim avangin anla awm em tih pawh ka hrelo


Sana ka en zauh, zanlam dar 8 a ri thuak, nileng in Rinhlua'n min awmpui, khami zan a minduh thu a sawi kha a sawi nawn leh tawhlo hrim hrim, sawi nawn tur pawh in ka duh hauhlo bawk

Kawngkhar rawn ri rek ah chuan Te-i leh Ben-a an rawn nui lut var var, ni 2 ngawt damdawiin a ka awm tawh avangin ka kham tawh takzet tih an hria a ni ngei ang, an haw na ala reiloh tehlul nen, an rawn lang leh rang emai


"Ilo ning hman em?" Tei'n a rawn tih chuan ka nui hak, "ning na hman a awmlo, in rawn lang leh rang lutuk, Ben Ben, tahlo kal teh," Tih leh ka kut ka phar chhuak, "i pheikhawk phelh rawh bawiha," Ka mutna a rawn tlan lawn a tum chu Tei'n a lo ti vat, a phelh ve mai bawk a


Ben-a ka hmuh hi chuan Loicy-i ka ngai tlat ṭhin, a rilru a buai in, minlam ngun tawh viau in ka ring, nizan lam ah pawh ka mang phan nasa khawp leh nghal, Remruatpuia erawh ngaihtuah loh tawp ka duh avangin, news emaw a hming lan na leh rik na lam hrim hrim ah ka beng ka chhi ngawng tlat thung, tumah in an lam ri heklo



"Tete," Ka sam khalh niap niap a Ben-an a rawn tih chuan, "ummm," Tih leh ka melh chhuk, Tei'n thei a vel mawlh mawlh, "Loity hi ka nai e, i nai ve em?" Fiahlo zet a arawn tih chuan ka bu nghat, ka ngai a ni, ka ngai takzet, Loicy-i lo lam pawh ka ngai a lawm



"Umm ngai e," A bak han sawi belh vak tur ka hrelo, "hetah anlo tal ve teilo mi? Mummy'in a tawi a," A tih chuan ṭah nuih hak in a biang a ka fawp zauh, "lehkha zir a ngai alawm, nangpawh lehkha zor ṭha la, tlangval lianpui i nih hun ah inla inhmu leh mai ang," Ka tih chuan a ha hmaibal lang heu chuan a rawn nui var var, ka mittui ka khap per sak sak, ka mitthla ah Loicy-i leh Rempuia an rawn lang nghal zut zut bawk, ka thaw hawk



"Kha heihi ei ru, Benjamin, Loicy-i hming lam tawhlo tur in ka tih che kha," Tei'n rawn ti fak a min rawn melh zauh chuan, "a pawilo, naupang ala nih hi," Tih leh apple a vel zawh chiah pakhat chu la in ka pe nghal, a ṭhial nghal tiam tiam, ka nuih var va, ka fanu kha la dam nise chuan unau in hmangaih tak an ni ngei ang, Loicy-i a ngaih ang leh a kawmngeih angchiah hian ka fanu pawh kha a kawm ve ngei tur a nia


"Kha ei rawh nangpawh, thil ṭul lo ngaihtuah lo khan, khatiang mihring pawh nilo kha ngaihtuah tawh suh ang, a hmel ka hmu leh a nih chuan a lu ka la duh tak tak ang, an hmelchhe unau si," Tei'n duh thawh lutuk a a tih leh hlawk hlawk chuan ka nui hak hak


A apple min pek la pahin, "ṭha i tih theih awr awr viau kha," Nui tut tut chung a ka tih chuan a nui ve hak hak, "ka ti tawhlo, 'don't judge the book by its cover' tih chu saw ramhuai Remruata ṭang chiah sawn AMEN ka pek bakah ka HALLELUJAH ṭhuai ṭhuai," Uar fê a a tih chuan ka nui hak hak, ka ṭah rawn chhuak tlat chu ka mittui ka khap let sawk sawk bawk


Te-i phone rawn ri chu melh zawkin, "awii hepa hi chu a mak em em e," Tih leh a pickup rualin, "darkar 1 pawh ala nilo," Ati zui hlak chu ka nuih hak, Isak-a tih ka hre nghal, anpa a hau deuh mawlh mawlh chu ka en reng, an nupa nun hi ka awt takzet ṭhin, engtik ah mah ka neih leh dawn ve ngailoh tur a ni tih ka hriat vang pawh a ni mahna


"Haw tawh mairawh u, Isak-a khawngaih thlak, na lutuk ka nihloh hi bakah ward an rawn fang anga mut a hun mai dawn," A phone hmang zo ka lo tih chuan thaw hakin, "a nih leh kan haw anga naktuk ah a pa ho in kan rawn kal leh dawn nia," A tih tak ah chuan ka bu nghat, Ben-a rawn ban in, "haw teh ang, i pa mawng ah rûl hlût a awm leh tawh a a za leh cheng tawh, rei hi kan tel lo hian a awm theilo," A phun hlak hlak chu nui vur vur in ka en, an chhuak tur chu Ben-an kut mi rawn vai lauh lauh, ka nuih hak hak


An chuak chu room chhung a reh nghal ruih ruih hian ka hria, ka awm na hi duhlo el tiang mahila reporters ho avangin VIP room ah ka awm angaih phah a, a reh leh zual


Khum aṭang a chhuk chuan bathroom ah ka lut, ka hmel darthlalang a lang chu ka en vang vang, ka oawr in ka cher em em mai leh nghal, ka hmai chu ka zut riak riak, ka hmai a ki in a hriam hrâk, ka thaw hak, ka hmai phihfai in ka ha ka nawt fai


Bathroom aṭang a ka chhuah rual a, ka rilru a awm reng, ka dawn nge, ngaihtuah pawh ka duhlo tawp Remruatpuia min hnung chhawn zawng a kekawr ipte zen ap mai a, ding luah mai ka hmuh chuan ka sa nghal hat hat, ka lungphu a rawn rang nghal dawt dawt, ka thaw kawk kawk bawk


Ka lam muangchang a rawn hawi chuan mit zîm sân in chîk lutuk leh uluk lutuk chuan min en, ka chil ka lem khalh, a business coat uk hak chuan a tilang pa in a ti lang lian leh zual, a inhmeh zia chu rapthlak tak a ni


Thaw kawk a, engah mah ngailo ang mai a ka mutna lam pan chuan, khum ah lawn kai nghal mai ka tum chu ka hma a rawn ding in, "bawihi," Rilh ruih mai a atih chuan ka kawchhung a fan thla nghal rawih rawih, ka mit ka chhing sawk, ka kaw chhung a khur ru nghal der der bawk, a hûhâng hian min nghawng na lutuk mah mah a ni


Min rawn khawih a tum chu a mit ah pawh enlo in ka tawlh hnung hret, nilo, chhuat ka bih ngar ngar a ni zawk, a chhan chu, a hmelṭha lutuk ka hmuh hian ka ngaih zia leh kuah ka chak zia hi ka huat na aiin a nasa tlat a ni tih ka hre tlat a, ka kuah vawng vawng duh mai ang tih ka hlau a mi mah zawk


"Khatiang khan min ko tawh suh, in zawmna kan neih tawhloh kha, pawimawh sawi tur i neihloh chuan khawngaih in min chhuah san rawh," Pangai tak a sawi chhuah ka tum a, a mitmeng ril ruih mai enloh ka tum vei nen, dak chho hâ in, ṭah insum fê leh rilru na tih hriat lutuk in ka sawi chhuak leh ta hrawih mai

A mit a chhing sawk, min rawn pan hnai hret a min khawih a tum chu, "min khawih suh ka tih kha," Ka ti chhuak ṭhat, ka mittui a rawn far kauh kauh, a thaw ri hrawih, a chhip sam buk laih mai tuai puat chuan a bu nghat, "Ok," Ti sup chuan mitsen râm leh natna a khat ni awm tak in min en

"Bawihi khawngaih in, tiang hian awmsuh, ka tihpalh, i lungawi na a nih phawt chuan min bengla, min sawisa rawh, mahse min kalsan suh," Chutiang tak chuan he mihring pa, mahni tawk a in duh em em, tuma lak a khawngaih dil tum ngailo mihring hi a in phah hniam kala hmu ngailo, a mah a ni tih pawh awih har zawk tak a ni

Mahse... Mahse he thinlung pawh hi mihring thinlung ve tho a ni a, na thei leh tawp chin nei a ni miau si a, ka mittui a rawn luang ngiai ngiai, thei ni ila beng ila, ham ila, sual let ila, a hnu ah hmangaih takin kuah leh thei ila ka ti takzet, mahse kan in kar khik nat zia chu kut thawh emaw ka hmangaih na zawng zawng sawm khawm pawhin a chilh phui zo tawhlo a ni


"Ben che ka duh, nilo, sawisak che a, i hnuk chah dawn thleng a vuak che a, sawisak che ka duh," Ṭap chhuak hlawp hlawp chuan ka ti chhuak, khang ni hnih chhung teh meuh ka thinrim na, natna leh ka mittui kalo dan beh te chu a rawn baw chhuak hawk a niber

"Umm ti rawh, i lungawi na anih chuan ka hnukchah dawn thleng min sawisa rawh, mahse min kalsan lo tur in intiam rawh," A mit a hnawm chap, a sen ram bawk, mittui kar aṭang chuan ka en ngawih ngawih, ka duh a sin chutiang a tih chu, a mit sen râm leh mittui tla ve ni âwm tak a hnawm chap ah chuan min hmangaih emaw tih mai tur a natna a khat in min en chhuk



"Ka duh, chutiang a tih chu ka duh, mahse ka tilo ang, a chhan chu maw, mihring i nilo, aih, mihring thinlung pawh in neilo, engtin...engtin nge in mihring pui ngei ti na tur a ruahman na tenawm lutuk in siam theih, chutiang thinlung pu mi lak ah chuan ka kut hi ka ti bawlhhlawh duhlo a ni," Ka ṭap chhuak hawm hawm, chhuat ah ka ṭhu thla hnawk, min khawih chhunzawm lo a, a ding khur ve dar dar tih erawh mittui tla zawih zawih chung pawhin ka hre thei


Ka na a ni, tun ah kalsan lo tur in min ngên a maw? Min hmangaih lo a, min chelh chhan tur a neilo a ni lawm ni? "Chhuak rawh," In hnit hlawp hlawp chuan ka ti leh ṭuak chu a che eih lo, a hmel ka hmuh hian ka na a zual a, ka hmuhloh lah in ka na tulh tulh bawk si, ka thinlung, ka lungphu hi phawrh chhuah a, paih bo vang vang theih nise ka kut ngei a phawrh in ka vawm bo vang vang duh ngei ang le


A rawn pen hnai hrut tih ka hriat chuan, "chhuak rawh, ka hmu duhlo che," Ka ti leh tuar chu thaw ri hrawk in, "bawihi," Natna a khat ni awm takin a ri chhuak, ka en duh hauhlo, chhuat ah chuan ka ṭhu tawp ngut ngut, "a ṭha e, ka kal, ka kal," Ti leh chuan kawngkhar lam a pan ri chu ka ngaithla rân ka mittui lah chu tawp duh dêr lo in a luang reng bawk, kawngkhar a pen chhuah a rawn khar rik khep rual chuan, ka ruak nghal vek, ka thlarau a kal pui ta daih emaw tih tur khawp in ka ruak a, dam hawk awm tak ka tawt in ka kawchhung ah natna in min hmer na tulh tulh, thawk lak ka tum, a sak em em, ka thaw kawk kawk, ṭah chhuah hawm hawm ka duh mahse ka awm a min hnawh tlat avang in na ti lutuk a ka awm ṭham tawk tawk chuan ṭah ka tum, a na, a na lutuk mah mah a, ka chelh lo a ni


***Riya***

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:23 pm

STONE HEART
By floria laldansangi

30


ZUALTEI....POV

**"Mummy, min kalsan tawh dawnlo iti si a, tinge min kalsan leh," Mittui tling piau a ka hma a ding Loicy-i chu pan hnaih ka tum lai tak in ka pi in nausen pawm chung in ka lam a rawn pan, ka meng kawk, mak ti lutuk chuan ka en, a kut a a pawm nausen chu ka fanu a nih ring in, "bawihte," ka phun sep, ka mittui a rawn hnâm ṭiam ṭiam


"Pi," Ka phun leh sep, ka pi chu a nuisâng, "Zualbawih, i damlo em ni? I cher hle mai, zan i mu leh theilo a ni tiraw ka tunu," Ka pi hmelṭhat zia chu, chutiang reng reng a ka hmuh hmelṭhat lai kala hre ngailo, mahse ka mit ah thûk tak a min en chuan, ka en lêt ve, natna leh lung ngaihna thûk tak ka hmuh tel tlat chu enge a nih ka hre hauhlo


"Pi," Pan hnaih mai ka tum a a nausen pawm leh Loicy-i a kut lehlam a kai chuan a tawlh hnung hret hret, mittui tling piau a, a ngaihna hrelo lutuk chuan ka en, "pi, i pawmlai kha...." Ka mittui a rawn luang thla pup, "ka fanu...ka fanu Loicy-i a ni tiraw? Khawngaih in vawikhat, vawikhat chauh min pawm tir ve rawh, aih, vawikhat chauh a hmel min hmuh tirawh," Ka mittui a rawn luang nghal zawih zawih


Ka pi chuan a lu a thing mat mat, ṭawng tum hmel erawh a pu tawh hauhlo, "Mummy i bul ah min hruai rawh," Loicy-in ṭap pur a min en vawng vawng chung a atih chuan ka pi melh in Loicy-i ka melh leh, ka ṭap chhuak hawk hawk, "vawikhat chauh, khawngaih in vawikhat chauh," Ka pi chu ka dil nawn leh ngawih ngawih, an hla tial tial chu hmanhmawh lutuk in ka pan hnai ruak ruak, mahse ka hmuh ohak ah an awm tawh hauhlo


Ka hawi kual, ka pi hmel rêng ka hmu tawhlo, ka kut ṭang rawn chelh tu chu ka en vat, "Loicy," Tih leh ka ṭhu hniam nghal, "naute kha i hmu em? I hmu em?" A lu a thing, ka mittui a rawn luang ngiai ngiai, "bawihte," Ka phun sep sep, ka hawi kual hmuh tur reng reng a awm tawhlo, a thim mup mup*********



"Zualte, harh rawh, i harh em?" Ka meng kawk, ka ṭhu chhuak nghal hlawl bawk, ka hawi kual, khum ah kalo muhil reng chu ni in, ka hmai thlan dap mai chu ka khawih, ka mittui te a lo tla leh a nih hi



"I ṭha em?" Rinhlua'n hnai set sawt a min rawn en chuan ka phu zawk, thaw hawk in, "ka..ka ṭha," Ka ti bah nak, ka mitthla ah ka pi in nausen a pawm kha a rawn lang, mit ka chhing sawk, ka mittui rawn hnam ṭiam ṭiam chu ka khap let sak sak


Ni e, ka ngaihtuah a ngai tawhlo, tun ah chuan ka fanu enkawl turin ka pi a awm tawh a lawm, mahse enga tinge ka chhungril khawi emaw lai ah hian a nausen pawm kha ka fanu ang a ka ngaih miahloh ni, ka hahdam hauh lo


Ka sir a tui bottle chu la in ka hawng mai dawn a ka hawng theilo, "Keiman ka lo ti ange," Rinhlua'n a rawn ti sup chu melh zawkin, "ka lawm e," Ka ti sep, min pek rualin ka in nghal khawlh khawlh


Ka thaw chhuak hawk, ka kawchhung sa lutuk a dâi thla sawng sawng thei, sana ka en zauh, dar 9 a ri dawn tawh, ka muhil nawn leh chu duhai ka nu rei hret a ni, Rinhlua ka melh zawk, "hna kal i ngai lo em ni? Ka nu a rawn thleng ṭep ang, ka chhuak tawh dawn tho a, ilo kal duh a," Tui bottle dah let pah a ka tih chuan nui sukin, "dar 10 ah a lawm ka duty a in ṭan dawn, min hnar renglo teh," Atih chuan ka nui hak, a thusawi awmzia ka hria mahse mitmei ka hmuh duh hauhlo, Remruatpuia aṭang a ka dawn, beiseina beidawn thlak pek ve ka tum hauhlo

Kawngkhar lam aṭang, "bill ka ti fel dawn a, pek a nih tawh thu an lo sawi a, Zualbawih i pe em ni?" Ka nu chuan mangan hmel zet a a rawn tih nuah nuah chuan a ngaihna hrelo zet in ka lu ka thing mat mat

Rinhlua ka en chuan a kut pahnih a âwm zawn a phar meuh in, "ka ni hauhlo aw, min melh rum nghal miah suh," Fiamthu a a tih zawm zat chuan ka ner nawk


"Te-i a nilo maw?" Ka nu in a rawn tih chuan ka lu ka thing mat mat, tunge a nih ka hre chiang khawp mai, engthil nge ala duh fan ni? Nizan min chhuahsan khan ka thinlung hian a beidawng dawnlo tih chiang takin a hria, mahse engtik lai paw dawh reng ṭhin Hmangaihzuali kha ka ni tawhlo, a duh a hmu a, engkim a tawp tawh a ni


Ka nu leh Rinhlua'n min en haw chu, "a pawiloh chu, sum kan save a ni mai," Ngaih pawimawh loh hmel zet chuan ka ti vat, Rinhlua chuan a hrethiam a ni ngei ang a kiai suk duh chauh a ni


Ka nu in bu nghatin, "i pa pawh, ṭhenawm te khan an phût nasa si a, an insak nalam ah chuan a kal ta nge nge a nih kha," Bag a in khung nghal mawlh mawlh chuan a tih leh nghal zat, ka nu leh pa pawh a hma ang em em a zu in an ni tawhlo, ka nu phei chu a in tawhlo ka tih chuan dawt kala sawi deuh ang, a khat tawk a hmuam zeuh ala ching tihloh chu, rui chhia emaw chên tluk tluk ang khan a awm tawhlo, ka pa pawh chuti tho, a hma ai zawngin kan in pawh a, tun ah chuan kan inbe ve bawrh bawrh ta ni hian ka hria, hetiang a chhungkaw inpawh tak nih lo nawm zia hi, ka tem chho ve ṭan a ni mahna


"Inti fai la, kan chhuak mai dawn em ni?" Ka nu in a tih chuan ka bu nghat, khum aṭang a chhuk in bathroom ka pan nghal, darthlalang a ka hmai ka hmuh rualin ka thaw hak, ka mit nizan a ka ṭah na vang a bûi lûk leh mitmu sen râm mai chu, ka rapawm mah mah zawk a lawm mawle


"Ka nu kha?" bathroom aṭang a ka chhuah rual a Rinhlua chauh tukverh a dak vauh vauh a ding ka hmuh chuan ka ti nghal, ka lam rawn hawiin a nui suk, "kal ila, car ah minlo nghak tawh ang," Atih chuan ka bu nghat, a chang hi chuan Rinhlua min en dan hi nuam ka ti ṭhin lo, ka lak a a rilru put hmang ka hriat kur vang pawh a ni mahna

Ka nu Rinhlua a car bul a lo ding vâng mai ka hmuh chuan ka pan vat, "i lut vat teh ang u, ni a sa ṭan dawn tlat," Ka nu in a tih leh seat hnunglam kawngkhar hawng in a ṭhu lut nghal, ṭhut luh ve ka tum ûk tawh tih ah, "Mummy," Loicy-i aw chiang lutuk a ka hriat chuan rang mangkhêng in ka in her nghal


Ka lam pan a rawn tlan dat dat Loicy-i ka hmuh chuan phawk fê a en in, ka bul a rawn thlen rual a ka mal a kuah chawt chuan, "Mummy," A aw ah chuan ṭah chhuak te pawh a ang, ka thaw hawk, ka lungphu zawn hi chhan awm silo in a na veng veng

"Nizan pawh a muhil lo hrim hrim, rawn hruai loh theiloh in a awm a, U Zualte ka tihpalh," Nancy'in inthiamlo zet a arawn tih chuan ka lu ka thing mat mat


Nuih sakin ka ṭhu hniam, a mittui tla chu hruk hul sak pahin, "thu i awih vaklo em ni a?" Ka nui lui sâng, a mittui tling piau mai ka hmuh chuan ka mittui a rawn hnai nghal kuar kuar


"Mummy ilo haw tawh dawn em? A rei tawh ê?" Rei tih hmel fê chuan nernung in a thlûk fãn raih, ka chil ka lem khalh, engtin nge he naupang pawisawilo zet hi ka chhan tak angle? "Kalo haw tawh dawn hleinem, i nu ka ni tawhlo," Ka ti dawn em ni? Nge ni a, engtik ni ah emaw ka la hruai ve tur thu beiseina beidawn thlak tur chu ka hrilh zawk dawn

Rinhlua, ka nu leh Nancy-i te chuan ngawi rengin min en, ka mittui rawn luang thla pap mai chu rang lutuk a hru vatin, "bawihte," Ka aw a lai rât, a mitmeng fiah leh dum tle ral mai chuan min en kiau, a khap fak fak


Ka nui hak, ka nuih erawh a za miahlo, "fel deuh in awm la, Nancy-i leh i daddy thu awih la, min ngaih chang a piangin ka awm na tur i hriat kha, Nancy'in a rawn hruai ṭhin dawn che nia, ṭah tawhlo tur, naupang fel chu an ṭap ngailo, i hrethiam tiraw," Ka ṭah chhuak ta em em mai chu ka hrethiamlo, tunlai ka mittui tla awlsam lutuk te hi a mak takzet a ni


Loicy-i chu a rawn mên puau puau, ṭap chhuak hawk chuan a ṭap nghal uar uar, kalam a pawt hnai a kuahbet chuan, a sam ah ka chul, sawi maitur pawh ka hrelo, keipawh ka mittui ka khap per sak sak


"Ka mummy ang khan van ah min kalsan i tum a mi? Minduh tawhlo a mi mummy? Ka fel tawh ang, ka ṭap tawhlo ang," Ṭap chung chuan a rawn ti chhuak nuah nuah, ka ṭah nuih hak hak, ka mittui ka khap pek sak sak ti mahial ka biang ah a rawn luang thla ngiai ngiai, Nancy-i pawh a mittui a hru hul zauh

Ka lu thing in ka mittui hru hul chuan, "ka kalsan ve dawn hleinem che, fel deuh a i awm chuan i duh hun hun ah min hmu tur in emaw hmu tur che in kalo kal thei a lawm," Ṭah insum lutuk mai a ka ṭawng seh chilh a, lawi rât a ka tih chuan ka namsawn deuh, a mittui hruk hul sak pahin, "naupang fel an ṭap ngailo, bang tawh rawh le," Ka nui sâng


"Nancy vawiin chu ka lo awmpui mai dawn em ni?" Nancy-i ka melh chho a bu ve nghat nghat, ka din chhuah a Loicy-i ban a kai chuan, "ka...." Ka ti hman ṭawk tih ah, " Hmangaihzual, ka fanu kha thlah nghal rawh," Rawn ti ṭêng chuai tu lam chu kan hawi dawrh, ka nu leh Rinhlua'n min rawn din hnaih nghal zat

Rachel-i thinrim hmai alh chhuak lo chauh a kan lam a rawn pan hlawk hlawk chu phawk fê in ka en, Loicy-i chuan a hlau tih hriat lutuk in ka phên ah a tawlh lut zâl zâl, nghet lutuk in ka mal ah a kuah bet nghal ṭâu bawk

"Hmangaihzual ka fanu hlat ah awm rawh ka tih che kha," Kan bul a rawn thlen rualin a ti ṭhawt, ka thaw hak thung, hei zo zai mi veivak leh damlo leh hnathawk tam na ah zahpawh hi a dawn ṭhin lo hi a mak ka ti


"Rachel, U Zualtei thiamloh pawh a nihloh kha," Nancy'in ka ṭawng hma in a rawn ti vat, Rachel-in rum lutuk a Nancy-i melh chuan, "tun aṭang chuan Loicy-i hi ka hnen ah a awm tawh ang, Loicy hetah rawn kal rawh," Ti hrawk a rawn ban a tum chu Loicy-i ka hnung a tawlh lut rawk rawk in, "ka duhlo, mummy bul ah ka awm duh, ka duhlo che Rachel," A tawp lam chu a ṭap chhuak nghal ti tih


Loicy-i vuan chuan, "duhtawk rawh Rachel, a hlauh êm che hi i hmulo em ni?" Vin let hrawk ka tum na in naupang hma a aw ki vin hman erawh ka duh hauhlo thung, tih hlauh belh lah ka duh heklo

"Ngawi chipcham rawh Hmangaihzual, ka fanu kha minpe rawh, " A ti leh hrawk, a kut bawk a rawn phar chhuak leh chu Nancy-in na lutuk in a lo vai kiang sawk, "a hma zawng zawng sawiloh, i pasal boral karkhat pawh tlingloh ah hnamdang fahrah in a dah tu khan i rawn hmangaih thar thut a, i zak miah nange? Ka ṭawnglo ang ka ti na in, Loicy-i Nu ni tur hian dik na pakhat mah ineilo, Mama awmlo se chuan fahrah tak tak ah i chhuah ang, zahna....." A thle sawk, "Lalnunthar," A ti tuar bawk, vei vak awm leh damlo ho chuan ding meuh in hmuhnawm thlir a min rawn thlir chu ka mit ka khap fak fak, ka thin zawn hi a na vawng vawng, Loicy-i chu ka melh chhuk, a nausen lai tak tak hmulo mahila naute duhawm tak a ni tih a thlalak aṭang ka hmu thei

A tir khan Marini fa emaw tiin ka dem viau a nih kha, mahse Rachel-i leh U Zuala fa a ni tih ka hriat hnu ah pawh hlat ka tum ru ve fo na in ka hlawhchham ṭhak ṭhak thung, engtin... Ka sawithiamlo, ngaihtuah ringawt pawh in min hmet chau, a hrin a fa ngei chu a pasal boral karkhat pawh tlinglo ah fahrah in ah a dah theih, mihring pawh a ni dawn em ni? Ka thin zawn na lutuk sa hat hat chu tih daih tum in ka thaw hak hak


Nancy'in a biang dawm chung chuan Rachel-i chu a melh, kan mualpho nasa zual dawn a ka hriat avangin Rinhlua chu ka melh zauh, a hrethiam tih hriat takin, Loicy-i chu a pawm kang nawlh, Nancy-i pan ka tum chu ka nu in ka ban a minlo chelhin, "chhungkaw thu hla a nih saw, in rawlh mualpho duh suh," A ti sup, ka thaw kawk

Ka ṭang lutuk chu mit a kham ûrh in, ka in sehruh na ah ka bekna a ûrh bawk, ka na ngut ngut mai, "Rachel, thudik hi chu a kha rêng a sin," Nancy-i chuan ṭah aw lawi rât a ti leh ṭuak chuan kan lam rawn hawiin, "U Zualte, kal tawh ru," Atih rual deuh thaw a Rachel-i rawn kal hnai chuan Rinhlua kut aṭang chuan Loicy-i chu a phih thla sawk, kalo rak ṭhat l, a chhan chu a phih na lutuk a, Loicy-i a tih nat ka hlauh vang a ni

"In kut hmawr pawhin tawk tawh suh angche u," Atih leh Loicy-i rak tuar tuar chu a pensawn pui nghal hlawk hlawk



"Ka duhlo che, mummy min hruai rawh, ka duhlo, ka duhlo che ka tih chu Rachel," Loicy-i chu a ṭap tuar tuar, thei leh theilo in min rawn melh ṭawk ṭawk chu ka thaw a chham hial dawn in ka hria, ka hrawk ana in ka boruak hîp a sak mah mah, ka inhum ruh nasa lutuk chu ka na ngut ngut, ka lei ka sehbet ngat ngat bawk, ka mittui rawn luang thla pup, insum zo lo a ûmzui mai ka tum chu ka nu in, "lut rawh Zualbawih, a fanu a ni a, inrawlh theihna dan kan neilo," Ka nu in a tih leh chuan ka na vawng vawng


Ni e, a fanu a ni miau a, sawi theih enge ka neih? A hming in a nu kalo ni tawh ṭhin a, a pa nen a kan inzawmna a chah rual khan mi hrang kan ni tawh a lawm, mittui luang ngiai ngiai leh thin tawt lutuk in car a aluhpui chu ka en vawng vawng, a tawp ah chuan "ka fanu" tih aiin, "A FANU" Tih bawkin a tawp a, ka lak ata kalbo pui in a awm leh ta nge nge a nih hi, ka kawchhung hi kut lawng a zen ang mai a ni, ka ruak in ka na lutuk mah mah

Ka lei ka sehbeh na ah a thî tih hriat takin ka kâ chhûng a al puat, "U Zualte, Mama ka hrilh tawh a ngaihtuah suh, kal phawt mai rawh u," Nancy'in khawngaih hmel zet a min en chuan a ti sup, ka harh zawk bawk, ka mittui hru tawk tawk chuan ka bu nghat, ka nu car a ṭhu lut in, "ni e, an chhungkua khan in chh ingfel rawhse," Ka nu chuan a ti leh hlak, ka zui lut ve vat bawk, Remruatpuia ka chhuahsan aṭang in ka nu leh pa te hian ṭawngkam khat pawhin thil thlen dan min zawtlo, mahse an lung erawh a awihlo hle tih ka hre thung


Ka mittui rawn tla leh chu ka hru lehnghal vat, ka mitthla ah Loicy-i mangang au leh ṭap bawk a rawn lang leh, tih theih ka nei der bawk silo, tukverh lam hawi chuan ka mittui chu ka hru mawlh mawlh, tunlai ka mittui tam lutuk hi ka hrethiamlo, intih chak ka tum nasat pauh leh a tam tulh tulh emaw tih mai tur a ni, ka hrawk ah min hnawh in a na ut ut, ka hnungzang khuar lai ah min hnawh tlat bawk, ka thaw leh kawk ṭhin


Ka hnungzang a ka nu in rawn chul hliau hliau in, "ngaihtuah lutuk suh, Rema, anau in a hrilh tawh kha," Ka nu in a rawn tih chuan pawnlam en tlat chuan ka lu ka ti che nghauh nghauh, mit ka chhing sawk bawk, ṭap chhuak lo tur a ka in sum nasat zia chu pui tak a ni, Loicy-i ka hmangaih dan hi ka fanu ka hmangaih na nen hian a nêp chuang miahlo, ka tan chuan ka fanu Loicy-i rawn dam.leh ang mai a ni miau a



REMRUATPUIA....POV


Meeting hall aṭang a ka chhuah rualin message ka dawn chu ka en nghal, Ricky leh Rajesh-a en chuan, "naktuk lam a inneih na hman na tur engkim a fel tawh em?" Ka tih chuan an bu nghat


Nancy-i message ka chhiar rualin ka thaw hak, "ka chhuak dawn a nia, Ricky i thil chhui chu hriat i neih tawh chuan ka rawn let hun ah min hrilh mai rawh," Tih leh ka pensawn nghal pawk pawk, lift a chuangin car park na level B1 ka hmet nghal zat


Car lam pan chuan Nancy-i ka call nghal, car chhung ka luhrualin, "tunah Loicy-i nen in awm dun em?" Ka ti hluk, Rachel-i hian Loicy-i ati lui a nih ngat chuan vawikhat mah a hmu tawh hauhlo ang, ka ti duh tak tak bawk ang


"Aih, car in a tlanpui tawh, U Zualtei leh Bawihtei ka khawngaih lutuk, U Zualtei lahin tih theih a nei dêr silo a, Rachel-i hian engthil hrep nge maw a duh ni?" A tih zawm nghal hmiar hmiar, Hmangaihzuali hmel ka mitthla ah a rawn lang, tukin zing khan damdawiin ah kal in, bill ka pek hnu ah Hotel ka pan kha a nia


Loicy-i a hmangaih zia ka hria, a mittui a tla leh ngei dawn a nih hi, keini pafa, nilo, keini chhungkua a nun a kan tel ve hnu hian harsatna, natna bak kan thlensak lo tih ka hre chiang tulh tulh chuan ka hmangaih na pawh tihlan minti ngam lo tulh tulh


"Ka hria e, Rachel-i te in pan la, ka rawn thleng nghal ang," Ti sup chuan ka off nghal, chak lutuk in ka tlan chhuak nghal bawk


Ka pa te in kawt ka thlen chuan Nancy-i mangan hmel zetin alo vei tawn sek, min hmuh rual a min rawn pan nghal ruak ruak chuan ka bân ah a vuan, "Mam, engtin nge kan tih dawn? Kawngkhar a hawng duh miahlo a," Mangang zet a ti chuan a ngawt dat, "chu bawihtei ṭap chu i hre thei em?" Mittui tla lek lek chuan in lam chu a pan lehnghal hlawk hlawk


Inlam pan a pen pawk pawk in, "Rachel kawngkhar hawng rawh, Rachel ka ṭawng i hria em? Ka tihchhiat hma hian hawng vat rawh," Ka ti hrawk hrawk, ka aw Loicy-in a hria a ni tih hriat takin, "Daddy, Rachel-i hi ka duhlo," Ṭah aw ṭial ruai chuan a rawn ti ve lang lang



"Ngawi rawh ka tih kha, Rachel-i nilo in, keimah i nu ka ni," Rachel-in au tuar tuar a a tih ka hriat chuan na lutuk kawngkhar ka hnek ṭhuai, "Rachel kawngkhar ka tih chhiat i duhloh chuan tun ah hawng rawh," Ka ti leh hrawk, ka thinrim lutuk chu vuak darh nghal rum rum mai ka duh


"Ka fanu a ni a, tun aṭang chuan ka hnen ah a awm tawh ang, Remruatpui thu i tiam a, mahse hlen a hnêk in ka fanu pawh kha ramhuai nu hneh ah khan i pe a nih hi, ka fanu a ni tawh ang," A rawn au tuar tuar, ka kut ruh lutuk in ka hum

Mai mai chuan khawi dan ah mah a fanu nihna a awm aw zawnglo, a ni ngai heklo ang, ka rilru ka thlak ni rawhse, tun aṭang chuan Rachel-i phiangsen hian Loicy-i hi a vahnu ang pawh in ka hmuh tir tawh mai mai dawnlo

"A ṭha e, i duh thlan na ni rawhse," Tih leh hrawih chuan ka phone ka phawrh chhuak in ka ṭhianpa police officer ka call nghal, "Mam enge itih dawn? Police i call dawn tih sawi miah suh," Nancy'in mangang lutuk a a rawn tih chuan ka melh zawk


A pickup rualin, "Bawiha, i nau te hruai in ka pa te inlam ah in rawn kal dawn em niang?" Ka tih chuan rawn nui huk huk in, "Boss ber in itih te chuan, enge ni ta a?" A tih zawmzat chuan ka thaw hak, "rawn kal i hrethiam mai ang," Ka ti leh hap


"Ok, Ok, 15mins hnu ah kan rawn thlen hman ka ring," A tih chuan ka off nghal


Duh ni ila chuan ka ti chhe thei ngei mai, mahse ka pa hian Rachel-i thlavang hauh nan hian engpawh tih a huan dawn tih ka hriat avangin, dan ang thlap a ka chet a ngai tih ka hria, dan hnuai leh engkim hnuai ah chuan Loicy-i hi ka fanu, fahrah, ka fa a tan a ka lak kha a ni tlat, thu an nei hauhlo tih hre tawp rawhse


"Mam, a tih chi dawn a mi? Chhungkhat vek kan ni si a," Nancy-i pawhin a hua emaw tih laiin thisen in ṭawm na nâ na chu a hlauhthawnpui a ni tih alang reng

"Lungngai suh, hmeichhia a nih saw, police station ah thuzawh fiah tur a hruai phal a ni hleinem, hetiang a ka tihloh chuan buaina a lian zawk ang," Ka tih tak ah chuan a thaw hawk, kawngkhar ah chuan a beng a dawh, "bawihtei ṭap ri ka hre thei tawh miahlo, a lungawi mai chu ka ring silo, Rachel-i hian thil ṭhalo a ti a nilo maw?" Mangang lutuk a a rawn tih chuan, ka lu ka thing chutiang in naupang, a fanu chung ah êm chuan a che duh hauhlo ang, ka rin sual loh nhei ka beisei bawk


Thinrim zet a ka vei thuak thuak laiin, "Boss engthil nge nita?" Jerry aw ka hriat chuan ka en vat, ka thaw hawk, kawngkhar lam kawk in, "ka nau in ka fanu a khungbet a lawm mawle," Ka ti hap ka thinrim insum tum lutuk chu ka ṭawng duh ai a chang hret bawk


A bu nghat, a hrethiam nghal mai tih hriat tak in kawngkhar lam pan chuan, "kawngkhar hi hawng rawh, police kan ni a, vawi 5 ka chhiar anga i hawnglo a nih chhuan kan ti chhia ang," Jerry-an a tih chuan Rachel-i a rawn nui ri awr awr, mi â nui te pawh a ang mah zawk


"Min bumlo ang Remruatpui," A rawn ti ṭhawt, na lutuk in kawngkhar ka hnek ṭhuai, "Rachel hawng rawh," Ka chum zui dawt dawt, "Boss kan tih chhiat angaih hmel hle mai, a pawilo ang tiraw?" Ka thu ngai chang tak a min en chuan ka bu nghauh, ka thu a kaldawn ni phei ila chuan ka chhir darh vek tawh ngei angchu


A nau te pali a rawn hruai chu en in, "ti chhe ru," A tih zawmzat, kawngkhar su dawt dawt chuan reilo ah ah an su hawng ṭhuai, ka tlan lut nghal zat

Rachel-i phawk lutuk a rawn ding zawt chu kal pel fua in chhuat a Loicy-i mittui nen a mu zawi ngiai chua ka pawm lawp, "Daddy," chau tih hriat lutuk in a rawn ti sep, ka thaw huai thei, Nancy-i rawn tlan lut in, "awiiii.. Ka duh theihlo, Rachel engtin nge naupang chung ah i nun rawn em em thei ni?" Tih leh Loicy-i ka kut aṭang a la chuan, "bawihte keimah Nancy-i," A ṭah aw ṭuau


"Engthil nge intih hi in hria em? Ka inchhung ah ka phal na la lo in, in rawn lut a, dan kalh a ni tih hria angche u, Ka fanu kha rawn la rawh," Ti leh tuar a rawn ban a tum chu a kut vai sawn lawp in a dar tawn tawn a vuan chuan ka thing nawk nawk, thei ni ila pawhdarh vek mai ka duh hial, ka thinrim lutuk chu thaw ri hrawih hrawih a mitsen râm leh thip lutuk a en chuan, "ka fanu a ni, ka hrilh nawn leh angche, keimah Remruatpuia fanu, fahrah in a i kalsan ni khan i fanu chu a thi tawh," Ti hrawk in ka nam sawn dawrh, kat nawk nawk in chhuat ah a ṭhu thla chawrh

A mitmeng ah chuan min hlau tih ka hria, ka thinrim in sum lutuk chu ka kut ka hum ruh ngar ngar, ṭawng pawh ka ṭawng chhuak mai theilo, Jerry-an, "Boss dan ang a bawh zui tur in minduh em?" A rawn tih sup chuan Rachel-i chu mittui nen a rawn nui awr awr, chhir zui zawt zawt mai ka duh zia chu pui tak a ni

Chhuat a ṭhu sawp reng chu rum lutuk in ka melh, "dan ang chuan ti la, ka fanu a ni tih hi i theihnghilh a nge? Nang erawh fa atan a la tu mai i ni, thla 7 chhubg ka pai a nih kha, i hre tawhlo em ni? Thlakim lo a ka hrin a vang a i duat êm kha," Kha lutuk a a rawn tih chuan ka ner nawk, "dan ang thlap a ka lak a ni a, fahrah in a i dah dawn khan dan ang thlap in i hming i nu nen in sign hnan thlap kha," Theih ni ila, hmeichhia nilo se chuan ka chhir zui chawrh chawrh tawh ang, ka kaw chhung, ka thisen hi a za zek zek



"Remruatpui," A rawn ti tuar, a mittui a tling nghal piau bawk, Nancy-i melh in, Loicy-i hlau lutuk hmui dûk chûk mai leh chau tih hriat ngawih ngawih a Rachel-i rawn melh ṭawk ṭawk chu en in, "car ah lo va awm pui rawh," Ka ti sup, "Daddy nangpawh lo chhuak rawh Rachel-i hi a hlauhawm lutuk, mummy ka ti na dawn a ti a, mummy bul ah kal ang," A ṭap nghal pur pur, Hmangaihzuali nat a hlauh ve reuh zia alang reng, ka thaw ri hrawk


Nancy'in, "a hlauhawm tawhloh car ah lo nghak ang aw," Tih leh a pensawn pui nghal, Loicy-i chuan min rawn melh ṭawk ṭawk, a chhuah pui rualin, "Bawiha a ngailo ang, tun ṭum chu tah hian tawp rawhse, ka ti buai ta vak che a," Ka ti sup, ka dar a bêng thak thak in, "a pawilo kan tihtur a lawm, a nih kan kalsan angche," A tih chuan ka bu nghat



Rachel-i rawn ding chhuak chu melh run run in, "Loicy-i hnaih emaw Hmangaihzuali hnaih a i awm ka hmuh leh che chuan awlsam takin ka chhuah tawh dawnlo che a nia, Rachel i dawt sawi ka rin avang a thil pawitak ka tih nasat zia hi i hria em? Ngawi reng in nungla, tumah tibuai tawh suh," Tih leh ka in her vut, kawngkhar ka pen chhuak tur chu, "i theih chin chin chu venhim han tum chhin la, hei ai a nâ hian kala siam theih tih hria angche, ni lo, Hmangaihzuali hi thih chak tur ngawih ngawih in ka siam dawn a ni," A rawn au tuar tuar, thaw ri hrawih in ka pen chhuak nghal pawk pawk, a â a ni, a â tawh takzet


Car ka luh rualin hnunglam ka hawi nghal, Loicy-i chu a lo muhil bam, a ṭah na a chau khawp a ni ang, a thaw sek sek, a rawn phu leh zuk zuk ṭhin chu, "enga tinge?" Nancy-i en chuan ka ti vat


A lu thing mat mat in, "ka hrelo, a hlauhthawn lutuk vang a nih ka ring, a.." A tih lai mek in a raw ṭap chhuak hawk, "Mummy, mummy min hruai ve rawh, ka duhlo," a phun chhuak nawk nawk


Chhuak em em in a rawn ṭap zui bawk, engthil phiangsen nge maw Rachel-i chuan a hrilh teh hrep ni, Nancy-in nghet zet a kuahin, "U Zualtei bul ah dah rih ila a ṭha ang, ti chuan a lung lam hian a tuar mai ang tih ka hlau emai," Nancy'in a rawn tih chuan ka bu nghat, car ti nung in ka tlan chhuak nghal


Ka chhip, ka bek leh mit na ut ut chu, Rachel-i kut thlak ka chak lutuk in sum luat vang a ni hial angchu, ka inthlah dûl rualin ka taksa pum hi an na nghal ṭhûm vek a!!!!!


***Riya***

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)