STONE HEART by Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: STONE HEART by Floria Laldansangi (Completed)

Unread post by Ngaia » June 10th, 2019, 8:23 pm

STONE HEART
By floria laldansangi



ZUALTEI.....POV


Door bell ri ral ral ah chuan ka nu thawh a tum chu, "nu keiman kalo hawng ang, Te-i te an nih ka ring," Tih leh choka aṭang a chhuak in ka pan nghal, zanriah ei in ka sawm, Isak-a erawh pawn chhuak thei ala nihloh thu a sawi tak kha


Ka rinai an rawn thleng rang, Isak-an rawn chhuah hmat a phal chiah ka rinloh nen, nui vur vur a, "ka rinai.." Ka ṭawng ka tawp chat, ka hma a Nancy'in Loicy-i muhil pawm chung a ding leh Rempuia ding rûn mai ka hmuh chuan a ngaihna hrelo lutuk in ka en hâw chu Nancy-i a nui sak, Rempuia erawh in uluk lutuk in min en


"U Zualte, kanlo lut thei angem?" Nancy-in a atih tak ah chuan ka harh zawk, Rempuia hmelṭha lutuk hian min ti danglam leh hrep hman tawh nia, ka thaw kawk, "ahh, lo lut ru," Ka ti sep, ka nu couch a ṭhu chu Rempuia chuan a melh zawk, a palian rapthlak si, kan sitting room hi a lian pangai ve hle chuan ka hria a, Remruatpuia an din luah takah chuan a a têt zia ka hre nghal rawih rawih thei



"Enge ni ta a?" Ka nu ṭhut na bul a ding chung chuan ka ti sep, Rempuia erawh melh loh ngar ngar ka tum viau na in ka taksa hian a hre lutuk mah mah, mit la sawn lêklo in min en ngar ngar tih ka taksa za chuai chuai ah hian ka hre thei



"U Zualte, kan tihbuai loh che chuan Loicy-i hi zanin chu lo enkawl maiteh a, a pawi viau a ngem?" A tih laiin Loicy-i chu a rawn ṭawng nuah nuah, "Mummy, ka duhlo," A rawn in hnit feih feih, rang lutuk in Nancy-i din na chu ka pan hnai nghal ruak ruak


"Engthil nge thleng a, mangchhia a nei em ni?" Mangang lutuk chuan Nancy-i leh Rempuia ding ngawi rün mai chu ka en tawn zak zak, Loicy-i chu Nancy-i kut aṭang ka la nghal zat, nghet lutuk in ka kuah vawng vawng, mit ka chhing sawk bawk, "Mummy," A rawn phun sep sep, "ka tihpalh," Ka phun sep

Puitling buaina avangin a tawrh phah a ngai ta hi pawi ka ti takzet, "Rachel-i vang khan a hlauhthawn ala rehlo a nih hmel, a muhil chung pawhin i hming alam reng sia, buaina a awmloh chuan zanin chauh ilo awmpui thei angem?" Nancy-i chuan ngên ngâwl zet chuan min en


Awmpui rawh tilo pawn nise tiang dinhmun ah chuan ka kalsal tawplo ang, "ngaihtuah duh suh, naktuk weekend a ni tho a, Sunday tlai ah in rawn lam mai dawn nia, chumi chhung chu hetah awm rih rawhse, kalo enkawl dawn nia," Pangai tak a ka tih chuan Nancy-i chu a thaw hak


Kan inchhung boruak hi a tlem ta sawt nge? Hip tur ka vân tak em em ni, Remruatpuia vang a ka lungphu ri dup dup lah chu ka hre chiang em em mai bawk si


"Sunday tlai ah ka rawn lam dawn nia," Rempuia'n ti sup chuan minla en ngar ngar, en pawh enlo in ka bu nghat, Nancy'in, "kan lawm lutuk aw U Zualte, kan kal mai dawn a mi Mam?" tih zawm sap chuan, "kan kal mai ang dar 5 hian class ka nei a," A tih leh zat chuan ka bu nghat


Nancy-i pensawn tawh hnu ah pawh Rempuia la ding rûn chu ka melh zawk, mitmeng ril ruih mai a milo en chuan ka ṭêk leh ta chhak mai, ka thaw kawk, "ka lawm e," Chu thu sawi tu chu Remruatpuia a ni tak meuh em? Ka en nghal kawk, mawi lutuk a rawn nui suk chuan a in her nghal vut, tun a ka hma a ding, kan kawngkhar lam pan mek saw Remruatpuia ka hriat ṭhin kha a ni tak meuh maw?


Ka lungphu a rawn in vuak rawn leh ta dup dup, ka thaw kawk kawk, tun ah khan Remruatpuia'n lawmthu min hrilh a nih chu, ka nui hak, tunkar chung a, tihluih na tel miahlo a ka nuih vawikhat na a ni hial ang

Loicy-i pawm chung a ka inher chu ka nu in chik zet in minlo, ka ṭhen khum vak ringawt, ka awmdan naupang chhia lutuk chu ka hre chhuak nghal zat bawk, mahse ka ti zo vek tawh, awmzia a awm tawhlo


Ka room a pawm lut chuan dim tê in ka mut riai riai, a rawn phu leh zawk zawk ṭhin chu kalsan chi a nilo tih ka hriat avangin puansin tir in, ka room aṭang a chhuak vatin, choka a Maroi awm chu, "Maro, lo chhun zawm mai rawh aw, Loicy-i hi kan mut pui lawk ange," Ka tih chuan a bu nghat


Ka room a let leh in khum a lawn chuan a bul ah dîm tê in ka mu ve nghal, room kawngkhar rawn ri rek ah chuan Ben-a leh Te-i an rawn dak dek dek, nui var var in, "lo lut ru," Ka ti sep


Te-i khum a rawn ṭhu in, "khawi aṭang nge he nau chu a rawn kal a?" A tih chuan ka nui hak, "Loicy, mummy Loicy-i nih hi," Ben-a hlim zia chu, rang lutuk in Loicy-i rawn sawi harh a tum chu kalo dang vat, ṭhu chhuak in, "Ben, muthilh tir lawk rawh aw, a harh veleh in inkawm dawn nia, a damlo a," Ka tih chuan bu nghat a Loicy-i muhil en vang vang in, "ok," A ti ve zat, ka nuih sak



"Tunge rawn dah a," Tei'n a rawn tih leh chuan melh zawk a thaw hak chuan, "a pa leh Nancy-i," Ka ti sep, Te-i chh a ner nawk, nui hak in, damdawiin ka chhuah dawn a Rachel-i rawn awmdan zawng zawng leh nichin mai a Nancy-i te rawn kal a, Loicy-i awmdan ka sawi chuan a khawngaih ta deuh a niang, "naupang pawisawilo chung ah pawh ava han nun rawng em em ve mawle? Mangchhia nei tur khawp a tih hlauhthawn mai chu'h," Tei'n Rachel-i ngei lutuk a a tih chuan ka bu nghat


Loicy-i rawn phu leh zawk zawk chu a âwm a ka kut nghat in ka chul heuh heuh, a chang leh min ko in a phun leh sep sep ṭhin, a mutdan thlak chuan a in her, ka nuih sak, engtik lai mai pawh a ka bul a awm thei nise ka tih angchiah hian a ni pawh hian a ti ngei ang, naupang a ni a, duat leh hmangaih a mamawh zual lai a ni bawk, ka ngaihtuah tam pauh leh ka khawngaih tulh tulh

Rempuia ka ngaihdan pawh tlêm in a zia deuh, mipa hmangaih na pawh neilo, mihring thinlung pawh nei velo a ka ngaih kha a danglam ta deuh alawm, a unaunu fanu ti hian hmangaih takin a enkawl a nia, mipa tan phei chuan mahni a fa enkawl chu a awlsam lo viau ang, Marini'n a chhuahsan pawh hi kawnglehlam tak a ngaihtuah a, fa awt leh naupang ngaina lo tan chuan mihran fa enkawl chu a awlsam dawnlo êm a tin ni


"Khawimaw a beng kâwm kha kalo en," Tei'n mak tih hmel zet a Loicy-i rawn dap rak rak chu, "iti harh ange," Ka lo ti vat, min melh hrawk in, "i mak, ti harh dawnlo," A ti hlak chu ka nuih hak, a harh ka hlau ve êm a sin


"A in angchiah a nih hi," A rawn phun sul, ṭhu ṭha pahin eng a maw ngaihtuah ni âwm tak chuan chunglam a melh deuh vang vang


"Eng maw?" Ti sup in Loicy-i beng kâwm chu ka en ve, kutchuk lian lutuk lo awm ka hmuh chuan Te-i ka melh, Loicy-i muhil en vang vang in, "ka â maw ni," Ti nuah nuah in a lu a thing mat mat


Enge maw a hriat le, "enge i hriat a?" Ka tih leh tak ah chuan, nui sûng in, "a beng kâwm a kut chuk kha mawle, i fanu pawh khan sawtiang chiah saw a nei in ka hria a, ka pawm reilo êm a, ka hresual pawh a ni maithei," A kâ chuan ka hresual ti mahse a hmel lan dan ah chuan a chiang a ni tih a hriat viau thung


Meng deuh kawk a Loicy-i lam hawi vat a en nawn leh ka tum chu ka tawp chat, ka mittui rawn hnai leh nghal ṭiam ṭiam, khap let sak sak in ka nui hak hak, enge ka hriat ni, en nawn sawm sarih pawh ni ila Loicy-i chu Loicy-i, Rachel-i fanu kha a ni dawn tho, engtin nge ka fanu a nih tehlul ang ni, ka â em maw ni?


"I ṭha maw?" Ka ngawi vang vang chu Te-in a rawn ti sup, khap fak fak a nui hak in, "ummm, Te-i ka fanu kha la dam nise Loicy-i nen hian an in ang viau in i ring em? An in tiat vel viau ang tiraw?" Ka ṭap lek lek, ka nui lui ngar ngar bawk


Ka mal a kut rawn nghatin, "i ngaihtuah ka hria, mahse hmalam pan a, ngaihtuahloh hram hram tum rawh," Min hnem tum zet a a tih chuan ka bu nghat


Ben-a thil ti tla rum rum chu en vat in, "Benjamin-a harh lutuk hi chu, ṭhu ve mai mai teh," Tei'n a tih zawmzat, ka nuih hak hak, Loicy-i rawn rum ṭiah ṭiah chu ka en vat, a rawn meng diar diar, min hmu thut chu a rawn meng deuh kawk, a nui nghal var var, ka nui let var var bawk, thawh phan han sual pawh a neilo hi naupang mak tak a ni ve hrim hrim


"Mummy," Tho hlim aw zet a arawn tih ṭûak chuan pawm tho nawlh in, "umm, i mu tui em?" A sam hnawk niah mai tuai mam pah a ka tih chuan a bu nghat nghat, nghet zet a min kuahlet chuan, "Mummy min kalsan tawh dawnlo tiraw?" Ka thaw hawk, a chhip a fawp vang vang in


"Saw Ben-a a lo leng a nia," Ka ti sup, engmah hi ka tiam ngam tawhlo a ni, engtik ah nge ka lak aṭang Rachel-i hian a rawn lak leh anga, a kalbo pui leh ang ka hrelo takzet a ni



Loicy-i chu ka pawmna aṭang a chhukin, "Ben," Tih leh Ben-a motor lem khalhna lam ah a tlan nghal dat dat, Tei'n khawngaih hmel zet a min en vawng vawng chu mittui khap let sak sak a en in, "ti khan min enlo teh," Ka tih chuan a nui hak


"U Zualte, zanriah ei kan hman a nia," Maroi'n a rawn tih chuan ka bu nghat, "ka pa a rawn haw tawh em?" Te-i melh zawk chuan Maroi ka en leh



"Ummm a rawn thleng chiah, a ril a ṭam tawh a nih ka ring chaw ei a rawt nghal a," Nui vur vur a atih chuan ka nui ve suk, "kan rawn chhuak dawn nia," Tih leh, "ei ila," Ka tih zawmzat


"Ben, Loicy-i nen khan lo phei ru, chaw kan ei dawn," Ka room thlang lam bathlar a an awm chu Tei'n a au lang lang

Loicy-i ka bul a rawn ding dat chuan nui var var a min rawn en chho chuan ka kut a chelh nghal zat, Ben-an a kut a rawn chelh ve bawk, ka nui var var


Room aṭang kan chhuak chu ka pa in uluk lutuk in Loicy-i a lo en chu ka mitmei zauh, thaw hak a, a ṭhut na aṭang a ding chuan, choka lam pan pahin, "i ei vat teh ang u, ka ril a ṭam e mai?" Ti sup chuan a lut nghal


Loicy-in ka kut rawn sawi dat dat in, "Mummy, a pu khan min duhlo ve tho a mi, Rachel-i ka duhloh ang hian?" A tih reuh chuan ka lainat lutuk chu ṭhu hniam in, "duh lutuk e, a pu, a pi, Tetei leh Ben-a, kan vaiin kan duh che," Ka tih chuan a rawn nui var var

Te-i en chho in, "keipawh in Tete ka duh ve che," A tih chuan ka ṭah nuih hak hak, Te-i rawn nui in, "umm chaw ei ang u, minlo nghak ang," A tih chuan in sut deuh hrawih chuan choka lam ka pan pui nghal, naupang hi chuan mitmeng che zia hi an man chak khawp a ni
.
.
.
.
.
Kan chaw ei kham TV kan en ṭhap, ka pa erawh a chau ngang a nih ka ring, rei pawh ṭhu lo in a mu nghal, ka nu in a zui ve vat bawk, Ben-a muhil bam chu Loicy-in a thlek leh vang vang ṭhin, a chhun mut vangin a muhil ve mailo tih ka hria, a kawm tur neilo khawhar in Ben-a mut na zawn ah chuan a vei tawn sek, ka nuih leh suk ṭhin


Te-i phone a rawn rik chuan ka en vat, "a rawn call har ka ti rêng a ni," Nui tut tut a ka tih chuan nui vur vur a pickup pahin, "keipawh," A ti sup, ka nui hak, nidang chu nise darkar tin deuh thaw a rawn call leh tluk tluk angchu mawle, enge a hriat ve zawk ni, an rawn thlen aṭang ala rawn call miahlo, tun a mi tihloh kha chu



Loicy-i ka mal chung a rawn lawn chuan min melh chho kiau in, "Mummy ka muhil ve mai dawn a mi?" A tih chuan ka nui hak, a sam a hmai zar tu hui kian sakin, "i mut a chhuak em ni?" Ka sawi zawh rualin a lu a thing nawk nawk, ka nuih hak hak, ka nun hi a ti hlim takzet a ni, ka nun a bet tlat tawh a ni na in ka ta erawh a ni silo, a pa pawh mawle, kan tan an hlu na in ka neih theih ngailoh tur a hlu an ni leh lawi si


Te-i kan awmna lam a a rawn phei chu a ṭawng hma in, "a tlai tawh a lawm haw tawh mai rawh u, inpa hmel a chhe leh lutuk dawn," ka lo ti zat, nui ve hak chuan, "a damdawi ei tur kalo mang nghilh alawm mawle, kan haw phawt mai ang," Tih leh Ben-a mu chu a pawm nawlh


"Taxi ka call dawn em ni?" Ka tih chuan thaw hak in, "a rit ve tawh reuh lutuk a, a ngailo ang, Driver a rawn tir a, a rawn thleng ṭep ang," A tih chuan ka bu nghat, Loicy-i en chuan, "bawihte, Ben-a te thlah ang aw," Tih leh ka mal aṭang hlang thla chuan ka kai nghal


Inchhung kan chhuahsan rualin, "Ben, naktuk ah lo leng leh rawh aw?" Tei'n Ben-a muhil a pawm chu melh chho a Loicy-in a tih chuan, "in lo leng zawk ang, i mummy nen," Tei'n a lo ti thlak, ka nui hak hak, "kan rawn kal dawn nia, tih tur a awmlo emai," Ka tih chuan kan inhnuai lam melh in, "in hnuai khu luah theih in siam ula a zialo maw? A rem chang tho sia, han thuam ṭha deuh ula," Atih chuan ka en ve zawk


"Nia, kanla ngaihtuah angchu, keimah ber hi han ai puang deuh ila," Ka tih zawh rualin car kan bul ah a rawn ding dat, "kan haw aw, natuk chu zanriah ei nghal tur in rawn leng angche u, Isak-a chhuah aṭang i rawn la hmu miahlo," A tih chuan ka bu nghat nghat, a dik chiah, awm awl leh enkawl em em tur neilo zawk hi min rawn pan pûr pûr reng mai a, ka inthiamlo ṭhin
.
.
.
Te-i te kan thlah fel zo inchhung a kan luhrual a kawngkhar kalh mai ka tum chu, Maroi hla zir a rawn la haw lo tih ka hre chhuak chiah, kalh lo chuan ka kalsan, "Mummy, Ben-a hi kum engzah nge?" Sofa a ṭhu fel ât a Loicy-in milo en kiau chu ka melh zawk


A bul a ṭhu thla in, "kum 4 chu a nih ve tawh kha?" Ka tih chuan eng amaw ngaihtuah ni âwm fahran in TV chu a melh deuh vang vang, a lu a rawn thing deuh mat mat chu, "diklo a awm em ni?" Ka ti sep

Min rawn en chho hâ in, "Ben-an, 'Loicy-i ka duh che' a tia, mahse Nancy-i chuan hmeichhia chuan mahni ai a naupang duhloh tur a ti bawk si a," Thu tak em em a a tih chuan za lutuk in ka nui chhuak hawk


Loicy-i chuan lungawiloh hmel tak a min melh ram ram chu nuihza in sûm zet a hmui petbet chuan, "duh awmzia i hria em ni?" Ka nuih a za tulh tulh, thla 3 chauh a duh tawh kum 6 a pumloh na tur in, a fin zia leh inlak puitlin zia chu a mak in a zahthlak zawk hial a ni


"Mummy," A tih ve khar khar chuan, nui hak hak in, "a nih i duh ve rêng em ni?" Ka tih chuan a thle deuh hâ a awmdan engkim hi ka nuih a za in, ka duh lutuk mah mah



"Ka duh tho a mahse keiai a naupang a," A tih ve reuh chuan ka insûm zo leh ta lo ka nui leh hak hak, "i puitling deuh anga..." Ka tih rualin kawngkhar a rawn ri rek, ka sawi tur sawi zo lo chuan kawngkhar lam ka hawi, ka rinloh lutuk leh beisei loh lutuk, min hring tunu, Rachel-i nu rawn pen lut ka hmuh chuan ka ding nghal zat


Loicy-i ka hnung ah a tawlh lut leh nghal, ka kekawr tlang a pawt bet nghal ṭâi bawk, an nufa a ti em em a Loicy-in a hlau mai hi thil mak tak a ni, a pi leh a pian na nu an ni si a


"Enge i rawn tih dawn?" Nichin mai a ka nuihza kha chawp chilh in a reh nghal, ka hnung a ding Loicy-i chu melh in, "Loicy-i lo kal rawh le, i haw tawh ang," Ka thusawi ngai pawimawhlo lutuk chuan a rawn ti dam dîai chu ka nui hul hak


"Ka bul ah a riak dawn tih i hrelo a nih ka ring, rawn lam tur a i lo kal a nih chuan, hetah a riak dawn rih ka hrilh angche, khawngaih in chhuak rawh, mut kan duh," Ka ti leh fak fak chu rum lutuk in ka mit ah chiang kelh kawlh in min rawn en


"Ka tunu rawn lam tur in a ni ka rawn kal, in hauhpui tur che nilo in," A tih deuh hrawk chuan ṭawng tum in ka kâ ka âng zuai hman, "i tunu nilo in ka fanu a ni," Chang zet mai a rawn ti tu lam chu ka en vat, "Daddy," Loicy-in tih leh ka phên a ṭang a rawn chhuak in a pa lam ah a tlan nghal, Remruatpuia'n a pawm kang nawlh


A fanu hnar a tuai zauh in a biang ah a fawp nghal zat bawk, Rempuia rawn lut chu Loicy-i chuan a thlamuan pui hliah hliah tih hriat takin nichin mai a hmel hlauhna khat kha chawpchilh in a reh, keipawh in ka thinlung tak chuan ka thlamuan ruk pui ve reng, tihlan kher erawh ka tumlo


"I lo kal chu a lawmawm e, he nu Hmangaihzuali nen hian inzawm na in neih tawhloh chuan Loicy-i hian he in ah hian tihtur a nei tawh miahlo, Rachel-i fanu a nih ang in tun aṭang kan awmpui tawh ang, chu chu i pa duhdan a ni bawk," A ti leh fak fak, Rempuia chu a thaw ri hrawih, a melh run run bawk, kei erawh in min koh dan, "HE NU" a tih chuan min chhun zak, ka awm a sa veng veng nia mawle

"Tu in nge inzawmna kan neihloh thu sawi a, ka nupui a ni a, a fanu chu Loicy-i a ni bawk, zahlo takin i kâ kha âng miah suh," A aw chu a ringlo na in fiah fia fia tak a ni, ka lungphu a rawn rang nghal dup dup, ka thlavang a hauh chu ka hriathiam siloh in ka lawm ru veng veng nia


"Chhuak ula in chhungkaw buaina chu in inchhung ah chingfel rawh u, zan mut hun ah ka inchhung ah zahlo takin in rawn pal lut a, ka fanu zahna lah in nei heklo," Ka pa in room aṭang a rawn chhuak pah a atih chuan ka bul rawn thlen a rual nghal, engkim kha alo hre ve vek tih hriat tak a ni, Rachel-i nu chu a hmaj a sen tawm tawn


An in melh no fahran lo khawp mai, "i inchhung hi duh em em vang a rawn lut ka nilo a nia Biaka," A zamlo hah hah mange, ka chhir zui zawt dawn emaw ni


"A lawmawm nasa a nih chu, Remruat inchung chang ah hian sawi theih ka neihloh bakah sawi thei dinhmun a ka dinloh avangin engmah kala sawilo a, heihi ka sawi chhuah hmasakber leh tawp na ni bawk rawhse, i inchhung ah zahawmna pakhat mah neilo in ka fanu, i thu in i la lut a, hmeichhia a nihna ang a, a zahawm ve na tur inneih na pangai i buatsaih sak ka beisei hauhlo, chutih rualin mipa i ni a, zahawm tak a i nupui tur a i thlan chu i lakluh ka rin vei nen, a man khawlai ah minpe in i hruailut tawp a


I chhung khat laina te'n a an zah hi beisei suh, itih dikloh a ni, chutiang bawkin dikloh na tamtak ka neih avangin ka kâ ka chip a, ka fanu in a tawrh phah a, zahawmna nei miahlo bawkin i inchhung a chhuahsan leh bawk, a hnung dawl tu an awmlo emaw inti ange? Ka thawk ṭek ṭek chhung chu tumah hian inti na tawh dawnlo, khawngaih na tel hauhlo in intihna hnu ah, ka in ah ngei i fanu enkawl tur i rawn la hruai a, enkawl turin i rawn dil ngam hi i huaisen ka ti khawp mai, tun aṭang chuan i fanu emaw i laina hnai te hi ka fanu hma ah rawn lantir tawh suh angche, induhloh a inpêt chhuah tawh hi rawn pan tawh suh u, chhuak rawh u," Ka pa thusawi chu phawk fê in ka en na in min hneh ngawih ngawih


"Loicy-i pawh kha naupang mah nise Zualtei hma ah rawn lantir tawh suh angche, in fanu a ni a nangmah ni in enkawl rawh u," A tih zawmzat, thinrim in a sawi miahlo, a sawi dam dap, mahse nawrluih ngam miahloh a ni thung

Loicy-i ka hmu tawhlo tur a ka in ngaihtuah chuan keimah zawk ka hlauhthawng nghal ni ber in ka hria, "pa," Ka ti sep chu, a kut chunglam ah phar zauh in min rawn melh zawk


Rempuia'n Loicy-i pawm chung chuan inthiamloh hmel lutuk in min rawn melh, ka khawngaih lek lek zawk, "a ṭhat nasat chu," Tih leh Rachel-i nu chu inher in, "Remruatpui a thusawi kha i hrelo em ni? Chhuak rawh a ti che a nih chu," Ti leh kher chuan min rawn melh


A pen chhuak tur chu, "lo ding teh," Ka ti sup, enge ka sawi dawn pawh ka hre chuanglo, mahse a kâ ngei aṭang hian a thinlung ah hian engang mi nge ka nih ka hre ve duh hrim hrim a ni


"I tan hian eng ang mihring nge ka nih ve? Vawikhat, vawikhat chauh tal min kalsan hnu khan i fanu ang in min ngaihtuah ve ngai em?" Ka sawi chhuah harsat dan chu, a tawp lam chu a ri chang chang, ka pa leh Rempuia'n min en kawk, kei erawh in min hring tunu min hnung chhawn zawng a ding rân mai chu ka en ngar ngar thung, k mittui erawh tla tur a awm miahlo, ka thawk erawh sak ngat ngat tak a ni


A nui ri hak, "ka fanu nitur in inzawmna kan nei em ni?" Inher in ka mit ah tak min en, ka sa pup thei, ka zawt ta kher chu ka inchhir na leh chhirloh na a inzat nghal zat, hun kal zel tur ah ka inchhir angem ka hrelo, mahse tun atan erawh a inzat chiah, tam bik a awmlo reng reng


Harsa ti lutuk in ka ṭhen, "a dik a lawm, chhuak tawh rawh u, mihrang in ah tihtur in neilo e," Thinlung na vawng vawng chuan ka sawi chhuak, ka thlanfim te a rawn bawl chhuak ṭiam ṭiam in nia ka hriat, ni e, inzawm na kan neilo, kan nei ngai heklo ang, ka lungphu tin mai chu chem hriam tak a vihna ang maiin a na in, a sa pup pup


"Mummy, daddy hi alo mu ve dawn em ni?" Loicy-in a rawn tih chuan harsa ti lutuk in ka thaw chhuak hawk, "kan haw ange, bawihte, mummy mangṭha rawhle," Rempuia'n min rawn melh zawk, a mitmeng chu a sen râm, inthiamloh na bak hmuh tur a awmlo

"Mahse a bul ah ka mu duh a lawm," Loicy-in a tih chuan ṭah a tum leh nghal, Rempuia chuan a nuih lui sak


Ka pa a melh leh, "ka hrethiam e ka pu, kalo hre reng dawn nia," A aw chhuak chu harsa a tih hmel takzet, sawiloh theih nise la a sawi dawnlo lutuk tih lah chiang reng


Ka la chu a bu nghat, Rachel-i nu chhuah rual deuh thaw in Rempuia'n Loicy-i a pen chhuahpui nghal chu ka ûmzui nghal zat, "Zualte," Ka pa min auhna pawh ka hawilet tawhlo, ti tawp khan Loicy-i ka kal tir theih hauhlo, car an hun na bul an thlen dawn chuan, "lo ding teh, bawihtei kha," Ka tih chuan ding dawtin ka lam an rawn hawi vat, ka pen hnai tur chu ka bul chêt ah car pakhat a rawn ding tuar, ka phu nasa lutuk chu hnunglam ah ka per dawrh bawk


Phawk fê a ka en laiin, Rempuia pa rawn chhuak in la lam rawn pan pawk pawk chuan, min beng sawk, "Hmangaihzual, ka mâkpa i thah hnu ah pawh duhtawk lo in ka fapa i rawn tibuai a, tun ah ka fanu Rachel-i fa leh zel chuhpui i tum a maw?" Ti hrawk a min rawn ben leh a tum chu, "i kut hmawr pawhin tawk suh ka tih kha," Rempuia aw chu a ṭeng in chang fia fia tak a ni, nawrluih ngam chi a no nasa, a rawn theh sawn dawrh duh mai tur ang a mar ṭha a ni

Rachel-i nu in, "duhtak," A rawn ti ve ṭhat bawk

Ka bul ah Rempuia a rawn ding nghal zat, "Remruatpui, henu hian engtin phiangsen nge a dawi ât che," Kha lutuk a a tih chuan ka nui hul hak, Rempuia pa hma a pen hnai in, "ka pu i fapa hi hmeichhe dawi ât mai mai theih a awm tur a hniam in em ni ilo en a," Ka nui lui hak hak, "maw?" Ti hrawk a min ben leh a tum chu ka theih tawp a na in ka vai kiang sawk, mipa tha na na na chu ka hnehlo deuh a ni, ka kat zawk nawk nawk, Rempuia'n ka dar ah alo vuan chat


A che hrut chu a ban a chelh in ka melh chho zawk, a bân ka vawn pawng nasa lutuk leh ruh ṭul mai ah chuan, a thinrim a in sum hle tih ka hria, keiman ka chhanglet a nihloh chuan buaina a pun lun dawn tih ka beng awmna ka chian tluk a ka chian avangin, a pa hma ah bawk chuan ka pen hnai leh, "ti leh ta che, ka sawi tawhin ka hria, keipawh hi ka nu leh pa tan chuan fanu rangkachak lunghlu hmuam ka nih thu, a ni lawm ni? Ka theih chhung chu awlsam takin inkut thlawn hi ka tuar mai mai dawnlo," Ka ti chang fak fak


Thinrim zet leh thaw ri hrawk hrawk a, min rawn ben leh tum a a che hrut chu, "duhtak a tawk, ṭhenawm khawveng an harh chuan kan mualpho ang, chhan tlak a awmlo, kalsan teh ang," Tih leh anpa bân a pawt chuan a, a pawt sawn dat dat, "ka fanu hma a ka hmuh leh che chuan ka that duh angche," Kha zet a a rawn ti leh hram chu ka dar ka san khum ak ringawt, ka hlauh loh dan chu pui tak a ni, hriase chuan a sawi mualpho duh tawp nang



Loicy-in hlauh hmel zet a minlo en kar ka hmuh chuan ka inthiamlo leh hnu hnawh, naupang hma a khatiang thlentir kha ka duh miahlo

Pan hnai in, Rempuia min en ngur na chu ka haider lui hmiah, mahse ka taksa hian a hre rapthlak mai si, chu erawh a hriat thiamloh ka beisei


"Naktuk ah dar 2 ah MC kawt ah minlo nghak la Nancy-i nen, ka rawn hmu angche, zan ah fel deuhin awmla, ṭah loh tur," Ka ti sep chu a mittui a rawn hnam ṭiam ṭiam, "Mummy lo haw ve tawhla ka ti ê," Beisei zet a min en chuan ka nuilui sak, engtik ah mah a thleng tawh ngai dawn silo, chu chu hrilh thei in hrethiam se ka ti takzet


"Ṭah loh tur ka tih kha, muttui aw,". Biang a fawp zauh chuan thaw hak in en pawh en tawhlo in ka inher nghal, ka ṭah ve mai ka hlau a ni, ka lungphu zawn na lutuk chu dawm vawng vawng ka duh


"A tir khan engvang a min hrilhlo nge inih?" Rempuia aw natna a khat in a rawn tih chuan ka pen lai tawp in ka ding chawt, ka in hum ruh nghal ṭau, "min hrilh la chuan heng zawng zawng hi a thleng miahlo tur," Chu aw ri chhuak erawh mindem na a lang tel

Mit chhing sawk a boruak hip kawk in ka in her, ka nui lui sang bawk, chu erawh har tak a ni, ka mit ah tak min en, ka en ve rân bawk, a mitmeng thim ruih mai leh ril em em ah chuan thûk tak in ka en, natna thûk tak ka hmu tel bawk, chu chuan minti na let ve vawng vawng nia, he mihring pa hi a na ve takzet emaw tih mai tur a ni

"I nun a minlak luh dawn khan tunge ka nih i hria a ni lawm ni? Chuti chung chuan eng thu nge ila beisei ni?" Ka mittui tla tur ka khap let sak sak

Ka nui tak na in natna in a tuam, awm ngaihna hrelo, lanchhhuah tir dan awm silo mangan na avang a nui ka ni mah zawk, min en ran chu ka chil lem khalh in inher leh mai ka tum chu, "min hmangaih thu i sawi si a, chuti chung chuan chance vawikhat neih chu ka phu iti lo em ni?" A mitmeng ah chuan ngen na leh beiseina ka hmu, naupang in ngên ngawl tak a an nu te bul a ngaihdam dil hi a ang mah zawk


"Ka rilru tihlan nan hun mipe theilo em ni?" A tih zawm sup, a thusawi chu sawi chhuah harsa a ti takzet, a mitmeng ah pawh a inphah hniam zia a lang reng bawk, ka mittui a tla leh mai dawn, sawtiang a ril a min en tawh chuan tawrh har ka ti ṭhin ble a nih kha, ka chil ka lem lehkhalh, ka thaw hak bawk


"Ka mit ah min en rawh Rempui, ka hmangaih na che i hmu a ni lawm ni, a ai thûk ah min han en teh, enge ila hmuh fan?" Ka chawl dat, ka mittui a rawn hnai ṭiam ṭiam, a tling pam bawk


Alam ah ka pen hnai, a mit ah chiang lutuk in mittui tling pam in ka en chho, "he hmangaih na chhung a, huatna nasa tak leh natna thûk tak, in mûng chho mek hi i hmu tel a ni lawm ni?" A hle deuh bak, zawh na mitmeng in min en, ka nui lui sak


"Hmangna chuan ngaihdam na a keng tel ngei a lawm, chu ngaihdam na nei tu thinlung erawh chuan vawrhtawp a thlen ṭhin thung, a chhan chu maw, hmangaih na aiin huatna a nasat tawh vang a ni," Dam dap in ka tih leh fak fak chuan mit a khap ve fak fak


A mitmeng ril ruih mai a natna leh tlawm na rawn lang chhuak zut zut chu ka en reng theilo, ka inher vut, ka en reng a nih chuan ka thusawi khan awmze neilo lêk in ka mitmeng ah ka ti lang leh mai dawn a ka hriat vang a ni

Thui ve tak ka pen hnu ah, "Rinhlua a kut i vawn erawh kala remti chuanglo, ni lo, ka beidawng dawnlo tihna a nih chu," A rawn ri hrawih, a aw chhuak ah chuan a ti tak tak tih a hriat lutuk mah mah, min neih let nan chuan engpawh a ti duh dawn tih a sawi na ang a ni mah zawk, hawilet lo in rang lutuk in kan in lam pan, inchhung ka luh hma a Loicy-in, "Mummy," Ṭah aw ṭuau a a ti chu ka hre hman hram


Inchhung ka luh rualin, kawngkhar khar rawk rawk chuan ka ṭhu thla hnawk, ka awm ah kut nghat in ka thaw kawk kawk, ka mittui a rawn far kauh kauh bawk, a hma a ka mittui ti tla lo tur a ka chelh nasat zia kha, ka chaklohna a hma a tihlan fo hi ka duh hauhlo, ka duh ngai heklo ang, ka thusawi ka ngaihtuah let, mittui nen ka nui hak hak, huatna aiin hmangaih na ala tam zia a hmu fiah a ngem?


***Riya***



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:23 pm

STONE HEART
By floria laldansangi


32


ZUALTEI....POV


*****"Mummy," Loicy-i chhuak em em a ṭap chu pan hnaih ka tum, ka ke ka pen dawn chiah tih ah ka pi bawk a rawn lang leh, a kut ah nausen puan var thianghlim zet a tuam a pawm leh tawh


"Pi tun ṭum chu ka fanu hmel min hmuh tir tawh ang tiraw?" Ngên ngâwl tak leh beisei tak chuan ka en, ka pi chu a nui var var, ṭawng tum hmel erawh a pu hauhlo, Loicy-i kut a vuan chuan ka lam ah a rawn kaltir, ka pi chu mak ti lutuk in ka en, pan hnaih ka tum chu U Zuala hmel fiah lutuk in a rawn lang, "U Zual," Ka phun sep, hlauhna in ka thau ah mi rawn man, ka hmul thi a ding sur sur

Inhum ruh lui chuan, "ka fanu i hmu tawh tiraw?" Ka mittui a far fep fep, U Zuala chu a nui var var, ni e, hmu tawh tur a ni, U Zuala chuan Loicy-i chu a melh zauh, mawi ka tih dan ṭhin em em chuan U Zuala chu a nui var var ka in hnit feih feih


Ka pi chu ka en leh, "pi kal rihlo teh, ka fanu kha min entir rawh," Hnunglam a a tawlh lut riai riai chu ka pan hnai rawk rawk, a hma ang bawkin ka chelh hman leh ta lo, ka mittui a rawn luang zawih zawih

U Zual ding reng chu en in, "ka that lo che tih hi i sawi theilo em ni?" Mittui tla zawih zawih chuan ka ti sup, engmah sawi hmel pawh a pu lo, min en ngar ngar, a hmel ah chuan hlim hmel tak a pu, "kan fanu kha..." Ka tih lai mekin


"Mummy, mummy, i fanu ka ni velo em ni?" Loicy-i aw chu ka beng ah a khawk rum rum****


Ka harh chhuak hlawl, ka ṭhu tung nghal awt, ka thaw kawk kawk, ka thlan in minbual huh leh ta dap mai tih ka hria, ka chil lem khawlh in ka sir a tui bottle in hung chu ka ban nghal, hawng rawk rawk a lem khawl khawlh chuan ka thaw kawk kawk, tunlai ka mang chu, mangchhia satliah pawh a nilo hial in ka hre ṭhin

Sana chu melh zawkin, zinglam dar 3 a pel thuak, ka puan sin hlip chuan ka mu ṭha leh, ka mitthla ah chiang lutuk in U Zuala hmel a rawn lang, ka ṭim ur ur nia mawle, ka kawchhung ah hlauh na in min man, mit pawh ka chhing ngam tawhlo, hetiang hian kala awm ngai miahlo, mangchhia ka neih chuan damdawi ka hmawm a ka chhing zui leh mai ṭhin kha a nia


Ka sir pawhdawh chu hawng in ka hai rak rak, sleeping pills chu la chhuak in ka hawng rawk rawk, ka hmawm nghal zat, hlauh na in ka thau a mi man tlat chu ka hrethiam lo, engchiah nge ka hlauh a pawh chu ka hre chuanglo, "ka taksa chauh lutuk vang a ni" ka rilru in ka in hrilh mawlh mawlh, ka hmul thi ding sur sur leh ka vun vawh tih vang ni silo a rawn bawl ṭiam ṭiam chu ka duhlo takzet
.
.
.
.
Ka phone ri ral ral ka hriat chuan lu na lutuk in ka phone rik na lam chu ka ban rak rak, "ummm," Mut khamlo lutuk chuan ka ti chhuak, Dr Prithik-a nui ri hak ka hriat chuan off leh mai ka tum, he vai pa hi mood off lai phei chuan ka ning lek lek ṭhin, "Zualte, ka mamawh che a, min pui thei angem?" Thu tak zet a rawn tih chuan, off leh ta mai lo chuan thaw hak in ka meng chhuak, ka mitmu kham zia chu, nizan ka muthil lai reng reng ka hrelo, ka ngaihtuah let pawhin ka hmul thi ala ding ur ur thei, ka hlauh a ber phei chu ka hria pawh nilo


"Enge ni a?" Ṭhu chhuak pah chuan ka ti sup, "it's an 6 year-old craniopharyngioma patient," A rawn tih chuan ka thaw hak, "tinge nang man i tih mailoh ang, Prathik i hriat kha naupang hi chu ka zai duh vaklo tih," A hma a ṭang in naupang zai ngai hi chu ka peh hel ṭang ṭang ṭhin


"C'mon Zualte, naktuk chawhnu hian Delhi ah ka fanu pasal neihna tur ah ka tel ngei ngei a ngai a, chawhnu lam ah ka kal a ngai si a, nanglo tumah dang ka ringlo tih i hriat kha?" Min tlawn ti tih a a rawn tih leh chuan ka thaw hawk, he pa zep zuap zel hi chu, "ok, ka dawhkan ah report lo dahla ka lo en ang," Ka tih chuan lawm tih hriat zet in a rawn nui hak, "thanks Doctor Zualte," A rawn tih leh chuan ka off nghal


Mit chhing sawk a ka chal dawm vang vang in, boruak hip in ka thaw chhuak ham ham, painkillers ka eiloh chuan nileng ka daih hauhlo ang, mutna aṭang a tho chhuakin bathroom lam ka pan chhat chhat, bathroom ka luhrual a darthlalang a ka hmel rawn lang chu ka phu zuklo chauh a ni, ka dawl dangin ka thu lutuk chu keimah ka nilo emaw ka inti hial alawm mawle


Inti fai sawk sawk chuan bathroom aṭang ka chhuak, ka phone lo ri ral ral lam chu ka pan vat, Nancy-i hming ka hmuh chuan Loicy-i chungchang a nih ka rin avangin ka pickup vat


Ka rindan chiah, "U Zualte, Loicy-i hi an school ah ilo hruai thei angem, nu leh pa an ko khawm thut a, Mama lah meeting pawimawh tak anei si a, keilah cooking class ka nei bawk si a, weekend a ni tho na," A rawn ti nghal zat zat chuan ka nui suk, a pawilo tawp



"Ka hruai dawn nia, dar engzah nge? school ah ka rawn hmu ang," Ka tih chuan a rawn nui ri hak, "dar 2 ah, ka hrethiam e, ka lawm lutuk aw," Tih leh ka chhan na pawh nghaklo in a off nghal chu phone en in ka nui suk


Ka lu na min tur ut ut chu natchhawkna zawngin ka hmawm, ka thawmhnaw hak tur zawng chuan ka hai rak rak, kawrfual ka khup hnuai thleng a fual, ka taksa a bet thlap mai, puan deh nuam zet mai chu ka la chhuak, ka in thawlh nghal zat, ka chhip a ka sam bawk tawm tawp chuan ka bag la in ka chhuak nghal



Ka nu te chaw an lo ei mek chu pan hnai in, "pa ka chhuak hma dawn a nia," Tih leh min chhan na pawh nghaklo in ka pensawn nghal, nizan a ka pa thusawi kha ka ngaihtuah let nasa, ka pa hi pa ṭawng tamlo tak, zu a in loh phei chuan a ṭûl hle lo ah phei chuan a ṭawng ve mai mai ngailo, chutiang khawp a ṭawng mawh leh nelawmloh a ni, kei ngei pawh hian a ruih lai hi chuan han chhang ve hlak ṭhin mahila ruilo hailo a a awm hi chuan ka chhang ngam bik ṭheuhlo



Taxi rawn tlan phar ding chuan ka ṭhut luh pahin ka kal duh na ka sawi nghal zat, damdawiin ka thlen chuan k office lam pan in ka kal nghal, ka ngaihbel nge tu pawh mai chuan min en duh in min sawi zui ser ser ni mai hian ka hria, nuam ka ti dêrlo, ka hnathawh na hmun hi ka hmun nuam tihber a ni ṭhin, chutiang tur chuan ka in fuih ve fo bawk, vawiin ni erawh nuam ka ti dêr lo mai, nge ni a karkhat ngawt hna ka kal loh vang zawkin nge maw ni?


Ngawi reng a ka office lam ka pan chu, "e, kha Doctor Zualte ilo kal a ava tih zia ve, rawn biak che ka tum hrim hrim a, ka office ah min rawn hmu lawk dawn em niang?" Kan damdawiin chief executive in nui sûng mai a a rawn tih chuan minti ham haih lek lek, a chhan chu min mil teh chiamlo tih ka hria, mahse ka engah mah a tawhloh avang leh pawimawh fê te a nihloh chuan kan inbe ngailo hrim hrim, nui sûng mai a minbia chu a tho â ta emaw tih mai tur a ni, nge ni a director ah a kâi sang zawk emaw ni? Ka ngaihtuahna na avangin ka nui suk, ka zui nghal zat bawk



A office ka luh rual a ka lam a lehkha phek rawn lek kângin, "Prathik-a damlo i zai dawn tih kalo hria a, nang nge nge," Ngeiawm lek lek a tih chuan, a paper rawn lek chhuah chu ka ban nghal zat, "i duh ka ring a," Tih zawmzat in min nuih suk, chair a ṭhu âwn dar dar chuan a ṭhut na chu a ti vir sek bawk, a ngaihna hrelo zet a paper en chuan, "engvang a minpe nge inih?" Ka en haw


A nui hak hak, ṭhu ṭha a a kiu dawhkan a nghat chuan a suih zawm zat, min rawn melh chho in, "thingtlang in 50/60 bawr vel ni mahse boruak thar hip nan a ṭhat ka rinpui che a," A tih leh chuan ka thle deuh bak, "tunlai i boruak tawn nen boruak tharlâm hip i duh ka ring deuh a," Nui sâng a a tih zawmzat chuan ka ner sawk, he mihring pa kâ aṭang hian eng thu ṭha nge maw kalo beisei reng reng ni a, a ṭawngkam ngeiawm lutuk chu ka hapûi ka seh ri bap bap


Nui lui sâng a ngeiawm lutuk en let chuan, paper bawk ka melh leh zauh, "tunlai boruak i sawi chu tlanchhiat san rawh minti a nih chuan, tlan chhiat chhan tur ka neilo tih ka hrilh nghal che ni rawhse, mahse ka lo in ngaihtuah a nge," Ngeiawm zet a ti let ve sak chuan ka nui lui sâng bawk, a nui tawi tak chu en in, "pawimawh dang i neih tawhloh chuan ka chhuahsan angche," Tih leh min chhanna pawh nghaklo in ka in hersan nghal, engvang a min tai em em nge a nih ka hrelo, he hospital a ka thawh tirh aṭang min ngaina lo em em tih ka hria, midang ka mizia bak hi han in ngainat tir leh han biak lûmlâm ka thiamloh vang pakhat pawh hi a ni mahna kan in biak fuh theihloh ni


Ka office a ka luh chuan Lucy-i alo ṭhu rân, ka ding deuh dat chu rawn hawiin, hneh tu inti zet in a nui sâng bawk, pakhat ka pal zo chiah a tun ah a dang, he hmun hi awmbo san chu ka mamawh dawn tak tak ni in ka inhria


"Doctor Lucy, chawlh ila emaw ka tia?" Engmah thleng lo ang maiin nui sâng in ka be lui, ka chair ah ka ṭhu thla nghal zat bawk, nui deuh ar ar chuan, "ka rinai in i ṭhat daih hi a, Remruata khan a sawi serious viau che a," Elhsen zet a atih chuan ka thaw hak, Rempuia hming sawi rik lai a a intih theih zia chu a rapthlak hial zawk, tleirawl lai a ngaihzawng nei, an ex te hma a inti thei vel vawh vawh hi a ang mah zawk


Ka dawhkan a Prathik-a lehkha dah ho chu en pah mawlh mawlhin, ngaihsak loh hmel zetin, "i hmu ang hian ka ṭha khawp mai a, hna ka ngah hle tih i hmu bawk a, i chhuak thei tawh ang," Ka kiai suk, a mitmeng chu a thim nghal rawih rawih, a hmui ti sawi sawk in, a sir a bag chu a mal a nghat in a hai rawk rawk, paper bawk rawn la chhuak ve chuan, "sign rawh," Tih deuh nghat chuan ka hma ah a rawn dah deuh chawrh


Ka hmui hnuailam ti pawrh tarh chuan paper chu la kang in ka en, ka mit ka chhing sawk, a kut lawngin ka lungphu zawn hi a rawn zen ni mai hian ka hria, a thîp nghal vawng vawng, inṭhen na lehkha a, "DIVORCE PAPER" lian kelh kawlh mai a inziak chu mit khap fak fak in ka en, ka lungphu tin mai hian min vit sawk sawk hian ka hria, ka awmdan ah chuan kalsan tawh leh ṭhenfel tawh ang in awm mahila, dan hnuai ah diktak a inṭhen na han ziah dawn meuh chuan ka na vawng vawng mai a lawm


"I hmanlo viau in ka hre si a," Paper ka en vawng vawng lai chu Lucy-in a rawn ti deuh nghat, boruak hip kawk in ka thaw chhuak kawk, ka chil ka lem khalh bawk


Sign mai tur ka nihlai ka kut hi ka ti che thei dêr lo, Lucy-i lam hawi chuan, "Rempuia'n a sign hnu ah ka sign dawn nia, i kal thei tawh ang," Ka tihrual a ding nghal zawt in, "i sign hmasak a duh vang a lawm mawle, i ṭhen theilo tih min hrilh miah suh Hmangaihzual," A ti deuh ṭhat chu ka ner khum sawk, chutia a sawi tak ah chuan a thusawi hi pakhat mah ka ringlo ve tawp a, ka rin dik ngei pawh ka beisei takzet, engvang a Remruatpuia'n min ṭhen tak tak chu a duhloh ring ringawt nge ka nih tak pawh ka in hrethiam tawh biklo, chiang tak a ka hriat erawh, he mihring nu Lucy-i thusawi hi tun atan chuan ka ringlo ni tehse


Thinrim zet a a bag aṭang a eng amaw rawn phawrh leh chuan, "ti khan a chiang em?" Tih leh hrawk in ka hma ah paper bawk a rawn dah leh chawrh chu thaw hakin ka en, ka meng kawk thung, "he lehkha hi," Ka phun sep, "a dik, in ineihna contract i ziah kha a ni, ka kut ah amah mai chuan a awm dawnlo tih i hria tiraw?" Hneh tu inti zet a hawi vah chuan a ti leh sak, ka thawk sak zia chu, nizan mai khan hun mindil a, tun ah Lucy-i kan inzawmna paper a pe bawk a, ka mittui tla teuh lutuk chu ka khap fawk fawk, harsa lutuk thaw kawk chuan ka ṭah nuih hak



Paper pahnih a lek kâng chuan, "a hming a sign rualin ka sign dawn nia tih lo hrilh angche," Ka ti sup, ka âwm zawn nat zia chu, a sa veng veng, "Hmangaihzual," A ti ṭhat chu paper ka vawn na ka thlah, chhuat ah a tla darh chu melh zawkin, "chhuak tawh rawh," Ka ti dam leh dap, ka theih tawp in thaw kala kawk kawk bawk


Thinrim in sawh nghawng nghawng a rum lutuk a min melh hrawk chuan a kawngkhar lam a pan chu Rinhlua a rawn lut tur nen an in su dawt, "kawng en ta che," A ti hrawk chu Rinhlua'n a chhuak chu a en zui hâw, ka lam rawn hawiin, "i ṭha maw?" A rawn ti sup, thaw hak a bu nghat in, "umm, damlo kan en lawk ange, ti khanlo awm rawh," Tih leh ka coat inkhai ban in ka chhuak nghal, ṭawng tum a kâ a âng zuai chu ka hmu hman hram


Thawk harsat lai leh ip pik lai hi chuan tumah ka bul hnai ah awmlo se ka duh ber, duh tawk a thawk rin a, insum lek lo a boruak ka hip lo a nih chuan thaw chham in ka thi mai ang tih ka hlau


"Doctor, heihi Dr. Prathik khan lo pe tel rawh a tia," Nurse Hmingtei'n a lo tih chuan ka ban vat, ka keu nghal mawlh mawlh, "naupang hi ward no..." Ka tihlai mekin, "102, i ṭha em?" A tih zawm sap chu melh zawk a pen sawn pahin, "ka ṭha e," Ka ti sep, min rawn zui ve nghal, naupang mutna ka thlen chuan minlo en kar



Naupang pawisawilo zet mai natna khirh tak an neih hi en hreawm ka tih ṭhin vang a nia, naupang zai ngai hi chu hel ka tum ṭang ṭang ṭhin, a hming in ziak chu en zauh in, "Joseph, i hlau em?" Nuisang a ka tih chuan min nuih let var var, "hlau lo e, minti dam dawn tih nurse hian min hrilh a lawm," Ti var chuan Hmingtei chu a melh zauh, ka nui sak


"I tlangval lutuk, Hmingte 15mins hnu ah in in peih dawn nia," Ti zat chuan naupang chu en lehin, "OP room ah kan in hmu dawn nia aw," Ka tih chuan a bu nghat nghat
.
.
.
.
Naupang hlawhtling tak a darkar 2 dawnlai mai ka zai hnu ah OP room a ṭang a chhuak in ka office ka pan, Rinhlua a ṭhu ran mai ka hmuh chuan, "ila awm ngar ngar a mi?" Ka tih chuan a rawn hawi vat, "ka thleng chiah, lunch kan ei dawn em niang?" A tih chuan sana ka en zawk, dar 1:30 a ri thuak tawh tih ka hmuh chuan ka lu ka thing mat mat


"Ka hmanlo ang vawiin chu, Loicy-i te school ah ka kal angai a," Ka tih chuan a thaw deuh hak, ka bag la a nui sâng a en chuan, a rawn ding chhuak, "nidang ah ni rawhse," Ka ti leh sep, a kiai suk, a hmel landan chu ka hrethiamlo na in a lawm hmel fahran loh khawp mai


A din na aṭang ka lam a rawn pan hnai chu phawk zetin ka en, "Zualte, chance vawikhat chiah ka tan hian minpe theilo em ni? Ka tiam a che hlimna chauh i nun ah ka thlen ang tih," Min rawn din chilh chu tawlh hnung hret hret in, "Rinhlua ka tihpalh, ka thinlung i hriat kha," Ka hlau ṭan ti tih, min en dan leh min din hnaih dan chu ka duh dêr lo



"Awm sawn teh," Ka ti sup chu min rawn kuah thut, ka tal nghal phat, "min thlah teh Rinhlu tiang hian awm suh," Ka tal laih laih, a ai nghet a min kuah chuan, "vawikhat, vawikhat chauh," A ngen in min ngen, min nam sawm deuh a ka dar tawn tawn a a vawn chuan tal laih laih in a awm ah ka nam ve ṭang ṭang


"Rinhlu awmsawn rawh ka tih chu," a mit ah thinrim lutuk chuan ka en chho, rawn kun hniam a min fawh a tumta mai chu thlesawn in ka theih tawp a na a namsawn chuan ka beng sawk, ka kut a thip nghal vawng vawng thei, "ka.." Ka ti bah nak, chu a biang tuai zauhin a rawn nui suk, "ka...ka tihpalh," Ka ti bah nak nak, ka tum em em a ni bik miahlo, engtik laiin nge ka kut ka phar chhuah pawh ka hre chuanglo



Rilru nat hmelzet a min en chuan ngawi reng a inher vut in a chhuak nghal nul nul chu thaw hawk in ka ûm zui nghal, a pen zau in a pen chak ngang a niang a car kawngkhar a hawng tur chu thaw hlawp hlawp in, a ban ah ka va vuan, "ka tihpalh tak tak, min...minti lui lo la chuan.." Ka tih laiin a rawn nui suk, nuihza hmel erawh a pu chuanglo, min en vang vang a a ban ka vawn na chu phelhin ka kut chu a hum vang vang, "ka hrethiam che, ka tihpalh nawrlui lo tur che kha ka nia," A ner sawk, harsat zet chuan ka ṭhen sûng


"I kalna tur ah i tlai dawn ka thlah angche," A tih leh chuan min vawn na aṭang a ka kut la sawn vat in, "a ngailo, taxi ka la..." Ka tih lai a min kuai her vut in, min nawr kal dat dat pahin, "kal mai mai teh," Tih leh front seat kawngkhar chu hawngin min nam lut, ka nui ve suk

Amah pawh rawn ṭhu lut zat chuan a khalh chhuak ve nghal mai, sawi tur lah an vang em em, nidang chu nise fiamthu a thawhin ka nuih pui leh hak hak tur kha a nia, vawiin zet zawng Rinhlua a bul a awm hreawm ka tih ṭum ber a ni hial ang


Loicy-i te school kan thlen chuan ka chhuak nghal vat, "ka lawm lutuk aw," Tih leh ka hawi kual nghal, "Mummy," Loicy-i aw ka hriat na lam chu ka hawi vat, a rawn tlan ter ter chu nui sâng a pan in, ka ṭhu hniam nghal, a bul a an in a hnathawk ṭhin hmel kha ka hmuh chuan, "kalo buaipui tawh ange, ka lawm lutuk e," Ka tih chuan a bu ve nghat


Loicy-i en chuan, "ilo fel em?" Ka ti sup, uar lutuk a a lu bu nghat nghat in, "Mummy haw hun ah KFC Nancy'in kan ei theih thu a sawi a," A tih chuan ka nui hak, "ok, fel deuh a i awm a ngai ang," Ka tih chuan a nui var var, a kut a kaiin hall lam chu ka pan pui nghal


An thusawi chu naupang tan a ṭha tur a an ngaih, enkawl dan leh nu leh pa te hma kanlak a ngaihthu te an sawi duah, a ṭha ka ti hlawm khawp mai, head-master thusawi zing a ṭha ka tihber chu, "naupang te hian kan ṭawngkam ai mah in kan che zia hi an zir chak zawk a, naupang ṭhenkhat phone rawn pai a, phone in a an zirlai a tihbuai phah hi an awm nuk mai, hman ni deuh kha naupang pakhat chu a phone kan man sak a, kg1 zirlai chauh a ni nghe nghe, naupang â tih tak ah, khawi aṭang a phone khawih dan te hi thiam nge a nih tih kan zawh chuan, "ka nu leh pa in an khawih reng zel a lawm" ati kauh mai a, ka rilru a rawn lang ta chu, nu leh pa te hian in fa te hmuh ah hian phone hi khawih tamlo hram hram tur in ka ngên duh che u a ni," A tih chu dik thei dawn riau hian ka hria, tunlai kan Mizo ṭhang thar ah pawh phone leh Internet lam a hun zawng zawng khawh ral ta hi kan tam viau in a rinawm


"Mummy KFC kan ei tawh dawn a mi?" Taxi chan lai a Loicy-in min zawh chuan ka bu nghat, ka phone phawrh in Te-i ka call, "Te-i, kan rawn kal ṭep aw, hei MC ah KFC ei a duh deuh a..." A lak rual a ka tih laiin, "keini pawh kan awm kanlo nghak angche u rawn kal rawh u," A rawn tih lang lang chuan ka nui suk, "minlo nghak rawh u," Tih leh ka off nghal


Ka hma a taxi rawn tlan ka phar ding tur chu, "rawn lut rawh u," Ti tu lam chu kan hawi vat, Rinhlua a rawn nui vur vur chu phawk fê a en in, "i kal daih tawh emaw ka tia," ka tih chuan a nui hak, "pate," Loicy-in tih leh car lam pan a rual, Rinhlua chu a nui hak hak, nui ve suk chuan ka pan nghal


"Khilai deuh ah khian ka ṭhianpa a awm a, a damlo ka han kan mawle," A tih chuan ka bu nghat, seat hnung kawngkhar chu hawngin Loicy-i ka hlang kai nghal, keipawh ṭhu lut in, "MC lam ah a sin kan kal dawn," Ka tih zawh rualin, "KFC kan ei dawn," Loicy-in alo ti ve zat bawk, tlan chhuak pah a darthlalang aṭang hnunglam rawn melh zawk in, "keipawh lunch kala eilo ka ril a ṭam kan ei ho dawn nia," A rawn tih chuan ka ner sawng, ka office ka hre chhuak nghal zat lehnghal, ka thaw hawk bawk


"Ilo leng duh tawh lo e Pate, engtik ah nge kan infiam leh ang," Loicy-in a tih chuan a rawn melh zawk, "kalo leng ṭep tawh ang," A ti sep, a hmel ah chutiang alang dêr bawk silo, Rinhlua leh Rempuia a inkar chhiat chhan hi keimah ka ni tih in hre kur mahila tih theih ka nei dêr bawk silo


Rempuia in a ka awmlai khan an thlalak ka hmu nual, in ṭhian ṭha tak an nih piahlam ah Rinhlua a nu hi Rempuia pa nau a ni zui bawk nen, in hnaih tak an ni, tiang a an awm ta hi pawi ka ti takzet, chutih rualin han sawipui vak tur in Rempuia nen a kan inkar ngaihtuah phei chuan engmah sawi thei dinhmun ah ka ding tawp silo a, nuamlo erawh ka ti ru ṭhin viau thung


MC kawt a car park na a car a hung chuan Loicy-i awmna lam kawngkhar rawn hawng chuan a hlang thla nalh, ka zui ve nghal vat bawk, MC a lut in KFC restaurants ah kan lut nghal, ka hawi kual, "mi zawn i nei em ni?" Rinhlua'n a rawn tih chuan bu nghat in, "Te-i te," Ka tih rualin ka hmu nghal, a ban a lo vai zauh bawk, nui hak chuan an lam ka pan nghal, Rinhlua leh Loicy-in min rawn zui ve nghal bawk


Ben-a leh Loicy-i in hmu chu an rak ṭhat, an han inkuah ve sapvei bawk a, kan nui hak hak, eng a maw sawi chuan an ṭawng nghal mawlh mawlh, "in ei tawh em ni? Dar 4 a ri dawn tawh sia, zanriah pawh kan ei thei tawhlo ang, keichu dinner a ni nghal mai," Ka tih chuan Te-i chu a ner nung, "kan chhum vek tawh, i rawn ei ngei ngei angai," A tih hlak chuan ka nui hak, "naktuk ah ka rawn ei ang, dah ṭha mai rawh," Ka tih chuan min melh ram ram

"Ka va order ange," Rinhlua'n a rawn tih chuan ka bu nghat, a pensawn rualin, "Te-i," Ka ti sep, "enge?" Tih melh a min rawn melh chu ka bag aṭang a kan chief lehkha minpek chu ka phawrh


"Enge i ngaihdan?" Ka thaw hak, "boruak thar hip hi ka mamawh in ka hria," Ka tih zawm sap, paper en vang vangin, "awii Zualte, i awm thei dawn em ni, an khua hi chu a nuam ve reng, an thianghlim a, Mizoram thingtlang ah chuan thianghlim ber pawl an ni ang tih ka sawi sual ka in ring lo, mahse khawlum chang hian a hreawm ê," Uar fahran a rawn tih chuan ka nui hak, nui ve vur vur in, "tak tak in, pawi ka ti miahlo, han hawi thaw vengla, engkim a ṭha ve leh vek mai," A tih chuan ka bu nghat


"Daddy," Loicy-in ring leng lawng a Te-i nen kan in biak lai a a rawn tih chuan a hawina lam chu kan hawi vat, Rinhlua kan bul ah a rawn ding ve chiah bawk, Rempuia mitmeng chu thim tak a ni, ṭo ruah haw tur ang mai a lawm a nih, Lucy-in, "kal ila," A bul a ding pah a rawn tih chuan ka thin a thîp zak, tun ah chuan inṭhen na lehkha pawh kha a tihtir ani tih ka ring nghal hmiah bawk

Lucy-in Rempuia rawn hawi na lam rawn en phei ve chuan min rawn hmu chu a ner nawk, "Daddy KFC kan ei dawnlo ei ve rawh," Loicy-i a ṭhut na a ṭang a chhuah a tum chu, "Loicy i pa saw a buai lutuk a nih saw," Tei'n rum lutuk a Rempuia melh chuan a ti hlak, Rinhlua ei tur rawn dah chu Loicy-i muangchang a a ṭhut na a ṭhu let hma ah chuan ka chhawp


Ka taksa za mer mer leh ṭang at ah hian minla en reng tih ka hre thei, ti em em a keimah a nghawng a neih nat ang hian midang lakah hian a nei na ve angem le? Ka lungphu a rangin ka thawk a sak leh ta ṭalh mai, engtik ah tak a mi en na mai mai pawh hi pangai tak a dawng sawng ve ang i maw??


"Daddy a kal daih," Loicy-in lungawi loh hmel zet a atih chuan a en na lam chu ka en zawk, a pen pawk pawk chu Lucy-in a um dat dat, engvang a na ru veng veng nge maw ka nih le? Ka tan chuan mihrang a ni a, nat chhan tur ka nei tawhlo, chance pe theilo tu ka nih kha mawle, ka in zilh ru mawlh mawlh



"Ka chhuak anga ka va kek hrep dawn emaw ni?" Kawngkhar a an chhuak chu Tei'n a ti kha hrawk, za lo zet in ka nuihsak, Rinhlua pawh a rawn nui hak, "Lucy-i zik zek khi kala khawih ang, a sam kala pawt kawlh dawn a lawm," A ti leh hlak hlak chu thaw hawk in, "in pa in lockup ah a khung tur che a sin," Ka ti sup chu an rawn nui hawk

"Loicy-i hian hreawm a ti ber dawn a nih hi," A ti sep chu melh zawkin Loicy-i chu ka en leh, ni e, keipawh hian hreawm ka ti viau ang, mahse ka rilru kala siam fel chuang hauhlo


"A khung duh tak tak ang," Rinhlua'n a rawn tih tak ah chuan ka harh zawk, Te-i chu a nui hak hak


Ka nui ve hak, "kan nupa room ah bak min khung ngamlo," Mithmul kan ak ak a a tih chuan ner nawng in ar bawp la chuan ka kaih nghal zat, ka mitthla ah Rempuia hmel chang lutuk leh mitmeng thim zet a min en na kha a rawn lang ang zut zut lehnghal a
.
.
.
.
"Awiii U Zualte ka lawm lutuk aw," Nancy-in an in gate pawn a rawn chhuah pah a a tih hluai chuan ka nuih sak, an in chu ka thlir deuh vang vang, ka sawi thiam siloh in ka lung a leng ru veng veng, hun hlimawm tak chu ka hmanglo a lawm, mahse he inchhung ka pen luh aṭang ka natna dawn zat chiah hlimna ka dawn ve tho vang a ni, aih, chu ai a tam mah pawh a ni thei, Loicy-i chu ka melh zawk, ni e, fanu ka neihna a ni tlat


Loicy-i en chuan, "kan inhmu leh vat dawn nia aw, fel deuhin awm la," Ka tih chuan ṭap mai tur hmel a pu, "lo haw tawh la mummy,". A mên puau, ka thaw hak, "naupang fel an ṭap ngailo ka tih kha, lut tawh rawhle, naktuk ah MC ah kan bazaar leh dawn nia," Ka tih chuan a nernung, ka lainat lutuk, nu awmlohna inchhung chu a ruak ve khawp in ka ring, ka naupan lai pawh khan nu ka mamawh ve hle ṭhin si a


"Luh pui tawh rawh, dar 8 a ri dawn a chauh ka ring," Nancy-i en chuan ka ti sep, tum loh deuhin kan vak ta hrep a, a chau viau ang, "Mummy hi bye bye rawh le, U Zualte kan lut mai dawn a nia," A tih leh inher pui a tum chu, "lawkin," Tih leh ṭhu hniam leh chuan Loicy-i chu ka kuah vang vang, "bawihte thu awihla, Nancy-i thusawi ngaithla rawh aw, engtik lai pawhin min ngaih chuan Nancy-i hnen ah min biak duh thusawi la, minbe thei reng a nia," Ka ṭah a rawn chhuak ut ut, ka mittui tla tur ka khap let sak sak


"Lut tawh rawh u le," Ka tih chuan ka biang a rawn fawp zauhin, "Mummy muttui aw," A ti sep, ṭah chhuak zet chuan ka bu nghat nghat, Nancy-i nen a an lut chu mittui tling pam in ka thlir, gate an khar tur pawh min rawn en ve ṭang ṭang, an khar fel rual in ka biang a rawn lum thla pup, "min theihnghilh vat angem?" Ka phun chhuak sep


Ka phone rawn ri ral ral chu ka bag aṭang a phawrh in ka mittui hru hul sawk sawk chuan ka pickup, "Zualtei, Remruatpuia nupui i ni em aw?" Aw thum zwt mai in a rawn tih chuan, "aw ni e," A ngaihna hrelo zet chuan ka ti sep, taxi rawn tlan chu ka phar ding nghal


"Police station aṭang in a nia, hei i pasal hian tleirawl pakhat a sawisa a, tun ah station ah i rawn kal thei angem?" A tih chhan ka meng kawk, "maw?Engtin. Ka hrethiam e," Ka tih bah nawk nawk, taxi driver chu, ka kal duhna bah nawk nawk in ka hrilh, hmanhmawh turin ka tûr sek bawk, engtin nge chutiang thil te a thlen theih le?


Station kawt a a din rual in pawisa pe sawk sawk in, "a kir chu ti khan a ni mai," Tih leh ka tlan chhuak a ni ber, station a ka luh rualin zu rui ni awm tak au ri ka hre nghal chuah chuah, in hau buai an awm ta emaw tih mai tur khawp in a bengchheng


Ka hawi kual, "puih theihna che ka nei em?" Constable pakhat in a rawn tih chuan, "Remruatpui.." Ka tih lai in, "helam ah," Rawn ti tu lam chu ka hawi vat, ka pan nghal hlawk hlawk, min ko tu hma a chair a Rempuia ṭhu kun ngûr mai chu ka melh zawk, min rawn melh chho ve chiah bawk, a mit a sen râm, a kamsir a thî sûng bawk ka thaw hak


"Enge thleng a?" Tih pah chuan officer chu ka en, "inpa hian engmah a sawi duh silo a, kanla chiang biklo," Rempuia melh chuan a ti nghut, ṭhu hniam a Rempuia en chuan, "thil thlendan enge ni a? I rui hle bawk si, engthil nge thleng a?" Beidawng lutuk chuan ka zawt, mit sen râm in min en, ṭawng tum hmel pawh a pu chuanglo, a va han luhlul ngar ngar tak


Thaw hakin, "a khawihna em?" Police bawk chu ka en leh, Rempuia'n min en reng tih ka taksa mur er er ah ka hre thei, "tun ah damdawiin ah admit a ni a, case an siam ka ring, zanin atan chuan hruai haw phawt maiteh, natuk ah harhfim in kan in zawt dawn nia, beng hi fill up la, hetah hian i hming sign bawk la," A tih chuan ka sign vat, lawmthu ka hrilh nghal mawlh mawlh, police polite leh mi hriat thiamna ngah tak a ni, awlsam tak a min haw tir ka rinloh nen


Rempuia chu melh in, "nangmah in i tho thei em?" Ka ti sup chu a rawn nui suk, a rui nui hmel pawh ala ṭha tho a ni, rawn din tum kat nawk chu a tluk hlau lutuk in ka vuan vat, a lian rapthlak mai si, ka phone phawrh chuan ka kut lehlam a Rempuia dawm chung in Ricky-a ka call, "Zualte," A pickup rual a rawm tih chuan, Rempuia melh chho zawkin, "vaivakawn police station ah ilo kal thei em? Rempuia rawn lam ta che," Ka tih chuan rang lutuk in, "maw? Enge thleng a?" A rawm ti nghal zat, thaw hak in, "lo kal phawt la," Tih leh ka off nghal


Rempuia chu en chho vang vang in, "i pen thei tiraw?" Ka ti sup, bu nghat in a pen ve mai bawk a, a in pal leh ang khut khut ṭhin, a tluk hlau zet chuan a hnung ah veng ti tih chuan ma zui dat dat, tlu pawh nise ka dawm bet hneh dawn chuang dêr silo a


Station kawt a ṭhut na awm lam pan pui chuan a ṭhu thla hnawk, ruah hmî a rawn tla ang ser ser zui a, Rempuia a ṭhu kun ngûr chu en in, "ti khanlo awm rawh, sawlai ah sawn damdawi zawrh na a awm in ka hria, i kamsir vel kha damdawi hnawih tur kava lei ange," Tih leh pensawn ka tum chu rawm ding thut in ka hnunglam aṭang mi rawn kuah thut, a palian nasa si, min kuah bo vek ni hian ka hria


Ka ding khawt awt, "eng..." Ka tih lai mek a ka nghawng rawn thawk khum ham ham chuan, ka mur nghal chuai chuai, "ti hian reilo te, reilo te awm ang," Station ka thlen a ṭang a vawikhat ṭawng chhuah na a ni, a aw lah chu a seh chilh zui bawk


Ka lungphu a rawm rang dawt dawt, ruahsur tur khawvawt vûr e tilo in ka thlanfim a rawm bawl ṭiam ṭiam, "Rempuia," Ka phun sep, ka chil ka lem khalh bawk, a thaw ri hak chu ka hre chiang lutuk mah mah, ka kaw chhung a fan thla rawih rawih thei



Che hrut a a ai nget a min kuah chuan, a hmui lum ham ham mai ka nghawng a deh rualin ka ṭêk chuai, ka kawchhung a khur ru nghal der der, "ka ngai che," A aw chu a ringlo in sawi chhuah harsa a tih hmel takzet, "Rinhlua
, Rinhlua i hmu tawhlo thei angem?" A aw ah chuan a ngen in min ngen, ka thawk a sak nasa mai si, ṭawng chhuak thei din hmun ah pawh ka dinglo


"Bawihi," A Rilruih mai chu ka thin a ti na vawng vawng, mit ka chhing sawk, "ṭawng ve la," A rawn ti leh sup, a hmui in ka nghawng a nul thuak thuak, ka khur chhe mai dawn, ka dang a ro hulh, ka lungphu lah chu a phu rang lutuk nge a phu tawhlo zawk pawh ka hrelo


Tun a ka rilru a awm chhun erawh he mihring pa hlat lutuk ah ka awm angai tih a ni, ni e, thingtlang lam chu ka pan a ngai takzet, "Ricky-a a rawn thleng ṭep tawh ang," Tih leh ka theih tawp chhuah in ka tal hrang vut, a inring hmanlo a ni mahna min thlah ve mai bawk a


Ṭawng a tum mek laiin car a rawn ding dat, Ricky-a rawn tlan chhuak chu melh in ka thaw kawk kawk, "in ṭha em? Enge thleng?" Hlauhthawn hmel zet a a rawn tih chuN Rempuia min en reng na chu melh zawkin, "haw pui phawt rawh, inlam ah in inhrilh dawn nia," Ti sep chuan taxi rawn tlan chiah chu phar ding in min biak leh hlau ni awm fahran in ka ṭhu lut nghal rawk rawk, Rempuia mitmeng sen râm a beidawn na ni awm tak lang chhuak erawh ka hmu hman hram, ka awm a kut nghat in ka thaw ham ham, mit ka chhing sawk bawk, min kuah na kha kala feel veng veng in ka taksa a a nghawng ala reh aw zawnglo bawk




***Riya***



Note: ka sawi tawh ang in mikhual kan nei a, duh angin phone ka hmang theilo a minlo hrethiam hram rawh u❤️❤️chuan naktuk zan aṭang in ka pu thih cham amah hriat reng na kan hmang dawn a, ka buai dawn em avangin ka rawn dah thei dawnlo a, Monday zam aṭang chiah in ka rawn chhun zawm thei dawn tih khawngaih in minlo hriat sak ula❤️❤️hriat thiam na sang tak nen minlo hrethiam hram dawn nia🤩ka lawm e)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:23 pm

STONE HEART
By floria laldansangi


33


REMRUATPUIA.....POV

**"Kha le, i thil duh chu, he thil nei tur hian Remruat ka hun tamtak ka khawh ral tih i hria angchu tiraw?" Ka hma a paper rawn dah pah a tichuan ka dar ah a rawn zût nghal zat, ka nui hak, paper la pahin, "chuvang alawm i bialpa, kei nen a thuthang diklo tak i theh darh hnu ah ka koh let sak che ni," Ka melh zawk, kawngkhar lam ka melh leh, a hmel a min beisei na mitmeng tle set set kha a in thlak nghal rawk rawk


Lucy-i chuan thinrim hmel lutuk a min en nghal kawk in, "Remruatpui heihi i thil mintiam a ni hauhlo," A ti hrawk, paper lek kang zauhin, "engmah ka tiam che ka hre hauhlo," Tih pah chuan ka melh zauh, a bul ah a bialpa naupang zet mai rawn ding chu melhin min rawn melh leh, "Remruatpui nang..." Thinrim zet a atih bah naklai a ding chhuak in amah hnaih chêt a kun hniam chuan, "i pum chhung a i fa kha minpuh chu i tum em lo angchu tiraw?" Ka tih sup chuan a tawlh hnung dawrh


"Engtin.. Nang hian khang hun chhung zawng zawng kha minzui ru tur i dah tih sawi miah suh?" A ti ṭhat, ka dar ka san ak, "i bialnu pum chhung a naute saw i fa anih chuan mawhphurh na la ngam angche," A bialpa melh zawk ka tih chuan a meng kawk Lucy-i thinrim in hum ruh a ding khur lek lek lam chu pan nghal ruak ruak in, "Lucy i rai a maw? Engvang a min hrilh lo nge i nih?" Hlim si thinrim si chuan a ti nghal sawk sawk, ka kiai suk, ka ṭhut na a ṭhu let in paper chu en in whisky chu ka tlak leh pawp, tun ah chuan he Lucy-i hi mamawh na ka nei tawh hauhlo*****


"A hriat chhuah i hlau lo em ni?" Nui vur vur a Ricky-an Hmangaihzuali taxi chhung a lut rawk rawk en vung vung chung a a tih chuan ka harh zawk, ka kiai suk bawk

"Lawyer Kima a haw tawh em?" A tih zawmzat chuan ka bu nghat


"Lut teh ang, tleirawl te insual pui reng reng che," Min en dan mai mai chu'h, kha naupang thlavang ka hauhna lam ah ṭul lo zetin tleirawl kut ka thlak phah lehnghal, tunlai tleirawl ho, ṭhian ho a pawr ta em em a, khawih rawn tur ngawt zawng ho hi Y.M.A lam zawng pawh a hmalak dan te hi awmse ṭha tur hi a nia


"LRM hospital lam pan rawh," Ṭhut luh rual in ka ti nghal zat, min rawn melh zawk, "Lucy-i kâ aṭang chuan hriat i nei ta nge nge em ni?" Tlanchhuak pah a a tih chuan ka thaw hak, ka ipte a paper inthlep ka ah chu phawrh in ka lek chhuak zauh, a nui hak


"Zantin Hmangaihzuali te in thlanglam a riah chilh i bansan ta êm angchu maw?" Min rawn melh zawk a nui tut tut a a tih zawm zat chuan ka melh hrawk, a nui chhuak hak hak, "i harsatna i hre duh em?" A rawn tih leh chuan thle bak in ka melh, min rawn melh zawk


"Midang harsatna leh rilru i hriat thiam duhlohna kha a nih kha i buaina, i thinlung thu awm pawh sawi chhuak ngamlo khawp a harsatna a siam che kha," Thu tak zawk a a rawn tih leh chuan mit chhing vang vang in ka ngaihtuah, ka nui nghawr dat


Ka chapo na leh induh tawk lutuk na in tun hun hi min hruai thleng a, ka hriat chhuah meuh chuan inthiamloh na in ka kâ min ân tir leh thei silo, Hmangaihzuali hmel ka hmuh a piang maiin ka lo rindan leh ka bul ṭanpui chhan rapthlak zia ka hre chhuak ziah hian, ka hmangaih a ni tih min sawi tir theilo fo ṭhin, a chhan chu ka hmangaih na aiin ka inthiamloh na in min tuam hnen zawk zel a tin ni


"Kan thleng e, i rindan hi a dik meuh in i hria amaw? Hetiang a tilo hian engvang in nge Rachel-i i zawh zawk mailoh?" Chhuak ta mailo a Ricky-an ka lam rawn hawi a a tih chuan ka mit ka ti zim sân


"Rachel-i te nufa kâ aṭang hian eng thu tehlul nge hria se mintih?" Tih leh kawngkhar hawng in ka pen chhuak nghal


"Loicy-i hi Hmangaihzuali fanu lo ni pawh nise engtia tih nge i tum? Rachel-i hi jail ah i khung thei dawn em ni?" Ricky-an ka hnunglam aṭang a a rawn tih leh chuan ka pen lai ka ding dat, ka bul a rawn ding chuan, "thudik hi zawng chhuak suh ka ti miahlo che, lehlam ah Rachel-i i unaunu, kha leh chen hmangaih tak a ilo enkawl ṭhin a ni tih hriala ka duh a ni," Dam dap a a rawn tih chuan ka thaw hawk


A lam a hawiin, "Hmangaihzuali nunhlui ka hriat chhuak tirh a ka ngaihtuahna a lo lang i hre duh em?" A mit ah tak ka en, hetiang tak a hna chungchang tihloh a Ricky-a nen thu tak lutuk a kan inbiak hi ala awm hauhlo


"Eng ang a nasa nge alo tawrh ang tih a ni," Tih zawm nghut chuan damdawiin chhunglam chu ka pan nghal, ka mitthla ah Hmangaihzuali hmel a rawn lang, sleeping pills a ei fo chhan te, mangchhia a man fo chhan te kha a fa ngei mai lakbo a awm vang a ni thei angem? Ka ngaihtuah tam phei chuan Rachel-i te nufa ka huat a zual tulh tulh, ka rin hi a dik a nih ngat chuan ka that lo ang tih pawh ka sawi thei hauhlo


Counter ah dingin, "damlo record hlui en ka duh a,ka..." Ka tih lai mekin, "avan mak e aw, damlo chhung te emaw damlo phal na lo chuan tumah chutiang in kan hrilh in kan hmuh tir theilo," Nurse upa ve lam pang in a rawn tih hlak hlak chuan ka thaw ri hrawih, mipa chu nise ka ṭham nghal duh ang


Ka phone phawr in, LRM hospital director ka call nghal, "Pu Zir, keimah Remruatpuia, hei ka nupui in enkawl na record hlui en ka duh a," A pickup rual a ka tih chuan a rawn nui huk, "tunlai chu a engtia record hlui tak tak in rawn lam reng mai le aw, Doctor Rinhlua pawh khan hman ni deuh khan kum 5 vel liam ta a mi record a rawn hai chiam tawh bawk a, nurse pui tur che in ka rawn hrilh ange," Tih leh dah a rual, kei erawh ka ding khawng reng thung



Rinhlua hian hriat a nei tihna em ni? Mahse engtin nge? Thudik a hria tihna em ni? Enge thudik chu? Ka hria a nih ngat chuan ka chhuah hauhlo ang


"Director office ah minlo nghak ula, ka rawm zawn sak dawn che u nia, 2013 kum vel a mi tho em ni in zawn ve?" Nurse pakhat in a rawn tih chuan ka en vat, Ricky-an min rawn melh ve vat bawk


"Aw ni e, May thla tir vel a nih ka ring," Ka ti nghal zat, "kar 2 liam ta vel khan mi pakhat in a zawng ve a, chumi tho chu a nih hmel ve aw, a nih chuan ka hre thei mai ang," Nui vur vur a a tih chuan ka thaw hawk


Director office kan pan rualin, "enge a sawi awmzia kha ni a?" Ricky-an a rawn ti sup chu melh zawkin, "Rinhlua, Rinhlua hian hriat a nei a ni," Ka tih chuan a pen lai a tawp chawt, ding datin ka hawi let, "i sawi awmzia chu Loicy-i hi Hmangaihzuali fanu a nih a ringhlelh ve tho vang a record hlui en a ni itihna em ni?" Mak tih hmel fe a rawn tih chuan ka bu nghat, Ricky chu thaw hakin, "engthil teh hrep nge kan tih tak pawh hi ka hrelo e," Ti nuah nuah chuan office kawngkhar hawngin a lut nghal
.
.
.
.
Lehkhabu chhah zet mai pawm chung a nurse rawn lut chu ka en vat, "heihi a nia inhma chiah a rawn zawng tu pawhin a en," A tih chuan ka ban vat, "heilo thildang zawn emaw zawh a nei em?" Ka tih sup chuan a ngaihtuah deuh vang vang, "ohh senior nurse Hlimi a biak duh thu a sawi bawk a," A tih leh chuan ka bu nghat, "ka lawm e, mamawh ka neih chuan ka rawn hrilh angche," Tih leh ka hma a lehkhabu chu ka keu nghal


Ka sir a Ricky-a mu thlu bawrh bawrh chu melh leh zauh ṭhin in ka nui suk, "20th May 2013... Patient- Hmangaihzuali, accident, give birth...." Hmangaihzuali record ka hmuh chuan ka en nghal kawk, a naute hi hrin nilo in zai chhuah a ni, chupawh accident vang a, a pian hun hma a zai chhuah a ni bawk


Record chu ka en thla zel, heihi enge awmzia? Hmangaihzuali khan a fa a thih thu a sawi si a, hetah chuan chutiang a in ziak hauhlo, naute discharge tu leh la chhuak tu hming ka hmuh chuan ruh lutuk in ka kut ka hum, ka thaw ri hrawih bawk, ka rindan hi a dik chiah a ni, na lutuk in ka ṭhut na sofa chu ka hnek dawt


Ricky-a a rawn ṭhu ngil nghal awt, "enge, enge?" Hawi vual vual a a rawn tih chuan ka ha pui ka ṭhial bap bap, a awmzia chu Hmangaihzuali hring tunu hian Hmangaihzuali fa chu a la chhuak tihna a ni


Khatih lai khan Rachel-i hian nau a lo hring reng renglo bawk, ka ipte a ṭang Rachel-i leh Loicy-i DNA test result chu phawrh in ka en, 99.9% in nufa an nilo tih pen tui sen ngat a in ziak chu en in ka hum khawr rawp rawp


"Ricky, heta ṭang hian taxi la haw rawh, car hi chu keiman ka khalh haw ang," Tih leh pensawn ka rual nghal, ka thinrim lutuk leh ka kaw chhung si bawrh bawrh chu ka puak darh mai dawn in ka hria


"Mah..mahse, Bawiha enge thleng?" Ka hnunglam a min rawn ûmzui dawt dawt a a tih chuan, "zanin atan chuan haw tawh rawh, a tlai tawh," Ti nghut a car awmna lam pan chuan car kawngkhar ka hawng sawk, "chahbi," Ka melh leh


"I ṭha tak tak maw? Tual that duh hmel i pu a nia," Ngaih ṭha zânlo chuan chahbi chu muangchangin min pe, ni e, thei ni ila Hmangaihzuali hring tunu hi tun ah hian ka that duh ngei ngei ang, engthil rapthlak nge maw a tih phiangsen hi ni


Chahbi phih sawk in, "naktuk ah Hmangaihzuali office ah raw hruai angche," Tih leh ṭhu lut in ka tlan chhuak nghal zawt


Chak lutuk in ka pa te inlam ka pan nghal, zanin hian engtiang chiah in nge chhuahlam a siam kan hria angchu


Ka p te in kawt ka thlen chuan car ka ti ding tuar, kawngkhar hawng ṭhuai in, in lam Ka pan pawk pawk, an la muhil chiahlo a ni mahna light ala in on va bawk


Kawngkhar chum dawt dawt chuan, "Rachel, kawngkhar hi rawn hawng rawh," Ka taksa chu a za zek zek, Hmangaihzuali ka ngaihtuah chhuah phei chuan a nu mah nise ka thah sak hial duh hrim hrim dawn


Kawngkhar a rawn hawn rual a ka hmel hmuh chu ka insum zo lo a nghawng ah ka rek bet nghal chawt, "eng..engthil nge itih Remruatpui," Harsa ti lutuk chuan a rawn ti chhuak, ka ban ah a chum ve taih taih bawk, a ai na in ka rek bet, ka thinrim lutuk leh thah mai duhna a ka khah na chuan ṭawng pawh minti ṭawng theilo


"Remruatpui engthil nge itih hi, thlah rawh," Ka pa in ka kut ah a rawn vuan ka kut hnih a rek chuan mit thip râm in ka melh hrawk hrawk bawk



"Thlah rawh ka tih chu," Tih leh min rawn beng sawk, na lutuk a thlah pah a nam sawk chuan chhuat ah a let thla ṭhuai, khuh bawrh bawrh in a hrawk a dawm, mittui nen min rawn melh chho, "engthil nge itih hi ka tih chu i hrelo em ni?" Min rawn ben leh a tum chu ka pa kut man chuan ka thehsawk, "i kut hmawr pawhin min khawih tawh suh," Ti hrawih chuan Hmangaihzuali nu mittui nen a thaw la kawk kawk chu en chhuk in ka chhir zui zawt zawt loh nan ka in hum ruh


"Naute kha, Loicy-i hi a ni em?" Ka sawi chhuah zawng chuan ka hnek zawtloh nan ka inseh ruh ngar ngar bawk, ka taksa za lutuk chu ka â mai dawn in ka hria


"Ka zawh che chu Loicy-i, ka fanu hi kha nausen kha a ni em?" Ti ṭhawt in a bul a vase lian lutuk in hung chu ka vai tlu ṭhuai a keh nghal chuai, "Remruatpui engthil nge i sawi? Police ka koh kher nghak suh, chhuak rawh," Ka pa chu en in mit hnawm chhap in ka nui hul hak hak


"Ko rawh, ko rawh ka tih chu," Ti leh tuar chuan chair an hun leh an pot hun ho chu ka hai thla in bang a cabinet darthlalang ho chu ka hnek keh nghal chuai chuai, ka pa in min khuai her sawk in min beng sawk bawk


"Ramhuai i nih," A ti hrawih chu nuih hak hak in, "ramhuai diktak i hre duh em?" Ka mit sen dan tur chu ngaihruat pawh ka ngaihruat thiamlo


A nupui chhuat a ṭhu sawp niah chu ka kawk, "i nupui i hmangaih em em hi zawt rawh, tunge ramhuai diktak chu, i tan chuan kei leh ka nu, Nancy-i te chu ramhuai, i nun ti buai tu mai kan ni, mahse i hmangaih i nupui hi en rawh," A rawp lam chu a ring mah mah


"Duhtak, a..a..a rui anih kha, room ah kalsan teh ang," Rawn ding chhuak chuan ka pa a rawn pawt dat dat, ka nui hul hak hak, "ka zawhna che min chhang rawh, nge ni a, i fanu hmai chhan ngei ah i sawi chhuak zawk dawn," Kha lutuk a ka tih chhuah chuan a chil a lem khalh


"Engthu nge i sawi?" Ka pa in a rawn ti fak chu a nupui chu ka melh, ngeiawm lutuk in ka kiai suk, "ka hrelo, enge a sawi, ka..." A tihlai mekin, "ka nupui Hmangaihzuali chungchang ka sawi tih i hrethiam khawp mai, mahni fa hrin ngei fahrawn sawiloh hmusit tak mai a en chu enge a an," Ka en ran, a ding lai chu a kat deuh nak


"Enge i sawi awmzia sawi chiang rawh Remruatpui, i zu rui ṭawng mai mai a nih chuan ka ngaidam dawnlo che a nia," A rawn ti ṭhak, a nupui hlauthawng hmel en chuan ka nui suk, "a pawi hle mai ka pa, ka nupui leh i nupui hi nufa atan pawh ka duhloh chu thu hran, ka nupui hian hetiang mahni fahrin uire san duh leh mahni tu te ru bo tu hi nu atan a pawm hauh lo mai, chutiang bawk in tun a ṭang hian PA tih hming i put ve vang a ka zahna che leh inzawm na a tawp bawk, i ngaihdam na ka mamawh lo, kei hian ka ngaidam ngai dawnlo tlat che u a," Ti hrawih in ka bul a vase dang in hung chu ka kuai thlu ṭhuai


"Ka nilo, ka nilo, ka nilo ka tih chu," A au tuar tuar, ka pa hmel a awihloh na leh a ngaihna hriatloh zia rawn lang zut zut chu ka hmu ren, a nupui bul a pen hnai chuan, "nang leh Rachel-i thil tih hi engtin nge ka rulh let dawn che u lo thlir rawh," Tih hrawih chuan ka pa melh zawkin pawnlam ka pan nghal


"Min ring rawh, engmah ka hrelo tak tak," Ṭah leh hlau aw a ati ri chu ka hre hman hram, car ah ṭhu lut in na lutuk in steering ka hnek ṭhuai, ka kut a thinsen steering a kai ka hmuh chuan ka melh zawk, a pilh phung tih ka hre ve chiah bawk, thaw hawk a car ti nung in ka tlan chhuak nghal


Steering chu nghet lutuk in ka hum, ka mitthla ah Loicy-i nausen lai a rawn lang, engtin nge Rachel-i fa a nilo tih ka hriatloh theih zawk ni, ni e, nau a piang tih a rawn sawi khan kei ni erawh Delhi ah ka nu enkawl in kan awm thung, Nancy-i khan mak a tih thu leh nau a pai hun leh a hrin hun in ang talo kha mak a tih thu a sawi chamchi a nih kha


Mawl ka inti lutuk chu ka nui chhuak hak, steering bawk ka chum leh ṭhuai, ka mawl takzet a ni


"Mama, fanu ka hring a, mahse thlakim lo a nih bakah heart disease nei a nih vangin Delhi ah heart transplant ti turin kan rawn chhuk dawn," A tih ri te chu ka beng ah a rawn ri khawk rum rum, car ka ti ding tuar, ka kut hnih a steering chum dawt dawt chuan ka bawh hnawk, thaw kala kawk kawk bawk


Mit thîp râm a ka hawi chhuah chuan zantin ka din na ṭhin, Hmangaihzuali te in thlang lam thim chin ah ka ding leh ran tawh tih ka hre nghal zat, ka nui hul hak, an inlam thlir chuan thaw kala ham ham, he hmun aṭang hian zan engzah chiah nge ka thlir a, ka din zankhua ṭhak ṭhak ṭhin tih pawh ka hre tawhlo e
.
.
.
.
Kawngkhar rawn in kik ri kharh kharh ka hriat chuan ka meng diar diar, Hmangaihzuali te in a awm ve nula kha a ni, glass ka tih hniam rualin, "nizan i awm tleivar leh em ni?" Tui bottle min pek pah chuan a nui suk, ka kiai ve sak

"Ka lawm e," Tih leh ka ban nghal, "U Zualtei i nghak leh a nih chuan a chhuak tawh, zing hma lutuk ah Doctor Rinhlua'n a rawn hruai a, zin chhuahna tur a neih thu bak a sawilo," A tih zawm leh zat chuan ka tui in lai ka phuh chhuak lo chauh, ka khuh nghal hak hak


"Khawilam ah nge an kal dawn i hria em?" Phawk fe a en chuan ka ti hrawk, min en haw in, a lu a thing mat mat, "zinglam dar 5 vel khan in an chhuahsan a, engmah pawh a sawilo," A tih chua ka phun hluk, "a rawn biak che chuan min rawn hrilh dawn nia," Tih leh car ti nung in ka tlan chhuak nghal


Khawilam nge an pan ang, zinchhuah dun maw? Phiangsen hian, Lalrinhlu, Hmangaihzuali chung ah engpawh a ti a nih chuan ka that duh hial ang


Cancer center lam pan chuan chak lutuk in ka tlan, Hmangaihzuali ka call, a phone ala in off hreptak lehnghal a, thinrim zet a phun leh hluk hluk chuan Rinhlua ka call leh, a pickup duhlo nge a phone ri a hrelo zawk pawh ka hre nek lo e


Damdawiin ka thlen chuan ka zuang chhuak a ni hrim, damdawiin chhung ka luh rualin nurse ka hmuh hmasakber chu pawt ding chawt in, "Hmangaihzuali vawiin a rawn kal em?" Ka tih chuan min en hû in a lu a thing mat mat, "Doctor Zualtei te chu karkhat chhung volunteers in nurse Hmingtei te ho nen thingtlang lam ah an kal a lawm," A tih chuan ka chhipsam tuai puat chuan ka phun hluk


"Khawilam ah nge an kal?"

A lu a thing, "ka hre miahlo," Tih leh pensawn a rual nghal, thinrim zet a inhum ruh chuan ka phone bawk ka phawrh leh, Nancy-in min rawn call chiah, "Mama, heihi engthil nge? Nang hian U Zualtei hi tihluihna hmang leh contract hmang in i nei a maw?" Nancy-in a rawn ti ṭhat


Ka thaw hak, mit chhing sawk a car lam pan leh chuan, "khawi aṭang a i hriat nge?" Ti hluk in car a lut chuan ka ti nung nghal, "tun ka kut ah hian inṭhen na lehkha i pek leh i contract sign tir kha ka keng mek tih..." A tih laiin, "engmaw i sawi?" Ka ti hrawk, car ka ti ding nghal tuar bawk


"Engmah i hrelo tih i sawi..." Thinrim tih hriat tak a rawn tih leh hlak hlak chuan, "ka zawh che chu eng inṭhen na lehkha nge i sawi?" Ka ti hrawk, "U Zualtei nen a inṭhen na tur lehkha hi i pek a nilo amaw?" A rawn ti let ve tuar, hreptak hian ka phone off in chak lutuk in inlam ka pan nghal, chuvang phiangsen a nih chu Hmangaihzuali hian Aizawl a chhuahsan hrep ni


In ka thlen rual a gate pawn a car ti ding chawt in ka tlan chhuak nghal, Nancy-in paper thlek vang vang chung a tei kual nulh nulh ka hmuh chuan kawngkhar aṭang a tlan lut in ka phih thla sawk

Paper en chuan ka kut ka hum ruh, "heihi khawi aṭang a ineih nge?" Nancy-i hma a lek chhuak chuan ka ti hrawih, mit chhing sawkin, "i hrelo tak tak a mi? U Rina bag aṭang sawn ka phawrh chhuak a," Tih leh couch chu a kawk, ka phun hluk

"Khawnge...." Ka tihlai mekin kawngkhar lam aṭang ka nî(Rinhlua nu) nen an rawn nui lut vur vur chu pan hnai pawk pawk in, "heihi khawi aṭang a ineih nge?" Ka ti chhar chhar, ka hnek nghal sawk loh nan ka in hum ruh ngar ngar bawk


"Engvang in ngei i hmeichhe kawplai Lucy-i i zawh loh ang, kha paper a sign tur khan i rawn tir a ni lawm ni?" Ti deuh hrawk chuan a ner sawk, "khawiah nge Hmangaihzuali?" Ka din hnaih leh hret, min melh ve khai khai bawk


"Duh tawk teh u, hah inti damlo lutuk ṭha takin sawi rawh u," Ka nî in a rawn tih hlak hlak chuan kathaw hak ringawt, Rinhlua chu ka en ngur ngur, min nek deuh salh a pen sawn chuan, "nu kan haw dawn em ni? Ka inlam ah awm rawh.." A tih lai mek chuan kal hnaih in ka kuai her sawk, a kawr awm ah ṭham in, "ṭha tak a ka zawhlai che hian i kâ hi ang rawh," Ka ti hrawih, hnek mai ka duh tawh rum rum


"Rema, engthil nge thleng? Enge i tih hi?" ka nî min biakna pawh chhanglo chuan Rinhlua hnai set sawt a en in

"Khawi ah phiangsen nge ka nupui i dah?" Ka tih ṭhawt rualin ka hnek nghal ṭhuai, he mihring phiangsen hian engthil nge atih hrep ni? Min runluih a nih ngat chuan a ti sual chhia va ang


A pai chawn chawn lai chu ka ṭham leh nawk, "Remruatpui enge maw itih le? I nau kha thlah rawh, ṭawngkam in sawifel rawh u," ka nî in a rawn tih chul pawh chuan thlah mai mai ka tumlo, Nancy-i te leh kan nî in min rawn ṭhelh, mahse ka kut erawhin Lalrinhlua kawr awm kala ṭham rân thung

"Lo in rawlh suh u, Lalrinhlu, tunah khawnge ka nupui a awm sawi rawh?" Thinrim seh chilh nawk nawk chuan ka ti leh hrawk

A kamsir thi ser set tuai zauh chuan ka kut a rawn vawn hnan, "tinge? A kalbo i hlau leh si em ni? Fimkhur turin ka hrilh che a ni lawm ni? Ka neih.." A tih leh rualin ka hnek leh ṭhuai, he a kâ bawlhhlawh zet a ka nupui a neih tur thu a sawi leh anih chuan ka that duh hial ang


"I kâ bawlhhlawh tak hman leh ila duh chuan ṭawng tam suh, khawnge a awm?" Tih leh a kawr awm ah bawk ṭham leh ka tum chu, ka kut a vai sawn lawp, ka kawr awm a rawn ṭham let sawk

Hnai zet a min en chuan kan in melh khai khai, "inṭhen na lehkha a a hming sign tur a i tih rual khan i nupui a ni tawhlo, ni lo, tual that tu a i puh rual khan a ni tawhlo zawk mawle, i hria em? Ka hrilh che a ni lawm ni? Fimkhur turin, hmeichhe dang kut i vawn lai khan a kut vuan a, a tan ka awm a ni tih hriat tir ka duh a, a mit hmuhlai a hmeichhe dang lak a, hmangaih na i lantir lai khan ka hmangaih a ni tih lantir ka duh a sin, nang a pasal laktlakloh lutuk leh hmangaih na pawh hrethiamlo tan a mittui a tlak lai pawh khan ka hmangaih zia lantir kala duh fan..." Ka kawr awm a ṭham na chu min nam sawk, a nui hul hak a


"Mahse ka ti lo, a chhan i hria em? Kha hmeichhia, a hmangaih a pasal in hmeichhe danglak ah sawn a thlak tih hre chung leh a hmangaih na a dawng let dawnlo tih a hre chung khan i hnunglam a ṭang mittui nen a en che a, a nui hmel phen a a natna chu i hmuh hlau in a thup ṭang ṭang ṭhin, mahse nangin enge i tih ve? A hliam ah chi i phul sak mai duh tawklo in, tunah chuan a nun hremhmun ah i nawr liam ta a nih hi, hre rawh Remruatpui tun aṭang chuan he hmeichhia hi ka venghim anga, a mittui hru hul tu ka ni tawh ang," a sawi zawh rual chuan a thawk kawk, inchhung khawk rum rum in a au a ni ber


Ka nui hul hak, mit thîp râm in ka en, ka nui lui hak hak, "enge i sawi awmzia U Rin, Mama hian sawn a thlak iti em ni?" Nancy-i a rawn ti vat, ka nî pawh chuan min rawn en, "enge a sawi awmzia hi?" A rawn ti ve bawk, Rinhlua chu ka en ngar ngar, "Mam," Nancy'in a rawn ti deuh ṭhat, ka nui hul hak, "Lucy-i pum chhung a naute kha em ni i sawi? Nang leh keihian tu fa nge a nih kan hrechiang a ni lawm ni? Eng dawt thu phiangsen nge Hmangaihzuali i hrilh ka hrelo, mahse engkim hre chung in Hmangaihzuali i bum a," Ka seh chil nawk nawk


Ka nî leh Nancy-i erawh kan thusawi a ngaihna hrelo lutuk chuan min en tawn zak zak, "Loicy-i hi Hmangaihzuali tan tunge a nih i hre bawk a, i hlau zawk a ni tiraw?" Ti hrawih chuan kal hnaih in ka hnek ṭhuai, ka insûm nasa bawk a, ka hnek na ngang a ni mahna chhuat ah a hlawm thla nawk, "Remruatpui," Ka nî in a ti ṭhawt


Nancy-i ka ban ah a rawn vuan bet nghal, "ka nupui hnaih ah ka hmu leh che a nih chuan ka that duh tak tak angche," Kha lutuk a ti hrawih a ka inher chu Lucy-i kawngkhar ah a rawn pen lut ve chiah, ka thisen so lai a ni bawk nen, "Rem..." A ti chiah a hrawk ah ka rek chawt


Ka ban ah min chum dawt dawt, "min thlah rawh? Enge itih hi?" Harsa ti lutuk a a ti chhuak chu Ricky-an ka ban a rawn pawt thla sawk, "insum rawh, i ti hlum mai dawn a sin," A ti hrawk, Lucy-i chu a khuh nghal bawrh bawrh, "ka hma ah rawn inlan tawh suh angche, thih i duh te a nihloh chuan," Ti hrawih chuan ka pen hnai tur che hrut chu hlau lutuk in a tawlh hnung nghal rawk rawk


In her in pawn lam ah chuan pai nawk nawk in a tlan chhuak lehnghal, "enge thil awmzia hi, i ri ang phut phut a, Loicy-i leh U Zualtei chu enge in zawm na an neih, engmah hi ka hrethiamlo," Nancy'in min rawn vawn pah a atih chuan ka hmai ka tuai puat, Rinhlua leh ka nî ding ve rûn lam chu ka melh zawk, hnek leh sawk sawk mai ka duh, engtin nge kum tamtak ka ṭhian leh ka unaupa lo ni tawh hian dawt a mi sawi duh tih hi ka ngaihtuah a ni, chu chuan ka thin a ti rim ber bawk


"Kha kha Zualtei kalna khua a nih kha," Ricky-an a rawn tih chuan ka phone message tone rawn ri nghal ral ral chu ka ipte aṭang a phawrh in ka en nghal zat, Rinhlua a melh hrawkin, "Hotel leh thildang chu i kut ah ka dah a nia, Nancy, Rachel-i emaw ka pa te nupa in Loicy-i hmuh an tum chuan hmuh tir suh angche, Ricky lo awmpui rawh," Tih leh pawn lam ka pan nghal pawk pawk


Khawiah pawh awmse ka zawng chhuak zel ang, engpawh thleng dawnse ka nupui a ni a, ka hruai let leh bawk ang



NANCY-I.....POV



Ka unaupa awmdan hi ka hrethiamlo a ni, zan ah a rawn haw ngailo a, khawi ah nge a kal a, enge a tihlah a sawi ngai heklo, U Zualtei hi a hmangaih a ni tih hre mahila Lucy-i a be fo ta mai hi ka hrethiamlo lehzual, hmeichhe mi tak a ni ngai silo a

Tun ah, tunah khan enge thleng leh ta kha, U Rina kut a thlak chhan kha, U Zualtei a zawn buai vang ni ber hian ka hria, ti tak a a tel lova awm theilo, chân hlau viau si chuan ṭha tak a ngaihdam dil a, hruailet dan a ngaihtuah mailo hi a mak ka ti a ni


Loicy-i leh U Zualtei chungchang a sawi phei chu mak ka ti leh zual, hman hmawh lutuk a a pen chhuak pawk pawk chu hnunglam aṭang a en zui vawng vawng in, "U Ricky enge thil awmzia? Bawihtei leh U Zualtei chungchang a sawi te kha, U Rin nangpawh hian thil hriat inei a ni tiraw?" U Ricky-a leh U Rina chu ka melh tawn zak zak


"Eng a maw tal sawi ta che u maw le, in unau ti tak a inhuat tir tu che u chu keipawh hian hriat ka duh ve a ni," Ka nî a rawn ti ve hlak, U Rina chu thaw hakin, "engmah a nilo, kalteh ang," Tih leh ka nî luggage a hnuk sawn tur chu ka dawm ve vat

"Nancy," A ti hap chu a mit ah ka en ngar ngar, U Rina ka hriat ṭhin, zaidam leh ngil nei zet mitmeng kha a nei tawh hauhlo, "i U sawi ang khan ti la, a bak hriat belh tum suh," Ti nghut chuan luggage chu a pawt sawk, ṭawng tum a ka ân zuai laiin, "Loicy-i hi Hmangaihzuali fanu a ni, chu chu keini aiin Rinhlua hian a hre hmasa zawk, a chhan chu kha nausen a cousin fanu lung a thlak emaw a tih kha, a hmeichhe hmangaih fanu a ni tih a hriat hnu ah chân a hlauh vang in a zep a ni," U Ricky-an, U Rina melh ngur ngur chung a rawn tih fak fak chuan ka buai tulh tulh


Engtin nge Loicy-i chu U Zualtei fa a nih theih tehlul ang, a thusawi hi a sawi sual nge ka hresual zawk, "ngawi rawh Ricky," U Rina'n a rawn tih hrawih chuan in ban duh mai tur hmel an pu, U Ricky-a lam hawi chuan, "enge i sawi awmzia, thil hi chiang takin sawi teh u, enge ka hriatloh leh hriat thiamloh te hi," Ka thinrim zia chu pui tak a ni, tu pawh mai hian min ngai pawimawh lo vek ni mai hian ka hre bawk


"Ka sawi awmzia chu Rachel-i hian fa a neilo, Loicy-i hi a pian hlim in i nu hrawn in damdawiin a ṭang a ru chhuak in Rachel-i a pe a ni, a ni lawm ni Rinhlu, chu chu i hre daih tawh bawk, chutiang bawkin Rachel-i pasal car break-fail chungchang ah pawh tu tih nge a nih i hria a ni lawm ni?" A tih leh fak fak chuan ka thaw em pawh ka hrelo, ka mit a rawn thip sak sak, lu hai in ka tlu mai dawn

U Ricky-an lehkha rawn phawrh chuan, "Fortis Escorts Heart Institution and Research center, kum 5 liam ta a Dr Muhammad-a zirlai naupang, a zirlai duhber Doctor Lalrinhlua," A nui suk, "kha naupang heart transplant ti tu kha nangmah ngei ini, a ni lawm ni? Khami ṭum khan Loicy-i erawh Rachel-i fa a nilo tih hre tur ini, i hre bawk, ka dik em? A chhan chu Loicy-i blood transplant ti ru pawh nangmah vek i ni," A tih leh fak fak chuan ka ding lai chu ka kat deuh nak nak, ka thaw a chham tak tak dawn, chung zawng zawng chu a zep a maw? Engtia rei nge a hriat tawh ang


"I kâ ang tawh suh ka tih kha," Ti hrawk a rawn hnek a tum chu, "duhtawk rawh, duh tawk rawh," Ka au chhuak tuar tuar, U Rina chuan U Ricky-a hnek tumin a kut a tin uaih tawh chu la thla in mi rawn en

Ka mit a sen râm, ka mittui a tla lo chauh, "chung zawng zawng chu ka hrelo a, ni lo, hre reng chung in U Rin engtin nge i zep theih, Mama hian engtiang in nge U Zualtei lakah a in thiamloh i hria em?" Mittui tling pam chuan ka melh


"Bawiha thudik han sawi teh, engtik aṭang khan nge i hriat?" Ka nî in a rawn ti ve chuan U Rina chu a thaw ri hrawih, "ka nu Zualtei tan a ti vek ka ni, a fanu ala dam a ni tih hria pawh nise engtin nge a tih chuan ang, Rachel-i hi Remruatpuia hian a hrem theih tak tak i ring em ni? Nge ni a, Zualtei hnen ah "i fanu a la dam a sin, Loicy-i hi a ni, i nu khan i pi hnen ah dil in a lung a thlak sak" tiin ka hrilh anga, Remruatpuia hnen ah ka let tir leh ang maw? Teuhlo lutuk, Remruatpuia hian tual that tu ah hial ngai in na tak in a siam a sin," U Rina chutiang tak a a thinrim chu ka vawikhat hmuhna a ni

Ka hlau lek lek, mahse a ngaihdan chu a diklo tawp a ni, ka U hian U zualtei hi a ti na in diklo takin bul a ṭanpui ngei a lawm, mahse thudik a hriat hnu a, a mah leh a mah a indem zia leh a inhuat zia mit a hmu tu ka ni, Rachel-i leh a nu hi a chhuah hauhlo ang tih ka hming ka chian tluk in ka chiang bawk

"U Rin," Sawi mai tur pawh ka hrelo, mak ka ti lutuk chuan ka ṭawng tur leh sawi tur zawng zawng chu a ti mâng fai vek

"Engthil pawi nge itih hi i hria em? Nu tan fa te tluk a hlu an awmlo a sin, Doctor Zualtei pawh hian a fanu thi ta emaw a tih kha, hria se chuan a lawm viau in i ringlo em ni?" Ka nî pawh chuan mak a ti in a ring phal lo tih hriat takin U Rina en chuan a rawn ti hap


U Rina chuan a lu a thin khum mat mat, "Hmangaihzuali tan chuan a thi tawh, a nunhlui a ni tawh, chuvang in thudik hmang a tih nat nawn leh ka duh tawhlo a ni," A nui hak

U Ricky-a rawn en in, "thudik hre chung in, hrelo ang mai in min bum a," A tih hul hak chuan U Ricky-a chuan a en ngawih ngawih, ka nî pawh chu ti tho, kei phei chuan, "I Â TA A NIH HI" tih melh in ka melh ngawih ngawih tawp, a â tak tak in ka hre bawk


"Ni lo e, kei chuan thudik ka hriat rualin ka ṭhian ṭhaber te pahnih inkar rem ka tum mai chauh a ni, Bawiha i ngaihdan leh i thil tih dan hi hmangaih na a nilo, "MAHNI HMASIAL NA" mai a ni," U Ricky-an a tih chuan ka nî nen pawm pui lutuk in kan lo bu nghat nghat


Ka nî ṭawng a tum mek laiin, "pate, a pi, inlo leng a mi, ka mummy a lo tel ve em?" Kawngkhar lam aṭang Loicy-i rawn tlan lut chuan a hawi kual nghal, a mitmeng a U Zualtei a beisei zia chu a lang reng


Ka ṭap chhuak tak ngial dawn a ka hriat avangin inher in chunglam ka melh ngat ngat, ka khap fak fak bawk, mahse ka mittui erawh ka dang zo chuanglo, ka in sût ri hrawih hrawih


U Rina luggage hnuk chung a kawngkhar lam a pan chu mit thîp râm in ka melh, "patea kha a thinrim a mi a?" Kawngkhar lam melh chuan a ti leh sup, U Zualtei a hmuhloh vang a nûr nâng chuan a en vauh vauh, "bawihte, han inthlak ru aw, ei tur kalo siam angche," Ka mittui hru hul sawk sawk chuan ka ti sup, Nu Hma-i chu ka melh zauh bawk


"A pi ka lo chhuk leh nghal ang, ka mummy ila hmu lo toraw? Ka hmuh tir angche, doctor a nia, damlo a ti dam ṭhin, chuan ka mummy tak tak ang khan van ah min kalsan ve dawnlo tih a sawi bawk a," Hlim lutuk a tih leh inchunng lam pan a rual nghal, ka nî chu a thaw hak, "a thil tih pawi zia hi a hre silo a," Loicy-i en vawng vawng chuan a ti chhuak vawng vawng, pawi a tih zia alang reng, ka mittui a rawn luang ngiai ngiai, a nu tak a ni tih hriase ka tihpui zia hi, engmah lah kala sawi chhuak thei dêr silo, sawi in chakna ka neilo a ni mah mah zawk


"Engtia hmalak nge a tum i hria em Remruata chuan?" U Ricky-a lam rawn hawi chuan a tih zawmzat, keipawh in ka en ve vat, "fiahna fel fai tak kan neih a leh Doctor Muhammad-a kan biak theih chuan dan ang a hmalak a duh thu a sawi a, tun ah hian Doctor Muhammad-a biak pawh dan kanla zawmg mek a ni," A tih chuan ka bu nghat


"Rachel-i nu hi ti em em hian alo rapthlak a ni maw? Zualtei hi a fanu a ni tih ka lo hre bawk a, eng ang mihring nge maw a nihle? Mahni fahrin ngei chung a tiang thil rapthlak ti duh chu?" Ka nî chuan a ti leh hap, kei tak hian a sin mak ti, Rachel-i pawh hian Loicy-i hi U Zualtei fa a ni tih a hria a ngem? Engkim mai buai chuar lutuk chuan ka luak a ti chhuak ut ut thei
.
.
.
U Rina te an haw hnu chuan zawi lutuk in couch ah ka ṭhu ngui bur, U Zualtei ka lainat lutuk na lam ah ka mittui a rawn far leh fap fap ṭhin, a fanu a thi emaw a tih vang a ni ngei ang ti tak a Loicy-i a lo hmangaih ni, engtin nge mihring ve meng mang, chupawh a hrin a fanu chung ngeiah tiang thil hi a tih theih ni, Rachel-i nu rapthlak ka tih zia chu ṭawngkam hian a sawifiah lo zawk


"Ngaihtuah nasa lutuk suh, i U in a buaipui mek a lawm, Zualtei pawh a rawn hruai let em em ang," U Ricky-an ka bul a rawn ṭhu thla pah a a tih chuan ka bu nghat ringawt, sawi tur pawh ka hre tawhlo, U Zualtei lo tawrh na ka ngaihtuah a, ka ngaihtuah thiam dan ai nasa hian a nghawng dawn tihlah kei mimawl thluak pawh hian a hrethiam reng mai bawk si, Loicy-i a fanu a ni tih a hriat hun phei chuan a thidang thei hial in ka ring





REMRUATPUIA......POV




Hmangaihzuali te kalna lam khaw Sumo hnung zui chuan muang chang lutuk in ka tlan, rilru hman hmawh nen, kawnglah ka hre der mai bawk silo, ti hi chuan zankhat tawp kan tlan lo ang tih pawh ka sawi thei neklo e
.
.
.
.
Darkar 6 dawn kan tlan hnu ah khaw chhung kan lut ve ta hram, a lawmawm dan a dang dai mah mah, ka zin tam tehlul tun ṭum tluk a ka tum ram ka thlen avang a lawm hi kala neilo ang



Sana ka bih zauh, ka kut khem neng nung ka hmuh chuan nizan a ka hliam kha ka enkawl hauhlo tih ka inhre chhuak ve chiah bawk


Car aṭang a chhuak chuan ka din na chhak deuh a putar vawk chaw tur ni awm tak lo chan turh turh lam chu pan in, "ka pu thil kalo zawt lawk mai che, in khua ah hian free clinic an hawng em?" Ka tih chuan min rawn en chho hâ in, "aw hawng e, mahse khaw chhung aṭang hian a hla a sin," Tih leh ka car hun chu a melh thla zawk, "i car chu a lenglo ang, bike lo chuan a luh theih rihloh, kawng an siam lai a ni bawk si a," A tih leh chuan ka thaw hrawih

Kal duh pawh ni ila kawng ka hre lo hrim hrim, "Doctor rawn kal ho hi tun ah chulam ah chuan em ni an awm, i hria em? Emaw an thlen na hmun?" Ka tih leh chuan, "Mami nu, free clinic rawn hawng tu te thlen in kha i hria em? I rawn haw deuh chiah nen hriat ineilo em ni?" I chhung lam hawi chuan a au lang lang


An nu inbual zo hlim tih hriat zet chu rawn chhuak in, "aw hria e, he mi kawng hi zawh thla la, in lo awm hmasaber aṭang a pa li na ah khan Upa C. Zarzoliana tih intar na ah khan an thlen kha, Pu Zoa te chhungkua Aizawl an kal lai a nia, Doctor leh nurse pakhat chiah kha an awm ka ring, an haw tawh ang, vawiin chu an rawn thlen ni a ni bawk si a, in entir tur pawh an haw tir leh kha," A tih zawm zat zat chuan ka nui suk, ka lawm zia chu ka hmel pawh a det set set ka ring


Ka phone phawrh in, "he nu hi a ni em Doctor chu?" Ka wallpaper a Hmangaihzuali leh Loicy-i thlalak chu ka entir, bu nghat nghat in, "aw ni hi Doctor nula zawk kha," Nui var var a atih chuan ka thaw hak, nula a ni aw zawnglo


"Ka nupui a nia," Ti hram chuan, "ka lawm lutuk e," Tih zawmzat in a sawina lam chu car ah lutin ka pan nghal, nula emaw anti deuh fur dawn tih ka ngaihtuah na a rawn luh phei chuan ka thinrim leh nghal ṭûn tawh hahthlak hian!!!!


A sawina in kawt ka thlen chuan a in kalh ṭhap, ka hawi kual, mihring lah chu an tlem em em khawp a, "an zin vek a, in nei tu te hi, mikhual nula pahnih an neih te leh an nula pakhat kha khua hi an fang dawn a nih ka ring, khilam ah khian an kal ka hmuh kha," Car ngheng a 20mins dawnlai ka din hnu ah pa pakhat ka bul a rawn ding in a tih chuan ka thaw hak, "ka lawm e," Ka ti sep, kawng kal awm chhun leh naupang in fiam ho lah chuan hmuhnawm thlir in minla hlir hlawm ang dauh dauh zui a, milar emaw intih hial na tham a lawm mawle, car ah ṭhu lut in ka phone ka phawrh, signal lah chu an chhe em em khawp ahhh!!!!

Darkar 2 dawn lai ka nghah hnu ah, ka mi nghah hlelh em em chu an khaw taxi ni ve ngei tur aṭang a rawn pen chhuak ka hmuh chuan ka nui sak, car aṭang ka pen chhuak ve nghal


A lam pan a ka kal chuan uluk lutuk in ka en, kum tamtak hmu tawhlo ang maiin ka hlim in ka phur nia, ka en chian pauh leh kha doctor-i kha ala ni reng e, a bul ka thlen dawn chuan a ding lai chu a kat deuh nak, rang lutuk a pan hnai in ka dawm nghal

"I ṭha em? I sa lutuk, i khua a sik anih hi, damdawiin ah ka hruai angche," tih leh car awmna lam a pawh ka tum chu phawk lutuk in min rawn en, min hmu thut chu mak a tih zia alang reng


"Bawihi," ka tih leh chuan ka kut vaisawn lawp pahin, "ka mamawh lo, enge i rawn tih?" Ram hmak a ti chuan min melh zawk, a hawisawn leh nghal


"Ka hmu duh che," tihleh ka pen hnai hret, a rimtui hman ṭhin pawh kha ala ngai reng a ni, ka nui suk, kha Hmangaihzuali luhlul leh ngeng ngal mai kha a ni tun a ka hma a ding hi chu

"Min hmuh chhan tur ineilo, i kal thei tawh," tih leh pen sawn a tum chu a pai nawk nawk, thaw hakin ka pawm kang lawp, hei leh chen a mah vang in k thleng a, haw mai mai ka tum aw zawnglo, min ngai pawimawhlo vel lutuk te chuan minti thinrim ṭûn na in, a hmel hil bam ah hian a dao tih ka hre thei, a tal ve phat phat, "sihhh," tih leh ka pen sawnpui nghal

"Engthil nge itih hi?" Chauh hmel fahrah a arawn tih chuan ka nuisuk, "min dahthla rawh," A ti leh khar khar, a damlo chung pawh hian ala thinchhe reng tho anih hi


"Rempui ka sawi i hrelo em ni?" Ti ṭhat chuan a tal phat phat, dingdat in, "tlak i duhloh emaw nikhaw hrelo a helai hmun a tluk iduhloh chuan ngawi hle hle rawh," A mit ah tak en chung a ka tih chuan a chil a lem khalh, a duhawm zia hi, a mitmu dum fim bial kalh te, a hnar tereuhte, ngul sei zen leh in vuah dik thlap te leh a khawsik chung pawh hmui phir sexy em em hil bam te hi a inhmeh em em zel tho anih hi

"I puihna ka mamawhlo," A rawn tih leh chuan ka harh zawk, ka lo en reng a ni tih ka hriat chuan ka nui nghawr dat, "mahse keiin i mamawh ka ti sia," Tih leh inlam ka pan pui nghal

A chau ngang a ni ngei ang minsual let leh phat phat ka rin nen ka awm ah a bei nghal chial, a pangsa lutuk chu ka hlauthawng ti tih, ka pen chakpui nghal pawk pawk


"Bawihi, kawngkhar chahbi," Sawi deuh det det chunga ka zawh chuan mitsen ram dul hnak in a rawn meng diar diar, a bag ah chu a melh, thaw hak in lei a nghat chuan a bag ah lai ban in ka hai nghal, chahbi phawrh a hawng rawk rawk chuan ka pawm kang leh nawlh


Inchhung ka luh rualin, "in room," Ka melh zawk, a kawk ve mai, ka luh pui nghal, a taksa rawn khur dar dar leh sa vur chuan miti hlauthawng zual, khum a ka mut tir rualin, "bawihi, harhteh, Hmangaihzual khawnge damdawi a awm?" Be mawlh mawlh pah chuan khumbul a damdawi ni awm tak in fun chu la kangin ka en nghal, ka thaw hak


"Kha damdawi hi ei rawh, doctor ve si mahni pawh in enkawl ṭhalo engtin nge damlo i enkawl ang," Ti duah chuan ka ṭhut tun tir, mengmang lo chuan damdawi chu a hmawm ve mai bawk a

Mut ṭhat tir leh chuan puan ka sin tir, a khur deuh bap bap, a pang erawhsa tak a ni, ka phone phawrh rawk rawk doctor ka phone nghal mai ka tum chu kan awmna hmun ka jre chhuak zawk, hreptak hian a, choka lam pan chuan tuivawt ka la vat, a hmel hil bam hian miti chiai zual ni mai hian ka hria



ZUALTEI.....POV


Kam zin na tur kan pan kawng tluan in Rinhlua thusawi chu ka beng ah a khawk rum rum reng, "Lucy-in, Remruatpuia fa a pai, inneih an tum," A tih chuan min vit sawk sawk hian ka hria, ka hriatloh kar in ka mittui a rawn hnam leh ṭiam ṭiam ṭhin


Kan tum ram kan thlen chuan thlen in min sem, kan thlen in tur te an fanu accident avangin Aizawl ah an kal nghal vek, nula pakhat min awmpui tur andah te ho nen chuan kan awm ho ta dawn chu a nia

Ka lu na leh khawsik ser ser chu nuamlo ti lutuk in, len an rawt pawh chu, "ka lo zu hawng mai ange chu, Anun, chahbi minpe la kalo am hahdam a nge, ka khua hi a sik dawn tlat mai," Ka tih chuan, "U Zualte i ṭha tak tak em? Kan haw vek mai dawn em ni?" Hmingtei'n a rawn tih chuan ka lu ka thing, "ka zia ve mai ang," Anuni chahbi mi pek ban pah chuan ka ti sup


Kan sir a car hlui ve lampang rawn tlan chu Anuni chuan phar dingin, "Pu chhung, Doctor Zualtei hi kan in ah min thlah sak pah mai ta che, i haw kawng a ni tho a?" A tih chuan,"a angailo, haw kawng ka hre tho a," Ka tih ve nak nak laiin, "e khaih! Lo lut rawh, lo lut rawh, naktuk lam ha keini nupa pawh rawn in entir kan tum ve a lawm," Nui sâng a a tih tak ah chuan ka ṭhu lut ve vat, an in awmna lai a sawi siam siam, ka Um E sak vel ta mai mai, ka lu hai lutuk leh min tûr ut ut chu ka luak mai dawn in ka hria


Kawng kawi hma deuh chuan, "helai ah hian ding mai rawh ka pu, khulai lawm khu a ni tawh tho a, ke in ka kal mai ang," Ka tih chuan ma ding ve dat, "ka lawm lutuk naktuk ah kan inhmu dawn nia aw," Nui lui tak tak a tih leh ka chhuak nghal

Ka lam pan a mipa lian tak rawn pen pawk pawk chu ka mitthla a ni ngei ang Remruatpuia hmuh a ka hmuh dan ah, ka kat nawk min rawn dawm pah a, "i ṭha em?" Minti tu aw ka hriat rualin ka en kawk, Remruatpuia ngei a ni, ka thinphu a rang leh ta dawt dawt mai, ka lu hai ta muai muai ah chuan min pawm na pawh chu ka sual let peih ta lo, ka mamawh ber chu hahdam a ni, he a taksa lianpui leh khauh zet hi kala hahdam pui reng tho a nih hi


Ka lu na ut ut leh taksa na ṭhum ah chuan ka meng diar diar, ka lu rih nak alaiin eng emaw hian min delh hian ka hria, ka chal muangchangin ka khawih, towel huh ka khawih fuh chuan rang lutuk in ka hawi, chhuak khum sir a Rempuia kuangkuah at a ṭhu chung a chik zet a min en tu ka hmuh chuan ka thaw hak, towel dahsawn pahin, "haw tawh rawh," Ka ti sup, enge helai thleng thleng tibtur a a rawn kal ni, kawng a hlat vang vang tehlul nen, ka dang ro zet chu khumsir lam ka melh nghal


Ṭhu chhuak in tui um ka ban rak rak chu min ban khalh in hawng thlap chuan min rawn pe, melh zawkin ka lem nghal khawlh khawlh, ka dang ro zet chu tui ka lem thla chiah chu thlaler hmun a tui leih angvel hian manhla tak a ni, a ri thla sur sur lo chauh

Khum sir a ṭhu tung run mipa lia zet chu ka melh leh zawk, mit la sawn hauhlo in ka chevel chu uluk lutuk in min en, ka khuh deuh kharh, zah zel dang awm hek lo, ka bul hnai a a awm mai mai pawh hian ka lungphu hi a ti diklo, min kalsan vatse ka duh, mahse chu chu ka duh chiah em?

"Haw tawh rawh, zan a tlai dawn, i haw kawng tur a hla si," Ka ti leh sep, haw vat vat se ka duh tak tak, hmeichhe hlang awm kan ni a, mikhual kan la ni sapbei lehnghal, thil mawi pawh a nilo


"Heihi engthil nge?" Ka sleeping pills ei ṭhin chu a rawn phawrh, rang zet a ban ka tum chu kei a khawsik taksa leh lu rit bur ai chuan a che rang fe zawk, ka kut a lo man chat chuan alam ah min pawt hnai sawk, chiang lutuk in ka mit ah a en ran bawk


Ka lungphu zawn a rawn sat pup rualin a phu rang nghal dawt dawt khawp mai, kan in en hnai set set bawk a, ka thaw em pawh ka hrelo, boruak ka hip de de chauh ni mai hian ka hria

"Zawhna ka zawt che a nih chu Hmangaihzual," Chang fal a arawn tih leh chuan ka meng kawk, inlak hran tum a ka tal phat chu a ai nghet in ka kut a hmer, ka ṭhen sak sak, "min thlah vat rawh, i mit a i hmuh kha ani mai," Ti hriam ve hrak chuan ka melh kawk


A mit ti zim salh in min rawn hnaih hret, ka awn dawrh, in hnaih sa nak a laiin hnar hmawr in dek lek lek a awm ka duhlo nasa lutuk


"Enge anih ka hria, khang hun chhug zawng zawng khan i ei leh tihna em ni?" Ka mit ah tak a en ran, enge buaina a neih, kan inṭhen hlim khan ka ei leh ngei alawm, mahse zantin erawh ka mamawh tawhlo


"Bawihi, doctor ini a itan ṭha tur i hria, heng damdawi hi i ei fo hian..." A tih laiin min vawn a a thlah dul deuh nen ka kut ka phih sawk, "ka tan a ṭha sawi turin kan in hnaih tawk in ka hrelo a ni, khawngaih in haw tawh rawh," Thinrim silo damdap in ka tih chuan luhlul minti tih hriat zetin a thaw deuh hak, hrelo ang hmiah in ka awm thung, ka pum rawn ri rak rak chu a nui hak, ava han hunlo turu tak êm!!



"Thil eilo a awm kha a ṭha miahlo, tlem tal ei tum rawh," Rempuia'n a rawn tih chuan ka melh zawk, "ka thu thu a ni tlat mai chu erawh," Ka ti ve nghat chu min melh run run, a hmel dur nghal khup khup chu ṭo ruah pui sur tur ang mai a ni, ka hlau lek lek

A thaw hak, a ngawi run rum, ka en ve khai khai vang a ni mahna ka kâ ka chip ve hmak bawk, "i enge a nih Lalrinhlua hi?" Khauh zet a rawn chuan mit khap fak fak in ka en, a zawhna chhan chhân tur ka nei in ka in hre tawhlo tlat


"Ka mimal nun hrilh kilhkelh tur che in ka engmah inilo, kan in hlat mah mah, chuan haw tawh rawh Aizawl lam ah, hetiang thingtlang khaw kilkhawr ah tih tur ineilo, ka nuamlo tih i hmu in i hre ve bawk in ka hre bawk a," Tih leh khum a mu ṭha thak chuan a ṭhut loh na lam ka hawi hmiah, ka hnungzang erawh a za mer mer, hei leh chen ka tum ve hnu ah pawh a mi uap leh hip na chu la na ham ham tak a ni, kala danglam ta fo mai chu a nih hj


"A ṭha a lawm ti hian kan in hnaih in i hre tawh em?" Ti nghut a min rawn kuahbeh chuan ka tal phat, mahse ka tlai, ka kawng a kuahbet in ka banrek a hmer khawm, ka malpui a bawp sei zetin a khan hmiah bawk, ka che thei ta derlo, ṭang ve nasa teh mahila ka inti hah thlawn vel mai mai a ni


"Ti khan sawi tawh rawh, i hmangaih tawh thu i sawk a nih chuan ka that duh hial ang," A ṭawngkam bung zet leh hriam zet ah chuan a ti duh tak tak dawn tih alang reng, ka hmangaih thu ka hrilh na pawh rei ala nilo a, mipa dang hmangaih leh nghal tur a min ngai a thei chu ka awihlo hial zawk, a mah ang lek tur a min ngai a nih chuan a chaklo khawp ang


"Min thlah rawh, i va zak theilo ve Remruatpui pawmlai nei mutpui duh ve tur khawp in ka tenawm velo," Thinrim lutuk chuan ka ti ṭhawt, ka thusawi chu ka sawi zawh rualin ka inchhir nghal, engvang a chu thu chu sawi chhuak kher nge ka nih ka hrelo, Lucy-i nen an mut dun kha kala lungawilo em ni? Ni e ka lungawi ngailo ang

Ka thusawi avang chuan a inthlah dul rang khawp mai, chu veleh ka tawlhsawn dawrh, ka ṭhu chhuak nghal hlawl bawk, ani erawh mi en ngar ngar, a mitmeng fiah zet ah chuan natna ni awmtak ka hmu zawk, ka hmusual a ni mah zawkin ka ring, a chhan chu kei a ṭawngkam chhe te khan a ti na ve theilo tih ka hria, a fa pai mek tu Lucy-i a awm a, helai hmun ah hian min in hauhpui tur ngawt chuan a lo kal hauhlo ang


"Bawihi," Ti sup a min rawn ban a tum chu ka kut chunglam ah ka vai kang zauh, "duhtawk rawh, pawmlai nei mai tur nen a in hnaih tak a awm hi ka duhlo, a chhan mi zawt leh dawn a nih chuan ka tawn tawh a ni a, engtiang a na nge anih hre tu ka ni," En let kalh chung a ka tih chuan muangchangin a rawn ṭhu chhuak

A chhip sam buk laih chu a tuai puat, "engvang a thusawi hi ngaithla duh miahlo nge maw inih le?" Ka lam rawn thle ha pah a atih chuan ka nui hul hal, ngaihthlak chhan tur nei tawh heklo î

"Ka thusawi aṭang mi â inih loh chuan i hrethiam angchu," Tih leh khum aṭang chuan ka chhuk nghal, min en reng tih hre mahila ka ngai pawimawhlo der hmak, "haw tawh rawh, Loicy-i leh Lucy-i pum chhung a i fa lo piang tur tan pa ṭha tak nih tum rawh," Ka sawi chhuah harsat zia chu, ka sawi chhuak lui kher pawh chu ka inchhir nghal rum rum


Room kawngkhar lam pan chuan ka chhuahsan hmak, ka hnungzang za mer mer ah min zui ve zel tih ka hriat avangin thinrim zet a inher chuan, "Remruatpui," Ka to ṭhat, a nui suk duh chauh lehnghal

Kawngkhar rawn ri rek ah chuan Hmingtei leh Anuni an rawn lut, phawk zet in an meng ve ve, ni e, mikhual na ah mipa nne min hmu dun a nia, mak an tihloh nak ah, he mihring pa zet hi chu


"U Zualte hei chu..." Ban chap a Hmingtei'n a rawn tih chuan Rempuia chuan mi rawn din hnaih nghal, "ka nupui hi ka rawn zui ve a, a bul a ka riah a rem angchu tiraw?" A va han zaktheilo ngawih ngawih tak êm, "ohhh, nula maw ka ti che a, rem e, U Hmingtei nen in hnuai ah khuan kan riak ange keini," Anun-in nui vur vur a a tih chuan thinrim lutuk a Remruatpuia nak nem a nghawk sawk chuan, "lo kal teh," Tih leh a ban rek a vuan in room lam ah ka pawt lut leh nghal rawk rawk



Thinrim zet a ding dawt a lam hawi chuan, "enge itih kha i hria em? Enge i duh a, Remruatpui nang leh kei, kan pahnih inkar ah hian engmah a awm tawhlo, chu chu keiai hrechiang tur ini," Ka ti hlak hlak chu nui sûng in min en, a eng hian nge a nuih ti za em em ka hre chhetê lo, ka run tawk a tling em em bawk


"Lucy-i hneh ah let rawh," Ka ti leh hrawk, a nui huk thung, rum lutuk in ka melh, ben sawk mai ka duh, min thamlo hliah hliah hian ka hria

Min rawn din hnaih chuan a rawn kun hniam, "i thik, a dik em?" A nui vur vur, ka nui hul hak, ka ṭah te a chhuak mah mah ta zawk, ti em em a mihring zaktheilo han awm mai chu'h


"A pawi hle mai ka thik..." Uar fahran a ka thikloh thu sawi ka tum vei nen min rawm fawp chawk, ka meng kawk, min en run chuan a nui vur vur, "engthil..." Ka ti leh ṭhat chu min rawn fawp vawng vawng chuan, inla hrang hlek in, "Lucy-i kha sawi tawh suh, ka fa a nilo," Thawp sap mai a atih chuan ka meng kawk, ka mit ka khap fak fak, a nui nghawr dat dat thung


Thaw hak a alam a min pawt hnai hret chuan minkuah nghet lutuk in min kuahbet, boruak a hip kawk, mahse ka harh thut, ka tal ve phat na in ka harh chhuak tlai leh ta, min pawm kang nawlh, ka rak ṭhat, kawngkhar lam ka melh nghal vat bawk, pawnlam venthawn tur awm nen, "min thlah teh," Ka tal ve laih lai tak na in khum a min ṭhut pui chuan a bawplian zet mai in ka mal a chep bet nghal zat, ka kut a ka sih na leh chum ve ṭâwng ṭâwng na chu man khawm in a kut hrawl zet in ka banrek pahnih chu a man khawm nghal hmiah bawk

Ka melh khai khai, au khum chiam lah theih ni heklo, ka ngei zka rapthlak chu, ala nui ang vur vur zui a, "ti khan ka thusawi ngaithla tawh rawh aw?" A ti sup, "teuhlo lutuk, ngaihthlak chhan tur ka neilo," Rang lutuk chuan ka ti bak hlak chu a nui huk, min fan leh ta rawih rawih mai

"Kei in ngaithla tur in ka duh si che a," A nui nghawr dat dat, ka thisen a ti sa leh ta pup pup mai, hahthlak hian!!!

Ka thaw hawk, "sawi vat vat rawh" tih melh a ka melh chuan nui sûng a, a kekawr ipte aṭang eng a maw phawrh tum chuan a che sat sat, a mal ah ka ṭhu ve urh bawk nen ala chhuak mai theilo a ni mahna, min chehbeh na chu a ti thawl hret


Alak chhuah rualin ka tlan chhuah hlau ni awm fahrah in min chepbet leh nghal zat, hmeichhe sana gold rawng nalh fahran mai a rawn phawrh chhuah chuan ka kut pakhat chu a la kang, ka en haw

Ka mit ah min rawn en leh in, "Rinhlua'n enge a hrilh che ka hrelo, mahse Lucy-i pum chhung a naute saw ka fa a nilo tih ka hmangaih tluk che in ka chiang a ni," A tih chuan ka ṭhu ngil nghal awt, tun ah khan min hmangaih thu a sawi em ni?


"Hmangaihzual ka hmangaih che, tihluihna emaw chhan dang vang engmah a awmlo, kan hun kaltawh ah tihsual tamtak ka nei tih ka hria Bawihi, ka siam ṭha thei heklo, mahse hun lo awm tur zel ah erawh hmangaih che a, venhim che ka duh, he sana hi a vir chhung chuan ka hmangaih angche," Thu tak zet a a tih chuan rin har ka ti lutuk chu sawi mai tur pawh ka hrelo


"Sana chu thi thei leh chhe thei a ni tih i hria em? Chutiang...." Ka tih laiin, "a siam leh theih a ni lawm ni? Ka hmangaih na che erawh hun in a hrilh in he sana hian hun a her liam pui angin a rawn lan chhuah tir ang, khawngaih in vawikhat, vawikhat chauh hun minpe rawh," Ngên ngawl zet a min en chuan ka thaw em pawh ka hrelo

Chhan na ka pe lo na in a sana muangchang a min bun tir erawh ka hnial hauhlo thung, min buntir zawh hnu a en vang vang a ka mit ah tak min rawn en leh chuan, "ka hmangaih che, ka hmangaih che Hmangaihzual," Ti sup in ka hmui ah a rawn fawp vang vang, ka lungphu ri dup dup ah chuan ka ngaidam fel leh thlap tawh, mahse ka ngaidam tih sawi chhuak tur in min hmangaih thu min hrilh kha rin har kala ti êm a tin ni







***Riya***


(Zan 3 ngawt mai ka chawlh san che u a, dawh thei tak leh min hrethiam em em tu te inchung ah ka lawm takzet zet a ni❤️❤️ka chawlh chhan chu Chapter 32 tawplam ah ka ziah vek kha😘😘ka love you vek che u🌈🌈❤️)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:24 pm

STONE HEART
By floria laldansangi


34

ZUALTEI....POV


5ft ṭhut thleng sei zawm a remlo zet mai a muhil Rempuia chu en in ka nui suk, a palian in a bawp a sei rapthlak mai si, 5ft lek a sei ah chuan a mut tui meuh ka ringlo a ni, a mutdan hreawm hmel lutuk ah hian a lang reng bawk, ka bul a mut a tum viau na in ka rem tih miau loh avang in lungawi chiahloh in a mutna tur ka siamsak na lam a pan ve hna hna kha a nia

Kawngkhar rawn ri rek ah chuan nui vur vur chung in ka hawi, Anun'i leh Hmingtei rawn lut chu ka nuih sak, "morning," Ka ti sep


"Morning," Ti let chuan, "awii a mutdan kha a hreawm hmel e, a thluang lawr zuar bawk sia," Anun-in a tih chuan ka nui hak, "hei chawhmeh kan lei tawh a," Hmingtei'n a rawn ti nghal zat, "dar 10 chuan a hmun kan thlen a ngai si a, che vat vat teh ang u," Tih leh ka sam ṭâwn ṭha in choka lam ni awm tak an nampûk lam chu ka pan nghal



"Doctor, nula emaw inih ka tia, nimin lam ah Au Bert-a te ṭhian ho in "in mikhual nula kha minlo biak rawh" antia, "aw" kalo ti ve ringawt a, zan ah lo rim che te kha an tum in ka hria," Nui kur kur a Anun'in a tih chuan ka nui hak


Melh zawk in, "Nula a lawm kala nih," Ka sawi zawh rualin ka inchhir ti tih nghal, ka nui hmel a reh nghal tial tial bawk, Remruatpuia mitmeng thim ruih leh hriat thiam har lutuk mai a ding rûn a min en tu chu ka en kawk, thaw hawk a hawisawn in Alu ka zai lai chu ka zai nghal vat vat


Hmingtei leh Anun'i an nui hak hak, lo ngawih mai mai zawk tur a nia, "sawlai saw bathroom aw, intihfai i duh chuan," Anun-in a tih pawh chuan ka dak chhuak tawhlo hrim hrim, mahse minla en reng tih erawh ka taksa mur er er ah hian ka hre thei thung


A pensawn ka hriat rualin ka thaw chhuak hak, "a thikthu a chhiat hmel e," Anun-in a rawn ti sup, za lo zetin ka ṭhensak, nizan a a thusawi kha ka ngaihtuah let, Lucy-i naupai hi a fa a nihloh chuan engvang a Rinhlua khan Rempuia fa a nih thu leh an inneih tur thu min hrilh nge maw a nih le? Nge ni a Rempuia fa emaw tiin a hresual ve zawk


"Bawihi," Rempuia aw ka hriat chuan ka harh zawk, mit ti zim sân a min en chuan, "enge ilo ngaihtuah vung vung a? He khawtlang val ho rawn len chu i duh tak tak lo ang tiraw?" A thle bak, ka melh vak ringawt, chhan tin ah pawh ka tinlo, engvang in nge maw ka duh chu a rin ngawt ni


Tûkṭhuan kan ei mawlh mawlh laiin, "engtia rei nge he khua ah hian in awmdawn?" Rempuia'n a rawn ti sup, "ni 2 vel a nih ka ring, vawiin ah i haw ang tiraw?" Ka melh zawk, a fian hum lai dawhkan a dah deuh hmak chuan thaw ri hrawih in min en nghal rûn, enge sawi sual ka nei em ni?

Anun'i leh Hmingtei chu ka melh vat, an hma a chaw chu an ei mawlh mawlh, kan thusawi chu ngaihven awm pawh in an awmlo, "haw tur chuan minduh viau em ni?" Bung zet a a rawn tih chuan thle deuh hâ in, antui hawp zauh chuan, "tihtur i nei em ni hetah? Aizawl ah hna i ngah dawn ropui si a, bakah Loicy-i..." Ka tih lai mekin a ding nghal zawt, an chair hi thing a siam a nih vang nge a ri ring em em mai lehnghal


Kan pathum chuan dak chhuak nghal kawk in kan en ṭhap, thinrim insûm ni awm tak a thaw ri hrawih hrawih chuan, "car ah kalo nghak angche u," Tih leh pensawn a rual nghal, a ngaihna hrelo lutuk in Anun'i leh Hmingtei chu ka melh hrek hrek ringawt, a eng kha nge maw a thinrim pui em em le, sawi sual ka nei em ni? Aizawl ah Loicy-i kalsan in helai hmun rawn pan chhan tur leh awm ve reng chhan tur a nei miau heklo a lawm


"Car a lut thlang thei hleinem, kawng an siam a," Car a ṭhut luh pah a ka tih chuan, "ka hria, Anun'i, a dik em?" Hnunglam a melh zawk, Anun'i chu a bu nghat, "car luh theih na chin thleng tlan ila, ke in ala hla em damdawiin," A tih chuan Hmingtei'n, "hla hran rawhlo e," Alo ti vat, ka thawhak, hetia min zui kual reng hi a tum chu a ni êm lo angchu maw??


Kan tlan chhuak chu ka melh leh zauh ṭhin, vawikhat pawh ka ṭhut luh aṭang minla melh eihlo, hmalam ngun lutuk in a en ngur ngur,, car chhung boruak uap zia chu pui tak a ni



Car a ding dat, ka chhuak nghal vat, ka thaw a chham mai dawn, khatiang boruak a awm kha ka zo thlawtlo a ni


"He ta ṭang hian ke a kal angai ang, tlem in a hla deuh na in muangchangin kal beuh beuh ila kan thleng ve mai ang," Anun-in a rawn tih chuan ka bu nghat, ka bag car chung a ka dah chu la leh in Rempuia chu ka en, "min zui zel i tum tak tak em ni?" Engmah ala sawi bawk silo, hetah tih tur a nei pawh ni silo, a awmdan hi ka hrethiamlo a ni


"Aizawl i let rualin ka let dawn, a chiang em?" Tih ram hmak leh hmalam ah a pen nghal pawk pawk, phawk fê in ka en, "U Zualte, haw tur a itih chhen vang a nih kha a lungawiloh," Nui ṭhu chung a Hmingtei'n a rawn tih chuan an pensawn ve nghal kei erawh Remruatpuia pian zet mai pen pawk pawk hnunglam chu ka melh vak, haw tur a ka tih nakloh in, tihtur nei heklo î, tihsual ka nei pawh nilo


Ka lu thing mat mat chuan ka pen ve hlawk hlawk, an va han kal chak hlawm em em ve mawle, "Doctor zanin chu kan rawn rim dawn che a nia aw," La thingtlang ve tih tak ah kawng siam tlangval ho in minlo au laih laih, senior lam nih tawh vang nge ka eng vak a thawk dêr lo, ka nuih te a za mah mah zawk


Rempuia pen lai chu a ding chawt, ka lam a rawn hawi nghal zat bawk, ka penlai ding dat in ka en, kalam a rawn pen let pawk pawk chuan ngawi ngur in ka kut ah a rawn vuan nghal hmiah, ka nui hak thung, Anun'i leh Hmingtei pawh an nui ve hak hak, min rawn melh hrawk chuan, "kal rawh kan tlai ang," A ti nghut, min pensawn pui nghal chu nui vur vur in, "tlai chhan tur lah inei ve silo a," Ka fiam hlak chak, thlen in kan chhuahsan aṭang ala ṭawng duh reng reng lo mai, a thin tal hi ti rim hrâm teh ang


Thaw ri hrawih a min rawn en chhuk hrawk chuan, "ka veng dawn che," A ti deuh nghut, za lutuk in ka nui chhuak, ka melh chho, a hmel thutak lutuk nen chuan a inhmehloh zia rapthlak chu, a mitmeng dur khup khup chu ka nuih a za tulh tulh, "nang ang em chuan ven ka ngai hauhlo mai," Ka tih cchuan a ding dat, "Hmangaihzual mei nei deuh deuh hian ṭawng fo suh," A ti leh hlak chuan ka dar ka san ak, "mei a nei em ni? Ni a sa dawn tlat kal vat vat teh," Tih leh ka kal pel, min rawn vuan leh ngat chuan a nui ve vur vur, a thinrim na hoh(hauh) zia a hre ve pawh a ni mahna



Ka nui ve hak hak, damdawiin an sak mek na hmun kan thlen chuan an khua a doctor awmsa leh kan kal pui Doctor Dika leh Mazuala leh male nurse pathum kan hruai te chu an lo thleng dêr tawh, "in va hma em em ve, kan thlen khalh cheu kan rin nen," Ka tih chuan kan lam rawn hawiin, "bike a thlah tu neih lai chuh a ngai a," Mazual'an a rawn ti vat


"E he! Heichu Rendezvous Hotel nei tupa a ni em? Ka hriat sual loh chuan," Mazuala bawk chuan a tih zawmzat, kan thawh na damdawiin a a rawn thawh na hi karhnih vel chiah ala nih vang a ni mahna kan chungchang a hre lem lo, hre vaklo hlawmse ka duhber bawk


"A nih kha, thuthang vel awm erawh a diklo tih ka hre ta mai e, helai thleng thleng a i nupui i rawn umzui dan ah," Doctor Dika pawh ka mil chi a ni maihlo, kan kal lam aṭang tawh min en dan leh Rempuia chungchang a sawi duh dan hi en leh hriat hreawm ka ti


"Dar 10 a ri dawn inti fel ila, hei an rawn kal khawm tawh si a," Ka ti vat, Rempuia ngawi ngur chu melh zawkin, "nileng chuan awm ve i tum tak tak em ni?" Ka ti leh sep, a dar san ak in, "tehreng mai, i hnathawk rawh," Ti sup a ka hmui a rawn fawp zauh chuan ka meng kawk, ka hawi kual nghal vut vut, ka thaw hak, nui vur vur a min en chungin, "a ram vel hi en kual ka duh riau mai," Tih leh a pensawn nghal, ka nui hak
.
.
.
.
.
"Doctor i bialpa em ni? Doctor a ni ve in ka hre silo a," Bp ka check mek ka nu rual deuh vel tur in a tih chuan a en na lam chu ka melh zawk, naupang fiam pah a nui vur vur Rempuia ka hmuh chuan ka nui suk, naupang fiam dan te a thiam ve emaw ni?


"Ka pasal a nih saw, i Bp chu a pangai lutuk e, i thisen leh zun thlum erawh 5.9 lai a nia, in enkawl ṭhat deuh i ngai a nih kha, i mamawh tur ka ziak a, saw tah sawn nurse saw va pe la, anlo pui angche," Ka tih chuan lawm hmel zet a bu nghat nghat in a kal vat, Rempuia bawk ka melh leh min rawn en ve chiah ka nuihsuk, mawi lutuk in min rawn nuih, sawtiang a a nuih tawh saw chuan khawdang hawisawn hi harsa ka ti ṭhin, "Doctor," Ka harh zawk, inthiamlo zetin, "ka tihpalh," Ka ti sep


Ka hma a ṭhu ṭawngtheilo an rawn hruai chu ka en deuh vang vang, "Doctor ka fanu a nia, a ṭawngtheilo a, keiman ka sawi sak maidawn nia," A nu in a rawn ti vat, nuih var var in, "a ngailo ang ka pi," Tih leh ka kut zaizir in, "i englai nge na, i awmdan i sawi thei em?" Ka tih chuan min en kawk, a nui zui hak hak, kut zaizir a biak dan ka thiam chu mak anti deuh a ni mahna, ngaihsan hmel fe in min en


A natdan sawi zung zung chuan ka ziak thla mawlh mawlh, "henghi ka chawh angche anga, thla 2 ei a ni a, thla 2 hnu ah Aizawl ah in entir turin lo kal ula, ka lo en dawn che nia, i kal lam a ni a, a ranglam a in enkawl in tum dawn nia," Ka tih chuan an bu nghat nghat


Nileng mai a kan buai nuaih nuaih hnu ah, zi mar ar ar chuan, "an awm tawhlo a niang a, ka ril a ṭam rawih rawih mai," Ka tih chuan Mazual'an, "chhunchaw fâk lai khan i fâk ve ta duhlo a nih kha," A rawn tih chuan ka nui vur vu, "kan inseng fel dawn em niang? Khua hian min thim hnan mai ang," Tih pah chuan ka ding nghal, dawhkan a lehkha leh ka hmanrua awm hnawk zet chu ka khung nghal mawlh mawlh bawk


Ka in khung fel rualin ka hawi kual thuak thuak, Rempuia hmel ka hmu tawh hauhlo, tlai lam deuh aṭang khan kan buai a zual nen khawnge maw a lo kal hman ni?


"U Zualte, inpa chu sawlam sawn a kal ka hmuh kha," Hmingtei'n a rawn tih chuan a kawhna lam chu ka pan vat, ka thlen rualin Rempuia'n Doctor Dika a hnek ṭhuai ka hmuh chuan hlauthawng lutuk a pan vat in, a kawr awm a a ṭham leh chu, "Rempui thlah rawh, enge i hriat leh tak a? Tinge kut hi i thawh nghal zel?" Ka ti ṭhat, a thawk a phit a kut hmang a chinfel a tum zel mai hi ka hrethiam lo a ni

"Engmaw? He mihring hi i ṭan tih sawi miah suh," Ti hrawih pah a ka vawn na phih sawk chuan Dika kawr awm ah bawk a ṭham leh nawk, an in len hleih rapthlak mai si, "i kâ aṭang a ka nupui hming i lam leh a nih chuan i lei hmang thei tawhlo in ka siam angche," Ti hrawih a nam sawn dawrh chuan rawn in her thut a min kalpel chuan a pensawn nghal pawk pawk, beidawng lutuk chuan ka en, ka thaw hawk


"I pasal thiamloh a nihloh kha, Doctor mipa inih chuan ṭawng tamlo la a mawiber a nia," Kan sir a putar in a rawn tih chuan ka en vat, Dika chuan a kamsir thi ser ser tawk zauh in, "a kut ala ram reng a nih kha i pasal chu," Thamlo hmel zet a a tih chuan ka melh hrawk, "ni lo e, a phutawk te lak ah chuan a hman na hun a hre mah mah zawk a nih kha," Ka ti let sak chuan mi rawn en nghal hrawk, ka ner khum sawk, engmah hrelo a Rempuia ka hau nghal bawrh bawrh kha ka inchhir leh rum rum

Mahni ṭha intih lutuk leh pakhat fak dawn avang a midang sawisel tel kher ṭhin mihring hi ka mil loh mai bakah mi pangai ah ka chhiar theilo, midang sawisel tel kherlo hian fakna ṭawngkam hi a hman theih lutuk, kal lam aṭang tawh Rinhlua a fak a piang in Rempuia chanchin a chhe zawng in a sawk char char tawh, kut tum a dawng kha a phu chu ka ti ve reng


Mahse thawk a phit a kut a lek kang vu vu reng mai hi a diklo ve hrim hrim bawk, hmanhmawh zet in Rempuia kalna lam chu ka pan hlawk hlawk, "lo ding teh Rempui," Ka au au lang lang, tlan chung a ka um chuan ka au leh, a ding dawt, thaw hlawp hlawp a a bul a ding chuan, hah zet in ka melh chho, ka nuih tlawn var var, a ner deuh sawk chu thaw hlawp hawk in ka nui hak


Ṭawng tum a ka kâ ka âng zuai tih ah ka phone a rawn ri ral ral, nizan pawh khan signal ka zawn nasat nen a awm thei silo a, kan din na lai vel hi signal a lo awm a nih hi, ka phone phawrh chuan ka en nghal


"Nu.." Ka tih rualin, "Zualbawi," A rawn in hnit feih feih, "Nu ka ṭawng i hre thei em? I ṭap em ni?" Rempuia chu ka melh zawk, tlem in ka pensawn deuh, "ka fanu khawngaih thlak, engtin nge maw nangmah hring tu ngei che hian hetiang thil hi a tih theih ni?" A in hnit hlawp hlawp, ka thaw hak, a rui lung puam emaw ni?


"Nu i rui em ni? I ruih chuan mu hil rawh, ka dah dawn a nia," Tih leh off ka tum chu, "ka rui hauhlo, i fanu, i fanu kha ala dam tih i hria em?" A rawn ti bah nawk nawk, tun ah khan ka hresual em? Enge a sawi kha, ka nui hul hak, "Nu thulawi..." Ka tih lai mekin, "Loicy-i, Loicy-i hi i fanu a ni, chu thu chu Rachel-i kâ ngei aṭang kan hria a ni, i pa phei chu a ṭhawng lutuk a nikhaw hrelo in a awm hial a sin," In hnit feih feih a arawn tih leh chuan ka khawng vek

Ka phone ka beng a ka chuktuah chu lei ah ka thloh(thlauh) nghal, ka ding lai ka kaih za thâ zawi hnawk mai a ka tlu tur chu Rempuia ban thâ chak lutuk in mi rawn dawn, "enge thleng bawihi, i ṭha em?" A tih chuan mittui tling pam in ka melh ṭawk ṭawk


Ṭawng sawiloh thawklak pawh ka theilo a niber, ka awm ah hian thlî in min hnawt, "ka..a nilo ang," Mittui luang ngiai ngiai chuan ka ti sep sep, Rempuia'n min en deuh ha chu melh in, "a nilo, a nilo ang," Ka rin leh rinloh na chu a in zat chiah, "Loicy-i," Ka ṭah nuih hak,"a nilo tiraw?" Ka mittui ka khap sak sak, ka theih tawp in ka thaw kawk kawk bawk


"Bawihi," A rawn phun sep, a mitmeng ah chuan engmah sawilo mahse ka hrethiam nghal, ka hnungzang ah eng amaw in min do ul chu harsa ti lutuk in thawk lak ka tum, ka kâ ka ang hlawi hlawi, ka hrawk leh ka hnungzang ah min hnawh tu a awm tlat, ka mittui erawh a arawn luang ngiai ngiai thung



Harsa ti lutuk in mittui nen ka lu ka thing mat mat, "a nilo, aih, engtin nge kha leh chen kha ka hriatloh theih,a nu ka nih chuan hre tur ka ni," Bah nawk nawk chuan ka sawi chhuak, ka hnungzang lam a min hnawh tlat tu chu a nasa tulh tulh, ka thawk a harsa in boruak hip tur ka neilo, ka khaw hmuh rawn thim mup mai ah chuan ka zawi hnawk, Rempuia ka nek rawk rawk bawk

"Zualte, Bawihi, harh teh," Rempuia aw chu ka hre hla tual tual, "enge thleng a, Zualtei chu enga tinge, sawlai deuh ah sawn pawm phei rawh, Hmingte, bag khan syringe a awm," Doctor Mazuala ṭawng zung zung leh Rempuia thinphu ri dup dup chu ka hriat hnu hnungber a ni


Loicy-i hming lam sep sep chuan, ka mit thim mup mup mahse a hmel erawh a rawn lang zut zut, ka bek a ka mittui luang thla ngiai ngiai chu ka hre chiang em em bawk
.
.
.
.
.
***"Mummy, ilo haw har tawh e, ka mummy tak tak ang in min kalsan velo ang tih i sawi kha," Loicy-in nui sâng mai a tih chu hla tak aṭang ka thlir, "ka tihpalh, ka tihpalh tak tak, ka fa, ka pum chhung a ka pai ngei pawh ka hre chhuak zo lo che a nia, ka tihpalh bawihte, ka tihpalh," Ṭap zawih zawih chuan alam ka pan, min nuih var var, ka ṭap hawm hawm bawk*****



"Bawihi, i harh em?" Rempuia'n min auh na aw ka hriat chuan ka meng kawk, ka thaw chhuak kawk, ka hawi kual nghal thuak thuak, "Loicy-i, Loicy-i bul ah kal ka duh," Ka mittui bawk a rawn hnai leh, naupang thil ngên ang mai in Rempuia chu mittui nen ka en, ka ngên nghal ngawng ngawng


Car chhung ah kanla awm reng chu ni in, kan hma zawn a light de tuar ka hmuh chuan khawilai vel ah nge kan awm ka hre mai theilo, ka lam rawn hawi a ṭhu ṭha chuan, "bawihi min en rawh, inbeng dai la, ka thusawi hi ṭha deuh in ngaithla rawh, i hrethiam tiraw?" Hrethiam ngei se minti tih hriat tak chuan min en, ka biang tawn tawn a a kut phah hlai zet a rawn dawm vang vang chuan ka mittui luang ngiai ngiai chu a kut zungpui in damdap in a hru hul zat bawk


Naupang thuawih tak ang maiin ka bu nghat nghat, ka thawk dan la pangai lo leh sak ṭalh chu a hrethiam a ni mahna car tukverh glass chu ti hniam in min rawn en leh, car hma chu hawngin, paper tam fahran hi a rawn phawrh chhuak nghal zat bawk, a che vel chu ngawi rengin mittui tling pamin ka en

Ka kut a rawn dah chuan, "bawihi, Loicy-i hi kum 5 lai liam ta i fanu boral ta emaw itih kha a ni," A tih chuan ka nu hnen aṭang ka hriat tawh mahni si minla deng na dawt dawt khawp mai, ka thawk a sak zual, boruak ka theih tawpin ka hip kawk

Kut khur deuh dar dar chuan ka kut a paper chu ka en, "Loicy-i pian tirh a damdawiin aṭang a transfer dil tu leh transfer na zawng zawng buaipui tu chu," A chawl dat, khawngaih tih hriat tak a min en vang vang in, "I nu Siamthari a ni, heart transplant ti tur a buaipui tu leh engkim bul ṭan tu pawh a ni," A tih chuan ka thaw em ka hrelo, boruak ka hip kawk kawk, ka thawk sak lutuk chu ka lu a ti hai leh, nikhaw hrelo in ka awm leh tak ngial dawn in ka hria, ka â chhû a ni mah zawk, ka biang a rawn lum thla pup


Ka lungphu hi hneh lutuk a ṭham beh ang mai a ni, ma tawt lutuk a, ka thaw theilo hoal zawk, ka na lutuk chu awmdan tur ber pawh ka hrelo, ka kut a paper chu ka hum khawrh rawp rawp, "ka... Ka that duh..ka that duh a ni," Bah lutuk leh harsat ti lutuk chuan ka ti chhuak hrawk, tun ah hian that mahila pawitihna ka nei hauhlo ang


"Ka hria a lawm, Aizawl khawchhung ah kan awm tawh a, zanin chu kan in lam ah kan kal tlang dawn nia, naktuk ah Rachel-i te nufa hian an tawrh tur diktak an tuar ang tih ka tiam a che," Min rawn kuah pah chuan a seh chilh deuh nak nak, a ṭawngkam chhuak ah chuan a thinrim zia alang ve reng bawk, kei erawh ṭawng pawh harsa ka ti, ka thinrim lutuk hi ka khur chhuak lo chauh bawk, ka kawchhung erawh huatna leh thinrim na avangin a khur der der thung


"Loicy-i bul ah min hruai rawh Rempui," Naupang in thil an ngên ang mai chuan ka ti chhuak ṭuak, ka mittui lah chu a rawn luang ang ngiai ngiai reng bawk a, thaw hak a inla hrang chuan, "ka hria e," A nui lui sak, kei erawh nuihluih sawiloh thawk pawh harsa ka ti, ka thi maidawn in ka hre hial a ni, ka ngaihtuah tam a, Rachel-i te nufa ka ngaihtuah chhuah phei chuan ka hrawk a min rek bet tu awm ang maiin ka thawk a harsa, ka taksa hi an mahni that chak na in a za chhuak tlat zel, tiang tak ka mihring pui ka huat leh thah hial ka duh hi kala nei ngai hauhlo bawk
.
.
.
.
Khawchhung kan tlan luh rual deuh thaw in Rempuia phone a rawn ri nghal zat, car hmalam a a dah chu ban rak rak in a en nghal, "Nancy kan rawn..." A tih laiin car a ti ding nghal tuar, hmalam ah ka bu lawp, "tunah khawnge in awm?" Rempuia chuan a ti hrawk, ka en ve nghal vat bawk

"Ka hria e, kan rawn pan ang," Tih leh car ti nung leh chuan chak lutuk in a tlan chhuak nghal, mangang zet a Rempuia en in, "enge thleng, Rempui enge ni a?" Min rawn melh zawk


A steering dawmna kut chu a var pup, a bân thisen zâm a rawn pawng ṭawlh ṭawlh, a khabe ruhkual lian zet pawng leh bek pawng ṭawlh ṭawlh mai chu a hlauhawm lek lek, tu emaw kut thlak duhna a nei emaw tih hialna tham a ni, "Rachel-in, Loicy-i kut a thlak a ni awm e, tun ah durtlang damdawiin ah an hruai a," A sawi chhuah harsa a tih zia chu, a kha chhuak fak fak mai



Kei erawh hlauhthawn na bawkin min rawn tuam leh hlup hlup, "engtin," Sawi mai tur pawh ka hrelo, ka hlauthawng lutuk chu ka kut ka tuai leh neuh neuh ṭhin, a chang leh pawnlam kan tlan pelh zut zut thingkung leh in te chu ka en leh ṭhin, ka thaw kawk kawk


Car a din tuar rualin ka zuang chhuak ni hian ka hria, keimah tak pawhin kawngkhar ka hawn lai ka hrelo hrim hrim, damdawiin chhung ah ka tlan lut nghal, Rempuia'n min rawn zui ve zat bawk, ka hawi kual, ka bul a Rempuia ding chu hlauthawng lutuk in ka en leh, "khawiah..." Ka tihlai mekin, "Mama helam ah," Nancy-i aw ka hriat chuan ka inher nghal vat


Hmanhmawh lutuk in ka pan nghal hlawk hlawk, "khawnge, khawnge a awm? Engtin nge a awm?" Hlauhna in min tuam nasa lutuk chu ka khur chhuaklo chauh a ni


Nancy-in min chhan hma a Rachel-i leh min hring tunu lo ding ve ran ka hmuh chuan hlauthawn na kha, huatna, thinrim na in min rawn tuam nghal hlup hlup, "Mama ka tum vang a nilo, ka tih a nilo," Rachel-in a lo ti nghal pur chu kal pel in ka theih tawp a na in min hring tu ngei mai chu ka beng thle sawk


Rachel-i a rawn rak ṭhat, min hring tunu rawn ding ṭha chu na lutuk in a ngaiah bawk ka beng leh ṭhuai, ka thinrim lutuk chu ka kut a khur dar dar, ka ṭawng chhuak mai theilo bawk, tu pawh mai chu an ngawi ṭhap, a bul a Rempuia pa ding ve run pawh chuan ṭawngkam khat pawhin thu a chhak chhuak lo chu a mak letling zawk, engkim a hriat tawh vang pawh a ni mahna



A kawr awm a ṭham sawk chuan, mit thîp lutuk in ka en, ka mittui tla tur erawh a awm tawh hauhlo, ka nat lutuk leh huatna a ka khah vang pawh a ni mahna, "ramhuai i nih hi, ka kut ngei hian ka that ve duh angche," Kha lutuk a ka tih chhuah hrawih chuan Rachel-in ka kut a rawn phih thla sawk, "i kut tenawm lutuk khan ka nu khawih hlek suh, i â tawh a nih hi Hmangaihzual," A ti tuar



Thinrim lutuk a vangin ka nui lui hak hak, "a dik, ka â tawh a ni, ka ât zia chu nangni nufa hremhmun a nawr liam duh tur khawp che u in ka â tawh," Ti tuar in Rachel-i pan hnai in ka rek nghal chawt, ka theihtawp a na in ka rek bet, ka ban a chum dawt dawt, keoai a te zawk a vangin duh angin mkn ban thei derlo, an thiltih man zawng zawng hi thi pawh nise, that pawh ni ila an rulseng chuanglo ang, nilo, dam tlak hi an nilo hrim hrim


"Hmangaihzual thlah nghal rawh," A nu in rawn ti tuar chuan min pawt ṭhen dawrh in min beng sawk, min ben rual deuh thaw in Rempuia kut a rawn thlawk hi a ni hrim, a hnek êm chu ka ringlo na in kut erawh a thlak tih ka hria, ka dar ah min rawn kuah nghal in, "i kut hnawr pawh in, a sam zâi khat pawh tawk ve tawh suh ka tih che kha," A ti nghal chhur chhur, a aw chhuak ah chuan tihluih ngam chi a mo tawhlo hrim hrim

Kan lam rum lutuk a rawn hawi chuan a kamsir a thi nghal ser ser, mipa kut thlak nge nge chu a na a ni mahna



"Remruatpui ka nu kut i thlak a maw, i nupui mi anglo kha enkawl rawh," Rachel-in a rawn ti ṭhawt, Rempuia'n a kut zungchal a kawk vâ in, "i kâ i ang leh a nih chuan nangpawh ka thlak hrehlo che a nia," A ti kha hrawih, a ti duh tak tak dawn tihlah chiang reng, zantlai sawiloh zinglam dar 2 a ri thuak tawh ang, damlo leh nurse duty ho chuan min en deuh ṭhap, tiang thil hi duhlo viau mahila ka in thunun theohna piahlam a ni tlat


"Bawiha," Kan hnunglam aṭang a Ricky-a aw ka hriat chuan kan hawi vat, police pa nga vel nen an lo ding khup ka hmuh chuan Rempuia ka melh chho vat, engtik laiin nge a koh hman ni


Arrest warranty ni ngei tur rawn lek kang chuan, "Rachel laldinpui naupang that i tum a vangin man i ni," A rawn tih chuan ka thaw hak, "ka nilo, aih, ka nilo, ni lo, ka fa a thih laiin he ramhuai nu fa hi a dam bik ang maw? Ka fa ang in ka pasal min thah sak tu fanu chu ka enkawl a sin, ni lo, dam tur a nilo," Rachel-i chu rapthlak ti lutuk in ka en, a â zawk hial emaw ni


Police pahnih in pan hnai chuan an vuanbet, "Lalsiamthar naupang rukbo leh Lalthazuala i thah a vang in man i ni," A rawn tih leh chuan ka meng kawk, Rachel-i rak tuar tuar pawh a tawp chat, U Zuala thihna ah a in hnam hnawih a maw? Accident a nilo em ni?



"Engmaw? Engmaw i sawi zawh chiah kha?" Rachel-i chuan a rawn ti chhuak nawk nawk, "i pasal that tu chu tudang nilo in i nu ngei a ni, a car ti break-fail tur a a mirawih pawh tun ah hian police in an kawl mek bawk," Ricky-an rawn ti nghat chuan Rachel-i nu chu a melh, za lo zetin a nui dat, "Hmangaihzuali hi i fa ani tih a hriat vang a, that tak tak inih chuan dam tlak i nilo," Kha zet in a tih zawm hrawih


Kei erawh in sawi tur pakhat mah ka hrelo, chuti tak chuan maw ka nu nih alo hlauh a, tual a thah phah hial na chhan chu a fanu ka nih vang maw, rapthlak ti lutuk chuan ka melh ngawih ngawih, ka biang a rawn lum thla pup


Minhring tunu erawh a ngawi ngar, hlau hmel sawiloh inthiamlo hmel pawh a pu hauhlo, mihring a ni velo emaw tih hial na tham a ni, "thudik a nilo tih sawi rawh, nilo, ka ni sawi chiang teh," Rachel-i cbu a au tuar tuar, handcuffs an bun tir mek "min hring tunu" ti a koh oawn zahthlak khawp a mihring, Nu rapthlak chu CHAWH tih melh in ka melh ngar ngar



Khawngaih na leh laina na neilo minti tu oawh an awm ka ring, ni e, he mihring, a fa pianghlim kalsan a, tulthat duh hial, mahni fa te, fa pawh ru bo duhtu thisen hi ka kâi miau a, khawngaih na ka neilo a nih pawhin a awm lutuk a ni lawm ni


Rachel-i ral tiar tuar leh a nu an hruai chhuah rualin ka thaw kawk, ka zawi nghal rawih rawih, kalo in hum ruh zia ka hre chhuak, Rempuia taksa ring in ka ding ṭawk ṭawk chauh a ni, engtin nge khatiang mihring kha he khawvel ah hian an awm theih, ka ngaihtuah let phei chuan thinrim na ai in ka ṭih mah mah zawkin ka hria




***Riya***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:24 pm

STONE HEART
By floria laldansangi



35





ZUALTEI....POV


"Ka be lawk thei angcheu ngem?" Rawn ti tu aw kan hriat rualin kan hawi vat, kawngkhar lam en in Rachel-i leh anu an hruai chhuak kan en reng na lam ah, Doctor rawn chhuah lai pawh kan hrelo a ni


"Doctor, ka fanu chu enge a an?" Ka ṭawng mai theih loh avangin Rempuia'n a ti vat, minla kuahbet reng, minkuah tlat lo se zawng ka ke tha leh chakna ringawt chuan ka ding char thei teuhlo


"A lu hi tlemin a kak thui deuh a, a bân ruh a khik bawk avangin fimkhur erawh a ngai viau mai, a taksa dang erawh na lutuk a awmlo e," A tih chuan a ai nasa in ka zawi leh zual, ka inhum ruh, "Rachel ka chhuah hauhlo ang," Kha lutuk in ka ti chhuak


"Kan lawm lutuk e Doctor," Rempuia'n a ti leh sup, kei erawh ka mittui ka khap per sak sak thung, thinrim na leh huatna in min tuam nasa lutuk mah mah a ni, Loicy-i awmna ward a min luhpui chuan ka biang a rawn lum thla pup, khum a, lu tuam bur leh bân tuam bur mai a muhil bam mai ka fanu ka hmuh chuan ka thin zawn hi chhun rual a, theih tawp chhuah a tâi thler tâwk ang mai hian a na thîp lutuk mah mah



Rempuia minkuah na aṭang a tal chhuak in, khum mawng tlâng vuan chuan ka indap phei khut khut, ka mittui a rawn luang nghal zawih zawih bawk, a bul a ṭhu thla hnawkin, a biang ah chuan ka chul, "ka..ka.. Ka tihpalh, engtin, engtin nge ka pum chhung a thla 8 teh meuh ka pai che a, ka hriat chhuah loh theih zawk che," Sawi chhuah harsa ka tih zia chu, ka hnungzang ah boruak in min hnawh leh tawh, ka hrawk a tawt in ana ut ut bawk


A kut na lo lam la kang a fawp vawng vawng chuan, "ka tihpalh, ka tihpalh tak tak," A bak sawi tur ka hrelo, ka lungphu zawn hi a na ngut ngut bawk, ka kawchhung ah hian meiling an vûr ta emaw tih mai tur in a sa in ana


Rempuia'n min rawn kuah chuan amah ngheng chungin ka ṭap khur dar dar, ka in sût ri hrawih hrawih bawk, "ka fanu, ka fanu a ni," Chu thu ka ngaihtuah ringawt pawh chuan ka lawm a, ka na vawng vawng bawk

"Nancy, pawn ah Dika a awm a, lo va haw mairawh u, Bawiha Rachel-i te nufa kha chu i kut ah ka dah a nia," A ṭawng zawng in ka taksa a rawn nghawr dat dat, ka dar a kut nghah a, a tuai hliau hliau chu ka thlamuan pui veng veng thei


Ka taksa mai nilo ka thlarau thleng hian a chau ni mai in ka hria, Nancy-in ka dar a rawn khawih zauh in, "U Zualte naktuk ah kan in hmu dawn nia," Ti sup chuan a pensawn nghal, ka mit ka chhing sawk, ka mitmu leh bek te hi ana kham ut ut
.
.
.
.
"Bawihi, khum chûang ah sawn hahdam va tum teh, tlem tal mut tum la a ṭha lo maw?" Loicy-i kut vuan ran chung a mittui nen a ka ṭhu chu a rawn ti sup, ka lu ka thing mat mat, ka muhil a nih chuan ka harh leh rualin ka manglam mai a nih ka hlau a ni, ni e, ka mangchhia mai a ni leh anga, a bo anga, Rachel-i fa ah bawk a letleh ka hlau takzet a ni, mangchhia atan chuan a uiawm mah mah, mangchhia mai a lo nih leh si chuan ka dam chhuak zo lûl lo ang



Ka lu ka thing mat mat, "hahdam rawh nangmah kha," Ṭah chhuak insûm zet chuan ka ti chhuak, thaw ri hak a ka bul a rawn ṭhu thla in, ka melh zawk, a nuisuk, "hlauthawng suh, khawiah mah a kal tawhlo ang, dam chhung in i bul ah, charbeh angmai in kan pafa hian kan awm tawh dawn," A rawn tih sup chuan ka ṭah nuih hak hak, ka mittui a rawn luang thla pup


A lam hawi a min kuai her chuan ka dar tawn tawn ah minvuan, ka biang a mittui chu a kut ṭang a hru hul in, "i mittui farkhat pawh a tlak ka rem ti tawhlo ang," Rilruih mai a ka mit ah tak min en chung a a tih chuan ka chil ka lem khalh, ka ṭah nuih var var, a mitmeng, a hmel landan engkim ah hian a thusawi chu a puitlin ngei dawn a ni tih ka hrechiang lutuk tlat a ni
.
.
.
.
"Hmeichhe nasa ve tak a ni tih chu ka hria a, ngaihdam a dil phei chu ka beisei pui lo hrim hrim, mahse a mitmeng kha, inthlahrun na pakhat mah a neilo a nia, khatiang mihring kha khawvel ah hian an awm tak tak dawn emaw ni? Dawithiam in an dâwi â zo ta te pawh a nih ka ring hial zawk," Nancy'in thinrim zet a ti tan tan ka hriat chuan mit kala chhing tlat, ka mit hi a kham lutuk mah mah, bûilûk in a sen vek in ka ring bawk


"I aw ki ti hniam teh, Zualtei iti harh ang," Te-i aw a ni, "ka khawngaih ngawt mai," A tih zawm leh zat, ka mittui bawk a rawn hnai leh kuar kuar tawh


"Mummy," Loicy-i aw lai rût mai leh thâm chal mai ka hriat rualin ka ṭhu ngil nghal awt, rang lutuk a ding in, "Loicy, bawihte i harh em? Min hmu thei em?" A biang tawn tawn a ka vuan nghal, an rawn tlan khawm nghal laih, "doctor kan ko ange," Tih leh Nancy-i a tlan chhuak nghal, "Mummy, ilo haw tawh a mi?" Nui vur vur a harsa tih hmel zet a arawn tih chuan ka ṭah nuih hak hak, ka thaw hawk bawk, ka mittui nen ka bu nghat nghat


A chal a fawp vawng vawng chuan, "ka lo haw, ka lo haw tawh e," Ti ṭuak chuan ka nuih var var, tun a ka hlimna hi engmah nen a khai khin chi a nilo, fa nei tawh chuan engtia lawmawm leh hlim na nasa nge ka neih an hrethiam nheit ang



Doctor rawn lutin a check zung zung hnu chuan, "a ṭha lutuk e, a lu leh bân enkawl ala ngai tihloh chu, a lungphu pawh a normal tawh e," A rawn tih chuan ka nui suk, ka lawmzia rapthlak chu ka ṭah te a chhuak mah mah zawk


"Zualbawih, Loicy-i chu, Lalpa, a ṭha em?" Kawngkhar lam a ṭang ka pa te rawn lut chu kan hawi nghal vat, Rempuia'n a lo va hruai a ni ngei ang, an rawn luh tlan dan ah, Rempuia ka bul a rawn ding nghal zat chuan, ka kawng a rawn dawmin a nui suk


"I ṭha tiraw Zualbawih?"

"Enge in an mambawih?" Ka nu leh pa chuan min ngaihtuah hmel fe a an rawn tih chuan ka bu nghat nghat, uluk lutuk in ka thlêk, ka mittui a rawn hnam ṭiam ṭiam, ka nu leh pa kuah chuan, "ka lawm e, nu, pa, ka lawm e," Ni e lawmthu sawi mawlh mawlh tur ka ni, min hring tu ngei khan min enkawl seilian sela hmangaih na leh hetiang a ngaihsak na hi ka dawng hauhlo ang, zu rui in, mi zawng zawng hmuhsih ni ṭhin mahse ril ṭam in mindah sawiloh antan a ka hnawksak zia vawikhat pawh an sawi ngailo hi lawmthu sawi mawlh mawlh tur ka ni, duhse zawng mindahbo in, fahrah in ah emaw mindah anga, ka tel lo pawhin an nung thei ngei awm si a




Ka nu in inhnit feih feih in, "fa heitiat pui nei tawh a. ṭap ngailo, khawiteh Loicy-i chu kan en ve ange," Tih leh inla hrang chuan a mittui hru zauh in, min nuih suk, Loicy-i lam pan chuan ka pa in ka kut a rawn hum vang vang, ka bul a ding Rempuia kut ban chuan kan kut min vawn duntir in, "Rempui, ka tunu ilo enkawl tawhna ah lawmthu sawisen loh kan ba tih ka hria, mahse chuti chung chuan mahni hma kan sial leh hram ange, ka fanu leh ka tunu hi ṭha tak in enkawl angche," Ka pa chu a mit a sen râm, "pa," Ka ti sup, min rawn en in, "hlim hi i phu ve tawh a ni ka fanu," A rawn ti leh zat, ka ṭah nuih hak hak


Loicy-i lam hawi chuan min rawn en ve, a nui var var, ka hlim a lawm, ka hlim takzet, ka nu leh pa, ka mipa hmangaih, ka fanu ka nei tawh miau a, a dang enge kala mamawh chuan ni
.
.
.
.
"kal(kidney) pakhat chauh a nei tih in hrelo em ni? A kal la neih hi kan zai a, kal thlak tur kan hmu vat a nihloh chuan enge thleng ang ka sawi theilo a ni," Doctor thusawi chu thaw chham lek lek in ka ngaithla, Rachel-i leh a nu jail a an dah na pawh thla 5 lai a ni tawh, vawiin hi Rempuia nen kan inneih ni a ni a, kan inneih hunserh hman zawh rual in jail aṭang a call a dawn vang a damdawiin lam pan leh kan ni, kal ka duhlo viau na in a nat viau thu rawn sawiin Rempuia leh Te-in min nawrluih tlat vang a zui ve mai ka ni zawk mah


An sawi ang takin, a hmel en reng reng pawhin dam khawchhuak tur hmel a pu lo hrim hrim, "engtia rei nge hetah a awm tawh? Ka pa hian a rawn kan tawh em?" Rempuia'n a ti sup, kei erawh in min hring tunu nunrawng leh thi mahse pawi ka tih miahlo tur khawp a ka huat damdawiin khum a, cher chhe lutuk a muhil bam mai chu in sehruh lutuk in ka melh ngar ngar


Doctor leh Rempuia chu an in be mawlh mawlh, "a kal hi a chhe tawh hle a, thlak pawh ni ila cancer a siam hmanlo ang tih ka sawi theilo," Doctor in a rawn tih leh chuan, min hring tunu, ni lo, Rachel-i nu chu melh ngar ngar in, "keiman, keiman ka pe ang," Ka sawi zawh rual in Rempuia'n, "Bawihi," A rawn ti vat

Mit thîp râm a an lawm hawi chuan Rempuia'n mi rawn pan vat in ka kut a rawn vuan nghal, "enge i sawi i hria em?" A ti sup, boruak tam tham lutuk hip kawk chuan ka thaw chhuak hawk, ka bu nghat, "a thi theilo, ni lo, heti mai mai hian ka thih tir theilo, nitin, nitin a fanu a hmangaih em em, mi â dahkhawmna a awmlai hi hmuse la, a fanu in huatna mitmeng a enlai hi a dam chhungin hmuse ka duh," Ka lu ka thing mat mat, Rempuia mittui tling pam a en in, "ka thih tir theilo, ka natna tawrh ang kha ala tuar ve lo, a tawrh hi ala tlem lutuk," Ka mittui a rawn luang nghal zung zung, khawngaih lutuk a min en vawng vawng chuan alam a min pawt hnai in, "a ṭha e, a ṭha e, i duhdan chuan kan ti dawn nia," Ka sam ah a chul hliau hliau



Rachel-i rilru kimlo rak vel hi hmu sela, a hmangaih a fanu kâ aṭang ngei a, a hring tunu a huat zia leh thah a duh zia a au chhuahpui lai hi hmuve mawlh tur in ka duh a ni, awlsam takin a thi theilo, a hringnun amah ngeiin a a kih hnawh hi, engtiang chiah a nun rawng nge a nih ala hmu tlat lo a ni


"Doctor naktuk tlai ah in zai tur chuan lo inbuatsaih rawh u, ka kal hi a mil tih ka hria, mahse kal pe tu hi keimah ka ni tih in hrilh tur a nilo, a chhan chu keimah ngeiin ka hrilh dawn a ni," Rempuia minkuah na aṭang a inla hrang pah chuan ka ti sup, Doctor chu a bu nghat nghat


Rempuia chuan min en vang vang, "i chiang maw?" A ti sup, ka ṭhen lui sak, Doctor ka ni a, nun na chhan hi ka tihtur a ni, awlsam tak a thih tir ka tumlo bur bawk, mahni fa te ngeiin, a hring tu kan ni tih oawh minhrelo a an awm nar zia leh, mahni ngaih em em leh hmangaih em em, kan ril a rah te ngei kan kuah vawng vawng theihloh nat zia hi a dam chhung in hriase ka duh, a hmangaih em em Rachel-i, a nun pumpui a aen ral na â ral ṭhak lai hi hmu in hre ve renh se ka duh takzet a ni


Rachel-i nu room kan chhuahsan rualin, "Bawihi, Rachel-i han tlawh lawk ka duh a," A ngawi dat, min rawn melh zawk, thaw hakin, "kal rawh, car ah kalo nghak angche," Ka ti sep, nuisukin ka chal a fawp zauh chuan, "ka rei lo ang," Tih leh a pensawn nghal


An awmna damdawiin hi jail damdawiin a nih bakah mental illness enkawl na hmun a ni bawk, Rachel-i pawh a chang in rilru fim han pu ve mahse a rilru buai hi a tam zawk a ni, huatna ka nei miahlo ka tih chuan dawt lian tak ka sawi ngei ang, mahse khawngaih na chin erawh ka ngah viau thung, U Zuala kha a hmangaih hle a ni tih ka hria, U Zuala neih let tum khan vawikhat pawh ka rilru ka siam chhin ngailo, mahse Rachel-i erawh in a boral hnu thleng pawhin a sul hnu leh nunhlui ala nunpui a, he ti hi a thlen pui a nia, pawi ka tih pui takzet, hetiang tak hian hmangaih lo se U Zuala boral dan hi engtik ah mah kan hre chhuak dawnlo tihna a ni
.
.
.

"Zualte," Car ngheng a ka ding chu Rinhlua a aw ka hriat rualin ka hawi vat, khang thla 5 chhung khan ka hmu ngailo, damdawiin ah a rawn kal ngailo a, biak theih in a awm heklo, tuman a chanchin an hrelo a niber


"Rinhlua, khawiah..." Mak ti zet a ka tih lai a ka bul a rawn ding chuan, a nui suk, a cher dûk te a ka hriat ni, "Rempuia nen in ineih na ka lawmpui che," A ti sup, "ka lawm e, khawilam ah nge i bo vang vang?" Ka thusawi chu a ngaithla em pawh ka hrelo, rilru nat hmelzet in min en vawng vawng


"I ṭha..." Ka tih laiin ka lam a rawn pen hnai chuan min kuah thlawp, ka khawng nghal awt thei, "Rinhlu, min thlah teh," Ka namsawn tur chu, "a tawpna a ni ang," A sawi zawhrual deuh thaw in tha chak lutuk in a dar ah a rawn kuai her sawk, a ri nghal chawrh, lei ah a hlawm thla thawp a ni ber


Rempuia thinrim thaw ri hrawih hrawih chuan lei a Rinhlua a thal reng chu a chhir zui zat, kun hniam a a kawr awm ah ṭham in a hnek nghal sawk sawk, "ka nupui hnaih ah rawn in lan tawh suh ka tih che kha," Rempuia'n seh chilh zet chuan a ti chhuak hrawih, a hnek ri lehnghal chawr chawr mai chu a that thei mai dawn a ka hriat avangin, pan hnai var chuan a ban ah ka vawn sak vat

Ka lungphu rang zawih zawih chuan ka thawk te a ti harsa, "a tawk Rempui, a thi mai dawn, a tawk," Ṭawng rin vak ka tum nen ka thawksak lutuk na lam ah, ka duh angin a ring theilo, Rinhlua lei a nam let sawk chuan rawn ding mar in thaw ala ri hrawi, a thinrim hmel chang rût leh kut thlak la chak lutuk in sum hmel chu rapawm tak a ni


Ka bân a rawn vuan a min in her pui sawk chuan, "Hotel pan ang," Ti hrawih in car lam min pan pui nghal pawk pawk, Rinhlua a chhuat a thisen nen a let reng chu ka melh ṭawk ṭawk, buaipui duh viau mahila Rempuia ka ti thinrim zual dawn a ka hriat avangin kam khat pawhin engmah ka sawi ngamlo


Car a min nawr lut rawk rawk a khar ṭhuai in a mah pawh a rawn ṭhu lut ve nghal zat, car body chu a hniam nghal sût hian ka hria, thinrim inthunun tum tih hriat zet a steering nghet lutuk a hum chuan a thaw kawk kawk, a hnek leh ṭhuai ṭhin, kalo ip chawih chawih

Ka melh zauh, inthiamlo zet a ka ban de de tur chu car ti nung in chak lutuk in a tlan chhuak nghal zat, khawih ta lo a ṭhu ṭha in hmalam ka en ve ta ngar ngar, ka tihsual pawh nilo, ka inthiamlo ve reng a lawm, mahse minbiak duhloh nan chuan a ho mah mah, a thinrim na kha ho ka tihna a ni miahlo, a thinrim na Rinhlua chung ah a ti lang tawh a, a tawk viau lawm ni, hreptak hian, a duh chen chen minbelo se, pawi tawp nang
.
.
.
.
Kan tlân chhung zawngin vawikhat pawh min melhloh chu mawle!! Rapthlak hian, a thaw ri hrawih hrawih bak hriat tur a awmlo, a ho sihsah, mahse min be miahlo a awm chu ka thin a rim ṭûn thung


A Hotel kawt a car a tih din rualin rang lutuk in ka zuang chhuak, vawikhat pawh melh lo in ka lut tlang ve hmiah hmiah, kan inneih ṭhat hma khan vawi tam zanriah leh lunch ei in ka kal ve fo tak avangin min hre fur hlawm, "ka pi in room tur kan peih fel tawh a, in va rawn thleng hma ve, party na lam ah in kal dawn em?" Rajesh-a, Rempuia'n Ricky tihloh a a rin deuh ber in a rawn rih chuan, "kal lo ang," Tih leh kan room tur lam ka pan nghal hmawk hmawk



A duh duh na ah kal mai mai tehse a, ka tihsual emaw ka duh vang a kuah pawh ka ni hrep lo a, ka chung a thinrim a minbiak duhloh te chu a, hreptak hian!!! Mipa ve si, a titau khanglang emaw ni? Titau hmel pawh a pu chuang silo, he mihring hi ka hrethiamlo takzet a, ka hriat thiam ngai pawh ka in ring teh hrep lo bawk


Room a lut chuan bathroom a lut tlang in tui herh haw chuan a hnuai ah ka ding nghal, ka dai nghal sawng sawng thei, ka sa lutuk kha ka puak leh mai dawn, Rempuia hmelchhe lutuk ka mitthla ah a rawn lan phei chuan ben hrep mai ka duh, engvang a keipawh hi thinrim em em nge ka nih pawh ka inhre chuanglo

Ka kawr hak huh zawr vek mai hlip chuan ka kekawr pawh ka phelh lehnghal sawk sawk, ka bra ka phelh tur chu, "keiman le," Rempuia aw thum dût mai ka hriat chuan ka inher vat, ka tawlh thlu tur chu ka kawng ah a rawn dawm nghal vat bawk, ka phu nasa lutuk chu ka thlarau a thlawk chhuak hial in ka hria


A rawn luh lai ka hrelo hrim hrim, thawm a nei miahlo lehnghal, kawr lah a ha bik dêr bawk silo, a awm phiar sek zet mai a beng ri thlawrh chuan, "minti hlau a lawm, min thlah teh, inbual ka duh chhuak rawh," Ka ti bak hlak, nichin mai pawh a minbe duh der silo, ka taksa lah chu a mur er er leh nghal, hreptak hian!!!!



A nui ri huk, mi thlah mai dawn emaw tih lai a bang a min nawr bet chuan mitmeng de sawr sawr in min en, ka thaw a rawn rang nghal, ka lungphu phei chu a phu rang lutuk hi a phu tawhlo zawk hial in ka hria

A nui sâng, ka hmai tui rawn luang hui kiang chuan ka chil ka lem khalh, a taksa in phiar nalh em em mai a tui luang ngiai ngiai mai lan dan sexy zia chu!!!!

"Tun a ka thil duh i hria em?" A nersuk, ka thaw hawk thung, "in..inbual ve," Ka tih chuan za zetin a rawn nui huk, ka nui ve ta hak hak, a nuih hian a hmelṭha in a pa zual, a nuih rik phei hi chuan kawchhung sawiloh thluak a verh nghal mer mer thei nia

Ka nui hak hak lai chu mi rawn fawp thut, duh thawh lutuk in min fawp nghal tawn tawn, bang a min nem bet sauh chuan min fawp bawrh bawrh, ka kut a nghawng a suih zawm chuan ka fawp let ve nghal tan tan, a kut ninhlei em em mai chuan min chul kual, ka rum chhuak hak

A kut lehlam a ka mawngtam ṭham tawk tawk chuan ka mal ah a rawn zût, a kut lehlam a mikuai dak in ka ir ah a fawp thla zel, ka thaw kawk kawk, ka za chuai chuai, ka hnute hmur tisa chakna avang a kawh lah mai, sen no chek chu thlek vang vang a, chil lem khalh a kiai suk chuan a hmuam nghal zat, ka eu awrh, ka hmeichhiat na leh ka kawchhung za lutuk chu ka â thei mai dawn in ka hria, "Rempui," Ka phun chhuak sep


Ka hnute fawp bawrh bawrh a a hmur seh leh ne ne a, a kut lehlam a ka hmeichhiat na za lutuk leh tisa chakna avang a marna ṭûng mai chu a hup thak, zawi muangin a zût kual ne ne, ka thaw kawk kawk, ka hmui ka petbet, Rempuia tukkhum sam a ṭham chuan, ka eu ngawng ngawng, ka kaih za tha a zawi in ka ding theilo tak ngial dawn a ka hriat chuan min rawn pawm kang nawlh

A kawng ah ka kherh bet ve nghal zat, engtik laiin nge saruak ngal ngat a kan awm ka hrelo hrim hrim, a mipat na in mindo nghal rûn, ka thaw chhuak hawk

Mitmeng sexy lutuk mai leh keimah ah chiah a rilru leh ngaihtuah na zawng zawng a awm tih hriat tak chuan, min rawn en, "bawihi i inpeih em?" Seh chilh zet a rawn tih chuan ka chil ka lem khalh, ka bu nghauh nghauh, ṭawng chhuak tur in ka dang a ro lutuk mah mah, a mipatna khawng em em mai in min do run mai phei chu ka chhung a lut tur hian tur ut ut mai ka duh rum rum tawh


Ka hmui a min rawn fawp nawk nawk in, "ka hmangaih che," Harsa ti zet a rawn ti hrawih chuan a mipat na khawng em em mai, thir tum emaw tih hial tur a khawng chu ka hmeichhiat na ah a nawr lut riai riai, ka rak ṭhat, a rum chhuak ve hawk bawk, zawi muang a che zui chuan a de**p rang tulh tulh, bang chu ka lu in ka nawr ngawng ngawng, sî hlarh hlarh in ka rak leh ṭhat ṭhat, Rempuia pawh chuti tho, a thaw ri hrawih hrawih, a kut hmang a ka hmeichhiat na nawm na lai a nuai nawk nawk phei chuan ka ouak darh dawn hial in ka hria, ka za chhuak vek

A vawrh tawp kan thleng dawn tih hriat tak a ka kawchhung rawn in lumlet tawp tawp leh za chuai chuai chu awm ngaihna ka hrelo, ka thle tawn zak zak, "bawihi," Rempuia'n a rawn ti chhuak hrawih, ka rak ṭhat, ka zawi nghal hnak bawk, ka thaw kawk kawk, Rempuia chu a nui nghawr dat dat, "a ropui lutuk," Thaw hlawp hlawp a ti chuan, ka hmui a rawn fawp vang vang a bathtub lam a min pawm in tui herh haw in min ṭhut luhpui nghal


Ka hmeichhiat na a a mipat na awm erawh a phawilo hrim hrim, ka ṭhut luh rualin, ka kawng a dawn chuan, a mipat na a ai thuk in min ṭhut tlum tir nghal pawk pawk, kan zo chiah pawh he mihring pa lak ah hi chuan ka in peih nghal at zel chu a nihber hi maw, ka mawng tam sâwk tawk tawk chuan, ka chet rual a ka hnute fâwn hlawrh hlawrh chu a kut lehlam in a a puah nghal bawrh bawrh bawk, ka dak awrh awrh, hetiang tak hian mipa ka mamawh ang tih leh mipa pakhat lak ah mihur ang maiin ka awm ang tih reng reng ka manglam ah pawh ka ngaihtuah ngailo


A round hnih na kan zawh rualin a awm ah ka bawk thlawp, a lungphu ri dup dup chu ka ngaithla, kan lungphu chu a invuak thum siak ni mai hian ka hria, Rempuia lungphu pawh ring tak a ni, ka hnungzang ruak kang mai zut hliau hliau chuan, ka chhip a fawp vang vang in, "bawihi," A rawn ti sup, a hmel en tur pawhin ka chau lutuk a ni mahna, a awm a bei chial chung chuan, "umm," Ka ti ṭuak chu a rawn nui nghawr dat dat, ka nui ve suk, "vawikhat mah mipa dang in khawih tir tawh suh angche, ni lo, mipa dang bul ah chuan 2ft dan zel ah ding angche," Thu tak zet a a rawn tih chuan ka nui chhuak hak


Dak chhuak hâ a en chho in, mit zim sân in minlo en, "i thikthu iti chhia tihna em ni?" Nui var var in ka en, a mit ah chuan min hmangaih na bak hmuh tur a awmlo, ka hmui kau tiar a rawn fawp zauhin, "ka hmel ai pawn a chhia a nih hi," A kiai suk, za zet in ka nui chhuak hak hak, a thusawi leh a hmel hi a inhmeh thlawt lo

A khabe khawih zauh chuan, "Remruatpui," Ka ti sep, ka mit a min en chung in, "enge?" Tih melh in min melh


"Pangpar huan a, huan nei tu in duat tak a, a enkawl ang a mawi leh nalh ka nilo, ka thinlung aṭang a chhuak hmangaih tu che erawh mawi tak leh dik tak a ni," Ka tih chuan min en vang vang a min rawn fawp thut in, min fawp vawng vawng, inla hrang hlek a, a chal leh ka chal insik tir chuan, "ka hmangaih na ti lang tur leh sawi chhuak tur khan ka huaisen na zawng zawng ka sawm khawm ngam ang in, ka dam chhung a hmangaih tur che in ka huaisen na piah lam pawh in ka ngam, ka hmangaih che Hmangaihzual," Rilruih mai a arawn tih chuan mittui tla lek lek in ka nui var var, keipawh hian ka hmangaih takzet zet a ni, ka nun a engkim, thleng ngailo tur thleng a thlen tir tu a ni miau a



***Riya***


(Tawp mai tur chuan kala ui a niang😁😆tlem te in ka hruai kual leh lawk dawn che u)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:24 pm

STONE HEART
By floria laldansangi


36...last chapter ❤️


ZUALTEI....POV



Nghet zet a min kuah chung a muhil thaw sek sek chu ka en vang vang, min kuahna kut chu melhin kala kang, ka thaw hak, Rinhlua kut a thlakna avang a pilh deuh niah chu ka tawk zauh, a che hrut, thaw deuh kawk in, "thinchhe lutuk," Ka phun sup


A harh hlauh zet a thawh tum a ka che ṭhâm ṭhâm chu rawn che hrut in, "enge itih dawn?" Tho hlim aw tham ṭuak a a rawn tih chuan ka thaw hak, a harh vang lutuk hi chu a buaithlak ṭhin, "i kut a damdawi hnawih tur ka bag ah sawn ka la dawn," Tih leh thawh ka tum chu ka kawng a kuahbet a min pawt mu sawk in, "mu mai mai teh zanlai a thawh phah nan chuan a ho lutuk mah mah bawihi," Ti sup chuan ka nghawng a rawn thawk khum ham ham, ka thin a phu leh zawih zawih tawh, ka thawk a rang nghal hat


A hmui in a nul thuak thuak, ka thawk chhuak hak rual a nui nghawr dat chuan ka chung ah a rawn bawk nghal zat, light dîm tak hnuai ah chuan mitmeng sexy lutuk a min en in, muangchangin ka hmui a rawn tawk de de, ka lungphu lah chu a phu rang tulh tulh, a rawn pawk chhuak mai dawn in ka hre hial a ni


"Bawihi," A aw ril zet mai chuan min fan thla rawih rawih, ka kawchhung sa pup pup kha a ti hit thla rawih rawih hian ka hria, ka chil ka lem khalh, ka nghawng a fawp in thla dan dan chuan a kut hrawl leh zei lutuk in min zût fân raih, ka thin a phu dawt dawt


Muang fân raih mai a ka mutkawr hak lai pan zet mai hlim chuan ka lu lam a pawt chhuak nawlh, "ha suh ka tih che kha," A ti nghut, ka nui nghawr dat thung, ka bra kilhna a hmeh phelh lai reng reng ka hre hauhlo, ka mu zangthal in ka chung ah a bawk reng si a, a mitmeng si sap leh de sawr sawr ah chuan a duh ka hria, kei ngei pawh hi ka mitmeng a phi ve luai tho in ka ring


Ka hmui a rawn fawp leh vawng vawng chuan a kut zei lutuk in ka hnute a hup chat, a ṭham tawk tawk, a hmur chu a hrul ne ne bawk, ka thaw chhuak hak hak, ka kut ti che in a taksa engmah inbel lo, phiar fat mai chu ka zut dan dan, a rawn nui nghawr dat, ka hnute a khawih chawl meuh a min en chhuk chuan, hmangaih na a khat mitmeng in min en vang vang, "ka hmangaih che," A rawn ti sup, mawi lutuk in a nui zui suk bawk, nuih let var var a a nghawng a ka kut suih zawm chuan ka kuai hnai

Ka fawp vawng vawng, min fawp let tur a hmui a ti che zauh chu, a hmui hnuai lam ka seh sâk chu phu zuk in, a nui chhuak huk, keipawh ka nui ve hak hak tho, "a let i dawng dawn a nia," Tih leh min fawp nghal tawn tawn, ka thiam dan tawkin ka lo chhang let ve bawrh bawrh bawk, a kut lah chu awm mai mai tur a siam a nilo tih hriat zet in min zût kual ruai bawk


Inneih zan a lo suangthuah dan a sawi fo ṭhin, "i mu tamlo ang tih in hre tawp rawh," A tih chu a puitlin chiang mah mah a ni


Ka hmai za mer mer ah chuan ka meng diar diar, nui var var a ka pasal hmelṭha em em maiin milo en chu ka nuih let suk, ka hmui a fawp chawkin, "dar 10 a ri dawn tih i hria em?" A tih rual deuh thaw in ka ṭhu chhuak nghal awt, ka hawi kual, Rempuia a rawn nui hak hak, ka bek a rawn rawp zauh in, "hahdam rawh, vawiin chuan tihtur ineilo," A tih chuan ka thaw hak


"Chawhnu dar engzah ah nge in zai hun tur i hria em?" Rempuia melh zauh a ka tih chuan a bu nghat, "Doctor ka be fel tawh, chawhnu dar 2 ah," Min en deuh vang vang, "i chiang maw Bawihi?" A tih zawm sup, ka thaw kawk, "kha thu kha min zawt tawhlo thei angem?" Ka ti sep, ka nek nghal ṭalh ṭalh bawk, ka duh tak tak bawk, keimah ngei pawh hian a thih ka duh nge ni a, la dam ve se ka duh tih ka chiang ngamlo a ni


Thi se, ka hlim a ngem? A nunna ka chhan thei tih hre reng chung a ka chhanloh avangin ka hlim hauh in ka ringlo, chuvang in ka hlimloh na awmthei tur zawng zawng chu paihbo vek ka duh a ni



A awm a ka hmai phum kak chuan a kawng ah ka kut ka suih zawm, ka dar ruak kang mai chul hliau hliau chuan, ka chhip ah a fawp vang vang, ka thla a muang in ka him hliah hliah, tun a ka kuahmek mipa hi ka ta a ni a, kumkhua in ka ta a ni tawh bawk ang


"Mummy, in tho tawh em?" Loicy-i aw ring zet mai ka hriat rual in ka ṭhu ngil nghal awt, blanket ka pawt khawm nghal sawm sawk, saruak vek a kanla awm avangin room ah a rawn lut thiang miahlo, phawk fê a Rempuia en chuan, "Kawngkhar i kalh...." Ka sawi zo hmanlo, "Mummy," Loicy-in room kawngkhar a rawn nam hawng rawk, Rempuia'n mi rawn kuah vat, ka sa pup pup thei


Enge Hotel ah te a rawn tih, "bawihte," Nancy-i aw ka hre zui zat, "lo va chhuah pui rawh," Rempuia'n a ti nghut, kei erawh dah pawh ka dak chhuak ngam teuhlo, Rempuia pawh thawmhnaw ala inbel bik chuanglo, ka lungphu zawn hi zahna avangin a sa pup pup thei


Ricky-a a rawn tlanlut ve chiah bawk, "ahhh, bawihte mummy te anla inti failo chhuak ang le," Nancy'in nuihza insum fe a a tih chuan ka chil ka lem khalh, "Mummy i zak a mi? Ka nghak rei tawh cheu e, intifai vat vat ru daddy," Loicy-in lungawilo lh hmel fê a a rawn tih niah niah chuan thaw la kawk a Rempuia minkuah na a ṭang a awm hrang deuh a, blanket ka awm a pawm bet chung a dak chhuakin, "bawihte, ka rawn chhuak ang, reilo te minlo nghak leh lawk rawh aw," Harsa ti lutuk chuan ka ṭhen zui sak


Ricky-a leh Nancy-i nuihza insum chu an hmai a sen ṭawn ṭawn, Rempuia'n a melh hrawk, kei erawh zah na vangin ka sa chhuak vek, ka hmai te hi meiling ang maiin a sen tut tut in nia ka rin

An chhuah dawn a kawngkhar khar pah a Ricky-an nui ṭhu a kan lam a rawn melh lehkher chuan, a khar khep, ka thaw kawk, Rempuia melh vakin, "Kawngkhar kalh tur che a nia," Ka ti hlak, rawn nui chhuak huk chuan ka biang ling hlar mai piai zauhin, "bathroom saw hmang la pawn lam a mi ka hmang dawn nia," Tih leh ka biang tawn tawn a rawn vuan chuan, ka hmui ah a fawp leh vang vang, inla hrang lek in a hnar a ka hmar tâi zauh chuan, "hmanhmawh la i fanu zawhna chhân tur i ngahlo tihna a nimai," Mithmul kan ak ak a tih chuan a kut vai sawn pahin, "kal vat maiteh," Ka tih chuan a nui hak hak, a tho ve mai bawk



Room a chhuhsan rualin rang lutuk in bathroom lam ka pan nghal, darthlalang a ka hmel ka hmu chu ka thaw hawk, ka hmai a sen târ, ka sam a hnawk em em bawk, Chinese movie vel a an thlahrang hman hi ka ang ber âwm e!!!
.
.
.
.
Ka inti fai zo room aṭang ka chhuah chuan an lo ri nak nak, Ben-a leh Loicy-i anlo in um kual, ka pen lai ding dat chuan, phawk zet a en in, "enge in rawn tih dual dual a?" Ka zawhna chu ka inchhir nghal, zawhloh tawp tur ka zawt a ni, Tei'n min melh vak pahin, "vawikhat inneih na pawh nihleilo, lunch inpa in a tum vek dawn," A tih hlak chuan Rempuia ka melh vat, a dar a san ak


"Nileng a room a inkhunhbeh in rilruk lo angchu maw?" Ricky-an nui ṭhû chung a a rawn tih chuan, "i hrethiam phalo ang Ricky, nupui sawiloh, hmeichhe hmangaih pawh ila neilo a nia, tiraw?" Rempuia melh zauh a Isak-an a rawn tih chuan kan nui hawk hawk, Tei'n anpa mal a chum deuh chawrh chuan, "tenawm lutuk," A ti hlak, kan nui dar dar hlawm

Loicy-i kalam a rawn tlan ter ter a minkuah thlawp chuan, "Mummy, ka mummy tak tak ini tawh tiraw?" Rawn dak chho hiau chung a atih chuan ṭhu hniam in, a sam, a hmai zar tu hui kiang chuan, "engtik lai pawhin ka ni a lawm," Ka ti sep, lawm tih hriat zet a khek râih râih a min kuah thlawp in ka nghawng ah nget lutuk a kuah chuan, a ter at at, ka nui hak hak


"Min kalsan tawh dawnlo tak tak tiraw?" A rawn tih leh chuan ka mittui a rawn hnam leh nghal ṭiam ṭiam, Rempuia kan bul a rawn dingin, Loicy-i sam a tuai zauh chuan, "kalsan thei tawhlo tur in kan charbet ang," A rawn tih sup chuan midang an rawn nui chhuak huk, "a ti duh tak tak in nia ka rin hrep ni," Tei'n a rawn ti nghal zat, ka nui ve hak hak


"Rempuia'n special lunch a buatsaih na lam i pan ang u hmiang," Tei'n rawn ding tharh pah a tih kher chuan Rempuia chu a ner nawk, "kal rawh u," Tih leh Loicy-in ka kut vuan a Rempuia kut vuan bawk chuan kan inkar a kal in a rawn hawi chho, a nui var var, ka mittui a rawn hnam sak, "hlim lutuk vang in mittui a tla ṭhin," antih hi ka tawng ve tak tak a ni
.
.
.
.
Kan lunch ei pawh kan ri nak nak, Ben-a leh Loicy-i chiah naupang awmlo ang maiin, minfiam in kan in hnial leh nak nak hlawm ṭhin, "pasal ka neih ve vat a ngai dawn chiang lutuk," Nancy'in nui ṭhû chung a a rawn tih chuan, "kum 2 vel i U te nupa in duat lai i thlir chuan expert ini dawn sa," Tei'n nui hawk hawk a a rawn tih chuan kan nui dar dar, henu hi chu thu mak deuh deuh swi hi ala bansan theilo a ni


Lunch kan ei zawh rualin, sana ka en zauh, Rempuia ka melh chuan a hrethiam nghal, "Te-i flight kan tlai dawn, kan kalsa angche u," Ka tih chuan, "airport thleng kan thlah cheu induh lo maw?" Nancy'in a rawn ti vat, rang lutuk in ka lu ka thing, "a ngailo ang, naktuk bawihtei school a chawl thei tawh silo a, vawiin chu chawlh hahdam tir hma ila a ṭha ang, hruai haw vat zawk rawh, rei kan cham dawnlo a i kut ah ka dah a nia," Ka ti zung zung, minthlah an tum ṭalh ang tih ka hlauh ruk zia chu, airport kal te chu kan thil tum nen a in persan rapthlak mai si


"Mummy in rei dawn em? Min hruai ve theilo a mi?" Loicy-in nurnang a a rawn tih chuan, "tun atan chuan i nu leh pa te khan an mamawh rihlo viau che a nih kha," Ricky-an nui huk huk a a rawn tih chuan a mithmul a san ak ak, Hotel room kawngkhar a rawn hawn kha a sawi chhan tih ka hria, ka nui suk


"Kan rei dawn hleinem bawihte, fel deuh in Nancy-i thu lo awihla aw, naupang fel an ṭap ngailo," Ka tih chuan a bu nghat nghat, pawn lam pan chuan minthlah thlap, car kan luh dawn chuan, "ni leng zankhua khua a Hotel room a tawmbo lo in hawi thawnven na chang te hre ve ula," Isak-an a rawn tih chuan midang pawhin min fiam laih laih


"Nupui neih man a awm nang," Rempuia'n ti sup chuan ka luhna tur car kawngkhar a hawng nghal, an nui huk, ka ṭhu lut ve nghal zat bawk, Rempuia rawn lut in, "bawihte, Nancy-i thu awih rawh aw," Rempuia'n a tih leh chuan bu nghat nghat in, "lo haw vat ru," A rawn tih lang lang chuan ka nui suk
.
.

"Ka lo nghak angche," OP room ka luh dawn chuan Rempuia'n ka kut nghet lutuk a vuan in rawn kun hniam chuan min fawp vang vang, ka lu ka ti che nghat nghat, muangchang in ka kut a thlah riai riai, a hmel ah a ni leh nilo ang maiin hlauhthawn na ni awm tak te ka hmu, kawngkhar an khar hma chuan ka kut ka vai zauh


"Bawihi i harh em?" Rempuia aw chu ka hre ruai ruai, ka meng diar diar, hnai lutuk a Rempuia hmel ka hmuh chuan ka nui suk, ka dang ro hulh ah chuan ka sir lam ka melh, "tui," Ka ti sep, rang lutuk a tui no banchuan ka mutna adjust in straw nen min intir nghal, a thaw deuh kawk kawk


"Ka ṭha a nia," Ka ti sep, a hmel a hlauhthawn na kha ala reh hauhlo, "i harh mai silo a, minti hlauhthawng alawm," A ti sep, a hlauhthawn zia chu sawilo mahse a lang reng, ka nui suk, doctor a rawn lut ve chiah bawk


"Ilo harh ta maw? Hei ai harh tlai deuhla chu i pasal kut kan tuar veklo ang tih ka sawi thei miahlo," Doctor in nui vur vur a ka pulse leh SYS, DIA vel check zung zung a a tih chuan ka nui suk


"Chet vel ila harsat dawn a, karkhat tal damdawiin ah awmthei ula a ṭhaber ang, chu mi hnu pawhin in dim hle angche," A tih chuan ka bu nghat, "Doctor ini bawk a, i mamawh chu i hria angchu maw? Inpa pawh insum deuh sela, in zai na hi a pêh a hlauhawm a," Tih chhan nei zet in, a ti leh zat, ka nuih a za si, ka nui mai thei bawk silo, Rempuia chu a rum nghut nghut

Doctor chhuah rualin khum a rawn ṭhu kai chuan, "i ṭha tak tak maw?" Ka sam ka beng a zep pah a a tih chuan ka mit meiin ka ṭhat thu ka hrilh, a thaw hak, ka biang tawn tawn a vuan in, "ka chhuang lutuk che," A ti sep, ka nui suk


"A harh ve tawh em?" Ka tih chuan a bu nghat, "oxygen pek ala nia, hahdam rih rawh," A tih chuan ka thaw kawk, "Doctor in a hlawhtling a ti em?" Ka ti leh sep, ka thinlung tak hi chuan ka sawi thiam siloh in ka ngaihven ru tlat mai lehnghal


"Bawihi, engkim a hlawhtling, i rilru ka hria alawm, hahdam rawh," Ka biang tawn tawn a vuan a hmer deuh chuan ka hmui kau tiar ah a rawn fawp chawk, ka nui suk
.
.
.
Karkhat lai damdawiin a kan awm hnu ah haw turin kan insiam, "i inpeih em?" Rempuia'n ka kut rawn vuan chuan a ti sep, boruak tam tham lutuk hip in ka thaw chhuak leh hawk, "keimah in ka lut ang, a pawi em?" Ka melh chho ralh, nui suk in, "pawn ah hian kalo nghak angche," Tih leh ka kut la kang a fawp zauh in Rachel-i nu awmna room kawngkhar chu a pawt tawlh nghal zat


Thaw leh kawk kawk chuan ka pen lut, Rempuia'n kawngkhar a khar rualin Rachel-i nu in min rawn melh ve zat, ka kut hum ruh chung chuan muangchangin ka pan hnai


Muangchangin a mutna lam ka pan hnai chu fiah lutuk in min rawn en ve ngar ngar, harsa tih hmel zet a rawn ṭhu chhuakin, "nangmah ini tiraw? Engvang a ti nge inih?" Ka mit ah tak min en rân, lawm hmel pawh a pu chuanglo, hmuh pawh ka in beisei heklo


Ka kut ka hum ruh rân bawk, "engvang a ti nge ka nih chu i hre chak takzet em ni?" Pangai tak a ṭawng chhuah ka tum vei nen a tawp lam chu a chang mah mah, a in zaina dawm chung chuan ngeiawm lutuk in a nui hak

"Ka thi a nih chuan lawm avangin i lâm emaw i mittui a tlak hial ka ring a, a ni lawm ni? Ka thi a nih chuan i lawm zawk dawn lawm ni?" A mitmeng a sen râm, ka hâpui ka seh ngar ngar, "ni lo e," Ka mittui tla tur ka khap let sak sak bawk


"I thih mai kala phal hleinem, kha ti mai a i thi a nih chuan Rachel-i lung a awilo lutuk palh an, thih chakna nun nei khawpin natna ila neilo a ni lawm ni? I mit ngeiin Rachel-in a huatna che leh, thah a duh zia che hi nitin hmu la, ohhhh, a chang in tunge inih a theihnghilh lai te, a hriat chhuah chhun ah che lah a pasal that tu, a huat leh thah hial a duh, i hming ringawt pawh chil a chhak khum sawk sawk lai hi nitin hmu in hriala ka duh a ni, ila hre tlem lutuk mah mah, nitin, ila dam ve a ni tih i hriat chhuah a piang in, thih chakna in nungla ka tih vang a he thil hi ti ka ni," Ka sawi zo chu thaw kala kawk kawk


"Hmangaihzual," A rawn ti ṭhat, a in zai na dawm in a ṭhen nghal tlawk tlawk bawk, ka biang rawn lum thla pup chu ka khap sak sak, ka hru tawk bawk, "ni e, i sawidik, thih mai kala hmanlo Rachel-i ka enkawl ala ngai," Thaw kawk kawk in a rawn nui hak, ngeiawm lutuk a nui hul hak chuan, "Rachel-i i hmuh theih vat ka beisei pui khawp maiche, a ngaihdam mai che i beisei lo angchu tiraw, a chhan chu keimah ang chiah a RAMHUAI thisen kai a ni ve tlat a, ," Tih leh inher in kawngkhar lam ka pan nghal pawk pawk, a mitmeng ah khan Rachel-i a hmangaih zia bak hmuh tur pakhat mah a awmlo, enge ka beisei ka hrelo na in, a tawp thleng a atan engmah ka nih veloh zia a tilang chuan minti na zual nge minhring tu ngei lak a beiseina a awmtawhlo zia min hmuh fiah tir a, theihnghilh turin minpui zawk dawn ka hrethiam mai rihlo bawk, tun a ka hriat zawng chu ka kal(kidney) ka pek avang a inchhir na nilo in, a hrin ngei ka nih ve vangin ka awm zawn hi ana nawn vawng vawng



Kawngkhar ka pen chhuah rual in Rempuia ka bul a rawn dingin, "i ṭha em?" A ti sup, thaw la kawk kawk chuan mit sen râm a en chho in ka nui sak, a zak hnuai a ka kut rawlh lut chuan ka kuang vawng vawng, nghet zet a min kuah let a ka chhip a fawp vang vang in, "iti ṭha lutuk, ka nupui hi a lo huaisen ber a nih hi, lung ang mai a sak thinlung chu i nei tak zet a ni," Nui nghawr dat a a tih chuan ka ṭah nuih ve hak hak




REMRUATPUIA..POV


Ka phone ri ral ral chu ka melh zauh, ka nupui hming ka hmuh chuan rang lutuk a ṭhu ngil awt in ka la vat, "Ricky, tawp lawk teh," Ricky-a ṭawng mawlh mawlh lai chu vat in ka ding nghal, meeting na a awm zawng zawng chuan min en ṭhap


"Bawih," Ka tih rual in, "Mam, U Zualtei, U Zualtei'n a hring dawn, tun ah, tun ah Ebenezer Hospital ah rawn kal rawh," Nancy'in a rawn ti bah nawk nawk, Ricky-a en vat in, "meeting a tawp, Ricky, ni lo, kan nu in nau a hring dawn, Nancy, kan rawn thleng nghal tih hrilh rawh," Tih leh phone off in meeting room aṭang chuan ka tlan chhuak nghal, lawm na leh hlauh thawn na in mintuam


Car ka luh rual a Ricky-a rawn ṭhu lut in, chak lutuk in ka tlan chhuak nghal, ka lungphu te hi a chhuak dawn hial in ka hria, a rai tih ka hriat a ka lawm tawh nen phir a pai tih ka hriat phei kha chuan ka â lo chauh a, tun ah, tun ah a hring dawn a nih chu!!!!


Damdawiin kawt kan thlen rual a car pawh hung ṭha lo in ka tlan chhuak nghal, nau neihna room a an nawr lut tur chu thaw hlawp hlawp in, "ding teu," Ka ti ṭhat, Hmangaihzuali an nawr lai chu ding dawt in an rawn hawi ṭhap, ka nupui nau vei na tuar bul a thaw kawk kawk a ding chuan, "ka lo nghak angche," Ka ti sup, thlan hluam a min rawn melh ṭawk ṭawk chuan a bu nghat nghat

An nawr luh rualin kawngkhar chu a bih in ka bih, luh ve mai ka duh rum rum, ka tei kual sek, "ṭhu mai mai teh lu iti hai," Nancy'in a rawn tih chuan ka melh zawk, a rawn au chhuak leh ṭhawt ṭhin, a na tuar ri ka hriat phei chuan ka hawi dawrh dawrh hi a niber


Te-i te nupa leh Hmangaihzuali nu leh pa an rawn thleng ve chiah bawk, "enge a an?" Tei'n a rawn tih chuan ṭawng pawh ka ṭawng theilo, "a vei ṭan mek," Nancy'in a ti sup


"Nau neih hi ka duh velo, ni lo, ka rai ve ngailo ang," Nancy'in lu thing mat mat a hlauh hmel zet a nau neihna room lam a melh chuan Ricky-an a melh hrawk, "fa neih tir min tum lo a mi?" A ti nghut, midang zawng an nui huk hlawm, kei erawh ka nui thei derlo, ka ṭhut pawhin ka ke hi a awm mai mai theilo, ka tlîr dat dat reng


"Aaa, nei dawn e, mahse..." A ṭawng tawp lam chu a riat ral ṭhak, Ricky chuan a melh hrawk hawk, "pa 5 kan nei ang," Thinrim zet a a tih leh hrawk chuan Nancy-i chu a nernawk, "nangman i pai ang," A tih let leh ar ar chuan midang ho chu an nui dar dar, hlauthawng hmel an pu velo te chuan mintj thinrim hlur, "Remruat, ṭhu teh, lu iti hai, minti chiai zo," Tei'n a rawn tih chuan anpa chu a nui vur vur, "ka hrethiam lutuk che ṭhian-a ka fapa pian dawn a ka awmdan chiah a nih kha," Min hrethiam ber tu a ni hial ang, ka pian a hnulam a ti em em ka zam hi kala hrelo, Hmangaihzuali ka hmangaih thu ka hrilh dawn ai pawh khan ka zam zawk fe tih ka ph hauhlo bawk



Darkar 1 dawnlai a vei hnu ah naute ṭap ri ka hriat chuan ka thaw hawk, rang lutuk in kawngkhar lam ka pan nghal, reilo ah kawngkhar rawn in hawng a naute puan var thianghlim lutuk a tuam an rawn pawn chhuah chuan ka mittui a hnam sawk, "mipa an ni e, ka lawmpui lutuk che u," Doctor in a rawn tih chuan ka nui hak hak

"Ka nupui, ka nupui enge a an?" Ka ti nghal,"a ṭha e," A tih rual a an rawn nawr chhuah chu pan vat in, chauh hmel lutuk in min rawn nuih sen sen, a kut a vuan vat chuan ka fawp vawng vawng, tu nge awm a, min en ka pawisa lo, ka hmangaih a ni, "ka lawm e, ka hmangaih che," Ka ti sup, thaw hak a nui var var a kan fapa te pahnih te lam en chuan, "ka hmangaih che u," A rawn ti sep




AFTER 6 Years


"Bryan, Ryan, tun ah hetah rawn kal teh u," Ka nupui in a fapa te pahnih, ninhlei em em engtik lai mai pawh a buaina siam reng mai te chu a au leh lawng lawng tawh, nui vur vur in ka hma a dawhkan a paper chu ka check mawlh mawlh


"Nu, Ryan leh Bryan hian ka room an suasam leh tawh a nia," Loicy-in ṭap lek lek a arawn tih chuan nui hak, engtik lai mai pawh a, a U anti buai leh chhaih ṭap reng mai hi kan inzilh finh hleitheilo chu a nihber hi, ka hnathawh lai dah chuan ka chhuak


"Hmeichhia in ni em? In tuai em ni? Engvang a i U room a hmeichhe thil chu khawi reng zel nge in nih?" A fa te pahnih hau hlak hlak, intih hlauhawm dan te chu ka nupui hian a thiam lutuk mah mah, kuang kuah at a, hmel ti rum lui vel a ding ka nupui chu nui vur vur in ka en reng, ka chhan beisei lutuk in ka lam an rawn hawi, "Daddy," Bryan-an a rawn ti vat, Ryan ka lam pan a rawn tlan a tum a che hrut chu, "Ryan i din na ngai ah ding rawh," Hmangaihzuali'n a ti deuh nghat chu nur nang a ding ṭha in, "Mom, kan tihpalh," An ti sup, ka nui hak


"I u bul ah ngaihdam dil ve rawh u, tun a chin ah a room ah in infiam in, a thawmhnaw in khawih tawh tur a nilo," Ṭha tak a tih leh chuan an bu nghat nghat, "Loicy," Antih rual in Hmangaihzuali chu a meng rum lui lehnghal, "Ohh Au kan tihpalh," Antih chuan Loicy-i chu nui var var in, a nau te pahnih kuah chuan, "ka ngaidam che u," A ti var var, an inkuah khawm lam chu panin ka nupui nui var var a a fate thlir chu a kawng a kuahin a bek ah ka fawp vang vang, min rawn en chho ralh chuan, "ka hmangaih che u," Ka ti sup, nui suk a dingdi hlip ak ak a hmui a fawp zauhin, "keipawh in," A ti sep



A fa te pawn lam a tlan chhuak en chuan, "Rinhlua'n engkim i hriat hma in a hria tih engvang in nge min hrilh loh a?" Min rawnelh ralh, thaw hak a, ka lam hawi a kuai her chuan a a dar tawn tawn ah ka vuan, "bawihi, ka sawi emaw sawilo emaw a danglam chuanglo, a hunlai khan sawi ila Rinhlua hi i dam chhung in i haw dawn tih ka hria, chu chu ka duhlo, i tan engtik lai pawhin a awm ṭhin a, ka tawn hma che pawh a, buaina tamtak sut kian pui tu che a ni tih ka hria, chuvang in a ṭha lai chauh hriatsak la ka duh," Ka tih chuan thla hâ a min en vang vang in, "ka hmangaih lutuk che tih i hria em?" A tih chuan ka nui hak, a chal a fawp zauh in, "hriat fo ka duh tih hre tel bawk la," Ka ti sep, nui var var in ka nghawng a kut rawn suih zawm a dingdi hlip ak ak in min fawp vang vang, nui suk in ka chhang let vat


Inla hrang hlek chuan, "you really have STONE HEART," Ka ti sep, min nuih var var

www.storyfb.com mizo story thar englai pawhin chhiar tur a awm reng


❤️A TAWP TA❤️


***RIYA***

(Tun ṭum ka story chu regular lo em em tih ka hria, chuti chung a dawh thei tak leh mi hriat thiamna ngah em em chung a min chhiar sak ṭang ṭang tu te chung ah thinlung tak in lawmthu ka sawi mawlh mawlh e, story thar nen lo let leh vat ka tum dawn nia❤️❤️love you all)

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)