STONE HEART by Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: STONE HEART by Floria Laldansangi (Completed)

Unread post by Ngaia » June 10th, 2019, 8:09 pm

STONE HEART
By floria laldansangi

13

ZUALTEI.....POV

Zankhua in chhinkhat pawh ka chhing lo, zantlai lutuk tawh ah, mahnilo mah a rilru tawt ip pik nak a laiin Lucy call ka dawn chuan ka ner nawk

Kan in ah pawh haw tlanglo in Te-i te in ah ka riak leh tawp chu a nia, rilru fim tak a ngaihtuah tur ka neih hi chuan Te-i te in bak hi luhna ka hre ka thlawtlo, ka pa te zurui kam nam bul ah chuan engmah a ngaihtuah chhuah theih tak tak loh tih ka hria


"Engthil nge itih i hria em? Ka mipa, aih, ka pasal hual zawk mawle, nang hian ka hmuhlai in i fawp ngam a maw?" Mahnilo mah a ngaihtuah tur tam vei nen, kha mihring zak theilo lutuk chungchang zinglam dar 2 dawn a in call a, sawi atan chuan ava han hunlo in ava pawimawhlo ber tak êm!


"I rui em ni? I bialpa emaw i pasal pawh nise belhchian chakna ka nei miahlo, ka mu dawn nia?" Tih leh off ka tum chu, "Hmangaihzual hre rawh, i kuanglo tur i nawrh palh ange, i chanchin hi i rin ai tam ka hria a nia, ka hriat belh zel thei bawk, ka hrilh lawk che a nih chu," Min vo a ni mahzawk


Engthil chiah nge a hriat ka hrelo, hlauh tur ka neih ka hre heklo, "min hriat chian tum buai duh suh Lucy, i buai tulh tulh ang," Tih leh min chhan let na pawh nghak lo in ka off nghal hmiah, a ni zurui lung puam hnial na leh alak a in sawifiah nan ka thluak ka hmang hmanlo


Khum a ṭang a tho chhuak in choka lam chu ka pan chhat chhat, ka ngaihtuah na vak kual nasa lutuk chuan ka lu te a ti na ut ut thei

Fridge hawng rak rak a tui um la chhuak chuan ka in khawlh khawlh

"I mu hil thei meuh nange?" Te-i aw ka hriat chuan ka tui in ka phuh ṭhawt, light ka on bawk silo, a aw rawn chhuak thut chu ka phu nasa lutuk


Nui hawk hawk a light on in, "light tal on ta che mawle, i ṭha em?" Tih zawmzat in mi rawn melh, ka hmui ka ban a hru tawkin chair pawt chhuak chuan ka bu nghat, beer cane 1 rawn phawrh chuan ka duh leh duhloh min zawt nghal zat


Ka lu ka thing mar mar, U Zuala nen kan chetsual aṭang khan beer hi melh pawh ka melh peihlo chu a niber, ka tihsual ka hre chiang êm a chuvang pawh a ni mahna


"I kalna party a thilthleng chu sawi i tumlo tak tak em ni?" Beer cane hawng chuan a ti sup


Engtia han sawi ṭan tur nge pawh ka hrelo, diktak chuan buaina ka nei reng bik hi Te-i lakah pawh ka inthlahrung ṭhin, pasal, fanau nei tawh a ni a, ka tibuai reng bik mai hi chu a awmlo deuh chu a ni


"Zualte," Ka harh zawk, min en vung vung in, "sawi vat teh, i hmel a diklo," A ti leh hlak, ka nui hak, min hrechiang lutuk hi a mak zawk hial a ni

"Te, Remruatpuia hi," Ka chawl dat, hriat chak hmel fe a min en hau chuan, "Rendezvous Hotel neitupa hi maw?" A rawn tih zawmzat, ka thaw hak

"Amah kha a nia, ka pa ba rul tu chu."

"Maw," Ka mit ka chhing sawk, a va han au ring tak êm a fapa a muhil tawh tih a hrereng si a

A kâ hup chuan room lam a melh vat, ka nui tawp, henu tak hi chu

"I ti tak tak em?" Engvang a phur em em nge maw a nih hrep ni? Ala hriat chian veloh vang te pawh a ni mahna

"Ka pa hian zu man ringawt chu heng zah zah a ba dawnlo tih ka hria a ni, i ring ve em?" Beiseina nei lutuk in ka melh ka rin dan hi min ṭawmpui se, dik ngei se ka ti viau bawk


Bu nghat nghat in, "Rempuia hian zu man ba satliah mai mai a rulhsak duh ka ring hauhlo, thildang a awmna ni ngei ang, nangmah ngeiin Rempuia zawt la, i pa chuan a hrilh hauhlo angche," A sawi dik, ka pa chu engtiang pawhin zawt nasa mahila a sawi dawn chuanglo tih ka chiang

"Ihh.. Sawi chi a ni em ka hrelo a mahse..." Ban chap mai a Tei'n a rawn tih chuan en kiau in, "sawi rawh," tih melhin ka melh


A beer ken chu a lem khalh, "kum 5 kalta a damdawiin a i awmlai khan Rempuia hi i nu fahrawn a ni tih ka hria a, sawi ka tumlo na in i hriat a hun in ka hria," Inthlahrung deuh a sawi chuan ka nui sak


"Keipawh in ka hria alawm, mi â nileng ka nihloh hi," Ka tih takah chuan rawn nui hakin, "i thinrim ka hlau vel a," Henu hi chu a chang hi chuan fa nei tawh tih pawh hi a hriat ṭhinloh


"An chhungkaw chanchin i hria em?" Engvang a chu chu zawt nge ka nih ka hrelo, mahse min hring tunu chanchin hriat chu ka phu ve hrim hrim, midang kâ a ṭang a hriat chu ka chapo na hian tlawm min laktir tlat


"I hre duh tak tak em ni?" Min melh zawk, ka hre duh chiah em ka hrelo, mahse hriat pawh pawi ka ti hauhlo, kei leh ka pa min hnut chhiah a, a thlan zawk chhungkua chu eng ang tak a ropui chiah nge a nih tih pawh hmu ve tawh mahila, hriat chian a chakawm a lawm mawle



"Sawi la," Ka ti sup

Min en vang vang in, "Rempuia nu hi, a fanu a pai hnu deuh hian rilru lam harsat na a nei a, an sawidan chuan, Rempuia nu hrawn(min hring tunu) hian a naupai lai chu ti tla tur in anawr a ni awm e," A thusawi chu mak ka tih zia chu min deng dawt tu awm ang mai hi a ni, mipasal pawmlai a lan hnu ah, chutiang a nunrawng chuan a che thei dawn em ni?


"Rempuia nu leh pa an inneih lai hian, Rempuia pa hian i nu chu a hruailut tawp a, ti chuan Rempuia te nufa chu kut beng in a chhuahtir tiin an sawi, tak tak a ni em ka hrelo na in, Rempuia nau hmeichhia hi, Rempuia pa in i nu nen a an inneih tawh hnu a, a pai tiin an sawi bawk a, a nih ka rin ve deuh na chu, i nu nen a an fanu aiin Rempuia nau hmeichhia hi kum 3 vel in a naupang, an chhungkaw chanchin hi chiang tak a hriat tur a awmlo na in, Rempuia nu rilru kimloh chhan pawh a pasal uire vang leh a pasal nupui thar in a fa pailai thla 3 milek paihsak a tum vang tih te a awm nawk mai," A sawi zawng zawng chu rapthlak ti lutuk in ka ngaithla, kalo in hum ruh ve ngar ngar bawk


Engtin....engtin nge chutiang thil rapthlak te chu a tih theih, mi chhungkua a tih chhiat vek hnu ah, a naupai thahsak a tum a maw? Tak tak a ni dawn em ni?

"I ṭha tak tak a maw?" Tei'n a rawn tih chuan ka bu nghat, ka ṭha hauhlo, min hring tunu chutiang tak a nun rawng chu maw alo nih, mihring pangai a ni thei dawn em ni? Nge ni a, Te-i hian a hresual zawk, a hresual a ni ngei ang, mi pasal pawmlai chu a chhuh ngei e, an chhungkua pawh a ti darh ngei alawm, mahse...mahse.. Rempuia nu naupai that sak a tum.....ngaihtuah pawh ka ngaihtuah nawn duh tawhlo zawk, a rapthlak ka ti emai
.
.
.
.
Rin dan chiah nge ni a, ka rinloh dan lutuk zawk, ka pa leiba zawng zawng te hi ka zirlai ka chhunzawm theih nan a private loan a puk na maw lo ni a? Mak ka tih zia kha ka thup hleithei hlawl lo a nih ber kha maw


Taxi ah ka ṭhutluh rualin ka kalduhna sawi chuan, seat hnung ngheng dawt in mit ka chhing sawk, ka mit kham ut ut leh lu na nen, ka ngaihtuahna vak kual nasa lutuk che chuan min hmet chau ngawih ngawih


"Nula kan thleng a nia," Diver aw ka hriat chuan muangchangin ka meng, damdawiin kawt ah kanlo ding reng tawh chu ni in, kalo chhing sek hman hram a ni maw?


"Ka lawm lutuk e," Ti sup chuan pawisa pe in ka chhuak nghal, thui pawh ka pen hma in ka ban a min rawn pawt sawk tu an awm chuan ka hawi dawrh


Lucy-i hmel rum zet mai ka hmuh chuan ka thaw hak, "in bia ang," Tih leh hawi zek zek chuan damdawiin kil lam min pan pui nghal


"Engthil nge itih?" A sawi awmzia hre mahila chhang let tur leh in sawifiah turin hun ka neilo


"Min thlah teh, damdawiin a nih hi, i hriat duh chu i pasal hual i zawt thei ang," Tih leh min vawn na thing thla lawp in ka in her nghal


"Hmangaihzual," a rawn ti ṭhawt, ka ding dawt, kan bul vel a nurse leh damlo awm ho chu an rawn hawi ṭhap, thaw la hak a hawilet in, "in hnialpui a, insual turin naupang kan ni tawhlo Lucy, hman a hmeichhe naupang i duh duh a i sawi a, i kawhkual ang kha ka ni tawhlo, i hriat duh chu kei minti buailo hian i pasal chu i zawh mailoh ang ni? Engvang in nge a hnen aṭang hriat i tum mailoh ang ni, puitlin tum ve teh," Ning tih hriat lutuk a ti deuh duah chuan in herin ka luh san nghal


Kan school kal ṭhin lai aṭang tawh min hmuhsit in, nuihza siam nan a min hman hi nuam a ti em em ṭhin, sum an neih avang leh min chhan a, ka tan a ding tur nu leh pa belh tlak ka neihloh, avang in ka tuar mai ṭhin, mahse khatiang hun kha kan kalpel tawh



"Doctor, damlo chhung ten an be duh che a, i office ah ka lo nghah tir mai che, chuan heihi i sign thei angem?" Tih leh paper a rawn lek chhuah chu la in ka sign vat


Ka office pan pahin, "darkar chanve hnu ah Bed no 102 kha zai tur in lo peihfel ta che u," Ka melh zawk, nuihsang a bu nghat in, "ka hria e," A ti sup

Ka office ka pen luh rualin, "ka tihpalh lutuk ka in nghahtir che a," Tih leh ka chair a ṭhu thla chuan ka hma a ṭhu chu ka en nghal, mahse ka rinloh lutuk mihring ka hmuh avangin ka meng kawk

Nizan ah khan ka hmu tawh, a hming hrelo mahila a fapa nen phir a maw tih mai tur khawp a pafa in ang an nih avangin ka hai mawlh lo

"Mak itih dan ah min hresa ni in a lang," A aw thum dan pawh a fapa chiah chiah a ni


"A.... Aw...hria chu a ni mai," Deuh nawk nawk chuan, enge maw ka zam thar thut le, a fapa hi ka bialpa tak tak pawh ni hleilo


"Pehhel kual lo in kan sawi ange, Rempuia hi kalsan la ka duh," Teh ngawt a, a fapa hian sum zâwng a rulh duh nise, ka dam chhung a rulh ngai pawh nise ka rulh duh zawk fê angchu mawle


"Min hrethiam la...." Ka sawi zo hmanlo, a fapa ang chiah a luhlul leh mahni induh tawk, midang rilru tur pawh dawn miahlo, mahni thu tê a kal duh chi a ni tih, a kut chung lam a vai thuak ah chuan ka hre nghal, pafa awm hliah hliah anlo nih hreptak hi a


"Chhuanlam emaw thil dang ngaithla tur a rawn hmu che ka nilo, pawisa i duh zat sawila, kan inbe rem a ni mai lawm ni?" A upat tawh tehreng nen a ṭawngkam hman duhdan chu a zilh ngailoh fa ang mai a ni


"Min hrethiam la ka pu, he mi chungchang chu i fapa i biak angai in ka hria, helai hi ka hnathawh na hmun a ni a, khawngaih in i sawi duh i sawi zawh chuan min chhuahsan thei angem?" A mit ah tak en in ka ti ve fak fak, Rempuia chuan chhun tur alo nei ṭha em a tin nih hi a

"A ṭha a lawm, hmeichhe awlsam tak chu ini dawnlo tih ka hre reng a ni, mahse ka fapa i neih hi ka rem ti dawn hauhlo a nia, min cho loh a ṭhaber ang, i nu leh pa in zu ngawl an vei tih kalo hria a, i mamawh zat tur sawila, nge ni a, he damdawiin ah hian nihna sang zawk ka pek tir dawn che," Min enkawl seilian tu a sawi duhdan chu ka ril rem zawng a ni derlo, keichu zahlo tak pawhin minbe thei, mahse ka chhungte erawh sawi tel turin dikna leh chanvo a nei hauhlo


Ka thinrim insum, in hum ruh chuan ka ṭhut na aṭang a ding chhuakin, "i tlak tam mah mah, khawngaih in chhuak rawh, i fapa nen a kan inkar chu kei nilo in, i fapa i be zawk tur a ni," Chang fal mai a ka ṭawng seh chil deuh nawk nawk chuan ka ti chhuak

Thaw halh a, chair ban beng ṭhat a muangchang a rawn ding in, "a ṭha a lawm, mahse awlsam tak a ka chhuah che in beisei suh angche," A mitmeng ah chuan eng a maw tak a ti duh dawn tih ka hria, warning mitmeng a ni mah zawk


A pen chhuah rualin ka ṭhu thla hnawk, ka kut phah in ka hmai ka hup thawk bawk, hawina lam a piang hi a pik in a pik a niber, ka rinloh tawp in min hring tunu a rawn la lawr miahlo chu mak ka ti hial zawk, a rawn lawr hmasakber ka rin tehlul nen


Ka phone message rawn thleng ri ral chu, muangchangin ka en, ka khua te hi a sik tak ngial dawn in ka hria


Ka message dawn chu ka en kawk, "REMRUATPUI," ka ti chhuak ṭhawt, he mihring hian a kaw tawp thleng a min nawr a tum emaw ni?

A number ka save tawh sa, "HULK" ti a ka save chu ka hmet chhuak nghal


Rei pawh a ring hma in a pickup nghal, " engthil hrep nge he thil hi?" Alak rualin ka ti ṭhawt, ka ṭhut na aṭang ka ding zawk nghal

Rawn nui ri hawk in, "inrem na contract a nih kha, i zawm tur te, ka hming ka sign tawh a fax in i dawng vat ang, i sign ve dawn nia," Hneh tu inti leh thu minpe zet a atih chuan thinrim in seh ruh ran chung in boruak ka hip kawk

Dawhkan chum dawtin, "min fiam kual a hetiang buaipui lo hian, i bialnu leh i pa ka hnathawhna hmun a minti buailo turin chingfel hmasa rawh, mahni chhungkua pawh chingfel theilo hian min rawn ti buai tawh suh, a nihloh chuan nang nen a in zawmna ka siamloh nan a, a man zat tur hi a tam a nia, ka duhber chu pawisa a ni tih i theihnghilh palh ange, ka pa nen a in contract sign theihnghilh ṭhak khawpin i pa sum mi offer hi kala duh mai ang," Ka sawi zawh rualin ka thaw kawk kawk

Ka va han sawi hnem tehlul êm!


"Maw? Kapa in a rawn hmu che a maw?" A rawn ti hrawk, a aw chhuak ah chuan a lungawiloh zia a lang reng


Zalo lutuk in ka nui hak, ka run luih na a ni mah zawk, "kei min ti buailo hian i nu leh pa, i bialnu te ho chingfel hmasa angche," Ti leh hlak chuan min chhan hma in ka off hmak, chair ah ka ṭhu thla hnawk bawk

A nuhrawn pawhin min rawn hmu vat dawn tih ka hria, ka in tlawh khalh sa a ni mai, an ni ho nen a indo tur in hun ka nei miau heklo

Kawngkhar rawn ri rek ah chuan ka dak chhuak vat, Rinhlua nui sang a coffee rawn keng lut ka hmuh chuan ka hahdam sawng sawng in ka hria, zingkar aṭang tawh thinrim na leh rilru pik na hlir in ka khat

"Ka mamawh lai tak a ni," Ka lo ti vat, nui var var in, "ka hria a lawm," Tih leh ka hma a rawn dah chuan a ṭhu ve nghal

Ka tem hlek, boruak hip in ka thaw chhuak leh ham ham, "diklo a awm em?" Rinhlua'n a rawn tih chuan melh zawkin ka lu ka thing mat mat


A ṭhianpa nen hian kan inkar hi a hria em ka hrelo, a hria a nih vaih chuan a pawi viau ang, mahse a hria pawh a ni thei, a ṭhian ṭhaber a ni miau a, Rinhlua mit a en pawh hreawm ka ti, hman aṭang tunthleng in atan chuan buaina siam tu leh puih ngai hi ka ni reng mai a nih hi



"Puih theih na che ka neih chuan min hrilh hreh suh aw, i...." A tawp chat, a mit ah ka en kiau, a hmel inthlak zawk chu a reilo viau na in ka hmu hman, rawn nui sukin, "engmah a nilo, mamawh ineih chuan min hrilh rawh," A tih zawmzat


Nui let sakin, "ka hria lawm ka ṭhian ṭhaber ila ni reng," Ka tih chuan a nui hak, nuilui te pawh a ang zawk mah


"Zualte," Min melh zawk, a coffee no chu a en leh

"Enge ni a?"

Min rawn melh leh zawk, "a ngai lehlo, lunch i ei tawh em? I la eiloh chuan canteen ah kan zu ei dawn em ni?" A hmel ah chuan sawi tur pawimawh tak nei ang mai a ni

Ka lu ka thing, "coffee hi ka duh tawk," Ka sana bun ka en zauh, "5mins pawh ka nei tling tawhlo damlo zai tur ka nei a," Ka tih chuan bu nghat in, "keipawh ka nei dawn tho a, a nih...." A tih leh laiin ka ṭawng khalh vat

"Nizan kha pawi ka ti lutuk a nia," Nuam ka ti lo tak tak, thupha ka chawi vatloh chuan a ngai diklo ang tih ka hlau tlat

"A pawilo, in inhria tih ka hrelo a," A nui tawi tak, ner deuh sawng in, "hria chu a ni mai, hre em em lo," Chhan dan vak ka hrelo, mahse engtik ni ah emaw chuan ka pasal tur a ni tih ka duh emaw duhlo emaw ka sawi ala ngai ngei mai dawn sia leh!!!

Ṭawng tum a kâ a ang zuai tawh tih ah kawngkhar a rawn ri kharh kharh, "lo lut rawh."

"Doctor kan peihfel tawh e," Nurse in a rawn tih chuan bu nghat in ka ding nghal, "Rin, kin ah kan sawi zawm dawn nia," Tih leh ka kalsan nghal, a hmel ah chuan eng amaw vei deuh a nei in ka hre tlat, nge ni a, a nupui hlui a ngai ve te pawh a ni mahna
.
.
.
.
"Doctor i phone hi a ri char char a," Operation room ka chhuah rual in nurse in a rawn tih chuan ka ban vat, ka thlan hru hul thuak thuak chuan, "aw, Te-i, enge ni a?" Ka pickup rual a ka tih chuan Te-i hlau thawng aw lutuk in, "Zual.. Zualte, Isak-a te an chesual a ni awm a, ka...Ben.." A ṭawng khur dawt dawt chu ka penlai tawp chap in


"Eng maw? In bengdai rawh, ka hria e, tun ah khawnge i awm, Ben Ben-a chu ka rawn hruai dawn nia, in awmna message in min rawn hrilh rawh, hlauthawng lo la, chiai suh," Ka ti nghal zung zung


A rawn ṭap leh rih, ka office ah lutin ka in phelh sawk sawk, "Te-i ka ṭawng ila hria em? Engmah a chung ah a thleng dawnlo, hlauthawng lo la, phone ka dah a nia," Tih zawmzat chuan ka bag la in ka tlan chhuak nghal


"Doctor i...." Nurse Hmingtei'n milo auh chu hawi let zuai in, "cancel vek rawh," Ka ti hman ṭawk

Kawngpui a tlan thla in taxi ka zawng, an vang em em mai khawp leh nghal a

"Inbe teh ang," Taxi phar din tur zawng a ka vir kual laiin ka ban a min rawn man tu chu ka en vat, tun ah chuan ka hmuh peihloh ber a ni khawp ang

"Ka hmanlo, i sawi tur kha hria, tun ah chuan ni rihlo," Ti deuh hrawkin ka phih sawk


Min phih let sawkin, "Hmangaihzual," A ti ṭhawt, ve mai mai a, min vin ngam tur a nilo hrim hrim, ka hmingpum pawh hi lam ve mai mai suhse


"Ka be peihlo che, a chiang...." Ka sawi zo hmanlo ka ban a, min hring tunu in a vawn na chu tu emaw in a rawn phih sawk, ka kat deuh nawk bawk, ka tlu tur ka kawng a man chat a alam a min pawt hnaih hrawk in, ka nu hrawn chu a nam let sawk, a kat nawk nawk, car a a hnungzang sawh ri chawrh chu ana a ni ngei ang ṭhen tlawk tlawk


Ka sawi thiam siloh in ka lungphu zawn hi a na, a na hmel leh zahlo tak a Rempuia'n a melh leh a khawih chu en har ka ti


"I kut hmawr pawhin khawih tawh suh angche, a sam zai khat pawh i tawk a nih chuan kha ringawt kha ka duh tawk dawnlo a nia," Rempuia aw chu a ringlo, a thum fiah ṭhak ṭhak khawp mai, a sawi angin a ti ngei dawn a ni tihlah a mitmeng dur khup ah chuan a chiang reng


Ka khur lo chauh zawk alawm keimah pawh, ka kawng a vawn na lah chu a nghet em em khawp

Min rawn melh zawk, min hring tunu lam a melh leh, min hring tunu pawh chuan a hlau a ni mahna, a kâ a chip hmak

"Car ah lut rawh," Tih leh kan sir a car dum lian zet mai in hung chu pawt hawngin min nawr lut rawk rawk, ka duh emaw duhlo emaw ṭan buaina hun a awm hlawl lo, bakah tun ah chuan inhnialna hun a awmlo tih ka hria, car kal hual chuan a pen thuk thuk, a palian rapthlak si, 6'2ft a pelh bakah, a taksa a lian in a in phiarfat vang pawh a ni mahna, a lang lian lehzual

A rawn ṭhut luh rualin, "Holy Angel School ah, hmanhmawh rawh," Seat belt hreng nghal mawlh mawlh a ka tih chuan min rawn en, "enge?" Ka va han thinchhe tak, mahse in en ren run na hun awm miau heklo

A nui hak, "lawmthu tal i sawi dawnlo em ni?" Mit a ti zi. sân, nuihza hmel a pu bawk, nichin lawk a sakawlh hmel kha a awm tawhlo, a hmelṭhat zia leh sexy zia chu rapthlak in!!!


"Nangmah vang a thleng a ni a, ka sawi chhan tur ka hrelo, i tlan chhuak dawn nge ka chhuak dawn?" Tih leh kawngkhar hawn tum in ka vuan nghal


"Ok, Ok, luhlul si," Ti hluk a car ti nung in a tlan chhuak chu ka melh zawk, diktak chuan lawmthu sawi tur chu ka nia, rawn langlo se, khawlai ah kan in hau mualpho lo ang tih pawh ka sawi thei miahlo, ka thinrim lah hian khaw eng a hmu bik der silo a


***Riya***


(Ka thiamlo chung chung pawh a min chiar sak a, feedback ṭha tak tak minpek hian kei mimawl hi ka va han phur in nuam ka van ti ṭhin em😍😘)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:09 pm

STONE HEART
By floria laldansangi

14


REMRUATPUIA....POV

"Holy Angel School tih intar na lian zet kawt a ka din rualin a pe tek chhuak a niber, kan tlan chhung zawng pawh khan a ṭhu mai mai theilo, a tal sek a nih kha, engthil chiah nge a chung ah thleng hrep ni


"Ben, helam ah," Car aṭang a ka chhuah ve rualin naupang pakhat in Zualtei a rawn pan chu ka hmu nghal , a fapa chu a ni em lo maw? Hrep a! Nula alawm mawle ala nih


"Tete, mummy?" Tih leh a rawn hawi kual, min en deuh vung vung, min hmuh vawikhat na anih vang a ni mahna Zualtei phen ah a biru vat



"Ok, Ben ka haw vat angai," Tih leh rawn in her in a hawi kual nghal thuak thuak, "car ah hian rawn lut rawh u, i kal duhna ah ka drop angche u," Ka tih chuan min en zawk, a phone ah message a dawng a ni ngei ang a en vat, naupang bag chu khai vatin


"Ben tirawh le, kan tibuai leh che a ni mai niang chu, khawngaih in civil hospital ah," tih leh car a rawn tlan lut ti tih chuan a ṭhu lut nghal, ka ṭhut luh ve rualin, "hmanhmawh deuh teh aw," A aw chu a khur ve lek lek, tunge maw damdawiin ah chuan awm chiah le, a duhna ah chuan a polite hle mai


"Te-i, kan rawn thleng ṭep lo chiai suh, Isak-a te an rawn thleng tawh em?" Phone chuan tu emaw a be mawlh mawlh


"Ka hria e, kan rawn thleng," Tih leh min rawn melh zawk


Car ka tih din rualin, "ka lawm lutuk a nia, Ben chhuk rawh le, damdawiin ah kan luh lawk angai," Tih leh naupang seat hnung a ṭhu chu pawm chhuak in chak lutuk in ER lam chu a pan pui hlawk hlawk


Damdawiin pawn a media mi ri deuh nak nak chu ka thlir reng, police ambulance rawn thlen rualin media mi te lah chuan an bawr huk


Car aṭang a chhuakin ka pan hnai, engthil chiah nge maw thleng le


"Isak, Lalpa enge i chung ah thleng hi?" Hmeichhe pakhat a rawn ṭap chhuak hawm hawm, a nupui a ni ngei ang, Zualtei'n a kuahbet bawk


Ruang ni awm tak an rawn nawr chhuah chu thisen in a bual huh, a hmel pawh hmuh theihloh khawpin thisen in a khat a niber, mipa tan pawh en hreawm khawp a hliam tuar a ni


"Enge a din hmun?" Zualtei a ti vat, media ho lah chuan thu zawh tum in anlo bawr ve huk huk bawk

"Report kim chang minpe thei angem? Pu Isak-a hi a thi nge a hliam na zawk," Zawhna a ri zut zut


"Khawngaih in tun ah hian thih leh dam inkar ah a nih hi kan awm, duh tawk rawh u," Zualtei'n camera hma a ding chuan a ti hrawk


"A hliam hi a thuk khawp mai, silai mu 2 kan la chhuak tawh a, pakhat hi chu a pumpui a thleng in ka hria, kan la chhuak anih chuan a thihpui ngei ang, a banrek a ṭang a bung hi zawm theih a ni tawhlo bawk," Doctor ni ngei turin damlo nawr pah chuan report a pe zung zung

A nupui leh a chhung te lah anlo ṭap ve reng bawk, enge ka tih a ka zui ve zel pawh ka hre hrep lo e


"Keiman ka zai ang," Zualtei chuan damlo thichhawng a awm chu en vang vang in a rawn ti sup


"Mahse silaimu la chhuak tur chuan thisen a hloh hnem tawh lutuk, bakah a kut pawh...."


"Ka zai ang ka ti a ni lawm ni, ka unaupa a ni a keimah ngeiin ka zai bawk ang, OP room ah nawr lut rawh u," A thusawi hnial a duhloh zia chu pui tak a ni, ka nui hak


A inrin tawk zia chu mak ti zetin an en ṭhap, "min ring rawh Te-i, Isak-a chungah hian engmah ka thlen tir dawnlo, pate, Te-i te nufa hi lo awmpui rawh u," Tih leh OP room lam apan tur chu Rinhlua a rawn lang hlawl


"Kan pahnih in kan zai dawn nia," Zualte en chung chuan a ti sup, ka hmuh ngailoh leh hriat ngai miahloh Rinhlua mitmeng ah chuan ka hmu, a vawikhat na, a vawikhat na tak meuh a ni Rinhlua mit aṭang a hmangaih na mitmeng ka hmuh chu, ka ring sual hauhlo bawk tih ka chiang ngam chiah bawk
.
.
.
Inchhung ka luh rualin, "Ruatpui, hetah rawn kal teh inbiak kan ngai," Ka pa aw nel awmloh zet mai ka hriat na lam chu ka hawi vat


Ni e, inbiak kan ngai takzet, engzat a tam chiah nge Hmangaihzuali a lo offer tih pawh hriat a chakawm a lawm mawle

"He inneih na hi ti tawp angche," Ka ṭhut thlak rual a ka pa in a tih chuan ka dar ka san ak, "ti tawp tur a min hrilh turin dikna inei amaw i inti em lo ang chu maw?" Ka melh zawk


A mitmeng in thlak nghal chu chiang lutuk in ka hmu, "saw tiang hmeichhia, nu leh pa belh tlak pawh neilo, zu ngawl vei chhungkua aṭang ngawt a rawn seilian lak ah sawn enge i hmuh phiangsen ni REMRUATPUIA?" A aw chu ring tak a ni, a khawk rum rum


Ka ṭhut na aṭang a dingin, "i nupui lak a i hmuh angchiah hi mawle," Tih leh a sir a ṭhu a nupui chu melh hrawk in ka pen sawn nghal


"He inneih na hi ka thlen tir lul lo ang," Ka pa ṭawng thum bul bul chu ka hre hman hram


Room ah lutin ka coat hak lai chu phelh in khum ah ka vawm ṭhuai, ka chhipsam buk laih mai chu tuia puat in ka thaw kawk kawk, ka mit thla ah Hmangaihzuali hmel confi lutuk kha a rawn lang zawk, ka nuisuk, nileng maiin a hmel ringawt ka ngaihtuah na lam ah hna pawh la thaw theilo chu a nihber hi mawle, ka thinrim laiber pawhin a hmel ka ngaihtuah chhuah chuan ka tumloh lutuk hi ka nui leh nge nge ṭhin


Ka phone rawn ri ral ral chu en in couch ah ka ṭhu hnawk, "Rachel," Ka lak rual a ka tih chuan, "Mama, nang hian Hmangaihzuali hi i duh a ni tiraw?" A aw chu thinrim in seh ruh a ni

Teh ngawt a, ka duh hauhlo mai, "chutiang engmah a awm...." Ka sawi zo hmanlo


"Dawt min hrilhsuh, nang hian kum 5 liam ta daih tawh khan i hre tawh a ni, a ni tiraw?" A rawm au tuar tuar, thleng leh thil tla keh rum rum ka hriat chuan ding zawtin, "Rachel, inbeng daih rawh, min ngaithla rawh," Bengdaih tum chuan ka aw ki ti hniam in, ka thlem pah


"Engvang in nge vawiin khan ka nu kha kut i thlak, nang hian Hmangaihzuali i duh a ni, a dik em?" A au leh tuar thar, mit ka chhing sawk, engthil phiangsen nge maw a duh le? Min zui ru tur in midang a ruai a maw hreptak a


"Rachel a tawk, kei min zui tur hian midang i ruai a maw?" Mak ka tih zia chu ka ṭawng ri pawh chang tak a ni



"Ka ringlo che, aih ni lo, kha hmeichhe zaktheilo kha ka ringlo a ni, U Zuala pawh a dawi â tawh a, nangpawh a bual at in i awmlo ang tih pawh ka sawi theilo," Minbia pawh a anglo, a mah leh amah a inbia in, a in hnial a ni mah zawk

"Rachel, min ngaithla tur in ka duh che, Hmangaihzuali hi ka duhlo, ka duh ngai heklo ang, i hrethiam em?" Ka aw chu ring tak a ni, mahse ka thusawi chhuah ring em em si chu, ka awm chhung ah hian pawmpui miahlo tu a awm tlat a hriat na ka nei leh nghal


A rawn ṭap chhuak hawm hawm, ka thaw hak, "i damdawi i ei ṭhalo em ni?" Couch a ṭhu hnak chuan ka ti sup, in hnit hlawp hlawp in, "I ti tak tak tiraw, i duhlo tiraw, i duh a nih chuan keimah ngei hian ka that duh dawn tih i hria tiraw?" Ṭah aw ṭuau a a rawn tih chuan mit chhing sawk in, "ka hria a lawm, ka unaunu tiang a awmtir tu leh, ka fanu fahrah a siam tu hi awlsam tak a ka chhuah i ring em ni? Min ring rawh," Chung ka thusawi te chu keimah ngei pawh hian ka ring zo tawh meuhlo chu a nih hi

A hmel ka hmuh leh hmuh nawn reng ka duh a, a hmui phir sexy tak leh sen no chek mai kha fawh nawn leh chakin ka mitthla ah a rawn lang zut a, a kut no zet mai leh nel thep kha vawn a, thlah leh tawh ngailoh ka duh tlat na chu a lian tulh tulh mai lehnghal
.
.
.
.
"Breakfast i ei dawnlo a mi Mam?" Ka chhuak tur Nancy-in a lo tih chuan ka bu nghat

"Engtik nge Doctor-i pawh chu min in hmel hriat tir dawn a?" A tih zawm leh chuan ka pa ka melh zawk, awm velo ang maiin a thil ei lai a ei mawlh mawlh

"Zanin ah zanriah kan ei ho dawn nia, Hotel ah rawn kal ula," Ka pa te nupa ka melh, an nu in min rawn en chho kawk, bread pakhat chu la in ka kaih nghal, "Yes, bawihtei nen kan rawn kal ang, dar engzah ah?" Nancy phur lutuk chu ka nui hak


"Ka be phawt anga ka rawn hrilh angche, ka kal," Tih leh ka pen chhuak nghal, inneih na ropui tak siam ka tumlo, a duh pawh ka ring heklo, mahse nghah reng pawh ka tum chuanglo
.
.
.
.
"Lunch i ei dawn em?" File rawn dah pah a, Ricky-an a tih chuan ka lu ka thing vat


"Chhuah na tur ka nei, chuan zanin ah hetah zanriah kan chhungin kan ei dawn a, lo rua hman rawh aw," Ka tih zawmzat a bu nghat

In khung fel chuan, a zawm tur contract ka ziah chu la in ka en vang vang, ka nui hak, heng zawng zawng hi a zawm a ngai tih in hre tawp rawhse
.
.
.
Damdawiin ka thlen chuan car park ṭha in Zualtei office lam ka pan nghal, "Doctor Rinhlua leh Zualtei ho an in ngaizawng chiang lutuk, doctor Rinhlua hian a zui kawi reng."

"Nimin ah pawh news ah an lang dun, bakah Doctor Rinhlua sawi dan chuan a naupan lai ṭhian a tia, mahse ṭhian satliah an nilo tih a hriat reng, a care dan em em hi, an in hmeh ka ti e," Nurse ho phun sep sep ka hriat chuan nghet lutuk in ka kut ka hum ruh

Naupan lai ṭhian maw? Hreptak a, tunge Hmangaihzuali pasal tur diktak chu in hre vat dawn a lawm


Thinrim zet a a office ka pan chu, office atang a rawn chhuak nen kan in tawng chat, a meng deuh kawk, a hnung ah Rinhlua'n a rawm zui ve bawk, ka hmuh peihloh ṭum ber a ni hial ang

Hmangaihzuali chu uluk lutuk in ka en, a Doctor coat var hak hnuai ah kamis var thianghlim zet mai a hak bakah, a mal phuar deuh ṭang mai smart-pant dum, a tlang arh a hak chuan a mal mum zet leh sei thlarh mai chu a ti lang chiang leh zual, a sam a ṭawn san vah bakah, a nghawng a Thethoscope a awrh chu in hmehpui tak a ni


"Enge hetah i rawn tih dawn?" Ka kut a paper chu a melh zawk bawk

Rinhlua, Zualtei bul a rawn ding chuan, "i in entir nge?" Ka duh ai Hmangaihzuali a din hnaih mah mah, ka hriat thiam siloh in ka thawk a sak em em leh nghal a


"Inbiak kan ngaih kha i hrelo em ni?" Rinhlua min biakna chhanglo chuan Hmangaihzuali chu ka en run

A nernawk, "Rinhlua nen hian lunch ei kan tum a, i.." A tih laiin ka kut ka vai thuak, "hun awl ngah viau tur ah min ngai hauh suh, vawikhat chhun chaw i eiloh vangin i thi hauhlo ang," Ka ti deuh hrawk, min melh rawm rawm a in her pahin, "Rinhlu lo va kal rawh ka zo vat ang,"Tih leh a office lam a pan nghauh nghauh, ka nersak, induh tawkna ngah reuh lutuk, ka hman uchuak bik hauhlo

Rinhlua'n min en run run chu ka dar ka san ak, thaw la hak a ka bul a rawn pen hnai chuan, Zualtei office a lut chu a en ve vang vang, "Engtiang chiah in nge Zualtei hi i duh?" Ka mit ah tak en chung a a rawn tih chuan ka en deuh kawk, "Maw?" Ka tih rualin, "i duh anih chuan fimkhur angche, ilak aṭang ka ru duh duh dawn a nia," Thu takzet a tih leh in her in pawnlam a pan nghal

Ka en vawng vawng ringawt, kei hian Hmangaihzuali hi ka duh ang maw, Huh... Ni lul lo e, ka hmeichhe duh chi a nilo, ka type a nilo tawp, hmeichhia mahni lu zo leh lutuk ka ngaina ngailo hrim hrim, mahse engvang a hlauthawng ru tlat nge ka nih, teuhlo mai, duh leh ru se, pawi tawplo

Hreptak a, ka nupui tur a ni a, a ni vat dawn bawk, a uire a nih vaih chuan kanthat duh hial ang, min duh emaw ka duhlo emaw, nupa kan nih chhung chuan mipa dang a hmu thianglo a ni tawp
.
.
.
.
A office a ka luh chuan kuang kuah at in rum lutuk in milo en run, ka ṭhensak, a mipa duh ruk em em nen a an chhun chaw ei tur tih buai chu a haw hle a ni mahna

"I sawi duh chu sawi vat rawh, hun ka neilo tih i hriat kha," Ka nui hak, Rinhlua tan bak a neilo pawh a ni mahna


Ka paper ken chu dawhkan a dah deuh chawrhin, "sign rawh," Ka ti nghut, min en run run chung paper la chuan a chhiar nghal, za lo tih hriat zet a rawn nui in, "i zawm vek theih a thu le, kei chuan ka hming sign lo chung pawhin heng, 'mimal nun a in rawlh loh' tih phei hi chu sawilo mah la ka sawi dawn hrim hrim," Tih el zet a tih leh pen la chhuak in a sign nghal


Mak ti zetin ka en kawk, "mipa dang ka hmuhloh ah i hmu tur a nilo," Tih pawh kha a pawm amaw? Rinhlua nen a minbum in tum a nih ngat chuan ka chhuah mai mai hauhlo angche u mawle, ka ngaihtuah na avang chuan ruh lutuk in ka kut ka hum

"A tawk em?" Tih leh paper rawn lek kang a ding in, "nithum hnu ah man hlan turin i rawn kal dawn nia, a bak kan in hmuh angai tawhlo a ni lawm ni," Tih leh dawhkan rawn kal hual a paper ka awm a hmehbel dawt chuan rum lutuk in min melh, enge maw a hriat reuhle, nimin lam a ka puihna zawng zawng te kha a theihnghilh hrep emaw ni


Ka khabe hnuai aṭang a rum fahran a min rawn melh chho ar ar chuan, min su deuh salh in pawnlam pan a tum, a banrek ah man in ka pawt let hrawk, a kawng ah vuanin ka taksa si chet in ka kuahbet nghal chat


"Engthil..." A ti ṭhat chu hnai lutuk a kun hniam in ka thaw dep dep, a lungphu ri chu ka hre thei, keimah angchiah in a rangin a thum ri dup dup, a chal chu ka chal in ka nawr

A biang rawn sen tai tek leh, a beng sen tawn tawn ah chuan a zam tih ka hre thei bawk, ka khawihna vangin keimah angchiah in a danglam ve a nih chu!!!


Muangchang a kun hniam in a thaw lak harsat zia pawh ka hre thei, a hmui phir nalh zet mai khur ti tih chu fawh chak lutuk in ka en ngar ngar, a hmui ka dai dawn tih ah mi nam sawn dawrh in, "eng...engthil nge maw i tih le?" A ti bah nawk nawk


Boruak ka hip kawk, a ni pawh a thawk lak ala pangai chiahlo tih hriat takin a awm a kut nghat in boruak a hip kawk kawk, ka nui suk chu rum fahran a min rawn melh in, "enge?" A laih a piang in he zawhna hi min zawt ziah, tun a awmdan duhawm zia saw a in hria nge maw ni?

Ka lu ka thing mat mat, "zanin dar 7 ah ka Hotel ah rawn kal angche, zanriah kan kil ho ho ang, ka nau leh ka fanu pawh an rawn tel ang," Tih leh ka pan hnai hret

A tawlh hnung ve hret bawk, ka fawh a ring deuh emaw ni tih turin a inkuahbet lo chauh a ni

Kun hniam in chiang lutuk a en chuan a hnar a kankut ṭang a thai zauh in a sam ṭawn san vah chu ka pawt phelh zat, a rak ṭhat, "ka..."


"Ti khan a nalh zawk," Tih leh min chhan let na pawh nghaklo a inher in kawngkhar ka pan nghal


"REMRUATPUI," Thinrim zet a ka hming a lam tuar leh a ke per ri tarh tarh ka chu ka nuih sak
.
.
.
"Enge hetah i rawn tih dawn?" Ka nui vur vur lai Lucy aw ka hriat chuan ka ding dat, ka hnunglam a melh zauh, a ner nawk bawk

Zualtei kan bul a rawn ding chuan rum mang kheng a min melh in a kal sawn nghal, pensawn ve ka tum chu, "engtia rei nge sawnu vang sawn i nuih ka hmu chak khawp mai," Lucy aw chu kha tak a ni


Melh chhuk run in, "i kut hmawr pawhin tawk suh angche, ka hrilh lo che, warning a nih chu," Ti nghut in, ṭawng tum in a kâ a ang zuai, a nui ta hak zawk a

"Ka khawih dawn hleinem, kan naupan lai aṭang tawh a ni te chuan ka duhdan hlir a zawm ṭhin," Tih el zet a tih leh a pen sawn nghal, engthil teh hrep nge maw a ngaihtuah ni??
.
.
.
.

"Mam, a rawn thleng har e, i hrilh tak tak em?" Dar 7:30 a ri tawh dawn, a tlai ngai silo a, ka pa te nupa chh u an ṭhu ngawi ran, biak ngam pawh an nilo tih ka fanu pawhin a hre ve ani mahna, a ni leh nilo angzet in a nî Nancy pawh a be biklo


Kawngkhar rawn ri rek ah chuan kan hawi vat, a sam bawk khawm vekin, vawiin a a thawmhnaw kha a thlak hauhlo bawk, "ka tihpalh, emergency a zai tur damlo ka nei thut a lawm le," Thupha a rawn chawi nghal mawlh mawlh, mahse ka pa te nupa a hmu chu a hlim vaklo a ni mahna a nui tawk tak

Ka bul a ṭhut ma awl a rawm ṭhu thla in, "Hi, Nancy lalnunthari, Mama nau ka nia, heihi Loicy Malsawmkimi, Mama fanu," Nancy'in phur lutuk in alo in hmel hriat tir

Nui sang a ka nai leh fanu chu en in, "Hmangaihzuali, Zualtei," A ti sup

Ka fanu chuan kuang kuah at a Zualtei en chuan, "kum engzat nge i nih?" Ka fanu tak hi chu, "bawihte," Ka ti sup

Zualtei chu a nui hak, a nuih zawng a biang sum leh a hmui phir sexy zet mai nalh zia chu

"Kum 28, Loicy nang kum engzat nge inih?" Naupang a lawm hle tih a mitmeng tle sar sar ah chuan a hmuh theih

Eitur ka chah vat

"Bawihte minti rawh, kum 5 ka ni tawh bawk," Fel fai at a a chhan chuan Zualtei a nui ri hak, a nui ri ka hriat na hmasaber a ni, a mawi takzet

"Ohh ka tihpalh," A ti sup

Ei tur a raw thlen a vangin, "ei phawt ang u," Ka tih chuan an bu ve nghat, Nancy'in mi rawn melh zawk zawk chu ka mitsir leh zauh ṭhin


"Naktuk aṭang chuan tu emaw minpuih na vangin ER ah min sawn dawn a, a lawmawm takzet," Zualtei aw chu lawm vang a pawh nilo, intih el na alang tam mah zawk, a thil ei lai a chawl hauhlo bawk

Ka pa te nupa ka melh zawk, ka pa in a fian ken dawhkan a dah ri bawl chuan, "min rawn puh tihna em ni?" A ti chang fak

Zualtei rawn nui chhuak hakin, a kamsir hrufai chuan, a kiu pahnih dawhkan chung a nghatin a kut a suih zawm bawk, a che vel engkim chu ngeiawm tak a ni, a tilui tih lah hriat reng

"Ka ngamlo hauhlo mai, ka ṭawngkam bul tak ah ka pa ilo in ngaihbel a nih chuan min hrethiam teh," Elhsen zet a tih leh ka pa nupui chu a melh ralh

Nancy'in mak ti fe in Zualtei chu kâ ang hau in alo en ve bawk


"Doctor nungchang mawi i hrelo hle mai, i pasal tur a nu leh pa te kan ni tih i theihnghilh êm lo angchu maw?" Ka pa nupui in a rawn ti fak fak, ngawi reng in ka thil ei lai ka ei mawlh mawlh

An in ngam tawk khawp mai, an vawikhat in khak na a anglo hial zawk a lawm


"Ohhh ka tihpalh, mo dang ang a, pasal nu leh pa te zahthlak ka nei dawn em tih ka hrelo ani," Tih lehsak chuan a ding chhuak, "ka nu chuan ti hian a sawi ṭhin, 'ei tur pe tu te hnen ah chuan lawmthu sawi theihnghilh ngai suh angche' tiin, zanin zanriah vangin ka lawm e, tu emaw vangin ka damlo thih na sual mek te ka insawn san angaih hmel si a, zan in hian damlo pathum ngawt zai tur ka nei a, min hrethiam dawn nia," Tih zawmzat in min rawn melh zawkin a pensawn nghal, umzui kantum hranlo, ka nuisuk ringawt

Hnunglam aṭang Nancy-in ngaihsan hmel fe a en chuan, "wow, ka duh lutuk," A tih sup chuan ka pa te nupa in rum fahran in an melh hrawk, kei erawh ka nui hak thung, hmeichhe pakhat chu a ni ve hrim hrim e


"Mam, nei ngei ngei angche," Nancy-in a rawn tih chuan, "a chhelo e," Ka fanu in a rawn tih zawmzat, ka nui leh hak hak, inla puitling reuh lutuk

"Ka pawmlo ka tih kha," Ka pa in dawhkan chum ri bur chuan a rawn ti ṭhak, ka fian ken lai dawhkan a dah ri bawl in, "i pawmpui na kan mamawh lo, i nupui tur nilo in, ka nupui tur a ni, m ni reilo te hnunah man in hlan na kan nei ang, inneih lawmna a awm kan duh heklo, Nancy driver in a hruai haw angche u, hna tlem kala nei," Tih leh tho chhuak nghal

“Rempui, nu leh pa remtihna lo a nupui pasal inneih hi a malsawm ngailo a nia,” Ka pa nupui in a rawn tih chuan Nancy chu a nui hak, “mipawmlai chhuhsak hi a malsawm in i hrebik emaw ni?” Melh miah silo a Nancy-in a tih chuan kanpa in a melh vat


“In malsawmna ka mamawh hranlo,” Tih leh inher in kawngkhar lam ka pan nghal

Ka hnunglam a fian tla ri bawl ka hriat rualin, “Pa,” Nancy-in thinrin zet a a au ri in a zawm zat, ka pa in min vawm zui a ni tih ka hria, hawilet erawh ka tum buai lo nasa, ka nun ah inrawlh turin thu neihna nei miau heklo


***Riya***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:10 pm

STONE HEART
By floria laldansangi

15

ZUALTEI...POV

"Ka patea biaksak tur che in min duh em?" Ei tur ka ei mawlh mawlh lai Rinhlua'n a rawn tih chuan ka lu ka thing, he cancer center ah hian Rinhlua patea hi board director a nih vangin puih dil pawh ni ila minpui hreh hauh dawnlo tih ka hria

Mahse min hring tunu te lak ah tlawm mai mai ka tum hauhlo, keima chakna leh theihna ngei in engtia thui nge ka kal theih entir ka duh a ni


"ER chu a awlsam dawnlo a nia," Min rawn melh zawk, ka nui hak, min ngaihtuah vang tih ka hria, mahse chuti chung pawh in a puihna chu kala pawm thei chuanglo

"Inzir na pakhat a ni mai," Ngaih sam hmel zet a ka tih chuan nui hak in a thleng a arsa bawp chu ka thleng ah a rawn dah, "ei rawh, i ngainat kha, damlo en tur ka nei a, kalo han chho mai dawn em ni?" A tih chuan ka bu nghat, Remruatpuia vang vek rei tak min nghah a ngaih phah Rinhlua'n


"Kalrawh, keipawh ka ei zo anga ka rawn chho ang," Chaw hmuam ṭawlh ṭawlh a ka tih chuan nui hak hak a tui min chhawp hnai in, "i hak ange, ka kal," Tih leh tho in a pensawn nghal, Rinhlua hi chu mipa fel tak avan ni chiang e aw, a hmeichhe hmangaih nih tluk a vanneih na a awm hauhlo ang
.
.
.
"Kalo ṭhu ve doctor," Nurse Hmingtei'n a rawn tih chuan ka bu nghat nghat, ka kâ ah sa hrang ka ṭhial lian lutuk a ṭawng mai thei pawh ka nilo

"Thil ka zawt thei che ngem?" A chaw ei tur thai let chuan a rawn ti sup, ka bu leh nghat, "enge ni a?" Ka melh zawk, lai lek lek hmel te a pu, Hmingtei hi nurse ah chuan ka ngainat ber ti ila ka sawi sual hauhlo ang, a ngawi chawi em em a, nurse dang an ṭawng tam ka tihna nilo in, ṭul lo sawi ve mai mai chi a nilo


"Ihhhhh.. Doctor Rinhlua nen hian in in hriatna a rei tawh tak tak em ni?" Rinhlua a hming alam lai chuan alai hle tih ka hre thei, a rilru ka man nghal, ka nui hak


Fiam hlak ka duh riau, "ummm, i ring em?" Min rawn melh zawk, "ring ve tho, a ngaihsak che a, mimawl ber pawn a duhzia che an hrevek angchu," Rilru na aw leh mahni tê intihna alang tel

Za zet in ka nui chhuak, kan school kal lai pawh khan hethu hi an sawi fo tawh, Rinhlua'n min duh tih hi, mahse kan inkar ah ṭhian ṭhat na bak a awm hauh silo a


"Chutiang chuan maw alo lan chhuah a?" A nur nang, "i vannei e," A chaw ei lai chu tui a ti vaklo nge maw ni, a ṭhial ve satliah mai mai a ni

"Ni e, ka vannei takzet, a ni ang ṭhian ṭha lutuk ka nei a, i ngaihdan kha paih la, in ring tawk rawh," Ka tih chuan mi rawn en kawk, "ka hre dik chiah," Ka tih zawmzat


Lai zet a a chaw ei tur thai let chuan, "engtin?" A ti sep, nui hak hak a tui in chuan, "i chal ah khan a in ziak vek, lung ngai suh, Rinhlua nen chuan ṭhian bak kan nilo," Nui vur vur a ka tih leh chuan a rawn nui sun sun

Ka phone message rawn thleng chu nui var var a en in, ka thil hmuh erawh chawp chilh in ka nui hmel a ti reh nghal, number ka hriatloh aṭang a U Zuala nen a kan thlak min rawn thawn chuan, "heilo pawh hi tamtak ka la nei in ka hria a nia, ni lo, a bul a ṭang a rawp thleng in, i bialpa, nupui neilai i thah dan thleng in ka hria," Tih ka chhiar chuan ka phone hum lai ka khur dar dar, nghet lutuk in ka hum

"Doctor, i ṭha em?" Hmingtei'n a rawn tih chuan ka chil ka lem khalh, harsa ti zet a bu nghat chuan, "Hmingte ka thleng hi min lo dah sak mairawh aw," Tih leh min chhan na pawh nghaklo in ka tho chhuak nghal, ka pen hlawk hlawk tak na in, ka taksa chhunglam aṭang a rawn khur, U Zuala kha ka thah a nilo


A thihdawn zan kha kan tawpna tak tak a ni ang tih ka ring pha biklo, aih, ka thiamloh pakhat mah a awmlo, accident a ni, ni e, ka thiamloh na pawh a awm mahna, mahse a thih erawh ka duhdan a ni biklo


Hman hmawh lutuk in Lucy-i ka zawng nghal, OP room aṭang a rawn chuak chu a ban a phih sawk in, hnai lutuk a en chuan, "engthil nge tih i tum?" Ka seh chilh nawk nawk, ka mittui a tla lo chauh, he thil thleng theihnghilh tur hian engtiang tak a harsa in nge ka beih an hre hauhlo ang, hria oawh nise tuman an ring dawn chuanglo tih ka hria, phawk fe a min en chuan, "enge i sawi awmzia?" A hmel lan dan ah chuan hrelo tak tak te pawh a ang zawk a lawm


"I hrelo tak tak nge i hrelo der zawk?" Ka thaw kawk kawk

A nui hak, "i pasal hlui, ohhhh mipasal pawmlai, i kawp chungchang kha em ni?" Ka vawn na thing thla sawk a atih chuan a nui zui hak hak, ka kut ka hum ruh, "i kâ aṭang a thudik tak a chhuak theilo a nih chuan âng tam suh, tleirawl hlauh vang che pawh nilo a, a ṭul vang chauh a i thuhnuai a awm ṭhin kha ka ni tawhlo a nia Lucy, ka hrilh lo che, ka vo lawk che a nih chu," Chiang fek fawk a en chuan ka in her hmak, a ke per tan tan ri chu ka hre reng

"Engkim hi kal zawng chhuak dawn a nia," A rawn ti tuar chu ka hre hman hram, pawn ah chak lutuk a chhuakin damdawiin hnunglam a ṭhut na awm ah chuan ka ṭhu thla hnawk, ka mittui a rawn far kauh kauh, ka hmai ka hup thawk


Ka phone phawrh chuan thlalak chu ka en leh, hetih hunlai kha chuan ka hlim ve tak tak ṭhin, tihluih na a tel lova, 'ka neih zawng zawng' ti a ka sawi ṭhin mipa diktak ang a ka ngaih U Zuala ka bul ah a awm reng ṭhin kha a nia

Khami zan, kan in hmuh hnuhnunber zan kha ka mitthla ah a rawn lang zut zut, ka thaw a tawp mai dawn in ka hria, a mitmeng a inchhir ma te, natna te kha chiang lutuk in a rawn lang, boruak tam thei angber hip tum chuan ka thaw kawk kawk

"A tawp na, a tawp na maw? Chu chu i duh dan takzet em ni?" Khami zan a a zawhna kha ka beng ah a khawk rum rum, ka mittui a rawn tla zawih zawih bawk, "tiang zawng a tawp hi ka duh hauhlo, ka duhlo takzet," In hnit hlawp hlawp chuan ka ti chhuak, engvang a ka nun hi harsa em em nge a nih ka hrethiam lo, ka hrethiam ngai pawh in ka ring heklo
.
.
.
.
Rendezvous Hotel ka thlen chuan a hma a min hruai tu bawk khan, room pakhat changkang zet a min luh pui leh, ka mihring hmuh hmasakber erawh ka nui hmel a ti tawp chat, min hring tunu te nupa chu an rawn lan ve duh pawh ka rinloh vei nen

Ruatpuia nau Nancy leh he mihring ngel ngul mizia chu inper san tak a ni

Ruatpuia fanu hmelṭha zet mai, mitmeng fim kar mai hming a sawi chuan min deng dawt, "Loicy," Ka phun nawn sap, a kum zat a sawi lah chu ka fanu, Loicy nen an inrual vel chiah leh nghal, ka lungphu rawn phu dawt dawt chu tih reh tumin ka in hum ruh, ka awm zawn hi a sa veng veng, ka fanu kha la dam nise an inrual viau ang, hetiang a naupang fel leh hmelṭha hi a ni angem?


Ka ngaihtuah na avang a ka mittui rawn hnaj ṭiam ṭiam chu ka khap let sak sak, Loicy che vel chu ka en kar, a duhawm takzet, a kum aiin a che zia lah chu a puitling zek leh nghal, naupang fing fel tak a ni


Ruatpuia pa te nupa ka biak dan leh ka nunchang chu a mawilo hle tih ka hria, mahse an fapa hi ka hmangaih emaw ka duh êm vang reng a nei tur ka nihloh zia leh a neih ka mamawh loh zia hi hriase ka duh a ni, pawisa hmang a mi zawng zawng an thu hnuai a an dah theihloh zia pawh hmuh tir ka duh
.
.
.
.
Hotel ka chhuahsan rualin boruak ka hip kawk kawk, kha sakeibaknei puk ah khan ka lut thuk mek chu a ni si a, thlan tur dang nei ila, kawng dang zawh tur awmse ka ti takzet, mahse he chirhdum thuk tak mai ah hian ka pil riai riai chu a nih ber hi maw


Taxi rawn tlan phar ding chuan Te-i te awmna damdawiin hming ka sawi vat

Ka phone rawn ri ral ral chu en in ka nui hak, "ilo haw daih a, zanriah kan ei dun angchu ka ti a sin," Ka pickup rualin Rinhlua'n lungawi chiahlo tih hriat zet a a rawn tih chuan ka nui hak

"Tihpalh pawimawh tih tur ka nei alawm le," Ka ti sep, vawiin lam a Hmingtei'n a ngaihdan chungchang vel kha ka sawi angem tih ka ngaihtuah, mahse phone a sawi aiin hmai chhan a sawipui a fuh zawk ka ring, Hmingtei pawh hmeichhe fel tak a ni a, Rinhlua tan chuan a fuhber ang


Damdawiin ka thlen chuan ICU lam ka pan vat, Te-i pawn rawn chhuak nen kan in tawh chuan ka nui suk, "i rawn kal dawn talo emaw ka tia," Nui var var a atih chuan ka dar san ak in, "tihpalh ka buai lutuk a," Ka ti sep


Kan sir a ṭhut na an siam a ṭhu thla chuan, "Te-i ER ah ka insawn dawn a," Ka ti sep, "maw?" Rawn ti vak chuan a rawn ṭhut thla ve nghal, "enge thleng a? A tih zawmzat

Zawi zet a ṭhu in a dar a ka lu nghat chuan, "Ruatpuia pa thil tih ni in ka hria, vawiin lam enge Isak-a a an?" Ka tih chuan a thaw ve hak


"Ka lawm e aw Zualte awmlo la chu Sak-a hi ka chan dawm tih ka hria," Ṭah aw lawi rat a arawn tih chuan ṭhu ṭha in, "hey... Lawmthu sawi angailo, i unaunu lawm ka nih, doctor in enge a sawi?" A kut vuan a ka tih chuan rawn nui sun sun in

"In zai na hetiang tak a hlawhtling a la hmuh ngailoh thu leh, a kut bung i zawm leh theih thu chu hâ hîp in a sawi mawle, ni 3 hnu ah ward pangai ah kan insawn theih thu a sawi bawk a," Hlim tih hriat zet a mittui tling piau a a tih chuan ka nui ve hak hak, ka rilru in Pathian hnen ah lawmthu ka sawi nghal mawlh mawlh bawk


"Ohhh enteh, nurse Hmingtei ka ngaina reuh lutuk ti a ka sawi kha ila hria em?" Te-i en chung a ka tih chuan a bu nghat


Nui sangin, "Rinhlua hi a duh a, Rinhlua nen hian sawi zawm ka duh a ni, hmeichhe fel tak a ni bawk nen," Ka tih chuan Te-i chu a rawn chek tlak tlak


Lu thing mat mat in, "i vahan mawl tak, ti em em hian a ni maw ka unaunu hi alo mawl a," Maw? Keimah maw? Ngawt chuan


"Enge?" Ka tih chuan ka chal a rawn kawk sawkin, "Rinhlua chuan tu hmeichhia mah a duhlo, i mit a del em ni? Nangmah alawm a duh che, i va han hrethiam lo tak," Inti hre fe a a rawn tih chuan za zet in ka nui chhuak, tinge mi zawng zawng hian Rinhlua hian minduh a an hriat tlat le, ka lak ah te chuan hetiang reng hi lawm a nih, min duat a, minpui a, ka unaupa angmai alawm, â hlawm lutuk mai



"In van hrelo hlawm tak e aw, a ni te chu..." Ka tih laiin


"A bul hnai a i awm in, i lungphu a phu rang em? A hmel i hmuh tawh chuan hmuh reng i chak em? A khawih che emaw a bul a i awm in chhan awm silo in i zam ru ṭhin em? I thawk a sak em? A khawih chang che hian current man ang maiin i ṭek deuh chuai ṭhin em?" A zawhna min zawh ho chu pakhat mahin ka awmlo


Mahse...mahse kha mihring, Remruatpuia bul a ka awm khan ka awm zawk a ni, ka zam a, ka lungphu pangai hi a rawn ti danglam a, blood pressure thleng hian a san phah in ka hria, ka duhloh dan tawp in min awmtir fo a, vawiin pawh khan ka in fawh tirlo chauh a nih kha


Ka ngaihtuah na avangin ka hmai a rawn sa hat hat, "kha ka sawi reng kha, Isak-a lak a ka awmdan chiah a ni, Rinhlua hi ṭhian satliah ang chuan i en biklo a lawm, ila in hrethiam lo a nih kha, kha kha 'duhna' an ti," Inti hre fe a arawn tih chuan ka en kawk


Kei hian Remruatpuia hi ka duh ang maw? Hah hah, teuhlo lutuk rapthlak hian!!! DUHNA maw? Vanram pawh khi fang chhuak se an hmulo ange


"Ka duhlo, Rinhlua a nen chuan ṭhian tak tak alawm kan nih," Ka ti ve tak na a awihlo tih ahriat reng a ner leh nasa tawh lutuk


"A nih engvang a i hmaisen tawn tawn khange a nih?" Mit hmul san ak ak a atih chuan ka nui tawp, ngaihtuahna chhiar thei se chuan Rinhlua hming chu De pawh a tihpui lo tawp ang mawle


"Kha kha ka sawi dik chiah, i hmai kha khawi maw ka lo en," Min rawn ban pah a tih chuan lo in dang in, nui hak hak chuan, "a nilo, ka ti tak tak a lawm," Ka ti chul

Nui uar uar chuan, "i hmaisen tawn tawn leh i lungphu rawn rang ta ah khan ka chiang lutuk," Min mel ralh ralh chung a a tih chuan ka nui hawk hawk, ka thluak a ka ngaihtuah erawh midang daih a ni sia aw....

Kan nuih hawk hawk laiin, aw rawn thian ri kharh kharh ri kan hriat chuan kan hawi vat, kekawr ipte zen at a, rum lutuk a min melh run chung a kan hma a ding Rempuia chu kâ hau in ka en, enge a rawn tih dawn, min zui ru chu a ni êm lo maw?

"Damlo zai tur i ngah hle mai," A nernawk, a ṭawng chu min tih el na a ni tih ka hre thei, chhang lo in Te-i en chuan, "kan haw dawn a mi, naktuk lam ah i chau lutuk ang," Ka ti sup

Tei'n min en tawn zak zak a bu nghat in, "ICU chhung ah sawn ka bag ka dah ka va la lawk ange," Tih leh dingin Rempuia en leh haw chuan a pensawn nghal


Ka ṭhut na aṭang a ding a pensawn ve ka tum chu ka bul a rawn pen hnai in ka banrek a man chuan min hnung kal dawt dawr hi a niber


Ṭan buai dawnlah in vei vak an awm ve reng bawk si, ṭang deuh ṭung chuan kâ chip hmak in ka tlan det det, a lian rapthlak si, hmeichhe te chhia ka ni hauhlo, he sakawlh bul a ka awm chiah hian ka te rawih rawih hian ka in hre ṭhin


Thim chin kan thlen chuan min theh ṭhuai, car ka ngheng dawt, ka ṭhensak bawk, car a kut rawn nem bet chuan ka taksa si chet in a rawn ding zui zat, ka thawklak a buai leh tawh, a taksa hian min hip ta emaw tih turin ka mur er er leh nghal, hrep tak hian!!!


"Maw? Rinhlua a bul a i awm in i lungphu a rang a maw? A khawih che in i danglam phiangsen a maw?" A tawng chu a ringlo na in fiah fiak fiak tak a ni, a mar ṭhak mai

"Kal..kalsawn teh," Ka ti bah nak, a nui ri hak, a hmel hmu chiang theilo mahila a lungphu ri dup dup leh a nui ri thum dup mai aṭang chuan a hmel awmdan tur ka mitthla thiam chiang teh e


"Nang hian Lalrinhlua hi i duh a maw?" A ti leh chhur chhur, keihian ka duh amaw? A â maw ni


"Kalsawn teh, engmah i hriatloh chu hriat belh ṭalh tum suh," Tih let ve khar khar in a khabe hnuai aṭang chuan ka melh chho, min hmu fiah bik pawhin ka ring tawplo e


A rawn kun hniam tih hriat takin ka hmai a za mer mer, a taksa che vel leh thawri te, lungphu ri engkim ka taksa hian a feel zel thei chu mak tak a ni, mak tak

Ka thaw em pawh ka hrelo, tun ah chuan hmu chiang tawh tak ka ni, kan hnar a in dai lek lek, ka lungphu hi a tawp nge, a phu rang lutuk hi ka hre hmanlo zawk


Ka chil ka lem khalh, a ni pawh a chil a lem tih hriat takin a ri thla kurh bawk, a thawk a rang ve hle tih pawh ka hre thei, a thawlum ham ham maiin ka hmai a ur chuan ma za mer mer, ka kaw chhung hi a in hlawm khawm ta emaw tih mai tur a ni, ka kaihza tha a zawi tual tual maileh nghal

"Zualte, in awm em?" Te-i aw ri ka hriat rualin harh chhuak thut chuan, na lutuk ka nam dawrh, engthil nge maw ka tih le, a vawihnih na atan ka in fawh tir lehlo chauh a nih pek kha, boruak hip kawk in Te-i min auh na chu chhan tum in ka kâ ka âng zuai tih ah, "he tah kan awm," Rempuia'n a ti thum dut chu ka melh zawk

A car hnung kawngkhar chu rang lutuk a hawng in ka ṭhu lut nghal, a nui ri huk chu ka hre hman hram, a nuiri hi a sexy ka ti tlat pek lehnghal, phiangsen hian, ka vahan indah cheap chiang tak êm, ka lu ka thing nawk nawk, a thleng tawhlo ang, a thleng leh tawh ngailo ang

"Eng maw?" Tei'n a rawn tih chuan ka ngaihtuahna ka sawi chhuak leh pek tawh, hahthlak hian, "engmah a nilo, zanin chu ka riaklo ang aw, ka pa te thu hrilh tur ka nei si a," Thudang ka sawipui vatloh chuan a dil chhut leh dawn tlat


"Umm a pawilo, ER ah i insawn phei chuan i buai dawn tih ka hria alawm," A ti sep

"Te-i, inpa chu enge a an, news kalo chhiar a, a ti ropui khawp mai, a mah vangin ruihhlo tamtak an man phah a," Te-i be si chuan darthlalang aṭang min rawn en ngar ngar, ka hawi sawn hmak, mintih zah a tum khanglang emaw ni


"Pathian leh Zualtei te ṭhian dun chung ah ka lawm khawp mai, an ni awmlo sela tun dinhmun kan thleng hauhlo ang, doctor sawidan in ni 3 hnu ah ward pangai ah kan insawn theih tur thu a sawi a," Tei'n pangai tak a a sawi chuan bu ve nghat nghat
.
.
.
.

"Ka rawn lut kawilo mai ang, a tlai tawh emai," Te-i chhuak tur chu ka ti sup, "i thlen veleh min rawn be rawh aw," Kawngkhar a rawn dak a atih chuan ka bu ve nghat

Te-i an in a luhfel hnu pawh a Rempuia la ding tlat chu en hâ in, "enge ila nghah?" Ka ti deuh hâ chu rawn in her in, "a hma ah rawn ṭhu rawh," A ti nghut, teuhlo lutuk mai, a hnung a ṭhu chung pawh a awm nawmloh sa nak alai a


"A ṭha lawm hetah kan ding zankhua anga a ni mai," Ka chhan mai loh avang in a tih zawmzat, duh leh ding zankhua sela taxi kala haw mai ang

Car kawngkhar hawng rak rak a chhuakin, kawngpui sirlam ka pan, taxi a rawn tlan chiah leh nghal tih chi lutuk

Taxi ka bul a rawn ding chu kawngkhar hawng a ka lut tur chu a rawn in nam khar ṭhuai, "kan tihpalh ka pu, ka nupui hi a thinrim a, kalsan rawh, ka thlem lungawi anga ka hruai haw mai ang," He mihring phiangsen hian enge maw a sawi le

Thinrim lutuk a en kawk chuan, "min thlah teh, ka pu...." Ka ṭawng zawh hma in


"Tunlai naupang lutuk a innei intam lutuk hi chu heihi lawm buaina," Taxi driver in ti nghut chuan a atlan tlang chu thinrim zetin ka ke ka per tan tan

"Remruatpuia, enge i duh?" Ka ti ṭhat, street light hnuai ah chuan a nui hmel chu pa tak a ni, a kamsir chuar deuh leh a nuih zawng a, a mit tlangkawm chuar te chuan a ti lang pa leh zual

"Ka duh maw?" Tih leh ka kaihza leh ka nghawng a a kut dahin min pawm kanglawp, min zo em em mai leh nghal

"Mindah thla teh, ka au dawn a nia," Ka au chu a niber tawh sia, tal laih laih in ka chum dawt dawt, thingkung dinglai sawisak ang vel a ni

"Ka sawi chu i hrelo em ni? Min dah thla rawh," A sam ah ka kek buan buan, thaw hak a car hma seat a min nghat chawrh chuan a sam buk zet mai ṭham nuam em em a ka kut in ham tang chu phihsawk a a kut lehlam a ka kut man khawmin, "ka phuarbet hrehlo che a nia," Ala nui ang sung zui a


"Ramhuai pa," A hmai zawn ah ka au tuar, a dar a san ak, ka chal, a chal a rawn tauh ri bauh chuan, "ka hria lawm," Ti sup in min manbeh na thlah in kawngkhar a khar nghal zat, he mihring ka huat zia hi, piang nawn leh na hi awmse ka sal atan ka pian nawn tir khawp ang, a thu a duh lutuk te, a nui hmelṭha lutuk leh pa lutuk te hi ka haw khat vek



"Ngawi reng in ṭhu angche," A rawn ṭhut luh rual a atih chuan ka nernawk, ṭawng ṭeuh rawh pawh tise ka be peihlo hrim hrim

"Director ka bia a, ER ah chuan i insawn a ngailo ang, naktuk ah meeting an neih tur thu a sawi kha," Tlan chhuak pah a min rawn melh zawk a a atih chuan pawnlam ka hawi hmak


"A ngailo, in thu thu a awmtur in inhnuai a hnathawk ka nilo," Ka ti hmak, a thaw ri hak chu ka hrereng, ka ngaihdan chiah a ni bawk, an ni chhungkaw thiltih theih uchuak vang a, an kawh kual ang ang a awmtur ka ni aw zawnglo


"I chiang a maw? ER chu....." A tih laiin kan hma a bike tlan chu rawn inher thut in kan lam ah chak lutuk in minsut ngei ngei tum in a rawn tlan, headlight eng lutuk in ka mit a chhun chuan, ka rak ṭhat, ka hma ah kum 5 liam ta a kan accident kha a rawn lang zut zut, nilo, tun ah hian khatiang chiah kha ka tawng leh a ni, Rempuia'n steering a herh kawi nawk nawk


Ko pang kan su a ni tih hriat takin a ri bur, ka taksa zawih nghulh leh, ka khawhmuh mitsulh chu a thim tial tial, "Hmangaihzual, i ṭha em?" Chu chu ka hriat hnu hnungber a ni

REMRUATPUIA.....POV


Kan hma a bike tlan chu in min tilui emaw aw tih tur khawp in ka tlan na tur apiang ah a in khalh zel chu ka thaw deuh hak, thawk leh khat a. tlan a chak thut chu ka lawm ruk angreng viau laiin a rawn U Turn thut, ka car rawn sut ngei ngei tum chuan chak lutuk in a rawn tlan let

Ka steering vawn chu kawng chhak lam ah ka herh pawp, Hmangaihzual benghup in a rak ṭhawt bawk, ko pang ka su ri bur, rang lutuk in Zualtei lam ka hawi, ka chal ka sawh ve deuh a ni mahna a thip sek, mahse Hmangaihzuali erawh a meng duar duar


Rang lutuk a alam a tawlh sawn chuan, "Hmangaihzual, i ṭha em?"Min chhanglo, kawngkhar tlawh hawng ṭhuai in, a awmna lam ka pan vat

Kawngkhar hawng rawk rawk chuan ka sawi nawk nawk, a harh hauhlo, a lungphu ka ngaithla, ala phu, mahse tinge a harhloh, kan bul a car leh motor dang rawn ding sap sap chu, "in ṭha em? Hliam in nei em?" An rawn tih chuan, "ka nupui hi damdawiin ah hruai angai," Ka ti hrawk


"Ka motor ah hian rawn pawm lut rawh, durtlang a hnaiber," Pakhat in a rawn tih chuan Zualtei pawm lawpin kawngkhar anlo hawn na lam chu ka pan nghal

Ka ṭhu luh rualin, "hman hmawh rawh," Ka ti nghal zat

Zualtei thisen chhuak miah silo, taksa zawi hniang chu kuahbet in, ka ko mawlh mawlh, ka hlauhthawn zia chu, hetiang a hlauthawng hian kala awm ngai hauhlo, "khawngaih in, khawngaih in minti hlau lo teh," Ka phun sep sep, nghet lutuk a kuahin ka hmui in a chal ka nawr, "harh teh,Hmangaihzual minti hlau a nia," Ka phun leh sup

Damdawiin in kan thlen rualin, kawngkhar hawng sawk sawk chuan ka pawm chhuak, "Doctor, ka nupui hi," Ka â chhû niber hian ka hria


"Helam ah rawn pawm rawh," Doctor in alo ti vat, khum a nghat chuan, "hman hmawh rawh, a insawh na em? Engtin nge a awm?" Doctor chu ka bia pawh in ka inhrelo

"Pawn ah lo va awm rawh," Nurse in min nawr chhuak tur chu a kut vai sawn lawpin, "ka nupui a nih hi," Ka ti ṭhawt, mahnilo mah a hlauhthawn nak alai, kalsan tur a mintih khanglang, a teuh hian a hnailo

"A pawilo, engmah hlauh tur a awmlo e, i nupui em ni?" Doctor in a rawn tih chuan nurse ka hma a ding namsawn chuan ka pan vat

"Aw ni e, hliam a neih ka hre silo a, engvang a nikhaw hrelo a awm nge a nih? Engtik nge a harh dawn?" Hetiang reng reng a ka chiai hi kala hre ngailo, ka duh vang pawh a ni heklo, ka chhungril a hlauhthawn na hi ka thunun theih piahlam a ni

"A thiltawn in a ṭhawng deuh a nih hi, damdawi in ka chiu tawh a, thisen a nei tlem in, zan a mu tamlo tih a hriat, a taksa a chakloh vang pakhat a ni bawk, hlauthawng suh," Doctor in nui vur vur a a tih chuan ka thaw hawk, ka kâ chhung leh hrawk a hnawh tu lak kian angmai a ni, ka thaw a veng hawk thei


Doctor leh nurse kalsawn rual in Zualtei mutna pan hnai chuan ka ṭhu thla, a sam a hmai zar tu chu hui kiang in, "minti hlau lutuk," Ka phun sep, engvang a hlauthawng em em nge maw ka nih le? Ti na a, kalsan leh tur a bul ṭanpui tur ka nihlai in, a nat ka hlau hle mai chu ka in hrethiam lo takzet

Ka phone phawrh in Rick ka phone, car leh accident vel lo buaipui a, chhui chiang tur a ka tih hnu ah Zualtei muhil chu ka thlir leh vang vang, he thil ti tu hi tupawh ni rawhse ka zawng chhuak anga, Hmangaihzuali tiang a siamtu hi ka chhuah hauhlo ang

***Riya***


Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:10 pm

STONE HEART
By floria laldansangi

16

REMRUATPUIA....POV

"Ruatpui," Ricky aw ka hriat chuan ka dak chhuak vat, police ni ngei tur nen a an rawn lut chu ka ding vat

"Zawhna zawh duh che an nei a, naktuk nghaklo in ka rawn hruai mai," A ti sup, bu nghat in, "Zualtei hi lo awmpui lawk rawh, pawn ah kan inbe dawn em ni?" Ka ti nghal zat
.
.
.
"Han rin mai tur awm te inei em? I sawidan in accident a nilo tih i chiang si a," Officer in a rawn tih chuan ka lu ka thing mat mat, ka rilru ah erawh ka pa te nupa an nih ka ring nghet hmiah thung

"ka sawitawh angkhan a hmel pawh ka hmulo bawk nen, rin mai tur ka hrelo," Ka tih chuan bu nghat nghat in, "i nupui emaw a chhungte hian hmelma, a mah tina duh tur a nei in i hria em?" Chu zawhna a rawn thlen rualin Rachel-i ka rilru ah a rawn lang nghal zat, ka lu ka thing nawk nawk, a tih a nilo ang, tual that duh tur khawp in a nun rawng lo, a kâ chuan sawifo mahse a thisen in a ngam hauhlo ang

"Nei hauhlo mai, ka sawi tawh kha Doctor a ni a, ṭhian kawm tam leh ṭawng tam pawh a nilo, a thawhpui te pawh in zawt thei ang," Ka lu thing chu pakhat in awih chiahlo emaw tih tur a min en chuan a mit ah en kalh in ka chhang

"A reng reng in nupui i nei tih oawh kanlo hre hleinem," A atih chuan ka nui ve hak, buaina neuh neuh kan neih hian min pui ber tu a ni, a felin midik tak a ni bawk

"Ngaihtuah lutuk suh, he case hi tual thah tum na a nih avangin kam chhui chhuak ngei ang tih ka tiam a che," A tih zawmzat chuan ka thaw hak, Rachel, Rachel he thil ah hian in hnam hnawih lo hram angche, hetiang mihring i nih ngailoh kha, ka rilru in ka ti mawlh mawlh
.
.
.
"Ricky, min hawsan tawh mairawh, i chau lutuk ang," Ricky-a couch a muhil chu ka sawi dat dat, rawn meng phual a mit nuai chat chat a min en chuan, a nui suk

Zualtei mutna lam panin a bul ah ka ṭhu thla nghal zat, "a nih ka haw phawt ang naktuk ah ka rawn kal leh dawn nia," Ricky-an atih chuan en lo in ka bu ve nghat


Doctor sawi ang tak takin a taksa a rim tawk tih ka en chian hian ka hre chauh, a hmai ki ta riau leh a vundang bel te chu thisen neilo tih hriat ngawih ngawih
.
.
.
"Aih, ti suh, khawngaih in, aih," Zualtei ṭap ri ka hriat chuan ka harh zawk, sana ka ne nghal, zinglam dar 3 a pel thuak, a ban a rawn vai, a in ham buai a ni mahzawk


A thlan in a bual huh nuaih bawk, a bek a mittui rawn luang ngiai ngiai chuan, a hming a auh a, sawi harh ka tum chu, "ka tihpalh, ka tihpalh U Zual, ti suh," Arawn ṭap chhuak hawk hawk, ka kut ruh lutuk in ka hum, Lalthazuala maw ala ngaihtuah a, ka nui hul hak, "Rachel-i ngaihdan che hi a dikloh ka la ring fan na kha, iti chiang ta e," A Lu thle tawn zak zak a mittui luang chu rum,lutuk in kaelh, ka in seh ruh lutuk chu ka kut tum a khur dar dar thei

Engtin nge hetiang tak a hmeichhe lu zo leh fing, hmelṭha, duhawm na a khat si hian mipawmlai a ngaihzawn theih kala hrethiam theilo a ni

"La suh, la sawn suh," Mangang lutuk a a rawn tih leh chuan thaw la kawk in, ka sawi dawt dawt, "Hmangaihzual, harhteh, harh rawh," A rawn meng hlawl, mittui tling piau in a hawi â hu hu chu, "i harh em?" La ti sup, chiang lutuk in mittui nen mi rawn en, a taksa chu a khur dar dar

Thaw hak a ṭhu ṭha in, "i harh a nih kha" Ka tih chuan a awm na hrelo tih hriat tak a melh kual chuan, "khawnge ka awm?" A ti sup, a mit mittui vang a hnawm chap leh sen deuh ram te, a thlan chhuak vang a a sam a biang leh nghawng a bet tlap chu en in ka chil ka lem khalh, a lan dan sexy zia chu rapthlak tak a ni, hmeichhe sam hnawk zet leh thlan tla inhmeh ka tih awm chhun a ni hial angchu


"Damdawiin ah i awm, muhil leh rawh," Ka ti sup, a mitmeng la phi ruai ah chuan damdawi hna thawh ala zolo tih ka hre thei, "muhil rawh," ti sup chuan a puansin lai pawt chho in ka sin ṭhat tir


Mi rawn melh vang vang in, "khawnge i mut dawn, i chal kha, a na em?" Min ngaihtuah ve te pawh a ang alawm le, ka nuisuk, "engmah a nilo, muhil phawt la," Tih leh a mit hup bet chuan, ka nui suk, biangsum lang chiang lutuk a a rawn nui var var chu ka insum zo leh ta peklo

Kun hniam in ka fawp chat, a khawng nghal at , tal sawn a tum chu vuanbet in ka fawp ngar ngar, a hmui sexy leh phir nalh zet mai, nel thap mai chu âm lutuk in ka fawp, a hmui nem thek maichu a thlum dek dek hian ka hria, ka fawp tawn tawn, a tal lo a, min chhang heklo, a dawh tawp a niber, ka lei hmang a a hmui nawr kau chuan thuk zawkin ka fawp, ka kit chet tir ka tum keimah leh keimah ka inthunun

Fawp vang vang a inla hrang chuan, ka mit ka chhing sawk, thaw ka la kawk kawk bawk, ka insum hle a nihloh chuan he a mutna khum hi damdawiin a ni tih theihnghilh in ka lawn kai duh mai dawn tih ka inhre chiang lutuk mah mah


"Muhil rawh," Harsa ti zet a ti chhuak chuan ka thaw hak, ka melh zawk, hmui chip chât a nuiseih chuan mit a chhing nghal zat, ka nui ve suk
.
.
.
"Ruatpui," Zuali pa aw ka hriat chuan ka harh zawk, khum tlang bawhin kalo muhil chu ni in, Zualtei ka en vat, tui tih hmelzet in a thaw sek sek


"Inphihfai la kan inbe lawk dawn em niang?" A tih zawmzat chuan ka bu nghat, inbiak chu kan ngai a ni, Hmangaihzuali hi an inlam a hawlet tir ka tum tawh hauhlo tih pawh hriase ka duh
.
.
.
.
A ṭhut na lam coffee no keng chung a pan in, coffee no pakhat chu ka pe nghal, a hmel landan ah chuan eng amaw vei a nei tih a hriat

"Ruatpui, inneihna hi, kan ti danglam thei angem, ka fanu hi i neih ka rem tilo a ni,". A thusawi chu ka hresual emaw ka ti dawn, ka coffee in ka hak lo chauh

"Enge i sawi awmzia?" Ka melh ran, mipa mahni thusawi a dinglo hi ka haw hle tih leh Hmangaihzuali ngat phei chu ka nei ngei ngei dawn a ni tawp


"Inneih na hi ka pawmlo a ni, i duh chuan engtin pawhin hma ila thei ang, ka pawm vek e," A mitmeng ah chuan a fanu lak a in thiamlohna thuk tak a lang


"Hmangaihzuali hriat laiin ka sawi duhlo a, a chhan chu a pa hian a ngaihtuah a ni tih hriase ka duh vang chauh a ni," Ka kiai suk, "i fanu nun a thuthluk na siam kual turin dikna inei in ka hrelo a ni, hei leh chen a tawrhna te hi tudang vang a nilo tih hre chiang ber tur i ni bawk," Ti fak fak chuan ka wallet la chhuak in pawisa ka phawrh

Ka ṭhut na bul a dah chuan ka ding nghal, "kha kha man in hlan na ni rawhse, a rawn harh chhuah rualin ka hruai haw dawn tih ka sawi nghal, tun aṭang chuan ka nupui a ni a, ka thu hnuai a awm a ni tawh bawk, contract i hming i ziah hnan ah khan a chiang tawkin ka hria," Tih leh ka pen sawn nghal, thaw la kawk a, beidawn hmelzet a chunglam a melh chho ngar ngar chu ka mit sir zauh


Inchhir tur chuan a tlai tawh mah mah, a fanu tina a, ti keh chhe vek a, ka unaunu ang chiah a natna tamtak a neih theih nan sim turin, thuthluk na ka siam fel vek tawh tlat a ni
.
.
.
.
"Mama, i ṭha em? I chal kha a na em? I in hliam em?" Inchhung ka pen luh rual a Nancy'in hlauthawng zet a alo tih nghal chul chuan a zawhna pawh chhang lo in dinning room ah ka lut tlang nghal


Ka pa te nupa chu an thil ei chawl miahlo in an ei ngai reng a ei chu dawhkan ka chum ṭhuai, midang awm hnathawk ho chu an ip chawih, ka pa nupui pawh chuti tho mi rawn melh kawk

Za lo lutuk a ṭhenkhat in, "i hlau em ni? Kha ai hlauhawm kha ka nupui in nizan ah a tawk tih i hria em?" Ti hrawk chuan ka pa chu ka melh, muangchang a a fian ken dah thla in a hmui hru chuan mi rawn en, rum lutuk in ka melh, "eng chungchang nge i sawi ka hrelo," Ti nghut in a nupui melh chuan an ding nghal


An hmel lan dan ah chuan an nilo pawh a ni mahna, a chhan chu ka pa hian a thiltih a zep ngai lem lo tih ka hre chiang thawkhat, a nih chuan mipakhat chiah a bang tawh, chu chu Rachel-i a ni

"Lunglei lam a in haw tawhdawn a nihloh chuan he in hi chhuahsan angche u, zanin tlai aṭang Hmangaihzuali a rawn cheng tawh dawn, atan thil harsa tur zawng engmah ka duhlo," Dinning room kawngkhar an thleng, ka pa chu a ding dawt

"Min hnawh chhuak tihna em ni?" A aw ri chu kha tak a ni

Ka nui hak, "in inei a lawm, nge ni a, i thil tih tawh hriat chhuah i nei zawk?" Tihchhan nei lutuk a ka tih chuan a rawn hawi vut, a nupui in a kut ah aman bet

Nancy'in kan awmpui ho a kut a vaiin chhuak turin a hrilh sap sap bawk


"Remruatpui, i pa ka nih hi i theihnghilh a nge, he in pawh hi ka in a ni," Ka nui hul hak


"Lung ngai suh, kei leh ka nu kutbeng a kan chhuah ang êm chuan inchhuak dawn hleinem," Ka thlebak, a kut hum ruh ngawt ngawt chu ka hmu reng


"U Rem.. U Rempui, room sizing tur i ko em ni?" Kan awmpui pakhat in inthlahrung deuh a a rawn tih chuan ka bu nghat, "ka room kha zauh belh ka duh a, lo han hruai rawh," Tih leh ka pa te melh zauh a kal pel fua chuan, "naktuk ah chuan in chhuah fel ngei ka beisei a nia," Inchunglam pan pah chuan ka ti leh hram, ka pa mitmeng a natna ni awm tak lo lang kha ka hmu fiah lutuk, mahse kei leh ka nu, ka nau lak a a thiltih nen chuan nep te ala ni
.
.
.
"Mam, i rawn hruai haw dawn tak tak a maw? Enge awmzia? Ava hma tut tut tak, bakah inneih na....." Nancy'in ka room rawn lut pah a a tih chuan hnathawk ho kalo kawk kual


"Mam," A thusawi ka ngaithla lo a ti deuh a niang, a vin ṭhat, a lam a hawiin, "nakin ah Nancy, tun ah chuan ka duhdan design kha enla, hnathawk ho hi lo vil angche, dar 6 hmain an zawh ngei ngei angai, hrethiam em?" A chhip sam a tuai zeuh chuan ka chhuak nghal, a ner nung ah chuan a lungawi chiahlo a ni tih ka hre thei, ni e, a lo suangthuah ang inneih na kha a awm dawn miau heklo

Ka lehkhabu chhiar na room a lut in ka phone ka phawr, Rachel engtin nge maw i nun rawn em em theih le, nun na la tur nilo in, ti na tur chauhin a nih kha thu ka tiampui che, Rachel-i call pah chuan ka rilru in ka ti mawlh mawlh


Phone a pickup rualin, "Rachel, engvang a ti nge inih?" Ka aw ka thunun nasa lutuk chu ka thaw a chham dawn zawkin ka hria

"Aih, kha ai nasa pawh kha kala ti thei, a bul ṭan na chauh a ni Mam, mahse nang erawh tih natche ka tumlo a nia, 'mipa in a thlah' a rawn tih khan nangmah ini tih ka hrelo a tin ni, a thilo chu a vannei hle mai," A rawn nui uar uar, mak ti lutuk in ka ding khawng renh ringawt, tun a Rachel-i hi chu, ka nu hrawn, khawngaih na nei miahlo, a hring tunu mizia chiah chiah a ni


A aw ri chhuak te, a nui ri engkim mai te chu a hring tunu nen danglam na pakhat mah an neilo

"Min ring zolo a nih a chuan, Hmangaihzuali ka venghim duh a nih pawhin mindem suh angche, a nun na êm in a tawrh ka rem ti dawn hauhlo a nia," Ka sawk zawh rual deuh thaw in glass keh ri chuai ka hre zui zat


Rawn au tuar tuar chuan, "ka ruang i hmuh duh a thu a ni mai, penkhat pawh a kha mihring nu i ṭanpui a nih chuan ka ruang chung aṭang a i puih a ngai ang tih hria angche, i inaunu nhe min thlan kha mihring zaktheilo nu kha, thlang fel angche," Ti tuar chuan a off nghal hmak


Beidawng lutuk a thaw kawk couch ah ka ṭhu thla hawk, ka chhip sam buk laih mai chu ka ṭham tawk bawk, engthil nge ka tih tak hi keipawh hian ka hrethiam zo ta nek lo e

Hmangaihzuali hian thinlung nat zia tem se ka duh ngei a lawm, mahse a nun na erawh in a tawrh ka rem ti hauhlo, ni lo, a na tuar hmel hmuh hreawm ka ti a ni zawk


ZUALTEI....POV


Ka harh chhuah rual a ka pi, ka leh pa te leh Te-i, Rinhlua, hmel ka hmuh chuan ka ṭhu chhuak vat, engmah na ka nei hauh silo a


"I ṭha em ni? I ṭhu chhuak duh a," Rinhlua'n a lo ti vat chu ka lu ka thing, ka hawi kual deuh, Rempuia hi a haw ta maw nile? Ka rilru ah a rawn lang hmasaber chu a mak hle mai

"Enge thil thlen dan ni a? Minti mangang lutuk," Tei'n a rawn ti ve vat chu nuisuk in, "engmah a nilo, inpa awmpui i ngaih awm nen ilo kal duh a, pi nangpawh haw tawh rawh, ka ṭah lutuk doctor ka bia anga, ka chhuah theih nghal ka ring," Ka tih chuan mi rawn pan hnaiin a kut chuar tawh zet a ka pang dawn dep chuan a bu nghat

"A nih ka ṭhu rei deuh a ka taksa a na emai, ka hawsan angche, doctor kan be tawh a, na dang ineih loh thu a sawi tawh bawk a," A tih chuan ka bu nghat

An hmel hahdam dan ah Rempuia'n eng a maw hrilh a nei tawh tih ka hre nghal
.
.
.
"Zualte keipawh damdawiin ah ka kalsan mai angche, Rinhlua a awm tho, tlailam ah i chhuah theih thu doctor khan a sawi tawh bawk a ka kal mai dawn a sin," Ka pa te ho an haw hnu a Tei'n a tih chuan ka kut kal tur a vaiin, "ummm kal rawh, min ngaihtuah suh, na ka neilo," Ka tih chuan nui var var a Rinhlua en in, "a nih i kut ah ka dah mai aw?" Tih leh kawngkhar lam a pan nghal

"Minti hlauthawng hle mai," Tei chhuah hnu a Rinhlua'n a rawn tih sup chuan ka en vat, a hmel ah chuan a hlauthawng tak tak tih pawh alang reng

"Ka ṭha lawm, ka ril a ṭam e, pawn ah ei tur kan ei dawn em niang?" Thudang sawi vat chuan ka thle zauh, nui hak a a bul a ei tur a rawn ken ni awm tak khai kang chuan, "pawnlam ah sawn kan ei dawn nia," Tih leh ka mutna rawn pan in ka ban ah a rawn vuan, ka nui tawp, mindamlo chei lutuk chu


Kan sir a damlo dang awm ve ho chu thil ei pah chuan ka en kual, nizan ah, zan dang ang bawk in mangchhia ka nei leh a nih kha, U Zuala hmingte ka lam chhuak êm lo angchu maw? A tih chiloh viau ang

Nizan thil thleng ka ngaihtuah chhuah chuan Rempuia min fawh kha a rawn lang nghal zat, ka thil ei ka hak ṭhat, ka khuh nghal bawrh bawrh, avan hunlo tak e aw


"I ṭha em? Muangchangin ei rawh," Nui tut tut a Rinhlua'n a rawm tih chuan a tui minpek ban chuan ka ner nuk, ka ei chak lutuk vang pawh a ni tawp silo a


Kan thil ei mawlh mawlh lai a Rinhlua phone a rawn rik chuan a en vat, "kan chhang lawk ange," Tih leh kalsawn a rula nghal


A kalsawn rual deuh thaw in tu emaw in ka chhip aṭang tui a rawn leihbawk hawk, ka rak ṭhat

Ka ding nghal zawt bawk, ka hma a ding hmeichhia chu tunge a nih ka hrelo, ka vawikhat hmuhna a ni, damlo ti dawn ila, a incheidan ah chuan damlo hmel chu sawiloh, hmeichhe nalh tak leh fingtak a nih hmel vei nen

"Enge maw i tih le?" Ka ti ṭhat, a ner nawk, engmah sawilo a mi rawn ben a tum chu a kut ka vai sawn lawp


"Tunge i nih ka hrelo, engvang a hetiang a min rawn ti ngawt nge i nih?" A mitmeng ah lah chuan min huat hmel em em mai khawp lehnghal


"Min hriat i mamawh lo, ka pasal hlat ah awm angche, Rinhlua nen hian eng inzawmna pawh nei mah ula, ka pa......" A tih laiin hnunglam aṭang, "Jenet i thusawi tur fimkhur rawh, ka nupui a nih kha i hma a ding kha," Rempuia aw thum zet mai in a rawn tih chher chher chuan kan en haw

Ka hma a ding hmeichhia pawh chuan mak a ti a ni mahna, en hau chuan, "Ruatpui," A phun sup


Ruatpuia ka bul a rawn ding a, a kawrchung phelh a, ka dar a rawn bat in min kuah nghalzat, ka hma a hmeichhe ding chu a en nghal run, ka hrethiamlo, Rinhlua nupui maw a nih a, an inṭhen tawh emaw ka tia, enge awmzia, chuan engvang a hetia mi rawn ti hi nge maw a nih chiah le


"Zual....." Rinhlua ṭawng chu a tawp chat, "Janet," A tih zawm sap bawk, Janet-i antih chu a hawi vah, a mitmeng fiah kelh kawlh mai chu tur pai ang mai a chak a ni


"Enge hetah i rawn tih?" Rinhlua ṭawng kam chhuak chu a seh chilh deuh, chunu chu a nui hak, "lut teh ang, inti hul rawh," Rempuia'n a rawn tih chuan ka bu nghat

Rinhlua chu ka melh, in thiamloh na a khat tih hriatzet a min melh chuan ka ṭha tih hriat tir nan ka nuihsuk

Ward kan luh rualin, "Rinhlua nupui maw a nih a?" Rempuia en ha chung a ka tih chuan toilet a lut tlangin, towel rawn la chhuak in ka sam rawn hrul nghal chuan, "i ring phal lo em ni?" A ṭawngkam ngeiawm theih zia hi chu aw, a khabe hnuai a ṭang rum tawkin ka melh, a bak tih theih nei heklo, kut thlak ve ngawt ila, a lian si, ka hnehlo nasa dawn mai sia


"Chu chu ka sawi awmzia a nilo tih i hriat kha?" Ti hlak chuan towel pawt sawk in ka pensawn nghal hmak, thu pangai tak sawi pui dawn pawh hian a theihloh, ṭawngkam mei nei zet zet hi min hman khum a, nu hrawn ang mai


"I lu um tereuhte a thil ṭul lo ngaihtuah vak vaklo khan, zanin ah ka in ah i rawn insawn tawh dawn tih hria angche," A tih chuan alam hawiin, "Maw?" Ka ti tuar

A dar a san ak chauh a ni, ava han chimawm tak, "enge i sawi awmzia?" Phawk lutuk a en chung a ka tih chuan, couch a ṭhu thla in thatchhe zet a ṭhu chuan ka lam ah a rawn thle bak, "i thawmhnaw leh i mamawh dang pawh kan in a thleng tawh ang, ka tih awmzia chu, an in rem fel thlap tawh ang, ka tihna a ni," Engtin nge min râwn miahlo a chutiang te a tih theih


"Enteh Remruatpui i thu hnuai a awm a, i hnathawk ang maiin induh duh na ah min kawh kawi tum hauh suh aw," Ka thinrim zia chu lukham chu lak lawk a vawm sawk mai ka duh rum rum


Ngeiawm zet a nui hakin, "i man ka hlanfel tawh a, ka thu hnuai a awm chu i ni mai lawm ni?" Enga? Man hlan maw? Engtik ah maw?


"Nang..." Thinrim zet a kawk chuan ka sawi tur ber pawh ka sawi chhuak theilo, ka towel kenlai chuan ka vawm sawk, mahse ka vawm thleng chuanglo, ala nui ang ṭhu zui a, ava han chaklo ber dawn tak êm


"I nu leh pa te nen a nitin zantin in hmu a, in bauh khum reng tur a min beisei a nih chuan theihnghilh angche," Ka sawi tumber pawh a nilo, mahse min hring tunu nen a inkhat a chen ho pawh chu ka duh chuanglo

"Lung ngai suh, naktuk ah an insawn chhuak ang, nupui thuawih tak ni la a zo a ni mai, tlaiah ka rawn lam angche," Tih leh din a rual, a bawp sei thlerh thlawrh nen, a suit hak chu in hmeh hrep leh nghal


"Kan in kar....." Ka tih laiin kawngkhar lam pan pahin, "ka thu thu a ni, ka thup leh thuploh tur chu," A kut chunglam a vai zauh a rawn hawilet miahlo a a tih chuan lukham in ka vawm zui zat, "Ramhuai pa, mahni thutiam pawh hlen lo, i rin ang ngawt hi ka nilo ang tih hre rawh ," Ka au nghek tak na in, ka awmna hi VIP room a ni a, sound proof lo mahse phui ṭha tak a ni, a hre kher angem maw ni, hrep tak ṭhin hian, ṭul lo a ka pasal ang a a insawi fo chuan a chaklo khawp ang


***Riya***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:10 pm

STONE HEART
By floria laldansangi

17




ZUALTEI...POV

"Cancer center ah naktuk aṭang in thawh chhunzawm dawn a nia," Motor khalh chung a rawn ti sup chu ka en kawk

"Mimal nun ah in rawlhloh kan ti emaw ka tia?" Thinrim in sum ṭeu chuan ka ti fak, ka thusawi hrelo ang hmakin a motor khalh lai chauh ah rilru a pe tih hriat zet in hmalam a en run, chu ringawt pawh chu ka ngaithei derlo

"Ka hna, ka nun leh ka tihtur in duhdan dan a her danglam turin dikna in nei miahlo a nia," Ka tih zawmzat, ka ngei lutuk chu vuak thluk tawp mai ka duh

Min rawn melh zawk, "ka in rawlh hauhlo mai," Ti nghut in motor chu a ding dat, rum lutuk a melh hrawkin rang lutuk in ka chhuak nghal, kawngkhar ka khar ṭhuai bawk

Engtin nge inkhat ah kan chen dun ang tih hi ka ngaihtuah a ni, kan in biak hlek chuan kan in sual chu a ni nghal der mai bawk si, arghhhh ka ning lutuk, he mihring hlat lutuk a awmbo na tur ka duh zia hi rapthlak tak a ni
.
.
.
"Ohhh, Rinhlua nen in rawn kaldawn emaw ka tia," Tei'n kan lam pan pah a rawn tih chuan ka lu ka thing ringawt, Rinhlua sawi takah chuan a nupui hmel kha a rawn lang, ka thaw hak

"Zanriah i ei ve tawh em? Enge Isak-a chu a an a?" Ka din na bul a rawn tlen chuan ka ti sup, car chhunglam chu thle zauh a mi rawn melhin, "a ṭha tawh lutuk, a mah pawhin a thaw thei tawh a, ṭha chak tak a ni, hetah lo kal teh," Tih zawmzat a alam a min pawt chuan, "enge a zui kual reng che a?" Ruatpuia lam melh zauh a a tih chuan au chhuah chiam mai ka duh, keipawh hian a hlat a awm vang vang hi sin ka duh ni



Ṭawng tum a ka kâ ka ang zuai tih ah, "Te-i, ilo haw hmanlo maw? Isak-a rawn tlawh kan tum a?" Hnunglam aṭang a Isak-a thawhpui te ni ngei turin a rawn tih chuan kan en vat

"Oh..Pu chama te chu, haw lo e, a zia tawh lutuk a nia, Zualte inrual in ka hawlo mai ang zanin chu," Min melh zawk a a tih chuan ka bu nghat, "a nih ka hawsan angche, ka rawn lut kawilo mai ang," Ka ti sep


"Umm, mut hahdam i mamawh, damdawiin i chhuahsan chauh si a, kal tawh rawh," Tih leh kan sir a ding te ho en chuan, "kan lut dawn em niang," Tih leh min rawn nuihsak in damdawiin chhunglam a panpui nghal


Te-i pawh anpa vangin a cher kawk kawk mai alawm, a dam ṭhat vat ka beisei takzet

"Rawnluh i ngam tawhlo chu a ni em lo angchu maw?" Ngeiawm lutuk a Rempuia'n a rawn tih chuan inher in ka melh nghek, hlauh chhan tur ka nei a maw ni?

Car a ka ṭhut luh rualin, "contract kha a fel hlel ka duhdan a nilo," Ka ti nghat, ka duhdan a nilo tak tak, engtia rei nge hetiang a nupa lem leh phuah chawp lutuk ang a kan awm dawn tih engmah a in ziaklo, a hma aṭang khan lo ngaihtuah chhuak daih tawh tur ka nia sin mawle


"Chuti maw? Nge ni a, thupui dang dah belh i rilruk zawk?" Tlan chhuak mailo a, ka lam rawm haw chuan nuihzat hmel zet in mit zim sân in min en, engthil bawlhhlawh nge maw a ngaihtuah hrep ni?


"I thluak blawlhhlawh lutuk a i ngaihtuah ang kha a ni hreplo," Ka ti hrawk, a nui chhuak hak, za zet in a nui hawk hawk, a nui ri sexy zia chu, ka kaw chhung ah min fan thla rawih rawih thei


"Engthil nge ka ngaihtuah a? Nge ni a, hmangaih na chen dun...." A tih laiin ka mal chung a ka bag chuan ka vaw nghal pawp pawp, "tenawm pa, Remruatpuia i tenawm lutuk," Ka au khum chiam chu indang pahin, "kala sawi zawhloh kha," A nui hawk hawk tho, rum tawk a melh a ṭhu ṭha in, "i thluak a bawlhhlawh kha dahbo angche," Ka ti hlak chu nui tut tut in, "Ok a nih chuan enge i sawi duh?" A nuih ala za tih hriat zet in a hmui a pet leh zauh ṭhin, a nuihza in sum hmel chu pa tak a ni, pa tak



Ka hrawk thian kharh, kuang kuah at a alam hawiin, "engtia rei chiah nge he inneih na phuah chawp leh lem lutuk hi kan kalpui dawn tih ka hre duh a ni," A mit ah tak en chuan ka ti fak fak, a nuihza hmel kha chawp chilh in a reh nghal, ka en haw ringawt, a hmel a sak tulh tulh lehnghal, thinrim na tur ka sawi miahlo, pangai takin ka sawi bawk, engkha nge huat tur pawh ka hre chuanglo


"Kum 1 pawh a ngailo mai thei a sin," A mah lo ang tawpin duhdah lutuk a min chhang chuan a tlan chhuak nghal, rum lutuk in ka en, "fiamthu ka thawh lo a nia," Ka ti hlak chu min rawn melh zawk


Motor khalh chung chuan paper leh pen a hma a mi chu la in ka mal ah a rawn dah, "sign rawh," A ti nghut, ṭhu ṭha pah a paper en chuan, "engthil...." Tih leh inneih certificate ka hmuh chuan alam ka hawi dawrh, eng atan nge he thil hi atih, nupa tak tak kan nilo tih a theihnghilh chu a ni em lo maw?

"Enga tan nge itih?" Ka ti hrawk, a dar san ak chuan, "palh thil ah kan mamawh lo ang tih ka sawi theilo, Doctor satliah ka nih ve loh hi," A ṭawngkam hman duh dan teh hrep ṭhin hi, tih chhan nei tih hriat lutuk mai, Maw? Doctor satliah a??? He ramhuai phiangsen hi a


"I lungawi tawh em?" Thinrim zet a ka hming sign nawk nawk chuan a hmai vawm nan ka hmang ṭhuai, rum lutuk in mi rawn melh hrawk, kuang kuah in pawnlam ka hawi hmak, ka hlau therte biklo emai, a duh ka ti a, ka zawhna pakhat lek pawh mi chhang ṭha duhlo khanglang leh nghal, a la hre khawp ang
.
.
.
Car a din rualin kawngkhar hawng ṭhuai in ka khar nghal bur bawk, a rawn chhuak ve nghal zat


"U Zualte, ilo thleng ta maw?" Nancy aw ka hriat chuan ka hawi vat, kan lam pan a Loicy nen a rawn tlan chuan, "kan lo nghak char char che a," Ka bul a rawn din rualin a ti nghal zat, ka nuih ve sak


"Doctor kan in ah kanlo lawm a che," Loicy in a kut rawn phar chhuak a a tih chuan ka nui hak, a chetzia puitling reuh lutuk hi a kum nen a ngaihtuah phei chuan a awihawmloh hial zawk


Ṭhu hniam in, "ka lawm e Loi...ka tih awmzia chu bawihte," Nui sang a ka tih chuan a nui ve sen sen, a hmel ah chuan Rempuia chhun na pakhat mah a neilo, ka en chian pauh leh an in anglo tulh tulh leh nghal, a nu a chhun a ni ngei ang


"Inchhung lam pan tawh ang u," Rempuia'n a rawn tih chuan Loicy-in ka kut ṭang a vuanin, "zanin ah in bul ah ka mu ve thei angem?" Kal pah a a tih chuan, eng amaw ka hre chhuak zawk, ka ding dawt

"Diklo a awm em ni?" Rempuia'n a rawn tih chuan ka en kawk

"Bawihte, i mommy thar leh daddy te an mu theilo ang an bul a i mut chuan," Nancy'in nui tut tut a rawn tih chuan Loicy-i chu a nur nang


Room khat ah kan mu tlang dawn amaw? Engvang in nge a tir khan ka ngaihtuah loh le, teuhlo lutuk, a khum ṭawmpui ka tum reng reng hleinem, kan inremdan pawh a ni miahlo


"Bawihte inchhung ah lut ula, mu hma rawh u, mommy hi in tih fai a ngai," Rempuia'n a rawn tih chuan Loicy chu ka melh zawk, a hmel ah chuan a lungawi vaklo tih ka hria, mahse a fal a Rempuia ka biak angai tlat, ka bul a mu tur in ka sawm ngawt thei rihlo


Loicy leh Nancy inchhung an luh rualin, "kan inbiak angai," Tih leh aban a vuan in pawnlam ṭhut na atan an siam lam chu ka pan pui, an in compound han zau zia leh nalh zia chu, zan ah pawh a lang ropui takzet, Mizo mi hausa te hi anlo turu khawp a ni tih ka hre fiah uar uar a niber

"Enge ni leh ta, Loicy thusawi kha chu...." A tih laiin alam hawiin, "room ṭawmpui che ka tum hauhlo," Ka ti thlawt, peh hel kual dan pawh ka thiam chuanglo, a nui hak, nuihzat tur ka sawi emaw ni?


"I inring tawk lo em ni?" Ka hmai zawn a rawn kun hniam a nuihzat hmel zet a atih chuan rum tawk in ka en, pawn light an chhit engtuar mai hnuai ah chuan a lang pa takzet, duhai min hnaih mah mah bawk, a rim pa lutuk hi ka hip tam chuan ka thawk lak a buai ziah, ka duh miahlo


A mit ah tak cho zet a en in, "Huhh, ringtawk mah mah, mahse in ṭawm a ṭul na ka hre tlatlo, nupa diktak...." Kantih laiin ding ngil at chuan, a kekawr ipte zen ap in, "a ṭhat chu, khatiang a i inrintawk reng ka beisei, buaina a awm tawhloh chu," Tih leh a pen sawn nal nal chu mak ti fê in ka en, enge a hriat a, "a ṭhat chu," enge a sawi awmzia, arghhh, he mihring pa zet hi chu


Inlam apan chu rum lutuk a en in ka ke per tan tan, ka bula ṭhut na ah chuan ka ṭhu thla hnawk, hahthlak hian, mangchhia man ka ching si a, ka duhloh tawp thil ka sawi chhuak a nih vaih chuan ṭul lo ah ka inti mualpho a ni ringawt dawn leh nghal, Remruatpuia ka haw lutuk che


Thinrim zet a ṭhut thleng hnung ngheng dat chuan vanlam ka dak, arsi lah chu a phe uar leh nghal, dar engzah nge maw a rik tawh ni, sana ka en zauh, dar 8 a ri dawn, a room engtin nge ka luh ang, inchhung keimah in ka lut ngam dawn emaw ni, arghhh, lo zui luh mai mai tur a nia hahthlak hian, Hmangaihzual nangmah leh nangmah buaina i va han insiam tam tak em
.
.
.
.
"Ka pi, zanriah ei turin an nghak che a nia," Vanlam ka dak vauh vauh lai rawn ti tu ka hriat chuan ka en vat, an in a hnathawk ni awm takin chiangzet a min en chung a nuih sang chuan ka ding zawt


"Maw? Tun ah zanriah anla eilo a maw, mahse ka..." Ka tih laiin, "U Rempuia unaunu Delhi aṭang a rawn haw a, zanriah kil ho a duh vang a nia," A tih chuan ka bu nghat


Rempuia unaunu maw? A nih chuan min hring tunu fanu tih na, ka unaunu tihna a nih chu, ka thaw hak, chhan ka hriat thiam siloh in ka lungphu a rawn rang dawt dawt, hlauh nei ang maiin ka awm a nuam derlo


"Kan lut dawn a mi," Ka ti sep, a hnung ah thawk harsa ti zet chuan ka zui ve nghal, kawngkhar kan thlen chuan ding dat in boruak tam tham lutuk ka theih tawp a hip in ka thaw chhuak kawk, ka lungphu ran dan leh hlauh ka nei ang a ka awm tlat chu mak tak a ni, lunglam fel loh na ka nei emaw tih hial na tham alawm le


Inchhung ka pen luh rualin ka lam panin Rempuia a rawn kal, a lo in thlak hman tawh a nih hi, a jeans half-pant hak leh a t-shirt var hak chu in hmeh tak a ni, a inbual zo hlim tih hriat zet a sam hnawm chhap leh a rim pa zet chu boruak hip harsat sa nak a laiin thaw chham in ka thi mai dawn in ka hria


Ngawi reng a ka bul a rawn ding a ka kawng a a kut rawlh leh dinning room lam ningei tur min pan pui nghal, dinning room ringawt pawh chu lian in pui tham tak a ni, en mai pawhin kan sitting room ai pawhin a letin a lian fe zawk tih a hriat reng reng

"Rachel," A tih rual in hmeichhia min hnung chhawn zawng a ṭhu chu a rawn hawi phei, Lalpa!!! A mah a ni, a mah, U Zuala nupui kum 5 chuang liam ta daih tawh a, a pasal vang a kan inluah ah hial rawn pen lut a, a pasal fa ka pai tih tuma hriat a duhloh thu min hrilh tu ngei hmeichhia chu a ṭhut na aṭang a rawn ding in ka lam a rawn pan chhat chhat


Ka kaihza tha zawi hnak chu Rempuia ka nek rawk rawk, "i ṭha em?" A rawn ti sup, ka dar ah nget lutuk in a kuah bawk, ka mittui ka biang ah a rawn luang thla pup, ka khap sak sak, U Zuala nupui hi ka unaunu maw? Rempuia unaunu maw? Engtin... Engtin nge a nih theih? Ka hmu sual zawk em ni? Ka lu ka thing nawk nawk


"Inhmuhloh na a rei ta hle mai Zualte," A aw, a hmel, a nui hmel a mitmeng engkim chu kha hmeichhia Lalthazuala nupui ngei mai kha a ni


Ka lam a kut a rawn phar chu ka kut khur der der in ka vuan, ka kawchhung aṭang hian vawtin min ṭham, ka taksa pum ka khur chhuaklo chauh, thil sual ti lai man ang mai ka ni ngei ang ang tun a ka landan chu


A nui hmel chu, a rapawm lek lek, a mitmeng ngilnei tak, ka hriat reng ṭhin kha a ni tawhlo, ka mit ah chiang lutuk a min en in, "ka unaupa in chuti tak nupui a neih a duh, hmeichhe fing leh mipa kherh thiam chu ka hmu chak em a, hrilh lawklo che u in ka rawn haw tawp a ni," A ṭawngkam mal tin chu mintih chhan emaw tih mai tur in min deng dawt dawt, mahse min hua a, min ṭawngkhum turin tihsual ka neilo


Mahse.... Mahse, a mitmeng leh che zia engkim chu ka hriat reng ṭhin hmeichhe rilru ṭha leh in ngaitlawm, hmelṭhat piah lam a rilru ṭha em em kha a ni tawhlo tih kei mimawl ber pawh hian ka hrethiam mah mah


"Ohhh ka theihnghilh, heihi ka ṭhiannu, Marini, Mama nupui hlui," Maw? Nupui hlui, ka thaw em pawh ka hrelo, ka hma ah ka bialpa hlui nupui leh ka pasal, aih, ka pasal lem nupui hlui ding chu kaw chhung khur der der in ka en


Kum 5, kum 5 a liam tawh, ka nunhlui kha a ngai ngai in ka hma ah a rawn in lan zut zut ni mai hian ka hria, ka mit chhing sawk a thaw la kawk chuan ka landam siam rem tum in boruak ka hip leh kawk


"Hma.. Hmangaihzuali ka nia, Zualtei minti mai rawh u, zanriah ei min nghak tih ka hrelo a, hria ila chuan ka rawn lut nghal tur a nia, min hrethiam teh u," Tih leh ka theihna zawng zawng sawm khawm in ka nuih let sang bawk, a harsat zia chu rapthlak tak a ni


"Ṭhu rawh u, i ei teh ang u, naupang an ril ṭam tawh ang," Ka tih zawmzat, "ni e, eizawh lam ah kan chhunzawm dawn nia," Rempuia'n min pensawn pui pah a atih chuan ka thaw em pawh ka hrelo, ka dar ah chelh tlat lo se chuan ka tlu mualpho der tawh ngei ang

Ka ṭhut na tur chair pawt chhuak in min ṭhut tir, "U Zualte i dang vek a nia, ila dam chianglo nen hahdam hma la ṭha ang ei vat ang u," Nancy'in tih leh ka thleng ah sa hrang a rawn dah nghal ka nuih sak
.
.
.
.
"Zualtei chu Doctor Rinhlua pawh ilo hria tih ka hria a, ohhh Jenet-i kha kan ṭhiannu a nia, kei leh Jenet-i, Marini te hi chu middle school kan kal lai aṭang a inkawm tawh, ṭhian ṭha tak kan nia, Mama nen inṭhen tawh mahse kan chhungkaw mi ala ni reng," Nuisang a a bul a hmeichhe nalh zet leh fing tih hriat lutuk mitmeng bial kalh leh fiahzet kut dawhkan a awm chu a hum nghal zat, engvang a hetia awm nge a nih tih ka hrelo na in, mi na zawng elhsen tak a tih chi ka ni hauho


Nuilui sang chuan, "Rinhlua nen pawh middle school kan kal lai aṭang kan inhre tawh a lawm, ṭhian dang kan nei ngailo, ka tan ṭhian ṭha tak a ni bawk, Nancy, bawihtei a mu tawh em ni?" Ka tih zawmzat, ka ṭawngkam leh engah mah ka ngailo tih a hriat na chu a ngeithei vaklo a ni mahna, a ṭhiannu kut a hum na chu a hmer ngat ngat tih ka hmu reng


Nuam ka ti derlo, nilo, min ṭhawng lutuk a thawk ngaih na pawh ka hrelo a ni mah zawk, he inchhung hi ka hawi na lam a piang chu hmelma leh mintih nat duh tu te an ni emaw tih mai tur an ni

Eng ramhuai puk ah nge keimah leh keimah ka in barh luh tak hi, "ka lo hriat dan che leh an sawidan che chu a dik chiah a nih hi Doctor Zualtei chu, hmeichhe fing tak ini tih hi, engtin nge Rempuia ang mipa thinlung vawt lutuk i hneh dan hriat a chakawm hle mai," A nupui hlui in ngeiawm lek lek a a rawn tih chuan sa hrang hmawm zauh chuan ka in hum ruh, minti buai tur hrim hrim a rawn lit te pawh an ang alawm le


"Hmeichhe fing tak" a chhiat lemloh chu min hriatdan chu, ka pasal hi thinlung vawt tak a nih pawh ka lo hre hleinem," Rempuia kut vuan vat a ka tih chuan Rempuia'n mi rawn en kawk


"Marini hi a chhung te Mizoram ah an awm silo a, Mizoram a cham chhung chuan hetah a awm ve dawn a, a pawi êm lo angchu maw?" Rachel-in min rawn der si a ngeiawm zet a a rawn tih chuan ka thil ei ka haklo chauh


Inkhat ah Rachel-i mah tih nak a laiin, a nupui hlui nen maw? Lalpa leh!!!!


"Rachel, Zualtei i zahlo anih pawhin keini tal min zah rawh, nupa an ni tawhlo, Hotel atam lutuk, pawisa neilo lah a ni heklo," Nancy'in thinrim insum tih hriat zet a ka chhan hma a rawn tih chuan ka en vat


An in en dan chu, in kungkaihna ṭha tak an neilo tih a lang mah mah

"Nancy, Mama nupui alo nih ve tawh na ah pawh a cham rih te chu a pawi em ni? Bakah i sawi ang khan an inṭhen tawh tho a, ni lawm ni Zualtei?" Min rawn melh hrawk siin a nui sang bawk

Saw saw a nih chiah sawh, "Sihal, beram vun sin," Antih chu, Rachel-i, nilo, U Zuala nupui ka hriat ṭhin hmeichhia kha chu nunna hran nei leh mi hran daih emaw tih hial tur a ni


"Rachel a tawk, nang leh i nu hian buaina bak in zawnglo, zahna....," Nancy'in a tih tuar laiin, "Lalnunthar," Rempuia a aw chu a ring in ṭeng tak a ni, a fian ken dawhkan ah a nghat ri ṭhuai bawk, ka phu nasa lutuk chu ka thlawk chhuak lo chauh a ni


Nancy chu a mittui a rawn luang ngiai ngiai, "a ṭha a lawm, Rachel-i a awm tawh chuan keichu intan hian engmah ka nilo, a sawi a piang chu thudik a ni a, ka sawi erawh chu thudik lo emaw ṭawngtheih vang a ni zel, Rachel-i rilru pawh hi a nu nen an danglamlo, mi bialpa chhuhsak, a fa ang a sawi duh mihring a nih hi, engtik ah nge i mit i men....." Ṭap pur a ṭawng tawn tawn lai chu a thle sawk, "Lalnunthar," Rachel-in a rawn ti tuar bawk

Ka ṭhut na aṭang ka ding nghal zawt thei


Rempuia'n, Nancy-i kut a thlak chu mak ti lutuk in ka en, chuai mah a mak ka tih leh ka hre sual emaw ka tih chu, "mi bialpa chhuhsak a, a fa ang a sawi," A tih lai chu a ni, enge awmzia

"Kut minthlak a maw? Heihi... Heihi Rachel-i vang a a vawi hnih na a ni tawh, ka hua che, Rachel-i, a nu leh pa thleng in ka haw vek che u," Ti tuar chuan dinning room a ṭang a tlan chhuak


Rempuia chair a ṭhut thlak hnawk ah chuan ka harh zawk, rang lutuk Nancy-i pawnlam a tlan chhuak chu ka umzui nghal, a hming in ka au tuar tuar bawk

Mahse a tlan chak lutuk khawilam nge a pan pawh ka hrelo, ka hmu hman thlawtlo, kawngpui a ding a thaw hlawp chuan ka ṭhu sawp hnawk, enge a sawi awmzia, mi bialpa chhuhsak a tih chu kei leh U Zuala chanchin a ni thei mai angem? Ka lu ka thing nawk nawk, a nilo ang, kum tamtak a liam tawh a, mipa dang a nun a alakluh pawh a hun ve tawh alawm le


Ni e, Rachel-i chutiang mizia a nilo, hmeichhe nun nem tak a nih kha, bakah a pasal fa ka pai tih a hre chung pawhin U Zuala a hmangaih avangin ngaihdam mindil zawk a nia, ka ngaihdan chhe lutuk chu ka in hau ru mawlh mawlh


Muangchang a chau zet inlam pan chuan ka pen chat chat, "ka ngai ṭhin lutuk che," Hmeichhe in hnit ri feih feih ka hriat chuan ka ding dat, gate bul lam thim chin chu pan hnai in ka thil hmuh avangin ka ding dawt, Marini leh Remruatpuia in kuah ngawih ngawih lai ka hmuh chuan thil hriam takin min vit sawk ang mai hian ka awm zawn hi a thip sawk


Ka lungphu chu muangchangin a tawp nge ni a a rang lutuk leh ka awm zawn nat lutuk vangin ka lungphu ka hrelo zawk


Engvang in nge ka nat, phatsan leh bum nawn leh ni ang mai a ka in ngaih na chu mak tak a ni, ka tan chuan paper hmang a ka pasal chauh a ni, chu chuah chu, mahse engvang a ka awm zawn hi na em em nge a nih, phatsan ka tawk leh ti dawn ila kan inkar ah engmah a awm heklo, ka mittui rawn hnam ṭiam ṭiam chu khap let sak sak in muangchangin ka inher, "Hmangaihzual paper hmang a i pasal a ni, ba rulh na i ni a, i pasal emaw i mipa hmangaih nilo in," Chu thu chu keimah leh keimah ka in hrilh mawlh mawlh bawk


***Riya***

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:10 pm

STONE HEART
By floria laldansangi


18


REMRUATPUIA.....POV


Room min ṭawmpui theihloh thu a sawi lai a lai hmel chu uluk lutuk in ka en, a laih lai a mitmeng tal hrek hrek te hian a tih duhawm zia a hre der mai silo a


Inchhung ka luh rual a Rachel-i leh Marini hmel ka hmuh chuan sawi mai tur pawh ka hrelo, "engtik in nge i rawn let?" Rachel-i lam pan pah chuan ka ti sup


Marini ban a kaiin, "i nupui neih lawmpui tur che in mawle, ka pa te hial awm hran a ngaih chhan chu," Rachel-in a tih chuan ka thaw hak



Marini chu ka melh zawk, engtin nge kalo duh theih ṭhin tih ka ngaihtuah, Hmangaihzuali hmel ka mitthla ah a rawn lang, ka nuisuk, khaikhin chi pawh an nilo


"I dam maw Puia," Marini'n a rawn ti sep, kalam a kut a rawn phar chu melh zauh a mit ah tak en in, "ka dam e," Tih leh inchhung lam ka pan nghal


Hmangaihzuali a rawn luh hun ah chuan engthil tak thleng ang maw? Ka ngaihtuah dan aiin a in thunun thei, ni e, Hmangaihzuali mahni lu zo veh vawh leh tuma thu hnuai a awm tumlo hmeichhia kha a ni miau a


Zanriah kil lai a Nancy-i kut ka thlak chu ka in thiamloh takzet, pawnlam ka chhuah ve meuh chuan khawilam nge an pan ka hmu hman tawhlo

Inchhung lam a let ka tum laiin Marini ka hma ah a rawn ding, "enge ni a?" Ka ti nghut, light in a chhun thei chin a kan din avangin a hmel chiang takin ka hmu thei, ṭah chhuak hmel te a pu mah mah in ka hria


"Reilo te kan inbe thei angem?" A ti sep, hawi kual chuan gate sir lam thim chin ah chuan ka tawlh lut hret, engvang a midang min hmuh pawh chu hlau thar ta thut nge ka nih ka hrelo, tun hma in midang mitmei ka ven ka hre heklo


"Enge ni a?" Ka ti nghut chu ka lam a rawn pen hnai a min si lek lek a rawn dingin, "i rim pawh ala ngai reng," A ti sep, ka thaw hak, Rachel-i phiangsen hian engthil nge maw tih a tum a Lalrinkimi a rawn hruai tel chhan hi hrep ni?


"I sawi tur i sawi zawh...." Ka tih laiin mi rawn kuah thut chu ka che deuh hrut, namsawn mai ka tum laiin, eng chin a Zualtei ding a kan lam rawn hawi ka hmuh chuan muangchang a ka kut dah thla in phurlo zet chuan ka kuahlet


Marini chu nuisuk in, "ka ngai thei lutuk che," Ti sup chuan a in hnit feih feih, Zualtei pensawn rualin rang lutuk in ka namsawn dawrh, "vawikhat mah min tawk leh tawh suh ang," Ti hrawih a pensawn in ka kalpel chu ka hnunglam aṭang mi rawn kuah leh


"Min ngai ve tho a ni tiraw? Ka ngaih angchiah che hian," Ṭap ṭuau a a rawn tih leh chuan ka nui hak, maktak maiin Hmangaihzuali ka hre chhuak, ka hma ah mittui farkhat pawh ala ti tla lo, a chakloh na lan tir a hreh zia leh hmeichhe dang lak a a danglam zia ka ngaihtuah chhuak, ka nui hak hak


Marini'n a ai a nghet a min kuah chuan, "Doctor-i ineih chhan hi ka hre vek a sin, a pa zu man ba rulh nan a taksa i lak ah a hralh a ni tih hi," A rawn tih zawm leh chuan min kuh na kut kanphih sawk in, alam hawi a a dar tawn tawn a vuan chuan ka thing nawk nawk


"He i kâ a ṭang a ka nupui hi ba rulh na a ni tih i sawi leh anih chuan engthil nge ka tih duh ang tih i hriat kha, zanin bak he in ah hian chen tum hek suh angche," Ti hrawk a thlah sawk a inher vut chuan inchhung lam ka pan pawk pawk


Hmangaihzuali hi tuman a mittui anti tla theilo, kei tihloh in, chutiang bawkin ba rulh na a ni emaw phuba lakna a nih thu pawh keichiah in ka sawi thei



Inchhung ka luh rual a Rachel-i inchunglam aṭang a rawn pen thla chhat chhat ka hmuh chuan ka ding dat, "ka ring dik chiah a ni, Hmangaihzuali te ang lak ah i rilru i sen duh hi ka ringlo reng a, Mam, lung ngai suh, Marini hian ala hmangaih lutuk che," Ka hma a rawn ding pah a tih chuan ka melh run run, ka kut ruh lutuk in ka hum bawk


Nancy-i thusawi ka hre chhuak zawk, "Rachel thudik min hrilh angche," Ka ti nghut, a mit ah tak ka en run bawk, a nui hmel reh tial tial chuan hlauthawng hmel a rawn lang tial tial bawk, engthil mah kala sawi hauhlo a, enge maw hlauh a neih ni


"Tu bialpa nge i ngaihzawn a, a fa nilo, a fa ang a i puh chu?" Chiang lutuk in ka en

A meng kawk, mahse a insiam rem leh nghal, "Nancy thusawi kha i ring a maw? I unaunu ka ni hi, dawt ka hrilh tawh ngaiche em ni? Hmangaihzuali vang vek a ni, ka that khawp ang," A tawp lam chu a au tawn tawn, midang in an hriat hlau lutuk chuan a kâ ka hup bet vat, a tal nawk nawk chu ṭhut khawm na lam ah ka pawt phei

"A tawk Rachel, inbeng daih rawh," Ka aw chhuak insum lutuk chuan ka ti hrawih, mittui nen a min rawn melh chho in, "i danglam a ni, min ringlo a ni," A phun nawk nawk, mit chhing sawk in, ka hmai ka tuai puat in thaw ka la hawk, Rachel-i dar tawn tawn a vuan a kun hniam chuan, "Rachel min en rawh, i unaupa ka nih hi, ka danglam ngailo ang, i hria tiraw?" Ti sup chuan ka lam a pawt in ka kuah vawng vawng


Ka unaunu ni a hming ringawt pawh a hriat rual a, a hriat leh ṭha hriatna a hlauh a, mahni taksa pawh thunun zolo hial a siam tu Hmangaihzuali hi kei hian ka tina thei takzet angem? Ka kuah mek ka unaunu, ka nu ang mai a phatsan na tawk, a mipa hmangaih avang a rilru lam thleng a nghawng tan hian unaupa in nghahna ka ni thei meuh angem tih ka ngaihtuah na hian min hmet chau takzet
.
.
.
Rachel-i muhil thaw sek sek chu en in, thaw hakin a room chu dim te in ka chhuahsan


Ka room lam pan in kawngkhar ka hawn rualin zu rim nam rum rum in ka lu ruh a verh nghal, ka nernawng


Hmangaihzuali'n wine um 3 inchhawp chung bu nghut nghut a a thli ka hmuh chuan ka pan vat, ka ṭawng hma a rawn dak chhuak chuan a nui var var, a zui rui nui hmel pawh chu ṭha tak a ni


"Ahhhh, ka pasal thar, ooppss ka tih awmzia chu, pawnlam a mi nen a ka pasal lem in ṭawm, min rawn zawm duh em?" Wine no lek kang a nui vur vur a atih chuan mit zim sân in ka en, engthil phiangsen nge maw a tih hi le



"Enge ti a i in hriat?" Ka ti hrawk, "sihhhh, au vak vak suh, ka beng a chhetlo, lo ṭhu la, nge ni a i nupui hlui i la ngai a chhuah leh i duh zawk," A zu rui ṭawngkam chhuak pawh a harhfim lai angchiah a ngeiawm leh tlawm tum miahlo hmeichhe luhlul lutuk kha ala ni, ka nui hak, a sir a couch ah chuan ka ṭhu thla zui zat bawk



A no a wine bu deuh lawp lawp a a thli chu kuang kuah at in ka en reng, a rui hmel hlei hlei hi a ṭha zawk emaw ti tur a ni


"Remruatpui, phatsan nat zia hi i hre ve tawh em?" Ka hma a no dang a wine thli khat a ka lam a rawn dah hnai pah a atih chuan ka en deuh kawk, ka lam a rawn thle hâ in biang sum lang kalh in a ṭhen sun sun na in, a mit meng sen ram leh mit hnawm chap ah chuan natna thuk tak leh khawhar na hlir a lang thung



"Phatsan tawk tur khawpin hmangaih na ah kala tlu ngailo," Ti nghut chuan ka no chu la in ka tlak pawp, ka hrawk a sa thla ham ham


Rinhlua emaw Lalthazuala a nen a an nunhlui a sawi dawn a nih chuan he room aṭang hian ka pet chhuak duh khawp ang

A rawn nui chuak hak hak, a no chu la in a tlak ve pap, "ka nun a a vawi hnih na atan ka rui a nih hi," A la nui reng, a nui ri ah chuan ṭha chhuak insum ri ka hre tel, a no ken chu dawhkan a nghat deuh chawrh chuan a thlit zawm leh zat

"Phatsan nih te, kalsan nih te, duhloh leh chuang bik nih nat zia i hre tawh em?" A no la kang a ti che ralh ralh chuan mi rawn melh zauh, a nui seih bawk


A biangsum a nuihzawng a khuar kak te, a mittui vang emaw ni a, a mi hmul sei leh er zet mai hnawm chap te, a wine in avang a a hmui senduk tâk te chu inhmeh tak a ni, hmeichhe zurui tiang tak a ka it kala hre ngailo, ka hma a wine in hung chu ka no a thli rawk rawk i. ka tlak pawp, ka va fawh mailoh nan ka hawisawn vat


"Ila tawk lo ang tiraw?" Nui hakin a rawn ti leh nghat, a nui reng na in natna leh khawhar na hlir a nui hmel leh ri ah chuan alang thung


"Ka school kal lai chuan ban hun ka nghahhleh ang chiahin ka huphurh bawk ṭhin, chutiang bawkin school kal pawh," A zu no dawm chu a en ngar ngar, ngawi rengin a che vel chu ka en reng, a no a wine chu tlak pawp in a i lnthlit leh nghal zat chu a ban ah ka vuan vat, a in hnem tawh mah mah

"Ka nun ah a vawi hnih na atan ka rui ka tih kha," A ṭawng pawh a seh chilh nawk nawk, ka kut beng sawn in a dawm leh nghal zat


"Ahhhh ka school kal lai chuan maw, puk ka nei ṭhin a, ni lo, ni lo, ka class mate ten 'Hmangaihzuali puk' tiin an sawi a ni mah zawk, breaks a piang a ka tawmbo na, ka ṭah ruk na, ka natna zawng zawng ka bun ruah na hmun a ni," Za lo tih hriat zetin a nui hak hak, a rui hle tawh na in a ṭawng seh chilh deuh mahse fiah fak fak tak a ni


"Rinhlua nen in inkawm ṭhin emaw ka tia," Ka ti nghut, Rinhlua hming ka lam rik rual in ka hriat thiam siloh in ka thinrim ṭun leh nghal


"Mipa in hmeichhe rilru a awm zawng zawng in hrethiam em ni?" Mi rawn melh, a nui var var, Angel hmelṭhat zia an sawifo ṭhin hi a awm takzet a nih chuan ka sir a ṭhu hmeichhia hi Angel zuirui hmelṭha ber a ni ngei ang


"A kal na a piang a i zui kual ṭhin kalo ring a," Ka ti leh nghut, engvang a thinrim ṭun nge maw ka nih hrep ni, an pahnih a ka mitthla a a rawn lan phei chuan ruh lutuk in ka in hum zui ziah lehnghal


Nui hak hak a a no en vang vang chuan, "a dik alawm, ka natna, school nuam ka tihloh zia leh chu ai mah a school ban hun ka huphurh zia min hriat thiampui tu awmchhun kha a ni miau a," A ṭah nuih ni mai in ka hria



"Class room sawiloh ka school kal chhung in ka ring ti ngil hian ka awm ngailo, tu mit ah mah ka en ngailo, a chhan i hre duh em?" Mittui tling pam in min rawn melh, "an mit a ka en chuan ka ngam vang leh ka huai vang ah an ngai tlat ṭhin, ni e, hmeichhe naupang, school ban leh chawlh a piang a, ram lam ah emaw, mi restaurants ah emaw mahni mamawh lei nan hna thawk fo ṭhin, a hring tunu pawhin a enkawl duhloh a a hnut chhiah kha ka ni miau a," Chu thu a sawi lai chuan ka ṭhu ngil awt thei, Hmangaihzuali hian nuhrawn a tuar em ni? Ka tih awmzia chu, tun a a nu hi, a hring tunu a nilo a maw?



"I nu leh pa diktak an nilo em ni?" Mak tih na in ka khat, a mit khap zawng in, a mittui a rawn far kauh, "min hring tunu ai pawhin ka hmangaih," Mittui tling piau a min rawn en in a nui var var, dawt a sawi ka ring hauhlo bawk, a hring tunu in a kalsan tih a sawila a a in seh ruh zia kha, no a wine awm chu a tlak leh pawp



"Chu vangin nupa lem kan ni a, min phatsan ah in ngailo la, i thinlung, i hmangaih kha zui tawp rawh, keite chu.." A ngawi dat, a mittui a rawn hnai ṭiam ṭiam chu ka en reng


"Kei ang te chu," A inhnit hraih, a mittui tihbtlak chu hreh ve tak a ni, ka nui suk, a zunrui chung pawh chapo tak ala ni e, "keiang te chu, pian hlim aṭang a phatsan tawk ka ni miau a," A mittui a rawn luang ngiai ngiai chu hru tawkin, "ka rui mah mah tawh, a tawk, ka mu dawn," Tih leh a ṭhut hmun ah tlu tawp chuan a mit a chhing nghal hmak


Ka nui suk, a mittui rawn luang chhuak ṭiam ṭiam chu ka en reng, a mit a chhing chung pawh hian hahdam hmel pawh zu hah pu miahlo a mawle, hlauh nei leh tlanchhiatsan tur nei ang maiin thaw a la

Ṭhu hnai chuan a sam, a hnai zar tu chu a beng ah muangchangin ka zeh sak, a hmai tlang chu ka zit riak riak, lum a ti a ni ngei ang a kawr nghawng chu a pawt leh ṭhin, ka en reng, a mithmul er tarh te, hnar ngul tereuhte sang vah leh in vuah dik thlap te, a hmui phir sexy zet mai wine rawng avang a senduk hluk te chu inhmeh tak a ni, a chil lem khalh rual a a ir no nalh zet mai che thla ralh ka hmuh chuan thaw la kawk in, ka chil ka lem khawlh, hmeichhe zurui chat thla ka it chu a nia, rapthlak hian
.
.
.
.
ZUALTEI.....POV


Ka lu na lutuk chu min tur ut ut, ka lu dawm vang vang chuan muangchang a meng in ka hawi kual, ka awmna ka hai lo chuah, ka luak lah chu chhuak urh leh nghal, ṭhu chhuak ṭuah ṭuah chuan ka bek ka dawm vang vang


Zu rim lah chu ka nam huam lehnghal a, nizan ah wine ka in tak khamaw, Aw Lalpa!!!! Engthil nge thleng, rang lutuk in ka taksa ka en nghal, ka thaw hawk, ka thawmhnaw ngai kala ha, ka lungphu ran hman zia chu

Bathroom kawngkhar ri rek ka hriat chuan rang lutuk a puan a in khuh in ka mu nghal awt


Nui ri hak ka hriat chuan nghet lutuk in blanket chu ka ṭham khawm, ka mit ka chhing sawk sawk, engthil nge maw ka tih le? Nizan thil thleng pakhat mah hriat ka nei tawh derlo lehnghal, engvang a rui kher nge maw ka nih, Lalpa min ṭanpui teh


"Muhil derlo khan tho la inbual fai rawh?" Rempuia aw chu nuihza aw alang tel, kala che ngam chuanglo, engthil at thlak nge nizan lam ah ka tih ka ngaihtuah ngial pawhin ka hre chhuak zolo



"Zu rin nam chung a nileng a mut i tum chu a ni em lo maw?" Ti leh ka puansin a rawn hlip sawk, chiang lutuk in kan in en, a sam la huh deuh leh a hmai a tui rawn far kauh kauh te, a awm bawr phiar fat mai tui huh bawl sep sep te chu sexy tak a ni, ka chil ka lem khalh, ka la rui emaw ni le, ka mit khap sak sak in ka lu ka thing nawk nawk


"Tho la inti fai rawh, dar 9 a ri dawn," Tih leh sup chuan a thawmhnaw in khaina lam chu a pan nghal zat, hnunglam aṭang ka melh kar, a dar pharh hlai zia leh taksa in phiar nalh zia chu, hmeichhia in kan suangthuah na a mipa sa in phut tawk tak mai, sexy leh dul in phiar fat, sang ṭha veh vawh mai kan suangthuah ṭhin zawng zawng kha a awmkim chiang teh e



Muangchang a tho ṭhem ṭhem chuan khum a ṭang ka chhuk, "pangai tak khan kal vat teh," A rawn ti leh nghut, ava ngeiawm tak, ka zak ve deuh a ni mai a, ho emai, thil tihsual ka nei pawh nilo


Ka aw thian kharh kharh a ding ngil chuan, "hmeichhe zu rui lakah remchang ilak loh avangin mi sual zawk zawk chu i nihloh hmel, ka...." Ka sawi zawm dawn a ka tawp chat, lawmthu sawi mai ka tum a ka thei derlo lehnghal, hahthlak hian!!!!


"Lawmthu sawi i tum a nih chuan theihnghilh rawh? Hmeichhe zu rui ṭhing lutuk leh ṭawp lutuk lak a rem chang la tur chuan ka hmelṭha mah mah," Ka rei leh!!!! Ava han indah sang tak, a hmelṭhat na chu a hre hle mai maw, ka engah mah a thawk tawp silo a


"Mahni tal ṭha i in tihloh in," Ti leh hram chuan min hnung chhawn zawng a ding pa lianzet mai chu melh hrawkin bathroom ah ka lut nal nal, a nui ri hawk chu ka hre hman hram leh nghal


Darthlalang hma a ka sam thur zet leh ka mascara pherh nuaih mai ka in hmuh chuan rang lutuk in darthlalang ka pan hnai rawk rawk, Lalpa leh!! Nizan ah ka chhip ah hian chhim thli pui a tleh em ni? Ka hmel chu(h) a sawi dik, ka it awmloh zia chu hmeichhia pawh ka anglo, ramhuai ka ang ramhuai
.
.
.
Bathroom aṭang a ka chhuah chuan alo awmtawhlo, ka thaw hak, thawven thlak lutuk, minti awm nuamlo, a mi uap ana si

Bang a sana intar en chuan rang lutuk in ka thawmhnaw awmna lam ka pan nghal, ka tlai lutuk


Hman hmawh lutuk a in hnuai a tlan thla dawt dawt chuan pawnlam pan ka tum chu ka hnunglam aṭang, "ka pasal pawh duhtawk lo in ka unaupa lehzel i rawn kherh bet duh hi i huaisen ka ti hle mai che Doctor Zualte," A ṭawngkam tin mai chuan min kher zak zak mai


Thaw la hak a nuisang a in ka inher, "ka hmeichhe hriat ṭhian, nurse, mi pasal pawmlai sawn fa pai kha ila ni reng," A nernawk, ka mit ah tak a en bawk


Ka kut ka hum ruh, hmelma hneh theihdan ṭha ber chu kan nui hmel hi a ni


"Ka hmeichhe hriat ṭhin hmel ila pu a, i mize diktak erawh a rawn lang chauh a nih hi, i unaupa hi ka kherhbeh a ngai reng reng hleinem, ka duh emaw duhlo emaw ka neihloh hlau a phar buai em em tu a nih zawk hi, U...." Ka tawp chat, U Zuala hming a elhsen ka tum zet a, mitthi tawh hmang a beihlet a ṭul na ka hre lo tlat


"Hmangaihzual, ka unaupa hian a duh tak tak che i ring em ni? I fing viau emaw ka tia, ilo â hle mai, ka kâ ka ân rualin he in aṭang hian theh chhuah ini thei tih i theihnghilh a nge?" A hmel a hneh tu intih na lang chhuak zut zut chu ka kut hum ruh chung chuan sak lutuk in ka nuihsak


"I kâ i ân rualin, ka bialpa min chhuahsak a, pawisa hmang a ka pum chhung a naute, a pa tuma hriat tir i duhloh kha phawrh chhuah a ni dawn tih i theihnghilh a nge," A tih angchiah chuan ka nuihsak

"Hmangaihzual, ka pasal min thah sak avang hian ka ṭhut mai mai ring hauh suh," A rawn ti tuar, a taksa a khur nghal hlawk hlawk, ka dar ka san ak, U Zuala kha ka thah a ni hauhlo, nuih luih lehngial ka tum a har tak a ni, ka mittui rawn tla mai tur chu ka khap let sak sak


"Tual that tu inih kha," Chu thu a rawn sawi leh phei chuan ka awm ah hian lungtum rit lutuk nen min deng dawt ni mai hian ka hria, ka kat deuh nak, muangchang a inher in pawn lam ka pan chhat chhat, "ka chhuah hauh dawnlo che a nia," Rachel-i aw chu ka hre ṭawk ṭawk chauh a ni



"Ka thah a nilo, ka thah a nilo," Ka phun mawlh mawlh, ka biang a rawn lum thal pup chu hru tawkin, "ka tih a nilo," Thaw la kawk chuan ka sawi nawn leh


Kawngpui a pen chhat chhat chuan taxi rawn tlan chu ngawi rengin ka phar ding, ka en ngai en ngar ngar chuan ka kalna tur ka sawi sap


Ka phone rawn ri ral ral chu en mang hleihlo a phawrh rak rak chuan, "hello," Ka pickup rualin ka ti sup


"Hmangaihzual, engthil phiangsen nge ka unaunu chung ah itih?" A aw chu ṭeng tak a ni, a bul hnai ah chuan awm ila min vai tlu nawk duh ngei ngei ang


"I sawi awmzia ka hrelo," Ka hrelo tak tak bawk, "a chung ah engpawh a thleng a nih vaih chuan i thawk reng in ring hauh suh angche," Kha lutuk a ti hrawih in a off nghal hmiah, mak ti lutuk chuan ka phone chu ka en, engthil nge ni a, a aw ri ah lah chuan min that mai duh tur ang hial in a ri mar leh nghal, hahthlak hian

***Riya***

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)