STONE HEART by Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

STONE HEART by Floria Laldansangi (Completed)

Unread post by Ngaia » June 10th, 2019, 7:59 pm

q5xbigi7.jpg
q5xbigi7.jpg (16.19 KiB) Viewed 52427 times

STONE HEART
By floria laldansangi

A story tak hi khawiahmah copy phal a ni lo a, in group ah in post ve duh anih chuan a link hi share ula, a story erawh chu hetah chhiar tir rawh u whatsapp ah copy daih lo a, a link atanga an chhiar hian a story ziak tu ten hlawh an nei zel thin a, in copy chuan a ziaktute hlawh ru tihna in ni. A link share hi chu phal vek a ni e.
A link share dan: viewtopic.php?f=2&t=917
A share dan tur nen lam kan inkawhhmuh chung pawh a, a story full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright © floria laldansangi
All rights reserved
www.storyfb.com


"Hmeichhe pangai tak leh fel tak i ni tih ka hria, ka hmeichhiatpui i ni a, thiamlohna i neilo tih pawh ka hria a nia, i bialpa kalo hmangaih a, pasal ah hial nei tu ka ni hi pawi ka ti takzet, ngaihzawng nei lai a ni tih ka hre hauhlo takzet zet a ni, mahse kan fa lo piang maitur nen, a tan chuan a PA anihna ala bo silo, i naupai lai kha ti tla tur in ka nawrlui lo angche, nu ka ni ve tho a, kan fa te kan hmangaih dan ka hrethiam, mahse tu fa nge tih leh i fa alo piang anih pawhin, ka pasal fa a ni tih hi tuman an hre tur a nilo, nang leh kei, ka pasal tihloh chuan," ka bialpa, ka rin em em kum 2 dawn teh meuh ka bialpa min hmangaih tu ni a ka lo ngaih, nupui inti, raipuar, hring mai thei tawh tur in dam dap mai a tih chu ka en tlawk tlawk


Ka tlawm a ni, ka tlawm takzet, Ka tlawm ngawih ngawih, ka mihring pui mai nilo ka hmeichhiatpui hma ah hian ka zakin ka tlawm vawng vawng a ni, mittui kar aṭang chuan ka hma a ṭhu hmeichhe raipuar hring thei mai tawh tur, hmelṭha zet mai leh abul a mipa, "ka bialpa," ti a ka sawi fo, ka lo chhuan ve ṭhin em em ṭhu ngawi kur mai chu rilru na ngawih ngawih in ka en tlawk tlawk, sawi tur pakhat mah ka neilo, ka zak a, khuarkhurum thuktak, tawp chin neilo leh thim tak mai a tla vawng vawng ang mai ka ni


Ka hming chu Hmangaihzuali a ni a, tun ah hian LRM hospital ah nurse hna ka thawk ve mek, ka nu hi ka pian hnu reilo te ah cancer in a boral a, aw...chu chu ka hriat reng duh dan a ni, chutiang chuan hrereng ila ka duh a ni, kan khua hi Aizawl aṭang a hla lo te a ni a, ka pa in nupui dang nei in kan khawsa ho, ka nuhrawn chu ka chungah a sual ka tilo, mahse min ngaina lo, minti buai ngailo a, ka tibuai ngai heklo, kan hming pawh hian kan in ko lo ti ila a dik ber ang, ka pa erawh zu a in nasa in, an nupa in an rui reng ti ila a dik angchu, ka pi (ka pa nu) hian min enkawl in, ka tan chuan ka chhungkaw neih chhun a ni


Tun a ka bialpa, ni lo, mi pawmlai nen hian kum 2 kan in ngaihzawn na tur in, ni thum (3) chiah a duh tawh, thlahmasa khan ka in luah pui Tei piancham kan lawm, beer/zu sawiloh, zuk leh hmuam lam hi ka ti ngailo hrim hrim, mahse ṭhian ten khami zan khan beer can hnih(2) min pek ve avang leh engtin mah ka awm dawnloh thu an sawi avangin ka in ve mai, in ngailo na na chuan ka ruihpui niberin ka hria, ka bialpa U zuala pawh a rui ve, ka thianghlimna chu, khami zan khan ka hloh mai nilo in, ka nun inthlak thleng hlawk na tur ka pum chhung ah hian naute, ka thawk rual a thaw, ka thisen hmang ngei a insiam chu a awm mek ani!!! Enge ka tih ang??

Ka thiamloh nge ni a, ka vanduai vang zawk? Ni e, thiamlohna tamtak ka nei ngei alawm, engtin nge a thusawi zawng zawng ringin, nupui min neihsan a ni tih pawh hre miahlo a kha lehchen kalo inbum tir theih zawk, ka vanduaina ala kaltluang zel ta nen, enge ka tih ang? Kan khua ah haw in ka pa bul ah 'sawn ka pai' tiin ka sawi dawn em ni? Ka pi, ka pi mawlh hian engtin nge a dawn sawn ang, lungphu chawl in a thi thei mai ang.... Ka kawng thim zia chu ka hmufiah tulh tulh bawk si


U zuala phone a rawn rik chuan, "kan chhang lawk ange," tih leh thawh a rual nghal, pawn a a chhuah rualin, "Zualte, hmeichhe rilru ṭha tak i ni tih ka hria, heihi la rawh, nau itih tlak duh pawhin ka pui angche, ka pasal ṭhen mualpho a, ka fa ti fahrah tur chuan ka ngam biklo a ni," a rawn ti leh sup, amit a sen ram, ka tlawm angchiah in ani pawh hi atlawm vawng vawng in ka ring, ni e, tu hmeichhia nge na lo in, tlawm lo tehlul ang ni, kan vanduai dan in chen chiah a ni, mahse keiai a chan ala ṭha deuh tal alawm, a fa pa hi, a pasal ala ni tal a


Ka lu ka thing, envelope chhung ami chu enge tih hmulo mahila pawisa anih ka ring, pawisa vang a a pasal hi ngaizawng ka nilo, pawmlai nei ani tih ka hriatloh vang tak tak ani, ni lo, bul ka ṭanpui khan tlangval diktak a nih vang a bul ṭanpui mai ka ni, tun ah a pasal fa ka pai, ka fa a ni a, ka in buaipui thei bawk

"khawngaih in tiang hian ti suh, ka tiam a che, ka fa hi tuman i pasal fa ani tih an hrelo ang, ka dam chhung pawhin ka tibuai lo ang che u," mittui luang ngiai ngiai chuan ka ti sep, ka kut chu a rawn hum vang vang, min khawngaih na mitmeng mawlh chuan min ti na zual in ka hria


Hmeichhe fing leh fel tak a ni tih hai rual a ni lo, tu in nge mahni pasal ngaihzawng te ṭha tak a bia awm ngai angni? Keipawh ni ila ka thei kherlo ang, "mipa pakhat vangin i nun a chhe vek dawn a nih hi," Khawngaih tih hriat lutuk in a rawn ti chhuak sup, ni e, ka nun chu ti hian engtin nge ka hman chhoh tak ang, sawn pai ka nih mai bakah mi pawmlai fa a ni tel kher tur nen, LALPA engthil nge ka tih tak ang

Ka thianghlimna kum 23 chhung teh meuh kalo vawnhim, "ka pasal tan chauh, ka pasal tan a ka thilpek hluber tur, ka inchhuan na tur," ti a ka lo suangthuah ve ṭhin chu vawilehkhat ah, ka fimkhurloh leh at lutuk vangin boruak ah a tham ral vel ta chu a ni si a, a nghawng erawh in ka dam chhung nun ati danglam dawrh pawh ni lo in, a letling thawk a ni

Kan inluah aṭang a an haw hnu chuan ka ṭap chhuak hawk, ka awm ka chun dawt dawt, "enge ka tih tak ang? Lalpa min pui rawh, tun ah hian mi pasal fa ka kaw chhung ah hian a awm anih chu!!! Enge ka tih ang?" Rapthlak ka va han ti tehlul êm!!! Inchunglam dak chuan ka ti ṭawk ṭawk


***FLASH BACK***

"Artui kan rim ami," tih leh ka uak ṭhawt bathroom ah tlan luh ka rual nghal, "i ṭha em?" Tih leh ka hnungzang a rawn chul pahin, "Zualte tunlai i awmdan hi in chik em?" Atih chuan chau zet a bathroom chhuat a ṭhu sawp nuaih chuan, mittui tlingpam a en in, "enge? Awii artui kan saw paih rawh," tih leh ka uak chhun zawm leh nghal, ka pumpui in a pai dai thei thlawt lo, tunlai ka ten chhiat dan te leh rim na deuh ka ngai theilo ta em em chu a mak a ni, ka pumpui chakloh vang a nih ka ringber


"Lo nghak teh," tih leh ka uak tuar tuar min kalsan chuan a chhuak nghal, hahzetin ka ṭhu sawp niah, artui kan chu a paih ta aniang a rim ka hre ta lo, kan ei ber ṭhin a ni sia, engvang a rimchhia ti ta tlat nge maw ka nih hrep ni, tunlai ka awmdan mak lutuk hi in entir ka ngai a ni

"Kha heila teh," Te'in ka kut a test kit rawn hmehbel pah a a tih chuan ka en haw, "enga tan maw?" Ka tih zawhrual deuh thawin ka thusawi at thlak zia ka hre chhuak, mahni hunbi pawh hrelek lo in ka awm a nih chu, hlauhna in min rawn tuam nghal hlup hlup, "a ni lo ang," zawite in ka ti tak na in ka awmdan leh U zuala nen kan chetsual aṭang thla 1 a liam tawh, thi kala neilo tih ka ngaihtuah chhuah phei chuan ka hlau lutuk chu ka mittui a rawn tla mai dawnin ka hria


"Zualte, a ni ang pawh ka tilo a, han enchhin reng reng teh," Te'in min hnem tum zet a rawn ti chuan bathroom aṭang a chhuak in kawngkhar a rawn khar nghal, ka mit ka chhing sawk, nau ka pai ka rin na leh rinlohna chu a in zat chiah, boruak tam tham zet hip chuan ka thaw kawk kawk, muangchangin ka tho, ka thin lah chu a phu dawt dawt

"Zualte," Tei aw ka hriat chuan ka mittui a rawn far fap fap, ka kut a ka ken test kit chu khur dar dar in ka en nawn leh, engtin nge ka tih tak ang? "Zualte," tih leh kawngkhar a rawn nam hawng, kei erawh ka kut a ka thil ken chu ka en ngawt ngawt, "khawimaw i rai..." A ṭawng a tawp chat, chet pawh ka che sawnlo, toilet bowl ah chuan ka ṭhu kun ngar, ka dar ah rawn chul pahin, "i rilru ti hah vak vak tehsuh, vawiin ah U zuala nen in inhmu dawn a ni lawm ni, hrilh nghal vek la," tih pah chuan ka sam a rawn hui kiang, ṭah vak mai ka duh ka rilru amang vek

"Ka hrelo, Tei, lo pawmlo ta se," bah nuaih chuan ka ti chhuak, vawikhat, vawikhat chiah tak tak a sin kan chetsual ni, "hey.. Ṭap teh suh, mipa ṭha tak a nia, heileh chen in inzui tawh a, i inven zia ka hria, vawikhat chetsual palh ah i vanduai a nimai, anei lo angche tih pawh kanla hre hleinem, bakah naute a awmtawh chuan mipa a nia, mawh phurhna ala em em ang, i hriat kha," ati leh duah, tlem chuan min hnem deuh, mahse ka thinlung chhung khawi emaw lai ah hian hlauhthawn na in min man ni maiin ka hria


Choka aṭang a zawi zet a ka chhuah rualin U zuala a rawn lut ve chiah, min nuih sang, "i nuam samlo ami?" Tih leh min rawn pan hnai nghal, "Zualte hna ka kal dawn nia," tihpah in Tei chuan min rawn melh zauh, ka lo bu nghat


"I damlo ami, i dang vek a nia," ati sup, U zuala chu ka en, hmelṭha ti a sawi tur a ni miahlo, mahse a nun ah LALFANU ang mai a min treat na leh, min feel tir tu mipa a nihna hi ka duh na a ni, ka mittui a rawn hnam ṭiam ṭiam, "diklo a awm ami? zualte minti hlau a nia," a tih ṭhin dan bawk a min ngaihtuah na mitmeng nen a min en chuan, alam a min pawtin min kuahbei leh nghal hle hle, in hnit feih feih chuan, "U zual," ka ti chhuak ṭuak, sawi maidan tur ka hrelo, ka hlau thawng em em chu ka hrethiamlo takzet, min hmangaih tih ka hria a enge maw ka hlauhthawn em em chu ni

Thaw la halh chuan, "aw le, eng in nge ti lung ngai em em che ka hrelo na in, thil ei tur in chhuak ila kan sawi dun dawn em niang?" Ati sup, ka bu nghat nghat, U zuala nen hian in ngaizawng e tilo hian kan chhuak dun ngai lemlo, tumah hian kan in ngaizawng tih an hrelo ang, a hria an awm pawhin tlem te bak an nih ka ring lem lo, a changchuan hreawm tih chang ka nei ve fo, mahse, "in ngaihzawn lai a tihlan viau hi a ṭul berlo," tiin U zuala hian asawi ṭhin, ka ngaihtuah chian chuan a dik ka ti ve tho bawk

Kan thil ei chu enge anih pawh ka hre lemlo, atui em pawh ka hrelo, ka rilru ah engtin nge bul ka ṭan ang tih ngawt a awm, "Zualte," a rawn ti sup, alam ka hawi vat, ṭawng tum a a kâ a an zuai laiin, "Duhtak," hmeichhe aw tliang zet mai in a rawn tih chuan kan hawi vat, kan dawhkan bul mai a hmeichhe hmelṭha zet mai raipuar a rawn din chuan maktih hmel fe in min rawn en, keipawh chuan Uzuala a rawn koh dan chu makti fe in ka en ve tho bawk


"Hna i buai emaw ka tia? I student em ni?" Nuisangin a rawn tih zawm zat, U zuala hmel chu a buai nawk nawk mai hian ka hria, "Zualte pawn ah minlo va nghak rawh," U zual'an a ti sup, ka ngaihdan a ni biklo, kan in ngaihzawn na hi engvang a zep tlat nge anih ka hrethiamlo, mahse engmah sawilo chuan lungawilo zetin ka kal tau nghawng nghawng, "Duhtak," a rawn ti a nih kha, tunge khanu kha ni ang?

"Ka thlah haw angche," U zuala aw ka hriat chuan ka en vat, chhang pawh chhanglo in a car awmna lam ka pan ve hmiah, a rawn ṭhut luh rualin, "Zualte sawidun tur kan nei a nia," a rawn ti sup, alam hawi chuan, "kan nei alawm," ka ti ve nghat, tunge khanu kha tih pawh sawi a tumlo chuan ka lung ati awilo, in sawifiah a tum miahlo a ni tih a hmel ah pah alang reng

Inchhung kan luh rualin, "zualte," a rawn ti sup, lungawilo zet chuan ka en, "khanu kha tunge a nih Uzual, a koh dan che pawh kha, chuan keichu ka thei tawhlo kan inkar hi tinge kan zep a ngaih kher," ka insum thei tawh thlawt lo, ka zawt tawng, min en vang vang chuan thaw ala halh, rilru hah hmel zet hi a pu ni hian ka hria, kan inkar kan zep avang a ka thinrim chang a piangin, 'naupang chhia ang maj hian awm ṭhin suh, mahse i duhawm na thuruk a ni bawk' tiin a sawi daih zel a nih kha

"U zual," lungawilo lutuk chuan ka ti leh hlak, "ka nupui a nih kha," ati sup, ka nui hak, awihawmloh lutuk chuan a!! "Fiamthu ka thawhlo a nia," tih leh pensawn ka tum chu ka ban ah a rawn vuan, chiang lutuk in min en, "ka fiamthu lo, Zualte keihi nupui nei lai ka ni," thutak zet a tib chuan ka nghing dawt thei, a fiamthu em tih hriat tum chuan ka en ṭha leh, mahse a hmel thutak lutuk leh a mitmeng a, inthiamlohna lang chuan thudik a nih zia min va han hrilh chiang tehreng êm!!!

"Maw?" Ka aw chu a chhuak ṭawk ṭawk, a thusawi kha ka hrelo a nilo, ka hriatsual a nih ka ring zawk, ka hresual a ni ngei ang, kum 2 dawn tehmeuh ka bialpa lo ni tawh hi mipawmlai ani ang maw?? Awihawmloh lutuk

"Kan inkar hi tawp se ka duh a ni, ka nupui in a hriat chhuah hma hian, hmeichhe fel tak i ni a, ka..." A sawi zawh hma in min vawn na chu na lutuk in ka phih thla sawk, "Engtin.. Engtin nge i theih? Nilo engthu nge i sawi zawk hi? U zual kei hian nau ka pai mek tih i hria em? Ka pum chhung a naute hi engtin nge ni ve dawn? Tun ah nupui nei lai i ni tih i sawi hi ring turin minduh em? Keihi engtin nge ni ve dawn?" A awm a chum chuan ka au tuar tuar

Ka kut man bet in, "engthu nge maw i sawi le?" Ati hrawk, mittui nen a melh chho chuan, "ni e, ka rai tih ka sawi anih chu!!! Engtin nge kei leh ka fa hi ni ve ang....mawh? Tlangval ang maiin keihi min kawp a, minbum hnu ah nupui nei lai ini tih i sawi amaw?" A tawp lam chu a ri chang chang a ni, enge ka tih tak ang, tun ah.. Tun ah mai khan ka fa pai na chuan nupui nei lai a ni tih a sawi anih chu!! Rapthlak hian!!!

"Engtin nge engmah sawilo in i awm theih? Min hrilh vat tur i ni?" Min dem tih hriat tak a ti chuan min vawn na a thlah nghut, ka kat deuh nawk, awihlo leh rilru na lutuk chuan ka melh, "tukin ah ka hre ve chauh a sin, U zual engtin nge i theih zawk le?" Mangang lutuk chuan ka ti chhuak, "dawt a ni tih sawi teh," beiseina zawng zawng nen ka ti chhuak leh, ka rilru mangan zia leh nat zia chu tuman an hrethiam lo ang, ka hriatloh in mi pasal ngaihzawng, mi pasal fa pai ka lo ni a nih chu!!!


"Sawn man ka pe angche, iti tla dawn nia, pawisa ka pe angche ," chu chu ka hma a ding mipa hian a sawi theih awm chhun em ni? "Sawn man maw?" Awihlo zet chuan ka ti chhuak, "ka nupui leh midang tuman an hre tur a nilo, i hma khua ka ngaihtuah vang a noh chu," ati leh nghut, rapthlak ti lutuk chuan ka en ngawih ngawih, 'SAWN' ka pum chhung a naute insiam mek chu apa ngeiin SAWN man pek atum hnu a hmet thla tur in minti bawk anihi chu!!! Mihring a ni ve meuh em??

Chhuat ah chuan ka ṭhu thla hnawk, "Engtin nge itheih zawk, khang hun chhung zawng zawng khan minbum a, vawikhat, vawikhat chauh nupui nei lai i ni tih sawi nila keihian bul ka ṭanpui dawnloh tehreng che nen, Lalṭhazual mihring rilru i pu ve miahlo ami? Min khawngaih na chhe te tal pawh i neilo ami?" Ka ṭap khur zawih zawih, tun ah chuan sawn pai satliah mai nilo in, mi pasal fa pai tu ka ni a nih chu!!!

****END OF FLASH BACK *****

"Zualte, i harh em? I sa vek a nia, khawimaw tho teh," Tei ṭawng chu fiahlo ruai in ka hria, U zuala leh a nupui an chhuah hnu khan khum ah kala mu kawm char char, mittui pherh nuaih chuan Tei hmel chu ka en, "i khua a sik nasa lutuk, damdawi kan la ange," tih leh thawh a tum chu a kawng ah ka kuah bet vat, tun ah hi chuan eng damdawi mahin ka na hi a chhawk dawnlo, ka thinlung hi hmun tamtak a ṭhen sawm ang maiin ana vawng vawng

"Diklo a awm ami? Zuala chu i hrilh ta em?" A ṭhut dan siam rem pah a tih chuan ka ṭap chhuak hawk, ka ṭap chhuak hawm hawm, engtin nge ka sawi ang, enge ka sawi hmasak ber ang, ka bialpa, khang hun leh chen ka lo kawp, ka thianghlim na mai nilo a fa hial ka pai kha mi pawmlai, fa nei mai tawh tur a ni tih hi maw? Enge ka sawi ang???


***Riya***



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 7:59 pm

STONE HEART
By floria laldansangi
2

"Zualte minti hlau a nia," Te'in a rawn ti leh sup, in hnit hlawp hlawp chuan, "enge ka tih tâk ang? Engtin nge ka tih ang? Tei U zual, U zuala kha," ka sawi chhunzawm theilo ka ṭap leh hawk hawk, zaidam zet a min kuahbet chuan, "a ṭha vek e, inbun ruak vek rawh," tih pah chuan ka hnungzang a chul hliau hliau, keiai Tei hi kum 2 in a upa, LRM hospital ah pawh keiai a thawk hmasa zawk bawk, ka tan chuan ka ṭhian neih chhun, ka unaunu ang tluk zet a ni

Duhtawk a ka ṭah hnu ah, "zuala chuan enge a sawi a, ti tak a i rilru na hmel kala hmu ngailo," a rawn leh ti sup, ka mittui bawk a rawn hnai leh, "nupui... Nupui nei tawh a nih kha," sawi chuah a harsat zia chu, ka lei hi phuarbet tu an awm emaw tih mai tur a ni, "eng maw?" mak atih zia chu sawi kherlo mahse a mitmeng bial lian lutuk, mitmu pawng chhuaklo chauh ah chuan alang reng, ka mittui a rawn luang leh nghal zung zung, ka nat zia chu na tak ka ni, ka mitthla ah a nupui hmel a rawn lang tel nghal zat

"Ka... Ka zuala," ka sawi chhuak theilo ka ṭap khur zawih zawih, "i sawi awmzia chu 'nupui neilai a ni' itih na maw? I hresual a nilo maw zualte, kha leh chen in inzui a, nuipui aneih kan hre silo a, tun a tak a," ka thusawi chu a ringlo hle tih a hriat, keipawh hian hresual ila ka ti a sin, mahse ka in ah ngei a nupui in min rawn zui lut a, a pasal fa chu tuman an hriat a remtihloh thu min hrilh ngei bawk si a ni, enge ka tih tak ang?

"Enge ka tih ang, Tei ka helai hi lak chhuah daih ang mai a ni, ka mawl tiraw? Ka thi thei mai dawn in ka hria," ṭap zawih zawih chuan ka awm ka chum, ka tan nun a tawp ni mai hian ka hria, engtin nge khawvel ka hma chhawn ve tak ang, mi pawmlai fa pai chung hian engtin nge ka hringnun ka hman ve tak ang??

Min rawn kuah thlawp pahin, "Zualte engtin nge ka hnem angche, a pawi emai, mahse ka la ringlo fan a ni, Zuala chu keiman ka be dawn nia, rilru ti hah miah suh," aw lawi rat chuan min hnem a tum nasa, mahse tun ah hi chuan engthu mahin min hnemlo ani
.
.

"Engtin nge i theih zawk, Zualtei mai pawh nilo keini pawh min bum a nia, i ropui hle mai Lalṭhazual, Zualtei rawn harh hma in a rang arangin in hi chhuahsan rawh," Tei aw khur dar dar a au chuan minti harh, tun ah chuan ka thusawi te a ring tawh ngei angchu, nizan zanlai ah pawh khan a rin mai loh thu ala sawi fan a nih kha

"A naupai saw ka fa a ni a, a ti tla dawn anih chuan puih ngei ka duh a ni," U zuala chuan luhlul zet in a ti nghut, U zuala luhlul zia chu ka hria, a ṭawng tam lemlo a, mahse luhlul tak a ni, thil a zep thei in mipa in chengvawng tak a ni bawk, ni e, a zep thei mah mah a nih hi, kum 2 dawn tehmeuh ka lak ah mai nilo mi zawg zawng lak ah nupui nei lai a ni tih a zep a nia, kei min kawp chungin nupui a nei zawk mawle, rapthlak hian


"Ilo zak theilo khawp mai, chhuak vat maiteh," Te'in a ti leh hrawk, keipawh khum aṭang chuan ka tho thut, mahse ka lu rawn hai muai muai ah chuan khum ah bawk ka ṭhu thla hnawk, mit chhing sawk in boruak ka hip kawk kawk, muangchangin ka ding chhuak, room kawngkhar chu ka nam hawng ṭhuai, an pahnih chuan phawk zetin an rawn hawi dawrh, thinrim tha khur der der chuan U zuala din na lam pan in na lutuk in a hmai ah ka beng sawk

A che eihlo, a thle bak chauh ani, "zahna hi i pian pui ve miahlo a mi, kha i kâ khan ka pumchhung a naute hi KA FA rawn ti ve tawh suh angche, ka fa a ni, ka fa chauh, ka tih tlak leh tlak loh ah i buaina tur a awm tawhlo a nih chu," a au in ka au khum, ka mittui a rawn luang zawih zawih bawk

Thaw hak in a ip te aṭang a envelope rawn pawrh chuan, "a ṭha a nih chu, hei hi la rawh, kan inzawmna ti hian a tawp ni rawhse, ka fa a nilo a, i fa chauh a ni bawk, tun a i thu sawi hi theihnghilh ngai suh angche," tih leh ka kut a rawn hmehbel chuan hnial pawh hnial hman lek lohin kawngkhar lam a inher chuan a pen chhuak nghal pawk pawk, ka hnial a hlau ani mah mah zawk ang

Ka tha rawn khur dawt dawt ah chuan ka ṭhu thla hnawk, ṭah hawm hawm ka duh, mahse ka mittui pawh chhuak tur awm tawhlo khawpin ka na in ka keh chhia a ni, Te'in min rawn kuah pahin, "avan pawi tak em zualte, mahse Pathian a awm tih hriala, amak emai," a rawn ti lai ve rût, ni e, amak a ni, mi pawmlai a ni tawh tih hria ila ka kawp hauhlo, min ring em ka hrelo, mi pasal a ni tih hriat reng lo ngaizawng ṭhin te, ka hmeichhiatpui hi ka dem ṭhin, mahse keipawh mi pasal ngaizawng, sawn pai ka ni ta der mai, enge ka tih tak ang?

Thinrim lutuk chuan ka kut a envelope chu kawngkhar lam ah ka vawm sawk, ka mittui erawh chhuak tur a awm tawhlo, ni lo, he inchhung a pen chhuah rual khan ka hmangaih na leh atan ka mittui te a pen chhuahpui a ni zawk, kha mihring khan ka mittui farkhat pawh a phu miau lo a ni
.
.
.
"Kan inhmu lo rei dawn e," Te'in ka insiam lai chuan ati sep sep, ka ngai ngawt ang, Christmas chawlh a nih avangin kan khua ah ka haw dawn, kumthar February thla thleng chawlh ka dil bawk nen, a rei viau ang, ni lo, he in chhung ah hian ka let leh kher angem ka hrelo a ni, "ka ngai ngawt ang che," ka ti sep, ka ṭah te a rawn chhuak, Tei pawh chuti tho, "i ṭha ang maw? Zualte in ngaihtuah leh la ṭha ka ti e," a rawn ti sep, thaw hakin, "ni lo e, ka tihsual rah ka seng a nih hi, Tei ka naute hian engmah tihsual a neilo, ka ti tla ngawt theilo a ni, Pathian pawi ka sawi tawh a, a ai nasa in ka sawi thei tawhlo," ṭah chhuak zet chuan ka ti chhuak, duh ila tuma hriatlohin ka nau pai hi ka ti tla thei ngei alawm, mahse Pathian lak ah pawi nasa tak sawi nawn hi ka ngamloh mai bakah, ka thisen ka fa ngei that tur in ka huaisen tawklo pawh a ni mahna

"Ka hrethiam che alawm, i tan a ṭhat zawk a ka rin vang a nia," a rawn ti sep, ka nuilui suk, ka tih sual rah seng chu ka tawrh ve tur reng a ni, ka hring anga, ka nun pawh a hlim zawk ka ring, ka pa leh ka nu hrawn te engthu nge ka hrilh ang ka hrelo, rui reng in, ka tan belh tlak awmlo viau mahse ka nu leh pa anla ni miau a, ka pi, ka pi mawlh hi enge ka hrilh ang, Pathian hian minla ṭanpui duh te a nih chuan a kut ah ka in nghat tawp mai a ni

"Min rawn be ziah angche, bakah buaina i tawk a nih chuan min rawn be nghal angche aw," Te'in mittui tla lek lek a atih chuan ka bu nghat nghat, "in enkawl ṭha la, ka rawn let leh hun ah chuan ka danglam viau tawh maithei a nia," ka tih chuan anui hak, ka dul melh zauhin, "Pathian ringla, zualte harsatna ineih pawhin mahni a tuar tawplo min rawnbe ṭhin rawh aw," min ngaihtuah zet chuan ati leh sup, ka tan hian ṭhian nih leh unaunu nih hi avan han tlin tak êm aw!! "Tehreng mai," tih pah chuan ka kuah vang vang, reitak kalsan tur angmaiin ka lung ngai em em te chuan ka ṭah a ti chhuak

Kan khua hi Aizawl aṭang darkar 5 tlan vel a ni, thingtlang a ni a, in 1000 vel âwm tur a nih vangin tu pawh mai hi an in hre chiang em em hlawm vek, kei erawh class XII ka zawh rualin Aizawl lam ah ka awm, khua ka awmlai pawh a ṭhian kawm tamlo ka nih avangin tumah va hriat em em ka nei lem lo

Ka pa erawh zu ngawl vei a, nupa pa a rui reng na na chu mitin in an hre deuh fur thung, "kal tawh rawh, i tlai ang," ṭah aw lek lek a arawn tih chuan bu nghatin, "ka thlen ve leh ka lo bia angche hna i tlai ang kal hmasa rawh, ka zo a ni mai," ka tih chuan min en vang vang in, "ka kal mai ang, thlah che ka chak nen, a nih ka kal a nia," tih leh room aṭang chuan a pen chhuak nghal

Khum a ṭhu hnak chuan ka phone chu la kangin ka wallpaper chu ka en vang vang, engtin nge khang hun chhung zawng zawng khan pawmlai nei a ni tih ka hriatloh theih, kum 1 dawn lai ka hnunglam ah nupui alo nei reng a nia, lunglei a kal tawh chuan biak theihloh in a awm a, hna ah ka buai atih kha ka lo ring pumhlum tawp ṭhin ania, kum 23 ka ni tawh, engtin ka mawl em em theih?

Ka ngaihtuah na avangin ka mittui a rawn luang ngiai ngiai, engpawh thleng dawnse ka pum chhung a nau te hi ka fa a ni a, ka hring anga, ka enkawl bawk ang, ni e, tu in nge PA amamawh ti, nu tel lo in ka seilian a, ka fa lo piang tur pawh hi Pa tello in a seilian ve dawn a ni mai, ka thei em em ang, nu hmangaih na ka dawn ngailoh leh beisei ngailoh kha ka fa lo piang tur hnen ah hian pek vek ka duh a ni


***Riya***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:00 pm

STONE HEART
By floria laldansangi

3


Sumo ah ka chuang vang tawh tih pawhin ka phone ka melh leh vang vang ṭhin, enge kala beisei fan ni, a messages maw? Nge a call zawk, ngaihdam min dil se, a thiamloh anih thu vawikhat tal sawi ve se tih em ni kala nghah ni? Beisei tur awmlo ka beisei tih hre mahila, ka ngaihtuah na aṭang ka paihbo mai thei silo
.
.
.
.
"Mami kan thleng tawh a nia," Ka mit nuai chat chat chuan, "ohh, ka lawm e," Ti sup in ka in sangmar, ka pum rawn ri rawk rawk ah chuan ka ril a ṭam hle tih ka hrechhuak ka nui suk

Sumo aṭang a ka chhuah chuan ka hawi kual, kan khua ka hawlohna chin pawh kum 2 vel a ni ta, U zuala nen kan inzui aṭang khan vawikhat mah kan khua kala let ta lo, alo danglam ta takzet a ni

"Zualtei ini em?" Ka luggage hlang thla pah a diver in a tih chuan ka bu deuh nghat, nui var var in, "i ang ka ti deuh reng a, i muhil kha i chauh hmel lutuk a, sumo chhung ah khan ka be ngam ta lo che a, Christmas hmang tur in em ni i haw?" Nelawm zet a atih chuan ka bu leh deuh nghat, ka luak chhuak tlat chuan ṭawng mai tur a ti harsa

"Heihi ei rawh, i luak a chhuah hmel lutuk," Ka hawi vual vual lai chu driver bawk chuan a rawn ti leh, "ka lawm e," Ka ti sup, han sawi ve mai tur ka hre hlawl lo

"I haw tlang dawn em? Minlo nghak deuhla in venglam ah ka haw dawn a, ka thlah pah dawn che nia," A tih leh chuan hnial tin ah pawh ka tin lo, venglai a ṭang chuan kan in awmna chu tlem in a hla deuh, ke ngawt a kal thleng tur chuan ka zawi emai
.
.
.
"Engtik nge Aizawl lam ah i chhuk leh ang," Sumo khalh chung a kalam rawn hawi zauh a atih chuan pawnlam thlir deuh vang vang in, "ka hrelo, ka chhuk tawh kher angem?" Ka ngaihdan tak tak a ni, Aizawl a ka let leh a nih chuan U zuala ka hmuh fo a ngai dawn a, ka tuar chhuak thei a ngem ka hrelo a ni, ka in ring tawklo takzet a ni zawk


"Ohhh, hna kha inei emaw ka tia? Takin min hrelo ang tiraw? Puia ka nia, high school ah ka nau te nen in kal tlang ṭhin," A tih chuan ka bu nghat, ka hre chuanglo, a nau hming pawh sawise ka hriat mai ka ringlo, a chhan chu ka school kal lai, ka hriat chin ah mi pakhat chiah ṭhian kawm ka nei miau a

"Ummm a nih chu mawle, kan khua pawh damdawiin a awmve tawh alawm, nurse pawlawh deuh pakhat lakbelh an duh leh ka awm tihna a ni mai a," alam a nuih deuh sang a ka tih chuan a nui ve hak
.
.
.
"Ka lawm lutuk aw," Motor aṭang a chhuak pah a ka tih chuan, rawn chhuak a ka luggage min lak chhuah sak pahin, "a ho lutuk, a nih zanriah ei tui le, ka tlang mai ang," a tih chuan in ah tunge awm a, ka pa te nupa an rui em pawh ka hriatloh avangin thingpui in a leng kawi tur pawhin ka sawm ngamlo

Kan in kawt a ding chuan kan in lam chu ka en vang vang, enkawl tu awmlo ang mai hian a ro bum mai hian ka hria

Kawngkhar rawn in theh hawng ṭhuai ah chuan ka thlawk chhuak lo chauh, ka ohu nasa lutuk chu thla chu nei ila ka thlawk hrim hrim ang, ka nu hrawn rui hmelchhe lutuk leh pawr em em mai rawn tlan chhuak chu phawk lutuk in ka en, a puan bih tla tur dawm bet chung a mitko kak leh thisen chhuak nuaih mai nen chuan nurse mah ni ila min rap lek lek


Hlauh vang pawh ni lo, kut thlak duhloh vang zawk a ka hnung a rawn tlanchhe pahin, "nang zu ngawl vei mai mai khan kut min thlak hauh suh," Ti tuar tuar chuan ka pa zu rui rawn pai chhuak ve nawk nawk chu ka hnung aṭang a au tuar tuar

Ka thaw kawk, ka ban a vawn na chu ka thing thla sawk, ka hringnun buai chuar mai piah lam ah khua anti a var lo lutuk hian a lawm he in pawh hi minti ngailo ṭhin tu ni

Mit meng phi luai a ka hma a rawn ding ka pa chuan min en deuh vang vang, a ruih vang in min hre mailo tih hriat reng reng chuan a ding pai deuh khat khat

"Oho....Ka fanu Zualte, ka nu i tunu a lo haw e, nangnu kha rawn haw tawh suh angche," ka hnung a ding a nupui kawk pah chuan a ti ram zui nghal hmak

"Awii ka rei!!! Bawihte, Zualte, ini tak tak em?" Ka pi inchhung aṭang a rawn tlan chhuak pah a kalam rawn pan chu ka pan hnai ve vat


"Khawi maw ka lo en chiang teh angche, Lalpa ka tunu Zualtei ngei a ni, ka va lawm tehlul êm?" Ṭah aw ṭuau a tih leh min kuah vawng vawng, ka mittui a hnam sawk, ka naupan tet aṭang han ṭah em em ka neih ka hrelo, a chhan chu mittui tlak hian engmah a siam ṭha thei in minpe let theilo tih hre chiang ber tu ka ni a ka in hriat vang a ni


Mahse tun hnai erawh, ka mizia ka thlak hlawk ti ila a dik ber ang, ka mittui a tla hma in ka dawh theilo em em a, ka rilru a no a ni ber


"Ti rawh inchhung ah i lut teh ang, i nu leh pa hi chu ti reng hi an ni mai," ka pi in a mittui hru hul zauh pah a ka ban a min kai chuan min pensawn pui


Kan bul a ka pa te nupa in hnial tawn tawn chu ka uksak peih biklo

"Ṭhu rawh tui in tur ka rawn lak angche, motor i chuang chau awm si a," Ka pi in a atih chuan a ban a vuan a ka bul a pawt ṭhu chuan a dar ah ka lu ka nghat vang vang in, "pi ka ngai che," ka mittui bawk bawk a rawn hnai leh kuar kuar, ka pi hi ka ngai takzet a ni


Ka sam a chul hliau hliau pahin, "keipawh in ka ngai chee alawm," a ti ve sep, ka inchhung chu ka melh kual hrek hrek, engkim mai chu a hlui in enkawl loh tih hriat ngawih ngawih in a hil bum hlawm


"I inbual harh duh em, tui ka lum dawn em ni?" Ka pi bawk in a rawn tih chuan ṭhu ṭha pahin, "aih, pi rawng ka bawlpui phawt angche," tih leh ka luggage pawt hnai in, "Te-in vitamins vel a rawn thawn che a, chawhmeh min thawn nual bawk a, engmah lei a ngailo ang," tih leh ka luggage ka hawng rak rak

"Aw haw! Ava ti lawmawm em em ve, lo zin ve tur a nia, a tak ah hmuh ve te pawh a chakawm a lawm mawle," ka pi in lawm tih hriat tak a atih chuan ka nui suk, Te-i hmel ka mitthla, minzui a chak zia ka hre chhuak nghal uar uar

Ka thawmhnaw hai rak rak pah in ka pi ti ti chu ka ngaithla ran, ka pi khawhar ṭhin dawn zia ka hre thiam, 'tar lutuk' ti a sawi tur erawh a ni hauhlo, Lo ah ala feh in, lo lam a thlai hnah chin te pawh ala ti thei ve lutuk, thingtlang mi tih takah

Kawngkhar lam a ka pa te nupa rawn pen lut khat khat chu ngawi rengin ka ngaithla, melh tin ah pawh ka tin, mahse a zep rual loh in ka pa erawh ka ngai lutuk thung, engti khawp a zu heh, mi nuihzat pawh nise min enkawl seilian tu ka pa kha ala ni tlat a ni

"Mambawih khawimaw Rs. 200 inei em?" Ka rin lawk angchiah," Ka sir a ṭhut thlengsei hlui tawh zet a ṭhu thla hnawk pah a a tih chuan ka melh eih lo

"Zualte.." Nei pawh ni ila pek tum na ka neilo hrim hrim

"Hmangaihzual..." Ka bengkhawn loh vang a thinrim nge a nih a, ka pe dawnlo tih a hriat chian vang zawk, a vin ṭhawt, ka thaw hak, rum lutuk in ka melh hrawk

"I va han zaklo tak êm aw Lalbiaktluang, em em a che, mahni fa te zin haw zu man dil a thinrim khur khur kha i zak chai nange?" Ka pi in a rawn ti hmiar hmiar, kei erawh dingin ka pensawn nghal nal nal, an zu rim nam rum rum kha ka pai hleitheilo


"A nih ka nu, i ṭhi chu khawi," Ava han zaklo tak

"Zahna chang te hi hria ula, sim te hi tum rawh u, ka pe dawnlo nasa lutuk che, Zualtei hlawh neih hmasakber a minlei a nih hi," ka pi in a tih leh chuan ka thaw alo ip pik up up mai


"Khawi maw, ka khul leh nghal dawn alawm mawle?" Ka pi pensawn tur a ban a phih let hrawk chuan engtik laiin nge ka pi bul ka thlen ka hrelo, ka pa chu ka nam dawrh, a ṭhu lêt rum rum

Ṭhut thleng hlui tawh vang nge chhe mai tur ang maiin a ri ṭhawt ṭhawt leh nghal

"Hmangaihzual kut min thlak a maw? I pa ka nih hi i hria em?" Thawh chhuah tum a in ham chuan min rawn melh, ka nu hrawn in ngawi reng in a pui ve bawk, ka nu hrawn hi zu heh viau e tilo in leh ka pa zahlo viau e tilo hian ka chung ah erawh ṭawngkam a chhia emaw a ṭha emaw a nei ngai hauhlo

"Kut ka thlak lo che, chuan i. rui duh a, zu in induh a nih pawhin in thawh chhuah in rui rawh u, inchhung a buaina siamlo hian," ti leh nghat chuan ka pi ka pensawn pui nghal

A bul a ka luggage awm chu a ban rawk rawk, ka pi ka vawn na thlah in ka pan vat, ka phih sawk

"Ka sawi kha i hrelo em ni?" Ka ti ṭhat, vin let ngam tur ka nilo, mahse ka dawh theih paihlam a ni ve tlat

"Min vin a awm? I nu ang chiah i ni, ka inchhung i chhuahsan a nih chuan rawn let ngam tur i nilo zawk tih i in hria em?" Min ben mai duh tih hriat tak a min en chuan mak ti lutuk in ka en

Kum 23 hnu a ka nu chungchang a kâ a ṭang a, a chhah chhuah ka hriatna hmasaber a ni hial ang chu

"Pa, ka nu chungchang khatiang khan i sawilo thei angem?" Ka ṭawng chhuah harsat zia chu, ka lei hi chawpchilh a thlun beh tlat ang vel a ni

Kum tamtak, ka thinlung chhung a kalo phumbeh, hal ral vawng vawng mai ka duh, 'cancer vang a thi' ti a hriatreng ka duhna, ngaihtuah sawilo paihbo daih ka duh a rawn sawi chhuak chuan min ṭhawng lutuk mai pawh a nilo min deng dawt dawt a ni ber


"Lalbiaktluang i kâ kha veng rawh, i zu rui hian i duh duh hi pawt hauh suh," Ka pi aw ki pawh nem tawhlo tak a ni, ka nu chungchang hi ka hrelo emaw anti tih ka hria, mahse engkim hi ka hria a ni, class 7 ka zir kum khan engkim ka hre daih tawh a ni tih hi an hre hauhlo


"Ka ruih vang a sawi ka nilo tih i hriat kha ka nu, engtia rei nge kan thup dawn, kum 23 a ni ve tawh, mahni a inchawm zo, Pa te pawh sual let ngam a nih tawh hi," Ka Pa ṭawngkam ngeiawm tak chu laknat loh tum eng ang mahila ka pa a nih vang a ni mahna, ka rilru a nat bakah sawi mai tur ka hrelo, chutiang mihring chu em ni ka pa mit hmuh ah kalo nih


"U Biak, enge maw zanin chu i hriat le," ka nu hrawn in a rawm ti ve nak nak

Ka lu rawn hai muai muai leh ka kaihza tha rawn zawi ta em em chu ka hrethiamlo, ka din na hmun ah ka ṭhu thla hnawk, ka khawhmuh phe ruai ruai leh, ka pi in, "Lalbiaktluang i fanu chung a ithil tih hi i hmu em?" Thinrim aw ki sang zet a atih chu hla tak aṭang hria ang mai hian a ri vawng vawng, ka thawk a harsa in zawi muang in ka ral tial tial ni mai hian ka hria


***Riya***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:01 pm

STONE HEART
By floria laldansangi

4

Ka taksa na deuh ut ut leh ṭawng ri nak nak ka hriat chuan muangchangin a men ka tum, "enge kan tih tak ang?" Ka pi ṭah aw ṭuau ka hriat rual a a kut zur ve tawh takin ka kut a rawn deh rualin ka mit ka chhing sawk


Ka meng ngam thlawtlo a ni, ka pa te nupa ka zah a, ka pi mit a ṭang a rilru na ka hmu ngam heklo

"Enge kan tih ang tilo in 'tu fa nge a pai' tih lam zawk a ni ka nu, rilru no tak khan lo awm suh, a harh chhuah hun ah engkim ka zawt chhuak ang," ka pa aw chu fiah tak a ni, a harhfim tih lah hrechiang ber tu ka ni hial ang


Muangchangin ka meng diar diar, "awiii Lalpa!! Ka naute i harh ta maw? Na inei em?" Ka pi in mittui tling piau a ṭap lek lek a alo tih chuan ka thaw chhuak ham ham, ka pa ka melh zawk, harhfim tawh mahse a mit erawh ala sen ram tho


"Doctor kan ko ange," ka nu hrawn in a tih chuan ka pa in a pawt let hrawk, "na hmel pawh a putloh saw, Hmangaihzual tu fa nge i pai? Sawn i rawn pai haw tih sawi hlek suh angche," A ti ram hmak, ka pa zu in ti tak a zu a in na hi kum 2 liam ta, in ka chhuahsan hma deuh kha a ni, rui lo hailo a a awm chuan pa ṭawng tlem tak, nekluih harsa tak a ni


Bang lam hawiin ka thle sawn hmak, tun ah rih chuan kha mihring chungchang sawiloh a hmel pawh ka mitthla duhlo

"Zawhna ka zawt che a nih chu?" A rawn ti hrawk, ka phu zawk, ka pi pawh ka kut a hmer salh

"I mak vak vak thei, thawk a phit a kut thawh i ching ta fo hi a mak ka ti," ka nu hrawn in alo ti ve hlak hlak

"Lo ngawi rawh, Hmangaihzual ka zawt nawn leh angche, tu fa nge i pai, khawnge i fa pai na?" A aw zet chu, min zawt nawn tawh dawnlo tih leh kut thawh mai a duh tih hriat tak a ni


Ka ṭhu chhuak hlawl, ka pi in ka ban hmer salh a lu thing mat mat in, "chhang rih suh," tih melh in min melh

"Ka nu khatiang khan lo ti suh, a kâ kha ang rawhse, Hmangaihzual i nu i chhun takzet a ni," a thusawi tawp lam kher kher chu ka thin a khei ve zak


Ni e, ka thiamloh a ni, ka thiamlo takzet, ka thiam thu sawi ka tum heklo, a chhan chu maw ka thiamlo takzet tih ka hre miau


"Kan inṭhen, chu chu i zawhna chhan na atan a tawk em?" Ka ti tuar, ka ṭah chhuak ta ut ut lahchu ka hrawk a rawn hnawh tlat leh nghal


"Khanglang a che, thinrim ngam tur i ni chailo tih hre rawh, i pasal em ni? Kum 2 chhung i rawn haw lo a, in a ṭang a tlan chhuakin i awmbo a, i pasal neih pawh kei ni i pi leh i pa, enkawl seilian tu te ngei che pawh min hrilh lo a maw? Khawi aṭang a i zir chhuah teh hrep nge maw nile?" A hmel sen tawn tawn thinrim avang a hmai mar pang mai chu ka hlau ve lek lek


"Ngawi tawh teh, ngawi tawh teh, pawnlam ami ten an hria ange?" Ka pi in aw ki zaidam zet a ka thlavang hauh ru tak si a atih chuan ka pa in a melh hrawk

"Engvang a in chhuahsan nge ka nih hre chiang ber tu i ni ka pa, a dik alawm, ka pasal neih ka hrilh che u chuan rui chungin min lawmpui anga, in hnialna a thleng anga, uire fanu mai ka nih zia leh ka mize chhe lai zawng zawng sawiin kum 2 liam ta a kut min thlak angchiah khan itih ka hlauh vang a engmah rawn sawilo ka ni, enge ka tihsual a i mit aṭang huatna mitmeng bak ka hlawhloh, chuti chung chuan lawm takin ka pasal ka neih tur thu ka rawn hrilh angche u maw? Mi â ka ni em ni?


Fa te thawh chhuah, lehkhabu leh pencil leina tur thuhruk pawh ru chhuak a, in zo zel duh kha, chhuang takin 'ka pa a nih hi' tiin ka rawn hria angche maw? Ka hmel a, i nupui uire nu hmel lang tel tlat hi a ni lawm ni i huat a, ka mit ah pawh mi en ngailoh, chuti chung chuan 'ka pa, pasal ka nei a, min rawn tel pui ta che' ti a hlim tak a ka rawn hrilh che i beisei em ni?" Ka au tawn tawn tak na in, a tawp lam chu a ri chang chang a ni

Ka sawi tumloh tawp ka sawi tih ka hria, ka naupan lai aṭang in ka pa hian duat tak a min chul hliau hliau ka hrelo, min en pawhin natna tamtak nei ang maiin min en ṭhin, a chhan ka hriat hma kha chuan min hua ah ka ngai a nih kha

Mahse class 7 result chhuah ni a, zirlai nu leh pa ṭhenkhat ti ti aṭang in ka hria, ka ring phal lo a, ka ring duh heklo,. Kan inchhung ah hian ka nu sulhnu pakhat pawh hmuh tur a awmlo, chuti chung chuan ka pi sawi fo ṭhin, "cancer vang a boral a ni," a tih kha 'UIRE' tih ai chuan ka thinlung ah chutia hriatreng a, phumbo ka thlang zawk a nih kha, tupawh in ka nu min zawh chuan cancer vang a thi a ni tih ka sawi mai ṭhin


"Hmangaihzual..." Ka pa aw pawh a hma ang em em chuan a ring ta biklo

"Bawihte...." Ka pi in ṭap ṭuau in alo ti ve bawk, a in hnit feih feih, kei erawh ka mittui tla mahse ṭah ka tum tawh lo, ni lo, tun a chin ah ka mittui farkhat pawh hi a tla tawh tur a ni lo

"Ka pa, ka nu hi sawi ri fo suh, a chhan chu ka nu ang a mahni ril a rah kalsan duh tur khawpin ka nunrawng tawklo," ka mittui a luang zawih zawih, ka pi leh ka pa te nupa chuan mak tih hmel takin min en, ni e, engkim hi ka hria a ni

"I hria a maw?" Ka pi in a rawm ti sup

"Aih, hriat ka duhlo, he lai, he lai ah hian cancer natna vang a thi a ni tih bak hriat reng ka duhlo, chubak a hriat ka duhlo," ka kawr awm ka ṭham tawk tawk, a na lutuk, vih sawk sawk ang mai a ni, ka thutiam ka bawh chhia a ni, min duhlo tu, min hnutchhiah tu ka nu vangin mittui farkhat pawh ka seng tawhlo ang tih ka tiam a nih kha


Ka pi inhnit hlawp hlawp a min rawn kuahin, "ka naute khawngaih thlak, i va rethei tak êm!! Keima thiamloh vek a ni, ka naute a pawi a ni," a ṭap hawm hawm, ka inhnit ve hlawp hlawp

Kawngkhar lam pan a ka nuhrawn in ka pa a kai chhuak dawt dawt chu mittui kar aṭang in phe ruai in ka hmu, khatiang a ka pa ṭawng khum tur kha ka ni miahlo tih ka hria, ka nu anglo tak a min kalsa ve lo a, min enkawl seilian hi lawmthu sawi zawk tur ka nihlai in, eng rilru pu in nge maw ka ankhum chiamni pawh ka in hrelo tawh biklo
.
.
.
.
Christmas pawh karkhat chiah in a dang ta, ka nun dan nguai churh tih reh nan leh nitin in a tawm beh aiin ka pi ram kal zui zeuh zeuh chang ka nei ve ta fo, min fuih a, ka fa lo piang tur tan nu ropui tak ka nih theih tur zia a sawifo bawk

"Khawvel a mi chakber leh huaisen ber te chu, pa tel lo a fa enkawl tu hmeichhia te hi kan ni," tih hi a sawifo bawk, chu chuan tum ruhna, chakna leh hmalam hun êng tak min pe ṭhin


Ka pa erawh minbe ṭha lemlo a, biak in a rul tawk bakin min chhang ngai heklo, ni e, tu pa tehlul nge lawm tehlul ang ni, ka nu hrawn erawh a rui emaw ruilo emaw a theih tawkin min ngaihsak thiam em em bawk, chutih rualin ka fa pai na minzawt fo erawh ka duhlo viau, inthiamlo in diklo viau mahila ka pum chhung a ka naute hi, 'sâwn, pawmlai nei fa' a ni tih hi he khawvel ah hian tuman an hriat ka duhlo, a thleng ngai heklo ang
.
.
.
.
"Awii Lalzual, i va han reh em em ve, min hre tawhlo em ni?" Phone ka pickup rual a Tei'n a rawn tih nghal lawng lawng chuan ka nui hak he nu bawrh bawrh zel hi chu, ti ila nau ka pai hnu a ka mizia ka thlak hlek tihloh chu thawveng ve tak ka ni


"Awihawmloh theih e, nikhat chiah kan inbelo a, mi hian i bialpa emaw mintih hi nia ka rin," Nui hak hak chuan ka fiam let, a hmel ka mitthla ah a rawn lang, a ner leh nasa dawn lutuk

"Ve a, bialpa sipisial ka nei rih, ka lawm e, tak tak in, engtik nge rawn let i tum?" Thu tak zawk a arawn tih chuan ka ngawi deuh vang vang, Aizawl a letleh hi ka tum em em ka hre ta hauhlo, U Zuala hmuh ka hlau a niber zawk

"Zual, ila ngaithla em?" Tei'n a rawn tih leh chuan ka thaw hak, "Te, ban na minlo thehluh sak mai ta che?" Ka sawi zawh rualin a rak ṭhawt, ka phu zawk

"Enga??? I fiamthu tiraw?" Ring lutuk a bengchhet biak a min rawn biak chuan ka nernawng

"Awii Ramhlun i mak vak vak thei, i hriat kha, Aizawl a ka awm chuan buaina kan nei fo dawn tih."


"Ni lo, ni lo, engvang in nge nangmah zawk i bihruk anga, Lalṭhazuala zawk a lawm i nun aṭang a bo tur zawk, bakah LRM chauh hospital a awmlo, a tam lutuk, engtin nge khatiang thingtlang ah in inchawm zawh ang ni?" Ka thusawi pawh ngaithla zo lo chuan a rawn ti nghal bawrh bawrh


Ka nui hak, min ngaihtuah tih ka hria, mahse ka pa in nghahna awmlo mahse, pa din hmun ah ala ding a, ka pi pawh kalsan ka tumtawh heklo

"Ka hria alawm Te, mahse buaina tamtak kalsan theih lai a pan tlat tu nih ai chuan leh nat fo ai chuan hetia awm hi a ṭha zawk a lawm, bakah ka pi kalsan ka hreh tawh emai, i hriat angin ka pa te nu pa lah in nghahna tlak tak tak an ni silo a," Ka ngaihdan tak tak ka sawi

A tawh ri hak, "Ok, mahse harsatna i neih phawt chuan min rawn hrilh zel ang tih min tiam angche," A ti leh hram chu nui var var in, "tehreng mai, bakah nau nei tur chuan Aizawl rawn pan ka duh, damdawiin lian na na chu hmanrua a ṭha a, eng amaw palh ah pawh a ṭha, ka duh zawk hrim hrim," Ka tum tak tak a ni, a theih hram chuan damdawiin ṭha a nau neih theih hram ka duh

"Yes.... Lung ngai suh, i ban na chu ka lo ti fel dawn nia, in enkawl ṭha angche," A ti nghal var var, buaina pakhat chu chingfel a ni ta, tun ah chuan kum a thar rualin ram lam hna bakah ka thawh theih zawng zawng ka zawn ve a ngai ta a nih hi, mahse engpawh thleng dawn se ka fa lo piang tur tan hian theih tawp ka chhuah anga, ka dawn ngailoh hmangaih na zawng zawng a dawng vek bawk ang
.
.
.
"Miss, heihi engtia tih tur nge?" Naupang in a rawn tih chuan ka dul puar luah tawh, thla 8 lai ni ve tawh nen chuan ka pan hnai, ka hrilh nghal mawlh mawlh

Ni a ral a, thla a ral a, tun ah chuan thla 8 lai a lo ni ve ta, Pathian zarah kan khaw high school ah zirtirtu hna, mi ai kal in, ka thawk ve lawp lawp a, ka nunhlui hriat reng ka duh tawhlo, mahse ka pum chhung a ka fa vang a dam chhung a ser nung leh ka natna ai a ka lawmna tam zawk avangin hmalam ka pan ve zel bawk a

"Miss engtik nge Aizawl ah nau nei tur in i kal dawn?" Naupang pakhat in a rawn tih chuan alam hawiin, "next Monday, ka awmloh chhung in lehkha lo zir nasa angche u aw, nakum ah chuan class X in ni ve tawh dawn naupang â in nih tawhloh kha."

"Naaaa...Madam Mapuii lo let leh dawn, ka peihlo e, a sual si," Naupang ho phun nak nak chu ka nuih hak hak

"Miss zawhna pakhat leh, mizo hmeichhia te hi pasal kan neih a, man kan in hlan hian engvang in nge Rs.20/ hi an pek let leh ṭhin a?"

"Enga tan nge itih? Pasal neih i tum a mi?" Naupang dang in anlo fiam nghal sap sap


Ka nui suk, ni e, tamtak chuan heihi kan hrelo fo, ka dawhkan lam pan a pen in, "Hmeichhe man 20 an kir chhan hrelo kan lo awm nual mai

"Thutphah awmzia hrelo hi an tam khawp mai, inneihna a hmeichhe man hi Rs 420/- a ni a. Hei hian Bungrua anga man neihna lam a kawk lova, chhûngkaw 2 te inchhûngkhatna thuthlung nemnghehna a entir a ni. Tunlaiin hmeichhe man sân rawt ching an awm. Mihring hi Bungraw hralh a hralh chi an nilo. Hlutna chhut chhuah theih loh khawp a hlu anni. Inhralh satliah chi a ni lo.

Ṭhutphah hei hi, tunlai tihdanah chuan 'Rs20/- hi ṭhutphah atan kan kir leh e' tiin man dawngtu ten palaite an kir ṭhin. Ṭhutphah hlutna leh an kir chhan hre lo hi a tamzawk kan nih ka ring. Kan Mizo Pi leh pute kha mifing, thuhnudâwn zet mai an lo ni a, an ngaihtuahna thui zia hi ka ngaihtuah fo ṭhin keipawh hian

Ṭhutphah hian a tum diktak chu, mihring kan in ang lova, misual tak tak nupuite kutthlak ching te awm ṭhin a ni a. Nupuite, 'Ka tâ a nia, a man ka pe a lawm' ti a, sawisak leh sal chhawr a chhawr ching te awm theih a ni. 'Ka nupui a nia, ka thu thu' ti a ti rethei te an awm thei tih hria in hetiang laka inven nan hian mizo upa te chuan 'Ṭhutphah' hi an lo pekir ṭhin a lo ni.

Ka sawi tawh ang khian, mi in a nupui lo ti rethei viau sela, 'Ka nupui a nia, ka thu thu, in lo sawive tur a awm lo' tiin Court-ah te hial ṭan lo khawh ta se, hmeichhe chhungten, 'Ekhai! mai mai a! Aman i la tlâk hleinem. Ṭhutphah kan kir che a lawm, chuvangin kan nau hi, a thlavang kan hauh thei a, kan tâ a la ni ve e, tin ṭhutphah kan kir thlap che a lawm. Chuvangin hetianga i tih mai mai hi kan remti love.' An la tih theih nan Ṭhutphah hi kir ṭhin a ni.

Ṭhutphah hi Rs 20/- kher tur tihna a ni lova, 400 bâka a chuang hi tunlaiah chuan a rem em a, an kir mai ṭhin a ni awm e.

Tin, man leh mual thu a Mizo dân lo ropui zia hi zirfe tham a awm. Hetia Ṭhutphah kirleh hi engtia tihzel tur nge tih laite hi a pawimawh a. Ṭhutphah hi neih hlen veng veng emaw, lo ngaihthah ngawt chi a ni lo. Nupa chu man leh mual inhlan felin fanau te an han nei a, fanu 2/3 te neiin a fanu te zawng zawngin pasal an neih zawh vek hnuah, Khai le! Ka nupui man bâ ka tlâk thei ta tiin, a puzawnte hnenah Ṭhutphah hi a kirleh ṭhin tur a ni. Fanu nei lovin man an tlâk thei ngai lo."


"Wow....ava ṭha ve, keichu Rs 20/ chauh nilo 50/ kir let ka tum ang," A rawn tih chuan ka nui hak

"Kan Mizo hmeichhe man tlawm bik lutuk hi lawm sawn pai an tam, sawn man lah tlawm si, nupui neilo a sawn thlak zawt zawt hi pawi miahlo," Class a Remhlua thawveng zet mai in a rawn tih chuan an nui dar dar, kei erawh ka pum ka khawih vat, ka naute pawh hi, "sâwn," tih ala ni ve awm si a


"Mahse ngaihtuah ula, a tlawm satliah hleinem, Miss khan a chhan a sawi chian êm kha?" Naupang ho in hnial bat bat chu dawh kan ka khawng ri karh karh


"Awle, a tawk e, naktuk ah Madam Partei ai in a period ka rawn lut dawn a, nimin lam ah S.S leh Mizo test tur ka hrilh tawh che u a, subj pakhat zawk zawk a pass lo chu ka hrem tak tak tawh ang, Remhlu i hria maw, i fail vaih chuan 'lehkha ka zir peihloh vangin min hrem' tih lehkha lian tawk a ziakin vengtin ka fan tir angche," Remhlua fiam pah a ka tih chuan nernung in, "Miss chu, a tam e, bakah ka frogs jump zawk ang," ti nuah nuah a min rawn melh chuan ka nui hak, "fail tum nghal lo khan zir vek angche u," tih leh ka chuahsan nghal, an "naa" dual ah chuan ka nui hak hak

"Miss Zualte karleh lam maw kha(h) Aizawl i pan tawh dawn kha?" Head'in a rawn tih chu ka bu deuh nghat

"Naute lahin pa tur a nei ṭha tawh nasa mai sia," Madam Hlu'in a rawn tih chuan midang pawh chuan an lo tuihnih ve tliar tliar, ka nui vur vur ringawt, han chhan let vak ngaihna ka hrelo, Aizawl aṭang a ka haw lam a, ka chhuan na driver Puia kha a rawn lenglut fo, naupang chhia ni tawhlo na na chu a beisei pawh ka hria, mahse inzawmna erawh tuma lak a siampui ka tum tawh lemlo, chiang takin ka hrilh bawk


"Karleh ah chuan Madam Mapuii a rawn kal ve leh ṭan anga, class 9 naupang ho lah chuan anhan huphurh nasa hlawm khawp a," Sir Hming'an a rawn tih chuan kan nui dar dar hlawm

U Mapui hi chu nu lianpui mai, kuhva ei ṭhoal sen suah suah thei reng leh luruh ring ve tak, rilru chhe miah silo, naupang pawh an diklohna ah chuan hrem ṭhak ṭhak zel a nih na hi naupang lak ah chuan, 'sual' tih hi a hlawh reng mai a ni
.
.
.
.
.
"I thlen ve leh min rawn bia angche, ka thlai hnah leh ṭul dang hi ka zo anga, keipawh ka rawn chhuk ve vat," Sumo a ka chuang tawh chu ka pi in a ti niah niah

Bu nghat in, "min ngaihtuah suh Te-i a awm alawm, bakah hring nghal mai tur pawh ka ni hleinem," Ka tih chuan ngaih ṭhatloh hmel tak a min en deuh vang vang in, "karleh lam ah kal mai la ṭha tur a nia, a hnaih lutuk a motor han chuan lah a chi bawk siloh," A ti leh nuah nuah chu nui hak hak in, "ka pi ka ṭha alawm, kan chhuak dawn, let tawh rawh, a thim ṭan," A ngaih ala ṭha zanlo that hriat takin min en leh deuh vang vang


"Ka pi ngaihtuah suh him takin ka thlen dawn alawm," Puia'n a rawn tih ve tak ah chuan bu nghatin, "a nih Puia lo i kut ah ka dah a nia, ka let ange, i pa te nupa anlo tal na leh lutuk ang," Tih zawm hlak hlak chuan inlam a pan chu ka tlir reng, a tar tawh tehreng nen hian kan pafa hian kan va han tibuai ve tak em aw, nau ka hrin a, dam tak a kan awm a nih chuan kala tibuai dawn chauh chu a ni sia, tunu tlaktlailo tak chu ka ni
.
.
.
.
.
"I ril a ṭam ka ring a, cake leh theitui kalo lei sak ve tawp che," Ka muhil ka harh rual a motor khalh chung a Puia'n a rawn tih chuan ka hma ka em vat, ka ril ṭam zia ka hre chhuak

Kan tlan chhuah a ṭang reilo te te ah ka mu thlu nghal ringawt a nih kha, thenzawl a chaw ei a an chawlh pawh ka lo hre ve derlo a nih hi

"Ka lawm e, ṭam tawh tak ka ni, Thenzawl kan thlen pawh kalo hre hleinem," Tih sup chuan sarang dum chu banin ka hawng nghal rawk rawk


Hnunglam a ṭhu te en let chuan anlo muhil ve barh barh hlawm, sana ka en leh zandar 8 a ri thuak, Thenzawl kan pelh chuan Aizawl chu thleng harlo tur ah ngai ang

"I muhil tui sia, ka kaitho duh ta lo che a nih kha," Min rawn melh zawk a atih chuan ka nuih var var, ka dul puar kawk luah mai melh zauhin, "hei vang hian mut ka duh phah lutuk a," Ka ti chu nuihza tih hriat tak a nui chhuak hak hak in, "naute fel tur a nih kha," A rawn ti ve zat


Ka ei tui ngang mai, a cake lei chu ka ei zo nghal vat, "ka puar luah," Ṭhut dan siam rem sat sat, nui var var a ka dul chul pahin, "ahhh, a rawn pet leh tawh," Puia en chuan ka ti chhuak phawng, ka nui hak hak bawk


"Khawi maw kalo khawih ve," Tih leh ka dul a rawn dek, a kut vuan in, "i hre thei em?" Nui ṭhu a Puia en chuan, hlim tih hriat lutuk in a rawn nui hawk hawk, "ka vawikhat hriatna a ni, kha kha a ke em ni? Ti reng kha em ni? Mipa a ni ngei ngei ang," A hlim zia chu Sumo chhung light dim tak hnuai a a hmel eng sawt sawt leh mit ah chuan ka hre thei

U Zuala ka hre chhuak, hetiang hian a lawm ve angem le? Ka ngaihtuah na vang chuan ka nui lai a reh tial tial, ka mittui rawn hnam sawk chu ka hru tawk, kan hma a rawn eng put, "Puia...." Ka ti tuar, kan sumo chuan na a ri nghal bur bawk, Puia'n min rawn kuah tih ka hre thei

Kawng thlang lam ah kan liam tih hriat lutuk in kan in sawh thla rawk rawk, theih leh theilo in ka dul ka dawm bet, ka lu kuahbet tlat tu chu Puia a ni, ka hmai a lum pup, ka mit a mitsulh bawk, ka hriat hnu hnunber chu ka bengbul a Puia thaw ri ṭawk ṭawk leh na tuar ṭap ri chuah chuah a ni
.
.
.
.
XXX....XXX

"Khawiah nge Zualtei chu a awm?" Damdawiin an luhrual in Zualtei pi chuan a ti nghal chul, a pa erawhin ngawi rengin a nu leh ankhua aṭang a zui tu te hnung chu a zui ve satliah ringawt


"Ka pi nizan a accident tawk damlo Hmangaihzuali chhung te em ni in nih?" Doctor pakhat chuan a lo ti vat, "Doctor a chhung te an ni e," Zualtei thawhna school headmaster chuan alo ti vat

"Hetah min rawn zui rawh u, operation hlawhtling tak a tih a ni na in, engtik nge a harh chhuah dawn ka sawi theilo, chuvang in ICU ah ala awm a, pakhat te te in inlut dawn nia, rei awm pawh phal a nilo," tiin doctor chuan Zualtei dinhmun chu a hrilhfiah nghal zung zung bawk

"Ka rei!!! Ka naute, engthil nge thleng ta hi?" Zualtei pi chu a ṭap chhuak hawm hawm, a tunu lu an tuam vek bakah a hnar leh taksa a khawl thil in zam nuk mai a hmuh chuan a thinlung a chhun keh a niber

TE-I...POV (Zualtei ṭhiannu)

Zualtei pi ṭap hawm hawm chu ICU pawn aṭang kan en ṭhap, a pa a ni tih insawilo mahse Zualtei'n a mitmeng a a chhun em em patling zu rim nam rum rum mai ka bul a rawn ding chu ka en vat

"Zualtei ṭhiannu maw inih kha?" A zu rim chu duh aiin a tak mah mah, ka kawchhung a let lo chauh, nizan lam aṭang engmah kala ei loh vang zawk nge, lem luih a harsat ngat ngat khawp mai

Hawisawn daih lah thil mawi ni heklo chu, "aw ni e," harsa ti zet chuan ka ti sup


"U Biak, lo ṭhu rawh i zu rim nam nen," Hmeichhe pakhat in min hrethiam tih hriat takin a rawn ti vat chu ka lawm zia mai chu, zahthlak zawk hian, chunu pawh chu a mitmeng pawh harhfim mitmeng ni pawhin ka hrelo e

"Thil thlen dan kim chang enge ni a, i hria em nula?" An zing a upaber ni ngei tur in a rawn tih chuan ka en vat

"Nizan thenzawl pelh deuh ah thenzawl Bus nen an insu a ni awm e, thenzawl damdawiin ah enkawl deuh a nih hnu ah zai turin Aizawl rawn pan pui a ni a, zing dar 2 vel khan zai zawh a ni, ka hriat ve chin ah Sumo driver leh midang pali (4) a hmun ah an boral a ni awm a, bus a chuang pawh boral an awm nuk mai, Zualtei pawh a vannei vanduai a ni ber, an va hmuh na ah khan driver khan alo kuahbet a ni awm a, cuti nilo se chuan Zualtei pawh a dam chhuak kherlo maithei a ni," Zualtei hmel ka hmuh hlim a ka hlauhthawn zia kha ka hre chhuak, nurse mah ni ila ka khur chhelo chauh a nih kha

"A nih tak chu mawle? A pawi ngawt mai, a naupai lam te?" Min rawn en leh pah a atih chuan boruak ka hip kawk, Zualtei pi a rawn chhuak ve chiah bawk

"Zualtei chu enge a an?" Hmeichhe sang ve tak, hmel en pawh a mi na mailo tak a ni tih a hriat, vun no sar mai kan bul a rawn ding chu kan en haw hlawm

Kei ang bawkin Zualtei pa te nupa pawh a ṭhawng a ni mahna, an en kawk, "engthil nge i rawn tih phiangsen?" Zualtei pa in a rawn ti ṭhawt, ka phu nasa lutuk chu ka thlawk chhuaklo chauh a ni

"Ka koh a nih kha, enge thleng dawn kan hrelo, a nu a ni a, hriat ve a phu a ni," kan lam pan a Zualtei pi in a rawn tih phei chuan a ka meng phawk lutuk chu ka mitmu a pawt chhuak hial in nia ka rin

Zualtei nu maw? Mahse a nu te chu a pian hlim in a boral tawh si a, enge maw awmzia le

"Henu hian nu nih a phulo tih i hriat kha, ka nu Zualtei'n hriase a lawm hauhlo ang," Zualtei pa bawk in thinrim ha-pui ṭhial rap rap chuan a ti leh hrawk, kut thlak mai te pawh a tum emaw tih mai tur a ni


"Rui chung bawkin em ni i fanu thihna sual mek pawh i rawn hmuh ni?" Hlau biklo tih hriat tak a ka bul a ding hmeichhia in a ti let ve khar khar chuan rawn khawih a tum ta mai, kan bawr nghal luih, ka bul a ding hmeichhia chu ka pawtsawn ve vat ringawt a, rawn khawih tak tak se hlauber tur ka nih awm vei nen

"E khaih khaih! Hetiang tur a ni ngailo, in fanu ICU ah a awm mek a, Biaka i nu sawi ang khan a thei thei in ko khawm tur kan ni reng a ni, insum rih rawh khai," Pu tar lam pang upaber chuan Zualtei pa dawm bet chuan a ti dam dap

A ban a ka vawn beh lai hmeichhia chu rawn kawk in, "ka rawn let leh hun kha i hmel tenawm lutuk kha kala hmu a nih chuan ka hnuk chhuak angche," Kah lutuk a ti hrawih in an vawn na phih sawk chuan a pen sawn pawk pawk, an nu in a hnung a a umzui dat dat bawk, ka thaw huai thei, ka lungphu ran zia chu, an in sual dawn emaw ka ti hman hial a ni


"Kan Biaktluanga pawng pawng zel hi chu," Zualtei pi in a rawn ti hlak

"U Ro, Zualtei hetiang a nih si chuan tih theih em em kan neilo nen, kan haw leh mai dawn em ni kan ti a," putar bawk khan a tawn ti leh

"Ni e, doctor sawi angin a harh chhuah hun nghahbak tih theih kan neilo, naute lah chuti bawk, kan tibuai nasa lutuk che u a,"Zualtei pi in mit bui lak chuan a ti ve vat

"E buailah lo e, kan theih ve tawk alawm, mamawh leh tih theih kanla neih ve chhuan min rawn hrilh hreh reng reng suh u aw, Zualtei kan va hmu ve zawk anga kan hawsan angche u khai."
.
.
.
Min sawi dat dat pah a, "Te-i, restroom ah va mu hahdam rawh," Doctor Derick-a aw ka hriat chuan meng phi luai in, "khawnge ka pi kha?" Ka ti nghal ṭuak bawk, nui vur vur in, "nichin khan pawn ah an inzui chhuah kha maw? Heta awm reng pawh awmzia awmlo haw la mu hahdam pawht rawh, Zualtei chu nurse leh doctor kan awm hi, zanin i shift a ni lawm ni?" Atih zawmzat phei chuan ka chau nghal rawk rawk, ka ril lah chh u a ṭam em em khawp

Ka pi te pawh khan engmah an la ei bikin ka ringlo, zing dar 5 vel ah buai zualpui a reh khan ka phone a, zingkar ah an rawn chhuak ve a nia, an chau ngawt ang, tar tawh nen, ka lainat lutuk

"Ka pi te kha kanlo nghak ange, zing chaw pawh anla eilo ang," Ka tih chuan bu nghat in, "a nih Zualtei chhungte kha min hmu turin ka office ah rawn tir lawk rawh aw," Tih leh a pensawn nghal, khawilam ah nge maw an bo tak dial tak ni, Zualtei awm na ICU lam chu ka en vang vang, ka mittui a rawn hnam ṭiam ṭiam

Doctor in, naute hi a Lung zai a nih vatloh chuan rei a dam a rinloh thu a sawi a nih kha, engthil nge ka tih sak ang, Zualtei lah a harh chhuah hun tur kan hre der silo, ka mittui rawn luang ngiai ngiai chu ka hru tawk, "ṭap tur ka nilo, a harh chhuak vat dawn alawm," keimah leh keimah chu ka in fuih mawlh mawlh

ICU a naute an up leh khawl hmang a taksa an vuah thluah mai chu mittui tling piau in pawnlam aṭang ka en reng, ka phone phawrh in thla kala zauh, a hmel pawh hmuh fiah theilo chu en vang vang in, "naute i dam chhuah a ngai a nia, i nu tan, i nu harh chhuah hun ah i ṭhat thu ka hrilh theih nan i dam ngei angai a nia," Mittui far kauh kauh chuan ka phun sep sep


***Riya***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:01 pm

STONE HEART
By floria laldansangi

5

XXX.....XXX

"He naute hi la la, i nau chhiat thu tumah i hrilh tur a nilo, ka thusawi awmzia chu i hria em? Nau i chhiat leh a ni tih i pasal hian a hria a nih chuan a ṭhen hlen ngei angche tih hre chiang ber tu i ni."

"Hei vang hian em ni ka nau chhiat thu zep tur a mintih a, he damdawiin a min khungbeh, ka nu engthil chiah nge maw i rilru ah hian awm le? Ka unaupa in hriase min that duh mai ang, Ka pasal hian min hmangaih lo a, fa hrinsak pawh ni ila min hmangaih ngai heklo ang, i hria a ni lawm ni? Kha hmeichhia, a fa pai tu chiah kha a hmangaih a ni tih hi, ka chau tawh a ni, ka chau takzet, tun ah midang, tunge a nu leh pa tih pawh hriatloh nausen rawn keng in, a fa a puh turin minti a maw?" A nu ruahman na chu beidawng leh mak ti lutuk in a en ngawih ngawih


"O tawrhna zo zai te kha zankhat thiltu ah engmah lo mai a a chan i phal em ni? Ka puihna che zo zai hi engmah lo ah i chu an tir dawn amaw? Min ring rawh, naktuk ah naute nen hian Delhi in pan ang, doctor Muhammad ka be tawh a, Heart surgery ti tur in engkim a fel vek tawh, in pa in engpawh a zawt che a nih chuan, thlakim lo a nau i hrin thu leh, Heart disease vang a surgery tih a ngaih thu hrilh angche, i pasal Mizoram rawn thlen hma ngei hian engkim ka ti fel vek ang."
.
.
.
.
.
ZUALTEI.....POV


Damdawiin a ka hriat ṭhin, khawl ri ang chiah ri ṭek ṭek leh ka taksa na lutuk ka hriat chuan men mai ka tum a, ka thei aw zawnglo, ka mit in char ngheh zia chu, glue nen a charbeh ang hmiah a ni

Ṭawng ri nuah nuah thawm ka hriat phei chuan theih tawp a men ka tum, ka kut ṭang emaw tal chu ka theih tawp chuan chet tir ka tum ve chuan ka hria, mahse thir hip thei in a a hip beh tlat ang mai hi an ni, ka kut ṭang tak ngial pawh zu han ti che theilo a mawle

Engthil nge ka chung ah thleng hi, ka thi em ni? Aih ka thi hauhlo, thi ni ila hetiang a awmtur hi ka nilo, nge ni a kei hi!!!! Ni lo, a ni lo ang, coma in ka awmzawk em ni? A ni thei dawn em ni? Men ka tum lui leh, men sawiloh ka mit hmul tak ngial pawh ka ti che em pawh ka hrelo


Ṭawng ri ni awm tak ka hriat te chu an ri niah niah, enge an sawi chiang tak erawh in ka hre thei hauhlo


"Ka sawi tawh a ni lawm ni, rawn lang tawhlo turin ka ti che tih? Zualtei hi engtiklai pawh a harh chhuak thei din hmun a ding a ni a, i hmel a hmu che a nih chuan a lawmlo khawp ang," Rei tawk fang men ka tum leh ṭawng ri hriat ka tum hnu a, ka aw hriat hmasakber chu ka nu (nuhrawn) aw a ni, chutiang a ka nu in midang nelawm lo tak a a biak hi ka hriat theih chin ah ala awmlo ang


Zu heh in rui chhe thei viau mahse tumah a ti buai in, han in hauhpui a nei lemlo, ngawi reng a zu duh em em a ni, mipa tamtak pawh in zuruih dan ah kher chuan an tluk lo ang, chutih rualin ka pa erawh tlanchhe chung a hnialve zat zat a ching viau thung


"Lalsiamthar chhuak rawh, ka theh chhuah hma che hian," Ka pa aw ṭeng zet ka hre zui zat, tunge chu nu chu a nih ka hre hauhlo na in ka nu thlengin a an biak ṭhat duhloh chu tunge a nih ka hre chak viau thung


"Ka fanu damlo, harhchhuah hun tur pawh hrelo a in awm laiin, rawn kan a, ngaihsak chu nu tih tur a ni ve a ni lawm ni? Min dan theihna dan ineilo a nia Biaka," A aw chu a tliangin analh takzet, mahse a thusawi lai, "ka fanu" tih leh, "a nu" a tih lai erawhin maktihna leh a huaisen zia ka hre chhuak


"Nu tih tur a? I kalsan a, thla pawh tlinglo fanu uire san tu inih kha, chhuak rawh," Ka pa chuan a ṭawng a seh chilh nawk nawk, ka awm zawn sa vawng vawng leh ka taksa che thei silo a ṭang ṭung mai chuan ka thaw a ti chham dawn


Khawl ri nghal chur chur leh hlauthawng tak a ka nu (nuhrawn) leh ka pi aw chu a hla tial tial, doctor an ko thawm te chu hla tak aṭang a hria ang mai ka ni, doctor ni awm takin CPR minpek a, ka awm an nem awk awk leh ka mit an keu te chu ka feel thei vek, keimah a meng a, thaw la tur in chakna ka nei hauhlo thung
.
.
.
.
"Zualte, Zualte, i harh em? Min hmu thei em?" Te-i aw a ni, ka hmai a rawn khawih, "Zualte, i harh tiraw?" A hmel chu fiahlo ruai in ka hmu phe ruai bawk


"Zualte," Ṭah aw ṭuau a a tih nawn leh chuan ka hmu fiah tial tial, chiang tak a hmel ka hmuhrual in, "Zualte, doctor a meng, nute, pate a harh a nia," Te-i hlim aw kar a ṭah chhuahna lang tel pawh chu chiang takin ka hre thei tawh

Ka mitmu muang chang a ti che chuan ka lam pan a ka pi leh ka pa te ho rawn tlan khawm te, doctor Derek-a rawn tlan lut te chu chiang takin ka hmu bawk, kala thi lo a ni tih ka chiang ngam ta chiah a ni zawk

"Zualte, tunge ka nih i sawi thei em?" Doctor in min zawh chuan ka lu ka ti che zauh, ka kâ an mai ka tum chu ka khaberuh hi a rit lutuk, ka ṭawng mai theilo lehnghal

"Aw le, a pawilo, tun ah rih chuan ṭawng tum rih suh, a lan dan in i ṭha tawh ni in alang, reilo te ah a pangai i awh leh vat mai ang, i ṭawng lo rei a, i taksa chelo in a awm rei a, chuvang a nih kha, hlauhthawn tur a awmlo e," A tih chuan ka naute ka rilru ah a rawn lang, ka kut chu muangchang a ti che in ka dul ah ka nghat

Theih tawp chhuah a ka kâ ang chuang, "ka...ka..ka naute..." Ka ti tham ṭuak, ka chhungte leh Te-i te chu ka melh kual, an hmel ka harh chhuah vang a hlimna vawrh tawp leh hahdam hmel kha a reh tial tial

Zawhna mitmeng chuan ka melh kual hrek hrek, "pawi ka ti hle mai Zualtei, i fanu kha chu ni 2 lai kha chu a dam ve a sin, heart disease nei a ni a, a dam chhuak zo ta nganglo a ni," Doctor bawkin a rawn tih chuan ka lu thing naw naw chuan, ka mittui a rawn hnam ṭiam ṭiam, thil theih a ni lo, min fiam em ni?

"Aih..." Chu zawng chu ka aw ri chhuak thei a ni, a ni lo ang, ka naute kha ka pum chhung a awmlai pawhin a hrisel lutuk, engtin nge a nih theih, a ni lo, min bum a ni ngei ang, a lungphu ri te kha ka hre thei a sin, chutiang natna a nei hauhlo


"Zualte thla 3 chhung ngawt mai engmah hrelo in i awm a, hetiang chuan awm suh, i pi leh i chhungte tan a hreawm dawn a nia," Tei'n ṭah aw ṭuau a a rawn tih chuan mit ka chhing sawk, ka mittui a luang nghal ngiai ngiai bawk, au chiam a, ṭah hawm hawm mai ka duh, ka fanu hmel pawh hmulo in maw ka awm dawn? Ka aw chhuak tur awm silo, ka awm a min hnawh up up mai chu thawk harsa tak a ni, engvang in nge ka thih ve mailoh, ka fanu dam chhuak silo in engvang in nge ka dam chhuah bik

Thi tur zawk ka ni lawm ni? Thil ti sual tu zawk ka ni lawm ni? Enga tinge hremna ka dawnloh, ka pum chhung a thal 8, thla 8 teh meuh, nitin zantin a lo pian chhuah hun ka suangthuah a, a mah vang a mi zawng zawng min sawidan benghup tlat ka nih na te, ka tan a ka biak theih awm chhun ka pum chhung a mi kha vawikhat pawh a hmel ka hmuloh turin lei hnuai ah an ohum a nih chu!!!!

"Inbeng dai rawh, i harh chhuak chauh a, ila chak tawklo a nia," Doctor in a rawn tih te chu ka hre ruai ruai chauh a ni, ka manglam ni se, harh chhuak leh in engkim lo danglam se ka ti takzet zet a ni, ni lo, harh chhuak theilo ila, nun na lo nei ve lo law law ila, lo piang lo law law ila ka duh takzet a ni


Ka chal a ka pi kut tih hriat tak mai vuai ve tawh tak maiin a rawn deh chuan muangchang a mengin, mittui kar a ṭang chuan ka pi cher duk mai chu ka melh kiau, ka hmuhloh chhungin a lo cher takzet, keimah vang vek a ni


"Bawihte, engkim hi Pathian in kan tana ruat tih hriala, ilo harh chhuak leh ringawt pawhin lawm na nasa tak a ni tawh a ni," Ka pi aw pawh ṭah chhuak aw tak a ni, "pi," Ka phun sep, bu nghat in, "ka hria a lawm, a ṭha vek mai ang, lung ngai reng reng suh," Ka pi aw damdap mai leh a kut zur tawh tak mai, ram hna thawh nasat vang a thap hrup mai chu ka thlamuanpui takzet zet a ni

"A taksa ah engmah lung ngaih tur a awm tawhlo a, therapy te a kal anga, a taksa chuan ngai a awh leh vat mai ang," Doctor in a rawn tih chuan ka chhungte chu hahdam hmel ta huai in, "kan lawm lutuk a nia doctor," Ka nu in a rawn ti sep, a ni pawh a hmel a tla duk mai alawm, ka pa erawh engmah ala sawi ve lo, rui hmel erawh a pu tawh biklo
.
.
.
.
"Zualte," Te-i aw ka hriat chuan ka harh zawk, ka phone ka hmet thim nghal vat bawk

Thaw hakin, "khavang khan alawm thlalak ka hmuh tir kher kher che ka inchhir lek lek, a hmel pawh a lang chiang chuang silo a, hmalam pan a hun tawh a nia, i pi pawh nangmah ngaihtuah reng reng in a awm, in dawm kun reng thei i nilo, a chang hi chuan i hma i sial hi ka ti hret ṭhin a ni," Te-i chu lungawi chiah chuan a phun hlak hlak


Keipawh hian ka tum ve a sin, mahse ka pum chhung a naute, ka lo suangthuah ṭhin nu ṭhak tak nih te, a pian hun ka nghah hlelh ve em em kha a hmel tak ngial pawh hmulo in ka thlah liam angai hian ka awm chhung hi a ti na vawng vawng tlat a ni


"I sawi ṭhin kha, 'we are products of our past, but we don't have to be prisoner of it' kha thu nunpui reng ṭhin tu Hmangaihzuali kha a rawn let a hun tawh," A tih zawmzat, ni e, chuthu chu ka nun a bet tlat kha a ni ṭhin, engpawh tawk ila, ka nunhlui leh tihsual tawh te avangin in dawm kun ngawih ngawih ka tum ngailo kha a nia, mahse tun a ka chung a thil thleng mek erawh ka do zawhloh khawp a rit a ni, nge ni a, do let ka tumlo hrim hrim zawk


"Pawnlam ah i chhuak thawveng ang, vawiin chu ka pi in ah awmtur in ka ti a, i pa te lah in khaw lam ah an let tawh si a, vawiin chu nileng in ka awmpui dawn che, ka off ni a ni bawk nen," Tih leh ka bul a rawn din a rual, melh chho kiau in, "awmpui ka ngailo a sin, ka ṭha tawh lutuk," Ka ti tak tak, therapy ka lak a ṭang phei kha chuan ṭha chak tak ka ni


"Ka hria alawm, mahse awmpui ve che ka duh a," Atih laiin kawngkhar a rawn ri rek, kawngkhar lam ka hawi rual a ka mihring hmuh erawh ka bul a hmanraw awm awm a vawm sawk mai ka duh


"Enge i rawn tih dawn?" Ka ṭawng hma in Tei'n alo ti nghal hlak chu a lawmawm letling


"Zualtei accident tawh kalo hria a, enge i an tawh a Zualte," Min rawn melh zawk a a tih chuan chhan pawh ka tum lo, chhan ngai ah pawh ka dah heklo


"I hmuh ang hian, a dam tawh tih i hmuh hi, chhuak tawh rawh," Te-i hi chu a mi ngei tawh hi a pe na ve sia, a hmelma ka ni ang tih kalo hlau ru zek zek ṭhin

"Zualte kan inbe lawk thei angem?" Ka melh zawk, inthlahrung hmel zet a min en kar chuan, "Khawngaih in, ka tihpalh takzet a ni, bul kan ṭan tha leh thei angem?" Zak theilo ka tih zia chu rapthlak tak a ni, sawi pawh a sawi ngam hi ka va han ti êm!!



"Sawi pawh i va han sawi ngam em em ve le, Mizo in ZAKTHEILO kan tih ang hi ka hmu ve fo tawh tawh, Lalṭhazual nang erawhin zahna hi i pian puilo tawp a nih hi, a nau pai lai nen chawp a duhlo a pawisa nen a kalsan tu inih kha, chhuak rang rawh," Te-i thinrim zia chu ka hrethiam



Ka thinrim lutuk chu ka in sehruh ngat ngat, ka bek ana ut ut thei, ka tha a khur chhuaklo chauh bawk


"Khawngaihin Zualte, kan fa vang tal pawh khan min....."


"Chhuak rawh," Ka ti chuak ṭhawt, ka lukham in kavawm nghal ṭhuai


Te-i pawh a phu zawk, min en nghal kawk, "Bawihte.." Tih leh ka lam rawn pan a tum chu ka puan sin lai hlawm khawm tawp tawp in ka vawm zui

"Chhuak rawh ka tih chu, i hrelo em ni? Chhuak rawh, i hmel ka hmuh phakloh ah awm rawh, mihring rilru tlem te tal i thluak ah khan a awm ve a nih chuan khang thu kha sawi ngam tur pawh i ni lo, chhuak rawh," Ka thinrim lutuk chu ka ṭawng ka seh chilh nawk nawk


Ka mittui tla tur ka khap let sak sak, ka mit hnawp chap in, a thîp ram bawk, "Tei chhuah tir rawh," Ka au nasat lutuk vang a ka in zai na dul rawn na zawk zawk chu ka ṭhensak sak, pawnlam hil viau tawh mahse ka ṭan deuh hian minla pawt zawk zawk ṭhin



"Security kan koh i duhloh chuan chhuak rawh," Te-i chuan a nawr in a nawr chhuak a ni hrim, a chhuah rualin thaw kala kawk kawk, ka awm zawn sa vawng vawng chu ka nat vang pawh a ni tawhlo, ka huat lutuk vang a ni tawh zawk, HUA tih hian a sawifiahlo ang, a hma zawng kha chuan huat tum na ka neilo, ka fa pa a nihna a bo tlatlo a

Tun ah erawh huatloh chhan tur ka nei tawhlo, ka hua a ni, ka haw takzet



"I ṭha em?" Chhuat a lukham leh puan tla darh nuaih mai rawn chhar khawp pah a Tei'n a tih chuan ka thaw kawk kawk, ka kawchhung a khur dar dar thei nia mawle


"Ka ṭha e," Ka ti sup, ka ṭha takzet em tih erawh ka chiang bik tawplo, kum 1 hnu ah, ka fanu hmel tak ngial pawh hmulo a ka awmlaiin khatiang thu a rawn sawi ngam kha huaisen ka ti takzet a ni


"Damdawiin thlang a café ah khuan thil kan ei dawn em ni?" Tei'n ka ngaihtuah na hria ni awm tak a, thildang a rawn sawi vat chuan ka bu ve nghat, he room chhung a ka awm reng chuan thawpik in ka thi thei mai ang
.
.
.
"Tei ka damdawiin awm man hi.." Ka sawi so hmanlo, "ava mak tak, ngaihtuah buai a ngailo ka tih kha, i la hrelo a mi, i pa in inkhua a, in in leh lo ram vel a hralh a lawm," A tih chuan ka pen lai ka tawp chat

"Maw?" Mak ka tihzia ka thup hmanlo, ka au ring deuh a niang midang awmve leh veivak te chu an rawn hawi ṭhap


"I au ring lutuk, i pi pawhin tih ral a ngailo chu a ti tho a, i pa khan tihral a ti deuh bur sia, a hnial hneh ta nganglo anian," Kan in leh lo ka pa in a hralh si chuan khawnge ka pa te nupa chu an awm tak ang, engthil nge maw a ngaihtuah reng reng le


"Rilru ti hah lutuk suh, nikhaw hrelo a i awmlai khan i pa pawh a fel ve lutuk tawh a nia, zu a inlo ka tih chuan ka sawisual ang, mahse a in zeuh zeuh chauh a ni, a ngaihtuah ve lutuk che a nia," Ka pa sawi mawi tum zet a Tei'n a tih chuan zalo zet in ka ṭhensak, ka pa ka dem hauhlo, keimah leh keimah hi ka in dem a ni, ka chungah tiang thil hi thlenglo se chuan ka pa pawh kan neih chhun kan in leh lo a hralh angai hauhlo ang mawle


"Tirawh, ka ril a ṭam kal vat teh ang," Tih leh min kaih sawn a rual nghal


VIP ward kan kal pel tur chu no tla keh chuai ri ni awm tak kan hriat chuan kan ding dat, Nurse Rini rawn tlan chhuak lo man in, "enge thleng a?" Kalo ti vat, a hmel a thinrim na leh hlauna in pawlh nuaih chu ka en kiau

Thinrim tih hriat tak a ward lam melh rawm rawm chung in, "mihausa ho hi chu an tih mawh lutuk a, doctor in engmah ei ala phal lo a, a thinrim a nih saw," A ti hlak hlak, ka thaw hak, "darkar 12 chhung engmah i ei theilo takzet a ni," Nurse zing a senior ve ber U Ma-i aw ka hriat chuan Te-i nen kan in melh ralh


Ward lam pan a kal in, ka pen lut, "engthil nge ni a U ma?" Ka lam an rawn hawi ṭhap, khum a mu mipa chu lian tak a ni tih ka hre thei nghal, a mit khur thuk lam lek lek, mit mu dum fiah zet mai, a mithmul sei leh dum hlarh lai, hnar ngul sang vah leh khaberuh lian tak mai chu ka en zawk, a hmel chu ṭha tak a ni, mahse a mitmeng rum ul chu hlauhawm tham a ni bawk

Rum lutuk a min rawn melhin, "tunge inih a?" A aw chu chang fiat fiat tak ve

"U Ma, a record ka lo en dawn em ni?" A zawhna chhanglo a U ma-i en chuan ka ti leh sup, a record bu minpek pahin, "nizan khan zai a ni a, darkar chanve liam ta khan a harh tawh, i hmuh ang khan darkar 12 chhung tuisik tak ngial pawh a in phal loh a nia, engtia tih chi nge maw ni? Nurse panga vel ngawt a ti ṭap tawh," U Ma-i chuan ring silo in a rawn ti sar sar

"Ka zawhna che chu i hrelo em ni? Tunge inih ka ti a nih chu?" A thusawi ngaih pawimawhloh vang a lungawilo nasa tak ani tih a ṭawngkam mal tin mai ah chuan alang, chhang lo vawk chuan ka melh zawk

"Tunge i nih a, tui tal chu a in theilo em ni?" Kan sir a ding hmeichhia in a rawn tih chuan ka thaw hak


"In thu lawilo sawi kha duh tawk rawh u, nangpawh damlo ve tho i nih ka ring, i mutna ah let la, i buaina tur ah buai rawh, mate tui min rawn lak rawh," A tih zawm zat


Hmeichhe tleirawl in tui no a a thli chuak chu pan hnai in ka phih thla sawk, "thah i duhloh chuan pe suh," Chiang fek fawk a ka tih chuan room chhung a awm zawng zawng, damlo nu leh pa ni awm tak, patling wheelchair a ṭhu leh a bul a ding nu hmelṭha zet mai in mak tih hmel fe a min en hau chu ka melh kual


"Engthil phiangsen nge i tih?" A rawn ti hrawk, a in zaina ana a ni tih hriat takin a ner nghal sawk sawk bawk


"Thih i duh a nih chian i in thei, nangmah ang appendectomy angchu darkar 12 chhung tuisik tak ngial pawh in khap i ni, i in zai na hliam vang pawhin, U Ma, fridge ah khan ice cube a awm kha, pakhat kha ti phel la, a phel lehlam rawn barh rawh, khabak a kâ ah alut tur a nilo," Melh hrawk chung chuan ka tih zawmzat, a chhungte ho in mak tih hmel fe leh damlo hlauh hmel tak a min melh tawn zak zak chu ka mit sir zeuh


U Ma-in vur pek a tum chu a ben thlak sak sawk, "tui hal in thi se minti em ni?" A aw mar zia chu, ip chawih chawih na tham a ni


"Tui hal chuan i thi hauhlo ang, tui i in avang erawh in i thi thei, i hmel leh taksa, i aw rawl neih ṭhat dan en phei chuan darkar 12 sawilo thla 1 chuang tui in lo pawh nila i thi mai lo ang," Ice cube dang la chuan fian a dah in a hma ah a lek kang pah a ka tih chuan, a hmel ṭang ṭung mai leh a mi melh na chu hlauhawm tham a ni, tlan chhiat vawn vawn na tham a lawm le


Rum lutuk in min melh rawm rawm, diktak chuan a mitmu dum fiah zet mai leh a mi melhna hriam hrak mai chu ka khur ru ve der der tho, a bul hnai a ka din chiah phei chuan a taksa len zia ka hre thar uar uar, a lian tih chu ka en mai khan hre mahila, a bul a din chiah in, khum a a ṭhu chung pawh milim Pathian duh tawk mai a an ker mawi leh lian em em mai hi a ang alawm mawle


"I kâ ang rawh," Ka ti sup, a mi uap nat zia chu rapthlak zawk hial

Ka ban ah a vuan thut, ka phu deuh zuk leh nghal, min melh run chung a muang chang a a kâ ang in, vur ka dah luh rualin a thial ri bap bap, ka kut a vawn na phelhsak k tum chu hmer na sauh a mit zim san a min en in, "Nurse i ni, a dik em? Lo nghak angche," A aw chu a ringlo na in ka kaw chhung a fan thla rawk rawk thei, "ka that dawn che" a tihna ang vel a ni a mitmeng zawng zawng nen


Ka dar ka san ak, zeplo chuan ka kut a vawn na vang nge min melh na vang zawk pawh ka hrelo, ka vawt sung sung thei, nge ni a ka khua a sik dawn zawk


Min vawn na phelhsak pahin, "U Ma, lo buaipui tawh mai ta che," tih leh ka pen sawn nghal vat vat, kawngkhar bul a ding Tei'n mak tih hmel fe a milo en chu a ban ah kai in ka pawt chhuak dawr dawr, boruak hip tur tlem ta riau a ka hriat hrep chu ni


"Muangchangin kal teh," Te-i aw ka hriat chuan ka harh zawk, ka ding nghal dawt bawk, thaw ka la kawk kawk, Tei'n nuihzat hmel fe a milo en chu, "enge?" Tih melh a melhin ka en hâ


"A hmelṭhat zia kha, i ngam ang khan lo ngam zawk ila, awii.....vur barh tur kha ni zawk ila," Ka awih theilo, ka ṭhiannu zet hi chu


Awihlo lutuk a chek tlak tlak a, ka lu thing mat mat chuan, "i â a maw nile, min en dan kha i hmulo em ni? Min that duh mai hmel a put kha," Ka sawi zawng pawhin ka mitthla ah a hmel rum lutuk mai kha a rawn lang, ka ṭim er er thei

"TV ai a tak alo ṭha zawk fe a nih kha, hausak nen hmelṭhat nen, pa bawk si, a banbul sek zia te kha, a mitmeng sexy zia kha, nupui la neilo se chuan ka kherh ngat ngat peih dawn tih ka chiangsak," Ka thaw kawk, henu em em zel hi chu

"Kalteh ang, tunge anih pawh ka hrelo a, ṭha tihna lah ka nei heklo, a hlauh...."

"A hlauhawm iti, ohhh c'mon, nang te chuan ṭha tih hi inei khat ve emai a, ka la thutak lo mai ang, Rendezvous Hotel nei tupa a nih kha, ava han chhelo teh kher êm, naktuk ka duty dawn alawm, ka vil uluk angchu aw," Ka sawi zawh hma hma a a rawn tih zat zat chuan ka nui tawp, a duh zawng a tawn fuh tawh hi chuan ti deuh bawrh bawrh hi a ni mai








***Riya***

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 10th, 2019, 8:01 pm

STONE HEART
By floria laldansangi

6

"A rawn chhuah hma in haw zawk mai rawh, damdawiin awmna man i pek te hi a hriat ka duh hauhlo a nia," Ka pi ṭawng ri sar sar chu toilet aṭang ka chhuak tur chuan ka hriat avangin chhuak ta mai lo chuan ka ding deuh vâng, eng chung chang nge maw a sawile?



"Ka nu, reilo te hmuh ve ka duh mai a nia, a hre hauhlo ang," Hmeichhe aw tliang zet mai in a a tih chuan ka lungphu a rawn phu dawt dawt, khanu kha ani, nikhaw hrelo a ka awmlai a 'ka nu' in ti ngei mai kha, a ṭawngkam fiah leh a aw tliang zet mai ah chuan ka hai hauhlo tih ka hre bawk


Toilet kawngkhar nam hawng ṭhuai in, ka pen chhuak, ka pi lel a bul a ding hmeichhia hmel en pawh a hnarum sawiloh inchhung hna tak ngial pawh a thawk dawn em ni? Tih tur khawp a taksa ṭha leh no, mi naran a nilo tih hriat ngawih ngawih chu ka en vang vang, ka hmu tawh a ni, ni e, nimin khan, kha VIP ward ah khan a awm ve tak kha maw


A hmel chu uluk lutuk in ka en, ka pan hnai hret hret, ka pa in ka hmel a en a piang a rilru na hmel a put chhan leh ka mit ah pawh min en duh ngailoh chhan chu ka hrefiah uar uar ni mai hian ka hria, tuma min hrilh leh sawi ngailo in min hringtu nu ngei a ni tih a hmel en ringawt pawh in a hriat theih


"Zualte," Ka pi in a ti sup, ka thaw sak ta ṭalh chu ka thinrim vang nge ka hma a ding hmeichhia ka huat lutuk vang zawk pawh ka hrelo


"Enge i an tawh? I ṭha tawh ni in kalo hria a," Ka hma a nu hmelṭha tak mai in a atih chuan ka chhanglo, a hmel chu ṭha tak a ni, ka pa in hei leh chen theihnghilh theilo a, a la natpui em em chhan ka hrethiam ta ni in ka in hria


"Ka ṭha tih i hmu tawh a chhuak tawh rawh," Pangai tak a biak ka tum nen, ka duh ai ka ṭawngkam chhuak a chang mah mah


"Min hria a maw?" A hmel a mak tihna lo lang chhuak chu ka melh kar, chutiang bawkin ka pi pawh chuan mak a ti tih hriat takin, "Zualte," alo ti vat bawk, ka aw chhuak ah a hriat viau nge ka mitmeng ah ka huat zia kalo ti lang mah mah zaak

"Ka hrelo che, hmel hriatloh ka ngaina ngailo ang bawkin nangpawh ka ngaina lo che, i chhuak thei tawh angem? Ka damdawiin awm man i pe tih ka hria, hmel hriatloh lak a ba neih ka duh hauhlo, ka neih bak chu ka ṭhian te ta pawh puk chawp in ka rul dawn che nia." A tawp lam chu ka seh chilh ta nawk nawk, ka kut ka hum ruh ran bawk


"Zualte ka thiltih sual ka hria, chuvang a nia i damdawi bill man pawh ka pek vek ni," A thusawi chu awihlo lutuk in ka melh


"Chuan, chuvang chuan ka hriat phah che i ring em ni?" Au khum chiam mai ka duh, ka kaw chhung hi a zat in a za a ni mah zawk


"Chu chu ka sawi tum a nilo tih i hriat kha, min ngaithla la ka in sawifiah thei, kalsan che kha ka tum bik hauhlo, duh thlan tur dang ka neihloh vang a ni, ka kalsan che a maw iti em ni? Hla tak a ṭang ka thlir reng ṭhin che, ṭhian ti a sawi tur pawh i neilo tih ka hria a nia, min rulh lam ka phut hauhlo bawk, damdawiin i chhuah hun ah i zirna chhunzawm na tur ka buaipui vek ang, ka tiam a che, tun chauh hi min ngaihthla la, ka thu zawm rawh, engkim ka siam ṭha theilo a nih pawhin kan inkar chu ka theih tawp chhuah in ka siam ṭha ang," A thusawi chu ka hresual zawk emaw ka ti hial a ni


Kum 23 hnu ah a fanu min hmu a, nilo, ka hmuh hmasakber na ah chu thu chauh chu em ni sawi tur a neih?


"I sawi tur i sawi zawh tawh chuan chhuak rawh," Ka aw chu a khur der der, ka thinrim lutuk vang zawk a ni mah zawk


"I tan a ṭha tur a nih hi, i hmalam hun tur, i fa pai na pa nen khan in inneilo tih ka hria, mi pasal pawmlai fa i pai a, engtin nge bul i tan anga, hmalam hun i thlir a nga, i tanvek a nih hi," Engtin nge chung zawng zawng chu a lo hriat ka hrelo, ka nun a thusawi ve tur in dikna leh chanvo pakhat mah a nei heklo


"Ka tan vek maw? I hre tawh ngai em? Mahni hmasial a piang te'n a an chhuanlam ṭhin chu, 'i tan vek alawm' tih hi a ni, in sawifiah i duh amaw? Mahni ril a rah, thla êm pawh tlinglo uire san duh NU hian eng chhuanlam mah sawi tur ineilo, i hur herh vang a nih kha," A au in ka au khum, ka thusawi chu a nalh lo in, sawi awm a nilo tih ka hria, mahse ka kaw chhung a ka huatna hi ka au chhuahpui lo theilo a ni


"Hmangaihzual," A ti ṭhawt, ka ṭawngkam hman chu a rilrem zawk a ni bik hauhlo tih alang reng, mit thip ram a melh khai chungin, "ni e, i sawi dik, ṭhian ṭha emaw ṭhian ti a sawi tur ka neilo, ka nei ngai heklo, a chhan i hria angchu tiraw? A chhan chu maw, ka ṭhian kawm te apiangin i hming an hriat rualin an nu leh pa ten an fa te min kawm tir an phal ngailo a tin ni, a chhan i hria em? Ka nu chu 'michhungkaw ti keh chhe tu, mahni fa hrin uire san a, mi pasal pawmlai ngai zawng a, tlanbo pui tu' a ni tih an hriat vang a ni


Engtin maw i sawi, 'mi pawmlai fa pai a? Sawn pai' minti em ni? Nang ang êm in an chhungkua ka ti chhe lo a, ka fa ka uire san heklo, ni e, in an na tamtak kan nei, i fanu, i thisen ka ni miau a, i fa nu chu kalo ni ngei e," Aw rawl tawp tak meuh meuh in ka au, ka sawi zawh rualin thaw kala kawk kawk bawk, khang zawng zawng kha ka sawi tum a ni hauhlo, rawn in lan lo se, mitthi ang mai khan reh vawng vawng sela, heng thu mawilo tak tak hi a hre hauhlo ang, sawilo theilo in min siam tlat a ni


A mit ah tak mit thip ram in ka en ve ran, inthiamlo mitmeng emaw, nuamlo tih hmel pawh a pu miahlo chu mak ka ti nge min ṭhawng zawk pawh ka hrelo, ka chhungril hi a tlawm vawng vawng nia


"Ni e, ka fanu i ni, nun na pe tu che ka ni a, i lak a thusawi thei tur in dikna ka nei bawk, vawiin hian in hnialpui tur che in ka rawn hmulo che, chawhnu lam ah i chhuak tawh dawn tih ka hria, ka thusawi kha ngaihtuah angche, heihi la rawh, in hman chawp a tan," Tih leh ka kut a pawisa tam tham zet mai hmeh bel in, ka chhan na pawh nghaklo a in her vut chuan kawngkhar lam a pan awh awh chu rapthlak ti lutuk in ka melh ngawt ngawt

Ka kut a pawisa tam tham lutuk chu en in kawngkhar lam ah ka vawm darh chuai, "heng sum te hian engkim i siam ṭhat theih i ring em ni? Min duhlo leh tur chuan engvang a min hring nge i nih ka mamawh loh ang bawk che in i pawisa pawh hi ka mamawhlo," A kal liam tawh tih hre mahila ka sawi tur erawh ka ṭhulh chuanglo


Ka biang rawn lum thla pup chu ka hru tawk, ka tawt up up a, ka alh chhuaklo chauh, chhuat a pawisa darh nuaih mai chu ka melh ngawt ngawt, meh avang a kang ral thei nise an alh nghal hluah hluah in ka ring

Ka pi inthlahrung tih hriat tak leh min hlauh hmel tak a ding zum zut chu ka melh zauh, a inthiamlo hmel chu a lainat awm letling zawk mah a ni


"Zualte i ṭha em? Ka thiamloh vek a ni," A inthiamloh zia chu a lang reng, ka lu ka thing mat mat, keima thiamloh vek zawk hi a ni, engkim mai hi ka bul ṭan vek a ni


"Pi boruak thianghlim hip turin ka chhuak lawk a nge," Ka tawt lutuk tih reh tum a boruak ka hip nasat pawhin he room zim te ah hi chuan ka boruak hip tur kham khawp a awm in ka hrelo a ni


"Aw le, aw le, kal hla lo la," A tih chu ka hre hman ṭawk a ni, a tlan in ka tlan chhuak a ni hrim, inchung zawl pan in step ah ka tlan lawn, ka thaw hlawp hlawp


Inchung zawl a ding chuan boruak tam thei ang ber hip in ka thaw chhuak leh ham ham, muangchang a inchung ler lam pan a pen a ka hmalam hla tak mai ka en vang vang laiin ka ban a min rawn phih let sawk tu an awm avang chuan ka ṭe that

Ka dar tawn tawn a vuanin, "thih i duh a nih pawh in helai hmun ah lo hian thi angche, mahni intih hlum i duh a nih pawhin ramhnuai ah kal in i thi thei," Min au khum nghek tu pa thusawi chu pakhat mah ka hrethiamlo

Maw? In tih hlum maw? Keimah maw? Enge maw a sawi chiam chiam le, min hmer na lah chu ana em em lehnghal


"Minthlah teh, intih hlum maw? I â em ni? Mahni in that tur khawpin ka dawih zeplo i hria em?" Ka ti let ṭhat, maktih hmel zet a min en chhuk run chuan, "inthah i tum siloh chuan enge sawlam hmawr lutuk chu i pan," Ka duh leh ka pan ang chu, thlifim rawn thawt na lam ni hek


"Thlifim dawn ka tum a lawm, khawimaw min thlah tawh teh," Ka tih leh vak ruali. min vawn na thlah a rual, ka kat deuh nawk nawk, a hmel chiang tak a ka en chhoh chuan nimin a damlo tihmawh zet kha a ni tih ka hre nghal, ani pawh chuan min enve ran, a khabe hnuai a ṭang a rum fahran a melh chho ve khai khai chuan, "i rilru a kimlo a maw nile?" Ka ti sup chu a ngaih dan a nilo nasa tih hriat lutuk in, "engmaw?" A rawn ri deuh hrawk


Nernawk chuan, "engmah," Tih leh inher mai ka tum chu ka ban ah na zet a hmer a min phihlet hrawk chuan ka bawh rawk rawk, kan taksa in dai chet amin pawh chuan hnai lutuk ah a rawn kun, ka lungphu rawn phu rang ta dawt dawt chu ka hlauh vang nge maw ni? Mahse ka hlauh âwm ka hre miahlo thung, a mi uap nat zia erawh ka kaw chhung a ṭang hian ka hre thei


"Min cho ve hrim hrim nge ni a, kalak ah tlak tlum i tum zawk, chuti a nih chuan nupui nei lai ka ni tih hria angche, nangni ang ho hi chu ka tawng hnem tawh lutuk, ka mit lak tum ran a min hua ang a lang si in," A ṭawngkam maltin mai chu lem a harsa ṭalh ṭalh hle mai


Keihian a mit lak ka tum a maw? He mihring hi? Ni e, a chhelo tih chu hairual a nilo, mizo mipa 6'2ft zen zawn a sang, taksa lian leh dar pharh hlai ṭha zet mai, mitkhur thuk lek lek, hnar ngul sang vah, mithmul dum ṭha zet leh er tak mai nei, khabe ruh kual lian tak mai, a awmbawr damdawiin kawr a hak chhan ah pawh lang phiar fat mai chu en mai chuan a zûn a uai ngawih ngawih na tham a ni, mahse vanduai thlak tak maiin ka mil ṭhak lo thung


Mahse engvang a ka lungphu hi rang em em mai nge a nih, a mizia ka huat lutuk vang pawh a ni mahna


"A pawi hle mai keipawh fa nei tawh ka ni, nula pawh ni ila ka duh zawng i nilo, min hrethiam rawh," Tham lo leh ngeiawm zet a ti let sak chuan a awm ah nam in ka tawlh hnung dawrh, a kiai suk chu ṭha tak a ni, a nuih zawng a a mit tlang chuar leh a kamsir chuar chuan a ti pa zual hliah hliah nia mawle, kei hi!!! Engthil nge ka sawi kha


"A lawmawm hle mai, Nurse Hmangaihzual dawt i sawi dawn chuan rin tur ngei a sawi dan i zir tawh dawn nia, a chhan chu kan in hmuh leh hun chuan chhuanlam siam tur awmlo khawpin ka dang cheo ve tawh dawn si che a," Vei nuihsak a tih leh a kut tang pahnih chhunglam a vai zeuh chuan in her in a step a a pen thla thauh thauh chu mak ti fe in ka en, engtin nge ka hming te a hriat ni, arghhhh eng hotel nei tu hausa tak nge maw ni a nih tak kha maw? Sum a awm te chuan engkim a tih theih alawm, kan inhmuh tawhloh hram ka beisei pawh nilo in, kan in hmu leh tawh ngailo ang

SUM chu thumal ka ngaihtuah chhuah chuan ka nu leh U Zuala ka hre chhuak zawk, ni e, sum vang in alawm min kalsan ve ve ni

Ril a rah fa te ai pawh a sum thlang, mahni hrin enkawl selian peihlo khan kha mihring chimawm lutuk kha a enkawl in a chen chilh dawn chu a ni sia, nufa tak tak ni awm zawk a mawi an ni


Ka ngaihtuah n avang chuan ka ner sawk sawk, ka lu um lehlam ah hian, "i thik a nih kha, i nu hmangaih na leh ngaihsak na a dawn avangin," Ti tu a awm a, lehlam ah, "thik tham a awmlo, hmangaih na neilo mihring bul a chen chu anawm tak tak i ring em ni? A hrin, a fa mah a hmangaih loh chuan, a ni a hrinloh fa phei chu engtin nge a hmangaih ang ni?" Ka ngaihtuah na te chu a insual mup mup ni mai hian ka hria
.
.
.
.
Zawi zet a ka awmna ward ka luh rualin U Zuala hmel ka hmuh chuan ka ke pen ka tawp chat, engvang a he mihring leh khanu (min hringtu nu) kha rawn lawr ta chhen nge an nih pawh ka hre hreplo e


"Ilo let ta maw, doctor rawn let hun ah kan chhuak thei tawh ang, hei i ṭhianpa hian min thlah thei hlauh dawn a," Ka pi in bag a ka thawmhnaw khung mawlh mawlh pah a a atih chuan rum lutuk in U Zuala chu ka melh, a kut ṭang a a bun, nikum Valentines day a couple ring, kan hming kan chhut tir na zungbun a bun ka hmuh te chuan ka luak a ti chhuak let ta tlat chu a mak hial zawk


"Enge i rawn tih dawn?" Ka aw chu nemlo tak a ni, min rawn melh zawk, a hmel a i thlahrung ni awm tak lang chhuak te chu ka engah mah a thawk pha tawh derlo


"Heihi a nih hi Te-i khan alo sawi ni, khawi a pawisa nge ni a?" U Zuala ṭawng tum a ang zuai tih ah ka pi in, U zuala pawisa min pek ngei mai kha a ngai ngai in envelope chawpin a rawn lek kan va va chu ka pan vat

Accident ka tawh khan ka luggage aṭang an phawrh a, Tei'n a rawn ken let thu a sawi tak kha maw


Ka pi kut a ṭang a pawt thla sawk in U Zuala ṭhut na lam pan a pen chuan, envelope chawp chuan ka vawm sawk, "kawl chhan tur leh lak chhak tur ka nei tawhlo, chhuak rawh," Ka ṭawng ka seh chil nawk nawk


Thaw hak a chhuat a ama minpek ngei envelope a ka vawn na chu chhar in, "Zual...."


"CHHUAK RAWH...CHHUAK RAWH mizo ṭawng i hrethiam a nih chuan, CHHUAK RAWH LALṬHAZUAL," Ka tha a rawn khur dar dar, khawvel a ka mihuatber pahnih na dinhmun luah mek tu a ni tih in hriase melh pawh min melh ngam in ka ringlo


"Enga ti vak vak ṭhin nge Zualbawih," Ka pi in mangang lek lek a a rawn tih chuan ka pi lam hawiin, "pi engmah i hrelo a nih chuan engvang in nge ka hringnun tichhe vek tu te pahnih hi ka nun ah i rawn kir tir, keimah hian min awmtir theilo em ni? Ka nun zawng zawng an ti chhe vek lai i mit ngei in ila hmu a, enge ka nun ah hian beisei tur heng mite pahnih hian min pek, duh tawk rawh heng mihring te nen a inkungkaih na siam hi," Ka pi pawh a au in ka au khum


Engmah thil awmzia a hrelo tih ka hria, mahse ka nun ti che tu te min hmuh tir fo pawh hi ka hua a ni

"Ka pi thiamloh a nilo, i thinrim lai a nih avangin ka let rih ange, mahse Zualte kan hun hman tawh te leh ka tan i hmangaih na, ka hmangaih na che kha ala danglam lo tih ka hria, kan hre ve ve, ka beidawn san dawnlo che," Chu thu chu a fa ka pai tih ka hrilh lai khan sawi nise chuan ka chelh anga, ka kiang a awmtur in ka ti ngei ang, mahse a ni tawhlo

Hmangaihna hi a danglam theilo an ti, mahse hmangaih tu erawh kan danglam thei a ni, mihring hi inthlak thei kan ni, thil mak a ni hauhlo, mahse kan inthlak chiah hian a sin na nei chung a kalsan tu an awm angaih ṭhin ni, chu mihring chu ka ni ṭhin, mahse ka tan a hmangaih na sawi kha a hrechhuak tlai hret a ni


***Riya***

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)