SOULOU : Bloody Romance By Floria laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: SOULOU : Bloody Romance By Floria laldansangi (Completed)

Unread post by Ngaia » October 25th, 2020, 4:26 pm

OULOU : Bloody Romance
By
Floria laldansangi


Chapter ***25***


XxXxXxXxXxXxXxX

"Lalfanu," Thanard chuan a sawi dat dat, blanket-in a khuh chin bak a taksa lang chu a ruak kâng a, a khur dar dar bawk



"Lalfanu i harh em?" Ariya chu a phun sep sep, "engmaw i sawi?" Tih leh kûn hniamin a beng chu Ariya hmui bulchêt ah chuan a dawh a, "khawngaihin minti na suh, Elba khawngaihin...." Ariya chu a phun sep sep, a mit a chhing tlat na chungin a mittui a luang ngiai ngiai thung


Thanard chu thinrim zet a khum chu hnek dawtin, "Lalfapa uicho," Ti chhuak hrawkin Ariya taksa khur zual hlawk hlawk en chunga inseh ruh zet a blanket a Ariya tuam hlawm chuan a pawm kâng nawlh a, a pensawn pui nghal pawk pawk bawk


Car a mut lutin, a tlakloh nan seat belts chu a hrên tir a, "Lalfanu reilote lo nghak rawh damdawiin ka thlenpui vat angche," Ti supin car a ṭhu lutin a tlan chhuak nghal a


Chak zet a khalhin, a khat tawkin hnunglam a melh leh zauh ṭhin, Ariya taksa chu a ai nasa in a khur a, a kaih dawn emaw tih tur hial a a taksa awm chuan, Thanard-a, mipa rilru khauh tak pawh a ti hlauthawng ti tih dêr mai



Damdawiin kawt a car ti ding tuarin a zuang chhuak a, Ariya pawm chhuak rawk rawkin ER ah a tlanluh pui zui zat


"Doctor, doctor ka mamawh," Thanard-a aw chu chang tak a ni, hlauhthawnna nen a inpawlh miau a


Doctor-in an pan mailoh avang a thinrim zet a a bul hnai a nurse ding su nawkin, "ka koh che chu in hrelo em ni? Doctor tunah ka mamawh, tunah," A ti zui ṭhawt


Nurse pahnih dingin hlauh hmel lutuk a en in, "hetah, hetah hian mut rawh," An che nghal sawk sawk, pakhatin doctor a ko zui zat bawk a, doctor an bul a a tlan thlen rualin, "ER a awm in ni a engvang phiangsen a koh theihloh nge in nih? Tunah second khat pawh a intlai a nih chuan he hmun chawp hial ka hâl angche u," Thanard chu a thinrim takzet, chutiang tak chuan ala thinrim ngailo tih amah ngei pawhin a inhria


Doctor leh nurse chu an bul a palian zet thinrim zet a thaw ri hrawih hrawih mai hlauh hmel zet a che sawk sawkin, "khawngaihin lo va chhuak rawh," Tih leh parda/puanzar chu an pawt khar nghal a


Thanard chu a vai thuak thuak, sana a bih leh zauh ṭhin, 20mins hnu velah doctor chu chhuakin, "engtin nge a thih hlau viau si chuan sex i hmanpui theih, a inzaina pawh ala hil lo a, eng ang pasal nge maw inih hrep zawk le?" Doctor hmeichhia chuan Thanard-a en chho vah chuan a ti ve salh salh, nichin mai Thanard-a thinrim inhrosa ṭawngkam kha a chhanglet a ni mah zawk


"Tunah, tunah eng nge a an? A ṭha ang tiraw?" Thanard chuan a ti neuh nak nak


Doctor chuan rum fê a melh chho deuh hrawkin, "ka sawi theilo, tunah chuan ICU ah dahlut turin ka ti," A ti chang fak


"Maw, ICU, engtia serious nge a nih?" Thanard chuan a ti leh a


Doctor-i chu a kut a kuangkuah at, "engtia serious nge a nih irin, hmeichhia in nau kan hrinna hliam emaw zaina hliam pawh a dam hma a ramsa ang mai a i chinleh i nupui saw engtia na nge a nih irin, sex satliah pawh tih nak a laiin, police a ka report zawk dawn che emaw ni le?" Ti deuh tan tan a a ân khum lai chuan Pema an lam panin, "engthil nge thleng Thanard?" Doctor thinrim hmaisen ṭawn mai en chuan Thanard chu a mleh chho leh a


Thanard chu inseh ruh lutuk in, "kha uicho khan a sawisa hlumlo chauh a ni," A ti chhuak hrawih, Pema chu a meng kawk a, "eng nge thil awmzia?" Doctor-a en, "a unau te kan nia," Doctor chuan a kut kuangkuahna a phelh vat, "ahhh...ahh.. Ka tihpalh, i nupui emaw ka tia, ward pangai ah kan sawn tawh a; Mahse, special care a mamawh rih ang, a nunna atan erawh hlauhthawn awm a nilo," Thanard chu a meng rum zual


"ICU ah a awm a ngai iti a ni lawm ni?" Ti hrawihin a en chhuk run a, a pen hnai hret bawk, Doctor-i chu ṭhen vakin a tawlh hnung hret a, "ka tihpalh a pasal emaw ka tih vang che a nia, in hmu thei tawh ang," Tih leh nurse pakhat ko chuan, "nichin a damlo ward ah khan i hruai dawn nia," Tih leh Thanard-an a en run na chu haider hmakin Pema a en a, "a harh hun tur kala sawi thei biklo," Tih leh rang lutuk in a pensawn nghal, Thanard chu a thaw ri hrawi bawk


Pema chu thaw huaiin Thanard-a bân a beng thakin, "tirawh le," Tih a pensawn nghal, ward an luh rualin Ariya mutna lam chu Pema chuan a pan a, an Lalfanu hmelṭha zet mai, mi tamtak sawiloh khawvel hmeichhe zatve velin amah nih anchak Ariya Azhilea Larissa nunbuai lutuk leh khawngaih thlak zet chu ngaihtuah in a thaw leh hak ṭhin


Thanard-a, khumbul couch a ṭhu ngawi run leh inseh ruh zet chu Pema-in mittui tling piau a melhin, "engthil chiah nge thleng?" A phun sep, Thanard-a hmel chu a ai nasa in a chang in a dur khup khup bawk

Ariya muhil thaw sek sek mai chu en in, a thil hriat te chu harsa ti zetin a sawi chhuak bawk a, Pema chu a ṭap chhuak hawk, "engtin nge a tih theih zawk, ka Lalfanu khawngaihthlak," A mittui tla chu a dang zo thlawtlo, a in hnit hlawp hlawp


Kawngkhar a ri rak, rang zet a hawiin Ramos-a leh midang pali palian zet mai, Thanard-a ai pawh a lian zawk chu Ariya khum a mu a hmuh rualin a pan nghal ruak ruak a


"Tunge..." Pema-in a tih rualin, "Pema, Thanard pawnah biak che u ka duh," Ramos-a chuan a ti sup

"Jessica, Jessica bawihi," Leonel chuan Ariya hmai dang bel leh hmui hil bam mai chu a chul a, a taksa kaw dawk mai te chu a zuat kual ruak ruak bawk, "engthil phiangsen nge a chungah thleng?" Ti chhuak hrawihin Thanard-a leh Pema lam chu mitsen râm in a hawi a



"Leonel, Leonel Thompson ini," Leonel erawhin Ariya lam a hawi leh daih tawh, Ariya hmui hil bam mai chu en in, a biang tawn tawn a dawm chuan dimte in a fawp a, a chal chu Ariya chal a si in, "ka tihpalh, ka tihpalh ka rawn tlai a," A phunsep sep



"Leonel a ni e, engthil nge thleng," Linda-i chuan Pema en chuan a lo ti vat, Pema chuan Linda-i en in Ramos-a a en leh, "hlauhthawng suh Lalfanu lam ṭang vek an ni," A tih tak chuan thaw huaiin, thil awmdan leh thlen dan te, Ariya-in nau a pai lai a harsatna a tawh leh zanin thleng a Elba lak aṭang a harsatna a tawh te chu a sawi nghal mawlh mawlh a


Leonel chu a thaw hrawih hrawih, ruh lutuk a in hum a Pema thusawi a zawh rual deuh thaw a khu ding ngil thurhin, "Elba Kiernan, zawng uicho ka that dawn khawp che," Kha lutuk a ti chhuak hrawih chuan kawngkhar lam a pan zui pawk pawk


Ramos-an chelhbet vatin, Linda-i leh Zon, Miller pawh tiamin Leonel chu an chelhbet a, a thinrim tha chu an pali pawh chuan an hnehlo lam deuh chu a ni, "Leonel, in ngaihtuah fim rawh, tunah, tunah Palace i lut a nih chuan Elba hmel pawh i hmuh hma in i lu i chân ngei ang," Ramos chuan a ti ṭhat


"Hreptak a.... Ramos, Jessica chung a thilthleng saw en rawh," Ti leh hrawihin Ariya mutna lam chu a kawk vah, a thaw ri hrawih hrawih bawk

"Leonel, Ramos hian a sawidik, tunah chuan Lalfanu hian a mamawh zawk che a ni, a rawn harh hun a i hmel a hmuh chuan chubak a tan a hlu a awm rihlo, Palace i luh rualin Elba nau te ho in an thah nghal ngei angche, inbeng daih rawh," Leonel thinrim thaw ri hrawih hrawih mai taksa che dut dut beng daih tum chuan a lo ti ve vat a


Leonel thinrim lutuk kut za bawk si chu a chhip sam tuai puatin a sir a cement bang chu a hnek ṭhuai, a khi zui ṭhat bawk, Pema alo ner sawk


Bang bawk chu chum leh dawt dawt a, mit chhing sawkin thaw ala kawk kawk a, "Ramos leh Linda-i khan an sawi dik Leonel, tunah chuan Soulou in rawn thlengkim ta bawk a, zanin aṭangin hna kan ṭan ang," Kawngkhar lam chu an hawi zui ṭhap


Assa chu nuisuk in, "ka fanu a ni a, ka hre chiang, hmanhmawh tak a chetlak tir che a duh hauhlo ang, Ramos, Linda-i leh midang ho hi SkySoul ah hruai la, chutah chuan awmhmun siam angche u," Tih leh Leonel, Ariya mutna lam pan mek chu en in, "Leonel erawhin Ariya a awmpui thei ang," A ti zui sap bawk


Ramos-a chu bu nghatin, "Pema, Thanard inchawl hahdam dawn nia nangni pawh, Leonel a awm kha," Ramos chuan ti supin Assa chhuak chu a zui ve nghal a


Pema leh Thanard-a pawh chu an Ramos-a te chhuah zawh rualin, "VIP room ah sawn turin ka va bia ange, Thanard min rawn zui dawn em niang?" Pema chuan a ti sep, Thanard chua Ariya chu a melh zauh, dingin Pema lam a pan nghal a



Pawn an chhuan rualin, "i ṭha maw?" Thanard-a ngawi ngal chu melh chho in a ti sep, "coffee kan dawm dun dawn em niang?" Tih leh coffee machine lam a pan nghal zat


Dispo cup in coffee chu Thanard-a a pe a, "Lalfanu a room ngai a sawn turin ka'n hrilh ange," Tih leh pensawn in ER reception a duty bulah chuan hrilh in, "Thanard pawnlam ah kan thu harh dawn em niang, boruak thianghlim dawn kan mamawhin ka hria," Tih leh ngawi reng a zui tu Thanard-a chu melhin a nui suk a, pawnlam a pan zui zat bawk


Hospital park a lut chho chuan ṭhutna an dah ah chuan ṭhu thla in, "SOULOU hi a darh mai ang tih a hlauhawm hle mai," Pema chu a phun sep, Thanard chu ala ngawi ngul

Pema chuan Thanard-a lam hawiin, "zawhna ka zawt thei che a ngem?" Pema chu a en zawk, a bu nghat bawk a


"Lalfanu hi i duh a nilo maw? I duh a ni tiraw?" Thanard-a chuan a coffee in lai chu a phuh chhuak ṭhawt, Pema chu chek tlak tlak pahin, "ka rintawk chiah, i luhthuk hma in theihnghilh tum rawh, ṭhian ang a ka en tawh che avangin thurawn ka pe che a nih chu," Ti sam et chuan a hawisawn zui hmak, Thanard pawh chu a nui ri suk


Zep a tum buailo tih hriat takin, "ka duh alawm; Chuvang a a himna duh ka ni, a himna bak duh ka neilo," Pema chu a chek leh tlak tlak, a lu thing mat mat in, "hmangaihna beisei bo a nih kha, i inhria chu a lawmawm e," A en, a nuih zui vur vur bawk, Thanard pawh chu a nui zui ve vur vur tho

.
.
.

Ariya room chu VIP room a an thlak hnu ah Leonel chuan a fate pahnih mutna lam chu a pan a, a fate pahnih, tereuhte mai muhil thaw ve sek sek chu a en vang vang a, a thinrimna te kha vawmbo ang hmak an ni, nui chhuak hakin, "pahnih, pahnih an ni lehnghal," Nurse awmve chuan Ariya drip khailai siam rem mawlh mawlh a melh zauhin, "an duhawm hle mai," A ti sep, a fapa muhil lai dimte a pawm chuan a chawi a, "an duhawm takzet," Naute tereuhte mai chu kuahin Ariya lam pan leh chuan a ṭhu thla a


Ariya muhil thaw sek sek chu en in, "ka lawm e, Jessica ka lawm takzet," A nui hak hak, a fapa chal a fawpin, a biang leh hnar tereuhte ah chuan a fawp leh mawlh mawlh a, a rinthiam dan ai nasa in a fate hmel a hmuh chuan a lawm zawk, a fapa chu a en vang vang a, sawi tur pawh a hrelo, sawifiah ngaihna a hrelo a ni mah zawk


Leonel phone chu a ri ral ral, "Leonel, kan mamawh che a ni," Assa chuan a ti zui nghal, a rum nghut, "ka hrethiam e," Tih leh phone off a rual, a fapa bawk en chuan a nui zui leh suk a



"Leonel," A bul a Pema ding chu room an luh lai a hrelo hrim hrim, harh thutin, "Pema, Jessica te hi ilo awmpui dawn em niang? Thanard nen hian Assa kanva hmu anga, naktuk zingah ka rawn letleh ang, Jessica erawh ka rawn let hma a a harh a nih chuan engmah hrilh suh angche," A ti nghal zung zung


Pema chu bu nghatin Dylan chu Leonel kut aṭang chuan ala a, "ngaihtuah suh, ka lo awmpui ang," Pema pawh chuan a ti sep



Thanard-a pawh chuan Leonel chu a zui chhuak ve mai bawk a, "SkySoul ah min hruai turin ka duh che," Leonel chuan a melh zawk, Thanard chu a bu nghat


Leonel chuan Thanard chu a haw hran hauhlo na in Ariya a en dan erawh mipa a nih angin a hrethiam thung, chu chuan tlemin Thanard-a lakah a ṭawngkam a ti bul zual


<SkySoul>
(Abandoned Palace)


"Ramos ka sawi ang khan engkim iti em?" A luh rualin a ti nghal zat


Leonel lam hawi ṭhapin, Ramos chu a bu nghat


"Korsakov(Assa) i chiang maw? Ka ruahmanna ka kal tlangpui chuan i Lalram hi i chan hlenlo ang tih ka sawi theilo a nia," Leonel chuan a ti leh te te, a ruahmanna chuan ram 3 te Indo na a thlen tir thei tlat a tin ni


Assa chu thaw hakin a ṭhutna aṭang a tho chuan Leonel dinna lam a pan a, a dar a beng thak thakin, "Leonel i kut ah Soulou hmalam hun a in nghat, Ariya emaw ka Lalram emaw pawh hi Elba kutah ka dah theilo ve ve, sawi uicho lawmna neilo lak a chân ai chuan hâl ral pawh ka thlang zawk ta ve ang," Leonel chu a kiai suk




"Ramos khawvar hma in Oil supply tank zawng zawng dang chat vek angche u, Zon, Linda-i leh Miller-an anpui bawk angche, US, Iran leh Venezuela a bikin, SOULOU rawn pan sumdawn na lawng zawng zawng hâl turin Thanard i team te inpeih bawk rawhse, darkar chanve hnu ah SkySoul kan chhuahsan ang," Leonel chuan thu a pe nghal zung zung, an bu nghat


Leonel chuan hmanraw chi hrang hrang awm dul mai chu en in silai FN F200 chu la kâng a thlek vang vang a kiai sukin, "Elba i rinloh lam aṭangin seh ini...." A phun chhuak sap

.
.
.
.
.

Ariya...POV (Jessica)


Ka taksa natzia chu vuak hrep ang mai ka ni, a kham ut ut a, ka kap leh ka malpui invuahna phei chu a na hian a sawifiahlo, ohhh ka dul pawh, ka na lutuk a khawilai ber nge na sawi mai tur pawh ka hrelo


Ka beng leh lu ûm ah hian Elba aw fiah lutuk in a rawn khawk rum rum, "ka ta ah ka siam dawn che," A ti ri chu ring tak a ni, ka taksa a khur nghal hlawk hlawk a


"Ti suh, Elba khawngaihin ti suh,," Ka mittui a luang tih ka hre thei, ka meng dawn a ka meng thei tlatlo, "Leonel minpui rawh," Leonel hming ka lam chhuak nawk nawk, ka tal dawn a Elba'n hnehsawh zet a min bawhbeh ang mai khan ka che theilo



"Lalfanu, Lalpa leh.....! Leonel, Leonel, Lalfanu a harh a nia," Ka meng kawk, ka thaw zui kawk kawk bawk, ka mittui vangin ka mit a vai deuh ruai a


Ka bul rawn pan rawk rawk a ka hmai bul chet a rawn kun hniam a chiang lutuk a min en tu chu mit khap fawk fawkin ka en



Ka mumang mai a nih leh ngei ang...! Ni e, ka mumang ah ka hmu fo a, ka khawih ve hma hauhin a bo leh ṭhin a nih kha


Ka mittui a rawn hnam leh ṭiam ṭiam, ka biang tawn tawn a a kut lian leh hlai zet mai a rawn vuanin, "Jessica, i harh em? Min hria em?" Ka ṭawng chhuak theilo, ka dang a ro bakah ka hrawk ana mah mah

Bakah, ka mumang mai niin kala hre tlat a, ka chhanglet mai ngamlo


Zawi muangin ka kut ka lek chhuak a, a biang, hmulṭo siar siar leh zan mut khamloh avanga mit dum kual ruih chu chul riak riakin, "Leonel," Ka phun chhuak sep, ka aw chu a chhuak em pawh ka hre chuanglo, boruak ah a thamral vel ni in ka hria


Bu nghauh nghauhin, "keimah, keimah Leonel," Tih leh min fawp nghal vawng vawng, ka mittui a luang lehnghal zung zung tawh, ka mumang a nilo tiraw? A nih hlauh chuan harh chhuah ka duh tawhlo



"Na inei em?" Min en kual, ka la en kar thung, a biang pawh kala dawm reng bawk


"Ka mumang a nilo tiraw?" A kiai suk a, "a ni hauhlo," Tih leh ka chal a fawp vang vangin, "ka fate, hmelṭha tak an ni," Ka ṭah nuih hak, ka dul ka dawm nghal zat bawk


"I ṭha em?" A hlauthawng hmel chu en in ka nuih sen sen a, ka hlim lutuk ṭah chhuakin ka hrawk leh hnungzang ati na urh bawk

Pema-in nui ṭhû pah a tui leh straw min rawn pe in, "kanla awm ve ania," Min fiam zauh, ka ṭah nuih hak


Ka room a TV aṭanga news rawn inpuang chu tui zuk dak dak pah chuan ka en a

"SOULOU IN IRAN TUIALH THEI PHUR LAWMG 4 MAN


The Wall Street Journal tar lan dan in Thursday khan SOULOU in Iran oil tanker 4, Venezuela hnena oil supply tur a chhuak an man.

September thla kha SOULOU dan hre mi lam ten Iranian oil tanker 4 hian thu buai an theh lut, SOULOU Prosecutors ten thu buai an theh luh chhanah chuan Iran hi Washington in nuclear program, ballistic missiles, leh Middle East influence vanga sanctions in a hrem lai a ni. Heng Soulou mi Lawnglo mantu te hian Lal King Korsakov thu chhuak a nih thu sawiin, chu lmai bakah King Korsakov Administration in a hmelma 2 Iran leh Venezuela te hi Economic hmang a hrek in kawng dik zawh tur a nawrluih a tum thu an sawi tel bawk

The Wall Street Journal in a tar lan dan in heng Iranian oil tanker 4 , Luna, Pandi, Bering & Bella te hi Houston lam pan pui mek an ni. King Korsakov administration senior officials ten oil tanker 4 te hi lawng chawlhna hmun a thlen hun in an lo hmuak dawn tih an sawi tel bawk

King Korsakov administration hian eng vang in nge oil tanker hi an man chhan an sawi lo, mahse force an hmang lo niin an in sawi


chutih lai mekin TWSJ chuan ni 2 liamta khan Soulou oil thankers 2 mai bakah Rangkachak leh Lunghlu phur lawng lian 2 te chu The SoulTan tuipui ah hâl ral niin inkahna a thlen thu a tarlang bawk," Ka mit ka khap fak fak


Engtia rei nge engmah hrelo a ka awm? Heng zawng zawng thlen hnu a ka harh a nih chuan a lo berah karkhat, karkhat zet maw engmah hrelo a ka awm ni...?


"Engtia rei nge engmah hrelo a ka awm? Leonel hengte hi i thiltih a ni em?" Ka kut a hum vang vang, minla thlah eihlo hrim hrim, ka sam hma tla ka beng a zeh pahin, "engmah thildang ngaihtuah suh, ka awm tawh alawm," Mawi lutuk in min nuih a


Tv a news aṭang bawkin, "heng oil thankers man leh rangkachak leh lunghlu phur lawng hâl ral chungchang ah SOULOU Lalfapa leh nakin mai a SOULOU Cassiopea la ni mai tur Lalfanu Ariya Azhilea Larissa pasal hual, ASULE nihna chelh mektu Prince Elba Kiernan Larissa chuan thu chhuak siamin, heng thil te hi a hriatpuiloh thu leh King Korsakov administration lam aṭang a thuchhuak a nihloh thu a sawi tel bakah, a ram chhung ngei a rukru in SOULOU Rangkachak leh Lunghlu ru ngamtu te chu an huaisen a tih thu leh a kut ngei a a man tur thu a tiam bawk a, hetih lai mek erawhin SOULOU Lal, King Korsakov Larissa erawhin engthu chuak mah ala siamlo thung," TV a Elba hmel chiang zet a rawn lang chu ka tawm chawih, ka ṭang nghal ṭung bawk a


Ka awmdan Leonel-an hrethiam vatin, "Pema TV off rawh," Tih leh khum a rawn ṭhu kai chuan muan kuah bet nghal, ka taksa khur ru nghal der der chu nghet lutuk a kuahin ka chhip ah a hmui nghatin min fawp ngar ngar a, ka hlauhna zawng zawng chu fawp ral a tum emaw tih mai tur a ni



"That rawh Leonel, that rawh," Ka phun chhuak nawk nawk, ka riat nawk nawk a ni mah zawk


Ka dam chhungin tu hnenah mah tualthat tur a thu ka pek ka ring ngailo, ni lo, Elba ngat phei chu; Mahse, thi ngeise ka ti takzet a ni, tunah ka hma ah ngei hian...!


Nghet zet a min kuahin, "ka tiam a che Jessica, i hma ah, i hma ah ngei hian a lu ka dah ang tih," Chang zet a seh chilh rap rap chuan Leonel chuan a ti chhuak hraih, mit ka chhing sawk bawk



XxXxXxXxXxXxXxX


"Assa engthil nge i sawi hi?" Infanta chu a lungawilo takzet tih a hmel dur khup ah chuan a lang, chutiang tak a Infanta lungawilo hmel chu Assa pawh chuan a hmuh ngai miauloh avangin beng daih tum a a kut a zapin, "SOULOU kalphun leh dan hi tihdanglam ka tum a ni," A ti leh sap



"Thil theihloh a ni, SOULOU mi kan ni a, Ariya hian hnamdang fa a pai mai bakah pasal a neih hma hauhin a thianghlimna a hloh a, sual lian tak a ni bawk," Infanta chuan a ti ve leh vat


Assa chuan a lu thing mat matin, a ṭhutna aṭang tho chhuakin, "Infanta Soulou hi thlarau sual lak a venghim tur leh Lalṭhutthleng luahtu tur malsawm tu tur a ka pa ruat che kha ini a, tunah erawh kei leh ka fanu Ariya rorelna a ni tawh, hmanlai Soulou dan atthlak hmang pawisawilo nunna lak ka tum tawhlo," A thu chu khauh ṭhak ṭhak tak a ni


Ariya-in Soulou dan atthlak a tih thu leh kum zabi 21 na ah an chên tawh thu te, Lalfanu a nih avanga a nu a harsatna a tawh te Assa bula a sawi ṭhin kha Assa chuan a hrethiam ta te pawh a ni mahna, engti kawng zawng pawh a Ariya-in Soulou dan a bawh chhiatna avang a hremna lak a hum chu a tum nghet tlat tih alang chiang em em bawk



"Assa, hnamchawm thisen in Soulou a kai hruai theilo, chu chu hman aṭang tawh a kan dan a ni, i pa, i pu pu leh chhuan za tamtak liam ta aṭang a thi theihloh leh pawm theihloh, hnam phatsan na lian tak a ni tih i hriat kha," Infanta-in a tih leh chuan Assa chu a kiai suk


Pawnlam, tlâng pawng leh ngaw thim rup lam chu hawi deuh vauh vauhin, "engvangin Ariya khan Soulou dan te hi atthlak a tih a, hremhmun nen a khaikhin ṭhin tih ka hrethiam ta ni in ka hria," Ti sepin Infanta lam chu a hawi a, "ka Lalram, ka mite leh ka fanu an ni a, ka kut a awm leh thuthlukna siamtu ka ni, nang emaw Elba emaw thu chhuak a tel hauhlo," Ti fak fak chuan inherin a pensawn nghal pawk pawk a

Infanta chu a kat deuh nak nak, "AMIHAN, APRENA leh Soulou Lal thlarau te u Soulou hi a tlu chhe dawn a ni, a tlu chhe dawn," Ti uah uah chuan ṭhingṭhi thla hnawkin an Pathian AMIHAN hman ah chuan mittui nen thupha chawiin ASSA chu a inlamlet theihnan a ṭawngṭai zui nghal mawlh mawlh a



<£<£<><£<£<£<£>



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:27 pm

SOULOU : Bloody Romance
By
Floria laldansangi



Chapter ***26***


ARIYA...POV (Jessica)


Ka kut vuan a muhil thaw ri sek sek chu thlir dauh dauhin, ka nui sen sen a, Leonel-an Soulou a rawn tlenna pawh karhnih lai a ni leh tawh


Zanlam ah a bo vang vang a, zing khawvar dawnah kan awmna ward ah ka fate nen a kan harh hlauzet in a rawn lut leh ṭham ṭham ṭhin


Eng thil nge antih a, eng ang buaina nge an a hma chhawn ka hrelo, zawh duh teh mahila, engmah ngaihtuahlo tur leh a kut a dah a, ringtur a mintih miau avangin ka ring a, zawhna ka zawt ngailo, amah erawh chu, zan erawh thinthi in ka mu ngai hauhlo thung, ka ngaihtuah a, na a tawrh leh hliam nei a a rawn let ka hlau ṭhin êm a tin ni...!


"Lalfanu..." Ka kut a zapin ṭawng zawi turin ka lo ti vat a, hrethiam vat a bu nghatin TV remote control chu la in, a on zui zat


"Inneihna a awm dawnlo itih chu eng nge a awmzia? Lalfanu hian hnamdang ngaihzawng a nei tak tak em ni Assa?" Ka meng kawk, ka taksa ṭang zawk ah chuan ka inzaina a thip sek, ka thaw ka hip let kawk bawk a, hil tawhin dam tawh viau mahse ṭan hanlak thut hian a thip leh zek ṭhin, dam erawh dam chak tak a ni, Leonel-a min enkawl vang te pawh a ni mahna...!


TV chu ngun lutuk in ka en leh, damdawiin ka luh aṭang sawiloh Red Hills Temple ka luh aṭangin vawikhat mah Assa hmel kala hmu leh hauhlo, Pema erawhin unconscious a ka awmlai khan min rawn kan fo thu a sawi thung ;Mahse......


Mahse, inneihna chungchang sawiloh engkim a SOULOU hmaifaina tur leh dan leh dun ngaipawimawh em em tu khan ka pasal neih tur thu a sût amaw...? "Ei sual a nei em ni?" Tih rauh rauhna tham a ni



"Ka sawi tawh angin, kum sang tamtak chhung kanlo kal pui tawh Dân tamtak, hmeichhia, Lalṭhutthleng rochun tu turin a, piantirh aṭanga khawvel hma a a hmai a tihlan loh tur thu leh Palace chhuahsan a theihloh thu te, hnamdang pasal a a neih thiangloh thu te kha vawiin hian kei SOULOU Lal, Dân neitu leh kawltu, Dân chung a rorel tu, he ka Lalram neitu King Korsakov Larissa hian ka nawt reh tih ka puang a....



Lalfanu Ariya Azhilea Larissa leh nakin mai a SOULOU Cassiopea ropui nitur chu kei a pa King Korsakov Larissa hian zalen na pe in, a mipa hmangaih nen a zalen tak a hmangaihna par an tlân thei tih ka ram leh mipui, khawvel hma ah ka puang a, Dân lo awm tawh leh Infanta thu hnuai a inzawmna kan neih tir ṭhin te chu kei hian nawt rehin Lalfanu Ariya chuan a nunah a mipa duh leh hmangaih ngei a nei thei tawh ang tih ka puang bawk, chutiang bawkin tun a chinah he ka ram, in ram SOULOU hian Cassiopea lo la ni leh zel tur te tan heng zalen na hi ka puang tel bawk...."


Ka thu hriat te chu ka mumang emaw ka ti hial zawk, "Pema ka mumang a ni em? Nge ni a Assa thusawi a nilo zawk," Pema chuan mittui tlingpam in min rawn en, "i hre dik Lalfanu," A bu nghauh nghauh


Aranya uar zet a rawn ṭap chhuak uah uah ah chuan ka mit ka chhing sawk, ka biang a lum thla pup, kala awih theilo, Pema a ṭhutna aṭanga thawh a tum mek laiin Leonel chu a rawn tho thurh, a fanu mutna lam pan a pawm chhuakin, "a ril a ṭam a nih ka ring," Min rawn en zui zat

Mittui nen Leonel leh ka fanu chu ka en, "Leonel, ka zalen, ka zalen a nih chu," Ka mittui ka dang zo lo


Min rawn pan hnai a, a kut lehlam Aranya a pawmlohna lam a min kuahin ka bekah a fawp vang vang bawk a, "ka lawmpui che Jessica," A phunsep, a aw rilruih ah chuan kei ang bawkin a lawm tih ka hre thei

Aranya a rawn ṭah leh takah chuan inla hrangin, "i fanu hi i hria puar hmasak angai a nih hmel," Mawi lutuk in min nuih sak, ka ṭah nuih ve hak bawk


Ka fanu ka lak rualin Leonel phone a ri zui ral ral a, en zawkin, "ka rawn let lehnghal ang," Tih leh ka hmui a fawp zauh chuan a pensawn nghal a


Tv lam bawk ka hawi leh, mipui an au chuah chuah a, reporters ho lah zawhna zawh tumin an rak chuah chuah bawk



"Pema engthil chiah nge thleng i hria em?" Tv off in ka lam a rawn hawi a, "ka hre chiahlo, Prince Elba chu tunah Soultan lam ramri ah Iran nen a inbiakna an neih lai a ni tih erawh ka hria," Ka bu nghauh


A awmzia chu Assa hian Elba awmloh lai chuhin thuthlukna a siam tihna a ni, tunah chuan Palace chhunglam leh pawnlam sawiloh Douka Pavilion chhung pawh North leh South minister leh prime minister, ram hruaitu chi hrang hrang an insual lo chauh hlawm angchu....!


Assa hun tawn mek chu ka hriat thiam pui ruai ruai thei; Mahse, engvang a he thuthlukna hi siam nge a nih? Leonel lak aṭang hian eng nge a duh? Nge ni a tun ṭum chu a rilru a thlak ve tak tak zawk...?




XxXxXxXxXxXxXxX


"Assa in sawifiahna kan mamawh a ni, engtin nge nangmah a thuthlukna i siam theih? Dân dinglai bawhchhe leh nghalin maw...?"


Assa minister te leh ram hruaitu te chu an lawmlo hle tih alang, a ṭhen erawhin, "hmanah khan hengte hi thlak daih tawh tur kan ni, kum zabi 21 kan rah tawh hi," Lo ti ve bawk mahse Soulou tan a thisen leh thlantui far a ral hmatawng lo ni tawh ṭhin te leh general ropui tak tak lo ni tawh ṭhin ten a, Soulou Dân thawk leh khat a inthlak thut chu an pawm mai thei hauhlo



Assa chuan dawhkan a chum ri bur bur, zawi muangin an riat nawk nawk pawh a reh tial tial a, "in thuthlukna emaw in thurawn emaw la tur a koh khawm in nilo," Assa chuan a ti ṭhat


Douka Pavilion kawngkhar lian zet mai chu in hawng ri rawih rawihin, "Assa," Elba aw chu ṭeng tak a ni, roreltu 70 dawn lai mai ṭhu khawm chu an hawi ṭhap



Elba chuan thinrim hmaisen ṭawn ṭawn a Assa lam pan chuan rorelna hmun lai tak ah chuan dingin, "engthu lawilo nge i puan hi?" Elba thinrim zia chu a aw te chu a khawk rum rum thei


"Kiernan Larissa, SOULOU Assa ka nih hi, i aw ki min hriat tir hauh suh," A ti let ṭhak

Elba chu ner sawk sawkin, "Assa," Ti hrawihin, "khawi aṭangin nge huaisen ineih?" A thlebak a, "he kan Lal, King Korsakov Larissa hi tunge a nih in hria em?" Roreltu ṭhu khawm lam hawi chuan Elba chuan a kut a phar duai a



"Kiernan Larissa," Assa chuan dawhkan chum leh ṭhuai a ti ṭhatin a ding zui zat, Elba chuan a hmai phel chauh hmuh tir a nersawk in, "a nupui Queen Raglan Rimsky Larissa thattu leh vawitam Lalfanu Ariya thah tumtu a nih hi, vawiin ni, tunah ngei hian kei Elba Kiernan Larissa, ASULE nihna chelhtu hian King Korsakov Larissa hi paih thlak ka duh thu ka puang a, paih thlak ni ngei bawk rawhse, nangni minister zahawm tak tak te u, in Lal, inzah em em tualthat tu hi Assa nitlak ah inla ngai em?"


Inherin Assa lam chu a hawi vah, a kut zungchalin a kawk vah bawk, Assa thinrim lutuk chu a khur hlawk hlawk, "ring tehreng e Kiernan, Assa hi tualthattu ni lovin Steve Thompson a ni tual thattu chu," Leonel aw chang zet rawn chhuahna lam chu rang lutuk in Elba'n a en vat, "Leonel Thompson," SOULOU mai nilo Douka Pavilion, ram roreltu leh mi pawimawh bak luh theihloh na hmun a Leonel pen lut chu hmuh thianglo a hmu emaw tih mai tur a ni



"Eng nge hetah itih? I thilo a maw?" A bul a ding mek chu phawk lutuk a en reng chuan a ti phawk hraw a, Leonel chu a kiai suk, "ka thih duh viau mahla nunna 7 ka nei tih i hrelo chu a pawi hle mai," Tih leh Assa chu chibai a buk zauh a, minister ho lam hawi lehin, "06/07/2020 khan Je....." A lu thingin, "Lalfanu Ariya chuan Texas leilung a rap a, chumi zan vek chuan beih a tawk bawk, chung mite chu Lalfapa Elba hnuai a mite ni in, Ashley Urie te pafa hnen aṭang a thupek an dawn a ni," Elba a melh zauh



"Dawt a nih chu," Elba chuan a ti ṭhat, Leonel chu a nui hak, "a nih hei ve hi le?" Tih leh pendrive chu lek chhuakin, "Kiernan ka hmeichhe hmangaih khawihloh tur che a nia," Chang lutukin a ti chhuak hrawih, Leonel hmel chu a chang zui ṭulh ṭulh bawk



Elba chu a chil a lem khalh, "engmah hriat ka neilo, tunah hian Soulou mipui in i insawifiahna an nghak mek tih erawh Assa ka sawi duh," Subject thlak a tum hle tih a lang, Leonel pawhin nawrluih a tumlo, a chhanchu a finfiahna a neih ala ṭhat tawkloh mai bakah North SOULOU hi Elba pa Prince Kiernan Larissa enkawl na hnuai a awm ṭhin an ni a, Elba lam engti kawng zawng pawhin an ṭang dawn tih a hriat vang a ni

"A dik Assa, insawifiah na kan mamawh a ni, Infanta thu leh malsawmna tel lovin Lalfanu in pasal a nei ang maw? Eng fiamthu nge ni ngai?" Leonel rin lawk angchiahin North lam chuan Elba an hum hmin hmiah



"Vawiin ni hian insawifiah ka tum lova, ka thupek erawh zawm ngei tur a chhuah ka ni, vawiin ni aṭang Leonel Thompson chu Soulou ASULE ni in, Lalfanu Ariya pasal a nih thu puan ka tum mai chauh a ni," Inneihna certificate chu a lek chhuak vah bawk a, an phun mur mur chu a kut a zapin, "sawibelh tur a awmlo, tun aṭangin US, Venezuela leh Iran nen a indawrna leh Soultan tuipui a thilthleng pawh Leonel-a kut ah awmin a hnuchhuina hnuai ah a awm ang tih ka puang tel bawk," Ti leh ṭhak chuan Douka chu a chhuahsan zui nghal a


Minister ho lah chu an rak mup mup, south leh north chu an insual lo chauh, "Leonel Thompson," A rak ṭhat rualin Elba chu chhuat ah a vial thla nawk, Minister inhnial ri mup mup pawh chawpchilh a reh ṭhuapin Elba te lam chu an hawi ṭhap

Leonel chu ṭhu hniamin a khup pakhat lei a nghatin pakhat a tun a, a kiu a khup a nghatin Elba chu a en kalh a, Elba kamsir thisen chhuak chu hru tawkin, Leonel a en let hrawk bawk


"ka thilneih khawihpui ka duhlo, a bik takin ka hmeichhe hmangaih," Ti chang fek fawkin Elba thinrim hmaisen ṭawn mai, puak kehlo chauh lam a kun hniam hretin, "vawikhat min vit tu chungah a letin ka pe let ṭhin, a awmzia chu i pek chhuah ai tam ka pe let dawn che tihna a nih chu," Ngeiawm si hriam hrak si a tih leh a ding chhuak a



Elba thinrim khur dar darin, "in hmu em? He kan ram ASULE thar hi, Mafia leader a nih hi," Ti tuarin, "Leonel Thompson meialh in i infiam tih hria angche," A ti chhuak zui hrawk bawk, Leonel chu a kiai suk a, a kekawr ipte zen at in, "infiamna bul i ṭan a, a tawp kan khar dawn chauh che a ni ; Mahse, a tawona erawh ka duhdan in a tawp thung ang," Ti hriam hrakin, Elba chu a melh thla a, "theihnghilh suh, infiamna tual zawlah chuan ka kut hian mit a neilo a nia," Ti leh nghatin a pensawn zui pawk pawk bawk


Elba thinrim chu chhuat a a tluk ngai a la awm bam chuan chhuat a hnek zui ṭawk ṭawk bawk

.
.
.


SkySoul
<Abandoned Palace>


"Asule," Ramos-a leh midang ho chuan chibai anlo buk ṭhap

"Khatiang kha ka mamawhlo Ramos, dak chhuak rawh u," Tih leh inchhungah a penlut nghal a

Sofa a ṭhu mipa Zon-a nen a inrual vel tur, cher kaw dak mai chuan Leonel a hmuh rual a ding zatin chibai a buk zui zat, "chibai Asule," Leonel chuan ding tur a tiin, "Pema pasal Almaiz Peraya ini ang maw?" Almaiz chu a meng kawk, "ka nupui ihria maw? Tunah khawiah nge a awm? A dam em?" Leonel a din hnaih surh chu Linda-in lo dang vatin a tawlh hnung leh vat a



"Ka tihpalh Asule, ka nupui chanchin ka hriatlohna hi kum tamtak a nih tawh vang a ni," Leonel chu a bu nghat


"Heihi Linda, Linda Avero Parker i nupui awmna ah a hruai thei angche ; Mahse, chumi hma in Royal F.S factory Account Bu minpe turin ka duh che," Almaiz chu a mitmu a tâl nghal rawk rawk


Hlauh nei ang maiin a thaw zui dep dep bawk a, "inbengdai rawh, tuman anti na dawnlo che," Linda-in a lo ti vat


"Mr. Peraya, Asule thar hian kum 3 liamta a Factory a thilthleng kha chhui chhuah a tum mai chauh a ni, nang leh midang hnathawk ho tawrhna te kha ngaihtuahla, tun hi a hun chu a ni, Lalfapa Elba thiltih hailan hun chu," Ramos-a chuan a lo ti ve vat bawk


Almaiz chu a la ding zumzuih tho, kum 3 chhung Elba sawisakna leh dâwpna hnuai ah a awm a chuti mai chuan a kâ a âng dawnlo tih Leonel chuan a hriat avangin, "Zon, Almaiz hi ei tur leh thawmhnaw pe angche, intifai se zanin ah Jessica hmu turin minzui dawn nia," Linda-i ṭawng a tum chu Leonel-an a kut a khap vatin, "Linda nawrluih chi a nilo," A tih takah chuan a bu nghat


.
.
.
.

<Elba Chamber>


Whisky no chu chhuat ah a vawm keh chuai a, "zawng uicho Leonel Thompson, nang sâwn chhepa," Ti tuar a whisky um vawm keh leh chuai chuai chuan, "a thi iti a ni lawm ni?" Author-a kawr awm ah chuan a ṭham nawk a, a hnek zui ṭhuai bawk


Author kat deuh nawk nawk a ding ngil leh chuan, "ka tihpalh Lalfapa, ruang ho kha an kan chhiat em avangin a hriat theiloh a ni," A tih rualin Whisky um in a vawm zui thuai, vawm fuh se chuan thisen a chhuakin Author chuan hliamna tak a tawrhphah ngei ta ve ang


"Laktlakloh, laktlakloh lutuk," Ti tuarin Author chu a kawk a, "criminal record nei a ni a, tunah Internet leh Reporters zawng zawng hrilhin puangdarh vek angche, a nunhlui zawng zawng khawvel mite hmuh tir rawh," A tih leh ṭhawt


"Mahse, Lalfapa Leonel Thompson hming nawhreh a ni tawh a ni."


"Engmaw?" Author chu mitsen râm in a en


Ipad dawhkan chung a mi chu la in, "vawiin a thuchhuak thar a ni, Layla Baldwin, Texas special Investigation officer hian Leonel Thompson chu thiamlohna a neihloh thu leh Thompson corporation thiltih nen a inzawmna an neihloh thu evidence nen vawiin khan media hma ah a puang," Ipad chu la in chhuatah a vawm khi ṭhawt


Kut khur dar dar a Author kawkin, "tunah, tunah ngei north leh south Soultan ramri a sipai leh raldo tu zawng zawng rut khawm angche, ni 3, ni 3 hun inei, Palace leh SOULOU hi ka ta ah ka siam tur a ni, Ariya pawh tiamin," A thinrim lutuk leh chuti mai a Asule nihna Leonel lak a a chân chu a pawm zam mai mai theilo

"South lam chu Lalfapa, Assa thu hnuaiah an awm tawh a ni, General Geneva thlengin," Author-a chuan a ti leh sep, Elba thinrim awm ngaihna hrelo chu dawhkan a zu um zawng zawng hai thla rum rumin, "Leonel Thompson ka that dawn che," A ti chhuak ruah ruah a, dawhkan hnek ṭhuai ṭhuai chuan, "Ariya, Ariya lakbo dan tur ngaihtuah angche, Leonel Thompson leh Korsakov-a chaklohna lai awmchhun chu Ariya a ni," Author chu a en hrawk


"Mahse Lalfapa."


"Mahse a awmlo, ka sawi angchuan ti rawh," Ti hrawkin, "kan mite zawng zawng North Soultan hmun ah ko khawmla, hmanrua a tam thei angber la khawm angche u, engti kawng zawng pawhin Palace hi ka thu hnuaiah a awm tur a ni," A ti zui hraih hriah a, Author chu a bu nghat, rang lutuk in room a chhuahsan nghal bawk


"Leonel Thompson, i tawhloh tur i tawk a ni," Whisky thli chhuak a lem pawp chuan Elba chuan a ti chhuak hrawih




Ariya....POV (Jessica)


"Lalfanu i damdawi ei a hun e," Pema-in damdawi leh tui min pe chuan ka uak ṭhat, uak zui tuar tuar a, ka drip khai lai nen a tho chhuak rawk rawk chuan Pema chuan toilet lam ah min hruai a


Toilet-boil tlâng vuanin ka uak tuar tuar, tui bak uak chhuah tur phei chu ka nei hauhlo, chau lutuk a chhuat a ṭhu thla hnawkin, "tui," Ka phun sup


"Doctor ka'n ko ange?" Tui min pek pah chuan Pema chuan a ti sep


Tui a ka kam ka ṭhuah leh pawh chuan ka uak leh nghal tuar tuar a, 10mins dawn lai ka uak hnuah thaw kawk kawk a ṭhu hnawkin ka mittui chu ka hru tawk bawk


Doctor ka bul a rawn dingin, "i thisen kan test dawn em niang?" Ka melh chho, ka bu nghat, aw ka chhuah thei tawh miau heklo lek


Doctor chu chhuakin nurse a rawn lut a, kei erawh ka ṭhut ngaiin kala ṭhu reng, ka thisen rawn la in, "ka pui angche," Tih min kai tho chuan toilet aṭangin kai chhuak a, khumah chuan ka mu hnak, mu rem sat sat chun mit ka chhing zui diar diar bawk


Ka muhil nghal a nih ka ring Leonel arawn kal em tih pawh ka hre chuanglo, "Leonel hi," Ka men rualin ka ti nghal sep, "Palace lam a pan tawh," Sana ka en chhun dar 12 a ri thuak tawh nia mawle


"Engtin nge chu chen chen ka mut theih?" Mak ka ti, ka harh miahlo lehnghal



Pema chu a nui suk a, ṭawng tum a kâ a ang zuai tawh tih ah kawngkhar rawn ri kharh kharhin doctor a rawn nui zui ver ver bawk, he doctor hi a hming ka hre lemlo na in a hmel hmuh a hahdam in a hmelṭha takzet


"Coffee inturin ka chhuak lawk dawn a nia," Ka bu nghat, doctor nuihsang a Pema chhuah rual chuan, "eng nge vawiin lam inlo an?" Ka nuisuk


"Kan ṭha mah mah tawh ni in alang, keiphei chu ka harh deuh chauh a ni," A nui hak


"Chawlh hahdam i mamawh alawm, tunah phei chuan i mamawh leh zual dawn a nia," Ka merphu a rawn dek zui zat


A kut a paper chu en in, "Mrs. Yuden karkhat leh ni 3 a upa nau i pai a ni."


"Eng maw...? Ka thu zui awt, ka dul bawk chu ka nersawk a


Za lo zet a nui in, "i fiamthu a ni tiraw doctor, ka fate ka hrinna pawh thla 2 awrh chauh a ni a, engtin nge nau ka pai lehnghal theih ang ni," Ka lu ka thing mat mat


A fiamthu a ni ngei a, ni e, a ni ngei ang, ka lungphu zawn cnu hlauhthawn na in a khat a, a sa vawng vawng bawk



"Thudik a ni Mrs Yuden," A nuisang, keierawh ka ṭah chhuak nge ka nuih a za pawh ka hre hreplo, ka pum chhung a naute awm a sawi mek hi tu fa nge a nih ka chian êm vang a ni



"Diklo a awm a niang? Zun test ka duh, nilo, ultrasound tih ka duh," A nui a, "zun chu i test thei ang; Mahse, ultrasound ti tur chuan ala te êm a, a hmuh theih rihloh ang," Ka ṭah nuih hak, "ka ringlo che," Ka sawi tumloh tawp a ni, mahse ka sawi zo hman tawh

"Engtin nge ka nau neihna thi pawh a hul hmain fa dang ka pai theih ang ni?" A nui hmel kha mak tihna in a inthlak ṭan, he naute hi ka mamawhlo ni lovin ka hmangaih thei dawnlo tih ka chian êm nghal vang zawk a ni, ka zawhna te leh awmdan chuan a ṭhawng a ni mahna min en haw

"Mrs. Yuden i chung a thilthleng angin 1/10% an ni a, chung zing a 1% chu ini," Zaidam zet a a tih damdap chuan, Ka ṭah chhuak lutuk chu ka nui hul hak


"Tih tlak ka duh, paih ka duh," Doctor chu ka en chho, "engmaw?" A lu a thing nawk nawk



"A theihloh, inzai tawk zo chauh ini a, tunah nau iti tla a nih chuan i thihpui ngei ang," Ka lu ka thing


"Pawi ka tilo, pawi ka tilo," Ka au chhuak ṭhawt, ka â zo dawnin ka hria, ka dul chu ka ṭham a, ka ṭham ngut ngut a, ti hian ṭham hlum thei ila ka ti, nilo, phawrh chhuah ngei ka duh a ni...!



"Ka pumchhung a naute hi la chhuak rawh, tunah, tunah la chhuak rawh," Doctor chu ka au khum tuar tuar, min hlau emaw tih turin a tawlh hnung dawrh a

Pema a rawn tlan lut zui zat, "engthil nge ni?" Min rawn ṭhut hnaih nghal rawk rawk


"Pema ka pum chhung a anute hi lakchhuah tir rawh, that rawh, that rawh u," Pema chu ka sawi nawk nawk, ka dul chu ka chum a, ka ṭham a, ka ke leng ka nawk nawk

Nurse pui tu tur ko vatin, nurse ho nen chuan min dawm bep a, ka rak tuar tuar, "he naute hi ramhuai a nih hi, sakawlh fa, sakawlh fa ka pai theilo, la chhuak rawh u, that rawh u," Mittui tla zawih zawihin ka au chhuak


"Leonel, Leonel ka pum chhung a sakawlh fa hi la chhuak rawh, min lak chhuahsak rawh," Leonel hming ka lam chul bawk, minpuih ka mamawh a ni, tu emaw in ka pum chhung a ramhuai thisen hi min phawrhsak se ka duh a ni, tal chhuah tumin ka lenh nawk nawk, min dawm hneh mah mah

Damdawi in min jection tih ka bân hit sekah chuan ka hre thei bawk



Ka taksa a zawi riai riai a, ka mit ko a rit tial tial bawk, "that rawh u, ka duhlo..." Ka riat nawk nawk, ka aw chhuak a zawi tial tial bawk a

"Nau a pai leh amaw? Tihsual a awm a nilo maw...?" Pema thusawi chu ka hre ruai ruai, "tumah hrilh suh angche u, in kâ in âng tur a nilo, thih induh a nihloh chuan," Pema-in thupe leh vau na a khat aw chang zet a a ti ri chu ka hriat tawpber a ni




<~<>~><!<!<><£>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:27 pm

SOULOU : Bloody Romance
By
Floria laldansangi



Chapter ***27***


Ariya...POV (Jessica)


****< "Ka fa i pai a ni, i pum chhungah khan ka fapa, he Lalram rochun tu tur a awm, Ariya duhtak ka mamawh engkim leh ka duh zawng zawng ka nei thei dawn ta," Ka hma a ding a, lawm avang a kut pahnih a phar duai duai a, ṭawng lawng lawng mai Elba chu ka en a, kei erawh ka khur ru der der thung


"A nilo, i fa a nilo, ka railo, tuma fa ka pailo," Au chhuah ka duh a, ka au chhuk theilo, ka aw te chu boruak ah a thâmral a, nuisawng a, mitmeng hur leh min inti ta neih zet a min en a, ka lam rawn pan mek Elba lak aṭang chuan hla thei angber a tlân chhiat ka duh ; Mahse, ka che theilo, "lo kal hnai suh..... Lo kal hnai suh," Ka au tuar tuar, ka thusawi chu hria ang pawhin a awmlo, ka ṭhut hmunah chuan ka tâl nawk nawk a, ka mawng leh ka ṭhutna chu a in charbet emaw ka ti hial zawk.....>*****



"Jessica.... Jessica... Jessica i harh em? Harh rawh, harh rawh," Ka meng chhuak kawk a, "Leonel, Leonel," Leonel hming lamchül in ka hawi nghal ruai bawk, ka ṭap khur nghal dawt dawt bawk


Nghet zet a min kuah thlawp tu chu nghet lutuk in ka kuah let a, "Leonel helai hmun aṭang hian min hruai chhuak rawh, he hmun hi ka ngainalo, ka duhlo," Ka thusawi chu keimah pawhin ka hre mumal lo, ka riat vel nawk nawk a niber


He hmun, kha sakawlh fa ka pai thu min hrilhna hmun hi ka ngaina lo, tlanchhiat san ka duh, a hla thei angber ah, kha doctor khan dawt min hrilh tih ka hria a ni...!


Ka ṭah na avang a taksa khur dar dar chu min chul hliau hliau a, ka dar tawn tawn a vuanin tlêm a min namsawn deuh chuan ka biang tawn tawn ah a rawn vuan a, "min en rawh Jessica," Thum deuh sup a a tih chuan mittui nen Leonel chu ka en chho, mawizet leh hmel hmuh hahdamthlak zet a min en in, "hahdam rawh, hetah i bulah ka awm, i bulah ka awm," A aw rilrui leh thawp ri sup chuan min thlamuan nghal veng veng. Ka mit ka chhing sawk, boruak ka hip kawk bawk



Hlauh ka nei tawhlo a lawm, ka harh chhuah rual a, a bân puar lianzet a min kuahbeh a, a awm pharh hlaizet a ka bei rual khan ka hlauhna chu vawmbo ang hmiah a ni tih ka taksa leh lungphu hian a hre ngei alawm. Mahse, he hmun, kha ramhuai ka fa ka pai a ni tih min hrilhna hmun hi ka ngaina lo, minutes reilo te awm pawh ka duh tawhlo takzet



"Leonel, min hruai haw rawh," Mittui tlingpam in ka en chho, a nui ri suk a, ka hnar a fawp zauhin, "ka hria e, ka hruai haw angche, nang leh ka fate nen kan haw ang," A aw rilruih leh nghet charh chuan ka ṭah a ti chhuak zual, he mihring hi ka hmangaih tawh mah mah a ni


Mahse, engtin nge ka pum chhung a ramhuai fa ka pai hi ka sawi tak ang, min kalsan a ngem? Kan fate hi hruaiin min tlanbosan a ngem?



"Leonel.." Min dawmna lakthlak a tum chu a ai nghet a kuahin, min rawn en, chiang lutuk in a mit ah ka en chho a, "ka....." Ka hmui a a hmui sexy zet mai hmangin a rawn chilh hmiah, min fawp vawng vawngin, "ka kalsan dawnlo che, engtiklai pawhin ka awm tawh dawn, i hrethiam em?" Leonel, engkim hre tu leh ka chhungril ber thleng a hmutlang vek thei tu, ka mipa hmangaih chuan ka rilru chhung ril ka ngaihtuah te chu a hai mawlhlo


Chu a ṭawngkam chuan engtia nasa in nge min hneh a, min fan chhuah hneh a hrethiam in ka ringlo ; Mahse, ka tan erawh he ka lungngaihna leh hlauhna, a hriatpui siloh a ka mangan na te lak aṭangin huaisen na leh chakna, mahni inrin tawkna leh beihlet theihna tur khawp a chakna minpe tu a ni tlat a ni...!



Ka kuahna phelhin, "discharge paper kava tifel ange," A ti sup, ka bu nghat bawk, he hmun hi a rang thei angber a chhuahsan ka duh

Leonel pen chhuak nulh nulh chu mit hnawm chapin ka en a, ka dul chu muangchang a khawih de de chuan na lutuk in ka ṭham leh nghal ngawt ngawt bawk, ṭhâm hlum theih nise zawng kava ṭhâm thi tawh dawn chiang êm.....!

"I chhuak thei ang tih i chiang maw?" Pema a rawn lut zui zat



Za lo zetin ka kiai khum zauh, ka mutna khum aṭanga ke hlang thla chu minlo pui vat a, "Pema he hmun hi ka ngaina lo," Ka melh zauh



Ani pawh chuan ka awmdan hrethiam tak a bu nghatin, "ka lo in khungfel ange, nangmah in i inti fai thei ang tiraw?" Ka lu ti che in ka mitmei zauh


Ka pensawn tur chu ka lu a hai muai muai, ka khaw hmuh chu a vir mup mup bawk, ka kut ka humruh a, ka ke pensawn tum a ka chet rualin chhuatah ka ṭhu thla hnawk


Engtik laiin nge Leonel a rawn luh ka hrelo, ka dar a kuahin ka tluk rual deuh thawin min pawt tho, "i ṭha miahlo Jessica," Ka lu ka thing, chhuah ngei ka duh, chhuahsan ngei ka duh a ni..!


"Ka ṭha, inphih harh ka mamawh mai chauh a ni," Ka melh chho ralh, ka lu hai lutuk chu ka luak a chhuak nghal ut ut bawk, min en vang vang a, eng nge a ngaihtuah phei chu ka hre law, min hrethiam hmel takin a bu nghat ringawt a


"Ka pui angche," Tih leh min pawm kâng nawlh chuan bathroom lam ah min pên pui nghal zat


Toilet-boil chu chhinin min ṭhut tir a, "ti khan lo che suh," Tih leh no lian lutuk lo a tui rawn la in, "inphihfai rawh," A ti leh sup, lu haizet chuan zawi zetin ka nui hak, a che vel leh taksa lianpui leh sek phiar zet mai chu a in mil hian ka hre tlatlo a tin ni


Ka kutah no chu a rawn hmehbel a, "ka phih sak kher che i ngai em?" A nui ri suk, fiamthu a thawh ve tihna em ni? Leonel ka hriat tirh aṭangin vawikhat pawh thu ho mai mai leh ṭul hranlo a chhah chhuah kala hre ngai hauhlo, fiamthu phei chu a teuhlo...!


"Ummm, kha.." Tih leh no pek ka tum chu ka kut pawh ka tih chet hmain rang lutuk a la in a kut a ti huh nghal, "Leonel.." Ka hmai zawn a a rawn lek chu awn sawn deuh chuan ka ti hap


"Ka....." A kut a tuino la in, "ka fiamthu a nih kha," Tih leh ka in phihfai nghal, a hnar a tum ri dat chu ka hre thei


Ka hmai ka phih zo chu tlemin ka harh deuh, ka lu hai erawh ala zia hauhlo, ka damdawiin kawr haklai chu phelh mai ka tum a, Leonel ding ve run chu ka melh chho ralh


"Ohh c'mon Jessica, ka hmuh hnu vek a nih kha," Tih leh amah zawkin hnehsawh lutuk in rawn pawt chhuak a, ka hma a ṭhingṭhi chuan ka dul inzaina chu a en vang vang, a kut ṭang sei leh lian ṭha zet a ban de de chuan, "ana em?" Min rawn melh chho


Nui sen sen in ka lu ka thing zauh a, kun hniamin ka inzaina bul chu a fawp vang vang, "ka lawm e," Engvang a lawmthu min hrilh nge a nih ka hrelo; Mahse, he mihring Leonel Thompson hian ka lak ah bak, "ka lawm e," Tih thumal hi ala hmang ngailo tih ka chiang em em thung




Ka thawmhnaw min phelh sak lai chuan min thlir leh vawng vawng phawt ṭhin, thaw la deuh kawk kawkin, "i dam vat chu a ngai a ni," Chu thu chu ka thawmhnaw phelh leh min hak tir chhungin vawi eng emawzah a sawi hman


min pawm kâng leh lawpin, bathroom aṭang chuan min pawm chhuak a, "Pema, Linda-i nen khan nau kha rawn pawm ula, Zon thawmhnaw rawn khai chhuak angche," Min chhuktir a tumlo tih hriatzet a thu a pek kual lai chuan phawkfe in kalo en hau



"Leonel mindah thla rawh, keimahin ka kal thei alawm," Ka thusawi chu a hrelo emaw tih mai turin ring khawng atin a pensawn nghal, Linda-i leh Zon -a nui ṭhû chu ka hmun hman thuak chauh a ni



Kan kal pelh a piangte chuan hmuhnawm thlir tak a min thlirin an nui deuh thaw hlawm bawk, "Leonel..." Min melh zawk, "ka nupui damlo ka pawm mai a ni, thilmak a awmlo," Ti bul hmukin a pen ngaiin a pen hmawk hmawk, ka nui ta hak, "nupui" ka rilru chuan ka ti nawnsap


A nghawng a ka kuahna chu ti nghet sauhin a en chho kar a, a hmelpa zet leh ṭha zet mai thlir dauh dauh chuan ka nui ver ver bawk, ka tan pawh, "pasal" a ni, a ni kumkhua bawk ang



Lift aṭang a kan chhuah rualin Leonel chu a phun hluk, kei erawh ka ngaihtuahna ah ka chengrei deuh a ni mahna, ka harh chhuak zawk, "Exit B lamah," Zon pawh kan sir ah a lo ding ran tawh, Hospital main door lam chu ka melh a, camera a de chuai chuai, mipui, media mi leh vengtu satkwpawh nilo, Sipai inthuam a inthuam, Army chi hrang hrang leh Force mi tamtak an awm bawk, an in nek luih luih chu a ngaihna hrelo lutukin Leonel-a hmel chang ṭul mai chu ka en chho


Nichin mai a hmel nelawm leh hmuh hahdamthlak tak mai kha alo bo daih tawh, tun a a hmel erawh tih thinrim a hlauhawm takzet


Kan hma a Luxury Mercedes Benz Spinsters Van ding luah mai chu min pan pui, a seat a min nghah rualin chiang lutukin min en zui zat, kei erawhin thil awmdan kala hrethiam mai hauhlo, khang mite kha min hmuhtum a rawn kal an nih ka ring hauhlo bawk, a chhan chu tumahin ka hmel tak an hre miaulo a



"Jessica ngun deuhin ngaithla rawh, SkySoul ah Linda, Zon leh Pema te nupa nen in awmdawn nia, zuitu nei lovin khawiah mah i kal tur a nilo, ni lo, garden emaw Palace hlat hrim hrim ah i kal tur a nilo, i hrethiam em?" Leonel aw nghet charh mai phen ah chuan hlauhthawn na a ri tel


Ka en kar a, thil awmzia engmah a sawi miauloh avangin engthil nge tih a tum tih pawh ka ngaih ruat thiamlo. Mahse, a mitmu uk kharh leh rum deuh ul ah chuan lungngaihna ka hmu tel, ka hmu sual pawh a ni maithei ; Mahse, ka hmu sual hauhlo, a mitmeng ah chuan thu tawp sawi tur ang maiin min en



"Leonel..." A mitmeng chuan minti mangang, ka biangchu dimte in a zut a, a kutzungpui a ka hmui tuai zauhin dimte bawkin min fawp vang vang, min fawh tawpna tur emaw tih mai tur a ril leh thukin min fawp a, thaw chhuak ham ham a ka chal a a chal nghatin, "nang leh ka fate pahnih hi ka hmangaih lutuk che u, Jessica ka hmangaih takzet che," Ka ṭah a chhuak, Leonel-a kâ aṭang hian min hmangaih thu a sawi ka hriat hi ka inring ngailo, ka beisei heklo. Mahse, a sawi a ni...!

Ka kut pahnih a a biang a dawmin ka melh chho ralh a, "keipawh in Leonel ka hmangaih che, kan hmangaih takzet che ; Mahse, engthil nge awmzia, media leh khang zozai sipai, force mi tamtak te kha," Ka inla hrang hlek


A kiai suk, a zat vang erawh a nilo chiang alawm, chiang zet a min en lehin min kuah thlawp a, min kuah nghet lutuk chu ka thaw theilo lek lek zawk, "min ring rawh ka tih kha, min ring anih chuan he khawvelah hian ngamloh ka neilo, hneh theihloh lah ka nei heklo..." A thaw chhuak hak


"zanin, zanin chauh he khawvel leh heng zawng zawng buaina aṭang hian inbihruk a ngai tawh ang, ka tiam a che, zalen na ka pe ngei angche u," A aw chu a fiahin a mar a, a nghet charh bawk


"Leonel min thlah teh, engthil nge awmzia min hrilh ka duh a ni," Namsawn ka tum a min kuah nghet mah mah, Leonel hnunglam a ding Ramos, Linda, Pema te nupa leh Zon leh Thanard te chu ka melh kual, an hmel chu lungngaihna in a khat, ka hriat veloh thil a awm a ni, engthil nge ni...?



"Zepin nei a ni, engthil nge ka hriat veloh awm?" Ka ti vin ṭhat, Leonel-an min kuahna phelhin, "Linda, Zon inkut ah ka dah a nia, an sam hmawr emaw sam zai khat pawh an tawkin an ti tla tur a nilo," Leonel chu a din rual a inher vutin khauh lutuk chuan thu a pe zui zat


Ka â mai dawnin ka hria, thil liantham tak ka lak aṭang hian an zep tih ka hria; Mahse, zawt ngial pawh ni ila thumal pakhat pawh an kâ aṭang a chhuak dawnlo tih hriat takin an hmui chu charbeh ang maiin an chip hmak hlawm


"Lungngai suh Boss, i fate leh Lalfanu chu kan nunna nen kan venghim dawn tih i hriat kha," Zon-an a tih rualin car a ṭang a chhukin, "engthil ge awmzia ka tih chu, ka sawi chu in hrelo em ni?" Ka ti leh ṭhat, awmve lo ang mai a thu an inoe kual leh antiam kual vel chu ka ngaithei dêrlo



"Jessica, thuawih rawh, SkySoul ah Rasamee-in alo nghak bawk angche u, naktuk khawvar thleng a ka rawn letlo a nih chuan Linda-i rualin in vaiin Soulou chhuahsan angche u, i hrethiam em?" Teuhlo lutuk, Leonel Thompson tel lovin khawi mah ka kal dawn hauhlo


Ka lu ka thing nawk nawk, Ramos-a phone a rawn ri ral ral, "ka hrethiam e," A pickup rualin a ti sup, min rawn melh zawk, Leonel en in, "Asule, chet anla ṭan," Leonel khabe ruh lian zet mai chu a che ralh, "inring turin hrilh rawh u," Ti hrawih chuan min en leh vang vang a inher vut a, Linda-i leh Pema pawm lai naute chu an chal ve ve a fawp vawng vawng chuan vawikhat pawh rawn hawilet lovin a pensawn nghal pawk pawk


"Leonel, Leonel khawnge i kal dawn? Heti ringawtin i fate nen min kalsan theilk, Leonel Thompson tunah, tunah rawn letnghal rawh, thupek a nih chu...." Umzui ka tum chu rang lutuk in Almaiz leh Zon-an min rawn chelhbet


"Min thlah rawh u, ka sawi chu in hre lo em ni?" Ka au tuar tuar, Leonel erawh car ah lutin chak lutuk in a tlan chhuak nghal, kan sir ah vengtu 10 chuang zet an rawn tlân khawm nghal khup khup bawk a


Leonel car tlân chhuak en vawng vawng in, "Zon," A hawi sawn vat, Pema ka en leh ka mit a en lova hawisawn in, "naute hi an hritlang ang luhpui vat ang u," Tih leh ka din na lam rawn panin Van-ah chuan a lawnpui zui zat bawk a, chutiang bawkin Linda-i pawh chuan a zui zat



A ngaihna hrelo lutuk in ka hawi kual, thil awmzia ka hrelo lutuk leh Leonel-an security khauh lutuk a dah chuan ka ṭah te a ti chhuak ut ut bawk

.
.
.
.
.

XxXxXxXxXxXxXxX



"I chiang maw? Ka fa a pai ngei a ni tih chu?" Elba chuan Author chu lawm leh phurna a khatin a en a, chu zawhna pawh chu vawi 10 dawnlai mai a zawt nawn tawh bawk, Author chu a bu nghat, medical record chu a en leh ṭhin


A nui leh hak ṭhin bawk a, "zanin ah Palace kan bei ang."


"Maw? Teuhlo Lalfapa, Leonel mi leh sa te an tam tawh lutuk, ruahman na felfai tak nenlo chuan thihna a inbarh luh nen danglamna a awmlo," Author-an rang zet a tih chuan Elba chu a nersawk


"I hria alawm, ruahman na pakhat chauh ka nei ngailo tih," Tih leh a phone a phawrh a, "SOULOU khawpui lai li berah bomb thlak angche u, hmun tamtak ah, mei vâp ah chantir angche u," Elba chuan nuisuk a ti chuan a off zui hmak

Author chuan mak ti zetin a en a, "Lalfapa pawisawilo mipui tamtak i that theilo."


"Ngawi chipcham rawh Author, ka tihtur leh tihloh turah inrawlh tum hauhsuh, i hna thawk angche, zanin ah LOTUS Palace kan attack ang, a chiang em," Tih leh pensawn in a hmanraw dah khawmna room a pan zui zat



Author chu a din ngaiin ala ding reng, SOULOU hmun tamtak a bombs thlak a nih chuan SOULOU mipui zatve hian nunna an chân dawn tih a hriat avangin a rilru a buai takzet, Elba lam aṭang chu a ti fuh chiah em tih zawhna a vawikhat nan a in zawt ru nghal mawlh mawlh bawk a



"Engthil nge i tih Author, che chhuak rawh, zanin hian ka nupui leh ka fa lo piang tur ka kiangah ka lak ngei an ngai, SOULOU......" A kut phar chhuak duai a inchunglam a dak chuan, "SOULOU hian Lal thar leh khawvel thar a hmuh a ngai, chumi a thlen theihnan he Lalram hlui leh ke bai hi ka hâl ral hmasak a ngai a ni," A nui hawk hawk a, Author-a lam hawi chuan, "a ni lawm ni Author, US, Venezuela, Iran ten SOULOU beih tumin ṭan hmun an khuar mek a, engvangin nge rem chang ka lakloh ang ni," Hlim tih hriatzet leh ruahmanna ṭha nei inti tak a nui hak hak a inherin room ah chuan a penlut zui zat bawk, Elba'n a hriatloh leh Author-an a hrilh hmantakloh chu Assa leh US president, Venezuela leh Iran hruaitu te zanin hian Secret emergency meeting ASSA'n a ko a ni tih a hrelo tlat a ni


Author chuan pensawn pah a a phone phawrhin, "Ramos vawikhat chiah ka sawi ang, ngaithla angche, zanin hian Lalfapa in Palace a bei dawn a, Asule thar kha hrilhla inring rawh u, SOULOU hâl ral a, SOULOU thar din a tum a ni," Author chuan kum 20 hnu ah a vawikhat nan, a vawikhat na meuh meuh, a mi ngaihsan leh zah em em Elba a phatsan ve ta. A inthiam hauhlo ;Mahse, SOULOU mipui tamtak nunna chân tir erawh a duh chuang bawk silo a ni


"Author engvang phiangsen in nang uicho thusawi chu ka rin ang ni?" Ramos chuan a ti let hrawk


"Min rinna kha ka mamawh hauhlo Ramos. Mahse, he Lalram hi Lalfapa kut a a tlukluh leh Lalfanu a kut a a awm i duhloh chuan ka thusawi chu i rin ngei angai, duhthlan tur dang ineilo," Tih leh a Off zui hmak, a thaw zui hak bawk a, "ka tihpalh Lalfapa, hei chu ka tih puitlin tir theilo che," A phun zui sep bawk



Ramos chuan phone chu en vung vungin a ngaihtuah a, Author hian Elba a phatsan chhan tur a hre hauhlo, Elba tan a rinawm zia hrechiang ber tu a ni hial anhchu ; Mahse, Author aw ah khan a thutak viau bawk si a


Ramos chuan Leonel chu Author ringlo zet chung chuan a hrilh nghal a, Ramos-a rinloh dan tawpin Author thusawi zawng zawng te a dik tih a hre zui nghal zat bawk


"Kan din hmun eng nge?" Car a ṭang a chhuakin Leonel chuan General Geneva chu a be zui zat



"Soulou hmun 3 ah bomb an thlak tawh a ni, tunah hian Soultan hmun ah kan mite leh Elba mite an in kap mek bawk, reilo ah Palace an rawn luh ka ring," General chuan a ti nghal zung zung

"Thanard, mipui hmunhim lam ah inthiar chhuak tawh em?" Thanard chu a en a


"A tam zawk thiar chhuah hman an nilo a ni. Bakah, hun kan nei hauhlo," Ni e, Elba hian Ariya rai tih a hriat rualin chawpchilh in thupek a chhuah miau a ni



"Hrep a...! Hun kan mamawhlo, a rang thei angber a che turin ti angche, Ramos, Assa te inbiakna lam eng nge an an?"



"Ngaihtuah suh, Venezuela chuan an Sipai te an hnuh let tur thu an sawi tawh a, US leh Iran pawhin anti ve ngei ang," Leonel chu a bu nghat


"Inpeih rawh u," Palace lam pan a car leh bike eng pawp pawp an awmna lam pan chu an thlir ṭhap


Soulou khawpui zawn van chu êng sen phut phut in, mei khu a i hlum chho mut mut bawk a, bomb ri a ri leh dur ṭhin bawk a



"Zanin hian hnehna kan chang ngei tur a ni," Leonel chuan ti leh supin a kut chunglam ah a lek kâng a, "tunah," Ti ṭhawtin bomb in an bei hmasa zui zat


A puak nghal dur dur, silai mu a leng zui chuai chuai bawk a, SOULOU hmun tin mai chu mei alh leh silai mu in a khat ti ila a sual tawplo ang, indo na tual zawlah a chhuak a, tu ram mahin a bei hauhlo, a chhung a a ram neitu leh an Lalfapa ngeiin a mipui te chu hlo suatin a suat a, ramsa ang maiin a that hmiah hmiah bawk


Leonel chu a awmna aṭang a Elba car aṭang a chhuak chiahlam chu panin a hma zawn a awm awm chu a kap zui pawp pawp bawk


A hnunglam aṭangin Soulou General leh Supreme Commander ṭhaber ber in an lo veng zui nghal bawk a


Elba awmna a thlen chuan silai in an in tinvah, midang erawh an in kap an ṭhulh eih lo


"Hreptak a, Author min phatsan a ni tiraw?" A bul a ding Author chu a melh hrawk, a chhan chu engkim mai chu rua hman na ṭha tak neiin Palace leh Lotus Palace aṭang a hla lo te SkySoul chu an venghim hneh hle tih a hmuh theih vang a ni



"Pawisawilo nunna la tur khawpin a nunrawng lo a tin ni Kiernan," Leonel a ti chang fak, Elba chu a nui hak


"Heng pawisawilo rual hian i hremhmun i oan tawh ngei dawn tihna a nih chu Leonel Thompson," Tih leh silai hmeh per a rual. Mahse, Leonel pawhin a silai a hmetper hman tho, an bân puar ve ve a inkap chuan an tawlh hnung hret a, Elba chet leh hma in Leonel chuan a kick zui sawk, Elba ai chuan a che rang deuh a ni


Elba chuan car kawngkhar su dawtin a thum awk a, Leonel chuan pan zui an insual zui nghal rawp rawp bawk


Mahse, Elba chuan silai mai bakah chem a pai tel miau avangin chem nen chuan a bei a, hmun eng amaw zah ah Leonel chu a hliam bawk


Mahse, Leonel tan erawh eng hmanrua pawh hmangse a kut tum chauhnen pawh a hneh mah mah a ni


Leonel chuan a hnek sawk sawk, car a nawrbet chuan a hnek zui leh mawlh mawlh bawk a, Elba kâ leh hnar aṭang a thisen chhuak nghal zawih zawih chuan, amah pawhin a ding thei tawhlo, car leh Leonel nambeh na ring chuan a ding ṭawk ṭawk, a hmai chu thisen in a bual khat vek bawk




"I mite tawp turin thupe rawh Kiernan," Elba chu a kâ a thisen a khat chung chuan a nui hak hak, "han tum chhinla Thompson, i fingin hlauh ineilo a ni lawm ni?" Hneh tu inti zawk tak a ti let chuan Leonel chuan a hnek leh sawk



"Author, tunah thupe rawh, SOULOU khawchhung a in mi awmte zawng zawng be kual la, tunah tawp rawhse, dam inla duh chuan," Ti hrawkin Elba chu kuai herin a hnung khirh zui zat



"Author, Author zawng uicho," Elba chuan Author chu a vin hrawk hrawk, Author pawh chuan Elba phone ah chu phawrh nawk nawkin, "ka tihpalh Lalfapa," Tih leh tu emaw a phone zui zat


"Leonel, Lalfanu...." Ramos-a aw ah chuan hlauhthawn na a khat


"Mi â ah min ngai em ni Thompson?" Leonel chuan Elba chu a nawr na sawk


"Sawi rawh, engthil nge ka nupui leh fate chungah itih?" A lu ah a nawrbet a, a ai nasa in a inseh ruh bawk


"I nupui a ni phiangsenlo Leonel Thompson, ka fa a pai a, he Lalram thar rochun tu tur pai mek tu a ni bawk, i fate....ahhh, khang naute, te tak te te pahnih, Ariya leh nangmah ang em em tu te kha maw? Hremhmun ah an awm tawhin ka ring," A sawi zawh rualin lei ah a ṭhingṭhi thla hnawk, Leonel chuan a kaihza ah a kap zui tih hriat takin a dawm nghal vawng vawng bawk, na a ti ri erawh hriat tur a awm hauhlo


A lam a kuai her sawkin, "thih i duhloh chuan sawirawh," A ti leh hrawk


Elba erawh a nui heuh heuh, "min that rawh, min that a nih chuan engtik ah mah i fate leh Ariya i hmu tawh ngailo ang; Mahse, i fate i chhanhim duh chuan Ariya minpe angche, ti chuan an nunna ka zuah mahna," Thisen nen a nui vur vur chuan a ti chhuak a, Leonel chu a inseh ruh ngawt ngawt


"I hria alawm, Ariya hi ka ta tur a ni tih," Leonel chu ding chhuak zawkin Elba chu a chir zui zawt a car in a lu vaw zui dawtin lei a let thla tawp


"Chuti chu thi rawh," Tih leh kah a tum a, a silai mu a zawh avanga thinrim zet a phun hrawk a, Elba vawm zui awkkn Ramos-a silai kenlai chu phih thla sawkin a load ri khap


"Leonel," A hawi zui vat, car aṭang a tlan chhuak a, an lam pan mek tu Ariya chu mak ti zetin an en haw


"Jessica...". "Ari...." Leonel leh Elba chuan an ti sep

.
.
.
.

Ariya...POV (Jessica)


"Car ti ding rawh, car hi ti ding rawh," Ka au tuar tuar, car chhung aṭang chuan Soulou khawpui mei alh sen phut mai leh mei khu dum zet mai in hlum chho mut mut chu ka hmuh theih avangin car chu ti ding turin ka ti tuar tuar a



"Engthil nge thleng?" An kâ an chip hmak, "Zon," Ka vin leh ṭhawt


Thaw hakin, "Jessica, i unaupa in Soulou hâl tur leh mipui that turin thu a pe a ni, zanin hian Lotus Palace an attack bawk," Linda-in a rawn tih chuan ka meng kawk


Maw..? Soulou a hâl ral ang maw ...? Ka thlen tir theilo


"Car ti ding rawh, ka sawi nawn tawhlo ang, tukverh hi ka tih chhiat theihloh in ringlo ang tiraw?" Tih leh ka kut tum in ka tin zui nghal a, kut hmang a tih chhiat mai mai chi a nilo tih hre mahse car chu a ding ta tho


Car kawngkhar hawng rawk rawkin ka tlan chhuak a, min vengtu te car pawh an ding zui ṭhap, kan hnung a min hnaihber tu police car lam pan a ṭhu lut in, ka ti nung zui zat bawk


"I kal theilo Ariya, ka sawi chu i hria em?" Glass Zon-an a rawn beng dawt dawt, glass ti hniamin, "ka fate saw venghim angche," Tih leh car ti nungin chak lutukin ka tlan chhuak, ka mite leh Leonel thi turin ka kalsan theilo, a teuhlo lutuk


Palace ka pan na lam kawng pawh chu bomb puahna hnu kâng mei leh mipui na tuar ṭap chuah chuah thawm chu hmuh tur leh hriat tur a awm duah, chu chuan minti na ngut ngut


A ai chak a tlanin Palace ka pan a, Leonel-an Elba kah tum a a tin uaih chu car ti ding tuarin ka tlan chhuak nghal


Mak ti zet a min en tu Leonel lam chu ka pan hlawk hlawk a, "that suh," Ka thaw lawp lawp


"Jessica, Jessica, i ṭha tiraw?" Ka bu nghat Leonel chuan min kuah thlawp a, ka biang leh ka hmui a fawp zui mawlh mawlh bawk


Inla hrangin Elba lei aṭang a min rawn chho en ngur tu lam hawiin ka ṭhu hniam a, "ita ka nih thu i sawi tiraw?" Ṭhut ṭhat tumin a che zui sawk sawk, chuti maiin a che theilo


"Jessica, hnaih suh," Leonel-an a rawn tih chuan ka kut ka lek kâng zauh


"Tho rawh," Tih leh ka pawt tho a, a rit em em lehnghal


"Ari, ka fa nen khan min zui rawh, he American uicho hian nangmah vang a nunna a chan ngam chuan he Lalram leh engkim hi ka kalsan ngam," Ka kut chu a vuan a, ka inseh ruh


Ka kut a vawnna phelh sak chuan lei a chem, a piancham vawi 30 na a ka pek ngei mai chu la kâng in, "ka mite i that a, pawisawilo nunna tamtak ila bawk a," Ka mit a rawn hnam ṭiam ṭiam, ka kaw chhung a huatna leh thinrimna hian min tur ut ut


Rum lutuk in ka en ngar ngar, "Jessica engthil nge tih itum?" Leonel kut chu ka vai thla sawk


Elba lam chu ka pan hnai chhat chhat, ani erawh a tawlh hnung hret hret thung, "Ari, i â ta em ni?" A aw leh mitmeng ah chuan hlauhna ka hmu in, ka hre thei


"Ni e, ka â tawh a ni Elba, â tur a min siamtu chu nangmah, nangmah ngei Elba Kiernan Larissa ini, hmangaih chân natzia hi ila temlo a ni tiraw, pawisawilo nunna hlut zia i hrelo a ni tiraw? Ka hmuh tir angche, i kut ngeiin Ka mite leh ka Lalram i ti chimit a, i kut ngeiin i hmeichhe hmangaih sawi leh i fa lo piang tur pawh hi i that dawn a ni," Ti tuar tuarin Elba kut ah chuan chemchu ka hmehbel lui a


"Ariya ti suh," Elba chuan a ti ṭhat


"Jessica," Leonel aw ka hriat rualin Elba kut chu ka pumlam ah ka pawt a, khâpkhat leh saipir chen vel a chem zum leh hriam ṭha takmai chu ka kaw chhung ah a lut chawih, ka thaw ka hip let kawk


Elba chuan hlau lutuk a a kut la letin chem chu a phawt chhuak sawk a, kala dawm beh ve tlat avang leh a hlauhthawn êm avang a chiai tih hriat takin a chem dawmlai chu a thlah mailo


A vawikhatnan Elba Kiernan Larissa a chiai a, a hmelah natna tak tak leh hlauhna ka hmu a ni


"I kut ngeiin i fa hi that rawh," Harsa zet a tih leh a kut chu ka pawt let leh rawh vak, a vawihnih nan a min vit leh chuan ka kaihza a thlep hnawk, Leonel-an minlo kuah vat chuan, "engthil atthlak nge itih hi Jessica?" Leonel chu ka en ṭawk ṭawk, ka nui ver ver bawk, ka dul a thisen chhuak tih tawp tum chuan a hmetbet a, "that rawh u, tunah that rawh u," Leonel chuan a ti hrawk hrawk

Ka kut a thisen nen Leonel banin, "ni lo Leonel, a dam tur a ni, a kut ngei a fa a thah avangin thih a phulo," Ka khuh kharh kharh, ka thaw a sak a, ka hnungzang ah boruak in min hnawhbet tlat bawk

"Ṭawng tawh suh, doctor, doctor ko rawh u," Leonel chu a thinrim in a hlauthawng takzet


"Leonel min enrawh, Ka bul ṭan a ni a, keimah vangin pawisawilo tamtak an thi bawk, aman ka pek angai," Ka bek a rawn lum thla pup


Ka thaw a sak leh zual a, "keiman ka pe ang, min ring rawh ka tih kha," Leonel chuan banchapin a ti kha hrawih


Mittui nen harsa zet chuan ka nui sen sen a, "ka hmangaih che."


"Ṭawng tawh suh, i kâ kha chip rawh," A ti hrawk, "Doctor, Asule doctor a rawn thleng," Doctor chuan ka thisen chhuak tih tawp tum in min sawngbawl nghal mawlh mawlh a


Ambulance lam a min zawnlai chuan Elba mit khap fak fak leh hlauhna leh natna a khat mitmeng a min en tlawk tlawkna chu ka hmu phe ruai ruai, Leonel-an ka hming a lam mawlh mawlh na te leh, "i mit ching suh, muhil suh," A ti ri te chu a hla tial tial bawk


Engkim bul ṭan na ka ni a, pawisawilo nunna te rulhlet nan ka nunna ka pek angai a, chuai mah chuan ka pum chhung a Elba Kiernan Larissa thisen hi paihbo ngei ka duh a tin ni....! A kut hmang ngeiin a fa, a thisen chu ti hlum sela a dam chhungin natna leh mangchhia in chenchilh se tih bak duh ka nek heklo...!



Thih chak ngawih ngawih in a awm anga, midang nunna leh a fa nunna a lakna hmang ngeiin a nunna pawh ala la ve ngei ang, chu chu kei Soulou Lalfanu Ariya Azhilea Larissa leh Cassiopea hian ka nunna nen ka nemnghet a ni....!


<~£~>~£~£~!~£>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:27 pm

SOULOU : Bloody Romance
By
Floria laldansangi

Chapter ***28***


XxXxXxXxXxXxXxX

“Jessica harh rawh, muhil suh, damdawiin kan thleng ṭep tawh,” Leonel chuan Lalfanu chu a be mawlh mawlh a, Lalfanu erawhin a mit a chhing diar diar tawh


“Jessica min en rawh,” A biang tawn tawn ah chuan a kut a thisen nen chuan a dawm a, “min en rawh, i mit i chhing theilo, kei leh kan fate tan, i hrethiam em?” Lalfanu chu a chak tawk tih a hria, chuti maiin a mit a chhing dawnlo tih pawh a hre bawk


Ambulance din rualin rang lutuk in an nawr chhuak a, Ambulance, police motor leh kâng ṭhelh motor a ri chuah chuah, damdawiin chhung te chu hliam leh natna tuar, mitthi te an in nawr lutin an nawr chhuak zut zut bawk a


“Pawn ah lo nghak rawh Asule,” Nurse pakhat chuan zah zetin a ti sup a, Leonel chuan Ariya kut a vawn chu fawp leh vawng vawngin, “a nunna chhan ngei angche u,” Tih leh a thlah riai riai



Inzaina room a an nawrluh fel rualin, "Leonel, Leonel engthil nge thleng? Jessica chu eng nge a an? A ṭha tiraw?" Linda-i hmel a lang zui zat

Leonel chuan a chhip sam tuai puatin a vai tawn sek a, "a ṭha, a ṭha dawn," A bak engmah sawi a tumlo, "a ṭha ngei dawn," tiin a phun zui sep sep bawk


"Lalfanu, Lalfanu chu engtin nge a awm?"


"Rasamee," Ramos-a chu a phunsap, Rasamee-in mit sen râm a en in, "Ramos," Ramos chuan a unaunu chu a kuah thlawp, an ṭah nuih hak hak a


"Keimah vang vek a ni, SOULOU kha pan hma ila emaw Leonel kha danglo ni ila tun hun hi kan thleng hauhlo ang," Rasamee chuan a mittui a khap per sak sak



"Chutiang sawisuh, Lalfanu chu a ṭha dawn, i hria alawm kan Lalfanu chak zia leh Lalfanu satliah a nilo tih chu, Cassiopea, Cassiopea ropui tak a ni, a ni reng bawk dawn," Ramos-a chuan inzaina room lam melh chuan a ti sup


A tu amah chu an ṭhu mai mai theilo, a bikin Leonel, inzaina room kawngkhar chu a bih leh ṭhin, a khat tawkin a kal hnaih a, a vai thuak thuak, Leonel Thompson anglo tak maiin darkar 3 a liam meuh chuan hlauhthawnna in a tuam chhuak vek tawh, a thinrim hlur tawh bawk


"Engvang phiangsen a rei em em nge an nih?" A ti chhuak hrawk


"Leonel," Linda-in hnem tum zetin a dar a beng thakin, "hahdam rawh, a sual chhuak dawn alawm," A ti tak na in Linda-i pawh chu a hlauhthawng tawh takzet tih a aw khur lek lek ah chuan a hriat


Darkar 3 leh a chanve zet inzaina an kalpui hnu ah doctor thlandup mai a chhuak chu rang lutuk a pan hnaiin, "Doctor," Doctor chu a thaw hak



"Zai hlawhtlin a ni a ; Mahse, a harh chhuah hun tur erawh ka sawi theilo, thisen a hloh hnem mai bakah nau a chhiat a ni," Leonel chu a thaw kawk


Midang pawh chu an thaw ve hawk tho, Ariya an nawr chhuah chu Leonel chuan pan vatin, "Jessica," Ti sup chuan a hmai hil bam leh dang bel mai chu a zût, a hmuiah dimte a fawpin a inla hrang zui zat

*
*
*
*

ARIYA...POV (Jessica)



****Ka awmna hmun chu a vawt vur mai, a thim deuh khup bawk, ka hawi kual a, khawi hmun nge a nih ka hre hauhlo, nge ni a ka thi a ansawi hremhmun ah chuan ka kal zawk


Ni e, Infanta khan hnam ka phatsan avangin ânchhia ka nih thu leh AMIHAN leh kan thlahtu te, Cassiopea ropui tak tak te leh Lal lo awmteh te thlarau ngaihdam theihloh khawp a sual ka tih tu a sawi kha maw...!


"Ka thi a ni ngei ang?" Ka phun sep


"Ari...." Ka hawi vut, "Assami," Ka nu aw chiang lutuk a ka hria chuan ka hmul thi a ti ding nghal sur sur thei


"Ari," Aw ri chu a rawn hnai tial tial, "eng nge hetah itih ni?" Ka kânglawp, hnunglam ah ka tawlh nghal rawk rawk


"Assami, Mama nangmah ini tak tak amaw?" Ka hma a ding ka nu chu ka en haw, ka hma a arawn lan thut avang khan ka hlau hman viau



"Keimah ka ni Ari duhtak, ka zawhna che minla chhanglo, helai hmunah hian engthil nge i rawn tih, i awmna tur a nilo," Ka nu chuan a ti nghal mawlh mawlh


Ka lu ka thing, "ka hrelo, ka thi ve tawh te pawh a nih ka ring," Ka sawi zawh rualin Leonel aw chiang lutuk in a rawn khawk rum rum

Ka hawi kual nghal vut vut a, "Jessica, harh tawh teh, a rei tawh emai..." A aw ah chuan harh tawhse minti takzet tih a hriat, lungngaihna a ri tel bawk



"Ari duhtak, i let angai a ni, i pasal, i fate'n an nghak reng che si a," Ka dinna bul ah rawn dingin ka hma zawn chu a kawk a, Leonel-an ka kut hum chung a fawh vawng vawng lai chu mittui tlingpamin ka en vang vang

"Mahse, keimah vangin mi tamtak an thi a, ka ram SOULOU ka tluk tir a, thisen ka luantir si a, damtlak ka nilo a ni Assami," Ka mittui a rawn luang zawih zawih, ka in hnit nghal hlawp hlawp bawk


Ka darah dimte a rawn kuahin, "duhtak tupawh mai hian thil kan tisual ṭhin, tupawh mai hian tlinlohna kan nei a ni, chutiang bawkin mahni hlimna zawng a tlân a, kawng zawh turin dikna kan nei bawk, i hrethiam em?" Min en a


"Thiamlohna inei hauhlo Ariya, i tihtur diktak iti a, SOULOU i chhanhim tawh alawm, nilo, SOULOU tan a ban rinawm nangmah ngeiin i rawm hruailuh khu," Leonel lam chu a en a, nuisang in, "a hmangaih takzet che a ni ka fanu," A ti leh sep, mittui nen chuan ka en a, ka ṭah nuih hak hak, "keipawhin ma hmangaih alawm," Ka ti chhuak ṭuak bawk***


Monitor ri tut tut leh doctor-in a Leonel awmsawn tur a anti ri chu chiang zetin ka hre thei, "Jessica, i thi theilo, sual let rawh," Leonel aw chu a ring huahlo, ka bengah erawh ring tak a ni


Ka âwm hi electric hmang a deh ang maiin ka têk sawk sawk a, "200 charges," Doctor in a ti ri tuar tuar chu ka hre vek bawk



10mins hnu velah a reh ṭhap, "a pangai leh tawh e," Doctor chuan a ti sup a, ka kut chu nghet lutuk in Leonel chuan a rawn chelh nghal vawng vawng, ka thi emaw thilo emaw ka taksa hian Leonel Thompson hi a hai thei mawlhlo



"Engtik nge a rawn harh dawn, engvang a khatiang a awm nge a ni?" Leonel chuan a ti bul hluk, a hlauhthawn a piangin a aw chhuak hi a bul zual ṭhin


"Asule, ka sawithei mailo a ni, a harh chhuah leh chhuahloh chu Lalfanu ah a in nghat a ni," Doctor chuan a ti leh sep, Leonel thaw ri hrawih mai chu ring tak a ni ringawt

.
.
.

Engtia rei nge harh chhuaklo a ka awm ka hre thei mailo ; Mahse, rei erawh a rei thaw khat viau tih ka hre thung, an thusawi te leh TV a thupuan thlengin ka hre vek a, Elba hremna an kalpui dan Tv a an puan thlengin ka hre vek thei, ka meng theilo mai chauh a ni


"Assa," Leonel aw ka hriat rualin ka kut a vawnna a thlah nghal zat


"Ṭhu rawh, din a ngailo, vawiin lam eng nge a an?"


"A ngai reng mai," Ka kut a rawn vuan leh a, ka kut hi rei a thlah ngai hauhlo tih ka hre thei, chutiang bawkin ka kut veilam chu tu emaw in a rawn hmer vang vang bawk

"Ariya, ka fanu i harh vat a ngai a ni, i fate pawh i ngaihtuahlo em ni?" Ka hriat theih chin a aw ka nem leh 'fanu' tih ṭawngkam a hman ka vawikhat hriatna a ni


" Coffee in in ka'n inti harh a nge," Tih leh Leonel chuan min vawnna a thlah a, a pensawn ri in a zui nghal zat bawk


Ka kut chu Assa chuan la kâng in a fawp tih ka hre thei, "ka tihpalh Ari...." A thaw hak



"Ka luhlul lutuk vangin i nu ka chân ang khan ka chân ve ṭep che a ni tih ka hre chhuak a," A nui ri suk, ka chal a sam chu hui kiangin, "i khawvel thar din leh SOULOU thar din hi i mit ngeiin hmu ve tawhla ka ti ngawt mai..." A tawp leh vang vang a, "thla 3 lai a ni tawh, nangmah ang mai a khawhar leh nu te lova seilian turin i fate i kalsan theilo ang tih ka hria, i harh a hun tawh a ni ka fanu," Ka bek a lum thla pup


"Ari, Ari ka ṭawng i hrethei a ni tiraw?" Ka mit muangchangin ka meng a, ka hmai zawn chet a Assa mit sen râm leh hnawm chap chu fiahlo ruai in ka hmu thei



"Leonel," Ka phun sap, Assa hming lam mai ka tum a, Leonel ka rilru ah alang hmasa daih zawk



"Leonel," Tih leh hawi vatin Leonel ka lamah a rawn hnai nghal rawk rawk, "Jessica, Jessica i harh a ni tiraw? Min hria em?" Ka mit ka khap fak fak, mit chhing sawkin ka nui sen sen, hahdam ta huai tih hriat tak a thaw chhuak hawkin ka hmuiah a rawn fawp nghal vawng vawng bawk a


"Ka lawm e, ka lawm e i rawn let avangin," Ka biang leh chal ah a fawp zui mawlh mawlh bawk


"Assa," Kan sir a ding ve ran ka pa chu ka melh a, rawn nui sen sen a bu nghat nghatin, "hahdam rawh, inbiakna hun tamtak kanla nei alawm," Ka hmuh ngai miahlo a mit ah hmangaihna ka hmu, a mittui a tling pam bawk


"Ka lawm e," Ka phunsep, Assa chu a ṭah nuih hak a, rawn kun hniam a ka chal a fawpin, "ka fanu inia lawm Ari," A ti zui sep bawk, ka chhungril hi a hlim a, lawmna leh hlimna avangin ka mittui a tla ka tilo theilo


Thihna ata ka tho leh a, hmangaihna leh ngaihsakna ka pa lak aṭang a ka dawn ngai miahloh ka dawng a, Pa thar ka nei nita hialin ka in ngai

.
.
.

Ni a ral, thla a ral leh tawh, ka harh aṭang thla 2 na ah damdawiin ka chhuahsan ve dawn ta...!


"Palace ah let i duh em?" Ka bul a mu a min kuah hlu hlu chung a Leonel-an a rawn tih chuan dak chho deuh ha in ka en kar, "Leonel Soulou a awm i duhloh a nih chuan i kalna a piangah ka zui angche, kan fate nen," A nui suk, ka biang tuai zeuh a ka hmui a rawn fawp zauhin, "heihi i ram, i in a lawm, hetah kan awm ang, kan fate nen," Ka nui sen sen



"Assa hnungzuiin, Cassiopea pasal ini thei angmaw?" A nui nghawr dat, ka chal a a hmui lum ther ther chu nghatin, "muhil tawh rawh, naktuk ah thil tamtak i hma chhawn a ngai dawn si a," Tih leh a ai nghet a min kuahin ka hnungzang a chul hliau hliau bawk

Mit ka chhing zui siai siai, ka him a ni, he a awm khauh leh hlai tak mai leh a bân lian tak mai chhungah hian ka him takzet a ni

.
.
.

Leonel sawi angchiahin damdawiin kawt chu reporters leh mipui an khat, camera a de chuai chuai bawk



Car a kan ṭhutluh hnuah, "i pa hma tur a kan kal a ngai a ni," Ka kut a rawn hum nghal zat, ka bu nghat



Lotus Palace kan thlen chuan Douka Pavilion lam ah min hruai a, kan luh chuan Minister leh Soulou ram hruaitu lawk tak tak an ṭhu khup hlawm, Assa pawh tiamin


"A vawikhat nan Cassiopea inih angin he hmunah hian ding turin ka duh che a ni Ari," A bula a ṭhutna awm chu min kawh hmuh a, pan mai nachang ka hrelo, Leonel chu ka melh chho ralh, nuisukin Assa lam chu min pan pui a, rangkachak hlang a siam ṭhutna a min ṭhut tirin ka sir ah a ṭhu ve nghal zat



Ka awmdan chu mumang a ang hial zawk, Lalṭhutthleng hi ka ta tur a ni tih ka hria, khawvel in an hria ;Mahse, a takin ka ṭhu ang tih vawikhat pawh kala ngaihtuah ngailo, ka duh ber chu nun zalen leh he hmun tlanbo san kha a ni a, tunah, tunah hian Assa kiangah ka ṭhu ang tih rin pawh har ka ti



Cassiopea chhin chhiahna Tiara Crown, red sapphire hmang a uluk tak a siam, kum 1739 hnu ah tumahin a an khum chhuah tawhloh, Cassiopea hnuhnungber Princess Helen-i khai hlum a nih hnu a hmeichhe roluah tu awm leh hmasaber ka ni a ;Mahse, a tak ngeiin he Tiara crown hi ka khum ang tih ngaihna ka hrelo


Ka hma a Tiara an ken chu en in Assa hma ah Leonel nen chuan kan ṭhingṭhi vat, "vawiin ni hian kei SOULOU Lal, King Korsakov Larissa hian ka fanu Princess Ariya Azhilea Larissa chu Cassiopea a ni tih ka puang a, Leonel Thompson pawh Cassiopea pasal leh he ram tan a a ke penpui a nih theihnan ASULE nihna diktak leh ka Minister zawng zawng te hriatpuina in ka puang e....



AMIHAN chuang veng che u sela ; Kan thlahtu te thlarau chuan in hma hruai zel rawhse," Infanta tel lova Cassiopea leh Asule nihna minpe a Crown min khum tir chu Minister tamtak leh mipui tamtakin an pawmlo tih ka hria. Mahse, tunah chuan tih theih an nei tlatlo, SOULOU kâng ral mai tur chhanhimtu chu Leonel a ni tih tu pawhin an hriat vang a ni.....


.
.
.


"Leonel," Min rawn en chhuk

"Elba.." Ka tawp dat, Douka Pavilion kawt ah chuan min dinpui dat a


"Elba ka hmu thei angem?" Ka ti sep

"A teuhlo Jessica, mi pangai ani tawhlo," An sawi chu ka hria, a rilru a buai anti a nih kha



"Mahse, hmuh ngei ka duh a ni Leonel, reilo," A ngawi vang vang a, min en vang vang ohawtt a


"Jessica i chiang maw? Hmulo la ka duh zawk mah," Ka en chho a, ka nui seih bawk


"Ka ṭha alawm, reilo te," A thaw hak, "naupang luhlul lutuk mai," A ti sup, ka nuih sen sen thung, Naupang minti ri pawh hriat a khat ta hle mai


"Uncle reilo te chauh a nih ang," A rawn nui nghawr dat a, ka hnar a piai deuh nawk nawk chuan, "ka hnialhneh ngailo che chu a nihber hi," Tih leh, "Ka kalpui angche," ka kawngah nghet zet a chelhin min pensawn pui nghal pawk pawk bawk a


<ROYAL PRISON>


Royal Prison a nih angin cell pakhat ah mi pakhat bak an awmlo, darthlalang vek mah nise an inhmu thei chuanglo


Ka kal pelh tak chiah a ka mi hmuh avangin ka ding dawt, "Nira," Ka phunsep


Hawilet lehin ka kal hnaih a, Nira a ni, a thi lo amaw?


"Nira," Darthlalang chu ka beng dawt dawt a, ka thawm vang hria nu awm takin a hawi kual vut vut bawk


"Jessica," Tih leh Leonel chuan ka kut chu a ban a, min kuahbet vat bawk


"Lalfanu," Tih leh vengtu in ka aw a hriat theihnan leh min hmuh theihnan eng amaw hi a rawn hmet zauh, kan dinna lam a rawn hawi chuan a meng deuh kawk, rei erawh a nilo


Za lo tih hriat takin a nui sawk a, "Ariya," A rawn ding ṭiah ṭiah, a ke veilam chu a tina tih hriat takin na takin a rap ngam hauhlo, a bai auh auh bawk


Ka hma zawn tak a rawn ding chuan Leonel chu a melh run a, a cherin mut a khamlo tih hriat takin a mit a dum kual ruih bawk, Nira ka hriat ṭhin kha chu a ang tawhlo takzet, a sam thur bum mai leh suk khat hmel zet mai, bal khir bum te chuan engti zawng emaw takin min tina


"Khati khan min en suh Ariya," A ner sawk bawk


"I thi lo amaw? Engtin nge a nih theih?" A nui hak

"Pawi ka ti hle mai thih duh viau mahila he hmunah hi chuan awlsam takin ka thi theilo chu a nih hi, chu chuan i awm a ti nuamlo a nih chuan khawngaihin Cassiopea zahawm ka lu an tan theihnan thupe rawh," A mitmeng chu ramsa ang mai a ni, a ṭawngkam chhuak leh hmel tihdanglam danlah chu a ngeiawm em em bawk, mintih thrinrim a tum hrim hrim ni in ka hria

"Nira," Engtin nge hetiang hian a chhuah theih...?


"Engthil nge i chungah thleng?" Ka pan hnai a, darthlalang chhan ah chuan ka kut lek kângin ka ban de de, a mitmeng chu a danglam zawk zawk ;Mahse, khawngaih nih erawh a duhloh avangin a in hum ruh tih ka hmu thei


"Puih theihna che ka nei em?" Kum tamtak ka unaunu ang mai a ka en a ni a, hetiang a hmuh hi ka duh miahlo, huatna lah ka nei heklo ; Mahse, min bumna erawh ka theihnghilh ngailo thung



"Min that turin thupe rawh Larissa," Ti kha hrawih a in herin a pensawn nghal, ka mittui ka khap per sak sak, min hnung chhawn zawngin a ding ngur chu ka en tlawk tlawk


Ka darah Leonel-an rawn kuahin, "Elba'n a nunna a chhan a nih hmel," Anih chuan engvang a he hmun a dah nge a nih


"Jessica i hria alawm, Assa hian a ngaidam theilo tih," Zawhna ka zawh hma in a rawn tih zawmzat, Leonel taksa ring chuan muangchangin ka inher a, ka pensawn hma chuan Nira dinna chu ka melh leh hrâm bawk

.
.
.

Kan hma zawn a ṭhu kun lap mai, a bek sam ṭham ngar ngar tu chu ruh lutuk a inhum chuan ka en a, "Kawngkhar hi hawng rawh u."


"Jessica a teuhlo lutuk," Leonel chuan a ti hrawk


"A chiloh Lalfanu, a hlauhthawn lutuk, mi â ang maiin a awm ṭhin a ni," Kan sir a vengtu pawh chuan a rawn ti vat


"Hawng rawh," Ka ti leh nghat a, Leonel chuan luhlul mintih hmel zet a min en in a thaw ri hrawih bawk

Kawngkhar ah chuan password a chhu ri ṭat ṭat a, a in hawng riai riai bawk, Elba kun lap chu muangchang a rawn dak chhuak in min hmuh rualin rang lutuk in min rawn pan nghal ruak ruak


Leonel leh vengtu in rang lutuk in min hual a, vengtu pahnihin chelhbet chuan Leonel-an min kuah nghal rûn bawk



"Ari, Ari duhtak, ka fapa, ka fapa a thilo tiraw?" A mit sen râm ah chuan ka en kalh, Leonel bân chu dah sawn in inhum ruh lutuk chuan ka pan hnai chhat chhat a


"Ari, kan fapa tur kha a thilo tiraw?" Beiseina a khat mitmeng in min en ngawih ngawih


"Engvangin nge a thihloh ang ni Elba," A lu a thing nawk nawk, "a nilo, a thilo, a thi theilo, ka fa hmasaber tur a ni a, Lalṭhutthleng luah tur a ni bawk, a thilo tih sawirawh," Ka mittui tla tur chu khap let sak sakin ka nui hak



"I fa, kan pahnih fa nih kha Ari, engtin nge i fa chu i thah theihni?" Ka ben mailoh nan ka in hum ruh nasa mah mah


"Ka fa nilo, a nilo, pawngsual fa a ni, i hria em? Pawngsual ka ni," Ka au chhuak tuar


Mittui nen a lu a thing a, "a nilo, ka hmangaih che, ka hmangaih che a ni Ari," An dawm behna aṭang a tal chhuakin ka hma ah a rawn ṭhingṭhi thla hnawk, ka tawlh hnung dawrh, Leonel-an ka kawng ah a rawn kuah vat bawk a


"A thilo tih sawi rawh," Min ngên ngawih ngawih



"Ka thah a nilo tih i hriat kha, kha i kut, pawisawilo tamtak ilo thah tawhna kut ngei khan i that a ni tih i hriat kha Elba," Kha lutuk i ka ti chhuak hrawihin, ka pen hnai hret, "Engvang a that velo che nge ka nih i hria em?" Min rawn en chho, "ka thah che pawh i phulo a ni Elba," Ka ti chang fak, a kun lap, a ngawih vang vang hnu ah a rawn nui hak hak, minti mangang letling zawk, Leonel chu ka en vat bawk


Za lo zet a nui hawk hawkin a rawn ding chhuak a, "kan danglamna eng nge awm ni? Ariya, Leonel," Rapthlak ti lutukin ka en, Elba pawisak neilo, tlawm tum silo angchiah kha a ni leh tawh


"Leonel kan danglam em ni? Tual thattu, mahni duh neih theihnan leh phuba laknan a pawisawilo nunna hmang ṭangkai tu te vek kan ni, kan in angvek, mahni hmasial, Ariya a ni lawm ni," A nui lui hawk hawk bawk a, ka hmul thi a ti ding sur sur thei


Pensawn in kan lam a rawn hawi leh, "Ariya, Cassiopea maw..? Asule...?" Ngeiawm lutuk a nuizui khek khekin, "i pum chhunga i fa ngei pawh that hrehlo ini kha Ariya," Kha lutuk in a rawn ti chhuak hrawih, "keimah ka nilo, pawisawilo nunna la tu chu ini Ariya, nangmah ngeiin i fa i that a ni," Leonel ka nek nghal rawk rawk


"That turin min nawrlui a ni, mihring fa nilo," Taksa khur dar dar ti let chuan ka en let ṭawk ṭawk a

Leonel chu phun hluk a keimah a min din nawk a pan hnai chuan a hnek thal tawp, a hnek zui mawlh mawlh bawk, tha khur dar dar chuan ka en, "thi tur ini, thi rawh, thi rawh," Ti chhuak hrawih hrawihin a hnek mawlh mawlh, a kâ a ṭang a thisen chhuak leh hnar leh hmai sen huam ka hmuh rual a Leonel lam pan rawk rawk a a bân a dawmin, "Leonel, Leonel ti suh," Ka pawt bet


Leonel chuan min rawn melh hrawk, a mit a chhing sawk a thaw ri hrawih a ding chhuak vut chuan a hmai a tuai puat bawk, inbengdaih tum lutuk a thaw hrawih hrawih a, ka kut a hmer chuan ka hmui ka petbet, a hmer na mah mah


Leonel kut chu dawm hnanin, min rawn en hrawk a, nuih sen senin, "ka ṭha," Ka ti sep, tualthattu a tih vanga thinrim a nilo a, Elba'n pawisa lo tak a mintih vang a thinrim insum zolo a ni tih ka hria


Leonel min vawnna phelh sakin ka ṭhu hniam a, Elba thaw ri hrawih hrawih chu en in, "heihi eng nge a nih i hria em," Ka bag aṭang chuan damdawi ka phawrh a, hmai a thisen kai nuaih a ka lam a rawn thle chuan, "adumbara," A phun sep


Ka nuisak thung, "ka thah che i phulo ka tih kha Elba. Chuvang ringawtin thih tirloh che ka tum chuanglo ; Mahse, thih i duh a nih erawhin nangma kut ngeiin i nunna i la tur a ni, midang nunna ilakna kut ngei khan," Tih leh Adumbara tûr chak tak mai chu a lu bulah hungin, "i thih hun chu i kut ah a awm Elba Kiernan," Tih leh ding chhuakin ka melh leh zawk a, Leonel en a nuihsang in a bân a chelh chuan, "kan fate hmu tawh, ka ngai tawh a ni," Ka ti sep, mawi lutuk a min nuisukin min pensawn pui nghal zat bawk




<<>£~£~£~£~£~!~!>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:27 pm

SOULOU :Bloody Romance
By
Laldansangi


Last Chapter ***29***

<The Final Wedding >



LEONEL (ASULE).....POV



Jessica-i nen kan inhmuh aṭanga Kum 1 leh thla 5 na chiah a ni, he hmeichhe naupang, ni lo, he hmeichhia hi ka fate nu a ni an tih ka ngaihtuah pha ngailo mai pawh ni lovin, a ram thleng a ka zui ka ring phalo hrim hrim



An sawi ṭhin, "hmangaihna chuan thiltheiloh leh nitheilo pawh a thlen tir ṭhin," Antih kha, ka chungah pawh a thleng ve ta chu a nih hi...!


Tu in nge Mafia hotu, pawisa avang a nunna la mai ṭhin mihring kha tu emaw pasal leh hmangaih, fate pa leh ram pakhat meuh enkawl tu a ni ang tih ring pha ang ni. Ka chanchin hretu a piangin mak tiin hriatbelh an chak a ; Mahse, kei erawhin mak tihna ka nei ta lemlo, ka hma a mo kawrvar ha chung a min rawn pan mek tu hmeichhia sawn thilmak mai pawh nilo, thil nitheilo leh awmlo a ta ka nunna ah hmangaihna a awmtir tlat a ni


Rimsky-Korsakov Palace kawt a kei leh ka nupui, ka nupui ninawn leh tur thutiam min hriatpui tur a mipui pung khawm nuai chuang chu ka thlir a, heng mipui pung khawm te hian kei leh Jessica, an Lalfanu leh Cassiopea-in hnamdang pasal atan a neih hriatpui tur a pung khawm an ni a, ka thinlung in ka tiam a ni, an hman dan leh Soulou dan khirh tak te paih bo a, an Lalfanu pasal leh ASULE nitur a ka tan a an dinna ah kei Leonel Thompson hian theihtawp in Jessica leh he Lalram hi ka enkawl dawn tih ka chiang a ni


"Leonel," A fanu kut ka kut a rawn dah pah chuan ka hming alam sup a


"Ka tiam angche, i fanu tan leh he Lalram tan hian Pasal leh Pa, Asule ṭhaber nih ka tum ang, engtik ah mahin ka tluk chhiat tirlo ang," Assa chu a nui suk a, Jessica mit ah chuan lawmna mittui a tling pam bawk


"Ka fanu hian a thlangsual dawnlo che tih ka hria a ni," Ti supin, "enkawl ṭha angche," Tih leh ka kut ah min hlan a, ka nunna nen ka enkawl ang tih ka tiam bawk


Inneihna thutiam kan sawi zawh chuan Jessica-i nen chuan mipui hma ah kan ding a, mipui leh khawvelin a vawikhat nan tak meuh meuh Lalfanu ang a Jessica hmel an hmuhna a ni, khawvel ah maktaduai tam takin Tv aṭang pawhin min thlir tih a hria tih hriat takin a kut a thlan ve dap bawk


A thusawi lai zawng chuan a kut tereuhte mai chu nghet takin ka chelh a, "kei Soulou Cassiopea leh ka pasal Asule te hian SOULOU dan kan bawh chhiat avangin dan ang a hremna kan tawrhtur ang pawh kan pawm a, Lalfapa Dylan, Lalṭhutthleng luahtu tur in kum 18 a tlin hnuah kei leh ka pasal hian mipangai ang a nung turin Palace kan chhuahsan dawn tih Soulou mipui leh khawvel hmaah kan puang duh a ni ; Mahse.....


Khang kum chhung zawng khan he ram tan hian Lalfanu chhuanawm leh rintlak ka ni ngailo a, ka mite hnehah ngaihdam ka dil duh bawk, chutih rualin, tun aṭangin he ram SOULOU hi ram ropui tak leh thuneihna, ei rukna leh duham na awmlohna ram ah siam turin kei leh ka fate, ka pasal te nen hian theihtawp chhuah turin kan intiam bawk a ni," A tawp dat a, min rawn en in, "a tawpber atan chuan ka pasal Leonel Thompson chungah lawmthu ka sawi duh a, kei leh ka mite, ka ram zalen na minpek avangin," A mittui a tla sawk, "ka hmangaih che Leonel," Ka nui suk a, ka lam a pawt hnaihin ka fawp vawng vawng bawk



"Keipawh in ka hmangaih che," Ka phun sep, hmangaihna ring ngailo khan hmangaih neih leh hmangaihtu neih hlut zia he hmeichhe lak aṭang hian ka zir chhuak a, khawvel a thilti theiber leh hlauhawmber chu hmangaihna a ni tih chiang takin min zirtir bawk




"Jessica, Assa hmuh lawk ka ngai a, SkySoul ah minlo nghak dawn em niang, tlailam ah ka rawn hmu angche," A lungawi hmel viauloh, inneih ni a ni a, amah a SkySoul ka pan tir tur chu a nernung bawk


"Thuawih la, a pawimawh tih i hriat kha," Min melh ralhin, "naktuk a nghah theihloh em ni?" A hmui sexy leh no chek mai chu a ti kawh tarh bawk, fawh nawk nawk mai a nia ka duh ni, "ka rawn let harlo ang tih ka tiam a che," A bu nghat

"Thanard letpui rawh u," Tih leh Jessica hmui a fawp zauhin car dangah chuan ka ṭhu lut nghal


"I chiang maw Elba fapa a ni tih chu?" Zon chuan min rawn melh zawk, "tehreng mai Boss, kum 6 lai ani tawh bawk," Ka inseh ruh nghal at, Jessica-i bulah a fa hmasaber a nih thu leh tualthat tu ah anih thu a sawi a, tunah fa a nei reng amaw...? Kiernan ka that ngei angche


Darkar 4 vel kan tlan hnuah Car a ding dat, Zon ka lam rawn hawiin, "Boss, saw saw a nia," Hmalam a hawi leh, kan hma a mipa naupang, a ui lianzet nen a infiam chu ka en ngar ngar



Hmuh hmaih chi rual a nilo, hla tak aṭang pawhin a nui hmel saw Kiernan Larissa chiah chiah a ni

Car aṭang chuan ka chhuak a, mipa naupang awmna lam chu ka pan hret hret bawk



"Hello," Mit khap fak fakin min rawn chho hau, ka ṭhut hniam rualin rang lutuk in a nu kan lam a rawn tlanin a fapa chu alam ah a pawt hrawk a, a hnunglam ah a pawtlut zui zat bawj


"Tu te nge in nih? Elba rawn tirhin nih chuan letleh rawh u, kan mamawhlo, ni lo, a hma sawiloh Soulou pawh kan chhuahsan ṭep tawh a ni, nun pangai angin min nun tir rawhse," A ṭap lo chauh nghal


"Ka pi i hresual a ni, heihi Asule a ni a, i fapa rawn tlawh tur leh in chanchin hrechiang tur a rawn kal mai a ni," Driver-in a tih chuan a nui hak, rum lutuk a min rawn en in, "nangni Lal chhungkua leh thisen kai ho hian eng nge induh? Kan nufa thi lai in hmuh hmaloh chu min umzui in tum em ni? Thiltih theihna leh hausakna bak neih in neilo, nunrawng, khawngaihna neilo leh ramsa in nih hi," Ti tuar tuarin, "ka fapa sam hmawr pawh tawh tum leh teh u, nu in a fa chhan nan engthil nge a tih theih ka entir angche u, kal ula in Lalfapa chu inhrilh dawn nia, kan nufa hian kan mamawhlo, kan mamawh ngai heklo ang tih," A mittui a tla nghal zawih zawih



A fapa pawm lawp chuan inherin an in awmna lam chu a pan pui nghal hlawk hlawk, ka nui hak, "Zon, enthla tu dah la, an mamawh leh puih an ngaihna ah pui angche," Ka ti sup


A mitmeng ah khan Elba a huat zia ka hre thei, eng ang takin nge Elba'n alo tih buaiin a tih hlauh ṭhin ang tih en mai pawhin a hriat a ni

.
.
.

<Imperial prison / Royal Prison>


"Engti turin nge i rawn kal? I nupui neih lawmpuina ka hneh aṭang a i dawn i beisei êm lo angchu tiraw?" Chauh hmel tak a min en tu chu ka kiai khum sawk


"That tur che in," A nui hak, a rawn ding chhuak ṭuah ṭuah a, "Leonel, Leonel tunah thuneihna ila chelh a ni mahna, nakin lawk ah Assa ui note ila ni ve dawn, ohhhh, i Pa Thompson corporation hnuai a a ui khawilai inih angchiah khan," Chang lutuk in min en a, ka thah ngamloh a ring a ni mahna ; Mahse, vawiin ni hi a tawpna ni tur diktak a ni tlat


Ka sir a Zon kenlai thlalak chu la in a hmahah ka thah thla a, "mipa naupang duhawm tak a ni Kiernan," Ka thle bak


Min en kawk a chhuat a thlalak tla darh nuaih mai chhar khawp sawk sawk chuan a en thuak thuak a, "engthil nge an chungah itih Thompson?" A rawn ti that


Ka nui hak, “in bengdai rawh Kiernan, i aiawhin kava tlawh mai chauh a ni,” Ka tawp dat a, “tun atan chuan,” Ka thle leh bak


Ka lam rawn pan a ka kawrawm a tham deuh sawk chuan, “engthil nge anchungah itih ka tih chu,” Ti hrawk a min hnek a tum chu na lutukin ka hnek hmasa sawk, a kat nghal nawk nawk bawk


“Ka that, ohhh, a nungchungin ka hâl ral," Ka nui lui hak bawk a


“Leonel Thompson,” Ti tuar a ka lam a a rawn tlân leh chu Zon-an alo kick sawk a, a leng lawp



“Ka hmeichhe hmangaih i tawh hma khan vawi 10 chuang ngaihtuah tur che a nia Kiernan, tualthattu ang maiin i chhuah a, awlsam tak a ka chhuah tir che i ring em ni?” Chhuat ah a dul dawm chungin a nui hul hak hak a


“Ti chuan, nufa pawisawilo chu iva that ve ta a," La nui lui hak hak a harsa ti zet a rawn ding chhuakin, "kan danglamlo ka tih kha Thompson, tualthat tu leh ramsa chu a dinna hmun rangkachak ni mahse an danglam ngailo, i thisen ah khan a awm tawh, ran thisen ai pawhin kan thisen hi a bâl zawk tih pawm rawh," Ka nui hak

Ka hnunglam aṭangin vengtu in, "Asule," Rawn ti supin, ASSA min pek ngûn hnam chu a rawn lek chhuak a, "Sabre Phoenix maw..?" Elba'n a rawn ti sup, chu ngûn hnâm ka kut a awm chu mak a tih zia a thup theilo a ni mahna...!


"Engtin nge ineih theih?" Ngûn hnâm rit leh tle zar mai, hlam chen dawnlai mai a sei, khawvel in a a tak a hmuh an chak em em, kum sang tamtak Soulou Lal chhungkua in a an in hlan chhawng tawh Sabre Phoenix chu en in ka zut riak riak a


"He lalram pawh ka kut a a awm chuan engvangin nge a awmloh ang ni Kiernan?" Ka melh zawk


Za lo zet a rawn nui hul hakin, "minthat theilo tih i hriat kha, Ariya leh Assa thu hnuai a awm ve mai chauh ini Thompson, he ram SOULOU neitu emaw i inti ange?" Ka thlebak, "kan hre dâwn alawm. Mahse, ka thuneihna hman dan i hmu ve hmanlo tur erawh pawi ka ti," A in seh ruh nghal ṭawlh ṭawlh a

A âwm a ngûn hnâm a ka tin vah chuan a thaw a hip let kawk ri chu ka hre thei, ka nui hak, "Ariya-in a ngaidam hauhlo angche, ka thih a duhloh zia i hria alawm?"


"Ni love, ka hmeichhia a ni a, ka hre chiang bawk," A nui hak


"Kum 20 chhung hmangaih tu ka ni a, ka hre chiang, nang erawh nimin mai a, a nun a lang ve mai chauh ini," A rawn tih ve rualin, "a ai thui i hre tawh dâwnlo rêng a ni Kiernan, min hmangaih zia leh ka hmangaih zia khawvel in an hmu chhunzawm zel dâwn lai a, i hmu ve thei tawhlo tur erawh pawi ka ti nawn leh khawp mai," Ti hrawk chuan a hrawk ah ât zui zat


Meng kawk kawk a, thawk tum chuan a kâ ang hlawi hlawi in, a ṭhingṭhi thla hnawk, "ka sawi kha, i nunna i kut ah a awmlo tih, ka duh hun a ka laksak theih che ini," Tih kha sup chuan ngûn hnâm chu a lungphu zawnah ka vit lut chawih bawk, a kâ aṭang a thisen phuh chhuak ṭhawt ṭhawt a ṭawng tum ni âwm tak a awm chuan ka ngûn hnâm chu ka la let sawk a, thisen phuh chhuak thawtin a let thla tap bawk

ka ngûn hnâm ken chu chhuat a thlak ri balin, "Jessica natna i pek te rulh letna a nih kha, ka hmeichhe hmangaih emaw ka mite mittui ti tla tu damin an chhuak ngailo," Ti hriam hrakin ka in her zui zat


Jessica-in eng thu nge a sawi ang ka hrelo, a unaupa nunna ka lak avangin a lawm viau ka ring hauhlo, na tak a siamtu mah nise a unaupa a ni miau a; Mahse, ka tan erawh ka hmeichhe hmangaih khawngaihna tel lova sawisa tu a ni a, mipa ka ni a, ka tihtur a ni bawk

.
.
.
.

ARIYA...POV (Jessica)


Ka beng kawm leh ka biang rawn fawp thuak thuak tu chu tunge a nih hrilh ka ngai hauhlo


Inneih zan a a bo daih chu ka lawmlo, ni lo, dawt chiang tak min hrilh avangin ka lawmlo takzet zawk, Palace ka thlen in Assa hmel ka hmu a, Leonel erawh ka hmu tel lo, Assa hmu tur a insawi ani si a



"Jessica," Ka beng a rawn seh zui ner ner, ka bân chu a kut ṭang thap lek lek a rawn zût riak riak chuan ka thaw hak, hreptak ṭhin hian a.....! A lak a ka danglam hma lutuk ṭhin hi ka inhaw lek lek a ni



A nui ri hak, thinrim zet a ṭhu chhuakin, "khawnge i kal Leonel," Ka bulah a rawn ṭhu a


"Ka tihpalh," Chu chu ka hriat duh a ni hauhlo


"Khawnge inkal ka tia lawm?" Ka melh khai khai, whisky rim a nan ham ham bawk, a mit a sen râm bawk nen


Thaw hakin, a ngawi deuh vang vang a, ka kut rawn hum vang vangin, "Elba fapa ka hmu?"


"Maw?" Tunah khan eng nge a sawi? Ka hresual lo tiraw? "Eng maw?"


"Ka sawi chu, i unaupa Kiernan Larissa fapa ka hmu ka ti a ni," Ka thawk kawk


"Fapa a nei amaw?" A nersawk


"Kum 6 mi anei alawm," Ka kut a hum na chu ka en a, "Leonel i kut hi," Thisen a kai tih ka hmu ve chiah bawk


"Engthil nge an chungah itih? Engmah iti lo tiraw?" Za lo tih hriat lutuk a nui hul hakin, "Jessica, pawisawilo chhan awmlo a ka thah i ring em ni? Chutiang mihring ah chuan min ngai em ni?" Ka ringlo a a hriat vang nge a lawm hmel vakloh, ka lu ka thing nawk nawk


"Ni lo, ka sawi tum anilo tih i hriat kha," Ka ṭhut hnai a, "nangmah ka ngaihtuah mai chauh che a ni," Ka kuah a, a âwm ah ka bei nghal hlu hlu bawk

Nghet zetin min rawn kuahlet a, "Jessica," A aw rilruih ah chuan thu pawimawh tak sawi a tum tih ka hria, "ummm."


"Kiernan ka that a ni," Ka inla hrang nghal vat, "Leo...." Ka sawi zo hmanlo ka hmui chu a hmui a rawn chilh zui hmak a min fawp zui tawn tawn bawk, ka hmui zuk dawk dawk a inla hrang hlekin, "ka ngaidam theilo a tin ni, ka hmeichhe hmangaih rawng tak a a tihnat avangin," Harsa tih hmel zet a ti hrawihin min melh rûn bawk a, a thaw ri hraih hraih te chu ring tak a ni

ka kiai suk, alam a âwn hnai a a nghawng a ka kut suih zawmin, "engvangin nge thil kal tawh chu kan theihnghilh loh ang ni Hubby," Min en deuh kawk, ka thinrimlo chu mak a ti a ni mahna, keipawhin ka dam chhung a ka ngaihdam theih ka ringlo, nilo, ja unaupa leh unaupa pianpui ang a ka lo hmangaih tawh ṭhin chu a nia lawm ; Mahse, eng in laichin na pawh, a khik tawh a, a kehdarh tawh ngat phei chuan eng ang a nasa in tum mahila, zawm khawm ve ṭhin mahila ngai a awh tawh ngailo, Elba ka chung a a chetdan ngat ah phei chuan ka ngaidam ngai dawnlo a ni.


A nui ngawr dat a, phur lutuk a khum a min bawh tlu nghal rawk rawk chuan ka kawr hak lai Satin senduk pan zet mai chu a pawt hlip pawk a, a hnuai ah bra emaw kekawrte emaw ka hakloh miau avangin ka taksa ruak kâng mai chu thaw ri hrawih a chil lem khalh a awh hmel lutuk a en in ka hnute a hmuam zui pawk bawk, fawp in a hmur a seh nghal ner ner bawk a


Chutiang bawkin a kut pawh a awm mai mai lo, ka taksa chu a zut kual ruai a, thaw huam huam a inla hrang a a kawr hak phelh nawk nawk chuan, "zanin chu i mu hauhlo ang Jessica," A aw chhuak sexy zet chu a khur lek lek



Ka nui a, ka lungphu in vuak rawn tluk tluk avang a thaw la ve kawk kawk in, "tehreng mai," A nui suk, ka hmui a rawn fawp leh nawk nawk chuan ka nghawng ah a fawp thla a, a mipatna khawng zet mai chu dim leh insum a, nghah rih tumlo zet a nawr lut sawk chuan kan thaw chhuak hawk


"I inring maw?" Ka beng bul ah a rawn phun sar sar, a nghawng a ka kut suih zawmin, "i tan chuan ka inpeih reng tih i hria alawm," A hmuiah ka fawp zui nghal tan tan a, a nui nghawr dat a a che zui nghal mawlh mawlh bawk



An sawi, Angel-te pawhin a an fan ngai reng rengloh vanram chu kan fang dun leh ta riai riai a, tunah erawh nupa diktak ni chungin a ni kan fan dun ni...!


Thaw lawp lawp chunga ka chung aṭang a let thla tapin a lamah min pawt hnai a, a chil a lem khalh ri pawh ka hre thei, keipawh ka ni tho, ka thaw lawp lawp a, thlan avangin kan ban chap bawk


"A ropui takzet," A aw chhuak pawh ala diklo nasa, kan nui nghawr dat, "a vawikhatna ang mai kha a ni Jessica," A aw chhuak a a lawm zia chu ka feel thei


Ka mitthla ah ramhnuaia hmangaihna kan chendun ṭum kha a rawn lang nghal zut zut bawk, ka nui zui hak hak a, Leonel pawh chu a rawn nui ve hak hak tho



"Khatih hunlai khan tu in nge putar pasal ah ka nei ang tih ring ang ni," Ka melh chho ralh a


A hnar tum dat a rawn kun hniam a na zet a min fawpin ka hmui hnuailam a seh zui zauh bawk, ka rak ṭhat, "tu in nge naupang luhlul leh tihmawh si nupui ah ka nei ang tih ring bik ang ni," Meng rum lui ram ram chuan ka hmui hnuailam ka ti pawrh tarh a, a rawn fawp chawk


"Mahse, ka hmangaih em em a ni," A tih chuan Ka nui nghal ver ver, "keipawhin ka hmangaih che Leonel Thompson," Ka ti let sep a, nghet lutuk in ka kuah zui nghal a, min kuahletin ka hnungzang ruak kâng mai chu a chul zui hliau hliau a, hahdam lutuk leh a tukah eng nge thleng dawn tih ngaihtuah na a awm hauh lovin mit ka chhing siai siai bawk....




************BONUS********

After 18yrs

Prince DYLAN....POV


Khiti zawng khi a ni ka nu leh pa chanchin chu a ni, lehkhabu ziaktu tamtak in an chanchin an ziak a, film/movie ah hial pawh an chang bawk

Mi tamtakin ka pa hi hlauin emaw sawisel tu leh Asule atan a tlin lohna la sawi fo mahse kan tan chuan Pa ṭhaber a ni a, a ni reng bawk dawn tih ka hria


"A na lutuk," Ka ngaihtuahna aṭang ka harh zawk, "kawng en ta che," Rawn ding ngil pah a min vin hrawk tu chu mit khap fak fakin ka en kar a, ka Palace chhungah tu teh hrep nge maw min vin ngam hi le..?


"Thil iti sual a nih chuan ngaihdam i dil tur a ni lawm ni?" Min chho en vah, sawi tur pawh ka hrelo, ka nui hul hak a, "keimah hian maw?" Ka in kawk vâ a


"Nangmahlo minsu tu dang an awm em ni? Helai ah hian nang leh kei chauh a ni ding ni," Min melh ram ram a, teteuhte mai, mitmeng dum fiah kilh khelh leh thinchhiat hmel zet a ni, a hmel erawh a ṭha viau thung, Palace a ka vawikhat hmuhna a ni bawk


"I inthuam danah chhiahhlawh inih hmel siloh a, nunchang mawi hrelo hle mai," A phun zui nghal nung nung, pensawn a tum chu, "ding rawh," Tih leh a bân a chelh ka rual a, hriau a vih a ni ta emaw tih mai turin a kâng lawp a, ka kut chu rak ṭhat in a thing thla nawk bawk, ka lam rawn hawi hrawkin, "Palace a nih hi, hmeichhia i duh duh a khawih tum hauhsuh," Ka nui leh ringawt, a â em maw nile...?


"Dylan," Ṭawng tum a ka âng zuai tawh tih ah ka nu leh pa leh ka nau Aranya ka lam rawn pan ka hmuh chuan ka chip zui hmak a


"Keilyn," Ka bul a ding hmeichhia chu a meng kawk


"Joanne."


"Joanne," Aranya chu ka nu leh pa te nen chuan kan en ṭhap


"Engtik laiin nge Aranya aṭangin Joanne ilo nih a, chuan henu hi i hria a maw?" Ka nau chu ka en a, ka bul a ding nula erawhin ka nu leh pa chu mit khap leklo in a en haw thung


"Cassiopea, Asule," Hmuh thianglo hmu ang maiin a ding khawng awt


"Aranya i ṭhiannu em ni?" Ka nu chuan a ti sep a, a bu nghat



"Aranya.... A nih chuan Joanne Lalfanu ini amaw?" Mak a ti lutuk chu ka khawngaih letling zawk ta hialin ka hria


"Ka tihpalh Keith, ka hrilhfiah thei che a nia," A pan hnai nghak rawk rawk a



"Nu, Pa ka ṭhiannu hi ka be lawk ange," Tih leh a pawt sawn nghal dawr dawr, ka nu leh pa chu nui hak hakin, "Dylan kal a hun e," Ka pa chuan a ti sup a, ka bu nghat



Ka pensawn hma chuan ka nau te din na lam chu ka hawi leh a, "ila hmufo dawn alawm, in college kalna ah a lut ve dawn a ni," Ka nu chu ka en vat, ka pa nen a nui hak hak a an pensawn chu, "in ngaih ang kha a nilo, a ni hauhlo a nia," Ka ti ve tak na in, "kan hria alawm ka fapa, kan hrethiam lutuk e," Tiin ka pa lah chuan min chhang duh lek lehnghal....!

Arghhhh.... Engpawh nise a vawiin ka piancham vawi 18-na a ka thusawi tur ka en nawn leh ka ngai a ni......!





***A TAWP TA****

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)