SOULOU : Bloody Romance By Floria laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: SOULOU : Bloody Romance By Floria laldansangi (Completed)

Unread post by Ngaia » October 25th, 2020, 4:23 pm

SOULOU : Bloody Romance
by
Floria laldansangi


Chapter ***13***


Jessica.....POV (Ariya)


"Mak tih hmel tak khan min en suh Lalfanu, Leonel pawh ka fapa a ni tih hre chungin a ni lawm ni i hnaih ni," Ni e, Steve hnaih ka duh vang a hnim hnai ka ni a lawm ; Mahse.......



"Mahse, a thah theih che i ringlo a ni tiraw?" Ka ngaihtuahna hria ni awmtakin a rawn ti sap, a silai chu la let in ka hma a chair pakhat awm chu kuai her a ṭhu thla pahin min rawn melh chho a


"Engthil nge i duh Thompson, ka nu i that a, jasmine i that bawk a, tunah kei maw?" Ka huaisen na zawng zawng sawm khawmin ka ti let ve khar khar


A nui hak hak, "Lalfanu i thluak kha tlêmin han hmang leh deuhla i hria angchu," A thusawi awmzia ka hrelo


"Eng nge i sawi awmzia?" Ka ti deuh hâ


"Peh hêl kual lovin kan sawi a nge, i pa, SOULOU Lal Korsakov Larissa," Ka nui lui ve hak hak, ka duh emaw duhlo emaw Rasamee te rawn thlen hma chuan helai hmun hi penkhat pawhin ka pensawn dawnlo tih ka hriat avangin hun ka lak pen a ngai a ni...!


"Chutiang a awlsam a Assa koh chhuah theih i in ring em ni?" Nui lui hak hakin ka hnung a couch awm chu melh zauhin ka tawlh hnung a ka ṭhu thla dat

"Chuvang a lawm helai hmunah i awm ni?" A thle bak


"Helai hmun ah ka awm tih chu SOULOU ka chhuahsan lai khan a hre tawh alawm, min mamawh nise thah a min vau kher a ngai hleinem min rawn pan tawh angchu, a landan in i upa ta a, i thluak kha a in function ṭha vak tawhlo ni in alang," Ka ṭawngkam ngeiawm zet a attack na chuan a thin a khei zak tih hriat takin a ding zui awt


"Larissa i lei kha veng ṭha rawh," A ti deuh hrawk a, ka nersawk, "ka veng ṭha emaw ṭhalo emaw min that dawn tho a ni lawm ni?" Dak vah chuan ka en chho


"I lei a hriam hle mai, i nu angchiah a ni," Nghet lutuk in ka kut ka hum ruh


"Kha i kâ bawlhhlawh zet khan ka nu lam hauh suh," Kha lutuk in ka ti chhuak hrawih


Min rawm din hnaih a, ka khabe a na lutuk a hmetin min nawr dak sawk, ka kut a vai sawn ka tum chu a kut lehlam in a beng thla sawk, ka kut a sa vawng vawng thei


Ka khabe chu a hit mur mur, "i nu ang chiah a nalh ini bawk a nih hi," A mitmeng tenawm zet mai chu kher chhuahsak hial a nia ka nap ni


ka khabe a dawmna thlah deuh sawk chuan a tawlh hnung hret, "i hria em Larissa i nu Queen Raglan Rimsky Larissa, i hmangaih leh a tan a phuba lak i tum hmeichhia kha, i pa ṭhian ṭhaber lakah ah khan vawi engzah nge a in phelh ruah tih?" Ka nu hming a sawilai a a ten zia tih lan nan a ner sawk sawk bawk, a mitmeng leh a hmel a siam danglam kual vel bawk a

"Jasmine nen khan eng nge an danglam na, nawhchi zuar an ni mai lawm ni?" A ti zui ṭhat


"Steve Thompson," Ti tuarin ka ṭhutna aṭang a tho chhuak chuan ka beng sawk, ka kut hian engtik laiin nge a hmai a thlen ka hrelo hrim hrim ka kut sa zui vawng vawng chu ka melh zawk


Ka hawi chhuah leh rual deuh thawin Steve Thompson chuan ka hrawk ah a rek chat, keiai a palian in tha a ngah zawk daih avangin tal nawk nawk in, ka chum ve tak na, ka hnehlo nasa, hnunglam a min nawr kal dawt dawt a bang a min nawrbet a, min rawn nawr ding hlip ngawr ngawr chuan, "min beng a maw?" A ti hrawih


"Min thlah rawh," Ka thaw theilo, ka kâ ka âng hlawi hlawi, "awlsam tak a ka kal tir che i ring em ni?" Min phih sawkin couch ah chuan min theh thlah nawk a, ka ting awk, ka khuh nghal bawrh bawrh bawk, ka mit a hnâm sawk


Ka chhip sam a ṭham a min phih dak zui awrh chuan ka khabe ah na lutuk a silai dãwt a chuktuah chuan min en a, ṭah chhuak zetin ka nui lui hak, "nawhchi zuar fa a nih vang em ni i fa atan i pawm ve loh?" Harsa ti zetin ka ti chhuak hrawih, a meng deuh kawk bawk


A silai a min nawr na chu a ti thawl hret, Leonel hi a fa lak tiin khawvel a bum thei a ni mahna ; Mahse, kei chu ni lo e, a duhai tam hi ka hre chhuak tawh a ni tih a hre ngei angchu

ka thusawi chuan a ṭhawng hle a ni mahna, a mitmu a tal zui rawk rawk, rum lutuk in la dak awrh chung chuan ka melh ngar ngar, "Leonel emaw khawvel emaw i bum thei a ni mahna, keichu chu min bum tum suh Steve Thompson, min thatlo a nih chuan i fapa ngei hi ka la thah tir angche," Kha lutuk chuan ka ti chhuak hrawih

Ka sawi zawh rual deuh thaw in kawngkhar a rawn in pawt hawng rawk, na zet a Thompson-a kut rawn phih sawkin ka sam a ṭil tuar, a thîp sa nghal vung vung bawk


"Leonel Thompson," Steve Thompson chuan a ti ṭhawt, Leonel chuan silai a pa tin vahin, "ka thu lovin a sam hmawr pawh tawk suh ka tih kha," Ti rum rawihin, a melh run bawk, min rawn melh zawk, ka sam a ṭhamna avanga lu vun thip sa vung vung leh ka sam hnawk zet chu chul mam thuak thuakin, "Mr. Thompson helai hmun a mahni a rawn penlut tur khawp a mawlah min ngailo angchu tiraw?" Muangchangin la ding chhuak, Leonel chuan ka bânbul a vuanin minlo pui vat


A kut tha chak zetin min khawih rual a ka taksa inthlah dul nghal sawng sawng chu a awi awmloh hial zawk, "ka him ta," Amti emaw tih mai tur a ni


Rasamee te unau leh Linda-i leh Zon an rawn lawr zui zat bawk


"I car a ka ke ka pen luh rualin keima thu ngawt chuan ka pen chhuak tawh dawnlo tih ka hria alawm," Rasamee-in ka sana min rawn pek chu banin ka bun zui nghal a


Steve Thompson chu a nui hul hak hak, hahdam zet a chair a ṭhu thla in, "Soulou Lalfanu ni âwmreng ini, i fing mah mah Larissa," Chang rat a seh chilh deuh nawk nawk a tih leh Leonel-an silai a tin na chu cho zet a en in, "kei emaw Larissa emaw kan thi lo a nih chuan i thih a ngai dawn tih i hriat kha," A fapa chu duh thlan tur awmlo in a siam in, "i silai i hmet per lo a nih chuan Larissa kha that rawh, thupek a nih chu," Hriam hrak in a tih zawm zat


Leonel bân a thisen zâm chu a pawng ṭawlh ṭawlh, "ka hmeichhia a ni a, a thih leh a dam chu ka thu a ni," Ti kha hrawihin a pa lam a pen hnaih hretin, "nawrluih ka duhloh zia i hriat kha," Chiang fek fawk a ring silo fiah lutuk leh mar zet a tiin a rawn in her a, ka bân ah nghet zet a vuanin min pawt chhuak nghal dawr dawr



A hmai phel chu tlan ti tih a pen dawt dawt chuan ka en a, khami zan a a mize mak tak kha a chhan ka hre ta, min that tur a ni; Mahse, a ti lo, tunge ka nih a hria a, Steve a lakah min venghim bawk a, eng rilru nge ka lak ah a put ka hrelo? Ka thinlung erawh he mihring lak ah hian a inhawng viau thung


Car ah min hnawhlut in a rawn ṭhu lut zat, ngawi rengin hmalam a en ngur bawk, engmah ka sawi bik hauhlo, tun a kan boruak tawt zet hi tih reh mai dan ka hrelo miau a, a taksa ṭang ṭung leh mitmeng alh phût mai chu mit khap fak fak in ka en kar ringawt


"I ṭha em Lalfanu?" Rasamee-in rawn ṭhut luh rual a a tih chuan ka bu nghat, "Leonel ka lawm e, minpui a," Rasamee bawk chuan a ti sep, a chhanglo ala ngawi ngul a, hmalam ala en ngar ngar, a rum nghut ringawt

"Ramos mansion lam pan rawh," Ka phunsep, Thompson-a khan kha ti maiin min kal tir dawnlo tih ka hria


Mansion lam kan pan chhung zawng chuan kan inbe lo, a tu a mah 'dik dak' ti kan awmlo hrim hrim, boruak chu a tawt in a tawt up up, he car hi a lian ve viau emaw ka ti ṭhin a, ka bul a ṭhu ngawi ngul mai leh mitmeng alh phut a min en leh hrawk ṭhin tu vang hi nge ka leng ta mang a ka hriatloh ni


Mansion kan thlen chuan car a ṭangin ka chhuak a, Leonel rawn chhuak chu en zawkin, "Rasamee lut hmasa rawh u, Leonel hi biak ka ngai," Ka ti sep

"I inbualna tur ka lo han buatsaih a nge," Tih leh Ramos-a bân a vuanin inchhunglam ah a pawt zui dat dat a


"Leonel," Ka phunsep, min chhanglo, min en ngur thung, hetiang a min en reng chuan ka duh ka sawi thei dawnlo tih ka hria, pools awmna lam chu panin ṭhutna ah ka ṭhu thla hnak


Ka hma zawn a pools eng pawl phût mai chu ka en a, "fairy tales hi ka ngaina ngailo; Mahse, thawnthu pakhat ka hrilh angche, i ngaithla duh angem?" Ka hnung a ding Leonel lam chu ka hawi a, mit khap leklo in minla en, ka lam a rawn oan hnai hret hret, engchiah nge a rilru ah awm ka hrelo, a mitmeng uk fiah zet mai leh alh phut ah chuan a ngaihtuahna a chhiar theih hauhlo


Pools lam chu hawiin, "kum 14 liam ta khan Lalfanu a nu hmangaih em em tu leh naupang thuawi tak a awm ṭhin," Ka nui hul hak, ka ṭah nuih a ni mah zawk, ka mitthla ah ka nu hmel chiang lutuk in a rawn lang a, Steve Thompson thusawi ka beng chhung ah hian a khawk zui rum rum bawk

"Mahse Palace kha a tan chuan hremhmun nen a danglam lo, a pian tirh aṭangin veil hmangin a hmai khuhbo ṭhin a ni a, a hriat thiam ngai miahloh chu engvang a veil hmang reng nge a nih tih kha a ni, chutiang zawhna a siam a piang a Lalnu in a chhan na erawh, 'he ram rorel tu leh thuneihna kawltu ini tih lantirna a ni a, i zahawmna khuh tu a ni' tiin a chhanna a pe ṭhin," Ka ṭah nuih hak, engtiklai mai pawh a thuhruk leh biru ang mai a ka in ngaihna kha kha veil vang kha a ni, tumah in an hrethiam ngailo ang


Ka mittui khap let sak sakin, "nikhat chu tihpalh thilthu in a nu leh Lalfanu awmtu ṭawng chu a hre hlauh mai a, Lalnu chuan nau thla 3 mi a pai tih, Lalfanu hlim zia chu i hriat thiam pui ka ringlo" Ka hnung a ngawi ngul a chik zet a min en tu chu inherin ka en zawk, ka ṭhutna a ṭang a hlam khat vel ah a ding a, a dinna aṭangin 1inch pawhin ala che sawnlo


"A chhan chu Lalnu in mipa a nei anih chuan Lalfanu chu a phur rit tak mai aṭang chuan a chhuah zalen dawn vang a ni...... Mahse, tu in nge a nu leh a pum chhung a, nau thla 3 lek mi chu a pian na pa ngeiin thah tir ring ang ni," Ka thusawi tawplam chu a sak mah mah, ka hrawk ana ut ut bawk, "Lalfanu chu a ṭhang lian a, kum 14 liam ta a thil thleng te hre chuak turin a theih tawp a chhuah a, a zankhat lek pawh damdawi tel lovin a muhil ngailo; Mahse, engkim a hre chhuak tih a hriat meuh chuan a duhai tam mah a hre tawh zawk a ni tih leh duhthlan na khirh tak, ala tawn ngai reng renglo tual zawlah a ding tih a hre chhuak bawk," Ka tawp dat

"Chung zawng zawng mit a hmu tu Lalfanu chu engtin nge a awm i rin? Phuba nge ni a a nihna theihnghilh a a a a mipa chu a vuam zawk dawn?" Ka thusawi tawplam chu a ri chang chang


Mahse, kha mipa a duhthlan na ko tlâng a min dah tu khan tunah hian silai in min tin mek a ni tih ka taksa mur er er ah chuan ka hre thei


"I silai kha hmet per rawh Leonel," Silai a ka hnunglam aṭang a min tin tu chu en lo mahila ka taksa hian a feel a, he mihring che vel hi, ka taksa hian a hre chiang mah mah


"Zanin pawh i hlawh chham leh a nih chuan i pa in a that ngei tawh angche," Ka ṭah nuih hak, muangchangin a lam hawiin ka inher a, mit sen râm a min en in silai chuan min tin vah, a mit ah tak ka en let kalh a, ka mittui tling pam vang nge a kut chu a khur dar dar a ka hriat ni


A chil a lem khalh, a hrawk bawk nalh zet mai che ralh chu ka hmu thei

Vân lam hawi a silai lek chho in a kap ri phung, "engthil nge i tawn a, i hma chhawn tih leh i tum ah ka buailo Princess Larissa, ka hma ah i inlan leh a nih ngai chuan nung damin i chhuak tawh hauhlo ang tih erawh ka hria, theihnghilh suh," Harsa tih hmelzet a ti chang rat in inher in gate lam a pan zui pawk pawk


Thawk lak harsa ti zet leh hrawk na ut ut chuan ka en ngawih ngawih a, ka awm leh hnungzang tawt lutuk chu ka thaw a chham mai dawnin ka hria


"Lalfanu," Rasamee aw ka hriat rualin ka mit ka chhing sawk, ka biang a lum thla pup bawk, ka taksa a khur dar dar, ka inhnit zui hlawp hlawp


"Lalfanu," Rasamee-in mangang zet a tih leh ka ṭhutna lam a rawn pan a, ka bulah chuan a ding rân


Kei erawh chhuak lutuk in ka ṭap chhuak zui hawm hawm, Leonel mitmeng ka mitthla ah a lang zut zut bawk, ka awm ka chum dawt dawt


Kum 2 liamta a Gibson-a, ka unaupa nupui nen a an uire a ni tih ka hriat ai khan ka na in, ka keh chhe daih zawk, thla reilo te liamta a ka hriat kha mihring kha kei hian zep rual lohin ka hmangaih a ni, ka duh satliah lova, ka hmangaih a ni


"Ka hmangaih a ni, Rasamee kei hian ka hmangaih a ni," Ka in hnit hlawp hlawp


Ka bulah tu emaw a rawn ṭhu thla a, mittui nen a en in, "Elba," Ka phunsap

Ka ṭah a chhuak zual sauh, ka in hnit hlawp hlawp, engchen nge helai hmunah hian alo din tawh tih ka hrelo; Mahse, Leonel nen a kan inbiak dan erawh a hre vek tih a mitmeng min khawngaihna a khat ah chuan ka hmu thei

"Elba," Ka ṭap zawih zawih a, "ka hmangaih si a, engtin nge ka tih tak ang?" Ka na lutuk chu ka puak keh mai dawn in ka hria

"Ariya, ani leh nang chu khawvel hran daih a awm in ni, lei leh van ang in ni a, thil theihloh hulhual a ni tih hriala ka duh a ni," Elba chuan a thusawi chu hrethiamse minti tih hriat takin uluk lutuk in a sawi a


Ka lu ka thing mat mat, ka hrethiamlo a nilo, ka pawm theilo mai zawk a ni


"Thuthlukna engpawh siamla, engtiklai pawhin ilam ka ṭang tih hriala ka duh Ari; mahse, i thil tih kha a dik tih hre bawkla," Ka hria alawm, ka tan leh Leonel tan ngei pawh, hnamdang mipa hmangaih hi ngaihdam theiloh sual a ni si a


A mitmeng a hahdam tur a min ti pahin, ka lu a dar a min nghah tirin, ka sam dim te in a chul zui diam diam a, "an khawvelah ilenglo ang bawkin, i khawvel hi an hrethiam ngai dawnlo, eng ang a nasa a beiin, hrilhfiah in, hmuh tir mahla, i chhungril a i natna leh i inhuamna, i thil paltlang chu eng nge a nih a hretiam ngailo ang, a khawvelah chuan Jessica Spencer, hmeichhe pangai kha aleng a, Soulou Lalfanu Ariya Azhilea Larissa erawh mihran daih a ni a, an khawvelah aleng velo a ni," A aw nel zet mai chuan ka hnuk a ti ulh zual, ka in hnit hlawp hlawp, hetiang tak a chhuak hian ka la ṭap ngailo hrim hrim, Elba pawh chu a ngawi vung vung


Ka darah nghet takin min kuah a, min hnem tum takin ka chhip a fawp vang vang bawk, nidang chu nise ka thlamuanpui ngei ang; Mahse, Leo bân thachak takah ka lo tlukluh fo tawh vang a ni mahna ka unaupa minkuahna chuan minti danglam pha tawh derlo



<>~£~><£<£<£~>~>



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:23 pm

SOULOU : Bloody Romance
by
Floria laldansangi


Chapter ***14***

XXXXXXXX


"Lalfapa engtikin nge Texas i rawn thlen? Engmah i sawi silo a," Elba chu ngawi ngul, Ariya ṭap muhil ṭhak chu inseh ruh zet in a thlir ngut ngut


"Lalfapa," Nira chu Ariya room ah a lut hlawl, Elba chuan rum lutuk a en in, Nira chu ṭhingṭhi vat chuan, "min ngaidam rawh Lalfapa," Elba chu ala ngawi ngur


A ṭhutna aṭanga a tho in, "Rasamee Lalfanu hi awmpui angche," Tih leh Nira chu melh hrawkin a pen chhuak a

room an luh rualin inher in Nira hmaiah chuan a hnek ṭhuai, a vial thla tawp, a dul a chhuih zui pawp chuan, "kângmei lak a a him kha lawm hle tawh tur ini a sin Nira," A ṭhu hniam a, a kawrawm a phih ṭhu sawkin, a kamsir thi ser ser chu a kutzungpui a tuai sak chuan, "zanin hian Ariya nungdam a a rawn letloh chuan i chan tur i hria em?" Nira chu a dul dawm chung chuan a lu a ti che zauh

Harsa tih hmel zet a in bengkang in a ding a, couch lam panin Elba chu a ṭhu thla hnak, "engvang a Nova Urie hmu nge inih Nira?" A kut wet tissue a hrufai pah a Nira melh zauh a a tih chuan Nira chuan a chil a lem khalh

"Nira, min phatsan a nih chuan i chan tur leh i unaupa chan tur i hria ang tiraw?" Rapawm zetin a kiai zui suj

"Ka hria Lalfapa, laboratory puak kha Nova Urie thiltih a ni tih ka hria a, chingfel turin ka hmu a ni," Nira chuan rang zet in Elba chu a chhang a

Elba chu a nui suk, "i chiang amaw?" Nira chu a bu nghauh nghauh


"Ka hria e," Tih leh Ramos-a chu a ko zui zat


Ramos-a room ah lutin, "engthil nge thleng?" Ramos chu en in a zawt a

"A landan in Steve Thompson hian Lalfanu thah ngei a tum ni in ka hria, a chhan erawh ka hrelo," Ramos chuan Elba chu a chu chhang a, "Nira i hria em chu chu?" Nira chuan a lu a thing mat mat, Elba chu a bu nghat


"Layla Baldwin nen kan inhmuh theihnan ruahman na siam angche," A ha pui a seh chilh nawk nawk, a khabe ruh a ti ri bap bap bawk

"Lalfapa engthil nge tih i tum? Layla Baldwin hian Thompson corporation lakah a mit a fu in a enthla reng tih i hre si a," Nira chuan a ti vat

"Nira ka sawi angchuan timai rawh, zawhna zawt duah lovin," Ti hriam hrak chuan a melh hrawk, Nira chu a bu nghat, "Mahse Lalfapa engtin nge Assa ni ang, a lak aṭang a i inven na awm chhun chu Thompson a ni si a?" Elba chu a ṭhutna aṭang a tho in Nira hma ah chuan a ding a, "Nira engtik lai aṭang khan nge zawhna min zawtlet tur a huaisen na i neih ni?" Nira chuan a lu thing in, "ka tihpalh," A phunsep

"Ramos, Leonel Thompson kha a nungdamin emaw a thi emaw ka hma ah rawn hnuk thleng angche," Chiang fek fawk a Ramos-a en chung a a tih chuan Ramos chuan Lalfapa en in, "Mahse Lalfanu....."


"Mahse a awmlo," A ti thla hrawih, Ramos pawh chu thuawi takin a bu zui nghauh nghauh


Thompson corporation chu Assa lak a inven theihna hmanraw ṭhaber a ni tih Elba chuan hre mahse, a hmeichhe hmangaih chunga kut lek tu chu chhuah a tum aw zawnglo
.
.
.
.

JESSICA....POV (ARIYA)


"Nira," ka ṭahna avang a mit bui luk leh phakzet chuan ka meng chhuak diar diar a


Elba hmel ni zungin a chhun vang a tle sar sar leh nuisang ka hmuh rualin ka meng kawk a, mit chhing lehin ka nui sun sun, "eng nge i an?" Khumah a rawn ṭhu kai, ka mit hupin, "ka ṭha, Elba engti turin nge Texas i rawn kal, SOULOU ah i buai hle awm si a?" Keimah vangin a buai hle in ka ring

Nui ri deuh hak hak a ka hmai ka hupna kut min dahthlak sak chung a ka mu lai min tung tho nawlhin, ka sam thur zet mai chu kan naupanlai a a tih ṭhin fo ang chuan chul mam in, "Luzman-an a nau te Texas-ah a rawn tir tih ka hriat rualin ka rawn pan nghal; Mahse......" A tawp dat


En deuh ha in, "diklo a awm em ni?" A lu thing mat mat in, "Ari, Luzman-a leh Gibson-a hi ka dahṭhat an ngai a ni?" A thusawi awmzia ka man chiahlo


"Eng nge i sawi awmzia?" Ka kut chu la kang a hum deuh vang vangin, "Elizabeth-i nen an inkar khawvel in an hriat a hun tawh a ni?" Ka meng kawk

"Mahse, Elba i hming a lang tel dawn tih i hria em? " Gibson-a vang a nat ka duh tawh hauhlo


A nui tawi tak, "ka hria alawn, tun a Luzman-a kawng kan dan theih dan awmchhun a ni si a," Elba chu khawngaih lutuk in ka en, a nupui in a uire san a ni tih khawvel hma a amah ngeiin a puang tur chu eng ang tak a na nge a nih ang tih ka ngaihtuah thiamlo zawk

"Aw le, inti fai la, breakfast i ei dawn nia, tunkar chhung erawh mansion hi chhuahsan lo tur che in ka duh a ni," Tih leh tho thurh in, "zanin ah Soulou ka pan lehnghal ang," Tih zawm zat chuan ka chal ah fawp zauhin ka chhan na pawh nghak lemlo chuan a pen chhuak nghal, mit khap fak fakin ka en ringawt


Nizan lam a thil thleng ka mitthla ah a rawn lang, ka lungphuzawn na leh sa veng veng chu ka dawm vang vang, ka thawk sak ṭalh mai chu mit chhingin theihtawp a boruak hip vang vang chuan ka thaw chhuak leh a


"Lalfanu," Nira chu muangchangin ka en, "damdawi," Tih leh ka damdawi ei tur ka kut a rawn dahin, tui minpe nghal


"Nira, Leonel....."

"Tihpalh Lalfanu, Leonel hming lam rik phal kan nilo, khawngaihin engmah min zawt suh," Ka meng kawk


"Eng nge i sawi awmzia?" Nira chu ka en, ka mit ah min en duh dêrlo


"Nira.... Nira," Ka vin ṭhat, Rasamee a rawn tlan lut, "eng nge thil awmzia?" Nira chu ka en ngar ngar
Mit khap fak fak a min en in, "Lalfapa in, Leonel that turin Ramos-a a tir a ni."


"Maw..?" Ka lu ka thing mat mat


"Nira," Rasamee chu a au ṭhawt


"Rasamee, thudik a ni em?" Mangang lutuk in ka en chho, "ka hrelo," A bak engmah a sawilo


Nira bân a phihsawkin a pawt chhuak nawk nawk


Ka lu thing mat mat in ka phone ka dap nghal rawk rawk, Elba ka phone a, a pickup theilo, Leonel ka phone leh chutiang bawkin tumahin an pickup lo, Ramos-a thlengin


Khum aṭang a zuang tho chuan ka thawmhnaw ka phelh sawk sawk, "Lalfanu i chhuak theilo," Rasamee rawn lut chuan a ti nghal



Ka t-shirt var hak hmalam chu ka kekawr ah ka bilh lut nawk nawk in, "Ramos-a awmna chhui rawh," Ka aw te chu a khurlo chauh


"Soulou ah a let alawm."


"Rasamee," Ka vin tuar, dawt min hrilhlo turin ka duh, ka mittui ka khap per sak sak, Leonel a thi theilo, a thi tur a nilo tawp


"Ka hria e," tih leh a phone a phawrh zui nghal, a phone tlang theilo tih hriat zetin a phun hluk, a sana chu a hmet nawk nawk a, chhan na a awm chuanhlo tih hriat zetin a bân a vai fua


Jacket la in room aṭangin ka tlanchhuak, kailawn a ka tlan thla dawt dawt chu kawngkhar a rawn in phih hawng rawk, "Nova," Ka ding dawt

Leather kekawr tight ṭha zet mai, a chhu hniak langlo chauh a tight leh pheikhawk sang 10cm dawnlai a sang bun a, cropTee var ha a, a sam sang zet a ṭawn vah chung a silai kengin a rawn pen lut kharh kharh


"Nova," Ka phun nawn leh sap, a nau te ho in an rawn zui lut ṭham ṭham bawk a

"Nova Urie," Rasamee chuan chang zet in a ti chhuak hrawih


Nui uar uar in, "Jessica...ohhhh Lalfanu Ariya, i dam ṭha maw?" A thle bak, kailawn chanve ah ka ding a, min rawn en chho vah


"Nova, engthil nge i duh?" Muangchangin ka pen thla


"Eng nge ni a i rin Lalfanu? Lungngai suh i nunna erawh ka la mai dawnlo," A hma ah ka ding dat


"Phuarbet rawh u," Tih leh a nau ten a min rawn khawih an tum chu Rasamee-in rang lutuk in a lo sual let


Mi 5 in Rasamee-i an bei lai chu ka en a, an hneh dawontih ka hria, Rasamee hneh tur cbuan tharum satliah mai mai in a dahṭhat theiloh tih ka hre chiang mah mah a ni, "hmeichhe pakhat pawh in hnehlo a maw?" Ti hrawk a, silai a kah a tum chu rang lutuk in Nova kut chu ka elh sak a, a silai ken lai chu ka phih zui sawk

Mahse, silai ri ka hriat rualin Rasamee chu chhuat ah a ṭhingṭhi thla hnawk, rang lutuk in ka inher a, "Nira," Nira-in silai keng a Rasamee-i chhuat a ṭhingṭhi chu tin vah chungin kailawn aṭangin a rawn pen thla thlarh thlarh


Ka thil hmuh chu ka hmu sual emaw ka ti dawn hial, Nira hian silai a hmang thiam amaw?


Rasamee chuan a dar a thisen chhuak hmet pahin muangchangin a rawn ding chhuak


"Ka tihpalh Lalfanu," Nira aw chhuak leh hmel landan chu vawikhat mah kala hmu ngailo, Nira a nilo emaw tih tur hial khawpin a danglam


"Mimawl Ariya," Nova chuan ti kha hrawih in ka silai kenlai chu a phih let sawk, chet pawh ka che lo, Nira mitmeng a min huatna chuan min charbet


Ka kut hnunglam ah an rawn kherh a, min nem ṭhingṭhi zui zat, "Nira engthil nge itih hi?" ka aw chu a damdap, mak ka ti lutuk chuan aw ring tak pawhin ka ṭawng theilo


"Ila hre dawn alawm, hmanhmawh viau a ngai em ni?" Tih leh a mitmei a thu pe in min pawt tho nawk


"Nira i kut hmawr pawh a Lalfanu i tawk a nih chuan ka thah ngei tur thu che ka hrilh che kha," Rasamee mitmu chu a sen vek, thisen a chhuak ta emaw tih mai tur a ni


Nira hmel chu rapawm tak a ni bawk, a ner sawk sawk, Rasamee lam panin, a ṭah nuih emaw tih hial turin, za lo zetin ring lutuk in a nui a, a rak zui tuar, "Rasamee a fawng lam vuan tu ka nih hi," Kha zet a tih leh a kahna hliam lai chu a silai kenlai fawng chuan Rasamee kut chhanah chuan a chhu zui awk, Rasamee chu a ner sawk, ri erawh a chhuahlo hrim hrim, a hmui a pet fan fan


Chair a min ṭhut tirin ka ke leh kut an phuarbet, Rasamee pawh chu ka hma zawnah ṭhut tirin an phuarbeh a, "Nira that rawh tunah," Nova chuan min en in thu pe zet chuan Nira chu min that turin a hrilh a


"Ka thah leh thahloh chu ka thu a ni Urie," Nira chuan silai in Nova chu a tin zui zat, "engthil phiangsen nge i tih Nira?" Nova chuan a vin ṭhat


"Ka tihpalh ; Mahse, i unaunu that tu kha Lalfanu lovin keimah ka ni Urie," Tih leh a kap zui zat, phawk lutuk in ka âng hau chuan ka en


Chhuat a Nova let thla tawp chu a ke a tlawhin, "i unaunu ang mai a mawl ini," Ti sup chuan, "tuipui ah sangha chaw ah paih angche u," Thu a pe zui zat


Ka lam a rawn hawi a, "Lalfanu," A mitmeng chu rapawm tak a ni, Nira ka hriat ṭhin kha chuan chukchu tak ngial pawh a that ngamlo kha a nia, engtin nge a nih theih


"Engtin.....?" Ka phun sep


A nui hak, "mak ti suh, i unaupa i hmangaih em em Elba nen danglamna kan neilo a nia, a hnen aṭang a ka zir chhuah a nih hi," A thle bak a, ka hma ah chair hungin a rawn ṭhu a, "engtil nge i duh Nira? Engvang a hetiang a ti hi nge inih?" Zawhna ka ngah lutuk chu zawh hmasakber tur pawh ka hrelo


"Sihhhh, hmanhmawh suh ka tih kha, i unaupa thluak thawl zet chet hunah engthil nge ka duh i hre dawn chauh alawm," A nui var var, a nui hmel chuan ka hmul thi a ti ding sur sur thei



"Nira, Lalfanu kha chhuah rawh, i duh nei turin ka pui angche, i unaupa a ni lawm ni? Ka hruai angche," Rasamee ṭawng chu a seh chilh deuh rap tap

Nui uar uar in, "kum 3 milek ah min ngai em ni Rasamee, ka tan ṭangkai na ineilo, chuvangin ṭawng tamlo la hremhmun i hmu har tihna a ni mai," Ti kha hrawihin, Rasamee kâ chu black-tape in a char zui hmak


Ka thaw kawk kawk, "Nira eng buaina nge i neih? Ka pui angche, hetiang mi hi inilo tih ka hria," Nira hmeichhe simple leh rilru thianghlim zet kha chhete mah hmuh tur a awmlo chuan minti mangang, engthil nge tihber tur leh sawi a, zawh mai tur pawh ka hrelo, harsatna lian tak a nei a nih ngei ka ring nghet tlat bawk


Nira hetiang mi hi a nilo, a ni ngai heklo ang, "Nira..."

"Ngawi chip cham rawh Ariya, i unaupa Elba vang hian eng nge ka chân i hria em?" A rawn ti hrawk, ka thaw ka hip let kawk, chu ti tak a Nira thinrim chu ka la hmu ngailo, min thah ve mai a hman tih lah a kut khur dar dar ah chuan ka hmu thei


"Ka chhungkua, ka nu, ka pa, ka pi thleng a thatfai vek tu a nih saw," Mit sen râm a, mittui vang a tle ral in min en, a bek a pawng ṭul bawk


Ka lu ka thing, "Chutiang mi a nilo, Elba chutiang mi a nilo," Ka lu ka thing mat mat, Nira hian thil hriatsual lian tak a nei a ni


"Thil i hresual a ni ngei ang, i hria alawm Elba thinlung ṭhat zia chu, a ni lawm ni?" Ka ṭah nuih


A nui hak hak, "thinglung ṭha," Kha zet a ti chhuakin, "ka unaupa dam a ka hmulo a nih chuan Ariya ka thah hreh che ring suh angche," Ti hriam hrakin a tho nulh, ka biang a lum thla pup, Nira thusawi chu eng nge awmzia, unaupa a nei amaw?


"Unaupa," Ka phunsep

"Ni e, ka unaupa kum 6 liamta a i unaupa chhuan em em in a minlak sak tak kha, ka unaupa kawl lo se; nang, Lalfanu mawl zet leh engtik lai mai pawh a buaina a min hnuklut reng a, Assa ahhhh Assa tih pawh a phu nek love, Larissa thisen hi e bawlhhlawh, sakawlh thisen ai pawhin a tenawm zawk, mahni hmasial, midang ngaihtuahna neilo, nunrawng si in ni tih i inhria angchu tiraw..." A tawp dat


"Lalfanu ngei pawhin a ram leh mipui aiin i hlimna i ngai pawimawh zawk a nia, Souluo mipui leh ram hi in phulo, dawt a nung, dawt hmang a mipui ei ral tu leh dawt hmang a siam in nih hi," A ṭawngkam chhuak tin mai chu a kha in fiah tak a ni, Larissa thisen kai a huat zia chu a hmel thip zet ah chuan a lang chiang mah mah


Sawi tur pawh ka hrelo, Nira thinrim hmaisen ṭawn mai chu ka en ngawt ngawt a, engthil chiah nge Elba hian a tih ka hrelo; Mahse, Nire erawh hi chuan thah hial minduh tih erawh ka chiang, thah minduhna a rei tawh viau ta ve ang


"Min that rawh Nira," Min en haw, Rasamee chu a tal nawk nawk, a kâ an charbet chung chuan ṭawng a tum a, a ke a ti che rawk rawk bawk


"Min thatlo anih chuan i sawi ang khan Elba hian a that ngei angche," A mit ah tak ka en kalh, ka mittui ka khap let fak fak bawk


"Ka hria, ka that che emaw thatlo che emaw Elba hma chhawn turin ka inpeih tawh Ariya, i nunna ah khan buai rawh, naktuk zing ni chhuak i hmuh leh hmuhloh tur ka tiam thei silo che a," Nira ka hriat ṭhin kha chu mi hran daih a ni, ka hma a ding Nira erawh tunge a nih ka hrelo, nunrawng, pawisak neilohna leh mihring thisen a tui hal hmel a pu he Nira hi chuan



XXXXX


"Tunge inih?" Layla Baldwin chuan paper-wall phen a ṭhu mipa ruang âm en chuan a ti a


"Tunge ka nih a pawimawh lo, Thompson corporation tih chhiat i duh a, i case chhui lai hlawhtlin i duh chuan ka puih na i mamawh tih erawh hre rawh," Layla chu a nui hak


"Tu puihna mah ka mamawh hauhlo," A ti thla nghat

"I chiang amaw?" Tih leh a ṭhutna hnuai aṭang a thlalak chi hrang hrang mai bang lehlam aṭang a alam rawlh luh a hmuh chuan a la kâng vat, "heihi," a phunsap


"Ti khan min mamawh tih i hria em?"

"Tunge inih?" Layla chuan a ti leh ngat, a aw chhuak ah chuan tumah a ringlo tih Elba chhuan hria in nui sukin, "Thompson corporation ti chhe duh tu, dân(law) hmangin hremna na thei angber i pe thei ang tih i chiang em?" Elba chuan a ti leh a

Layla chu ngawi deuh vang vangin, "tehreng, engthil nge hriat ineih?" A ti ta sap a


Elba chu kiai suk in, "a ṭha, ka ring angche Layla Baldwin," Nghet charh a tih leh, "zanin dar 10 ah St.Mary church ah kal angche, chutah chuan Steve Thompson leh a ho ten damdawi mai bakah weapons chi hrang hrang an in hlan chhawng ang," Tih leh thlalak dang leh documents chi hrang hrang mai paper-wall hnuai aṭang a rawlh lut chuan, "i dahṭhat ngei ka beisei," A ti zui sap


Layla chuan documents chu en in, "Steve Keller," A phunsep


"Steve Surah Thompson, mi in ang an ni, kum 14 liam ta khan Steve Keller hmingpu in a thi a, tun a Steve erawh Thompson corporation neitu ka ti dawn nge Steve Thompson diktak that a, a ro neihsak tu ka ti zawk dawn," Nui suk a tih leh a ṭhutna aṭang a tho in, "a bak chu i kut ah a awm e, Baldwin," Tih leh a pensawn a


"Mahse, engtin nge hengte hi...." A ti chuai raih, Elba chuan room a chhuah fel daih tawh tih a hriat in, "tunge maw inih le?" Ti sap in William a call nghal zat



XXXXXX


JESSICA....POV (ARIYA)



Sana bân vai ri tlak tlak bak ri dang hriat tur a awmlo, a reh ruap a, ka chil lem ri te chuba ring ta viau in ka hriat ni

Rasamee nen chuan kan in en leh ṭhin


Darkar 8 dawnlai min phuarbet tawh, Nira chuan engmah a sawi zui tawhlo, zawhna ka ngah viauna in, zawhna ka zawh tam pauh leh Rasamee nen kan thlankhur kan hnaih tih hriat avangin ka ngawi kar

kan sir sofa ah ngawi rengin a ṭhu a, mi nghah a nei emaw ni tih mai turin a phone chu a bih leh zauh ṭhin


A phone rawn ri ral ral chu rang lutuk a la kâng in, "Author."


"Author, Elba bodyguard kha a ni lawm ni?" Ka phun sep, Rasamee ka en a, a lo bu nghat nghat


"Ka hria e, ka lawm e," Tih leh phone dahin kan lam a rawn pan a, "pawi ka ti hle mai, thah che hi ka duh bik hauhlo a nia Lalfanu," Tih leh silai load in min tin a rual


Kawngkhar a rawn in hawng zui rawk, silai a puak ri nghal, mit ka chhing sawk, ka ke bul a Nira rawn let thla tawp chu phawk lutuk in ka en


Kawngkhar lam ka hawi, "Leonel," Leonel hmel phak zet mai, zu inhrep leh mut khaplo hmel leh chang zet a ka lam rawn pan chu ka en haw


Linda-in, Rasamee an phuarna phelh pahin, "helai hmun hi inchhuahsan a ngai," A ti nghal zung zung

Leonel-an min phuarna rawn phelh in ka dar tawn tawn a vuan in min tung tho a

"I ṭha em? Na i nei em?" Leonel anglo takin a aw ah chuan hlauhthawn na a ri tel, mittui tling pam chuan ka lu ka thing mat mat


A thaw hak, Leonel chu ka kuah thlawp, nghet lutuk in ka kuah a, ka ka ṭap khur dar dar, nghet zet a min kuah letin ka hnungzang a chul a, "helai hmun hi kan chhuahsan a ngai tunah," Ti supin min namsawn in, "Linda-in a hruai angche u," Ka mit ah tak min en, um zui tu an nei tih a mitmeng hlauhthawn na a khat ah chuan ka hre thei, Leonel, mihring chiai ngailo leh hlauthawng ngailo kha a mitmeng a buai nak


"Nang engtin nge?"


"Helai hmun aṭang hian chhuak ula, darkar chanve hnu a ka hmel in hmulo a nih chhuan ka tel lovin Turkey pan angche u, i hrethiam em?" Teuhlo lutuk, a tel lovin khawimah kal ka tumlo

"Maw? Leonel kan tlanbo dawn amaw? Kan pahnih maw? Mahse engtin?"

Thompson kalsan in maw...?

"Mawli, a pa leh a nunna aiin a thlang che a, chuvangin zawhna zawt duahlo in a sawi ang chuan awm rawh," Linda-in mawl mintih hmel zet a ti hrawkin min melh vak

Ka mittui a hnâm nghal ṭiam ṭiam, ka ṭah nuih hak

"Leonel," Ka ṭah chhuak tlat chu, hlim tur ka nih laiin


Ka hmui ah duh thawh lutuk a fawp nawk nawk in a inla hrang a, "Ramos-a leh Victor-a te an rawn thleng ṭep ang, Rasamee, Linda-i nen Jessica..." A tawp dat, ka lo ṭah nuih hak thung


"Ariya hi hmun him ah hruai angche u, ka ring che u a nia," An bu nghat, min thlek leh vang vang chuan, "kal rawh," A phun sep, a mitmeng ah chuan ngaihtuahlo tur leh engpawh thleng dawnse himdam a ka hmuh ngei tur thu sawilo mahse min tiam a ni

Ni e, nungdam a ka hmuh leh ngei angai, "Nira," Ka phu dawrh thei, Ka pen sawn tur chu ka ke rek ah Nira-in a rawn vuan bet


Rasamee-in, Linda-i silai vawn lai chu phihsawkin a kal zui zawt, "thi rawh,@ A thu kha hrawih bawk, thisen a phuh chhuak ṭhawt, rapawm lutuk a nui vur vur in, mittui nen a min rawn melh chho ṭawk ṭawk chuan, "Elb...El...Elba hian i pa a that dawn," Harsa ti zet a ti chhuak chuan ka kerek a vawnna a dul hnak, ka mittui ka biang ah a luang thla pap

"Nira," Khur dar dar a Ka ṭhu thla tur chu Linda-in ka ban a rawn vuanin, "hun kan neilo," Tih leh min pawh a rual, min thah duh hial mahse a ruang ti maiin ka kalsan theilo

"Zon nen kan lo buaipui ang kalrawh," Leonel-an ka rilru hria tih hriat tak a a tih tak ah chuan mittui nen ka bu nghat nghat


"Ka lo nghak angche," Leonel chu a bu nghat, a vei nuih seih bawk, "darkar chanve hnuah ka hmulo a nih chuan keimah in ka rawn zawng angche," Ka rilru in thu ka tiam sap


Pawn a min tlan chhuahpui dawr dawr in, car ah ṭhu lut chuan Linda-in hneh sawh lutuk in car chu ti nungin a tlan chhuak a, "Rasamee," Rasamee dar thi chu ka en, a nat hmel lutuk mah mah, thisen chhuak lah a tam narawh


"Ka ṭha," A ti tak na in a hmui leh hmel te chu a dâng in a hil bam tawh

Ka kawr hak lai pawt thler thawt chuan ka tuam sak nawk nawk, "ka lawm e," Min en haw, lawmthu ka hrilh teh thut chu mak a ti deuh a ni ngei ang

Mittui nen a nuiin, "Nira nihna leh thiltum kha i hre tawh a ni tiraw?" A bu nghat


"Ka tihpalh, hrilh tur che ka ni a," Min hrilh chu a tum a lawm, ka rin leh rinloh pawh min zawh kha, ni e, Lalfanu mawl leh laktlakloh, ka bul vel ami te pawh hre chianglo ka ni a, Souluo hi ka phulo a ni, Nira thusawi kha a dik a ni, chuvangin Leonel rualin turkey ka pan anga, engtik ah mah ka let leh tawhlo ang; Mahse....


Mahse, Assa, "Rasamee, Elba chungchang a sawi kha.." Min en zawk, a hmel ah chuan sawi a hreh hmel takzet


"Lalfanu Leonel zui la, i him na tur a ni, ni e, Leonel hi ka ngaina hauhlo," Linda chu a melh zauh, alo ner sawk thung

"Mahse tun a i tan a ṭhaber chu Leonel zui a ni."

"Maw?"


"Luzman-a leh Gibson-a an thi tawh," Ka meng kawk


"Eng nge i sawi awmzia?"

"Lalfapa thupek in thah an ni, minister 8 thah tel an ni bawk, tunah chuan Soulou a buai a, Palace pawh thisen a luang mek a ni, mipui in Elba Lal ṭhut thleng rochun turin an nawr ve bawk a," A thusawi awmzia chu Elba hian hmanrua ah min hmang tihna maw..?


"Elba hian... Elba hian..." Mak ka ti lutuk chu sawi tur pawh ka hrelo

"A dik, Texas ah a thawn che a, Urie, Thompson, Beacon International college avaiin Lalfapa ruahman na a ni ; Mahse, tihnat che a tum ngailo," Min en a


Kei erawh Rasamee thusawi te avangin ka khawng at, mit ka khap fak fak thung, "a hmangaih che," A chil a lem khalh, "hmeichhia angin," Ka thaw a chham dawn, boruak hip tur ka neilo


"Dawt a nih chu," Thawpsap in ka ti hul hak


"Leonel that turin Ramos-a a rawn tir a ; Mahse, a thatlo, Rasamee-in signal a rawn thawn hnu ah i mansion a kal turin min hrilh a, kan rawn kal a ni, mahse in Lalfapa thupek angin Victor-a nen kutsuih zawmin min rawn umzui leh a ni," Linda-in a rawn tih leh phei chuan thawk lak ngaihna ka hrelo


"Thompson man tir turin Layla Baldwin tunah a be fel tawh ngei ang, Steve a man tir laiin a fapa alo hmang ṭangkai bawk a," Rasamee chuan kha zetin a ti chhuak hrawih


"A nilo, a nilo ang," Ka phun mawlh mawlh, Nira, Elba engtin nge a nih theih? Engtin nge engmah ka hriatloh theih? Elba in tual a that ang maw..? Chupawh Lalthutthleng vangin maw? Thu awiawmloh lutuk a ni

Eng maw? Hmeichhia angin min hmangaih a maw?" A nilo, a nilo, ka lu ka thing nawk nawk, ka bek chu ka chum dat dat, ka hre sual emaw an hre a ni ngei ang


"Jessica Spencer ini emaw eng ram Lalfanu pawh nirawh, i nun a ngai, i hria em? Nangmah vang a Leonel tawrh te avang hrim hrim pawhin i nun a ngai," Linda-in kha zet a rawn tiin darthlalang aṭang chuan min melh hrawk

"Steve kut tuarin a thilo chhauh tih hria angche," Rilru na leh phuba lak chakna inpawlh chuan a ti zawm zat

Thawk ngaihna leh men ngaihna ka hreli, ka hawina lam a piang chu a thim mup mup a, tuber nge rin tue ka hrelo a, engber nge tih tur lah ka hrelo heklo


<><£~£~£~!~£~£>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:24 pm

SOULOU : Bloody Romance
by
Floria laldansangi

Chapter ***15***


Jessica...POV (Ariya)

"I ṭha maw?" Ka dar a shawl bat pah a Rasamee-in a rawn tih chuan ka mittui hru hul tawkin ka bu nghat, Elba leh Nira ka ngaihtuah nasa lutuk chu ka lu ana in ka mittui a tla leh ṭhin


Thla êng in a thupui zau tak mai a chhun tle ral ral leh fawn ri hlup hlup chu ka ngaithla in, ka thlir vang vang a, a mawi takzet a ni; A hahdam a, an zalen in a rual muang hliah hliah hian ka hria


Mahse, tuipui hi ka ngainalo tih ka'n sawi leh hrâm a nge


"10mins danf kan nghak lehang, in ṭha maw?" Tui bottle min pek pah a Linda-in a rawn tih chuan ka bu nghat, ka sir a rawn ṭhu thla in, "in ram mi hi in hlauhawm in, in nunrawng mah mah lo maw...?" Bottle chu hawngin a in nghal khawlh khawlh


Za lo zetin ka ṭhensak, "Linda i lei kha veng rawh," Rasamee-in a lo ti vat


Rasamee ka bul a ṭhu tur a ti in, "a dik alawm, kan lo nunrawng takzet a ni," Nira thi hmel te, a thusawi te, Rasamee thusawi te kha ka mitthla ah alang a, ka beng ah a khawk rum rum, ka ṭah chhuak lutuk insum chu ka hrawk ana ut ut bawk

"I ṭha tak tak amaw? Tih thinrim che ka tum na a nilo a nia," Linda-i chu a thusawi ah a inthiamlo leh deuh tih hriat takin min rawn en a, ka nuih sak

"Elba hian i hmunruak luah theihnan engpawh tih a huam a nia, chuvangin Soulou i chhuahsan tawh tho tho a, let tawh suh angche, i tan leh Leonel, kan za vai tan a ni Lalfanu," Rasamee chuan thutak zetin a rawn ti sep sep, keimah vangin an thi vek thei a ni tih min hrilh tumna a niber


"Assa chu ngaihtuah suh i tel lovin Elba hian Lal ṭhutthleng a luah ngawt theilo tih i hriat kha, chuvangin engti kawng mahin Assa din hmun a luah theilo," A tih zawm zat


A sawi dik, keibak in Assa ka thlak theilo; Mahse, Elba chanchin an sawi chu kala ring theilo fan, ka unaupa ngil nei leh mi khawngaihna ngah tak an sawi ang êm chuan a nunrawng thei dawn em ni? Ka ringlo a ni..!


Ka rilru ka kawm nuap nuap laiin, "ngaihtuah vak duh suh, Mr. Urie that tur a tir tu pawh kha i unaupa a ni tih ka hrilh che chuan i ring tawh angchu tiraw? Jes..Ahhh Ariya," Ka en haw, a ṭhutna aṭang a tho thurhin, "chhuak turin insiam rawh u, lawng a rawn thleng," Tih leh pensawn a rual


Kei erawh ka la che sawnlo, Leonel tel lova kal ka tum reng renglo

"Lalfanu."


"Leonel tel lova kal ka tum hauhlo," Linda-i chu a nui hak

"I fiamthu em ni? Lawng saw 5mins bak a chawl dawnlo tih hre rawh Ariya, tun hi luhlul chhuah hun a nilo," A ti ram hmak


Ka lu ka thing, "ka kal dawnlo ka tih chuan ka kal dawnlo a ni mai," luhlul zetin ka ti let khar. Ka ṭhut ngaiin kala ṭhu reng, Lawng chu vaukam a rawn thleng ṭep tawh, Linda-in thinrim zetin vut chu a chhir sawk a, "pakhat pakhat a buaina insiam reng chu le," A phun hluk


Vaukam a lawng awm chu en in, "Ariya kan kal angai," Linda-in a rawn ti leh, ka lu ka thing, Leonel hmel hmuh tum in ka hawi kual leh ṭhin

"Hun kan neilo," Linda-i bawk a ni, ka ṭhutna aṭangin ka tho a, car awmna lam pan ka tum chu ka bân ah rawn vuanin min phih her sawk, min pawh kal a tum chu Rasamee-in min vawnna phih chat in, "Linda nawrlui suh," A ti hrak


Linda-i tih ngaihna hrelo chu nui hul hakin, "in himna tur a nih hi Rasamee, i Lalfanu himna tur," Chiangzet a ti chuan beidawn hmel zetin a kawng a dawm at, ka hria, kan himna tur tih; Mahse, Leonel tel lova him ka tum lo bur


Lawng chu in her ri vung vungin a hla tial tial, Linda-i chu a phun hluk hluk, engthu nge a sawi phri chu ka hre law

Ka hriat chhun erawh, "in in angchiah luhlul dun si," A tih chu a ni



ka ṭhu mai mai thei tawhlo, ka awm hmunah chuan ka vai tawn sek a, Leonel te rawn chhuahna lam awm a ka hriat chu ka en leh ṭhin; Mahse, an hmel hmuh tur reng reng a awmlo


"Leonel," Linda-i phunsap ah chuan rang lutuk in ka inher

Ka ṭah nuih hak, bike din rualin Leonel lam a tlan chuan ka kuah thlawp, "i ṭha em? Na i nei em?" Inla hrangin a taksa chu ka en kual, ka dar tawn tawn a vuanin, "Engvang a heta la awm nge in nih?" A aw ah chuan a lungawi hmel viauloh


"I tel lovin ka kal dawn tih ka sawiloh kha," A mit ah tak dak hau chuan ka en a, a rum ri hrawih


"Boss min rawn um pha vat ang," Zon-a aw chu hlauhthawn na in a khat


"Min rawn zui rawh u," Tih leh ka bân rek a vuanin min pen sawn pui pawk pawk, khawilam nge min panpui dawn pawh ka hrelo


Tupui kam a in lian lutuk lo a min luhpuiin, "Hmun hlauhawmber hi a him laiber a ni, zanin chu hetah kan riak ang," Tih leh kawngkhar chu kalhin, Zon leh Linda-i, Rasamee te chuan an check zung zung


"Tu in nge?" Ka bul a rawn ṭhu Leonel melh chuan ka ti sep, min chhanglo in a hawi kual, a kut pilh phung chu la kângin, "Rasamee...." Ka tih rualin,"ka ṭha," A ti sup


Chiang zetin min en a, "ni 3 hnuah lawng a rawn let leh ang, ni 3 hnu ah Turkey kan pan dawn nia," Ka sam hnawk niah chu ka beng a zeh pahin a ti sep, ka mittui bawk a rawn hnai leh ṭiam ṭiam

Min tawh a, a mitmu uk kharh a rilruih a min en hi chuan ka him bik hliah hlaih hian ka hre ṭhin


"Ka hmu tawh ngai dawnlo che emaw ka ti a," Mawi lutuk in a nui suk; Mahse, a mitmeng ah erawh vei a nei tih ka hmu thei


"Inchung room ah khian Leonel nangni awm ula, Rasamee nen room kan inṭawm dawn nia, Zon sofa ah riak angche," Rasamee leh Linda-i chu an in melh zui ram ram

"Sofa ah ka mu ang," Rasamee-in a ti ram hmak


Linda-in a dar san ak in, "i thu thu alawm, ka thawl ting a ni mai, ka mu dawn," Tih leh room lam panin a luhsan hmak



Ka ṭhu lai Leonel-an min pawm kâng lawpin, "keini pawh mut kan mamawh," A mitmeng ah chuan thildang daih a lang leh tawh

Kailawn a ding datin, "Zon i mut hma in pawnlam check leh angche," Thupe ṭhang tih hriat lutuk a ti leh chuan a pen zui pawk pawk, a nghawngah tlak hlau zet in nui var varin ka uai ṭai thung a


Room kawngkhar hawng a, bathroom lam a min pawmlut in, bathtub ah chuan dimtê in min nghat zui bawk



A che vel chu ngawi rengin nui sângin hmuhnawm ti zetin ka en dauh dauh, hetiang a kan awm emaw a hmel ka hmuh leh hi ka inringlo hrim hrim, nilo, ka hmu leh a nih pawhin min thah ngei ka ring kha a nia


Ka t-shirt haklai chu hneh sawhzet a pawt chhuakin min tung tho nawlh a, ka kekawr tight zet chu a phelh zui zat bawk, nu in fa a bual tur ang maiin Leonel min khawih ang ang chuan ngawi rengin ka awm tawp



Saruak ngal ngat a bathtub a dingin a thawmhnaw hmanhmawh zet a a phelhlai chu ka en kar


Ka hma a saruak a ding tau mai, mipatna khawng kawh luah mai chu chil lem khalhin ka in en a


Bathtub a tui herh haw a rawn lut chuan a mah hma chhawnin min ṭhut tir a, "khatia min en reng chuan a vawrtawp thleng ratin ka fawp duh mai angche," A bul hluk, ka nui ri hak thung, a thusawi leh hmel thutak lutuk chuan ka nuih a ti za, a inhmeh viaulo


Ka lu ti huh a shampoo hnawihin min suk sak a, a mipatna in ka hmeichhiatna a tawk fua fua chu ka ip leh chawih ṭhin, biruak hipdan a ti buai vek thei


"Engvang a rawn let leh nge inih Leonel?" Ka hma a saruak a ṭhu, ka sam min suk sak mek tu hi a tak ngei a ni tih ka la ring theilo a ni


A kut phuan hluah a ka biang tawn tawn a vuan a min kuai dak chuan chiang lutuk in min en a, "heihi," Tih leh ka hmui a fawh a rual, ka nui sak, a tukkhum a ka kutṭang rawlhin duh thawh zetin ka fawp let ve tan tan a


A kut chuan ka hnungzang ah a zut thla a, ka mawngtam a vuanin min chawikâng chuan a mipatna khawng zet leh ruh zet mai chu ka ṭhut tlum chawk, ka rak chhuak ṭhat, Leonel pawh chu a rum ve hak tho


Ka hmai tui a min tleuh sak chuan ka biang tawn tawn a vuanin mitmeng si sap a min en in, "i hmelṭha lutuk," Ka sa zual hat, ka alh mai dawnin ka hria, ka biang chu a kâng ta emaw tih mai tur a ni, tui a awm reng siin ka thlanfim a rawn bawl chhuak ṭiam ṭiam, ka lai hmel chu a nuihzat tih hriatin a nui ri suk a


Dimtê in ka chal ah a fawp a, chutiang bawkin ka mit ah, ka hnar ah fawp dan dan in ka hmui tui tih hmel tak a zuk dek dekin hnuailam aṭangin a rawn dep chho euh euh a, a taksa a hliam avangin duhangin a che theilo tih ka hriat avangin a mit a en in, "tun ṭum chu ka kutah dah rawh," Aw lawi rat a ti sap chuan a nui nghawr dat, "i thuber Lalfanu," Ka hmui ah a fawp zauh, a mitmeng tisa chakna a khat leh nui ri mawi zia chu...!


A dar a vuanin muangchang in ka mawng ka ti che a, ka ti che rang tulh tulh a, ka rum in, ka rak chhuak ṭhat ṭhat, Leonel hming pawh vawiduai lo lamin ka hmangaih thu pawh ka sawi chhuak hialin ka hria


A vawrtawp kan thleng dawn tih hrat takin a mipatna a ruh zualin a rawn lian zual a, keipawh ka kaw chhung za lutuk inhlawm khawm avangin a mipatna nghet leh thuk tak a ṭhut betin Leonel dar chu ka ṭham ngar ngar, rum chhuak hawkin a darah ka lu ka nghat dat, rawn nui nghawr dat dat chuan, "zirlai thiam thei tak ini," Ka nui ve hak


A biang a vuanin a hmelpa leh sexy zet mai chiang zet a en in ka fawp zauh, "zirtirtu ka nei ṭha em a tin ni," Ka nui ver ver


Hun hi tawp sela, heti hian tuma tihbuai leh lungkham nei lova Leonel nen chauh a awm ka duh a ni; Engtik ah nge buaina in min rawn um phak leh dawn ka hre si lova...!



Tui thianghlim a min tleuh chuan a mah pawh a in tleuh thuak thuak, towel-in bâng chu pawt thla in min tuam a, min pawm chhuak nawlh, naute ang mai ka ni, min zo nelh nawlh bawk nen


Ka sam hru nawk nawkin hairdryer la chhhuakin a chhem zui zat a, nui ver ver in ka dawh heuh heuh bawk
.
.
.
.
"Leonel," Nghet zet a min kuah tu chu a awm a khabe nghat chungin ka melh chho a, "ummm," A khabe ka khawih neuh neuh bawk


"In corporation...." Ka sawi zo hmanlo,"muhil rawh Jessica, naktuk zanah Turkey kan pan ang," ka in bengkang vat, a hmai bul chet a en in, "ni 3 hnuah iti si a," Ka lu a awm a nambei leh chuan, "naktukah lawng a awm dawn a lawm," Mit chhing reng chung a arawn tih chuan ka lu ka ti nghauh nghauh


Ni e, a hmalam a he hmun kan chhuahsan theih leh kan him hma tihna a ni mai

.
.
.


Min thlir reng tu awm tih hriat takin ka hmai a za mer mer, tunge min thlir tih hre tur erawhin ka mit ka men kher a ngai hauhlo, ka taksa hian tunge a nih a hre mah mah tawh


Ka hmai tlâng a zût riak riak a, ka kawchhung a ti za chuai chuai thei, ka sam chu ka bengah a zep a, a kut lian leh hlai zet a ka biang dawmin, ka hnar hmawr ah chuan dimtê in a fawp vang vang bawk, ka nui ru sen sen, thihna in min um tih theihnghilh ṭhakin he mihring bulah hi chuan ka awm ṭhin

Ṭawngkam in min duh tih emaw min ngaihtuah em em a ni tih sawi kherlo mahse a mitmeng ah leh a chevel hian engkim a sawiin a tilang a, chu chu ka tan rinna leh in nghahna a tling em em thung


Ka harh leh chuan Leonel chu tui ti lutuk in ka bulah a muhil thaw ri sek sek a, tih harh hlau zet a tho in bathroom lam dimtê a pan chuan ka kekawrte bathroom chhuat a mi chu la kângin ka thing fai nawk nawk, a dang awm heklo chu in thawlhin Leonel kameez tih hriat tak in bâng chu ka ban a, ka ha nghal zat, a tan chuan a lian hret, ka malte thleng a khuh


Inhnuai lam ka pan a, Zon leh Rasamee sofa a mu chu en in choka lam ka pan zui zat, tui ka thlit lai mekin, "Lalfanu," Ka phu nasa lutuk chu ka tui thlit lai ka ti baw hawk

"Ka tihpalh," Tih leh min rawn pui nghal sawk sawk, "ka ṭha e, ka tui hal ka rawn chhuak mai chauh a ni, mu leh rawh Rasamee," Tih leh tui in khawlh khawlhin pen sawn ka tum chu, "Ramos-a vang zawk a nia," Ding datin ka inher in ka en a, Rasamee hmel a ka hmuh ngailoh inthiamloh na leh rilru natna in pawlh nawk chu en vang vangin, "Rasamee i thiamloh a nilo, chutiang bawikin Ramos-a pawn duhthlan tur a neilo tih ka hria alawm, ngaihtuah vak suh, ka ṭha a nia," Tih leh a bânbul a beng thak thakin inchunglam ka pan san leh a


Dim thei angber a khum a lawnkai lehin Leonel a lam ah chuan ka tawlh hnai hret hret, "khawnge i kal?" Aw tham leh lawi zet a a rawn tih chuan nghet zet a kuahin, "ka ti harh che elaw? Tuiin turin ka chhuk," Tih leh a awm a ka lu nghat chuan mit ka chhing zui leh vang vang, nghet zetin, ka tho leh ang tih a hlau emaw tih mai turin min kuahbet zui ve zat bawk
.
.
.
.
.
Darthlalang keh chuai ri ka hriat rualin ka in perh tho nawlh, ka hawi kual nghal vut vut, "Leonel," Leonel hmel reng reng hmuh tur a awmlo, khum aṭang a zuang thla ti tih chuan in hnuaiah ka tlan thla dawt dawt


Elba hmel chang zet mai ka hmuh rualin ka ding dawt, ka kaihza a thlep hnawk a, kailawn ah chuan ka lum lo chauh bawk


Chhuat a Zon, Linda leh Rasamee che theilo a mu zawi ngiai mai leh theih leh theilo a min rawn melh ṭawk ṭawk ka hmuh chuan engthil nge an chungah thleng ka hre nghal, "Ramos," Chang ratin ka ti chhuak, tûr(poison) hmang thei tu leh khutiang a awmtir thei chu Ramos-a chauh a ni, thipuina khawp erawh a nilo, a lo berah darkar 2 chu che theilo a an awm a ngai thung


"Leonel," Leonel hmai leh taksa a thisen kai nuai mai, chhuat a a kut hnungkhirh a an ṭhingṭhit tir lam chu en in ka pan nghal dawr dawr


"Tlanchhe rawh, Jessica tlanchhe rawh," Leonel aw chu a ringlo, mahse chiang takin ka hre thung, a kâ thisen a khat leh mitsen ram te chuan min vit ngut ngut

Leonel bul ka thlen hma in Elba chuan na lutuk a ka bân a vuanin min phih let sawkin, "kham hnap a mut tir che ka duh a sin Ari, kan thawm a ring deuh ni in alang," Ka dar a kuahbet chuan a taksa si chetin nghet lutuk in ka dar a hmer bawk a, engtin nge engmah hrelo a ka mut theih, ka harh meuh chuan heng zawng zawng hi a thleng a nia...!



"Lalpa.... Minthlah rawh, eng nge i duh Elba?" Leonel taksa zawi zet mai, an sawisak na avang a a hmai a thisen luang leh kai nuai mai mittui nen a en chuan ka au chhuak tuar


"Ariya," Elba chu a vin ṭhat, a nau te chuan Leonel chu an hnekin an silai fawng chuan an chhu zui leh pawp pawp

"Elba tawp tir rawh, tawp rawh u," Ṭap chung chuan ka au tuar tuar, Epba chu ka sawi nawk nawk bawk

Min kuahna thlah thut a Leonel lam panin, khâp chen vel a sei chem, nikum a piancham a ka pek ngei mai kha phawrhin Leonel hnungah chuan a ding a


Ka mit ah tak min rawn en kalh bawk, "Leonel," Pan hnaih mai ka tum chu rang lutuk in Ramos-a leh midang in ka bân ah min vuanbet nghal zat

"Ramos min thlah rawh, thupek a nih chu Ramos," Ramos-a en in mittui nen ka vin tuar tuar, "Ramos," Rasamee-in seh chilh zetin chhuat a let reng chung chuan a rawn ti hrâm hriak bawk, Ramos-a mitmeng chu a kalh rawk rawk, a unaunu emaw ka mit ah emaw pawh a en ngamlo


"Thuawi takin mansion ah khan awm hle hle la ni tur Ari," A chem humlai hriam zet mai chuan Leonel hnungzang ah chuan thûk vaklo tih hriat takin a vit a, a thai thla riak riak bawk, ka tal nawk nawk


Leonel chu a ner ngar ngar, aw ri erawh a chhuah hauhlo

"Elba tawp rawh, tawp rawh khawngaihin, eng nge i duh, ka pe angche, Lalthutthleng, Souluo avaiin nei rawh, ka duhlo; Mahse, Leonel kha ti na lulsuh," Ka ṭap zawih zawih

Elba chu rapawm lutuk a ner sawk a ṭhen sawkin, "Lalthutthleng, SOULOU....." A tawp dat,"leh nangmah," Ti ban chapin Leonel chhip sam a ṭham a kuai dak awrh chuan, "a nunna chhan i duh a ni tiraw?" Mittui per chuai chuai in, uar lutuk in ka bu nghauh nghauh


"Soulou ah min zui rawh," Leonel chuan dak chungin, "Jessica i kal theilo," A rawn ti ṭawk ṭawk, Elba chuan na lutukin chhuat a namlet sawk in a chhir zui pawp pawp bawk


Ka lam a rawn melh ṭawk ṭawk, ṭap zawih zawih a en in, ka ke ka per a, ka tal nawk nawk bawk, "Elba khawngaihin, duh tawk rawh khawngaihin," Ka ngên ngawih ngawih


Linda-i te chet sawn tum che sawn theilo chu Leonel hmel chu insehruh zetin an en ngar ngar



Leonel erawh na neilo ang maiin thisen in a mit bual nuaiin min en ngar ngar a, "ka tiam a che, ka tiam a che," Ti chhuak awn awn chuan min vawnna phihsawkin Leonel chhuat a let rum mai chu pan ruak ruakin ka ṭhingṭhi thla hnawk a


Tung tho in, "ka tihpalh, tihpalh," Mittui tla zawih zawih chuan ka ti chhuak nawk nawk, kut khur hlawk hlawk a a biang tawn tawn a vuanin, a thisen chu ka hui fai a, mitmeng chau zet leh dul hnak a min en in a nui sen sen, chu chuan minti na zual, ka puak keh mai dawnin ka hria, "Keimah a lawm na tuar, engvang in nge i ṭah ni," Ka in hnit hlawp hlawp, "ka tihpalh Leonel," Ka kuah a, a biang thisen kai chu ka fawp nawk nawk


"kal suh, ka sawi chu i hria em?" A phun sep sep, ka mittui chu dan zawh rual a nilo, in hnit hlawp hlawpin, ka lu ka thing nawk nawk bawk


A chal leh ka chal insik tirin, "ka tihpalh, i thi theilo tih i hria tiraw?"A bak sawitur ka neilo


Ka nun a ka lakluh avangin ka tihpalh a, ka ta a siam ka tum avang leh thihna ko tlâng a ka hruailuh fo avangin ka tihpalh bawk, engkim ah ka tihpalh a ni...! Keima thiamloh leh keima bul ṭan vek a ni


A kut a thisen kai niah nen a ka mittui rawn hru hul chuan, "ka ṭha, i duhlohna hmunah ka kal tir hauhlo angche," Nghet charh in a rawn ti chhuak hraih, ka bu nghauh nghauh, ka ṭah nuih a, "ka hria alawm," Hrawk na ut ut in ka ti chhuak




"Nung angche, ka tan leh i tan dam khaw chhuak angche," Mittui tla zawih zawih in ka tih zawm zat, Elba chuan min rawn phih tho sawk



"Engthil teh hrep nge he American Uicho lak ah hian i hmuh Ari, ka hmangaihna che leh ka pek theih angche hi a pe theilo che," Elba chu rum lutuk in ka en a


Ka nui a, ka nui a, ka ṭah nuih a, ring lutuk in ka ṭah nuih uar uar, mak tih hmel zet a min en tu Elba mit ah tak en khai chuan, "hmangaih, eng maw? hmangaih maw?" Ka au tuar


"Hmangaihna awmzia i hrelo, eng nge hmangaihna pawh i hrelo, i hre ngai heklo ang Elba, dawt a nung, mahni in hmangaihna a khat, hmasial leh duhâm inih hi, eng nge minpek min zawt a maw? Thinlung, beiseina, thutak, dawt tel lo hmangaihna, nunna thar leh ka neih ngai miahloh leh tuma lak aṭang a ka dawn ngailo thlamuan na leh huaisen," Mittui luang zawih zawih chuan ka au chhuak tuar tuar, thaw ka la zui kawk kawk bawk


"Ropui na ka pe dawn che alawm," Ka thusawi awmzia chu pakhat mah a hrethiamlo, a hrethiam ngai dawn heklo, ropuina leh nawmsakna hi hmangaihna tehna a nilo tih a hrethiam thlawtlo a ni

"Ropui na leh sum, thiltih theihna, nei rawh, nei vek rawh; Mahse, ka tiam a che Elba tun a chin ah i nunah khawharna, ruahna leh mal ngawih ngawihna bak i nei tawhlo ang tih ka tiam a che, tuma hmangaihna dawng lovin i thi ang, i ṭawih ral ang tih kei Ariya Azhilea Larissa hian ka tiam a ni," Kha zetin ka ti chhuak hrawih hrawih


"Ariya," A vin ṭhawt, na lutuk a ka dar tawn tawn a vuanin min thing nawk nawk, ka mittui pawh a per chuai chuai thei


Mit chhing sawk a, inbeng daih tumin thaw ala kawk a, "A tawk viau e Ari, tunah thutawp siam angche," Tih leh ka sir ah veil leh bakcheh an rawn ken chu la in ka hma ah a lek kâng a, mittui nen ka en a

Ka sam hmawr ka tan a, he veil a ka hmai ka tuam leh a nih chuan SOULOU Lalfanu Ariya Azhilea Larissa kha ka ni leh dawn tih ka hria; Mahse, ka duh emaw duhlo emaw duh thlan tur ka nei tlatlo, Leonel ka thlang a nih chuan a thi ngei anga, engti kawng zawng pawhin Elba hian min hnuk let dawn tih ka chiang em em bawk


Leonel chu ka en a, a lu a thing mat mat, "ti suh, Jessica ka thusawi chu i hria em?" A ṭawng a seh chilh nawk nawk, thisen a khuh chhuak kharh kharh bawk




"Leonel," Ka phun sap, mittui nen Linda-i, Rasamee leh Zon te ho chu ka en kual a, keimah vangin ka thih tir theilo...!


"I thatlo ang tih min tiam rawh," Mittui tla zawih zawih chuan Elba ka en, Rasamee-in a sawi kha nizan ka mut dawn thleng khan kala ringhlel a, tunah erawh ka mitin ka hmu a, ka bengin ka hre bawk, Elba ka hriat ṭhin kha sawi ila dawtsawi ah min ngai ngei ang


"Thuawi tak a minzui a nih chuan tun atan chuan an nun ka phalsak ang," Hahdam hmel zet leh hnehtu intihna mitmeng a min en in, "hun ka khawhral tam tawh viau a nia Ari," A tih zawm zat


Leonel hmai thi nuai mai chu ka en leh a, a hmelah chuan, "ti suh, kalsuh," Tih bak hmuh tur a awmlo

Mahse, SOULOU mipui ka kalsan ang khan, keimah chauh in hmangaih leh ila ka mipa hmangaih leh ka tan a nunna hlan ngam tu ka ṭhian te.... Ni e, ka ṭhian, ka chhungkua te an ni, keimah vang a nunna an chan ka duh hauhlo


Muangchang leh kut khur dar dar a veil chu banin, ka la kâng a, nghet lutuk in ka hmer bawk


"Jessica ti suh," Leonel chu a rawn phun sap sap, a hliam te avangin ring tak pawhin a ṭawng theilo, mittui nen ka en a, muangchangin ka hmai chu veil in ka tuam riai riai, mit ka chhing sawk

Bakcheh la kâng leh chuan ka sam hmawr chu ka hmer khawm a, Leonel mitah tak en chungin, "Leonel Thompson dam khaw chhuakla, nun bul ṭan angche," Ka mittui a rawn luang zawih zawih, "kei Soulou Lalfanu Ariya Azhilea Larissa hian thu ka tiam a.." Ka tawp dat, ka ṭap khur hlawk hlawk, Leonel erawh ka en ngar ngar thung



"Leonel Thompson nang nen a inzawmna kan nei leh a nih ngai chuan chu chu THIHNA a ni tawh ang," Ṭap zawih zawih a tih leh ka sam hmawr chu ka chep bung hmawk, ka kut khur hlawk hlawk a ka hum ka sam chu Elba chuan a rawn phih thla sawk


Leonel hma a theh darhin, min rawn en leh, "engpawh thlengse i thi theilo tih hria angche," Thupe zet a ka tih chhuah leh rualin Elba chu inher thut in Leonel lungphu zawnah chuan thûk zetin a chem chu a vit bur chawk


"Leonel," Ka rak tuar, Elba'n min rawn kuahbet vatin min hnuk sawn a, "dawt i sawi a ni, Elba min thlah rawh, thi rawh, nangmah hi thi zawk tur ini, sakawlh inih hi Elba," Ṭap zawih zawihin ka rak tuar tuar

"Inthlahna thilpek ka pe mai chauh a ni Ari," Ti hrawihin kawngkhar lam min pan pui pawk pawk

Leonel lam chu ka melh ṭawk ṭawk bawk, a lungphu zawn a chem in vit bur va mai chu khawih pawh a khawihlo, na ti hmel a pu heklo, min en ngar ngar thung


Kawngkhar a min pen chhuahpui a, car lam min panpui lai te chuan ka theih tawpin ka sual let na in a chak mah mah, car a min nghat lut chawrh chuan na zetin a khar phui chawrh bawk a


Reilo ah rawn ṭhu lut in, "Airport, hun kan ngahlo a nia," Thupe zet a tih leh ka lam a rawn hawi, kei erawh ṭhu khawng at in, ka la in hnit hlawp hlawp, ka kut ka malchung a dahin ka hum ruh ngar ngar bawk


Ka kut rawn vawn a tum chu na lutuk a la sawn in mittui nen a en hrawkin, "nang emaw keimah vang emaw a i bul a ṭhu ka nilo tih theihnghilh suh," Hriam hrak a tih leh ka hawisawn hmak


Ka puak keh mai dawnin ka hria, ka mitthla ah Leonel a lang zut zut, ka ṭap khur dar dar, ka awm a vih ni zawk âwmtakin ka na ut ut a, ka hnungzang ah boruak in min hnawhbet tlat bawk


Ning tih hriat zet a min kuai her sawkin, "Hreptak che hian Ari, eng phiangsen nge a pek che, mipa dang vangin ka hma ah mittui ti tla hauh suh," A ti hrawk, mit sen râm in ka melh ngawt ngawt


"Ka hmangaih che a ka nupui ini ngei bawk ang," Ka in seh ruh ngar ngar, that thei che ila vawi tamtak vit in ka that nawn awn awn ngei angche Elba


<><>£<>>>£

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:24 pm

SOULOU : Bloody Romance
by
Floria laldansangi



Chapter ***16***



*Xxxxxxxxxxx*


"Ramos," Ramos-a kawngkhar a pen chhuak tur chu harsa zetin Rasamee-in a ko a, "antidote," Rasamee chuan Ramos chu melh ngut ngutin a ti sup, antidote kenglo in a awm dawnlo tih a chian êm vang a ni


Ramos pawh chu inthiamlo zetin leh Leonel a damdawiin panpui vat a nihloh chuan a th i mai dawn tih ahriat avangin inher in a pan hnai a, ṭhu hniam in a kekawr ipte aṭangin antidote chu phawrhin Zon, Linda-i kâ ah chuan a dahlut a, a unaunu Rasamee kâ a mum tereuhte barh lutin, "ka tihpalh Rasamee," A mit ah tak a en, theih tawp a rum a en letin, "thi sâwn rawh Ramos," Rasamee-in a ti chhuak hrawih


Ramos-a chu kûn lap a dingin Leonel a che theilo chhuat a mu ngal mai chu a kâ ah damdawi mum a hnawh lut a, "thisen chhuak a ti tawp ang, 10mins hnu ah in che thei tawh ang nangni pawh," Tih leh Rasamee chu melh leh zawkin, "lungngai suh, Lalfanu chu ka venghim ang tih ka tiam a che," A unaunu en chuan thu a tiam sap

Rasamee chu chhuat a let reng in, ruh lutuk a in hum a, che thei silo chuan a nui hul hak, "Ramos, nang lawmna neilo pa ka kut a i thihloh nan fimkhur angche," A ṭawng a seh chilh bap bap


Ramos-a chu ngawi rengin inthiamlo zet in a kiai suk, kawngkhar lam a pan zui zat, "a rang thei ang berin helai hi chhuahsan angche u, Lalfapa khan a chhuah hauhlo angche u," Kawngkhar a pen chhuah hma chuan hawilet lo chuan a ti leh sap


10mins a ral hnuah an taksa a zawiin an che thei ta tih ah rang lutuk a tho chhuakin Rasamee chu kawngkhar lam pan a tum a, "engthil nge tih i duh Rasamee," A silai mu awmzat check pahin, a kekawr hmawr ve ve a chem pahnih thiat chuan, "Lalfanu ka chhan chhuah a ngai alawm," Linda-i chu a melh zauh


"Thihna ah inbarh luh i tum tihna em ni? tunah chuan engmah tih theih i neilo tih hre tur ini," Tih leh Zon-a nen Leonel chu kuah tho in, "i thluak kha hmang rawh," Ti leh zat chuan kawngkhar ah an pen chhuak a


Rasamee pawh ngawi vung vungin, tunah mai chuan plan fel fai tak nei lovin Lalfanu a chhan chhuak thei dawnlo tih a hriat veleh tlan chhuakin Linda-i chu a zui vat

Car a Leonel-a nikhaw hrelo a zawi hniang mai chu ṭhut luh tirin Zon-an car a khalh a, kawngpui an thlen chhoh rual deuh thawin an car chu bike 5 zetin an hual ṭhap


"Victor," Linda-i chuan a ti chang rat, "Zon, Leonel hi damdawiin panpui angche, a thi a nih chuan i zui ve nghal ang tih hre rawh," Linda-in thutak zet a tih leh Rasamee chu en in, Rasamee chu a lo nui suk, "kal rawh," Tih leh car aṭang a chhuah a rual


"Victor."


"Ohhh, Linda, Turkey panlo a helai hmun a kan inhmuh leh hi ka beiseilo a," A nau te 10 vel zet chuan Linda-i leh Rasamee chu an hual a, cricket bat keng fur chuan an in rinh ṭhap bawk a


"Leonel khawnge? Ahh.... a thi tawh tih sawi miah suh," Thle hâ a an hnung a car melh chuan a nui zui hak hak, Zom chuan steering hneh lutuk a herh kualin chak zetin a tlan chhuak fua


"Engvangin nge Leonel khan khin tinah a tin ngailoh che tih ka hrethiam ta in ka hria Victor," Linda-in thle bak a tih leh, "ṭawng duahlo khan min that duh a nih chuan han tum chhin ula," Rasamee-in ning tih hriat zetin a ti thla hluk

Victor chuan en in a nersawk, "that r'u," tih leh a nau te ho chu thu a pe zui zat, hmeichhe pahnih street fighter lo ni tawh leh Gang member ah pawh leader ni pha ngat an nih avangin mipa 10 rual zetin beih rawn mahse an hneh mah mah

Victor chu a tawlh hnung hret, a lam pan a Linda-i leh Rasamee-i pen hnai hret hret chu en in, rang zetin silai a phawrh a, "lo pen hnaih tawh suh u," Zun a chehlo chauh, Rasamee nui za zetin a nui chhuak hawk



"I dinna hmun hriala ni tur, i silai mu hmeh per rualin i ring ruh a tliak hman ang tih i hria alawm," Linda-in a tih zawh rual deuh thaw in Rasamee-in a silai vawn na chu na zetin a kick ṭhuai, hnunglam ah a kat nawk nawk chu Linda-in a dul ah na zet a kick in a leng lawp, a âwm a rap bet zui zatin, "Michigan ah let la, i hna bawlhhlawh zet zet kha thawk mai mai rawh Victor, thah kher che kan tumlo," Tih leh rap na salhin Rasamee-in an sir a bike tinung a Linda-i lam a helmet theh pah chuan, "Thompson a dawt leh chuan i ring ruh a ni tawh ang," Tih leh a Helmet hma chu kuai thla in full face in a khum a


Linda-i a hnung a a ṭhut rualin, "i chhiat viauloh kha," Rasamee-in chak zet a bike khalh chhuakin Linda-in a ti lang lang, an nui zui hawk hawk bawk a

.
.
.

<S.L general hospital>



"Linda," Zon chuan Linda-i te lam a pan vat

"Engtia rei nge ni tawh," O.P room lam hawi chuan Linda-in a ti vat

" Ala reilo," An hlauhthawn na lantir loh an tum dun viauna in an ṭhu hle hle theilo, an vai tawn sek a

"A ṭha ang tiraw?" Zon chuan a kat tawkin a ti leh sep ṭhin

"Chutiang maiin a thi dawnlo tih i hriat kha?" Linda-i chuan ti ve mahse a hlauhthawng ve viau tho

Darkar 3 zenzawn in zaina an kalpui hnu ah doctor chhuak hmasaber chu ti dingin, "eng nge a an? A ṭha em?" Zon chuan a lo zawt vat


"In zai chu a hlawh tling a mahse...."

"Mahse eng nge?" Doctor kawr awm ah chuan Linda-in a ṭham zui sawk


"Linda, Linda damdawiin a nih hi," Zon chuan a ti vat


"ICU ah a awm rih angai ang, a harh chhuah hun tur ka sawi theilo a nia," Doctor chuan a tih zawm sap


An din na bul a Tv aṭangin, Thompson corporation chu under investigation a nih mek thu an puan chu hawi a en vatin, Linda-i chu a phun hluk, "i tih dam a ngai, i hrethiam em?" Doctor chu en in a ti hrawk

Doctor chuan a en hrek hrek a, "hospital director ka hmu duh, Rasamee Volka ka hming sawila ka hmuh duh thu hrilh angche," Doctor chuan Rasamee chu a en deuh haw


Linda-i leh Zon pawh chuan an en hau, "tunah," A tih leh tak ah chuan doctor chu a bu nghat, doctor mah nise an thawmhnaw a thisen kai leh hmanraw pai vel avangin an hlau ru tih an hmel hai rual a nilo





XXXXXX



JESSICA...POV (Ariya)


Lotus Palace
Princess chamber


Kawngkhar inhawng ri ka hriat rualin ka hawi a, Assa leh Elba hmel ka hmuh rualin ka hawisawn hmak, SOULOU ka thlen na pawh ni 3 lai a ni leh tawh, Leonel ka ngaihtuahloh lai a awmlo, 1mins pawh amah ngaihtuahlo in ka awmlo ti ila ka sawi sual tawplo ang


Elba leh Assa ka ṭhutna bul a rawn ding chuan min en deuh vang vangin, "Ari," An lam ka hawi chho a

"In thuthlukna siamsa min hrilh tur a rawn kal in nih chuan sawi ula chhuak rawh u," Nelawm lo zet chuan ka ram hmak


Khang ni 3 chhung khan tumah ka be lo a, ka room a min khungbeh mai bakah hand-phone leh ka sana engkim pawnlam ka biakpawh theina zawng zawng Elba thupek ang a laksak vek ka nih avangin pawnlam thilthleng engmah hriat ka neilo



"Elba nen in innei ang," Ka nui hul hak


"Thil theih ni in i hria em ni?" An pahnih chuan ka hma sofa ah an ṭhu thla a, "Elba i â chu a ni êmlo maw?" Elhsen na a khat in ka ti chhuak zui zat


"Ariya," Assa chuan a rawn ti ṭhat

"Min vin hauh suh," Ka ti let tuar

Ka mittui bawk a rawn hnai leh ṭiam ṭiam, rum lutuk a Assa en in, "ka hming lam tur khan dikna ineilo," Kha lutuk in ka ti chhuak hrawih

Elba chu nui sun sun in, "Ari, ka hmangaih che tih i hria alawm, hmangaihlo che ila tun thleng a i thawk ka rem tih i ring em ni?" Ka ṭah nuih hak


"Min hmangaih nge ni a Elba lalṭhutthleng dan ang a luah i tum zawk, ti chuan Soulou leh khawvel mit hmuh ah dan ang tak a Lal nihna i hauh anga; Mahse, chhunglam ah erawh tenawm tak a Lalṭhutthleng a thu ini tih nangmah ngeiin i hrereng thung ang, mahni leh mahni inbum mai ini, a ni lawm ni?" A mit ah tak mit thîp râm in ka en kalh


"Mahni inthiam chawpnan a min neih tum mai chauh ini," Cho zetin ka en khai


A khabe ruh a ti che ralh ralh, a bek a pawng ṭawl ṭawl bawk a, "i ngaihdan a alawm chu chu, kei ni lovin," Ti hla hlukin, thinrim insum tih hriat zetin a tho thurh a, "thuthlukna siam rang angche Ari, ka dawhtheihna en chhin tum suh, ka nawrlui lo che a, duhthlan tur dang ka siam hek lo che," Tih leh pen sawn pawk pawk in kawngkhar ah a pen chhuak a

Assa chu a thaw hak, khawngaih hmel zet a min ne na chu ka duhlo, ka haw takzet bawk


"Ari."

"Ka hminglam ri tawh suh, heng zawng zawng hi i thiltih rah a nih hi," Kha zet a ti chhuakin ka melh hrawk hrawk


"Ariya," A au ṭhawt


"Ka hming kha lam phiangsen tawh suh ka tih kha," Ka ti let tuar

"Soulou chhuahsan lo la heng thil hi a thleng hauhlo ang," Ka ṭah nuih hak


"Ti chuan heng zawng zawng hi ka thiamloh itihna em ni?" ka tawp dat

"Elba lam ṭang tur hian engthil in nge a vaubeh che? I nunna lak ah nge ni a kum 14 liamta a i unaupa nupui i uire vang a, i unaupa diklo tak i thah vangin, nge ni a i ṭhian ṭhaber leh i nupui uire ang a i chhuah vang zawk, nge ni a i kut ngei a i nupui, i fa thla 3 lek a upa pai mêk tu i hâl hlum tiin," Mittui tla zawih zawih in ka au chhuak tuar tuar


"Ariya," Mak tih hmel zetin min en hau


"Khati khan min en suh? Engtia rei nge dawt ila sawi dawn? Engtia rei nge engmah hrelo ang a i awm dawn?" Ka ṭap chhuak hawm hawm


Mittui nen a ka pa hmel buai nuaih mai chu en in, "dawt min hrilh a, ka pa, ka pianna pa ngeiin ka nu a that a, ka mi rinber leh hmangaih ten min bum a, min thah tumin remchang an zawng a, chung zawng zawng bul ṭan na chu he i Lalṭhutthleng rauh em em i nupui leh i fa ai pawh a i thlan zawk vang hi a ni, ti chuan ka thiamloh ala ni cheu em? Min hrilh rawh," Ka awm zawn na lutuk chu ṭap zawih zawih in ka chum dawt dawt


"Chhuak rawh, chhuak rawh," Ka au tuar tuar, ka hma a tui inchhawp leh no chu dawhkan aṭangin ka hai thla rum rum, a keh chuai chuai bawk


"Ari, min ngaihthla rawh," Tih leh ka lam rawn pan a tum chu no keh them chu la kâng vatin ka tin a, "penkhat pawhin rawn pen hnai tawh suh, 'engmah ka hrelo, i ngaih ang kha a nilo,' chutiang thu sawi i tum leh a nih chuan i thih hun atan khek rawh King Korsakov Larissa," Ka ti leh tuar tuar, kut khur dar dar chuan ka tin a, ka lu rawn hai muai muai ah chuan ka khaw hmuh a fiahlo riai riai, ka thawk lak a sakin ka thaw theilo mai dawn in ka hria, ka lu ka thung nawk nawk, ka luak a rawn chhuak ut ut bawk


Ka kut a ka thil ken chu thlauh(thloh) ri balin ka kaihza tha a thlep hnawk, "Ari," Assa min au ri chu ka hre ṭawk chauh a ni
.
.
.
.
.

"Engthil nge thleng? Engthil phiangsen nge thleng ka tih chu?" Elba thinrim zet a vin tuar tuar chu ka hre ruai ruai


Ka meng thei; Mahse, Elba emaw Assa hmel emaw ka hmu peihlo, mit ka chhing tlat

"A taksa a chau mai a ni, ngaihtuah awm a awmlo," Assa chuan a ti dam dap, ka bek ah ka mittui a luang ngiai ngiai


"Ari," Leonel aw ri chiah chiah a ni

"Leonel," Ka meng kawk, ka mittui chu a ai nasa in a rawn luang chhuak, Elba aw zawk ka hre sual chuan minti thinrim in minti na zual


Anchhia lawh hlukin, "I ṭha em?" Lehlam ka hawi zui hmak


"Elba reilo te Ariya hi biak ka duh a ni," Kei erawh ka ṭap khur dar dar, Leonel ka ngai a ni, a aw ri ka ngai a, a taksa leh a bân tha chak tak a min kuah na ka ngai a, a mitmeng rum zet a min en a, rilruih a min en na te, min fawhna te engkim mai ka ngai a ni...!


"Nilo, tunah chuan inneih na chungchang kha sawi ri tawh rih suh angche, hahdam a mamawh," Elba chuan thupe aw zet in a ti chhuak a, "ka hrethiam e ; Mahse, thildang a ni sawipui ka duh," Engtin nge kum 14 liam ta thilthleng leh ka pian hma thilthleng, Elba nu nen a an uire dan ka hriat tih a hre duh a ni ngei ang


"Assa i chamber ah let rawh," Elba chuan a ti hrawih, ka mittui hru hul tawkin ka inlet a, ka ṭhu chhuak tur chu Elba'n min rawn puih a tum na ka lo vai sawn vat


"Chhuak rawh, Assa engthil nge hriat i duh? Min zawt rawh," Mittui vang a mit hnawm chapin ka en, ka lu na pawh ala reh hauhlo, ka luak a chhuakin ka kâ lah chu a kha tuk bawk a, ka bek leh ka hrawk ṭah insum na avangin ana kham ut ut bawk


"Ari, i ṭha tih i chiang amaw?" Elba chuan min ngaihtuah hmel takzet


Mahse, heng a mitmeng dawheh lutuk ring leh tur chuan ka â tawh bik hauhlo


Ka chhanloh avangin a bu nghat, ngawireng a dingin, "ka rawn lut leh ang," Min kalsan mai mai a tumlo tih hriatzetin a ti nghut


Elba chhuah rual a kawngkhar a khar fel rual deuh thaw in Assa chuan min beng thle sawk, ka biang a thîp sa in ka beng a kiu nghal vawng vawng thei, ka biang dawm chungin in ka en hrawk


"Engthil pawi nge itih i hria em?" Ka mittui ka khap let sak sak


"Khaihlum theih ini tih i hria em?" Assa aw chu thinrim lutuk vangin a khur dar dar thei , "American sâwn i pai amaw Ariya?" Ka nghing dawt thei, lungtum lian lutuk in min deng dawt emaw tih mai tur a ni

"Eng...eng...eng maw..?" Mittui khap per fak fak in Assa chu ka en, ka lungphu a thum dut dut, ka thawk a buai in ka thaw em tih pawh ka hre chiahlo zawk

A kawng dawm a vai thuak thuak in, "Elba hian a hria a nih chuan i thi ngei ang Ariya, engthil pawi nge itih hi i hria em? Hnamdang i kawp mai bakah a fa i pai a, nang leh naute, naute pa thleng a thah theih in ni tih i hria a ni lawm ni?" Min ṭhawng lutuk chuan sawi mai tur pawh minti hrelo, Assa thusawi pawh chu ka hre mumal hauhlo

"Leonel," Leonel ka rilru ah alang hmasaber, ka lawm a, ka hlauthawng bawk, ka ring theilo bawk

"Tha engzah nge?" Mittui tling oam in ka zawt sep, ka lungphu phu in thum rawn tluk tluk avangin ka ṭawng pawh zawi tak a ni


"Thla 2 leh kar 1, i tih thlak a ngai, ka sawi chu i hria em Ari?" Ka en hrawk

"Nang ang a nunrawng ka nilo Assa, ka buaina a ni bawk, in rawlh tum hauh suh," Engtin nge chutiang thu te chu a sawi theih zawk pawh ka hre hreplo


Ka dul chu ka khawih a, ka ṭah nuih hak hak, ka thi neihloh na chin pawh ka hre ta lo, naupai awm angin ka awmlo a, keimah ah danglam pakhat mah ka hrelo, ka hriat ber erawh damdawi tel lo pawh a ka mut chhuak ngawih ngawih ṭhin chauh kha a ni, lawmna leh hlauhthawnna a khatin ka ṭah nuih a, Leonel hming chu ka lam sep sep bawk


Ka dul en in, "engtin nge a nih theih?" Ka phun sap

"Engtin nge i tih theih tih zawk a ni? Kan dam khaw chhuak hauhlo ang," A aw te chu thih hlauhna in a khat


Ka ṭah nuih hak, ka dul dawm reng chungin, "thih i hlau a ni tiraw? Lungngai suh keimah vangin i thi ngailo ang, chutiang bawkin nangmah vangin thih ka tum heklo, kan kawng ve ve ah mahni in kan inhai kua anga, mahni nunna tur ve ve kan sual ang," Chiang fek fawk a ti chuan hnai lutuk ah min rawn en a


"Engtin nge i tih ang? Huhhh.... Elba hian a rang thei angber a a neih theihnan che Minister leh Soulou mipui a hmin zo ṭep tawh tih i hria em?" Ka thin a phu dawt dawt


Ka hlau a lawm, ka lawm bawk, lawm tak a ni, lo hre hma phei ila chuan tun din hmun hi kan thleng hauhlo ang

Leonel fa ka pai tih ka hriat avangin ka lawm a, ka lawmna zat chiahin hlauhthawn na in min tuam bawk, engti kawng mahin ka naute hi Elba hian a chhuah dawnlo tih ka hming ka chian tlukin ka chiang si a, kawng ka dap a ngai a ni


Ka lu na lutuk chu kûn in ka dawm vang vang, "i ṭha em?" Assa rawn pen hnai chu, "min hnaih suh," Ka ti hrawk


"Ariya min haw viau mahla pa leh fa kan nihna a bo law ; Chuvangin kawng kan dap dun a ngai, minister leh midang zawng zawng Elba lam an ṭang vek tawh a, nang leh kei chiah kan ni tawh," Ka hawi chhuak


"Nagmah chiah ini, chutiang bawkin keimah chiah," Ka ti ram hmak, ElbA rawn lut leh chu khum a rawn ṭhu thla rawk rawk in, "i ṭha em? Doctor ka bia a, a rawn thleng ṭep tawh ang," Tih leh ka kut chu a en zawk, "heihi eng nge? Engtin nge itih nat?" Keimah min zawt pawh a anglo, chhiahhlawh pahnih ding chu a en hrawk


"Ka ṭha," Tih leh ka kut chu ka la let sawk, Elba kut chu ka melh a, a hum ruh nghal ṭawlh ṭawlh, a lak aṭang a ka inlak hran zia leh ka huat zia kawng engkimah ka ti lang chu a dawhtheihna a pel lo chauh tawh tih ka hria


"Thuthlukna insiam tawh em?" A sawi tum miahloh a ni tih ka hria, ka awmdan avang a lungawilo in minti lui mai zawk a ni


"Ka nei angche," Min en kawk

"Mahse, ka thil duh pahnih mintih hlawhtlin sak a ngai ang," A hmel chu lawmna in a khat, mi â ang mai a bu nghauh nghauh chuan, "sawi rawh," A nui vur vur bawk


Ṭawng mai ka tum a ka lei a tawt in a sak ṭalh, ka ṭawng chhuak maitheilo, thinlung in a pawmpui miauloh chuan sawi chhuah mai a harsa tlat a tin ni


Mit chhingin thaw ka la kawk kawk a, "Leonel that tur a i mi tirh te kha ko let rawh," Ka en kalh, ṭawng tum a a kâ a ang zuai tih ah, "minbum tum suh Elba khang i dawtsawi tur te kha chu mipui leh minister, khawvel nangmah ṭan em em tu te tan i khek dawn nia, pahnih na, SOULOU dan angin ka pasal hual diktak ka neihloh avangin thla 8 chhung Red hills Temple ah hun ka hmang tur a ni," Ka sawi zawh rual deuh thaw in, "teuhlo lutuk," Elba chuan a rawn ti hrawk


"Leonel, kha sâwn chhe hming kha lam tel hauh suh, a pahnih in ka pawmlo," Ti hriam hrakin min en khur khur a, en let khai in, "ka nei theilo che tihna a nih chu, duh pahnih chiah ka nei, i tih puitlin theih leh theihloh a thu a ni," Luhlul zetin ka ti let ve khar khar bawk

A chhip sam tuai puat in a vai tawn sekin, "i duh emaw duhlo emaw duh thlan tur dang ineilo Ariya."

"Mahse engtin nge mipui i hrilh ang, khawvel hma ah chuan ka unaupa leh Assa kut dinglam leh a unaupa fapa ila ni reng tih theihnghilh suh," In ring tawk zet in ka ti let vah a, "Thil theihloh a ni," A phun hluk


"Minhua tih ka hria Ariya temple a awm in chhuahna kawng i dap ka rem tih i ring amaw? Mi ânemaw minti em ni?" Ka ner sawk, ka dul chu a rukin ka dawm a, ka hmer salh, "ka haw lo che," Ka melh chho, "ka khawngaih che," Ka thusawi avang a lawmlo tih hriat lutuk in a hmel a dur zual khup khup


"Tlan chhuah ka tumlo a, thinlung tel lo taksa chauh hi engtia rei nge i hmangaih theih tem tir che ka duh a ni," Kha lutuk in ka ti chhuak, a kabe ruh a pawng ṭawlh ṭawlh


"Min cho miah suh Ariya," Mitmeng dur khup in min en a, "ka cho lo che, ka cho phak ini tawhlo a ni lawm ni?" Ka ti let ve nghat

"Hreptak che hian Ariya," Ti hrawk ka lam rawn pan a tum chu ding dawt a inher vut in pawnlam a pan pawk pawk, ka thaw zui nghal kawk kawk bawk


"Engtia....." Assa ngawi reng a ding rawn ṭawng a tum chu, "chhuak rawh i nunna chhanhimna tur dap rawh," Tih leh mu zui hmakin a din lohna lam ka hawi zui hmak


Ka dul chu ka khawih a, "Leonel," Ka mittui a rawn hnâm ṭiam ṭiam, engpawh thleng dawnse he naute hi ka hrin ngei angai, ka hring anga Soulou a ṭangin ka thawn chhuak ngei bawk ang, ka nunna hlan ngai pawh nise ka ti ngei ang


"Min ring rawh Leonel nang leh kan naute hi ka venghim ngei angche u, indam khaw chhuak anga, mi pangai nun ang in ka nun tir ngei angche u," Mittui nen chuan ka phunsep sep



<~>~£|£~£~£~£~!~~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:24 pm

SOULOU : Bloody Romance
By
Floria laldansangi


Chapter ***17***



XxXxXxXxXxXxXxX



"Himm, inti harh rawh, ni 3 dawn engmah ei mumal lovin i awm tawh," ICU pawn a Linda-i ṭhu kûnlap chu Rasamee-in Coffee no a pe a

"Ka lawm e," Ban pahin a ti sap, ICU lam chu a hawi a, a thaw leh hak ṭhin


"Ngaihtuah lutuk suh enkawlna ṭhaber a dawng a lawm," Coffee chu a tem hlek


Linda-i chu a bu nghat a, "engtin nge director i hriat a," Rasamee chuan a melh zawk a, "Lalfanu hi he hospital share holder lianber hi a lawm," A tawp dat a, coffee in leh hlekin, "ka hmingin," A nui zui suk


Linda-i pawh nui ri suk chuan, "ka lawm hrim hrim e," A ti sep a, Rasamee-in ICU lam hawiin, "Keimah ni vang a hetia awm hi a lawm a nih, lawmthu sawi a ngailo," An inbe sep sep thei ta chu Zon-an mak ti fe in a lo en kar a


"Eng nge?" Linda-in ti bak hlak chuan Zon chuan a dar a san ak, "best friend te pawh in ang alawm, in inthat lo chauh ṭhin tih a hriat miahlo," A nui zui ruh ruh, Linda-i te pahnih pawh chu an nui zui ve hak hak tho



"Engtin nge Club? Thompson corporation an khar hmel ta si a, khawnge kal intum?" Rasamee-in a tih chuan thaw hakin a lu a thing mat mat, "investigation kal lai a ni bawk nen, engmah tih ngam a nilo, vanneih thlak takin Leonel khan heng hi a thleng vat dawn tih alo hresa a," A tawp dat, ICU lam bawk hawiin a thaw leh hak a, "Leonel kalna chu kan kalna hmun tur a ni mai," Ti zui sapin zon chu a melh a, a lu a lo bu nghauh nghauh


"Tunah chuan tumah an awm tawhlo, corporations in buaina a tawh meuh chuan umdarh pawh an ngailo," Zon chuan thinrim si in nui hul hak hakin a lo tih zawm zat, Leonel zui tu te kha Steve Thompson mi leh sa an ni miau a, thinrim viau thei an nilo tih a hre tho na in, kum tamtak anlo zui tawh na ah an lungawi chiahlo chu a ni


"Nangzawk, engtia hmalak nge i tum, nangmah chauh chuan in Lalfanu i chhan chhuak thei awm si lova," Rasamee chuan coffee chu a lem vang vang a, thaw deuh kawk kawk in, "thla 8 chhung Red Hills Temple ah an dah dawn a, chumi chhung ngei chuan hruai chhuahdan ka dap a ngai a ni; Mahse....."


"Pui tu i mamawh a ni tiraw?" Zon chu en in a kiai suk


"Lungngai suh Leonel-an a nunna thâp a a venhim duh hmeichhe awmchhun a ni a, kan pui ngei angche ; Mahse, Leonel din hmun kan en phawt a ngai a," Linda-in Rasamee dar a beng thak thak a a tih chuan Rasamee chu a nui suk, "tun aṭang a thla 4 hnuah Soulou pan ka tum, chumi hma chu inbuatsaih nan hman ka ngai a," A thle bak a, "awlsam takin Temple ka lut dawnlo tih ka hria," Rum zetin a ti chang rat, a mitthla ah a unaupa Ramos-a a hmu nghal zat bawk


"Engvang a thla 8 kher ngai nge a nih? Ka sawi awmzia tak chu dan in ngah si a, in Lalfapa khan neih vat a duh dawn tih a lang reng bawk nen," Zon chuan hre thiam chiahlo in a lo ti sap, a hmelah chuan SOULOU rorel dan leh dan neuh neuh ngah a tih zia chu a lang reng bawk


"A dik a alawm, chu erawh natuk ah Elba kâ aṭangin kan hria angchu, a rem ti emaw tilo emaw mipui leh khawvel hma a Lalṭha tak ang a lan a duh chuan dan awmsa a zawm a ngai tlat, duhthlan tur a neilo ang," Rasamee chuan thinrim insum zetin a ti ṭau, Elba leh a unaupa a ngaihtuah chhuah a piangin a thinrim ur zel tih Linda-i leh Zon chuan an hrethiam a, an in melh hrek hrek


"Temple chu duh duh in a luh chhuah thei angchu, a harsat vak dawnloh chu," Alo ti sam et a


Rasamee chuan a lu a thing mat mat, "ni lo, Temple mah nise, mi nazawng an lut thei chuanglo, kum 1765 khan Red Hills Temple hi Queen Lireo khan a pasal indo na hmun a boral tan a din a ni a, chuta ṭang chuan hmeichhia in a pasal a chân emaw thinlung keh chhiah a an awm chuan thla 8 chhung inhlan na leh thinlung thar putnan Temple ah tuma tlawh pawh theihloh in a awm ṭhin, Noble Family's tan a siam bik a nih ber chu ; Mahse, Elba erawh in Ari Temple ah awm tir pawh nise, awlsam takin a awm tir dawnlo," A tawp dat a, Zon-a mit ah tak en in, "24/7 a enthlak theihnan CCTV hmun tin ah a dah duh ngei ang," Temple a ni a, an dan ah chuan cctv emaw vengtu dah phal a ni hauhlo, zalen tak leh ralmuang tak a mamawh a piang te tan luh theih tur a hawn mah nise Elba chuan a bawh chhe leh tho ang tih a ring nghet tlat thung



"Rilru ti hah lutuk suh, Leonel harh sela ro kan rel ho dawn nia," Linda-i chuan Rasamee chu en in a ti lehsap, a nui suk bawk a, rinai takin an in ngeih ta phian chu an pahnih pawh chuan mak anti a ni mahna an in en a an nui leh suk ṭhin


.
.
.
.

🏢

SOULOU
<Assembly Hall>


Minister ṭhu khawm ho chu an phun mur mur, engthil nge thleng dawn a, engthil tharin nge ṭhawng leh dawn tih sawi ho chuan an ri mur mur

Kar 2 liamta mai khan East Soulou Prime minister Luzman-a te pafa boruakin Palace ala luah khat hnehin Minister pariat zet zankhat thilthu a inti hlum an awm khan Palace mai nilo, SOULOU rampum mai chu a tuam a


Gibson-a Lalfanu tan a tlin tawhloh miau avangin mipui tam zawkin Elba chu Lalṭhutthleng luah turin Internet leh media hrang hrang ah aw anlo chhuah ve bawk


Chutih laiin ṭhenkhat a pa Prince Kiernan Larissa thih dan leh Lal a phatsan dan ah anla lungawilo in, "phatsan tu thisen kai a ni a, a phulo," Ti anlo awm ve bawk a, Prime minister leh Minister hrang hrang te pawh an lu a hai mup mup khawp mai


Kawngkhar in hawng ri rawk ah chuan Minister ho chu an ding zui ṭhap a, Lalber chu chibai bukin, "Assa zahawm chibai, rei tak dam angche," Soulou dan ang a zahna lantir in an kûn ṭhap, Elba erawh Assa kiangah a ding vah thung



Chu chuan Ministers ṭhenkhat mit a la viau mai, an ṭhut rualin an phun zui mar mar bawk a


"Assa hmanhmawh tak a i Minister te zawng zawng hi hmuh duh chhan hi i sawi thei angem?"


Assa chu a bu nghat, a sir a ṭhu Elba chu a melh a, "kan hriat ṭheuh angin Luzman-a te pafa chu ei ruk vang te leh danlo ang a bungraw (weapons) lakluh te, Royal familys sumdawn na kawng hrang hrang a bawlhhlawh tak a sum a lakluh te avangin a nihna a ṭang a paih thlak a ni a, chuai pawi zawk chu thla 5 liamta a Lessyn lawng chawlhna hmun a bomb puak ah khan a bul tum tuber a ni bawk a, chuvangin Soulou in dan kan neihsa hmang a hremna pek ni in an nihna aṭang a paih thlak an nih mai bakah an lu tan sak an ni bawk ang...


Lalfanu Ariya pawhin Green Hills courtyard aṭang chung thu te chu hria in mipui hneh ah ka rualin amah ngeiin inlan a, tunlai thuthang diklo te nen a chinfel a duh thu a sawi bawk, Royal familys in kan tih ṭhin angin naktuk Dt***** hian Lalfanu chu ka rualin Soulou khawpui a lut in mipui hma ah a in landawn a ni," Assa chuan a ti dap dap


Minister ho chuan pawmpui takin an lu bu nghauh nghauh in, "Lalfanu hi pasal nei rual leh hriak thih a Lalṭhutthleng luah rual a ni tawh si a, engvangin nge Assa hian a pasal tur a ranglam a a ngaihven lehloh ang ni?" Elba chu a ṭang nghal ṭau


"Gibson-a leh Lalfapa Elba nupui hlui Elizabeth-i te chanchin kan hre vek a, chuvang a inhualna pawh ti chat kan ni; Mahse, Lalfanu pasal turah erawh kei Soulou Lal Korsakov Larissa leh ka nupui thi ta, Lalfanu Ariya Azhilea Larissa hringtu Queen Raglan Rimsky Larissa-in an naupan tet aṭang a kan mit fukna leh Lalfanu Ariya pasal atan a kan duh leh ka nupui thutawp Elba leh Ariya innei tur a duhna thu a sawi chu ti hlawhtling turin, Elba Kiernan Larissa chu a pasal atan kan pawm a, tun aṭang a thla 8 hnuah inneihna buatsaih a ni ang tih ka puang bawk

SOULOU dan ang bawkin tun aṭang a karkhat hnuah Red Hills Temple ah Lalfanu in a hun hmangin, Cassiopea nitur in a in buatsaih bawk ang," Assa ṭawng zawh rual deuh thaw in an phun mur mur


"Thil theihloh a nih chu, engtin nge Elba nen an inneih theih ang ni Assa i harh chiang amaw?"


"Queen Rimsky khan chutiang thuchah a neih kan hre hauhlo, a naupanlai aṭang tawh a a pasal hual chu Gibson Luzman a ni, chu chu khawvel in a hria in an nem nghet bawk."


"Lalfapa Elba hian thil ṭha tamtak lo ti in, thawk tawh mahsela, a pa Prince Kiernan Larissa khan Lal phatsanin Palace ah buaina nasa tak a siam a, thisen a luan tir hial a nih kha, engtin nge Lal chhungkaw phatsan tu thisen chuan Lalṭhutthleng a luahpui theih ang ni, kan pawmlo a ni."

"I thu hi ngaihtuah nawn leh rawh Assa," Minister ho chu an inhnial vut vut


Elba'n na lutuk in dawhkan chu a beng ri ṭhuai, an en vat, an reh zui ṭhap bawk a, a ṭhutna aṭang a dingin, "Soulou hian kum sang tamtak liam ta aṭangin roluah tu chuan hnamdang a neih theihloh thu kan kalpui tawh a, tunah hmandang pawh nilo Larissa ve ve inneih kan tum a, eng nge buaina inla neih, SOULOU chhiatna tur in thil pakhat tal ka ti tawh em? Ti lo, kum 16 ka nihin ka theihtawp chhuahin Assa ka pui a, eng nge intih ve? Tuitak a khum a in mutlai khan ramri ah leh raldo na hmun ah te awmin ka venghim che u a, eng nge intih ve?


Lalfanu lahin chhia leh ṭha a hriat tirhte ata nangni ho tan a hnathawk thei turin a inbuatsaih a, in fanu ten school kal a, ṭhian kawm a, khawlai an len laiin Palace reh leh chhiahhlawh bak biak tur awmlohna ah hian kum 20 chhung Cassiopea ṭha leh ropui nitur in a theih tawp a chhuah a, eng nge tih in neih ve huhhh.. Min chhang teh u, Defence Minster, North Prime Minister, South lam te pawh, in vaiin hnamdang a ngaihzawn in hlau a, dawt thuthang in buaipui luih luih a, tunah kan in hmangaih a, inneih kan duh a, buaina eng nge inla neih? Sawi rawh u," Elba chuan thinrim zetin a ti hrawih hrawih a, an ngawi dâk hlawm, Minister 28 zet ṭhu khawm chuan 'dik dak' pawh anti ngamlo


"Lalfapa Elba thusawi chu a dik a ni, Lalṭhutthleng luah tu tur chu Larissa thisen diktak a ni tur a ni," North West Prime minister chuan a rawn tih tak ah chuan ṭhenkhat in pawmpui viaulo mahse Elba thiltih theih zia an hriain an chaklohna lai ṭheuh a hre vek a ni tih an hre miau a, pawmpui lo thei an ni hauhlo



XxXxXxXxXxXxX


ARIYA.....POV (Jessica)



Ka hmai chu veil in ka tuam a, Blue Wrap Dress a nghawng V chu ha in, Nine West 7cm a sang bun in ka sam awmze tak a an phiar leh ka lu a rangkachak ka hren te nen chuan darthlalang hma ah ka ding vang vang a, ka dul chu dimte a khawih in boruak ka hip in ka thaw chhuak ham ham, "kan ṭha dawn, engkim a ṭha dawn," Ka phun sep


Keimah leh keimah ka cher tih leh ka dawldang tih ka in hrethiam ngailo; Mahse, tunah zet chuan ka cher zia leh dam kawr ang mai a ka dawldang viau a ni tih ka inhmu thei, Leonel khan min hmuse minla duh tho a ngem tih ma ngaihtuahna ah a rawn lang leh hmanhmawh a


"I hman tawh em?" Elba rawn lut chu darthlalang aṭangin ka melh zawk, âng hau chuan min en a, chilthli tla lo chauh a mit khaplek lova min en a nui vur vur in, "i nalh lutuk," Ka kawng rawn dawm a tum chu ka lo vai sawn vat


"Kan tlai dawn," Tih leh inherin ka pensawn nghal, a hnar tum dat ri chu ka hre hman hrâm


Car leh bike in min zui duah duah, Palace Gate pawn aṭangin mipui in bân vaiin chibai minlo buk a, vawikhat pawh pawnlam ka melhlo, ka hma zawn ka en ngar ngar, ka sir a ṭhu Elba erawh glass ti hniamin a bân a vai let a, ka lo ner sawk sawk thung, Lal emaw a inti tawh a nih hi ka ti ta mai a


SOULOU North West Midlands Palace kawt a car a ding dat chuan, mit chhing in thaw ka la vang vang a, ka chhuahna tur kawngkhar Elba'n rawn hawngin a kut a rawn dawh a, ka malchung a ka kut chu nghet lutuk a humin ka inseh ruh, "Ari en nawm chhuah tum hauh suh angche," Nui lui chung a seh chilh zet a a rawn tih chuan ka melh vak


A kut hi vawn ka hreh a ni, thih hrehin ka hre a ni mah zawk, nidang ang chu nise awlsam takin ka vuan anga, ka rinchhan leh ngei ang; Mahse, a ni tawhlo, a danglam tawh angin keipawh mithar ang maiin ka danglam tawh tlat a tin ni "mithar" ni lo, sakawlh ah min chhuah zawk maw le...!


Muangchangin hreh zet chuan a kut chu ka ban de de a, rang zetin a rawn vuan zui chat, nghet zetin, ka tlan chhuah a hlau emaw tih mai tur a nghet a hum chuan ka pen chhuah rualin a lam a min pawt hnai hrawk chuan ka kawngah min kuah zui zat, mipui nuai tel dawn leh Reporter sâng tel tehmeuh hmaah chuan 'a ta' ka nih zia lantir a tum niber in ka hria, "a ta," tih ka ngaihtuah rualin ka ner sawk, ka luak mai dawn a ka hriat ni....!


Mipui hma a Royal Decree pharhin, Assa thuchhuak chi hrang hrang puan zar a nih lai te chuan ka harhfim chiah em ka hrelo, mipui ri hut hut leh zawhna ri nuaih nuaih te, ka sir a ṭhu Elba min vawn na te hian ka lu a ti hai a, ka zo lo takzet, nikhaw hre lovin min siam thei mai dawn in ka hria


Ka thlanfim rawn bawl ṭiam ṭiam chu ka hru leh zauh ṭhin, ka veil hren teh hrep nen, ka â tak ngial dawn......!



Assa thusawi lai leh Elba thusawi lai te chuan ka lu hai lutuk chu thawklak harsa khawpin ka awm a, engthu nge an sawi pawh ka hre mumal lo, ka meng ṭawk ṭawk chauh a ni


"Ari," Elba aw ka hriat chuan ka en vat, "i ṭha maw? Vawi 3 lai ka ko che a," Ka thawlak sak ṭalh leh lu hai muai muai chung chuan ka bu nghat, ka dawm turin a kut a rawn dawh leh a, camera a tam êm avangin hnar thei hekloh le, a kut dawm chuan muangchangin ka tho chhuak, Hall chhunglam kan pan lai chuan ka khaw hmuh a fiahlo in ka taksa a khur ru dar dar bawk


Hall kan luh rual deuh thawin Elba min vawnna chu ka paih sawk, amah hlat thei angber a awm tum a ka tawlh sawm tur chu ka bânrek ah na lutuk a rawn vuan chuan min pawt kal nawk nawk


Emergency Exit kawngkhar chu hawng rawkin min theh nawk a, bang a min theh chuan ka ri awk, ka harh kawk zawkin ka hria, ka dar tawn tawn a vuanin, "Ariya ṭha deuhin ngaithla rawh, i luhlul na hmang a min runluih i tum a nih chuan tunah theihnghilh nghal angche, ka ta ini a, ini kum khua tawh dawn, a chhiang em?" Ti hrawih hrawih a chiang lutuk a min en chuan lu hai nen luak chhuak nen ka nui zawi hak hak


Mit dul hnak a en chho in, "i ta, i ta ka ni ngai em ni? Ahhh.... He taksa i bul a ding, thinlung sawiloh thlarau pawh nei tawhlo, i pawh kawi theih vang hian maw? Engtin nge i awm, i hmangaih keh chhe lai thlir chu? Ni lo, mitthi tawh taksa nen a chendun chu?" Ka lu hai avangin ring takin ka ṭawng theilo, ka aw chhuak chu a damdap, ka chil kha fak mai chu ka lem khawlh a, "â lutuk teh suh Elba, he i thinlung hi a thim a, a hhim zel anga, a ruak luahkhat turin nangmah leh nangmah i inbum anga, khawvel i bum rualin dawt i infah tel zel bawk tihna a ni, tun aṭang a reilo tê ah keimah ang hian mitthi tawh taksa anglek ini dawn," Ka kut ṭang a a lungphu zawn kawk dat dat a ka tih chuan a chil a lem ri khalh, ka nui hul hak a, "phatsan tu chu kumkhua in PHATSAN tu in ni reng tho," Chiang zet chuan ka ti leh fak


"Ka in phatsanloh a, khawvel ka phatsanlo anih chuan khawvel in min phatsan dawn tho tho tih ka hria alawm, chuvangin phatsan hmasa tu leh engkim chung a rorel tu nih hmasak ka tum mai chauh a ni, i chungah ngei pawh," Ti hriam hrakin ka kawr chu pawt marin, "i taksa nalh tak ka kiangah awmin kala duat thei tal a lawm, a ni lawm ni?" Ngeiawm lutuk a kiai zauh a tih leh ka kawng a chelhin kawngkhar chu hawngin min pen chhuahpui nghal


Ka ṭang ṭau a, ka tal ru nawk nawk bawk, a ruk chuan a nak ah ka nghawk leh zauh ṭhin, "en nawm siam tum suh ka tih kha Ari," Ka bengbul a phun sup a ka bek a fawp zui zauh chuan ka thin a ti rim zual, ka puak keh mai dawn in ka hria



XxXxXxXxXxXxXxX


"Ward pangai ah kan sawn tawh a," Linda-in a ti sep, "VVIP room ah min dah a," A tih zawm zat


Rasamee chu bu nghatin, "Doctor Frost khan min rawn bia a, eng nge vawiin lam alo an?" Leonel engmah hrelo kar thum zenzawn lai mai mu tawh chu en in a ti sep


"A ngai reng in ka hria," Linda-i aw chu a beidawng ṭan


"Linda breakfast hi ei rawh, engmah ila eiloh kha," Zon room a lut chuan a ti lang lang, a McDonald's lei chu a pe zui zat, couch a an ṭhut thlak rual deuh thaw a kawngkhar in kik ri kharh kharh chuan Layla Baldwin hmel a lang zui zat


"Engthil nge i duh Baldwin?" Linda-i chuan nelawm fahranloh chuan a lo ti nghat


Leonel damdawiin khum a mu chu en in, "chanchin ka hriat veleh ka rawn kal mai chauh a ni, eng nge a an tawh?" Linda-i chu a melh a, Rasamee lo ding ve run chu a en zui zat


"I hmuh ang kha a ni mai? I rawn kal chhan sawi mai rawh, i chhuanlam fahrah zet kha ka awi i ring em ni?" Linda-i chuan chang zet in a ti leh a, Layla chu za lo zetin a ṭhensak


"Layla Baldwin Texas special investigation..." A sawi lai mekin, "intro neih a ngaiin i hria em ni? I hna i chhuang viau a nih chuan helai hmun ah nilo Miss Baldwin," Zon chuan a ti chat hmak


Layla chu a nui hak, Leonel mize tawi tut mai an chhun tih a rilru ah alang a ni mahna


"Station ah thuzawh fiah turin minzui a ngai a ni," Linda-i chu a nersawk, "warrant nen Baldwin i rawn kal nawn leh dawn nia," Tih leh filet o-fish burger chu a keih hmawk, ngeiawm lutuk in Layla en chuan a ṭhial zui tuam tuam bawk a


"Minzui ngei chu a ngaih hmel Miss Parker," William rawn lutin man theihna warrant a rawn pawrh zui vah bawk a, Linda-i chu a nui hul hak, "kum 5 lai he warrant nei tur hian inbei a, ok inthawk ṭha e," Ti deuh ngei chuan Coke zuk dawk dawkin, "kal r'u, engthil nge hriat inneih en chhin ila," Tih leh a ding a, "Rasamee, Leonel hi i kut ah ka dah rih a nia," A ti sep, a rilru tak erawhin Leonel kalsan chu a hreh takzet



"Ngaihtuah suh, ka awm alawm," Tih leh, "lawyer in mamawh chuan ka pui thei che u a nia," Linda-i chu a lu a thing mat mat, "Boss hian engkim a buatsaih sa alawm Rasamee kan lawm tho e," Tih leh William lam panin, William-an handcuffs a phawrh chu en in, "kum 5 hnu a min handcuffs theih ta hi Texas special investigation thar a ding ta emaw ka ti mai dawn alawm?" Zon chu a nui ruh ruh, damdawi chi hrang hrang leh Heroine leh weapons chi hrang hrang tawlh ruk avanga man an ni chung pawhin an la ngeiawm ngar ngar khawp mai


Layla-in Linda-i a handcuffs pahin, "in Boss mizia in kai ta mah mah a ni," Tih leh kawngkhar lam a pan zui zat



Rasamee-in Leonel chu enkawl in, karkhat lai Linda-i te pahnih bo na a ni tawh, vawi 2 ngawt Linda-i leh Zon hmuh tum leh biak tumin Special Investigation dept. a be tawh a, engmah chanchin an hrilh theihloh bakah hmuh an phal lo bur bawk, Rasamee tan nghah tawplo chu tih theih a awm dêrlo


Nurse ko ta mailo chuan Leonel bân leh hmai chu tui thianghlimin a hrufai ve mai a, a âwm phiar fat mai, a hliam kar a ser tamtak awm thluah mai chu en in a chil a lem khalh, a hnar ngul sang vah mai leh mithmul chhah dum hlarh mai leh ser er zet chu en dan danin, a khabe ruh lawk zet mai invuah rem thlap mai en kual chuan, "engvangin nge Lalfanu khan a vei em em che tih ka hrethiam in ka hria," A phunsap, a ngaihtuahna duhlo zetin a lu a thing nawk nawk a


"Rasamee engthil nge i ngaihtuah?" A mah leh amah chu a inbe mawlh mawlh, a biangsa ta hat hat chu tih daih tumin thaw ala kawk kawk a


"Jessica, Jessica... Kalsuh, kalsuh," Leonel chu a rawn phun sap sap, rang lutuk a Rasamee-in kûn hniam a en in, "Leonel, Leonel i harh em?" Leonel chu a meng kawk, Rasamee chu a kuah thlawp, Rasamee pawh chu khawng awtin a meng kawk a, a lungphu chu chutiang tak chuan ala phu rang ngailo, a pian a hnulam a a vawikhat nan tak meuh meuh thawk harsa khawpin a thum nasa, a ri dup dup, Leonel pawh chuan a nghawr dawt dawt thei hial angchu....!


"Jessica," Leonel lah chuan Jessica hming a lam zui mawlh mawlh bawk


"Leo...leo..Leonel i harh chuan min..min...min thlah tawh teh," Rasamee chuan a ti bah nawk nawk, a lungphu rang lutuk leh a kaw chhung ṭek chuai chuai chu tih reh dan a ngaihtuah a ngai a, Leonel taksa aṭang a hla thei angber a a awm angai tih a in hrilh zui mawlh mawlh bawk


Leonel chu a harh chhuak thut tih hriat takin, Rasamee chu a nam sawn dawrh, mit khap fak fak a en in, "khawnge Jessica?" A aw chu a tham ṭiam

Rasamee awmdan chu ala dikzan lo, ṭawng mai nachang pawh hre lovin, a mit a khap fak fak a, a lungphu inthum rawn tluk tluk leh kaw chhung sa vawt vawt avangin ala khawng at thung


"Rasamee," A khuh nghal bawrh bawrh, Rasamee chu harh chhuak thutin, tui leh straw chu la vatin, "ka tihpalh, i harh chhuak tawh dawnlo emaw kan ti hman," Leonel zawhna chu a hre hauhlo nge a haider zawk.?


Tui zuk khawlh khawlhin, "khawnge Jessica?" A zawhna ngai bawk a zawt nawn leh, Rasamee chu a hriat thiam silohin a lungphu zawn chu a sa nghal veng veng, a lu a thing a, "Soulou ah a let tawh, thla 1 leh kar 1 lai nikhaw hre lovin i awm a," A tih laiin,"khawnge Linda-i leh Zon, tunah SOULOU ka pan angai," Thawh mai a tum chu a taksa dang dam tawh mahse a mu rei lutuk nge a duh angin a che thei dêrlo


Rasamee-in pui vatin, "mu rih rawh, doctor ka'n ko ange," Tih leh inher a tum chu Leonel-an a bân ah vuanin a pawt let hrawk, Rasamee-i lungphu bawk chu mak khawpin a thum nasa, amah ngei pawhin chu chu mak a ti


"Thil awmdan sawi rawh, tunah, " Leonel chuan thu a pe hrawk

Rasamee chu a thaw kawk a, engvang a a venhim ṭhin, thih pawh pawi tilo khawp a venhim Lalfanu chanchin chu sawi hreh ta tlat nge a ni..? "Lalfanu chanchin nge Linda-i leh Zon?" Rasamee aw ah te chuan lungawiloh na a lang chhuak, amah pawhin engtak nge a lawmloh na a hrelo a, mak pawh a inti viau bawk, "engthil nge ka tih hi?" A rilru in a in zawt nghal mawlh mawlh


"Jessica, Jessica Spencer," Leonel chuan Lalfanu tih a hmang duh hauhlo, a chhan chu Ariya khan Lalfanu nih aiin Jessica Spencer nun kha a duhin, nuam a ti zawk tih a hre tlat a ni, "Chutiang chuan ko rawh," A tih zawm nghat


Rasamee chuan a kut hum ruhin, "thla 8 hnuah Elba nen an innei ang, engmahtih theih ka nei rihlo," Tih bul hmuki bathroom lam panin chak lutuk in a kal a, lutin, kawngkhar a kar ri rawk bawk, engvang a sawifiahlo nge a nih? Thla 4 hnuah chhan chhuak turin a kal tur thu engvang a Leonel hrilhlo nge a nih? A mah leh a mah chu zawhna hlir in a khat a

Darthlalang a in en in tui herh haw chuan a hmai a theh ṭhawt ṭhawt, tuai puakin, "Rasamee, Rasamee engthil nge i ngaihtuah Leonel hi i duh em ni? Ni lo, teuhlo lutuk, Lalfanu Ariya ta a ni, hmangaih a nei, theihnghilh suh," Darthlalang a in en chuan a in hau mawlh mawlh


Mahse...kar 1 liam ta aṭang a Leonel a hnaih a piang emaw a ngaihtuah a piang a mak tih khawp leh zep rual loh a a lungphu rang leh Rasamee hmeichhe nuikhat em em, a nui ngailo emaw tih tur khawp a hmai rum hmai a nui hmel awmta ṭhin chuan hai rual loh leh zep rual lohin Leonel hi a duh a ni tih a ti fiah viau thung


<>~£~£!~>~>~<>£>

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:24 pm

SOULOU : Bloody Romance
By
Floria laldansangi



Chapter ***18***


"Engthil nge tih i tum?" Bathroom aṭang a chhuak chiah Rasamee chuan Leonel thawmhnaw inbel mawlh mawlh chu phawk zetin a ti vat a


Chhang lemlo in a Rasamee chu a melh zawk, "mu hle hle rawh," Kawngkhar lam aṭangin Drake-an a rawn ti hluk


"Hi Drake."


"Hi Rasamee, i Doctor ka bia a, karkhat tal therapy ilak angai, Zon leh Linda hmuh tum a i chhuak a nih chuan ti lo law law rawh tih ka râwn angche. FBI, CBI leh CSA chung zawng zawng chu awlsam tak a i pal tlang ring suh, nangpawh chhui mek ila nih kha. Kum tamtak an zui tawh che ngaihtuah awm an nilo, thihna aṭangin i rawn let chauh a, i lu iva hlan a ni ringawt dawn a sin," Leonel ngawi ngul a jacket ha fel at chu khum a nam ṭhu hnawkin, "ka thu hi awi la, i dam ṭhat nghak mai mai rawh," Ti leh nghat chuan Rasamee chu a melh zawk


"Karkhat dang nghak leh turin ka zaidam na in a daih hauhlo Drake," Ti bul hluk a thawh a tum chu nembet luiin, "damdawiin a i awm vang chauh a koh ni lo ini, min ringla buaina a punlun a hunlo," Drake chuan ti leh in a sirah a ṭhu thla ve nghal a


Leonel chu a rum nghut, "Rasamee, Jessica chanchin eng nge hriat ineih?" A melh nghal run, Rasamee chuan a chil a lem khalh, engvang a Jessica chanchin chu hrilh hreh em em nge maw a nih chiah le....!

"Elba nen an innei dawn, vawiin chawhnu hian Gibson-a te pafa khai hlum an ni bawk ang," Leonel chuan a mit ti zim sânin Rasamee chu a en ngur a, a thusawi chu a ringlo ni lovin, kimlo awm tlat a hriatna a nei tlat thung


"Ka hria, engtik ah nge inneihna hman a nih dawn? Tih a ni ka hriat duh," Rasamee-in a sawi hreh em em leh zawhna dawn a hlauhber zing a mi a ni hial angchu chu zawhna chu, Leonel a en kawk


"Ka...." A tawp dat

"Mr. Thompson physiotherapy ti tur in min rawn zui dawn em niang?" Nurse aw an hriat rualin an hawi vat, Leonel erawhin Rasamee a en ngar thung

"Kalrawh," Tih leh Drake chuan Leonel chu nam tho in kawngkhar lamah a nam a, "engpawh ti dawn la i hrisel hmasak a ngai," Tih leh nui vur vurin kawngkhar lamah chuan a nam dat dat, Leonel rilru erawh Jessica zanin ngei a Soulou pan a tum bur thung


"Ka lawm e," Rasamee chuan Leonel te chhuah rualin a ti sep

Drake chu a kiai suk, "i tan a ti ka ni hleinem, ka unaupa leh in Soulou buaina...... nilo, nangni ho nen a inzawmna neih tir ka duhlo mai chauh a ni, Leonel leh in Lalfanu hi an in hmangaih tih hre tho mahila," Rasamee en a chawl datin, "Nangpawhin Leonel i duh vang leh ngaihtuah vang a engmah hrilhlo inih ang bawkin ka ti ve mai chauh a ni," Rasamee chu a meng kawk


"Ka duh...." A tih bah nawk nawk laiin, "ka duhlo' tih sawi i tum a nih chuan inbum buai duh suh, i hmui khan a sawi chhuak thei a mi mahna, mitmeng erawh a daw ngailo a nia; Mahse, thurawn ka pe angche Leonel thinlung nei tur erawhin thil awlsam tak a ni hauhlo," Nui vur vurin, "Jessica mizia ang, duh neih tlat tum, frank tak a i sawi chhuak ngam te a nih chuan chance inei mahna," Thurawn inti pe zet a mit ko san ak ak in room aṭang chuan a pen chhuak zui zat

Rasamee chu a ding khawng at a, "kei hian Leonel ka duh amaw?" Ka phun sap, engvang a thla 8 chhung Temple-ah awm in, ruahman na a siam tih kha sawi mailo nge a nih? "Nge ni a? Kei hian Leonel leh Lalfanu te in tawn leh hi ka hlau takzet zawk?" Rasamee chuan a mah leh mah inbia in, Leonel lak a a feelings chu duhlo viau mahse a hnial thei chuang miahlo

.
.
.
.

"Texas chhuahsan ṭalh i tum tih sawi suh," Leonel ka sawi nawn leh ang Texas chhuahsan phal ini lo, buaina pun lun i tum a nih chuan ka danglo angche," Drake aw chhuak ah chuan a lungawiloh zia alang



Bike bulah chuan Drake a ding ran, "awm sawn rawh Drake," A ti bul hluk, sana chu a bih leh zauh ṭhin


"Leonel khawnge kal i tum?" An sirah Rasamee car a din rual a, car aṭang a chhuak chuan a ti vat


"Soulou pan i tum tih i sawi a nih chuan theihnghilh angche," A tih zawm zat


"Min dan han tum chhin ula," Ti hlukin Drake nam kat nawk chuan bike ah a lawn zui zat

Rasamee-in pan hnai vat a Leonel bân a chelh chuan, "kal pawh nila engthil nge itih ang? I thihna tur i pan mai chauh a ni, Lalfanu a nih angin mawhphurhna a nei a, chu chu Lalṭhutthleng luah a ni, chuvangin Elba a neih angai," Rasamee chuan a thusawi ngei in a chhungril ah a vit sawk sawk, engtia chutiang thu chu sawi chhuak ta mai nge a nih pawh a in hrethiamlo


"I kut..." A tih rual deuh thaw in, "pasal a nei tawh, ka sawi awmzia chu Elba nupui a ni tawh, a chiang em?" Rasamee chuan a ti hrawk, chawpchilh a dawt a sawi chu thawk harsa a tiin a thaw zui sawk sawk bawk a

Leonel chu za lo zet a kiai suk, nghet lutuk in bike chu a chelh a, "ka buaina a ni, Rasamee," Chang zet a ti hrawih a, Rasamee kut chu vai thla sawkin helmet a khum a, bike ti nung chuan chak lutuk in a tlan chhuak nghal


Rasamee chu a hnunglam ah a kat deuh nak, a thaw zui kawk kawk bawk, "eng thu lawilo nge maw ka sawi kha le?" A phunsap, mahni in thiamloh na in a tuam zui hlup hlup bawk a; Mahse, a chhungril khawi emaw lai ah erawh mahni inthiam chawona ri cheng cheng chu a ngaithla tlat thung

.
.
.


SOULOU

ARIYA....POV (Jessica)



Kan hma dawhsân a Luzman-a leh Gibson-a khai hlum mai tur, an lu an khuh chu ṭang ṭungin ka en a, ka lungphu rang lutuk chu ka thawk thlengin a buai


"Hahdam rawh Ari," Ṭawng pawh ka ṭawng chhuak theilo, Elba chu ka melh zawk, ka thawk lak harsa lutuk chu ka thaw chhamin ka thi mai dawnin ka hria

A kut zaizir a Gibson-a lu khukna la thla tur a hrilh chuan vengtu chuan a pawt hlip sawk, Gibson-a ka hriat ṭhin, mipa hmelṭha tak kha a dawldang in, a ro bam bawk a, a cher em em bawk, ka mittui a hnam sawk, min phatsan a, ka tan a rinawmlo na chung khan, tunah ka hma a khai hlum mai turin dawhsan ah a ding a, ka hlim chhuang hauhlo


"Khang zawng zawng i chunga a tih hnuah i khawngaih a maw?" Hriam hrakin ka melh vak


"Ariya ka hriat ṭhin kha ila ni e?" A tih zawm sap chu ka chil lem khalhin, "nilo, min hre ngailo a, ka hre ngai heklo che," Kha zet a seh chilh deuh bap bap chuan ka ti chhuak, ka hria emaw ka tih kha, ka lo hre ngai hauhlo zawk tlat a tin ni


Gibson chuan a din na aṭanga min rawn en vang vangin, a nui sen sen bawk, ka inrin hma in ka biang a lum thla pup, ka ṭhutna chu nghet lutuk in ka hmer ngawt ngawt bawk a


A hmel ah chuan thih hlauhna pakhat mah a langlo, mittui nen chuan ka en kar a, Assa in, "ṭan rawh u," Tih leh a nghawng a hrui kual an dahlut a, a sir a vengtu in signal a pek rualin a dinna chu a in hawng rawk, mit ka chhing sawk, ka thaw em pawh ka hrelo, ka en ngamlo a, a thi tur ke leng vel chu ka en ngamlo a ni ber


Ka kutah Elba'n rawn hmerin, "i mitmeng rawh Ari, enrawh nang leh kei min phatsan tu thi lai khu en rawh," A aw chang zet leh hriam zet mai chuan min chhun sawk sawk


"Thi sâwn rawh Elba," Mit chhing ngar ngar chuan ka ti chhuak hrawih, a nui ri hawk hawk, a nuih erawh a za hauhlo, ka khabe ah na lutuk a hmerin, "en rawh, khitiang chiah khuan i mipa hmangaih em em, i nunna ai pawh a i venhim duh zawk kha American uicho kha a thi dawn tih ka hrilh leh angche, i mit ngeiin i hriatpui bawk ang," Na lutuk in ka hmui a fawp zui nawk nawk, ka hmui ka chip tlat chu na zet a hmet kau in, "mintih lawm dan a zirin a nunna ka kut ah a awm ka tih kha," Tih leh min fawp zui ngawng ngawng



A inlak hran rualin ka uak chhuak ṭhawt, "Hreptak che hian Ari," Ti hrawih a tho thurh, mittui nen Gibson-a a inkhai chu ka melh a, ka sir lam melhin Assa ngawi reng a ṭhu chu rilru na lutuk in ka melh ngawt ngawt bawk


Ka ṭah nuih hak hak, "i fanu i hma ah ngei na tuar a awmlai pawhin engmah thlenglo ang mai i awm thei hi ka fak che a ni Assa," Rilru na lutuk chuan ka ti chhuak


"Ari, tunah rih chuan tih theih ka neilo tih i hria alawm, Elba hlauhawm......." Ka bân chunglamah ka vai thuak, "tih theih inei emaw neilo emaw ka mamawh hauhlo; Mahse, Elba aimah a hlauhawm i hre duh em?" Ka ṭap chhuak chak lutuk chu ka hrawk ana kham ut ut



"Mangchhia.." Ka chawl dat,"mangchhia, zantin deuh thaw mangchhia neih a, chu i mangchhia chu tudang mah ni lovin i bul hnai a mi te leh i mi ngaihsakber te an nih hi a ni, ka tan chuan SOULOU hi mangchhia mai a ni," Harsa lutuk a sawi chhuakin ka chil ka lem khawlh, ka ṭhutna aṭang a muangchang a dingin Elba'n ngawi reng a milo en na lam chu ka pan zui chhat chhat

Ka mittui vang nge Elba hmel ah chuan min khawngaihna ni awm tak ka hmu zawk, rei erawh a nilo

.
.
.

Ka taksa khur ru der der pawh ala reh hauhlo, Red Hills Temple kawt ah car in kan ding vang tawh, "i ṭha chiah maw?" Elba bawk chuan a rawn ti leh a, thaw hakin, "ṭha lo ti ila tih theih inei chuang em ni?" Ka ti leh hlak


Thaw hakin, "Ari ṭha takin kan inbe theilo em ni? A hma in hetiang ini ngai hauhlo," Ka nui hul hak, "a hma in hetiang ini tih ka hre bik hauhlo Elba," A chil a lem ri khalh a, in seh ruh zetin min en zui run, ka haider hmiah thung

Car aṭangin a chhuak thurh, ka chhuahna tur kawngkhar hawngin a kut a rawn dawh a, a kut vuanlo in keimah in a chhuak zui nghat


"Thla 8, theihnghilh suh, thla 8 hnuah he gate pawn ah hian ka lo nghak angche, chumi hnu ah chuan ka nupui ini tawh ang," Chiang zet a ti chuan a nui sung bawk, a nui hmel leh mitmeng hian ka hmul thi a ti ding ur ur thei, nge ni a ka rai vang zawk nge a hmel hi ka hua in ka luak a ti chhuak zual



Gate bul a hmeichhe hlang Monk ho in an min lo nghah ṭhap na lam chu panin ka pen lut a, "ka fanu he Temple thinlung thar neihna hmunah hian kan lo lawm a che, thinlung thar leh thlarau thar nen a i chhuahsan kan beisei, Barry, Lalfanu hi a room turah hruailut ta che," Ka bul a ding naupang Monk thuam a in thuam chu a ti nghal zat, nui sen sen a ka kalna lam tur min kawh hmuhin, "helam ah hian Lalfanu," Tih leh pensawn a rual


Temple hmun boruak thiang zet leh ralmuang zet mai hmun chu gate ka luh tirh aṭang khan ka feel thei


Ka room tur a ka luh rual chuan, "mamawh ineih chuan min ko dawn nia," Ka bu nghat

Ka hawi kual a, ka room tukverh chu hawngin pawnlam thingkung ding thluah mai, ngaw tih hriat tak leh tuma luhpawh lohna tih hriat tak a thirlên an zarna lam chu thlir vang vangin ka dul chu dimtê in ka dawm a, "thla 8, thla 8 chhung hian helai hmun aṭang hian ka thawn chhuah che a ngai a ni," Ka phun sap


Ka phone chu rang lutuk in ka phawrh chhuak a, Rasamee number ka hmet chhuak nghal, ka call a, ring hauhlo in a tut tut tlat chu thinrim zetin ka phun hlak


"Diklo a awm em ni?" Kawngkhar in kik rik rual a rawn in hawngin hmeichhe monk pakhat chu a rawn lut a, ei tur a rawn chawi lut bawk


Mahse, a ei tur rawn ken rim ka hriat rualin ka uak thawt, ka uak zui tuar tuar, ka kâ hup betin bathroom chu zawngin ka hawi kual nghal vut vut a, "hetah hian," Tih leh kawngkhar hawng rawk rawk



Tlan lut rawk rawk chuan, toilet tlâng vuanin ka uak tuar tuar, engmah luak chhuah tur phei chu ka nei law...!


Dul vun na urh a ka uak hnu ah ka ṭhu sawp hnawk, ka mittui hru tawk chuan thaw ka la zui kawk kawk bawk a


Kawngkhar bula ding Monk chuan mit khap leklo a min en in, "Lalfanu i rai a ni tiraw?" Ka en kawk


"I lei veng ṭha rawh," Ka vin ṭhat, thiamloh na a nei phei chu a nilo, ka zawhna dawn duh hauhlo a nih vang zawk a ni


"Ka tihpalh ; Mahse, SOULOU Lalfanu ini a, engtin nge pasal neih hma a i rai thei ka ti mai chauh a ni," A mitmeng ah chuan min hlauhna emaw han zâm eihna emaw a lang hauhlo


Ka en chho a, za lo zetin ka nui hul hak, "eng nge i hming?" Min rawn pan hnai a ka dawm tur a a kut rawn lek chhuakin, "Pema Yuden," Tih leh min pawt tho in room chhung a min kai lut chuan, "i chanchin hi ka hre nual tawh a, a tak a ka hmuh che ka in ring ngai hauhlo," A nui sen sen


Kan inrual emaw kei aiin kum 2/1 bak a upat ka ring hauhlo, a mize tlang tak pawh in an na lai riau kan nei a ka hriat tlat ni


"Thla engzat nge a nih tawh," A ei tur rawn ken luh chu chhin phuiin min rawn melh zawk, "ei tur dang minpe thei angem?" A zawhna ka chhanglo, a nui ri ngawt

"Tehreng mai, lo nghak rawh, ei duh leh chak zawng ineih chuan min hrilh dawn nia, ka theih zawng a nih chuan tihsak che ka tum ang, railai a ei chak ei tluk a awmlo a nia," Mit min siai khum zauh, ka nui suk ringawt


Tray chu chawi chhuak lehin ka phone chu ka ban zui leh, "Rasamee engvang a biak theihloh nge maw inih le?" Ka phun nang nang

Kawngkhar rawn in kikin, Pema bawk kha a rawn lut leh a, "Milk leh cheese cake hi i ei theih ka ring, ka rai lai khan ka ei theih ber te an nia," Tih leh a rawn hung hnai a, ka en vat


"Fa inei tawh amaw?" Min nuih, phawk fe a ka en vang leh ka dil chhut hmel vang te pawh a ni mahna


"Ka chhiat, ei rawh," Tih leh ka kut a phone chu melhin, "hetah chuan phone pangai a hman theiloh," Tih zawm zat a a phone ah lai phawrh a min pe in, "i hmang thei ang," A ti zui sap

Nuih sen sen in, "ka lawm e," Tih leh Rasamee number hmetin ka call nghal, a Ring ral ṭhak ṭhak chu a ngaihna hrelo lutuk in phone chu beidawng zetin ka en a, "engthil nge maw i chungah thleng le," Ka phunsap


"Pema," Ka bula ding chu ka melh chho a, risk ka la a nihloh chuan he hmun a minpui thei tu an awm dawn lo tih ka hria, Pema hi tunge anih hrechiang lo mahila ka hman ṭangkai a ngai a ni


"SOULOU mi inilo tiraw?" A bu nghat, "Bhutan mi ka ni e."

"Engvang a helai hmun a awm nge inih?" Tukverh lam panin pawnlam a thlir vang vang a, "Engvang nge ni a i rin? He Temple hi chu keini ang tan a siam a lawm, i hria angchu Lalfanu inih kha," A mitmeng ah chuan natna thûk tak ka hmu, sawifiah rual a nilo


Zawh buai ka tum heklo, keima buaina pawh ka chinfel theihloh lai a a buaina va hriat kha ṭul ka ti lemlo ; Mahse, ka rin angai a chutiang bawkin ka inrin tir a ngai a ni



XxXxXxXxXxXxXxX

"Bike ti ding rawh, ka sawi nawn leh ang Leonel Thompson, ninja bike, a sen duk linc no. 6SX891 i bik ti ding tur a hriat tir ini," Police siren a ri chuah chuah, Leonel erawh a speed ngaiin ala tlan ngar ngar thung


Phoenix Lawng chawlhna hmun pan tum chuan chak lutuk in a tlan fua fua a, a hnunglam ah police motor leh bike in an um duah duah chu side darthlalang aṭang a melh zawkin a tlan chhuak zo dawnlo tih a hre na chu din erawh a tum chuanglo


A hma zawn a silai a tin a car leh bike hmang a kawng an dan a hmuh chuan bike chu her kual tuarin a ding ri tuar bawk

"Leonel Texas chhuahsan phal inilo kan tih kha," Helmet phelh rual a Layla-in a tih chuan Leonel chuan a helmet a phelh ve zui zat a

"Min man i tum tihna em ni?" Leonel chuan Layla chu a en ngur, street light eng in a chhun vang nge a hmel chu a lang chang zual


"Ka hmuh leh hun che chuan handcuffs ka bun tir ngei tawh angche ka tih kha," Tih leh Leonel pan hnaih a tum chu Leonel chu a che hrut, Layla chu tawlh hnung datin, "Leonel thil atthlak ti miah suh," A kut chu a lek chhuak a


A kiai suk, "han tum chhinla Baldwin," Ti bul hluk chuan Leonel chu police 10 chuang zetin an zîm hnai hret hret, ramsa man tum ang mai a hualin, an veh den den bawk a


"Leonel tum buailo mairawh, i pawm angai," Rasamee chuan car aṭang a tlan chhuah rual chuan a ti hrawk, a chhanglo, amah pan hmasaber tu police chu a hnek let tawp a, an bawh zui nghal huk bawk


Rei tawk fang an insual luih luih hnu ah silai a puah rualin Leonel chu a er awrh a, William," Layla chuan ti ṭhawtin Leonel lam chu rang lutuk in a pan bawk


Leonel lei a ṭhingṭhi thla hnawk chu pan hnai rawk rawkin, "Leonel," A ko nghal mawlh mawlh, "Layla Baldwin, zanin a thilthleng hi engtik ah mah ka theihnghilh ring suh," Hriam hrak a ti hrawih in Layla-in a vawn na chu a phih thla sawk, mit sen ram a en ngur ngur in, William-an Leonel kut chu hnung khirh rawk rawkin, "a thi dawnlo Layla, i hria alawm," Tih leh a pawt tho nawk



"Leonel Thompson, Human Trafficking vang a man ini, i ngawi thei a, i ṭawng thei bawk, tun a i thusawi a piang erawh dan kalh a lak a ni ang," Tih leh Layla lam ah chuan a nam dawt dawt

Layla leh Rasamee chu phawk lutuk in an meng, "human trafficking' eng mge thil awmzia?" Layla pawh chuan a hresa bik hauhlo tih a mitmeng leh zawhna zawh ah chuan alang


"Evidence nen a man a ni Layla, chuan Director in he case ah eraah i kut sil turin a duh che, keipawhin," Tih leh Leonel chu a bam kal dawt dawt


Leonel erawhin engmah sawi lovin, rum lutuk leh mitla sawn hauhlo in Layla chu a melh ngut ngut thung, chutiang tak a Leonel-an huatna mitmeng a Layla a en chu Layla pawh chuan mak a ti a, a awm a ti nuam hauhlo bawk

Zanin hi atan eng zan nge a nih tih a ngaihtuah ngial pawhin Leonel thusawi lha a hrethiam pha hauhlo



<><£~£<£<£~£~£~£<>

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)