SOULOU : Bloody Romance By Floria laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

SOULOU : Bloody Romance By Floria laldansangi (Completed)

Unread post by Ngaia » October 25th, 2020, 4:18 pm

86rqm2q0.jpg
86rqm2q0.jpg (40.64 KiB) Viewed 24601 times
SUOLUO : Bloody Romance
By
floria laldansangi

( "Soulou" han tih takah chuan Three Kingdom of Romance lehkhabu hre ho chuan in rilru ah Barbarian tlangval a rawn lan nghal ka ring a😂mahse, kum sang tamtak a tlu chhe tawh Lalram hming hian tunlai mil takin ka thiam ang tawkin ka rawn ziak a, chhiar dan inlo thiam dawn nia aw👄❤️)

^^^^^^^^^



Northern SOULOU...


•••"SOULOU Kingdom" ti a khawvel in a a hmel hriat, ram hausa tak, "rangkachak Lalram," Ti te pawhin an sawi mai ṭhin

Kum sang tamtak chhung Lalram ding tawh ni in, an dân(law) pawh danglamna neinual tawh mahse; Dân ṭhenkhat erawh thlak theih miahloh an nei, chung zing a langsar zual ah te chuan, "Lal lukhum rochun tu tur reng reng kum 25 an tlin hma in fa an nei ngei ngei tur a ni," Tih te leh, "Hmeichhia in Lal lukhum a rochun dawn a nih chuan, pasal a neih hma chu mipui hma ah a hmel/hmai tihlan phal a nilo," Tih te hi a ni

Mahse; Heng dân tamtak leh khirh tak tak hi kum zabi 21 na Lal fanu neih chhun leh Lal Lukhum rochun tu tur hian a zawm thei rêng em..? Kan chhiar ho dawn nia••••



Chapter ***1***

SOULOU
Lotus palace

Princess Ariya Azhilea Larissa.....POV



"Lalfanu fimkhur rawh i tlu ange."


"I hresa a ni tiraw Nira?" Ka mimal chhiahhlawh, ka sir a kun lap chung a min zui dawt dawt tu chu ding dawt in ka vin hrawk, a kun tlat avangin min hmu heklo, min su deuh dawt a

"Ka....ka tihpalh," Ti bah nawk nawk in a tawlh hnung nghal rawk rawk bawk

Ka mit ah pawh en ngamlo a a kun lap dan ah zawh nawn fo ka ngailo tih ka hria in, min hlau leh hle tawh tih alang bawk


"Nira..?"


"Aw Azhilea," A mit bial kêrh leh pawisawilo zet nen a a rawn dah chhuah heu chuan ka thaw chhuak hawk


Chhiahhlawh ang in ka en ngailo, ka ṭhian ṭhaber a nih bakah, ka unaunu ang mai a ni, engmah min hrilh lo a a awm chu ka lungawilo takzet; mahse, he a mitmeng de ser ser leh pawisawilo zet a min en hi chuan ka hrem theilo chu a niber e...!


"Assa(King) in engthu nge a sawi?" Ka pan hnai hret, 'ASSA' Ka tih rualin 'Pa' ti a ka koh lohna rei tawh zia ka hre chhuak


A hmui a pet bet tlat, engmah sawiloh tum in a theih tawp a chhuah tih a lang; mahse, dawt sawi a thiamlo tih ka hria, dawt a sawi thei heklo, kan in hre chiang mah mah


"Nira, ka thin tihrim belh i duhlo ang tiraw..?" Tlawn pah si chuan ka vau leh zeuh, ka meng dur lui ang khep khep bawk a, diktak chuan ka'n inla hlauhawm kual vel chu ka nuih a za ru ve reng tho


"Azhi...Mahse Azhi..."


"Azhi....Azhi ni lovin, Azhilea maw le Nira," Ka en ran


A chil lem khalhin, "Azhilea, naktuk...." A tawp dat, kan bul vel melh kual rek rek a min rawn en leh in, rawn dingdi hlip ak ak a ka bengbul a rawn phun sar sar chuan, "naktuk hian General Gibson-a SOULOU a rawn lut in, in ineih hun tur ruat a ni dawn, nilo, a rawn thleng tawh zawk maithei," A sawi zawh rualin ka rak ṭhat


"Khawiah nge Assa a awm? Ni lo, ka unaupa zawk?" Hun ka neih tlem zia ka hria, he mangchhia aṭang a minpui thei tu chu ka unaupa, Lal fapa Elba chiah a ni


"Lal fapa chu zing hmatak ah England lam pan in a thlawk chhuak tawh a ni, Assa erawh Lotus palace ah Turkey lam aṭang a mi pawimawh tak tak nen rorel na an nei mek bawkin ka hria, ka hresual maithei bawk," A sawi zawh rualin ka in her vut

"Lal fanu khawiah nge kal i tum, tunah chuan Assa hmulo la a a ṭhaber a nia," Ka hnunglam a min zui dawt dawt pah a Nira-in a tih lang lang chuan ding dawt in ka en hrawk, ka pen leh nghal pawk pawk bawk, a tlan in ka tlan a ni mah zawk


"Lal fanu i lut..." Vengtu in a sawi zawh hma in, ka hma a kawngkhar hnûm zet leh lian zet mai chu ka kut hnih in, ka theihtawp ana in ka namhawng rawih rawih a, a lian in a khauh em em bawk, thir chhah tak a siam, rangkachak tui a luan a ni miau a


Ka tlan lut ti tih zui bawk a, ka pa, he ram Lal ber, "King Korsakov Larissa," Ti a khawvel in a a hmel hriat, hmei tamtak nei chu, a tihdan ngaite in a Lal ṭhutthleng lian leh ropui zet mai, Phoenix lem, rangkachak tui a luan a ṭhu luah mai chu ka pan hnai pawk pawk a


" Azhilea khawiah nge i nungchang a awm..? Helai hi i rawn luhna hmun tur a nilo, tunah Lal fanu hi a chamber ah hruai rawh u," Ka hmel a hmuh rualin ka pa in a ti ṭhawt

A sawi dik, he room hi chu Lal leh a minister te, rorel tu te bak luh phal a nilo, hmeichhe chhiahhlawh pawh luh phal a ni heklo, hmeichhe lut thei awm chhun erawh Lal Nupui Assami chauh a ni, kei ngei pawh hriak thih ka la nihloh avangin ka duh hun ah emaw ka duh dan emaw in he room hi ka lut chhuak thei hauhlo, dân kalh tlat a ni


Veng tu ten ka lam an rawn pan tur chu ka kut chunglam ah ka vai thuak, ka sir a mak tih hmel zet a a ṭhutna aṭang a rawn ding chhuak zawk Gibson-a chu ka melh hrawk, chutiang bawkin rum lutuk in a bul a ṭhu a Pa, East SOULOU Prime minister nilai mek, thil ti thei tak mai chu ka melh zui zat bawk, ka mitmeng ah chuan ka lawmloh dun zia an hre ngei ang



" Ohh min hrethiam teh, Turkey lam aṭangin mi pawimawh tak tak an lo kal emaw ka tia," Ka thle bak, ka ngeiawm ve hrim hrim bawk a

"In inneih hun tur mawle Lal fanu zahawm," Luzman-a (Gibson-a Pa) rawn ṭawng chu ka melh hrawk, ka mit aṭangin thal chhuak theise zawng, a chal ah tak a bur va ta ve ang

Ka in ner khum sawk, "Ka pasal neih hun tur ruahman na in siam a, keihi ka tel lovang maw..? I fiamthu em ni Assa ?" Ka aw ki chu thunun tum viau mah ila, ka duh ang tak erawh in ka thunun thei dêr lo


" Chibai Lal fanu zahawm, kum 3 lai in inneih hun kan pawt hla tawh a, a hun tawh viau a ni, SOULOU Dan chu keini aiin i hre zawkin ka ring," Min zah vang ni hauh lovin, ka pa lak a hmaifai a tum luat a nêm duai a minbe tu, ka pa nupui, hmei ni ṭhin, tun a NUPUI dinhmun a ding ASAMI-in a rawn tih chuan ka ner sawk (Lal nupui hi Asami anti mai ṭhin)

" Ka be lo che," Ti kha deuh fak chuan ka pa bawk ka en leh


" Ariya i ṭawngkam fimkhur rawh," Ka pa in a rawn ti zui ve hlak bawk


"Assa, Azhilea hi be hmasa ila..." Gibson-an a rawn tih rualin ka kut bawk chu chunglam ah na lutuk in ka vai leh thuak, anni, ka tan a ṭangkai na nei lemlo be turin hun ka nei ṭhaklo


" A tawk Gibson, nang leh kei, kan pahnih inkar ah chuan khatiang lem chan kha duhtawk rawh ," Ka duhloh lutuk in ka mit a rawn hnâm sawk bawk a, ka tan he mihring hmel hmuh sawiloh, a hming hriat ringawt pawh hi a hreawm lutuk tih hi an hrethiam pha lo a ni, hmangaihna vang erawh a ni tawh hauhlo tih ka sawi tel hrâm ange


" Ariya Larissa," Ka phu nasa lutuk, ka pa aw ki vin ka hre khat deuh a ni mahna, kan in hmu khat mah mah zawk a ni


" Ariya Azhilea Larissa maw le, keihi he Lal ram lal fanu, Lal ṭhutthleng a ṭhu mai tur ka ni bawk, ka pasal tur pawh ka hmangaih leh ka duh ngei ka nei bawk ang," Ka ti let tuar, hall a nih avangin a khawk ṭha duh rum rum khawp mai



Ka sawi zawh rual deuh thaw in eng emaw hi a rawn thlawk fua a, ka beng per sawk, ka thaw ka hip let kawk bawk a, a rang teh thut lutuk a, engthil nge a nih pawh ka hmu chiang hmanlo, ka tha khur ru der der mahse ka in humruh, , chhuat a phone tla phel hawk chu phawk lutuk in ka en, ka chil ka lem ri khawlh, ka hmai emaw fuh ta se ka inhliam na ta ve fu ang tih ka hria

Engtik laiin nge Gibson-a ka bul a rawn thlen ka hrelo, ka bân bul a dawm chu ka phih sawk


Inthlahrung ni awm fahran a tawlh sawn hretin, "i ṭha em?" A phun sep, ka chhanglo, ka ṭhat leh ṭhatloh hrilh thlip thlep turin ka engmah a ni tawhlo, ka awmdan chu naupang chhia inti pawh a ni maithei; Mahse, alak ata hla tak a awm hi kum 2 liam ta aṭang a ka duhthusam ber kha a ni miau a



"Tun ah, tun ah ngei Lal fanu hi cold Palace ah kalh hnan rawh u, ka thu lovin pênkhat pawh a pên chhuak tur a nilo," Ka pa aw ki vin zetin a rawn tih leh chuan za lo lutuk in ka nui hul hak

"Kum 20 chhung teh meuh itih ṭhan tawh alawm," Engah mah ngailo zet in ka ner sawk sawk


Cho zetin ka en chho vah, "tunge chak zawk kan hria angchu," Ti ni âwm fahran in kan in melh, kan in cho mah mah a ni


"Lal fanu," Veng tu in ka kalna tur min kawh hmuh chu ka pa melh lui leh vakin, "ka chamber ah ka let dawn," Tih kha hrawk chuan inher vutin thinrim in hum ruh ngar ngar chung chuan ka penzui pawk pawk



Ka room ah lutin theih taw chhuahin ka room chu ka ti hnawk a, vase in hung leh keh thei awm ang ang chu tih hriat tumin ka ti keh chhe hlawm bawk a, pawnah chhiahhlawh an dinh ṭhap tih pawh ka hria, heihi kum 20 chhung naupan lai aṭang a vawiin ni thleng a ka thinrimna leh lungawiloh na te ka tih rehdan awm chhun a ni


Chhiahhlawh leh ka duh leh ka mamawh a piang ka nei a; Mahse, tu hnen aṭang mahin ngaihsakna leh hmangaihna tak taj ka dawng ngailo, tumahin ka ngaihtuahna leh duhda an dah pawimawhlo a niber

Elba tihloh chu, a chang chuan Elba pawh hi Assa ang mai a rilru khauh chang a nei ṭhin a bikin a nupui Elizabeth-i Gibson-a lak a a uire hnu phei kha chuan a nundan a dang hlak ka ti lo theilo


••Princess Chamber•• LOTUS Palace

"A muhil takzet a ni General," Nira aw ka hriat rualin ka meng diar diar, ka room chhuat ah Coffee(ui hming) pawmbet pahin ka lo chhing sek hman a nih hi, ka hawi kual ka room hnawk zet pawh ka tih hnawk ang ang in ala awm


"Ka hria alawm, lungngai suh ka lut lo ang," Gibson-an luhlul tih hriat zet a atih rualin Nira pensawn ri ka hre zui nghal


Ngawi reng in Coffee minlo en kiau na chu en letin ka nuih ver ver, Nira tihloh ah chuan ka ṭhian ṭhaber ti ila ka sawi sual hauhlo ang, Ohhhh Elba pawh tiamin maw le




"Ari, i muhil lo tih ka hria alawm," Gibson-an a rawn ti hul hak, chhân tumin ka kâ ka âng zuai ka chip leh ta zawk a


"Engvang a hetia awm hi nge inih ka hrelo na in; Mahse, hei erawh hriala ka ti, ka hmangaih che a, neih ngei che pawh ka tum tih hi," Ka nersawk, kum 2 liam ta khan min hrilh nise chuan a sawi rualin pasal ah ka nei ngei a

Mahse, tleirawl a hmelṭhatna vang leh a duty a nih vang a ka kiang a awm a, ka duh em em ṭhin kha a ni tawhlo


"Assa," Gibson-an a tih rual deuh thaw in ka room kawngkhar a rawn in hawng zui nghal

Ka melh zawk, chhuat ah duhdah takin Coffee bawh chunga ka mu a hmuh chuan Assa chu a thaw hak, hawi kualin ka room hnawk zet chu a ner khum sawk sawk a


"Pangai tak a inbiak kan hun in ka hria ka fanu," Ka dar ka ti che zauh ringawt


"Min hrethiam rawh u," Zah tak a Gibson-an chibai Assa buk pah a tawlh hnungin a in her zui nghal


"I thuthlukna min hrilh tur ringawt chuan inbiak kan mamawh chuang em ni?" Ka awm ngai in kala awm reng


"Kum 20 ini tawh Ari, kan dan ah chuan kum 18 i tlin rual a pasal nei tur ini."


"Kum 2 liam ta a Gibson-a ramri a car a accident a tawh kha ka thiamloh a ni tih i sawi tumna em ni?" Ka lo tih khalh ve vat


"Chu chu ka sawi tum a nilo tih i hriat kha, SOULOU Cassiopea (Queen), nakin lawk a he lalram rorel tu leh thu neitu tur ini," Ka hriat hnu bawk a ni, ka hre zing mah mah


"He ram Lal fanu leh engkim chung a rorel tu tur ini a, khawvel chung a rorel tu tur ini, i mite, i ram, he Lalram hi i kut a awm a ni tih hrethiam tur ini tawh," A thusawi lai chuan kalo nui hul hak


"Keimah pawh ka in enkawl theihloh laiin engtin nge he Lalram chu enkawl se mintih," Ka nuilui leh, coffee hnungzang hmul nem zet mai zut pahin, ka melh chho, "ka pian na Pa ngei pawh ka hmangaih theihloh lai che in engtin nge he Lalram a mipui te chu hmangaih tur a min beisei, mihring ve tho ka nih hi," A tawp lam chu natna in a khatin a kha fak


"Azhilea," Ka pa in a rawn ti zui ṭhawt


"Mihring i nilo, Lal fanu ini, he Lalram, kum sang tamtak lo ding tawh Larissa thisen kai Cassiopea ini, a chiang em? He thu ah hian in hnialna a awm ka duh tawhlo, inneih na chu ruatsa ang in a kal ang," Thinrim tih hriatzet a ti zui zat in a inher zui vut bawk a


"Lal fanu emaw Cassiopea emaw i fa emaw nih hi ka duh reng reng hleinem, ka duh ngai miahlo bawk," A ding dat, ka aw chu a ring ṭha in natna in a khat tih haider duh viau mahse haider rual a nilo tlat, a tawplam phei chu ka aw chhuak a khur lek lek


Mipangai ang a nun leh nitin thlamuang tak a nun hman bak duh ka nei ngailo, chu chu ka tan erawh van a rah ang a ni


"Ari," Ka unaupa aw thâwp leh fiah zet chu kawngkhar lam a ṭangin a rawn ri chhuak


Min khawngaih tih hriat zetin mitmeng dur nguai in milo en ran, ka Pa erawh che lo in a ring khawng at in min hnung chhawn zawngin ala ding


"I lei veng ṭha rawh ka tih kha Crown Princess," Ka pa chuan ka nihna min hriatnawn tir nan a sawi a ni tih ka hria, ka mit ka chhing sawk


"Min rawn hmu angche Elba," Tih zui nghutin a pen chhuak nghal pawk pawk, rilru nazet in ka en zui ngawt ngawt


Ka thaw chhuak kawk kawk, he Lal in zau tak leh ropui tak, he Lalram mipui sang tamtak chen na leh khawvelin an awh em em Lalram hi ka tan chuan hremhmun, thawkna awm miah lo ram leh in a ni tih hi tu emaw tal hian hrethiamse ka ti ngawih ngawih

"Ari," Couch a rawn ṭhu thla pah a phun sup chuan min en a, ka awmdan sawng nawi zet chu insiam ṭha in Elba lam hawiin ka ṭhu ngil

"Minpui rawh Elba," Ka chaklohna Elba hma chauh a ka tihlan ngam ṭhin ka mittui a rawn hnâm ṭiam ṭiam, ka khap fak fak

Beidawng leh tih theih neilo tih hriat zet a min en vawng vawngin a thawk hak, ka sam rawn chulin, "Ari, duhtak pui thei che ila ka ti tih i hriat kha; Mahse, he thu ah hi chuan engmah tih theih ka neilo a ni," Ti deuh vawng vawng chuan alam a tawlh hnai turin min pawt deuh hret, ka tawlh hnai hret hret bawk

Ka nu boral hnu a, ka innghahna, ka neih zawng zawng chu ka unaupa chiah hi a ni


"Helai hmun aṭanga hla tak ah, tuma min hriatloh na ah min hruai rawh Elba, mipangai ang a nun ka duh, chu chauh chu a ni ka duh ni," Dak chho in mittui luang ngiai ngiai in ka dil ngawih ngawih, mi tâng ang mai a awm hi ka hne, ka chau in ka na a ni


"Ari.." A ti thawp sap, ka mittui tla chu dam dap a hrui hul in, thaw ala deuh kawk kawk a, "he Lalram, i Lalram, i Lal ṭhutthleng, i mipui te hi i kalsan thei ang maw?" A mitmeng ah chuan min zawt takzet tih alang


Ka lu ka bu nghauh nghauh, heng zawng zawng hmangaih tak a enkawl tur chuan ka in hmangaih hmasak a ngai tih leh ka zalen na ka sual chhuah hmasak a ngai tih ka hria


"Ka mipui, ka Lalram chu an ni a lawm, Ka hria a sin Cassiopea awmzia pawh hi Elba ; Mahse, engthil nge ka tih theih chuan ni, kum za tamtak liam ta aṭang a kan dân mawlmang tak hmangin kum 20 chhung he Lal in ropui tâkah hian ka inkhungbet tawh a, pawnlam thilthleng emaw awmzia emaw hre lovin kum tamtak ka awm a, engtin nge mipui tamtak chu enkawl se mintih, nilo e...! keima zalen na ngei pawh ka sual chhuah theihloh laiin engtin nge ka mipui te hnen ah zalenna, ralmuan na ka pek theih ang ni," Ka sawi zawh rualin ka thaw kawk kawk, ka hrawk ana ut ut bawk

Muang chang a dingin, ka mittui hru hul tawk chuan ka in her, "Ari..." Ka pensawn tur chu ding datin ka in her leh a


Elba rawn ding chhuak ve chu ka en ran, "ka pui angche," Ka meng kawk, a lam ah ka pen hnai hret, mittui tling piau in ka nui a; Mahse, ka mitmeng ah chuan ka ringhlel tih hai rual a nilo


A ṭhen zauh, "Mahse thil awlsam erawh a ni dawnlo tih i hriat kha," Ka hria alawm, he Palace zau leh lian tak, vengtu tamtak leh cctv tamtak awmna aṭang a chhuah chu thil na mailo tak a ni tih chu

Uar lutuk in ka lu ka bu, "thla 3 hnu mai a hriak thih tur ini a, i thu thlukna ah i chiang amaw? Hun ila nei a, lo in ngaihtuah angche, engpawh i thuthlukna nise i lam ah ka ṭang tih i hriat kha," Ka chhip sam tuai zauhin, "Assa ka hmuh a hun ta e," Tih leh pensawn a rual

Ka lawm luchu ka za zek zek, Elba hian min pui dawn a nih phawt chuan he hremhmun hi ka chhuahsan ngei dawn tih ka hming ka chian tlukin ka chhiang, ka unaupa hian tih theihloh a nei miahlo a tin ni


Nui ṭhû a en in, "Elba ka tan i ṭhaber," A kut chunglam ah a rawn vai zauh, ka ṭah nuih hak, SUOLUO Lal awm tawh zawng zawng thlarau chuan min venghim mawlh sela, he hremhmun ata hi min hruai chhuak lul rawh se, ka rilru in ka ti zui mawlh mawlh


<><><><><><>

**SECRET**



"Assa," zah takin Elba chuan Assa chu chibai a buk a, Assa(King) erawh ngaihtuahna thui tak nei ang maiin a hma zawn a a Lalram ropui tak, inchhawng tamtak leh mawi tak mai a êng ut mai chu a thlir vang vang



"Elba," A fapa(unaupa fapa) hming chu lamin a phun sap, a en ngai ala en ngar ngar bawk a


"Ka Lalpa," Elba chuan a chhang vat


"He Lalram mawi tak leh ropui tak hi ata a ni tih leh a kut a awm a ni tih engtin nge Ariya hian a hriat thiam theih ang ni?" Elba chu a melh zawk, a hma zawn bawk en lehin, a hmel ah chuan a Lalram a chhuan zia leh a engkim a engkim anih zia alang chiang em em bawk

"Assa, Ariya chu naupang mai..." Elba-in a atih lai mekin a kut chunglam ah a lek zauh, "Ni love Elba, Larissa thisen kai a ni a, chu chu a hre tur a ni."


"Hun ala mamawh hle a ni, Lalnu boral aṭangin pangai takin a nun a hmang theilo tih ka Lalpa nang ngei pawhin i hria a lawm," Elba chuan a lo ti vat


Lal chuan Elba hmel chu chiang zawk a en tumin a in her a, Elba chuan hmel nuisâng leh zah tak a lo en in, "ka Lalpa Gibson-a nen an inkar hi ngaihtuah ṭha leh la ka ti hle mai," Elba thusawi chu chhanglo in, mit khap leklo chuan a en vang vang a, rawn nui deuh sukin, Elba dar a beng thak thak chuan, "thil theihloh a ni tih i hriat kha, minister ho mai bakah, SOULOU mipui zatve hian Luzman-a lam ṭang an ni tih theihnghilh suh, he Lalram ka nunna nen a ka venhim chhan nan chuan Ariya bak duhthlan tur kan neilo," Thinrim inseh ruh chung chuan a ti leh a, a ṭawngkam chhuak ah chuan a fanu neihchhun Crown princess Ariya pasal neihna turah chuan a lawm biklo hle a ni tih alang reng bawk


"Assa," Lalber tirhkah, engkim hna bawlhhlawh thleng a thawhsak tu, Roman-a chu an hnungah a rawn ding, Ipad chu Lal hma ah chuan lek chhuakin, "henghi ka chhui chhuah chu a ni, Luzman-an $5 billions hmangin London a S.Royal Hospital a share 45% a lei a ni," Phawk fê in Elba-a chuan en in IPad chu Lal in alak hmain a pawt thla sawk


"Eng atan a ti nge a nih? Engvang a a hming a lei nge a nihloh?" IPad en chung leh thai pah chuan a ti zui mawlh mawlh bawk a


"Mr. Steve Keller American Business Man, an in laichinna ka la hrelo na in, rei tak inhre tawh an nih hmel," A sawi zawh rualin, "tumaw?" Lal chuan a hresual emaw tiin a rawn zawt nawn vat a


"Steve Keller American....." Roman-a ṭawng zawh hma in a kut chunglam ah a vai thuak, hnunglam ah a kat deuh nawk nawk chu Elba chuan alo dawm vat, "i ṭha em Assa?" Ngaihtuah tih hriat zetin a zawt a, Lal hmel erawh a dâng nghal sawp sawp tih hai rual a nilo


"Steve...." A aw chhuak chu a ri chang chang chauh a ni


"Roman tunah Assa hi a Chamber ah hruai rawh, chuan hemi hring hi tunge a nih a? Luzman nen eng inlaichin na nge an neih tih ka hre duh bawk," Tih zawm leh zat chuan Roman-a ṭhuih hruai te ho chuan Lal chu an buaipui zui sawk sawk a, Lalber erawh nikhua a hrelo chauh, amah a ding tur pawhin tha reng reng a nei tawhlo......


<Tunge Steve Keller chu nichiah a? Eng in laichin na nge Luzman nen chuan na neih tehreng ni? Assa-in a hming a hriat rual a a thihpui dawn emaw ti hial a a hlauh chu tunge a nih chiah tih chu Lal chuan a hre chiangber angchu>



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:18 pm

SUOLUO : Bloody Romance
by
Floria laldansangi

^^^^^^^^^
Chapter * 2 *

Austin
Texas
188 Dragon Club

Leonel....POV (Xavier)

"I kâ i ang dawn nge, he ka silai mu hi i lu um verh nan ka hmang zawk dawn," Zon chuan a ti hrawk, kan mi man chu anui hak, an sawisak na avangin a hmel tak pawh hnuh tur a awm tawhlo khawp a thisen in a hmai vel a chiah pherh nuaih kar ah chuan, zawi zet leh ti lui tih hriat zet in a nui hak hak, thisen a khuh chhuak ṭhawt ṭhawt bawk

Men pawh meng ṭha hleitheilo a, mit rawn kau diar diar chuan a ṭhen sak, "min that a nih chuan in duh in hmu thei dawnlo tih kan hria, a ni lawm?" Ka ṭhut na lam rawn melh a min nuih suk pah atih chuan ka thle bak

Ka ṭhut na aṭang a ding chhuak in ka chemte roh(rauh) em em mai chu ka lek chhuak, a hma a ding in, "anih chuan hei hian i kaw chhung ka hai a ngai dawn anih chu," ka ti sup, hnai lutuk ah ka en bawk

A mitmeng in thlak nghal rawk rawk ah chuan ka ti duh tak tak dawn tih a hria tih alang nghal, ka nui suk, a mitmeng siam rem vat chuan, "ka kaw chhung i phawrh a ngai dawn anih chu, nang American sâwn chhepa," Khazet a arawn tih chuan ka bu nghat, "i duhdan chuan le," Tih leh, "that ula, a kaw chhung kil tin dap chhuak vek ang che u," Ti hrawk a a ṭhut na chair ka tlawh zui ṭhuai, a let ṭhuai in, Zon-an kap zui zat

"Leonel engtin nge Boss bul ah i sawi ang, a thinrim..." A tih laiin, ka awm a rawn na zawk, ka thaw kawk, ka âwm dawmin ka kun nghal ngawih ngawih a, ka lungphu zawn rawn na lutuk chu ka ṭham tawk, ka bek ah rawn na chho in ka mit a rawn thip ṭan, tûr(poison) hna thawh a rawn chhuak leh tih hriat takin ka thisen zâm leh tha a a rawn zawh, "Leonel, i thisen.." Tih leh ka damdawi ah a rawn phawrh nghal rawk rawk bawk a

Ka hma a rawn lek chhuah chu phih sawkin ka hmawm nghal nawk nawk, chhuat ah ka awm ṭham ṭawk ṭawk chuan ka ṭhingṭhi thla hnawk, boruak a tam thei angber hip tum chuan ka thaw kawk kawk bawk a, mit ka chhing sawk, ka taksa thazam tin mai rawn ṭang mar tual tual leh ka thisen rawn lum pup a, za mur mur chu thunun tum in chhuat ka hnek ṭhuai, chunglam a dakin ka rak chhuak rawih rawih

"Leonel i ṭha em?" Ka hmai khawih tum Linda-i kut chu ka man chawt, ka meng kawk, a phuzawk, "i...i..i mit," a ti bah nawk nawk, mit chhing leh sawk chuan thaw ka la leh ham ham a, muangchang in ka meng, a thaw hawk, "i ṭha em?" A tih nawn leh chuan ka bu nghat, ka ṭha, mahse he tûr hi ka taksa chhung ah a chak tial tial a ni tih ka hre thei, engchen nge ka thunun theih ang ka hrelo a ni


"Boss, Mr. Thompson-an i office ah a nghak mek che," Pakhat in a rawn tih chuan ka bu nghut, muangchang a ding in, "Linda a kaw chhung a ṭang sawn eng amaw hmuh tum angche."

"A awm i ring tak tam em ni?" Linda-in a rawn tih chuan thaw hakin, "eng nge a dawlh i hmuh kha, kan duh chu a ni emaw nilo emaw hre turin i en angai a ni lawm ni?" Bul zet a tih leh kawngkhar lam ka pan nghal
.
.
.
"Leonel, ka fapa, ka duh neih nan engtia rei nge ka nghah la ngai dawn?" Ka chair a min hnung chhawn zawng a ṭhu ka pa, ni lo, a tan chuan a ui khawilai pakhat ve mai ka ni zawk, ka ngaihtuahna avang chuan ka kiai suk

"Thla tamtak chhung ka nghak tawh tih i hria ang tiraw?" Tih zawmzat chuan ka lam hawi in a chair a rawn her, ka dar ka san ak, "Pa, ka tih awmzia chu Mr. Thomson, thlahnih hnu ah vote thlak a ni dawn a, chumi hun chu i nghak dawn lo em ni?" Ti sup chuan couch ah ka thu thla hnak

A mitmeng ti dur khup khup chuan, "Leonel, ka dawhtheih na enchhin tum miah suh, zanin dar 12 hmain chingfel angche," Atih dan ṭhin bawk, couch ban chu nghet lutuk in ka ṭham, ka ṭhensak

"No problem."

"Good, minti beidawng tawh suh angche," A ṭhu na aṭang a rawn tho in, hnunglam aṭangin ka dar a rawn beng thak thak
.
.
.
"Leonel, heihi enteh, candidates bodyguard zing ami anih hi," Ka pa chhuah rual a Linda-i rawn lut in a tih chuan ka melh zawk

"Zanin ah F.HR ah kan lut ang, in puahchah angche u," Tih leh ka tho nghal, ka dawhkan lam pan chuan chair ah ka ṭhu thla a

"I â ta em ni Leonel, Forb Head Quarter lut tur chuan security tamtak pal tlang angai tih i hria, in thlan a hnai tawh a, security tight zia pawh hrechiang ber tu ini, dam in i chhuak hauhlo ang," Linda-in ka hma a thinrim zet a ding chung a atih zui tan tan chuan, silai dawhkan a dah ri bur in, "a tawk, zanin parliament members ṭhenkhat te nen zanriah an kil ho ang, nangni in Forb president in attack anga, USB erawh ka kut ah dah rawh," Ti nghut in, "kha kha zanin schedule anih kha, engmah kalsual a awm tur anilo," ka tih zawmzat


Thaw hakin, "zanin chuan ka zui angche, nangmah chuan a hlauh...." Atih laiin ka kut ka phar zauh, "Zon te nen Forb president dah ṭha zawk rawh u," Ti sup chuan, "Tony a rawn let tawh em?" Ka tih zawmzat

A lu thing mat mat in, "TUZLA hmun ah buaina tlem a awm anih hmel," Atih chuan ka bu nghat, "in buatsaih rawh u, an thisen farkhat mah a chhuak tur a nilo" Tih leh ka secret kawngkhar button chu ka hmet zauh


Zanin hian America ram pa hausa Forb president hi thisen farkhat pawh chhuaklo in a thi ngei tur a ni
.
.
.
.
9 pm
Ford Company, HR
Washington D.C
United States of America

"Heihi secret service uniform," Jeff'an atih chuan bu nghatin ka inthlak nghal sawk sawk


"Security gate i pal tlang na tur, chuan heihi enrawh HR chunglam hi, ni thum kalta a andah thar laser a ni a, hnunglam aṭangin i lut thei ang, mahse ka chianglo...." A chil a lem khalh, ka kiai suk thung, HR chhung a luh chu thil awl ai a ni dawnlo tih chu sawiloh, thil theihloh tawp ang a ni tih kan hre ve ve tlat a ni


"North Hall lam ah a office a awm a, office chhung a a awmloh chuan secret service lam ah lut angche; Mahse, thil a kalsual erawh in, dam in i rawn chhuak hauhlo ang Boss," Min ngaihtuah hmel zet a atih chuan a dar a beng thak thak in

"Endiselenme." (lung ngai suh ~Turkish)
.
.
.

<After 20mins>


"Nangkha," min rawn ti tu lam chu muangchangin ka in her a, "ka..." Atih rualin a hrawk ka zai zui nghal sawk, a ṭhingṭhi thla hnawk chu tlawh let ṭhuai in ka hnuk sawn nghal


"Jeff office ah a awmlo, secret service room lut tur chuan code angai, i ti thei angem?"

Jeff hi computer leh khawl thil hrim hrim thunun lam ah chuan ka rinber a ni

"Üzgün Boss, tun ah i awmna chhuahsan rawh," Ati deuh ṭhat, a aw a hlauhthawn na ah chuan min rawn hnaih tawh hle tih ka hre nghal

Hreptak a!!!!

"South lam, a kil lam ah ka awm, i hnung 10m a thui ah an awm mek," Jeff'an a tih rual in silai ri ka hre zui zat bawk a

Thirlên an zar ah chuan current a kal vek tih ka hriat tawh avangin emergency a chhuahna tur Jeff-a hnenah enkual tur a ka ti chu a tih chi mah mah a ni


Pal hungna ka deh rualin min rawn kap zu dawt dawt a, ka er zawk, in hamtang lui chuan ka zuang chhuak, ka dar hnunglam min kahna chu ka hup phalo chiah chiah leh nghal..!


"Boss hetah," Jeff aw ka hriat rualin ka bulah car a rawn ding zui tuar, a tlan chhuah rualin motor tam lutuk leh chunglam ah helicopter in min rawn umzui nghal pup pup a, kan in inzui tir reng chuan damin kan chhuak hauhlo ang tih ka chiang

"Zuang thla rawh," Ka thusawi avang chuan phawkfe in min rawn melh kawk, "i â em ni?"

Silai in min rawn kap zui zawt zawt, "dam i duh chuan zuang thla rawh, ithi lo ang," Ti hrawk chuan car kawngkhar ka hawng nghal ṭhuai

"Iti..." A tih ri chu ka hre hman ruai ruai chauh a ni, ka taksa lung khawk rawk leh hriam tak tak a ka sawh thla dawt dawt leh ka bek na zetin ka vaw dawt a, ka mit a milh sulh leh ka hmai lum puat chu ka hriat hnu hnunber a ni
.
.
.
.

Layla Baldwin
America special investigation officer



"Ruang chu result in hre tawh em?" Ruang an chhar na hmun ka thlen chuan ka ti nghal

"Layla, en lo la a ṭha zawk ang," William'an a rawn ti sup, melh zawkin ruang awmna lam chu ka pan zui nghal

"Enlo in engtin nge tualthattu ka man theih ang," Tih leh ruang an khuhna puanvar chu ka pawt hlip nghal zat, kei leh keilo ang zetin ka ner sawk bawk, mitthi tamtak ka hmu in, mi tamtak ka that ve tawh bawk, tiang em em erawh ka vawikhat hmuhna a ni

"En duh suh ka tih kha," William'an dik inti fe a arawn tih chuan ka melh hrawk

"A kawchhung a kim em?" Ka pa melh zawk chuan ka ti sup, ruang chu ka en dikve nghal zung zung

"A taksa peng an duh ni in a lang lo," Ka pa in a rawn tih chuan ka bu nghat nghat, ruang chu kuai let in, a nghawng vel leh hnungzang lam ka en dik, khawih harsa khawpin a kaw chhung an phawrh chhuah avangin han tih chet vel pawh awl ailo tak a ni

"An thahna ala reilo anih hi, a taksa peng an duhloh chuan a kaw chhung ah zawn an nei tih na a ni mai," Ka pa bul a ding ṭha pah a ka tih chuan a bu nghat

Sarang chhung a dah pistol mu a rawn lek chhuah chu ban vat in, "Springfield Armony NM 405767," ka ti sup

"Bingo, ka fanu diktak ini, an duh an hmuh nan chuan engpawh anti hreh hauhlo ang, chuan he taksa hi Forb president bodyguard zing ami a ni," A tih chuan ka en kawk

"Black list," ka hriat tawk lekin ka ti sup, Forb president bodyguard an thah chuan an duh chu chiang takin ka hre nghal ang bawkin he case hi thil awl ai tak anilo bawk tihnen

"Layla emergency, kawnglak ah Forb president leh turkey minister beih an ni," William'an a rawn tih chuan ka en vat

"Tun ah, A-team ten min zui rawhse, report kim chang ka hre duh, tunah eng nge din hmun, Joe i team hetah in awm ang," ti zung zung chuan bike ah ka lawn nghal

William ka hnung a rawn ṭhu in, "Turkey minister a hmun ah a thi nghal, a zui tu tumah dam chhuak an awmlo bawk, 5mins liam ta khan Forb President damdawiin thlenpui a ni," Engtin nge anih theih? F. president leh minister venhimna chu khauh tak a ni, chuti mai mai in an that hauhlo ang
.
.
.
.
A hmun kan thlen chuan Journalist leh mipui in nek luih luih chu pui tak a ni, ka bike ka tih din rual in reporters ho in min rawn bawr nghal hat

"Miss Baldwin, hethil hi engtia thleng nge? "engvang a zanin hian zui velo nge inih?"

"Tunah Forb president ber engmah ti theilo a a awm chuan in thlan kher hi angai dawn em ni?"

"Tunge tual that tu ni a i rin?"

"Turkey Minister kan ram ah a boral si a, ram pahnih in zawmna hi engtin nge nizel a i rin?" An ri nuaih nuaih

"Engmah sawi theih kan la neilo, hun minpe rawh u," William-an a lo ti zung zung

Ruang awmna lam chu kan pan nghal, salute minlo pe sap sap

"Thisen chhuak pakhatmah a awmlo hi amak a ni," Pakhat in a rawn tih chuan ruang awm ho chu ka en vat, he tualthah na zet chu, ka vawikhat hmuhna leh hriatna a ni, chu pawh America ram ah Forb president leh Turkey minister, hei zat venhimna hnuai ah lehnghal...!

"Ruang zawng zawng hi laboratory ah endik tur in thawn vek angche......" Ka tih lai mekin, "Miss Layla Baldwin hei chu i tihtur ni in ka hrelo a ni, ni lawm ni....? chunglam..." A sawi zo hmanlo ka nui hak, tu nge anih hrilh ka ngai lo, a hmel hmulo mahila, a aw fiah zet leh chapo na a khat ah chuan tunge a nih tih ka hre thei

Muangchang a alam hawiin, "vice-president hnen a ṭangin chu zawhna chu chhan theih a a awm ka ring Jackson," Ka ti chang fak, nuihluih a tum lutuk chu a hlauhawm lek lek

"Baldwin engtin nge he case hi i chinfel kan en angchu, nge ni a, i bialpa hlui Carter ang khan a rukin i chhuah zalen leh zawk dawn?" Ngeiawm fahran a arawn tih chuan ka kut ka hum ruh sak

Ṭhensak a alam a pen hnai chuan a beng bul chet ah, "Frob president leh kan ram mikhual pawimawh tak meeting neih hi tlem te chauh in kan hria? Information pe chhuak tu chawp in he ka kut ngei hian ka ṭham khawm ang," Zawi tê, chiang fek fawk a ka tih chuan zalo tih hriat zet in anui hul hak

Ka dar a beng thak thak chuan, "kalo thlir reng dawn nia." Ni e, lo thlir reng angche Jackson Ambrose he ka kut hian kan ram i phatsan a ni tih leh kan Forb hi i phatsan a ni tih ka hmuh tir angche
.
.
.
3 WEEKS AGO...


*******"Sir ," Forb president meuhin HR a minko chu mak ka ti hle nangin a chhan hriat ka chak takzet bawk

Ṭhu tur a min kawh hmuh chuan, "Miss Baldwin ilo thleng ta maw? Vawiin a ka koh chhan che hi i hria em?" Muang ban charh a atih chuan ka lu ka thing ringawt, ka ring thiamlo pawh nilo in rin ngaihna ka hrelo

"I ṭhut na kha dap teh," A coffee no chawi kang a lem zauh pah a atih chuan muangchangin ka ṭhut na chu ka dap, USB ni awm tak ka dap fuh chuan ka hum nghal hmak, ka en nghal kawk bawk a

A mit a inbengdai tur a min hrilh chuan, "a hman hun tur chu i hre mai ang," Nuisâng a atih chuan ka bu nghat, engthil chiah nge anih ka hrelo, a hnuai ah mi tamtak rintlak tak tak an awm ngei ang, thil pawimawh tak ka kut a adah hi ka hrethiamlo a ni; Mahse, ka ti beidawng hauhlo ang tih erawh ka chiang***

<~<>~<>>

2:00 A.M

Ka bike hung ṭha chuan inchhunglam dim te in ka pan, ka chhung te an muhil tawh tih hriat takin a thim ṭhap, ka room ka thlen rualin khum ah ka bawk thla nghal thlawp, mit chhing vang vang a, thaw la vang vang chuan zanin thil thleng zawng zawng ka ngaihtuah let

"Engtin nge hliam leh thisen chhuak pakhat mah awmlo a anthih theih, ruang kan hmuh hmasak zing a mi nen khan in kungkaih na an nei angem?" Keimah leh keimah in bia chuan ṭhu tung hlawl in ka thaw hawk

Ka phone phawrh chhuakin, William ka call nghal, "hey," A pic rualin ka ti nghal

William aw ka hriat chuan ka ṭhen deuhsak, in a thleng deuh chiah in, inbual pawh inbual lovin a mu nghal tih ka hre mai


"Aw..... Ma'am, i duh ka hria mahse darkar tam mutna hun ineilo ania, mutthil tum rawh, naktuk aṭang hna chu i thawk dawn nia," a rawn ti nghal zat zat, ka nui hak, hepa min hre chiang lutuk hi chu

"CCTV record ilak kha min rawn thawn dawn em niang?"

A nui ve hak, "i hna hi chu i hmangaih a ni Miss Baldwin, hmm...i atchilh zawk mawle, lo nghak rawh ka rawn thawn ang, mahse reilo te chu mut tum angche," Ti leh hram chuan a off zui nghal, ka nui ve suk suk


10:00 A.M

"Layla naktuk zan khian Gran Hotel ah dated ineih kha theihnghilh suh angche," Breakfast ei lai a ka nu in a rawn tih chuan ka ner sawk, blindated atih hi engtik ah nge a tawpsan dawn ni?

"C'mon Mom....tunkar sawiloh thla tluan in ka buai dawn, News kha i hmulo em ni? Case lian tham lutuk a ni," Ka thusawi avang a lungawilo tih hriat tak chuan a fianken a dah tau deuh hmak, mi nawr dan tê hi chu a thiam a nia


Ka pa ka melh zawk, nuihza insum tih hriat zet a hmui pet ṭang chu ka melh hrawk

"He inchhung ah hian tumah hian ka thusawi hi an ngai pawimawh ta lo anih hi, ka fa te tak ngial pawhin ka thusawi engah mah an ngai tawhlo ania, he inchhung ah hian eng nge kala tih ve reng pawh ka hre hreplo e," arghhh....a ṭan leh dawn, a ṭan leh dawn

Ka pa ka melh zawk zawk, min chhan chhuak hramse tih nak alaiin min melh duh eih lo leh nghal....!

"Nu, tun thla hnih chhung ringawt pawh hian blind- dated vawi engzah nge min neih tir tawh i hria em?" Ka nu ka melh a, kuangkuah at in lehlam min hawisan hmak

"Vawi 24, ohhh....ka tih awmzia chu naktuk zan ami tur nen hian a vawi 25 na tur, a awmzia chu nitin blind-dated kal ang ini," Nuihza lutuk a dinning room rawn lut pah a ka nau in a rawn tih chuan rum tawkin ka melh, kan awmpui dang leh ka pa chu za lutuk in an rawn nui chhuak hawk hawk bawk, ding thut chuan dawhkan ka chum deuh bur

Ka thinrim chu an nuih a za tulh tulh emaw tih mai tur a ni leh nghal, ka nu rawn ding ve zat in, "Layla kum 30 lai ini tawh, pasal fanau enkawl rual ini, pawnlam a misual man khawm a, mipa ang mai a silai pai a, ruang uih tak tak endik a, mission tih reng a hun tawhlo, ka ṭhian te zawng zawng hian enge an sawi i hria em? Patil emaw anti vek che asin," ka nu ang hlak hlak a pensawn tur chu ka pan vat

"Nu, christ hi alawm nupui nei tur a i tih zawk tur chu," ka unaupa laktlakloh lutuk melh hrawk pah a ka nu nuih tlawn pah chuan a dar a kuahin chair ah ka nem ṭhu nghal

"Ohh C'mon Sis, hna ka la nei velo, university zirlai hi i chawm tur in nupui nei tur chuan minti êm lo maw?" Zeh zuah a, hepa hi chu zirtirna ka la pe hlak ang

"I pa lah hi ṭawngtheilo ang mai hian a ngawi tlat zel a," Ka nu in ka pa a melh ram ram chu kan nuih hak

"Hna ka lo va kal hmasa ange," Ka pa phakar theih zia hi chu aw....

"Keipawh hna kal ka ngai takzet tawh," Tih leh kapa chhuak tur chu ka umzui nghal, ka unaupa nui ri hak hak chu ka hre reng

"Ka nun a thuthlukna ka siam tawh ah chuan i tuina zawng a ka kal tir che hi ka la inchhir ber ang," Ka nu-in a rawn ti lang lang, ka pa-in nui hawk hawk pah a car a ṭhu lut chuan, "i nu thusawi te kha ka pawm pui vek a nia, Layla, bawihi he case i zawh hi chuan i hna hi bansan la ka duh ania," Nui vur vur a arawn tih chuan ka ner sawk ringawt, pasal neih hi ka la tum miahlo, ka hna ah ka tui a, nuam ka tih bakah ka nun ah mipa ka mamawh ka hre heklo, 'yeah..this is my own world'


"Nangpawh chu," Ti hlak in bike ah lawnin chak lutuk in ka tlan chhuak nghal, engtik ah tak pasal nei tur a min tur hi bansan hlawm ang maw??
.
.
.
Criminal Investigation department
175 north Austin Texas
Forensic laboratory


"Layla heihi eng nge ngaihdan i nei em?" Ruang ho en dan dan pah a William-an a rawn tih chuan ruang dang en pahin, "he tual thahna thleng hi a mak takzet a ni," Ka ti sup

"A dik, tûr (poison) hmang a thi vek an ni, heihi en rawh u, an kut hmawr leh ke hmawr hi a duk a, an nghawng hi enbawk ula, hruai luhna tiat vel val awm kha kha chiah kha a ni an thihpui chu ni," Ka pa in ruang khawih pah a min hrilhfiah chuan ka en deuh hâ, tunlai chhan ah tûr maw??

"I sawi awmzia chu heng Frob president zui tu te zawng zawng hi tûr hmang a thah iti em ni?" William pawh chuan kei ang bawkin mak a ti tih a ṭawngkam chhuak ah alang reng


"A dik chiah Will."

"Eng tûr nge anih i hria em?"

"Ka sawi maitheilo bawihi, he tûr hi chak tak a ni tih erawh ka chiang, ka zir chian fe angaih hmel, engpawh nise an thisen result a rawn chhuak ṭep..." Atih laiin , "Dr. Result."

"Ka lawm e, Beryl."


"Pa, eng nge result?" Ka pa bul a kal hnai chuan ka zawt vat

"Tûr hmang ngei athi an ni e, mahse eng tûr nga an hman hre tur chuan hun ka mamawh deuh ang," Nui suk a atih chuan ka bu nghat


"Will, ruang hmasa kha eng nge chanchin?" William'a melh pah a ka tih chuan, "Mr. Thompson kan be dawn em niang," A lo ti vat, ka nuisak, lutuk mah mah tlat, Mr. Thompson hi ka mi rin zawng a ni lo ve tlat bawk nen, he case hian inzawmna aneih ka ring mai nilo in ka chiang a ni
.
.
.
THOMPSON corporation
Dupont Ave 1


Kan hma a THOMPSON CORPORATION tih lian lutuk a intar chu ka en chho vang vang, ka kiai suk, "lut ila," William-an a rawn tih chuan bu nghat in ka pensawn nghal, Will lah chu a phur em em bawk a


"Thompson corporation ah kan lo lawm a che u, ṭanpui theihna che u ka nei em?" Kan luh rual a receptionist chhelo zetin nui sâng a a lo tih chuan William-a ze ngai te a rawn chhuak leh tawh


Nula hma a kawisawi zet a ding chuan melh leh ralh ralh in a mit siai leh zuk zuktawh hi, ka thaw hak, a dar a beng sawk chuan, "nigh club ah kan awmlo," Tih leh nula chu en in, "Mr. Thompson-a hneh ah, kan be duh tih min hrilhsak dawn em niang?"


Nui sâng in, "appointment in nei em?" Nei ni ila ka sawi dawn lo em ni?

"Kan neihloh vang a sawi lang lo ka ni, Layla Baldwin in a be duh che ti la, a hriat mai ka ring," Receptionist chhelo zet chu melh ran chung a ka tih leh fak fak chuan min melh ralh ralh in tuilo tih hriat zetin phone chu a ban nghal rak rak a


"Thinchhe lutuk," William-an nui ṭhû chung a a rawn tih chuan ka melh ve hrawk bawk, THOMPSON CORPORATION chhung a hnathawk ka hmuh zawng zawng te hi tumah ka ring hauhlo, an mitmeng, an che vel tin mai chu, eng amaw thil a in ring sa rân ang mai an ni hian ka hria.....


Nge ni a..? Kei hi, he case ah hian ka over sensitive em ni zawk..?


<><>~£<>~>~><>~>~

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:19 pm

SOULOU : Bloody Romance
By
floria laldansangi

Chapter * 3 *

SOULOU
Lotus Palace
Princess Chamber


Ariya... POV

<The worst loneliness is not being alone ; the worst loneliness is being surrounded by people and still feeling alone>


"Ari puitling leh puitling tak a kan inbiak a hun tawh a ni," Ka hma a ding Gibson-a chu ka melh chho zawk, chhang lemlo chuan ka hma a Herbal damdawi ka siamna tur pangpar leh hnah chi hrang hrang inchhawp hnawk zet chu ka khawih zui leh a

Ka hma a rawn ṭhu in, "Ari ka thusawi chu i hria em?" A aw chhuak ah chuan a beidawn hmel lek lek, a thaw hak a


"Engthil tehchai chuanin nge maw heti tak a min huat tir che ni?" Thinrim inseh ruh tih hriat zet chuan a ti ri hrawih, ka thil tih lai chawl datin, za lo zetin ka nui hak a, chiang lutuk in a mit ah ka en, "i hrelo tak tak nge i hrelo der?" Ka thle zui bak


"Ka...." A sawi zawh hmain, "Elba lakah ngaihdam idil tawh em?" A ṭhutna aṭangin a mawng a hawlh tu awm ang maiin rang lutuk in a ding nghal zawt

"E...eng nge i sawi awmzia?" Dawhkan ka chum dat, "Gibson ka sawi awmzia i hria, cghan pakhat avang chauhin Elba lakah ngaihdam dil chhan tur inei," Hriam hrak chuan ka ti leh a


Phawk lutuk in min en a, "A...A...Ari....." A aw te chu a khur lek lek, ka duhloh zetin ka mittui a rawn hnâm ṭiam ṭiam ang ta zawk a, hreptak hian a...!


"Eng...Eng....Engtin...." A tih bah leh nawk nawk a, thaw la kawk a nui lui sângin, "ka hrelo amaw iti em ni? Gibson he Lal inhung chhungah hian thuruk a tam ang bawkin, a darh chak tih i hrelo em ni?" Mittui tling pamin ka melh chho a, a tlak mailoh nan ka mit chu ka khap fak fak bawk


"Ari.." A thâwp sap, inthiamloh na a ri tel ta alawm, ka hrelo emaw tiin thil tisual lo ang maiin a awm a, ani leh ka unaupa nupui Elizabeth-i uire na ka hria a ni tih a hriat chinah engtiang in nge min hma chhawn tih ka hre chak a ni


A mit a khap zawk zawk, "ka..ka.." Sawi mai tur pawh a hrelo, SOULOU lal ram ropui Royal Navy Commander in Chief, SOULOU Army General meuh tuipui zau tak a ram mu leh ramdang lak a SOULOU venghim ṭhin tu hian ka hma ah sawi tur hre lova a meng kalh vel chu hmuhnawm tham tak a ni



"Gibson i hria em? Ka zah em em ṭhin che tih?" Muangchangin ka ding, kan in din chilh rân mai, a mitmeng ah chuan inthiamloh na bak hmuh tur a awm rihlo


A bu nghat, "ka duh em em ṭhin bawk che a, ka tan chuan ka bialpa, ka pasal hual leh ka nun a mi pawimawhber leh ka mi rinber te zing a mi ini ṭhin tih i inhria a ni lawm ni?" A sawi tur hrelo chu a bu nghauh nghauh a, ka nui hul hak, "chu zawng zawng vaw chhe tu chu nangmah ini, ka huat em em chhan che min zawt tiraw? Chu chu ka chhan na a ni, he Lalram enkawl tur hian nang......" Ka tawp dat, ka kutṭangin a âwm chu ka kawk a, "leh kei hi kan tlinglo," A zat vang ni si lovin ka la nui reng, ka na hmel hmuh tir ka duhloh vang a nui ka ni zawk


Ka la duh vang a mittui tla ka ni lova, ka mi rin em em in ka rinna a tih chhiat avang a mittui tla leh ṭhin ka ni zawk tih ka mit ah hian a hmu thiam ngeiin ka ring


Ka kut beng fai thak thak chuan, "bakah, min hmangaih vang emaw ipa in a mo atan emaw a min awt em em vang a min nei tur leh inneih tir min duh a nilo tih kan hre ve ve alawm Gibson, ipa rilru bawlhhlawh tak, remruatna ang kha ka thlen tir ngai dawnlo tih ilo hrilh tel dawn nia," Ka melh leh zawk a, ka pen sawn zui nghal nal nal bawk


Gibson-a erawh che lo in a din ngaiin a la ding tlawk tlawk, Elizabeth-i nen an inkar ka hria tih a hria chuan a ṭhawng hle a ni ta ve ang
.
.
.
.
.

🍹🥂


"Vawiinah Gibson-an a rawn hmu che tih ka hria a," Elba chu ka melh zawk, Wine no a dawm vâng bawk


Ka dar sân âk in, ka thle zui bak, "Lalfanu," Ka tan liau liau a siam wine chu Nira-in min rawn pe ve bawk a, wine pangai leh alcohol tel hrim hrim ka in theihloh avangin ka in tur bik wine a hran a siam a ngai ṭhin, rui kher a in erawh ka la tum ngailo, alcohol tello na na na chu ruih pawh a har khawpin ka hria


"I ṭha maw?" Nui chun chunin ka bawp ka khawkherh a, "i hria alawm," Ka no dawmlai chu ka lek zauh in ka lo ti vat, ka unaupa pawh chu a nui zui ve hak hak a

Kei ang bawkin phatsan a ni a, a na a ni tih ka hria


"Passport leh lehkha pawimawh hetah hian a awm a, zirtawp ah helai hmun aṭang hian Amose-a leh anau ten an hruai chhuak angche," Dawhkan ah chuan paper bag a rawn dah a, "i chiang maw?" Ka thuthlukna ah chuan ka inchhir ang tih min hlauhpui tih hriat zetin a rawn tih zawm zat


"Elba," Ka en a, "ka nunah hian engthil nge ka duhber i hria em?" Ka zawhna chu atthlak tih hmel zetin a nuih zui huk a, kei erawh ka thutak viau thung, "zalen," A sawidik leh viau bawk si


Kan nui dun zui hawk hawk a, "a dik freedom, abak duh ka neilo," Kan nui dun hawk hawk a, kan unau chauh a no dawm dun kan ni bawk nen kan rilru awm kan sawi a, kan nui a, ka rak a, he Palace nui ri thawm awm hun chu ka unaupa a ruih hun hi a ni, midang bulah a nuilo a, robot ang mai a Assa sawi ang a piang ti mai ṭhin mihring kha, kei a unaunu hma ah chuan a lantir ngailo, ka unaupa ka hmangaih chhan a ni bawk


Elba chu a ṭhutna aṭang a rawn tho in a pai kat deuh khut khut a, chhiahhlawhin puih tum a alo dawm chu vai sawn pahin ka lam a rawn pan chhat chhat, a nui var var bawk; Mahse, a mit a natna thuk tak hi ka hmu thei a ni, chutiang bawkin ka mit a natna chu Elba bak hian a hmu thiamlo


Ka ṭhutna chair pawt her ri hrawih chuan ka hma ah a rawn ṭhingṭhi thla hnawk a, phawk fê in ka unaupa che vel chu ka en rân, ka kut chu la in a hum vang vang, kûn in a fawp zui vang vang bawk a, a awmdan chu ka nuihza a in, ka nui hak


A rawn nui nghawr ve dat dat bawk, rawn dak chhuakin a mitmeng ti deuh luai ah chuan nui hmel a lang, "Ari, Ari duhtak ka hmangaih che tih i hria tiraw?" A rui ṭawng mah nise a fiah ṭha khawp mai

Ka bu nghat, a nui zui hak bawk a, ka mal a a hmai phûm leh chuan hahdam hmel zetin a thaw ham ham bawk a, ka kut a hûm chu pakhat chu la chhuakin a sam ah ka chûl hliau hliau a, "keipawhin ka hmangaih che Elba," Ka phun sep, a hrethei a ni ngei ang a rawn nui ngawr dar dar


Kan naupanlai aṭang tawh engtiang a nasa in nge a thawhrim a, he Lalram leh ka tan a inpek ka hria, hrechiang ber tu ka ni ang


Kei ni lovin, Elba hi a ni Lal ṭhutthleng rochun tu tur chu, a phu em em a ni; Mahse, engvang chiah a rochun theilo nge a ni ka hrelo, nilo, ka hre kimlo a ni mah zawk


Ka hriat zawng chu Elba Pa (Assa unaupa/nau) hian Lal ṭhutthleng rochun tumin, diklo takin hma ala a, hel pawl din in Palace beiin mi tamtakin nunna an chan phah tih leh Palace chhungah hian Prince Kiernan Larissa hming lam rik phal a nilo tih a ni


Palace a awm leh hnathawk zawng zawng pawh hian lu chân na khawp a sual ni âwm fahranin a hming lam an hlau a niber


A ṭhutna aṭang a muangchang a rawn tho leh chuan a ding tur chu ka lo pui vat, a nui a, "ka hmangaih em em Ariya," A in hnemin ka hre si lova, nidang zawng aiin a rui emaw tih tur a ni

"Elba keipawhin ka hmangaih em em che, ka unaupa engtik lai pawh ka tan a awm reng ini a, engkim vangin ka lawm em em a ni," Ka inhma chhawn a, ka nui ver ver, Elba erawh a chhan ka hriat siloh in a mitmeng chu a hnual riai riai a, a hlim hmel kha a bo riai riai bawk, a ruih vang a ni mahna

"Ka hria," A phun sap, za lo zetin a nui suk bawk, a mitmeng chu ka hrethiamlo, lâwmlo mitmeng a ni, ka lu a hai ve muai muai ṭan avangin ka hmu diklo pawh a ni mahna
.
.
.
.
.
🛌



"Lalfanu i inbualna tur peihfel a ni tawh e," Khumah ka bawk thlawp, Nira thusawi chu ka bengkhawn lo hrim hrim


"Rui khawpin ka la in ngailo," Ka ti tak na in, ka kâi deuh emaw ni, ka lu a hai muai muai mai


Ka zangthal a, ka mit ka chhing vang vang, "Lalfanu hruk faina tur tui lum rawn la rawh," Nira-in chhiahhlawh hnehah a tih chu ka hre vuai vuai, ka mit ka chhin rualin ka muhil nghal emaw tih tur a ni


Mahse, meng hlawlin, ka ṭhu tung hlawl bawk, Elba paper bag kha, "ka dahṭha tawh," Nira chuan ka rilru hria ni âwm takin nui vur vur pah a a rawn tih chuan nuih let sun sun in ka thal zui leh thak

"Nira."

"Ummm," ka bân vel chu tuilum in a hrui pah a

Mit chhing chung chuan, "ka kalna a piangah minzui tur thu i sawi kha ila hria em?" A lamah ka thle a, thatchhe zet chuan ka meng diar diar


Min rawn en zauh, a bu nghat bawk a, ka nui nghawr dat, "Palace hi chhuahsan i duh ve em?" A thil tihlai chu a tawp chawt, ka en ve vat bawk


"Lalfanu," A hawi kual, chhiahhlawh pahnih ding ve chu a kutin chhuak turin a ti zuivat bawk, a rilru dawih lutuk chu ka nuih zui hak hak a


"Ohhhhhh, Nira, Nira, lungngai suh, ka thawk chhung chu i lu kha i chân dawnlo," Nui Vur vur pahin ka mit ka chhing zui leh a, a thaw ri deuh hak



"Lalfanu, Palace hi i chhuahsanlo maitheilo em ni? Assa-in a hriat vaih chuan...." Ka kut a vawn na chu ka la sawn vat


"Nira mu tawh rawh, a tlai tawh, min zui dawn em tih ngaihtuah la, i duhloh chuan Palace pawnah hna Elba-in a hmuh sak angche, kal tawh rawh," Tih leh ka inher zui nghal, Assa an hlau lutuk leh Pathian ni âwm hial a an ngai hi ka ngaitheilo


Dîmtê in puan min rawn sin tir a, "muttui le Lalfanu," A phun sup


***********nightmare***********


"Ari, ngaithla rawh, Nany (babysitter) nen hian helai hmun hi inchhuahsan a ngai, kalpui rawh Abi," Ka nu chu thisen a kai nuaih a, kan lawng chuan na Royal family Ship lian tak mai mawng lam kang hluah hluah leh mei khu dum vân lam a in zial chho mut mut rim leh zu rim nam hum hum chuan min tuam vel bawk


"Kalpui rawh, tunah," Ka nu chu a au ṭhawt, ka ṭap hawm hawm, "Mama, mama," Ka nu chu kuah bet a, "Assami ka theilo, helai hmun hu keimah vang a rawn kal an ni si a," Nanny chuan ka nu kalsan chu a tum baulo

"Kalrawh, ka fanu kha chhanhim angche, thupek a nih chu," A tih rualina namdawrh


Nany chuan ṭap chung a ka nu lak aṭanga min pawt ṭhenin, min pawm in life jacket chu min hak tir nawk nawk a, room thim lutuk a min luhpui chuan ka kâ a hup bet zui zat


Ka thaw theilo, ka nu lawng chhuat a bawk khup zawng chuan an rap bet a, silai a an tin chu awng tereuhte te aṭang chuan mittui nen ka en a, Nany-in ka hmui a hup beh tlat avangin ka au chhuak theilo, kan awmna thim zet chu zu rim in a khat huam huam bawk

"Mama, Mama....." Ka nu in a kut kan awmna lam a rawn ban ṭawk ṭawk chu mittui nen en in tal chhuah ka tum, mahse ka theilo.....

"Mama, Mama..." Ka au chhuak dawn a ka thei heklo, ka thaw a chham a, ka hrawk a min rek bet tu awm ang maiin boruak hîp tur ka neilo......

<*******>

"Lalfanu, harh rawh, Lalfanu..."

Ka meng kawk, ṭhu chhuak hlawl in boruak ka hip kawk kawk, ka thlan tla chu Nira-in a tihdan ṭhin ang bawkin a rawn hru leh tur chu lo vai kiangin, "a rei tawh em?" Ka hmai ka hup thuk, a tui min pek chu banin ka lem nghal khawlh khawlh a, mangchhia ka neihloh na chin rei tawh zia ka hre chhuak


"Mangchhia ineihloh na a rei tawh hle si a, i taksa a chau deuh a nih ka ring," Nira pawh chuan a rawn ti sep sep, muangchang a mu lehin ka puansin rawn siam ṭha pah chuan, "naktukah......" A sawi zo hmanlo mit ka chhin san daih takah chuan sawi zawm ta lemlo in a ngawi ve mai bawk a

Room a chhuahsan tur light off a tum chu, "off duh suh," Ka lo ti vat


Ka room lian leh ropui zet chu ka melh kual a, a lian in a ropui takzet a ni, engkim ka mamawh bak bak a liam a awm a, pawnlam ah chhiahhlawh tamtakin min enkawl bawk; Mahse...... Engvang a mal em em nge ka nih? Ka chhungril hi a ruak a, tumahin an luah khat theilo, Elba pawh tiam in

Khawhar leh mahni a awm ka hlauh luat ah chhiahhlawh te tan harsatna tamtak ka siam a, ka pa in ka lak a attention tlem tal minpek ve beiseina vang pawh a ni mahna, Royal protocol pawh tamtak ka bawh chhia in, ka la bawh chhe fo bawk; Mahse, tumah in an hrethiamlo, ka pa minhring tu leh he Lalram zau tak leh mipui tamtak enkawl tu ngei pawh hian a hrethiam ngailo chu a ni e
.
.
.
.
.

< Inner Palace > ~D-Day~

^ Cultural Noble Dance Party ^
💃🕺
*Kabardinka*

Zanin hian ram hrang hrang hruai tute leh rang hrang hrang a Royal family te kan inhualna min hriatpui turin an rawn kal khawm avangin SOULOU traditional engagement dance "Kabardinka" ti a an sawi ṭhin, innei mai tur ten an in hmangaihna hriatpui tu leh nem nghet tu a ni tih lantir nan, an mi sawmbik te hma ah an lâm ṭhin a ni, chu ngei chu zanin hian kei leh Gibson-an kan lantir ve a ngai phiangsen dawn tihna a nih chu...!


Inner Palace hall zau leh lian tak mai chu mi sàwm bik te leh mi hausa, thil ti thei tak tak leh ram hruaitu lian tak tak in an khat a, ASSA ka hma a rawn ding chuan min thlek vang vang, a vawikhat nan ka la hmuh ngai reng rengloh mitmeng in min en, ka hmu sual pawh a ni maithei bawk

Mahse, a nilo, rei a nilo na in min chhuan hmel takin min en a ni, emaw Gibson-a ka neih duhnan a min thlemna emaw pawh a ni thei

Ka lam panin Gibson-a a rawn kal a, tlangval nalh tak leh hleitling tak a ni alawm, a sam buang thâng leh mitmu paw ral mai, taksa inphiar nalh tak leh sang ṭha veh vawh a nihna chu hmuh hmaih chi rual a nilo, kei ngei pawh a zûnah ka lo uai ve nasa tawh tak kha maw.....!

Ka bulah ngawi rengin a rawn ding a, min be lo a, ka be hek lo, a tu a mai pawh chuan ka hmai tuamna phên a ka hmel tak hmuh chak chuan min en leh deuh vawng vawng ṭhin, mitin mit chu ka chungah a fu ti ila a dik ber ang, hetiang tak hian tumah in ka lakah attention anla pe ngailo; Mahse, North East Head Minister Luzman-a fapa neih chhun Soulou General ropui leh chhuanvawr nen inhual thu leh Soulou dân ang a inhualna han neih meuh chuan mi zawng zawng mit a "Lalfanu laktlakloh" ni ṭhin kha a dang ta zar mai alawm; Antan hna ropui ka thawhsak ta emaw tih tur khawp a zahna mitmeng in min en hlawm; Mahse........


Mahse, pawi tak maiin an General chhuan vawr hi neih ka tum tlatlo a ni


"I inring em?" Gibson-a chu ka en zawk, za lo tih hriat zet in a nui lui a, nui hmel min hmuh tir a duh vang a nuilui a ang mah zawk


Ka lamah ka vawn theih turin a kut a rawn dah chhuak a, thaw hakin Gibson-a mit ah tak en chung chuan ka vuan let a, lâm tual lam chu muangchangin min pan pui a, a hmelah chuan a phur hmel hliah hliah, inhualna tak tak emaw a ti a ni ngei ang

Kei erawh ka hmai tuamna leh Soulou hnam thuam a ka inthuam na rit leh hnawk sak zet chu ning ru zetin ka ṭhen ru deuh sak sak thung

Ka chal hrênna rangkachak hlang leh ka kawng leh ka nghawng a ka awrh zawng zawng te chu rit tak a ni, Lalfanu mah ni ila, SOULOU hnam inchei dan hian ka inchei ngailo tluk a ni a, dân awmsa ka zawm ṭhat ber erawh ka hmai ka tuam reng hi a ni mai, Palace aṭang pawhin ka chhuak ru fo bawk, "Lalfanu fel tak" tia sawi kha ka ni ngailo hrim hrim bawk a


Gibson-a chuan a kut ka kawngah rawn rawlhin alam ah min pawt hnai deuh salh a, music a rawn ri riai riai tih ah, "i inring em?" Zawhna ngai bawk chu nuisang in min zawt nawn leh a, ka thle bak

Kan pahnih chauh a lam tual a in hmangaihber awm ang zia zang mai kan han su thle vel chu luak te pawh a chhuak lek lek dawn alawm, ṭah a chhuak ka ti zawk dawn nge pawh ka hrethiam teh nek love...


"I nalh tak zet tih i hria em Ari?" Ka bek a fawp thuak a, ka bân a zût thla pah a tih chuan ka nui nghawr dat, "beiseina ti sang lutuk suh Gibson, i tlakna a sang mai mai," Kan lam pah zel a, a nui suk, "ka nalhlo ngai heklo, i hmu ngailo mai zawk a ni," ka tih zawm zat; Aw, heihi ka nihna a ni, mahni tawk a nalh inti leh tuma fak leh sawimawina mamawh ka ni lemlo

A nui a, min vir kual tir chuan, "Ariya Azhilea Larissa diktak ini," A nui var var, mipui lah chuan engthil nge an hriat tehreng ni kut anlo beng dur dur bawk a


Kan lâm zo Assa leh Luzman-a lam ka hawi chu lawm tih hriat lutuk in no dawm chungin an lo nui var var bawk a, an hmel sawn ka luak a pawt, ka luak tak tak dawn a ka hriat chu le..!


"Princess, SOULOU Kingdom êng chhuah tu tur chu ini takzet e," Uakkkkk, Luzman-a hmel tar lutuk hian ka mit a tina

"Gibson-a nen karthar mai a in innei mai tur leh Herein hming i pu ve tur hian kei leh Assa mai bakah, SOULOU mipui te minti lawm takzet a ni," Luzman-a thusawi lai chuan ka nui hul hak

Ka sir a chhiahhlawhin juice min rawn pek ban pah chuan a lamah ka pen hnai a, "beiseina i neisâng em em ṭhin hi i fakawm ka ti Mr. Herein, i hria em nupui hual nei laiin a, hmeichhe danglak ah mipat hmeichhiatna a hmang a nih chuan a hremna chu engtiang a na nge a nih tih?" Ka chawl dat, Hnungzawng in ka pen hnung leh a, "uire na chikhat a ni lawm ni kha(h)," Ka nui lui sak bawk, a mitmeng a tal nghal rawk rawk, rum lutuk chuan Gibson-a lam chu a hawi zui sawk a

An chhungkaw hming tawp ka ṭawmpui ngai dawnlo tih chu eng ang mihring nge anih ka hriat chhuah an ang bawkin ka chiang êm a tin ni; Chutiang bawkin, Assa ang in ka hlau ve lemlo, thil ti thei eng ang mahse chhiahhlawh pakhat ve mai ala ni tlat a ni


"Ari, buaina siam hun a nilo," Assami chu ka melh hrawk


"SOULOU crown princess Ariya, ka zahna lantirna che hi min pawmsak hram rawh, Barbarian mi Shrivenham aṭang a lo kal Isabelle Lepeltier ka ni e, he in inhualna ropui tak mai mit ngei a hmu tu ka ni hi ka lawmin ka inchhuang takzet a ni," Ka din na bul a chibai min rawn buk tu chu en in ka hmel landan ka siam rem vat a


"Ni reilo te hnu a khawvelin i hmel kan hmu thei tur hi a ropui takzet a, mit ngei a hmutu ka nih ve ngei ka in beisei bawk," A tih zawm leh zat

Ka nui a, "Miss Lepeltier i duhthusam chu a thlen dik ngei theih nan duhsakna ka hlan a che," Ka sir a ding Luzman-a te pafa chu ka melh lui ngat bawk


He hmun hi hmanraw tel si lova indo na tual zawl rapthlak ber tiin ka sawi ngam a, lem channa tual zawl zau tak a ni bawk
.
.
.
.

🏃‍♀️

"Engkim peihfel a ni tawh em?"


"Peihfel a ni tawh e Lalfapa," Ka hma a helicopter ding chu ka en a, kan din na aṭang a Soulou khawpui êng phe ut mai chu ka thlir leh vang vang


"Ari, i rilru thlak nan ala tlailo a nia," Elba chu ka melh zawk, ka hmalam bawk ka en leh ka nui sak bawk, han chhuahsan dawn tak tak chuan tlêmte in ka awm a nuamlo ve deuh, tlêmte tak tak chauhin

"Nunthar nen a nun ka duh tih i hriat kha," Ka inher zui zat, Helicopter lam ka pan chu, "Ari," Ka ding dat, Elba lam chu ka hawi let leh a


"Lokir tawh suh angche," Ka nui, Elba hmel erawh ṭumdang zawng zawng aiin a thutak, a hmel a chang viau bawk


"Ilo kir leh anih chuan i thi ngei dawn tih i hriat kha," A tih zawmzat, ka kir leh anih chuan hremna nasa tak ka tawk dawn tih leh Lal lukhum ngei pawh ka chân thei a ni tih ka hria; Chuti chung chuan ka hlimna zawng a chhuah ṭalh chu kala duh fan a ni


"Ka hria alawm, Elba engkim i enkawl thei tih ka hria, chutiang bawkin, Assa pawh i enkawl turah ka dah ania," Ka tih let chuan a bu nghat


"Ka lo let leh anih pawhin keima duhthu ngeiin ka lo let dawn a, inchhirna tel lovin," Tih leh ka inher zui zat


"Lo let tawh suh, ilo let leh a nih chuan i thi ngei dawn si a," Elba aw chang zet mai chu Helicopter ri vut vut karah chuan ka hre hman hrâm, engtak nge a sawi chhan ka hrelo na in, nung ngei turin he Lalram hi ka chhuahsan dawn a ni tih erawh ka chhiang


Helicopter chu ri vut vut in a kâng riai riai a, a sâng tulh tulh bawk, a chhan ka hrelo, ka tlanchhiatsan duh ngawih ngawih kha ka hnuai mai ah, ka rah phak tawh siloh ah a awm tih ka hriat chuan ka lungphu zawn hi ana, ka lung a phut rualin a sa hat hat bawk, ni e, khawiah pawh kalin, tlanbo mahila, ka hnuai mai a awm SOULOU Lalram neitu, Larissa thisen kai ka ni tho tho a tin ni

Mahse.... Ka tih chu ka tih a ni a, ka duhdan in ka nung anga, tuma thupek leh tuma ven ngai lovin, ka hming thar, Jessica Spencer nen hian ka nung tawh ang
.
.
.
.
.
🇱🇷
🌄
New York
Huston, Texas


Helicopter a darkar 11 zênzâwn mai kan thlawh hnu ah ka tum ram chu ka thleng ve ta hrâm e, Elba sawi ang chiahin Mr Brendon Urie leh anau ten minlo nghak ṭhap, ka duhdan chuan min hruai tu tur car 1 awmse ka duh tawk viau, a chhanchu hetah chuan LALFANU tih emaw Ariya Azhilea Larissa tih emaw vel kha a awm tawh dawnlo a, a tir aṭang a Jessica ang chiah a nun ka duh a ni


Helicopter ṭum tawh ri vut vut kar ah chuan, "Chibai Lalfanu, Texas khawpui ah kan lo lawm a che," Chibai min buk ṭhap

Ka kut a zâp in, Helicopter aṭang chuan ka chhuk a, "Mr. Urie i hun hlu tak seng a minlo hmuah avangin ka lawm takzet, chutih rualin hetiang ang zat vengtu hi ka mamawh hauhlo, i hria alawm, helai hmunah hian Lalfanu ka ni lova; Jessica Spencer ka ni, chutiang a nung tur chuan ka rawn pan bawk, engkim a ruk thei angber leh mipangai nun ang a nung thei turin tih ka duh, i hrethiam tiraw?" Ṭul lova vengtu tamtak a rawn hruai chu ka lungawi chiahlo tih a hrethiam ngeiin ka ring


"Ka hrethiam e Lal...." A tawp dat, "Miss Spencer," A nui suk, bu nghatin, "car chahbi leh ka apartment a min hruaitu tur ka duh a, a bak zawng chu inlet thei, kan inhmuh tawhlo ka beisei bawk," Ka tih zawm zat, Mr. Urie chu a nui hak, tar ve tawh tak, pa hmelṭha tak leh nuih duh tak a ni tih ka hre tawh a, chuvang a helai hmun a minlo pui tur pawh a ring ngam ka ni bawk

"Kha le, Chloe leh Aran te hian an hruai angche, Chloe hi ka secretary a ni a, i mamawhba a piangah i ko thei ang, i school luhna tur leh thildang chu remchangah kan la sawi dawn nia," Ti duah chuan Chloe a tih leh Aran chu a ko a


"Lalfanu zahawm...." Antih lai mekin, "Jess or Jessica, chuan apartment ah min hruai ula, abak chu ka in enkawl thei," Tih leh car awmna lam pan tum a ka in her rualin silai ri ka hre zui zat

"Lalfanu kûn rawh," tih elh Aran chuan min rawn kuai kun sawk

Ka sir a ding bodyguard 1 chu a thal zui tawp, "Lalfanu venghim rawh u," Urie a au tuar, min rawn kuah nghal, min bawr zui huk a, ka sir a silai mu ṭek chuai chuai leh ri chuah chuah karah chuan, car phen ah chuan min pawt lut nawk nawk


Tu in nge min thah duh ang, SOULOU chu nise ka hrethiam, tu in nge SOULOU ka chhuahsan tih hria Elba erawhin min thah a tum ngai dawnlo tih ka hria a, "Gibson," ni lo, nilo, ka lu ka thing nawk nawk, haw hle mahila min thah duh ka ringlo a ni

Inkap dawt dawt karah chuan, "Aran silai minpe rawh," Min rawn en vat, Chloe phei chuan mitmu pawt chhuaklo chauhin min en kawk

"Tunah," Ka ti ṭhawt, Aran chuan silai min pek rualin, "car chhungah sawn Lalfanu hruai lut rawh, an tam lutuk mah mah," Chloe chu en in a tih zawm zat, tlan chhiatsan ka tum reng renglo, keimah avang a helai hmun a awm hi an ni a, tlansan ka tum aw kawnglo mai........



XXXXXXXXXXX


"Ashley nang uicho nu, tu thu phiangsen in nge Ariya that tur a thupek i siam," Mr. X chu thinrim lutuk in room ah chuan a pen lut a, Ashley-i zu no dawm a lo ding chu a hrawk ah a rek zui chawt

"Ka thu lovin a sam hmawr pawh tawk suh ka ti che a ni lawm ni?" A tawng a seh chilh nawk nawk, Ashley chu thawk tumin a kâ a ang hlawi hlawi tak na in X chuan a reh hneh êm avangin a thaw thei dêr lo, a meng kalh rawk rawk bawk a


"Min...min...." Thei leh theilo a ti chuan a rek tu bân ah chuan a beng nawk nawk a

X chuan thinrim insum tum zetin sofa ah chuan a theh thla ṭhuai


Ashley chu khuh bawrh bawrh a mittui tla phung chung a rawn ṭhu chhuakin, "a thi lo a ni lawm ni?" A aw pawh ala chhuak ṭha thei meuhlo, ala khuh zui hak hak bawk a

Mr. X, a boss ni bawk chuan ben tumin a kut a phar zuai; Mahse, cho zet a Ashley-in a hmai alo dawhna chu en in a kut chu a vai let fua, "ka thusawi ka sawinawn ngailo tih i hriat kha Ashley Urie, ka thu lova a sam zâi-khat pawh a tla a nih chuan i ringruh kha ka hmet sawr tawh ang tih hria angche," A aw chhuak ah chuan vau na bak lang chhuak a awmlo


Inher in kawngkhar lam a pan chu, "i hmangaih a ni tiraw?" A ding dat, thaw ala deuh kawk a, Ashley zawhna chu amah leh amah pawh alo in zawh fo ṭhin tawh, a tawp a, "hmangaih" ti a chhuak fo ṭhin a nih vang nge chhan pawh tum lemlo a pen a tum leh chu, "i huaisen na kha alawm ropui ka tih a ka duh em em ni; Theihnghilh suh, engtik ni ah emaw i kut ngei a i thah ala ngai dawn ania," Ashley chuan ṭah aw ṭuau in a au khum a


"Ka buaina a ni Ashley," Ti hrawih chuan a pen chhuah san pawk pawk a, a hria a ni, Ashley sawinawn ngai lovin, engtik ni ah emaw keh thei dawm a dawm, avenhim reng ṭhin Ariya hi a duh neihnan leh a tum ram a thlen theihnan a kut ngei a a thah ni ala thleng ngei dawn tih a chiang em em a ni



<><>~>><>~><>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:19 pm

SOULOU : Bloody Romance
By
floria laldansangi


Chapter ** 4 **


Houston
Texas
Psychiatric Clinics


Leonel... POV


"Drake engtik ah chiah nge a rawn harh chhuah dawn, darkar 24 chhung teh meuh harhlo in a awm a nia," Zon aw chu ka hre ruai ruai

"Hreptak hian sawng Barbarian uicho ho saw ka that vek dawn a ni, an lu ka la anga, an kaw chhung ramsa chaw ah ka hmang ang," Zon bawk chuan thinrim tih hriatzet in a tih zawm leh hrawi hrawih a


Men ka tum a ka mit chhah zet ah chuan men mai pawh chu thil har tak a ni, ka kâ lah chu oxygen ka hip leh tih hriat takin a in vuah leh luk tawh bawk a

Engtia dam khaw chhuak nge ka nih ka hrelo na in, kha khâm, khawk rawk zet ah khan tumâ hriatloh a ṭawih ral in ring in ka zuangthla tih erawh chiang lutuk in ka hre thung


Oxygen invuah chu meng manglo a lakthlak ka tum laiin, "awm mai mai rawh, tunah chuan mahni a thawk ala harsa dawn ania, i thi lo kha lawm hle la," Ka thaw hak


"Boss, Boss i harh elaw, Doctor engvang a sawilo nge inih?" Muangchangin ka meng diar diar

Drake, Linda leh Zon hmel ka hmuh rualin ṭhut chhuah mai ka tum a, ka che thei dêrlo, ka ṭan rual a min kalh zawk tu avangin ner sawkin ka mu let hnawk a


"Thawh tum duh suh," Drake chuan a ti sup


"Ni e, rawn hmu har phei che ila chuan...." Linda-i pawh chuan alo ti ve a

"Jeff," Ka Oxygen hip lai lakthla pah chuan ka ti sep, a tham ral vel in ka hria ka aw chhuak zet chu

"Lungngai suh a him; Mahse..." A tawp dat, ka en ran a


"Tunah rih chuan America hi a tan a himlo a nia, zanin ah lawng hmangin Spain a pan ang."

"Boss lungngai suh engkim Linda-i nen kan enkawl thei, hahdam la, dam vat vat rawh," Zon bawk chuan a rawn ti leh zat zat a


"A dam vat in duh chuan amah khan awmtir rawh u," Drake chuan a rawn ti vur vur, a hmel a nuihza hmel chu hnek chawrh a nia ka duh ni

"Ka clinic hi sawn a ngaiin ka hria." Zon leh Linda-i an chhuan rual a min fiam pah a rawn tih chuan

"f**k you." A nui hak


"I nunna i chan thei tih i hria em? Frob HR saw engtiang chiah a hlauhawm nge a nih i hrelo em ni?" Thutak zawk a rawn rih chuan mit ka chhing diar diar


"Leonel, engchiah nge Mr Thompson-a lakah hian i bat ka hrelo ; Mahse, i nunna midang kut a i dah erawh a ṭha ka ti hauhlo a nia Dude," A sawifo tawh ṭhin



Mahse, thil hi sawi ang ngawt aiin zawm hi a harsa a ni, ka nunna chhan tu leh a fa ang a minla lut tu a ni a, a thupek zawm tur leh a hnathawh saktur a enkawl seilen ka ni bawk, ka nunah han chhuan tur leh beisei rur a awm miauloh avangin thupek zawm chu ka tihtur a ni mai


"Ivony..."


"Yes, i unaupa nen a in hmeichhe in ṭawm kha maw?" Teh deuh nghat a


"Ka hrilhlo, hahdam rawh, vawiin hian damlo thar ka nei dawn a, a rawn thleng ṭep tawh ang," Tih leh kawngkhar lam pan a rual nghal


Damdawiin pangai pan thei ka nih ngai miauloh avangin Drake clinic ah hian room hran ah min enkawl mai ṭhin, engvang a hliam tuar nge ka nih min zawt ngailo a, min enkawl tawp mai ṭhin, Psychiatry specialist mah nise ka nunna hi vawitam a chhanhim tawh tlat a ni
.
.
.
.

Texas
Beacon International Colleges


Jessica....POV (Ariya)


Ka hma a kawngkhar hnûm nalh zet mai chu kik kharh kharh in, "Come in," A tih rualin ka hawng a

"Hello, professor Jane."

"Ohhh, Miss Spencer ka lo nghak reng tawh che a sin, lo ṭhu rawh," A aw chhuak zangkhai zet leh nui hmel sâng a minlo dawng sawng chu a tlai zawk mah ni ila a hahdamthlak viau mai


"Ka rawn tlai avangin min hrethiam dawn nia," Ṭhu pahin ka nuih sâng bawk


Thla khat dawn Texas a an nunphung leh chezia, zir theih ang ang ka zir ve tawh a, ka in adjust ṭha ve viau chuan ka hria, zing thawhhlim a Nira hming ka la lam fo ṭhin tihloh chu engkim a pangai viau e


"Miss Spencer."


"Jessica minti mai rawh Professor," A nui a, a bu nghat


"Jessica, i case ka lo chhiar a, Professor Lorraine patient ini tih ka hre chiah," Min rawn melh zawk, nuisâng in ka file chu a keu leh a

"British mi ini takzet amaw?" Ka file khup deuh thak chuan chiang lutuk in min rawn en a, a mitmeng dum fiah zet chu a zahawm takzet, ka mit ah tak en kalh chuan hlauhawm siloh in a hma a dawtsawi erawh a theih dawn hian ka hre tlat lo


"Of course Professor," A nui a

"Ok, well Jessica, Professor Lorraine patients ho hi chu a aiawh tu Doctor Drake hnenah hian an kal mai ṭhin a," Dawhkan a file pakhat chu la in, "nangpawhin pan ta zawkla eng nge a an ang ka lo ti deuh a, Doctor Drake hi Beacon Psychology and Hypnosis centre a director a nih vangin keiai chuan a pui nasa thei zawk che in ka ring," A doctor min kawh hmuh ah chuan ka rinna nghat ve ngeise minti tih hriat takin min en kalh bawk, ka bu deuh nghat


Prof. Lorraine hnuai a zir chhuak a nih chuan pawi tihna ka nei chuang hauhlo, kum 5 liamta a min enkawl tu kha Prof. Lorraine ni in, nikum mai khan a boral a ni awm e

"Chutiang chuan kan ti dawn nia, Professor ka lawm takzet i hun hlu tak minpe a," Ka ding a chibai theihnan ka kut ka lek chhuak


"Jessica i case hi a serious hauhlo a nia, chutiang bawkin i hriat duh te pawh i hrechhuak ngei ang, min mamawhna ineih phawt chuan hetah ka awm reng a nia," A aw chhuak tin mai chu a nelawm em em vek mai


"Ka lawm e."
.
.
.
.

San Antonio Water Park
Texas



Water park ka kal lohna chin pawh hi ka hre ta meuhlo, ni lo, ka hriat theih chinah vawikhat chiah ka la kal zawk mawle, tui tamna hi ka ngaina lova, chutiang bawkin beach emaw tuipui chunga lawng hmang a zin veivah leh hunawl hnawh khah pawh ka ngaina heklo

Mahse, vawiin ni erawh ka nun a ka tih ngai miahlo ti turin bul ṭan na hmasaber ah ka ngai

Chawhnu lamah Doctor Drake hmu tur a ka kal hma a hawi thawven nan leh hun awl hnawhkhah nan a ni mai


Ka camera chu la chhuakin ka bul vel a mi leh naupang infiam, tui a intheh a nui uar uar ho chu ka camera chuan ka click mawlh mawlh a


"Naupang hlim hmel hmuh hi a nuam tiraw?" Ka ṭhutna bula rawn ṭhu thla chiah hmeichhia chu ka en vat


Ka nuih let a, "tihpalh ka rawn ṭhu ve tawp a," A tih zawm leh sap, ka lu thingin, "a pawilo," Tih leh ka camera dah thla chuan ka sir a thei tui chu banin ka zûk zui zat


Ṭawng tum a alam ka hawi leh chu ka ṭhutna aṭang a hlam 2 vel lai a hla ah alo awm hman chu ni in, ka nui hak, American ho hi chu an friendly em em rualin an hlauhawm ru phian thung

Ka sir a camera chu la kâng in ka tho a, ka din rual deuh thaw a ka bânrek a min rawn hmerin min pawt her sawk

Ka hnunglam a palian zet mai, lu kawlh, coat dum suit a inthuam in chhuk zawng a rum lutuk a min en ka hmuh chuan ka ip chawih, kan in len hleih mah mah

"Engthil......" Ka sawi zo hmanlo min pawt kal zui sawk, min hnuk a ni mah zawk, kan hma a Vivo car dum lian zet rawn ding tuarin min namlut nghal rawk rawk bawk a, thil thleng chu a ran êm avangin midang puihna dilnan au pawh ka au hman meuhlo



"Tu phiangsen nge innih?" Car chhung a min namluh sawk rual chuan ka ti chhuak ṭhawt


Kawngkhar na lutuk a rawn khar zuiin chak lutuk in an tlan chhuak bawk

"Camera," Ka hawi vat, kawngkhar hawn tum a ka sâwi na talang ah a hma seat ah midang an ṭhu ve tih reng reng ka hrelo


A rawn hawi a, sunglass a vuah tlat avangin a hmel tak hmuh a har vaiu, hmeichhe class tak leh namai lo tak tih erawh ka thluak ṭha lutuk hian amanthiam thung, a sunglass vuah chu Channel brand a nih bakha a perfume hman rim aṭangin eng ang nge a hman ka hre nghal vek thei, ka talent dawn ve a nia

A hmui sen hlar mai chu ka tan erawh sen mah mah mahse mipa tan erawh a sexy viau in ka ring

"Tu tan a thawk nge inih?" Hnunglamah a rawn in her deuh, a thusawi chu ka hrethiamlo mai pawh ni lovin, engthil nge sawi a tum a, eng atan nge ka camera chu a tih ka hrelo a ni


Ka kut a ka ken lai camera rawn ban a tum chu ka dah sawn vat, "tu te nge in nih zawk a, engvang a min kidnap nge in nih?" ka en let khai


A hmel ka hmuh a hlau takin inher in a ṭhu ṭha a, driver chu a melh zawk, reilo ah a ai chak a car chu khalhin, kawngsir ah a ding ri tuar, driver chu a ṭhutna ṭang a chhuakin ka awmna kawngkhar a rawn hawng a, ka camera kenlai chu a pawt thla sawk

"Ka ca...." Silai phawrh in minti in nghal vah, "ok, ok, engthil teh hrep nge maw in duh le? Camera kha in nei thei; Mahse, min that a nih chuan...."


"Hnuhma awm lovin ching fel angche," Seat hma a ṭhu hmeichhia chuan thu pe ṭhang tih hriat zet a tih leh kawngkhar hawngin pen chhuah a rual, a ngaihna hrelo zet chuan ka thlir mawl tawp

A bulah car dang a rawn ding zui zat, thil awmdan leh an duh ka ngaihtuah a, hriat thiam ka tum nasa lutuk chu ka thluak ana dawn in ka hria


A silai chu a load ri khap, ka rilru in "Soulou lalfanu hi ti mai hian, a chhan pawh ka hriatloh in ka thi mai dawn em ni? Lal lukhum duh vang a min that duh tamtak awm mahse tun ṭum erawh chutiang nen a inzawmna nei a nilo tih ka tluak fing em em hian a hrethiam reng mai bawk si a, heti han ka thi dawn anih hi" Ti rilru nauh nauh chuan...


Thi turin ka indah tawp, hlau ang a lang duh maih si lovin mit ka chhing riai riai, eng amaw ri awk ka hriat rual ka meng vat, silai a min tin tu chu seat a rawn bawk thla thlawpin, ka dak chhuak vat


"Rasamee," Ka phun sap, mak ka tih lutuk vang a ni mah zawk


Engthil phiangsen nge America ah an rawn tih, ohhhh Assa rawn tirh an ni ngei ang


"Lalfanu", Chibai min buk zui zat


A hnung a Ramos-a rawn dinglang chu rum lutuk a melh chung a car a ṭang a chhuakin, "let rawh u," Ka ti zui nghat, ka lawm vaiuloh zia an hmu ang, ka nunna chhan ah pawh ka ngai tehhrep love...!


An din ngaiin anla ding reng, "tunge hetah rawn tir che u, Elba," Nilo Elba chuan a rawn tir hauh lovang, "Assa," Ni e, Assa ho-na hnuai a seilian an ni tlat

"An nilo ve ve Lalfanu," Ramos-an a rawn tih rualin

"Jessica Spencer," Kha zet chuan ka lo ti fak a


"Miss Spencer."

"Jessica,' rawn tirh in ni emaw nangmah ni a America rawn thlawk thleng pawh ni ula, let rawh u, hetah mamawh in nilo," Tih leh an lam a pen hnai in Rasamee-in ka camera a ken chu ka pawt thla sawk, ka en chiang a


Engvang a camera hi duh nge an nih ka hre zui zat bawk, a chhungah engthil nge awm hrelo mahila, he camera hi ka ta a ni hauhlo


"Heihi tu camera nge?" A chhung a thlalak chu ka en zui zat

"Huhh..." An pahnih chuan ka melh zawk, thlalak chu mipa leh hmeichhe infawp lai te, beach vel an thlalak leh Hotel vel a an lut chhuak lai te a ni nawk


"Engthil nge maw nile? Milar nge maw an nih?" Keimah chuan ka phun nung nung a


Thlalak dang ka hmet chhuak leh chu ka tawp chat, hnai lutuk a bih in ka zoom a, "hei chu," Ka phun sap

A dik, he tattoo hi kum 14 liamta kei leh ka nu chuan na lawng hâl tu leh ka hma ngei a ka nu khawngaihna tel miah lova kap hlumtu kut ah khan hetiang chiah hi ka hmu a ni


Ka kut a rawn khur dar dar, ka taksa a rawn khur zui hlawk hlawk bawk, kum 14 liam ta thil thleng chu ka hma ah, ka kut a camera ka kenlai a thlalak awm ang mai chuan a rawn lang zui zut zut bawk a


"Lalfanu i ṭha em?" An pahnih chuan min rawn din hnaih zui zat

Ka kut lo thin khumin, "Rasamee he camera neitu hi tunge a nih hriat ka duh," Mit phak zetin ka en a, ka dang te chu a ro hulh a, a awk nawk nawk bawk


"Ka hrethiam e, helai hmun hi a himlo, Ramos Lalfanu hi a apartment ah hruai la, keiin heihi ka buaipui dawn nia," Tih leh ka kut ka camera ken chu rawn ban in silai phawrh chuan car chhung a nikhaw hrelo a bawk chu kah mai a tum a, "Rasamee America a nih hi," Ka ti vat, min rawn en zawk, chuoa bawk chu tin ṭha lehin, "mahse, i hmel a hmu a ni ." SOULOU ang mai a, ka hmel tak hmu a piang tih hlum zel a tum chu ka duh hauhlo

"Ka hmel hmu a piang i that seng dawn em ni? Ka sawi tawh Soulou a ni lova, SOULOU thisen nunrawn na a khat kha hetah rawn keng lut suh u," Ka ti hriam hrak bawk , police motor siren a rawn ri zui rat rat bawk a, ka thusawi hrethiam tih hriat takin an bu nghat


Ka pen sawn mai dawn a, ka taksa ala khurh ruk avangin ka che mai theilo

Ramos-an min rawn pui vat, car chhung a min ṭhut luh tirin a tlan chhuak zui zat bawk a, kei erawh ka lu seat a nghatin mit ka chhing vang vang, ka mitthla ah lah ka nu thi tur hmel a cham leh ta tlat bawk a

Ka bek ah mittui a luang ngiai ngiai a, boruak tam thei ang ber hip chuan muangchangin ka thaw chhuak leh ham ham, ka awm chhung tawt leh ta tlat chuan thawk lak a ti harsa leh ta tlat tawh


"Lalfanu khatiang a kalsan mai kha a pawilo ang maw?" Mit ka la chhing reng


"Ramos America ah hian engtia rei chiah nge i awm tawh?" Muangchang a meng in darthlalang aṭang chuan chiang lutuk in ka en a


"kar hnih," Min rawn melh zawk, ka lo en ngur tih a hriat rual a hawi sawn vat chuan, "kar 3," A phun sep


Hmeichhia hi chuan dawtsawi mai hi kan awlsam em em laiin, mipa erawh an dang deuh chu a ni


"Soulou ah chuan Lal fanu ka ni a, Cassiopea din hmunah ka awm ṭhin; Mahse, hetah chuan tunge ka nih a, eng mi nge ka nih ah tumah an buailo, ka sawitum i hrethiam tiraw?" Ramos leh Rasamee te ho hi Royal family venghim tur a hranpa a training nei an ni a, nunna pakhat lak mai mai chu antan chuan sihte rah hlum ang lek a awlsam a ni tih ka hria; Mahse, khatiang thisen chhuah leh nunrawn na kha ka nunah hian chhawm ka duhlo a, min zui tu atan ka duh heklo

"Mahse Lal fanu i himlo a ni."

"Mahse a awmlo Ramos," Khauh zet ka tih druh ṭhak tak ah chuan a chip hmak, car ding datin, a ṭhutna aṭang a chhuak chuan ka chhuahna tur kawngkhar a rawn hawng a


"Khawiah nge in awm?" Ramos-a chu ka en

Ka awmna building chu muangchangin a kawk a, ka en kawk, "kar 3 chhung kha he building ah hian ka hriat miahloh in in awm a maw?" A bu nghat nghat


"Khawi floor-ah nge in awm?" Ka chungah an awmloh hrâm ka beisei


"9th floor."


Whatttttt....!


"Ramos." Ka tawp dat thaw hakin, "Mr Urie buaipui in ni tiraw?" Ka en kalh, SOULOU ang mai a min zui kual a, ka tih tur leh turloh min hrilh kual leh tur a heta rawn tirh an nih tih ka hai mawlh lo


Za lo zet leh lai zet a ṭhen vak chuan, "ka tihpalh Lal fa...Jessica, Mr. Urie kan ngen vang zawk a ti a ni, i himna kan duhber Jessica, khawiah pawh awmla, i hming pawh hi eng pawh nise, Soulou Lal fanu inihna a bo lova, venhim che hi kan hna a ni bawk, min hrethiam dawn nia," Tih ngaihna hrelo lutuk chuan ka en ngawih ngawih ringawt
.
.
.
.

10 a.m
Houston
Beauty House

"Miss engtiang a tih nge i duh?" Ka sam dum ngil zet chu tih danglam tumin ka ṭhu ran tawh


"S wave," Ka sam khawih tu tur chu darthlalang lian zet aṭang chuan ka melh a, "tehreng, mahse i sam hi tan a uiawm dawn hle mai," Ni e, kan ram dan ah chuan ka sam hi a dum in a ngil ngei ngei tur a ni, uluk tak a enkawl a ni a, a hmel ah pawh tan mai chu a ui tih alang reng


Ka sam siam nan a darkar 3 ṭep ka hman hnu ah Mall aṭang chuan ka pen chhuak a, ka sam rawng, ka mitmu rawng thleng a a dan tawh avangin mithar tak tak ang mai ni in ka inhria, ti hi chuan British nula ka nih an ringhlel tawh êmlo angchu
.
.
.
.


"Miss Spencer," Doctor kawrvar thianghlim zet ha chung a lo ṭhu chu ka en a

"Dr. Drake," Ka chibai a

"Nimin kha chhan awmlo a ka rawn lanloh avangin pawi ka ti khawp mai," Thupha ka chawi nghal zat bawk

A nuisâng, a hmelṭha in a nelawm khawp mai, Professor Lorraine-a student ni tur tak a ni, a hmel lo nuisang leh nelawm lutuk chu damlo tamtak tan chuan dampui vawng vawngna tham a ni ngei ang




A hma a ka ṭhu thla chu min thlek deuh vang vangin, " it's OK, i sam thar chu i inhmeh hle mai," A nuisang bawk


"Professor Jane khan i thlalak min rawm thawn a," A tih zawm leh sap, ka bu nghat


Ṭawng tum a a kâ a âng zuai tih ah emergency alarm ni awm tak a rawn ri zui tut tut a, ventilator machine ni awm tak ring lutuk in a rawn ri zui tut tut bawk


"Excuse me," Tih leh a dawhkan pawhdawh aṭang chuan eng amaw la chhuakin ka hnunglam ah chuan a tlan a, room pakhat awm ah chuan a thlawk lut a niber


Kawngkhar a khar zuiloh miau avangin, ka duh emaw duhlo emaw ka hmu ve vek ngai miau si a


Ka ṭhutna aṭang a tho chuan kawngkhar biang nghengin, kut kuangkuah at a ding chuan an thlir reng


A damdawi hman chu Opioid a ni, pain killer chak tak, drugs chikhat a ni mahzawk, damdawiin puitling ah pawh a na zawngin an hmang mai mai ngailo

Damlo khum a pa lian zet mai, 6ft khum ai a sei mah a mu, ruang âm lian ṭha tak mai chu ka en reng a, a âwm, lungphu zawn chu ana tih hriat takin a ṭham ngawt ngawt bawk, oxygen a vuah chung pawh a thawk harsa a tihdan leh a thisen zâm hmuh theih khawp a rawn pawng chhuak a, a puak dawn ta emaw tih mai tur a, a thisen zâm rawn pawng ṭawlh ṭawlh chu ka en ngar ngar, ka hriat sual loh chuan tûr(poison) avang a saw tiang a awm saw a ni


"2mins, 2mins chauh Leo," Dr. Drake chuan a ti mawlh mawlh bawk


"Ka âwm... Ka âwm ah hian vit rawh," Damlo chuan seh chilh leh thaw chham tur, hmai sen vek leh na avang a thlan fim luang ngiai a rawn ti ṭawk ṭawk chu en a hreawm lek lek


"Reilo te," Dr. Drake chu a phun sap sap, in hmangaih tak in enkawl te pawh an ang mah mah zawk alawm


"Opioid khan tun atan chuan a thawk pawh a ni thei, ana a rawn chhuah leh hunah chuan Opioid ringawt in a hneh tawhlo ang tih i hria a ni lawm ni? Nge ni a, Vicodin emaw oxycontin emaw i pe leh dawn tihna? I taksa chhung ah i na tih reh nan a damdawi (drugs) chaktak i hman a piangin i taksa chhung a tûr awm kha a thawk chak tulh tulh a, i thi vat bawk ang."

A drugs chiu luh chiah chu a thawk tih hriat takin a meng zui diar diar a, a muhil nghal emaw th mai tur a ni


"Tu phiangsen nge inih a ka boss thih tur thu sawi tu chu?" Ka sawi zawh rualin ka hnunglam aṭangin ṭeng zetin mipa aw in a rawn ti ṭhak

Ka hawilet hma in min rawn su dawt bawk a, room chhungah chuan ka pai lut nawk nawk


"Tunge inih?" Tih leh hmeichhia, patil emaw tih tur khawp a sek leh meng rum, hnute pawng pawh nei mumal lo leh sam tawi zet mai chuan uluk lutuk in min en, min thah mai an in ring tihna a nih chu


Chhan tumlo zetin khum lam chu ka melh, "tunge inih?" Tih nawn leh rual a silai phawrh tum a a che hrut chu, "Linda," Doctor-an a rawn ti ṭhat


"Hetah buaina siam ka duhlo tih in hriat kha," A ti ram hmak bawk a


Rum lutuk a an pahnih a min en na chu haider hmakin, "ka sawisual loh chuan tûr a hrai ini," A dik em? Tih melhin ka melh bawk


"Miss Spencer i sawidik; Mahse, engtin nge i hriat?" Doctor-an a rawn tih chuan ka dar ka sân ak, damlo lian zet mai mutna lam pan ka tum chu a chhiahhlawh mipa zawkin minlo dang vat


"Zon," Doctor-a bawkin a rawn ti leh a, min melh ram ram pah a lungawi chiahlo a tawlh sawn in, "dam ila duh chuan tawk suh angche," A ti zui hrâm


Tunge maw anih a, Pathian ang mai an venhim teh hrep chu ni..!

Damlo khum bul a ding a chiang lutuk a en chuan ka mitthla ah nimin mai a thlalak ka hmuh, a mipa kha a ni, kha tattoo neitu bialpa kha, ka thaw kawk a, mit chhing sawkin a bân ban ka tum chu a chhiahhlawh hmeichhia zawk chuan ka bânrek ah a rawn hmer chawt

A hmer na in ka in ringlo bawk nen ka rak ṭhat, ka thing thla sawk bawk a, ka bânrek sen nghal hlar chu tuai vut vut in, "ka puihna induhloh chuan helai hmun hi ka tan penchhuah a harsa lo a nia," Ka aw zet chu kha tak a ni, tual thah tum ang mai a min treat chu ka duh dêrlo


"Linda duhtawk rawh u, Azhilea ka ring che," Doctor-a chuan a rawn ti ram hmak


Maw...? Tunah khan engtin maw minkoh a? Azhilea, chu chu ka hming diktak a ni, engtin nge a hriat? Tunge a nih he doctor hi?


"Tunge inih?" Phawk lutuk in ka en

"Ka tihpalh Jessica, professor. Lorraine-an a enkawl lai che khan ka rawn zui ve alawm?" Ni e, SOULOU ah Prof. Lorraine chu ka ko ngei alawm; Mahse, ṭhui hruai a nei tih reng ka hrelo


"Ka ringche a, iti dam thei tih ka hria, ka oui angche; Mahse, ka unaupa hi pui la ka duh," A tih zawh rualin

"Lawkin, Drake i damlo enkawl lai a ni tih sawi miah suh," Linda-i tih patil chuan a rawn ti hriam hrak

"A ni alawm."

"Fiamthu i thawh em ni? Rilru kimlo enkawl lai hi Boss nunna chhan turin i ngen a maw?" A aw chhuak mai mai chu(h)

"Rilru kimlo ka ni hreplo e..!" Hriam lutuk in ka lo ti let ve khai


"Huhh... Psychatry pan ngai khawp chu inih ber tawh chu," A chhiahhlawh mipa pawh a rawn in rawlh veleh, ka kut ka thawh ve mailoh nan ka inhum ruh


"Duhtawk rawh u, Jessica-i hi in ngaih ang a nilo, Linda, Zon buaina ringawt in zawn dawn chuan chhuak rawh u, Leonel dam ṭhat induh chuan ring tur vhe u in ka duh," A tih zawm zat


Damlo chu en hnai in a kawr haklai phelh a, a âwm zawn en tur a ka kun hniam chu a rawn meng kawk, chiang lutuk in kan in en a, a mitmu uk kharh leh mithmul sei er zet chu a mit ko vung luk chung pawh chuan a nalh vei phian lehnghal......!

Shiaaa....! Eng nge maw ka ngaihtuah le..?

Kha tattoo neitu kha hnaih ka duh chuan hepa hi ka hnaih hmasak a ngai a ni


"Tunge inih?" A rawn phunsap, ka chhanglo, a kawr kilh phelh ka tum chu a kut na lo lamin a rawn vuan chat, ka kut a paih sawk bawk a


"Hello stranger, ka ti dam dawn che, a tawk em?" Tih leh a kawr awm bawk chu khawih leh ka tum a

Ka kut man leh a tum chu, "Dude entir rawh, i taksa a tûr awm kha tih dam dan a hria a nia," Doctor-an a rawn tih tak chuan muangchangin a kut ala thla a, min ring vaklo tih hriat takin minla en run tho


A âwm ah chuan ka kut phah ka nghat a, a taksa mar ṭang mai chu zût thlak ka chak tlat lehnghal, hreptak hian..! A hunlo lutuk..!

A bân leh nghawng ka en dik leh a, ka che vel chu lu tuam chung leh mit ko vung luk chung chuan ngawi reng min en ngur lehnghal


A taksa, a nak leh ke te pawh chu engtia a tihnat nge phei chu ka hre law ; Mahse, sawi sak hrep a nih ka ring ve tawp a


"Iti dam thei dawn em sawi vat la," Dawh theilo zetin Patil-i chuan a rawn ti nghat



"A lober ah ni 3 vel chu ila dam ka ring," Ka dar ka san ak


"Gu tiin an sawi ṭhin, American ho chuan Ancient Poison zingah inchhiar tel ka ring, Mercury poisoning kan tih te nen hian a in ang lek lek a; Mahse......." Ka tawp dat


"Mahse' eng nge?"


"Mahse scorpion tûr telh a ni a, Mercury angin a thawk chak lova; I na tawrh ana tulh tulh anga; I tha/chakna (strength) i hman nasat pauh leh a thawk na tulh tulh anga; Zawi muangin, zawi zawi in, i thisen a khal anga, muangchangin i thi ang," Muang fân raih a ka sawi zawh rual deuh thawin a chhiahhlawh rinawm em em te pahnih chuan silai in min tin zui zat


Thudik ka sawi a, engthil teh hrep nge maw an duh le...?


"In silai kha phawrh chhen suh u, Jessica a damdawi i siam chhuak thei angem?" Min rawn en


Ka nui a, "he khawvelah hian tûr siam chhuak thei tamtak hmun tinah an awm a, a damna siam chhuak thei erawh tlêmte an ni, chuan a taksa chhung a tûr awm ti reh thei tu chu keimah chiah ka ni bawk," Ka hawi vah

"Engthil nge i duh?" A rawn phun leh sap, ka dar ka san ak, "min ngên rawh," Khum a damlo mu chu ka en, min en ve run bawk


A mitmu uk kharh leh fiah zet ah chuan min ngên dawnlo tih ka hria, a chhiahhlawh te hi tihluih ka tum hrim hrim tih a hrethiam bawkin ka ring

Linda-i zawkin a silai a load rik khap takah chuan ka nui hak hak a


"Ok ok, ka fiamthu a nih kha, ka mamawh ka sawi anga inla khawm ang, ka siam sak angche u," Linda-i chu ka en



"Black Mamba, scorpion leh black lotus leh Leopard Plant Chung chu ka mamawh ang."

"Black lotus leh Leopard Plant maw? Tunang ah khawi a mi nge hmuse mintih?" Ka buaina a ni em ni?

"Ka buaina a nihloh chu, thi pawh nise ka tan chân tur a awm em ni?" Awlsam zet a ka tih chuan min khawih mai tumin an che leh hrut a, Doctor-a a rawn din hnaih tak ah chuan an i thlah dul leh riair riai

"Ni 3 hma inhmuh tum angche u, chuti anihloh chuan in Pathian hi na a tawrh hrep hnu ah medil a tlak a ngai palh a nge," Doctor-a alo nui hak, ka ṭawngkam ka uluk vaklo tih ka hria, uluk chhan tur ka neilo ve êm bawk a ni chhiahhlawh hma ah hi chuan


<<<><~><>~<~><<>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:19 pm

SOULOU : Bloody Romance

By
floria laldansangi


Chapter **5 **


<SOULOU>



X X X X X X X

"Boss rinhlelh awm engmah a thlenglo; Mahse....."


Mr. X antih, an Boss ber chuan a en vat, "mahse nimin mai khan kidnap a ni a, rei erawh a nilo, Rasamee-i te unau an lang zui nghal," A ti nghal zung zung a


"Ka hrethiam e, zui chhunzawm angche," A ti zet na in, "lawk, Nira.." A sir a ṭhu Nira, Lalfanu chhiahhlawh leh Lalfanu in a rin em em chu en in, "America ah kal angche."

"Mahse X, Assa lakah..."

Hnial a duhlo tih hriat zetin a kut chunglam a lek zauhin a whisky no chu chawikangin a lem hlek a, Nira chu a melh zui zat


"Ka hrethiam e," Nira pawh chuan a Boss thu chhuak chu thutawp a ni tih hrethiam in a bu nghat, a ṭhutna aṭang a tho chuan kawngkhar lam a pan a, a pen chhuah rualin, "duhtak Nira, Boss bul ah dingin, in elna kan ṭan tawh dawn emaw tihlai a, i Lalfanu naupang chhia zet leh buaina siam peih zet mei a i ṭang leh tur chu ka tawrhpui hle maiche," Nira chu a ding dat


"Ashley Urie," Chiang fek fawk chuan a lam chhuak a


"Hello," Ashley-in bang ngheng chung a kawisawi zet a dingin a lo nuih sâng na chu a kiai khum sawk


"Ahhh... Chhiahhlawh rinawm nihna i chelh leh rih dawn ni in alang," Ti el zet a tih leh Nira lam a pen hnai khap khap chuan a dar khawih tum a kut a lek kâng chu Nira in a bânrek ah man in a herh sawk a


Rak ṭhat in, "Nira engthil nge itih? Min thlah rawh," Ashley chu a au ṭhat ṭhat, Nira lah chuan engah mah ngailo tih hriat zet a ai na a herh leh sak chuan, "i kut hi chaw ei nan hman ila duh chuan i lei hriam zet kha hmandan thiam angche Ashley Urie, in pafa a in tum ai hma a hremhmun in thlenloh nan," Ti hrawih chuan a nam sawn dawrh, hawi vah in a pen sawn lah lah bawk a


"Nang Barbarian uicho nu, chhiahhlawh, chhiahhlawh satliah mai ini," Thinrim aw ṭeng zet chuan hnunglam aṭangin Ashley chu a au tuar tuar takna in Nira erawh hawilet hauhlo in a pen ngaiin a pen vah vah tho


<>££<><£<<<££<£~


Jessica....POV (Ariya)

"Engtia rei nge kan nghah la ngai dawn?" Ka sana bunlai chu ka bih zauh


"A harh ṭep tawh ang."


"Ṭep itihna pawh darkar a liam leh tawh," Linda chu ka melh hrawk, ka pui mah hi lawm hle tur an ni

"Jess, a harh ṭep tawh angem?" Doctor-a pawh chuan a rawn ti sup


"A harh chhuak ngei ang, a duh emaw duhlo emaw?" Ka sawi zawh rual deuh thaw rawn meng deuh kawkin, thisen a rawn phuh chhuak ṭhawt


An pathum a damlo lam a tlan khawm hak chuan, "engthil phiangsen nge i pek?" A chhiahhlawh mipa zawk chuan a rawn ti ṭhak, ka chhanglo a, anlam ka pan


Thisen, a ai nasa a rawn phuh chhuak chuan, "engthil teh hrep nge ka chungah itih?" Chau tih hriat tak, kha zet si a rawn tih chuan kuangkuah at a en chhuk in, "i nunna chhanhimtu lak a nunchang atan chuan a mawi chiah in ka hrelo a ni," A mitko la vung nen, a mitmu uk kharh leh a kâ, thisen avanga sen vam huam nen chuan rum lutuk in min rawn melh, min thah duh mai hmel a pu mah zawk


"Duhtawk rawh u, Leonel reilo te ah i ṭha chhuak dawn tih ka hria, i taksa chhung a tûr awm i luak chhuah a ngai a ni," Doctor-an a rawn tih takah chuan an thaw nghal huai ri chu ring tak a ni

Doctor-an a nunna a chhanlo a,nkeima chhan a nia, minla rinhlo khanglang zui a, lo thi tir mai mai tur a nia..! Ka rilru chuan ka phun nuah nuah a


"Min mamawhna in nei tawhlo bawk a Doctor, naktuk aṭangin kan ṭan dawn nia, vawiin atan chuan in Pathian kha enkawl rih rawh u, a mamawh hle dawn che u a nia," Ka thle zui bak


Ka in her rualin kawngkhar a rawn in hawng ri khap, hmeichhe sang ṭha veh vawh, floral dress a pian ti lang chiang tur a tight zet leh chhing zet mai inbel leh a hmui chu tanthar ang mai a sen vam ham, a pheikhawk sang bunlah chu 10cm vel lai a sang bun chung a rawn pen kut khap khap chu ding dawt in kanlo en ṭhap


"Leonel, duhtak eng nge i an?" A ngaihtuah hmel takzet


"Haw rawh," Teh tawp chuan, a bialnu in a ngaihtuah zia a hmelah pawh alang a, engmah sawi si se lova "haw rawh" intih

"Ka theilo tih i hriat kha, ka ngaihtuah zia che i hria alawm, eng nge i an tawh, damdawiin i pan mai theilo em ni?" A ṭap lo chauh


"Thisen, thisen hi...." A hlauhthawn hmel lutuk chu a khawngaih thlak awm letling


An pahnih kutṭang a tattoo inchhu chuan ka mit ala nghal nalh, kha hmeichhia, tattoo neitu leh min kidnap tu kha tudang ni lovin henu ngei hi a ni, ni e, a perfume hman pawh kha ala ngai reng mai


Mahse, tun hi a hun a nilo tih ka hria, pawnlam pan tum a ka pen leh chu, "ding rawh," A aw chhuak ah chuan ala chak vakloh zia alang

Mahse, a chang viau thung


"Boss," a chhiahhlawh te chuan anlo ti vat

Ka in her a, chiang lutuk in milo en bawk, chutiang bawkin a bialnu chu ka lam a rawn her in, rum lutuk in min en zui rûn bawk a

"Keimah maw?" Keimah leh keimah chu ka in kawk

A mutna khum a ṭhut tun tum chuan a in bengkang, "aw, nang naupang kha."


Maw...? Naupang a?? Keimah hi..?

"Excuse me UNCLE, naupang ka ni hauhlo chuan....." Chiang zet a ti chuan ka tawp dat


"I nunna ka chhan avang a lawmthu sawi i tum a nih chuan ka mamawhlo e," Tûr hlauhawm tak mah nise, antidote siam chhuak turin keiai mithiam tamtak a rawn in a zawng hmu tawh ngei ang tih ka chiang; Mahse, engvang a chutiang a tilo chu nge anih ka hrelo a, hriatlah ka chak heklo, chuvangin a lawmthu sawina ka pawm chhan tur a awmlo


"Lawmthu la sawi ngailo," A nuihza emaw ni, a aw chhuak ah chuan nuihza aw ka hre thei


A lawmthu sawina hriat ka duh ka ti taw si lova...!

Ka hriat duh tak erawh a bialnu nen a an kut zungṭang a tattoo "black rose" tetakte a inchhu saw a ni hriat ka duh ni, tattoo satliah mai mai a nilo tih ka hria mai ni lovin; Ka rin sual loh chuan Black shadow mi leh sa an ni bawk



"Tunge inih?" Ka rindan tawk velin, thikna a ri tel bawk

"Keimah hi maw..?" Ka nui a

"Mrs. Awesome," Awlsam zet chuan ka ti sam et, tunge ka nih tih a hria tih ka hria, ka sawi awmzia chu nimin piah maiah a car chhungah min thah a tum kha le...!




Ka chhan na avang chuan a lungawilo nasa hle tih a mitmeng dur khup khup ah chuan a hriat, Leonel-a tih erawh alo kiai suk thung, a bialnu zahlo tak a ka biak lai a nui thei chu a mak hle mai, "min hrethiam teh u," Tih leh inher a pen chhuah ka rual


"Jessica," Ka ding dat, min rawn zui chhuahlai ka hre hauhlo



"Pawi ka ti hle mai, kan tibuai hle che a, ka lawm lutuk bawk a nia, ohh, thildang leh ah chuan, Hypnosis tih chu i chiang amaw? Anxiety i neisa bawk nen," Min ngaihtuah tih hriat zet a Doctor-an atih chuan ka nui ringawt, engtikah nge Assa hian helai hmun aṭanga min rawn hnuh chhuah dawn ka hrelo, chumi hma ngei chuan ka nu thattu te kha zawn chhuah ngei ka duh a ni


Thil awlsam a nilo tih ka hria; Mahse, engvang a that nge an nih tih leh a pawimawhber chu min thukru tu Nany khan sawi a nei tih ka hria, chu erawh ka hre theilo, mangchhia ang maiin ka hre ruai ruai a, chutiang bawkin ka nu thattu hmel pawh kha, kha hmunah khan kei leh ka nu min that tur a rawn kal an nilo tih pawh ka hriatna tlemte nen hian ka ring nghet tlat bawk


"Tehreng mai, naktuk aṭangin kan ṭan theih ka beisei," A bu ve nghat


"Itih tlat chuan le."


🚘


Ka car hun na hmun ka thleng tawh, ka bag leh phone dah lutin, ṭhu lut mai lova car bul a ka din deuh vang vang laiin, "engvang a Leonel hmu nge inih?" Ka hawi vat


Ka nui ringawt, hmeichhe thikthu chhe tak chu a ni, a hmel aiin a thikthu a chhia tih ka chiang tlat


"Ka sawi kha i hrelo em ni? A nunna chhan tu ka ni ka tih kha," Ka sawi zawh rual deuh thawin min rek chawt, car a min rekbet chuan, "ka zaidam zawk zawk hauhlo a nia, i ring ruh ti tliak tur hian in ngaihtuah ka ngai miahlo," A seh chilh deuh nawk nawk


Ramos-a ka lam rawn pan a tum chu ka melh a, dingin muangchangin a tawlh hnung riai riai


"Tu phiangsen nge inih a, helai hmun thleng a min zui," Shitttt..... Kei hian ka zui a maw? A risk huai mah mah

"Madam," A ṭhuih hruai pa lian zet mai, silai a min tin tu ngei kha kan bulah a rawn din rualin min thlah sawk, ka khuh zui kharh kharh

"Chhuah tawh hauhsuh angche, a nung chung chung ngei khan ka duh," Tih leh min rawn melh hrawkin a pen sawn zui lah lah a, a mitmeng ah chuan ka tlanchhuak leh anih chuan chu paliana chu a that ngei dawn tih a chiang


A mipa tirh chuan hnehsawh lutuk in ka bânrek ah rawn vuanin min hnuk kal zui nawk nawk a, Ramos-a rawn chuah chak lutuk chu ka mitmei zuk zuk bawk, a chhan chu khawi hmun ah nge min hruai dawn tih leh engthil chiah nge anduh tih ka hre duh a ni


"Dam chhuah i in beisei em ni?" Car chhung a min thehlut ti tih pah chuan paliana chuan a ti nghut, ṭhu ṭha pahin ka dar ka sân khum ak ringawt a

Ka bul a rawn ṭhu lutin ka kut pahnih a ṭham khawm chuan a phuar zui sawk sawk a, ka dar a vuanin min kuai her sawkin ka mit chu nghet lutuk in a tuam zui zat bawk, a nghet lutuk mah mah, a thimin ka lu a hai nghal muai muai in nia ka hriat ni...!


"Khawiah nge min hruai in tum?" Min chhanglo


"Police ka koh in hlau lo em mi?" Diver nen chuan an rawn nui huk, police hminglam rik chuan an nuih a ti za hle a ni ta ve ang


Darkar chanve ṭep mit tuam chung a min phurh kual hnuah car chu a ding dat


"Chhuak rawh," Tih leh min hnuk chhuak zui nawk nawk bawk a


"Hnunglam aṭangin hruai lut angche," Tih leh nim nam kal deuh dawrh chuan tu emaw in ka bân ah min hmer zui sawk bawk, paliana khan midang hnehah min hlan chhawng tih ka hre thei

Min pawt kal deuh dawt dawt chuan kawngkhar a in hawng ri rawt rawt a, a chhung kan lut tih hriat zetin music ri hat hat pawh ka hre thei, chutiang bawkin min hruaina chu club emaw brothel(nawhchi zawrhna) hmun a nih ka ring, ka rin dik ngei pawh ka beisei


Hall ah min kal tlangpui tih hriat takin ka sir tawn tawn ah chuan hmeichhia nuam tuar ri leh mipa rûm ri hriat tur a awm zut bawk a, zu rim leh an room tihfai nan a damdawi an hman rim in chawh pawlh chuan hnar a ti thîpin, lu a ti hai lek lek bawk



"Khawi hmunah nge min hruai hi?" Din tum a ka ṭang deuh chu min nam kat dawrhin, "khaw eng hmuh ila duh chuan zawhna zawt suh," Min hruai tu chu midang an ni leh tawh, min hruaina chu thawm a reh tual tual a, a hit deuh tual tual vawkin ka hria, lei chhungril ah min luhpui ta emaw tih turin a reh zui ṭhuapin a hit vur bawk


Kawngkhar ni awm tak an hawng ri rek a, min nam lut nawk chuan chair ni awm tak ah min nem ṭhu hnawkin ka ke chu thir a ni ngei ang, a hit sek thei, an kilh ri zui khep bawk


Ka mit an tuamna rawn phih hawng sawkin, "engtia ti turin nge Mrs Thompson khan a sawi?" Ka meng diar diar


Light dîm zet mai chu room chhungah chuan hmun 3 velah a eng a, ka mit chhing let sawkin ka meng leh


Room chu ka en kual, weapons chi hrang hrang leh indawpna hman rua chi hrang hrang, electric chair thleng a in hung rem rum leh in khai thluah hmuh chuan hmul thi te a ding ur ur dawn alawm..!


Ka veilam ka hawi a, bangah chuan Rose dum lian zet mai Dragon-in a vehkual, thisen luang lai lem chu lian lutuk in a intar bawk, ka ring dik a ni, hemi te hi tual thattu te, lar tak an ni, NYC ah chuan Mafia pawl lian tak an ni bawk


"Ka zawhna che minchhang tawh dawn em niang?" Kawngkhar lam ka en vat, Leonel antih bialnu ngei mai chu a rawn pen lut leh khap khap


Pakhatin ka kut hmalam a phuar chu phelhin, hnunglam ah a kherh zui zat bawk a


"I zawhna te chu ka chhang tawh che alawm, min ringlo mai pawh a," Ka nui a


"Ka zawhna che min chhan hun zawk ni in i hrelo maw?" Ka tih zawmzat

Ka hma a chair nghat deuh chawrh chuan a rawn ṭhu thla a, uluk lutuk in a bawp a kherh zui at bawk, a che vêl hrim hrim chu a hmuhnawm ang reng


Ka lam a rawn kûn in min beng sawk, ka biang a thîp sa nghal vawng vawng thei, ka ṭhut that leh rual a lehlam a ben leh sawk chuan ka lu a hai nghal chhap thei nia, ka bing mut mut zawk mawle, a kut thlak ana vei phian...!


"Tikhan i lu um tereuhte ah khan engtia min biak tur nge tih i hrethiam tawh angchu tiraw?" Silai a la a, a hmawr/dâwr chu a tuai riak riak bawk



Ka sir ah ka chil chhak lui sawkin, "ka kâ a ni tlat si a," Ka en let khai


"Tunge i hming? Tu tan a thawk nge inih?"

Chhan mai mai ka tumlo, ka kâ ka chip hmak, min ben leh tum a a kut a lek kâng vah tawh tih ah ka nui chhuak hak, mak ti zet a min en haw chuan, "i nui amaw?" Ka bu nghat



"I nui amaw?" Ti leh tuar chuan a ṭhut na aṭang a ding awt in ka tukkhum sam ah a rawn ṭham sawkin, min phih dak awrh chhuan a silai ken lai chuan ka khabe hnuaiah a chuktuah zui zat


"Nui rawh, nui leh ta che," Thamlo tak a biak chu a haw takzet a ni


"Hmet per rawh Mrs Thompson, hmet per rawh, i silai hi hmet per rawh," Dak chung chuan ka rak khum ve tuar tuar; Mahse, ka hmel a nui hmel erawh ka ti reh duh bik teuhlo, a huatber a ni tih ka hre tlat


"Madam i that theilo a nia."


"Ngawi chip cham rawh," A silai kenlai chuan rawn be tu chu a tin let vah a, ka tukkhum samah ala ṭham reng bawk


"Ka sam zai leh ka hmai man to zia hi i hria em?" La dâk reng chung chuan ka nui a, a silai ken lai hmeh per a chak lutuk chu a kut a khur dar dar thei; Mahse, helai ah hian a thuberlo tih tun mai a khapa ṭawngkam ah khan ka hrethiam nghal a, thinrim eng ang mahse min that dawn lo tih ka chiang tlat, ka fin a chelhlo tihna a nih chu....!

"Ka thah theihloh che hi i ring em ni? Nang naupang nawhchi zuar anglek dah ṭhatnan 1mins pawh ka mamawhlo," A seh chilh nawk nawk

Ka tukkhum sam a ṭham na chu ṭhâmna zual sauhin, "tunge inih?" A ti leh tuar, ka hmui ka chip leh hmak tawh

Silai chuan bang a kap per chuai, ka ip deuh zawk, min kek dak leh awrh chuan, "sawi rawh, tu phiangsen in nge rawn tir che, Layla Baldwin nge ni a Victor Thompson," A thinrim lutuk chu a hmui a khur dar dar in a mittui a tla lo chauh

"Tu te nge an nih ka hrelo ang bawkin, an hming ka hriat vawikhatna a ni," A awilo lutuk chu a ner sawk


Min en run run chuan ka chhang dawnlo tih a hre chiang a ni mahna, min nem bu lawp in, "naktuk ah Victor-a arawn let dawn a, chumi hma chuan tui far khat pawh pe suh angche u," Ti hrawkin min rawn melh a, "engtia rei nge nang naupang hian i kâ kha i vên theih kan en angchu," Kha lutuk a tih leh a siliw kenlai chu theh thla bur chuan a pen chhuak pawk pawk a, za lo lutuk in ka nui hul hak


Ka hmai a ben na sa vawng vawng leh ka khabe ruh na veng veng chu ka kâ angin ka nghawng ka ti che vel a, ka chhip lah chu a hit vung vung lehnghal

ka awmdan luhlul zet chu min vengtu atan a adah mi 2 te chuan min en hã bawk


En let chuan ka nuih a, "In taksa ah black rose tattoo in nei ve em?" An in melh zawk zawk


"I chil kha khek rawh nula, i chau vatlo ang tih ka sawi theilo a nia," Tlem a upat hmel zawkin a rawn tih chuan ka nui a, "in neilo a ni tiraw?" A naupang zawk chu a nui suk

"Neilo, Thompson thisen kai chauhin alawm nei ni?"


"I lu chân i duh em ni?" A sawi zawh rualin a upa zawk chuan a ti ṭhawt, inthlahrung deuh a a bula ṭhutna a ṭhu thla zal zal in, "duhlo," A phun sep, ka nui hak


Thompson thisen kai chauh in maw nei a? A nih chuan khanu leh mipa kha in ngaizawng an nilo tihna em ni? Nge ni a unau? Unau in fawh thu awm bawk si lova.

"Mrs. Thompson leh Leonel hi eng nge an inzawmna?" A tu ve ve mah chuan min chhan an tumlo tih hriat zetin min melh zawkin, an phone bawk an bih zui leh daih

Arghhhh.... Engtin nge helai aṭang hian ka chhuah tak ang, duh aiin ka hman hmawh a ni, engpawh nise tu chiah nge Thompson chu ni teh hrep ni...? Hekai aṭanga tlan chhuah dan ka dap hmasak phawt angai a ni

Ka hawi kual a, room lah chu ventilation pakhat leh fan awmna pakhat zawng chu kua zu han awm a maw le..! Kawngkhar..! Kawngkhar a ṭang a chhuak tur erawhin min thah duh tu tamtak ka pal tlang a ngai ngei dawn a, kawngkhar dawt leh ka thlen hma in ka thlarau hi vanram a thlen hmasak zawk ka ring

Arghhhh... Ari... Ari... Ariya i vahna vanduai lehoek veleh...! Hawi vual vual pah chuan ka phun sep sep ringawt a, Ramos-a leh Ramasee te unau ka ngaihber ṭum a ni hial ang chu...!



<>>~£~><>~£~>>~>~>~

NOTE : Saturday zan hi ka buai ṭhin avangin ka rawn dah thei ngai dawn lova, Saturday zan aiah Sunday zanah Pathian zar a dam chuan rawn dah ṭhin ka tum dawn nia💞💞💞

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:19 pm

SOULOU : Bloody Romance

By

Floria Laldansangi


Chapter ** 6 **


Leonel...POV


Kha hmeichhe tleirawl, tihmawh tih hriat tak leh chaltlai zet kha, khawilam mi nge a nih a? Engvang a minpui nge a nih ka hrelo ; Mahse, engti zawng emaw takin belhchian chakna ka nei, chapo vang ni si lova, a mize mak tak vang pawh kha a ni mahna



"Zon, Linda engtik maw Turkey lam chu inpan dawn a," Drake chuan a rawn ti sup, a ei tur lei chu phawrh pahin Linda-i leh Zon chu a pe ve nghal zat bawk a


Awmpui ka ngai miahlo, "haw rawh u" tihlah in an haw duh der mai si lova


"Naktuk tlailam ah anih ka ring, Boss din hmun hi ngaichang deuh phawt ila,"Ka rum nghut, Linda-i en chuan, "ka ṭha," Ka ti bul nghut a


"Drake, Jessica-i itih kha tunge? Khawilam ami nge?" Zon-a zawhna zawh fuhber ṭum a ni ngei ang


"Jessica Spencer, abak hriat ka nei biklo, kum 5 liamta khan Professor Lorraine -an a enkawl ṭhin tih zawng ka hriat a ni," Tunge a nih a hria a, a damlo enkawl lai anih avangin a sawilo mai zawk a ni

Office phone a rawn ri ral ral


"Hello."

"Ka hrethiam e," Drake chuan phone a dah a


"Jessica car ala in park a, a bag car chhungah awmin amah hmuh tur a awmlo a ni awm e, office a rawn dah turin ka ti mai," A sawi zawh rualin a ṭhutna ngaiah a let leh, a thil ei lai a ei zawm mawlh mawlh bawk


"Khawnge a kal angle?" Drake chuan a rawn ti leh sup


"Tih tur dang a nei a niangchu," Linda-i chu ka en vat ; Mahse, a mitmeng a diklo, min en ngam tlat lo, a mah anglo takin zep a nei tih ka hre thei

"Linda khawiah nge a awm?" Min rawn melh zauh

"Engtin...."

"Dawt min hrilh tum hauh suh," Ka ti chang zui rat


"Ivony-in a hruai."

"Maw..." Ka tho mai dawn a ka nak ah min kalh leh zawk


"Linda, engvang a sawi vatlo nge inih?" Drake pawh chuan a rawn ti deuh hrawk


"Zon car in ring rawh," Tih leh ka ke ka hlang thla a, kha naupang sawi angchiah khan ka taksa ka ṭan a, tha ka hman tam deuh chuan ka lungphu zawn na hi ala reh mai hauhlo


"I chhuak theilo Leo, i damdawi ei pawh ala thawk zo lo tih i hriat kha, keimah ka kal ang," Drake chu ka en


Ivony hi ala hre chianglo a ni, a kut ah chuan rei a dam hauhlo ang, emaw a thi tawh zawk pawh a ni maithei


"Ka in manage thei," Tih leh ka kawr phelh sawk sawk in ka sir a ka kawr in khai chu ṭhu chungin ka pawt thla a, ka in ha sawk sawk



Bai auh auh a dawhkan a silai awm ban ka tum chu Linda-in milo ban khalh vat


"I kal theilo Leonel," Silai chu a hnungah a thukru zui zat bawk


"Linda minpe rawh."


"Nilo, tunah pawn i chhuak a nih chuan police emaw FBI emaw in an man ngei angche, tunah hian i hmel hrelo mahse i taksa ruang âm aṭangin an hriat nghal loh che i ring em ni? Ni e, tunah hian America police leh FBI, special investigation lam zawng zawng ten a min man tumin theih tawp an chhuahlai a ni


"Linda...."


"Tu in nge he i case hi chhui i hria em," Min en khar a

"Layla, Layla Baldwin, damin i chhuak hauhlo ang Leonel," Chhuaklo tur a min duh zia chu a mitmeng ah ka hmu thei ; Mahse....


Kha hmeichhe naupang kha Ivony kutah ala awm tlat a ni, chutiang maiin ka haider thei hauhlo


"Tunah silai kh minpe rawh," Sawi nawn ka duh tawhloh zia a hrethiam tih hriat takin muangchangin a rawn la chhuak a

"I......"

A silai kenlai chu pawt thla sawkin kal bai auh auh leh ka pen zawng a ka nak nem na zawk zawk chung chuan pawnlam ka pan a


"Leo, Ivony chu keiman ka be mai thei in ka ring, i din hmun nen chuan pawn chhhuahloh a himber a ni," Lift chu ka hmet


"I hria alawm, Ivony kut aṭangin damin a chhuak dawnlo tih, i thusawi a ngaithla dawnlo tih pawh," Ka melh zawk, Lift in hawngah chuan ka bai lut zui zat


"Ka lo zui angche," Lift a rawn luh ve atum chu ka lu thing in, "Zon ka hruai thei," Tih leh ka khar zui nghal a


""Boss, keimah in ka kal mai dawn em ni?" Min rawn melh zawk


Ka lungphu zawn ala na veng veng mai, "Ivony i biak theih i ring em?" Za lo zetin a ṭhensak


"Khalh chak rawh."


Car a ding tuar, kawngkhar hawng sawk chuan ka pen chhuak a, ka duh angin ka taksa ka la ti che theilo hrep lehnghal..!

"Boss puih i ngai em?"

Ka kut chunglam ah ka phar zauh, thaw la kawk chuan ka silai chu la chhuakin inchhung lam ka pan a

"Boss," Antih ṭhan dan bawkin chibai minlo buk thliah thliah

Vengtu an rawn tlan khawm huk a, min hual zui ṭhap bawk


"Engthil nge intih?" Zon chuan a ti ṭhat, silai hmehper mai in ringin an in tin zui ran bawk a

"Pawi ka ti Boss, i lut theilo a ni, Madam thuchhuak tel lo chuan kan kal tlang tir theilo che," A sawi zawh rualin ka kap zui awk, a thal thla nawk bawk

Pakhatin silai a rawn phawrh leh rualin Zon-an alo kap ve leh bawk a


En kual chuan, "hekai hmun a phum tel ve induhloh chuan kalsawn rawh u," An thawlh hnung riai riai


Indawp na room ka thlen dawn chuan Ivony bodyguard Smith-a kawngkhar bul a lo ding run chu hmuin, kal tlang ka tum a, "pawi ka ti hle mai Mr Thompson, Madam thuchhuak lo chuan i lut theilo,". A ṭawng zawh rual deuh thaw in, "Leonel," Ivony aw chu a khawk rum rum thei


"Engthil phiangsen nge itih hi? Saw hmeichhe naupang, tunge anih tih pawh hriatloh vang sawn kan mi leh sa i that tih sawi hauh suh angche," Ka darah a rawn kuai her sawk, ka mit ka chhing sawk, ka dar ruh pawh hi ala dam chiang meuhlo a ni


"Ivony ka sawi kha i hre tawhlo em ni? Pawi sawilo tawklo tur che in," Ka ti nghut a

Za lo zet a nui hak chuan min en chho khai, "tunge a nih i hria em? Minzui kual a, kan pahnih awmdan zawng zawng thla la a, kawl tu a nih saw," Inchhunglam chu a kawk va bawk


"Kan pahnih," Ka tawp dat



"Ni e, kan pahnih, engtia pawi nge a nih i hria em? I pa kut a thlen hma a kan dah ṭhat a ngai," A rawn tih zawm zat

Kawngkhar hawn luih tum a ka ban chu a rawn phih sawk

"Ka thusawi chu i hria em?" Min melh ram ram


"Michigan ah let angche."


"Maw? I fiamthu tiraw Leonel?"


"Fiamthu ka thawh ngaiin i hria em nu Ivony?" Thinrim inseh ruh tih hriat takin a nui a


"Leonel, ka hria i rilru ka ti na tih; Mahse, engkim ka siam ṭha thei," A tawp dat a, "Ok, he naupang hi a dam i duh chuan ka chhuah zalen thei; Mahse...."

"Mahse a awmlo Ivony, kan pahnih inkar chu kum 8 liamta khan a tawp tawh, saw naupang sawn tihsual a nei hauhlo bawk," A nui ri hak


"Ni lo, i ngaihtuah tih sawi miah suh," A mit a sen râm



Min rawn din hnaiin, "sawi rawh, tu phiangsen nge a nih?" A au ṭhawt, whisky rim a rawn nam zui huk bawk, engtin nge nichin pawh khan ka hriatloh theih, ka kâ leh hnar ah hian damdawi rim a khat lutuk a ni mahna


Chhaglo in namsawn chuan kawngkhar chu ka hawng a, chhuatlai a chair a an phuar beh, a ke chain hmang a an hlîng chu en in ka pan vat



"Chahbi," A bula ding vengtu chu ka melh a, chair a ṭhu hmeichhe naupang chu ka en leh...

Min rawn en in ala nui sun sun ang zui a, eng ang hmeichhia teh hrep nge maw a nih le? Hmeichhe dang chu nise an ṭap in, an khur zawih zawih angchu maw le...!

Chahbi min pek mailoh avangin, "chahbi ka tih chu," Ka au zawngin ka kaw chhung a thîp thla zui vawng vawng bawk

Muangchang a a ip aṭang a chahbi rawn la chhuak chu phih sawkin Zon ka pe nghal, herh hawng sawk sawk chuan a rawn ding chhuak a, a bai zui suih suih bawk


"Hi stranger," Ka bul a rawn ding chuan anui a, a hmelṭha zet leh mitmu pawl fiah zet mai, tuipui chamdul ang mai a pawl phât a lawmna lang chhuak chu hmuh hmah chi rual a nilo, mitthi tho leh hlim lutuk ang mai a ni, engtiang a thlabar in nge alo awm ang tih ka ngaihtuah thiamlo zawk, chung te chu a lang phalo hrim hrim zawk maw le...!


"Tihpalh Leonel, nungdamin ka kal tir theilo, a hmuh tur ai tam a hmu in a hre tlat," Kawngkhar lam aṭangin Ivony chuan silai nen a rawn tin zui va a, ka hnunglam ah ka pawt lui zui hmak bawk....
.
.
.
.
Jessica.....POV (Ariya)



Ka rinloh lutuk leh beiseiloh lutuk hmel ka hmu chu ṭah te a chhuak lek lek


Ivony sawi angchiah in tuman tui far khat pawh minpe ngam lova; Tui sawiloh ka ṭawng pawh an phal tawhlo zawk mawle, ka rilru in "ka thi dawn a nih hi" ka ti rilru nauh nauh hman tawh

Bang a sana lian zet mai, black rose leh dragon lem hmang a hual chu ka melh a, darkar 10 dawnlai he hmunah hian ka ṭhu tawh tih ka hre chhuak, ka taksa kham lutuk chu din chhuah a, san mar ka chak tak zet bawk


Darkar 10 zen zawn min phuarbeh hnu a, rinloh lutuk leh beiseiloh lutuk hmel hmuh chu ka mumang emaw ka ti dawn hial


Kawngkhar lam a ṭang a silai nen a min tin va chung a rawn pen lut khap khap Ivony mitmeng chu a sen vâm hlar mai, alh chhuak mai tur te pawh a ang zawk lek lek, engvang a mittui tla nge ka hrelo, a mitmeng sen vâm hlar leh hnawm chap mai chu rapawm tak a ni


Leonel chuan a hnunglam a min pawtin ka hma ah a ding a, a taksa lian zet chuan min hliah hneh khawp mai, ka te chem chem hian ka hria


Vengtu palian zet zet mai an rawn pung khawm tup tup bawk a, "damin ka chhuak meuh a ngem?" Tih ka lo ngaihtuah leh hman hmawh..!


"I silai kha dahthla rawh Ivony, he hmunah hian thisen luan tir ka duh hauhlo a nia," Leonel aw chu a dam dap


Ivony chu a nui a, "i luan tir tawh alawm Leo," Luhlul tih hriat ve tak chuan a thle bak


Leonel-a hnung a ka ding chu min rawn thlêk hâ, rapâwm lutuk a anui hmel min hmuh chuan Leonel bawk a en leh, ka hlau hauhlo na in a mitmeng rapawm zet chuan hmul thi a ti ding lek lek thei nia maw le..!

"He hmeichhe naupang vang hian kan corporation rules i bawh chhia a, tunah phatsan i tum a maw?" Leonel chuan ṭawng duah a ning hle tih hriat zetin a thaw hak

"Madam, Boss hian a phatsan lo tih i hria alawm, Jessica....." Zon ṭawng lai chu silai a tin veleh vâ in


"I kâ bawlhhlawh zet kha chip hmak angche Zon," Zon chuan a silai chu lek chhuah ve mai chak tih hriat zetin a hum nghet ngar ngar khawp mai


"Kal rawh," Kan hawi zui ṭhap


Vengtu in kawng an ken hnu a Linda-in mipa tleirawl tukkhum a silai a chuktuah chung a rawn nawr luh chu en chian tumin Leonel-a phên aṭang a chhuah ka tum chu Leonel-an min rawn melh hrawk, ka lo ṭhen khum vak, ka hawk dak a tih hmel viau lehnghal


"Linda Morley," Ivony chu a rak ṭhawt, vengtu leh Ivony chawp chuan Linda chu silai in an tin zui ṭhap


"I silai dah thla rawh Madam, hethil hi a thlen ka duh biklo tih i hriat kha," Linda-i aw chhuak chu a fiah in a dam dap, Leonel ang mai a ni, a hmelah thinrim hmel emaw chiai hmel pakhat mah a langlo


Wowww...... Engang hmeichhia nge maw a nih le..? Well, 100% mark ka pe

"Ivo..." Mipa tleirawl chu a ṭap lo chauh, a mittui a tlingpam, a taksa a khur der der bawk a, thih a hlau lutuk chu zun a cheh lo chauh a ni



"That vek rawh u," Ivony chuan a ti ṭhawt


"Ka unaupa kha kal tirawh Morley," Saw tleirawl saw a unaupa maw...? Shiaaa....an unau an hmelṭha hle mai, Ivony a nunrawng hret tih mailoh chu


"Ka tihpalh Madam," A tawp dat a, min rawn melh zawk, ka lo ip chawih thei, a mitmeng ah chuan "i thiamloh vek a ni, nangmah vang vek ani," Tih bak hmuh tur a awmlo


"He naupang hi i sawi, in thlala tu a nilo, i pasal Victor Surah Thompson tirh a ni, tunah erawh i pasal kut a thleng tawh ngei ang," Ivony chu a thlarau in a chhuahsan ta emaw tih mai turin meng kawk in a silai dawmlai chu a dah hniam riai riai

"Mahse, he hmeichhe naupang hi a thih ngei a ngai," Min rawn en leh.. Arghhhh, a tawp tawh dawn amaw tihlai a



"Ivony duh tawk rawh, he buaina a tel lo hnuhluh tum suh, he hmeichhe naupang hnuklut tu chu nangmah ini, i tihsual pawm angche," Leonel chuan hne tuh hriat zetin a ti nghut a, ka bân ah a rawn chelh chawt, ka phu zawk thei


Ka en chho a, min en ve hran lemlo chuan pawnlam ah bai auh auh chuan min pawt chhuak zui dat dat, a taksa a ṭang pawhin tûr ala ral awm si lova


A tukkhum lam aṭang chuan en chho in ka nuih sen sen, engchiah nge ka nuih chhan ka hrelo na in, ka bânrek a min chelh mek tu mipa hian minti hlim veng veng tih erawh ka hria, hetiang tak a ka thih hlau tu leh duhlo tu hi anla awm ngai miahlo


Hallway kan lut phei a, hmeichhe nuam tuar ri leh mipa rûm ri chu ring tak a ni


"Helai hmuh hi Brothel(nawhchi zawrhna hmun) a ni tiraw?" A ding dat, a rawn hawi letlo

"Zawhna zawt suh, thih i duhloh chuan," Ka hnunglam chu ka en, Zon leh Linda hmel chu rum tak a ni


"Engvang a Samuel-a kha rawn hnuk lut nge inih?" Leonel aw chu chang tak a ni, a rawn hawi let a, Linda chu a melh run bawk


"Ka tihpalh Boss," A mit ah pawh a en ngamlo, a kun lap, ka sawi tawh kha ka bânrek a chhelh mek tu mipa hi an Pathian en nia mawle...!


"Thleng nawn tawh suh se," Bul zet a tih leh min rawn melh, ka lo en chho ve kar bawk a, a rum nghut, min ning emaw nile tih mai tur a ni


Hallway kal chhung pawh chu rei tak a ni, nge ni a a ke bai hian hun a duh rei, hmeichhe nuam tuar ri leh mipa rûm ri vel chu hriat a hreawm ka ti


"Zon, a inthleng dah angche," Car bula min din pui rual a Leonel-an a tih chuan ka en chho vat



"Maw? I chhiahhlawh nen hian min haw tir i tum a maw?"

"Chhiahhlawh" tih ṭawngkam ka hmang chu min en zui haw hlawm, an lawm vakloh sa nak alai a, min reh chawt duh hmel an pu zual sauh; Mahse, chhiahhlawh chu an ni mai lawm ni...?


"Chhiahhlawh an awmlo," A ti bul nghut


"Nangmah vangin helai hmunah hian hrenbeh ka ni a, mawhphurhna ilak angai alawm, kawng lakah minlo dang leh ta se engtin nge ni ang?" Aaaaa.... Ka thusawi chu keimah pawhin ka awilo, Ivony hmelah kha chuan min umzui mai ngam tawhlo tih alan reng kha maw le...!


"Ka..."


"Ka ril a ṭam."


"Huhhh..." Linda-i leh Zon chuan mak tih hmel zetin min en ha


Nui sun sun in, "ka ril a ṭam, ka tui a hal," Leonel chu ka en kar, naupang kum 4 miin a duh zawng leh a ril ṭam thusawi ang maiin a ban ah ka chelhbet ran bawk a


"Zon lei pui angche," Inher a tum chu a bân ah pawtbet vat in


"Hey...i nunna ka chhan a, nangmah vangin kidnap ka tawk bawk a ei tur min lei chu i tih tur a ni tih i hrelo em ni? Thil harsa pawh nilo."


"Himdam in i awm tawh a ni lawmni hei," Ka vawnna chu phelh a tum a, ka kut hnih in ka vuanbet ve ṭai


"Nangmah vang a helai hmun thleng leh engmah ei lo leh tui far khat pawh ka kâ a lut lo a ni a, mawhphurhna ilak angai," Ka la ti ve ṭang ṭang, ka khap zek zek bawk


"Zon kalpui rawh," Tih leh min vawnna chu a phelh sawk, car lam pan a bai auh auh chu, "Putar, putar nungrawng lawmna chang hrelo inih kha," Ka au nghek, engvang a lawmlo viau nge ka nih pawh ka hre lo


"Kan inhmuh tawhlo ka beisei Jessica," Linda-i aw chhuak ah chuan min hmuh tawhloh a duh takzet tih a hriat, lawmna an neilo hlawm hle mai

Min hmu peihlo viau mahse an Boss ohhh an Pathian hi chelhbet tlat turin rilru ka siam fel tawh tih an hre tawp si lova....! Ka nui sak


"Zon, ka ril a ṭam restaurant hnaiber ah min kalpui rawh," Seat hma a tui bottle awm chu ka ṭhut rual a ban chuan ka ti zui nghat, Leonel te car tlan chhuak chu rum tawkin ka melh bawk a


"Zinglam dar 3 a ri tawh, khawi...."


"America anih hi," Zon chu ka vin vak, ka khuh nghal bawrh bawrh bawk, ka dang ro lutuk tui lem pawhin ala chiah hnip hmanlo, a za mer mer


"Ok, Ok," Zon-a hmel chu nuih a ti za letling, Linda ang em em a nelawmloh chu a ni miahlo



"Jessica kum engzah nge inih?" Car khalh pah chuan ka ṭhutna lam a rawn melh zawk


"Kum 20," A nui ri hak, naupang minti tih ka hria; Mahse, ka ramah chuan Lal lulhum khum turin ka uoa tawk tawh tih an hrelo mai pawh a


Rei pawh kan tlan hma in car a ding dat a, restaurant lian lutuk lo, hmun fian rial ve tak hma a min dinpui chuan, "heihi a hnaiber," Tih leh chhuah a rual

Ka chhuak ve vat, ka ril hi a ṭam tawh mah mah a ni


Kan luh rual a menu en nghal in, "heihi a set in, hei pawh, hei pawh, hei pawh," Ka kawk zung zung



"I ei zo thei dawn em ni?" Zon chuan mak tih hmel fe in milo en a, "thei e," Tih leh tui bawk chu ka in leh


Ka ei tur chah pawh reilo ah a rawn thleng a, ka ei zui mawlh mawlh bawk, Zon lah chuan hmuhnawm thlir in min tlir dauh dauh


"I hmel leh vun en hi chuan Lal fanu hmel inei a...." Kâ a ei tur hnawt ṭûn chung a en chuan, "eng nge?" Tih melh in ka melh a


A lu thing nang nangin, "i mizia ah hian chutiang chu a awmlo," A chek zui tlak tlak bawk, hetiang a nun zalen tak a nun ka chak na rei tawh zia leh hetiang mizia ka tihlan na la reiloh zia hriase a sawi kher in ka ringlo


Puar peng pawng a restaurant kan chhuahsan rualin silai mu a rawn thlawk ni hian ka hria


"Kun rawh," Tih leh Zon chuan min bawh thlawp, lei a bawk thlawrh chuan Car awmna lam ah kan bawk vak phei a


Silai mu lah chu a per chuai chuai, "tu te nge an nih?" Zon chu ka en, ka rilru in Ivony bak rin ka neilo


Mahse, chuti mai a mij rawn umzuo leh ngam chu a huaisen ka ti takzet


"Ka hrelo," A kap let pah bawk a, kan car hun na thleng tur chuan 2ft vel la kal angai, kal sawiloh kan ṭhutna aṭang hian 1inch pawh kan tawlh sawn theilo chu ania...!


"Silai ila nei em?" Restaurant chhunglam ka en, tumah rawn chhuak ngam an awmlo, keimah niber min bitum avangin kan awmna lai an rawn kap zawt zawt


"Maw?" Mak a tih hmel lutuk


"Silai," Tih leh a ken lai chu pawt thla in ka kap let a


"Ivony rawn tirh an nilo," Kap let pah a atih chuan car ngheng chuan ka ṭhu hnak


Ivony rawn tirh an nihloh chuan tu te nge an ni? Nge ni a keimah em ni an duh ni? Zon pawh ni lovin maw.....?


"Restaurant ah sawn let rawh, keimah ka a ni an duh ni," Zon chuan min en kawk


"Jessica ka ngaina hauhlo che," Arghhhh keipawhin ka ngaina biklo; Mahse, keimah avang a helai hmun a thih tir a, an Pathian putara khan min dem ka duhlo mai chauh a ni


"Boss thupek ka tih hlawhtlin ngei angai," Silai mu lah chu a rawn per chuai chuai


A silai mu chu a check a, "mu 3."


Ka silai dawmlai chu ka en ve vat, "mu 2," kan nui tawi tak, kan din hmun chhiar zia kan hre ve ve a tin ni


"Mi 5 an ni," Car kan la ngheng ve ve, tawlh chhuah emaw kah let emaw theih tawh heklo le, kan silai mu neih tlêmte chu kan nun na ven nan kanla mamawh tlat a tin ni

"Car ah sawn iluh theih i ring em?"

"I inrin chuan ring e," Ka chhan na avang chuan lawm tih hriat zet a nui hakin, "ok, i hnung ka rawn dawm ang," Tih leh car phen aṭang chuan a bih, a hmai bul chet ah silai mu a rawn ṭek chhak, a ṭhu let hnawk


"Hreptak chuan, tu te nge maw an nih hrep le?" min rawn en, keipawhin rin ngaihna ka hre hauhlo, Texas leilung ka rah rualin beih ka tawk a, an reh vang vang a, tunah min rawn umzui leh hi engvang nge anih ka hrelo a ni


"I inring em?" ka bu nghat


Kan car awmna lam pan tum a ka tawlh chhuak chu silai a rawn ri zui pawp pawp; Mahse, kan awmna lamah ni lovin, min rawn bei tu te lam ah a ni, ka hawi kual


Ka thaw hak, ka sana bunlai a rawn ri tut tut, "Rasamee."

Nichin mai khan hmeh ka tum a, battery low a inti tlat si a, tunah a rawn eng leh ang lawi a, ka sana bunlai chungah te chuan ka thinrim lek lek


"I ṭha em Lal......" Ka bul a Zon chu melhin a tawp dat, "Jessica."


"Ka ṭha."


"Jessica," Ramos chu ka en chho, Rasamee-in min kai tho chuan, "kan rawn tlai avangin min ngaidam dawn nia," Ka lu ka thing


"Tunge inih?" Ramos chuan silai lek chhuah mai in ring in a ding a


"Tunge in nih zawk, Jessica tu chiah nge inih?" Zon a mitmeng ah chuan zawhna hlir in a khat


"Zon, let tawh rawh, heta ṭang hian ka nau te hian min hruai haw thei," Tih leh ka in her zui a


"Jessica..."


"A sawi kha i hrelo em ni," Tih leh Ramos-a chu Zon-a hma a ding zui zat, hawilet tawh lemlo chuan c Rasamee nen chuan car lam kan pan chhat chhat, ka thawk a rawn hah a, ka mit a kham em em bawk, ka kaihza tha a chat hnawk


"Jessica, Ramos car ah tunah pawm lut rawh," Ka meng thei tawhlo, na ka nei hauhlo na in ka ke hian min zo tawh thlawtlo


Car a min nghat lut chuan seat ah chuan ka mut tawp, mit ka chhing vawng vawng


"Club 188 aṭang a inchhuah lai ka hrelo a ni, min ngaidam dawn nia," Rasamee chu ka chhang peih tawhlo


"Chhui tur a ka tih che kha," Ka phun sep


"Evelyn Clinton, kum 28, michigan mi ni in, TMZ hnuaiah senior reporter hna a thawk mek bawk," A tawp dat a


"Club 188, Thompson corporation hnuai a mi ni in, kidnap tu che kha Ivony Wood, Steve Surah Thompson fapa upa zawk nupui niin tunah Thompson corporation ah director hna a chelh mek bawk."

Ngawi lawk teh... Maw, fapa upa zawk nupui maw..? A awmzia chu Leonel-a u nupui maw..?

Thatchhe zet chuan ka nui chhuak a, k nui hak hak


"Diklo a awm em ni Lal fanu?"

Ka lu ka thing, ka nuihlah chu a za tulh tulh, a pasal pawh nilo lakah a thikthu a ti chhia chu huaisen ka ti takzet, kanla in hma chhawn leh dawn alawm Ivony Wood


"Steve Surah Thompson chanchin a kim chang thei angber hriat ka duh," Ka tawp dat

"Engkim..." Mit ka chhing zui riai riai, ka taksa chau tak avangin ka muhil zui nghal ni maiin ka hria


<>~>~£~>>~>|>|~>

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)