My TREASURE S1 By Floria laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: My TREASURE By Floria laldansangi (Completed)

Unread post by Ngaia » December 31st, 2020, 5:04 pm

MY TREASURE
By
Floria Laldansangi


Chapter < 25 >


NATHAN-A...POV



"Ka duhlo, Mamma ka duh, Mamma..."


"Api Siam, Mamma ko rawh, Mamma kan duh..." Bryan te unau, zingkar kar aṭanga ṭap ri chu room chhung aṭang pawhin ka hre thei



Ka hmai ni zungin a rawn chhun bawk nen, kan room ah ka la mu lo zui bawk a, dawhkan bawha mu zankhua ṭhak nâ na na chu taksa a kham na ngang mai



Thaw la haka ṭhu chhuakin kawngkhar rawn in kik kharh kharh chuan, "Pu Nathan, in room ah i mu nange?" Faki a ni


"Naupang school anla kal nange?" A zawhna chhanglo a ka tih chuan bu nghatin, "U Maya-i an lam renga, an uniform pawh an ha duhlo, breakfast ka siam sak dawn che ami?" Ka ṭhutna aṭanga tho in, "a ngailo," Ti leh hluk chuan kawngkhar lam ka pan nghal a



Malsawmi aiin a naupang hretin ka ring. A mitmeng a min beiseina kha ka ngaina hauhlo



"Zing zingah engthil nge ni chuah chuaha, Bryan engvanga school kal la inpeihlo nge in nih?" Mittui nen ka lam an rawn hawi a


"Mamma bulah kan kal duh," Bryson leh Brayden-a lah chu an in hnit feih feih bawk a


"Pi Siam breakfast an ei tawh em? Bryson-a hian damdawi a ei tawh em?" An uniforms chhuat a tla darh chu chhar khawma ṭhu hniam in ka ti sup a


"A ei duhlo, engmah an ei duhlo, zingkar aṭangin a nu an lama," A tih chuan ka thaw hak a, engtin teh hrep nge maw a enkawl bik ni...?

"Bryan i kawr hi ha la, Brayden leh Bryson-a pawh khan ha angche u, school in chawl theilo," Ti hluk a hak tir ka tum chu rang lutuk a tal pít in, "ka duhlo che, Mamma ka duh," Bryan-an a tih leh rualin, "Lalrinsang..." Ka ti hrawk chu an hlau ngang mai, an meng kawka, Bryson-a phei chu a dang nghal lawp lawp thei


Ka hmai tuai puatin, boruak kanhio kawk bawka, mit thîp ram a mengin, "vawiin chu kaltir lo mai rawh u," Tih leh ka kut a uniform chu chhuat a paihin ka tho chhuak a, pensawn ka tum chu, "daddy ka duhlo che," Bryan-an ring fahran a rawn tih leh Brayden-an, "keipawh in," A rawn tih zawmzat bawk a


Bryson-a erawh ka aw ki sân vanga thaw hlei theilo a dang lapin Pi Siami'n a kuahbet a, inchunglam a dakin, thaw ka'n la kawk a, mit chhing sawka ka chhip sam tuai puat chuan, "Bryson-a kha damdawi pek i tum dawn nia," Tih leh Bryan-a te unau in mittui tling piau a min en na chu melh zawkin inchung lamah ka pen chhoh san nghal pawk pawk a



Ka awm tawt lutuk chu thawk ngaihna a awmlo, Malsawmi zankhat lek a awmlo a, engkim mai chu a buai a niber


Kan room a lutin Malsawmi thawmhnaw inkhai ka hmuh chuan ka thaw chhuak hawk a, "rawn let i tumlo tak tak em ni? Ka koh che i beisei chu a ni êm lo maw...?" Ti chhuak hraihin sofa ah chuan ka ṭhu thla hnawk a



Sofa hnung ngheng a mit chhing zui vang vangin ka thaw chhuak leh hak ṭhin bawk a, engthil nge ka tih dawn ni...? Henry-a sawi ang tak tak khan hmalam pan a tum chu a ni êm lo maw...?


Ka ku thung nak nak a za lo zet a nuiin, "engtin nge vawi lehkhat ah min bansan theih ang ni?" Ka ti takna in in rin tawkna ka tla chham viau mai, hetiang em em a mahni inrinna ka nei tlêm lai hi ala awm ngailo


"Pu Nathan, Pu Nathan, Bryson-a hi a awmdan a diklo a nia," Ma Muani'n hlauthawng zeta min rawn kohna ka hriat rualin ka ṭhu nghil nghal awt a, kawngkhar bula ding chu en in, "engthil nge ni a?" A lu thing pahin, "ka hrelo, lo en teh," Tih leh inher a rual nghal zat bawk



Zui ve vut chuan, "engthil nge ni a?" Pi Siami'n Bryson-a alo kuah a, "allergy a nei ni in ka hria..." Eng maw...? Allergy an nei hauhlo


"Khawimaw, allergy an nei hleinem," Ti hluk in Bryson-a chu ka ban a, a hmai, a nghawng leh taksa dang rawn sen ṭawn ṭawn chu mak tizet a en in, "damdawiin ah hruai a ngai a nih hi, naupang ho hi lo awmpui angche u," Ti inka pawm chhuak nghal a, kawngkhar bula car chahbi awm ban nghal zat chuan pawnlam ka pan nghal pawk pawk bawk



Thawk harsa a ti tih hriat tak a rawn âng leh hlawi hlawi ṭhin chuan min rawn melh ṭawk ṭawk bawk a


"Bryson damdawiin ah ka hruai dawn che, i dam mai ang," Ka'n ti thla ngawt bawka, puitling thlamuan mah thiamloh sa nak alaiin, naupang han thlamuan tum ringawt pawh chu thil awl a nilo nasa mai



Bryson-a thaw hleitheilo hmel hmuh chu kei patling pui pawh minti hlau lek lek alawm, Malsawmi ka rilru ah a rawn lang zui zat, khang kum chhung khan amah chauhin a enkawl a, an damloh changa a hlauhthawn theih tur zia ka hre thiam ve ruai ruai in ka hria...!



MAYA...POV


"I zia deuh tawh em?" Khum tlânga rawn ṭhu a, ka mu kawm ngal mai ka dara rawn dawm paha Eunice-in a tih chuan mit la chhing reng chungin, "ka ṭha," Ka ti chhuak sap a, ka aw chu a thâm in a chhuak ṭawk ṭawk chauh a ni

Nizan zankhua in ka mu lo ti ila ka sawi dik viau ang, naupang ka ngai a, an bula ka mu lo chu ka kimlo riau a ka hriat mai bakah ka taksa peng pakhat, khawi emaw laia mi hi lakbo daih ang a ni, ka ruakin, ka khua a har ngawih ngawih bawk


Thaw hakin, "i ril a ṭam chuan iti lum mai dawn nia," A tih chuan mit kala chhing tlat a


"Maya-i chu eng nge a an a?" Ka nu aw a ni


"A khawsik chu a awm tawhlo, nu Patea te in ah i kal leh dawn a ni lawm ni? Kal tawh rawh, vawiin hna ka chawl thei em tih ka lo en anga, ka lo awmpui dawn nia," Eunice-in a tih chuam meng chhuakin thaw kala zui ham ham a


Muangchang a ṭhu chhuakin mit builuk a ka nu leh Eunice-i en chuan, "min ngaihtuah suh u, ka ṭha," Ka ti sep tak na in, ka hmelah erawh ka ṭhatloh zia a lang chiang viau ang


"I hna kal rawh, ka lo awmpui ang, engthil nge maw i chungah thleng reng reng le?" Tih leh khum a rawn ṭhu thla in ka nu chuan ka sam chu a rawn tuai mam a


"Maya...Bawihte, Nathan-a hi i hmangaihlo ang tiraw...?" Dam dap maia Nathan-a hming a rawn lam chuan ka lungphu zawn hi a sa nghal veng veng mai, ka mittui a rawn hnâm nghal ṭiam ṭiam a



"Nu...." Ka ti chhuak ṭuak chu thaw hakin, "ka hlauh ang ngei a ni, Maya, i tan chuan a upa mah mah a ni, tunah i duh emaw i inti a, hun a liam anga, i rualpui karah hun i hmang tam anga, i ṭha leh vat dawn tih ka hria a ni," Ka nu chuan nuisanga a tih chuan ka chil ka lem khalh a, ka mittui ka khap per sak sak bawk


Jamie-i hlauh angchiahin, Nathan-a lak aṭangin natna leh beidawnna bak ka hmulo a, tuna ka nu thusawi pawh hi a thlen dik ngei ka beisei tlat a ni


"Maya...." Jamie hmel rawn lang hlawl chu kan lo en haw a


"In kawngkhar a in hawnga ka rawn lut ve tawp, Nathan-a in ah ka rawn kal a, ilo awm silo a, Bryson-a......" A tih lai mekin ka phone a rawn rik ral ral chuan hawi sawnin ka en vat a


No ka hriat ngailoh a ni, "Hello..." Ka tih rualin, "Mamma...." Lalpa lehh...! "Bryan," Ka phun chhuak sap, ka mittui a rawn lum thla pup bawk, Bryan-a aw ka hriatlohna oawh kum tamtak ang mai alawm, engtin nge hetiang em em a ka ngaih theih ni?


"Mamma..." Brayden-a aw a ni, ka kâ ka hupbet a, naupang aw ka hria chu ka awih theihlo zawk


"Bry.. Bryan... Bawihte..." Ka ṭap chhuak lo chauh, ka hrawk a rawn na kham ut ut a, ka hnungzang ah boruakin min hnawh nghal awl awl bawk

Eunice-in ka hnungzang a rawn chulin a chum dat dat a, "Mamma engtik nge ilo haw dawn, api in, api Remi te in-ah i riak lawk a ti a, Mamma..." A ṭap zui nghal ṭuau ṭuau bawk a


"Ka be ve duh, ka be ve duh," Brayden-a aw a ni, an hmel hmulo mahila an aw aṭang pawhin tunge an nih tih ka hre lutuk mah mah



"School in kal nange?" Harsa zet a chil lem sakin ka ti chhuak a


"Aih, kan kal duhlo a, Mamma, Bryson-a a damlo a, damdawiin ah Daddy-in a hruai a," A rawn tih ban chap chuan ka ṭhu ngil nghal awt thei



"Engmaw i sawi Bryan, Bryson-a chu engtin nge a awm?" Ka hlau nghal, ka ti rilah min man nghal a ni mah zawk



Khum aṭanga chhuk nghal rawk rawkin, phone la dawm reng chung chuan bathroom ah ka lut a, ka chhung ten mak ti fe a min en na chu ka hmu reng na in engmah sawi duahna hun ka neilo


"Bryan i bulah i pi a awm em? Phone kha pe lawk ta che bawihte," Tih leh ha nawhna ah toothpaste chu ka tat nghal a, ka ha ka nawt zui sawk sawk bawk



"Api Siam, Mamma-in a be duh che," Bryan-an a tih lang lang laiin, "keipawh in ka be ve duh Bryan," Brayden-a aw a ni, ka ngai tih hian a sawifiahlo


"Maya, keimah..." Pi Siami aw ka hriat rualin ka kam ṭhuah rawk rawk chuan, "engtin nge Bryson-a chu a awm," Tih leh bathroom aṭanga chhuakin ka chhungte pawh anlo la ṭhu kar bawk



"Badam(peanut) kan ka ei tir a..." A tih chuan ka ding dawt a, "Nathan-a lahin allergy a nilo a ti bawk si a, ka hrethiam tawh biklo, hei Nathan-a call kan nghak a nih hi," A tih zawm leh zat chuan mit ka chhing sawk a




"Nuts lam hrim hrim an ei theilo ka tih mawlh mawlh kha, engtin nge i hriatloh theih?" Ka hlauhthawnna leh thinrimna in pawlh nuaih ah chuan ka aw ki pawh sang vah vahib hriam tak a ni


"Ka tihpalh Maya, ka lo mang nghilh palh a ni," A aw ah chuan a inthiamloh zia ka hre thei; Mahse, engtin nge maw a theihnghilh theih le..? Bryson-a berkher ala ni zuia



"Naupang kha minlo enkawl sak dawn nia," Tih leh min chhan na pawh nghak lovin ka off zui nghal a, ka thawmhnaw pakhat mah la chhuak heklo, Eunice-i thawmhnaw bawm hawng rawk rawkin, ka hmuh hmasak sak chu ka in rawlha



"Engthil nge maw ni vut vut le? Engmah lah i sawi silo a," Ka nu in ka sawi hun nghak thei tawhlo tih hriat tak a a rawn tih chuan, "nichin khan sawi ka tum a, call a dawng ta sia, Bryson-a damdawiin ah an hruai a, tunah BN-ah an awm mek, ka hruai angche," Jamie-in rawn tiin a scooty helmet chu a beng zauh a


Bu nghatin ka bag ban vat chuan, "nu, Eunice, min ngaihtuah suh u," Tih leh room aṭangin Jamie-i pawt chhuak dawt dawt chuan ka tlan chhuahpui a ni ber


"Min pawt dawt dawt suh, pahnih ka nih hi," Step a kan tlân thla dat dat chu ding dawtin, ka hawi chho a, a naupai ka lo theihnghilh daih tak mai a...!


"Ka tihpalh," Za lo zetin ka ṭhensak bawk a



Hmui ti pawrh lui in, "tunah chuan engmah ka zawt rihlo angche. Mahse, Maya naupang ho vang mai maiin Nathan-a bula i let leh anih chuan ka ṭhiannu ini tawhlo ang, nangmah Malsawmdawngzeli, luhlul lutuk mai kha hmuh leh ka duh," Chiang zeta tih leh min kal pelin a scooty lam chu a pan a, Eunice-in alo hrilh leh hman a ni tih ka hre nghal


Za lo zet a nui in, "ni e, keipawhin ka mize hlui ah khan let ka duh takzet a ni; Mahse, khang ka inrin tawkna te kha engtik laiin nge alo bo ka hre biklo a ni," Ka hriat tawk te chuan ka phun sap sap a



A dinna lam ka panlai chuan phone a lo bih ngur ngur, a bula dingin, "kal ila," Ka ti sep a

Helmet min pek pahin, "damdawiin ka lut ve hman dawnlo ni in alang, Opa patea te rawn len an tum a nih hmel, hrilh tur che ka ngah a sin le," Ti zui nang nang chuan a tlân chhuak a



Kei erawh ka rilru ah Bryson-a bak a awm theilo, engtin nge a awm ang, doctor khan Bryson-a tan ngat phei chuan a lungphu tibuai thei engmah tihloh tur a ti si a, a allergy a chhuak a nih ngat chuan....! Ka ngaihtuah thui ngamlo zawk




Traffic lo Jam ve chhen nen, ka duh aiin kan tlân muang tlatin ka hre bawk a, ka thaw leh hak ṭhin chu, "Hlauthawng lutuk duh suh, pa a nei alawm le...!" Jamie-in a rawn ti leh ṭhin na in, ka hlauhna a tinreh pha dêrlo



Darkar 1 ṭep kan tlân ang tih tur a ni, a tawp a tawpah BN hospital kawt kan thleng ve thei ta hrâm e


Chhuk nghal rawk rawkin helmet nen a tlanluh ka tum chu, "helmet kha..." Ka ding dat


Melh chho a, phelh nghal vatin, "ka rawn bia angche Jamie," Tihleh tlan sawn ka rual nghal a

Hospital chhunga tlan lut rawk rawkin, nurse ka hmuh hmasakber pawt ding chawt chuan, "naupang... Naupang allergy vanga rawn luhpui an awm em?" Ka thaw zui hlawp hlawp bawk



Nurse chuan min en deuh vang vangin, "ohh triplets te nu kha ini maw, i fapa chu ICU ah a awm mêk a..." Ka tliak hnawk thei



Ka kaihza tliak hnawk chu ka hnung a mi tu emaw ka nek nghal rawk rawk a, "i ṭha em?" Nurse leh ka hnunglam a min dawm tu chu tunge anih ka hrelo, "i ṭha em...? Ṭhutna ah sawn hruai teh ang," Ka hnung a min chelh tu in a tih chuan ka lu thingin, "ICU lamah chuan min hruai rawh u," Nurse chuan phawk fe in min en a


Tha khur zawih zawih leh min dawmtu ṭha ring chunga ding ṭawk ṭawk chuan nurse chu ka en let thung



Thaw hakin, "Mam, hruai mairawh, Doctor. Sawma damlo kha," A tih chuan ka sira dinga min dawmtu chu ka melh chho ṭawk ṭawk a, male nurse a ni tih ka hre chiah bawk



"Ngaihtuahawm a ni tawhlo a sin i fapa chu," Min hnem a tum tih ka hria ; Mahse, ka engah mah a thawk teuhlo, ka mit ngeia ka hmu te a nih ngawtloh chuan


ICU kawta Nathan-a leh Doctor Sawma lo ding ka hmuh chuan min kuahtu kut chu dahsawn saka, mahni a pen ka tum ngiala, ICU ah Bryson-a a awm tih ka hriatna khan minla ṭhawng mah mah nge, ka tha khurh vangin ka pensawn mai theilo



"Kalo pui angche," Nuisânga tih leh min kuah leh chuan Nathan-a te dinna chu min panpui a


"Awwww.. Maya, i ṭha maw? Iva dâng em em ve?" Dr. Sawma en chuan, min zawhna pawh chhang lem lovin, "eng nge a an?" ICU Lam chu ka melh zauh bawk a



Nathan-an hmel dur khup mai a min en na chu ka hrelo a nilo, haider hram hram ka duh zawk a ni, ding zet mai a min en ngur na chuan ka kawchhung a ti khur zual, min kuahtu chu ka rinchhan tak meuh meuh tawh a ni


"Ngaihtuah tur a awm tawhlo e, darkar 2 hnu chuan ward pangai ah kan sawn thei tawh ang, a hma khan ka hrilh tawh che in ka hre si a, engtin nge hetiang thil hlauhawm lutuk te a thlen theih le?" Nathan-a nen chuan min en tawn zak zak bawk



Rum lutuk a Nathan-a en in, "ni e maw le, a thlen nawn tawhlo ka beisei.... KEIPAWH IN," Ha pui seh chilh deuh rap rap a ti chhuakin doctor lam chu ka en leh a


Nui sukin, "a lawmawm ngawt ang, i fapa dinhmun chu i hre chiang berin ka ring, aaa... hei i pasal nen hian kan lo inbia a, waiting list-ah dah a duh thu alo sawi a," Nathan-a chu a melh zauh a


Nathan-a erawhin an bul ka thlen tirh aṭangin khawimah hawisawn lovin minla en ngur ngur thung, min en tlang a tum emaw tih mai tur a ni


Nathan-a ṭawng tuma a ang zuai chu, "ka pasal a ni hleinem Doctor, pasal ka la neilo," Ka nui lui säng bawk a


Doctor chuan mak a ti teh e, phawk zeta min en in, "i pasal a nilo amaw? Bryson-a hi i fa..."


"Ka boss a nih hi, ka boss te fa an nia," Dam dap a tih leh Nathan-a chu ka melh zauha, ka la nuilui reng bawk, a bek pawng chhuak ṭawlh ṭawlh leh a kut hum ruh nghal ṭalh ṭalh chu ka hmu ru reng



A thin a thawk thut anga min rawn vai thlu tawp ang tih pawh a hlauhawm rum rum alawm...!



"Ka ṭha tawh lutuk, keimah in ka ding thei tawh ang," Ka sir a min dawm tu chu ka melh chho a, nui sangin, "a nihleh in enkawl ṭha angche," Nelawm zet a tih leh a hming pawh ka zawh hma in a pensawn nghal daih lehnghal



"I fate emaw ka ti char char a, boss inei..." Doctor-a aw ah chuan maktihna ala rehlo



"Doctor ka nupui hi a lungawilo a, hun minpe lawk dawn em ni?" Chang zet leh mar ṭha zeta Nathan-an a rawn tih chhuah hraih chuan Doctor chu meng buai tak a ni, a khawngaih thlak awm lek lek zawk


Min en tawn zak zak in, "ohhh, ohh, ok," Tih bah deuh nak nak a lu thing leh zauh chunga a pensawn rualin, "Malsawmdawng...." Ka kal pel hmaka


Kawngkhar chhan aṭanga Bryson-a en vang vangin, "naupang hmulo tur a min duh anih chuan lungngai suh, Bryson-a ṭhat rualin ka rawn in lan tawhlo ang," Nathan-a lam chu ka hawi a


Mit zîmsan leh hmel dur khup khup a min en run run in, "chu chu ka sawi tum a nilo tih i hriat kha, zankhat lek i riakbo a, i boss ka nita amaw...?" A ner zui sawk sawk leh a mit sen râm mai chu a rapawm takzet



Ka nuilui saka, zak theilo ka ti mah mah bawk, hlau angin ka lang duh bik teuhlo, ni lo, ka hlaulo ve chiang emai a. Bakah, kan inkar chu Boss leh a chhiahhlawh angleka sawitu chu amah hi alawm




"Thudik ka sawi mai a ni, Employees leh Employer mai kan ni, a chiang em...?" Ka tih zawh rual deuh thaw a ka dar tawn tawn a rawn dawm chawtin min thing zui nawk nawk bawk a, ka thluak leh kaw chhung chu thin chhuah vek a tum emaw tih mai tur a ni, ka lu a hai nghal chum chum thei


"Malsawmdawng, engthil nge i sawi hi i hria em? Oxygen pek ngai hiala Bryson-a a awm hnu ah pawh, i hmuh tawhloh tur thu i sawi thei amaw...?" A seh chilh rap rap mai, a mitmeng leh hmel landan zet chu, min pawhsawm vek duh hmel a pu


Mahse, ka en chho ve khar khar tho, inseh ruha, ner khum sawkin, "minthlah rawh, i kã ngei aṭanga kan pahnih inkar chiang taka sawitu inih kha, i hriatna i hloh te anih ngawtloh chuan i hre chiang viau angchu," Ti let ve hrawkin min vawnna phelhsak ka tum chu a hmerna zual sauha, a hit nghal mer mer thei, ka ṭhensak sawk sawk bawk a



Damdawiin e, inlo e, ka sawi thei tawhlo, ka dar a hmerna na lutuk chu, "min thlah rawh Lalhriatpui," Ka ti chhuak ṭhawt a, nurse awmve ho an rawn hawi zui ṭhap bawk


Thaw ri hrawihin, "Hreptak hian...! Min rawn zui rawh, inbiak kan ngai takzet," Tih leh min thlah thuta, ka bân ah chelh a rawn tum chu pai deuh khut khutin ka kut ka lo la sawn vat a


Melh khai khai pahin, "eng thildang nge ila duh Nathan, kha i lei hmanga thûk taka min vih hnu hian eng nge sawi tur ila neih?" Ka mittui rawn hnâm nghal ṭiam ṭiam chu duhlo lutuk in ka khap let sak sak a



A mitmeng inthlak nghal rawk rawk chu mittui kar aṭangin fiahlo ruai in ka hmu thei, ka hmu sual pawh a ni maithei bawk, a ni ngei ang, engtin nge mahni hmasial lutuk Lalhriatpuia te ang mit aṭangin inchhirna te hmuh ka inrin reng reng le...?


"Maya...." Ka kut chung lamah ka vai zauha, mittui tling piau a en chho vin, "Nathan, ka chau, ka chau a ni, ka peih tawhlo, hmangaih che hi ka duh tawhlo, ka na..." Ka ti chhuak ngawih ngawih a, ni e ka ka takzet a ni



Ka na lai hmuh tirloha, ka hriat ve hma ang maia awmleh ka tum viauna in ka theilo a ni, ka hlawhchham ṭhak tih Nathan-a hmel ka hmuh leh rual khan ka hre chhuak nghal bawk



Ka mita natna thûk tak leh a laka ka beidawn na chu chiang takin a hmu in ka ring


"Maya..." Ti supa ka lam a rawn pen hnai hrut chu ka lo tawlh hnung hret a, 'Maya' tia min koh chang a piangin ka lakah inthiamlohna emaw duh emaw a nei tihna a ni; Chuvangin, "MALSAWMDAWNG" tia min kohna kha ka ngaina zawk daih, a rilru leh a duhdan a min kohna a ni tih ka hriat vangin



"Nizan ah zankhua a ka ngaihtuah hnua ka hriat chhuah i hria em?" Mit en kar a, ka mittui ka bianga rawn lum thla pup chu hru tawkin, nui chhuak hak pahin, "engtikah mah i thinlung ah hmun ka chang ve ngai dawnlo a ni tih hi a ni," A lu alo thing mat mat a


Natna a khatin ka en a, ka nui hmel hi ka natna thupbo na tur ni chung siin, vawikhat pawh ka ta ni ngailo tana ka natzia tilang tu pakhat a ni ang lawi bawk si


Za lo zeta nui pahin, "Malsawmi ka hriat ṭhin kha chu chuti maiin a beidawng theilo, Malsawm min hmangaih tih ka hria alawm, ka..." A tawp dat a, a in ringtawk lutuk te chuan minti na, kalsan theilo ah min ngai a niber tawhin ka hria..!


A mit chhing deuh sawkin, "lo let rawh Maya, nilo, lo haw rawh, kei leh naupang ho in kan mamawh che, ka mamawh takzet che, chu chu i hrethiamlo em ni?" Rilruih maia a rawn tih zawm sup sup chuan ka ṭah nuih hak a



"I hria em Nathan, i laka ka beidawn dâwn a pianga ka tih ṭhin chu, i fate kuah khawmin, 'nangni pawh ka in hmangaih tir theih che u chuan, in pa pawh saw min hmangaih turin ka siam thei em em ang' tiin ka in hrilh ṭhin ; Mahse, ka ti diklo a ni, ka hriat ṭhin Nathan Lalhriatpuia kha chuan tumah a hmangaih ngailo, amah bak.." Ka chil ka lem zui khalh bawk a



"Mal..."


"Ward pangai a an sawm luh hunah ka rawn hmu leh ang, naupang ho a changa ka hmuh ve i remtih ka beisei," Nui chungin ka en chho a


A mit ah chuan natna leh inchhirna ni âwmtak te ka hmu in ka hria, ka chiang ngam chuanglo



Min chhan tawhlo avangin thaw haka a taksa dai hlau zeta tawlh sawnin ka pensawn a, "Malsawm..." Pen 3 vel ka pen hman, ka ding data, ka inher chuanglo; Mahse, ka lam hawiin a rawn in hera, min en reng tih ka taksa mur er er ah hian ka hre thei


"Nimin maia i mita min hmangaihna leh beiseina ineihna mitmeng kha, ka hmuh leh theihnan engthil nge ka tih ang?" A aw chu a nghet charh, eng pawh sawi ila a ti duh ngeia tih rinhlelhna tur a awm miahlo ; Mahse.....



Mahse, a ṭawngkam khat leka tluk ka tum tawhlo, vawikhat tu emaw neih tumin ka nundan ka thlak a, tunah erawh keima duhdan a nuna, min duhtu in a minpan theihnan awm ka duh a ni



Ka nui data, "engmah itih angailo Nathan, a chhanchu khang mitmeng leh beiseina te kha a awm tawhlo, i ṭawngkam ngei hmangin i chansawm vek tawh a ni; Chuvangin hmuhtir leh che pawh ka tum tawh heklo," Hawilet hauhlo ka ti chhuak a, ka thusawi ngei chu keimah pawhin ka awihlo. Mahse, a chang chuan hlimna um reng aiin hlimna in min pan theihnan a nun a ngaih chang a awm ṭhin tih ka hria a ni



Thaw hawka ring tung at in ka pensawn nghal vah vah bawk a, ka hmel a hmuloh avangin ka in ring tawk atih viau ka ring, a hriat ṭhin, hmana Malsawmdawngzeli naupang luhlul zet kha ka ni leh tawh ah a ngai ngei angchu. Ni e, nih leh ngei ka duh bawk a ni



Nathan-an min en reng tih ka hnungzang leh tukkhum za lutuk ah chuan chiang takin ka hre thei, bang a hnek emaw ni, eng emaw ri dup chu hre hman hrâm mahila, vawikhat pawh ka hawilet duh biklo, ka na lo ka tih chuan ka daw duai a ni


Ka na a, ka tawt a, ka puak kehlo chauh bawk; Mahse, vawikhat pawh hawilet ka duh chuanglo, min duha, a inchhir a nih leh min hneh tumin a theih tawp chhuah ve chhin sela a ni mai




<>~>~>~>~>



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:05 pm

MY TREASURE
By
Floria Laldansangi



Chapter < 26 >


MAYA...POV


"Maya," Hospital kawt ka thlen ruala Simon-a hmel ka hmu hlawl chu ding dawtin ka en haw a, ka biang rawn lum thla pup chu ka hru zui tawk bawk



Min rawn din hnaihin, "i ṭap elaw...?"



"Ṭap lo," Ka chhang rang mah mah, a nui suka, a kekawr ipte zen at chunga min en ran ran chu kalo melh ve ram ram bawk, nui leh vur vur in, "ok, i ṭap lo, min melh hlum itum em ni? Tak takan a, i damlo tak tak nge? Call ila thei silo a, i U ka bia a," A tih chuan ka sling bag-ah chu hai rak rakin ka phone chu ka phawrh zui zat a



"Tihpalh, ka lo hrelo a, Simon ka hna...."



"Breakfast kala eilo a, i ei tawh em, kan ei dun dawn em ni?" Ka thusawi lai pawh ka sawi zawh hma in a rawn ti nghal zat zat a


Breakfast a sawi takah chuan nizan aṭangin engmah kala eilo tih ka hre chhuak chiah bawk, ka chil a rawn rial nghal rawih rawih mai ; Mahse, Simon-a mize thawveng lutuk hi tunah rih chuan ka taithei dêrlo



"Ka ril a ṭamlo," Tih leh pensawn ka tum chu ka bânrek ah rawn vuanin, "min zui mai mai teh, khawlai a ṭah aiin puarna chu a ṭha zawk lawm ni?" Tih leh min pawh kal a tum chu Simon-a kut chu a leng lawp a, keimah pawh chu ka kat tel nak nak thei



"Nathan....." Phawk lutuk in a tukkhum chu ka en a


Kan in karah thli thaw ang maia a rawn din nghal fua miau avangin a tukkhum lam bak ka melh rum thei lo, a lian rapthlak si, min hliah hneh lutuk mah mah, Simon-a hmel ka hmu thei tawhlo hrim hrim



"Buaina i nei em ni Bro?" Nathan-a chu a san zawk daih avangin, Simon-a chu a dak vahin ka ring



"Hnaih suh ka tih kha Simon," Chang rat mai a tih leh ka lam a rawn hawi a, a hmel chu ṭo ruah haw tur ang mai a ni, a dur khup khup mai


Cho zeta lo en vahin, "buaina i nei em ni?" Ka kuangkuah at bawk



A lakah chuan naupang kum 10 mi lek ka ang viau ang ;Mahse, ka te na vang vang na in ka duhloh na ah chuan min tilui thei biklo tih a hre chiang viau bawkin ka ring



"Malsawm..." A thaw chhuak hak a

"Simon, ka ril a ṭam, breakfast chu min leisak dawn em ni?" Tih leh Nathan-a meng rum zet mai haider a ka pensawn chu min phih let nawk a


Ka kâng lâwpin nia ka hriat ni, boruak ah ka lêng tak tak zawk maw le...!



"Lalhriatpui, ZAWNG......" Ka tih vin tuar rualin na lutukin ka hmuiah min fawp pawh a nilo, a kaih in, a kaih ka ti tawp...! Ana thîp nghal vawng vawng thei


Ka tukkhum sam ah hneh lutuk in a ṭham beta, ka kut pahnih chu hnung khirhin a kut lianzet mai chuan hnehsawh zetin a man khawm bawk a


Ka tan chet ngaihna a awm tawhlo hrim hrim, tal ve phat phat mahila ka dar leh taksa tlêm bak ka ti che theilo, ka hmui chu na lutuk in a kaih nghal buan buan bawk a



Kala tal ve phat phat tho, a kap a ka khupa ka sawh chuan a nat lutuk ka hlau si a, ṭang ṭûngin, ka tha neih zawng zawng sawm khawm chuan a ke ah ka rap sawk a


A rinloh lam lutuk a ka chet vang nge ni, pawh ṭhen phawk ang maiin per sawn dawrh a phun hlukin, "Malsawmdawng...." A ti zui hluk bawk a


Rum lutuk leh mittui tling pam a melh hrawk hrawkin, ka hmui chu na lutuk in ka hru tawk bawk a, ka sirah ka chil chhak zui thlawrh chuan, "i kut hmawr pawhin min tawk tawh suh angche, i duh hun a i dinna leh kalsan theih ka nilo, bus stand emaw minti em ni...?" Aw khur ru der der chung leh in hum ruh ngar ngarin ka ti chhuak tuar a, ka lungphu rang lutuk chu ka khur chhuak tak ngial dawnin ka hria



"Ka....." A tih leh ruala ka lam a rawn pen hnaih a tum chu, "Boss angin awm rawh, ka taksa hi ita a nilo tih theihnghilhin bawk suh angche," Tih khalh leh zatin, "Simon kal ang," Tih leh Simon-an mit pawh khap leklo a, âng hau a minlo en na chu pan hnaiin a bân a vuanin ka pensawn pui a


Nathan-a phun ri leh ânchhe phuh chhuak hluk ri chu ka hre hman hrâm bawk


"E khai...! Khatiang kha a takah ka hmuh ka in ring ngailo a," Ka ding dat, ka vawnna thlahin, "ka ril a ṭamlo, nangmah in ei rawh," Ka tih rualin, rawn nui hawk hawkin, "ok, ok, engmah ka hmulo, hmuh ka duh bik hleinem, ka ta a siam ka tum mek ini tih i in hriat kha, ka lawm viau biklo," La nui ruh ruh reng chunga ti duahin ka bân a chelh chuan hospital sir a thingpui dawr lian vaklo lam chu min pan pui nghal dawr dawr a



Ka nui ve ta ringawt a, Nathan-a nen cousin ni ve si ah chuan an mizia chu dang tak a ni, in an na tlêm tal ka zawn ngial pawhin, thil awmlo zawn ang vel a ni, an mizia chu dahṭha pawh ni ila, an hawiher leh hmel, pian te hi in an na reng reng a awmlo




"Kha, sawhchiar hi ei rawh, chaw pangai chu i ei duh ka ring silo a. Bakah, engmah ila ei silo a, a hrisel turber ka rawn la," Tih leh ka hma ah ah a rawn chhawp a


Ka lama pawt hnai pahin, "ka lawm e," Ti sepin, "eng nge damdawiin ah i rawn tih ve dawn a," Chawk pah chuan ka melh zawk bawk a


A thlenga egg-roll chu ka en nghal ran bawk, nui haka ka sawhchiar chunga rawn dah ve in, "Mami'n a kut a tina a ka rawn hruai maw le," Tih leh, "eggroll i ngaina tih ka hrelo a," A tih zawm zat bawk a


Hmawm pahin, "ngaina e, ka hna bân ka duh thu sawi ka tum a sin, Mami kut anat chuan ava buaithlak awm ve," Min en nghal kar mai, a thaw hak bawk a


"Eng nge," Tih melh a ka lo melh chu, "Nathan-a vangin maw chawlhsan i duh a?" A lawm hmel vakloh


Ka lu thing pahin, "nilo e, Bryson-a hi a damlo si a, awmpui rih ka duh, bakah Jamie-i pasal nei tur nen, puih ve ka duh dâwna, kumthar lamah mahni a dawr neih ka duh ve tawh tih i hriat kha," Ka tih zawm siam siam chuan a thaw leh haka


"Chawlh ila thei alawm, part-time a thawk tur school naupang an tam alawm," A tih leh ṭalh chuan Simon-a chu chiang zeta en in, "ihh eee.. Simon, sawiloh ka tum viau na in, diktak chuan nangni ho nena in hnaih vak hi ka peih rihlo a," Ka tih deuh tawl chuan zâ tih hriat takin a rawn nui hawk hawk a



Ka lo ner nung nung thung, ka thutak viau a sin



"Nathan-a vang a nilo iti si a?"


"A nilo rêng alawm," Ka lo ti vin nghal hlar chu a nui nasa tulh tulh lehnghal, ka fian hian ka khawng ṭawlh dawn maw ni le...?


"Ok, bus stand i nilo a, Nathan-a vangin i chawlhsan dawn heklo; Mahse, min hnaih i duhloh phah erawh ka hre thiamlo," Ava ngeiawm mai mai tak e aw...!


"Simon..." La nui tuh tuh pahin, "Maya, ila naupang lutuk, mipa pakhat vanga i tuina zawng kalsan tur chuan. Mahse, i duhdan a nih chuan ka hnial chuanglo che a nia, alo berah kum chanve tal chu pangai taka coffee siam dan i zir ka lo beisei pui viau che nen," Thutak zeta a tih leh takah chuan ka thaw ve hak a



Ka duhdan chu a nia lawm, Simon-a hi ning ṭhin viau mahila, a zaidam in min dawh thei a, ka pa angchiah khan uluk tak leh dawhthei takin min hrilh ṭhinin, min zirtir ṭhin


"Ka pa bulah ka naupan lai aṭangin ka zir tawh alawm, ka ti ve thei mai ang, nang angin certificate nei in, zirsang lo mahila, coffee siam lamah chuan ka inring tawk viau," Ka nuih zui seih bawk


Bu nghatin, "coffee siam chauhlo ah pawh i inrin tawkna hi ka duhna che pakhat a ni, i hmel erawh min zawt suh, Mizo hmeichhia ah nangai ṭha an tam lutuk," A ṭhen nghal vak bawk


Ka nui zui ve hak tho, a sawidik chiah a ni, Mizo nulâ takmai, 5'4ft vel awrh a säng, hmelṭha tih tur lah ka ni heklo, ka pian te lah chu "nalh" han tih turlah ni der bawk silo. A englai hi nge ka chhuan em em pawh ka in hre biklo...! Mahse, k indah säng ve hlarh hlarh tho a nia



Simon-an ṭawng zuah zuah pahin kan in thleng min thlah deuh thlapa, a chang hian ning viau ṭhin mahila, a fel hi chu a fel a ni, a U Lalhriatpuia anglo takin a nui vur vur reng bawk a


"Mamma..." Inchhung ka luh rualin Brayden-a leh Bryan-an minlo kuah vat a


Ṭhu hniama Kuahlet pahin a ngaihnahrelo zetin U Muani ding chu ka en chho a, "an ṭap an bâng duhlo a, Pu Nathan-an min rawn phone a, i bulah dah tur in a rawn tia,". Atih chuan ka bu ringawt a


Eng nge maw a ngaihtuah le...? A fate min hmuh tir a phal chiah pawh ka ringlo a ni


"Mamma, ilo haw har lutuk a," Inla hrang paha Brayden-an a tih chuan, "school te inkal lo a," Bryan chu a nui nghal sun sun mai, a inthiamlo nui a ni mah zawk


"Zanah kan bulah i mu lo a, zingah pawh ila mu lo a, kan kal duhlo alawm, Mamma hetah kan awm leh dawn a mi? Daddy bulah chuan ka awm duh tawhlo e....! Zingah pawh khan min hau a, chuvang a niang Bryson-a pawh a damloh," Brayden-an a rawn tih zet zet chuan en vatin, "eng nge awmzia?" U Muani ka en chho nghal a


"An school kalduhlo Pu-in a vin deuh maw le, Maya sawtah sawn an school uniform leh i thlakna tur vel a awm a, ei rawng hi ka va bawl dawn em ni?" A tih zawm zat chuan, "hetah maw? A ngailo, haw zawk rawh," Ka ti vat a



A lu thing pahin, "Pu-in naupang pahnih enkawl chu a harsat a hlau alawm, ka hawsan thei nang," Ka nui ringawt, a hma zawng zawng pawhin tuma puihna tel lovin khang kum zawng zawng kha ka enkawl tih a hre si a


"A ngailo, bakah ka nu ka putea te in lamah a ei leh dawn a, ka U hna ah a ei dawn bawka, kan 3 chauh ei tur chu ka siam ve mai ang, puih ka ngailo tih i hrilh dawn nia, Brayden, Bryan in kut va sil rawh u, a bal lutuk," Ka tih zawm zat a, thu awih zet chuan bathroom lam ka kawhna chu an pan ve mai bawk a


"Ava buaithlak e aw..." Ti deuh nang nangin, "engtik nge lo haw i tum, zankhat lek i awmlo pawh inchhung a buai lutuk a, nizan pawh naupang an mu duh silo a, Pu lah a lehkhabu chhiarna room ah a mu bawk a, tukkhat lek a hmel hlimlo hmuh pawh a hreawm teh mai a nia," Nui ruh ruh paha a tih chuan za lo zetin ka ṭhen ve sen sen ringawt a


Ka rilru in, "a phu tawk chiah," Ka ti mawlh mawlh bawk



"U Muan, nakin zelah pawh naupang ho hi enkawl pui viau rawh aw, nakin ah an mamawh leh ei duh zawng, ei duhloh te leh an ei theihloh te ka ziak anga, ka pe dawn che nia," Ka ti sap a, hrethiam lo zeta min en na chu nuih seihin sofa lam panin, "ka buai tawh dawn a, ka ṭhiannu te inneihna vel ah, bakah dawr hawn ka duh ve tawh dawn si a," Ka ti tak na in a awih a ngem ka hre chuanglo, mi â a nilo a, a awih pawhin ka ringlo



"I tello chuan kan tlin ve lo ang, tukkhat lekah pawh kan heti rem rum a nia, i tel lo tak tak tur phei chuan kan tlin ve lo sa. A nih Maya ka haw mai ang, min mamawh leh minlo be mai rawh aw," A tih chuan naupang ho rawn tlân chhuak towel ban sak pahin, "ka lawm lutuk aw U Muan, naktuk lamah ka rawn thlah dâwn nia naupang chu," Kawngkhar a a chhuak chu ka au zui lang lang a


"Mamma helai hi kan in thar leh tur a mi?" Brayden-a chu en in, "umm ni mai rawhse," Ka tih chuan nui var var in, "in kan ngah tawh e, tiraw Bryan?" Bryan chuan min en deuh vang vangin, "Mamma, Daddy-nen in inṭhen dawn a mi?" Ka meng kawk thei


Engtin nge naupang in chutiang te a hriat ni?


"Bryan, engtin nge chungte chu i hriat a?" Mak ka ti lutuk chu ka lamah ka pawt hnai nghal sat sat bawk a



"Au Faki'n a sawi alawm, chuan kan class a mi John-a pawh a nu leh pa an inṭhen a, a nu chuan pasal dang a nei a, a hmu thei tawhlo," A tih leh chuan sawi mai tur pawh ka hrelo, a hmelah chuan a pa nen kan inṭhenchu a hläu ve ni berin alang


Ka âwm zawn hi vih sawk sawk ang maiin ana, a thîp sa veng veng mai, engthil ngaihtuah in nge he hmunah hian ka awmsan reng reng ni, keimah chauh ka in ngaihtuah laiin heng naupang 3 te rilru tur leh mangan tur zia ka lo ngaihtuah lo reng reng a ni tih ka hre chhuak chuan minti na ngut ngut mai



"Mamma, Daddy dang inei ve dawn a mi? John pawhin a nei, Mamma pawh pahnih a nei, tiraw Bryan..?" Brayden lah chuan a thusawi a pianga Bryan zawt zel chuan min en kar bawk a



Ṭah nuih deuh haka ka lam a pawt hnaiin, ka kuah vawng vawnga, "nei dawnlo e, chutiang engmah a thleng dawnlo," Ka ṭah a rawn chhuak ut ut lehnghal....!


Ka rilru in Faki ka hau mawlh mawlh bawk, engtin nge naupang hnehah chutiang thilte a sawi theih ni...? Eng rilru nge maw a put reng reng le...!


Naupang ho nen a dinner buatsaihin, kan ri nak nak a, rawngbawl chhung pawh a rei duh khawp mai. Hetiang tak hian naupang nui khek ri hi ngaihthlak nuam kala ti ngailo, Bryson-a tel ve ngat pheise chuan a hma angchiah kha kan ni ngei ang




Kan tal nasa bawka, zanriah kan ei zawh meuh chuan naupang pawh an mu nghal zal zal mai alawm, room pakhat Eunice-i nen kan inṭawm bakah, khum a len loh avangin sofa chu dawhzawm in naupang ho nen chuan kan mu kak a, zawhna mak tak ta min zawt leh ang nulh nulh zel bawk a....!


"Bryan te unau em ni?" Kawngkhar lam ka en vat a, kan lam panin Eunice-i nuisanga rawn pen chu nuih pahin, "nia, U Muani'n a rawn dah a, iva bâng hma ve," Ka tih zawm sap bawk




"Nia zanin chu ka hma, eng nge Bryson-a chu a an a?" Brayden-a a fiam zui zauh bawk


Ṭhu chhuakin, "ICU ah anlo dah a ; Mahse, tunah chuan ward pangai ah an dah tawh ang, naktuk lamah naupang hi school ah dah ila, ka kal leh angchu ka ti," Ka tih chuan bu nghatin min en vang vang a



"Maya, engtia awm chhunzawm nge i tum, dân anga i pasal chu Nathan-a a ni a, inṭhen i duh pawhin inṭhen satliah mai mai theih a nilo tih i hriat kha, court ah ngei i ṭhen a ngai dawn a nia. Bakah, naupang tel lo hian i awm thei tak tak ang maw? Diktak chuan Nathan-a hi duhpui viau lo che mahila, naupang ka ngaihtuah hian ka khawngaiha chutiang bawkin nakin zelah Nathan-a hi ila iai lo ang maw tih ka ngaihtuah bawk si," A tih dap dap chuan thawk harsa ka lo ti



Heti hian ka bansan hlen dawn em ni? Nge ni a, vawikhat dang leh chhiah chu ka tan leh naupang tan hun ka pe leh zawk dawn tih ka ngaihtuah nasa lutuk chu ka lu ana ut ut thei; Mahse, chiang taka ka hriat chu, a kum vang hian buaina ka neilo a, ka duh in ka hmangaih tawh a, ka iai ngai dawnlo tih ka beng awmna ka chian tlukin ka chiang thung


"Engmaw i sawi kha? Eunice, i thusawi awmzia kha eng nge?" Rang lutuk in kawngkhar lam kan hawi a, "Nathan, eng nge thil awmzia hi?" Ka nu chauh emaw tih laiin a hnungah Nathan-an a rawn zui lut chu phawk fe in ka en a



Nathan-a chauh pawh a nilo, Bryson-a a rawn pawm lut tel chuan min ṭhawng lehzual


"Engtin.....! Nathan, a damlo tih i hria a ni lawm ni?" Sofa aṭang chuan ka chhuk nghal rawk rawk a



"Mamma..." Bryson-a chu a ṭap nghal pur pur


"Bry..." A U ten anlo ko ve bawk a, Bryson-a pawm vatin, "i damlo a ni lawm ni?" Nathan-a ka melh vak, "damdawiin ah ka awm duhlo alawm," Ṭap pur chunga tih leh min kuah chawih chawih a, nghet lutuk in ka kuahbet ve bawk



"Hetah.....hetah hian rawn kal ula, in thusawi awmzia kha sawifiah teh u, nang leh Maya-i hi eng maw...?" Ka nu chu a khur dar dar thei tih ka hmu thei, amah pawhin a ding hleitheilo, sofa tlâng chu vuan in a ding ṭawk ṭawk a



"Naktuk lamah kan sawi dâwn nia Nu, naupang an awm ve hi," Eunice-in a ti dek dek chu, "ngawi hmak rawh Eunice, i nau in kan hriatpuina tel lovin pasal a nei a, nangin ilo thup pui amaw? Eng nge i thluak ah hian awm a, Nathan min han hrilh teh, engthil tehchai nge ka fanu chungah hian i tih?" A thinrim lutuk chu a aw a khur hlawk hlawk thei



"Eunice, naupang hi room ah ilo awmpui lawk dawn em ni?" Naupang ho mangang khap fak fak en chuan ka ti sap a



Bryan te unau hlâng thla pahin, Bryson-a rawn lak a tum chu alo duh dêrlo lehnghal...!



"Bryson-a hi chu ka pawm mai ang," Tih leh ka nu dinna lam panin, "ṭhu phawt teh nu," A ṭhutna tur ka kawh hmuh a, min melh ram ram a, Nathan-a pawh huat hmel zet a melh chunga ṭhu thla in, "Nu," Ka ti sep a


Nathan-an chair min rawn peka ṭhu thla ve pahin, "i ngaih ang kha a nilo a nia, kan..." Ka tih lai mekin, "i hre dik a ni ka pi, kei leh Maya-i hi Mumbai ah khan Court ah kan innei a ni," Nathan-an a tih rualin a mal ah ka chum zui awk a


Na ti ang pawhin a awmlo, min en zawk duh lek chauh a ni



Ka nu hmel dâng lawp lawp chu ka khawngaih zawk, hmuh thianglo hmu ang mai a ni.....!


"Maya..." A rawn ti thawp sap a, hreawm ka tih zia chu pui tak hi a ni ringawt



A chil lem khalhin, rilru nat hmel zeta min en vang vangin, za lo zetin a nui a, a ṭah chhuak lutuk nui a ni mah zawk, "thinrim thei pawh ka nilo tih ka hre chhuak, khang thil ṭullo leh kha vai putar bulah khan tirlo che in, leiba neilo ni ila hengte hi a thleng awm silo a, i nun ti chhe tu chu Nathan-a ni lovin keimah ka ni, keimah," Ka nu aw chhuak chu natna in a khat, ka mittui a rawn hnai kuar kuarin, ka hrawk a rawn na ut ut bawk, demna pakhat mah ka neilo, heihi ka duhthu a ka kawng zawh a ni tlat



Ṭawng mai ka tuma, ka lei chu thlunbeh ang tlat a ni, ka ti che thei dêrlo..!


"Ni e, kha vai putar bulah khan hralhin, leiba aiah pe lo ni la, tun hi kan thlen ka ringlo, chuvangin i lakah ka lawm a, Maya-i hi pangai tak a neih ka duh bawk,". Sawi zawh rualin, "Lalhriatpui..." Ka ti vin ṭhat chu Bryson-a alo phu zuk a



"Ka tihpalh, ka tihpalh," Ka ti nghal vat vat bawk, engtin nge chutiang te a sawi theih, damdawi ei sual a nei maw ni le...?




"Bryson, i pi bulah hian lo awm rawh, fel tur," Min kuah nghet sauh sauh lehnghal...!



"Maya sawi zawh tir rawh, Nathan ka fanu hi i hmangaih reng reng em?" Ka nu chuan a en kalh, ka nu zawhna chuan minti khawng at thei, lungphu dep depin Nathan-a lam chu ka hawi a



A khabe ruh ti che ralh ralh in, a chhang dawnlo emaw tih hnu ah, "ka mamawh a ni," Za lo lutuk in ka lo nui ri hak, engthu nge maw ka beisei le...?



"Bryson, chhuk lawk rawh," Tih leh chhuat a nghatin, "min rawn zui rawh," Tih leh Nathan-a bânrek lianzet maiah chuan ka vuan a


Ka pawt chhuak ṭauh ṭauh bawk, a lian si, a pen ṭha duhlo zui phei chu pawhkal harsa tak a ni


Kan in kawta pawt chhuakin, "i theihnghilh ta em ni Lalhriatpui, nang leh kei chu, chhiahhlawh leh a pu kan ni tih hi, zanin ah min neih i duhthu i sawi a, inthiamlohna emaw khawngaihna a nih chuan theihnghilh rawh, i khawngaihna ka mamawh lo, ka duhthu in ka hmangaih che a, ka duhthu bawkin ka bansan leh dawn che tihna a ni mai," Ka thinrimna thupin, pangai takin sawi chhuak parh mahila, ka kawchhung chu natna leh thinrimna in a khat



A hma zawnga a nupui ang a min en ngailo khan tunah nupui atan min duh amaw? Teuhlo lutuk....!



"Maya, naupang ho..." Ka kut ka vai thuak, chhuanlam atan naupang a hman hi chu ka rinsa a ni



"Lungngai suh, antan nu ka ni a, ka hlen bawk ang ; Mahse, nang leh kei erawh kan inkarah engmah a awm tawhlo, nilo, a awm ngailo zawk maw le, January thla ah high court ah inṭhen na kan thehlut dawn nia," Ti dam leh dapin, pensawn ka tum chu ka dar tawn tawn ah a rawn vuan a


"Zankhat thilthu ah engin nge thlak danglam che Malsawm, pangai takin kan inbe theilo em ni?" A aw chhuak zet chu, a na ve emaw ka ti dawn alawm



Mahse, he mihring hi ana lul lo ang...!


Min dawmna dah thlaksak pahin, "Nathan, kum 1 chhung teh meuh min duh theihnan ka theih tawp ka chhuah thei a , danglam tur pawhin zankhat lek chu a tawklo em ni?" Ka melh chho ralh ralh bawk



Thaw hrawiha a chhip sam tuai puatin, "engthil teh hrep nge i duh Malsawmdawng, i rawn let theihnan eng nge ti ila min duh?" A ti chhuak hrawih a, ka luhlul chhuah dan leh awmdan chu a kham takzet tih a hriat ngawih ngawih bawk




"Engmah itih angailo ka tih kha, min mamawh vang ni lovin, i fate'n NU an mamawh vanga i hnena let tura min duh ini tih ka hrelo turah i ngai a nih chuan mi â ka nilo Nathan, chuvang alwm i fate tan Nu ka ni ang ka tih ni, a bak a awmlo," Ti leh fak fak in, ka melh khai khai bawk a



"Ka thusawi a piang la kawi fo suh ka tih kha," Ti hrawihin, "eng nge i duh? Engthil in nge ti lungawi angche," Ṭah khum vak mai ka duh, a hrelo tak tak em ni? Amah hi a ni ka duh ni ; Mahse, a thleng ngai dawnlo tih ka hming ka hriat chian tlukin ka chiang tawh thung

"Mawh, eng nge ti ila i duh?" Ka chhan mailoh avangin thawp supin a rawn ti leh a, min rawn pan hnai hret bawk



Min hnaih lutuk hian thawk har ka ti ṭhin, ka thawk lak a buai fo ṭhin hi ka hua a ni



"Min ngên rawh..."



"Maw...?" Mak a tih hmel takzet. Ka nui saka


"Min ngên rawh Nathan..." Ka en chho vah bawk


Thaw haka nui sukin, "i â em ni Maya..."A sawi zawh rualin kalo nui hak thung, min ngên dawnlo tih ka hriat vang rêng a ni ka sawi ni


Dak vah a en chho in a âwm a ka kut ṭanga kawk deuh sawk sawkin, "Nathan ka duh ti hlawh tling turin i huaisen tawklo, he i thinglung a thu awm leh a duh zawng pawh zawm a, sawi chhuak ngamlo hian ka tan eng nge itih theih ang ni? I chapo a, i hma i sial em em bawk. Mahse, i chapo na rapbet tur erawhin huaisen na pakhat mah inei lo," Ti fak fak chuan ka tawlh hnung hret a



"Kan inkar hi eng nge a nih tih theihnghilh tawh suh angche," Tih leh kal pel nghal zat bawk, a din ngaiin ala ding reng tih ka hria, khawpui rawn ri zui dur dur in, ruah mal a rawn tla sap sap bawka, Nathan-a nen kan inkar thlengfai turin chunglam in ruah a rawn sur tir te pawh a ni mahna....!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:05 pm

MY TREASURE
By
Floria Laldansangi



Chapter < 27 >


MAYA...POV


Ruah sur ri leh thli thaw vûk vûk ri ah chuan ka muhil theilo, ni lo, pawnah kan mi anglo Old Lion-a la din tlat vang zawk maw le, ka mu chu ka inlet seka, thawh thuta ka chhuah ka hlau bawk si, tukverh lam chu ka melh leh ṭhin, "tunge luhlul chhuah thei thei" kanti hi a ni ringawt in ka hria...!


"Maya, Nathan-a saw ala ding reng a nia," Eunice-in kawngkhar tlem hawnga pawnlam a bih chu ka en vat a, a rawn chhuahlai reng reng ka lo hrelo.!


"Ding ang hmiang, 'ding rawh' ka ti pawh ni hleilo," Tih leh ka mutdan ka siam rem sat sat a



"Nikhaw hrelo in a tlu mai ang, darkar 2 dawnlai ruah a sur tawh hi," A rawn tih leh chuan thaw kala kawk a, khap fak fakin, "naupang chhia a ni tawhlo, patling, putar kum 40 pel tawh a nih saw, In a neia, car a nei bawk alawm, duh leh haw se a ni mai, mu rawh Eunice nangpawh," Ti leh hmiar hmiar chuan naupang ho puansin siamṭha sawt sawtin, mu lum nghal kakin ka mit ka chhing nghal hmiah bawk a, eng nge ka thinrim em em chhan pawh ka hre hrep lo e..!



Ka mut lah chu chhuaklo tak a ni, ka ngaihtuahna zawng zawng pawnlam ah awm miau hek i le..! Mahse, kava han chhuak awmlo tak, karkhat êm pawh ka luhlul kala chhuahlo a, hetiang zawnga min nawr khanglang ni...!


A chapo leh hmasial luat vang mai mai a a hnena let tur a min duh a ni tih ka chiang ve emai...! Ka lakah tlâwm zawk nih a duhloh vang mai mai a nih saw...!



"In hahthlak e, in luhlul dun si, in awm awm in awm teh u...." Tih leh kawngkhar kalh rak rak chuan room ah a lut lehnghal a, ka thaw chhuak hak thung


Muangchang a inbeng kângin Eunice-i room lam ka bih dek dek a, tukverh lam hawi leh vat chuan, "mawl lel lul lutuk mai," Ka ti chhuak sap bawk


Mu thla leh hnakin Bryson-an ka mutna a rawm dap da da chu nui datin ka kuah nghal sat sat bawk a



"Mamma, ila awm tiraw?" Men pawh a meng eihlo, a rawn ṭawng thâm ṭiak mai chu a biang a tawk zeuhin, a U te pahnih muhil thaw ri sek sek pawh chu en in, "ka awm reng dawn alawm," Ka phun sep bawk a


Ka thusawi phei chu a hre tawhlo tih hriat takin a thaw ri sek sek mai...!


Naupang kan bula thlamuang taka an muhil hmuh hian Nu tan chuan malsawmna chhiarsen loh an nih zia leh chakna hnar an nih zia a hriat viau in ka ring, ka hrin nilo mahse ka hmangaih a, engtin nge Nu hmangaihna a awm tih ka hre bik law ; Mahse, tuna heng naupang 3 ka venhim duh ang leh an nat ka hlauh ang te, an tan engkim ka tihsak duh ang te hi a ni ngei in ka ring Nu hmangaihna chu...!



Sana ka melh zauh a, zinglam dar 1:30 a.m a ri tawh, Nathan-a ala ding em ka hrelo, kalsawn tawh hrâmse ka ti ngawih ngawih. Diktak chuan, a mah vangin ka muhil thei biklo



Ka mutna aṭanga dimtê a tho in, kawngkhar pawh chu dimtê bawkin ka hawnga


Pawna a din ngaia la ding reng Lalhriatpuia ka hmuh chuan ka meng nghal kawk, rang lutuk a ka sira nihliap in khai chu ban rawk rawk in ka tlan chhuak nghal a



"Lalhriatpui, i â em ni? Thih i duh...." Ruah sur hum hum karah ka au phei tawn tawn na in, a bul ka thlen rual deuh thaw a min rawn bawh nghal ruai ruai maichu...! Ka nihliap paihin, Ka ṭawnglai ka tawp chiang teh e...!


"Nathan..." Ka sawi a, ruahlah chu zinglamah a sur nasa tulh tulh emaw tih tur a ni lehnghal



"I rawn chhuak dawnlo emaw ka ti a," A rawn phunsup, a aw chu a khur dar dar thei, a taksa pawh chu ti tho



"I mawl em ni? Kan inkawt ah hian thih i tun em ni?" Ka thinrim lutuk chu thin nawk nawk mai ka duh, ka hneh dêr bawk silo a


Nui nghawr datin, "a vawt," A rawn ti leh sup a, a rawn pen hnai chhat bawk, a hnungzanga chum ri awkin, "vawt angchu, ruahsur ah awm hek che," Ti vin hlar chungin, "inchhungah i pen lut thei ang tiraw," Tih leh ka'n kuah kal ve dawn a, a lian lutuk chu a bânpuar ka dara ka nghah rualin ka hniam sût theiin nia ka hriat ni...!


A rit zia chu a awih awmloh zawk, 6'3ft zên zawna sang kei hian ka kuah kal a nia, pet luh zawt zawt a nia ka duh zawk ni...! A mawl, luhlul lutuk hian minti thinrim hlur mai



"Room ah luhpui rawh, naupang ho karah hian ka mu mai ang," Inchhung kan luh rualin Eunice-in alo ti vat a, ka thawh a ringsa nge maw ni...? A hmelah chuan, "khati daih tawh tur alawm," Ti ni awm tak in minla en zui bawk a'h...!


Room a kuah lutin, "khumah ṭhu suh angche," Tih leh a sir a plastic chair chu ka ban ṭauh ṭauh a, ka taksa ringin a ding emaw tih turin a zawi bawk si, chhuatah hian ka theh thla tawp dawn maw ni...! Min tibuai em em lutuk



Plastic chair a ṭhut tir hnak chuan, "engtin nge ni dawn, i thawmhnaw hak tur ka nei hleinem," A khur beuh beuh a, a hmui te chu a duk dum vek bawk, ka khawngaih ve reng na in ka khawngaihlo lui, mawl man a hmu ni mai...!


"Towel te minpe phawtla," A hâ a in khawng ri bep bep bawk a, towel la in a lu hruk sak chuan, "i kawr hak kha phelh la, ka khumah sawn mu lum rawh, i kekawr pawh phelh angche, khum ti huh hlek suh, tuilum in tur ka rawn la ang," Tih leh towel a lu ah hnutchhiah in ka pen chhuak nghal a


Room ka chhuah rualin ka thaw nghal kawk kawk, a bul hnaia ka awm a Ka taksa za mer mer zel hi ka hrethiam lo takzet a ni


Choka ah lutin tuilum chu ka thli chhuak a, "i kawr kha thlak ve vat la, i hritlang ang," Kan room ka pan leh tur Eunice-in a rawn tih chuan ding datin ka kawr chu ka en a, ka huh zawr ve hman vek a ni tih reng reng ka lo hre chang tawhlo


"Umm, muhil tawh rawh," Tih leh room ah lutin Nathan-a khumah vawh tih hmel zet a mu kak a, blanket lo sin hlûn mai en chuan ka nuih a za thut lehnghal, engti zawng emaw takin, tar alamah a cute ka'n tih tlat chu le...!


"Nathan, Nathan, tuilum hi in rawh, i kawchhung a lum hma deuh ang," Ka sawi dat dat, a rawn rum deuh ṭiah ṭiah chu a chal ka dek a, a pang chu sa vawr vawr tak a ni



"I khua a sik tak tak a nih hi, tuilum hi in lawk rawh," Tih leh tung tho ṭiah ṭiah chuan no chu ka pe a, ka khum sira pawhdawh hawngin Panadol phawrh rak rakin, "hei ei rawh," Ka kuta damdawi en in, "ka ṭha mai ang," A aw chhuak pawh a ṭham deuh ṭuak a nia...!



"Ei mai maiteh a," Ti hlakin a kâ ah a hnawh in, ka hnawh luta, ala ner ang nung nung zuia


"Mu rawh, i ṭha vat mai ang," Tih leh pensawn ka tum chu ka kut a rawn chelh vata, ka phu deuh zuk thei, ka thawk lak a sa zui hat bawk, a hahthlak thei a nia...!

"khawnge kal itum?" Tuna a hmel landan chu a fapa te ho ang mai a ni, thawhsan hläu ang mai mitmeng de set set in min rawn en chho kar a, ka thawk lak anti sak nghal ringawt bawk a...!


Ka inthlak anga ka mu ve angchu," Tih leh min vawnna phelhsak ka tum chu hmer na salhin, "i rawn mu ve dawn em?" Eng nge maw a hriat le...?


"Dawnlo," Tih leh na zet a ka kut la letin ka in her zui zat bawka, a mitmeng leh a khawsik aw thâm ṭiak mai khan ka kawchhung thlengin min fan thei nia maw le...!

Ka lungphu zet te chu, rapthlak khawpin a rawn ranga, a rawn phu chhuak dâwn emaw tih mai turin a thum dut dutin a sa hat hat thei...!



Bathroom a tlan lut rawk rawk chuan ka âwm dawmin thaw ka'n la kawk kawk a, darthlalang a ka hmel lang chu en in, ka hmaisen tai hlar mai chu ka dawm vang vang a, ka nui zui sen sen bawk, ka hlimna ho ta sawt lutuk te chu a....!



Ka inthlak zo room ka luh leh chuan puan sin hlu hlu a minlo en in, "hetah rawn mu rawh," A tih chuan ka thaw chhuak hak a



"Mut dun chhan tur kan neilo," Tih leh Eunice-i mutna ah chuan ka lawnkai nghal zat bawk, ka khum lam ka hawi chuan Nathan-an min en kur avangin, bang lam hawiin kanin her zui hmak bawk a, a nui ri dut chu man min nghawr ve dat thei in ka hria


Eunice-i nen kan khum hi chhak leh thlangah kan hûnga, room a len loh avangin hlat erawh a in hlat viaulo, Nathan-a lah chuan min en a ni reng tih hriat takin ka taksa hi a za mer mer a, ka mu ṭang ṭûng mai ti ila a dik ber angchu



"Ka rawn insawn thei angem?" Rilruih mai a rawn tih chuan a ai nasa in ka khawng zawk


"Nathan, kan tualzawla thih tir che ka duhloh vanga hruailut che ka ni, a bak a awmlo," Tih leh puansin ṭha sat satin ka in khuh zui hmak bawka, a thaw ri hak chu ka hre hman hrâm bawk


Ka kâwngah engin nge min delh ka hrelo, a rit em em khawp a'h, ka nghawnglah chu min kuahbet tu awm ang maiin thawk a harsa bawk si


Boruak ka hip deuh kawka, ka meng zui kawk bawk, ka boruak hip rim dang lutuk chuan minti meng kawk a niber


Nathan-an nghet lutuk a min kuahbet a, a mal lianzet mai in min chepbet tlat a ni tih ka hriat rualin tal chhuah mai ka tum a, ka che hlei thei dêrlo




"Che che suh," Ti supin minla kuah nghet ang sauh sauh bawk a


"Minthlah rawh, thawh ka duh," Ti vin hlar chunga a âwm engmah inbel lo, sek ruh ṭal maiah chuan ka nam ve ṭang ṭang tak na in 1inch pawhin ka tawlh sawnlo



"Ala hma lo em ni," A mut chhuak aw sexy zia maichu...!


A rawn meng duar duar a, Lalpa...! Ka nem leh zo dawn..!



"Engvanga i mutna sawn nge inih? Eng ang...." Thinrim zet a ka tih laiin, "a vawt alawm mahni a mut chu," Ti awlsam et chuan a inla hrang a, "ala hmât êm hi eng nge tih i tum?" Min rawn melh zawk, a taksa in phiar fat mai chu en hreawm ka ti...! Nilo, hmuhnawm ka ti lutuk a, zing zingah ka lungphu a ti danglam nasa mah mah zawk maw le

"I hriat a ṭul lo," Tih leh hlaka, rang zeta tho in khum aṭang chuan ka zuang thla a, minla nui ang huk huk zui a, ka kuk fawk dawn maw ni...!



"Khawnge kan nihliap hi?" Zing dar 6 velah ka nu in kan nihliap neih chhun a lo zawn chuan hmai pawh phih lovin a sira ding chuan ka ṭhen deuh vaka, "morning," Ka ti sep chu ngaih oawh min ngaihsaklo


Nizan khan pawnlam ah ka theihnghilh daih, thli in a lênbo daih tawhin ka ring, Lalhriatpuia vang vek...!



"I hria em? Nizan pawn ala awm reng kha...!" Ka lu thing zauhin rang zetin bathroom ah ka luta, ka nui zui kur kur bawk, a nihliap rauh em em mai a ni tih ka lo theihnghilh a ni...!








NATHAN-A....POV



Room aṭanga hmai sen ṭawn ṭawn a tlân chhuak Malsawmi en zui chuan ka nui zui hawk hawk bawka, a duhawm tih chu hre tho mahila, khatiang em em khan a duhawm ang tih reng reng ka ring pha lo



Ka thawmhnaw khum mawnglam a in zar thlap mai en chuan kala nui reng tho, nizan khan engtik laiin nge alo tih fel ni?


Ka chhing leh sek a ni ngei ang, ka harh leh chuan ni a chhuak uar tawh, ka thawmhnaw pawh a zarna a lo in sawn daih tawh maw le


Khum aṭanga tho chhuakin ka hawi kuala, room tereuh te reh ruih mai, fel fai at mai chu en kualin ka kiai suk bawk a, ka kawr leh kekawr chu la in, tlemin la hnawm deuh mahse hak hreawm erawh a ni tawhlo



"Khawnge Malsawmi te?" Chaka ka luh rualin Malsawmi nu chaw lo ei chu ka be sup a


Min rawn melh zawk pahin, "i fate school kaltur in a thlah maw le," Ti deuh kher chuan, "engtia awmzel nge i tum? Ka fanu i hmangaihlo a, ṭhen i tum em ni? Nilo, inṭhen ula ka duh," A ti zawm leh hmiar hmiar chuan a hma a chair pawt chhuakin tui inchhawp chu ka thli chhuak a


"Nupui ah neih ka duh ka tih kha," Ti hul hakin tui chu ka in nghal khawlh khawlh bawk


Min huat hmel zeta min melh ram ram a thawh a tum uk chu, "ka...." Ka tawp deuh dat a, a mitah tak en chho in, "ka hmangaih a ni," Muangchang a a ṭhutna ah ṭhu letin uluk zeta min en chuan, "ka pasal, Malsawmi pa i that tih i hria em?" Ka thaw hak



"Ka hria alawm, chuvang alawm ka hmangaih ngamloh ni," Ka tih chuan, "i hmangaih tho a ni lawm ni?" A rawn ti ve zat a


Hmangaih e, tun mai nilo, a hma daih tawh aṭangin he hmeichhe naupang hi ka duh tawh tih ka hria a ni; Mahse, kei a pa thattu leh kum zawng pawha a let thawk a upa, fa nei tawh hi a tan ka in iai a tin ni...! Bryan te unau hi ka fa an nilo tih a hriat hun ala thleng anga, engtin nge a ngaih ang, ka fate an nih vanga enkawl a lo nih phei chuan....!



"Hmangaihloh ka tum a. Mahse, ka hmuh phakloh a a awma, min kalsan dawn a ni tih ka hriat khan ka hmangaih zia ka hre chhuak a ni. Pi Rem, i fanu hi min neihtir rawh, ka tiam a che, ka theihtawp ka chhuah ang tih," Nghet charh maiin ka ti chhuak. Ka ti ngei bawk ang, vawikhat pawh ka hlat ata ka awmtir tawh ngai dawnlo tih ka chiang a ni



"In pahnih inkar a ni a, sawi theih ka neilo, a nu mah ni ila, Maya-i chungah thil diklo tak ka ti a, chuvangin a pasal turah a thlang che a nih pawhin hnialna ka neilo. Nathan, i nupui a ni tawh tih ka sawi a nih chu; Mahse, Malsawmi luhlul zia i hria alawm, tih theih ka nei biklo," A ngawih deuh vang vang hnuah a rawn tih dap dap chuan ka thaw huai thei, min hua in min hauh hrep inring ran in ka awm a nia



"Lungngai suh, engpawh tih ngai dawnse a thinrim hi ka ti reh em em ang," Nghet charha ka tih leh chuan a nui ver ver a


"Mahse, Mizo dân ang taka nupui ah ineih ka duh a nia, a nî pawh ala dam ve a, palai pangai taka i rawn tirh pawh ka duh bawk," A tih leh chuan bu nghatin, "ka ti ngei ang, a man pawh ka pe ngei bawk ang, min ring rawh Pi Rem," Ka ti ngei dâwn a ni tih a hmu ngeiin ka ring


Engpawh, engpawh tih ngaise ka ta ah ka siam leh ngei dawn a ni, ni lo, ka ta tak tak ah maw le. Mahse, chu erawh thil awl a ni a ngem...?



"Nizan te khan i hmangaih thu chu sawi tur a nia, i sawi ka rin nen," Tho paha Pi Remi'n nui ruh ruh chunga a tih chuan ka nui ve suk a



"I hria alawm i fanu mizia chu, sawi pawh ni ila a awih dawn chuanglo tih, naupang vanga lemchang emaw ka hmangaih vang ni lovin, ka mamawh tak tak vang chauha sawiah min ngai dawn a ni tih chu," Ka tih chuan thleng sil rak rak pahin, "a ni ve tho mai, Maya-i hi chu a mizia hi a dang khawp a; Mahse, lungngai suh, ka fanu a nia ka hre chiang, chuti mai maiin a bansan dawnlo che. Mahse, tih lungawi erawh har tak a ni," A rawn tih chuan ka nui chhuak huk a



Ka wine company dinna tur ram ka leina putar ka hre chhuak zawk, an mizia a in an viau in ka ring....! Ka tehkhinber chu Putar a ni tih hriase a sa leh phat angchu maw le...!



MAYA...POV


Bryan leh Brayden-a school a ka thlahfel hnu ah Bryson-a nen Nathan-a inlam kan pan a, tlailam ah Bryson-a damdawiin ah ka hruai leh angaih dawn avangin school ka kaltir ta lo law law mai



"Maya, ilo haw ta maw? Pu pawh a rawn thleng chiah," Pi Siami'n hmel hmuh nuam zet maia minlo chhâwn na chu nuihlet in, "Bryson-a damdawi rawn ei tir ka tum maw le," Ka ti sep a



Coffee no kenga Faki choka aṭanga rawn chhuak chu lo en karin, "Faki tunge i pek dawn?" Min rawn melh zawk



"Pu Nathan-a," Pensawn a tum chu Bryson-a ka vawnna thlahin, "keiman ka pe thei. Bakah, Nathan-an coffee a in ngailo," Ka aw chhuakah a chungah ka lawmlo hle a ni tih a hre theiin ka ring


Pi Siami rawn ding hnai vatin, "ka duhlo a tih mawlh mawlh kha maw le, eng buaina nge maw i siam leh le?" A rawn hau sur sur chu en in, "Faki," Ka tawp data, hawi kualin Bryson-a ding ve ran en chuan, "Bry, i room ah lo han chho ta che?" Ka ti sep a


Bu nghatin a pensawn ve mai bawka, Bryson-a inchung chhoh hnuah, ka hmaa ding Faki en ran chuan, "nimin ah Bryan te unau bulah kan inṭhen tur thu i sawi tih ka hria a, engvanga sawi nge inih? I thusawi in naupang a nghawng nat theih zia i hria em?" Pi Siami'n min en kawk a


A tunu lam hawiin, "eng nge awmzia, i sawi tak tak em ni?" Faki rawn dak chhuakin, "ka fiamthu mai mai alawm, bakah i tlân tho a ni lawm ni?" Zâmna emaw inthiamlohna engmah hmuh tur a awmlo. Ka mit ka chhing sawk a



"Tun a chinah Faki i lei veng tawh angche, naupang tina thei tur zawng ṭawngkam an hriat ka duhlo, a chiang em?" Ti deuh fak fak chuan, "ka pasal pawh hi hnaihlo la ka duh, ka pasal a ni tih i theihnghilh palh ange," Tih leh no chu a kuta dah letin, "coffee pawh pek tum tawh suh angche, a in ngailo," Ka ti zui hrak a. Nathan-a hming a sawi ruala a mitmeng de sawr sawr kha kei mimawl pawh hian ka man thiam nghal thei



"A zialo hle mai Maya, ala naupang a, naupang at vangah min ngaihsak hrâm dawn nia, he in aṭanga chhuak tura min duh pawhin ka hnial hauhlo ang," Pi Siami zawk inthlahrung lutuk chuan "ka ti lutuk em ni" tih min ngaihtuah tir zawk



"A ngailo, i thiamloh a nilo, Faki kan inrual vel thuaka, nang aiin kum 3 bakin ka upa lo, chuvangin ṭhian anga awm theih ka duh ber, i hriat thiam ka ring," Tih leh nui seihin ka pensawn nghal a



"Min rawn zui rawh," Pi Siami'n a ti hriam hrak chu ka hre hman, Pi Siami tunu a ni tih pawh rin a harsa ṭhin, a changa a awmdan leh ṭawngkam hi chuan...!



Xxxxx Faki & Pi Siami Xxxxxxx


"Pu hi hnaih suh ka ti mawlh mawlh che a ni lawm ni? Faki vawikhat pawh buaina i siam leh a ni chuan keimah ngeiin ka pet chhuak angche," Pi Siami chuan a tunu chu a hau tan tan a


Faki lah chuan a coffee siam, Nathan-a hnaihnan a hman a tum chu tuidehna a leihbaw pahin, "a nupui diktak a nilo ka tih mawlh mawlh zawk kha maw le, ka beng ngei hian ka hria alawm, Pu Nathan-a hian nupui sawiloh hmeichhia ang pawhin a enlo," Ti let hlar chungin, "Pu Nathan-a fate'n an ngaina a, an nu tak tak emaw antia, Nathan-a hian a kawl mai mai a nih hi, ka pasal te chu ala ti zawk zamah a, zaklo lutuk mai," A tih leh tán tán rualin Pi Siami'n a dar leh hnungzanga beng zui zawt zawtin, "ngawi rawh, ngawi rawh ka tih kha," A ti zui hlawk hlawk bawk a



"Pi, ana, U Rama ang mai mai a nilo, Pu Nathan-a hi chu duh tak tak alawm maw le," Ti let leh hlar chungin a Pi in a chumna kut chu a paih sawk a



"Lalfakawm," Pi Siami'n ti ṭhatin choka pawnlam a en nghal vat bawk, inchunglam ah anla awm a ni tih a hriat in a thaw nghal huai a



Faki lam a pen hnaiin, kut zungchal sâi hlarh hlarh a kawkin, "nupui neilai nen a buaina i nei leh a nih chuan ka tunu ini tawh ngailo ang tih hria angche, inzawmna kan nei tawhlo ang," Pi Siami'n seh chilh deuh rap rap a tih leh Maya-in inchunglam aṭanga a auh lang langna chu chhangin, "ka rawn chho," Fakin melh hrawk pah a tih leh a pensawn nghal a


Faki chu ner nawng nawngin, "a pasal emaw nupa tak tak pawh an nilo a, a ho emai, Pu Nathan-an a duh a thlang angchu," Ti zui hrâm chuan choka chu a chhahsan ve nghal at at bawk a



<><><<>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:05 pm

MY TREASURE
By
Floria Laldansangi


Chapter < 28 >



MAYA...POV



"Maya, chhuah chu i tum tak tak em ni?" Pi Siami chu ka melh zawk a, air-bag ah ka thawmhnaw ṭhenkhat ka khung mawlh mawlh bawk


"Pi Siam....." Ka tih lai mekin, "khawnge kal i tum?" Aw thûm leh bung zet mai rawn chhuahna lam chu rang lutuk in kan hawi a


Kan lama rawn pen lut pawk pawkin ka bag chu phih thla sawkin, "Pi siam, Bryson-a kha lo zu chhukpui rawh," Ti nghutin min en ngur ngur bawk a


Pi Siami leh Bryson-a chhuah rualin, "ka bag kha minpe let rawh," In hauhpui ka peihlo tih ka aw chhuak ah chuan a hrethiam ngeiin ka ring



"I thawmhnaw nen hian khawiah nge kal i tum?" Ka dak chho a, a mitah tak en in, "khawiah nge kalse mintih Nathan, ka haw dawn maw le, he hna hi ka bânsan tih ka sawi kha," Tih leha a kut a bag chu ban mai ka tuma alo dahsawn vat thung


Rum zeta melh chho in, "eng nge i duh?" Ka zaidam reng thei tawh biklo, vin zet a tih leh ka melh chho ram ram bawk a




"Nangmah," Ti bul hlukin ka bag a ka thawmhnaw khung sa chu chhuata thing thla nawk nawkin, "hehi i In a ni bawk," A ti leh nghuta, ka huat tawk a tlingin minti sa nghal phat



"Eng ang ah nge min ngaiha? I duh huna hnawla, lak leh theih ah min ngai em ni? Bungrua ka nihloh hi," Ka thinrim lutuk chu ka khur chhuaklo chauh



"Mamma...." Bryson-a aw ka hriat rualin Kawngkhar lam ka hawi nghal vat bawk a, ka thawk lak rang lutuk chu thaw kawk kawk a mit chhing sawkin, Bryson-a chu nui hmel hmuh luih ngial ka tum a, kala harsat hret a ni



"Nute Jamie-i alo kal tawh," Ban chapa a tih chuan thaw kawkin, "umm," Tih leh ngawi runa ka bula ding Nathan-a chu melh vakin, "kalrawh," Tih leh chhuata ka kawr tla darh nuaih chu u melh zawkin ka pensawn nghal a



Inhnuai kan pan laiin, "min bazaar pui rawh ka ti dawn a, Bryson-a pawh alo tirh ve theih tawh tak tak a nih hi, behbuh mai," A tih zawm duah chuan nui lui zetin, "behbuh tih kher a ngailo, a fel tawh nak alaiin, a reng rengin eng nge lei tur ineih?" Sofa lam panin ka ṭhu thla a, Nunhlima lo ṭhu ve run chu ka en haw bawk


"Man sawi huna hak tur, takan a, Nunhlima leh Opa hi ṭhian an ni tih i hre tawh em? Keipawhin ka hriatna ala reilo a nia," A tih chuan ka lu ka thing ringawt a


"Ka hre hauhlo," Ka tih sep chuan Nunhlima rawn nui hukin, "hre turin ka ṭhiante chanchin min zawt ngailo êm alawm," A mitko a san ak bawk a, nui ve hak chuan, "nia tiraw, bakah naupang sên zual lai kha a nia," Ka ti ve mai bawk, ka ṭawng danah chuan nausen pawmlai sawi ve ka ang takzet


kan nih chhung khan a ṭhian te hriat a mang ka neilo tak tak, min hmel hriat tir ve ho lah kha an changkang in keini va pawh ngam ni heklo î....!



"Engtik nge man hlan chu in rel thluk tak?" Jamie-i chu ka en a, Nathan-a rawn ding ve nghal run mai chu melh zawkin, "zanin hian an rel fel ka ring, rei nghak thei kan ni tawh silo a; Bakah, keini lam aiin Opa nu leh pa te zawk hi an hmanhmawh a," Nui ruh ruh chunga a tih chuan ner nungin, "mo kawr pawh i ha thei nang," A bu nghat a, "chuvang a nia, man hlan ni a chaw ei khawm a, lawm kan rawt ni, kawr vel en ho ila ka tia," A tih leh chuan ka bu nghat a



Nathan-a ding ve run chuan minti ṭang ṭûng lehnghal. Mahse, ka haider lui ve tlat thung


"Maya, thingpui ka rawn siam dawn em ni? Lunch ei pawh a hun dawn alawm," Pi Siami'n a rawn tih chuan en vatin, "a ngai...." Ka ti hman ṭawk, "lo siam rawh, ka ril a ṭam alawm, French toast min siansak teh a Mal, ka ei chak e..." A mitmeng anti nur kual velah, he inchhung ah hi chuan ka che peih vak rihlo a sin le...!


"Nichin lawkah thil i ei zo chiah si a," Opa chuan Jamie-i en deuh hâ a a tih chuan ner nungin, "Keimah chauhin ka ei hleinem, i fa pawh hian a ei alawm," A tih deuh hlar chuan kan nui huk hlawm a, "ihhh, junior-a ka lo theihnghilh a ni," Op-an fiamthu a a tih chuan Jamie-i in a mal a chum taihin, "ka neih chhan tur che a nih, theihnghilh suh," A tih chuan za zetin kan nui hlawma, henu mizia hi chu aw..! Ka Mizia mah tih tawh nak alaiin, kan â dun lutuk te hi kan inkawm ngeih em em chhan ni in ka hre ta



Nathan-a la ding ngur chu awmlo ang maiin kan nui ho a, min en run run tih ka hre thei, min veng emaw tih mai tur a ni



"Ka siam te ei ve hrim hrim la, ilo ngaina mial maithei a sin," Pi Siami'n a rawn tih chuan ka ṭhutna aṭanga tho pahin, "rai no kan neih chhun a nih hi, keiman ka siam mai ang, kitchen hi ka hmang thei angchu tiraw?" Ti deuh ngat chuan Nathan-a chu ka melh ngat a, alo rum nghut thung, ka awmdan chu ngeiawm a ti ve viau in ka ring


"Ehe, hei chu Doctor Nunhlima ini tiraw? IG ah i pic ka hmu a, U Maya-i bialpa hlui ini tih ka hre chiah bawk, in thlalak Mizo Cute Couple an post ṭhin na ah khan ka hmu che u a," Faki'n a rawn tih deuh zat zat chuan kan lo en haw hlawm a


Nuisanga min rawn en in, "U Maya, i bialpa hlui i nei chhelo ngawt mai, doctor ala ni zui bawka, ti hian ṭhian inni leh thei bawk a nia, tiraw Pu Nathan?" A ti zui leh zat zat bawk a. Ka kek zawt dawn maw ni?


"Lalfakawm," Pi Siami'n a rawn ti vat chu nui lui zet a Faki en chuan, "inṭhen vanga inhuat tir tih ziak a awm chuang hleinem, puitling kan ni tawha, nunhlui leh tunhun kan thliar thiam alawm. Bakah, i inrawlh lohna turah inrawlh tum suh, mi sahuatlai tawhfuh hi a hlauhawm a nia," Tih leh choka lam ka pan zui zat bawk a, Jamie-i nui ri kur kur chu ka hre hman




"Maya, pawi ka ti hle mai, khatiang kha a ni ngailo a sin maw le," Pi Siami'n a rawn tih deuh vawng vawng chuan bread la chhuak pahin, "a ho lutuk," Ka ti sep a, ka ninchin ah "de" pawh ti ngam tawhlo tur a siam a ni mai...! Ka zaidam zawk zawklo a ni tih ala hre chho dawn alawm, eng nge a tum tih leh eng nge a duh tih ka hre chiang mah mah



"Kum 3 anih hian a nu leh pa hian an boral san a, nu leh pa neilo chu a duh a piang tihsak theih hi ka tum ve a, tunah zawng ka thunun thei meuh tawhlo chu a nih hi," Pi Siami hmel chu natna in a khat


Nuisang in, "i inthlahrung a nih kha, heihi ilo chawk dawn em ni?" Ka tih zawm zat a, tunah rih chuan Faki chanchin sawiin, thupha chawisak tum viau mahse ka ngaithla peihlo, ka sual ve hrim hrim tih ka hria; Mahse, ṭawngkam ṭha pawhin ka fakdêr peih thlawtlo ni tehse




"Pi Siam, min lova chhuahsan teh," Nathan-a aw ka hriat chuan ka ṭang nghal at a, ka thingpui fê chhuan so bawrh bawrh chu no-puiah ka thli chhuak a, ka lam a rawn pan tih ka taksa danglam ah hian ka hre thei bawk


"Engvanga he in chhuahsan chak em em hi nge inih? Saw doctor intern nen sawn in inzui leh tih sawi miah suh Malsawm," Ka thil tihlai chu ka tawp dat a


Rum mang khenga melh chho in, "letleh pawh ni ila eng nge buaina tur ineih Nathan? " Chang fal mai a ka tih chuan min rawn din hnaih salh a, no ka ken avangin ka thlauh hlau zetin, "min rawn hnaih suh," Ka ti zat bawk


"Ka ta ini, a chiang em?" Za lo zetin ka nui lui hak a, "nawhchi zuar ka nilo," Ti nghatin, ka thiltih lai tih zawm leh ka tum chu ka kut ah a rawn phih sawk a, ka no ken lai chu chhuat ah tla keh rum rumin ka mit ka chhing sawk sawk bawk



Ka dar tawn tawn a rawn hmer chuan, "i nihloh vang alawm ka sawi ni, Malsawmdawngzel pasal nei tawh ini tih theihnghilh suh," A aw chhuak chu mar tak a ni, chem nise a hriam viau ang...!



"Min thlah rawh," Ka ti let tuar a, tal chhuah tum in ka tal ve phat phat bawk


Choka ah an rawn dak ṭhap chu, "chhuak vek rawh," Ti hrawkin, mit sen râm a min rawn en leh chuan, mittui tla lek lek in ka lo melh let a, "eng nge i duh? Ka lak aṭang hian eng nge ila duh? I nupui ka nih i pawm ngailo a, i unaunu lakah tunge ka nih i sawi ngamlo heklo, i tan hian eng mge ka nih chiahni Nathan? Chhiahhlawh, nge ni a, i duh huna fawh a, thimtham a i hmei ni turin minduh zawk?" Ka mittui tla tur chu ka khap let sak sak, ka dinhmun leh ka nihna ni awm a ka ngaih chuan minti na vawng vawng



"Ka nupui ini," Harsa tih hmel zeta a rawn tih chuan ka ṭah nuih hak a, "i sawilai kha a hnaih laiber a ni, engvanga hetiang a awm hi nge inih a, i nupui a min ngaita thut nge inih tih i hre chiangber alawm, tlawm i duhloh vang chauh a nih kha, hun a ral anga a reh ve mai ang," Ka thawk lak harsat zia chu, ka lungphu zawn lah chu ana thîp vawng vawng bawk



"A ni hauhlo," A tawp data, min vawnna thlah dul riai riai in, mit a chhing sawka, rawn meng lehin, a mit la sen râm mahse nichin a alh phut ang kha a awm tawhlo, ka mit ah tak rawn en chuan, "ka hmangaih che, Malsawmdawng ka hmangaih che a ni," Rilruih mai a rawn tih chhuah chuan ka khawng at thei, ka thaw ka hip let kawk bawk



Ka thaw tawhlo hrim hrim zawk maw le, ka lungphu lah chu khuang vuak ran laileng ang maiin a thup dup dup bawk a


"I buaina a nih chu Nathan, ka buaina a ni tawhlo," Ti chhuak sapin ka inhera, choka ka chhuahsan chu Jamie-in mak ti fe a minlo en in, "eng nge awmzia?" Tih en in min en a ni mah zawk



"Pawnah ei chhuak mai ang u," Ka ti sep chu, "ni e, tirawh Babe, kal ang," Op-an alo ti vat chu Nunhlima nui sukin, "kal rawh u," A ti ve sup bawk a


Bryson-a Nunhlima'n a pawmlai chu ban ka tum a, "kalrawh, ka pawm thei," Tih leh chuan Jamie-in min kai chhuak nghal dat dat a


Nathan-a chu choka ah ala ding reng tih ka hria, a mitmeng ah khan dawt a sawi em tih ka hrethiamlo, min hmangaih a ni tih rin tur a ni em tih lah ka hrethiamlo hlei hlei ; Mahse, zep rual lohin ka thinlung kil khatah hian ka nui tih erawh ka hre thung



"Nathan-an a hmangaih che maw?" Jamie-in car a kan ṭhutluh ruala a rawn tih chuan ka ṭhensak a, "thu lawmawm a ni lawm ni Maya?" Rawn tih zawm zatin ka lam a rawn hawi chu thaw ka la kawk a, thaw chhuak leh ham ham in, "min hmangaih ni in i hria em ni?" Ka melh ralh



A hmui ti pawrh tarhin, "ummmhhh, dawt sawiloh chuan a hmangaih che ka ring," Jamie-i chu ka en vat a, nui sûng in, "ngaihtuah la, Nathan-a te ang mipa, chapo leh mahni in duhtawk bawk si, hmasial bawk si tan 'ka hmangaih che' tih thumal kha sawi chhuah a harsa dawn a nia," A tih duah chuan ka ner nawk ringawt thung a


Ni e, mahni hmasial tak a ni a, tu in nge lem a chang a ni tih hria ang ni...?

.
.
.



Damdawiin kan thlen chuan, "lunch lova ei ula, Bryson-a hi doctor ka hmuhpui lawk anga min rawn lam leh mai dawn nia," Car aṭanga chhuah ka tum chu, "Bryson-a pawh a ril a ṭam angchu, kan lo nghak angche u," Op-an alo ti vat a, "ni e, ka zui ve dawn nia Bae?" Op-an darthlalang aṭanga rawn melh in a bu nghat a



"Bryson kalrawh le," Nunhlima mal chungah ala ṭhu ve ran mai, an tet deuhlai aṭangin Nunhlima hi chu an ngaina ve hrim hrim a, inhmu khat viau mahse ala hre ve a nih ka ring



Damdawiin kan luh rualin, "inlo kal ta maw?" Nuisânga Dr. Sawma minlo biakna chu nuihlet in, "nia maw le, nizan a riak duhlo tih ka lo hria a," Ka tih chuan nui hak hakin, "ka office ah kan inzui dawn em ni? Bryson-an a duhlo pawh a nilo, a harh rualin inpa khan a rawn chhuahpui a, vawiinah i rawn kalpui tur thu a sawi khan ka remti ta mai a nih kha," A tih chuan makti fe in Doctor chu ka en a



Nizan khan Bryson-a khan damdawiin awm a duhloh thu a sawi si a, Nathan-a hian dawt a sawi tir a ni maw..!



"Bry, nizanah khan damdawiin awm i duhloh thu insawi si a," Ka kaihlai chu ka melh chhuk zauh a, "daddy khan i bulah kan kal dawn a ti lawm," A rawn tih lang lang chuan ka thaw hak a, Jamie-i rawn nui ar ar in, "chhuanlam tur a hre hle mai," Min rawn melh ralh a, ka lo nui ve hak tho, a mize ngeng lutuk nen Bryson-a chhuanlam ah a hmang tih hriat chu a in mil lo lek lek zawk



NATHAN-A....POV


Malsawmi min chhan dan chuan min ṭhawng takzet, ka rinloh dan tawpin min chhang a ni, a rilru khauh lutuk a nêm phah ka ring kha a nia....! ka ner sawk a


"Pu Nathan," Faki rawn lut chu melh hrawkin, "ka hriat ah kha doctor hming kha lam ri tawh suh angche," Hriam hrak a tih leh choka aṭanga chhuakin car tlan chhuak chiah chu ka melh zawk a, in seh ruh zetin inchung lamah in her vutin ka pen chho nghal pawk pawk bawk


Lehkhabu chhiarna room a lutin cupboard a ka zu dah chu phawrh rawk rawkin ka thli chhuak a, ka tlak zui pap bawk, ka hrawk sa thla vawng vawngin, ka kawchhung ah a sa lut pup bawk a, thaw chhuak ham ham in, ka nui ri suk bawk



Kha hmeichhe luhlul lutuk kha engtin nge a hma angin ka siam leh theih ang...? A mitmeng a min hmangaihna te, min thlakhlelhna te kha hmuh leh ngei ka duh a ni



"Pu Nathan," Chair ah ka ṭhu thla hnaka, Faki kawngkhar a rawn dak de de chu thaw sa ham ham in, a rawn pen lut chu ka en a, whisky bawk chu thli chhuakin ka lem leh pap bawk


"Eng nge i duh Faki?" Hriam hraka ka tih chuan nuisang in, "i thinrim tihreh pui che ka duh mai chauh a nia," Ka nui huk a, "chhuak rawh," Bul zeta ka tih chuan dawhkan rawn kal hnaihin, "ka naupang tih ka hria; Mahse, mipa khawhar tak hnem dan ka thiam a nia, i inchhir hauhlo ang," Dawhkan chu a rawn nem a


Ka no kenlai dah ri khapin, "chhuakla, i hmel ka hmuhah rawn inlan tawh suh angche," Nersawk chunga ka tih chuan thaw hakin a ding ngila, "mipa dang nen a chhuahsan che kha le...." A tih rualin no chu ka vawn keh chuai, a rak ṭhat bawk



Mit thîp râm a, thaw ri hrawih hrawih a en in, ka ha pui ka seh ri bap bap bawk a, min hläu tih hriat lutuk a ding zum zuihin, "ka.. Ka tihpalh," Ti bah nawk nawk chuan a tlan chhuak nghal chawn chawn bawk



Thinrim zetin ka whisky ngainat em em mai The Dalmore chu la kângin a ka kâ ah a birhin ka brih pawp pawp a, ka kawchhung chu sa ham ham tak a ni, ka in zawh meuh chuan chawpchilhin che tur ka awmlo nghal, ka bân pawh dahsawn turin chakna ka nei tawhlo zawk...!




MAYA...POV


"Mamma ka haw duh tawh e..!" Bryson-a ṭap teuh lutuk chu ka khawngaih tawh, nilengin kan vak a, Lalramnghaki lah hian a duhzawng a hmu thei dêrlo lehnghal...!



"Jamie, naktuk lamah kan enkual leh mai dawn em? Dar 6 a ri dawn a nia," Ka tih chuan a thaw hak a


"Ni e Babe, Bryson-a pawh khawngaih thlak lawm le," Opa pawh chuan a ning ve deuh tawh a niang, Nunhlima chu a lo nui sun sun a, a kawr duh zawng hmu theilo min vahpui hrep a, naupang kaih ve zel ngai nen a chauh thlak mah mah a ni, a ril lah chu a ṭam zing ber ber ah a ṭang bawk si...!


"Lawk.. Heihi a design tidanglam deuhin inṭhui thei a ngem?" A duh zawng a hmu ta a niang a hmel landan a dang ta emai


"I duhang sawila, kanlo ti dawn nia," Dawr nghaktu in a tih chuan nui var varin a sawi nghal zat zat bawk a, "Maya, inteh tir lawk rawh," Tih leh amah pawh chu dingin a inteh nghal a



Diktak chuan ka ke artui kham lutuk hi reilo te din pawh harsa ka ti, mut hnawk ka chakber

Measure an lak zawh rualin, "kal ang u, kal ang u," Ka ti nghal vat vat chu rawn nui awr awr in, "dinner kan ei phawt angchu," Jamie-in a rawn tih chuan, "kan ril pawh a ṭamlo, bawihte i ril a ṭam em?" Mit khap chuap chuapin a lu a lo thing mat mat a


A chau in a mut a chhuak tih alang reng, a ding mai mai pawh a muthlu lo chauh a ni



"A nih Bae kei chu Beef steak ei ka chak e, kan ei dawn em ni? Nunhlima a awm tho a a thlah thei alawm, a ṭha mai em Maya?" Ka bu nghat a, a thil ei nghak leh turin chakna ka nei tawhlo hrim hrim



"Chutiang chuan ti mai ang u," Nunhlima pawh chuan a lo ti ve vat bawk a, "minva nin hmel tak," Jamie-in a tih chuan ka nui hak hlawm, vawiin atan chuan kan ning ni mai tehse


kan inthlah fel hnu ah Nunhlima car dahna lam kan pan mek laiin ka phone a rawn ri ral ral a, "Mamma, inlo haw ṭep tawh em? Daddy hi a rim chhe lutuk a, U faki'n mutna ah mit tir a tum a," Bryan-a a rawn au nghal lang lang


"Bryan, i pa chu a rui em ni?" Tih leh car ah ka ṭhu lut a


"Aw rui e, chuan a rim chhe rap mai," Brayden-an a rawn ti ve lang lang bawk a, thaw hakin, "Nunhlim, Nathan-a in lamah min dah mai dawn em ni?" Ti sapin, "Bryan, i pa bulah lo han awm rawh u, i U feki khan chhuak tura a tih che u pawhin awm tlat angche u," Tih leh ka off zui nghal a


Nunhlima chu rawn nui hakin, "Love rival inei hnai vai hle mai," Nui huk huk chunga a tih chuan za lo zeta nuiin, "Rival tih tur pawh a nia mawni le?" Ka tih chuan min rawn en zawkin, "kha bak bak kha le, chuan ka rin aiin i nun rawng aw..!" A rawn tih chuan za zetin ka nui chhuak a


"Pure Evil antih ang chauh kha lawm ka nih," Ka tih leh chuan a rawn nui chhuak ve hawk hawk a, ka duhlohna ah hi chuan nekluih hi harsa deuh mai hi ka nia



Ka pa damlai khan a sawi ṭhin, "chawngthu hmeichhe ho hi chu an zaidam in, an dawh theina vang vang na in, 'a tawk' an tih chinah chuan hlauh hi an nei tawh lemlo, an duhlohna ah pawh kan nasa, nunnêm deuh hian an nunrawng thei teh a nia," Tia fiamthu a thawh ṭhin kha ka hre chhuak rum rum mai, keimah ah hian a chiang viau in ka hre bawk


Gate bula ding datin, "kan lawm lutuk e," Chhuah paha ka tih chuan alam ka hawi a, min rawn nuih var var in, "Nathan-a ti thinrim leh tur hrim hrimin vawikhat nâ na na chu ka rawn lenchilh leh angche, muttui ule," A tih chuan ka nui ve hak a, "muttui le," Tih leh inherin gate ah chuan Bryson-a kaiin kan penlut nghal a



Inchhung kan luh rualin, "Mamma, Daddy khi a mu duhlo reng reng," Bryan leh Brayden-an min rawn pan vat


"Au Faki'n a mut tir tawh kha," Bryan-an a rawn ti ve zat bawk a, inchunglam melh zauhin


"Khawnge i Pi," Pi Siami hmel ka zawng a ka hmu mailo


"Au Muani nen an awmlo," Brayden-an a tih chuan, "Bryan, i nau a ha hi lo nawhpui la, room ah lo va awm rawh u," Tih leh ka bag ah chu sofa ah theh in inchunglam ah ka chho nghal a

Room kawngkhar chu hawn mai ka tuma chhunglamah a in kalh tlat lehnghal....!



"Faki kawngkhar hi hawng rawh," Ka chum dawt dawt, "Faki, chahbi nen a ka hawn hma in kawngkhar hi hawng rawh," Ka ṭawng ka seh chilh nawk nawk mai, heti em em hian a ngampa ang tih ngaihna ka hrelo hrim hrim


5mins hnu velah kawngkhar rawn in hawng ri rakin towel thinbih chunga nuisânga min en tu Faki chu ka en kalh a



Khuma mu engmah hrelo Nathan-a melh zawkin, ka in rinhma in Faki chhip sam a phih sawkin Nathan-a lamah chuan ka hnuk kal a


Kei aiin a sâng hret; Mahse, min sual let dawna a duh aiin ka chak tih a hria a niang chu, a rak tuar tuar ringawt


"Lalhriatpui harh rawh, Lalhriatpui," Ti tuar tuarin Faki chu chhuah ah ka phih thla nawk a, "i thawmhnaw bawlhhlawh lutuk hi la in chhuak rawh, chuan he inchhung lam hawi pawh hian rawn nui tawh suh angche," Ka thinrim lutuk chu ka aw chhuak thlengin a khur thei



Faki hmaisen ṭan mai leh mittui tling pam a rawn dak chhuakin a sam hnawk zet chu a tuai mam a, "i pasal pawh a nilo a, sex pawh ala hmanpui heklo che ; Mahse, kei erawh...." Dak vaha min en chunga a tih laiin, "chhiahhlawh mai ini," Chang fal mai a ka tih chuan a hmel chu a inthlak nghal rawk rawk thei


"Chhiahhlawh ka nilo," Ti tuarin a rawn ding chhuakin a kut a lek kâng va chu cho zet a ka hmai dawha nui lui hakin, "he in a chhiahhlawh a awm, rawn chhawmluh ve mai ini, a nupui ka nilo a maw?" Tih leh thle bakin Nathan bula ṭhu thla in, "Lalhriatpui, nupui i nei em?" Kam tep chuap chuapa rawn nui vur vurin, "Malsawmdawngzel ka nupui ini," Fiahlo zeta a rawn tih chuan Faki chu ka melh ralh a


"Kawngkhar awmna i hriat kha, chhuak rawh, a hma a i ngaihzawng... Ohhh, mi pawmlai i ngaihzawn nupui ang mai mai kha ka nilo Faki, Nathan-a mah ka in hmangaih tir theiha, ka pasal a ka siam theih chuan nang ang hmeichhe lepchiah lutuk mai mai dahṭha turin ka kut ka tihberh a ngailo," Tih leh a thawmhnaw chhuata tla chu chharin ka ner khum sawk a


Alam a vawmin, "i Pi erawh ka chhuah tir dawn em tih ka lo ngaihtuah ang, nang erawh zanin ngeiah he in hi chhuahsan angche," A tawp lam chu chang tak a ni, ka khawih leh mailoh nan ka in hum ruh ngar ngar bawk



Thinrim insawh nghawng nghawng chunga a inher chu, "i ta nilo khawih tum tawh suh angche, a bikin ka mipa, hmeichhe dang, i hma chhawn ṭhin ang ka nilo a nia," Ka tih leh ngat chuan rum zeta min rawn en in, in her vawhin a pen chhuak nghawng nghawng bawk a



Kawngkhar na zet a rawn khar ri bur in, ka thaw chhuak kawk bawk, tep chuap chuap a mu ṭha sat sat mai Nathan-a en chuan, na lutuk in ka chum zui pawp pawp a


Ka thinrimna chu a chungah ka leihbua a niber, a thamloh vek ni hek maw le, nikhua lo lutuk mai...!



<>~>~>~>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:05 pm

MY TREASURE
By
Floria Laldansangi



Chapter < 29 >



~ MAYA...POV ~


Thinrim zeta chum let ka tum chu ka bânrek ah rawn man chatin, "na ka ti ve thei tho a," Ti supa a rawn men chuan phawk lutuk in ka en kawk a


"I ruilo amaw?" Mâk ka ti lutuk chu a nuih a za tih hriat tak a nui sukin, "rui e," Tih leh mawi lutuk in a vei nuih suk bawk a, a in tih chu a hriat a lawm, whisky rim a nam ham ham mai


"I harh a nih chuan engvanga menglo nge inih? Faki kha mutpui i tum tak tak tihna em ni?" Thinrim leh lungawilo lutuk a a ka tih leh chuan nui ri hukin, "muhil der tlatlo ila i mipa ka nih thu ka hre nang," Awlsam zet a a tih fel et chuan, chum leh awk a thawh ka tum chu, rang lutuk in ka kawngah rawn kuatbetin, min pawt leh hnawk a



"Min ngaidam thei tawh mailo em ni?" Thawp supa a tih leh chuan tal chhuah tumin ka tal ve phat phat a, "a teuhlo, ngaihdam chhan tur che ka nei hleinem," Ka sawi zawh rual a min kuai mu nawk chuan ka chungah rang lutuk in a lawn kai zui zat bawk a


Ka kut chu ka lu zawnah a hmerbet zui zat bawk, tal phatin, "chhuk rawh, naupang an rawn lut ang," Ti hlar chuan ka theih tawpin tal ve vut vut bawk a


"Lo lut ang hmiang, min ngaidam dawn em?" Ti leh hluk chuan mit zîmsan in min en a, thaw la kawk in a mit ah tak en chungin, "eng nge i tihsual? Ngaihdam i ngaih chhan sawi phawt ta che maw le," A kiai suk a, ka luhlul a tih hmel takzet bawk



Mawi lutuk a vei nuih sukin, a hmui hnuailam a pet zeuh bawk a, "a vaiin," A ti sup chuan melh ram ram pahin, "i tihsual pawh i hriatloh chuan engtin nge ka ngaihdam theih angche ni?" Tih leh tal deuh phatin, "chhuk rawh, zan a tlai dawn haw ka duh," Ka ti leh nghal hlar chuan a hnar a tum dat a



"Bawihi, luhlul chhuah tawhlo teh, ka thiamdan leh rem hriatna zawng zawng hmangin tih lungawi che ka tum tawh hi," A tih deuh hap chuan ka khawng nghal at thei, "Bawihi" a tih lai a aw rilruih mai khan min fan rawih rawih lutuk, ka lungphu lah chu a phut rualin a sa hat hat bawk a


Ka hmai chu a tai tukin nia ka rin, ka lungphu rang lutuk a vang a thawk lak harsa zet chuan ka melh chho a, a hmel nur nang mai chu Jamie-in, "tar cute," a tih ang chi kha ni in ka hria, ka nuih mailohnan leh ka lungphu rang lutuk a hriatloh nan a ka insum nasat zia chu rapthlak tak a ni...!


"I theihtawp chhuahdan chu, ruih der leh naupang hmanga min bum maw?" A rawn nui chhuak huk a, "ka bum hleinem che, team work alawm," A tih chuan kalo melh ram ram thung, nizan ah Bryson-a a rawn hmang tawh bawk a, tunah Bryan, engtin nge a pa thusawi an awih ve zel theih pawh hi ka hre neklo e a...!


"Chhuk tawh teh," Ka tih rualin, "teuhlo," Tih leh ka hmuiah a rawn fawp zauh a, phawk fe a en in, "Nathan..." Ka aw zet chu...! Boruak ah a tham ral ta emaw ni...?


"Engtik ah mah ka thlah tawh dawnlo che, engtik ah mah...!" Mit zîmsan a, rilruih mai a min en chunga, nghet charh mai a a tih chuan ka thaw em pawh ka hre tawhlo, ka chil ka lem khalh a


Muangchanga rawn kûn hniama ka hmui a fawh a tum chu, min dai lek lek tawh tih ah ka thle sawn thut chu, a thaw chhuak hak a, "Bawihi.." A thawk lak rang ta em em chu ka hre thei


"Ka ngaidam che kala tihloh kha," Tih leh, "ka ngaidam mai mai dawn heklo che, i awmdan a zir a ni ang," Thutak zet a ka tih chuan, nuihza tih hriat taka nui huk huk chungin, "anih chuan zanin aṭangin min ngaihdam vat theihnan hma ka lak a ngai dawn a nih chu," Tih leh a rawn kûn hniam lehnghal a, "i rim chhia," Lo ti hlar in nui zui ar ar chuan ka tal lehnghal phat phat bawk



"Daddy, eng nge khatah khan itih?" Rang lutuk in kawngkhar lam ka hawi nghal a, Nathan-a lah chu ka chung aṭangin chhuk ala tum dêrlo tih hriat takin kawngkhar lam hawi chuan, "zanin aṭangin Mamma hi ka bulah a mu tawh ang, in unau in in mu tawh dawn tihna a nih chu," Tih leh min rawn en in a nui zui suk a



"Mahse, kan bulah a mut dawn kha," Brayden-an alo ti ve vat bawk a, an unau thuma khum rawn pan chu Nathan-a melh vakin, "chhuk tawh rawh," Ka ti ve tak na in min ngaithla dêrlo lehnghal


"In tlangval tawh alawm, mahni a mu rual in ni tawh," A tih zawh rualin, "nang pawh Daddy inih tawh kha," Bryson-an a lo ti khauh chu ka insum hmanlo ka nui chhuak hawk a



Nathan-a pawh chu a nui ve huk huk tho, kawngkhar rawn in kik rik tak kharh kharh ah chuan, "chhuk teh," Ka ti leh a, ka sir a let thla tapin ka thawhsan hlau ni âwmtak in nghet zetin min kuahbet nghal sat sat bawk a, a bân puar a lo beng taihin, "awm ṭha rawh," Ka thusawi te chu hrelo ang maiin, "lo lut rawh," Ala ti ang deuh deuh a



Kawngkhar in hawn rualin, "Nathan, Maya, ka be lawk thei angcheu ngem?" Pi Siami mit sen râm chu room eng uar hnuai ah chuan lang chiang tak a ni, Faki vang khan a ṭap chu a ni ëm lo maw...?



Nathan-a ka melh zawk a, "kan rawn chhuk dawn nia," Nathan-an a a tih sup chuan nuamlo ka ti leh hnuhnawh viau mai, lo kehloh tawp tur a nia...!



"Bryan, i nau te kha hruaiin mu tawh rawh u," Nathan-an ṭhu chhuak paha a tih chuan an ner deuh nang nang a, "mahse, Mamma...." Brayden-an a tih leh rualin, "thu in awihlih chuan Mamma hi a riakbo leh daih ang," Nathan-an a tih chuan nui khur dar dar in, "i hriat tur zawk a nih chu a," Tih leh, "lo zu mu rawh u Bryan, naktuk school kal in ngaih kha," Ka tih chuan an lungawi vaklo na in Nathan-an a en ve run avangin in herin an unau chuan an chhuak hnak hnak a




"Pi Siami chu zu be rawh," Nathan-a chu ka en vat, "a awihawmloh e..! I hnathawk te alawm an nih," Ka ti nghal vat bawk a



Ka nu aiin kum tam fe in a upa a, engtia alak a sawitur nge ka hrelo a ni; Bakah, a rilru ka tihnat ka hlau, ka rilru a awm ang ka sawilo thei ṭhin silo a, dawt a han phatmawi kha ka thiam dawn dêr mai silo



"Kan hnathawk te alawm, inchhung leh inchhung a hnathawk te enkawl chu Nupui tihtur a ni ngai, kalo in bualfai ange, rim chhia mintih tawhloh nan," Tih leh ka in rin hma bawkin ka hmui ah a rawn fawt leh zauh a, khum aṭanga zuang thla thak chuan bathroom lam a pan thauh thauh chu ka en haw ringawt a



A palian in, a taksa a in khai fithla thlerh tlawrh bawk a, hnunglam aṭang pawhin thlir vawng vawng tham taksa a nei chiang a lawm ....!


Khum aṭanga muangchang a tho chuan ka thaw hak a, engtin nge Pi Siami ka hma chhawn ang tih ka ngaihtuah, nichin mai a hmel kha chu en a hreawm ka ti, ka inthiamlo nghal ringawt lehnghal..!



Inhnuai lam ka pan rualin U Muani chhuak tur chu ka au ding vat a, "naupang ho an muthilh hma ilo han awmpui dawn em ni?" Ka tih chuan bu nghatin naupang room lam chu a pan ve vat bawk a



Ṭhut khawmna a Pi Siami leh Faki lo ṭhu ran lam chu ka pan hnai a, an hma ah chiah ṭhu thla in, "i sawitur awm ang ka hria in ka hria," Ka ti nghal sep a



Pi Siami chuan a mittui hru zauh a in hnit ri hraihin, "sawitur pawh ka hrelo a ni Maya. Mahse, ngaihdam dil che kan ba a, zanin hian in hi kan chhuahsan bawk ang, chumi hma a hmuh che ka'n duh maw le," Mit hnawm chapa min rawn en chunga a tih chuan Faki ṭhu ngawi ran leh min rawn melh leh ram ram ṭhin chu ka en zawk a



"Faki, i thil tihsual i hria em?" Rum lutuk in min rawn en in, "ka hre hauhlo," A ti rualin Pi Siami'n a beng zui awk bawk chu, nui sakin, "kum 19 chauh ila ni a, hmalam hun êng tak inei thei bawk, zanin hian ka ngaidam thei che a, ka chhuahtir thei bawk che u ; Mahse, khawiah pawh kalin, i Pi hi hnathawk sela, tuna i mizia leh rilru kha i thlak a nih chuan khawiah mah i lenglo ang, i Pi hian mi In-a awmin, i zirlai leh i mamawh zawng zawng a tum sak reng thei dawnlo che, chutiang bawkin tu emaw pasal kawp kualin, an sum i ei sak reng thei dawnlo," Ka tih deuh duah chuan Pi Siami chu a lo in hnit zui hlawp hlawp a


"Pi Siam, he in ah hian i peih chen chen i awmthei, chhuak tur in ka tilo che; Mahse, i tunu vanga chhuah i duh anih pawhin ka hnial lo che. Mahse, i tunu hi i hmangaih takzet a nih chuan khawvel tak tak amah in hmachhawn tir rawh, eng ang taka khawvel hi ṭawp leh nunrawn nge anih tih amah ngeiin a tawn a, a hmuhloh chuan a sim dawnlo," Tih leh thawh ka rual a, "Maya, ka pi nen kan inkarah Hêm thlak i tum a nih chuan sawi law law rawh, he in chauh ah hian kan len i ring em ni?" Faki'n a rawn ti ṭhat chuan ka nui chhuak lui hak a


"Hêm thlak chhan tur ka nei hleinem, mualpho taka i pi i siam leh ka hläuhpui mai chauh a ni, Pi Siam, misual thunun tur chuan khawdur a ngai ṭhin a nia," Tih leh ka pensawn nghal a, Nathan-a kailawn bula kuangkuah at a lo ding run ka hmuh chuan ka ding dat bawk



Pajamas suit a hak leh a slipper bun te, a sam la ro chianglo tih hriat tak a hnawm deuh chhap maite chu a in hmeh takzet


Nui suka ka lam rawn panin ka kawngah kuah nghal zata, alam a min pawt salh chuan, "Faki, Malsawmi hi dan ang thlapa ka nupui leh ka fate nu a ni tih leh kan Mizo dan angin, zirtawp ni hian man inhlan na kan nei bawk dawn a ni tih i hre tel dawn nia, he inchhung ah hian hnathawk eng mi pawh ka la lut thei a, ka nupui zahna chang hrelo tan erawh khawngaihna ka lantir a ṭulna ka hrelo a ni, Pi Siam, i chhuah duh leh i thu, i awmduh pawhin i awm thei; Mahse, i tunu erawh ka nupui hma a inlan atan ka duh tawhlo a ni," Nghet charh mai a tih fak fak chuan Nathan-a chu ka en chho haw ringawt a



Engtik laiin nge manhlan te kan sawi reng reng a? Ngawi lawk teh...! Ngaihdam pawh kala ngaidam fel reng reng hleinem maw le...!



"Eng nge i sawi awmzia? Man hlan te tih, ngaihdam pawh kala ngaihdam chiang hleinem che, bakah zanin pawh naupang ho bulah a sin mut ka tum," Kailawn lam min pan pui lai chuan ka ti ser ser a



"Teuhlo lutuk," Ti hlukin ka inrin hma in zo lutuk in min pawm kâng nawlha, tlak hläu lutuka a nghawng a kuahbet nghal ṭai chuan, "Nathan, midangin min hmu ang, min dahthla rawh," Ka ti nghal chul chu hrelo ang hmak a pen chho pawk pawk in, "hmuse, ka nupui ka pawm a ni mai," Min rawn melhin a kiai suk duhlek chauh lehnghal



A vahan ṭha tak..! A inbual zo rim pa hrak mai te chuan thluak a verh nghal ngut ngut thei


Khuma min nghatin rang lutuk in a rawn lawnkai ve zat bawk a, ka thawh hläu tih hriat zeta min kuahbet nghal chung chung chuan, "vawikhat mah ka bulah lo mut tum tawh suh," Ti hlukin a awmah min kuah bei nghal hlu hlu bawk a



A taksa a lian in, a bân sei leh lianzet mai chuan min kuahbo hneh tak a ni


"Ka thaw theilo, min thlah teh, inbual pawh kala inbual ve hleinem, nilengin kan vaka ka bal lutuk; Bakah, i sam te kha ti ro rawh, i hritlang ang," Tih leh ka nam ve ṭauh ṭauhna in min thlah a tum dêrlo, "hnuk a hkat lutuk," Ti duh lek chuan ka kawr hak chu a zen chho nghal rawk rawk a, a kut a lo man chatin, "min khawih miah suh," Ka ti nghal hlar chu thaw chhuak hakin, "Bawihi...." A ti sup a


"Kala ngaidam lo che ka tih kha, i bula ka mut bak hi engmah beisei suh, a reng reng thu in manhlan te pawh engmah ka hre hleinem, ka nu in makpa a tan pawh a duh hleinem che," In ring tawkzet a ka tih chuan nui nghawr datin, "i nu in alawm manhlan sawi ni. Natukah i Ni te pawh Aizawl an rawn thleng ang," Atih peih chuan ka inbeng kâng vat a


"Engmah ka hre hleinem, ka lungawi hma hma in manhlan te in sawi amaw? Ka nei dawn che tih pawh ka sawi em ni?" Ka ti ve tak na inka thusawi chu a ngaih pawimawh hmel viauloh



"Mu phawt teh," Ti leh hluk a min pawt mu leh chuan min kuah leh hlu hlu a, "ila hlauhthawng in, minla ringlo a ni tiraw?" Thutak zet a a rawn tih sup chuan ka ngawi vang vang a, a ṭawng zawng leh thawk zawng a a taksa che dat dat chuan min thunun niin ka hria



A dik alawm, ka la ring theilo a ni, engtikah nge, engtin nge a mizia a thlak leh dawn ka hrelo a tin ni? Tuna min hmangaih a tihna hi a fate tan min mamawh vang chauh pawh alo ni thei a



"A dik alawm," Zep buai ngai in ka hrelo, "a hma a i mizia ang ah khan engtik ah nge i let leh anga, a hma angin engtia rei nge i kiangah, ngawi rengin, beiseina nen ka pen ve zel theih ang ka hrelo a ni," Ka ti sap sap chuan, a lama min min kuah hnai sat satin, ka chal chu a a hmui lum veng veng a fawp vawng vawng chuan, "engtik ah mah ka inthlak tawhlo ang, min ring rawh Maya," Rilruih maia a tih chuan mit ka chhing vang vang a, ni e, vawikhat chauh chance pek leh chu eng nge a sualna ni chuang ang ni? Theihnghilh tuma nat reng aiin vawikhat chauh Nathan-a en leh chu a sualna ka hre lo a ni



A kawngah kuah let da dat in, "mahse, inkuah bak hi a theih rih chuangloh a nia, ka man ila pe lo," Ka tih sap chuan a rawn nui nghawr dawt dawt a



"I man hi Mizo hmeichhe man pangai aiin a to a ni, kan in pe zing malh malh emai," Nui huk huk paha a tih chuan nui ve hakin, "ka hlawh a nih kha aw, ka man a nilo," Ka lo ti leh ve hlar bawk a. Tlawm hi chu ka duh biklo a lawm...!



Nui nghawr dat datin ka hnungzang a chul hliau hliau bawk a, a awm ah hmai phum kakin ka bei hle hle tak na in a kut phah lian zet maiin a ka hnungzang a chul dan dan reng chuan min zi mur er er mai, ka chal a fawp leh zauh zauh ṭhin te chuan ka kawchhung hi a ti danglam in, a ti che niber in ka hria



A mipatna khawng zetin min do ul pawh chu chiang takin ka hre thei bawk, a thaw leh hak ṭhin, keipawh ka lungphu rang lutuk leh taksa za mer mer leh ṭang ṭûng vang hian thawk lak harsa ka ti takzet bawk



A kut lawnga ka kawr hnung a zen chhoh chhuan ka ip chawih a, "Nathan..." Ka tih rualin, "che suh," Ti supin ka bra kilhna chu hneh sawh lutuk in a hmet phelh zui zat bawk a


A kut ka hmalam a kal tirin, ka hnute chu dimtê a zût riak riak a, a ṭham leh salh ṭhin bawk, a hmur hrual neuh neuhin ka thaw chhuak hak a, ka thawk lak sak ṭalh mai chuan min hnawhbet emaw tih mai tur a ni


Ka dula zût thla riak riak in ka kekawr kawng a thlen rualin rang lutuk in ka man bet a, "Nathan..." Ka aw chu a lawi lek lek, mit chhing sawka thaw chhuak hawkin, "chaw bel bulah ril ṭam in mindah a ni ringawt a lawm, natuk zingah i man pek nghal mai ka duh," Ti bul hlukin alam a min pawt hnaia nghet zet a min kuah chuan a lungphu ri dup dup chu chiang takin ka hre thei



Keipawh ka dang bik hauhlo, ka hmeichhiatna, tisa chakna avanga ṭang mar pang mai chu ana lek lek zawk, ka lungphu rang lutuk leh kawchhung za mur mur te chuan ka thlan fiam a ko chhuak ṭiam ṭiam thei nia maw le..!


"I taksa ti danglam thei, i kawchhung a phengphehlep thlawh tir mur mur thei khawpa hip na ngah mipa ila tawng ve lo a nih kha," Tiin Jamie-i khan a sawi fo ṭhin, hîpna ngah leh mi uapna tak chu Nathan-a alo nih ngei dawn hi




Ṭang ṭûng chungin ka muthilh lai ka hre hauhlo, Nathan-an mintih harh hlau zeta a bân ka kham la chhuak de de a, a tho ṭham ṭham leh bathroom lam a pan chu ka mang hriat ruai ruai chauh a ni



Ka hmai za mer mer chu ka hui sawn leh ṭhin, a ngai ang bawkin a rawn za leh mer mer ṭhin chu ningzet in, "Bryson," Tih leh ka meng chhuak a, Nathan-a nui sûng a minlo en chu en haw in, "dar engzat nge?" Laizet chuan ka ti sap a


Naupang in ka hmai an khawi leh emaw tih laiin ka muhil minlo thlir reng chu ni in..!




"Dar 8 a ri dawn," Tih leh mit zîmsan a ka lama rawn âwn hniamin, "engtin nge ka bulah tui taka i mut theih a, chhin khat pawh ka chhinloh laiin?" A tih chuan namsawn a, ṭhu chhuak pahin, "mut theihlo chhan tur ka nei em ni?" Ka ti ve tak na in nizan a ka taksa danglam nasa lutuk kha kala feel thei, khatiang khan vawikhatmah kala awm ngailo, Nunhlima pawh ka fawp ve fo tawh, khatiang em em khan ka taksa ala danglam ngailo hrim hrim, keimah pawh ka anglo zawk a lawm



Nathan-a hi chu ka feel dan a dang tih hre tho mahila, mahni in thunun theilo khawpin ka awmlo chauh a nia, min nawrlui ngatse chu awlsam takin ka in phal dawn tih ka beng awmna ka chian tlukin ka chiang bawk


"Malsawm.." A rawn tih leh nui sun sun a thawhsan ka tum chu min pawt let hnawkin, "engtin nge heti tiat te lek hian mi â ang maia min siam theih le?" Tih supin min fawp chawk chawk a, lo fawp let chawk chawkin ka nui ar ar bawk, tuk duhawm tak a ni, nimin zing ah te kha chuan hetiang hi ka mang ah pawh ka hmuh ka inrinloh kha a nia....! Mumang emaw ka ti zawk dawn hial alawm le



A tawpna tur ni awm taka dimtê leh ril zet maia min fawp vawng vawngin, "inti fai rawh, Henry-a a rawn thleng ṭep ang, i Ni te pawh tlailam ah an rawn thleng ang," A tih chuan en hâ in, "hna in nei em ni?" Ka hnar ah fawp zauh a inla hrang pahin, "inti fai phawtla ka hrilh dawn che nia," Tih leh khum aṭanga a chhuk chu ka ruak huaiin ka hria, ka kimlo riau in ka hre zawk maw le....!


Ka hmai ka phih lai leh ka intihfai lai te chuan ka sa leh hat hat ṭhin a, a chang leh ka nui leh ang vur vur bawk a, zankhat thilthu a ti tak maia kan inkar inthlak danglam hi a awihawmloh hial zawk, ka mumang nilo hrâm rawhse..!


Inhnuai lam ka pan chuan naupang ho U Muani'n uniform alo hak tir malh malh tawh, "Mamma chu i tho har e," Bryan-an alo ti nang nang chu lai zetin, "nia, thawh ka hai palh alawm le," Ka ti lawi rut a



"Muani a awm kha, Bawihi helam ah lonkal teh," Choka lam aṭangin Nathan-a min kohna ka hriat chuan hawi vatin, ka lai lehnghal ringawt bawka, "Bawihi" a tih hi kala dawng sawng thiam meuhlo, ka ni deuh hû mai, ka lungphu a ti dik theilo a, a aw rilruih mai nen hian a inhmeh ang lawi bawk si....!



"Inkoh dan te inlo thlak tawh elaw?" Henry-a chuan nui vur vur in minlo fiam zui zuk bawk a



"Ngawi hle hle khan i ei tur ei rawh," Nathan-an tih leh ka hma ah envelope a rawn dah a, "eng nge?" Tih melh melha ka melh chu, "Court lehkha a nih kha," A tih sup chuan rang lutuk a la in ka hawng nghal rawk rawk bawk



"Bryan chauh lak a duh thu court ah a thlen a nih hmel, 15th December ah Mumbai ah kan chhuk a ngai ang," Nathan-an a tih zawm zat chuan ka mangang nghal, a hringtu nu a ni a, Nathan-a thisen an ni bawk silo, hnehna kan chanloh ka hlau a ni


Ka awmdan hrethiam tih hriat taka ka kut a rawn hum vang vangin, "naupang hi a tan chuan sum siamna mai an ni a, Court in a pe hauhlo ang," A mitmeng ah chuang amah ah rinna nghat turin minti tih hriat takin min en ran bawk, han luhlul ve viau ṭhin mahila, hmeichhia hi chuan mipa hi kan tluklo deuh a ni, a ruka ka rilru a chiai laiin Nathan-a erawh a dam dap thung


Thaw hakin, "pakhat chauh a dil theih em ni?" Henry-a chu lo bu nghatin, "ka rindan in a lawyer hneh ah Nu a nihna angin a fa pakhat enkawl a duh ve thu a sawi a ni mai, Bryan hi kan hruai tel a ngai ang aw," Henry-an a ti leh zat chuan ka lu thing nawk nawkin, "a theihloh, Maria-i an hlauh zia in hriat kha," Ka ti nghal chul a


"Bawihi, court in inlan turin a duh kan rin vang chauh alawm," Dam dup a a rawn tih chuan ka thinrim in ka ṭah a chhuak ul bawk, engtin nge hetiang hmeichhia hi an awm theih, a duh hunah a paih a, a mamawh hunah chhar leh a tum ni maiin ka hria


"Rilru tih hah na tur a awmlo a nia, Maria-in a fate Nathan-a kutah a dah tih fiahna kan nei a, a fate a duhloh thu sawi lemlo mahse, fahrah in a dah tura a tihna ziak kan nei bawka, hneh turah in ngai rawh u," Henry-an a tih leh chuan ka thaw nghal huai thei, a lehkha hnutchhiah kha kalo theihnghilh palh a ni


Lehkha chu thlep a dahlet pahin, "nupui hlui nasa lutuk i neih vang vek," Ka ti zui hlak chu Nathan-a alo rum ri nghut a, Henry lah a lo nui hawk hawk thung, ka thinrim bawk si, Maria-i chunga leih baw thei heklo le...! Nathan-an a tuar ni mai....!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:05 pm

MY TREASURE
By
Floria Laldansangi



Chapter < 30 >



MAYA....POV


"Kan chhuak dawn a nia, rilru ti hah lutuk suh ka tih kha," Ti supin ka chalah a fawp zauh a, "i Nî te rawn thlen hma in ka rawn let ka ring, kan JCB rawih tum kha fel lo a awm deuha, kan chinfel veleh ka rawn let ang," Tih zawm zatin Henry-a chu melhin an chhuak nghal a



Ka la harh chianglo emaw tih mai tur a ni, ka manglam te pawh ala ang rum rum alawm, a hna kal tur ka thlah vawikhatna ah ka in ngai a, ka chhungril hi sawifiah thiam rual loh in a hlim veng veng bawk....!



Nathan-a te tlanchhuah rualin U Mapuia te an rawn let ve chhiah bawk a, "inva rawn let hma ve," U Muani leh U Mapuia car aṭanga rawn chhuak chu kawngkhar bul aṭangin ka lo au zui lang lang




"Nia, rin aiin Bryson-a a sual lo a," U Muani chu a rawn nui vur vur a, ka thlah loh avangin school ah a luh mai duh pawh ka ringlo a nia...!


"Zanin tlai chu mikhual kan nei nual dâwn a, room ruak pahnih saw tihfai a ngai dawn in ka hria, chawhmeh bazaar ngai dawn bawk nen, U Mapui nangpawh vawiin chu haw har maita che, Nathan-a bulah bonus ka lo sawisak dawn che nia," Ka tih chuan nui vur vur in, "tehreng mai," A ti ve sup a, U Mapuia hi ṭawng tam lemlo, nui sun sun chi hi a nia, ka ngaina viau bawk



"Puih in ngai a ngem?" Inchhung ka pen lut tawh, U Muani te nen kan pathum chuan rangzetin kan hawi leta, "Pi Siam," Ka nui nghal var var bawk


"Vawiin chu mahni a chawlh inpek ka tum a nia, zingkarah Nathan-a a rawn kal a, inbuai tur thu a rawn sawi a," A rawn nui lut var var bawk a, nizan khan Faki rualin a chhuak ve daih emaw ka tia, zingkar ah lah hmuh tur awm bawk silo nen, kalo beisei ngamlo hrim hrim zawk a



"Ngai tehreng e," Rang lutuk in ka chhang a, lawm zeta nui var var pahin, "a nih Pi Siami leh U Mapuia bazaar ula, keini in kanlo tifai ange," Ka tih chuan an bu nghat a



"Pi Siami chu, nizan khan Faki chhuak tur kha a zui dawn emaw ka tia. Mahse, a mah a chhuak tur leh tun aṭanga a mamawh in dap chawp turin a tia, mak ka ti khawp mai, a tunu duat em em zan zana amah a a chhuah tir kha; Mahse, kawng lehlam ah chuan ti khan puitlin lam ava zir ve ka ring ve ngawt bawk a," Mikhual room kan pan lai chuan U Muani a ti sap sap a



Nula kum 19 lek mahni a chhuah tir kha ka tum a ni bik hauhlo, enkawl na hnui a khauhtak a enkawl tluk a awm hauhlo ang; Mahse, Faki mizia en in, a Pi emaw keini emaw enkawl a, zilh fin mai mai theih a nihloh zia ka hmuh vanga chhuak tura ti ka ni ve pakhat bawk, hun harsa han tawk chho sela, a rawn puitlin a, a thiltih ṭhatloh zia rawn hre ngeise ka ti takzet bawk, Pi Siami lah a tar ve tawh bawk si a, a tunu ngaihtuah reng renga hun a hman chuan a hriselna pawhin a tuar ngeiin ka ring




Ti ti pah mawlh mawlh a hna kan thawh laiin tlai dar 4 a lo pel thuak tawh tih ka hre chiah, "thingpui rawn in rawh u," Pi Siami'n min rawn au lang lang a, Lunch oawh ka lo ei oui reng reng hleinem le...! Ava hahthlak ṭhin tak...!

kut bengfai thak thak pahin, "a zo a ni mai lawm ni? Room 2 a an lenloh leh Nathan-an hotel book sak mai rawhse, lunch ka ei pui theihnghilh daih che awiii, U Muan min hrethiam teh," Nui vur vur a, inthlahrung zeta ka tih chuan a rawn nui ve sun sun in, "ka ṭam ṭan tawh khawp mai, chhuk ila," A tih chuan ka ṭhen vak ringawt a, engtin nge maw ka theihnghilh theih ni...?


"Awii aw.... Naupang school ban a hun tawh si," Chair ka pawh chhuah rual a ka tih hluai chuan, "Mapuia ka tir a nih kha, an rawn thleng ṭep tawh ang," Ti leh, "Nathan-an Land-line ah a rawn call a, i Ní te an rawn thlen ṭep thu a rawn sawi a," Pi Siami'n a tih zawm leh zat chuan bu nghat a thingpui lem hlekin, "Lalramnghaki pawh chu ava rawn thleng har em em," Ka ti chhuak sap bawk a



A message ka reply chhunzawm ta lem lova, a rawn thlen hunah a dil chhut leh mai mai angchu aw...!


"Engthil nge thlenga hetah te i awm? In inah ka kala tumah an awm bawk silo," Ka rin lawk ang tak takin a rawn au lut leh lawng lawng tawh



"Choka ah rawn phei rawh, i aw rawl te hi a ring ṭha sia'h...! Nau i pai kha au vak vak suh," Ka lo ti let ve lawng lawng bawk a


Rawn nui lut awr awr pahin, "ka naupai hi ka theihnghilh leh ṭhin a, eng nge tih intum hei?" Dawhkan a Pi Siami paratha kan tui zet mai chu a ban zui zat bawk a



"Mikhual kan nei dwn a nih hi, ei ve nghal law law la," Ka melh zawk, min melh ran ran pahin, "engvanga helai a let leh nge inih sawi phawt teh," Min melh ram ram bawk




Ka hmui hnuailam ti pawrh tarhin, "naktukah manhlan na kan nei dawn a, rawn kal angche," Sawi kual duah dan thiam heklo le, kan tum ka hrilh tlang pawp mai chu a mit mu pawng chhuaklo chauha min en kawkin, "maw...?" Ring lutuk a a tih chuan kan en nghal ṭhap a



Car ri ka hriat zui avangin, "U Muan, naupang ho an nih ka ring, ilo bualfai mai dawn em ni? Ka Nî te lo thlen hma in ka han in tifai ve lawk ange," Tih leh, "min rawn zui rawh," Jamie-i chu en zawkin ka ṭhutna aṭangin ka tho a


Minla melh ram ram reng tho, "Mamma, tinge zingah school kal min hruailoh?" Brayden-an an rawn luh rualin min chhâl nghal zat chu en in, "hna ka ngah deuh alawm maw le, Au Muani in bualfai tir ula, mikhual kan nei dawn a fel deuh a awm tur aw," Ka tih chuan an bu tliar tliar a, an lu a tuai zauhin an school bag U Mapuia'n a rawn ken luh chu lo ban vatin, "U Mapui, thingpui va in rawh, saw paratha tui deuh mai a awm," ka tih chuan nui vur vur in choka lam a pan ve mai bawk a



"Manhlan chu eng nge awmzia? I ngaidam tawh tihna maw? Maya, i luhlul viau ṭhin amaw ka tia?" Kan room lama kan chho chu ka Jamie-in min zui dat dat pahin zawhna min zawt zut zut bawka, a chang leh min demna aw te a ri tel leh ang nuk bawk a



"Ka ngaidam hleinem," Room kawngkhar ka hawn rualin ka in leh hawia, ner nawkin, "ngaidamlo la i man a pek chhan tur a awmlo, a reng reng thu in karlehah keini man kan in hlan dawn a, a hma lahin kei aiin dan angin pasal inei hmasa a, tunah man in hlan hmasak intum leh a," A aw chhuakah a lawmloh zia alang reng



Nui ruh ruh pahin ka inthlakna tur thawmhnaw phawrh chuan, "keipawh in ka hresa biklo tak tak alawm Jamie, ni e, ka phalo, lawmlohna ka nei tawh hranlo, tuna Nathan-a nen kan inkar ṭha ta thut te hi keipawhin awih har kala ti, i lungawilo tih ka hria ; Mahse, Jamie tun hun hi chân ka duhlo; Bakah, vawikhat chance pek leh hi a phu ve in ka hria," Thutak zeta ka tih hap chuan thaw deuh hakin min en deuh vang vang a


"Ni e, ka hrethiam che in ka hria, keipawh hi Opa lakah hian rei ka thinrim theilo, ngaihzawng tamtak ka nei tawh ṭhin; Mahse, thinlungin a zawmbik riau hi anlo awm takzet a ni, ka lawmpui che Maya, hlim i phu takzet," Nuisang a a tih chuan alam panin, "thanks bestie," Ti sapin, "Ka'n inbual lawk ange, ka reilo ang," Tih leh bathroom lam ka pan nghal zat a




"Khawnge Maya?" Ka luh rualin Nathan-a aw ka hre zui zat bawk



"A inbual, Nathan, ni lo, Putar... Lion zawk, ka ṭhiannu in a ngaihdam vang chauh che in ka ngaidam angche, vawikhat pawh a mittui itih tlak leh chuan mipa dang ka kawh hmuh tawh ang, i hria em? Nunhlima nen sawizawm leh tumlaia alo ngaidam che hi i vannei hle ah ngai rawh," A tih tan tan chuan lu thing mat mat a nui sun sun chuan tui herh haw in ka inbual nghal sur sur a



Keimah ah a tawp dawnlo tih chu a mize en in a hriat rêng a ni....!



Ka inbual zo bathrobes ha chunga ka chhuak chu ka phu deuh zuk, ka awm dawm a thawk hakin, "light te On ta che maw le," Ka ti nghal hlar bawk a


Tlai chhe viau lo mahse, room tukverh leh parda kan khar phui vek a, sofa-ah kuangkuah at a thu run mai hmuh thut chuan ka thlarau a thlawk chhuak mai dâwn alawm....!



Light On in, Dressing table hma a ṭhu thla in hairdryer chuan ka sam ka chhem ro nghal vat vat a, mit khap leklo leh ṭawng miahlo a min en reng tu Nathan-a chu darthlalang aṭanga en in ka thil tihlai chawlh meuh chuan, "diklo a awm em ni?" A hmel a lawmloh na chu thup buai a tum viaulo tih a lang chiang viau bawk



"Nunhlima hi ila duh em?" Min chhang dawnlo emaw tih hnu ah a rawn tih bulh hluk chuan darthlalang aṭangin ka melh vak a, "duh ni ila khang hun chhung zawng zawng kha mi â angin min duhlet theihnan ka hun ka khawhral dawn em ni?" Ti let hlar chungin thinrim zetin ka sam chu ka chhem ro leh nghal a


Ka hmai a moisturiser hnawih deuh tawk tawkin ka tho deuh nghat a, engtia a chhuak rawn letin a Nunhlima bawk rawn sawi leh nge maw a nih hrep ni...? Nge ni a Jamie-i thusawi vang zawk kha ni...?



khuma ka kawr hak tur dah chu la sawkin, "chhuak rawh ka in thlak dawn," A ṭhutloh na lam hawiin ka inher zui hmak bawk


Ka lam a rawn pan hnai tih ka taksa mur mer mer ah chuan ka hre thei, ka hnunglam aṭangin dimtê a ka kawnga rawn kuahin, ka sam chhanah ka nghawng chu a thawk khum ham ham a, "ka tihpalh, tih thinrim che ka tum a nilo a nia," Thâwp sup maia a rawn tih sur sur chuan ka mur er er thei, ka hmul thi te hi a ding sur sur in nia ka hriat ni...!



Ka thaw hip let kawkin ka lungphu rang lutuk leh thawk buai ta nak chu thunun tumin mit ka'n chhing deuh sawk bawk a, thaw chhuak ham ham in, "Nathan, Nunhlima chu ka tan chuan ṭhian ṭha pakhat mai a ni tawh a lawm," Ka ti chhuak thei ṭawk a ni, ka thawk lak sak ta lutuk vang nge ka lei te chu a tawt ṭûn mai


"Ṭhian atan pawh ka duhpui loh vang che alawm, mipa ka ni a, a endan che hi eng nge a nih tih ka hre bawk," Ti leh hlukin ka bathrobes hak chui a suihna a pawt phelh nghal zat bawk a


Rang zeta a kut a vuan vatin, "Nathan," Tih leh alama in her ka tum chu min kuah nghet salhin, "che suh," Tih supin ka hnunglam aṭang chuan muangchangin ka bathrobes chu a phelh riai riai a



Thaw dep depin, chet pawh che ngamlo chuan, "Na.. Nathan, ka Nî te..." Ti bah deuh nak chuan ka thaw chhuak leh hak ṭhin



"Shihhhhh," Ti ser ser in, Ka taksa khuhtu awmlo, bra chauh kala hak hman chu a kut phah hlai leh kut ṭang sei zet mai a, ka dul zût riak riakin, ka dar chu a hmui lum ther ther mai chuan a nul thuak thuak bawk a, ka nghawng a fawp in, ka rim a hip emaw tih tur a hip vang vang bawk a, a thaw chhuak zui hawk bawk


Phun hlukin, "naktuk zan chu chhin khat pawhin i chhing hleklo ang," A ti chhuah hrawih chuan ka in rin hma in ka nui chhuak hak


Kawngkhar rawn in hawng zui rak ah chuan rang lutuk a min kuah thlupin, "tu nge?" Nathan-a aw chhuak chu mar ṭha fia fia tak a ni, kik hmasa lo a kawngkhar a rawn hawng chu a lawm lo hle tih a hriat bawk



"Ohh, tihpalh, i Ní ten an nghak reng che u nia, tawmbo reng suh u," Jamie-i aw ah chuan nuihza aw ka hre thei, ka taksa erawh a hmu thei hauhlo ang, min kuahbet tu hi a lian ṭha in min kuahbo hneh emai....!



"Kan rawn chhuk ang," Nathan-an ti leh nghutin, kawngkhar in khar ruala thaw chhuak hrawih in, ka bathrobes hak chu phelhin, ka kuta ka kawrfual ka ken chu a rawn la a, a tih ang ang chuan ka dawh mawl tawp


Alam a min kuai her chuan bra leh kekawrte nen chauh a ka ding tau mai chu mit zîmsan a uluk lutuk a ka chhip aṭanga min en thla dan dan chuan, a hmui hnuailam pet zauhin, "zanin hian i man pek fel mai a nia ka duh ni," Ti deuh nghut chuan a vei kiai suk bawk a


Lai zet leh hmai sa hat hat in, ka ding zum zût ringawt, ṭawng chhuaka, hmanhmawh tûra hrilh tur pawhin ka lei hi phuarbeh ang maiin a che thei dêrlo



Ka kawrfual chu minti na ang tih a hlau emaw tih tur khawpa dîm in min hak tir a, ka ngal rek thlenga sei, ka kawngfek lai a lastic awm leh a bân tlem a bul min hak tir chu min thlek leh vang vangin, "i dar leh âwm bawr hi a lang thui lutuk lo maw?" Ka mit ah min rawn en a, a mitmeng chu ala phelh deuh phang mai, a aw chhuak pawh ala dik zânlo, a hmai sen ṭal mai leh thisen zâm lang ruih ah chuan a tisa châkna a insum nasat zia ka hmu thei




Meng kalh ralhin, "pitar ka nih veloh hi," Tih leh bathrobes chhuat a tla chu chhar zui zatin, "chhuk ang, ka Nî te anlo lawmlo ange," Tih leh thawmhnaw suk tur kan dahna ah chuan vawm lutin kawngkhar lam ka pan nghal a, zep rualoh in keipawh ka taksa hi ala dik hauhlo, ka kaw chhung khur der der pawh la reh fel lo tak a ni


Nathan-an ka kawngah inti neitu taka min kuah ran chunga inhnuai lam min panpui lai chuan ka lai lek lek, ka cousins te ho leh ka Nî te, ka pa cousins te ni ngei tur, ka hriat ngai lemloh in hmuhnawm tih hmel zeta nui sawnga minlo en na chuan minti khur veleh mai dâwn in ka hria


"Nî, Pa Vl, in rawn thleng tluang maw? Ka lo inbual hmasa e ka tia," Tih leh ka chibai kual a



"I pasal neihdan kan hriat dan hi a lawmawm loh khawp mai a Mali," Ka Nî chuan anti nghal pang bawk a, ka rin lawksa a nih vang a nia, phone pawha ka biak takloh law law ni


"A mak Nu, ṭhu phawt teh u Maya, hei Pa Hlua te nupa leh Pa Thara te hi i hria em?" U Zoa chuan alo ti vat a. Ka en kual a, hriat a mang ka nei dêrlo



Ka lu thing deuh mat mat in, "Mizoram kan chhuahsan khan kala nau êm a, ka hre tawhlo che u niang, min hrethiam teh u," Inthlahrung zeta ka tih chuan nui hak hakin, "ni e maw le, naute alawm ila nih le...! I pa in in Mumbai a panpui che kha chuan, 'engtin nge maw a enkawl angche' tih kanlo ngaihtuah pui nasa khawp a; Mahse, hei hmeichhe fel lutuk ah a rawn enkawl chhuak che a nia, la damse i pasal neih te han hmuve se a ṭhat dawn nen," Pa Thara zawkin a rawn tih duah chuan Nathan-a chu ka melh vata, ka pa boral chungchang sawi hian a awm a nuam chiah ṭhinlo in ka hre tlat



"Nia maw le, hetah nge in riah dawn ka nu te in lamah?" Ka tih zawh rualin, "hotel ka book fel tawh alawm, room 3 ka book a, room 1 kha mi 2 tan zel a nia, book belh a ngaih chuan sawi ula, kan book belh mai dawn nia," Nathan-an Lo ti vatin, ka Nî te lam hawiin, "nangni chu hetah in innghat angchu," A tih zawm zat bawk a


Nathan-a chu chhuang zet a lo en in nui var var chuan, "ni e, U Zoa te leh Nautei(ka Nî fate zinga naupangber) chu hotel lamah a nuam anti zawk ang," Ka ti ve nghal vat a, riah dan tur kan sawi nak nak laiin, "in rawn thleng phei ta maw?" Ka nu leh Eunice-i an rawn lang ve hlawl bawk



"Maya, ka haw phawt ang aw," Jamie-in a rawn tih sar sar chuan Nathan-an ka kawnga kuahbeh tlat chu melh zawkin ka tho chhuak a, "zanriah ei ve nghal law law la?" Ka tih sap chuan a lu thingin, "chhungkaw chaw ei khawp nei rawh u, inneih khat awm nen, Opa a rawn thleng ṭep," Tih leh kawngkhar lam pan a ruala, kan chhuah rualin Opa car a rawn tlan lut ve chiah bawk



"E...keini aiin inti hmasa leh dawn tih ka lo hria a ; Mahse, nau erawh kan nei hmasa dawn ni in alang," Rawn ti lung lunga nui hawk hawkin, "ka lawmpui lutuk che u," A tih zawm zat bawk a, naktuka rawn tel ve ngei ngei tura in chah mawlh mawlh chunga i thlah liamin, Bryan te unau rawn tlân chhuak chu ṭhu hniam in, "a thim tawh nen pawnah eng nge in rawn tih dawn?" Ka lo ti vat bawk a


U zoa fate nen an in kawm tawk khawp mai, U zoa pawh hmuhloh karin fa 3 ngawt alo nei hman, ka Nî hian fa 5 neiin an zingah U Zoa hi ka nel deuh ber a, a upaber a ni bawk nen, unau pawh a hui khawm thiam khawp mai, a college kal chhung zawng kan bula khawsa ve nâ na na chu nêl pawh kan innêl bik rêng a ni



A U te ho in ûm kual zawr zawr leh rak chel chul mai en in ka bulah lungawilo zetin Bryson-a chu a rawn ding hnai sat sat a, ka lam a pawt hnaia ka mal chunga ṭhut tirin, "i tel ve chak em ni?" A mittui a tla lo chauh, en hreawm ka ti ṭhin, a rualpui kara infiam a, tel ve te a chak ṭhin si a, tlân leh hahtak a infiam kan khap deuh bur a ngai bawk si nen



"Mamma engtik ah nge ka tlân ve theih ang?" A mitmu dum fiah zet chuan min en kiau a, chhan mai dan tur ka hrelo, a sam a tuai pahin, "i tlân ve thei ṭep tawh in ka ring," Ka ti sap ringawt a, alo ner nung nung thung



"Bry," Bryan leh Brayden-a rawn ding chu en ha in, "Brayden, in bâng tawh a mi?" An rawn auh lang lang chuan Bryan-a an lam hawiin, "ka nau a tel ve theilo a, a damlo a, kan in um peih tawhlo," A tih chuan ka ṭah nuih hak a, ka in rin hma in ka mittui a rawn hnâm sawk bawk, ṭah nuih pahin, "chaw ei a hun, kut silfai vek ula, chaw kan ei dawn nia," Tih leh Bryan-a chhipa tuai zeuhin ka luhpui diah diah hlawm a


Naupang 8 nen puitling ho ti ti nen kan han ri tak tak mai chu beng hi a ngawng mai dawn in ka hria, va-te riak khawm ang mai alawm kan nih le...!


kan chaw ei te reng reng chu, Bryan te unau lah nidang zawng aiin an chaw ei an thlahdah bawk, nidang a ei berh luai ngailo kha an ei berh em em bawk a, zanriah ei ringawt pawh hna pakhat a tling alawm le




Chaw ei kham kan han inseng fel zawh meuh chuan dar 10 a ri thuak mai, ka kut hrufai nawk nawk in, "Pi Siam, chawl tawh rawh u, in hah viau ang," Ka tih chuan an rawn thaw ve hak tho



"A nih engkim a fel tawh tho a, kan phei san angche u," Pi Siami'n choka en kual leh thuak thuak a a tih chuan ka bu nghat a, kan in hnunglam ah hian nupa lek a awmna tham tur lek a lian In ding a awm, chutah chuan U Muani nen Faki te nen a awm kha an nia, U Mapuia erawh langin a rawn kal thung, tunah chuan Faki a awm tawhlo lehnghal an thawl viau in ka ring


"In zo tawh em?" Nathan-a choka kawngkhar a rawn dak chu en in ka bu nghat a, "Pa Thanga te ho hi Mapuia hian Hotel ah thlah sela, i Nu te leh Zoa te chhung hi kava thlah ve lawk ange," A rawn tih zat chuan chhuak pahin, "umm," Ka ti sap a, Pa Thanga te ho leh ka cousins te pahnih, U Rini te nupa leh Hruaia (kan inrual chiah in ka hria) thlah pahin, ka nu te ho pawh chu kan thlah diat diat a, ka Nî te nupa leh Nautei erawh kan in ah an bâng ta thung



An chhuah zawh vek hnu chuan a reh nghal duk thei tak tak alwm le, hahdam thlak hawkin a...!


"Mami, hetah rawn ṭhu teh, mut hma lo ti ti teh ang," Ka Nî in a rawn tih chuan naupang ho room melh chho zawkin sofa lam chu ka pan a, naupang ho engtin nge an awm pawh ka ngaihven hman meuhlo, an muhil tawh a ni chek angchu an reh em em danah


"I man te kan han ei ve dawn ta reng mai a, mumang te pawh a ang rum rum alawm. Chutih rualin i pasal neihdan erawh a lungawi thlak viauloh ka tia, palai hmel kan hmulo a, chutah Court ah inneihna inlo register daih tawh lehnghal, a tir khan ka'n rem tilo in ka lawmlo dâwn viau a, Nathan-an phone a min rawn biaka, thil awmdan te, Aizawl a a Nî te râwn a palai tirh kha a ti vaklo tih a rawn sawifiah takah chuan tlemin ka thinrim a reh deuh a, a kum ka'n hre lehzel bawk nen khan ka lungawilo ṭha leh dawn a," Tiin a nui zui hak a, Pa Vl-a leh Nautei pawh anlo nui ve kur kur tho



Nui ṭhû in, "a hmangaih thu che leh i tel lova a awm theihloh thu a rawn sawi a, dil taktêa min rawn dil takah chuan, i Pa Vl-a leh i U te ho nen in râwn in 'kum te chu number mai alawm' kan han ti ta kha a nia...! Fa hmasa alo nei leh zel a," Tih leh hapin an nui zui kur kur bawk a


"zanin ah Nathan-a kan han kawm ta chênga, pasal in nghahna tlak tak a ni dawn in ka hria. Chutih rualin nangpawh nupui leh Nu ini tawh dâwn a, i mize hlui te, ngaihtuah chianglo leh pasal te rilru tur dâwnlek lo a ṭawng te kha chinglo la, ho mai mai a i ngaih ah pawh râwn derla, zah thiam takin awm ula, nupa kan hlim chuan inchhung a hlim a ni mai, kan inzah thiam leh mi zah kan kai a ni a, nupa buaina te, in hnial changte a awm ang, chungah te pawh nupa room bak hi pelh tir tumloh hram hram tur, i Pa damlai pawhin, i nu leh pa inhau i hre ngailo ang; Chuvang ringawt in an inhau ngailo tihna a nilo a, kei leh i pa Vl-a pawh chuti tho, kan nupa room bak hi pelh tir kan duhlo mai chauh a ni. In fa te tana zahtlak nu leh pa nih induh pawhin, chu bawk chu a pawimawh, inchhung, chhungkaw hlim leh nuam din tur chuan nupa kan inzah tawn a, kan in ngaih pawimawh tawn chuan kan hlim a ni mai," Ti leh duahin ka bula rawn tawlh hnai hrut hrut chuan ka kut a rawn hum vang vang a



"Mamte, i Pa khan, 'kan Malsawmi hian eng ang mipa pawh pasal ah rawn duhse, lawmtakin lo pawm in tum dawn nia' ti khan a sawi ṭhin a, tunah nangmah ngeiin pasal ṭha lutuk leh in nghahna tlak, enkawl thei tu tur che i tawng hi ka läwm takzet a ni ; Mahse, heihi theihnghilh miah suh, pasal kan neih chuan kan khawvel a intan dawn chauh a ni tih hi, pasal kan neih fuh leh khawvel thar kan din fuh tihna a ni a, fuhloh leh kan khawvel a tawp tihna a ni mai, chuvangin khawvel ṭha tak din turim in nupa pawh duhsakna ka hlan takzet che u," Mittui tla lek lek a a tih leh chuan nuih let sen sen in, "Nî, nupa hlim tak kan ni dawn alawm, lungngai suh," Ka ti let sep a, bu nghat nghata mittui hru zauh pahin, "aaa....! A tlai mai dawn, naktuk lam tihtur kan ngah bawk nen, i mu teh ang u khai...! Keizawng ka taksa te hi ana kham urh mai," Tih leh a zi mar ar ar chu, "nangmah alawm kan nghah che, U Maya-i pawh a mut a chhuakin a chauh ka ring, i ṭawng rei êm a ni," Nautei'n alo tih vat chuan kan nui dar dar hlawm a



Maktak maiin ka pa ka ngai veng veng mai, a boral hnu hian ka theih tawpin ngaihtuahlo ka tum a, ngaihloh ka tum bawk; Mahse, zanin zet zawng, ka Nî te leh a cousins te ka hmuh vang nge ni, ka ngai veng veng mai....!




Khum zau zetah keimah in ka mu meng kar mai, Nathan-a a rawn let mai dawn emaw ka tih laiin a rawn let mai silo a, ka pa lah chu ka ngai veng veng mai lehnghal, ka rilru in Nathan-a ka hau mawlh mawlh bawk



Engtik laiin nge ka mutthilh ka hrelo, ka nghawng hmui lum ther ther maiin a rawn nul thuak thuak a, ka hmui leh hnar, ka hmaia fawp kuan dun dun chungin, "morning My little fox Bride, tho tawh rawh, dar 9 a ri dawn a nia," Nuihza aw lek leka a rawn tih chuan ka meng kawk a, ṭhu ṭung hlawl in sana en chuan, "tinge min kaih thawhloh, awii...! Ka Nî te anva hmai zahawm ve," Tih leh thawh ka tum chu min pawt let hnawkin, "an buai lutuk, an hre changlo che, keimah chiahin ka hria che," Mit ko sân ak chunga a tih chuan nui chhuak haka hmui ti kawi sawkin, "tho vat maiteh, i duh ang kha kala pe theilo che," Tih leh ka sir ah ka nam sawn nghal a




A mipatna khawngzet maiin min do ul mai kha ka hre thei, zingkarah pawh khawng ṭha at at khawp mai....!



"Hmanhmawh suh," Bathroom lam ka pan tur chu nui huk huk chunga a rawn tih leh hrâm chuan hawilet in lei ka chhuah khum vak ringawt a, a nuih a za ang tulh tulh lehnghal....!


Bathroom aṭanga ka chhuah chuan Jamie-i leh Eunice-i, Nautei leh hmeichhe pahnih ka hriat ngailoh lo ṭhu chu en haw in, an bula mo kawr in khai en chuan, "eng nge awmzia?" Ka tih rualin ka lam an rawn pan a, engmah sawi se se lovin ka thawmhnaw min phelh sak nawk nawk chuan mo kawr chu min hak tir ang nawk nawk bawk a


"Jamie, Eunice, man in hlan satliah alawm, heng hi ka hak kher an ngai em ni?" Tumah in min chhan an tumlo, an hmui an chip tlat



Dressing table hma a min nem ṭhu hnakin, nula pakhat chuan min chei sawk sawk a, pakhat in ka sam alo roll ve nawk nawk bawk, engthil nge maw antih hi le...?




Darkar khat dawn teh meuh ngawi renga min chei a, ka sam te an sawngbawl hnu ah, "chhuk ang ule," Tih leh ka mo kawr hak sei zet mai, hnuh duah duah ngai, shoulder off bân tlawn, ka pian nalh vak em em biklo, slim ve zaih mai tilang chiang tura mermaid tail ang mai chu min châwi puiin, Nautei'n Jimmy Choo pheikhawk var nalh zet mai min rawn bun tir chuan, "a dik ta e, kal ang u," Tih leh ka mitmeng a zawhna te haider lui tlat chuan min hruai chhuak a



Inhnuai lam kan pan te chuan ka hawi kual hu hu a, tumah hmuh tur an awmlo, naupang infiam ri pawh hriat tur zuhan awmlo a maw le...!



"Eunice, eng nge thil awmzia?" Engmah hi kala hrethiamlo, ka la harh chianglo zawk emaw ni....?


Pawn a min kai chhuakin, in hnunglam chu min panpui a, in hnunglam kan thlen hma in lei a carpet sen tak ṭha lutuk in phah ka hmuh chuan Jamie-i te ho en haw in ka pan hnai zel a...!


In hnunglam, naupang tan a swimming pool Nathan-an a siam thar tir, la zawhloh bul inchei mawi em em mai, rose sen no nen a chei, ka kalna tur carpet sen a in phah a, a bul vel jasmine leh rose sen no a chei mawi vek mai ka hmuh chuan ka ding dawt a


Ka hma zawnah ka mipa hmangaih, ka pasal wedding suit var thianghlim lutuk ha chunga min hmangaih hmel taka min en vawng vawng thu chu en in ka ṭah nuih hak a



Ka mittui rawn hnâm sawk chu khap let sak sak bawk, "engtin...." Jamie-i te chu mittui tla lek lekin ka en kual a, nui var varin, "surprise...." Antih chuan ka ṭah nui hak hak



"Mamma, i nalh lutuk," Bryan te unau an rawn au lang lang, an ni pawh suit ha chungin a pa sir ah anlo ding vang tawh chu ni in


Ka lam pan a Nathan-a rawn pen thauh thauh chu mittui tling pamin ka en a, ka nui säng reng bawk, ka hmui hi ka chip thei meuhlo a ni


Ka hma a rawn ding chuan, mawi lutuk leh sexy zeta vei nuih sukin, "i nalh lutuk," A ti zawi sup bawk a


Ṭah nuih pahin, "hengte hi...." Sawi tur pawh ka hrelo, ka chhungte leh ka ṭhian neih chhun te nui hmel chu ka en kual a, a hmun inchei mawi em em te chuan ka hnuk anti ulh ṭun bawk



A ipte zen rak raka ka hma a ṭhingṭhi thlà Nathan-a chu phawk fe in ka en kawk a, hei phei chu min ṭhawng mah mah, Nathan-a tih a tan suangtuah pawh ka suangtuah ngamloh a ni, ka âng hau mai....!



Thaw la hakin, "Malsawmdawngzel, i mittui ka tihtlak ṭhin avangin min ngaidam la, ka ngaihsakloh luih che avang pawhin min ngaidam la, ka fate tan Nu ropui ber leh ṭhaber inih avangin lawmthu ka sawi bawk a, ka tan leh ka chhungkaw neih chhun tan a i awm reng vang te, min beidawn sanloh avang te in ka lawm a," Ti chhuak in, min rawn nuih pahin, "chung zawng zawng aiin ka nuna i rawn luh avangin ka lawm e, a vawihnih na atan min nei duh angem? Ka rohlu ini thei angem?" A tih rilruih chuan ka insum hmanlo ka biang a rawn lum thla pup a, uar lutuk a bu nghauh nghauhin, "ka nei angche," Lawmna avanga ṭah aw ṭuau a ka tih chuan nui haka rawn dingin lunghlu zungbun nalh lutuk mai chu ka kut ṭang ah a rawlh lut a, ka biang tawn tawn a dimtê a dawmin, "ka lawm e, ka hmangaih che," Tinsupin min fawp vawng vawng bawk



Ka mumang nilo hrâm rawhse, hmeichhia zawng zawng chuan kan pasal neih hun tur leh neihdan tur kan suangtuah vekin ka ring; Mahse, kei erawh vawikhat pawh ka suangtuah ngailo, nilo, ka suangtuah hmanlo a niber zawk, ka tleirawl dawn chauha mi nau ka pawma, tu emaw hmeichhia anga min en lo tu pasal ah ka nei leh bawk a, mo kawr hak phei chu mang lamah pawh ka mang ngamlo zawk


Mahse, ka man ngamloh kha a tak ngeiin ka kut chelha, hmangaihna nen a min fawp a, min en tu hian a ti hlawhtling a ni......!




Big surprise hnu ah ei tur pawh anlo chah sa vek, chef pawh pathum ngawt alo ruai bawk ni in, engmah hrelo in engtin nge maw ka awm theih ni...? Zankhat thilthu ah heng zawng zawng hi a puitlin a nia, a chau viau in ka ring bawk




"E khaih....! Mo leh mo neitu kha Hotel pan tawh rawh u, Mo neitu hmel chang tawh lutuk kha no dawm puiah pawh a sawm ngam tawh hleihnem," Pa Vl-an inla hrethei zeta a rawn tih chuan Nathan-a chu ka melh zawk a, alo tum ngur tawh tak tak chu ni in


"A nih Muani naupang lo enkawl rawh aw, zanin chauh chu Hotel ah kanva riak ange," A hnial lo lutuk chu an nuih a za tih hriat takin an nui zui dur dur hlawm a



"Insawi har ka ti rêng a ni, ka ṭhiana hian dawhkan a rawn chum dawt hmanlo chauh a nih hi," Henry-a lah chuan alo tui-hnih ve zat bawk



Nathan-a chu rum nghutin, "kal ang, Ka pi kan kal mai a nia," Tih leh ka nu melh zawkin inchhung aṭang chuan min pawt kal zui dawt dawt a, midang han thlah mawina hman pawh a awmlo, a hnuh in min hnuk chhuak a niber zawk



Car a min luh tirin, amah pawh rang zetin a rawn ṭhu lut vut a, "i chau ve lo em ni?" Ka chawn puar chum dat dat paha ka lo tih chuan thaw ri hrawihin, "chauh kha sawi miah suh, chhin khat pawh i chhing dawn lo," Ti hluk chuan chak lutuk in a tlân chhuak zui zawt bawk, nui pahin ka lu ka thing mat mat ringawt a, ka ṭhut dan siam remin seat hnung ngheng rem sat sat chuan ka mit ka chhing nghal duar duar bawk



Inneih na lian tham tak pawh a nilo a, ka taksa nat dan leh chauh thlakdan chu pui tak a ni, pui tak, nileng maia pheikhawk sâng bun te hi ka kham hluah hluah, vanneih thlak lutuk in mo kawr erawh kan thlak hma hrâm a, chuti nilo se ka thidang maiin ka ring, thla kan han la ve te kha ka ding ṭawk ṭawk a ni ringawt alawm



Car ding dat chu ka mang hriat ruai ruai, Nathan-a phun ri hluk leh, "Bawihi muhil miah suh," A ti thum bul bul a, zo zeta min pawm kâng nawlh te chuan ka meng peih thlawtlo, kan awmna room tur lam min panpui te chu hre mahila ka meng peih thlawtlo a ni


Khum ah min nghat dat a, ka kawrfual hak hlip sawk sawk a, amah a in phelh ri te chu ka hre reng ; Mahse, tunah tak hi chuan ka meng peihlo pawh a ni tawhlo, ka meng ngamlo zawk a ni tawh, chiang takin ka harh a, ka harh chiang mah mah a ni, ka hmai rawn sa hat hatin, ka za mer mer bawk, ka taksa danglam chu ka hriat chian tlukin Nathan-a pawh hian a hmu thei in ka ring



Ka taksa a rawn zût riak riak a, ka hmui dimtê a rawn fawpin, "muhil der tawh teh suh, ka lak aṭang hian i tlanchhiat theih i ring em ni?" Tih leh min fawp zui nghal tawn tawn a, nui chhuak pahin ka fawp leh ve nghal tan tan bawk


Heti tak hian infawh hi a nuam in, a tui ang tih ka ring pha ngailo, a thlum dep dep a, ei zawh vek theih nise tih tur khawpin kan duh thawh, a kut te lah chu vah kual tirna tur a hria in, thunun tu awmlo ang maiin ka taksa an zût kual ruai mai bawk a....!


Ka kawchhung in lum let tawp tawp mai leh Nathan-a chaka thaw sa huam huam chuan thaw chhuak hak hakin, ka meng phi ruai bawk



Ka nghawng a fawp thla in, ka hnute hmur, tisa châkna avanga kawh lah mai, sen no chek mai, tumah la khawih bawrhbán loh chu awh hmel zet a thlir vang vang chuan, "i nalh lutuk, ka hmangaih," Seh chilh deuh rap a tih leh a fawp nghal tawn tawn a, a leiin a hmur chu a hawl a, ka taksa za lutuk awm ngaihna hrelo chu ka er leh ngawng ngawng ṭhin



Nathan-a tukkhum sam a ṭham bet chuan, a kut ṭang lianzet maiin a ka hmeichhiatna tui pur leh ka pasal mamawhna avanga mar na zet chu nui deuh nawk nawkin a kut ṭang hrawl zet mai chu a rawlh luta, ka rak chhuak ṭhat bawk, ka hnute rawn fawp lehin ka hmuiah a rawn fawp vang vang a


"Bawihi a vawikhatna tur tih ka hria, ka tina lo angche, ka dîm ang," Thaw hrawih hrawih leh mitmeng phelh phang maia min en chunga a tih chuan hlauthawng ru tak si, châkna in a tuam khahna mitmeng a en in, dang ro halh chuan ka nuih seih ringawt a, ṭawng chhuak turin ka dang a ro mah mah



Lu kham chu pakhat la in ka kawng ah chuan a kama, ka sam tla hnawk niah mai hui kiang pahin, "min ring rawh, ka tina lo angche," Rilruih maia a tih leh chuan a mipatna khawng ṭha lutuk leh hrawl zet mai chu zawi muangin ka hmeichhiatna ah chuan a nawr lut riai riai a



Ka thaw theilo, ka hmui ka petbet ngar ngar a, Nathan-a hnungzang chu ka ṭham ngawr ngawr bawk, a mipatna hrawl lutuk mai leh khawng ṭha lutuk a nawr luh rualin ka au chhuak ṭhawt bawk, phel phawk ang mai ka ni, a natdan chu sawia fiah chi pawh a nilo


Ka mittui rawn luang ngiai ngiai chu dimtê a fawp dam dap in, "ka hmangaih che," Ka ring a ni. A hmelah chuan lawmna a khat a, chutiang taka Nathan-a hmel a hlimna chu kala hmu ngailo



Zawi muangin a che a, a tir chuan na viau mahse, a sawi angin a vawikhatna a ni a, min dima, min ngaichang takin a che bawk, vawi tamtak a vawrtawp min thlen pui a, Angel te fan ve ngailohna hmun vanram chu vawi tamtak min fan pui hnu ah thlan tla hnap a ka sira let thla tapin alam ah min pawt hnai a



Nui nghawr dat datin, "a vawikhatna aṭangin i inzir chak khawp mai; Mahse, i kuttin erawh naktukah tan ngei ngei angche," Ti thum dutin ka hmui ah a rawn fawp vawng vawng a, "ka lawm e, a hmasaber ka nih avangin," A tih zawm sup bawk, aw sexy zet ah chuan a läwm zia a langin, a hmel eng phet phet hi ka hmu chiang viau baek



Dak chho hâ a, a khabe khawih niap niap chungin, "a hnuhnungber pawh ini ang LION," Ka tih sep chuan rawn nui nghawr datin, hmangaihna leh thlakhlelhna a khatin min fawp leh vawng vawng a.....!





Note : Chapter 31 aṭang chuan tlemin a sad ve deuh dawn a nia🤣🤣nuihna tur a vang ṭan ang aw

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)