My TREASURE S1 By Floria laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

My TREASURE S1 By Floria laldansangi (Completed)

Unread post by Ngaia » December 31st, 2020, 4:57 pm

5hes7y3y.jpg
5hes7y3y.jpg (60.96 KiB) Viewed 41797 times
My TREASURE
By
Floria laldansangi.
#NEW_UPDATE CHAPTER 👉 < LAST CHAPTER >
Warning : 18+
"Kha.....! I fate hnap ngah leh ṭahbelh, luhlul bawk si te hi pawm rawh," Ti vak chuak Bryan ka pawmlai chu Nathan-a mal ah ka nghat chawrh a
Phawk fê in a ṭhianpa nen a min rawn en chho chu melh ram ram pahin, "ka hna hi ka bânsan, ka hnam min hmusit tu inchhung ah awm a, i fate kum 4 chhung ka enkawl a ni tih ka ngaihtuah hian ka thinrim lutuk hi ka puak kehlo chauh," Ka thinrim lutuk vangin ka khur lo chauh tak tak bawk a ni
Inher sawk a, pensawn ka tum chu, ka duh tawk kala ngahlo tlat, ka sam ṭawn san vah mai phe suau a inher lehin, "Mizo nula, keimah CHAWNGTHU nula in i fate pathum(triplets) hi ka enkawl seilian a ni tih hria angche.... LION," In sehruh lutuk a tih khum leh vak chuan a bul a ṭhu a ṭhianpa nuihza in sum fê a hmui hup tlat tu chu melh hrawkin ka ding ngil a
Ka sam, ka hmai zar tu chu hui kiang sawk a dak vahin, "ka puihna min dil tawh suh angche, i hria em...?" Ti leh nghekin inher vahin, ka U bân rek a man chuan gate lam ka pan vawh vawh bawk a
Mizo hmeichhia chutiang mai mai a min chhuah khanglang ni, a nupui hlui ang mai mai turah min ngai chu, ka taithei dêrlo
Ohhhhh.. Amah Nathan Lalhriatpuia lellul pawh saw, a nu Pakistani, a pa Mizo a ni ve tho alawm, a awmzia chu Mizo pa a ni tihna a nih chu...! Mizo mipa in a a hnampui hmeichhia chuti tehvak a a hmuhsit chu ni...! Arghhhh ka thin a rim lutuk.....!
ka duh tawk kala ngah hauhlo, kala tawt ṭûn mai, gate ka thlen tawh hnu chuan ka inher leh ngat a, "Lalhriatpui i nupui hlui kha Mizo hmeichhia ni lovin Gorkhali hmeichhe nasa leh zaktheilo a nih kha," Ka ti leh vak a, ka thaw chhuak zui ham ham bawk
Ka duh tawk a ka auh khum leh vak chuan ka thawl hawk a ka hriat ni... A manhla mah mah
Ka awmdan tih ngaihna vak a hrelo tih hriat takin, mit khap fak fak a min en chu rum mang kheng a melh hrawkin, Gate sir a mihring luhna tur tawk a an siam ah chuan ka U chu pawt chhuak rawk rawk in, na tawwwwwkin thir kawngkhar chu ka khar ri bur bawk a
Kan hnunglam aṭang a, "Mama, khawnge i kal dawn?" Brayden-a aw ka hriat chuan ka thil tih chu a dik ber em tih ka ngaihtuah zawk; Mahse, ka tih chu ka tih tawh a ni. Bakah, ka hnam min hmuhsit tu mipa ka chenpui theilo hrim hrim
Brayden-a leh Bryson-a ṭap ri ka hriat chuan inher a pawm leh mai ka duh; Mahse, tlawm ka tum bik aw zawnglo, a nupui hlui ang mai mai kan nihloh zia hi hriase ka ti a ni mai
"Hnamchawm zawk lehnghal," Ka ti leh sup chu Ka U in nui tut tut in, "i fate saw i kalsan thei tak tak ang maw?" A rawn tih chu rum tawk a melhin, taxi kawngkhar hawng sawkin, "ka fate an nilo," Ka ti vak a, ka ṭhu lut zui zat bawk ; Mahse.... Fa pawh nei ve ila, an ni pathum ka hmangaihna ang bak a hmangaih leh chuan dan a awm in ka ringlo, ka ṭah nuih suk a, zawi muangin kan tlan pelh mek in lian zet chu ka thlir leh hrâm bawk


My TREASURE
By
Floria laldansangi


Chapter < 1 >


NATHAN.....POV (Nathan Lalhriatpuia)


"Eng nge tih i tum?" Kan room zîmtê a, bang a sana pui in tar chu ka melh chho zauh a. Ka nupui chhuah tum tih hriat tak a in chei mawlh mawlh chu ka en lehnghal rân bawk


Darthlalang aṭanga min rawn melh zauhin, "Engti turin nge min rin? Hna ka thawk dawn maw le?" Ka mit ka ti zim nghal sân a


"Zan dar 7 pelh hnu hian maw? Ka rem ti hauhlo," Ka ti bul hluk a, ka office bâng inbual pawh kala inbual hman hauhlo bawk


"Nathan, in a awmtawp a, house wife satliah ni turin kan dinhmun hian a zirin i hria em ni? Hna ka thawh i rem ti lova, i hlawhlah kan kham bawk heklo, engtia awm turin nge min duh?" A hnawihsen hnawih lai dah ri ṭawk chuan min rawn melh hrawk bawk a


Thaw ri hrawihin, "ka rem tilo ka tih chuan, ka rem tilo tihna a ni mai," Ti deuh hrawihin ka tho nulh a, room aṭang a chhuak chuan na lutuk in kawngkhar ka khar ri bur bawk, naupang ṭap riin a rawn zui nghal zat bawk a


Kawngkhar pui ri rak ka hriat rualin, "U Maria khawnge kal i tum a?" Ka nau aw ka hre zui nghal zat, kei erawh sofa ah ṭhu in ka melh ka ngai ka melh ngur thung


Thla 5 liamta khan ka sumdawn na ka hloh vek a, Mumbai a kan in leh lo neih ve chhun thlengin tihral ngaiin kan awm a nih kha, chumi hnu aṭangin ka nupui hmelah hian nui hmel emaw min ngaihsakna mitmeng ka hmu tawh ngailo hrim hrim


Mahse, demna ka nei chuang miahlo, ka theih tawp chhuah a ka nupui leh fanau te tan hna ṭul ang ang ka thawh mai bakah, tunah phei chuan Investment company tereuhte ah hna ka hmu ve tawh bawk a, hlawh erawh a tam hauhlo; Mahse, ka nupui leh fanau te hi chaw ngheiin ka dah dawn hauhlo tih ka chiang a ni


Mahse, ka nupui, pheikhawk sang ṭha zet mai 10cm dawnlai a sang leh thawmhnaw chhing lutuk tak, kun deuh ila a kekawrte dawr a lang thei ang chu tih tur khawp a chhing leh âwm zau ha a, a mit dum hlar mai ah sawn, kei a pasal lakah hian rinna a nei hauhlo tih alang chiang em em thung


Ka nupui rinna ka chunga awmlo chu ka thiamloh nge a nih a, kan in hmangaihna kha sumin bul alo ṭan zawk ni...?


Bryson rawn pawm chhuak chunga ka nau Angela-in, "U Maria enghna nge thaw i tum? Bakah zan i awm bovin engtin nge naute hi an awm ang?" Triplets an ni a, apartment zîmtê a kan in sawn hnu hian lângin Vai hmeichhe upa lam ve tawh tak a rawn kal ṭhin, zanah erawh kan buaipui ve mai zel bawk a


"I U a awm alawm, chhunlam ah ani hna a thawk anga, keiin nau ka awm ang, zanlam ah erawh hna ka thawh ve a ngaih dawn avangin Nathan-a khan a awm a ngai ve thung a ni mai," Za lo lutuk in ka nui hul hak, chhuaklo turin hrilh eng ang mahila, Maria-i te ang hmeichhe nasa leh duh tawh chu eng pawh nise hlawhtlin tum ruh ngar chi, Night Club leh huau huau ngaina tak, harsatna hrelo ang hi chu ka dang hneh dawnlo tih ka chiang mah mah



"Mahse, ani te chu...."


"Angela, nangpawh i awm alawm," Maria-in a rawn tih khalh vat a, min rawn en zawk, "Honey kan nupa a kan ṭan rual a ngai a ni," Ka ner sawk thung a, ṭanrual a duh tak tak nge ni a, pawnlam a hun hman tam a duh leh tawh zawk tih pawh ka hre nek love...!


"Khatiang thawmhnaw inbel chung khan eng hna nge i thawh dawn hrelo tur khawp a mawlah min ngai em ni Maria? Zanin hian ka inchhung hi penkhat pawh a i pen chhuak a nih chuan engthil nge ka tih dawn ka hrelo a nia," Ti kha hrawihin ka tho thurh a bathroom ka pan nghal pawk pawk bawk


"I chapo na kha dahṭha la, ka inthuam dan nen a hnathawh chu a sual em ni? Sum alawm kan mamawh, zahawmna ni lovin," Ka hnunglam ah min au zui tuar tuar, bathroom kawngkhar chu na lutuk in ka khar ri zui bur a, bang chu ka hnek dawt bawk


Ka thaw ri hrawih hrawih a, za lo lutuk a nui hul hak hakin ka ner sawk sawk bawk, sum kan mamawh a, chuvang ringawt chuan a taksa hralh pawh a pawi tilo a nih chu....! Phiangsen hian....!



Maya....POV (Malsawmdawngzeli)


"Ahhhhh.... Ka mit hi enga tinge?" Darthlalang a hnai lutuk a inbih chuan ka au chhuak vak, mut khamlo tih hriat zet mai, ka mit dark circles awm ruih mai chu thinrim lutuk in ka en kual vel a



"Pa... Pa.. Minlo lei tur a ka tih che kha i lei em?" Ka room aṭang a chhuak pahin ka au nghal lawng lawng a


"Hna a kal tawh," Eunice-i ka U, ka pianpui erawh a nilo, min rawn en chho a a lu thing nak nak in, "Korean drama en in i tlaivar lehpek a ni maw?" A chek zui tlak tlak bawk


Ka dark circles vang a lungawi theilo leh ka pa ka thawh hma a a chhuak daih chu lungawilo zet chuan kailawn ah chuan ka pen thla hnawk hnawk a, "korean a nilo, Thai, Joss Way-Ar, hriaemmm Jossssss," Uar fahran leh ngeiawm lek lek a meng kalh lui vel a ti chuan Ka nui nghal ar ar bawk


Ât mintih hmel zet a a lu thing lehin choka lam a pan chu ka zui ve vat bawk, "Eunice ka mit chu engtin nge ka tih dawn," Chair ah ka ṭhu thla hnak a, kan awmpui nula in ei tur a rawn chhawp chu ka chawk let nghal rak rak bawk



"Maya naupang ini tawhlo, ei tur khati khan ti ziah suh, kum 18 i tling ṭep tawh, ka pa in a hmuh che chuan aw, a hau leh nasa dawn che a nia," Lei ka chhuah khum vak ringawt a, "ka mit chu, ka ṭhian te nen shopping kan tum a nia, hmmm... Tihdan i hriat kha," Ka unaunu chu ka melh ralh ralh a, ka nuih tlawn ver ver bawk


Milk chu tem hlekin, "Rashmi ka room ah khan han chho la, dressing table ah khan 4k Plus tih inziak a bur te zawk kha min han lak ta che," Kan awmpui nula chu a bu nghat a


Kei anglo takin kan nula te hian an ngaina em em a, keierawh min be vak lemlo, ka thu ka duh a, sual erawh ka sual hranlo a nia, min hre chiang tu te a piangin, 'a fel lutuk' minti ngailo na in, 'a ât ṭhat a, a ât huai bawk' minti ṭhin


Ka U chu en in ka nui ver ver a, ka hma a ei tur awm chu ka ei nghal mawlh mawlh bawk


Ka hming chu Malsawmdawngzeli a ni a, 'Maya' tiin minko ṭhin, SIS(Singapore International School, Mumbai, Maharastra) a ka luh tirh hian ka hming anlam thiamlo a, 'Maya' tiin minko ṭhin, tun thleng hian ka put hlen phah ta a ni

kum 18 ka hmang ve mek bawk, ahhhh.. Kum 18 ka tling ṭep tawh a nia, 14th March ah ka pum dawn, a awmzia chu thla 1 leh ni 3 bak a duh tawhlo tihna a ni


Kum 3 ka nih in ka nu hian cancer avangin min boral san a, kum 7 ka nih in ka pa hna thar avangin Mumbai, Maharashra ah kan insawn a, kum 12 ka nihin ka pa in nupui Lalremmawii a nei a, fanu Eunice-i hi a rawn chhawm tel bawk, nuhrawn fel tak a nih bakah min duat em em bawk, ka nu kha ka hriat chian hmanloh avangin ka nuhrawn hi ka tan chuan ka pianna nu nen an danglam in ka ringlo



"Kha, hei hnawihla 15mins velah chuan a reh thei mai ang, bakah final exam a hnai tawh si a, i drama en hi bansan teh aw Maya, ka pa in home tuition lak a ti a nia."


"Maw...? Ka thil ei ka phuh ṭhawt, "i fiamthu tiraw?" Ka nui dawn a ka nui thei dêrlo, ka mit ah chuan a cream minpek chu ka hnawih zui zat bawk


"Fiamthu lo, Maya kei leh i pa in a ṭul kan ti a ni," Ka nu rawn lut chu ka en a


Ka nur nghal nung bawk, "Nu," Ka nur nghal nang nang



" Khatiang hmel kha min hmuh suh Bawihte, 12th grade results pawimawh zia i hria alawm," Ka hmui hnuailam ka ti pawrh tarh a, ka nu in, "zanin chu i pa nen dinner kan ei chhuah dawn avangin nangmahni in inngaihtuah mai rawh u aw," A nui sang, ka chhip a rawn fawp zauh a, Eunice-i fawp leh chuan, "Ahhh.. Maya bawihi Air-con hnuai ah awm rei suh angche, i hritlang ala damlo kha," A nuisang reng, heti em em a nu hrawn fel hi an awm leh tawh dawn emaw ni le...?


"Yes, ma'am," Lu thing nak nak in a nui hak



"Eunice, i kawrfual kha min hawh tir teh."

"A ti leh tawh, khawnge ka nu lei sak ve che kha," Ahhh nitak e, ka neih ve kha maw le..!


Ka nui ṭhû a, ka unaunu anglo takin incheina leh thawmhnaw, hmeichhia ten an lawm ang hi ka lawm ve lemlo, ka lawm zawng chu 'Oppa, Gege, Phi-Nong' hetiang en a nileng zankhua a room a tawm a ni tawp

Mahse, ka neilo tihna a ni chuanglo a nia....


"Maya ila hmanlo em ni?" Choka a rawn lut mek, ka Mizo ṭhian neih ve chhun, Jamie chu ka en a, "Bargia-an min nghak a nia," A tih zawm zat chu Eunice-in a milk inlai a phuh ṭhawt, ka nui nghal uar uar a, a bialpa te hi 'Bargia' tiin a ko mai zel pek a


"Lalramnghak bialpa thar inei leh tawh amaw?" Eunice-i chuan mak a tih hmel takzet


Jamie-i chu a dar a san ak a, dawhkan a grapes chu la in a hmawm zauhin, "a hunlai a nih hi Didi, Malsawmdawngi pawh hi nakum vel chuan a nei tawh hrim hrim ang," Ka lei ka lo chhuah tut thung, bialpa aiin drama en ka thlang fê zawk


Ka u chu a lu thing mat mat a, "ni 3 chiah i single," A nui zui hak hak, ka nui ve vur vur tho


Ni 3 ai rei a single-in Lalramnghaki a ni nang, chuan thla 3 ai rei ngaihzawng a nei ngailo bawk, a kum ai tam ngaihzawng a neih tawh a nia ka rin ni, a hnuhnung a piang hi TRUE LOVE anni zel bawk a


"Han insiam vat rawh," Bu nghatin ka milk inlai chu lem zo khawlhin, "15mins a ni mai," Tih leh choka aṭang a tlan chhuak rawk rawk chuan ka room ah ka tlan chho a

Bathroom ah tlanlut in ka inti fai sawk sawk, ka hmai ka phih zo chu ka mit bawk chu en lehin, "a ṭha hle mai," Ka phun sap, 15mins pawh ka chiahin ka ringlo, a zia viau thung


Mini Floral dress bântlawn ka khup khuhlo deuh hret leh pink sandals chu in rawlh nawk nawkin, ka sam dum hlarh mai ngil zet chu sang lutuk ah ka ṭawn vah bawk a, ka hmai ah moisturiser leh sunscreen hnawiin, ka hmui ah strawberry lip balm ka tat leh nawk nawk a, ka tlan chhuak leh nghal vat



"Kal ang le."


"Ummm, U Eunice kan inhmu leh dawn nia aw," Tih leh Jamie nen chuan kan chhuak a, kan in kawt a Auto Rickshaw din na lam min panpui chuan, "naaa, khawlum nen Uber..." Ka tihlai mekin


"Mistress nang angin ka hausa lo aw, cheng1 pawh khawl zel ka ngai," Ka ner khum vak ringawt a


Rickshaw a ṭhu lut zat in, Jamie-in kan kal duhna a sawi rualin, "Bargia chuan rei minti tawh ngawt ang," Ka sam ṭawn mar lutuk chu ka hmai vun a pawt mar vek thei, ka lo in zut ṭha mawlh mawlh a, a thusawi pawh ka bengkhawn lemlo


"I rawn dek mar ṭha kha ka ti rêng a ni," Tih leh a nui zui kar kar a, sam zai 1 pawh tlalo leh pawrlo turin ṭawn mar hek ile....!



"Vai leh tho em ni i bialpa chu?" Ṭhu ṭha pah chuan ka ti sep


Min melh ralhin, "half half, a nu Mizo, a pa Nashik lam chhuak, Punjabi tlangval," Ka hmui ka ti pawrh tarh



"Vai a nih chu, a pa vai a nih chuan vai a ni mai," Jamie chu a nui hak, "ok, vai tlangval chhelo lutuk rapthlak a ni," Ka nui vur vur ta ringawt a, khua lah chu a lum em em, pawn ka chhuah tamloh vang nge a lum zual a ka hriat ni...?


DYP City Mall kawt a dingin, "sawta saw," Rickshaw aṭanga kan chhuah rual in a kawhna lam chu ka hawi vat a, uluk fahran a en chuan, "i ṭhen tak chiah kha eng nge a hming kha'h?" Ka melh zawk, a nuih a za tih hriat tak a nui vak chuan, "Jayesh-a," Ka nui ve tawp, a chaz te hming hi a ka hre seng tawhlo a tin ni


"Aw... Kha ai kha chuan a zia deuhin ka hria," A hmui hnuailam ti pawrh deuh tarh a, "dawn lawm ni, a ṭhaber zel alawm ka thin ni," Tih leh, "Jamal," What........! "Jamal" tih kher chu, avahan vai ṭingṭang ve maw le



"Hi," Min rawn en in a kiai suk, "ka best friend Maya," Kan in chibai a, Mizo ṭawng pawh a ti thei ve fu mai, a pai deuh pawh ni lovin, a chang chuan a pai mah mah tihloh ah chuan a hrethiam ve vek tho


Mall chhung a kan luh rualin, "heihi ka ṭhian te a an nia," Kan bul a rawn ding chiah te, sang ṭha zet leh palian ve tak te chu ka en chho a, kei Mizo nula ah pawh 5'5ft lek a sâng tan chuan an sâng mah mah a ni


"Ronan, chuan heihi....." Jamal-an a tihlai mekin, "Nunhlima," Ka lamah kut a rawn lek chhuak a, a nui säng bawk, Jamie melh zauh chuan ka chibai ve vat



Mizo mipa pawh hi hnamdang lakah hian anlo duailo nasa a ni, en mai chuan vai hmelṭha chi te pawh a ang alawm le :-)


Mizo hi hnam hmelṭha chu kanlo nih hi....!



"Phone kan en hmasa dawn em ni?" Ka bu ringawt, mipa ho chu an ṭawng nak nak a, phone ṭha leh tlo, eng process cess emaw an sawi nak nak a, diktak chuan Korean leh Chinese, Thai actors leh drama tihloh hi chu midang ti ti hi ka zawm thei ve vaklo


Bakah, Lalramnghaki leh a bialpa nen chauh emaw kan nih dawn tih laiin midang an rawn tel ve hian minti awm nuamlo zo, ṭhian tamtak ka nei ngailo, mi 4/5 hi ka chhuahpui ngailo hrim hrim a, a bikin mipa ngat phei chu, nuam pawh ka ti teh chiam ta lo



"Iva ngawi chawi ve, kan rawn telve chu i lawm vaklo em ni?" Phone ka bih kual lai chu ka bul a rawn dingin Nunhlima chuan a rawn ti sup a, rang lutuk in ka en vat


"Chutiang a nilo, sawi tur ka hre vaklo a," Ka nui sak, a nui sun sun a, "ṭhian kan ni ve thei angem?" Ka en a, "kan ni tawh emaw ka tia," A kiai suk


A phone rawn phawrh a ka lam a rawn lek kâng chuan, a thle zui bak bawk, ka hmui chip chap a, nui lui vakin, ka thle a, a phone ah chuan ka phone number ka ch$ zui zat bawk


Nui vur vur in, "thanks, ka message i reply duh angchu maw," A mitko a san ak, ka nui leh ringawt



Thawmhnaw leh phone, eng eng amaw kan lei zawh meuh chuan tlai dar 5 a pel dêr tawh, "ice cream saw ka ei duh e," Jamie chu ka en, "kanva ei dawn em ni?" Ronan-an a raw tih chuan, "ni e, dang a ro alawm le," Nunhlima'n a rawn ti ve zat, kan inzui lehnghal diah diah a


"Vanilla ka duh aw," Tumah ka zah peihlo, ka ke na lutuk chu chair-ah ka ṭhu hnawk, ka bulah Jamie-i rawn ṭhu in, "dinner i pa te Hotel-ah kan ei dawn em niang, Bargia leh a ṭhian te hi chuan minzui an tumlo a."


Ka châwn puar chum dat datin, "a pawi chuanglo, kan ei dawn leh kal vat ila, ka ril te hi a ṭam tawh in nia ka hriat ni," Nunhlima'n ka hma a vanilla ice cream a rawn dah chu rang lutuk a ban in, "thanks," Tih lehnghal in ka ei nghal zat, Nunhlima chu a nui ri hak a

"Muangchang khan ei rawh," A rawn ti sup, ka melh zauh, ka ei lehnghal mawlh mawlh bawk


"Naupang hi chu an dan a nia," Jamie-in min fiam zauh chuan a ei ve nghal a, ka lo ner sawk thung


Kan ei zo fel ka ṭhutna aṭang a ka ding chhuak chiah chu ka phone a rawn ri ral ral a, "Eunice," Ka pickup rualin ka ti nghal


"Maya chiai lovin ka thusawi hi ṭha deuhin ngaithla angche, i hrethiam em?" Jamie en in, "kanlo va chhuak ang," Hmui phun a min biakna chu ka buk khum zauh a


"Engthil nge ni a? Ka room ah lutin Lee Min Ho thlalak ka tar kha iti chhe leh a nilo maw?" Vawi 3 lai mintih thler sak tawh, a ti chhe leh a ni hrim hrim


"Chutiang a nilo, chiai lo turin intiam la," Ka bula Nunhlima ding ve ran chu en karin, "umm eng nge?" A thaw ri hak


"Ka pa-in accident a tawk a ni."


"Maw..?"

"Chiai suh ka tih kha, tunah Kokilaben Dhirubai Ambani Hospital-ah rawn kal angche ; Mahse, hlauthawng lo la, chiai suh ka tih kha," A aw ah chuan chiai lo tur leh hlau lo turin min duh takzet; Mahse, ka tha ah min man der tawh, ka kaw chhung a hit in ka khur nghal der der bawk


"Ka... Ka hria e," Ka thawk sak ṭalh mai chu ka phone dah thla pahin mit ka chhing sawk a, boruak ka hip vak bawk


"I ṭha em? I dâng vek ania?" Ka ṭawng mai theilo


"Inva... Maya, diklo a awm em ni?" Jamie chu ka en a, "ka pa, ka pa a accident," Ka ti bah nawk nawk, ka aw pawh a ring viau lo, a thâm ral ti tih a ni ber zawk


"Maw...? Cab ka ko tawh a...." Jamie-in a tih laiin, "ka bike in kan thleng hma zawk ang, Nghaki, Jamal-a te ho nen hian min rawn zui mai rawh u, keiin Maya hi hospital ah chuan ka hruai dawn nia," Midang bike emaw car ah emaw ka chuang ringawt ngailo ; Mahse, tun ah tak erawh ka hnial lo viau thung



A bike dinna lam a min hruai chuan, a bike khân sâng zet mai pawh chu ka lawn hlei theilo a ni, Ronan-an min rawn pui vat, "kan rawn zui ve nghal angche u," Jamie chu melh zauhin ka bu nghat, ka rilru ah ka pa bak a awm thei tawhlo hrim hrim


Nunhlima kawngah chuan nghet lutukin ka kuah a, ani pawh chu a tlân chak ve viau mai, kan awmna aṭangin Ambani Hospital chu tlêmin a hla deuh, darkar 1 dawn lai a ni kan tlân ni...!



Hospital hma a bike a tih din rualin rang lutuk in ka zuang thla a, ka ke a thlep deuh hnawk chu Nunhlima'n min rawn dawm vatin, "fimkhur rawh," Tih leh ka dar a kuahin Hospital chhungah chuan min kuah lut a


"Khawiah nge Emergency Operation Room hi a awm?" Ka zawh hma in Nunhlima'n a zawt a, nurse-in a kawhna lam ah chuan min kuah kal zui zat bawk



OP room hma a ka nu leh Eunice-i lo ṭhu kûn tlawk tlawk a, an bul a palian zet mai, Nunhlima mah lian tih tawh nak alai a Nunhlima ai a lian daih, taksa inkhai fithla thler thlawr mai, khabe ruh kual lian zet leh 6'3ft zen zawn a sâng ding ka hmuh chuan Nunhlima min kuahna chu dah sawn sakin ka bai hnai suih suih a



OP room lam mittui tling pam a pan hnai suih suih chuan, "pa, engtin nge a nih theih?" Ka phun sep sep


"Maya," Ka nu chu mittui nem a rawn ding chhuak a, ka mittui ka khap per sak sak bawK


Ka nu chuan min rawn kuah thlawpin, "a ṭha vek ang, a ṭha em em ang?" Ka ṭap khur nghal zawih zawih, ka nu aw ah chuan beiseina hlir a khat


Engtiang chiah a na in nge a awm ka hrelo ; Mahse, ka pa a ni a, a ṭha chhuak dawn tih ka chiang a ni



"Engthil nge thleng?" Ka nu chu a inla hrang hlek a, kan bul a mipa lian zet mai, Bible-in Goliatha a sawi ang mai a lian rawn ding chu mittui nen ka en chho a, "ka tihpalh a ni, kawng a rawn cross thut si a..." A sawi lai mekin a dul ah ka nam sawk


A che eihlo, ding nget tak a ni, a nghet charh mai, "i su tihna maw? Engtin nge i khalh a? Kawng i en lo em ni?" Ka au tuar tuar


A kûn ngar, "ka tihpalh takzet a ni," Tihpalh in awmzia a nei em ni...? A hmai a ben sawk mai ka duh a, beng dawn pawh ni ila ka kut phahin a hmai a thleng ṭawk ṭawk velin ka ring, mittui nen a rum lutuk a melh chho in, "ka pa chungah eng pawh a thleng a nih chuan ka ngaidam hauhlo angche," Kha lutuk in ka ti chhuak hrawih a



"Doctor ka pasal chu eng nge a an?" Ka in her vat, ka pan hnai nghal ruak ruak bawk


"Pawi ka ti hle mai, theih tawp chu kan chhuah a ni," Doctor-in fiah fel fai thlep thlawp mai a, a hmai tuamna mask a lakthlak pah a a tih chuan ka tliak hnawk, ka nu pawh a kat nawk nawk bawk

Hnunglam a tawlh chhet chhetin, "a ni lo, a nilo," Mittui luang ngiai ngiai a ti chuan ka kaihza tha a thlep hnawk a bântha chak zetin min dawm a, ka nu leh Eunice-in ka hming a min koh lawm lawm na chu a hla riai riai bawk, ka khaw hmuh thim riai riai chu vawi lehkhat a rawn thim mupin, engmah ka hre zui tawhlo hrim hrim....!




NATHAN-A.....POV


Ka nupui tlai dar 4 vel a inchei lutuk a a chhuak um zuiin, ka ṭhianpa car chuan chak takin ka tlân a, khawilam nge a pan dawn tih leh tlaitin mai dar 4 leh dar 5 inkar aṭang a hna thawk tur a chhuakin zinglam dar 3/4 ah te a rawn haw ṭhin hi eng hna chiah nge a thawh ka hre duh a ni


A hna zawh leh inhauh kan rual nghal zel avang hian ka ngawi mai a, ka nau kan bula ala awm ve avangin a hmuh a inhauh vak ka duhlo a tin ni


Chak tak a car ka khalh lai chuan ka hma ah putar pakhat a phone hmang chung a kawng cross chu ka su per nawlh, car ti ding tuarin ka chhuak nghal rawk rawk bawk


"Ka pu, ka pu," Hindi nen ka be mawlh mawlh a. Thisen lah chu a chhuak duh em em bawk, a lu a thisen chhuak chu hupbetin



"Ka...ka fanu.." Mizo ṭawng a a rawn ṭawng takah chuan, "ka ṭawng i hre thei em?" Ka hawi kual, vai ho lah chuan min hual ṭhup, "Ambulance call rawh u," Hindi in ka ti tuar a, putar ka sut bawk chu ka en leh a, ka phone kut lehlam a phawrh rawk rawkin 911 ka call zui zat

"Ka fanu Malsawm...”

“Tawng rih suh, ambulance ka call a, a rawn thleng ṭep ang,” Thisen a rawn phuh chhuak ṭhawt a, “ka fanu kha...” A fanu a hmangaih hle a nih ka ring, a fanu bak sawitur a nei hauhlo



Damdawiin kan thlen a reilo ah nutling pakhat leh a fanu ni ngei tur chu an rawn tlan lut a, “ka pa, ka pa chu engtin nge a awm?”


“Operation kalpui mek a ni, pawi ka ti hle mai, kawng a rawn cross thut a tin ni,” A nupui chu a lu a thing nak nak a, “nilo, keima thiamloh a ni, a tlai reng avangin, tlai tawhlo turin ka hrilh a tin ni,” A ṭap nghal khur nghal der der a


A fanu chuan a nu chu kuahin, “inti pachang rawh nu,” A nu chu a bu nghat, “Maya-i call rawh ; Mahse, Malsawmi’n a hriat chuan a tuar zo hauhlo ang,” Inhnit feih feih chuan a ti leh sup


“Ka’n call ange,” Tih leh tu emaw a call zui zat a, ka ṭhianpa a rawn thleng ve chiah bawk


“Engthil nge thleng Bawiha?” OP lam chu ka melh zauh a, thil awmdan chu ka sawi nghal mawlh mawlh bawk


“Ka hrethiam e, cctv a awm in ka ring, ka lo buaipui dawn nia,” A tih chuan ka bu nghat a


darkar 1 dawnah hmeichhe tleirawl, kum 17-18 tur vel rawn bai lut suih suihin min beng a min ṭah khum chuan sawi tur a vang takzet, a pa in, “ka fanu,” A tih kha ani ngeiin ka ring bawk


A pa boral thu an sawi a nikhaw hrelo a tlu sawp nghal chu ka kuah a, “helam ah rawn hruai rawh u,” Nurse chu ka zui nghal vat, a bialpa ni ngei tur leh a unaunu chuan min rawn zui ve bawk a


“A ṭhawng lutuk a nih hi, darkar reilo te ah a harh leh mai ang, hlauhthawn tur a awmlo e,” Nurse-in a tih chuan ka thaw ve hak


ka phone a rawn ri ral ral a, “Honey...” Maria-i a rawn ṭap nghal uah uah, room chhuahsan chuan, “diklo a awm em ni Maria?” A ai uar in a rawn ṭap zui hawm hawm a

“Honey min rawn hruai rawh," A aw chu hlauhthawn na in a khat, chutiang a Maria hlauthawng a a awm kala hre ngai hauhlo, “i awmna message in min rawn hrilh angche,” Tih leh phone chu off in ka ṭhianpa ka bul a rawn ding chiah chu en in, “Bawiha helai chu i kut a ka dah a ngaih hmel, ka nupui in buaina a tawk ni in ka hria,” A bu nghat a Henry-a chu nuisuk in, “kalrawh, ka lo buaipui ang, naktuk lamah chuan innu pawh ka hmuh ve ngei ka in beisei a nia,” Kiai sukin, “tehreng mai,” Tih leh ka pensawn nghal pawk pawk a


Henry hi college ka kal lai ka ṭhian kawm ber a ni a, Mizoram a alet hnu ah keiin nupui ka nei a, thla 1 liamta khan Mumbai ah hna rawn zawmin kum tamtak hnuah zanin khan kan in hmu ve leh chiah a, a car hmansak nghal in accident ka tawk zui nghal bawk a, ka tibuia takzet a ni


Ka nupui message min rawn thawn chu en in taxi phar dingin ka ṭhu lut a, ka kal duhna hrilhin, tlanchak deuh turin ka ti nghal zat bawk


A sawina hmun ka thlen chuan ka rinlawk ang deuhin Nigh Club lian tak hma ah ka ding vang mai


Maria-i chu ka call a, vawi 3 zet ka call hnu ah pickup in, “rawn lut la, inchungah rawn chho rawh,” A in hnit feih feih a, a aw a khur der der bawk


Phone off in chak zet a lut chuan inchung a sawina lam chu panin a room no sawiah chuan kawngkhar hawng ri rakin ka lut a, ka ke pen a tawp chat


“Nathan,” A kut a thisen kai nuaih chuan min rawn ban a, nghet lutuk a min rawn kuah chuan chet mai nachang pawh ka hrelo


chhuat a mihring ruang let reng mai chu melh phawk hraw chuan, “engthil nge thleng hi?” Maria-i chu a in hnit feih feih, a taksa chu a khur der der bawk, a dar tawn tawn a vuan a namsawn deuh sawkin, “Maria,” Mittui nen min rawn en chho a


“Ka tihpalh, Nathan ka tihpalh,” A mittui a tla zung zung, kan hnunglam aṭangin, “man rawh u,” Tih leh ka dar a rawn khawih an rual chu, ka inher vat, chet pawh ka che hmanlo, ka kut a handcuffs min rawn bun tir an tum chu rang lutuk a la sawnin, ka tawlh sawn dawrh bawk

Police panga vel zet mai leh mipa pakhat rawn lutin, "engthil nge a awmzia hi?" Maria-i chu ka en a, police ka en leh, "hepa that tu a puh hi ini, mit a hmu tu Miss Maria-i hneh aṭangin call kan dawng a ni," An thusawi chu ka hresual em ni...?



"Eng maw..?" Maria-i lam chu ka hawi, mittui nen min en a, mipa rawn lut ve vai putar chuan a coat hak chu Maria-i darah a bat zui zat bawk

za lo lutuk in ka nui hul hak, ka kut a handcuffs min rawn bun tir leh antum chu na lutuk a phih sawkin, "in kut hmawr pawhin min khawih suh angche u," Ka ti ṭhawt a


Maria-i lam pan hnai chhet chhetin, "engzat nge a pek che, engzâtin nge kei i pasal hi min hralh ni?" Ka vin hrawk hrawk


Tawlh hnung khut khutin, "ka tihpalh Nathan, ka tihpalh tak tak, thlan tur dang ka neilo a ni, Officer khawngaihin hruai tawh rawh u," Ka nui hul hak hak a, "thlan tur ineilo nge ni a kei leh i fate aiin sum i thlang zawk?" Rilru na lutuk leh kha lutuk chhuan ka ti chhuak hrawih a


Police -in min rawn khawih an tum chu ka kut chunglam a phar chhuak sawkin, "min khawih ka ngailo," Mit sen râm leh kha lutuk a Maria-i melh hrawkin, a sir a ding vai palian ve zet mai, dul kiar luah mai leh min hmusit tih hriat tak a nuisawng mai chu melh hrawkin ka kut chu handcuffs bun tir theih turin ka dawh a, Maria-in ka mit ah tak a rawn en chu ka ner khum sawk bawk


"Ka hma ah vawikhat pawh rawn inlan tawh suh angche, ka kut ngei hian ka nupui ini ṭhin tih theihnghilh ṭhak khawpin ka that duh ngei angche," Hriam hrak a tih leh police-in ka kalna tur kawng min kenna lam hawi vahin ka pen chhuak pawk pawk bawk

Ka nupui ni lovin, tun aṭang chuan ka nupui ni ṭhin leh ka hmel hriatloh a ni tawh a ni....!



<>><₹>>₹>££>₹>
💜💜ADS HI A CHUNG LEH A HNUAIAH DAH VE VE A NI A 💜💜
👇👇 A chung leh a hnuai a mi hi vawi khat ve ve click tur a ni e, in lo hre dawn nia 👇👇



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 4:57 pm

MY TREASURE
By
Floria laldansangi



Chapter < 2 >


MAYA....POV (Malsawmdawngzeli)


"Doctor engvang a la harhlo nge a nih?" Eunice-i aw chu chiang takin ka hre thei a, ka meng nghal diar diar bawk


"Lalpa leh...! Maya, minti mangang alawm?" Meng kawkin Ka inbeng kâng nghal a



"Eunice," Ka hawi kual a, engvang a damdawiin a mu nge ka nih le..?


"I ṭha em? Na inei em?" Eunice-i chu ka en deuh hâ a, ka lu thing mat mat in, "mumang ka nei a, mumang ṭhalo tak a ni," Ka thaw deuh hak a, "mahse, mumang mai a ni chu a lawmawm hle mai," Ka nui nghal sen sen bawk


"Eng nge i mang ah chuan i hmuh a?" Ka ke damdawiin khum aṭang a hlang thla chuan Eunice-i chu ka en a, "ka tui a hal," Tih leh ka la nui sen sen tho, Eunice-i hmel erawh ka hriat thiam siloh in a a buai nak thung

A tui minpek ban chuan ka in nghal khawlh khawlh a, "Doctor ka nau hi dikloh na a nei em ni?" Eunice-in doctor a biak lai chu mak ti fê in ka lo en a


"Dikloh na ka nei em ni?" Ka lo ti ve vat bawk


"A thu hriatin a ṭhawng a tin nih hi, a ṭha vat mai ang," Eunice-i chuan khawngaihna a khat mitmeng a min en in, "Maya," Ṭah chhuak tih hriatzet chuan a ti chhuak ṭuak a

A ngaihna hrelo zetin, "diklo a awm em ni? Eunice ka pa a ṭha tiraw? Ka mumang ah ka lo hmu a ; Mahse, a lo thi a," Lungawi chiahlo in ka ner nung a, "engtin nge ka pa te ang, pa hrisel leh in vawngfai lutuk leh hriselna ngai pawimawh em em te a thih theih ang ni tiraw?" Eunice-i chu a biang ah a mittui a luang nghal ngiai ngai a


"Eunice," Zuang thla deuh tharh chuan ka pan hnai vat a

"Maya, ka pa a awm tawhlo a ni, a awm tawhlo," Eunice-i chu ka en hâ a ringawt a

"Engmaw i sawi?" Ka hrelo a nilo, ka pa a awm tawhlo a tih chu eng nge a awmzia?


"Ka pa chu a thi tawh a ni," Ka kaihza tha thlep leh hnawk chu Eunice-in min rawn chelh vat a, ka mitthla ah nikhaw hrelo a ka awm hma a thilthleng te chu a rawn lang zut zut bawk


"A nilo ang, a fiamthu a niang, Eunice ka pa su tu kha khawnge a awm, ka pa ni lovin kha mihring tualthat tu kha a ni thi tur chu," Ka au tuar tuar a, ka mittui luang zawih zawihin ka hnungzang ah boruakin min hnawh tlat bawk, ka hnang deuh awl awl bawk a



"Maya," Jamie-i a rawn lut a, chhuat a ka ṭhu thla ruai ruai mai chu min rawn kuahin, "pawi ka ti, pawi ka tihpui lutuk che," A rawn in hnit ve nghal hlawp hlawp bawk


Kei erawh ka mittui a tla reng na in ka ṭap chhuak thei ta miahlo thung, ka taksa hi a zawi a, ka pa min kalsan chu awih har ka ti a, kala ringlo fan a ni



10mins dawn kan inkuah hnu ah, "Nghaki, Mali kha an inlam ah kan hruai tawh dawn em ni?" Nunhlima aw a ni, a rawn lut ve tih reng reng pawh ka lo hre lo a



Jamie-i inla hrangin, "Maya engkim a ṭha em em ang, i pa ruang i hmuh a ngai a ni," Ni e, ka pa ruang bulah a rei thei angber awm ka ngai a ni, heta ṭap a kun tlawk tlawk hman ka nilo


Ka tho dawn a, ka tho thei mailo lehnghal...! Nunhlima leh Jamie-in min rawn pui vat a, an tha ring chung chuan ka ding ṭawk ṭawk a ni


Damdawiin kawt a car Volvo Xc40 car dum nalh zet mai ding chu Nunhlima'n kawngkhar hawngin, "lut rawh u," A rawn ti sup a, a mawi hnai a han hnar pawh ka tibuai peih ta lo law law, in thlen vat a ka pa bula awm vat ka duhber tawh



Seat hnunglam ah chuan ngawi rengin ka ṭhu a, Eunice-i leh Nunhlima chu an rawn hawi leh zeuh ṭhin, khawpui eng phe ut mai, car in tlan pel zut zut a, mipui vak suau suau chu nidang chu nise car chhung aṭangin ka en leh ṭawk ṭawk hlawm emaw a nia nga, car nalh tak ka hmuhin ka sawi zui leh anga, mipa chhelo ka hmuhin actors tu emaw ber nen ka khaikhin leh zuah zuah tur a nia ; Mahse....

Mahse, zanin erawh midang tan chuan Sunday zan pangai ve mai a ni anga, ka tan erawh ka khawvel leh he khawvela ka neih chhun laksak a ka awmzan a ni tlat lawi si....!


Mihring hian hmalam hun kanva hrelo tak êm...! Ka mittui rawn luang ngiai ngiai chu duhlo in ka hru tawk a, ka mitthla ah ka pa nui hmel te, a aw ri, min hau ri te leh hnamdang pasal neilo tur a min hrilh mawlh mawlh lai te chu a langin ka bengah a khawk rum rum bawk


Ṭah vak ka duh a ; Mahse, ka aw rawl reng reng a chhuak theilo, ka tawt up up a, ka hrawk a kham na in, ka hnungzang lah chu boruakin min hnawhin, ana kham urh bawk si, thawk lak a harsa ṭalh bawk nen, ka thaw hleitheilo chu a ni ber e



Car a ding dat a, rang zet a Nunhlima car a ṭang a chhuakin ka awmna lam kawngkhar rawn hawng chuan, "i ṭha ang maw?" Ka melh zawk a, ka mitmei ka hmuh ringawt bawk, ka ṭawng peihlo pawh a nilo, aw rawl chhuak tur ka neilo hrim hrim zawk a ni


Inchhung kan luh chuan Mumbai, Maharastra a Mizo tlem a zawng awm, ka pa hmel hriat ho leh ka pa hre ho te anlo awm nuk tawh a, kei erawhin mimal takin tumah va hriat ka nei lemlo, ka sawi tawh ang khan ṭhian hi ka kawm tam lo hrim hrim a, Mumbai angah ngat phei chuan Mizo hmel hriat hi pakhat tlawng ka nei a ni, Lalramnghaki hi a ni deuh tlawng mai



Ka nu in hnit feih feih a a ṭhutna lam chu panin, ka pa ruang bulah chuan ka ṭhu thla hnawk a, ka pa hmel var pup mai leh a sawhna tih hriat tak a a chal leh lu vun bul bawr vel duk kual ruih mai chu en ngawih ngawihin ka âwm zawn hi ka ṭham ngawt ngawt bawk



"U Zo engtin nge kan nun tak ang ni?" Ka nu chuan a rawn ti ruah ruah a, kei erawh ka mittui tla reng siin, aw chhuah tur ka nei tawh miau loh avangin ngawi rengin ka ṭhu tlawk tlawk thung

Ni e, engtin nge ka oa tel lovin ka nun ang, fahrah ka ni ta tihna em ni? Ka mittui a rawn luang zawih zawih a, 'fahrah' tih thumal phei chuan minti â zo dawn



Heta Mizo awmve ho an ṭhatna leh buaina zarah Maharastra Indian Christian an phumna ah ka pa ruang zinglam dar 10 ah kan phur phei ve a, thlân man erawh to ve fia fia tak a ni thung


Ka pa su tu kha engtin nge a awmzel ka hrelo na in, ka hmu leh a nih ngat chuan ka that ve duh hial ang


Ka pa ruang thlan a an nawr luh lai chuan keimah a din pawh harsa ka ti, Jamie-i leh Nunhlima chuan min chelhbet a, ka nu lah Eunice-i tha ringin a ding ṭawk ṭawk ve bawk


Ka taksa rit lutuk chu ka khaw hmuh leh hriatna thlengin a buai ruai mai in ka hria, thlan a ṭang a kan let tur chu kan dinna lam panin ka pa su tu ngei mai, pa lian leh in khai fithle thler thlawr mai, engtikah mah a hmel saw ka theihnghilh tawh ngai dawnlo tih ka hriat ngei mai chu kan lam panin a ṭhianpa ni ngei tur nen chuan an rawn pen pawk pawk a


Ka thinrim ka in sum zo leh ta lo, Jamie-i min dawmna leh Nunhlima min dawmna chu phih sawkin, ka theihtawp a chakin an lam chu ka pan hlawk hlawk a, min hmuh rualin a ding dat bawk


A hma a ding chuan ka theih tawp a na in a hmai ah chuan ka beng thle sawk a, ka kut tereuhte mai chu a hmai ruh leh hmai tlang lian tak ka benna avangin a thîp sa nghal vung vung bawk


A dul a nam sawk sawk chuan, "hetah eng nge i rawh tih? Tual thattu inih hi. Ka pa saw minpe let leh rawh," Mittui nen ka au tuar tuar a



"Maya insum rawh, Pu Nathan-a hian tihsual a neilo a nia, i pa zawk a ni kawng cross hunlo a cross zawk chu ni bawihte, pu Nathan-a hi awmlo se chuan i pa pawh he hmunah hian kan vui liam thei hauhlo ang," Ka nu thu rawn sawi chu awihlo lutuk in mittui nen ka en a


"Nu, Eunice, pawisa tlem a zawng a pek che u avangin in ngaidam a maw? Ka ben avangin ka thiamlo zawk itihna em ni? Teuhlo lutuk, ka pa minlak sak a, fahrah a min siam tu a nih hi, fahran ka ni, fahrah ka ni," Mittui nen a ti chhuak ṭuak chuan a tawplam chu a ri chang chang chauh a ni


ka nu mit a en in, Nathan-a antih tualthattu lam chu hawi leh hrawk a, melh rawm rawm in, "ka ngaidam ngailo angche, Pathian khian a hrem che a nihloh chuan ka kut ngei hian fahrah a min siam man chu ka pe ngei angche," Kha lutuk a ka hma a ding, kei ai a sai pui tiah lawih a lian chu cho lutuk in ka en chho a, "i thih ve vat theihnan ka dil fo bawk ang," Hriam hrak a ti lehin, su deuh sawk chuan ka pen sawn nghal hlawk hlawk bawk a, ka thinrim lutuk taksa khur ru dar dar chuan pen a ti sak lek lek bawk





NATHAN-A.....POV




Ka mi sut putar fanu tleirawl in ṭap pur chung leh thinrim zet a ka dul a min nam sawk sawk chu ka dawh mawl tawp a, a mit sen râm a natna chu ka hmuhpui thei



"Pu Nathan pawi ka ti hle mai, ala naupang êm a, i hrethiam dawn nia," Putar nupui, Henry-an Pi Mawii a tih chuan min rawn bia a, a fanu tleirawl thinrim zet a kal tau hlawk hlawk melh zauh chuan, "ka hrethiam a lawm, a tawp nan rawn lan ve ka duh mai a ni," Ka ti sup a


"Bawiha kan kal a hun dawn a nia," Henry chu en zawkin, Putara thlan lam hawi deuh vang vang chuan, "puih theihna che u ka neih phawt chuan ka pui hrehlo che u a nia," Ka ti ve tak na in tun aṭang a reilo te a jail bang zut leh tur ka ni reng tawh mai si a


"E...mintih sak hnem tawh alawm, tukin ah thlân minlo leisak a, sumfai kan phuloh lutuk minpe bawk a, kan lawm takzet zawk a ni Pu Nathan, cctv video te pawh kanlo hmu a, ka pa thiamloh zawk a ni chungin mawhphurhna i rawn la a kan lawm takzet a nia," A fanu U zawkin a rawn tih siam siam chuan ka bu nghat nghat a, "kan kalsan phawt angche u," Tih leh melh zawkin kan in her nghal a


Car awmna lam kan pan chuan car kawngkhar ngheng chung a kuangkuah at a ding a, rum lutuk a min en tu tleirawl luhlul hmel zet mai chu en in, "Bawiha car ah minlo va nghak dawn em ni?" Ka ti sup a


"A chi dawn em ni?" Naupang lam chu a hawi a, ka ṭhen suk a, "kan inhmuh leh tawh awm silo a, a pa thuchah hi a hriat a ṭha a ni," Ti sup chuan ka pan hnai nghal a, a kut kuangkuahna dah thla a, ding ngil nghal at a, cho hmel fahran a hawi vah a minlo en chuan ka kiai suk ringawt a


A ṭahna mit sen râm leh bui luk mai te, thinchhe mithmul tih hriat tak erh sei zet mai leh a biang tai tûk mai te, a hmui sen no hlar mai te chu a in hmeh letling phian lehnghal



"Eng nge ila duh? Pawisa a min tih lungawi theih i ring em ni?" A naupan ang ai lah hian a chal tlai daih mai lehnghal a

"Ṭha tak a biak che ka duh mai chauh a nia," Dam dup a ka tih chuan min ner khum sawng in, "tualthat tu i nihna a bo chuanglo," Min rawn melh chho leh ram ram tawh


Ka bu nghat a, alam a pen hnaiin tawlh hnun a tum chu a dar tawn tawn ah ka vuan vat a, a tal zui phat phat bawk, "min thlah rawh, min thlah rawh ka tih chu," A rak tuar tuar tawh lo na in, a aw chu pawr ve tak a ni, a tet ang aiin ala chak zui phian leh ta nghal a


A tal deuh phat phat chu thing deuh nawk nawkin, "awm ṭha rawh," Ti hluk chuan, ka pan hnai hret a, a bengbul te a ka kun hniam chu a lo ip chawih tih ka hre thei, nui ri sukin a beng chu ka hnaih leh a, chet a tum leh phat chu, "che suh," Ti sup in, "i pa khan ṭap lo tur che in leh min haw lo turin a duh che a, in enkawl ṭha turin a chah bawk che, lo enkawl tur che in min chah bawk a ni," Ka sawi zawh rualin a per sawn dawrh a



Rum lutuk a min rawn en chho rawm rawm in, "a that tu ini a, i thusawi chu awih turin minduh em ni?" Ti bak hlak chuan, "i mi enkawl na ka mamawh heklo," A ti zui leh khar khar bawk a, a tereuh si a, a in siam hlauhawm kual vel chu duhawm na lai riau a nei reuh lehnghal



"Ka hria alawm," Tih leh uluk zet a en in, "Malsawmdawngzel in enkawl ṭha angche," Ka tih chuan min en kawk a, "engtin...." A tih lai mekin, "i pa in ka kutah a dah che tih ka sawi kha," A ner sawk a, "ka mamawhlo che," A ti deuh hmuk bawk


Bu nghauhin ka dar san ak in engmah sawi tawhlo chuan ka inher a, pen 4 vel awrh ka pen ang tih ah, "Nathan," Ka ding dat a, ka hawi let a, min en kar chung chuan, "vi...video kha ka hmu a, ka pa pawh a thiam famkim biklo tih ka hre ve tho a nia. Mahse....." Ka lo nui hak a


"Video mai anih kha, i sawi angin fahrah ah ka siam tho che a ni lawm ni Malsawm, in enkawl ṭha la, i pa ngaihtuah turin awm suh angche," Tih leh in herin car awmna lam chu ka pan zui pawk pawk a


"Ni e, fahrah a min siam tu ini tih theihnghilhin suh angche, he khawvel a min hmangaihtu leh ka neih chhun min laksak tu ini tih hre reng rawh, Nathan LION..." A rawn au zui tuar tuar chu chhang let tawhlo leh hawi let tawh lovin;


Car a ṭhu lutin, "naupang sual satliah chu a nihloh hmel," Henry-an alo tih chuan ka nui ve suk tho mai, ka melh leh zawk a, a duhtawk a min kau khum hnuah manhla tih hmel zet chuan thaw ala zui druh kawk kawk chu a hmuhnawm ru phian lehnghal


"I case hi a awl ai dawnlo khawp mai," Car tinung pah a Henry-an a rawn tih chuan ka thaw hak a, ka ṭhu ṭha zui zat bawk, "jail tan pawh pawi ka tilo a nia Bawiha," A lu a rawn thing mat mat a


"Teuhlo lutuk, i thil tih nilo ah ka tan tir dawn aw zawnglo che, min ring rawh ṭhiana, ka la chhuak em em angche," Nghet charh a a tih chuan, awlsam tak a ka chhuah inring viaulo mah ila ka lawm tawk tawh em em tho


Heng Malsawmi pa thlàn leh zângna dawmna sumfai zawng zawng hi Henry-a buaipui vek a ni a, tunah hi chuan ka 'nunna chhantu' ti pawh ni ila ka sawi sual tawp nang


Ka phone a rawn rik ral ral chuan bih zawkin ka thaw hawk a, Henry chuan min rawn melh zawkin, "a rilru a hah viau ang, nizan khan engmah ka sawi mumal hman silo a," A rawn tih sup chuan ka pickup ve mai bawk a


"Lalpa... U engthil nge awmzia hi? Jail chu i tang tak tak dawn em ni?" Ka pickup rualin ka nau Angela-in a rawn ti nghal sawk sawk a



"Ka rawn haw harlo ang, naupang ho kha lo enkawl ṭha angche," Ka tih chuan a rawn thaw hak a, "nizan ah u Maria-i a rawn haw silo a, in awmtlan ka ring a nia, nichin deuh khan rawnhaw in a thawmhnaw pack-in chhuah lehnghal a tum a, a chhuah hmain naupang ho chu kan enkawl theih dawn chuanloh thu leh fahrah in a dah mai turin minti a, sawi mai tur pawh ka hrelo, engthil nge thleng teh nuaih hi U," Angela-i chuan a rawn ti nuah nuah a


Ruh lutuk a ka kut hum ruh chuan, ka bek pawng ṭawlh ṭawlh in ka inseh ruh bawk a, "Angela ka rawn haw vat ang, naupang ho kha khawiah mah lo awmtir suh angche," Sak zet chuan ka ti bul hluk a


"U, an nî ka nih hi, ka vahte an nia lawm, rawn ngaihtuah suh, ka enkawl thei, e chuan in, U Maria-i chuan cheng nuai 2 min hnut chhiah a, engtia tih tur nge pawh kala hrelo," A tih leh chuan ka thaw ri hrawih hrawih a, tun a ka dinhmun tlawm vawng vawng zia chu, chu thu chuan a rawn nem nghet chiang em em bawk



"Khawih che hauh suh angche, ti khan dah rawh," Ti hriam hrakin,"ka kal a hun Angela," Tih leh phone dah ka rual a, ka khabe ruh se ri ralh ralh chuan thaw ka la kawk kawk bawk



"I ṭha maw...?" Ka ner sawk a, "ka ṭha e," Ka ti bul hluk ringawt bawk


Henry chu rawn nui ri hukin, "ṭhalo tawp a nih kha," Tih leh car a ṭang a chhuah a rual nghal a, mit chhing sawk a thawk chhuak hawkin ka chhuak ve nghal zat bawk

A dik. Ṭhalo tak ka ni...!




XxXxXxXxXxXxXxX



"Eng nge ka in ah in rawn tih Prathat," Malsawmi nu hrawn chuan hawi zek zek pah chuan a ti khar khar a



"Engthil nge ka rawn tih i hria alawm Anika."


"Khati khan minko tawh suh ka tih kha," Malsawmi nuhrawn chuan alo ti bak hlar a, "thla 1 hun minpek belh turin ka tih che kha, ka pe em em angche," Ti zawm leh se se chuan, "let tawh rawh u," A ti leh sap bawk

A hnunglam hawi zek zek chuan Malsawmi leh a fanu Eunice-in an hmu ang tih a hläu tih a hriat reng


"I pasal a thih tawh hi Anika, thlakhat dang leh ah chuan i sum bat zawng zawng hi min rul thei dawn em ni; Mahse..." A sum batna pa, Prathat-a a tih chu thle deuh vang vangin inchhunglam chu a melh ralh ralh a


"Prathat i mit kha ka fanu chungah fuk tir tawh suh ka tih kha," Malsawmi nuhrawn chuan alo ti hrawk a, Prathat-a chu nui hawk hawkin, "Nuai 80 aiin i fa hrawn, hmeichhe tleirawl saw ka duh tih i hriat kha Anika, in ngaihtuah chiang angche," Malsawmi nu hrawn dar a a kiu nghat chuan, "Maya saw minpe a nih chuan nuai 50 ka pek belh angche nga, he Mumbai khawpui hi i fanu nen inchhuahsan dâwn nia," A ti leh sar sar a

Malsawmi nu hrawn chu thaw dep depin, "ka fanu a ni ka tih kha," A ti ve tak na in, a leiba nuai 80 a rulh theihna a nih dawn mai bakah, nuai 50 dang a dawn theihna tur a nih avangin a ṭawng ri pawh a hma aiin a ring ta lo in a nem ta viau mai


"In ngaihtuah chiang rawh a Anika," Prathat-an a ti leh ser ser chuan, "in ngaihtuahna tur a awmlo, sum chu kan pe em em angche u; Mahse, ka nau ni lovin," Aw chang zet lo chhuahna lam chu an hawi nghal vat a


"Eunice," Anika chu a phun sep


A sir a ding vai palian zet mai Prathat-a chu nam sawm deuh nawk nawkin, "kal tawh rawh, kal rawh," A ti nghal sap sap bawk a

"Nizan a loan i sawi te kha ka pa loan lakna ni lovin i leiba a ni tiraw ka nu," Eunice-i chuan a nu chu a en kar a, "ti chuan Nathan-a pawisa nuai 20 i dil chhan pawh hei vang hi maw? Engthil nge i thluak ah khan awm a ka nu?" Eunice-i chu a thinrim takzet a

"I ngaih ang kha a nilo Eunice," Anika-in a tih leh mek laiin, "Anika lo in ngaihtuah angche ni 3 chhung hun inei," Tih leh Prathat-a chuan Eunice-i chu en ralh ralh chung a a car awmna lam pansan in, Eunice-i chuan a nu chu a en zui hrawk a


"Ok ok, ka ba a ni, a tawk em? Prathat kha misual tak a nilo a, pa hausa leh thilti thei tak, private loan puk tir thei a ni, a tawk em?" Tih leh inchhunglam pan a tum chu, "loan ni lovin i gambling na avanga i sum bat a ni zawklo maw ka nu, ila simlo a maw, vawi engzah nge ka pa khan i hnu hnawk tak tak a then a, i sumbat a rulhsak che i hria em? Tun dinhmun a kan din theihna chhan pawh hi a ni, tunah Maya pawh khang Gang ho lak ah khan hralh i tum a maw?" Eunice-i chuan ṭap lek lek a a nu a hrilh chuan

"Eunice ka nu nge inih a ka fanu, engthil nge ka tih ka hria, min zilh ka ngai khanglang lo. Maya ka hmangaih zia pawh i hria alawm. Chutiang bawkin Prathat te kha Gang an ni hauhlo bawk, BusinessMan lian tak a ni, Maya tan pawh a nawm zawk ka ring mai chauh a ni, a bak ka rilru ah a awmlo," Tih leh fak fak a, Eunice-i ṭawng tum a a ang zuai chu, "a tawk Eunice, i kâ kha veng ṭha angche, i lei i ven hnehloh avang a buaina kan tawk a nih chuan mawhphurhna i lak a ngai dawn a nia," Tih leh inher vah chuan a pen sawn nghal lah lah bawk a


Eunice-in a nu awmdan chu en ngawih ngawihin, beidawng lutuk chuan thaw ala kawk kawk bawk a, a rilru in Maya hi he hmun aṭanga hla tak ah a thawnbo a ngai a ni tih a in hrilh nghal mawlh mawlh bawk


<>~>~>~>~>~>

💜 ADS HI A CHUNG LEH A HNUAIAH DAH VE VE A NI A 💜
A chung leh a hnuai a mi hi vawi khat ve ve click tur a ni e, in lo hre dawn nia 👇👇

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 4:57 pm

MY TREASURE
by
Floria laldansangi


Chapter < 3 >


Maya...POV (Malsawmdawngzeli)


"Maya ka office ah min rawn zui teh angche," Ka lehkhabu ka khung mawlh mawlh lai a kan teacher in a rawn tih chuan en zawkin ka bu nghat a, engthu nge a sawidawn tih ka hre nghal bawk



Kan test na chungchang kha a sawi ngei ang, ka mark hmuh chhiat zia a sawi dawn tih ka hriat avangin ka peihlo sa takzet bawk, kan teacher zingah pawh a ni hi chu tlêma duhsak bîk leh thliar bik nei a nih avang hian ngainat pawh ka ngaina viaulo



"Engthu ah nge biak che a duh le?" Prina chu ka en zawk a, "engthu nge ni ang answer paper bak kha a hmuh nawn dawnlo, a dan alawm," Zoey-in a rawn tih ve vat chuan kan nui hak a


Ka pa boral aṭangin thla 1 a liam leh tawh, karleh mai hi final exam a ni tawh bawk nen, lehkha ka lo zir nasat loh chu thu hran, ka pa boral ka tuar bawk nen ka ti chhe ve bawk êm a hauh chu ka phu ve hrim hrim viau in ka in hria



"So.. Are you going to join us for dinner?" Ka lu ka thing a, "haw hmat ka duh, sorry girls," ka tih chuan an bu nghat a, "a nih chuan kan kalsan angche, fighting Maya," Office kawngkhar melh zawk a an tih chuan ka nui ringawt a


Kawngkhar zawn a ding a thaw la a thaw chhuak leh ham ham in, ka kik nghal khar kharh bawk, "coming," A tih rual a lutin, "Ma'am."


"Lo ṭhu rawh Malsawmdawngzeli," Ka hming sei zet chu fiahlo leh âwn kawi sawi lutuk a lam chhuak hrâm chuan ṭhutna min kawh hmuh ah chuan ka ṭhu thla a


A thiltih lai dah a a tarmit phen aṭanga, a tihdan ṭhin te bawk a min rawn melh kiau in, thaw an la deuh hak bawk a, "well Maya, ka koh chhan che i hria tiraw?" Ka en kar a



Ka hma ah ka answer paper rawn dah chuan, "engtin nge hetiang te chuan exam i hma chhawn ang ni? Ni reilo te hnuah final exam in nei dawn a, i pass thei dawn em ni?" Ka chhanglo a, ka ṭhut ngai rengin ka ṭhu at thung


"I pa boral na ala reilo tih ka hria. Mahse, hetiang ringawt chuan hmalam i pan theilo a nia," Ka rin aiin min hau nasa lo, "tuitor i mamawh i ring em?" Ka lu ka thing mat mat a, "ka pass em em ang," Ka tih chuan bu nghat in, "ok, ka hrethiam e, kal tawh rawh," Tih pah a a kut a kal tur a minti chuan dingin ka pensawn nghal a



Kan school gate lian tak mai ka thlen dawn chuan, "hey... North East hmeichhia kha," Min rawn ti tu an awm avangin ka ding dat a, ka in her zui bawk, ka lam pan a tu te nge an nih pawh ka hriatloh, kan school forms ha ve tho si te chu en karin, "min ko em ni?" Ngeiawm zetin an nui ri hak a


"Maya ini tiraw? North East Mizoram tereuhte aṭanga rawn kal antih kha?" A lai a ding an boss ber tih hriat tak chuan a tih chuan thle deuh hâ in, "tereuhte ni lovin i rawn chhuahna ai chuan a lian," Ka ti let ve sak chuan ding khawng nghal at in rum lutuk in min en a


"Man bet rawh u," Tih leh a ṭhian te pahnih in kalam rawn pan a min rawn man an tum chu ka bag ah lai nen chuan ka lo vai pawp pawp a, "mi pahnih pawhin in man hnehlo amaw?" Ti ṭhawt a min rawn hnai leh min keh a rual nghal awrh bawk a, ka lo duai biklo nasa mai, ka bag chu lei a paih sawkin ka kek let ve nghal ṭhuai ṭhuai a, mi pathum an ni na chungin an duh ang ngawt chuan min sawisa thei bik teuhlo


"Insual an awm a nia," Au ri chel chul kan hriat pawh chuan minla thlah miauloh avangin an Boss ber nen chuan kan chhip sam ah kan la in uaibet ngar ngar mai, kan Home room teacher nichin mai a ka hmuh Miss Mandy-i kan lam rawn pan hlawk hlawk a, min pawt ṭhen chuan ka kehna sam a rin hmiar a, ka sam pawh a ṭil ve ṭhawt tho



"In pathumin tunah Principal office ah min rawn zui rawh u," Miss Mandy-i chu thinrim tak a ni, kei erawhin a chhan pawh ka hriatloh a min rawn sual ringawt tu te, sam thur zet leh ka ham na hmai pilh phung nen a min en tu te chu ka en ve ngar bawk a

Ka hmai a pilh ve tih hriat takin ka mit ko leh biang veilam chu thîp ser ser tak a ni, an pathum chuan an mittui a tlingpam, kei erawh a teuhlo, ka kut ka la hum ngar ringawt a ni


"Min rawn zui rawh u," Chang lutuk a Miss Mandy-in a tih leh chuan ka bân a vuanin min phih sawk a, hawivah a, la melh ram ram chung chuan ka pen sawn ve chhat chhat bawk



Principal office kan luh a thu awmzia min zawhlai chuan ka ngawi ngal a, an boss ber kha Laura a ni a, midang pahnih erawh ka hre leh tawhlo, a chhan chu tun a Laura-in ṭap pur chung a a thusawi chuan ka rilru ala peng zawk tlat a ni


A thusawi awihlo lutuk chuan ka hau in ka en a, "Maya, eng nge sawi tur ineih ve?" Miss Mandy-i chuan min ringlo tih hriat takin a rawn ti ṭhak a, principal pawh chuan min en kar bawk


Ka nui hul hak a, an pathum a in hnit feih feih lam kut tum nen a pan hnaih ka tum chu Miss Mandy-i ka hma a rawn ding zatin, "Malsawmdawngzeli," A ti ṭhat a, rum lutuk a melhin, "ka khawih hmasak an nilo, engvangin nge kut ka thlak ngawt ang ni? Hey... Laura engvangin nge kut ka thlak ngawt angche, ka hre ngailo che a, min hre ngai em ka hre heklo, min ko ding a, kut min thlak tu zawk in nih kha," Thinrim zet a seh chilh deuh bap bap a ka tih chuan ka thusawi chu a tu amah chuan an ringlo tih hriat takin an in melh kual hrek hrek ringawt lehnghal


"In nu leh pa te kan koh angai ang," Principal chu ka en vat, "a theihloh, cctv en ka duh," Ka ti nghal hlar chu, "Maya school naupang ini a, in teacher leh principal kan ni bawk, zahna chhe te tal lan tir rawh, hmeichhe thunun awlai tak i nilo tih chu ka hre tho a, hetiang a i pa boral rual a i khawsa hi ka lawmlo takzet," Principal thusawi chuan min khei zar mai


Ṭawng tum a ka kâ ka âng leh chu hawisawn hmak a phone phawrhin kan chhungte a be kual nghal a, ruh lutuk in ka in hum ngar ngar thung


"In nu leh pa te an rawn kal dawn a, buaina siam tawh suh angche u," Phone dah ri khap pah a tih chuan ka sir a chair chu pawt hnaiin ka ṭhu thla hnak a, ngeng lutuk a tukverh lam hawi hmakin, ka ngawi ngul bawk



"In buaina bul min hrilh thei angem?" Miss Mandy-i chuan Laura te chu a zawt leh a, vawikhat pawh kan buai chhan minla zawt ve lo chuan ka thin anti rim hkur bawk "a chhan ka hre biklo, min rawn khawih ringawt a," An pathum chuan an thusawi ala in ang vek zui a, hreptak hian a, "min khawih...."


"Maya lo ngawi rawh," Miss Mandy-in a rawn ti ṭhat chu ka ha pui ka seh ngar ngar a. Hetiang tur tih hriat a a ai na a lo sual let a, a sam te saw lo pawh kawh ver tur a nia leh...!


20mins hnu velah Eunice-i a rawn lang hlawl a, Laura nu leh midang te pawh an rawn lut sap sap bawk, engvangin nge ka thusawi anlo ngaihthlak ve reng rengloh tih Laura nu an biak dan ah chuan alang nghal


Thil awmdan an zawh chuan Laura te sawi ang chiah a sawi chhawng chuan misualber ang maiin min rawn en ṭhap a, kei erawh thil ka tihsual loh miau avangin ka hawi vah thung


"Pawi ka ti leh mai principal, Laura nangni pawh in ngaihdamna ka nau tan hian ka dil sak bawk a," Eunice-i bân a vuan chuan ka pawt her sawk a, "engvangin nge ngaihdam i dil, thiamlohna ka neilo, fair takin engvangin nge in chhuiloh ni, cctv a awm a, kan en thei reng alawm," Ka au tawn tawn a, tumah lah chuan min ngaithla lo


"Miss Eunice, i nau hi he school ah hian kan fa te nen a kal ho turin kan duh tawhlo a ni, hnawh chhuah kher ngailo a a bân kan beisei," Laura nu ber chuan a rawn ti ṭhak a, ka lo nui hul hak thung


"Mrs. Mallorca khawngaihin vawikhat chu ngaidam hrâm turin ka ngen a che u, principal ka nau hi misual tak a nilo tih in hriat ve tho ka ring, ka pa boral na ala reiloh mai bakah, naupang mai ala ni a, vawikhat chauh chance pe leh turin ka ngên a che u, karleh mai an exam a ni tawh si a," Eunice-i chu ka ngei lek lek zawk, ka ṭhutna aṭanga tho thurhin, "ka thiamlohna a awmlo, in duh chuan min hnawt chhuak ula, in thu thu a ni e," Tih vak chuan Principal office chu ka chhuah san nghal hlawk hlawk a


"Tufa nge a nih a, tu nge a nu leh pa te, engtin nge he school ah te hian inluh tir theih?" An thusawi chu ka hre hman hrâm bawk



"Maya ding rawh, Maya ka thusawi chu i hria em?" Min rawn phih her sawk a, "engthil nge i sawi kha i hria em, karleh mai ah in exam dawn a, tunah...."



"A tawk Eunice, engvangin nge buaina ka tawh chhan min zawt em? Kan buaina bul ṭan min zawt ve reng reng em? Zawtlo, min zawt hauhlo, sawi pawh ni ila min ring dawnlo tih ka hria alawm, chuan he school ah hian kal ka chak em em lo bawk," Ti tawn tawn a ka in her leh chu ka ding dat a, ti mai hian ka chhuahsan theilo, cctv operator room ah ka luh a, engthil chiah nge thleng ka hmuh tir ngei an ngai a ni



"Eng nge tih i tum Maya, buaina siam belh i tum tihna em ni?" Eunice-in min auh lawm lawmna chu haider hmakin security room lam pan chuan ka tlan chho dawt dawt a


Kawngkhar nam hawng ṭhuai chuan, "security guard pathum lai lo ṭhu chu an rawn hawi ṭhap a, "gate bul a cctv footage saw hmuh ka duh," Tih leh pan hnai ka rual nghal bawk a



"Chutiang in kan ti theilo," Pakhatin a rawn tih chuan melh vakin, "ka landan ah hian i thusawi ka ngaih pawimawh i ring em ni?" Tih leh, "evidence tur ka duh mai chauh a ni," Ka tih leh chuan a upat hmelber chuan, "tlailam a insual te kha em ni?" A nui deuh tut bawk a


Ka bu nghat a, min chhang tawh lovin computer chu hmet nawlh mawlh chuan, "kha heihi la rawh, i ṭangkai pui ngei ka beisei, chuan insual i chak hle mai," A nui zui sun sun a, za lo zet chuan a pen drive min pek la pahin ka ṭhen ve sak ringawt bawk



"Maya...."


"Eunice, keimah in ka chingfel thei, ka thiamloh na ah tumah ngaihdam ka dil ngailo tih i hriat kha, chuan minpui turin ka mamawh lo che," Ka lungawilo takzet a chungah hian, engtin nge ngaihdam a dil theih ni?


Principal office lam chu ka pan zui leh hlawk hlawk a, kawngkhar pawh kik lemlo chuan ka nam hawng ṭhuai bawk, an lo la awm kim ṭhap tih hriat takin an rawn hawi ṭhap bawk a



"Maya eng buaina nge ila duh?" Miss Mandy-i rawn ding chhuak leh a min vin ṭhat pawh chu melh pawh melh lovin principal leh vai hlang, vai rilru chhe tak tak ho ṭhutna lam panin dawhkan ah chu pen drive chu ka dah ri khap a


"Hetah hian engkim a awm, tunge dawtsawi a, dawtsawilo tih chu," Tih leh Laura lam chu ka hawi a, "Engvanga kut min thlak a, dawt a minpuh nge inih ka hrelo; Mahse, he video clip erawh hi chu kan school pumpui hmuh turin ka tar chhuak ve kher dawn tih erawh ka hrilh sa angche," Min en ṭhap a


Ka sam hnawk zet mai tuai pawh kala tuai mamloh phe suau a in her vawh a ka pensawn tur chu, "Maya," Ka ding dat a, ka inher leh a, Laura a ṭhutna aṭanga rawn ding chuan, "engvangin nge Ronan te nen khan inchhuah dun?" Tunge a sawi hi ka hra hauhlo


"Tu Ronan nge i sawi hrelo."



A ner sawk a, "engmah hrelo ang khan awmsuh, i pa boral ni a in len chhauh ho kha," Chutia a tih tak ah chuan ka hre chhuak zawk mai, ka nui ringawt a, ti chuan kha vai pa vang khan an kut thlawn ka tuar a maw...? Chhe tak e aw...!

"A hming rawn sawilo la ka hre tawhlo hrim hrim, kha vang a kut min thlak in nih a, i bialpa alo nih chuan nei rawh, hnamdang mipa ka mamawhlo, ka hnampui Mipa antam lutuk," Chiang fek fawk leh ngeiawm si, dik inti fe a kan teacher te leh an nu te ṭhu ve en vah chuan ka ti let sak sak a


"You...."

"What you, you, he school hi International school a ni a, he video hi social media a post chhuah a nih chuan eng ang buaina ah nge inluh dawn tih leh board meeting in engtin nge hremna a pek angche u tih ka hre chak khawp mai, he school a Mizoram hmeichhe kal awm chhun ka nih a vang a en hran na ka tawh hi ngawihbo pui mai mai ka tun tawh hauhlo bawk, principal thar leh zirtirtu thar kan mamawh a ni mai," Ka ti let ve sak sak chuan principal chu a ṭhutna aṭangin a rawn din tir zawk a, midang pawh chu an rawn tho nghal vat bawk


"Maya..."

Miss Mandy-i leh principal chu ka en a, "Miss ngaihdam min dil tum suh u, ka rilru in tihnat na leh ka hmai khem zo zai te hi 'sorry' tih thumal a dam thei a nilo," Ti leh fak fak chuan inherin kawngkhar bul a Eunice-in mit khap fak fak a minlo en na melh zawkin ka pen chhuak vawh vawh a, ka chhuah rualin ka thaw nghal kawk kawk bawk



Engtin nge khatiang a huaisen na kha ka neih theih ni, sual viau mahila khatiang thu zawng zawng sawi tur kha chuan huaisen na mum 10 vel ka ei angai angchu ; Mahse, ka ti ṭha takzet, ka inchhuang lutuk mah mah, ka dikna ah chuan 1inch pawhin ka tawlh hnung ngailo tih hre ve hrim hrim se a ṭha ve alawm. Mahse, school ka kal chhunzawm thei a ngem maw ni...? Arghhhh ka ngaihtuah peihlo e a...!



Ka duh tawk mai a kan principal leh Miss Mandy-i leh midang ka an khum hnu chuan gate lam chu hawi vahin ka pan a, ka nui leh sun sun ṭhin bawk, aman hla zia chu e ka sawi thiamlo, Miss Mandy-i ngat phei chu min en hran lutuk vang hian ṭawng khum ka chakna a rei tawh hrim hrim bawk a, ka vahan inchhuang tak êm....!



"Malsawmdawngzel i ti ṭha lutuk, ka chhuang lutuk," Keimah leh keimah inbia a nui vur vur chuan ka sam chu ka tuai mam pah a



"Ni e, iti ṭha lutuk, chuan nichian a engmah thil awmzia ka zawhloh che avang khan ka tihpalh," Uber ka ngahna bula rawn ding a ngaihdam min dil tu Eunice-i chu ka en a, ka lu ka lo bu nghat ringawt a


Thinrim phei chu ka thinrim tawhlo hrim hrim, school aṭang a min hnawh chhuah a hlauh avangin khatiang khan a che tih ka hriat thiam pui ve tho a tin ni


"A ho lutuk Eunice," Ka nuih seih a, "a lehpek ah chuan min zawt tawh dawn nia," Nui ṭhû a ka tih chuan, nui ve ṭhû chungin, "a lehpek a awm tawhloh hrâm rawhse," Kan nui dun nghal ar ar bawk


.
.
.
.

Kan in gate kan luh rualin darthlalang keh ri chuai chuai leh ka nu rak tuar tuar ri kan hre zui zat a


Eunice-i nen in en haw chuan rang lutuk a tlan lutin, "nu," Kan ding dawt nghal


Kan in chhung a vai palian tak tak mai ding khup a, kan in chhung bungraw paih darh mek tu te chu phawk lutuk in ka en a, "engthil nge thleng hi? Eng nge kan inchhung ah intih?" Eunice-in a tih tuar chuan, tumahin an ngaihsak lo tih hriat takin, kan pangpar khawina pot lianber mai chu pakhat in la kâng a paihkeh leh a tum chu ring lutuk in, "STOP, STOPPPPPP," Ka au vak a, an thiltih chu an chawl zui ṭhap bawk, ka lam rawn hawi ṭhapin, "tu te nge innih, police ka call dawn," Tih leh ka phone phawrh ka tum chu, "Maya i theilo, police i call theilo," Ka nu chuan min rawn pan nghal ruak ruak a, mak ti zet a en in, "nu, tu te nge an nih, engvang a kan inchhung hetiang a suasam nge an ni?" Eunice-i ka melh a, an meng khup lap lap leh ka mit ah an en duh miahlo chu ka hre thiamlo



"Thu ka zawh che u chu."


"Kan hriat thiam theih turin sawi rawh u," An boss ber ninawm tak mai, kan sofa chung a bawp khawkherh at a ṭhu chung a rawn ti thum bul tu chu ka melh vat a, "kan be lo che," Ti hrawkin ka nu leh Eunice-i bawk chu ka en leh nghal a


"Engthil nge awmzia hi tu emaw zawk zawkin min han hrilh te u," An ngawi dak chuan ka thin anti rim takzet


"Police ka call dawn," Rang lutuk in ka phone chu ka nu in a rawn phih thla sawk a, "pawisa an duh," Ka en haw ringawt mai, eng pawisa nge a sawi hi...?


"Eng pawisa chungchang nge i sawi?"



"Maya, i hriat tur ṭul a awmlo, i room ah lo han chho rawh," Eunice-in a rawn tih chuan ka melh vak a


"Naupang chhia ka ni tawhlo Eunice."


"Khatia in be renglo khan kan duh chu minpe mai rawh u, pawisa minpe theilo anih chuan i fanu Maya hi mipe rawh ka tih kha Anika, cheng nuai 50 ka pek belh zawk dawn che ka tih bawk kha," A ṭhutna aṭangin a rawn tho a, kan din na lam a rawn pan chhurh chhurh bawk


"Eng maw?"


"Nupui atan ka duh che ka tihna a nih chu."


"Zawng uicho pa," Kha lutuk in ka ti chhuak a, "i lei a hriam ṭha reuh hle mai, ka duh zawng tak ini, ka ring sual lo bawk," Min rawn din hnaih a tum chu Eunice-i ka hma ah rawn ding zatin, "i duh a nih chuan ka zui angche, ka nau erawh i kut hmawr pawhin khawih suh," A en chho vah a


"Eunice," Ka nu nen chuan kan ti rual ṭhat a


"Ka duh zâwng ini lo tlat mai, a pawi hle mai, ka duh zawng chu i unaunu kawlhsen tak mai leh duhawm zet hi a ni," Tih leh Eunice-i nam sawn dawrh chuan ka lam a kut a rawn lek chu lo vuan betin ka theih tawpin a bân ah ka lo sehsak vak a, rak zui ṭhat in min vai tlu nawk a, chhuat ah ka let thla hnawkchu, "man bet rawh u," A ti zui ṭhat bawk


"Maya tlanchhe rawh, tlân rawh, tunah," Eunice-in min rawn man tum tu nam sawn pah chuan min vin tuar tuar a, ka tlansan theilo, tunah ka tlansan a nih chuan ka nu leh Eunice-i hi an thi ngei dawn tih saw vai putar mitmeng sen hlarah sawn ka hmu thei a ni


Eunice-i bân tawn tawn a man bet chuan, "a tlan chhiat theih i ring tak tak em ni?" An boss ber chuan a ti hrawk a, ka lam a rawn pan zui chhat chhat chu rang lutuk a ka tlukna aṭanga inperh tho chuan, "penkhat pawh a i rawn pen hnai leh a nih chuan police ka call ang, ka call ngamloh ring miah suh angche," Ka phone chu ka lek kâng va bawk a



A dar min san khum ak in, "go ahead, go, go," A tih chuan kut khur deuh dar dar a ka phone lockscreen hawn ka tum chu a rawn phih thla sawk a, ka bânrek ah hmer a min phih sawkin hnehsawh lutukin alam ah min pawt hnai hrawk bawk a, "Prathat," Ka nu chuan a rawn ti ṭhat bawk


"Anika fanu inei hmelṭha tih ka sawi tawh kha ila hre reng em? Hnai tak a en hian a hmelṭha leh zual a nih hi," A mitmu zet chu kher chhuahsak ka vahan chak tehreng êm....!


"Min thlah rawh," Tih leh ka tâl phat phat a, "Prathat, ni 3, ni 3 chiah hun minpe leh rawh, ka rul em em angche," Ka nu chuan chhuat a ṭhingṭhi chung a a ngen chuan Prathat-a a tih chu a nui huk a, "i thusawi te ka rin ila ring em ni Anika, zanin hian he hmeichhe naupang hi ka nupui a ni anga, pawisa pawh ka pek belh heklo angche, ti khan i leiba nen kan inrul tawkah i ngai dawn nia," Tih leh min rawn en hrawk a



Rum lutuk a melh chho chuan, tal eng ang mahila ka tal chhuak dawnlo tih ka hriat avangin, nuih lui sawng a alam hawi a in her rem chuan ka tha zawng zawng sàwm khawmin a kapah chuan na lutuk in ka khup chuan ka sawh zawt a, min thlah chiang ngei mai


Rak ṭhawt a, a kap dawm a a kûn ngawih ngawih chu a nau ten rawn buaipui tum a Eunice-i an thlah chuan, Eunice-in ka ban a rawn vuanin kawngkhar ah min tlan chhuahpui nghal rawk rawk a


"Eunice min thlah teh, ka nu kan tlansan theilo," Eunice-i bân ah chuan ka pawt bet a, kan gate pawn kan thlen a ding dawtin, "i ngaihtuah a ngailo, a in ngaihtuah thei, an duh chu keini ni lovin, nangmah ini, heta ṭang hian i tlanbo a ngai," Thil awmdan teh nuaih chu ka hrethiamlo takzet, hetiang a min ti tur hian an pawisa engzat fakau nge maw kan bat hrep le..?


Ṭawng tum a ka âng leh zuai tih ah, "Eunice," Aw thum bul mai rawn chhuahna lam chu kan hawi vat a, "Lalpa kan läwm e, Nathan ka nau hi heta ṭang hian a hla thei angber ah hruai rawh," Tih leh Nathan-a, ka pa that tu lam a min nam dawrh chuan, "kalpui rawh," A ti zui tuar a, gate aṭangin vai ho kha na rawn tlan chhuak lehnghal khup khup bawk a



"Eng nge i nghah, kalpui rawh," Nathan-a pawh chu a hamhaih ve deuh a niang chet mai nachang a hre biklo, Prathat-a tih chu kan bul a rawn ding dawtin, Nathan-a chuan ka bân a chelh vatin a hnunglam ah min pawtlut vat a, a palian in a säng ṭha nasa mai bawk nen, min din hliah hneh khep khep tak chu a ni


"Tunge inih?" Prathat-a, vai dum zetin a rawn tih khur khur chuan, "tu te nge in nih zawk a, khua pawh a thim hma hma a buaina in siam le?" Chu vaipa chu lian ve viau mahse Nathan-a, ka pa that tu chu ala sâng in, a sa pawh a ṭha zawk fe mai


"I hnung a hmeichhe naupang kha rawn kal tir rawh," A rawn tih leh chhar chhar chuan Nathan-a chu a nui hul hak a, "kaltir lo ta ila?" A thle bak bawk, a ngeiawm ve hranpa viau mai


"A nih chuan mindem suh angche," Tih leh kan lam rawn pan a tum chu, "ka hnung a ding hmeichhia hi ka nupui a ni a, in kut hmawr pawh a in tawk a nih chuan jail inthlen hma in ka that ve ngei angche u, ka vawikhat mi thahna a nilo a nia, Maya hi inzawt thei ang," What.....? Engthu nge maw a sawi le...?


Nathan-a hmel chu en chian tum chuan a sir a tawlhin ka melh chho a, ala nui sung thei chu mak ka ti takzet, fiamthu a ni emaw ni lo emaw, a thu ringawt pawh ka pa that tu nupui nih hi ka tum reng renglo


"Engmaw...?" Prathat-a chuan ring lutuk chuan a rawn ti chhuak a. Ni e, keipawh hian mak ka ti a ni, engthu teh hrep nge maw a sawi hi ni...?


"A dik, Maya pasal a nih hi?"


"Eunice," A mitmei in min rawn khap vat leh ta nghal, eng thu lawilo nge maw an sawi hi le...?


Prathat-a chu thinrim insum tih hriat zetin a kut a vai thuak a, tawlh hnung hrut a rum ri hrawihin, "Anika naktuk khawvar ah kan sawi zawm leh ang tih hria angche," Tih hrawk a ka nu a en hrawk chu ka lo ip chawih thei, a nau te ho hnenah min that vek tur a thu a pek ka rin nen, a ti miahlo chu a mak letling



"Mi pawmlai ka khawih ngailo; Mahse, i nupui a nilo tih ka hre chhuak a nih chuan ka that angche nga, he hmeichhe naupang pawh hi a thi ngei ang tih hria angche," Hriam hrak a Nathan-a en a, ka mit ah tak rawn en chung a atih leh khur khur chuan, ka thaw dep dep a, Nathan-a kut engtik laiin nge ka vawn ka hrelo, ka vuan satliah pawh a nilo, a hmerin ka hmerbet a ni mah zawk


Nathan-a chu kiai sukin, "Chutiang chu a thleng ngai hauhlo ang," Ti let sup a min rawn melh chhukin mawi lutuk in a rawn nuih suk bawk a, ka lo thawk chhuak hak thung


Prathat-a te ho an kal liam hnu chuan ka nu chu chhuatah a ṭhu thla hnawk a, Eunice-in, "i ṭha em?" Tih leh ṭhut thlak a rual ve nghal zat bawk, keipawh chu ti tho, ka taksa ṭan zia ka hre chhuak chiah a ni, an kal liam chiah chu Nathan-a ka nek nghal rawk rawk mai alawm


"Nathan ka nau kha he hmun aṭang hian hruai bo rawh," Eunice-i thu rawn sawi chiah chu awihlo lutuk in ka en a


"Eunice," Ti hap a pan hnaih ka tum chu Nathan-an ka bân a vuan bet a alam a min pawtlet hrawkin, "thil awmzia in sawi thei angem?" A ti sup chu rum lutuk a en chho in, "kan chhungkaw buaina a ni, i hriat a ngailo," Ti vak chuan min vawnna phelhsak tumin ka tal phat phat bawk a, a vuan nghet mah mah a ni, a kut ṭang 1 pawh ka ti che zo lo


"Eunice-i hian a sawi dik, ni 3 chhung vel chu Maya rawn haw suh angche, kan in chingfel thei, Nathan i kutah kan dah a nia, ni 3 chauh chu minlo enkawl sak dawn niah," Tih leh rawn in bengkang in min rawn en a, ka ṭah a chhuak tlat chu ka hrethiamlo


"Engvangin nge ka tlanbo a ngaihbik, an pawisa duh zat chu kan neilo em ni? Ka pa thawhna Hotel aṭang leh Nathan-a hnen aṭang te, ralna sum dang leh kan pawisa neihsa zawng zawngten nen kan daih mai lo em ni?" Mahni a kal ka duhlo," Ka nu te lam pan hnaih ka tum chu Nathan-a lah chuan min vawnna a thlah duh dêrlo lehnghal



"Maya thuawih rawh, ni 3 chiah alawm, ka rawn hruai leh angche," Ka lu ka thing nawk nawk a, ṭah chhuakin min tur ut ut a, ka ṭap chhuak mai dawnin ka hria, Eunice-i leh ka nu chu mittui tlingpamin ka en a, "khawiah mah kal ka duhlo," Ka tih rualin Nathan-a chuan zo lutuk a min pawm kâng lawpin, "a nih chuan ni 3 hnuah ka rawn hruai let leh ang tih ka tiam a che u,"Ti supin min inher pui nghal chu ka tal nawk nawk a


"Minthlah rawh, min dah thla rawh, Eunice...." Eunice-i leh ka nu dinna lam chu ka en ṭawk ṭawk a, "Nathan min dahthla rawh, sakawlh, ramhuai, sakei inih hi," Ti tuar tuar a tal vak vak chuan a chhip buk laih maiah chuan ka kek zui a, ka phih sawk sawk chu a ner sawk duh lek chauh a ni


"Min dahthla rawh, min dahthla rawh," Ka chum a, ka sik a, a sam ka kek bawk, a engah mah a thawklo tih hriat tak a a pen ngai a pen pawk pawk chuan minti thinrim zual, a t-shirt var hak chhan a a âwm sek leh in phiarfat mai, a kawr hak ti mar pang a a hnute hmur rawn pawng chhuak tereuhte ah chuan ka sik vak a, rum nghut a ding dawtin, min thlah a tum chu tlak hlau leh siin rang lutuk in a nghawng ah ka kut ka suih bet nghal rawk rawk a


Ka awmdan chuan a nuih a ti za tih hriat takin, nui hukin, "chhuk i duh emaw ka tia," Tih leh min pawm ṭha leh chu, rum tawk a melh vakin ka tal phut a, min pawm nghet hmanlo nge, a tum ve hrim hrim pawh ka hrelo, Metal char zet mai ah mawng sawh dawt a tla awk chuan ka rak ṭhawt bawk a

Ka mawng ruh hi a tliakin ka hria, ana lutuk chu ka mittui a rawn hnam nghal ṭiam ṭiam a, ring lutuk a ṭap chhuak uah uah chuan ka mawng chu ka dawm a, ka tuai nghal vut vut bawk


"Ka tihpalh," Ti leh ka bul a rawn ṭhu thla rawk rawk chuan, "i ṭha em?" A ti nghal sawk sawk a


Kei erawh ka ṭah a chhuak tulh tulh thung, ka ṭah chhuah chhanber erawh ka mawng nat vang niin ka hrelo, ka pa a boral a, tunah ka nu leh Eunice-i hlatah ka awm leh angai a, chu mai pawh a nilo, ka mi huat em em, ka pa thattu chungah engmah ti theilo a ka awm leh hnehsawh deuh deuh a min thing phar thei hian ka thin anti rim a, ka ṭap a ni ber



"I mawng ruh i sawh em ni?" Rum tawkin ṭap chung chuan ka en a, a nuihza insum hmel te chu ka ngei so bawrh bawrh lutuk...!


"Sawh," Ṭap pur a ti chhuak vak chuan, "ka hua che," Ka ti lehnghal pur bawk a, a hmui petbet chungin, "ka hria alawm, lungngai suh naktuk tlaiah chuan ka hmel vawikhat mah i hmu leh tawhlo ang, ka tiam a che," Thutak zet a a rawn tih chuan mittui nen a en a in hnit feih feih chuan, "tak tak maw?" Ti ṭuak a ka mit ka khap fak fak chu nui sun sun a min en in a bu nghat a, "tirawh ka pawm tho angche, i tla tawhlo ang," Zai dam dup mai a a tih leh chuan thuawih zetin min pawm ang ang chuan mittui nen ka awm tawp a, mit hnawm chap chuan a hmel chu uluk zetin kar a


A khabe kual ruh lian tak mai in vuah dik thlap te, a mit khur thuk lam lek lek leh mit hmul dum chhah hlarh te, a hnar ngul sang ṭha zet leh a hmui chhah lam lek lek, nalh lo khawp a chhah ni silo te chu ṭhatpui phian lehnghal a...! Joss a ang lek lek a ni


Mahse, ka Joss Way-Ar ala tluk chuanglo...hmmmm

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 4:58 pm

MY TREASURE
By
Floria laldansangi


Chapter <4>


NATHAN-A....POV



"I mawng chu ala na em?" Min rawn melh zawk a, min chhan tumlo zetin hmalam a en leh nghal ngar bawk, ala na deuh a ni ngei ang, a ṭhut ngaiin a ṭhu rei theilo tih hriat takin a inherin, a che deuh sek bawk


ka nuihza insum chu nui sun sun a taxi tukverh lam hawi chuan ka nui leh suk ṭhin chu a ngaithei vaklo tih hriat takin, “nuihzat tur a awm em ni? Min thlah thut lo la chuan ka na hauhlo tur,” Thinrim seh chilh zet a a rawn tih pang pang chuan, a lungawilo hmel chu engti zawng emaw tak hian a duhawm riau lehnghal


A hmai khem nung mai leh a sam phiar kak hnawk zet mai chu ka en a, "i hmai kha an khawihna che em ni?" Ka ti hluk a, engvanga lungawilo thar viau nge ka nih ka hrelo; Mahse, engtin nge hmeichhia kut an thlak theih ni..?


A hmai khem lai khawih zeuh chuan, "nilo, ka insual na," A tih chuan ka meng deuh kawk a, "i insual a maw?" Ka rindan leh a thusawi inpersan lutuk chuan ka nuih a ti za leh tlat pek a, ka lungawilohna chu chawpchilh a vawmbo ang mai a ni, ka nui chhuak huk a

Rum lutuk a min rawn melh hrawk chuan, "sual lo ila ka hmai a khem dawn em ni?" Ti deuh hmak chuan, min melh ram ram pahin, "Ka zui che avang ringawt hian i nupui ka ni dawn tihna a nilo a nia, pawisa i nei pawh a ni mahna ; Mahse, pawisa in engkim i lei thei veklo, ka chungah thuneih i tum te anih phei chuan theihnghilh angche," Ram hmak a rawn tih leh hmiar hmiar chuan ka en zawk a, ka ṭhensak bawk


"Maria-i khan hetiang rilru hi pu vese min kalsan in, hetiang dinhmun ah hian min hnutchhiah kher angem," Tih ka ngaihtuahna ah a rawn lang nghal zat bawk a, za lo zet a ṭhensak in, “i hresual a nih chu, sum tel lo chuan a hlim theih chuang hleihnem, sum i neihloh chuan hmangaihtu che emaw itih pawh khan a kalsan tho angche,” Ka duh aiin he naupang lak ah hian thu ka sawitam mah mah, min rawn melh hrawk a, “i ngaihdan a nih chu,” Tih leh lehlam min hawisan deuh hmak chu ka nuih suk ringawt a


Kan apartment kawt ah chuan taxi chu a ding dat a, ngawi reng a chhuakin Malsawmi chu a rawn chhuah mai loh avangin ka bih zawk a, “i rawn chhuak dawn nge ka kalsan dawn che?”


“Kan in ah ka haw dawn?” Rang lutuk a taxi chhung bih lehnghal chuan, “tihluihna min hman tir hauh suh, i nu sawi kha i hrelo em ni?” Ti deuh hrawk chuan a ṭhutna lam a kal kualin kawngkhar chu ka pawt hawng sawk a, “rawn chhuak rawh,” Tih leh pawh chhuah ka rual chu a rak ṭhat bawk

“Tihluihna ka chunga hmang tur hian tunge inih tehchai a?” A rak ring thei ang reng mai si a, unau hmelhai hunlai awm vel anih avangin tlailam a Ui walk pui leh work out an awm nuk avangin min en duh hrek hrek hlawm tak an ni, vai ho hawkdak zia chu inhre ve tho in ka ring


"Zawite in i ṭawng thiamlo em ni."



"Thiamlo, thiam pawh ni ila ka thu alawm," Tih leh kuang kuah at a a hawi vawh mai chu, a tumloh ang in kan apartment bul vel chu a hmu a ni mahna, a kut kuangkuahna chu a thlah riai riai a, "helai hi khawi hmun nge?" Tih leh min rawn en a rual chu ka dar lo san khum ak in, "Luxury Apartment kawtah ka dinpui loh che avangin a pawi hle mai; Mahse, heihi kan chen na hmun a ni," Tih leh a bânrek a chelhin ka pawt kal nghal dawt dawt a



"Min thlah rawh Lion," A ṭang leh ṭauh ṭauh chu ding dawtin ka inher a, ka dul a rawn su dawtin a chal tuai nghal vut vutin, "i din tur thu sawi ta che Mawla," Dak awrh a min rawn melh chho hrawk a a tih chuan ka rum nghut a, he hmeichhe tereuhte, chaltlai em em mai leh lei hriam lutuk hi engtin nge maw ka tih hrep dawn chu ni..?


"min U rawh," Ti nghut chuan chiang lutuk in ka en a


Za lo tih hriat zet a, ngeiawm si a rawn nui lui ar ar chuan, a kawng dawm at in, "are you kidding me UNCLE LION," A nui zui vak vak chu thawk lak khum hak chuan


"No, nang aiin ka upa a, ka fate rual ini bawk."


"Ka pa thattu leh fahrah a min siamtu ini bawk Nathan," Ka sawi zawh rual a chiang fek fek a rawn ti let ve hrak chuan, "kei ai i upa emaw pa lo emaw zah phu te chauh ka zahin, zah takin ka ko ṭhin, hretiam em..?" Tih leh min nek deuh sawk a gate a pen lut chuan, "khawi floor-ah nge min hruai i tum?" A aw rawl hi a ring satliah pawh a nilo, a aw sin zet mai nen phei hi chuan a ring mah mah ṭhin a ni


Ka inher a, "kal rawh," Ti nghut chuan ka pen zui nghal pawk pawk a, ka hnungah min rawn zui ve dat dat tih ka hre thei


"Kan kal muang deuh theilo em ni?" A thaw lawp lawp a, step a ding a hawilet chuan, "insual pawh i chak hmel viau in ka hre si a," He hmeichhe naupang bula ka awm a piang a ka awmdan leh ṭawngkam thleng a amah ang mai a naupang chhia a ka awm ve zel hi ka hrethiamlo a ni. Mahse, a mizia ang zel a tihluih hian minti hlim ru riau pek a


"Chutiang nen a in ang em ni Mawla," Rawn ti vin hlar chuan rum lutuk a min melhin a rawn pen chho chhat chhat a, 'Mawla' pawh chu mitih chhen le maw le..!


Ka bula rawn thlen chuan, thlaw hlawp hlawp chung a min en hraw hraw in, "kalta che," A vin leh hlar chu nuih sukin ka pen chho ve lehnghal a, ka hnunglamah thaw lawp lawpin a rawn phun chho nuah nuah bawk a, a hmel leh taksa tereuhte leh a thinchhe lutuk chu a inhmeh lutuk mah mah alo nih hi a....!


"Emergency exit a ka lawn a ngaih tawhloh hrâm ka beisei," Kawngkhar bul a kan din rual chuan a rawn ti hap a, a chil a lem ri nghal kawlh bawk


"5th floor chauh alawm le, tleirawl chaklai, insual huai tan chuan engmah a nihloh kha," Nui vur vur a tih leh kawngkhar ka hawng a, "insual kha sawi ve ziahlo maiteh a, a hmelchhiat thlak lutuk," Ṭawngkam lah hi a ba duh miahlo lehnghal, thu in mil lo tak tak leh maksak tak tak hi chhahchhuah turlah a hre thei em em lehnghal a...!


"Ilo haw tawh maw? Naupang an mu deuh chiah a, vawiin lam an tâl chau deuh a nih ka ring," Ka nau, an room aṭanga rawn chhuakin a tih chuan, ka sir a ding, kan inchhung uluk fahran a en kual chu melh zawkin, "tunge?" A hmui phunin a rawn ti sep a


"I nupui em ni?" Ka chhan hma hma in Malsawmdawngi chuan a rawn ti zat bawk, a lei hi a veng hman thlawt ṭhinlo chu a nihber hi maw.,?



"A nau Angela ka nia," Angela-in a rawn tih chuan zawt sual intih hmel fahranin, a ṭhen deuh vak a, a zak hnuhnawh reuh emaw nile? Zah a hriat ka ring chiah bawk silo a, a zak der a ni ngei ang



"Malsawmdawngzeli a nih hi, Maya iti mai dawn nia. I thawmhnaw hakloh kha a hak tur hian i pe dawn em niang? Zan 3 vel chu hetah a awm angai a," Ka tih chuan ka nau chu a bu nghat a, "lo nghak lawk rawh aw," Tih leh an room a let chuan reilo te ah a rawn chhuak leh in


"Ka thawmhnaw ṭha deuh ho online ah ka lo zuar deuh vek a, kan intiat viau in ka hria, heihi ha rih mai ta che, naktuk lamah a dang kan en leh mai dawn nia," Tih leh pink pajamas suit a rawn lek chhuah chu lo ṭhen khum deuh nawngin, "ahhh, aw le," Ti ban chap chuan a ban a, a ngainat hmel teh viauloh


"Bathroom sawtah sawn a awm a, inbual la, zanriah kan ei dawn nia," Ti sup chuan ka room lam ka pansan nghal a


Ka hnunglam a min phun khup sep chu ka hre hman hrâm bawk



Khum a ṭhu thla hnak chuan, khum lu bula envelope Maria-i hnutchhiah chu melhin ka ban nghal a, hawng lehlo bawkin pawhdawh chu pawt hawngin ka dahlut a, engtikni ah emaw pek let hun kala nei dawn tih ka hria a ni
.
.
.
.

"Awii heihi avan tui em em ve, eng Si nge kha'h U Angel?" Ka nau chu nui sun sun in, "saisu a nih kha, tukin ah vai dawrah khuan anlo zuar a, saum awmse, bai pawlh tur a nia, kan nei silo a, tel ka telh a, a tui tur angin a tuiin ka ringlo," Naupang ho hnute hnek tur siam mawlh mawlh pah a arawn tih chuan, antui hawp pawk pawk pahin, "a tui lutuk, ka pa bai ang chiah alawm le," A tawplam chu a thawp sap, a pa a ngai in a hre chhuak tih hriat takin a nui zui sek bawk a


"Naupang ang maiin i ei berh alawm," Ka tih sup chuan ling zet a min rawn en vatin, "i thulo," Tih leh a ei leh nghal mawp mawp a, ka nui suk ringawt a, a rilru lak pen hi thil har a nilo tawp mai


"U Angel, fa i nei tawh em ni?" Kei min U duh mang si lova, ka nau chu a U a U le..!


"Min U ve angche, nilo, min Pa angche."


"Yuckkk," Ka melh hrawk chu, "eng nge, U sawiloh Pa phei chu, 'a taw vang' a nih chu a," Uar fahran a a tih chuan, ka chaw bar chawlhsan meuh a mit ti zim sân a en in, "thumal awmze neilo hi sawifo suh, 'taw vang' chu a awmzia i hria em ni?" Tih leh ka nau rawn ṭhu nui vur vur chu ka melh nghal zawk bawk a

"Ni lo e, ka u fate hi an nia," Ka nua chuan a rawn ti sap a


Min rawn melh vakin, "My own language OK. I hriat thiam turin ka sawi ngai kherlo bawk," Lei min chhuah khum zauh a tih leh a ei zawm leh nghal mawlh mawlh a, ka lu ka thin san mat mat ringawt a, han tih vak ngaihna a awmlo, a pa boral hma a, thei leh theilo a, a fanu hming alam ṭawk ṭawk chhan kha ka hrethiam ta in ka hria, hetiang mize pu kalsan chu a hreh ve a ni ngei ang...!



Tv hma a ṭhu a Korean drama hmuhnawm ti lutuk a en dauh dauh tu zawn chiah a ṭhu thla chuan, "ka room ah mu la, sofa ah hian ka mu dawn nia," Ka tih sup rualin rang lutuk in a rawn inher a


"Sofa ah hian ka mu thei," Rang lutuk a a rawn tih chuan mit zim san a en in, "ka room saw i hlau chu a ni êm lo maw?" Ka tih chuan rang lutuk bawkin , "i â em ni? A teuhlo lutuk," Tih leh sofa a mu nghal sat sat chuan, "hetah hian ka mu thei," Tih leh mit chhin a rual nghal chu ka nuih khum hak ringawt a


A hmai khem deuh nang mai chu en in ka thaw hak a, hliam a nei tih pawh a inhre lo a nih hmel, tv hûn na hnuai a first aid kit chu la chhuakin, pem thar damdawi leh lapua phawrh chuan a bul a ṭhu thla chuan a hmai khem lai chu ka dem hlek a


Ring lutuk a rawn rak chhuak ṭhawtin, "ana lutuk," Tih leh a rawn ṭhu ngil nghal awt chu ka phut nasat chu thu hran, min nam dawrh bawk nen chhuat ah ka ṭhu hnawk a, rum ri nghut chuan, "i pem kha damdawi ka hnawih mai a ni," Ka ti hrawk chu rum lutuk in min rawn en a


"A na alawm maw le, bakah pem lian tham pawh a nilo, ni 3 velah a reh ve mai ang, i room-ah kal tawh rawh, mut ka duh," Ti bak hlak hlak a mu leh that chuan lehlam min hawisan hmak a, hnar tum datin, "ka hnawih peih mah a," Ti deuh nung nung chuan first aid kit chu dah lut lehin TV chu ka off a, Malsawmi melh leh zawk chuan ka room lam ka pan a

"Ka pem a nia, keimah in ka enkawl thei, hnawih rawh pawh ka ti nihleilo," A ti niap naip chu ka hre hman leh ta hrâm bawk, ṭawngkam hi chu a ba duhlo ve chiang alawm, he naupang hi chuan



.
.
.

"Ka rin aiin mut a awlsam, a mut theih tak tak pawh ka ringlo a nia," Ka nau choka a nui vur vur a rawn lut chu tui in khawlh khawlh a lo en in sofa chung a muhil thaw ri sek sek chu melh lehin ka nui ri suk a


"Mize duhawm tak a nei a ni, i sut tak putar fa chu em ni?" A tih leh chuan bu nghatin, ka thaw hak a, naktuk hi thutawp siam ni tur a ni a, Maria-i sawiloh kha vai kha ka thatlo a ni tih fiahna engmah kanla hmuhloh avangin ka tán ngei ka inring hmiah bawk


Chair pawt chhuak a ṭhu thla chuan, "naktukah eng pawh Court thu chhuak nise naupang ho hi ka sawi ang khan fahrah in ah lo dah angche, jail engtia rei nge ka tán dawn ka hre si lova, ka room ah lehkha engkim tihfel sa-in ka dah a, fahrah in a va hruai kha a ni mai," Ka tih hap hap chuan ka sir a rawn ṭhu thla in, "i chiang maw U, i fate an nia, ka enkawl thei a nia, bakah Nitin pawh hian 'kan enkawl thei ang' ati tho a," A rawn tih chuan ka nui suk a


"I pasal tur te hi hnamdang an ni tih theihnghilh suh Angela, tumah in fa atan anla dawnlo, ka rawn chhuah theih veleh ka la chhuak leh dawn alawm," Ka tih leh chuan a thaw deuh hak a, "Engtin nge mahni pasal te tual thattu a a puh hnu ah, a fate a kalsan theih ni, ka rin ang a nilo nasa a ni," A tih hlak hlak chuan, "ṭawng zawi rawh," Ti supin sofa lam chu ka melh zui vat bawk a, ka nau chu a thaw kawk kawk bawk


Sofa a muhil thaw sek sek mai Malsawmi ka en chuan ngaihdan thar ka nei thut mai, ka nui suk a, "fahrahin ah kan dah an ngailo maithei bawk," Ti sup chuan ka nui nghal vur vur bawk



MAYA...POV (Malsawmdawngzeli)


Ka muhil emaw antia, ka muhil tawp si lova, an thusawi te chu tumloh lutuk a hrefai vek chuan, ka thaw dep dep a, "Nathan-a jail a tâng dawn amaw?" Chu pawh tualthah case lehnghal in, engthil nge he hmunah hian ka tih le...?

Mahse, a nupui in a puh tihna em ni? Arghhhh, Malsawmdawngzel i hriatloh tur i hre tam mah mah a ni? Eng a pawh chu nise, a nupui in a fate a kalsan a, pa ber jail a tâng dawn a, a nau in pasal a nei dawn bawk a, an fate fahrah in a dah an tum bawk nen, eng chhungkua nge maw an nih le...?

Ni e, ka hmuh tumloh dan lutuk in ka hmu chiang alawm, ka lo ngaihdan chuan mi hausa tlangval senior inla vei lutuk a nih ka ring a, fa nei tawh, rethei ve tak, a lo nih leh a, tunah....! Hmmmmm... Jail ala tâng dawn zui, Arghhhh... Eng ang vanduaina nge maw ka chungah thleng hi le...?


"Eng nge i sawi awmzia?" Angela chuan a ti sep a


"Ka fate nu tur maw le."

"Engmaw?" Engthu nge maw a sawi le, a nupui in a tlanbo san a, tunah a fate nu tur a sawi leh a, a â deuh tak tak emaw ni le...?


"Malsawmdawngzel, rawn tho rawh, i harh tih ka hria ania," Shiaaa.... Ka phu ropui lutuk, engtik laiin nge ka harh tih alo hriat le...?


Mit kala chhing lui ve tlat chu ka lam pan in a rawn pen hnai tih ka taksa hian a hre thei


"Inbe teh ang," Ti sup chuan ka mutna zawn chiah sofa a rawn ṭhu thlain min en nghal ran tih ka hre bawk


Mutthilh der zel duh mahila, a theihloh tih ka hriat avangin ka ṭhu tharh a, "ka hre veklo a nia, 'fate nu tur' itih khan minti harh a ," Ka ti nghal chu awihlontih hriatzetin nui suk a, keipawh in ka thusawi chu ka awih bîk tawplo

"Pawisa i mamawh tiraw?" Chiang zet a min en chung a a tih chuan, en hau in, "eng nge i duh?" Ka ti nghal zat a, he mihring nen hian inrin na kan neilo dun viau tih kan mitmeng ah alang reng



A kiai suk a, Angela ka bula rawn ṭhu chu melh zauhin, "ka fate tan nu ni rawh."


WHAT.....!


"I â em ni? Maw...? Nu a...? Jail i tâng dawn a i â zo a nih kha?" Ka kâ ka hup zui zat, ka hre hman veklo ka ti sia, ka sawi chhuak laklawh tawh, ka lei hi ka veng hman ṭhinlo



"Naui 10, Nuai 10 ka pe angche, tichuan ka fate tan ka jail tán chhung nu ilo ni ang," A thle bak a, zahna ala neilo em em zui te chu zahna hre rum rum tur a ben hrep a nia ka duh ni



"I â a nih hi, Korean drama a changtupa emaw i inti em ni? Tak tak a nih hi, pawisa chu ka mamawh ngei alawm; Mahse, ka taksa ka hralh ngai dawnlo, a chiang em," Chang zet a ka tih chuan a nui huk a


"Tu in nge kha i taksa chhetë kha duh ni, kum pawh tlinglo taksa kha ka awh i ring emaw ni le? Ka fate lo enkawl tur tu emaw ka mamawh mai chauh a ni, i hrethiam em?" Nui ṭhû chunga a tih chuan ka sa nghal hlar thei, ka taksa hi a it awmloh a tihna phiangsen emaw ni le...?


"Ka taksa chu eng nge diklo a, awt ngawih ngawih mahla, nang pathlawi fa nei tawh leh rethei bawksi chuan min changlo," Arghhhh... Ka sawi tumloh tawp ka sawi leh ta...!


'Rethei' tih ṭawngkam hi hmanglo tur ka ni a sin le...! Pawi lutuk, mahse ka sawitur ang ka sawi zo tawh tho tho, ho emai a'h....! Ka lei ka veng hmanlo a ni ve mai a...!



Za lo zet a ner sawkin, "a dik alawm, chuvangin kan in duhlo ve ve a, sum i mamawh a, ka pe angche, chuan ka fate ilo enkawl ang, hna i thawh a ngai dawnlo a, thlà tin sing 1 i hlawh tur leh mamawh lei na tur i bank ah rawn dah luh ṭhin a ni ang," A tih chuan ka nui lui hawk hawk a


"i â tawh a nih hi, ka..." Ka tih lai mekin, a phone ka lam a rawn theh chuan, "message kha chhiarla i sum mamawh zia i hre thiam mahna," A tih chuan rang lutuk in ka en a


Ka meng kawk thei, "nuai 80," Awihlo lutuk chuan ka ti chhuak sap a, "nuai 80 maw?" Engtin nge heng zawng zawng leiba hi kan neih theih, ka pa khan tu lei mah a ba ngai hauh silo a


"Thil theihloh a nih hi," Tih leh Nathan-a chu en in, "a theihloh," Ka ti leh sep a, a dar min sän khum ak a, a ṭhutna aṭanga tho in, "i rin leh rinloh chu i thu alawm, natuk tlai dar 2 ah court-ah ka inlan a ngai dawn a, ka sawmna che chu in ngaihtuah la, zingkarah min hrilh dawn nia, tunah chuan i tan nuai 10 pawh khitah a ni tih i hriat thiam ngei ka beisei," Tih leh ka kut a a phone rawn phih sawkin, "uluk takin i thluak tlêmte kha hmang angche," Miti leh kher chuan a pensawn nghal a, rum tawk a melh vak chuan, "i thluak ai a tam," Ka'n ti zui hrâm a


"Maya, i thei a nih chuan ka U sawi kha ngaihtuah chiangla ka ti, a landan in sum in mamawh hle si a, keini in ka vahte tan enkawl tu tur kan mamawh a, kan inpui tawn a ni mai lawm ni, khawngaihin minpui ve thei mai lo em ni?" Angela chu ka en a, a mitmeng ah chuan beiseina a khat

"Khawngaihin in ngaihtuah chiang angche, ka vahte hi fahrah in a dah ka duhlo a ni, keilah ka pasal tur hian college min zawmtir a intiam a, nausen 3 ngawt ka chhawm tel thei tawh silo; Mahse, minpui a nih chuan sum lamah chuan harsatna ka neilo ang, khawngaihin in ngaihtuah chiang angche," Min ngên deuh ngawng ngawng in ka hria, ka ner nung ringawt a, a room a luh dawn a min rawn en lehin, "in ngaihtuah angche," A ti leh hrâm bawk a

Engtin nge kum 18 pawh tlinglo hian Nu dinhmun ka chelh theih ang ni...? Arghhhh ka â zo dawn, an sawidik tho si a, 'nuai 80' engtin nge anih theih, ka hriat a ngai a ni; Mahse, hria pawh ni ila engtin nge ka tih chuan ang, kan ba tho ala ni dawn a, kanpe vatlo a nih chuan kha vai putar kutah khan kan thi vat ngeiin ka ring bawk



Ka boruak tawn rit zet avang chuan ka mittui a rawn hnai ṭiam ṭiam a, "pa ka ngai che," Ka phun sep bawk, ka ngai takzet a ni, la dam nise chuan hetiang din hmunah hian kan ding teh hrep awm silo a


Chutah, tunah amah thattu fate nu niturin inngaihtuah kala ngai zui bawk a...! Ka mumang emaw ka ti hial zawk dawn alawm...!


<>~><>~><>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 4:58 pm

MY TREASURE
By
Floria laldansangi


Chapter < 5 >


MAYA...POV (Malsawmdawngzeli)


Nathan-a thusawi chu ka ngaihtuah a, muhil theilo in ka let sek bawk, sofa a zankhua a la mut ngailoh nen, kha LION-a thusawi ka ngaihtuah chhuah a, kan leiba zat leh bat chhan ka ngaihtuah nasa lutuk chuan ka mit pawh minti chhing theilo in ka thaw leh hak ṭhin a


Ka inleh velna ah ka taksa te hi a na in ka lu ana urh tawh zawk a ni. Tho thurh a, ṭhu tung hlawl chuan ka sir a ka school bag chu ka ban a, ka phone chu phawrh chhuakin ka thaw hak bawk, ka insualna ah nge ni ka phone screen pawh chu ka lo tih khik leh tak ni...?


Ka phone screen khi en tlawk tlawk a thin thawk thut a hmet vak chuan ka mittui a rawn far fep fep a, ka ṭah chhuak lutuk chuan ka hrawk a min hnawh ut ut in, ka hnungzang a hnawh nghal ûl bawk

Ka pa boral aṭanga nun pangai a kan nung thei ta lo te, a boral chiah a sum leh pai ah harsatna kan nei a, tunah lah mahni in ah pawh mu ngamlo hial a ka awm chuan mahni in khawngaihna min neih tir vawng vawng mai, chhuak lutuk in ka in hnit hlawp hlawp a, midang tih harh hlau zet chuan ka kâ ka hupbet ngar ngar bawk

Ka ke tawm chuan ka phone chu hmet engin ka wallpaper a ka pa nen a kan thlalak ka hman chu en ngawih ngawih chuan, "pa ka ngai che," Ka in hnit hlawp hlawp bawk, hetiang tak hian ka pa hi kala ngâi ngai hauhlo, a boral hnu pawhin ka ngai alawm ; Mahse, zanin tluk a ngaihzual hi kala neilo reng reng


Rei tawk fang ka ṭah hnu ah bathroom lam pan chuan ka pen chhat chhat a, ka ṭahna avanga a hmai chhah luk mai chu in phih harhin, darthlalang ah chuan ka in en vang vang a, "engthil nge ka tih ang?" Keimah leh keimah inbia chuan ka ti sep a, "ka pa kha la dam se," Tih bawk ka rilru a rawn lang leh chu duhlo zet a, tui a ka hmaih theh leh ṭhawt ṭhawtin, ka mutna lam pan leh tum a ka in her chu ka phu dawrh thei


Tawlh hnung dawrh a, ka râk tur, ka kâ âng zuai tawh chu rang zet a ka kawng a rawn chelh a, a taksa si chet a min pawt hnai hrawk chuan, ka kâ hupbet zui zatin, "bengchheng suh, keimah," Nathan-a chuan a ti thum sup a, ka lungphu zet chu, a rang lutuk a ka sa pup pup thei, ka thaw em pawh ka hre tawhlo, ka thlanfim a rawn bawl ṭiam ṭiam te in nia ka hriat ni


Ka kâ a hupna kut chu paih thla sawkin, ka tawlh hnung nghal dawrh a, lungphu phu zawih zawih chuan, "i tho â em ni? minti hlau alawm mawl lutuk mai," Thinrim lutuk chuan duh thawh zetin ka ti chhuak hrawk a


Thaw hakin, "naupang iti harh ang ṭawng ring suh," Tih leh inher a rual nghal a, thaw kawk kawk a, a hnunglam aṭang a ka kut tum a tin uaih uaih a, ner khum vak vak chuan ka pen chhuak ve chhat chhat a


Ka lungphu la phu zawih zawih chu thawk a ti harsa in ka thlan a ti chhuak dawn hial mai, khati teh thut a rawn lan, mawl he hu lutuk mai...!



"Sofa ah i muhil theilo a nih chuan, ka room ah sawn va mu mai ta la," A tih leh sup chuan ngei lutuk in ka melh vak a, "ka mamawhlo," Ka lung a awi thei thlawtlo, thawm nei te a rawn din tur a nia, ka ngei sa nak alai a, ngei tak ka ni...!


Ka thinrim hmel pauh leh a nuih a za emaw tih mai turin nuihza hmel hi minla hmuh tir ziah lehnghal, chhe ver vur lutuk mai....!



Melh ram ram pah a ka mutna lam ka pan leh chuan, "Maya," Ka khawng awt thei, kan in hriat tirh aṭanga 'Maya' ti a minkoh vawikhat na a ni, a tho â tak tak a ni êm lo maw..? A aw zet te chu, a aw pangai thawp leh ril sup mai a ni, zûn a ngah reuh viau in ka ring

"I tho â tak tak em ni?" Inher pah a ka tih chuan kiai sukin, "ka thusawi avang a hreawm iti a nih chuan ngaihtuah vak duh suh, ka nawrlui lo che a nia," Ti sup chuan, Angela te mutna room chu a melh deuh vang vang a, "ka fate min enkawl sak tur tu emaw ka mamawh êm a tin ni, ka sawilo ang ah i ngai dawn nia," Min rawn en a, sawi mai tur pawh ka hrelo



Saw tiang mitmeng rilruih ang te saw, saw mihring mit aṭang a ka hmuh ka in ring ngailo hrim hrim ; Mahse, a inhmeh takzet, a hmelṭha a ni... Arghhhh



"Chuan, pangai tak a ngaihdam dil che ka ngaiin ka hre bawk a," A thle bak a, a vei nuih sak bawk, avahan chhelo tak êm...!

Shiaaaa.... Kei hi ka â em ni....? Ka pa thattu saw hmelṭha tiin ka ngaihtuah mek a nia... Ka â a ni ngei ang


Sawi maitur ka hriat hlawl loh avangin ka bu nghat a, inhnial pui loh a, mintih thinrim kherloh chuan a hmelṭha tak avang leh taksa nalh tak avang sawn ka ngaidam mai ang tih ka hlau a ni



"Muttui le Nathan," Ti sep chuan nui deuh sen sen a in herin sofa ah chuan ka lawnkai a, "muttui le Maya," A rawn tih sup chuan lehlam hawiin ka nui nghal sun sun bawk, a engtia lawm ru em em nge maw ka nih le....? Thaw hakin, "pangai tak a min biak ve vang te pawh a ni mahna," Ka ti rilru sep a, mit ka chhing nghal siai siai bawk....



Ka muhil zui nghal mai a ni ngei ang, naupang rak ri ka hriat rualin, ka hmai rawn beng thek thek tu an awm tih ka hriat chuan ka meng vat a, hmuhnawm tih hmelzet a min en tu naute kum 2 la tlinglo awm deuh tur, fai veng mai chu ka en kawk a


Mit khap fak fakin min en ve kiau bawk, a sir ah chuan amah ang chiah chiah pahnih an awm lehnghal, "ka tho â emaw ni le?" Ka phun chhuak a ni ngei ang, Angela-in rawn nui ri hak chuan, "tho â lo e, triplets an nia, heihi Bryan Lalrinsanga upa ber a nia, saw saw Brayden Lalrinpuia alai, chuan hei tereuh hi Bryson Lalrinfela ateber," Ti a ka tho phang naupang pathum hmel in ang vek mai leh intiat vek mai, kawr in ang leh kekawr thleng a in ang a an hak tir min hrilh chuan ka â nge an â zawk pawh ka hrelo e a.....! Âng hau chuan ka bu nghat nghat ringawt a, an hmel a in an vek avangin ka hre hrang pawhin ka ringlo


An ṭhutna hmun aṭangin an hming ka hria a, an awmsawn chuan tuber nge an nih ka hre leh tawp nang


"awhhhh," Ti ringawt chuan naupang tlan dat dat ho chu ka en a, pakhat alo ṭap a, pakhatin Angela-i mal ah lo ṭhut a tum ve bawk a, pakhat lah awmze nei lovin alo rak chhen bawk nen, awiii.... Hehi enkawl turin minduh amaw...? En ringawt hi ka duh tawk viau a ni...!

.
.
.
.

Tuk ṭhuan kil a naupang 3 te nen a kan rik nak nak lai chuan Nathan-a chu a ngawi ngul a, ani leh nilo ang deuh a vawikhat pawh min melhloh ni


Ka phone message rawn thleng ri ah chuan ka la kâng vatin, "Maya bawihi i pa thawhna hlui Hotel-ah khan i rawn kal dawn em niang?" Ka nu message ka hmuh chuan ka nui nghal var var a



A lung a leng a ni ngei ang, ka pa hnathawhna ṭhin te ava kaldan ah, ni e, kum 6 ṭep an innei ve a, ti mai hian min kalsan si a, a ngai viau in ka ring, kan hun tawn in alo zir bawk nen, kei ang tho a ka pa an ngaih ve viau ka ring a ni



Nathan-a ṭhutna lam chu ka melh zauh a, a fapa pakhat pawm chung a nuihza lo tih hriat tak a nui lui suk suk a, a fapa in thusawi ve ni awm tak a phun niap niap chu en in a buk khum nghauh nghau bawk


A mit a lungngaihna thûk tak chu hai rual lohin ka hmu thei, chutiang bawkin Angela-in a mittui a hru leh zauh ṭhin chu hmuh hmaih chi rual a nilo bawk


Chaw ei dawhkan kil ṭhap si chuan keimah chauh chaw bar kala awm tih ka hre chhuak thut a, ka thleng en chuan ka ṭhen vak ringawt a, ka ril a ṭam tawh hi chuan tumah hi ka hre chang ngailo a tin ni


"Nathan," Mit sen deuh râm in min rawn en a, a rawn nui lui sung chu en karin, "ka pui angche," Ka ti sep chu ṭhu ngil awtin, "eng maw?" A rawn ti chhuak hawk a, Angela-i pawh chuan, "Maya iti tak tak em ni," A rawn ti ve vat bawk



Bu nghatin, "ka theihtawp ka chhuahsak angche u; Mahse, in beisei ang a nu ṭha ka nih ring suh u," Ka tih leh chuan Nathan-a chu a rawn nui chhuak hawk a, uluk fê a min rawn en in, "ka lawm e," Rilru mai a ti sup chu ka dar ka san khum ak ringawt


Ka rin ang em em in Nathan-a hi a nel awmloh miahlo, a ṭawng duh a, ka thinrim khumin ka vin nasat nen, aw ki vin in minchhang emaw thinrim hmel minla hmuh ngai meuhlo, a hmel leh taksa en a a thin chhiat hmel hler hlur nen, lawmthu sawi te chu a inhmehlo lek lek zawk


Kan chaw ei kham ṭhut khawmna ka ṭhu chu ka sir ah Nathan-a rawn ṭhu in ka melh zawk a, ka bul hnai a awm hian ka lang te leh zual in ka hria, mahni len vakloh nen mitê chi ka ang tlat hian ka hria a, min hnaih vaklo se ka duh



"Heihi kan contract tur a nih hi, en chiangla, i duhloh lai a awm chuan i siam rem thei ang," A tih chuan chhiar deuh thuak thuakin ka hming sign ka tum a; Mahse, ka tawp dat, Nathan-a lam hawi chuan, "jail tâng lo ta la engtin nge ni ang? Pawisa hi min laksak lehnghal angem?" Rawn nui sukin, ka chal ah a kawk zauh a, "Chutiang mihring ka ni chuan i hria em ni?" A tih chuan ka bu nghat a, a nui zui hak thung


Ka hming sign pahin, "sum i ngaina tih ka hria alawm," ka ti chu za zet a nui chhuak hawk hawkin, "sum ngaina lo an awm dawn em ni?" Tih leh contract paper chu la in a thlek vang vang a, "ka rawn chhuah veleh i nun zalen tak hi ka pe let leh ngei angche," Thu tak zet a a tih chuan hawi vahin, "a ngai alawm, vanglai hun naupang enkawl nan hman ral ka tum aw zawnglo," Ka tih chuan a nui suk a, a bu nghat nghat bawk

.
.
.

Angela-i kawrfual min hak tir chu ka in en leh ṭhin, ka duhai a chhing mah mah ṭep a ni, ka malte thleng chauh a ni chuan minti awm thiamlo


"Hruai chu i ngailo maw?" Kawngkhar ka thleng tawh Nathan-an a rawn tih chuan hawi letin, "naupang ka nih tawhlo hi," Tih leh Angela pheikhawk minpek bawk chu in rawlhin ka chhuak nghal a

Apartment hnuai ka thlen chuan ka uber koh a rawn thleng ve chiah bawk, ka kalna tur sawiin, khalh chak deuh turin ka ti nghal sap a, ka phone rawn ri tlengah chuan ka account ah Nathan-an pawisa a rawn thun tih ka hre zui zat bawk



Lift la in ka nu min nghahna room lam chu ka pan vat a, ka pa hna thawhna ṭhin a nih mai bakah, an pahnih a zan pawh an riah fo na a nih vangin ka bel ve viau mai

Nui var var a room pan chuan kawngkhar chu ka kik kharh kharh a, min chhang mai tu an awmloh avangin kawngkhar ka namhlek chu in hawngin ka meng nghal hraw a, "a kalhlo a nih hi," Tih leh hawng zau in pen luh ka rual nghal zat bawk


Kawngkhar ka khar fel rual deuh thawh a ka hnunglam aṭang a min rawn kuah thut tu awmah chuan ring lutuk in ka rak ṭhawt a, "Maya Darling," Rawn ti thur ser ser a ka nghawng a nul thuak thuak chuan, "ka rin angchiah ini, i rim tui takzet," Tham ṭuak mai a rawn tih leh chuan ka hmul thi a ding nghal sung sung thei


Ka tal phat phat a; Mahse, min manbet hnehsawh lutuk mah mah, a palen chu thuhran, hnungzawng a min kuah miau avangin ka tan chet ngaihna a awmlo tluk a ni


"Tunge inih? Minthlah rawh, khawnge ka nu a awm?" Ka au tuar tuar a, ka aw chu a khur lek lek bawk, ka chhungril ah hlauhna in min man a, ka thaw a chhamlo chauh bawk


Nui nghawr datin, ka bekah a fawp a, ka lu ka lo thing nawk nawk thung, "ṭang buai duh suh, Anika-in ka kutah, ka enkawl tur che in min hlan tawh alawm Darling," Ka lungphu rang lutuk leh hlauhna a khat kha chawpchilh in a bo nghal


"Maw?" Ka tal laih laih pawh ka tawp chat bawk, "tu maw itih a?" Ka ding khawng at a, a hmui a ka nghawng hnunglam fawp thuak thuak pahin, "Anika, i nu mawle," A rawn nui zui suk bawk


Ruh lutuk in ka inhum ruh a, he hmun a koh ka nih chhan chiang takin ka hre zui bawk

Ka ṭah nuih hak a, "hralh ka ni," Ka ti chhuak hap bawk


Min kuah tu vai chu inla hrang a kan sir dawhkan a whisky no awm chu la kâng in a tlak pap a, "nuai 80 ai a ka lak che ini a, ngawi hle hle a ka rawngbawl tur ini," A taksa kawr inbel lo âwm hmul thur leh vun dum zet mai chu e..! Ka luak dawnin ka hria, a dul lah chu kawlaw bel(belpa/hlum bêl) a dawlh emaw tih mai turin a kiar ṭha rapthlak mai bawk a, ka ṭim nghal er er thei


Heti ngawt chuan engti kawng zawng mah in himdamnin ka chhuak dawnlo tih ka hriat avangin mit ka chhing sawk a, ka thluak ṭha zet hman hun chiah a ni


Thaw chhuak ham ham a, muangchang a meng diar diarin ka nuih lui nghal sen sen a, "Chutiang anih si chuan engvangin nge i lawmna chu ka siam sak mailoh angche ni? A ni lawm ni?" Nuisäng chungin ka thle bak a


Alam a pen hnai hret hret chuan a âwm hmul tenawm zet mai chu zut lui riak riakin, ka kawrfual chhing hak chu tlemin ka pawt chho hret bawk a, chil thli tla lo chauh leh mit pawt chuaklo chauh a min en in, ka kawngah rawn kuah chuan alam ah min pawt hnai hrawk a


A sazu pawng ṭawl pawhin min kam nghal ul thei, hmang thei tawhlo tur a pawh sak sawk a nia ka nap ni


"Hetiang tur hi a ni reng a ni," Lawm tih hriat lutuk a nui vur vur a min rawn fawh a tum chu a hmui lo hup vatin, a hmai dum beh zet mai zut riak riak chuan, "intihfai kan ngai in i hrelo maw? Bathroom ah pawh nuam takin ka siam thei tho che alawm," A lawm lutuk chu dak meuh a nui hawk hawkin, "ka rin angchiah ini Maya, minti lungawi dâwn tih ka hria a ni, kal ila," Tih leh bathroom lam pan a ka bân a chelh chung a a pen sawn chuan kawngkhar lam chu ka melh zauh a


Pawn ah sawn vengtu a nei ngeiin ka ring, neilo nise hetiang takin thlem a awlsam dawnlo tih ka hre bawk


Bathtub a saruak a a ṭhut luh chuan min rawn en a, kei erawh ka khawng at thung, a mipatna dum zet leh kawh ve tak mai chuan ka kaw chhungba ti let nghal bawrh bawrh thei, ka uaklo chauh a ni, "inphelh ve i tumlo em ni?" Mitmeng de sawr sawr a min rawn en chuan kher chhuah sak mai ka duh

Harsa ti zet a nui in, "tehreng mai," Tih leh Towel lian zet mai an chhawp chu banin muangchangin ka inphelh a, towel thinbih chung chuan, "muangchangin le," Tih leh tui herh haw in a taksa dum zet leh vawk ang mai a thau chhia tam chu ka zut dan dan a, a dar a hmeh sak chuan a mit a chhing zui diar diar bawk


Ka sir a hmanraw awm tur ang chu melh kualin a awm maihloh avangin ka thaw hak a, ka beidawng lutuk chu mit ka'n chhing leh sawk a, engti kawng zawng pawh a he ramsa tenawm lutuk hi ka kalsan vat a ngai tih ka hre bawk


Muangchang a vai putara dar hmet paha a meng chua, kan sir a towel in bâng chu en in ka nui zui sak a


Towel ban chuan, a mit chu ka tuam a, "wowwww, Maya engthil hlimawm nge mintihpui i tum?" A nui vur vur chu chhut thluk tawp a nia ka duh ni

"Hlimawm tak, ila tawn ngailoh mawle?" Tih leh ka tawlh hnung hret hret a, "Maya duhtak," Tih leh ka khuhna towel la thla a a lu lam a en chuan ka awmlo tih hria in kawngkhar lam a rawn hawi vat a, rang lutuk a tlân chhuakin bathroom kawngkhar chu ka nam khar zui rawk rawk bawk, a rawn nam dawt dawt a, "Maya uicho nu kawngkhar hi hawng rawh," Ti hrawk hrawk chuan ka nghing dawt dawt bawk, pawnlam aṭang a kalhna a awm miauloh avangin ka hnungzang nen chuan ka nawrbet a

Ka tha zawng zawng sawm khawmin ka nghengbet ngar ngar a, rei tak ka ṭang thei dawnlo tih ka hria, ka hawi kual a ka dinna sir a pheikhawk bun dawn a ṭhutna tur a an dah mawi, hlam chen vel a sei awmchu banin, kawngkhar nawrbeh nan chuan ka hmang vat a


Reitak a dawl dawn tih ka hria, towel chauh veng a, chhuat a ka phone tla ban nawk chuan kawngkhar hawng rawk rawkin towel nen chuan ka tlân chhuak nghal awn awn a a, rinloh lutuk maiin vengtu a neilo hlauh lehnghal


Lift chu hmet nawk nawkin hotel room ka tlan chhuahsan chiah lam chu ka hawi zawk zawk bawk a


Saruak a rawn tlan chhuak vai putar chu a rawn rak ṭhat a, a aw chu khawk rum rum thei

lift kawngkhar in hawn rualin rang lutuk a tlan lut chuan 'close' tih chu ka hmet nawk nawk bawk


First floor ka thlen rual a, lift aṭang a ka chhuak chu min en duh nasa hlawm ngang mai, a ṭhenin an phone an phawrh tih ka hriat chuan ka hmai ka hup vat a, ka khaw hmuhlah chu mittui vangin a fiahlo ruai bawk


"Maya," Ka ding dawt, mittui nen a ka hminglam tu lam chu dak chhuak a en in, phawkfe a min en tu, tunge a nih pawh ka hriatloh chu ka en kar a, "OMG, engthil nge i chungah thleng, min rawn zui rawh," Tih leh a hnathawhna form haklai phelh a, ka dar a rawn batin min pawt kal nghal dawt dawt bawk, tunge anih pawh ka hrelo ; Mahse, tunah hi chuan chutiang ngaihtuah thei pawh ka nilo


Ka mittui lah chu tumloh deuhin a rawn la luang ang zung zung bawk a


Locker room tih hriat tak a min hruai lutin, locker pakhat chu hawngin, "heihi ha rawh," Tih leh min rawn pe a, ngawi reng a la chuan inthlakna an pin hran lam ah chuan ke hlap a pan chhat chhatin ka lut a


Ka towel venlai phelh chuan darthlalang ah chuan ka taksa chu ka en a, ka mittui bawk a rawn tla leh tawh, ka inten a, ka kut te chu a bawlhhlawh ta riau in ka hre bawk, ka theih tawp a na in ka in nuai nawk nawk a, ka vun thip sen hlar hnu en chuan ṭah uah uah mai ka duh; Mahse, ka dikan leh thiamna ah ka mittui tih tlak mai mai ka tumlo, ka mittui hi a to lutuk mah mah, mit chhing sawkin thaw kala kawk a


Ka kut a Hotel a thawk ho form awm chu en in, muangchangin ka in ha a, ka sam hnawkzet mai tawm mar ṭha chuan ka mittui tlakna hnu chu hru hul thuak thuakin, "ka lawm e," ka chhuah rual chuan ka ti sep bawk



"Engthil nge i chungah thleng a, i ṭha em? Hetah eng thil nge i rawn tih reng reng ni?" A hmel ka en chian chuan Rita ka pa thawhpui ṭhin kha a ni tih ka hre chiah lehnghal


"Rita, form hi ka rawn pe let leh dawn che nia," Tih leh a zawhna chhanglo a inher ka tum chu, "Maya," Tih leh ka ke bulah sandals rawn theh thla chuan, "bun rawh, i ke anatloh nan," Ka melh zawk a, zaidam hmel lutuk in minlo nuih sen sen na chu luih letin, "ka lawm e," Ti leh sep chuan inthawlhin ka chhuak nghal a


Hotel kawt ka thlen chuan taxi rawn ding zui zat chu hawng rawk rawk chuan ṭhu lutin kan in awmna address hrilhin, "khalh chak angche," Ka ti zui sap bawk


Taxi chhung ka ṭhut luh rual chuan driver pawh zah zo lovin chhuak lutukin ka ṭap chhuak a, ka mittui hi to hle mahse ka insum thei tawhlo a ni, ka na a, ka keh chhe takzet bawk, ka awm tawt lutuk ṭham tawn tawn chuan ka ṭap chhuak uah uah a, engtin nge ka nu in ka chungah khang thil kha a tih theih ni?

Min hringtu nu ang mai a ka en in bungrua ang maiin min hralh a, a natdan chu na tak a ni, TV ah te, thawnthu ah te an mi rin em em ten an phatsan a an natdan hi ka hmu in ka hrefo tawh ṭhin; Mahse, hetiang tak hian ana in a keh chhiat theih ang tih ka ring pha ngailo hrim hrim


Taxi ding dat a, in hnit hlawp hlawp a ka phone hmang a taxi fare scan ka tum chu, "min pek angailo, tikhan i vanneihna tur ni rawhse," Driver-in a tih chuan ṭap pur chung chuan lawmthu ka hrilh sap a


Kan in gate lam pan chuan ka mittui chu ka hru hul tawk tawk bawk, gate bula ding deuh vang vangin, thaw ka'n la deuh vang vang bawk a


Muangchang a penlut in kan inlam chu ka phan chhat chhat bawk

Kawngkhar pawt hawng chuan ka penlut a, "Maya," Ka nu hmel a maktihna chu hai rual a nilo

Ni e, he inchhung ka rah leh hi a ring pha tawp nang, pawitak maiin a tum angin thil a kal lo tlat mai

"Maya, i thawmhnaw chu...." Eunice-i kailawn aṭang a rawn chhuk mekin a tih chuan ka en chho a


"Eunice kan leiba te kha engvang a ba nge kan nih?" Eunice-i chuan phawk fe a min en in ka nu lam a melh zek zek a


"Ngaihtuah....." A tih laiin, "Eunice...." Ka ti ṭhat chu ka nu pawh a ṭhutna aṭangin rawn tho zui zawt bawk


"I pa, i pa leiba a ni," Ka nu thusawi awihlo lutuk chuan ka ṭha nuih hak hak a, a ṭhutna lam pan hnai chhat chhat chuan, "ka awih i ring em? A fanu ka ni a, ka pa mize hrelo tur khawp a mawlah min ngai em ni?" Ka mittui a tlak leh mailoh nan ka khap let sak sak bawk


"Maya...." Eunice-in ka lam pan a a rawn tih chuan ka kut chunglam ah ka vai thuak a, mittui tlingpam a Eunice-i lam a thle bâr chuan, "Eunice ka tan hian tunge in nih i hria em?" Hrawk na urh chung a ti chhuak ṭau chuan ka biang a rawn lum thla pup bawk


Ka nu lam chu ka hawi leh a, "intan hian eng nge ka nihve? I Pasal fanu, i pa hrawn fa?" An pahnih chuan ka en tawn zak zak a


Ka ṭah chhuak lutuk minturna lah chu ka hnungzang leh hrawk ana kham urh bawk


"Maya ka...." Ka nu chu rilru na keh chhe lutuk chuan ka en a, "nu, 'NU' tiin ka ko ṭhin che, ka tan chuan min hringtu ka nu ini a, itan pawh fanu ka ni in ka hre ṭhin, ka chhungkua leh ka neih chhun in ni tih i hrelo em ni," Ka lut thing mat matin, "mahse, intan chuan ka ni velo, i tan chuan i leiba rulhna bungrua ang lek ka ni, kha i nuai 80 bat avanga min hralh khan i hlim angchu tiraw?" Mittui tla zawih zawih chuan ka sawi chhuak a


"Engthil nge thleng? Nu, Maya thusawi hi eng nge a awmzia?" Ka nu pawh chu a mittui a tla fep fep tho; Mahse, he a mittu hi ka ring tawh aw zawnglo mai

"Hotel ka pan dawn a ka rilru a awm i hre duh em? 'Ka nu hian ka ngaih angchiah in ka pa a ngai a ni, a thawhna ṭhin Hotel hial a pan leh a' tiin ka ngaih a, nui chungin ka rawn pan che a, nang erawh chemin minlo vit thung," Seh chil nawk nawk chuan ka ti chhuak hrawih hrawih a



"Maya," Tih pah a min rawn ban a tum chu tawlh hnung hret in, "tun a ka taksa ka ten zia hi i hrethiam em?" Ka awm chu ka ṭham nawk nawk a, ka sa himnan a kha vai putar ka zûtna kut phah chu a hma a lek chhuakin, "he ka kut hian engthil nge ka khawih i hria em?" Ka au chhuak tuar tuar a, mittui tla zawih zawih chuan ka kut chu ka nuai leh nawk nawk bawk


"Maya bawihi, ka tihpalh, ka tihpalh, min ngaidam rawh, vawikhat, vawikhat chiah ka fanu, duhthlan tur dang a awmin ka hrelo a tin ni..." Ka kut ka nuai nawk nawk lai rawn dawm bet a a tih chuan, ka phih sawk a, ka tawlh hnung dawrh bawk, Eunice-i hmel makti lutuk chu melh zawkin, ka nu chu ka en leh a, ka mit ah hian natna karah kha Hotel room a ka mangan hman zia te leh ka hlauthawng chung chung a rilru fim hman ka tum dan te a hmu thiam ngei in ka ring


Ka lu ka thing nawk nawk a, "i tihpalh lo a, duhthlan tur ineilo a ni heklo, i tan heti tiat te pawh hian pawimawh na leh min hmangaihna nei nila chuan khatiang thil tenawm kha ka chungah iti duh hauhlo ang, nang leh kei hian inzawmna kan neilo ang bawkin kan nei tawh ngai dawnlo a nih hi," Rilru na lutuk a ti chhuak hrawih chuan chil lem khalh in ka mittui hru hul tawk chuan pensawn in inchunglam ah ka tlân chho dawt dawt a


Ka room a lutin, ka luggage chu phawrh chhuakin ka thawmhnaw vawm lut tawp tawp chu, "Maya khawnge kal i tum, engthil nge itih hi? Ka nu chuan eng chiah nge a tih?" Ka kut a thawmhnaw rawn pawt sawk pah a a tih chuan mit chhing sawk a thaw hakin, "engmah ila hrethiam lo amaw? Hmeichhe fing tak ini si a, ka nu..." Ka ṭah nuih hak a, "ni lo, i nu zawk mawle, kei a fahrawn hi kha in nuai 80 leiba aiah min hralh tih hi i hrelo tak tak em ni?" Ka au khum tuar tuar a


A lu thing nawk nawkin, "a nilo ang," A tih chuan ka nui hil hak a, "a ni ngei si a ni," Ka tih chuan,"Maya, insawifiah na hun pe rawh, chhan anei ngei ang," Ka thaw hak a, mit chhing sawkin, "Eunice tunah chuan hun ka mamawh, hun minpe rawh, a tir aṭangin thudik min hrilh nila i chungah pawh ti em em hian ka thinrim lo tur," Tih leh a kut a ka kawr chu pawt let sawkin ka vawm lut leh a


"Engmah i hriatloh chuan Maya khatiang thu kha sawi suh, ka nu pawhin chutiang thil bawlhhlawh chu a ti hauhlo ang," Ka nui hul hak a, mit sen, phak zet a chiang lutuk a en in, "ni e, engmah ka hriatloh vang a hetiang dinhmun a ding hi ka ni Eunice," Ti fak chuan luggage chhin sawkin ka kalh ngjal khap a


"Nathan-an, 'sum tel lo chuan hmangaihtu che emaw itih pawh khan a kalsan tho angche' atih kha ka hrethiam ta in ka hria," Ti sep chun ka room kawngkhar bul a ding ka nu en chung a alam a pan hnaiin, "ka pa khan a hmangaih zia che theihnghilh ngai suh angche, vawiin a ka chunga i thiltih nen hian," Ṭah insum zet a ti chhuak leh sapin ka kal pel a, kailawn bula ding a kan inchhung kum 11 dawn tehmeuh kalo chen ve tawhna chu mittui tlingpam a en kual hrek hrekin, "he hmunah hian ka seilian a, hmangaihna ka dawng a, hmangaih tak a enkawl a ni ṭhin, mahse mittui nen ka chhuahsan ang tih hi ka mumang ah pawh ka mang ngailo," Ti sep chuan, "hmangaihna diktak nen a hei chu in enkawl chhunzawm zel ka beisei," Tih leh chak lutuk in ka luggage hnuk chuan ka pen thla nghal dawt dawt bawk


Kan inchhung ka chhuahsan meuh chuan ka taksa peng hi lak hran ni in ka hria, ka ruak a, ka mal nghal rawih rawih bawk, he khawvelah hian ka malzia ka hre chhuak rum rum a ni ber


<>~>~>~>~>~>~>~>~>

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 4:58 pm

MY TREASURE
By
Floria laldansangi


Chapter < 6 >


NATHAN-A...POV


"Pu Biaka chu a lawm ngawtlo maw U Tlan?" Ka nau in coffee no rawn chhawp pah a tih chuan Tlana chu a bu nghauh nghauhin, "sum nei ila chuan keipawhin ka duh viauna, insak ka tum hnai ve tawh si a, kan hmun neihna khi duh aiin a hla hret a, Aizawl luh dawn ah daih a nia, in inhmun awmna lai te chu Zarkawt ah pawh a laili lai a nia, a man nen pawh in hû tawk tak a ni," A rawn tih dap dap chuan ka thaw chhuak hak a


Ka pa inhmun min hnutchhiah ve chhun, ka sumdawnna tlak chhiat tirh pawh a kan tihral phal loh kha, tunah investment tih tum leh bul ṭan nan ka ti ral a, a nilo lamah sum a ral leh ta vek chu a nih ber hi maw..!

"Ka rin aiin Pu Biaka chu a zam a rang daih mai, hei Pa Chhuana'n 'inhmun kha i hralh tawh em?' tih min rawn zawt a," Phone en chunga nui vur vur a a rawn tih chuan ka lo kiai suk a


"Sum lam chu duhtawk ila, Bawiha mitthi chhungte chu i bia em?" Coffee chu ka tem zui hlak a


Henry chuan a lu thing mat mat a coffee no chawi kâng pah chuan, "Bawiha, engmah ka sawi lawk theilo, keini ai a sum lam a vawm tam tu an nei si a," Thaw hak a a tih chuan ka thaw chhuak ve hawk a


A sawidik, Maria-in a thlan mipa kha sum nei tak a nih hmel viau a, vawiin pawh hian kan hneh kherin ka ringlo, nilo, ka chiang mah mah zawk a ni



Maria-i ka ngaihtuah chhuah chuan ka nui hul hak a, Maria-i khan Aizawl a ka pa inhmun ka hralh tur thu kha a hre hauhlo, Aizawl-ah awmlo mahila ka pa ro min hnutchhiah awmchhun a nih avangin ka hralh ngai dawnloh thu kha ka sawi ṭhin, tunah ka ti ral leh si a, hria nise chuan a rilru a thlak tawplo ang



"Angela te in kutsuih ni a hnai tawh nen a buaithlak ngawt mai," Tlana'n a rawn tih chuan bu nghatin, ka nau choka a awm chu ka melh zawk a, "Tlana a pasal neihni nangni talin inlo va telpui dawn nia, mal lutuk a a in ngaihloh nan, ka tih chuan an bu nghat a, "engmah thu thlukna kan la hre hleinem, beiseina han ti sâng em em phawt teh ang u, insiam teh, kan tlai ang," Henry-an a tih chuan ka ṭhutna aṭanga a tho in ka fate infiam na lam chu ka pan a


Thlir deuh vang vang a, an chhip a fawp diat diat chuan, thaw kan la hak a, kawngkhar rawn ri ral ral ah chuan inher in, ka nau rawn chhuah tum chu, "ka lo hawng a," Ti sup in kawngkhar lam pan chuan ka hawng a


"Malsawmdawng," A mit a sen râm a, a biang leh hnar a tai leh hlar tawh bawk, a ṭap leh a ni ngei ang

Nizan pawh khan a ṭah ruk tawh kha maw, hmeichhe naupang luhlul leh awlsam tak a mittui ti tla mai mai ngai lovin, chhun pa changa a ṭah chuan chhan lian tak a awm a nih ngei ka ring bawk

A bula luggage chu ka melh zawk a, "diklo a awm em ni?" Ka zawhna pawh min chhanglo chuan, "vawiin aṭang he in ah hian ka awm ṭan dawn," Tih leh a luggage ka lam a rawn nawr lutin, "eng nge? A theihloh a mi?" Bak hluk a a tih chuan ka nui ringawt a



"A mak rawn luh tir ta phawt ta la maw le, Maya rawn lut rawh," Tih leh ka nau kan din na a rawn dingin ka dulah min nghawk ru zauh a, ka ṭhian te pahnih lah chu anlo nui ṭhaw bawk


"Kan room ah dah rih mai rawh, i thawmhnaw kha i thlak duh em?" Ka nau chuan a be nghal sawk sawk a, kei erawh a ngaihna hrelo zetin a che vel leh ngawichawi ta lutuk chuan min ṭhawng deuh, nge ni a ka ṭhiante awm ve chuan a ti lai ve khanglang zawk, lai hmel lah a pu chuang bawk silo a


A thawmhnaw pawh a chhuah dawn a a hak kha a ni tawh hauhlo, khawilam hnathawhna uniform emaw ni ngei tur a ni


Room a a inthlak zo rawn chhuak ka lawyer nen a phone a kanlo inbiak mawlh mawlh lai chuan, "i tâng leh dawnlo em ni?" Kan hma sofa a Tlana bula ṭhu thla pah a a tih chuan, Tlana leh Henry-a chu anlo nui huk a


"A tan iva beisei awm ve maw le, darkhat ah court kan pan angchu kanlo tia," Henry-an nui vur vur a a tih chuan a hmui hnuailam ti pawrh deuh tarhin, "Chutiang pawh a nilo, a case a liantham sia, a zalen reuh sia tih thu ah," A tih leh phei chuan Tlana chu a nui hawk hawk a


Ka tih ngaihna hrelo chu ka lu ka lo thin khum mat mat ringawt thung, a rilru ah hian eng nge maw a ngaihtuah ṭhin ni?


"Man nghal se iti deuh em ni chu?" Nui vur vur a Tlana'n a tih chuan ka nau in coffee leh biscuit a rawn dah chiah chu ban pah a hmawm nghalin, kâ khat ṭawn a hmawm chuan, "ti chuanglo e, drama ah chuan an man a, thu te an zawt ṭhin sia," Fiahlo zet a a rawn tih chuan rum nghut in, "thil ei chungin ṭawng suh," Ka lo ti bul hluk chu a ngaihdan a nilo leh nasa mai, rum lutuk a min rawn melh pahin, "i thulo," Tih leh coffee chu a tem zui hlak bawk a


Engtin nge ka fate lo enkawl turin ka rintawk theih ang ni? Amah pawh hi enkawl fe la ngai a ni si a, rilru tawt sa nak alai a he naupang hian ka fate pathum a enkawl dawn a ni tih hriat phei chuan thawk ngaihna vang duh rem rem tak chu a ni

.
.
.

Maya...POV (Malsawmdawngzeli)

Kha ti kelh kawlh a min en, hah em em in an apartment thleng turin step thui lutuk mai ah ka in pawt chho a, mak tih hmel he haw a min en kha ka ngei reuh lutuk

Phone hmang mawlh mawlh a, min melh ram ram chunga room a lut Nathan-a chu thil ei tuam tuam chuan ka melh vak a, ka sir a ṭhu mipa chuan nui huk hukin, "Malsawmi ini ang maw? School ila kal em?" Ka lu ka thing a, "kaltawh dawnlo, ka peih tawhlo," Ka tih chuan bu nghat nghatin, "ka ngainat chi tak ini," A tih sup chuan kalo ner sawk thung


"Ka rilru in i lerh ngawt ang" ka lo ti rilru hman leh pek a


"Kal zai kan rel dawn em niang u? Kan tlai hlauh dah ange," Tih leh Henry-a Lion-a ṭhianpa chu ding thurhin, "zanin chu keichu hetah chaw ka eilo ang aw Angela, Client hmuh tur ka nei a, Tlana nang Hotel-ah ei i tum nge ni?" Henry-a bawkin a tih leh chuan, "Angela rawngbawl ei abkhat a lawm le, zanin chu minlo chhum kep rawh," Tih leh ka sir a mi ding ve zatin, "Malsawm zanlam ah in kawm ang aw, ka rim nghal dawn che a nia," Pensawn pah a tih a min nuih vur vur chuan nuih let sawngin, ka bu liam ve ringawt a


A lerh tak tak ngawtin ka ring, val senior ve tawh tak, lerh ve tak leh mahni in ringtawk tak a nih ngei dawn hi


Nathan-an a fate pathum kuah diat diat a an biang a fawp deuh vang vang mai chu ka ṭhutna aṭangin ka en reng a, kalsan chu a hreh ve takzet tih ka hmu thei, Angela-i pawh a mittui a hru leh fep fep tawh


"Min rawn thlah duh suh u," Nathan-a chuan a ti sup a, a aw chhuak teh ṭuak chu, ṭah a chak ve reuh emaw ni le...?


"Chanchin min rawn hrilh vat angche u," Angela-in ṭahin sum zet a ti chuan, a in hnit nghat hlawp hlawp a, ka ṭhutna a ṭang a dingin an din khawmna lam pan chuan, "Na.. Nathan," Mit rawn en a, a fapa a pawmlai chu melh zawkin, "lungngai suh, ka theihtawp ka lo chhuah ang ka tih kha," Ka tih chuan kiai sukin, "ka lawm e", Ti sep a fapa en lehin chhuat ah a nghat a


A fate pathum lah chuan engmah hrethiamlo in Nathan-a chu an nuih var var a, diktak chuan en an hreawm ka ti, naupang pawisawilo leh duhawm zet zet mai hetia enkawl tu mumal an neilo tur hmuh hi


Kawngkhar thleng chuan ka thlah a, "buaina leh harsatna engpawh inei a nih chuan, ka nau i be nghal vat ṭhin dawn nia," Rawn ti leh supin inher chuan a pensawn nghal pawk pawk a


"Ngaihtuah lutuk suh u," Tih leh Henry leh Tlana tih pawh chuan an zui ve nghal zat a, boruak ka hip kawk a, engvanga tawt ve up up nge ka nih pawh ka inhre lo



Ka awm ah hian thil rit takin min delh ang mai hian thawk a harsa, Nathan-a hi ka haw ngei a lawm, ka pa min laksak a, tunah chenna mumal pawh neilo ah min siam a, amah vang nilo se chuan tun dinhmun ah hian ka ding dawnlo tih ka hria ; Mahse, engvang a ngaihtuah ve vak nge ka nih pawh ka hrelo, a eng ngaihtuahin nge contract te ka sign pui reng reng ni, ka â a ni ngei ang...!


"Maya i phone em ni ri hi?" Ka harh zawk, hawi vut chuan, kawngkhar khar phui in, "awhh," Tih leh ka phone awmna lam chu ka pan a, Angela-in naupang thawmhnaw a thlak sak chu en pahin, "Eunice," Ka phun sap a


"Maya, heng pawisa hi eng nge a awmzia, nuai 10, nuai 10 ngawt hi khawi aṭanga i hmuh nge an nih?" Eunice-i chuan a rawn ti nghal a, thaw chhuak ham ham in, "leiba rulhnan in hmang dawn nia, khabak erawh puih theihn che u ka nei tawhlo ang," Tih leh phone off ka rual nghal hmak a, ka switch off zui hmak bawk


"Diklo a awm em ni a? Karleh lam aṭangin i rawn luh ka ring a," A ṭap zo hlim mit sen ram chung a min rawn melh chho zauh a a tih chuan, chhuat a ṭhu thla pahin, "U Angela," Naupang ho toys ban pah chuan ka ko sep a


"Umm," Tih leh min rawn melh zawkin, "i chhungte lakah lawmlohna inei a ni maw?" A nui zui sen sen bawk


Nui ve sekin, "ka lawmlo pawh a ni chiahlo," Ka tih lai mekin naute pakhat a rawn ṭah chuan, "enkawl dan tur vel leg an ṭah thlem dan tur te min hrilh vek rawh aw," Ka ti nghal zat chu, za zet a rawn nui in, "ṭah han thlem dan vak hi a awmlo, an ṭap khat a, Bryson hi a piang hnuhnung ber tih tak a, a chak deuh bîk a, tlemin a ṭap zing deuh tihloh ah chuan kan nau te ho hi an ṭap khatin enkawl an nuam viau a nia," Pawm lawp a a tih chuan ka bu nghat a


A ṭap lah chu a uar tulh tulh lehnghal a, pakhat a rawn ṭap ve leh chu lo pawm ve mai ka tum a, a duhlo nasa mai, tal deuh tawp tawp chuan an pathum chuan chhuak em em in an ṭap a, vawikhat a an han ṭap rual chuah chuah mai chu ka lung a zing in ka chiai nghal ni berin ka hria, thlêm hmasak tur ber pawh ka hrelo


Tih tur ber hrelo a, naupang ṭap ka en tawn zek zek lai chuan, "Maya choka ah sawn an hnute bawm a awm a, minva lak lawk mai ta che," A rawn tih chuan rang lutuk mangkheng a in perh tho in ka tlan lut zui zawt chu, a nui ri ka hre hman fua a ni


An hnute bur in tung ṭhap mai chu pathum a la in ka tlan chhuak leh a, pakhat Angela-i pe chuan pakhat ve ve chu an kâ ah chuan ka hnawh sak a, midang 2 chuan zûk dek dek a, an bâng nghal mai bawk a, Bryson-a chu Angela sawi ang deuhin a ṭap nasa tulh tulh emaw tih mai tur a ni

.
.
.

"I chau em?" Sofa a zawi zet a ka ṭhu thla hnawk chu nui vur vur a min en chung a a tih chuan zawi zetin ka nui a, "engtin nge nangmah a i enkawl theih a?" Ka ti chhuak tawng ringawt


Ti mu tur a ka pui ringawt pawh ka chau nghal der a nia, keimah a enkawl tur a ka in dah phei chuan ni 1 pawh ka tuar chhuak dawn em ni le...?


"Keipawh a tir chuan ka theih ka ringlo a, ko a antlak hi chuan theihloh hi alo awm tak taklo a nia," Tih leh kawngkhar rawn ri ral ral ah chuan a pensawn nghal a


"Nitin, court lamah i lang ve dawn emaw tia," Tih leh vai palian zet mai, ngo ving veng, hmai a hmul ṭo deuh thur rawn pen lut chu ka lo en kiau a

Nathan-a aiin a palian daih, 'vai hmelṭha' chi kan tih ang deuh kha a ni, 6'4ft a pel thuakin ka ring bawk, Angela-i nen an ding dun chu ka nuih anza leh tlat pek a


"Biak che ka mamawh a," Ti supin min rawn en a, "heihi..." Tih leh min rawn kawk zauh bawk


"Aww, Maya a nih hi, Bryan te enkawl tu tur," Bu nghatin, "Nitin, Angela fiance," A tih sup chuan a kut lo chelh vatin, "Maya," Ka ti let sep a


"Ann, kan inbe lawk dawn em ni?" Thle bak a a tih chuan Angela chuan a U room a hruai lutin hmuhnawm ti zetin ka thlir dauh dauh a, an in len hleih nasa mai si a, Nathan-a mah lian tih tawh nak alaiin, 'hnamdang na na chu anlo lian ṭha nge nge em aw' tih turin vanlam a chaw zawng tur ang mai a sang in, lian ṭha thur thur tak a ni


Ka rilru ah ngaihtuahna bawlhhlawh a rawn awm leh tawh, keimah chuan ka nui nghal kar kar a, "Nitin, kan sawifel vek tawh kha, tunah inneih hun sawn hnai turin ka dinhmun nen thil theihloh a ni," Angela aw ka hriat chuan room lam chu ka en vat a


"Ka hria alawm; Mahse, ni 2 chauhin ni kan sawn hnaih dawn ni," Nitin-a chuan zaidam tih hriat zetin a ti let ve sup a, ngawi rengin an in hnial chu ka ngaithla kar ringawt, tih tur hre heklo leh room a luh bo na tur awm heklo chu ngaihthlak bak tih theih nei heklo

Darkar chanve dawn an inbiak hnuah rawn chhuakin, "Maya kan inhmu leh dawn nia," Tih leh Angela hmui a fawp zauhin, "ka rawn bia angche," Tih leh pensawn a rual nghal zat bawk a


Angela hmel buai nak mai chu en in, " i ṭha maw?" A lu a thing nak nak a, "inneih na kan sawn hnai a nih chuan engtin nge Bryan te unau hi ni ang," A mittui a rawn far fep fep a, han hnem ngaihna mai hrelo chuan, "U Angel, ka awm tho alawm," Ka'n ti khawmawi ve tak na in, an inneih hun tur Tuesday a an sawn chuan ni 4 bak ka tihtur min zirtir na hun a nei tawhlo a, kan in chhawm chho nawk nawk thei mut ange maw chu...!

.
.
.
.

Ni 4, ni 4 chu a liam ve leh ta reng mai, vawiin hi Angela-i te inneih ni a ni a, naupang ho enkawl minpui tu tur nula pahnih an rawn tirh te nen chuan an inneih na hmun tur Hotel lam chu kan pan a


Ka rin danin Nitin te hi chhungkaw hausa tak an nih ka ring, engkim mai inneihna senso zawng zawng chu cheng1 pawh Angela-in thawh lovin an tum vek a nia, ka hriat dan phei chuan Medical College a zawmna tur pawh a tum vek dawn ni in ka hre bawk



"Maya," Tia minlo ko tu chu ka en vat a. Kawrfual var nalh zet mai ha chung a Hotel kawt a Angela lo din lam chu en in ka nui var var a, "ilo chhuak duh a," Tih leh Bryson pawm chuan ka pan hnai a


"In rawn thleng har lutuk a, ka rilru inti nuamlo alawm, Bryan, Brayden, Bryson eng nge in an? Min ngai em?" A vahte pathum fawp zauh a a tih chuan an lo nuih var var a


"Lut ang u, kan tlai dawn, U Tlana leh Henry-a pawh an rawn thleng chiah," A tih chuan bu nghatin Hotel chhung ah chuan kan lut a


An inneihna hall chu ropui hem hem tak a ni, hmeichhia te zawng zawng suangtuah ṭhin inneihna ropui ang chu a ni chiang khawp mai; Mahse, Angela-i hmel a malna leh a U a beiseina mitmeng chu hmuh hmaih chi a ni hauhlo, chhungte tel lova pasal a nei tur chu ka lainat ru viau bawk

Thutiam an chham dawn te chuan kawngkhar lam chu beisei tur a awmlo tih hre reng chung chuan a melh leh zauh ṭhin a, a mittui tla fep fep te chu en harsa tak a ni


"Maya," Tlana leh Henry-a ka bul a rawn ding chu nau ei tur hria pah chuan ka melh zawk a



"Ka rin aiin naupang enkawl chu i awlsam phian hi maw le," Henry-an a rawn tih chuan ka nui tawi tuk ringawt, zanin aṭangin keimah a ka enkawl ṭan an ngai tawh dawn a, 'a awlsam' tih thu kala sawi ve thei hauhlo mai, Angela puihna nen pawh khan ka beidawng lek lek ṭhin a nia, naupang enkawl hi e thil awlsam a nilo nasa mai, sawi erawh a awl a, han enkawl erawh chu khawvel a thil harsa 7 zing a tel thei tur hial ah ka dah


"Henry, Nathan-a chanchin hi eng nge? Angela ka zawt inthlahrung si a," Ka tih chuan thaw hak a Wine no la kâng a tem hlek chuan, Angela-i te dinna lam hawiin, "a that tih fiahna a awmlo a, thatlo tih fiahna a awm bawk lo a, kum 2 chu a tán a ngai dawn a nih kha," A tih hap chuan ka bu nghat a, ka rin aiin a tâng reilo zawk mah, tualthat case te chu a lo berah kum 10 chuang a tán ka ring a nia, kum 2 lek tâng tur chuan an bei ve nasa viau in ka ring, emaw kan hriat veloh thil a awm a ni mai

.
.
.

"Bryson, Bryson ṭap tawhlo teh," Bryson ṭap bang duh miahlo chu beidawng lutuk in ka ti a, ka awi ve durh durh na in a ṭap nasa tulh tulh emaw tih mai turin, a ṭap uar tulh tulh lehnghal, inneihna a ṭang a kan haw aṭangin ala ṭap deuh ngar ngar mai, ka chau in ka mut a chhuak ve tawh nasa mai bawk si


Bryan leh Brayden an mu hma hlauh a a tihzia zawk, Bryson-a ṭap hian a ti harh ang tih ka hlau mau mah tawh zawk a ni

A pang ka dek ṭhin, a sa bawk bawk silo, a pum ana a nih ka ring a, pumna damdawi ka'n pe ngawt tawh bawk a, ala bang duh chuanglo, chuan ka ṭah te a ti chhuak ve ut ut tawh zawk, a zankhatna aṭangin kan tlaivar mai dawn ni in alang


Kawngkhar rawn ri ral ral ah chuan Bryson-a la chik ruai ruai pah a muhil duar duar awi durh durh pahin ka pan hnai a, tun ang zanrei ah tunge maw le..? Zandar 11 a ri thuak tawh si a


Rilru nuamlo deuh chuan kawngkhar bulah chuan ka ding ren rawn a, "Angela," Hmeichhe aw ka hriat avangin ka hawng zui vat bawk


Ka hma a hmeichhe ding chu ka en haw a, kei aiin a sang daih, a pian a nalhin hmelṭha tak a ni, "Ohh, Angela a..." A tih lai mekin ka nau hmapuak chu en in, "Bryson," Tih leh rawn ban a tum chu rang lutuk a inherin, "tunge inih a?" Ka ti let vat a


"Tunge inih zawk ka zawt thei angche a ngem?" Ka nui hak a, "ka zawt hmasa che alawm, zan reiah kan in kawngkhar bulah i rawn ding a, ka zawhna che i chhan hmasak a ngai a ni läwm?" A rui deuh nge maw ni, zu rim a nam ham ham bawk


"Nathan-a...." A ti zet na in, nui hul hakin, "angai lehlo e," Tih leh ka chhip aṭanga uluk fahran a min en chuan, Bryson chu a en leh a, Bryson-a erawh ṭap chau tih hriat takin, mittui vang a hmai berh pheng mai chuan a thaw sek sek a, "mamawh i neihloh chuan kawngkhar kha khar ka duh a nia," A harh zawk emaw ni, phu deuh zawkin, a rawn nui vur vur a, "Nathan Lalhriatpuia chu ini ngei e, ka lehkha hnutchhiah che kha i chhiar awm tho si a," Ti sep chuan engmah sawitawh lemlo a inherin a pensawn chhat chhat a, mak ti fe a en in, "eng nge maw i sawi le?" Ti sup a kawngkhar kharin, "a bialnu hlui a ni hrim hrim," Ka'n ti ngawt pek bawk a

Ads i la click ve lo a ni maw? Han click ve nghal zeuh la, second 10 bak nghah a ngai lo a nia.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)