My TREASURE S1 By Floria laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: My TREASURE By Floria laldansangi (Completed)

Unread post by Ngaia » December 31st, 2020, 5:03 pm

MY TREASURE
By
Floria Laldansangi


Chapter < 19 >


~ Maya...POV ~



Ka hmui chu khawih niap niap in, hmai la sa deuh hat hat chung chuan ka nui leh sun sun ṭhin a, engvanga kiss ngawt nge ka nih ka hrelo ; Mahse, inchhirna ka nei chuanglo, ka zak theilo a ni lova, ka zaklo thei a ni mai


Ka mu pawh chu ka tal deuh seka, a chang leh ka za zek zek ṭhin chu nui chhuak leh hak ṭhin in, naupang tih harh hlau si chuan ka kâ ka hupbet thul, ka bul chiah a mu Bryson-a phei chu a rawn chik ṭiah ṭiah phah hial a ni


Ka muthilh theih pawh ka rinloh nen, nui vur vur reng chungin ka muthilh lai ka hre hauhlo, mumang pawh nei ṭhak lovin ka muhil zawk maw le...!


Naupang rak ri nak nak leh, "Nathan, i kawchhung ah ramhuai an lut em ni? Nge ni a, khaw thlanglam aṭangin Ni a chhuak zawk," Jamie-i aw ring leng lawng mai ka hriat chuan ka meng diar diara, naupang ho thovin kawngkhar an kharlo tih hriat takin pawnlam thawm a ring ṭha khawp mai


Khum aṭang chuan ṭhu chhuakin, ka mit ka nuai chhat chhata, ka sam ṭawn ṭha in, Bryan-a room a rawn tlan lut chu ka lo nuih var vara, "Mamma, Daddy-in breakfast minpe tawh chuan kawr thar pawh minlo lei," A rawn tih chuan ka en haw a, ka harh zawk bawk, dar zat lam reng reng ka lo ngaihtuahlo


Khum aṭanga chhukin, "ka tihpalh, thawh ka hai alawm maw le," Tih leh ka tlân chhuak nghal ti tih a, choka a Nathan-a lo che mawlh mawlh chu ding dawtin ka en haw ringawt bawk



Kamiz bân tlawn a hak var ṭha zet chu a bân puar lianzet ah a pawt chho a, a kut a thisen zâm lang ṭhuah maite chu inhmeh tak a ni, Rolex sana, rangkachak rawng lawk ṭha zet mai a bun chuan a ti mawi lehzual takzet bawk, a hmel leh pian en mai hi chuan choka a che vel tur chuan a inhmehlo viau ang tih tur a ni a; Mahse, inhmeh tak a ni


"Hey... I chil thli a tla dawn," Ka phu deuh zuk a, ka ngaihtuahna ah ka lo cheng leh veng veng tawh a ni


Nathan-a chu ka lama rawn hawiin, a ha var ṭha zet leh rual zet lang ṭhiau a, mawizeta min rawn nuihin, "Good morning, in tifai la breakfast hi rawn ei rawh, hruai duhna che u ka nei a nia," Dam dup maia a rawn tih chuan minti ham haih lehzual, choka a a eitur siam mahin minti hamhaih tawb a nia...!



"Breakfast i siam amaw? Nangmah hian maw?" Kal hnaih paha naupang ho thil ei chu en kual in, ka ei tur a a siam Potato Sandwich chu la kângin ka en a, rawn nui ri sukin, "i hmai phih phawt rawh," Tih leh plate chu ka kut aṭanga la in dawhkanah chuan a dah let a, minla nuih sâng reng bawk


Zankhat thil thu a a mize inthlak thut chuan minti ham haih nasa mai, sawitur ber pawh ka hrelo a, awmdan tur pawh minti hrelo, diklohna a nei nge, ka nei zawk? Mizoram a let ka tum thu ka sawi vangin a lawm lutuk te hi a lo nilo maw..? Nge ni a, "unexpected kisses" vang zawk khan..?



Ngaihṭha zân lova melh ralh ralh chung chuan bathroom lam ka pan a, Jamie-in nui ṭhû a milo en na bula dingin, "damdawi ei sual a nei a nilo maw?" Choka lam hawi zawk chuang ka ti sap chu a rawn nui chhuak hak a, "a kawchhung ah ramhuai a lut ta emaw ka ti zawk a," A rawn tih veleh chuan nui sun sun in, "ramhuai fel chi a niang," Nui nghal hak hakin ka ti leh sap bawk a


Jamie-i nen breakfast kan ei lai te chuan naupang ho chu a tifai ang surh surh a, thawmhaw thar, a rawn lei ni ngei tur chu hak tirin, Bryson-a damdawi pek tur thleng chuan min zawtin a pe nghal vek chuan ka ngaih a ti ṭhalo zual takzet, mithar ang hlaka a khawsa chuan lawmna aiin hlauhthawn na te minpe zawk in nia ka hriat ni...!


Kan breakfast ei kham chu, "Jamie min zui ve dawn em?" Room ah ka inthlak mawlh mawlh bawka, Jamie-i chu ka melh zawk a, khuma mu in a lu a thing mat mat a, "mut ka duh, zanriah in ei chhuah dawn chuan ka order mai ang, nizan ka mu hleinem," A rawn ti sap sap a, mu ṭha sat sat pahin, "bul ṭanpui che a tum ve tawh a niang, a che zia a mak emai," Jamie-i bawkin a rawn tih zawm zat chuan ka kawr hma ka kilh lai chu ka tawp dat a, Jamie-i lam hawi ha in, "a ni dawn em ni?" Ring chiah silo, rin duh si chuan ka ti chhuak sap bawk, a lo ni a nih chuan kumin chhunga ka thil tawnah ala ropui ber dawn tihna a ni



"Tukin a awmdan hi ngaih a ṭhalo alawm," A rawn tih chuan ka bu ve nghat a, ka ngaih a ṭhalo satliah pawh a nilo, thil ṭha aiin ṭhalo ka dawn ka in rin na chuan minti phur teh sarhlo, Nathan-a mizia hriat chian chuan a chetdan chu a mak tih hian a sawifiahlo êm a ni



Long sleeve dress, ka khup khuhlo deuh, taksa rawng, rose sen duka par ka hak chu a bân ka pawt chho deuh a, darthlalang a in en in, ka sam dum zet mai, ka bra kilhna thleng vêla sei a ka tan tâk chu sâng tak ah ka ṭawn kâng lah bawk a, ka hmai ah moisturiser tat deuh nawk nawk a sunscreen hnawih lehin, ka hmui ah lip gloss sen no chu ka hnawih leh bawk a, in en vang vangin, "ka zia ve em?" Jamie-i lam ka hawi chu alo muhil bawrh bawrh tawh, ka nui ta ringawt a


Kawr nakh tak ka haklohna chin hi ka hre ta meuhlo, tlemin minti confi lo zawkin ka hria, naupang chuan chetpui nuam tur a piang inbel mai hi a awlsam in, a hahdam thlak zask vang hian t-shirt lian zet leh kekawr tlawn tawp hi ka ha zing hlur a, ka inchei deuh chuan ka awm a ti nuamlo letling zawkin ka hria...!



Nathan-a awmdan in rilru ti nuam zânlo mahse, kan chendun aṭanga a vawikhat nan a kan chhuahdun na tur a ni a, nalh tak a lan erawh ka duh a ni


Ni lo, naupang ho nen a kan chhuah ho vawikhatna tur zawk maw le...! Ka phurna leh phurloh na chu a in zat chiah bawk


Room aṭanga ka chhuah rualhin, Nathan-an, Bryson-a pawma, a kut lehlam a Brayden-a kaiin kawngkhar bulah anlo ding fel at tih ka hmuh chuan ka ding deuh dat a, tun a kan landan leh awmdan hi ka mumang pawh a ka mang phaklo, ngaihtuah pawh ka ngaihtuah ngailoh a ni a, CHHUANGKUA tak tak kan ang ka ti takzet bawk


"Mamma i va nalh ve," Ka kut rawn chelh paha Bryan-an a tih chuan nuih sen sen in, "ka lawm e, nangni pawh in nalh lutuk," Tih leh Nathan-an mit khap lekloh a minlo en na lam chu ka pan a


Kawngkhar bul shoe cabinet chu lai zeta hawngin sandal, ka kawr hak rawng angchiah ka phawrh tur chu ka kut a rawn vuanin, "heihi bun rawh," Tih leh hnialna hun pawh awm leklo chuan, ka hma ah a khup pakhat chhuat a nghata, ṭhingṭhi thla chuan, ka ke la kângin, Sandal dum 4cm vel leka sang tur chu min bun tir a, a chetdan teh thut chuan min thawng satliah pawh a ni tawhlo, lungphu chawla min thih tir a tum nita ber in ka hre ta..!

Ka lungphu rang lutuk leh taksa khawng nghal awt te, ka thawk lak buaita nuaih te chuan min hnawh hlum dawn hial in nia ka hriat hrep ni


Rawn dak chho in, "eng nge a an?" A rawn nui zui suk bawk a'h...! "Lalpa he ka lungphu, thinlung hi i hrem em ni...? " Tih rawih rawihna tham a ni



"Awww...aw..." Ka dang awk hleilo te chu a awk ta ang nawk nawk bawk a


Nui ri suk a ding ngila uluk fahran in, ka chhip aṭangin x-ray ala emaw tih tur khawp a min en thla dan dan chuan, ka lam ah a rawn pen hnai hret a, ka thaw ka lo hip let kawk thung, ka thaw chhuak leh tawhlo hrim hrim zawk, ka thlanfim te hi a bawl chhuak hial lo maw tih turin ka sâ a, ka kawchhung a khur ru der der bawk, ka awmdan hreawm zia chu a hrethiam pha tawp nang


"Pawn i chhuah dawn chuan i sam hi thlah ziah tawh angche," Ti supin ka sam ṭawnna chu hneh sawh zet a pawt phelhin, "ti khan, i nalh lutuk," Vei nuih suk chunga a tih zawm zat phei chuan he ka thinglung dêr dêp lutuk hian a zolo lampang chu a ni


"Kal ang u le," Tih leh Bryson-a chu a pawm kâng leh nawlha, a kut lehlam chu Brayden-a vawn theihtur in a lek chhuak zui zat bawk, Bryan erawhin ka kut rawn chelh vatin, "Daddy hian Mamma hi a duh chiang mai, tiraw Brayden?" A tih chuan ka pensawn tur chu ka ding leh dat a


Nathan-a kan lam rawn hawiin a rawn la nui ang sun sun zuia...! Tuna kan awmdan hi inhremna a nih chuan inhremna ka tawn tawh a zawngah paidaih mai mai harber a ni ngei angle, he ka thinlung hi, saw Old LION-a chetdan sawn a ti tui hneh mah mah a ni

Lift kan panlai te chuan Bryan kaiin Nathan-a te hnung ah chuan kan pena, a dar pharh hlai ṭha zet mai leh in phiarfat maite chu, Bryson-a a pawmna avanga a kamiz hak mar pang chuan a ti lang chiang leh zualin, hmuhnawm tham a tling chiang a ni


"Mamma, khawiah nge kan kal dawn a?" Brayden-a chu ka en vat a, Nathan-a en lehin, "chhungkaw thlalak kanla neihloh kha..." Ka chhan hma a Nathan-an a rawn tih chuan ka nghing dawt thei, tunah tak hian hei ai a min ṭhawng tur thildang a awm leh chuangin ka ringlo


"Nathan..." Sawi maitur ka hrelo pawh a nilo, a vaih in ka vai a ni tawh zawk


"Awww... Ka hria, family photos tiraw daddy," Bryan-an ring leng lawnga rawn tiin, "Arty-i te chhungkua pawhin an in inbang ah an tar, family photos," Bryson-an muang ban chapin a rawn ti veleh bawka, keimahber chuan sawi ve tur reng reng ka hrelo, naupang ho ṭawng chu ka en tawn zak zaka a ni mai


"Umm, chutiang chu," Min rawn en a kiai suka tih leh lift kawngkhar rawn inhawng ah chuan a lut zui zat bawk a, lift chhungte chu a te zual riau hian ka hre leh ta tlat mai, naupang ho hlim lutuk chu an rak nawk nawk bawk a, eng nge an sawi pawh ka hre mumal theilo, ka lungphu rang lutuk leh ka bula, min dai lek leka ding LION-a vang hian thawk pawh ka thaw ṭha ngam meuhlo zawk



Lift aṭanga kan chhuak te chu nidang pawha min hmu fo tu te pawhin min en ang haw haw a, security guard thleng chuan min en zui vawng vawng mai hian nia ka hriat...! Ka ngaihbel ta zawk nge pawh ka hrelo


"Lut rawh u le, naupang zawng a hnungah," Mit zîmsan a min rawn en in, "Mamma chu a hma ah," A vei kiai zui suk bawka....! Diktak chuan inhau leh ila nuam ka ti zawk fe..! Heti hrim hrim chuan ka lungphu rang lutuk hi ER ah min tlânluh pui vatlo ang tih pawh ka sawi thei tawhlo



Naupang ho lah chuan eng an hria ni maw..? Nidang zawng zawnga Nathan-a thusawi ngaithla ṭha duh ngailo leh hlau ru em em ṭhin khan, an nuiha, a thu an awih ta em em te chu a mak a ni..... Ni e, mak tak a ni, ka mumang te hi alo ni hial zawklo maw tih tur khawp a ni, Nathan-a leh naupang ho awmdan chu


Ka luhna tur kawngkhar rawn hawn a tum chu rang lutuk a kawngkhar lo chelhin, "Keimah...keimah in ka ti thei," Bah deuh nak a tih leh hawng rawk rawk a ṭhu lut vat chuan hmalam ka hawi nghal vah bawk a, nui ri huka kawngkhar rawn nem khar datin, car khal pelin nui vur vurin a rawn ṭhu lut ve zat bawk, BMW body lianzet pawh a hniam nghal sût thei...!


Car a khalh pah chuan min rawn melh leh zawk ṭhin a, keipawh in chuti tho, kan mit a in tawn chang phei chuan ka sa pup pup leh thaw ṭha theilo hi khuk ral daih zel ka duh ṭhin

Nangni pawh ni ula in melh zek zek tho in nia ka rin, a chetze mak lutuk leh zankhat thillthu a a inthlak thut hian ngaihtuahna mak pui pui min neih tir lo chauh zawk maw le..!



JR photography tih intarna lianzet kawtah chuan car chu a ti ding dat a, "lova lut ula, car hi ka'n hung ṭha anga ka rawn lut ang," A rawn tih sup chuan bu nghatin, rang zetin ka chhuak nghal a, ala nui ri huk zui a'h


Naupang ho nen a lutin, "puih theina che u ka nei em?" Mipa tleirawl, ti ila kan inrual vel ka ring, vai emaw thlahpawlh a ni ngei ang, hmel fai veng maiin nuisanga a rawn tih chuan, "khawnge i boss a awm?" Ka chhan hma in ka hnunglam aṭangin thum deuh bul mai a rawn tiin, ka sirah a rawn ding zui zat bawk a


Nathan-a melh chho in, "15mins bak hun kan neilo," A rawn tih zawm zat chuan a ngaihna hrelo zeta en chho haw chuan, "enteh Nathan, eng nge tih i tum, heng chhungkaw thlalak te, i awmdan te hi ka hrethiamlo a nia," A tawp, a tawp ah chuan ka zawt ta nge nge e...!


Min chhan tumlo tih hriat takin, "kanla nghal dawn em ni?" Kan lam pan a mipa pakhat, samurai hairstyle pu palian zet mai rawn pen chu a be nghal hluka, ka zawhna min ngaihsaklo lutuk chu pai daih harsa ka ti; Mahse, midang hmuha in hauhpui erawh ka tum biklo


"Tehreng mai Mr. Nathan, sawtah sawn aw," Tih leh kalna tur lam min kawh hmuha, pensawn mai mai ka tumlo, ka kut chu ka hma suih tlata, naupang ho lah chu an tlan nghal nal nal lehnghal


Nathan-a chu hnar tum ri nghutin, "hun kan neilo ka tih kha," Dawh theilo tih hriat tak a ti chhuak hlukin, ka bânrek a rawn chelh chuan min pawt kal nghal dawt dawt bawk


Sual let a, rak khum chiam ka chak zia chu puitak a ni, a tir kha chuan ka thisen kal lai thleng a ti danglam khawpin a ṭhat a chhuaha, tunah a chhan pawh ka hriatloh in chhungkaw thlalak ah tel tir mintum in min nawrlui leh ang lawi a, he sakawlh lu um-ah hian eng nge maw awm teh hrep ni...?



"Mrs. Tlemin i nui thei a ngem?" Photographer-in a rawn tih chuan nuihluih ngial ka tum a harsa ka ti, minsi cheta ding palian zet hi melh thluk tawp ka chak khawp mai


"Mr. Nathan, i nupui darah khan kuah rawh," A tih rualin Nathan-an ka dar a rawn kuahin alamah min pawt deuh salh bawk a, ka khawng awt thung, ka thinrim em em lai pawha, min tawk hlekse ka danglam nghal zel hi ka in haw ru ta viau mai, ka duh em em vangah pawh ka ngaita lo, inhnem na a tling tawhlo, keimah ah hian diklohna a awm a ni



Professional photographer a ni bawka, hneh sawh tak a ni, 10mins velah tamtak a click hman ; Mahse, ka hmelchhe ta ve viau ang, thinrim leh rilru pe lo tâwka camera hma a ding nâ na na chu nalh a har viau in ka ring


"Mamma hi tlemin nui deuh ṭhin se a PERFECT ang; Mahse, a pawilo e," Nui vur hur a a rawn tih chuan Nathan-an min rawn melh chhuk zawka, "ok boys, car pan ang ule," Tih leh naupang ti phur thei tur angber chuan phur fahran in a kut a benga, naupang ho pawh hi eng nge maw an hriat hrep ni, lawm em em in anla tlan chhuak ang dat dat hlawm bawk a...! Min phatsan hlawm in nia ka hriat ni...!


Car ah chuan lungawilo zeta ṭhu lutin, "Nathan thil awmdan sawifiah tawh rawh, engvang a in chhungkaw thlalak a tel nge ka nih?" Min rawn melh zawk, car ti nungin a tlân chhuak nghal a


"Ka fate Mamma ini a, i tel ve a ngai alawm; Bakah, min duh tho a ni lawm ni?" Min rawn melh zawkin a kiai suk bawk, a in ring tawk lutuk chu ka haw takzet


A ṭawngkam hman hrep nen ka thin a sa ve zak bawka, "Lalhriatpui..." Ka ti vin ṭhat na in, Ka chip zui nghal hmak bawk, naupang lam hawiin phawk fe in min rawn en ṭhap chu inthiamlo zet a nui luiin, "daddy," Ner nawng chuan ka ti leh sep a, Nathan-a lah chu fiamthu ka thaw emaw tih mai turin, za zetin ala rawn nui chhuak ang hawk hawk zuia, kava han ngei ropui tak êm...!



Tum vuau a, Nathan-a melh ram ramin, kuangkuah at a, naupang fel tak ang maiin, ka ṭhu ṭha hnaka, ala nui ang kiah kiah zuia


Car ding datah chuan la lungawi thei heklo chu, tum vuau reng chunga hawi chhuakin, kan hma a building lian leh säng zet mai chu ka bih a, "khawilai nge ni leh ta? B-large maw?" Ka melh zawk a, seat belts phelh pahin, "i hre dawn alawm," Tih leh,"Daddy office ah chho ang u aw," A tih zawm zat chu phawk fe a en in, ka seat belts hren phelh rawk rawk chuan, "i hnathawh na hmunah min hruai a maw? Phal a ni em ni?" Car aṭanga chhuak paha ka tih chuan rawn nuk suka, Bryson-a pawm kâng leh nawlha, Brayden-a kaiin, "i hre dawn ka tih kha," Ti duh lek chuan a pensawn nghal pawk pawk bawk



A ngaihna hrelo zeta Bryan kaiin kan zui ve dat dat bawka, glass Kawngkhar lian zet mai ah chuan min luhpui in, Nathan-a hmu a piangin, zah tih hriat tak a chibai lo bukin, "Sir," Anti deuh thlap te chuan minti â zo dawn tak ngial, Drama shooting min neihpui ta emaw tih te awl tak a ni, awltak..!


Min kal pel tu a piangin Nathan-a zah tih hriat tak chibai bukin, min en zui ang haw haw hlawma, hetiang hi ka tawn ngailoh vang leh Korean drama ah bak la hmu ngai heklo chu ka ke pen te a diklo zo dawn... Arghhhh.... he mihring hian min hrem a nihber hi maw...!


"Morning Sir, i lawyer in a nghak reng tawh che a," Hmeichhe nalh zet mai, säng ṭha veh vawh, a inchei danah Secretary ni ngei turin nuisänga alo tih chuan min rawn en zui vat bawk a, "heihi...." Mintih rualin, "ka nupui leh ka fate..." WHATTTT


Nathan-a hi a â ta tak tak a ni, engtik laiin nge hetiang company lian lutuk Boss alo nih a, engtik laiin nge alo hausak tak em em ni? A kaw chhungah tu emaw thlarau te hi a lut a ni hial lo maw? Kan hma a hmeichhe dinglah chuan min ngei hmel em em bawka, a nupui ka ni tih a sawi zawh rualin a nui hmel kha, "zawngi," Minti hrawk duh hmelin, chawpchilhin a inthlak nghal rawk rawk lehnghal a..!


Hmeichhia ka ni a, eng nge a rilru a awm a, a mitmeng sawn eng nge a sawi ka hrethiam nghal vek bawk, zep rual lohin Nathan-a hi a duh a ni; Mahse, Lion-a hi haw rih mahila ka duhna ala nasa zawk tho, ka ta tur a ni, ka ta tur chuah



A secretary en chungin ka nuisäng bawka, "Nathan..."



"Lut rawh," Min rawn tih khalh hmuk chuan, "Jhavi ka fate hi reilo te ilo awmpui lawk dawn em niang?" Rang lutuk in Nathan-a chu ka en chho nghal vat a


"Eng....."


"Of course Sir." Ka sawi zawh hma in a Sec. In a rawn tih chuan rum tawkin Nathan-a ka melh chho ram ram a, ka melhna haider hmak pahin, "Bryan i nau te nen hian Didi hi inzui lawk dawn em niang, building hi a fanpui dawn che u a," Tih leh Bryan-a a be nghal daih lehnghal....!


Naupang ho lah chuan phur tih hriat takin an lu an bu nghauh nghauh a, "Mamma, kan kal thei ang tiraw?" Min rawn en chho vah hlawm, an mitmeng de sar sar hi hnial theih pawh an ni ṭhin lo, "umm, mahse, Bryson i tlân theilo aw," Tih leh Jhavi tih chu en in, "Bryson-a hi zuan emaw tlân emaw phal suh angche," Ka tih chuan min ner khum ang sawk chauh a, ka va ngei reuh tak..!


Nathan-a office ka luh chuan Henry-a alo ṭhu vang tawh, nui vur vur a minlo en in, "e khai...! Ka hai dawn che alawm Maya, i nalh hle mai," Ka nui tawk tuk ringawt



A office chu a lian in a fai takzet, sofa manto tih hriat tak mai leh lianzet mai a in hung rup bawka, dawkan hma ah, "CEO Nathan," Tih inziak chuan ka mit ala nghal chat bawk, pan hnaiin, "CEO maw?" Nathan-a chu ka en a, sofa a ṭhu thla hnaka, ka zawhna min chhang leh talo bawkin, "hetah rawn ṭhu teh," Thu minpe kualreng chu ka ning leh lek lek tawh, ka thin tertek a ko chhuak leh dâwn tlat in ka hria...!


"Thu minpe kual reng suh, eng nge i duh," Ti hram chuan sofa ah chuan ka ṭhu thla a, hahdam hmelzet a ṭhu in min en run run chung chuan, "kha kha sign rawh," Ka hma a paper chu a melh a, en ve vatin, la kâng a ka en chian chuan ka phu zawk thei, ka chhiar sual emaw ka ti zawk hial alawm, "marriage contract...?" Nathan-a lam chu ka hawi zui hâ bawk a



A fiamthu em tih chian ka tum a ni mah zawk


"A dik, chhiar la, i duhdan a nihloh chuan kan siam ṭha dawn nia, kum 4 contract a ni ang," In ring tawk tak mai, 'ka sign ngei dawn a ni,' tih a chiang em em emaw tih mai tur a, inring tawk taka a rawn tih dam dap chuan za lo lutuk in ka nui chhuak hak a, sawitur pawh ka hrelo, eng ang hmeichhia ah nge min ngaih teh hrep le...?


"Kum 4 chhung nupa in nih chuan, he contract tawp hunah, a inziak ang khan, Mizoram a in leh nangma puala Caffè i hawnna tur sumfai emaw, bul i ṭanna tur in nuai 20 pek ini bawk ang, tuna inhan chenna tur in pawh khi kum 4 hnuah chuan a loberah nuai 40/50 a tling dawn hrim hrim," Henry-an a rawn tih dam duah chuan rum lutuk in ka melha, ka ṭah a rawn chhuak tlat chuan ka lei a ti tawt tlat lehnghal


"Heihi eng nge, Nathan eng ang hmeichhia ah nge min ngaiha?" Ka seh chilh nawk nawk, ka thinrim lutuk chu ka khur leh ṭan der der tawh


"Sum i duh a ni lawm ni? Nangma puala Caffè dawr neiha, barista nih i duh kha, kum 3 liamta, jail ka luh hma ang tho khan inrem na siampui che ka tum mai chauh a ni, sum khawl i duh a, keiin marriage certificate," A sawi zawh rualin contract paper chuan ka vawm nghal sawk, ding nghal zawtin, "Lalhriatpui, ramhuai inih.." Kha lutuk a ti chhuak ṭhawt a pensawn ka tum chu, "ka nupui nih i tum tho a ni lawm ni?" A rawn tih changbal mai chuan ka kerekah min hrengbet ta emaw tih mai tur a ni, ka che thei dêrlo



A aw chhuak reng reng leh ṭawngkam inring tawk lutuk chuan minti thinrim zual, "ka tum ngai hauhlo, ka duh che ; Mahse, duh tlak i nihloh zia nangmah ngeiin i fiah bawk," Inher in kut humruh ngar ngar chung chuan ka ti let vaka


Rawn nui ri sukin, hahdam zeta, sofa hnung ngheng ar ar chunga min rawn en chho in, "a danglam chuang em ni? Minduh chuan engvangin nge, ka contract nupui inih mailoh ang ni?" A kiai zui sawk te chu ka pheikhawk bunlai hian ka vawm awk zawk dawn emaw ni le..?

"Lalhriatpui.." Ka ti vin ṭhat chu a kut chunglam a vai thuakin, "Malsawm, nangnen hian inhnialna hun ka neilo," Ning tih hriat takin ala ti zawk zamah a, zaklo ve ham ham khawp mai



"Mizoram ah ka let ang ka tih kha...." Ka tih lai mekin, "inhnialo khan inbe teh u, Maya nangpawh ṭhu rawh, buaina kan nei a tin ni, ramdang aṭangin naupang ho nu, Nathan-a nupui hlui hian a fate rawn lak a tuma, chuvang a hetia ti ta mai hi kan ni a, i puihna kan mamawh zawk mah a nih chu," Henry-an min bengdaih tun tak a a rawn tih dap dap tak ah chuan, DNA test result kha ka mitthla ah a rawn lang zui zat bawk



Engti kawng zawngmah in Nathan-an hnehna a chang dawnlo tih ka hrethiam nghal zat bawk



Thaw la hak a, muangchanga ṭhu thla in, rum zetin Nathan-a chu ka melh a, Henry-an paper dang ka hma a rawn dah leh chu melh zawkin, "a nih chuan contract ni lovin, dân dik takin min neih rawh," Min en nghal hrawk, "i â em ni?" Tih en in, min en a ni mah zawk maw le


Kalo kuangkuah at thung a, nichin maia a awmdan ngeiawm lutuk angchiah a hahdam hmel zeta ṭhu ve ngat chuan ka bawp ka khawkher zui zat bawk

"Nupui ka mamawhlo, business partner tur anglek a ni ka duh ni," Bul zeta Nathan-an a rawn tih chuan nui lui hakin, ka inseh ruh ran thung, min ngaihdan leh min mamawh danlek chuan minti tlawm ngawih ngawih


"keipawhin sum ka mamawh bik hleinem, ka puihna mamawh tu zawk inih kha, ka duhdan hi, i duhdan a nih siloh chuan ka pui theilo che tihna anih chu," Ka ti let ve sak sak chu min pawhsawm vek duh tih hriat tak a min en khur khur in, "Malsawmdawngzel...." A ti hriam hrak chu ka kut chung lamah ka lek khum zauh a


Alam a thle hâ in, "i game khelh lai ah hian player satliah ringawt nih ka duh hauhlo, nihna, dinhmun chelh ka duh," Chiang fek fawka ka tih leh chuan a rum ri hrawiha


Henry-a erawh za lutuk a rawn nui chhuak hawk hawkin, "Dude, a fing in, a lu a zo mah mah a ni, diktakin, a thluak ka chelhlo," A rawn tih chuan ka melh zawka, "a lawyer ini a, ka sawi ang inpawmlo a nih chuan inremna ka neihpui theilo che u," Tih leh, "business man inih kha, ka thusawi awmzia i hria tih ka hria, ni e, sum chu ka duh alawm, tu pafa nge sum duhlo awm ang ni; Mahse, contract wife ang lek ni lovin, i Legal Wife ang in, i hnen aṭanga dawn ka duh a ni, a chiang em?" Nui lui säng a thle bak chunga tih leh thaw ka ruala, "in ngaihtuah rawh, i fate tan full custody neih i duh chuan, Contract marriage nilovin, Legal marriage register turin inpeih angche, engkim a dik a ni mai, marriage certificate lem(fake) aiin a tak chuan thil a ti thei zawk ngei bawkin ka ring, a ni lawm ni Henry?" Ti leh nghat chuan kuangkuah at in ka pensawn a


Henry-an, Nathan-a nui ṭhû a en leh, "i hnehlo a ni," Tih mitmeng a a en chu ka hmu hman hram bawk, thui pawh ka kal hma in, "a ṭha e, dân ang thlapin ka nupui ini ang, contract a awmlo anga, ka nupui diktak ini bawk ang; Mahse, ka lak aṭangin eng hmangaihna emaw ngaihsakna mah beisei suh angche," Chang fal mai leh, tlawmla tih hriat tak a a rawn tih chuan nui datin ka inher vat a



"Ok, i duh emaw duhlo emaw, i nupui ka nih tawh chuan min hmangaih dawn hrim hrim," Tih leh inring tawk tak maiin sofa a let in ka ṭhu thata, "Henry i buaipui dawn em ni?" Nui säng a ka tih chuan Nathan-a erawh sofa hnung ngheng datin a thaw chhuak hawka, a hmai a tuai zui puatin a phun zui hlukin, ânchhia a phuh chhuak hluk bawk


A ngaih ang ngawta hmeichhe awlsam, sum vang mai maia tu emaw contract nupui ni duh tur khawpa min ngai chu, tisual a inti ve khawp angle, a tumloh deuhin a nupui tak tak ka ni dawn ta si a, a lu um-ah sawn thosi an zi vut vutin ka ring




~<>~>~>~>~>



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:03 pm

MY TREASURE
By
Floria Laldansangi


Chapter < 20 >


~ NATHAN-A....POV ~


"Mamma, Daddy hnathawhna hi a lian lutuk," Bryan te unau rawn lut chuan ring lengin an rawn ti lut nawk nawk a


Maya-in minla melh ram ram chunga nuisänga naupang ho en lehin, "in ril a ṭam em? Bryson, i tlan ve lo tiraw?" Tih leh a bula ṭhut tir hlawm chuan, a che vel chu ka en kara



"Sir, Mr. Mallorca te nupa in an nghak mek che a ni" Ka sec. Rawn lutin a tih chuan, "ka hria e," Tih leh Malsawmi te lam chu ka en a, jhavi-in, Malsawmi kutṭang a melh zauh chu ka hmuh hman avangin eng nge a rilru a awm tur ka hrethiam nghal zat bawk


Malsawmi pawh hmeichhe tleirawl fing tak a ni a, Jhavi-i rilru chu a man thiam nghal tih ka hre reng


"Kalrawh, keini pawh lunch ei turin kan chhuak dawn," Malsawi'n awlsam zeta, en pawh min en hleilo a a tih chuan ka hnar ka tum dat ringawt a


Ka awm velo ang maia a che vel chuan minti thinrim nge ni a, ka tum miahlo a nupui ka neih tak vang zawk pawh ka hrelo; Mahse, lawmlo zawk zawk erawh ka ni biklo


A bawpsei vaklo, zên nalh zet mai khawkherh at a a ṭhut chuan duh aiin a mal a lang thui mah mah ka ti ru viau mai, a kawr âwm te chu a zau ta mah mah in ka hre bawk a, in kan chhuahsan hma khan engtia hmulo thei nge maw ka nih le...?


"Minlo nghak rawh u, ka hruai haw angche u," Ka tih chuan a ṭhutna aṭanga rawn dingin, naupang kai pah chuan, "lu ka nei a, thluak a awm ve bawk, haw kawng kan hria," Ti deuh ngat chuan min ner khum ve ang sawk sawk bawka, ka kiai suka, dingin ka kawr pawt mar pah chuan, "ti khan lo ṭhu rawh u," Hnial ka duh tawhloh zia a hre ngei ang


"Lal.." Ka pensawn tawh, kawngkhar a rawn in hawn tak avangin a tawp dat a



"Mr. Nathan, kan tibuai che em?"



"Mr. & Mrs. Mallorca, lo lut rawh u, Jhavi coffee min rawn pe dawn em niang?" Tih leh ka sir chiah a rawn ding Malsawmi chu ka melh zawka, nichin mai a min huatna mitmeng kha a lo siam danglam hman tawh tih hriat tak a nui sen sena min rawn en in, "kan haw hmasa dawn nia," A rawn ti sap chu ka nui chhuak hak a, a hun leh a hmun a zirin lem chan pawh a thiam dawn khawp hi...!


Naupang ho kai khawma, Malsawmi ka bula pawt hnai chuan, "Mr. Mallorca, heihi ka nupui leh ka fate, Maya, heihi kan Financial director thar tur leh a nupui," Ka tih chuan Malsawmi pawhin pangai takin a chibai a



"Ehe nangchu," Mallorca nupui in a rawn ti chhuah deuh ha chuan Malsawmi pawh chuan a en deuh hâ a, Malsawmi chu nui lui tih hriat tak a nuiin, "Mrs. Mallorca, a rei ta hle mai," A tih deuh nghat chuan Mrs. Mallorca chuan nuam a tih hmel viauloh

He hmeichhe naupang hian eng buaina nge maw alo neihpui leh hman ni?


"Ka nupui hi i hria amaw?" Malsawmi chu nuiin, "hre chiahlo, kan kal ange, kan kal dawn a nia," Chhan pawh ka chhan hman hma in Bryson-a pawmin a pensawn nghal zat chu ka nuih ta ringawt a



"Lo ṭhu rawh u," Tih leh Jhavi-in coffee a rawn chawi lut ve chiah bawk nen sofa lamah chu kan pan a



"Nupui i nei naupang hle mai, Dear an nu kha i hria em ni?" A tih zawm zat chuan keipawh in no dawm kângin a nupui chu ka en ran bawk a, Henry-an min rawn melh zawkin, thil awmzia min rawn zawta, ka lu ka lo ti che zauh ringawt, hetiang mi puitling hre turin eng buaina nge a neih ka hre chak a ni


"Hre hranlo, Laura te nen school an kal ho ṭhin a," A rawn tih zawi sap chuan thildang a awm tih a aw phawi ah ka hre thei



"School kal lai hi chuan an ni tleirawl hi chuan buaina neuh neuh hi an neifo a, kan inhriat phah alawm maw le, a ni lawm ni Mr. Nathan? Tunkai school naupang mizia chu i hriat ka ring" Ka kiai suk ringawta, Malsawmdawngzeli hi tleirawl buaina siam leh nei mai mai ngailo; Mahse, dik a tih tawh erawh ah a tlawm ngai hauhlo tih ka hre thung



Ka nui suk ringawt a, rei pawh an ṭhu lo, an chhuah rualin, "online aṭangin em ni register i tum?" Henry-a chu ka en zawk, bu nghatin, "a ni mai a niang chu," A rawn nui vur vur a



"Nupui neih lawm nan zanin chu kan chhuak dawn em ni?" Ka rum nghut ringawt, nui hukin, "a pa boral dan vel vanga Maya-i i en dan a dang theilo a nih chuan i endan i siam rem a ngai zawk a nia Bawiha, Maya-i hi hmeichhe ṭha tak a ni a, Maria-i te ang mai mai a nilo tih i hria alawm, luhlul i chhuah rei lutuk a nge," Thu takzeta a rawn tih chuan chunglam ka melh deuh vang vanga


"Tricket chu i buaipui em?" Thildang ka sawi ta daih chu nui leh hakin, "first class," Mit min siai khum zauhin, "a unaunu nen kan inbia a, Maya-i ka tlawn a ngai dawn in ka hria," A tih zawm zat chuan ka ner suk ringawt, lerh hi sim a har a nia nge..!



Ka phone rawn ri ral ral chu en in ka thaw hak a, phun hlukin, "min rawn call tawh suh ka tih kha," Ka pickup rual a ti bul hluk chuan a rawn nui ar ar a, "duhtak Nathan, insum teh, ka fate min hmuh tir turin ka duh mai chauh che a ni, an hringtu nu ka ni a, chu chu i tan aharsa viau em ni? Buaina siam ka duh bik hauhlo tih i hriat kha," Sofa bân chu ka chum dat a



"A thleng ngai dawnlo tih i hria alawm Maria," Ka tih zawh rualin Henry-an ka phone chu min rawn dila, ka pek rual a ban vatin, "Maria, keimah Henry-a, Nathan-a nupui neih ni tal chuan i rawn tibuailo thei angem? Kan lawm khawp ang," Henry-a chu ka en a, engthil nge maw a sawi le? Malsawmi hnuhluh ka duh hauhlo tih a hre si a



Henry chu nui hukin, "i tum chhin dawn nia," Tih leh phone off in, "zahna hi a pianpui ve lo emaw ni, a ranglam a Mizoram an pan a ngai ang, oh, ka theihnghilh hma in, Grey Sport Club a invest i tum hi chhui hmasa deuhla ka ti khawp mai, Maria-i leh an president hman ni deuh khan ka hmu dun a nia," A tih zawm zat chuan ka nui ringawt a, ka jail tan dawna a mipa kawp nen khan an inṭhen tawh tih hre mahila, mipa dang vang chuan a kalsan ve leh em lo angchu maw


"sh*t.. Bawiha," Ka phone min rawn pek chu en vatin, ka ding zui zawt bawk, "Hreptak chuan..!" Tih leh Maria-i ka call nghala, "Maria, an hma a i inlan vaih chuan ka that duh khawp angche," Ti hrawihin ka office chhuah san pawk pawk chuan lift lam ka pan a, engtin nge naupang ho a hmuh ngam zawk ni..? Ka that duh tak tak ngeiin ka ring




MAYA...POV



Nathan-a office a Mrs. Mallorca ka hmu chu min ṭhawng ve deuh na in, Nathan-a vangin ka hawi ve vah thei ta alawm, kum 3 dawn liam ta ah khan a fanu Laura vangin school aṭanga min hnawh chhuah a tum nasat vei nen, a pasal thawhna company neitu nupui ka ni tih a hria chu a meng kalh nghal rawk rawk a nih kha..! Sum hi chuan thil alo ti thei a nia nge..!


"Hello Bryan, Brayden leh Bryson pawh," Ka nu aw Bryson-an a hriat rualin a hawi vat a, "api," Bryson-a chuan a ko nghal mai thei, Bryan leh Brayden-a erawhin min en kiau thung



"Bryan, Brayden, heihi keima nu, keima Mamma a nih hi, api tih tur aw, chuan heihi keima U..." Ka tih lai mekin,"Eunice," Bryan chu ka en vata, "Bryan..." A hminga a ko chu ka khap vat a



"A pawilo, min ko turin ka ti a nih kha, eng nge lunch ei chhuah te i rawn sawi taka," Kan hmahah an rawn ṭhu zui zata, "kan ei chhuak tlang khat êm a," Ti sap chuan ka nu chu ka en a, Bryson-a chuan ka nu chu a ngaina nghal khawp a niang, a in pawm tir nghal ar ar mai alawm



"Nu, naupang ho nen hian..." Ka ti dek dek chu, "Nathan-a khan nimin tlaiah ah min rawn be tawh a, Mizoram ah pawh inluah tur zawng lovin awmho rih turin min duh thu a rawn sawi tawh a nia," Bryson-a pawm chunga a rawn tih zat zat chuan en haw in Eunice-i ka en leh a, a lo nui ringawt ah chuan, ani pawhin a hre tawh tih ka hre nghal

Mahse, nizan ah ka thuthlukna ka hrilh chauh si a, he mihring hi duh aiin a inring tawk mah mah a ni


"I U nen chauh chuan bul han ṭan turin kan neih in a tlin silo a, kanlo pawm ta mai a nih kha, i duhloh chuan inluah tur pawh kan zawng thei tho a nia, ka U te pawh an awm ve a, kan fin ve thei mai ang," A rawn tih zawm leh takah chuan ka lu thing vatin, "min awmpui rawh u tih ka tum zawka," Ka ti ve ringawta, engmah ka hre tawp silo a, Nathan-a pawhin min hrilh ve tur a nia


"Ei tur lo lam rawh u, tu nge toilet kal duh che u?" Naupang ho chu ka en kuala, tumah in min zui an tum loh avangin keimah chuan toilet lam chu ka pan a


Rei pawh toilet ah ka awmlo, 5mins ka awm tling ṭawk ang tih tur a ni, kan ṭhutna lam ka pan chu Brayden-a aw ring lutuk ka hriatin ka ding data, "Bray..." Tih leh chak lutukin ka pen nghal hlawk hlawk bawk



Bryan-an, "i nilo...i nilo... Mamma kan nei.." Ṭah aw ṭuau a a au ve tan tan na lam chu pan vatin, Bryan-a hma a hmeichhe ṭhu chu ka kuai her sawka, chhuat ah chuan a ṭhu sawo nghal hnawk bawk


kha hmeichhia ngei kha a ni, damdawiin a ka hmuh ngei kha, Bryan-an mittui nen a minlo kuah vat chuan, "Mamma," Chhuak lutuk in a ṭap nghal hlawp hlawp bawk, chutiang tak chuan Bryan hi a ṭah ala chhuak ngailo, engthil teh hrep nge maw alo hrilh le..?

Bryson-a leh Brayden-a ṭap lo ve uah uah chu Eunice-i leh ka nu chuan an pawm a


"Tunge inih a? Engthil nge i duh?" A nui a, a nui hmel chu a rapawm lek lek zawk


"Min hrelo tak tak nge ni a, min hrelo der zawk?" Keiai a san miau avangin min rawn melh chhuk hrawk hrawk bawk


Ṭawng tuma ka âng zuai tih ah, "kei hi in nu ka ni, ka hrin in ni ka ti a ni lawm ni..? Hetah rawn kal rawh Bryan," Ka rin lawk deuh mah nise min deng dawt tho mai, ka hrin an nilo tih a hre si a engvanga khang zawhna te kha min zawt nge a nih, min nuih sawh nan maw...? Mai mai chuan...!


"I nilo, i nilo..." Bryan chuan min kuahbet ṭau chungin a rak tuar tuara, Brayden leh Bryson-a erawh an ṭap hluam hluam thung


"Ka ni ka tih chu," A raen ti chhuak tuar chu keimah pawh ka phu zuk thei


Nghet lutuk a Bryan-a kuahbetin, "Engthil nge naupang i hrilh hi i hria em?" Aw ki sanloh hrâm ka duh na in, a har hret chu a ni


A bikin Bryson-a hian a dawngsawmg zo dawnlo tih hre mahila, a tawplam chu a ring leh ta viau tho


"Nu, Eunice, naupang hi pawnah lo va chhuah pui rawh u," An lam ka hawia, restaurants a awm ve ho leh hnathawk ho lah chuan min en duh em em bawka, kan hmuhnawm viau in ka ring



"Ni e, nu kal rawh," Eunice-i pawh chuan alo ti vat a, "Maya..." Ka nu in a rawn tih chuan, "Bryan, Api leh Eunice-i hi zui ve ta che," Ka tih chuan mittui nen a min rawn melh chho in a bu nghat a


Eunice-in Bryan-a ban a rawn chelha kaiin pawnlam an pan tur chu Bryan-a bâna a hmerin, "khawnge kal i tum, ka fapa ini ka tih chu," A rak tuar tuar, mi â, rilru kimlo hi a ang ber


ka phih let sawk a, Pheikhawk sang a bun bawk nen chho en vahin, "police ka koh i duhloh chuan naupang hi khawih suh angche," Hriam zet mai ka tih chuan a rawn nui chhuak awr awr a, a ṭah nuih te pawh a ang mah zawk



"Min rawn zui rawh," Tih leh kawngkhar dang aṭanga pawh chhuah ka tum chu Nathan-a hmel a rawn lang hlawl, ka ding dat a, "daddy," Naupang ho in ṭap ṭuau in anlo ko ve bawk, "Eunice, ka pi, naupang ho hi car ah lo va luhpui rawh u, Henry..." Henry-a a rawn lawr ve zat bawk


Engtin nge hetah kan awm tih a hriat ni..? Ka bula rawn ding a, hmeichhia ka vawnna kut phih sawkin, "i ṭha em? A tina che em?" Min ngaihtuah a ni ngei ang, a hmel chu thinrimna leh hlauhthawn na in a khat nuk mai


"Ka rin aiin i rawn thleng hma Nathan," Nui vur vur a rawn ti tu chu ka melh a, "lo ngawi chipcham rawh Maria," Nathan-an ti chhuak hrawihin, "i ṭha tak tak em?" A tih leh chuan ka lu thing mat mat in, "ka ṭha, mahse...." A chil lem khalin, hahdam hmel zetin a thaw hak bawka, "a ṭha vek e, naupang ho lova awmpui rawh," Tih leh min vawnna thlah a, rum mang khenga min melh tu, a nupui hlui Maria-i, hmelṭha zet mai bânrek a chelhin, a pen chhuahpui pawh a nilo, a hnuk chhuak a ni mah zawk



Harh chhuak thut ang maiin keipawh chuan ka um zui vata, Nathan-a mitmeng ah kha chuan thah mai pawh a pawisa maihlo tih alang reng

Pawn ka chhuah chuan ka hawi kual vut vuta, car park-na lam ah a hnuk lut tih ka hmuh rualin ka pan ve nghal zat bawk


"Min thlah rawh Nathan, ka fate an ni a, an hringtu nu in ka hmuh chu a sual viau em ni?" A rak thla tuar tuar, ri deuh khut khut ka hriat rualin a ai chak a ka pan hnaih chuan, Nathan-an, Maria-i chu bang ah nawr betin a rekbet a, "thi rawh, thi rawh," A tih hrawih hrawih chu hlau lutuk a pan ruak ruak chuan, "Nathan... Nathan thlah rawh.." A bân ruh ṭawl maiah chuan ka dawm in, ka sâwi ve tak na in ka ti che eihlo


Nathan-a mit a sen râm mai chu leh dur thîp hlar maichu hlauhawm tak a ni


"Na...Na..Nathan, min thlah rawh.." Maria-in mitmeng kalh rawk rawka a rawn tih chuan a rek hlum tak ngial dawn a ka hriat avangin, "Nathan, Bryson-a damdawiin kan kalpui a ngai a nia," Ka ti chhuak ringawt chu thawk leh khata thli pui reh thut ang maiin, a tawo chawt a, mit sen râm leh thaw hrawih hrawih a min rawn en chuan, "eng maw...?" A aw chhuak sak zia chu...! A seh chilh rap rap bawk

Kan sirah Maria-i chu a khuh bawrh bawrh a, ding ngil turin a khur nasa tih ka hmu thei, a hmui thlengin a duk chhuak vek nia maw le..!


Nathan-a pensawn a tum chu pawt dingin, "a ṭha," Ka ti sep chu a mitmeng a chang leh nghal run run chu thaw haka alam a pen hnai in, dimte in ka kuaha, a taksa ṭang ṭung mai leh thisen chhuahchakna avanga mitmeng sa alh vut vut leh pawisak neihlohna a khat hi tihreh dan tur dang ka hrelo a ni



A taksa ṭang ṭung mai chu a rawn reh tial tial tih a, "Nathan vawiin a i thil tih hi hre reng angche, Court ah kan inhmu dawn nia," Ngawi hle hle a tlan chhiat ve mai âwm....! Hmeichhe mawl lutuk mai


Nathan-a taksa a rawn ṭang leh nghal at, chet a tum chu, " i duh duh i rawn ti dawn nia, i thlen chin chin kan thleng ngam, dân hian nang ang hi naupang enkawl tur atan a duh meuh em tih kan hre dawn alawm, kanlo nghak reng angche," Thinrim aw ki ni miahlo, dam dap mai leh inrin tawkna a khat chuan ka ti let a, alam hawiin ka en kalh bawk


Ani erawhin a hrawk, Nathan-a kut hniak lan kulhna chu dawmin, mittui tling pamin min en ram ram a, "min cho muah suh," Ala ti kha zawk zamah chu nuihin, ka sir a Nathan-a melh chho in, "ka cho lo che, ka cho che ah i ngai a nih chuan, ni rawhse, cho na a ni," Ti leh ngatin, "ka pasal in a reh hlum hma che in tlan chhe tur i ni in i hrelo maw?" Ka tih zawm zat chuan Nathan-a ding ve run chu a melh zawka, ṭawng a tum zuau na in chip hmakin a in her a pensawn chu thaw hakin, "i ṭha em?" Nathan-a hmel en tum chuan ka dak chho a


A nupui hlui kal liamta en zui run run chung chuan, "zanin ah Mumbai inchhuahsan a ngai," A rawn ti bul hmuk a pensawn a tum vut chu pawt betin, "Nathan, engthil nge maw i hriat le..? Kan tlanchhe theilo, ni lo, kan tlanchhia a nih chuan, kan tlanchhiat kum khua a ngai dawn, chu chu kan ti theilo," A lu a thing nawka, "i hrethiamlo a ni.." A hmelah chu ka hmuh ngai miahlo hlauhna in a khat, chutiang hmel chu Nathan-a hmaiah hian ka hmu ang tih suangthuah pawh ka suangthuah pha ngailo


Ni e, naupang ho tan hian court a thleng a nih pawhin, Za(100) ah 2 nilo, 1% bak beisei tur a neilo tih ka hriat pui a ni. A fate a hmangaih zia chu tun a mitmeng, a fate chân hlauhna a khat ah hian a lang chiang em em bawk


"Zanin ngei hian in chhuahsan a ngai," A ti leh hluka, thaw hakin, "Nathan..." Ka ti dek dek chu, "Engmah i hrethiamlo a ni Maya," A rawn ti chhuak hrawiha, a aw mar ṭha zet chu ka inrin loh lutuk a leiah ka phu zuka, ka che dat bawk, a chhip sam tuai puat a, in bengdaih tumin a mit a chhing sawk bawk a



Thaw hrawih hrawih a ka dar tawn tawna rawn vuanin, "Maya..." Sawi duh a nei mahse a lei chu thlun beh ang maiin a tawt tlat tih hriat takin a âng deuh zuai zuai bawka, "ka..." A mit a chhing leh sawk, nawrluih ka tumlo


"Nathan, zanin hian Mizoram kan pan a nih chuan naktukah Court lehkha dawng ta sila, engtin nge itih ang, kan tlanchhia tihna a ni a, thu a punlun zawk dawn a sin, Tuesday ah kan chhuak ang, ti chuan buaina a awm pawhin phatna kan nei thei dâwn alawm," Dam dap a ka tih chuan mit sen râm in min rawn en a

Ka lo nuih var var thung, nui ri suka ka chhip sam a tuai zauhin alam ah min pawt hnaia, min kuahbet chuan a thaw chhuak ham ham a, kuahlet pahin, "nupui tereuhte, fing bawk si inei alawm," Ka tih chuan rawn nui nghawr datin, "ka fanu...." A ti zet na in a ngawi leh daih chu inla hrangin ka en chho vaha


"I fanu maw ka nih?" A kiai suk, "naupang in min nghak," Tih leh a pensawn nghal daih chu rum tawk a melhin, "hmeichhia angin min en rawh," Ka tih khum vak na in a rawn hawi let tawhlo hrim hrim, ka dinna hmunah ka ke ka per tarh tarh ringawt a ni



Car kan thlen chuan Bryson-a chu mittui nen ka nu in alo pawm muhil bam mai, Bryan erawh in minlo en kiau a, min rawn pan vatin, "ka Mamma a nilo tiraw Mamma?" Ṭah leh mai a tumin a men nghal puau puau bawk



Brayden-a nen an mitah ka en a, an mit a hlauhna chu chiang takin ka hmu thei, ṭhu hniamin Brayden-a nen kuahbet chuan, "nilo e, keimah alawm in Mamma chu," Ka mittui a rawn hman ve ṭiam ṭiam ringawt a, chunglam melhin mit ka khap fak fak bawk, Brayden-a taksa la khur dar dar tr chu ka hre thei, a ngai nghet a kuahin, "Keimah, keimah chiah hi ka ni," Ka phun zui sep sep bawk



Ni e, theih tawp chhuahin heng naupang 3 te hi kha hmeichhe lakah khan ka venghim ngei ang, ka ti ngei bawk ang


~>~>~>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:03 pm

MY TREASURE
By
Floria Laldansangi




Chapter < 21 >


Maya...POV



"In lam pan phawt teh ang u, Eunice ka car ah chuang ula, Maya-i te nufa Nathan-a car-ah," Henry-an a rawn tih chuan Bryan te unau ka kuahna chu inlak hran mai ka tuma, Bryan chuan ka nghawng ah a kuahbet deuh ṭang chu thaw hakin, "Brayden, bawihte i nutei i zui dawn em niang?" Ka tih chuan Brayden-a, nidanga tih har zawk chu a bu nghata, Eunice-in a lo kai vat bawk



Bryan-a pawm kâng pahin, "Eunice, Henry-a zui ula, ka nu leh Bryson-a chuan min zui thei a," Ka tih leh zat chuan, "ni e, haw phawt teh ang u," Nathan-an bul zetin a rawn ti hmuka, a aw ki pawh ala dik hleitheilo tih ka hria, in thunun erawh a tum viau thung



Ka luhna tur car kawngkhar min hawnsak a, ka nu hawnsak ve bawk chuan kan ṭhu lut a, ngawi rengin Nathan-a pawhin car khalhin hmalam a en ding ngar bawk


"Maya Bawihi, Bryson-a hian Lung lamah harsatna a nei a ni lo'ng maw? In entir teh u, nichina a nu aw ki vin leh hmel a hmuha a awmdan kha a diklo reng reng, hlau satliah a ni in ka hrelo tlat, i pa awmdan ang deuh kha a awm a ni, a hmui thlengin a duk vek thei alawm," Ka nu in Bryson-a pawma, darthlalang a mon rawn melh chuan ka lo en ve vat a


Nathan-a thaw ri hrawih chu ring tak a ni, a bek a pawng nghal ṭawlh ṭawlha, a steering vawnna bân lah chu rawn pawng chhuakin thisen zâm a rawn puar nasa em em mai bawk a, steering a vawnlohna lam chu dawm vatin, ka hum vang vanga, min rawn melh zawkin nuih luih ngial a tumna in a harsa deuh a niang, a thaw hawk thung



"Heart disease, CHD a nei alawm," Ka chhan hma in Nathan-an a ti hul haka, ka nu chu bu nghauh in, "awhaw..! A zialo hle mai, a reng reng thu in engtia nupa, karah fa heti zozai awm hnu a inṭhen nge maw in nih le..? Fate fahrah ai chuan in hruai leh te a theih lawmni? In nu pawh khan a fate a ngai ve a ni in ka ring a," Ka nu ta deuh deuh chu leh...! A nupui a sira ka ṭhut ve reng laia...!



Nathan-a nen a kan inkar sawi hun ni a ka hriat avangin, ṭawng tumin ka âng zuai hman, Nathan-an a kut ka vawn an lasawn pahin, "nupui neih tumna ka nei tawh rihlo," A tih bulh hmuk chuan ka lungphu zawn hi a rawn sa zak a, a thip veng veng bawk, rawn sa chhuak dâwn sela, ka âwm a bei hle hle Bryan-a chuan hreawm a ti ve viau in ka ring...!



Ka chil ka lem khalh ringawt a, ka thawk lak te chu a sak ta riau bawk nen, ngawi renga ka ṭhut dan siam remin, tlawmna leh nat rukna nen hmalam ka en ding ngar ngar nghal a, ka rilru ah, "engthu nge alak aṭangin ka beisei le?" Tih zawhna a rawn lang zui zat bawk


"Chutiang tur a ni hleinem, nupa in ni tawh a, fa 3 lai innei a, in fate tan hrim hrim pawh inhruai leh chu tum rawh u, engmah in inkar ka hrelo na in, nupui neiloh ringawt kha i tan leh i fate tan buaithlakna chin ala awmdawn a; Bakah, fate nu nge nge hi an ṭhaber a nia," ka nu thusawi te chuan minti tê rawih rawih hian ka hria, ka hrin ka fa an nihloh na leh, engtikah mah a fate hringtu leh a nupui hlui ka tluk ngai dawnloh zia min sawi khum leh min hriat nawn tir iar iar ni in ka hre ber


Nathan-a ṭhu ngawi ngul leh hmalam en ngur te, "nupui neih tumna ka nei tawh rihlo," A tih duhna rilru te khan a nupui ala hmangaih zia a ti lang chiang em em ni berin ka hre bawk


Nichin lawka, a nupui hlui hmaa min ngaihtuahna ni awm tak mitmeng ka hmuh khan beiseina sang tak min neih tira, ka dinna hmun a sang ve hret ah ka ngai hman, chance awmlo ringawt a nihloh zia ka hre chiangah ka ngai hman a, tunah...tunah tak hi chuan ka beiseina aṭangin ka tla vawng vawng a niber e...!


Car ding datah chuan ngawi rengin ka chhuaka, vawikhat pawh min melh leh tawh lovin kan apartment min thlenpui ṭhak te chuan ka sawifiah thiam bâk bâkin minti na nia maw le...!



"Bryson chu ka lo pawm dawn em ni?" Nathan-an a ti hul hak a, melh pawh ka melhlo, gate lam ka pan nghal hmawk hmawk a, ka nu nen ka hnungah Bryson-a pawmin min rawn zui ve tih ka hre thei



Jamie-i ṭawng ri lawng lawng chu kan unit floor kan thlen a, lift in hawn rualin ka hre nghal, kawngkhar lo in hawng dar iar ah chuan pênlutin, "Kawngkhar te hi in kharloh a, inthawm a na si," Ka ti lut nghal nung nung a


"In rawn lut ve mai dawnin kan hria a, kan khar ta lo a nih kha," Henry-an alo ti vat a


"Bryson-a hi ka'n mut anga, Bawiha inbiak kan ngai," Nathan-a min rawn kal pel paha a tih sup chuan inher a a hmel en ka tum chu, a hnunglam bak ka hmu hmanlo hrim hrim


"In ril a ṭam ang, lunch kan ei hmanta silo a, cake ka nei a, thingpui nen kan eiin mai dawn em ni?" Bryan-a pawm reng chung chuan ka en kuala, "a pawi miahlo ang, ka ril a ṭam tlat," Henry-a bawkin a rawn ti leh vata


"Bryan kha kanlo pawm ange, Bryan i nau bulah hian rawn thu rawh," Brayden-a ṭhutna bul beng thak thaka Eunice-in a tih chuan ka nghawng a kuahbeh ṭai chu thlah a tumlo nasa mai, min nek na zual sauh zawk, melh zawkin, "a pawilo, ka hnunglamah ka paw mai ang, a hlauh ala rehlo a nih hi," Tih leh, "chhuk lawkla ka paw dawn che nia," Ka tih chuan a inla hrang ve mai bawka


Car kan ṭhut luh aṭangin ala ṭawng miahlo, ka taksa erawh dek lovin a awm duh dêrlo thung, chhia leh ṭha an hriat hran hnu a, an hringtu Nu an vawikhat hmuhna a ni a, Bryan-a ang naupang fing leh thil man thiam chak lutuk tan pawh dawnsawn thiam a har deuh a ni mahna



Bryan pua in choka lam ah ka luta, Jamie-i rawn lut ve chuan, "i ṭha maw? Eunice-in chanchin alo sawi mawlh mawlha," A rawn tih luh sar sar chuan melh zawkin, "ka ṭha, naupang ho zawk hi a ṭhawng lutuk a, Bryan ber hian theihnghilh har a ti ni in ka hria," Ka hnunga ka puak chu ka melh zauh bawk a


Thaw haka chair pawt chhuaka ṭhu thla in, "a mak e, Eunice-in a sawidan phei kha chuan Brayden-a leh Bryson-a kha lak a tum hranlo a nih hmela, eng nge a rilru ah awm le?" Jamie-in a rawn tih leh takah chuan ka mitthla ah Maria-i a rawn lang zui zat


Ni e, Bryan-a, a fingber leh a U ber, an hringtu a nih angin, Bryson-a leh Brayden-a chu thlêm taktê in emaw tihluihna pawhin ti sela a hruai maithei in ka rin laiin, Bryan-a, tih har ber mai a bi-tum riau a ka hriatna chuan ngaihtuahna thui tak min neih tir nghal..!


"Ka hre biko le, a fate an nia, ngainat bik a nei te pawh a nih ka ring," Ka ti zawi sap ringawt a, fridge a cake la chhuakin, ka zai lêp a, "Jamie," Min rawn melh zawk, fian la a cake ei pah chuan, "a nupui hluiin a rek che em ni?" A rawn nui hak, nui ve pahin, "ka nu te Mizoram ah zui chhoh ve ka tum a," A cake ei lai a phuh chhuaklo chauh



"I fiamthu tiraw?" Ka lu ka thing mat mat a, "Maya, i kal dawnloh thu i sawi sia; Bakah, i pa in phumna a ni si a, kum tawpah chiah Mizoram ah ka let ve thei dawn bawk si, Tuesday a ni lawm ni, i nu te an chhuah dawn...Naaaa.... Vawiinah Nathan-an i rilru a thlak em ni?" A ti zawm nghal nung nung a


Nui pahin, "vawiin lam a kan chhuah chhan chu thildang, kan..." Ka ti chiah tui a rawn so a, off a thingpui siam zui rak rak pahin, "kan innei," Ka tih deuh sap rualin, "ENG NGA....?" Ring leng lawnga a rawn tih chuan a kâ ka hup sak vat a



"Ṭawng zawi rawh, ka nu ten an hrelo a nia," Ka ti nghal sur sur bawk


Ka kut hui thlah pahin, "hrelo angchu, i â em ni? I U phei chuan Nathan-a i duh thu i nu a hrilh reng reng hleinem, a fanu in, a pa te rual, an hriatpui lohin pasal ah a nei tih hriase engtin nge a awm ang, Maya i â tak tak a nih hi," Ṭawng ring hlau si chuan min hau nghal tan tan a


Thaw hakin ka thingpui chawhlai tawp dat chuan, "ni e, ka â deuh a nih ka ring, kan rawn haw kawnga ka rilru a awm chu, 'duh aiin ka pen chak mah mah em aw?' Tih hi a ni," Jamie-i chu melh zawkin ka thiltih lai chu ka tih zawm leh nghal mawlh mawlh a, no a thli chhuakin, "Eunice, thingpui hi i rawn la dawn em niang? Bryan hi chetpui a harsa reuh lutuk a," Ti lang langin, Jamie-i n in, "nang, cake hi keng chhuak rawh," Ka tih zawm zat bawk



Eunice-i rawn lutin, "eng nge in sawia?" Min rawn en a, lu thing pahin, "nichin a thil thleng kha maw le," Ka lo ti sam et thung


Jamie-i rawn lut leh chan, "Maya, diktak chuan tuna i thu thlukna hi ila inchhiar ang tih ka hlauhpui che, ngaihtuahla, tunah kum 20 i tling awrh chauh a, tun aṭanga kum 2/3 ah Nathan-a chu kum 40 a pel daih tawh dawn, kum chu number mai a ni a, i duhna a dâl phalo tih ka hria; Mahse, Nathan-a hian tunang hian hmeichhia ang in a en theih miahloh che chuan nangmah a nia na tur chu, i tleirawl chhuahlai leh vanglai, duh let ve miahlo tu lakah i khawhral palh ang tih ka hlauhpui ber che," Ti dap dapin thingpui chu a in zauh a


Ngawi rengin ka ṭhu a, a thusawi chu dikloh na zawn ngial ka tum pawhin ka hmulo; Mahse, ka tum tawh leh neih ka duh mipa a ni a, beiseina erawh neih zel ka tum tho mai


"I rilru ka hria, i duh tawh chu neih ngei ngei i tum ṭhin ; Mahse, Nathan-a te ang mipa, mahni hmasial lutuk hian engtia rei nge a kawl peihin, a dawh theih angche, tunah hian engvang teh thuta nupuia nei duh che nge a nih ka hrelo ; Mahse, chiang taka ka hriat chu, a mamawh che a, hman ṭangkaina tur che a awm vang a nei che a ni. Mahse maw Maya, theihnghilh suh, tuna in inzawmna hi a mamawh tawhloh hun ala awmdawn a nia, he i thuthlukna hi chu ka pawmpuilo takzet che," A rawn tih zawm leh duah chuan ka nuih ringawt a

Jamie-i hmela min ngaihtuah zia ka hmuh chuan ka lawm veng veng mai, engtin nge hetiang taka ṭhianṭha hi ka tawn theih ni..?

"Min ngaihtuah tih ka hria alawm. Ni e, kan inzawmna, nupa kan nihna chu paper vang chauh mah nise, a hmingin a nupui leh dan ang tak a naupang ho ka venhim theihna ala ni tho alawm, a ni lawm ni," Ni e, beiseina neihsan rih vak aiin, Nathan-a inpeih hun ka nghak tur a ni


A thaw haka, "naupang hi chhuahlam ah i hmang mai mai a ni, 'chân ka duhlo, a kianga awm ka duh,' tila ka awih zawk ang," A rawn tih chuan ka nui nghal sun sun a, a dik viau mai, naupang hi chu ka chhuanlam pakhat ve mai a ni, ka chhungril takah chuan Nathan-a hi ka duh tawh mah maha, minti lawmlo fo mahse midang ta tur emaw, ka ta nilo tur a ka ngaihtuah chang a piangin ka na veng veng zel


Ka luah theih siloh, ka kalsan phal chuan siloh mipa, ka hmuh phaka awm, ka khawih theih siloh leh beiseina min neih tira, a thumal pakhat hman avanga beidawn na ruama min hnuk thla leh ṭhin tu he mipa hi ka hmangaih tawh te pawh a ni mahna...!



< Airport >



"Daddy, min zui ve dawnlo em ni?" Bryan-a te uanau chuan a pa chu an en kara, min rawn melh zawkin, "Mamma ho hian inzin phawt anga, ka hna ka zawh veleh ka rawn zui ve angche u, Mizoram ah school in lut anga, ṭhian thar te in nei dawn nia, Mamma thu lo awih hle bawk ula," Nathan-an tiin, "inti teh thut lutuk a, inthlahna han siam mai dan pawh minti hrelo," Angela-in a rawn ti zui ve sap bawk a


"Malsawm, heihi driver number a ni a, airport ah alo hmuak angche u, Bryson-a doctor thar tur leh in enkawlna tur vel chu call in ka rawn hrilh leh dawn che nia, an school luhna tur pawh ka ti fel tawha, thlathar aṭangin an ṭan thei tawh ang, Pi Siami hnehah an uniform tur leh zirlaibu, mamawh engkim lo buaipui turin ka ti a, i ngaihtuah an ngailo a nia, naupang school ankal chuan duh leh i tuina lam hna te pawh han thawh tumla," Nathan-a thu sawilai chuan ka en kar a



Ka inhmuh dan chuan, a fate enkawl tu satliah mai mai ah min ngai ni in ka hria, chu chuan minti lawmlo viau mahse ka tilang thei dêr bawk silo, ka ta ni a ka ngaih hian, a ta ah minla chhiar ve miauloh chuan ka läwmlohna tamtak pawh oaidaih dan ka zir angai miau a ni



"Nathan, kan inkar hi zep reng i tum em ni?" Ṭawngloh ngial ka tuma, ka lei hi vên harsa ka ti ṭhin

Angela-in min rawn en vata, "eng nge i sawi awmzia, U, nang leh Maya-i..." A tih laiin, "Angela.." Nathan-an alo ti hluka


"Inbiak kan ngai," Tih leh ka bânrek a rawn vuana min pawtsawn in, naupang ho dinna aṭanga tlem a hla deuh ah min din puiin, "Malsawm, theihnghilh suh, kan inkar hi, mi nupa inkar ang a nilo tih hi, ka fate tan nu leh a hmingin ka nupui ini, a bak a awmlo," Chiang zet mai leh tîmna tel miahlo a a tih thûm dût dût chuan za lo zetin ka nui a



Bu nghatin, "Chutiang chuan em ni i ngaih?" Ka zawhna chu mak a ti nge ni a, ka mitmeng chuan a ti danglam zâwk ka hrelo, a mitmeng inthlak zawk chu a reilo na in ka hmu hman tho



"Naupang, tleirawl mai ila ni a, Mizoram ah i chho anga, mipa tamtak i hmu dawn, a hma aiin hun i ngah anga, i duh zawng tih nan hun ineih chuan tuna ka lak a i rilru put hi reilo te tan chauh a ni tih i han hre chho dawn alawm," Min ngaihtuahna ṭawngkam nge a nih a, min hnar na ṭawngkam ni zawk pawh ka hre nek love



Mahse, rei tak chhung hmulo tura ka in dahna chuan minti lungngai takzet a, ka ngaiin ka thlahlel thar riau in ka hre bawk

chhuk rûna min en tu chu dak hau a en in, alam ah ka pen hnai hreta, dimtêa a kawnga ka kut rawhin, a âwmah ka lu ka nghat riai riaia, "Malsawm..." A rawn tih thawp sup chuan, "reilo tê Nathan, engtia rei nge Mumbai ah hian nangmah in i awmdawn ka hrelo, engtikah nge Mizoram i rawn thlen ve dawn lah ka hre heklo, chuvangin tun hunah hi chuan inhnial emaw, min zilhna ṭawngkam ka hre peihlo, ka hre duhlo a ni," Zawite a ka tih sep sep chuan thaw chhuak ham ham in a rawn nui nghawr dat dat a


A nuih zawnga a taksa che dat dat chuan min fan a, a nui ri te chuan ka kaw chhung a fan thla rawih rawih thei


Min kuahlet ka beisei miahloh laiin, la nui nghawr dat data min rawn kuahlet chungin, "nangmah ni chauha ka let tir dawn che u avangin pawi ka ti ; Mahse, a rang thei angberin ka rawn zui angche u tih ka tiam e," Rilruih maia a rawn tih chuan nui ver verin a hmel en tumin ka dak chhuaka, mit zîm sân a minlo en ve in mawi lutuk in min nuih bawk



A taksa aṭang hian inlak hran harsa ka ti, hetia min kuaha, min nuih reng chuanin ka kalsan thei meuh lovang tih pawh ka hlau hlel love


"Keipawh ka duh ve," Brayden-a aw ka hriat rualin kanlam a rawn tlan chuan min kuaha, Bryan leh Bryson-a pawh chuti tho, Nathan-an nui hawk hawka inla hranga ṭhu hniamin a fate kuah khawmin, "kal tawh rawh u, luh a hun dâwn," Tih leh min rawn en in, "i nu te pawh chu khawnge an kal a?" A hawi kual nghal a


"Heta hi kan awm e, kan kal tawh dawn em ni?" Eunice-in a rawn ti vat, Bryson-a pawmin Bryan leh Brayden-a Eunice-in a rawn kaia, "inthlen veleh min rawn bia angche," Nathan-a chuan a ti sup a


A aw chhuak leh mitmeng ah chuan kan kal tur chu a lungngai ve deuh ni in ka hria, a nui lui hmel te chu hmuh a hrehawm lek lek ka ti



"Tluang deuhin in kal dawn nia, han leikâng deuh ila keini pawh kan rawn zin ve vat ang," Angela-in a rawn tih chuan nuih letin, "ni e, inhmuh leh vat kan tum dawn nia," Ti in Nathan-a lam ka hawia, "in enkawl ṭha angche, nangmah in i awm dawn si a, hna i thawh pawhin chaw ei nachang hria la," Ka tih chuan bu nghatin, "kaltawh rawh u, in tlai ang," Ti deuh supin, Bryson-a chhipa rawn tuaiin, "Mamma thu awih angche u," A ti zui sup bawk



Ka nu in Nathan-a rawn chibai in, "i rawn chhoh hma chuan inluah tur te pawh kanlo in dap anga, min rawn hrilh hma ve anga nangpawh in, kanlo in rin theihnan," Ka nu in a tih chuan, "rawn chho ve pawh ni ila, kan awm ho thei alawm, khalam kha chu rilru tih hahnan hmang suh ka pi, Maya-i te naupang ho awmpui tura rawn dil zawktu ka ni bawka," Nathan-an a tih chuan ka nu chu nui ar ar in, "ka pi' hi minti fo mai a, kum 51 ka pel dek dek chauh alawm le," Ka nu in a tih chuan ka lo ṭim er er thei, Nathan-an min rawn melh nghal zawka


A hmela nuamlo tihna chu ka hmu chiang viau mai, ka lakah a kum a zahpui emaw inthiamlohnan a hmang te pawh a ang alawm



"Nu, nang aiin a naupang fe alawm, i ho mai mai," Eunice-in rawn ti vatin, "kan kal ange, Angela, Nathan, in enkawl ṭha ula," Tih zawm zatin, "kal ang u," A tih zat bawka


Nathan-a hmel chu hriat thiam harsa tak a ni, nuiluia min thlah liam a tum ngial na in, a hmel chu a dur khup khup mai, kan pensawn tawh chu hawi letin ka nuih var var a, Angela-in a dar a beng thak thakin eng amaw a hrilh ni in ka hria, a rawn nui suk chu kala hmu thei....!



< Lengpui Airport >



Kan chuanna changkangin "first class" hial mah nise, naupang 3 nen chuan a changkân thei tak takloh a ni e...! Thlawhna an rui vek lehnghal a, ka nu nen naupang pakhat ṭheuh enkawl chhoh pawh buaithlak vet vet tak a ni



Darkar 6 zên zawn kan in buaipui chhoh hnuah, a tawp, a tawpah Lengpui Airport kan thleng ve ta hrâm e, beng lah chu a thîp, kiu vawng vawng bawka, naupan lah an tlei duh dêrlo, an thlawhna rui nen, ṭah an tum reng bawk a, chauh chu na duh vet vet tak a ni




Minlo hmuak tu tur driver phone tuma ka phone ka hmeh laiin, "Maya.." Ka hawi nghal vat


Nunhlima ka hmu hlawl chu ka meng deuh kawk thei, "Nunhlim..." Eunice-i pawhin mak a ti deuh a niang kan ko rual ṭhat



"Hi, Nu Rem, Eunice, in rawn thlen hun âwm Jamie-i ka zawta, chuan heihi lo hmuak tu ve tho che u, U Mapuia," Nunhlima'n a tih leh Nathan-a driver sawi ni ngei tur chu rawn nui vur vur in, "Pi Mali te in ni ang maw? Thlalak aiin i lang naupang a ka hai dawn che alawm," A rawn tih chuan nuiin, "min Pi duh suh, Maya minti mairawh, kala naupang lutuk," Ka tih chuan a bu nghat nghat a



"Car ah kan leng vek âwm silo a, nu, Eunice-i leh thawmhnaw ho nen U Mapuia hi zui ula, kei leh naupang hovin Nunhlima car in kan rawn zui dawn che u em ni?" Ka tih chuan bu nghauh nghauhin, "a pawilo ang, inthleng vat teh ang u, mut ka chak lutuk emai..!Ka luak ve dawn te in ka hria," Ka nu in rawn tih leh, "Mapui kawng hruai rawh le," Tih leh pensawn a rual nghal a



Bryan leh Brayden-a ka kai a, ka hnungah Bryson-a luak chau chu ka paw bawka, chhangchhia tih zawng zawng chu ka ta a ni mai



"Brayden-a hi ka lo pawm ange, Bryan chu a tlangval tawh tho a, a mah khan kal mai rawhse," Tih leh Nunhlima'n Brayden-a rawn pawm a ruala, a pensawn nghal zat bawk


Bryan pawh a chau tih ka hria, puak leh pawm a ngên ngamlo mai pawh a, a mit a meng diar diar mai, thlawhna chhungah an luak nasa unau bawka, an mut a chhuak ta hnak mai alawm


Kum tamtak hnu a mahni pianna ram ngei mai boruak han hip leh chu a dang zar mai, tlemin ka ṭi deuh duk te pawhin ka hria


"Jamie-in min rawn hrilh khan a fiamthu emaw ka tia," Pawmlam ka thlir vauh vauh lai chu Nunhlima lam hawiin ka nui a, "nia, kan tum teh thut lutuk a, eng nge intern te chu, a harsa em?" Rawn nui hukin, "professor ngei deuh deuh neih a awl khawp mai," Nui hak hak paha a rawn tih chuan ka nui ve haka, a awlsam lo viau ang


Ka phone rawn ri ral ral chu en in, Nathan-a hming ka hmuh chuan kan thlen thu kala hrilh hauhlo ti ka hre chhuak nghal, "Hello.." Ka ti rualin, "engvanga Mapuia zuilo nge inih?" A aw chu chang fal fal tak a ni, a ha pui a seh ri bao bap bawk


Engvanga thinrim em em nge maw a nih le..?


"Kan lenglo alawm, Nunhlima a rawn kal hlauh a, kan....." Ka tih mek laiin, "zanin ah min rawn bia angche," Ti bul hlukin a off zui hmak chu mak ti fe in phone chu ka melh ngawt ngawta



"Diklo a awm em ni?" Nunhlima chu en deuh haw in, ka lu thingin, "awmlo e," Ti sap chuan seat hnunglam ka en a, an chau ngang a niang, nidanga car chhunga an harh theih nen, in ngheng rialin an muhil sek sek mai



Nathan-a in kan kawt kan thlen chuan ka chhuak vat a, Pitar pakhat leh nula pahnih rawn tlân chhuakin, nui ver ver in, "in rawn thleng tluang maw, thawmhnaw in nei em?" Pitar ber, Pi Siami ni ngei tur in a rawn tih chuan, "neilo e, naupang an muhila, in rawn pawm lut mai dawn em ni? An chau lutuk a," Nuih let säng a ka tih chuan bu nghatin nula pahnih ding ve chu a tir nghal zat a


Inchhung ka pen luh rualin, "e khai, U Nathan, i fate enkawl tu itih chu ava chhelo ve, lungngai suh extra cate nen maw le ka lo enkawl dawn ni, bialpa a neilo ang tiraw...?" Mipa aw ri ka hre zui zat chuan kanin rin hma in minti na, Nathan-a a bia in, Nathan-an a nupui ka nih thu aiin, a fate enkawl tu ka nih thu a sawi a ni tih ka hrethiam nghal zat bawk



"Hi, Simon-a ka nia, Nathan-a cousin," Choka lam ni in ka hria a rawn chhuahna chu, Nathan-a a ang ṭep na in Nathan-a aiin a taksa a te in, hniam pawh a hniam zawk daih


"Maya minti mai dawn nia," Ka ti let sepa, "ka nu ten rawn hmuah che u an tum a, damdawiin ah damlo kan an ngaita thut si a, hetah ka lo nghak mai che u, in chau awm si a, hahdam rawh u, naktuk lamah kan rawn leng dawn nia," A tih zawm zat zat chuan ka chhang tam peihlo, ka lungphu zawn nat veng veng bakah, ka chau lutuk mah mah


"Bryson-a kha han mutpui tir rawh, keipawh ka haw ange, naktuk lamah ka rawn lêng leh dawn nia," Nunhlima'n a tih chuan bu nghatin, "kan lawm lutuk a nia," Ka ti sepa, nui sun sun in, "i lawm chuan Sunday khi ka birthday tih i hriat kha," Mitko sän ak alo tih chuan nui vur vur in, ok ok, inchungah ka chhoh pui ange," Tih leh a haw tur pawh en liam ta lo chuan inchung lamah ka inhersan a, han thlah liam mawi hnai pawh ka peihlo, ka taksa zawng zawng nat kham nak alai a, Nathan-an a cousin bula min sawidan ka hria khan minti chau zual ngut ngut mai



<>~>~>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:03 pm

MY TREASURE
By
Floria Laldansangi


Chapter < 22 >


MAYA....POV



"Mamma, damdawi ei a hun, Mamma..." Bryson-an min sawi dat dat paha min kohna chu ka na in, ka meng peih nanglo a ni, ka chau ve ngang a nih ka ring, harh duh viau mahila ka meng hleithei dêrlo



"Bry, Eunice-i ko maita che," Ka phun chhuak sepa, ka mutdan ka siam rem zui sat sat bawk


"Pi Mal, i U leh i nu chu an chhuak tawh a," Ava mak tehchhen tak e aw...! A tu mai pawh chuan min Pi hû hû hlawm le...! Lalhriatpuia ker kur hian engthu nge maw a hrilh hlawm ni..? Ka hmel en pawha Pi rual ka nihloh vei nen



Thaw deuh hakin ka meng chhuaka, Eunice-i nen a inrual vel tur hmeichhe ngo ving veng maiin nuisânga minlo en ka hnuh chuan nuih seiha, ṭhu chhuak luai luai chungin Bryson-a chu ka en a, "i hmai ava berh ve, i chaw ei na ila in tifai nange?" Tih leh khum aṭanga ka ke dah thla in, "ka nu te chu khawnge an kal a?" Luggage pawh la in hawnglo leh in hung ṭha lo, an dah ang ang a la awm lam chu ka pan nghal a


"I putea damlo an kan dawn in ka hria, i nu sawi dan kha chuan," Tih leh, "Bryson-a hi a hmai tihfai ka tuma, a duh silo a..." Min rawn en in Bryson-a a en leha, Bryson lah chuan hmui ti pawrh tarhin, "Mamma chauh ka duh," A lo ti khum vat bawka


Bryson-a en pahin, "Bry, ai upa khatia biakloh tur, ka lo buaipui dawn nia, Brayden leh Bryan an ei tawh em? Inbual te kha an inbual tawh em le?" Ka tih zawm leh zat chuan bu nghatin, "inhnuai ah TV an en, zanriah kan lo ti lum dawn nia," Tih lehin inher in a chhuak zui nghal a



Bryson-a damdawi phawrh pahin, "Bry, khatin aia upa an be ngailo ka tih kha, nakinah school ah te ala hruai angche nga, hetah hi chuan U hmeichhia 2 lai ineih belh dawna, an thuawiha, ngaihthlak tur," Ti duah in a damdawi ka rawt dip chu side table-a tui awm la in ka chawhpawlha, "damdawi ei hunte i hre tawh a, i fel tawh lutuk," Nuih säng a damdawi ka pek chuan inchhuang tih hriat fahran a nuiin, "ka ṭap tawh ngailo tiraw Mamma?" Tih leh a lem zui pap bawk a



Nuih var vara a hmui tuaifai sak pah chuan, "ṭap tawh ngai nang, kan inbual fai dawn em niang?" Tih leh bathroom lam ka melh zawka, bu nghauh nghauhin, "Yesss..." Uar zet a tih leh bathroom lama a tlân chu umzuiin, "Bry i tlân theilo ka tih kha, khawi i kawr kha ka lo phelh ang," Tih leh ka phelh nghal sawk sawk bawk a



Chhangchhiat sa nak alai hian Bryson-a damlo, fimkhur a ngaiin a thil tih leh kalna a piang a enzui reng ngai chuan minti chau in Chhangchhiat a tina zual



In hnuailam Bryson-a kai chunga kan pan pui chu, "Mamma..." Bryan leh Brayden-an minlo ko nghal vat a


"Mamma, engtikah nge kan haw dawn? Nimin ah Arty-i nen school kan kal tlang leh ang tiraw?" Brayden-an a rawn tih niap niap chuan alam a pan a ṭhu hniamin, "i lung a leng em ni?" Nikhat sawiloh zankhat pawh a ral hmaa haw hun a ngaihtuah chuan a lung a leng nghal tih ka hre thei


"Nimin a nilo, naktuk tih tur Brayden," Bryan-an a lo ti ve vat bawka, Brayden hian "naktuk" tih aiah "nimin" hi ati deuh tlat zela, hrilh ve fo mahila a hre rei thei dêrlo, thildang a hriat rei theih vei nen



"A nih naktukah haw ang u, helai chu a nuam ka tilo," Inchhung zau zet mai, TV ri tihloh thawmdang reng reng hriat tur awmlo, motor tlan ri emaw a pa hnathawk ri leh ṭhu ve ran ṭhin hmuh tur leh hriat tur awmlo chu hrehawm a ti a ni ngei ang


"Bryan, helai hi in in a ni tawh alawm," Pi Siami choka aṭanga rawn chhuakin a tih chuan, "Brayden-a lawm ka nih," Alo ti vat bawk a

"Ohh, hriat hran in har dawn hle mai," Pi Siami'n tih leh, "ka Pi ve mai dawn che a, a ni thei silo a, engtin nge ka koh dawn che?" A rawn tih takah chuan mumal tak a inhmel hriat tirna kala nei miahlo tih ka hre chhuak chiah



"Awii, min hrethiam rawh, naupang ho nen chuan kan ti nak naka, ka lo insawi theihnghilh daih a ni. Maya minti mai rawh u, Pi rual ka nilo emai," Tih leh, "heihi a teber Bryson-a a nia, heihi Brayden a lai, Bryan a upa ber," Ti leh diat diatin, "Bryan ka mutna room kha i hria tiraw? Sofa ah ka bag a awm min han lak lawk ta che, sana ka leisak che u a, inbun anga, hei i Pi te leh I u te ho pawhin an hre hrang tawh angche u," Nui var var a ka tih chuan Bryan chu a bu nghat a, inchhung lam ah a tlân chho ve mai bawk a



"A nih Maya, Mapuia chaw ala ei a, i nghak law law dawn em ni? I rawn thawh mai ka ring lovin, hetah ka lo ei tir ta mai alawm le," Inthiam chiahlo tih hriat taka a rawn tih leh chuan, ka lu thingin, "buaipui ka ngailo Pi Siam, U Mapuia nen chuan kan ei dun thei a nia," Ti vatin, "Brayden i nau nen TV lo en rawh u, chaw ka'n ei ve phawt ange aw Bawihte," Mumbai a kan let hun tur ka hrilhlo chu a lungawi vaklo tih hriat tak a ner deuh nung nungin a bu nghata, "Uhmmm..." Tih leh sofa ah bawk chuan a ṭhu fel leh at bawk a, an duhna ah hi chuan an fel maw le


Choka ka luh rualin U Mapuia chaw ei mawlh mawlh in min hmuh ruala thawh a tum chu, "tho duh suh, dawhkan a len êm hi, mahni a chaw ei ka peih bik hleinem," Nui vur vur paha ka tih chuan, nui ve suk pahin, "Motor ka sila, ka ei tlai deuh mawle," A ti ve mai bawka



Nula pakhat, nichin maia ka room a ka hmuh ai khan a naupan hmel zawk, ka chaw ei tur min rawn pek chu lo la vatin, "Nula pahnih hi in hming kala hre velo reng reng, keichu Maya ka nia, Maya minti mai rawh u, nangni ai ka upat tam vak ka ringlo," Nui paha ka tih chuan Pi Siami rawn lut chiahin, "heichu ka tunu a nih hi Maya, Faki iti mai dawn nia, nichina inchunga rawn chho kha Mamuani a ni bawka," A rawn tih nghal zung zung chuan chaw ei paha bu nghat nghatin, "kum engzah nge inih?" Ka melh zawk



"Kum 19, 2nd year B.A ka ni vek mêk bawka," Aw ki zâng vaha a rawn tih chuan bu leh nghatin, "Pi Siam min kalsan rawh u, ka ei zawh ah ka lo tifai mai ang, vawiin inchau âwm ropui si, chawl hahdam rawh u," Ka ti tak na in Pi Siami chuan min kalsan a tumlo nasa khawp mai



"Mamma, Daddy-in a be duh che..." Bryan-an ka phone a rawn keng luta, a benga chuktuahin a pa chu a be ve mawlh mawlh bawk, "Daddy niminah kanlo haw thei angem?" Brayden-an a u hnunga zuin a rawn au ve lang lang s


"Nimin a nilo, Naktuk tih tur Brayden," Bryan-an alo ti ve lehnghal hlar bawk a



Kan lo nuih sûng hlawm, naupang tih takah..! Ni 3/4 vel chu an lungleng hi a buaithlak viau in ka ring; Mahse, minpui tu tur ka nei nual tawh bawka ka lungngai em em ta lemlo


"Khawimaw Bryan i pa chu ka lo bia ange," Phone chu ban ka tum a, "Daddy naktukah school kal kan ngai a nia, kanlo haw thei angem?" Bryan pawh chuan a ti ve leh lang lang a, a pa thusawi chu ngaithla deuh vang vangin, "ummm, lo kal vat vat rawh aw daddy," Tih leh ka lam a phone rawn lekin, "Mamma, Daddy aw hriat a har lutuk," A rawn tih zui sa sa chuan phone en ha in a kamnam a ni tih ka hre nghal mai bawk



"Hello..." Tih leh U Mapuia tho tur chu, "i puar em ni U Mapui?" Min rawn en zawkin, "puar e," Ti supa kut sil paha a thleng sil a tum chu, "ti khan dah rawh, hmeichhia kan awm alawm, ka rawm sil ang, Pi Siam nangni pawh chawl hahdam tawh rawh u, phone hmang pahin muangchangin ka lo in buaipui ang," Ka tih takah chuan, "anih aw, mamawh ineih chuan min rawn ko mai dawn nia," Tih leh, "Mapui titawh i chhuahsan ang," A ti zui zat bawka



"Hello..." Minla chhanglo, a thaw ri hrawih hrawih bak hriat tur a awmlo, a rui chhe viau emaw ni dawn le...?



"Nathan...." A reh vung vunga



"Phone ka off dawn a nia," Ti leha min chhan mailoh avanga off ka tum chu, " Vawiinah engvanga driver zuilo nge inih?" A aw hrep chu, thikna a ri tela ka hriat tlat ni, nge ni a rui aw ka hre sual zawk...?


"Kan lenglo ka tih kha, a reng reng thu in, i rui elaw...?"



"Teuhlo lutuk," Min rawn chhang rang lutuk leh a thusawi chu amah pawhin a awih chiahlo tih hriat takin a rawn thaw zui sawka



"Engvangin nge driver i zuiloh, Mizoram i let tur thu te i hrilh a, Malsawmdawngzel pasal nei tawh inih kha theihnghilh suh, hrilh bawk angche," Hriam hrak a rawn tih leh hrawih hrawih chuan ner sawkin, phone chu speakers ah ka dah a, dawhkan a phone dah pahin, "ka hrilh hauhlo, hrilh pawh ni ila a pawina ka hre heklo, i unaunu ngei pawhin nupa kan ni tih a hriatloh laiin engvang ngawtin nge Nunhlima chu ka hrilh ang ni," Dam dap a tih leh ka chaw thleng ho chu ka seng fel nghal rak rak a



"Malsawmdawng min biak laiin thildang ti miah suh, min ngaihsak rawh, awmpui an tam a ni lawm ni, engvang phiangsena thildang mintih san nge inih?" A zui rui aw behbuah nen, thinrimna tur ringawt a zawng chu ka hne leh tlat peka



"Lalhriatpui i zu rui hian min vin khanglang suh a, zankhat êm pawh kan awmbo hma in zu rui chungin min rawn bia a nia, ngaihsak i ngaihloh kha, nuam iti lutuk a nih kha, thinrimna tur ringawt i rawn zan hi ni" Pawnlam a naupang ho in ṭawng an hria ang tih hlau zet chuan ka ti let ve hlar bawk a



"Ni e," Ti supin, a reh deuh vang vanga, "inchhung hi a reh lutuk a," A awchhuak chu khawharna leh natna ni awm takin a in pawlh, ka thiltih lai chawldatin phone chu ka en a, engmah puih theihna nei lemlo mahila, naupang 3 nen a kanlo ri ve nak nak ṭhin kha a reh tak dûk chuan a khua a har ve ta viau ngei ang



"Zu inkher a ngai hleinem, harhfim in min rawn biala, lawm pawh a lawmawm zawk ang, i fate te pawhin an ngai ve che a, zankhat êm pawh kanla awmlo na in haw hun tur min zawt chhen te hi chhan ngaihna ka hre bik silo nen," Ka tih sap sap chuan rawn thaw ri hrawihin, "Nunhlima'n engtin nge Mizoram i let tur a hriat, i hrilhlo tak tak amaw?" A ngaiah kan let leh dawn...! Ninawm mange..?



"Jamie-i nen pawh an inbe fo a, Jamie-in a hrilh te pawh a niang chu, a reng reng thu in i thik em ni?" Nui zui hak paha ka tih chuan rawn rum ri nghutin, "teuhlo lutuk," Ti hluk chuan, "Pi Siami ka be tawh a, naupang ho school uniform leh mamawh kha nangman ilo buaipui dawn nia," Ti supin a tawp data, "chuan, i ngaihdan la hmasa lova an school luhna tur ka lo tihfel avangin min hrethiam dawn nia," Zawi si fiah si a a rawn tih leh chuan nui sun sun in, "ngaihdam min dil tihna em ni?" Ka fiam ve chak hrim hrim



"Malsawmdawngz..." A rawn ti bulh hraih chuan ka nui zui ar ar a, "mu tawh rawh, naktuk lamah kan inbe dawn nia; Bakah, naktuk chu i ni te oawh rawn len an tuma, i ni te chanchin min hrilh ngai si lova, an chanchin tlem a zawngte min rawn hrilh angche, ka bo lutuk lohnan," Ka tih deuh duah chuan a hnar tum ri dat chu ka hre thei




"I hriat an ngailo, i hriat tur ṭul chin ka tih chu ka hrilh chinche hi a ni mai," A tih bul hluk chuan ka sa ve nghal zak, a nupui angin min enlo mahse a ni, a laina te an ni a, engtin nge lo chhâwnse mintih..? Ruh lutukin ka inhum nghal ngawt ngawta, thinrima ka chhang emaw ka lungawilohna ka sawi a, a nupui ka nihna ang a hriat ka mamawh thu ka sawi chhuak a nih chuan in hauhna bakin kam tawp leh dawnlo tih ka mit awmna ka chian tluka ka chian êm avangin mit chhing sawkin ka thaw chhuak hawk a



"Ka hria e, naupang tih mut a hun dawn, ka dah a nia," Tih leh min chhan na pawh nghak lovij phone chu ka off zui hmak bawk a, engvanga ka lungphu zawn hi na leh ta veng veng nge a nih pawh ka hrethiamlo, hetiang a Nathan-an min biaka, ka laka feelings a neihloh zia leh a fate awmtu satliah ang maia min ngaihna ṭawngkam ka hriat a pianga ka lungphu zawn na thîp veng veng zelnhi engvang nge a nih chiah ka hrelo a ni



Zanlam a ka nu te rawn hawlai ka hre hauhlo, zing ka harh rualin ka mutna bul ruak hiau leh vawt deuh ruih ah chuan naupang ho thawhna pawh a rei leh tawh a ni ngei ang


Intifai sawk sawkin inhnuai ah ka pan chu, "nizan inva mu hma âwm ve a?" Eunice-in a rawn ti lut lang lang a



"hma vak hleinem, dar 9 vel a niang, kanla chau tlang a nih ka ring, tlai lamah mu mahila, kan muhil lehnghal tho mai, eng nge nizan inva kalna a an?" Choka ah kan lut tlang nghala



"A ṭha chuan ka hria, zingkarah ka nu ava kal leh a, zanriah ka ei nghal ang a ti in ka hria," A tih zawm zat chuan bu nghatin, "vawiin chu in tihfel nan hmang ila, naktuk lam aṭang chuan an school forms tur te buaipui ka ngai dawn a, nang engtik nge i hna i ṭan dawn?" Ka melh zawk, ka hma a milk chu ka tem hlek bawka


"Naktuk aṭangin ka ṭan ang, inluah tur ka melh pah bawka, Nathan-an heta kan chên ve rem ti viau mahse nupa pawh in lova, inzawmna tak kan nei bawk silo, awm reng a mawi in ka hrelo," A tih deuh duah chuan ka âng deuh zuai na in ka chip leh ta zawk a


Nupa kan ni ti ringawt ila ka ti thinrim in, ka ti lungawilo mai mai dawna, Nathan-a berin sawi chhuah a duh bawk silo nen, hrilh rihlo a ṭha zawkin ka ring


"Inluah tur te chu hmanhmawh a ngai hleinem, Nathan-a a rawn let ve vat dawn pawh nilo," Ka ti sapa, ṭawng tumin a kâ a ang zuai hman...


"Good Morning...." Choka kawngkhar lam kan hawi vat a, Simon-a leh a nu leh pa a nih ka ring, ka nu leh pa te rual vel tur choka a rawn lut chu kanlo en hâ a


"Nathan-a nupui chu em ni inih?" Eunice-i zawk chu an en a, "Nu, hei zawk hi," Simon-a chuan alo ti sap



"Ohhh, ila naupan hmel hle mai, a ni te nupa kan nia," Tih leh min rawn chibai a, Eunice-i ka melh zawk a, a mitmeng ah chuan zawhna hlir ka hmu


"Malsawmdawngzeli ka nia, Maya minti mai rawh u, breakfast te in ei tawh em?" An lu thing pahin, "ei rawh u, kanlo nghak angche u, khawnge naupang ho hi," Min ngaih pawimawh hranloh in min lawm teh vaklo tih Nathan-a ni ṭawng kau chheh ah chuan ka hre thei




An chhuah ruala Eunice-i ka lam a rawn awn hnaiin, "eng nge awmzia, a nupui emaw antih che a?" A rawn ti sa sa a, milk in zo pap in, "ka hre biklo; Mahse, engmah sawi suh angche," Tih leh thawh ka rual nghal zat bawk a


Ṭhut khawmna a ṭhu a inchhung en kual pah a dak haw haw lam chu ka pan a, naupang ho rawn tlân lut ve chiah chu thu hniamin, "khawnge in kal a zing zingah," Pi Siami a rawn lut ve zat bawka



"A Pi hian pangpar tui a pekna ah min hruaia," Nuam antih hmel khawp mai, haw an sawi leh ka rin nen



"Hengho chu a nupui hmasa fate kha an ni maw? Mahni fa lo 3 ngawt enkawl chu a awlsam lo viau ang, mipa fa anla ni zui bawk nen," A ni ṭawng duh dan kher kher chu, ka melh chho deuh ram ram a, min hmulo der hmak thiam khawp mai


Ka mil dawnlo tawp mai he pitar hi

"Mamma fa alawm kan nih," Bryan-an a rawn ti hlar a, min kuah nghal sat sat chu nuih sun sun in, "ni e, i..." Ka tih lai mekin, "Nu, i ṭawngkam fimkhur rawh, naupang hmaa sawi âwm te hi a awm ve," Simon-an a rawn ti hluka



"Ni e maw le, naupang rilru te iti na ange?" A pasal in a rawn ti zui ve sup bawka, ka ṭawng hmanlo chu a vannei hle mai, a duh aiin ka lei hi a hriam dawn si a



"Ah... An hriat thiam ka rinloh vang a nih kha, he in lei tur hian engzât nge maw a sen angle, a chei ṭha in chhiahhlawh 4 ngawt a dah bawka, in ineih te pawh engmah rawn sawina chang in hrelo a, hetah a ni te kanla dam ve reng laiin," Pi Siami chu a melh zawka, min rawn en in ka chungah a lawmloh hmel takzwt bawk

Mahse, a ṭawngkam hman tin mai chu ka mil theilo, ka dawnsawn thiamloh vang nge pawh ka hrelo



"Nu..." Simon-an a lo ti vat chu nui deuh saka ding chhuakin, "Pi Siam, naupang ho hi minlo tihfai sak dawn em ni? Bryson-a damdawi tur dawhkanah ka dah bawka," Nui sänga ka tih chuan a bu ve nghata, a hmelah chuan nuamlo a tih hmel takzet bawk



Nathan-a ni te dinna lam hawiin, "He in ah hian chhiahhlawh an awm reng renglo, chhiahhlawh an awm a nih chuan keipawh hi chhiahhlawh ka ni tihna a ni," Ka tih let fak fak chuan nasa mintih hmel ngang mai, a hmel a dur nghal khup khup mai alawm..!


"Maya.." Nunhlima rawn lut chu en vatin ka nuihsäng a, a ni te lam hawiin, "mamawh inneih tawhloh chuan hna ka thawhsan angche u," Tih leh Nunhlima chu ka kai hrang vata, a ngaihna hrelo tih hriatzet a hawi hu hu in, "eng nge kan tih dawn," Ala ti ang sur sur zuia


Inchung lama kai chhovin, "ka hre biklo," Ka tih chuan a nui chhuak haka, "ok, Maya-i ngeizawng tak an nih dawn khu," Nui hak haka a tih chuan room a pawt lutin sofa ah chuan ka ṭhu hnaka, nui sak pahin, "Chutiang pawh a nilo, Nunhlim Caffè vela thawhna tur minlo dap pui teh aw," Ka tih chuan room en khal pahin, "Nathan-a hi a hausa a nih hi," Min rawn en zawka nui vur vura a tih chuan room en kual ve nghal chuan ka bu nghat a




Engkim mai chu a man a to in, a ṭha chi hlir a hmang tih a hriat, engtik laiin nge hengte hi alo buaipui ni


"Caffè a thawh i duh chuan Simon-a khu zawt zawkla, Caffè lian deuh a nei alawm," A tih chuan en hu in, "khu Simon-a khu..." Ka tih deuh vak chuan nui haka ka bula rawn ṭhu thla in, "niangchu," Tih leh, "Maya, bul kan ṭan ṭha leh dawn em niang," Ka mitah tak a rawn en a


En deuh haw in, "i fiamthu maw nile, a nuihzatthlak loh a nia," Tih leh thawh ka tum chu min pawtlet hnawkin, ka ṭhu let dawta, "ka fiamthu lo," A hmel thutak ta lutuk chu nuam ka ti dêrlo



Min vawnna phelhsak pahin, "Tihpalh Nunhlim, Nathan-a nen kan innei tawh a ni," Teh deuh tawp chuan leh...!


Hrilh kher ka tumlo na in tuna kan boruak a ka ngaihtuah chhuah theih awm chhun a ni miau tlat a


Meng deuh kawka nui lui sak chuan, "i fiamthu tiraw?" Ka lu ka thing zauha, "Fiamthu hauhlo," Ka tih sep chuan za lo zeta nui chhuak hakin, "ka rinlawk mah nise, amak hle mai," Minbia pawh a anglo, amah leh amah a inbia niin ka hria



A tho thurh chu en chho haw in, "i ṭha maw...?" Min rawn melh zawka, "damdawiin ka kal angai tawha, kan inbe leh dawn nia Maya," Tih leh ka chhan na pawh nghak lem lova a pen chhuak pawk pawk chu ka en haw haw ringawt a


Diktak chuan a rilru tihnat ka tum bik hauhlo; Mahse, ka thup reng thei dâwn chuanglo a, a pawina ka hre ta lo mai





NATHAN-A....POV




"Duhtawk rawh Dude, naktuk meeting ineih kha," Henry-an ka no laksawn paha a tih chuan ka chhip sam tuai puatin sofa hnung chu ka ngheng data


Inchhung zîmte ni ṭhin kha a zau ta mah mah a ni, "ka fate ka ngai hle mai," Ka ti chhuak sup chu rawn nui hakin, "fa lo deuh pawh i ngai a nih kha, nizan in inbiak te khan ṭha taka biak tur che a nia, a thin tihrim kher kha a ṭul lohnen," Ṭhu ṭha paha a tih chuan ka nui suka, a aw sin zet mai, thinrim aw ṭêng ve tak kha hriat a nuam ka tiin ka ngai êm a tin ni



"Kha kha mi â ang maiin i nui leh tawh, i duh a nih chuan vuan vat angche, i tlai palh ange," Henry chu ka melh zawk, thaw la deuh kawk a kiai sukin, "Bawiha, kan kum zat in thlauhna hi i hria em? Kum 20, kum 20 lai a ni tih hi, a tam mah mah a ni, a nu min enna mitmeng i hmulo a nih kha, a fanu lakah feelings ka nei a ni tih hriase zawng a lawmlo nasa dawn lutuk," Ti supin


"kum chu dahṭha ila, a pa ka thahsak hnu ah engtin nge a fanu ka duh ngam ang ni?" Ka ti zui sup a


Chumai ala nilo, Bryan te unau hi ka fa, ka thisen an nlo tih a hriat chhuah hunah eng angin nge a ngaih ang..? Tleirawl lu zo tak leh vengva tak a ni a, ka puihna leh venhimna tel lo pawhin he khawvelah hian a dam chhuak dawn tih ka hria alawm; Mahse, chuti chung pawh chuan ka venhimna hnuaia awmtir ka duha, ka ta a nih theihloh pawhin ka hmuh theih leh tih thinrim phaka a awm hian ka läwm tawk viau a ni



Ka darah a rawn beng thak thakin, "Maya-i leh i thinlung a pawimawhber alawm Bawiha, naupang ho tan pawh Maya-i tluk a ṭha an awm dawnlo, bakah tunah ti khawp hian a duh che a, i inchhir palh ange aw," Ti leh hrâm chuan, "ka mu dawn," Tih leh a tho tharha, kei erawh inchunglam melh ngar ngarin ka ṭhu awn duai thung



Ka mitthla ah Malsawmi hmel reh thei reng renglo chu mit ka'n chhing leh sawk ṭhina, thawk kawk kawk bak tih theih ka nei dêr silo



"Lo zui chhoh ve mai mai tur a nia," Ka ti rilru ta rum rum mai


<>~>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:04 pm

MY TREASURE
By
Floria Laldansangi


Chapter < 23 >



Maya...POV



"Ka ni te an rawn lawr zing viau em ni...? Ṭawngkam dawnsawn nuamlo deuh te a hmang fo lo maw...?" Angela-in phone ka pickup ruala a rawn tih chuan ka nui ringawt a, naupang ho school uniform thar hak tir pahin, "chutiang engmah a awmlo e, an rawn kal zeuh zeuh chauh alawm," Sofa chunga ka phone dah en lzawka ka tih chuan a rawn nui ri haka




"Lo be ṭha vak duh suh, a rawn huangtau mai mai. Mitmei hmuhloh chung pawhin kha ti kha an nia; Bakah, ka U hian hnaih a duh vaklo a, Simon-a tihloh kha chu han pawh tak pawh kan nei lemlo keini pawhin," Rawn ti duah in naute ṭap ri ka hre zui zat bawka




"Maya, chhunlam ah kan inbe leh dawn nia, tunlai chu kan naute a damlo a, a sual a zûala," Tih leh ka chhan hma in a off zui zat bawk, ka nuih ri haka, nau damlo enkawl hreawm zia chu ka hria a ni, kala hring ve lem lo na in heng naupang 3 vang hian ka hre hneh mah mah



"An naute hi ṭahbelh e," Bryan chu ka en vata, Bryson-a kawr hak tirin, "i nau ve tho alawm a nih, a chhûn che a niang," Ka tih chuan a duh vaklo tih hriat takin ner deuh nung nungin, "Bryson-a niang, a ṭahbelh ber, school kan kal hmasakber pawhin a ṭah kha," Uar fahran a a rawn tih chuan Faki leh U Muani te nen kan nui chhuak haka, "dik chiah, Mamma a ngên char char," Brayden-a alo tih zawm ve zat bawka




"Ka ṭap ngai tawhlo e a, damdawi pawh in ei ngam veloh kha," Bryson lah chu ṭah nih chu duh bik ṭhak lovin a rawn ti ve hlar bawka, nui hak haka, "kal r'u le, in bag ak ula, Apa Mapuia'n a nghak che u," Tih leh, "U Muante hna ka kal tlang lehnghal dawn a nia aw, naupang pawh vawiin chu ka rawn hruai haw ang," Ka tih zawm zat bawk a, Simon-a Caffè-a ka thawh aṭang hian a chang zeuh chauhvin naupang school bâng pawh ka hruai thei tawh a, school erawh ka hna kal tur hian ka thlah kawi pah mai ṭhin




Mizoram kan awmna pawh thla 4 lai a ni veleh tawh, Nathan-a nen pawh call in kan inbe fo a, a hma ang em em in ka laka a ṭawngkam bul lutuk ṭhin kha a reh deuh em aw...? Tih chang ka nei ṭhin; Mahse, chu erawh a rei lo viau ṭhin thung, a chang leh Simon-a ngei ngei pawh hi a thik emaw tih tur khawp hian kan hnathawk tlâng hi a duh ṭhinlo; Mahse, phone aṭang ringawt chuan min control thei biklo a tin ni...!




Naupang school a ka dah fel hnuah U Mapuia'n Simon-a Caffè kawtah min dah in a let veleh nghal mai bawk a



"Morning Babe..." Rum zeta Simon-a melhin, "khatin min ko fo suh ka tih kha," Ala nui ang vur vur zuia, a ni tel mai hian a flirting skills hi a improve emaw tih mai tur a ni hepa hi...!




"Ni e, mi nu a nih kha.." Rang lutuk in ka inher nghal a, "OMG Jamie...." Alam a pan vatin ka kuah nghal thlawp bawk



Nitin call-in inbia in, in text ṭhin mahila, ka hmaa a dina, ka kuah thei chiah chu ka ngaihzia ka hre chhuak nghal vawng vawng mai



"Engtin nge a nih theih? Dec-ah a ni lawm ni rawn chhoh i tum?" Ka la kuah reng, ka ṭhiannu, ka neihchhun tak tak hi ka ngai ve êm a sin...!



"Nia, tum e; Mahse, ka kawchhung lamin min rawn nawr tawh sia..." Inla hrang pah a tih chuan en haw in, "eng nge awmzia.?" Kawngkhar a rawn ri tleng tlenga, Opa hmel ka hmuh rualin, "Op," Ti hú in Jamie-i chu ka en leha, "nangni hi...." An rawn nui chhuak hak



"Ummm, chuan nutei ini ṭep tawh...."



"MAW....?" Ka au ring lutuk chu hnathawk awm ve ho an rawn hawi zui nghal ṭhap a, ka kâ a rawn hup vat bawk, kei erawh chet mai nachang pawh ka hrelo


"I rai amaw..?" A bu nghat nghat a, engtik laiin nge an in ngaihzawn..? Lawkss... A bialpa Jay nen an inṭhen tih pawh ka hriat siloh...!



"Engtika thleng nge? Nilo, engtikin nge in nih..? Aaa.. Nilo, nilo, Jay nen engtikin nge in inṭhen...?" Thla 4 lek ala ni Mumbai kan chhuahsan pawh, engthil nge thleng zozai hi...?



"Pakhat te te in minzawt rawh," Tih leh chair awmna lam a min kaiin min ṭhut tira, Opa lah chuan nui ṭhû in minlo en ve bawk


Chiai lo chi ka ni hleinem, ngaihzawng tamtak a nei a, engtin nge tuna tak a rai theih ni...?



"Thla 2 leh kar 1 vel a ni ve tawh, a awmzia chu mizoram inchhoh aṭanga reilo ah kan inzui ṭan a," A sir a ṭhu Opa chu melh zauhin a nuih seih bawk... Arghhhh a hmangaih hmel leh tawh lutuk...!


"Tun ṭum chu i serious a ang," An pahnih a rawn nui hakin, "tehreng mai, zanin ah an in ah chaw kava ei dawn alawm, engtik nge chaw ei min sawm ve dawn, naute lawmna leh pasal neihtur lawmpui na ni pah fâwmin," A tih leh zat zat chuan ka hmui hnuailam tih pawrh khum tarhin, "engkim min hrilh phawt angai," Tih leh ka kuangkuah at a



Opa a ṭhutna aṭanga tho in, "Maya kal lawkna tur ka neia, ti khan lo inbe rawh u, Babe ka rawn let harlo ang," Tih leh Jamie-i chhipa fawp zauha min rawn en chuan ka meng kalhlui vel chu an nuih a za ngang mai, an nui ang hawk hawk a


"Ka birthday a i siam chocolate cake ang kha min siamsak teh, ka ei chak lutuk hi ka ngaihtuah zawng pawhin ka chil a pût rawih rawih thei," A kam a tep nghal chuap chuapa, nui sun sun in, "i vannei hle mai, nimin ah ka siam a, a bang ala awm a, Simon-a ei tur a ka dah kha kava la daih ange," Tih leh thawh ka rual a


"Engmaw..? Cake hi maw...?" A rawn chawi chhuak ve chiah chu lo ban vatin, "nidang ah ka siam leh dawn nia," Tih leh Jamie-i hma ah chuan ka chhawp nghal a, Simon-a pawh chu a nui huk ringawt, ka ṭhiannu raino hi a pawimawh zawk a tin ni..?



"Hmm i best friend a rawn haw a, Lal lohsa nak alaiin, khâp 2 velin ka tla hniam leh ta," Nui vur vura Simon-an a rawn tih chuan melh hrawkin, "i ṭawngkam uluk rawh," Ka khak leh hrâm chu nui ri hukin, "Jamie, i ṭhian-i hi min duh tur in lo hrilh angche, heta a rawn thawh a ṭangin Boss emaw anti vek tawh, ka duat zia i hrethiam mai em?" Mit siai zauh a tih leh a pensawn nghala


Jamie-i chu cake ei paha nui hak hakin, "ava lawmawm reuh tak, takin a eng nge Nathan-a nen in chanchin," A tih zawm zat chuan ka ner deuh nunga


"A ngai reng, hmalam kan panlo a, kan tawlh hnung heklo," Ka nui sak bawk



"A nupui hlui kha ka hmu a," Ka en kawk, "kan rawn haw hma... ti ila, Nathan-a Mizoram a rawn let hma deuh khan Angela-i te nen zanriah kan ei ho a, restaurant-ah a pasal hual nen kan hmu alawm, a chhelo khawp mai," A tih lai chuan a thusawi chu ka hresual emaw tiin, "Nathan-a lo haw hma a..?" Ka ti deuh hû chu min en in, "umm tinge...?" Nathan-a a rawn let tawh amaw..?



"Nathan-a Mizoram rawn let i hrelo amaw...?" Ka chhang mailo chu ring fahran a a rawn tih chuan rilru mâng vekin ka lu ka thing mat mat a, "ka hre hauhlo," Ka phun chhuak sap chauh a ni


A fian ken dawhkan a dah ri khapin, "karkhat ai a rei daih tawh angchu, enteh sawi ka tumlo viau na in, ka sawi a ṭulin ka hria," Tih leh a phone chu la kângin a hmet nghal mawlh mawlha



"Hmmmm, hrilhloh che ka tum nen, hria la ka ti," Tih leh ka hma a phone a rawn lek chhuah chu la in ka en a, ka thaw ka hip let kawk thei, ka thaw chhuak leh tawhlo ti ila ka sawi dik viau ang...!



"Hei hi..." Jamie-i chu ka en a, "Nathan-an a nupui hlui pasal hual kut a thlak lai a nih kha. Bakah, Nathan-a hi B-large neitu thar a ni tih kalo hre lova, Mumbai Times ah a rawn lang kha mak ka ti khawp mai a, " Cake chu a ei leh nghal tuam tuam bawk


Kei erawhin sawi mai tur pawh ka hrelo, engvanga kut thlak nge maw a nih angle..? Mi â leh insum theilo tak a ni lova, kut thawh mai mai chilah a ni heklo...! Engthil chiah nge maw thleng le...?



"Maya, ka sawi leh hrâm ang, i theihnghilh...." A tih laiin, "Jamie, ka hria alawm; Diktak chuan keipawhin khang thla 4 chhung khan ka mipa duh hi ka tisual angem tih ka ngaihtuah nasa ve tho a nia; Mahse...." Ka tawp deuh vang vanga, thaw la hakin, "Keimah a ka beidawn rât thlen hunloh ah chuan engthu pawh sawi mahla ka luhlul zia i hria alawm," Nui lui zeta ka tih zawm sap chuan min khawngaih hmel zeta min en vang vangin, "beidawng tawhla ka ti," A tih hap chuan ka nui chhuak hak a, a zatvang erawh ava nilo chuang tak...!



"Ka bei a dawng ṭep tawh maithei a sin, Opa te chuan palai te an rawn tir tawh em?" Ka tih zat chuan lu thingin, "nizan ah kan rawn thleng chauh alawm, zanin zanriah kava ei anga, ka rai thu te kan sawi angai angchu," A tih chuan nuih sun sun in, "hmmmmmm, pasal inei mai dawn a ni tih hriat chuan ka lungngai deuh," Ka ti chu a awih lo ngang mai..!


Ner nawngin, "Nathan-a min neihsan kha maw...!" Uar fe a a tih chuan ka nui ringawt a


Sawi tur kan ngah dun bawk a niang, ka hna theihnghilh ṭhakin kan inkawm nia maw le..!


"Babe i hman em?" Opa rawn lutin a tih chuan sana ka bih zauh, dar 2:30 lai a lo ri tawh chu ni in, ka tho thut a


"Naupang school bâng hruai ka ngai," Kan customers chu ho an rawn hawi ṭhap a, inthlahrung leh deuh chuan, "Simon vawiin chu off minpe law law mai rawh," Ka ti zui sap chu, za zet a nuiin, "i inpe tawh chu a nihber kha," A tih chuan ka nui chhuak ve hak a, a sawi dik viau mai, engmah ka ti hauhlo


"Khawnge i kal dawn, kan kal rual thei angchu," Op-an a tih chuan ka kalna tur lam ka sawi a

"Kan haw kawng tur tho alawm, kal rawh kan thlah nghal angche," Tih leh Jamie-i ṭhutna aṭanga pawt tho chuan kawngkhar lam a pan pui nghal a


"Simon vawiin chu min hrethiam mai rawh, min bân kherlo la," Fiam pah leh nuih tlawn paha tih leh ka bag chu la in ka chhuak ve nghal zat bawk, Simon-a nui ri huk chu ka hre hman hrâm




Naupang ho school gate kawta chhukin, "rawn len ve vat kan tum dawn nia, bakah ka ṭhian tur ini dawn a, kan rawn lang vat ang," Jamie-i hmel hlim lutuk leh inti thei lutuk chu ka lawmpui takzet, bu nghatin, "mark score ṭhat va tum viau la," Ka tih chuan a nui zui nghal awr awr a, "kan kal a nia," Ka bu nghat


Naupang ho pawh reilo ah an rawn chhuak sap sap, "Mamma," Min hmu chu an lawm ngang mai, an school bâng hi Faki emaw U Muani hlirin an hmuak ṭhin tawh a, a chang zeuh tihloh chuan ka hman tawh miauloh avangin ka hmuah duh viau mahse engmah an sawi tawh ngai biklo


"Mamma, hna i thawklo a mi, coffee zawrh i ngai tawhlo a mi?" Ka bul an rawn thlen rualin Brayden-a min zawt nghal zat zat a


Ka lu thing in, "ka bâng hma a, Bry, vawiin i fel em?" Bu nghatin, "Miss pawhin fel minti," A hawi vah bawk, nui var var a a sam atuaiin, "i fel alawm," Ka ti sap a



"Vawiin chu nangman a ni maw lo nghaka?" Ka hawi vata, Bryan te classmates ni ngei tur leh a nu, minbe tu kan lam rawn pan chu en in ka ding chhuak a, "nia maw le," Tih leh naupang kut a ka kai chu, "i fate em ni? Ila naupan hmel sia, aaaa... Ngaihloh lamah ngai suh aw, i hmel hi a naupang êm a," A tih leh chuan nui in, "lang naupang chi ka nih vang a niang," Nui sänga tih leh, "kal ang u hmiang," Ka ti chu, minbe tu fapa in, "Bryan te hi triplets an nia, mahse 'Pa an neilo' a ti kan Miss in, chuvangin hauhloh tur a ti, tiraw Brayden..?" A fapa chu ka en kawka



Ka hriat thiamloh leh ka inrin hma in Pa neilo anti chu ka na zek mai


"Bawihte..." A nu chuan a khak vat


"Daddy kan nei reng, alo zin ve lo mai mai a sin," Brayden-an lo ti let hlar in, "daddy chu hna a thawka, a lo kal theilo a sin, Christmas ah a lo kal ve dawn," Bryan-an alo ti ve vat bawka



"Ka tihpalh lutuk," A nu chuan ngaihdam min dil nghal mawlh mawlhin, a fapa hnungzang ah chuan a beng taih taih nghal a, ka nuih a za lova, ka hua in ka thinrim heklo, ka rilru in Nathan-a ânchhia ka lawh mawlh mawlh thung, a fate a ngaihsaklo riau in ka hre thar thut bawk



"A ho lutuk naupang mai alawm anla nih. Bakah, an Miss thiamloh a nih kha," Ka ti sep a, "Daddy..." Ka sawi zawh rual deuh thaw a Bryson-an ring lêng läwnga a tih chuan a kawhna lam chu kan hawi vat a



Bryan leh Brayden-a chu khek nghal raih raihin Nathan- a kan lama rawn pen pawk pawk chu mit khap fak fak leh makti zetin kalo en haw a


Nike T-shirt var thianghlim lutuk leh jogger kekawr, gray rawng ha in slippers pangai a bun bawka, inbual zo hlim tih hriat takin a sam la huh deuh chhap chuan a ti lang sexy zual takzet bawk


A lam pana tlân Bryan leh Brayden-a chu pawm kâng nawlhin, "in haw thei tawh maw?" Min rawn en a, nalh lutuk a vei nuih suk chuan a fapa te biang ah chuan a fawp zui zauh bawk


A hmelchhia emaw a tar ti tu chu an daw duai ang, kum 40 hmel a pu lo hrim hrim, kum 30 chho vel ti ila an awih viau in ka ring



Naupang pawm paha ka lama rawn pen chu school naupang tlema lerh hre ve deuh tawh leh fate school bâng hmuak tu tamtak chuan an en zui haw haw tih ka hmuh chuan ka lo chhuang ru nghal veng veng ringawt a


Nichin lawka ânchhia ka lawhna te kha a rawn chhem bo vek a niber, ka hre leh tawhlo hrim hrim zawk



"Eng nge ilo an?" Rawn ti thawp supin, Ka hma ah rawn dingin a kiai suk bawka

a rim pa hrak mak chu hip kawkin, ka thaw chhuak leh ham ham bawk, ṭawng mai nachang ka hrelo chu, "Mamma..." Bryson-a aw ṭêng zet chuan minti harh zawk

Nathan-an a hmui hnuai pet zeuha, mit hmul ti kâng zauh chunga nui ri suka minlo en ran chu thin phu dep dep a en chho hâ in, "kan ṭha," Ka lungphu phu nasa lutuk chuan ka lei a ti tawt tlat pek lehnghal



"Haw ang u hmiang," Bryson-a chu a en a, Bry lahin min kuah pahin, "Mamma nen kan haw dawn," Alo ti ve vat bawk



Bu nghatin, "Mamma pawh ka rualin a haw dawn si a," Tih leh ka in rinhma in ka chalah a rawn fawp zauh chu ka khawng awt thei, school naupang ṭhenkhat anlo rak ṭhat hlawm bawk a


Ka sa pup pup a, ka alh chhuaklo chauh a ni, ni lo, ka dinna hmunah hian ka tuiral mai dawn in ka hria


"Na.. Nathan..." Ka thaw em pawh ka hre tawhlo, ka hawi kuala, a mahlah chu ala nui ang vur vur zuia, eng nge maw a hriat le..?



"Haw ang u," Tih leh nui suka thle bakin a inher nghala


"Daddy minlo hruai dawn ami? Kan zin rei tawh e...!" Brayden-a hian kan zin emaw ala ti tlat peka, kan awm hlen dawn tih kan sawi zin vei tawh nen, ala hre theilo


Bryson-a kai chuan muangchangin Nathan-a hnung ah chuan ka zuia, "Mamma..." Bryson chu ka en vat, pawm beisei tih hriat tak a kut a rawn phar chhuah chuan nui pahin, "i kal thei reng sia," Tih leh pawm kângin, "i U te i awt a ni maw..?" A bu nghat a, a nui zui vur vur bawk, ava han cute tak êm...!



NATHAN-A...POV



"Tih ngaihna i awmlo, Maya-in Mizoram i thleng tawh a ni tih a hria a nih chuan a lawmlo khawp ang," Ka mu tur chu Henry-an phone aṭanga a rawn tih lang lang chuan ka nui ringawt a


"Naktukah ka haw dawn alawm, contract kha i kutah ka dah a nia," Tih leh min chhan na pawh nghak lem lovin ka off zui nghal a, ka tum ai hma in Mizoram ka pan a, ram leia, Wine company din ka tum avang leh ka ram lei tumna neitu hi khirh ve tak a nih avangin mahni ngeiin kal chilhin inbiakna ka neihpui a, karkhat chuang ka kal chilh ngat ngat hnuah nuai 70-in a hralh phal ṭawk lehnghal


Ka tumloh lutukin Mizoram a awm ve reng siin mahni in ah nupui fanau hmu theilo a ka awm reng phah ni...!


In ka thlen chuan Malsawmi nu leh Pi Siami, ka in enkawl tura Henry-a chhawr ni ngei tur leh nula 2 chauh lo awm chu enkual in, "khawnge naupang leh Maya-i?" Ka ti lut chu, "school anla bânglo a nih hi, Nathan i rawn haw hun tur i sawi si lova," Malsawmi nu chuan min rawn chibai nghal vat


Chibai letin, "nia, ka rawn tum teh thut a tin ni," Tih leh ka luggage nula tleirawl zawkin rawn la in min rawn nuihsang bawk a


Pi Siami'n an hming vel a rawn sawi chuan bu nghatin, "Pi Rem, ka inbual anga naupang ho chu kava lam ange, nangpawh chhuah i tum in ka hria," Ka tih chuan a bag ken chu en in, "nia maw le, ka nau te in ah zanriah ei ka tuma, zanin aṭangin kan in thar lamah kan riak lut tawh dâwn sia, ilo haw ta hlauh chu a lawmawm e, han inbual faila inbiak kan ngai a ni," A tih chuan bu nghauhin, eng nge a sawi dâwn phei chu ka hre na in, a hmel chu thutak viau mai


Kan room ka luh chuan ka hawi kuala, Malsawmi incheina in chhawp te leh a pheikhawk in hûng te, a bag inkhai hmuh te chuan minti nui suk suk thei, engvanga nui nge ka nih chiah pawh ka in hre bik hauhlo, ka hlim ru veng veng tih erawh chiang takin ka hria



Ka kawr hlipin bathroom a lut chuan ka inbual ser sera, karkhat chhung kha putar tihmawh leh luhlul lutuk mai thlêm nan ka hun leh tha ka khawhral a, ka chakna zawng zawng ka hmang zo emaw tih mai tur a ni


Ka inbual zo inhnuai a ka chhuk leh chuan tarmit vuahin ṭhutkhawmna a Malsawmi nu ṭhu chu en in sana ka bih zauha, choka aṭanga rawn chuak tleirawl, Faki, nita in ka hria, lo hûi ding chuan, "dar engzah ah nge naupang school an bân?" Nuisang in min en na in, a mitmeng a min beiseina chu ka hmuh hmaihlo nasa



"Dar 3 ah an bâng ang, ka hruai thei che...." A tih laiin ka kut ka lek kâng zauha, "Ka hria e," Ti nghutin Malsawmi nu ṭhutna lam pan chuan, "Pi Remi te chu inluah tur inlo zawng duha, hetah pawh inleng tho si a," A hma ah ka ṭhu thla a


A tarmit chu la thla a, a lehkhabu chhiarlai khupin, ka lam hawiin a rawm ṭhu ṭha nghal a


"Chutiang a ni thei nang, duh aiin kan fin rei mah mah zawk che u a, Nathan ka biak duhna tak che chu Maya-i chungchang hi a ni a," Min en kar a


Bu nghata ka ṭhut dan siam remin ka en ve ran bawk, "Maya-i tan chuan a Pa te rual ang lek lek ini a, ka dinhmun leh ka rilru chu i hriat thiam tho ka ring, hetia i fate enkawl a puitling ringawt tur chuan thil nithei pawh a nilo tih i hre tho anga, tuna kan Malsawmi awmdan en phei hi chuan hmalam hun han ruahman na em em pawh a neilo tih a hriat renga, U zawk inihna ang leh ka din hmun min hriat thiampui tur che in ka duh che a, hei tunah nangpawhin awmpui, naupang enkawl thei tur i nei tawha, naupang ho lah an lian tawh bawk nen, Maya-i hi chu kan hnena hruailet ve leh tawh a, school kal tir emawa duh zawng leh hmalam hun tur a rua hmanna neih tir a, mi nau awm ringawt a awmtirloh ka duh ve deuh tawh a, chumi chungchang ah chuan a nia ka biak duh che," Maya-i nu thusawi chu ka ngaihthla râna


Bu nghatin, "Pi Rem, kei leh Maya-i hi...."


"Tleirawl mai ala ni a, alo star ru ve deuh che a nih pawhin dawn sawn danleh tleirawl ah pawh a â chi a nih zia min hriat sakla ka duh a ni," Ka sawi zawh hma in a rawn ti zat a, za lo zeta kiai sukin, "Malsawmi thuthlukna tur ni in ka hria chu chu, a chhuah duh chuan dan theihna dan ka nei chuang lova," Ka tih chuan, "ni e, Maya-i pawh biak ka lo tum anga, ka rilru tur min hriat thiampui ka beisei vang che a nia ka'n biak hmasak che ni, a hnathawhna te ini a, hetia midangin pasal fanau nei ang mai an en te leh fa nei ang maia a khawsa hi tunah a tan pawilo mahse, pasal fanau, a chhia, a ṭha ala nei ve anga, harsatna a tawh phah ka hläu êm a ni," A rilru tur ka hrethiam mai pawh ni lovin, eng nge a sawitum ka chiang lutuk mah mah



Maya-i nen kan inkar hi sawilang lemlo mahse hriat erawh a hrethiam ṭanin, min pawmlo tih chiang takin ka hmu thei bawk




<>~>~>~>~>

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:04 pm

MY TREASURE
By
Floria Laldansangi



Chapter < 24 >



MAYA....POV



School-ah a rawn lang thuta, a mize dang ta thut te chuan min ṭhawng takzet, a hmel hmu in, lawm hle mahila, ka lawm erawh a famkim hauhlo, ka kaw chhung khawi emaw lai hi a thinrim in a in sawifiah na ka beisei viau bawk


Mahse, ṭawngkam khat pawhin khang karkhat chhung khan khawnge a awm a, engvanga In-ah rawn haw nghal lo nge a nih tih sawi a tum sawiloh, Mumbai aṭanga rawn thleng chiah ang mai a awm chuan min ti lawmlo takzet bawk



Car a khalh a, kei erawh pawnlam ka hawi ngar thung, ka ring ruh te ana kham zo, alama melh loh hram hram ka duh ve bawk nen....hahthlak hian...!


"Daddy, minlo hruai dawn a mi?" Brayden-a bawkin a vawi 3 nan a rawn zawt nawn leh chu hnunglam hawiin, "Brayden, hetah pawh ṭhian i nei nual tawh a ni lawm ni?" Ka tih chuan Nathan-an min rawn melh zawk tih ka mitsir in ka hmu thei



"Mahse, Arty-i ka ngai ve a," Tih niah niah a tawp datin, hmui ti pawrh tarha min rawn en chuan, "helai chu a nuam ka tilo e..." Ti leh deuh vawng vawng chuan a U chu a melha, "keichu nuam ka ti," Bryan lah chuan alo ti daih bawk, nui pahin, "kha i nau Bryson-a pawhin engmah a sawi ngailoh kha, tlangval zawkin haw i sawi renga," Ka tih chuan a ner nung lehta nghal a...!


Nathan-a rawn nui ri huk hukin, "nakumah, school in chawlh veleh kan zin dawn nia, bakah kumthar lamah chuan i ni te pawh rawn zin an tum alawm, takan a, ka nau nen in inbia em?" Min rawn melh zawk a, en pawh en lovin pawnlam hawi lehnghal daih chuan, "bia e," Ka ti bul tut a, biak zawm ka phurawmloh zia a hre ngei ang



Diktak chuan a in sawifiah emaw khang karkhat chhung kha khawnge a awm tih a sawilo a nih pawhin, engvangin nge Mizoram rawn la letlo ang maia phone aṭanga min rawn be ṭhin nge a nih tih tal sawi tur ah ka ruata, engmah awmlo ang maia a awm chuan minti thinrim in ka hriat thiam siloh in minti na veng veng mai


Car ding datah chuan hawi chhuakin Nathan-a lam ka hawi chuan mit zîmsan in minlo en a, kawngkhar hawna chhuk ka tum chu, "Malsawm inbiak kan ngai," Ti thûm dût a naupang lam hawiin, "Bryan, i nau te ho nen khan lo va lut rawh u, Pi Siami hnenah tifai tur che u in i hrilh dawn nia," Tih leh kawngkhar chu a hawng ri khepa


Ngawi rengin naupang ho chhuak chu ka en ran, ka biak peih vang a ṭhu ka nilo, naupang awmlai a in hnialpui emaw duhloh ka duhloh avangin ka ṭhu ve mai chauh a ni


"Engvanga lungawilo nge inih?" A hrelo tak tak nge a hrelo dêr zawk?


"Malsawm, ka biak che chu," Chhang duhlo leh A lam hawi duh lovin, kuangkuah at in lehlam ka hawi tlat chu rum ri hrawiha ka dar a rawn kuai her sawk chuan hnai lutuk ah min en a, "zawhna ka zawh che u," Chang fal mai a tih leh chuan za lo zetin ka nui hak a, ka melh ram ram bawk




"I zawhna ka chhang che anih chuan, min chhang ve thei dawn em ni?" Ka dar a vawnna ka melh zui zauh bawk, muangchang a min thlahin, "sawi rawh," Ti supin a ṭhu ṭha data


"Karkhat hmalam khan i rawn let tawh si a, khawiah nge i awm? Engvanga tuna rawn lang chauh nge inih?" Ka zawhna chu a hria em pawh ka hrelo, mit khap leklo a min en ngur ngurin a rawn nui ri huka


A hmui hnuailam pet zauhin, "hmeichhe dang in ah ka luh hmasak i ring em ni?" Ka fiamthu hauhlo, fiamthu hun pawh a nilo



"Lalhriatpui..." Vin hlar a ka lo tih let chuan thaw la deuh kawk a la nui sun sun pahin, "Sairang ah ka tlang maw le, ram lei tumin a neitu ka zu riah chilh, ti khan i lungawi tawh em?" A thle deuh bakbawk a, ka la en rawm rawm vanga rawn nui chhuak hak hakin, "tak tak alawm, nupui thikthu chhia ang mai alawm inih, i lungawi tawh chuan kal tawh ang le," Tih leh kawngkhar hawng a chhuah a rual nghal, ka hlim nghal veng veng chu a mak a ni



Nui ru sun sun a chhuak ve chuan Nathan-a in lam pan pawk pawk chu ka zui ve nghal dat dat bawk, ka lawmlohna te kha a in sawifiahna ho te leh tawite khan a vawmbo hneh lutuk mah mah, rinhlelhna pakhat mah ka neilo bawk


Mahse, lungawi angin kala lang duh bik ṭhaklo, inchhung kan luh rualin, "U Muante naupang hi lo tifai la, damdawi ilo pe mai dawn em ni? Ka nuamlo emai ka han mu zal ange," Nathan-an min rawn en vat, haider harsa ka ti ṭhin; Mahse, ka melhlo lui ve tlat


"Han mu rawh, kanlo buaipui ang," Pi Siami zawkin a rawn ti vata, inchhung lam ka pan tur chu Nathan-an rangzet a min rawn zuiin, "i englai nge na?" Ka chhanglo


Inchung lamah ka pen chho hmawk hmawk a, min zui ve zel bawk a



Kan room ka lut tur rawn luh ve a tum chu kawngkhar vuan ran paha in herin, "eng nge i duh?" A khabe hnuai aṭangin ka en chho rân a, a mit hmul kan ak in, "lungawiloh na dang ineih chuan sawi rawh," A hmui hnuailam a pet zauh bawk, a vahan chhelo tak... Arghhhh hunlo thei



"Ka nuamsamlo ka ti mai alawm Nathan; Bakah, lawmlo turin i engmah ka ni hleinem, a ni lawm ni?" Ka ti ve deuh kher chu nur nghal nungin, "Malsawmdawng..." A ti bul hluka



"Kalsawn rawh, mut ka duh...."


Room a min nam lut khut khutin, "i room chauh a ni bik hleinem, mut ka duh ve tho alawm," Tih leh inherin kawngkhar chu a kal zui zat bawka


Phawk fe a en in, "Nathan room min ṭawmpui dâwn amaw...?" A kiai suka, "nupa chuan room an inṭawm tur a ni lawm ni?" A thle bak bawk



Lalpa...! Ka lungphu hi...! A rawn rang lutuk mah mah, ka thawk lak sak nghal ṭalh in, a nupui ang tak takin min en ve se tih ka lo beisei ru nghal ringawt bawka



"Mahse, nupa kan...." ka tih laiin, "i nuamsam lo a ni lawm ni?" Tih leh hnung zawnga min nawr kal dawt dawtin khumah chuan min nam ṭhu hnawka



"Mu ang," Ti ta deuh deuh chuan khuma lawn thakin min kuai mu nghal zat bawka


Chet nachang pawh ka hrelo, ka lungphu rang lutuk chu ka thlanfim te a rawn bawl nghal ṭiam ṭiam thei



Vawi tamtak khum khata mut a, a bân bul lianzet mai khama muthilh diai diai te ka suangtuah ṭhin, mahse, hetiang zawng nilo hian...!


Ni e, tuna ka chunga ṭhat a chhuah chhan hi engdang vang a nilo, a inthiamlo leh ka laka inthlahrun vang chauh a ni tih ka hming ka chian tluk hian ka chiang êm a tin ni...!


"Nathan..."


"sihhhhhh.... Ṭawng tawh suh, muhil rawh, keipawh ka chau," Tih leh min rawn kuah nghal hlu hlu chuan ka hnungzang chu a beng thak thak bawk a



Ka thaw em pawh ka hrelo, ka lungphu ri chu a hre thei hial in ka ring, keimah ang bawkin a lungphu a rang ve nge maw ni? Nge ka chiai in ka hresual zawk pawh ka hre nek love


Tihian muhil turin minduh amaw? Ka taksa ṭang ṭûng leh kawchhung khur ru dar dar vang hian ka thi mailo ang tih pawh ka sawi theilo zawk chu a nih hi...!



Mahse, a taksa phiarfat mai leh ruh ṭal maia bei hle hle chu a thlamuan thlak takzet, chutiang bawkin engmah in minti na theilo emaw tih a awl em em in ka hre bawk, lei vanram, a ângchhung ka lo suangtuah ṭhin angchiah kha a ni, a pangti lumin min ur er er maite chu mumang a ang lek lek zawk alawm, khang hun chhung zawng zawnga ka beihna te kha a thlawn hauhlo tih min hriat tir a tum a ni mahna



Engtik laiin nge ka chhîn ka hrelo, ka hmui chu hmui lum ther therin a rawn dai de de tih ka hre thei; Mahse, min kuahbet tu leh ka rim hriat hi men san atan chuan a uiawm mah mah, ka meng phal lo a ni


Ka hmui chu dimte in a fawpa, tisa chakna erawh a tel hauhlo, mipa in a hmeichhe hmangaih a fawp vawng vawng ang hi a ni


ka hnar a fawp chho in, ka chalah a hmui hnawm chap leh lum ther ther chuan a fawp lum veng vengin, "engtin nge ka tih angche..?" A ti zawi sup bawk



Eng nge a sawi awmzia ka hrelo na in, eng emaw ah rilru buaina a nei a ni tih a aw chhuak ah ka hre thei thung



A nui ri suk te chuan ka kawchhung a fan in min hneh rawih rawih tak a ni


A hmu chha lam lek lek, lum ther ther bawk chuan ka hmui a rawn fawp leh vawng vawng a, min tih harh hlau zeta a bân ka khamna chu la in, dimtê in ka lu chu a siam rem a, "sly fox..." Nui ri suka a tih chuan nalh viaulo mahse ka hlim veng veng tho mai



Khum aṭangin dimtê bawkin a chhuka, eng nge a tih ka hrelo, ka muhil der tlat a, ka bul hnai ah a che rak rak tih ka hre thei



Kan room kawngkhar rawn in kik ri kharh kharh ka hriat chuan men mai ka tuma; Mahse, Nathan-an rang zeta kawngkhar lam a pan thawm ka hriat zui zat avangin ka mu ṭha sat sat thung


"Ka hria e," Ti ri leh kawngkhar in khar ri ka hriat rualin room chu a reh nghal dûk in ka hria, nui sen sen in muangchangin ka menga, nui vur vur in ka hmui chu dimtê a khawihin, "i thinlung ngei i pawm theihnan ka siam dawn che alawm," Ka rilru in ka ti nghal sap bawk



Tuna a awmdan khan engtiang a sâng ah nge beiseina min neih tir a hrethiam pha tawp nang...!

"SLY FOX maw...? Nangmah kha ni awm zawk tur tak ini, a ruk a min kiss te chu a," Hmai sa hat hat a ṭhu chhuak a, lai lek lek a ti chhuakin thaw ka'n la deuh ham ham bawk a


Khawvel tharah min hruai ta emaw tih mai tur alawm


Muthilh ngial pawh tum dawn ila ka thei tawh dawnlo tih ka hriat avangin khum aṭanga nui sen sen chunga chhukin, in hnuailam ah rawngbawl pui turin ka chhuak nghal a



Inhnuai lam ka pan laiin Eunice-i a rawn lut ve chiah bawk, "zanriah hetah ei leh rih ka tum a," A rawn tih luh chuan nui pahin, "putea te in ah i zui ve nange?" A lu a thing mat mat a, "Lalrinkimii nen kan awmdun chuan kan in khawih duh tak tak mai ang," Tih leh, "pawnah Nathan-a te chu an ṭhu, lova chhuak ru, a nuam zawk, toilet ka kal anga ka rawn chhuak ve ang," A tih chuan ka bu nghat a, mak tak maiin Eunice-i tumah hawtu emaw huat nei ngai lemlo kha, a cousin amah ang rual vêl nen hian an in ngaih theilo reng reng, mak tih pawh hian a hrilhfiah meuhlo chu a ni



Zan lamah an in luah tharah lên phei ka tum tho tho a, kan kal tlang anga a ni mai, a pawi tawplo, diktak chuan ka nu nau te in a luh chhen hi keipawhin nuam ka ti miahlo


kawngkhar lam ka pan chu Bryan-an, "Mamma minlo pawm," Tih leh ka hmaa rawn dingin a kut a rawn phar chhuak a



Pawm hi a ngen khat êm avangin hnial lemlo chuan pawm kângin, "i rit tawh hle mai," Ka ti zui sap bawk, a nui zui ve ar ar mai, a pa rawn haw chu a lawm ve viau a nih ka ring, a mitmeng dum fiah zet mai de sar sar ah hian a lang thei




A rit tawh tak tak bawk, kumthar maiah kum 6 an tling ve tawh dawn, Bryson-a tihloh hi chu an pumrua a ṭha thur thur si a, duh duh a pawmkawi mai mai theih pawh an ni tawhlo



Nathan-a te ṭhutna lam ka pan chuan Henry-a ṭawng ri ka hriat avangin ka ding deuh dat a


Nathan-a erawhin min hnung chhawn zawnga a ṭhut avangin min hmu maiin ka ringlo



"Naupang angin i en tak tak tih i chiang maw? Naupang angin en ni la, i fate enkawl turin i duh dawn emaw nile...?" Henry-an nui vur vurin a zawta, Nathan-a chu nui ri sukin, "i hria alawm, naupang mai a ni tih chu," Ti supin, "kan inkar chu paper pakhat ve mai, Employees leh Employer ang chauh a ni," Atih zawm lehzat chuan a kut lawngin ka lungphu hi a rawn phawrh emaw tih mai tur a ni



"Paper maw..?" Ka thin zawn thip veng veng chuan thawk a ti harsa takzet

"ok ok, engtik thleng nge kha aw ki kha i hman theih dawn ka hre chak a ni," Henry-an tih leh, "Eunice-i saw min tihpui teh," A tih zawm supa


Chet nachang pawh ka hrelo, Bryan pawm chuan ka ding reng ringawt a, Nathan-a thusawi chu ka bengah a ri tluk tluk a ni mah zawk, Employees leh Employer anglek a kan inzawmna hi a ngai a nih si chuan nichin maia a thiltih kha eng nge nita ang...?



"Kalta che..." Ka harh zawk, Eunice-i lam hawiin, "lawk.." Ti sapin Nathan-a te lam bawk ka hawi leha, "Mamma..." Bryan-an a rawn tih chuan, "reilo te Bryan," Ka tih zawm sap bawk



"Bel chiang hmasa phawt teh, tunlai hmeichhia chu pawnlam landan aṭangin hriat thiam an har a nia, Mizo hmeichhia pawh sum men in an men tawh hi, sum a awm chuan ani ai ṭha pawh i man thei hrim hrim ang....." Nathan-a thusawi chuan min khei zak, nichin maia a thusawi mah tih nak alaiin, ka unaunu leh ka hnam a sawi duhdan chuan ka thin a ti thawk thut mai


Bryan-a pawm chunga an lama pan pawk pawk in, ""Kha.....! I fate hnap ngah leh ṭahbelh, luhlul bawk si te hi pawm rawh," Ti vak chuak Bryan ka pawmlai chu Nathan-a mal ah ka nghat chawrh a

Phawk fê in a ṭhianpa nen a min rawn en chho chu melh ram ram pahin, "ka hna hi ka bânsan, ka hnam min hmusit tu inchhung ah awm a, i fate kum 4 chhung ka enkawl a ni tih ka ngaihtuah hian ka thinrim lutuk hi ka puak kehlo chauh," Ka thinrim lutuk vangin ka khur lo chauh tak tak bawk a ni

Inher sawk a, pensawn ka tum chu, ka duh tawk kala ngahlo tlat, ka sam ṭawn san vah mai phe suau a inher lehin, "Mizo nula, keimah CHAWNGTHU nula in i fate pathum(triplets) hi ka enkawl seilian a ni tih hria angche.... LION," In sehruh lutuk a tih khum leh vak chuan a bul a ṭhu a ṭhianpa nuihza in sum fê a hmui hup tlat tu chu melh hrawkin ka ding ngil a

Ka sam, ka hmai zar tu chu hui kiang sawk a dak vahin, "ka puihna min dil tawh suh angche, i hria em...?" Ti leh nghekin inher vahin, ka U bân rek a man chuan gate lam ka pan vawh vawh bawk a

Mizo hmeichhia chutiang mai mai a min chhuah khanglang ni, a nupui hlui ang mai mai turah min ngai chu, ka taithei dêrlo

Ohhhhh.. Amah Nathan Lalhriatpuia lellul pawh saw, a nu Pakistani, a pa Mizo a ni ve tho alawm, a awmzia chu Mizo pa a ni tihna a nih chu...! Mizo mipa in a a hnampui hmeichhia chuti tehvak a a hmuhsit chu ni...! Arghhhh ka thin a rim lutuk.....!

ka duh tawk kala ngah hauhlo, kala tawt ṭûn mai, gate ka thlen tawh hnu chuan ka inher leh ngat a, "Lalhriatpui i nupui hlui kha Mizo hmeichhia ni lovin Gorkhali hmeichhe nasa leh zaktheilo a nih kha," Ka ti leh vak a, ka thaw chhuak zui ham ham bawk

Ka duh tawk a ka auh khum leh vak chuan ka thawl hawk a ka hriat ni... A manhla mah mah

Ka awmdan tih ngaihna vak a hrelo tih hriat takin, mit khap fak fak a min en chu rum mang kheng a melh hrawkin, Gate sir a mihring luhna tur tawk a an siam ah chuan ka U chu pawt chhuak rawk rawk in, na tawwwwwkin thir kawngkhar chu ka khar ri bur bawk a

Kan hnunglam aṭang a, "Mama, khawnge i kal dawn?" Brayden-a aw ka hriat chuan ka thil tih chu a dik ber em tih ka ngaihtuah zawk; Mahse, ka tih chu ka tih tawh a ni. Bakah, hmeichhia anga min enloh chu thu hran, ka hnam min hmuhsit tu mipa ka chenpui theilo hrim hrim

Brayden-a leh Bryson-a ṭap ri ka hriat chuan inher a pawm leh mai ka duh; Mahse, tlawm ka tum bik aw zawng tawhlo mai, a nupui hlui ang mai mai kan nihloh zia hi hriase ka ti a ni mai

"Hnamchawm zawk lehnghal," Ka ti leh sup chu Eunice-i in nui tut tut in, "i fate saw i kalsan thei tak tak ang maw?" A rawn tih chu rum tawk a melhin, taxi kawngkhar hawng sawkin, "ka fate an nilo," Ka ti vak a, ka ṭhu lut zui zat bawk ; Mahse.... Fa pawh nei ve ila, an ni pathum ka hmangaihna ang bak a hmangaih leh chuan dan a awm in ka ringlo, ka ṭah nuih suk a, zawi muangin kan tlan pelh mek in lian zet chu ka thlir leh hrâm bawk




"Nathan-a thusawi kha i thinrimpui tak tak nge ka rawn hriat ve hmanloh thildang in ati thinrim zawk che?" Uluk fe a min en chunga a Eunice-in a tih chuan ka mittui a rawn hnâm zui ṭiam ṭiam a


Theih tawpa dan tumin ka khap fak fak bawk; Mahse, ka dang hnehlo deuh chu a ni, "ṭap suh Maya, ṭap suh, i mittui a phulo, hmeichhia anga en ngailo tu che a nih mai bakah, i hnam hmusit tu a nih saw, i mittui a phulo," Chu chu ka rilru in ka sawi mawlh mawlh a; Mahse, engvanga ka mittui hi rawn luang chhuak ta nge a nih...?


"Maya...!" Eunice-i chuan mak mintih hmel takzet


Ni e, ka mittui hi mipa vanga a tlak a ring bik tawp nang...! Nathan-a vang nge ka ṭah a, naupang ho vang pawh ka inhre bik neklo; Mahse, ṭah chhuah vak mai ka duh a ni



Ka lama rawn tawlh hnaia a ka dar a rawn kuahin, "a ṭha vek mai ang, a hmingin a nupui ini tawha, a rawn pan em em angche," Eunice-i thusawi avangin ka ṭhu ngil nghal awt thei


Engtin nge a hriat...?


Mittui nen a en haw chungin, "engtin...." A rawn nui sun sun a, ka chal a rawn kawk deuh sawkin, "mi â ah min ngai em ni? Min bum theih i ring emaw ni?" A nui vur vur tho



Ka ṭah a rawn chhuak nghal em em mai bawka, min hrethiam tu leh min hre chiang tu neih hi a nuam a ni


"Eunice..." Ka ṭah nuih hak a, za lo tak a ni


"Engkim a ṭha vek mai ang," Ti leh sapa alam a min pawtin, a dar ah ka lu nghatin mit ka chhing vang vanga



"Ka chau a ni," Ka phun chhuak sap, ka chau takzet a ni...!



"Eng hi nge ka beih hram hram chhan leh engvanga beisei nei tlat nge ka nih ka hrelo Eunice, a ṭawngkam khat lekin beiseina sâng takah min hlang kaia, rangtak in min pawt thla leh thuai ṭhin bawk ; Mahse, chuti chung pawh chuan ka dawh theihna leh beiseina, keimah a hmangaihna a hmuh beisei in nui hmelin kala hma chhawn hram hram ṭhin a. Mahse, tunah erawh ka chau a ni, ka ta ni ngailo tur ka ta nih tir ka tum tih ka hre chhuak chiah bawk ni in ka hria," Ka sawi zawngin ka mittui a rawn luang ngiai ngiai bawk a



Taxi chhung mah nise ka insum theilo, heihi a ni ngei ang Jamie-in alo sawi lawk a, ka tawn a hlauh em em chu...!


Ka ṭap khur dar dara, ka darah nghet lutukin Eunice-i min kuah ran bawk, ka âwm zawn hi pawhsawm ang maiin ana thîp vawng vawng mai



Hetiang tak hian ka na ang tih kha in ka kalsan leh pen chhuahsan lai pawh khan ka ngaihtuah phalo hrim hrim


Ka na a, ka khawvel chu thawk leh khata lakbo daih ang maiin ka â vek a ni mai...!





NATHAN-A......POV



Ka thusawi zawng zawng kha a hria a ni tih hai rual a nilo, a mit a natna te leh beiseina hlohna te kha chiang takin ka hmu a ni


Malsawmi'n thinrim taka gate-a chhuahsan chu ka en hau ringawt a, pawh din ka duh ; Mahse, a mit a natna khan minti che thei hauhlo thung



Naupang ho in an um zuia, an auh lawm lawm pawh chu vawikhat pawh rawn hawi let lovin taxi ah a lut hmak chuan min ṭhawng ve det bawk, a chhanchu naupang in an auh chuan, an auh let ve mai ka ring kha a nia...! Ka tisual a ni tih an tlânliam rualin ka hre chhuak chawp chilh nghal bawk



"A unaunu emaw Mizo hmeichhia i sawi vanga thinrim chu a ni hauhlo tih ka hre thei," Henry chu a rawn nui var var a, kei erawh a vawikhat nan tak meuh meuh ka mang a ang ru nghal nia maw le...!


"Daddy, Mamma kha khange a kal dawn?" Bryan chu ka melh zawk, chhan mai dan tur ka hrelo



Bryson-a leh Brayden-a an rawn ṭap zui uah uah bawka, engthil nge maw ka tih dawn le...?


"Pi Siam... Pi Siam," Pi Siami leh Muantei rawn tlan chhuak chu, "naupang hi hruai lut rawh u," Ka tih rualin an ṭap ring ang tulh tulh zuia



An pathuma an ṭap zui uah uah mai chu men ngaihna minti hrelo dâwn alawm le



"Bawiha, hmeichhia hi i hre chianglo a ni, vawikhat an beidawnsan tawh leh 'a tawk' an tihsan tawh lakah vawikhat pawh hawilet lovin hmalam an pansan thei a nia, mittui leh thinlung kehchhia a hmalam pan dan an thiam tawh chinah chuan hlauh an nei tawh ngailo, hmangaihna ah chuan mipa aiin an nunrawng theiin, an huaisen thei a, an luhlul thei bawk, in ngaihtuah chiang rawh, a beidawnsan che chuan chance inei dawnlo a nia," Ti deuh dap dap a tho nulhin, "ka hawsan angche, tikhan engtin nge i fate 3 hi Maya-i tel lovin i enkawl dawn tih pawh hriat a chakawm a läwm mawle," Nui vur vura tih leh a pensawn nghal a


Naupang ho lah chu a khekin an khek emaw tih mai turin Malsawmi an au chah chuah bawka

"Ohh.. Bawiha, i cousin Simon-a khan Maya-i hi ata ah siam ngei a tum tih i theihnghilh palh ange?" Rawn ti leh lang langin car kawngkhar hawng chuan a ṭhu lut zui zat bawka


Ka rum nghut thung, Simon-a hming alam rilo chung pawhin tih hmasakber tur ka hrelo a nia, ṭul lo lutuk mai

naupang ṭap tih ngaihna hrelo zeta en tlawk tlawk chuan ka âng hau ringawt a


An ṭap ri te chuan rilru fim pawh minti hman tir thei hreplo...!



<><>~>~><>~>

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)