My TREASURE S1 By Floria laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: My TREASURE By Floria laldansangi (Completed)

Unread post by Ngaia » December 31st, 2020, 5:00 pm

MY TREASURE
By
Floria laldansangi



Chapter < 13 >


MAYA...Pov

Current a ên tak tiar ah chuan rangzet in Nathan-a ka kuahna thlahin, ka per sawn nghal dawrh bawk a, a nuihza hmel chu ngei tak ka ni, a nui tuh tuh chu a ngalchar ah ka pet tak tak zawk dawn emaw ni le..?

“Khati khan min en suh,” Ti hlar chung a pensawn ka tum chu kawngkhar a rawn ri zui dawt dawt a

“Maya, Maya...” Nunhlima aw ṭeng zet mai kan hre zui zat bawk


Nathan-a nen a in en haw chuan rang lutukin kawngkhar lam ka pan nghal a, hawng rawk rawk in, Nunhlima chuan mi rawn bawh nghal thlawp, a rui lutuk chu amah pawhin a ding ngil theilo hrim hrim

“Nunhlim... hey....” ka sâwi a, “Maya, a chhan i sawi chiang theilo em ni?” A riat nawk nawk, ka dinna bula Nathan-a rawn ding tum run mai chu ka melh chho ṭawk ṭawk a


“Eng nge zanlai ah i rawn tih, haw rawh,” Nathan-a chu ka melh vak, en hrim hrim pawhin a mahin a in saseng theilo tih hriat reng reng a


“Sofa ah min kuah phei pui teh,” Minpuih duh ka ring chuanglo na in, keimah a buaipui atan a lian in a rit mah mah


Minpuih tumlo zetin Nunhlima chu a melh run run ringawt lehnghal, a hmel chang rût mai chu a rapawm lek lek bawk, nichin mai a, a nuihza hmel kha chu chhembo daih ang a ni


“Nathan, amah a haw thei a nihloh hi,” Ka ti leh hak a, Nunhlima lah ka tan a lian si, a riat a, a kut a rawn vai ve chhen phei chuan ka tluk pui lek lek zel bawk nen


“Helai hmun a rawn thleng thei a, a kal thei tihna a nih hi,” Ti leh ṭalh chuan zo zetin a rawn tung tho nawlh a, sofa lamah a hnuh a hnuk ti tih a kuah phei chuan a hnunglam ah ka nuih sun sun a, ngaina lo viau mahse sawtiang sawn a haw tir dawnlo tih ka hreng rêng a ni



Sofa ah chuan a theh ri awk a, “dîm ve deuh ta che mawle, iti na a nga sin,” Ka tih rual in min rawn melh hrawkin, “a buai mah ka buaipui peih,” Ti bul nghut a pensawn a tum chu ding datin min rawn melh leh hrawk a, “hetah riak turin i ko em ni?” Ka sa lehnghal phat, engang hmeichhia ah nge maw min ngaih hrep le..?



“Mi zawng zawng hi nang ang a rilru tenawm pu an ni veklo,” Ti hlar chuan melh vakin Nunhlima pheikhawk phelh tum chuan ka ṭhu hniam nghal a, a rum ri nghut chu ka hre thei


Ṭha deuh a inbiak tum pawhin ka thin tih rim dan hi a thiam reuh lutuk a, a hmelṭha tak ah sawn ben sawk a nia ka duh ṭhin ni


Sofa a Nunhlima riat nawk nawk chu thaw hakin kuangkuah at in ka en vang vang a, ani leh nilo ang mai a ti tak a rui chu mak ka ti letling viau bawk. Nge ni a, kei hian ka tumloh tawpin a rilru ka tina em ni le..?


Mahse, hmeichhia zawk ka nia, rilru na zawk tur ka ni lawm ni..? Ka lu ka thing nghal nawk nawk a, ngaihzawng ka ṭhen hlim hlawl a, a zui rui ka buaipui ala ngai zui a nia lehhh....! "Ni e, i rilru ka ti na ni zawk mai teh se a," Ti sap a ka inher chu ka hnung ah kawr pawh ha lo, boxer chauh ha chung a ding run mai Nathan-a ka hmuh chuan ka rak ṭhat a, ka phu nasa lutuk chu ka lungphu zawn ka dawm nghal vawng vawng bawk

"I mawl em ni Lalhriatpui...?" Ka ti vin hlar bawk a, min ngai pawimawhlo tih hriat takin, a tui bottle ken lai herh hawng a in nghal zauhin, "in room kalh angche," A ti nghut chu rum tawk a melhin, "kawr te ha ta che, i chhe lellul lutuk mai, zahna hrelo lutuk," Ti leh hlar hlar chuan, a taksa in phiar sek zet mai, nisa hnuai a hnathawk ṭhang emaw tih mai tur a, a vun eng mar ṭhat chu ka en thla dan dan a, ka chil ka lem deuh khalh bawk, taksa nalh tak a ni, zep tur a awmlo


ka lungphu zet chu lehhh...!

"Ni e, a taksa vang a nilo, min tihphut lutuk vang zawk a ni, ramhuai ang maiin ka hnungah alo ding a tin nih kha... Thaw la rawh, Maya," Ka rilru in ka phun nghal mawlh mawlh bawk a

engtin nge hetiang em em a taksa nalh hi a neih theih a, Drama a changtupa te taksa ang mai alawm, Joss Way-Ar taksa ang chiah a ni, ka mit ngeiin, ka khawih phak a awm mipa taksa hetiang a hnai hian ka vawikhat hmuhna tak tak a ni, chuvang te pawh a ni mahna, ka lungphu a ran ni

A ni ngei ang..!


"Engthil nge i ngaihtuah?" Nathan-a aw thum zet mai chuan minti phu nghal zawk


Lalpa lehhh...! mit zîmsan a min rawn en in, "ka taksa hi i ngaihtuah chhunzawm lo angchu tiraw?" A vahan in dahsang larh larh tak


"I Â EM NI...? Ngaihtuah tham taksa ineilo," Ka chhang rang mah mah. Ka inrin hma in ka chhang leh ta...!


A kiai suk duh chauh lehnghal... Arghhhh Ka â zawk ni tehse


"Kawr ha lovin inchhung ah awm tawh suh angche," Hawisawn hmak in, ka ti ram deuh hmak a, ka melh lehnghal zat tho, a taksa nalh zet mai, current eng hnuai ah chuan alang nalh leh zual emaw tih tur a nalh chu hawisawn san atan chuan a uiawm mah mah a tin ni...!


A taksa chu bih zauhin, "ka inchhung a ni a, ka fate vek in ni bawk, zah chhan tur ka nei em ni?" Hreptak chuan a..! A hmelṭha takah hian ka beng tak tak dawn maw ni le..?


"I fa chu ka nilo deuh ang a, i...." Ka lo ti let nghal hlar chu ka thusawi pawh ngaithla zo lo a mit mintih zîm khum leh sân in, ka lam ah a rawn pen hnai hrut a, ka thaw hip let kawk a, en kawk in, ka tawlh hnung dat bawk


Ka lungphu hi, a ran mai bakah a sa hat hat nia maw le..? Damlohna ka nei em ni? Zanin ringawt pawh hian ka lungphut dan hi a danglam zing lutuk, in entir ka ngai a ni



Heart disease te hi ka neihloh hrâm ka beisei, thi hman kala ni lo


Chiangzet leh mit zîmsan a min en run run tu chu thawk pawh thaw ṭha ngamlo a en kalh in, "e... E...eng nge i duh?" Ka ti bah nawk chu nui ri huk a ding ngil in, "ka fa angchu ini alawm," Nersawk a tih leh sofa a mu, Nunhlima thaw ri sawk sawk chu en zauhin, a rum nghut a, a tui bottle ken lai ka kut a rawn hmehbelh nawkin a pan nghal zat bawk


Engthil nge tih atum tih en tumin ka inher ve vat bawk a, sofa a mu Nunhlima chu zo zet a a kuah tho nawlh chu, "khawnge hruai i tun Nathan?" Ka lo ti vat, pawnah dah te a tum chu a ni êm lo maw...?



Min rawn melh deuh hrawkin, "lungngai suh, i bialpa chhete hi ka ei zo lo ang," Ti bul deuh nghutin a pensawn pui nghal zat a, a room ah a luhpui chuan ka nui chhuak sak, sofa a mut tir chu a ngaih a ṭha zanlo a nih ka ring


Min ngaihtuah a nih chuan, ṭha tak a sawi ve mai tur a nia.. Hmmm...!


Zing dar 6 a pel thuak vel ang tih ah ri rak rak ka hriat chuan phak zetin ka meng a, sana en in thaw hak in naupang ho melh kual leh te te a ṭhu chhuakin, kawngkhar lam chu ka en a, Nathan-a nge Nunhlima zawk ni pawnlam a ri rek rek chu ni


Khum aṭang a tho chhuakin, room chu ka chhuahsan a, bathroom ah lutin ka in phihfai sawk sawk bawk


Choka a lut tlang chuan, Nathan-a chhuah inpeih at chung a tui lo in khawlh khawlh chu en in, "khawnge zing zingah i kal leh dawn a?" Tih leh tuilum chu inthlut in ka in ve nghal zat bawk



Min chhanglo in ka che vel chu min en reng tih ka hria, "kha, in rawh," Tih leh khawizu tui ka siam chu ka pe a


La mai lo chuan minla en run run reng ringawt lehnghal, "i induhloh chuan a pawilo," Ka siam sak mah mah, ban ve mai tur a nia, he Lion ka mil loh zia chu pui tak a ni


A mizia lah hi 1sec lek lek chhungin a in thlak ang zung zung a, mize nghet neilo leh lutuk mai, chhe ren run si


Khawizu tui lak let ka tum chu a rawn ban sawk a, a tlak nghal pawp bawk, mit khap fawk fawk a ka en chu, "i bialpa tan i siam emaw ka tia," Ti sup a dawhkan a no a dah chuan rum mangkheng in ka melh vak a


Amah leh keimah chiah choka ah kan awm a, thawh pawh la tho lo tan chuan nge maw ka siam ngawt ang le...? He mihring mizia hi ka hrethiam ngai dawnlo chu a nih hi


"Awmsawn teh," Ti hlar in a din na aṭang chuan ka pawt sawn a, a lian si, a säng bawk si, choka tet sa nak alaiin, a ti te lehzual


"Engmah tih tur ineihloh chuan chhuak tawh rawh," Ka ti leh nghat a, a nuihzat chhan ka hre leh tawhlo, a nuihza hmel in sum ṭha zet mai chu ka melh khai khai a, a, a hmui hnuailam seh zauhin, dawhkan a a no dah chu ka lam a rawn nawr hnaiin, "min siam leh thei angem?" Thawp sup a tiin, a kiai zui suk bawk


A vahan hmelṭha tehreng êm....!

Dak vah a, ngaih pawimawhloh hmel zet a en kalh a, a no chu la in ka siam lehnghal rak rak a, a mize mak tak mai hi hriat thiam a har lutuk mah mah a ni, nichin maiah run lutuk in min en a, ṭo ruah haw tur ang maiin a hmel a dur khup bawk, tunah min nuih leh ang vur vur bawk a, putar mizia a ni angem..? A ni a niang

.
.
.


Nathan-a chhuah hnu ah sofa ah ka lo chhing leh sek a ni ngei ang, ka dar ah tu emaw in rawn sawi dat dat in, "Maya," A rawn ti sep sep a

Mit phak chuap a meng chhuakin, "Nunhlim," Tih leh ṭhut ngil ka rual nghal zat bawk


Nui var var a ka sir a rawn ṭhu thla in, "nizan ah ka tibuai viau che em?" Inthlahrung tih hriat zet a tih chuan nuih sak a en in, "teuhlo, i ṭha tawh em?" Ka tih rualin Brayden-a rak ri ka hriat chuan choka lam en vat a thwh ka tum chu


"An infiam a nih kha, dawhkan a ei tur i dah kha breakfast a nih ka ring, ka pe ringawt hlawm a," A tih chuan ka thaw hak, ka ṭhu thla lehnghal mai bawk a



A sana melh zauhin, "nizan ah buaina ka siamlo tak tak tiraw?" A rawn tih leh chuan nui in ka en a, "siamlo tak tak, i hlauthawng a nih kha," Ka fiam zui zauh nghal



Nui vur vurin, "Chutiang pawh a nilo, chawhnu lam hi ka flight a nia, ka kalsan angche u," Tih leh thawh a rual chu ka ding ve nghal zat a


"Maya, ka kuah thei che a ngem?" Nui var varin, "tehreng mai," Tih leh keimah zawk chuan ka kuah zui thak a, mit chhingin ka kuah vang vang bawk ; Mahse, in ngaihzawn na lam a tel hauhlo, ka ṭhian ṭha tak ka kuah ang mai ka ngai


"Ka ngai ngawt angche," A rawn tih sup chuan nui datin, ka meng a, Nathan-a hmel thim khup mai leh sak zet mai ka hmuh rualin ka khawng nghal awt, "diklo a awm em ni?" Nunhlima chuan ka awmdan a hrethiam a ni ngei ang inla hrang pah a a tih chuan, ka lu thing zauhin, "ka ṭha," Ka ti sep a, Nunhlima hnunglam a ding Nathan-a chak zet a pensawn chu ka en zui zauh bawk


"Ka thlen veleh ka rawn bia angche, ka kal ange," Tih leh Nunhlima'n min thlek leh deuh vang vangin, "minla be duh êm angchu tiraw?" Nui sun sun a tih chuan nui chung a bu nghatin, "i hria alawm, nang leh Jamie-i bak ṭhian ka neilo tih chu," Ka ti let sap, ka ti tak tak bawk, ka rilru erawh Nathan-a thinrim chung a chhuak leh daih khan a luah hneh rih lutuk



Nunhlima chhuah hnu pawh chuan Nathan-a hmel bawk kha ka ngaihtuahna a rawn luah leh ṭhin, engvang a thinrim nge a nih le..? Zingah nui chungin a chhuak a, rei pawh nilo ah a rawn let a, hmel thim zet leh min pawhsawm mai duh mitmeng a min en chungin a chhuak leh a, a mizia hi hriat thiam a hat takzet a ni





NATHAN-A.....POV



Malsawmi lakah hian eng rilru nge ka put ka hre hauhlo ; Mahse, a bialpa nen a an in kuah vawng vawng lai ka hmuh khan ka kaw chhungah hian meialh a lut ta emaw tih tur khawpin ka sa a, ka pawh ṭhen sawkloh nan ka in sum nasa viau bawk



"I hmel khup khup chu, diklo a awm em ni?" Henry-an nui ṭhaw chunga a lo tih chuan car a ṭhu lut in hma lam ka en nghal ngur bawk a


"Maya-in ithin alo tirim leh a nilo maw?" Nui tut tut chunga Henry-a rawn ṭhu lut chu ka lo melh hrawk ringawt


"Computer pawh chu i rawn la ta chuanglo a," Ka kut ka en nghal vat, Malsawmdawngi leh a bialpa inkuah vel ka thlir na talang ah ka theihnghilh hmin hmiah chu ni in



"A ngai lehlo," Ti nghutin car seat ngheng a ṭhu remin ka mit ka chhing zui hmiah bawk a


"Thikthu chhia te pawh i ang alawm," Nui hak hak chung a Henry-an a rawn tih leh chuan ka rum ri nghut ringawt


Ka thikthu erawh a chhe hauhlo, naupang chumchiap a ni a, chutiang in ka en hauhlo bawk ; Mahse, ka eng hi nge diklo a, hetia ka awm hi ni, ka inchhung a khatia a an inkuah vel vang te pawh kha a ni mahna le...!


"I lei theih chu i ring maw? Stock tlak hniam leh deuh i nghak dawnlo em ni?" Henry-an car tinung pah a a rawn tih tak ah chuan ṭhu ngilin, "heihi kan chance neih ṭhatber a ni," Ka ti sup bawk



B-large Investment company stock a tlak vak avangin share holders tamtakin an share an hralh a, Delhi leh hmun hrang hrang an company pawh an khar ṭan mek bawk, chu chu chuhin he company hi ka share neihsa nen ka kut a awm tir ka tum a ni, a awm ngei ang tih ka ring bawk



MAYA....POV


Ka TV en sofa ah ka muhil leh a ni ngei ang, ka hmai rawn za mer mer ah chuan meng mang hleilo In ka hui thuak a ; Mahse, ka meng zui nghal kawk



"Nathan," Tih leh rang lutuk a ṭhu chhuak nghal rawk rawk chuan, "eng nge itih?" Ka ti nghal zat bawk


Nizan ang chiahin zu rim a nam leh ham ham tawh, hnai em em a min en a, ṭhu in ka hmai alo zut a nih chu...! ka hlauh vang a ni ang, ka lungphu lah chu a rang em em bawk a


A ngawi ngur a, min en ngur ngur chu, nuam ka ti hauhlo, zanin a mitmeng min en dan zet hi chu vawikhat mah kala hmuh ngailoh a ni, "i rui a nih chuan mu rawh, buaina siam angailo," Ka ti deuh hmak a


Ka sir a tv remote chu la in ka off zui zat bawk, hmanhmawh zet a ka slipper bun rawk rawk a thawh ka tum chu min rawn bawh thut a, sofa hnung ngheng dawt a ka rak ṭhatin, "Lalhriatpui, min thlah rawh," Ka ti vin zui tuar bawk


Thaw ri hrawih hrawih a min en run run chuan, ka thaw a chham ve mai dawn in ka hria, ka lungphu te chu rawn phu chhuak tur ang mai a ni


A thaw ri chu ring tak a ni, “Lion” tiin ka ko ṭhin a, tun a a awmdan leh min en dan, a mitmeng sen râm chung a thaw ri hrawih hrawih chu Lion hi a ang tak tak, sakawlh ril ṭam emaw tih tur khawp in a hmel chu a danglam


“Lal...” ka tih hman chiah tih ah a ai hnai a rawn kûn hniamin, a hnarin ka hnar a rawn tawk de de a, ka thaw em pawh ka hre ta lo, ka lungphu chu rang viau e tilo in, engkim mai chu a reh nghal ṭhuap mai bawk a


"Reilo te, reilo te chiah a ni ang," A aw rilruih mai chu ka vawikhat hriatna a ni, chau aw te pawh a ang lek lek, chutiang a aw ril chu Nunhlima kâ aṭang pawhin kala hre ngai hauhlo, engti zawng emaw takin min hneh riau lehnghal


A chal chu ka chalah a rawn nghat a, hahdam hmelzetin thaw ala zui ham ham bawk. Ka melh chho kiau a, ka inthlah dul ve hret hret bawk


"Engvang a i bula ka awm a, ka mizia hi danglam ta fo nge a nih?" A rawn tih thum dut ah chuan, thaw chhuak hawkin, "ka zawhna tur zawk a nih chu," Ka lo ti sep a


Rawn nui nghawr datin, "tuna ka rilru a awm hi i hria em?" Thawp sap a rawn tih leh a rawn meng riai riai a, a mit chu la sen râm mahse nichin mai a hlauhawm na a khat kha a awm tawhlo



"Engtin nge i rilru te ka hriat theih ang," Ka ti let sap a, mawi lutuk a rawn nuiin, "ka kal tlangpui a nih chuan min huat a zual anga, i dam chhungin min haw tawh ang," Thu tak zet a tih leh i la hrang thut chuan a ding ngil a, ka ruak nghal hawk thei, puan lum tak a min tuamna laksawn daih ang maiin ka vawt nghal ser ser in nia ka hria ni


A inlak hran rual a ka taksa ṭan mar zia ka hre nghal zat bawk, ka kawng a kham nghal urh thei alawm



Ka hma a palian leh säng zet mai ding chu ṭhu ṭha in ka en chho vah a, a chhip sam tuai puatin, "mu tawh rawh," Tih leh nghut a her vutin a pensawn nghal pawk pawk bawk


A chetdan maksak lutuk chu hrethiamlo zetin ka ṭhut ngai a ṭhu in a room a a lut chu ka en hau ringawt a, engtia khatia awm teh thut kha nge maw a nih le?


Bakah, a rilru ah chuan eng nge awm a? A rui ṭawngkam mah nise thluak a ti buai a lawm


Khum a ka mu chu ka in le tawn sek, Bryson-a pawh ka tih harh ringawt hi, Bryson-a kuah a a hnungzang chul hliau hliau pah chuan Nathan-a chetdan chu ka ngaihtuah let a, ka lungphu bawk, a hmel leh thaw ri, mitmeng ka mitthla ah a rawn lan a piangin a rang nghal zawih zawih zel chu ka in hrethiamlo a ni, keimah hi nge diklo a ka ngaihtuahna pawh ka hrethiam tawh nek love....!


Nge ni a, kei hian he putar Lion-a hi ka duh zawk le..? A nilo ang, vawikhat pian ve manah pathlawi putar chu ka duh theilo hrim hrim, ka â te a nih ngawtloh chuan..!



Zing khua a var a, engkim mai chu a nih ang thlapin a awm leh vek tawh, Nathan-a pawhin kei leh naupang ho chu kan awm ve a ni tih pawh hrelo ang maiin a awm leh tawh



Chutiang bawkin keini pawhin kan tibuai ngai lemlo bawk, Angela-i a rawn kal zeuh zeuh a, Jamie-i pawh kartawp a rawn hman ṭhin chu a ṭhulh chuanglo



Ni a ral a, thla a ral zung zung bawk, karlo ah Christmas kan hnaih leh ta leh tawh mai, Christmas a hnaih hi chuan ka pa, ka nu leh Eunice-i te ka ngai ru veng veng zel lehnghal, nikum pawh khan ka ṭap lo chauh a nih kha maw


"Vawiinah Eunice-i ka hmu a," Chaw ka khawrh lai a Jamie-in a rawn tih chuan ka tawp dat, ka rilru a hre reuh emaw ni.?

Bu nghatin ka thleng ah chaw khawrhin ka ṭhu zui zat bawk a

"Maya, kum a vei leh mai dawn ania, biak te han tum ve chhin la, bakah i nu a damlo ni in ka hria," A tih chuan ka en nghal vat a, a chaw barin, "Eunice-i pawh a rilru a hah hmel viau mai," Chaw ei mawlh mawlh pah a a tih leh chuan ka thaw chhuak ham ham thung


Diktak chhuan huatna ka nei miahlo, a hma pawhim ka haw chuanglo ; Mahse, ka rilru erawh na tak a ni, ka nu neih chhun a ka ngaihin khatiang rilru ka lak a a pu kha ngaihdam harsa ka ti êm mai pawh a


Nathan-a choka a a rawn lut chu ka melh zawk a, hmulo ang hmakin ka chaw ei lai ka ei nghal mawlh mawlh bawk

Kan chaw ei rawn en kual hruk hruk a, chhuak leh mai chuan, "Nathan-a hi kan rual hian a ei duh ngai miahlo hi mak ka ti," Jamie-in a rawn tih chuan ner sawkin, "a ei duhlo pawh a nilo, hotel amaw a tia lawm helai hi," Ngei tih hriat fê chuan ka ti chhuak a


A duh hun ah a riak chhuak a, ni 3/4 te a rawn haw lo bawk, zan tlai tak tak ah rawn haw in, thawh hma hma in a chhuak leh a, hna erawh a thawk rim tih hriat takin zanlai a harh pawhin a room ah hian hna alo thawk mawlh mawlh thei zel thung


Khami zan, maksak tak a chetzan bak kha ka hnaih ah pawh hian a awm duhlo, ka ngahbel nge ka hrelo na in, kei leh naupang ho hlat thei angber a awm chu a tum niber in ka hria


Nathan-a chhuah rualin ka ṭhutna aṭanga tho vatin rice cooker chu la in toilet ah ka luh pui vat a, a ril a ṭam tih ka hre thei; Mahse, engmah a sawiloh avangin ka ei tir hauhlo ang


"Nathan hi a chhelo e," Ka ṭhut let leh chuan Jamie-in a lo ti sap a, melh vakin, "saw Lion- saw?" Tih leh ka ner zui nawk bawk


Nui tuh tuh in, "ni e, nangpawh hian i duh deuh a nilo maw?" Ka chaw bar ka hâk lo chauh, "teuhlo lutuk," Ti hlar chuan, "i chaw ei rawh," Ka ti nghal hlur bawk a


nui vur vur in, "incheng dun rei ve tawh sia, in ngainat a awl ka ring deuh mai maw le," A mit hmul a ti kang zui ak ak bawk a, henu thluak hman ngaihna hrelo lutuk hi chu aw...!



"Lalramnghak, Drama i en tam lutuk tawh a nangpawh hi, i thluak hman dan hi a diklo; Bakah, vawikhat pian ve man a pathlawi bak a, fa pathum nei tawh zûn a uai ka duh aw zawnglo mai," Uar fahran a ka tih chuan a rawn nui chhuak uar uar a


Keipawh chu ka nui ve ta tho, "a dik viau tho mai ; Mahse, hetiang zûn a uai hi ana anti a nia," Za zet a nui chung a a rawn tih chuan, Bryan-a tui in tur pek pahin, "Putar, running chawp ngai zûn a uai chu anat vak pawh ka ringlo e a," Nui awr awr chung a ka tih chuan choka kawngkhar lam ka melh zawk a, Bryson-a tui ka pek ve na tur tui no ka dawm lai chu ka thlohlo chauh



Nathan-a hmai chu mar ṭha ṭeng ṭawng tak a ni, kan lam a rawn pan hnai a, Jamie-i pawh chu a hmui petbet in, nuihza insum tum, insum hleithei silo a a chaw ei tur hmet nawk nawk chungin min rawn melh zawk bawk a


Nathan-an dawhkan rawn beng ri deuh dawtin, "putar hian chaw ka ei ve thei angem?" A ti nghut chu Lalramnghaki a insum zolo a chaw ei lai a phuh chhuak ṭhawt a, ka hma zawn a ṭhu a nih miau avangin a chaw mal ka biangah a rawn bet ṭhawt bawk, mit chhing sawkin, "Jamie," Ka ti chang nghal rat a



"Tihpalh," Tih leh nui dir nghal char charin, a tho nghal rawk rawk a, Nathan-a hmel chang zet mai chu ka hmai tuai fai pah a en in, "chaw ka chhum keplo che," Ti hmakin ka ṭhutna aṭangin ka tho zui zat bawk


Khang thla ral ta zawng zawng sawiloh kum a vei mai dawn, kan awm ve a ni tih pawh hrelo ang mai leh kan rual a chaw ei te kha a hläu emaw tih tur khawpin a inla hrang a, tun atak a rawn ei tum, ka pe awm lo emai a....!


Kut silfai a Naupang ho hmai ka tuai fai nghal mawlh mawlh chu min en reng tih ka taksa hian a hre thei

Rice cooker chu a hawng a, thaw ri hakin, "Malsawmdawngzel," Khauhzet leh ning tih hriat tak a rawn tih leh chuan melh pawh melh duh lovin, "kan rualin i ei ngailo a, ka chhum keplo che," Ka ti ve tlat chu min rum khum nghut a


min en leh ngur ngur a in her vut in choka chu a pen chhuahsan pawk pawk a, a hnunglam a en zuiin ka hmui hnuailam ka tih pawrh khum tarh bawk


Jamie-i choka toilet aṭanga mittui tla phung a rawn nui chhuak chu rum tawkin ka melh a, "eng nge?" Ka ti hlar chu pum dawm meuh a nui in, "awii enteh Maya, putar running chawp ngai nih a duhlo lutuk kha, a hmel kha..." Tih leh a nui leh nghal thlawrh thlawrh chu ka mitthla ah Nathan-a hmel a rawn lang nghal zat, ka nui ve nghal thlawrh thlawrh tho



A sual hi chu kan sual ve ania, Nathan-a a awm ve tih kanhre reng sia, khati vak a duhloh thu han sawi kher kha a ṭul loh nen

Mahse, a pawilo, tih thinrimloh na te pawh a rei ve tawh alawm...!



<>~>~>~>~>~>


NOTE : comments na lamah ka sawi fo tawh a, a ṭhen chuan in ning tawh maithei ; Mahse, a hrelo inla awm avangin ka'n sawi leh ange, lo ninglo ula❤️ kan in kan siam avangin buaina a thuah khawp mai a, pitar nen chauh awm kan ni bawk nen, hnathawk lo puih vel leh lo thli thlai ringawt pawh a chauh thlak lutuk a, zantin ka rawn dah thei dâwnlo tih minlo hriat sak ula, minlo hau lovin, lo thinrim lo hram hram rawh u🙌zankar thlak erawhin rawn dah zat zat ka tum dawn nia💃in mi hriat thiamna ah ka lawm lutuk vek e❤️



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:01 pm

MY TREASURE
By
Floria laldansangi




Chapter < 14 >


MAYA...pov


“Himm, inrawh,” Nathan-a, zinglam dar 1 pelh thleng a hnathawk mawlh mawlh hma ah chuan Celery juice ka siam chu ka dah ri khap a


A mal chunga laptop dah a, type ri malh malh lai chu tawp datin, a hma a no chu a melh zawk bawk, "ka tan maw?" Min rawn melh deuh ha bawk a, thaw hakin, "kan pahnih chauh kan awm a, tu tan nge nise itih ṭhin le," Lo ti hap chuan ka melh nghal vak bawk


Nui sukin, no chu la kângin a in nghal khawlh khawlh a, a tui teh chiamloh nen vawikhat ah a tlak zo vek thei chu mak ti zet a en a, lo ner nungin, "tui pangai i in duh em?" Keimah zawk lo ner sûng sûng pah a ka tih chaun, no dah let pahin, "mu tawh rawh, a tlai tawh," Ti supin a tihlai a tih zawm lehnghal zat bawk a



A awmdan ngei bawksi, tih ngaihna vak hrelo a en a, nui hul hakin, "Lawmthu sawidan i hrelo amaw ni?" Ka ti zui hlak bawk


kum 1 dawn inbe mumal lovin kan cheng dun a, a fate lakah ngat phei chuan hla tak a ni, hna a thawhrim zia erawh ka hriatpui avanga celery juice pawh zan zanah siam sak ka nia, lawmna chang hrelo lutuk mai


Ka ṭhutna aṭanga ka thawh rualin, "Mamma..." Ṭah chak tih hriatzet chunga Bryson-a rawn pen chhuak chhat chhat ka hmuh chuan pan vatin, pawm mai ka tum a ; Mahse, a hmai a sen in, a bân leh nghawng pawh chu ti tho, ṭhu hniam rawk rawkin, "Bry, engtin nge i awm? I sa vek a nia," Ti leh a pang dek a, a taksa sen vek mai enkual thuak thuakin



"Nathan.. Nathan, Bryson hi damdawiin kan panpui angai," Ka au a ni ber tawh zawk, a hrisel lo tih hre mahila, hetiang tak hian a pang a sa in, a taksa ala danglam ngailo, chu chuan minti hlau takzet bawk



"Mamma, ana..." Tih leh a âwm chu a dawn deuh vang vang a, Nathan-a ngawi ngul a la ṭhu tlat lam chu hlauthawng zet a hawiin, "Lalhriatpui," Ka ti vin leh ṭhawt a,


A laptop khup thak a, rawn ding chhuakin, "kal rawh," Tih leh pensawn mai a tum chu, hlauhthawn na nen a rum mang kheng a melhin, "Bryan leh Brayden-a kai tho rawh," Ka hlauthawng bawksi leh a mize ngeng lutuk leh a fate ngaihtuahna chhete mah a neilo chuan, minti thinrim zualin, ka ṭah a ti chhuak et et bawk


kei leh keilo ang maiin ka aw te a khurlo chauh a ni


"An mu tawh a, hruai tel kher an ngai em ni?" Awi.....! He mihring hi...!


Ka thinrim lutuk chu ka in sehruh ngawt ngawt a, Bryson-a pawm kâng lawpin, a a dul a hmehbel in, "rawn harhin, anmahni in lo inti na se engtia tih nge i tum?" Ti ṭeu hlar chuan room lam a in herin, ka pan nghal a


Khum bula Cardigan sweater chu banin ka ha sawk sawk a, naupang ho jacket phawrh rawk rawkin, "Bryan, Brayden, tho rawh u bawihte," Tib leh tung tho nawph in, an Jacket hak tir nawk nawk chuan khum aṭangin ka hlang thla a


Ṭah erawh an ṭap lo na in, men erawh anla meng chuang hauhlo


Stroller ah mut tirin Nathan-an, Bryson-a pawm a ding ngawi ngul leh ka che vel mit khaplek lo a min en na chu melh hrawkin, "Bryson kha ka lo pawm ang, naupang ho rawn nawr chhuak angche," Tih leh a nau pawm chu laksakin kawngkhar lam ka pan nghal hlawk hlawk a


Bryson-a thawk tum a, thaw hleitheilo tih hriat tak chu ka en leh zawk ṭhin, lift rawn in hawn rual a lutin, Nathan-a rawn lut chu hlauthawng zet a lo en chuan, "Nathan, Bry-hi a thaw tawhlo in ka hria," Ka aw ye chu a khur lek lek, ka nunah hetiang tak hian hlauhthawn na kala nei ngailo, ni lo, ka pa boral dawn a a hlauthawng leh chhungril khur ru der der a ka awm bakah tun hi a ni leh mai



Nathan-a chu ka sir a rawn dingin, ka darah dimte in a rawn kuah a, "engtin mah a awmlo ang, hlauthawng suh," Dam dap mai a rawn tih chuan ka thaw chhuak zui ham ham bawk, mak tak maiin ka thlamuan zia chu sawifiah rual pawh a nilo, ka pa ka thlamuan pui ṭhin ang mai kha a ni


Bryson-a chu nghet lutuk in ka kuah a, building kawt a dingin Nathan-a car lian zet nen, kan hma a rawn dingin Bryan leh Brayden-a chu a seat hnunglam ah a mut tir a, keipawh hmanhmawh lutuk in ka ṭhu lut ve bawk



"Nathan, Bryson hi a thaw thawlo a nia," Mittui tla lek lek chuan Nathan-a rawn ṭhu lut chu ka lo en a


"Hlauthawng suh," Ti leh sup in, car ti nung chuan chak lutuk in a tlân chhuak zui zat bawk, a hmel chang rat leh hmalam en ngurah chuan, a rilru a chiai ve te pawh a ni mahna


Lift chhungah kha chuan zep rual loh vin a mi kuahna kha ka thlamuanpui a, tunah erawh Bryson-a ka en a, a thaw em pawh ka hriat tawhloh avangin, "hlauthawng suh," A tihna ṭawngkam chuan chhete mahin min hnem eihlo nia...!


Damdawiin kawt kan thlen rualin Nathan-a zawk chu a zuang chhuak ti tih a, a per chhuak a ni mah zawk, car a ṭang a chhuah pawh ka chhuahfel hma in, Bryson-a rawn la in, "naupang ho kha lo awmpui rawh," Tih leh ka chhanletna pawh nghaklo in a pen zui nghal pawk pawk bawk


Ka thaw hawk a, hlauthawng lo angin awm mahse, a fapa a ni a, chhungril tak chuan a ngaihtuah ve hle tih hai rual a nilo, thup a tum viau mai pawh a


Ka awm a ka kut nghat a thaw la kawk kawkin, Nathan-an ER lam a pan chu ka thlir zui vawng vawng a

"Mamma..."


"Awiihh....aw.. Bryan," Phu deuh zuk a, ti bah deuh nakin, inher ka rual a

Car darthlalang chhan aṭanga a min lo en tu Bryan en chuan thaw hakin, "Tihpalh, tihpalh..." Tih leh kawngkhar hawng chuan ka pawm chhuak zui zat bawk


Kan awmna chu mak a ti deuh a ni ngei ang, a hawi nghal luai luai bawk a, min rawn en chho a nui sen sen in, ka âwm ah bawk a bei leh nghal chial bawk


Brayden-a rawn chik ve nghal ṭiah ṭiah chu en in, ER lam bawk chu ka hawi leh a


"Ka lut ang nge, lutlo ang," Tihin ka rilru a luah, ER phei chu an buai thei si a, naupang pahnih nen a va luh ngawt pawh kan buai tam mai mai in ka hre bawk si, ka rilru erawh a nuam dêrlo, ka lungphu pawh ala pangai chuanglo



Ka in ngaihtuah rauh rauh laiin, "Zanin chu a haw theih hmel loh," Ka hnunglam aṭangin aw thum dût a Nathan-an a rawn tih chuan ka phu leh zuk tawh


In kan chhuahsan aṭangin ka lungphu hi ala diklo nasa a ni, "car ah i mut tir mai mai lo a," Bryan ka pawmlai chu melhin a tih zawm sup a, a muhil leh tih pawh ka lo hrelo hrim hrim zawk


"Doctor-in eng nge a sawi? Engvang a khatiang a awm kha nge a nih? A ṭha em?" Zawhna hlir a ka lo chhang chu, nui sukin, "ngaihtuah suh, natuk lamah test dang an tih leh a ngai dawn a, tunah chuan a muhil tawh," A tih chuan ka thaw nghal hawk thei, ka taksa ṭan zia ka hre chhuak nghal bawk, ka dar a rawn dawmin, "naupang ho nen hian taxi-in in haw hmasa mai dawn em ni?" Chhuk run a min en in, a mitmeng ah chuan min ngaihtuahna ni awm tak te ka hmu tel in ka hria


"Haw zawk rawh, hna ila neih kha, kan pathum in kan riahpui thei mai ang," Ka tih rual a min vawnna thlahin a nui suk a, "hna te chu naktukah pawh a thawh theih a lawm, hun a tam lutuk," Tih leh car lam hawi a, kawngkhar hawng chuan Brayden-a mu chu seat belt phelh sakin a pawm kâng nghal zat a


"Kal rawh u, kan vaiin kan awmpui dawn nia," Tih leh min en a, ka dara rawh kuah in, a nui leh suka, min pensawn pui nghal zat chu, ka kalna kawng pawh en lovin, chho en haw chuan mak ti zetin ka en a, mit ka khap fak fak bawk, zanin chu eng a hria ni maw, ka taksa a dek tam hle mai; Mahse, zep rual lovin, he a mi dehna kut hi ka taksa hian alo dawngsawng ṭha mah mah ṭhin


Hetiang a nelawm hian kum 1 chhung khan a awm ngailo reng reng, Bryson-a damlo chuan a mizia a thlak tir ve reuh em maw ni tih tur a ni; Mahse, ka chhungril ah hian sawifiah thiam siloh in nuam ka ti ru veng veng nia maw le...! Zahpuiawm hian a....!


Damdawiin chhung kan lut chu, Nurse duty ho ngat phei chuan duh hmel takin, ka sir a, min kuah chung a, a kut lehlam a a fapa pawm tu mipa sâng leh lian zet mai chu awh leh duh hmel zetin a en zui vawng vawng te chuan minti hlimru viau mahse, ka chhungril khawi emaw lai hi a lungawilo ve ngawt bawk a


Zanin zet chu ka chianglo takzet a ni, ka lungphu rang te hi Bryson-a vang nge Nathan-a vang zawk pawh ka hrethiam tawh nek love, hospital chhung Air-con vawt lutuk hnuai ah pawh ka thlanfim a tla lek lek thei bawk nia...





NATHAN-A...POV


Doctor-in, "eng na nge a nih ka sawi mai theilo, naktuk lamah test hrang hrang kan neih hmasak a ngai a ni," A tih chuan, ka fapa kum 1 chuang teh meuh ka en duhloh leh fahrah in a dah ka tum hial kha, oxygen nen a thawk tir a nih meuh chuan minti hlauthawng ve nia maw le...!


Maya-i hlauthawng leh thlabar chuan minti hlim a, he hmeichhe naupang hian zep rual lohvin, kei leh Maria-in kan pek theihloh hmangaihna, heng naupang 3 te hnehah hian a pe a ni tih ka hmu chiang zual bawk


A taksa tereuhte mai leh vun nêm leh mam zet mai ka deh rual hian, thirhip theiin min hipbet ta emaw tih mai turin, in lakhran harsa ka ti ṭhin a, a nui hmel hian minti hlim veng veng a, a mitmeng fiah zet mai a hlauhthawn na leh thlabar na hian kuah a, engkim a ṭhat tur thu hrilh a, hnem minti duh ṭhin bawk, chung chu ka in rin hma leh ka tun ni miah silovin vawitam ka ti leh hman tawh nia



"Ka rin aiin Maya-i a puitling a ni, naupang enkawl tur a itih khan ka rilru a lo hah lawk deuh a," Sofa a ṭhu pah a Henry-an a tih chuan nui suk a, damdawiin khum tlâng bawk a muhil thaw sek sek mai chu en in, ka kawrlum ka sin tir chu siam ṭha a inher in, "eng nge din hmun?" Henry-a coffee min pek ban pahin ka ṭhu ve nghal zat bawk


"Marketing dinhmun i hria alawm, hmanhmawh chi ni in ka hrelo, thla 2/1 vel han nghak leh ila, bakah Lorraine-an a share a hralh phei chuan 62% ita a ni tawh dawn a, B-large chu i kut ah a awm tawh hrim hrim ang," A tih chuan ka bu nghat a, a hma khan duh aiin ka hmanhmawh a, tun ṭum ah erawh engti kawng zawng pawha he company hi ka ta a siam ka duh a ni


"A muthilh saw chuan a hmelṭha a nih saw," Henry-an nui vur vur a Maya-in muhil thaw sek sek en deuh vang vang a a tih chuan ka thaw hawk, ka thinrim nghal ringawt bawk a


"I duhlo ang chu tiraw?" Min rawn melh zawk, lo thaw khum hakin coffee ka lem sek bawk a, "Naupang a nih saw, naupang," Ka ti thla ngawt tak na in, kum 1 liamta a, a ṭawng tam lutuk tih tawp nan a, a hmui nêm leh thlumzet mai ka fawh khan naupang angin kala en reng em tih minti chiang ngam tawhlo


Nui hak hak in, "naupang angin i en tak tak maw? I chiang maw?" Ka melh zawk a, ka nui tawk tak bawk, chhan ṭulah ka ngailo bawk

Henry lah chuan zawt fuh inti zetin min nuihzui hawk hawk bawk a, ni e, ka em takzet êm..? Ka chianglo ka tih kha...!


"Ohhh, an muhil vek em ni?" Angela-i rawn lut chuan ti sapin, "eng nge a an? Nizan khan oxygen nen a thawk tir a ngai kha iti si a," Tih leh sepin Bryson-a mutna lam a pan zui nghal a


"Nichin lawk khan an la thla a nih kha, nakin deuh ah test ti turin an rawn hruai ang," Ka tih zawh rualin Maya-i a rawn zi mar ar ar nghal a

"Angela, ilo kal elaw," Tih leh kan lam rawn hawiin, "inla awm ve reng a," A rawn tih zawm zat bawk


Ka mit ko kalo tih sân khum ak ringawt a, a tho phang hmel leh mut khamlo hmel te chu engtia kei hian ṭha ti ru ta em em nge maw ka nihle...?

Kum 1 chhung khan hnaih ka duh miahlo a, a chhan chu ka tumloh leh duhloh dan a saw a taksa tereuhte chungah sawn ka chet ka hlauh vang a ni ; Mahse, vawi engzât atam nge a che vel ka en zui vawng vawng pawh ka hre seng nek love



"Bryan te unau chu damdawiin a ni tih pawh an hrelo a ni maw?" Nui kur kur a Angela-in tih leh kan ṭhutna lam rawn hawiin, "U, biak lawk che ka duh a, Maya breakfast tur kan va lei dawn nia, lo inti fai rawh, hetah hian naupang ho nen in thawmhnaw tlem ka rawn keng a," Tih leh a bag khai chu pe in ka lam a rawn hawi a


"Ok, Henry lo awmpui maita che," Tih leh a dar a beng thakin ka tho chhuak nghal zat bawk


Damdawiin kan chhuansan lai chuan, "Maria-in min rawn hmu a," Angela-in a rawn ti zawi sap chu ka ding deuh dat a


Min rawn en chho a thaw deuh hakin, "naupang ho fahrah in a dah i tum chhan kha sawi i tumlo em ni?" A rawn tih zawm leh chuan pensawn pahin, "chhan a awmlo," Tih leh chak zet a pen ka rual nghal bawk


Ka hnunglam a min rawn zui dat dat in, "naupang ho zinga pakhat hi lak a duh a," Pawh din dawt ang mai ka ni, in herin ka en nghal kawk bawk

Angela-i hnunglam a, ka mihring hmuh avangin ruh lutuk in ka in hum ruh nghal ngawt ngawt bawk a

"Hello, Nathan," Angela pawh chu rang lutuk in a inher a, "Maria..." Damdawiin thleng a a rawn zui chu mak a ti hle tih a hriat



Maria-i chu nui sukin, "Nathan, reilo te kan inbe thei angem?" Ka mit ah min en kalh a, a mitmeng ah chuan zâmna chhete mah hmuh tur a awmlo


Ni e, eng zâmna leh zahna nge maw he hmeichhe lak aṭang hian ka beisei reng reng ni



"Min rawn zui rawh," Tih leh ka pensawn nghal pawk pawk a, parking lots a lutin, "sawi rawh," Ti hlukin ka en nghal run bawk


Nui deuh ar ar in, "tikhan min enteh suh Nathan, hmelma kan ni hleinem, nupa kan ni ṭhin tih theihnghilh suh, a ni lawm ni," Ka hâ pui ka sehruh ngawt ngawt a, hmeichhia chu nilo se zawng ka hnek thal tawp tawh ngei ang....!



"I sawi duh sawi rawh," Ka ti bul leh nghut a, ka lam a rawn pen hnai a dak vah a min en in, "Bryan, Brayden emaw Bryson, a tu emaw ber minpe rawh, ahhh, ni lo, ka la duh a ni," A sawi zawh rual a dar tawn tawn a vuan a thin nawk nawk loh nan ka kut ka hum ruh ngar ngar a, ka kawchhung hi a khur thei hial bawk


"Doctor-in nau ka pai theih tawhloh tur thu a sawi a," Tawp datin a nui deuh sak a, "chuvangin naupang ho zinga pakhat hi lak ka duh a ni," Ka thinrim lutuk vang nge ka hrelo, ka nui chhuak huk, parking lots a nih vangin a khawk duh rum rum khawp mai


"Eng maw...?" Ka hmel chu a changin, a dur viau in ka ring, Maria-i lam chu ka pan chhat chhat a, a mitmeng a min hlauh na tal zawk zawk chu ka hmuh hmaihlo nasa mai


A tawlh hnung hret hret a, bang a si dat chu, a dar tawn tawn a ṭhamin, "tunge inih a? Ka fate emaw ka hma a rawn inlan tur hian tu phiangsen nge inih?" Seh chilh rap rap a ka tih hrawih chuan, ṭhen ngawng ngawng a, mittui tlingpam a min en in, "ana a nia Nathan, minthlah teh," Tih leh ka kut phelh a tum chu ka hmer na tulh tulh thung



"Ka fa... Ka fate a alawm an nih, i thisen farkhat pawh a tel hleinem, ka...." Na lutuk in bang chu ka hnek dawt a, rak ṭhatin, a mit a chhing sawk bawk, min hlauh avanga a taksa khur dawt dawt chu ka hre thei


Thaw ri hrawih hrawih a inseh ruhin, "ka hma a i rawn inlan leh anih chuan ka thah ngei tur thu che ka sawi tawh kha," Ti hrawih a ka dawmna thlahin ka nam sawn nghal nawk a, kat nawk nawk a lei a tlu hnawkin a rak leh tuar bawk


Thaw hrawih hrawih a Maria-i mitmeng sen râm mai, mittui nen a in pawlh lam en chhuk run runin, "ka ti duh ngei ang tih i hriat kha Maria, ka dawh theihna enchhin tum suh," Kut hum ruh chung leh inseh ruh chung a ti leh hrawih a, inher vutin ka pen nghal pawk pawk bawk, a ai rei ka awm a nih chuan hmuh tlakloh in a taksa ka siamin, a duhai hma hremhmun ka hmuh tir ka hlau a ni


Parking lots ka chhuahsan rualin Maya-i hmel ka hmuh chuan ka ding dawt a, "eng nge itih a? Tunge khu khu?" Tih leh en chian a tum chu a dar a kuai herin ka lamah ka pawt a, nghet lutuk a kuahbet chuan a rim no chek chek mai, cherry rim nam chem chem chu, mit chhing sawk a hip kawk kawk in, ka thaw chhuak leh ham ham bawk, ka thinrimna te kha he a rimtui chek chek mai leh taksa lumna hian a chhembo tial tial in ka hria



Kan lungphu in vuak rawn dup dup chu ka hre thei, keimah ang chiahin a lungphu a rangin a khur ru der der tih ka hre bawk


"Nathan, ka thaw theilo a nia," Harsa tih hmel zet a rawn tih chuan nui nghawr datin, "ka hria e," Ti supin ka inla hrang a, ka thin dîp zawn vel aṭang a min rawn en chho kiau in, "i ṭha maw?" A rawn ti sap chu ka nuih suk a, "ka ṭha tawh, kalrawh, min rawn ko dawn a ni lawm ni?" Tih leh a dara kuahin ka inher pui a



"Ohhh... Engtin nge i hriat?" Ka nui hak a, en chhuk a a hnar a piai zeuhin, "i hmel ṭe reuh ah hian ka hmu," Ka tih chuan a ner nghal nang nang chu ka nuih zui hak hak bawk


Kei hian, he hmeichhe naupang hi ka duh tak tak chu a ni êmlo maw...?


<><><>~>~£~>~£>


NOTE : ka damloh avangin karkhat lai ka chawla, min hrethiam tak leh min ṭawngṭai pui tu te chungah thinlung takin ka lawm em em e❤️🙏

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:01 pm

MY TREASURE
By
Floria Laldansangi


Chapter < 15 >



MAYA...POV



"Eng na maw itih a?" Kan hma a ṭhu doctor chu ka en a, ka malchung ah ka kut chu ka hûm ngar ngar bawk, a thusawi chu ka hresual em tih chîan turin, ka sir a ṭhu Nathan-a chu ka melh zawk a


Ka malchunga ka kut chu rawn hum vang vangin, "Congenital Heart Disease maw..?" Nathan-a aw chhuak ah pawh chuan rin harsa a tih zia alang, kei phei chu ṭawng chhuak tur ka awm rihlo, ṭang ṭungin ka ṭhu ngawt ngawt a, kan hma a doctor thusawi tur chu ngun lutuk takin ka en ngawt ngawt a niber


"Ni e, Congenital Heart Disease chu, naute piang hlim 70/100% in an nei ṭhin, in fapa hian a nei tih in hrelo em ni?" Doctor chuan min rawn en a, thaw dep dep in ka lu ka lo ti che zauh ringawt bawk


Nathan-an ka kut hmer leh salhin, ka mit ah tak a en a, "engkim a ṭha vek dawn," Ti ni awm tak a nui deuh sukin, "Doctor tihdam theih a ni a ngem?" Ka chil ka lo lem khalh thung, keimah zawk hi lungphu ṭhalo leh rang lutuk vangin ka thaw a chham mai dawn in ka hria


"Pawi ka ti hle mai Mr. Nathan, tihdam theih a nilo, Heart transplant te inti a nih ngawtloh chuan; Mahse, tunah mai chuan Heart Transplant na tur awm pawh nise kan ti thei chuanglo, alo berah kum 6/7 a tlin hun in nghah a ngai a ni," Ti leh dapin, a thaw hak a


"Ka sawitawh angin Critical CHDs ala nilo ka tih kha, in fapa hi Stage B a ni a, treatment alak ṭhat a, in enkawl dan a zir a ni ang, a theih hrâm chuan a kut leh ke hmawr ti lum reng ula, hahtak leh hlauthawng takin siamlo thei bawk ula," A sawi chhung zawng chuan ka thaw em pawh ka hrelo



Alan chhuahdan a sawi lai te chuan Bryson-a ka mitthla ah a rawn lang a, a zawi ngiai ngiai leh thaw hah ang mai a awm chang te, khawsik ser ser a neih te leh a âwm na a tih te khan engvang a hrethiamlo nge maw ka nih le...?


"I ṭha em?" Doctor room kan chhuahsan rualin Nathan-an a rawn ti sup a, ka lu thing mat mat in, "hre hma tur ka ni a sin, a hrisello leh chaklo satliah ah ka ngai a..." Ka ti chhuak hap a, ka chhungril ah hian mahni in demna in ka khat a, min hnawh ngut ngut bawk


Kum 2 chhung ka enkawl, zantin mai ka mutpui naupang hi a natna ka hrethiamlo a nia, engtin nge a nih theih..?


"I thiamloh a ni hleinem, ka...." Nathan-an a tih leh lai mekin, "Mamma..." Bryson-a aw ṭeng zet mai ka hre zui zat a, damdawiin kawr ha a ka lam pana rawn tlan ter ter chu pan vatin, "tlan suh, tlan suh," Tih leh pawm kân ka rual nghal zat bawk


Ka ngaihbel nge ka hrelo, naupang chum tak nilo mahse a cher zual a, a kaw duk a ka hriat hrep chu ni...!


"Mamma..." Bryan leh Brayden-a pawh ka kekawr vuanin an rawn ding ve leh ṭai tawh, rei hi midang hian an awmpui theilo reng reng



"Ti rawh u, ward-ah lut phawt teh ang u, in chhangchhe bawk si," Angela-in nui vur vur chunga a rawn tih chuan ka nui ve sak tho, chhangchhe tak kan ni...!



"Mamma.." Pensawn mai ka tum chu Bryan-an a pa hma a ding a, dak chho vah a, mit khap fak faka, a en chu en in, ka nui dat a, Nathan-an a kut phar chhuaka pawm a tum chu ka lamah a rawn tawlh hret in, ka ke a rawn nek nghal ṭalh ṭalh bawk, a lu a lo tuai zauhin, "Bryan, Brayden, Bryson, hei hi tunge ka tih kha'h, engtia koh tur nge inla hria em?" Naupang ho enkual a ka tih chuan Brayden-a chu a rawn nui var var a, "Daddy," Uar zet a a rawn tih leh a pa dinna lam a pan zui nghal zat bawk, an unau ah chuan tihnuam ber a ni reng a ni


Kum 2 hnu a an vawikhat kohna emaw tih tur a ni, "mahse Rahul-an Daddy kan nei velo tih a sawi kha," Bryan-an aw fiah zet leh felfai thlap mai a rawn sawi chuan Nathan-a ka en nghal vat, a hmel ah chuan natna leh inchhirna ni awm tak ka hmu thuak thuak bawk


"In nei a lawm," Ti supin, "ka pawm i duh em?" Tih leh ṭhut hniam a rual a, Brayden-a erawh a pawm theih mai laiin, Bryan erawhin ka mal a pawmbet leh ngar tawh, an unau ah chuan a fingin, a ṭawng pawh a fiahber a, luhlul pawh luhlul ngar ngar tak a ni


Nathan-an, Bryan-a hmel a en chuan a mit a natna thûk tak chu hmuh hmaih chi rual a nilo, a nui tawk tak a, bu nghatin Brayden-a pawm kângin a ding ngil zui zat bawk, min rawn en in ka âwm a bei chial leh min pawtbet ve ṭai tu Bryson-a en chungin a nui leh suk bawk a, khang kum chhunga a ngaihsakloh a fate lakah, inthiamloh na a nei ve te pawh a ni mahna


"Kal phawt teh ang u," Angela-in rawn ti sepin, Bryan-a kut a vuanin a pensawn pui nghal a, "lunghnur lutuk suh, naupang te chu hun han pe deuh ila an nep mai angche," Nathan-a en chunga tih leh nuih seihin ka pensawn nghal zat bawk, ka hnunglam a a nui ri suk chu ka hre hman


Ward kan lut tur chu, "Maya..." Ka ding dat a, ka sir lam ka en chuan Eunice-i leh ka nu ka lam pan a rawn pen chu phawk fe in ka lo en ran



Kum 2, kum 2 lai a nita, kan in ka chhuahsan a, ka nu leh ka unaunu hmel hmulo leh aw hrelo a ka awmna pawh


"Eunice..." Ka bula rawn ding te chu en in ka phunsap a, Nathan-a pawh Brayden-a pawmin a rawn ding ve nghal zat bawk


"Maya, nangmah ini tak tak amaw? Lalpa leh...! Khawnge i awm a, heng naupang te hi...." Ka nu chuan a ti nghal zung zung a, ka nau pawm en in, Nathan-a lam chu a melh leha, "nang chu....." Mak tih hmel zetin a ti zawm lehnghal sap bawk


Ka nu mit a zawhna tamtak chu ka hmu thei, Nathan-a lam hawiin, "naupang ho hi ilo awmpui mai dawn em niang? Ka reilo ang," Tih sapin Bryson chu ka melh a, "Bry hi chu ka hruai ange, food court bak kan pel dawn chuanglo," Tih leh zatin ka nu leh Eunice-i din na lam hawiin, "kal rawh u," Tih leh ka pensawn nghal zat bawk a



Ka nu leh Eunice-i chuan Nathan-a en haw haw in min rawn zui tih ka hre thei, chutiang bawkin Nathan-a min en zuina a ni ngei ang, ka hnungzang za mer mer leh ka tukkhum za mer mer hi....!



"Hot & ice cappuccino, chuan hei hi ka fapa Bry tan apple juice," Nuih var var a a hma a dahin ka ṭhu thla a


Ka nu leh Eunice-i chuan mit khap lek lovin minlo en ngar thung, melh zawkin, "engtin nge hetah ka awm tih in rawn hriat a?" Ka ti sep a

Eunice-i erawhin Bryson-a ala en ngar ngar thung, "ka in checkup in ka hmu che a, ka rawn pan che, engtin nge heng naupang... Ahhh... Nilo, nilo, pakhat chauh an nihloh kha maw, pahnih lai, engtin nge i fate an nih theih? Nathan-a nen khan innei chu a nilo tiraw?" Ka nu thusawi chu ka nuih deuh hak a




"Nu, eng nge maw i sawi le? A nau awmte an nih hi? Triplets an ni tih ka lo hria a, thlalak aiin a takah an duhawm daih zawk a nih hi," Eunice-in a rawn tih chuan nuiin, "eng nge i an tawh?" Ka nu chu en leha, amah anglo takin a cher ve duk mai, a mit khur thuk ta duk leh vun dang bel maite chuan a ti lang tar leh zual



"Ka ṭha tawh lutuk e, Maya...." A chawl dat a, hnuailam en in, muangchangin min rawn en leh a, engmah sawilo mahse a mitmeng a inthiamloh na chu ka hmuh hmaihlo



"Min haw viau ang tiraw?" A nui deuh sak bawk a, ka lu thingin, "huat chhan tur che ka nei hleinem," Ka ti sepa, ka ti tak tak bawk, ka lungawilo ngei alawm; Mahse, chupawh a rehna a rei tawh, han biak hmasak mai dan tur ka hriatloh avangin, tun thlenga be pawp ta lo mai mai niin ka in hria



"Ka tihpalh' tihbak sawi tur ka hrelo, engtin nge ka fanu chungah khatiang rilru leh ngaihtuahna te ka put theih tih ka inhre biklo a ni; Mahse, ka tihpalh tak tak a ni Maya Bawihi," A mitmeng ah chuan a inchhir zia ka hmu, ka nui a, "khawiah nge in awm tak, deposit inla let tih ka lo hria a," Ka tih chuan Eunice-i chu rawn nuiin, "250sq apartment kan lei a, kan pahnih chauh chuan kan leng mah mah a ni," Rawn ti vatin ka sir a ṭhu Bryson-a en in min rawn en leh a



"Maya, Mizoram ah let kan tum a," Ka en vat, thaw deuh hakin Eunice-i bawkin, "min zui duh angem? Kei leh ka nu, nang nen, kan pathum in Mizoram ah haw ang u, school i lut ṭha leh anga nang pawh ; Bakah, heti ringawt a nau awm leh enkawla, tleirawl lai leh vanglai zawng zawng khawhral tur chuan i uiawm emai, tihchak zawng leh duhzawng te itih ve a hun tawhin i hrelo em ni...? Entirnan : i sawifo ṭhin Barista niha, mahni puala Cafe lian silo, felfai tak hawn te kha i chak a ni lawm ni," A rawn tih dap dap chuan ka nui ringawt a


Ka chak ṭhin a lawm, ka naupan deuh lai a ṭangin lehkha hi ka thiam theilo pawh a nilo, ka zir peihlo tawp a, lehkha zir aiin choka a cake emaw cup cake leh coffee tui tak tak a lo siam te kha nuam ka ti zawk ṭhin rêng a ni; Mahse, tunah hian eng nge ka duh chiah a, ka tum nita ka hre tawhlo, ka duhber chu heng naupang pathum te nena a rei thei angber chen dun hi a ni



"Mamma, ka zun a chhuak," Bryson-a rawn ṭah a tum chu en vatin, Eunice-i zawhna pawh chhanglo a thawh ka tum chu, "lo ṭhu rawh, keipawh toilet kal ka ngaia, ka hruai ange," Ka nu in a rawn tih chuan ka en vat a, Bryson-a en lehin, "api nen hian in kal mai dawn em niang?" Ka tih chuan ka nu chu a'n thlek ve deuh vang vang a, a duh ka rinloh nen a bu ve ta nghat chu, ka nuih chhuak ringawt a, hetiang hian awlsam takin mi a duh ngai silo a


Ka nu leh Bryson-a kal liam chu en zuiin, "Maya, diktakin min chhangteh, Nathan-a hi i duh em ni?" Rang lutuk in Eunice-i chu ka en nghal vata, "teuhlo lutuk.." Ka duh aiin ka chhang rang hret bawk



A rawn nui a, "i chiang maw? A fapa i en dan ah hi chuan i fapa emaw tih tur a alawm, i duhlo a nih chuan ka thusawi kha in ngaihtuah rawh, kum 20 i tling chho ṭan a, hetiang ringawt hian i awm reng thei dawnlo a nia, emaw Nathan-a hian nupui nei ta se engtia awm nge i tum? Ngaihzawng emaw neiin in ah rawn hruai lut sela engtia awm nge i tum? Tun hi i hmalam hun inṭan na tur a ni a, in ngaihtuah chiang rawh," Thutak zet a a rawn tih leh dap dap chuan sawi mai tur pawh ka hrelo


A sawi dika ; Mahse, Mizoram a let maw? Naupang ho kalsan hi ka ngam zânlo a ni; Bakah, Bryson-a, Bryson-a damlo hian min mamawh lehzual dawn tih ka chiang bawk


"Eunice...."


"In ngaihtuah chiang rawh, ngaihzawng leh pasal, chhungkaw pangai din ila duh ve dawn a nia, tuna i awmdan ah hi chuan hmalam hun i neilo, naupang 3 ngawt enkawlin sum ila lut a ni mahna, hetiang reng hian i awm dawnlo a nia ," Ka sawi zawh hma a a rawn tih vat chuan ka thaw hak ringawt a



Ni e, a sawidik vek a ni, Nathan-a leh naupang ho kianga ka awm reng chuan hmalam hun ka neilo a lawm, thiam thil ka neilo a, zirna lamah lah ka sâng heklo, engtik ni ah emaw ka kalsan hun ala awm dawn a, eng nge ka tih ang? Jamie-i pawhin vawitam min zawt tawh ṭhin, ka zawhna dawn ka chhan theihloh awm chhun a ni ngei ang


Ward-ah Bryson-a nen kan in kaihlut thleng chuan Eunice-i thusawi chu ka ngaihtuah a, ka nu in, "thlathar ah Mizoram chu pan kan tuma, minzui ngeila ka duh a ni Maya, tleirawl mai ila ni a, hetia laina hnai neilo ang mai a, mi in a awm a, mipa puitling leh naupang nen ngawt a chen ho reng hi a fuhber lo, pasal a chhia a ṭha ila nei dawn a, mipa nen incheng dun tawh a ni tih hi sawi nuamlo ila ti dawn a nia," Ka nu in a ti zui hrâm pawh khân ka rilru a luah reng bawk



"Bryan te unau chu Angela-in a hruai haw a nih kha," En pawh min enlo a, a mal chunga laptop dah a type malh malh chunga Nathan-an a rawn tih chuan ka bu nghat ringawt a, Bryson-a erawh ngawi rengin a pa bula IPad chu la in, a pa bulah a ṭhu ve nghal zat a



Ka phone message rawn thleng ri ah chuan phawrhin ka en vat a, Jamie-in group alo creat leh hman a'h, rang hi chu a rang a ni, Eunice-in min hmuh thu a sawi rualin group a creat tih ka chiang lutuk


"Nathan-a leh a ex pic," Jamie-in thlakhat a rawn post/drop chu hnai lutuk ah ka en nghal vat a, "college-an kal lai a nih hi, ka cousin te nen college an kal ho a, chhungkaw group a mi ka rawn forward a nih kha, an chhelo dun tawp," Jamie-in a rawn ti leh zat a


Thlalak chu hlui in, fiah viaulo mahse in ngaizawng inhmeh tak chu an ni ngei ang ; Mahse....!


Mahse, engvanga ka lungphu zawn hi sa veng veng nge a nih, ka thaw deuh kawka, "i rilru te kha alo na ange, hriat belh duh ineih chuan ka zawhsak thei reng che a nia, Dear Maya," Tih leh emoji nui tuar chuan a rawn ti leh a, kalo thaw hak thung ; Mahse, diktak chuan a nupui a ni em tih zawh ka chakin, ka hre chak takzet bawk


Sofa a ṭhu Nathan-a hnathawk mawlh mawlh chu ka en a, a sira Bryson-a IPad khawih ve mial mial chu en lehin ka nui ri suka, an vahan inchhun pafa tak êm...!



Nathan-a mithmul sei er zet leh dum chhah zet te, hnar ngul sang vah leh hriam hrak mai, a mit khur thuk lam lek lek leh khabe ruh lian ṭhazet mai te chu thlir nin a har ka ti


"Hmelṭha ho.." Group chat ah chuan ka ti a


"Hmelṭha kha min rawn ti miah suh, hmelṭha itih a piangin i kâ aṭangin thu ṭha a chhuak ngailo," Jamie-in a rawn tih chuan, "dik chiah," Eunice-in a rawn ti ve zat bawk a


Nernungin, "Chutiang a nilo, Nathan-a hi ka duhin ka hria....,"


"Whattt... Are you fucking serious Maya...?" Voice-a ring leng lawnga a rawn tih chuan Nathan-an min rawn melh zawk a, a nui suk bawk, khatiang a ringin a rawn ṭawng ka ring phalo hrim hrim, volume lah chu kala up zui bawk a, hahthlak hian, kan awmna ward hi VIP niin ka hria, vanneih thlak thei..!



"Rawn voice tawh suh," Tih leh, "ka hre biklo, ka duh a niang, a bul hnai a ka awm hian ka lungphu hi a rang em em zela," Ka tih chuan rawn nuiin, "chuan engtia tih nge i tum?" Ni e, Eunice-i nge nge zawhna min zawt ṭha e, engtia tih nge ka tum..?


"Wait... Putar running chawp ngai kha i duh silo a, 'Old Lion' te kha iti si a," Lalramnghaki hi chu aw....!



"Ka duh te chuan, ka duh thu ka hrilh angchu, mahni duh zawngchu neih ngei kan tum tur a ni lawm ni? Lalramnghak lo ngawi chipcham rawh," Tia ka reply na chu an rawn nuih nasa mai; Mahse, ka thutak viau thung, ka duh a nih chuan ka duh thu ka hrilh tur a ni lawm ni?


"Ok, Ok fine ; Mahse, advice ka pe angche, pathlawi zûn a uai hi ana a nia, fimkhur rawh," Ka nui ringawt a, kanla hria angchu, an sawifo ṭhin pathlawi/nuthlawi zûn a uai natzia chu


Ni a kal a, thla a ral leh tawh, Nathan-a pawh a hma zawng aiin naupang leh ka bulah hun a hmang tam a, kan inpawh in, naupang ho pawhin, "daddy," Tiin an ko ve lang lang thei tawh bawk, "Daddy" antih lai a Nathan-a hmel leh mit a hlimna lang ṭhin chu a inhmehlo hial zawk ṭhin


zan erawh a mu tamlo viau thung, eng hna ber nge a thawh kala hre chuanglo na in company velah a thawk a nih ka ringber, file leh document, investment lam emaw hi hmuh a awm fo mai

Hna ṭha tak erawh a nei tih ka hre thei, car thar lian leh nalh tak a neia, damdawiin a riah zeuh chang pawhin VIP ward-ah min dah fo danah ka hrethiam



"A sa lutuk," Ka chawhmeh kan na telin ka kut a rawn per chuan, ka thing nawk nawka, engtik laiin nge Nathan-a ka bula a rawn thlen ka hrelo, tuidehna a min pawtin, tui herh haw rawk rawkin, "fimkhur tur che alawm," Min rawn melh zawk a, a che vel chu mit khap fak fakin ka en a, ka kutsa ka theihnghilh ṭhak ka ti ngam


"Nathan..."


"Ummmm," Ka kut ala vuan reng, min en lo a, ka kut chu a en ngar thung


"15mins a tlin hma chuan laksawn i duh thu rawn sawi suh," Thu minpe zetin a rawn ti zui sup a, ka nui var var thung, ka lu ka lo thinga, "Nathan, ka duh che..." Lalpa leh....!

Ka in ring hmanlo, Nathan-a pawh a khawng at thei, rang lutuk a ka kut a dawm kai chu la letin, "ka...ka duh che....in ka hria...." A tawplam chu a zuih a ral ṭhak, a hre kher a ngem ka hrelo


Muangchangin a rawn ding ngil a, thaw la deuh hakin, ka mit ah chiang lutuk a rawn en chhuk run chuan, "Malsawm..."


"ummm," Zâm ru zet leh hmai sa hat hat chuan ka en chho kiau a, diktak chuan ka sawi duh mah nise, ka tumloh zetin a hmela min ngaihtuahna ka hmuh khan ka lei ka veng hmanlo a ni, ka sawi chhuak ringawt a, ala hun viaulo tih ka hria, a bikin Bryson-a treatment lakna effect neihlai leh a rilru hahlai a ni bawk nen, ka lei hi lo vên tur a nia lehh....!

Mit a chhing deuh sawka, "min duh suh, ngaihzawng sawiloh hmeichhia nen a in zawmna neih ka tumlo, i hrethiam em?" Nui luih ngial ka tum a, min hnawl dan teh tawp chu nuih luih harsa tak a ni, cubic lung nen min vawm dawtse dawnsawn a nuam zawkin ka ring



A vawikhat nan mipa bulah ka duh thu ka sawi a, zankhat em pawh in ngaihtuah lovin hnawl ka ni nghal a nia leh...!



"Zanin chu ka rawn haw dawnlo a nia," Tih zawm nghuta inherin a pensawn nghal pawk pawka, ka thaw em pawh ka hrelo, ka zak a, khural thei ila, khuk ral chem chem mai a nia ka duh ni



Kawngkhar in har ri rap te chuan ka kawchhung anti na in, anti khur ru der der thei, ka rilru erawh ana hauhlo na in ka zak a ni, ka thlanfim a rawn bawl ṭiam ṭiam bawk



Ka phone rawn ri ral ral chu la in, "Hello," Ka ti zawi sap a, ka lungphu ala dik theilo, thaw ka'n la hak a



"I aw chu engti zia nge? I putara'n a hnawl ta che emaw ka ti dawn alawm?" A chang hi chuan Jamie-i hi chu ben hrep hi ka chak ṭhin



"Umm, ka ni a lawm," Ka chawhmeh kan lai chu phurlo zetin ka chhunzawm a


"Seriously," Tih leh a nui nghal uar uar a


"Eng nge ni a?" Eunice-in group call a rawm join ve chiah bawk a



"I nau duhtak hi a crush Old Lion-a khan a hnawl a nih ring," A nui leh nghal uar uar bawk


Eunice-i pawh rawn nuiin, "tak tak em ni? A nih chuan in khatah in awm sia, nuamlo duhawm ve, engtia tih nge i tum?" A rawn tih chuan


Ka thaw hak a, ka chawhmeh chawh lai tawp datin, "engtin nge ni vak ang, 'min duh suh' a tih vang ringawti ka duhlo thei chuang hleinem," Ka ti hap a


"Chuan duh zawm zel i tum em ni? Ngawiteh engtin tak nge a hnawl che a?" Lalramnghaki vak vak ṭhin hi, ka nuih pawh a za lo, hnawl nihlai a lo nuih thler duar duar mai



"Duh zawm zel dawn e, ka duh tawh a, ka ta a siam ka tum tlat dawn, Malsawmdawngi, Mrs. Awesome ka nih hi, min duh turin ka siam dawn," Uar fahran a ka tih chuan Jamie-i leh Eunice-i chu an rawn nui hawk hawk a, ka nui chhuak ve ta tho



"Ok, kan support tlat che a nia, mahse vawikhat pian ve mana pathlawi fa 3 mei tawh neih tum tlat chu a tawnloh thlak e," Ka phone chu ka melh vak ringawt a



chuti mai mai a bansan ka tum teuhlo, insawi mualpho ta sa sa, min duh hmaloh chu minduh tura siam a ni mai ; Bakah, min haw biklo tih ka chiang bawk, keimah Mrs. Awesome ka ni miau a, min duh let ve tur hi a ni tawp mai

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:01 pm

MY TREASURE
By
Floria Laldansangi



Chapter < 16 >


MAYA...POV



"Heng zawng zawng hi i siam amaw?" Dawhkan a ei tur tam lutuk chu mak a ti tih hriat takin en kual chuan min rawn en leh a, a mit a ti zîm deuh sân chu melh zawka, naupang ho an ṭhutna a hlang kaiin, "lungngai suh, eitur nen chuan ka thlemlo angche," Ka ti chu min rûm khum nghutin a ṭhu nghal zat bawk



"Malsawm..." Chaw bar pah a min rawn melh zawka a tih chuan en in, a hmelah chuan, "min duh suh," A ti leh dawn a ka hriat avangin chiang fek fawk a en in, "Min duh suh' tih kha sawi duh tawh suh, nimin ah i sawi tawh a, ka hre tawh; Bakah, ka thu thu a ni, ka duh leh duhloh che chu," Ka dar ka san khum ak a, chaw ka bar san hmak bawk chu tih ngaihna hriatloh hmelzet in a lu a thing nak nak a, a nui zui suk bawk, nin chhanlet ngaihna a hriatloh chang a a hmel landan leh tihngaihna hrelo nui ringawt hmel ṭhat zia em em hi aw....!



"I nu leh i U Mizoram ah haw an tum tih kanlo hria a, zui ve i tum em?" Chaw bar pah a a rawn tih sup chuan ka chaw bar lai tawp datin ka en vat a, ani erawhin a chaw ei lai chiah a en ngar thung


"Zui turin min duh em ni?" Min rawn melh zawka, hawisawn lehnghal in, "i thu a niang chu," A ti leh supa, ka hmui ti pawrh tarhin, "i thu a lawm, ka boss leh ka bialpa ni mai tur i nia," Ka sawi zawh rualin a antui(soup) hawp lai a phuh deuh ṭhata, a khuh nghal hak hak bawk, rum zet a min rawn melh chu ka dar lo san khum ak in, "thudik alawm," Tih leh Bryson-a ṭap ri ka hriat avangin ka tho nghal daih a, ka pensawn chu min en ram ram tih ka mit sirin ka hmu thei


Bryson-a, a treatment lak avanga cher zet mai leh a sam tlak avanga a lu kan meh kawlh tak chu en deuh vang vangin, "engtin nge Mizoram ah ka kalsan theih angche u," Ka phun sap a, ka nu leh ka U bula awm chu chaklo ka nilo ; Mahse, heng naupang kalsan hi ka zuamlo a ni


Bakah, ka pa lu kan phumna hmun hi kalsan turin kala in peihloh hle tih ka chhungril hian a hria a ni


"Mamma, tinge Bryson-a hi sam a neih tawhloh a?" Brayden-an a rawn tih chuan Bryan pawh a thil tih lai chawl meuhin min rawn en a, an pathum a en in, "sam tamtawk a neih theih nan kan ziat kawlh maw le, a ai nalh a rawn ṭo dawn a lawm," Ka tih chuan Bryson chu a nui var var a, Bryan leh Brayden-a te rawhin ka thusawi chu an awih hmel viauloh, tunlai naupang chu an fing tawh lutuk, bum mai mai theih pawh an ni tawhlo



Naupang ho ka ti mu deuh chiah tih ah kawngkhar a rawn ri ral ral a, room aṭanga chhuaka kawngkhar ka hawng chuan, "Jamie," Tih leh a sir a ding mipa chu ka en nghal hâ bawk, bialpa thar a nei leh tawh emaw ni le....?



"Ti khan en min suh, ka bialpa a nilo, lut teh," Ka rilru hria ni awm tak a tih leh rawn penluh a rual a, ka nui chhuak ringawt thung, bialpa a thlak leh amaw ka ti hman dawn lek lek alawm



"Awmpuia a nih kha, Op ti mai rawh, Op kha kha Maya," Ti nghal zet zet a sofa a thatchhe zet a ṭhu thla hnak chuan min rawn en a


"Ka hria alawm, Maya-i chu i pa te nen hna kan thawk tlang reng tawh, Chef ṭha tak a ni, a ei tur siam ei a chakawm.leh takzet," Min rawn en chunga atih chuan Jamie-in en haw in, "engmah i sawi silo a," A rawn ti nghat a



Nui sun sun in, "min zawt hleinem, bakah hman deuh ah a phone number ka dil a, min pe phal silo a, sawi vak a nuamlo a," Min rawn en in a nui vur vur bawk a



Kei erawhin a thusawi chu engmah ka hre tawhlo, ka number min diltu, ka pa thawhpui ah ka hriat awm pawhin ka hre love a...!


"Min hai a niang," Tih leh an thil rawn khai luh chu en in, "Beer pawh chu in rawn ken ṭeuh a, in in zo thei dawn em ni?" Jamie-i bula ṭhu ta mailo chuan, ka hniah a ṭhu zawk Opa bulah chuan ka ṭhu thla ve mai bawk a



"Eeee.. Zo thei tehreng ê le..! Chiangkuang taka hnawl inih kan lawm angchu," Lalramnghaki hi chu aw..mm! An pahnih chuan an nui zui ang hawk hawk bawk a


Nernung in kawngkhar rawn ri leh ah chuan tho chhuakin ka hawng a, "Eunice, zan zanah eng nge i rawn tih ve dawn? Lo lut rawh," Eunice-in kan in a rawn thleng chu mak ti zetin ka en a, inchhung lut a hawi kual pahin, "karleh maiah Mizoram kan pan tawh dawn si a, inchen na ka hmu chak ve maw le, a felfai hle mai," Min rawn en in a nui a, "ka rin aiin chhungpui nu nih i tlin daih dawn hi," Tih zawm sapin choka lam ah lutin, "kan choka aiin a lian daih lehnghal, eiin siam nuam iti bawk si a, khaptu che an awm tawh dâwn si nen, nuam iti letling viau lo maw?" Choka aṭanga rawn chhuak pah a tih chuan ka nui a



Beer Can kheuh hawng pahin, "naupang nen chuan engmah a tih theih tak tak loh, tunah phei chuan Bry damlo vel nen choka chet pawh a rem tawhlo lehzual, cake chithar tui deuh tur ka siam ang tih ka rilruk a nia," Tih leh beer chu ka lem deuh khalh khalh a, ka sawitawh in ka hria, beer tui ka tih zia hi, kâ chhungah hian a tirin a khafak a, a hnuah a rawn thlum dek dek hian a ti tui em em mai a ni


Bu nghatin, "Op engtik nge Mizoram let ve i tum?" Jamie-i bula ṭhu paha Beer ban a a tih chuan Op-an, "ka hrelo le, kumin kum tawp lam chuan haw ka rilruk ve tawh a, dam chuan Mizoram lamah te kan in hmu ho dial dial angchu," Min rawn melh zawk, ka lo nuih seih ringawt a, keite chu haw pawh ka tum ve hleinem, bakah Mumbai hi ka seilen na a nih vang nge ka inla khua leh tui em em ringawt tawh mai



"Ni e mawle, Maya hi chu Mumbai ah hian ala awm rih ang ; Mahse, min rawn zui ve vatse kan duh a," Min rawn melh chunga a tih chuan ka lo nuih leh ringawt a, kan pali chuan kan ti ti zui nak nak bawk


Jamie-i leh Opa inbiak mawlh mawlh laiin, "Maya thildang daih, Nathan-a nupui hlui hi i hmu ve tawh em? Tun hnaiah an inbe leh in i hrelo maw?" Teh daih chuan, Eunice-i chu ka en haw a, Jamie-i pawhin a ṭawng lai tawp meuhin Eunice-i rawn en in, "Nathan-a room sawiloh inchhung hi kan hawl chhuak vek tawh, a thlalak pakhat pawh hmuh tur a awmlo, a mak ve khawp mai," Ka chhan hma a Jamie-in a rawn tih chuan Eunice-i chu a thle deuh ha ha a



"Building ka rawn luh chhoh dawn hian 1st floor ah khuan Nathan-a aw ri ka hria a, hmeichhe pakhat nen an inbia in ka hria, naupang chungchang an sawi a, ka hresual pawh a ni maithei," Eunice-i bawkin a rawn tih leh chuan ka lungphu zawn hi a rawn sa nghal hat mai


"A ni te hi alo nia nge, a hnawl danah che a nupui hlui a rawn in lar lehin, ala hmangaih a ni mai, ex te theihnghilh theilo ngaihzawn aiin single ila a nuam zawk, chuvangin ka duhpui lutuk lo che, a upa rapthlak si, kum 20 velin in inthlau a, fa a nei tawh bawk nen, amah hi chu a chhelo viau na in in mizia a in anglo lutuk bawk sia; Bakah, nang phei chu "ngaihzawng" tia sawitur mumal ila nei bawk silo nen, a nupui hlui rawn let tase engtia tih nge i tum? He i khawvel zîm lutuk mai i kalsan hunah mipa tamtak i nunah an rawn lut chhuak anga, Lion-a pawh hi ilo duh tak taklo pawh a ni thei a, tunah rih chuan i mipa hnaihber leh i pawhber a nih rih avangin i duh emaw iti pawh a ni thei tho a, Opa pawh hi ila duhlo ang tih a sawi theih miahloh a nia," Jamie-in nui zui awr awr a a tih deuh duah chuan ka ṭhensak ringawt thung a



Ka rilru ah erawh, "tu hmeichhia nge a biak?" Tih ringawt a awm, Nathan-a mize en in hmeichhe satliah lakah a fate chungchang a sawipui dawnlo tih ka hria, a nupui hlui a rawn let leh tak tak amaw ni le..?



"Ni e, Jamie-i thusawi hi ka pawm zawng tak a ni, Mizo ah phei chuan kum inthlau lutuk hi kanla sawi duh ropui si a, kum 10 emaw 15 mai a ni lova, tunah kum 40 a tling tawh a nia, kum chu lo dahṭha pawh ni ila, a fate nu hi ala hmangaih phei chuan i na mai mai dawn, fate nu chu fate nu nge nge an ni zel a nia, in ngaihtuah nasa rawh, i luh thuk tak tak hma in," Eunice-in a rawn tih veleh chuan ka thaw deuh hak a


"Bul pawh kala ṭan êm loh hi," Ka tih sep chuan luhlul mintih hmel zet a an lu thingin, "i hria alawm, ka ngaihzawng hmasaber nen a kan inṭhen chhan pawh a nupui hlui vang a nih kha," Beer a lem zui zat bawk


"Pathlawi/nuthlawi zûn a uai hi ana in fa nei tawh ngat phei chu an buaithlak a niang, ka cousin pawh pathlawi fa nei tawh pasal ah a nei a, an buai deuh reng mai naupang chungchang ah," Op-an a rawn tih leh veleh chuan Jamie-i chuan pawmpui tih hriatzet a lo bu nghat nghatin, "a dik ang, in hmangaih tawhlo tehreng pawh nise, karah fate an awm tawh chuan buaithlak na chin hi atam ve dawn a, an nupui/pasal hlui tena an rawn beisei ve leh phei chuan buaina a tam mai mai, keiphei chu pathlawi ngaizawng chi ka nilo, ka sazu hauh hi ka ti na lutuk a maw," Nui zui uar uar a a tih chuan kan nui ho ta hawk hawka

"Maya-i pawh hi keimah ang tur a nia, duhtak leh hmangaih tak mai tawngin, neise a hauhna dawn lutuk," Ala tih zawm ang ham ham bawk a, a sawidik viau maithei bawk, ka ta chu ka ta chauh hi an ni tur a ni tawp mai a ni


Kan kai deuh ta hlawm a niang, Jamie-i leh Eunice-i phei chu an mu zawi hnuang tawh, Opa nen inbia in kanla ti ti sar sar thunga


"Ka rin aiin i rui har daih," Mak tih hmel zet a a rawn tih chhuah deuh tawng chuan ka nui ringawt a, "beer hi tui ka tia, chuvang a nia in vak hi ka duhloh ni, rui khawpa in tur phei chuan Can 10-15 vel in ila ka rui ve deuhin ka ring, chuvangin rui khawpa in ka tum lemlo," Ka tih chuan a nui huk a



Beer Can ruak chhiarin, "Can 8, i kenlai nen 9," Kan nui dun hak a, "tikhan in ngaizawng nghal law law rawh u," Nui vur vur a, men pawh meng mang hleilo a Jamie-in a rawn tih chuan in en in kan nuih a za zual sauh bawk


Aw thian kharh ri kan hriat chuan kan hawi vat a, Nathan-a rawn luh lai reng reng ka hrelo, a hmel zet chu, pawnlam ah tu in nge maw lo ti thinrim hrep le..? Keipui chhaih kawlh ang mai alawm a hmel thim zia chu...!



Mit thîp ram a min en in ka bula ṭhu Opa chu a en leh hrawk a, thah mai duh hmel a pu

kan beer in ruahna en kual a rum ri hrawihin, "min rawm zui rawh," Chang zeta ti hrawihin inher atum chu thawh mai ka tumlo, ka ṭawng a tui ve ṭan viau tawh nen


Tuna kan inbia anih chuan ka lei hi ka veng zo dawnlo tih ka chiang, in hau ila, beer hnathawh nen ka insual pui lehlo ang tih pawh a sawi theihloh, ka kailo chung pawhin ka in veng zo ṭhinlo a nia, midang awm ve nen, ka zui duh teuhlo



"Naktukah min hau mai rawh," Ti awlsam et chuan ka beer ken lai chu ka lem zo khalh a, tui tih hmel zet a, "Ahhh...." Ti ri deuh ngeiin ka kam tep deuh chap chapin, arsa chu ban in ka keih deuh hmawk bawk a



Op-an nui vur vurin, "i intui hmel thei ngawt mai, pakhat chiah a awm tawh in zo law law rawh," Tih leh Beer la awm chu a kheuh hawnga ka lam a a rawn lek chhuah chuan, thlipui ang mai a chakin Nathan-a ka bula rawn dingin Opa beer ken chu a pawt thla sawk a, a lem nghal khawlh khawlh bawk


Mak ti zet a en chho in, Beer Can 1 chu lem zo hnehsawh tak a ni, a bur ruak hmet khawr rap rap paha, "haw tawh rawh nangpawh," Ti hriam hraka ka ṭhutna a ṭanga min phih tho nawk chuan, a room ah min pawt pawh a nilo, a hnuh in min hnuklut a


Han ṭan leh au khumna hun a awmlo reng reng, a che rangin a che vut chuan minti ham haih letling zawk mah



A room chhunga min thehlut ti tih chuan kawngkhar chu a khar zui bur bawk a, kalh nghal rawk rawk a, a sakei mitmeng nen a ka lam rawn hawiin a thaw ri hrawih hrawih bawk


Sawtiang mitmeng leh thaw ri nen a min en a tawh saw chuan, diktak chuan ka hlau ve alawm, ka luh hi ka ti lul lui ve êm mai pawha, ka chil ka lem deuh khalh a, hlaulo ang tak a en let kalhin


"Naupang iti harh ang thawm dim ta che, Bryson-a phei chu tih phut chi a nilo tih i hriat ve reng kha, eng nge sawi duh ineih, min hauh i duh leh sawi vatla inleng kala neih kha," A mitmeng thîp zet mai, sen ram leh dur khup mai en let kalh a ka tih zat zat chuan za lo tih hriat zetin a nui hul hak a, a rapawm lek lek zawk



Tuna a hmel landan saw chu minpawh sawm vek duh hmel a pu, rapawm tak a ni


"Naupang..." A nui hul hak a, "inchhunga zu ilak luh a, nuam i tawl hma khan ngaihtuah hmasak tur che alawm," A ṭawngkam hman mai mai chu'h, nuam ka tawl hauhlo


"Nuam ka tawl hauhlo Lalhriatpui, ka u leh ka ṭhiante nen kan inkawm ho a ni mai," Ti let hlar chuan dak vahin, cho zet chuan ka en chho a, ka melh ram ram bawk




"Ṭhian.... Tu phiangsen nge a nih pawn a mi saw?" A ṭawng chu a ringlo na in mar fia fia tak a ni, ka lungphu bawk chu a rawn rang leh ta dawt dawt bawk a, a hunlo viau a sin le....!



Ka nerlui sawka, ka lungphu rang lutukin thawk a ti harsa leh tlat tawh, kuangkuah deuh at a hawisawn hmak chuan, "ka ṭhian thar maw le ; bakah, buaina inei em ni?" Ka ti let deuh hmak chu a ngaihdan a nilo nasa tih hriat lutuk a ka dar tawn tawn a rawn manbet a min kuai her nawkin min thing nawk nawk bawk a



Ka thluak leh kawchhung thin chhuah a tum emaw tih mai tur a ni, "Malsawmdawng, ṭhian maw? Ṭhian maw a nih a?" A aw zet chu....! A kha in, min ten na ni awm tak a tel bawk



Min thinna ka lu lah chu ala hai zui ang muai muai bawk a, a ṭawngkam duhlo zetin, "aw, ṭhian, ṭhian a ni, spelling sak kher i ngai em? Lalhriatpui i hmeichhe hriat ang mai mai ka nilo, nimin lawkah ka duh thu che ka hrilh che a, tunah mipa dang ka Hook-up pui i ring a maw?" Ti vin ṭhat a min dawmna phih thlaksak nawk chuan cho lutuk in ka en chho a



A thaw ri hrawih hrawih chu ring tak a ni, a kiai suk a, "ni rawhse," Tih leh a nui leh suk bawk, nichin lawk a min ei zawh vek duhna mitmeng kha khawnge a awm leh tak ni, a mit la sen râm mahse min seh mai duhna ang kha a awm leh tawhlo, "crazy," Ti sap a pensawn ka tum chu ka bânrek a min pawt let hrawkin, ka hmui chu a a hmui hmangin a chilh sawk a



Min fawp nghal ngawng ngawng chu tal nghal phat phatin, a bân bul sek zet maiah chuan ka sik vak vak bawk, min fawhna lah chu ana tulh tulh bawka, min zûk zawh vek a tum emaw tih mai tur a ni


Na zeta ka hmui hnuailam zûk leh vak chuan min thlah dawt a, ka kat deuh nawk nawk thei, ka hmuilah chu a sa thip nghal vawng vawng bawk a


Ka mittui a rawn hnam sawk, mittui tling deuh pam a melh chho in, "Lalhriatpui engthil nge itih hi?" Au vak ka tum a ka au chhuak thei dêrlo, ka khur chhuaklo chauh thung


Kiai sukin, "min duh a ni lawm ni?" Ka ben sawkloh nan ka inhum ruh ngawt ngawt a, "ka duh che a ni mahna, chuvang ringawtin ka taksa ah hian i duh duh ti turin thu ineilo, vawikhat...vawikhat pawh i kut hmawr pawhin min tawk leh rawh, eng nge ka tih dawn ka sawi theilo a nia," Ka thinrim lutuk chu ka aw a khur chhuak lek lek


A nui ri huka, "eng nge itih ang?" Ngeiawm zet leh hnehtu inti zet a mitko min kân khum ak a antih chuan, ka hâ pui seh ruhin, "nang lehni fate, he inchhung hi ka chhuahsan ang," Ka sawi tum a ni miahlo; Mahse, ka chhungril na lutuk hian ka tumloh lutuk thu ka chhak chhuak a niber


A nuihza hmel chu chawpchilh in thinrim hmelin a thlak nghala, min en nghal run run bawk, ka en let ve khai khai tho


Ka duh a ni mahna, ka duh vang ringawtin a duh duh a ka chungah a che thei ngawtlo, ka remti aw zawnglo mai


Rilru na zet a melh hrawkin, na zetin ka su dawt a, kawngkhar hawng rawk rawkin ka pen chhuak hlawk hlawk bawk, Jamie-in, Opa a thlah a ni ngei ang kawngkhar a lam aṭanga rawn inher a min en deuh haw chu, "sofa ah zanin chu mu mai rawh u, puan awmna i hriat kha," Tih leh room ah ka lut zui zat bawk a


Ka biang rawn lum thla pup chu ka hru tawk a, za lo lutuk in ka ṭhen sawk bawk, min fawh avangin ka na hauhlo, min ngaihdan leh a ṭawngkam khan minti na mah mah, ni e, ka duh alawm ; Mahse, thianghlim takin a ni ka duh ni



<><>~>~>~><>~>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:02 pm

MY TREASURE
By
Floria Laldansangi


Chapter < 17 >


NATHAN-A....POV



"I ṭha meuh a maw?" Tih pah a ka hma a whisky no rawn nawr hnai tu chu ka melh zawk a, kiai suk a whisky thli chhuakin, "Engtik maw Mizoram chhoh i tum a?" Whisky chu ka tem zui hlek bawk



"Bawiha, ka nunna thâpin i hnena hnathawk turin ka rawn kal tih i hria em? Mizoram phei chu ka ngaihtuah ngam rihlo," Kan nui zui huk a


"Tak takan a, i ṭha meuh maw? Maria-i vang nge Maya-i, nge ni a....?" Sawi zo lova ka phone dahna lam thle zauha a tih chuan ka ner suk ringawt a

Ka phone rawn ri ve chiah chu melh zawkin, ka rum nghut bawk, ka pickup rualin, "hello.. 1...2..8..5, ohh... Sorry, Mr. Nathan," Muang ban charh si, ti êl zeta a rawn tih chuan ka nui hul hak a, "Marco, tun ni 2 chhung hian min ngai hle a ni ngei ang maw?" Ka ti let sup chu a ngaihdan a nilo nasa tih hriat takin eng amaw hi a ri zui bur bawk


"Hrepa Nathan, ni e, ka ngai viau che a ni ngei ang, ka mal ruh ti tliaktu ka ngaih viau chu a pawi em ni?" Seh chilh deuh rap rap a a rawn tih chuan ka nui ri suka



Min en kar tu Henry-a chu melh zawkin, "Marco, tânin chhungah zirtirna i dawng ṭha lo ni in alang, i mal....." Ka tih lai mekin, "mipa naupang duhawm tak leh nupui hmelṭha tak an ni Nathan, ka tih awmzia chu Triplets leh nupui tleirawl të neih chu eng ang in nge a nawm ang tih ka lo suangtuah a, a hmui nk zet leh a nui hmel pawisawilo tak te, a vun mam nalh tak te kha," A rawn tih rualin dawhkan ka chum ri zui dawt a, "Marco..." Ka ti chhuak hrawk bawk


Rawn nui hawk hawkin, "in bengdai rawh Nathan, tun maiah chuan chetlak ka tumlo ka ti tawh a ni lawm ni; Mahse, ka'n sawi nawn leh ange, hmeichhe nalh tak a ni," Nghet lutukin whisky no chu ka huma, "Marco a sam hmawr pawh i tawk a nih chuan i ke lehlam pawh kha i chan ngei ang, ka hrilh che a nilo, thu tawp a nih chu," Ti kha hrawihin phone chu ka off zui hmak a



Dawhkan chu chum leh datin ka no a whisky la awm zawng chu ka tlak zui pap bawk, ka hrawk a sa thla ham ham a, ka mitthla ah kum 1 liamta a Marco nen buaina kan neih ṭum kha a rawn lang zui zut zut bawk, ka phun zui hluk a


"A landan in, kan tum ai hmain Mizoram ah an let a ngaih hmel," Henry-a chu a nui suka, ka no a whisky thlit belh pahin, "a thiamloh a ni si a, hetia phuba lak tuma a nun a hmang ta reng hi a lainatawm letling in i hre ve lo maw?" Ka nui tawi tak ringawt a



Kum 1 liamta, jail aṭanga ka chhuah hlim khan, B-large company a ka sum invest a fuhloh avangin sum tamtawk invest belha, share lei belhnan sum ka mamawh avangin, hna hlauhawm tak, sum tamtak hailuhna tur ni a ka hriat, tlereuh tlawhrukna ah ka thawk a, thla tel tel thangbo chang te ka nei ṭhin, chumi hunlai chuan Marco nen a in hria kan ni a ; Mahse, engkim hi tum ang a a awm theih miahloh avangin Marco nen pawh inbât sualin a malruh kan insualna ah ka ti tliak ta kha a nia, ka ngaihtuahna avangin ka nui ri suka, "jail aṭanga a rawn chhuah ruala a tum hmasakber tur chu keimah ka ni a, chumi hma ngeiin naupang leh Malsawmi hi Mizoram an thlen a ngai ang, an hmel a hre tawh bawk si a," Ka ti zawi sup sup a



"Malsawmi hian Mizoram let a duh meuh ang maw, thlemthluk a awlsam dawnlo a nia, a luhlul ve angreng si a," Henry-an nui tuh tuh chunga a rawn tih chuan Malsawmi hmel ka mitthla ah a rawn lang zui zat bawk, ka nui huka, "a duh ngei ang," Ka ti thawp sup bawk



"Marco chu dahṭha ila, tunah chuan Mizoram a naupang ho awm chu a fuhber rih in ka hria, Maria-in lak phêt a tum phei chuan, court thleng ula i hneh dawn silo a," Henry-a chu ka en vat a


A dar san ak in, "a nia lawm, an hringtu nu a ni a, i thisen an nilo tih theihnghilh suh Bawiha, Court ah chuan hnehna i chang dawnlo, mipa tan full custody chan chu thil awlsam tak a niloh mai bakah, i thisen an nilo lehzel nen, i hriat thiam ka ring," A tih leh duah chuan ka thaw hak a, whisky bawk chu ka tlak zui leh pap bawk


Ni e, ka thisen an nilo a, dan ang takin min chhuhsak a tum a nih chuan awlsam takin naupang ho hi ala thei ngei ang tih ka chiang bawk


"Ngaihtuah tam lutuk suh, Maya-i nupui ah neila, family register-ah nu enkawl tu tur an neih chuan thil a awlsam vek mai ang," Ka dar a beng thak thak pah a, nui sûng chunga a tih chuan ka nersawk ringawt thungal


Maya-i nupui ah neih maw...? Tuna ka lak a a rilru put dan ka hriat pawh hian rilru a ti buai thaw khat viau tawh a ni...! He hmeichhe naupang lakah ka rilru ka pekloh nan theih tawp ka chhuah a ni tih hre chiang bertu a ni angchu...!





MAYA....POV




"Nizan khan Nathan-a nen khan eng nge in inhauh leh tak a, 'tiam tlat e' tihlam in pan dawn emaw tih lai a," Chaw ei mawlh mawlh paha Jamie-in min fiam zauh paha a rawn tih chuan nizana Nathan-a chetdan ka mitthla ah a rawn lang zui zat bawk, ka thin a rim thar leh thut mai



"Engtin nge Nathan-a te ang mipa hi ka duh theih le? Mahse, ka duh bawk si a," Jamie-i leh Eunice-i chu ka bia pawh a nilo, keimah leh keimah ka inbia a ni mah zawk


In en hrek hrek a rawn nui chhuak hawkin, "zawhna min zawt nge? I in zawt?" An pahnih chuan ka melh zawk a, soup hawp deuh pawkin, "ka in zawt," Ti hlukin, "vawiin chu Jamie hna i kal dawn chuang lova, damdawiin ah min kalpui angche," Ka tih zawm zat chuan a bu ve mai bawk a



"Nathan-a sawitakah chuan kava hmu love, zingkarah a chhuak em ni?" Eunice-in min rawn en a a tih chuan ka dar san ak in, "ka hrelo e a," Ka lo ti bul hmuk chu a awih chiahlo a niang a nernung mai, ka hrelo tak tak, dar engzah ah nge a chhuah tih pawh ka hrelo


Damdawiin kan pan tur, Cab kan nghak pawh, a ngaite bawkin kan chhangchhe leh nawk nawk khawp mai


Bryan leh Brayden-a in um kual chhen chu vensen pawh an nilo, Bryson-a lahin a chak ve bawk, in dawm leh inkuahbeh reng mai zawng a chauh thlak ta hret a ni



"Mamma tinge ka tlân ve theih tawhloh a, ka zuang thei tawhlo a, ka sam a awm tawh bawk silo a, damdawi in min chiu reng bawk sia, ka damlo a mi?" A hma seat aṭang chuan Jamie-i rawn in herin min rawn en vat a, keipawh in sawi mai tur hre lovin Jamie-i chu ka lo en ve haw bawk



An unau thum a ka chhanna an nghak tih hriat tak a min en kar chu thaw la hakin, "umm engtin nge ka sawi ang aw...." Sawi tur hlawl ka hrelo tih Jamie-in a hria a ni ngei ang, "Bry, Lalfapa Jorge-a ka sawi kha ila hria em? Bryan leh Brayden-a te pawh khan in hria em le?" A rawn tih chuan an bu nghauh nghauh a


"Ka hria, Prince Jorge chu sakawlh lakah lalram venghim tu tur a nih vangin naupang dang tih ang a ti ve theilo a, Lal in pawh a pel theilo," Bryan-an rang zet a a rawn tih chuan a nau te chu anlo bu nghat nghat a, Jamie-i pawh bu nghata Bryan te unau rawn melhin, "Bryson-a chu Lalfapa a ni a, i len hunah i Mamma leh i U te venghim tu tur i nia, chuvangin mite tih ang zawng zawng iti ve theilo a, chuan damdawi a an chiu chhan che chu, i len huna chakna tamtak ineih theihnan a ni," An awih ngei tur a a rawn sawi chuan lawm tih hriat tak a Bryson-a a buk nghauh nghauh laiin, "kei leh Bryan teh..." Brayden-a chu kan en vat a



Jamie-in min rawn en a nui hawkin, "i fate hi an fing mah mah a ni," Tih leh, "nangni pawh Lalfapa in nia; Mahse, nangni chu in upa tawh a, in chak tawh alawm, Mamma pawh in venghim thei tawh a ni lawm ni?" A rawn tih leh chuan an unau in an in en a, bu nghatin, "Mamma, Daddy Nathan-an a hauh leh che chuan kan chhan angche," Phawk fe in Bryan chu ka en vat a, Jamie-i pawhin mak a ti tih hriat takin min rawn en ve haw tho mai


Bryan hi an unau ah chuan a fingin thil a chik a, a hrethiam hma em em tih ka hria; Mahse, engtin nge a pa nen kan in hauhte a hriat ni? Chuai mah chuan "daddy Nathan-a," A ti deuh kher chuan min ṭhawng lehzual



"Bryan, Daddy Nathan-a ni lovin, Daddy tih tur aw, naupang fel chuan ai upa te, nu leh pa te an zah ṭhin, in hrethiam em?" An bu tliar tliar chu nuih var var a an sam a tuaiin, "in fel lutuk," Ka ti sap bawk



Ka chau in, ka hah a, beidawn leh tlanbo vang vang duh chang ka nei ṭhin, ka fate an nihloh na ah an sual a chhuah a, nawm samloh nen a min han zîm tak tak hi chuan bo san vang vang chak chang hi ka nei fo mai, kei chauh nilo, nu fa nei tawh tamtak hian chauh avanga bo pil chak chang hi an nei fo in ka ring; Mahse, chutiang chang awm ṭhin mahse, kan chakloh lai leh beidawn chang pawh a, kan chaklohna kha chakna minpe tu bawk an ni ṭhin



Naupang ho ka en hian ka rilru a lo lang fo ṭhin chu, "engtin nge heng naupang duhawm tak tak leh hmangaihna ngah tak mai leh hmangaihtu mamawh bawk si te hi an hringtu hian a kalsan theih ni?" Tih zawhna hi a rawn lang fo ṭhin, ka hrin nilo, sum vang chauha enkawl tu pawh hian kalsan harsa ka ti tawh a nia....!




Darkar 3 zen zawn treatments ala leh tur chu a peihlo tih hriat takin a ner nung nunga, a chang hi chuan en hreawm ka ti ṭhin, hriau an vihluhna hnu hma hmuh te hi hreawm ka ti a, a ṭap ri hriat phei hi chuan ka ṭhu mai mai thei ṭhin lo


"Mamma..." A mittui a tling pam, "Bry, i chak êm kha, mipa chu an ṭap ngailo, tiraw?" Keimah zawk hi damdawi an thun dawn a piang hian ka lo ṭangin, ka ṭap lo chauh zel zawk a, buaithlak ṭhin hian...!



A bân a damdawi an thunlai chuan mit ka lo chhing leh sawk tawh, "Bry, Mamma hi a chhuah a hun tawh a," Doctor-in Bryson-a a hrilh chuan mittui tlingpam in a lu a ti che zauh a, a chal a fawp zauhin, "i fel kha, pawnah ka lo nghak leh angche aw," Ka tih sep chuan a men zui nghal puai puai bawk, treatments alak na hmun ah hian rei min awmtir an phal miauloh avangin treatment a lak chhung zawng chu room pawnah kanlo nghah a ngai ṭhin, naupang tan chuan a hrehawm in, ninawm tak a ni ngei ang



Room aṭanga ka chhuak chu Bryan-a hmeichhe hmeichhe pakhat inbia a, khawih a tum tih ka hmuh chuan ka pan vat a, Bryan-a dar a chelha ka lam a pawt pahin, "Bryan khawnge i nau leh Nute Jamie-i?" Tih leh kan hma a ding hmeichhia chu ka en a, sam sen buang ṭha zet mai, 5'6ft dawn a sang, a pheikhawk sang bun nen phei chuan 5'8ft a tling thuak angchu, chuai pawh chuan a säng mai thei bawk



"Tunge inih a?" Bryan alo hnaih lutuk chuan ka ngaih a ti ṭhalo, a nui säng a, ka mal kuah chiala ding Bryan en zauha min rawn en in, "mipa naupang fing leh duhawm tak a ni," Nuisang a a tih ban chap chuan, ka zawhna chhang lova a hel daih danah ka hlau ru ve ringawt a, nui tawi takin, "kan lawm e," Tih leh Bryan chu ka pawm kâng zui zat bawk


"Brayden-a a zung a," Bryan-an a rawn tih takah chuan a chala a thlan rawn luang chu hrukfai sakin, "mahni a khawimah vahloh tur tih ka sawi ṭhin," Ka sirah hmeichhia kha ala ding reng, Bryan lah chu duh hmelzetin a en ngawih ngawih lehnghal a



"Mamawh inei em ni?" Ka en a, a phu deuh zuk mai, min rawn en in, "i fapa em ni?" Eng zawhna nge maw ni ngaile?


"Ni e," Tih leh ka pensawn tur chu kan lam panin Nathan-a rawn pen pawk pawk ka hmuh chuan ka ding dat a, a hmel ka hmuh chian chuan chang tak a ni, kei leh Bryan chu min hmulo nge ni, kan bula ding hmeichhe nalh zet chu rum lutuk a en ding ngar ngarin a rawn pan pawk pawk bawk



Kan bula a rawn thlen rualin min rawn melh zawka, "Jamie-i leh Brayden-an Food court ah an nghak che u," A rawn ti bul hmuka, a ngaihna hrelo zetin, "eng nge...." Ka ti dek dek chu, "Bryan kha hruai rawh," A ti vin nghal hrawih chu ka lo ip chawih thei, chutiang bawkin Bryan pawh a phu zuka, min kuah nghal chial chial bawk


Rum zeta melhin, ka ṭawng dawn a, "daddy, Lalhriatpui, Mamma hau tawh suh," Bryan chu kan pathum chuan ka en vat hlawm, engtin nge Nathan-a hmingpum a hriat le..? a pa chu a hua emaw tih turin, min kuah chial chung chuan a melh ve khai khai bawk a, hmeichhe ding he chu a lo nui ri suk a, "a chhun hle mai che Nathan," Ka en nghal kawk ; Mahse, ka in siam ṭha nghal vat thung


Nathan-a chu thaw hawkin a chhip sam a tuai puata, "ka hau lo, ice cream lo zu ei rawh u ka ti mai a ni," Aw dam zawk hman tum a seh chilh zet a ti hriam leh hrakin min rawn melh zat bawk a, a mitmeng ah chuan hnial a duhloh zia alang chiang viau mai


"I hrin em ni?" Chunu bawk chu, a â emaw ni le


Alam hawiin, "tunge inih a, eng nge i hriat ka hrelo; Mahse, building lehlam saw The psychological wellness Center a ni a, psychiatrists leh psychologist thiam tak tak an awm bawk tih ka hrilh ve mai mai angche," Ti let nghat chuan Nathan-a melh leh vakin ka pensawn nghal a



Tunge a nih hrilh tam ka ngailo, Bryan a en dan leh a zawhna siam duhdan ah Nathan-a bialnu a ni tih ka chiang lutuk tlat, "a nupui hlui" ka tih chuan ka fa a nih leh nihloh min zawt dawnlo tih ka chianga, a nupui hlui a nihloh chuan a bialnu emaw a hmeichhe kawp ve deuh reuh tihna a ni mai..!

Tenawm hian....! Sawinu vang saw a niang chu, "min duh suh," Alo tih ni...; Mahse, ka duh awmtho emai, kei aiin chhelo viau mahse a fate 3 ka nei tho


"Mamma tinge Daddy kha a thinrim a?" Lift kan nghah lai a Bryan-an a rawn tih chuan melh zawkin, "a thinrim hleinem, Bryan, Mamma hi pinky promise i siampui dawm em niang?" Nui var var in min en a, a bu nghauh nghauh bawk


"Umm tun aṭang chuan Daddy hi, Daddy tih chauha koh tawh tur, Lalhriatpui tih leh Nathan tih tel tawh lovin, ummmm... Naupang fel tak i nih kha," Ka tih chuan in ngaihtuah ni awm fahran a meng kalh kual ve chuan a bu nghauha, "pinky promise," Rawn tih leh a kut zungte a rawn lek chhuah chuan ka nui ve nghal var var bawk


Keima thiamloh a ni a, Nathan-a nen kan inhauh chang hian a hmingpum ngat a koh leh vin ka ching tih ka hria a, an hrelo emaw ka tih kha, anlo hria in, ka ṭawngkam an zir ve a ni tih ka hre chhuak uar uar a, diktak chuan ka zak ru viau bawk


"Ṭawngkam a zirtirna pek aiin che zia in thu a sawi ring zawk," Antih kha a dik viau in ka hre ta

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 31st, 2020, 5:02 pm

MY TREASURE
By
Floria Laldansangi


Chapter < 18 >


MAYA...POV


"Tlangval te i rawn pawm taka, anrit ve tawh si, pawm pawm suh, an zawngchhang mai mai," Jamie-i leh Brayden-a ṭhutna lam kan pan chu Jamie-in a lo ti deuh lang lang a



"Naupan amah chauha i kalsan a," lungawi chiahlo a ti nung nung chuan ka ṭhu thla a, "Awwww.... Nathan-a ṭhiannu khan ka lo awmpui ang a tih kha, bakah toilet kan kal tur Bryan hian min zui duh silo a, ka kalsan a nih kha, diklo a awm em ni?" Ka lu ka thing ringawt a



Bryan lah chu ka pawmna aṭangin a ṭhu hrang duh dêrlo, "kha kha alawm, i oawm sek zela, an zawng chhang, Bryan i tlangval tawh nangmah in ṭhu rawh," Bryan-a hau ti tih a a rawn tih chuan Bryan chuan en karin a lu a thing mat mat a, ka awm a rawn bei nghal chial chialin a hmai a thukru nghal tlat bawk chu ka hawi kual a, kan lam panin Nathan-a a rawn pen tih ka hmu zui zat bawk


Nichin maiah a pa hmingpum in a ko a, a inthlahrung a ni ngei ang, "Bryan thil kan tihsual chuan ngaihdam dil kan hreh tur a nilo, mipa chuan pa takin a thiamlohna ah ngaihdam a dil ngam tur a ni, chu chu mipa diktak nihna a ni, mipa diktak ini em?" Ka thle hâ a, min rawn melh zawk a, kan bula chair a rawn ṭhu thla ve chiah Nathan-a bih leh dek dek chuan, "umm," Ti zawi sapin a pa bawk chu a en leh a


"Eng nge tihsual a neih a?" Jamie-i chu en vatin ka mitmei vat bawk


"Le... Daddy bulah eng nge sawi tur?" Ka malah chuan ka ṭhut ṭhat tir a, in thlahrung tih hriat taka a pa en dek dek chung chuan, "daddy, sorry...." A ti zawi sap chu nuih var varin, "engvangin nge sorry itih le?" Ka tih leh chuan min rawn en a, "Lalhriatpui ka tih vangin," A sam a tuai zauhin, "mipa chu hetiang tur hi, Daddy pawh hian a ngaidam ngei angche," Nathan-a lam chu kan hawi a ; Mahse, ani erawhin kan thusawi chu hria ang pawhin a langlo, nilo, a rilru ah thildang daih a ngaihtuah tih a hriat mah mah zawk


"Nathan... Nathan," A rawn hawi awt a, rum tawk a lo melh ram ramin, "i fapa in 'sorry' atih chu," Naupang ka bulah awmlo se chuan ka hau hrep ang, tun aṭang chuan ka ṭawngkam leh naupang hriat a Nathan-a nen a inhauh pawh kan fimkhur a ngaih tawh zia ka hre chhuak tlat a ni


"Ummm," Tih leh a sam rawn tuai zauhin, "Malsawm inbe lawk ang," Tih leh a tho nghal thurh chu ngei tawkin ka en vak a, "Umm" tih chauh a chhan, bakah eng nge maw a ngaihtuah le...? Nichin mai a hmeichhia vang khan min hnawl nawn a tum êmlo angchu maw...? Hmeichhe dang vang mai mai a hnawl nih ka duh ṭhaklo a nia



"Bryan nangmah in lo ṭhu lawk rawh aw," tih leh ka mal aṭanga a hlang thla in, "khawiah mah lo kalsan tawh suh angche, Brayden, i hmui hrufai rawh le," Tih zawm zatin Jamie-i chu ka en a, "kalteh, kalteh, ka kalsan dawnlo," Nui vur vura a tih chuan ka hmui hnuailam ti pawrh tarhin, Nathan-an min lo en run na lam chu ka pan ve vat a



"Eng nge ni a? Tun tut tut a min hrilh i duh?" A pen zau si, a pen khat hi ka tan chuan pên hnih ang vel a ni a, ka tlan a ngai a nita ber ṭhin, a hnunglam ah 5'4ft awrh a sâng in ka'n um dat dat hi chu kan hmuhnawm in a nuihzatthlak viau ta ve ang



"Kal muang deuh teh, eng nge maw i hriat le?" Ka hah hman der tawh, ka hah phei hi chuan ka duh aiin ka vin leh ta ṭhin bawk a


A car din na bula ding dawtin, "engtik maw i nu te chu Mizoram an let dawn a?" A vahan chhe tak e aw....! Duh mahila tunah tak hi chuan a CHHIA a ni tawp...!


Rum tawk a melh vakin, "chumi min zawt tur mai mai chuan chak taka i pen ka umzui che a maw? I...." Ka sawi zo hmanlo, "thu ho mai mai ngaithla hman ka nilo, engtik maw an let dawn?" Alo ti bul hluk leh ta nghal a...!


A zaklo ve ham ham e a...! Ka sawi tur zawk a sawi daih lehnghal


"ka sawi tur a nih chu, chutiang thu ho mai mai sawi turin em ni hetah min hruai?" Ka melh chho ram ram a, a rum nghut duh chauh lehnghal, ka vahan ngei tak êm hepa hi chu, ka duh tluk zetin ka ngei tih ka chiang a ni



"Kartawp ah nge karthar ah?" Ava ninawm chhen e aw..!


"Thawh ṭan karah, eng atan...." Ka ti chiah, "Naupang ho nen zui ve angche u, in ka lei tawh a, awmpui 2 leh driver 1 in an awm chilh angche u," A thusawi chu ka hresual êm lo maw? Ka hresual emaw ka ti hman tak tak zawk; Mahse, a hmel thutak zet ah chuan ka hresual aw zawnglo tih ka hre chawpchilh bawk


"Tu thu in nge ka zui ngawt ang, zui tumna ka neilo," Tih leh inher ka tum chu ka bânrek a man in min pawt let nawk a, "inhnial buainan hun ka nei hauhlo Malsawmdawng, ka sawi ang chuan awm mairawh," A ti ram hmak chu za lo zet a nuihin, "i thusawi zawm turin ka eng nge inih a?" Min en run run a, ka melh chho ve khai khai bawk, "ka engmah, chuvangin ka awmna tur leh ka kalna tur a thu nei turin ka engmah i nilo," Tih kha fak chuan ka bânrek a hmerna chu ka phelhsak ṭauh ṭauh bawk a


A hmer nghet em em lehnghal, "Nathan ka engmah nih duhlo tu chu nangmah ini, theihnghilh suh," Tih leh a kut ṭang chu pakhat te te in ka phelh a



"Malsawmdawng.." A aw chu chang tak a ni, a tawplam chu a ri vin ṭhak bawk


"Lalhriatpui..." Ti let tuarin ka en chho vah a, "tinge i hmeichhe kawp tur kan dâl em ni? Kan hnawk em ni?" Ka saei tumloh zet zet ka sawi leh ta; Mahse, ka rin dan leh ngaihdan diktak a ni


"Hreptak che hian...! Hmeichhia an awmlo a chiang em? Ka sawi angchuan i nu te rualin Mizoram ah let angche u," A thusawi ka awihloh zia chu, awihlo rapthlak tak ka ni, hmeichhia vang a nilo amaw...? Dawheh lutuk mai...!



"Engtin nge niang, ka pa lu ka phumna hmun hi chhuahsan ka tum silo a," Ngeiawm zet a ti let nghatin ka inher sawka, rinv khawng at in ka pensawn nghal vawh vawh bawk, ka hnunglam a a thinrim car chum ri bur chu ka hre reng na in vawikhat pawh ka hawilet duhlo, a hma in a fate fahrah in ah dah a tuma, tunah Mizoram ah kan vai a min thawn a tum leha, a tum ang ngawt chuan engmah a awm âwmlo emai...!


Tunge ka nih? Malsawmdawngzeli ka nih hi, tu thu hnuai ah mah ka awmlo ang bawkin ka duh ka neih nan tu phalna mah ka lak a ngailo, ka duh chu ka nei ngei ṭhin bawk


"Eng nge a sawipui che a, Bryan i nau ti ṭap ziah suh," Naupang veng paha a tih chuan ka thaw kawk kawk a, ka kalna lam chu rum mang khenga melh let lehin, "Mizoram ah thawn mintum," Ti hlar chuan thaw ka la zui leh kawk kawk bawk



"In hahthlak emai a," Tih leh, "zanin chu ka let hma a ngaih hmel, front office kan inthlak a ngai dawn a, heihi Nathan-a theihnghilh niin ka hria hawnsak nghal la," A tih zawm zat chuan paper bag chu ban in, "ummm, takin a, Opa kha ngaihdam minlo dilsak dawn nia, number kan inpe hman ta silo a, Nathan-a ṭawngkam te kha a lo hua ange?" Ka tih duah chuan nui sun sunin, "duh zawk daihla, Old Lion-a ai chuan a zia daih zawk lo'ng maw, tlemin a patê deuh tih mailoh chu," Ka nui ringawt a, "sual viau in, ingeihlo viau mahila ka duh tawh chu ka duh bur tlat," Ka tih let chuan hmel siam danglam sâwng sâwngin, "ok ok, inhau rengin ila duh ve tlat bawk a," A ti zui nung nung ringawt a




Damdawiin aṭanga Jamie-i a pên tak daih avangin naupang ho nen chuan inlam kan pan a, Bryson-a ka pua a, a chau in, damdawi in a hneh tih hriat takin a muhil thaw sek sek bawk


"Mamma playground ah sawn kan infiam thei angem?" Kan kal pelh tak lam hawi let a Brayden-an a rawn tih chuan playground lam hawiin, "nidang ah aw, tunah chuan i nau hi mut tir a ngaia, infel kha," Ka kut lehlam ve ve ah ka kai a, ka darah bag lian ve tak, Mini Mart aṭanga ka lei chawhmeh tlem ka ak tel bawk a, Bryson-a kala paw zui bawk nen, in thlen vat vat bak chak ka nei rihlo



Bryan leh Brayden-a chuan infiam an chak tih hriat takin an en zui vawng vawnga, ka dâr pahnih hniha a nat kham ut ut avangin ka haider tlang ta law law mai



Lift nghah chhungte chu rei ka ti lutuk mah mah, damdawiin kan chhuahsan aṭangin Bryson-a kala paw ngar ngar a, taxi chhungah pawh ka hma puak avangin dar a kham duh ngut ngut khawp mai, a cher viau e ti lovin, puak rei chuan an rit ve tawh mah mah a ni


Inchhung kan lut chiah chu kawngkhar bul chhuatah ka bag ah chu ka nghat tawp a, room a chakzet a lutin, dimte in Bryson-a chu ka mut bawk a, a sirah ka thal thla ve tap bawk, thaw chhuak ham hamin mit ka chhing zui vang vang bawk a, tumloh zetin Nathan-a hmel a rawn lang zui zat bawk a'h...! Tunah tak hi chuan ka hmu peih miahlo a sin...! Arghhhh



Muangchang a tho chhuak chuan Bryan leh Brayden-a in um thawm ring lutuk chu chhuah pahin ka hau a, ka bag kawngkhar bula ka hnutchhiah tak la in choka lam ka pan nghal vat bawk


Ka bag a chawhmeh ka phawrh rualin Nathan-a paper bag ka hnawhluh tel chu phawrh chhuakin nernung in, "eng nge le?" Tih leh ka hawng a, paper vek a ni, hna lam thil a nih ka ring ve ringawt a



Nathan-a room a dah tumin a room ka pan a, a khum a dah mai ka tum chu a khum chungah pawh paper leh file tamtak hnawk zet mai a darh neih nuaih mai ka hmuh rualin ka thaw hak, "ka room chu keimah in ka tifai thei," A ti ve kha a nia, heti khaw a hnawka kalsan teh...!


Phun nuah nuah a rem ṭha mawlh mawlh in ka paper lak kân leh chiah chuan ka mit ala nghal zar mai, "DNA test na maw?" Ka phun sap a



"Father : Nathan Lalhriatpuia, Child : Bryan Lalrinsanga," tih inziak chu mak ti lutuk in ka chhiar thla a, "Probability of paternity :...." Ka kut aṭangin ka paper kenlai chu a tawlh thla riai riai a, "a fate an nilo amaw?" Ka phun zui sap bawk


Rang lutuk a paper bawk chu la kâng leh nawk nawkin ka chhiar sual a nih beisei chuan ka chhiar nawn leh a; Mahse, 99.99% zetin pafa an nilo tih chuang kuang mai chuan lungtum a den dawt ang maiin ka nghing dawt thei, engtin nge a nih theih...? Heng naupang 3 te hi a fate an nilo amaw..? A nih chuan tu fate nge an nih ang...?

Ka thil rem khawm sa chu ka haidarh leh sawk sawk a, eng nge ka zawn ka hrelo, nilo, heng naupang ho hi Nathan-a fate an nihloh chuan tu fate nge an nih ang? Chu chu zawn hmuh ka tum niber in ka hria



Paper leh file awm ho zawng zawng ka bihkim vek a; Mahse, engmah hmuh tur a awmlo, DNA test result bawk chu ka en nawn leh a, "engtin nge a nih theih? A nih chuan vawiin chhun a hmeichhia kha Bryan-a te unau hringtu diktak a ni angem? " Ka lu ka thing nawk nawk a, "i â em ni Malsawm, an hring tu nise ka fapa anih leh nihloh min zawt tawp nang," Keimah leh keimah chu ka inbe mawlh mawlh a


Nathan-a room aṭang chuan muangchangin ka chhuak a, ka eirawng bawl lai te chuan, "tu fate nge an nih ang?" Tih leh, "Nathan-an fahrah in a dah a tum chhan kha a ni angem? Mizoram a let tura mintih chhan te hi a ni angem?" Tih ringawt chuan ka rilru a luah khat



"I chawhmeh chhuah.." Tih ri ka hriat rualin ka harh zawk, ka chet hma in Gas chu Nathan-an a rawn off zui zat bawk a


A rawn haw lai ka hrelo pawh a nilo, choka a rawn luhlai ka hrelo hrim hrim zawk


"Eng nge i ngaihtuah a?" Ti hluk chuan min melh hrawk a, kei erawhin khawngaih leh mahni inthiamlohna a khatin kalo en hau thung chu mak tih hmel zet a min melhin, "i damlo em ni?" Ka lu ka thing mat mat thung


"Damdawiin a...." A tih lak mekin, "Nathan, chhun a hmeichhia kha Bryan-a te nu a ni em? I..." Ka ti zet na in ka chip leh ta zawk a, naupang ho nen inzawmna an neilo tih ka hria tih a hriat chuan a lawm hauhlo ang, ni e, inhauh ka ṭan leh dawn a ka hriat avangin ka ngawi rih ta zawk a


Nui sukin, "chumi ngaihtuah chuan em ni i bai chhuan i liam tir zawih zawih ni, 'a nilo' ka tih tawh kha," Nui sun sun a tih leh choka aṭangin a pen chhuak nghal a


Ka thaw chhuak hak thung, ka khawngaiha, chutih rualin eng nge a rilru ah awm tih ka hrethiamlo, a fate an nihloh chuan pa sual tak ang a langin, kalsan tum lovin emaw ngaihsakloh luih vel aiin, a sawi chhuakin, kan hriat thiam theih turin a sawi thei reng si a


Sawi nise chuan khatiang ṭawngkam chhe tak tak khan ka ṭawng khum fo awm si lova; Arghhhh... "Mahni inthiam chawp a ngaih tawh hi chuan kan thiamlo a ni," Ka pa in a tih ṭhin kha ka hre chhuak rum rum mai, ni e, engmah ka hriat chian hma in ka lei hi ka lo tlak tam mah mah a ni



Chaw ei lai te chuan Nathan-a chu ka lo en leh veng veng ṭhin a, ka khawngaih niber in ka hria


naupang ka mut tir thlengin engmah ka rilru ah a awm theilo, ka mitthla ah lah chuan DNA test result ka hmuh ringawt kha a cham lehnghal a, Nathan-a hmel hmuh leh chuti tho, hria angin ka awm ang nge engmah hrelo angin ka awm zawk dawn...? Chu ringawt pawh chuan thluak a ti na ut ut thei



"Hmmm, Warm milk hi in rawh, zan mut lamah harsatna ineih kha, a ṭha a nia," Tih leh dawhkan ah chuan ka dah ri khap a, laptop ah thil a type leh malh malh tawh



"Naupang ka nihloh hi Malsawm, nangmah khan inla mu hma rawh," Min rawn melh zawk, a tih lai a chhunzawm lehnghal mawlh mawlh bawk


"In mai mai teh, naupan leh puitlin a kawklo, hna i thawk rei thei si a, a ti hahdam dawn che alawm," Ti leh ṭalh chuan alam a nawr hnaiin, "in rawh," Ka tih leh sap chuan a hnar tum ri datin, "engthil nge maw zanin chu i hriat le? Tlai aṭang tawhin i diklo," rawn kûn hniamin Chiang fek fawkin min rawn en a, ka thaw ka lo hip let kawk thung



Ka lungphu zet chu, rang tak a ni, khuangpui vuak thum dup dup ang mai alawm


"Eng.. Engmah..." Ti bah deuh nak chuan ka chil lem khalhin ka insiam rem vata, ka awmdan danglam ta chu hai chi rual ni heklo, nui ri sukin, "duhawm reuh lutuk," A ti ri sup chu a ringlo na in hrechiang tak ka ni, ka biang a rawn sa zui hat hat a, ka nui nghal ver ver bawk


"Nathan..." Milk inchung chuan min rawn melh a

"I nu..." Ka tawp dat, ka lu thingin, "naupang..." A ni thei chuanglo, a nupui hlui emaw a fate chanchin engtin nge ka sawipui theih ang ni..? Natna ka thlen belhin, a lawmlohna ṭul lovah ka siam mai mai in ka ring bawk s; Mahse, engtin ka tih ang, a fate an nilo tih ka hre si a


Nathan-a ka lainat ang zat chiahin Bryan te unau ka lainat tel bawk, an rawn puitling anga, hriat chhuah hun an nei âwm si a, emaw naupang te nu hian rawnlam tumse engtin nge Nathan-a hian a tih ang, a thisen an si lova..? Engti kawng zawng mahin chelh theihna dan a nei bawk silo



"Eng nge i ngaihtuah leh tak?" Ka phu leh zuk tawh, hnai lutuk mai ka hnar dai lek lek a min en tu, a thaw lum ham ham in ka hmui leh nghawng zawn thawk khum ham ham a, a taksa lumna pawhin a min ur veng veng theih khawp a hnai a min en tu chu thaw dep dep leh kawchhung khur nghal der der in ka en let ve kar a



Ka chil ka lem ri khalh a, awih awmloh khawpin ka taksa chu a khur thei nia maw le...! Ka hmui thleng chuan a khur chhuak beuh beuh thei nia


"Na.. Na.. Nathan..." Ka pian a hnulam a ka vawikhat zàmna leh sawitur ka vânber ṭum a ni hial angchu


Mawi lutuk a nui sukin, a hnar a, ka hnar vawi 2 ngawt tawk zauh zauhin, "ummm, sawi tur inei em ni?" A aw chu a rilruih mai, ka chal ah a chal a rawn nghat riai riai a, mit a chhing zui riai riai bawk, hahdam hmelzet a a mit chhing chu ka en kar a

Kei erawh chet pawh ka che ngam tawhlo, ka khur a, ka khawng at in ka ṭang ṭung thung


A muhil ta emaw tih mai turin a rawn thaw chhuak sek sek a, a hrawkbawk chu ka melh thla a, a chil lem zawng a che ralh ralh chu nalh tak a ni, chu chuan a ti PA lehzual


"Nathan..." Min chhanglo a, ngawi deuh vang vangin, "'Mizoram ah chuan ka nu te chu kan zui ang ; Mahse, i tel ve tur a ni," Muangchangin a rawn meng a, a rawn nui suk bawk, a vahan hmelṭha tak..! A hmui a tih sawih rual a kamsir chuar deuh tap te, a vei kiai zawnga a hmai khuar deuh kak te chu a inhmeh hliah hliah


"Eng in nge i rilru thlak a?" Tih leh inlak hran a rual chu ka hit nghal sawng sawng thei, thlasik lai a puanlum nuam zet a intuam a, laksak daih ang maiin ka hit nghal sung sung nia maw le..!


"I telve dawn chuan ka tih kha," Ka nuih sen sen a, ni e, engmah hrelo ang a awm hi eng nge a pawi na..? Nathan-a berin a fate an nilo tih pawh a sawiloh lai a lo sawi chhuah kha a ṭul in ka hre ta lo; Mahse, tun a chinah Nathan-a harsatna te leh ngaihtuahna te, rilru a awm te hriat chian leh hriat thiam ka tum tawh dawn a ni

"Heta ka hna ka zawh hunah ka rawn zui angche u, ka tiam angche," Nghet charh a a tih chuan rinhlelhna pakhat mah awm lovin ka ring hmiah bawk


Ṭhu ṭha a laptop banin a malchunga a dah leh chuan, "Nathan..." A rawn hawi rualin hip tu awm ang maiin ka hmui chuan Nathan-a hmui chhahlam lek lek chu ka charbet chat a, ka chetdan tehthut chu a in ring hmanlo mai a nilo, keimah pawh ka in ring hmanlo, a meng kawk a, keipawh chuti tho, rang lutuk a inla hrangin, "ka.." Sawi mai tur ka hrelo, a thinrim ka hläu viau bawk; Mahse, rawn nui ri suk a, za zet a nui zui hak hkin, "mu tawh rawh," Tih leh a lu thing mat matin hna a thawk zui lehnghal mawlh mawlh bawk

Ka lungphu rang lutuk chu a rawn zuang chhuak dawnin ka hria, ka thlanfim te a rawn bawl ṭiam ṭiam thei tak tak nia

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)