Present Perfect By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: Present Perfect By Floria Laldansangi (Completed)

Unread post by Ngaia » May 16th, 2021, 4:26 pm

PRESENT PERFECT
By
Floria Laldansangi


Chapter < 25 >


MAMPUII...POV



Zinglam ah ka muthilh leh hnuhnawh avangin thawh ka hai ta duai mai. Nizan khan, "muhil rawh, ka veng angche," A ti ve ngei a nih kha maw!


Ven ka ngaih loh nen, haw duh hek lo chu, khum bulah a ṭhu zankhua ta nge maw ni?


Room aṭanga ka chhuah chuan, "U Mampui, Dar 10 ah class ka nei sia, ka chhuak hmasa a nia," Rami'n tlân chhuak paha tih leh, "in phihfai la, breakfast rawn ei rawh," Ryan-a aw choka lam aṭangin ka hre zui zat, ka hawi dawrh thei


apron a awrh leh a bân bul sek ṭul mai, bân puar vela thisen zâm lang ṭhuah mai chu inhmeh lo tak a ni, ka in rin hma hauhin ka nui chhuak thut

Za zeta nui chhuakin, "eng nge itih?" Ka nuih avanga min en ngur in, "i breakfast tur ka siam," A ti bul nghut a, ka nuih a za tulh tulh lehnghal, ka hmui pet betin, nuihza insum zet chuan, "tihpalh, ka nuih che a ni lo a nia," Ti mahila keimah pawhin ka awihlo tawp


Nui vur vur chunga bathroom ah lutin, ka intifai a, ka chhuah leh chuan phone-in tu emaw a lo be mawlh mawlh, a English hmanlah chu a nalh em em bawk a; Mahse, a aw ri ah chuan a läwm hmel viau loh


Dawhkan lam ka pan chu ka lam rawn hawiin a vei nuih suk a, phone a biaklai renga ka bula rawn dingin, ka bekah a fawp zauh, ka sawi thiam lo, ka hlim na chungin ka chhungril ah hian inthiam lohna a awm tlatin ka hria! Nge ni a, kum 10 chuang hnu leh ka pasal ka ṭhen hnu lawka ngaihzawng ka neih vang zawk?


Ka ṭhutna tur chair pawt chhuakin, a bengah phone ala chuktuah reng bawk a, "Ka hria," Ti deuh hrawkin a phone chu a off zui nghat bawk, a hmel chang zet chu ei tur ei mai lo chuan ka lo en ran, ka hmaa ṭhu thla chuan, "i hna bang ka rawn lam hman lo che a nih chuan Daniel-a ka rawn tir ang, nangmah in khawimah kal suh angche," A aw nghet charh mai leh, a sawi zawnga bek pawng ṭawlh ṭawlh leh khabe ruh lian zet mai seh ruh ngar chu mak ti fe in ka en a


"Ryan," Min rawn melh zawk, a mit chu a thîp ram mai, a fian hum na pawh a nghetin, a bân a thisen zâm lang ṭhuah mai chu ka melh leh a, ka ṭawng zui ta mai lo chu mit chhing sawka thaw chhuak ham hama, insum tum ni awm leh harsa tih hmel zeta rawn ṭhen luiin, "hna ah buaina ka neia tin ni," A ti chang rat bawk


Eng hna nge a thawh chiah ni? Dan phal loh leh hlauhawm lam a ni angem? A ni ngeia ka rinna lah chu a hliam tawrhna, ka melh leh zawk chuan a lian nghal em em lehnghal!


"Eng hna nge i thawh tih ka zawt thei che a ngem?" A ei tur lam chu a en vat a, ka thleng ah a salad siam chu rawn dahin, "ei phawt rawh," A ti bul nghut, ka lo thaw halh thung


"Lungngai suh, Dan khap thil engthil mah ka ti lo," Chiang zeta min en chunga a tih chuan ka lo thaw hak thei, ka nui nghal seih a, "a ṭha," Ka ti sep bawk, rinhlelh chhan tur ka nei lo, a hna erawh hna hlauhawm tak a ni tih ka hre thung


U Zoa bawk ka rilru ah a rawn lang, kan in ngaihzawn lai leh inneih tirh vel pawh khan hliamna tak tak a rawn nei haw fo zel a nih kha. Ka ngaihtuahna duh lo zet chuan ka lu ka thing nawk nawk chu Ryan a rawn nui ri suk a, ka pasal hlui ka ngaihtuah avanga inthiam chiah lo chuan ka nuih let ve seih a


"I kut chu eng nga ti thleh thluah nge?" A kut chu a en zui ve zat, eng nge a ngaihtuah tih ka hre lo, a nui ri huk a, "engmah a nih loh hi," A ti sup chu ka lo nur nang thung


Hlo thlo ngai lovin, tu thlawh vêl humna durh leh vun ti chang te pawh a ang lek lek, khawi lama tu thlawh emaw hnarua a hum âwm der si lo va!
.
.
.
.


"Min rawn lam hmanloh chuan midang i rawn tirh a ngai kher lo a nia, keimah pawhin ka haw fo a, taxi...." Ka tih laiin, "ka sawi ang chuan a ni mai," ti hluka car aṭanga chhuakin, ka ṭhutna lam a rawn hawng a, mit khap fak faka ka en na chu thaw la halh a, ka dar tawn tawna chelhin, "ka sawi ang chuan rei lo te chhung chu awm rawh, nangmahin khawimah kal tum suh angche," Eng nge maw a sawi teh duah le


Ka hrethiam chiah lo nâ in, a mitmu fiah tak maiah chuan thlauh thawnna ni âwm tak ka hmuh avangin ka bu ta nghat a, eng chiah nge a nih phei chu ka hre chuang law. Mahse, Ryan-a mitmeng ah a vawikhat nana hlauh a neih ka hmuh vawikhatna a nih miau vang a ni


Ka lam a rawn pen hnai hret chuan ka min kuah mai a tum a, ka dul en a nui sukin, a kut pakhata ka dul dawmin, naute in a rawn pet chu phawk zeta min rawn en leh chuan, "a che a nia," A hmela mak tihna leh hlimna chu a awihawmloh zawk, ri meuhin ka nui chhuak a


"A che a nih hi," Pum chhunga nau che hi a hre ngai lo emaw ni?


"A rawn che ve a nih kha," La nui kur kur pah ka tih chuan, "ka rawn let veleh kan infiam ang, i hria em naute?" Min rawn en a ka hnar a kut ṭanga tawk zauhin, "ka sawi kha theihnghilh suh," Tih leh ka chala fawpin a pensawn nghal pawk pawk chu nui ṭhû chuan ka vai liam a



Dawr ka luh rualin, "ehh...ehh..eh..." Sentei a lo nui vur vur, biang sa deuh hat hat chunga nui ve ṭhû in, "engmah 'Ehhh' tur a awm lo," Ka ti lai rut tak na in, a nui nasa tulh tulh lehnghal


Nilengin a ngai ang bawkin, buai laiin kan buai hut a, a reh leh a reh leh lutuk bawk a


"Theihai hi ka bawl dâwn a sin, i duh ve em U Mampui?" Kan thawmhnaw thar rawn thleng zat leh hralh tawh zat vel chhut mawlh mawlh pah chuan ka bu nghat a


"A tui ngawt ang, ka Period a hnai a, thei thur ngawt ka chak," A ti zui nung nung bawk, bialpa hi chu a nei vannei ngawt mai, ka hriat theih chinah, a period dâwn a piang hian thei thur hi a rawn lei nghek nghek zel, ka lo ei pui ve zel bawk a


"Mampui.." Ka aw hriat ṭhan lutuk mai, ka hming chutianga nêma a kâ aṭanga a chhuah pawh ka rin phak loh aw ri ka hriat chuan, calculator ka hmanlai chu ka tawp chawt thei, chhunglam aṭanga min thunun tu awm ang maiin ka khawng nghal awt bawk


Muangchangin ka hawi chhuak a, ka lam pana rawn pên mek, kum 10 chhung teh meuh "Nu" tia ka koh ṭhin, ṭhat naa ka hneh zawhloh ni a ka ngaih rawn pên lut chhat chhat chu, ngaihtuahna chawl dûkin ka en kar a


"Ehe! Thei thur te ila ei chak em ni?" Nêm dam dap maia ka bula rawn ṭhu paha a tih chuan, chet mai nachang pawh ka hre lo, milim ang mai ka ni


A hmel nui säng leh nelawm hmel ta lutuk te, aw ki danglam ta lutuk te chuan min ṭhawng tih piahlam a ni!



"Mampui..." Ka harh zawk, ka talbuai lo chauh zawk alawm!


"Puih..." Ka tawp dat, sawi tur ka baihvai ta lutuk chu Sentei theihai vel lai melh zawkin, "Mamawh te i nei em?" Ka ti ta sap a, a hmel nuisäng chuan min rap lek lek zawk


"Nei hran em em lo ve; ṭhenawm dawrah sawn ka rawn kala, i dawr a ni tih ka rawn hre chawpchilh nen, rawn kawi luh ka rilru ve mai mai, naute eng nge a an?" A ti zui leh chu ka dul tawk zauha nuiin, "a ṭha e," Tih leh thawh ka tum nghal luai luai a


Ka din hmaa amah zawk ding chhuakin, "tho duh suh, i awm ka ti nuam lo tih ka hria alawm. Tunlai chu ka rilru ah i awm êma ka rawn lang mai mai," A hmela inthiamloh na lang chu ka hmu sual emaw ka ti dâwn hial mai


Ka ngawi rân a, dawr chhung chu uluk zeta en kualin, min rawn en leh a, a nui sen sen bawk, a mitmu tle ralh chu, êng in a chhun vang nge, mittui vang ka hre law. Mahse, mittui chu a ni hauh lo ang!


"I ṭha meuh maw?" Tih mai ka tuma, chutiang zawt turin kan inpawh tawkloh zia leh min huatzia ka chhungril khawi emaw lai ah hian a rawn ri chhuak zawk

"Ka kal ange, in enkawl ṭha angche," Tih leh ka dul melh zauh chuan, harsa tih hmelzeti. a nuia, kei erawh ka la pangai thei lo, thi mahila pawi a tih dâwn loh ṭhin nen, "eng rau in nge luhchilh" tih hialna tham alawm


"I pasal hlui Nu a ni em?" Ka nu pen chhuak ka en zui reng laia Sentei'n a rawn tih chuan ka phu zawk, en vatin ka bu nghat bawk a


"U Hruaii sawi ang em em chuan a sual hmel loh kha, a ngaih hmel tawp che, a mittui te a tla ṭep alawm kha!" Theihai ei paha a tih chuan za vak lo chuan ka ṭhensak ringawt a, kawngkhar lam bawk chu ka en leh, harsatna a tawk emaw ni le? Khatiang mitmeng khan vawikhat mah ka hriat a chinah minla en ngai lo


"U Mampui i phone a ri a nia," Ka phu nasa leh ta lutuk chu ka thlarau a thlawk chhuak lo chauh, "eng nge maw i ngaihtuah le?" Sentei pawh chuan ka awmdan chu mak a ti tih hriat takin min en hau mai


Thaw halha ka phone en in, ka pickup nghal a, "Hello," Ka phun sap


"Mam, phu nasa lutuk suh angche," Hruaii aw ah chuan hlauhthawn na a lang


"Zoa Pa a boral," Ka khawng nghal awt


"Eng maw?" Ka mit a rawn hnâm sawk bawk a

"Heart attack," A rawn ti leh chuan ka in rin hma in ka biang a rawn lum thla pup, ka tha a khur nghal hlawk hlawk a, ka kawchhung a hit nghal mer mer bawk



"I ṭha em?" Ka ngawih tak daih avangin Hruaii'n phone aṭangin min rawn au lang lang



"Ka.. Ka ṭha e, tunah an In ah em ni an awm?" Ka aw chu a khur a, ka taksa thlengin ka khur chhuak bawk, ka Nu chhuahna lam kawngkhar chu ka en vat, a chhuak chiaha, ka Pa boral pawh a hre âwm si lo va, in a thlen chuan a va hrilh hai dâwn em!


"U Mampui," Sentei chu mittui tling pamin ka en a

"Phone kha min lo pe rawh, keiman ka lo bia ange," Tih leh ka kut aṭangin phone chu a rawn la a, ka dul dawm chuan ka khur nasa lutuk chu tih reh ka tum tak na in, ka rilru mang vek leh engkim chawl duk ta mai leh ka kawchhung vawt ta lutuk chuan min ti khur nasa zual


"Ka hrethiam e, lo ngaihtuah duh suh," Sentei aw te chu ka hre rei ruai chuah


"U Mampui, ka hruai haw mai dâwn che em ni?"


"U Mampui," Mittui nen chuan ka en vat

"Kan haw mai dâwn em ni?" Sentei chu ka en ngawih ngawih, ṭawng mai nachang pawh ka hre lo


U Zoa te In lama kal ka rilruk zawk nâ in, an buai zual lai a ni âwm nen, Lucy-in ka hmel a hmuh chuan a lungawi dâwn lo nasa tih ka hre nghal, ka bu ta nghat a


Taxi kan chân chhung pawh chuan ka la â huih mai, min ṭhawng lutuk mah mah a ni!



ZONUNA...POV


"Boss, i lut dâwn lo em ni?" Nghet lutukin ka kut chu ka hum ruh a, Lucy-i leh mipa pakhat Hotel-a in zui lut chu ha pui seh ri bap bapin ka en ngur bawk


Tlana min biakna chhang lo vin, ka pen sawn nghal pawk pawk a, "Boss," Car a kan ṭhut luh rualin Tlana'n envelope min pek chu ban in, car a ti nung zui zat bawk


Lucy-i thlalak ho chu ka en kuala, "tunge a nih," Tlana chuan min rawn melh zawk


"Lucy-i Pa hnuaiah hna thawk ṭhin in, thingtlang lam aṭanga Aizawla hnathawk a awm a ni âwm e. I nu..." Tawp datin Min rawn melh zawk, "Lucy-i nen pawh an lo inzui ve hrep tawh tih leh Lucy-i Pa in a duhloh vanga inṭhen leh a hna hmasa bansan a ni bawk," Ka thaw chhuak hrawih a


"Boss, zui turin minla duh em?" Ka lu ka thing a, "a ngai tawh lo e, ka lawm e Tlana," A dara beng thak chuan ka chhuak zui nghal zat


"Zonun innu hi khawnge a kal leh taka, in ah hian hmuh tur a awm ngailo reng reng, mut leh chaw ei dâwn bak hian in ah awm lo, Mo ve si, ka Pa dam lo nen," Inchhung ka pen luh rualin ka U a lo âng lehnghal hlawk hlawk chu rum khum nghutin, "eng nge vawiin lam a an," Ka Pa te room chu ka melh zawk


"Vawiin lam chu a zia viau läwm ni ka ti," A ti sep a, ka bu ve nghat bawk
.
.
.

Lucy-i rawn lut chu uluk zetin ka lo en a, "Lucy, min rawn zui rawh," Ti hlukin ka pensawn nghal


"U Zo, lungawilohna i nei em ni?" Tetea room-a a rawn luh chuan a ti sep, ka hmai chang rut ah chuan ka thinrim tih a hai lo nasa


"Khawnge i kal?" Tukverh lam ka hawi ran

"Khawnge ni chuang ang ka Nu te in bak," Khumah chuan a ṭhu thla a


"Ka zawt nawn leh angche, dawt pakhat pawh a tel a nih chuan..." Seh chilh zeta tih leh ka inher a, "Khawnge i kal?" Chang rat maia ka tih chuan a ṭhu ṭha nghal at, a mitmu tâl rawk rawk leh min en dan a thlak nghalin, "U Zo," Ka bân ka lo vai thuak


Ka kuta envelope chu a sirah ka theh thla a, "heihi...." A hawng zui zat bawk


A awmdan chu mit thîp zet leh thaw ri hraih hraih chuan ka en ran


"U Zo, ka sawifiah thei, i hmuh ang hi a ni lo," Rawn din a tum a, keimah zawk ṭhu hniam in, "phatsan leh bum nih ka huat zia i hre chiang tiraw?" Ka khabe ruh ka seh pawng ṭalh ṭalh


A thaw ṭha ngam tawhlo leh a khur nghal der der chu ka ner khum sawk a, a dul melh zauhin, "tu fa nge a nih?" Ka aw chhuak chu a ring lo nâ in, fiah tak a ni!


"U Zo," A aw chhuak a khur hlawk hlawk, a dâng nghal lawp lawp bawk, kut khur dawt dawta min ban in, ka hmai a rawn khawiha, "i...i fa a ni, min ring rawh," A ti bah nawk nawk chu ka nuih khum huk, min hlauh hmel takin a kut chu a la lët zal zal bawk


"Zawhna ngai ka zawt nawn fo ngai lo Lucy, vawikhat leh... TU FA NGE A NIH?" Ring si lo, mar zet leh kha zet maia ka tih leh chuan a chil chu harsa tih hmel zeta lem khalhin, "U Zo...." Mittui nena ṭah aw ṭuaua a tih leh rualin, ka tumloh lutukin a hrawkah ka rek chawt


Ka in thunun theih piahlam a ni, "Lalhriatpui....." Seh chil rap rap chunga tih leh khumah chuan ka rek mu a, "U....U...U Zo..." Ka bân te chu a ham ṭawk tawk, a âng hlawi hlawi bawk


"Vawiin ni hian dama i chhuah ring suh," Tih leh a ai nâ in ka rek bet lehnghal


A mitmu pawh a tal hlei theih tawhloh lamah, "Zonunmawi....." Ka U aw ka hriat rualin, "engthil nge maw i tih le U," Tetea'n min rawn kuahbet in min pawh hran a tum nghal a


"I that mai dâwn a sin, thlah rawh, raipuar a nih hi," Ka U in min au lawm lawm chungin ka rehna kut chu a lo pawt ve bawk a


Thaw ri hrawih hrawiha thlah thut chuan, a hrawk dawma mittui nen a boruak hip kawk kawk Lucy-i chu ka mit thîp râm in ka melh ngur ngur a



"Engthil nge itih kha Zonunmawi?" Ka Pa aw a rawn ri ṭhak



Ruh lutuka in humin, "chhuak rawh, tunah ka In chhung hi chhuahsan rawh," Ka ti chhuak hrawih


"Heihi tunge?" Thlalak chu ka U in a rawn chhar a, "Lucy ngaihzawng i nei tak tak amaw?" Ala ṭawng thei lo, a hrawk dawmin a la thaw kawk kawk, a khuh kharh kharh bawk


"I pum chhunga i fa ka thah sakloh nan che chhuak rawh," Ka ti zui leh hrawk, khuma a mu lai chu ka phih tho nawk bawk a


"I fa a ni lo em ni Zoa?" Ka U chu ka melh hrawk a


"Lalpa leh!!!!" Lucy-i en in, "mipa dang fa i paia ka nau i puh a maw?" Ka U in thinrim zeta a rawn tih chuan Lucy-i chu kawngkhar lamah a hnuh in ka hnuk a, room aṭang chuan ka theh chhuak a ni hrim


"U Zo, min ngaithla rawh, keipawhin i fa a ni lo tih ka hre lawk bik lo a ni, thla 5, thla 5 ka tlin khan ka in rinhlelh avangin DNA ka test a, ka hre ve chauh a ni U Zo," Ka awih lo lutuk chu hnek mai ka duh tawh



"Chhuak rawh," Vin hrawk pawh ka peih tawh lo, a hmel hian minti thinrim in, ka mawl zia minti hre chhuak


"Pa, Pa...." Ka U leh Tetea an rawn au, ka in her vut, ka Pa chhuata lo let ram mai chu ka pan nghal rawk rawk a


"Pa, Pa," Kan sawi dawt dawt



"A thaw tawh lo in la hria," Ka U a rawn ṭap nghal pur, ka Pa marphu chu ka dek a, Tetea'n a thawk leh thawkloh a lo en ve bawk, "a lungphu ka hre tawh lo," Tetea chu ka melh zawk, "Damdawiin ah hruai a ngai," Tih leh ka hnung chu ka dawh nghal a


Ka Pa ka hnunga rawn hlan ruala tlan chhuahpui in, car ah nghat chhan Tetea leh Ka U rawn lutin kan tlan chhuak nghal zat bawk


Damdawiin kan thlen chuan doctor-in, "inrawn thlen hma aṭangin a hnuk a chat tawh a ni," Tih bak kan chang lo



Ka U chu a ṭhu thla hnawka, a ṭap chhuak uah uah bawk, keimah ber pawh chu ka tukkhum sam ṭham tlawk tlawk chuan ka thaw hrawih hrawih a, 'Lucy-i nen kan inhau ri hre lo se, Lucy-i naupai ka fa a ni lo tih hre pha lo se a thi lo tur' tih ringawt chu ka bengah a ri tluk tluk bawk



Kan unau 3 chuan ka Pa ruang chu kan phur let leh a, ka U lah ka Pa kuahin, ngaihdam dilin a ṭap zawih zawih bawk


Phone-in kan veng Y.M.A president call in thil awmdan ka sawi nghal zung zung a



In kan thlen leh meuh chuan Y.M.A members an lo pungkhawm nual tawhin In an lo singsa vel mêk bawk



"Eng nge thil awmzia hi Zoa?" Ka Nu mangang hmel lutuk chu ka en a, min rawn pan ruak ruak chu ka lo dawm vat bawk


Tetea'n ka Pa ruang a rawn pawmluh lam en in, "U Zai....," Ti sepi, "I Pa hi engtin nge a awm?" Ka Nu chuan min rawn en leh, inseh ruh ngar chuan ka ding khawng ran ringawt a



"Nu, Nu engtin nge kan tihtak ang, ka Pa hi, ka Pa hi a awm tawh lo," Ka u in ṭap hlawp hlawp chungin ka Nu a rawn kuah a



"U Zai..." Tetea'n ka Pa ruang a mutna khum lam chu a pan nghal ruak ruak a, a ban ah chuan ka chelh ran bawk, ka Pa hmai dang bel mai chu ka Nu chuan a zut riak riak a



"Zoa kan be lawk thei che angem?" Y.M.A president U Thana lam chu hawiin ka bu nghat bawk



MAMPUII....POV


"Nizan i mu thei em? Rawn kal ka tum viau na in, Zoa te In lamah ka kal ta zawk a," Car a ka ṭhu lut chu Hruaii'n min lo zawt nghal zat



Ka lu ka thing ringawt a, "i mit aṭang khan i mu lo tih ka hria, a pawi tak tak a ni Zoa Pa boral thut chu, Nu Êngi ka khawngaih khawp mai, nizan pawh nikhaw hre lo te khan a awm lailawk a, vawi 2 lai kha a kaih bawk a," Hruaii ṭawng mawlh mawlh chu mittui khap per sak sakin ka ngaithla ran, min haw viau in, huat duh ve viau mah ila, kum 10 chhung teh meuh ka Nu a lo nih tawhna nen ka lainat tih hian a sawifiah hauh lo, ka Pa a thu hnuaiah dah ṭhin viau mahse, a hmangaih zia lah chu mimawl pawhin an hria ang


U Zoa te In kan thlen chuan an lo zai khawm tawh, ṭap ri a ri chuah chuah bawk



"I lut ve kher dâwn em?" Inchhung lam chu ka en vang vang a, ka lu thing in, "a mawiber lo ve," Tih leh râlna sum thlakin, "hetah hian ṭhu mai ang," Hruaii'n a kawhna a ṭhu thla chuan ka mittui rawn luang chu ka hru vat a


"I ṭha em Mam?" Rinpuii a rawn ṭhu ve zat


"Ka ṭha e," Ka ti ve tak na in an awihloh chu sawiloh ka aw thâm ṭuak leh mit bui lukah chuan ka ṭha lo hle tih alang


"A mak teh thut hle mai," Rinpui'in a tih vawng vawng laiin, kan sir aṭangin, "Zoa nupui thar kha hmuh tur a awm miah lo, a Pa boral laiin Zoa khan a pet chhuak antih kha a dik a ni lo maw?" Kan hnunga ṭhu te thusawi chuan minti khawng awt thei


Hruaii leh Rinpuii chu ka en nghal haw a, in melh ralhin, "nizan Nu Êngi thinrim in Lucy-i a ben khan, Pa Zaia thattu tiin a ko a, U Lawmi'n 'mipa dang fa pai chungin kan inah rawn lutlo ni la ka Pa hi a thi lo ang, ramhuai inih hi' a ti bawk a, an thusawi ka hrethiam chiah lo nâ in, ka rindan chuan Lucy-i naupai khi Zoa fa a ni lo a nih ka ring, chu vanga heart attack vanga boral a nih ka ring ve tawp," Hruaii'n a rawn tih sur sur chuan ka thaw em pawh ka hre tawh lo


A sawi ang tak tak a lo nih vaih chuan U Zoa mizia en in, mahni indem in thil atthlak tak a ti duh ngeiin ka ring nghal hmiah bawk


"Muanpui," Ryan-a aw ka hria chu ka phu zawk thei, ka hnung lam ka hawi dawrh bawk


Hruaii'n a ṭhutna a sawi vat a, Ryan ka bula rawn ṭhu in, ka mal chunga ka kut chu a rawn hum vang vang a, "tihpalh, ka hriat veleh ka rawn pan che," Ti supin mit zîmsan chuan min en vang vang a, kiai sukin ka mittui chu a kut ṭanga hru hul zauhin, "ka awmloh laiin ilo ṭap leh ta a ni maw?" Mintih hlim tum tih hriat taka kiai sukin, "pawi ka tihpui hle mai che A ti zui sup bawk


Rinpuii leh Hruaii in melh zawk zawk ka hmuh rualin Ryan-a min vawnna chu ka la sawn vat a, a lo rum nghut thung, ka in ngaihbel nge kan sira ṭhu te chuan min melh hrek hrekin, min sawk zui sep sep ni mai hian ka hre bawk


"Mampui...." Thlalak na hun an hman dâwn chuan Pa Ruata kan ṭhutna lam a rawn pan a, "thlalakna ah rawn telpui ve ta che, a ruang i rawn kil ve ta si lo va," U Zoa kan lam a rawn pan ve pawk pawk chu thinphu dep depin ka lo en a


"Bawihi," A mit a sen râm, a val kalh bawk


"Thlalakna ah tal chuan rawn tel rawh, ka Pa hun hnung a nih hi," Ka sira Ryan-a ṭhu chu awm ve lo ang maiin ka kut a rawn chelh zui zat bawk a


Rinpuii leh Hruaii phawk hraw a ka en chuan an lo bu nghat, Ryan-a hmel chang zet chu ka melh zawk bawk, a bek pawng ṭawlh ṭawlh pawh chu chiang takin ka hmu bawk


Ka Pa ruang lam ka panlai chuan mak tih hmel taka min en zui a, phun zui ser ser an awm nuk mai, a âwm rêng a ni. Mualpho takin kan inṭhen, a nupui thar aia ka hmel an hmu cgu mi zawng zawng mak tih a ni ngei ang


Nu Êngi'n min hmuh ruala ṭap chhuak hawm hawmin, "U Zai i mo duh leh hmangaih em em a rawn thleng a sin," Kuang bawh chuan a ṭap hawm hawm a, ka in ring hman lo, ka in ve hnit nghal hlawp hlawp, Bryan te unau leh, U Zoa te nen, thlalakna a pianga min tel tir chuan, thlanmual thlengin ka zui ve a



Thlanmual aṭanga kan haw lam chu mak tak maiin Ka Nu in ka kut a vuan deuh chawt, "Mampui, hetah chaw eiin zanlam lêngkhawm pawh tel law law ta che," In kan thlen hnu chuan a ti sep a, hnial mai ka duh tawh, ti ti kan ti tam tawh hle a, ka haw vat a nihloh chuan ṭhenawm khawveng sawi tur kan ti tam zual dâwn in ka hre tlat bawk


"Nu, a hah ve tawh ang, nilengin a ṭhu ve si a, nau a pai bawk nen, naktuk lamah te rawn lang leh zawk rawh se," U Lawmi'n a rawn tih takah chuan, "ni e, naktuk thlân ṭhutna lamah rawn lan ka tum zawk dawn nia," Ka tih chuan min kal tir chu a hreh hmel takzet


"Bawihi ka thlah dawn che em ni?"


"Ni e, Zoa thlah rawh," U Lawmi'n a lo ti vat, hnial duh viau mahila taxi lak mai tur ka hmu dawn lo tih ka hriat avangin ka bu ta nghat a


Car awmna kan thlen chuan kan lam pan in Ryan a rawn pen pawk pawk, a kut lehlam a ipte ah a zen at bawk, kan bul a rawn thlen rualin, "ka hruai haw angche," U Zoa chu vawikhat pawh a melh lo


"Ka hruai haw thei," U Zoa'n a lo ti chu ang rat a, hre lo ang maia ngeng ngal maia min en kalh chuan, ka bânah a rawn chelh a, U Zoa melh hrawkin, "ka hmeichhia chu ka hruai ve thei, i ngaihtuahna avangin kan lawm e," Chang fal mai leh a ra ka nih zia ti lang turin alam a min pawt zui salh chuan a kiai suk bawm a, min pensawn pui a rual nghal bawk, U Zoa chu mak a tih vang nge chet mai nachang pawh a hre lo, min en zui vawng vawng tih erawh ka hre thung


Car a min ṭhut luh tirin, car ti nung chuan, hneh sawh lutuki steering chu a herh kual a, min haw pui dâwn emaw ka tih laiin U turn-in an in kawta min dinpui dat chuan phawk lutukin Ryan chu ka en a


Ngawi ngul maia chhuakin, car chu a kal hual pawk pawk a, kawngkhar hawng sawk chuan, "luh lawk kan ngai," Tih leh ka bân reka chelh a rual zat


"Ryan engthil nge tih i tum?" Ka lo ṭang ve ṭau


A rum hrawih a, "engthil mah tih ka tum lo," Ti hlukin, "min ring rawh," A tih leh sup chuan en vang vanga muangchanga pen chhuakin, ṭawng ka tum mek laiin inchhung lam ah chuan min pawt lut dawr dawr a ni ber, ka ke artui na leh ka dul rit tawh nen, lu haiin ka tlu mai dâwn in ka hre hial


"Ramnghak..." Nu Zarpuii te nupa chuan hmuh thianglo hmu ang maiin min lo en, U Zuala erawhin min lo nuih suk thung a


Ryan-an a nu te ṭhutna lam min panpui a tum chu ka ṭang leh ṭau tawh, min pawt dawt a, sofa a min ṭhut tirin, "sawi duh ka nei," Ryan chuan a ti bul nghut


Ka kut chu a chelh ran bawk


"Muanpuii hi nupui ah neih ka duh a ni," Alam hawiin mitmu pawng chhuak lo chauh chuan ka meng kawk, min vawnna chu ka phih sawk bawk


"Mami Nu," Nu Zarpuii lam chu ka hawi vat a, a tukkhum dawm chuan a ṭhen ngawng ngawng, "chhuak rawh u, chhuak rawh u," A ti ṭhawt ṭhawt



"Nu Zarpuii i ngaih ang kha a ni lo a nia," Ka tih zawh rualin, "i ngaih ang kha a ni, nupui atan ka duh, ka râwn lo che u a, ka hrilh che u a nih chu," Tih leh min phih tho nawk a


"Ryan...." Ka ti sep chu, "a sawi kha k hre lo em ni? Chhuak turin minti," Ti hriah a min pensawn pui a tum chu, "Lalramnghak ding rawh," Nu Zarpuii aw ki vin tuar ka vawikhat hriatna a ni, kum 10 chhung kha kawmthlang, kawmchhak kan ni a, Nu zaidam leh nunnem tak a ni bawk


"Nuthlawi raipuar ka In ah i rawn hruai luta, nangai kum 5 a upa chu nupui ah i duh thu i sawi bawk a maw," Nu Zarpuii thinrim lutuk chu a aw chhuak pawh a khur hlawk hlawk thei



"Nuthlawi raipuar, keiai kum 5 a upa i hmuhsit em em hi ka hmeichhe hmangaih a nih hi ka Nu," Khabe ruh pawng ṭalh ṭalh a tih leh ka kut chu nghet lutukin a chelhbet zual sauh a


Mittui nena Nu Zarpuii min en na chu ka en let ngam lo, zahna leh inthiam lohna in min tuambet a, ka thaw a chham mai dâwn in ka hre bawk



"Mampui, hmeichhe rilru ṭha tak leh zahawm tak ini in ka hria a, en teh kei leh ka fapa inkar ah i hêm thlak hi," Mittui nena min en chunga tih leh, "i pasal hlui Pa ruang i vui liamna pawh darkar tam a la nihloh hi, tichung chuan ka inchhung ah rawn lutin ka fapa nupui i nih tur thu min rawn hrilh a maw?" A mittui a tla zawih zawih


Keihian ka tihloh tawp tur leh ka chelh loh tawp tur kut ka chelh a ni. Nu nutling mittui ka ti tlaa, nu leh fa inkar ka tikeh tih zanin hian ka mit ngeiin ka hmu in ka hre bawk

Ryan-a min dawmna chu phelh sak ka tum a, a dawm nghet tulh tulh emaw tih mai tur a ni lehnghal, ka kut ruh chu a hum tliak zo dâwn tak ngial


"In zawmna an nei tawh lo Ka nu," Chang fal maia Ryan-an a tih leh chuan mittui khap per sak sakin, chil ka lem khalh a, "Mampui, ka fapa kha minpe let rawh," Ryan-a en lo vin Nu Zarpui'in ṭap zawih zawih min en na chu mipui tling pam kar aṭang chuan ka en let ta nge nge a


"Duhtawk rawh Nu, Kal ang," Ryan-an ti hluka min pawh kal a tum chu ka tha zawng zawng sawm khawmin ka kut chu ka phih thla sawk a


"Duhtawk zawk rawh Ryan, nang leh kei, kan pahnih inzawm na," Ka tawp dat, "ni lo, inzawm ti êm turin, inzawmna mumal kan nei lo zawk a ni, tun aṭang chuan ka hmuh phak ah rawn inlan tawh suh angche," Mittui luang ngiai ngiai chuan ka sawi chhuak a


"LALMUANPUI..." Sehchilh rap rap a ka lama rawn pan hnai chu, a mit sen râm leh pawisak nei lo zet mai en chho in, "Nu Zarpui, ka tiam a che, kei leh i fapa inkar ah hian engmah a thleng ngailo tih leh a thleng ngai heklo ang tih," Ka aw chu a khur ve lek lek


Pensawn mai ka tuma ka che mai thei lo, U Zuala ding ve ran chu ka melh a, "U Zual min thlah haw thei mai angem?" Ka ngên ta ringawt


Ryan-a chu a thaw ri hrawih hrawih, min si cheta rawn ding hnaiin a thaw ri hrawih hrawih chu hriam tak a ni, mit ka lo chhing sawk

"Kal rawh le Mampui," U Zuala'n a rawn ti dek dek chuan, "ka hmeichhia chu ka enkawl thei ka ti kha," Ṭeng leh mar ṭha si a ti chhuak hrawihin, ka dar tawn tawn a chelh chuana hmer ngawt ngawt a, a na lutuk chu mit chhingin ka ṭhen ngawng ngawng


A hnar in, ka hnar a tawk de de, ka lungphu chu a chawl dûk a, Ryan-a thaw ri hriam hrawih hrawih bak hriat tur a awm lo, "I duh huna lakluh a, paih theih ka ni lo Lalmuanpui," A aw chhuak zet chu, natna in a khat, ka âwm ah hian min chhun zak bawk


Min vawnna thlah thut chuan, za lo tih hriat taka nui hul hak hakin, a tukkhum sam a tuai puat a, a kut ṭanga a nu nena min kawk tawn a, mi â ang maia nui chhuak hawk hawkin, mit hnawm chapa min en chung chuan, "ka Nu angchiah i ni, in in ang chiah," A seh chilb nawk nawk. A thusawi awmzia ka hre lo lutuk chu ka en haw ringawt a, Nu Zarpuii erawhin mittui tla zawih zawihin a lu thin khum nak nak thung


Sofa chum data a Nu mittui nena ding en run chung chuan ala nui reng, a mit ah natna, beidawn na leh hliam na tamtak chu ka hmu zut zut bawk


A mit ah huatna a khat a, a nui hmel chu sakawlh in hrosa a ang mah zawk!


"A kut i vawn tawh chu midang sawi na avangin i thlah a, i fapa ngei pawh hnamdang thisen kai a nih vangin i thawnbo bawk, ila hre reng a ni tiraw?" A aw chhuak chu a ring hauh lo, a hlauhawm takzet thung


A khabe ruh lian zet mai chu a seh ri bap bap bawk

"Bawiha..." A kut a lo vai khum thuak, "i ngama i vawn tawh leh i duh thlannaa i hrin i fapa chu midang sawisel na avangin i thlauh thla a ni," Chang zeta tih leh ka lam a rawn hawia, rapawm lutuk a min kiai khuma thle zui bakin, "in in angchiah, mahni duh zawng pawh venghim ngamlo, venhim aia tlanbo duh zel mi, hnamdang thisen a kai dawna ni tih hre chunga a hrin, thlauh thla tu nen sawn," A aw chhuak tin mai chu natna in a khat


Kûn ngur a rawn nui chhuak hawk hawkin, "eng nge maw ka beisei le. A fapa leh pasal aia midang thusawi dah pawimawh tu zawk Nu hnen aṭang hian," Ti kha leh hrawih chuan min melh zawkin kawngkhar lam a pan zui pawk pawk a


Ka biang a rawn lum thla pup, Nu Zarpuii chhuata ṭhu thla hnawk chu an Pa in a buaipui nghal vut vut, keipawh ka tlu ve mai dâwn in ka hria, "Mampui," U Zuala chu mittui kar aṭangin ka en a


"Min hruai haw rawh khawngaihin," Ka aw chu a chhuak ṭawk ṭawk


"Ni e, Mama hruai haw phawt rawh, i Nu hi chu ka lo buaipui ange," U Zuala chu a bu nghat


Ka bân ah chelhin min chhuahpui a, mi â ang mai ka ni, ka mitthla ah Ryan-a hmel kha a reh thei lo, a mitmeng mawlh kha, natna tamtak leh hliam tamtak tuar ang mai a ni!!!!


"A natna i belh a ni Mampui," Ka chhungril khawi emaw lai hian min rawn hrilh a, thawk ngaihna pawh ka hre lo, ka kâ ah hian boruak a lenglo a ni ber in ka hria, awm ngaihna ka hre lo, ka lu ûm-ah hian thu tamtak a insual nuaih nuaih bawk, ṭhu ngil in ka thaw kawk kawk a, mit ka chhing sawk bawk, Ryan-a hmel bawk rawn lang leh chu thaw chhuak kawkin, "ka tihpalh," Ka phun chhuak ta sap a!!!!


<><>~><>



NOTE: Ka sawi lawk angin kan buai ta lutuka rawn dah zeuh zeuh pawh ka hman ta ngang lo, a rang thei angber a zawh kan tum dâwn nia, buai a zual leh hma in, in mi hriat thiamna ah ka läwm em em bawk e🙏💚

Ads click lam hi theihnghilh loh hram kan tum dawn nia, a hnuai a mi khu aw click tur chu



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:26 pm

PRESENT PERFECT
By
Floria Laldansangi


Chapter < 26 >


MAMPUII.....POV



Harsa zet chuan ka inlet leh ṭhin, mutthilh ka tumna lamah ka lu a na zo!


Khum aṭanga ka ke dah thla chuan ka ṭhu chhuak a, ka sira Hruaii muhil thaw suk suk mai en chuan ka nui ri suk, "zan i mut theihloh takin" tiin min rawn riahpui chu a ni ve ngei mai bawk si a! Nui chunga lu thing nak nakin kawngkhar lam ka hawi a


Rami ala meng tih hriat takin êng ala awm, ka ding chhuak ṭiah ṭiah a, ka ke lah chu a na kham em em mai bawk si


"I va mu har ve Rami," Mim rawn en vat


"Nia, zir tur ka ngah deuh a tin maw le. I mu thei lo em ni?" Sana chu a melh zui zat, banga sana en ve nghalin, "umm, ka taksa nat lutuk vang a nih ka ring," Ti sep chuan sofa ah chuan ka ṭhu thla ṭuah ṭuah bawk a


Rami'n a lehkhabu khup pahin, "i ke chu hmeh sak leh i duh em?" Nui pahin lu ka lo thing a, "mu hma zawk rawh, a tlai tawh emai," sofa a ka ke hlang paha tih leh room aṭanga Hruaii rawn chhuak luai luai chu en in, "kan ti harh che em ni?" Hâm bui bui chung chuan a lu a thing mat mat


"Tui in tur kan inchhawp lo," Tih leh choka lam a pan luai luai a


Rami'n nui kur kur pahin, "U Hruaii hi chu ṭha ve miah miah ngawt mai," A tih chuan ka nui ve ta hak, duh tawka a mut tak tak hi chuan a sam te hi an ding ta ṭhuau emaw tih mai tur hian engtin nge maw a hnawk theih ṭhin ni?


"Rami mu hma rawh, zan lamah hi chuan dar 10 thleng bak hi lehkha hi zir tum suh u, zing lamah tho hma in zir leh zawk ula, thluak a chak duh, zan lama men rei lutuk chuan a tukah thluak a muang, taksa a chau a, hriatsa pawh theihnghilh a awl zual," Hruaii chu en in ka lo nui sun sun , "veteh mial a" ka ti hmel chu a rawn nuih ve tho


"Ni e, mu ang u," Tih leh kei pawh chu tho leh ṭuah ṭuah in, Hruaii room a lut chu ka pan ve chhat chhat a


Khuma ka ṭhu thla tur minlo pui vatin, "Pa Zaia vang nge i driver vang zawk?" Ṭhu remin ka lo thaw hak

"Nang hi, Setani te nufa i khawngaih vang hian ngaihdama let te i tum ngawt ange, ka la ngei a nia," Tih zawm zat zat a khuma lawn kai a, khum lu lam ngheng chunga a ṭhut chuan ka nui dat, ka ṭhut dan siam remin thaw ka la ham ham a


"Huat han tum ve viau ṭhin mah ila, ka fa Pi leh a Pa te an nihna a bo chuang si lo va," ti hap in, "ka ngaidam alawm; Mahse, ka ngaihdam avangin let tumna ka nei tawh miah lo," Ka ṭhiannu chu ka melh ralh, boruak hip vang vang a, thaw chhuak ham ham in, "ka hmangaih tawh lo ka ti ngam hauh lo; Mahse, ka hmangaih dan hi a dang ve tawh a ni, ka thinlung ah hmun ala changa, mahse ka taa siam tum na ka nei tawh lo ang bawkin, ka duh tawh lo," Ka tih leh chuan Hruaii lo bu nghat nghat a


"Zoa chu dahṭha ila, Nu Zarpuii te nen in chanchin ka lo hria a," A tih sep chuan ka mitthla ah Ryan-a hmel bawk a rawn lang lehnghal zat, a mitmeng mawlh khan ka in rin hma in min vit leh ṭhin !!


Mit ka chhing sawk, ka thawk lak a sak nghal ṭalh mai chuan thawk a ti harsa zual

"Mam, diktak chuan ka duh ai hian i nêm mah mah ka ti. Puitling vek kan ni tawh a, eng nge kan duh a, eng nge kan duhloh tih hrethiam rual kan ni tawh," Tih leh ka lama rawn thle bakin, "midang ngaihdan haider a, mahni thinlung duh zawng kan zawm theih hun hi, hringnun ah hlawhtlin na kawng hmasaber kan kai chhuahna a ni.


Nangpawh i nunhlui aṭanga hmalam pan tak tak i duh emaw, Ryan-a nena i zawmna neih i duhlo takzet a, Zoa emaw Ryan-a te lo va hmalam i pan thei dawna i inhriat chuan, a tu ve ve mah hi beiseina siam suh. Ka sawi awmzia chu Zoa bula i let loh tur thu i sawi chian ang hian Ryan-a lakah pawh beiseina pe suh, beiseina beidawn thlaka awm hreawm zia hre tu vek kan nih kha," Ti duah chuan mu ṭha sat sat in, "mu tawh rawh, a tlai tawh," Tih leh chhin a rual nghal a



Kei erawh ka la ṭhu ran, ka mitthla ah Nu Zarpuii ṭap hmel leh rilru na hmel a rawn lang a, chutiang bawkin Ryan-a hmel pawh, ka thawk lak sak lutuk chu ka thaw leh hawk ṭhin, Ryan-a mitmeng chiang taka ka hmuh leh ṭhin phei chuan ka lungphu zawn hi a thîp na veng veng zel lehnghal

.
.
.
.
.

"Vawiin thlân thutna lamah kal i tum em?" Bathroom aṭanga ka chhuak chu Hruaii'n coffee in paha a lo tih chuan, a lam panin, "tum hran lo mai, ka chau emai," Ka ti tak tak bawk, nizan ka tlaivar leh ta ṭhak nen, ka lu te hi a hai muai muai in nia ka hriat hrep ni!


"Kal i tum em?" Tih leh chair pawt chhuakin ka ṭhu thla a, sandwich a siam sa chu ban in ka ei ve zat bawk


"Tum lo ang, mut ka kham lo nen, vawiin chu hetah ka mu dawn," Ka thil ei ṭhial tuam tuam chuan ka en hraw ringawt, a mut nasa nen, engtin nge mut a khamloh theih zawk? Em em hian!


A mut theih loh thu a sawi, ka awihlo hmel chu min nuih kur kur pahin, "kal suh tih che ka tum hrim hrim a," Ka hmaah phone a rawn dah zat a, "eng nge?" Tih melh a lo melh pahin phone chu ka en a, ka thaw chhuak zui hak bawk, ka rin lawk ang ngei a ni

<An inṭhen a ni lawm ni?>
<Khawnge an nu thar kha?>
<Tlangval vannei >

Kan thlalak post a, fiamthu thawhnan leh zawhna leh an rindan hmanga caption leh comments an pek chu chhiar in, "ka rin lawk angchiah a ni," Ka ti chhuak sep a, a phone chu alamah ka nawr hnai lehnghal


"Tunlai ah social media a chak tawh si, himmm, hei te hi enteh," Tih leh eng nge maw ni chu hmet chhuakin, ka hmaah a rawn nawr hnai leh a


Phone la kânga en in, ka kut a khur thut lo chauh, Hruaii en haw in, a dar min lo san khum ak ringawt a, boruak ka hîp kawk, "nau a pai si a," Ka ti chhuak sap bawk

Engtin nge mahni nunna te lak a tum theih le? Hmeichhe nasa tak a ni tih chu hre tho mah ila, a pum chhunga a fa ngaihtuah vang tal pawhin engtin nge a tih theih? Zawhna hlirin ka khat


"Lucy-i a ni miau alawm, post an delete hma in ka screenshot hman hrâm," A nui chhuak hak chu za vak lo vin ka lo ṭhen khum sak ringawt, Lucy-i in ka rilru a luah, a naute in a tawrh phah êm lo angchu maw? Tih ringawt chu ka ngaihtuah lehnghal ngut ngut tawh
.
..
.
.


"I U hi be rawh, a rawn chhuak alawm," Sofa a ka ṭhu thla chu ka phone ka ban a

"Mama," Ka ke sofa ah ka hlang zui zat bawk


"U Zoa Pa boral kan lo hria a, a zia lo hle mai, eng nge nangmah te i an?" Ka ke vung luk mai en pahin, "nia maw le, a rang teh thut lutuk a ka rawn hrilh hman ta lo che u. Keichu ka ṭha a nia, ka Pa eng nge a an?" A rawn nui huk a



"Ryan-a thing eh khawlsa Lo aṭangin Pu Peka te Pickup nen a thiar a vawiin lam chu, nuam a ti khawp mai ," A nui hawk hawk chu Hruaii en haw in, "Ryan maw?" Ka ti chhuak haw a


La nui hawk hawk chung chuan, "ni e, vai kha, kar hmasa khan a rawn kal a, karkhat chuang alawm a rawn awm ni, Putea'n Lo ah a hruai a, thing a eh tir nghek mai a. Hei, kum chanve tuah tur lai chu a ek khawl angchu," A la nui hawk hawk tho


Ka mitthla ah Ryan-a hmel tur leh a kut durh thluah kha alang zui zat a, ka in rin hma in ka nui chhuak thut, karkhat chuanglai a rawn lan loh vangin ka lo vui ru viau a. Zokhawthar lama a lo han zin chhoh vang lek a nih chu a!


"Eng nge a rawn tih a?" Ka la nui ve reng, ka Pa bula hnathawh phei chu tih mai mai a ni dêr si lo va


"Nupui turin a rawn dil che," Ka nau in a tih awlsam et chuan, "huh...!" Ka ti chhuak hau ringawt


"Tak tak em ni? ka pa in eng nge a sawi?" Ka ṭhut dan ka siam rem sat sat a, "i thuthlukna a ni mai tihbak engmah a sawi lo, Putea te chuan i duh chu a duhpui dâwn che tih i hriat kha. Hnamdang a nihna zawnah lungsi chiah lo mahse misual erawh a ni lo ang U," A rawn tih chuan ka lo nuih seih ringawt


Ka chhuang ru ve em em ringawt chu, ka inthiamlo ru viau bawk
.
.
.



Ni a kal a, a ngai te bawkim dawrah bungraw thar leh hlui nen kan hnawk leh ta rum rum mai


Ryan pawh an in kan chhuahsan a ṭangin ka la hmu leh miah lo, a reh hmak a ni ber


"Anu.." Bryan te unau rawn tlan lut chu melh zawkin, "Sente, kan chhuak mai dawn aw, vawiin chu nangmaha i nghah a ngaih hmel, ka'n bazaar pui ve ange naupang ho hi," Hruaii a rawn lut ve chiah bawk


"Kan kal dawn em ni?" Ka bag la in ka bu nghat, Ivan-a kaiin Bryan kan hmaah a tlân chhuak bawk a

"Lei tur ka nei nual mai, nau puan tur hi ka la duh khawp lo deuh a, Ka nau in rawn ken tel chu a tum tho nâ in, in lei belh ka duh," Car a ṭhut luh paha ka tih chuan, "keipawh vawiin chu pheikhawk sang nalh deuh ka hual a, millinium lamah min en pui angche, zanriah ei tura kal pah a ni mai," Car tinung chuan a ti zui ve zat zat bawk


Nileng maiin naupang nen, Bazaar puiah kan han vak tak tak chu, chauh ana duh ngawih ngawih khawp mai, ka ke vung kal chak thei lo nen, ka dul a lian in, hring maithei tawh tur nen, kan chhangchhia tih hian a sawifiah meuh lo!


"KFC ringawt chuan in puar dawn em ni?" Ei tur kan nghahlai a ka tih chuan, uar lutukin an unau chuan an lu an bu nghauh nghauh a


"Lo ei ula, ka pheikhawk duh chu ka va en ve lawk ange aw," Ka bu nghat, kan ei tur chah a rawn thleng ve chiah bawk


Dawhkan lama in chawiin, Ivan-a hmai berh lutuk hrukfai sak pahin, "zanah in ril a ṭam ngei ngei ang," Ka ti sep a, min ngaihsak lo em em in an unau chuan an ei zui mawlh mawlh chu en in ka nui hak, "kut in sil lo, in kut sil phawt rawh u," Tih leh Hand sanitizer an kutah ka'n hmet chhuak leh hnu hnawh a, "a ro hunah chiah ei tur khawih angche u," Tih leh keipawh chuan ka ti ve nghal zat


Ka kut nuai paha hawi chhuakin, Hruaii rawn lut en in ka nui zui var var a, rei erawh ka nui hauh lo, Ryan-a hmel chang rat mai leh hmeichhe pakhat rawn in kai lut ka hmuh chuan chawpchilhin ka nui hmel a bo nghal


Ryan-a kuta inti neitu em em a chelh ran tu hmeichhia chu khawi emaw ah ka hmu tawh tlat a ni.


Ni e, kha nu ngei kha, Nurse Hmangaihi ngei kha a ni


Kan ṭhutna lam an rawn hawi a, Ryan chuan min hmu ang pawhin a awm lo, min en kân a ni mah zawk


Kan awmna lam rawn pan a, min kal pelh lai te chuan ka ṭang lutuk chu ka kut pahnih suih zawmin ka lo thaw dep dep mai

Min kal pelh ruala, Ryan-a rim pa hrak mai leh whisky rim in pawlh chiai chu chiang takin ka hre thei, ka hip kawka, ka thaw chhuak hawk bawk


"I ṭha em?" Hruaii'n ka bula rawm ṭhu paha a tih chuan harsa ti zet chuan ka chil ka lem khalh a, "ka ṭha," Ka phun sep, engvang a thinrimna leh natna ni âwm tak inpawlh nuaih in a min tuam nge maw ka nih hrep le?


Ka awm ve lo ang maia min kal pel a, vawikhat pawh min melh eih lohna te khan minti thinrim niin ka hria


A reng reng thu in saw nurse pawh saw a hnar tawh emaw tia? Nep lutuk mai, a luak chhuah hnu a ei leh a nia! Tenawm! Tenawm takzet! Nep lutuk!

Thinrim ṭun chung chuan ka rilru in ânchhia ka lawh mawlh mawlh a, ka thil ei te chu ka ei deuh sawk sawk bawk


Hruaii'n nui ṭhû chunga min en in, "a ruka mahni a thikthu chhiat hi, a langa thikthu chhiat aiin a hreawm daih a nia, boruak awmloh na hmuna in khungbeh ang mai a ni," Nui kur kur chung leh, inti hre zet maia a rawn tih sur sur chuan rum zeta melhin, "i ei tur ei mai mai rawh," Ka lo ti hlar chu a nuih a za tulh tulh lehnghal!

Kawchhung sat pup pup nak alaia, henu zit zet ṭhin hi chu!


Kan ei kham chu naupang ho chhuak tura ti sawk sawk chuan, kan thil lei ho khaiin, vawikhat pawh hawi let lo chuan kawngkhar lam chu ka pan ve hlawk hlawk a, ka ngaihtuahna mai mai nge ka hre lo, min en zui reng ni maiin ka hria, tichiang turin ka hawi let duh tawh bik dêr si lo va


Kan haw kawng tluan pawhin ngawi rengin ka ṭhu, ka mitthla ah Ryan-a leh Hmangaihi bawk chu an rawn lang leh ṭhin, ka thaw leh halh ṭhin bawk


"Ka rawn lut kawi lo mai ang, ngaihtuah lutuk duh suh, thikthu te chu chhe ve bawrh bawrh rawh se," He nu hi chu aw! A la nui ang vur vur zui a


"Kal mai mai teh," Car aṭang chhuakin ka ti zui hlak chu ring fahran a nui uar uar in, "ral hi i ngai leh si ange aw," Ti zui hrâm chuan a tlân chhuak chu nui ve ta hakin ka vai liam a

In lam ka pan dawn chuan ding meuhin ka hawi kual leh, tunlai chu ka dik zàn lo in ka hre deuh tlat, min en zui reng tu awm ang mai hian ka awm hi a nuam lo a, zui ruk ang mai hian ka in ngai

Ka hawi kual leh ṭhin, khua a thim ṭan tawh nen tumah phei chu a hmuh chian tak tak theih tawh loh, "ka lungphu lam nge diklo a, ka eng hi nge maw dik lo le?" Ti niah niah chuan ka pensawn a



Inchhung chau zeta ka pen luh chhat chhat pahin, "Bryan, Ivan inbual fai nghal rawh u aw, a tlai tawh si, Bryan tuilum chhuang hmasa la," Ka ti zui lang lang


"Mampui," Ka taksa na zet pawh ka khawng awt thei


Zoa Nu leh a U kan sofa chunga lo ṭhu chu phawk fe in ka en a

"U Mampui tuilum ka chhuang tawh a, naupang inbual na tur hi ka siamsak dawn em ni?" Rami chu en in ka bu nghat


Chhuat ah ka thil khai ho dahin, "eng nge hetah te in rawn tih ve mial dawn?" Ka ṭhu nghal a


Ka Pa boral aṭangin kan in hmuh leh hmasakber na a nibawk


"Mampui...." Nu Êngi mit chu mittui ni âwm takin a rawn hnâm zui ṭiam ṭiam, kei erawh ka awm a nuam dêr lo, dawnsawn dan ka thiam chiah lo a ni zawk mah


"Min ngaihdan tur hre tho mah ila, Nu ka ni si a, minpui turin ka duh che a ni. Ni lo, Zoa hi pui hrâm rawh Mampui, a thi thei mai ang, a Pa boral aṭangin zu a chêna harhfim lai reng reng a nei ta hek lo, ti hrim hrim chuan a thi ve mai ang," A mittui a tla zui fep fep bawk


Chuti taka Nu chapo tak leh hawisang lutuk mai, min hmusit em em ṭhin tu kâ aṭanga ngen na hriat pawh chu mumang emaw tih a awl dawn lek lek alawm


Sawi mai tur hre lo chuan Nu Êngi mittui hru fep fep chu ka en ran ringawt a


"Khang kum kalta zawng zawng khan thil tamtak ka tisual tih ka hria; Mahse, Mampui keimah vang ni lo vin, kan tu lo piang tur vang tal pawhin kan chungah zah ngai la, Zoa nun hi chhanhim hrâm rawh, a thih mai ka hläu a ni, Lucy-i naupai a fa a ni lo tih a hriat hnu phei kha chuan mi a âng maiin, a ruih a piang hian i hming a lam a. Ngaihdam lah bâng lovin a dil bawk che si ," A ṭap khur nghal zawih zawih


Ka thawk a lo sak ve ṭungin, ka hrawk a lo na ve urh mai

"Zoa thiamloh mah nise, a bulber chu keimah hi ka nia, I Pa sawi angchiah in, ka fate ka enkawl dan in a zirloh vang leh ka thu ka duh luat lamah in nupa ka ṭhen hrang che u, ka Pasal hial ka chân phah a nih hi," A tawp lam chu ka hre ṭawk ṭawk


Chung lam melha khap fak fakin, thaw ka la halh a, "U Zoa chu remchang hmasaber ah lo biak ka tum dâwn nia," Ka ti chhuak ta sep bawk

Bu nghat nghata a mittui hru in, "Mampui, kei pitar hi min khawngaihin, zah ngai la, i rawn let leh mai thei lo em ni?" Ngên ngawl zeta mittui nen a min en chuan sawi mai tur pawh ka hre lo


Nu Êngi chu ka en ngawih ngawih ringawt, chuti tak chuan Nu chapo leh hawisang, mahni hmasial bawk si chu a in phah hniam thei dâwn em ni tih vawng vawng na tham a ni


"Ni e, Mampui nangpawh in ngaihtuah chiang la, nangmah ang bawka i fa lo piang tur fahrah a awmtir chu i duh bikin ka ring lo. Fate Pa chu fate Pa nge nge an ni tho tho. Tin, a tirin rai vat ni la, ka nau pawh a uire bik nang, a ni lawm ni?" U Lawmi chu ka en haw ringawt, min mamawh tu zawk leh puih ngên tu zawk an ni a, a ṭawngkam mei nei lutuk chu pai harsa ka ti ṭhin, a bikin nau ka pai hnu phei hi chuan ka thin hi a chhe rapthlak ka tih tawh kha



"Lawmi," A nu in a lo khak vat, chu pawh chuan minl ṭhawng tho, a fate hian ka chungah engpawh sawi se la, thumal pakhat pawhin a khak ngai lo, a lem duak duak zawk ṭhin kha a nia!!!


"Sawi dikloh ka nei hran hleinem, Zoa thiamloh tih kan hre tho a, mipa a ni a, a thil tihsual ah mawhphurhna la in Lucy-i a nei a, nangpawh tih êm ah chuan Ryan-a nen pawh thu lêng vak innei ve huk tho alawm, a tu ve ve mah in dik lo," A ti leh hlak hlak chu za lo zetin ka nui ta hak ringawt a, U Lawmi chu, U Lawmi a ni reng e!


"Lallawmpui ngawi rawh, ngawih rawh," A nu in a dar a chumin a lo ti ve hlar bawk a


"U Lawm, pawmlai nei ka ni lo va, ngaihzawng ka lo nei a ni emaw, nei lo emaw, pawmlai ka neih miau loh avangin U Zoa nen kan in an na ka hre hauh lo. Tin, Uire na hi sawifiah emaw hrilhfiah emaw, chhuanlam neih tir chi a ni lo, duhthlan na a ni," Ka ti let ve fak fak chu U Lawmi hmai chu a rawn ling phat


Ṭawng tuma a âng zuai chu, hawi ve vahin, "min mamawh tu zawk in ni," Ti hriam hrakin, U Lawmi en chung chuan, "ka ngawih reng avang hian ka chakloh vang emaw ka hlauh vang che u ah ngaih suh, ṭawngkam a in hnialna aiin ka chezia hian thu a sawi tam zawka ka ngaih vanga chhanglet ngai lo che u ka ni. Mahse, i lakah chuan a ni lo, ka ngawih rei poh leh min zuam a, min ngam tulh tulh a, ka thiamloh nih tir ṭalh i tum tih ka hriat tawh avangin i ṭawngkam chhuah zat chiahin ka chhang let che a nih hi," Ti duah chuan ka thaw chhuak halh a


Nu Êngi hmel chu zahna in a khat, ka tih chhan a ni hauh lo, nichin maia ka laka ngên na a siam aṭang khan a inchhir zia ka hmu tawh a ni. Mahse, a fanu erawh ala inthlak miau lo va, ka chhanglet ve ta a ni mai


"Ni e, Mampui i sawi angin, chhuanlam tur keini lamah chuan kan nei hauh lo," Nu Êngi'n a rawn ti chuai raih a


U Lawmi hmai sen râm mai, tlawm la bawk si chu en lehin, "U Zoa chu remchang hmasaber ah biak ka lo tum dâwn nia. Mahse, bul ṭan leh erawh ka thei tawh lo tih min hriat sak ula ka ti, uire na hi a tenawm a, U Zoa ngei pawhin hmeichhe dang khum a ṭawmpui hma khan kan nupa i kara thilthleng tur chu a hre lawk ngei ang," Ka tih dam dap chuan U Lawmi a lo nuk hak


"Mampui thil pakhat chiah ka zawt angche, a uire vanga ngaidam thei lo nge inih a, mipa dang ineih tawh vang?" Sehchilh zet maia a rawn tih chuan in seh ruhin, ka en ngar , ka thiamlohna zawn a tum lui tlat chu mak ka ti takzet bawk


Ka ṭhutna aṭanga tho in, "uire na ngaidam tur chuan nangpawh i rilru a ṭha tawk lo a ni läwm ni U Lawm, i pasal i ngaihdam theih loh laiin i unaupa uire na chu ngaidam se minti amaw?" Ka lu ka thing a, "min hrethiam teh, vantirhkoh ka nih bik loh hi, i hre chiang viau angchu Uire san nih nat zia chu, Mizoram i rawn thlen chhoh ṭhak hi le!," ka ti ta fak fak chu a rawn ding zat a


"Ka pasal uire dan i hre lo Muanpui, i lei kha veng rawh," Seh chilh rap rap chunga min ben mai duh hmel a pu chu, ka nuih khum ve hak, "ni e, ka hre lo, nangpawh in U Zoa uire dan i hrekim in ka ringlo, hrekim pawh ni la, uire san tu che nena khum 1 a mu a, engmah thleng lo ang maia hmangaih leh chu harsa kan ti ve ve a ni lawm ni? I theihloh thil chu engvanga tihtir min ṭum nge i nih? Tin, I nu emaw U Zoa pawh ka ngaidam a, mahse inzawmna neih ho leh ka duh tawh lo mai chauh a ni," A mitah tak en kalh chunga ka tih chuan a in seh ruh nasa


Zanin ang em em ka ṭawng tam hi ka la hre ngai lo, a bik takin Ni Êngi leh U Lawmi hmaah ngat phei chuan hnial hian sawtna a nei lo tih ka hriat ṭhin vang khan ka ngawi ta hle hle zel kha a nia



"Chhuak teh ang, Lallawmpui em em che hian," Min en ngur ngur tu bân a chelin Nu Êngi chuan a pawhin a pawt chhuak a, kawngkhar lam aṭang pawhin min rawn la en rawm rawm tho mai


"A vahan nasa ngat ngat ve maw le, a nu ni lovin, Lawmi zawk a nih kha Setani tih zawk tur. Mizo hi chu kan mak hi ka ti khawp a, mahni tih theih miah lo tur leh kan chunga thleng tura kan duh miahloh pawhin midang hian tise hi kan tia, uire na lam ngat phei chu, ngaidam a let leh hi an tam viau lo ang, hur vang a nia, an sim tak tak thei lo," Rami'n a lo ti hlak hlak chu ka nuih ta vur vur a, kan chendun hnu a thinrim taka a âng ka vawikhat hriatna a ni



A sawi dik viau bawk si, uire san nat zia chu sawia fiah chi pawh a ni lo. Mi tawn hriata "a nâ ang; Mahse, a inchhira fate vang hrim hrim pawhin ngaidam se" tihpui ringawt a, an na tawrh hriat thiampui emaw intih hi a awm ve theih khawp mai. Mahse, fate vanga damchhunga rinna awmloh na hmun leh uire san kan ni tih hriat nawn fo na hmuna kan let a nih chuan, nupa kar a hlim lo a, chhungkua a hlim theiin ka ring hek lo, chhungkaw hlimlo karah fate sei len tir aiin ala ṭha zawk tho läwm ni? Tih hi ka ngaihdan a ni ve tlat


Kan chau tlâng bawk a niang, kan nufa 3 a khum kan deh rualin kan muhil chu a ni nghal dêr!


Ka phone ri reng chu ning lutuk a, phun hluk hluk chunga tho in, en mang hleilo chuan ka pickup a, "ummm," ka mut la chhuak lutuk chu men pawh ka meng peih thlawt lo


"Phone neitu nupui hi i ni em? Hei i pasal hi i rawn hruai dawn em ni? A rui tawh lutuk a," Ka meng nghal kawk, phone chu ka en vat a, ka thaw halh bawk


"A chhungte i be mai dâwn em ni, a nupui ka ni lo va," Tih leh off ka tum zet a, "Khawnge in dawr," Ka ti leh ta zawk a

An awmna a rawn sawi chuan tho in, Cardigan phiar lum ṭha zet chu la a ha sawk sawkin naupang puan sin chu ka siam ṭha bawk a


Rami lehkha lo la zir malh malh chu kal pel pahin, "Rami ka chhuak lawk dawn a, naupang ho hi lo ngaihven rawh aw," Tih leh min chhan na pawh nghak lem lo vin ka chhuak zui zat


Dár 10 :30pm a pel tawh, Taxi hmuh mai tur pawh a vàn viau ka ring


Ka rin ai takin ka hmu hma leh si, ka kal duhna hmun ka luh rualin ka sawi nghal a, "eng nge chutah te itih dâwn, i pasal i hruai dawn em ni?" Driver chuan min rawn en in a nui vur vur


Ka kalna hmun tur chu eng nge a nih pawh ka hre chuang lo, zu dawr pangai ni hmiang ka ti mai a


Chhang lem lo chuan ka lo nuih let ve ringawt a


Ka kal duhna hmun kan thlen chuan, "min lo nghak thei angem," Ka chhuah hma in ka ti sep, bu nghatin, "tehreng mai, i duh chen chen," Biak a nuamin a nui säng reng mai chuan ngainat a ti awlsam zual


Lawmthu sawi sapin ka chhuak a, "puih i ngai lo ang maw?" Dingin ka inher a, "ngai kher lo ang," Ka tih chuan a lo bu nghat



Inchhung ka lut chu, music ri riai riai karah a ṭhen uluk lutuk a in kuahin an lo lama, a ṭhen kil khatah an lo in fawp ngawng ngawng bawk. Mizoram ah hetiang hmun te hi kan lo nei tawh a ni maw?


"Zawn i nei em ni?" Waiter ka bula rawn ding chu en vatin, ka hawi kual leh thuak thuak a, "ka hmu e," Nui sanga tih leh U Zoa ṭhutna lam chu ka pan zat


No dawm chunga ṭhu kun ngur bula dingin, "U Zo," Rang lutukin a rawn dak chhuak, min hmu thut chu mak a tih hmel takzet, rei erawh a ni law


"Haw ang hmiang," Ka ti sep a, a rawn nu vur vur thung

"Min nuih tur in em ni i rawn kal?" Zu chu a lem zui pap


"U Zo," Ka ti hap


Nu nghawr dat datin, "ka mawl leh a ni, ka mawl takzet, ka mawl zarah ka Pa hial ka thah phah a," Zu bawk chu a lem leh pawp, a no laksak ka tum chu phih let sawkin, "ânchhia min lawh la, ka phu a ni tih min hrilh la min kalsan rawh," A mit a hnawm chap


Ka sira chair pawt chhuaka ṭhu thla in, "ni e, mipa fing tak i ni ṭhin emaw ka tia; Mahse, ilo mawl takzet..." A rawn nui huk


Alam hawiin, "chu vangin thil iti suala, tlu sawp mai lovin ding leh ta che, inti chak rawh, tumahin anti chak thei lo che. i tihsual lah an siamṭhat pui thei hek lo che. Ka pa khan hetiang hian hmu che sela ; kut a thlak duh zawk ngei ngei angche," ka ti leh hlak

Zu bawk thli chhuak leh karh karh pahin, "phatsan leh bum haw em em siin ka phatsan che a, ka fa emaw ka tih enkawl tir che ka tum bawk a, ka fa a ni lo tih ka hriat laia ka rilru a lang hmasaber i hre duh em? Engin nge minti na i hria em?" Mit sen râm in min rawn en


"Ka tihnat zia che ka hre chhuak, ka hrethiam che emaw ka tih lai khan ka hrethiam lo che a, ka hma ka sial zia ka hre chhuak bawk, ka hmangaih miahloh lak aṭang pawha phatsan na ka dawna, ka thinrim zia ka ngaihtuah a, hmangaih reng chung chea ka phatsan che tih i hriat laia i nat dan tur ka hrethiam bawk. Chu chuan minti nâ a, engtin nge ka fa lo piang tur ka hma chhawn ang tih nen," Seh chilh deuh nawk nawka a tih chuan sawi tur ka hre ta lo


Ka ngawi ran a, zu bawk chu a in leh ṭhin, "Min khawngaih duh suh Bawihi, min khawngaihna in ka in hmangaih tir thei tawh lo che tih ka hria alawm ," Mit hnawm chapin min rawn en leb a, a nui suk bawk


"I thinlunga hmun kala chandan pawh chiang takin ka hre bawk, mipa ang ni lovin, i hmangaih ṭhin leh i fa Pa ang lekin min en tih nen," A bek a pawng ṭalh ṭalh a, a mit sen râm leh pelh phang chu natna leh inchhir na hlirin a khat


"Kal rawh, keimah in ka haw thei, helai hmun hi i awm ve na hmun tur a ni lo," Ti supin, "Lungngai suh, zanin bak hi ka rui tawh dâwn lo," Harsa tih hmel zetin a ti chhuak leh a, ka en deuh vang vang hnu ah, haw tur pawhin ti ila a haw dâwn lo tih ka hriat avangin muangchangin ka ding chhuak a


"Bawihi," Ka en vat, min la en lo, a no dawm chu a en ran, a nui nghawr dat a, min hmu tawh ngai lo tur ang mai leh, a tawpna tak tak a ni tih hriat tak maia min en vawng vawngin, "zanin bak hi 'Bawihi' ka ti tawh lo angche," Ti sak ṭalh chuan, mawi lutukin a nui a, "i thinlung in a duh kha zui rawh, tuma thusawi ngaithla lo la, i thinlung chauh kha ngaithla la, keiai a ṭha leh kei anglo tak hmangaihtu diktak che neiin bul ṭan angche." A seh chilh bap bap, a thumal chhuak tin chuan a nat zia a ti chiang bawk


Zu lem pawpa ner sawkin, a thli zui lehnghal a, "ka hmangaih che," Min rawn en a, "chu vangin hlim i phu," Ti leh sup chuan a nui suk bawk, ka lungphu zawn hi ana veng veng mai, ka la hmangaih vang erawh a ni lo. Ni lo, mipa anga ka hmangaih vang erawh a ni tawhlo, Zonunmawia kha engtin hetiang dinhmun ah hian a tawp theih tih hian minti nâ a ni ber


"U Zo, mihring chu danglam thei kan ni a, nangpawh Lucy-i nen inzawmna inneih aṭang khan i danglam tawh. Hun a kal a, a in thlak danglam ang hian keipawh ka inthlak a, ka danglam a ngai a tin ni," Za vak lo a nuiin, "ka hma ka sial ve a hun a nia nge," Ti zui sepin, a darah ka beng thak thak a, "mahse, ka pumchhunga mi tan hi chuan khawvela Pa ṭhaber rawn nih tum angche," Ti sepa ka kut lak let ka tum chu rawn dawm vatin, a bianga nawrbet a, mit chhing chungin thaw ala ham ham a, fawp zui vawng vawng leh hîp vang vang chuan



Muangchang leh hreh tih hriat taka thlahin, "kal tawh rawh," Harsa leh zawi supa tiin, zu no khat pap mai chu a tlak zui pap bawk......



<>~>~>~!~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:26 pm

PRESENT PERFECT
By
Floria Laldansangi


Chapter < 27 >



RYAN...POV



"I kut dah sawn rawh Hmangaih," Chang fal maia tih leh ka mitpat na hum ran tu kut chu ka melh a, mitmeng de sawr sawr a min rawn hnaih zual sauha ka kap zût chungin, "i chiang maw?" A phun sar sar


Kiai suka a kut dah sawn sak pahin, "a mood ah ka cheng lo ka tih kha," Bul zeta tih leh seat hnung ngheng datin, thlathar maia nau hring tawh tur Muanpuii nui var var chunga Hospital aṭanga rawn chhuak chu nui sukin ka lo en a


"Saw nuthlawi raipuari bawk saw maw?" Hmangaihi chu a ner zui sawk, "tunge a nih i hriat kha," Bul zeta ka ti chuan tau nghawng nghawnga ṭhu ṭha in, "a englai sawi nge maw i duh le? A pasal hlui fa a pai chung pawh sawn i hmangaih a, i thinlung kha a phu reng reng em ni?" Hmangaihi'n Muanpuii lam melh ram ram paha a tih leh chuan ka kiai leh suk. Tu emaw hmangaih tur hian chhan a neih a ngai ka ti hran law


Ka Car lam chu a rawn hawi a, Nisha office kan chhuah dawn a, a mitmeng ang chiah kha a ni, natna a lang tel leh tawh, keimah vang ni hrâm rawh se!!!


Saw hmeichhe luhlul leh mawl bawk si, dawih zep leh mahni thinlung duh zawng pawh zawm ngam si lo saw, engtin nge ka tih dâwn tih kar 2 chhung zet chu ka ngaihtuah tawh. Hmeichhe chungah hetiang em ema ka dawh theih vawikhatna a ni bawk


"Hey, Ryan, i nu in i hmeichhe hmangaih a duh si lo a, i in ah i hruai luh theih loh chuan engtin nge i tih chuan ang," Muanpuii kal liam en zuiin Hmangaihi lam chu ka thle bak a


"Tu emaw rem tihna la ṭhin hmel ka pu em ni?" A nui zui ar ar, ka lam hawia in siam rem sat sata min en ralh ralh pahin, ka taksa en thla dan dan chuan, a kut zung ṭang sei zet leh tin sei hlarh nen a, min rawn ban in, "pu lo e; Mahse, engtia hmalak nge i tum ka hre duh mai a nia," No nghal leh min mamawhna thup buai hauh lo a tih chhuah chuan a kut vai sawn in


"An in ah ka luhkhung ang, a chhung ten min duhlo a nih chuan, kei leh ani nen chhungkua kan din ang," Nghet charh maia ka tih chuan ner nawng a ṭhu thla leh hnakin, "nih tak chu a," Tum vuau in hmalam a hawi nghal hmak bawk, kei erawh car ti nungin ka kiai suk

.
.
.

"I danglam tih i hria em?" Whisky no dawm chung chuan ka kiai suk a


"Kha nuthlawii ai khan ka hre hmasa che a, i mamawh hun a piangah ka in phal bawk, engvanga thlang tlat nge inih ka hrethiam lo," Ṭah aw lek lek a tih leh chuan whisky chu tlak pap in, "i rui a nih kha," Ti supa thawh ka tum chu rang lutuk a min pawt letin ka mal ah a rawn lawnkai zat


Ka nghawnga a kut sui zawm vatin, mitmeng de sawr sawr leh tisa chakna khata min en in, "zanin erawh chhuah che ka tum tawh hleinem Ryan," A mawng chu ka mipatna zawnah a ti che kual nghal bawk a



Whisky lo tem ve hlek tawh nen, ka thaw chhuak hak, pawmlai nei ka ni lo va, kar hnih chhung khan ka kut hmawr pawhin hmeichhe dang ka khawi hek lo, zanin erawh ka insum chhan tur ka hre tawh tlat lo


"Inchhir suh angche," A hmuia ka hmai nul thuak thuak tu chu en in ka ti hluk a


Läwm tih hriat taka nui chhuak ar ar paha, a kawr hak phelh nghal sawk sawk chuan, "i lakah ka inchhir i ring em ni Duhtak Ryan," A bra phelhin min rawn fawp nghal tawn tawn


Dimna tel lek lo va lo fawp letin, sofa ah chuan ka leh thal a, a hnute chu ka ṭham tawn tawn bawk


"Ohhh, Ryan kar hnih chhung kha i khawhral tih i hria em?" Aw lai rut leh thaw hlawp hlawp chung a tih chuan ka thaw hak, min fawp bawrh bawrh chuan a kekawr hak chhing zet mai chu ka hlip sawk a

"Ka hre hauh lo," Ti hluka a kekawrte pan zet chhanah a hmeichhiat na tui pur mai nuai sak nawk nawk chuan, rak ṭhat ṭhat a er ngawng ngawng in, "Ryan...ohh Ryan...." Ka hming lam chul chung chuan, "min fiam kual teh suh, ka mamawh che, ka chhungah hian lut rawh," Ti khur hlawk hlawka ka kut rawn vuan betin


Ka kekawr kawng chu a dap zui rawk rawk bawk a


A tukkhum sama lo ṭham a, phih dak awrh chuan ka fawp zui nawk nawk bawk

Ka kekawr kawng phelh nawk nawk chuan ka mipat na khawng zet leh hrawl zet en a, mitmu de sawr sawr leh a vawikhat hmuhna ang maia, a duhai a lian emaw tih mai tur a mitmeng ti zau in, "heihi alawm ka duh, ka beisei fo ṭhin Ryan," Ti thâm ṭuak chuan a hmum zui pawk pawk bawk


A tukkhum sam a ṭham reng chung chuan, ka rum chhuak ham ham a, ka mitpat na chu a kâ chhungah a thûk thei angber in ka hnawh lut nawk nawk a, a rawn khuh zui ṭhat ṭhat bawk

Ka phone rawn ri ta chhen chu phun hlukin, Hmangaihi'n ka mipat na la fawp kual a, hmuam reng chung chuan dawhkana phone chu ka ban a, "Daniel," Ka aw zet chu!!!


"Sir, ka tihpalh, Roberto-an Muanpuii a hruai a ni," An sawisa a ni ngei ang, a aw chhuak ah chuan na tuar ri ka hre tel


"Uicho leh!" Ti hrawk a, Hmangaihi'n ka mipat na hmuam ran chunga min rawn melh chhohna chu phih sawn nawkin, sofa ah chuan ka nam let nawk a, a let thla hnawk dawt bawk


"Tunah khawnge i awm?" Ti hriam leh hrak chuan ka kekawr ka ha ṭha nghal sawk sawk bawk, "ka hria," Tih leh phone chu dahin, "in ha rawh," Ka ti bul hluk a


"Ryan, Ryan kha nuthlawi vang kha a ni sawi miah suh," Saruak in a rawn ding ve nghal tau


Ka jacket chu la a ha in, "Muanpuii a ni," Chang rat maia ka lo tih chuan ka hmai a thip zui sak, "zawnga, tenawm pa," Ti tuar chuan chhuat a a thawmhnaw tla chhar zui sawk sawk in, "ramhuai inih hi," A ti zui tan tan bawk


Ka khabe ruh ti che ralh ralhin, "i chhuah rualin kawngkhar khar angche," Tih leh mittui tling pam a min en na melh zawkin, car chahbi la chuan ka pen chhuak zui pawk pawk a


Pawn ka chhuah rualin Kaya hmel ka hmu nghal zat, "car ah lut rawh," Tih leh car a ṭhu lutin, steering chu ka herh kual a, chak lutuk leh vung lutuk chuan ka tlân chhuak zui vuk bawk


Daniel-an location min rawn thawn chu en in, steering chum dawta phun hlukin, "Back up tur call angche," Tih leh a ai säng in speed ka up zui zat bawk


A kut hmawr pawha Lalmuanpuii a tawk a nih ngat chuan a nung chungin hremhmun ka thawn duh ngei ngei ang!!!!



<><><>~>~>


MAMPUII....POV

Thinrim ṭun chunga damdawiin aṭanga ka haw chu, kan in kawtah Nu Zarpuii hmel ka hmu hlawl chuan minti phu zawk thei


A fapa leh Hmangaihi ka hmu zo chauha, Nu Zarpuii hma chhawn leh tur chuan ka peih rih lo a sin maw le!


"Nu Zarpuii," Ka lam a rawn pan chu ka lo en ha a, "Mampui, ilo haw ta maw?" A mangan hmel takzet


"Inchhung ah kan lut dawn em ni?" A lu a thing a


"Thu tlem zawh lawk tur che ka nei a, Ramnghaka nen hian in inbe leh em?" Min en kar, a mitmeng leh a hmelah chuan a fapa nena inzawmna kan neih leh chu a hlauh hmel takzet


Bialnu thar. Ni lo, a hmeichhe hlui a la let leh tih khum chiam mai ka duh rum rum ta mai

"Be tawh lo," Ka tum aiin ka chhang bul mah mah


Ka rinloh deuhin, "engtin nge ka tih ang le? U Zaia ruang zan aṭang khan In a rawn haw leh tawh lo a, a biak tlang thei si loh, tihdan te i hria em Mampui?" Nichin a a mitmeng kha a dang daih tawh, min ngên niin ka hria


Ka chhan mai loh avangin, "ni e, engtin nge maw i hriat ang le, ti khawp khan ka ânkhum tawh che a," A ti chuai raih chu inthlahrung deuh tak chungin, "Nu Zarpui, tlai lamah khan damdawiin ah ka hmu a, a...." Ka tih laiin, "nâ a nei em ni? A chungah eng nge thleng?" Nu te zawng, Nu te nge nge an lo ni, a hmela a fapa a ngaihtuahna leh a hlauthawn na chu hmuh hmaih rual a ni law


Ka nui a, "a ṭhiannu a kalpui niin ka hria," Ka tih tak sepah chuan a thaw chhuak hawk, hahdam ta huai hmelpu in, "a ngaihzawng thar em ni?" A rawn tih chuan min vit zawk mai, Ryan-a leh Hmangaihi ka mitthla zui zat bawk


"A nih ka ring," Ka ti zawi sap chu bu nghat nghat in, "Mampui tlangval chho mêk chauh a ni a, rilru inthlak, inthlak hunlai, kan duh emaw kan tih, kan duh leh tak si loh, a thil thar emaw, tih ngailoh leh chîn ngailoh, tihchhin chak hunlai a ni tih min hriat sak la, thutak ah lo la duh suh aw," A thusawi awmzia chu hre tak ka ni, a ṭawngkam chu hre satliah tu tan chuan a na hauh lo ang. Mahse, awmze nei tak a nihna chuan minti zak a, minti na veng veng bawk, ka thawk a sak nghal ṭalh mai!!!



"Ka haw san angche, chaw ei a hun tawh si a, a lo biak hlauh che chuan min rawn be ve turin lo hrilh rawh aw Mampui," Ti leh chuan kut min vai lap lap chunga a pensawn chu âwm chhung na veng veng in ka thlir vawng vawng ringawt


"Mampui, i dinhmun hre rawh, i dinhmun," Ka rilru in keimah leh keimah ka in hrilh mawlh mawlh bawk


In herin thui pawh ka pen hman lo, "Hello, Miss," Aw thum ṭha zet leh, Mizo aw phawi ni lo tih hriat tak mai ka hriat rualin ka in her a



Ka hmaa Sap palian ṭha zet mai, hmai hmul thlenga eng thur mai leh, mitmu paw ral maiin chhuk runa min lo en chuan ka thaw ka hîp let kawk


Engtik laiin nge hetiang a hnai ah hian min din chilh hman ka hre hauh lo


"Miss Muanpui," fiah lo leh pai zet maia ka hming a lam rualin, "Roberto," Mipa dang aw a rawn lang zui zat


Ka lam pana rawn pen pawk pawk a, min si cheta rawn ding, Vai ti dawn ila, Vai hmel pu chiah si lo, hnamdang tih erawh hriat tak mai rawn ding chu ka en chho leh hau bawk a


Sap pa zawk chu a kiai suk, a mitmeng paw ral mai in thlak rawk rawk chu chiang takin ka hmu thei bawk


"I tawk a nih chuan Rayn-an a that ngei angche," Ka bula ding zawkin chiang taka a tih chu ka hrethiam


B.A lai ni ve chuan English hi a ṭawng tak hi chu harsat viau mahila, an sawi erawh ka hrethiam ve vek tho


Ka sira ding chu phawk fe in ka en a, sap pa lah chuan a hlauh hmel loh em em mai bawk si, "kan hre dawn alawm," Tih leh min rawn en in, rapawm lutukin min nuih a, "hruai rawh u," A tih rualin sap palian zet zet mai, suit dum ha in min rawn pan chu tih mai tur pawh ka hre lo


Eng nge an duh lah ka hre dêr bawk si lo va. Tunge an nih pawh ka hre lo zawk maw le!

Ka bula ding chuan silai a phawrh zat, ka in rin hma in ka rak ṭhat bawk, ka lungphu lah chu a phu tawhlo zawk emaw tih tur khawp a rangin, ka thawk thlengin a buai nghal vek


sap palian zet chuan hläu hmel pawh a pu lo, a phun hluk a, silai chu a en run run a, hnehsawh lutuka silai hmawr leh a bânrek a bengin a silai chu mit khap kar lekin a laksak thei nia maw le! Ka hmu sual emaw ka ti zawk dawn hial


A silai a ka bula ding chu tin vahin, "Daniel, thah che ka duh lo tih i hriat kha," Ring si lo a tih leh, min rawn en leh a, nui hmel ngeiawm leh rapawm, pawisak nei lo zeta min en ngur ngurin, "Miss min zui dâwn em niang," Hnial ngam chi a ni lo hrim hrim


A ruk chuan mangang zetin ka hawi kual a, ṭanpui tu ka zawng ru a ni ber, unau hmel hai hunlai a ni tawh bawk nen, Rami lah In a a awmloh lai a ni bawk si, mihring vaivak lah chu'h!!!! An thi zo ta vek emaw tih turin pakhat pawh hmuh tur zu han awm lo a maw le!


"Miss," Ka phu zawk, ka thaw dep dep a, ka chil ka lem khalh bawk, thaw ṭha hlei theilo leh khur ru der der chungin, "what...what... You want.." Ka thiam dan leh hriat dan chuan ka ti bah ve nawk nawk, 'min that mai angem' tih ka ngaihtuah chhuah phei chuan thaw a chham mai dâwn in ka hria



A nui ri huk a, "hun ka nei lo, kal rawh," Ti hluk a a silai ka lama a rawn lek phei chuan au chiam mai ka duh a, ka aw lah a chhuak thei tawh dêr si lo, khur hlawk hlawk chung a ka ding chu, a nau te palian zet mai pahnih in hnehsawh leh zo lutuk in ka ban tawn tawna chelhin min chawi kang nawlh a


Ṭanpui tu auh duh viau mah ila, hlauhna in min tuam hneh êm vang a ni ang, ka au chhuak thei ṭhak lo!!!


Van (car) lian zet maia min dah luh rualin, sap pa chuan min rawn chhan tu bekah, a silai chuan a chhu nawk a, a vial thla nawk bawk


Ṭhu hniam in a bengbulah chuan eng emaw hi a sawi ser ser a, a rawn nui chhuak huk bawk


Hetiang hi TV ah bak ka hmu ngai hauh lo. A bik takin, Mizoram, kan ram, tlâng ram ah phei chuan silai a in tin uaih uaih leh khawlai a ual au taka in sawisak ka hmuh hi ka ring pha ngai lo hrim hrim


Tuna ka awmdan hi rin har ka la ti a, ka mumang emaw lemchanna tual zawla ding emaw tih a awl rum rum khawp mai!


Van (car) chuan khawilam nge min panpui ka hre hauh lo, chiang taka ka hriat chu, Aizawl khaw chhung aṭanga thla takah min hruai tih erawh ka hre chiang viau thung.

khur ru dar dar chung chuan ka dul chu ka dawm bet tlat a, min thah mai lohnan leh tuma hriat loh a ka fa nena, ramhnuaia kan thih mai lohnan ka ṭawngṭai ru mawlh mawlh bawk


Ṭah chhuak ṭun si chuan ka ṭap thei dêr si lo a, ka tawt a, hlauhna nen, thawk pawh thaw ṭha ngam si lo in, thinphu dep dep chuan ka sira ṭhu sap palian zet chu ka melh leh zawk ṭhin


Ka awmdan hreawm lutuk, ṭawng ngam si lo, ṭap thei bawk si lo, kawchhung leh âwm tawt na ngut ngut si chuan ka thaw a ti chham mai dâwn in ka hria


Van chu a ding dat a, ka hawi kual nghal vut vut bawk


"Chhuak rawh," Kawngkhar rawn in hawn ruala Mizo ṭawng chiang zet mai ka hriat chuan phawk lutukin ka en a

Mizo hmel ngei mai ka hmu chu ka lawm lutuk vang nge ka biang ah mittui a rawn luang thla pup mai


Khur dar dar chunga chhuakin, "min pui rawh, khawngaihin," Ka ban nghal chuk chuk, ka sira rawn ding ve chiah palian zet en in, "Boss," A tih sup chuan ka tliak hnawk thei


Mittui kar aṭang chuan Mizo ka hmuh chhun, puih ka beisei em em na chu ka melh ngawt ngawt a

"Eng nge in duh? Ka lak aṭang hian eng nge induh? Raipuar, pasal pawh nei lo ve mai ka nih hi?" Mittui tla zawih zawih leh hläu bawk si chuan ka ti chhuak a


Sap pa thusawi chu eng nge a nih pawh ka hrethiam tawh lo, hlauhna nen chuan hnamdang ṭawng chu thluak hian a letling hman thlawt lo


"Kal phawt rawh, anti na lo angche," Mizo pa in a tih chuan ka awihloh zia chu rapthlak tak a ni!


"Kal rawh," Tih leh ka bân ah a rawn chelh a, ka hmuh theih leh hriat theih zawng chu, ram ngaw, ramsa hrâm ri leh chiap ri, kan hma zawna building rohsan(rauh) tawh aṭanga eng rawn chhuak de de lam chu min panpui a, a bak hmuh leh hriat tur pakhat mah a awm lo


Building chhung minluh pui chuan dawhkan, patling hlam tum vela sei leh hlai ṭha zet chunga silai leh hmanraw dang in hung ruih mai ka hmuh phei chuan, ka ke pên lai tawpin, hlauh luatah zun ka cheh lo chauh tawh


Ka hnunglam aṭanga min nam kal dat datin, chair ah chuan min ṭhut tir a, ka kut hnung kherhin an phuarbet zui zat bawk


"Eng nge in duh?" Mittui tla tur pawh ka nei leh tawh rih lo, ṭah chhuak viau mah ila, hlauh luat ah hian a lo ṭah theih reng reng hleihnem!


"Sihhhh... Don't worry Babe, i won't hurt you. Unless....." Ti ban chuap a ka dul ena a kiai suk laiin, "Boss," Pakhatin a rawn chuan a nui chhuak huk a, "rawn hruai rawh u," Tih leh ka sira Mizo ding chu a melh zawk, silai in ka bek zawnah min tin nghal rûn bawk


Ka lungphu rang leh ta zawih zawih nen, thawk pawh ka thaw leh tawh pawhin ka hre lo


Ka mittui a rawn luang ngiai ngiai a, ka dul tal chu dawm thei ila, ka fa tal hi kuah ila, ka hlauh hi a zia deuh tur!!!



"Ryan...." Ka hriat tawk lek chuan ka phun chhuak sap, mit ka chhing sawk bawk, ka chhungril ah ka dam chhuak dawn lo a ni tih chiang taka min hrilhtu awm chuan minti meng ngam tawh lo


"RYAN, i silai kha phawrh tum hlek suh, he hmeichhe thluak hi, ka silai mu a chawh pawlh i duh lo chuan," Sap Pa aw ngei maiin a tih chuan rang lutukin ka meng chhuak a


"Ryan..." Ti sap chuan, Ka ṭap chhuak nghal hlawp hlawp


Min en ngur chung in, "Roberto, hmeichhia kha chhuah rawh, kan pahnih buaina a ni," Roberto a tih chu a en a, chu sap paliana lah chu a nui hawk hawk duh lek lehnghal!


"I kâ kha chip hmak rawh Amit, nang uicho hian jail ah min khung ngam a ni lawm ni?" A ti chhuak hrawk a


Ryan chu a lo nui huk, mittui nen khur zawih zawih leh thaw dep dep chuan ka en a


"Ti chuan kha hmeichhe hmang khan min vau a maw?" A kut chung lamah a vai thuak

"That rawh," A thle bak a, ka meng kawk thung


"Ka hmeichhia a ni tawh lo a, a fa pai lah ka fa a ni hek lo," Awlsam zeta a tih chuan mit khap lek lo in Ryan-a hmel ngaihsam leh min khawngaihna lan miahlohna chu ka en ngawih ngawih ringawt


"Mi â ka ni lo Ryan, Chips chu minpe la, tichuan he hmeichhia hi a dam chhuak mahna," Silai chu a phawrh zat a, ka bekah a tin zui vah bawk


Ryan lah chu a din ngai in ala ding reng, ala nui sawng reng tho. Ni e, thi mah ila, pawi a ti tawp nang!!!


"I silai mu i hmeh per hma in, kha hmeichhe pasal kha, India S.I a Major nilai mêk a ni tih i hre dawn nia," A tawp lam chu a chang rat mai


"Ryan ṭawngtam na hun ka nei lo, ka duh chu minpe rawh," Sap pa chuan dawhthei lo tih hriat zet in a ti chhuak hrawk a


Ryan lah chuan luhlul tih hriat tak maiin, a dar a san khum ak duh lek lehnghal!!!


"Khawi rawh u," Tih leh a nau te ho thu pe chuan Ryan-a lam an pan a, palian zet zet mai 7 leh Ryan-a insual chu khur dar dar chungin ka en ngawt ngawt, ka ṭang lutuk te chu ka naupai ka sang chhuak mai dâwn in ka hria!!


Tam zawk na nâ na chu hneh lo tak a ni, leiah vial thla hnawk chuak an chhir zui dawt dawt bawk a, "duhtawk rawh u, duhtawk rawh u," Ka au tuar tuar, a kâ aṭang leh hnar aṭang te a thisen leh chil hnâng chhuak te chuan ka thau ah min man tlat lehnghal!


Roberto atih nunrawng zet maiin a kut lek kang zauha chek tlak tlak pahin, ka mittui tla a rawn hru fai chu, "i kut hmawr pawhin tawk suh Roberto," Kâ aṭanga tui hnang leh thisen in pawlh chhuak chungin Ryan chuan rawn ti hrawk


Roberto lah chuan nuam a ti tulh tulh emaw tih turin ka hmai chu a zut riak riak a, "a hmelṭha hle mai Ryan," Ryan-a leia an ṭhingṭhit tir a, an chelhbeh tlat lam chu a melh zawk a


Ryan chu tal vut vutin, "Roberto ka that ngei angche," Kha zet maiin a ti chhuak leh hrawk



Mittui tla zawih zawih a Ryan en in, a hming ka lam sep sep bawk, tuna chiang taka ka hriat chu, he hmun hi damin kan chhuahsan dawn lo tih hi!!!


"Ryan vawikhat chiah ka sawi leh ang, Chips chu mi pe rawh," Ka hrawk, marphu zawn chu a hmetbet hmiah bawk a, ka thaw thei lo nghal bawk


Ryan-a hmel chu chang tak a ni, eng dîm tak hnuai ah pawh a chala thisen zam lang ṭhuah mai chu, mittui kar aṭang pawhin ka hmu thei


"Ka hmeichhia kha i chhuah ang tih intian rawh Roberto," Seh chilh zet mai leh mar zet maia a tih chuan, Roberto chu a nui leh huk a, a kut chu a phar chhuak duai bawk


"Ohhh, i hmeichhia a ni lo emaw ka tia," Ngeiawm zeta tih leh a kut ṭang in ka hmui a rawn tawk leh zauh, ka lu ka lo thle sawn nawk nawk a


"ROBERTO....." Ryan-a aw chu a khawk rum rum thei, a mit chu sakawlh mit ang maiin a sen vek a, thisen a chhuak ta emaw tih mai tur khawpin a sen


"Ok ok, ka tiam e. OK," tih leh a thle baka a, Ryan-a dawm tu te chuan an thlah zat bawk



Ryan chu in nem kângin a ding a, Roberto chu a en ngur bawk


A ipte aṭanga eng emaw phawrh chuan kan lam a rawn pan chhat chhat, a hmai khem nuaih leh thisen a khat vek mai chu rapawm tak a ni


Roberto-an a kut a lo dawhna lamah chuan a lek chhuak a, muangchanga a kut a dahin, Roberto chuan rang lutuk a phih chuan a en nghal sawk sawk bawk


Ryan ka bula rawn ṭhu hniam rawk rawkin, ka kut an phuarbeh na chu a phelh sawk sawk a


"He hmun aṭang hian chhuak la, kawngpui lam a chak thei angber in pan angche, hmeichhe pakhatin a lo nghak bawk angche," A tih sup sup chuan ka lu ka thing nawk nawk


Ka ṭah lah chu a rawn chhuak ta et et lehnghal!


Ka biang tawn tawna rawn chelhin, "Min en rawh, ka mit ah erawh," A seh chilh nawk nawk


Mittui nen a hmai thisen kai nuaih mai chu ka en a, ka mitah tak en chungin, "vawikhat chauh chu ka thusawi hi ngaihthla rawh, vawikhat pawh rawn hawi let lovin chhuak angche, i hrethiam em?" A thusawi chu hrethiam ngei se minti tih hriat takin, ka chalah a fawp zui vawng vawng a

"Ka hmangaih che," A ti ri sup chu a ring lo nâ in chiang takin ka hre thung


Ka mittui a rawn luang zawih zawih a, min kuah tho chuan, "kal tir rawh Roberto," Roberto lo ding nui ṭhû mai en chunga a tih chuan, Roberto chu a thle bak


"Kal rawh," Tih leh min nam kat dat a, ka pen hlei thei lo, Ryan-a lam chu ka hawi leh, a tawp nan a nui hmel min hmuhtir emaw tih mai turin, mawi lutuk chuan, a kâ sen huam nen chuan a rawn nui suk a, ka pen chhat chhat lai chu ka ding dat



Engtin nge ka kalsan theih ang ni? Thi turin ka hnut chhiah thei lo

Ka lu thing nawk nawk chuan, ka dul dawm chungin ka inher a, "kan pathum in, kan pathum hian kan thi mai," Ṭap chhuak ṭuak chunga ka tih ruala Roberto-an silai a min tin zatin


"A duhthlan na a ni tih hria angche Amit," A tih ruala silai ri ngjal dum ka hriat chuan ka mit ka chhing sawk, ka thaw ka hîp let kawk bawk


Mahse, ka taksa ah engmah a lut lo, ka meng chhuak vat a, Roberto zawk chu silai in Ryan-an alo tin vah, ka thaw chhuak kawk kawk nghal, zat vang ni hauh silo chuan ṭap pur chung chuan ka nui chhuak a


Ryan ka lam rawn hawiin, a mit ko min san khum ak ringawt pawh chuan ka ṭah a ti chhuak zual


"I chet ran ngaiin ila che rang reng e Ryan; Mahse, dama in chhuah ring suh," Roberto chu a hawi kuala, ni e, a ho te an tam mah mah a ni


"Kan hria angchu," Tih leh silai chu hmet perin, Roberto chu a ṭhingṭhi thla hnawk, a mualpui veilam ah a kah sak chu ni in!


"Lehlam pawh verh sak leh i duhloh chuan i nau te hi silai dahthla turin hrilh rawh," Chang zeta a tih lehin Roberto chuan rang lutukin a nau te chu thu a pe nghal a


Ryan-a kiai sukin, a mualpui lehlam pawh chu a kah sak leh hrâm a, mit ka lo chhing sawk, Roberto pawh chu a rak huk tho


"Ka hmeichhia tawk suh ka tih kha," Kha zeta tih leh silaia a bek a chhu nawkin, leiah a vial thla nawk a, la tin reng chungin ka lam a rawn pan a


Ka sira rawn dingin, Roberto tin reng chung chuan, a bân lehlam in nghet lutukin min kuah nghal vawng vawng, a awm a bei chial chuan ka lo kuahlet ve bawk a


Mittui bawk a rawn luang leh ngiai ngiai tawh, mittui nena Ryan-a thinphu dup dup ngaithla chuan, "kan thidawn emaw ka ti hman a," Ṭap ṭuak chunga ka ti chu a rawn nui nghawr dat dat


"Â lutuk mai, ka thih tir che i ring em ni?" Ti supin ka chhip a fawp zui zat bawk a


"Haw ang, helai hmun...." Ka tih rualin silai ri nghal dum dum leh Ryan-a aw chhuak ri awk ka hriat rualin, Ryan chu ka en chho vat a, min kuahna thlah a inherin a silai a hmet per ve zat bawk


Silai a ri nghal chuah chuah in, a ṭêk chuai chuai bawk


ka hmaa ding Ryan, muangchanga lei lama ṭhu hniam ruai ruai chu mittui khap per sak sak chuan ka en a


"Ryan," ti chhuakin, ka ṭhu hniam ve ṭiah ṭiah bawk


Chhuata harsa zeta ṭhu sawp chuan, Ryan-a let reng chu ka malah a lu nghat in, "Ryan, minti hläu a nia," Ka phun chhuak sep sep


"Ryan," Ka mittui a rawn luang ngiai ngiai, ka malah chuan ka mut tir a, engkim mai chu a chawl ta duk maiin ka hria, rawn nui sukin, "silai mu pahnih lekin min that thei lo Bawihi," Muang ban charh maia a tih chu chiang takin ka hria, a tawp lama "Bawihi" a ti ri chuan min vit nghal ngut ngut thei


Ka dul vangin ka kuah tak tak thei si lo, "minpui rawh u, khawngaihin Ryan," Ṭap pur chung chuan ka au chhuak ruai a

"Mampui," U Zoa aw a ni, mittui nena hawi chhuakin, chhuak lutuka ṭap chhuak nghal hlawp hlawp in, "U Zo, minpui rawh, Ryan...Ryan hi pui rawh," Ka riat nawk nawk


"Ka hria e, ka hria e," Tih leh midang a ko a, engtik laiin nge misual ho kha an lo man khawm tak ka hre lo, rei pawh a ni si lo va


Ryan-a chu an buaipui a, "nangmah in i tho thei em?" Mittui nen ka bu nghat, U Zoa tha ring chuan ka ding chhuak a


"Ryan hi..."


"Pawnah ambulance a awm a, damdawiin kan panpui dâwn nia," Tih leh min pawm kâng lawp a, "ambulance zui ve ka duh," Ryan-a an zawn chhuahna melh ṭawk ṭawk a ka tih chuan U Zoa ngawi ngal chu mittui nen ka en chho leh


"Ka hria," Ti nghut in Ambulance lam min panpui ve mai bawk a


Ambulance-a min dah lut chu, Ryan-a ṭhut hnaih ruak ruak chuan, a kut thisen kai leh pilh nuaih mai la kâng a dawm vawng vawng i , "Ryan," Ka phun sep, ka hrawk na ut ut chuan minti ṭawng thei lo


U Zoa thaw ri hrawih ka hriat chuan mittui tling pamin alam ka hawi a, min en ngur chungin, "Sangkim, an hnungah zui angche, helai chu ka lo buaipui ang," Tih leh, "thlauthawng suh, a thi lo ang," Ti hluk chuan a khar zui zat bawk


Thi thei a ni lo!!!


"Bawihi," Oxygen a hip chu laksawn a tum a, lo dang vatin, "i â em ni?" Ṭah chhuak ṭap chhuak thei si lo, mittui nen chuan ka lo ti hlar

Nui datin, "Bawihi," A thaw zui hak


"Ṭawng rih suh," Nurse-in a rawn tih chuan mittui nen, nurse thusawi pawmpui zetin, ka lo bu nghat nghat, Ryan lah chu na a ti lo emaw tih mai tur a thaw halhin, "min nei duh angem? Ni lo, min nei rawh," A thaw zui kawk kawk a


Ka ṭap chhuak hawk, ṭap pur chungin, "Chutiang sawi hun pawh a ni em ni? I thi dawn a nih hi...." Hnap tui nena ka sawi laiin, "min nei dawn em?" A thaw a buai ṭan, eng nge ri tut tut pawh chu ka hre lo, ka chiai in, keimah hi ka â vek a ni ber, Ryan ka en a, a mit chhing diar diar chuan minti hläu zual


Ka hlau lutuk chu a kut vuan nghet sauh sauhin, "ka nei angche, ka nei angche, khawngaihin thi suh Ryan, khawngaihin," Ka thusawi chu a hria em ka hre lo, Ambulance a aia a tlân chakdan ah erawh Ryan-a dinhmun chiang takin ka hre thung!!!!!!



<><><>~>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:27 pm

PRESENT PERFECT
By
Floria Laldansangi


CHAPTER < 28 >



MAMPUII....POV


"A thaw tawh lo a nia," Ṭap ṭuau a ka tih chuan, Nurse-in, "lo awm sawn rawh," Tih leh a âwm ah nem zui awk awk chu, khur hlawk hlawk leh mittui tla pur chung chuan ka en a


Ka kut suih zawmin, ka pum rawn na ve riai riai leh min tur et et mai haider lui tlat chuan, "khawngaihin Ryan, khawngaihin, i thi thei lo a nia," Ka phun sep sep


Damdawiin kan thlen rualin doctor an rawn tlân khawm a, "silai in hmun hniha kah a ni," Nurse-in a ti ri chu ka hre ruai ruai, ka pum rawn na ta lutuk leh Ambulance ri chuah chuah mai, mipui rak nawk nawk ri chuan ka lu a ti hai muai muai a, ka beng te chu a ngawng ta zo in, ka thaw ṭha thei tawh dêr lo

"Mampui," Sangkima chu ka en chho a, "i ṭha em?" A tih leh chuan ka lu ka thin khum mat mat


ka thawmhnaw leh kut vela thisen kai hnuang chung leh, mittui vanga khaw hmuh fiahlo ruaia Ryan an nawr na lam en ṭawk ṭawkin pen sawn ka tum a, ka ke hian min zo tawh lo


Ka kaihza thlep hnawk chu Sangkima'n min rawn dawm vat

"Ma'am," Hmeichhe aw nalh zet mai ka hre zui zat bawk a, thaw la kawk kawka mit berh zet nena en in, "ka naute... Ka naute...." Ka kap aṭanga tui ni awm tak rawn baw hawk chu ka hre zui zat bawk


"sh*t.... I tuibawm a keh a nia," Hlauhna leh mak tihna in min tuam nghal


"Excuse me Doctor, Doctor," Ryan-a hnathawh pui, "Ma'am" min rawn ti tu chu a au lawng lawng a


"Nurse, nau a hring dawn," Pum na em em chung chuan ka la hawi hai lutuk, "mahse a thla ala kim si lo va," Ka ti chhuak hap chu min nawr sawn pahin, "thla kim lovin i hring dâwn a ni mai. Thla engzah nge, thla 7, thla 8," Doctor chuan min nawr pah chuan a ti zung zung a

Ka pum na bawk si, Ryan ngaihtuah bawk si, thaw la kawk kawkin, "thla......thla 8," Ka ti bah nawk a


Sangkima leh hmeichhia min zuitu hnamdangi lo ṭawng ve chhen nen, rilru dang lah Ryan-a lamah awm bawk, pum na bawk si nen, "MIZO ṬAWNG IN SAWI RAWH U," Sehchilh leh thinrim zetin ka ti chhuak tuar, ka ner leh nghal ngawng ngawng bawk


An ṭawnglai an tawp chiang teh e, na tawrhnen, hnamdang ṭawng a lo ri ve nawk khân nata ti zual tlatin ka hria



Nau veina hmuna min nawr luh dawnin, "Ryan chu ngaihtuah suh," Sangkima aw chu ka hre vuai vuai chauh a ni, nat lutuk hian ṭah chhuah sawiloh, mittui tla tur pawh a neih theih hleihnem le! Ka beng te cbu a ngawng zo in ka hre tak tak bawk


"I chhungte koh luh i duh em?" Chu doctor chu ka tlawh zawt dawn emaw ni le? Chhungte nena kal kan ni lo tih hre turin ka dinhmun ah hian a lang reng si a


"A pasal, in zaina room -ah a awm doctor," Nurse-in a tih chuan, "san pe ṭan rawh se," Doctor chuan a ti zat a, min ngaihsak lo ka hriatna lah chuan mintk thinrim hlur bawk


Nau vei nâ an sawi hi ka hre fo tawh ṭhin. TV ah pawh ka hmu ve fo tawh bawk. Tin, fa 2 hrinlohka enkawl seilen avangin hre ve viau turah leh, na ve pangai mai turah ka dah rilru ve ṭhin a nia!!!


Rapthlak hian!! A natdan chu ṭawngkam hian a sawifiah lo hrim hrim, ka ruh inzawmna zawng zawngin a kau in, a thlawng vek dâwn emaw ka ti hial a ni


Ka nau vei lai lah chuan keimah leh keimah inkhawngaih rukna ka nei tlat lehnghal! Tu emaw ka kut vuana, ṭan min lakpui tu ka mamawh zia chu pui tak a ni!


Ṭawngkam ringawt pawha, "iti thei em em ang Mampui, tlemin ṭan la leh deuh rawh," Tia min lo hrilha, fuihtu ka mamawh takzet.

Keimah hi chuan ka chaua, sang chhuak turin chakna ka nei tawh lo a ni


"A lu a lang ṭan tawh a nia, ṭan han la leh deuh teh le."


"Ka Pi muhil suh aw, inti harh rawh, i nau lu a lang tawh e," Tha reng reng ka nei tawh lo


"Nurse, tih harh tum rawh u, a nau lu hi a tâng palh hlauh a nge," Doctor aw ka hriat chuan ka bek a lum thla pap, nurse ka bula rawn dingin, "ka Pi, i pasal tan leh i fa lo piang tur tan ṭan la leh hrâm rawh, a chhuak ṭep a nia," Ka chau tawh lutuk mit ka chhing diar diar ṭan tawh, a thusawi chuan minti harh zawk


Ka mitthla ah Ryan hmel a rawn lang zat, ka pasal a ni hauh lo; Mahse, keimah vanga in zaina hmuna awm mek tan leh ka fa tan, ka tan ka san leh a ngai tih ka hria; Mahse, tha reng ka nei tawh si lo a tin ni



"A chhuak ṭep," Tih leh nurse chuan ka kut a rawn vuan a, mittui, beka luang ngiai ngiai chuan theih tawpin ka sang leh ngar ngar a, nurse pahnih chuan minpui ve bawk


10mins dâwn lai mai san ka pek leh hnu ah, ka chhung aṭanga nau chhuak chu chiang takin ka hre thei


"Hmeichhia a ni e, fanu hmelṭha tak inei a ni," Nurse ka kut vuan tu leh chakna minpe leh tu ngei mai chuan ka fanu chu ka bulah a rawn pawm a


"A hmelṭha hle mai, naute piang hlimah chuan hmelṭha tak a ni," Nurse chu a rawn nui sen sen, ka fanu ṭap ri chuan ka hnuk a ti ulh, "ka pawm thei angem," Aw lai rut maia ka tih chuan ka bân ah a rawn nghat a


Ni e, a hmelṭha takzet a nih hi. A hmai tereuhtê mai, a kut te taktê, hmui sen no hlar mai te chu a ṭha tak zet



Ka in rin hma in ka mittui bawk chu a rawn luang leh zung zung tawh


"ka lawm e, ka lawm e ka naute," Mittui tla zawih zawih leh harsa zeta chil lem khawlhin, "Ryan, Ryan eng nge a an," Nau neihna hmun pawh ka la chhuahsan lo


Min chhang lo vin, "A nawr chhuah theih tawh e," Doctor-in a rawn tih rualin nurse-in ka naute chu a rawn la a, min nawr chhuak zat bawk


Nau veina hmun aṭanga kan chhuah rualin, Daniel-a tih leh Sangkima'n min rawn pan vat


"I ṭha em?"


"Ryan, Ryan eng nge a an? A ṭha em?" Sangkima zawhna chhang ta lo chuan ka lo ti nghal chul chu thaw haka ding ngilin, "i ṭha khawp a nih kha," Ti nghutin, "ICU ah an dah, ni 2 vel chu a awm a ngai ang, ngaihtuah suh, vital point a fuh lo a, a serious lo," A sawi awlsam leh, sawi na lo lutuk chu ka ngei lek lek


Serious lo ni se a thaw a tawp lek lekin, ICU ah hial a awm nang le


Ka awmna ward min nawr reng chunga ka melh chho ram ram chu, a hrethiam a ni ngei ang, nui hukin, "nau neih hlimah huat an pe na viau ngai lo, a hrisel lo," A tih chuan ka in rin hma in ka nui thut, nurse min nawr tu te pawh chu an lo nui hak tho


"Mampui, ka rei leh!!! I ṭha em? Nâ i nei em?" Ka nu Hmuaki (Hruaii Nu) aw a ni, zinglam dar 3 a ri thuak ang, ka lo chhing sek nge ni, ka harh kawk mai


"Nu, Pa, engtin nge in hriat a?" Ka lo en hau


U Zoa rawn ding ve zat pawh chu ka en haw a


"Zoa hian i nau neih thu min rawn hrilh maw le, thlathar emaw tia, eng nga tih teh thut nge? Nangmah ah i inhre sa em?" Hliam te inei em?" U Zoa'n thilthleng a hrilh lo tih hriat takin min en a


"Lo kal teh, ṭhu teh ang. A mak vak vak ṭhin, pangai taka a hrin chuan a ṭha mai läwm ni? I nu tak hi chu! In rawn chhuahsan dawn aṭangin a chiai tawh," Ka pa(Hruaii pa) in a lo tih chuan ka nui ringawt a



"Ka tui bawm a rawn keh thuta, keipawh ka in ring hman lo," Ka ti ta ringawt


"Awii!!! a fanu hmelṭhat zia chu, a awih awmloh zawk alawm," Hruaii a rawn ṭawng lut lawng lawng, Rinpuii leh U Zuala'n an rawn zui lut bawk a


"Nangmah i ṭha em Mam?" Ka lu ka lo ti che zauh, Zoa lo ding ngawi ve run chu an melh zawk duh lek chauh a ni


A hmel inthlahrung lutuk chu ka lainat letling. Ryan ambulance-a kan chhuahpui dawn pawh khan, a mit a natna kha ka hmuh hmaih chuang law


"Naute nen i ṭhaa a lawmawm lutuk, minti mangang mai dâwn lawm," Rinpui'in a rawn tih chuan nui sen sen in, "Ryan in hmu tawh em?" Ka lo ti sep a

U Zuala melh zauhin, "ka Nu ten an va hmu hmasa a, vawikhat ah a luh vek theih chuang loh a. Bakah, lut pwwh ni ila tih theih a awm chuang si lo va, kan rawn kal hmasa," Rinpui'in ti duahin, ka Nu te bula ṭhu thla chuan, "Zoa i nu te i hrilh ve tawh em, Mampuii nau neih chu?" A ti zat bawk


U Zoa'n min rawn en vatin, za lo tih hriat leh inthlahrung zeta nui suk chuan, "la hrilh lo, naktuk lam law law ah ni tawh mai rawh se," A ti zawi sup a



"A nih chuan naute leh Mampuii inṭha bawka zanin chu kan haw phawt dawn em ni? Naupang kan rawn tlânsan ve si a, Bawihi," U Zuala chuan annu a melh zawk


"Mampuii ka riahpui mai angchu ka ti a sin," A tih rualin U Zuala a lo rum nghut, kan lo nui hak thung a


"Ka lo awmpui ang, Nu nangni pawh haw tawh rawh u. Zoa nangpawh i thawmhnaw te kha thlak la. Bakah, nu leh a naute an ṭha tawh tih i hre tho a, heta i awm ve reng chuan sawi tur iti tam mai mai, naktuk lamah duh leh thatharin, i chhungte nen rawn lang leh zawk rawh," Thutak zeta a ti duah chuan, U Zoa'n min en vang vang a


Bu ta nghat chuan, "ni e, naktuk lamah kan rawn lang ve leh dawn nia," Ti supa inher in pensawn a rual nghal a


Kawngkhar lam en zui vawng vawng in, "Ka khawngaih reuh tlat zanin chu, min rawn biak lai chuan a hlauhthawng ve reuh lutuk a, damdawiin ah awmpui tu tur ineih loh thu leh nangmaha nau i hrin thu te a rawn sawi bah nawk nawka, a chawh ti viau mah ila, ka lainat tlat," Hruaii'n nui kur kur paha a tih chuan za lo zetin ka lo ṭhen ve sak


U Zoa ngau ngau hi chu misual leh rilru chhia a ni hauh lo. Rilru ṭha leh tluang tlam lutuk mai a nia


Nu leh Pa thu a awihin, U Dinpuia boral aṭang phei kha chuan a Nu leh Pa tan engkim tih a tum a niber. A kawi a ngil khan zawm a tum niber in ka hria



<><><><><>


ZONUNA...POV


Ka hmeichhe hmangaih chu "ka kal tir ang. Ka thei em em ang," Tiin ka rilru leh thinlungin thutiam ka siam a


Mahse, he patling, mihring thinlung hian, ka hmeichhe hmangaih, ka fa pai a dul kawh luah mit aṭanga, mipa dang chân a hlauh luat avanga a mittui chuan ka sawifiah thiam loh leh, ka la tawn ngailoh leh hriat ngai miahloh natna minpe


"Bawihi" tia ka koh duatna thumal ngei hmanga mipa dang kâ aṭanga chhuak ka hriat rualin Mampuii hnungah chuan ka ding dat a, ka silai humlai pawh chu a rit ta nulh mai


Ka bân puar a rawn thîp sawk, "thih i duh em ni?" Sangkima aw a ni, za lo zetin ka nui sak a


Mampuii te ṭhut sawp niaih na lam ka thlen ruala a mit aṭanga mipa dang vanga mittui luang leh, khawng leh puihna min dilna chu thei ni ngat ila, a vawikhatnan ka nunah tlânsan ka neihna hmasaber a ni ngei ang le!!


Mittui tla zawih zawiha min ngen na chu chhungril thîp vawng vawng chung chuan ka tih hlawhtlin sak tho angai si, a chhan chu ka hmeichhe hmangaih mittui a tla miau a tin ni

Ambulance chhunga Ramnghaka hming lama a ṭap hmuh te chuan, "sawta mu saw keimah tur zawk a sin, a kut a vawnsak mipa saw keimah tur ka ni; Mahse, ka ni lo," Ti rilru vawng vawng chung a ka khar hnan a ngai a


Damdawiin ka thlen rualin, "Bawiha, i bân kha," A rawn tih chuan ka bân chu ka melh zawk


"Ka ṭha, silai mu pakhat chauh a nih hi. Eng nge Bawih...." Ka tawp dat a, sak ṭalh maia kiai sukin, "Mampuii eng nge a an?" Ka ti zawi sup bawk


"A la vei mek," A tih chuan nau veina lam chu chak zetin ka pan a


"Silai a kah mipa rawn hruaitu te kha in ni em," Doctor chu kan en vat


"Ni e, eng nge ni a?" Sangkima'n a tih laiin kei erawh nau neihna room lam ka hawi leh ngar tawh


"Thisen a hloh hnem lutuk a, tuna damdawiin a kan kawl a mil pui tur thisen hian a daih si lo va, hmun dangah lei tur kan zawt kjal tawh a, kan hmu lo a ni, thisen pe tu in awm loh chuan eng nge thleng ang ka sawi lawk thei lo," Sangkima ka en vat


"Eng nge a thisen," Ka lo ti sup a


"AB negative," Doctor-in a tih rualin, Sangkima alo phun hluk


"I fiamthu em ni? AB negative van zia i hria em? " Sangkima'n a ti hrawk a


"Ka pe thei ang," Sangkima'n min en haw


"Bawiha."


"A ṭha e, tunah unit 2 kan pe meka, nurse hian a hruai angche," Doctor-in a tih leh chuan ka bu nghat


"I chiang maw?" Sangkima chu ka en a


Nui sukin, "Bawiha, ka hmeichhe hmangaih mipa a ni a, ka tih a ngai alawm," Ti supin nurse-in kalna tur lam a kawh ah chuan ka pen zui zat bawk


Thisen kan lak zawh meuh chuan Mampuii pawhin fanu alo hring tawh, "Khawnge kal i tum, i fanu i hmu dawn lo em ni?" Doctor rawn chhuah ruala ka pensawn chu Sangkima'n a lo ti vat a


"Hruaii te ka'n bia ange," Tih leh ka inher san vat , Mampuii hmel hmuh ka la in peih chiah loh vang a ni mah zawk



Nau a nei zo hlim pawhin tuma chanchin a zawt lo, Ramnghaka chanchin a zawt hmasaber chu hla tak aṭangin ka thlir reng a


"Ka pu, i bân kha ka lo tuam sak dawn che em ni?" Nurse chu ka en vat


Thaw hakin, "ka lawm e," ka ti ta sap a, ka ban kah hliamna ka neih ka lo theihnghilh a ni


.
.
.

Kan in kawta car ti dingin, in lam chu ka hawi vang vang a


Seat hnunglama ka whisky dah ṭhat chu ban in, ka herh hawng rak rak bawk


No pawh ngai lem lovin, a birh chuan ka birh deuh pap papa hrawk leh pumpui a sa thla ham ham chu irh chhuak awkin, ka nui ri suk bawk



"Ka in tawh lo ang" ka tih pawh ka ti hlawhtling leh ta chuang lo


"Zonunmawi nang hian engtikah nge i thusawi leh i thutiam hi i hlen ve dawn le?" Za vaklo a nui chungin ka ti chhuak a


Mampuii ka neih dâwnin thu tamtak ka tiam a, hmeichhe dang ka neih ngailoh tur leh damchhunga ka rinawm tur thu te, hmangaiha ka venhim tur thu te ka tiama, ka hlawhchham a


Khawvela Pa ṭhaber nih ka tiam a, ka hlawhchham lehnghal pang bawk!


Mampuii kaltir ka tiama, ka hlawhchham leh ta tho a, he zu, he zu ngei pawh hi ka in tawhlo ang tih ka sawia a tawpah ka hlawhchham leh ta tho a nih hi


Ka ngaihtuahna avanga a nui chhuak huk hukin, "kalsan chu i phu ve reng reng a ni Zonunmawi," Keimah leh keimah chu ka in hmusit takzet


Mipa naupang kum 25 leka upa, hman ni lawka a tawn leh hmelhriat pawh ka tluk lo a nia. Ka phu tawk chiah ka hmu a ni!!!


"Zoa eng iti leh ta nge? Zu te i in leh taka, i bân te chu engti zia nge ni ngai?" Ka nu chuan minlo nghak leh tih hriat takin ka lam a rawn pan ruak ruak a


Mit thîp ram leh hnawm chapa ka nu en chuan, "ka phu tawk chiah a nih hi," Ka ti hul hak


"Engthil nge thleng a?" Ka nu mita min khawngaihna pawh hi ka phu lo


"Ka hmeichhe hmangaih kalbo lai ka thlir liam ringawt a tin ni," Ka ti chhuak leh halh

Sofa a ṭhu hnawk a tukkhum dawma kûn tlawk tlawk chuan, "ka uire dâwn khan min zilh ni la? Ka uire tirh khan min zep pui lovin ka nupui hrilh ni la, hetiang hi ka chungah a thleng angem ka Nu," Mit thîp râm leh hnawm chap chuan ka nu chu ka en a


"Zoa," Min rawn ban na chu ka lo vai sawn lawp


Min enkawl ṭha in, ka duh a piang mintih sak emaw, ka tih sual min zeppui lo nise la, zanin a Muanpuii kut vuan tu leh a mita mittui tlakchhan kha ka ni ngei ang


"Zonunmawi i zak chai nange, nanga hur herh vanga nupui leh fa chân, mahni fa pawh hre hranglo khawpa hur, hmeichhe dang lakah sazu dawh, i thil tihsual ah ka Nu puh reng reng suh," Ka u in room kawngkhar bul aṭangin a rawn ti vin hlar chu ding thutin, " Ngawi hmak rawh," Ka ti vin hrawk a, ka Nu nen chuan an dang nghal lawp lawp thei


"Mampuii kha fanu pawh ni lo, Mo ang tal khan en ni ula, ka uire na min hauh leh zilh a hneka min thuppui in, ka fa pawh ni lo Mampuii enkawl tir tum ni lo ula, tun dinhmun hi ka din in ring em ni? Min hmangaih ni la, min zilh ni la, min vua in, ka thiam lohah min khuah khirh ni la ka hmeichhe hmangaih leh ka fanu hi ka chân lo tur, a bul chu nangni hi in ni," Ka duh aiin ka sawi tam


Ka Nu chu chhuatah a ṭhu thla hnawka, ṭap zawih zawih a, a âwm dawmin, "ka thiamloh vek a ni, ka thiamloh vek, ka mitah ka fate bak ka hmu lo che u a tin ni, induh zawng tihsak che u kha hmangaihna emaw ka ti a tin ni," Ka Nu ṭap chhuak vawng vawng chu thîp râm in ka en ngur a


Mittui tlak harsat em em mipa kha,
thinlung natna avangin ka mittui a rawn far fep fep bawk


"Kei leh ka chhungte thiamloh a ni, tumah indem tur kan awmlo," Ka ti rilru tak nâ in, ka chhungril ah erawh, "mahni inthiam chawpna mai a ni," Ti tu chuan min tuam hneh zawk tlat tho!!!!


<><><><


MAMPUII...POV


"Ni 3 lai a ni tawh a nia Ryan, i harh har hle mai, nge ni a ka neih tur thu che kha ka sut leh zawk dâwn," A kut hrufai pah chuan ka ti niap niap


A hmelṭha zet mai en vang vangin, "i men har lutuk chuan ka nei hauh lo angche," Ka ti leh sep a


Ryan ward ka luh a piangin Nu Zarpuii hmel ka la hmu ngai lo, tihpalh nge a nih pawh ka hre chuang law


Kimkimi emaw U Zuala, A pa emaw an lo awm a, Nu Zarpuii hmel hmuh tur erawh ala awm miah lo chu mak ka tiru viau mai


"Ka hmelṭha tih ka hria a nia," Ka harh zawk


Meng kawk a, hnai lutuka Ryan en chuan, "i harh maw? I harh a nia! Doctor ka'n ko ange," Ti nghal chula inher ka tum chu ka bânreka chelh vatin, "a ngailo, ka doctor chu i awm alawm," Ti ṭeng supin,"tui minpe zawk rawh," A tih leh chuan rang lutukin tuiin tur ka thli nghal sawk sawk a


A mutna adjust saka tui intir in, no dah let paha a sira ṭhu thla hnak chuan, "i harh tawh dâwn lo emaw ka tia lawm. Minti hläu lutuk, vawikhat mah khatiang khan awm tawh suh angche," Ka hrilh pawh a ni lo, ka vui a ni mah zawk


A nui ri suka, ka kut chu rawn chelh leha, fawp vang vangin, "min neih dâwn kha ila hria angchu tiraw?"Aw ki hniam sut leh rilruih maia a rawn tih chuan ka biang a rawn sa hat


Ka kut laklet ka tum chu chelh nghet sauhin a hmuiah a nawr bet zat a


"I hre hman em ni?" Lai ruta ka tih chuan nui nghawr datin, "Mittui nena min ngên kha le?" A hawi vah, ka vahan ngei mai mai tak!



"Ka ngên hauh lo che, nagmah a nih kha, ka nei lo tawp angche," Ka lo ti let hlar chu za tih hriat zet a nui chhuak hawk hawkin, a ner zui sawk sawk bawk


"Indim rawh, i hliam ala dam lo," Ka lo ti vat chu, nuiza in sum, hmelṭha zet mai leh mit zîmsan a min en in, "hetah lo ṭhu teh," Ti sup chuan a bul chu a beng thak thak a


Ka en hau ringawt chu ka kut a pawt datin, "rawn ṭhu la," A ti leh sup a


Muangchanga a bula ṭhu chuan alam hawia ka dar tawn tawn a chelha min kuai her in, ka hmai zar tu ka sam chhawl lêng chu, dimtê leh mintih nat a hläu emaw tih mai tur khawpa dima hui kiangin, ka hnar chu a piai zauh a, a awmdan chu makti zetin ka lo en kar thung


Thaw ala halh a, mawi lutuk maia rawn vei suk nuih chuan, "ka ta ini tih hi ka la awih thei lo," Rinloh lutuk lama thu a rawn sawi chhuah chuan min ti lai leh lek lek nghal


"Mit ka chhin laia ka hlauh i hre duh em?" Zawi supa a tih leh chuan, "eng nge?" Tih melhin ka lo melh a


"Ka hmu tawhlo angche tih leh ka chân angche tih ka hläuber," Zawi tak si, ril leh fiah tak maia a tih sup chuan ka mittui a rawn hnâm sawk, a hmelṭha tak chu ka kut khur lek lek chuan ka ban de de a


Engtin nge he mipa hian, kei hmeichhia ah pawh nunhlui tamtak nei hi min chân a hlauh theih? "Dawt" tihsak dâwn ila, a mitmu uk kharh leh fiah ṭha zeta min enna ah hian kei mimawl pawh hian dawt a ni lo tih ka hre si a!!


Ka bianga mittui luang ngiai ngiai chu phun hluka, dimtê a a kut zungpui a rawn hrufai in, "tih ṭah che ka tum hauh lo ," A ti hluk chu ṭah nuih hakin, "keipawh in kha hmun kha damin kan chhuahsan dawn lo emaw ka ti a, min kalsan tak tak dâwn emaw ka ti a," Ka mitthla ah kha zan rapthlak tak mai leh silai ri chuai chuai leh ṭek chuai chuai te, Ryan-a an sawisak lai te chu a rawn lang lehnghal zut zut


Ka thaw kawk a, Ka taksa rawn khur lehnghal der der chu hrethiam vatin alama min pawt hnai salh a min kuahbet chuan, "shittt.... Engkim a ṭha vek tawh, kan him tawh alawm," Dam hlup maia a tih chuan nghet lutukin ka kuah let ve vawng vawng a


"Kan la dam hi ka awihlo a ni," Ka ti chhuak ṭuak bawk, ka ti tak tak, engtin nge kha hmun rapthlak tak mai, silai leh misual hlauhawm tak tak awmna kha kan chhuahsan pawh ka hre lo


Nui nghawr data ka chhipa fawp vang vangin, "ka venghim angche tih ka sawi kha," Nghet charh leh a ti zawm zel dâwn a ni tih hriat tak a, a rawn tih chhauh chuan mittui nen ka nuk chhuak ve hak, a awma la bei chial chuan ka bu nghat nghat bawk



Ka rilru ah Hmangaihi a rawn lang thut, mi kuahna aṭanga ka inla hrang thut chuan, a hliam ka ti na a ni ngei ang a ṭhen sawk a

Inthiam leh chiah lovin, "i ṭha em?" Ka ti nghal sawk sawk, a hliam en tuma ka ban na kut lo dawm vatin, "sawi rawh eng nge i rilru ah awm?" Ka ngaihtuahna a hre reuh emaw ni?


Ka thaw hak, ka hmui ka ti pawrh tarh bawk, a la nui ang huk zui a!!!


"Bawihi, i rilru ah vei emaw sawi duh ineih chuan zep lovin sawi rawh, tunah emaw nakin ah pawh, i rilru a awm leh i thinlung duh zawng zep tawh ngai suh angche, ka thusawi chu i hrethiam em?" Min en run, ka hmui hnuai lam ka tih pawrh khum tarh a


"Hmangaihi nen eng nge inzawmna inneih," Ka sawi zawh rualin za zetin a rawn nui huk, a nui ri lah chu ward chhungah a khat hneh em em bawk a, ngei zet chuan min vawnna kutah ka benhgzui taih, fiamthu ka thawh hauh lo


"Nisha thurawn ka la," A tih chuan ka en ha a


Min vawnna chu ti dul hretin, ka kut ṭangah, a kut ṭang rawlha la kângin, ka kut chu a fawp zauh a, inti neitu zeta chelh ran chuan, “i thik turin awm rawh a tia lawm,” A tih awlsam leh et chuan, “keimah hi,” Ka lo ti hau chu Ivan-a te rual ang maia mitmu de sawt sawt leh, uar zet a lu bu nghat nghat chuan, “nangmah, hmeichhe mawl lutuk leh dawih lutuk, mahni duh pawh chelhbeh nachang hre lo kha," Nuk suk paha a tih leh chuan ka lo ner nawng a


"I duh ve deuh a ni lo maw?" Ka tih zawh ruala alam a min pawt sawka remlo zeta min kuahbet chuan, "teuhlo lutuk," Ti hlukin min fawp zui hmiah bawk



A chhetdan te thut chu min ṭhawng lutuk a, ka meng hraw mai


Rei erawh a ni lo, min fawhna thlum leh damdap mai chu phur tak maiin ka chhanglet ve vat a, ka awmdan remlo tak maiin in siam rem sat satin, a nghawng a kut suih zawm chuan, min hmangaihtu ngei mai chu duh thawh taka fawp letin, kan lei inhuat vanga in bûan let ni hauh si lo chuan, awmze nei takin kan kâ chhungah, kan hmui thlumna ti zual turin a in vial in, a in buan tap tap a, kan pahnih khawvel ah lêng delh delh chuan khawizu tlum tak fawh ang dek dek chuan kan in fawp a, tisa chakna leh mamawhna a lang hauh lo, mipa in a hmeichhe hmangaih lungrun taka a fawp ang leh, a kuahbet tlat ang mai kan ni



"I fanu...." Pawh ṭhen phawk ang mai kan ni, ka thaw zui kawk, Ryan pawh chuti tho, mitmeng pelh phang maia min en a nui ri sukin, ka nui ve seih bawk a


"I fanu hian hnute a duh," Hruaii'n Ryan chu a melh ram ram, kei erawh ka fanu hnute pek leh ka huphurh lutuk chu ka lo thaw hak hak thung

A vawikhatna kha maw nau vei tluk lo mahse a teuh viau ta ve ang! Kezungpui kawm ngar ngar khawpin hnute kha a thîp in a na thei nia maw le!


Ka hmel diklo chu Ryan-an a lo hrethiam vat, "diklo a awm em ni?" Ka en a, ka fanu hmelṭhat zet mai ban pahin, "hnute pek hian a na ka tia," Ka ti sep chu, "thildang pe mai rawh," A lo ti hluk a


"Midang pawhin an tuar vek, fa 1-na ah te chuan, duat nghal viau suh, hmeichhia hi chu duat sual kan awl a nia, lal setani nih hi kan hnaih vat zel," Hruaii'n a lo ti vat chuan ka nui hak


Ryan-a bula ṭhu a, ka fanu ka entir chuan, "ka harh hmaa i sawidan ai khan a hmelṭha daih a nih hi," Min rawn melh zawk, phawk fe in ka lo en thung, "i hria amaw?" A bu nghat


Ka fanu bianga tawk zauhin, "hre vek e," Ngeiawm zeta mithmul kan ak in, Min rawn nui suk bawk


Kei erawh ka lo sa hat thung, Hmangaihi nena ka hmuh dunlaia ka awmdan ka sawi te kha a hre vek amaw? A muhil der a ni lo maw hepa hi?


"In thusawi ka hriaa ka meng thei lo mai chauh alawm," Tih leh, "hnute chu pe rawh, phone ka lo hmang ve ang," A tih leh sup chuan ka bu ta nghat a


Ka peih loh ang chiah a ni, ka hnute thîp na leh lutuk chu ka ṭhen leh ngawng ngawng tawh
.
.
.
.
Kei leh fanu chu karkhat hnuah damdawiin dam takin kan chhuahsan a, Ryan erawh karkhat dang ala awm a ngaih hmel, chhuah a chak lutuk leh tum lui tlat ven nan nitin damdawiin kan kal a ngaih phah ta reng zawk a nih hi


Ka Pa rawn kal theilo mahse ka nau te nupa Aizawl an rawn chhuka, a zia phian bawk, ka fanu Rachel Lalrinmawii, ka pa phuah ngei mai, pang tilum hre zet mai leh pang tilum dek lova zan pawh mi duhlo min enkawl chhawk thei a, kawng lehlam ah keimah ber hi ka hahdam phian zawk


U Zoa pawh nau ka neih hnu ah damdawiin ah khan vawikhat a rawn langa, a rawn lang leh ta miah lo, nau hming kan sak ni tak ngial ah pawh a nu leh Tetea baka anrawn lang lo

Nu Êngi erawh rin phakbak bakin a rawn che a, nau puan nen, a mamawh tur power leh sabawn, a inbualna chawhtawlh tur thlengin a rawn lei, a inthlahrunawm lam mah mah zawk tawh a ni


Nitin mai a tunu min awm chhawk tjrin a rawn lang bawk a


Lo duhloh emaw chi lah ni hek lo, kan hun kal tawh chu eng pawh nise ka fanu Pi a ni miau si a, ka Pa in, "thisen inzawm an nihna a bo chuang lo va, an thil rawn lei leh an rawn chu-kha kha chuan läwm takin lo pawm rawh, mipangai zia a ni ngai," Phone aṭangin a rawn tih dut dut kha maw!


"Engthil nge i ngaihtuah?" Ryan-a lungawi lo aw ka hriat in ka en vat a


Mit ti zîmsan leh lungawi lo tih hriat taka min en na nuih tlawn pahin, "ka pa maw le, a rawn kal thei si lo va, kan khaw lamah han leikâng deuh ila, chhoh ka rilruk deuh," Ka tih sap chuan a bu nghat a


"ka bula i awm in thildang ngaihtuah tawh suh angche, a bikin mipa, i Pa pawh nise," Aw ki hniam sût leh thupe aw tak, thikna ri tel chiang lutuk si a a tih chuan ka nui chhuak hak


"Ka pa chu ka Pa alawm," Ka tih chuan a hnar a tum dat a, ka kut chu hmer salhin, "ka hria. Mipa dang ngaihtuah suh," A ti leh hluk a, ka lu ka thin san mat mat ringawt, a thikthu hi duh aiin a pe chhe mah mah a ni


Hmanni, damdawiin kan chhuahsan dâwn lah khan Tetea'n ka kut a chelh satliah ringawt pawh, "in tawh/deh tir tawh suh angche," Ti deuh bur bawk a


Ka nuih sen sen laiin, "Bawihi," Nui reng chung chuan ka en a


"In puanna tur ka nei a," Ka nui hmel a tawp hmak


Ka kut lâk let tumin ka tal phat bawk, "Hmangaihi chungchang a nih chuan ka ngaithla peih lo," Ka ti nghal hlar chu nui datin, min vawnna ti nghet sauh chuan, "ngaithla rawh, nakina i hriat chhuah huna i thinrim leh i nat ka duh lo," Thu tak zet maia a rawn tih takah chuan ka tal pawh chu ka tawp dat a


A sawi dik viau mai!!


Ka melh ram ram ta tho, "Hmangaihi ka hmang ka tih kha," Ka lo bu nghat, "Roberto-an a man zan che khan kan chesual a," Ka âwm hi a thip zawk


Ka rin lawk mah nise ka la na tho mai!

"Chesual a ni lo, duhthlan na a ni," Ka lo ti hrak chu pawm tih hriat taka bu nghatin, "sex kan hmang lo. Kan hmang hmanlo a ni mah zawk," A thle baka, "a zatve ah ka tawp san," A kiai suk, "ka rawn pan che ka tihna a nih chu," A ti zawih raih chuan ka thaw chhuak hawk thei


Min delhbet tu lung lian lak kian ang hawk a läwm a nih, ṭah chhuak lek lek chuan ka nui chhuak a, vei kiai ve sukin, "a thleng tawh lo ang, engtik ah mah," Zawi leh nghet charh maia ti a, a nem nghehna ni ngei turin ka kut chu a fawp zat bawk


Ka ring hmiah bawk!!! A chhan chu ka hriat tirh aṭanga a thusawi leh thutiam engkim ala tih hlawhtlin vang a ni


"Bawiha," Rang lutukin kawngkhar lam ka hawi dawrh thei


Nu Zarpuii leh an Pa ka hmuh chuan thawh ka tum nghal zat a

Ryan-an min bawt let hnawkin, "ṭhu rawh, ka nupui hual ini a, khawimah i kal a ngai lo," Chiang leh thupe aw zet maia a tih chuan ka te rawih rawih thei

Nu Zarpuii hma chhawn tur chuan ka la inpeih lo a sin maw le!!!!


"Ryan..." Ka ti zawi sap a, min en lo in a nu lam chu min hawisan ang run zui ah!!!


"Mamawh inei em ni?" A nu a biak dan chu aw!


"Ryan...." tih leh ka lo khak vat


Nu Zarpuii pasal pawhin, "Ramnghak i Nu a nih hi," A lo ti hluk bawk a

Ryan lah chuan a khabe a tih chet khum ralh ralh duh lek lehnghal


"A pawi lo duhtak," Tih leh Ryan-a en in, "karleh hian i pa Australia aṭangin a rawn thleng dâwn tih hrilh che ka tum mai chauh a nia, i dam tawh tih ka hmu bawk a, kan chhuahsan angche u," Min rawn en a, ka thaw ka lo hîp let kawk, ka thin a phu zui dep dep bawk


Mahse, ka rinloh zet leh tumloh zetin, hmana ka hmuh ṭhin nui hmel, Nu Zarpuii, nu zaidam tak hmel ka hmuh chuan ka hmu sual emaw ti dâwn hial mai!!!


"In enkawl ṭha angche u," A ti sep a, keimah minbe tak na in, Ryan-a sawina a ni tih a fapa ngeng zet pawh hian a hre ngei ang!!!!!!



<>~>~>~><>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:27 pm

PRESENT PERFECT
By
Floria Laldansangi



Chapter < 29 >


MAMPUII...POV


"I fanu zahpuiawm zia hi, karhnih a tling dek deka kut lum a hre hrang lutuk hi a zahthlak," Ka fanu awih durh durh paha Hruaii phun hlak hlak chu en in kan lo nui hak


"A piantirh aṭangin alawm a hriat hran le, a awihawmloh zawk, Numami tetlai ang chiah," Rinpui'in a lo tih ve chuan, "a nu a chhun a nih hi," Ka nau in a lo ti zat bawk a, kan nui dar dar hlawm



"Khawnge Ryan-a ber pawh chu, damdawiin chhuah dâwn dâwna a bo ni?" U Zuala'n a rawn ti sup a


"Phone a hmang lawk a ni lawm ni?" Bag ah a thawmhnaw ho khung pah chuan ka lo ti vat a


"Nurse-in an en duh nasa mai i bialpa saw. An sawi zui sep sep a nia," Sentei leh Rami rawn inzui lutin an tih chuan an nui zui ar ar


"U Ryan-a hi chu chhelo ve ngawt mai, a säng ṭha in, a sex ṭha ṭel ṭawl bawk sia, uluk deuha vawikhat chu han zût chhuah chhin a chakawm alawm maw le," Sentei'n uar fahran maia a tih chuan za lutukin kan nui chhuak hawk hawk



"I zak lawm ni? I u Mampuii khan a melh nasa lutuk angche," Hruaii'n a rawn ti vur vur a, ka lo nui sun sun ringawt



"Hnamdang ah pawh Vai kher hi chu chhelo viau mahse dik lo lai hi a awm tlat..." Rami'n a ti dek dek chu, "Hnamdang ah pawh Vai kher' tih hi ching suh u. Sap an ni emaw Vai an ni emaw Mizo thisen ni lo chu hnamdang vek an ni, an in ang vek. Ti ve khanglang ila, tunlai kan Mizo ṭhang thar hi chu kan rilru suk thlek hi a dik tawh lo reng reng. Vai chauh hi hnamdang ah kan ngai ta emaw tih mai tur a ni tawh. Mizo hmeichhia in Sap nei se, Vai hnamdanga ngai tlat tu khan an lawmpui leh ang lawi a.

Ngam zawng te lah hi kan pe na rapthlak bawk si, rethei in a retheih pui an hmuhsit ve khanglang bawk a, inla Mizo, hnam hmangaih deuh si hian, Vai sawi loh, tuikuk pawh tluk loh chang hi kan ngah lutuk," A ti hlak hlak chu kan lo en ṭhap, kan nui ṭhû hlawm bawk



"I duhtawk i ngah chuan Rachel-i kha a nu pe rawh, hnute a châk a nih kha," Rinpui'in nui tuh tuh chunga a lo tih chuan kan lo nui hak a


"Ryan pawh chu a va rei ve maw le, tihtur kan nei bawk si, kan hawsan mai dawn che u," Nau min pek paha ti leh zatin, "Sen, kan kal mai dawn em ni?" A ti zat bawk a


"Nia mw le, U keini pawh Bazaar kan duh ve si a, kan chhuak hmasa mai dâwn a sin," Ka nau in a rawn tih chuan nau hnute pek pahin ka lo bu nghat a, "chawhmeh rawn lei haw teh u aw, chawhmeh lam reng reng ka lo ngaihtuah lo a, zanin siam tur ka hre lo a nia, Biakte," Ka ti sap a

"Keipawh lei tur vel ka nei a, U Mampui ka zui ve mai dâwn a sin?" Rami en chuan ka bu nghat bawk



An chhuah diah diah hnuah, "Ryan-a Pa a rawn thleng tawh a," Rinpui'in a rawn ti sap


Ka thin a lo phu dep dep nghal ringawt a'h! Nu Zarpuii ang maiin kan inkar hi a do deuh bur mai ang tih ka hläu niin ka hria



"I hläu a nih khâ, ka Nu ang a ni lo, Pa Ramose-a te chû Pa ṭha lutuk alawm a nih a," Ka hmel danglam ta vat chu a hrethiam tih hriat takin U Zuala'n a lo ti vat a



"I hria em ni?" Rinpui'in a lo ti hâ


Ṭhu âwn duaia thatchhe zeta ṭhu in, "an inneih pawh ka hria, an inṭhen pawh ka hre tho, kawmchhak, kawmthlang alawm kan nih, ka Nu nen an inṭhen khan kum 22, nuthlawi rai rual alawm ka nih tawh le! Chutih hunlai chuan, Cilvil Nurse Hmai nena kan nihlai," A tih zui chuan Rinpui'in melh ram ram pahin, "i chhe mai e a," A lo ti hlak a


Ka lo nui chhuak hak hak thung, Hmai sawi tawh hi chuan a ling hlar zel


"Eng nge in lo sawi a," Kawngka lam aṭanga aw thum dut kan hriat rualin ka lam panin Ryan a rawn pên lut nghal pawk pawk, Sentei sawi ang deuhin, a palian in a sexy phiar ṭha si a, a kal mai mai pawh hi hmuhnawm tham a ni


Ka sirah min si cheta rawn ṭhu in, ka fanu muhil diar diar biangah a tawk zauh bawk a


"I hman chuan kan haw mai dawn em ni?" U Zuala chu a zi mar nghal ṭiah ṭiah


"Ka zui haw lo angche u," Ryan-an a tih sup chuan kan en vat


Rachel-i a en ran thung, a rawn luh aṭangin a hmel hi a dik lo reng reng, tunge maw a va biak ni?


"Khawnge i haw ang, in In a i haw loh in?" Ka lo ti vat chu ka mitah min en a, za vak lo tih hriat taka kiai sukin, "ka zui haw angche," Aw ki hniam sût maia a tih chuan ka en haw


"Chutiang tur a ni ngai lo, In ah haw phawta muangchanga ka Nu rilru hneh te tum hmasa rawh u," U Zuala bawkin a rawn tih leh chuan, pawmpui lutukin ka lo bu nghat nghat



"U Zuala sawi chu a dik chiah, hetia i awm chuan Nu Zarpuii rilru hneh a har mai mai, haw phawt la, i Pa te chu hmaichhanah bia la....." Ka tih laiin, "engti tura rawn kal nge inih i hria em?" A ti hluk, a läwm loh hmel takzet


A ṭhutna aṭanga tho thurhin, "Australia-a min hruai let tura rawn kal a ni," A ti hul leh hak a


Rinpuii te nen chuan kan in melh hrek hrek, "Mampuii luhkhung chu i tum tak tak lo ang tiraw?" Rinpui'in a lo tih vat chuan ka mitmei in ka lo khak vat, a awihawmloh lutuk! Thil tih chi a ni lo hrim hrim


"Tum e.." Teh tawp a


Ka thaw halh a, ka fanu pawm dan siam rema ka ding tur min lo pui vatin, "engpawh nise, kan inkar pawh muangchanga kalpui dan i zir a ngai. Keipawh nau ka nei chauh a, inneih nghal chuk chuk tur phei chuan ka dinhmun nen a rem lo hrim hrim. Tin, nangpawh i Nu leh Pa ten minpawm theihnan, sual rawngbawl zawnga che lo hian, puitling taka sawipui tur che in ka duh che," Thutak zet leh ka thusawi hrethiam ngei se ti chunga a mita en chho kar chunga ka tih chuan a thaw ri hrawih a


"Mampuii sawi kha ka ṭawmpui. Bakah, i Pa te zawngin a hrethiam em em angche, a enga mah hma hma in hel i tum ringawt a nih kha," U Zuala'n a rawn tih leh takah chuan thaw ham hamin min en vang vang a



Ka nau pawm lohna lama a kut chu banin, "Min ring rawh, kan theih tawp kan chhuah hnu pawha an la remti ngang lo a nih chuan i duhdan ka zawm dâwn nia," Ka tih tak sep sep ah chuan a nui ve ta suk a


"I thusawi ah ding angche," Ti ta sup chuan rawn kûn hniama ka hmui a fawp zauhin, ka fanu chal a faw zui zauh bawk a, "kan chhuak dawn em ni? Kan thlah hmasa angche u," A tih chuan ka nui nghal var var



Bag, damdawiin khum chunga awm chu zo zeta la in, "kal rawh," Ti leh supa ka kawnga chelhin min pensawn pui a rual nghal a


Damdawiin kan chhuahsan tur te chu min en zui haw haw tawk lah an tam, min en pawh an ni lo, ka sira kal, inti neitu zeta ka kawnga chelh ran tu, palian leh hmelṭha zet hi an en zui zawk tak chu a nia!



Ka luhna tura car kawngkhar hawngin, ka ṭhu lut a, "Mampui a nih keini pawh tihtur kan la nei si a, kan kal hmasa mai aw," Kan sira a car ti ding dat a, Rinpui'in a rawn tih lang lang chuan kut vai zeuhin, "zanah ka rawn be dâwn che nia," Ka ti let vat a


Ryan ngawi ngula rawn ṭhu lut en zawkin, Bawihtei harh tum ni âwm taka che ṭalh ṭalh chu, ṭhu chunga awi in, "läwm lohna ila nei em ni?" Ka ti chu a hnar a tum dat


Car tinung pahin, "engtik nge min neih i tum?" A ti bul hluk chu ka lo nui chhuak thut, ka lam rawn hawi zawkin, "ka fiamthu hauh lo," A ti leh hluk a


"Ryan ka sawi tawh kha," Ka lo ti sep a, ka hawi chhuak nghal bawk, kan in kawng lamah min hruai reng reng lo, "khawi lamah nge min hruai i tum a?" Ka ti nghal vat chu min en zawkin hmalam bawk a en leh nghal run, a hmel chang leh ta nghal run ah chuan min chhang dawn lo tih ka hre nghal zat bawk


Ka rin lawk ang ngeiin, an in kawtah car a ti ding dat a, ka thaw chhuak halh, a luhlul lutuk hi chu a mangan thlak lam chu a ni! A tum tawh leh duh tawh hi chu tih hlawhtlin hi tum tlat zel



Ka thaw halh a, Ryan-a lam hawiin, "Ryan, iti leh tawh," Ka ti hap a, "kan hmachhawn dun tur thu i sawi kha," Ti duh lek chuan kawngkhar hawngin a zuang chhuak tharh bawk


Ka awmna lam kawngkhar rawn hawngin, ka lo en ngawih ngawih ringawt a, tuna a nu leh pa hmachhawn tur chuan chakna ka nei rih thlawtin ka hre lo a tin ni


"Ryan naktuk lamah ti zawk mai ang," Ka'n ti leh hrâm a, ka thusawi lah chu hre lo ang hmaka awmin, ka malchunga Bawihtei ka pawm rawn ban chuan, "i bulah ka awm alawm," Ti supin nau a pawmlohna lam a kut chu ka vawn theih turin a rawn dawh a



Boruak hîp kawk a, thaw chhuak ham hamin muangchangin ka ban ve ta nge nge, nui suka ka kut nghet zeta chelhin, car aṭanga ka chhuah ruala a lama mi pawt hnai salh chuan, "min ring rawh," Aw ki hniam sût leh rilruih maiin a ti zui sup bawk


Ka ring alawm; Mahse, keimah hi ka in ring tawk lo a tin ni. Chutah, kawmchhak lawk khi ka lawina hlui a lo ni leh zel nen, thawk ngaihna ka hre lo chu a ni ber e!


Inchhung lam min panpui lai chuan ka khur der derin ka hria, ka lungphu te chu a chawl dük mai


Inchhung kan luh rualin, Nu Zarpuii te nupa chu ka melh zawk a, min hnung chhawn zawnga ṭhu, Armani coat dum ha, taksa lian zet mai chu ka melh zauh bawk


Nu Zarpuii chuan min en vang vang a, Ryan-a kuta ka fanu a en leh chuan, “ka lo pawm ang,” Ka ti vat chu, “a ṭul lo,” A lo ti hluk


An ṭhutna lam min panpuiin, “Pa, “ Ryan-an a ti sup


A kutah Rolex sana rangkachak rawng lawk zet mai a bun a, a coat hak dak ṭha zet mai, uluk taka nawhmam tih hriat tak mai leh phei khawk bun tle hlarh mai, 'kan hmel kan hmu thei lo'ng maw?' Tih tur khawpa dum tle fîm chu ka en chhuak hman vek nia!


A rawn hawi chhuaka, nghet lutukin Ryan-a min vawnna kut chu ka hmer nghal vak



U Zuala sawi angchiah in, Ryan-a Pa chu Pa hmelṭha tak a ni, Ryan ang lo takin ani erawh a mitmu rawng chu tuipui rawng a ni a, a pawl paw ral mai, nalh tak a ni bawk


A ṭhutna aṭangin muangchangin a rawn dinga, ka thaw lo hîp let kawk, ka thaw chhuak ngam tawh pawhin ka hre lo. Hetiang em em hian nutling hi alo zâm theih a ni maw?


A pa len zia lah chu a awihawmloh zawk, Ryan-a mah lian tih tawk nak alaiin, Ryan aiin a säng hret, alo bwrah 6'6ft chu a tling hrim hrim



A mitmu paw ral mai chuan min en tlang a tum emaw tih mai tura uluka min en in, "Muanpuii maw inih a?" Ka thaw chhuak hawk


A Mizo ṭawng hman lah chu a fiah em em bawk lehnghal, ka hresual emaw ka ti hial zawk alawm!


Ka chhan hma leh inrin hma in a rawn nui zui huk a, "ka fapa hmeichhe hmangaih leh nupui hiala a duh hmu tur che in Mizoram ka rawn pan vang vang a, khatiang mitmeng, min hlauhna nen a min en reng chuan engtin nge in inneih hun tur ka sawipui theih angche u ni," A ti chhuak mai chu'h ka tliak hnawk thei


Ryan a rawn nui ri huk a, ka beka fawp zauhin, "ka tihpalh, tih hlauh che ka tum miah lo a nia," A ti zui sup a


Awmdan mai tur ka la thiam lo, Nu Zarpuii te lam mangang lutuk chuan ka hawi a, a lo nui ve vur vur te chuan min ti mangang zualin ka hria


"Khawimaw Rachel-i chu ka lo pawm ange, A nu Rinpuii lahin a sual zia hlir a sawi chamchi bawka, ka'n ti ṭap ve hrim hrim teh ang," Nu Zarpui'in ka fanu a rawn ban chu mit khap fak fakin ka lo en, awmdan tur pawh ka la thiam chuang lo


Nu Zarpui'in ka fanu a lak rualin, Ryan-an ka dar tawn tawn a rawn chelh chuan alam hawiin min kuai her a, mitmeng de set seta min en na chu mak ti zeta leh mit khap fak fakin ka en chho hau thung


"Ka Pa a rawn kal dawn tih ka hriat khan ka call a, kan chungchang ka hrilh alawm, ka ti hläu che em?" Zawi sup maia a tih chuan ka ṭah a rawn chhuak tlat lehnghal


Ka läwm vang nge, min ṭhawng lutuk vang nge pawh ka hre lo


Ka mittui a rawn hnâm ṭiam ṭiam a, Ryan-a mawi lutuk a vei nuiha alam a min pawt hnai salhin nghet zet leh hmangaih tih hriat taka min kuah vawng vawngin, ka chhip a fawp vang vang bawk a


"Minti mangang alawm," Ka ti chhuak ṭuak chu nui nghawr datin, "a thleng nawn tawh lo ang," A lo ti sup


Nu Zarpuii duhdan in an In ah kan nufa chuan zanriah kan ei ve ta nge nge a


Nu Zarpuii sawi danin Ryan-a Pa in a rilru a hmin a ni âwm e

Nu Zarpuii te ho nena kan nui ho te, ka fanu, an vâi maia läwm tak maiin an pawm hmuh te chuan mumang ang ka la ti rum rum mai


Zan dar 8 velah Ryan-an min thlah haw a, "ka rawn lut kawi lo mai ang Bawihi," Kawngkhar bulah chuan kan ding dat, ka fanu muhil thaw sek sek en in, "lo kalteh," Zawi supa tih leh, ka kawnga chelha alama min pawt hnaiin, a kut lehlam a ka tukkhum dawm chuan dimtê in ka hmui a rawn fawp a


Ril leh hmangaih zeta min fawp vawng vawngin, ka chal leh a chal insik tira thaw chhuak ham hamin, a nui ri suk a, a nui ri leh a hmela min thlakhlehna lang chhuak chu a sexy takzet!


Ka hnara fawp leh zauhin, "lut tawh rawh, naute a hritlang ang," A ti tak nâ in, min tlah a hreh lutuk chu ka nuih a za zawk, "i hliam dam fel hma chu zu in suh aw," Ka in lakhran ruala ka tih chuan vei kiai sukin a mit hmul a lo ti kang zauh


Kan din hran takah chuan ka ruak hawk a, ka hit nghal sawng sawng thei, a taksa lianzet mai khan min lo tuamlum hneh lutuk mah mah a ni


<>~><><>


ZONUNA...POV


"Ilo kal ka ring lo va," Ka sira rawn ṭhu thla Ryan, ka hmeichhe hmangaih changtu ngei chu ka melh zawk, alamah no nawr hnaiin whisky chu ka thli zat bawk


"Rawn kal loh chhan tur ka nei em ni?" Ka nui huk


Ka no lek kângin, "ka lawmpui a che," Ka ti sep a


Nui ve suk chuan, "i chiang maw?" Ka no a khawng ri zui kharh bawk


Ka thle bak, "chiang lo," Ka kiai zui suk a


"I Pa pawh a rawn thleng tih ka lo hria a?" Whisky thlit belh leh chuan, a no a thlit sak leh ka tum chu a no a lo hupbet vat, "ka hliam a la dam chiang lo va, ti rih lo ang," A tih chuan ka nui huk



Ka rilru erawhin Mampuii'n thu a pe tih ka hria, hliam ka neih a piangin zu in lo turin minti ve fo a nih kha


Ka no chu nghet zetin ka chelh a, "tina ngai suh angche," Harsa leh seh chilh zetin ka ti chhuak hraih, whisky chu ka tlak zui pap bawk



Ner nawngin, ka thaw chhuak hawk a, "i tinaa a mittui iti tla a nih chuan la let turin ka awm reng tih hre bawk rawh," Nghet charh a tih leh alam ka hawi a


"Chance inei tawh hauh lo ang Major, i hun neih i bawh chhe tawh a ni," A dinga, ka dara rawn beng thakin, "ka hun a ni tawh Major. Mahse, kei erawhin khawvela hmeichhe vannei berah ka siam thung ang," Ti supin, "Thawnthua changtupa te hian a tawpah hnenah an chang vek ngai lo a nia," Tih zawm zatin, pensawn a chhuak zui nghalin, za lo zet leh phu inti zet chuan nui chhuak hak hakin whisky bawk chu thliin ka tlak zui leh pap bawk


"Ryan khan eng nge a rawn tih a?" Sangkima zawhna chu chhan pawh ka chhang lo


"Bawiha i ṭha meuh maw?" Ka darah a rawn beng thak, ṭha lo tak ka ni


Ka phone chu hmet engin, Mampuii leh ka fanu thlalak chu ka en vang vang a, "ni e, Thawnthua changtu te zawng zawngin, a tawpah hnehna an chang vek ngai lo ang hian, i hringnunah hnehna changtu ni lo mah ila; i hringnunah mi pawimawhber dinhmun a ka din ṭhin na leh hmun ka chan reng tawh dâwn avangin ka lawm a, ka tan chuan chu tluka hnenna dik leh ropui a awm chuang lo ve," Ka ti chhuak sup a. Ka mit thîp râm mai chu ka khap zui sak sak bawk



<>~><>~>>


RYAN...POV


"Ila mu nange?" ka lam rawn hawiin a TV en lai off zui zat chuan, "ka lo nghak che ê ka tia, hetah lo ṭhu teh Bawiha," A bul chu a beng thak



"Mampuii hi inei duh tih i chiang amaw?" Ka en a


"In inkarah buaina siam ka tum tawh lo a nia, ka chian duh vang mai chauh a ni, i nei duh takzet a, i hmangaih takzet a nih chuan, i Pa bula ka tiam angin, ka pawm thlap ang; Mahse, nakin maia i inchhir leh na tur thuthlukna i siam hi ka hlau a ni," Ka kut a rawn chelh a

"Ka lakah i läwm lo tih ka hria, i Pa bula ka hnutchhiah che avangin min haw hle in ka ring. Mahse, Ryan, ka fapa i ni a, i tana ṭha tur ni a ka hriat ka ti mai chauh a ni. Khatih hunlai kha i Pu(ka pa) hian i Pa hi an haw em em a, ka ṭhen chhan pawh a ni bawk. Ka hmangaih loh vang che a ni lo, i Pu huatna hnuaia seilian tur che khan ka duh lo che a tin ni.

Tin, kei leh i Pa pawh kan hnam, Mizo society hian min pawm thei si lo va, i Pu, I pa Pa hian min lo duh lo ve leh zel nen, ka tan khan kawng a pikin a thim lutuk êm a tin ni," Ti leh sep sepin


"Ka tawn ang kha Mampuii hian a tawng chho ve ang a; mi tamtakin hnam phatsan tu tia an kawh hunah i kut chelh hlen ngam lovin a thlah palh hlauh angche nga, i Pa ka tihnat ang a i nat ka hläu a ni, ka thusawi chu i hrethiam em? Mampuii chauh pawh ni lo, a chhungte thlengin, "an fanu chuan hnamdang pasal ah a nei" Tiin an kawk zui ang a; chumi hun a thlen chuan i kiangah a din reng theih loh ka hläu êm a ni," A kut chu a khur dar dar

Thaw haka chelh letin, ka nui suk a, a vawikhatnan tak meuh meuh pangai taka kan ti ti dun na a ni


"Ka haw hauh lo che; ka Pa nena min kalsan kha hriat thiam har ka ti mai chauh a ni," Ka nu chuan mittui nen min rawn en chho a


"Midang thusawi leh diriam na avangin i nat ka hläu a tin ni," A ti sep a


Bu nghatin, "ka hria alawm. Mahse, min ring rawh ka Nu, Muanpuii hi hmeichhia, mahni mawhphurhna hlen zo mi tak a ni a, ka kut a vawn tawh chuan a thlah leh tawh lo ang, chutiang bawkin, keipawhin engtikah mah thlah ka tum lo. Min vawn avanga, he hmun, Mizoram a awmve tlak lo leh phulo ah an ngai a, an diriam a, an hmusit a nih chuan, he hmun ata hi hla taka ka hruai bo mai ang. Tu emaw thusawi leh ngaihdan vang mai maia a nat ka duh lo," Nghet charh maia ka tih chuan ka nu chu a ṭah nuih hak hak a


"I Pa fapa diktak ini, Mampuii ang hian lo huaisen ve ila ṭha tur," A tih sep chuan, nuiin, "pasal leh fanau ṭha tak tak neiin, chhungkaw nuam tak inei ta tho a ni läwm ni?" Ka tih chuan za taka nuiin, "ni e tiraw? Fapa 2 ka neih belha, fanu hmelṭha tak nen," A mittui hru hul paha a tih chuan, "ka awmloh lai chiaha hmelṭha min lo tih a," Kimkimi a room aṭangin a rawn chhuak ve chiah


Ka bula rawn ṭhu thla in, "Zokhawthar ah em ni man hlan intum?" A ti zui sat sat chu a chala kawk zauhin, "Muanpuii inpeih hun nghah a ngai alawm, man hlan chu ala hlat hmel," Tih leh dingin, "mu tawh rawh u, a tlai tawh, keipawh ka mu dawn," Tih zuiin ka pensawn nghal a


Ka Pa ka be hmasa chu a tih chi mah mah a ni, engtin nge ka Nu rilru a hneh ka hre hauh lo; a hneh dan chu engpawh nise a ṭha vek e

Tunah chuan Muanpuii min neih a inpeih hun chiah ka nghah a ngai ta..!!!!


<><>~>~>~>~><>

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:27 pm

PRESENT PERFECT
By
Floria Laldansangi


Chapter < 30 > ~LAST CHAPTER ~


MAMPUII....POV



"Mampui vawiin dawr i kal dawn lo em ni?" Ka melh zawk


A ngaitê bawkin a tunu awm turin zingkarah kan in a rawn thleng leh dêr tawh


U Lawmi fate tlân kual chu, inchhunga tlân lo tura hrilh pahin, "vawiin chu kal lo ang, Rami leh Sentei an awm tho a," Ka tih chuan a bu nghat a


Tlai lamah Ryan-a Pa Australia lamah let a tum tawh a, Airport lama thlah tur khan min beisei ve deuh nen, Ryan-a rualin kan nufa in kan tel ve a niang chu


"Ramose-a thlah intum em ni?" Ti a ka fanu pawm chunga ka chaw ei na bula a rawn kal chuan en zawkin, nuam ti chiah lo chuan ka lo bu nghat


"A nih chuan chaw ei kham la kan haw mai ang keini pawh," A ti sep, a hmel in thlak zawk chu ka hmu hman


"Nu," Inher a tum chu min rawn en vat


U Zoa nen kan inṭhen hnu ah, "Nu" tia koh ka duh tawh lo ka ti tak nâ in, ka Nu leh Rachel-i Pi ala ni miau si a, a hmel a mak tihna leh mitmu tal deuh rak rak chu nuih seihin


"Min dem viau em?" Ka ti ta sep a

Ni e, min dem viau mahse sawi tur ka nei hauh lo, ani chauh lo, mi tam takin min demin, "a pasal hlui nen an inṭhen na a la rei lohnen, a fa a nei chauh a, mipa dang a nei nghal a," Tia min sawi zui an awm nawk a, an la awm zel bawk dâwn tih ka hria

Mahse, an hriat loh erawh chu, hmangaihna leh duhna hi a hran a ni tih hi a ni

Ryan-a nen inzawmna kan neih avangin ka hmangaih ta thut e tihna a ni lova; ka duh a, ka ngaina a, in nghahna tlak leh ka rin ngam a nih vang zawk a ni


Mi pahnih inkar, inzawmna ah reng reng chuan, thinlunga inrin tawnna a awm loh chuan, Artui chhungmu nei lo leh rul vun inlip ang mai kan ni ṭhin. A tui tur angin a tui thei lo a, rul pawh, a vun hlui lip in, vun thar neih hun a nei leh nge nge ṭhin

Engtik nî ah emaw ka mipa vawn hi ka la hmangaih ve ngei ang tih ka ring a, ka hmangaih ngei dâwn tih ka hre bawk; Mahse, chuvang ringawtin U Zoa ka hmangaih ngai lo tihna lam a ni hek lo, ani chu ka nunhlui ti famkim tu leh ka nuna mi pawimawhber, ka nunna aia hlu ka fanu minpe tu a ni a, ka dam chhungin ka thinlunga hmun pawimawhber chang tawh tur a ni bawk


Chutiang bawkin, ka nuna thil thleng tawha hluber chu Ryan Lalramnghaka hi a ni ngei ang. Ka chakloh laiin ka tan ṭan hmun rinawm a ni a, ka chan chhiatber laia ka in humhimna riahbuk leh min venghimtu, min zahpui hauh lo a ka kut chelh tlattu a ni bawk




Ka Nu chuan min en veng vangin, ka hmaa chair a ṭhu thla chuan, "eng nge maw i sawi le Mampui, ka zawhna zawk tur a nih chu, Rachel-i hmuh tir min phal te, hun hman dun tir min phal te hi lawmthu sawi mawlh mawlh tur kan ni. I chunga ka thiltih leh Zoa thiltih ngaihtuah phei chuan dem che chu sawi loh lawmpui tur che kan ni a sin. Mahse...." A tawp dat a, a tunu pawmlai melh zauhin, "nang ang hmeichhe rilru ṭha lutuk leh mo, fanu ṭha lutuk ka chân hlen tur che erawhin thinlung takin lawmpui che harsa ka la ti mai chauh a ni," Min en vawng vawng chunga a tih leh chuan ka nui sen sen a


Rachel-i a pawmlohna lam kuta ka kut dawhkan ami rawn hum vang vangin, a mittui a khap per sak sak a, harsa tih hmel zetin, "hetiang hian i ṭhatna te, i dawhtheina te, i hmangaihna te kha lo hrethiam hma ila ṭha tur, ka fate ah ka mit a lo del rei lutuk a tin ni. Mampui min haw lo ang tiraw?" A mittui tla tur insum nasa leh aw lawi rut chuan ka hnuk a ti ulh ve lek lek


"Eng nge maw i sawi le Nu, huat chhan tur che u ka nei hleinem, ka sawi tawh kha, ka ngaidam tawh che u alawm. Tin, keipawhin fel lohna tamtak ka nei ve bawk," Nui lui zeta ti chhuakin, a ṭah nuih hak a, a mittui rawn luang thla pap mai hru zauhin, "Ramnghak hi ka rin aiin a puitling daih mai, mi thusawi te chu ngaihthlak dan thiam la, i thinlung kha dah pawimawh hmasaber rawh, hlim takin a siam angche tih ka hria a ni," Ṭah nui hak hak paha a tih chuan nui ve hakin, "ka lawm e," Ka ti sep a


.
.
.
.

"Muanpui ka fapa hi i enkawl turin ka dah a nia. Chutih rualin innghah rei tir lutuk lo la, a dawhtheih loh zia i hriat kha," Ryan-a melh zawka min rawn en leha a tih chuan ka lo nui hak



"Tehreng mai, enkawlna khauhber ber hmangin ka lo enkawl sak dâwn che nia," Nui var vara ka tih chuan Ryan chu a hnar alo tum ri dat, a pa nen chuan kan nui zui hawk hawk a


"Rui chunga a rawn len chuan Alu kan mawm tak mai lo ei tir la, a uak tuar tuar mai ang. I duh loh zawnga a awm leh a bengah pawh sak la, a nem nghal zul bawk ang a; a thinrim....." A tih leh laiin, "Kal rawh, thil ṭul lo sawi duahna hun pawh a ni lo," Ryan-an a lo ti hluk chu a pa chu nui huah huahin, "a nih ka kal a nia, Rachel Australia lamah hmuh vat che u ka in beisei dâwn a nia," Stroley-a muhil Ryan-an a chelhbeh ran lam en chhukin a ti zup sup a


Rawn pen hnaia min kuah a, Ryan-a kuah leh thuk chuan, "dawhtheih a ngai ka tih kha buddy," Tih leh inla hrangin a in her nghal vut bawk.


Ka rin phak bakin a nelawm a, Nu Zarpui'in a lo hmangaiha pasal hiala a neih chhan kha zawh leh hrilh ka ngai ta lo reng reng, a nui duhin mi hriat thiamna a ngah bawk si. A fapa ang lo tak maiin a hmel hlim säng reng te chu hmuh a nuam takzet


A pa hnunglama kan thlir zui chu, stroley a chelh lohna lama ka kawnga rawn kuahin, "a thusawi kha engmah ti suh angche," Zawi sup leh thutak sia a tih chuan, za zetin ka nui chhuak hak


Melh chho ralhin, "teuh lo mai, hman ṭangkai hun a tam dâwn lutuk tlat," Uar fê a ka ti chu hnar tum datin, "Bawihi," A ti nghut chu dar san khum ak in, inti thei fe chuan ka hmui ka tih pawrh khum tarh bawk a


Ka in rin hmaa min fawp thutin, hnehsawh lutukin a lei hmanga ka hmui nawr kau in, min fawp zui ngawng nawng a, a darah ka beng dat dat, duh thawh zeta min fawp a, a lei hmanga ka kâ chhung hawl kualin, ka hmui hnuai lam a seh zui zauh a, ka rak ṭhat, ngeiawm leh hnehtu inti zeta vei kiai sukin, "hremna a nih kha," Ti duh lek chuan ka kut ṭangah a kut ṭang rawlhin, "haw ang u," a thle zui bak bawk



Melh ram ramin, ka hawi kual nghal zawk zawk a, kan bul vêla awm ve ho lah chuan min lo nuih ṭhaw hlawm, ka biang sa hat hat chunga Ryan-a melh chho leh vakin, ka lei ka chhuah khum ringawt chu nui chhuak hawk hawka ka kut la kânga fawp zauha min pensawn pui chuan, "mipa dang hmaah khatiang hmel kha pu hauh suh angche, i duhawm lutuk mah mah," Min en chuang miah lo, hma lam a en a, a thutak em em lehnghal

Tih ngaihna hre lo a nui var var chuan ka lu ka thing ta mat mat ringawt a! He mihring, ka kut nghet taka chelhtu hi ka hmangaih theih hun ala awm ang ka tih kha, chumi hun ka thlen meuh chuan min hmangaihna aia nasa in ka hmangaih lo ang tih ka sawi thei hauh lo!!!



"Rami te call in, Sentei nen Red Pepper-ah min rawn zawm tur chuan hril la," Ti supin ka malah bawihtei dimtê in a rawn mut a, ka lo bu nghat


Rami call pahin, "Ti hian chhûn lamah i muhil ang thlawrh thlawrha, zanah i sual em em a," Ka fanh muhil en chuan ka ti hlak a, Ryan-a nui huk rawn ṭhu lutin, "a chhun che antih kha," Nui chunga a tih chuan ka melh vak


"Ram, Sentei nen Restaurant ah min rawn zawm mai dâwn em ni? Kan rawn lam kawi hman lo angche u, dawhkan kan hauh lawk si lo va," A pickup rualin ka ti sap


"Red Pepper ah chuan em ni?" A aw ri ah chuan a lawm hmel takzet, vawiin hi a piancham a nia, kei phei chuan cake leisak a in a lawmsak ringawt ka lo tum a, engtin nge Ryan hian a lo hriat zawk ni? Rami bulah dinner a treat tur thu a lo sawi vei thlap


"Aw ni e, haw ula in tifai hmasa ula, ala hma tho a, hei keini pawh Airport aṭangin kan rawn let dâwn chauh," Ka ti leh chuan lawm zeta nui ar ar in, "aw le, aw le," Tih leh off a rual zui zat, phone en a Ryan-a lam hawi lehin, nui ṭhû chuan, "a phur lutuk," Ka ti sap a

.
.
.
.


Ryan-an cake thlengin a lo ruahman sak diam sawi loh, birthday hla sa tu tur thlenga a lo rua hman chu keimah chauh pawh ni lo, Rami, a restaurant duh thlangtu ber pawh a ṭhawng tih hriat takin kâ hau leh nui vur vur chung chuan birthday hla an sak chu a en a


"U Ryan ka lawm lutuk, U Mampui nangpawh, ka pian a hnu lama ka vawikhat piancham lawm ropuiber a ni hial ang," A ṭap lo chauh



"Heihi kei leh Rachel-i hnen aṭanga kan birthday present ve thung, Hmui Fang Tourist Resort ah hun in hmang dâwn nia, ni 2 leh zan 3 atan room 5 ka book sak che u a, indaih loh chuan min hrilh dâwn nia, chuan car erawh i U Ryan-a hian a hman tir dâwn che u a nih hmel," ka melh zui ralh. A mithmul a lo kân ak chu kan nui hak a


"U Mampui thu a hnial ngam dawn lo, kan kal ve ve chuan nangmahin dawr ilo hawng thei dawn em ni?" Sentei'n a tih chuan ka bu nghat a, cake ei zauhin, "thei e. Bakah, ṭhenkhat te hian min enthla tu an dah tho tho a, a ruka min vên ngai lovin dawrah minpui se a ni mai," Melh ralh paha ka tih chuan Ryan chu a lo kiai suk


Roberto anti emaw ni, an man hnu pawhin, Daniel-a khan min zui kawi reng tih ka hria, duh lo viau mah ila, hnialin awmzia nei hek lo le! Inzui tir reng mai loh chu



"Chhungkua a hmuh in nuam hle mai. Ohh ka tihpalh, in innei tawh emaw ka ti leh ṭhin," Kan dawhkan bula, pheikhawk sâng ṭha veh vawh tak mai leh kawr chhung lutuk mai, a mal mum leh no zet mai lang zo lo chauh ha a Hmangaihi rawn ding chu kan lo en vat


A enga mah hma hma in Ryan chu ka'n melh zui nghal vak bawk a



"I fanu chu a hmelṭha hle mai. Mahse, a Pa a chhun viau a nih hi tiraw Muanpui, Zonuna fanu a ni tih hairual a ni lo reng reng," Ngeiawm zeta a tih leh chuan Ryan-an a no ken lai dawhkan ah a dah ri deuh bur



Kan sir vela ṭhu ve, kan thawm hre pha ho an rawn hawi ṭhap



"Hmangaih," A aw chhuak chu a ring hauh lo, a hniam a, a chang viau thung



"C'mon Ryan, en la thudik ka sawi mai alawm, in ang iti ve lo em ni?" Ryan-a bek chu a pawng ṭalh ṭalh, a no hum chu a keh mai ang tih a hlauhawm mah mah tawh zawk



"Theh chhuah i duh loh chuan, i ke khan pensawn rawh," A aw ki chu ala säng chhin eih lo, hnial leh nek luih ngam erawh a ni hauh lo thung



"Nuthlawi fa nei tawh bual at in i awm a nia, ka rin aiin i lo mawl daih," Ner nawk nawk paha tih leh min rawn en in, "Nuthlawi hian tactic hran bik innei anlo tih hi a dik a nih dâwn hi," A ti zui leh ngat chu ka lo nui hak


Ryan-a chu ṭawng a tum tawh lo, theh chhuah tak tak a tum tih hriat taka a che hrut chu a bânah ka chelh vat a


Ṭawng tuma ka âng zuai tih ah, "rai loh vanga nula hming put ai chuan, nuthlawi tih hriat sa chu mipangai chuan an thlangzawk angchu," Sentei'n a lo ti nghat



Rami'n melh chho ram ram in, "mipa hian duh duha an mutpui theih hi nupui ah an duh tak tak lo a nia," A lo ti ve leh chu Hmangaihi chu a puak dâwn emaw tih tur khawpin a sen nghal ṭâwn ṭâwn thei



A ke per datin, "nangni...." Thinrim zeta tih leh a kut ṭanga min kawh a tum chu ngaihsak lo zeta ka cake ei bang, ka ei zawh theih reng, ei zo lo luia Ryan-a lama nawr pahin, "ngaihzawn tlak nih aiin nupui tlak nih tum tur Hmangaih," Ka melh chho ralh, nui sängin, "Ngaihzawng atana an duh, nupui atana an duh leh siloh hmeichhia hi kan awm nuk a nia. Nang erawh ngaihzawng atan pawha a duhloh inih loh hrâm ka beisei," Ryan ka melh nghal vak, a lo kiai suk




Thinrim hmai sen ṭawn chunga min en ram ramin, insawh nghawng chuan a pensawn a, Rami leh Sentei rawn nui chhuak hak hakin, "U Mampuii huai tawh zia hi," An rawn ti chhuak chu ka lo nui ve hak ringawt



..
.
.

Ryan-a phone ah message a rawn lut zut zut, amah lah bathroom ah a awm daih bawk nen, a phone screen chu ka en leh ṭhin, hmeichhe hming "Taylor" tih inziak ka hmuh chuan ka la kâng vat


"Eng nge maw itih le Mampui?" Keimah leh keimah inhau vatin ka dah let leha


U Zoa leh Lucy-i in text dan vel ka hmuh kha ka mitthla ah a rawn lang zat, ka lu thing nawk nawkin, "Ryan chu a danglam, rinna nei ta che," Ka phun chhuak sep sep


Thaw halha mit chhing sawkin message rawn thleng ri bawkin ka mit a ti meng leh ta nge nge "Jack" tih ka hmuh a, emoji love a ni tih ka hmuh rualin ka ban vat, a phone hmeh hawn mai ka tuma a password ka hre lehpek lo


Ka fanu a rawn tal ṭiah ṭiah takah chuan Ryan-a phone en ran ran chung leh rilru nuam lo zeta dah letin, ka fanu chu ka mut zui ta riai riai a


"Lalpa.....!" Ka phu nasa lutuk chu ka thlarau a thlawk chhuak lo chauh,

"sh*t.. Ka ti phu che em ni?" Ka âwm dawma thaw chhuak ham hamin, "ka lungphu a thlawk chhuak dâwn alawm," Ka tih halh chuan a nui nghawr dat a, ka hnunglam aṭanga min kuah hlu hlu chung chuan, ka nghawng ah fawpin, ka rim a hîp vang vang a, a bânah ka beng zui taih


Thaw chhuak ham hamin, "i rim tui zia hi i hria em?" Zawi supa tih leh a fawp zui zat a


Nui hakin, "naute rim ka nam lo em ni?" Ka ti chu ka benga seh zauh chuan, "teuh lo lutuk," A ti sur sur bawk


Thaw chhuak hakin alam hawiin ka in her a, ka kawnga kuahbet in, a bân chelh a en chho ha chuan, "Ryan," Ka phun sep


Mit zîmsan a, mitmeng de sawr sawr leh ril thûk ruih maia min en na chu, nui sen sen a en chho in, "ka inpeih hun min nghak thei tak tak ang maw?" Ka mitthla ah Hmangaihi a rawn lang, ani chauh lo pawh hmeichhe dang tamtak duhtu a tawng âwm si a, min nghak thei tak meuh angem tih ka hre lo a ni


Ka chhungril khawi emaw lai hian rintlak a nih thu min hrilh a; Mahse, keimah leh keimah ka inrin tawk lohna a lian zawk bawk si. Entirnan; tuna a phone message thleng te hian rinhlelhna minpe tlat a!!!



"Engvanga chu zawhna min zawt chu nge inih?" A aw chhuak chu a ring hauh lo, a hahdam hmel takzet thung



Inthlahrung zeta hnuailam melhin, a bân chu ka hmer salha, ka kawngah la chelh reng chung chuan, ka chalah a fawp vang vang, ka rilru a awm sawi chhuah hreh vanga taksa ṭang ṭung leh ka rinhlelhna te fawh reh a tum emaw tih mai tur a ni



Ka hnarah fawp leh zauhin, "i rilru a awm sawi chhuak ṭhin rawh ka tih kha," Thâwp supa a rawn tih chuahchuan ka ṭang ṭung pawh ka inthla dul nghal suai suai thei


Ka melh chho ralh a, "ka ngaina che tih i hria tiraw?" Mawi lutukin a lo kiai suk, "mahse, nei mai tur che chuan kala hmangaih si lo che a, engtikah nge ka thinlung zawng zawngin ka hmangaih theih angche tihlah ka hre hek lo. Thla 5, kum 1 emaw chu aia rei pawh inneih ka inpeih hun emaw hmangaih taka i kut ka vawn theihnan ka mamawh maithei a, min nghak thei lo......" Ka tih malh malh laiin rawn kûn hniama ka ṭawng lai a hmui hmang a rawn ti tawp hmakin


Duhthawh takin min fawp a, alama min pawt hnai salh chuan, thaw haka a chal leh ka chal insik tirin, "chuti chu, i inpeih tawh em tih hriat nan, Rachel-i birthday a piangin ka propose che a ngai dâwn a nih chu!" Rilruih maia a tih sup chuan ka nui chhuak ta hak hak, "ka nghak thei angche" a tih a ngai hauh lo, min nghak thei tih ka ka chiang nghal tlat a ni


Ka melh chho ralha, ka hmuia fawp leh zauh chuan, inla hrang hlekin, side-table chunga a phone awm chu ala a, a kut lehlama ka kawnga chelh reng chungin eng emaw hi a hmeh zui mawlh mawlh, "hawn tum teh," Ka hmaah a phone chu a lek hnai a


Ka lo en chho hau ringawt, "i password ka hre hleinem," Ka tih ruala ka kuta dahin, "i birthday," Zawi supa a tih chuan ka meng kawk thei


Vei kiai suka ka dar tawn tawna chelhin, "i rilru nawm lohna tur engmah awmtir ka duh lo, i hrethiam em?" A mitmu uk kharh leh fiah zet mai, thûk ruih ah chuan a ti tak tak tih ka hmu thei, ka bu nghat nghat a, a phone en zauhin, password chhu in ka hawng zui zat bawk, Ryan-a melh chho lehin a dar a lo san ak thung

.
.
.
.
.

Ni a ral a, thla a ral a, Ryan-a pawhin a sawi angchiah in, Rachel-i piancham vawikhatna ah min propose ngei a; Mahse, ka la hnar ta tho mai, "ka nunah beidawn na in hmun a chang lo," Ti a, lunghlu zungbun a duh dana a siam tir, manto tih hriat tak, 4carats vela rit tur, nalh taka design chu, a ipte ah a ak let ve leh mai bawk a


Ka ṭhian te pahnih leh Nu Zarpuii thleng thleng chuan "nei tawh mai rawh" anlo ti ve chhen bawk; Mahse, hmangaihna tel lova ka nei a nih chuan ka lakah chauh hun a neih ka hlau a tin ni

.
.
.
.

"Pa fa an ang mah mah tawh zawk," A chau tih hriat takin sofa ah Ryan chu a muhil a, a âwm ah Rachel-i bawkin a muhil ve sek sek bawk, Ryan a awm hi chuan an in awrh reng mai a nih hi


"Kumin chu inei ve tawh ang tiraw?" Hruaii en in ka nui ringawt


"ka khawngaih tawh a nia, kum 2 a chuang tawh, mipa dang chu nise bialnu dang an nei daih tawh ang. Ryan te ang mipa hrisel tha veh vawh tan phei chuan..." Sawi zui lo in a lu a thing mat mat, ka nui ta hak ringawt a
.
.
.
.
"MamBawih, thuthlukna chu i siam ta em ni?" Ka Pa in phone aṭangin a rawn ti dut dut, ka fanu âwm a ka kut nghata ti mu pahin, "umm Pa, neih ka duh tawh a ni," Ka ti chhuak ta sep a



Ka pa in thaw chhuak ham hamin, "i inchhir lo ang maw? Ka sawi tawh angin nang aiin kum tam takin a naupang a, hnamdang a ni leh zel nen, i fate thleng a nia hnam phatsan tu antih dâwn che ni, chuti chung chuan i hlim takzet ang maw?" Ka Pa aw a min ngaihtuahna lang chu ka hre thei


"Pa, ka hnam ka phatsan dâwn tih ka hria, ka mumang lamah pawh hnamdang pasala ka neih hi ka ring pha ngai lo. U Zoa kha ka dam chhunga kawppui tur emaw ka ti a; Mahse, ti hian kan tawp ta si a, Ryan hi hmangaihna leh rinna min neih tir leh ngamtu a ni a, ka hmangaih tawh bawk," Ka ti chhuak sap sap a


"A ṭha e, makpa atan Mizo ngei duh mah ila, ka fanu in i hmangaih leh i hlimna, i rin ngam mipa a nih chuan ka pawm thlap e, nu leh pa te chuan kan fate hlimna hi kan duhber alawm," Dam dap maia a rawn tih cbuan, nui var varin, "ka lawm e Pa, Zokhawthar kan rawn chho vat ang," Ka ti zui sap bawk



Rachel-i kum 2-na piancham in ah lawm kan ti a, ka inchhir ṭan viau mai, kan bengchheng lutuk chu ka lu a hai mup mup thei


Chaw ei kham aṭangin naupang an in um kuala, a upaber Bryan lah bâng lo, kum 13 lai ni ve tawh si, inchhung ah hian ala tlân kual ang dawt dawt a



"Bawihi," Ryan chu ka melh zauh, dawhkan kal huala, ka hmaa rawn dingin, ka kuta chelh a min kai tho zat, a tihtur ka hriat lawk avangin ka lo nui var var


Naupang ho tlân ri cheh chuah pawh an ngawi zui ṭhap


Nikum a a tihdan angchiaha a ipte aṭanga zungbun bawk chu phawrhin, ka hmaah a ṭhingṭhi thla leh a, thaw la hak a min rawn en chho chuan, "min nei duh tawh angem?" A ti zawi sup



Midang an lo nui huk thung, a ṭawngkam hman chu, ka hnar ngun hmel takzet!!!


Ka fate ho enkual in, ka hmaa mipa hmelṭha leh lian tak mai ṭhingṭhi en chhukin, "Nuthlawi, fa pathum nei tawh ka ni a, phatsan leh na taka hliam ka ni tawh bawk , rinna ka tlachham a, hmangaih neih leh ka harsat em em bawk, i hmeichhe kawp tawh te angin nun thianghlim leh zahawm ka nei hek lo, nunhlui tamtak ka nei tih i hria a, i hmu chung hian min nei duh takzet ang maw?" Ka ngawi vang vang


"Ka kum a tam zawkin, fa hial ka hrin sak thei tawhlo mai thei che a, min nei duh cheu ang maw?" Ka ti zui leh sap. Ka sawi chhuah zawngin ka ṭah a rawn chhuak tlat


Ka hrawk ana ut ut bawk, nui suka rawn dingin, ka kut chu nghet takin a chelh a, ka mit a mittui tling pam chu en in, mawi lutukin a nui suk bawk



"Ka hmangaih che Bawihi," Ti sup chuan, "ka vawikhat hmuhna a ka hmeichhe belhchian chak awmchhun ini a, pasal nei lai ini tih hre chungin nitin thlir vawng vawng che ka bansan chuang lo ang bawkin, ka hmuh zin poh che leh belhchian chakna che in ka khat bawk. Harsa takin ka tâ ah ka siam che a, hmeichhe famkim ka mamawh lo, Ka tan chuan hmeichhe thianghlim leh zahawm chu ini, chu chu theihnghilh ngai suh," Ryan ka hriat tirh aṭanga a thusawi tamber ṭum a ni ngei ang


Mittui luang ngiai ngiai a en chho in, dingdi hlîp ak ak chuan ka fawp zauh a, ka chetdan chuan a ṭhawng deuh nge, chet nachang pawh a hre lo


Ṭah nuih hakin, "ka zui angche, Australia ah chuan ka zui angche," Ka ti chhuak sep chu awihlo leh hlim tih hriat taka nui chhuak hukin, "eng maw i sawi?" min pawt hnai salh, nui hak hakin, "ka hmangaih che," Ka ti chhuak sap chu duhthawh lutuka min fawp zui nghal tawn tawna min pawm kâng lawp chuan, "yes, yes," Inti thei lutuk a midang kut benga au dur dur lam hawi chuan a ti chhuak hrawk hrawk, lawmna leh hlimna avangin ka ṭah nuih ve uar uar bawk

.

.

AFTER 5 YEARS


"Rachel i nau ti ṭap suh," Thleng ka sil mawlh mawlh

Australia kan thlenna pawh kum 5 a tling ve ta, Rachel-i pawh kum 7 lai a ni ve tawh


Zokhawthar ah man in hlan in, kan inneih a thla 5 na ah Australia kan pan kha a nia, Bryan leh Ivan pawh kan hruai ta law law, Ryan-a zawkin, Bryan-a te unau hruai loh a hläu lutuk a, Bryan-a pi leh pu, Ivan-a chhungte a lo va bia, U Zoa te thleng thlengin Nu Zarpuii....ohh ka nu nen an lo va bia a ni âwm e



"Nu ka bike chahbi awmna i hria em?" Bryan rawn lut chu en chho hâ in, "i pa khan zingkarah a khalh chhuah kha, a dahna zawt teh," Ka ti vat


Kum 18 a tlin läwm nan Ryan-an a bike awh em em mai, Ninja anti emaw ni a leisak a, college a lut ve tawh bawk nen, an in khalh chhuak deuh reng mai



"Rachel a mak, i nau ti ṭap tawh suh," Ka ti vin hlar chu, "ka lehkhabu thai rân a tum alawm," alo ti vin ve hlar bawk a


Ryan-a rawn nui lut hawk hawkin, "a lehkha zir a tibuai a nih saw," A rawn tih sup chuan ka kut hru hul thuak thuakin, "ticket chu i book tawh em?" Tui intur thli chhuak pahin ka lo ti zat, ka inzui khalh khalh bawk


A bu nghat a, hnai cheta min rawn din chilhin, "room ah kan lut hmasa dâwn em ni?" Ka hmuiah a rawn fawp zauh, naupang lam melh zawkin, a t-shirt hak chhana a taksa phiar fat mai chu ka kut ṭangin ka thai riak riak a, zût nghal ruai in, a kap lama zût thla in, alama pên hnai hret a, thawk khum ham ham chuan ka hmui hnuai lam ka pet zauh, dingdi hlîp ak ak a, a hmui bul cheta thawk khum ham ham chuan a lo thaw chhuak ve hawk, "Bawihi, infiamna ṭha lo tak a ni," A aw zet chu! A Sehchilh deuh rap rap mai



Nui sun sun in. A nghawng ah dingdi hlîp chunga fawp dan dan chuan, a khabe ah ka fawp zauh a, a lo thaw chhuak ham ham, a chil chu harsa tih hmel zeta lem khalhin, a hmui bul cheta thaw chhuak ham ham chuan, "Hubby," Sexy leh mamawh ngawih ngawih tih hriat zeta ti chhuak ṭuak in, kiai sukin boruak a lo hip kawk, ka nui a, "i fapa saw bual angai," Ti thut chuan ka inla hrang thut a


Phun hluka thaw chhuak hrawiha a tukkhum sam tuai puatin, "zanin ah i hria ang, hremna a nep lo khawp ang," A lu thing mat mat chunga a tih chuan nui ar ar in, kan fapa em em, Pa chhûna, kan inneih aṭanga a kum 3 na ka pai, kan rohlu chu pawm kângin


"Inbual ang aw," Tih leh Ivan-a rawn lut chu, "Bawiha in bag pack fel sa rawh u aw, kal dâwn ah buai chuk chuk ngai lo turin," Ka lo ti vat a


"Yes, Mizoram haw ka chak tawh lutuk," tih leh, "Dad, i car saw dah sawn rawh, ka U in bike ka la chhuak thei lo a ti," Ti ri chu ka hre zui ruai ruai

.
.
.
.


"Awii ka bag sawi kha rawn hawn angche, takin a, Nu Êngi chanchin i hria em?" Hruaii'n a rawn ti lang lang


"U Lawmi fate nen an awm a ni lawm ni?" Thawmhnaw luggage a khung pah chuan ka lo ti vat


"Aw awm e, pasal a neia a fate a nu bulah a hnutchhiah ringawt a, Zoa lah Guwahati lamah insawn kha a dil a, hei kum 4 dawn a ni tawh, Mizoram ah hmuh tur a awm tawh lohna. Tetea lah nupui a neia Lunglei lamah am awm daih bawk si," A rawn ti nang ngang, ka lo thaw halh, tar a lamah Nu Êngi a rethei lutuk a, ka lainat takzet, ka Pa in a boral san hma lutuk hi a khawngaih thlak awm



"Lucy-i pawh hman ni ah ka hmu a, a fapa pawh lian tawh tak a ni," A rawn ti zui zat a, Ryan-a rawn lut melh zawkin, "Hruai naktuk kan flight zingkar a ni sia, kan duhtawk mai dâwn em ni?" Ka tih chuan awmze nei zeta rawn nui ar ar in, "inpa in mut a duh a nih kha a," Tih leh, "mu rawh u, a mu chak hmel a pe chhe leh awm si," Tih leh a off zui zat a


Nui sun sun a off in, "i fapa rangkachaka chu a muhil ta em ni?" Ka ti chu a rum nghut


A pajama hak phelh sawk sawka saruak ngal ngata ka hmaa dinga min pawm kâng nawlh chu ka rak ṭhat, ka nui zui ar ar bawk, "ka hrem dâwn che ka tih kha," Tih hluka ka pajamas hak hneh sawh lutuk a pawt hlîp in min fawp zui nghal tawn tawn bawk


Inhremna zawnga inhremna nuamber leh kham theih ngailoh tur a ni chiang a lawm!!!


"Muhil tawh rawh," Ka chalah a fawp zauh, a thawk lak ala dik bik lo, vawi tam Angel te fan ve theihloh vanram kan fan dun hnuah kan mu ta hle hle a nia! Kan thin pawh ala phu dup dup mai

"Bawihi," A ṭawng zawngin ka nghawr dat dat


Ka melh chho ralh a, mawi leh sexy lutuk, a mitmeng la pelh phang mai nena min nuihin, ka hmui kau tiar maia rawn fawp zauh chuan, "ka hmangaih che," Zawi leh ril thûk ruih maia a tih chuan nui hakin, "ka hmangaih che Daddy," Ka ti chhuak ve sep a, a âwm a hmai phum kaka mu a, nek zui ṭalh ṭalh chuan, saruak ngal ngata in kuah chial chuan ka mit ka chhing zui siai siai bawk!!!!!!!




<A TAWP TA>



NOTE : Mi fel leh hmelṭha, mi hriat thiamna ngah ho, Covid19 lakah fimkhur in, lo dam zel angche u😍😘

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)