Present Perfect By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: Present Perfect By Floria Laldansangi (Completed)

Unread post by Ngaia » May 16th, 2021, 4:23 pm

PRESENT PERFECT
By
Floria Laldansangi



Chapter < 13 >


MAMPUII...POV


"Khawilam Sisû nge tunang hunah in neih a?" Kan zing chaw ei kham, tualah ni lum aia ṭhu pahin ka Sisû bawl chu ka ei suah suah a


"Tukinah Biaktei'n bazaar ami a rawn lei haw a hei, ka duhai ka ei tam tlat tawh," Nu Tlani chu a nui vur vur a, "Mampui i rai a ni lo maw nang pui roh hi," Ka pa ka bula rawn ṭhu thla pahin, "A khai a!!! Tlani chithlum nena thlêm chhuah kan lo tum tawh zawk a sin, i va hre har ve," Ka pa in a fiam chuan nui ar ar in, "U Tluanga ṭhin hi a, Mampuii awmlai hian mo lawm a fuh zawk lo'ng maw? Tû hmel hmuh hma in," Ka Pa chu a nui suk suk a, a nuih erawh a za ṭha duhlo viau mai


Ka Sisû ei lai thak bawk nen, si hluam hluam in ka lo nui ve sun sun a


"U Mampui, rai no hi i haw vak lo a niang a?" Biaktei chu ka en zawk, a nih ka ring ta tlat mai a!!

An sawi ang em em hian raino ka la na ve lemlo ni in alang, han huat em em lah ka nei hran lo


Mahse, ka ṭah erawh a belh viau in ka hria. Hlauh lah ka hlauthawng hma in, ka chiai hma em em bawk a.


Nge ni a, ka hun tawn hian a zirlo ve hrim hrim zawk? Thei thur.... Thei thur erawh rai hma pawhin raino thei thur ei thei angchiah in ka ei thei thung, ka period (p8) dawn ngat phei chuan rai-no nen hian kan danglo reng reng, chaw ei tui miah silo hian thur ringawt ka chak ṭhin, chuti khawp chuan thur lam hi chu ka duh ve thung. U Zoa khan tawkchin neitur khan min khakfo zawk

"A nih ka ring, ei duhloh leh huat pawh ka nei lem lo a," Ka ei suahbsuah chuan ka ti leh a


"Keipawh Judy-i ka pai hian ka ni alawm. Mahse, mut kha ka duh tawp a," Tih leh Anpa in a rawn auh takah chuan a tho zui zat bawk a


"Mampui sêr te i duh chuan kan huan ah a tam khu aw, rawn lo mawlh mawlh rawh, a hrana lei a ngailo a nia, tumah in kan ei peih lo a, khu a rah hnûr mai," Nu Tlani'n a rawn tih leh takah chuan nuih var varin, "ka rilru ah a awm deuha, rawn dil che u kha," Ka tih chuan nui hawk hawkin, "i Pa tu hmasaber tur a nia, thei thur in ka lo chawm ve angchu, khu kan thei hai pawh a vawithum rahna tur a ni leh tawh, a rah len thleng awm ula a ṭhat dawn nen, kan theihai tui zia pawh ila hre ve nang," Chhuang zeta tih leh, "chaw ka zu ei pui ve tawh a nge," Tih zawmzat in thawh a rual nghal a


"Chaw ei tui u," Ka lo ti vat bawk


"A mak e!!! Lalramzauva hi chu, vawiin champhai kan kal dawn tih ka sawi mawlh mawlh a, nizan ah ilo rui leh hman a," Biaktei kan ṭhutna lam pan a rawn ang barh barh chu ka pa nen kan lo en ha a


"Ka rui hleinem, nizan ami chu nizan khan ka mutpui kuit ṭhak tawh," A rawn nui chhuak vur vur chu kan lo nuihpui tut tut bawk


"I zu ṭhingrim nen min nawk reng reng suh," An nu bula a ṭhu thlaa a nek rak rak chu Biaktei'n alo vin ve hlar bawk a

U Zoa nen kan awmdan bawk ka mitthla ah a rawn lang leh, keipawh hi Biaktei angchiah hiah ka âng hlak hlak a, mintih lungawi tumin min zui kual dên dên zel a nih kha


Huizzzz!!! Engkim mai hi nunhlui nen a inzawm ta emaw tih mai tur hi a nia. Hahthlak hian!!


"Nu champhai ah kan kal tel ve dawn em?" Ka harh zawk


Bryan en chuan, "kal ve lo e, nangni chu kawr in neih tawh kha," Ka tih rualin, "vawiin chu ram ka kal dâwn a sin, min zui duh lo em ni?" Ka Pa in a lo ti zui dût chu ka pa lam pan vatin


"Pu ka kal ve duh, ramah chuan eng nge kan tih ang, sava kan perh thei angem?" A phur leh ta lutuk zawk


Aizawl velah chuan ram han kal vel hi an nei si lo va, picnic vela khawi emaw resort-a kan kalpui leh zin chhuah bak hi ramhnuai tak tak kal an la neilo reng reng, nuam chu a ti viau ang


"Keipawh, keipawh ka kal ve duh Apu," Ivan-an a rawn tih rualin, "keipawh ka kal duh," Johnny-an a rawn ti ve zat bawk a


Za zetin kanlo nuih dar dar a, "in vaiin i pu zui ula, i nu te champhai kalse in ka lo nghak a nge," Nui reng chunga ka tih chuan anla lawm em em zui a, an thlen theih an ring ve tak tak emaw ni?


"Ivan leh Johnny chu in ah lo awm mai sela ; Johnny-a phei chu khawchhung pelh hma hma in puak ati leh ang a, a buaithlak leh dawn emai," Kan lo nui vur vur a, Johnny-a nur nang nang pahin, "Áni ka kal ve duh, apu in min hruai a tum ve lo," Min rawn nek zui ṭalh ṭalh bawk


"Âni bulah awm mai ula, chhang kan lo kang ang a," Ka mal chunga ka pawm chu Ivan-an rang lutuk a min rawn bawh buai ve nghal in, "anu keipawhin ka duh," Tih leh Johnny chu a pawt deuh ngar ngar bawk a, a nau ka pawm chu a thik tih ka hre reng sia


Ka nau te nupa, Judy-i hruaiin champhai lam an pan ta nge nge a, Bryan pawh ka pa a zui ve ta bawk a


Ivan-a leh Johnny te nen kan pathum a in a awmin, ei tur kan siam e kan ti ve bawk a, kan pathum chauh pawhin kan bengchheng khawp mai, Ivan leh Johnny inrual lutuk pawh an inthik kual a, an in hauh lo leh an in tawk rak bawk

mipa fa ve ve tihtak ah, nikhat lek ka awmdun pawh, tlailam a nih meuh chuan a chauh hnawk thei, an harh dawn rapthlak bawk si!! Tihngaihna an awmlo reng reng
.
.
.
"Anu te anlo haw," Johnny-a tlân chhuak en chuan thawh pawh ka tho peih tawhlo, nilenga Ivan-a nen awm chuan ka mut a chhuakin ka na sil ṭhüm mai, mipa naupang kum in rual lutuk awm chu thil na mai a ni lo reng reng. A bikin, kan Lal Johnny-a harh lutuk hi tih ngaihna a awmlo hrim hrim



"Inva rawn let hma ve," Ka rin aiin an rawn let hma daih


Nia, in entir kan tum ve na kha Doctor alo awm ta si lo a, kan rawn let hma ta mai," A chau ve bawk a niang Judy-i chhuat a nghat zui rawk rawkin sofa ah chuan a let thla hnak a


"Engrim nge a, a va rimtui ve?" Ka nau rawn lutin choka lama hnar lên vel paha a tih chuan ṭhu chhuakin, "kohhran ṭhalai in vawk-lu bai an rawn zuar a, Rs.200 man ka lo lei sak ve a," Ka tih ruala choka lam pan chuan bel chu hawng rak rakin a tem zui zat a


"Chaw ei nghal mai ila, kan champhai kal ve lah a inren lutuk a engmah min ei pui hleinem," Ka nau in nui ṭhû a a rawn tih chuan an nu chu lo ner nungin


"Sachek te i hawp hnem khawp kha maw," A rawn tih nghat chuan kan lo nui huk a

"I bal ropui si, inbual phawt rawh, ka Pa te ram kal pawh an rawn la haw loh hi," A tih zawmzat bawk


"Âpu te anlo haw, Au in thing a pu vel," Ka ṭhutna aṭangin Ivan-a kawhna lam chu ka en chho duk duk a, kawngkhar zawn a ka ṭhut vangin, chhaklam kawng aṭanga an rawn chhuk chu ka hmu thei


Bryan chuan a malpui tiat vel a lian, patling hlam chenvel a sei a rawn pu thla ve hnak hnak a, ka lo nuih sen sen



Kawta a thing put keuh thla ve thakin, "vawiinah maw Nu, sanghal vawk kan hmu a, a tlân chak rap mai," A rawn ti lut nghal bawrh bawrh chu lo nuihin, "sanghal vawk a?" A ip pui ah, ip pui-in a ak zawk emaw tih tur khawp a lian chu lo lakthlak sak pahin, "sanghal vawk te a awm ngai em ni?" Ka tih leh a


Bu nghatin, "aw sanghal ka tihna, apu huana hnathawk in anlo kâp a; Mahse, an kâp fuhlo, a tlanchak lutuk e!! vawk a ang rap mai," A taka la hmu ngailo na nâ na chu sawi duh barh barh khawp mai


A hmai lah chu a thlan nen a in chawh pawlhin a dum niah bawk a, chutiang a ka fapa hmel la hmu ngai heklo chu ṭha ka'n ti leh hliah hliah khawp a, a inhmeh riau te a ka hriat reuh ni!


"Bryan-an a pu a zui chu ti fuh hle mai, inbual nachang pawh a hre dâwn lo a niang a," Ka nau ril ṭam tawh si, ka fapa inbual tumlo, a ram kal chungchang sawi zet zet chu a rawn fiam zauh a


Lo nuih kar kar pahin, "ni e Bawiha inbual phawt rawh, Pa inhnuai ah em ni i zu inbual mai ang, tui ka lum tawh a, Mama khan khai thla se la," Ka tui lumna lam chu ka kawhhmuh nghal zat bawk a



"Mama rawn khai thla ta che, ka zu inbual ange, ka ril te pawh a ṭam ve alawm keipawh," Tih leh inhnuai lam pan a rual zat bawk


Bryan-a pawh bathroom lamah ka hruai ve zat, nuam a ti ngang a niang, hah ala sawi lo reng reng, ka bual chhung zawngin ram lama a awmdan leh ṭhian thar a neih thu ala sawi char char thei!!

.
.



"A lo sûat chhe tam em?" Chaw ei mawlh mawlh laiin ka Pa melh zawka ka tih chuan, "chhe hran lo e, anṭam hmun tlem alo suasam deuh a," A tih chuan ka bu nghat


Kan ram enkawl tu ten, kan ramah sanghal a chhuah ṭhin thu an rawn sawi a, a kawlhrawn hmel em em lehnghal, chhun pangchang ah rama a rawn lan ngam chuan, a ngampa hle tih a hriat


"Nu i phone a ri char char a nia," chhuata naupang chaw eiin ka phone awmna lam en a an rawn tih chuan ka hawi vat a


"Chaw ei kham ka call-back mai ang," Tih leh ngaipawimawh vaklo chuan chaw chu ka ei san leh mawlh mawlh bawk


Kan ti ti pah bawk nen, duhai takin ka ei rei phian lehnghal


"Zanin chu vengsang nuthlawi ka han rim teh ang," Kan chaw ei kham Mama'n kuhva ṭhial tuam tuam paha a rawn tih chuan ka lo melh vak, an nu ai pawhin ka lo haw zawk


"Nupui neilai hi chuan hmeichhe dang hi fiamthu pawhin sawi sawi suh u," Ka lo ti bak hlak chu sawifuh lo inti zeta ṭhen vakin, "ka fiamthu lawm," A ti zawi sup a


Ka phone a rawn rik takah chuan melh ram ram a pickup in, "Hello," Ka ti sep a

"Hello, phone neitu nupui hi i ni em aw?" Ka phone screen en miah lovin ka pickup tih ka hre chiah

Rang zeta en in U Zoa number a ni tih ka hriat chuan phone en deuh hâ in, "aw ni e," Ka ti chuai raih a, tunge ni le? Hmeichhe aw a nih lehnghal, ka in rin hma in ka lungawilo tih ka hmel ah ka tilang a ni nhei ang, ka nau te nupa in, "eng nge?" Tih en a min lo en chu lu ka thinsan ringawt a



"Phone neitu hi Khawzawl luh dawnah truck nen an in su a, nikhaw hre lo va awm in, tunah Khawzawl damdawiin panpui mek a ni a...." Ka ding zawt, a thusawi chu eng nge a nih pawh ka hre chhun zawm tawhlo, ka la ngaithla reng nâ in ; Mahse, eng nge a sawi tih reng reng ka hre pha tawh lo



Ka bing nghal mup mup a, "U Zoa maw?" Ka aw pawh chu a chhuak em ka hre law


"Damdawiin kan thleng dawn a, chanchin ka rawn hrilh leh dawn che u nia," Tih leh ka chhan letna pawh nghak lo va a off zui chu ka phone dah thla riai riai in, chhuat ah ka thloh ri bal a, "U Zoa maw?" ka ti zui leh sap a, ka mittui a rawn luang thla pap bawk


"Engthil nge ni a?" Ka nau te nupa chu mittui kar aṭangin ka en a


"U Zoa, U Zoa...." Ka mittui chu ka dang hmanlo a rawn baw hawk, ka âwm rawn tawt ta lutuk chu ka ṭham zui tawk tawk a



Haw turin a nawr in lo nawr lo ni ila hetiang hi a thleng lo tawp tur, in hliam na ta se engtin nge ni ang? A chhung ah....!! Ngaihtuah pawh ka ngaihtuah ngamlo zawk



Ka phone chhuat a ka thloh chu ban leh rawk rawkin U Zoa no chu ka call leh a, rei pawh a ring lo, "Hello," Nichin a hmeichhe aw bawk kha a ni


"Ka pasal, ka pasal chu engtin nge a awm? A na em? Tunah engtin nge a awm?" Zawhna tamtak ka nei a, ka duh ang erawhin ka zawt theilo, ka chiai vek a, ka lei lah chu duh angin ka thunun thei dêrlo lehnghal



"Tunah operation kalpui mek a ni a, chanchin engmah ka la hrilh theilo che u, khawzawl tuivar YMA sec. Ka ni a, i pasal hi kan lo buaipui rih thei a, mahse tunah khawzawl rawn pan thei ula chu kan ti khawp mai, a dinhmun..." Tih leh, "Doctor," A tih ri ka hre zui zat


Mittui leh thin phu dawt dawt a uluk lutuk a ngaithla chuan, "a ranglam a Aizawl lamah kan transfer a ngai ang," Doctor in a ti ri chu ka hre chang chang a ni, ka zawi hnawk a


Ka kaihza thlep hnawkin, chhuat a ṭhu sawp hnawk chuan boruak ka hip kawk kawk bawk


"U....Mampui.." Ka kâ chhung ah hian boruak a lut thei ta lo emaw tih mai turin ka âng hlawi hlawi na in ka thaw theilo hrim hrim, thhawk chhuah leh boruak hîp luh ka tumna lamah pawh ka hrawk thla chu a kham na ut ut a


"Hello..." Ka phone ka hmerbeh ngar ngar chu ka nau in a rawn pawt a, Biaktei'n, "in bengdai la, muangchanga thawk tum rawh, in bengdai rawh," Ka mitthla ah U Zoa a rawn oang zut zut a, nizan khan haw tura ti miahlo tur ka ni a sin maw le


"Ka hrethiam e," Tih leh ka nau in phone off a rawn ṭhu hniam in, "khawzawl pan chu i tum em? Nge ni a, a nu te ka call sak zawk dawn che," Mittui nen ka lu ka thing nawk nawk



"Tunah, tunah kal ka duh," Ka hawi â nghal ruai a, ka fate zawng kual ruai chuan, "Bryan, insiam rawh u," Bryan-a room aṭanga rawn chhuak chu ka pan ruak ruak bawk


"In ngaihtuah fim rawh U, Aizawlah phurh an tum a, an thlen chuan a chhungte'n anlo buaipui thei, heta ṭanga lo zu chhuk ringawt pawh kha a niber lo a nia," Ka nau in a rawn tih leh chuan mittui nen, lu lo thin khum leh nawk nawk in Bryan chu room ah ka oawt lut dawt dawt a


Khuma Ivan-a infiam lai chu pawt thla in, "inha rawh u, Aizawl ah kan let a ngai," Bag ah chuan thawmhnaw ka vawm lut nghal nawk nawk bawk


"Mahse Christmas kan hman dawn kha, tiraw U, keichu hetah ka awm duh," Ivan-an a rawn tih chuan mit ka chhing sawk a


"Kan let angai alawm," Bag ka sir a hung in kawrlum chu ka hak thuah tir a



"Putea i be phawt dawnlo em ni? " Naupang kawr hak tir sawk sawk chuan ka nau chu ka en a, "ka nghak thei lo, U Zoa chungah thil ṭha lo thlengse engtin nge ka tih ang," Ka mittui bawk chu a hnai leh kuar kuar tawh



"I rilru ka hrethiam; Mahse, heti tut tut tur a ni lo, naktuk khawvar lamah te pawh in let duh chuan inlet thei a. Tunah kl ula khawzawl ah anlo nghak thei che u tihna a ni si lo va, zanin ah aizawl an luhpui chuan naktuk lamah chanchin te ngaichang ila, in let chauh dawn nia," Ka nau chuan a thusawi chu hrethiam se minti tih hriat taka rawn tih leh, "naupai ini tih theihnghilh ṭhin suh," A tih zawm leh sup bawk



Ka mit ching sawkin muangchanga ka dul khawih de de chuan, "engmah a thleng lo ang, engmah a thleng theilo," Ka phun chhuak sep sep, naupang makti leh an ngaihna hrelo hmel mittui nen a en in, ka mittui a rawn baw hawk a


U Zoa chungah engpawh a thleng a nih vaih chuan ka dam chhung hian ka inthiam thei tawh lo ang



"Lo haw tir miahlo tur kha ka ni a sin maw le," Ṭah aw ṭial ruai chuan ti chuakin khumah chuan ka ṭhu thla hnaka, lu dawm vawng vawng chuan ka ṭap khur dar dar bawk



Engtin nge hetiang teh hrep hi ka thlen tir theih, lo nawr chung chunglo tur kha ka ni a sin!!!

Ka kawchhung a mahni in thiamloh na in min tuam hlup hlup a, ka thaw te chu a chham mai dawn in ka hre tak tak bawk


Ka ṭah khur dar dar laiin ka phone rawn ri chu ka nau in, "U zoa nu," A rawn ti sup a


Rang lutuk a phone ban chuan, ka pickup rualin, "LALMUANPUI, ka fapa chungah engthil nge i tih i hria em? Engpawh ka fapa chungah a thleng a nih chuan damin ka awmtir lo angche, nang anchhe dawng nu," A rawn rak tuar tuar, ka mittui a rawn luang zawih zawih a, ṭawng turin ka hrawkna lutuk ah engmah ka sawi chhuak theilo


"Khawi maw keiman ka lo bia ange," Ka pa aw ka hriat rualin, "Mampui i nu thusawi kha lo la na suh aw, hei khawzawl a kan ṭhianpa in Zoa tawhsual tawh thu leh Aizawl an rawn pan pui tur thu a rawn sawi a, chanchin rawn hrilh che u kan tum mai a nia, lo hlauthawng lo ula, Aizawl an rawn thleng ang a kimchang kan rawn hrilh leh angche," Ka pa in damdap maia a rawn tih laiin ka nu chu a lo rak tuar tuar a



"Engtin nge ka fapa ka neih tir theih che, anchhia i nih kha, anchhia," Ka Nu thusawi chu chiang takin ka hre hman, ka Pa in khak hlukin phone a off zui chu ka phone hum ngawt ngawt chuan ka awmchu ka ṭham ngawt ngawt a


"U Zoa engmah i chungah a thleng thei lo, khawngaih in," Ka ti chhuak ruah ruah bawk


Eng nga tinge engmah hi ka chungah hian a thlen dik ve theih reng reng loh le? Engkim mai hi a buai a, thim lah chu a thuah hnih tulh tulh bawk si!!!!!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:24 pm

PRESENT PERFECT
By
Floria Laldansangi



Chapter < 14 >



MAMPUII...POV



"MamBawih, ila mu nange?" Thim zinga ngawirenga ka ṭhu chu, light On pahin ka Pa-in ka lam a rawn pan zat a


Ka mittui hru hul thuak thuakin, "umm, ka mu thei lo a nih hi. Eng nge Nu Nguri chu a lo an a?" Ka hnar a pingin ka ṭahna ah ka aw pawh a thâm chal bawk



"Doctor ber an beidawn tawh hi chuan a dinhmun sawi thiam a har," Tih leh min thlêk deuh vang vang a


"Zoa chanchin ka lo hria a, i ṭha meuh maw?" Ka Pa aw a min ngaihtuahna lang chhuak chuan ka hnuk a ti ulh zual leh tlat ta!!!



"Haw tur khan lo tur hmanhmawh lo ila ṭha tur a nia!" Ka ngawih deuh vang vang hnu ah mittui luang ngiai ngiai a ti chhuak ṭuak chuan ka Pa ka en a, ka lam a rawn tawlh hnai in ka kut a rawn hum vang vang bawk


Thaw la hakin, "Chutiang in an ngaihtuah ngailo, kan chunga thil thleng tur kan hre lawk hleinem. I thiamloh a ni reng reng lo e," Dam dap mai leh min khawngaihna a khata a rawn tih chuan, kûn tlawk tlawkin ka in hnit hlawp hlawp a


U Zoa nu-in "anchhe dawng" mintih te chu, ka ni ta hial in ka hre rum rum bawk


Kum 10 chhung fa ka pe thei lo va, nau ka pai dek deka, ka fa ti fahrah turin, mahni hmasial em em in ka pasal ka chhuahsan bawk a, a tawp thlengin keimah chauh ka in ngaihtuah a ni, tlêmte..... Tlêmte talin ka pum chhunga ka fa, ka fapa te 2 leh ka pasal rilru tur lo dâwn ni ila, heng zawng zawng hi a thleng hauh lo tur!


Ka pasal reilote nawmsit bawlna avangin, ka chhungkua, kum 10 chhung ka lo venhim ṭhin chu kumkhua a chân hlen turin kei hian ka tlansan a ni!!!! Reilote nawmsit bawlna kha lo ngaidam ila, vawikhat chauh kha hun lo pe ni ila, heiai hian nat pawh ka na lo zawk maithei a sin!!



Ka kawchhung ah mahni inthiam lohna nasa lutuk maiin min tuam hlup hlup a, tuipui thûk tak maia pil vawng vawng ang mai hi ka ni


"Ka fanu lehhh!!! I pasal hi ila hmangaih hle a ni tiraw?" Ka Pa aw zet chuan ka thaw a ti chham tak tak dâwn!!


Ni e, zep rual lohvin ka hmangaih a ni; Ka tan mipa hmasaber a ni a, tleirawl ngaihzawng pawi neilo khan, ka nunah a vawikhat nan mipa ka la lut a, pumkhat ah ka insiam puia, ka tan chuan ka dam chhung leh kumkhua atan a ka mipa hmangaih tur a ka ruat kha a ni miau si a ni

Chuti maiin hmalam pan in, a lakah ka thinlung hi vur ang maiin ka ti vawt thei lo va, tui suar khauh tak angmaia tih khauh duh teh mahila, kala hmangaih êm avangin ka thunun thei si lo


Dinna ngaia dingin, ka nunhlui ni tura ka duh kha ka chelhbet a ni tih ka hre chung hian; He ka thinlung hian thlaha "mangṭha" tih ala in peih miau si lo a tin ni!!
.
.




"Lalramzau, zah pawh i zak lawm ni?" Ka Pa thinrim aw ka hriat rualin ka meng kawk, ka hawi nghal vut vut bawk a


Nizan ah room a mu lo vin sofa-ah ka lo mu tlang chu ni in. Ka mutthilh lai pawh ka hre lo hrim hrim zawk


Ka Pa in ka nau thinrim kut khur dar dara a kawk ka hmuh rualin ka blanket sin chu theh thla in ka tho nghal vat a


Biaktei in hnit hlawp hlawp lam pan chuan, "engthil nge ni a? Pa eng nge awmzia?" Ka Pa chutiang taka a thinrim hmel ka hmuhlohna chin pawh ka hre tawh lo


"Mizo Pa zaidam laileng" tia an sawi ṭhin kha a ni miau a



Ka Pa in kut ṭang sai hlarh hlarh a kawkin, a la let sawk a, "nizan ah nuthlawi in ah, a nupui fanau te a riahbo san a nih hi, zah pawh a zaklo hi ka tia, ka mit hmuh leh, ka la thawk ve renglai a, nupui leh fate ka riahbo san e tih, i duh a nih leh i thawmhnaw tel la chhuak rawh," Ka Pa thinrim zia chu a khur hlawk hlawk thei


Ka nau chu mitmu pawng chhuaklo chauhin ka en a, "Mam," Ka ti thâwp sap bawk. Ka nau mizia nen a in mil lo lutuk chu awih harsa ka ti tel bawk


In thiamlo leh i thlahrung lutuk mitmeng a min rawn en in, "ka tihpalh Pute, nizan kan ṭhian ho zu vin kan lo rui deuh a tin ni. A thleng tawhlo ang," Ka bula ding a nupui ṭap ri hruih hruih chu a rawn melh leh a, "ka ti lo tak tak a nia, a khum pawh ka tawklo hrim hrim," Inthlahrung zetin a rawn tih zawm zat a



Ka Pa in melh rawm rawm in, "laktlak loh lutuk," Tih leh kut vai thuakin pawnlam a pan zui nghal zat bawk a



Kei erawh ka in rin hma hauhin ka nau en ngawih ngawih chuan ka mittui a rawn tla pap a, ka mitthla ah U Zoa a uire a ni tih ka hriat chhuah ni kha a rawn lang zui zat bawk


Ka tumloh leh rinloh lutuk in ka beng ri sawk bawk a, ka kut thîp nghal vawng vawng leh khur dar dar a ka nau en chuan, ka thaw kawk kawk, hmeichhe dang a mutpui ka ring hauhlo, a mutpui lo a ni tih pawh ka nau mitmeng ah hian chiang takin ka hmu thei


Mahse, tuna Biaktei rilru leh thinlung natna hi ka tawn tawh leh ka tawn mek thil a nih vangin ka insum hman ngang lo


"Ka tihpalh U," Ka nau mit chu a sen râm, mit thîp zet leh kawchhung khur dar dara en in, "i nupui bulah ngaihdam dil rawh," Kha zeta ti chhuak chuan ka hawisawn hmak bawk a, ka chhungril ah erawh kut thlak miahlo tur ka ni tih ka hria, ka inchhir ru viau bawk; Mahse, tihlan erawh ka tum chuang lo


Kan ni hman chu, zingkar aṭangin kan inchhung ah ruah a sur cherh cherh hi a ni ringawt mai, a tumai pawh chu kan dur/ngui em em hlawm mai a, ka Pa phei chu zing chaw pawh ei mumal lovin ram min kalsan ta vang vang kha a nia


"U..." Ka phone en ngar ngar lai chu phu deuh zukin ka hawi vat a, U Zoa chanchin kala ngaichang char char a ni, ka rilru reng reng a nuam theilo

Inthlahrung dek maia ka sira rawn ṭhu in, ka ben na hmai pawh a la sen deuh tut tih ka hmu thei, ka lo beng na hle a nih dâwn hi!


"A la na em?" A biang chu ka melh zauh a, tawk zauhin, "ka phu alawm," A rawn nui sun sun chu ka lo nuih let ve sen sen a

"I thil tihsual i hria em?" A bu nghat a, "mahse, ka ti lo tak tak a nia aw, Sena leh Chhana erawh kha chu khum ah an mu a, kei erawh ṭhut thlengah ka chat thla tak tak a ni, a bak engmah hriat ka nei lo," A in sawifiah nghal zat zat chu en in ka thaw hak a


"Mama, Biaktei rilru tur hre chiangber tur i nia, i Nu pawh phatsan a ni a. Chutiang bawkin keipawh. Mipa, mahni chhungkaw enkawl zo lo ka Pa in a huat zia pawh hre chiang tu i ni bawk a, ilo mutpui emaw puilo emaw, nupui nei tawh i ni tih i hre tur a ni. Hmangaihna a awm chuan mawhphurhna in a zui tih hriat tur," A bu nghat nghat a



"Ni e maw le, Christmas hnai tur boruak velin min tur deuh a nia nge," Tih leh, "i ṭha deuh em?" A tih zawm zat a



Thaw haka ka phone en chuan, "chanchin ka la ngaichang a," Ka ti zawi hap, ka beidawng lek lek tawh zawk, reilote ka nghak leh ang a, min rawn la call loh fo chuan ka Pa emaw Tetea call mai ka rilru ah a awm rum rum tawh


"I rilru tihah lutuk suh, tunthlenga an rawn la call loh chuan ṭha lamah ngai rawh," Nui seihin ka lo bu nghat a. Ni e, engthil mah a thlenglo a ni ang, min rawn biakloh danah; Mahse, rilru erawh a nuam chuanglo



Ka phone a rawn rik takah chuan rang lutukin ka en a, ka nghahloh zawk hming rawnlang chuan minti hnual nghal rawih rawih

Phur lo zeta pickup in, "Hruai," Ka phun sap


"Eng nge i an? Zoa chanchin i hre tawh em?" Min ngaihtuah tih hriat taka a rawn tih chuan ka lo thaw hak a


"Call ka nghak mêk a, ka Nu hian chanchin min hrilh duhlo a nih ka ring," Ni e, ka Nu rem tihna lo chuan ka Pa hian min rawn call luih ka ring hauh lo. Ka Pa hi zopa, thaibawih laileng an sawi ang deuh kha a ni ve ṭut a


"Tunah damdawiin ah kan awm mêk a, ngaihtuah lutuk suh, inzai pawh tluang takin an zawh kha, aw... Hei Tetea a rawn kal alawm inbe rawh u," Tih leh, "i U Mampui," A tih zawm zat a


"U Mampui," Tetea aw ka hre zui zat bawk


"Tete, i U chu eng nge a an? A in sawh na em? Doctor-in eng nge an sawi?" Ka hlauhthawn na bawkin min rawn man leh tawh, ka aw te chu a lawih leh rat tawh hi!

"A zai khatna chu nizan khan tluang deuhin an zai a, a vawihnih na tur hi a dinhmun ngaihchân a ngai ang; Mahse, lo hlauthawng lutuk suh aw, Pathian zarah eng êm a ni lo ang." Tih leh, "A lu-um hi tlêmin a sawhna deuh a," Tih zawih sup a rual a

Ka thin phu nasa lutuk chu thawk a harsa leh ṭalh tawh, thaw la kawk kawkin, "engtik nge a harh chhuah theih ang?" Ka aw zet chu aw!!! A hunlo takzet!!


"Ka hre lo le U Mampui. Mahse, hlauthawng suh ka tih kha, hei... haw a mut ve zuai ka tum a, zanlam ah ka rawn bia angche ka phone aṭangin," A tih chuan, "aw..aw.. Hahdam rawh," Ka tih bah nak a. Zawh duh ka la nei nual nâ in, mut a mamawh tih a aw ah khan ka hre thei



"Mam, thil ka zawt thei che ngem?"Hruaii aw in a rawn zui zat a, a aw ah chuan min zawt hreh deuh emaw ni tih tur a ni. Ani leh nilo ang tak a


"Umm" ka lungphu ala dik theilo, thaw ka'n la deuh hak a


"U Zuala nau nen hian eng nge in inkar ah awm?" Teh daih daih chuan, eng nge awmse a tih le?


"Eng nge awmse itih?" Mi rilru hah laia, zawhna âwm anglo lutuk mai!!


Rawn nui uar uar pahin, "i mother-in-law-i n, Lalramnghaka a rawn lan aṭanga i mize dan thu a sawi e antia, 'a naupai pawh saw Zoa fa a nih a rinloh thu a sawi e' anti bawk a," Thutak zawk a rawn tih leh, "Nichin pawh khan ka khak ṭep a, Lalrini khan min khap lo se chuan ka khak fawk ang. Zoa chanchin hrilhlo tur che in midang ho kha a vau ti tih a, Lucy-i lah chu Zoa harh hma hma in hruai luh a tum hmel lehnghal. Aaaaaaa! I pasal Nu hi chu hmeichhe pakhat a ni ve hrim hrim e, hmanlai nuhrawn sual laileng an sawi ai pawhin a sual zawk alawm le. Ṭawngthei rapthlak si, a tar, a tar hian a vak den den a, mahni mo te arel ang zut zut a," Hruaii'n duh thawh zeta a rawn ti tan tan chu ka tumloh zetin ka lo nui chhuak thut



"Tak tak alawm, i nuihsan mai mai a, khak fawk la hi ka ti ṭhin. Pasal leh fate zawng zawng a kawk kual ang zut zut a, 'mo sual' te hi a ti ziah che a, kan hunlai in angse chuan ka mo hlauh tur chi," A rawn tih leh tan tan chuan, Ka nuih alo za tulh tulh lehnghal, awmhmun ah hian duhtawk hi alo ngah em em zel a


"I duhtawk ilo ngah leh dêr tawh em ni?" Rinpui'in a rawn ti lang lang ri ka hriat phei chuan ka nui zual sauh, rilru hah lutuk a rawn chhawk viau hi a!


Ka nu mizia ka hre chiang lutuk a, huat tinah pawh ka tin tawh lemlo


"Mampui i ṭha maw?" Rinpui'in a rawn ti zat a, "rawn ngaihtuah reng reng suh, i Nu thusawi te kha i hre tawh in ka ringa, kan nula senior-i kha a rawn âng in ka hria," Nui zui hak hakin, "Zoa te lamin engmah an rawn hrilhloh che chuan rawn be hmasa miah suh, tikhan hrelo emaw ngaihsak lo ang khan han awm ve phawt teh," Thutak zawka a rawn ti ve leh chuan ka lu ka thin san mat mat ringawt a


"Chanchin rawn update ve zel rawh u, ka Nu te phei chu biak ka tum lem lo, in bauh khum turin tunlai chu ka taksa a chaklo zual lutuk a," Ka tih chuan rawn nui hak hakin, "huiham!! I nu hi chu aw!!!" Rinpui'in nuihza si, beidawn hmel zeta rawn ti deuh vawng vawng in, "Aaaa...!!! Ti hian in inṭhen pawh i Nu inzirna ni tehse," A tih zui deuh hluai chuan ka nuihsan leh ta ringawt a, a mize nghet a ni tawh a, sim a har ve viau ang


A sim pawh ka beisei lo hrim hrim, chu ai mah chuan Lucy-i hruailuh a tum chuan ka chhungril hi min kap ru tlatin ka hria. Ṭhen hlen turin ka chhuak tih hi ka thinlung chhungril khawi emaw lai hian pawm har ala ti a ni mahna le!!!



<><>~>>


RYAN....POV


"U, i phone," Kimkimi chu melh zawkin, cigarette hip vang vang chuan ka phone chu ka ban a

Phone screen en in, tunge a nih rin tur ka hre nghal, "Hello," Mahse, aw ka hriat chu ka rinloh lam daih a ni


"Bo....Roberto," Boss tih ka tum zuai a, a hnuaia thawk ka ni tawh lo tih ka hre chhuak chawpchilh



Rawn nui hukin, "well Ryan, Boss hlui pawh Boss kanla ni tho dâwn läwm ni?" Ka cigarette zuklai chu ka sira astray-ah chuan na zetin ka nawr hlum nghal a


"Engthil nge i duh Roberto?" Chang zeta chuan ka ti chhuak hraih bawk



"Joel-an India thleng a rawn umzui che tih ka lo hria a."


"I sawi duh sawi rawh," Ka lo ti chang rat


Nui leh hak hakin, "Ryan, tleirawl huaisen, ka kut dinglam mizia kha ila nei reng e. Kha kha ka duh chhan che a ni tih i hriat kha," Ka lo ner sawk thung


"Ka hna min thawhsak turin ka duh che," A tih rualin, Ka nui hak a, tih el na a ni zawk mah angchu!


"I hriatna i hloh em ni Roberto, i hnuaia thawk ka ni tawh lo," Tih leh off ka tum a, "Asian Nu inei tih ka lo hria a;Mahse, lungngai suh, ka khawih dâwn lo tih i hriat kha," Ngeiawm fahran chuan a rawn ti zat


Ruh lutukin ka inhum ruh nghal. Ni e, a khawih dâwn lo, ka chiang a ni. Mahse, awlsam tak erawhin a awm tir dawnlo tih ka hria


"Roberto, min tih thinrim tum miah suh," Ka aw chu khauh fia fia tawh tak a ni



"Cool down Man. I hria aläwm ka duh zia che chu, engtin nge ka tih thinrim ngam angche ni. A ni lawm ni?" Tunah tak hian ka hmuh phakah awmse chuan ka that duh ngei ngei ang!!!



"Delhi-ah kan bungrua (ralthuam) leh Gold tamtak a tâng mek a, Chief Commissioner Saurav-an, special investigation department din in, a chhui tir a, chuta an team leader chu dahṭha turin ka duh che. Tichuan, ka bungrua te himtak in Australia a rawn thleng tur a ni," A tih ṭhan lutuk ṭhin, Khauhzet maia thu a rawn pek chuan ka nui chhuak huk a




"I rilru a buai a nih ngei dâwn hi Roberto, i Bodyguard ka ni ṭhin, tualthattu ni lo vin," Ti chang fak chuan ka off zui nghal a, phone en chuan nghet lutuk in ka hum ngar ngar bawk.


Ânchhia ka phuh chhuak zui hluk a. "Phiangsen hian!!!!," Ka ti chhuak hrawih bawk


Ka phone message rawn lut ri thleng mai chu, thinrim ṭûn chunga en in ka meng kawk, "nang, Australian uicho pa leh!!!" Ti chhuak hrawihin, Roberto chu ka call nghal a



"Zawng Uicho Roberto, engthil nge heihi?" Ka ti chhuak hrawk


Ka nu leh Kimkimi te ho an rawm tlân chhuak zui zat bawk a


"Engthil nge ni a?" Ka nui hawi â lutuk mit thîp ram a en in, "hreptak hian!" Ti kha hraih chuan ka pensawn nghal a



"Khawnge kal i tum?" Ka nu min auh zui na chu ka pensawn san pawk pawk


"Kha chu a tir chauh a nih kha Ryan, minpui la, Tracy-i that tu i kutah ka hlan dawn nia," Hnehtu inti zetin a rawn nui hawk hawk a

"Engvang phiangsen in nge ka rin angche. Once a dick, always a dick," Kha zet chuan ka ti chhuak hrawih a


Rawn rum ri hrawihin, "Joel-a kutah i thih chu ka ring hauhlo; Mahse, i thiamloh na ni miah lo va i nunna chân i duh ka ring lo. Ni läwm ni," Tih leh, "duhthlan tur dang i nei lo Ryan, E-mail hmangin i target tur Bio kimchang ka rawn thawn tawh a, naktuk zanah ngei that angche, eng chhuanlam mah ka hre duhlo.," Tih leh, "Ohhh sorry, Tracy-i nu in case reopen-a dil tih ka'n sawi tel hrâm ange," Tih leh off off a rual nghal a


Mail ka dawn chu thinrim ṭau chunga en in, chu chuan minti phu nasa zual sauh



"WTF!!! Zonunmawia maw??? Phiangsen hian!!!" Ka ti chhuak hrawih, Zonunmawia hi police maw a nih a?? Ni lo CID zawk maw???


video dang min rawn send en leh in, "Sarah, Mico," Ka ṭhiante hmel ka hmuh phei chuan ka puak chhuak lo chauh


"I Asian Nu ka khawih lo ang ka ti a, i ṭhiante erawh ka sawi tel lo," Na lutuk in lei charah chuan ka phone chu ka vawm darh chuai a, ko pang hnek zawt zawt chuan, "Roberto, nang uicho Pa," Ka ti chhuak hrawk hrawk bawk

.
.
.
.

"Ka thah che i hläu lo em ni Ryan," Ka hma a ding chu ka ner khum sawk a


"Deals kan nei dawn em ni?" A nui huk



"Hmelma kan ni, that tur che in helai hmun thleng ka rawn zui che tih theihnghilh suh," A thle zui bak a


Kiai sukin, "i unaunu thattu i hre duh a ni läwm ni?" Ka mit ka ti zîmsan


Meng zau kawkin, "eng nge i sawi awmzia?" Min rawn pan hnaih a tum chu, a hma ah paper lek chhuakin, "that rawh, tichuan i unaunu thattu i kutah ka hlan ang," Ka mithmul ka kân ak


Min en run run in, na zetin a phih thla sawka, rawn nui hul hakin, "kha hmeichhe raipuar vang kha a ni tih sawi suh angche Ryan, what's a coward are you," Tenawm leh ngaihnep hmel lutuk a min ner khum sawk sawk lam panin, a kawr âwma ṭhâm sawk chuan, "engmah i hriatloh chuan i kâ hi chip rawh Joel, hengthil hi nangmah vanga inṭan a nih hi," Ka seh chilh deuh rap rap bawk


Ka kut phih thla sawkin, "ok, mahse hre rawh, tunchiah ka ring leh angche. I sawi anga i awmlo a nih chuan i dinna hmunah ka phûm angche," Tih leh phone phawrhin


"Keimah....thlalak ka rawn thawn angche, a awmna lo chhui angche. Tunah," Ti hraihin min rawn melh hrawk bawk a


Ka rilru in, "ka tihpalh Muanpui, i fa lo piangtur nen ka enkawl angche u, Ka tiam a che," Ka ti ru sup sup bawk

.
.
.

"A la thi lo," Silai phawrh a Zonuna kah a tum chu a kut chelh vatin, "i silai mu hmanga an chhui chhuah che i duh em ni? A tawk, a dam chhuak dâwn lo," Tih leh Vai truck khalh tu, Zonuna car su tur a rawih rawn in ham chhuak a hmuh chuan, a chemte phawrhin a hrawk ah a chhun zui chawk a, a bula thing chu herh tliakin, a hrawk a vihna ah chuan a vit lut leh a, "ti khan an hre lo ang," A nui zui tut tut chu ka lo rum khum nghut a


Zu um chu alam a thehin, "in tir rawh," Tih leh Zonuna chu ka melh zauh


Rawn nui sukin, "hna tenawm chu ka kuta awm a ni ṭhin rêng a ni," Tih el-na leh deuh sawhna in a khat

Rum lutuk a melh khur khurin, "i ruala ka thih duh i ring em ni?" Ka ti kha hrak a



Rawn ding chhuakin "Aaahhh! Ni e. once a dick, always a dick," Roberto ka tihdan angchiah a min rawn tih chuan ka inrin hma in ka hnek sawk, a kat zui nawk nawk bawk


"I lei vêng rawh ka tih kha," Mit thîp râma melh hrawk hrawkin Zonuna chu ka melh leh a, Muanpui ka mitthla ah a rawn lang zui zat, phun hlukin, "kal ang," Tih leh pensawn ka rual nghal pawk pawk a


Ka rilru in, a nupui hlui Muanpuii leh a fa lo piang tur enkawl ka intiam zui mawlh mawlh bawk


<><>~><><>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:24 pm

PRESENT PERFECT
By
Floria Laldansangi


Chapter < 15 >


ZONUNA....POV


Ka lu na lutuk chuan min tur ut ut a, ka kut nghet taka chelhtu thusawi, "kei leh ka pumchhunga kan fa hi min kalsan thei lo," Chu aw chu tudang mah ni lovin, ka nupui Mampuii aw ngei mai a ni


Ka mit chhah lûk mai chu muangchangin ka meng a

Ka mitthla ah Zokhawthar ka chhuahsan a, Khawzawl thlen hmaa vai Truck lian zet maiin, chak lutuk a ka lama rawn tlân a, kawngthlang lama min nawr lai chu chiang lutuk in a rawn lang zut zut bawk

Ka thaw hawk a, "U Zo, i harh em? U Zo....!"


"Bawihi," Ka phun chhuak sup a, ka aw erawh a ri chhuak hauh lo tih ka hria, ka khaw hmuh vai ruai kara ka kut chelh tlat tu chu ka en zui ṭawk ṭawk a


Mit chhing sawkin, Doctor-in ka mit êng nen a rawn chhunin, min endik nghal zung zung bawk, thaw leh ham ham a muangchanga ka men leh chuan, Mampuii hmel reng reng hmuh tur a awmlo, ka kut chelhtu chu tudang ni lovin Lucy-i a ni


Ka melh kual nghal hrek hrek a, ka Nu leh Pa, Lucy-i leh nurse, Doctor hmel bâk hmuh tur a awm lo


Nichin mai khan Mampuii aw hria in, a hmel ka hmu si a, ka mit vai in, ka hresual zawk em ni?


Doctor-in tui min rawn pek pahin, ka khum chu adjust nghal bawk a


"Hlauhthawn na tur a awm tawh lo ve," Min rawn en a nui sen sen in, "nupui hmangaih em em tu che i neia i vannei hle mai," Lucy-i chu a melh zui ralh bawk


"Nupui," A tih chu eng nge awmzia, ka hriatloh engthil nge thleng?


"Ka pasal hual zawk a nia Doctor," Ta deuh deuh chuan!!


"Ohhhh, in innei tawh ah ka lo ngai a sin. Inneihna ah min sawm ve ka beisei a nia," Fiamthu paha atih leh chuan nui sun sun in a pên chhuak nghal a


"Eng nge awmzia?" Ka Pa chu ka en a


"Eng nge nise i beisei ni? I harh dek deka vawikhat pawh "eng nge i an tawh" tih rawn ngaihven lo tu i zwng buai nghal a," Ka nu chuan a ti nghal hlak hlak a


“Nanga pawh a harh dêk dêka i hauh nghal bawrh bawrh ni?” Ka Pa in lo ti hlukin, “Lucy Tetea kha bia la chanchin hrilh ve rawh,” A tih zawm rualin, “Lalmuanpuii hrilh lo turin hrilh tel angche,” Ka Nu in a lo tih ve zat chu ka Pa chuan lu a thin khum nak nak ringawt a


Ka taksa chu en kualin, hliam damna hnu ka kut a awm thleh thluah mai en kual chuan, "engtia rei nge nikhaw hre lo va ka awm?" An in melh kual ralh ralh


"Thla 1 vêl," Ka Nu in rawn tih leh, "naktuk hian thlakhat a tling ang," Lucy-in a rawn tih zawmzat bawk a


Kum a thar tawh tihna maw? Hawi kualin, “khawnge ka phone?”


“Lalmuanpuii biak i tum a nih chuan theihnghilh angche,” Ka Nu in a rawn ti hlar chu ka lu tuam bûr mai dawmin ka thaw hak a

“Hna ka nei,” Ning zeta tih leh Lucy-in phone min rawn pek pawt thla hlawkin, Pu ka call zui zat bawk


“Eng maw i sawi?” Ka ṭhu ngil awt, ka ner zui sak bawk a


"Deputy Head thu chhuak angin CID kutah case kan hlan fel tawh a ni," Ka boss thusawi chu ka hresual emaw ka ti hial zawk, kum 1 chuang ka thawhhah, theih tawp chhuaha case ka bawhzui leh ralthuam leh rangkachak tamtak ka mansa chuti mai chuan ka chân ang maw? Teuh lo lutuk!!!!



He case-ah hian force mi mai ni lo, politics mi thlengin an inrawlh tih ka hria, chuti ni lo se foreign minister khân kha ti maiin khân Mr. Jo's rualthuam neitu anga in sawi kha Australia-ah a thawn nghal hauh lo ang!!


"Nangmaha engmah tih tum suh angche Zoa. He case hi case pangai a ni lo tih i hriat kha," Ka thaw hrawih a, zawm erawh ka tum chuang lo, bul ka ṭan tawha a tawp ka thleng ngei bawk ang


"Diklo a awm em ni?" Ka phone rawn ban tu chu melh zawkin boruak hip kawk a thaw chhuak ham ham chuan, "Lucy," Min en vat, a mitmu tal nghal rawk rawk chu ka hmu hman tho


"Lucy, i Pa te chanchin hrilh ve rawh," Ka nu-in a rawn ti zui zat a, rang zeta bu nghat a pensawn a rual nghal chu ka Nu en in, "engthil nge awmzia? Lucy-i nu leh pa in hria amaw?" Kei tak ngial pawhin a Nu leh Pa ka hre lo va, a hria chu mak ka ti viau mai


Ka Pa melh zauhin, ṭawng a tum zuai chu ka Pa-in a dar a kuai in, couch ah chuan a ṭhut thlakpuia, " han dam phawt la, nakin lama sawi ṭhat chi a ni," Damdup maia ka Pa in a tih takah chuan thil awmdan ka man thiam nghal


Thaw la hrawih in, ka lu rawn na lutuk chu dawm deuh vang vang chung chuan, "Lucy-i nei tura minti a nih chuan theihnghilh angche u. Mampuii bak nupui ah tumahdang neih ka tum hauh lo," Ka thaw zui hawk bawk a


"Zonunmawi, duhthlang thei ah inngai miah suh," Ka Nu in a rawn ti ṭhak a


Lungawilo zeta ka Nu en in, "a pumchhunga naute saw ka fa a ni em tih pawh kan la chuang hek lo," Ka ti kha hrawih a


"ZONUNMAWI...!" Ka Pa in a rawn ti zui ve hrawk bawk


"I nasa lutuk Zonun, mipa i nih kha. Uire turin tumahin kan nawrlui lo che. I duh thu in i uire a, a rualin i fate pahnih, i thisen chu fahrah niturin i duh amaw? Muanpuii pumchhunga i fa leh Lucy-i fa chu fahrah, ni turin a rualin i kalsan thei ang maw? Mihring pawh ini em?" Ka Nu chu a ang tawn tawn a



"I Nu thusawi chu a dik, Mampuii i hmangaih emaw hmangaih lo emaw, chu chu i buaina a ni. Tun aṭang chuan Lucy-i leh i fa lo piang mai tur hmangaihin, i kuta awmtur an ni. Hrereng angche," Hnial a duh tawh lo tih hriat taka ti nghet churh chuan a ṭhutna aṭangin a rawn tho a


"Inngaihtuah angche, a ruala i fate pahnih tih fahrah chu i duh takzet em tih?" Ti zui hlukin, Lucy-i rawn lut chiah chu en in, "Lucy nangpawh haw in chawlhahdam rawh, amah hian hahdam tir rawh u," A tizui nghat bawk a


"Mahse, U Zoa...." Lucy-in a tih laiin, "haw rawh, keimahin ka awm thei," Ti bul hluk chuan ka mutna adjust-in mit ka chhinzui san hmak bawk a, ka Pa thaw ri nghut chu ka hre zui zat bawk



Engthil nge maw ni phiangsen hi!! Kum 10 chhung fa nei thei lo vin ka awm a, tunah ka duh pawh ni lo, ka duhai a tam mah minpe leh a!! Pathian hrep pawh hi a!!!


<><~>~>~


MAMPUII....POV


"Nangmahin i awm thei tak tak ang maw? Kannu te nufa hi thla 2 vel chu awmpui rih mai la," Car-a an ṭhu lut tawh, ka nau chuan anti leh lailawk bawk a


"Ni e U, mahni a awm ngawt ai chuan Ramsiami'n arawn fin hma che chu kan awmpui thei che a nia," Biaktei'n a lo ti ve vat bawk a


"Min ngaihtuah suh u, kal tawh rawh u, intlai zo dâwn," Tih leh ka kutin kal turin ka ti zui a


"Ni e, kan awm alawm. Bakah, a ṭul chuan ka riahpui lawp lawp mai ang," Hruaii'n a lo ti ve bawk a, min ngaihtuah hmel zeta bu nghatin, "anih kan kal dâwn a nia," Tih leh Kut min vai khum lap lap chuan motor chu tinung in an tlân chhuak zui nghal a


"I nau te chu an chhuak ta em ni?" Rinpuii rawn chhuak chu en in ka bu nghat a


"Tunlai ka pum nuam theilo lutuk hi chu a mangan thlak a nia aw!!! Keichu haw mai ka duh Hruai," Ti zatin, Hruaii a en zui zat bawk a


"I p8 dâwn a ni lo'ng maw?" Hruaii'n nui tuh tuh paha a tih chuan ka lo nui ve sun sun tho

"P8 tur a ni lo, ka pumpui chaklo a zual niin ka hria, i haw ve nghal dâwn em?" A ti leh zat a


"A pawi chuang lo, ti ila Mampuii zanriah eiin a rawn kal dawn tho sia, haw rual mai ila, Tetea chu engtik nge a rawn thlen dawn?" Ti zui zat zatin, Min rawn melh zat bawk


Sana chu ka bih zauh a, "a rawn thleng ṭep ang," Ka tih ruain Bryan leh Rinpuii fate rawn in um chhuakin, "Aww... Api," Ivan-an a tih chuan ka in her vat a


Kan din na lam pana rawn pen hlawk hlawk a, ka bul a rawn thlen ruala ka hmai na lutuk a min beng thle sawk chuan, "ka fapa accident i thlen tir vang a nih kha," Ka Nu(Zoa nu) chuan a ti zui hrawk bawk


"Nu Êng, engthil nge maw itih le?" Hruaii'n a lo ti vatin ka hmaah a ding zui zat bawk a

Rinpui'in min rawn dawmin, "Mampui..." A lo ti ve bawk a



"Nu, engvanga U Mampuii chu bêng ngawt nge maw inih le?" Tetea'n a lo ti ve vat chu


"Lo ngawi rawh," Ka nu chuan a ti hrawk a

Ka motor chuanna taksa chau leh luak chhuak la reh chianglo nen, ka bîng mup mup thei

"Tun aṭang chuan naupang leh Zonuna nunah rawn inlan tawh suh angche. I duhthlanna in i chhuahsan a, i duh kawng i thlang tawh a, kum 10 chhung i chelh, i chhungkua, vawikhat pawh inngaihtuah lovin i chhahsan thei a, eng ang Nu leh nupui phiangsen nge maw inih le?" Ti tawn tawn chuan


"Naupang pawh nise, i hrin i fate an ni lo va, tun aṭang chuan hmuh pawh rawn hmu tawh ngai suh angche, Zonuna nupui inih lai chuan annu ini a, tunah chuan i fate an nih chhan tur a awm tawh lo. Tunbâk hi min sawi nawn tir suh ," A thusawi chu, a hmel ka hmuh ruala ka rin lawk ang a nih avangin, makah pawh ka ngai hran law



Ka fate ka sir a ding a, U Zoa Nu min kawh sawk sawkna phawk fe leh mak ti zeta en tu te chu en in, mittui khap per sak sak chuan ka nui lui a

Kan khua, Zokhawthar kan awmlai pawhin vawitam U Zoa be lo tur leh a chanchin ngaihven lo turin min rawn hrilh fo tawh, ka ngaihtuah loh vang ni lovin ; Vawikhat pawh Aizawl kan let hnu pawhin ka tlawh bîk lo


"Nu Êng, iti mah mah lo maw? I fapa uire na hre duh miah lo vin, hetah i mo hlui i rawn ânkhum a, eng ang Nu nge maw inih zawk le?" Hruaii'n a lo ti let ve hlak hlak


Thaw la kawka ka Nu lam hawiin, Hruaii bân a chelh chuan ka pawt sawn hret a

"Mampui..." Hruaii'n alo ti leh chu Ka mitmei in ka khap zui vat bawk


"Mahni pasal pawh venghim zo lo a ni a, eng ang Nu in nge fate nupui fanau nei tawh veng du du zawk ngai ni?" Min ner khum sawk sawk bawk, a hmel landan zawng zawng nen chuan, U Zoa uore na chu ka thiamloh hul hual emaw tih kai tur a ni


A ṭawngkam chuan min ṭhawng pawh a ni lo, cubic lung nena den dawt dawt ang mai ka ni!!


Mit ka chhing sawk a, boruak hîp kawk a, thaw chhuak ham hamin, "U Zoa hmu tawhlo tura min hrilh a nih chuan chu chu i sawi a ngai lo ang. Mahse, ka fate hmu tawhlo tur erawhin minti thei lo, ka hrin an ni emaw ni lo emaw ka fate an ni. Ni e, U Zoa ka chhuansan, ka fate ni lovin," Ngawi renga a thusawi ang a piang zawm ka tum tawh bik aw zawnglo mai!


Kan khua, kan In ka chhuahsan hma khan, ka Pa bulah U Zoa leh a Nu emaw tuma min tihnat ka remtih tawhloh tur thu ka tiamin, ka ngawih reng tawhloh tur thu ka sawi tawh a ni. Bryan te unau hringtu chu ka ni hauh lo ; Mahse, dân ang thlapa ka fate an ni ve tlat


"Engmaw i sawi?" Tih leh a kut lek chhuah leh mai a tum chu Tetea'n lo manbet vatin, "a sawi dik a ni. Kan thiamloh tih hi engvanga pawm thei lo nge i nih? Ka U zawk a ni uire, U Mampuii ni lo vin," Ti deuh hrawk chuan,"Bryan i nau nen car-ah lut rawh u," A tih zawmzat chu an unau in ka lamah an rawn tawlh hnai nghal hrut hrut a


"Ânu bulah ka awm duh, ka haw duh lo," Ivan-an tih leh min rawn nek nghal ṭalh ṭalh bawk


"Lalhmingsang!!" Ka nu bawk chuan a rawn ti leh ṭhat, mit thîp leh ling hlar maia min rawn en in, "engthil nge naupang i zirtir?" Sawi tur pawh minti hre lo


"Nu Êng, puitling zawk i ni a, kan Nu te rual daih i ni bawk; Mahse, vawiin i rawn chetdan erawh a naupang chhia in, hmeichhia i nih ve tho na ah a mawilo takzet a ni, i fapa nupui a uire na i thup pui leh i enliam chu thuhran nise, a nupui hlui thlenga i rawn umzui hi mipangai tiha pawha mawilo a ni, tikhawp hian Mampuii hian a dawh che u a, sual duh nise zawng, naupang thu hla ah pawh court thlenpui in a khing thei che u," Rinpui'in a rawn ti ve hlak hlak a, a aw chu a vin hauh lo. Mahse, U Zoa nu a demna leh a thinrimna erawh chiang takin a lang thung


Ka Nu thinrim lutuk chu a khur dar dar a, kut sai hlawk hlawka min kawkin, "i ngam thleng chu i thleng chhin dawn nia," Tih leh, "Bryan min rawn zui rawh u," Ti leh chuan a in her zui vah bawk a


"U Mampui, naupang chu lo ngaihtuah suh, ka Pa ka bia ang a, i hmu thei em em ang," Naupang rawn ban paha Tetea'n a tih chuan ka lo bu nghat nghat


Ivan lah chuan min kuahbet ran, " Bawihte, i Pi terual hian haw phawt rawh u, naktuk maiah school inluh tawh dawn kha," Ka thlêm pah deuh a


"Ka haw peih lo e..!" Bryan-an Tetea melh zauha a tih nung nung chuan ka biang, ka Nu minben na la thîp zet vanga harsa ti zeta nui luiin, "Bryan, upa zawk inih kha, tuawih tur," Tih leh ka ṭhu hniam a, "nizanah mintiam tawh kha," Ivan-a en a ka tih leh chuan ner nung nungin, "a nihleh weekend ah kanlo kal tal ang," A tih chuan ka nui a


"Umm keiman weekend ah ka hruai angche u, kal r'u le," Tih leh Ivan-a a rawn kai a, Bryan pawh lungawi hmel chiahlo a pensawn in, "Pate min hruai leh tak tak rawh aw," Bryan chuan a ti zui zat bawk


"A vahan nasa miah miah tak êm aw!!! Nu Êngi em em hi chu!" Inherin inchhung lam kan pan a, Hruaii a âng zui hlak hlak bawk


"Vur pangai a awm si lo va, hei hian dep rawh," Rinpuii Tui ûm min rawn pek chuan ka biang chu ka dep zui ve nghal vat bawk a


"Khatiang em em a nih kha keipawh ka ringpha lo hrim hrim a. Bakah, Lucy-i leh Zonuna te pawh inneih ni an sawifel vek tawh a, khati teh vak vaka, ui â ang maia rawn bauh khum te chu mipangai tih chi a ni lo hrim hrim," Rinpui'in a tih hlak hlak chuan, kei erawh a thusawi avangin ka lo phu deuh zuk, ka lungphu zawn a sa zui veng veng bawk


An innei dawn a ni tih hre tho mahila, inneih hun tur an sawifel tawh tih hriat meuh chuan ka la na ru veng veng mai


Rinpuii phone a rawn rik takah chuan, "ka haw san dawn che u a sin Mampui," Rinpuii en in, Ka biang tui ûma dep reng chunga en in, ka bu nghat a


"Naktuk kha dar 1 a nih kha aw," A tih zawm leh zat a, dawr luah tur min zawnpui a, chanmari lamah a hmu a ni âwm e

Hruaii hian a dawrah thawk turin min duh viau mahse, sam siam han zir ṭha leh tur leh anni anga profe tur chuan kum têl emaw zir angai ang a, hun ka khawh ral mai mai dâwn a ka hriat avangin, thawmhnaw dawr vel hawn ka tum ve chu a nia!

Biaktei'n Myanmar lam aṭangin China a dawr thei tho bawk nen, keiin Aizawl-ah dawra lo ṭhutpui ka tum deuh ber a, thiam dang em em neihloh nen, kum 10 zen zawn chhungpui Nu lo nih ve tawh bawk nen, tumah bulṭan ka'n tum ve rawih chu a nia. Engtak ang ang i maw?


"Umm, aw le, aw le, kal tawh rawh, inpa a lo ner leh nasa ang," Ka tih chuana ṭhutna aṭanga tho in, "Hruai, ka haw mai aw, ka kal," Tih leh kawngkhar lam pan a rual a


"A pumpui ṭhat loh tehlul nen hian hmarcha te hi a heh lutuk a, insum ve tur a nia," Rinpuii kal liam chu Hruaii'n a ti zui hlak hlak a, ka lo nui sun sun thung



Ka inluah tur pawh min zawn hmuh sakin, ka luah luh hma in Hruaii leh Rinpui'in anlo tifai vek a, an bungbel hmanloh mai chu sawiloh, oven leh fridge thlengin an lo hung lehnghal, hemi te pahnih hi chu ka chhawr ve ngawt mai, pianpui sawiloh cousin pawh pakhat chiah tak tak ka neih avang hian, ka ṭhian te pahnih hi chu ka unaunu ang tak tak an ni
.
.
.
.

"MamBawih, eng nge i dawr luah tur en te chu a an?" Call ka pickup rualin ka Pa in a rawn ti lang lang a, kawngpui sira ding ka ni bawk nen, motor tlân ri nen ka hre hlei thei lo


"Pa a ṭha viau chuan ka hria, a luah man to deuh mahse a zau ṭha a," Ka tih laiin,"i ṭawng hriat a har lutuk, kawng i kalpah em ni? Zan lamah kan inbe mai dawn em niang?" A rawn tih takah chuan, "Aw le, aw le," Tih leh off zuiin kawngsir a paratha kan chuan ka mit ala zui nghal tlat mai


Aizawl ka let hnu hian engmah ka ei hlei theilo mai pawh a ni lo, thil ei chakna ka nei lo hrim hrim zawk

kawngsira paratha kan chuan ka chip a ti rial nghal rawih rawih thei


Kawng kânin, ka pan zui hlak hlak a, ei tur ka chah rualin thingpui a rawn dah chuan ka lo ban vat a, ka ei chak em em ka hre si lo va, râwp viau ka ang a ni ngei ang, "muangchang khan ei rawh, i hâk ange," Nui vur vur in dawr neitu zawkin a rawn tih chuan paratha hmuam ṭawn chungin ka nui sun sun a


"A tui hle mai," Min rawn nuih ve sen sen tho, U Zoa ka hre chhuak zawk, kawngsir vela hetianga ei tur zawrh tui ati thei hle a ni kha


Arghhhh!!! Engvanga ani chu hre chhuak nge maw ka nih le?? Ka lu ka thing zui nak nak nghal


"U Mampui," Aw no nghalh mai ka hriay chuan thingpui no chawi kângin ka dak chhuak a


Ka hmaa Lucy-i ding ka hmuh rualin ka thilin ka phuh chhuaklo chauh, ka hak zui khak khak ta tho mai!!


"Tihpalh, ka ti phû che em ni? Ka lo ṭhu ve thei angem?" Ka chhan hma in a ṭhu tawh zawk


Diktak chuan, dawhkan khat kîl pui tur êm chuan ka rilru a ṭha in, ka hliam ala dam bik hauhlo a sin maw le


A nuisäng a, "eng nge ni ta?" Ka phun sep, ka thil ei pawh chawpchilhin a tuilo nghal thei; Amaherawh Lucy-i huatna em em erawh ka nei hran law


"Pangai takin kanla inbe lo êma, thilthlen dan hi a rang teh thut lutuk a, ngaihdamdil che hi ka ba in ka hria," A nui säng reng chu a fakawm letling zawk mah. A pasal ni mai tur nupui hlui leh a fa pai mek tu ka ni tih a hre lo emaw tih mai tur a ni


Nge ni a, mintih luihna ni zawk pawh ka hre lo. Mahse, chutiang tura hmeichhe rilru chhia erawh a nih ka ring chuang law


"Ngaihdam min dil a ngai hleinem, ngaihdam na tur che lah ka nei heklo," Tih leh ka eina man dawhkan a dahin, "ka ei bâng hi min fun sak thei angem?" Ka ti zui zat a

Lucy-i chu lo nui ri deuh hakin, " ni e tiraw, hmangaihna hi chu a mak a ni," Tih leh ka lamah card rawn lek chhuakin, "eng nge?" Tih en a ka en chu nuisang tho in, ka hmaa dahin a rawn nawr hnai a


"Kan inneih sawmna a nih kha, min rawn telpui ve hrâm dawn nia," A hmel pawisawilo zet leh nui hmel mawi tak kha, a ṭawngkam chuan a ti bâl zo. Heivang hi alawm, "i ṭawngkam chhuakin i hmel landan a siam e," Anlo tih ṭhin ni


"Minsawm avang hrim hrim pawhin ka lawm e," Tih leh pitartei'n ka ei bâng a rawn pack chu ban in ka ding chhuak nghal a, "a hmangaih thu a hrilhfo lakah pawh a rinawm zawhloh chuan, a hmeichhe hmangaih aia a thlan hmeichhe lakah chuan a rinawm zo dawn em ni?" Duhsakna tak tak, thinlung taka hlan ka tum vei nen, a nui hmel sawng leh ṭawngkam chuan ka thin a khei ve zak, Hruaii ka ang riau in ka hre leh ta nghala, ṭawngkam ba duh miah lo ang kha!



Lucy-i rawn meng dur nghal khup khup chu en in, "U Mampui ṭhatak khan lawmpuina min hlän mai theilo em ni? Inṭhen tur che u in ka ti pawh ni hek lo," A rawn ding chhuak a, a aw chhuak leh hmel ah chuan inthiamloh na leh a diklohna a hre miah lo tih a lang chiang viau bawk


"Kan pasal ten hmeichhe dang an mamawh a nih chuan, kan thiamloh leh kan pasal te kan tih läwm thiamloh vang a ni lawm ni?" Ka sarang khai chu nghet lutuk in ka hum a, ka kawchhung a rawn khur ru nghal der der bawk, ka tlawm zia chu pui taka ni, pui tak, ka dinna hmun hi chim thut sela, pil vawng vawng a nia ka nâp hial ni!!!


"Bawihi," U Zoa, Lucy-i hnunglam a rawn pen hnai chu thaw chham lek lek chuan ka en a, engvang nge ka hre lo, ka ṭah a rawn chhuak tlat lehnghal


"Honey...." Lucy-i bul a thlen rualin Lucy-in inti neitu lutukin a bânah alo chelh vat bawk, khu ral thei ila, khuk ral chem chem mai a nia ka duh ni.


"Bawihi helai ah te eng nge itih?" Ka kut a ka thil khai chu en in, ka dul a melh zui zat bawk a

Rang lutukkn ka dul ka lo dawmbet ve vat bawk, U Zoa chu thinphu dep depin ka en kar a, a accident-na vang kha a ni ngei ang, a cher duk mai alawm


"Honey..." Lucy-in a ti ṭhat, hre lo leh awmve lo ang maia awm in min en la ngur, vawikhat pawh Lucy-i chu ala melh eih lo


"Ei chak te i nei em? Na te inei em?" A hmel leh mitmeng a min ngaihtuahna lang chhuak en chung chuan, Lucy-i mitmeng thip leh ling hlar mai, alh chhuak lo chauh chu ka en leh zawk a, a â ta emaw ni le? Tih mai tur a ni, a sirah a nupui ni mai tur a ding ve reng a, eng nge maw a hriat le?


"Bawihi.." Ka chhan mai loh vanga min rawn pan hnaih a tum chu Lucy-in a bâna pawt betin kei ka lo tawlh hnung ve salh bawk


Tu emaw ka sut dawt rualin, ka kawngah bân hrawl zet mai a rawn in rawlh zui zat bawk a


Phawk fê a en chho ha chuan, "Ryan..." Ka phun sap


Tâl chhuah tumin ka tâl zui phat chu a taksa si cheta min pawt hnaiin, ka kawng chu a hmer zui salh a, en erawh min la en hauh lo thung


A hmai phel chauh chu dak hau chuan ka en chho a, a mitko kak leh khabe ruh pawng ṭawl mai chu en a hreawm viau in ka ring


"I kut kha dah sawn rawh," U Zoa aw chang rat rat zia chu!! A ring hauhlo na in a mar takzet thung


Min kuahna kut chu phelh ka lo tum ve ngar ngar bawk a, ka tha te zawngin e...a kutzung tê pawh ka ti kau zo eih lo

"U Zo..." Lucy-in thinrim si, ṭah aw ṭuau in a rawn ti ṭhat a


Thil ei ve dang leh min kal pel tu te chuan min en zui haw haw hlawm, a dawr neitu ber pawh chuan hmuhnawm thlirin nia min thlir tawh ni


Ryan chu ngeiawm lutukin a nui hul hak a, "i hmeichhia kha buaipui la, ka hmeichhia erawh keimah in ka buaipui thei," A tih zawh rualin ka nghawk zui sawk, engthu lawi lo nge maw a sawi vak vak hi le?


"Lalramnghak.." U Zoa chuan a rawn khawih mai ang tih hlauhawm tak a ni


Ryan-a kut chu ka tha zawng zawng sàwm khawmin ka phelh sawk a, ka thaw zui kawk kawk thei


Rum lutuk a en tawn in ka in her sawk a, ka pen zui hlawk hlawk bawk, zahna leh thinrimna in min tuam hlup hlup a, ka thlanfim te chu a tla lo chauh bawk


"Rawn kal kan tum dawn nia," Ryan-a aw chu ka hre hma zuai tho, eng nge a sawi erawh ka hrethiam chuang law


"Muanpui," ka hnungah min rawn au a, ka kal ngai leh pen ngaiin ka pen hlawk hlawk tho



"Ding teh," Min rawn pawther sawk a, mittui tling pamin ka lo en thung


"Hei..hei...hei.. I ṭap elaw, ka tihpalh," Ka bân a vawnna chu rang lutuk in a thlah a, min vawnna vang erawh a ṭah chhuak ka ni hauh lo

Ka pasal hlui leh a nupui ni mai tur hmaa zaktaka ka awm vangin ka nâ te pawh a ni mah na le!


"Lo kal teh," Tih leh ka bâna rawn chelh lehin min pawt kal dat dat a, ṭan buai pawh ka tum ta lo, U Zoa te pahnih in minla thlir reng tih ka hriat vang te pawh a ni mah nâ !!!


"Lut rawh," A ti nghut a, ka hma a car dum nalh leh fai tliang nalh zet mai chu mit hnawm chapin ka en a


"Lut phawt teh," Ti leh hapin a mah zawkin min nawr lutin, kawngkhar a khar zui khap bawk a, a bawp sei zet mai pen pawk pawk a car kal hualin a rawn ṭhu lut zui zat bawk


Car a tih nun rualin ka malah, nichin maia Lucy-in inneih sawmna card min pek, ka lak duhloh chu rawn dahin, "tikhan kawl rawh, i pasal hlui saw nupui nei mai tur leh, pawmlai nei mai tur a ni tih hriat reng nan," A ṭawngkam ngeiawm zet mai chuan ka thin a ti sa phat mai


"Car ti ding rawh, ti ding rawh," Ka ti tuar a, ka thusawi chu hre lo ang maia a tlân ngaia tlân in, hma lam a en ngur bawk, ka aw ki vin chuan a thin ka ti rim emaw tih mai turin, a steering vawn na bân chu a rawn pawng ṭawlh ṭawlh a, a bek leh khabe ruh pawh a rawn ruhin, a rawn pawng zui ṭawlh ṭawlh bawk, sakawlh thinrim insum a ang mah mah zawk


A taksa a lian in, ka hmuhloh kara a khbe leh biang lo hmul thur mai te, a lu mehdan, tunlai ṭawng taka Samurai hairstyle antih te nen chuan alang lian zualin, a hlauhawm zual viau bawk


"Ryan...." Ka ti leh ṭhat chuan, "Ngawi reng khan ṭhu rawh," A rawn ti hrawk mai chu ka lo ip chawih thei, a aw khauh leh mar ṭha lutuk mai chu Volvo kar lian lutuk chhungah chuan a khat zui rum rum mai



Ka lung a rawn phu zui dup dup a, ka kawchhung a khur ru nghal zawih zawih bawk, khawilam nge min panpui pawh ka hre lo

Mit khap fak fak leh thaw dep depa hawi chhuakin, "engtin..." Ka chip leh ta zawk a, engtin nge ka inluah na te a hriat zawk?

Car a ti ding dat, chhuah nghal tum chuan kawngkhar chu hawn mai ka tum a, ala unlock duhlo lehnghal !!!!


"I pasal hlui leh a chhungte hmaah mi â ang maiin dingtlawn zuar tawh suh angche," A rawn ti nghut chu mak ti zetin ka en a



"I rilru a awm leh dik itih ang khan chhang let rawh, hmeichhe â lutuk mai," Ti zui leh hrawkin kawngkhar chu a hawng ri khap a, "chhuak rawh," A ti zui hluk bawk


Eng nge maw a thinrim em em le? Keimah zawk hi thinrim tur ka ni zawk lawm ni? Engvanga ani chu lo thinrim ve ringawt nge maw a nih le??


Muangchangin, a awmdan hrethiam lo zet chuan ka pen chhuak a, nichin maia ka thinrimna kha Ryan-a thinrim na chuan a leh thal hmak a niber


Ka chhuah fel ruala, kawngkhar kharin chak lutuk in a tlan chhuak zui fua a, mit ka lo chhing sawk bawk, muangchanga mengin Ka thaw chhuak zui hawk bawk a


Ka kuta inneih sawmna card en chuan za lo zeta nui seihin, ka dul chu muangchangin ka dek a, "Bawihte, an inneih ni ah chuan thinlung takin kan lawmpui ve thei tawh ngei ang tiraw?" Ka phun chhuak sep, ka mitthla ah U Zoa hmel a rawn lang a, Lucy-i dul a rawn lang zat bawk, kei aiin a thla in a naupai a U zawk tih ka hria, a pawng ve dek dek tawh a nih kha maw le


"Vanduai, vannei" antih mihring chu ka nita in ka hria, a ni lawm ni??? Ka pasal ka châna, ṭhenkhatin "mahni pasa venghim zo lo," mintih laiin ka pumchhunga ka thisen leh thawk ringa nunna insiam mek awm hian, ka hmangaih mipa, ka pasal chân maila, malsawmna ka dawng tel a ni tih min hriat tir tlat a tin ni!!



<><>~><


(NOTE : Kar 2 chhung chu damlohna vangin ka chawlhsan che u a, min hrethiam a, dawhthei taka minlo nghahna ah ka lawm takzet zet🙏 buaina leh harsatna dang a awmloh chuan rawn regu ka tumve leh dawn nia aw💞💚)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:24 pm

PRESENT PERFECT
By
Floria Laldansangi



Chapter < 16 >


MAMPUII....POV


"Lo lut mai mai teh u a," Hruaii kawngkhar rawn kik ri vak vak chu, inchhung aṭangin ka au lawng lawng a


Rawn nui lut vur vurin, "nizan i mu thei maw? Chhûn lamah dawr chu enpui che ka tum ve nen, ka hman ta ngang si lo va," A rawn insawifiah nghal zat zat bawk a


"I daw lutuk Lalhruai, i bialpa nen inlêng a nih kha a, ka hmu che u," U Zuala te nupa rawn inzui lut chuan an rawn fiam lut nghal zat a


"Ka duh lo' kha iti emaw tia Hruaii, vawiinah in inzui leh ang det det a," Rinpui'in ka bula rawn ṭhu pahin a ti ve zat bawk a


"A awihawmloh e!! Hna kan nei tak tak alawm maw le," Hruaii'n nui vur vur a tih leh, "bakah, hmeichhia hi chu kan rilru a no zawk tlat a, mipa in min han chul hliau hliau a, min nâwk, min nâwk peih hi chuan kan duh vakloh pawh hi, reilo ah kan duh chawp ve zel mai alawm, tiraw Mam?" A tih zawmzat a, min rawn en chuan ka nui ṭhû ringawt



"Kha Mampui i dul ava kiar tawh ve nangpawh chu; Mahse, i lang sexy zawk tlat," U Zuala tak hi chu aw!!


"Lan pawh ala lan eihloh hi a," Ka tih chuan a nui huk huk a


"Kan han fiamthu hluai tak a, raino te ila na em?" Thutak zawka U Zuala'na rawn tih leh takah chuan ka lu thing deuh mat mat in, "amak lutuk, han huat emaw luak chhuak vak vak ang kha ka nei lo reng reng. Mahse, tunhnai tê aṭang hian sawhthing hi ka haw thar riau a," Ka tih chuan annu melh zauhin, "in anloh theih hle mai," A ti zui sup chu kan nui zui hak hak a


"In ang nang, keia naupai ve kha zawng, mo sual laileng an sawi ang mai kha ka nia, Benjamin-a ka pailai ngat phei ka chuan, ka Nu(Zuala Nu) hmel
kha ka ngei tlat pek a, thla 4 chuanglai chu In-puiah pawh kan kal loh kha,” Nui kur kur chunga a sawi chuan ka mitthlah ah a rawn lang, U Zoa pawhin, “raino haw ve lo hram rawh aw,” Mintih phah kha maw le, Rinpuii rai no zet kha chu anpa leh a chhungte chauh ni lo, keini lam thleng thleng khan anih kha kan buai ni


"Nge maw i hmeh kual reng le? Mit iti kham?" U Zuala chu kan en zui hâ a


Annu en pahin, "vawiin lama ruang chhar kha News vela alan takin ka ti deuh maw le," Tih leh remote chu a dah thla a, "a mak hle mai, social media velah pawh post a awm bawk si lo va nge ni a ka hmu ve lo zawk?" A ti zui niah niah bawk a

"Tunlai kan Zoram dinhmun chhiat zia tilang tu ah ka ngai, kum 2/3 chho aṭanga mitthi ruang chhar tihvel tam zia hi, inlo chik ve ngai em? In sawisak hlum tih ang reng te a awm ta nuk mai hi makah pawh a kal pha tawh lo. "Ruang chhar" han ti ila, "a pawi hle mai" tihbak hi han chhui zuia, bawhzui te a awm ta mang pawh hian ka hre lo a nia," Hruaii'n a rawn tih ve tak ah chuan ka lo bu nghat nghat a


"Kum kalta em ni, tlangval pakhat, mi insual a ṭhelhna lama anlo sawisak hlum tak kha? Kha case te kha ti hian a riral chu a ni mai sia, chhungte tan rilru hi a dam mawh dâwn hian ka hre lutuk a," Rinpui'in a lo tih veleh chuan, a thusawi chu ka lo hre veleh peklo reng reng


News-ah an puang ngawt te a nihloh chuan social media lam hi ka lut khat lutuk a, ka hre chhunzawm lem lo, case an chingfel daih tawhah ka lo ngai zawk a


"Pawnlam em ni ri hrut hrut awm chu?" Rinpuii chu ka en a, Hruaii leh U Zuala erawh an ti ti zui mawlh mawlh


"Ka va hre lo ve," Kawngkhar lam chu ka dâk deuh a, "ui emaw zawhte emaw vel an niang," Ṭhu ṭha paha ka tih chuan ngaihṭha zân lo tih hriat takin, "mitthi ruang kan sawi vang nge ni? Na tuar ri ni âwm tak te ka hria in ka hria," Za vak loa nui chunga a tih leh chuan, "i dawih lutuk Lalrin," Hruaii'n a rawn ti zui zat, kan lo nui hawk hawk thung. A ni ve tho mai, kan pathum ah hi chuan Rinpuii hi a dawih ber zel a, horror movie te hi a ngaina ve si, a hlauhawm lao zawng skip zo ṭhak zel ang kha a nia


Ri deuh hrut chu ka hre tho nâ in, ui emaw zawhte emaw an nih ka ring


Kan han ti ti niah niaha, an haw dawn meuh chuan dar 10 a ri thuak mai, "naktuk lam chu lunglei lamah phei kan tuma, dawr i luah luh dawn velah ka rawn pui hman ṭawk angche," Rinpuii te haw turin car chhung aṭanga a rawn tih leh chuan ka bu nghat a


"Keipawh min hrethiam rih mai teh, dawr thar ka hawng hlim leh nen, ka indaih hleitheilo Mam," Hruaii chu ka en a, "Keiai pawimawh an awm in ka ring ta tlat mau," Ka fiam ve ta zauh chu, rawn nui chhuak uar uar in, "awiii..! Awm pawh nise a hun ve tawh alawm, kumin hi chu nulat tlang ka tum tawh bik miahlo a nia," Uar zet a tih leh a nui tak ang uar uar a, keini ho pawh chu kan nui zui ve ta hawk hawk a




An tlân liam thleng chu en zui vawng vawngin, boruak hit deuh vur mai, thiang kak mai chu hip vang vanga thaw chhuak ham ham chuan, chhunlam a H Zoa hmel ka hmuh bawk kha ka mitthla ah a rawn lang leh, kumthar boruak vel nen ka lung te hi a leng ve reuh emaw ni?


Ka awmdan duhlo zeta lu thing mat matin, muangchangin ka in her a

January thla ala ni bawk nen, ala vawt vur vur khawp mai, kan khua ang êm erawhin a vawt lem lo, kan khua chu a! A vawhdan hi a vawt vín tûk zel!!!



Khawvawh avanga thaw khu hlat hlatin inchhung lam chu ka pan a, thui pawh ka pen hma in ka hma ah taksa lian lutuk rawn ding zawt ah chuan hnunglam ah ka kat dawrh, ka rak zui ṭhat bawk


Ka din ṭhat hmaa min si lek leka rawn ding zui ve zatin ka kâ a rawn hupbet a, "keimah Ryan," Ka lungphu rang lutuk chu, a thum dup dup a, ka thaw em pawh ka hre lo


Ka kâ a hupna kut chu a hnawmchap a, thisen rima thâng hum hum chuan ka kawchhung a ti let nghal rawk rawk bawk


Ka kâ a hupna kut chu na lutuk a vai thla sawk chuan ka uak nghal tuar tuar a, "i ṭha em?" Ti supa a sira chil chhak ri thlawrh chuan ka hnungzang a rawn chul a, lo beng sawn pahin, mittui tla phunga en chuan, "engthil..." Ka uak lehnghal tuar tuar, pawn light in a chhun, a hmel leh thisen rim chuan ka kawchhung a hai let buan buan a ni ber


Pumna leh mittui tla phunga ka uak hnua ding chhuak in, ka hawi chhuah meuh chuan ka inchhung ah alo bai lut suih suih tawh chu ni in!

Ka mittui hru nawk nawkin inchhung lam pan chuan ka pen zui ve nghal hlawk hlawk a

Inchhung ka luh rualin, "Eng nge...." Ka pum bawk chu aw!!! Ka kâ ka ân ruala ka kawchhung inlet nghal but but zel chu ka haw ru vuai mai!

Ka kâ chu ka'n hupbet lai lawk a, ka pam rawn hawi a, a bânpuar, a hliam tawrhna lam ni ngei tur, veilam chu dawm paha, a kâ thisen vanga sen vâmham mai nena rawn nuia a, rapthlak ti lutukin ka lo en thung, a nui hmel chuan ka tiril ah min man nghal ngut ngut mai

"ka in hrukfai na tur minpe thei angem?" Ta deuh deuh a, a vahan zak lo êm!!! Engvanga hliam tuar nge a nih pawh ka hre lo a, hmeichhia, keimaha awm ka ni lehnghal. Bakah, a landan hian minti ṭim ur ur lehnghal a



"Damdawiin pan ta che, helai hi clinic emaw pawh a nih loh hi," Ka inher deuh a, TV lam chu ka en zui ngar, a kuta thisen kai nuaih mai leh a kawrvar thianghlim zet mai, sen ta nuaih mai kha en harsa ka ti. Ka pum lah chu, ril ṭam vang ni miah si lo vin, a ri zui ang rawk rawk bawk a



"Muanpui," Na tih hmel zetin a rawn ti sup a, chet erawh ka la tum chuang law


Ka in hi clinic pawh ni hleilo pui chuan! Bakah, a thisen kai tam lutuk saw en hreawm ka ti, ka tiril ah min man a, min râp tlat bawk


Thaw ri deuh hrawih chuan, thawh a tum emaw ni, a che ri deuh hruih a, "rawn en pah che ka duh a," Tih leh ding chhuakin a pen sawn ri zui hrut hrut chu mit chhing sawkin, ka chil ka lem khalh a, "sahuana ransa ka nihloh hi, en ka mamawh lo," Ti lui veleh kher chuan inher in choka, tui awmna lam chu chak lutuki ka pan a, a nui ri suk chu ka hre hman tho


Chawhtawlh a tui dahin, vawiin lama thlêng (dish) vel hrukfai na tur a towel ka lei thar ho, dawhkana awm chu pakhat ban pahin, Ryan-a ṭhutna lam chu ka pan leh a, a t-shirt hak a lo phelh tawh chu ni in


A hmaa chawhtawlh hung in, "intifai la haw angche," Ka thusawi chu hria ang pawhin a awm lo, a kut na lo lama towel ti huh chuan a bân thisen chu muangchangin a hrufai a, a ner deuh sawk sawk bawk


Lo ner pui ve sung sungin, ka thaw dep dep bawk a, hetiang taka hliam tuar tur hian eng buaina nge maw a neih le? Mizoram a awmna ala reilo ropui mai si a, tunge maw a tih thinrim ni?


"Ka car-ah Whiskey min va lak dâwn em niang?" Ka phu deuh zuk, a lo kiai suk thung


Thaw la kawkin, "hetah zu...."


"Ka hliam hrukfai nan ka mamawh alawm," Ka sawi zawh hma in a lo ti zui sup a, nâ hmel pawh a pu leh tawh lo ; Mahse, a chal leh a taksa sek leh in phiarfat mai, uluk taka remkhawm leh dûan emaw tih mai tura mawi, ni sa em ṭhan tih hriat taka eng deuh kharh a, thlanfim bawl sep sep chuan a hliam tawrh chu a na hle a ni tih ati lang chiang viau thung


Ka lama car chahbi ni âwm tak a rawn theh chuan, ka lo ip deuh chawih a, "chhuak vat tura min duh chuan i kal vat a ngai a nia," A hliam chu a melh zui zauh a, a kiai zui leh suk bawk, ka vawm let ṭawk dawn emaw ni zawk le?


Engvanga nawr chhuak mai lo nge maw ka nih le?

"Ka chem kha rawn la tel angche," Kawngkhar ka thleng tawh, ka ding dawt, pawh din ang mai ka ni, rang lutukin ka in her a, min en chuang miah lo vin, "ka mamawh alawm," A ti zawi sup lehnghal!!!

Lalpa lehh!!! Eng buaina ah nge ka luh hi? Police zawnlai te hi a ni hial lo'ng maw ka ti ta rum rum mai


Pawn ka chhuah ruala car chahbi hmet chuan, kawng chhak lama car chu arawn eng va va a


Pan hnai a, kawngkhar hawng chuan seat hnunglam a Whiskey um chu ka ban zui zat, chemte a sawi chu melh kualin, ka thil hmuh avangin seat ah chuan ka bawk lut rawk rawk lo chauh a ni

"Silai" ka phun chhuak sup, ka thaw em pawh ka hre leh tawhlo, ka lungphu a rawn rang zui zawih zawih a, inchhung lam melh ṭawk ṭawkin, "eng mihring nge anih?" Tih zawhna leh, "U Zuala ruang sawi kha a thah a ni angem?" Tih ka rilru ah a rawn lang nghal zut bawk


Ka lu thing nawk nawk chuan, "a ni lo ang, chutiang a tualthat turin ala naupang lutuk, kum 25 chauh alawm ala nih le?" Ka rilru a ti mawlh mawlh a, inhnem chawp ka tum viau na in, min hnemlo nasa mai, inchhung lah chu, ka In mah nise ka lut hreh ta riau lehnghal


Pawnah chuan ka ding deuh vang vanga, Rinpuii te nupa ka call mai dawn em ni? Tih te ka rilruk rum rum ta lehnghal. "Engpawh nise minti na ve kher nang" tih rilru pu ru chung leh thinphu ru dep dep chuan inchhung chu ka pan a


Ngawi renga whiskey leh chem chu pe in, ka tawlh sawn zui vat chu, a nuih a za a ni ngei ang, nui ri hukin, "min hlau em ni?" Ti thûm dût chuan whiskey chhin chu seh hawngin, a bân puar sek laitak, vihna ni chiahin ka hre si lo, kah hliamna ti dâwn ila ka rin ngam chiah siloh ah chuan, whiskey chu aleih baw zui thlawrh thlawrh a, rum ri hrawihin, chil lem khalh chuan, a kawr thisen kai nuaih tawh chu la kâng a seh betin, chemte hmawr zum, hriam ṭha lutuk tih hriat tak mai chuan a hliam lai chu a chhun tehreng a nih chu!!!




Ka lo ip chawih a. Rang lutuka inher in, "engthil nge tih i tum Lalramnghak?" Ka ti zui ṭhat bawk, movie-ah te ka hmu ve fo ṭhin. Mahse, a tak ngeiin hetiang thil ka hmuh hi ka mang lamah pawh ka mang ngai lo


Thaw ri hrawih hrawih a, rawn rum chhuak hrawih in, eng emaw tla ri bal mai ka hriat chuan, alam hawiin ka in her leh a. Lalpa leh!!! Phawk lutuk in chawhtawlh a, tui sen nuaih chhûnga silai mu ka hmuh chuan ka khawng nghal awt thei


Ka chil ka lem ri khalh a, muangchang leh khur ru dar dar a Ryan-a en in, "Tunge inih?" A bak sawi tur leh zawh mai tur ka hre lo

Min rawn en a, a mit sen râm mai leh thla tla hluam mai, thaw ri hrawih hrawih chuan minti ip chawih chawih thei bawk


"Ka kut tuamna tur hi inei em?" Ka zawhna a chhanglo a, a mit sen tak mai chu a ti zîm zui sän bawk, hnial pawh ka hnial ṭha nham ta lo chu a ni ber e


Thaw la kawk a, thaw chhuak ham ham in, room lam chu ka pan ve leh mai a, buaipui emaw a mamawh pe dâwnlo ila, a ni thei bawk si lo, min that mailo ang tih ka hre miah lo a tin ni


Bandage kha kawl lai ka nei tak em maw ni? Room a lutin Bandage chu ka zawng rak rak a, Ryan-a chuan tu emaw call-in a bia tih, a ṭawng thum dut dut ah chuan ka hre thei


Bandage chu phawrh chhuak in room aṭang chuan ka chhuak a, "Roberto, ka that ang tih ka tiam loh che kha, i lakah thutiam pakhat mah ka siam hauh lo," Ryan aw chang zet maiin a tih chuan ka penlai ka tawp chat


Min hnung chhawn zawngin a ding a, a taksa lian leh inkhai fithla zet mai, dar pharh ṭha zet chu hnunglam aṭang pawhin thlir vawng vawng tham a ni; Mahse, ka mit ah erawh Mipa a ni pha chuang law. Tetea ka en angin ka en tih ka hai mawlh lo bawk


Ryan chu a nui hul hak a, "ka buaina a nih loh chu, nang leh special agent Zonunmawia buaina chu i kut in i chingfel dawn nia," A ti hul hak chuan, na lutukin min deng dawt thei

U Zoa hming alam zawh rualin ka bandage kenlai chu chhuat ah ka thloh nghal dat a


Hnunglam ah tawlh hnung hretin, "eng nge a sawi awmzia?" Ka phun chhuak sep bawk


"Roberto, kan inhmang dun a ni lawm ni?" Tih leh ka lam rawn hawi a ruala, ka hmel dang lawp lawp mai a hmuh ruala a phone chu la thla in a off zui nghal zat a


"Muanpui..." Sofa kal hualin ka lam rawn pan a tum chu, "U Zoa accident tawh kha itih a ni em?" Thaw hlawp hlawp leh thudik a ni ang tih hlau ru zet chung chuan ka ti chhuak ṭuak a


"Muanpui, min ngaithla rawh," Min rawn pan hnai a, ka thawlh hnung ve hret hret bawk, ka hlau a ni, zep rual lohin ka hlau a ni he mihring hi!


"Eng nge i duh? Ka lak aṭang leh U Zoa aṭang hian eng nge i duh?" Ka mittui tla tur chu ka khap let sak sak bawk, ka tiril ah min manbeh tlat avangin, ka aw thlengin a thâm leh zo


"Chutiang a ni lo," A ti bul hluk a, "kha ti khan min en suh," A ti zui hraih bawk


Hlauh hmel taka ka en na chuan a thin a ti rim tih hriat takin, a inseh ruh nghal ṭalh ṭalh a


Kawchhung khur dar dar chuan, "min chhuahsan rawh," Ka aw chu a chhuak ṭawk ṭawk, U Zoa chetsual na avanga ka indem na leh ka tawrhna zo zai te, tun hun, vawiin ni thleng hian mahni indemna in ka la awm a sin


U Zoa ka mitthla ah arawn lang a, lo thi ta se? Tualthattu ah ka indah hmin hmiah dawn a sin!!!


A hmel leh hliam en lah chuan a vawikhat tihna leh tualthahna a ni lo tih a lang reng mai bawk si. Engtin nge ka fa Pa thah tum tu hi zanin hian ka lo buaipui theih zawk? Thi ta se ka fa hian "Pa" ti a koh tur a nei dawn reng reng lo a sin


"Hreptak che hian Lalmuanpui," Ti kha hrawihin min rawn din hnaih zat a


Ka dar tawn tawn a na lutuk a ṭhám zui chuan, min thing nawk nawkin, "khatiang mitmeng khan min en phiangsen suh ka tih kha," Ti thum hrawih in, "insual mi ka ni, tualthattu ni lovin," Kha lutuk leh mar ṭha zet mai, nghet charha ti chhuak leh hraihin, ka dar a hmerna na hit mup mup chu thlah thutin, hnunglam ah min nam kat nawk a


Kat deuh nawk nawk chuan engtik laiin, dining table ka hunna ka thlen ka hre lo, dawhkan nek rawk rawk chuan, dawhkan tlâng vuanin ka ding khur zawih zawih a


Chhuak tura au khum chiam mai ka duh laiin aw chhuak tur ka nei lo a, ka lei leh hmui lah chu char beh ang hmiah an ni, an che thei dêr lo


Thinrim in hrosa tih hriat taka sofa chu chum datin, a chhip sam a tuai puat a, mit mitmeng, thisena tui hal tih hriat tak maia min rawn en hrawk chuan, "tualthattu ka ni lo tih fiah nan, tual dang ka thah a ngai lo. I hrethiam em?" A tih leh hrak chuan ka thaw em pawh ka hre tawh lo, ka thaw tawh lo zawk hialin ka hria


Nghet lutuk in dawhkan tlâng chu ka hmer ngawt ngawt a, a thusawi chu ka hrethiam lo mai pawh ni lo vin, hriat thiam pawh ka duh hek lo

Chiang taka ka hriat erawh chu, he mihring hi ka hlau a, hla taka tlân chhiat vawn vawn mai ka duh tih erawh chiang takin ka hre thung. Chutiang tur erawhin chetsawn sawi loh, ka ke hi 1inch pawhin a tawlh sawn thei lo, ka din na hmun ah chuan zung a kaih ta emaw tih mai tur a ni



"Muanpui..." Mit chhing sawka thaw hrawih hrawih chunga min rawn pan hnaih a tum chu, hlauhna a khat leh mittui nen ka lo en ngawih ngawih a, bek pawng ṭawlh ṭawlh leh kut hum ruh ngar ngar chunga min en run run chuan, chhuat a bandage tla chu phih sawkin vung lutukin kawngkhar lam chu apan pawk pawk a



Kawngkhar na zeta arawn khar rik bur rualin, ka thâ ṭhum nghalin, chhuat ah chuan ka ṭhu thla hnawk bawk


Ka mittui rawn far fep fep chuan, boruak a tam thei angber mai hip tumin ka âng hlawi hlawi a, boruak chu ka kham lo nge, duh angin ka hip thei dêr lo


Mit ka chhing sawk a, muangchanga boruak hîp lehin ka thaw chhuak leh ham ham bawk a, ka taksa na nghal ut ut ah chuan ka ṭan zia ka hre chhuak zui nghal zat bawk


5mins dâwn lai chhuata ka ṭhut hnu chuan, muangchangin ka in beng kânga, Ryan-a kalsan tak, a in tihfaina hnuhma lam chu pan chhat chhatin, chem leh thisen ka hmuh chuan ka mit chhing sawkin, ka thaw chhuak hawk bawk, kawngkhar lam thinphu dep dep a en lehin, "tu chiah nge maw inih le?" Ka phun zui sap bawk


Mahse, chiang tak erawh chu mihring hlauhawm leh tualthah mai pawisalo thinlungpu a ni tih erawh ka hre thung



<><><><>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:24 pm

PRESENT PERFECT
By
Floria Laldansangi


Chapter < 17 >




ZONUNA...POV



"Sir, kan zui lut dawn em?" Ryan, Mampuii in luaha alut lai chu, ka silai nghet zeta hum ngawt ngawtin ka en a, ruh lutuk in ka inseh ruh bawk


"Sir..." Thaw ri hraihin, "a ṭul lo," Ka ti bul hluk chu, "i chiang maw Bawiha? Heiai hun remchang a awm dâwn lo a nia, zanin a kan man lo a nih chuan a tlanbo leh mai ang," Thaw la kawkin, ka thaw leh chhuak ham ham a


Inher in Sangkima en chuan, "Mampuii kan tihlau thei chuang hleinem, haw tawh rawh u, helai chu ka lo buaipui ang, vawiin lama ruang chhar kha a chanchin kimchang ka duh bawk a nia," Sangkima dar ah chuan ka beng thak a


Mampuii in lam bawk hawi leh chuan ka en leh deuh vang vang a, "Damdawiin i chhuah aṭangin hahdam ila nei lo a nia, nupui nei mai tur ini a, hahdam la a ṭha lo maw," A nui zui tut tut a, kei erawh ka lo rum nghut thung, nupui a sawilai chuan rehbeh ang mai ka ni

Sangkima lam hawiin ka melh deuh hrawk chu nui hukin, "ok, ok, ka fiamthu a nih kha," Nui huk huk chunga tih leh inher in, "car-ah sawn first-aid kit a awm kha, i bân kha tifai angche," Ka bân, Ryan-an a tai thlerna chu melh zawka a tih chuan ka bu nghat a


Sangkima te ho haw hnu chuan car ah lutin ka bân, Ryan-a nena kanin beihna lama ka hliam chu ka tifai ve nawk nawk a, ka rinai takin a thûk daih lehnghal!!!


Inchhung aṭanga Mampuii rawn chhuak chu en rengin, luh leh chu a hreh hmel takzet bawk, a in kawta a din deuh vang vang takah chuan chhuakin, pan hnaih ka tum a


Car kawngkhar a ka pen chhuak tur, inchhung a luh leh takah chuan muangchanga ṭhu lut leh in, "a ti na lo angche," Ka phun sap



Ka phone rawn ri zui ah chuan ban vatin, "Sir," Ka pickup rualin ka ti sup


"Major, i hliam tih ka lo hria a."


Ka hliam melh zauhin, "engmah a ni lo ve," Ka tih sup chuan, "Good, ka rawn call chhan che chu, kan thudawn danin Mizoram ah CID-in case buaipui turin an nau te an rawn tir a ni âwm a, thawhpui tur che in, ka duh che a ni," Ka ṭhu ngil nghal at



"Mahse Sir..."


"Mahse, a awm lo Major, thupek a nih chu, " Thupe tih hriat taka a tih chuan thaw hakin seat hnung chu ka ngheng dat a


"He case hi a rang thei angbera kan chingfel lo anih chuan, nunna tamtak kan chân zel dawn tih i hriat kha, Mail hmangin kimchang ka rawn thawn tawh che a, lo en angche," Tih zawmzat a off in, Mail ka dawng ri zui zat bawk


Ka Mail dawn open chuan, ka meng zui kawk a, "Ryan..." Engtin nge a nih theih, a ni hi CID spy maw a nih a? Mahse, ka hriat chinah Roberto a hnuaia thawk ṭhin leh tlangval rothap ve satliah tak, mi pawmlai ngaihzawn vanga college aṭanga hnawh chhuak satliah emaw ka tia!!!


"Ryan Amit, Indian-australian, kum 25 mi niin, kum 3 liamta khan UPSC pass-in CID a zawm a ni," A BIO ka chhiar chu za lo lutukin ka nui hul hak a


Mampuii in lam hawiin, "engtiang a tam chiah nge ka chanchin, ka team leh ka case chhui lai hi i hriat," Ka ti kha hraih bawk


Mihring hriat thiam har tak leh kei ngei pawhin a, ka rin phakloh mihring a ni tih erawh ka chiang ta viau thung


Ryan thinrim tih hriat taka rawn chhuak ka hmuh chuan, ṭhu ṭha in chiang zawka ka hmuh theihnan ka dak chhuak deuh a, car tinung chuan chak lutukin a tlan chhuak zui zat bawk a

In lam hawiin "Mampuii hian a rawn hnawt chhuak em ni? " Tih ka rilru ah a rawn awm zui zat bawk


Ka hriat ṭhin hmeichhia, ka hmeichhe hmangaih sawn, mipa satliah a inchhung ah zan a riah tir dâwnlo tih ka hre rêng a ni, hliam tuar, a hliam chhan a hriatloh ngat phei chu!!!!

Keimah chuan awmze nei lo vin ka kiai suk a, engvang a hlim ru em em nge ka nih phei chu ka hre law


Car chhungah ka lo chhing sek hman a ni ngei ang, ni zungin ka hmai a rawn chhun chuan meng chhuakin, Mampuii In lam ka hawi nghal vut a, kawngkhar a lo in kalh diam tawh, sana en in ka thaw zui halh, zing dar 10 a pel thuak tawh alawm maw le


Car tinung in, Sangkima call rawn lut chu ka pickup zui zat a


"Call i va la thei lo ve, tunah office ah rawn kal teh," Tih leh ka chhan na pawh nghak lem lo chuan a off zui zt bawk


Steering herh kualin, kan tawmbuk, office tia kan sawi ve ber lam pan chuan chak lutukin ka tlân nghal a


Kan office ka luh ruala, chair-a hahdam hmel zet a ṭhu ar ar mai Ryan ka hmuh chu ka ding dat a, Sangkima te ho an lo ding ṭhap bawk


"Engthil nge ni?" Tih melha ka melh chu Sangkima'n a dar min san khum ak in, "CID spy a ni tih i hria em?" A ti zui sup a


Sangkima chhang lo vin, Ryan chu ka pan hnai a, "engthil nge i duh?" Chang rat maia ka tih chuan min ner khum deuh nangin, "ka duh minpe thei dawn em ni?" A nui suk a


"Bawiha that law law mai ang," Sangkima'n a rawn ti ṭhak, "nizanah khan engvanga min attack nge inih?" Hlua'n a lo ti ve zat bawk a


NUi ri hukin, "min rawn bei hmasa zawk a ni lo maw?" A bân ka kah hliamna melh zauha a tih chuan ka thaw hak


A sawidik, ka kâp hmasa rêng a ni, "engtin nge helai hmun hi i rawn hriat?" Mit zîmsan in ka en a


A hmui hnuailam ti pet zauhin, "zawhna diklo a ni i zawh ni Major. Tunge inih tih hriat hnu chuan in tawmbuk tereuhtê zawng chhuak turin darkar tam ka mamawh hran hleinem," A hmela hnehtu a intihna chu hnek sawk mai ka duh



"Major, helai hmuna ka ṭhut chhan hi i hria ang tiraw? Mahse, i team a ka awm erawh beisei suh. A chhan chu, keimahin ka thawk chak zawk," A kiai zui nawk a, thamlo lutukin ka Team te chu a melh ralh ralh bawk, a hmel leh ṭawngkam ah chuan ka team te a hnuaichhiah zia alang chiang viau bawk


"I lei kha veng ṭha," Hminga'n ti hrawk a, pan hnaih a tum chu


Nui suka ka kut lek chhuak zauhin , "engtin nge ka rin theih angche, i Boss hlui(Roberto) mah i phatsan duh chuan, min phatsan dâwn lo tih hi," A rawn meng dur nghal khup khup a, ka lama rawn hnaiin, ner sawk sawk chuan, "chu erawh ka buaina a ni Major. Mahse, hei erawh ka tiam thei che, nang anglo takin ka rinawm tih hi," Hna chungchang a sawi lo va, kei leh Mampuii inkar a sawi a ni tih ka hriat chuan dawhkan chu ka chum ri dawt


"Lalramnghak...." Silai phawrh chuan ka tin zui vah a, min hläu lo ang bawkin, ka thah hreh lo zia a hre ngei ang


"Boss, mitthi kha..." Puia rawn lutin a tih chuan a ding dawt, "nangchu, Boss accident thlentir tu kha ini lawm ni?" Ryan rawn panin a ti zui zat bawk a


"Boss that mai rawh, tuman an hre dâwn chuang lo," Hminga'n a lo ti ve zat bawk

"Inbengdai teh u, Bawiha kan mamawh a kawl a nia," Sangkima'n ka silai rawn nawrsawn paha a tih chuan, ruh lutukin ka silai chu ka hum ngawt ngawt a

"In Boss hi that duh ni ila, a accident-na hmunah a thluak per chuaiin ka kalsan ang chû!!," A thle bak a, "mitthi kha Health Minister Driver niin, kut tuara thi a ni, ka rindanin, in Mizoram Health Minister hian a sawisa hlum a nih ka ring, heihi en ula, tah hian List a awm ho zawng hi enzui angche u, Health Minister leh a driver erawh ka kut ah dah rawh u, nangni aiin ka che rang zawk; Bakah, tual thattu chhui chu ka hna a ni," Ti duah chuan a ṭhutna aṭanga rawn tho chhuakin, dawhkanah chuan pendrive a dah zui zat a


Pensawn pahin, "tikhan inremna kan nei a ni mai läwm ni?" Sangkima en in a kiai zui suk a

"I chanchin kan hre ngai lo va, kan Boss pawh thah i tum tawh hial si a, engtin nge kan rin theih angche ni?" Hlua'n a rawn tih chuan nui sukin, "min rin ka mamawh hleinem, ka duh zawng chu he case hi a rang thei angber a chinfel a, ka hmeichhe duh ka ta a siam a ni," Min rawn melh kher bawk


"Engtikah mah i ta a ni ngai lo ang," Ka rilru in ka lo ti zui hrak bawk a


"Ahhh, SP Ṭanpuia kha enzui hmasa angche u, an kutṭang pawimawhber a ni a, red-hand ngata in man thei a nih phei chuan a zung chawpa phawiah in ngai rawh u," Nui vur vur a tih leh pensawn a rual nghal zat, Tlana'n ânchhia lawh zui hlukin, " ka that mai dâwn a sin Boss," A rawn ti zui hrak bawk a, a kal liam chu ka lo en zui ngur ngur thung


Ryan-a chhuah hnu in, "Bawiha kan ring ngam dawn em ni? Kan awmna thlengin a rawn hre si a," Pendrive chu ka la kânga Sangkima en in, "rin a ngai hleinem, kan hna kan thawk ang a; anin a hna a thawk bawk ang," Tih leh Hminga pendrive pe in computer ah chuan a vit lut zat a


"Shiaaaa......" Kan lam hawiin computer a rawn kuai her zui zat bawk


Dawhkan ka chum dat, corruption mai ni lo damdawi leh ralthuam tawlh ṭhin case list-a kan Minister te leh Police officer hming lang thla duah duah mai chuan ka kawchhung a ti so bawrh bawrh thei


Thaw la hrawihin, "Vicky chanchin in hre tawh em?" Ka melh kual a, "nimin tlaia min rawn biak bak kha kanla be tlang thei lo," Hminga'n a tih chuan ka bu nghat


"Ok, inhna ah let tawh rawh u, Bawiha, SP Ṭanpuia hi enzui ngun deuh angche," Sangkima dara beng thaka tih zawm zatin, "ka inthlak ang a, ka rawn be leh angche u," Ka tih chuan nui sun sun in, "hahdam rawh, nupui nei mai tur chu kan awl thei a nia," Hrep hian!!! Sawi ve sek suh se


"Tlana," Ka melh zawk


"Sir," Ka sirah a rawn ding nghal a, ka Team ah chuan Tlana hi a ṭawng tlem ber nâ in, a nunrawngber thung, a nickname pawh "cold-blood" tih a ni reng a ni

"Ryan chanchin i hriat theih ang ang hriat tum angche, a kimchang thei angber in," A bu nghat a, Sangkima a lo kiai suk thung


Jail a ka khung tak, Commissioner-ina a chhuah leh tâk Roberto hnuaia hna a thawhdan leh Mission nei tak takin em ni Roberto hnuaia aluh tih ka chian zetloh chuan thawhpui mai mai ka tum aw zawnglo; Mahse, a pendrive min pek erawh ka ṭangkaipui dawn viau tih ka hre thung

.
.
.
.

Inchhung ka luh rualin Lucy-i leh a nu leh pa, ka nu te ho an lo ṭhu ṭhap a, "Zoa ilo haw ta maw? Rawn ṭhu teh hetah, inneih thuam tur vel kan lo rêl a, ngaihdan te i nei em?" Ka nu chu ka chhang lo va, vung lutukin room ka lut zui nghal thung


"Nizan zankhua in hna a thawk a, a hah deuh a nih ka ring," Ka Nu-in inthiam vaklo a ti ri chu ka hre thei



"U Zo."


"Chhuak rawh," Khumah chuan ka let thla tap a, Lucy-i rawn lut chu mit ka chhin zui san hmiah bawk


Ngawi rengin a chhuak zui ve mai a ni ngei ang, "indan nghal ka duh a," A ti ri chu ka hre zui emai

"Chutiang a ni thei dâwn em ni?" Ka lo ner sawk, Mampuii ka hre chhuak lo thei lo, kan inneih tirh khan a mah zawk khan ka nu te indan san kha a hreh zawk a nia!!!


"Mo leh pasala nu te hi chu inhnaih lo ila, kan in ngeih rei a ni mai," Lucy-i chuan a ti leh sak sak a, zahna a hriatloh zia chu pui tak a ni!!!


Ka Nu in a chhang tawh dawnlo emaw ka tih hnu ah, "hetah hian in awm angchu, indang luaha man chawi aiin a ṭha zawk lawm ni? Bakah, i nau neih hma chu kan bul hnaia awm hi a fuhber," A ti leh duah a


"Inhnuai a awm hi indang pawh a nihloh hi le," Lucy-i chuan a ti leh deuh ṭalh a, ka lo nui suk thung, inneih hma hma aṭangin an inbauh sa emaw tih tur a ni


Ka muhil sek a ni ngei ang, Lucy-i te ho haw lai pawh ka hre lo, "vuiin, phun reng reng suh, an inneih duh tu inih kha," Ka Pa aw ri ka hriat chuang thaw halha mengin ka tho chhuak a


"Ka vui lo, ka phun hek lo, "inneih a hmaa indan sawi' ka ti mai a ni," Ka nu chuan a ti let ve hlar bawk


"Chu chu vui leh phun a nih chu, Mampuii i ngai vawng vawng lo maw?" Ka Pa in a ti deuh kher chuan, "U Zai," Ka nu in a ti ṭhat, "i Mo hlui kha sawilan kher zel a ngai lo, enta che, an in anloh zia chu, inneih sên so pawh Lucy-i chhungten a nih hi tum vek dawn, i Mo, i chhuan ve em em nen chuan an danglam lutuk," A ti zui leh hlak hlak a


Ka lu thing nak nakin ka bân rawn thîp zek en chuan thaw halhin, bathroom lam ka pan zui ta a



<><>~>~>



MAMPUII....POV


Ni a ral a, January thla chu kan hmang zo leh ta dêr mai, U Zoa te inneih ni tur pawh naktip mai a ni ta, U Zoa ka ngaihtuah chhuah chuan ka lungphu zawn bawk hi a rawn thîp leh veng veng ṭhin, an inneih hun tur ngaihtuah loh hrâm tumin ka inla buai lui a, rilru ah a rawn lut leh ang zuk zuk a, tumloh zetin ka na ru leh veng veng zel a nih hi


Ryan, ni e, Ryan pawh khami zan bak kha ka la hmu leh lo, hmuhlah ka duh tawh hek lo


Naupang ho pawh ka Nu(Zoa Nu) in ka hnena rawn kal tir a remti lo a ni ngei ang, Zokhawthar aṭanga kan let hnu in kala hmu leh lo reng reng


Ka dawr thar vanga ka buai chu dahṭha ila, chhuanlam pakhat ve mai mah nise, U Zoa Nu nen emaw Lucy-i nen pawha buaina neih ka peihlo a, ka tlân chhiatsan a ni mah zawk


"U Mampui heihi khawnge ka dah dawn?" Dawr thil tur rawn thleng ho ka phawrh mawlh mawlh lai chu chawlin, Sentei chu ka en a, "a rem remah khan dah rih mai rawn Sente, a tlai tawh si a, i haw duh chuan haw tawh mai rawh aw, hei khua a thim mai dawn," Zingkar aṭangin kan buai a, a hah viau ang


"Kan haw rual angchu," A nui sen sen, Hruaii cousin a ni a, hna a zawnga, a hna duh tur tak hmuh hma leh puitu dang ka neih hma chu Hruaii'n minpui turin a rawn tir a, ka vannei takzet, tirh a nuamin a mawng a zâng si a, min awl takzet a ni


"U Mampui pawnah sawn tlangval pakhat, dar 4 vêl aṭang khan a ding tawh, a rawn en reng zel che in ka hria," A tih chuan hawi chhuak hâ in, a melhna lam chu ka en a


"A nâ..." Ka rak ṭhat, Ryan-a hmel ka hmu chuan ka phu nasa lutuk a, ka chemte ken ka lo theihnghilh palh a ni


"A nâ em?" A rawn thi ser ser en in, Sentei chu nui lui chungin ka en a, "na lo e," Ka kut ṭang chu ka fawp zui zat


Bungrua kan rem zawh meuh chuan zan dar 7 a pel thuak tawh, "dinner kan ei dun dawn em ni Sente?" Dawr kalh paha ka tih chuan, "ni dangah kan ti dawn nia U Mampui, ka bialpa a rawn thleng tawh a," Lai deuh rut a tih leh a thle zauh a



Nui pahin, "a nih leh le, naktukah kan inhmu dawn nia," Tih leh kut vai zauhin ka pensawn ve nghal a


Thui pawh ka pen hman lo, "Muanpui," Ryan-a aw thum dut mai ka hriat rualin ka ding dawt, rang lutukin ka inher zui zat bawk a


A haw vang vang tawh emaw tia!!!


"Inbe teh ang," Min rawn pan a tum chu rang lutuk in ka tawlh sawn dawrh a, "min hnaih suh," Ka ti zui vat bawk

Thaw halha a chhip sam tuai puatin, "i ngaih ang kha a ni lo, ka sawifiahna ngaihthla rawh, chhan ka nei a ni," A thusawi chu ngaithla turin min duh takzet tih a mitmeng ah chuan ka hmu thei


Mahse, ka hrethiam lo, ka chhungril khawi emaw lai hian a ṭih ru riau tlat tawh a ni


"Midang tina turin chhan engmah i mamawh lo Ryan, nunrawn vang a ni, a bak a awm lo," Min hnaih tawhlo hrâm se ka ti lutuk chu ka aw chhuak thlengin a mangang tawh


"That duh ni ila naktuk mai hian nupui nei tur a awm dawnlo tih hre tur ini," Nin hmel zet chuan a ti hrawk a


Ka thâu ah min rawn man leh tawh, hmân zana a thisen kai hmel leh hliam tuar hmel bawk chu ka mitthla ah a rawn lang a, ka lu thing nawk nawkin, "khawngaihin Ryan ka hlat thei angber ah awm rawh," Ka ngên ngawih ngawih a ni tawh zawk


"Hreptak che hian Lalmuanpui.." Tih leh min rawn pan hnai chu, inher vuta tlân chhiat mai ka tum chu, ka hma ah tu emaw ka su dawt, ka kat let nawk nawk chu ka bân ah min rawn pawt a, a taksa si cheta min pawh chuan tunge a nih tih, a hmel en chho kher lo pawhin ka hria a ni


Kum 10 chuang ka chenpui tawh hi, a thaw ri aṭang pawhin ka hre thei angchu!!!

"A sawi kha i hre lo em ni? A hlat thei ang berah awm rawh," Ka hawisawn tawh lo, U Zoa hma chhawnin, a taksa si chet chuan ka ding ran a, a ṭawng zawnga a taksa nghawr dat dat leh a lungphu ei dup dup pawh chu chiang takin ka hre bawk


"Kei leh Muanpuii inkar a ni, i nupui tur...." A tih laiin U Zoa hlat a tawlh sawn hretin, "in pahnih hian ka hlat ah awm angche u, ka hlat thei angber ah. Ryan, U Zo, keimah in min awmtir rawh u, keimah a nun ka duh, in hrethiam em?" Beidawng zeta en tawn ve ve in taxi rawn tlân phar ding chuan rang lutukin ka pa a, ka ṭhu lut rawk rawk bawk


An pahnih a, in ban mai duh tih hriat taka an in hma chhawn ran mai chuan, taxi ka luh hnu thleng pawhin an la che sawn lo hrim hrim



Taxi tlân chhuah rualin boruak hîp kawk kawk chuan, ka thaw chhuak leh ham ham a, Ryan ka hlauh vang nge ni a, hnaih taka U Zoa ka din chilh leh vang zawk ka hre lo, ka lungphu chu thawk harsa khawpin a rang leh tawh


In ka thlen a, ka'n intihfai leh chaw ei zawh a, ka'n seng fel leh meuh chuan zan dar 9 a pel thuak tawh, ka taksa chau kham nen mut mai tuma room lam pan ka tum chu, kawngkhar a rawn ri dawt dawt a


Ka lungphu bawk a rawn rang leh tawh nia!!! Ka dawih sa nak alai hian, ka dawih leh zual vek, Ryan a nu leh mai lo'ng maw tih hlauhna in ka khat zui bawk a


"Bawihi, keimah..." U Zoa aw ka hriat chuan ka thaw hawk thei, ka hahdam ta huai chu ka duh lo ru zui viau bawk


Kawngkhar ka hawn rualin zu rim a rawn nam zui huk a, mit sen râma min en chhuk a nui vur vur chuan, "midnight snack," Sarang-in ei tur a rawn khai bawr em em lehnghal


"Eng nge hetah i rawn tih, haw rawh," Tih leh kawngkhar khar leh nghal mai ka tum chu, hnehsawh lutuk a pawt hawng sawkin, ka kat nawk thei


Inchhunga rawn kat lut nawk nawk chuan, chhuatah a thil khailai dahin sofa ah chuan a ṭhu thla hnawk a, a ruih zia chu a ṭhu mai mai pawh chu a bu lawp lawp mai


Thaw halha alam pan a, a sira ding chuan, "mut ka duh tawh, haw rawh," Ka ti leh rualin a rawn nui hul hul hak hak a


"Zanin khan Lalramnghaka bulah eng nge ka sawi i hria em?" Mitmeng phelh phangin min rawn melh a, a mit chu a hnawm deuh chap bawk


"Eng nge i sawi ka hriat ve vek a ṭul hleinem, haw tawh rawh, hahdam ka mamawh a nia," Ka ti leh ngat a


Bu lawp lawpin, "ni e, hahdam i mamawh, i pum chhunga ka fa khan hahdam a mamawh alawm," Ruh lutukin ka in hum ruh nghal, a fa ka pai a ni tih a sawilai chuan ka thin a rim nghal ṭau chu ka hrethiam lo


Pensawn a kawngkhar hawn ka tum chu, engtik laiin nge ka bânrek ah a rawn vawn ka hre hman lo hrim hrim, min pawt hersawkin, na lutuk chuan sofa ah min theh thla awk a, ka rak ṭhat bawk


Ka chungah rang lutuka alawnkai chu, "Nau ka pai tih i hre lo em ni? Ti tuarin, "minti na a nia, mi thla rawh," Ka tal zui laih laih bawk


"Lalramnghaka thusawi i hre duh lo em ni?" A mit chu a sen râm, a zui rui tha pawh ka hneh dêr mai si lo va, ka kut pahnih chu ka lu lama hmerbet in, chiang lutuk in min en a


Kei erawh tal chhuah tumin ka phît ve fat fat bawk


"Min thlah rawh," Seh chilh nawk nawk a ka tih leh chuan, "a duh thu che a sawi a sin, i hria em ka sawi chu, kei i pasal bulah hian a duh thu che a sawi ngam a nih chu," A tawp lam chu min au khum a nih mah zawk, mit ka lo chhing sawk sawk

Zak theilo ka tih zia chu pui tak a ni, "nupui" a la ti ngam te chuan minti thinrim zual


"I nupui ka ni lo," Tih khum tuarin, ka thle sawn a


"Ka buaina a nihloh chu," A ti zui vak bawk


Za lo zeta nui hul hakin, "ka bânsan thei lo che tih ka hrilh a, ka kalsan thei lo che tih ka hrilh a sin Bawihi," A aw chu a khur lek lek, min rawn hnaih, ka bek zàwnah a thaw lum ham ham bawk


"Bawihi, ka sawi chu i hria em? Mipa dangin an duh thu che an sawi laia ka ka helai nat zka hi i hria em," A kut lehlam chuan ka lungphu zawn chu a kawk dat dat a, ka hmai tlâng chu a zut zui riak riak bawk

Tal eng angmah ila ka tal chhuak dawn lo tih leh, sual let eng angmah ila ka hneh dâwn chuanglo tih ka hriat avangin, a mit en loh hrâm tumin ka thle sawn ngar ngar a

"Khawngaihin Bawihi, ka mitah min en teh," Aw rilruih leh natna a khat chuan a ti chhuak sup a, ka thinlung na lutuk chu maw a thîp na ngut ngut mai, ka chunga bawk, ka taksa thawk khum ham ham tu leh a lungphu ri dup dup ka hriat theih mihring hi ka la hmangaih a ni. Ni e, zep rual lohin ka hmangaih dan ala ngai reng a ni

A thaw lum ham ham leh, a kut ṭang a ka t hmai tlâng a zûtna chuan, ka lungphu a rawn ti rang a, ka thawk a buaiin, a sak ṭalh bawk, mit chhing sawkin, "i nat leh natloh hriatpui tur che in ka engmah i ni hleinem," Harsa ti lutuk chuan ka ti chhuak ṭawk, ka aw chhuak thlenga a danglam lehnghal chu ka haw ru takzet bawk


He mihring min uap na natak leh min hipna hi ngaiah ka la nei lo mai pawh ni lo vin, ka lei hian duh lo mahse, ka taksa hian a dawnsawn ṭhin ang bawkin alo dawngsawng ṭha lutuk chu, ka inhaw ngawih ngawih


Ân khum hrep a, theh chhuak vang vang pawh ni ila, ka tih ve tur rêng a nih laiin, a taksa min delhbeh na hi, he ka taksa hian a hre ṭhangin, a lo dawngsawng ṭha mah mah a ni



"Min thlah tawh rawh," Ka aw zet chu, ka hrawkna ut ut chuan a ti thâm a, a lawi rüt bawk


A lu a thing nawk nawk a, ka beng chu a hmui lum thar thar a nul thuak thuakin, ka nghawng a nul thla chuan, boruak a hip vang vang a, a kut a ka kawnga zût in, ka dulah a zût chho a, tal phutin, "ti suh, ti miah suh," Ka ti zui ṭhat bawk


Th aw halh halh chuan, a kut che lai chu a chawl dat a, "ka ngai che a ni," Thâm ṭuak leh lawi rat maia tih leh ka nghawng a fawh takah chuan ka tal leh phat, "Bawihi...." Ka nghawng leh ka biang vel a fawp pah nawk nawk a, ka hnute chu hnehsawh lutukin a ṭham nawk nawk bawk


Tal a rak nawk nawk takna in, ka kawchhung a ti sa zui nghal pup pup tho mai; a mi khawihna chuan minti danglam mahse, naktuk maia midang pasal ni tawh tur a ni, "inhneh tir suh Mampui," Ka rilru a ti ru mawlh mawlh chuan


"Naktuk maiah hmeichhe dang pasal ini dawn tih theihnghilh suh U Zo," Ka tih chuah tuar takah chuan a thiltih lai a tawp chawt, a khawng zui at bawk



A mit sen râm mai, mittui avanga hnawm chap mai en chung chuan, chil lem khalhin, "Pawmlai nei tluk ini tawh U Zo, pawmlai nei uire tu ah min chhuah ve lo hrâm rawh," Harsa ti lutuk chuan ka ti chhuak a, ka ṭah chhuak lutuk leh min khawihna vanga ka taksa danglam leh, lungphu danglam ta avang chuan ka hrawk ana in a kham ut ut a, Ka thawk lak te chu sakin, boruak hîp tur ka nei tawhlo hialin la hre bawk


"Bawihi...." Ti thâwp sap chuan min en vawng vawngin, muangchangin a inla hrang a, sofa a ṭhu thla hnaka nui hul hak hak in, kun zui tlawk tlawk chuan a tukkhum dawm vawng vawngin, a thaw ri hraih hraih bawk


Ṭhu ṭhaa ka sam thur tuai mam puat puat chuan, "haw tawh rawh khawngaihin, hmeichhia, mahni a awm ka ni a, bakah kan inkar midangin ngaihdan diklo anneih ka duh hek lo. A bik takin, i nu te nena buaina neih ka duh thawhlo a ni, min hrethiam dawn nia," Ti duah chuan ka thaw chhuak zui hawk a


Ka lungphu lah chu a phut zawng a piangin, a sa thîp zui leh veng veng mai lehnghal a!!!


U Zoa ṭhu kûn tlawk tlawk en chunga tho in, kawngkhar lam pan ka tum chu, "thawkna hmun tur ka mamawh a ni, boruak hîpna hmun tur, hahdamna tur ka mamawh Bawihi," A aw chu a chau tih a hriatin, a beidawng ngawih ngawih tih a hriat bawk


Muangchangin alam hawiin ka inher a, min rawn en chho in, a mit sen râm leh mittui tlakna vanga hnawm huhchap mai chu en harsa ka ti, a mit a natna te, tawrhna leh beidawn na te chu chiang takin ka hmu thei


"Ka fate nui ri ka ngai a, kan chhungkaw nui ri ka ngai a, inchhung ka luh ruala i hmel hmuh ka duh a, i rawngbawl ka ei chak a, min hmangaih ṭhintu ka nupui kha ka ngai a ni, ka inchhung, hmangaihna leh nuiri a khat, ka thawk ve theihna hmun, ka hahdam theihna, ka In ngei kha ka ngai che a ni....." A aw chhuak chu harsa a tih hmel takzet, a mittui a luang ngiai ngiai bawk


Vawikhat, a vawikhatna tak meuh a ni U Zoa mittui tla ka hmuh ni, a unaupa te nupa (Bryan nu leh pa) boral pawh khan a mittui a tla tih ka hria; Mahse, a tla lai êm erawh ka hmuh turin a awm ngai law


Muangchanga rawn dingin, "ka tihpalh, Bawihi, ka tihpalh a ni, ka tlawm tawh, ka tihsual ka hria a, ka diklohna ka hria, ka tina che tih ka hria a, ka ti beidawng che in, hliam natak ka pe che tih ka hria. Mahse.... Mahse ka thlah thei chuanglo che Bawihi," A ṭawngkam chhuak tin chuan min vit sawk sawk a, ka indan na bang chhah tak mai chu, ka kut, a kut khur dar dar leh lum ther therin a tawh rualin a su kaw hawk a ni ber


Chhuak lutukin ka ṭap chhuak uah uah a, alam a min pawt hnaiin, nghet lutuka min kuahbet chuan, "ka tihpalh, khawngaihin min ngaidam rawh," A ti chhuak ruah ruah bawk


Chhuak lutukin ka ṭap uah uah a, rei tak ka insum tawhna chu thawk lehkhatah a chim hawk a ni ber


Ka hnungzang chu a tih ṭhin ang bawkin, dimtê in a chul a, ka chhip leh ka chala fawp mawlh mawlh chuan, "ka tihpalh, ka tihpalh Bawihte," A phun mawlh mawlh bawk



Ka thinlung hian a ngaidam tawh a ni, min demlul suh u, keipawhin heti tak hian ka pasal, ni lo, he mihring pakhat ve mai hi ka hmangaih ang tih ngaihna ka hre bik lo a tin ni


A lakah hian ka tlawm a, ni e, ka tlawm vawng vawng, ka ngaidam a, ka ngaidam fel hmiah tih ka pawm thap e ; Mahse, ani leh kei erawh khawvel hran daia awm ang mai kan ni tawh, ka hmangaihna leh ngaihdamna in awmzia a nei lo va, naktip maka nupui a neihna tur a ti danglam hek lo!!!! A NI LAWM NI?


Mahni hmasial takin chelhbet ila, pawmlai nei uire tu leh chuhpui, chhuhsak tu nen kan danglam a ngem? Nge ni a, ka ta sa ka lalet mai zawk tihna?



<>~><>~><>

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:24 pm

PRESENT PERFECT
By
Floria Laldansangi


Chapter < 18 >


MAMPUII...POV


U Zoa ka kuahna aṭang chuan ka inla hrang hlek a, la inhnit hlawp hlawp a, ka mittui tla tih tâwp tum chuan ka khap zawk zawk bawk


Boruak tam thei angber hip tumin, ka kâ ângin ka thaw chhuak kawk kawk bawk a

Thaw halh halh a, mit hnawm chapa min en na chu, mittui kar aṭangin ka en let a, a chil lem khalh chuan, ka kut a dawm chu tuai neuh neuh in, "Thil ka tisual tih ka hria, ka tina che tih pawh. Pasal leh ka fate tana Pa ṭha tak ka ni ngai lo, mahni hmasial tak ka ni a, ka Nu leh ka farnu laka venhim che sawiloh, venghim tura intiam tu ngei che pawh hian ka tina che tih ka hria, kum 10 chhung hreawm takin, ka tan leh kan fate tan i tuar tih ka hre bawk," A nui hul hak a, "Ni lo, ka hriat chhuah meuh chuan a tlai tawh zawk ni in alang," A tawp dat a, min thlêk vang vangin


"Chhungkaw hlut zia ka hre lo va. Mahse, Bawihi ka nuna i tel veloh hnu hian ka hria a ni, chhungkaw hlutna, nupui leh Nu dinhmun hlut zia pawh, min khawngaih la, vawikhat chiah hun minpe leh rawh," A ṭawngkam chhuak tin mai chuan min ngên ngawng ngawng a


Ka mittui lah chu alo luang ang zawih zawih bawk a, ka chhungril khawi emaw lai hian harh chhuak turin min hrilh a; Mahse, ka hma a ding, ka kut chelh mek tu leh ka khawngaihna dil ngawih ngawihtu mitmeng vangin 1inch pawhin min tawlh hnun tir thei si lo


"Bawihi eng emaw tal sawiteh," A mitmu sen vamhlar leh si sap ah chuan beiseina in a khat


Ka chil lem khalhin, muangchanga min vawnna kut dahsawn sak chuan, harsa ti zeta thaw la kawkin, muangchanga thaw chhuak leh ham ham chuan, ka mittui dan tumin chunglam melhin ka khap fak fak bawk a

Ṭawng mai ka tuma ka lei lah chu thlunbeh tlat ang maiin a che thei dêrlo lehnghal a!!!


U Zoa, beiseina a min en tu chu mittui nen a en letin, "ka ngaidam thei lo che emaw, ka hmangaih tawh lo che,' ka ti a nih chuan dawt lian tak ka sawi ang a; keimah leh keimah ka inbum tihna a ni ngei ang. Ka ngaidam che a, ka fate Pa ini a, haw reng tur che leh ngaidam theilo tur khawp che in ka fel famkim biklo tih ka hria; Mahse, i kut chelha, i pen ruala pên a, khawvel in anga chêngdun leh tur chuan ka inring zo tawh lo a ni," Harsa zet chuan ka sawi chhuak a, ka biangah ka mittui bawk chu a rawn luang leh ngiai ngiai mai


"Bawihi...." Ti thâwp sapa min rawn hnaih a, ka lamah a kut a rawn hnaih tirin min rawn dawm leh a tum chu tawlh hnung hretin, ka kut ka hnunglamah ka dah vat a


Beidawng zeta min en in a thaw halh bawk a, "i kawng tur zawh tawh rawh U Zo, i fa lo piang mai tur leh i nupui ni mai turin an nghak reng che tih theihnghilh tawh ngai suh," Ka lei tawt lutuk chu ka sawi chhuak theilo teuh kher mai


A lu thingin, "ka fate Nu leh ka nupui, ka hmeichhe hmangaih chu i ni alawm, ka hun kal tawh i ni a, ka tûn hun leh ka hmalam hun ini bawk, ka In ini Bawihi, hahdamna ka hmuhna hmun chu," A thusawi chu ringin, hrethiam ngeise minti tih hriat takin min en ngawih ngawih a


Za lo zeta nuiin, "hmeichhe dang khum i ṭawmpui hma khan hre chhuak fo la ni tur," Ti deuh hap in, ka thaw chhuak leh ham ham a, "vawi 2/1 chesual palh ni ula, tihpalh thilthu ni se la, emaw ka hriat chhuah kher ngai lo va inchhir a, inlamlet ni la chuan, i kut vuanin hmalam ka panpui angche nga, ka hmangaihna che avangin thinlung zawng zawngin ka theihnghilh theih tur thu ka sawi chhuak tawh ngei ang. A chhan chu maw, kan fel lohna in ngaidam tawn a, kan tlinlohna te inhaider pui tur leh, damchhung atana ka thlan, ka In nitur a ka duh ka mipa hmangaih i ni miau a," Ka in hnit zui leh hlawp hlawp a, a tawp lam chu a ri chhuak chang chang chauh a ni


Ka lungphu zawn na lutuk chu ṭham vawng vawngin, ka kut lehlam chuan ka hmai ka humbet tlat bawk a, ka thawk sak lutuk chuan min hnawh hlum mai dâwn hialin ka hre bawk


Muangchanga en leh in, mittui tling pama min en tu chu, mittui vanga khaw hmuh fiahlo leh phe ruai mai, bekna ngut ngut a en in chil ka lem khalh a, thaw kawkin, "Mahse, a ni tawh lo, kei leh i fate i thinlung peng pakhata min awmtir reng siin, inzawmna nghet tak i neihpui a, thla 1 emaw thla 2 lek a ni lo, kum 1, kum 1 dâwn teh meuh hmeichhe dang nen pasal kan inṭawm a sin U Zo, engtin nge chutiang zawng zawng theihnghilh chuan i kut vuanin, ka rin leh theih angche ni? Bul ṭanpui leh tur êm che chuan ka huaisen tawk lo a ni mahna, emaw phatsan ka ni tih theihnghilh turin ka hmangaihna ai che in, keimah ka in hmangaihna a nasa zawk a ni ngei ang," Ka sawi zawh ruala mit chhing sawkin ka thaw zui kawk kawk bawk a


Mittui luang ngiai ngiai min en tu chu, a inchhir hle a ni tih mimawl ber pawhin an hre ngei ang, a natzia leh inchhir zia te, min hmangaih zia te chu a mittui hian a hnem nghet viau in ka hre bawk


A chhan chu, ka mipa hmangaih hi, hmeichhe hmaa tlawm tak leh mittui ti tla a in phah hnuai a, khawngaih dil ngawih ngawih tur chuan a chapo hle tih ka hriat vang a ni


In herin, hnung chhawn zawng chuan ka ding a, ka en reng a nih chuan ka chelh leh si ang tih ka hlau a tin ni


"Bawihi...." A aw chu thâwp sap a, a thâm ve ṭuak mai, ka hmui betpet in chunglam melh chuan ka khap zawk zawk a, ka mittui tla dan tum leh ka ṭah chhuah leh mailoh nan ka âwm chu ka ṭham ngar ngar bawk a


A ṭawng leh dâwn emaw ka tih laiin a pensawn ri ka hriat chuan nghet lutukin ka in hum ruh a, ka taksa hian min hlat telh telh a ni tih en miahlo pawhin a hre thei

Ni e, diktak chuan kal tira, kumkhua a ka ta ni tawh ngailo tur leh, hmeichhe dang ta a ni kumkhua tawh tur ka ngaihtuah chuan ka na vawng vawng a, chemte hriam taka vih sawk sawk ang mai hi ka ni aläwm!!!



Kawngkhar ri rawk ka hriat rualin ka thâ a zawi hnawk, chhuatah ṭhu thla hnawk chuan ka ṭap khur nghal zawih zawih a, ka dul dawm bet chuan, "engkim a ṭha vek mai ang, engkim a ṭha em em ang, kalsan turin i huaisen tawk a, hmalam pan tur pawhin huaisen na inei tih theihnghilh suh," Keimah leh keimah chu ka in hrilh mawlh mawlh bawk


Reilote chhung kha chu ka ta a siam leh a, pawm leh kha ka duh ngei alawm; Mahse, ka thinlung ah ka kawppui ka rinna ka hloh a, chutiang bawkin keimah leh keimah pawh ka inrin zawh tawhloh laiin engtin nge bul ka ṭanpui theih ang ni? Beiseina ka nei ngam tawh lo, hmangaihna ah, hmangaihna min beisei tir ngam tawh lo tlat a ni!!!!



Zankhua in chhin khat pawh ka chhing lo, mittui tih tlakloh ka tum ngial pawhin, ka in ngaihtuah lungpuam a, mahni in khawngaihna te ka nei leh rum rum a, ka pum ka deh chang lahin mittui bawk a rawn hnai leh ṭhin chuan zankhua in min ṭhut tir a ni ber


"I dam lo em ni?" Kawngkhar pawh kik lem lo va rawn pen lut Hruaii melh zawkin, thatchhe zet chuan ka lu ka lo thin khum a, dawhkan a tui thli chhuakin ka in nghal khawlh khawlh bawk


"I mit chu eng nga tinge? I ṭap a ni maw?" Min kuai her chuan chiang lutukin min en a, ka lo thawk khum halh thung, ṭawng turin ka chau lutuk mah mah


"Dawr ah ka rawn kal a, Sentei chiah a lo awm sia, ka rawn tlang ta law law, i kal dawnloh thu ka'n hrilh ange," Tih zawmzat a phone a phawrh chu ban vatin, "a ngai lo, ka insiam ang a, ka kal dawn alawm," Ka aw pawh a thâm ṭuak mai


Lu thing mat mat a, chek tlak tlak chungin, "pawn chhuak thei hmel pawh i pu hleinem maw! Dawr inla hawng tak tak chuang lo va, bungraw rem te ang mai mai Sentei'n a thiam lutuk," Tih leh ka dar a rawn kuah thakin, "vawiin chu lu ka sûnpui angche," Tih leh sofa lamah chuan min kuah kal dat dat bawk a, za lo zetin ka ṭhen sak ringawt


"Zing chaw i ei tawh em? Rinpuii rawn phei a tum a, ei tur ka chahkep dawn che em?" Phone hmet mawlh mawlh paha a tih chuan melh zawk a, sofa-ah zawi lutuk a mu ria riai in, "ka ril pawh a ṭam lo," Ka tih zawh rual deuh thaw in, "i ei a ngai," Tih leh Rinpuii a call zui a ni ngei ang, a bengah phone a chuktuah zui zat bawk


Ka lo chhing zui ta sek nge ni? Naupang rak ri tuar tuar leh Rinpuii aw in, "Benjamin i nau tukkhum samah pawt ziah suh, inthawm te dim rawh u ka tih bawk kha, i nu Mampuii a muhil," A ti ri ka hriat chuan, ka mit la kham lutuk chu la chhing deuh vang vangin, thaw chhuak ham ham chuan muangchangin ka meng a


"Kha anti harh tak tak che elaw?" Rinpui'in min rawn en a, ṭhu chhuak pahin, "harh hran lo e," Tih leh Bena te unau in um kawi en chung chuan, "school an kal lo em ni vawiin," Ka phun sap


"Rinni a nih hi," Nui ṭhûa a rawn tih chuan ka nui ve hak a, ka tho â huih a ka hriat tâk ni!!

"NûMam, ka bag kha chu khawihloh tur," Hruaii'n thil hmuam chungin a rawn au lang lang, alam hawiin, "lunch nge i ei breakfast?" Ka tih chuan a dar san ak in, "a pahnihin," a nui zui kur kur bawk


A chaw ei khamin, "Kha hei tal hi in rawh," Tih leh bawnghnute lum ther ther mai min rawn pwk chuan, "tui ka duh zawk a sin," Nui ṭhû chunga ka lo ti chu a nur nasa mai!!


"A reng rengin zingkar aṭanga in rawn lawr a?" Ka melh ve ve a, "e le! damlai lu kan sûnpui dawn che," Hruaii'n a tih rualin Rinpuii a lo nui hak a, keipawh chu za vak lo vin ka nui ve sak tho, ka mitthla ah U Zoa a rawn lang zat a, ka thaw zui halh bawk


"Tak takan a, thildang daih sawi ila, enteh u hmanzan a ruang an chhar kha inla hre reng em? Kan Pa sawi kha," Thutak zeta Rinpui'in a rawn tih chuan kan lo bu nghat a

"Kan Health Minister Driver hi a ni e antia, mak ka tih em em chu, tlangval zu in ngai lo leh Pathian ṭih mi anti si a, mi kut tuara a boral hi mak ka ti viau mai. Bakah, kan Minister-in engmah a hriat loh thu leh a boral tih pawh a hriat mailoh thu a sawi kha mak ka ti tawp thei lo," Thutak fêa a rawn tih chuan Hruaii'n, "tleirawl kutza rualin kutthak hnawihnan an hmang a niang chu, tunlai tleirawl hi maw an pawr si, mahni a cho nei tak tak si lo, a hu hova pawr em em si hi an tam a, heihi chu in zirtir ṭhat leh kan ngai a ni, nu leh pa te hrim hrim pawh hian kan fate pawnlam nun kan hriatpui zel hi a pawimawh, Mizo angah te school bully tih angvel te a awm ta hi; Kristian Mizo tih atan a mawilo leh fate thlavang hauh uchuak, mahni fate diklohna hre duh miahlo nu leh pa anlo awm ve ṭhin vang te hi a nia," A ti hlak hlak chu Rinpuii nen in melh ralhin kan lo nui kur kur a


"Nge i thinrim rîk ngâwt?" Rinpui'in a tih chuan, "kan kawmthlang, hmeithai fapa a classmates ten anlo sawisa in, an homework te anlo tih tir ṭhin a ni âwm a, kut tuar sawitak ah chuan ka hre chhuak maw le," Tih leh sofa a ke hlang a, ṭhu thluang ar ar chuan, "hmm zanin chu Mampui hetah chaw ei khawm ve mai ila," Min rawn melh zawk a, "Rin, inpa call la chawhmeh rawn lei se la, tah ei ang u," A tih zawmzat chu kan lo nuih ringawt a, thlen tawp tawpna a chaw ei mai ṭhin, nula senior chaw ei sawm awlsam lutuk ang kha a ni chiang alawm le, sawm oawh a ngai vak ṭhin lo zawk


Ni lengin min awmpui a, ka khawhar leh U Zoa nupui neihni a lo ni bawk nen ka ṭah an hläu a ni berin ka hria

Hruaii suggest angin zanriah kan ei khawm ta nge nge a, U Zuala lahin, "Sunday pawh ei khawm law law ila, Hruai senior-in sa a tum tho tho a," A la ti deuh deuh bawk a


"Mampui engtik maw dawr chu hawn i tum a?" U Zuala lam chu ka hawi deuh hâ a, "party liantham tak kan buatsaih angchu tiraw?" Mit hmul kan ak ak chunga atih zawmzat chuan nui chungin, "dawr bungraw lakna pawh ka daihlo a nih hi U Zual, 1% pungin sum te hi min puk tir zawk ula," Ka tih chuan ner lui nawng nawngin, "a khaih! Sum neilo tih leh i hmel inrem loh zia hmu ve la ka va ti ve," A tih chuan annu hovin kan nui hak hak a


Kawngkhar rawn in nam hawng ṭhuai ah chuan rang lutukin kan hawi nghal ṭhap



"Khawnge ka pasal, khawnge U Zoa a awm?" Lucy-i ṭap zo hlim ni âwm tak mai hnar sen hlar mai leh, mittui tlakna berh phang maia rawn lutin a hawi kual nghal vut vut a, phawk lutukin kan lo en hau thung

U Zoa nu leh, midang pahnih in an rawn zui lut ve bawk


"Engthil nge ni a? Engvanga hetah mo neitu ber rawn zawng nge in nih?" U Zuala chu ka ṭawng hma a rawn ṭawngin a tho zui zat a, keini pawh chu a ngaihna hre lo lutuk chuan kan ding chhuak ve zat bawk


Zan dar 10 a ri thuak tawh, heta mo neitu ber rawn zawn daih daih pawh chu a mak tak hle mai!


Lucy-i chuan mittui tling pamin min rawn pan hnai a, "Khawnge U Zoa i dah? Khawnge a awm?" Min rawn au khum deuh tuar tuar chu mit khap fak fak en in, ṭawng ka tum mek laia ka hma ah Hruaii rawn ding chuan, "i pasal a ni lawm ni? A nupui ber pawhin i hriatloh chuan engtin nge kan hriat bik ang? Bakah, Naupang kum 5 mi pawh a ni tawh lo va, ke a nei a, a duh duhna ah chuan kal ve ang hmiang, kan duhna hmuna dah a, awmtir theih pawh va ni suh," Hruaii'n ngeiawm zeta a lo tih leh chuan Lucy-i hmai chu alh tur ang mai a ni, a sen mar pang mai


"Nu Êng, engthil nge nita vak vak hi? I fapa nupui lehzelin Mampuii rawn tihbuai a tum hi kan dawh theihna piahlam a ni ange?" U Zuala aw chu nelawm fahran lo khawp mai


"Muanpui, Zoa awmna chu i hre lo tak tak em ni?" U Zuala zawhna chhang lo va, min ringhlel tih hriat taka min en chunga a tih chuan za lo zetin ka lo nui hul hak ringawt, sawitur pawh hi minti hre ṭhin lo


"In thusawi te hi ka awih in ring em ni? Nangni ṭhian ho bum mai mai theih ka nih in ring em ni?" Tih leh Lucy-i chu pensawn in choka leh lam a pan a, mi â ang maiin, "Zonunmawi rawn chhuak rawh, i awm tih ka hria, rawn chhuak rawh," A au tuar tuar bawk a


Kan lu kan lo thin khum nak nak ringawt, khin tin a tin chi nî pawhin ka hre ta lo


"Ui â angmai a bauh vak vak lo khan, i hmuhloh chuan chhuak tawh rawh, i mother-in-law-i dan takah, mahni pasal pawh veng zo lo te chu a," Hruaii'n nuiza aw fe a a tih chuan ka nghawk zui vat a


U Zuala te nupa anlo nui huk thung, ka nu ka en vat a, a hmai sen nasa lutuk chu ani pawh a puak chhuak lo chauh a ni


"Bawihi a tawk, a awmlo tih kan hriat tawh hi, a zahthlak emai, duh tawk teh," Putar pakhat, U Zoa Pa aia nau deuh turin a rawn tih chuan Lucy-i nu leh pa an nih ka ring nghal ringawt a


Ka bedroom thlenga alut chhuak chu kan en ṭhap a, ka lam rawn pan hnai chhar chhar in, "i hria tih ka hria, khawnge a awm? Nangang mai mai ka ni lo a nia, awlsam taka ka pasal ka kalsan ring suh angche Mampui, ka ta, ka mipa leh ka pasal ka venhim theinna a nih phawt chuan engpawh ka ti ngam a nia," A seh chil nawk nawk


Ka sa ve phat, Hruaii ṭawng tum chu a bân a pawtin, Lucy-i hma a ding zui ran chuan, "a dik, kei ang ini lo ang bawkin, nangang pawh ka ni hek lo, kan danglam lutuk, pawmlai nei kawpa, ka khumlaizawl a lawnkaipui tur êm chuan ka tenchhe mah mah, ka duhlo a ka chhuahsan tawh a ni a, la duh pawh ni ila, a ruk a râla ka chet a ṭulna ka hre lo, ka ta sa ka la let tihna a ni mai," Ka ti ta fak fak chu, ka Nu ohhh Nu Êngi a ni tawh zawk angchu, ani thleng chuan ka hau in min en hau a


Ka chhan letdan leh ṭawngkam hman chaktlai lutuk chu mak anti a ni ngei ang, keipawhin mak ka inti, khawi aṭanga rawn chhuak nge ka hre law. Mahse, mihring hi kan thil tawn leh hmachhawn a zirin, tla chawp nungchang hi a lo neih theih a nih dawn hi!


"Lalmuanpui..." Lucy-in ti ṭhat leh a kut min be tuma a phar uaih chu hnunglam aṭangin tu emaw in a rawn phih lêng lâwp a, Lucy-i chu a thlawk emaw tih mai tur a ni, a Pa a nek nghal rawk rawk mai


Phawk zeta Ryan en hau chuan, min rawn kiai khum suka ka hmaah a ding zui zat bawk, a palian rapthlak mai si a, a taksa a lian in, a dar pharh hlai ṭha zet nen, a hnungah chuan ka pil bo vawng vawng a ni ber


"Theh chhuah induh nge nangmah ni ke in inchhuak dawn?" A aw thum zet leh ri chhar chhar mai chu hnial ngam chi a ni lo hrim hrim


Hruaii'n min rawn kheuh zeuh a, Ryan-a melh zawk in, "eng nge awmzia?" Tih melh a min melh chu ka dar ka lo sän khum ak ringawt, keipawhin thil thlen dan teh nuaih hi ka hrethiam hman rih lo


"Ka rintawk chiah a ni, Zonuna ṭhen ilo chak em em chhan leh vawikhat pawh in ngaihtuah lo va i chhuah chhan chu hei a lang mai alawm Lalmuanpui," Awihlo lutuk in ka Nu, ve ziaha!!!! Nu Êngi chu Ryan-a hnung aṭangin ka en a


Ryan-a neksawn a, pen chhuah ka tum chu ka bân reka rawn chelh vatin, "engthu nge i sawi hre lo mahila, uire zawk erawh i fapa leh he hmeichhe naupang hi anni," Lucy-i melh zauh a, ngeiawm lutuk a Ryan-an ka ṭawng hma hmaa a tih chuan dak meuhin ka en hau ringawt, eng nge maw a rawn hriat hrep le??


"I chhuak phawt teh ang u, a zahthlak emai, Mampui, Muanpui aaaa kan tibuai che u a min hrethiam dawn nia," Lucy-i pa in, Lucy-i dara kuah chunga a rawn tih teh nuaih chuan ka lo bu nghat ringawt


A nu leh pa chu an pangai hmel viau si a, engtia heti em em a fanu nasa nei nge maw an nih le? Zoa nu nen chuan nufa ni âwm zawka mawi alawm an nih!!


"Nu Êngi leh i mo thar chu nufa tak tak ni âwm zawk alawm innih le!," U Zuala'n ka rilru hria ni âwm taka, sofa a hahdam hmelzeta ṭhu thla paha atih chuan Rinpuii leh Hruaii nui kur kurin an ṭhu thla ve zat a, kei erawhin ka mitmeiin lo khap vat vat thung, an nasa si a, kan mualpho mai ang tih ka hlau ru viau mai

Anni ho erawhin chhân zel tinah an tin tawhlo tih an hmel nui ṭhû ah chuan a lang reng thung


Lucy-i nu chu an rawn luh tirh aṭangin ala ngawi ngar, ka inchhung chu uluk lutuk in a melh kual hrek hrek tihloh chu danglam vak a awm lo


"Hrereng rawh Lalmuanpui, zanina i thusawi hi, zanin hi nang leh keini inzawmna chahna chu a ni, i duhloh a i chhuahsan tawh kan ni tih i fa alo pian thlengin hria angche," Seh chilh nawk nawk a tih leh ring sän vaha inher in kawngkhar lam a pan vawh vawh a


"Lucy...." Ryan-an a ko leh chu, "eng nge itih?" Ring silo chuan kalo ti hlar chu en pawh min en duh eih lo vin, "i pasal in a uire san loh nan che, Mizoram-a kawppui neilo In zawng zawng inlut chhuak dawn nia," Nuihza in sum, ngeiawm si, mei nei zeta a tih chuan ka insum zo tawh biklo, ka nui chhuak chak lutuk chu a bân phênah chuan ka hmai hliahin, ka nui khur zui dar dar a


Nizan ah kha chuan U Zoa chân hläu leh rilru na in ka la ṭap a, tumloh lutuk lamah a nupui neih zanah ka nui tak kur kur chu ni!


Hruaii te ho lah anlo nui dir char char bawk, Nu Êngi leh Lucy-i hmel chu hmu lo mah ila ka mitthla thiam, an beng aṭangin meikhu a chhuak lo chauh angchu!


<>~>~><><>

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)