Present Perfect By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: Present Perfect By Floria Laldansangi (Completed)

Unread post by Ngaia » May 16th, 2021, 4:25 pm

PRESENT PERFECT
By
Floria Laldansangi


Chapter < 19 >


RYAN....POV



"Bawiha, i nupui neih zan a nih hi, hetah riah i duh tih i chiang amaw?" Kailawn aṭanga rawn chhuk chu ka melh zawk a


Zonuna te pahnihin min hmuh rualin, "eng nge hetah intih?" Min en nghal run, ka dar san khum ak a, kan thil ngaihthlak lai ngaithla chhunzawm in, "hna kan thawk," Ka ti sup bawk


"Kan Team-ah itel loh tur thu i sawi emaw ka tia," Sangkima chu melh zawkin, "helai hmuna kan ṭhut avang hian in Team kan ni ta tihna a ni hleinem," Ka thle zui bak a


Thinrim tih hriat takin, "I..." Tih leh min rawn pan a tum chu, "theihnghilh rawh," Zonuna'n ti hlukin sofa lam pan chuan a ṭhu zui hnuk a


"No dawm dun i duh em?" Min bia pawh a ang lo, ka beng lehlam chauh ah chuan headphone chu ka chuktuah a

"No dawm dûn turin ṭhian kan ni in ka hre lo. Rival kan ang mah zawk," Ka mitko ka san khum ak a, a lo nui ve suk tho


"Nupui neih zana riahbo pawh chu a ni thei dâwn em ni?" Sangkima bawk chuan a lo ti leh a, Zonuna chu rum nghutin, "ka chhungte'n alawm nei, kei ni lo vin," A ti bulh hmuk chuan ka lo nui huk thubg


Ka sira pen leh paper chu la in, "24th March, Zokhawthar," Tih ziak chuan ka sira ṭhu, ka hnuaia thawk, he hmun ah hi chuan amah bak rin ka neilo ti ila ka sawi sual tawp lo vang, Daniel-a chu headphone chu pe in, "engkim, hmaih nei lovin hriat tum angche."


"Yes Sir," Tih leh uluk lutuk chuan a ngaithla zui zat a


Zonuna te lam pana, dawhkana tui bottle chu la kânga hawngin ka in nghal khawlh khawlh a, "nupui ka neih avang ngawtin Lalmuanpuii ka bânsan ring suh angche," ka kiai suk, Tui bottle chu hmet khawr rawp rawp a, dustbin-a vawm lut chuan Zonuna chu ka en a


Ṭawng nuam tawk vêl lekin a kâi tawh tih hriat takin, mit khao ban chapa min en chu nui leh sukin, "i bansan a ngai hleinem, a bansan zawk dâwn che alawm," Tih leh a kut hum ruh nghal ṭalh ṭalh mai chu melh zawkin, "i hria a ni lawm ni? Pawmlai nei chance pe ve tur êm chuan a nunrawng lo tih," Ka tih zui nghat chuan na zetin dawhkan chu a chum zui deuh bur a, ka lo nui suk thung


"Boss," A nau te zinga pakhat, Lieutenant Hlua rawn tlân lut lam chu hawi vatin, "buaina kan tawk," A thaw deuh hlawp hlawp a

"Engthil nge thleng?" Zonuna'n a lo ti vat, kan lo en ve vâng bawk


Thaw hlawp hlawp a, chil lem deuh khalh chuan, "Vicky, Vicky an man a ni," A tih zawh rualin ka ding khawng nghal at


"Eng maw?" Zonuna te ṭhian dun pawh rawn ding zui zawtin, "khawi aṭanga i hriat nge?" Ka lo ti vat a

Min rawn melh zawka Zonuna bawk en leh chuan, "Vicky thawhpui in min rawn hrilh a ni," A tih chuan ka phun hluk a



"In inhresa em ni?" Ka tih leh chuan a lu thing mat mat in, "vawi 2 chu Vicky-an kan zu in naah a rawn hruai, a bak a hranpa in ka hre lo," A tih zawh rualin ka chhipsam ka tuai puat a, Zonuna pawh chu a lo phun ve hluk tho, an ruahman na ah kan tâng tih kan hre nghal tlat a tin ni!


Daniel-a melh zawka inkhung tura mitmei chuan, "hnunglam aṭangin chhuak angche u," Ka ti zui hluk bawk a

"Engthil nge thleng Boss," Hlua leh Sangkima en chuan, "kan awmna an hria," Zonuna'n a tih rualin Sangkima lama silai theh chuan, "an rawn zui che tihna a nih chu," Tih leh, Sangkima'n min en deuh hâ chu en in, "min kap rawh," Ka ti bul nghut a


"Haaa..!" Tih leh ka chala min tin in, ka phun hluk, Secret agent chu anni tak tak sia maw???

"Min that turin ka ti lo che," Tih leh ka bân puara silai hmawr chuktuahin, "hmet per rawh," Ka ti zui hluk bawk a

Ka bâna silai mu a luh ruala rum hawka thaw hawk chuan, "kal r'u," Ka ti zui hap bawk, duh aiin ana hret a ni


"I ṭha ang maw?" Zonuna chu ka melh zawk a, za vak lo va ner sawkin, "ṭha lo," Ti hlukin, "kal rawh," Ka ti zui nghut bawk


Nui suka ka hliam tawrhna lam darah a'n beng zui thak chu, ka hmui ka chip zui awk thei, a na hret a ni

Inchung lama ri khut khut ka hriat rualin Zonuna te chhuahna lam hawiin, "ka rawn biak hma che u chu hma lo la suh angche u, Daniel ka Villa ah hruai angche," Ka tih chuan Daniel-a chu a bu nghat a


An chhuahfel rual deuh thaw in, "Ryan..." Joel-a aw ka hre zui zat, ka bân thisen chhuak hup bet chunga alam hawiin, "Hi!" Ti sap chuan ka kiai suk bawk a


A nau te ho enkual tura mitmei in, silai nena ka lam rawn pan chhat chhat chuan, "kha Police lubawk khan a hliam che tih sawi miah suh," A aw chhuakah chuan awihloh na leh deu sawhna a lang tel

Ka dar ka sän ak a, ka thle zui bak bawk, awihlo zeta ner sawkin, "eng nge hetah i tih?" Min en ran


Hawi kuala Joel-a en leh chuan, "i zawhna chhang turin i hnuaia thawk ka ni lo Joel," Ka mit chu ka tih zîm khum sän bawk


Ner sawka thle ve bakin, "Minister zawhna ni ta se?" Ka nui hul hak, pensawn pahin, "nang aiin ka hmasa fo a ni tih hi pawm mai rawh Joel," ka tih zawh rualin, "Boss engmah an hnutchhiah lo," Ka lo nui ru suk

Kailawn lam pan tuma ka pen leh chu silai in load ri khap ka hriat rualin, ka tukkhum silai hmawrin a rawn si zui zat bawk a

"I thusawi kha ka awih i ring em ni Amit," Changfal maia a tih chuan, ka nui lui hak hak a


Muangchanga inher in, mit khap ban chap chapa Joel-a en chuan, ka chalah a silai in min chuktuah run bawk a


"Min ring turin ka ti hleinem che," Ka vei kiai suk, ka aw chu a chau ṭan tih a hriat, ka thisen a chhuah reng avangin ka tha pawh a zawi ru ṭan viau bawk


Ka bân chu a melh zawk a, "engvanga helai hmuna awm hi nge inih?" Chang rat maia a rawn tih leh chuan, ka mitko ka san khum ak ringawt chu a ngaihdan a ni lo nasa tih hriat taka, a ai na a silai hmawr a min nawr chuan, "ka hmet per hreh lo tih i hriat kha Amit," Ati leh hraih bawk a


Ner khum nawkin, "nangang bawka sazu man turin maw le," Ka tih hluk chuan khabe ruh ti che ralh ralha min en ngur ngurin, a sailai chu a la let sawk a


Ka lam a rawn pen hnai in, ka sirah, min tâwk zawnga ding datin, "ka lakah trick ho te te hman tum suh angche," A aw ah chuan vau na a lang tel, a kutin kal turin a nau te a hui zui zat bawk a, ka nui zui ve suk tho


Ka bân rawn na ta lutuk chu dawm betin ka ṭhen sak sak a, ka dinna hmun chhuahsan chuan car ah ṭhu lutin ka ti nung zui zat bawk


Khawilam nge ka pan tih ka hriat chhuah meuh chuan Muanpuii in lam ka panin, ka tlân thui tawh viau tih ka hre chhuak


Car chu ka ti ding dat a, seat hnunglam a ka jacket awm ban a, in thawlha chhuakin, a in lam pan chhat chhat chuan, a in kawta Zuala Car ka hmuh rualin ka ding dat, ka thaw hawk bawk


Hmeichhe rak ri ka hriat chuan in lam en in, luh pawh tum chuanglo chuan ka'n pan hnai ta tho va


Kawngkhar bul ka thlen rualin, Muanpuii'n Lucy-i a chhanglet fak fak mai ka hmuh chuan ka lo nui suk, engvanga nui nge ka nih pawh chu ka hre chuang lo va.


Lucy-in a kut a lek kân rualin ka pen lut zui zawt, engtik laiin nge Lucy-i ka phih sawn ka hre lo, ka duh aiin ka phih na mah mah bawk, Muanpuii'n ka bânah min chelh chunga, ka taksa si cheta dingin a nuih nghawr dar dar chuan ka lungphu hi a rawn rang ve khanglang emaw ni? Ka taksa danglam ta nghal ṭalh ṭalh chu ka hre thei


An vai maia mak ti taka min en na chu ka hai der hmiah, ka lut tawh laklawh tlat a tin ni!


Lucy-i te ho chu chhuah ruala Muanpuii te ṭhian ho in min en ṭhap chuan ka sawi tur hre lo chu ka nui leh suk ṭhin, "Eng nge i rawn tih?" Rinpuii chu ka en zuk, Zuala thleng chuan nui ṭhû in minla en zui a


"Ka kalsan angche u," Tih leh an zawhna pawh chhang lem lo chuan in her vutin ka pen chhuak zui pawk pawk a


Car ah chuan ka ṭhu lut vat, ka thaw zui halh halh bawk

"Kei hian Lalmuanpuii hi ka duh tak tak chu a ni lo'ng maw?" Ka ngaihtuahna avangin ka nui chhuak huk a, a in lam hawiin, "a awihawmloh e!" Ka'n ti chhuak ringawt a


Mahse, engvanga a nuna in rawlh reng leh pan reng nge ka nih? Insawifiah tumna te kha ka nei zui bawk a! Tu hmaah mah ka insawifiah lai ka la hre ngai hauhlo, tumlah ka tum buai ngai hek lo


Ka lu thing mat mat chuan, "a ni lo ang, a taksa hriat chian ka chak mai a ni, a bak a awmlo, DUH maw? Kei hian maw?" Keimah leh keimah chu ka inbe mawlh mawlh tih ka hriat rualin ka phun zui hluk a, "a teuhlo lutuk," Ka ti zui leh nghut bawk


Hmeichhe âwm nemah pawh nêm tak, tu emaw venhim na mamawh tak a ni tih ka hriat vanga pan buai reng ka ni mahna!

Ka hmeichhe hriat chian chak taksa a neih vang te pawh a ni maithei bawk a! Mahse, engvanga a bul hnaia ka awma keimah anglo tak maia ka taksa rawn danglam ta ṭhin leh hriatchian belh zel chak nge maw ka nih hrep le??


<><>~>~


MAMPUII...POV


U Zuala ho a Ryan chhuak nuih zui ṭhû chuan, "a khawng maw kan mummy boy-a pawh chu a kal reng reng ni maw?" Hruaii'n nui ṭhû chunga a rawn tih chuan ka lu ka lo thin khum ringawt, a nupui neihzan em ema a bo chu ka ring pha bik miah lo a sin maw le!


"Ryan rawn lut chu a fuh hle mai, rawn lut lo se chuan Nu Êngi te nasa lutuk kha ka kham hman viau mai," Rinpui'in a rawn tih ve chuan ka lo bu ve nghat a, ka kut ban deuh chuap chu ka en zui zat bawk, tlêm thisen kai ka hmuh chuan ka meng deuh kawk a, ka insiam ṭha vat thung, Ryan-an hliam a tuar leh tih ka hre zui zat bawk, nichin khan engtin nge maw ka hriat loh theih ni!


"Keini pawh kan haw dawn em ni? Mampui nangmahin i awm thei ang maw?" Ka harh zawk, U Zuala en in, "thei e, min ngaihtuah suh u," Ka ti ban deuh niah a, kawngkhar lam chu ka melh zui leh zauh bawk, engtin nge maw hliam hi a tawrh reng theih ni?



"A nih haw mai ang u hmiang, naupang mut a chhuak dâwn?" Rinpui'in tihleh din a rual a, engtik laiin nge maw NuMami pawh chu a lo mutthilh ni? A Nu hi a chhun fuh khawpa mut a awlsam dan em em te hi

"Naktuk chawhnu inkhawm ka peihloh chuan ka rawn kal ang, i inkhawm ve hmel loh ropui sia," Uar fahran a Hruaii'n a tih chun, ka hmui hnuailam ti pawrh tarhin ka en a, "nulat lai a tluk theih tawhloh a nih hi," Tih leh an pensawn chu zui ve in, car thleng chu ka thlah a


An tlân liam thleng en zuiin, "rawn chhuak rawh," tih leh ka inher zui a


Thaw halhin, "min rawn zui rawh," Ka hma a ding palian zet mai melh chho ralh a tih leh kal pelin inchhung lam ka pan zat bawk



First-aid kit phawrh chhuakin, "i jacket kha phelh rawh," Ka ti zat a, ka melh chho ralh bawk, a mit a mak tihna chu a rei lo nâ in ka hmu hman tho mai!


Box chu hawngin pemthar damdawi chu ka la chhuak a, ka sira rawn ṭhu thla chu ka en zawk a, a bâna thisen kai nuaih mai ka hmuh rualin ka ner sawk, ka kawchhung a let leh mai dâwn!!!


"Keimahin ka in buaipui thei," Ti sup a ka kuta damdawi leh lapua chu rawn ban a tum a, a kut lo ben sawn sakin, "ka ti thei," Tih leh boruak hip kawkin a hliam bul vel chu ka hrufai thuak thuak a

Silai a kahna bawk niin ka hria, ka hriat sual loh chuan!

"Silai..." En chho hau chunga ka tih laiin, ka kut a damdawi rawn phih thla in, "a mu lak chhuahna tur chem hmawr zum min rawn lak rawh," A ti zui hluk bawk, a hliam tawrhna a rei deuh tawh nge ni a hmui te chu a hil deuh bama ka hriat hnu hnawh ni


Choka lam pan vatin, ka chemte neih chhun, ka lei thar chu ka phawrh a


"I ṭha em?" Min rawn melh zawk, chemte la in, a kiai suk ringawt a, a nuih erawh a hmui dang belah chuan a za viau lo tih alang


Damdawi a hliama leihin, boruak a hîp kawk a, thaw chhuak ham ham chuan a che vel chu mit khap fak fak in ka lo en ran


Chem hmawra amah leh amah a in vih rualin ip chawihin ka hawi sawn lehnghal vat a, ka lo in sehruh ve nghal ṭau bawk, a rum chhuak hawk ka hriat ruala hawi letin, thisen chhuak tih tawp sak tum chuan ka ban vat a


A kut khur dar dar chu ka hre thei, hetiang khawpa na tuar si damdawiin te pan ṭhin tur a nia!!


"Damdawiin te pan ta che, nurse ka ni lo va...." Ka tih laiin, "nurse aiin ka ring che alawm," A bân ka dawmna chu ka hmer zui sawk a, phu zukin a rum nghut thung

ka hmetna deuh a ni ngei ang, a thlan fim bawl zui ṭiam ṭiam en a inthiam lo zet chuan, "i ṭha em? A nâ em?" Ka ti nghal chul chu nui nghawr datin a lu a thing zauh a


"Min hläu tawh lo em ni?" Na ti hmel pawh a pu leh tawh lo, min la en reng tih erawh ka hre thung


A bân tuam zo in hmanrua chu ka khung let sawk sawk a, "hlau che ni ila ka buaipui hauh lo angche," Ka melh zawk, a hmui lo ti sawi deuh sawkin, "Zonuna ka thah chu i ring ta lo tihna em ni?" A Jacket chu hak leh a tum nghal a, a ner zui sawk bawk


Ding chhuakin, "chhuak tawh rawh," Min rawn en in mit a ti zîmsan a, rawn ding chhuakin ka lam a rawn pan hnai hrut chu ka tawlh hnung zui ve vat bawk

A lian rapthlak si nen, hnaih lutuka in din chilh phei chuan mi tê hi ka ang a, ka duh ṭhaklo. Bakah, ka hlau nge pawh ka hre lo, min hnaih lutuk hian ka awm a nuam ṭhin lo


Vei kiai suka a hmui hnuailam pet zeuh chuan, "ka lawm e," A bân melh zawka ti sup chuan inher vut in kawngkhar lam a pan zui pawk pawk bawk, a lawmthu sawi ka ringpha chiah lo nge ni, ding khawng atin a kal liam chu ka en hau ringawt


Ka hläu pawh a ni in ka hre ta lo, ka hmuha hliam a nei fo hian ka lungphu a ti rang in, ka awm a ti nuamlo hian hnaihloh minti duh nita ber in ka hre tawh!!!

.
.
.

"Khawnge i awm?" Phone ka pickup ruala Hruaii aw ka hriat chuan ka thiltih lai chawl datin, ka thaw zui halh bawk a, "e le dawrah," Ka tih chuan, "vahan ho reuh e aw, in ah ka rawn kal a sin, a reng rengin Sunday ah te nge dawr chu i kal?" A ri zui ruk ruk bawk a


Hawi kualin, "nimin lama an tihfel loh ka tifel leh e ka ti, mahni a in a awm chu a khawhar thlak ve alawm," Kawngkhar inhawng ri ka hre zui zat a


"Coffee ka in dawn, i rawn kal dawn em?" Tih leh ka Coffee leh cake order chu ka ban vat a, lawmthu ka sawi zui sap bawk


"Dâwn lo mai ang, zan inkhawm ka duh alawm," A nui zui kur kur, keipawh chu ka nui ve nghal kar kar tho

Sana ka bih zauh, nilengin ka inla buai velah dar 5:30 pm a ri thuak tih ka lo hre lo a ni, "inkhawm i nang hman dawn em ni tuna rawn kal pawh chu, a reng reng thu in nilengin i rawn lawr si lo va, i rawn kal dawn tih ka hre hleinem," Ti zui hlak chuan coffee chu ka tem hlek a


"Niang chu, inkhawm inring thlapin ka rawn kal a sin le, rawn tlawh kawi che ka tum satliah a nia, a nih ka dah dawn," Tih leh ka chhan na pawh nghak lem lo chuan a off zui zat a, phone en chuan ka nui sun sun ringawt, veng khatah awm tawh mahila, kan inhlat deuh a. Mahse, henu tan hi chuan hlat deuh nî pawhin ka hre lo



Keia pawh chu tuna coffee ka in chuan zanriah ka ei leh lo ringawt dâwn a nih hi! Ka buai a talang ah thil ei ka lo theihnghilh pek a, hahthlak ṭhin hian!!


Coffee leh cake ka eiin zo chu, ka thawmhnaw phawrhna sarang tla ho chu ka chhar khawm sawk sawk a


Ka kawchhung lah chu a rawn lum pup pup, ka damlo dâwn em ni? Ti ila, nilengin ka ṭha si a, ka coffee in ti dâwn ila nidang ah pawh ka in fo bawk si

Ka taksa rawn lum leh zawi ta ruai ruai chu sofa ah ṭhu thla hnakin, thaw ka'n la deuh kawk kawk a, ka dang lah chu a rawn ro tulh tulh lehnghal!!!


Kawngkhar a rawn ri tleng a, mit ti zîm in ka lam pana rawn pen mihring chu khaw hmuh fiahlo ruai in ka en a, "tunge inih?" Ka taksa zawi ta lutuk leh lungphu rang dup dup mai, taksa sa huam huam a, kawchhung za cheng mai chu hreawm ti lutuk chuan ka tâl zui deuh ṭalh ṭalh bawk


Light chu off in, ka lam rawn pan zel chu hläu ru zeta thawh mai ka tum a, ka taksa zawi lutuk chu ka in zo thlawt lo


Ka sira rawn ding, 5"10ft vela sang taksa chu khaw hmuh fiahlo zet chuan ka en chho a, ka bân a chelhin chhuatah chuan min theh thla nawk bawk a, ka thaw kawk thung


Ka awmdan hi a dik lo, ka coffee in emaw ka cake ei emaw ah khan eng emaw a tel a ni, "ti suh, khawngaihin," Fiahlo tak kar aṭang chuan ka thawmhnaw hak phelh tum tu hmel chu ka en chiang a, nichin maia coffee min rawn pe tu kha a ni. Ni e, amah ngei kha



A ngawi ngul a, hnamdang a ni bawk nen, ka chungah khawngaihna lantir erawh a tum lo viau in ka ring, "Khawngaihin," Ṭang buai tur ka awm lo, ka kawchhung ah chuan thosi an thlawk ta nuaih nuaih emaw tih turin ka za mur mur a, ka dang a ro in, ka sa hat hat bawk, ka hmeichhiatna chu ka hriat thiam phak bakin a za bawk


Ka hnute chu ṭham a nui hukin, "ka rin aiin i nalh daih," A ṭawng pai zet mai chu hre chiang tak ka ni!!


Ka kut chuan ka sual ve ṭauh ṭauh na in, damdawi in hmin hneh lutuk mah mah, ka kut vai sawn nawkin, "dawh ṭha mai mai rawh, hlawh nei bawk, nuam tuar bawk, a hlawk hle mai," A tih pai leh nuaih chuan mittui tla zawih zawihin ka rilru in ṭanpui tu ka au ruai a


"Khawngaihin minti na suh, naute ka pai a ni, khawngaihin," Ka ṭap chhuak uah uah a, a thiltih lai chu a tawp dat, a kut in ka kekawr kawng a dawm ran bawk, ka dul chu a en a, a dek zui zat bawk a


"Khawngaihin, min khawngaih rawh," Ka mittui ka bekah a luang zawih zawih a, ka aw chhuak thleng chuan a khur hlawk hlawk thei, thawk lehkhatah ka chunga bawk taksa chu, lak sawn hlawk ang maiin ka zâng hawk thei


Thawm ri dup dup leh, "Khawngaihin minti na suh ka Pu, thupek angin ka ti mai chauh a ni," Ṭawng pai zeta a tih ruai chuan kei erawh sofa tlâng ringin ka inham chhuak a


Tunge min rawnpui tu chu ka hre hek lo, mittui nen, ka taksa sa chhuak vek nen chuan ka khaw hmuh chu a fiahlo pawh a ni tawhlo, ka mit a del a ni tawh zawkin ka hria


Ka taksa chu a khur dawt dawt a, "Muanpui," Ka lo tawm chawih chawih, "Keimah, Ryan ka tina dawn lo che," Mittui nen ka en a, ka lamah kut a rawn lek chhuah chu mittui nen a melhin, "Ryan," Ka ti chhuak ṭuak chu bu nghatin, "keimah, keimah Ryan," Min rawn dawm rualin ka ṭap chhuak leh hawk


"Minpui rawh, ka naute, ka naute hi," A lamah min pawtin nghet lutukin min kuahbet a, "Ryan, minpui rawh," Nghet lutuk a kuahlet chuan ka ṭap chhuak uah uah bawk


"Engthil nge i pek?" Ryan aw chu mar fia fia tak a ni, "via...via...viagra, khawngaih takin minti na suh u ka Pu, nupui fanau neilai ka ni, ka Pu," A ti bah nawk nawk a, Ryan chuan ânchhia a lawh zui hluk a, eng nge a nih pawh ka hre lo a thusawi chu


"Daniel that rawh," Chang rat maia Ryan-an a tih chuan a bân chu ka lo hmer salh, "Ryan..." Ka mit ah a rawn en a, "a ti na che alawm," Seh chilh zeta a tih hriam hrak chuan, ka chhil lem khalhin, "Damdawiin ah min hruai rawh, damdawiin ah," Ka lo ti chhuak ṭuak thung, ka awmdan leh taksa zâ leh sa pup pup ah hian, mipa ka mamawh niber in ka in hria!!



"Ka hria e, engmah i chungah ka thlen tir lo ang," Tih leh zo zeta min pawm kâng nawlhin, a taksa chu ka tum vang leh duh vang pawh ni hauhlo in ka nek zui ṭâwlh ṭâwlh a, ka tum a ni miah lo, ka taksa hi ka thunun theih piahlam a ni

Min pensawn puiin, "savawm bawmah khungla, motor khalh rawh," Thupe ṭhang tih hriat lutuk chuan a ti zui hluk bawk a



Car min pan pui lai te chuan a nghawng leh âwm chu ka zût kual a, a lo rum ve leh hawk ṭhin, a chil lem ri khalh te chu chiang takin ka hre bawk


"Tlân chak angche," Car a ṭhut luh ruala a ti hrawih chuan, ka ke chu a bawpa chepbet in, "ka tina dawn lo che; Mahse, i him nan damdawiin thlen hma chu hetia ka tih che hi a ngai," Tih leh ka kut pawh chu a pahnih a hmerbetin, a lamah min pawt hnai hrawk a, lo thaw halh halhin ka hmui chu ka petbet ngar bawk a

ka rilru chu a harhin, ka awmdan chu a zahpuiawm takzet tih ka hre na in, a taksa hi ka mamawh a ni, ka mamawh takzet

Ryan chu thaw chhuak hawkin, "tlân chak rawh Daniel," Ti chhuak hluka min rawn en in, "ka venghim angche ka tih tawh kha," Bul zet chuan a ti zui hluk bawk a, ka chianloh vang nge Ryan pawh chu a taksa a danglam tlata ka hriat hrep ni!!!!!


<><><>



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:25 pm

PRESENT PERFECT
By
Floria Laldansangi


Chapter < 20 >


RYAN....POV


A kut tereuhte leh a mal zên tak, a tawk chiaha mum nalh chu, ka hmerbet a, ka chepbet chung pawhin, a lu hmanga ka âwm a nâwk nar nar leh thaw lum ham ham chunga, harsa tih hmel taka ka hming a lam ri te, khawngaih min dil ri te chuan, kei tlangval in fit ṭha tak tán leh, lo iai em em bikloh nen taksa a danglam chak khawp mai, ka duh hauh lohin ka Dragon pawh a rawn khawng ṭha fia fia khawp a!


Ka mipat na khawng ṭawl mai leh ka thaw lâk buai hak chu mit chhing deuh sawk sawkin ka thaw chhuak leh halh ṭhin, seat hnung ngheng dawt a thaw chhuak hawkin pawnlam ah chuan ka thle bak a, "TC FAMILY CLINIC" tih ka hmuh ruala ṭhu ngil at in, "Daniel car ti ding rawh," Ka ti chhuak hraih bawk



Car a din rualin Daniel-a chhuak vat a kawngkhar rawn hawngin, ka mipat na khawng at chung chuan Muanpuii chu ka pawm chhuak nawlh a, ka nghawng ah a kut suih betin, min nek nghal ṭâwl ṭâwl bawk



Clinic lam panpui pawk pawk chuan kawngkhar chu ka su hawng dawt a, "kan khar....." Nurse in a tih rualin, "Doctor ka mamawh," Ka ti chhuak nghut bawk


Doctor a room aṭanga a coat var phelh paha rawn chhuak lam chu panin, "tih reh tum rawh," Ka'n ti nghal tlawng bawk a


Min en ha in, Muanpuii chu a en leh a, engmah sawilo chuan, "rawn luhpui rawh," Tih leh ka zui lut zat bawk


"Khumah khan mut rawh," Doctor chuan a ti ve tak nâ in, Muanpuii zawk chuan ka nghawng ah a uaibet ran mai


"A awmdan insawi thei angem?" Doctor in glove bun paha a tih chuan, Muanpuii'n min kiss tun ni âwm taka min rawn hnaihna chu hawisawn san pahin, "via..viagra..." Ti deuh nuaihin ka thaw hak a, "ka naute, Ryan ka naute," A aw chu a ṭham chal mai


A rilru erawh a fim tih hriat takin a naute chu a rawn lam mawlh mawlh bawk a


"A rai bawk," Ka tih leh nghut chuan doctor in min en kawk in, "awmsawn rawh," Ti vutin, "Viagra hi mipa tan chauh a siam a ni tih in hre lo em ni? Hmeichhia, naupai in an ei chuan engtin nge a thawh i hria em?" Doctor pawh chu a thinrim tih a hriat, keitak hi a sin thinrim ni, Lalmuanpuii chungah engpawh a thleng a nih vaih chuan kha vai sawn chhe lutuk kha ka that ngei ngei ang!


Min kuahna kut chu ka phelh luih saka, "nurse" tih leh min rawn en in, "pawnah, veilam ah pêng la, toilet a awm kha," Doctor-in ka kap melh zauha a tih chuan nurse chu alo ner sawk, ka taksa sa pup pup vangin ka hmu sual pawh a ni mahna! Mahse, a hmel chu khawi emaw ah ka hmu tawh tlata hriatna ka nei bawk

Ka chhip sam tuai puat a, Muanpuii rum leh in pet vel chu melh zawkin room chu ka chhuahsan vut bawk a


Chak lutuk a toilet lam a sawina chu pan pawk pawkin, kawngkhar chu ka nam hawng rawk rawk bawk a, ka Dragon, pen zawnga kekawr in a tawh pawha na hlur tawh, khawng ṭha zet chu phawrh chhuak rawk rawkin, tisa chakna avanga khur dar dar chung chuan ka hum nghal chawt a, thaw chhuak hawka mit chhing sawk chuan muangchangin ka kut ka ti che zui riai riai bawk


Ka hriat theih chinah hmeichhia, ka hmaa ka ban theih leh khawih theiha awm ka chhuah vawikhatna a ni hial ang chu!


Hmeichhe satliah emaw Ka chhuah satliah emaw pawh a ni lo. Ka hmeichhe it leh hriat chian chak, khum laizawla uluk tak maia a taksa pêng tin mai hriat bel em em ka chaka ka suangtuah ṭhin hmeichhia, ka hmaah ka khawih theiha a awm laiin, a hnute ṭhâm sawiloh, kei hian a chal vawikhat pawh ka fawplo a nih chu!!


Keimah ka ni takzet em tih ka in zawt ru hial zawk a ni!

Keimah a 15mins chuang toilet ah ka in hrik thlak hnu in, rum chhuak hum hum chuan ka thaw chhuak ham ham bawk a, ka Dragon chu thing deuh nawk nawk a, tuaifai nawk nawk chuan, ka kut berh zet mai en a nui chhuak hukin, "Ryan, Ryan, Ryan...." Ka hming lamin ka lu ka thing mat mat bawk, ka danglam ta thut nge ni a, he hmeichhia hian minti danglam ta zawk ni?


Kawngkhar rawn ri karh karh ka h rualin, "Sir, engtin nge kan miman sawn ni dawn?" Daniel-a aw ka hre zui zat a, kut silfai sawk sawkin, kawngkhar chu ka hawng a



"Lo awm angche," Daniel-a en a ti nghutin, Pawn a chhuakin Car hnung chu ka hawnga, kha vai, Muanpuii hrâi tu ngei mai kha pawt chhuak nawkin, leiah chuan ka vawm thla nawm bawk


"Ka pu min khawngaih rawh," Ka ke bula rawn bawk vakin, Kut suih in a ṭap ang hluam hluam bawk a, mit chhing sawka thaw kawk kawkin, "tu in nge tir che?" Chang rat maia ka tih chuan a lu thing nawk nawkin, "ka hre lo a ni Ka pu, order ka lak laiin hmeichhe pakhat alo awm a, pawisa minpe a, damdawi telh turin minti a," Chhir zui zawt mai ka tum a, ka ke la let sawk a, chhir ta lo chuan na lutukin car chu ka chum zui dawt a, ka thaw zui hrawih hrawih bawk


Hmeichhia a tih chuan tunge a nih tih hrilh hran ka ngai lo, Lucy-i.... He mihring bak hian Lalmuanpuii anti na dawn lo, "Hreptak hian!" Ti kha leh hrawihin, "Sir," Daniel-a chu mit thîp ramin ka en hrawk a


Clinic lam a thlek zauh chuan ding ngilin boruak tam thei angber hip kawk kawk a, thaw chhuak ham ham chuan, "Villa ah lo va hruai rawh," Vai chu ka melh zawk, "ka thahloh nan che ṭawngṭai angche," Kha zet maia tih leh ka pensawn lehnghal pawk pawk bawk


"Doctor eng nge a an?" Doctor chuan a glove bun lai phelhin, "tuna ka tih theih zawng chu chiu mut a ni rih mai, mipa i ni a, viagra hnathawh chu i hre tho in ka ring, hmeichhe naupai tan pheichuan a hlauhawm zia pawh, hmeichhe naupai laiin an ei reng rengin, an naupai hi 10% ah 1% bak hi dam chhuak an awm meuhlo," Damdap maia a tih chuan ruh lutukin ka in hum ruh a


"A harh chhuah veleh doctor i panpui dâwn nia, ka rindan in 200mg a nih ka ring, viagra 50mg hi mipa hrisel pangai in sex hman hmaa darkar 1 a kan ei chuan, tha tho takin darkar 2 chhung sex kan hmang thei ṭhin, kan mipatna a ti khawng ṭha in, thisen a tilum reng bawk, i nupui taksaa a thawh dan en in, a lo berah 200mg a nih ka ring a, a naupai tán pawh beisei ka neihpui viau lo che u," A tih zawh rualin na lutukin bang chu ka hnek ri dawt a, thaw hrawih hrawih a mit thîp râm a Doctor leh nurse rawn chhuak chiahin hläu tih hriat taka min en na en let ngur ngur in

"A naupai chhan dan a awm em? Ni lo, enkawl dam dan a awm em?" Doctor chu a thaw halh a, a lu thing deuh mat mat chuan, "pawi ka ti hle mai, a taksa a chaklo in, a naupai a chaklo sa si a, damdawiin lian emaw doctor dang pawh pan ula, tihngaihna a awm lo ang, a dam chhuak hlauh a nih leh Pathian thilmak tih ah in ngai thei angchu," A tih zawh rualin Doctor kawr awma ṭham nawk chuan thaw hrawih hrawih a en in, ka thlah leh sawk a, min hlauh hmel lutuk chu a tawlh sawn nghal rawk rawk bawk



Doctor room ah lutin, tui ti taka muhil thaw sek sek mai Muanpuii lam pan chhat chhat chuan, ka thlek vang vang a, a sam hnawk zet mai, a hmai zartu chu dimtê a hui kiang saka, chul mam sak chuan, "nang leh i naute chungah engmah a thleng lo ang, a thleng ngai hek lo ang," Phun sup supin ka pawm kâng zui zat bawk a


Ka ipte a phone phawrhin, nurse chu melhin, "Khawnge ka scan dawn," Rang lutukin a che a, ka phone chu scan in ka pen chhuak zui pawk pawk bawk

Car-ah dimtêa mut lutin, ka jacket haklai chu phelhin ka sin tir zat a, a thaw ri sek sek mai leh na nei lo ang maia a muhil en chuan ka kiai suk bawk, a mit hmul er ṭha zet mai leh biang tai sen hlar mai chu a inhmeh takzet! Naupang muhil te pawh a ang alawm!


Kûn hniama a beka fawh ka tum chu mit chhing sawkin, ka thaw halh a, ding ngilin, "i harh hunah leh engkim i hriat hunah, i phalna ngeiin ka fawp angche," Ti sup chuan, a hmui no chêk mai, fawh nuam tur tawk leka sexy chu tuai zauhin, kawngkhar kharin ka ṭhu lut ve zat bawk


"Lo ding teh, lo ding teh ," Tih leh Nurse-in hmanhmawh zetin kan dinna lam a rawn pan a


"Doctor-in zanin chu clinic ah hian riak turin a duh che u a ni," A tih rualin Clinic lam chu ka melh zauh, Doctor ka lam rawn panin, "ka mutthilh na chiu kha, a naupai avangin chak tak a ni lo, a damdawi kha alo berah darkar 5 a taksa ah a thawk dawn a, sex i hmanpui te a nih ngawtloh chuan," Tih leh chawl datin, "zanin chu hetah riak mai rawh u, Inchung khi kan in a ni a, min mamawh chuan koh theihin ka awm reng dawn a," Chu doctor, ka Pa nena in rual thuak tur chu ka en deuh hâ


Hetiang doctor, damlo tana mahni inpe zo hi ka hmu ngai miau lo a tin ni? Nge ni a, Mizoram doctor te hi hetiang a biak nuam leh inpe zo a an ni vek zawk


Muanpuii rawn chik deuh nghiar nghiar lam chu hawi vatin, "a pum a na a nih kha," Doctor chu ka en leh a, riah mai pawh chu pawi ka ti dêr lo


Ka ṭhutna aṭanga chhuakin ka pawm chhuak leh nawlh a, doctor room a pawm lutin nurse-in puansin tur min rawn pek chuan ka lo khuh vat bawk


"A na a zual leh buaina dang in neih chuan min ko mai dawn nia, room lehlam hi inchung pan na a ni a, i rawn chho thei mai ang," Doctor bawkin a tih leh chuan Muanpuii en vang vanga bu nghat in


"Nichin a ka chetdan avang khan ka tihpalh," Doctor chu ka melh zawk, nui sun sun a ka dar a rawn beng thak thakin, "kan tleirawl lai chuan kan ni ve ṭhin alawm," Tih leh pensawn a ruala, ka nui suk thung


Nurse in min rawn melh zawka, a mitmeng de sar sar ah chuan min beisei tih ka hre thei ; chutiang bawkin, tunge a nih tih ka hre chhuak zat bawk, "Hmangaihi," Ti sup chuan, doctor-a chair chu pawt sawnin Muanpuii lu lama ṭhu in, a kut chu ka chgelh zui ran bawk a


Ka mitthla ah min mamawhna mitmeng leh min mamawh ngawih ngawih tih hriat taka ka hming a lam na ri chu a rawn langin, ka bengah a rawn rik nawn leh chuan mit ka chhing sawk, thaw chhuak hawkin, "minti buai khawp mai aw," Kiai suk a, a biang no chek leh hmui no nalh set chul a, tuai zauh chuan ka ti chhuak ṭuak bawk



<>~>~>


MAMPUII...POV


ka men chhuah rual chuan ner sak in ka maimitchhing leh nghal a. Mit ka chhin lai reng pawh chuan ka lu hai mup mup avang chuan in ka luak a rawn chhuak up up tho.



Ka pumpui ni nghul leh lu hai zet chu ngaihven duh loin ka han meng chhuak leh a, ka awmna hmun chu ka hre hauh lo!


Ka mutna khum pawh chu khum pangngai aiin a zim zawk tih ka hriat rual chuan hawi kual nghal ruai in ka thaw chhuak ta hak a. Damdawi in cabin ah a nih loh chuan damdawi in kaihnawih khawi emaw ber ah ka awm ka ring nghal hmak


Ka țhu chhuak a, ka pumpui inlet kual tup tup avang chuan ka dul dawm in khum ațangin ke ka hlang thla a. Chumi rual deuh thaw chuan ka awmna pindan pawn lam ah ke pen thawm lo chhuak chu ka hre nghal zat.


Kawngkhar lam chu melh nghal dawrh in ka ding mar nghal awt bawk a


Kawngkhar bul chu tha neilo zet chuan ka thleng phei a, kawngkhar herhhawnna chu dimte a herh hawng in ka pawt hawng țhem țhem a.


Ka thil hmuh avang chuan ip chawi in ka lungphu a rang nghal dawt dawt.


Pindan chhung thim deuh ruih a sofa inhung ah chuan Ryan-a chu a țhu a, kawr a ha lo, sofa nghenchhan ah a lu nghat in ngheh hmel zet in a muhil bawk.

Mahse, nurse uniform ha hmeichhe pakhat hian pan hnai in Ryan-a muhil mek malchung ah chuan a țhu a, Ryan-a âwm tihrawl sek phiar țha zet chu a zût kual pah dan dan bawk.



Ka thawk a rawn rang a, kawngkhar chu nam phui mai tum a ka che chiah erawh ka tawp leh chawt!


Ryan-a chu lo harh in nurse kawrfual ha nu banrek ah chuan a man chawt a! A mitmeng melhna zet in hmeichhia chu a melh nghal run, ka che zeuh emaw thawm ka siam a nih chuan min hmuh ngêi dawn, chuvang chuan thawk pawh thaw țha ngam lovin ka ding țang țung a.


"A rei tawh hle mai Ryan" nurse uniform ha chuan ti sep in Ryan-a beng bulah a awm hnai a, zawite hian "Min la hria tih han sawi teh," Ti sar sar in a kut lehlam in Rayn-a tukhum leh nghawng vel chu a zut kual dan dan a. A uniform hak chhana a awmbawr mar țhat hmel tak chuan Rayn-a hmai vel chu nawr kual a tum niber hian ka hria.


"Rayn," mamawh hmel lutuk a ti pah a ding in a malchung ah chuan Rayn hmachhawn zawng a țhu turin a insiam rem nghal a.

"Duhtawk teh, Hmangaih," Mutkham loh hmel zetin Rayn chuan a ti hmuk. Nurse, oh, Hmangaihi insiam rem tur pawh chu tawp chawt in Rayn-a chu a melh chhuk ran a.

"Ka muhil tui lai min lo tiharh hi ka lawm hauh lo a nia," Ti leh nghuta a ner sawk chuan Hmangaihi chu a nui che dat.

"Mizoram i lo thlen tirh nen i va danglam ta ve," Ti deuh ngat in a kut pahnih chu Rayn-a dar ah nghat hnap
in han zut kual leh mai a tum a.

Phun hluk a, Rayn-a chet dan avangin Hmangaihi pawh chu a țe deuh țhat. Dimlo lutuk in Hmangaihi banrek ah chuan man in a theh sawn dawrh a nih chu mawle!

"Rayn"

"I hna chiah thawk rawh," Ti chhuak hrawih in Hmangaihi chu awm lo ang hmak a ngaiin a mutthilh dan ngai bawk khan sofa nghenchhan ah lu a nghat leh a.

A uniform pawt mar a, a sam hui mam pah in Hmangaihi chuan Rayn chu a nuih leh hak țhin, Rayn-a erawh luhlul hmel zetin a inkuangkuah run a, a maimitchhing leh daih tawh bawk.


"An sawi ang tak tak a lo nih ngei dawn hi, CID pa nupui hlui, nau pai leh nghal atchilh awm tawk lek chu ilo nih hi," Elhsen hmel zet a Hmangaihi'n a tih chuan ka lo ip chawih.


A mitmeng hauh silo in Rayn chu ngeng hmel zet hian khi suk a.

"Nula pawh nilo nuthlawi raipuar..." uar lutuk a Hmangaihi'n a tih nawn leh sak chuan zawi fiah zet in Rayn-a chuan "nula hnahkhat tam takin an tluk loh hmeichhia..." Ti sup in a meng leh ruai ruai a

"Nang ngei pawh sex hmanpui châkna nei tawh lo hial khawp a min siam theitu hmeichhia a nih saw... huh? Hriat belh duh ila nei em?" A tih leh zet chuan Hmangaihi thinrim lutuk chu a inhum ruh ngat ngat, alh thei nise a alh ngei ang, a hmai a sen marin, a beng aṭang te chuan mei khu a chhuak dawn hial emaw tih tur khawpin a sen alawm!


"Ryan hnaisailopa," Sehchilh nawk a tiin counter pan chuan a kal nghal hlawk hlawk a


Chimawm lutuka kiai suk in Ryan-a chuan sofa nghenchhan ah lu a nghat dat a. "Nuthlawi satliah a nilo, ka hmeichhe hmangaih a nih saw," Ti chhuak supin muhil ang mai chuan thawk a lak zawm leh a.



Kei erawh ka lungphu chu a chawl duk maiin ka hria.


Thawm dim thei ang ber in kawngkhar chu ka nam khar riai riai a.

*Nuthlawi satliah a nilo, ka hmeichhe hmangaih a nih saw* Ryan-a aw zawi sup ri kha ka lu bur ah hian a ri nawn tluk tluk a ni ber.


Chau zet in khum ah chuan ka let thla tap a, mu saisir in ka dul puar ve ak tawh chu ka dawm a.


U Zoa ka ngaihtuahna ah a lo lut lo thei lo!

Tun țum erawh a dan a dang.


Ngatinge... Ngatinge min hmangaih inti em em chung si khan Lucy kha a hnar theih miah lo.

Ryan... Nie, Ryan-a nen khan eng inzawmna mah kan neilo. Min duh tih leh min venhim tur thu sawi țhin mai mipa zawk pawn keimah vanga nula dang a hnar theih laiin, kum10 chhung zet ka pasal lo ni tawh! ' A In' ti a min chhal țhintu ngei khan hmeichhe dang khum a kaipui thei tho!


Ka dul chung a lung rawn na nghal ngut ngut ah chuan ka kut chu sawn chhovin ka insehruh a, ka bek a mittui luang thla lum pap chu hru leh tawkin ka thaw chhuak hak bawk.


Zanin a Ryan-a'n nurse a hnarfithla țhak ang khân, Lucy-i kha U Zoa'n han hnarfithla țhak mai se chuan kan chhungkaw din ve tereuh kha a kehdarh lo ni mai tur. Mahse, hmeichhe pakhat lekin a thlemna pawh hnar hneh lovin kan din chhungkua in a la tuar dawn tih hrereng chungin engkim a thlen tir a.

Nilo, engthil awmze neilo teh hrep nge maw ka ngaihtuah le?



Ka chhungril ațangin chauhna in min rawn țham ka ti mai, ka zawi telh telh a, ka khawhmuh phe deuh riai tawh chuan kawngkhar lam bawk chu ka melh a.

*Nuthlawi satliah a nilo, ka hmeichhe hmangaih a nih saw* Ryan-a hmel chu hmu thei tawh lo mah ila at hmel zet in ka nui a.

Thil thleng leh chu mumal in engmah ka hrelo.


Mit ka men leh rual a mitmeng melhna zet leh tak ngul in hnai lutuk a min lo melh ngur chuan ka meng phar nghal kawk.


"sh*t.. tihhlauhthawn che ka tum lo, i țawngvai nasa lutuk a," Ti chhuak hlukin Ryan chu a dingmar vut a


Thaw hawk a ka hawi kual chuan ka pindan chhung ah ngei ka lo awm leh tawh a nih chu!


"Eng.. eng nge ka chung ah thleng a?" Ti a hlauhthawn hmel deuh a Ryan-a ka han melh chuan sam tuai chho tawkin khum ah a lo țhu thla a.


"I țha tawh, chuzawng chu.. eichak i nei em?" Ti sup a uluk lutuk a ka mu zangthal lai min melh vung vung chuan ka awm chhung a che dat dat mai.

"Ih... ka.." chawp chilh zet a nizan a thil thleng ka hriatchhuah a vang chuan thawk chelhin Ryan chu ka melh ta tlawk tlawk.



Nizan kha.. Ka awmdan zahpui awm lutuk chu ka mitthla ah a rawn lang leh nghal zut zut, mipa mamawh lutuk ang maiin ka chul kual vel a nih kha! Zahna leh thinrimna, mahni intenna ni âwm takin min tuam hlup hlup a, ka thlanfim rawn bawl ṭiam ṭiamin, ka sa chhuak pup pup bawk, khural thei ila khuk ral chem chem mai a nia ka duh ni!


Kei hi!!!! Ryan chu ka melh vat.

kei leh Ryan-a inkarah hian.. ni lul suh se!!

"Phiangsen chuan! Nizan khan ka kut hmawr pawh in ka khawih lo che a nia," Ka ngaihtuahna hre thei ang hrim in Ryan-a chuan a rawn ti nghut. Chil ka lem khawlh bawk


"Aaa... ka khawih che, clinic ah ka hruai che a, ka pawm che a ngai a, ka khawih che," Ti leh hnuhnawh in a tukhum thaklo pui chu tuai in a nui ro hak


Thaw huai a chil ka lem leh dak chuan a tho vut a.
"Ei chak i nei em?"

"Uggg, aw"

"Sawi rawh, ka siam sak ang che," A tih chuan meng chhuak in ka han melh ran a, zam hmel pu deuh hlek hian, "i pum chhung a naute pawh khan ei chak a nei ve ngei ngei ang," Ti sup in ka dul chu a melh zeuh a.


A chetdan naupangchhia ru zet a vang chuan ka nui ve hak bawk.


"Naute insiam lai hian thil mak pui pui an ei chak țhin a sin," Ka tih chuan a kutphah lian zet pahnih chu chelhkawp in a lo kunhniam a. Ka dul chu lo nuih suk pah hian, "naute, eng nge i ei chak min han hrilh teh," A tih chuan a ri meuh in ka nui chhuak ta hak hak, a hmel leh taksa nen, a aw chhuak ri in mil lo lutuk chuan za lutukin min nuih tir

Ryan-a lah chuan chal chuar nungin lungawi loh hmel deuh in min en a, "lo bengchheng suh, a sawi ka hre thei lo," A ti a, mahse amah pawh chuan atthlak tih hmel zet in a khi ve suk tho.

"Tengtere den, acid thak tek tawk leh Sangam mix a ei chak," Ka lo tih chuan ding mar hluai in khum bul a plastic chair a a jacket ban chu a la kang vut a.


"Tengtere den, acid thak tek tawk leh Sangam," Ti ve sup sup in room ațang chhuan a pen chhuak ta vut mai.

"Hey, in ah chutiang engmah ka kawl lo, lei chawp a ngai," Tiin inbeng kâng meuh in ka au zui a.

"Ka hria.. Tengtere den leh Acid nilo hming mak deuh kha eng maw?"Ti leh hnuhnawh in room kawngkhar ah chuan a lo dak lut a.

"Sangam"

"Sangam," Ti ve sup in ngaihtuah muk hmel tak chuan a han thle deuh buk a..

"Dawrte ah an zuar țhin," Ka lo ti leh vat. Mizoram ah a awm ngailo a, nepnawi hming te chu a hre dawn lo nasa lutuk.



Chhungril chau viau e ti lo chuan, Ka taksa pum mai chu vuak hrep ang maiin ana kham ut ut a, ka hnungzang khuar lai leh ka thluk kham na lutuk te chuan ka duh angin ka taksa ka ti che thei lo, ṭhut chhuah mai ka'n tum ve chu a nia!


Inbeng kângin, muangchangin lukham ngheng chuan ka ṭhu chhuak a, ka mitthla ah ka awmdan leh Ryan ka chul dan a rawn lang leh! Zahna thuah 10 velin min tuam a ni berin ka hria!


Khum aṭang chuan ka ke chu dimtê bawkin ma hlang thla a, ka pum chu engvang a na deuh ruai ruai nge maw a nih le? Ka kaw ruah lutuk vang chu a ni êm lo angchu!


"Indim rawh," Ryan-a aw ka hriat rualin ka phu zuk thei, thaw hawkin, "minti phu alawm," Ka tih rualin ka bân ah a rawn chelh a, ka lo ip chawih thung! Keihi ka diklo nasa a ni, ka hmai te chu engtia rawn sa ta pup pup nve maw a nih le? He naupang hian minti danglam chu a ni êm lo maw?


"Teuhlo lutuk," Ka rilru in ka ti sep


Ka awmdan hrethiam ni ngei turin nui ri hukin, "i hmai tomato ah a chang zo dawn a nia," A aw chhuakah chuan a nuih a za hle tih a hriat, kei erawh ka hmai sa lutuk chu sawiloh ka lung hi a phut rualin ka sa chhuak pup pup thei nia maw le!!

Ryan chu ka melh zawk a, "engmah ka chungah a thleng lo tiraw?" Ka'n ti leh hnuhnawh a, ka ringlo lam a ni lo, ka pum hi a na a ni, ril ṭam pumna a ni hau lo bawk


Ka pum a rawn zual chu ka ner zui sawka ka thaw chhuak halh bawk


"Na i nei em ni? Doctor ka panpui angche," Nichin maia a nuihza aw kha chawpchilh a vawm bo ang a ni, min ngaihtuahna ni âwm tak te ka hria in ka hria


Ka chil ka lem khalh a, "nizan ah engthil chiah nge thleng? Ka intur ah eng nge a telh kha?" Zak bawk si, hriat ngei duh bawk si chuan ka ti sep a

"Ṭhu teh," Tih leh khuma min ṭhut tirin, ka hmaa chair a ṭhu thla ve nghal chu ka melh dek dek a, a mit ah tak en kalh tur erawhin ka la huaisen tawk rih lo tlat a tin ni!


"Viagra... Viagra a telh," Ka en hâ a, eng nge viagra pawh ka hre miau lo a; Mahse, ka taksaa a thawhdan chiang taka ka hriat chu, "hurna" tih bakin sawi ngaihna ka hre law

Tisa chakna a chhuaka, thunun theih piahlam in kawchhung ah min tur a, thisen a ti sa in lungphu a ti rang dup dup bawk


"Ka pum hi.." Ka pum lah chu ana ang tulh tulh lehnghal!!!


Ka kûn deuh vang vang a, "damdawiin kan pan a ngai a ni," Tih leh ka inrin hma hauhin zo lutuk a min pawm kâng nawlh chu, rak ṭhatin, tlak hläu lutuk chuan a nghawng ah ka kuah nghal ṭau bawk a


"Ryan keimah in ka kal thei, min dah thla teh," Kawngkhar hneh sawh lutuka a dara su hawngin, a hnar a tum ri dat duh lek lehnghal!!!


Zing dar 7 vel chauh a ni ang, kawngpui lûn ve tak, Bazaar panna laia awm na nâ na chu, kawng kal ho in min en duh hrek hrek khawp mai, a ṭhen an nui zui ang vur vur bawk a


"Ryan...." Ka ti leh chiah, car kawngkhar hawnga seat a min nghat chuan, seat belt ban pahin hnai lutuk ah min en a, "ngawi reng khan ṭhu angche," A ti nghut chu ka lo ip chawih mai, engtia he naupang thusawi a piang awih hi nge maw ka nih le? Duh ni ila ka sual let thei reng si a


Rawn ṭhu lutin car tinunga a tlan chhuak chu melh zawkin, "nizan a vai kha tu rawn tirh nge?" Min chhanglo, a bek erawh a rawn pawng ṭalh ṭalh, a steering chelhna bân phiar ṭha zet chu thisen zâm a rawn lang nghal ṭhuah bawk


"Ryan zawhna ka zawh che chu," A thaw hrawih a, min chhan ala tum chuanglo tih hriat takin hmalam a en ngur bawk


"Lucy, Lucy-i a ni em?" A ṭhu ngawi ngul chuan ka thin a ti rim ve zak, Lucy-i pawh chu venhim a tum reuh emaw ni?


"Car ti ding rawh, car hi ti ding rawh," Ti tuar tuarin, Kawngkhar ka sawi nghal dawt dawt chu, "Engthil nge maw itih le?" Ti hrawkin car chu a ti ding tuar a, hmalam ah ka bu lawp bawk, ka pum na ta lutuk chu dawm vawng zui vawng vawnga thaw kawk kawkin, ka lama rawn awn hnai Ryan chu rum lutukin ka melh khai khai a


"Thupbo sak emaw thup mawi sak i tum a nih si chuan min puih loh tur che alawm," ring zeta ṭawng ka tumin, vin tuar ka tum nen, ka pum anat êm avangin duh angin ka ṭawng ring thei lo lehnghal!


Hnai lutuk ah min rawn en a, ka mitah chiang zeta min en ngur ngur chu, seat ngheng bet chuan mit khap zuk zukin, "eng.."Ka ti hman ṭawk, kiai sukin, "i thik em ni?"

"Teuh lo lutuk!" Ka duh aiin ka chhang rang mah mah, a vei kiai suk a, rum zeta melh lo khai khai chuan, "Lucy-i tiha ni em?" A seat a ṭhu ṭha a min melh zawk a car tinung leh chuan, "i hriat a hnu ka sawi khwr a ngai em ni?" A ti duh lek chuan ka thin ati rim zual, in seh ruh vakin, "LALRAMNGHAK," Ring mang kheng a ti tuarin ka indawm zui vawng vawng bawk


A engtak chu nge ka thinrimpui em em pawh ka in hre chuang lo; Mahse, min ngaihsak lo leh ka thusawi ngaipawimawh lo ang maia a awm chuan ka âwm hi a ti tawt up up tlat a ni!


Car a ai chaka khalhin, "ngawi reng khan ṭhu rawh, nangmah chiah in ngaihtuah tur ini," A ti deuh hrawk a, a thaw ri zui hrawih bawk, keipawh chu thinrim leh pumna hlur chung chuan kuangkuah atin ka ṭhu ve ta ran ringawt a, hnial buai turin chakna nei tawh heklo i le!


Ebenezer Hospital lam min panpui tih ka hawi chhuah chuan ka hre thei


A tlân chak êm avangin rei pawh kan tlan lo, hospital hmaa car ti ding dawta zuang chhuak ti tih chuan, car kal hualin ka awmna lam a rawn pawt hawng sawk a, min pawm chhuah leh ka hläu lutuk chuan ka dul dawm chungin rang lutukin ka zuang chhuak chu, zâ tih hriat takin a nui huk a, ka darah a rawn chelh zui zat bawk



Zingkar hma tak ala ni bawk nen, doctor râwn tur an awm meuh pawhin ka ring lo


"Doctor Nisha a awm em?" Kan luh ruala Nurse a hmuh hmasakber chu a be sup a, nurse chu a lu thingin, "a haw deuh chiahin ka hria," A tih zawh rualin, "Ryan," Hmeichhe aw tliang nalh zet mai; Mahse, vai aw tih hriat tak, sin ral mai rawn chhuahna lam chu min hawipui vut a

Meng deuh kawka min en in, mit hmul kan ak in Ryan chu a en leh a, "puih theihna che ka nei em Boss," Ryan chuan Doctor lam min panpui in, "i room ah lut teh ang," Ti hluk chuan min rawn melh zawk

"Midang tan hian a vahan nelawm loh ren run dawn tak êm! A ṭawng bul hmuk hmuk mai te hi melh pawh melh peihloh na tham a ni," Ka lo ti rilru hmanhmawh bawk


Doctor chu ner nawkin, "ok," Tih leh a room lam ni âwm taka thle bâkin a let ve mai bawk, an inbiak dan leh in en danah chuan an inhre ṭha viau tih hai rual a ni lo


"Nizan ah Viagra a in a," Min luhpui ruala Ryan-an a tih deuh tlawng chuan, ka melh chho nghal vak

Doctor chu a rawn nui ri hak, "Ohhh!!! Ryan....!" Chair a ṭhu thla paha a tih chuan ala nui vur vur tho

"I ngaih ang kha a ni lo, nau a pai a ni," Ryan-an a tih leh chuan a nui hmel a tawp hmak, "sawtah sawn mut tir rawh," Tih leh din a rual nghal zat bawk


"Lo va chhuak rawh," Min mut tir ruala Ryan-a en a a tih chuan min rawn en leh, ka mitmei a chhuak tura ka tih chuan inherin a chhuak ve mai bawk a, Doctor chuan mak tih hmel zeta Ryan chhuak en zui in, "amah a anglo alawm le," A hriat tawk leka sawi mah nise ka hre tho mai


A rawn nui a, min en thuak thuak pahin ka dulah Ultrasound Gel a rawn tah chuan ka lo ip chawih, a vawt hret a ni

"Viagra hi hmeichhe naupai in an eiin engtin nge an awm i hria em?" Min melh zawk, a aw chhuakah chuan min demna aw a lang tela ka hriat chu ni!


"I taksa a chak lo tih a hriatin, i naupai a te em em bawk a," A tawp dat, "nizanah nau i chhiat nghal lo chu i vannei hle mai, i châkna a chhuak theilo a nih pawhin hetiang hi ei tawh ngai suh angche, nau tihtlak i tum te a nih ngawt loh chuan," Tih leh ka dul chu tissue in a hrufai nghal thuak thuak bawk


Ṭawng tuma ka kâ ka âng zuai tawh tih ah, "a duh vanga ei a ni lo Nisha," Ryan aw chu chang tak a ni, "eng nge rawn luh," Lo ti vin hlur chuan rang lutukin ka kawr chu ka pawt thla nghal sawk sawk a, mit zîmsan a min en in a kiai suk duh lek lehnghal a


"Ok, engpawh nise tunah rih chuan i naute a him a, nakin zel erawh ka sawi thei rih lo," Tih leh a ṭhutna lam panin, Ryan chuan ka hma ah ka dawm turin a kut a rawn lek chhuak a, melh chho zawka nawrsawn chuan keimah in ka zuang thla vei tharh a, ka pumna ka theihnghilh a ni, a na zuk mai, Doctor lah chu a lo nui ang vur vur a


"Damdawi dang ka chawh dâwn lo che, i pum na erawh viagra effect a ni a, tih rehnan damdawi dang ei chi a ni lo, i tuar a ngai a ni mai," Doctor-in a tih chuan Ryan chu lo thaw hraihin, "na tuar reng rawh se itihna em ni?" A ti bul hluk mai chu a bâna lo chelh vatin, "ka hrethiam e. Mahse, doctor engtik hunah pawh nau hi ka chhiat thei itihna em ni?" Ryan pawh chuan min rawn en vat


Kei erawhin doctor chu ka en ran, Doctor chuan min en vang vanga Ryan en lehin, "i vanneih dan a ni mai angchu," A ti zawi sap chuan min deng dawt mai, cubic lunga vawm dawt ang mai ka ni!


Ka kaihza tha zawi hnak ah chuan Ryan-an min rawn chelh vat a, "Hreptak che hian Nisha, sawi kher a ngai em ni?" Ti hluka ka dara min kuahin, "min en rawh Muanpui," Tih leh a kut phah hlai leh lian zet maiin ka khabe a rawn dawm a, min khuai dak deuh chuan ka mitah chiang zeta en in, "nang leh i naute chungah engmah ka thlen tir dawn lo, a chiang em?" Nghet charha tih leh a mit hmul ti che zauh a, thle bak chuan a vei kiai suk bawk


A mitmeng fiah zet mai ah chuan a thusawi chu engti zawng pawhin a ti puitling ngei dâwn a ni tih chiang takin ka hmu thei, chu chuan ka chhungril ah ka hriat thiam miah si lohin thlamuan na minpe veng veng a; Mahse, khawi emaw laiah hlauhthawn na erawhin minla tuam reng tho!



"Thildang chu ka office pawnah ti rawh u, haw a mut ka duh ve a nia," Nurse-in nuih za aw tih hriat taka a rawn tih chuan ka harh zawk, Ryan chu phun hlukin, "ka hruai haw angche," Tih leh ka inrin hma bawk chuan min pawm kang leh nawlh a, meng hraw in, "pawm reng ka ngailo, ka kal ve thei," Ka ti ve ṭauh ṭauh tak nâ in doctor room min chhuahpui tawh miau avangin, zahna nen a âwm ah ka hmai ka phum zui nghal rawk rawk tho, a la nui nghawr ang dut zui a!


Car a min nghah rualin, "ka haw dawn lo," Ka tih chuan min en a, a mit a ti zîm leh sân tawh, he naupang zet hi a!


"Zonuna te In ah min hruai rawh," Kuangkuah atin hma lam ka en nghal ngar


"Teuhlo lutuk," A ti hluk a. Min hruai a tumlo tih a aw chhuak bul zetah chuan ka hria


"Min hruai dawnlo a nih chuan keimah in ka kal mai ang," Tih leh chhuah ka tum chu min nam let datin, "luhlul lutuk mai," Ti hluk chuan seatbelt min hren tir rawk rawk a, ka hnar piai zauh a vei kiai sukin, "i insual pui dawn lo tih min tiam phawt la," Tih leh thle bakin, "a chhanchu hmeichhe lakah chuan kut ka thawh ve thei si lo va," Ka hmui ka lo tih pawrh khum vak chu nui chhuak hukin kawngkhar nam khar datin a rawn ṭhu lut ve nghal zat bawk


Lucy-i ka ngaihtuah chuah a, U Zoa vanga ka chunga a thiltih duhdan chuan ngawih mai mai a, palzam mai mai minti harsa, ka kawchhung a thinrim na rawn in mûng khawm avangin nghet lutukin ka kut chu ka hum ruh a


"I naute kha theihnghilh suh angche," Ryan chuan min rawn hriat nawn tir leh. A dik lawm, ka naute vang ni lo se chuan ka pan kher in ka ring lo; Mahse, mihring dawh theihna hian tawp chin a nei a, "tawk" tih chin a nei ve bawk ṭhin


Min nêk lui ṭalh tu te chu engvangin nge kan sual let loh tehlul ang ni? Ngawi rengin ka naute, a dam chhuak dawn nge dawnlo tih pawh ka hriatloh, ka pasal min lân tu avangin hlauthawng leh thlabar in ka awm reng ang maw?


Chutiang tur êm chuan mi thianghlim ka ni lo va, ka zaidam tawk hek lo


Ka ngaihtuahna leh doctor thusawi ka benga ri nawn tluk tluk chuan ka tha a ti khur dar dar thei, ka in seh ruh ngar ngat bawk


Ka thinrim lutuk na talang ah, mittui nena ka chhuahsan tak, kum 10 chhun "ka In" ka lo tih ve hmaa kan din lai reng reng ka hre lo


"Let leh i duh em ni?" Ryan aw ka hriat chuan ka harh zawk, hawi chhuak vatin, kawngkhar chu hawn mai ka tum a, tawp data thaw la hmasa te te chuan mit chhingin ka thaw chhuak leh ham ham bawk a


Pen chhuakin, "ka In" ka tih ṭhin ngei mai lam chu ka pan zui hlawk hlawk a


"Mampui," Rinpuii aw chu ka hria, dina biak erawh ka tumlo, ka rilru ka thlaka, let duhin, ka ngawihbo pui mai ka hläu a ni


Kawngkhar lo in hawng sa ah pen lut chuan, "U Mampui," Tetea chu ka melh zawk, ka nu... Huhhh.... Nu Êngi leh anpa chuan phawk zetin min rawn en a

Room aṭangin U Zoa leh Lucy-i an rawn chhuak ve zat bawk


"Mampui eng nge i rawn tih dawn?" Ka Pa min biakna chhanglo chuan chak lutukin Lucy-i meng kalh zawk zawk lam panin ka tha neih zawng zawng sàwm khawmin ka beng thle sawk a, a kat nawk nawk bawk


Keipawh ka dang chuanglo, ka taksa chakloh vang nge, ka ding nghet lo tih hriat takin, ka kat ve nuk tho, ka kut pawh sa nghal vung vung tak a ni


"Lalmuanpui," Nu Êngi'n a rawn ti tuar, a lam hawiin, "lo ngawi rawh," Ti ṭhawt a, Lucy-i lam hawi lehin, thinrim avanga khur hlawk hlawkin, "kha chu vawikhat ben mai chauh a nih kha Lucy, ka fa ti na tura pen khat pawha i rawn pen leh a nih chuan, Nu in a fa venhim nan engthil nge a tih theih tih ka hmuh tir angche," Ka aw pawh chu a khur dar dar thei



"Engthil nge awmzia hi," Ka Pa in a rawn tih deuh hau chuan kei erawhin mittui tling pam leh hmai dawm chunga min en ngar ngar tu chu ka la ngar a


"A tawi zawngin, Lucy-i hian Muanpuii pumchhunga naute that turin mi a ruai a ni," Ryan-a a tih rualin, "ka ni lo," Ti chhuak tuarin, "ka ni lo U Zoa, keimah ka ni lo," Ṭap pur chuan a ti chhuak nghal a, a ban nghal ruai bawk


Ka biang rawn lum thla pup mai chu hru tawkin, ka pum rawn na veng veng chu ner deuhin, thaw la kawk chuan U Zoa'n Lucy-in a vawnna kut dah sawn sak paha ka lam rawn pan a tum chu, "min rawn hnaih suh angche, U Zo i chhungkau enkawl la, kei leh ka fa hi min nuntir rawh," Kha zet maia ka tih chhuah leh chuan a lu a thing mat mat


"Bawihi...." A ti thâwp sap chu a nu in, "a thihloh a hnu, kan in ah buaina te i rawn siam ni, a thi lo a ni lawm ni?" Ka naute leh kei kan ṭhat avang leh, a in a buaina ka siam avanga lungawi lo tih hriat taka a rawn tih chu rapthlak ti lutukin ka en nghal ngawt ngawt a

"ni e, a thi lo, a thi a nih chuan he inchhung ah hian ruang ka chhuah tir ve ngei dâwn avangin lawmthu sawi angche u," Ryan-an hriam hrak a rawn tih leh ka dara rawn chelhin, "a mi rawn tirh hi police kutah hlan ka tum a, lo in ring angche u," Ti leh nghut chuan, "i ṭha em?" Ka beng bulah a rawn ti sup bawk

Kei erawh ka ṭawng chhuak thei tawhlo, ka ding khur ngawt ngawt a, thinlung leh taksa nâ in min tuam hlup hlup a, ka lu hai muai muai leh ka kap eng emaw vanga lum deuh pup a, tui emaw ni luang thlaa lum thla ngiai ngiai chu ka hre ruai ruai


"Muanpui, Muanpui..." Ryan aw chu a hla tial tial a

"Bawihi..." U Zoa a aw a ni


"I kut hmawr pawhin tawk suh angche," Ryan aw chang zet leh zo zeta min pawmna chu ka thil hriat hnuhnun ber a ni bawk


<><>~>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:25 pm

PRESENT PERFECT
By
Floria Laldansangi



Chapter < 21 >


ZONUNA....POV


"Âng âng tur i ni lo, i mo duhtak a nih kha," Tetea nuihza aw chu ka hre ruai ruai


"Ka âng, ka âng lo, Bryan-a te unau tan nu a ni tawh a, naupang lakah hun pe deuh se ka ti mai a ni," Ka nu chuan a ti ve hlak hlak


Ka âwm chul riak riak tu chu tunge maw a nih hrep le!


Penṭãwng lu na ut ut a meng chhuakin, mit phak chuap chuan inchunglam en in ka khap fak fak a


Nizan khan Sangkima nen kan ruih fe hnuah Mampuii in lam kha ka pan si a, engtin nge ka Nu te in ka thlen theih ni?


Inhnuai ah ka lut tlang lo hrim hrim pawh a lawmawm e


Mahse.. Tunge min kuah chiala mu hi!!!


"sh*t!!!!" Tih leh ka âwm chunga Lucy-i kut paih sawn dawrhin, ka ṭhu tung nghal zat, ka taksa ka en a, saruak ngal ngatin ka awm, chutiang bawkin ka sira muhil Lucy-i pawh chu


Hreptak hian!!! Engthil nge thleng hi?


Ka lu na zet chu dawm vawng vawngin, ka phun hluk a, sex ka hmanpui êm lo angchu maw?


"U Zo," Ka dar a rawn zût chu rang lutuk a a kut paih sawnin, "engtin nge hetah i mut theih," Melhna zet chuan ka melh nghal ngur


Ner nawkin, "I nu in nizan i rawn haw thu min hrilh maw le," Tih leh saruak a khum aṭanga a chhuk chu ânchhia ka phuh chhuak hluk



"Tikhan min en suh, thil sual kan ti pawh ni tawh hleilo, nupa kanni tawh a, hmangaihna chendun chu a pawina a awm em ni? Theihnghilh suh, ka lawiṭhat zana min tlanbo san tu inih kha," A tawp lam a aw chhuak chu a lungawilo hle tih alang bawk


Ka chhip sam tuai puapin, "nupa!! Ve sek a!" Ti bul hraihin ka tho chhuak a

"In harh tawh chuan U rawn chhuak teh, naupang chungchang hi inbe teh ang," Tetea pawnlam aṭangin a rawn au lung lung chu kawngkhar lam melh zawkin, chhuata ka t-shirt chu chharin ka in ha nghal a


"U Zo inbiak kan ngai a nia, kan inneih zana ka zah ziankha i hria em? Engtin nge ka chungah hetiang hian itih theih?" Lucy-i min biakna hre lo ang maia room ka chhuahsan chu, min rawn zui ve zat a

Kan chhuah rualin Mampuii kan lam rawn pan hlawk hlawka, Lucy-i a rawn ben thlek sawk chuan awmdan mai tur minti hre lo


Ka hriat theih chinah Mampuii'n midang kut a thlak vawikhatna a ni hial bawk ang! Chu chuan kei chauh ni lo, ka nu leh mjdang pawh a ṭhawng viau bawk


Mampuii thinrim khur dar dar en chuan Lucy-i chu ka melh hrawk a, "keimah ka ni lo, keimah ka ni lo U Zo," Min ban nghal ruai chu ka vai sawk



Mampuii lam pan ka tum erawh, a mita natna leh ka laka a beidawn na lang chhuak chuan min pawt ding dawt thung


"Min rawn hnaih hauh suh," Tih a sawilai a mitmeng leh a aw ri chuan ka lakah beisei a neih tawhloh zia a ti chiang a, a nun atan bo ngeise mintih zia a ti lang bawk



"Ryan, thisen a chhuak a nia, damdawiin ah kan kalpui a ngai," Kawngkhar lam aṭangin Rinpuii aw ka hriat chuan Mampui ke lam chu ka en vat a, ni khaw hre lova, Ryan-a taksa ringa tlu riai riai lam ka pan chuan Ryan-an hnaihlo tur leh khawihlo turin min rawn vin hrawk bawk



Ka hmeichhe hmangaih, mipa dangin an pawm chhuaklai chu kut hum ruh chung chuan, milim ang maia dingin ka thlir liam a, ka tih theih tawk a nih rih miau si!


"Khawnge kal i tum U Zo?" Ka pensawn tur ka bân a rawn chelhin mittui nen Lucy-i chuan a ti chhuak ṭuak, a kut chu na lutukin ka thing thla sawk a


"ZONUNMAWI, penkhat pawhin ka inchhung hi pel suh angche, i nupui leh i fate kalsan hian i nupui hlui pan dawk dawk tum suh," Ka nu lam chu hawiin melhna lutuk a melh hrawkin, "Mampuii leh ka fa chunga engpawh a thleng a nih chuan mawhphurhna inla ang tih hria angche u," Ti kha hrawihin ka pen chhuak nghal pawk pawk bawk



"Kan lo zui angche," Ka pa leh Tetea chu ka melh zawk, car a ṭhu lutin tinung chuan chak lutukin Ryan-a car chu ka um zui ve nghal bawk a



Ebenezer Hospital ka thlen meuh chuan Mampuii ER a an nawr lut tur ka hmu hman ṭawk a ni


"Eng nge in rawn tih dawn? A naupai a thi em tih fiah turin em ni?" Hruaii kan lam rawn pan hlawk hlawkin a rawn ti tuar chu ka lo rum khum nghut


Engtiklai in nge a rawn thlen hman hrep ni?


ER a tlan lut mai ka tum a, Ryan-a ka hmaa rawn dingin, "a sawi kha i hre lo em ni? Hnaih suh," Chang rat maia a tih chuan ka inrin hma in ka hnek thle sawk, a kat nawk nawk bawk



"A tawk, ka awm ve hi in hre lo em ni?" Ryan-an min hnek let tuma kut a rawn tin uaih rualin ka Pa in a lo ti hrawk a, na zeta a kut la let chuan, "ka luh tir theilo che u, Muanpuii phalna lo chuan," Min melh hrawkin, ka pa chu a en a



"Ka tu tur a pai a, ka mo ni tawhlo mahse ka fanu a ni," Ka pa in luhlul zeta a tih leh chuan, "Ka pa Zai, i fapa hi kawngdik zawh turin zilhin, i nupui thunun zo ni la hetiang zozai hi a thleng hauh lo ang, in chhungkua a mipa awm zawng zawng hian hmeichhe pakhat pawh in venghim zo lo tih hria angche u, hmeichhe rorelna hnuai ah in awm a, "ka fanu, ka U, ka nupui ka hmangaih" ti siin tun dinhmun hi inthlen tir tih hre bawk rawh u, Mampuii chungah engpawh a thleng a nih chuan ânchhe lawhin in awm ngei ang," Thinrim hmai sen ṭâwn ṭâwn chuan Hruaii'n min au khum tawn tawn a


Kut hum ruh ngar leh thumal pakhat pawh chhak chhuak thei lovin kan pafa 3 chuan kan ding khawng ngar, thudik vek a sawi a tin ni


"Tun hun kan thleng ta sa sa, Mampuii Pazawn(pa atana a zawn) ka nihna angin ka'n ṭawng chhuak ve ange; kan fanu hi in hmangaih takzet a nih chuan a nunah rawn in rawlh ve tawh suh u, in inṭhen boruak leh i uire chungchang ah engmah sawi kan rawn neiloh avang hian a mal ta viau ah inlo ngai ange. Tun aṭang chuan Nu leh Pa kan nihna angin kan che ve tawh ang," Hruaii Pa in a rawn tih charh charh chuan ka hmaah a rawn ding a


"Khum, chu tiang tur a ni thei dâwn em ni? Naupang inkar chu engpawh nise la, Zonuna tan Mampuii fâ Pa ala ni a, keini lah a Pu te kanla ni tho bawk nen. Bakah, tun hi inhnial hun ni in ka hre lo," Ka pa in a tih leh chuan vung lutukin ER lam chu ka pan a, Ryan-an min dan tum tih hriat taka a che hrut leh Hruaii'n a lo chelhbet chu ka mit sirin ka hmu hman tho


"Eng nge i rawn tih dawn Zoa?" Ka thaw hak, Rinpuii lehzel chu in hnialpui ka duh rih lo


"Doctor," Mampuii an rawn nawr chhuak chiah bawk a, panin a kut a chelh vat chuan, a hmui dâng bel mai leh ro rap mai chul lo pahin, "eng nge a an? Naute leh a Nu an ṭha em?" Ka ti zui zat bawk



Hetia a kut nghet taka chelh a, a hmelṭha tak leh vun mam tak mai duat taka chul leh ka chak ṭhin zia hi tuman an hrethiam pha lo ang!


"Tunah rih chuan an pahnihin an hin e," Tih leh, "Khawnge Ryan?" A ti zui zat chu ka thaw ri hraih


"Keimah hi naute Pa chu ka ni," Mampuii kut chelh ran chung chuan ka ti chang zui rat a

Doctor-in min en zawkin, "ka hria alawm," Ti awlsam et chuan, "VIP room-ah hruai rawh u," Min ngaihsak lo zet a tih leh, "ohh, Ryan min rawn zui rawh, inbiak kan ngai," Chu doctor teh hrep chu! Tu phiangsen nge maw a nih chai le?


"Ka nupui leh ka fa chanchin chu keimah min hrilh thei," Tih leh Doctor lam pan chhar chharin ka en chhuk nghal run a


"I nupui a ni phiangsen lo," Ryan-an a rawn ti chang ve hrawk bawk


"I fa chu a dam a, a nu pawh a ṭha. Ka fapa be turin i tel ve erawh a ṭul lo," Doctor-i chuan fiah ṭha zet leh min hläuna chhe te mah ti kang lova, a tih chuan ka meng zui deuh hau, a fapa a??? Khawilam aṭangin nge Nu doctor a lo neih a?


"Nisha, Muanpuii leh naute chu eng nge an an?" Pensawn paha Ryan-an a ti ri chu ka hre hman hram bawk


<><><>~>~>


MAMPUII...POV


"Ryan, haw in chawl hahdam ve tawh rawh, nimin aṭangin ila mu lo reng reng," Hruaii aw a ni, men mai ka tuma ka meng thei mai lo, ka hmeichhiatna na thîp zak ah erawh ka thaw chhuak hawk thung


"Muanpui," Ryan-a aw ka hriat chuan muangchangin ka meng a



"Lalpa leh! Ilo harh ve ta hrâm maw? Kan chân ve mai dawn che emaw ka tia lawm," Hruaii'n thaw huai maia min en chunga a tih chuan ka mitthla ah U Zoa te in kan chhuahsan dan a rawn lang, ka pum khawih vatin, "ka naute, ka naute..." Mangang zet chuan ka ti chhuak nghal ruai a

"Hrep a! Hruaii i ṭawngkam fimkhur rawh," Nelawm loh zet leh bung zet maia Ryan-a ti hlukin, "in ṭha, i naute leh nangpawh," A tih zawm nghut chuan Hruaii chu a lo ner sawk


Ka thaw nghal siai siai thung, Hruaii ṭawng danah khan ka chân ta emaw ka ti dâwn alawm! Chân ta ni ila....! Ni lo, ni lo, engthil nge maw ka ngaihtuah le?



"Thil ṭul lo ngaihtuah suh," Leh hluka, Ka mutna adjust-in tui rawn la a, straw nen a min pek chu ka lo ban ve vat a, tui zûk dak dak pahin Ryan chu ka melh kiau bawk


A mit mut khamlo tih hriat tak chu a phak chuap a, a kamsir, insual na tih hriat tak kak leh duk deuh te chu khawi aṭanga a neih nge ni leh ta?



"Excuse me! Ka la awm ve," Hruaii chu ka melh vat a, a hmui ti pawrh in, "Doctor koh sak che ka tum a nia, ko leh lo mai ang, ka Pa te ka'n hrilh ve a nge i harh tih," Tih leh Ryan-a ding run mai en in ṭawng a tum zuai a, chip leh chuan a pensawn a


"Nangmah em ni min awmpui char char tu?" Ryan chuan a mithmul min kan khum ak, "na dang i nei em?" Ka lu thing zauhin, "ka lawm e," Ka phun sap, vawi engzât chiah nge kei leh ka naute hi min chhhan tawh ni?



"Ka Khawih theih a ngem?" Ka kut ka dahna a en na chu ka melh zawk a, "uhhh," ka mit hmul kân a ti hau chuan a vei kiai suk


Min tihnat hläu tih hriat taka, a kut phah lian hlai ṭha zet leh hrawl tak maia dimtê a ka dul rawn dai de de in, "Hi! naute," A ti sup chu ka en haw



"Thuawih tawh la, rawn chuah tum tawh rih suh aw, ila lian tawklo a nia," Thutak zeta ka dul dawm chunga a tih chhan za zetin ka nui chhuak a, ka kap erawh a rawn na zawk thung, ka thaw zui halh bawk


"Shittt," Ti sur surin, "lo nui fo suh, ka ṭawng a hre thei ṭhin lo," A mit veilam ko ti che zauha a rawn tih phei chuan ka nuih a za tulh tulh thung


Thutak zet chuan a ṭawng zui mawlh mawlh a, ngawi rengin, a hmai tlâng, khabe ruh lian ṭha tak mai leh, vai hnar tih takah a ngul sang vah mai, a mit khur thuk lam lek lek, mit hmul er leh dum ṭha zet chu ka en vang vang a, ka in rin hma in ka nui var var bawk


A hmel thu tak zet leh mize ngeng ngul phên a, naupan chhiatna lai riau a nei chuan a ti nelawm in, ka rin ang ngawt erawhin a lo nunrawng in emaw a lo sual hran lo tih alang



"Khatia min en reng a nih chuan, a vawrtawp thleng ṭhakin ka fawp duh ngei angche," Rilruih maia a rawn tih chuan rang lutuka a kut bensawn pahin ka hawisasn dawrh a, " ka..ka en ngawt lo che," Bah deuh nuka tih leh ka mit ka chhing zui sawk bawk, a engtia sa ta pup pup nge maw ka nih hrep chu le!


Ka duh aiin he naupang hi a nghal dâwn tlat!


A nui ri huk a, "i chiang maw?" Thâwp sap leh fiah zet maia tih leh ka lamah a rawn kûn hnial a, in hum ruh ngar chuan ka thle sawn deuh tlat bawk, ka biang sa ta hat hat mai chu min hnaih lutuk vang a nilo tih a hriat ngei ka beisei, amah vanga a ni miau lo a tin ni!



"I biang no zet hi tomato ah a chang zo dâwn," Nuiza insum tih hriat zeta tih leh a ding mar nghal a, kei erawh ka lo thaw chhuak ham ham thung



Ka diklo ta ruai a ni keihi, khami zan, eng damdawi nge a sawi kha? Viagra... Aw kha viagra ka in aṭang khan ka lungphu leh ka awmdan hi a dik ta hauh lo, engtia tih chi nge maw ni dâwn le? Lungphu ṭhalo a thlen te chu a ni êm lo maw?


Ryan-a lah chuan min en ngur a, a hmui hnuailam a seh zauh bawk, lai zeta melh zawkin, "ka..ka mu duh," Ka'n ti thla tlawng ringawt a, mawi lutuk maia vei kiai sukin, "i thu vek alawm," Tih leh ka mutna a rawn adjust zui zat bawk!


He mihring hian eng nge a hriat a? Damdawi ei sual a nei nge ka nei zawk?

"Ka damlo infiampui kha ka rem ti hauh lo a nia," Kawngkhar lam chu ka en vat a, Doctor Nisha a tih ngei chu nui var varin a rawn pen lut bawk


Ryan-a dar a beng thakin, a hner zui salh a, "ilo ti thinrim em ni?" An in nel hmel takzet


In nel pawh nise eng nge ka buaina tur awm? Ka buaina tur a awm hauh lo!


"A teuhlo lutuk," Ryan-an ti hlukin a kut chu a nawr thlak sak a, Ryan phone rawn ri zui zat ah chuan a ipte aṭanga phawrhin, "lo awmpui angche," Ti leh a inher chu rawn inher let lehin, "toilet a kal duh chuan a mahin kal tir hauh suh," Thuoe zeta ti leh chuan doctor chu za zetin a nui chhuak nghal a


Ryan chhuah rualin, "eng nge i an tawh?" A la nui reng, za vaklo a lo ṭhen khumin, "ka ṭha e, doctor ka naute dinhmun hi ala hlauhawm viau em?" A chip deuh hmuk, a hmui chu a rawn ti ri pok a, "thudik sawi chuan, hlauhawm e, viagra i ei kha tihna mai a ni hleinem. Bakah, i taksa hi rai ka hmuh tawh a zawngah ala chaklo ber bawk, vawikhat dang leh khatiang i tawk leh a nih chuan i naute hi i chân tak tak tawh ngei ang," A ṭhen zui sak bawk


Ka lo thaw chhuak halha, "engtia rei nge damdawiin ah ka awm ngai dawn?" Ka tih leh sep chuan rawn nuia kawngkhar lam melh zauhin, "Ryan-an chhuah a tih hun a ngai angchu," A tih fel et chuan ka en haw, engvanga ani thu chu zawm ngawt tur nge ka nih?



"Mam..." Hruaii leh U Zoa kawngkhar a lo ding chu ka en a, "Bawihi.." Tih leh U Zoa chuan ka lam a rawn pan zat, a hmel buai chuar zet leh min ngaihtuahna a khat mitmeng chu en harsa ka ti, ka lo thaw kawk


Tunah tak hi chuan, hmu rih miah lo mah ila, a pawi miahlo a sin maw le!


"Eng nge i rawn tih dawn?" A dinloh na lam a tmhawisawn hmak pah chuan ka ti a


"Eng nge i an tawh?" Ka kut a rawn dai rualin ka la sawn vat, thaw kawk a ṭhu chhuak hlawl chuan min en lo haw a


"U Zo..." Ka ti chuak hap chu, ka kut rang lutuk a chelhin, nghet lutukin a hum zui vang vang a, "Bawihi, khawngaihin tun ṭum chauh inhau lo teh ang, zanin chauh chu inhau lo in inbe lul teh ang," Min ngên ngawng ngawng a ni ber


Mit ka chhing sawk a, boruak hip kawka thaw chhuak ham ham chuan, ka kut a vawnna dah sawn sak pahin, U Zoa hmel buar zet mai en tlawk tlawk chuan, "min khawngaih zawk tawh rawh U Zo," Beidawng zet chuan ka ti chhuak hap


Ni e, zep rual lohvin ka la na alawm, tu in nge vawi lehkhat ah kum 10 chhung a lo chenpui leh hmangaih ṭhin chu theihnghilhin, hmalam pan maithei ang ni, chutiang tur êm chuan ka nunrawng ka hmangaihna hi a der dep hleinem!


Mahse, he thinlung hian hmangaih emaw natpui fo mahse, hmangaih ṭhin tu zawk hi ka danglam a ngai a ni

Hmangaihna hi a danglam ngailo alawm; Mahse, hmangaihtu erawh kan danglam fo ṭhin


"Bawihi, nang leh kan naute himna ka duh mai chauh a ni," Dam dapa a tih leh chuan ka thaw leh halha, a bula ka awm hian ka thaw a pika, natna ka hnai riau in ka hre ta ṭhin bawk


"Nupui nei tawh ini a, kei ni lo vin, i nupui raipuar ve mek ngaihtuah zawk tur...." Ka tih laiin, rawn phun hlukin, "midang i sawi lang lo thei em? Kan pahnih inkar a ni, nang leh kei," Nin hmel zetin a rawn ti kha hraih a, ka phu nasa lutuk chu ka thlarau a thlawk chhuak lo chauh


Lungphu ri nghal dawt dawt a en in, "nang leh kei ah sawi tur a awm tawh hleinem," Ka lo ti let ve hlar bawk


"Awm e, naute Pa ka ni, chu ringawt pawh chu sawitur tamtak a awm," Luhlul zet a ti thla leh nghuta a chhip sam tuai puat a ding chhuak in, "khawilai aṭang khan nge engkim hi diklo ni? Ka thusawi pakhat pawh i ngaithla tawh lo a, kei aiin.." A tawp dat, boruak a hio hrawih a


kan boruak ning leh chauh hmel zeta min rawn en in, "kha mipa naupang kha i ring zawk bawk a," Ti zui leh nghut a rawn ṭhu thla leh chuan



"Bawihi, pangai taka kan inbiak leh theihnan engthil nge tise mintih, ka thusawi i ngaihthlak leh theihnan engthil nge ka tih ang?" A mita beidawn na nasa tak chu hmuh hmaih chi rual a ni law



"Hmangaih kan neih chuan mawhphurhna in a zui ngei ngei ṭhin Zoa," Hruaii aw rawn chhuahna lam chu a hawi vut

Kei erawh sawi tur ka nei tawh lo, ka bula ṭhu hi ka hre chiang, a luhlul in engpawh sawi ila a ngaithla dâwn lo tih pawh


Hruaii ka sira rawn dingin, "engthil pawh tila, phatsan tu chu kumkhua in phatsan tu tih hming an pu reng tawh ṭhin," Chiang fek fawka a tih fak fak chuan U Zoa chu a phun leh hluk a



"U Zo, ngaidam tur che in minti a, ka ngaidam che ka tih tawh kha. Mahse, ka ngaihdam avang ngawt che in kan inkar a hma angin ka kalpui thei tawh lo a ni. Tunah phei chuan chhungkua i nei tawh a, hetia ka nuna i rawn inlan reng hian, pasal leh pa mawhphurhna la zo lo ah i inchhuah tih hre tur i ni bawk," Ka thusawi chu hrethiam tawh ngeise ka duh takzet



Tunah chuan kan kawng zawh a hrang tawh a, mawhphurhna pawh a hranin kan nei ve ve bawk


"Ni e, hetianga i rawn kal a, Mampuii itih buai fo chuan Mampuii bawk a ni tuar tur ni, tuna damdawiin a awm chhan leh a fa pai lai a chân loh chauh chhan pawh i hre chiang ber angchu," Hruaii'n a rawn tih zawm ve zat chuan U Zoa chu a hmai tuai puatin mitmeng sen râm in min rawn en vang vang a


Eng emaw sawi tum ni âwm taka awm chuan thaw ri hrawiha inher in a pen chhuak zui vut chu, "rawn lang tawhlo hrâm rawh se, a rawn lawr tam leh Lucy-i leh Nu Êngi te nen buaina in nei tam, a buaithlak, an nasa pap pap si, nanga hma chhawn chi pawh an ni lo," Hruaii'n ti zui hlak hlak in, "takan a, Doctor Nisha kha Ryan-a nu hrawn a ni ṭhin tih i hria em? A pa nupui pahnihna," A rawn tih zui sar sar chuan en haw in ka lu ka lo thin khum ringawt



Chuvang a nih chiah chu anlo in nel em em ni


Ka hmuhdan a dik lo nge, ka ngaihdan mai mai chu ka hre lo nâ in, Ryan hian Nu Zarpuii aiin a ngainat hmel daiha ka hriat ni!


Mahni pianna Nu te aia Nu hrawn ngainat thu lah chu awm hek suh!




<>~>~>~>


RYAN...POV


"Lut duh tawh suh, mut a duh a nih kha," Ka phone hmang zo Nisha-in a rawn tih chuan ward lam en in, ka bu ta nghat a


"Hna tlêm ka nei a, zanin chu lo en deuh rawh aw," Ka ti sup, nui vur vurin a mit a siai zauh bawk



Vawi tam ka Nu call ka pickup loh avangin thinrim zetin haw turin min rawn ko a, haw duh lo viau mahila, sawi tur pawimawh a neih ka rin avangin ka haw ta tho



Inchhung ka luh rualin, ka Nu leh anpa, ṭhut khawmna ah an lo ṭhu ran, "hetah raw ṭhu teh," Ka nu chuan a ti sep a


Ngawi reng chuan an hmaah ka ṭhu thla ve mai bawk


"Mampuii nen eng nge in inkar ah a awm?"



Chu thu min zawt tur lek chuan maw min koh haw a?


"Bawihtei Nu, naktuk lamah te inbe zawk rawh u," Anpa in a lo ti hluam chu ka nu-in lu thingin, "kan sawi chhuah a hun tawh, Muanpuii mei ang leh a vengtu ang maia a tlân kawi reng hi thil mawi pawh a ni lo," Ti deuh hlar a ka lam rawn hawiin, "i hmangaih lo ang chu tiraw?" Ka chhang lo, ka ṭhut ngaiin luhlul zet chuan ka ṭhu ngar



"Lalramnghak, tunge a nih i hria em? Nuthlawi, a pasal hlui fa pai mek a nih saw, i mit kha meng rawh," A aw khur lek lek a a tih zawh ruala ding zawtin, ka nu chu melhna lutukin ka melh a, "ka hmeichhe hmangaih leh ka venhim duh hmeichhia a ni bawk," Hriam hrak maia tih leh room a luh ka tum chu, ka nu a rawn ding chhuak ve zat



Mak ti lutuka meng phar awn awn chung chuan, "eng nge i sawi awmzia? I hmangaih a maw? Nuthlawi, nang aia kum 5 chuanga upa saw maw?" A aw chu a ring ṭha in a ṭap lo chauh

Room kawngkhar ka vawn na chu thlahin ka Nu lam chu ka hawi a, mittui tling pama min en in, a hmui thlengin a khur dar dar bawk

"I hriat a hnu hrilhfiah leh chuan j nvai em ni?" Ti bul hlukin, " keiai a kum 5 a upa hmeichhia khi ka hmangaih a chiang thaw khat em?" Ka tih rualin sofa a lukham la lawk chuan min rawn vawm ṭhuai a, lo man chawt chuan za lo lutuk a nui hul hakin chhuatah ka theh thla sawk bawk



"Zah pawh i zak lawm ni? A chhang pawh i rual phakloh hmeichhia khi ka hmangaih itia maw?" Ka nu chu a au tuar tuar


Ka bek pawng ṭawlh ṭawlh a in seh ruhin, "a kum ka hmangaih hleinem, amah a ni ka hmangaih ni. A neitu tur ka ni bawk, nang leh ka chhungte ni lovin," Nghet leh hriam hrak maia tih leh room kawngkhar na zeta khar chuan pawnlam pan in chak lutukin ka pan zui pawk pawk a



Car ah ṭhu lutin steering chu ka chum zui dawt dawt bawk, thaw hrawih hrawih a mit chhing sawkin, "eng phiangsen chu nge maw inbuaina ni hrep le?" Sehchilh rap rap chuan ka ti leh hraih bawk a


Nuthlawi pawh mihring tho an ni lawm ni? Kum maw? A kum vangah buaiin emaw hmangaih theilo ni ila, bul ka ṭan teh hrep lo ang!!

<>>~>>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:25 pm

PRESENT PERFECT
By
Floria Laldansangi




Chapter < 22 >


MAMPUII...POV


"Zoa nupui hlui kha a ni lawm ni?"


"Tu Zoa maw?"

"Aww.... I ex Tetea , Zoa, hmelṭha deuh ka tih kha. Mahse, an inṭhen a ala reiloh nen ngaihzawng a nei lehnghal a nih hmel, hnamdang lehnghal, a rawn luh tirh khan Zoa nen an inhau ri ka hria a, Zoa hian neih let leh a duha, a nupui hlui sàwn a hnamdang bialpa kha a thlang zawk ni in ka hria," Kan lam rawn melh zawk zawka ka chungchang an sawi chu ngawi rengin ka ngai thla a


"Awww! Ni e, U Zoa khan a hmangaih viau emaw ka tia, a uire san thei kha mak ka ti zawk hial a sin, phatsan leh uire san nih chu a tawngtu bak in an hrethiam lo antih kha, U Mampuii pawh sawn ngaihzawng lo nei pawh nise pawmlai nei a ni tawh lo a, a pawina a awm hleinem. Ngaihzawng ten min kawp mai mai pawh kan laknat êm kha maw," Nui sen sena a ṭhiannu, Tetea Ex ni ngei turin a tih chuan a ṭhiannu chu a lo ner sawk


"Uire pawh nise inchhir a ngaihdam dil na nâ na chu, fate pa an lo nihna zâwnah nen, hmangaih tak tak nise a ngaidam em em ang. Bakah, mipa dang melhna atan ala hma hrim hrim," Ner nawng nawnga a tih leh chuan ka lungphu zawn hi a sa veng veng mai, ka thawk a rawn sak ṭalh bawk, saw nurse min hmuhdan sawn midang pawh hian minlo hmu em ni?


Phatsan zawk ka ni a sin, uire san leh bum zawk ka ni a sin. Chumi min hriat thiampui chu a harsa viau a ni ngei ang maw? Mit chhing sawkin thaw ka la halh a, ka bag khai lai chu nghet lutukin ka hum ngar bawk


"Inchhir na ringawt in a siamṭhat zawhloh inphatsan na hi a awm ve a nia," Tetea ex in a tih leh chuan a ṭhiannu chu ṭawng a tum zuai a


"Damlo enkawl turin nge, kan damlo te rêl turin hetah hna in thawh?" Ti kha nghatin, "in hnathawk rawh u," Nisha-in rawn ti hlaka, "kha in rawh i ṭhiannu nghah pahin," Tih leh ka sira rawn dingin coffee chu min pe zui zat, ka lo ban ve mai bawk


"Khatiang, midang thusawi mai mai engah mah ngai duh suh. Bakah, Mizo i nia, in hnam zia te chu i hria angchu, midang chanchin sawi leh in hmuh chinbak ah, in rindan sawibelh hi inching a," A chang hi chuan duhai hian a frank mah mah ka ti ṭhin


Hmeichhia, mahni lu zo veh vawh, ngaihdan leh lungnihloh na pawh midang veng thawng lem lo va sawi phawng phawng duh mi, huat zawng pawh pe na ve tak niin ka hria, a awhawm letling zawk alawm


"Ka thusawi chu i pawm zawng a ni vak nange," Min rawn melh zawk, coffee chu a tem zui hlek a, ka lu thingin ka lo nui sen sen ringawt bawk


"Ryan-an a rawn hruai dâwn che emaw ka tia?" Min rawn melh chhuk zawk, nu lian tak leh säng tak mai a ni a, a coat var hak leh heels bun chuan a tilang säng in, a ti lang lian leh zual


"Hna ka nei a tih kha," Ka lo ti ve sep, nizan khan min rawn call in, Aizawl a chhuahsan lawk tur thu a sawi a nih kha


Ryan sawi takah chuan, damdawiin ka luh aṭangin kan inpawh ta riau in ka hria, midang hmuhah in ngaizawng ta te pawh kan ang a ni ngei ang, sawi theiha kan awm ni!


"Saw a rawn thleng alawm, in checkup leh nau neih dâwnah bak in hmu tawh lo ang aw," Ka darah a rawn dawm zauh a, ka lo nui chhuak hak ringawt
.
.
.
.


"Nangmah in i awm thei tak tak ang maw?" Ka bag room chhunga khai lut paha Hruaii'n a tih chuan sofa a ṭhu thla hnakin, "ka ṭha lutuk, thla 1 chhung damdawiin ah ka awm a, nâ reng reng ka nei tawh lo," Ka aw ah chuan läwm lohna a lang tel deuhin ka ring


Ryan-an thla 1 tlin hma chu chhuah a rem ti lo bur, bill alo pe vek bawk a, chhuak ngawt dâwn ila a sum ka ti hek thei dêr si lo va


"I pa te chu i be tawh em?" A sam ṭawn ṭha mawlh mawlhin a rawn chhuak a


"Umm be tawh e, Ramsiami pawh karleh chuan a rawn thleng tawh dâwn a, awmpui ka nei tawh dawn a, ngaihtuah tur ka awm lo, eng nge Delhi ah chuan i zu tih dawn?" Lo ti duah chuan, ka hma a thatchhe zeta ṭhu thla hnawkin, a thaw zui halh bawk a


"Ka ṭhiannu pasal neihna a zu kal turin, a hla tham si, ka peihlo a nia aw! Kal lam haw lam man mintum lo phei se chuan ka peih lo hrim hrim," Ti deuh vawng vawnga sofa ah a âwn riai riai a



Nui sun sun in, "hawi thawven na hun a ni ve mai alawm, tunge sawi thei, changtupa tur te pawh i tawng maithei a sin," A hmui a rawn ti pawrh tarh a


"Ka muhil lawk dâwn a nia, zanriah ka order dawn a, ilo siam ange," Mut chhuah hmel zetin min rawn en zawk, ka lo bu nghat


Ka ṭhutna aṭanga tho in ka room ah chuan ka lut a, ka bag a thawmhnaw chu phawrh chhuakin, thawmhnaw kar aṭangin ka ṭhi rawn tla tap chu ban in ka en vang vang



U Zoa nen kan inneih zungbun ka hlîng tel chu en in ka nui a, kan pahniha kan duhdan a kan siamtir, a chhunglam a kan hming kan ker tir a ni a, ka kut ah bun tawh lo mahila, dah bo mai erawh ka la harsat ve tlat


Khuma ka mu zâl chu ka lo chhing ve leh sawk a ni ngei ang, "Mam, pangpar i dawng a nia," Hruaii au lang lang chuan minti harh ruai ruai


"Pangpar i dawng," Room ah a rawn lut a

"Eng Pangpar maw?" Tih leh harh mang hleilo a ṭhu chhuakin, mit nuai chat chat chuan ka hmaa ding chu ka en chho a


Rose par bawr lutuk mai a pawm chu en haw in, "khawi a mi nge?" Ka ti hau bawk


Card in zep la a, keu in, "i damdawiin i chhuah ka lawmpui a che, from Amit," Min rawn en haw in, "tunge Amit chu?" Hrebik lo lutukin ka lu ka lo thin khum na in ka hre zui nghal thung


Ka hmel danglam chu Hruaii'n a hmu hman tih hriat takin, "Ryan a ni maw?" Tih leh nui zui awr awr chuan, "a cool reuh hi le, damdawiin i awmlai lahin a enkawl ṭha bawk che sia, tunah rose nen," Mit hmul a rawn kân ak ak chu ka lo melh vak ringawt


Mi a chhaih peih lutuk hi alawm damdawiin ah pawh ka bialpa emaw anti ni!


"Ngawi mai mai teh, ei tur te chu i chah tawh em? Ka ril a ṭam a nia," Tih leh dingin a rose ken bawr nalh zet mai chu ka pawt thla zui sawk bawk a


Nui tuh tuhin, "i lawmzia tihlan hreh kher lo la," Ta ṭalh ṭalh a, henu tak hi chu!!

"Aw, ei tur a rawn thleng," Kawngkhar ri kharh kharh ah tih zawm zatin a tlân chhuak zat a, ka nuih zui ve sun sun tho


Ka rose ken chu en in, ka hnim zui vang vang bawk a, pangpar hrim hrim ka dawnlohna chin pawh ka hre tawh lo. Ka hriat sual loh chuan U Zoa nena kan inneih kum 5-naa ka dawn bak kha ka dawng leh tawh lo reng reng, kum 5 hnu ah han dawn leh chuan engtin emaw takin minti hlim veng veng alawm!


"I rose kha ei chu i tui êm lo angchu tiraw?" Lalhruaii hi chu a


Keng chhuakin, "ei mai ka lo rilruk a sin. Eng nge i chah a," Ka tih zawm zat a


"Chinese food, i ei chak a ni lawm ni?" Ka nuih nghal ver ver


"Kan va läwm nufa dâwn ve," Ka dul khawih zauha ka tih chuan min melh ram ram a fian minpe in, "i chhe mai e a," Tih leh a nui zui ve hak a



"Lut tawh rawh, a tlai tawh," Tih leh, "ka sawi kha aw, ka awmloh chhunga Zonunmawia'n a rawn tihbuai che chuan police call angche, setani te nufa nena buaina neih i duhloh chuan," Duh thawh zet a a tih leh hrâm chuan nui chhuak meuhin, "kher kher zela che, kal rawh," Tih leh a car chu tinung in a tlân liam chu ka vai zui lap lap a


In lam panin ka hâm lehnghal bui bui tawh, tlailam pawh khan ka mu ve reng sia, tunlai chu mut ka duh zual ruai mai. Nge ni a, damdawiin ka awm rei tawng khawng lutuk hi ka in awm thatchhe zo ni?


In a lutin, room ah ka lut tlang zat a, kawr chung hak phelh nawk nawka khum mawnglama theh thla chuan khumah chuan ka in thawlh lut nghal rawk rawk bawk


Ka mit chhingin ka muhil dâwn tihah kawngkhar a rawn rik kharh kharh chuan, thinrim zetin, "tunge maw ni le? Dar 10 a ri dawn tih i hre lo em ni?" Ka phun hlak hlak, ka thinlah hi a chhhe thar em em mai bawk a, mi an raino tirhah an thin a chhia a, kei thla 3 hnuah ka tuar ṭha leh vel a!


"Tunge?" Room aṭanga chhuak pah chuan ka ti vin hlar bawk a


"Bawihi, keimah, hawngteh," Ka penlai chu pawh din ang mai ka ni


"Eng nge i rawn tih dawn? Buaina neih ka peih rihlo, ka chau lutuk, haw rawh," Hawn tumlo tak ka ni


"I hawng dâwn nge, ka sawi chhe dawn?" Chhan na pawh ka pek hma in kawngkhar a ri zui dawt dawt, rang lutukin kawngkhar ka pan vat bawk



Thinrim zeta hawng rawk rawkin, zu rim a rawn nam huk bawk a, ka lo ner sawk


"I ruih a pianga rawn kalna hmun tur a ni lo Zonunmawi," Ka thin hi a chhe tak tak a ni! U Zoa hmingpum a ka koh lohna chin pawh rei thaw khat e


A nui suka, sofa lam pan chhat chhatin, "ka ruih a piangin rawn kal ni ila, zantin kan inhmuh ka ring," Ta deuh deuh a



"Khati khan min en suh, engtin nge awmse mintih chuan ni Bawihi? I tan chuan ka thiltih leh thusawi a piang a diklo a, a tina che a, i mittui a ti tla a, a ti hlim lo che a. Engdang nge tise mintih? Hlatak ṭanga en leh thlir che a venhim bâk che tih theih ka nei hleinem; Mahse..." A tawp dat, sofa a ṭhu thla hnawka ngheng dawtin, thatchhe zet chuan ka lamah a rawn thle bak a



Mit meng phi ruaiin a rawn nui vur vur bawk, a nuih erawh a za lo tih a mitmeng ah chuan alang reng



"Mahse, zanin erawh ka dawhtheihna piahlam a ni. Damdawiin ah 24/7 chhung i kiangah hun a hmang a, chumi duh tawk lovin pangpar a rawn thawn bawk che a, chung zawng zawng en liam tur chuan ka zaidam tawk tawh lo," A tawp lam chu a sehchilh nawk nawk



U Zoa en hâ in, "min enthla a maw?" Ka ti hap a


A rawn nui nghawr dat a, "enthla a ni lo, ka venghim che a nih chu!" Tuna U Zoa awmdan ka huat zia chu pui tak a ni


"U Zo," Ka ti ṭhat, thaw ka la zui kawk kawk bawk


Pai khat khatin a rawn ding chhuak a, "min la hmangaih em Bawihi?"


"Chhuak rawh," A zawhna ka chhanglo chu a kiai leh suk



"Ka hrethiam lo, min hmangaih a nih si chuan engvanga chance vawikhat lek minpe thei lo nge inih?" A zawhna chu ka awihlo hial zawk



"Min hmangaiha, min ngaidam thei si lo, ka fate pawh ni lo, ka unau te fa pawh i hmangaih theih laiin ka fa, ka thisen, i pasal fa ngei i pawm leh thei si lo a, min han hrilh teh, eng ang hmangaihna nge ni ngai? Huh..." Ka lamah a rawn pan chhat chhat, rapthlak ti lutuk chuan ka melh ngawt ngawt


"Ka zawh che u," Ti leh a min rawn ban mai a tum chu rang lutuk a ka kut hnunglam a dahin, "ka ngaidam che ka tih...." Ka tih laiin rapawm lek lek a nui chhuak hukin, "Phiangsen che hian Bawihi," A ti kha hrawih, ka lo ip chawih thung. Thinphu nghal zawih zawih chuan mit ka khap zui fawk fawk bawk a


A kut hniha a chhip sam tuai puatin, a hmai a kut hnih bawk chuan a zût thla zui puap bawk a, rapawm lek leka min rawn en in, "nupaa insiam i duh tawhloh chuan min ngaihdam thu kha sawi ve sek suh," a rawn ti chhuak hraih bawk


Sawitur pawh minti hrelo takzet tawh, a thinrim thaw ri hrawih hrawih leh in sehruh ralh ralh chu ka en tlawk tlawk tawp


"Ka sawi chu a dik a ni lawm ni?" A ner sawk bawk a


Mit chhinga thaw la ham hama muangchanga en in, "ka ngaidam che ka tih avangin nupa kan ni leh thei ka tihna a ni hleinem," A rawn nui hul hak



"Eng ngaihdam na nge ni ngai?" A ti kha hluk bawk a


"U Zo, ka lakah hian eng nge ila beisei, min khawngaihna emaw pawh inei miahlo em ni? Phatsan leh uire san zawk ka nih hi," Ka en chho ta ran a


"Ka hria, ka tisual tih; Mahse, chance vawikhat ka dil mai chauh che a ni," A tih chuan za lo zetin ka lo nui ve sak, ka mittui rawn hnâm zui ṭiam ṭiam chu duhlo zet chuan ka khap fawk fawk bawk a


"Chance ka pek che ngai lovin vawitam i nei zawk a sin, kum 1 chuang hmeichhe dang khum i ṭawmpui a, khang hun chhung khan i thiamloh emaw i thiltih sual ah ngaihdam min dil i tum reng reng em?Tum lo, vawikhat pawh ka lakah inpuan i tum ngailo," Ka tih let ve ta fak fak a, khabe ruh ti che ralh ralhin min en ngur


"I uire na hi ka kalsan chhan che a ni chuang lo. Hmeichhe dang lakah fa i nei dâwn tih leh ka pasalin min buma, ka hriat chhuah hmaa inchhirna i neihloh vang zawka chhuahsan che ka ni zawk. Ni e, a dik, Bryan-a te unau chu ka hmangaih alawm, a chhanchu khawi aṭanga rawn kal nge an nih a, tu fate nge an nih ah ka chiang a, ka pasal unau fate an nihna angin ka hmangaih bawk ; Mahse, i uire na fa chu kei hian hmangaih se, lawmtaka pawmin, na ve theilo ang maiin, i uire-na fa chu enkawl se minti amaw?" Ka chhungril na lutuk chu ka sawi chhuah rualin ka mittui a rawn luang nghal ngiai ngiai, a tawp lam phei chu ka riat nawk nawk a ni ber


"Bawihi, i ngaih ang kha a nilo, bânsan a, tawpsan ka tum a sin," Ka ṭap chhuak theilo, ka âwm na lutuk leh hnungzang tawt lutuk chuan ka thaw a ti chham dâwn hial bawk


Ka âwm ṭham vawng vawngin, "i tawp san chuang lo a ni lawm ni? Hmeichhe dang khum i lawnkai hnuah, ka hnenah rawn kalin, engmah tisual lo ang maiin hmangaihna min chenpui leh a. U Zo vawikhat tal min khawngaihna leh lainat na inei ve tawh em? Mimawl ang maia awmin, ka pasal chu hmeichhe dang ta a ni ve tih ka hriat miahloh avang khan min khawngaih ve em?" Boruak hîp tur ka mamawh lutuk chu ka thaw zui kawk kawk


Kawchhung khur dar dar a mittui nen en ngarin, "min khawngaih chu sawiloh, hmeichhe danglaka i fa hmangaih turin min beisei a, min enkawl tir i tum a. Chu ai maha mi tina tu i hria em? Dawt muhlum lutuk hmanga i fa min pek i tum kha a ni," Kha zeta ti chhuakin, ka mittui chu ka hru tawk a

"Pawmlai i nei chunga ka hnena rawn kal ila bânsan lo hian, i lakah hian minti beidawng takzet," Ka ti chhuak zui ngawih ngawih bawk



"Duhtawk ang, khawngaihin hetah hian tawp lul teh ang," Ka ngên let zawk a ni tawhber


"Mahse..." A tih leh laiin kawngkhar a rawn in hawng rawk, Lucy-i hmaisen leh ling hlar mai, dul puar ve ak tawh chu a rawn thlawk lut a ni maiin ka hria


"Lalmuanpui.." Tih leh min rawn ben a tum chu U Zoa'n rang lutukin a lo pawm kâng nawlh a


"Min thlah rawh, ka pasal i in ah i hruai lut ngam amaw? u Zo min thlah rawh," A au tuar tuar, ṭhenawm khawveng zawng zawngin an hre tawh ngei ang


Mittui tla chung chuan ka mit ka chhing vang vang a, thaw chham in ka tlu mai dawnin ka hria


"Ngawi chipcham rawh Lalhriatpui," U Zoa vin ṭhat ah chuan ka meng kawk


Lucy-i dar tawn tawn a vuanin, "zanin hian kan inṭhen ang, a chiang em?" A hmai bulah chuan a au khum a ni ber


Lucy-i lah chuan hläu lo tih hriat taka en chho vahin, "min ṭhen han tum chhin la, tum rawh, i nupui hlui hi neih leh han tum chhin la, tum ta che, awlsam taka min ṭhen theih ve ring hauh suh angche," Lucy-i chuan a ti let ve tuar


Ka lu hai ta muai muai chu ka kat deuh nawk a, "Muanpui," Ryan-a aw a ni

Kawngkhar lam ka en vat, "Lalramnghak," Ti hriam hrakin Ryan-a rawn pen lut chu eng sesaw sawilo chuan U Zoa'n a hnek kat nawk a


Ryan-a lah lo tlawm duh bik theuhlo, ngawi run runa ding chhuakin, U Zoa chu a hnek zui nghal mawlh mawlh, rui zawk na nâ na chuan hnehlo tak a ni


"Ryan a tawk, a tawk, Ryan," Ka pan hnai rawk rawk, raipuar pahnih chuan ṭhelhin, kan pawt hrang a, U Zoa thi hnuang a rawn ding chhuak chu, "nang vai sawn hian engthil ka pasal chungah itih hi?" Lucy-in a rawn ti tuar chu Ryan chu rapawm lutuk in a kiai nawk a


An pahnih chuan an in melh run run, in ban leh mai an pawi sa lo tih alang reng, an in ban leh ka hläu lutuk chu Ryan-a bân ah chuan ka chelh bet ran a, ka khur ru zawih zawih bawk, thawk te chu ka thaw em? Ka lungphu rang lutuk te chuan boruak pawh minti hîp ṭha thei lo


A Jacket ipte zenin, eng emaw rawn phawrh chuan, "tun aṭangin i hna leh i chhungkua ah chiah buai angche," Tih leh a thil phawrh chu chhuat ah a theh thla a


"Lawmthu min hrilh a ngai lo, ka hnekna che erawh Muanpuii tana buaina i siam vanga i dawnlet ah i ngai dâwn nia," Ti ram hmakin min rawn melh a, thaw chhuak hawk chuan, "i ṭha em? A tina leh che em?" Ka lu ka lo thing ringawt, a mitah chuan mintihnat leh a hlauh zia alang bawk



"Nawr chhuah kher induh loh chuan i pasal kha chhuahpui rawh," Mit khap leklo a min en a, kut hum ruh ngar chunga ding U Zoa chu Lucy-in a bân a pawtin, "U Zo," Tih leh min melh ram ram chuan a pawt ṭauh ṭauh bawk



U Zoa leh Lucy-i an chhuah fel rualin ka zawi hnawk, Ryan-an min dawm vatin, "Engvang phiangsen a kawngkhar hawn sak nge inih?" Ti hrawka ka dar a hmerna sauh chu ṭah khum vak mai ka duh, chhan pawh ka chhang peih lo



"Min thlah teh, a na a nia," Aw ring tak chhuak tur pawh ka nei tawh lo, kala thaw ve ṭawk ṭawk chauh a ni


A thaw ri hrawih a, mit chhing sawkin, "ka tihpalh, vin lo tur che kha ka nia, na i nei em?" A aw dam leh nêm zet chuan ka ṭah a rawn ti chhuak tlat lehnghal



Ka mittui rawn hnâm ṭiam ṭiam chu khap let ka tum a, ka khaplet seng lo, ka bianga rawn luang ngiai ngiai chu phun hlukin alam ah min pawt hnai hrawk a


Nghet zeta min kuah betin, ka chhip a fawp vang vang chuan, "ka tihpalh, ka tihpalh, tih hlauh che kha ka tum a ni lo," Ti zui sup sup chuan ka hnungzang a chul zui hliau hliau bawk


Maktak maiin ka hahdam sawng sawng a. Naupang ṭha leh ang mai chuan ka ṭap chhuak nghal uah uah bawk, hetiang hian tu emaw rinchhanin ka ṭap in, kuahlum tu ka nei leh ang tih rin ngaihna pawh ka hre lo hrim hrim


"Shitttt, ṭhenawm khawvengin ka ti ṭap ah che an ngai dawn nia," Nui nghawr data a tih chuan, a hnungzang ah ka chum taih a, nui chhuak hawk hawka min pawm kâng nawlhin, mit zîmsan a min en chuan, ka chil ka lo lem khalh thung


"Eng...eng..eng nge itih hi?" Ti bah nawk nawkin, mittui nen chuan ka en kiau a


Vei kiai sukin, "ka ti mu dawn che," Awlsam zet a tih leh kawngkhar lam a inher in, min pawm reng chunga kawngkhar kalh ṭha khap chuan ka room lam min pan pui a


Khumah dimtê a, mintih nat hläu zeta min nghatin, "muhil rawh, ka lo veng angche," Ti rilruih chuan blanket min sin tirin, khum tlângah ṭhu chuan, ka kut chu a chelh nghal ran bawk


Haw turin emaw, min chhuahsan tura ka nawr chhuaklo chu a mak ka ti dawn nge, thla 1 chhunga kan in pawh tawh êm avangin ngaiah ka nei zawk ka hre lo


"Eng nge i ngaihtuah?" A rawn tih rualin ka harh zawk, a nui ri leh suk a, "i mit chhing la, mutthilh tum rawh," A tih leh chuan, zanin ah engtin nge hetah a rawn lan tih zawh ka tum zuai na in, mut chhuak leh taksa chau in min rawn zem zui muai muai takah chuan, thuawih zetin mit chu ka chhing zui ve ta siai siai a
.
.
.
.

U Zoa emaw a chhungte hrim hrim pawh thereng vuak thlak ang hmak an ni, an reh zui ta tlawk tlawk mai

Pathian zarah ka nun pawh a pangai chho viau a, khami zan, kan in tihbuai hlut aṭangin thla 4 a liam ve leh tawh, ka dul pawh thla 7 ni ve tawh na nâ na chu puar kawh ve tawh khawp mai


"Nghah inei leh tawh em ni? Driver chhelo neih hi ngaiah i nei tawh in ka hre tlat," Sentei leh ka nula awmpui, kan khawlam aṭanga heta college rawn kal Ramsiami chu an lo nui vur vur a


"Dar 5 a pelh dek dek hi chuan i ring hi a fan thui thei lutuk a U Mampuii chu," Ramsiami'n a lo ti ve zat chu ner nungin, "a awihawmloh e," Ka ti ve tak nâ in, ka thusawi chu keimah pawhin ka awih chiah lo


Kei hian Ryan-a min hruai leh thlah te, min enkawl na hi ngaiah ka nei tak tak chu a ni êm lo maw?


Hna avanga min rawn hruai emaw, min hmuh theihloh chang lah hian ka zawng ru ang duk duk a


"Ṭhian aṭangin kaisan tir tawh mai rawh," Sentei'n alo ti leh zat chu en in, "a U te rual ka nih hi," Ka ti let chu an awihlo nasa mai, ka nui zui ta hak hak a



"I hman tawh em?" Ryan-a aw a ni


"Woohhhh," Sentei leh Rami en chuan ka nui ringawt a


"Rami a nih ka hawsan angche, zan chhuak rei lo la," Tih leh ka bag ka ban zat a


Ka bag rawn ban vatin, "dawr hi midang kutah dah tawh rih mai ta che, i dul a puar lian tawh si a," Melh chho in ka nuih seih, "hrin hun ala hnai lo emai," Ka tih chuan nur nanga min dinpui dat in, "ka rawn lam theihloh chang che emaw Aizawl ka chhuahsan chang a tam si a, ka..." A tih laiin, "Ryan, enkawl a, ven reng ka ngai tawh lo, hmeichhia te bia la, i tan hun te inpe ve rawh," Ka sawi zawh rualin ka inchhir nghal rum rum mai


A pawi ka sawi emaw tih mai tur a ni, a mitmeng a dur nghal khup khup a, ṭo ruah haw tur ang maia thim khup in min vawnna a thlah thut bawk, ka phu nasa ropui lutuk!


Car kawngkhar hawng sawkin," lut rawh," Ti bul hlukin, nidanga ka luhfel thleng a min din chilh ṭhin khan ka pan hnaih rualin a luhna lam tur a pan zui vut a



A engpawi nge maw ka sawi ni? A tan hun insiam a, ngaihzawng te nei a, kei raipuar min enkawl reng lo tura ka duh chu a sual viau em maw ni le? Ka ti ra rum rum mai!

<><>~>

ZONUNA...POV



"Zawngi min khawih ngam amaw?" Ka U aw ring zet ka hriat rualin ka in perh tho nghal zat



Ṭhut khawmna lam kan rawk rawk bawk a


Lucy-i leh ka U, nimin piah lawka Indiana aṭanga rawn thleng nena an chhip sam an lo in kek ran mai ka hmuh chuan ka pan vat a

Tetea'n ka U kawnga kuahin a pawt a, keiin Lucy-i dul puar lian tawh tak mai, hrin hun ṭep tawh chu ka pawt ve bawk



Pawt ṭhen phawkin, "engthil atthlak lutuk nge intih hi?" Ka ti zui ṭhat a


Ka U in a sam tuai mam puat puatin, "i nupui zahna hre lo lutuk kha zawt rawh," Ti ram deuh hmak chuan, "Nuthlawi tiin a lenna ah minlo sawi a nih kha, ve khanglang a, mi pasal lântu mai mai hian min cho suh se, mo lehnghal a, ka pet chhuahsak lo che kha läwm hle rawh u," A ti zui leh tan tan a


Lucy-i lah duai biklo nasa, "min rel hmasa lo la ka rel tawp lo angche, duh leh ka mipa hmangaih chu, luh pawh ka luhkhung angchu, nang hnamdang mipa den hnu leh pet chhuah zawk mah i zahloh a hnu," A ti let ve hlar mai chu ka U in rawn ban leh mai a tum a


"A tawk, he in hi In pawh a ni tawh lo, hremhmun a nih, inzak lawm ni?" Tih leh, "Lucy i pasal chhungte hi min zahna chhete tal ti lang ve rawh, ka nu leh pa i biak dan te, Bryan-a te unau i en dan te, mimawl kan awm lo, ka U i hmangaih chuan a chhungte min hmangaih tel tum rawh, min hmangaih loh pawhin, i pasala chhungkua kan nihna ah zahna tlêm tal tilang ve tur ini," Tetea'n a rawn ti zui hrawk hrawk a


Zilh tinah pawh ka tin tawhlo, Bryan-a phei chu a pu te lamin rawn lâk an tum tawh hial zawk

Lucy-i nena kan chen dun aṭangin ka nu nen an inhauh loh leh an in sawisel tawn a, men ngaihna pawh minti hre lo, Tetea phei chu chaw ei hun leh mut hunah chiah in ah a awm, keipawh chutiang vel chu ka ni

"Nangni ka nei hleinem che u, Zoa alawm ka neih," Lucy-in a tih rualin, "Lalhriatpui," Ka ti vin ta ṭhat chu min rawn en vat a, "i lei kha veng ṭha rawh," Ka ti hriam hrak bawk


"Mampuii pawh a let 70 hmun 70 in ala ṭha zawk, tluk lo vet vet tak i ni. Kha vang khan alawm, hmei leh nupui a in an theihloh an tih ni," Ka U in rawn ti leh kher chuan, ring tun vahin a fate rawn tlân lut chu a kai chhuak leh zat a


"I hmu em? Heivang hi alawm in luah hran ka rawt chhen ni. I duh emaw duh lo emaw thlathar hma ngei ngei a indan ka duh, engtin nge, he In, mihring ang pawh a min en lohna, zahna chhete pawh minpe lo tu te lakah hian ka fa ka piantir theih ang ni?" Ka bân a pawt zui dat dat chu phih sawkin, "i duh chuan nangmah in i luah dâwn nia, i awm theih loh leh chhuak rawh," Ti hlukin ka pensawn ve nghal Zat bawk


Ka U in Mampuii a sawi takah ka mittiah a nui hmel a rawn lang nghal zat, ka nui zui ve suk bawk a

Kum 10 chhung khan vawikhat mah ka nu leh pa sawiloh, ka unau te pawh a in hnialpui ngai lo, kan nupa kan in hnial chang phei chuan Tetea leh ka Pa hian an ṭan hlur ṭhin zawk kha a nia!!!


Hmeichhia leh mo, mo na hmun in ang ṭheuh ṭheuh, an in anloh theih khawp mai!!

Ka lu thing nawk nawka car a lutin, "hremhmun diktak chu a nih tawh saw," Kan In lam hawi chuan ka ti chhuak ve ta hraih a, za lo zet chuan ka nui hul hak bawk


<>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:25 pm

PRESENT PERFECT
By
Floria Laldansangi



Chapter < 23 >

ZONUNA...POV


"I awm ka ring reng a," Ka dara rawn beng thak tu chu ka melh zawk


"Engtin nge hetah ka awm tih i hriat?" Ka nau Tetea rawn ṭhu thla chu no pe ve nghalin, whisky chu ka thli nghal zat bawk


"U Mampuii nen in inṭhen aṭangin helai hi i hmun tlawh tamber leh tawmbuk deuh ber alawm," Nui chunga tiin whisky chu a tem hlek a


Ka thaw leh halh ṭhin, patling hi ti takin mahni In ngeiah haw hreh ngawih ngawihin a awm theih ang tih tunge ring pha ang le?

"I dinhmun a khirh tih chu hre tho mah ila, engvanga Lucy-i hi nei nge inih le? I duh chuan i hnar thei âwm tho si a, i inti hreawm mai mai. Bakah, Lucy-i pawh," Tetea chu ka melh zawk



Za lo zeta kiai sukin, ka no dawmlai chu ka ti chhe ralh ralh a, thaw la hakin, "ka fa vangin," Tetea alo nui huk, a awih lo lutuk tih a hmelah ka hmu thei


“Engdang nge a nih i rin? Mampuii’n ngaidam mahse, i U bulah a let tawh dawn lo tih i U hian a hria alawm, a rualin a rai tir a, a rualin a fate a ti fahrah thei bik hleinem. Thildang ah chuan ka fak chiam lo nâ in, fate chu fate ala ti ve a nih hi,” Sangkima’n kan bula rawn ṭhut thlak paha a tih deuh zawt zawt chu ka lu rûm khum nghut ringawt a


“Khum ila ṭawmpui duh lo tih sawi miah suh," No la in, whisky chu a thli chhuak zat


Tetea nui hukin, "ka sawi dâwn em?" A no lek kâng zauha a tih chuan engmah sawi lo vin ka zu no lek kâng chuan ka tlak pawp a, ka hrawk sa thla ham ham mai chu ner nawng in, an lo nui dun hawk hawk thung


"Bawiha, a tir aṭangin Mampuii hian ngaidam che mahse, a rawn let dâwn lo tih i hre vek a. Luhlul i chhuah chung pawhin a rilru i hmin thei chuang lo leh, Lucy-i nupui ah i nei ta sa sa chu Lucy-i lakah ṭhat chhuah han tum chhin la, mihring te chu chen duna, inbiak tam na nâ na chuan in ngainat te a awl a, i fa vanga nei i ni ta sa sa, i fa lo piang tur vang tal hian rilru pek tum ve la ka ti khawp mai," Sangkima bawkin a tih leh duah chu ka nui tawi tak ringawt


Rilru pek maw? Engtin nge rilru ka pek theih ang ni? A kâ a âng hlek a, kan inhau a ni nghal zel bawk si a tin ni!


"U Mampuii sawi takah chuan ka ngai khawp mai," Tetea'n a rawn ti zawi sup a, nghet lutukin ka no chu ka dawm ngar ngar thung


"Mo ṭha in chhungkua a huikhawm a, mo sualin a tlawhdarh antih kha maw," Min rawn melh zawk


"Mahse, hmeichhe ṭhenkhat hi chu pasal tena kan thunun hnehloh vang a ni ve pakhat a, chu vangin Bawiha nangpawh nupa ah in insiam ta sa sa ka sawi angchuan dawhtheih leh rilru pek han tum chhin la," Sangkima melh chuan ka ner sawk


Zu bawk chu ka tlak leh pawp a, thaw la kawkin, "inṭhen mai pawh pawi ka ti ta lo, a naupailen hma te khan lo tihtlak tir tur a nia," Ka tih chhuah halh chuan Sangkima a lo nui huk

"A naupai a lian tawhin, thlathar a ni läwm ni a neih hun tur. Bakah, a hma aṭangin nau tihtlak i sawi ve tak nâ in chutiang ti tur êm chuan i nunrawng lo alawm, nunrawng niin, tihtlak tir duh ta tak ni la, itih tir daih tawh ang. Mampuii pawhin a hriat vang a nia Lucy-i nen a kalsan tak che u, i hria alawm," A tih leh duah chuan ka thaw halh



A sawi dik viau mai, nau tihtlak tir ka sawi lai reng pawhin ka chhungril ah inthiamloh na a awm ve nghal, ka phih hnawk ah ka tâng chu a nihber hi maw!


"Mampuii sawi laiin, Ryan-a nen hian tunlai chu sawi an kai riau mai a, hmalam a pansan che a ni mai lo'ng maw?" Min fiam pah si a Sangkima'n a tih leh chuan, nghet lutukin ka no hum in, ka tlak zui pawp a, ka no dah ri ṭawkin, "Sangkim i ṭawng tam hle mai," Ka ti kha hrawih bawk


Kha mihring kha sawi lang miah lo mahse, ka mitin ka hmu a, ka hre ve reng bawk. Phiangsen a!


La enzui fo erawh ka la sim thei lo chu a nihber hi!!!!
.
.
.
Ka nau leh Sangkima te nen no kan dawm ho hnu ah, tlêma kai ve deuh sek nen, thlanglam varanda a ṭhu in, thla êng uar hnuai ah chuan, Lalnunsanga hla "D'hlui" tih ngei mai chu play in, ka whisky la neihchhun chu ka thli leh karh karh bawk a


Hetiang hla te hi, rilru leh thinlung zawng zawngin ka ngaithla ang tih, ka suangtuah pha ngai lo reng reng


Tleirawl ngaihzawng ṭhen hlim, la na laileng kha chu nêptê a ni bawk!


Ka nupui kha ka ngai a, hmangaih leh turin dikna ka nei tawh si lo

Keiai mipa ṭha leh a rin ngam tur neih a phu a, chu erawhin minti thinrim ang lawi bawk si! Hreptak hian a! Mahni ngaihdan leh duhdan pawh ka pawmpui thei lo chu a nih hi!


< "Nunhlui leh nang ngaih a ruk hlir a,
Ka lo tuar dai tawh tur hi;
Ka dâwn khawl changin lei hringnun hi
Kei zawng a sei ka ti." >


Whisky tem hlekin, thla êng zet mai en vawng vawng chung chuan, a chang 2-na chu rilru zawng zawngin ka sak pui vawng vawng bawk a


Ka hla play a tawp rualin ka phone keh ri in a zui zat


"Lalhriatpui, engthil nge itih hi?" Ka ding a

Mittui nena min en tu chu ka en khur khur bawk


"I nupui ka awm ve reng laiin, i nupui hlui ngaiin hetiang hla te hi i ngaithla amaw?" A au ve tuar tho


A awmdan naupang chhia lutuk chu phun hlukin, "mu rawh," Ti hluk a pensawn ka tum ka bân a chelhbet a, awmze nei lo va au tuar tuar chuan


"Thla 4 chuang a ni tawh, vawikhat pawh ka khum min ṭawmpui duhlo tu ka pasal hian, i nupui hlui ngaiin i zai ang rut rut a maw? Kha thingtlang hmeichhia kha keiai a eng nge a ropui bik vak na awm ni?" A tih zui leh tuar chuan inseh ruh zetin ka en ngur ngur, ka bân a vawnna chh na lutukin ka phih sawk bawk a, ka ben mailoh nan ka in thunun nasa viau bawk


"Engthil nge ni leh ta vak vak?"


Ka Nu kan lam rawn pan melh zawkin, ka ke bula ka phone hmai keh chu ka chhar sawk bawk


"I fapa hian a nupui hlui a la ngai a nih hi," Min melh ram ram leh ten hmel zetin Lucy-in a tih leh chuan ka lo rum nghut


"I Pa damlo pawh a hahdam thei lo reng reng, zing aṭang tawhin Lucy thinrim na tur ringawt ila zawng, a nupui hlui dem reng lo khan a duh zawngin awm tum ta che," Ka nu pawh chu'h...!

"A nupui hlui nen min teh khin miah suh ka nu," Lucy-in ti nghatin, "he In hi chhuahsan vat vat ka duh, U Zoa tan pawh a nunhlui hmuh tur a tam lutuk a, chuvang a nih hi kan nupa inkar pawh a ṭhat theihloh, i thiamloh vek a ni," Ka nu en chunga a tih zui leh tawn tawn chuan ka nu in a lo duh biklo nasa mai



"A zawk zamah che chuan le, ka fapa neihloh hlau a phar buai chung tu leh a nupui hial lân tu inih kha hre ta che Lucy, minzah a, ka laka lawm hle tur ini. Keimah vang chauha nei inih hi," Ka nu in a lo tih ve hlar chuan Lucy-i chu a nui hul hak a


"Kha thingtlang hmeichhia nen khan inlo in an khawp hi a!" Ti leh sawkin, "i rem ti emaw ti lo emaw karleh ah In kan luah hrang dâwn, i mo hmasa i kawh kual ang mai maia min kawh kual tum tawh suh, ani anga mawl ka ni lo. U Zoa pawh patling a ni tawh, i thusawi zawng zawng a ngaihthlak chhan tur a awm lo," A tih leh chu ka hre hman vuai vaui chauh a ni



"U Zo, U Zo, khawnge kal i tum rawn let rawh," Dul puar luah maia kawngkhar bula dinga min au tuar tuar tu chu car ah luh san in, ka tinung a, chak lutukin ka tlân chhuak nghal vang vang bawk


Steering chum dawtin, "Pathian leh!!" Ka ti chhuak hrawih bawk a


Rilru pek maw? Hreptak a! Kan kâ kan ân rualin kan in ei lo chauh zel chu a nih hi!


Ka nu lah dang lo, a mo duh em em leh khawpui nula hausa, a suangtuah ṭhin mo a nei a, an in ngeih leh ta chuang lo a, nitin mai an inkar a din hi ka kham laileng lutuk, engtia thulai rem a, men tur nge tih ka hriat lohna lamah inchhung ka chhuansan leh nge nge zel chu a nih hrep hi maw!


Car ka tih din chuan Mampuii in zawnah ka ding leh vâng tash tih ka hre chhuak chiah bawk, thinrim em em lai pawhin ka pan leh nge nge zel chu a nih hi!


Mampuii In lam chu ka thlir vang vang a, a mu tawh a ni ngei ang, a thip ṭhap mai


Za lo zeta nui sukin, seat hnung ngheng dat chuan, ka thaw chhuak halh bawk a, mit chhingin ka hahdam nghal sawng sawng bawk
.
.
.
.
Kan In lam hawi chuan car aṭang chhuak mai lovin, seat ngheng dat chuan ka ṭhu deuh vang vang a


Patling in ti em em hian, mahni In kawngkhar a pen luh an hreh ang tih pawh hi rin a harsa zawk hial alawm!


Inchhung ka luh chuan an lo ṭhu ngawi ṭhap, Lucy-i a lo in hnit feih feih bawk

"Engthil nge thleng leh pek?" Ka nu te ho lo ṭhu khawm laih chu ka en kual a


Ka U leh Lucy-i, ka Nu thleng chuan an sam chu pawr hrep hrup tak a ni, ka U hmai te chu a khem deuh emaw ni?


"Buaina innei leh em ni?" An in melh kual hrek hrek a


"Lucy, vawikhat ka zawt nawn leh angche, phone a i biak kha tunge?" Ka pa in Lucy-i en ran chunga a tih chuan ka U chu thil awmzia zawtin ka en a



"Phone ah mipa a bia a, a be satliah pawh a ni lo, 'i fa a ni lo, Zoa nena kan fa a nih hi' a ti ri ka hria a, phone laksak ka tum, a phal lovin kan insual phah a nih kha, ka nu sam pawh a kek hreh lo! Rai puar lo se chuan ka thing nek tak tak ang. Rapthlak....." A tih tawn tawn laiin, "a tawk Lawmi," Ka pa in a lo ti hluk a


"Lucy, i U Lawmi thusawi chu a dik rêng em?" Ka pa in Lucy-i chu a en ran


"Pawmlai nei mah a lân theih a hnu, ngaihzawng pawh a nei lo tih a sawi theih loh. A pum chhunga naute te hi i fa tih i chiang a maw Zonun," Ka U in a rawn ti leh nghat a



"Ngawi rawh ka tih kha Lawmi."


"Eng nge Mami chu i vin ngawt, zawhna a zawt mai a nih kha, dawt a sawi pawh ni hlei lo," Ka nu in rawn ti let ve hlar chuan Lucy-i chu a melh zui ram ram bawk


"I fate ka zilh laiin lo in rawlh fo suh, Êngi, tun, vawiin ni aṭang hian hre rawh u, he inchhung ah inla chêng duh a nih chuan ka thusawi a kawi, a ngila in zawm angai, ka ngaihtuah nasa tawh, engvanga hetia kan chhungkua hi buaia in nghir ngho reng nge kan nih tih hi," A tawp dat a, thaw halh in, "ka thu aia ka nupui thu a Lal zawk vang a ni, Hruaii sawi kha a dik chiah, inchhung ah hmeichhia in thu inneih tam a, in Lal lutuk reng rengin inchhung a zahawm in, a nuam thei lo, patling ka ni a, ka thiamloh na tamtak a awm tih ka hria, a tlai emaw tlai lo emaw, tuna chin ah ka thu zawm lo leh ka thu hnuaia awm theilo chu chhuak angche u," Ka hriat theih chinah ka Pa thusawi tamber ṭum leh, khauhber ṭum a ni ngei ang


"Mi thusawi vang mai mai a inchhung a in lak Pa vak," Ka nu in a lo ti sep chu, "nangpawh ka petchhuak hreh dâwn lo che a nia Êngi," Ka Pa in a lo ti hluk a, ka Nu in thinrim zeta kâ a âng zuai chu ka Pa hmel a hmuhin a chip zui leh hmak



"Lucy tho rawh," Lucy-i, ani leh ni lo ang maia ṭhu ngawi ngal chu melhin ka ti hluk a


Mak tih hmel zetin min rawn en chho hâ a, ka Nu leh ka U pawhin chuti tho


"Tho rawh ka tih chu i hre lo em ni?" Thawh mai a tumlo tih hriat tak chu, a bânreka chelhin ka pawt tho a


"Zonunmawi...." Ka nu in a rawn ti ṭhat


"An nupa in chinfel tir tawh, kan in rawlhna tur a awmlo, tuna chinah an nuoa inkarah tu a ve ve mah in rawlh tawh suh angche u, in inrawlh a nih chuan ka thinrim a ka awmdan in hriat kha," Ka Pa in a rawn ti zui leh hlak bawk a



"Nupui ah pawh i pawm lo emaw tia, tun a ṭan leh hnu hnawh, i fa a nih i ring tak tak em ni?"


Ka U chu ka melh hrawk a, "kan pahnih inkar a ni," Ti bul hluk chuan, Lucy-i pawt chhuak dawt dawtin inhnuai ka pan pui pawk pawk bawk



"I â tawh a ni kha Zonunmawi," A rawn ti zui tuar tuar leh ka Pa in a vin hrawk chu ka hre hman tho


"U Zo," Inchhung kan luh rualin Lucy-in a ti sup, ngawi ngulin sofa ah chuan ka ṭhu a, Lucy-i chu ka en ngur bawk


"Tunge i biak?"

Ka bula rawn ṭhu hnaiin, "tumah a ni lo, ka ṭhianpa chu a ni ngei alawm; Mahse, kan inkar ah engmah a awm lo tak tak a ni. I hria alawm, engtik lai pawhin ka nunah nangmah bak mipa an awm lo tih," Ka kut a rawn hum chu dah sawn sak in


"A ṭha a nih chu. Mahse, Lucy min bum a ni tih ka hriat chhuah chuan ka nunrawn zia i hriat kha," Mit zîmsan a ka en chuan bu nghat nghat in, mittui nen a rawn nui zui sen sen a



"Boss, tun ang hunah eng nge ni ta?" Tlana'n ka call a pickup ruala a tih chuan room lam melh zawkin, "Tlana ka mimal hna min thawh sak turin ka duh che."



"Tehreng mai Boss, engtin nge ka puih angche?"


Ka thaw halh a, "naktuk aṭangin Lucy-i hi zui turin ka duh che a ni, tunge a hmuh a, tunge a biak tih thleng," Ni e, a lei chuan dawt a sawi thei a ni mahna, a mit erawhin thudik a sawi lo tih ka hre lutuk mah mah a ni


Kan inbe zo chu ka phone nghet lutukin in ka hum a, "Lucy-i min bum a nih chuan ka that duh ngei angche!" Hriam hrakin ka ti chhuak bawk



<><><>


MAMPUII...POV


"Mampui, vawiin chu kan rawn hma viau ta mai, phone a ka sawi ang khan, mikhual kan nei dawn a, hman lai hian ka rawn thlah," Dawra rawn lut paha U Sp-in a rawn tih luh nghal mawlh mawlh chuan en zawkin, customer thawmhnaw ka en pui lai chu en lehin, "U Sp, ṭhutna ah khan lo dah mai rawh, Ivan, homework lo ti la nangmah khan," Tih leh customer chu ka be lehnghal siam siam a



Kan thawl deuh hawk hnu ah, U Spi biak ka tum a, alo chhuak hman chu ni in! Ivan-a ka hnena a awmtir a, enkawl turin sawipui deuh ka tum ṭan a sin maw le!

Ivan-a pawh an exam zawh hnu ah a pianna nu te In lamah an hruai a, a nu tak hi chu pasal neiin khaw dangah awm a. mahse, U Spi te chhung leh a pu te ho vin an awm niin ka hria


Ti hian, zirtawp tlai a piangin ka bulah rawn dahin, weekend a rawn hmang a, Monday tukah an rawn hruai ve leh mai ṭhin, U Zoa te Ina a awmlai kha chuan kan in hmuh kha Nu Êngi khan a phal lo bur kha a nia. Bryan pawh a school bâng emaw a ruka a rawn kal a nih loh chuan veng hrana awm kan ni bawk nen, inhmuh a khat khawp mai

"Anu engtik ah nge ka nau hi a lo chhuah dâwn a?" Ka har deuh zuk, a thil ziah en zui pahin, "eng maw i sawi kha bawihte?" A lo ner deuh nung nung chu a sam ka tuai sak zauh a


"Ka nau tur hi alo chhuak har e...!" A tih deuh vawng vawng chuan ka nui chhuak hak, a sira ṭhu thla in, "a la hun lo deuh alawm, thla 2 ala ngai," Ka tih chuan a thaw ve halh a, "thla 2 chu a rei êm chu," A ti leh nang nang bawk


"Sente, dawr hi i khar mai dawn em ni?" Tho ṭuah ṭuah a ka tih chuan, "U Mampui lo va haw hmasa rawh u, ka ṭhiannu in thawmhnaw rawn thleng thar hi en a duh a, ka lo nghak ange. A reng rengin vawiin chu i driver hian rawn lam che a tum lo leh em ni a?" Pawnlam melh zuk zuk paha a tih chuan ka lo thaw halh


Ni 2 lai chu ka hmu tawh lo, ka chungah a thinrim viau emaw ni? Thinrim em em tur engthil pawi ka sawi ka hre si lo va!


"Mampui," Ka lam pana rawn pen lut mihring chu ka hmu sual emaw ka ti dawn hial mai!


"Hi! Ivan," Nui säng a a tih zawm zat ah chuan ka hmu sual lo nasa tih ka hre chhuak


"U Lawm," Ka phun chhuak sap, kum engzât teh meuh nge ka hmuh tawh loh. Ni lo, kum 10 a chuang tawh zawk angchu, a pasal neihbo aṭangin a rawn la haw leh lo hrim hrim zawk maw le


"Ka tum aiin ka hmu thau daih che, Zoa nen in inṭhen boruak vel leh naupai nen i cher dûk ka ring a nia, i nalh zawk daih alawm, thingtlang nula cher khawro deuh hmel i pu ṭhin tih a hriat miah lo," Nui zui ar ar a atih chuan, za lo zetin ka lo ner ve sawk ringawt


A mize ngai ala pu rengin, a lu pawh ala zo vah vah khawp mai. Chutiang bawkin, thingtlang mi pawh minla hmusit reng a nih hi!


"Engtik nge Mizoram i rawn thlen a? I fate an niang maw?" Ivan-a bula ṭhu a, Ivan-a bag leh lehkhabu vel khawih nghal rawk rawk tu hmeichhe naupang leh mipa naupang en chuan ka ti sep a


"An nih hi, dawr ilo neih len hi le! Hetiang hawn na tur sum te ilo khawl hman a, i fin viau hi. Nge ni a, Zoa nen In in kha inhralh zawk?" A mizia tih hre tho mah ila, a nau nupui ka ni tawh lo a, ṭawngkam tal chu fimkhur se ka duh


"Kan inṭhen dâwn a ni tih hria ni ila chuan sum khawl ruk ka lo nei ngei tur a nia! In in ka chhuahsan khan chêngkhat pawh ka hum chhuak hauh lo. Tin, ka vawk enkawl lai leh ka boiler enkawl lai thlengin ka hnutchhiah zawk, U Lawm i lei hi veng hneh lo vin min hmusit a ni tih hre tho mah ila, in mo ka ni tawh lo a, mihring ka nihna angin zahna tlêm erawh min hmuhtir ve turin ka beisei tawh bawk che u," Chutiang zawng zawng chu ka sawi ka in ringlo reng reng


Sentei'n ka hau mai a min en pawh chu ka mit sirin ka hmu reng, hetiang a zahlo taka midang ka biak hi ala hmuh ngailoh vang te pawh a ni mahna!


U Lawmi phei chu sawi tur a hre lo tih hriat takin min en haw ringawt a


Rawn nui lui hakin, "ka fiamthu a nih kha, ilo thinrim em ni? Dawr i nei lian in a tunlai khawp mai," Ka nuih pawh a za pha ve tawh lo


"Mamawh te inei em? Hei khar kan lo tum chiah a," Sentei chu ka melh zauh, a hmel landan ah chuan U Lawmi chu a ei vak hmel bikloh khawp mai, Hruaii awm phei se chuan a khak tawh ngei ngei zawk ang maw le!


"Nei hran lo e, i dam ṭha a, a lawmawm, i pumchhunga naute pawh kha Zoa fa neih chhun tur a ni lo ang tih tunge sawi thei, kan mo ini leh lo ang tih pawh, chu vangin ṭha taka inbiak leh in pawh duneh kan mamawh in ka hria a, ka rawn tlawh mai mai che," A thusawi chu a awmzia ka hre lo ang bawkin, an ni In a mo leh ka tum tawh loh zia chu pui tak a ni bawk


"A nih chuan pawimawh a awm chuang lo va, kan haw san angche u. Sente, dawr chu rawn khar mai rawh aw, rawngbawl ka la ngai sia," Ka mitmei zauh, "aw le, aw le, keipawh ka haw ve nghal ang," A rawn tih chuan U Lawmi hmel lawmlo tih hriat lutuk chu ka melh zawk a


Ivan-a bag Sentei'n rawn khung khawm zui mawlh mawlh a min rawn pek chu ban in, "kan haw san angche u," Ka nui säng, a fate pahnihin mak tih hmel zeta min en chu nuih sen sen in, "Ivan, i U te kha bye bye rawh le," Ka ti zui sap bawk a, U Lawmi erawh engmah a sawi zui tawh lo, ka lo chhâwn danah erawh a läwm loh zia a hmai sen ṭang ah chuan alang thung


"In va rawn haw har ve? Chahbi hi minpe ve mai la a ṭha ang," Nui vur vur a, kawngkhar bula lo ṭhu tung ut mai Hruaii'n taxi aṭanga kan chhuah ruala alo tih lang lang chuan ka nui vur vur a



"I va rawn thleng phei hma si ve," Tih leh kawngkhar chu hawngin, "bawihte i bag hi room ah dah lut nghal rawh aw," Ka tih zawm zat bawk


Ṭhu khawmuang ta lem lo chuan choka ah ka lut zui bawk a, "kha! ka Nu in a hlehṭhen che a nih kha," A bag aṭanga container a rawn phawrh chu lo ban vatin, "Ehe! sakhi sa a sawi kha em ni? A fiamthu emaw ka ti zawk a sin," Läwm zeta nui chunga hawngin, "tlem ka'n rawt teh ang, a dang hi chu Sunday tuka ei a tan," Ka ti zui sap bawk a


Hruaii nen, Ivan-a leh Rami te nen kan ri ve leh nak nak ta mai, Hruaii te chhung leh Rinpuii te chungah hian ka läwm bang dâwn lo, min rawn tlawhin chanchin min rawn zawt reng a, Hruaii nu leh pa, Nu leh Paa ka zawn nih an tlin em em bawk si, Hruaii leh Rinpuii chungah tak hian ka lawm zual, ṭhian leh unaunu nih an tkin takzet



"Mam, Ryan hi a rawn lawr khat hle mai tunlai chu," Ka melh zawk


Ni 2 lai chu a rawn lawr tawh lo ka tih kha, Hruaii pawhin mak a ti deuh a ni ngei ang. Khang thla 4 chhung khan Aizawl a chhuahsan te a nih ngawtloh chuan a rawn lawr zing narawh êm a tin ni!


"Rilru pek tum ve la, i duhlo hlawm tawp pawh a ni bik lo a," Nuihza lo zetin ka ner nawng

"I hriat hi, nau ka hring ṭep tawh a, nuthlawi raipuar, hring lek lek chu khawiah nge min duh tak tak se itih?" Ka fiamthu tak nâ in, ka kim lo ve riau tho


"I hlau a nih kha. Mampuii, hmangaih hmasa te chu tupawh in kan nei alawm, kan hmangaih hmasa te avang ngawtin kan hmalam hun kan thlir ngamloh phah dâwn em ni?" A tih chuan ka ngawi ran, ka hmaa Ivan-a TV en chu ka en ve ngar a

"Ryan-a nen bul i ṭan emaw nakin ah pawh a chhia, a ṭha ila tawngin, ila nei ang, Zoa ilo hmangaih tawh vang ngawtin i din na ngaiah i ding reng thei hleinem. Bul i ṭan avang lahin i hmangaih ngailo emaw i hmangaih ta lo tihna pawh a ni hek lo va, hmangaih hmasa leh kan tun hun hi thliar hran thiam tur." A tih leh dap dap chuan en in ka nui a


Thaw halhin, "a dik alawm, phatsan nih leh ka hläu a, ani aiin kum tamtakin ka upa a, kum 2/3 a ral ang a; min iai mai ka hläu bawk. Mahse, chung zawng zawng aia pawimawh chu, kei nuthlawi, pasal hlui fa pai mek tu leh, hring lek lek tawh nena inzawm na a nei a nih chuan, engtin nge a chhungte'n an ngaih ang, zep tur a awmlo, ka ngaina alawm. Mahse, chu ringawt chu a tawk zo lo a ni, Ryan ka rinloh na aiin keimah hi ka inrin zawhloh na a nasa zawk," Ka rilru diktak mai ka sawi chhuah rualin ka thaw chhuak zui ham ham a, ka thaw ta deuh hawka ka hriat ni!


Hruaii'n ka thusawi chu a hrethiam tih hriat takin khawngaih hmel takin min en a, "ka hrethiam lutuk che; 'Mahse' ka'n ti leh hrâm teh ang. Hringnun ah hi chuan risk lak a ngaih chang a awm a, hmasial a ngaih chang te, duhâm leh nunrawn a ngaih chang te a awm ṭhin," A rawn ti leh chuan ka âwm chhung hi a tawt up up mai


Ryan-an ka laka a rilru put hmang hi hre lo ka ni lo, kum 30 ka tling ve tawh a, tu in nge ka chungah mit fuk tir a, eng ang rilru nge an put hrethiam rual ka ni ve bawk


Mahse, kawng tamtak ah ka haider sak a ngai miau a tin ni!

Ka huat vang emaw a ni hauh lo. Ni e, zep rual lohin ka ngaina a ni, a awmna chin sawi lova a bo vang vang hian ka zawng ru a, hmuh mai ka duh ṭhin, ka hmangaih erawh ka ti hauh lo, ka ngaina takzet thung!


"Ok, ok, Ryan chu dahṭha ila, Bryan, a nu te lamin lak ve an tum kha i hria em?" Ka bu nghat


Rinpui'in a rawn sawi tawh tak kha


"Ti sawn Zoa te chhung chu an darh zo mai ang tih a hlauhawm," A tih zui sep chuan en in, "eng nge awmzia?" Ka ti hâ a


"Tetea pawh In luah hran a tum alawm, studio lian vak lo luah tur a zawn kual reng hi, naupang an chhuak zo ang a, Tetea a chhuak leh ang a, Lucy-i lahin Indan a tum nasa bawk si, nau an neih zawh chuan, ngei ngeia a chhuah tur thu a sawi bawk a, Nu Zarpuii bulah," Nuih sawh deuh ni âwm taka nui zui tuh tuha a tih chuan ka Pa (Zoa Pa) ka khawngaih ta daih mai!


A chak vak tawh lo in, a tute a ngaina si a, awmpui an nei tawhlo a nih hmel lehnghal, chutia an chhuahsan vek chuan ka Nu (Nu Êngi) nen ringawt chuan hreawm a ti dawn lutuk !


"I khawngaih ringawt ange, ka la sawi zo lo a nia," Ka en a, ka nui ringawt bawk


"U Lawmi a rawn haw tih i hria em?"

Bu nghatin, Ivan-a mut chhuak ka mala lu rawn nghat a mit chhing diar diar mai chu, a âwma chul hliau hliau pahin, "vawiin khan ka dawrah a rawn kal alawm," Ka ti sep a



"Lucy-i nen vawi 2 lai chu an insual e antia, ṭhenawm ho vin," Ka en kawk



U Lawmi emaw Lucy-i pawh an nasa thawkhat tih hre mah ila, pasala U te em em chu a sual ngam dâwn em ni. Bakah, a rai bawk si a, U Lawmi pawhin raipuar sual let ngawt chuba duh bikin ka ring lo



"Pasal U te em em chu a sual ngam dâwn em ni? Bakah, a rai bawk si, thu lêng vel mai mai a niang," Ka tihsan chu a ner nasa khawp mai


"Ka hriat vang alawm maw le, Sunday khan KṬP hnatlang neih tur velah committee an ko a, Sangsangi te in ah ka lêng kawi ka tih kha, i hria angchu, khami ni khan an in hau ri ka hre ta sia, Sangsangi ngeiin a sawi alawm maw le, Lalrinsangi khian dawt a sawi lul lo ang," A tih zui leh hmiar hmiar chu ka nui ta ringawt a, tak tak a nih ngat chuan a pui khawp ang



Mahni pasala U te kutthlak sawiloh rai puar lai lehnghal, mihring pakhat chu anni ve alawm, an awhawm letling zawk hial ṭhin!

.
..
..
"Zanin chu rawn kal angche, Rinpuii te pawh rawn chhoh hmat an tum kha," Coffee tem hlek a ka tih chuan a rawn nui uar uar



Lalhruaii uar uar zel hi chu!

"Awii, ka theihnghilh hmin hmiah, eng nge ka pek ve ang?" Ka nui ve ta ringawt a, keipawh ka theihnghilh ve tho, ka kawr zawrh lai hi ka pe mai a niang chu!

Kan nikhualo ve hrim hrim, zirtawp ni a rawn lên pawh khan "Monday chu Rinpuii birthday a nih kha aw" kan ti ve nasa a nia, kan tlaw va ve hrim hrim a ni e!


"Thawmhnaw thleng thar ka nei a, pakhat hi lei ve mai la," Ka tih rualin, "Zawngi, sumdawng viau suh, shawl ineih chuan min lo dah rawh, ka rawn lam kawi ang," A tih chuan ka nui hak ringawt


"Mampui..." Ka in her a

Ni Zarpuii hmel ka hmuh rualin, "Hruai nakin ah kan inhmu dâwn nia," Tih leh min chhan na pawh nghak lo in ka off zui zat


"Nu Zarpui, lo ṭhu rawh, in hmuh a va khat ve," Tih leh ṭhutna ka kawhhmuh sawk sawk a, thawmhnaw rawn thleng thar ho kan lo phawrh darh bawk nen, kan hnawk ta viau mak


"Nia maw le, ka chhuak khat lutuk a, i dul chu a lian tawh hle mai, engtik maw i hrin dawn kha'h?" A nui var var, Nu Zarpuii biak hi chu a nuam ṭhin teh e!


"Thla 2 hnu chuan kan hmu ve thei tawh ang, eng nge i rawn tih dâwn reng reng helam ah te?" Coffee pek ve mai ka tum a, "in lo zawk ang, zanah ka mu leh thei dâwn lo, sawtah i ṭhenawm dawrah sawn ka rawn lêng a, ka rawn tlawh kawi mai mai che," A ti tak nâ in, min en danah erawh thildang a awm tih ka hre thung


A bula ṭhu thla deuh ṭuah ṭuah pahin, "inbiak i duh chuan chhunglam ah kan lut thei a nia," Ka ti sep a, room tereuhte kan pin hran lam ka melh zauh bawk


Min en deuh vang vangin, "a pawi miah lo," A tih sep chuan tho leh ṭuah ṭuah in, ka chauh changa ka hahdam na, room lian vak lo, single khum ka hun na lam chu kan pan a


"Khumah khan ṭhu tawp rawh, chauh vak chang hi ka nei ṭhin a, ka ke a vun zual chang phei hi chuan mut nan ka hmang ṭhin a, a hnawk deuh," Tih leh keipawh chu a sirah chuan ka ṭhu thla ve mai bawk a



"Mampui englo a nia," Min en leh deuh vang vang, sawi a hreh hmel takzet , ka rilru erawhin rin ka nei thung


"Han sawi mai dan tur ka thiam chiah lo mange aw!" Tih leh, "Ramnghaka nen in chanchin hi a nia," A tih zui sap chuan ka rin lawk angchiah a ni


Inthlahrung tih hriat takin min melh a, za lo zet chuan ka lo nuih let


"Nu ka ni a, nangpawh Nu ila ni ve mai dâwn, ka rilru chu i hrethiam ngei ang, Ramnghaka'n i laka a rilru put dan pawh i hria in ka ring," A chawl leh dat, thaw la deuh halhin, "beiseina lo pe lo turin ka duh che a ni, min ngaihdan tur ka hria. Mahse, a nu ka nihna angin ka fapa in a kum ai upa daih kawppui a nei tur hi ka ngaidam ngang lo a tin ni," A hmelah chuan a ngen in min ngên!



Ka ngawi deuh vang vang a, "Nu Zarpui...."



"A pawilo, engmah i sawi theihloh pawhin; Mahse, Mampui min hrethiam hrâm dawn nia, nangpawh in midang sawi zui tura awm chu i duh lo ang tih ka ring. Ramnghaka hi ala naupang si a, tunah i lakah rilru pe mahse, a rei ang a, a reh ve mai dâwn tih hre tho mah ila, ngaihtuah fîm loh lai, at laia a hû hâng vel hi a rui ang a, damchhung a inchhirna tur thuthlukna a siam ka hlau êm a tin ni!" A tih dam leh dap phei chu sawi tur hi ka hre lo hrim hrim


A ṭawngkam in min demna lang miah lo mahse, a aw ri chhuak ah chuan Ryan-an ka laka feeling a neih avangin min dem na alang chhuak fo thung!

Nge ni a, keipawh hian beiseina ka lo pe in, beisei awmin ka lo awm ve tak tak zawk ni? Ka theih tawk chuan mipa angin ka ngaina a ni tihlan loh hrâm ka tum a, U Zoa leh ka nunhlui aṭangin hmalam ka pan ve hret a ni tih Ryan-a lakah hian ka thup ve viau a sin maw le!

Nu Zarpuii chu ka en ngawih ngawih a, ka hrethiam lo, ka chhungril khawi emaw lai hi a hlim lo a ni, a hlim lo takzet!


Eng zawk nge nâ a in rin? "Kan neih hma hauha kan chân nge? Neih hnua chân na zawk ang le?"


Za lo zet leh chhungril sawifiah thiam si loh a hlim lo leh thîp veng veng chuan ka nuih lui a, "ka hrethiam e," Ka ti zawi sap bawk, ka hrethiam tih ka sawilai chuan ka âwm chhung hi a ruak a, a na veng veng mai!!!!


<><><><>~>


NOTE : Buaina hi ka van ngah tak e aw! Ka inthlahrung ṭhin😊🙏mahni In a awm lo leh boss nei na nâ na chuan thu hi kan nei lo nasa mai si a, thawhṭan kar lo awmtur aṭang hian engmah sawi lo va ka chawlhsan zeuh zeuh che u a nih chuan minlo hrethiam hrâm dawn nia. Nizan khan ka Pu in min hrilh ve chiah a, room tina bathroom (pali) hi ṭhiat in renovate an tum a ni âwm a, buai in min tlak buak leh hmel a, min hriat thiam leh hrâm hrâm a ngaih hmel khawp mai😭🙏ka inthlahrung lutuk hi hreawm ka ti ṭhin, tar dam thei lo nen, hna dang a thawhloh theih siloh, hriat thiamna säng tawk nen minlo hrethiam hrâm ṭhin dâwn nia💚💚

Ads vawi khat click theuh tur kan tih kha aw, i back hma in a hnuaia ads hi han click ve lawk la

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:26 pm

PRESENT PERFECT
By
Floria Laldansangi



Chapter < 24 >


RYAN....POV



"Ka tupa pawh rual lo hian ka fanu i neih duh thu i sawi a maw?" Muanpuii Pa, Pa fing tih hriat tak mai chuan min en kalh, ka pian a hnu lama ka mihring pui hmaa ka ṭhingṭhit vawikhat na leh ka lu ka kûn vawikhat na a ni bawk; Mahse, Muanpuii ka neih theihna a nih dâwn chuan hengte chu nêptê a ni



"A dik, i fanu hi nupui ah neih ka duh a ni," Nghet charh maia ka tih chu a awihlo tih hriat takin a nuih huk a, "Mama, haw la i tleirawl nun va chên rawh, khatiang rilru te kha chu MamBawihi'n artui chhum sak che se la, a reh mai ang," Ti sam et chuan nui huah huah in a tho nulh a



Ip pui, ah-ṭhan tih hriat tak mai, chul rup tawh ah chuan a chempui a thun a, "naupang biak nan hun ka nei lo tlat mai, in ramah ah haw la, mihausa nun kha chên mai mai rawh," Ka dar a rawn beng thak thak a a tih chuan ruh lutukin ka inhum ruh


Hetianga tham lo taka min be awmchhun a ni hial ang; Muanpuii Pa ni lo se zawng, a dinna hmun ah hian ka phum tawh ngei bawk ang maw le!


"Min pawm theihnan engthil nge ka tih ang. I fanu hi ka hmangaih a ni tih fiahnan engthil nge i duh?" Ka ding a, min rawn en chho in, "hlo thlawh i thiam em? Thing zai i thiam em? Thing eh i thiam em?" A nui vur vur


"Eng maw?" Ka ti chu za zeta nui chhuak in, "Mama haw zawk mai rawh," Tih leh, "Mama(Rza) i va hman har ve, ruah a tla leh mai dawn kan thlen hma in," Ka thlen hlima Rza inti, Muanpuii thlavang hauh deuh tu kha a au lawng lawng bawk


"Zokhawthar thleng i fanu rawn dil tur che in ka rawn thleng a, hlawhchham in ka haw thei lo, phalna min pek hma chuan min mikhual rawh," Luhlul zet chuan ka ti ve leh nghat


Rza rawn chhuakin, "haw zawk rawh, kan sawi tawh ang khan, naupang kutah ka U dah kan tum lo, kal ang Pute," A pen chhuak zui zat



Muanpuii Pa chhuak chu ka zui va nghal a, "kan ram kalna ah leh zel chuan min zui i tum lo ang chu tiraw?" Ka ding ngur


"A ṭha e, Mama i thawmhnaw hak tirawh, kawng chhakah khian ka lo han nghak angche u, chempui leh hrei kha ken tir bawk la," A ti leh zat


Rza kekawr min pek chu duh ai ka tán chuan a tawi mah mah a ni, a tawi satliah pawh a ni lo, a kawngah ka kilh thei reng reng hleinem!


"A bak ka nei lo, ramah chuan khatiang mai mai a pawi lo," tih leh sai ip hrui ni âwm taka ka kekawr kawng a suih zawm nawk nawk chu en chhuk run in, "a rintlak maw?" Ka ti sup bawk a


"Tlak e, pheikhawk erawh i bun theih tur ka nei si lo va, i pheikhawk man to kha i bun mai dâwn em ni?" Ka bu nghat


Ka mang lamah pawh hetiang thawmhnaw chhe lutuk, hlui rup leh bal bawk si, ka hak hi ka in ring pha lo hrim hrim!


Kum 70 chuang tawhin a, 3-4km vela thui ke ngat a a'n kal leh, kawng tluan maia ṭawng siam siam chunga a nui huah huah thei chu a fakawm viau mai!


An Lo chu zau tak a ni, ka rin anglo takin Muanpuii te pawh rethei zawk zawk an ni hauh lo, duh nise zawng heng an huan leh ram te hi hralhin khawpui lamah pawh nuam takin an awm thei ngei ang le!


"Khawpui hovin a workout intih ngawt ai chuan a dân a dang deuh lo maw?" Hrei ka vawikhat hman na a ni a, hmeichhe châwnpuar tiat lek, a lai tak maia eh phelh tum chu rinai in a awlsam lo khawp mai



Thlan tla hluam leh ni sat luat avanga khaw hmuh fiahlo zeta en in, "ka thiam chawp ve mai ang," Ka ti nghut chu, an awih chiah lo tih hriat takin an ner nung


Chempui, hrei, a changa bawngtu thlawh hman ngai te chu ka tan chuan a vawikhat na tak meuh meuh a ni


Muanpuii Pa sawi ang deuhin, Gym vela thir rit tak tak chawia, han workout leh hna thawh tak tak chu dang tak a ni; Mahse, ka beidawn san mai mai dâwn lo


"Ramnghak, inbual hmasa rawh, tui lum kan nei lo aw, tui vawt khan inbual mai rawh," Anti lui emaw ni le tih rum rum na tham a ni

Engmah sawi lo chuan ka bu ta nghat tho a!


Ka inbual tur ka kut ṭang, lehlam ve ve a durh thluah mai ka hmuh chuan ka nui chhuak huk a, Muanpuii ka mitthla ah a rawn lang zui zat, "i man tam zia hi i hria em?" Ka ti chhuak sup bawk


Zokhawthar ah kar 1 chuang ka cham ta! Muanpuii Pa lah chuan a fanu min neih tir tum lam aiin, nitin ram hnuai ah min hruaiin, a ni tel mai chuan min chhawr nasa zual sauh emaw tih mai tur leh, hna hrâm tak tak min thawh tira min nawr haw a tum ni ber in ka hria; Mahse, vala hi ka zâm dawn hauh lo, ka tih chu ka tih a ni tawh tlat!



"Eng nge kan hnathawh ang han thawh te chu a an?" Varanda a, Myanmar lam lang phe uar mai en a, cigarette ka hip vang vang laia Muanpuii Pa rawn ding ve chu ka en a


Ka zial nawr hlum in, "engtia chhang tur che in nge min duh?" A nui huk


"Tlangval inzir mi tak ini, engkim mai i zir chawp a, i thiam thei em em bawk; Mahse, i thil mindil erawh ka ti hlawhtling thei lo ang tih ka hlau khawp mai," Chair chu pawt hnai in a ṭhu thla a


"Ṭhu chungin inbe teh ang," A ti zui sup bawk


"Engvanga ka fanu hi duh tlat nge ka zawt lo angche," Min rawn melh a, "ka duh satliah a ni lo, ka hmangaih a ni ka Pu," Ka lo ti zui vat


A nui hawk hawk a, "ka fanu kum zat i hria em? A rai meka, a pasal hlui fa a hring lo chauh tawh tih i hre lo em ni?"


"Hria e, a kum vangin hmangaih thei dâwn lo ni ila, helai hmun hi ka rawn thleng hek lo ang. Tin, i fanu ka hmangaih tih ka sawi ngam chuan, engvangin nge a thisen chu ka hmangaih pui loh theih ang ni. Mipa ka ni a, ka hmangaihin a hmangaih chu ka hmangaih tel tur a ni," Nghet charh chuan ka ti chhuak a


Mizo ho hian engvanga kum inthlau hi ngai thutak em em nge an nih ka hre lo


Hmeichhia in an aia upa, kum 10 a upa pawh neise sawisel tu aiin, lawmpui an ngah a, engvang in nge mipa pawhin kan hmangaih miau chuan hmeichhia mahni aia upa chu kan neih a pawina awm bik ang ni? An Mizo culture ah alo awm a nih chuan, ka ngaipawimawh lo a, ka duh chu Muanpuii a ni, a kum zatah a in nghat hek lo


"Nupui a i duh thu i sawi ni khan ka hria alawm; In kum inthlauh hi ka buaina a ni lo tih i hre bawk ang chu maw?" Mizo Pa fing tak, a nui huah huah phena michik mi tak leh fing tak mai a nih zia alang


"Ka hnam ah i buai a nih chuan chu erawh sawi theih ka nei lo, hnamdang thisen kai ka ni a, thei ni ila chuan i fanu tan hian ka hîp chhuakin, Mizo thisen fir ngat ka thun ngei ang," Luhlul zeta ka tih leh chuan a bu nghat nghat a


"Pa ka ni a, ka fanu tan erawh a nu ka ni tel bawk, nu leh pa ka nihna ang leh Mizo Pa khirh khiap tak mai ka ni a, ka fanu tán chuan, Mizo mipa ngei nise ka duh, ka makpa tur chu hnamdang thisen a kai tur a ni hek lo," Ka kut ka lo hum ruh ngar


A ngawi vang vang a, "mahse, ka fanu hi hmeichhe fing tak a ni a, a nunah thuthlukna a siam reng rengin inchhirna turin, thuthlukna a siam ngailo tih ka hria, chu vangin, i thinlung a pawm a nih pawhin, sawi tur ka nei lo. Nu leh Pa in kan duhber chu kan fate hmela nui hmel hmuh leh kan thinlung tina tu pawh an mit aṭanga mittui luang chhuak a ni," A vawikhat nan ka zâm takzet a, mahse a tawp lam chuan a ruk takin min thawk tir huai mai!


"Ka tiam angche ka Pu..."A kut a rawn vai zauh a, "thutiam min tiam duh suh, ka rem tih thu ka la sawi loh kha. Bakah, ka fanu tana thutiam lo hriat hi ka tum tawh lo," A hma lam chu a en ding vang vang a



"Hnamdang i ni a, ka fanu nen hian inlo in kawp tak tak a nih chuan eng nge miin an sawi ang i hria em? 'Hnam phatsan tu, hnamdang pasal atana nei leh Mizo nih pawh phu lo' tiin an sawi zui bawk ang, chung thu chuan ka fanu thinlung atih nat ka phal lo a ni," A tih leh dap dap chuan thaw ka la ham ham a


"Ka pu, ilak ah thu ka tiam lo angche, ka thisen hi Mizo thisen ni turin ka thlak danglam thei hek lo; Mahse, min ring rawh, tuma hmuhsit emaw tihnat ka phal hauhlo ang, nitin tuna ka hmangaih ang hian ka hmangaih ang," A nuih chu a zat hmel viau loh


"Ramnghak, ila naupang a, tun aṭanga kum 2/3 emaw ah chuan hmeichhe dang tawngin, ka fanu aia nalh leh hawisang ila tawng ang a; tuna ka fanu laka i rilru put hi i thil duh tak tak a ni lo tih ila hre chhuak em em ang!" Ka kum vanga ka thinlung hrethiam lo tura min ngai fo chuan minti thinrim takzet


Mit ka chhing sawk a, thaw la kawkin, "mipa ka ni a, ka thinlung duh zawng chu ka hrethiam ve bawk e." Ti chang rat chuan, "hmeichhia ka vawikhat umzui na leh, ka nupui atan hiala ka duh awm chhun leh a hmasaber a ni a, neih ngei ka duh ang bawkin, ka thawk ṭek ṭek chhung chu ka hmangaih bawk ang," A tawp lam chu ka seh chilh deuh rap rap tawh



A rawn ding a, ka dara beng thak thakin, "naktuk lam chu Aizawl pan tawh rawh, i chhungte hriatpui na lovin i rawn kal kha," A pensawn chu, "Muanpuii neih phalna minpe a nih ngawt loh chuan ka haw thei lo," Luhlul zeta ka tih chuan rawn nui hawk hawkin, "nangni naupang hmangaihna zin kawngah ka lo buaina tur a awm lo ve, MamBawihi pawh naupang a ni tawh lo va, a mahin thuthlukna a siam angchu," Tih leh kut hnung suih in a pen sawn den den bawk


Ka nui nghal suk a

Ka phone rawn ri chu phawrhin, "Sir."



"Ryan, Roberto jail aṭangin a chhuak a ni."


Phun hlukin, "engtin nge a chhuah theih phiangsen?" Ka ti kha hrawih


"He case a in hnam hnawih ho man tawh mah ila, Roberto te angchuan chunglam ah puitu an nei ṭha a tin ni. Thu ka dawn danin, India a rawn pan tih ka hria a, i awmna lam North East a rawn thlenglo ang tih ka sawi thei lo, fimkhur angche," Roberto ka hriat ṭhin kha chuan phuba la turin min rawn zawng ngei ang tih ka beng awmna ka chian tlukin ka chiang a ni!



<><>~>~>


MAMPUII...POV



"U Mampui, U Mampui, saw saw en teh, sawlai saw, i driver leh nula an kal dun a nia," Ka tum aiin ka hawi rang


Ka bag chu nghet lutukin ka chelh a, Ryan-a leh hmeichhe chhelo tak mai, hnute kawh lah mai, kawng fek rat leh malmum sei nalh tak mai nena in hnaih taka an inzui ka hmuh chuan ka chhungril hi a dik lo a ni


Kan lam hawiin nula chu a rawn nui a, boruak ka lo hip kawk thung, a hmelṭha takzet, Mizo a ni lo tih a hmaifang ah chuan a lang tel bawk


"Ka kal a nia," Ti chhuak thei ṭawkin taxi ah chuan ka lut a, a engtia thinrim ve ngawt nge maw ka nih le?

Karkhat chuang a rawn lawr dik dak lo va, hmeichhe dang a lo neih vang lek a nih kha! Ka rindan tawk leh ka duhdan mah nise, ka thinrim ṭun mai chu keimah leh keimah ka in ngei viau bawk


In ka thlen chuan Rami'n ei rawng a lo bawl mawlh mawlh tawh, "U Mampui i ṭha em?" Room a luh tlang ka tum chu ka dig dat


"Rami zanin chu nangmah a i ei a ngai ang, ka nuam sam lo emai, ka'n mu hahdam hmasa ange," Tih leh room ah ka lut tlang nghal zat bawk


Khumah chuan dul puar luah chuan ka ṭhu thla hnawk a, ka mitthla ah Lalramnghaka bawk chu a rawn lang leh ṭhin, duh lo zetin ka lu thing nawk nawkin, "hliam i neih fo avangin ka rilru a lo hah ru ve em em a!" Ka phun nung nung, ka lawm lo ve em em pawh chu thil mawi pawh a ni chuang lo tih ka hria; Mahse, ka hua a ni


Ka naute in ka dul a rawn pet chuan ka phu zawk, nui zui hakin, ka chul a, "tihpalh ka lo thinrim palh a ni," Ka ti zui sap bawk


Thinrim ṭun in, inbual pawh inbual lem lo vin ka lo muhil a ni ngei ang, "U Mampui, ka chhuak lawk dawn a nia," Rami'n min sawi dat data a tih chuan rum ṭiah ṭiah in, "rawn haw har lo la, zanah hmeichhe chhuah rei a ṭha lo," Tih leh ka pang kham lutuk chu ka inlet nghal ṭuah ṭuah bawk


Vawikhat pawh harh leh tawh lo vin ka muhil tlang a nih ka ring, ka hmai chu zar tu leh khawihtu awm ang maiin a za mer mer a, ka hui leh ṭhin, "Ivan, Bawiha," Tih leh meng mang hlei lo va banglam a inher ka tum chu, ka hmai thli in a rawn chhem heuh heuh rual a, ka hnar ngul kut thap zet maiin a rawn thâi thlak riak riak chuan ka meng kawk, ka lungphu chu a chhuak dawn emaw tih mai turin a phu rang a, hlauhna in min tuamin ka vawt nghal sung sung bawk



Ka men ruala ka hmaa palian zet mai ṭhu ka hmuh chuan ka rak ṭhawt, "Pa.....!" Hlauh lutuk vang leh phut nasat lutuk vanga sa pup pup chuan ka ti chhuak tuar a


"Shitt! Keimah. Tih hlauh che ka tum hauh lo," Lalramnghaka aw thum dut mai ka hriat rualin

"Lalramnghaka.." Ka ti lehnghal tuar bawk, ka hläu lutuk chu ka lungphu mai ni lo, ka naupai lai ka sang chhuak lo chauh alawm!


Thaw hrawihin, "i hmelṭha tak mai khawihloh kha a har êm a ni," Rilruih maia a tih chuan ka thawk ala pangai thei lo, rum lutukin ka melh ram ram


Thawh tuma ka che chu min rawn dawm vat a, ka ṭhut tun rualin na lutukin a kut ka beng sawn lawp bwk



"Engtin nge i rawn luh theih?" Sana ka en zui zat, zinglam dar 2 a ri tawh, engtin nge a rawn luh theih ni? Rami hian kawngkhar a hawn a ni êm lo angchu maw?


"Kawngkhar aṭangin," Ti bul hlukin a rawn ṭhu hniam a, na nei ni awm thakin a rum chhuak hrawih chu en vatin, a dar a lo thi leh huam tawh. A mak ka ti dawn nge pawh ka hre tawh lo, hliam hi a nei reng mai hi!


Ka mal chunga ka kut chu a rawn dawm vang vang a, "zanin khan ka hmu tawh dawnlo che emaw ka ti hman a," Za lo tih hriat tak leh harsa tih hmel zetin a rawn ti chhuak hraih bawk


Ka khum sira lamp hun bak êng a awmloh miau avangin a hmel chu chiang takin ka la hmu lo. Bakah, ka lungphu ala dikloh vang nge ka khawhmuh ala phe ruai mai


"Hliam i tawrh chauh hian min rawn pan a, ka tidam thei lo che, vawiin a i hmeichhe zui te kha pan rawh, chhuak rawh," A tawp lam chu ka seh chilh nawk nawk, ka tumloh lutuk tawpin vawiin a ka hmuh thu ka la sawi chhuak zui bawk a'h!

Hahthlak hian!


Zat hmel zeta a rawn nui ri huk chu rum zeta melh khai khaiin min vawnna chu ka phih sawk a, "Nisha emaw i bialnu pan rawh, chhuak rawh, ka mu duh," Ti leh hlak hlak chuan, nuizat hmel zeta min en in, "bialnu ka nei em ni?"


"Lalramnghak!" Vin hlar maia ka lo ti leh chu nui chhuak huka dingin, a pensawn a, ka ruak ta riau in ka hre lehnghal!


Light On chuan a dara thisen kai nuai leh, a kut ṭang pilh phung mai, veilam mit ko tlêm a kak deuh chu chiang takin ka hmu nghal, ka ner nghal nung bawk


"Ka bialnu a ni hleinem, ka thawhpui a nih kha," A nuihza hmel chu a ṭha hrep lehnghal a!


Mahse, a thusawi chu pakhat temah ka awih tawp lo


"Min ring turin ka ti chuanglo che a nia. Mahse, tunah hi chuan ka dar hi a na viau," A dar a melh zawk, ka hriat tawk lek a phun in, "TV hmaah first-aid kit a awm kha va la rawh," Ka ti nghat



Tho turin ka ṭhu nghet mah mah tawh


Ka sira rawn ṭhu in a kawr chu a phelh nghal sat sat a, a dar leh bân bul kak chu a thui viau lehnghal! Eng hna nge maw a thawh hrep ni?


Pemthar damdawi ka hnawih lai chuan Ryan-an min en reng tih ka hria, min en lo mahse a taksa eng uk ṭha kharh mai leh sex phiar fat mai vang hian, kei nuthlawi raipuar hi ka zâm tawk viau a sin maw le!


Ka chil ka lem ri khalh chu ring tak a ni, ka thlanfim te a tla lo chauh zawk, ka thaw em pawh ka hriat tawhloh laia, "Muanpui," Thâwp sup leh rilruih mai, a aw thum dut phena chher deuh chunga ka hming a rawn lam phei chuan ka khur chhuak tak tak dâwn in ka hria


Tleirawl ka ni tawh lo a sin maw le!


"Ka rilru ang hi i pu ve a ni tiraw?" Ka thaw chhuak hawk, a rawn nui suk a, "ka nau...." Ka in rin hma in ka khabe ah a rawn dawm a, min kuai dak vah bawk


Ka lungphu leh engkim mai chu a chawl dûk mai, "ka mit ah en in sawi rawh, ka rilru ang i pu lo tih," A mit khur thuk lam lek lek, thil tithei zet mai chuan ka mitah tak, min en tlang tum tur ang maia min en chuan, ka thaw miah lo tih ka hre thei

Mawi lutukin a vei kiai suk a, ka kawchhung khur nasa lutuk chuan ka lei a ti che thei lo, "Aw, itihna ang ah ka ngai a nia," Ti leh sup chuan, ka hmui kau tiar mai chu dimtê in a hmuiin a rawn tawk de de a, nghet lutukin a bân chu ka hmer zui bawk


Zawi muanga min fawpin, ka hmui chu a lei hmanga nawr kau in, a kutin ka kawng ah dawmin, alamah min pawt hnai hret bawk a, a lei hman dan chu thunun tu an awm emaw tih mai tur a ni

ka inrin hma hauhin ka hmui ka ti che zauh chuan, he mihring, a hmui tui tak leh fawh nuam tak mai, min dim dawih em em tu hmui hi a ti ngam pa sarh tih hriat takin, a ai thuk zawkah a lei a rawn hawl kualin, min fawp zui bawk a


Kan kâ chhungah, kan lei chu inhaw lo zeta insual in, a inbuan let tap tap bawk, reitak chhung infawp tawhlo, duhthawh tak leh thalhlel taka infawp ang mai kan ni


Thinphu dup dup a, thaw la kawk kawka inla hrang chuan, ka chalah a chal a nghat a, thaw chhuak ham hamin, ka hnar fawp zauh chuan a nui zui sun sun bawk, kei erawh ka thawk ala buaiin, ka lungphu ala pangai lo nasa lutuk mah mah, ka khaw hmuh thlengin a buai nak thei nia maw le!


Ka hmai tlâng zut riak riakin, ka hmui a fawhna vanga hnawm chap mai chu a tuai zauh a, fawp leh zauhin, "ka rindan leh suangtuah ṭhin ang chhiah a ni, a thlum takzet, khawizu ṭha mi aiin a thlum daih zawk," A aw mawlh chu, ka kaw chhung a fan rawih rawih thei


Hmai sa hat hat leh la thaw deuh kawk kawk a melh chho in, a mitmeng ril leh thuk tak, keimah ah chiah a mit a fu in, a thinlung ah hmeichhe dangin hmun an changlo tih, min hmuh tir emaw tih mai tura thuka min en na chu tawrh har tak a ni, kum 30 hnuah U Zoa lo mipa dang en na avangin kan tui ral zawih zawih chu a nih si hi!


Inla hrang hlekin, ka dar tawn tawn ah chuan a dawm a, vei kiai suka min rawn kuahin, ka bek fawp zauh chuan, "tikhan min ring tawh em? Ka mitah nang bak hmeichhia an awm lo, an awm ngai hek lo ang," A aw nghet charh karah chuan thutiam a ri tel bawk


Nu Zarpuii ka mitthla ah a rawn lang zui zat, harh chhuak zawk ang maiin Ryan chu ka nam sawna, "a theihloh, hetiang tur hi a ni lo," Engthil nge ka tih hi, Nu Zarpui'in a ngena min ngen laiin, engthil.....! Ka lu ka thing nawk nawk


"Min en rawh Muanpui, ka mit ah en rawh," Ka dar tawn tawn ah a rawn vuan a, mit zîmsan leh fiah zetin min en bawk, ka kawchhung ah inthiamloh na in min tuam nghal hlup hlup a, a mit a en harsa ka ti hle bawk


"Hetiang tur hi a ni lo, kan inthlau lutuk," Ka ṭah rawn chhuak ta tlat chu ka hrethiam lo


"Ka sawi tawh kha, ka hmangaih che, a bak a awmlo," Ka en a, ka lu thingin, "ka dul hi i hmu em? Ka pasal hlui fa a nih hi, kum 30 ka tling tawh a, kum 25 i pel chauh bawk, nuthlawi ka ni a, nakin lawka nuthlawi fa nei tur," Ka aw chhuak chu a khur lek lek, mahni in sitna lian tak a ri tel bawk


"Hreptak che hian! Ka hre ve bawk e," Ti hraihin, thaw ri hrawih hrawiha min en ngur ngurin, "Tunge inih a, eng nge inih ka pawi sa phiangsen lo Lalmuanpui, ka hmangaih chu nangmah ini, i nihna ni lovin," Ti hriam hrawkin, min dawmna chu a hmer na sauh bawk a


Ka kawchhung khur nasa lutuk leh ṭah chhuak et et, ṭap thei si lo chuan min hmet na ngut ngut mai


"Mahse, ka pawi sa si a ni," Ka ti chhuak sep chu za lo tih hriat taka nui hul haka min vawnna thlah thutin, a chhip sam a tuai puat a


"Phiangsen a! I pawi sa hauh lo, mimawl ka ni lo," Ti hrawka ding vutin, "eng nge ka nu in a hrilh che?" Kha zet leh thinrim insum tih hriat lutuka sehchilh zeta a tih chhuah chuan phawk lutukin ka en chho vat


"Engtin...." Ka ti zuai hman, a mit thîp zet mai chu hawisawn san in, "i thusawi awmzia ka hre lo," Ka ti zui hmak bawk a


Ânchhia phuh chhuak hluk chuan, "a ṭha e, i sawi lo a nih chuan keimah ngeiin ka zawt thei," Tih leh ka room chhuahsan a tum chu, "Ryan.." A ding dâwn lo tih ka hriat avangin, "a na...ka pum," Ka dawm nghal vawng vawng a, thlipui ang mai a ni, ka hmaah a rawn ṭhu hniam nghal rawk rawk


"I eng nge nâ? Damdawiin kan pan dawn em ni?" Nichin maia a thinrim mitmeng rapawm zet kha vawmbo ang mai a ni, min ngaihtuahna in a khat


"Ka ṭha," Ti leh ka ṭhu ngil chu melhna lutuka min melhin, "Lalmuanpui, a nuihzat thlak hauh lo," Chang rat maia tih leh din a tum chu ka chelhbet vat a, "Ryan.." Min en run


Thaw halhin, "engtin nge i Nu in min rawn hmu tih i hriat ka hre hauh lo; Mahse, engmah a sawi lo a nia, sawi pawh nise i Nu a ni a, Nu a nihna angin a tih tur a ni bawk. A fapa hi a rualpui te angin nung se la, a rualpui nupui ah neiin chhungkua din se tih a duh mai chauh a ni, thildang a awm lo, a hmangaih vang zawk che a ni," A rilru hneh theih dan tur ber chuan ka sawi chhuak a, hrethiam ngeise ka ti bawk


Rum nghutin, "ka hria," Ti bul hluk chuan min rawn en a, "mahse, ka bânsan dawn lo che, i hrethiam em?" Hnial a duhlo tih chiang takin a ti lang


Ka nui ta ringawt a, "hrethiam e," Ka ti chhuak sap chu, bek thisen zâm pawng ṭul chung a, mawi lutuka vei nuih chuan, ding deuhin ka chala fawpin, "khawvel in min do a nih chuan, khawvel chu ka do mai ang; Mahse, nang erawh ka do thei lo ang bawk che in, ka thlah theih hek lo che," Ti rilruihin, nghet lutukin min kuah nghal a, rilru nuam lo leh Nu Zarpuii, ka chhungte laka inthlahrung leh in thiamlo zet a, Ryan-a chungah ngei pawh inthiam zân lo chung chuan, he mihring lakah hian risk la in, ka kuah let ve vawng vawng bawk


<>>~>

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)