Present Perfect By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Present Perfect By Floria Laldansangi (Completed)

Unread post by Ngaia » May 16th, 2021, 4:19 pm

Present Perfect
By
Floria Laldansangi



"I fa ni lo tih i hriat kha," A mit ah ka en kalh a, ka mittui erawh farkhat chu sawi loh ka mit ti hnawm tûr pawh a awm thawh lo

Awihlo leh za lo zeta nui hul hakin, a bân chunglam ah a vai thuak bawk a, a tukkhum sam tuai puat chuan, "kum 10, kum 10 dâwn teh meuh ka hmeichhe chênpui hi hre lo turah min ngai em ni? Chutiang hmeichhia i ni lo tih ka hria, kan hria a ni lawm ni?" Ti bul bul in a chawl dat a. A aw a thunun zia leh thinrim lo a mi biak a tum zia lah hai rual a ni law.

Chil lem deuh khalh chuan ka lama rawn pen hnai hretin min rawn dawm a tum chu, rang lutuk a ka Pa lama ka lo tawlh sawn dawrh chu min phun khum zui hluk bawk, tih ngaihna hre lo tih hriat zetin, " Ka tihpalh, ka tihpalh ka tih tawh kha," A ti hul leh hak bawk a, nuihpui tur nge a nih a, ṭah tur pawh ka hrethiam tawh nek lo ve. Mahse, he in chhuahsan erawh ka tum bur thung

raz7u4yf.jpg
Present Perfect
by
Floria laldansangi


< 1 >


Mampuii...POV (Lalmuanpuii)

<Ka chhungkua/ ka khawvel te >

"Tho teh u'n, in mak pafa e..! Khumah infiam ziah suh u ka tih kha, khum inchêng hnawk leh vek dawn," Chhuat a blanket tla chhar pah a âng hlak hlak in, an pafa thum inbûan chu khum bul a ding chuan ka thlir ringawt a

Bryan leh Ivan-an a pa an buan rawn chu nui ṭhû in ka nuih ve hak hak bawk

Hmeichhe ṭhenkhat in a social media vel a an harsatna an sawi leh nupa inkar harsatna an sawi hi ka chhiarin, thurawn anlo pek te thleng hian ka chhiar ve ṭhin, an harsatna sawi tamtak, "pasal ten a an awplum loh emaw hmeichhe dang biaksan emaw, inchhung leh fa enkawl puilo," Tih ang tamtak te hi kala tawn veloh vang nge thurawn han pek ngaihna hi ka hre ṭhin lo

"Hmeichhia chuan pasal inneih fuh leh nunna thar/khawvel thar innei leh tihna a ni a, inneih fuhloh leh in khawvel a tawp tihna a ni mai," Tiin fiamthu, thutak si khan, kan pi pu te khan anlo sawi ṭhin a nih kha, ka pasal nen hian kum 10 ṭep chu kan innei ve ta, kei chuan ka pasal tluk a pâ nih leh pasal, fapa nih tlin hi an awm lo ka ti ve tlat, engti hawi zawng leh bukna chi hrang hrang a buk pawhin a tling em em hi a ni tawp mai:-)

Pasal nei tawh, mahni tawk a chhungkaw hlim tak nei te chuan, ka rilru leh ka pasal ka chhuan chhan chu in hrethiam ve tho in ka ring




~*India, Aizawl *~

Zirtawp tlai lam a ni a, a ngâitê bawkin ka nileng buai leh ta.

Kanpa pawh tunlaia a tih ṭhin ang bawkin a rawn haw tlai leh dawn ni in alang, tunlai a rawn haw tlai reng mai hi a chhan a sawi si lo va, office lamah an buai a ni ngei angchu..!


"Mami, inpa hi ala rawn haw lo em ni?" Ka nu(ka pasal nu) min auh lang lang na chu hria in ka chawhmeh chanlai dahin ka tlan chhuak a, inhnuai, inchung mai kan nih avangin kan in au leh ang lung lung zel bawk nen


"La hawlo Nu, pawimawh a awm em ni?" Nichin deuh pawh khan ka pa (pasal pa) in a rawn au deuh lung lung tawh bawk a


"Kan room bathroom light hi min ensak sela ka'n ti deuh mawle, Tetea lah mitthi in ah a kal tawh bawk si a, a tlaivar hmel sia," A tih lehchuan, "tunlai chu office lam ah anbuai deuh a nih ka ring, dar 8 dawn ah te rawn haw chang a nei a, ka lo hrilh dawn nia," Tih leh ka chawhmeh chhuan so liam ri ni awm tak ka hriat rualin ka tlan lut nghal vut bawk a


"Chutia dar 8 dawn dawn a bân pawh chu'h", Ka pa(pasal Pa) in a ti thum deuh bul bul chu ka hre hman hrâm, ka nui vur vur ringawt


"Nu, ka computer saw ka nau in a khawih leh em ni?"


"E...! ka hre nang, diklo a awm em ni?" Ka fapa upa zawk lungawilo tum hmel chu ka melh zawk ringawt a, "heihi lo chawk rawh, chawhmeh kan tur hi ka'n sil ange," Ka tih zawmzat bawk, a nu(a hring tunu) te lamin computer an rawn leisak a hman ni deuh khan, an atchilh unau khawp mai a, an ṭhut chilh deuh ngar ngar reng mai, computer nei tur êm chuan anla nau deuh ka ti viau na chungin, a hringtunu in a rawn leisak miau chuan lo hnawl theih lah a ni si lo va, lehkha zir an thlahdah ṭan viau lehnghal, hemi chungchang hi U Zoa nen inbiak ala ngai a ni


"Ka hrelo, a ri a diklo, a chher si, a tâng chut chut bawk a, Ivan-a hian a khawih leh a ni hrim hrim,0 A nau choka a rawn tlanlut chiah chu a melh nghal vak bawk a


Ivan lah chuan duhlo tih hriat zetin, "ka nilo e a, ithil chhia a piang hi minpuh ve ziah," Uar fahrana a tih chuan lu thin khum nak nak pahin ka nuih ṭhu ringawt a

"Ilo khawih ve ziah a lawm," Bryan-an a tih leh chuan Ivan-a chu a ner deuh nang nang a, kum 2 lai an inkarah a tla ve a nia, an in ngam ngang mai, mipa ve ve an ni nih vang te pawh a nia nge, a hahthlak ṭhin a nia


"Choka ah in vai vai a in awm a," Kan nufa thum chuan kan hawi rual ṭhap a

"Pa," Ivan-an a ṭhutna aṭanga thovin a Pa hna bâng chu a bawh zui vat a


"Bawiha i pa kha bawh rih suh, Duhtak, ka Pa te bathroom light a chhia a ni âwm a, han ensak lawk rawh," Chawhmeh kang pah chuan ka lo ti nghal zat, ka lo tir nghal chu ka inthlahrung leh hnuhnawh viau mai, a chauh hmel lutuk a


"Chaw ei kham lam ah a theiloh em ni?" Min rawn nek ṭalh ṭalh, ka kawng ah rawn kuahin ka nghawng a fawp zui zauh bawk a, "a rim a va tui ve," A tih zawmzat bawk


"Inbual hma in han en lawk maila, chaw ei kan lo siam ang," Tlawn ti ti chuan a biangah ka fawp let ve zauh a, a nui nghal var var chu melh deuh ralh pahin, "i hah viau nâ in, ka Pa-an bathroom lo ah chuan inbual a duh vaklo tih i hriat kha," Ka nui zui deuh kar kar bawk a


"Ka hmuiah fawp phawt la," A tih rualin naupang ho in, "Uaikkkk," An ti rual diak bawk chu kan nui ho dar dar a, amah zawkin a ka hmui a fawp chawkin


"Ka ril a ṭam a nia, ka han en zawk ang," Tih leh a necktie pawt thawlin a tlân chhuak zui nghal zat


Ka chawhmeh siam lai ka chhunzawm ve nghal mawlh mawlh

Kanpa nen kan inneih khan kum 20 a upa chauh ni mahila, keima tawk ah khan chhel ka inti ve viau mai, ka hrinloh fa ka enkawl nghal vang te pawh a niang, chhel ka intih ve em em ni, mi tamtak tawn thil mah nise :-)

Fanu mal ka ni a, hausa lua ni lemlo mahila, fa mal na nâ na chu duat leh dimdawi kan hlawh nge nge bawk nen, ka luhlul viau bawk, chutih rualin luhlul viau e ti lo vin, ka rilru hi no na lai hi a tam khawp a, ho deuha ngaih ah te hian ka hnuk te hi a ulh leh tlat ṭhin


Engti tia kum 20 chauh a pasal neih ngam nge ka nih tih zawhna in neih ka ring, keini thingtlang lamah chuan nula senior kan nive daih tawh a nia

Kum 10 thuak innei tawh mahila, nupa dang ang tho in buaina leh in nghir ngho chang kan nei ve fo a nia, ni lo, kan inneih kum 1 pawh tlin hma in kan inṭhenlo chauh zawk maw le


"Nu chaw ei siam ila," Ka harh zawk, nunhlui ka lo ngaihtuah leh veng veng a tin ni


"Aw ahhh, chaw hmeh kha dawhkan ah khan lo dah rawh, hei... a hmin a ni mai," Tih leh ka chawk zui rawk rawk a


"Chaw ei kan hman em? Zanin chu ka ril a ṭam tlat, chhunlam ah engmah ka ei si lo va," Kanpa rawn lut chu a sawi zawh hma in a ṭhu thla zui chu a ni dêr


"I siam thei em?" Ka chawhmeh kan chu suakin ka chhawp chhuak nghal a, ka fa te pahnih in chaw anlo khawrh ve mêk bawk, mipa fa mah nise eirawng bawl, hmun phiah, thlêngsil leh inchhung hnathawh tamtak hi ka tih tir ve vek, mipa leh hmeichhe hna hi a awm hrang lo a ni tih hi hria se ka duh a tin ni


"Theilo, naktuk khawvar lamah uluk zawk a ensak an ngai ang," A ṭam ngang a niang a bar nghal mawlh mawlh bawk, biak pawh a in thlahrun awm mah mah tawh zawk a läwm.


"Bawihi zanin chu mitthi lumên na lamah ka va lang ve ange aw, ka tlaivar peih ta a nih leh ka tlaivar nghal anga," Ka nu pawh khan mitthi an awm thu kha a sawi lan tawh tak kha maw le


"Ummm, khawilam mi nge ni reng reng, kan veng a thi chu a nilo a niang, information ka hrelo emai," Ka melh zawk, bu nghat nghat in, "Nilo e, kan colleges kalpui ṭhin a nia, a nau tlangval pawh Tetea nen inkawm ṭhin kha," Ka bo tulh tulh, Tetea ṭhian ah hian pakhat chiah hriat ka nei, an hmel hre mahila an hming hi ka hre thei dêr lo



"A va zialo ve aw...! Naktuk lamah va ral ve te pawh a ṭhat dawn nen chutiang a nih chuan ; Mahse, boiler ka chah kha an rawn dah dawn a," Ka ti zui sep a, kan pa pawh chaw bar mawlh mawlhin a bu nghauh nghauh



Kumtin ka tih dan ṭhin a nia, "Ber" thla a nih tawh hi chuan Christmas vel a ei tur Boiler hi ka vulh ngei ngei ṭhin, kanpa hian rimchhia a tih chang hi a awm fo va, chu vang a nia a In pawh vawkin bul hnai a kan sak ni


"Pa ka computer saw min ensak teh," A nau ringhlel ni âwm fahran chuan a melh zui a


"Ka nilo e a," Ivan lah chuan alo ti ve leh vat, kanpa nen a in melh ralhin ka nui ringawt a, a kut hlei lutuk hi a sên deuhlai aṭang tawh hrim hrim hian eng emaw chhe hlek se, "Lalhmingsang," Hi a ni deuh reng zel a, amah pawh a in hrechiang ve a nih hi :-)


RYAN...POV

<Melbourne, Victoria, Australia
The University of Melbourne >


"Are you fucking serious, Ryan?" Ka nui tawi tak ringawt a, ka ṭhian te tih ngaihna hrelo lutuk mengkalh leh meng dur vel chu ka dar ka san khum auh ringawt bawk


"Dumb ass Jerk, pasal neilai a ni tih ka sawi mawlh mawlh a ni lawm ni?" Mico chuan thinrim deuh ṭun chungin mi rawn hau leh hlak

"Chuan tunah University aṭanga hnawh chhuah inih hnu ah IG ah a rawn follow che a tum bawk a," Ka phone chu ka hma ah Kitty-in a rawn lek va va chu ka melh zawk

Ka kiai suk bawk, "pasal neilai a ni tih chu kan vawikhat mutdun na ah khan ka hria alawm, mi â emaw ka vawikhatna emaw a nihloh hi," Ka tih rualin Taylor-i chuan mi lo melh vak

"Eng ang inzawmna tehchai nge maw ineihpui leh tak le? Ryan kum 1. Kumin chiah graduate nan i mamawh tih i hria em?" Taylor-i chuan a rawn ti hlak hlak a


Bu nghat pahin, "just a sex relationship you know, besides, our relationship is strictly professional," Ka nui huk,"so.....there is no feelings," Ka ti ban leh chap bawk

" strictly professional, my ass," An rawn nui hawk hawk hlawm, Katty-i chu ka ner khum nawng


"Anpa in a man chhuak tho a ni lawm ni, Ryan ka thurawn hi lâ la ṭhen vat rawh," An la nui reng

"Jack, are you crazy, inṭhen lehchuan an ngailo tih kan buaina neih mêk ah hian ila hrethiamlo em ni?" Martin-an a tih rualin, "kan' ni lovin, " a" tih tur," Taylor-i chuan a lo ti chhum hmuk, min hau zing ve tawh em a ni, oppsss** sawi hmaih theih miahloh Taylor-i nen pawh hian kan inzui ve fe hman, kan inṭhen hnu pawh hian tisa chakna kanla inphu hruksak fo tho mai, kan in zawmna ni taber chu "friends with benefits" ang kha a ni ber tihna a nih chu


"Min puih theihloh chuan ngawi mai mai teh u," Ka ṭhian te ho chu ka enkual ralh a


"I wash my hand anyway, a vawikhatna a ni tawhlo Ryan, expelled ini tih i inhria em?" Taylor-i chu ka en a, ka ner deuh suk bawk

"So.."

"So, i pa bakin a pui theilo che," An rawn ti rual ṭhat


Ka lo thaw ri hrawih thung, "Mizoram ah kal ka duh," Mizoram ka sawi chhuah takah chuan ka mitthla ah a rawn lang ruai ruai, fiah tak erawhin engmah ka hre tawhlow, ka Nu hmel pawh ka mitthla thiam meuh tawhlo zawk


"What???" Min rawn en nghal ṭhap, "i Nu tak te awmna India ram kil khawr zet i sawi kha i tihna a ni lo tiraw?" Taylor-i chu ka melh zauh a, midang in an lo khap zui sep sep bawk

Za lo zet a nui sukin, " boruak thar hip ka mamawh ka tihna a nih chu, okey, zanin ah ka condo ah inthlahna party kan nei ang," Tih leh ka bag la in, "ka kal a nia," Pensawn ka rual nghal, hawilet in ka ṭhian te ho lu thing nak nak chu ka nuih let suk ringawt a

"Kum 1, kum 1 chiah graduate nan i mamawh tawh Ryan, engtia awm nge maw itum le?" Car khalh pah chuan ka rilru in ka in hau ve mawlh mawlh tho, however, tih theih engmah ka nei tawh lo, Mizoram ah emaw boruak thar emaw han hîp ila, tha tharin kum 1 dang ka zawm leh mai a niang chu...!




*After 2 weeks *
India, Mizoram Aizawl
<Kawmchhak, nu hmelṭha > :-)

University aṭanga min pet chhuah hnuah leh kum 14 hnu ah Mizoram leilung pawh ka rap ve leh ta, "Ber" thla a inṭan tawh vang te pawh a niang boruak a dai viau mai, nge ni a, a ram boruak ve hrim hrim zawk ka hre law.


"I mut duh leh mu hahdam rihla chaw ei kan la hman mai dawn si lo va," Bathroom aṭang a ka chhuah rualin ka nu chuan alo ti nghal a, kum 14 hnu a kan vawikhat inhmuh lehna a ni a, a tu ve ve pawh inbiak kanla khawr riau bawk

Chhang lemlo chuan lu thing ringawt in, pawnlam ka pan zui nul nul a, pawnlam kawngpui lam hawi zawng a ṭhutna an hûnah chuan ka ṭhu thla hnak, Mizoram boruak chu a dang takzet, sawifiah thiam mai chi pawh a nilo


"Ka pu heihi bun rawh," Nula, kan chhak deuh kawngpui a putar kum 50 bawr vel âwm, ruih vanga kawngpui pawh a lenglo tih hriat reng reng, kal pai khat khat hma ah chuan a slipper bunlai chu a dah a


A che vel chu ka ṭhutna aṭangin ka en rân, eng ang hmeichhia nge maw a nih le?

kawng a zu rui vak mai mai, a slippers bunlai pawh a pek duh, en reng chunga ka rilru ka kawm neuh neuh laiin, "Mampuii tak hi chu aw...! A ngilnei ngawt mai, ti hian baazar ah te kalpui ila, ṭanpui ngai ni a a hriat leh zu rui satliah mai mai pawh nise a bun lai slippers sawiloh, a ei lai chhang te hi a pe mai zel, hetiang hmeichhe rilru ṭha lutuk hi an awm tawh pawn ka ringlo e a," Ka nu chu ka en vat, ka en na lam chu a vawk chaw pektur khai pahin alo thlir ve dauh dauh tho


Putar zu rui lah chuan lawmthu pawh sawi ta lem lovin, in rawlh nawk nawk chuan a kalpel ve mai bawk a

Putar kal pai nawk nawk chu en zui vang vangin, a kat leh nawk nawk ṭhin chu a tluk a hlauh avangin alo ner leh nung ṭhin, ka kiai suk, eng vang a a ner vel chu hmuhnawm ti em em nge ka nih ka hrelo ; Mahse, hmeichhe dangdai tak a ni tih ka vawikhat hmuhna ah hian ka hre thei


"In veng ami em ni?" Ka nu vawk chaw pe tur pen sawn tawh chu ding lehin, nula ngilnei-i step a chho chu en in, "khi kawmchhak te khi," Tih leh ka ṭhutna zawn chiah a building in ding luah chu a kawk zauh a


"Ngawihteh, nula emaw ilo tive ange, mi nupui a nih khi aw," Ka nu chu a nui ṭhu, min ṭhawng ve det, pasal nei a ang tlat lo a tin ni


"Nula emaw hi an rawn ti fo alawm, mikhual te han nei ila, min zawt leh ang chut chut ṭhin a," Tih leh," i vawk an ril ṭam tawh a nia," Ka nu pasal in ka ṭhutna bul a rawn ding pah a a tih chuan ka melh chho zawk a


"Kum 30 bawr vel chu a ni ve tawhin ka ring, Mampuii hi chu 'kan veng nu hmelṭha' tia inchhuanpui ve tham alawm a nih, a hmel hi a pui emai," Ka nu pasal(pa hrawn) fa bik pawhin a rawn ti ve zat, ka nu te chhungkua hian an ngaihsan hmel ta riau a ka hriat ni


"Engtia rei nge châm i tum Ryan?" Ka pa hrawn fa, Zuala'n rawn tih leh ka bula rawn ṭhut a rual zat a


"Ka hrelo le," An pafa chuan min en deuh hâ, min huphurh na lam erawh a ni law, zirlai ka ni tih an hriat vang a ni zawk


"I zirna lam te eng nge i an? Kum a laklawh si a, i rawn zin chu lawm viau mahila, i zirlai ah a pawi phah lo'ng maw?" Ka nui tawi tak ringawt, University aṭangin hnawh chhuah ka ni tih hria se chuan min zawt buai peih pawhin ka ringlo, emaw ka nu chuan a hre tawh maithei zawk


An mahni en chung chuan za lo zetin ka ṭhen suk ringawt a, kawm chhak a nula ohhh mi nu vawk chaw pe lai chu ka thlir zui leh ta vawng vawng zawk a


Thlir zui vawng vawngna tham taksa, pian leh hmel a nei miau a tin ni, a pasal chu mipa vannei tak a ni ngei ang, zantin khitiang a nalh nupui kuahlum tu a nei chu... arhhggg ka bialnu te ho pawh minti ngai ve lek lek a lawm :-)


"E Khai..! Mampui vawk i va nei lian tawh ve, sêr tawh mai ila?" Zuala chuan a au lawng lawng a


"Aw haw...! U Zual, inhmuh a va khat ve," A rawn hawi thla


A aw te hlei hlei chu, phaiphulêng tum tu thiam tak maiin a uluk fahrana an tum ri te pawh a ang alawm le

"Nia maw le, kan nu chauh hi iti ṭuah hum zel a, helam ka rawn phei zin ve nen min hmu ve duh ngai si lo va," An nui hak hak, "in vawk chu sêr tawh mai ila, in vawk ngei sa ei te a chakawm a lawm le," A tih zawm leh a


"U Zuala ṭhin hi a, kan vawk aiin in vawk a lian zawk tih ka hria a nia," A rawn nui var var, ni tla turin a hmai tlang a chhun êng sar sar nen a va han hmelṭha tehreng êm...! Ka hmuh ṭhin hmeichhe mawng lian leh bawp lian ṭha tak, an hnute lah ka lu nen a in tiat lo'ng maw tih tur a lian ang a uchuak in a pian lah chu a uchuak hauh si lo va


Belhchian chakna in ka khat, Indian, American leh hnamdang hmeichhe tamtak ka mutpui in ka ngaizawng kual duah tawhna in, ka vawikhat hmuh a ṭha tih ngawih ngawih ka la nei hauhlo, Mizo hmeichhia ah ngat phei chuan ṭha tih ka neih ka ring ngailo kha a nia

Whatever, Mizoram ka thlen tlaiah ti hian kawmchhak nu ṭha ka ti nghal pang a, Mizo nula dang hmuh hlan a chakawm takzet


"Mam, zanlam ah ka rawn chho dawn nia, i kawr minpek tur pawh kha lo phawrhsa la, i zawng buai leh ange," Zuala nupui a rawn au chhuak ve leh


Kawng thlang aṭangin chhaklam nen an in au lawng lawng a, ṭhenawm dang te pawh hian mak ti awm pawhin an awmlo chu mak ka ti zawk letling

Ka naupan deuhlai hian ka pa hian Mizoram a ngaih thu leh Mizo ho kar a awm nawm zia a sawi ṭhin, an fiamthu duh zia leh sân zia te, Mizo ho rinna ngheh zia te kha ha hîp in a sawi ṭhin kha le..!


A thusawi te kha ka awih sak teh chiam ngai lo, a chhan chu social media aṭang hian Mizoram chu ka hmuh phak awm chhun a ni mai a, social media ah erawh mahni hnam leh hnam pawh in ngaih hlei thei lo , in sawisel leh in ti mualpho tawn reng ni hlawm hian ka hmu mai a, chutiang hnam chu an ni in ka hre bawk


Ka pa erawhin, "hnam in lungrual, ṭhian te tan pawh a nun thâp/hlan ngam an nih zia leh han in hnial ve nasa ṭhin mahse pakhatin buaina a neih chuan, Mizo hnam zawng zawng i inhauh pui ta emaw tih tur khawpin, hnamdang lakah phei chuan an in lungrual leh ang viau lawi si, chî(salt) thleng a ṭhenawm te ta puk/ban thei leh inpe thei hnam an ni," Tiin a sawi ṭhin, hetia a hmun a han hmuh ve tak chuan a awihawm ta dawn riau a ka hriat reuh ni


XXXX


ZONUNMAWIA (Zoa) POV
<Uire na>


"U Zo i phone a ri a nia, in nu call," Rang lutuk in ka inperh tho nghal awt


Lucy-i kut aṭangin phone chu ka phih thla sawk a, melh deuh hrawk pahin thlanglam tukverh lam chu thawmhnaw pawh in bel lem lo chuan ka pan zui nghal zat bawk


"Bawihi," Ka thaw zui kawk, hreptak a, vawi engzât nge ka phone khawihlo tur a ka hrilh tawh, tihpalh thil thu in lo pickup ta se...arhhggg ka ngaihtuah duhlo zawk


"Duhtak, message i en bawk si lo va, ka nu damdawi ka chah a rawn thleng a nih hmel a, rawn lam nghal teh, in bâng dawn tawh tiraw?" Sana ka en zui vat


Parda(puanzar) tlem a keu chuan pawnlam ka melh deuh ruk ruk a, a thim lek lek tawh tak a nih hi


"Haw turin ka insiam mek, Sangsangi bulah em ni i chah?" Ka hnunglam aṭangin Lucy-in min rawn kuah, a kut nem zet chuan ka dul a rawn zût a, thawmhnaw inbel lo na nâ na chu ka inrin hma in ka mipat na a rawn tho leh ta ṭual ṭual mai

Ka chil ka lem khalh, a kut hnuailam a zût thlak a tum chu ka phone dawmlohna lamin ka manbet ta ringawt a


"Ni e, a.." A sawi zawh hmain, "Bawihi ka'n in khung zo lawk ange," Tih leh rang zeta phone off ka rual, Lucy-i chu hnunglam aṭangin a lo nui hak


A lam hawi a in herin, "Lu...."


"Ka hria, ti khan min enteh suh, hnunglam aṭang a i landan sexy zia hi hrelo mai mai a nih kha," Ka ṭawng tur rawn pawt chatin a kut zen nalh zet leh ni zet chuan ka awm a rawn chul leh riak riak a



Boruak ka hîp zui kawk, hreptak a...! Zonunmawi harhteh..!

A dar tawn tawn a vuanin ka nam sawn dat, "Lucy a tawk, ka haw a ngai tawh, Mam. .." Ka sawi zo leh hman ta lo


"Ka hria, ka hre lutuk, helai hmun i chhuahsan dawn a piang a i nupui hming i lam fo a ngailo," Thinrim thin thawk thut tih hriat tak a inla hrangin chhuata a sapan puan chu la in a âwm ah a thinbih zui nawk nawk bawk a


"Zankhat chauh chu hun hman dun ka duh mai a ni tih i hriat kha, kan inkawp aṭangin Zankhat pawh kanla riak dunlo, ka beisei a sang miahlo, zan hman dun a, tuk khat lek, khum khat aṭang a thawh dun ka beisei êma tin a ni," Rilru na tih hriat zetin a ti zui leh hlak hlak a, a tawp lam chu ngên na a ang zawk mah, ka thawmhnaw min rawn pe zui zat bawk

"Ka dinhmun aṭang chuan ka beisei sang lutuk mah mah a nia nge," A mittui a tling lehnghal pam, min rawn melh chho ralh a, tih ngaihna hrelo lutuk a ka kawr ban pahin ka thaw hakin ka pan hnai a


Dim te a kalam a pawt hnai in ka kuah a, "zankhat chauh tal hun hman duh ka duh mai a nia," Ti leh sep sep chuan a in hnit zui feih feih bawk

"Ka hria alawm; Mahse, kan dinhmun i hriat kha, hun remchang a awm em em ang," Tih leh nam sawm deuhin ka kawr chu ka ha zui nghal sawk sawk a


"Tihpalh, kan thiltih leh awmdan hi a diklo tih hre tho mahila ka hmangaih êm che avangin beisei ka lo ti sang leh thut ṭhin a," Mittui nen a rawn nui, ka nuih let suk, ka chhungril erawh a nui thei dêr lo, inthiamloh na leh mahni leh mahni inten na in ka khat up up mai



Ka nupui neihloh hlau va, a virh a ka virh, college a graduate rual a nupui a nei nghal, mipa dangin a an melh pawh ka duhloh, ka ta chauh nitur a ka siam theih nan ka theihna leh thiamna zawng zawng senga ka neih kha ka uire san chu a nia leh...!!!!

Tunthlenga kan chhungkua, ka nu leh pa, ka unau te tan a mo nih tlin em em, ka tan a rinawm, ka fa te tan a nu nih tlin em em ka uire san a ni tih ka chhungril ah hian a ri tluk tluk a.

Mahni inthiamlohna in ka khat a; Mahse, chu ringawt chuan uire na lak ata min pawt chhuak thei tawh dêr si lo; Mahse, ka nupui a ni a, ka hmangaih em em bawk a ni tih erawh ka chiang em em thung


Engtikah mah ka hringnun ata hi ka chhuah tir ngai dawn lo tih, ka hmangaih a ni tih ka chian tlukin ka chiang bawk




<><>>£>₹>£>>



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:19 pm

PRESENT PERFECT
By
Floria Laldansangi


< 2 >
(18+)

Mampuii....POV
<trust>

"Chaw in ei kham tawh em?" Kawngkhar lam ka en deuh vat a, ka Nu rawn pên lut den den chu hmu in, ka ṭhut dan ka siam rem zui sat sat bawk

"Kan kham deuh chiah," Ka lo ti vat bawk a

"Kawmthlangah kan zu leng dawn em ni Mampui? Nghaktea a rawn zin ni in ka hria a," Sofa a ṭhut paha atih chuan ka rilru in, "Tu Nghaka nge?" Ka lo ti ru hman hmawh


"I nu Zarpuii fa hmasa maw le," Ka rilru hria ni âwm taka a rawn tih leh tak chuan, "awww....! Nghaka maw a nih a, a hming pawh ka lo hre lêm hleinem, Arini kawr tur pawh hi keng nghal ila ni mai läwm. A reng rengin ka Pa khawnge? Nangmah chauh a i rawn chhuk reng reng ni?"


"Tual upa committee an nei dawn a a kal ta a nih kha, Zoa hi a rawnla haw lo em ni?" A hawi kual nghal a


"A la inbual zo lo, tunlai chu a rawn haw har thei lutuk a, ar-in ka sawn leh vel nen, ka ril ṭam, chau bawk nen zanriah ka lo ei san a, a lungawilo deuhin ka hria," Nui kur kur pah a ka tih chuan ka Nu chu a lo ner nung thung


"A pu Ṭhasiama hi an chhûn lutuk a, chaw ei te hi nghah kher hi anhan beisei a, kan ril hi a ṭam ve thei tih te hi hriat tur a nia, titeh i zu chhuk teh ang, i Pa a rawn haw a in a ka lo awmloh chuan lêncheh minti leh dawn lutuk," A nui zui ve vur vur tho, U Zoa lungawilohna han sawi zeuh leh ka Nu leh Pa hian ka Pu(U Zoa Pu) a chhun thu hi an sawi ziah a, ataka han hrawn ve chhin te pawh minti chak ṭhin


"Khawiah maw lên intum a?" Room aṭangin sam pawh chhem ro tir lo chuan a rawn chhuak vut a


"I sam te chu chhem ro hmasa ta la aw..!" Ka bulah rawn ṭhu thla in ka sawi lai mek chuan a sam huh chu a rawn thing lui ang sur sur bawk a


"Ihmmmm, Zonunmawi," Kan nui zui ar ar, mi tihluih hi a ching reuh a, a fa te ang mai hian


"I nu Zarpuii fapa Nghaktea kha ila hria em? Lalramnghaka nita in ka hria," Ka nu in a rawn tih chuan U Zoa chuan a lu a bu nghat a


"Engtikin nge a rawn zin a Ryan chu, ka va hre ve lo ve," A towel hmanlai rawn ken chhuah chu sofa tlâng ah a bang zui zat bawk a, "zu lêng thla ila a ni mai alawm," Tih zawmzat paha thawh a tum chu a bân a dawm bet vatin, "i sam chu va ti ro phawt rawh," Ka lo ti hlur ve bawk

An pafa ho hian hritlang khawsik hi an kai hma si a, lu han chhem ro tir leh intihlum vat nachang leh hlauhna pawh an nei bawk silo a hahthlak thei a nia

"Eeee...! Kawngah a ro vek mai ang," A thusawi chu amah pawhin a awilo tih hriat zetin a nui zui vur vur tho, melh deuh ram ram pahin, "khawimaw," Tih leh towel chu la in ka hruk sak leh nawk nawk a


"In nu hi chu ineilo ang tih hi nangai pawh hian ka lo hlauhpui ta zawk che," Chhuah in ring zet a ding chunga ka nu in a rawn tih chuan khi vur vur in, "min neihloh hi alawm a hlauh zawk ni, val senior zûn ah uai in, mut pawh a mu thei ngailo zawk a läwm," Ka lo ner nasa lutuk chu ka Nu nen za zetin an nui zui hawk hawk a

"A tawk, a tawk, tlema a ro loh avangin ka thih phah lo ang," Ti leh zat chuan a tho zui nulh a, kawngkhar lam a pan zui nul nul bawk

A hnunglama lu thing nang nang chungin, "kan kal dawn ami?" Ka nu chu en in ka ti sep bawk a, kan in zui chhuak ta hnak hnak hlawm


"Ryan chu a lian tawh viau ang a, a pa kha a lian emai, Tetea nen khan an inrual tiraw Nu," Nu Zarpuii te in pan a kan chhuk laia U Zoa'n a tih chuan ka Nu in, "Tetea a thla in a upa zawk in ka hria a, a lian ang, let an lo chi ni hek lo, a pa Ramose-a rêng a lian emai, vai leh sap thlah pawlh an ni bawk sia, lian lo tur chi an nilo," Reilo ah Nu Zarpuii te luhka kan thleng zui bawk a, an thusawi lai pawh an tawp ve mai bawk


Kawngkhar kan lût tur chu U Zoa phone a rawn ri ral ral, a phone screen chu ka melh zauh, "Hruaia," Tih niin ka hria


"Ka'n chhang lawk ange," Tih leh rang zeta pensawn a rual nghal a, chhan hman pawh ni lo chuan, ka nu nen inchhung ah kan lut zui ve mai bawk


"Teh hlawh che u chuan nangni nufa chu, Mampui inu i rawn hnuk thla elaw?" Kan luh rualin Nu Zarpui'in nui vur vur a lo ti sawk sawkin ṭhut na tur min lo kawh hmuh vat a


"Rawn chhuk arawt zawk maw le," Tih leh Kimkimi'n room aṭanga rawn in khai chhuak luk luk pah chuan, "U Mampui he lam ah rawn ṭhu rawh, awii enteh i kawrlum chah hi a mawi tawp, Pic ang chiah chiah a ni," Phur zeta minlo biakna lam chu ka pan ve vat a


"Khawnge Rini?" A in phawrhna lam pan pah chuan ka ti zui sap bawk

"Naupang a mutpui lawk a nih kha, vawiin chu an unau nau in an pang alum alawm maw le," Nu Zarpui'in alo tih rualin, room kawngkhar rawn in hawng ri rak chuan a sam ṭawn mar sawk sawkin Rinpuii chuan ka lam a rawn pan a


"An muhil ta hrâm e, rawn chhoh ka tum pawh ṭhulh mai ka lo tum rilru hman a," Ka sira rawn ṭhu thla paha a tih chuan, a kawr ka pek tur chu pe pahin, "an la zia thei nange?" A bu nghat


"Phawrh maitheih khan ka dah emaw tia, a mawng lamah a lo awm leh tawh em ni?" Kimkimi'n in hai rawk rawk paha a rawn tih nuah nuah chuan nui vur vurin, "hmanhmawh duh suh, a ha tu tur ber pawh pawnah phone a la hmang," Ti vatin thawmhnaw dang chu ka lo en kual ve bawk a

"Khawnge in tlangval ber pawh chu?" Ka Nu in a tih rualin, "ni e maw le, khawnge a lo kal ni? Mate, i U chuan a hruai chhuak ta em ni?" Nu Zarpui'in Kimkimi rawn en paha a tih chuan, "pawnah zial zu turin a chhuak a ni läwm ni, U Zuala chu room-ah a la awm kha," Rinpui'in a lo chhang vat


"Aw heta hi, U Mampui a nalh tawp enteh," A rawn phawrh nghal sawk sawk a

Lo ban pahin, "a nih tak hi maw le, ka beisei säng vak hleinem, a tlawm bawk sia," Tih leh ka pharh kul a

"Engzah maw kha kha?" Ka Nu lam chu ka hawi in ka entir ve vat a, "Rs. 500 chauh, tunlai chhan ah chuan tlawm tak a ni, inchei nan a tlak tho bawk sia," Kimkimi zawkin a lo chhang vat a


"In Kimi hi sumdawng hausa tur a nih hi, a thil zawrh a fak thiam dan em em te hi," Ka Nu in a tih chuan kanlo nui dar dar hlawm a

"Kha....! Mampuii chu inpa kawr thar i lei sak dawn elaw?" U Zuala rawn chhuak chu nui vur vurin ka en a

"I chei, i cheia aw, a lerhsan daih mai angche, tunlai phei chu office kawtah nghaktu a nei chhelo thei riau antih ka hria a nia," Min rawn fiam leh chuan nui deuh kar kar pahin, "neive bawk angchu, a hmel te hian a zir ve bawk sia," Ka lo fiam let zauh chu nui hawk hawkin, "ka thusawi lah hi ila awih duh dêr lo zuia aw..!" Nui hawk hawk chunga ti leh deuh vawng vawng chuan, "Bawihi ka han chho lawk ange, ka rawn lam haw angche u," Rinpuii dar a tawk zeuh chuan nui vur vurin kawngkhar lam a pan zui nghal a


U Zuala pensawn rualin, Rinpuii ka lama rawn tawlh hnai hrut hrut chuan, "tunlai hi inpa chanchin hi an sawi duh riau tak tak a nia aw," A rawn phun sur sur chu lo nuih deuh vur vur pahin, "nangpawh chu eng nge maw i rawn hriat sur sur ni?" Tih leh kawngkhar lam melh ka rual a



U Zoa leh tlangval pakhat, Nu Zarpuii fapa ni ngei tur, tlai lam, vawk chaw ka pek laia ka hmuh ngei chu rawn inzui lut ka hmuh chuan nuih var var in, "U zo heihi rawn ha chhin teh," Ka ṭhutna aṭang thawh ka rual nghal zat, Rinpuii ka melh chhuk zawk chu mi lo ner khum nasa mai

Kanpa te zawng ngaihzawng lamah kher kher hi chuan ka ring lutuk mah mah, hei leh chen kan innei tawh a, fa ka la hrinsak thei lo chung pawh hian ka hriat atan a nuam lo tur ṭawngkam khat pawh hi a la chhak chhuak lo, chu sawiloh a farnu neih chhun in a, ka rai har thu a sawi chang pawha ka lam a ṭang tlat ṭhin a nia, ka hmangaih tih ka chian tlukin, min hmangaih tih ka chang ve tlat


"Nghaka kha kha i U Mampuii a nih kha, i u Zonuna nupui," Kan sira tlangval lian leh sa ṭha zet mai chu nui var var in ka melh a, a lamah ka kut ka lek chhuak vat bawk


"Lalmuanpuii ka nia, U Mampui minti ve mai rawh," Ka ti zui zat bawk a, a hmel dur khup ah chuan min ngainat hmel viau loh. Mahse...


A hmel chang rût mai leh mit khur thuk lam lek lek, hnar ngul sang ṭha veh vawh mai chu Mizo nula tamtak in an atchilh leh dawn tih ka chiang ve tlat, tunlai nula duh chi tak a ni


"Ka rawn hai a lawm," U Zoa'n a rawn tih ve sup chuan, "helam ah i Nu Êngi te hi rawn chibai rawh, i senlaia awi durh durh ṭhin tu che a nih hi," Nu Zarpui'in a lo ti leh vat a, keini erawh kanpa kawr thar ka hak tir lamah kan rilru kan pe leh daih tawh



"I hak tawk viau hi, i duh zawng a ni reng reng em?" Ka melh chho a, thildang daih ngaihtuah ang maiin, a lo phu deuh zuk thung, "aaa..aw," Ti ban chapin, "Bawihi, Hruaia'n min rawn call-a emergency meeting kan neih a ngai a nih hmel," A kawr hak phelh paha a tih chuan ka hmui lo ti pawrh tarhin, "tun ang hunah maw?" Bang a an sana pui tar chu ka melh zauh bawk a


"Rawn let vat ka tum dawn nia, min lo nghak duh suh, kan rei ka ring," Tih leh ka chal a fawp zauhin, "Nghaka naktuk Sunday te a ni bawka, naktuk lamah inkawm kan tum dawn nia, zanin chu hna lamah min rawn leh ta call thut si a," Tih leh, "ka kal a nia," Min rawn nuih seih in a pen zui nghal pawk pawk bawk



'Tun ang hunah eng emergency nge maw ni ngai le?' ti rilru nuah nuaha Rinpuii bula ka ṭhu thla chu, thu tak fê hian, "ka ti tak tak a nia Mam, inpa hi rindan tawk thiam teh aw, ringhlel rawh phei chu ka ti hauh lo. Mahse, tlêmin a pawnlam nun hi hriat tum ve deuh rawh," A rawn tih leh sur sur chuan chhan tinah pawh ka tin lem lo


Kimkimi zawk chuan, "zanin chu eng nge maw i hriat le Au Rini chu," Nui vur vura a rawn tih takah chuan Rinpuii pawhin nui pahin, "a nuthlawi ka hlauhpui maw le," A ti fiam zui ve mai bawk, a thusawi ho pawh chu ka rilru ah ka vei reng ta lem lo bawk nen kan ri chhun zawm ta nawk nawk hlawm a


< 11: 45 pm >

"Nu, Nu, Lalannu, Ivan-a a luak a nia," Ka meng nghal kawk


Hawi chhuak vut chuan Bryan hmel ka hmuh rualin, ka blanket sinlai thehsawn dawrh in ka in perh tho nghal a



Naupang ho room a tlân lut rawk rawk chuan, "Ivan," Ka ṭhu hniam nghal rawk rawk bawk


Chhuat ah chuan a lo luak nual tawh tih a lang reng


A pang ka dek a, a sa deuh vur bawk, a uak tuar tuar bawk a


"Nu ka pum a na," Ṭap pura Ivan-an a rawn tih chuan ka chiai lo chauh, ni lo, a vawikhat nan ka chiai ve a ni mah zawk, ka fate vang hian vawikhat mah ka la chiai ngai hauh lo a tin ni


"Bryan, i patea han kai tho rawh, hmanhmawh la, damdawiin kan kalpui a ngai," Bryan pawh chu a tlân chhuak vat a

Ivan-a hmai hrukfai sak nawk nawk chuan ka pawm chhuak a, a uak leh tuar tuar ṭhin



Rei pawh ni lovah Tetea hmel a rawn lang ve vat bawk a

"Khawi ka lo pawm a nge?" Tih leh Ivan-a ka pawmlai chu a rawn ban zui zat bawk


Tetea chiai hmel ka vawikhat hmuhna a ni, enkawl lem lo mahse a fapa a nih miau avangin a hlauthawng ve te pawh a niang


Bryan-a ka pa te in a riah tir chuan keini Tetea'n damdawiin lam ah min hruai nghal a, kawng lakah pawh a luak nual hman tho mai


ER kan luh chuan doctor leh nurse duty in min lo buaipui sawk sawk a


Doctor-in a check vêl chhung pawh chu rei ka ti takzet, a sênlai aṭang tawhin buaipui em em ngai hian vawikhat mah Pathian zarah ala awm ngailo, hritlang khawsik erawh an unau sawiloh U Zoa hrim hrim pawh hian a kai hma em em a, zanin anga a na tuar hmel kha vawikhat mah ka la hmuh ngailoh a nih vang te pawh a niang, ka thâu ah min man tlat lehnghal



"Ka U hi khawnge," Tetea chu ka en zawk a, ka tha lah chu a khur nasa em em khawp

"Emergency Meeting an neih a ngai a, a rawn la haw lo a nih hmel," Ka aw chhuak te chu a lawi rût mai


A bu ve nghat a, Tetea pawh hlauthawng ru ve , kei lah chuti bawk, a in hnem tura bar kan awm lo a ni ber zan in chu, kan pahnihin kan ding khur ru dar dar in ka hria

Doctor rawn chhuak chu rang lutuk a pan in, "Doctor ka fapa chu eng nge a an?" Ka thin a phu dep dep


"Hlauh thawn tur a awm tawh lo ve, food poison a nih kha, a ei turah in fimkhur tawk lo deuh a nih hmel, nurse in damdawi vel a rawn ziak anga, in haw thei mai ang," A tih dam dap chuan ka kaihza a zawi thla hnawk, Tetea ka nek nghal rawk rawk bawk


Nurse in Ivan-a a rawn nawr chhuah chu ka lo ban vat a, mittui tla lek lek a kuah chuan, "engthil nge maw ka pek che le?" Ka ti chhuak ṭuak bawk


Ka ngaihtuah na ala tawi rih lutuk vang nge, chutiang a ei tur thianghlim lo ka pek âwm ka ngaihtuah chhuak mai thei tlat lo


Damdawiin kan chhuahsan hnu leh in kan thlen thleng pawha puakloh duh hek lo chu, kan in paw ta hlu hlu a, darkar engzah chiah nge ka puak a, ka awih a, a pum rawn nat leh ṭhin avanga ṭap a kan in thlem ka hre lo; Mahse, ka hawi chhuah meuh chuan khua a lo var iar tawh


Ka hnunglam chu ka melh zauh a, Ivan pawh damdawiin a hneh ta ngang a niang a muhil tabawrh bawrh mai.....






~~~~~~~~~~

ZONUNA - POV


"He phone-ah hian min rawn call tawh suh ka ti che a ni läwm ni?" Mampuii leh ka Nu an luh rualin seh chilh zet chuan ka ti nghal sur sur a, ka ṭawng hria an awm em tih en in ka hawi kual nghal vut vut bawk


"Zo, ka hria, ka tihpalh ; Mahse, ka khawsik hi a reh thei miah lo va," A aw chu a ti danglam nge ni a, a dam lo ve tak tak tih phone aṭang chuan ka hrethiam mai lo


"Ka tidam thei chuang hleinem che, damdawi ei la mu rawh," Ti bul hlukin, "ka rawn call che a nih loh chuan vawikhat pawh rawn call tawh suh angche, a chiang em?" Tih zawm leh zata off ka tum chu, "ka nawmsam loh vanga rawn call chauh che ka ni, ka mamawh lai che hian vawikhat chauh tal chu ka tan hian i awm ve thei lo em ni? Hmeichhia ka nih ve tho hi, tisa chakna chauh ni lo hian ka mamawh ve thei che a sin ," Lungawilo tih hriat zeta ring fahran a rawn ti tuar tuar chuan, a in hnit zui feih feih bawk a


Boruak hip kawk a thaw chhuak leh hawkin, lei chhir deuh chawrh chuan, "Lucy ka nupui ka hmangaih tih i hriat kha, ka pek theih chin bak che beisei suh," Ka tih chan fal chuan rawn ṭah nuih hakin, "ka hria; Mahse, i bialnu ka ni tih theihnghilh bik suh Zoa," Tih leh a off zui hmak chu ngaihṭha lo zet leh thinrim insum zet chuan ka phone en in ka rum chhuak hrawih bawk a



In chhung ka luh dâwn chuan ka hnunglam a pên ri ka hriat avangin ka ding dat, ka sira a mipa rawn ding, kei aiin a sang hret ang, a hmel ka en chian chuan, "Nghaka," Ka ti chhuak sup a


Nuih deuh vur vur pahin, "ka hai lek lek che alawm," Tih zawm leh zatin, chibai turin ka kut ka lek chhuak a, ka kut tawk zeuh chuan, "U Zoa," Tih leh engmah sawi lem lo chuan a pên lut nghal zat bawk


Ka luh ruala ka nupui in nui var vara ka lam rawn pana, ka mawiloh hlau va ka tana kawrlum nalh zet mai a lei ka hak chhinlai te chuan ka chhungril ah inthiamloh na in min hnawt tawt up up mahse, Lucy-i damlo ngaihven loh ringawt lah ka thei chuang dêr bawk si lo va


Nge ni a, zanin hian engkim ka ti tawp zawk dawn? Mahse, chuti teh thut in emaw a damloh laia engkim tih tawp ka duh thu sawi pawh chu a ni theiber chuang si lo


Ka thaw haka, meeting ka neih tur thu ka sawilai te chuan keimah leh keimah ka in nuihzat a ni ber


Chak zeta Lucy-i inluah na lam pan n, ko pang lamah car hûng ri tuarin ka tlân chhuak ti tih nghal a


"U Zo," Ka ding dawt, ka hnunglam a Lucy läwm hmel leh makti hmel in pawlh en chuan ka thaw chhuak zui hawk a



"I dam lo a ni lawm ni?" A lam hawiin in her zui zat bawk


"Awww... Mahse, i rawn kal ka ring pha lo hrim hrim a," A lawm zia chu pawn light hnuai ah pawh chuan hmuh hmaih chi rual a ni lo


"Inchhung ah inbia ang," Tih zawm zatin ka bâna rawn chelh zui chuan min pawt kal dat dat a, a inlam ka pan lai ngei pawh chuan kan inkar ti tawp tur ka ni tih ka in hrilh ru mawlh mawlh tho nâ in, sawi chhuah mai erawh harsa ka ti a ni. Emaw a damloh vangin ka la in thlahrung ve a ni mahna


"Engtin nge i rawn chhuah theih a? Eng chhuanlam nge i siam?" Inchhung luh rualin zawhna min zawt nghal zat zat, a khawsik a la reh chiah lo tih hriat takin a mitmeng leh a kut lum ther ther ah chuan ka hre thei


"Damdawi i ei tawh em?" Sofa ah ka ṭhu thla hnak a, min rawn nek nghal ṭalh ṭalh chuan, "ei tawh e, min chhawk tawh ni in alang, zanin chauh chu hetah riak la," Ka chhân na tur a hresa tih hre reng chung chuan a ti no nghalh a, a aw ah chuan ngên na a lang tel bawk. Min rawn melh chho ralhin mitmeng tisa chakna leh min thlak hlehna a khat mitmeng de sawr sawra min nuih sen sen chuan ka darah a lu a rawn nghat zui chial bawk a


Thaw haka nam sawn ka tum chu min rawn nekbet luiin, "ka hria, i thei lo tih," Ka kâ ka âng zuai tawh chu chip leh hmakin, ka dara a lu nghah chu ka melh zawk a


"Lucy..." Ka phun sup, Lucy bula ka awm hian ka hlim hauh lo, ka nupui lakah inthiamloh rukna leh mahni inten na in min tur et et ṭhin. Mahse, chu ringawt chuan he ka uire na lak ata hi min pawt ṭhen hleitheilo chu a nihber rih hi maw. Nge ni a, ka tum tawk lo zawk?


"Sorry. Mahse, reilo te chu awm ve rih rawh, ka mutthilh hma tal," Ti leh ser serin ka kawngah a kut a rawn rawlh a, ka t-shirt haklai chu zenlut in ka hnungzang leh ka nâknem lai chu a chul zui riak riak bawk, mipa thisen ṭha ve tak nih bawk nen, ka thaw zui nghal hak rêng a


Ka nupui anglo takin mipa thlêm leh tihläwm chu a Bu ang thlap a ni, hei vang te pawh hi a ni mahna reitak ka kawp tak ni



Muangchangin ka hnungzang a zût chho in a inla hranga, a mitmeng a min mamawh na thupbuai hauh lovin ka mal chunga rawn lawn kai zui zat chuan ka mipat na zawn chu a rawn dêp zui euh euh bawk, chu ringawt pawh chuan ka kaw chhung a ti sa nghal hat hat thei




"Lucy...." Ka ti chhuak hap a, ka hmui si lek lek a rawn thaw chhuak ham ham in, "minpui rawh U Zo, ka mamawh che, ka mamawh takzet che," A aw ah chuan tisa chakna bak hriat tur a awm lo


Mahse, vawikhat ka mipatna ka hnawh lut a nih chuan vawi tam a hrin leh dâwn a vangin ka in hûm ruh ve ngar ngar a, zan riakbo thei ka ni miau lo a


"Lucy, zanin chuan ka thei lo," Ka ti tak na in, a hmui lum ther ther leh a kut no leh zên thlarh maiin a, ka nghawng fawp a, ka hnute hmur tereuh te nuai ṭalh ṭalh pah a, ka bengbul a, phun sar sar in, "Zo ka mamawh minpe hmasa hrâm rawh, khawngaih in," Aw lawi rât a ti ser ser chuan a kut lehlam in ka mipat na a ṭham salh a, ka ip chawih bawk


Mipa, patling mah ni ila, he hmeichhia, he setana thlêm na aṭanga tal chhuak tur hian ka Pâ tawk lo a nia nge


Thaw chhuak hawkin ka pawm kâng ta nawlh a, ka fawp zui nghal nawk nawk bawk, khum lam panpui rawk rawkin, khumah chuan ka theh thla ṭhuai a


Rang leh phur zet chuan a thawmhnaw inbel them hle zet chu phelh sawk sawkin, a hmeichhiatna zahpui hauh lo vin, nuisang in ka hma ah chuan a kak zui suah bawk a, "ti rawh U Zo, ka taksa pumpui hi i ta a ni tih i hriat kha," Tih leh ka kekawr chu rawn phelh rawk rawk in ka mipat na khawng zet mai chu a hum nghal chat a, rei lutuk in a ti che zui riai riai bawk, ka chil ka lem khalh a


Ka mipat na khawng ṭha zet mai chu a hnute ah nawrin, a thâi kual vel a, a rum zui der der chuan ka kaw chhung thisen kal lai chu a ti so bawrh bawrh hian ka hria


Ka mipatna melh zauh a, mitmeng de sawr sawr leh ka mipat na ît leh mamawh tih hriat ngawih ngawih a min rawn en in, khum a mu ṭha sawt sawt chuan, dawrh thei ang bera dawrhin a mu a, "minhan sawisa te U Zo, a na thei angber in," Sexy lutuk leh ngên na leh cho na a khat a rawn tih chuan nui sukin, ka mipat na thing nawk nawk chuan chil ka tat zui nawk nawk a


A hmeichhiatna tui pur mai nuai nawk nawk chuan, ka mipat na khawng ṭha zet mai chu tîmna leh dim dawihna tel hauh lo va, hnawh lutin ka dep zui nghal awt awt bawk


Na tuar ri rak leh ṭe vel te, nuam tih vanga rûm leh si hlarh hlarh te, mittui nen a ka hming lam ri mawlh mawlh vel chung chuan min zut kual a

ka sawi tawh "a Bu ang thlap" ka tih kha, sex hman chungchangah pawh position hrang hrangin a vawrtawp vawi tamtak min thlen pui thei


A bawp chawi kângin ka darah ka nghat a, a hmeichhiatna nawmna lai tak nuai tawk tawk chung a dep zawt zawt chuan thaw hlawp hlawp leh rum ve dur dur chungin Lucy-i hmel chu ka en a

A taksa no leh nêm zet mai, tisa chakna avanga hmai sen tai hlar mai leh ṭah aw lawi rât maia ka hming a lam ri chuan ka nupui tluk lahlo mahse, a nawmna a dal pha chuang hauh lo


Dik lo intih na, thiamlo leh sual a ni tih hria in, ka dâi thûk tawh zia hre kur chung hian ka tawpsan mai thei tawh si lo va, ka chhungrila mahni inten na pawh hian mindang zo lo chu a ni ber e


A vawrtawp vawi tam tak kan thlen hnu ah chau lutuk chuan ka mu thla hnawk a, ka muhil zui a ni ngei ang, ka harh meuh chuan ni zungin ka hmai a chhun ser ser tawh



"Dar engzah nge?" Meng mang hleilo chuan ka phun chhuak sup a


"Dar 9 a pel hret," Meng kawkin ka in perh tho nghal awt bawk

Phun hlukin, "engvang a min kai tho lo nge i nih?" Ti zui hlukin, chhuata ka thawmhnaw tla darh chu chhar khawm sawk sawk chuan ka inbel nghal zung zung bawk a

"I mu tui êm a? Bakah, tûk ṭhuan ei ve nghal law law la ka ti deuh," Tih leh saruak ngal ngata rawn tho chhuak ve chuan a sam a tuai mam thuak thuak bawk a, a hmel hlim sarh chu hmuh hmaih chi a ni miah lo bawk


Thinrim viau mahila, ka thiam loh a nih miau avangin a chungah ka thinrim ngawt thei bawk si lo, ânchhia phuh chhuak hluk chuan, "Khawnge ka phone," Rilru hmanhmawh zet chuan khum vel chu hai let nawk nawkin ka kekawr ipte chu ka zen leh ang nawk nawk bawk a


"Hruaia maw?" Ner zui sawkin, "chhungkaw hlim tak te pawh in ang a lawm," Ka hmaa phone a rawn lek chhuah chu phih thla sawkin, "khawih...."


"Lungngai suh, mimawl ka nih loh hi, ka nihna ka hria, a eng hi nge maw i hlauh em em ni? Fa a pe thei che pawh ni lo," Ka sawi zawh hma a rawn tih duah chuan, "LALHRIATPUI" Ti hrawk in, ka in rin hma in a dar tawn tawnah vuan in ka thing zui nawk nawk a


Min hhlau tih hriat takin a dâng nghal lawp lawp thei, a mit lah chu mittui a rawn tling nghal pam bawk a, thehsawn deuh läwp in, "I lei kha veng ṭha angche," Ti hraiha pensawn tuma ka che hrut chu, mittui nen a rum fahran a min melh rawm rawm pahin, "thudik lo ka sawi em ni? Hmangaih ni la, ka lakah i uire chhan tur a awm miah lo," Dik inti taka a rawn ti leh tuar chuan za lo zetin ka kiai suk a


A thusawi chuan min deng dawt zawk nge a dik ka tihpui ve zawk ka hre law

Chu zawhna chu vawi tam ka in zawt tawh ṭhin, ka hmangaih tih ka hria; Mahse, engvang a hmeichhe danglaka uire nge ka nih?

Muangchanga Lucy-i lam hawi chuan mit zîmsan in ka en a, "a chhan i hre duh tak tak em ni?" Min en let ve khai bawk


"Ka mutpui theih a i awm avangin," Ka tih rualin,"ZONUNMAWI," Ti tuar chuan ri zui thlawrh in, ka biang a thip zui sek bawk



Thaw chhuak haka mittui luang ngiai ngiai a min en tu chu en letin, "Lucy ka nupui ka ṭhen ngai dawn lo tih i hriat kha, i rilru kha ka hre lo turah ngai miah suh, i nungchang kha sim angche," Thupe aw tak dam dap si, chiang fek fawk a tih leh, Ka phone hmet êng chuan wallpaper paper-a ka hman ka nupui fanau te pic chu thlek deuh vang vanga a kiai sukin, "ka kal a nia," Tih leh pensawn ka rual nghal pawk pawk bawk


A tihdan ṭhin tê in a ṭap ri zui leh hawm hawm bawk a, mak ah ka ngai tawh lem lo thung



Hmanhmawh thei ang bera kan in lam pan chuan, ka phone chu hmetin Mampuii call-na a awm leh awmloh ka en pah bawk a, missed call pakhat mah awm lo chu mak ka tih ruk viau rualin ka lawm ru em em tho, ka hna min tihbuai hlau vin min call lo ah ka ngai bawk


Kan in kawta car ti ding dawt chuan, inlam hawiin ka ṭhu deuh vang vang a. Boruak hîp vang vangin ka thaw chhuak leh ham ham bawk


Muangchanga car aṭanga chhuakin inlam ka pan chhat chhat a


In-pui pawha luh kawi tum lem lo chuan kan in(in hnuai) pan mai ka tum a


"Khawnge nizan i riah bo?" Ka ding dat, mood fuh viau loh nen ka Pa hmel chang rût mai chu ka hma chhawn ta ran mai


"Hruaia..." Ka tih mêk laiin, "nizan ah Lalhmingsanga emergency-ah an luhpui tih i hria em?" Ka pa chu ka en kawk


"Tunah eng nge a an?" Ka pa chu lu thing mat matin, "Zonunmawi, Zonunmawi, i sim dawnlo a nih chuan i nupui khu ṭhen angche, nupui fanau nei tawh ini tih i inhria em?" Ka Pa chuan a ti ban chuar chuar a


Mit ka lo chhing sawk thung, ka nau Tetea pâwn rawn chhuak chu melh deuh khur khur chungin, "i fapa khu i enkawl ve a hun tawh i ti em em lo em ni? Kan hrin a ni lo va, harsa leh hreawm zawng zawng ka nupui ko-ah a tla bawk," Engvanga ka thin chu thawk thut nge a nih ka hre law.


Chu ai mah chuan Ivan-a chungchang chutiang a sawi tur chu ka ni miah lo tih ka hre chhuak hnuhnawh bawk, ka chhungrila inthiamloh na chu tu emaw lakah ka bun a ni ber

“Min rawn zui rawh, min rawn zui rawh Zonunmawi,” Ka Pa thinrim hmel ling hlar mai chu ka en leh a, a kut ṭang sai hlarh hlarh in min kawk bawk


“Teh vak vak khera che,“ Tetea’n ti nuah nuah paha inchhunga luh leh a tum rualin, “Tete, nizan khan car-ah i U damdawi tur ka theihnghilh daih in ka hria,” Ka in her vat a

Mut khamloh vanga mit hnuai val kalh leh, sam pawr phang mai a min en hâw tu ka nupui chu ka thlek vang vang a


“Ohh, U Zo i rawn let tawh a,” Tih leh, “Tete damdawi chu rawn la lawk rawh, zingkar ei tur pawh a nei tawh lo,” Ka nau lam en leh chuan ka Pa ding ve ran chu a melh leh a


“Nizan chu keimah ni vangin in mu thei lo ve zo ang a?” A hmelah chuan chau tih lang vaiu mahse, a nuisang tho mai


“Mu thei e, Hmingsanga chu a mu tawh zawk em ni?” Ka pa in tih leh min rawn melh leh kher a, an inkar ah ka ding zum zût ringawt

Tetea plastic bag pek, lak pah chuan, “a mu deuh chiah,” Tih leh, “kan haw dawn em ni? i damdawi ei a hun dawn,” Min melh zawk a, rang zetin ka lo bu ve nghat bawk


Ka Pa lam chu melh khat pawh ka melh duh ta lo, min en ngur tih erawh ka hre thei


"Ka damdawi ei lai a zo tawh em ni?" step-a a chhuk min rawn melh chho zawkin, "mahni damdawi ei lai zawh leh zawh loh pawh i hre lo a nia," Nui sun sun a tih leh kawngkhar ah a pen lut a, a hnunglam ah chuan za lo zetin ka ṭhen ve suk tho


"Nu Ivan-a luak leh a tum a niang a uak leh tawh," Bryan-an a lo tih rualin room-ah a tlân lut zui vut a, lut ve ta mai lo chuan, "bawiha nizan ah eng nge thleng?" Ka fapa chuan min rawn melh deuh ram ram pahin, "Pa nizan ah khawnge i riah a, zankhua in Ivan-a anu in a puak phah," Ka fapa (ka U Madina fapa) kum 11 mi lek min en dan leh thusawi duh dan chu ka nuih suk a, "hna ah ka buai deuh a lawm le," Tih leh Mampuii rawn chhuak chu ka pan zui nghal vat bawk


"A eng nge nâ a?" Thaw ham ham in, "food poison atia doctor khan, engmah chutiang tur a ei ka hre si lo va," Ti deuh vawng vawngin, "vawk chaw ka'n pe anga chaw kan ei dawn nia, lo inbuai rawh, nizan zankhua in hna i thawk bawk si, mu hahdam rawh," Tih leh pensawn a rual chu nuih luih ngial ka tum a ka hlawhchham ṭhak thung


Nizan lama ka chetdan zawng zawng chu ka hma ah a rawn lang zut zut a, ka nupui fanau te mangan tur zia nen chuan min hnawh up up bawk, thaw kawkin, "ka tih tawp a ngai a ni," Ka phun chhuak sup bawk




<>~><£~><><£

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:19 pm

PRESENT PERFECT
By
Floria Laldansangi


Chapter < 3 >


<><><><>

MAMPUII...POV


"Eng nge a rawn sawi leh duah a Lalhruaitluangi chu?" Ka phone hmang zo chu minlo zawt nghal vat a


Nui sun sun in, "naktukah rawn lên an tum maw le, Khaja a ei chak a nih kha," Dressing table hma ah ka ṭhu thla zui zat bawk a



"Pasal neih te hi a tum ve lo emaw ni? Senior lamah khawlai ah ring zet zet hian a nui ang uar uar a," Khuma lawn kai paha a tih chuan, za zetin ka nui chhuak thut a


Hruaii hmel ka mitthla ah a rawn lang nghal zat, U Zoa thusawi nen chuan a in mil riau lehnghal


"Tak a, naktuk chu naupang school i thlah an ngai dâwn a nia, Tetea a awmlo a," Ka hmai a night cream tat nawk nawk chuan ka in her a



Mit zîmsan a min lo en chu lai lek lekin, "eng nge?" Nalh lutuk in a nui suk a

"ka nupui hmelṭhat zia ka ngaihtuah," Ka ner zui nung thung


Khum lam pan chuan ka lawn kai ve vat a, a mutdan lo siam rem ve sat sat chuan a bân ka kham theih turin a rawn dah lehnghal zat bawk


A kawnga kuah sat sat chuan a âwm ah ka bei zui hle hle a, tunlai chu ka pasal hi ka ngai ve takzeg a ni


Min kuahlet hlu hlu pah chuan nui nghawr datin, "dik lo a awm em ni?" Ka lu ka lo thing mat mat a


"Tunlai chu hun kan hmang dun khat riau in ka hria, hna ah i buai lutuk a," Ka tih sep chuan a thaw chhuak hawk a, a khabe hnuai aṭanga melh chho kiau in, "tunlai hi vei i nei emaw ni?" Ka tih chuan a nui dat a


Rang zeta ka chunga lawnkai thut chuan a kawr hak lai chu a hlip zui sawk sawk bawk. Nui awr awr in, "naupang an la harh ang," Ka ti ve tak nâ in ka mut dan ka siam rem ve sat sat tho mai


"Min tibuai dawn lo," Ti sup chuan ka mutkawr pan zet chu a pawt chhuak zui zat a, a hnuai ah engmah in bel lo na nâ na chu ka taksa ruak nghal kung mai chu a vawikhat hmuhna emaw tih mai tura thlir dauh dauhin chil a lem zui khalh bawk a


A vawikhat na ni hau si lo vin, ka pasal min it na mitmeng de sawr sawr avanga hmai sa hat hat in, "eng nge maw i tih le?" Aw lai rût a tih leh ka nui zui sun sun bawk


Mawi zeta nui suk chuan, "i nalh lutuk," Ka nui chhuak ar ar a, chu thu chu a vawikhat sawina pawh a ni chuang law


Vawi tam min hrilh tawh ṭhin; Mahse, ka pasal kâ aṭanga ka nalh thu hriat erawh ngaiah ka nei thei chuang hauh lo a nih hi.


Muangchangin ka dul chu a kut ṭang lian leh hrawl zet chuan a zût riak riak a, ka lo îp chawih chawih thung


Ka dul IVF-a ka injection-na lai ser ti ila, ka in vih fo na, khuavang tiat lek lek a hriau luhna dum chu thai bial riak riaka kûn hniam chuan a fawp zui dan dan bawk a, ka dul tlêma vûng deuh chu hnim vang vangin


"A la na em?" Ka kiu hmanga in do kâng chuan ka en a, nui pahin ka lu ka thing deuh mat mat bawk


Min khawngaih hmel zeta mit ti zîm sûna min rawn melh chho vang vangin, a rawn tawlh chho a, ka hmui ah dimtê a fawp vang vang chuan, "Bawihi, fa neih hi kan tum lo law law mai dawn em ni? Nâ i tawrh hi ka duh tawh hauh lo a nia," Thutak zet leh khawngaihna a khat mitmeng a min en chunga a tih chuan ka mittui a rawn hnâm nghal ṭiam ṭiam thei


Mittui vanga khaw hmuh fiah lo ruai chunga a mit ah tak en in, a biang tawn tawn ah chuan ka dawm a, a khabe ruh lian tak mai chul riak riak pahin, "ka tihpalh Duhtak," Ka hrawk a rawn tawt tlat, "ka tihpalh," Ka ti nawn leh sep a, ka bekah ka mittui a luang nghal ngiai ngiai bawk


Kum tamtak chhung fa neih tum in kan beia, nau ka pai theihnan theih tawp tak meuh meuh kan chhuah bawk, damdawi leh ṭha an tih a piang maiin ei-in, ka pan bawk a; Mahse, Pathian hian ka pasal fa ka pai hi rem a ti ve lo nge tunthlenga fa pakhat pawh min la pek ve loh ni???


A chang hi chuan fa, ka hrin ngei mai kuah a, pawm a, ka hrin a ni tih sawi ka chak avang hian kan Pathian lakah khian vui chakna hi ka nei rum rum ṭhin. Mahse, vui tak tak erawh ka ngam chuang dêr si lo va



"Sihhh, ka sawi tawh kha, fa kan nei emaw nei lo emaw, ka hmangaihna che a dan phah lo, Bawihi ka hmangaih che, chu chu engmah in a ti danglam lo," Dam dap leh rilruih maia ti in min fawp zui vawng vawng bawk a


Mahse, tisa chakna a tel hauh lo, mipa in hmeichhia hmangaih tak leh thlahleh taka a fawp ang maia ril leh thukin a ni min fawh ni



"Dar engzah nge a nih i hria em?" Ka pasal ṭawng ri sur sur chu ka hriat rei ruai avangin mit nuai chat chat chuan ka in beng kâng a, min hnung chhawn zawnga ding ka pasal taksa lian zet leh in phiar ṭha zet chu nui sun sun in auh mai ka tum a, "a tawk ka tih kha," Seh chip zet leh chang fal maia a tih leh takah chuan keipawh chu ka harh deuh kawk nghal


"Duhtak," Rang lutuk in a rawn in her a, light dîm tak hnuaia a hmel chang rût mai chu chiang takin ka hmu thei, rukru man ang maiin a hmel chu a buai hman nâ in rei erawh a ni lo thung


"Bawih...Bawihi.." Ti bah deuh nuaih chuan a phone chu melh zawkin rang lutuk in a off zui nghal a


Ṭhu chhuaka a awmdan makzet leh ka la hmuh ngai miahlo U Zoa phili buai chu en deuh hâ in, "tunge i biak a?" A kut a phone chu ka melh zui zat bawk


Harsa tih hmel zeta nui luiin a phone kenlai chu a sîr dawhkan ah chuan a dah ri khap a, ka lam rawn panin, "hna thilah thawhpui te nen kan inhnial deuh a lawm maw le," Tih leh khuma rawn lawnkai in, "ka ti harh che em ni?" Tih zawm sup chuan ka kawngah a kut a rawn rawlh nghal zat bawk a



Sana en zauha mu ṭha ve leh nghal sat sat chuan, "tunlai hi hna in ngah hmel takzet, i taksa hian a tuar leh lo ang tih pawh a sawi theih loh ti hi chuan. Bakah, zinglam dar 4 pelh hnu ah te call i dawng a nia, eng chungchang nge maw ni reng reng ni?" Ka lungawilo lek lek, atu call pawh chu nise, dar zat te en ve tur a nia, awm anglo lutuk mai..!


"Nge ni a, ka lakah zep i nei zawk?" Rinpuii thusawi kha ka hre chhuak zawk, fiamthu deuh tak chuan ka sawi zawm leh sap a, ka nui sûng tho

Rawn nui nghawr dat in, "eng nge ilak ah ka zep ang ni? Ka chhip aṭanga ka ke ler thleng i hre vek a, ka tan chuan In ini a, ka In chhungah thuruk ka nei thei dawn em ni?" Tih leh ka chal a fawp vawng vawngin


"Tihpalh, tunlai chu ka hna vang vek a ni, muhil leh tawh rawh," Ti thum dut dut chung chuan a lama min pawt hnai hretin min kuah zui nghal hlu hlu a, nui sun sun a kuahlet ve nghal sat sat in, "ka tan pawh In ini," A bân kham a kuah chial a, mit chhing diar diar chuan ka ti ve sep bawk



< 11:00 am ~ Civil Hospital >

"Doctor eng nge a an? Ka ti leh thei angem?" Beiseina a khat chuan ka hma a doctor chu ka en a


IVF injection leh ngei ka duh si a, vawi tam ka tih hnu ah ka hlawhchham fo avangin ka taksa in a tuar em em bawk, chu chuvang a ka dul te vûng in, kathil ei tuilo leh luak a, lu hai te nei ta fo ka ni


"Enteh Mampui, fa nei turin i theih tawp i chhuah tih ka hria, hmu tu ka ni bawk. Mahse, tuna ka râwn duh che chu, IVF hi ti tawp rih rawh, i awmdan i sawi leh test-a a landan in abdominal pain i nei ṭan a ni, tuna i dul vûng pawh kha a effect a ni bawk," Dam dap mai leh ka hriat thiam theih tur angbera a sawi chuan ka thaw em pawh ka hre lo, mit ka khap fak fak a



"I sawi awmzia chu ka nei thei ngai dawn lo itihna em ni?" Ka aw chu a khur satliah pawh a ni lo, ka lei a tawt tel tlat


A lu thing mat mat in, "chu chu ka sawi tum a ni lo, engkim hi Pathian kuta dah a pawimawh, IVF hi 2/100 ah thawk lo a awm ṭhin a, chung zinga pakhat chu i ni. IVF ah hian i innghat bur thei lo ka tih duhna a nih chu, i taksa leh rilru hahdam a, in enkawl hmasak i mamawh a ni. IVF hian side effects hran hran a neih vangin tuna i awmdan i sawi zinga tel lo, mood swing te, hlauhthawn hmat em em te, chungte pawh chu a tel vek a nia, i taksa lang thei mai bakah rilru lam thlenga a nghawng theih vang a nia, chawl tura ka tih che ni," Ti duah chuan a chawl dat a

A l hma a paper ah eng emaw ziak mawlh mawlh in, "i doctor ka ni a, i thuthlukna engpawh ka zahsak angche. Mahse, i injection nawn leh a nih chuan tuna side effects a rawn lan chhuah ai khan a nasa zawk dawn tih ka sawi duh," A tih zawm leh zat a, a mit a min khawngaihna lang chhuak leh IVF a injection tawhlo tur a min duhna chu ka hmuh hmaih hauh lo bawk



Mahse, vawikhat....vawikhat leh chauh try leh ka duh a ni


"I mit aṭangin i chhân na ka hre thei," A nui a, "hmeichhe huaisen tak i ni, IVF hi tamtak chuan a tamber ah vawi 4/5 bak ti nawn ngam an awmlo, chu pawh a tam lam a ni," Tih paha paper-a a thil ziah chu nurse ko in a pe nghal a



"Ka vih i duh em?" Ka lu ka lo thing vat


"Keimah in ka invit thei, ka lawm lutuk e doctor," Ka tih sep chuan nui var var in, "Mampui Pathian hian kan tan a ṭha lo turin ro a rel ngailo a nia, i hrin kher ni lo i enkawl a, chu chu Pathian in i tan a ruat pawh a ni maithei a sin, ni lawm ni? I hrin ni lo mahse, mipa naupang pahnih tan an khawvel i ni a, pasal ṭha tak, hmangaih em em tu che inei bawk a, chu tluka malsawmna a awm tawh chuang lo a nia," Ka din ruala rawn ding ve pah a a tih leh chuan ka nui ver ver ringawt a



"Ni e tiraw, keiang a vannei chu an tam lo viau ang," Nui sun sun a ka tih chuan, "niang chu, nang hi chu ka ngamtlak ve bawk pakhat che a, damlo dang en tur ka la nei si a, remchang ah kan la ti ti dawn nia," Ti leh hluai in a office kawngkhar thleng chu min thlah a


Damdawiin kawta ding deuh vang vang chuan, ka kut a IVF ka in chiu luh leh tur chu en in mit chhing deuh sawk a, boruak hîp vang vangin, "Aw Lalpa, tun ṭum tal hi chu hlawhtlin tir hrâm teh," Rilru in ka ṭawngṭai ru mawlh mawlh bawk



Muangchang a pen chhat chhatin, damdawiin pan tur ni âwm tak raipuar, dul kawh luah mai ka hmuh te chu ka en zui leh vawng vawng ṭhin, ka tum miah lo a ka dul lo dawm ve leh veng veng chang lah ka nei bawk


"Engtik nge i hrin dawn?" Taxi stan bula raipuar pakhat, a hrin hun tur, a bul a dingin a zawh chu ka en kar a, a dul chul zauhin, "kumthar February thla lamah a ni ang," A nui zui var var bawk

Kei erawh, ka hmel hriat pawh ni lo, nui hmel leh ṭawngkam chuan minti na veng veng thung. Ni lo, ka awt a ni mah zawk


Hmeichhe pangai chuan pasal an neih chuan, an pasal te tan fa an hrinsak mai a, raipuar hreawm zia te an hria a, an hrin an fa lakah hmangaihna tamtak an lantir a, keihi eng thilsual nge maw ka tihsual a, Pathian hremna leh ânchhia ka dawng emaw tih mai tura kum 10 dawn meuh inneih tawh pawha ka la rai ve theihloh ni..???



A chang chuan beidawn rum rum chang ka nei ṭhin, chumai a ni hauh lo, Pathian lakah khian vui duh rum rum chang ka vahan ngah si êm.!


Pathian laka vui chak si, vui ngam si lo leh, ka chunga thilthleng te leh ka paltlan te avanga lungawi si lo hian engtia rei chiah nge maw ka awm dawn le?? Lungawi ka tum a, ka bei bawk, ka tum nasat poh leh ka vela mite, keiang tho a hmeichhe dang, ka kum rualpui tena fan an hrin leh an râi ka hmuh hian, ka nunah hian lungawi rukloh na pakhat ka nei leh veng veng ṭhin. Chu chuan minti chau a, mahni insit na ruamah min hruai leh nge nge ṭhin bawk



"Lalmuanpui," Ka phu nasa chu ka thlarau a thlawk chhuak lo chauh nia


Phawk fê a ka hawi chuan bike lian leh nalh zet mai chunga Ramnghaka hmel ka hmuh chuan, ka âwm ah kut nghatin ka thaw chhuak hawk a



"Aww, Nghaka..." Thaw ka la la kawk kawk tho


Mit ti zîm sût a chiang zeta min rawn en in, "engthil nge i ngaihtuah a? Rawn chuang rawh, ka thlah angche," Tih leh a helmet ken, lawk ṭha zet mai chu khum a tum nghal a


Hawi kual thuak thuak in, ka din na bul vel a ding hmeichhe ho leh school naupang, tleirawl ho chu an lo in sik ru deuh nawk nawk bawk



Nui sun sun ringawt chuan, Nghaka lam hawiin, "taxi a rawn thleng a lawm, ka lawm tho e," Tih leh ka dinna aṭanga pên thla in, a hnunga taxi rawn ding chiah lam chu ka pan a, taxi kawngkhar hawnga lut ta mai lo chuan Nghaka lam ka hawi leh chu, 'lo hawi loh law law tur a nia' tih awl tak a ni



A mit khur thuk lam lek lek, mithmul dum chhah ṭha zet mai nen a dur khup mai a min lo en ngur mai chu, "a pawi ka sawi em ni?" Tih rum rum na tham alawm le


Nghaka min en dan ren run mak ti ru zeta taxi a lut chuan kan veng ka sawi nghal zat a


Kan tlân chhuah rualin chak lutuk in Nghaka chuan min rawn tlan pel zui fua bawk. Taxi driver chu phun hlukin, "tunlai tleirawl hi chu aw...!" Ti zui deuh vawng vawng chuan min rawn melh zawk a


Pawmpui zet a lo bu nghatin, "a thinrimna tur ka sawi ka hre si lo va," Ka hriat tawk lek chuan ka ti zui sep bawk, a eng kha nge a huat ka hre lo tak tak


Bakah, Bike chuan hi ka ngam lutuk lo bawk nen, upat tawh lam ah phei chuan ka duh dêr lo



"Awiii, châm hlen i tum emaw kan ti dawn alawm," Taxi aṭanga ka chhuah rualin Lalhruaitluangi'n ring lêng lawnga, ka Nu te varanda aṭanga a rawn au lawng lawng chuan nui vur vur in, "i aw bâwm hi chu a hrisel ve ngawt mai," An lam pan paha ka ti chu, ring lutuk a nui uar uar in, "awii.. tunlai chu ka nuam sam lo zawk alawm," A tih phei chuan Rinpuii nen in en in kan nui chhuak hak ringawt a


"Lo zu chhuk rawh u, ka Pa te ka'n tlawh kawi lawk ange," Tih leh chahbi chu Hruaii ka pe a



"Pa, khawnge Ka nu, nangmah chauh a i awm?" Ka pa chanchinbu bih lai chu ka lam a rawn hawi zawk


"Khawnge maw ka kal dawn a tih kha, a chhuak a ni lawm ni?" Lo ti lêt hâ chuan a chanchinbu ken lai keu sawn pahin, "eng nge iva kalna te chu a an a?" Chanchinbu chu a bih lehnghal ngar bawk



"Ka taksa chaklo satliah mai mai maw le," Ka Nu room aṭanga rawn chhuak en pah chuan, "Khawnge kal i tum a, i va nalh ve?" Ka tih zawmzat bawk a


"Zan hmasa Hmingsanga nuam samlo i tlaivar pui bawk nen i taksa in a tuar a nih chu, kan Zonunmawia lah hi laktlak loh tehtuh bawk si," Ka pa bawkin a rawn tih leh hmuar hmuar chuan ka lo nui ṭhû ringawt a, a hna vanga zan arawn haw loh kha, ka pa hi a la lungawi thei dêr lo ni in ka hria



"Mampui, indan na hi i ei ve lo tak tak tiraw?" Ka nu chu ka en haw ringawt a, a vawikhat min zawhna a nihloh mai bakah tuna ka doctor pan pawh hi ama min kawhhmuh a ni nghe nghe bawk


"Engthu nge maw i zawh leh tak ni, i kalna turah chuan kal vat teh," Ka Pa in a lo khak zui vat tak na in, ka Nu chuan, "U Zâmi mo naupang zawk kha fa nei thei lo emaw antih kha indan na a lo ei pek a, indan na i ei loh chuan a ṭha a ni mai. Bakah, Ebenezer-ah khian hmeichhe lam doctor thar thiam tak a awmthar antih kha, thlathar lam chu Zoa nen han râwn ve chhin teh u kha..! I kum a nâu tawh si lo va, naupai lamah i rilru i pek ve tak tak tawh a ngai a ni," A rawn tih leh duah chuan engtia awmtur nge minti hre lo, ka zak ru chem chem a, mo, tu pe thei lo ka ni tih min hrilh nawn ni maiin ka hria



"Mampui rawn chhuk tawh ta che maw, kan nghak reng che a nia," Lai zeta ka ding chu Rinpui'in min rawn auh takah chuan ka hawi vat a, "chhuk rawh Mampui. Nu ber si hi, sawi awm leh awmlo pawh hi i hre lo," Ka Pa in ti hluk chuan a ṭhutna aṭanga tho ṭuah ṭuah in, "fa te zawng, a hunah an nei ve mai ang, nei lo pawh nise a ṭha hlei hlei. Zonunmawia hrim hrim hian fa neih ala in peih lo lutuk emai," Ti zawm leh zatin room lamah a pen sawi chat chat a


"Eng nge Zonna chuan a in peihloh na, fa nei theilo chu i fapa ni lovin, a nupui a lawm le," Ka pa room a lut chu a au zui lawng lawng a, men ngaihna pawh ka hre lo, ka hriat fo tawh mah nise, "fa nei thei lo," tih thumal in min den nat dan chu a la ngai reng mai



"A nih ka chhuk san angche u," Ka nu melh zawk chuan rang lutuk in ka inher a, Rinpuii kawngkhar bulah, ka Nu eiloh hmel zeta lo ding melh zawk chuan inhnuai lam ka pan pui nghal dawt dawt a



"I nu hi chu a mak em em e, a chang hi chuan ka lo ngei pui tlat zel che," Inchhung kan lut, hnunglam aṭangin Rinpuii a ang zui hlak hlak

Ngawi reng a nui lui chung chuan, Hruaii thingpui lo chawk rawk rawk lam panin kut sil sawk sawk chuan, "a thlum deuh mai thei," Ka chhuah hma a Khaja ka siam chu ka melh zauh bawk a



"Ti leh pek nge? Doctor thlak tir a tum leh nge, sawiloh tur tur a chhak chhuak leh zawk?" Thingpui thli chhuak paha Hruai'in alo tih chuan, "ni angchu. Bakah, indan na i ei leh eiloh te hi a zawh vawikhat na che pawh a ni lo, inpa biak tir rawh, inpa ṭawng chhuak lehse a reh ve leh mai ang. A hrim hrim in, fa te chu kum 30 pelh hnu a nei an tam emai, i Nu khi chu a rilru khi a chhe kheuhbeuh ve hrim heim," Rinpui'in a zui leh tawn tawn chu Hruaii min rawn melh zauh , "duhtawk ngah leh phawt mai teh," A lo tih chuan an nui dun zui hawk hawk a


Kei erawh rilru tawt zet leh mahni insit rukna nen ka lo nui lui ṭawk ṭawk thung, ka Nu dinhmun aṭang chuan a thusawi te kha dik lo a awm hauh lo. Doctor ka tan a ṭha tur min zawnsak pawh a âwm lutuk, a sawi tawh angin ka kum hi a tlêm tawh bik si lo va....!



Ka thaw chhuak hak a, "a reng rengin vawiin inpa nen damdawiin in kal a ni lawm ni? " Hruaii chu ka melh zawk


"Hna a thawk alawm a, nge min kalpui ngawt ang ni," Chair pawt chhuak chuan ka ṭhu thla ve nghal a


"Civil-ah ka hmuh ve kha, i haw tawh thu a sawi vang alawm in inlam ka pan tlang ni," A tih leh chuan en haw in, "i hmu sual a ni lo'ng maw?" Ka tih deuh hâ chuan Khaja ban pahin min kaihthlak khum deuh hmawk pahin, "i pasal Zonunmawia a nih vanga bia ni na nâ na a," Ti deuh hlur chuan, "i haw tawh thu pawh inpa in a sawi chu maw le," Rinpui'in nui tut tut chungin a lo ti ve bawk a



"Ka p8 tur nen ka thinchhe teh mai a nia," Hruai'in nui ṭhû chunga a rawn tih zawm ve leh zat chuan, "i thi a hul tawh emaw ka tia," Ka lo fiam zauh chu nur nawng pahin, "hman ni ah naupang pakhat in ka dawrah ka Pi min rawn ti phei chu ka ngei teh mai a nia, min fiam reng lo teh u," Lungawilo tih hriat zeta a tih chuan Rinpuii nen chuan za zetin kan nui zui bâwk bãwk a



"Enteh Hruai, pasal i neih tumna hi a rei ve tawh êm a lawm, Mampuii te inneih aṭang khan kumtin ila tum hlawhchham ziah," Dul dawm meuha nui chunga Rinpui'in a rawn fiam ve leh phei chuan a mengrum lutuk chu a khawngaih thlak zawk


Kan fiam leh sawisak ber hi a ni ṭhin si a, a chang leh a unau dang te nupui/pasal nei tawh hi chhaihfiam nan tak kan hmang bawk nen, U Zuala te ho awmlai phei hi chuan an bulah a tâl ṭha duh vak ṭhin lo


<><>~>~>~>~>

ZONUNA...POV


Car steering bawh chuan ka kûn tlawk tlawk a, ka ngaihtuah nasat poh leh a tawpna chu "thil theih a ni lo" tih hi a ni

Ṭhu tung hlawl chuan car tih nun tumin ka che zui hrut a, "Khawnge min hruai leh i tum?" Lucy-in ka kut a rawn chelh vat chu thaw hakin a kut vai sawn lawp chuan ka chhip sam ka tuai puat a



"Thil theihloh tawp a ni, Mampui'in a hriat chhuah vaih chuan min kalsan ngei ang, chu chu ka thlen tir thei lo," Steering chu nghet lutuk in ka chelhbet a



"ZONUNMAWI," Lucy-i a rawn rak ṭhat


Thinrim si, rilru hah nen a melh khui khui in, "i aw ki min sán khum hauh suh," Ti hrawkin, "engvang phiangsen a pills ei lo nge inih? Eng buaina ah nge min hmuh luh hi i hria em? Nupui nei ka lai ka ni tih i hria a ni lawm ni?0 Ka ti zui hrawih bawk chu mittui tling pam a min en in, "engtin nge tun ang hunah chutiang chu i sawi theih, U Zo i fa hmasaber tur a nih hi, Lalmuanpuii vang ringawt in i that thei lo," Min bia pawh a ni lo, a rak chhuak tuar tuar a ni zawk


Steering chum dawt dawt a, sawi dawt dawtin, "i mittui kha ti tla sek suh Lalhriatpui," Ti leh hraihin chunglam a dak chuan thaw ka la kawk kawk a, ka car BMW dum lian tak pawh chu a zîm sâwt riau in ka hre bawk



"U Zo, i fa, i thisen, i fa hmasaber tur a nih hi, ti tla turin min hrilhlul suh..! Mampuii hriat loh pawhin kan pahnihin...tun a...tuna kan awmdan ang hian kan enkawl thei a ni lawm ni," In hnit hlawp hlawp chuan ka bân chu a rawn dawm a



Lucy-i lam thlêk tlawk tlawk in, boruak ka hîp kawk kawk bawk

"Ka fa hmasaber tur a ni, ka fa, ka thisen a ni," Chu chu ka bengah hian a ri kawk rum rum bawk


"Khawngaihin U Zo, tunlai ah chhungkaw pahnih neih te chu thilmak a ni tawh hleinem, Mampuii i hmangaih a, fa a pe thei lo che a, keiin ka hmangaih che a, fa ka hrinsak bawk dawn che a, chu chu a tawk viau lo em ni? Zo khawngaih in," Ṭap hlawp hlawpa, min ngên ngawih ngawih chuan, ka lama rawn tawlh hnai chuan, rem leh rem lo vin min rawn kuah nghal chial a


Ka tukkhum dawm vang vang a, mit chhing sawka thaw chhuak leh hakin, "hun ka mamawh a ni, hun min pe rawh Lucy. Ka nupui ka hmangaih zia i hriat kha, min kalsan ka rem ti lo, i hrethiam tiraw?" Ka melh zawk


Min kuahbet chun a lu bu nghauh nghauh in, "ka hria, ka hria alawm," Ṭah aw ṭuau in a rawn ti chhuak ṭuak bawk


Tuna ka din hmun khirh zia ka ngaihtuah chuan eng chiah nge ka tih leh ang, ka kih hnawksa ah ka talbuai chu a nih takber hi maw?

"Mampuii," Mampuii hmel ka mitthla ah a rawn langa, ka nupui pawisawilo leh thinlung zawng zawnga min ring tu in a hria a nih chuan engtin tak awm ang maw..?



Vawikhat pawh min rinhlelhna chang hre lo hmeichhe thinlung hi ka tikeh sawm mai angem? Nge ni a, ngawi rengin min kalsan zawk ang?


Ni lo, min kalsan thei lo, ka remti ngai lo ang, a kehsawm erawh ka remkhawm sak anga, ngaihdam dilin, ka dawm bawk ang; Mahse, ka nun aṭang erawhin ka kalbo tir thei lo


Mahse..... Lucy-i pumchhung a thisen hi, ka fa hmasaber tur a ni si a......!



<><>~><>~>~>


RYAN...POV


"Hey, ka thusawi chu i hria em? Engthil nge maw i en le?" Ka kiai suk a


"Drama," Nui suk pah a ka tih chuan Merco chuan phawk zeta min lo en in, "seriously Man?"

Nui ri deuh hukin, "naktuk lamah kan inbe leh dawn nia," Tih leh min chhan na pawh nghak lem lo chuan laptop chu ka khup zui thak bawk


Ka ṭhutna aṭanga kawng chhak lam en chho leh chuan, "Naive" phun sup in ka ner zui sawk bawk a


A pasal in emergency meeting a neih thu a sawi a, a awih em em nghal ringawt a, vawikhat pawh englam nge zawt lo va zana a chhuah tir thei kha hmeichhe mawl tak chu a ni

Vawiin ah pawh khan hmeichhe dang a phur tih sawi ila, "a hna thawh pui a nih dawn chu," Ti duh hmel a pu in nia ka hria


"In zahpuiawm lutuk nangni nupa kha," Kimkimi'n ka bula rawn ṭhu pah a kawmchhak lam a auh lung lung chuan an nupaa rawn hawi thla in a nui var var a

"Au Rin, i fapa muhil a harh a nia," Tukverh a rawn dak Rinpuii chu a au zui zat bawk

"An inneih na a rei tawh em?" Kimkimi chuan min rawn en zawk, ka en na lam en ve leh chuan, "U Mampuii te maw?" Ka bu zauh


"Kum 10 chu a tling ve ṭep tawh lo maw? Tinge a? Nangpui roh hi, tlâi tin heti hian a vawk chaw pe hi i thlir ziah mai a, i star a ni lo maw?" Nui awr awr paha a tih chuan ka kiai ve suk tho


Karkhat lai chu Mizoram-ah ka awm ve ta reng mai, Kimkimi sawi ang chiah in tlai lam ah hi chuan helai hmuna ṭhuta, kawmchhak nu hmelṭha-i vawk chaw pe thlir hi a nuam in, ngaia neih a awl dâwn riau in ka hre bawk


"Nangni unau chu eng nge in sawi a," Ka Nu rawn chhuak ve chu kan lo en zauh a


"U Ryan hi, U Mampuii vawk chaw pe hi a thlir duh riau in ka hria a," Fiamthu thutak zeta a tih chuan, "E khaih..! Chutiang an sawi ngai lo, i â thei lutuk nang hi, Zoa hriat ah te i fiam ange, a thikthu a chhe si a," Ti vat chuan an nupaa in zui lut chu a en chho a, ka lo ner suk thung



Rinpuii leh a ṭhiannu, kawmchhak te in aṭanga rawn chhuakin lungawilo tih hriat zet a rawn ṭawng zui deuh barh barh chu Kimkimi nen kan lo en ran a


" Sawi leh sawi hnu, Nu Êngi khi chu a ti awmlo thei ngawt mai, ti khawp khian Mampuii khian a tute enkawl sakin a kûr a, Mampuii rilru tur te dâwn ve ṭhin tur a nia," Rinpui'in ti hlak hlak a inchhung an lut chu Kimkimi'n a zui lut vat a


"Eng nge nita hlawk hlawk a? I Nu Êngi chanchin te Mampuii hriatlai ten i sawi ange, mo leh pasala nu te inkar khi a siam tur zawngin ṭawngkam neih miah loh tur," Ka nu chuan inchhung lut pahin a ti zat a



"Mampuii khi chu a fa nei theilo khi chu a tuar ve a ni, ka lainat ṭhin, Zoa hian a hmangaih êm a, a vanneih ve leh na a nia," A ṭhiannu aw ni ngei turin a tih chuan ka ṭhut hmunah ka lo nui huk, engtin nge a hmangaih tih an hriat? Hmeichhe ho mawl lutuk hi chu a...!



"U Mampuii sawitak ah chuan, Nu Êngi khi a fel tawh zawk ngawt ka tia, U Tetea'n sâwn fa a rawn hawn hma phei kha chuan "thingtlang nula" tih ringawt pawhin a rel reng zel kha a nia. Bakah, Zarkawtah pawh in an nei renga, an hlat a awm a phal leh chuang lo va, naupang a enkawl pui pawh ni chuang si lo hian," Kimkimi'n a tih zawh rualin, "Pa Zaia tak khi chu a ṭha hnu hnu maw le, nupui leh fa a nei vanduai a ni, a fa Û ber lah damdawi vangin a chân a, an hmeichhe neih chhunlah hnamdang pasal neiin a awmbo nghal daih a, Zoa hi a pangai ber chu a nih hi maw," Rinpuii ṭhiannu in lo ti ve zat chuan



"Tetea pawh khi a zia tawh viau khi, zu a in tawh lo a, tikhian hna te a nei a, a patling ve tawh khawp alawm," Rinpui'in a lo tih ve leh chuan, "in zahpuiawm lutuk, mi chhungkaw chanchin sawi zuah zuah kha in zak läwm ni? Malsawmkim deliver tur inei a ni lawm ni nangpawh, kal tawh rawh, i chhe zeh zuah lutuk," Ka nu in a hau ri ka hriat chuan ka nui suk a


"Nu Êngi te khi chu rel loh theih pawh an ni hleinem," Kimkimi'n ti leh hrâm chuan, "U Ryan, min hruai lawk la, ka scooty a chiang si lo va," Plastic bag rawn khai chhuak paha a tih chuan lo bu nghat in, "kal rawh," Ka ti sup a


"Kan thusawi kha i hre vek ang a," Bike rawn lawnkai paha a tih chuan ka lo kiai khum suk ringawt a



Kan kawmchhak nu chu a pawnlam landan aiin, a chhungkaw neih a hnawk ve hle mai.....! Tih ka rilru ah a rawn lang zui zat bawk




<><>~£~>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:20 pm

PRESENT PERFECT
By
Floria Laldansangi


Chapter < 4 >

(If you can't change the situation, then change your attitude)


MAMPUII...POV



"Zanin chu i nam ṭha tha tha hle mai," Ka hnunglam aṭanga min kuah a, a khabe ka dara nghat hnâp tu chu thlengsil mawlh mawlh pah chuan ka melh zawk a


A hmui lum thar thar a ka nghawng nul thuak thuak a, fawpin, ka bengkawm a seh za mer mer bawk a


"Awm ṭha mai mai teh, inbual te va inbual harh rawh," Nui chunga ka tih chuan ka nghawng ah fawp vang vangin, boruak a hîp leh vang vang a


Rawn thaw chhuak leh ham ham chuan, "ka va inti fai ange," Tih leh inla hrang nulhin a pensawn nghal zat bawk


Nui vur vura thlengsil sawk sawkin, "zanin chu a engtia zu te a rawn in ni?" Nui reng chung chuan ka hriat tawk lekin ka ti zui sap bawk


Ka thlengsil zo chu room lamah ka lut ve vat a, IVF chu keimah a invih turin ka phawrh zui sawk sawk bawk


khum a ṭhu in, lukham chu nghen chhan a hmangin, ka ṭhu âwn a. Ka dula ka vih rualin, “engthil nge i tih a?” ka phu nasa lutuk chu ka duh aiin ka thunlut rang, vawikhat ah a luh nghal vek bakah, ka dul a na thîp nghal vawng vawng mai. Sî zui sup in, "minti phu alawm," Ka hmui ka pet zui deuh ngar ngar bawk


"Rai, rai, rai.. Rai leh naupang tih hi sawi lovin leh ngaihtuah lo vin in awm thei lo em ni?" A thusawi chu mak ka ti lutuk a, ka dul na thîp ser ser nen chuan mit khap fak fak in ka en haw a, "U Zo," Thaw ka la zui hak, tu chungchang nge maw a sawi le?



A hmel landan chu a ruih vang ni tho mahse, thildang ah rilru hahna a nei tih ka hai mawlh lo, ka pasal a ni a, kum 10 teh meuh ka chenpui a, ka hre chiang mah mah


Mittui tling deuh pamin ka en kar a, mit sen râm mai a min en ngur ngur in na lutuka bathroom kawngkhar chu khar zui bur in, tui in herh haw ri in a zui zat bawk



U Zoa awmdan hrethiam lo zet chuan bathroom kawngkhar en haw chungin, "a na hle mai," Ka ti sep bawk


Ka dul anat reuh êm avanga la ṭhu vang chuan, ka sira U Zoa phone chu a rawn ri ral ral a, "Hruaia" Tih bawk a ni, ka sawi tawh em? Tunlai a hnaa a buai chu thuhran nise, U Hruaia nen hian an inbe zingin, zanlai a ni emaw nilo emaw U Hruaia'n a rawn call fo leh midang hriat hlau taka U Zoa'n a be fo mai hi mak ka ti ru viau bawk


An hna vang a ni tih chu hre ru reng mahila, mipa leh mipa chuti taka inbe ngun leh text message in thawn zing chu mak tih loh chi rual pawh a ni in ka hre lo



An hna lam bawk a nih ka rin vangin pickup ka tum lem lo va. Mahse, vawi 3 ngawt a Ring ral ṭhak ṭhak hnuah pawh a rawn rik nawn leh fo chuan, a pawimawh hle a nih ringin phone chu la kângin, "Hello," Ka pickup ta nge nge a


"Hello, U Hruai," A reh vang vang, ka ko nawn leh ṭhin, vawi 4/5 lai ka koh hnu pawha a reh vung vung takah chuan ka ṭawng a hre thei lo ni hmiang ti chuan ka off zui ta ringawt a


Bathroom kawngkhar a rawn in hawng ri rak leh U Zoa rawn pen chhuak chu en pahin phone chu side-table a dah leh mai ka tum a, "U Hruaia'n a rawn call che a, connection a ṭha lo....." Sawi pawh ka sawi zo hman lo, phone pawhin side-table a dai hman ṭawk angchu tih chuan a rawn phih thla sawk a


Engtik laiin nge ka bul a rawn thlen phei ka hre lo hrim hrim, tlipui ang maiin a rawn thaw phei huk ni maiin ka hria

phawk lutuk chuan ka en a, mitmeng dur khup maia min melh zawk in, a towel kenlai sofa a theh thla sawk chuan, "ka chhuak lawk dawn a nia," Ti hluki a pên chhuak zui nghal pawk pawk bawk


A ngaihna hre lo lutuk a en zui hâ chuan, "U Zo, Khawnge..." Ka dul a min pawt tu awm avangin ka ner zui sawk, ka dul vung a la reh loh mai bakah, nichin maia ka inchiu na avangin duh angin ka tha ka la hmang thei dêr lo



"Anu mi an lo lêng," Ivan-a aw ka hriat takah chuan muangchangin ka ke ka hlang thla a, "Ka rawn chhuak, Bryan i nau nen inti fai ula mu tawh rawh u," Tih leh ka pen chhuak zui chhat chhat a


Room aṭanga ka chhuah ruala Nghaka hmel ka hmu hlawl chu ka meng deuh kawk, veteh mial a



"Nghaka chu i rawn lên ve teh mial a," A hma zawna ṭhu thla pah chuan ka ti nghal sarh a, ka ṭhu deuh ṭuah ṭuah a ni mah zawk, duhdan a chet ala harsa miau a tin ni


"Ryan.."

"Huh..." Ka at hmel viau in ka ring


"Ryan tiin min ko rawh," A tih leh sup chuan, at hmel zet bawkin, "aww, Ryan," Ka ti ve leh sap chu rawn nui ri sukin, "Rawn lên a rem ang tiraw?" A aw thum lam lek lek, ṭêng ti dawn ila, ṭêng chiah silo leh fiah ṭha tak si chu ngaihthlak leh hriat a nuam phian mai


"Thei tehreng e, ṭhian ila neih hmel si loh va, rawn lêng ziah rawh, i U Zoa nen te pawh in inkawm thei angchu," Ka tih chuan alo kiai suk a

Zoa sawitak ah chuan nichina U Zoa thinrim chhuak kha a hmu hman ngei ngeiin ka ring. Mahse, mi â a ni lo va, engmah hre lo ang maiin Kan inchhung chu uluk fahran in, engkim mai chu a x-ray kual emaw tih tur a en chuan, chiang zetin min rawn en leh a, "Muanpui," A aw ril zet leh thum deuh bul maia min U lo leh koh duatna pawh hmang lo va min ko fak mai chuan min ṭhawng niber in ka hria, "hâa..!" Ti haw chuan ka en leh haw a


Ka hmel landan mak leh ka mawl hmel thei lutuk chu a nuih a za a ni ngei ang, nui ri leh sukin, "in innei nuam hle mai," Tih leh a hawi kual leh a, kan nupa room lam thlêk deuh vang vangin, "Inpa hi i hmangaih em?" Mit zîmsan in min rawn en zui zat bawk

A zawhna chu mak ti viau mahila, ka tilang lem lo, nichin maia ka pasal thinrima chhuak kha a hmu miau a, a zawhna chu thilmak ah pawh ka ngaihsak lem lo bawk, "hmangaih lo ni ila pasal a ka neih chhan tur awm hek lo le. I zawhna teh thut chu, Mizoram ah hian i duh zawng i hmu fuh a ni lo maw?" Ka fiam zui ve zauh


Vei kiai sukin, "ka duh zawng ka hmu a nih chuan, tu ta nge an nih ka pawi sa lo, neih ngei ka tum ṭhin," Thu tak zeta tih leh ding hluai in min en chhuk nghal run a

Ka pasal hi a lian ka ti ve hle a nia, U Zoa aiin a lang lian daih, a bawp sei zet leh taksa lian zet te chuan kan inchhung chu a ti lang hniam in, a tilang zim riau a ka hriat ni


"Nidang ah ka rawn lêng leh dawn nia, i nuamsam lo a nih kha, mu tawh rawh," Ti deuh nghut chuan, chhan pawh ka chhan hma in kawngkhar ah a pen chhuak hman daih tawh, a pên khat thui zia chu a awihawmloh hial zawk, ṭhut khawmna leh kawngkhar pui te chu a in hlat ve a nia, mit khap kar lekin a pên chhuak chu a ni der


Sana ka en a, dar 8 :30pm a pel thuak tawh, khawiah nge maw U Zoa chu a kal dawn ni. Bakah, engvang a thinrim em em nge a nih tih ka ngaihtuah pawhin a chan tur âwm ang ka hre thei mai lo, eng emaw thup a nei tih erawh a mitmeng ah khan ka hmu thei thung



U Zoa rawn haw hun tur chu ka nghak rân a, dar 10 a ri a, 11, 12 rik dâwn phei chuan ka ṭhu mai mai thei tawh lo, ka call lah a pickup thei dêr mai si lo va



A tih tur emaw sawiin, a kalna tur te sawi se, emaw thinrim lo a chhuak nise ti em em a ka mangan ka ring hauh lo, U zoa mizia ka hriat chian êm avangin khawi ah emaw chak tak taka car a khal a, khawi emaw ah a va chetsual ka hlau takzet a ni. Chutiang ka ngaihtuah leh a rui a ni tih ka ngaihtuah chhuah phei chuan ka phone bih in ka vir tawn sek a


Zinglam dar 2 a pêl thuak tawh, mut chhuah chu sawi loh ṭhut pawh ka ṭhu thei lo, ka vir zankhua ṭhak ti ila ka sawi sual tawp lo ang


Zing chaw ei dawnah pawh a rawn la hawng lo chu ka pa te inlam a chho in, "chaw in ei tawh em?" Chaw ei anlo siam ve mek bawk a


"Kan ei dawn chiah hei," Ka Pa in a lo tih chuan Tetea chu ka melh zauh


A hrethiam tih hriat taka min rawn panin, "i U i be thei em?"


Min en ha in, "nizan a rawn haw leh lo em ni?" Ka bu nghat


"Nizan a chhuah khan a rui deuh bawk nen, ka ngaihtuah deuh maw le," Ti chau chuan ka thaw zui hak bawk a


Tetea chu phun hlukin, "ngaihtuah duh suh, a rawn haw ṭep ang, ka U hi chu aw..!"A tih leh deuh vawng vawng chuan za lo zetin ka ṭhen sak a


"U Mampui chaw ei inla hman ve nange," Ka Pa te nula Thangtei chu ka thlek zauh, nui lui sängin, "ei dawn chiah, khawnge ka Nu," Ka nu hmel reng reng ka hmu lo


"Khawnge maw a chhuah leh tâk ni, pawimawh ka nei a tia a chhuak vang vang mai a, ei san mai tur," Ka Pa in ti chuar chuar chuan a ei zui nghal mawlh mawlh a


"keipawh ka'n zu siam ve ange," Tih leh Tetea en leh chuan, "naupang school ah min thlahsak rawh aw tukin chu," Tih zawm zatin ka inher zui nghal a, ka phone bawk chu phawrhin ka call leh, ring pawh a ring tawhlo, a off a nih ka ring, a tut ral ṭhak ṭhak



Mit phak zet leh rilru khingbai zeta chaw ei laiin Nghaka, ohh Ryan-a rawn lut chu, ka lo en kar a



Bryan te unau chaw ei kham school kal turin, "Nu, apa a lo haw leh lo ami a? Engtin nge school kan kal dawn?" Bryan zawk hi kum 11 a ni ve tawh a, fing tak a ni, fing tak


Ryan-a ṭhu ve run chu melh zawkin, "hna ah a buai a nih kha, i pate-an a thlah angche u, han chho rawh u," Tih leh ka chaw ei tui lo sa nen chuan bâr khat bak ka bâr meuh pawhin ka hre lo, ka tho zui ve nghal a


Naupang an chhuah fel hnu ah kan chaw ei na vel ka seng fel mawlh mawlh laiin choka kawngka biang ngheng a dingin uluk zeta min en tu Ryan chu ka melh zawk a


"Mamawh inei em ni Ryan? Chaw te i ei tawh em?" Min la en ngur chu nuam ka ti ta dêr lo mai


"Lo va ṭhu rawh, ka rawn phei dawn nia," Tih leh ka inher vut chu ka lu a rawn hai muai muai a, ka thleng ken lai chhuat a thlauh ri rum rum chuan, ka tlu mai dawn a ka hriat avangin dawhkan ka chelh vat a



Ryan-an ka darah rawn chelha phun hlukin, "ka rin tawk chiah," A ti zui hluk chu ka lu dawm reng chung chuan ka melh chho a, eng nge a sawi awmzia zawh duh viau mah ila, luak chhuak in min rawn hnawh zui up up avangin ka kâ ka âng zui peih ta lo



Ryan-an choka aṭanga a min kuah chhuak leh kawngkhar pui aṭanga U Zoa rawn lut chiah ka hmuh chuan ka ding dat a



"LALMUANPUI," U Zoa aw chu mar fia fia tak a ni, ip chawihin, mit ka chhing nghal sawk bawk


"I kut kha dahsawn nghal rawh," Ṭêng zeta tih zawm leh Ryan-a kawr âwm a rawn ṭham a rual nghal awrh a


Ka nghetlo sa nen keimah zawk chu ka lo kat ang nawk nawk, Ryan erawhin engah mah ngai lo tih hriat takin en pawh a en lo, a thlêk sawn san ngar ngar thung


U Zoa te lam ka pan hnai leh chu Zu rim a rawn nam lut nghal hum hum bawk a


"Engthil nge i tih U Zo, thlah rawh," Mit sen râm a min rawn melh hrawkin ka vawnna kut a vai zui sawk bawk a


Ka pai chawn chawn chu Ryan-an, U Zoa kut phih sawn lawpa min rawn dawm leh a tum chu U Zoa'n a hnek zui sawk a, ka rak ṭhawt bawk, ka hlau lutuk leh ka lungphu rang lutuk chu, ka lungphu a rawn chhuak lo chauh, ka khur nghal zawih zawih thei


"Engthil nge ka nupui chungah i tih? Engtin nge in awm? Sawi rawh, sawi ta che," U Zoa chuan ti hrawk hrawka Ryan hnek leh mai a tum chu a duhang ngawtin a hnek thei tawh bik der lo


Ryan-an hneh lutukin lo theh sawn dawrh a, ṭawng erawh a tum lo nasa tih Ryan-a hmel leh mitmeng ngeng zetah chuan a lang chiang em em bawk


"Duhtawk rawh, i rui a nih kha, i ngaih ang kha engmah a awm lo," Khur ru dar dar chunga ti bah nawk nawk chuan U Zoa din na lam bawk chu pan ka tum leh a


A mah zawkin ka dara min rawn hmer nawkin, "nizan ah engthil nge in tih, engtia rei nge in inkawp tawh?" A zawhna chu mak ka ti lutuk a ka en chho hâ ringawt, sawi mai tur pawh ka hre lo

Ryan erawh za lo zetin a lo nui huk a, "tu ah nge i ngaih hrep le?" A ṭawngkam chhuak chu hmuhsit na leh elhsên na in a khat


"Engmaw i sawi?" U Zoa mitmeng rapthlak zia chu pui tak a ni, chutiang taka a mitmeng dur leh thim chu ka la hmu ngai lo, ka dar a hmerna lah chu a na tulh tulh bawk


Kum 10 tehmeuh ka chenpui ka pasal hian mipa pakhat, ni lo, ka tan phei chuan nau a ni, keiai a kum tamtak a naupang nen a min ringhlel chuan, ka áwm zawn hi a chhun sawk a ni ber, ka dar a hmerna ai mah in, a zawhna chuan min tina daih zawk nia


Ka mittui a rawn hnâm zui ṭiam ṭiam a, "U Zo," Ka ti chhuak sap a


"I ti na a nih kha," Ryan-a aw chu rawn chang fia fia tak a ni, a seh chilh deuh rap bawk


"Thih i duhloh chuan lo ngawi rawh," A kut ṭangin a kawk zui va bawk, kei erawh chetna chang pawh ka hre lo, mit khap fak fakin, U Zoa thinrim hmel chang rût mai chu ka en ngawt ngawt a



Ka mittui ka khap per sak sak bawk, kan inneih tirh sawi loh, kan in ngaihzawn ve lai aṭang tawhin mipa dang hian vawikhat pawh minla tawkloh chu sawi loh a thiktur in vawikhat mah mipa dang ka biak a hre hauh lo ang, tun a taka, a chhan leh vang pawh min zawt eih lo va a thinrim leh min rinhlelh na te chuan minti na vawng vawng



"A ruih vang a nih hi," Tihsan mai ka tum rilruk pawhin, a mitmeng a min rinloh na lang chhuak zut zut chuan minti na zual a ni ber


"Zonunmawi," Ka pa aw kawngkhar lam aṭanga ka hriat rualin U Zoa kut chu a rawn phih sawn sawk a


"Mampui," Ka nu in min rawn chelh vat chu mittui nen ka lo melh ṭawk ṭawk bawk



"I vahan zahpui awm tlawk tlawk tak, Êngi Mampuii kha chhohpui rawh, Nghaka nangpawh haw phawt rawh," Ka pa in thinrim zeta a tih laiin Nu Zarpuii te nupa an rawn tlân lut ve nghal zat a


"In dinna aṭang khan penkhat pawhin pensawn suh angche u, nizan ah engtin nge in khawsak, Lalmuanpui engtia rei nge ni tawh?" U Zoa chu ka en tlawk tlawk a, a hmel landan leh ṭawngkam tin mai ah chuan min ten zia a lang chiang em em mai bawk si, ṭawng turin ka hrawk ah min hnawhin ka lei chu phuarbeh ang tlat a ni

Nu Zarpuii te nupa leh Kimkimi, Ka nu leh pa min en na chu mittui kar aṭangin ka en kual a. Ka zahna in vàn a tawng ti ila ka sawi dik ber ang



"Bawiha engthil nge thleng ta rum rum hi?" Nu Zarpui'in dam dapa Ryan-a a rawn biak chuan mit chhing sawkin thaw ka la kawk a, chil ka lem zui khawlh bawk


"A rui lo zawk khan han sawi teh, Zonuna thusawi leh zawhna chauh hre lo hian," Ka nu pawh chuan a lo ti ve vat


"Nu Zarpui, Ryan kha hruai haw rawh u," Ka aw chu a chhuak ṭawk ṭawk, a tawp lam phei chu a thâm ral a ni mah zawk


"Ryan... Ryan..." U Zoa chu a rawn nui hul huk a, "engtiklai khan nge inlo inbiak tlâng nel tak em em?" A mitmeng thîp zet mai, min rinna chhe te mah awmloh na chu en harsa ka ti, ka thaw a chham mai dawn in ka hria


"Zonunmawi," Ka pa in ti ṭhat in a tukkhum ah a beng bu lawp a, ka phu zawk thung, ka pa hi kut thawh mai mai ngai lo a ni a, a na dawnlo tih hre mah ila kut a thawh chuan ka nu pawh a ṭhawng a ni ngei ang, "Paa," A lo ti hul hap ve tho


"Nichin lawk khan ka U te chu in inah a rawn chho a lawm, zan an riak duna i ngaih phei chuan i hresual a nih chu U Zo, ka nu leh pa te pawh zawtla, nizan ah kan awm vek alawm," Kimkimi'n rawn tih leh, "bakah, U Mampui leh ka U phei chu kum zawng pawhin an in thlàu lulai lutuk, i nupui a nia, rinna chhete tal neih ve tur alawm," A tih leh hmiar hmiar chuan a pa in a lo khak vat a; Mahse, sawi dikloh a nei chuang miah lo



"Haw phawt teh u, keimah ni thiamloh a nih hi Zarpui, kan Zonunmawi zu rui thikthu chhia, huat tur hre si lo a nih hi," Ka pa in a tih leh takah chuan, "ni e, keini pawh haw thla phawt teh ang u, heti rum rum chuan kan mualpho zo ang," Tih leh Nu Zarpui'in a fapa pawh sawn chu a rual a


Ryan-a hmel chu a chang in, a kut hum ruh ngar leh bek thisen zâm pawng ṭawl ṭawl mai te chu hmuh hmaih chi zia zâng a ni law

U Zoa anga kut ram tak phei chu ni se heiai hian kan mualpho dawn tih a chiang reng bawk. Tlangval, tha zat hunlai mah nise a insum theih hlauh chu kan venneih na pakhat a ni


Ka Nu in min kuah chunga min pensawn pui dawn chuan U Zoa ding ve chhur mai chu ka melh zauh a, ka in rin hma in ka biang a rawn lum thla pup bawk


Ka khap let seng tawh lo a ni mahna, inchunglam chho ta lo chuan sofa-ah chuan ka ṭhu thla hnawk a, thui tak pen turin chakna ka nei lo hrim hrim


Hetiang tak hian inhauh kan la nei ngai lo, kut thawh phei chu a teuh lo lutuk, kum 10 hnuah a vawikhatna tak meuh meuh a nih vangin min ṭhawng lutuk mah mah a ni


Ka Pa in U Zoa a hauh mawlh mawlh laia, ka Nu in U zoa a lo ṭan na ṭawng ri te chu ka beng ah lut ve mahse, eng chiah nge an sawi tih rêng rêng ka hre thei lo, ka hma zawna TV chu ka melh ngawt ngawt tawp



Engtia rei chiah nge chutiang a ka ṭhut chu ka hre lo, "Mampui, i khua hi a sik a ni lo maw hei," Ka harh zawk, ka sirah min si cheta U Zoa rawn ṭhut lai pawh la hre lo hrim hrim, ka nu chu ka mwlh chho zawk a


"I dam lo em ni?" Ka chhang lo


"Zankhua in mu hek lo," Ka pa chuan a lo ti hlur a


"Ka tihpalh Bawihi, ka tihpalh tak tak," Mittui bawk chu a rawn hnai leh kuar mai


A mitmeng a inthiamloh na leh inthlahrun na chu ka hmuh hmaih lo nasa, chu chuan nichin maia min en dan kha minti hre chhuak lo thei lo


"U Zo," Ka hrawk na lutuk leh ka hnungzang boruak in min hnawh tlat avangin ka aw chhuak pawh zawi se se tak a ni

Chil ka lem zet a, mittui tling pama a mit a en in, "I nupui ka ni a, midangin engpawh sawi se min ringa, ka kianga ding tur i ni a sin, kum tamtak chhung nupa kan ni tawh a, eng ang hmeichhia leh nupui nge ka nih hre tur i ni," Ka aw pawh a la khur beuh beuh thei

Ka tumloh leh duhloh zetin ka mittui bawk a rawn luang leh ngiai ngiai mai, ka mittui dimtê a rawn hru hul chuan, "ka hria, ka tihpalh, mipa dangin duat taka an dawm che leh mipa dang kuta ngaih ngam taka i awm ka hmuh khan ka thin a thawk thut alawm maw le, ka tiam a che, a thleng leh tawh lo ang, ka tihpalh," Ti zui mawlh mawlh chuan min rawn ṭhut hnaih zui sarh a


Ka pasal a ni a, mipa ah pawh thikthu chhe lutuk a ni tih ka hria, a tum a ni lo tih pawh ka thinlung chuan hre tho mahse, a mitmeng a min rin lohna khan minti na êm a ni


Ka Pa te chhuah dâwn chuan ka Pa-in, "Ramnghaka pawh ngaihdam zu dil angche," A tih chu U Zoa chuan dil a tum bau lo tih a hmel ngeng zet ah chuan ka hmu thei


Mipa chapo leh kut ram ve tak a ni a, a dik emaw dik lo emaw ngaihdam dil hi vawikhat mah, tulak ah mah a tum ngai lo, kei tihloh chu


Chu vangin naktuk lam, nawmsam deuh hunah keimah ngeiin ka dil mai a ngai a niang chu..!


Ka taksa chau, mut kham lo leh khawsik nen, damdawi ei in min hneh bawk a niang ka mutthilh lai ka hre lo hrim hrim, ka hriat chin chu, U Zoa'n zing chaw ei hnawkna leh thleng vel a sil leh tifai ri chu a ni, a bak ka hre tawh lo hrim hrim


Ka harh leh chuan khua a thim khup tawh, taksa sil zet leh ka ṭahna avanga mit bui luk a ṭhut chhuah ka tum chu, "i harh ta maw?" Tih leh U Zoa'n min rawn pui vat a


"Tui hi in rawh," A tui minpek ban pah chuan ka melh zawk, "light te on ta che," Ka tih sep chuan rang lutuk in a tho nghal a, a che vel chu zinglama a thiltih vanga inthiamlo a ni tih ka hre reng


"I ril a ṭam em?" Tui no pek let pahin ka lu ka thing zauh a, ka taksa na lutuk chu chetsawn vel pawh ka peih lo


"Bawihi," Khuma rawn ṭhu ṭha sat sat chuan kut a rawn hum vang vang a

Ka mit ala kham mai bakah ka lung ala awi chiah bikloh avangin, "ka chau rih lutuk, naktuk lamah inbia ang," Tih leh mutsan leh mai ka tum chu a ai nghet a min chelh in, "fa nei ang," Ka khawng nghal at


U Zoa ka en nghal haw a, a thusawi hrethiam lo zet chuan, "eng nge i sawi awmzia?" Ka ti sep bawk


Thaw hakin min rawn hnaih leh zual a, "Bawihi nau i pai thei lo a nih pawhin kan thisen, kan pahnih fa kan nei thei lo tihna a ni hleinem, fa i duh a, keiin ka duh bawk a, engvang in nge surrogate kan tih mai loh ang ni," Thutak lutuka a tih chuan eng nge sawi mai tur pawh minti hre lo, mit ka khap fawk fawk ringawt a


"Ni e Mampui, inpa sawi kha a ṭhat lohna pawh a awm lo a nia, hei leh chen fa neih in tum tawh a, i rai thei bawk si lo, midang hmanga fa neih chu tunlai chhanah thilmak lah a ni tawh chuang lo nen, a ṭha viau in ka hria," Kan room rawn pen lut paha ka Nu in a rawn tih ve phei chuan ka thawk lak mai ni lo, ka thisen leh lungphu thleng hian a chawl dup mai hian ka hria




"Mizo-ah pawh surrogates hmanga fa nei an tam tawh a nia, i thisen a ni dawn tho a, midang chhûl hawha neih kha a pawina a awm lo reng reng," Ka Nu-in thutak lutuk leh dam dap maia a tih zawm leh chuan U Zoa ka en he haw a, a pawm pui mai pawh a ni lo, an thurawn chu pawm ngei se minti tih a mit ah chuan ka hmu thei


"Thurawn" an thuthluk sa a ang mah zawk



"Ka hre lo, in ngaihtuah ka ngai," A bak sawi tur ka hre tawh lo, "ni e, in ngaihtuah chiang ula, in duh a nih chuan hmeichhia, naupai tur chu an awm nghal a nia," Ka nu in a tih leh chuan, ka rilru in, "i ruahman sa em ni?" Ka ti sep a, ka Nu in nuisânga min en na chu rinhlelh na mit in ka lo en let thung


Fa ka nei thei dawn lo va a hriat avangin U Zoa rilru a hneh tih hai rual ni miau hek lo le......



~>~>~>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:20 pm

PRESENT PERFECT
By
Floria Laldansangi



Chapter < 5 >


ZONUNA...POV



"Thinrim chungin be suh angche, mamawh tu zawk kan ni tih theihnghilh bawk suh,” Ka Nu chu ka melh zawk a, rum fahrana min rawn melh chuan, “eng buaina ah nge min hnuhluh hi i hria em? I Pa in a hre chhuak a nih ngat chuan kan nufa hian min pet chhuak duh ngei ang,” Ka nui chhuak huk



A ai ruma min melhin, "nui hauh suh, i nupui in a hre chhuak a nih chuan ilam ka ṭan ring bawk suh angche," A ti zui leh hlar bawk a


Mampuii hminga min vo tawh hi chuan ngawih mai hi a finthlak ṭhin



Lucy-i inluah na kawt kan thlen chuan car ti ding datin, "ṭha taka biak tum angche," Ka ti zui leh hrâm a



"U Zo," Ka bula ding ka nu chu a melh zui zauh a, "ka nu a nih hi," Lucy-in chibai tuma kut a lek chhuak chu hawivah a kal pelin inchhung ah chuan a pen lut vah vah a


Ṭhut thlengsei chu bengfai deuh kherin, kut bengfai leh chuan a ṭhu thla chu inchhung a lutin ka en kar a, ka nu mizia hi chu a dang ve a nia


"Lucy-i maw i nih?" Lucy-in min rawn melh zauh, "ka fapa laktlak loh lutuk kha melh duh suh, ka sawitur peh hel kual ka tum lo va, ṭha takin ngaithla angche, i naupai kha minpe angche," Lucy-i chu meng kawkin,"Engmaw?" A mitmu a pawt chhuak lo chauh


Kei erawh ngawi rengin ka nu bulah chuan ka ṭhu thla a


"Ka sawi awmzia chu i fa kha, ka mo, ka fapa nupui in a enkawl ang," Chiang fek fawka ka nu in a tih leh chuan Lucy-i chu thinrim hmai sen ṭawn ṭawn in, "a teuh lo lutuk, ka fa a ni a, ka ta a ni bawk," Seh chil rap rap a ti chhuakin, "U Zo, eng nge thil awmzia hi, kan pahnih fa a ni a, engvang tehlul in nge i nupui chuan a enkawl ang ni?" Ka hma ah a rawn ding zui nghal tau bawk


Thaw haka melh chho in, "ṭhu teh, ṭhu teh, ṭawng lawng lawng zel suh, ṭhenawm khawveng ten an hria ang," Tih leh a bân ah ka pawt a, ka nupui ang lo takin, in hauh hlek leh ṭhenawm zawng zawng hian hria se a ti emaw ni tih tur khawp hian a rak ring a


"Rak rawh, au rawh, ka mo lân a, nupui a neih te ilo in beisei a nge, a teuh lo lutuk, i pum chhung a mi bak kha duh kan nei lo, mo pakhat ka nei, chu chu Lalmuanpuii a ni, a chiang em? Kan kuta minpe dawnlo a nih chuan ti tla angche, kan chhungkaw mualpho na tur pakhat mah hnutchhiah ka duh lo," Ka nu in a ṭhutna aṭanga ding hluai a tih fak fak chuan Lucy-i chu ka en ran bawk a


Hmeichhe pahnih in melh rawm rawm melh chho chuan ka lu tuai puatin, "ṭhu teh u, ṭhu chungin in be rawh u," Tih leh ka nu bân a pawtin, ka pawt ṭhu leh a


"Ramengmawi engthu maw i sawi kha?" Kawngkhar lam kan hawi zui dawrh hlawm, ka Pa hmai ling hlar mai rawn pen lut chhat chhat chu ka nu chuan phawk lutuk in a en a, keipawh ka bang chuang lo



Kan bula a rawn thlen hma in stool, thing hmang a siam chu la kângin, "ui pawh i tluk lo," Ti leh hrawk a, min rawn hêm thluk mai tum a min tin zui uaih chu, ka Nu ka hma ah a rawn ding vat



"Vuak hlum i tum em ni?" Ka Nu chu a au tuar a, "min vuakhlum hmasak a ngai" tih melhin a melh zui khai bawk



Min vaw mahse pawi ka ti viau hran lo, ka phu ve hrim hrim ah ka ngai hmiah, ka tawlhsawn emaw chhan let ka tum lo hrim hrim



"Ramengmawi, Ramengmawi..." Ka Pa chuan khur leh dur dur a tih leh stool paih ri bur in, "Pathian pawh khi inzah lawm ni?" A thinrim lutuk chu a aw leh kut thlengin a khur thei



"Mampuii ṭhen angche, chuan i fa paitu hi nei angche."



"U Zai.". "Teuhlo lutuk," Ka nu nen chuan kan ti rual ṭhat


Teuhlo rapthlak lutuk mah mah, thi dâwn pawh ni ila ka nupui hi ka ṭhen hauh lo ang, hmeichhe dang nupui a neih phei chu a teuh lo lutuk mah mah



"A ṭhen thei lo, engtin nge Lalhmingsanga te unau awmse i tih? A theihloh, a theihloh a ni bur mai, ka remti lo bur," Ka nu chuan a lu a thing nawk nawk a



"Mihring rilru pawh hi in pu lo, Zonunmawi i thiltih sual ah mawhphurhna la ngam angche," Tih leh Lucy-i en in ṭawng a tum zuau a, chip leh chuan, "engtin nge khawlai ah kan men ngam tawh ang," Ka pa chuan ti deuh vawng vawngin a lu a thing zui mat mat bawk a



"Chuvang chuan alawm, naute hi kan enkawl a ngaih ni, a pasal unau te fa mah a enkawl theih chuan engvang in nge a pasal fa chu a enkawl theihloh tehlul ang ni? Bakah, a hre dawn pawh ni hleilo, in kâ kha chip ula a ni mai," Ka nu in a tih zawh rualin, "RAMENGMAWI," ka pa in a ti ṭhawt a



"ZAISIAMTHANG," Ka nu in ti let ve tuar chuan, "i tû tur a nih hi kan sawi, midang fa ni lo vin, i fapa fa tur," A ti zui leh tuar bawk


"Ka thei lo, ka fa lo piang tur hi midang kutah ka pe thei lo, khawngaih in U Zo eng emaw tal sawi rawh, kan pahnih fa a nih hi," Lucy-i chu mittui nen a rawn ṭawng chhuak a


"In hmu em, in hmu em?" Ka pa chuan kut ṭang sai hlarh hlarh in a kawk hlarh hlarh bawk


"I duhlo a nih leh ti tla angche, engtik ah mah i fa leh nang hi ka pawm ngai dawn lo che u, ka fapa hi nupui neilai a ni tih i hre chung pawhin i mutpui thei a nia, mipa dang tamtak pawh i khum ah sawn i hnuk kai lovang tih tunge sawi thei, i pum chhunga naute pawh kha a pian hma leh DNA test kan tih fel hma chu Zonunmawia fa a ni tih kan chiang chuang lo," Ka pa leh Lucy-i en tawn chung a ti fawk fawk in, "engtik ah mah ka mo leh ka fapa hi ka inṭhen tir dawn lo," A tih zawm leh fak a


"Khawngaih in, Nu....." Ka nu chuan kut a vai khum zauh, "Ka Pi minti rawh, kan inhnaih emaw iti ange, theihnghilh suh ka fapa nupui chu Lalmuanpuii a ni, i pailai chawp khan kan ta a ni," Lo ti leh ngat chuan ka pa chu en in, "
"U Zai, Mampuii hi chhuak se he hmeichhia hi i mo atan i la lut thei dawn em ni? Ṭhenawm khawveng ten an sawidan tur i hria em?" A lu thing zui nawk nawkin, "ka thlen tir thei lo, naute hi a piang a nih chuan Zoa leh Mampuii fa tur a ni, Mampuii enkawl na hnuai ah seilian ngeise ka duh. Hetiang hmeichhe lepchiah lutuk, pawmlai nei pawh mutpui duh, mahni taksa hmanga sum la lut duh lakah hian ka pian tir thei lo," Ten tih hriat takin hmel ti danglam kual chuan, a ner zui nawng nawng bawk a


Ka nu en chuan ka lo thaw hak, a hmelma ka ni lo leh a fapa ka ni hi a lawmawm takzet a ni, kei patling pawhin a hmel leh ṭawngkam hi ngaihthlak hreawm ka ti, ka nu phei chu ni lo se kutthlak mai ka duh hial ang tih tur khawpin a ngeiawm ṭhin


Ka pa sawi tur hre lo lutuk leh thinrim bawk si chu a mit ah pawh ka en ngam lo



"Lucy, ka sawi tawh angin i tan emaw tutan pawh a ṭha lam zawnga kan thlir angai," Ka tiam angche, naute hi ka nupui nen kan enkawl i remti a nih chuan i mamawh zawng zawng ka pe angche," Dam dap leh ka thusawi leh kan dinhmun chu hrethiam ngei se tihna nen ka ti chhuak hap a


Mittui nen a min en ram ram in, "ka duh chu i hria alawm, ka fa leh nang, kan pathum a chhungkua nih ka duh," Ka chhip sam ka tuai puat, hmeichhia te hi engvang a thunun harsat em em leh thu hrilhfiah harsa em em nge maw an nih phiangsen ni???



"Ka nupui ka ṭhen ngai dawn lo ka tih kha, i hrethiam lo em ni?" Ka sawi zawh rualin ka beng a kiu nghal vawng vawng a, ka thle sawk, ka nu a lo ṭê tuar bawk a



ka pa in kut khur dar dar a min kawkin, "i nupui kha chhuanlam ah hmang tawh suh, kan thlah ah nangang a laktlak loh hi an la awm lo reng reng, uire phei chu, teuh lo lutuk, keimah ngei hian ka inṭhen tir angche u, chu chu thu tawp a ni," Ti ram hmakin," Ka nu rawn ṭawng tum a ang zuai chu kawk va in, "i hruai sual a nih hi Ramengmawi, i ká kha chip la, min rawn zui haw rawh," Hnial a duhloh zia lan tirin inher vut chuan a pen sawn nghal a



"Engvang phiangsen in nge ka fapa chuan a nupui a ṭhen ang ni, naupai tu pawh ni hlei lo, he hmeichhia hi awm lo se a uire dawn lo, U Zai..." Ka nu in a hnunglam ah a au zui tuar tuar chu khap daih ka tum takna in ka pa hnunga zui hlawk hlawkin a ang phei hlawk hlawk tho



Thaw hak a, beidawng zet leh rilru hah zeta Lucy-i en in, ka hmai ka tuai puat a, "U Zo, khawngaihin..." Ka kut a rawn vawn chu lo dah sawn sakin, "ka thurawn ang i pawmlo a nih chuan kan inkar a tawp ah ngai rawh, nang leh i fa hi ka mamawh ber in ni lo tih i hriat kha," Tih leh kawngkhar lam ka pan zui pawk pawk bawk

Ka thiltih hi a dik ber hauh lo. Mahse, kan nupa inkar a khik ai chuan fa nei lo va awm ka pawi ti hauh lo


<>~>~>~>~£~>



MAMPUII....POV


"Pa (min hringtu) ka ṭawng i hre thei em? Eng nge i hritlang te chu i an deuh tawh a?" Phone hmang pah chuan ka kut leh lamin vawkchaw ṭîn ka khai bawk a


"Ka zia tawh lutuk e, thlathar lam chu i nau te nupa (cousin) pawh rawn Bazaar an tum kha maw," A rawn ti leh chuar chuar a, ka pa hi kum 68 a ni ve tawh, U Zoa Pa ai chuan a naupang deuh; Mahse, ti chung hian ram hna te hi ala thawk ve ṭauh ṭauh zel, chakvak em em tawh lo mahse, in a awm a, tû te lo enkawl mai mai hi a thiam hian a thiam thlawt lo, thingtlang Pa tihtak ah


"Lo lêng rawh," Midang a biak ri ka hriat takah chuan ka vawkchaw khai chau vel nen, "Pa zan lamah kan inbe leh dawn che nia, in lêng te i nei bawk si," Ka ti vat a, "a pawi hleinem, takan a MamBawih, i Ni Hmuaki damdawi sawi hi ei ve chhin teh, tunlai chu an uar riau a nia, naupai thei lo tan a ṭha e antia, nakin ah a hming ka lo zawt leh ange, ka dah dâwn a nia," Tih leh chhan pawh ka chhan hma in a off zui zat a, ka nui ringawt



Ka pa leh ka chhungte ho zawng zawng pawh hian ka fa nei thei lo hi min mangan puiin, a ṭha ni a an hriat chu min hrilh ve reng ṭhin, heng vang te hi a niang mahni in khawngaih na ka neih leh ṭhin ni


"Ka lo khai chhawk dawn che em ni?" Ka sira rawn ding chiah chu ka en chho vat a

Nui suka ka vawkchaw khai lai, rit ve tak mai chu rawn chelh nghalin, "a ngai..." Min phih sak a ni mah zawk


"Kan haw kawng a in ang tho a lawm," Tih leh pensawn a rual nghal a, rit ti hmel chu sawi loh, a pen ngaia pen pawk pawk chuan a hnungah ka pen ve hlawk hlawk a


A penkhat a zau rapthlak si, in fit loh lutuk vang nge, vawkchaw ṭîn ka khai lai aiin ka hah zawkin nia ka hriat ni


"Hmmm, helai thleng hi ni rawh se, inpa in min hmuh chuan a bauh leh palh ang," A mit hmul a kân zauh a, a ngeiawm ve e...! Bauh tih kher


"Kan tihpalh tak tak a ni, khatiang kha a ni ngai miah lo...."



"Ka hria, i sawi tawh," Lo ti bul hluk chuan a rawn kûn hniam a, hnai fahran a min rawn en in, mit a ti zîm sân bawk, "chaw ei tui le Muanpui," A kut ṭanga ka chal tawk zeuha tih leh vei kiai suka ding ngil in a pensawn nghal a


"Ryan.." Kekawr ipte zen chunga ka lam rawn hawiin, "in in chhung thleng ka dahsak che i beisei lo ang tiraw?" A vei kiai leh suk


Vawkchaw ṭîn khaia pan hnai chuan, "min U thei angem?" Ka hming a min koh chu pawi tihna nei lo mah ila, a ai ka upat mai bakah, midang mitmei ven ngaia ka hriat avangin min U ngei se ka duh bawk


Ka ngaihbel nge ka hre hauh lo; Mahse, nichin maia a mitmeng nelawm tak leh nui hmel kha chawpchilhin a bo a, a sa huat lai ka khawih fuh ta emaw tih mai tur leh ṭo ruah haw tur ang maiin a hmel chu a dur nghal khup khup bawk


A hmel landan chuan min râp lek lek zawk, a mit khur thuk lam lek lek leh khabe ruh kual lawk tak mai dur khup a, khabe ruh ati che ralh ralh hmuh phei chuan "ka lo sawi palh a aw..!" Tih ruk vawng vawngna tham a ni


A thaw ri hraih a, rapawm lutuk a rawn kiai sawkin, "ka U leh U loh che chu ka thu a ni, a chiang em?" Zawi si, mar si a ti nghutin a in her leh vut a, an in lam pana a pen pawk pawk chu mit khap fak fak in ka en haw ringawt




Min U tura tih ringawt pawh chu a laknat em em ngawt le? A ai ka upa a, min U chu a tih tur ve rêng a ni lawm ni? Mize mak tak a nei a ni, Mizo rilru a put loh vang a nge???



"Anu, apu in lo chho lawk rawh a ti," thlanglam varanda aṭanga Ivan-an min rawn auh lang lang chuan dak chho in, "aw ka rawn chho ang," Tih leh Ryan-a an ina a lut chu ka melh leh zauh a, ka chho zui ve nghal zat


Inchhung a vawkchaw hung lut tawp chuan, inchung lamah ka tlân chho nghal a



Ka Nu leh Pa mai bakah, U Zoa lo ṭhu ve run ka hmuh chuan nimin lama thilthleng kha a sawi dawn ni hmiang ka ti rilru deuh


"Lo ṭhu rawh Mampui," Ka pa in mi lo huina lam chu ka pan vat a, kanpa bula ṭhu thla chuan ka mitmei in, "eng nge?" Ka ti chu ka nu lam ala melh ang daih zui a


Ka Pa chu a thaw leh hak ṭhin, a chang leh mitmeng mak tak, ka la hmuh ngailoh mitmeng a min rawn en leh vung vung ṭhin chu ka awm a ti nuam lo zo, engthil nge thleng tih zawh mai ka nap rum rum tawh


5mins dawn lai ngawi renga kan ṭhut hnu ah, ṭawng tuma ka Pa a ang zuai chu U Zoa phone a rawn ri ral ral a, "ka U a nih hi," A tih sup chuan ka en deuh hâ


A U hmeichhia, an hmeichhe neih chhun ramdanga awm hian a hranpa takin min call ngai lo a, min be ngai hek lo, U Zoa tak ngial pawh hi pawimawh fê lo ah chuan a be lo tih ka hria, eng chungchang nge ni ta ni, ka Pa thlenga ti zâm tu chu, tunah U Siami a ni leh bawk a



"Zoa Doctor Ruth-i ka biak fel tawh kha aw," U Zoa'n a pickup rualin a rawn ti nghal tawng a

"Kan nu a awm ve hi," A tih sup chuan min rawn melh zawk, U Siami hmel chu a danglam nghal, mak erawh ka ti hran law


Kan inneih tirh aṭanga tun thlengin U Siami min endan leh biakdan hi ala ngai reng, mi hausa fanu nihloh sa nen, thingtlang mi ka lo ni bawk, rai thei bawk si lo nen hian biak pawh hi minbe peih vak lo tih ka hria, ka Nu erawh a danglam viau tawh thung, chutih rualin U zoa nen a kan inkar ah erawh a in rawlh tam hret ka ti ṭhin


"Mampui doctor ka biak sak tawh che u a, karleh ah va in checkup kha a ni mai, naupai sak tu tur che u lah ka hmel hriat sa a nia," U Zoa a melh zauh, "naupai thei tur awmlai hian tih vat kha a pawina a awm lo, inpa nen anva mu dun dawn tihna pawh a ni lo va, i tan pawh thik tur an awm lo, i chi (egg) leh inpa chi (sperm) dahluh kha a ni mai, harsa leh rilru buaina tur a awm lo," Engmah pawh ka sawi ve hma in a rawn sawi khalh nghal vek a, a aw ki lah U Zoa a biak lai aiin a dang daih zawk, za lo zetin ka nui seih ringawt a



Nizan zankhua leh vawiin nilengin ka ngaihtuah tawh, ka ṭhiante, Rinpuii leh Hruaii pawh ka râwn ve nel nual ; Mahse, kan fa tur midang han pai tir ngawt pawh chu thil dik ber niin ka hre thei lo a ni, lo en ringawt tan chuan a pawina a awm hauh lo anga. Mahse, tawng tu nih chuan thuthlukna awl ai tak erawh a ni lo a lawm


"Zoa i phone kha dah rawh," Ka pa in a lo tih hluk takah chuan U Siami pawh be ve lem lo vin a off tir a


"Fa inneih theihna tur a nia, in fa a nihloh na tur lah a awm hek lo, eng nge maw ngaihtuah vak ngai le," Ka Nu in a rawn tih zawm zat, a ṭawngkam ah chuan min demna bawk a lang chhuak


"Êngi lo ngawi rawh," Ka pa bawkin a lo khak a


Min rawn en deuh vang vangin, "Mampui," Ka en hâ


"Fa neih chu i duh em?" Ka Pa-in mûk zeta min rawn zawh chuan chhân mai dan tur ka hre law


Ka Nu leh U Zoa ka melh a, keimah aiin ka pa zawhna chu mak antih hmel zawk


"Ka... Ka hre lo, ka duh alawm; Mahse...."


"Bawihi..." U Zoa mitmeng ngên ngawl lutuk chu ka khawngaih, ka ngawi deuh vang vang a

"I duhlo a nih chuan....." Ka Pa in a rawn tih laiin, "tichhin ila a nih chuan," Ka lo ti sap a


Engvang in nge kan try ve mailoh ang ni? Ka pasal leh ka chhungte, keimah avanga rilru hah em em te fa ka pek theina a nih chuan tihchhin chu a pawina ka hre hauh lo, IVF vawitam ka in thuna, ka hlawh chham ṭhak ṭhak a, mi chhul hawhin kan nei thei maithei a sin, Hruaii sawi ang khan, "ka fa a ni" tih tur diktak ka neih phahna tur a ni mial mahna



U Zoa leh ka Nu lawm lutuk chu an ṭap lo chauhin ka hria, U Zoa'n min rawn kuah nawk nawk a, ka bianga fawp mawlh mawlh chuan, "ka lawm e, ka lawm e Bawihi, ka hmangaih che," A lawm zia chu sawi lo mahse a mitmeng de sawr sawr ah hian a lang chhuak vek


Ka nu ka melh a, a lo nui ve ver ver tho, a mittui te a tla ve in nia ka hriat roh ni


Ka pa ka melh leh, ka Pa erawh ka hrethiam lo, hlim hmel pakhat mah a hmelah chuan ka hmu lo, emaw keimah ang tho in, keimah ah naupai thilmak thlen beiseina ala nei a ni mahna!!



"Mampui..." Kan chhuah dawn chuan ka Pa bawkin min ko leh, a hmel chu ka sawi thiam dan ber chuan thinrimna leh lungngaih na a in pawlh ni ber in ka hria


"A ngai lo ve, chhuk tawh rawh u," Tih leh a kut a kal tur a minti in room a pan zui zat chu ngaihṭha vaklo a en zui deuh vang vangin, "ngaihtuah suh, a tû nei tur awm ngaihna hre lo a nih kha, naktukah nula, naupai tur chu ka rawn hruai dawn nia," Ka nu in nui leh hmel hlim sarha a rawn tih takah chuan ka bu nghat a


Tunah tak saw chuan a kâ ah kuttum pawh rawlh ila min seh teuh lo ang, chutiang vel chu a ni


"Ahhh.... Kan fa neih tur kan läwm dawn em niang?" Khuma rawn bawk thlawrha min rawn kuah nghal chuk chuk paha a tih chuan, melh zauhin, "ka dul hi ala nâ a nia," Tih leh mu ṭha ve sat sat in, "Duhtak.."



"Hmmm," Ka nghawng a rawn fawp thuak thuak


A bân bula lo beng taihin, "zanin chuan ka la thei lo," Ti hlakin, "i U in naupai tur nula a tih chu i hmu tawh em?" Ti zatin ka melh zauh a


Muangchanga inla hrangin, chunglam melh deuh vang vang chuan, "hmu nang, ka Nu leh ka U in an hria a, ka ring mai," ti ban charh chuan, "chutiang ngaihtuah tawh suh, Ka Nu in ṭha a tihpui chuan a ṭha ang, ka Nu khirh zia i hriat kha," Tih leh min rawn kuah lehnghal sat sat a


A sawi dik viau mai, ka Nu in a tu pai tur atan a duh chuan, ka Nu zawhna te a paltlang thei tihna a ni mai a



Ka hmaa nula hmelṭha ving veng mai, sam buang nalh tak mai ṭhu chu ka en kar a, ani erawhin kan inchhung chu hmuhnawm tih hmel zetin a en kual haw haw thung

Ka nu in zawhna a zawt nual tawh a, a hmel leh nungchang ah ka rilru ka lo seng lutuk a, a hming kha ka theihnghilh leh hman




U Zoa melh zauh chuan, "eng nge ang itih?" Ka phun sap


Nula lah chu a nuisäng bawk a, "ka hre lo," Ka beng bulah a rawn phun sar sar chu nui chhuakin, ka nghawk zauh a


"Tunge i hming kha'h?"


"Lucy Lalhriatpuii," U Zoa chu a en a, "naute Pa tur chu a chhiatloh hi," A nui seih, U Zoa ka en chuan rum lutuk in Lucy-i chu a melh hrawk a, nui chhuak ar ar chuan, "hrethiam rawh, hmeichhe dangin khatiang a an fiam kha a ngaina vak lo a," Fiamthu deuha tih leh kanpa kut chu ka chelh a



A lo kiai ve suk tho, "paper kha sign ula, Lucy-i pawh hna ah a let angai a, thildang chu inla sawi ho dawn nia," Ka nu in alo tih vat chuan paper a rawn phawrh chhuah chu ka en vat a, dan ang thlap a surrogate tih phalna a ni, lawyer leh doctor hriatpui thlap lehnghal, engtik laiin nge heng zawng zawng hi a lo buaipui ni?


"Sign la," Thildang ka lo ngaihtuah avangin ka harh deuh zawk, "aw.. Ah..." Tih leh pen chu la kângin, ka sign nghal a


"Nau ilo pai thei a nih chuan kan bulah i rawn in sawn lut thei ang tiraw?" Din chhuah ruala ka tih chuan, "Bawihi."


"A theihloh," Ka nu leh U Zoa en haw in, "kan fa tur a pai dawn a, enkawl chu kan tih tur alawm Duhtak," A thaw chhuak hak, ka dar tawn tawn a rawn chelhin, "i tih a ṭul lo, bakah ka Nu a awm, a chingfel thei, i hrisel si lo va, engtin nge raipuar ka enkawl tir theih angche, teuhlo lutuk," A tawp lam chu a chang hret, hmeichhe dang hmaa min ngaihtuah na a tihlan chuan minti hlim ringawt lehnghal


"Ni e, nau a pai hunah chu chu kan ngaihtuah ho dawn nia, kan bulah pawh a awm thei alawm," Ka nu in a rawn tih takah chuan, "ni e, inchung, inhnuai mai in nia, inkhat ang tho alawm in nih, ni lawm ni?" Lucy-i zawkin a rawn tih ve takah chuan ka bu nghat a



A dik ve tho mai, ka nu te in leh kan in chu a in zawm reng a lawm le....

<><>~>~>~>
Story a thlawna chhiar tur kan ziahsak thin che u avangin story chhiar manah Ads khu i lo click ve thin dawn nia, i tan hekna a awm lo a, a ziaktu tan erawh ziah hah man top up hlawhna a lo ni ve a, i lo click ve ziah tawh dawn nia

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 16th, 2021, 4:20 pm

PRESENT PERFECT
By
Floria Laldansangi



Chapter < 6 >


MAMPUII...POV


"Damdawiin chu in kal dawn em ni?" Ka Pa, kawt laia thingpui no dawm paha lo ding in a tih chuan bu nghatin, "kan han râwn hmasa phawt angchu, eng nge nge tih ṭul te han hre chiang ila," Ka tih zawh rualin, "kal ila," Ka melh chho zauh a


U Zoa rawn ding ve chu, ka Pa in melh run chunga rûm khum nghutin a pensawn san vat chu hrethiam lo zeta U Zoa en in, "tunlai hi ka Pa hi i chungah lungawi lohna a nei a ni lo maw? Biak tum teh," Ka kawngah chelhin car lam min pan pui pah a


Kawngkhar hawng pah chuan, "naute hmel a hmu a anga, a reh ve mai ang," Ti awlsam et chuan a nui zui suk a, ka lu thin khum mat mat a ṭhu lutin, ka nui ringawt bawk



Surrogate ka rem tih aṭangin U Zoa leh ka Nu hmel chu awihawmloh khawpin a hlim, U Zoa lah a hma ai nasa in min ngaihtuah emaw tih mai tur a ni bawk a


"Lo va lut rawh, ka rawn zui angche," A phone rawn ri chu melh zauh a a tih chuan ka bu ve nghat a


Rei lo ah min rawn zui lut ve vat tho, appointment nei kan nih avangin rei pawh nghah a ngai lem lo


Kan thisen leh eng eng emaw kan check a, kan tih hnu ah, "Engmah harsat na a awm lo, nimin ah Lucy-i pawh i Nu in a rawn hruai tawh a, a hriselna a ṭha a, in tihtur zawng chu, nupa nun in hman hunah hetah hian in chi indah dawn nia," Tih leh bur tereuh te te pahnih chu minpe a


U Zoa'n rang zeta ban pahin, "zanin ah kan dah thei nghal ang," A nui zui huk chu, a mal ah ka beng zui taih, ka lo sa hat hat thei


"A nih chuan naktuk lamah in nupa leh Lucy-i te nen in rawn kal ho dawn nia," Ka bu nghat a, U Zoa lah chu a phur narawh


Keipawh läwm viau mah ila, ka chhungril ah hian eng emaw tak hian min kam riau in ka hria, engchiah nge anih hre lo mah ila, ka thinlung zawng zawngin he surrogate hi ka pawm lo emaw keimah ah beisei ka la nei a ni mahna


"Fa neih ilo chak viau tih ka hre lo va," U Zoa hlim lutuk nui ṭhû reng chu en in ka ti sap


"Huh..." Min rawn en zawk, a car khalh lai bawk a rilru pe lehin, nui suk chuan, "i phur ve lo em ni?" A la nui reng


Nui lui sen sen in, "ka hre lo," Ka phun sap, a hre pha em phei chu ka hre law


Ka ṭhu ṭha a, seat ngheng datin tukverh lama thle bak chuan, "i hlim chuan a lawmawm a ni mai," Ka ti zui leh sap bawk. Ni e, ka pasal in a awh em em chu pai thei lo mah ila, midang chhûl hmanga fa neih chu a pawi hleinem, ka rilru in ka inhnem chawp mawlh mawlh bawk a



Engin nge ka rilru kap ka hre lo, engmah tak tak ngaihtuah si lo chuan zan reng reng ka mu thei lo va, ka sira ka pasal thlamuang leh hahdam zeta thaw ri sûk sûk chu en in ka ṭhu chhuak hlawl


Thaw haka sana en in, "dar 2 a ri mai dawn," Ka phun zui sap bawk a


Zan dang ang bawkin U Zoa phone a rawn ri leh ral ral, U Hruaia bawk a ni, ka sawi tawh in ka hria, U Hruaia nen an inbiak tam zia chu


Phone chu dimtê a la kangin, ka pasal muhil kaih thawh mai ka tum zeta, engin nge min mawlh ni, kai tho ta mai lo chuan phone chu pickup in, "Hello, U Hruai," A harh hlau zet chuan ka ti sa sa a


A hma ang bawkin a reh leh vung vung tawh, a ngaihna hre lo zeta phone en in, "U Hruai," Ka ti leh sap a, line a cut ta daih chu phone en deuh hâ in, "a va mak ve maw le," Ti deuh niah niah chuan ka dah ve leh mai a


Mahse, rei lo ah message a rawn luh leh takah chuan la kâng lehin ka en a, "in nu a la mu na nge? In khata kan chen dun hun tur ka ngaihtuah a," Tih vel a rawn lut zut chu meng kawk a en in, a phone locked hawn mai ka tuma ka hawng thei ta dêrlo, a hma kha chuan kan nupa pian kum kha a hmang reng si a


"U Zo...." Ka sawi dat hman, message bawk a rawn lut leh takah chuan, phone screen en lehin, "kan pahnih fa chu engtiang a nasa a enkawl nge ka chak i hria em? Mahse, mintiam tawh a, ka naupai hi i nupui ka pe a nih chuan.....," Message chu ka chhiar sual emaw ka ti hial, a vaia view ka duh, mahse ka hawng thei tlat lo, tu message nge a nih a, tunge "Hruaia" a tih chu nita ang?


Ka lungphu rawn rangin a rawn ri dup dup a, ka bula mu, min rawn nek ṭalh ṭalh a, min rawn dap rak rak tu chu en in, "a ni lo ang, a ni lo," Ka phun chhuak sep sep bawk, engtin ngw ka pasal hian hmeichhe dang a neih theih ang ni


"Message an thawn sual a nih dawn hi," phone chu hmet eng in ka en leh ṭhin, "Hruaia" tih aṭang rawn lut, ṭawngkam chuan min ṭhawng lutuk mah mah, eng nge tiha tihloh tur ka hrethiamlo, nichin lawka nupa nun, hmangaihna âm taka ka chenpui ka pasal muhil hmelṭha tak mai chu ka en leh ṭhin, phone hum ngawt ngawt chuan, "a ni lo ang," Ka phun chhuak leh sep, a chhan chu ka pasal hi min phatsan tur atan ka phal lo pawh a ni lo, ka ring phal lo hrim hrim


Khum aṭanga dimtê a tho in, ka pasal ka rin em em mai, vawikhat pawh ka rinhlelh phal loh leh rinhlelh ngailoh phone chu humin ṭhut khawmna lam ka pan den den a


Locked hawn tum chuan ka risk viau tak nâ in a fuh thei dêrlo

Beidawng zet chuan ka dah thla hnak a, "kan pahnih fa" a tih chu ka mitthla ah a rawn lang zat


"Lucy," Za lo zetin ka nui a, "eng nge maw ka ngaihtuah le, Lucy-i nise kan in ah, ka hma ah a rawn hruai lut ngam tawp lo," Ka ngaihtuah na chu atthlak ti zetin ka nui a; Mahse, ka nuih erawh a za viau lo thung


Zankhua a sofa a ṭhu in ka ngaihtuah a, U Zoa zing rawn tho chhuak chu ka lo ken kar, ka sawi chhuak anga, ka zawt ang nge zawt lo ang tih zankhua a ka ngaihtuah pawhin thuthlukna ka la siam thei lo


"I va tho hma ve, i mu thei nange?" A nui vur vur, ka kâ ka âng zuai; Mahse, ka chip leh ta zawk a, message ringawt kha fiahna ah lo ngaihsak pawh ni ila, kuta man ka nei lo va, thawnsual pawh a ni maithei a sin. Keimah leh keimah inhnem chawp chuan thaw ka'n la vang vang a



"I dam lo em ni?" Ka bula rawn ṭhu thla paha tih leh ka chal rawn khawih a tum chu lo beng sawn vatin, "ka ṭha, in tifai rawh, tûk ṭhuan ka'n siam ange." Tih leh thawh ka rual nghal a


U Zoa makti hmel pawh chu ka mit sirin ka hmu reng. Mahse, ka rilru buai leh fiahna neilo, fiah ngam si lo a ka awm chu inthin harh hmasak zet ka ngai tih ka hria


Room a lutin ka inthlak sawk sawk a, choka lam pan tum a ka chhuak chu thlanglam varanda ah U Zoa ṭawng ri bul bul ka hriat in ka ding dat, muangchang a pan hnai den den in, ka thil duh ngailoh leh huat em em mai, mi thusawi a ruk a lo ngaihthlak chu, ngawi renga a hnung a dingin ka ngaithla a



"Lucy-i vawi engzah nge ka sawi dawn, he phone ah hian rawn call tawh suh tih, i message zozai te kha hmuse engtia tih nge i tum?" U Zoa'n a tih hrawk chuan ka tliak hnawkin ka hria



Ka lungphu zawn hi chemte hriam lutuk a chhun sawk ang maiin, a na thîp sawk a, min ṭhawng lutuk chu chet nachang pawh ka hre lo, ka kawchhung aṭangin ka khur chhuak nghal dar dar a

"Ka nupui....." Ka lam a rawn hawi, khur zawih zawiha ka ding a hmuh ruala meng kawkin, "Bawihi," Rang lutuk in a phone chu a ipte ah a dah lut nghal a


"Bawihi.. Bawihi ka thusawi ngaithla rawh, ka sawifiah thei," Min rawn pan hnai ngjal ruak ruak chu tlanchhiat vawn vawn mai ka duh, emaw ka dinna hmun hi chim se la, pil vang vang mai ka duh; Mahse....


Mahse, ka ke chuan zung a kaih ta emaw tih tur maiin ka che sawn thei lo va, ka mittui lah chu hai chhuak tu leh nawr lui tu an awm emaw tih mai turin a rawn luang zawih zawih bawk


Mahse, ka lei emaw ka hmûi emaw ti che tur erawhin ka tha ka hmang thei leh ang lawi si lo va


"Bawihi, min en rawh, ka mit ah min en rawh," Ka dar tawn tawn ah min rawn chelh a, ka biang tawn tawn a dawm leh chuan, "ka sawifiah thei, Bawihte..." A ti zui mawlh mawlh chu mittui nen ka en ngawt ngawt

A mitmeng buai lutuk leh in sawifiah tumna, a thusawi ngaithla se min tihna chu, ka mittui kar aṭangin fiahlo ruai in ka hmu thei


Ka lu ûm-ah, "Hruaia chu Lucy-i, Lucy-in kan fa tur ni lo, ka pasal fa a pai mêk a ni," a rawn lut zut zut a, a khawk rum rum bawk


"Lucy-i a rai, i fa a pai a ni," Ka phun chhuak nawk nawk, ka riat nawk nawk a ni mah zawk. Ka â vek a niber, engkim mai chu sawi emaw hrilhfiah ka ngai tawh lo, ka bengah hian ring tak a, a au a min au khum tu awm ang mai a ringin a ri a


Ka pasal, kum 10 teh meuh ka chenpui, ka mipa hmangaih, vawikhat sawiloh engtiklai maha ka rinhlelh phal loh leh, rinhlelh tinah pawh ka tinloh ngei maiin ka hnunglamah, hmanraw tel miah si lo vin min vit a, meng reng chunga bum ka ni tih chu a mita in thiamloh na leh khawngaih min ngênna chuan a ti lang chiang em em mai bawk si


Mit khap kar lekin ka khawvel chu a chima, 'dam chhung in' tia ka thutiam pui ngei mai khan ka hma ah ngei, kei lo hmeichhe dang a nei a ni tih ka hriatna chuan ka thinlung hi hmunsang tamtak ah a chan sawm a mek a ni


"Bawihi ka sawifiah ang, min ngaithla rawh, ka tihpalh a ni, min ring rawh, ka sawifiah ang," Mittui tla zawih zawih in ka pasal insawifiah tum chu ka en a


Ka lu thing nawk nawkin, "uire-na hi tihpalh thil a ni lo U Zo, duh thlan na a ni," Ti chhuak ṭuak chuan, "uire-na hian sawifiah na leh chhuanlam a mamawh lo a sin," Ka ṭap chhuak hawk, ka âwm zawn na lutuk leh min vit ngut ngut chuan min hmet hlum mai dâwn in ka hria


Tu emaw, tu emaw he hmun aṭanga min hruai chhuak tu tur hi ka mamawh, tu emaw he mangchhia ata min kai tho tu tur hi ka duh a, ka mamawh takzet a ni


"Lalpa dawt a ni tih min hrilh la, ka pasal bân khamin ka mu a, ka manglam mai a ni tih min hrilh teh," Ka rilru in Pathian ka au rawih rawih a; Mahse, ka hma a ding ka mipa hmangaih, ka pasal, ka vanglai hun zawng zawng ka hlan na mit ngei ah chuan dawt a nih loh zia leh mangchhia mai a nihloh zia chu chiang takin a lang bawk si


"Engthil nge ni a?" Ka nu rawn lutin mak ti zeta kan nupa in hma chhawn min en chuan a thaw hak a, a fapa hmel a en in engkim a hria in, a hrethiam nghal tih lah ka hai lo nasa


Ka pasal chauh ni lo, ka Nu, ka pianna Nu tluka ka ngaih te thleng chuan min bum a ni tih hriat chhuah chu maw...! Ná tih leh keh chhia tih hian a vahan sawifiah lo tehlul êm...!


"I hria a ni tiraw? I hresa a ni tiraw Nu," A fapa uire thupbo puiin, a uire na fa chu kei hi enkawl tir min tum a nih chu...! Mihring hmai an zahlo a nih pawhin Pathian khi an hlau lo em ni??


"Duhthlan tur i nei chuang em ni Mampui? Zoa uire hi ka ṭan reng reng lo a nia. Mahse, Lucy-i a rai tawh tawha, i pasal fa a ni a, nangin kum 10 chhung fa pakhat pawh i pek theihloh laiin, i hrin ngailo leh na tawrh ngailo a a naupai lai a pek phal a hnu che engdang nge ila beisei ni? Naute a ni lawm ni induh?" Ka nu thusawi chu ka hresual emaw ka ti hial


"Nu..." U Zoa'n a lo ti ṭhak chu melh hrawkin, "ila kawp reng tihna pawh a ni lo va, tunah naute ber an pek phal tawh che u chuan engdang nge inla duh, i pasal unau fa te pawh i enkawl theih laiin i pasal fa, thisen ngei enkawl theih loh chhan tur a awm em ni?" A ti leh fak fak a, mihring, ka hmeichhiat pui thusawi a tan pawh a mawilo leh awihawmloh khawp a nâ a ni


Hmeichhia a ni ve tho a, a fapa uire na fa chu kei hi enkawl turin min duh tihna maw??? Angel emaw thinlung neilo, nâ theilo ka ni bik hleinem, hmeichhe âwm nem, â tak, thinlung zawng zawnga a kawppui ring leh innghat tawp ka nihna chu khawvel a ka thil tihsual lianber a ni tih tunah hian ka hre thiam chauh a ni


Ka hrawk ah boruak in min hnawh a, "Bawihi...." Min rasn dawm leh a tum chu, theih tawp chhuah a lo vai sawn in, "min khawih suh, min khawih miah suh," Ka rak chhuak tuar tuar, ka nu hmel chimawm lutuk mittui nen a melhin, "mihring pawh in ni lo, mihring rilru pawh in pu lo," A tawp lam chu a thâwp ṭhak


Ka thaw lâwp lâwp a, ka mittui lah chu a sur emaw tih tur khawpin a tam lehnghal


"Amah khan awmtir rawh, hun a mamawh a nih kha," Ka nu in a lo ti hlar chu en pawh ka en peih tawhnlo, inchhung aṭang chuan pawnlam ka pan chawn chawn a, kawngkhar thleng tur pawh chuan ka tha zawng zawng ka seng tak meuh meuh a ni


Khawilam nge ka pan dawn ka hre lo a, khawilam ah nge ka kal lah ka hre hek lo, zing dar 8 awrh chauh a nih vangin, zing bazaar kalin min kal pel zut zut tih pawh ka hria; Mahse, ka mittui hi tih tawp duh eng ang mah ila ka thu an awih miau si lo va, ka duhdan in a tawp thei tlat lo


Khawi emaw ah bihruk a, tawmbo a, bo pil vang vang ka duh laiin khawilam nge pan tur pawh hre lo in khawlai ah chuan mittui nen ka vak a, ka khawvel a chim a, engkim mai chu a thim mup mup mai hian ka hria


"I ṭah dawn chuan mî tamloh na hmun te zawn tur alawm," Tu aw nge a nih en kher ka ngai lo, Ryan-a aw ṭêng lek lek, thum lam pangin a rawn tih rualin a jacket ni ngei turin ka lu a rawn khuh thak a


"Tikhan i duh tawkin ṭap rawh, ka tih ṭah che emaw antih loh erawh ka beisei," Tih leh ka darah kuah a rual nghal a, ṭang buai tur ka awm miau loh avang leh rin chhan tur ka neih chu ka taksa in a lo hre nasa mai, a tha ring chuan ka pen ṭawk ṭawk


Mittui chhuak tur pawh ka nei tawh lo, ka chau a, thawk ka harsat a, ka din na chu a vir emaw tih turin ka vir muai muai bawk


"Hey... Hey.... Muanpui..." Ryan aw chu ka hre vuai vuai, ka manglam hriat a ni mah zawk.......



"Mam... Mam i harh em?" Rinpuii aw a ni

"Mampuii," Hruaii pawh, khawiah chiah nge maw ka awm le? Ka taksa a nat êm avang leh ka mit chhah luk avangin ka meng mai thei lo

"A la harh chiang lo a nih hmel, damdawiin ah kan hruai mai dawn em ni?" U Zoa aw thâwp sût mai ka hriat rualin chiang lutuk in ka meng a, vuak harh ang zawk ka ni


"Lalpa leh.! Bawihi minti mangang a lawm," Min rawn ṭhut hnaih nghal ruak ruak chu thawh tuma tlan chhiatsan ka tum chu, ka duhdan in ka taksa ka ti che thei aw zawnglo, ka na chhuak vek, vuak hrep ang mai ka ni


Ka hawi kual a, "khawilai nge?" Rinpuii nui sun sun in, "kan in maw le," Zoa a melh zauh a, "inbe rawh u," Tih leh Hruaii pawt chhuak lui chuan, "zanriah ka siam kep che u a nia," Kawngkhar khar pah chuan a ti zui leh a


"Bawihi," Ka kut a rawn chelh a, mahni in thiamloh na leh khawngaihna mitmeng a min en chu ka en thei lo, ka nâ a zual a, a mit a ka em apiangin ka thinlung hi a vit nawn zel a tin ni


Lo dahsawn saka inbeng kâng chuan, khum aṭanga ka ke hlang thla in, ngawi rengin ka ding a, ka bânreka rawn chelh vatin, "Khawnge kal i tum?" A rawn ding ve nghal zat


"U Zo, sawi tur emaw inbiakna tur kan nei rihlo, ni lo, keimah hian min awmtir teh," Ṭah tawhloh hram hram ka duh; Mahse, ka pasal hmel ka hmuh hian ka nâ a


Ka hmangaih êm avangin, "fa ka pe thei si lo va, a awm ve rêng a ni," Tihsak ngial ka tum a. Mahse maw...! Ka hlawhchham ṭhak a ni, hriatthiam na zawng zawng sàwm khawm pawh a hriatthiam a, a insawifiah na ngaihthlak ngial ka tum pawhin ka hlawhchham tak meuh meuh a ni


A lam hawiin min kuai her a, ka kut chu hum vang vangin, "ka tihpalh tihbak sawi tur ka nei lo. Mahse, Bawihi ka hmangaih che a, chu chu thudik a ni," Ka ṭah chhuah mai loh nan ka hmui ka pet bet ngar ngar


A mitah pawh ka en ngam tawh lo, a chhan chu kei a nupui chauh lo hmeichhe dang pawh chutiang mitmeng chuan a en fo dawn a ni tih ka hriat na chhuan minti nâ a, min hmet hlum tak tak dâwn in ka hria


A thusawi lai mek sawi loh, a mitmeng te, hmel landan te chu rin tur nge a nih a rinloh tur ka hrethiam tawh lo zawk


Engchen hi nge dawt ni a, engchen chiah hi nge thudik tih lah ka thliar hrang thian tawh hek lo, ka chhia leh ṭha hriatna ka hloh ta emaw tih mai turin, khawi hi U Zoa ka hriat ṭhin kha ni a, tuna ka hma a ding hi ka pasal, hmangaih taka min kuah ṭhin tu kha a ni em tih pawh ka chiang tawh tlat lo


Ka pasal, a chhip aṭanga a ke ler thlenga a bobang awm lo va ka hriat chian emaw ka tih kha, tunge a nih ka lo hre reng lo tih ka hriat chhuah na chuan zahna leh natna ruamah min hnuk luta, khuar khurum thim leh boruak kham khawp awmlai hna ah ka tla vawng vawng ni mai hian ka in hre bawk



"Khawngaihin, khawngaih takin Bawihi, vawikhat chauh, vawikhat chauh hun minpe leh rawh, khawngaihin ka insawifiah vek thei...”


ka hma a ding, ka kut chelh rana khawngaih min dil ngawih ngawih tu chu mittui nen ka melh chho a, ṭawng mai ka tum a ka hrawk a khamin boruak in min hnawhbeh tlat avangin ka ṭawng mai thei lo


Mit chhing sawka thaw la ham ham chuan ka meng chhuak leh a


U Zoa kut chu muangchang dahsawn sakin, "Tihpalh' tiha dam thei hi a awm a; Mahse, duhthlan na in a a hliam thinlung erawh 'tihpalh' tih thumal hian a tidam ngailo," Chil lem khalha a thaw leh hak in, "Kumkhua a itan ka awm i duh a, i kianga awma, hmangaih che leh i tan chauh a awm tura min duh laiin, ka tan erawh i rinawm zo leh si lo. U Zo, i hmangaihna sawi ang kha ka hrethiam lo a, ka hrethiam ngai dawn lo va, hriat thiamlah ka duh hek lo, ka hmangaihna sawi khawvel ah erawh mi pahnih chauh a ni leng ni, pathum ni lovin," A tawp lam chu a ri chang chang


A thâwp ral ṭhak a ang mah zawk, ka mittui chu dan rual lohin a rawn luang zawih zawih a, heti tak hian uire-na hian min hmetna ang tih ka mang lamah pawh ka mang pha ngai miau lo a tin ni





"Bawihi...." Min rawn ban leh a tum chu tawlh hnung hrutin, "ka tan.. Ka tan chuan beiseina i ni a, ka tun hun leh ka hmalam hun i ni bawk, hmangaihna leh dawhthei na nen a ka chelh leh ka enkawl, ka suangtuahna tin mai a tel ṭhin, ka ṭawngṭai na ina engtiklai mai pawha a umzui ṭhin che i ni a sin." Mittui nen a a mita en chuan ka pasal ka hmangaih mitmeng a natna leh inchhirna tamtak lang chhuak chu, kehchhe vek nun nen a en in, k ṭap chhuak zui hawm hawm a



Ka lungphu zawn na lutuk chu ka ṭham tawk tawk bawk, ka kaihza tha a rawn khur a, ka ke chuan min zo ta lo emaw tih mai turin, ṭap hawm hawm chung chuan ka ṭhu sawp hnawk bawk



Ka hnungzang ah boruak in min hnawhin, ka awm ah a rawn hnawhbet a, ka hrawkah hnawh chho vin boruak chu ka hâk ta emaw tih turin thaw reng reng ka la thei tawh lo



Tui fawn nasa tak maiin a sep lawp lawp leh tuipui thûk laia a hnuhluh ang maiin ka pil a, boruak hîp tum eng ang mahila ka hîp lutin ka thaw chhuak thei reng reng lo


Ka nâ a, ka taksa a hliam awm miah si lovin, pawhsawm ang maiin ka taksa peng tin mai chu a na ngut ngut a niber


Ka pasal thlamuan na leh bân tha chaka min chelhna ka mamawh a. Mahse, ka hma a ding reng ka pasal chu ka ban ngam ta hauh lo, tu ta nge a nih a, a thinlung ah tunge awm ka chian miau tawh loh vang a ni


Ka âwm chhung na lutuk chu ṭham tawn tawn in, "Lalpa hetiang a na tur a min siam a nih dawn ro ro chuan ka nunna hi engvang a la mai lo nge inih?" Chu zawhna chu Pathian zawtin ka au chhuak rawih rawih a



Kum 10 chuang fa nei lo va min awmtir in harsatna tamtak min paltlang tira, tunah ka pasal engtiklai pawha ka tana awm ṭhin min laksak dan hi ka hrethiam lo a, hriatthiam lah ka duh bawk hek lo, a chhan chu ka chunga thil thleng ah hian ka lungawi hlawl lo a tin ni....

Beiseina a ka thlir, hmangaihna a ka chelh leh enkawl, suangtuahna tin maia ka hmaih ngailoh, ṭawngṭai na in chhumlo chat lo va ka zui tir ṭhin chu ani hi a ni a sin

Kum khua a min hmangaih tur a min tiam tu, ka pasal ka hmangaih, ka ta chauh emaw ka tih kha, hmeichhe dang hmangaih leh nau lo piang mai tur Pa a lo ni reng si.........


Engtin nge hmalam ka oan ve tak ang, engtin nge ka pasal tel lovin ke ka pen ngam ang ni????

<><><>~£

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)