My Treasure S2 : MR. CAPTAIN By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: MR. CAPTAIN ~My Treasure S2 ~ By Floria Laldansangi (Completed)

Unread post by Ngaia » July 4th, 2021, 3:07 pm

MR. CAPTAIN
~ My Treasure S2 ~
By
Floria Laldansangi


Chapter < 19 >




BRYAN....POV


"Evalyn....."



"I kut hmawr pawhin rawn khawih suh," Tluanga chuan ati hrawk


Khanglang a! Ka hmeichhia chu ka enkawl thei


Evalyn-i a kuahna chu hnehsawh takin pawt let hrawkin, Evalyn-i chu ka kuah nghal a


Rawn chet a tum rualin, "ka nupui hual a ni. Ka enkawl thei bawk," Kawk vah chunga tih leh ka pawm kâng nghal nawlh bawk a

"Marco, damdawiin pan rawh," Ka ti zui hluk bawk


Car-a ka ṭhut luhpui lai chuan a marphu ka dek a, ka hmu mai lo. Ka mal chungah pawmin a lungphu chu ka ngaithla deuh vang vang, a lungphu pawh ka hre mai lo lehnghal!


"Marco, khalh chak rawh," Ka ti hrawk a. Zan atlai tawh em avangin traffic pawh a jam lem lo. Rei lo ah Durtlang civil hospital kan thleng a. ER-ah tlân luhpuiin, Doctor-in mut tura min tihna hmunah chuan ka mut a


A hma ang bawkin Defibrillator hmanga a marphu an hmuh leh hnuah oxygen nen an thawk tira, a marphu an zawng leh vel chu ka hmu hman, kawngkhar an khar fel rualin ka hnek zui dawt


Ka chhip sam ṭham ngar ngar chuan, "Evalyn, minti hläu fo teh suh," Ka phun chhuak sup


Tu emaw in min rawn kuai her sawkin, min hnek thle sawk a, kat zui nak chuan ka kâ chhung chu a al zui puat bawk


Ka thaw zui kawk, "nangmah vanga hetia awm a nih hi. Evalyn-i emaw ka Pa chungah engpawh a thleng a nih chuan ka that ve ngei angche," Hriam hrak maia a unaupa, hmangaih em em tu in a rawn tih chuan ka ner sawk. Khawih let ka tum hauh lo bawk. A sawi dik, Evalyn-in vawi tam thihna ko tlâng arah thlen chhan chu kei hi ka ni. Keimah hi!



"Engthil nge..." Marco-an a rawn tih chuan ka kutin ka lo ti ding a, "ka ṭha," Ka ti sup



Tluanga en in, "chuvangin a chungah engthilmah ka thlen tir dawn lo," Nghet charh a tih leh, "Marco, eng nge thil awmzia hriat tum rawh. Tu in nge ka hminga report siam tih leh police-in eng evidence nge anneih tih hriat tum angche," Ka ti nghal a



"Evalyn-i hmaah chuan lem i chang thei a ni mahna! Ka hmaah ni lovin. Bryan, sum i nei a, thil iti ni thei tih ka hria alawm. Nanghi a ni bulṭan tu chu," Tih chang leh fak fak chuan ka lo thaw hawk ringawt


Tu phiangsenin nge maw ni case file reng reng ni? Tluanga leh Evalyn-i ṭawngkam ah lah ka tih ah an ring hmiah tih alang reng bawk a!



"Doctor eng nge a an?" Doctor rawn chhuak chu Tluanga'n a lo zawta kei erawh Evalyn-i lam ka pan nghal vut


A âwm a vihnaa lapuau nena an bel chu en in, "eng rilru nge maw i put hrep le?" Ka ti zui hluk. Mahni intihnat na nei duh tur khawpa beidawng in ka siam chu a ni lo tiraw?



"Khawngaihin lo awmsawn ta che. Ward pangaiah kan sawn a ngaia," Nurse-in a rawn tih chuan ka ding sawn a



"Hlauhthawn tur a awm lo mah se a Lung saw a chak lo takzet a ni. Hetianga a awm vawikhatna niin alang lo bawk, hlauhthawn leh thinrim, a Lung ti rang lutuk tur thil engmah hria in ti lo se a fuhber. A hliam erawh saw chu a thûk lova, hlauh tur a awm lo," A tih chuan ka thaw chhuak kawk



Ward-a kan luhfel hnu ah, "haw tawh rawh. Ka awmpui thei," Tluanga'n a ti hluk, haw ka tum bik aw zawng lo

He room ah hian an pahnih chauha kalsan tur hian min ring reng reng emaw ni?

Chair pawt hnaia Evalyn-i bula ṭhut ka tum chu, "ka sawi chu i hre lo em ni?" Ka kawr âwmah a lo ṭham a



A kut phih thla sawkin, "vawikhat ka inhnek tir tawh che a, vawihnihna a awm ring suh," Chang faka tih leh chair hung rem chuan ka ṭhu a, Evalyn-i kut hum zui vang vangin, "Lungngai suh, a thleng leh tawh ngai lo ang tih leh, engkim chhan na i rawn harh chuan ka pe thei ngei angche," Nghet charhin ka ti chhuak a



Ka phone a rawn ri ral ral, ka lo chhing ve sek a ni ngei ang, meng chhuakin Evalyn-i chu ka melh a, Tluanga erawh room ah a lo awm tawh lo



"Marco."


"Boss, Eddie-a a ni company hminga report siamtu chu. Mahse, evidence erawh a thehluh a ni lo. Tu thehluh nge tih erawh thil har tak a nih ka ring," A rawn ti a

Nghet takin phone chu ka hum, "tu thehluh nge a nih tih zawn chhuah tum angche," Ti bul hlukin phone off chuan, Evalyn-i chal a fawp zauhin ka pensawn nghal a



Eddie-a ward lam chu ka pan zui pawk pawk, kawngkhar hawngin chhung lama ṭanga kalh zui zatin, Eddie-a damdawiin khuma mu lai chu ka phih tho nawk



A meng kawk, a mitmu a tal nghal rawk rawk, "he hmuna thih i duh loh chuan ka thusawi ṭha takin min chhang angche. Engvanga Evalyn-i Pa laka case file nge inih?" Ka ṭawng ring hauh lo. Ka aw mar takah erawh tih thinrim belh chi ka ni lo tih a hrethiam ngei ang


"I thu sawi awmzia ka hre lo," A rawn ti a


Khum lu lama nawr chho tawkin, a hrawk ah ka rekbet a, "i ring ruh herh bung tur hian rei ka in ngaihtuah a ngai lo a nia. Tu tih tir che nge inih?"


"Min that mahla i thusawi awmzia ka hre lo," Thawk lak tum a ti chhuak hap chuan ka bân chu a hmer bet a


Na takin bangah chuan ka nawr sawk a, ka kut la let sawkin, ka rehna kut tuai zui chuan, ka nui hul huk, a thaw kawk kawk en chungin, "Eddie, heroine i rui ṭhin tih ka lo hria a," La thaw kawk kawk chung chuan min rawn melh vat



"I lakna, heroine chauh ni lo, a vaiin ka hria tih ka la hrilh lo che niin alang," A khumah chuan ka ṭhu hniam a


"Tunge i ṭanpui ka hre hauh lo mah se, buaina i tawh erawhin a ṭanpui dâwn che em tih ngaihtuah rawh." Tih hlauhthawn hmasa chi niin ka hre ta. Ala naupanga Evalyn-i aiin kum 3 vel chauhin a upa tih ka hria. "Tin, jail tán erawh i duhin ka ring lo bawk," Ka ti zui leh sup. Ka en zui ngar a


Min hrilh a tum bik lo niin alang, "a ṭha e, ka company hming i hman vang pawhin legal notice hmu turah inngai angche. Ka kut ti bawlhhlawh lo pawha thah dan che hi kawng tamtak ka hria a nia," Tih leh din ka rual



"Rama.... Rama a ni. Police call turin minti a, a bak erawh ka hre lo. Chuan, damdawi chungchang kha, kei chuan heroine chiah kha pek ka tum a ni. Evalyn-i tihnat ka tum ngai hauh lo, benzodiazepine a tel tih ka hre lo hrim hrim bawk," A rawn ti chhuah chuan ka hnek leh lohnan ka inhum ruh



A lam hawiin a kawr âwmah chuan ka ṭham leh ta nawk tho a. Thaw ri hrawih hrawihin, "Evalyn-i lam hawi pawhin thaw la tawh suh angche. I hrethiam em?" Tih hrawih chuan ka thlah sawk


Room chhuahsan in, damdawiin ka chhuahsan nghal a


Car-ah ṭhu lutin chak takin Tetei te In lam ka pan zui nghal



"Bryan...." Tetei nu a lo tho tawh, car aṭanga ka chhuah rualin min rawn pan vat


"Ramdina Lunglei ah ala phei lo tiraw?" Min en deuh haw


"Vawiin hian phei a tum a, i dam ṭha maw?" A nui säng


Bu nghutin, "biak lawk ka ngai," Tih leh In chhung lam chu ka pansan a


A room-ah lut tlangin, a blanket sinlai pawt hlip sawk chuan ka phih tho nawk


"Engvanga ti nge inih?" Ka ti chhur chhur. Pawnlamah Tetei Nu a awm ve avangin ring tak erawhin ka ṭawng thei lo


"Min thlah teh. Engthu...." A tih laiin bang lamah nawr rawk rawk chuan ka kiu in a hrawkah chuan ka nawrbet a, thaw hrawihin, "Ramdin, vawikhat chiah ka zawt leh angche. Engvanga Evalyn-i Pa man tir nge inih?" Ka sehchilh rap rap



Min nam sawn sawkin, "zawng uicho leh! I hmeichhe kawp thar avangin, i bialnu hlui thattu te i ngaidam tih sawi i tum em ni?" A ti deuh hrawk


"Ka buaina a ni. Tunah i case file hi ti tawp angche," Khauh zeta ka tih leh chuan a rawn nui huk


"Lalrinsang, i buaina chauh ni in i hre tak tak em? Tetei kha ka nau, ka hmeichhia, ka fapai tu leh ka hmeichhe hmangaih a nih kha," A rawn ti zui hrawk


Ka ner sawk, a lama pan hnai chhur chhur chuan, "i hmeichhe hmangaih kha venghim tur ini. Thihna a hmachhawn laia kalsan lo khan," Ka tih rualin ka thle zui sawk


Ka kawr âwm ah rawn ṭhamin min hnek zui leh a, "nangmah vang vek hi a ni. Ka fa a pai kha i fa angin sawilui lo sela; ka nupui atan inpe ni sela kha thil kha a thleng tawp lo ang. Nanghi ini buaina chu," A ti hrawk hrawk



Min vawnna phih sawkin, ka kamsir thîp sek chu tawk zeuhin ka nui suk a, ka kekawr ipte zen zui apin, ka thaw hawk bawk, "anih chuan kha tawhsualna ah khan i tel ve tih ila hria angchu maw. Car khalhtu inih kha," Ka thle bak



"Lalrinsang..." A rawn ti chhur chhur. Ka nui lui hak a, "Ramdin, i tihbuai phak ka ninlo, ka duh a thu in i dinna hmunah hian ka phum thei che tih hre tur ini. I kut hmawr pawhin Evalyn-i sam zai khat pawh khawih tum tawh suh angche. Ka thu lovin a sam zaikhat pawh a tla thiang lo. I hrethiam em?" Nghet charh leh khauh tak a ka tih rualin kawngkhar lam aṭangin, "eng nge insawi kha?" Rawn ti tu lam chu kan hawi vat a



"Ka Pi," Ka phun sup



"Tetei accident chungchang kha em ni insawi?" A rawn khur lut ti tih nghal dêr lehnghal!



"I hresual a nih chu," Ka lo ti sup a



"A hresual tih i chiang maw?" Rama chu a lo nui sawng



A Nî hi nikhaw hre lovin tlu se a ti hrep lo angchu maw?


"Ramdinthar," Ka ti zawi hluk



"I sawi dâwn lo a nih chuan keiman ka sawi ang," A ner sawk a. Min tih thinrim a tumin, min hneh a tum tih hre mah ila, hei erawh a tih a ṭul tawp lo!



Tetei nu chuan min en tawn zak zak, a mita hlauhthawnna te chu en a hreawm lek lek



"Tu emaw zawk zawk ṭawng ta che u maw le!" A rawn ti leh hlar



"I fanu Tetei kha accident vanga thi ni lovin, thah a ni," Ka kâ ka âng zuai hman chauh, "Ramdinthar...." Ka ti ṭêk chuai


An pahnih chuan min en dawrh a, nghet lutukin ka kut ka hum ruh, ka hnek mai lohna chu tlemte chauh a ni



"Thudik a nih chu. Tunah Tetei Lung neitu i hmangaih tak avangin an thiltihsual thupbo nan evidence zawng zawng pawh i hal ral duh a ni lo'm ni? Bryan, Tetei lakah leh ka Nî lakah hian inthiamlohna chhetê mah inei lo em ni? An hmangaih......." A tih zawt zawt laiin ka hnek thal ṭhuai



Kun hniamin ka hnek zui zawt zawt bawk a, "a tawk, a tawk, a tawk....." Tetei nu chu a ua tuar tuar, ka din chhuah leh meuh chuan Tetei Nu erawh chhuatah a lo let ram tawh



Ka ṭhu hniam zui rawk rawk a, "Ka Pi, harhteh...." Engmah a hre tawh lo. Thisen nena Rama rawn ṭhu chhuak melh hrawkin ânchhia lawh zui hluk chuan, Tetei Nu chu ka pawm kâng nawlh a, car lam ka pan pui nghal pawk pawk bawk!



Rama a ni lo evidence neitu hi. Rama khan kan hal ral a ti a. Ani hian a nei ngam dâwn lo hrim bawk. Tunge ni ta ang?


Car steering chu ka chum dawt, ka phun hluk bawk. Ka sira nikhaw hraw lova awm Tetei Nu chu ka melh zui zauh a bawk!

.
.
.

<><><>~>~><>



EVALYN....POV



Ka âwm na veng veng chuan minti harh ruai ruai, ka thawk lak zawngin min kam a, thawk lak a ti harsa ve det bawk



Ka meng riai riai a, room chhung chu a reh ruih, oxygen an vuah chu muangchangin ka la thla a, engtia rei chiah nge chutiang chuan ka awm ka hre law



Ka rilru a rawn lang hmasaber erawh ka Pa a ni. Engtin nge a awmzel ang?



Harsa tak chuan ka inbeng kâng a, "i harh maw? Doctor ka rawn ko ang?" Rosie-i a ni, bathroom aṭangin a rawn chhuak a, min la ngei hmel viau tho mai



"Rosie, a ngai lo," Ka aw chu a chhuak ṭawk ṭawk, ka sira tui no chu ka ban zui rak rak a



Tui in khawlh khawlhin, "ka Pa, ka Pa engtin nge a awm?" No hum ran chuan ka en kiau



Ṭah leh mai a tum emaw ni? A men deuh puau puau chu thaw ka la hak a, "naupang chhia anga awm lo turin min tia, nangmah hi anih hi awm ni. Ṭah tum nghal reng lo khan eng nge thleng sawi rawh," Tlema cho pah deuh chuan ka ti a


Min melh ram ramin, "nangmah vang vek a nih hi, vawiinah zawhna an zawt leh ang. Ka U sawidan chuan Mumbai lamah a case hi transfer turin an dil dâwn a ti a. A bâk ka hre lo. Evalyn ka Pa hi a tâng lo ang tiraw?" A mittui a tling pam


Ka nui lui sak a, "ṭahbelh," Tih leh khum aṭanga thawh ka tum chu, "i ṭahbelh fe zawk," Minti hlar chung chuan min rawn chelh a



In en in kan nui dun ta hak hak. A vawikhatna a ni ngei ang. Ka Pa leh a Nu an inneih aṭanga inhau lova kan awm vawikhatna tak tak a ni



"Bathroom kal i duh em ni?" A tih chuan ka lu thing in, "inthlak ka duh. Ka Pa hmuh ka duh," Ka ti sep



Mahse, pen pawh ka pên hman meuh lo, kawngkhar chu na mangkheng hian a rawn in nam hawng a.



"Tualthattu, rukru innih hi. Mihring pawh inni lo, ramhuai, ramhuai inni, ka fanu pawisawilo leh a fa pawh mihring la tling lo chungah khan engthil nge intih?" Tetei nu a rawn rak lut tuar tuar


Rosie-i phih sawn lawpin, min kek nghal bawrh bawrh a, sual let emaw lo indan ka tum lo, ka ding khawng reng ringawt.



Rosie-in rawn pawh leh , tih tawp tum chu, kûn ngur a, thle lawp lawpa, kat nawk nawk chung, tilo turin ka hrilh a. Hetiang ti tur hian dikna zawng zawng a nek vek a tin ni


"Engtin nge engmah tisual lo ang maia in awm theih? Ka fanu Lung hmangin a Mipa hmangaih chu i chhuhsak a, mihringah pawh inchhiar suh. Ka fanu Lung hi mi pe let rawh. Ka fanu min pe let rawh," A ṭap a, a au a, min kek pah chuan, min chum dawt dawt bawk


Ka mittui a rawn far ve keuh keuh, ka thawk lak a sak zual sauh a, ka khur dar dar bawk


Tu emaw in hnehsawh takin Tetei Nu rawn phih nawkin, "a tawk ka Pi. Pawisawilo a nih hi," Bryan-an hriam hrak maiin a rawn ti a. Kei erawh sam hnawk zet leh lu vun thîp vawmg vawngin mittui far kauh kauh chuan ka la ding kun ngur thung



Hawi chhuak turin huaisen na ka nei lo a ni mah zawk!



"I ṭha em? Nâ inei em?" Ka sam rawn chul mam thuak thuak chuan ka biang tawn tawnah a chelh a, mittui nen ka lo en, a thaw ri hrawih


Tetei Nu in min rawn khawih leh a tum chu, min kuahbet vat a, a taksa a lian ṭha hem hem bawk a, min kuahbo hnehsawh tak a ni


Ṭap chung chuan Bryan-a chum dawt dawtin, "phatsan tu inih hi. I fa leh a Nu thattu engtin nge i hmangaih theih? Ramhuai innih hi," A ṭap zawih zawih



Ka thaw a chham lek lek tawh. Ka lungphu zawn lah chu ana tulh tulh a, ka lungphu hi phuarbeh ang maiin a sak tulh tulh in ka hria!




"Ka fapa kha phatsantu a nih chuan, i fanu naupai kha tu fa nge a nih hre hmasa angche U Mary," Chu aw zet chu a chak ṭha takzet. Bryan-a pawh a thaw chhuak hawk


Min rawn en chhuk a, "i ṭha em?" A ti leh sup


Ka chhang lo, ka namsawm hret a, "Nephthy..." A ti zawi sup chu ka hai der hmiah thung


Kawngkhar aṭanga Nu Maya-i leh Bryson-a rawn inzui lut chu ka en a, Tetei Nu chu a ṭap hlap hlap


"U Mary, ṭhenawm leh chhungkua ang mai kan ni a. Sawi ka duh miah lo. Ka fapa hi kut i thlak thei mah se, Evalyn-i erawh kut thlak theihna dan tumah in kan nei lo. He room chhung a awm tumah hian," Chiang zeta tih leh min rawn melh zawk. A ṭawngkam chuan ka hnuk a ti ulh zualin ka hria! Ka hrawk a rawn kham nghal ut ut thei



"Anni pathum, Tetei, Lalrinsanga leh Evalyn-i te ah hian pawisawilo leh tuar nasa ber chu Evalyn-i a ni. I fanu kha i ngaih anga hmeichhe thianghlim a ni lo a nia," A ti leh fak fak




"Nu Maya, duhtawk rawh. Nu Mary ka tihpalha atirin engmah ka sawi lo a ka thiam loh a ni. Pawi ka ti tak tak," Ka mittui a rawn luang ngiai ngiai



"Evalyn...." Bryan-an a lo ti hluk, ka bâna a rawn chelh chu ka lo thingthla vat a


Mittui nen Tetei nu en chuan, "pawi ka ti." Ka ti chhuak sap. Ka hrawk na lutuk leh tawt lutuk chuan ri a ti chhuak thei lo!


"Ka ngaidam ngai dâwn lo che u. Invai hian tualthattu innih hi," Ti phiar phiar chuan ṭap chungin a chhuak a, "Bryson umzui rawh," Nu Maya-i chuan a ti vat


Ka Lu rawn hai lutuk chu khum tlâng ka ban rak rak, "Doctor ko rawh u," Bryan chuan bung zetin a ti a. A aw tawp lamah chuan hlauhthawn ni âwm tak ka hre telin ka hria! ka Lu hai vang nge ka hre lo


"Ka ṭha, khawngaihin min chhuahsan rawh u. Mahni a awm ka duh," Khumah chuan ka bawkvak kai ṭuah ṭuah a



Ka lu hai mup mup chuan ka luak te lam lam a ti chhuak lehnghal!

Mu ṭha in, puan min rawn sin tira, ka chal dawm deuh vang vangin, "khawsik ala awm in ka hria. Doctor-in en che rawh se," A ti leh nghut



A kut vai sawn sak pahin a awm lohna lamah chuan ka inlet a, "ka ṭha," Tih leh mit ka chhing zui hmiah bawk


A thaw ri hrawih chu ka hria in, ka mutna khumah a rawn ṭhu tih pawh ka hre bawk, ka thawk sak leh âwm chhung thîp nen, ka in sehruh ngar bawk a


"chhuak tawh rawh a tih kha. Chhuak rawh," Rosie-i aw chu a ngaihno bei viau lo


Bryan-a chu arum nghut, "nu he naupang hi lunch zu ei pui rawh, engmah ala ei lo," Ngai pawimawh lo zet chuan a ti sup


"Naupang ka ni lo," Rosie-in a lo ti hlar.

"I nih loh chuan kal rawh." Bryan lah chuan a ti duh lek chauh a


"Ni e, Eva kha hahdam rawh se, keipawh ka la ei bik lova, zu ei ang hmiang," A tih takah chuan a duh ve mai a ni ngei ang. An inzui chhuak ri chu ka hria



An chhuak fel chiah, "Nephthy..." Ka dar chu duat takin a rawn chul hliau hliau a, rawn kûn hniamin a fawp zui vang vang bawk, thawk pawh ka thaw ṭha ngam tawh lo, ka lungphu te chu a phu chang chang chauh a ni

"Ka tihpalh, vawikhat chauh min en leh thei angem?" Rilruih leh inchhirna a khatin a rawn ti chhuak a, mit ka la chhing tlat a, nghet takin blanket chu ka ṭham bawk, ka sap leh pup pup tawh. Ka thlanfim te a bawl leh mai dâwn in ka hria!



"I muhil lo tih ka hria a nia," Zawi tak si thum deuh dût chuan ka beng bulah arawn ti leh a, ka thaw ngam tawh lo hrim hrim



Eng nge tih a tum hi? Khumah chuan a rawn lawnkai a nih chu! A â maw ni le?


Mengin, ka kawngah a kut a rawn rawlh chu manbet vatin, "chhuk rawh," Ka ti hlak. Ka aw chu a lawi lek lek


"Teuh lo lutuk. Ka ngai che ka tih kha, i rimtui tak te pawh hi ka ngai alawm," Tih leh min kuah nghet sauh sauhin, ka hnunglam nghawng ah chuan a hmai a phum a, a hip zui vang vang




Ka thaw dep dep, ṭawng pawh ka ṭawng thei tawh lo. "Hahdam rawh Nephthy. Ka ti na lo angche, i bulah hahdam taka mut ka duh ve mai chauh a ni. Minti hlauthawng hle si a," A ti leh sup sup a. A hmai ala phum reng


"Vawikhatmah khatiang khan minti hlauthawngin, min vo tawh ngai suh angche. Ka ngaina lo a, ka haw takzet bawk," Lungawi loh hmel tak chuan a ti leh nghut, a ṭawng zawnga taksa che dat dat chuan min thlamuan reuh nge maw ni? Ka hriat hma in ka lo inthlah dul nasa viau tawh chu niin!

Ka kut ṭangah a kut ṭang lian leh hrawl tak tak chu a rawlh a, nghet taka humin, "ka thlah tawh lo angche," Nghet charh chuan a ti leh sup. Ka hriat tura sawi pawh a ang lo, amah leh amah thu a intiam a ang mah zawk!


Rei pawh a mu lo. A muhil zui a ni ngei ang, a zui sak sak ka hriat chuan dimtê in ka inher a


A kut lian tak chu ka chelh zui leh ran bawk. Ka hmaa hnai taka mu, mipa hmelṭha tak mai chu ka en vawng vawng a


A hmai tlâng lian leh khabe ruh lawk ṭha tak te, a hnar ngul sang ṭha tak te leh a mitmu thilti thei leh thu nei em em khuhmawi tu hmul sei leh er dum thlap te chu, en loha thlir vawng vawng loh chu thil har tak a va ni chiang em!!


Ka mit ala vai deuh nge ka hre lo, a hmai chu tlêmin a ki ta deuhin ka hre tlat, a biang te pawh a khúar deuh duk a ka hriat ni!


Dimtê in a biang chu ka kutphah, ani laka tereuhte chuan ka dawm a, ka kutzungpui in, min fawh fo na leh mintihnat fo na hmui sexy tak leh thlum tak mai chu ka nul riak riak bawk


Ka mittui rawn hnâm ṭiam ṭiam chu duh lo zetin ka khap let sak sak bawk a. He mipa hmelṭha leh ka thinlung zawng zawnga ka hmangaih hi, he khawvel ka awmchhung hian "KA TA" Tiin ka ko ngai dâwn lo a ni tih ka hriatna leh, he a thinlung ah hian hmun ka chang ve ngai dâwn lo a ni tih ka hming ka chian tluk hian ka chiang si a!



Ka kut chu la thla in, a âwm ah chuan dimtê bawkin ka nghat a, a lungphu dat dat chu chiang takin ka hre thei. Ka hnarah ka mittui a rawn luang ngiai ngiai, "ka tihpalh," Ti chhuak sap chuan ka mittui luang ngiai ngiai karah harsa taka nui sen senin, "he i thinlung chhunga hmeichhia i hmangaih hi ka theihnghilh tir thei dâwn lo che tih leh, i thlah ngai dâwn lo a ni tih hre chungin ka hmangaih che a. Mahse, ka theihnghilh chu, keimah leh keimah ka lo intheihnghilha, ka hlimna ka theihnghilh a, i hlimna leh i phuba lakna tih hlawhtlin tir tur che in," Ka phun sap sap


Ka ṭah chhuak min tur ut ut leh hrawk kham urh nen chuan ka'n thaw chhuak ham ham a, nui seihin, "mi pahnih, hringnun kawng zawhlaia tihpalh thilthu a intawng ve mai kan ni," A hmelṭha tak en ngawih ngawih chung chuan ka ti chhuak leh sep bawk



Ka hmangaih alawm. Ka hmangaih takzet bawk. Mahse, ka hmangaih hi ka hmelma leh min hmelma tu, min thah duh hialtu, hmeichhe dang a thinlunga kawl tu a ni tlat si a!!!!!


.
.
.
.


Bryan-a muthilh lai chuan dimtê in ka tho ṭham ṭham, a chau ve hle a nih ka ring, a harh eih lo hrim hrim



Bathroom-ah chuan lutin thaw la in mit ka chhing vang vang a. Darthlalanga ka hmel lang chu leh! Damlo hrep te pawh ka ang a lawm le!


Damdawiin kawr phelhin, nizana ka invihna hliam en chuan ka thaw halh. Nizan kha chuan thih kha ka tum nghet hmiah tak tak a ni


Nizana ka hak, kawr hma pawp leh thisen kai bawk chu ha in, bathroom ka chhuahsan leh chu Bryan-a ka thawhsan avanga lungawi tih hriat takin a lo ding run, ka phu deuh zuk, ka thaw zui kawk bawk


"Minti phu alawm," Ti hlak chuan ka phone awmna lam chu ka pan a


"Khawnge kal i tum?" A bûl ṭha teh e



"I man tir tâk ka Pa ka tlawh dawn," Ka ti ve kher



A phun hluk a, "ka man tir hauh lo," A ti leh hluk, za vak lo chuan ka ṭhen khum sak ringawt


Sofa a Rosie-i bag ni awm tak chu ka pan hnai a, hawngin ka hmai ro lutuk ti hnawm deuhnan uv sunblock a ah chu ka in tat zui nawk nawk


"Evalyn, inbe teh ang," A ti leh nghut a, ka sirah chuan a rawn ṭhu thla, ka lo ding vat chu a rum nghut a


"Naupang ang maiin tihmawh ṭhin suh," Nin hmel taka a ti zawi sup chu ka ngaithei dêr lo


"Nangnen hian sawidun tur kan nei em ni? Bryan, ka lak aṭang hian eng nge ila duh? Ka Lung i duh a nih chuan ka pe angche ka tih kha. I duh sawi rawh, i ning ve em em lo em ni i hmelma nena inhma chhawn reng chu?" Ka ti ta nge nge. Ka rilru diktak a ni bawk


A chhip sam chu tuai puatin, "ka hmelma i ni ka ti ngai hauh lo," Ti zawi hluk chuan a rawn ding chhuak a


A aw ki chu vawikhat te mah ala sän lo nâ in, kan awmdan chu a kham takzet tih alang thung


"Min rin theihnan leh ka thusawi i ngaihthlak leh theihnan engthil nge ka tih ngai dawn Evalyn. Ka hma...." A ner sawk sawk, eng nge sawi a tum ka hre law

Mahse, a lei chu a duh ang ngawtin a ti che thei lo niin alang



"Ka tihpalh, ka tihpalh tih sawi fo ila min ngaithla thei angem?" A mitmeng ah chuan ngenna ka hmu tel, a sen râm bawk. Mahse, thinrimna a lang hauh lo thung



Ka nui saka, alamah pên hnai hret a dak chho vaha en in, "ka hmangaih ṭhin che tih i hria tiraw?" min en run, a lo bu nghat bawk


"Ka hmangaihna che avangin ka ngawi ṭhin a. Ka hrethiam che a, ka ngaidam thei che. I hmangaih hmasa i theihnghilh hun leh i thinlungah hmun pakhat luah tira, i kalh hnan hun ka nghak thei bawk niin ka hre ṭhin; Mahse, ka tisual tih ka hre chhuak a ni," Natna a khatin ka en chho ngawih ngawih a, ka duh miah lohin ka mittui arawn luang ngiai ngiai bawk



Za vak lo hian ka ṭhensak a, "ka hriat chhuah chu, keimah leh keimah ka lo in theihnghilh a ni tih leh, ka hmangaihna che hi hmangaihna ni lovin ÂT na a ni Bryan......" Ka tawp dat, kûn hniam in, ka thaw zui hawk a, "ka ât zia ka hre chhuak," Fiah tak leh zawk tak si chuan ka ti chhuak leh sap bawk


"Evalyn, i ngaihdan kha a dik lo chhia va a ni. Ka mitah en rawh," Ka khabe ah a rawn chawi kânga, mittui nen ka en chho



"Ka hmangaih che, min ring turin ka ti lo che mah se ka hmangaih che a ni Evalyn," A ae chhuakchu a nghet charh. A chil lemin a hrawk bawk a che ralh. Ka nui chhuak sen sen, ka thinlung läwmna leh natna, rin lohna chu a inzat chiah vek a ni


Ka dinna ṭanga tawlh hnung hretin, thaw ka la kawka, mitmeng beiseina in min en thung



"Min ring lo a ni tiraw?" Harsa tih hmel tak chuan a ti chhuak leh a, a bek te chu a pawng ṭawlh ṭawlh tawh. A ran min hmangaihthu chu a der pawha sawi chhuah a harsat zia ka hriat thiampui


Ka la ngawi ran. Engtin nge he mihring hian min hmangaih theih ang ni? Vawi tam min thah tumtu kâ aṭanga "hmangaih" tih thumal hriat chu in deu sawhna te pawh a ang lek lek


Ka nui lui säng a, "ka hmangaih ve tawh si lo che a ni," Ka ti chhuak sep, ka sawi zawh rual la la in keimah zawk chu na taka vih ang maiin ka âwm chu a thîp vawng vawng nghal. Thawk lak harsa khawpin maw le!


Ka inrin hma in a ṭhingṭhi thla hnawk, ka phu nasa lutuk chu ka lêng dawrh thei tak tak


A kûn zui lâp bawk. A mittui far kauh kauh chu ka hmu phe ruai. Ka hmu sual emaw ka ti zawk a; Mahse, a hmu sual hauh lo


Bryan Lalrinsanga, chapo leh mahni in hmangaih lutuk, mahni thiamloh leh dik lohna pawh pawm duh lo, ngaihdam dil aia haider hmiah thei, a mihringpui hmaa a Lu kûn ai chuan neih zawng zawng sawi loh, a nunna pawh chan huam zawk kha ka hmaah ṭhingṭhi in, a mittui a far a nih chu! Ka mumang emaw, ka harh chian loh vangah ka ngai lek lek zawk


"Engthil nge itih Bryan, tho rawh," Ṭhu hniam in pawh din ka tuma, ka kut chu a lo chelhbet vat, a hum zuk vang vang bawk a, mit thîp rama min rawn en in


"Vawikhat.... Vawikhat chauh min hmangaih leh thei lo em ni?" Harsa tih hmel tak chuan a ti chhuak hrawih a, "min hmangaih leh theihnan engthil nge ka tih ang Evalyn?" A tih zawm leh sak bawk


A kut min vawnna chu phelh sakin, "engthil mah itih a ngai lo Bryan. Keipawhin min hmangaih theihnan leh inhmangaih tir tur che in engthilmah ka ti tawh dâwn bik lo," Ka ti chhuak ve ṭuak bawk a


Ding chhuakin ka kuta Tetei tana zungbun a lei, min bun tir chu la chhuakin, a kut phahah chuan ka dah let a, "kan intawn hun leh kan intawn dan hi mangchhia a ni Bryan, chutiang chuan ka ngai bawk. Ka chungah engthil nge itih tawh tih ka hre reng duh lo ang bawkin, nangpawhin i hmeichhe hmangaih Lung ka dawng a ni tih min hriat reng sak lo hrâm angche," Mittui luang zawih zawih chuan ka sawi chhuak a


In hnit hlap hlapa a, ṭap khur dar dar a thaw la kawkin, ka hma a luhlul taka la ṭhingṭhi ngar tu chu en vawng vawngin, muangchangin ka inher riai riai bawk


Hawi let ka duh a, natna a khat leh khawngaih min diltu mipa saw kuah a, ka hmangaih thu hrilh vawng vawng ka duh ; Mahse, mum 7 chhung pawha a theihnghilh theih loh chu engtin nge ni rei lo te chhunga theihnghilhin, kei thah hial a duh khawpa ami huat hi min hmangaih theih ang ni?


Hmangaih viau mah ila, ka in hmangaih hmasak a ngai tih ka hre chhuak a, he ka Lung leh ka dam a, ka thawk ṭek ṭek dan leh neih dan hi thil awlsam a nih loh vangin, hmangaihna avangin ka ti nâ in emaw, tu emaw hlimthla a nunpui reng tur chuan ka tlin tawh lo a ni.

Tuma tan ni lo, ka tan, keima tán chauh nun ve ka duh. Ka tan a nun ka duh takzet!!!! Ka hma ka sial ve hun te pawh a ni mah na!



<><>~>~>~>



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:07 pm

MR. CAPTAIN
~ My Treasure S2 ~
By
Floria Laldansangi


Chapter < 20 > S1 last Chapter



EVALYN....POV


"Eva...." Mittui nen khaw hmuh phe ruaiin ka lam pana rawn pen pawk pawk Tluanga leh Rosie-i te chu ka en a


"I ṭha em? Damdawiin...." Tih leh hnunglam en zawkin, "Car-ah lut rawh, Rosie damdawiin Bill buaipui la, Hotel-ah min rawn hmu dâwn nia," Tih leh car awmna lam chu min panpui pawk pawk a


"Evalyn... Evalyn thu ka pe che ding rawh," Bryan-a aw thum khur khur chuan ka kawchhung a verh thla hneh lutuk mah mah


Mittui nen hawilet duh lovin car lam ka pan lui tlat chu, "Lalnunthar, penkhat pawh i pen leh a nih chuan tihluihna ka hmang hreh lo tih i hriat kha," Au ringna nen a rawn tih khawk rum rum chuan rang lutukin ka hawi let


Khawia au rinna nge a neih ni? Damdawiin kawt a dam lo leh vaivak, hnathawk ho zawng zawng chuan ding meuhin hmuhnawm thlirin min thlir zui ṭhap



Engthil nge tih a tum tih mittui kar aṭangin ka en a, "ka tihpalh ka tih leh ka hmangaih che ka tih kha i hrethiam lo em ni?" Au rinna hmang bawk chuan a ti a, ka lam a rawn pan hnai chhur chhur bawk


Ka kawchhung khur nasa lutuk chuan thawk a ti harsa, ka hliam vang nge ka hre lo ka âwm lah chu a thîp sa vawng vawng bawk a!



Ka hmaa rawn dingin, a mit sen ram leh hnawm chap mai, beidawn tum lo tih hriat taka min en in, "ka mitah en la, ka hmangaih che em tih vawikhat chauh fiah leh rawh Evalyn," Ka hmaah lawk a dinga, au ringna a hmang bawk si. Hre chiang tak ka ni. Hrechiang tak



Ka ṭah nuih hak, ka bâna Tluanga chelhna chu ka la sawn a, a au ringna chu dahthlak sakin, "naupang pawisa ngailo ang mai alawm inih Bryan," Ti sepin ka mittui chu ka hru hul a


"Nephthy, bul ṭan ṭha ang, ka thiltih sual ah khan ngaihdam ka dil lo angche mah se, siamṭhatnan erawh ka theih tawk piahlam thlengin ka ti ang tih ka tiam che," A aw phawi tin mai chu a sak a, a nghet charh bawk. Rinhlelhna pakhatmah ka nei hek lo



"Ka ring che alawm. Mahse, i hmangaihna erawh ka ring zo lo a ni. Chuai mahin, tu emaw hlimthla leh hmunruak luahtu ka ni tih ka inhriatna hian, keimah leh keimah pawh inrintawkna minpe thei tawh lo zawk," A hmelṭha tak mai chu kut khur dar darin ka ban zui de de a



A hmai hmul rawn ṭo thar vanga thap hrup mai leh khabe ruh lawk tak mai chu dimtêa a dawm vang vangin, "mangchhia mai a ni Bryan," Ti zawi leh sap a ka kut ka la let tur chu rang taka rawn chelhin, nghet taka hum chuan a hmuiah a nawrbet a


"Ka tel lovin i hlim dâwn em ni? Min hmangaih si a?" A rawn ti chhuak hrawih, ka kut a hum chu la let pahin, "tu emaw hlimthla a nuih ai chuan hlim dawn e," Ka ti sep




"Engvanga Tetei hlimthlaa in ngai tlat nge inih Evalyn. Nang leh kei, kan pahnih inkar a ni. Tumah an awm lo," A ti bûl nghut nghut


Thaw la kawkin, "i hria alawm, kei hian ka hmangaih che nge ni a, ka chhunga i hmeichhe hmangaih Lungphu zawk hian. Chutiang bawkin nangpawhin min hmangaih emaw iti mai chauh a ni. Keimah ni lovin ka chhuanga awm nen hian min hriat pawlh a ni ngei ang." Ka chawl dat


"Dawt leh huatna in bul min ṭanpuia, i dawtsawi emaw i ngaih ngamnan a i inhnemna kha, tak tak emaw iti a ni ang e," Ka tih rualin ka dar tawn tawnah a rawn chelha, hnai taka min en a thaw hrawih hrawihin, "ka mitah en hian ka thusawi ngaithla rawh. Nangmah a ni ka hmangaih che. Ka thinlung hrethiam lo tur khawpa mawl ka ni lo tih hre tur ini," A ti thum leh chhur chhur



A thusawi tin mai chu hrethiam se min ti takzet bawk. Mahse, ka ring lo, kum 7 te meuh a thinlungah tu hmeichhia mahin hmun anchang lova, ka theih tawp ka chhuah chung pawhin ka lakah khawngaihna chhe te mah ti lang ngai lo tu hian min hmangaih lul lo ang!



"Ka tihpalh, nang leh kei chu a tir aṭanga hmelma tur a siam kan ni. I hria alawm kan hmangaih te kan inlak sak ve ve tih chu," Tih leh a kut dahthlak sakin, "mangṭha le Bryan..." Ka aw chu a hre pha em ka hre lo. A chhan chu keipawhin ka hre ṭawk ṭawk chauh a ni



Tluanga'n car kawngkhar a lo hawng a, ka inhersan riai riai, a tlawm hmel leh na hmel chu en harsa ka ti.

Mipa chapo leh mahni thuduh tak kha, vawiin hian ka hmaah leh khawvel hmaah a va tlawm zing malh malh tak êm. A tum ka hria a, a inchhirna leh atihsual a hria a ni tih ka hre bawk. Mahse, min hmangaih a tihna erawh keimah pawhin ka hmangaihna ka rin ngam tawh loh laiin, engtin nge hmeichhe dang a hmangaih zia hre tu hian min hmangaihna chu ka rin ngam in, ka hriatsak ngam tehlul ang ni



Hmuhnawm ti taka min en tu mipui pungkhawm phun mer mer leh min demna mitmeng te chu ka hmu reng. Ni e, tunah, vawiin ni hian keihi hmeichhe nun rawng tak ka ni alawm


Mahse, he mipa kut hi chelh leh ni ila, naktukah eng nge ansawi ang, "a hmeichhe hmangaih aiawhtu" tiin maw? Nge ni a, "Evalyn-i ni lovin, a hmeichhe hmangaih amah ah a hmuh vang a nih saw," Anti zui zawk dawn?




Ka damchhunga chutiang hre tur chuan ka huaisen tawk tawh lova, chakna leh dawhtheihna lah ka nei tawh hek lo. Ka mipa hmangaihin ka nui hmelah hmeichhe dang a hmu tur leh, a mitah keimah ni lo, hmeichhe dang hmangaih taka a enna thlâ hmu reng turin ka huaisen tawk tawh lo takzet a. Tuar chhuah ka inhuam lo ang bawkin, ka hmangaihna he hmunah kalsan in, tu emaw rauthlà mai ni lo tur leh hmangaihna tel lova bul ṭan ka thlang ta zawk mai! Ka la inchhir dawn em ka hre hauh lo mah se chiang taka ka hriat erawh, tuma hlimthla nih ka duh lo tih hi a ni!



"I ṭha em?" Ka biang rawn lum thla pup chu ka hru hul vat a, Rosie-i ka sirah a ṭhu ve tih reng reng ka hre law


Ka nui lui dâwn ngial a, ka hlawhchham ṭhak. Ala har hret a ni


"Heihi flight tickets a nih hi, darkar 2 hnuah Mizoram kan chhuahsan ang," Tluanga chu ka en kawk


"Eng nge awmzia?"



"Ka Pa kan kalsan thei lo, thilsual ti ang maia kan tlanchhiat a ngai lo," Rosie-in a lo ti hlar bawk a


"Naupang chhia angain awm ṭhin chu Rosalyn, naktukah ka Pa central jail-ah an dah thla tawh dâwn tih theih kan nei lo. Vawiinah Hospital directors te ṭhu khawmin Hospital hruaitu thar thlan an tum a ni âwm a, ka Pa case chu Lawyer kutah kan dah angai, karkhat emaw karhnih hnuah chuan Mumbai ah an transfer ngei ang tih ka tiam che u. Mahse, Mumbai ah kan let a, ka Pa hospital kan chhanhim a ngai hmasa a ni. Eva, share ngahber ini a, i thuthlukna alalber tih hria angche. Puih i ngaih chuan ka awm reng bawk," Min rawn melh zawk zawk



Sawi tur pawh ka hre lo. A hospital ah share ka nei tih pawh ka hre lo hrim hrim zawk maw le!


"Ka Pa hmuh ka duh," Ka ti chhuak sep


"Pawi ka ti, a hmu duh lo che a ni Eva. Mumbai a let tlangpui tur che in min chah. Chuan keipawh a duhdan hi zawm la ka ti. Ka Pa mizia i hriat kha, a fate hma ah pawh tlawm taka lan a duh ngai lo tih," A tih leh duah chuan ka thaw halh. A sawi dik khawp mai mah se Mizoram arawn thlen aṭangin ka la hmu ve reng reng hleinem!


"Ngaihtuah duh suh, ka Nu Mizoramah a awm dawn a, nang leh Rosie-i Mumbai ah hruai let tur che u in minti mai a nia. Rosie-i zirlai khaihlak a duh lo bawk niin ka hria," A rawn tih leh chuan Rosie-i chu a lo ner nawng nawng



"A tâng tak tak angem le?" Rosie-in a rawn ti sep




Keipawhin chu chu ka lo ngaihtuah mek a ni. Police-in eng fiahna fakau nge an neih a, an kawl tih kan hre dêr bawk si lova. Central-ah andah hmasa a nih chuan a awmzia chu fiahna annei ṭha tawk tihna a ni mai lo'm ni?



Tluanga'n ka Pa hmu tura min hruai duh miau loh avangin Airport kan tlang nghal a. Engtik laiin nge Bryan-a Nu te In lama ka luggage a lo va lak ka hre lo. Airport-ah ka luggage leh Rosie-i luggage thlengin a lo awmsa diam tawh


"Accident a thleng a ni awm e, BMW khalhtu zawk kha a thih ka ring, kan rawn hmuh khan lak chhuah an tum mêk a," Tia ka hnunglama ṭhu te thusawi chu ngawi rengin ka ngaithla



Thlawhna chhung aṭang chuan kan thlawh kân san mêk, Mizoram chu mittui luang ngiai ngiai in ka en thla a, rei lo ah a hla tial tial a, ka ruak tial tial bawk. Ka kawchhung a vawt tial tial a, ka thlarau leh thinlung ka hnutchhiah ta emaw tih mai tur a ni


Ka thaw sak ṭalh chu mit chhing sawka thaw ham hamin, "ka hmangaih che," Ka phun chhuak sap. Ka âwm zawn na lutuk chu a sa thîp vawng vawng mai!



Thlawhna a kân rual khan kei leh ka hmangaih Bryan-a inkar chu a tawp tak tak a ni tih hre mah ila, ka chhungril khawi emaw lai hi a läwm lova, a pawm thei tlat lo chuan minti na zual vawng vawng bawk!!!



<><><>~>~>


BRYAN....POV


Mipa hi ti tak hian a tlawn theih ang tih ka mang lamah pawh ka hmuh ka duh lo. Hmeichhe hmaah ka ṭhingṭhi a nia!


Mahse, kha hmeichhia kha hmeichhe satliah ni lovin, ka hmangaih a ni si a!



"Hmangaih" ka nui ri huk, kha ka hmangaih khan, ka hmangaihna a ring zo si lo chu a ni kha le!



"Tikhan kaltir mai i tum em ni?" Inchhung ka luh rualin ka Nu in a lo ti a. Tih theih eng nge ka neih chuan, tharum hmangin ka chelhbet leh mai dâwn tihna em ni? A tlâwmthlak mah mah lo maw?



"Bryan, hmangaihna hi Lu aṭanga thuthlukna siam chi a ni lo, thinlung aṭanga siam chi a ni. I hmangaih tak tak a nih chuan umzui kha tlawm lâkah nei suh. Tin, vawikhat i hlawhchham avangin a vawihnihna emaw a vawithumna thlengin i hlawhchham dâwn tihna a ni lo." Ti dam dapin ka hmaah a rawn ding a, min rawn en chho kiau




"Ka sawi ṭhin kha, hmeichhia te hi huaisenna leh chakna, duhawmna tin reng leh ṭhatna tinrenga thuam kan nih ang bawkin, dawh theihna, hriat thiamna leh hmangaihna kan ngah bawk. Mahse, chungte chu cho chi leh haider sak chi kan ni lo, vawikhat kan hawisan tawh chuan mipa aiin hma lam pansan turin kan huaisen zawk a, kan chak zawk bawk. Chuvangin, i hmangaih takzet a nih chuan umzui rawh, i chapo na, i induhtawkna leh dik i intihna, tlawmlakna zawng zawng hnutchhiah la umzui rawh. I tlai ange, tunah Mumbai pan a tum mêk tih ka sawi tel hram ang," A sawi zawh rualin thaw chhuak ham ham



Ka phun hluk a, in aṭanga tlân chhuakin car ah ka ṭhu lut rawk rawk. Chak taka tlân chhuakin airport lam ka pan a


"Marco, tunah airport luh leh chhuahna zawng zawng khar tir angche. Ni lo, Mizo ṭawng thiam tawh phawt tumah zanin hian Aizawl an chhuahsan tur a ni lo," Khauh zeta tih leh phone chu ka off zui a


Ka speed ka ti säng zui zat. Ngun taka ka tlân na en chungin, "ti mai chuan ka kal tir thei lo che Evalyn," Ka ti sup bawk


Lengpui airport ka hmu dek dek tawh, kawng kawi tam tlân ka ngai tawh lo, ka kiai suka mah se, ka hma zawnah chak tak maiin a side lova bike rawn tlân chu ka sut hlau lutukin ka steering herh kualin, break chu ka rap zui tuar a


Kawng thlang lamah ka liam thla vawng vawng leh ri thla bup bup ka hre zui a, ka hmai lum pup leh khaw hmuh thim ta mup mai, ka beng kiu vawng vawng kara Evalyn-in ka hming a lam ri chang chang chu ka hriat hnunber anni bawk!




BRYSON.....POV


Bryan-a thisen a bual zui mai car aṭanga kan lak chhuah chuan kawngpui ah kan mut a, CPR pe in a âwm ah chuan ka nem awk awk. Darkar chanve dâwn teh meuh car chhung aṭanga lak chhuahnan hun kan hmang, ala thaw pawh chu thilmak a ni. Mahse, rei erawh a lungphu kan hre hauh lo thung!



"Bryson...Bryson.. I U chu..." Ka nu kan bulah a rawn ṭhingṭhi thla rawk rawk



“Bawihi..” ka Pa in a lo chelhbet a


"Defibrillator buatsaih rawh u," Tih leh ambulance ah chuan kan hlang a, "Nu inbengdai rawh, a ṭha em em ang." Tih leh ambulance ah lawn ka rual


"Bawihi, hahdam rawh, a chak ṭha tih i hriat i khat, a ṭha em em ang. Kan fapa alawm," ka pa chuan a lo ti ve sup sup


"Defibrillator 500" clear" A Lungphu a la awm lo, "500" claer."


"Bryan...Bryan... I beidawng thei lo," Ti mawlh mawlh chuan, Defibrillator chu ka sän tir a, " 1000' CLEAR" ka ti hrawk hrawk


"Lalrinsang... I thi thei lo," Ti leh hrawkin, "1000' clear" ka charge leh awk, ventilator rawn ri tut tutin a lung a rawn phu zui a, ka thaw chhuak hawk


Nurse-in oxygen a vuah nghal chuan seat ah ka ṭhu thla hnawk. Ka unaupa engmah hre lo, thisen kai vek en chuan ka nui chhuak huk bawk a. Ka nuihzat lova, a nunna a thlah loh vanga nui ka ni ber zawk!!!!



<>~>~>


EVALYN...POV


Ni a kal a, thla hial a liamta, Nimin kha ka Pa court-ah inlan vawikhatna leh a tawpna a ni a. Engtin nge khang zozai fiahna leh chipchiar tak kha anneih theih tih leh, Nurse leh Doctor inpuanna thlenga annei kha mak ka ti


Tin Bryan-a thiltih a ni lo tih tumahin sawi lo mah se ka hrethiam; Mahse, Tetei unaupa, a cousin hian khawi aṭangin nge heng zozai te hi a lak khawm hrep ni? Kum tamtak liam tawh ami lehnghal!


Tetei Nu pawh a rawn lang ve a. Min ngaidam dâwn lo tih leh ngaihdam tlak kan ni lo tih ka hre tho a;Mahse, nu zaidam tak leh nu hmelṭha tak mita min huatna lang chhuak kha en hreawm ka ti



Ka Pa erawh a tawp thlengin ṭawngkam khat mah a chhak chhuak lo a, a Lu sän vahin court a chhuahsan bawk. Ka inthiamloh lutuk a duhloh vang pawh a ni mahna!


"Princess vawiin chu aw," Call ka pickup rualin a rawn ti nghal



Diktak chuan nimin lam boruak nen ka chau lutuk a, hahdam ka mamawh takzet


A cousin te Mumbai an rawn zina, hruai kual turin min duhin läwm viau mah ila, ka tlin pawh ka ring lo



"Eric min hrethiam mai la, ka Lu hai leh luak chhuak hi a reh thei lo reng reng," Ka ti tak tak bawk. A bikin tun hnai taksa nâ sawi tur nei si lovin, ka zawiin ka chau em em zel hi in entir ka ngai hle in ka hria!



"Avan buaithlak thlak ve. Mahse, i dam loh si chuan ka ti lui lo angche," A ti ve mai


Thupha chawi malh malh chungin kan inbiakna kan ti tawp a



"Ka sawi kha ti chhin rawh," Kawngkhar lam ka hawi vat


"Minti phu alawm," Ka ti deuh hlak


A nui vur vur ringawt a, ka sawi tawh em aw? Rosie-in ngaihdam min dil in, khami zan a ṭhiante phone ka ti chhiatsak kha a hria a, lawmthu min hrilh bawk.


Tunah chuan kan inpawh ve viau tawh. A nu erawh ka Pa jail atan aṭangin a ṭawng tam lova, kan rual pawhin chaw a ei ngai meuh lo. Ka khawngaih ru ve reng tho mai


"Thil awihawmloh lutuk sawi suh. Vawiin class inei lo em ni?" Ka khumah a rawn mu zui zan zan


"Tak tak alawm, khawnge i dah a?" Tih leh pregnancy test kit chu a zawng nghal


"Rosie......" A ban hman ta tho

"Va tirawh," Ti leh bathroom lamah min nawr kal dawt dawt



Ka rai a ring tlat chu ka hrethiam lo. Ka pumpui chak lo leh ka taksa chaklo, ka Lung lam la fel loh vang a nih ka ringber zawk



Bathroom-ah chuan min hnawh lut nawk nawk a, thaw hakin ka rai pawh ka inrin loh êm avangin a sawi angchuan ka ti ve mai bawk

Ka sawi ang tak takin ka rai lo rêng bawk a. Test kit chu en tirin, "kha, ka rai lo, eng nge maw ka rai ngawt ang le," Tih leh bathroom aṭang a chhuakin ka bag chu ka la a


"Clinic-ah ka va in entir ange," Tih leh ka room ka chhuahsan, mak tih hmel deuha min en zui haw haw leh, "a mak hle mai," A ti chu ka hmu reng


"Eva, khawnge i kal dâwn," Tluanga a rawn lut ve chiah, Ka nuhrawn in min hmuh ruala room ah a lut daih chu mak ti deuhin ka en zui heu bawk a



"Eva," A rawn tih leh chuan hawi thla vatin, "ka in entir lawk dâwn. Tinge i rawn haw?" Ka pan hnai


"Share minpek i tum kha i hming sign ka mamawh a, vawiin hi board directors ho meeting neih hmasakber tur a ni bawk si a," Ka bu nghat nghat


Hospital enkawl zawm turin Tluanga ka ti a, ka Pa pawhin a hnen aṭanga inzir truin min duh viau nâ in, medical lam hriat pakhatmah ka nei lova, ani doctor alo ni bawk nen, kei aiin a inhmeh zawk. Bakah, karleh maiah Australia pan ka tum hrim hrim bawk



A file keu ah chuan ka hming ka sign zung zung a, kan chhuak rual lehnghal mai


Clinic hnaiber ah chuan ka lut a, dam lo pawh antam lem loh avangin rei pawh ka nghah a ngai lo


Ka awmdan ka sawi chuan engmah sawi set set lovin pregnancy test kit bawk chu min rawn pe ve


Ka lo melh vak, doctor mah nise, a ti âwm ang lo leh lutuk mai!


"Ka test tawh ka rai lo," Ka lo ti hmuk



"Test kit ṭhenkhat ah hian a lang mai ṭhin lo alawm," Dam dapa a tih chuan ngei ru deuh chungin ka la ta tho a


Toilet lam panin, phur lo zet leh rilru in "ka rai lo" ti ru mawlh mawlh chungin ka test ve leh hram a


En pawh ka en eih lo, ka ria lo tih ka chian lutuk vangin ka en peih lo zawk. Ka zun chawp chuan ka keng chhuak a, dispo cup a ka zun chu nurse ka pe a, a ner nasa mai. A doctor vangin a tuar a ni mai


"I rai elaw," A rawn ti



Ka nui, a fiamthu ah ka ngai mai, "i rai tak tak alawm," Ka test kit chu a rawn lek chhuak a, ka lo phih thla sawk, ka zun pawh ka ti baw lek lek



Rin sen 2 awm chu mitmu pawt chhuak lo chauhin ka en a, doctor room ah tlân lut zui rawk rawkin, "heihi...heihi a dik lo tiraw?" Ka ti nghal chul


Doctor chu lo nui sun sunin, "i marphu ka deh khan i rai tih ka hria alawm. Thla 1 vel awrh ala nih hmel," A tih phei chuan ka rilru a mang vek



A thusawi chu dawt nise ka tihna leh thudik nise ka tihna a inzat chiah bawk



"Ultrasound hmanga en i duh em?" Ka Lu ka thing nghal vat vat. In ngaihtuah ka ngai

"Thla 1 vel chauh ala ni a, hmuh phei chu ala hmuh theih loh ang..."A ti leh chuan, "ka hria," Ka lo ti vin hlar. Min en haw pawh chu ka hmu reng, ka dinga room chu ka chhuahsan chhat chhat

Ka in entirna man pe in, ka chhuak a, "a fiamthu a niang," Ka'n ti thlà leh ngawt ṭhin a


Ka dul ka dawm leh ṭhin bawk. Kawngpui sira Drugs store tih inziak chu ka en a, ka pan zui vat


Pregnancy test kit bawk chu panga lawih leiin ka haw zui nal nal, ka awihlo hrim hrim. Ka rai ngawt thei lo


Inchhungah tlân lut chuan ka room ka pan a, kawngkhar chhung lama kalh rawk rawkin bathroom ka pan vat


Test kit phawrh nawk nawkin, ka test vek a, a vaiin rin 2 vek zu han awm a maw le. Minfiam hlawm emaw ni?


"Ni lo, a dik lo ang," Ka lu ka thing nawk nawk engtin nge ka rai theih ang. Bryan ka rilru ah a rawn lang, "a pawm a ngem?" Ka lu ka thing vat



"In inkalsan tawh, harh ta che," ka in hau nghal mawlh mawlh a


Bathroom aṭang ka chhuak chu ka phone a rawn ri ral ral. "Hello" Mimii aw ka hriat chuan ka hnuk a ulh nghal ringawt lehnghal



"I aw chu enga tinge? I pa chanchin ka lo hria a, i ṭha em?" Ka thaw halh


Ka Pa aia buaina lian ka nei a ni tunah hian!


"Eva..." Ka ngawi ngur


Ka en ngai en in, "engtin nge niang? Engtin nge ka tih ang?" tih bak ka rilru ah hian a awm thei lo



"Eddie-a an man kha i hria em? Heroine leh damdawi dang tamtak a kutah an man tel bawk," Mimii'n a rawn tih leh chuan thaw halhin, za lo zetin ka lo nui


"News ah ka lo hmu a," Ka ti ta sap


"Anih damdawi hmangin hrai che a tum tih kha?" Muang ban chap leh min zawh hreh hmel taka a rawn tih leh chuan ka leh thaw halh, "hria e," Ka ti leh sep bawk


Ni e, khami zana Bryan-an min pawngsual na vanga tuna effect tuar hi ka ni! Ni e, a ni khawp mai. Khami zan khan rui lo se. Harhfim se ka rai tawp lo ang


Engthil nge ka tihtak ang? He tihpalh thil thleng hi chu a lian tham mah mah a ni


"Bryan...." A tawp dat, "Bryan-a thiamloh a ni lo tih i hre tawh ang tiraw?" A rawn ti leh ser ser a


A hming ringawt pawhin ka lungphu a ti rangin minla ti danglam fo thei a nih hi!


"Eva..."


Ka chhan mai loh avangin min rawn ko dut dut, "Mi, a thiam emaw thiam lo emaw, ka lo hre hma emaw hre hma lo emaw, ani nen chuan hmalam hun kan nei lo tih i hria alawm. Mi pahnih kan hringnun kawng zawhlai ah tihpalh thilthu in kan intawng ve mai chauh a ni. Hringnun inṭawm tur ni lovin," Chhungril nâ leh pawmhar ti tak chuan ka ti chhuak vawng vawng a



Ni e, ka rai... Ka rai a nih pawhin a tel ve tawh lo. Ka khawvel chu keimaha ka ṭan a ngai tawh tih hre tur ka ni



"Mumbai ah rawn chhukthlak an tum a," Ka ṭhu ngil awt



"I fiamthu tiraw?" Ka ti nghal chul



"Fiamthu lo. Mizoram doctor leh Delhi lam te an pan tawh a, an beidawng zel sia, Mumbai rawn pan an tum. Ke-a a kal theih tawh loh tak tak ka hlauhpui khawp mai," A rawn ti leh vawng vawng a


Ka thawk lak a sak zui ṭalh, accident a tawk a ni tih ka hriat hlim pawhin nikhaw hre lovin ka awm phah hial a nih kha! Mizoram let leh mai kha ka duh rum ruma mah se, ka kawng zawhsa ka hriat chiansa ah ka letleh tihn a ni dâwn a, rilru nuamlo takin ka ṭhulh fel ta kha a nia!



"Eva...."



"Chuti maiin a beidawng dâwn lo tih ka hria alawm," Ka dul chu ka tawk zauh


"Beidawng mai mai chi a ni lo. A ke in a ding leh ang a; a kal leh ang a, a hma angin a rawn tho leh dâwn tih ka hria a ni," Ka sawi lai rengin ka mittui a rawn hnâm ṭiam ṭiam


Ka mipa hmangaih kha ka ring a, a ke in a ding ang a, a kal ang a, zahawm tak leh chapo takin a hawi leh dâwn tih ka hria.

Beidawnga wheelchair-a damchhung hmang turin a inhneh tir dawn lo tih ka chiang mah mah


Chutiang bawkin, keipawhin, in ngaihtuahbuai ngai miah lovin, he naute hi keimahin ka hring ang a, ka enkawl bawk ang. Pa a mamawh lova, kei leh ka naute kan pahnih khawvel hi ka din dâwn a ni. Tu in nge mipa kan mamawh ti a, mipa hmangaihna kan mamawh ti ni? Kei leh ka naute tur, Bryan-a pawh kan pathum hian kan kawng, kan nunah ṭheuh kan hlawhtlin angai!



He naute hi ka tan beiseina a ni ang a, ka hma hun a ni bawk dawn tih ka hriat ang bawkin. Engti kawng mahin Bryan-an a hre tur a ni lo tih ka hre bawk. A chhan chu a hmeichhe hmangaih nena anfa a chân laia a fa ka hring tih a hria a nih chuan min thahsak emaw min laksak ve duh mai ka hläu a ni.



< END OF SEASON 1 >



SEASON 2
< Mr. Captain S2 : Hello! Stranger >
~My Treasure S3 : The Unfinished Story ~

<><>~>



"Excuse me....Excuse me... Hello... Hello! stranger," Tih paha ka kekawr pawt dat dat tu chu ka en chhuk a


Ka sunglass la thla meuhin ka en zui, "khawngaihin i ke ila sawn thei angem? Ka coin i rap," American aw phawi taka arawn tih fiah leh kalh kalh chuan ṭhut hniam ka tum

A kut nen meuh, "Stop. I ṭhut kher angai lo, i ke hi la sawn mai rawh," A tih fiah leh kalh ka nui chhuak ta huk mai. Kum 6 hnuah ka thu leh tihluihna tel lova ka nuih vawikhatna a ni


"Awii! Bryan te tetlai a ang lutuk. Lion han enteh mah he nau hi," Ka nu chuan a rawn ti hluai


Keipawhin ka naupanlai thlalak ka en angah ka in ngai hial

Ka ke chu ka khai a, 50cent ka rahbeh chu chhara tuai faiin, "ka lawm e," Tih leh inherin a tlan sawn nal nal, ka nui leh suk



"I fapa ni âwm a nih kha le," Ka Pa pawh chuan a rawn ti sup a, ka lo thaw halh thung. Ni e, Evalyn-i kha nei ni ila chuan kan fa hmasaber pawh khatiang rual kha a ni ve tawh mai thei asin!


Kum 6. Kum 6 lai a ni ta, Evalyn-i ka zawn erawh ka la ṭhulh phah chuang law. Ka zawng hmù ngei bawk dâwn tih ka hria. Khawvel hi hrut chhuah vek ngai pawh nise, ka hrut chhuak mai ang!



<>~>~>~>


"Bullying my son," Dingin an lam ka hawi a, "have you thought it twice?" A fapa chu, ka fapa a en ang chiaha rum chuan ka en let khar


"What?" Mak mintih hmel tawp!



"I say 'have you thought it twice?" Ka ti leh fak fak



"Mummy..." Naupang chu a nu en chho in ṭap nghal puau puau


"Engthil nge maw i tih le?" A fapa chu pawt hnaiin a hnunglamah a din tir a, "he naupang hi, he school aṭanga hnawh chhuah a nih loh chuan board director hnenah ka report ang," Min vau ve khanglang a!


Ka ner sawk, ka thle deuh hâ bawk a, "Miss. Chelle an intih buaina hmun ah cctv a awm em?" Damian-a te Miss ding ve ran chu ka en a



"Play ground-ah khuan a nia, a awm ngeiin ka ring," Tih leh a computer lam chu a pan a



"Dar engzah vel kha nge aw?" A ti deuh vang vang chu ka fapa fing lutuk hian, "office -a kan dinna hi 25mins a ni tawh Miss. A awmzia chu dar 2:30 pm khan kan insual tihna," Fiah zeta a lo tih chuan an Miss chu kan lam a rawn hawi hâ, naupang Nu pawh chuan a rawn en ve hau tho



Ka fapa hi chu a fing êm a sin! Duh aiin a fing mah mah hi ka buaina a ni fo bawk!



<>~><><>~>


"Damian, vawiin chu i Pi Mampuii te In ah ilo awm leh angai a," Ka tih chuan a ner nasa ngang mai


"Internet-a ka hmuh danin, March thla apiang hi an boring anti a. Api Mampuii pawh a boring ka ti," A tih chuan ka nui ringawt



Pheikhawk chu a hmaah ka theh thlaa, amaha bun pahin, "an lehkhabu pawh ka chhiar zo vek tawh, ni lengin eng nge ka lova tih ang?" Ka sam tuai mam thuak thuakin ka fapa chu ka en a


"A hmasa in Internet-a thusawi chu dawt a ni. Tin, i Pu Ryan-a leh i Patea te ho an awm ve dâwn a, vawiin chu a boring lo ang. Ok?" Ka tih chuan in ngaihtuah deuh vang vangin, "OK! Mahse, thil pakhat min tihsak angai," Awii! Ka tlai leh dâwn


"Ok, ok eng nge?" Ka kai chhuak pah dawt dawt a, "ka birthday ah ka hrilh angche," Car ah ṭhu lut paha a tih chuan ka nui ringawt a, ka ṭhu lut ve zat bawk!


~~~~~~~~~~~~~~~

NOTE : MR. CAPTAIN Season 2 ka post hun tur hi pangai takin post ka rawn siam ang aw❤️

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)