My Treasure S2 : MR. CAPTAIN By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: MR. CAPTAIN ~My Treasure S2 ~ By Floria Laldansangi (Completed)

Unread post by Ngaia » July 4th, 2021, 3:05 pm

MR. CAPTAIN
~ My Treasure S2 ~
By
Floria Laldansangi


chapter < 13 >


BRYAN....POV



"Khawnge Evalyn?"



"I hmu lo a nih chuan a awm lo a ni mai," Ka lo ti nghut

"I ṭha maw?" Brayden-a chu whisky no lek kângin ka melh zauh a, ka nui suk bawk



"Ṭha mah mah. Pawimawh a awm em ni?" Khawpui ri dur durin, kawl a phe chuai chuai bawk. Ruahpui vàn âwna a sur bur bur bawk a!


"Sir."


Brayden-an min chhan hma in Marco a rawn lut a. "I sawi ang khan ke in a rawn haw," A ti zui sup. Ka ner sawk, thlanmual ka chhuahsan dâwn khan Marco bulah ke in rawn haw tir tur leh, taxi emaw car danga a chuang tur enzui turin ka ti a nih kha. Ka rin aiin a luhlul daih lehnghal! Ke a arawn thlen tak tak ni



"Bryan, engthil nge awmzia. Owen...ka tih awmzia chu, Evalyn-i i tihna a ni lo ang tiraw?" Min rawn din hnaih



Ka no(glass/cup) ah whisky chu ka thli leh a, "Brayden buaina i neih loh chuan haw rawh," Ka ti bul hluk



"Hrepa Bryan!" Tih leh tukverha puanzar chu pawt hlîp in, "engthil nge maw i tih khu le?" A ti zui leh hrawk


"Ka rin aiin a rawn thleng hma," Marco chuan a lo ti sup


Brayden-an, Marco nena min kawk tawnin, "eng buaina teh hrep nge maw inneih ni?" Ti leh nghat chuan pawnlamah a tlan chhuak nghal a



Zu no dawm pahin, tlema inher deuh chuan pawnlam ruah sur ri bur bur leh kawl phe zuai zuai chu ka en a



Gate-ah Evalyn-i a rawn pen lut chhat chhat, a huh zawr vek a, t-shirt var a hak avangin, a taksa leh pian nalh tak chu lang chiang tak a ni.

A kawr hak chu a taksa ah a bet thlap, a bra hak rawng nen lam lang chiang tak a ni. Tu mipa nge hîp a tum khanglang ni?



Gate a rawn pên luh rualin a ṭhingṭhi thla hnawk, Brayden-an a kuah zui chu ka ngaithei ṭhak lo. Tu mipa mahin an khawih tur a ni lo. Ka unaupa pawh tiamin, a chunga thu neitu chu keimah chiah ka ni. Keimah chiah!


A thi leh a dam tur thlengin ka thuber bawk!



Ka no a whisky la awm zawng chu ka tlak zui pap, ka ṭhen sawk bawk


Ding vutin pawnlam, ruah sur bur bur lam pan chuan Brayden-an Evalyn-in pawma ka lam a rawn hawi pui chu a hmaah dingin, "Min pe rawh." Ka ti bul nghut



"Awm sawn rawh Bryan," Min pek a tum lo tih hriat takin ruahsur leh ṭêk ri chuai chuai karah chuan a rawn au a



Ânchhia phuh chhuak hlukin, "kan buaina a ni Brayden," Ring zetin ka ti chhuak a, khawpui rawn ri zui dur dur chuan ka aw thum leh ring tak chu a ti hlauhawm zual!



Brayden-a kut aṭanga Evalyn-i zawi hnuang leh hmui duk chur mai, taksa vawt tak mai chu la in, "haw rawh," Ka ti zui hrawk bawk


"Bryan..." Ka inher tur chu ka enlet leh



Min rawn pan hnai a, "inzawmna nghet neihpui i duh loh chuan ti na suh," A au a au a ngaih avangin kan unau chuan in hma chhawnin kan in au khum



"Inzawmna nghet," Ka nui chhuak huk, "tu hmeichhia nen mah inzawmna nghet ka nei ngai dâwn lo tih i hriat kha. Haw rawh, naktukah ka Pa te ka tlawh ang tih hrilh angche," Au letin ka inher zui nghal a


Huh hnuangin Inchhung ah lutin, "Marco, nangpawh haw rawh," Ka ti leh hluk. Evalyn-i chu ka melh zawk. Ka phun sup bawk a


Mawl lutuk mai! Ke a rawn thleng turin ka ti a. Ruah do turin ka ti hleinem! Hmeichhe thluak thaw lutuk



Brayden-a thusawi zawh chiah kha ka bengah a rawn ri nawn leh. Ka ner sawk



"Mipa-in an ngaihtuahna theihnan chea awmdan i thiam viau a ni tiraw Evalyn," Ti thum chhur chhur chuan inchung lam ka panpui a


Room Bathroom-ah luh tlangpuiin, bathtub-ah nghat chuan a rawn khur chhuak dar dar, "a vawt, a vawt," A ti sep sep


A khaber a hmerin, "i hre chauh em ni?" Ka ti hluk


A rawn meng zui diar diar, a mit sen râm leh a hmui vawh tih vanga khur der der te chu a lang sexy tlat lehnghal!


"I lawm tawh em?" A rawn phun sap, mit a chhing zui leh diar diar a. A ṭawng chhuak hleitheilo chung pawhin a tlâwm a tum loh zia a aw ki ah alang


Ka thawmhnaw huh zawr zet mai hlio sawk sawkin, Evalyn-i thawmhnaw hlih sak ka tum chu a lo indang ve chu ka rum ri hrawih. khanglang a!


Nimin lawkah pawh saruak vekin ka hnuaiah a mut kha le!



"Ka hmuh hnu vek a nih hi Evalyn," Ti bul hlukin a kut chu ka dah sawn a



Meng mang hleilo hian a rawn nui hak, a taksa khur dat dat leh thi lek lek hmel a pu chung pawha min cho em em mai chuan minti thinrim leh mai dâwn !



"Theihnghilh suh Evalyn, i chhip aṭanga i ke ler thleng hian ka ta a ni. Mipa dangin an kut hmawr pawhin an tawk thiang lo che. Ka ta, ka sal i ni. A chiang em?" A biangah chuan ka hmer zui a. A nui tih hriat takin a taksa a chet dat dat. Tlêmin a nui ri a rawn chhuak bawk!




"Keimahin ka inbuaipui thei," A kekawr kawng ka dawmna vai sawn a tum a, a kekawr kawng aṭangin ka khai kang zauh, "ka that lo che hi lawm hle tur ini Evalyn," Ti bul leh nghut chuan a kekawr chu ka pawt hlîp sawk a



Bra leh kekawrte nen chauha bathtub-a a mu zar mai chu nalh han han tak a ni. A vun no leh sen no suah chuan dang a ti ro zui halh bawk


Mit chhing sawka thaw hrawihin, a bra hak lai leh a kekawrte huh phelh sak lehin, a hnute hmur sen no tak mai leh kawng fêk rat mai te chu, ka ṭham bawrh bawrh loh nan mit ka'n chhing leh ang sawk sawk a


Ka hnuai lam lahin thisen a rawn ti lum rang nasa, a rawn che zui nghal ṭual ṭual, saruak ve ve a awm, taksa nalh, khawizu leh hnute tui a inbual ṭhin ang maia vun no var han hmaa thisen lum ta pup pup leh, mipatna khawng ta awt chu ka thiam loh pawh a ni hrep love!


"A vawt, a vawt Leah...." A rawn tih leh takah chuan thaw zui kawkin, ka dang ro ṭha tak mai tih hnawm nan chil ka lem zui khalh a, Evalyn-i chu pawm kâng nawlhin bathroom aṭang chuan ka chhuahpui zui zat bawk!



<><><>~>


EVA... POV



Ka khur dar dar, ka taksa chu pangti lum nuam takin min rawn hnaihin, min kuahbet a. Saruak vekin kan awm a ni tih hriat takin kan vun chu a inchar nghal thlap



Min kuahtu lungphu dat dat chu chiang takin ka hria a. Tunge a nih tih nen; Mahse, meng turin chakna ka nei lo, a vawt a, ka dang a ro em em bawk!


"I harh a nih chuan damdawi ei rawh," Bul zeta rawn ti tu pawh chu min kuahbet tlat tu Bryan a ni



"Evalyn ka thusawi chu i hria em?" A inla hrang a


A che zui rak rak, "damdawi ei rawh," Tih leh min tung tho nawlh.



Ka meng diar diar, a hmel rum ûl mai leh min huatna mitmeng chu, mitmu kham ut ut leh Lu na zet chung pawhin ka hmuh hmaih hauh lo


Damdawi chu ka la a, tui nen chuan ka hmawm zauh, tluk lehnghal mai ka tum chu ka dar tawn tawnah a rawn chelh a



Chiang taka min en in, zawi tak chuan ka nui dat a, "i inchhir leh si em ni?" Ka ti zawi sep. Ka thusawi chu a awmzia chiang takin a hria tih hriat takin a rum nghuta, "Hreptak che hian Evalyn. Ka enkawl che avangin inchhir ni ila saruakin ka taksa lumna ka pe hauh lo angche," Bul zeta tih leh min nam mu nawk




Ni e, vawt ti a thi lek lek hmeichhia a hmaa awmchu khawngaihna tlêm a tilang ve ah ka ngai!



Mit chhing zui hmakin blanket chu ka pawt khawm a, tawm chawih chawih chuan mu khur leh zui beuh beuh bawk!



Thawm ri rak rak ka hriat chuan ka zi mar ṭiah ṭiah a, "ka ti harh che em ni?" Hmeichhe aw ka hriat rualin ka meng nghal kawk. Blanket chu ka pawt khawm nghal sawk sawk



"Ka tihpalh, ka ti hläu che em ni? Makimi ka nia, he In enkawl tu hi. Mahse, lângin. Pu-in porridge siam sak tur che in minti a, intifai la i rawn ei dawn em niang?" Nuisanga tih leh balbawm chu pawmin room chu a chhuahsan a, ka thaw halh



Ka sira sana chu ka melh zui zauh a, tlai dar 2 a pel dawrh tawh lehnghal. Ka thaw zui kawk. Ka taksa chu tlêmin ala kham deuh mah mah bawk



Hmanhmawh lo takin khum aṭang chuan ka tho chhuak a. Ding ngilin ka'n zi mar leh ar ar phawt a


Ka taksa hit sawng sawngah chuan thawmhnaw pakhat mah ka inbel lo tih ka hre chhuak chiah. Rang lutukin bathroom-ah ka tlân lut a, ka nui chhuak hak. Ka chetdan atthlak lutuk chuan ka nuih a ti za tulh tulh, keimahin mi â ang maia nuiin bathtub-ah tui lum dahin ka inchiah zui vang vang a



Nimin lama thilthleng ka ngaihtuah let, ka kuta zungbun chu en leh vang vangin, "a ṭha e, i lungawi hma leh i duhthusam a tlin hma chuan i duhdan chuan kan nung dâwn nia; Mahse, Bryan......" Ti chuai raihin, thaw ka la hap a, zungbun tuai zauh chuan, "ramri pêl suh angche. Hmangaihna a bul ka ṭan hi, huatna a tawp tir ka duh lo," Ka ti zawi ta sap a. Nui seihin, "tu lei mah ka ba ngai lo," Ka ti zawm sep bawk



Nimin khan ka ṭap tam tawk tawh bawk a. Vawiin, tun hun aṭang erawh ka mittui hi farkhat pawh ka far tir tawh lo ang a; ka hmel ah hian nui hmel leh ka nihna, "tualthattu" mintihna nun nen ka hmachhawn tawh dâwn che a ni!

.
.
.


"I hming kha ka theihnghilh daih. Engtin nge ka koh dâwn che?" Choka ka luh rualin min hnung chhawn zawnga ding chu ka bia a



"Makim' minti mai rawh. Porridge ka rawn la ang, zanriah ah eng nge ei chak zawng te i nei em?" Porridge ka hmaa dah pahin a ti a



Ka Lu thing pahin, "porridge hi ala awm chuan ka ei leh mai ang, ka khawsik a la awm deuh si a," Ka ti sep, ka hawp zui zat a



Ka rin ai takin a tui phian, "Evalyn ka nia, Eva minti dawn nia. Chuan heihi eng porridge nge?" Ka hawp lehnghal



Nuisanga ka lam rawn hawiin, "kawlbahra(sweet potato)" A ti sep



Zawhna ka zawt a, a ṭawng duh ve pangai bawk nen ka ei zawh hnu pawhin kan titi zui ta duah bawk


"Eva..." Brayden-a aw a ni. "Evalyn....." A rawn ti lut lawng lawng



"Eng nge?" Choka kawngkhar lam pawh hawi lem lo chuan ka lo ti hlar


Nui huk huka rawn lutin, "nizanah ka pui mah mah che, minlo läwm hle tur ini," Ka hmaa chair pawt chhuakin a rawn ṭhu thla a



A thusawi awmzia hrethiam lo zetin ka lo en hau. Nizanah, ani puih ngai hian ka khawsa aw kawngka lo!


"I mumang nen em ni i rawn luh?" A nui huk



"Insiam rawh," Tih leh chair hnung nghet datin mit i zîmsan in min en a


"Engvangin?"


"Ka Nu ten an mo thar tur an hmu duh," Awlsam zeta a tih chuan ka ṭhu ngil nghal awt


"Maw? Keimah hi!" Ka in kawk a


"Aw! Nangmah kha," A nui leh huk


Thaw halhin, "kan in....." Ka ti hman, Brayden-a melh zawkin, "ka tih chu, a hma mah mah lo maw?" Ka ti sap


"Bryan-a zawkin rawn hruai che a tum a, keimah ka rawn tlân chhuak hmasa hi läwm hle rawh aw," A mitko a sän ak. Eng nge maw a hriat le? A ṭawngkam hman dan chu ka hrethiam lo. Nge ni a, ani pawh hian Tetei nen kan inzawmna a hre zawk?



"Eng nge i sawi awmzia?" Ka ti sep



"Awmze nei turin i duh em ni?" Nui suka tih leh, "ka fiamthu a nih kha. Ka Pa nen hna chungchangah an inbia a, ka Nu in min rawn tir, han insiam rawh, keini pawh hna chungchang sawi dun kan ngai," Awlsam zeta a tih leh chuan ka thaw deuh halh


Ni e, Bryan-an ka chungah phuba lak a tum a nih chuan a chhungte emaw a unau te a hrilh kher nang!



Ka ṭhutna aṭanga tho vin; inchung lam chu ka pan a, ka kawchhung ah, ka hriat thiam chiahloh zâmna ni âwm tak a rawn in mung khawm ringawt lehnghal


Jeans kekawr tight tak hak ka tum uk a, ni theia ka hriat leh loh avangin jumpsuit sen duk, bân bul lutuk lo leh ka ngal rek thleng, tlema arh leh mal phuar lutuk lo, a nghawng V-zau lutuk bawk lo chu ka in bel a, Adidas pheikhawk pum var chu ka in thawlh nghal nawk nawk


Ka sam buang thâng leh kawi ngiat chu säng takah ka ṭawn vah bawk. Ka hmai ah hian makeup ka hman ve vak lemloh avangin moisturiser ka tat leh tawk tawk a, lip gloss in hnawih mawm in, in en vang vanga thaw la kawkin, "a ṭha lutuk Eva. I pasal tak tak tur pawh a ni lova, a chhungte hmuhah pawh mark score vak i ngai lo," Nui chunga tih leh inherin inhnuai ka pan zat



"Wow! Engtiang pawhin i nalh a ni," Brayden-a kal pelin, "ka hria alawm," Ka ti chu ka hnung lam ah a rawn nui hawk hawk. Ka nui ve hak tho

..
.

.

"Naktukah office ah rawn kal ta che. Dawr vel te pawh kan inhmuh ang a," A tih chuan ka bu nghat. Pawi tihna ka nei hauh lo


"A pawi miah lo. Ding teh," Ka ti nghal ṭhat


Pangpar dawr lam chu ka melh a, "hnamdang ho tak hi chu!" Brayden-an ti supin a car park ṭha chuan, "rei suh," ka chhuak tur chu a ti leh sup


Rose par pawm chunga ka ṭhu lut leh chu nui ṭhû in, "kan kal thei tawh em Ma'am," Ka melh vak



"Brayden kan contract chungchang hi sawi ka duh a," Ka melh zauh


Car khalh pahin, "engtin?" Min rawn melh ve zawk a


"A theih chuan tih tawp ka duh," Ka ti sap


"I fiamthu tiraw?" Ka thusawi chu a ring chiah lo a niang



"Ka thu tak viau," Min rawn en hau


"Hma lam en rawh," Ka lo ti vat


"Harsatna i nei em ni? Emaw contract ah lungawi lohna i neih chuan sawi rawh."


Ka inthlahrung takzet;Mahse, Mizoram ah hian awm reng ka tum tlat lo. Bryan-a nen lah kan inkar chu....Arghhhh.....! Ka ngaihtuah tam peih lo, engtik ah nge min hne ang a, min pet chhuah ang tih pawh hriat loh a nia!



"Kan la sawi ṭha dâwn nia," Tih leh Gate in hawng ri ruah ruah lam chu ka en a, Inchhawng 3-laia sang a ni



Pawnlam aṭang ringawt pawhin a nalhin, a pui takzet!



Car din dat rualin inchhung aṭangin nutling pakhat hi a rawn chhuak a, a hnung ah tlangval pakhatin a rawn zui ve bawk


"Ka nu leh ka Nau Ivan," Kawngkhar hawng pahin Brayden-an a ti sup


Thaw la hakin, "inbeng dai rawh," Ti chhuak sapin kawngkhar chu ka hawng a



'Nu hmelṭha tak a ni' ka ti lo thei lo. Nu lian tak a ni hauh lo nâ in, a hmel felfai thlap leh vun mam nalh tak nen, en mai chuan Bryan te unau zing ami ni mai tur alawm a nih!


"Eva maw?" Min rawn chibai a



"Aw ni e, heihi i tan," Ka rose lei chu pe in, a lawm thiam em em khawp a


"Ka pangpar ngainat ber a nih hi. Ka lawm e," A nui var var. A mitmu dum fiah tak maia min en kalh chuan ka zâm chhe leh zo dâwn. Nu fing fel tak a ni tih a hawi herah chuan hai chi a ni mawlh lo. A fate hian anbum thei in ka ring hauh lo bawk


A nui hmel leh ṭawngkam zâng vah karah chuan a zahawm ru em em bawk si!


"Hi! Ivan-a ka nia. Ivan Lalbiaksanga," Heichu ka hmaa ding a Nu nui hmel chiah chiah!


"Eva," Ti sepin ka chibai let a


"Lut ang u hmiang, ka rawn koh tir ta thut che sia, i ham haih viau lo maw?"


"Ham haih hran love, keimah zawkin rawn tlawh hmasa tur che u ka ni zawk a," Ka ti let vat


Inchhung chu pui hem hem tak a ni. Mumbai a kan In kha lian leh zau, pui ve tak a ni a. Bryan-a Nu te in lakah chuan nêpte a ni!


"Chaw ei ala hun chiah si lova, kan titi dawn nia. Khawnge i nau?" Tih leh, "Ruati, pangpar khawina tur chhuar hnuai ah ka Vase lei thar ka dah kha rawn la ta che," A ti zui lang lang


"I nau chu han ko teh," A sira Ivan-a ṭhu chu a ti leh a, an inchhung cheidan leh design dan chu ka melh kual hrek hrek



"EXO MV thar release ni a nia, a châng a nih kha. A room a kalh a luh theih loh, a in kalh hnan," A tih chuan ka lo nui hak


"EXO buai hian kan buaia keini chhung chu. Ti daih ila, Mumbai ah engtik aṭangin nge in awm?"


"A rei tawh. Ka pianna a nia," Ka ti sep


"A nih tak chu maw le. I Nu leh Pa anla dam em?"


"Ka Pa ala dama, ka nu erawh ka naupanlai in a boral tawh," Ka khur ru der derin ka hria!


"Tihpalh lutuk. Naktuk....." A tih laiin, "Eva nangmah ini tiraw?" TV lam kawka Ivan-an a rawn tih chuan kan hawi vat


Ka nui ringawt a, "khai! Ka hre hleinem. Ka u te hian engvanga min hrilh lo nge maw annih le. Ka chibai ṭha leh dâwn che," A tih chuan kan nui dun dun hak hak



"Owen ilo ni reng a," A ti zui leh nang nang


"Engtin nge ka koh angche?" Ka ko mai dâwn a, koh dan tur ka hre lo


"Awi! Ka mawl zia hi. Maya-i ka nia. Hetah chuan Nu Mal te mintia, minti ve mai rawh," Awlsam zetin a ti liam puat, ka bu nghat



"Ka fapa ngaihzawn chu a hahthlak viau lo maw? Ani hi chu a pa mizia a chhun lel lul lutuk a," A nui var var


"Min lo rel em ni?" Kailawn ah Bryan-a leh a pa ni ngei tur, palian zet mai an rawn inzui thla a


Bryan-a nu leh pa te hi kum engzah nge annih ang tih ka ngaihtuahna ah a rawn lang. An la ṭhalai si a



Bryan chuan ka ṭhutna lam a rawn en ngur. Ka bulah ngawi rengin, min si chetin a rawn ṭhu a


"Rel hman inni lo. Lion, chaw ei hmaa damdawi ei tur ila ei lo," A lo ti vat


An inbiak dan leh en dan. A pasal a koh dan chu in ngaizawng hlim te pawh an la ang alawm!


Bryan-a pa in, "Eva i ni ang maw? Nathan-a ka nia, min Pa ve mai dawn nia," Min rawn chibai a



Bryson-a leh Brayden, an fanu ni ngei tur pawh an rawn inzui thla diah diah, an chhungkua chu hung ve tak anni!


An fanu neih chhun chu ka hmaah rawn ṭhu in, "Alice-i ka nia, kan inrual chiah a, ka U lo mai angche," A tih chuan ka bu nghat


"Ka U in nupui atan hiala a duh chu eng ang hmeichhia nge inih ang tih kan hre chak hlawm lutuk a. Bryan ber lah hi ka(mouth) nei lo ang maiin a ngawi tlat a, a phirpui te pahnih lah chu ti tho. An thukru che in ka hria," A U te melh kual ram ram paha a tih chuan an lo nui huk


"I bialpa te MV han en mai mai teh. Kum inrual si ah i mawl bik zia hi. EXO buaiin i buai a, Eva te chu en rawh hei kum 3 a zawnin NG champion nihna a chelh a sin," Ivan-an a rawn fiam zauh



A U hnungah chum datin, "kal maiteh a, tuina zawng hi a in ang lo a ni mai. Tiraw Eva?" Ka lo nui ringawt


"I nu a chhun a nih hi. I nu oawh raipuar pung chung pawhin 'Lee Min Ho' a ti ṭuah hum zel alawm," Nui chunga a nupui a fiam chu, a malah annu in beng taihin, "i thik em em zel tho kha. 'Nei rawh' te kha min tia, nei thei ila ka nei daih zawk ang," Nui ar ar a a tih let chuan anpa chu a hnar a tum dat


A fate ho an lo nui dar dar. Bryan tih loh. An nupa ringawt pawh chu hmuhnawm an tling pha alawm!


Ka la zâm deuh nge ka kut hmawr chu a vawt thler mai


Ka awmdan Bryan-an a hrethiam a ni ngei ang, ka kut a rawn hum a, a kut phah len êm avangin a hum bo hneh sawh lutuk


Min melh zawk, a mit ah chuan nge nge a ngaihtuah tih ka hrethiam lo. A khabe ruh pawng lian zetah erawh läwm lohna a nei tih ka hre thung


Kan ti ti, kan ti ti takah chuan ka inthlah dul ve hret hret. Min kawm dan an thiamin, an chhungkua chu an i pawh em em vek a. Chaw ei lai te chuan an infiam in, an nui hawk hawk hlawm


Ka mitthla ah ka naupailai a rawn lang, ka Pa in ngaihzawng a neih ve hma te kha chuan, hetiang hi kan nih ve ṭhin tho kha maw!


Ka lung a leng thar thut chu ka thaw halh ka nui zui seih bawk. Chhungkaw awhawm tak Bryan hian a nei chiang alawm


Ka lo en leh veng veng ṭhin a ni ngei ang, "nuam iti chiah lo em ni Eva kan bengchheng si a," Pa Nathan-an a rawn tih chuan min rawn en ṭhap hlawm


Nuiin, "teuh lo. Tianga chhungkua a chaw ei hi kan nei ngai lem lo a. Kan nei ngai lo a ni mah zawk. In hmuhnawm," Ka ti chhuak sap


An inmelh hrek hrek chu nui chhuak hakin, "ka sawi awmzia chu, chhungkaw hung tak bula chaw ei hi a hlimawm ka ti," Ka ti ta nuaih a, an rawn nui hawk hawk. Ka nui ve sun sun ta ringawt

.
.
.


"Karleh lamah chuan Farm lamah i Pa Nathan-a nen kan let leh tawh dâwn sia. Keini khawchhung a awm tam lo nen, kan let hma chu shopping te in chhuak dun ila a ṭha ang Eva," Bryan-an ka kawngah a chelh rân



Pawnlam min pan pui pahin, "hna a nei ve Nu," Bryan-an a lo ti sup


"A boss pawh i nih loh kha," A nu chuan a lo ti vat a



"Ni chiah, inti thu vel lutuk," Alice-in a lo ti ve bawk a. Bryan chu a rum nghut


Car bula min din puiin, "kal tawh rawh u, a tlai tawh," A pa in a rawn ti sup a


"Kan kal a nia," Tih leh kawngkhar chu hawngin ka ṭhu lut a


An inchhung ka luha a hmel ka hmuh tirh aṭangin vawikhat pawh ala nui ve lo. A hmel thutak run chu ṭo haw tur ang mai a ni


"Hun i neih hun tur rawn sawi la, farm lamah te pawh rawn riak phei ve rawh aw," Bryan-a Nu in a tih leh chuan ka bu nghat nghat


A tlân chhuak a, thui pawh kan tlân hma in, "Engvanga In-puia rawn kal nge inih?" A tawp a tawpah chuan a ṭawng ve ta alawm!


Ka chhang lo, chhân ngaiah pawh ka ruat lo. A nu in min ko tih hre lo tur khawpin mimawl a ni hek lo


"Evalyn, zawhna ka zawt che a nih chu?" Dawh theilo tih hriat tak hian a rawn ti leh hluk


Melh nghal vakin, "keima thu a ka rawn kal i ring em ni?" Ka ti ve ngat


A bek a pawng ṭalh ṭalh, a steering chelhna bân thisen zâm pawng ta ṭul leh a kut var ta pup ah chuan a thinrim a insum nasa hle tih ka hmu thei


Mahse, thinrimna tur ka hre miah lo. Sawi dikloh leh tih dikloh ka neih lah ka hre hek lo!


"Ka Nu leh Pa te kha hlat angche. I hrethiam em?" A thusawi ka hrethiam lutuk chu ka nui chuak hak. Ka chhungril erawh a thîp zak thung. Tetei dinhmun ka luahlan a hläu tih ka hria!


Ka sawi tawh kha, ṭul lo ah ka mittui ka seng ngai lo tih


Bryan-a en in, ka chhungril tawt lutuk chu thaw ka'n la halh a, "Engvangin maw? Ka hriat miah loh vin; an mo hual Lung ka dawn vangin maw? Nge ni a, Tetei dinhmun ka luahlân i hläu zawk?" Ka tih zawh rualin car chu a ti ding tuar


Ka inring lo bawk nen hma lamah ka bu läwp!


"I â em ni?" Ka ti chhuak tuar bawk a


Ka lamah mitmu sen râm leh a mit khur thuk lam lek lek dur thim khup nen, thaw ri hrawih hrawihin a rawn hawi a, "i lei bawlhhlawh lutuk khan Tetei chanchin sawi ve tawh suh angche. Evalyn, ka ta i ni a, ka sal ini, ka sawi chu thu tawp a ni bawk," Nghet tak leh bung zet mai a a tih chuan thin phu dep depin ka en kar ka thaw dep dep bawk


Car chhung boruak uap leh rit lutuk chuan ka hrawk a ti ro halh a, chil ka lem khalh. Ka chhungril chuan a hläu a lawm. Zep rual loh vin tuna min en dan phei hi chu tlanchhiat vawn vawn na tham a ni.


Mahse, hläu angin ka lang duh bik lo. Ka en vah a, "ka nihna ka hria Bryan. Ka dinna hmun ka hre bawk. Min hrilh leh hriat nawn tir fo ka mamawh lo. Hmeichhe mawl tak ka ni lo bawk," Fiah fel fai zet a ka tih chuan ka lamah a rawn âwn hnai a


Seat hnung chu ka nek na salh, "i fing mah mah a ni Evalyn," A aw ki chu a ngeiawm in, tih el na leh inhmuhsitna in a khat


Ka nui lui a, "ni e, nang ang êm chuan ka mawl lo a tin ni," Ka ti leh ngat. Ve an amaw! Keimah Evalyn Lalnunthari Chawngthu lunglian lutuk ka nih hi. Tunge ka nih tih leh eng thilsual leh pawi nge ka khawih tih ka hria. Chuvang ngawta he mihring sal ka nih chhan tur erawh a awm aw zawng lo


"21st century a nih hi," Ka rilru in ka sawi emaw ka tia, ka lo phun chhuak chu ni in!



"Eng maw i sawi?" A ti chhur chhur, min hnaih tulh tulh a, car lah chu a chep tulh tulh bawk si!



Hnai set sawta in en run run chung chuan, "tu emaw sal ni tur khawpin tu pawi mah ka sawi lo ka ti a nih chu!" Melh chho vak chuangin ka ti leh vak


Ka inrin hmaa ka hrawkah a kut hniha rekbet chuan, "sawi leh rawh, tu pawi mah i sawi loh thu sawi leh rawh," A aw chu a ring lo nâ in, thinrimna leh pawisak neih lohna in a khat



Ka tal nawk nawk, ka thaw thei tawh lo, "Bry.. Bry...." Ti chhuak ṭawk ṭawk chuan ka ke chu ka leng nawk nawk a. A bân ah chuan ka ham in, ka chum a, nam sawn ka tum ve bawk



Mahse, a thâ zawng zawnga a hmang emaw tih mai tur a ni, chhete pawhin a tawlh sawn eih lo


A thaw ri hrawih hrawih a, "tu pawi nge i sawi zanin hian ka hriat tir angche Evalyn," A aw chu rapawm tak a ni!


"Zanin hian ka mipa hmangaih kutah ka thi ngei dâwn a nih hi," Ka rilru in ka ti hman tawh



Min thlah thut a, ṭhu ngil awtin, ka hrawk dawmbet chuan mittui tla phungin ka khuh zui bawrh bawrh. Boruak ka hak bawrh bawrh zawk maw le!



Na zetin steering a chum dawt dawt a, sakawlh inhro sa ang maia thaw ri hrawih hrawiha ka lam arawn hawi chu mittui nen ka lo enve ngar. Ka la khuhin, ka lungphu rang lutuk leh thawk lak ala pangai thei lo




A mit chu a sen râm a, a hnawm chap bawk! "Min rawn pawt darh ngei dâwn a nih hi" tih tur khawpa min en ngur ngurin, "chhuak rawh," A ti ta hraih, hnial ka tum buai lo nasa mai



Luhlul viau mahila, ka dinna ka hria ka tih tawh kha. Ka sa himna tura tlân chhiat hun ka hre ve bawk!



Car kawngkhar chu ka dap zui rawk rawk, rang lutuk chuan Car aṭangin ka zuang chhuak a, lei ka thlen a, Car kawngkhar pawh a inkhar fel hma in, a tlân chhuak nghal vuk, ding hnai ila chuan min tâi leng lawp ang tih tur khawpin a thli ringawt pawh na tak a ni




Thaw zui kawk kawkin ka dinna hmunah chuan ka ṭhu sawp hnawk. Ka lungphu zawn na bawk si, ka hrawk a rehna thîp na bawk si chu, khawi zawk nge dawm tur ka hre lo. Ka kawchhung lah chu a na tawt up up bawk a!



Boruak a tam thei angber ka hîp a, ka thaw chhuak leh ham ham bawk. Ṭhut pangai pawhin ka ṭhu thei lo, sawngnawi tak chuan ka ṭhu a. Chuti a nih loh chuan boruak hîp na a dal niin ka hria!


Van lam dak meuha thaw ham ham in, ka mittui a rawn hnâm ṭiam ṭiam. Ka mitthla ah nichin lawka Bryan-a hmel sakawlh kha a rawn langa thaw leh halhin, mittui khap let sak sak chuan ka nui chhuak uar uar



Ka mangang lutuk leh na lutuk awm ngaihna hre lo nui ka ni mah zawk



A tlân liamna kawngpui chu en in, mittui luang ngiai ngiai chuan ka nui lui leh awr awr, rei erawh ka nui thei lo nasa. Ka mittui a ai nasa in a rawn chhuak a. Ka inhnit zui nghal hlawp hlawp bawk



Chhungril ah mahni in khawngaihna in ka khat nghal mup mup chu ka haw takzet! Hetianga awm tur hi ka ni lo. Hetiang hi ka ni ngai hek lo! Ka ni ngai miah lo



"Ṭap suh Evalyn. Mittui ti tla suh," Ṭap chung chuan ka infuih a, lmka ṭhutna aṭanga ding chhuakin ka mittui chu ka hru hul tawk tawk



Ka hawi kual, an In awmna hi a hla rapthlak si a, taxi sawi loh car rawn tlân hmuh tur pawh a awm miah lo chuan minti mangang in, ṭah a ti chhuak zual


Ke in let dâwn ila, kawng chu ka dap haw ve thei mai ang a; keimah ringawt chuan, ka dinna aṭanga ka thlang deuh kawi thim lai khu ka pal tlang dâwn lo nasa rapthlak bawk si



Rilru leh kawchhung a tawt up up. Chutiang takah mangang a ka awm ka la hre ngai lo. Keima chungah te chuan ka thinrim ang ṭun bawk a!


Ka ipte chu ka dap rak rak a, ka phone lah chu car ah ka thlauh(thloh) daih emaw ni? Ka ak tawh reng reng lo. Hahthlak hian!



Thinrim zeta ka ke ka per tarh tarh laiin ka sirah bike hi a rawn ding dat, a khalhtu hmel aiin a bike khalh a chu ka lo en chiang hmasa a'h! Ka nihna hi a rawn lang leh ṭhin!


"Yamaha YZF -R6" ka rilru in ka ti sep


A helmet chu a phelh a, "puih i ngai em?" A hmel ṭhat mai bakah, a aw a pa tel viau mai!


Mahse, Bryan Sakawlha erawh ala tluk lo deuh! Arghhhh...... Ngaihtuahna ah pawh rawn pawk chhuak tawh lo se ka duh tunah rih hi chuan!


Melh deuh vang vangin, "Ramhlun South-ah kal ka duh a," Ka ti ta sep



A nui suk a, "i chuan ngam dâwn chuan ka kalna tur tho a nia," A hnunglam a melh zauh


Ngam leh ngam loh pawh a sawi theih loh hi! Hetah ka ding zankhua thei hleinem!



"Ka lawm e," Ti sepin ka lawn kaia


A rin aiin ka lawn hnehsawh a ti deuh nge, a nui huk, "in vuan nghet rawh," Tih leh ti rum deuh vak chuan a tlân chhuak nghal a vuk a




Ṭang ṭung chungin, ka rilru in Bryan-a ânchhia ka lawh mawlh mawlh bawk!


~~~~~~~~~~


MAYA & NATHAN-A



"Bryan-a bialnu chu eng nge ang i tih?" Nathan-a kuah chial chuan a ti sep a


"In mizia a in ang takzet," Nathan-a chu a nui nghawr dat

Maya-i pawh nuiin, "Tetei nen pawh in an na riau an neiinka hria a sin," An pa âwm ah a khabe nghatin a melh chho kiau a


Nathan-a chu rum nghutin, "sawi ge ziah suh," A ti zui hluk



Maya-i chu nui sen sen in, "naupang mai ala nia. Kan fapa berin a hmangaih chuan inngaihdam tawn te a ngai a nia. Bakah, tunah phei chuan a awm tawh lo a, Bryan-a lakah pawh ṭawngkam fimkhur rawh." Anpa chu thu hrilh pah siin a khak a



Nathan-a chu nui nghawr dat dat a a nupui en chhukin, a khabe ah a chawi kâng a, a hmui a fawp vang vangin, "ka hria e. Ka tum bawk ang. My Treasure," A ti zui sup a. In en in an nui var var a


"Ka hmangaih che Lion," Maya pawh chuan a ti let ve sapin an in fawp zui vang vang a!


<><>~>~>~>

Heyyy, Ads i la click miah lo a nia aw, a hnuai a mi khu click ve zeuh la aw, a harsat loh em kha 😘😘



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:05 pm

MR. CAPTAIN
~ My Treasure S2 ~
By
Floria Laldansangi



Chapter < 14 >


EVA.....POV


"Kha tah khan ding mai rawh," Ramhlun North nena in ri nalai ah chuan a tlân chho a, U Sammy-a te In zâwn kawngpui ah chuan a ding dat


Chhuk pahin, "ka lawm lutuk a nia," Ka nui seih. Min chhang lovin a bu nghat



Step-ah chuan ka tlân chho dat dat. A tlân chhuak leh nghal daih emaw ka tih laiin ka hnungah a rawn ding ve zat chu U Sammy-a te In kawngkhar bulah ka per dawrh, ka thlawk in ka hre mah zawk



"Eng nge ila suh?" Ka ti nghal hlar, nichin maia ka aw a läwm ri kha chu a bo hneh teh e!



"Engmah," A ti sup


Melh chho ram ramin, "eng nge min zui?" A nui suk a, "ka zui lo che," A ti leh sup


A â mawnle? Minzui lo se hetah a ding nang!


"Ka U..." Kan ti rual a


Kan in en haw, "U Sammy...". "U Mahriati..." Kan ti rual leh ṭhat, kan nui dun ta hak a


"Mahriati nau ka nia," A ti zui a


"Sammy nau," Ka inti ve mai, sawi kual duah ka peih lo


"Sammy-an nau chhe lo tak a nei tih ka hre miah lo," A mitko a san ak, kawngkhar chu a kik nghal dat dat bawk a


"A nau ṭhelh ka nia," Ka tih zawh rualin kawngkhar a rawn inhawng



"Nangni pahnih chu!" Min en haw, "in inhria em ni?" Sam chuan a tih zawm zat


Inchhung ah lut pahin, "sawta ṭangin kan rawn inchhar chawp," Uar fahran a ka tih chuan an nui huk a


"I nghawng chu engti zia nge?" Ka nghawng chu ka dawm vat


"Hei aw Eddie, va uluk viau rawh se, he puan hi chu Sam-a Pi min pek a nia, ka ui teh a nia," U Mahriati'n room aṭanga rawn chhuak paha a tih chuan, "ohh, Eva nangpawh i awm elaw," A rawn nui säng, ka lo bu nghat



"I nghawng chu enga tinge kha?" Ka bula rawn ding hnai pah chuan a ti ve vat


"Hei ka lo zawt mêk a, rehna hnu hma te pawh a ang alawm," U Sammy-an a ti sup


"Kutthlak tu che an awm em ni? Buaina i nei em? Nge nangmaha inkhai hlum te i tum zawk?" U Sammy-an a tih zawm duah chuan, "Sam!!" Annu nen kan lo ti vak



"Nia, mahni nunna la tur khawp chuan i dawihzep si lo," Amah leh amah chu a inbia emaw tih mai tur a ni. Annu nen in en in kan nui hak ringawt a


A nau, Eddie-a tih pawh chu a lo nui huk, "takan a, Eva heihi Mahriati nau chiah, Eddison-a, Eddie kan ti mai a. Eddie heihi Evalyn, "Eva" ti mai rawh, NG bike racing lam i tui viau sia i hre lo em ni?" A en chho hâ


Sofa ah kan ṭhu tawh, Eddie erawh ala din avangin chho en deuh hâ a ngai tlat!


"Ka hria alawm," A ti sup chu ka hau in ka en chho


"Min hria amaw?" A nui ri suk



"Hria e, Owen," A ti leh a


Ka nui chhuak hak, "Eddie hi 20** pawh khan Mister India ah Mizoram tan pawh runner up a ni zak tawh a nia, B-large nen contract in sign phei chuan inla thawk dun lo ang tih pawh ka sawi thei lo," U Sammy-a bawkin a ti leh a


"Ohhh, model i ang ka ti rêng a ni," Ka ti sap, Bryan-a chen lo hret mah se, a chen lohna inches erawh a tam lo viau ang; Mahse, taksa len lamah erawh Bryan a len zawk avangin, a lang lian fe zawk


Mahse, Eddie pawh hi Mizo mipa ah chuan a sängin, hnamdang lakah pawh zahpuiawm loh veu veu tak chu a ni ang. Mahse, ka sawi tawh kha Bryan Sakawlha erawh ala tlul chuang lo. Ka mit ah chuan!


"I nghawng chu vur ka rawn la ang, i deh vatloh chuan naktukah chuan a duk bek mai ang," U Mahriati'n a rawn tih takah chuan ka lo bu nghat



Ice-cube min rawn pek chuan dim tete in ka dep a. Diktak chuan a ruh thlenga anat avangin hawi vel pawh ka harsat phat


"Ka haw dâwn asin. Eva, kanla inhmu leh angchu," A tih chuan inher in ka en chho a, "ni e, ka la châm reng dâwn alawm," Ka ti ve mai

A nui suka, "Naktukah pawh a ni mai thei a sin," Tih leh, "ka kal a nia," Tiin a inher nghal a, a thusawi chu thutak ah ka laksak lem lo. Kan inhmuh leh pawh ka ring chuang lo hrim hrim



Eddie-a chhuah hnu ah, "zanin chu hetah ka riak thei angem?" Ka ti sep, pawisa ka keng chhuak lova; ka phone lah ka tibo daih bawk si, Hotel pan ngaihna a awm lo. Zanin na nâ nâ chu Lalrinsanga hi riahbo san ka duh a ni!



"Eva, Hotel-a awm reng ai chuan tah rawn insawn la, i U Sam-a nen chauh kan ni tho a," U Mahriati'n a rawn tih chuan nuiin, "Hotel-ah ka awm thawh hleinem, min ngaihtuah suh u, zanin chu harsatna tlêm ka nei a, chuvang a nih hi," Ka ti sep


An in melh ralh a, "Eva, ngaihzawng kutthlak ching te hi inei a ni lo maw?" Za zetin ka nui chhuak


"Sam iti mak e! Kutthlak mai mai theih mizia ka neiin i hria em ni?" Nui chung chuan ka ti a


Nui ṭhû in, "nei bawk si lo. Tu chuan nge rekbet reng reng che a, kha i ringruh a hmer sâwp lo chauh tih a hriat alawm?" A tih leh chuan Bryan ka mitthla ah a rawn lang zut zut



A hmel chang leh thim rup mai, rapawm tak khan ka lungphu a rawn ti rang nghal dawt dawt. A thaw ri leh min rehbeh laia min thah ngei a duhna aw chhuak ri leh mitmeng te, kan boruak tawt tak te kha ka feel nghal vawng vawng



Ka thaw chhuak kawk a, "tumah a ni lo. Khawiah nge ka mut ang?" Ka thaw zui kawk


Ka ṭhat loh zia leh zawhna dang chhhang chi ka nih loh zia an hrethiam tih hriat takin, "room ruak 2 a awm a, i duh zawk zawkah mu rawh," U Mahriati'n a lo ti vat


Ka kawchhung rawn khur ru lehnghal dar dar chuan ka thawk a ti harsa in, ka ding tur pawh minti kat deuh nak


"Eva i ṭha...." U Sammy-an a rawn ti leh, "Hahdam a mamawh a nih hi Sam," U Mahriati'n a lo dang vat


Harsa taka an lam hawia nui luiin, "muttui u le," Ka ti sep room lam chu chak takin ka pan bawk


Kawngkhar kharin khumah ṭhu thla hnawk chuan, khur dar darin ka thaw chhuak ham ham bawk a, lungphu zawn na veng veng chu dawmin, "a ṭha, a ṭha vek tawh e," Ka phun zui sep sep, khumah chuan ka thal thla tap bawk


Ka lungphu zawn dawm reng chungin, kan naupailai a, ka Nu boral hlim, ka mutthilh theih loh hunlai a, ka U in thu min hrilh ṭhin, "vawiin nî chu naktuk ni tharin a thlak dâwn alawm. Khua a var ang a; ni(sun) chhuakin natna leh harsat a ti bo ang a, nunthar a rawn ên chhuahpui dawn alawm," A tih chu zawi te te a sawiin ka phun zui sep sep a



Ka bekah ka mittui a rawn luang ngiai ngiai bawk!!!!

.
.
.
Mittui tla chungin ka muhil a ni ngei ang, "mu anla awm bengchheng vak vak suh," U Mahriati'n a ti ri chu ka hre ruai ruai




Ka inlet thak a, ka meng riai riai bawk, ka nghawng chu ka khawih a, diktak chuan a nâ a ni. A na thlawt!


Ṭhu chhuakin ka sira sana in hung chu ka melh zauh, dar 10 a ri thuak tawh lehnghal! Brayden-a khan a U in ah min lo va zawng êm lo angchu maw?



khum mawng lama darthlalang lian inhung ah chuan chiang zetin ka lang a, dakin ka nghawng chu ka en kual, ka Lu tih chet pawh tlêmin ala hreawm. Chu ai mah chuan a duk kual ruih chu nalh lo tak a ni



Nizanah U Sammy-an in awhhlum ka tum em tih min zawh pawh kha a awmlo hran love, ka nghawng en hi chuan inawhhlum tum, hlawmchham leh si ka ang alawm le. Ka pawr fir fer bawk si hmmmm!




Hmanhmawh lo zetin room aṭang chuan ka chhuak a, "i tho ṭha maw?" Ka nuih seiha ka bu nghat



"Sam chu hna a kal tawh a, chaw i ei nghal dâwn em?"


Ka Lu thingin, "ka intifai ang a, ka chhuak ang U Mahriat," Ka ti sep, bathroom lam ka pan nghal bawk


Darthlalang ah ka nghawng bawk chu ka en leh ṭhin, engtin nge tiang te chuan ka chhuah ngam ang ni?



"U Mahriat high-neck lam chi hak tur inei em le?" Bathroom aṭanga chhuakin ka ti lang lang



"Aw nei e. Lo nghak lawk rawh."



Ka sam chu sang takah ka bawk a, "a bân leh a tak hi itan chuan a tawi mai thei," Ka lo ban vat



"A pawi lo, jumpsuit hnuaiah ka ha dâwn tho a, ka nghawng zawk hi a nia," Ka nui a, a bu nghat, "enkawl deuh chu a ngai dâwn a nih kha, i vun a no si a a reh har ang tih a hlauhawm hle mai," A tih zawm zat


Room ah lutin high-neck chu ha in ka inen thuak thuak, a bân chu a tawi hret tak tak nâ in apawh chhoh theih tho


"Naktukah ka rawn pe let dâwn che nia," Room ka chhuah rualin ṭhut khawmna ah U Mahriati ṭhu chu ka bia a


"I chhuah dâwn tho tho chuan Awmtea hi zui rawh, engmah i rawn keng chhuak lo a ni lo'm ni?" A lo ti vat



Nia maw le, engtin nge Brayden-a showroom pawh ka thlen ang ni?


"Khawnge i kal dawn a?" Tlangval pakhat mu thluang zar chuan min rawn melh paha a tih chuan, "B-large showroom ah, HR ah zawk," Ka ti sep. Ṭhu chhuakin, "ka kalna lam tur a ni chuang lo nâ in, ka thlah kawi dâwn che nia," Tih leh, "U ka sawi kha aw," Ti sepin dingin ka lam a rawn pan a



"U Mahriat ka lawm e aw, naktukah kawr hi chu ka rawn dah dâwn nia," Ka tih chuan a bu nghat nghat


Awmtea a tih chu ka zui chhuak a, bike tinung chuan a hnungah ka lawn kai ve zat, ka ṭhut rem rualin a tlân chhuak zui zat



Ka rilru ah "Bryan hian min ngaihtuahna chhete tal a nei ve angem?" Tih a rawn lang. Beisei ru tak siin ka ring chiah lo bawk


B-large tih inziahna lianpui hmaah chuan Bike chu a ding dat a, chhukin, "ka lawm lutuk a nia," Ka ti a. A lo bu nghat


"Evalyn...." Ka inher nghal

Bike lam chu melhin, "hruai tur che in Car tirh ka lo tum chiah a. Tunge a nih a?" Brayden-an a tih laiin, min phur tu chuan helmet a rawn phelh a


"Lerha," A rawn ti sup


Ka lo en hau, "Lu buara lek chu!" Brayden-a lah chuan a ti duh lek

"Lerha ka kal a nia, zanah kan inhmu dâwn nia," Tih leh min rawn nuih ve suk, ka lo nuihlet seih bawk


A tlân chhuah rualin, "Awmtea nen daih te inrawn inzui ni?" Dawrah chuan min luhpui a

"A U leh ka U nupa alawm annih," Ti liam puat chuan dawr chhung zau tak mai chu ka enkual a


Bike leh Car a in hung rup hlawm, "helamah rawn kal rawh," Tih leh a kawhna lah chuan ka inher a


Dawr hnunglama min kaltlang puiin, building chhawng 7 vela säng lam chu min panpui a


Min luhpui zat bawk, "heihi Headquarter a nia, a chhungber khi ka office, first floor hi reception leh food-court, chhawng 2-na chu customer services team, chhawng 3-na financial department, chhawng 4-na..." A tih mawlh mawlh laiin lift a lut tharhin, "ka hriat vek a ṭul lo," Ka ti vat a, a nui huk



A ṭul lo tak tak bawk, ka tihtur zawng chu a car leh bike ho fak leh model aṭan a ni mai


A office ah chuan kan inzui lut a, ka rinloh deuhin Eddie a lo ṭhu ve ran


A lo nui suk a, "morning," A lo ti vah bawk


"In inhre sa tih ka lo hria a, hnathawh a awlsam dâwn khawp mai. Eddie hi kan showroom mai ni lo, B-large wine nen kan spokesperson a ni a, nang Endorser," Sofa ah chuan a ṭhu thla zat



"Chuan engmaw heta ka rawn kal chhan?" Ka ṭhu ve zat


"Building fanpui che ka tuma i duh loh kha," Brayden-an nui huk chungin a ti a, ka lo ner nawng, "chu zawng chu?" Ka ti hâ bawk


A bu nghat a, "tak takan a, naktuk aṭangin shooting ṭan kan tum a, i remchang angchu tiraw?" A ti sup, ka dar san ak in, "rem e," Ka ti ve mai


"Ok! A nih chuan naktuk dar 10 a.m, rawn tlai suh angche, Jeremy studio ah kan nei hmasa ang a, zan lamah World Bank road ah kan shoot a ngai dâwn bawk a," A tih chuan ka bu nghat


"A nih chuan ka haw dâwn a sin?"


"Ka thlah dâwn che em ni?" Eddie-an a lo ti vat, a rawm ding ve zat bawk, läwm zet chuan, "a pawi miah lo, pawisa pawh ka nei lo," Brayden-a ka melh zauh bawk


Eddie-a nen min melh ralh ralhin, "a chi dâwn em ni?" A rawn ti sup, a unaupa tan a zawt tih ka hria, a unaupa hian a ngaih angin a ngai ve lo tih lah a hre dêr si lova




"Kal ang," Brayden-a thusawi ngaihsak lo zet chuan ka ti a, Eddie chu nui sukin min rawn zui vat

"I khalh dawn em ni?" Bike bula kan ding chu chahbi a rawn lek chhuak a


Nuiin, "kawng ka hre hleinem," A nui huk, a phone phawrhin, "i kalna tur veng sawi la," A tih chuan Bryan-a In awmna ka sawi zat, "Ok done!" Tih leh ka hma ah a rawn lek, inti thei zet chuan a mitko a san zauh bawk a


Ka en theih turin a chepbet a, helmet minpe in chahbi minpe zat bawk, khalh lohna rei tawh nen hnial ta lem lo chuan ka khalh chhuak ve leh hmiah tho


Tlân ngai lohna mah nise, rinai takin ka thlenpui rang


Gate ah tlân lut lovin ka ding dat a, helmet phelhin bike aṭanga chhuk chuan, "khalh a nuam hle mai. Chuan, ka lawm e," Ka ti sap


Helmet la let pahin, "i number ka nei thei a ngem?" A phone a rawn lek chhuak a


Bu nghatin, "Tehreng," Tih leh ka number chu ka type ve mai bawk


"Message ignore awihloh," Ti supin bike ati nunga, ka nuih ringawt


A tlân liam thleng chu thlir zuiin, inherin muangchangin gate ah chuan ka pen lut a


Inchhung ka luh hma in boruak ka'n hip leh ang vang vang phawt a'h. Bryan-a hmaisa ka tawng lo turah ngai phawt ang!


Inchhung ah chuan ka pên lut a, Makimi ka hmu hmasaber, "awi! Ilo haw har lutuk a, Pu a thinrim teh a nia," A tih chuan ka ner nawk. Amah a nih kha le kawnga min hnutchhiah tu chu!



"Ka han inthlak lawk ang e," Tih leh kailawn lam pan ka tum chu, "Eva.. Englo... I luggage...." Makimi chu ka en vat



"Eng nge a?"


"I luggage store-room ah Pu in a dah lut a, store-room ah i riah tawh tur thu leh inchhung enkawl itih tawh tur thu a sawi bawk a," A tih chuan ka sa zak. Store-room a riak mai mai turin ka piang lova; sum nei lo lah ka ni hek lo


He inchhung ah hian room pakhat pawh minpe thei lo a nih chuan Hotel tamtak a awm alawm maw le!



Inchung ah chuan ka tlân chho dawt dawt, a office kawngkhar chu na zeta tlawh hawngin, "i inchhung ah hian room pakhat pawh ka tán i nei lo a nih chuan, heta min hruai tur hi i ni miah lo," Ti vakin ka inher leh sawk



"Ka inchhung hi penkhat phawt a i pen chhuak a nih chuan Evalyn, tualthat case-in i Pa tán In ah a ṭawih ral ngei ang," A aw dam dup chu a khauh ru fak ang lawi si. Nek luih a duh loh zia a tawp lamah a lang chiang viau bawk



Nghet lutukin ka inhum ruh, rapthlak ti lutukin a lam chu ka hawi a, na zeta melh chuan za lo zetin ka nui hak bawk


Vawikhat pawh min rawn la melh chhin eih lo, computer ah thil ala type mawlh mawlh


"Min vo tihna em ni Bryan?" Ka thinrim bawk si chu ka thaw ṭha thei lo, au khum nghek ka duh nen, ka aw thlengin thinrimna vangin a khur thei



Ngeiawm lutuk chuan a nui ri suk a, min rawn melh zawk, "ka vo lo che, ka hrilh che a nih chu. Hmeichhe fing tak ini a, i hrethiam tih ka hria alawm," A thle bak



A lama pên hnaiin, "Min tihnat i duh a nih chuan ka chungah ti rawh. Ka bul vel ami i tihnat an ngai lo. Bryan mipa i nih kha, mipa angin che rawh," Kha zeta ka tih zawh rualin dawhkan chu ring lutuk tak maiin a ri nghal bur



"Phiangsen a che LALNUNTHAR. Eng nge ka tiha ka tih loh tur min hrilh ka ngai khanglang lo," A ti chhuak dur dur, a aw chu a thum ṭha bawk a, room chhungah chuan a ri hum hum thei. Sakawlh ka tih kha, sakawlh thinrim inhrosa ri a ang takzet



Ka hmul thi a ding nghal sur sur, ka kawchhung a fan thla rum rum bawk



Khur dar dar chuan ka inhum ruh ngar ngar a.

Thaw chhuak ham hamin, minti lui tih hriat taka ngeiawm zeta kiai sukin, "i duhthlan na a ni Evalyn," A thle leh bak.

A mit khur thuk leh mitmu uk ṭha zet ah chuan hnehtu intihna bak hmuh tur a awm lo


A sawi anga ka awmlo a nih chuan a ti duh ngei dâwn tih a hnel chang rum zet ah sawn ka hmu thei. Ka Pa haw viau mah ila, ka Pa ala ni tho a. Tin, he buaina hi keimah vanga inṭan a ni bawk!


"A ṭha e, i lungawi hma leh i phuba lak duh chin chu hanla ta pauh ta che. Mahse, Bryan ka ramri kham chen bak min nawr lui suh angche. Nangmah ang tho a, ka tih loh leh khawihloh rah seng ka nih hi," Fiah tak chuan ka ti let fak fak


A ṭhen leh sak, thaw ka la kawk a, ring tung vaha inherin pensawn ka tum chu, "Evalyn..." Ka ding dat


Eng emaw ri rak rak ka hriat rualin, ka ke bul chhuatah ka phone hmai keh chhe vek chu a rawn vawm thla a, "Phone thar lei angche, sim card thar telin," Tih leh, "chhuak tawh rawh, Makimi khan tihtur leh i hna tur a hrilh angche," A aw chhuak ah chuan engmah thleng lo ang mai leh Pu in a chhiahhlawh hnenah thu a pe ri angchiahin a dam dap



Mit ka chhing sawk, ka kawchhung leh ka âwm tawt up up chuan thawk a ti harsa, coffee tak ṭha zet inzawh hnu a, hlauh nei a lungphu zawih zawih ang maiin ka lung chu a phu dawt dawt a, inbeng daih tumin ka thaw chhuak ham ham, muangchangin ka pen chhuak chhat chhat bawk!

<><>~><><>




BRYAN....POV


Zankhuain, Aizawl khawpui chhung zawng zawng leh kawthler tin mai hrût chhuakin ka zawng a


Mipa nen anrawn in phur haw amaw? Phiangsen chuan, eng ang taka mipa mamawh nge maw a nih hrep le?


A phone number a pe tih hriat takin, phone chu a hmet a, ka ner sawk, dawhkana Evalyn-i phone chu la kângin na lutukin chhuat ah chuan ka vawm darh chuai, a hmai chu a khi nghal ṭhawt


Ka ner sawk a, sim card chu chharin dustbin-ah chuan ka vawm lut zat a, a phone chu remkhawm in, ka nui huk!


Ka office ah rawn lutin engmah thleng lo ang maiin minla thinrim khum ang zawk a


Nizan khan chhin khat pawh ka chhing lo tih leh, police-ah a bo thu ka report lo chauh a, phiangsen chuan!



Ka office aṭanga a chhuak chu ka nui suk, he In hi a damchhung pawhin a chhuahsan dawn lo a ni tawp!


Nilengin hna ka thawk a, Evalyn-i erawh inchhung hna thawh a zir tih Makimi'n coffee min rawn pek pah khan a sawk tak kha!


"Sir. Ka haw tawh dawn a sin," Kawngkhar lam chu ka melh zauh, ka san bun lai chu ka en leh a, ka bu nghat


"Evalyn...." Ka ti sup, ka chip leh a, Makimi chu nuiin, "a muhil tawh, nilengin a che si a, a chau a niang," A ti vat



Nuk ru sukin, "haw tawh rawh, Marco kha inthlah tir angche," Ti lehin ka computer chu ka khup thak a


Inhnuai lam ka pan thla ve nghal, Store-room lam chu ka pan a, dimtêa kawngkhar hawngin Evalyn-i mutna lam chu ka pan den den


A chau takzet a ni ngei ang, a muhil sek sek tawh. A sam kawi ngiat mai, a hmai zartu chu hui kiangin, a nghawng chu ka en a, nizana ka rehna ni ngei tur chu a duk kual ruih, ka thaw hawk. Lo insum deuh tur a nia!


Ding ngil vutin, pawnlam ka pan a, "Marco, lawkin. Makim taksa duk vela hnawih tur damdawi kan nei em?" Makimi chuan min rawn en pahin, "first-aid kit ah khan, cream bur var a awm ang Sir," A rawn ti a, lawmthu sawi supin kal turin ka ti zat



Inchhung ah lutin first-aid kit chu ka phawrh chhuak a, Store-room ah ka keng lut zat



Cream chu hmet chhuakin, Evalyn-i mutna bulah ṭhu hniam chuan, a sam hui kiangin, dimtê in ka hnawih dan dan a, a rawn chet ṭalh ṭalh ah chuan rang lutukin ka ding zawk


Engmah hre lo tih hriat takin inlet in a thaw zui leh nghal sek sek. Ka nui suk, ka kuta cream chu hmet chhuak lehin ka hnawih zawm lehnghal a


A hmelṭha tak mai, pawisawilo leh hmai no chêk te, hmui sen no suah te chu en in, ka nui leh suk ṭhin. A hmel en ai hian a huaibak daih lehnghal a!


A hmai tlâng chul pahin, "Ṭap chungin emaw ka rilru hneh tumin emaw ka khawngaihna i dil thei lo em ni? Min cho ar reng lo hian," Ti zawi supin a hmui no chêk leh sexy tak mai chu kûn hniam in ka fawp zauh a, ka nui suk bawk!

"A thlum ngaiin ala thlum reng a nih hi," Ti a, nui ri suk chuan a hmui no nalh tak chu ka kutzungpui in ka tuai zui zauh bawk a!



<><><>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:05 pm

MR. CAPTAIN
~ My Treasure S2 ~
By
Floria Laldansangi


Chapter < 15 >


EVA....POV


Ka taksa sil ṭhûm chu nimin lama Sakawlha'n a In hnunglam min tihfai tirna nghawng a ni tih ka hre thei



Taksa na zet chuan ka mutna chhuât, mattress phah tawp ah chuan, mit pawh meng mang hleilo in ka ṭhu chuak luai luai a


Ka nghawng chu ala nâ viau em tih hriat nan ka khawih zauh, a nal teh puat chuan minti phu zawk, ka meng nghal kawk bawk, ka harh chiang teh e!


Ka kut chu ka en vat a, a mawm deuh zûl lehnghal, ka hnîm vat, damdawi rim anam, nizanah ka hnawih âwm ka hre si lova!


Ngaihsak zui lem lova tho chhuakin, ka mutna Lu bula stand-fan chu off in ka chhuak chhat chhat


Zinglam dar 7 vel chauh ala ni. Sakawlha pawh a la tho lo a ni ngei ang, a reh ruap danah


Choka bathroom lam pan a lutin, ka inphelh zui nghal sawk sawk a. Coffee tak ṭha ngek ngawk mai in(drink) a chakawm tawh lutuk. Ka pum lah chu a rawn ri zui rawk rawk, nimin khan zing lam aṭangin engmah ka ei lo tih ka hre chhuak chiah bawk!


Fai sersawr a ka inbual hnu ah, towel hlai zet chu ka thinbih a, pakhatin ka sam ka zial tawm bawk


Tumah an awma ka hriat loh miau avangin bathroom aṭang chuti chung chuan ka chhuak a, choka ah Bryan lo ṭhu run mai ka hmuh rualin ka rak ṭhat, ka phu nasa bawk nen, ka ke huh nâl nen ka hnunglamah ka âwn ruai ruai, 'ke hnih vawr lawpin ka tlu dâwn a ni hi' tih rilruk tawh laiin, Bryan ah ka bân ka vai buai lai chu min pawt let nawk a



Engtik laiin ka bul a rawn thlen ka hre lo, thinphu dawt dawt a ka din ngil rualin, ka towel thinbih chu ka ke lamah a tla thla hnak


Bryan a rawn nui ri huk, a nui ri lah chuan min fan hneh thei mai bawk si! Ka in en zawk, ding kawkalh vatin, ka kut pakhatin ka serh chu ka hup bet vei ṭai a, lehlam in ka hnute


"Lehlam hawi rawh," Ka ti zui vak. Rang mangkhenga ka towel tla chhar sawk sawk chuan ka bih ṭha sawk sawk bawk a


Ka zak lutuk chu ka thlanfim a rawn bawl nghal ṭiam ṭiam. Ka thaw leh biang a sa hat hat bawk. A hmuh hnu mah nise ka chetdan lai zet chuan zah a ti zual


Bryan lah chu nui huk huk chunga pênsawn in, "ka hmuh hnu vek a nih kha Evalyn," A ti duh lek lehnghal, ngei tawkin a tukkhum lam chu ka melh vak


Store-room, ka room a ni tawh mai angchu melh ram ram pahin ka pan zui deuh nawk nawk. Ka phu nasa bawk nen, laih nen ka che buai vek tak tak




Room ka luh rualin ka thaw zui kawk kawk, ka lungphu rang lutuk chu bengdaih tumin boruak tamthei angber ka'n hip ang kawk a, thaw chhuak ham hamin, "Arghhhh... Evalyn!" Ka che ṭhing lutuk chu ka inhau zui vak


Hmai la sa hat hat chungin thawmhnaw ka inbel zui sawk sawk


Ka chuah leh chuan coffee in chungin chanchinbu a lo bih daih tawh. Ka awm ve tih hre lo ang maiin a thil chhiar laiah chuan a rilru a pe vung em em lehnghal!


White coffee chu phawrhin, no ah tui sa ver vawr nen chuan ka chawk ve nghal rawk rawk a


Engkim theihnghilhin, Lu ûm ti ruak vek leh mit chhing diar diar maia ka inlai chu, "vawiinah hna in ṭan dawn tih ka lo hria a," Bryan-an a rawn ti sup chu, ka phu zuk, ka coffee in sa bawk nen ka khuh zui kharh kharh


Ka hmui tuai fai pahin, "thawm nei ve ta che," Ti hlar chuan chair pawt chhuakin ka ṭhu thla a, ka melh zui ram ram bawk. A hnar a lo tum dat. Nuihza insûm tih hriat takin a hmui hnuailam chu a pet zui zauh bawk a


Ka thusawi atthlak zia ka hria. Choka ah kan pahnih chauh kan awm a, a awm tih ka hre reng, engti tia , keia pawh kha ti teh vaka phu nasa nge maw ka nih hrep ni? Thaw la halhin coffee bawk chu ka in leh a



"Dar engzah thleng nge...." A tih laiin, "Bryan ka tih tur zawng zawng ka hrilh chhan tur che a awm lo. Ka tum bawk hek lo, private nun inzah sak ang, a ṭha em?" Tih leh tho in, fridge ka hawng zui a, min en reng tih ka taksa za mer mer ah chuan ka hre thei mah se, ka haider hmiah thung!


"Chaw chhum angche," Fridge kawngkhar vuan chung chuan Bryan-a lam chu ka en haw


Nimin khan Makimi khan zingah chaw chhum a ngaih loh thu a sawi reng si a


"I ei....." Ka ti hman ṭawk, a ṭhutna aṭanga tho in, "tukin aṭangin ka ei dawn," Ka sawi hria ni âwm taka a tih leh sup chuan, rum tawkin ka melh. Min tihluih leh mintih thinrim hrim hrim a tum tih hre tho mah ila, ka huat tawk a tlingin, a hmel nuihza insum kara hnehtu intihna lang te kha ka haw lutuk mah mah


Nghet zetin fridge kawngkhar chu vuanin, "chaw i duh maw? Ka pe khawp angche," Sehchilh zeta ti chuan choka chhuahsan mek sakawlh lianzet chu ka melh zui vak vak a



Fridge en in zikhlum chu ka la chhuak a, ka sam towel nena ka tuam chu hru hul nawk nawkin, towel chu chair ah chuan ka bâng a



"A ṭha alawm, tui takin ka siam dâwn che nia," Ti leh nghatin, Nizana chaw ṭhing chu rice cooker ah ti lumin, zikhlum chu ka chan sawk sawk, ka chan pawh a ni chiah lo, ka sat deuh bawp bawp zawk


Tomato la chhuak leh in, thirbel ah tel pawh sa hlei lo ah chuan Tomato silfai loh nen, zikhlum sil loh nen, hraw zet zet a chan chu ka vawmkhawm a



Ka siam lai pawhin keimah pawh chu ka nui leh ang kur kur ṭhin. Bryan-a hmel tur ka ngaihtuah phei chuan ka nui dir char char


Artui pum 3 la chhuakin thlengkumah ka chhu keh a, artui háwng/kawr(shell) tla lut tel pawh chu la chhuak duh lovin, Soup spoon vûm thur thur in vawi 2 lai chi(salt) chu suakin ka chawhpawlh rawk rawk bawk a


Ka zikhlum kan na thirbel pawh tifai chuang lovin, tel tlem leih lutin artui chu ka kang a, ka nui leh lailawk ṭhin, ka nuihna talang ah ka artui kan(fry) chu ka tum ni tawh miah si lovin, ka lo leh theihnghilh pek a'h, lehlam ala ut dum vek zui!



Dawhkanah chuan uluk fahran in ka hung a, ka kawng dawm meuhin uluk taka en in, "kim lo ala awm," ka ti sep, chaw thlêngah ajino(hmeh hân) chu fiante 1 in ka suak chhuak a, a chungah ka chaw ṭhing tih lum chu khawrhin ka hung ve nghal thlap. A la dik chuang law!



Chaw thlêng chu ka la let leh, khi sakawlh fing zet khian min ringhlel dâwn tih ka hria. Chaw chu cooker-ah ka dah let a, a ai tam Ajino telhbelhin, chaw nen chuan ka chawhpawlh thlap. Ti hi chuan enkual mah se a hmu in, a hre dâwn lo hrim hrim. Ka fin zia hi!


Chaw thlêng chu ka hung leh thlap, ka hawi kual, kim lo ala awm. "Tui" ka ti sep. Ghe...ghe....ghe....! I chak dâwnlo khawp alawm!


Filter tui rit zet mai chu ka pawm kâng a, tui hmunah ka bun ruak vek, dawhkana tui inchhawp pawh chu no khat lek thli chhuakin, abak zawng ka bun ruak leh vek bawk a. Tui kham khawp pawh a hmu dâwn lo hrim hrim hi a ni tawp!


Tui no chu a thlêng bulah hung ṭha vei thlap chuan kut beng fai thak thakin, ka thlan tla chu hui fai thuakj , "ok! Breakfast ropui tak a ni dâwn alawm," Nui chunga tih leh choka chu ka chhuahsan a



A office kawngkhar pawh kik lem lova nam hawngin, "Hey.. Chaw rawn ei rawh," Min rawn en miah lo. Koh hre lo angchiah in a awm


"Hey..." Ala hre duh chuang lo. A hminga koh kher a beisei tih ka hre nghal, "Hey sakawlh," Ka tih leh rualin min rawn en hrawk. Ka lo ner khum vak


"Chaw a ei theih," Tih leh kawngkhar chu ka pawt khar nghal a



Hawng lehin, "khawnge hairdryer hi in dah?" A rum nghut



"Evalyn naupang i ni lo, a awmna i hre reng," A hnathawk ka tibuai chhen chu ning tih hriat takin a ti zawi hluk a


"A awmna ah a awm loh vang alawm maw le ka zawh che le. Bakah, ka In pawh a ni lova, engtin nge ka duh duh room ka luh chhuah ngam ang ni," Ka ti leh kher chu a ngaihdan a ni lo nasa tih a mitmu uk nalh tak mai dur khup khup ah chuan ka hmu thei



Engah mah ngai duh lo a meng kalh lui ralhin kawngkhar chu ka pawt khar leh a, a thaw ri hawk kha ka hre hman tho


Choka ka thlen rual deuh thaw in a rawn thleng ve nghal


Dawhkana ka ei tur siam chu uluk zetin a en a, min rawn en leh run run, thutak zetin ka ding ran, huat hmel tak chuan ka melh ram ram bawk


Chair a pawt chhuak a, "keima ei tur takngial pawh ka la siam ngai lo, lawm hle angche," Ka ti lui hlar chu a nui ri suk



Zikhlum kan chu a suak hmasaber, ei a hreh hmel tawp, a ner deuh sawk mak. A en deuh vang vang phawt a, min rawn melh leh zawk, ka lo melh lui leh vak. Min ringhlel ngam ta lo tih hriat takin a hawp a


Bu nghat nghatin, "chi i thlak luih ṭeuh ka ring a nia, chi thlak i theihnghilh zawk a nih hi," Tih leh min rawn en a, ka lo meng kalh ralh


"Naktuk aṭangin Makimi bulah rawngbawl zir angche, hmeichhe puitling, pasal nei rual ini tawh, Makimi awmloh hunah pawh kan ei tur i siam ala ngai dawn a," Inti thu zeta tih leh artui kan chu a hmawm vei thar. Vawikhat chiah a seh hman a chhak chhuak rang teh e!



"Eng nge heihi?" Tui a in nghal khawlh khawlh, ka la nui duh miah lo, ka chhung lam erawh nuihza avangin a hnang ṭep tawh in ka ring!



"Artui," Ka ti hmuk, "ka hria artui a ni tih, chi hlawm khawm a nih hi. Engzât a tam nge chi i telh," Tui thlit beh a tum chu a lo ruak vek sia, "tui min rawn pe rawh," Thinrim ngam si lo chuan a ti bul nghut



A eirawng min bawl tir a nia, thinrim tur hi a ni lo hrim hrim, a thleng a chaw chu suakin a hawp a, a kâ a luh rualin a chhak chhuak lehnghal vek.


Chutah zet zawng ka insûm thei tawh lo, nui chhuak thut chuan chhuatah ṭhu tungin ka nui dir nghal zawih zawih, a uak tuar tuar, "tui..." A tih leh a hawi kual filter tui thlengin ka bun ruak vek sia



Na zetin min rawn melh a, a uak leh tur chu a chair ri rum ruma dingin, tuidehna chu a pan rawk rawk, a che rang lutuk chu a thli chiah ka hre hman

"LALNUNTHAR...!" Chang fia fia tak a ni. Tui herh haw in a kûn hniam a, a kâ chuan tui chu a dawhin a dawh. A khat tawkin a uak leh ṭhawt ṭhin


Ka nuihza lutuk chu ka ṭawng thei tawh lo, chhuatah ṭhu sawp nuaiin ka ring si lo in ka ding char char. Ka nui nasa lutuk chu ka hnungzang ah boruakin min hnawhbet leh si. Ka hnang deuh awl awl. Ka biang te chu a ṭêng vek thei




Thinrim thaw ri hrawih hrawih leh hmaisen ṭawn maia rawn in herin, a khabe huh chu a tuai puat a


Chhuatah ṭhu sawpa ka nui chu min tung tho nawlhin, ka dar tawn tawnah na zetin a hmer a, ka nuih a zat laklawh êm avangin, "a nâ!" Ti vak si chuan ka la nui char char tho


"Lalnunthar engvang phiangsena eitur nena infiam nge inih?" A ti hrawk, ka la nui khur zawih zawih



Min vawnna a thlah dul hret rualin, nui thlawrh thlawrh chuan ka Lu ka thing nawk nawk, ṭawng chhuak thei hek lo le.


mittui tla phung leh insûm tum boruak hip vak vak chuan, "ka infiam lo, ka thiamdan in ka siam alawm," Nui khur chur chur chung chuan ka ti chhuak ṭawk


A tih ngaihna hre lo chu rum nghutin, min thlah thut a, inherin a chil a chhak thlawrh, a uak leh a, tap-a tui bawk chu herh haw in a in lehnghal khawlh khawlh


Kei erawh nuih insûm tumin, chair ah ka ṭhu thla a, ka dul dawmin ka thaw chhuak ham ham, ka nui leh ṭhin tho. A za laklawh êm a sin!

.
.
.

"ka thlah angche," Kawngkhar bulah ka ding dat



A chhiatloh zia chu! Mi pawimawh tak hmuh tur a nei emaw ni tih mai turin Armani business suit dum ṭha tak mai a hâ a, a hnuaia kamiz var ṭha tak mai chu, a kilhna pathumna aṭangin a inhawng a, a awm sex ṭha tak mai pawh chiang takin a hmu dek dek theih!


A bawp sei ṭha tak mai chu business trousers mar deuh panga a hak chuan a ti lang seiin, a tilang lian zualin ka hre tlat


Intha zo takin a rawn pên thla thauh thauh, mit khap fak fakin ka lo en hau. A ṭhatdan em em chu a tilui emaw ni tih hial tur alawm


Ka hma ah a rawn din rualin a inbual zo hlim rim pa zet mai chu a rawn thaw zui vuk a, ka lo hîp kawk bawk


Thluak ti nu bulh thei rim lah hi a nei hrep lehnghal a!


Thaw dep depa melh chho in, a kekawr ipte lehlam zen ap chuan Rolex Submariner Gold lawk ṭha zet mai a bun chuan a ti dikin, a ti famkim zual



Chil thli thloh duah duaha en ngawih ngawih ngawih thamin a chhelo in, a lang pa. Ṭawngkam thiam tak leh uar fal tak phei chuan a ṭhat zia sawi dâwn se la, "Greek Pathian ropui ang maia uluk taka duan leh ker a, remkhawm a nih saw," Anti hial ta ve ang!



"Min en dik zawh tawh chuan heihi la rawh," Nuihza aw lek leka a rawn tih dût chuan Lalpa! Ka harh chiang teh e!


"Ka en lo che," Ka chhang rang hret, a nui huk zui. Ka en a ni mai. A ho!


"Heihi eng nge?" Ka hawng nghal zat, IPhone 12 Pro Max chu hawngin, "ka tan maw?" Ka ti hau


Ka kut aṭanga rawn la letin, a phawrh a, phone box chu chhuatah a theh thla tawp tawp. A ngaihsak lo si, Makimi tan hna a tam dâwn, chhar khawm tuma ka che chu ka bân ah a rawn chelh vat a, "hna i thawk thei ka tih loh chuan sam zai pakhat pawhi chhar a tul love," Ti zawi supin min melh zawk, a ngeiawm ve hranpa a nia aw he sakawlh hi chu


Phone chu On nghalin, "tun aṭangin tu mipa mah i phone number pe tawh suh angche," Thu pe aw tak leh hnial duh lo tih hriat taka a tih leh chuan ka lo ner sawk


"La rawh," Ka lamah a rawn lek, "Engvanga phone min leisak nge inih?" Ka la mai duh bik lo


"Ka nupui phone leisak turin chhan a neih a ngai em ni?" Tih leh ka kut ah a hmehbel a



Melh chho vakin, "i nupui ka ni lo," Ka ti hlar chu rum nghutin ka kut a rawn chelh zat, ka kut ṭangah a kut ṭang rawlhin, nichhuak ti mawi zual turin a vei kiai suk bawk a, mit ti zîm deuh sän a min rawn en chuan, "i ni vat dawn alawm. Danglamna a awm em ni Nephthys," A aw chu zawi viau mah se a rilruih a ka hriat hrep ni


"Ang lo nasa pariat lutuk sakawlh," Ka lo ti vin hlar, a haw miah lo, a dar min san khum zauh, ka eirawngbawl khan thlarau thianghlim a pai tir ta emaw ni? Minti ham haih dâwn alawm!


"Dar 10 hma a ni lo'm ni thlen tur?" Ti zawm sup chuan min pensawn pui a


A awmdan chu mak ti zetin ka en hau ringawt. Nizan kha chuan min huat hmel hle si a. Ni lo, nichin ka rawngbawl a ei pawh khan hmai mar pungin a nih kha choka a chhuahsan ni! Eng game nge maw a khelh leh tak hi le?


"Nephthys chu engtihna nge? I nupui ka nih thu chu i sawi lo tiraw?" A nui ri huk, min fan chhuak hneh teh e! A ti lui a ni hrim hrim



BMW X6 var thianghlim ser sawr mai chu a hawng a, "lut rawh," Ka zawhna chhan a tum lo lutuk chu ka ngei ru viau tho


Melh deuh ram ram chuan ka ṭhu lut a, ka sirah minsi cheta rawn ṭhu in, "Marco, Showroom lam pan rawh," A ti zui sup



A reng reng thu in, a khalh thiam lo em ni? Engvanga Marco hi tir kawi reng reng a nih?


"Nangman khalh ve mai la, i inla hausa vêl lutuk," Ka ti deuh ngat chu a nui nghawr dat ringawt a


Ka kawngah rawn chelhin, a taksa bet thlapin min pawt hnai, ka lo ṭang ve ṭau chu phun hlukin, "tu mipa mah inkhawih tir suh angche. An kut hmawr pawhin an dek tur che a ni lo. I hrethiam em?" Ka beng bulah nghet charh leh zawm ngei ngei turin a ti zawi sup nghut a, ka za leh mer mer tawh. Hahthlak hian!


"Tawk ve bawk angchu. Bakah, keimah chauh model ka ni lo. Awmsawn teh," Tih leh namsawn ka tum chu hnar tum ri datin, "nangmah chauh inih a ngai a nih chu," Tih leh nghutin ka naknêm lai chu a hmer zui salh a. Ka lo ip chawih


Ka melh chho nghal vak chu min en miah lo in a nui suk, eng rau chhia in nge maw thunun teh hrep ni?


"Marco vawiin chuan min zui a ngai lo ang. Nephthys hi zui angche," Marco chu a lo bu nghat


Rang tawkin Bryan chu ka en a, "keimah hi? Keimah hi maw?" Ka at hmel takzet!



"Aw nangmah, mipa zawr chhe zet leh vervek tak lakah pawh mahni invenghim zo lo hi."


Tu chungchang nge a sawi a? Tu mipa zawr chhe zet nge a tih?


"Keimah maw?" Ka ti leh ngat

"Ni e, nangmah Evalyn Lalnunthari hi," A ti ṭha ve leh mai


Ka lu thingin, "damdawi ei sual i neih loh pawhin, thlarau chhia i kawchhungah a lut chiang lutuk. Marco ven ka ngai lo, naupang pawh ka ni tawh lo," Ka ti zui duah

"Thuawih rawh Nephthys," Hnial a duh lo tih hriat takin a ti zawi leh sup. A thu lo ve emai a! Ka mamawh loh ber te zingah Zero na a ni, ven ka mamawh loh zia chu!

Marco zikzek lah chu, a pu hlauh hmel lutukin a rawn melh zek zek. Ka beng bu lawp dâwn maw ni?


"Min vengseng in i ring amaw?" Bryan chu melh chho ralhin, ka mitko ka ti che zauh


Min en run run, Marco chu a en leh, inring tawk takin ka en ran thung


"Ring," A ti bul nghut. A ring lo chu a nih hi le


"Ven ka mamawh lo. Ka pa emaw inti suh Bryan," Tih leh car ding dat ah chuan rang tawkin kawngkhar lamah ka tawlh a, a inring bik chiah lo nge min chelh hman bik lo

Kawngkhar hawngin ka zuang chhuak thak, kawngkhar chu ka khar dat a, "nangmah kha inven tir rawh. Thlarau sual khan a chhuahsan hma che chuan mi â i ang," Nui ar ar paha tih leh Brayden-a dawrah chuan chak tawkin ka tlân lut nghal daih bawk


Dawr chhung a ka dinfel rual deuh thaw in, ka sirah taksa lian leh sang, rim pa hrak mai rawn dingin, ka kawngah a rawn chelh leh zat



En chho vatin, "engthil nge itih Bryan?" Ka tal zui a, "awm hle hle rawh," Ti zawi hlukin alam ah min pawt hnai salh


Ka nghawk sawk chak zia chu pui tak a ni. Hnathawk awm chhun ho lah chuan zah hmel taka en in, a phun zui ang sur sur bawk a



Brayden-a leh Eddie kan lam panin an rawn pen a, "Min thlah tawh rawh," Ring si lo chuan ka ti leh


Luhlul zeta a nau te kan lam rawn pan chu en ngur ngurin, ka kawngah a hmer leh salh, he mihring khawsa zia ka huatdan em em hi! Ka duhna leh ka huatna a inzat chiah tawh!



"Bryan, i rawn tel ve loh tur thu kha i sawi si a," Brayden-a pawh a en lo, Eddie chu a ni a en ni


"Morning Eva," Eddie chu a nui a, "morning," Ka lo ti let ve sep


Bryan-a thawk lak ring ta lutuk chu kan en zui ṭhap


Brayden-a chuan eng nge maw a hriat a rawn nui ri huk a, kan lam ah rawn pên hnaiin, a U darah beng thak chuan eng emaw hi a hrilh ru zui zat. Bryan chu a rum nghut a



"I thutiam hria angche Brayden, a nih loh chuan i dawr chawp hian ka khar ang," Bung zet a tih leh, ka lam hawiin a rawn inher a, min en chhuk run in, "ka thusawi kha hre reng rawh Nephtys, tihluihna ka duh lo tih i hriat kha," Dam dup maia ti lehin ka kawng a chelhna kut chu ti nghet salhin, a taksa bet thlapin min pawt hnai zual salha, ka dingdi hlip nghal ak



Rawn kûn hniamin ka inrin hma in ka hmui kau tiar chu a hmui hmangin a chilh zui hmiah, ka meng kawk, ka khawng at bawk


Min fawp ngawng ngawng a, chet nachang ka hre lo, a lei hmanga ka hmui nawr kau in, tui tih hmel tak chuan ka lei chu fawp a, ka hmui hnuailam a pet zui zauh


Inla hranga nui suk chuan, "lo enkawl ṭha angche u," A nau nui ṭhû lam hawiin Eddie en chuan, "ka sawi awmzia i hria angchu," A thle bak


Kei erawh chet nachang pawh ka la hre lo. Ka lungphu in vuak rawn tlut tlut chu tih daih tumin thaw ka la ham ham ringawt!


"Ka rawn lam angche," Ti leh supin ka bekah a fawp zauh a, "saw mihring saw hnaih suh angche," Ka beng bulah thu minpe leh tawh, ka melh nghal vak, kiai sukin a pensawn a, a pensawn takah chuan ka ruakin, ka thlarau a kal tel pui ta daih emaw tih mai turin ka kim lo riau a ka hriat hnu hnawh chu ni!



"Kan kal dâwn emni?" Brayden-an nui ṭhû a a rawn tih chuan ka lo bu nghat.


Bryan-a awmdan teh thut khan minla ṭhawng deuh niin ka hria. Khatiang mizia kha pu reng lo se ka duh. Tunai hian ka hmangaih zual ang tih ka hläu a ni! Chhungrilin Tetei ala theihnghilh loh zia leh a hmangaih zia a hre reng si a



"In inzuina a rei tawh em?" Brayden-an car a khalh, a hnung seat ah Eddie nen kan ṭhu thung


Brayden-a chuan kan thusawi ah beng a chhit zia min rawn melh leh zuk danah ka hre reng. A u tan a spy a niang


"Rei hauh lo," Ka en a, ka nui seih bawk


Bu nghatin, "a ṭhat chu," A ti sup, a nui zui bawk. Engber nge ṭha a tih pawh chu ka hre chuang lo, ka nui ve ringawt a

.
.
.
.
^ Jeremy Studio ^


Mizoram design larber a ansawi Escape Engmawia leh makeup artist Hlutea antih pawh an lo âwm vang tawh


Photographer Jeremy ber chuan mi alo läwm thiam em em mai bawk a, staff dang te lah an fel em em bawk


Nilengin Single shoot ka neih bakah, Eddie nen kan nei zeuh zeuh bawk. Jeremy ber chuan a duh uluk rapthlak bawk a, hun pawh kan hmang rei


Model pangai ni lo na nâ nâ chu han in pose dan tur vel hre i khaw lo le. Kan in hrilh leh ang lawp lawp a. A chang leh kan nui leh huk ṭhin. Bike khalha intlânsiak ai pawhin a hahthlakin harsa ka ti


Hei vang hi a nia Model vel a min sawm a, Endorser tur atan min duh pawha ka hnar ṭhak ṭhak zel ni

.
.

.


“Eddison-a kha hlau hlê rawh aw Eva. A khabe a sêp ve tawh hi chuan Angelina Jolie pawh a mutpui thei angchu!" Nui huah huahin Jeremy-an a rawn ti a. Midang pawh chu kan nui ṭhû hlawm


Nilengin Eddie nen min sawi zawm, fiamthu tih takah Eddie nen kan lo tuihnih ve zauh zel nen, min dem zui ta ngar ngar lehnghal a!


"Bul pawh ṭan hma hma hian, sawi Bam dân ngawt hi lo ngaihtuah lo la. Eva, a thusawi hi sâwmah pakhat pawh in ngaihtuah fê hnua awih chauh chi aw," Eddie chuan a rawn ti ve vat



Kan nui hawk hawk hlawm. A nikhatna a ni a, kei aiin an upa in, experience an ngah hlawm daih zawk. Mahse, atu mai pawh chuan inhre ṭhang ang maiin min be bawrh bawrh a, min hrilhfiah a, min zirtir bawk a, an mahni ang rual leh an experience neih ang zat nei ang maia min kawm chu nuam ka ti takzet. Ka huphurh ang aiin nuam ka ti mah mah



"Bul ṭan te ala tia'h. Insûm teh , insûm teh Eddie em em a che! Hmannî lawkah Sawmi nen scandal lian lutuk innei a," Mangheta an tih chu a rawn au lang lang



"Ni chiah, target hi i nei chak lutuk," An rawn fiam ve sap sap


"Dinner lo thleng e, ei ila, next shoot na lam tur pan vat ang u," Brayden-a a rawn au lang lang. An ei tur order chu kan la zui sap sap bawk

.

.

^ World Bank Road ^

"Eva, i kut kha a nghawngah no tak khan suih zawm rawh, in kiss rawh u le ti khan," Jeremy-an a rawn tih leh chuan helmet chhan ah chuan kan han in kiss leh a



"Ok! ok! Ok! Fuh lutuk, helmet kha phelh ula, helmet -in inhliah ula in kiss leh rawh u, in in kiss tak tak thei tho a nia induh chuan," A nui zui huk, An lo nui dar dar


Ka helmet ken zawk chu pakhat hian a rawn la a, ka pek rualin Bryan-a kekawr ipte zen up a ding, hmel dur khup mai ka hmuh chuan ka nui hmel chawpchilhin a tawp nghal



A hmel chu rapawm leh tawh tak a ni!


"I ṭha em?" Eddie chu ka en vat, ka nui lui seih a, "ka ṭha," Ti sepin kaṭhut dan ka siam rem zat


Eddie lah chu a nui vur vur reng, "Eddie, a kawng kha chelh la, ilam ah pawt deuh salh rawh. Eu deuh turin. Eva, i hnungzang ti ngil la, aw ti khan helmet khan inhliah rawh u le, kiss rawh le," Eddie chu a rawn kun hniam a, ka hmui a dai lek lek


Bryan-a angin huhâng a nei ve lem lova, ka lai chhe ve lem lo, hnai setsawt ah pawh ka nuih ver ver thei zel



"Ok! A nalh lutuk. Eva khalh lai leh in inphur lai Video tlem kan shoot leh ang a, zanin atan chuan kan duh tawk dâwn nia," Jeremy-an a tih zawh rualin, "zanin atan chuan a tawk," Bryan-an khauh zeta tih leh ka lamah a rawn pen zui pawk pawk


A vawikhat pên zau zia chu! Ka bulah rawn dingin bike aṭang chuan a pawhin min pawt thla nawk, ka rak ṭhat


"Fimkhur rawh," Eddie-an ka kut lehlam ah min rawn chelh vat, Bryan-an alam ah min pawt hrawk a, "i hna ah chiah buai rawh," A ti zui hraih bawk


Eng buaina nge maw a neih leh hrep le?

Eddie chuan a kut pahnih chunglam ah phar zauhin, a nui suk a.


Bryan-a bek pawng ṭawlh ṭawlh leh min hmerna nghet tulh tulh ah chuan, a thinrim hle tih leh a insum zo lo mai dâwn a ka hriat avangin, "min rawn zui rawh," Tih leh amah zawk chu ka pawt zui ṭauh ṭauh



"Bryan, eng buaina nge i neih leh tak?" Midang kan hlat deuh hnu ah chuan nghal hlar


"Hlat rawh ka ti che a ni lawm ni?" A ti bul hluk

Awihlo lutuk chuan ka en chho, "hna kan thawk tlang, kan hna a ni," Engthu lawilo nge maw a sawi reng hi ni


"Ka hria," A ti nghut



Ka inthuam dan chu a melh nghal run run a, min wn tlang a tum emaw tih mai turin, ka chhip aṭang ka ke ler thleng chuan a en thla dan dan, ka thin a lo phu leh dep dep tawh. Hahthlak hian!



"Inthlak rawh. A lehpek ah chuan khatiang thawmhnaw pian lang chiang lutuk kha inbel tir tawh suh angche," Thu minpe leh tawh



A thu lo ve rapthlak bawk sia maw! Ka hawisan hmak

"Ka sawi nawn leh ang Evalyn. Saw model zawr zet saw hlat angche," A ti leh nghut. A awmdan hi ka hrethiam lo. A chang chuan ka lakah a thikthu a chhia in, min duhna a nei ve niin alang a, a chang leh tualthattu ang maiin min en a, min thah hial a duh leh ang lawi si! Ka hrethiam lo takzet a ni


Engtia hmachhawn tur nge tih leh lo dawn sawn dan pawh minti thiam ṭhin lo


Bryan-a en chho chuan, "Engvangin ka hlat ang ni?" Ka ti let khai



"Evalyn min nawr lui hauh suh."



A Sehchilh deuh rap rap, ka nui hak a, "min nawrlui zawk suh Lalrinsang. Mi zawng zawng hi nangmah ang vek turah ngai bawk hek suh. Tin, ka hnathawhna hmunah min rawn ti zak a, minti mualpho turin vawikhat mah rawn lawr tawh suh angche," A tih angchiahin thûpe zet chuan ka ti let ve vak




Kan aw ki a säng ta bawka kan ṭawng hrepha chin an rawn hawi deuh ṭhap


Bryan-a chu phun hlukin, "min rawn zui rawh," Tih leh ka bânrek ah chelhin min pawt kal dawr dawr. Ṭang ve sateh mah ila ka hneh lo rapthlak lutuk hi a zahthlak zawk!



A Car bulah min theh deuh sawk, ka kat deuh nawk nawk, "naktuk aṭangin hna hi bansan angche. In ah awmin ka bulah i duh chuan i thawk dawn nia," Khauh zeta tih leh car kawngkhar chu hawngin, "lut rawh," A ti zui hluk



A thusawi awih lo lutuk a melh chho vakin, "Mizoram hi babysitter niturin ka thleng lo. Babysitter i mamawh a nih chuan ka zawnsak dâwn che nia," Thinrim elhsen naa khat chuan ti chhuak vakin, kawngkhar a hawnsa chu ka khar leh chawrh a



"Evalyn.." A ti chbur chhur


A ruala ka haw duh loh a nih chuan he mihring zah hre lo lutuk hian, a hnuh pawhin min hnuk haw duh mai dâwn tih ka hriat chiang êm avangin, seat hnunglam kawngkhar chu keimahin ka'n inhawn nawn kher bawk a



A rum nghut, "a hmaah ṭhu rawh," A ti bul nghut, teuh lo emai a!


Rang tawkin seat hnung ah chuan ka lut a, ka ṭhu fel at bawk. Phun hlukin kawngkhar rawn khar ri ve dat chuan, "luhlul reuh lutuk," A ti ri chu ka hre hman thuak!


<><>~>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:06 pm

MR. CAPTAIN
~ My Treasure S2 ~
By
Floria Laldansangi




Chapter < 16 >


BRYAN....POV


"Evalyn... Ding rawh... Evalyn ka sawi chu i hria em?" Inchhung ah ring tung vah a penlut chu ka zui lut a



Vawikhat pawh rawn hawi let lovin Store-room ah chuan a lut zui hmak. Phiangsen hian!

Kha mihring hnaih lo tura ka tih kha a tan vek a ni. Tin ka nupui ni mai tur leh ka hmeichhia, ka inchhunga ka chentir a ni a, mipa dang hnaihloh chu a tihtur a ni bawk



"Kawngkhar hi hawng rawh Evalyn," Ka chum dawt dawt


"Bryan, i chhiahhlawh leh i infiamna, i duh duha herkawih theih ka ni lo," A rawn ti vei tuar. Khanglang zawk chuan!


"LALNUNTHAR...." Ti hrawkin kawngkhar chu na lutukin ka tlawh ṭhuai ṭhuai. Ka tlawh hawng sawk, luggage-ah thawmhnaw a vawmkhawm tih hriat takin luggage chu a kalh ṭha zui thlap a, a kawngkhar ka thlawh hawng tih pawh a hre reng chungin a chet ngaiin ala che reng



"Engthil nge i tih?"



Luggage tung chuan a rawn hawi, "i hmu lo em ni? Ka chhuak dâwn. Hotel awmna tur nei lo pawh ka ni lova, he hmuna hreawm ka tawrh chhan tur hi a awm lo," Min en kalh


He hmeichhia hian engvanga min kalh zawnga chet hi nuam ti em em nge maw a nih hrep chu le?



"He In hi pên khat pawhin i pên chhuak hauh lo ang," Ka ti chhur chhur



A ner vei sawk a, "min dan tum chhin la ti nia," Min cho taka tih leh pensawn a tum chu a luggage phih thla sawkin, bang vawmnan chuan ka hmang dawt a, a rak ṭhat



A dar tawn tawna chelhin ka thing nawk nawk bawk.


"Min nawrlui ṭhin suh ka tih kha Evalyn. I chhip aṭanga i ke ler thleng hian ka kutphaha awm ini." Ka sepchilh rap rap



A nâ a tih vangin a ner ngawng ngawng nâ in, a mittui farkhat pawh zu han ti tla lova maw le!

Eng ang hmeichhia nge maw a nih hrep ni? Min hlauh vanga khur a, ṭap chunga ngaihdam mindil nise na takin ka khawih hlek lo tur!


"I saltang ka ni lo," Mitmeng huatna a khatin min rawn en chho a, min melh zui ram ram bawk


"Ka ta ini," Ti bul leh hlukin, ka ta a nih zia lantirnan a hmui nalh leh no tak mai. Sen no suah leh khawizu ang maia thlum chu, hremna na tak pe pahin ka fawp zui nawk nawk a


A tal nawk nawk, a ai nâ in ka hmer a, ka thing zui nawk bawk, na taka ka hmui rawn sehin, ka kâ chhung a al nghal puat, ka vawnna chawpa thlahin ka phun hluk a, ka hmui chu ka tuai zui zauhin, "kawlhsen lutuk," Ka ti zui hluk


Na taka min melhin, "ramhuai inih hi. I nupui ka ni lo tih theihnghilh suh Lalrinsang, nawhchizuar lah ka nei hek lo," A ti ve khar khar


Ka nui huk, ka kekawr ipte chu ka zen a, "kan hria angchu Evalyn. Ka ta ini em tih," Ka kiai suk a, min melh vei rawm rawm tu chu nuih sukin, "inthiltih rah hi inseng dâwn chauh tih hre tur ini," Ka tih chuan a mitmu dum tle ralh mawi tak mai chu a tal rui rawk rawk



Ṭawng tumin a kâ a âng zuai, a chip leh a, na taka min melh leh chuan, "sakawlh," Ti ta nghat



Sakawlh mizia diktak ka hmhh tir angche! Eng ang takin nge he sakawlh itih hi i cho sual ni!



"Sir," Marco chu en in, "chahbi rawn la rawh," Min en kawk


"Mahse......"


"Ka sawi chu i hre lo em ni," Hnial ka duhloh zia ka aw chhuak ah chuan a hria tih hriat takin a pensawn nghal vut a. Kawngkhar kalha hawng tura min ngen emaw a rawn sual let ka rin nen, a reh zui hmak. Chu chuan inti thinrim zual, ka lakah hian a tlawm em em tur a ni ringawt


"Sir."


Chahbi chu la in kawngkhar chu pawnlam aṭangin ka kalh a, engtia rei nge luhlul a chhuah theih kan en dawn alawm?


"Sir. Engtin nge thlalak ho hi ni dâwn?" Camera a rawn lek chu ka lo la a



Inchunglam pan pahin, "inhnuai lam light hi cut vek angche," Ka ti zui sup


Zinglama In kan chhuahsan lai leh Evalyn-i ka fawhlai, kan awmdan zawng zawng thla la tura ka tih anga an lak chu en in ka nui suk


"A pa thawn rawh. Inneih card thawn tel angche. Thlathar ah inneihna a awm ang," Camera pe letin chair ah chuan ka ṭhu thla a


"Mahse, Evalyn...."


Dawhkana kum 7 liamtaa medical report chu la kângin, "ka sawi chu thu tawp a ni Marco," Ka ti zawi nghut



"Sir. Heihi kum 7 liamtaa Birthday Party-na hmun a tel hming list a ni a, a ṭhen hi boral tawh an awm bawk ," Tih leh phone a rawn lek chu la in, ka en a.


"Hemi zana a insualpui aṭangin bul ṭan la, engkim a chipchiar thei angberin chhui angche. Chuan, heihi an accident zana an Car hman (rental car) Hotel a ni a, kha Car kha engtin nge antih tak zawt bawk angche," Tih leh phone pe letin Hotel address chu ka pe zui bawk a



Medical record hlui chu ka en leh, nghet takin ka chelh bawk. Doctor pawh anni lo, tualthattu annih hi! Ka fa lo piangtur an thah vang hrim hrim pawhin damchhung piahlam thlengin hremna ka pe dâwn a ni



"Sir. Meeting turin an nghak che," Marco bawkin a rawn tih chan thaw hakin ka kawr âwm ka siam ṭha a, ka laptop a rawn dah chu On-in, US lama kan investment tihna Company presentation chu ka ngaithla zui zat bawk!

.
.

.

Meeting kan zawh meuh chuan zinglam dar 3 a ri thuak. Rinai takin hun kan hmang rei phian


Sofa ah Marco pawh a mu hil thlawrh thlawrh. Tho vin, kawngkhar lam ka pan a, inhnuai lam hawiin a thim ṭhap. Marco hnenah light cut vek turin ka tih tak kha maw!



Inhnuai a chhuk chuan Store-room chu ka hawng a, "Evalyn..." A reh ṭhap, a muhil a nih ka ring


Ka phone light chu On-in a mutna mattress chu ka chhun a, a ruak hiau, ka ên kual a, kil khata Evalyn-i tlu bam mai ka hmu rualin ka pan vut


"Evalyn... Evalyn...," A taksa chu kâng ang mai a ni. A thlanin a bual huh zuih bawk

"MARCO. MARCO....!" Evalyn-i pawm kâng nawlh chuan chhuah puiin ka au hrawk hrawk


"Sir. Sir..."


"Car tinung rawh, damdawiin kan pan a ngai."



Engvanga hlauthawng chiam nge maw ka nih hrep le? A thi dâwn lo tih ka hria mah se, a taksa rawn khur dawt dawt leh thlan hluam mai, taksa zawi thlawr si chuan minti mangang te pawh a ni mahna!



Car ah chuan ka luhpui rawk rawk a. Marco chu ka duh aiin a che muang tlat lehnghal!



"Tlân chak rawh," Ka ti leh deuh hrawk ṭhin


A lungphu chu a khat tawkin ka ngaithla a, a lungphu ka hre hauh lo, a mar ka dek. Vawi tam ka deh hnu ah zawite in a rawn phu dat dat. Ka thaw hawk


"Marco a ai chakin tlân rawh," Ka ti leh hluk, a mar a zawi lutuk mah mah



Rei pawh kan tlân lo, durtlang damdawiin kan thlen chuan ka zuang chhuak a


Evalyn pawm chungin ER ah chuan ka tlân luhpui rawk rawk, "Doctor, doctor ka mamawh," Ka ti nghal hrawk hrawk


"Hetah hian mut rawh," Ka mut nghal


"A marphu a muang lutuk," Ka ti zui vat bawk


An nawrsawn chu zui ve zelin, "i rawn lut thei lo," Nurse-in min nawr chhuah a tum chu ka duh dêr lo, "ka nupui a nih hi," Ti hrawihin, luh ka tum a, "ka Pu i nupui pawh nise boruak a mamawh, i rawn kut thei lo ," Doctor hmeichhia in a rawn tih chuan Evelyn-i chu ka en


A kawr âwm chu an phelh a, Stethoscope hmanga a lungphu ngaithla in, "CPR," Tih leh nurse pakhat chuan CPR a pe nghal zat


"Doctor a lungphu a thla hniam. A BP pawh."


"Oxygen a mamawh," Doctor-in tih leh, "i chhuah a ngai," A rawn ti zui zat


Ka tawlh hnung ta dat a, "Defibrillator. 200"clear'" A ti ri chu ka hre thei. Engtia rei chiah nge kha thimtham ah khan a lo awm tawh tehreng tih ka ngaihtuah



Thaw ri hrawihin bang chu ka hnek dawt a. Kha room kha lo kalh miah lo tur ka ni. Thim a hläu tih pawh ka hre reng si a


"Evalyn, i thi ngawt thei lo. I thi a nih chuan ka ngaidam hauh lo angche," Ka ti chhuak hrawih a, room kawngkhar lam chu ka melh rûn nghal



Darkar chanve zenzawn an buaipui hnu ah doctor chu a rawn chhuak a, min en ram ramin, "heart transplant ti tawh a ni tih in hre lo em ni?" Doctor chu ka chungah a thinrim tih alang


"Darkar khat pawh tling lovin rawn tlai ula, i nupui nunna hi i chan ngei ang. Tunah chuan amah a thaw turin a Lung leh thawk lak a pangai lova, oxygen vuah ala ngai." Tih leh a pensawn nghal


Nurse-in Evelyn-i an rawn nawr chhuak chu ka pan vat. Ka nunah a vawikhatnan ka chiai chiang alawm, chu pawh he hmeichhia, ka bialnu leh ka fa thihchhan vang lehnghal hian!


VIP ward a kan mut fel hnu ah, Evelyn-i hmai dang zet chu ka en a, ka thaw ri hawk, "ka phalna tel lovin i thi thei lo tih hre reng rawh Evalyn," A kut vuanin ka ti zawi sup a, ka nui ta suk bawk!



<><><>~>~>

EVALYN...POV


Ka room thim rup mai chuan ka thâu ah min man nghal, kawngkhar lam pan a, kawngkhar sawi ka duh mah se ka thleng zo lo. Ni lo, ka ke hi ka ti che thei tawh lo hrim hrim zawk



Ka dinna hmunah ka ṭhu thla riai riai a, thim rup maiah chuan ka Nu thinsen luang ngiai ngiai, Car head light-in a rawn chhun tlet ral ral kha a rawn lang zut zut




Ka kawchhung aṭangin hlauhna in min man a, ka ke tawm khawmin, "Leah, Leah ka mamawh che," Ka hriat tawk lek chuan ka phun sep sep


Ka inzai na hnu ka âwm chu a rawn na veng veng a, ka thawk lak sak ta ṭalh te chu ka hre chiang lutuk mah mah



Ke bengah ka Nu su tu car ring tak maia ding ri te chu a rawn khawk rum rum a, khur hlawk hlawkin ka beng ka hupbet, ka mittui a rawn luang zung zung bawk


"Khawngaihin, khawngaihin..." Ka hriat tawk lekin ka phun. Puitu ka mamawh a, he room thim tak aṭanga min chhan chhuaktu ka mamawh takzet bawk!


Engtia rei nge chu room ah chuan chutiang chuan ka awm ka hre lo mah se, ka hriat chian em em erawh, 'room thim takah chuan ka thi dâwn tawh a ni hi' tih rilru ka pu in, ka chhungrilin a ring hmiah a, thi tura ka indah fel thleng lha ka hriat a ni
.
.
.


Ka kut chu tu emaw hian nghet takin a chelh a, ka meng diar diar, ka zawn eng var pup ah chuan ka thi nge ka la dam tih ka ngaihtuahna ah a rawn lang



"Evalyn...." Ka melh zui ralh


Bryan-a hmel pawr zet kara hahdam ta huai hmel ka hmuh chuan ka la dam tih ka hre chiah bawk



Ka Lu bula bial sen chu a hmet zauh a, "eng nge i an?" A aw dam dup mai chu amah a ang lo zawk. A inhmeh lo mah mah


A hmai te chu ka ngaihbel leh ka la harhchian loh vang nge, a khuar deuh duka ka hriat ni? A mit hnuai val dum kalh te chu keimah vang a nih ka ring chuang law


Doctor a rawn lut a, "Doctor, ka nupui hian dik lohna a nei em ni? Ala ṭawng miah lo," A lo ti vat


Doctor-in min rawn en a, "dik lohna a nei lo. Ni 3 ngawt a mu tawh a, a ṭha tawh lutuk e, hahdam ala mamawh deuh a nih hi, i Lung hi dim hle tawh angche. I Lung chakloh zia hre tur ini. Vawikhat dang khatianga i awm leh a nih chuan i Lung thar hian a daih tawh hauh lo angche," Doctor lah chuan min zilh zawk er a'h. Ka thiam loh pawh a ni lo. Saw mihring vang vek saw alawm!


Ni 3 lai maw engmah hre lova ka lo mut? Nizan lawk emaw tia!



Doctor chhuah hnu ah ṭhut chhuah ka tum chu u min lo pui vat. Tui ban ka tum pawh ngawi rengin minlo pui leh a. A awmdan chuan minti ham haih leh zo



"Keimahin ka ti thei." Tui ka in zui



Tui no dah let ka tum pawh ngawi ngul bawkin a lo ban leh a, "min ngaihtuah leh si em ni?" Ka ti nghat



A hmel a min ngaihtuahna lang kha a bo chawpchilh nghal.


"Ka Inchhung ah i thih ka duh lo mai chauh a ni," A ti nghut. Ni e, engtin nge min ngaihtuah te ka rin ni? Ka beisei sang mah mah. A bialnu tan phuba ala la zo hleinem


Mut leh ka tum chu kawngkhar lam aṭangin, "Eva..." Mimii hmel a rawn lang hlawl


U Sammy te nupa leh Eddie-an an rawn zui ve bawk. Ka en haw hlawm


"Mi...." Ka ṭah a chhuak thar thut


"Minti hläu lutuk. Nimin ah kan rawn kal a, ila harh si lova. Eng nge i an tawh?" Min rawn kuah nghal chung chung


"Ka ṭha lutuk tawh. Engtik nge ilo haw?" Inla hrangin, "nimin zing khan ka rawn thleng," Min enkual in, "i va cher ve," A ti zui zat


Ka nui a, "ka thau ngai em ni?" Ka ti sap. U Sammy leh annu in ka ṭhat leh ṭhat loh min lo zawt ve bawk a


"Eddie awm lo se damdawiin i awm tih kan hre nang," U Sammy-an a ti sup.


Eddie-a en in, "hna ka tibuai vek ang a, karleh mai hi Dawr thar hawn ni a ni si a," Ka tih chuan nuiin, "hriselna a pawimawh hmasaber. Ka nghak thei che alawm," Nui sukin a lo ti sup


Bryan chu ngawi ngulin kan sirah a ding ve reng. A hmel chang rut chu ka mit sirin ka hmu ru reng a, awm ve lo ang hmakin ka ngai lui tlat thung!



U Sammy te ho an haw hnu ah ka muhil leh sek a ni ngei ang, Mimii aw ka hriat chuan ka harh ruai ruai


Men ka tum laiin, "i phuba lakna atan i hmang dawn a nih chuan thlah angche. Kan bulah engmah a sawiloh vang hian engmah hre lo turah min ngai suh Bryan. Kan hria a, kan ngawi mai chauh a ni. I ngaih ang hmeichhia a ni lo a nia, nanga phuba lakna awmze neilo vanga na tur chuan a famkim lutuk mah mah," Mimii'n a ti kha fak fak


Mit ka chhing lui tlat, hman zan khan ṭah aw ṭuau in tlem a zawng ka hrilh a, thil awmzia a hre thiam chawp a ni ngei ang!





"Hmeichhe chungah phuba lak i tum a ni tih hriat pawh a zahthlak alawm le. A unaunu i car vangin a boral a. Mahse, eng nge a sawi i hria em? "Ka hmelma a nih hma in ka hmangaih a ni hmasa " Tiin a sawi che, huaisen takin a hmangaih thu che leh a duh thu che a dinpui a sin. Nang erawh ini ve lo, i phuba lak leh i nunhlui a inatna chauh i dah lian a, a hmangaihna che i haider lui tlar bawk. Bryan ka ṭhiannu hmangaihna hi i phu thlawt lo. Inthiltih loh mawh inphur ve ve, mah se nang erawhin hmeichhe âwmnem, thinlung zawng zawnga hmangaihtu che, ngaidamtu che chungah i leihbaw thung. I nep lutuk mah mah," Mimii'n thinrim tih hriat taka a tih leh hmiar hmiar chuan ka hnarah ka mittui a rawn luang thla ngiai ngiai


Nghet takin bad-sheet chu ka ṭham khawm a, ka lungphu zawn na leh vawng vawng chuan ka thawk lak a ti harsa leh tlat tawh



Bryan-a pên chhuak ri chu ka hre ruai ruai. Eng emaw tal a sawi ka rin ve nen, ngawi renga a chhuak chuan minti na zual. Ka duh miah lohvin mahni in khawngaih rukna ka nei zui lehnghal!

.
.
.
.

Karkhat zenzawn damdawiin ka awm hnu ah, a tawp a tawpah ka chhuak ve ta


Damdawiin ka awm chhung khan ngawi rengin Bryan a rawn lut a, a ṭhu ve ngat ngat zel. Min biak miau loh avangin ka be ngai lem lo. Ka awmna ward ah hna a thawk a, keiin phone ka khawih loh leh ngawi rengin a che vel chu ka thlir ringawt zel bawk



"Marco, khawnge ka bag kha ken i tum?" Inchhung kan luh rualin, Marco-an ka bag inchunga ken chhoh a tum chu ka en hau


"Boss-in inchung ah i room a sawn tawh alawm," Ti supin a chho nghal vut a


Za lo zetin ka ṭhensak, a inthiam lo ve deuh emaw ni?


Ka phone rawn ri chu pickup in, "Brayden," Ka ti sep


"Ni 2 hmu ah Dawr hawn a ni dâwn si a, vawiin damdawiin aṭangin i chhuak chauh tih hre mah ila, shoot tlem iti hman angchu tiraw? I theih loh chuan...." A tih laiin Bryan inchung lam aṭangin a rawn chhuk ka hmuh nghal, "thei e, ka rawn kal ang. Jeremy Studio ah a ni lo'm ni?" Tih leh inher ka rual



"Evalyn khawnge kal i tum?"


Ka ding dat, "hna ka thawk dawn," Hawi pawh ka hawi let lo. Ring khawh vahin kawngkhar ah ka pen chhuak lehnghal. Min dang nâse chuan ka nasa ang ka ti ru hman a sin le. Min dang eih lo!


Jeremy Studio ah zan dar 10 dâwn thleng shoot kan nei leh a, kan zawh meuh chuan ka taksa ala chakvak bik lo nen, ka chau ve ta hnâp mai

"Ka thlah dawn che em ni?" Brayden-an a rawn tih chuan Eddie ka bula rawn ding melh chho in, "Eddie hian min thlah thei. Kan kal dâwn em ni?" Ka ti zui sap


"Eva, a chi...." Brayden-a a rawn tih chuan ngaihsak tawh lovin, Eddie chu ka kai chhuak nghal. Nichin mai khan Bryan-an a nau a rawn call tih ka hria. A sal ka ni lova, tu emaw en rengtu tur ka mamawh lo. Ke ka nei ve bawk



"I ṭha tak tak maw?"


Eddie-a en chho in ka nui seih, "ṭha e," Ka ti chu a awih loh hmel nasa ngang mai


"Ice cream ei i duh em?" Ka nui hak, "mut ka duh zawk," Ka lo tih chuan a nui ve huk a


Bike a kan lawn hnu ah, "hlim loh laia ice-cream ei hi a ṭha sin le," A tih zui leh chuan ka nui chhuak ta hak hak. Tlêm chuan ka thinrim ṭun pawh a zia deuh alawm!


In thleng chuan min thlah a, Gate hma ah dingin, "saw saw Bryan a ni lo'm ni?" A tihna lam chu ka en vat

Ka pan hnai hret a, gate bulah tu emaw nen hian an lo in fawp ngawng ngawng a nih chu! Vawm chawrh ang mai ka ni. Ka nghing dawt bawk!


Hetiang em em chu ka beisei miah lo. Beisei lo tak ka ni. Beisei lo tak!


"Eva..." Hmeichhia chu a namsawn dat a, ka nui hul hak. A za viau lo


Ka kut nen lam chuan, "chhunzawm rawh u. Chhunzawm rawh u," Ka ti chhuak sap sap


Thinlung na vawng vawngin ka nui lui a, ka inher vat, mittui tih tlak ka tum hauh lo bawk.


"Ding rawh Evalyn," Ti zawi hlukin min rawn pan hnai


"Tunge anih a B?" A aw no nghalh mai chu mipa tamtak tán hriat reng chakawm tak a ni ngei ang


"Ka nupui...." A tih laiin ka inher a, ka mittui tla tur khap letin, "an company Model ka nia, kan rawn thlen hun a fuh chiah lo niin alang. Pawi ka ti hle mai," Nuisangin ka en


Hmeichhe hmelṭha tak a ni. A bu ve nghat, Bryan-a erawhin min en khur khur tih ka mit sirin ka hmu thei


Ka inher leh a, ka banah a rawn chelhbet, thaw hakin ka mit ka chhing sawk


"B, inchhung ah lut ang," Hmeichhia bawk chuan rawn ti leh a. A aw ah chuan ngenna alang telin, min ngaina lo tih alang tel bawk


"Farry haw rawh. Evalyn inbiak kan ngai," A aw lah chu a dam phian lehnghal


Min vawnna chu thinthlak sakin, rum tak a min lo en tu hmeichhia chu ka nuih seih, "khawvar lamah le," Tih leh melh chho zawkin ka pensawn nghal a



"Evalyn thu ka pe che a nih chu," A aw ki chu vawikhat pawh ala sân eih lo. Mahse, ka pên leh a nih chuan kut a thawh hreh leh miah lo tih a thumal tin ah chuan alang


Ka ding ta dat, min pawt herin ka dar tawn tawnah a chelh a, insawifiah a duhlo tih hriat takin a rum hrawih, min en chhuk run chung chuan, "i hmuh ang kha a ni lo," A ti bul nghut. Insawifiah a thiam lo tih leh a duh loh zia ka hria, a insawifiah na ka mamawh hek lo, mit ka nei a, ka hmu ve bawk!



"Min thlah rawh," ka dar a vawnna chu ka melh zawk

"Eva....." A ti leh hap, a nin hmel viau bawk


"B, tu....." Hmeichhia in a rawn tih leh rualin, "i kâ kha lo chip hmak rawh Farry," A ti zui hrawk


Min en run runin, "Nephthy," A ti sup a, ka lo nuih seih. Min biak danah chuan a hmeichhe hmangaih ka ang lek lek alawm!


A kut dah thlak sak pahin, ka hnunglam ah ka tawlh hret, mittui tla lek lek a boruak hîp vang vanga thaw chhuakin, natna a khata nui lui säng chungin ka en chho a, ka khawhmuh erawh ka mittui rawn hnâm ṭiam ṭiam avangin a fiah ta lo ruai thung. Mittui tih tlak loh hrâm ka tum vei nen


"Fa......" A ti leh chu nui chhuak lui hakin, "insawifiah chhan tur i nei lo Bryan. Kan pahnih inkar chu tihpalh... Ni lo, phuba la tu leh a lakna mai kan ni," Ka tih rualin vih sawk ang mai ka ni keimah zawk chu ka na veng veng


"Hrep a! Evalyn, ka thusawi ngaithla phawt rawh," A aw chhuak ah chuan a ning tawh takzet tih a hriat


Ka Lu ka thing mat mat a, "Bryan hmeichhia ka nih hi. Thinlung nei, na thei leh kehchhe thei ka ni bawk," ka mittui a rawn luang ngiai ngiai


"I hria em? Kum 7 liamtaa i nunhlui i thlah theihloh avangin i bul vel ami thlengin iti nâ a ni tih hi?


Tetei kha ila hmangaih a ni tih hre reng chungin ka hmangaih che a. Ni e, ka pha hauh lo, ka thik ṭhin alawm. A thlalak en chunga i nui te, thu i tiam te leh i ngaih thu i sawi lai te khan, ka na lutuk hi thawk ngaihna ka hre lo ṭhin . Mahse, eng nge tih theih ka neih, boral tawh leh i hmeichhe hmangaih, keimah vanga i chân kha a ni miau si a. Chuvanga i phuba lakna te läwm taka pawm leh, min pawhkawina lam a pianga kawi ve zel ka ni," Ka aw chu a zawih tawh êm avangin ka chawl dat a


Kûn lapin ka ṭap khur dar dar, insum tum takin thaw la kawka hawi chhuak lehin, ngawi rûn leh hmai chang rut maia min en tu chu mittui leh nui hmelpui chung bawka en leh chuan, "i phuba lakna avanga min tihnatna leh diriam na engpawh ka tuar thei. A chhan chu ka thiamloh a tel ve miau vang leh, ka phu a ni tih ka hriat vang a ni." Ka tawp leh dat.


Ka hrawkna kham ut ut chuan duh angin minti ṭawng thei lo, ka lei hi a sak ṭalh, ka mittui te chu hru ve tâwk mah ila, a ai tamin a rawn chhuak zel emaw tih mai tur a ni lehnghal!


Ka chil ka lem khalh a, "Ka tuar chhuak ngei dâwn tih ka hria mah se, thil pakhat, ka tuar chhuak ngai dâwn lo tih leh ka ngaihdam theih ngai loh tur chu "Phatsantu" a ni. A chhan i hria em?" Mittui nena nui sängin ka en chho a, ka thlêk zui hâ bawk


"A chhan chu maw, phatsan leh uire san fa ka nih vang a ni," Mittui tla zawih zawih chuan ka ti chhuak vawng vawng. Ka kawchhung na lutuk chu ka thaw a chham lek lek a, ka aw ri pawh boruak ah a tham ral chang chang


"Eva.. Ka....." Min rawn ban a tum chu ka kut ka hnunglam ah ka dah vat, natna a khat, awm ngaihna hre lo, kawchhung sa hâl leh thîp vawng vawng chungin, "Bryan keimahin min awmtir rawh. Tunah rih chuan ka hmu duh lo che, i hlat thei angber a awm ka duh," Ti leh sap sap chuan muangchangin ka inher a


Minchelh a tum tawh bik lo tih hriat takin a ding khawng run, min en reng tih erawh ka taksa hian a hre reng thung


Eddie-a tlân chhuah inring taka Bike chunga ṭhu ran lam chu ka pan a, min hawsan lova, a la ding ve reng chu ka läwm takzet. Awm lo se engtin nge ka awm ang?


A hnungah lawnin, a hnungzang, ka hmangaih Sakawlha hnungzang hlai leh lum veng veng saw tluk lo mah se, muangchanga rinchhan in, ka bei zui chial a


Mittui leh thinlung na vawng vawngin ka mipa hmangaih din lohna lam chu ka hawi zui tlat bawk

Ka en reng a nih chuan ring taka ka ṭah chhuah ka hläu êm a tin ni!



<><><><>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:06 pm

MR. CAPTAIN
~ My Treasure S2 ~
By
Floria Laldansangi



CHAPTER < 17 >


EVALYN.....POV


"Himmmm. Ei rawh, i zia deuh ang," Tih paha ka hmaa ice-cream a rawn lek chhuah chu mittui nen ka lo en. Ka ṭah nuih hak


A kawr kheh lehin, "hlim loh lai chuan thil vawt leh thlum ei ila, vawt hian natna a hîp bo a, thlumin minti hlim ṭhin," Thutak zeta a tih chuan mit hnawm chap chungin ka ṭah nui hak hak. A thutak lutuk chuan ka nuih a ti za a niber


"Ka lawm e," Lak pah chuan ka ti ṭial ruai bawk. Ka ṭahna avangin ka aw pawh a la lai rut mai



Ice-cream ei zauh chuan ka hma zawn thim mup mai chu ka en vang vang a, "Eddie helai hi khawi hmun nge?" Ka ti sep


Ice-cream ei pah chuan a hawi kual a, "ka hahdamna tlâng a nih hi," A nui zui huk. Ka lo nui ve seih bawk. A tlai tawh vang nge motor vei vak an tlêm em em a, kan thlang deuhah ei chawp dawr lian vak lo mal ding bak chu thildang hmuh tur a awm lo


Bike head light a ti thim lova, kawngpui sirah chuan min ṭhut pui vâng


Ka mitthla ah Bryan-an hmeichhe dang a fawp lai bawk chu a rawn lang leh ṭhin. Ka thaw leh halh zel bawk a


"Ila ngaihtuah em ni?" Kan ngawih dun vang vang hnu ah a rawn ti sup. En in ka nui a, "ngaihtuah chiah lo," Ka ti tak nâ in, a awih lo viau ang, keimah ngei pawhin ka thusawi chu ka awih tlat lo


Bryan hmel ka mitthla ah a lan rualin kha hmeichhe hmel kha a lang tel ta zel lehnghal a!



"Mak iti em Eddie?" Ka ti ta sep. Min rawn en zawk, ka lo melh ve zauh bawk. Kan inhauhdan engkim kha a hmu in a hre si a, mak a tiin engvanga phuba la tu leh lakna nge kan nih tih a hre chak viau in ka ring


A nui a, "mak tih tur a awm em ni? Mintin hian inzawm chhan kan nei vek alawm. A ni lo'm ni?" A rawn tih chuan ka lo nui ringawt. Ni e, keini inzawmna neih chhan erawh nunhluiin min phuarbeh vang a ni mai!


Engtia rei nge chu hmun dai leh reh ruih ah chuan kan ṭhut chiah ka hre lo. Ka phone rawn ri ral ral ah chuan Mimii hming a rawn lang, pickup mai lo chuan dar zat ka en hmasa te te, ka tho thut


"Dik lo a awm em ni?" Eddie chu ka en a, "zing dar 1 a pel tawh alawm," Ka ti chhuak hau

A nui ri hak, "chuan..."


"Eng nge ni ang, mut i duh angchu."


"I duh ve lo em ni?" Ka nui ta hak, min zawh takah chuan ka taksa kham zia leh mut ka chak zia ka hre chhuak



Mimii'n a rawn call nawn leh, "ka'n chhang lawk," Tih inherin, ka pickup a


"Lalpa! Eva khawnge i awm?" A aw chu hlauhthawnna in a khat



"Dik lo a awm em ni?" A thaw hawk, "Bryan-an a rawn zawng nasa lutuk che alawm. A thinrim hmel rapthlak lehnghal." A tih chuan za vak lo hian ka ṭhensak a



"Zanin chu i bulah ka rawn riak dâwn a nia," Ka ti sep


"Umm, rawn let vat rawh, ila dam chiang si lo minti hlauthawng lutuk," Ti leh hram chuan a off zui a


Eddie lam hawiin, "Eddie, Mimii te In lamah min hruai thei angem?" Ka ti zui sap


Rawn dingin, "Tehreng mai. I duh chuan mi zui haw thei tho a," A mitko a san zauh, ka lo nui ve sak


Mimii te in kawngkhar hma thleng chuan min thlah thlap a, "ka lawm lutuk a nia Eddie. Dinner ka la treat angche," Ka tih chuan nui sukin, "ka theihnghilh dâwn lo a nia," Tih leh, "muttui le Eva," Ti sup chuan a bike awmna lam chu a pan zui a


"Eva," Kawngkhar a rawn inhawng zui


Mimii chu thaw chhuak ham hamin, "lo lut phawt teh," A ti sep. A hmel ah chuan hahdam ta huai hmel a pu



"I ṭha em? Eng nge thleng a? Bryan lah kha a thinrim hmel rapthlak si a," A room ah min pawt lut dat dat bawk


Khumah min ṭhut tirin cabinet chu a hawng zui rak rak bawk a


"Heihi ha mai rawh," Mutkawr a rawn phawrh zat



"Han sawi tawh teh, eng nge thleng?" Hriat chak hmel takin min en


Ka nui sak, ka ṭhiannu hmel chu en vang vangin, ka thaw halh a, thil thlendan chu muangchangin ka sawi bawk. Ka ngaihtuah chhuah a, ka mitthla a arawn lan leh phei chuan ka la na veng veng thei zel tho




Ka sawi zo chu ka mittui a rawn hnâm ṭiam ṭiam, ka khap zui fak fak bawk


"Eva..." Ka ṭhiannu in khawngaih tih hriat taka min en na chu mittui tling piau in ka en a


Ka kut chu rawn chelhin, a hmer vang vanga thaw ham hamin, "Eva, ka hriat ṭhin Evelyn-i kha khawnge a awm tak. Hetiang hi i nih ngai loh kha. Tu thu hnuai ah mah i awm ngai lova, i nâ a nih pawhin i sawi a mah se rei erawh ini na duh ngai lo. Engvanga nangmah hmangaih lo tu leh tihnat duh tu che, tina reng tu che chu hmangaih tlat nge maw inih le?" A ti vawng vawng


A mita min natpui na chu mittui kar aṭangin ka hmu a, ka feel veng veng bawk


Ni e, keimah kha khawnge ka awm tak. Hetiang hi ka ni ngai si lova?



"I hmangaih lutuk a ni tiraw?" Chu zawhna chu ka zawhna hlauh loh chhan duh lohber a ni


Ka thaw halh a, "Mimi, ka hmangaih piah lamah a fa leh a hmeichhe hmangaih a chân chhan ka ni si a, engthil nge ka tih ang a, engtin nge ka hmachhawn ang ka hre thiam lo a ni," Mangan na a khatin ka ti chhuak


Bryan-a mita natna te, Tetei Nu hmela a fanu a ngaihna leh a fanu "la dam ve se" tih a beiseina te khan thawk ngaihna minti hre ṭhin lo



"Eva, i thiamloh a awm miah lo a nia, in Car rawn su tu pawh anmahni an ni a. Tin, i Lung lah i hriatpuina a tel hek lo. Nangmah ngawtin mawh i phurh chhan tur a awm miah lo bawk," Mimii chu ka en a


Ka Kûn zui lap, ka kutah ka mittui a rawn far kauh kauh, "Mi, thudik sawiin, khawvel hmaah puang dâwn ila, engtin nge ka Pa ni ang," Ka mittui a rawn luang ngiai ngiai



Engtiang khawp pawhin hua in, mil lo mah ila, ka Pa leh ka nunna chhan nana tu emaw fa duatlai thattu kha a ni miau si a!


"Eva..." Rawn ti sapin min rawn kuah a, ka ṭap khur nghal dar dar. Ka U ka ngaih zia leh kuah vawng vawng ka chak zia chu pui tak a ni


Mimii min kuahna chu mamawh tho mah ila, ka U min kuahna ka ngai a, ka hnungzang chul paha, "Eva, naktukah ni chhuakin ni thar a rawn keng tel ang a, harsatna te chu a kiam mai dâwn alawm," Tia min hrilh a, min fuih ṭhin na kha ka mamawh em em a ni tunah hian!


<><>~>~>>


BRYAN...POV



"Sir.... Rama a rawn thleng tawh," Rama ṭhutna lam chu a melh a



Ka pan zui zat, "Hi!" A lo ti sup


"Min hmuh te i duh teh mial a," Ka lamah whisky no a rawn nawr hnai a, a thli zui zat bawk


"Zawhna tlem ka nei."

A nui huk, "ka tan maw?" Whisky chu a tem zui hlek a, "min han zawt ta che."


Ka kiai suk, ka no lek kângin ka ti che ralh a, "eng aṭangin nge zawt ṭan che ila duh?" Ka ti zawi sup a


"Bryan, thu helkual vel i inhmeh ve lo a nia Bawiha."


Ka nui ri suk a, "Tetei boral zankhan khawnge i awm?" A no dawmna ṭang ta salh chu ka hmu hman



"Tehthut chuan, ka sawi tawh kha, Party-na ah ka awm tih," A thaw zui ham ham chu ka hre reng bawk



"Car kha tu khalh nge a nih?" Whisky chu ka tem hlek


A no a awm zawng chu a tlak zui pap a, "Bryan thil kal tawh min zawt reng dâwn a nih chuan helai hmunah hian ka rawn kal tih theihnghilh rawh. Nangangin nunhlui ah ka cheng tawh lo," Ti ram hmak chuan a tho a, a pensawn nghal


"Nunhlui tih i chiang amaw Rama?" Ka no ah whisky chu ka thlit belh a


"Eng nge i sawi awmzia?" A lam ka la hawi miah lo, ka ṭhut ngaiin ka la ṭhu reng



"I hria alawm, Tetei'n ka fa a pai tih leh khami zan khan a rui lo tih chu," Dam dup chuan ka ti leh a


Marco-an video a play zui zat, "black box aṭanga kan neih a nih kha. Ramdin, khami zana Car khalhtu kha ini?" Tih leh ka whisky bawk chu ka tlak zui pap a


A rawn nui huk, "Bryan, kan naupanlai aṭangin naupang fing leh engkim ah a BER ni ṭhin kha, ti tak hian i mawl ang tih ka ringpha hauh lo," Anui zui huk huk


Ka inher, "eng nge i sawi awmzia?" Ka ti chang rut


Ner sawkin, "a dik, khami zan khan keimah a ni Car khalh ni. Tin, khami zan khan kei aiin i hmeichhe rin em em khan zu a in tam zawk daih," A tih chuan ka kut ka hum ruh



"A rai...." A nui leh huk, "i fa nih tak tak i ring lo angchu tiraw?" A tih rualin ka thlawk a ni ber, a kawr âwm ah chuan ka ṭham nawk a



"I lei hi veng rawh Ramdinthar," Hriam hrak maia ka tih chuan ka kut phih thla sawkin, "thudik ka sawi nge sawi lo i hriat duh chuan i nu leh pa i zawt dawn nia. Mawl mawl suh. I tana ṭha tur a nih chu ka sawi," Hnehtu inti taka ti lehin inher a tum a

A darah ka kuai let nawk, "sawi zo rawh. A nihloh chuan he hmun hi damin i chhuak hauh lo ang."


A melh kual nghal, a thaw zui hawk, "eng nge sawi se mintih, ka ṭhianpa bialnu, ka nau ni bawkin ka fa a pai tih chu maw?" A tih rualin ka hnek zui ngal ṭhuai ṭhuai



"I lei veng rawh ka tih kha," Tih leh ka phih tho leh nawk a, bangah rawn bet rawk rawk chuan ka rekbet zui zat. Keiai a tet fe avangin min hneh lo nasa


Hmaisen mar pang a, thisen zâm pawng ṭawlh ṭawlh leh harsa ti taka rawn nuiin, "thudik chauh a ni ka sawi ni. Vawitam in pahnih khum pawh ka ṭawm ve bawk," A rawn ti ṭiah ṭiah chuan ka hnek zui sawk sawk a


A hmai chu thisen in a khat, amah pawha ding thei tawh lo chu a kawr âwmah ṭhamin, bangah chuan ka nawrbet tlat a, thaw ri hrawih hrawihin, "sawi leh rawh. SAWI LEH RAWH!" A hmai bulah chuan ka ti hrawk hrawk


Ka sen huam leh mitko kak phung chuan a rawn nui nghawr dat dat a, "Min vo duh suh Bryan. Nanghian kha hmeichhe lepchiah tak kha iti mualpho ngai dâwn lo tih ka hria alawm," Ner sak sak chunga a tih leh chuan ka sirah ka theh vial thla nawk a



Cement bang chu ka hnek zui dawt dawt bawk, thaw hrawih hrawihin, "thil theih a ni lo. Dawt a nih chu," Ka ti chhuak chhur chhur a



Keihi hmeichhe pakhat bumin ka awm ang maw? Thil theih loh tawp a ni.



Ramdina chu a rawn ding chhuak chhat chhat, thaw ve hraih hraihin, "dawt ka sawi lo tih i hria alawm. I Pa ngei pawhin ṭhen tur che in a hrilh che kha," A khuh zui kharh kharh


Kawngkhar lam chu a pan zui chhat chhat a, "zanin a thilthleng hi hre reng angche. Ka la rul let dâwn che a nia," Rawn inherin a ti leh nghat. Ka lo ner sawk



Na tak chuan bang chu ka hnek leh dawt a, ka Pa in vawihnih ngawt chu Tetei ṭhen turin mintih kha ka hre chhuak zawk. Ka nui hul huk a, "mengreng chunga bum ka ni ang maw?" Sehchilh zet chuan ka ti chhuak hrawih bawk a


Ka phone chu phawrh rawk rawkin ka Ni number chu ka hmet chhuak, "Bawiha," Ka nu chu a mu tawh tih hriat takin a aw a ṭial ruai



"Bryan engthil nge ni a?" Ka ngawi reng


Nghet takin phone chu ka vuan a, "Nu, Tetei kha engvangin nge ka ṭhen a ngaih chhan?" Sak tak chuan ka sawk chhuak

Ka Nu chu a ngawi vang vang a, rawn thaw chhuak hakin, "Bryan, i hre tawh a ni maw?" A rawn ti sep


Ka nui chhuak huk, "bum ka ni amaw?" Ka ti hul hak a


"Bum ini lo, hmeichhe rinawm lo i tawng fuh palh mai chauh ini," Ka Nu in a rawn ti leh vat. Mahse, bum ka ni tawh alawm


"A tlai tawh lutuk Nu. A pawi tur ang a pawi vek tawh," Ka ti chuai raih a, phone chu ka off zui zat bawk



Engtia rei chiah nge ka ṭhut ka hre lo, "Sir. Evalyn-i ṭhiannu," Marco chu mit thîp ramin ka melh chho. Evalyn-i rilru na takin min kalsan hnu ah Mimii ringin Ramdina hmu ta hi ka nia



Hreptak hian! Kha mihring nen khan anla inzui lo angchu maw


"Hello!" Ka thaw zui hawk


"Keimah, Mimii," Ka thaw chhuak deuh ham ham a

"Eva ka bulah a awm, ngaihtuah suh. Zanin chu hetah chawlhahdam rawh se," A rawn ti a, ka thaw nghal hawk. Kha Eddie, model chhe zawr zet nen khan an awmdun reng ka duh hauh lo


"Bryan, zanin thilthleng chu tihpalh iti a, ka ngaidam angche ; Mahse, hre rawh, a mittui farkhat pawh i ti tla leh a nih chuan keimah hian ka kut ngeiin ka that duh dâwn che a nia," Min vo ve khar khar, "ka hria e," Ti hlukin ka off zui a


Ka tukkhum dawm vang vangin, "entura ka tih che kha eng nge result?" Marco chu ka melh chho


"Hotel i thlenna hma nî 3-ah a thleng tawh a ni," A ti sup. Za vak lo chuan ka nuk huk. Bum ka lo ni tak tak a nihchu!


Keihi bum ka ni! Hmeichhia ka nupui tur leh ka fa hial paia ka ngaih khan min bum a nih chu. Chuan kha naute, ka fa a tih, mittui nena a sawi, a hmangaih a tih kha ka fa a ni lo bawk a. Tetei ka hriat ṭhin kha tuna ka hriat nen hian an in ang takzet em??


Ka kawchhung alh pup pup chu ka puak darh mai dâwn in ka hria. Na takin chhuat chu ka hnek leh dawt, ka thaw hrawih hrawih bawk



A thih hma khan Mumbai ah kan inhmu a, Mumbai kan thlen ni a in angchiahin a sawi a, ka ring hmiah bawk; Mahse, kei aiin ni 3 laiin a lo thleng hma a maw?


Evalyn-i ka mitthla ah a rawn lang. Hmeichhe rinawm lo pakhat vangin hmeichhe pawisawi lo ka sawisa a, ka tina a. Ka thaw chhuak kawk. Engtin nge ngaihdam ka dil ang? Min ngaidam kher lo mai thei bawk.



"Sir evidence ho hi engtia tih nge i duh?"


"Ti ral rawh." Tih leh ka ding chhuak. Bum ka ni a, min bum tu tan dikna ka hailan sak a ṭulna ka hre lo. Hâ aiah hâ, mit aiah mit!


<><><>~>~>~>


EVALYN....POV


"Eva..." Pawnah Mimii nen titi pahin an pangpar khawi chu a hunna kan sawn kual a

Marco hmel ka hmu hlawl chuan minti ham haih deuh nge ka lo en chho hau mai

"Heihi zanin a i hak tur, Pu-in pe tur che in minti a," A ti sup. Ni 2 chhung Mimii te bulah ka awm tawh. Bryan erawh a reh hmak thung. Mak ti ru viau mah ila, ka zawt duh lem lo. Ngaihsak lo awm hmiah kha a fuh ber


Zanin hian B-large ah party a awm dawn a, kal pawh ka tum ve lem lo, vawiin hian dawr thar an hawng tak bawk. Ka nawmsam loh chhuanlamin ka kal duh ta lo. Mipui ri nuaih nuaih leh camera de chuai chuai kha ka zo leh dâwn tlat lo


"Ka kal dâwn lo. Hawn let leh rawh," Ti nghat chuan ka thiltih lai chu ka chhunzawm a


"La rawh," Luhlul zet leh a pu thupek kalh duhlo tih hriat takin ka sirah a rawn dah a, a pensawn nghal nul nul. A hnunglam chu na tawkin ka melh vak ringawt


"Kal i tum lo tak tak em ni? Vawiin i kal tawh si lova, an company Endorser ber ini si a," Mimii'n a rawn ti sep


Ka ngawi ngal. Diktak chuan Bryan hmuh ka hreh lutuk vang leh ka la inrin loh vang te pawh a ni ang


Nilenga ka tawi ka tawi hnu ah, ka insiam ve ta nge nge


Ka sam kawi ngiat chu Mimii'n a duh dan tak maiin Messy-bun chuan a tawm a, ka mit chu tlemin a ti dum ve deuh bawk



Ka hmaiah phei chuan moisturiser bak ka tat leh chuang lo. Bryan-a kawr min rawn pek tir chu phawrhin ka en vang vang, evening gown dum tle sar sar mai, mermaid tail, a nghawng chip deuh ap leh a bân tluan chu en in Mimii ka en leh, a nui hak. Keipawh chu ka nui ringawt


"Jumpsuit ka nei i ha thei ang, ka tan a sei deuh a," A tih chuan Bryan-a kawr min rawn pek tir chu dah in Mimii chu ka zui a


Solid cami Open-back jumpsuit chu a rawn la chhuak, ka lo nui sen sen, hak a nuam daih zawk dâwn tih ka chiang;Mahse, duh aiin a hnung hi a ruak mah mah em aw? Ka ngum chung deuh thleng chuan khuh tu a awm miah lo! Bân a nei lova, nghawng ah hruisin tereuhte, themhla tak maia suihna tur a awm ve bawk



Ka'n hak takah chhan a nalh em em tho. "Heihi bun rawn," Tih leh a pheikhawk leithar chu ka hma ah a rawn dah a, ka kawrvar hak leh pheikhawk var chu a inrem thlap lehnghal


Ka hmui ah hnawisen tak zetin ka hnawih a, zanin chu Bryan ka hmuh pawhin ka hre lo der tlat ang tih rilru pu in ka chhuak dâwn



"Kha Eva i va nalh em em ve?" Mimii nu in a lo ti var var. Nuiin, "nia, hei chhuah tum lo deuhin ka chhuah a ngai lehsi a nih hi," Ka ti ve vat a



"I rawn let dâwn em?" Mimii pawn thleng minthlah, ka thaw halh, ka awmdan hi a mumal lo takzet. Awmna nghet ka nei lova, a rem lai laia in rawlh ve tawp tawp hi ka ang


"Ka hre lo, boruak a zir a niang," Tih leh Eddie a rawn thleng ve chiah nen, "ka kal," Ka ti zui zat


Car a rawn khalh teh mial, "khai! Khatiang i ha dâwn tih hriat a bike rawn lek chhuah tur a nia," Ka luhna tur kawngkhar chu a hawng a, ka hmui hnuailam lo ti pawrh tarhin, "ka nalh lo itihna em ni?" Ka ṭhu lut nghal



Rawn kûn hniam in, "i nalh lutuk," A rawn ti sup a, ka lo nuih sen sen


Eddie nen B-large building kawt kan thlen chuan rinlawk ang ngei ngeiin camera a de zui nghal chuai chuai


Car aṭangin Eddie chu a chhuak a, ka awmna lam kawngkhar a rawn hawng; Mahse, a kut ka thlen hma in tu emaw hian ka kut a rawn chelh vat


Ka en chho kawk, a hma ai nasa in camera chu a de zual a. Bryan-a hmel chang rut mai ka hmu chuan ka thaw ka hîp let kawk. Khawi aṭangin nge a rawn chhuah ni


Chhuah mai pawh ka tum lo. Bryan-a zawk chuan min pawt chhuak dat. "Bryan, eng inlaichin na nge inneih? Eddie nen in inzui tih hi thudik a ni em?" Zawhna tam lutuk leh camera de nasa lutuk chuan ka thawk a tibuai leh zo dâwn


Bryan-a kut chu ka hmer salh, a hrethiam a ni ngei ang, ka kawngah a rawn chelh a, "karleh hian kan inneihna min rawn hmanpui ṭheuh dawn nia," Ti zawi supin min pensawn pui nghal pawk pawk, ka kalna tur en lovin Bryan-a hmel chang zet chu ka en chho haw ringawt!



Inneihna maw? A fiamthu a ni ngei ang. Ka lakah te chuan phuba lak bak a duh hleinem



Golden Hall kan luh chuan Music a lo ri riai riai tawhin, milar leh hausa tak tak, Mizoram politics mi leh sa an kat nuk bawk


"Engvanga ka kawr leisak che kha ha lo nge inih?" Champagne lak pah cbuan ka beng bulaha a rawn ti sup, "lo kal teh," Tih leh a taksa bet thlapin min pawt hnaia, ka hmui chu na zeta rawn fawp chawpchilh nghalin, na taka ka hmui zuk chuan, inla hrangin ka hmui chu a tuai zauh, "tikhan a sen dan a tawk chiah," Nui suka tiin, "i kawr hak pawh hi ka ngaina hauh lo," A ti zui hluk bawk a


Ka thawk lak buai leh tur chu ka inthunun hram hram, a nakah nghawk sawkin, ka mer khum sawk a


"Ka duh zawng leh ngainat zawng chiah ka ha ṭhin. I duhdan ka zawm chhan tur a awm lo," Tih leh min kuahna kut chu ka phelhsak a, midang an tam ve mai bakah, mitin mit chu kan chungah a fuk miau avangin minti lui ngam bik lo niin ka hria


"Eva, i rawn tel thei maw? Eng nge i hriselna te a an a?" Bryan-a nu ka hmaa rawn ding chu en in ka nui säng, "ka ṭha tawh lutuk e. Chhun lamah ka rawn inlan thei lo a, pawi ka ti hle mai," Ka ti zui sap


Bryan melh ralhin, "alo phat sak tawh che alawm. Hriselna a pawimawh hmasaber, damdawiin i awmlai lahin kanpa nawmloh ve lai a nia, ka rawn tlawh thei lo che ." A ti leh a


"Eng nge a an tawh a?"


"A zia viau e, zanin erawh hna a nei a, a rawn tel ta lo," Tih leh midangin an lo biak ve avangin nui chungin a pensawn a


Bryan leh tu emaw ka sirah an inbe mawlh mawlh, pensawn san ka tum chu ka bânrek ah a rawn man leh hman ta tho, min en chuang miahlo leh ami biak be reng chung chuan a lamah min pawt hnai a, "ka nupui hual hi hmelhriat tir che ka duh a. Karleh hian kan inneih na min rawn hmanpui dâwn nia," Min rawn melh zawk


A ti tak tak lo ang tiraw?


"Nephthy, heihi farry Pa a nih hi," A tih rualin khanu, a fawh hmeichhia ngei kha ka hmaah a rawn ding zat



Min melh leh ram ram tawh, "heihi in company Endorser chu maw? Car chungchang hriat inei ve em ni?" Ka nui sak ringawt. Ka bula ding, min inti neitu taka min kuah tlattu mipa vang hian min tihbuai chu a tum êm lo angchu maw?


"Bawihi, NG street racing champion nilai a nih hi. A ni lo'm ni?" A pa chuan a rawn ti a, a fanu chu a ner sawk, "car alawm ka tih," A lo ti hlar


"Ni e, Bike te chu i professional na lam a ni a, Car lamah an hmang tel che hi ka hrethiam lo. Nge ni a? B-large hian Endorser pakhat bak a chhawr thei lo zawk. Engpawh chu nise eng ang Car nge i ngainat ve?" Tunge maw a nih leh



Kan lam a rawn pan a, a hmai lah chu khawvela nawr emaw tih turin a dukin a khem nuaih bawk


A nui hmel lah chu ka ngainat chi a ni dêr lo. A phakar hmel lutuk tlat


Bryan-a ex nge a bialnu nilai pawh ka hre nek lo, chu nu nen chuan min en ran a

Ka ner sawk a, Hall lai taka an hung BMW X6 chu en vang vangin, "ka hman atan chuan porche 911 carrera S' hi ka thlang ang. A bikin, keini ang hmeichhe tan chuan a awlsam a. Mizoram ah hian nei an awm meuh em ka hre lo nâ in," Nui sangin ka ti lui ve ngat. Ka chapo hmel viau in ka ring. Pawi tawp lo



Min ngai mawlin, Bike lam chauh ka hriat anring chu mawl ka ti let viau bawk


"Global Hospital neitu fanu chu ini chiang e," Hmai khema bawk chuan a rawn ti leh



Ka en lo vak, engtin nge min hriat? "Min hria amaw?" Ka ti ta tho


Bryan chu a melh zauh, "ka sawi dâwn em?" Ti ni awm fahranin a en niin ka hria


"Owen chu kan hre vek alawm," A rawn ti ta a, ka ring hauh lo. Bryan nen hian eng inzawmna emaw an nei chiang a ni


"Eva helam ah i rawn phei lawk dawn em ni?" Brayden-an min rawn ko


Bryson-a kan bulah rawn dingin, "an ei zo lo ang, kal tir ve teh," A u chu nui chungin a rawn en a


Bryan chu a hnar a tum dat, "Eddie saw hlat angche," Ka beng bulah a ti leh hrâm. Ka duh duh ka ti ang, a thu lo ve emai a!



Ka pensawn pah chuanka melh ram ram. min enzui zel tih ka hria, haider luih tlat ka duh mah se, a harsa hret chu a ni
.
.
.
.


"Eddie min haw pui thei angem?" Ka ti sep


Bryan awmna lam ka hawi, min lo en tawh lo, khawnge a kal pawh ka hre lo. Farry pawh kha a bo ve daih. An bi bo a nih ka ring


"I tha em?" A ti sup a


"Ka ṭha, haw ka duh mai chauh a ni," Ka ti leh sep


Mahse, khawnge ka haw ang. Mimii te In ah lah ka awm reng thei chuang si lo


Engpawh nise Bryan-a In ah ka let ang a; ka luggage la in Hotel ka pan mai ang!


Eddie nen chuan kan inzui chhuak a, Bryan-a min ven loh lai leh In a awmloh laia luh ka tum a ni mah zawk


"Bryan-a In ah chuan i let ngam ang maw?" Car khalh pah chuan a rawn ti a. Min ngaihtuahna ri ka hre tel


Ka lo nui ringawt, hlauh tur a awm lo miau lo a


Gate bulah chuan car a ti ding dat a, "ka lawm lutuk Eddie," Ka ti sep, Hotel let lam erawh Eddie pawh hriat tir ka duh loh vangin ka hrilh ta lo


Gate ah luh ka tum chu ka bânrekah man in min pawt her a, a awmah bei thlapin min kuahbet nghal hmiah bawk


Mak ka ti lutuk chu ka meng kawk, "Eddie," Ka phun sap


"Saw inchhung ah sawn lut tawh suh Eva," A tih awmzia chu ka hre lo


"Min thlah phawt teh," Ka ti a


Zawi muanga min thlahin ka dar tawn tawnah a chelh ran, "Eva, ka rilru a thil awm hi ka sawi kher a ngai iti em ni?" A ti ta chu ka en hau ringawt. Ṭhian ṭha takah ka ngai alawm.

A rawn kun hniam a, chet mai nachang ka la hre miah lo. Mak ka ti lutuk a


Ṭawng tumin ka kâ ka âng zuai, Eddie chu boruak ah a kâng lawp, a hnunglam aṭangin Bryan-an a rawn pawt leng lawp chu niin, car chu a ri dup, car vawmnan a hmang emaw tih mai tur a ni


Ka rak ṭhat a, "Eddie," Ka ti tuar bawk


"Ka hrilh che kha, hnaih lo tur che in," A Sehchilh rap rap

"Bryan, Bryan..." Ka pawt bet

Eddie lei a mu chu ka ṭhut hnaih rawk rawk a, "Eddie... Eddie..." Engti phihin nge maw a phih le?

A rawn thaw chhuak kawk, ka bânrekah Bryan-an rawn chelhin min phih tho nawk a


"That rawh u," Khauh zet chuan a ti hraih


Ka meng kawk, "i â em ni? In kut hmawr pawhin khawih suh u," Marco leh midang 2 lian zet zet lam chu ka hawi ruai a


"Tunah," Bryan chuan ti leh hrawkin ka kut chu hnehsawh lutukin ka hnunglam ah a kherh a, ka bânrekah a man bet hmiah bawk


A kut lehlamin ka chhip ah chelhbet in, "enrawh, nangmah vanga a thi lai saw en rawh Evalyn. Hnaih suh ka tih che kha," Ka tal nawk nawk, min chelh hneh êm avangin ka tal chhuak thei lo


Marco leh midang 2 chuan theih tawp a nâ in an chhir zawt zawt a


"Duhtawk rawh u. Duhtawk tir rawh Bryan," Ka ṭap chhuak tak ngial dâwn, ka aw rawl tawpin ka au bawk


"Ngawi rengin en rawh, hnaih suh ka tih che kha Evalyn," A aw chhuak chu kha tak a ni


Ka pheikhawk sang chuan na takin a ke ah ka rap sawk a, rang lutukin min thlah a, Eddie lama tlân nghal dawr dawrin, Marco te ho chu ka pawt sawn nawk nawk


"Eddie, Eddie..." Thisen a chhuak nasa lutuk mah mah! A rawn thaw ṭawk ṭawk. "I thaw tiraw?" Ka ti ṭuak a


Bryan chuan ka lam a rawn pan chhat chhat


"A khawih che a, a fawh manche ala hmu lo," A rawn ti chhur chhur, ruih nei ang maiin a meng luai luai bawk


Mittui tling pamin ka en chho a, "a fawh pawh min fawp lo a, engvangin nge a tawrh ang ni? Ka chungah i lungawi lohna lantir turin ka tih che kha," Ka ti chhuak tuar


Kawchhung khur dar dar chuan ka ding chhuak a, "engdang nge ila duh. I lungawi nan engthil dang rapthlak nge tih ila duh?" Ka mittui a tlak lohnan ka khap fak fak bawk


"Nangmah, i Lung, i thinlung, i pum hian ka duh." A seh chilh nawk nawk a, ruih a nei tak tak niin ka hria. A mit sen har chu thinrim mitmeng sen aiin a rapawm zawk daih

A hmai rum ûl mai pawn light in a rawn chhun phei chuan rapawm tak a ni. A khebe ruh lian tak mai chu a hma ai mahin a lian emaw tih tur a ni bawk


Ka biang a rawn lum thla pup, "zanin a he In ka rawn let chhan i hria em? Ka luggage lak chhuaha tlânbo san che a ni. Bryan, i duhdan ni lovin ka thusawi ngaithla ve tur ini a sin. Eddie chungchang ah pawh, vawikhat pawh ka thusawi i ngaithla lo va. I duhdan in i kaltlang a. I tab chuan dawt muhlum, tualthattu mai ka ni tih ka hria mah se, pawisawilo pawtlut tur hian tunge inih?" A tawp lam chu a au in ka au


"Hetiang mihring hi ka ni ngai lo, ka duh loh zawngah tihluih theih ka ni lova, ka natna ka tlâng au pui a, ka bul vel ami te ka mawhpuh ṭhin, ka thiltih sual ka pawm ngai hek lo; Mahse, i tan, i hmeichhe hmangaih tan ka inthlak a, i phuba lakna ni turin ka inpe a, ka natin keimahin ka tuar a, ka thinrimna te leh natna te theihnghilh mai ṭhin khan, ka kalna piangah ka in umzui tir a. A chhan i hria em? Heng zawng zawng hi nangmah vang vek a ni. Nang sakawlh ka hmangaih vang chauh che hi. Mahse, a ni tawh lo. Ka hua che, ka haw ngawih ngawih che," Ka au tawn tawn. Ka sawi zawh meuh chuan ka thaw zui kawk kawk bawk



Mittui nen ka melh chho a, a rawn pên hna hrut, ka inrin hmaa min put nawlh chuan ka rak ṭhawt. "Min dah thla rawh Lalrinsang," Ka chum dawt dawt


Ka tal nawk nawk bawk. "Min hua a ni lo'm ni? Zanin hian sakawlh mize diktak ka hmuh tir angche Evelyn," Ti nghut nghut chuan gate chhung lamah chuan min pu lut a


Ka sik a, ka chum a, a samah kekin tal nasa teh mah ila, a pen a ṭhulhin, a bahlah phah eih lo, a rum nghut duh chauh a ni


A room ah min pu lut a, kawngkhar tlawh hawng ṭhuai in, khum zau tak mai, silk senduk phah chungah chuan min vawm thla dawt


Rang lutukin ka ṭhu chhuak a, bangkil lamah ka tawlh nghal rawk rawk bawk


"Engthil nge tih i tum Lalrinsang?" Ka hlau ve ta takzet ta. Ka kawchhung lah chu a khur dawt dawt. Ka taksa pawnlam thlengin a rawn khur chhuak tawh zawk


Khum aṭanga zuang thla in, kawngkhar lam pan ka tum chu, hnehsawh lutuk in min vawm let nawk, khum ah bawk ka ting leh awk a!


A kil lam bawkah chuan ka tawlh nghal ruak ruak



"Tlân chhuah tum duh suh Evalyn. Sakawlh mize diktak ka hriat tir dâwn che alawm" Ti duh lek chuan a in phelh nghauh nghauh a, a hmel chu a rapawm takzet. Min rawn melh a, a kiai suk phei chuan ka thau ah min mantlat lehnghal

A hmek buai nuaih leh ruih nei tih hriat tak karah chuan natna ka hmu tel tlat lehnghal, chu chuan a ti hlauhawm zual takzet! A mitsen râm ah chuan pawisak a neiloh zia bak a lang lo



"Ti miah suh," Ka ti chhuak ruai

Ka rilru ah awm ang hi nilul suhse


A kekawr chu a phelh a, saruak ngal ngata ka hma a ding chuan min rawn ban, ka ke ka lo tawm a, a rum nghut. Rawn ban lehin min pawt hrawk


"Hetiang thawmhnaw sexy lutuk ha hian kha mipa kha i kuah a ni lo'm ni?" Ti chhur chhurin ka hnungzang khuhtu awmlo lam aṭang chuan ka mawngah a zen lut a, min kuai bawkkhup nawkin, ka malpui hnunglam aṭangin min ṭhutbet hmiah a, ka kut chu ka Lu chungah a hmerkhawm hmiah bawk


Ka tan chet ngaihna a awm tawh lo


Ka kawr suihna themhle leh sîn zet chu, a kut lehlam in a phelh a, a kut khat lek pawhin min phelh ruak hneh tak a ni


"Bryan khawngaihin ti suh," Ka au tuar tuar


Ka theih tawpin ka au a, ṭanpui tu ka au lawm lawm bawk

Ka mawngtam beng thlawrh thlawrhin, "au vak vak mah la chhantu che an awm lo Evalyn. Ka sawi kha i nunna hi ka kuta awm a ni," Tih leh dimna tel baksak lo chuan ka mawngk** ah a mipatna hrawl tak mai, thir tum hlang emaw tih tur a khawng a nawr luh chuan ka rak chhuak ṭhawt



A na lutuk chu ka mittui a hnâm sawk bawk. Ṭang eng ang mah ila, ka chhuak dâwn lo tih ka hriat chian tawh êm avangin ka ṭang buai duh tawh lo. Min khawih ang ang chuan ka awm mawl tawp a


Min kuai zangthal a, rum hum hum a ka taksa a zût kual lai leh a fawhkual lai te chuan mitthi ang maiin ka mu tlawn zuar a, ka khap fak fak


Nawmna pakhat mah ka hre lo, ka inhmuh dan ber chu, "pawngsual ka ni," Tih hi a ni


A duhtawk a ngah tih hriat takin ka bulah a rawn mu thla a, ka bekah ka mittui a rawn luang ngiai ngiai


Min sual chhung zawng khan ka mittui a tla miah lo, tih tlak ka tum lo ve êm bawk nen ; Mahse, tunah erawh min rawn kuah a, thaw huam huam chunga min khawihna chuan minti na vawng vawng, zanin hian a kut lawngin ka Lung hi a phawrh chhuak a ni


"Nephthy, ka ta ini. Tu mipa mahin an khawih thiang lo che," Sak leh thaw hrawih i chunga a tih chuan a mut lohna lam ah chuan mittui nen ngawi rengin ka inher a

"I duhtawk i hmu tawh a, chhuak tawh rawh. Mahni a awm ka duh," Natna a khat chuan ka ti chhuak. Kawm ngialin ka mittui a rawn luang zung zung a, ka ṭap khur dar dar bawk



Ka hnunglam aṭanga ka dar ruak kâng mai rawn kuah a, chul a, fawp tu chu thei ngat ila, he a mutna, min pawngsualna hmun ah ngei hian ka that ve ngei ang!




<><><>~><>



Note : Naktuk zan ka lo dah dâwn lo aw💚💚chuvangin zanin chu a sei viau🙊

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:07 pm

MR. CAPTAIN
~ My Treasure S2 ~
By
Floria Laldansangi


Chapter < 18 >


BRYAN...POV


Ka Lu chu chutiang tak chuan ala na ngai miah lo, puak keh tur ang mai a ni


Ka hmai lah chu a thîp sep sep bawk a. Ka taksa chu ka in en, ka khem teh nuaih bawk a. Khawi aṭanga heng te hi nei nge ka nih? Hmeichhe kuttin hriam tak hamna ang mai alawm a nih le?


Ka awmna pawh chu ka hai ṭhelh lek lek a ni. Nizan Party -na ah khan, Eddie-an Waiter pakhat hnehah Evalyn-i in turah damdawi a telh tira, laksakin, tum loh a leiah ka in angaih phah a nih kha. Kha damdawi hnathawh kha a ni ngei ang. Engmah hre lova min awmtir tu hi?



"Sir. I harh tawh em?" Marco-an kawngkhar a rawn kik kharh kharh


A rawn hawng a, Lu dawm chungin ka lo en run, "nizana waiter kha ka rawn hruai a," A tih chuan thaw hawkin, "ka rawn chhuak ang," Ka ti sup



"Marco," A inher tawh chu ka ko let a


"Nizanah engthil nge ka tih? Ka tih awmzia chu Eddie-a leh Evalyn-i kha ka hmu dun a," Ka ti chhuak, ka ngaihtuah ngial pawha engmah ka ngaihtuah chhuak hleitheilo chu a mak takzet!



Mr. Brown, kan company invest-na CEO nen kan inbia a, tumloh zetin paih tura ka ken campaign in loh theih lohvin min siam a, ka in aṭanga rei lo ah ka talbuai ti tih nghal mai nen, Evalyn-i ka hmu lo leh Eddie nen an inzui chhuak tih ka hre zui a, damdawi leh thinrimna inpawlh vel khan engthil atthlak nge ka tih ka hre mumal ta hauh lo



"Eddie-a damdawiin ah kan dah lut a," A tih sup chuan ka thaw hawk. Kut ka thlak kha chu fiah lo ruaiin a rawn lang


"Ka hrethiam e, chhuak tawh rawh," Ka tho chhuak nghal a



"Pu... U Bryan, i nu te an rawn kal," Makimi rawn dak dek dek chu ka melh, hnuailam a en vat


"Ka hria e," Tih leh bathroom lam ka pan nghal vut



Ka Lu na lutuk chu, Lu na satliah a ni ta hauh lo mai. Ka khawhmu fiah ta lo ruai leh ka thawk lak la dik chiah lo chu damdawi effect a nih ka ring


Bathroom ah lutin darthlalang a ka hmel lang chu ka en a. Ka in en hnai leh, ka hmai teh nuaih chu leh! Ka âwm mai ni lo ka hnungzang lam thleng chuan a rang nuaih nia!


Shower hnuaia ka inbual te chu ka thîp sep sep mai. Shower gel pawh ka hmang duh ta lo



"Nu, Pa," An bul ka thlen rualin Evalyn-i chu a tho zui nulh



"Eva.." Khawih ka tum miah lo, ka kut ka ti che chu a per dawrh. Hlauhna leh huatnaa khatin min en nghal a


A ngaihna hre chiah lovin ka hnar ka tum dat, Eddie vangin a lungawi lo ah ka ngai hmiah bawk


Min melh ram ram chung chuan a pensawn a, choka ah a lut ta daih


Ka nu leh pa lo ṭhu ve ran lam hawiin ka ner suk a


"Nizana thilthleng kan lo hria a," Ka Pa in a rawn ti sup a


Ka thaw hawk, ka lu dawmin, "engthil chiah nge thleng?" Ka ti hap


Makimi leh midang awmve ho min en hrek hrekna chu ka hrethiam lo, engthil phiangsen nge maw ka tih le?


"Room-ah chho ang u," Ka nu in a lo ti nghat


Ka pa chu a ding a, ka Nu pawh chuan a zui ve leh mai. Choka lam melhin Evalyn ṭhu ngawi ran leh en ngai en tlawk tlawk chu ka en ngur ngur ringawt. Nichin maia a mitmeng a min hlauhna kha ka vawikhat hmuhna a ni


Ka hriat tirh aṭangin khatiang mitmeng khan minla en ngai lo, vawikhatte mah!


Engtin hrep nge maw kha damdawi kha a thawh hrep le? A hnathawhdan kha minti hre chak zual takzet bawk!



Ka office ah chuan ka lut a, ka Nu leh Pa hmel dur khup mai chu ka hma chhawn nghal ran



"Evalyn-i hi ṭhen angche. Ni lo, a nun ata inthiar fihlim angche." Ka nu chu ka en vat


"A theih loh," Ka ti nghut


"Tetei vanga phuba lak nan hmeichhe pawisawilo hman chu i zak miah lo em ni?" Ka Pa in a rawn ti chhur chhur



Ka ngawi ngal, ka Lu lah chu a hai tulh tulhin, a na ut ut a, ka khawhmuh a phe ruai ruai bawk!


"I farnu neihchhun chunga thleng tur leh nangmah ang mipa tawng turin han dah teh. I rem ti em ni? I tan phuba lakna a ni a, a Nu leh Pa tan erawh an fanu duatlai a ni tih theihnghilh suh Lalrinsang. Hetiang mize pu tur leh nei tur hian ka enkawl miah lo che. Keihi hmeichhia ka nih hi. I kawppui i zahloh a, hmeichhe chungah zahna ilantir loh chuan i Nu hi minzah lo tel a ni tih theihnghilh suh," Ka Nu chuan a ti hmiar hmiar



Ka thaw kawk a, "phuba lak chu ka tum alawm mah se, ka fa a that emaw ka tih vang chauh a ni." Ka chawl dat. An hmaah ka la ding reng.


Heihi kan naupailai aṭang leh kan puitling hnu thlenga kan tihdan a ni. Ka nu hian a thinrim tak tak chang phei chuan, kum 30 pel duai tawh pawh hi kut chunglam a pharin, ṭhingṭhi in minla hrem fo bawk! Brayden-a a hrem zingber thung!



"Nizana i chetdan i hria em?" Ka pa chuan nelawm loh zetin a rawn ti a


"Ka ṭhu thei tawh angem?" Ka ti sup


An ngawi ngal, ka thaw kawk, ka Lu anat êm avangin an phalna pawh ka nghak thei lo, an hmaah chuan ka ṭhu thla a.


"Eddie-a damdawiin khung ngaiin i siam a. Evalyn....." Ka nu chu a tawp dat. A aw ah chuan natna a lang tel ve


"Makimi kha rawn luh tir teh," Ka Pa in a lo ti sup


Marco-an Makimi a rawn hruai lut a, en pawh min en ngam lo. A kun ngal



"Makim, nizana i thil hriat kha sawi rawh le," Min rawn melh zawk a, a kut a sik nghal neuh neuh


"Pu... Pu ber hian...." A ti bah nawk nawk, ka Lu nâ min tur leh ka thawk rang ṭan chuan dawh theihna min neih tir lo, "sawi vat ta che," Ka lo ti hluk chu a phu nasa lutuk a, a dang nghal sawp sawp thei



"Lalrinsang," Ka nu in a lo ti ve ṭhat


"Boss, nizan khan Sir.hi damdawia hrai a nia, chuvang a ni. Eddie khan Evalyn-i in turah damdawi a telh tir a, chu chu hmu in no chu a laksak a; Mahse, Mr. Brown khan no dawmpui a rawn duh ta si a, a thlak hman ta lo a," Marco chuan a rawn ti a


Makimi chu mit kham leh na urh chuan ka en leh, "eng nge i hmuh?" Ka ti sup


"Nizan dar 10 rik hma vel khan Eva-in a luggage siamsak tura min ngen avangin ka la haw lo va; Mahse, inchhung an rawn luh chuan Pu...." A tawp dat, "U Bryan-a hian room ah a pu chho va...." A khur dar dar, ka lo en ngur


A sawi chhun zawm zel a, "khawngaih a dil che a. Mahse, i pawngsual ta tho...." A tih laiin, "Engmaw?" Ka lo ti hrawk


A tawlh hnung nghal rawk rawk, "rei erawh ka hmu lo, ka tlân haw nghal a tin ni," A ti lehnghal chul



Ka nui huk. Keihian hmeichhe duh lo chung ka mutpui ang maw? Chu pawh hmeichhe dang ni lovin ka hmeichhe hma..


Ka tih awmzia chu ka nupui atana ka duh Evelyn-i lehnghal maw? Ka nui huk!



Mahse, ka mitthla ah a rawn lang ruai ruai, mumang ang maiin ka hre chhuak ta ruai ruai mai



Ka thaw zui hrawih, "hriat chhuah inei em ni?" ka nu in a lo ti vat


Ka chil ka lem khawlh, "ka hre chhuakin ka hria," Ka ti ta sup a


Fiah takin ka hria ka ti ngam lo mah se, Makimi hian dawt erawh a sawi hauh lo!

Engthil nge maw ka tih le? Ka thiltih hi ngaihdam theihloh khawpa sual a ni! Mit ka chhing sawk. Engtin nge Evalyn-i ka hmachhawn ang?



"Nu, Evalyn-i khu damdawiin panpui a ngaiin ka hria. " Bryson-an a tih chuan ka ṭhu ngil nghal awt. "A khawsik a reh thei lo reng reng. Bakah," Min rawn melh zawk. "A hliam khu a na deuh a nih ka ring," A ti zawi leh sup a


Ka kawchhung ah chuan ka inhuatna leh Eddie thah ka duhna a inzat chiah!


"Damdawiin ah chuan ka hruai angai a nih chu," Tih leh thawh ka tum a


"Ṭhu rawh," Ka Pa in a lo ti bul hluk


"Keimahin ka hruai ang. Tin, zanin aṭangin Evalyn-i kan hnenah a awm bawk ang." Ka nu in a rawn tih ram hmak chuan, "teuh lo lutuk," Ka lo ti vat


Mitmeng fing leh thuneihna a khat a min en in, "he inchhung ah hian thinthi in ala awm theih i ring em ni?" A ti chang fak a. Ka chil ka lem khawlh ringawt


Tho in, "Lion, hetah lo awmpui rawh, Bryson nangpawh i U awmdan kha lo check chiang angche." tih leh pensawn a rual a, ka sira ding data min rawn en chhuk ram ramin, "Hmeichhe âwm nem a nih avangin a der dep emaw iti ang e. A hmangaih che avanga a tawrhna leh dawhtheihna te, a thinlung i hliam sak fo theih avang te hian, a chak loh vang ah ilo ngai ngawt ang e. Hmeichhia te hi cho sual chi kan ni lo ang bawkin, nawrluih chi kan ni lo a nia Lalrinsang," Fiah taka ti leh fak fak chuan room chu a chhuahsan a, ka thaw zui hawk ringawt


A fapa ka ni lo zawk emaw tih mai tur alawm le!



"Marco, waiter chu rawn hruai lut rawh", Ka Pa in a ti zui sup


Kei erawh Evalyn-i ka tihnat dan ka ngaihtuah let ngut ngut


"Bryan nizan i awmdan leh taksa a thawhdan ila hria em?"



Bryson-a chu ka en a, "ka thinrim lutuk hma kha chu ka hre chiang, Eddie-an Evalyn-i a kuah tih ka hmuh khan ka inthunun thei lo, ramsa ang mai ka ni. Ka rilru a awm chu thisen chhuah bak a awm lo," ka tawp dat a, "tharum ka ngah viau bawk," Ka ti chhuak sup. Ka hriat chian em em chu, ka tha pangai aiin ka chak tih kha a ni



Marco leh nizana waiter chu an rawn lut a, "nizan khan tu tirh nge inih," Ka pa in zawhna a lo zawt nghal



Min entawn zek zekin Eddie hming chu a lam a, sofa bân chu nghet takin ka hmer


"Damdawi ila nei em?" Bryson-an a lo ti vat


A bu nghat a, "nizan khan vawi 2 telha hmang turin mintia; Mahse....." min rawn en a, "ka telh zo hman lo. Khawngaihin min ngaidam rawh u. Pawisa pek mintiam a, thingtlang aṭanga college rawn kal ka ni a. Zirna bakah ka nu leh ka naute ka chawm an ngai si a, ka pawm ta mai a ni,". A ṭap zui lo chauh



"Damdawi chu i rawn keng em?" Ka lo ti nghut, ani insawifiahna emaw harsatna hre hman ka ni lo


Bu nghatin a ipte aṭangin a rawn phawrh nawk nawk a, Bryson-an lo banin, a hnim zui vang vang, a hre thei mai bik lo nge a liak zui zauh a



"Bryan, i awmdan kha han sawi leh teh,."



"Ka thisen ati lum a, ka lungphu a rang a, ka thinrim hnu phei chuan eng vak ka hre tawh lo. Thisen chhuah leh sex mamawh ngawih ngawih angin ka awmin ka hria," Ka ti a


A bu nghat, "benzodiazepine anih hi. Mahse, benzodiazepine chauh ni lo, heroine nena pawlh a ni. Nizanah whisky i in tel em?" Min rawn en leh a



Ka ngaihtuah let, Ramdina'n no min rawn pek kha whisky niin ka hria, ka bu nghat


"Eng damdawi nge ni ngai chu chu?" Ka Pa in a lo ti a



"Drugs chikhat, reilo te chhung hriatna hloh tir thei drugs a ṭhen chuan anti mai, khawthlang lam damdawi. A bikin, United States velah khuan pawngsual tu ten an hmang nasa, Lu a ti hai a, mut a tih chhuah em em bakah. Tha a ti zawiin thilthleng engmah hre lovin a siam thei che. Heroine nena pawlh a nih chiah khan, Dopamine ati sang a, in control theihlo khawpin a siam thei che, whisky khan i tha a ti za in thisen ah châkna nasa takin a siam tel bawk a. A tawi zawngin. I thinrima i lungphu a ran nasat a, i thisen a sat poh leh i hriatna a bo tulh tulh ang. Tin, sex i mamawhna a sang tulh tulh bawk ang a; pawisak neih lohna leh uchuak taka chet duhna ah a siam thei che." A tih duah chhuan ka lo thaw hrawih




"side effect a neih lohnan damdawiin ah min zui turin ka duh bawk che aw. benzodiazepine ah hian, halcion a tel a, heihian Lu na leh khawhmuh fiah lohna thlen fo thei tlat," A tih zawm leh zat


Eng ang damdawi nge maw ni teh hrep chu ni? Chuti teh vaka thawk nâ chu le?


"Evalyn-in ei ta se engtin nge a awm ang?" Ka zawt lo thei lo


A thaw hak a, "keini ang heart transplant tawh leh Lung lam a harsatna nei tan chuan thihpui ngei ngei na drugs a ni," A ti sup. Sofa chu ka hnek zui dawt bawk


Eng damdawi pawh nise rawh se, Eddie erawh damin ka chhuah hauh lo ang!

.
.
.



"Evalyn-i chu hrilh i tum lo tak tak em ni?"


"Hrilh ila min ring dawn em ni?" A lo nui suk, Evalyn-i hmeichhe luhlul lutuk hian chutin min ring mai dâwn lo tih ka chiang



"Chhandang a awm em?" Bryson-an arawn ti leh chu mit chhin sanin, "Eddie-a a rin zia i hria alawm," Ka ti zawi sup



Ami rin em em leh ṭhian ṭha tak ang a, a ngaih mihringin damdawi hmanga hrai a tum a ni tih a hriat chuan a rilru ana dâwn tih ka hre chiang lutuk mah mah. Pawnlamah luhlul ve ngeng ngawng mah se a chhungril erawh a nêm in, a na hma em em tih ka hria alawm

.

.

<>~>~>


EVALYN...POV


"Tunlai ṭhangthar ho hi chu, pangai taka sex hman te hi zeilohna ah inhan ngai a," Min check paha a tih hmuar hmuar chuan pet chawrh mai ka duh



Ka mawng lam na rapthlak nen, ka taksa nâ, khawsik vel nen. Thin lah chu a chhe hlur bawk a


"Heihi i hnawih dâwn nia, ni 1-ah vawi 2. Tun aṭang chuan pangai taka sex hman tum tawh angche u," A tih leh hrâm chuan thaw ka la halh

"Doctor, engtiangin nge sex kan hman ang tih chu kan thu a ni. Min enkawl hi i hna. A chiang em?" Ti fak fakin a lehkha minpek chu phih thla sawkin a room aṭangin ka chhuak nghal nal nal. Mak ti leh huat hmel taka min en na kha ka hmu hman reng, Doctor ve si ṭawngthei zeh zuah lutuk mai!




"I ṭha em? Engthu nge a lo sawi?" Bryan-a Nu hmela min ngaihtuahna lang chhuak zut zut chuan tlêmin minin thiamloh tir deuh. A fapa erawh ka huat a reh phah chuang eih law!



"Ka ṭha e. Hetah Eddie a awm ve tiraw?" Ka en kar


Min rawn en chho in, "Eva, tlawh rih lo la ka ti hle mai," A ti zawi sup. Keimah vangin damdawiin hial ah admit a ni a, ka tlawh loh te chuan mihring pawh ka ni nang



"I duh chuan min hawsan thei a nia. Eddie erawh tlawh a, eng nge a an ka hriat a ngai a ni." Ka ti lui ve tlat


"A ṭha e. Damdawi lei tur i nei a ni lo'm ni? Ka lo va lei ang a; ka rawn lam angche. Kan haw tlâng dâwn nia," A ti leh hram. Nu luhlul tak chu a ni ve in ka hria, an In lama haw let ka peih loh zia a hre reng âwm si a



Hnial ta lem lo chuan ka bu ta nghat, damdawi lehkha chu pe-in Eddie awmna room chu kan bula nurse chu kan zawt nghal a


VIP room lam chu ka pan a, kawngkhar tlêma a inhawn sa avangin tlawhtu a neih ringin kik ka tum zet a, ka aw hriat erawhin min ti khawng nghal at thung!




"Bryan..." Ka phun sap



"I thih leh thihloh ah buaina ka nei lo, Evalyn-i erawh i kut hmawr pawha i tawk emaw tihnat duhna thinlung inei a nih chuan anungchangin ka phum angche," Khau leh sehchilh rap rapa a tih ka hriat chuan kawngkhar chu ka nam hawng ṭhuai



"Eva," Bryson-an a lo ti sup



Bryan-a mitmeng sen râm leh hmel dur thip khup mai chuan ka lam a rawn hawi a. Ka thaw ka lo hîp let kawk, a hmel thip khup leh mitmeng rum ûl sawn ka hmul thi a ti ding sur sur a, ka kawchhung ah hlauhna in min man nghal!



Mahse, ka inhum ruh a, ka hmaa sakawlh ding ka hlauhna avanga kawchhung khur ru dar dar chu thup luih tlat tumin thaw ka la ru deuh kawk, "hetah eng nge i rawn tih?" A aw bul nghut ah chuan insum a tum tih ka hria; Mahse, ka hmaah a insum a ngai lo, tunge a nih a, eng ang mihring nge a nih ah ka chiang lutuk mah mah tawh!



"Rawn kal lo ila khumbeta i siam hi i that dâwn lo em ni?" Ka aw chu a khur chhuak lek lek


"Eva, i ngaih ang kha a ni lo a nia," Bryson-an a rawn ti vat


Ka kut chunglamah ka vai thuak, "chhuak rawh u," Kha zet leh huatna a khat chuan ka ti chhuak a


Eddie-a hmelah chuan keimah ang thovin hlauhna leh awm nawmlohna a nei tih ka hmu thei. Ni e, tu mihringin nge he sakawlh hi hläu lo tehlul ang ni?



"Evalyn ka thusawi ngaithla rawh," A rawn ti thum bul bul



Kawngkhar kawk và in, "chhuak rawh," Ka ti leh tuar


A rum nghuta ka lam arawn pên hnai chu rang lutukin ka tawlh sawn dawrh, mah se kei aiin a che rang daih, thli pui ang mai a ni, a thaw vûka ka dar tawn tawna rawn chelhin, "ui â ang maia bauh vak vak lo kham ka thusawi ngaithla rawh," Ning tih hriat taka ti hlukin, min thing deuh nawk a


Ka hlauhna leh thinrimna in min tuam zui hlup hlup, ka taksa khur chhuak chu a hria a ni ngei ang, ânchhia phuh chhuak hlukin, "Hreptak che hian Evalyn. Kei ni lovin saw uicho saw a ni i hlauh tur chu ni," A ti khur khur



Mittui khap let fak fakin ka en chho a, hlau lo angin lang nasa teh mah ila, ka taka a khurh nasat êm avangin ka hlau tih alang reng!


"Nangbak hlauh tur he khawvelah hian an awm lo Lalrinsang. A dik ui â ka ni, ui â lek ka nih vang a ni lo'm ramsa ang maia min sawisak ni?" Ka ti chhuak leh tuar


A mitmu che ralh chu ka hmu hman, rei erawh a ni lo


Thaw chhuak hawkin, "ka thusawi ngaithla rawh Nephthy. Nizana thilthleng kha ka sawifiah thei," A aw ah chuan ngenna ni âwm tak ka hria a; Mahse, he mihring hian tu hnenah mah ngenna a siam ngai dâwn lo tih ka hriat chian tlukin, min pawngsual a ni tih sawifiahna dang a awm lo!



Ṭah chhuak lutuk, ṭap duh si lo leh hrawk kham ut ut chuan ka dak chho a. Ka mittui erawh ka bekah a rawn luang ta ngiai ngiai tho mai.


Ni e, ka hmaa ding mipa hi ka huatna aiin ka hmangaihna ala nasa zawk a ni tih, a sakawlh mitmu uk ṭha tak mai leh rum ûl ka en hian ka thinlung chhungril ber hian a hria a, chu chuan keimah leh keimah min inhuat tirin, na takin min siam tlat a ni



"Nephthy..." A ti leh sup, a mitmeng buai ve nak leh, inchhir na leh hmangaihna lang chhuak chu ka mittui vangin ka hmu sual a ni ngei ang!



Ka nui chhuak hak hak, ka mangang lutuk leh nat lutuk vanga nui ka ni mah zawk


"Bryan, vawikhat tal ka thusawi i ngaithla ve tawh ngai em? Vawikhat chauh ka rilru tur i dâwn ve ngai em? Vawikhat chauh ka nat i hläu ve tawh em?" Mittui tla zawih zawih chuan ka zawt a



Ṭawng tumin a kâ a âng zuai, min chelhna a ti nghet salh bawk a, ka lu ka lo thin khum naw naw


Min vawnna phelhsakin, ka tawlh sawn hret a, nghet taka in hum ruhin, "vawikhat chauh tal min khawngaihna i nei ve tawh?" Ka hrawkna lutuk chuan ka lei a ti tawtin a ti sak ṭalh


Ka hmaa ding ngawi ngal leh bek pawng ṭawlh ṭawlh a ding ngur chu mittui luang zawih zawihin ka en a, natna leh huatna, hmangaihna a in pawlh nuaihin ka en ngawih ngawih



"Eva, i ngaihdan tur ka hriat thiampui che mah se......" Bryson-an a rawn tih chuan ka lo ti tawp vat



"Khawngaihin ka nun ata hi kalbo rawh u." Ka ngên a ni mah tawh zawk


Bryan-a erawhin bek pawng ṭawlh ṭawlh leh khabe ruh lian tak mai pawng ruh rût mai, kut hum ruh ngar leh thisen zâm lang ṭhuah chunga thaw ri hrawih hrawih chung chuan min en ngur ngur a. Chu ringawt pawh chu hlauhna avanga khurh zawih zawih natham leh tlanchhiat vawn vawn natham a va ni tehlul êm!



"Vawikhat pawh ka thusawi ngaithlak i tum lo a ni tiraw Evalyn?" A rawn ti zawi chhur chhur. A thusawi leh insawifiahna ka ngaithla duh lo chuan a ti lawm lo takzet tih ka hmu thei



Ka lu ka thing a, ka mittui hru hul tawk tawk pahin, "ka sawi tawh kha, ramri pel suh tih," A mit leh hnai dur thim khup mai chu hlauhna nen, hlau anga lang duh si lo chuan ka en chho ve kalh


A rawn che hrut chu ka thaw ka lo hîp let hman kawk, "Bryan, a tawk. Hun in mamawh a nih hi, kal phawt ang," Bryson-an a lo dang vat, chuti ni lo se kut a thawh leh duh ngei dâwn tih min en dan chhur chhurah chuan alang reng



Inseh ruh ṭawlh ṭawlh chung chuan min en a, Eddie-a lam en leh hrawkin thli thaw vukin a pen chhuak a, na takin kawngkhar a khar ri zui bur bawk. Mit ka lo chhing sawk


"Fimkhur angche Eva," Eddie-a melh zawka Bryson-an a rawn tih sup chuan a sawi awmzia hre lem lo mah ila, a unaupa a awmloh chuan ka him a ni tih a hrethiam zawk ngeiin ka ring!



An chhuahfel rualin ka zawi hnawk, Eddie khum tlâng chu ka vuan nghal rawk rawk a, ka thaw chhuak zui kawk kawk, ka biang a rawn lum thla zui pup chu ka hru zui tawk bawk



"Eva...." Eddie lam chu ka hawi vat. Mit chhing leh sawkin thaw ka la ham ham a, nui lui sängin, "ka tihpalh, keimah vangin hetiang hian i awm si a," Ti sep chhan ka pan hnai a


A mitmeng buai nuaih kara hlauhna chu ka hmuh hmaih hauh lo. Ni e, kan mi hmachhawn kha mihring ni miau hek lo le!



"Eng nge i an tawh?" A sira chair-ah chuan ka ṭhu thla a, ka lungphu leh thawk lak chu a la dik bik aw zawng lo mai


"Eva.." A ti leh sup, harsa tih hmel tak chuan thaw anla deuh ham ham a



"Ṭawng i harsat chuan sawi rih suh." Ti sepin, "keimah vang vek a ni. Ti tak hian a kut a ram ang tih rin ngaihna ka hre lo hrim hrim a," Inthiam lo tak chuan ka ti leh sep sep


A rawn nui sen sen a, "i thiam loh a awm lo, ṭhian kan nia lawm. Ni lo'm ni?" A thaw zui hap



Ka nui a, ka bu zui nghat nghat bawk. Min be duh miah tawh lo mah se ka phu viau tho a. Mahse, Eddie erawhin ka rilru natna leh awm nawmlohna tur atiin, a sawi dâwn lo tih ka chiang!



Kawngkhar rawn inkik in, Bryan-a nu a rawn dak a, ka lo nuih seih


"Eva, i hman tawh em?" Eddie-a chu a melh zawk, eng nge a an emaw a ṭhat thu emaw tal a zawh ka rin nen, a zawt miah lo chu mak ka ti. Mipangai takah ka ngai a, a fapa in tikhawp hian a sawisaa engmah a sawi miah lo chu thil mak tak a ni



"Eddie naktuk lamah ka rawn kan leh dâwn che nia. Mamawh leh puih theihna che ka neih chuan min rawn hrilh rawh aw," Ti chung chuan ka ding a



Nu Maya-i chuan Eddie chu a melh ran, a mitmeng ah chuan a ngainat hmel loh takzet!



"Ka fapa hian chhan nei lovin tumah kut a thlalak ngai lova, awmze nei lovin a khawih che i ring em?" A rawn ti ta fak fak mai chu ka en haw



Eddie ka en leh, a mitmu a tal rawk rawk, "Nu Maya, eng thu nge maw i zawh le? Keimah vang a ni," Ka lo ti vat. Za vak lo chuan a nui a, "Eddie hi i ring viau em? Nge ka fapa i ring zawk Eva?" Ka mitah tak min en

Nutling nekluih harsa ve tak chu a ni chiang alawm!


"I fapa ai chuan ring e," Ka ti let sap, a bu nghat a, "ilo hria tiraw Eddie, hei ka fapa aiin a ring che tih?" Ti leh chuan min rawn en in, a nui säng bawk a, "kan kal dâwn em ni?" A ti leh daih. A mize inthlak chak lutuk chu Bryan-a hian a chhun fuh viau in ka hria. A in ringtawk leh a Lu a zo vah vah lutuk te chu a awhawm letling




"Nu Maya, Hotel lamah emaw ka U te In lamah let ka duh zawk a," Damdawiin kan chhuah lai chuan ka ti sep



A lu thing vatin, "Eva, kan bulah awm rawh. Lalrinsanga vang a nih chuan lungngai suh, a hmel rawn inlan ngam lo turin ka siam ang," Min rawn melha a nui seih bawk. Za vak lo chuan ka ṭhen ve sak ringawt a. Engpawh sawi ila, an In lamah min hruai ngei a tum tlat tih a hmel nuisang mai nek luih theih miah si loh ah hian ka hmu thei

.
.
.
.

Zan ka mu thei lova, engmah lah kaw puar khawp turin ka ei thei hek lo. Bryan-a nu leh pa, a unau te felin min ngaihsak viau mah sela; Bryan-a vuah leh vang annih vang nge. An lakah chuan ka inla hrang ru riau bawk


Bryan pawh nitin a Nu te In-ah a rawn lawrin min thlir reng zel tih ka hria. Tin, khawiah pawh ka ila, min zui tur a rukin a dah zel bawk. Chu chuan jail tâng ang maiin min in ngaih tira, ani ber lah min rawn hnaih dâwn a piangin a Nu emaw a nau te tu emaw berin an pawt sawn dawr dawr zel.


An pawt sawnlai hmuh chang hian ka in rin hma ka nui chhuak leh hak ṭhin;Mahse, rei erawh ka nui thei hauh lo. Ka mitthla ah kha zan rapthlak tak khan minla chiah hneh êm a tin ni!


"News hi i hmu tawh em?" Swimming pools bulah Mimii nen kan ṭhu dun a. Mimii chu ka melh zawk


Nitin deuh thaw kan lang alawm. Bryan-a nena kan innei ni tur buaiin an buai tlat a


"Hmu e," Ka ti sep



"In Innei dâwn tak tak em ni? I ṭha chiah ang maw?"



Za vak lo chuan ka ṭhensak a, ka nei lo a nih chuan khawvel tawp thleng pawhin, a hmeichhe hmangaih tan min umzui duh dâwn tih ka hria. Chuvangin, ka ngaihsak peih lova, inneih a ti a ni chuan läwm takin ka pawm ang a. Min nei lo a nih leh ka tan dam khaw chhuahna chance a awm in, Pathian khian ka chungah zah a ngaiah ka ngai mai a niang chu!



"Eva," ka chhan mai loh avangin min rawn ko leh, ka lo nui sen sen a, "ka thu in i hria em ni?" Ka ti ta ngawt a. Ka ṭhiannu mah nise han chhan ngawt dan ka thiam loh mai bakah, kha zana thilthleng kha ka hrilh miah lova, a hria a nih chuan buaina a tam mai mai dâwn tih ka hria. A kawlh ve rapthlak si, Bryan-a chhungte thleng thleng hian a kawk leh siah siah duh mai ang!



"Nephthy..." Rang lutukin ka hawi. Kan ṭhutna bul a rawn thlen lai ka hre hauh lo. Thawh ka tum nghal chu ka darah a rawn chelh a, rang lutukin a kut chu ka lo beng sawn vat. Ka thaw zui kawk bawk



A rum nghut a, a kut lehlama a ken rose par bawr ṭha tak chu ka hmaa lekin, "la rawh. Hmeichhia ka vawikhat pangpar leisakna a ni a, i duh zawng a ni em ka hre lo," A ti sup chu ka melh chho ralh. A lo ner suk



A hmel landan zawng zawng chuan minti nui lo chauh, Mimii erawh a lo nui ta hak tho.


Ni e, a palian ren run si, a hmela inthiam lohna lang leh i thlahrung hmel chu a inhmeh teh chiam lo alawm. A pangpar ken zawng zawng te nen lam hian maw le!




"Pangpar ka ngaina lo, paih rawh," Ka lo ti nghat


Ka sirah rawn ṭhu tungin, "Nephthy, pangai takin kan inbe thei tawh angem?" Zawi tak si chuan a rawn ti leh sup a, Mimii ṭhu ve reng chu a melh zauh bawk




Mimii'n nui vur vurin, "Inchhung ah ei tur ka lo va la ang e," Tih leh thawh a rual, "Mi.." Ka ti hman ṭawk ka kut a rawn chelh takah chuan rang lutuka alam hawiin ka thingthla leh vat


"Nephthy...." A ti chuai raih


Ka lungphu rawn rang ta dut dut chu beng daih tumin mit ka chhing sawk, ka thaw chhuak ham ham bawk


"Ka ngai che Evalyn. Ka thusawi tur hi reilote tal ngaithla la," A mitah chuan ka en vat. Min ngaih thu a sawi a nih chu. Ka beng chhe ri emaw ka ti dâwn alawm!


Sexy lutukin a lo nui suk a, "ka ngai tak tak che," A thusawi ka rin loh zia a hmu a ni ngei ang. A rawn sawi nawn leh sup, a vei kiai suk bawk


Ka thawk lak a rang leh ta em em tawh! Hahthlak hian!

Ka malchunga ka kut chu a rawn ban leh a, nghet taka humin, a la kâng a, a hmuiah nawrin arim a hîp zui vang vang, "kha ni 3 chhung kha hremhmun ang mai a ni," Harsa tih hmel tak hian a rawn ti chhuak leh a



Kei erawhin a thusawi te chu tak tak a ni em tih fiah tumin ka en ran thung


"Min ring turin ka ti lo che mah se, ka thusawi vawikhat chauh chu i ngaithla dâwn lo'm ni?" Dam dup hian a rawn ti leh a. A hmel thutak zetah chuan a insawifiahna chu ngaithla ngei se minti tih a lang chiang viau bawk


"Bryan, ka chunga i thiltih kha sawifiahna a awmin i hria em ni?" Ka ti chhiak ta nge nge



A thaw hawk a, "awm hauh lo mah se..."


"A dik, a awm lo. Theihnghilh suh, i hmeichhe hmangaih thattu ka ni tih hi. Tin, phuba ilak duh avangin min hmangaih der emaw min ngaih derna hi ka mamawh lo. Ka dinna leh ka nihna ka hria," Lo tih khalh vatin min vawnna chu ka phelhsak a



Ka ṭhutna aṭanga tho chhuakin, "Mah se thil pakhat lek ka ngên leh angche. Phuba ila duh a nih chuan khawngaihin ka chungah ila dâwn nia, ka bul leh ka hnaih ami te chungah ni lovin. Kan pahnih inkar a ni Bryan. Theihnghilh tawh suh angche," Phuba lakna mai ka ni tih ka inhriatnawn tir chuan ka chhungril chu zep rual lovin a rawn na veng veng



Mahse, nâ ang erawhin ka lang duh bik lo. Ka nâ a, mittui ka ti tla a nih pawhin, he mipa thinlunga hmeichhe hming pakhat awm hi a tirehin, amah avanga min huatna a ti reh pha emaw, a ti nep pha dâwn chuang lo tih ka beng awmna ka hriat chian tluk zeta ka chian vang a ni



A rum ri hrawih a, melh thla zawkin ka pensawn nghal, a mita natna lang zawk kha ka hmusual a ni ngei ang. Emaw, a hmeichhe hmangaih tan ala nâ a ni mahna


Nghet taka inhum ruh chuan ka ring ka tung vah bawk a, ka hnung za mer merah erawh min enzui reng a ni tih ka hre thung
.

.

.

Zan dar 11 a ri thuak, inhnuai ah an la ṭawng nak nak, kei erawh ka sawi tawh angin an chhungkua felin, min ngaihsak viau mah se, an fapa sal tâng satliah ang ve mai ka nih avangin ka theih chin a piangah ka inla hrang thung



"Eva, ila mu lo tiraw?" Nu Maya-i room ah a rawn dak dek dek a


"Aw mu lo e," Ka ṭhu ṭha vat


Rawn lutin ka sirah a rawn ṭhu thla a, "nuam lo iti viau em ni? I inla hrang riau mai," Min fiampah deuh si a a tih chuan ka nui ringawt


"Bryan-a vang em ni?" A ti leh


Ka chhang chuang lo, "aw" tih pawh a mawi berin ka hre lo tlat




"Inneih chungchang te kha ilo ngaihtuah ang e; i duh lo chung hi neih tir che kan tum miah lo a nia. Tin, ṭhen i duh pawhin kan phal vek aw," A la nui reng


"Ṭhen" a tih chuan ka nuih ati za lek lek. Inṭhen ti tur pawhin eng nge kan inzawmna hi nichiah ka hre thiam tawh bîk lo.

Ni e, a tir kha chuan kan inngaizawng ve hman ngei alawm; Mahse, a hmeichhe hmangaih Lung ka dawng a ni tih ka hriat hnu ah erawh atan khan ngaihzawng ka ni ngai lo tih leh, phuba lakna mai ka ni tih ka hre chhuak a, ngaihzawng tia sawi emaw inzawmna pangai nei tia sawi tur kan niin ka hre ta lo



"Hmeichhia te hi kan mak ve deuhna chu minti na tu te hi kan hmangaih tlat a. Hmangaihna ah lah kan bei hi a dawng har phian bawk a. I ti ve em?" Ka lo nui hak, "kan in ang vek pawhin ka hre lo," Ka lo ti sap



A nui ve hak hak tho, ka phone a rawn rik takah chuan, "be rawh, i nawmsam loh hmel êm a, ka rawn lut mai mai a nia. I Pa Nathan-a pawhin min lo zawng lehnruai ang, mut a duh tawh in ka ring," Tih leh thawh a rual. Kawngkhar rawn in kikin anpa a rawn lawr zui tak tak bawk



Min rawn en in, "ka sawi kha, ka tel lo hian mut a tum lo reng reng, ka la tlânbo san dâwn alawm," Nui ar ar chunga a tih chuan ka nui ve hak hak, Pa Nathan-a erawh a hnar alo tum dat thung



An chhuah fel rualin ka phone chu ka pickup a, "Hello."


"Eva, keimah Tluanga," Ka ṭhu ngil awt



Mizoram ka thlen hnuah hrim hrim ka Pa emaw Tluanga ka be leh tawh miah lo a, min ṭhawng ve det. Engtin nge ka number te a neih zawk hrim hrim ni?




"Eng nge i duh?"



"Eva, tunah Durtlang police station-ah kan awm mêk a ni. Ka Pa an man," A rawn tih chuan ka ding chhuak zat



"Eng nge i sawi awmzia? Mizoramah in awm amaw?" Mak ka ti lutuk



"I pasal neih turah card leh thlalak inrawn thawn a ni lo'm ni? Thildang chu nakin aran dah ang. Tunah, durtlangah rawn chho rawh. A case hi..." A tawp dat a, "Tualthah case a nia," A ti zawi raih. Den dawt ang ka ni


Eng thlalak maw? Inneih card maw? Tualthah case te chu eng nge ni teh nuaih a? Eng nge awmzia? Tu thattu ah nge an man ang? Tetei?

Ka Lu ka thing nawk nawk . "A ni lo ang, nise chuan tlaiah khan Bryan khan khatiang mitmeng leh ṭawngkam khan minbe hauh lo ang," Phone off zui chuan ka ti malh malh



Ka sira Cardigan kawrlum phiar fual chu la in ka tlân chhuak nghal a


"Eva khawnge kal i tum?" Bryson-a mu tur ka tawk chu ding datin, "i car ka hmang lawk thei angem?" Min en haw


"Tunang hunah khawnge kal i tum a?"


"Ka hmang thei nge thei lo?" Ka ti zui vak chu bu nghatin, "lo nghak lawk rawh," A ti zui sup a, a room-ah lutin, "puih i ngai em?"



Car chahbi la in, "ngai lo. Ka lawm e," Tih leh inhnuaiah ka tlân thla nghal dawt dawt



Garage aṭangin car ka la chhuaka, chak takin Durtlang police station ka pan zui nghal



Station kawtah car ti ding tuarin, ka zuang chhuak nghal a. Rosie-i hmel hlauhthawnna a khat chu ka hmu hmasaber



"Evalyn...." Min rawn pan nghal a, "nangmah vang vek hi a ni," A ṭap nghal pur


"Engthil nge awmzia?" Eng nge inzawmna kan neih ngawt dan



"I pasal tur khan a hmangaih che emaw iti em ni? Helai hmunah rawn kal lo ila, ka Pa pawh an man tawp lo ang. I Lung kha ka Pa ruk ni lovin, nangma ruk a ni, nangmah hi tualthattu ini," A au tuar tuar



"A tawk Rosie. Ka Pa inchhung ah ala awm," Tluanga'n a rawn ti hrawk. Kei erawh ka ding khawng ta ran. A thusawi tin mai chu thilthar a ni hauh lo. He hmuna ko tu leh man tir tur a sawi erawhin min rekbet chiang teh e



"Tluanga, eng nge i nau thusawi awmzia hi?" A thusawi kha ka hrethiam lo emaw ka hre chiang lo a ni law


Ka hriatsual palh hlauh takin tih thu ah ka zawt nawn mai zawk a ni!



A thaw hawk a, "Bryan-an inneih card leh inthlak ho rawn thaw in, kal ngei tura i duh thu a rawn sawi tel a, a tir chuan rawn kal kan tum lo." a nui tawi tak, "a chhan i hriat kha. Mahse, in inkar chu engpawh nise ka Pa tan chuan a fanu neihchhun ila nia, chawpchilh takin kan rawn chhuak a. Lengpui Airport kan chhuahsan rualin police-in min rawn nangching a, a bak chu i hmuh ang hi a ni mai. Police te sawi dan chuan, B-large company aṭangin report an dawn thu leh evidence anneih thu an sawi a," A ti leh sup sup


Thawk ngaihna pawh ka hre lo, "evi...evidence chu...." Ka ti chhuak ṭawk, ka kawchhung a sa bulh bulh



"Kum 7 liamtaa medical record kha a vaiin annei," A tih chuan hnunglam ah ka kat nawk


"I sawi awmzia chu..." Mangang lutukin ka en chho a



A lu thing mat matin, "eng nge tih tur ka hre lo Eva," Tluanga pawh a mangang ve viau tih a aw chhuak ah ka hre thei


Rosie-i a lo ṭap hlap hlap, "kha Bryan-a antih vang vek kha a ni. Amah a ni lo'm ni case file tu pawh?" Mittui nen a U chu a en chho a. Tluanga'n min rawn melh nghal zawk


Ka thawk sak lutuk chu ka âwm zawn dawmin boruak ka hîp kawk kawk



Car kawngkhar hawng rawk rawk chuan ka ṭhu lut a, "Eva, Eva khawnge kal i tum?" Car kawngkhar a rawn hawng rawk rawk


"Ka Pa hmu phawt rawh," A rawn tih chuan kawngkhar pawh khar tumin chuan ka vuan a, "tlah rawh," Ka ti a

"Tunah Bryan-a hmuh hun a ni lo Eva. Zanin hian ka pa hi engtin nge an tih dâwn buaipui a ngai zawk," A thlem ti tih chuan min thlem



Mit ka chhing sawk, "kei leh Bryan-a buaina a ni. Amah bakin ka Pa a chhanhim thei lo," Kha zeta ka tih chuan a thaw hawk



"Anih chuan ka zui angche. Rosie ka Nu te lova awmpui rawh. Ṭap tawh suh angche," Tih leh car hnunglam kawngkhar hawng chuan a rawn ṭhu lut nghal a



Car tinungin chak mang kheng chuan ka tlân chhuak. Thi turin Bryan-a In ka panah ka indah hmiah bawk


Car ti ding tuarin ka tlân chhuak nghal rawk rawk a, ka Lungphu zawn lah chu a rawn na veng veng



"Kawngkhar hawng rawh Lalrinsang," Ka chum dawt dawt



Rei pawh ka chum lo Marco hian kawngkhar a rawn hawng a



"Lalrinsang...." Inchhung ah chuan ka au khawk rum rum

Choka ah lutin chemte hriam lutuk chu ka phawrh chhuak a


"Eva...." Tluanga'n a lo ti vat. Marco mita mak tihna pawh chu ka hmu reng



"Engthil nge itih kha Evalyn," Bryan chu ka lam a rawn pan pawk pawk a


"Ka Lung hi a ni lo'm ni i duh? Ka pe angche. Ka pe em em angche. Phuba ka chungah la turin ka tk chu e a ni lo'm ni? Ka chungah chiah ," Ka chemte chu nghet takin ka hum a

He hmun hi dama chhuah ka tum lo hrim hrim bawk. A chhanchu ka thi ve ngawt te a nih loh chuan he mihring hian tawp chin a nei dâwn lo tih ka hriat vang a ni!


"Engthu lawi lo nge maw i sawi le? Eng nge thil awmzia?" Tluanga chu a en zui run


Ka nui chhuak hak. Ka mangang lutuk leh huat lutuk vang a ni ber. A hmel inla pawisawilo leh engmah hre lo ang maia a meng dur vel sawn ka huat a ti zual hluah hluah



"Bryan, a tir aṭanga a tawp thlengin i hmeichhe tan min thah i tum chu a nih hi. Vawikhat emaw vawihnih mai ni lo vawi tamtak min thah i tum a mah se, lungngai suh, zanin hian ka kut ngeia phawrh chhuakin i duh em em ka Lung....." Ka tawp dat, ka nui lui leh hak, "ni lo, i hmeichhe hmangaih Lung hi ka pe let angche," Tih leh tuar tuarin ka âwm zawn ah chuan ka chem ken hriam tak chu na takin ka vit lut a



Mahse, thli pui ang maiin a che rang ka tih tawh kha, chem chu a rawn pawt phawi zawk a, chhuat ah chuan a vawm bawl bawk. Ka thaw ka hîp let kawk


Ka dar tawn tawna na taka hmerin min thing nawk nawk a, "thih i duh em ni?" Ka hmai bul chhetah chuan a ti hrawk, a thki ringawt pawh na tak a ni!


Ka âwm aṭanga thisen rawn hnâm ṭiam ṭiam chu a en zui zat a, "i duhdan a ni lo'm ni?" Ka thle chho hâ


A phun hluk, "Marco tunah car tinung rawh," Ti hrawka min pawm a tum chu ka lo tal sawn vat





"I duh ka pe angche. Ka Pa case i file hi sut leh rawh," Tluanga bul hnaihah ka tawlh vat



Ka âwm chu chhunglam aṭangin min rawn vit zawk emaw tih turin a nâ a, ka thawk lak a rawn sakin ka khawhmuh a phe zui ruai ruai bawk!


"Phiangsen che hian Evalyn. Engthu nge i sawi hi? Ka hriat thiam turin sawi rawh, mi â ang maia i duh chauh sawi lo khan," A ti zui hrawk hrawk


Ka nui dat, ka âwm chu ka dawm zui vang vang bawk a, "ni e, ka â a ni. Ka beidawn san ngai loh vang che leh, beiseina nang ang sakawlh laka ka neih tlat avangin ka â a nih hi," Ka aw chu a thawp zui sap sap


Tluanga chu ka nek riai riai a, "Eva... Eva i ṭha em?" Ka khawhmuh thim ta ruai ruai leh ka hriatna hla ta vawng vawng te, ka lungphu ri zawi ta em em te leh ka tawklak zawi tial tial a, harsa ta riai riai chu chiang takin ka hria a



"I kut hmawr pawhin rawn khawih suh," Tluanga'n chang taka a ti ri chu ka thil hriat hnuhnungber a ni bawk!



<>~>~> Khaileee!!! Ads click theuh ang u aw, chhiar zawh rual hian click nghal a rem thin khawp mai

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)