My Treasure S2 : MR. CAPTAIN By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: MR. CAPTAIN ~My Treasure S2 ~ By Floria Laldansangi (Completed)

Unread post by Ngaia » July 4th, 2021, 3:04 pm

MR. CAPTAIN
~My Treasure S2 ~
By
Floria Laldansangi


(Thu hma tlêm : Nizan kha Fb comment lamah ka dah theih loh tur thu ka sawia ka buai ve bawk nen, WhatsApp group leh ka fb group lamah ka lo sawi theihnghilh daih maia🙊🙏min ngaidam dawn nia😘chhiar nuam vek u❤️)




Chapter < 7 >

EVA....POV


"Eva... Lalpa leh! Khawiah nge i kal a? Nâ inei em? I ṭha em? Kan zawng nasa che tih i hria em?" Nanni en chuan ka nui tawi tak ringawt, ka inthiam chiah lo. Midang erawh an tel chuang law


"I ṭha em? Tluanga'n hmuntin mai a zawng che a, zankhuain maw le a zawn che ni," Ka bulah rawn dingin ka taksa a enkual a



Lo thaw halha nuiin, "Nanni ka ṭha, naupang ka nih tawh loh hi. Ka mamawh lam turin ka rawn let mai chauh a ni. Tumah hrilh suh angche," Tih leh a kut ka vawnna thlahin kailäwn ka pan a



"Eva..." Ka ding dat, lainat hmel zeta min en in a nui sen sen, "i Pa hian a hmangaih che a nia Eva," ka awih hlek lo mah se ka nuih seih ta tho


Inchuglam chu ka pan thauh thauh, hawi kualin, tumah an awm miau lo nen, engteh hrepin nge maw min mawlh ni? Ka pa office chuan ka mit a la tlat pek a'h


Ka pa in ngaihzawng a neih hma kha chuan ka infiamna room pakhat, ka luh chhuahna a ni a. Ka Pa in ngaihzawng a nei tih ka hriat thiam hnu ah erawh ka lut leh tawh ngai lo. Vawiin ni thlengin maw le!


"Eva Bawihi, lunch i ei dawn em?" Ka harh zawk, hawi thla in, "ei lo ang," Ka ti zui a


Ka Pa office lam bawk hawi chuan muangchangin ka pan hnai a, kawngkhar handle chu ka chelh deuh vang vang. Ka mitthla ah ka naupailai a rawn lang a, ka nui seih


Muangchanga hawngin, ka pên lut bawk. Ka hawi kual a, bangah kan chhungkaw thlalak lian tak mai intar vah chuan ka mit ala hmasaber, ka lungphu zawn hi a rawn thîp zawk bawk. Hmuh ka beisei loh lutuk thil a nih vang te pawh a ni mahna!


Pan hnaia en vang vangin ka nui a, ka Pa office pawh danglamna pakhatmah a la awm lo tih ka hmu chiah, ka nu thlalak te, kan unau thlalak intar te chuan ka hnuk a ti ulh ṭeu thei. Nupui thar a neih tawh te chuan a dah bo vek tawh ka ring a nia. Ka lawm vang nge mak ka tih luat vang zawk ka hre lo ka ṭah nuih hak hak



Engkim mai chu ala ngai vek niin ka hria, he office ka luh hnuhnunber ang khan engkim mai chu a awmna ngaiah a awm thlap bawk


Engkim chu muangchangin ka enkual a, ka mit a rawn hnam zui ṭiam ṭiam lehnghal!


"Nanni sawi ang khan min lo hmangaih ve tak tak te hi ni lo maw?" Ka rilru in ka ti zui rauh rauh bawk


Ka Pa dawhkan chu ka en kual a, pawhdawh inhawng deuha thlalak ni âwm tak lang chu pan hnaiin ka la chhuak a, ka Nu nena an thlalak a ni


An la ṭhalai dun viau bawk. Ka rindanin an inngaihzawnlai vel a an lak emaw an inneih hlim vel a ni ngei ang, an la hlimdun hmelin an in hmangaih hmel takzet


Thlalak dang ho chu la chhuakin ka en kual a, ka ṭah nuih leh hak ṭhin. Thlalak ṭhenkhat chu ka mitthla ah an la lang zui uar uar thei!



Ka en zo, dah let ka tum chu file pakhat chuan ka mit a la nghal chat, ka kuta thlalak ho dawhkanah dahletin, file chu ka phawrh chhuak a. Medical record a ni. Accident leh heart transplant ka tawn ni nen khan, a nî leh thla, kum a in angchiah bawk


Dawhkanah dah rawk rawk chuan keu in ka chhiar a, ka kawchhung a rawn khur nghal dar dar. Ka mit a rawn hnâm zui ṭiam ṭiam bawk


File kara thlalak chu la kângin, kut khur dar darin ka en a



Ka mittui a far zui kauh, he nu....he nu ngei hi a ni ka Lung neitu chu!!



"Evalyn...." Ka phu nasa lutuk, ka hawi dawrh, ka Pa hmel ka hmuh rualin thlalak chu ka ipte ah ka thun vat a file chu lek kângin, ka lam rawn pan pawk pawk ka Pa chu mittui nen ka en


"Eng nge heihi, Lung donate tu kha a thi tih min hrilh a. Ni lo, brain dead tiin i sawi a. Mahse, heihi eng nge," Ka khur hlawk hlawk thei


"Midang an nih hi..."


"Pa. " Ka rak ṭhat ka kutah fiahna a awm a, dawt min hrilh ala tum cheu a nia!


Ka kuta file pawt thla hlawkin, chhuatah a theh thla ṭhuai, "naupang ang maia zawhna zawh hi bânsan rawh," A ti leh hluk bawk


Ka khur nasa lutuk chu ka ding ṭawk ṭawk a ni. Ka ke hian min zo lo lek lek zawk


"Ka.......engtia thi nge a nih? I that lo tih sawi rawh. Ni lo, brain dead diktak a ni tih sawi rawh," Ka lei te chu a bân sak ṭalh, ka aw chhuak thlengin a khura ka sawi chhuak thei ṭawk a ni


Mit sen râma min rawn en in, "eng nge hriat i duh Evalyn?" Mittui kar aṭangin ka en ngawih ngawih


A thah a ni lo tih sawi hrâm rawh se. A thah a nih ngat chuan.... ka..... Ni ko, Engtin nge ka nun chhunzawm ngam ang ni?



Ka hrawk ana a, ṭawng tumin ka kâ ka âng leh zuai ṭhin, boruakin min hnawhbet hneh lutuk, ka ṭawng chuak thei lo!


A thaw chhuak hawk, sofa lam pana ṭhu thla hnakin, "i hmuh ang kha a ni Eva. Hliam nâ emaw thihpui tur khawm hliam emaw a nei lo alawm; Mahse, kum tamtak hnu ah, Lalrindiki chiah kha i milpui a awm si a. Doctor leh Pa ka ni a, ka fanu i ni bawk, engtia rei nge hun ila neih ka hriat avangin thlan tur dang ka nei lo a ni. Ka nei lo Eva....." A tawp lam chu a chuai raih raih



A sawi chhung zawng chu ka thaw em pawh ka hre lo. Ṭawng chhuah ka tum ngial a, ka kâ aṭang hian ri chhuak tur ka nei lo hrim hrim. Boruak bak chhuak tur a awm lo



"Eva..." Ka Pa chu a rawn dinga ka âwm na lutuk chu ka ṭham vang vang. Ka dinna hmun chu hremhmun nen danglamna ka hre lo hrim hrim


Pangai taka thawk tumin boruak ka hîp a, he room chhung ah hian ka kham khawp boruak a awm ta lo emaw tih mai tur a ni lehnghal!


Muangchangin mittui nen ka inher hret hret a


Ka Pa in min kohna pawh chu ka hre chang chang chauh a ni. Ka hamah file-a ka thil hmuh chu a lang reng a, a châm hlen ngeiin ka ring bawk!


"Eva...." Nanni chu ka kal pel chhat chhat, ka kalna kawng ka hmu miah lo, ka mitah hian kha file a ka thil hmuh bak kha a lang thei lo a tin ni


Ka room ka thlen rualin chhuatah ka ṭhu thla hnawk, ka Pa thusawi lah chu ka beng ah a ri khawk rum rum bawk a



Ka âwm tawt lutuk chu ṭham ngar ngarin, mit ka chhing vang vang bawk. Ka theih tawka tam boruak hîp in ka thaw chhuak leh kawk kawk bawk a


Brian dead a ni tih ka hriat lai ai mah khan ka na zawk a, ka dam chhuahnan tual ka that takzetah ka in ngai hmiah bawk



Ka khum bula ka phone ka hmuh chuan bawk vaka pan hnaiin, private detective ka rawih number chu ka hmet chhuak a, chil lem khawlhin, "tun... tunah..kan inhmu thei angem?" Ka ti chhuak hap


"Ummm. Ok, a ngaiah em ni?" A rawn tih chuan ka chhang a, phone dah thla in ka hmai ka hup vang vang, ka ipte aṭangin thlalak ka ah kha ka phawrh chhuak a


Mittui tling pamin ka en vang vang bawk, nula hmelṭha tak a ni, a hmelṭha takzet, a säng ṭha in, a pianlah chu duhthusamin a nalhin, a tawk bawk si. A doctor coat var te chu a inhmeh takzet


A Lung laksak lo ila, keimah vanga thi lo ni se, vawiin ni ang ah hi chuan Doctor thiam tak niin pasal fanau pawh a nei tawh maithei a sin!!!


Ka ngaihtuahna chuan a ai nasa in ka thiamloh a nih zia min hrilh a, engkim chu keima bul ṭan niin ka ngai hmiah bawk. A ni rêng si a!
.
.
.
.
~ DREAM LUXURY CRUISE ~


"I ṭha maw?" Tui in khawlh khawlh chung chuan ka lu ka thing mat mat


Engtin nge helai hmunah te ka hmuh theih ni? Captain lehnghal maw?" Huhh!


"Eva....!" Mimii chu ka melh nghal vak, "Captain itih kha Bryan a ni tih i hria em?" A thaw halh, "thil ṭha lo a thleng emaw ka ti dâwn alawm? Keipawhin ka hre sa lo a nia, Cpt. Nora ai a rawn awh an tia," Mit chhingin thaw ka la ham ham


Ni 3 chhung he Lawngah hian kan chuang dun dâwn a nih chu! Eric-a thusawi awiha he hmun ka kalta kher kher chu ka inchhir ta rum rum mai. Ka thluak tih thawl tum a, mahni a chawlh inpe n, hahdam leh nuam takin ka hmang ang chu tih nak alaiin, kha zawng Bryan -a ka hmu khan ka suangtuahna te chu ka manglamah bak a thleng dâwn lo tih min hriat tir



"Hna ka thawk ṭan dawn a sin, 5mins chiah ka nei tawh. Zanin chu i bulah ka rawn mu ang," Mimii chu ka melh zawk, ka bu nghat bawk a. A uniform hak chu hmu fo tawh mahila, vawiin chu ka hmu ṭha riau lehnghal!


Mimii a chhuah rualin khumah chuan ka let thla tap, ka bula remote chu la in light chu ka On a. Ka sawi tawh kh, thim hi ka ngaina hauh lo tih


Mit ka chhing zui diar diar. Private detective ka tirh khan Tetei chanchin a kimchang thei angbera min hmuh sak hrâm ka beisei. Ka beisei takzet. Rulh letnan engkim ka ti ngei bawk ang



Ka lo muhil sek a ni ngei ang, Mimii aw ka hriat ruai ruai chuan ka zi mar zui ṭiah ṭiah a


Ka ṭhu chhuak luai, nimin lamah ka ṭap ve deuh nen, rilru tawt lutuk te hian taksa te hi a lo kham na vek thei a nih dâwn hi!


"Eng nge?" Ka hawng nghal a


"I dinner order."

Huhhhh!


Mimii chu ka en haw, "ka order hleinem, keimah in ka rawn chhuak mai angchu," Ka harh ve chauh a. Bakah, tuipui thlir paha dinner ei te pawh ka duh ve alawm


"Mahse...." A tih rualin, "Bryan..." Ka lo ti chang rat. Amah bak a ni dâwn lo, hmela chu'h



"Dik lo a awm em ni?" Ka melh zawk


"La let rawh, in Captain Bryan-a kha ti hian hrilh angche. 'Mahni a dinner leina tur emaw a awmna hmun pan thei lo ni ila, he hmunah hian ka mu zal zal lovang,' Ka sawi angchiah hian va sawi angche," Ti hmak hmakin, "dinner ka ei dâwn lo," ti zui leh nghatin, Mimii'n mak ti fe a min en na chu haider hmiahin bathroom ka pan zui hmak bawk



A khanglang chuan! Ei tura mintih lungawi te a tum ni? Naupang emaw tleirawl â pawh ka ni tawh lo. Duh leh a bialnu sambuangi kha leisak se ti nia!


Bathtub-ah tui dahin, inphelh sat sat chuan ka inchiah zui vang vang a, ka mitthla ah ka Pa file ka hmuh bawk kha a rawn lang leh zat, thaw kawkin tui-ah chuan ka inchiah pil nghal riai riai a


Ka Pa thusawi ka bengah a rawn khawk rum rum. Ka kawchhung aṭanga ring taka rawn ri ka hriat chu, "tualthattu ini," Tih chu a ni. Ka ṭhu chhuak phawng, ka thaw zui kawk kawk bawk a, ka hmaia tui hui fai puaka la thaw kawk kawkin, "ka tihpalh," Mit phak zet chuan ka ti chhuak sap bawk

.
.
.
.

"I nalh lutuk princess," Music ri riai riai karah, lam en chungin Champagne ka lo dawm a


In en in ka nui seih, ka tana a design liau liau Lantern sleeve Solid crop top chu a in suit -in ka ha a, ka kekawr a sei bakah a arh deuh avangin Jimmy Choo pheikhawk säng, 10cm laia säng rangkachak rawng, ka kawr hak brown light nena inrem tur tak min pek nen chuan keipawhin inhmeh ka inti takzet.



A model ho nen hian kan inchen deuh rengin, ka danglam vakna ka hre lo


"I sam kha thlah teh," Eric-a chuan min en leh vang vanga a rawn tih chuan chunglam melh ralhin, ka nui a, "messy bun hi inhmeh ka inti viau a sin," Mit siai pah zauh a tih leh ka sam hma, tlema rawn uai thla, kawi ngiat mai ka benga zep zui zauha ka tih chuan a meng kalh lui ralh ralh, ka lo nui hak hak thung


Champagne no lek kângin, "ka lawmpui che, show hlawhtling tak a ni," Nui chungin, "ka lawm e, ka rawn let leh ang," Ka no khawng ri tlenga tih leh pensawn a rual, a design pho chhuah zan leh a mawi zan a ni bawk a, chimbuai tu pawh a ngah khawp mai



"Ka lampui thei che angem?" Mizo aw, ka hriat hnu ang tak maiin ka hnunglam aṭanga a rawn tih chuan ka hawi vat



Ka meng kawk bawk, "U Zo...." Ka nui nghal var var


Nui huk hukin, "ka hai ṭep che alawm Eva," Ka sirah a rawn ding a


"Eng nge hetah itih?" Ka zawhna atthlak zia ka hre chhuak, ka lei ka chhuah tawi tut nghal a


Nui huk huka ka chhip tawk zauhin, "honeymoon hmang turin maw le,". Atih chuan ka meng hraw. Mahse, ka insiam rem vat


Kum 5 liamta khan a nupui hmasa nen an inṭhen tih ka hria. Ka hriat danin U Zoa hi a uire a ni âwm e. An nu hmasa kha vawi 3 vel ka hmu ve tawh a, Mizo hmeichhe fel tak leh hmelṭha tak niin ka hria. Bakah, U Zoa U fate thleng khan a enkawl thei a, ka theih loh tawp tur a nih vangin ka fak ru viau bawk



"Kan lam dun dawn em niang," Ka melh lui deuh ram ram, "innu in min kek a nge aw," Ka tih chuan za taka nui chhuakin, "Lungngai suh, ka chhan angche," A tih chuan ka nui ve hak


Ka no kenlai chu ka sirah dahin ka kut chu ka pe zui hnap bawk a, nui vur vura lam tual lam pan pahin, "Sammy nen in inbe ngai em?" A ṭhianpa chanchin min zawt har ka ti rêng a ni


Music rik ruala lâmin, ka vir kual a, "kan inbiak mumal lohna hi a rei tawh. Mizoram alet hnu phei chuan minbe khat tawp. Mahse, ka U birthday leh an thihcham ah chuan min rawn call ṭhin, a buai ve thei sia, inbiak tamna hun a awm ngai lo," Ka tih chuan a bu nghat


"Ti daih teh ang, bialpa i nei em?" Ka en haw. Teh thut a!


A lu thle zauhin, "silai pai se ka lu ah hian a verh tawh ngei ang," A nui zui suk


Lân paha a thlekna lam ka en chuan rum lutuka kekawr ipte zen ap in Bryan-an min lo en chu niin


Ka thaw zui hak, "ka bialpa a ni hleinem," Nuih luih ngial ka tuma a har hret a ni


"Hummm, ka awih ta hauh lo mai, titau aw a ri tel tlat," A mithmul a kan ak, ka nui a, "innu nen naktuk chu breakfast ei ho ila," Ka tih chuan bu nghatin min vir kual tira partner changes a ni tih hre mahila, Bryan a rawn lam ve tih ka hre lo hrim hrim


Ka vir kual min lo man chat chuan, ka kawngah hnehsawh mangkhenga a kut rawlhin, a taksa bet thlapah min pawt hnai hrawk a


Na zet leh inhremna ang maia ka kut a vawnna chu hmerin, "tunge a nih Evalyn," A aw chu a ring miah lo, hlauhawm chher chher tak a ni


Ka duh miah lohvin ka khur lehnghal der der


Ka dang ro ta halh chu ka chil ka lem khalg a, crop top ka hak miau avangin a kut lawngin ka kawngah ala chelh zui bawk nen. Thawk ngaihna ka hre leh ta lo!!



"Ka mimal nun hrilh tur che in kan inhre ngai em ni?" Lalpa ka lungphu ri hi ti zawi deuh teh! Ka ṭawng te chu a khur lek lek a nia!


Ka kawng a dawmna chu a hmer salh a, ka ner ve sawk bawk



Thaw ri hawkin, "minti lui suh Evalyn," A aw ki chu vawikhat pawh ala sän lo; Mahse, a hmel erawh a changin, a tawng ri a fiah ṭha khep khep khawm mai



Ka nui lui hak, min vir kual tir a, ka ke pakhat chawi kanga eu deuh awrhin, min pawt let chuan a dar ka vuan zui chat, ka melh chho ralh a, "Owen. Owen tiin min ko rawh," Ka ti lui ngat. Ve an a! A duh hun huna ka hming a thlak vei ni



A rawn nui ri suk, ka en chho haw. Nuihzat tur ka sawi hauh lo


Sexy lutuka a hmui hnuailam pet zauhin,, a mitko veilam chu a ti sang zauh bawk. A vahan ṭha tehlul êm! Arghhhh...ka ṭan leh dâwn


"Tunah chuan ni lo Eva" ka rilru in ka inhau mawlh mawlh


"Fiamthu ka thawh lo Mr. Captain," Tih leh na zeta ka pheikhawk sangin a pheikhawk rap luiin, ka rawt zui bawk a, a hmui chipin a bek leh khabe ruh a pawng nghal ṭawlh ṭawlh


Ding ṭha in, thaw halh chuan, ka melh chho ralh, nui lui sângin, "Mr. Bry... Sorry.... Captain. Passenger i treat dan a mawi lo in, i polite lo takzet a ni, he Lawnga ka chuang hi ka inchhir viau bawk," Ka ner sawk bawk



Ka pensawn hma in a ngal ah ka chhir zui hrâm dawn emaw ni? A duh duha tih kual tur pawh ka ni lo. Ve an a!


"Eric..." Eric-a ṭawng mawlh mawlh lai chu ka ko sep


A rawn in her a, "ka room-ah ka letsan dâwn che," Bu nghatin min rawn kuah a, "breakfast kan ei ho dâwn nia," A tih chuan ka bu nghat. Laang kan chuanluh aṭangin ala buai char char, pui thei ila ka ti. Puih ngaihna lah ka hre dêr si lo a



Bryan-an minla enzui reng tih ka hria;Mahse, ka melh let âwm lo emai, mipa, a changa min hria, a duh huna min hre ṭha leh duh lo en let dawk dawk turin ka chhe lo mah mah



Ka champagne in ve ngawt chuan ka lu a ti kai deuh nge maw ni? Ka lu chu a hai muai muaia ka hriat hrep ni?



Ka room lam ka pan laiin ka bân rekah na taka rawn hmerin min pawt kal zui dawr dawr a



A tukkhum chauh hmu mahila he mihring hi tunge a nih ka hre lutuk mah mah


"Min thlah rawh Bryan.." A kal chak êm avangin ka tlân dawt dawt a ngai hial


Min vawnna kut chu ka chum a, ka sik pah bawk, vawikhat pawh a rawn hawi let lo, a pen ngaiin a pen miah miah


Ka room kawngkhar zawna ding dawtin min pawt hnai hrawk a, "hawng rawh," A ti hluk



Ka va hawng âwm lo tak!
Ka din ngaiin ka ding ngar


"Evalyn, ka ti chhe hreh hauh lo a nia," Tih leh kawngkhar chu a pan hnai hrut a, a ti leh duh tak tak dawn tih a hmel chang rut maiah hian a lan chian êm avangin rum zeta melh vakin, ka room card phawrh chuan ka hawng zui zat


Na zeta min theh lutin kawngkhar chu a khar zui dawt a, "ka zawt nawn leh angche Evalyn. Tunge kha mihring kha?" A aw ri chher chher chu, min thin hrep a chak hmel hliah hliah


Ka hlau ve lek lek dâwn alawm; Mahse, hlau ang chuan ka lang duh bik der lo


Ka hawi vah a, "ka sawi tawh kha, ka mimal nun hrilh tur che in kan in hre ngai lo tih...." Ka tih zawh rual deuh thaw a ka dar tawn tawna chelhin min thing nawk nawk, na lutukin ka hmui ah a fawp nawk nawk bawk. Inhremna a ang mah mah zawk, nawmna pakhat mah a awm lo, hmui a thîp vawng vawng a, ka hmui chu hîp thlak a tum emaw tih hial tur a ni



Ka tal phat phat, min fawp reng chung chuan min thing leh nawk a, chet ngaihna a awm lo hrim hrim, min chelhbet hneh lutuk mah mah


Thaw chham lek leka min fawh hnu ah na zeta ka hmui hnuai lam sehin, a inla hrang thut, ka rak ṭhat, ka kâ a al nghal puat bawk



A hmui a liak zeuh a, thaw kawk kawka min rawn en in, "tihluih ka duh lo Evalyn," A ti zui khur khur bawk


Min rawn pan hnai chhat chhat, ka tawlh hnung ve zel bawk a



"Ka ti lui hleinem che, i duh huna i hriat, duhloh huna min hre ngai lo ang maia awm kha thiam pawh i thiam zawk ngawt alawm le," Ka ṭawngkam chu tih ngeiawm ka tum vei nen. A hmel ren run hian minti zâm zo


Khum ka su dat, a nui suk a, ka dar a ka inrin hmaa nam zauhin khumah ka ting thla awk, rang lutuka ka chunga rawn bawk zui zat chuan, a thaw chhuak ham ham a


"Â lutuk mai," Ti supa mawi lutuka min en chhuk chunga a nuih chuan ka hawi â leh heu tawh. A mize in thlak chak lutuk hi ka umpha ṭhin lo


"Thildang ah lungawi lohna ila nei em? Sawi rawh, engpawh, ka hrilhfiah angche," A aw thum chhur chhur pawh kha a bo leh daih tawh. Nuihza aw a ri tel


Hnuailam aṭanga a âwm sek zeta nam let ve ṭai chuan ka mit ka khap fak fak ringawt. A awmdan hi ka la man thiam chiah lo a niang!


Ka chalah a chal a rawn nghat a, "minti mangang hle tih i hria em?" A thâwp sup


Ka lungphu zet chu'h, ka thawk thlengin a ti buai leh nak tawh. Ka kawchhung lah a rawn khur leh nghal ang der der a!


"Evalyn, hmeichhe mak tak ini. I inhria em?" Ka hnar chu a fawp zauh, ka ṭek leh chuai chuai mai, ka lungphu chu a rang lutuk nge a chawl ta zawk pawh ka hre tawh lo e!



"Bry...Bryan..." Ka ti bah nak


A nui ri suk a, ka hmui chu, a hmui lum ther ther maia nul thuak thuakin, a chunglam chu a dimtê in a fawp zui dek dek bawk


Chet emaw sual let nachang ka hre leh ta lo. Ka zawi leh vekin, ka thluak a ti nu leh but but tawh. Min khawih emaw a bul hnai a ka awm a pianga ka taksa danglam ta nghal vat zel hi ka thunun theih piahlam a ni ṭhin



Min fawp dek dekin, ka hmui la dâi reng chungin, "keimah ka ni lo, ka sawi awmzia chu, Owen ti fo tu che kha, ka phirpui a ni," A ti zawih sup chuan ka meng kawk, harh chiang tak ka ni


"Eng maw?" Mak ka tih zia ka thup hman lo, a nui ri suk a, ka bulah let thla tapa alama min pawt hnai zuiin, nghet takin min kuah zui a


Ka chhipah fawp vang vangin, "ka nau Brayden-a a nih kha, triplets kan nia, heta ṭanga kan let hunah official takin ka la inhmel hriat tir angche," Thutak zeta a tih chuan ka zak bawk si, ka läwm bawk si, ka nui zui sen sen


A ṭawngkam chhuak tin mai chuan minti hlim a, ka ring hmiah bawk. Ka bialpa tak tak te pawh a ang be ta alawm


"A nih chuan, ka bialpa ini dâwn tihna em ni?" Ka hnaih zui set set


A nui nghawr data, ka khabe a chawi kângin, ka hmuia fawp ri chawk, "tu mipa mah inhnaih tir tawh suh angche. A bikin i unaupa leh zanin a mipa kha," Thupe ṭhang tih hriat taka khauh zeta a tih chuan ka nui nghal ver ver


Inbeng kângin a chungah chuan ka bawk a, a hmelṭha tak mai en vang vangin, a bianga hmul ṭo siar siar khawih pahin, "U Zoa a nih kha, Ka U te nen colleges an kal ho ṭhin a, ka U ang a nih chu," Ka tih chuan ka kut, a hmaia ka thai riak riak na chu hum chatin, a rum nghut bawk a


A kut lehlam a Ka kawnga nghet zeta kuahin, "i thisen zawm a ni lo. U ang tih vel kha ka pawm hauh lo bawk," Tih leh ka biang tawn tawna rawn dawmin hnuailam aṭangin min fawp zui nghal a


A lei themthiam zet mai ka kâ chhunga a hawl luh rualin nui seihin ka chhang let ve vat bawk


Ka chawlhhman a nuam dâwn lo ka tih leh ka inchhir ka tih kha ka sût lehnghal vek e!!! Chawlh nuamber a ni dâwn tih ka chiang lutuk tlat!




<>~><>~><><>

Note : Sunday zan ka chawl aw❤️



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:04 pm

MR. CAPTAIN
~ My Treasure S2 ~
By
Floria Laldansangi


Chapter < 8 >


EVA....POV


"Eng nge i an deuh tawh a? I ṭhiannu sawn i pum a nawm loh thu a lo sawi a," U Zoa ka bula rawn ṭhu chu ka lo nuih seih


Nizan khan ka room ah Bryan-a a riak a, Mimii ka lakah a lawm lo viau nâ in, lunch ei hma vel khan ka pum nawmloh vangin min ngaidam ta kha a nia. A dinna lam chu hawiin ka nuih sen sen


Thinrim pawh nise a âwm takzet, nizan ka room a riak turin kan inbe fel vek a, Bryan a rawn riak ta daih sia!. Ngei hlawh pawh ka phu viau rih


"Ka zia tawh e. Khawng innu pawh chu, hmuh tur a va awm lo ve."


"Room-ah a thawmhnaw huh thlak turin a chhuk a nih kha," A ti ve mai



"U Sammy khan nupui ila neih loh thu a sawiin ka hre sia," Ka fiam zauh, a sawi tak tak bawk, Mizoram a haw tirh khan, "parawl turin Guwahati lamah a awm e," A ti mai khan ka hria



Nui huk hukin, a whisky ken lai chu a tem hlek a, "a pahnihna tawh zawk alawm," Ka en haw, "la nikhua lo reng emaw ni?" Ka lo ti rilru leh hman tawh


Nui reng chungin, "karhmasa khan kan innei a, Mizoram lam tumah ka la hrilh loh vang a niang. Hrilh pawh ka tum rih hlawm lo, chhungkua han din phawt ila, ka la haw pui ve angchu," A tih chuan ka lo nurnang


"I fate, a Nu bulah em ni an awm? An lian tawh em?" A bu nghat


Dawhkana a phone dah chu la kângin, "an unau thum a nih kha, a teber kha kan Inṭhen laia a pai a nia, kum 4 a ni ve tawh, a U ber hi 16, a lai hi 11," A fate kum a sawi laia a hmel chu hmuh a nuam viau na nâ in, natna ka hmu tel bawk



"Mizoram ah em ni an awm?" Ṭhu ṭha pah chuan ka ti leh sep a, phone hmet thimin a lu a thing zauh, whisky bawk chu tlak papin, "Australia lamah, ka nau Tetea sawidan kha chuan Bryan-an(Zoa fapa zawk) kum 18 a tlin hunah Mizoram lamah zinchhoh antum a nih hmel, colleges luh hma in," A phone chu a melh leh zauh bawk


"In tur i duh lo em ni?" Nui lui tih hriat zeta a rawn tih chuan ka kâ ka âng zuai hman, "a in thei lo," Ka hnunglam aṭangin Bryan-a aw in a rawn ti thum dût, ka hawi hma in, a jacket min rawn hak tir zat a, ka sirah min si chetin a rawn thu nghal luai bawk


Min rawn melh zawk, swimming pools bulah bikini nen chauh ka awm a, tui chen ve inring deuhin ka ha ve ngawt a, Bryan-a min en dan renrun ah erawh ka ti fuh chiah lo a nih hmel!


U Zoa hmel nuihzatna a khata inthlak chu a hmu ve tho in ka ring! A thikthu hi a chhe mah mah lo maw? Hmmmph


"Bryan..." Lo ti sap in, "U Zo, Bryan a nih hi, hei....." Ka ti zo hman ṭawk, "a pasal hual." Bul zet maia a tih chuan mitmu pawng chhuak lo chauhin ka en kawk. U Zoa a en ngaiin ala en run tho, ka en tih a hre lo a nih ngat chuan mi â a niang!



U Zoa lah a nuih a za tulh tulh emaw tih turin, ri chhuak meuha nui hawk hawk chuan, "ka hria alawm, Maya-i fapa upaber kha, ka fapa U ber nen in hming a in an mai bakah, i nau Ivan-a leh ka fapa Ivan hming ala in ang lehzel nen," Nui hawk hawka tih leh, "makpa kan nei hnai tih pawh kan lo hre hleinem," A tih zawm zat


Ala nui vur vur tho, Bryan erawh alo rum nghut. Ka insum zo ta biklo ka nui chhuak ve sen sen a


"U Zo.." Hmeichhe aw no zet mai kan hriat rualin Mizo nu tih hriat tak mai kan sirah a rawn ding zat. Mizo hi chu kan hmaifang ah hian a hriat bik a nia nge!


"Aw Bawihi," Tih leh a sira ṭhut tirin, "nizana ka sawi kha, Eva a nih hi, heihi....." Thlûk deuhin a nui suk a, "a pasa hual...." Bryan-a bawk chu aw!


U Zoa a rawn nui huk, a nakah ka lo nghawk zauh thung, a mak renrun thei! Bei bung thei angreng si


"Lalruatsangi, Sangte minti mai rawh u," A kut tereuhte mai chu a rawn lek chhuak a, ka lo chelh vat, "Evalyn, Eva minti ve mai dawn nia," Ka lo ti ve sep. Nu lian tak erawh a ni hauh lo, keiai a upat pawhin, kum tam a nih ka ring lo bawk



A hmai sin tereuh te mai chu a invuah dik thlap, a hawi her leh che velah chuan chhungkaw rethei tak aṭanga chhuak a nih ka ring hauh lo bawk


Kan sirah Bryan chu ngawi ngulin a ṭhu ve ngar, U Zoa te nupa nen kan titi chu a ngaithla ve em phei chu ka hre law. Meeting te kha a nei emaw tia?


Kan kum zat te kan han sawi nak nak takah chuan kei aiin kum 3 in a lo upa a, U Zoa nen pawh an kum a inthlau nasa khawp mai, U Zoa hi kum 40-45 inkar a nih ka ring, U Sammy nen khan an i inrual chuan; Mahse, an inhmeh in, U Zoa a hläu thiam tih a hriat takzet bawk

U Zoa pawh ka lawmpui, "uire ching hi chun an sim tak tak thei lo" antia, U Zoa eraehi chuan sim hrâm se ka lo ti. Uire na hi ka haw êm a ni



"Honeymoon kan hman hun a fuh tawp, Designer Eric-a te pawh ka hmuh phah a," U Sangtei'n uar zetin a rawn ti a, "chhunlam pawh khan sawlai velah sawn shooting an nei a," A ti zui leh a, a lawm hmel tak tak viau lehnghal!



Nuiin, "Eric-a maw itih a, T&H Designer hi!" A bu nghat, "ka duh thlawt," A ṭawngkam hman duhdan vel chu a naupang chhiat ve hmel tawp



"Saw a rawn kal alawm. Eric..." Ka ko nghal zat



"Finally Princess...." A taksa sek ṭul chung hian a ṭawng no thei ang reng sia!

"I fan an awm a nia hei," U Sangtei chu ka melh zauh



Mak tih hmel lutuk in U Zoa kut hmer chungin mit khap fak fakin a lo en a, "a ni tak tak a nia. U Zo, a ni tak tak," Kan lo nui hak hak


"Nizan khan show an neih zawh hnu ah U Zoa ṭhianpa hian an party na ah khan min hruai luta kan pahnihin," Lawm avanga ṭah aw lek leka a tih leh chuan kan lo nui nasa, chuvang a nih dâwn chu U Zoa ka lo hmuh ni!



"Min rawn zui teh," Eric-a te titi mawlh mawlh laiin, ka kut a chelhin min thawhpui a, "Khawnge min hruai dawn?" Min pawt kal leh dawt dawt tawh



"Dangerous area" Tih intarna lam chu min pan pui a, "Bryan...." A thim deuh ṭan chuan ka awm a ti nuam lo nghal dêr


Ka kut chelh nghet sauhin, "shitt... I bulah ka awm," A ti su su, chu rinh pawh chu ka thlamuanpui em em a! He mihring bulah hi chuan ka himin ka thla hi a muang mah mah ṭhin


music ri a hla tial tial a, min hruai na chu lawng hnunglam, hmawr lam daih a ni tih ka hre chiah bawk


Thim a reh hnu ah, thla in tuipui cham duai mai a chhun tle ral ral lang chu mawi tak a ni


"Wow! A mawi lutuk," Ka pan hnai, fimkhur rawh," Min chelh vat


Pawnlam kha chu light eng nen tuipui mawi zia hmuh thiam tak tak a har a, helai erawh, thla khian a mawina a ti zual bik emaw tih mai tur a ni!


"Bryan...." Ka hawi chho a, min lo en ran, a nui suk, thla eng hnuai ah pawh ti tak hian a hmelṭha a nia!


Tuipui lam chu ka hawi leh, hetiang em em hian tuipui hi a mawiin, thla khian mawina a nei ang tih ka ring pha ngai lo, awmdun tura duan emaw tih mai turin a inrem thlap, boruak reh tak karah thli thaw vawt sung sung chuan a ti mawiin a ti nuam zual takzet bawk



Ka hnunglam aṭangin a kut a rawn rawlh a, a mah si cheta min pawt hnaiin, ka chhipah a khabe nghat datin, a fawp zui vang vang a, "romantic" antih diktak chu a ni



Mahse, Ka hrethiam lo ka chhungril ah hian min kuah mek tu mipa hian ngaihtuah dang a nei niin ka hria!


"Bryan..." A kut, ka dula a suih zawm chu ka dawm a


"Ummm...." A thawk zawnga a taksa che hian minti danglam tlat ṭhin



"I ṭha em?" A rawn nui ri huk, min fan leh rawih rawih tawh


"Ṭha tehreng e," A ti sup, ka bengah a seh zui zauh bawk a, ka lo thaw chhuak hak, ka mawng lamah a mipatna in min do lehnghal at tawh


Kan taksa a intawh hleka kan danglam chak lutuk ṭhin hi a awihawmloh zawk hial ṭhin


Ka nghawngah a hmai a phuma, ka rim hip vang vangin a fawp zui zauh bawk. Ka ṭek leh nghal chuai chuai tawh, ka taksa, zâmna avangin a khur leh der der bawk a


"Bry...Bryan..." Ka ti bah nak


Nghet taka min kuahin, ka beng kawm thawk khum ham ham a, ka tukkhum ah fawp zauhin, "sawi rawh," Zawi sup a a tih chuan ka dang a ro nghal halh


Mit ka chhing sawka thawk ka la kawk bawk, thaw chhuak ham hamin, "helai hmunah hian keimah lo midang hruai inei tawh em?" Engzawhna teh hrep nge maw ka zawh hi le?


Mahse, ka hriat chinah hetiang hian ngaihṭhat lohna ka la nei ngai lo. Nichin maia min en dan te, ka taksa a khawihdan danglam te hi ka ngaihbel nge, ka ngaihtuah tamin he mihring hi ka chik mah mah zawk ka hrethiam lo


Min kuahna chu a ti dul hret, ka hre rang mah mah, min kuahna kut chu ka en chhuk vat bawk


"Vengtu an rawn kal hma in kan let dâwn em niang?" A aw ri ah chuan min zawt pawh a ang lo, ka ngaihtuahna mai nise ka ti; Mahse, a aw chhuak ah khan natna ka hre tel thei nia maw le!


Ka rindan leh hlauh ang chiahin min kuahna kut ala let a, a taksa lumna in min hlat tial tial chu chiang takin ka hre bawk


Hawilet miah lo mah ila, ka taksa hian thirhip thei ang maia rem thlapa a hîp ṭhin taksa hla ta chu hre hneh tak a ni. Ka duh miah loh leh tum miah lohvin ka lungphu zawn hi a rawn thîp veng veng mai


Ka rilru lehlam ah, "natpui tur êm in, i hriatna pawh ala rei lova. I hmangaih chu a ni êm lo maw," Tiin min zawt a, "lehlamin, tu emaw hmangaih turin hun leh ni zat a pawimawh hleinem, a âwm lutuk," Tiin min hnem bawk; Mahse, chiang taka ka hriat chhuah erawh tu emaw hlim thla ka ni tih hi a ni.


Ka thaw sak zui ṭalh, ka ngaihtuahna, thudik ni a ka ngaih chuan minti na veng veng mai



Tuipui cham duai mai, thla eng in a chhun tlet ral ral chu, ka hriat ngai miahloh thinlung na veng vengin ka thlir a. Tuna ka thinlung nâ leh a mawina erawh a in rem viau lo nâ in, zan khawhar leh Hmangaihna min tem tirin niin ka hria!

.
.
.
.


"Hello," Lawng aṭanga kan chhuah rualin ka phone ka On a, Christine-i call a rawn lut zat


Bryan ka bula rawn ding chu ka melh chho zawk, kha zan, keimaha min kalsan zan aṭang khan, Lawng khata chuang siin kan inhmu leh tawh lo hrim hrim



"Biak tlang i va har ve? Tunah khawnge i awm Eva? News kha i hmu tawh em?" Ka luggage Bryan-an a rawn lak a tum chu ka lo phih sawn sawk, a rum nghut



Phone hmang paha pensawn in, "engthil nge thleng a?" Ka ti sep


Bryan lah chuan minla zui ang dun dun a!


"I nau in interview a neih bakah i thlalak nen a phochhuak alawm. In ah haw suh angche, reporters an tam lutuk, khawi emaw ah karkhat vel chu bi bo rih rawh, boruak kan control theih hunah ka rawn be dâwn che nia," Tih leh off a tum chu ding datin, "press conference ko rawh Christine," Bryan-an ka phone a rawn phih sawk


"Engthil nge i tih?" Ka ti ṭhat


Passengers min kalpel ho chuan min en deuh haw haw nghal a


"Engthil nge i tih i hria em?" A ti bul hluk, ka nui hul hak, "ka phone kha minpe rawh," Ka kut ka dawh zui vah, ka en chho ram ram bawk


"Evalyn...." Min pek a tum bik lo tih hriat takin a ti zawi sup


"Bryan, ka nun a ni a, ka buaina a ni bawk. Tin, thudik aṭangin ka tlanchhe reng thei lo," Ka tana sawi ka nih rualin a tana sawi ka ni bawk


A hmangaih hmasa theihnghilh thei lovin bul min ṭanpui a, a nunhlui aṭanga tlân chhiatna ah min hmang a ni tih ka hrethiam tawh bawk



"Eng nge i sawi awmzia?" A aw ki chu vawikhat pawh ala danglam lo, a damdup a, thil erawh a ti thei viah thung si



"Ka phone," Ka ti leh ngat


A mit a ti zîmsan, minpek a tum lo lutuk chuan ka thin a tirim zual, "Lalrinsang," Ka ti vin vak


Rum nghut a ka kut ka dawh chu ka bânrekah man chawtin min pawt her nawk a, hneh sawh lutuka ka luggage chu min laksakin, min pawt kal nghal dawr dawr


"I company in an venghim thei tawh lo che tih hre tur ini Evalyn. Sum siamnan an hmang dawnche tih hre lo tur khawpin mawl suh," Min pawt kal dawr dawr chunga a tih chuan a sawi awmzia pakhat mah ka hre lo


"Min thlah la a nih mai chu a," A hnunglam aṭangin ka ti vin ve vak vak ringawt a, a sawt lo rapthlak bawk si


"Lut rawh," Tih leh min theh lut a ni mah zawk, kawngkhar chu a khar dawt, ka luggage seat hnunglam ah a theh lut a, a car lian tak mai kal hualin a rawn ṭhu lut ve zat


Rum mangkheng in ka lo melh khai khai, "ka nunah i inrawlh lutuk lo maw?" Car tinungin hmalam a en ngur



"Lalrinsang..." Min chhan a tum lo lutuk leh engahmah min ngai lo lutuk chuan ka thin terktek a ti chhuak, "car ti ding rawh," Ti tuarin a steering chu ka chelhpui ve nghal a, ka herh zui ve ngat


"Engthil phiangsen nge maw i tih le?" Ti hrawkin break a rap nghal tuar, hmalam ah ka bu nghal lawp bawk


Ka phu nasa lutuk chu ka thaw a chham zuai hman nia!


Steering chu a chum ri dawt a, ka mit ka lo chhing sawk, a thaw ri hrawih hrawih bawk, a hmel ka en duh miah lo chung pawhin a hmel landan tur ka hrethiam



"Brayden tunah ka office ah rawn kal angche, contract sign turin," A ti bul hluk


Ka en nghal kawk, eng contract nge maw a sawi le?

"Eng chungchang nge i sawi?" Min rawn melh zawk. A hmel chan zia chu a rapthlak zawk


"Ṭhu hle hle tawh angche," Ti leh hlukin car a ti nung lehnghal a, 'khawih leh rawh' pawh tise ka khawih tawh âwm lo. Thih ka la duh bik hleinem le!



"Bryan eng contract nge i sawi? Hetianga ngawi ngul leh boruak ang maia min ngaih hian ka thin a rim zual ṭhin, sual nghal buan buan mai ka duh ṭhin bawk



Car a ti ding dawt, "chhuak rawh," Thu minpe zeta tih leh a pen chhuak a, a chhuak chu na tawkin ka melh zui vak, thu min pek kual a ngai miah lo, ka hre ve reng



Car aṭanga ka chhuah rualin a pensawn nghal pawk pawk a, khawi hmun nge maw ni le? Kan hmaa Building lian zet mai chu dak chho in ka en hau a, a company ah min hruai tih ka hre chiah bawk. TV aṭang ngawtin B-large company hi ka la hmu a, an building hi a lo oui takzet a nih hi


"Hmanhmawh rawh," Teh chhen chuan, ka kal dâwn reng. Ka kal lo tawp tur zawj a sin

A hnathawk ten anzah zia leh an mit aṭanga an ngaihsan zia lang chu hmuh hmaih chi rual a ni lo bawk


"Owen... Owen a nih saw," Hnathawk ṭhenkhat in min rawn pan an tum chu Bryan-a ding dawtin a rawn inher a, ka lama rawn pen letin ka bânrekah a chelh zui zat


Hnathawk ho chu an phun zui sar sar bawk a, "Min thlah rawh," Ṭawng ring si lovin, ka ti zui, ka hapui ka seh ruh ngar bawk


"Ngawi hle hle rawh," Ti duh lek chuan lift ah chuan min pawt lut a, 17th floor a hmet zui zat bawk


Lift chu liantak leh kan pahnih chauha ding mah ni ila, boruak uap lutuk chuan minti thaw ṭha thei lo


A din lohna lam ka hawi ngar a, ani lah hmalam a en ngur bawk, ui leh kel thlun dun kan ang viau in ka ring. Kut thawh miah si lovin kan insual hi a ni ringawt



"Sir. I nau in a nghak mek che," A secretary ni ngeiin turin zah tih hriat takin a lo ti a



"Ka hria e. Darkar chanve hnu ah Director meeting ko angche," Tih leh a office ah chuan min pawt lut nawk nawk



A office ka luh rualin pawt ding tu awm ang maiin ka ding dawt, Bryan-a dang ka hmu nia maw le!

Ka bânrek vuana ding Bryan chu ka en chho a, ka hmaa sofa a ṭhu nui ṭhaw chu ka en leh, danglamna a awm lo reng reng


"Bryan i thla ka hmu a nia," Ban chap maia ka tih chuan a thla zawk chu za zetin a rawn phuh chhuak a, rang lutukin Bryan-a kut ka chelh nghal rawk rawk



"Hi! Owen," Bryan chu ka en chho, ani pawh chu a nuih a za a nih hmel


A phirpui. Ni e, triplets an nih thu a sawi kha le! Engtin nge ka theihnghilh theih? Zahthlak lutuk! Evalyn i vahan che ṭhing tak e aw!


Zak ru zet chuan Bryan ka vawnna chu ka thlah dul riai riai a, Bryan-a pensawn paha a nui ri deuh suk chu ka hre hman hram.. Hmmmph, ka ṭhing êm a ni



"Contract min sign pui duh thu ka lo hria a," Bryan ṭhu thla chu a melh zawk, Bryan-a ang tawk hma ah chuan ka ṭhu thla ve a


Thaw la deuh halhin, " ka duhthu ka la sawi miah lo," Bryan ka melh ralh, a bawp sei zet mai chu a khawkherh a, hahdam hmelzet a ṭhu in, sofa bânah a kiu nghatin, a khabe a khawi niap niap. A hmel hahdam lutuk leh ka sign ngei dâwn a ni tih a inti hre lutuk saw ka ngei


"contract hi en la, engkimah 60% chanvo inei ang; Mahse, thil pakhat chiah duh ka nei," Ka en kalh


"Mizoram a nih dâwn avangin, min zui a ngai ang," A tih zawh rualin, sofa bân chum ri dupin, "a theih loh," Bryan-an a lo ti hluk


Kan en vat, a nau en lehin, "a ṭha e. Mahse, contract hi kum 2 ai a rei ka duh lo, i mail kha ka chhiar a, showroom thar tur a ni a, a changtlun hma chu i dawr promote leh advertisement ti turin engkimah ka pui angche. Chuan 60% ka chang bawk ang." Ka chawl dat, "i sawi angin. Chuan, thil pakhat contract ka sign pui che a nih chuan ka chungchang social media a i phalna emaw ka phalna lo a thang reng reng i buaipui tur a ni. A chiang em?" Ka ti zui leh duah a, a lo nui suk



"Deal. Ka kutah i dah thei ang" A ti vat

"Deal..." Ka ti ve sely

"Evalyn, Mizoram ah..." Bryan-a ngaihsak lo zetin rang lutuk chuan paper chu ka sign a, ka mit sirin Bryan-a läwm loh zia chu ka hmu reng. A hmeichhe theihnghilh theihloh hmun ruak luah tu nih reng ka tum hleinem


Ka phone a rawn ri ral ral, screen en in Bryan te unau melh zawkin, "min lo hrethiam lawk," Tih leh ka ding a ka pensawn vat



"Sawi rawh."



"Phone a sawi chi a ni lo, tunah i apartment lam ka rawn pan mek," Tetei chungchang chhui tur ka mi tirhin a rawn tih chuan, "ka hrethiam e, min lo nghak rawh," Tih leh phone off in, ka hawi let a


An unau in min lo en ran, ka hai leh hriatpawlh pawh kha ka indem ta lo, an in an zia chu pui tak a ni. Zawng fian phel ang hlauh hlauh



Ka lu ka thing mat mat, "a hun lo thei," Ti sepin ka en a, "tihtur ka la nei a ka kalsan angche u, Bry...." Ka ti zet, anau zawk koh ka tum sia, a hming ka hre ta lo


"Brayden," A lo ti sup ka rilru a hria emaa ni, Bryan erawhin uluk zetin min lo en, ka lai leh mai dâwn


"Ok, Brayden, tuna ka buaina tawh mêk hi i hria ang a; i chinfel theih ngei ka beisei bawk. Chuan, ka nau anga insawia interview nei leh ka thlalak phochhuak tu kha dân angin hrem angche. Ngaihdamna a awm tur a ni lo, a chiang em?" Tih leh min chhanna pawh nghak lovin ka tlan chuak nghal

"Evalyn... Evalyn...."


"Sir. Meeting a hun dâwn," Bryan-an min umzui na pawh ka en let hman lo.


Ka Lung neitu hi tunge a nih a, engpawi nge kan khawih tih hre chiang tura ka kal a ngai miau a ni!



<>~>~><>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:04 pm

MR. CAPTAIN
~ My Treasure S2 ~
By
Floria Laldansangi



Chapter < 9 >


BRYAN.....POV


Brayden-a chu en in, "Mizoram ah a i hruai thei lo," Ka ti hluk, sofa ah chuan ka ṭhu thla a


Nui in, "i bulah i chelh reng thei hleinem Bryan. C'mon man, hna leh mimal nun chawhpawlh turin i â lo tih ka hria," Awlsam zeta a tih chuan ka rum nghut



Contract an signed zawh tak chiah chu en in a nui suk a, min rawn en in, "Bryan...."


Ka melh run, "Tetei case i chhui tih ka hria a," Ka thaw hrawih



"Hmân aṭang tawhin fiah i duhthu i sawi fo a, fiah i duh satliah ringawt lo tiraw?" Chik takin min en, ka kekawr ipte chu ka kut lehlamin ka zen a, nghet takin ka hum ruh bawk



"Fiah ka duh," Ka ti zawi sup. Ni e, fiah satliah ka duh hauh lo, Tetei pum chhungah khan kan fa tur a awm a, engtin nge chuti chung chuan Zu a in theih ang ni?


Thu lawilo lutuk kha awih turin minti amaw? Teuh lo lutuk!


"A ṭha e. Ka unaupa ini a, i thiltihah i chiang tih ka hria. Mahse, Bryan kan hmuh chin leh hriat chin bak thawnthu hian thudang a kengtel ṭhin a nia," Thutak zeta tih leh a ding chhuak a


A thusawi chu ka man hauh lo, "Eva chu ngaihtuah suh, ka enkawl ṭha viau ang," Nui huka a tih chuan ka hnar ka lo tum dat ringawt!

.
.
.
.




"Sir."


"Ohh, Marco eng nge i an?" A nui suk a


"Ka ṭha Sir. Ka lawm e. Eva nen chawlh nuam tak inhmang tih ka lo hria a," Ka office ah minzui lut ve nghal



Nui huk pahin, "Marco kum tamtak ka bulah hna i thawk tawh tih ka hria mah se, duh aiin min hre chiang mah mah lo maw?" Chair ah ṭhu in ka melh chho a, nui in, "ok, ka fiamthu a nih kha. Eng thuthar nge hriat ineih?" Ka tih zawm zat



"Marco," A ngawi ran


"Sir. Tun ni rei lo te chhung hian i inthlak hle a ni tih i hria em?"


"Ohhh! Chuti em ni?" A bu nghat a, "kum tamtak chhung chu i nui hmel leh ṭawngkam zâng vah hriat tur a awm tawh lo alawm," Ka nui ri huk


Ka kiu dawhkana dahin, Evalyn-i ka mitthla ah a rawn lang. A taksa nalh tak te, a mit aṭanga min hmangaihna lang chhuak de ser ser leh a nui hmel mawi tak te kha ka hmuh hmaih ngai lo



"Hmalam ka pan a nih ka ring Marco," Nui suk chung chuan ka ti zui sup bawk a


"Keimah lam chu dahṭha ila, i thil chhui ah hma i sawn em?" A thaw hak


"Tetei chungchang a nia," Ka nui hmel chawpchilhin a tawp. Evalyn-i bula ka awm hian Tetei ang tih nei ṭhin mahila, a mize maksak tak leh a hmel nû hnap pena mize huaisen ru tak a neihna hian Tetei reng reng min ngaihtuah tir thei lo niberin ka hria. Hmeichhe danglam tak ka tih tawh kha!


"Sawi rawh," Ka ti zawi sup


Ka hmaah thlalak rawn dahin, "Dr. Ramesh-a a nih kha, Global Hospital Mumbai ah kum tamtak chhung a thawk tawh ṭhin. Kum 7 liamta khan Delhi lamah transfer a ni a. Tunah Global Hospital Delhi ah director hna a chelh mek bawk. Tunah......" A tih laiin



"Marco..."

"Yes, Sir." Min rawn en vat



Ka khabe tawk zauhin mit ka ti zîmsan a, "engtik aṭangin nge i thusawi tur i pehhel kual tak chiam ni?" Za lo tih hriat tak hian a nui a


"Sorry, Sir." Thaw a la hak, "Dr. Ramesh-a hi Evalyn-i Lung thlak tu kha a ni," Ka bu nghat



"Chuan i thil chhuilai nen eng nge inzawmna a neih?" Min en haw, a mitmu danglam zawk chu ka hmu hman bawk


A nui a, "Sir, i dawh thei ta hle mai," A ti sap. Ni e, nidang chu nise a thusawi turah tlang takin lut turin ka ti leh ngei ang ;Mahse, tunlai erawh ka nunah thil ṭha ka tawn vang a nia nge!


"Ka hria alawm," Ka ti sup, ka nui zui suk bawk



"Evalyn-i hi Global Hospital neitu fanu naupang zawk leh, Tetei'n a car-a a sut hmeichhe naupang kum 15 mi kha a ni. Tin, i nau Brayden-an a sut hmeichhe raipuar nen khan unau anni bawk."


Ka ṭhu ṭha riai riai a, "tumaw a nih?"


"Global Hospital neitu fanu naupang zawk. Global Hospital a share neitamber, a pa ai pawhin a nei tam ka tihna a nih chu," A tih zawh rualin ka nui huk.


"Sir. I ṭha em?" Ka la ngawi ngul.



"I hre chiang maw?" A bu nghat



Ka nui hul leh huk, zat erawh a za chiah lo. He hmeichhia hian minla ṭhawng fo chu a nih hi



Tun ṭum min ṭhawn dan erawh, min ṭhawng mah mah chu a ni


"Heart Transplant chungchang eng nge hriat ineih?" Ka ti zawi leh sup a



"Sir..." Ka melh chho



"Sawi rawh," Min ṭhawng leh tur thildang eng nge tih ka hre duh a ni.


Ka mitthla ah Evalyn-i a rawn lang, ka nui suk. I hresa a ni tiraw Evalyn, keihi i unau thihna nen inzawmna kan nei tih leh, Tetei nen inzawmna innei tih hi. Hreptak hian! Hmeichhe pakhat bum kualin ka awm amaw?



Dawhkan chu ka chum ri bur, "Dr. Ramesh-a chu hmuh i duh chuan Mumbai a awmlai a ni a, i hmu thei ngei ang," Dawhkan chungah ka kut hum ruh ngar ngara inseh ruhin, "ka hmu ngei ang," Ka ti chhuak hraih



"Evalyn....." A tih laiin, "engmah tih a ngai lo," Ka ti chang bal a



"Ka hrethiam e," Tih leh kawngkhar lam panin a chhuak zui nghal



Ka mitthla ah Evalyn-i pawisawilo hmel lutuk a rawn lang, ka nui hul hak, dawhkana file inrem tiang ur mai chu hai thla ṭhuai in, ding chhuakin dawhkan chu ka hnek ṭhuai a, thaw hrawih hrawihin, "a ṭha e, a ṭha e Evalyn. Game hi i ṭan tih hria angche," Kha zet leh ha-pui sehchilh rap rap chuan ka ti chhuak hraih hraih bawk

..
.
.



"Saw saw tunge a nih?" Kan hmaa car a lut chiah Evalyn-i leh mipa chu ka en ngur



"Private Detective Closs a nih saw. Ka hriat theih chinah kum tamtak chhung chu Evalyn tan hian a lo thawk tawh ṭhin. A unaunu case ah pawh," Marco-an a tih chuan car kawngkhar hawnna chu nghet lutukin ka chelh a



Ka khabe ruh ka ti che ralh ralh. Lo nghak mawlh rawh Evalyn, eng nge phubalak awmzia chu ka hmuh tir mawlh angche!!!!




<><><><><>



EVA....POV




Khur dar dara ka kut a ka ken kum 7 liamtaa cctv footage chu ka en leh ṭhin


Ka thawk sak ta ṭalh te chuan ka kawchhung mai pawh ni lo, ka lu chhung thleng hian a ti pik up up thei



"I chiang amaw?" Ka aw te chu a khur lek lek


Kum 7 liamtaa ka U su tu car neitu kha tudang ni lovin Bryan a ni! Ka la ring thei lo



Ka lu ka thinga, "a ni lo ang. Bryan-an hetiang mizia hi a nei lo," Ka phun sap sap


A ni takzet a nih chuan engtin nge keihian ka tih ang. A hma ang khan ka en leh thei angem? Teuh lo, tunah pawh chiang taka ka hriat chu ka chhungril khawi emaw lai hian a thiamloh a awmloh thu min hrilh nghal mawlh mawlh a nia!



Ka thawk lak harsa lutuk chuan ka lungphu a ti tawta ka thaw a chham mai dâwn!


"Heihi kum 7 liamtaa Nigh-club a an record neih a nia, ID leh driving licence thlenga chhin chhiah a ni a. Ka ṭhianpa, he case buaipui tu zinga mi hnena ṭanga ka neih a ni a, thudik ngei a ni bawk." A tawp dat a, min rawn melh zawk, "Bryan-a diktak a ni," A ti leh sup chuan ka chil chu harsa ti lutukin ka lem khawlh


Ka nâ tih ka hria; Mahse, engvanga nâ nge ka nih? Bryan a lo nih vang em ni? Nge ni a, kei hian he mihring hi ka lo hmangaih tawh zawk?



Ka kut hniha ka hmai hup vang vangin thaw ka la leh ham ham a, mittui ka tihtlak duh lohna lamah ka mit chu a phak chuap bawk


"Ka lawm e Closs, Tetei chanchin pawh i kut ka dah dâwn a nia. Ka U case chu heti hian tawp rawh se, pawisa chu i bank ah ka rawn transfer ang," A bu nghat


"Mizoram lamah ka nau ten chanchin an neih veleh ka hrilh dâwn che nia," A ding zui a


A pensawn tawh chu ko lehin, "min thlah haw thei angem?" A nui suk


"Tehreng mai," Ka nui lui ve sak a, kawngkhar lam chu ka pan ve vat bawk

.
.
.



Kan In kawt gate hma ah chuan car a ti ding dat, reporters hmuh tur an awm tawh lo. Brayden-an a sawi ang ngeiin hma ala a nih ka ring hmiah bawk

"Ka lawm e," ti sepin car aṭang chuan ka chhuak a


Kan In lam chu ka pan chhat chhat, mihring ve mengmang ti em em a mahni In chhung luh han hreh ṭhin mai chu'h! A awihawmloh zawk hial ṭhin!



Ngawi rengin ka luta ka room pan tlang mai ka tum bawk


"LALNUNTHAR...." Ka Pa aw ṭeng tak mai ni 3 chuang hnuah han hriat leh pawh a ṭha hrim hrim e



Ka inhera a nupui ṭap tih hriat tak mit hnawm chap leh sen ram mai a kuah chu thlahin ka lamah a rawn pen hnai chhar chhar, dak vahin ka lo en ve bawk


Ka Pa hi Mizo Pa lian tak, 6'ft laia säng a ni a, ka Nu pawh kha nu tê tak a ni lo bawk nen an thinrim hmel hi ṭhenkhat tan chuan tlân chhiat vawn vawn natham a ni ṭhin in ka ring



"Tunah i case file hi sût angche," Thu minpe zetin ti ram hmak


Ka nui hak, a za viau lo. Ka Pa melh chho ralhin, "engvangin nge ka tih ang ni?" Min ben leh mai a chak zia chu a kut hum ruh ngar ah chuan ka hmu thei



"Pa ṭawngkama chinfel tum rawh," Tluanga'n a lo ti sup

"Eva, khawngaihin ka fanu hi ngaidam rawh, kum naupang lutukin jail a tâng thei lo, a hmalam hun a chhe vek mai ang," Ṭap pur chunga ka Pa nupui in a rawn tih chuan nuih tur nge ṭah tur pawh ka hre lo


Keima tawkah hian rilru hahna leh buaina tamtak ka tawk ve a ni tih hi an hre lo emaw ni? A fanu hian buaina tamtak min belhchhah bawk!


"Chu chu interview a pek hma khan hre tur a ni, a lu ûm-ah thluak chhetë a awm te a nih ngai chuan," Kha zeta tih leh inher ka tum a


"Case i sût dâwn nge he In hi i chhuahsan dawn?" Ka Pa thusawi chu ka hresual emaw ka ti hial dâwn alawm. Kei hi a fahrawn vangin min hnawt chhuak ang maw?



"Engmaw i sawi?" Ka inher a


"Case i sût dâwn nge ka In hi i chhuahsan dâwn?" A fiamthu loh zia chu a mit thinrimna a khatah chuan alang


"Pa inbengdai rawh. Eva nangpawh," Tluanga ka Pa bulah a rawn ding nghal a


Ka Pa mita en kalhin ka nui hul hak, bu nghauh nghauhin, "a ṭha e. Ka chhuak ang, a chiang em?" Seh chilh zeta tih leh ka inher sawk



"A ṭha chhuak vang vang angche, nang hian buaina bak minthlen lo. Chhuak la ka hmuh phak loh ah thi law law......." A tih laiin ka ding dawt, ani pawh a tawp chawt bawk. Engvang nge kan hre ve ve



Kut hum ruh leh inseh ruh ngar ngar chuan ka inher let riai riai a



Ka mittui tla tur ka khap let sak sak bawk, ka Pa chu en chhuk run in, "sawi zawm ta che, sawi rawh, sawi ta che," Kailawn chanve ah ka ding tawh, ka theih tawpin ka au nghek nghek bawk


"I vawikhat sawina pawh a nih loh kha, sawi rawh, thi turin min hrilh ve rawh. Ka Nu thi tura i hrilh angchiah khan min hrilh rawh," Aw rawl tawp tawpin ka au nghek nghek



Ka kawchhung tawt lutuk chu au chhuah vek ka tum a ni ber


Tluanga ka bulah a rawn tlân chho a, "Eva.. Eva, inbengdaih rawh," Tih leh min rawn dawm a tum na lutuka a kut lo vai sawnin ka Pa min en ngur ngur na chu mittui nen na zeta melh vakin, "vawiin ni hi he In chhung ka rah tawp na a ni ang. He In ka chhuahsan Nî leh ka Nu anga thi tura min tih Nî hi theihnghilh suh angche. I dam chhung pawhin," kha zeta ti leh tuarin ka room lamah ka tha zawng zawng sawm khawmin ka pen chho a



Ka room ka thlen rualin ka taksa ṭang ṭung mai thlah dulin ka thaw chhuak kawk kawk, ka biang rawn lum pup chu ka hru zui tawk bawk a, ka ṭan lutuk na lamah ka taksa ana kham urh thei



Ka bag la chhuakin thlalak leh pawimawh ho ka khung khawm mawlh mawlh a



"Eva, engthil nge maw itih le? Ka Pa khan a rilru tak tak a sawi i ring em ni?"



"Eva i chhuak thei lo, i chhuak a nih chuan engtikah mah i Pa nen in inkar a ṭha tawh ngai lo ang. Eva bawihi khawngaihin," Tluanga leh Nanni rawn lutin min dan an tum nasa; Mahse, he In chhunga chen chhan tur ka nei hauh lo. Ka chhuahsan ang a, kan inkar pawh a ṭha zawk mai thei a sin. Tunge hria?



Ka bag ak in, an lam ka hawi a, "ka bungraw dang hi chu, la tur in midang ka rawn tir ang," Tih leh kawngkhar lam pan ka rual



Pawnlamah chaktak angin lan duh viau mahila, ka chhungril tawt lutuk leh nâ rum vawng vawng chuan a rukin thawk ngaihna minti hriat tir lo. Ka thaw leh kawk ṭhin bawk



In hnuailam ah ka chhuk a, ka Pa hmel reng reng hmuh tur a awm tawh lo, "Eva... I thiltih hi a fuhber lo a nia. Naupang zawk ini a, ka Pa hi i hriat thiam a ngai," Tluanga leh Nanni-in min zui dat dat



Kawngkhar ah ka pen chhuak a, ka bike awmna lam panin ka lawn zui zat


"Eva...." Ka kutah a rawn vuan, "thlah rawh," Ka lo ti chang rat


"Tunah i chhuak a nih chuan kum khúain in inkar a chhe tawh dawn," Beidawn hmel zeta a tih chuan za lo zeta nuiin, ka kut a vawn chu ngeiawm zeta la letin, "läwm viau zawk tur i ni Tluanga, in unau, i nu te nen a neih zawng zawng inchang thei tawh dawn alawm," Ti leh bike tinung in ring lutuk chuan ka herh rum khuma, awm sawn a tumloh êm avangin bike chu hmalam ah ka ti kal zuk, a persawn rang teh e!



"A ṭha e, a nih chuan i kalna tur tal min hrilh thei angem?" Tluanga chuan a ti leh hap


Helmet khumin, "tun aṭang chuan hmel hriat en in min entawh suh angche," Tih leh bike her rum leh vung vungin chak lutuk chuan ka tlân chhuak nghal zawk bawk!



Ka mit rawn hnâm sak chu duh lo zetin mit ka khap let sawk. Mittui hi minti chak lo tu a ni a, ṭul lo ah tih tlak mai mai ka tum aw zawng lo. Ka tana ṭangkai lemlo mihring tan phei chuan teuh lo mai!


Ka apartment kawtah ka bike ka ti ding dat, hung remin building chu ka pan zat bawk


Ka In kawngkhar bulah kekawr ipte zen ap leh, bawpsei leh sek ṭha tih hriat tak mai kawkalh deuha bang nghenga ding Bryan ka hmuh chuan ka ding dawt, "Bryan...." Ka phun sap


Hma chhawn turin ka la inpeih lo a ni a sin le!


"Hi!" A ding ngila



Sexy lutukin min nuih bawk. Engtin nge ka huat theih tehlul ang ni! Huat chu sawiloh, a nui hmel ringawt pawh sawn ka lungphu hi a ti danglam si a



"Hi!" Ti sepin, "hetah...." Ka tih laiin a bula luggage ka hmu nghal zat, a car ah khan a awm tak e



"Min hläu lo tiraw?" Ka awmdan mak a ti deuh a niang, min rawn pan hnai, ka lo tawlh hnung hret


Ka nui lui viau nâ in ka hlawhchham chu a niber e, "teuh lo," Ka ti leh sap


"A ṭha e, biak che ka duh a," Ka melh chho vat, kawngkhar lama thle bakin, "i hawng dâwn lo em ni?" A nuihza hmel te chu a ṭha tulh tulh lehnghal!




"Dawn e," Tih leh password ka chhu lut nghal rak rak bawk


A nui ri suk chu ka hre thei, kawngkhar hawngin, luggage chu ban ka tum a, nawrsawn pahin, "ka luh ve i rem ti vak nange?" A mit a ti zîmsan bawk. A nuihzat vangin a hmui hnuailam a pet zauh bawk bawk. Arghhhh....! Thinrim leh thawpik a tireh hneh teh e!


Ka huat i ngai a sin maw le! Hahthlak hian!




Za vak lo a nui in ka lut a, rawn lut ve in, ka apartment chhung chu uluk lutukin a enkual a, "min ṭhawng reng mai a nih hi Evalyn," A ti zawi sup, a sawi awmzia hre lo mahila, ka U kha a car avanga thi a ni tih a hriat chuan a ṭhawng satliah bik hauh lo ang le!



<><><><><>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:04 pm

MR. CAPTAIN
~ My Treasure S2 ~
By
Floria Laldansangi



Chapter < 10 >


EVA.....POV


"Engthil nge sawi tur i neih Bryan. Mahni a awm ka duh a nia," Pangai tak chuan ka zawt a. Ka lam rawn hawiin, a ipte chu a zen leh at tawh

“A landanin min hlat i tum niin alang. A dik em Evalyn?” a hmel landan ah chuan a hlim nge hlim lo tih pawh a hriat theih loh


Ka chhan mailoh avangin a mit veilam ko chu a ti che zauh a, thaw halhin, “chutiang engmah a awm hauh lo, mahni a awm ka duh rih mai chauh a ni,” Ka ti leh sep, inchhung hi lian tak emaw zîm tak a ni maih lo mah se, ami uapna na tak hian a ti pik zualin hawi ngaihna minti hre lo. A hmelṭha tak hmachhawn ka la inpeih loh vang te pawh a ni mahna!


Min rawn din hnaih hruta tawlhsawn ka tum chu kei aiin a che rang daih zawk, ka dar tawn tawna chelhin hnai lutuk ah a rawn kûn a, ka thaw lehnghal dep dep tawh

"Evalyn ka mitah en rawh," Ka lungphu chu a ran lutuk nalamah a phu ta lo emaw tih mai a awl alawm le!


"Evalyn..." A ti leh sup. Mit chhing sawkin thaw ka la kawk a, muangchangin a mit ah ka en chho de de bawk


Mawi leh sexy lutukin a lo nuia, "buaina i nei tih ka hria,"A tawp dat a. A thle bak bawk, "puih theihna...." A tih laiin, "minpui thei lo Bryan, keimah hi a ni dik lo," Ka lo ti khalh vat a


A bu nghat, "ok, anih chuan ka sawi tur ka sawi tlang ang," Tih leh min dawmna a thlah a, ding ngilin, "ka apartment ah rawn in sawn lut rawh."



"Maw????" Tunah khan ka hresual em? Hresual lo tiraw?


A nui ri suk a, "mak tihna tur a awm em ni? Ka hmeichhia ini tawh a, thil mak a awm hauh lo," A lo ti awlsam et


Ka lu thing nawk nawkin, "ka tihpalh, hun minpe rawh. Ni lo, ka....." Sawi mai tur ka hre lo, keimah leh keimah chu ka in awk hnawk vel niber in ka hria!


"Hun i mamawh tih ka hria. Naktuk ah i thuthlukna min hrilh dâwn nia," Tih leh a sana lawk zet chu a bih zauh a, "hahdam rawh, naktukah kan inhmu dâwn nia," Tih leh min si chêta rawn dingin ka chalah a fawp zauh a, ka tukkhum sam chul zauhin, "zanin ah pawh a ni zawk maithei," Ka bengbula ti thâwp supin a nui zui suk a, ka biang tawn tawnah dawmin a hmel ka en theihin a chawi kâng hret, "Evalyn harsatna engpawh inei a nih chuan i kiangah ka awm tawh nia, nangmaha i paltlang ka remti hauh lo. I hrethiam em?" A aw ril tak leh thûk tak, mitmu uk kharh mai, mitmeng rum ûl ah chuan rinhlelh tur pakhat mah a awm lo



Chawpchilha ka hriat chhuah chu, kei hian he mihring hi ka duh satliah ni lovin, ka hmangaih a ni.


Ka ngaihtuahna avangin ka lungphu a rawn sa zui pup, ka thaw chhuak halh a, ka nui zui sen sen a, nui ve suk chuan ka hmui kau tiarah min ngaihtuahna a khat tih hriat taka fawp vawng vawng a inla hrangin, vawikhat pawh rawn hawilet tawh lovin kawngkhar lam a pan zui pawk pawk


A taksa lian tak leh nalh tak chu hnunglam aṭanga en zui vawng vawngin, ka mittui tla tur chu ka khap let sak sak bawk a


Inchhung a chhuahsan rualin ka thaw chhuak nghal kawk, a bula ka awm khan ka ṭang lo emaw ka tia, ka lo insang mar takzet


Zawi zetin sofa ah chuan ka ṭhu thla hnawk, thaw la leh kawk a, thaw chhuak ham hamin ka hmai chu ka kut hnihin ka hup vang vang a, "Leah, engthil nge ka tih ang? Kha mihring kha ka haw thei si lo a. Ni lo, ka tum alawm mah se, ka hmelma a nihna hma in, ka hmangaih a ni si a," Ṭah chhuak hrawkna ṭun chuan ka ti chuak sap sap

.
.
.
.

"Tunge maw ni le?" Kawngkhar ri bur bur lam hawiin ka phun niah niah


"Ka hawng dawn," Ti vin hlur chungin ka pan hnai a


"Ta da!!!" Eric-a leh Mimii inkhai bawr zeta lo ding chu ka melh zui vak!



"Ti vak vak khan min melh suh, i U -in i awmna sawi lo se kan rawn kal tawp nang," Mimii'n inchhung lut paha tih leh an thil khai ho chu chhuat ah an dah a


Beer leh pizza, KFC nen, eng nge maw rawn tih an tum le?


"I ṭha maw?" An pahnih chuan min en ran, "inbual pawh ila inbual nange," Chhuatah ṭhu sawpin ka in en a, ka nui ringawt


Lawng kan chhuahsan aṭanga ka thawmhnaw hak ngai ka la ha char char tih ka hre chiah.


An beer rawn ken chu ka kheuh hawng a, "ka ṭha alawm. Eng nge Tluanga chuan a rawn sawi a?" Beer ka tem zui hlek


"I ṭap a nih chuan tissue pe tur che in. I thinrim a nih chuan bengdai lo tur che in," Eric-an a tih laiin Mimii a lo nui hak


"I U hian a duh deuh che a ni lo maw?" Mimii'n a rawn tih rualin Eric-a za zetin a rawn nui a, "ila hrethiam nange? Kum 7 kalta khan ka hre tawh," Eric-a chu kan en haw



"I hrethiam tak tak em ni?" Keimah pawhin ka hriatna kum tam a la vei lo a nia!


"Umm damdawiin i awmlai khan zantin i awmna VIP ward kawngkhar bulah a ṭhu zankhua ṭhin alawm," A tih chuan kan en haw ringawt


Khatihlai khan Eric-a pawh hi ka room bul chiah VIP ward a awm ve tho a ni a, dawt a sawi ka ring miah lo



Tluanga'n min duh tih hi kum ka 18-na birthday kan lawm zan khan ka hre ve chiah, kan ṭhian thuma kan ruih zan khan, ka chatthla emaw tiin a inpuang a nih kha, khata ṭang phei kha chuan ka hlat leh zuala, hnaih loh hrim hrim ka duhber tawh




"Tluanga chu dahṭha ila, Brayden-a nen contract in sign tih ka lo hria a?" Ar bawp chu ka la a, ka kaih zui hmawk bawk


Mimii en in, "ka tihsual tih ka hre zui bawk," Ka ti zui sap.



"Dik lo a awm em ni?" Ka thaw hak a


Ka ṭhian te pahnih chu en in, "Leah su tu Car neitu kha tunge a nih in hria em?" An lu an thing mat mat


Beer chu lem hmasa khawlh khawlhin, ka irh fiak zui awk a, "Bryan.. Bryan a ni," Ka ti chhuak ṭawk. Ka lei sak ta lutuk chu ka beer in vang a nih ka ring


An pahnih a in en haw in, "tak tak em ni?" Ka lo bu nghat


Boruak hîp a thaw chhuak ham hamin, "engtin nge ka tih ang? Ka hmangaih tawhin ka hre si a?" Ka ṭhian te pahnih chu beidawng zetin ka en


Ngawi dun vang vangin, "Car neitu a nia, a su tu a ni chuang hleinem. A rui a, accident thlen a hlauh avangin chauffeur a ko bawk a. Accident a thleng ta tho a nih chuan driver thiamloh chu a ni dâwn lo em ni? " Eric-an a rawn tih chuan Mimii a lo bu nghauh nghauh



"Thudik i hre duh em Princess?" Eric-a chu ka melh ralh a


"Mahni inthiam chawp tum leh midang lakah an thiam lohna zawn i tum a nih kha. Ngaihtuah rawh, kum 7 a liam tawh, kum 7 lai. Car neitu i zawng a, i chhui zui a, Car neitu thiamloh a awm lo tih hre chungin. A chhan inzawt rawh. A chhan chu nangmah leh nangmah inthiam chawp leh lungawina zawn i tum vang chauh a ni."



Eric-a thusawi chu a dik lutuk vang nge ka mittui a rawn far kauh kauh. Kum 7 liamtaa thilthleng leh a thlen hma chu ka hmaah ah a rawn lang zut zut bawk a


Ni e, khami zan khan U Sammy office ah kalin, ice cream ei duh vang ringawt khan zan dar 10 pelh ah chhuak lo ni ila, ka U in min rawn umzui lo ang a; accident kha a thleng hauh lo tur. Thudik ka tlân chhiatsan a, mahni inthiam chawp ka tum mai chauh a ni. Chu cgu thudik tak a ni bawk! Pawm ka tum alawm mah se a harsa hret a tin ni!



"I ṭha em? Tihnat che kan tum lo tih i hriat kha. Eva i Pa nen in inkar pawh heiai hian a ṭha thei a nia. Pa leh Fa angin ṭhu chungin thusawi ula, a in sawifiahna te ngaihthlak han tum chhin la, heiai hian in boruak hi a ṭha zawkin i ring lo em ni?" Mimii'n a rawn ti ve sep sep



Ka mittui ka khap per sak sak, ka tum ṭhin alawm mah se, a hmel ka en chian a, ka hnaih poh leh ka Nu na hmel, ka Pa ṭawngkam chhe tak leh ka Nu thisen luang khan min chiah leh ṭhin a, ka thei ṭhin lo a ni. Keimah leh keimah ka infuih a, "uire na hian chhuanlam a nei lo, insawifiahna tur a nei lo. A duh a thlang a ni zawk" tiin, chu chu ka ring hmiah bawk


A chhan chu keini aiin, pawnlama a chhungkaw din kha a thlang miau a tin ni!


"OK.. OK, a tawk, mood a dik lo leh vek dâwn. Mimi, i bialpa thar kha ka va hmu ngai ta lo ve," Eric-an mood siam tum zeta a rawn tih hluai chuan ka mittui chu ka hrui hul ve vat a


Beer in zauhin, "ka single pui duh che u. Mahni chauha bialpa lo neih bik kha a dikin ka hre lo a, ka ṭhen," A tih zawh rualin, "you and your lame excuse,” A lo ti vat, ṭah aw ṭuau chuan ka nui chhuak hak. Anni pawh an rawn nui zui ve hak hak tho



"Club kan kal dâwn em niang?" Ka lo ner nung. Kal lo pawhin ka kai ṭan viau in ka hre tawh


"Dar 11 a pel dâwn khawiah nge kan va inhnawh luh ang ni?" Mimii'n a rawn ti ve niah niah

"Kan rui dâwn a chi loh," Ka lo ti ve vat a


"No...No...No, a nawm hunlai a ni," Tih leh Eric-an a phone a phawrh a, tu emaw ka call zui zat


"Ding r'u, zanin hian lawm tur kan nei lian lutuk," Mimii nen Eric-a chu kan en chho hau, "Princess i virgin tawh lo a. I virgin hawngtu lah i bialpa a ni bawk. I bialpa hmasaber a ni bawk maw le. Kan läwm angchu," Tih leh min pawt zui dat dat



Rui phur ve ṭan nen, ka lo phu nasa ve leh nasa. A sawi dik, engvangin nge ka lawm loh ang ni. A ni lo'm ni?


"Kal ang, läwm tak tak ila a ni mai alawm," Tih leh Mimii chu kan pawt a, kat zui dat dat chungin building kawt kan thleng thla, Car hman tur a lo ko tawh chu niin



Phur zeta ṭhu lutin kan kalna tur Eric-an a sawi a, car chhungah te chuan kan rak ang nawk nawk bawk a



Engtik laiin nge Night-Club kan kal fo na ṭhin kan thlen pawh ka hre lo. Lam tual kan pan chui chhat chhat, lu vir mawp mawp chungin kan su ve lawp lawp bawk a. Rei erawh kan daih lo tih hriat takin kei leh Mimii chu washroom kan pan nghal chawn chawn mai alawm!



Mahni mah ruih ṭawn theih nak alai hian, kei aiin Mimii rui hi ala ṭawng ve leh chhawnga


"I ṭha em?" A luak bawrh bawrh, hnunglam aṭangin a hnungzângah ka benga a sam, a hmai zar tu ka hui kian sak bawk



A la uak tuar tuar reng chu ka buaipui a, "heihi Rosie kha ni lo'm ni? Hman ni lawkah Owen nen unau an nih thu a sawi a, a táng tulh dawn a ang hle mai. Chapo si, a saruak pic ka nei, damdawia kan hrai zan ami kha," Hmeichhe pathum ṭawng ri nak nak ka hriat chuan, Mimii sam dawm chungin pawnlam chu ka thlêk a



"Chapo ve angchu Global Hospital neitu fanu alawm a ni. Fimkhur ang u, buaina neih ka duh lo a nia. Bakah kan ṭhiannu ve tho a nia," Pakhatin a tih chuan, "i â em ni? Ṭhian maw? Sum nei lo se kan kawm peih i ring em ni. Thisen zawm pawh an nih loh saw. Hmei fa chhawm mai mai," Tih leh a phone chu a en a, nui ar ar in, "heihi upload ila a rawn ṭap leh tur hmel hmuh inchak lo em ni?" An boss ber ni âwm tak chuan a tih zawm zat



Ka nui hul hak, "Mi, min lo nghak lawk rawh," Tih leh a sam ka vawnna thlahin toilet aṭangin ka chhuak a


"Mah se....." (An ṭhiannu pakhatin a ti sap)



Phone kengtu chu a darah ka tawk zauh, a rawn hawi lo, ka tawk leh a, "eng nge...." A rawn dak chho


Ka lo ner khum sawk, "O...O...Owen..." A ti bah nak


Ka thle lui baka, "i phone kha minpe rawh."


"Maw?"


"Ka thusawi awmzia i hre lo em ni? Phone kha..." Ka kut ka dawh ran



Muangchanga ka kut a dahin ka lo phihsawka, ka tha zawng zawng nen bang vawmnan hmangin a keh darh chuai



"Engthil nge itih?" A rak ṭhat


A lamah ka pên hnai hret, a dar lehlam chu ka hmer zui salh. Ni lo, ka hmer na mah mah, a ner zui nghal nawng nawng, "ṭhian nei tlak pawh in ni lo," Ti sap in, ka nui hak a, a ai nâa hmer in ka thlah zui dat, "maw? Hmei fa chhawm mai mai maw? Nangni, ṭhiante hnunglama beih ching ai chuan a ṭha zawk lo em ni? Vawikhat pawh Rosie-i hma ah leh a bul vela ka hmu leh che u a nih chuan in phone chauh ni lo, in lei ka pawt dawk tawh ang. A chiang em?" Min hlauh hmel lutuk chuan an bu tliar tliar


In hera pensawn an tum chu, "hey...." An rawn hawi vat


"In phone rawn la teh u," Rang lutukin hmeichhe dang pahnih chuan an handbags chu an kuahbet nghal a, ka nui chhuak hak


"Inṭhiannu phone man kha ka pe dâwn che u," Ka tih leh takah chuan pakhat hian a rawn phawrh vat


"Naktukah phone thar leipui angche u. Chuan, zanin thilthleng hi Rosie-in a hre tur a ni lo. In hrethiam em?" Tih leh ka scan-a an bu nghat. An ni aia ka len fê vang a ni ngei ang, min hlauh em em ni! Len man te pawh a awm ve deuh alawm!


An kal liam ka hawi let chu Mimii a lo nui ṭhû, "big sister nih i tlin dâwn e," A harh tawh tih hriat taka a tih chuan ner nawngin, "hnunglama mi beih chingte ka haw mai chauh a ni. I harh tawh chuan Eric-a zawng ila, haw ang u, keipawh ka harh zo," Tih leh a kut chelhin kan in kai chhuak leh hnak hnak

.
.
.

"Arhhhh... Ka Lu, ka Lu hi a puak dâwn," Ka Lu na lutuk chu ka dawm vang vang, ka hnar hnuaia ke hi Eric-a ke a ni ngei ang, ka nam sawn sawk. A mang hi chhe over thei lutuk!


Engtin tin nge nizan kha In kan thlen pawh ka hre lo, washroom kan chhuahsan hnu ah Eric-a rui phurin Macallan whisky man to uchuak lutuk, singhnih chuang man a chah a, kan birh zo leh vek a, engtin nge In kan luh zawk ni?



"Khawizu tui hi in rawh," Room aṭanga ka pai chhuak khut khut chu Bryan-a aw ka hriat rualin ka har nghal kawk thei


Ka chhio aṭanga vûr tui nena leih ang mai ka ni. Ka har chiang mah mah!


"Bry... Bryan..." Ka ti bah nak, a nui suk. Tukverh aṭanga ni zung rawn lutin a sam tlema huh deuh a chhun tlet ral ral chuan a nui hmel chu a ti mawi zual. Penṭawng zingtho hmuh a tan chuan a ṭha mah mah lo maw? Khawia khawizu tui mah ka mamawh teuh lo!


"Evalyn..." A aw thâwp sût te chu. Arghhhh... Zinglam sava chiap ri aiin ngaihthlak a nuam fe zawk


"Min en duh tawk tawh em?" Nuihza aw ka hriat rualin ka harh zawk! Arghhhh zahthlak thei!


"Engtin... Engtin nge i rawn luh?" Ka hnunglam sofa chu a en a, inher in sofa a Mimii bawkhup zawnga mu, a bawp pakhat chhuata dah thlà in thatchhe zeta mu en in ka nui ringawt


"Ka hawn a nih kha. Captain, kan intur pawh siam ve angche," Thatchhe zetin a rawn tih zawm zat


Bryan-a nen in en in kan nui hak, a no ken lak pahin, "ka lawm e," Ka ti zui sap bawk a



A khawizu tui min siam sak in pahin dawhkana ei tur tamtak inchhawp en in, "henghi...." Ka hnunglam aṭangin ka kawngah a rawn kuah a, ka nghawng hnunglam ah fawp zauhin, "i ṭha deuh tawh a nih hmel," A ti zawi sup


Ka thaw halh. Ni e, ka ṭha tawh a ni, Bryan-a thiamloh a awm lova, engvangin nge ka dem ang ni. Ani ka dem dâwn a nih chuan, keihi a bul ber chu ka ni si a


Ka nghawng a fawp dan dan, a thaw ri a danglam ang bawkin keipawh ka lungphu leh thisen kal lai a danglam leh ṭan. Ka thaw chhuak hak a, "Bryan...." Ka ti chhuak halh, ka no ken te chu ka tikeh ang tih mah hlauhawm in!


Ka hnunglam aṭangin a rawn nui nghawr dat dat a, min fan leh rawih rawih tawh


Ka mawng a mipatna in min do âl bawk, chu chuan minti mur zual!



"Thuthlukna i siam tawh em?" Ti sa sa in ka beng kawm chu a seh zui ne ne a, ka thluak a ti nu leh bulh bulh dâwn!



"Hun... Hun ka duh ve alawm," Ka aw zet chu leh! Ka vahan inzahpui tak a! Min khawih hlek a pianga ka danglam zung zung hi ka in haw takzet


A ai hnaia min pawtin, a taksa ah chuan ka incharbet ta emaw tih tur khawp a ni, ka dul a ṭham salh a, ka nghawng seh zui zauh, "hey!! A duk ang," Tih leh inlak hran ka tum a, a lam hawia min kuai hera ka nghawng chu mit zîmsan a en in, "ti khan neitu inei tih an hre dâwn alawm," Ti awlsam et chuan sexy lutukin a vei nuih zui suk bawk


Mizo in, "Ṭha" kan tih ṭawngkam hi chu neptê a ni. Ka hmaa ding mipa ṭhatna sawifiah tur chuan, "famkim" hman a ngai ngeiin ka ring


Ka phone a rawn rik takah chuan inla hrangin, "hna i nei lo em ni?" Ka ti sep. Chhuata ka phone tla chharin screen-a hming lang en in Bryan ka melh zawk



A ipte lehlam zenin a sana chu a bih zauh a, "Meeting ka nei a, ka kal dâwn. Dinner kan ei dun dawn nia," Tih leh ka lam rawn pana ka beka fawp zauhin, "inbual fai hmasa angche," Nui suka tih sup chuan ka nui chhuak hak. Ka bal rim leh zu rim nen, ka rimchhe viau ang!



"Closs," Bryan chhuah rualin ka pickup a


"Eva chawhnu lam hian min rawn hmu hman angem? Tu emaw hmuh tir tur che ka nei a."



Sana ka en zauh, chawhnu chu a ni tawh alawm le



"Dar engzah ah nge?"


"Dar 2. I hman ang tiraw?"



Darkar 1 ka la nei, "ok, address min rawn thawn la, ka rawn hmu angche," Tih leh ka off zui a


"Tunge?" Eric-a chu ka melh zawk. Ka chhang lem lo, zawhna a ngah leh dâwn lutuk


"Khawizu tui em ni?" Tih leh dawhkana no chu a ban a, ka bu nghat.



"A bialpa in a penṭawng tih rehna tur zingkarah a rawn siamsak a nih kha," Mimii pawh a rawn ṭhu chhuak luai luai. Ka ṭhian te pahnih chu ka en a, ka in en leh, ka nui chhuak hak. Kan bawn a ni!



Ka ngaihtuahna hria tih hriat taka in melh kualin kan chhuak uar uar a, "ok ok, intifai ila, hna kan thawh angai," Eric-an nui chunga a tih chuan ka lo bu nghat



"Ka inbual hmasa ang a, Mimi nang hna i nei lo, last rawh, room a bathroom saw Eric i hmang dâwn nia," Tih leh choka lam bathroom ka pan zat


Inbual sawk sawkin ka insiam a, "khawnge i kal dâwn?" Eric-a bawk a ni


Ka hmai ah moisturiser tat nawk nawkin, "Closs ka hmu dâwn," Ani pawh a inhru hul mawlh mawlh



"Private detective kha maw?"


Ka bu nghat, "i U case chu a i tawp pui tawh emaw ka tia," A thiltih chawl meuhin darthlalang chhan ah chuan min en a



A lam hawiin, "ka U lam a ni tawh lo. Engkim ka hriat hunah ka hrilh dâwn che u nia. Ka kal," Tih leh room ka chhuahsan a


"Eva breakfast i ei dâwn lo em ni?" Mimii'n breakfast ei tuam tuam pahin min lo au


A lam panin sandwich pakhat la in, "ka hmanhmawh tlat," Tih leh tlân chhuah ka rual


Ka bike hun na lam panin bike ah lawna tinung chuan chak lutukin ka tlân chhuak zui zawk bawk



A sawina hmun ka thlen chuan helmet phelhin ka hawi kual

"Eva..."


"Hey..." Closs ka lam rawn pan chu en in ka nui seih



"Sawlai restaurant neitu saw i hria tiraw?"


"Huh..." Ka hawi phei, "tunge?" Ka ti zui hâ


Lehkha rawn phawrhin, "Jane, in Hospital-ah kum tamtak nurse hna a thawk tawh ṭhin. Kum 7 liamta khan a hna a chawlhsan," A tih takah chuan ka hre chhuak zawk


Ka Pa Damdawiin a hnathawk te hi ka hre meuh hlawm lo mah se, Jane erawh ka hre viau thung, minchhartu nurse a ni a, ka naupanlai aṭang tawhin ka ngaina viau bawk


"Ka hria. Chuan..."



"Kal phawt teh ang," Tih leh restaurant lam chu a pan a, ka zui ve vat



"Hmmmm, heihi min zawntir kha. A hming leh Global Hospital-ah Intern a nih thu chu i hriat vek tawh kha." Ka lo bu nghat


Thlalak tam ve tak hi a rawn phawrh a, "A Pa hian a naupanlaiin a boralsan a, a Nu leh a Pi ten nen, an pathumin Mizoram, Aizawl durtlangah mi inluah in an awm ṭhin. A boral hnu ah a bialpa in a Nu leh a Pi chenna tur In a sak sakah a Nu leh A Pi chu an awm a, tunah erawh a Pi nikum khan boral in, a Nu chauh a ni tawh. Bazaar ah chawhmeh zuarin a inchawm ber," Ngaithla pahin thlalak ho chu ka en kual a


Engthil pawi nge kan pafa hian kan khawih tih ka hmu chiang zual. Tetei Nu tar tawh tak maiin Êm phura chawhmeh a zuar kual lai te, bazaar-a a ṭhutpui lai hmuh te chuan ka inthiam lo nasa zual takzet. A fanu kha dam nise hetiang dinhmun ah hian a ding bik âwm si lova



"A bialpa chu tu....." Ka tih laiin thlalak tawpber chuan ka lei atan hmiah!


Ka kawchhung a let nghal but but, ka hmu sual emaw tiin hnai lutuk ah ka en a. Ni lo, ka hmu sual lul lo ve; Bryan ngei a ni



"A bialpa nena an thlalak a nih kha. Ka hriat danin tleirawl tirh aṭanga inngaizawng, a thih ni thlenga inzui an ni," A rawn tih phei chuan ka bîng mup mup


Ka khawvel chu a vir kual nghal mup mup a, ka thawk laka a buaiin, ka lungphut dan thlengin a buai nghal nuaih nuaih bawk!

"Hei...hei...heihi....." Kut khur dar dar chuan Closs lamah chuan ka lek hnai a



"Dik lo a awm em ni?" Awm tehreng mai. Khawi aṭanga a neih hrep nge?



"Khawi aṭanga ineih nge?" Ka aw thlengin a khur chhuak thei! Ni lo hrâm rawh se.


"Ka nau min rawn thawn a nih kha. Aahhh.. Hmeichhia zawk IG hming pawh a rawn thawn tak kha," Tih leh phone phawrhin eng emaw hi a rawn hmet chhuak a, "heihi a nih hi.."

Ka hmaa phone chu khur dar darin ka en a, ka phih thla vat, a ai nasa in ka khur chhuak, Instagram post zawng zawng chu Bryan leh Tetei thlalak dun deuh vek a ni


Dawhkanah phone chu ka thloh ri bawl, ka lu thing nawk nawkin, "a ni lo. A ni lo ang. Ni e, Bryan ang tak tak pahnih anla awm alawm. Bryan a ni thei lo," Ka phun chhuak mawlh mawlh



Mahse, ka thusawi chu keimah pawhin ka awihlo. Ni e, tu emaw hmunruak luahtu ka ni tih keimah ngei pawhin ka inhria a; Mahse.... Ka Lung minpe tu mipa hmangaih kher maw kei hian ka hmangaih a, a hmunruak ka luah ni! Thil diklo a awm a ni


"I ṭha em Eva... Dik lo a awm em ni?" Mittui tling pamin ka hawi chhuak a


"Tu... Tunge a bialpa hming?" Ka aw chu zawi tak a ni tawh



"B-large company neitu fapa Upaber Bryan Lalrinsanga. Tunah Mumbai ah hian company HR enkawlin a awm mêk bawk," Ngaihṭha lo tih hriat taka min en chunga a tih phei chuan ka tliak rawp rawp thei



Ka biang a rawn lum thla pup bawk. Engthil sual rapthlak nge ka tih hi? Ka hmeichhe thah bialpa chu keihian ka hmangaih a ni. Keihian!!!!!



"Eva... Evalyn-i ini tiraw?" Mittui nen ka hminga min ko tu lam chu ka hawi chhuak a


Jane a ni, "Jane... Jane..." A kut a chelhin ka bulah ka pawt ṭhu rawk rawk, phawk zetin min en


Khûr hlawk hlawk chuan a kut chu ka chelhbeta, "dik lo a awm em ni?" Ka lu ka thing mat mat


"Kum 7, kum 7 liamtaa ka Lung minpe tu hmeichhia kha engtia thi nge? Ni lo, engtin nge a Lung hi ka neih theih?"



A meng tâl nghal rawk rawk, ka vawnna chu phelh nawk nawkin, "ka...ka hre..ka hre lo," A hawi sawn a, thawh mai a tum chu chelhbet lehin


Kûn vang vangin, "Jane khawngaihin," Mittui parawl ṭuau in ka hawi chhuak, "ka lungphu hi, ka lungphu a phut rual a piangin ka nâ a. Ka hre lo a nih chuan ka thi thei mai ang, khawngaihin, khawngaihin minpui rawh," Ka ngên ngawih ngawih


A chhanchu, Jane hian chiang takin thilthleng kha a hria a ni!


"Eva...ka... Engmah ka hre tawh lo tak tak a ni."



"Dawt..." Ka lo ti vat


Mittui luang ngiai ngiaiin ka en ngawih ngawih, "khawngaihin Jane, ka Pa Damdawiin a hnathawk ah chuan ka hriat awmchhun leh ngainat awmchhun ini tih i inhriat kha. Min bum lo hrâm rawh. Tualthattu ka ni lo tih min hrilh rawh," Ka hrawk na lutuk leh hnungzang lamah boruakin min hnawh hneh lutuk na lamah ka aw chhuak te chu boruakah a thâm ral velin ka hria!



"Eva...." A ti hap a, nghet leh zualin a kut chu ka chelhbet



A thaw hak, dawhkana tui inchawp chu a kut lehlama banin a lem khalh a, min en vang vang



"I Pa nunna a innghat tih i hria em?" Ka bu nghat


Ka hria alawm mah se, ka chhungril a inthiam lohna leh nawmlohna hian min hmet hlum mai ang. Thudik ka hre lo a nih chuan hmalam ka pan thei dâwn hek lo tih ka hre bawk



A chil a lem khalh a, "kum 7 liamta khan accident tawk pali rawn phurh luh in ni a. Hliamtuar hmasaber khan nau thla 1 leh karthum mi a pai bawk, chu chu i Lung neitu kha a ni," Ka nghing dawt thei. Cubic lunga den dawt ang mai ka ni


"Engmaw?" Ka aw chu a chhuak ṭawk ṭawk. Keimah pawhin ka hre chang chang chauh


"A dik alawm, naupailai a ni. Hliam na tak tuar a ni lo va, a hliam tuar natber kha a naupai a chhiat kha ni mai. A bak eng hliam mah thihpuina tur khawp a tawk lo. Mahse, a chhûl kan ziahfai hnu ah Dr. Neha rawn lutin check a duh thu a sawi a, chutah chuan inzaina room ah rawn nawr luh ini ve bawk," Min en zawk



A nui seih a, "rei lo te chhung chu ka chiai ve hman. Khatiang accident tawk thei i ni lo tih ka hriat vang a niang," A ti zui sap, ka lo ṭah nuih sen sen. Ni e, Lung lam fel loh vangin rei tak ka dam lo a tin ni!


A mittui hru zauhin, "i Pa in Dr. Neha bulah hliamtuar dinhmun a zawh khan, kan hmuh leh a nihdan a sawi dâwn emaw ka ti a mah se a ni lo. Brain dead tiin a chhang a," A inhnit zui hraih



"Nurse incharge ka ni a, ṭawng ka tum mah se ka ṭawng hma in i Pa bawkin thu pe in, Heart Transplant turin an ruahman a, Nurse awm ve ho zawng khan kan pui zui bawk. Vawiin, vawiin ni thleng hian thinthi in ka muhil leh tawh ngai lo, mihring nung ṭhalai leh damlai kha a Lung kan phawrh a, midang taksa ah kan dah lut a, a rapthlak lutuk. A rapthlak mah mah," A khur ru dar dar


Nghet takin ka chelha ka thaw chuak kawk. "Engtin...." Harsa lutuk chuan ka ti sep. Ka â mai dâwn in ka hria. Engtin nge chutiang chu a nih theih? Engtin nge a nih?



"Mahse, mak ka tih chu i Lung neitu kha a bialpa nena accident emaw kan tia a ni hauh lo, a accident pui kha a bialpa ah kan ngaia, a ruang rawn hlawm tu erawh a bialpa a fapai na leh a unaupa a ni," Mittui hru hul paha Jane-in a tih chuan mittui kar aṭangin ka en


"Eng nge i sawi awmzia? Accident a hliamtuar kha pathum chauh alawm kan nih. I hresual a ni lo maw Jane. Kei, Sammy leh kan Car rawn su tu Tetei," Ka tih chuan a lu a thing nak nak


"Ni lo, chiang takin ka la hria a ni, Car ah khan pahnih ve ve inchuang. Nang leh i U pasal kha Hospital rawn thleng hnuhnung inni bawk. Inzaina room ah Tetei zawk kan nawr luh dâwn pawh khan a mipa zawk khan a hmangaih thu a hrilh a ni.ka beng awmna ka chian tlukin ka chiang Eva," La hriat chian hmel zeta a tih chuan ka bo tulh tulh


Mipa in a hmangaih thu a hrilh a. Bryan-a bialnu leh a fa paitu a ni bawk si. Engthil nge maw thleng hi le?



"A nih chuan a mipa zawk chu engtin nge a awm?" A lu a thing a, "ka hre bik lo, news a rawn chhuah kha chuan mi pathum chauh accident-na hmun ah khan awm leh tawk angah an sawi a. Tetei thih dan vel khan min ṭhawngin, minla nghawng na bawk nen engtin nge nit ka hre lo. Bakah, thlakhat pawh a ral hma in ka hna ka bansan bawk si a," A tih chuan mak ka ti lehzual. Henghi Bryan hian a hre rêng em?



A hre hauh lo ang. Hria nise zawng min that lo a nih vek pawhin ka hmel a hmu peih hauh lo ang. Tin, a bialnu Car-ah mipa dang an awm ve a ni tih hria se tuna a ngaihtuahna ala luah tir ang hian a luah tir dâwn hek lo. Bryan-a mizia a ni hauh lo



Engtin nge Bryan ka hma chhawn tak ang? Heng thudik hre chung hian engtin nge hma lam ka pan tak ang ni?



Ka ngaihtuah tam a, ka ngaihtuah chhuah a piangin ka hlau a, mahni indem na leh inthiam lohna keimah ah hian a lian tulh tulh bawk si. Engtin nge ka tih tak ang?

.
.
.

"I khalh thei ang maw?" Bike bulah chuan kan ding dat

"ka ṭha tawh alawm, min ngaihtuah suh, ka läwm lutuk a nia," Ka mit ala phak chuap


Min kuah vang vangin ka hnungzang a chul hliau hliau a, "Eva i ngaihtuah ka hria alawm naupang. I thiamloh a awm lo a nia, indem reng reng suh, thiam lo chu keini ho hi kan ni, a hunlai khan thudik lo sawi ila, Nurse-incharge ka nihna angin dam lo hliamtuar kha lo chhanhim ni ila hetiang dinhmun ah hian i ding lo tur. Mahni indem in awm reng reng suh, hmalam pan la, i Lung hi a phut a piangin a hlut zia hre chungin i nun hmang angche," Aw nem leh dam dapa a tih chuan ka mittui a rawn hnai nghal kuar kuar


Bu nghat nghatin ka inla hrang a, "Jane ka lawm e," Ṭah chhuak aw zetin ka ti ṭuau, a nui sen sen


Bike ah lawnin, "ka rawn tlawh fo tawh angche," Ka tih chuan a bu nghauh nghauh


Ka tlân chhuak a, ka Pa In-lam chak lutukin ka pan zui vuk vuk

.
.
.

"Pa... Pa khawnge i awm?" Inchhung ka luh rualin ka au nghal lawng lawng


"Evalyn..." Ka inher


Pawnlam aṭangin a rawn pên lut chhat chhat


Thlalak chu phawrh chhuak rawk rawkin a hmaah chuan ka vawm darh chuai a, "engkim i hria a ni tiraw? Bryan, Tetei leh a chhungkaw dinhmun thleng. Chuti chung chuan kha hmeichhe naupai leh damṭha lai Lung kha i phawrh chhuak a," Ka pan hnai chhar chhar



Chhuata thlalak ho chu en kualin, "i hriat tawh chuan hrilh leh tur chuan che ka neih loh chu," A ti bul nghut



Ka Pa chu rapthlak ti lutukin ka melh ngawt ngawt


"Engtin nge chutiang chu i sawi theih, nanghian tual i that tih i hria em?" Mak ti lutukin ka ti chhuak a



"I tán a ni ka thah ni," A rawn ti ṭhat



Ka ṭah nuih zui uar uar, ka tan. Ni e, ka tan a ni a thah ni! Keihi a bulpui chu ka ni



"Kumtin i tan Lung ka zawng a, ka Hospital-a rawn lut a piang i milpui ka en ru bawk. Kha hmeichhia, ka thah tâk Lung kha i milpui a ni tih chian turin engtia rei nge hun leh tha ka sên i hria em? Nunna ka pe chu e a, tualthattu minti leh si amaw?" Ka Pa chu a vin hrawk hrawk


Ka mittui a tla zawih zawih. Ka Pa dem thei ka ni miah lo tih ka hria. Ka hre lutuk mah mah;Mahse, ka läwm lo a ni, ka pawm thei hek lo



"I thah tak hmeichhe hmangaih kha tunge a nih i hria em?" Ṭap chung chuan ka ti chhuak a, ka aw chu a thâwp chhuak sât bawk



Ka lungphu zawn ṭham ngawng ngawngin, "tunge a nih i hria em?" Ka Pa chu ka hnai zual



"I fanu, i fanu nunna i pek nawn leh mipa hmangaih a nih kha. Ka hmangaih, ka hmangaih hmeichhe hmangaih a ni i thah ni," Ṭap chhuak vawng vawng chungin ka sawi chhuak a, a tawp lam phei chu a thamral vel mai mai


Chhuat ah ṭhu thla hnawkin nghet leh na takin ka âwm chu ka ṭham a, "engtin nge ka hmachhawn tawh ang? Engtin nge khawvel ka hmachhawn tawh ang? Min han hrilh teh," Ka ṭap chhuak hawm hawm, ka taksa chhung hmun tin mai chu na lo lai reng reng a awm lo


Ring taka ṭap chhuakin, ka âwm chu ka chum dat dat. Vawi lehkhat ah ka khawvel chu a chimin, a thim ta mup mup a, ka hawi na lam a piang chu a ping tlat bawk


Hawi na lam tur ka hre lo a, thawk ngaihna lah ka hre hek lo


Ka mitthla ah Bryan a rawn lan phei chuan thaw chhamin ka thi mai dâwn in ka hre bawk!


<>~><><£<><>

Note : Ka edit hman thlawt lo a, chhiar a hreawmin dik lo a tam viau mai thei, min hrethiam rawh u🙏Tin, nizanah engmah sawi lovin ka chawlhsan che u a, min ngaihdam dâwn nia, zinglam dar 1:30 pelh thleng bungraw pack-in kan buaia story lam ka buaipui hman thlawt lo, min hrethiam hrâm rawh u aw🙏🙏ka lawm vek e

Kan chhiar zo ta bawk a, ads click lam ti veleh thung ila, in fel hlawm sia

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:05 pm

MT. CAPTAIN
~ My Treasure S2 ~
By
Floria Laldansangi




Chapter < 11 >


BRYAN....POV



"Engthu mah a hriat loh thu a sawi si a. Engthil nge maw a hrilh saw le?" Car aṭangin Evalyn-i leh restaurant neitu inbe lai chu kan en ran


"Sir. Ka va kal dawn em ni?" Restaurant lam en chungin,"Eng nge i va tih ang Marco?" Ka melh zawk, restaurant lam bawk en lehin ka phone message rawn thleng chu ka en a


"Airport-ah kal rawh, nurse saw chuan kan nawrluihna a mamawh lo, a mahin a inpuang mai ang," Ka ti zui sup



"Mahse, Eva saw..."



Evalyn-i hmai phel lang chu ka en a, ka kiai suk, "engchen nge engmah hre lo anga a awm theih tih hmuh ka duh a ni," Ka ti chhuak sup


.
.
.
.

<airport >


"Dr. Ramesh, i hmanhmawh mah mah lo maw?" Doctor, Tetei zaitu, zawhna ka zawhlaia engmah hre lo anga insawi khan hmanhmawh taka Mumbai chhuahsan a tum amaw? Thil awlsam a ni hauh lo ang le!



Min hmu thut chu a mitmu a tal rawk rawk, a luggage chelhna chu a hmer nghet salh bawk a

"Eng... Eng nge i duh?" Ka nui huk, ka ipte lehlam chu zenin, "i hria tih ka hria alawm," Ka ti sup a


"Sir"


Marco phone chu ka melh zawk, nuih sukin, "Mumbai ah hian nupui fanau i nei tih ka lo hria a. Fanu duhawm tak i nei bawk a nih hi," Marco melhin phone chu a en tir a



Doctor chu a kat deuh nawk, ka khabe tuai zauhin, "Doctor i hna i chan a nih chuan i nupui pahnih pawh i chan tel dâwn tih i hria angchu tiraw? Chutiang tur chuan i kum hi a tam mah mah tawh lo maw?" Ka pan hnai hret



A thaw lak rang ta em em chu ka hre thei, zâmna leh hlauhna in a tuam ṭan tih nen


"Kan inbe thei tawh angem?" Ka ti leh sup a, a chil a lem khalh, ṭawng mai ala tum lo tih ka hriat avangin ka ṭhensak a, "Doctor i nupui fanau te hnehah i awmdan report turin 1sec pawh in ngaihtuah ka ngai lo tihbibhria angchu tiraw," Ka nui a, min hlauh hmel takzet



"Ka... Engber nge i hriat duh?" A rawn ti thâm ta ṭuak mai


Marco melhin a luggage buaipui turin ka ti a, "he lamah," Luggage laksak pahin a ti sup, Marco kalna lam chu Doctor-a en chungin ka thle bak a



"Hahdam rawh," Khur dar dara a ṭhu chu hma lam en run chungin ka ti sup



"Tunge inih?" A rawn ti sap


Boruak hîp vang vangin, ka thaw chhuak leh ham ham a, "chu erawh i buaina tur a ni lo. Ka hriat duh chu kum 7 liamtaa Evalyn Lalrinsangi'n heart transplant a dawn dan kimchang leh medical record ka duh. A chiang em?" A tawplam chu a chang hret, a lam hawiin ka inher a, ka mitko veilam ka ti che zauh bawk



A chil a lem khalh, a kut chu a tuai neuh neuh bawk


"Engmah ka hre lo ka tih tawh kha?"



Ka nui huk, "Doctor, chu chu ka hriat duh a ni hauh lo," Ka thle bak



"Ka hriat zawng chu Doctor Thana'n heart transplant tura thu minpek kha a ni. A bak engmah ka hre lo tak tak," Min rawn en a


Car kawngkhar hawnna chelhbet ranin ka khabe ruh ka ti che ralh ralh, "chu chu ring turin min beisei lo angchu tiraw?" Ka ti kha hraih, a ring hauh lo nâ in, ka dawhtheihna a pel tih a lang chiang viau thung!



A chil lem ri khawlh chu ring tak a ni, "ka...ka hriat chu, naupai a nih thu leh, thih....thih...thihpui... Thihpui tham hliam a tuar lo...." A tih bah nawk nawk laiin che hrut in ka rekbet nghal chawt, ka kut pakhat chauha rek mah ni ila, a mitmu a pual/kalh nghal rawk rawk



"Khaw... Khawngaih...khawngaihin....." A vun chu a dang nghal pup bawk a


Thaw hrawih hrawihin seat ah chuan ka nawrbet a, "tichuan, a nungchungin a Lung chu inphawrh a," Ha-pui sehchilh rap rapin ka ti chhuak



A ṭawng thei tawh lo, a hmui a rawn duk ṭan, na zeta kawngkhar lama theh sawkin, a bek a vaw ri dawt. Mit ka chhing sawk, ka thaw ri kawk kawk a, Car kawngkhar chu ka chum ri dawt, "kum 7 liamtaa medical record engkim....engkim min pe angche," Ka ti chhur chhur



Khuh bawrh bawrh chung leh hrawk dawm chunga min rawn en ṭawk ṭawkin, a chil chu harsa tih hmel zetin a lem khalh a, "ka...ka nei lo," A thaw kawk kawk, "Evalyn-i Heart Transplant record zawng zawng kha nawhreh a ni. Hospital ah emaw tumahin kan nei tawh lo, a awm a nih pawhin Chairman chauhin a nei ngei ang," A thaw zui hlawp hlawp



"Chairman?" Ka melh nghal khur a


"Evalyn-i Pa, Global Hospital neitu," A lo ti sup


Ka ha-pui seh ruhin, "chhuak rawh," Ka ti hluk



Hläu leh hmanhmawh lutuka kawngkhar hawng rawk rawk chuan a bawk vak chhuak emaw tih mai turin, a kat chhuak nawk nawk



Ka tukkhum sam ka tuai puat, "Evalyn... Evalyn!" Kha lutuk chuan ka ti chhuak hrawih bawk a


"Sir. Rama enzui tura ka mi tirh khan min rawn bia a," Marco rawn ṭhu lutin a tih chuan thaw ka la ham ham


Tetei'n accident a tawh zan khan kei ni lo, Rama daihin call a dawng hmasa kha mak ka ti. Tetei phone-ah hian ka contact no. hi Dial No. 1-a awm a ni a, buaina engpawh tawkse call ka dawng hmasaber tur a ni. Tin, engtin nge Tetei phone lock an hawn theih. Kan 5yrs anniversary kan läwm ni kha password-ah kan hmang ve ve si a.

Khami zan khan Rama pawhin a kut leh chalah hliam a tuar a nih kha. Nge, ka ngaihtuah tam lutuk zawk em ni? Ka thaw chhuak hawk


"Eng nge a rawn sawi?"



"Accident zan khan Rama chu a ṭhiante Birthday party-ah a kal ngei thu leh khami zan khan birthday neitu nen an insual thu a sawi bawk."


Ka thaw halh. Ka ngaihtuah tam lutuk a ni, a hliam tawrhna ka zawh pawhin chutiang tho chuan min chhang a nih kha



"Ka hrethiam e. Tunah khawiah nge Evalyn-i?"



Ka lam rawn hawiin, "a In, ka tih awmzia chu, a Pa In-ah ala awm. Ka hruai dâwn che em?" Thaw ham hamin seat hnung ngheng datin, "office pan rawh, hnathawh tur ka la nei. Evelyn-i erawh enzui angche," Tiin ka mit ka chhing zui nghal hmak bawk!


<><><><><><>



EVA.....POV



"Eva... Eva i harh em? I sa vek a nia..." Ka rum ṭiah ṭiah. Nikhaw hre lova ka awm kha, ka harh ve chiah tihna em ni?



"Dik lo a awm em ni?" Tluanga leh Nanni inbe ri chu ka hria, ka meng peih lo, an hmel ka hmu peih lo a ni mah zawk.

Ka taksa nâ leh thaw sa ham ham ah chuan ka khua a sik tih ka hre bawk


"A khua a sik niin ka hria," Tluanga kutin ka chal a rawn dek zui zat


"Eva, nâ inei em?" A kut ka lo ben sawn sak a


"Ka ṭha," Tih leh blanket chuan ka inkhuh ṭha sauh sauh. Ka chhuahsan tawh In mah nise; ka In a ni ve tho, tlân chhuahsan duh viau mah ila, ka ke hian min zo dâwn lo tih ka hming ka chian tlukin ka chiang



"Damdawi min rawn lak dâwn em ni Nanni. Porridge siam sak bawk la," Tluanga'n a tih leh chuan ka chhang buai peih lo. Ka mitthla ah Bryan a rawn lang zawk, ka thaw chhuak kawk. Mit ka chhing sawk a, "engtin nge ka hmachhawn tak angche," Ka phun chhuak sap



Ka muhil zawm leh a ni ngei ang, ka men leh ruala ka hmuh hmasak ber chu ka Lu zawna drip in khai a ni


Ka hawi kual a, ka sira lehkhabu chhiar chunga ṭhu Tluanga ka hmuh chuan ṭhut chhuah ka tum zet, thâ reng reng ka nei hleinem le!


A lehkhabu chhiar lai dah vata min rawn puiin, "a rei tawh lo ang" A ti sup


Min en vang vangna chu en letin, "eng nge?" Ka lo ti nghat chu a nui suk a, a Lu thingin, "thil ka zawt thei che angem?" Ka melh ralh


"Bryan... Bryan Lalrinsanga kha i hmangaih tak tak lo angchu tiraw?" A aw ah chuan hlauhthawnna emaw ni te a rik tel reuh chu le


Ka ṭhut dan siam remin, "i buaina tur a awm lo," Tih leh khum aṭanga chhuk ka tum a. Ka darah nem betin, "Eva, ka thusawi ngaithla rawh," A ti sup



Thaw halhin ka phone khum bul side-table a mi chu la in, "hawng rawh," A ti sup, en haw paha password chhu lut ve mai chuan, "message kha en rawh," A ti leh sup

Thuawih tak chuan ka en a, "eng nge heihi?" Ka thle hâ

"Leah, su tu car neitu kha a ni. I mi hmuh, a hmel i hriat chhuah zawh siloh kha Bryan ngei hi a ni," Ti fak fak a, ṭawng leh a tumin a kâ a ang zuai, thaw la hakin, "mipa pangai a ni lo Eva. Hmeichhe tamtak tina tawh tu a ni a. Tin, Leah thihna ah pawh a in hnamhnawih ve a ni tih hre turin ka duh che. Ani ang khing tur leh a nuna inrawlh ve tur chuan i rilru a thianghlim mah mah," Tluanga hmel chu mak tihna in ka en. Bryan vang erawh a ni lo



Engtin nge a hriat tih a ni. Nge ni a, a hma daih aṭangin a hre tawh zawk?


"Engtin nge i hriat?"


"A pawimawh..." A tawp dat, ka hmel chu a en chiang a, "i hria amaw?" Rum lutuk chuan ka lo melh vak


"Nang leh ka Pa, angkhat reng inni." Kha zeta ti chhuakin ka kuta hriau invit chu ka pawt phawi sawk, thisen a per deuh chuai bawk



"Eva, engthil nge i tih?" A ti ṭhat



"Min khawih suh," Ti tuarin khum aṭang chuan ka chhuk a, pheikhawk bun nawk nawkin kawngkhar lam ka pan nghal



Ka Lu rawn hai muai muai leh khaw hmuh fiah lo ta ruai chu ding datin, ka Lu ka dawm deuh vang vang, thaw la ham hamin ka thaw chhuak leh a



"I ṭha em? I taksa a chaklo lutuk Eva. Luhlul chhuah suh," Min rawn dawm a


"Eva i harh tawh maw porridge ka rawn..." Nanni-in a tih laiin, Tluanga min vawnna chu ka paihsawn a, "engmah hre lo ang khan awm leh rawh. I thil thiamber alawm," A mita en chungin hriam hraka tih leh kailawn ah chuan ka chhuk thla nghal chhat chhat



"Eva... Eva..."


Tluanga pawh hi luhlve ngar ngar tak a ni, mipangai biakin ka be ngai lo tih hre reng chungin, minla umzui fo hi mi pakhat chu a ni ve alawm!



"Accident i tawk ang, tichung chuan bike lek chhuak lo mai rawh," Ka bike bulah a rawn ding. Helmet khumin a lam ka hawi a, "f**k OFF!" Ti kha fakin ka kut zungchal ka hmuh vah, ka rinloh deuhin a nui chhuak huk. Fiamthu ka thawh tawp si lova; a â deuh emaw ni?


Bike tinungin ka tlân chhuak, minla thlir zui reng a ni tih side darthlalang aṭang chuan ka hmu reng, ka Lu lah chu a hai tulh tulh lehnghal!



Ka apartment pan ka tum zeta, Bryan khan dinner ei dun a tih ka hre chhuak zawk. A hming ka ngaihtuah chuah ringawt pawhin ka lungphu zawn hi a sa veng venga engtin nge maw ka hmachhawn ngam ang ni?



Eric-a dawr lam chu ka pan ta zawk a



Ka khawsik chu a sänbelh emaw ni? Ka taksa a chau hluah hluah a, ka mitmu a kham ut ut bawk



"Oh God...! Princess minti hläu alawm," Eric-an a ti ṭhat, sofa ah chuan ka let thla zui tap



"Thank God. Light On lo ila chuan ka khawng thlu tawp angche," Ti leh nghatin, "I ṭha em?" Min rawn ṭhut hnaih, ka Lu hai leh na lutuk chu ka vir mup mup mai


"Rei lo te, rei lo te kan mu lawk," Ti chhuak sapin ka mu ṭha sat sat


"I khua a sik a nih hi," Ka chal a rawn dek a, "damdawi ka rawn lak angche," A ti zui sup, ka beng te chu a ngawng lek lekin nia ka hriat ni!


"Damdawi hi ei la, i mu dâwn nia," Min tung tho a, meng mang hlei lova damdawi hmawmin ka let thla leh tap. Puan min rawn sin tirin, "tunlai hi eng buaina nge maw i neih le?" A tih chu ka hre chang chang chauh a ni

.
.
.

"Ka hre lo, khawsik chungin a rawn lut a," Eric-a ṭawng ri chu ka hre ruai ruai


"Bryan nen an inhau em ni?" Mimii a ni


"Ka ring lo, a apartment a chhuahsan dawn khan tu emaw a hmuh tur thu a sawi a, tunge maw ava hmuh ni?" Eric-a bawkin a ti leh hap


Ka harh chiang tawh, menga ka ṭhian te pahnih hmachhawn tur pawh hian huaisenna ka nei rih lo. Ka Lung hi dik lo tak leh hmeichhe raipuar nung chunga phawrh chhuaha ka neih a ni tih hria s, engtin nge min ngaih ang?


Ka nunah hetiang tak hian mahni inrintawkna ka hloh ka la hre ngai lo. Ka ngaihtuaha, ka ngaihtuah tam poh leh keimah ah inthiam lohna leh indemna a liana chu chuan ka inrintawk ve ṭhin na te kha a nawt reh tial tial bawk si. Engtin nge khawvel ka hmachhawn tak ang ni?


Ka hnar ah ka mittui a rawn luang ngiai ngiai, "Eva...." Mimii'n min rawn ṭhut hnai tih ka hria, ka samah a rawn chûl a


"Harsatna i neih chuan kan awm a nia," A ti leh sep. Ka ṭah a chhuak tulh tulh. Engkim mai chu sawi chhuaha hrilhfai vek ka duh, ka duh takzet mah se ka thei lo. Ka Pa nunna ka kutah a awm a, ka Pa thiamloh lah a ni vek lo tih ka hre ve reng bawk si. A bul ber chu keimah ka ni miau si a!


"I khawsik pawh a awm tawh lo a nih hmel. Porridge ka order sak che a, a lum lai hian ei ta che," Eric-an a rawn ti sup


Ka hnap sût ri hrawihin ka ṭhu chhuak luai luai a. Ka ṭhiante pahnihin min lo en kar



Mittui nena nui luiin, "ka U ka ngai mai chauh a ni," Ka ti sep. An thaw hak, an awih hmel viau loh, "porridge hi ei phawt teh," Ka hmaah a rawn chhawp a



Tui nen rawn nawr hnaiin, "tuna i landan kha chu thi mai tur hmel i pu alawm," Mimii'n nui chunga a rawn tih chuan ka nui ve sak. Ka chhungril erawh a thi riai riai in ka hria!


Ka phone a rawn ri ral ral, ka melh zawk, "Hello!"


"Eva, keimah Brayden. Engtin nge Rosie-i case hi kalpui i duh, jail-ah khung chu i duh tak tak em?" Ka thaw halh a


Ka ṭhiante pahnih melh ralhin, "pawisa chawi tir la a tawk mai. A hmalam hun tihchhiat ka duh bik lo. Bakah, thinrim viau mah ila ka Pa fa (fahrawn)a ni ve tho a," Ka ti sep. Eric-a leh Mimii an lo nui ṭhû


"Ka hrethiam e. Eva thlathar lamah Mizoram ah min rawn zui a ngai dâwn a nia, Hotel-a thleng lovin, kan In ah i thleng duh a nih chuan...." A tih laiin, "Hotel ah ni rawh se. Chuan, contract chungchang kan sawi ṭhat a ngai a nia," Ka ti vat.


Ka sign laklawh tawh a, rei lo te chhung chu ka pui thei ang a; Mahse, kum 2 chhung eraw ka thei lo, Bryan nena inhmachhawn fo a ngai dâwn tlat. Kawng ka dap a ngai



Kan inbe zo phone ka dah let rualin, "wow..!" Eric-a chu ka melh vak

"Ka sawi kha big sis ṭha tak ini dâwn tih," Porridge hawpin, "Big sis, My ass," Ka ti sep chu an nui chhuak hak hak, ka nui ve hak tho


Diktak chuan Rosie-i emaw Tluanga pawh misual tak anni lo tih ka hria alawm. Keimah hian ka Pa leh a nupui hi ka haw êm a, ka Pa nupui tihnat ve ka tumna lamah ṭawngkam chhe tak tak leh ngeiawm tak takin ka ṭawng khuma ka khak reng mai pawha, an mahni ngau ngau hi chu misual tak anni lo alawm!



"Eric hetah ka riak dâwn a nia," Tui chu ka ban nghal


"Bryan...." An tih rualin, ka nui tawi tuk, "hrilh a ngai lo," Ka ti zawi sap bawk


Ṭawng an tum zuau, ka phone bawk a rawn rik takah chuan an chip leh a, ka Pa number lang chu ka en ngat ngat


"Pickup rawh. Inbe rawh u," Mimii'n a rawn ti sap


Eric-an pawmpui tih hriat takin a lo bu nghat a. Thaw la te te in, muangchang chuan ka pickup a


"Eva, In ah rawn kalteh, biak duhna che ka nei," Ka chhan hma in a off hmak. Phone chu en hau in, "nge a?" Ka ṭhiante pahnih chu ka en, "eng nge?" Tih en in min lo en ve bawk. A aw lah chu a dap dup lehnghal a, minti hläu zawk dâwn alawm le!


"In ah kal turin minti," Ka ti sep


"Hruai i ngai em?" Ka dar ka san ak. Dawhkanah hnathawh tur tamtak ala nei tih ka hria


"Mimii nen kan kal mai ang, kan rawn let vat ang, i hna ka tibuai rei lutuk che," Ka ti sep a, a bu nghat


Mimii nen Eric-a car-in ka Pa In-lam chu kan pan a, kawng lakah pawh engthu ah nge min biak duh tih ngaihtuahin ka thleng zak


Inchhung kan luh chuan ka hmel hriat ngailoh hmel ka hmu hmasaber


"Hetah rawn ṭhu rawh Eva. Heihi ka fanu Eva a nih hi," Engthil nge thleng a, zinglamah kan inthat lo chauh a



"Engthil nge sawi i duh?" Ṭhut mai mai ka tum lo. Mimii'n ka kawr tlángah pawtin min khap vat, ka haider hmiah thung


"Lo ṭhu phawt la. Heihi Pradat a nih hi, kan Hospital ah Neurosurgeon (Neurological) ni lai mek a...." A tih laiin ka nui chhuak hak, ka nuih erawh za lo tak a ni, a mizia hi engtikah mah a thlak dâwn lo a nih hi!


"Hi! Eva.." A ât hmel em em lehnghal a


Chhanglet lovin ka Pa en kalh chuan, "i thil tum kha ṭhulh angche. Hei ai nasaa huat che ka duh lo a nia," Tih leh inher ka tum, "ding rawh Evalyn," A rawn ti chang rat, meng kalh ralha ka Pa lam hawi lehin, "Ka U angkhan pasal nei turin min nawr lui lo angchu maw? Theihnghilh suh Pa, nangmah vanga ka U-in a nih chak em em Artist nih ṭhulh ṭhak a, vai neihtir i tum vang a nih kha U Sammy-a nen pawh tumloh taka an inneih, i fate hmalam hun tih chhiat hi i thiam mah mah lo maw?" Aw ki sän miah si lo chuan tih el zetin ka ti let a



"Lalnunthar...." Ani pawh a aw ki a sän ngam bik chuang lo


Ka ner khum sawk, "ka U i nawrluih ang mai mai khan min nawrlui ve dâwn lo. Ka nunah chuan ka thuber, a chiang em," Tih leh mak ti tih hriat taka min en tu Neurosurgeon a tih, ât hmel zet melh zawka ner sawkin, "hetiang sawi tur lek a min ko hi ka awih theih lo," Ti leh ngatin ring tung vahin ka in her a


Kan chhuak tur leh Rosie-i te nufa rawn lut tur kan intawk, ka Pa nupui chuan min melh no lo teh e, Rosie-i pawhin. Tunge pawi ti?


"Zirlai in zir chuak êm angchu maw?" Ka nui lui hak.



"Ev....." A ti zuai hman



"Nu..." Tluanga'n a lo khap vat, ka hmui ti pawrh lui tarhin, "inla zir chuang lo a nih hmel," Ti leh ngatin Mimii melh zawkin ka pen chuak nghal a



"i vahan sual thiam tak e aw!" Ka hnunglam aṭangin nui chungin Mimii'n a rawn ti niah niah. Kei erawh ruh lutukin ka inhum ruh, pasal min neih tir a tum amaw? Khanglang hian! Tu ah nge maw a inngaih le?


Mumbai-ah hian ka awm reng thei lo, ka Pa hian kawng tinreng dapin pasal min neih tir dan a dap dâwn tih ka hria, Mumbai ka chhuahsan rih a ngai a ni. Ka U anga bodyguard emaw min en thla tur a rawn dah hmaa ka bo a ngai!



Car ah lutin phone ka phawrh rak rak, "tunge call i tum?" Mimii chu ka melh zawk, "Brayden," Tih leh ka call nghal


"Yes, babe!" Teh ngawt a! Hepa pawh hi ka duh aiin a thawveng mah mah


"I lei kha fimkhur rawh se," Ti nghatin, "naktuk Mizoram flight tur zanin ah lo book angche, a hmasaber kha a pawi lo aw," Ka ti zat


"Wow... Engtin nge Mizoram ah ka let dâwn tih i hriat? Ka ruala kal i duh te chuan ka rawn call che khan sawi mai tur a nia," A vahan chhe zehzuah tak



"I U hrilh suh angche," Tih leh off ka rual, a nui ri huk chu ka hre hman hrâm


"Mizoram ah kal i tum amaw?" Ka thaw halh, ka Pa nena inhau buai turin chakna ka nei rih lo, tlânbo san rih loh chu. Bakah, Tetei Nu hmuh ve hrim hrim ka duh pakhat, puih theihna te ka nei a nih chuan puih ka duh bawk!


"Mi, ka Pa insualpui turin chakna ka nei rih lo," Tih leh ṭhu ṭha sat satin seat hnung nghet dat chuan mit ka chhing zui vang vang!


<><><><>>

Ads click theihnghilh lo hram ang u aw, in fel kha

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2021, 3:05 pm

MR. CAPTAIN
~My Treasure S2 ~
By
Floria Laldansangi



Chapter < 12 >



EVA....POV



"Eva, i chiang maw?"


Ka luggage pawh ka la hawn loh chu hnuk chhuakin, "Mimi, zawhna min zawt reng dâwn a nih chuan pawnah min lo va nghak rawh," Ka melh vak


A nui ringawt, apartment kan panna kawng tluanin zawhna min zawt, zawhna dang nise ka hrethiam, zawhna ngai hlir chhân chu ninawm lamah a kal tlat


"Kalrawh," Tih leh inchhung chu ka melh kual a, "thla tam phei chu ka awm dâwn lo," Mimii mleh zawkin ka ti sep. Bia pawh ka ang lo, keimah leh keimah ka inbia a ni zawk mah


"Zuitu kan neiin i hre ve lo maw?" Mimii'n car a tih nun laiin hnunglam ka melh leh zuk ṭhin


"Reporters anni ang. Anni ho bak zui tur che an awm lo," Ti awlsam et chuan a tlân chhuak a. Kei erawhin Reporters satliah an nih ka ring hauh lo. Zing aṭang tawh khan Car dum pakhat sawn minla zui kawi char charin ka hre tlat. Ka hre sual zawk nge?


"Riah i tun ringawt emaw ka tia. Min luhkhung i tum em ni?" Eric-a a lo hawi hû mai. Hna ala thawk tih hriat takin a lo inzam hnawk nuaih bawk


"Naktukah Mizoram ah kal ka tum a."


A meng kawk, "Mizoram. Engvangin? Buaina i tawk em ni?" Kan mipa neih chhun hi a buaithlak thei e!


"Nei lo, hna vang maw le, B-large nen contract kan sign ka tih kha," Ka tih chuan a thaw halh, nui vur vurin, "tlânbo tum emaw ka tia," A ti zui sup


"A dik alawm," Mimii'n a rawn tih chuan a en haw


"Really?"


A lo bu nghat, "ka rin lawk chiah," Min melh zui ram ram, ka lo nui ṭhû ringawt a



"Keipawh thlathar lamah chuan ka rawn haw ang," Mimii'n a rawn ti sep. Kan en va a


"Tinge?"


"Ka Pa a zia hleithei lova; ka bânna vel hi buaipui ila, ka haw hlen ang," A ti leh sap a



"Tihpalh ka buaina ringawt ka lo ngaihtuaha, tunah damdawiin ah anla awm em?"


A lu thingin, "In lamah an in enkawl tawh, ka U te ho khaw dawnga awm vek anni sia, haw a keimahin ka enkawl loh chuan," A tih chuan kan lo bu nghat


"Wait! What about me?" Eric-a chu en in kan nui chhuak hak


"Keimahin Mumbai ah hian min kalsan intum amaw?" A tih zawm leh


Nui hak hakin, "a rei berah thla 2 emaw thla 3 bak ka awm lo ang," Ka tih chuan a tum vuau, "hna ngah viau lo ila chuan Mimii ka zui ve tur a nia," A ti zui sup. Kan awmloh chuan a khua a har ve viau ang, a buai, a buai hian kan inhrawn ve nasa hlawm si a


"Ka Pa te ka be dâwn em ni. Airport-ah an lo hmuak thei angche nga, Hotel a han awm ai chuan," Mimii en in ka lu ka thing zauh


"I U te anla awm a ni lo'm ni?" A bu nghat


"ka han chimbuai mai mai. Bakah, ka awmdan tur ber pawh ka la hre chiang lova," Ka tih chuan a bu nghat a



"Address min hrilh hrim hrim rawh, i Pa te chu ka lo han kan ang," Ka tih zawmzat


"Message-in ka rawn hrilh angche," A ti leh sep


.
.
.
.


<Airport >
Terminal 2



"Khawnge maw a awm le?" Ka phun sap. Message khan Terminal 2 kha a ti tawp a. Hmuh tur reng reng a awm loh ni!


"Bryan."

Ka inher vut, ka thin a phu nghal dawt dawt thei. Brayden-a nui vur vura kan lam rawn pan ka hmuhin ka thaw chuak nghal hak


"Bryan-a unaupa a nih saw," Ka tih rualin, "another one," Eric-an a ti leh hau, keipawh chu ka meng deuh hraw hman, mah se mak tak maiin ka en ringawt sawn a tu ve ve mah Bryan anni lo tih ka hre thei nia maw le?


Nge ni a, ka Lung hi amah hmangaihtu ta a nih vang zawk nge? Ka ngaihtuahna avangin ka lu ka thing zauh


Eric-a mak ti hmel en in, "triplets," Ka ti sep a, "huh!" Mak a tih hmel takzet



"Hi sweetheart!" Brayden-an ka air-triket ka lama rawn lek paha a tih chuan pawt thla pahin, "i lei hman ila duh chuan fimkhur rawh," Tih leh a bulah, amah ang tawk ding chu ka melh zui ralh


"Hi! Bryson-a ka nia, a naupangber," A aw ri zâng vah leh nui hmel ngainatawm zetah chuan a unaupa te pahnih mize lakah a hrang hlak tih ka hre nghal


"Eva. Evalyn," Ka ti sep


Min chibai pahin, "ka hria che alawm," A nui seih bawk


"Ka ṭhianpa Eric Bolton. Eric tive mai rawh u," Ka tih chuan Bryson-a zawkin nui chungin, "Designer kha," Tih leh a chibai a


Eric-a lah lawm tih hriat lutukin a kut fawh sak zauhin, "it's a pleasure to meet you ," Min rawn melh zauha no fahrana a tih chuan, Lu thingin ka lo nui hak. A darah beng taihin, "iti hläu ang," Ka tih chuan anni unau pawh an lo nui huk tho


Nui ve ṭhû chungin, "ka let dâwn a sin," Ka lam a rawn hawi a


Bu nghata ka kut phar duaiin, min rawn kuah a, kuahlet vawng vawngin, "lo in enkawl ṭha angche," Ka ti sep


Ka bekah fawp zauh chuan, "Harsatna ineih chuan min rawn hrilh nghal angche. I hria em?" Thu minpe tawp!


Nui chunga inla hrangin, "kal tawh rawh, i ṭap dâwn," Ka tih chuan a duh lo nasa, a ner nawng nawng mai


Kut vai lap lap chunga i thlahin, "Bryan chu hrilh i tum lo tak tak em ni?" Brayden-a lam chu ka hawi a, "tum lo," Tih leh, "ka bulah i ṭhu lo ang tiraw?" Ka tih zawm zat



A mitko ti säng ak akin, "ka bula i ṭhut duh a thu a niang chu," Mit min siai khum zauh bawk. Ka beng chawrh dâwn emaw ni?


Bryson-a a lo nui vur vur, a ṭawng tlem hmel takzet!


.
.
.

"Ka bula a ṭhu lo chu ka va läwm tak," Hmeichhe be sur sur paha fiamthu a thawh kual vel chu ka en ran


"Bryan chu alawm hauh lo ang," Ka sira ṭhu Bryson-an a rawn ti sup


Ṭhu ṭha in ka thaw halh, "inzawmna nghet tak nei kan ni lova, a hrethiam em em ang," Ka melh ralh a lo nui suk ringawt



An unau thum ka hmuh dan ber chu, Bryan hi luhlul leh mahni thuduh, ngeng bawk si a ni a. Brayden-a erawh thawveng leh lerh kawh tak. Bryson-a erawh ze zawi, ṭawng pawh ṭawng tam lem lo niin ka hria. Chhül khat chhuak, minutes tlêmte chauha inthlau bawksi ah chuan mize hrang hlak an nei hlawm



Bryan leh Bryson-a hi an hawi her leh ṭawng tlem dan vel a in ang deuh tih mai loh chu!

.
.
.
.

Darkar engzah chiah nge maw kan thlawh ni? A rei rapthlak tih bak ka hre lo, ka beng kiu vawng vawng lah chu a reh thei dêr lo


"I ṭha maw?" Luggage ka la tur chu Bryson-an a rawn ti a, en hau pahin, "ka chau deuh," Ka lo ti ve sap, a nui suk



"Hotel i book tawh em Eva. Nizan khan Hotel i book leh book loh ka lo zawt lo che a," Brayden-a en in, "book e. Min hruai tur Car pawhin min nghak tawhin ka ring, min ngaihtuah suh u," Ka ti vat



"A nih chuan hna ṭan nan thla 1 lai ala awm a, Aizawl fan pui tur che in ka awm reng a nia," A mitmeng lerh zet min hmuh leh tawh. A fiamthu tih hre mah ila ka ngei ṭhin


"A ngai lo mai. Ka lawm e," Tih leh, "Bryson, kan inhmu leh dâwn nia, ka kalsan angche u," Ka tih zawmzat, Bryson-a chu bu nghatin, "kan In lamah te pawh chaw rawn ei phei la a ṭha ang," A tih chuan ka nui ringawt



Ei lo zawk ang, hnaih loh hi ka himna a ni rih tlat


.
.
.


Tleirawl pakhatin ka hming ziak keng chunga a hawi vual vual ka hmuh chuan ka pan vat


"Hi! Keimah ka nia," A lehkha ken chu ka kawk a


"Ohhh. Hi! Apuia ka nia, i luggage kha ka lo nawr ang," A laih hmel takzet


"Ka lawm e," Tih leh a lamah ka nawr hnai ve vat bawk


"He lamah," Tih leh a pensawn nghal a, ka Lu na ut ut chuan mut minti chak tawh takzet


Car-ah pawh chuan ka inveng peih ta lo, ka muhil tih hriat takin Hotel Floria kan thlenlai ka hre lo hrim hrim



"Kan thleng tawh a," A ti ri ka hriat ruai rualin Min rawn sawi dat dat. Zi marin, "ka lawm e," Ka ti sep a


Hotel chu ka thlir deuh vang vang, ka hawi kual a, zan a tlai tawh bawk nen a enga mah phei chu han en vawng vawng tur a la awm lem lo



Ka room ka luh rualin khumah ka bawk thlawp, ka muhil zui lehnghal bawrh bawrh tho. Chuti em ema ka chauh chu ni!

.
.
.

Ka harh leh meuh chuan chawhnu a lo ni ruih tawh, ka room chhungah ka hawi â ṭep alawm!


Inbual faiin, room aṭanga chhuakin Hotel restaurant lam chu ka pan a


Rinai takin mikhual antam in, hnamdang hmuh tur an tam lehnghal


Menu an chhawp chu en in, ka duh zawng chu ka order a. Mizo ṭawnga ka ṭawng laia waiter mak ti hmel kha ka hmu reng, hnamdang emaw minti te pawh a ni mahna

.
.
.
"Car hman tur hi a awm em le?" Nula chuan nui sängin min en a


"Awm e. Driver i mamawh a ngem?" Ka lu ka thing vat nâ in, buaina ka tawh ka hlau ru deuh nen, "a theih chuan khawngaihin," Ka ti ta zawk a


Nizana tleirawl, Airport a min lo nghak tu bawk kha a ni


"Ka tibuai leh dâwn che niin alang," Car-ah lut pah chuan ka ti sap


Nui chungin, "buai love, ka hna alawm. Khawiah nge kal i duh," A tih zawm zat


U Sammy-a te In address chu ka hmuh a, "a hlat loh hi," A ti ve mai bawk a


"Mizoram-a piang leh seilian ini lo em ni?"


Pawnlam hawi dauh dauh pahin, "aw ni lo, ka hriat theih chinah tunhi ka vawi 2 rawn thlen chhohna," Ka tih chuan a bu nghauh nghauh



Traffic jam laia tumahin bengchheng siam lova an intlar ṭhap mai, a tak ngeia ka hmu chu, mak ka tiin, hmuhnawm a tling pha alawm!


"Thu an awihin, Dan an zawm ṭha hle mai," Apuia chu ka melh zauh


Nuiin, pawnlam chu a en kual a, "hetiang lamah hi chuan khawvel ang zawng pawhin entawn tlak kan nia," A hmel leh aw ki ah chuan Aizawl chu a chhuan hmel takzet. Ka lo nui hak



"Ka nghak dâwn che em?" Car aṭanga chhuak pahin, "a ngai lo ang, haw lam chu taxi ka rawn la mai ang," Tih leh kawngkhar chu ka khar zui dat



Engtin nge Sammy te In ka zawn hmuh tak ang? Ka hawi kual ang vual vual a, lo biak hmasak tur a nia!


"Eva... Eva ini em?" U Sammy aw ka hriat chuan ka hawi vat



"Sam..." Ka nui hak



Mak ala ti tih hriat takin min rawn pan hnai a, a bulah hmeichhe raipuar pakhat a kal ve bawk


"I ni tak tak nia. Mizoram ah eng nge i rawn tih dawn?" Min rawn kuah, nui hak haka kuahletin, "hmu tur che in," Ka tih chuan ka tukkhum ah min tuk zauh



Inla hrangin, "i rawn kal chhan chu eng pawh nise ka nupui hi hmelhriat ve phawt teh, Hriati a nih hi. Mahriat heihi Eva..." Nuisanga min rawn chibai in, "ka hria alawm, Internet lamah ka hmù tawh che, a takah i ṭha zawk bawk," A tih chuan U Sammy a lo nu huk



"Chho phawt ang u. Khawnge i luggage?" Ka hmui hnuailam ti pawrh tarhin, "Hotel ah," Ka ti sep, a meng nur nghal nang



"Zanah kan la dâwn nia, chho ang u," Tih leh annu raipuar chu a kai nghal a


Nupui a nei tih ka hre miah lo. Mahse, hmalam pana chhungkua a din erawh ka lawmpui viau thung



"I läwm lo viau em?" Tui min pek pahin ka sirah a rawn ṭhu a, ka Lu ka lo thing vat, "Hmeichhe fel tak a ni ngei ang," Choka lam en chuan ka ti sep


"I U nen in anna tamtak annei bawk. A bikin an thinchhiat danah," Nui huk paha a tih chuan ka nui ve hak


Ka U ka mitthla ah a rawn lang zat, "la damse chuan" tih ka rilru a rawn lang zat chu duh lovin, "ka lawmpui che U Sammy," Ka ti chhuak ta sap zawk a


Ni e, a la dam leh nunga te hi hmalam kan pan angai alawm.


Hringnun a ni miau a, he hringnuna hmalam pan thei lo leh nunhlui in a um phak reng nunneih hi a hlauhawm takzet a ni. Chutah chuan keipawh hi ka bâng chuang lo! Nunhlui in minzui kual a, ka hmangaih miah loh tur ka hmangaihna kawng thlengin maw le!

.
.
.

"Nangmahin i ṭha ang tih i chiang maw?" U Sammy chu ka melh zauh, karkhat lai Mizoram ah ka awm ve ta. Mimii Pa te pawh nitin deuh thaw ka tlawh bawk.

Mimii angchiah anni, an fela chaw ei lah min sàwmin, an In lama insawn turin minti reng bawk. U Sammy te In nen ka ei chhawk sek mai alawm. Mahse, Hotel aṭang erawh insawn ka tum lem lo



"Rinni lam te hian kal zawk la ṭha tur," A rawn ti leh sep


Thaw halhin, "ka ṭha alawm. Mahse, eng thu nge ka va sawi ang tih zawk a ni," Ka ti sep


Tetei Nu In lam kan pan mek, ka hnai tulh tulh a ka zam tulh tulh emaw tih turin ka lungphu lah chu a rang tulh tulh bawk a! Ka thaw leh halh ṭhin



"Rukru pawh i ni lova, zâmna tur a awm lo. A phalna thlapa donate alawm a nih," A thusawi ngaihsak lo tih hriat taka a rawn tih chuan ka sa zui pup thei


Ka thawk a sak nghal ṭalh bawk a, za lo zeta nui luiin, "nia!" Ka ti thâwp sap. Ka chhungril ah erawh tu emaw nunna ka ru a ni tih min hrilh tu, ka lungphut ruala sawi nawn tluk tluk tu an awm tlat thung!



"Eva nangmah ang khan awm rawh. Pi Mary-i pawhin a fanu lungphu a hre leh tur chu a lo läwm viau zawk maithei a sin," Car ding datin ka lam a rawn hawi a, inthlah dul ngial ka tuma ka hlawhchham ṭhak thung!



"An in anih saw?" Pawnlam chu a melh zauh, ka hawi ve vat. Thaw la deuh kawkin, "ka lawm e," Ti sepin Car aṭang chuan ka chhuak a



"Eva." Ka hawi vat, nuisangin, "zâm a ngai lo a nia," A rawn tih leh chuan ka lo bu nghat



U Sammy-a a tlân chhuah hnu ah ka hmaa Assam-type In ding chu ka thlir vang vanga thaw ka la leh deuh ham ham bawk



A engtia zâm leh ta em em nge maw ka nih le?



In chu ka pan hnai a, kawngkhar ka kik dat dat. "Awm in awm em?" Kawngkhar lah chu a inkhar phui si lova!



"Aw awm e, inhnuai ah ka awm," Auh leh ka tum rualin tu emaw in a rawn ti lang lang


"Ka zo ṭep, min lo nghak lawk mai rawh aw," Hnathawh lai a nei tih hriat takin a rawn ti leh



A awmna veng hming tak hi Bethlehem anti in ka hria, ka hresual maithei bawk, U Sammy-a te In aṭang chuan hla vang vang tak a ni


"Engthil nge nita?" Ka hawi vat


A Fanu khan a chhun a ni ngei ang, thlalakah chiah la hmu mah ila, a fanu nen an in ang mah mah


"Tunge i nih aw?" A kut huh a kawrah a tat fai deuh nawk nawk




"Eva ka nia," Ka ti sep


"Puih theihna che ka nei em?"


"Te....." Ka ti zet, ka chip leh a, a hming lam pawh ka tîm ta duk chu ka hrethiam lo, keimah leh keimah inrin tawkna ka hloh satliah a ni tawh lo, inrintawkna ka nei tawh lo hrim hrim zawk ni in alang. Ka duh lo takzet bawk




"Nula, mi rawn zawn i nei em ni?" Ka chhan mai loh avangin a rawn ti leh a



"Aahhh.. Eng lo.. Te..." Ka ti bah nak


Min en kiau tu Pitar en chhuk a thaw hakin, "i fanu ṭhiannu ka nia," Ka ti zawi ta sap a


A mita mak tihna lang chhuak zut zut chu hmuh hmiah chi a ni lo



"Ka fanu Tetei maw?"



Ka bu nghat, a mita lunglenna ni awm tâk rawn lang chhuak zawk chu ka hmu hman, "a ṭhiante chu ka hre deuh vek si a, khawilam mi nge inih ve le?"



Sawi mai tur ka hre tawh lo, "intern a tihna Global Hospital neitu fanu ka nia," Ka ti ban ta chap chap a



"Awi ka rei! Dr. Thana fanu maw inih a? Insawi vat tur alawm, lo lut rawh khai!" Ti nghal hluaiin inchhung lamah chuan min pawt lut a


Ka Pa a hriat hmel lutuk chuan minti ham haih lek lek


"Ka Pa i hria amaw?" Ka zawt lo thei lo


"Hre tehreng e, MamBawihi(tetei) ruang pawh a rawn zui alawm. I Pa lakah lawmthu sawisen loh ka ba sin," Ka Pa a ngaihsan hmel lutuk chuan ka thawk lak a ti harsa. Eng lemchan nge maw a hmuh tir hrep ni?


Inchhung chu ka en kual hrek hrek, a faiin engkim mai chu uluk taka enkawl tih hriat takin, a hnûm tliang hlarh hlawm. Chhuat pawh carpet phah a ni hauh lo, tunlai chhanah thingphel hlang vek hman chu mak ka ti zawk hial. A faiin a hnûm em em mai bawk si



Banga thlalak intar chu ka en zui dan dan a, Tetei Nu erawhin ka Pa hâ hîp in ala fak thung. Ka ngaithla ngam lo a ni mahna, rilru ah ka khungsak theih loh ni!





An nufa thlalak hnuai chiaha thlalak in hung chuan ka mit ala chat


Ka panhnai a, ka chhungril hi ka sawi thiam si lohin a hit mer mer mai



"Bryan a nih kha. Tetei ṭhianpa," Ka bulah rawn dingin tui no chu minpe a


Harsa ti zetin ka lo ṭhensak, a fanu a ngaihtuah tih hriat takin ka kut a thlalak chu a rawn ban a, "la damse chuan an innei ve tawh ngei ang," Ti deuh vawng vawngin min rawn melh ralh


A mit fiah tawh lo tih hiat tak leh tar tawh taka a fanu a ngaihzia chu en har ka ti


"Eng nge i hriselna a an?" Ka meng kawk, ka thaw ka hip let kawk bawk. Ka tui in lai ka phuh chhuak lo chauh a ni


Ka khuh zui nghal kharh kharh, "i..i.. Hria amaw?" Khuh kharh kharh chuan ka ti bah nak


Thlalak dah let pahin sofa lam chu a pan a, "i Pa in min hrilh alawm. MamBawihi khan a Lung emaw a taksa pêng a donate ang tih ka ring pha lo hrim hrim a, a tir kha chuan min ṭhawng ve deuh; Mahse, ka fanu khan a tisual lo a ni tih i hmel ka hmuh hian ka hria a ni," Min en vang vang, ka lungphu zawn chu a en thla a



Ka kawchhung a rawn khur nghal dar dar, a fanu Lung hi diklo taka ka neihsak a ni si a



Inchhung ah chuan boruak hip tur ka kham khawp a awm ta lo emaw tih mai turin ka thawklak a harsa.


"I ṭha em. I awm ka ti nuam lo em ni?" Min ngaihtuah hmel taka a rawn tih chuan ka Lu ka thing a. "Ka ṭha," Ka ti chhuak sap


A bula ṭhu thla in, "i ngaithla duh em?" Min en haw



"TV ah ka lo hmu ṭhin a, a takah ka tawn ka ring pha ngai lo," A mittui a pa rawl nghal kuang


A lamah ka tawlh hnai hret, a kut tar tawh tak mai, vun chuar leh hnathawk nasa tih hriat taka thap hrup mai chu ka la kâng a



Dimtêa ka lungphu zawna nghatin, "i fanu lungphu a nih kha," Ka ti chhuak sep


A mittui a luang ngiai ngiai, "ka fanu ngei a ni," A ti chhuak sap a



A kut khur dar dar leh, vawt thler ah chuan, keimah ang chiahin a zâm ve a ni tih ka hre thei



A kut la letin a beng a rawn dawh hnai a, ka lungphu zawna mittui luang ngiai ngiaia ngaihthla in, "ka fanu ngei a ni, a lungphu ngei kha," A ti leh ṭuak. Ka mittui a tlak ve mai loh nan ka khap fak fak



"Enkawl ṭha angche. Enkawl ṭha hle rawh," A aw pawh a khur dar dar, inla hrangin a mittui a hru hul a, ka lo bu nghat nghat



A fanu thlalak ho te chu min hmuh tir a, a fanu chanchin a sawilaia Bryan-a hming a lam bâng lo chuan eng ang tak inzawmna nge an neih tih kei mimawl tan pawh hian hai chi a ni mawlh lo



Album a rawn phawrh zingah, "our journey" tih inziak chuan ka mit ala hmasaber



Ka rinloh lam daihin Dairy a ni, "heihi...." Ka lek chhuak

"Awi! kha kha a nih kha hman nî ah ka zawn vak vak ni," A tih laiin a phone a rawn ri a, "kan chhang ang e; lo en rawh," A ti zui zat



A pensawn rualin dairy chu ka keu a, a tir phat aṭangin Bryan-a hmingin a inṭan nghal. Ka thaw halh


An awmdan leh an thiltih tamtak ka chhiar china ka hriat reng erawh, "ka hmangaih che a ti ngai hauh lo. Vawikhat pawh ala ti lo; Mahse, min hmangaih zia a chetzia ah a tilang fo thung a," A tih chuan Bryan ka mitthla ah min hmuh tir. Ni e, Tetei kha a hmangaih hle a nih kha. Kei ngei pawhin ka hrethiam tawh a ni!

.
.
.
.

Ni a ral a, thla a vei ve mai dâwn. Engtin tin emaw hun hman chuan thla 1 chu rei lo tak a ni


"Eva, karleh rinni khi Tetei piancham a ni a, thlan tlawh ka tuma min zui ve ta che. Ila kal lo a ni lo'm ni?" Ka thiltih lai ka tawp dat



Mai an zik ka hih lai chu chhunzawm lehin, "ka tum dawn nia," Ka ti zawi sap. Diktak chuan khang hun zawng zawng pawh khan kal ka rilruk ve alawm;Mahse, hmachhawn turin ka inpeih ngang si lova. Eng nge ka sawi ang? A thlarau ka zah êm a ni!

.
.
.
Taxi la in Hotel lam ka pan, Tetei thlan tlawh a tih kha ka rilru ah a awm ngut ngut. A thlan ka thleng a nih chuan engthu nge ka sawi ang. A thlanlung ringawt pawh ka hmachhawn ngam dâwn em ni?



"Evalyn..." Aw thum leh bûl zet mai ka hriat rualin pawh din dawt ang mai ka ni, ka hawi chhuak nghal vat



Ka hma zawna kekawr ipte zen ap maia ding Bryan-a ka hmuh rualin ka nghing dawt, ka chil ka lem khalh bawk


"Hmuh thiang lo ka ni em ni?" Ti nghutin, Min rawn pan hnai a, ka lo tawlh hnung hret



"Engtin....." Ka ti sap, a lo rum nghut a



"Sir...." Rawn ti tu chuan ka luggage a rawn nawr chhuak



"Bryan eng nge itih hi?" Mangang ru zet chuan ka en chho


Lungawilo tih hriat taka min en run runin, "ka bialnu Hotel ah ka kalsan i ring em ni?" Tih leh, "Bill iti fel tawh em?" A sira ding chu a en zawk



Mitmeng thîp râm in min rawn en leh, "Evalyn minti lawmlo takzet," A aw chu a ring hauh lo, a lawm loh zia erawh chiang takin a aw mar ṭha zetah chuan a hriat



"Min rawn zui rawh," Ti leh hlukin hnehsawh lutukin ka darah a rawn chelha, min kuai herin min pensawn pui nghal pawk pawk



Ka hmu thut mah tih nak alaiin khawi hmun ah nge min hruai a tum ni?



"Lut rawh," Tih leh a nawrin min nawr lut ti tih a

Min si cheta rawn ṭhu lutin, a taksa ah bet thlap khawpin min pawt hnai nghal hrawk, ka lo thaw chhuak hak


"Khawnge min hruai i tum?" Ka awmdan lai lutuk chuan ka aw thlengin a ti khur



Ka chhungril khawi emaw lai hian Tetei hming alo lam tel ve sek bawk a


"Hremhmun ah Evalyn," Ka bek ah a hmui lum thar thara chuktuah paha a tih chuan ka thaw dep dep


Ka beng a seh zui zauh a, "hremhmun ai pawhin hreawm iti maithei a sin," Ti sa sa in, a nui ri zui suk. Boruak hîp tumin thaw ka la zui kawk kawk




Engthil nge ka tih ang? Thudik hrilhin "kei hian a hmeichhe hmangaih ṭhin Lung ka dawnga, chumi hmang chuan ka nung a ni" ti ila eng angin nge min en tak ang. Tuna a kuta duat taka min dawm ang hian minla dawm angem?



Ka kawchhung pik lutuk chuan thawk lak a ti harsa takzet!



Kan hma zawna inchhawng lian tak mai, Architect thiam tak maiin uluk taka an duan leh sum tamtak seng a an sak tih hriat tak, êng üt mai lam pan chuan car chu a tlan lut a



"Zanin aṭangin khawimah i kal tawh lo ang. He hmun hi i thawk tawp thlenga i awmna tur a ni," Nghet charh maia a tih chuan ka en hau ringawt



"Thla 1 hnu ah kan inhmu leh a, wine dawm dun i duh lo em ni?" Car aṭanga min kai chhuak paha a tih chuan ka ngawi ran


Inchhung te lah chu a ropui narawh. Engkim mai chu a ṭha chi leh manto chi vek a ni. Interior designer thiam tak kut chhuak alang zut bawk



"I chhungte an awm lo em ni?" Ka kut a chelh ran



"An In ah an awm angchu," Ti awlsam et in ka inrin hma in min pawm kâng nawlh a, ka rak ṭhat



"Min dah thla rawh Bryan," Ka tal zui laih laih a



"Teuh lo lutuk. Thlakhat chhung khan zankhat pawh ka mu lo," Ti bul hluk chuak kailawn ah min pen chhoh pui pawk pawk a. Ka nui chhuak ta hak hak


"Min theihnghilh ka ring tawh a," Tlak hlau tak chuan a nghawng ah ka kut ka suih zawm a


"Engtikah mah ka theihnghilh dâwn lo che Evalyn," Room kawngkhar hma ah chuan a ding dat. A mitmu thuk tak maiah chuan eng nge a ngaihtuah ka hrethiam lo


Room kawngkhar chu tlawh hawngin khumah min theh thla dat a. Ka ting zui awk


Rang zeta min rawn bawhbet nghalin, "ka hrem dâwn che ka tih kha," Ti sup chuan na zetin min fawp nghal nawk nawk


Rei lo te chhung. Ni lo, karkhat chhung chu tumah kan tlawh lo a, min rawn tlawhpawh lah an awm hek lo. Kawngkhar hi kan ke hian a pel lo hrim hrim zawk



Hmangna kan chen dun a, nupa ang maiin karkhat chhung chu kan khawsa. Ni e, reilote chhung chu kei hian a hmeichhe hmangaih ka that a ni tih ka theihnghilh palh a ni
.
.
.

"Evalyn hmeichhe hmangaih ka nei ṭhin tih ka sawi tawh em?" Ka ṭhu ngil nghal at. Balcony ah thla êng hnuai ah wine kan dawm dun a, a zawhna min rawn zawh teh thut chuan min ti ham haih



"Naktuk hian kan tlawh dâwn em niang?" Wine chu a tem hlek



Kei erawhin nghet lutukin ka No dawm lai ka chelh a, a tliak mai ang tih a hlauhawm mah mah zawk



"Hahdam rawh. Hmeichhe fel tak a ni. Ani ang êm in ka ṭha lo mai pawh a," A tihlai a a hmel chu natna in a khat. A mita thinrimna lang zawk chu ka hmu sual a ni ngei ang



Ka thawk a sak ṭalh a, ka kawchhung a rawn khur nghal der der. Tu emaw hmun ruak ka luah a ni tih ka lo theihnghilh hmin hmiah a ni!


"Thu min hrilh duh i nei em?"


"Huhhhh!" Ka phu zawk. A ner suk


"Tihpalh," Ti sepin

Ka hma lam hla tak chu ka en vang vang a


Wine chu ka tem hlek, "Bryan...." Ka melh zawk. Hma lam bawk ka en leh, mi la en reng a ni tih ka hre thei



"Ka tum leh duh vang ni maih lovin thil tisual ila, engtin nge i tih ang?" Thinphu leh thaw dep depin ka zawt



A ding thut a, "zanin chu hnathawh tur ka nei a, nangmahin mu angche," Ti hlukin, a pensawn nghal a. Mit ka chhing sawk, engti kawng mahin min ngaidam dâwn lo a ni tih ka hrethiam nghal bawk



Mutna ah chuan ka inlet sek a, zinglam dar 2 a pel tawh, Bryan rawn mut a tum lo tak tak a ni ngei ang.



Ka ṭhu chhuak hlawl. Ni e, engkim hrilh ila, min hua a ni emaw engpawh ka chungah tih a duh emaw a nih chuan ka chan tur a ni a, engvangin nge ka tawrh mai loh ang ni. Zanin ah ka hrilh lo a nih chuan engtin nge Tetei ka hmachhawn ngam ang!


Ka sira Cardigan kawrlum phiar chu la in ka ha a, kawngkhar lam ka pan zui vat


A office kawngkhar bulah chuan ka ding deuh vang vang, thaw la in ka thaw chhuak leh ham ham a, "Eva i thei." Ka phun sap



Kawngkhar chu dimtê in ka hawng a, dawhkan chungah light dîm tak bak êng dang a awm lo. Thlalak a en tih hriat takin a kutah chuan thlalak frame a dawm a. Whisky a lem khalh khalh bawk



"Lungngai suh naktukah nang leh kan fa thattu ngei chu ka rawn hruai dâwn alawm," Sehchilh rap rapa a tih chuan rang lutukin kawngkhar ka vawmna chu ka thlah nghal dawrh, ka tawlh hnung dat bawk



Ka lung a rawn phu dawt dawt. Tunah khan eng nge thu nge a sawi?


A sawi awmzia chu kei hi tunge ka nih a hria a ni?


Ka lu ka thing nawk nawk, "a ni lo ang, a ni lo ang. Hria nise engtin nge a inchhung ah min lakluh ang ni. Hmangaihna min chenpui a, duat takin min fawp a, min kuah theih ang ni," Keimah leh keimah chu ka inbe mawlh mawlh


"Evalyn....." Ka phu nasa lutuk chu ka thlarau a thlawk chhuak lo chauh



Ka inrin hma in ka bânrek ah a rawn chelh a, min pawt lut sawk. A thehin min thehlut a ni hrim. A office chhung chu a eng zui pup a, bang chu lem ziakin a khat!


Lem ziak a satliah a ni hauh lo, Tetei lem vek a ni. Mangang lutuk chuan ka sira ding ngur leh thaw ri hraih hraih chu ka melh chho a


"Sawi duh i nei tawh em Evalyn?"



Ka khur ru nghal der der. A mitmu thim ruih mai leh a hmel ṭo haw tur ang maia dur khup mai, thim ṭha zet mai chu a rapawm takzet!


"Bry... Bryan...." Ka ti bah nak


Thaw hrawihin ka dar tawn tawna rawn hmer a, a na lutuk chu a hit nghal mer mer




"Sawi rawh. Engtin nge he i Lung hi i neih tih? Nge ni a, ka sawi zawk dawn?" Sehchilh rap rapa tih leh min thing nawk nawk a, ka thlarau thinchhuah a tumta emaw tih mai turin min thing nasa



Min thlah thutin a tukkhum sam a tuai puat, ka kat zui khut khut bawk


Cigarette phawrhin a ṭana, sofa ah ṭhu thla in, "theihnghilh rawh. Hun kan la ngah alawm, ka sawi tawh kha, ka phalna lo chuan he In hi i chhuahsan dâwn lo tih," A mit ah chuan min huatna leh min thah ve mai duhna bak hmuh tur a awm lo



Ka mittui farkhat pawh a tla lo a, ka kawchhung hi a vawt khawng vek a, ka rilru leh ngaihtuahna lah a mang vek bawk



Ka hmaa mipa lian tak mai ṭhu chunga zial zu a, min en chhur chhur tu leh ka kâ ka âng hlek a nih chuan min pawhsawm hreh lo tu chu ka en ngawt ngawt ringawt a



Ka chhungril khawi emaw lai hian insawifiah turin min hrilh a; Mahse, ka hmaa ṭhu hian ka kâ aṭanga thumal chhah chhuah pakhat pawh rinna a nei dâwn lo tih, ka beng awmna ka chian tluka ka chian avangin sawifiah tumna ka nei lo



Chutiang bawkin, Tetei thihna kha tihpalh a ni lova. Chhia leh ṭha hriatna fim tak hmanga thah a nih miau avangin sawifiah tur a awm tlat lo. Duhthlanna hi sawifiah chi a ni lo a tin ni


Zankhuain chhinkhat pawh ka chhing lo, ka tawt up up a, ka chhungril hi ana ngut ngut bawk. ka thaw leh kawk kawk ṭhin. Chutiang taka nâ chuan ka la awm ngai miah lo tih ka hre bawk


.
.
Room ka chhuahsan hma in car tlân chhuak ri ka hria a, Bryan a nih ka ring ngawt bawk


Room aṭanga ka chhuah ve meuh chuan tlail dar 3 a ri thuak tawh, inchhung zau tak mai chu a rehruih a. Khang karkhat chhung khan he In hi ti tak hian a reh a ni tih ka hre hauh lo!


"I hman tawh em Evalyn?" Kawngkhar lam chu ka en haw. Choka ah lutin tui ka in a, engtik laiin nge a rawn luh ni?


"Engtin turin maw?" Bryan-a secretary niin ka hria, Marco a tih ṭhin chuan min en run


"Car ah ka lo nghak angche," Tih leh ka zawhna chhang lovin a chhuak nghal vut



Mit phak chuap chuan kawngkhar lam chu ka en haw ringawt a. Nizanah Bryan-an min hruaina tur a sawi kha ka hre chhuak zawk


Ka thaw zui nghal kawk, ka in en a, ka kawr pawt mar thuak thuakin inchhung lama chho in ka handbag la in ka chhuak lehnghal


Ka duh emaw duh lo emaw engtik ni ah emaw ka hma chhawm ala ngai dawn a ni tih ka hriat avangin tlanchhiatsan ka tum hauh lo



Car ah ka luh rualin ngawi rengin a tlân chhuak a


Bryan-a In aṭang chuan thlanmual chu a hla hret, veng dang thlanmual a nih vang te pawh a niang. Darkar 1 ṭep kan tlân alawm



Car aṭanga ka chhuah rualin Marco hawi na lam chu ka en a. Business suit dum ha in min hnung chhawn zawnga ding chu ka en deuh vang vang. Muangchangin ka pan hnai a


"Heta mu tur zawk hi ini a sin Evalyn," A rawn ti thum bul


A aw chu natna in a khat, ka lungphu zawn a rawn thîp zui nghal veng veng


Thlan lung mawi taka inker chu ka en a, ngaihdam dil mawlh mawlh tur ka nih laiin thumal pakhat pawh ka chhak chhuak thei lo. Ka lei chu thlunbeh ang hmiah a ni a, ka ding khawng at bawk



Muangchangin ka lam a rawn hawi a, a mit chu a sen râm mai


A ipte atangin eng emaw rawn phawrhin, ka kut la kângin ka kut ṭang ah chuan a rawlh lut nawk nawk. Phawk lutukin ka en


"Tetei tána ka lei a nih kha," A ner sawk. A mitah chuan "tualthattu" min tihna bak hmuh tur a awm lo


"Engvanga min bun tir nge inih?" Ka ti chhuak thei ṭawk


"Ka sawi tawh khan, hremhmun ka tem tir ve dâwn che tih," Tih leh min rawn pan hnai a, "in kut hmanga a nung chunga in thah, ka fa leh ka hmeichhe hmangaih ten an tawrh leh ka tawrh angchiah kha, i chungah , ka nupui angin ka tem tir dâwn che a ni," A thumal chhuak tin mai chuan min vit sawk sawk


Thawk pawh ka thaw chhuak ngam tawh lo, mit ka khap fak fak a



Natna a khatin Bryan chu ka en chho, na tur ka ni miah lo. Heihi chu ka tawn tur leh ka rin lawk, ka tawrh tur reng a ni lo'm ni?
ka mit a rawn thîp in a rawn hnam ṭiam ṭiam, duh lo zetin ka khap let sak sak a


Thlanlung lam chu ka melh zauh, za lo zetin ka nui chhuak hak. Ka mangang ṭahnuih a ni mah zawk



Bryan chu mit phak chuap leh hrawkna ut ut chuan ka en chho a


"Eng nge i duh Bryan? Ka hriat miah lohva ka thil tihsual siamṭha tur hian eng nge ka tih ngai?" Ṭah ka insum na ah ka bek leh mitmu thlengin a na kham ut ut tawh



"Minpe thei dâwn em ni?" A aw zet chu'h! Min ten hmel takzet bawk


"I Lung hi phawrh rawh Evalyn." Chang rat maia a tih chuan na taka ben sawk ang mai ka ni. Chu chu maw alo duh a? Mangang lutuk chuan ka en a



Ka chil ka lem khalh, "Min hmangaih ve ngai reng reng em?" Mittui tling pamin ka en kiau , ka zawt lo thei lo. Duat takin khang hun reilote chhung khan min kuah ṭhin tlat a.


Ka thaw ṭha ngam tawh lo, ka mit lah ka khap ngam tawh hek lo, ka mittui a tla a nih chuan ka dan hneh loh ka hläu êm a tin ni


Mahse, ka dang zo ta chuang lo. Ka biang rawn lum thla pup chu rang lutukin ka hru nghal tâwk. Ka hlauh ang ngei ngeiin, ka dang zo lo a sin le!


Keimah, Evalyn-i ang lo takin, ṭap chhuak hauh si lovin, ka mittui chu dan rual lohin a rawn luang zung zung a



Rapawm zetin a nui ri huk a, "hmangaih?" A ner sawk


Ni e, ka sawi sual a ni, hmangaihna a ni lo. Ka lungphu zawn a rawn kawk dat, "heihian min hmangaih alawm Evalyn. A chhan chu, inthah tak kha min hmangaihtu a nih vang a ni. Nangpawhin min hmangaih lo," Zawi leh hriam tak maia a tih chuan a kut ṭang ringawt chuan ka lungphu chu a vit emaw tih mai turin a na thîp vawng vawng mai



Ka ṭah nuih hak hak a, ka thle hâ bawk. Ka mangan lutuk vang te pawh a ni mahna!


"Min duhna chhete tal inei ve hman em?" Ka ti leh sep. Min en ngur a, thaw hrawih hrawihin a kut ala let sawk bawk


Ka hmaa mipa hmelṭha tak, mitmu uk fiah kharh mai; Mahse, mei alh chuak lo chauh, hmel chang rûm rût leh thim khup mai chu mittui luang chung leh phe ruai a en in, "chhete pawhin min duh ngai miah lo a ni tiraw? I hmeichhe hmangaih ṭhin keimah ah i hmuh vang leh a mizia ang ka put vang chauha i kianga min awmtir ini. Ni lo, ka lungphu mek hi i hmeichhe hmangaih ta a ni tih i chhungrilin a lo hriat vang zawk chauh a ni tiraw?" Mittui luang zawih zawih chuan ka ti chhuak a, a tawp lam phei chu a ri chang chang



Ka lungphu zawn hi chem hriam leh zum taka vih hnu a, na tak maia ka taksa chhunga herh tâwk tâwk ang mai in, a nâ vin tuk a, thawk ka harsat a, ka hrawk leh hnungzangag boruak hnawhna avangin, ka thaw a chham lek lek bawk.


ka âwm chu ka ṭhâm ngut ngut, "thei ni ila, i sawi ngai lo miah lovin he a lungphu, a thinlung hi ka pe let ngei angche Bryan...." Natna a khat a ti chhuak sep sep in, "phawrh leh thei ila ka ti," Harsa ti lutuk chuan ka tih zawm ṭuak




A nui hul hak, "kan la hre dâwn alawm Evalyn," Tih leh vawikhat pawh thlanlung lam pawh en let lovin min kal pel vuk a, mit ka chhing sawk


Ka taksa hi a hlat zel a ni tih chiang takin ka hre thei


Thlan chungah chuan ka ṭhu thla hnak, thlanlung mawi tak mai chu mittui luang ngiai ngiai a en in, ka kuta a rawlh zungbun chu en lehin ka nui chhuak hak



"I hmu tiraw? I vannei takzet a ni Tete. Mipa i tana engkim huam i nei a, Nu hmangaih em em tu che inei bawk a, " Ka mittui a tla zawih zawih



Ka khur nasa lutuk chu ka thaw chhuak thlengin a khur dar dar


"Ni e, he zungbun hi i ta tur zawk a ni. Ka tihpalh, ka tihpalh tak tak, i kutah ni lo, ka kuta a awm angaih vangin. Ka tihpalh.." Ti mawlh mawlh chuan ka hmai hup betin ka ṭap khur dar dar.


"Engthil nge ka tih tak ang? Nu, Leah minpui hrâm teh u," Ka ti chhuak vawng vawng. Keimah pawh hi ka in hrethiam tawh lo. Ka chhunga Bryan hmangaihtu hi keimah nge ka nih a, he Lungphu neitu zawk hi ni ta? Tih pawh hi ka hrethiam tawh lo a ni




<><><>~>

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)