My Treasure S3 : The Unfinished Story by Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: My Treasure S3 : The Unfinished Story by Floria Laldansangi (Completed)

Unread post by Ngaia » August 29th, 2021, 2:19 pm

MR. CAPTAIN S2
<Hello! Stranger>
{My Treasure S3}

[The Unfinished Story]
By
Floria Laldansangi


< 13 >

EVALYN....POV


Thaw ham ham leh thinphu dup dup chuan kan inthlah a, a chal chu ka chala sik tirin, "na dang i nei lo tiraw?" Min ngaihtuahna a khat hian a rawn ti chhuak ham ham bawk.


Nui sen sen in, "tui ka duh," ka tih ruala inla hrang vat chuan, ka sira tui inchhawp chu a ban zui a. A che vel phur ta lutuk chu a hmuhnawm ka ti, nichin maia a hmel thim rup mai kha Lalrinsanga a ni ta lo emaw tih mai turin a eng sar mai nia!


"Hem...! Kan tibuai che u em?" Ka hawi chhuak, Hriata leh Mawimawii rawn lut chu lo nuihin, "i ṭhat tawh hmel viau hi a," a nui vur vur, keimah mintih chhan pawh niin a lang lo.


"Eng nge i an tawh a U Eva?" Mawimawii ka sirah a rawn ding, "ka ṭha tawh lutuk, tlai lamah chuan ka chhuak thei tawh ang," ka tih rualin Bryan-a a lo rum nghut, "teuh lo lutuk," a ti zui hluk bawk a.


A lam hawiin, "natna ka nei hleinem," ka ti chu min en run run chung hian, "i taksa a chak lo," a ti bul leh hluk a, hnial a duh loh zia a hmelah a lang leh run tawh bawk, nichin maiah kha chuan thu a awih hmel duam duam tehlul nen a!


"Kan tibuai che u in ka hria," Hriata'n rawn ti in an nui zui kur kur a.



"Buai lo, eng nge i mitko kha a an?" Ka tih rualin a mitko chu a khawih zeuh a, "a dam tawh lutuk," a nui lehnghal vur vur.


Bryan-a ka melh zawk, a hmela inthiam lohna chu ka hmu hman, rei erawh a ni hauh law!


"In pahnih hian biak ka duh che u a," Hriata chuan ṭhutna ka bula pawt hnaia ṭhu thla in a ti zui a. Kan lo en kar.



"Fiona chungchang a nia," min rawn melh zawk, Bryan-a a melh leh a.



Ka hriat danin detention center-ah andah niin ka hria a, eng nge case kal zel pawh ka hre ta lo, Bryan lah hian ka inrawlh a phal lo bur mai sia, zawh pawh ka tum buai lo, a fapa chungchang a ni a, a tih tur a ti ah ka ngai. A ti hreha nih chuan keimah ngeiin ka chingfel ang tih ka sawi tawh kha!


"Case kal lai a nih kha," Bryan-an a rawn ti bul nghut.

"Min ngaihtuah ṭhatsak leh ula ka duh khawp mai, nula kum 23 lek a upa a nia, a thil tih kha pawi kan ti khawp mai; Mahse, a chungah zahngai hram mai teh u, upa zawk nihna ah. A nu phei chu a rilru hah lutukin nimin lam aṭangin engmah a ei thei lova, vawiin lam khan drip te kan in khai a," min ngên ngawih ngawih niin alang.



"Eva..." Min rawn en, engtia awm tur nge ka hre lo, Fiona chungah lawm lovin, thinrim viau mah ila, kawng leh lamah chuan Damian-a thiam loh a ni ve tho bawk si.

Zui lo sela, a pa hmuh kha tum buai rih lo sela heng buaina hi a awm lo tur a nia. Thil a nih tur ang a ni zo vek tawh si a, engtia tih tur nge tih pawh keimah tak pawh hian ka hrethiam ta lo.


Hmeichhia hi chu hmeichhia kan nihna hi alang awlsam leh ṭhin, kan rilru te hi kan thlak zung zung a, ka khawngaih lehnghal der tawh!


Bryan-a lam chu ka hawi a, min en ngur chung hian, ka rilru hria ni awm takin, "i inchhirna tur engmah ti hauh suh," a lo ti hluk, ka nuih tlawn ver ver chu rum nghutin, "ka lawyer ka lo be dawn nia. Mahse, vawikhat mah ka nupui leh ka fapa a tibuai tawh tur a ni lo," thupek leh thu tawp a ni tih hriat taka nghet churh maia a tih chuan chhuang zetin a kut khuma a dah chu ka dawma ka hmer salh bawk.


Mahse, keiai mahin a lawm loh hmel ta daih zawk, chu erawh ka läwmna a ni letling leh ang lawi si a!



"Ate..." Kawngkhar lam chu ka en a.


Rachel-i leh U Mampuii an rawn inzui lut, an hnungah Bryan(Hlimpuia) leh Nu Maya-i, Bryson-a an rawn tel ve bawk.



"Engtik nge Mizoram inrawn thlen a?" Rachel-i chu khumah a rawn ṭhu kai zat.



"Nimin piahah, kan chau lutuk a kan rawn kal vat thei lo. Bakah, Au Ivan-an 'surprise ang u' a ti tlat a," lungawi lo tih hriat tak hian a ti zui hlak.



Ka lo nui hak, ka kut lehlama ka chelh Bryan-a kut chu melh zawkin, chiang zeta thlek vang vangin, "Damian-a Pa i ni chiang mai, invan in ang em em," uar zeta a tih chuan kan lo nui huk hlawm.



Bryan-a pawh khi ve sung chungin, "ka nia lawm," a ti sup.


"Bawiha, i Pa Chhuana U te in lamah chuan zu lang ve tawh la. Hetah Eva chu i nau te leh a U te an awm tho a," Nu Maya-in rawn tiin, "ka U pasal U a boral a nimin chhun khan," a tih zawm zat.


"A zia lo hle mai, kal ve theih...." Ka tih lai mekin, "ka kal chuan a tawk," Lalrinsanga'n a lo ti zawm hluk, min chhuah tir mai a tum lo tak tak emaw ni le? Damdawiin hi ka ngaina dêr lo a nia!



A ṭhutna aṭanga dingin, midang awm ve ṭhup leh, ka sira ka kut chelh ve rantu Rachel-i ngei pawh, lungtum hmuhin a hmu emaw tih mai tura ngai pawimawh lo zet hian, ka khabe chu dimtêa chawi kângin ka hmui chu a kutzungpui a tuai zauhin, "thu lo awih la, chhuah tum hauh suh ang che," thupe tak leh hnial duh lo tih hriat taka ti zawi supin min fawp zui vawng vawng a.


Min fawh dan vawng vawng chu min kalsan a hreh hmel takzet, thaw halha inla hrangin, "min zui dawn maw Nu?" In herin a ti zui sup, midang an awm ve ṭhup avangin kei erawh lai zet leh zahna avanga hmai sa hat hatin za vak lo chuan ka ṭhen sûng, ani lah chuan eng vakah a ngai dêr lo lehnghal a.


Amah chauh pawh ni lo, a nu leh unau te, midang pawh chuan engteh ualah an ngai lo a ni ang, mak ti hmel pawh an pu hlawm lo, Rachel-i erawhin ka kut rawn sik zeuhin, "Ate i hmai a tai vek a nia," a rawn ti sa sa, ka kut a vawn lohna lam chuan ka lo beng taih, a nui tak ang uar uar a .



"Kan kal a nia Nephthy. U Mampuii pangai takin kan la in kawm dâwn nia," U Mampuii te ṭhutna lam hawiin a tih zawm sup, U Mampuii pawh a lo bu nghat.



"Awi! Inla kal hman lo maw? Heihi em ni Evalyn-i chu, Lalrinsanga atchilh em em chu khawi maw lo chibai ila. A nu Jamie-i ka nia, heihi kan Pa Op-a," ti deuh zung zung chuan min rawn chibai, ka lo insawi ve vat. U Mampuii te ho pawh chibai kual chuan...



"Thlalak aiin i hmelṭha tak tak a nih hi. Chaw te kan la ei khawm dâwn nia, a nu Eunice-i pawhin a takah a hmu chak khawp ang che," ti leh nghalin, "Malsawm kan kal dâwn em ni? Nimin kan lang miah lova," a tih zawmzat.


Nu Maya-i te ang rual vel a ni, a tho thang erawh ṭha vet vet tak tih a aw zang vah leh ri deuh zung zungah chuan a hriat theih.


"Nu Maya, Damian-a hi In ah em ni a awm?" An inher tawh, ka lam rawn hawi lehin, "tun aṭang chuan 'Nu Maya' tih kha ka pawm tawh dawn lo a nia," a nui zui sen sen, lai zet chhan ka lo ner ve sung a.



Lalrinsanga erawh ipte zen chunga nuihza insum tih hriat hmel fe a mitko min san khum zauhin, "i hria maw?" Ti sup chuan a in her nghal vut. Ka lukham nen hian vawm zui ṭawk a nia ka duh ni!


"Alice-i hruai turin a kal kha, an rawn thleng ṭep ang," Nu Maya-in a tih zawm zat, ka bu nghat.


An chhuah fel rualin, "Eva, keini pawh kan chhuak mai dâwn a sin, ka Nî te pawh chanchin kan hrilh ve leh an ngai a. I kutah kan innghat deuh tawp a nia," Hriata'n rawn ti ve in, "U Mampuii nidangah a hranpa in kan rawn la lêng ang, Dude zaninah kan inhmu dawn nia," Bryan(Hlimpuia) en in a tih zawm zat bawk a.


"Rachel Mizoram ah bialpa i nei ngawt ang e aw. I lung aleng mai mai dâwn a nia," Rachel-i sama khawih zauh pah chuan a fiam a, "kan kal ang e, naktuk lamah ila chhuah loh. Ni lo, i chhuah ala phal tâk loh leh kan rawn kal leh ang," Lalrinsanga tih chhan taka nui huk huk chunga tiin kawngkhar lam an pan zui a, ka nui ve sawng tho.



"U Hriata bialnu kha hmelchhia ka ti e keichu, a ex kha ṭha ka ti daih zawk. Tiraw Ate?" Min rawn en. Ka lo nui ringawt, Melo-i kha chu chhelo ve vet vet alawm diktak chuan!



"Bawiha, i nau nen hian coffee lo zu lei rawh u," U Mampuii'n Hlimpuia chu a melh chho, "Ate engmah ila ei si lova, sandwich i duh tel em?" A rawn ti sup. Ka lo bu nghat, a sawi takah chuan ka ril a ṭam viau tih ka hre chhuak.



"Nu pizza lei zawk ila."


Rachel-i bâna rawn chelhin, "dinner ei a hun dawn," tih leh a nau chu a kai chhuak dat dat.



U Mampuii ka bula rawn insawn in, "Maya-i nen khan kan inbia a," a rawn ti sep. Ka lo en kar.



"Nu ṭha tak niin ka hria, nizan i awmdan ka hmuh khan ka insum zo lo mai pawh a, Bryan-a pawh a puitling viau in ka hre bawk," a tih zawm leh sep sep.


"Mah se Eva, bul ṭanpui leh turin i in ring takzet maw?" Min ngaihtuah hme fe hian a rawn ti a.


Thaw la halhin ka nuih seih bawk, "U Mampui, diktak chuan ka chau tawh a ni. Ka chauh avangin ka hmangaihna ata ka tlânbo san thei chuang si lova. Bakah, Bryan-a pawh a tuartu ve tho a ni a, engkim kalsan a, hmalam ka pan a ngaiin ka hria. A pawimawh ber chu ka hlimna leh ka hmangaih mipa, ka fapa Pa a ni miau si a," ka ti chhuak sep sep.


Hriat thiam hmel taka bu nghauh nghauhin, "a ṭha alawm, nangmah kha i pawimawh ber, hmangtu leh kan hmangaih neih tluk a awm lo. Damian-a pa a lo ni leh zel nen," a ti leh sep a.


Min en vang vangin, "hmangaihtu hi an hlu ber Eva," ril tak mai hian a rawn ti chhuak vawng vawng, eng nge a rilru ah awm ka hre mai lo na in, a mita mittui tle ral erawh ka hmu thei. Natna leh inchhirna vang erawh a ni hauh lo thung!


"Mom, i dam lo em ni?" Kawngkhar lam aṭangin Damian-a a ran tlân lut, Alice-i chu ka ngaihbel nge a kimki ta riau a ka hriat ni!


"I nî in eng nge a lei che a?" Khumah a rawn lawn kai nghal zat.


"I hre thei maw? Anî ka hmui a fai em?" A nî lam chu a hawi nghal zat.


Alice-in a hmui a lo tuai fai sak zauh, ka lam rawn hawi lehin, "kitkat tlêmte ka ei a," min nuih tlawn paha a tih chuan lo kuahin ka nui hak.


"Eheu! Pakhat chu min hmu miah lova," U Mampuii a lo ko, a hawi chhuak vat, "api, khawiah nge Joshua?" U Mampuii pawh a nui hawk hawk.


"In ah an awm, zanin zanriah kan in ah ei ta che, kan thlah leh ang che nga," a tih chuan min rawn der eih lo, uar zet hian a bu nghauh nghauh, Joshua a ngai hle a ni ngei ang!


U Mampuii te nufa ho an ṭhut fe hnu ah tlai dar 6 velah an chuak a, Damian-a pawhin a zui haw leh hmiah, Joshua hming a lam deuh sek mai sia, tih ngaihna a awm lo, Hlimpuia'n min awmpui a tum viau nâ in nizan lam an tlaivar tih ka hria a, Lalrinsanga te ho nen, awmpui ka ngaih loh thu hrilhin ka nawr haw thei hrâm!



"Eva," Alice-i chu en, ka bula rawn dingin, "ka tihpalh, engmah ka lo hre lova," a rawn ti sep.


Nui chungin, "a ho lutuk, thil kal tawh a nia, i thiam loh a awm hleinem. I naute hi thla engzah nge ni ve tawh ka la zawt miah lo che," ka ti a.

Rawn nui vatin, "thla 5 a ni ve tawh. Damian-a i pai laiin huat i ngah em? Rai no i haw viau em? Ka haw miah lo a," a rawn ti zung zung.


Ka mitthla ah ka rai hunlai a rawn lang nghal zut zut, Melbourne ka thlen aṭanga rei lo ah anxiety disorder nasa lutuk vangin ka tal buai a, depression nen, Damian-a te thla 3 annihin U Mampuii te nen kan intawng a, psychiatry pan turin min rawnin min buaipui ta tawp mai kha a nia!


Damian-a te phir anni tih ka hriat rualin, ka fate pahnih ah duh thlan tur Doctor-in min han chhawp mauh mai kha chu hriat reng atan pawh hian ka duh lo hrim hrim a ni ber e!



"Eva," ka harh zawk, ka biang lum thla pup chu hru vatin ka nuih säng a, "ka huat em em ka hre lo keipawh," ka ti liam puat ringawt, ka hriat reng duh loh thil tamtak a awm tlat a ni!

.
.
.
.

Alice-i chhuah hnu ah keimahin VIP ward ah chuan ka awm a, ka phone a message awm duah chu en in ka nui seih, Lalrinsanga'n zanin a rawn let theih loh thu leh a tel lova ka awm theih dâwn loh chuan call tura min tihna te a ni. A zâm lo ve ham ham bawk sia!



"light hi off sak i duh em?" Kawngkhar lam chu ka hawi, nurse chu nuih seihin, "aih, thim ah ka muhil thei lova, ka lawm e," ka ti nghal vat. Lalrinsanga message pawh reply ta lem lo chuan ka mut dan ka siam rem sat sat. Nilengin tlawh tu ka nei a, engmah ti lem lo pawhin damdawiin a nihna hrim hrimah ka chau nghulh thei nia maw le!

.
.
.

"Jail i tâng lo kha lawm tur ini?" Bryan-a aw a ni, a nelawm viau loh bawk. Men ka tum a, hmeichhe aw ka hriat rualin ka meng leh duh ta lo.


"I nupui ohhh i hmeichhe hmangaih sawn a hria em?" Fiona aw a ni, nimin lawkah Hriata'n ngaihdam a rawn dilsak a, nizan khan an chhuah a nih ka ring, tunah buaina a rawn nei leh a, hmeichhe pakhat chu a ni ve hrim hrim e!


"Hriat tur a nei lo," Lalrinsanga'n a ti bul nghut, a aw ki a säng chhin miah lo, a nelawm loh viau thung!



"I chiang amaw? Ka pum chhungah hian i fa a awm tih hre ta sela," ka in rin hma aiin ka meng chhuak rang.


Tuna a thusawi kha eng maw? Nau a pai amaw? Mak ti fe chuan ka ṭhu chhuak, ka harh tih pawh an hre lo niin alang.


"I kâ hi veng rawh ka tih kha Lalthanmawi," Lalrinsanga chuan a sehchilh ta rap rap mai, a kut chu nghet takin a hum ruh bawk. Mipa chu nise a hnek tawh ngei ang tih ka hmu thei!



"Bryan..." Ka ti sep, ka lam anrawn hawi dawrh, "Nephthy, engtikin nge i harh?" Min rawn pan nghal vut.


"Eng nge insawi kha?" Mangang zet chuan Bryan-a chu ka en a.


"Engmah a ni lo..." A tih laiin, "a hrilh lo che a nih ka ring, a fa ka pai tih hi," inchhuang tih hriat zet hian Fiona-in a rawn ti zat.


"LALTHANMAWI.." Ward chhung chu a khawk rum rum, ka ip zui chawih!


"Ka sawitawh, vawikhat pawh ka kut hmawr pawhin ka khawih lo che," thinrim avanga ṭawng sehchilh rap rap chuan a en nghal run run, a bek pawng ṭawlh ṭawlh leh chal mar ṭang maia thisen zâm pawng ṭawlh ṭawlh te chu rapawm tak a ni. A thaw ri hrawih hrawih bawk a. Ka kawchhung a lo khur ru der derin ka hria!


Ka thaw dep dep, a mi melha ka ni lo chu ka lawm takzet bawk!


Fiona pawh chuan a hläu tih hriat takin a kut chu a hum ruh a, mit khap zek zek hian, "hetiang hian minti thei lo Bryan. Engtin nge ka chungah hetiang hi itih theih? I fa pai chung hian engtin nge khaw eng hmu se mintih," a ṭap nghal hlawp hlawp.



A hmai hupbet chuan chhuatah a ṭhu thla hnawk a, a ṭap khur nghal dar dar. Awmdan tur ber ka hre lo, mit khap fak fakin Fiona ṭap chu ka en haw ringawt a.


Ka mutna tlâng chu chum dawtin, ânchhia phuh chhuak hluk chuan, "chu chu ka sawi tur a ni! Ka nun itih buai hian eng hlawkna teh hrep nge maw ineih phiangsen le?" A aw chu a ring leh tawh miah lo. Mahse, a aw ri ah chuan Fiona a huatna bak leh an thusawi lai anin zia bak a lang lo hrim hrim.


"Min ring em Nephthy?" Mit sen râm hian ka lam a hraw hawi a, ât hmel zet hian ka lo en.


Ka hmaah hmeichhe pakhat, ṭhankin tawhin a fa a pai thu sawiin a ṭahpui a, ka bulah ka mipa hmangaihin a fa a nih loh thu a sawi ve bawk a. Khawi hi nge ka rin ang?


Lalrinsanga chuan min en ran, thin phu dep dep chuan boruak hip vang vangin ka thaw chhuak leh ham ham a, Fiona-in mittui nen min rawn en chho, ka ṭhut dan siam rem chuan ka bula ṭhu kut chu la in nghet takin ka chelh a, "ka ring che," ka ti chhuak sap, a rawn nui suk, hahdam ta huai hmel hi a pu, ka kut chu la kâng a fawpin, "min ring rawh, ka kut hmawr pawhin ka tawk lo," a rawn ti nawn hraih. Nuih seih hian ka lo bu nghat.



Mit meng ling hlar maia Fiona min en na lam chu hawiin, "pawi ka ti mah se ka mipa hi ka ring a ni. I fa chu Bryan-a fa a ni em tih hre turin thla 5 kan nghak dâwn nia, DNA test result-ah Lalrinsanga fa a ni ngei a ni tih a chiang a nih chuan, î hê lovin ka kalsan ang che u. Kei leh ka fapa hi Lalrinsanga nun ata kan bo hlen ang tih ka tiam ang che," a mit mittui vanga huh zawr zet maia en kalh chung leh dam dai maia ka tih chuan, khur hlawk hlawk hian a rawn ding chhuak a.


A thinrim lutuk chu a hmui thleng a khurin a duk vek thei nia maw le!


Chutiang taka mihring thinrim inseh ruh nasa chu ka la hmu ngai lo. Damian-a sên deuhlai khan, a thinrim lutuk chang khan hmui duk vekin a inhum ruh ve ṭhin, puitlingah hetiang hi ka vawikhat hmuhna tak tak a ni!


"Lo nghak rawh u, lo nghak rawh u. I pasal fa nen i hmaah ka rawn ding leh ang, chutah chuan keimah hi kha a kut vuan tu kha ka ni ang," ti tuar tuar chuan ṭap chungin ka awmna ward chu a tlan chhuahsan a, mit khap fak fakin ka en zui.


"Eng nge insawi kha i hria em?" Lalrinsanga'n lungawi vak lo tih hriat tak hian a rawn ti hluk, ka kalsan tur thu ka sawi lai pawh khan ka khut kha a lo hmer salh salh a nia!


"I fa a ni lo iti a ni lo'm ni? Eng nge i hläu?" Ka ti ve kher, a hnar a tum dat, "ka hlau hauh lo," ti zawi hlukin, "engvangin nge i U Mampuii fate talin an riahpui loh che?" A tih zawm nghut.

Keimaha ka awm chu a lungawi lo nasa tih a hmel dur khup maiah chuan a lang chiang mah mah.

Sana ka en zauh, zinglam dar 5 a ri thuak tawh, alam hawiin, "nutling alawm ka nih, riahpui ka ngai lo. Fiona kha dik lohna a neiin i hre ve em?" Ka ti zat, ka ti tak tak bawk, rilru lama harsatna nei a ang ka ti ber.


Min rawn ṭhut hnaih hruat a, "Chutiang ka hre lo," nin hmel zeta ti nghutin, khuma min mut tirin, ka sirah chuan a rawn mu ve zat, "hey! Nurse an rawn lut ang," tih leh ka nghawk zauh, min kuah nghet sauh sauh chuan, "bengchheng suh, charge ka ngai alawm," ti leh a hmui lum ham ham maiin ka nghawng a rawn nul thuak thuak a, a kut chuan ka dul a chul riak riak bawk, ka lo ip chawih chawih.


Ka taksa rawn za mer mer leh ka lungphu danglam ta chu a hre rang ngei mai, tho vutin kawngkhar lam a pan nul nul chu inbeng kâng deuhin ka en haw a, rawn letin a business coat hak chu phelhin chhuatah a theh thla in, a kamiz kilhna phelh zui a tum chu a phelh mai theih loh avangin, a pawt peh hawk hawk, a kilhna chhuatah a tla ri er er nghal!


"Bryan.. Damdawiin...." A kawng hren pawt chuak hrawkin, a rawn zuang kai thauh a, ka chunga bawk nghal run chuan, "khawi hmun nge a nih ka hre ve bawk e Nephthy. Mahse, vawiin hian ka chhuah thei lo che," mitmeng de sawr sawr a min en chunga ti leh, "min dang miah suh," sexy lutuk a vei kiai suka tih leh duh thawh lutuk chuan min rawn fawp zui nghal ngawng ngawng a.


Nui ar ar pahin ka kut a nghawnga suih zawmin ka fawp let ve nghal tán tán bawk, kum tamtak infawp tawh lo, inthla hlel ngawih ngawih tih hriat tak hian kan tâl a, min fawp reng chungin damdawiin kawr ka hak chu phelhin, min tung tho nawlh, a malchungah ka bawp kakin ka ṭhu a, kan lei lah kan kâ chhungah inhaw lo lutuka in buan let tap tapin, khawizu fawp ang maia thlum chuan kan infawp zui vawng vawng a.


Ka bra hak chu hnehsawh taka phelhin, khumah chuan min mut leh riai riai, ka thawk lak a rangin, ka kâ chhungah hian boruak a leng lo a ni ber!


Min fawhna sawn thlà in ka nghawng ah a fawp thla a, a kut zei leh khawina hmun tur hre chat chat lah chuan a tihtur hai lo tih hriat tak hian ka hnute kawh ṭha tak mai chu humin, a ṭham zuiin, a hmur a hrual zui ne ne bawk a, ka zà lutuk leh nawmna nasa lutuk vangin âwm sêp lawp lawpin ka lo eu leh ngawng ngawng ṭhin!


Thaw chhuak hawk hawkin, Bryan-a tukkhum samah chuan ka ṭham a, ka hnute chu a kâ sa huam maiah chuan a hmum zui pawk, zei lutuka a lei hmanga a hmur a liah zeuh zeuh phei chuan a nawm lutuk avangin ka rak chhuak lo chauh ṭhin, ka hmui chu ka petbet a.
Ka hmeichhiatna a rawn marin, tuiril a chhuak zui tih ka hre thei bawk!


Thiam taka ka hnute a lei hmanga a sawngbawl hnuah ka dulah a fawp thla a, ka lai chu fawpin, a lei hmanga liak a, hawl kual chuan dang ro zeta ka lu a khum nawrbet chugin ka thaw chhuak ham ham!


Rawn tawlh chho in, ka hmai zawna in nam khalh chuan, mawi lutuk hian a rawn nui a, a mitmeng si sap chuan a ti lang sexy zual takzet bawk!


"Nephthy...." Ka hming a rawn lam sar sar, a aw zawi leh tisa chakna avanga danglam ta chu a sexy takzet, chu ringawt pawh chu tisa chakna ti chhuak tham a ni!


"Bryan..." Ka ti let sa sa!

Nui ri suka min fawp zui nawk nawk chuan, ka ke pakhat chu min tun tir a, ka bawp chu ti zau in, ka hmeichhiatna tui pur mai leh huh berh tak chu a kut ṭang hrawl leh lian tak chuan a nui zui nawk nawk, a nuam lutuk chu ka inrin hman hma in a hming ka lam a, a bân bul sek tak mai chu nghet taka ṭham in, ke zungpui kawm ngar ngar khawpin nawmna vangin ka rum chhuak dar dar!


Ka hmeichhiatna lam mah tawrh har khawpa nuama min siam laiin, a lei thil ti thei lutuk a ka beng a seh zat mer mer leh phei chuan ka â thei mai dâwn in ka hria!


"Ahhh******* Bry... Bryan....***" a ai rangin a kut zungpui chuan a nuai a, a kut ṭang pahnih chu a hnawh lut zui zat bawk, chutah zet zawng, ka hmeichhiatna aṭangin tui hnang tak mai hian a rawn chhuak a, ka rak ṭhat ṭhat bawk!


Thaw huam huam chunga a kut phawi chhuakin, a kekawr hak lai chu khur ve hlawk hlawk chung chuan a phelh nawk nawk a!


A mipatna hrawl leh lian tak mai rawn mar chhuak tawl mai ka hmuh rualin, ka kawchhung sa leh thisen so bulh bulh kha chawpchilhin a reh nghal a, ka vawt nghal sung sung bawk, ka chil ka lem khalh.

"Bryan...." Hlauhnaa khat aw ri nen ka lam chhuak a, ka awmdan danglam chu a hre nghal tih hriat takin min nawn hnaih nghal vat, "Nephthy dik lo a awm em ni?" A aw pawh ala dik lo, ka mittui a rawn hnam ṭiam ṭiam. Ka khur zui hlawk hlawk bawk a.

"Ka thei lo, ka thei lo," ka ti chhuak ruah ruah, ka hmai chu ka hupbet a, ka lu ka thing nawk nawk, ka mittui chu dan zawh rual loh hian a rawn baw hawk!


Saruak ngal ngat chuan min kuahbet a, "shittt.... Engkim a ṭha vek, engkim a ṭha vek, a pawi lo," aw dam dup maia tiin nghet tak chuan min kuahbet a, ka hnungzang chul hliau hliau in, ka chhip ah a hmui a nghat tlat bawk!


Mahni inthiam lohnaa ka khahna chuan ka ṭah a ti chhuak zual, ka ṭap khur dar dar bawk.


"Ka tihpalh, ka tihpalh tak tak," ka riat chhuak nawk nawk a.


"A ṭha vek, engkima ṭha vek. Hetah ka awm alawm," naute ang maia min dim leh duat chuan min kuahbet a.

Zaidawh takin min chulin a, hmangaihna khatin ka hlauhna te fawh reh tum tih hriat tak hian ka chip a fawp tlat bawk!


"Engtik aṭangin nge a in ṭan?" Ka ṭap bâng ta maw tih tah, ka mittui a kut zungpui a rawn hru hulin, dam dup hian min zawt a, ka mittui bawk a hnai leh ta, ka ṭahbelh thar ta thut chu ka in ngei ru viau mai!


Mittui kar aṭang chuan ka melh chho kiau, a thaw ri hrawih, "keimah vang bawk a ni tiraw?" Sak ṭalh hian a rawn ti hrawih a, ka lu ka lo thing nawk nawk.


Mahse, a dik si a, khami zan, kum 6 liamtaa ka chunga bawraw taka a chet aṭang khan mipa thil(mipatna) ka hmu ngam tawh lo, chakna neiin, han sa ve bulh ṭhin mahnila, mipa thil.ka hmuh rualin ka danglam vat ṭhin.

TV ah tak ngial pawh ka en ngam lo. Psychiatry ka pan chhan pakhat a ni hial bawk!


Ka kawchhung ah hian hlauhna leh vawtin min tuambet tlat zel chu keipawhin eng nge a nih ka hre thiam tawh bik lo a ni.


Ka Doctor-in min rawn tak ber erawh, mipa ka hmangaih tak nen ka tum fo a nih chuan, sex ka hman leh theih ngei tur thu a sawi ta ngawt a nih kha!


Bryan-a inseh ruh ngat ngat chu a taksa pawng ṭawlh ṭawlh ah chuan ka hre thei, ka thiam loh vek zawk hi a ni si a! Ka dam tawh emaw ka tia. Ni lo, ka hmanpui ve mai theih kha ka ring a, beiseina ka sâng tak kan nei ve ve a sin!!


A lamah chuan ka tawlh hnai sat sat a, mittui hnar ngula luang ngiai ngiai chunga kuah letin, nghet taka kuahin, a awm phiar fat mai leh lum ham hamah chuan ka hmai phum kakin, mit ka chhing riai riai bawk..!



<><><>~>~>~>~>

Note: hmelṭha ho naktuk hna ka neih avangin ka chawlh a ngai aw🙏



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:19 pm

MR. CAPTAIN S2
<Hello! Stranger>
{My Treasure S3}

[The Unfinished Story]
By
Floria Laldansangi


Chapter < 14 >


BRYAN....POV



Ka âwma bei chiala muhil thaw sêk sek chu en in ka thaw leh hawk ṭhin, a ṭahna mit hnawm chap chu dimtêa khawihin ka fawp vang vang a.



Ward kawngkhar a rawn ri kharh kharh, Nephthy tih harh hläu tak chuan ka tho chhuak a!



Chhuata thawmhnaw chu chharin ka in bel, "khai a!" Bryson-a arawn nui lut vur vur, ka hmai tuai puatin ka lo rum nghut.



"Indam tawh lutuk niin alang, vawiin lam chuan inchhuak thei tawh ang," a la nui vur vur.


"Ṭhu teh," ka ti sup, ka bula rawn ṭhu thla pahin ka darah a beng thuk, "mo lawm a hnai in ka hria," a nui zui huk.



Nephthy mutna lam chu en run chungin, "Kan hmang thei lo," ka ti sak ṭalh. Bul han ṭan dan em em tur pawh ka hre lo.



Ka nau chuan hrethiam lo tih hriat tak hian min en a, "i fiamthu em ni?" A hrethiam zui tih hriat tak hian a ti sup.


Sofa hnung chu ngheng datin, "kum 6 liamtaa a chunga ka chetdan khan ala nghawng a nih hmel," ka ti chhuak leh hraih. Ka thil tih tawh a zawngah ka la inchhir ber a ni hial ang!


"Therapy a mamawh niin i hria em?" A ngawih deuh vang vang hnuah a rawn ti sup.


Za vak lo hian ka nui hul suk a. Mit chhing sawkin, "a in enkawl tawhna record ka mamawh hmasa in ka hria," ka ṭhu ngil a, "hetiang lam hi hriat i nei reng reng em?"


"Thudik hrilh tur che in min duh em?"


Duh lo ila zawhna ka zawt hrep dâwn emaw ni?

A nui suka, "sexless marriage tura i rin zawh leh zawh lohah a in nghat ang chu. Mahse, sexless marriage kan tih ho hi innei rei tak an awm ngai lo, kei pawhin engmah sawi lawkdan leh ka hriat aṭanga sawi chi-ah ka ngai lo bawk. Therapy te nen, Counselor te nen ṭangtual sela," thutak zeta tiin Evelyn-i a rawn ve che ṭalh ṭalh.


"Vawiin chu ti hian awm rih rawh se, naktuk lamah kan chhuak dâwn nia, inthlakna tur i nei em?" ka ti zui sup chu a nui huk, "office ah a awm ang," tih leh a ding a, a pensawn chu ka zui ve nghal!


.
.
.

"Daddy...."


"Damian, tu nen nge inrawn kal?" Ka fapa chu ka pawm kâng nawlh, a khek raih raih, nurse ho lah chuan min melh hrek hrek bawk a.



"Api te nen, api leh apu chu mi an bia a." Tih leh ka kut chu melhin, "eng nge i hum?" A ti leh zat.


A nu ang chiah a ni, eng emaw hlek hi a hre nghal zung zung mai a!


Ka kut chu pharhin, zungbun a hmuh ruala ban zatin, a thlek deuh vang vang a, "internet a an sawi dan chuan mipa in zungbun a lei chuan a bialnu a propose dâwn tihna," min rawn en, ka lo kiai suk.



"I Mummy hi propose dawn ta ila, minpui duh angem?" Uar zet hian a lu a bu a, "mahse...!" A ti deuh vang vang.


"Ok, ka pui angche," tih leh ka kutah zungbun chu a rawn dah leh, "api te bulah ka lo nghak ang che aw Daddy," chhuatah chuan ka nghat a.


"Lo kûn la," min hui zauh, ka fapa thuawih tak chuan ka ṭhu hniam a, "Au Bryan-an a bialnu zungbun a pek dawn chuan a thi der tawp a, chuan a bialnu in YES a ti nghal," a ti ve sar sar. Ka in rin hma in ka nui huk, ka fapa lah chuan a kutzungpui min hmuh zauhin damdawiin pawn lamah a tlan let leh nal nal bawk a.


"I fapa em ni? In in ang hle mai," Nurse pakhat hi ka bulah a rawn ding, ka lo kiai suk, ka fapa nena in ang min tih chang hian ka lawm zual ṭhin!!


<><><>

EVALYN..POV


"Sexless marriage," ka phun chhuak sap, ka mittui bawk chu a rawn hnai leh ṭiam ṭiam tawh.


Meng riai riai hian ka ṭah nuih hak, sexless marriage hi ka hre ve tawh ṭhin, nupa inkar buaina lian tak pakhat a ni zel bawk. Tin, kei hian he ka hlauhna hi ka paihbo thei a nih loh chuan keimah ka inhrem ai nasa in Lalrinsanga hi ka hrem nasa dâwn tih leh kan inzawmna hian tawpna a hmu vat dâwn tihlah ka hmu in ka hre thiam bawk!


Ka bekah ka mittui a rawn luang thla pap, chunglam melhin, "eng nge ka tih ang?" Beidawng ṭah chhuak insum tak chuan ka ti chhuak sep. Ka hrawk a rawn na ut ut bawk. 'Khang kan tawrhna te kha a tawk viau lo em ni?' Ti a, chunglam hnena vui lek lek a awl viau in ka hre ta!


Khum aṭang chuan tho chhuakin bathroom lam ka pan a, ka intifai sawk sawk, hun tlem ka mamawh a ni, eng kawng nge ka zawh ang a, khawilam nge ka hawi ang tih hre tur chuan hun ka mamawh takzet a ni.


Ka intifai ka chhuah leh chuan Bryan-a a lo ṭhu run tawh, thli pui ang maiin min rawn pan vut a, ka bul cheta rawn dingin a rim pâ hrak mai chu ka hîp kawk, ka hnar a verh hneh lutuk mah mah.


"Khawiah nge kal i tum?" A aw chu a zawi viau nangin läwm lohna a ri tel.



"Bryan...." Ka melh chho ralh, a chal ti chuar deuh tapin, mit zîmsan hian min en chhuk run a.


Za vak lova nuih seihin, "damdawiin hi ka hne alawm," ka ti sep. Hahdam ta huai ang mai hian a thaw deuh hawka, ka kawngah a kut rawlhin alamah min pawt hnai salh, ka chalah a hmui lum ṭha tak mai chu chuk tuahin, "Nephthy, i rilru ka hria a nia," nuihza vak lo tih hriat zetin a nui ri suk bawk a.



Ka ṭah nuih ve hak, ka tlânbo leh a ring reuh emaw ni?

"Mahse, i rilru ang kha ka pu miah si lova," kuahlet paha ka tih chuan, a awih chiah lo nge inla hrang hlek hian chal ti chuar leh nung chuan a mitko chu a san zauh a, a hmui hnuailam a pet zauh bawk.


Ka hmui ti pawrh deuh tarhin, a âwmah ka khabe chu ka nghat dat a, thaw la ham hama, thaw chhuak leh ham ham chuan, "Bryan, reilote in ngaihtuahna hun minpe ta che," a mitah ka en chho kar.


A rum nghut, "teuh lo lutuk, nangmah maiin engthilmah ka hma chhawn tir tawh dawn lo che," bul zeta tih leh rawn kûn hniamin ka hmuiah a fawp zauh, "haw i duh chuan ka hruai haw ang che; Mahse, ka hlatah awm tum miah suh, ngaihtuah pawh ngaihtuah suh," thupek tih hriat taka khauh zeta tih leh inlak hran a rual zat.


Ka thaw chhuak halh, ka handbag chu a khai nulh a, a kut ka vawn theih tura rawn lek chhuakin, "haw ang," a ti leh sup. Nichin maia a läwm lo hmel kha chu 1sec chhung velin a lo bo leh hman...!


Ka dinna ngaiah ka la ding ngar a ka en ngar bawk, a thaw hawk, "Nephthy, engthilmah ngaihtuah suh. Zanin ah palai tirh ka duh, Mimii te In-ah nge ka tirh ang a, i U Mampuii te In lamah," a ti tak deuh deuh chu mit ka lo chhing sawk.


Tuna kan dinhmunah hian inneih lam ri tel thei a la ni lo tih hre chiang ber tur a ni!



"Bryan..." Ka ti hap, "min zui rawh," a ti leh. Hnial eng ang mah ila, ka hnial nasat poh leh a thin ka ti rim tamin, minpu chhuak leh nulh duh mai dâwn tih ka hriat avangin kawngkhar lam chu ka pan zui nal nal a, ka hnungah a rawn kal ve nghal zat, a pen zau bawk a niang, kawngkhar ka pelh rualin ka kutah nghet lutuk hian a rawn chelh a, "tal buai duh suh," a ti zawi sup bawk.


A säng si, Mizo hmeichhia ah chuan te lo ve tak ka ni, 5'5ft ka pel vang vang mah se Lalrinsanga bula ka din chiah hian mite chi ang mai hian ka in ngai, a sän lam chu dahṭha ila a taksa in phiar fat leh nghet churh mai hian a ti lian zual em em bawk!


"Damian...." Lift aṭanga kan chhuah rualin Damian-a hmel ka hmu zat. Ka tel lo pawha a tlei zia hi!


Nizan pawh khan vawikhat pawh min rawn call lo reng reng.


"Mom..." Pawm ka tum chu a pa lam a pan daih, ka ngei reuh lutuk. Ka melh zui vak.


"Khawnge i pi te chu?" A fapa pawm kâng pahin a ti sup a, ka bag min rawn pe in, ka lak rualin ka kut a chelh zui zat.

"Min thlah teh," ka tihna chu haider hmiahin bill pekna hmun min pan pui zat a.


Bill lehkha a tihfel lai chiahin min thlah, nurse ho lah chuan Damian-a te pafa chu awh hmel tak hian an en huang huang tak lehnghal a!


Mahse, an ṭha pafa ve êm a sin, an han inpawm phei hi chu an in ang rapthlak mai bawk si! An pafaa inbia chu melh chho leh ralh ṭhin hian ka nui ru sen sen bawk a.

A hma kha chuan hengte hi ka mumangah pawh khan hmuh ka hläu ṭhin. Engtikah mah thleng ngai lo turah khan ka ruat tawp ṭhin kha a nia!



"Api in kan in ah lo kal rawh se a ti che nia Daddy," car-ah a ṭhut luh tir, ka luhna tur front seat lam kawngkhar chu a hawng zat bawk a.

"Ka hria e," ti supin car kal hual pawk pawk chuan a rawn ṭhu lut zat. An pafaa an awm hi chuan awmve lo ang mai hi ka ni ṭhin, min biak pawh hi antum ve lo!



"Daddy naktukah Ball pet ve ila, Joshua te nen," a pa nena kan inkarah a rawn in rawlh chhuak, "awm ṭha rawh," ka lo ti sep, min en dêr lo, a pa chu a en kar. Ka kuk fawk nang a!


"Kan kal dâwn nia, ṭhu ṭha la," Bryan-an min rawn melh zawk, pawnlam ka hawi vei hmak, engtia ka fapa pawh thik ta mai nge maw ka nih le? Mahse, an awmduna ka chuang bik riau ṭhin hi ka duh lo.



"Mom, are you jealous?" Bryan-a chu a nui zui huk.


"Teuh lo..!" Ka duh aiin ka chang rang.



"Yes, you are Mom," a fapa te zik zek pawh hi, an pafa chuan an nui zui ang kur kur a!



Ka kut ka malchung ami chu a rawn hum vang vang, melh na zeta melh hian, "kan in lamah min dah hmasa rawh," ka ti leh hlar ringawt a, ka ngaihtuahna leh awmdan a man chak bik lutuk hi ka ngei riau ṭhin.


"Bryan...." Ka ti vak. Kan in kawnga pêng ta lo chuan a Nu te in lam kawngah chuan a U-trun daih, a vahan ngeiawm thei tak!



"Api in a ko alawm Mom," a fapa lah chuan a lo ti zat, ka kut a vawn chu la let sawkin, ka kuangkuah fel at bawk a.


An pafa chuan an chek zui tlak tlak, ka vahan ngei ber tak..!!!


A Pa te in kan thlen ruali, "tu car nge?" Chhuah rualin a ti zui sup.


Ka awmna lam chu rang tawk hian ka lo hawng vat a, ka bul cheta rawn dingin a hnar a tum dat, "ka tih tur a ni," a ti zawi leh sup. Ho em mai a!


Damian-an a pu au lawng lawngin a tlân lut, Bryan nen inchhung kan luh rualin kawngkhar bulah chuan pawt dingtu kan nei emaw tih mai turin ka ding dat ve ve!


"Eva i rawn tel a ni maw? Lo ṭhu rawh hetah," a ṭhutna bul chu a beng thak.


Fiona hmel chu chang fia fia tak a ni, min melhna sawn tlu tawp thei ila ka awmhmun ah hian ka tlu sawp tawh ngei ang!



A bula ṭhu ve te chu a nu leh pa anni ngei ang.

Bryan chuan min kai lut a, ka kut a chelhna chu nghet tak a ni, a hmel dur ta khup khup ah lah Fiona te hmel a hmu a lawm loh zia alang tel bawk!


"Eng nge inla duh a?" Teh hluk chuan, a vahan nelawm loh ber tak. Ip chawihna khawpin ala en run zui bawk a!


"Eva, inchung lamah kan lo han chho daih dâwn em ni? I chau âwm sia," Alice-in choka aṭanga rawn chhuakin a tih chuan, "a ṭul lo, engkim a hre tur a ni. A hre bawk," Bryan-an a lo ti bul leh nghut.



A aw chhuak hrim hrim chu kan haw kawnga a aw ri nen lei leh van a ni ringawt alawm! A hmel chang ta rût leh aw ki nelawm loh zet pawh Damian-an a hrethiam tih hriat takin a pa chu mit khap fak fak hian a rawn en ran.



"Engtin nge kan fanu chunga i chetdan hi mawhphurhna ilak dawn? Nupui nei lai i nih loh chuan i nei dâwn em ni?" A pa ni ngei turin a rawn ti ban charh.


"A khaih! Pu Hmingthan, chuti teh thlawha tih pawh chu a dik ber lo. Kan fapa kam pawh ila dawn êm loh hi," Nu Maya-in a lo ti vat.



"Engpawh chu nise Lalrinsanga thu lam te pawh i han hre ve phawt ila," Pa Nathan-an rawn ti chuar chuar in a fapa chu a rawn en. Bryan lah chuan mitmeng thim khup hian Fiona lam a en ngur.



"U.." Alice-in a lo ti sap, thaw ri hraihin, "insawifiah na tur ka nei lo, tunge i fapai na i hre lo em ni?" A ti bul nghut, a va ngeiawm tak!


"Bryan...." Fiona chu ṭah leh mai a tum.



"I fa a ni lo itihna em ni? A nih chuan kan fanu pum chhunga naute hi tufa nge nise i tih?" A nu chuan a rawn ti bak hlak!


A ner khum nawk, ten hmel zeta phun hluk hian, "tu in nge ti(dep) tih a hria ang chu. I fanu kha zawt ta che," awlsam zet leh bul zet chuan a lo chhang, Alice-i a lo nui hak chu Nu Maya-in a lo mitmei vat a, diktak chuan kha kher chu ka nuih a za ve reng.


A ngaipawimawh lo leh ngeng lutuk hi ben hrep duhna tham chu a tling maw le!


"Engmaw i sawi?" Tih leh a pa ber chu a rawn ding ta uaih mai!


"Kan fanu i tih mualpho man hi mawhphurhna ilak angai," a ti ta khur khur mai a! Damian-a chuan a hläu deuh nge a Pu chu a nek zui ṭalh ṭalh!



"Hrep a! Tawh pawh tawk eih lo chuan engvang phiangsenin nge mawhphurhna ka lak ang ni?" Bryan lah chuan a ti deuh bur! A thu sawh sawn a tum loh zia chu pui tak a ni!



"Pu Hmingthan, ṭhu chungin i sawifel teh ang u khai! A zia lo uaih uaih em mai a!" Nu Maya-i bawkin a rawn ti leh a.



"Ka fapa fa i pai tih i chiang maw?" Pa Nathan-an Fiona en chung chuan a ti kauh kauh.



Fiona chuan lu bu nghatin, "khami zan khan kan rui ve ve, a tir chuan ka duh lova mah se mawhphurhna a lak tur thu min tiam thlapa sex hmang kan ni," a ṭap khur nghal dar dar.


Bryan a lo nui hul hak! Ânchhia hi a phuh chhuak hluk bawk a. A ṭhutna aṭanga ding hluaiin a chhip sam chu a tuai puat bawk a, ṭawng a tum laiin, "a nih chuan thla 5 hnuah DNA kan test ang a, chuta result a zirin engpawh thleng se mawhphurhna kan la ang," Pa Nathan-an a ti leh charh charh.



Fiona chu rawn hawi hru hian, "thla 5 hnuah ka dul hi engtia lian nge a nih dâwn in hria em? Sawn ka pai tih mi zawng zawng hriat tir intum em ni?" A rawn ti hlar.


"Thil theih loh a nih chu," a nu leh pa in an lo ti ve bawk.



Engkim mai chu a buai nuaih a, engtia lo awmtur nge ka hre lo, Fiona te nufa lah chuan a khat tawkin ka thiam loh nita emaw intih theih tur khawpa na hian min rawn melh leh hrawk ṭhin. Ka ṭhutna hmunah ka lo hawi â heu ringawt!


"Damian-a hi kan tupa a ni em tih kan hriat chian hma in DNA test nei thlap kan ni a. I pum chhunga i fa pawh kan tu a ni em tih hre turin DNA kan mamawh, inthei lo a nih leh ka inchhung hi inchhuahsan thei, inpawm a ni leh inremna felfai tak ka siam pui thei bawk che u," Pa Nathan-an hnial ngam loh khawpa nghet hian a rawn ti dam charh a.


Nu Maya-in anpa kut chu a Chelh vat, thinrimna ti lang miah lo mah se a nupui chuan a hre rang khawp mai!

"ka pasal thusawi chu ka pawmpui thlap. Hmeichhia ka nihna leh Nu ka nihna angin ka fapa in thil a tisual a nih chuan Nu leh Pa te tih tur chu kan fate zilh a ni. Mahse, thuchiang awm lo erawhin ka fate ka nawrlui ngai lo," a rawn ti ve zat bawk.


Nupa ṭangrual, nawrluih har tak chu anni ve chiang alawm! An thusawi ah lah chuan hnial ngam miah loh hi a ni bawk a.



"Eva ngaihdan i nei em?"


"Maw..?" Ti haw chuan Alice-i chu ka en. Ka vahan at hmel kher tak êm! Ka inring lo ve êm a ni.



"Damian-a nu ini a, ka U nupui ni mai tur ini bawk a, ngaihdan i thawh ve thiang alawm," Alice-in Fiona na zeta melh pahin a ti kher. An in melh na dun ngang mai, in hlau tak chu anni miah lo!



"Hmeichhia ka ni a, Nu ka nih bakah, sàwn paia mahni a khawsa ka nihna tashna aṭangin Fiona zawhna ka zawt ang che," Ṭawng ka tum chiah lo nâ in, Lalrinsanga sawi tur hre lo thinrim bawk si chuan ṭawng minti chak.



Anvai chuan min en ṭhap a, "tunge inih a kan buaina a inrawlh tur hian?" Fiona-in a tih tuar rualin, "i aw ki kha sän khum hlek suh Lalthanmawi," Lalrinsanga'n a ti hrawk, inchhung chu a khawk rum rum, ka lo ip chawih nghal, Damian-a lam ka en vat, a hläu lutuk chu a Pu a lo kuah ve rawk rawk bawk a.



"Ka Mo a nih hi," Nu Maya-in dam dap maiin a rawn ti chhuak, a chiai eih lo leh engmah thleng lo ang maia a hmel hahdam lutuk chu a awhawm ka ti letling viau mai, kan lam a rawn hawi a, Lalrinsanga thinrim thaw ri hrawih hrawih chu a mtmeiin insum turin a rawn khap zat bawk.



Bryan-a kut chu chelhin, ka pawt dat, ka sirah a rawn ṭhu pawh chu khawng at at tak a ni!


"Kan fanu hi tih mualpho intum ni ta berin ka hria," a nu chuan a rawn ti hlak .



"Ti chuan kan sawifel dawn lo, court a kan inhmuh a ngai dâwn a nih hi. Ei zawnna chen hian kan inti chhe palh ang e," tih leh a Pa chu din a rual.


Bryan-a a lo nui huk, ngeiawm lutuk leh ngai pawimawh lo lutuk hian a dar a san khum ak, luhlul zeta en in, "kan lo nghak ang," a ti duh lek, keini ila tlawmlak avang hrim hrim pawhin ka fa paah ka vahan puh âwm lo tak!


"E! Hmingthan chuti zawng kher kher chuan min vau suh khai! Nanga fanu awmherh vanga keia thi leh thau pawlha sual chhuahsa ka ei zawnna hi a chhe lul lovang, ṭhu chunga kan sawi fel thei lo a inngaih leh induh duh rawn ti rawh u khai! Thudik hre duh ve ve alawm kan nih le!" Pa Nathan-an cho tak maiin dam thluam si hian a rawn ti a, an awmdan chu mak ka ti zawk.


An nupa in an zia chu, ang tak a ni! A awihawmloh hial zawk, ti rum rum anni chung pawh hian an dam duap mai chu kutzungpui pir vah pek tlak alawm annih le!


"Kan la hria ang chu, engchen nge in fapa sual hi inthup pui theih en ila," tih leh a fanu chu a phih tho nawk.


Ka ṭhutna aṭangin ka ding zak, an hmaah chuan ka lo ding ve ran.


"Nephthy..." Bryan-an a rawn ti. Fiona a pa hnung aṭanga rum taka min en tu chu en in, "Bryan nen sex in hmang tih chiang taka i hria a nih chuan tu fa nge i pai tih pwh i hriat ka ring. Ka sawi tawh kha, Damian-a Pa fa hi i pai a nih chuan keini nufa chu kan inthiar fihlim tur thu; a chhan chu engtia hreawm leh zahthlak nge tih ka paltlang tawh vang a ni. Mahse, a fa a ni lo a nih chuan i fa lo piang tur chu hmangaih miah lo tu che leh a thisen ni miah lo mipa kuta seilian turin i duhin ka ring lo...



Bryan-an a hmangaih lo ang bawk che-in nang pawhin i hmangaih lo, i duh chu hnehna chan a ni; Mahse, theihnghilh suh chapo na tlânga lawn sän lutuk hian natna bak min thlen ngai lo a nia. I fa lo piang tur ngaihtuah la, hmangaihtu kuta seilen tir nge i duh a, hmangaih lo tu sawi loh, a hringtu nu nang ngei pawh hmangaih a nih lohna khawvela seilen tir?" Nui säng a tiin ka thaw chhuak zui ham ham a.



Mittui tling pam hian min en, a mittui a rawn luang ngiai ngiai a, "Pa, pa kal ang u," a ti bah nawk nawk, min en reng chung chuan a pa zawk chu a pawt dat dat a.



A pa chuan na zet hian min rawn nek, ka per dawrh, engtik laiin nge Bryan ka bul a rawn thlen ni, min kuah pahin, "zawng uicho..." Ti hrawk chuan pan a tum ta mai, ka kuahbet vat, "ka ṭha," ka ti zui vat bawk a.



A thinrim lutuk taksa ruh zet mai chu tunah tak hian kuah pawh a nuam miah lo!



An chhuak chiah chu kan ngawi duk hlawm. Tumah mah ṭawng kan tum rih lo nge kan thinrim thaw kan la hmasa zawk ni!!!




<><><>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:19 pm

MR. CAPTAIN S2
<Hello! Stranger>
{My Treasure S3}

[The Unfinished Story]
By
Floria Laldansangi


Chapter < 15 >


EVALYN...POV


Bryan-a thinrim thaw ri hrawih hrawih chu keimah tak pawh chuan ka la hläu, sofa a ṭhut pahin Damian-a lam ka melh zauh, a Pu pawmna aṭangin a Pa chu kimki zet hian a rawn melh ve dek dek bawk a.

Keini nufa leh Alice-i chauh chuan kan hläu niin alang, a tar pahnih Pa Nathan-a leh Nu Maya-i erawhin engvakah an ngai lo a nih hmel!


Alice-i ka sirah a rawn ṭhu thla de de a, a U melh de de pah hian, "engtia tih nge i tum U?" A ti zawi dâ bawk!


Bryan chu ka en ran, bek pawng ṭawlh ṭawlh hian a ṭhu kûn ngur a, a mal tawn tawnah a kiu nghatin, a kut a thisen zâm lang ṭhuah khawp chuan a hum khawm bawk!


"A thin butut a chhuak leh tawh a niang," Alice-in ka beng bulah a rawn ti sa sa. A chhuak pawh a ni lo, a thin hi a butut sa reng, tleirawl tha za rual lek emaw hi a la intia, tar a ni tawh tih hi a theihnghilh ṭhin a!


"U.. !" Alice-i bawk a ni!



"A tih pawh ti lo chuan engtia ti turin nge min beisei," Bryan-an ning tih hriat zet hian bul tawkin a rawn ti hluk. Alice-i a lo ner vak, ṭawng a tum leh emaw ni, Nu Maya-in a mitmei in a lo khap vat a.



Tho nulhin phone chu a phawrh, "Marco, tunah i hna zawng zawng kalsanin Taiwan kan kal hmaa kan Party neihna hmunah khan eng chiah nge thleng tih zawng chhuak ang che. CCTV a awm chuan a vaiin ka hnenah rawn keng rawh, a vaiin," khauh zet leh bul zeta thupe-in phone chu a off zui sawk, a chhip sam buk laih mai chu a tuai leh puat ṭhin.



"A tirin i ngaihsak lova, i talbuai leh si a," Pa Nathan-an a rawn ti ban charh.


Thaw hrawihin ka bulah a rawn ṭhu thla a, mit meng thim khup maia min en zawkin a Pa lam chu a en leh, "hetiang hian a rawn ngampa ang tih ka ring pha lo a tin ni," a ti bul sup. A hmelah pawh a rin loh zia alang.


A ruktak chuan kei pawhin a rawn huaisar ka ti khawp mai, nizan lawkah damdawiin aṭangin a um chhuak ti tih a.

Tunah darkar tam pawh ral hma-in a nu leh pa te nen a rawn lang leh a nia! Ka sawi tawh angin keini in, a fa lo pai tehreng pawh nita chêng ila, tlawmlak avang hrim hrim pawhin a fa ka vahan ti awm hlei lo tak! Ka chapo na hian min dang dâwn tih ka chiang!


"Lunch a ei theih a nia," an nula in a rawn tih takah chuan, "ei phawt ang u, Damian-a phei chu breakfast a ei mumal lo, chaw pangai a duh bawk si lova, a ril a ṭam ang," Nu Maya-in a rawn ti.

Ka tho ve nghal mai bawk a.



"Eva zanriah ei nghal law law ta che u," lunch ei pah chuan Pa Nathan-an a rawn ti a, ṭawng ka tum zuau, "kan ei ang, zanah ka In ah kan haw ho bawk ang," Bryan-an hnial duh lo tihnhriat zet hian a rawn bul vut a.


Ka melh vak, a In lamah kal ka tum reng reng lo, Damian-a lah chuan a pa chu a la hläu deuh emaw ni? A la be ngam lo tih hriat tak hian mit khap fak fak hian a melh leh ṭhin!


Lalrinsanga lah mawl ren run, a fapa in a hläu tih hriata biak ve âwm!



"Engtia awm nge intum?" A pa in a rawn ti leh!


"Naktukah palai tirh ka duh," a ti sup, a aw erawh a hma ang em emin a chang tawh lo.


"A va mak rum rum âwm ve, chuti tut tut te chuan! Fiona te hi chingfel ta phawt ila," Nu Maya-in nui säng si hian a rawn ti a, kei erawh zah avangin ka alh lo chauh, min ngaihtuahna hi a nei miah lo.


"An duh duh rawn ti ang hmiang, ani avanga nupui neih ka ṭhulh chhan tur ka hre lo," Bryan lah chuan a thusawi sawh sawn a tum lo tih hriat tak hian nghet charh hian a rawn ti leh, ka fian chu dah thlain, "inbe teh ang," tih leh ka ṭhutna aṭanga thawh ka rual.


"Inbe rawh u, inngaihdan chiah kha dah lian lo ula, Damian-a engkimah dah hmasa ang che u," Pa Nathan-an a rawn ti ve vat bawk a, choka chu ka chhuahsan vat.


Ka hnungah min rawn zui ve tih ka hria, pawnah chhuakin swimming pool lam chu ka pan a, kuangkuah atin ka ding ran.


Ka hmaah luhlul leh ngeng zet hian a rawn ding ve run bawk a, kan sir aṭanga min hmu tu te tan chuan kan nuihzatthlak ru viauin ka ring, kan inlen hleih rapthlakin kanin cho hmel ang reng si a!



"Bryan, luhlul i chhuah tlat dâwn em ni?" Ka ti hap.


"Luhlul chhuah a nih loh chu," a ti sup a, a ṭawngkam bul leh ngeng ngal mai hi a ngeiawm lek lek ṭhin.


"Tun hi inneih sawi hun pawh a ni lo tih chu hre chiang ber tur ini. Fiona chu dahṭha ila, kei....." Ka tawp dat, ka mit khap fak a, "i hriat kha," ka tih zawm sep.


Min rawn pan hnai, "ka hria," tih leh min rawn ban a tum, ka lo tawlh hnung dat.



"Nephthy ka sawi tawh, nangmahin engthilmah hmachhawn tir che ka tum tawh lo," zawi tak si leh nghet charh si hian a ti leh sup a.



Ka ṭah a rawn chhuak, kum tamtak ka in enkawl a, vawiin ni thleng hian mipangai ka pha leh tawh lo. Ni e, Doctor min râwn angin Adult toys te pawh ka lei a, ka tum ṭhin alawm mah se engmahin minpui thei lo chu a nih si hi!


"Engtin nge min puih ang ni? I hria alawm ka harsatna chu," ṭah chhuak aw lawi rat hian ka ti chhuak, hmeichhia a bula awm reng, a ban leh khawih phak, mah se khawih theih nih si loh chu kei pawh hian ka duh bik miah lo!


"Nephthy, kan pahnih harsatna a ni," min rawn pan hnai a, ka dar tawn tawnah chelhin, "kan hma chhawn ang," ka mitah tak min rawn en chhuk run chungin, rilruih hian a ti leh.


Bek a mittui luang ngiai ngiaiin, a khabe hnuai aṭang chuan ka en chho vah, "sexless marriage mai a ni dâwn tih i hria alawm, engtikah nge, eng hunah nge hmangaihna i chen duh ka pek theih ang che ka hre lo a ni," keimah ka in ngaihtuah ai nasa in he mihring hi ka ngaihtuah tih hrethiam tur a ni!


Mipa hrisel tak leh thisen lum hma tak a ni a, kei chuan ka pek theih awm chhun chu, fawh leh a thisen ti lum tawk leka chet a ni mai si a; A tak ram ka thlenpui thei chuang si lo!


"Shittt..! Ṭap teh suh," ti zawi sup in zaidam zet chuan a lamah min pawt hnaiin nghet takin min kuah a, ka samah a chul hliau hliau bawk!


Muangchanga kuahlet pahin, "nupuiin a pek tur ang che ka pe thei dâwn lo che tih i hre si a," ṭap chung chuan ka ti chhuak ṭuak.



Ka chalah fawpin, ka chhipah a fawp zui vang vang a, thaw chhuak ham hamin, a khabe ka chhipa nghat chuan nghet takin min kuahbet, min kuahbo hneh viau bawk!


"Sex chu nupa inkar inzawmna siamtu pakhat ve mai chauh alawm a nih. I hlutna a hen zo lo. Chuvangin, sex kan hmang emaw hmang lo emaw i hlut ngaiin i hlu reng. Evalyn-i nih chhung chuan i hlu reng tih hre rawh. Min ring rawh, kan hma chhawn ang a, kan paltlang bawk ang. Hringnunah hian tum chuan theih loh a awm hleinem," dam dup mai leh mahni inrin tawknaa khat hian a rawn ti chhuak a. Thu a sawi sei ber ṭum a ni hial ang!



A aw chhuaktin mai chu mahni inrin tawknaa a khah avangin, chu chuan ka inrin ai nasa in Lalrinsanga hi ka ring tih a ti nghet a, huaisen na minpe ni maiin ka hre bawk!


"I nghak thei ang maw?" Ṭap zo hlim aw lai rûta ka tih chuan nui nghawr datin a inla hrang hlek a, "ka hmangaih leh min hmangaihtu neihlet nan kum6 sawi loh, damchhung pawh ngaise ka nghak mai ang tiin ka nghak che a, engvangin nge ka theih loh ang ni," Zawi tak leh ril thûk ruih maia a tih chuan, lai lek lekin ka ṭah nuih hak a, "Kum 6 chhung khan ṭawngkam thlum hman dan i lo zir niin ka hria," Ka tih chuan a nui ri huk. A nui ri mawlh hian min fan hneh ṭhin teh e!


A kut phah lianpui leh kut ṭang sei leh hrawl zet mai chuan ka biang tawn tawnah a rawn dawm a, ka mittui hru hulin, "min nei duh tawh angem?" A rawn ti sup, sexy lutuk hian a vei Kiai zui suk bawm a. Ka biang chu chelhin a mah ka en theihnan min kuai dak deuh salh bawk a.



Ka ṭah nuih sen sen, "min propose tihna em ni?" Ka ti chuan, a mitmu uk kharh mai de sawr sawra rawn nuiin, ka hmui ah a fawp zauh a, "min ṭhingṭhit tir i tum em ni?" Ka hmui dai de de chung chuan a ti zawi leh sap, nui var varin, "i ti ang chu," ka ti let ve zat.


A nui ri suk a, ka hmui kau tiarah chuan hmangaihnaa khata min fawp vawng vawngin, a inla hrang leh hlek, a hnarin ka hnar a tai zauh a, ṭhingṭhit a tum tak tak chu chelh vatin, "ka fiamthu a nih kha," tih leh ka kut ka dawh.


A hmui hnuailam pet zauh chuan, "vawi 50 pawh ṭhingṭhit ka pawi ti lo a sin," tih leh zungbun chu min bun tir a, ka kut la kângin a fawp zui zauh bawk , hmangaihnaa khatin min en vawng vawng, a mita hlimna chu ka vawikhat hmuhna a ni!


Thup buai lah a tum hek lo, a lamah min pawt hnai salh a, ka kawngah chelhin, a chal leh ka chal insik tir chuan, ka hnarah a fawp zauh, ka hmuia fawp thla in, "ka hmangaih che," a ti zawi sup bawk a.

Chubaka ri mawi chu a awm leh tawh pawhin ka ring lo, vawi tam tak a sawi ngai miah lo mah se a sawi chhun erawh a rilin, rinhlelh tur a awm ngai miah lo thung!!!!

.
.
.
.

Zanriah eikhamah ṭhut khawmna ah kan ṭhu ho, chaw ei laia min fiam phei kha chuan, nutling pui pawh hi laih avangin kan puar lo zo lek lek dâwn alawm le!


"Chutia thuthlukna insiam tawh chuan Eva te pawh inrawn khawm ula," Nu Maya-in a rawn ti, lai zetin ka la ṭhu a, ka bu zauh.


"Zaninah ka In lamah kan haw vek phawt ang chu," Bryan-an a rawn ti, ka lo nghawk zauh. A awihawmloh theih lutuk.


"A khai a Bawiha! Chuti tut tut che chu le, Eva zahawmna atan pawh man leh mual pangai taka sawiin insuihna te innei ang chu!" Pa Nathan-an nui vur vur hian a rawn ti, ka hmai a sa zui hat hat, mi hi a ngaihtuah ve pawh hian ka hre ṭhin lo!



"Zanin chu haw phawt sela; Naktuk lamah Eva te pawh inrawn khawm se, atuk lehah keinin palai te pawh kan tir ang a. Kar hnih khat lek te cbu i tuar ve ang chu, chutia ṭuah hum tawh ang maia i awm le," Nu Maya-in a rawn tih phei chuan men ngaihna pawh ka hre lo, Bryson-a leh Vala an lo nui huk.


Bryan-a erawhin a hnar a tum ri dat a, "karkhat chhunga insuih fel vek ka duh," a ti leh nghut. A luhlul nger ngur zia chu!


"Chute chu i nupui tur kutah khan a in nghat ang chu. I ngam leh ngam loh a ni tawh mai alawm. Keini te cbuan zanin a man hlan a, mo lawm pawh pawi kan ti hleinem," Nu Maya-in la nui ṭhû chungin a rawn ti leh, Bryan-an min rawn melh nghal, "karkhat a tawk lutuk," a rawn tih chuan an lo nui hawk hlawm, kei pawh Lalrinsanga naupang chhia lutuk tih ngaihna hre lo zetin ka nui ve ta hak.


A fapa ang chiah a ni, a tum tawh chu puitlin tum bur zel ang kha!


"Eva, fapa pahnih a nia aw i enkawl dâwn ni. Keipawh mipa hlir 5 ka enkawl nia. Mipa te chu e! an puitling tak tak thei lo," Pa Nathan-a melh ralh paha a tih chuan an pa chu a hnar a lo tum dat.



"Thu hi in ngah lutuk a, chuvang alawm," a lo ti ve, an nupa chuan an nui zui ang kur kur a, hmuh hi an nuam takzet, an inhau ve ngai em ti dâwn ila, eng emaw sawi se an in hnial ve bap bap zel tho si, tunlai ṭawng takin, "tom & Jerry relationship" ang kha annei ni berin ka hria.

Nu Maya-i lahin an pa a fiamin a la ti lui peih, an pa lahin a hlimna tawk turin a lo chhanglet thiam ve bawk, an hmuhnawm tih bak sawi tur a awm lo
.
.
.




"I fapa cial hi kan khumah a muhil ringawt a nia," Alice-in Damian-a a rawn pawm chhuak, Bryan-a tho vatin a fapa chu a la a, "kan chhuak dâwn em ni a nih leh," a rawn ti. Ka lo bu nghat.



"Ni e, vawiin lam kan thil tawn hrep nen i chau viau ang, rilru ti hah lo la, kha i bula ding berin "ka chingfel thei" a tia lawm le, a chin fel loh leh Melbourne aia hla kalna tur ka pe dâwn che nia," nui kur kur paha Nu Maya-in a tih leh chuan Lalrinsanga a lo rum nghut, "kal ang," a ti zui nghut bawk a. Ka nui ve ṭhu tho.



"Bryan riah kha i tum nghal ngawt ang e aw!" Bryson-a kawngkhar a kan chhuak a rawn au zui, "ka nupui leh fapa bula riah chu a sual em ni?" A ti leh hrâm, an nui tak ang dur dur a!


Car-ah ṭhu lutin ka mal chungah Damian-a a rawn dah, pawmin ka lo fawp zauh, a rim hi a tui chek chek lutuk a! A anusen deuhlai phei kha chuan a naute rim kha tui ka ti ṭhin khawp a, zan mu thei hek lo, ka fapa tereuhte kha ka fawp reng mai ṭhin!


"A tal chau a niang, nidang aiin a muhil hma," Bryan-a rawn ṭhu lut ve chu ka melh zauh, "a nî in bual a tum a a duh lo nasa lutuk tal chau a niang," a rawn nui zui suk.



U Mampuii nen kan inbiak avangin engmah ka lo hre lo, a chang hian a inla tlangval lutuk hi midang bual sawi loh, ka bual tak ngial pawh duh loh chang a nei ṭhin, amaha a tih theih ang hi chu tih vek hi a tum ṭhin a, hmanhmawh chang phei chuan ninawm lamah hian a kal lek lek zel bawk!


Kan in luahna kawtah chuan car a ti ding dat, chhuakin kan ṭhutna lam chu a rawn hawng a, Damian-a pawmin ka vawm theih turin a kut a rawn lek chhuak zat bawk, lo nuih seihin, ka lo ban ve mai bawk a.


An sawi ṭhin, "mipa tih läwm hi a har miah lo" tiin, Lalrinsanga phei hi chu a fapa ang rual leka chet chang a ngah lutuk leh a läwmna ho lutuk te, thinrimna leh insum theih lohna ho lutukah te hian a dik viau in ka hria!


"Ka haw na tum a hla ta hle mai," Kawngkhar ka hawn laiin a rawn ti dut dut, a rilru ka hre reng, ka haider tlat. Ka nuih erawh a za ru viau thung!




"Haw mai rawh, ka mut ang a, keipawh ka mu ve nghal ang," a lam hawi rualin Damian-a pawm ka tum chu, a rawn nui suk, "ka riak lovang lungngai suh," a la nui reng, tawlhsawn deuhin, "i haw na tur a hla emaw ka tia," nui kur kur chungin ka fiam leh zauh.


"Eva..." Ka hawi vat.


"Tluanga," ka tih rual deuh thaw in Bryan-a min si chetin a rawn ding nghal, room ah a lut tawh angchu tih laiin!


"Mizoram ah eng nge i tih?" Ka ti deuh hâ.


Bryan-a chu a melh zauh, "Mizoramah in zin tih i sawi si lova," ti leh, Damian-a chu a melh zauh a, "engtik nge haw in tum, ka rualin let ta che u," a ti zui leh.


Bryan-a a lo rum nghut, "khawiah mah an kal tawh dawn lo," bul zet hian Bryan-an a lo ti hluk.


In en zui ngur chung hian, "Eva chunga i thiltih kha i theihnghilh em ni?" Tluanga'n ti chhar chhar chungin, "eng nge hetah a tih ve?" Min rawn en leh, Bryan-a che hrut chu a bânah chelh vatin, "inneih kan tum a," ka ti sep. Bryan-an min en zui nghal tih ka hria!


"I fiamthu tiraw? I chunga a thiltih kha i theihnghilh em nni?" Ka pa jail a dah tu a nih hi Evalyn," Tluanga chuan a ti chhuak khur khur.


Za vak lo hian ka nui a, Bryan-a lam hawiin, "i fapa kha lova mut rawh, Tluanga hi kan be lawk ang e," ka ti chu kal sawn a tum lo tih hriat tak hian min en ngur ngur a!



Nuih sängin, "min ngaihtuah suh," ka tih leh takah chuan hnar tum dat hian, "Inchhungah inbia ang che u," lawm vak lo a tih leh ka chala fawp kher chuan a pensawn nghal, ka nui zui seih!


"Eva i â ta em ni? Engtin nge nasa taka nghaisa tu che leh ka Pa hial jail bang zût tir tu chu pasal ah i neih theih ang?" Min rawn din hnaih, inchhung lama inher sanin, sofa kan hûn chhunah chuan ka ṭhu thla a.


"Duhtawk rawh Tluanga, ka pa jail-a khungtu chu kan pahnih hian tunge tih kan hre ve ve," ka ti ta kalh kalh. Sawi chhuah ka tum ngai lo mah se pawisawi lo Bryan-a mawh phurh tir a tum reng erawh ka duh dêr lo thung!


"Engmaw i sawi?" A mitmu chu a tal deuh rak rak a, ka nuih seih, Bryan-a ka bula rawn ṭhu chu melh zauhin, "i hria alawm, court-a fiahna pe lut tu chu tunge tih. Chhan awm lovin khang ka share leh Leah share kha ka pe miah lo che a nia, ka Pa i man tira, a damdawiin i kutah a awm bawk a, kan nu leh pa te tih sualah kan tuar ve ve. Kan ba kan inrul tawn tawh bawkin ka hria," dam dap hian ka ti chhuak!


Ni e, Bryan-an fiahna a tih chhiat thu a sawi khan ka rinna leh rin lohna a inzat chiah a mah se Eddie-an damdawi a khawih thu ka hriat khan Bryan ka rinhlelhna erawh a reh nghal thung!


Ka rin lawk mah nise Tluanga thiltih a ni tih ka hriat khan ka thinrim dâwn viau a; Mahse, keini ang bawkin, a Pa khan, a nupui leh ka Pa uire lai a man avanga lungphu chawl a boral a nih a ni a, kan in ang reng. Chuvangin ka Pa tihsual a puang chhuakah ka ngai mai! Dawt chuan lan chhuah hun a nei ah ka ngai hmiah bawk, chuvanga engmah sawi buai lova ka share leh Leah share thlenga pe ka ni!


"Engkim inhria amaw?" Mak a tih zia chu a thup buai thei lo a ni ber!


Ka bu nghat, "nang leh kei, Leah leh Rosie-i te kan vai hian a tuar tu kanni a; Mahse, i pa nunna lakah chuan heng Hospital share te chu engmah a ni lo tih hre mah ila, kan inrul tawk tawh chuan ka hria, i duh leh i tum i puitlin tawh a ni lo'm ni?" Ka ti leh.

Bryan-an nghet takin ka kut a rawn chelh a, "a nih chuan kan inzawmna tih chah i duh tihna em ni?" Ka nui.


"Chu erawh i duhthlanna a ni ang chu. Ka tan chuan ka unaupa ini reng, kan inzawmna chu hlimna in ṭan lo mah ila, kan hmangaihte avangin kan hmangaih dangte kan chan ve ve tlat avangin, chu chuan minti unau ah ka ngai," Bryan-a lam hawiin ka nui sen sen bawk.



"A ṭha e, i duhdan chuan le, zanin aṭang hian mihrang diktak kan ni dâwn a nih chu," Tluanga chu ka en chho, Bryan-a melh run chungin , "ti na suh ang che," ti zawm nghut chuan inherin kawngkhar lam pan chuan a chhuak zui nal nal.



Ka thaw chhuak ham ham, lawmthu tal ka sawi lova tih ka ngaihtuah, khang kum tamtak chhung khan ka rilru ang pu ve lo mah se a theihtawp chhuahin min pui si a!



"I ṭha em?" Bryan lam chu hawiin ka bu zauh, min rawn ṭhut hnaih chuan min kuah vang vang a, ka lu a âwma nghat chialin ka lo bei ve hle hle bawk!


"Riahpui tur che in min duh em? A lo let leh takin," Thutak zeta a rawn tih chuan a âwm ah ka beng taih, ka inla hrang nghal zat bawk a.


"Kan nufa in kan awm thei, haw tawh rawh," ka ti nghal hlar. Remchang a piang hi a dap tak tak, naupang ang mai!


A thaw thawk, "Kawngkhar kalh ṭha ang che," tih leh alama min pawt hnain min fawp vawng vawng a, min fawh danah chuan haw a hreh takzet tih ka hre thei.


Hreh zeta inla hrang hian, "i man pek vat a ngai a ni," thaw ri hrawihin a ti zui hluk, ka nui hak, "i zahpuiawm lutuk," tih leh inla hrangin, "naktuk chu U Ryan-a te in lamah chaw kan ei dawn a nia," Kawngkhar lam ka pan zui.


"Ka rawn lam ang che u," a ti sup a, ka bekah fawp leh zauhin, "Kawngkhar kalh ang che, muttui leh Nephthy," sexy lutuk a ti zawi sup chuan a pen chhuak nghal pawk pawk.



Inchhung a chhuahsan rualin a ruak nghal hawk thei, a lianin a mi uapna a na bawk nen, inchhung leh keimah ngei pawh hi min luah hneh mah mah ṭhin!!!



<>~><>~>

NOTE: naktuk zan ka rawn dah hman dâwn em ka hre lova, rawn dah erawh ka tum ang, a chhan chu Sunday ka hman dâwn lova😘(Last Chapter kan va hnaih ta ve🤗)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:20 pm

MR. CAPTAIN S2
<Hello! Stranger>
{My Treasure S3}

[The Unfinished Story]
By
Floria Laldansangi


Chapter < 16 >


EVALYN..POV


"Daddy..." Damian-a chu a pawm kâng nawlh.



"I Pa bula i awm aṭang hian pawm hi iti tam ta riau mai," tih leh ka beka rawn fawp zauh tu chu en chho in, "hnathawh hun a ni si a, eng nge i rawn tih dâwn?" Ka ti zawm zat. Dar 2 vel chauh a ni, U Mampuii te in lamah zanriah ei turin phei kan tum chiah a, a rawn lawr ve leh.



"Damian-a Pa em ni? Rawn hruai inngaih dâwn loh chu, U Mampuii te In lamah kan inhmu dawn nia, Miriam a ṭap leh hei," tih leh ka chhanna pawh nghak lovin Mimii'n phone chu a off zui zat.



Damian-a car-ah a ṭhut luh tir, ka lam a rawn hawi chu ka bag a phone khung pahin ka zawhna chhanna beiseiin ka lo en ran.


Car kawngkhar ngheng dat chuan kekawr ipte zen apin a ding a, "Ruata'n min rawn tir," a ti sup, ka inthuam dan chu uluk lutuk hian a en nghal bawk a!


"Aruata'n maw?" Ka ti deuh haw, a lo kiai suk. Ka awih loh zia chu pui tak a ni. An Pu ber hi tumah hian an tir dâwn lul lo ve!


"Ti khan chhuah i tum em ni?" Ka inthuam dan chu a kawk zauh, in en in, "ti bak bak," tih leh a dinna lam ka pan hnai, phun hluk hian, "âwm ang lo lutuk, i taksa a lang tam hrim hrim Nephthy," tih leh min rawn din chilhin, "a âwm a zau lutuk. Bakah, i pian a lang chiang lutuk bawk," a rawn ti leh sup.


Awih lo fe hian ka lo melh chho, "i over lutuk Lalrinsang," ka ti hlak. Solid cami top dum ka ha a, floral skirt ka ngalrek thlenga fual ka feng bawk, ka kawr hak erawh a bân a bul mah mah tih ka hria chutia taksa lang tam tih chi pawh a ni lo.



"In thlak rawh," aw hniam ruih hian a rawn ti leh a, "a mak..." Ka ti hman ṭawk ṭawng tam a tum lo thei sia, zo zet hian min pawm kâng nawlh.


Phu zawk leh tlak hläu lutuk chuan a nghawngah kuahbet zui rawk rawkin ka rak ṭhat, "min dah thla rawh, khawlai a nih hi," ka ti nghal chul, ngawi ngul hian kan in lam chu min pan pui pawk pawk a.


Bryan-an min pawm chu Damian-a läwmah a tla, khek raih raih hian, "Mom thu i awih lova," a rawn ti ang zat bawk a, an vahan hahthlak pafa tak!


Kawngkhar hmaah chuan min nghat dat a, min din chilh nghal run bawk, ngei tawk chuan na zeta melhin kawngkhar chahbi chu ka phawrh ve ta nge nge a.


Room thleng chuan min zui lut ve zel, "chhuak rawh ka inthlak dâwn alawm maw le," cabinet hawng pahin ka ti ṭeu hlar.


Ka thusawi ngai pawimawh lo zet hian khumah chuan a ṭhu a, "ka hmuh hnu vek a nih kha," thutak zet hian a ti zawi sup, a nui ri zui suk bawk a, ka vahan ngei thei ber tak!


Floral Print dress ka châwnpuar thlenga fual, a bân bul chu ka la chhuak a, "chhuah i tum lo tak tak em ni," ka ti leh. a hmuh tawh mah nise han in phelh deuh kung kung chu nuam ka ti dêr lo.


Min chhang lovin a mitko veilam chu a san ak, ka vin vak lohnan ka mit ka chhing sawk, thin chhiatnen Lalrinsanga awmdan hi a chang chuan ka dawh theihna piahlam hi a ni ṭhin.


Thaw halhin ka inphelh nghal sat sat, kawrfual hak ka tum, ka la kâng chu Bryan-a a rawn ding, mitmeng de sawr sawra min en na chu en letin, "min rawn pan hnai miah suh," nui chung hian ka ti a.


A dar san ak in min rawn din chilh, thawmhnaw ka la inbel loh miau avangin ka duh ai mahin la lang sexy ta!

lace-up self Adhesive bra set ka ha bawk nen, ka landan tur chu ka hre reng.


Ka tâifêk ratah chuan zût kualin a kut a rawn rawlh kual a, a lamah min pawt hnai salh, ka thisen kal lai leh lungphu danglam ta nghal vat chu Lalrinsanga pawh hian a hai lo nasa, sexy lutuk hian a vei kiai suk a, "hetiang kekawrt leh bra ha chungin khang kawr âwm khuhtu pawh awm lo kha hak i tum a," aw ki hniam sût hian a rawn ti su su.


A lungphu ri dup dup chu ka hre thei, kei phei chu zah emaw vawh tih vang pawh ni chai si lo chuan ka khur ru dâwn lek lek zawk!



Thle deuh hâ in ka nui chho seih a, "chhunglam a hmuh theih chuang hleihnem," ka mitko chu ka sän ve ak, a hnar a tum dat a, ka kawng a chelhna kut chu sawn hniamin ka mawngtam, mahni tawka mum bial ve laih chu a ṭham deuh salh a, a kut leh lamin ka khabe chu a chawi kang deuh a, hmet kau zui tiar chuan, min tihnat hläu ni âwm hrimin dimtê in min fawp zui vawng vawng a.


A lei thap leh thilti thei zet chu ka kâ chhungah a rawn hawl luh takah chuan nui sen senin ka kuta ka dress ken chu chhuatah thlakin, dingdi hlip ak ak hian a nghawngah ka kut chu ka suih zawm a, ka fawp let ve nghal tán tán, thaw ri hakin, min pawm kâng nawlh, a kawngah chuan ka bawp chu ka kherh ve nghat zat bawk a.


Ka mawngtam ṭham leh salh ṭhinin, min fawhna tui leh thlum tak nen chuan kan pahnih khawvelah kan leng zui delh delh, "Mom...." Kawngkhar a rawn ri kharh kharh.


Inthlah vatin, kan thaw chhuak ham ham, min la pawm reng avangin a tukkhuma dawm chung chuan kan in en a, kan nui chhuak hak, "kan fapa kan theihnghilh," ka ti chhuak sep, ka thawk lak leh lungphu a la pangai loh ang bawkin Bryan-a mitmeng pawh a pangai bik lo, hnuailama a mipatna khawng ṭha tak pawh ka hre thei!


Nui suk hian ka hmuiah fawp zauhin ka hnute, bra in a phuar mar avanga rawn puar chhuakah chuan a fawp zui zauh bawk a, ka mawngtam a ṭham leh salhin chhuatah min nghat dat.


"In ha rawh," harsa tih hmel taka ring si lova rawn ti deuh hraihin kawngkhar lam panin a chhuak vut, a khar dâwanah Damian-a hmel chu ka hmu hman.


Ka thaw chhuak ham hama ka nui leh seih ṭhin ka mitthla ah nichin maia Bryan-a mitmenga min mamawhna kha a rawn lang, ka âwm chhung hi a rawn nâ nghal veng veng bawk!


Khatiang mai kha ka ni a, a thisen ka ti lum a, min mamawh turin ka awm a; Mahse, a tak ram ka thlenpui thei si lo. Harsa tak chuan boruak ka hîp kawk, thaw chhuak ham hamin, "ring rawh, rinna nei rawh Eva," keimah leh keimah chu ka in hrilh ru mawlh mawlh tak nâ in, ka sawi lai ngei pawhin ka chhungril khawi emaw lai hian beiseina a nei dêr lo!

.
.
.
Car-a ka ṭhut luh rualin ka mal chungah file hi a rawn dah a, "Ruata'n en tur che in a duh," ti supin car a ti nung nghal zat.


Keu thuak thuakin, "naktukah rawn hmuh ka tum hrim hrim a," ka ti sep.


Min rawn en zawkin hmalam a hawi lehnghal, "office rawn kal a ngai lo, in aṭangin i thawk dâwn nia," a tih chuan rum tawkin ka melh, a hma in In aṭanga thawh ka duh thu ka sawi a, a rem ti lo bur chu sawi loh, ka dawhkan thlengin a office chhungah a hung a, tunah In aṭang tih leh, khawlhkham reuh lutuk!


"Ti khan min en suh, a hma leh tun a in ang lo," ka rilru hria ni âwm tak chuan nuihza aw lek lek hian a rawn ti leh a, ka ner khum vak ringawt. Hnial eng ang mah ila, a thu tê lo chuan a kal leh dâwn lo tih ka chiang lutuka ka hnial buai peih lo!


"Damian..." Car aṭanga chhuah rualin Joshua kan lam panin a rawn tlan, "i tlu ang e," ka lo ti vat.


"Office-ah ka let dâwn a nia, zanriah ei khamah ka rawn hruai ang che u," ti supin ka bekah a fawp zauh bawk.


A tlân liam thleng chu en zuiin, "Mimii te nen inrawn kal rual dâwn emaw ka tia," U Mampuii aw ka hriatna lam chu ka hawi vat.


"Damian-a pa a rawn lang ta sia, kan rawn kal hmasa, an rawn thleng ṭep ang," tih leh inchhung lam chu ka pan a.


U Ryan-a chhungte chu min inhmel hriat tir dan dan, "damdawiin i awm tih kan hriat ve meuh chuan i lo chhuak hman a, eng nge i an tawh?" U Ryan-a Nu, Nu Zarpuii'n a rawn ti.


"Ka ṭha lutuk tawh," ka ti vat.


"Eva..." Rawn ti tu lam chu ka hawi zui a, dul kawh luah hian U Sangtei'n ka lam a rawn pan nui var var a. Ka lo en haw, ka ham haih lek lek, U Mampuii chu ka en vat, ani lah a lo nui ang sun sun a.



"U Sangte," ka ti deuh haw. U Zoa nupui kha a ni, vawikhat chiah ka hmu nâ in ka hre lutuk mah mah!


"I dam maw?" Min rawn chibai, mak ka tihzia chu ka thup thei lo a ni ber mai, a pasal nupui hlui te In ah eng nge maw a tih le?


"In inhre sa em ni kha. Eva, Sangtei kha ka nau(cousin) fa pangber a nia," Nu Zarpui'in a rawn ti. "Khawvel hi a va zim ve" tihna tham rum rum alawm le!


"Heihi a tawk mai em?" U Zoa a rawn lut, anṭam hi a rawn pawm lut hnur bawk a.


"Eva inrawn thleng ta maw?" Tih leh annu in a anṭam ken lo chhawkin min rawm chibai, ka lo vuan let vat.


"Fapa i nei tih ka hriat khan min ṭhawng lek lek alawm! Hman kuma thikthu chhe deuh kha a niang chu maw a pa?" A nui zui huk huk.


Lawnga chawlh kan hman ṭum khan Bryan-an a thikthu a lo ti lang deuh emaw ni?


"Ni e, in fa pakhatna tur em ni?"


"Ni nang, khawi nge ka fapa kha?" Tih leh a hawi kual, "a U Rachel-i bula ṭhu saw, kum 4 a hmang ve ṭan," a ti leh zat.


U Mampuii leh Sangtei chu rawng an bawl malh malh, annui dun leh hak ṭhin, pasal hlui te nena han inpawh thar leh pawh chu puitlin a ngai viau in ka ring!


Mimii te chhung an rawn thleng ve bawk, U Ryan-a U, Zuala te chhung te nen naupang nen kan ri ve luih luih mai!

.
.
.

"Bryan-an nizan tlai tawh lamah min rawn bia a, palai rawn tirh a duh thu a sawi a, Mimii te in lamah nge ka in lamah a tirh dawn tih min zawt a," U Mampuii'n chaw ei pahin a rawn ti.


"Eva ngaihdan i nei em? Kan in ah pawh a theih a, Mimii te in lamah pawh a in ang reng ti a," Nu Zarpuii pasalin a rawn ti vat.


"In inlamah hian rawn tir zawk sela, Pa ber awmna te a nia, a fuh zawk ang a," Mimii'n a lo ti ve, kan lo bu nghat hlawm.


Chhungkua tia sawi tur ka nei miah lo, Leah boral hnuah phei chuan keimah tlawng ka ni, pasal pawh nei ve ila mahni a neih mawl tawp bak kha ka ngaihtuah thleng ngam ngai lo reng reng; Mahse, U Mampuii leh Mimii zarah tihan zahawm takin pasal ka nei chhuak dâwn a nia. "Pathian lo ṭhat zia hi aw" tih vawng vawngna tham a va ni ṭhin tehlul êm!


"Chuti chu kan In lamah rawn tir mai sela, i U Ryan-a pawhin a lo sawi a, 'Pa awmna lamah rawn tir sela' tiin, Mimii te lam ngaihdan a nih vak loh kha ka lo hläu maw le," U Mampuii bawkin a ti leh.


"Ni e, i nuṭa te kan awm alawm, rilru te kha iti hah ang e, engkimah Mizo dan ang thlapin kan thlah dâwn che. Zahawm takin," U Zoa chu ka en, engtia ka hnuk rawn ulh ta tlat nge maw a nih?


Tupawh mai chuan an fanu leh farnu ang tak tak maia ṭawngkam ka chunga anneihna chuan "lawmna mittui" antih ang hi min neih tir niin ka hria!


"Chutia hetah palai rawn tirh antum chuan Eva pawh, i nu leh pa kan nih dâwn avangin, Mizo danah 'Nu leh Pa zawn' kan nihnan ar pakhat naktuk zanah rawn keng la, i rawn lêng dawn nia. Nu leh pa tak tak kan nih theihnan," nui sun sun hian Nu Zarpuii pasal chuan a rawn ti leh charh charh.


"Nia maw le, a nachang reng reng ka lo hre lo, Bryan-a ten palai an rawn tirh hmaa tih vat a ngai," U Mampuii'n a lo ti ve vat, ka bu nghat nghat.


Engkim chu ka bi deuh hû tak tak a ni! A nachang lah engmah ka hre bawk si lo!

.
.
.

"Haw in hman tawh dâwn em?" Bryan chu ka sirah a rawn ṭhu thla zat.


"Haw rih lo e, palai tirh chungchang kha kan lo sawi a, hetah ni maise kan tia, harsatna inneih loh chuan," Nu Zarpui'in a lo ti vat, a bu nghat a, "a nih chuan naktuk zanah ka rawn tir mai ang," a ti zawi sup.


Midang an lo nui huk a, "a va mak awm vut vut ve Bryan," U Zuala'n a lo fiam, a nui tawi tuk a, "nghah rei chhan tur a awm tawh hleinem, palai rawn tirha a rem chan chuan nghah ngai lovin kartawp lamah insuih mai ka duh a," a ti awlsam leh dût, midang lah annuih a za tulh tulh, kei pawh chu ka nui ve sun sun, a hmanhmawh ang reng bawk sia!


"Palai te rawn tir phawt la, kan lo induh ve phian mai thei a sin," U Zoa'n a lo fiam, a nui ṭha vak duh lo tih ka hre reng.


.
.
.

"Dad, ka Mom hi inei tawh dawn em ni?" Kan haw kawngah chuan Damian-an a rawn ti reuh a.


Darthlalang aṭanga a fapa en in, "ka neisa tawh a aman ka la pe lova," min rawn melh.


"Man a nei maw?" A fapa lah chuan a lo ti heu.


Bryan-a nui ri sukin, "Mizo chuan nupui kan neihin nupui man kan pek a ngai alawm," a ti ve leh mai.


"Engzah nge?" A dil chhut thei bawk sia!


"Rs. 420," a tih rualin, "Rs. 420 chu Dollar chuan $10 pawh a tling miah lo," a rawn ti ban chap.


Kan lo nui hak a, "sum zawnga chhut tur a ni hleinem, ka nupui a nihzia chhinchhiahna alawm," Bryan-an nui chungin a fapa chu a hrilhfiah ve leh mai bawk a, a fapa bulah hi chuan a dawhthei in a zaidam tih piah lam hi a ni ṭhin!


"Hna tlem ka la nei a, office ah let ka ngai a, ka rawn lut kawi lo mai ang," car bulah chuan a ding, ka bu nghat.


Ka hmui ah fawp zauhin, "Dude muttui le," tih leh a fapa chhipah fawp zuiin, "lut rawh u," a ti zui leh sup.


Inchhung kan luh rualin a car tlân chhuak ri ka hre zui nghal.

"Mom, Daddy nen in inneih chuan kan awm tlâng vek tawh dawn tiraw?" Damian-an a rawn ti, ka lo bu nghat.


Nui var var hian, "Melbourne-ah kan let tawh dawn lo tihna tiraw? Melbourne ah chuan Daddy ka nei lo zela ka haw duh tawh miah lo," a ti zat zat. Ka fapa hlim lutuk khek raih raih chu nui chunga en in, a samah ka tuai zauh a, "i hâ nawtin, i hmai phihfai la kan mu dâwn nia," ka tih zawh rualin kawngkhar a rawn ri zui pawp pawp.

Damian-a ka bulah a rawn ding hnai nghal zat. Hawng ta mai lo chuan, "tunge?" Ka ti hmasa a.


"Evalyn... Evalyn kawngkhar hi hawng rawh, keimah Tetei Nu," a rawn ti ṭeng chuai!


Rang lutuk chuan kawngkhar lam ka pan a, kawngkhar chu ka hawng rawk rawk, a kalhna ka pawh thlak rualin a rawn in pawt hawng sawk, "Nu Mary...." Ka ti hman ṭawk, ka dulah hian na takin min rawn su zui sawk a.


Ka ding nghet lo bawk nen ka hnunglamah ka let thla nghal dawt.


Ka chungah min rawn bawhin, ka samah a kek zui ta bawrh bawrh mai, "ka fanu thattu inih hi, ka fanu Lung hi minpe let rawh," a rak tuar tuar.


Phih thlak mai ka tuma ka rin aiin a chak zek lehnghal, nge ka samah a ṭham nghet mah mah zawk.


"Mom... Mom..." Damian-an nam sawn a lo tum ve chu ka kut a vai sawn ka tum, a tihnat ve mai ka hläu a ni!


"Damian, Damian i Pa phone rawh," ka tih chul laiin tu emaw hian hneh sawh lutukin an rawn pawt ṭhen sawk, ka sam a ṭil zui tuar, ka lu vun na lutuk chu ka Lu ka dawm nghal vawng vawng bawk.


"Nephthy..." Bryan-a aw ka hriat rualin ka hawi chhuak vat, ka mittui a rawn hnam sawk!


"Tualthattu innih kha," ti tuara min rawn pan leh a tum chu Marco-an zo lutuk hian a pawm kâng nawlh a, a kut a hnunglamah kherh betin, a chelhbet zui zat bawk.


"A ti nâ che em?" Min tung tho, min en kual nghal thuak thuak a, ka lu vun mawlh chu a na lutuk, a vun hi a hïk niin ka hria, a sa huam huam thei!


"I fa thattu lakah sawn i thlak a, Lalrinsang ramhuai inih kha," Nu Mary-i chu a au tuar tuar.


Bryan-an sofa lama min kuahin, Damian-a hläu ding khawng ngar chu a pawm a, ka mal chunga rawn dahin nghet takin ka fapa chu ka lo kuah, chu veleh chhuak lutuk hian a rawn ṭap chhuak uah uah, ka fapa a ṭah rualin ka mittui a rawn luang thla ve pup.


Bryan-a chuan kan nufa in kuah chu min em run runin a kut chu a hum ruh a, bek pawng ṭawlh ṭawlh a inherin, Marco-an a chelhbeh Nu Mary-i dar tawn tawnah chuan a chelha thing deuh nawk hian, "i fanu naupai kha ka fa a ni phiangsen lo ang bawkin tualthattu tu pawh kan ni hek lo," ti hrawkin a nam kat nawk, a tar tawh si chutia Bryan-a a ti chu ka lo inthiam lo leh ang lawi a!


"Mitthi tawh chungah pawh dawt inla sawi duh a," a ti let tuar!


Bryan chu rapawm lutuk hian a rawn nui hul hawk, Damian-a pawhin a hläu a ni ngei ang, insut feih feih hian min kuah nghet nghal chawih chawih.


"Hrep tak che hian ka Pi! I fanu khan ka fa ni lovin i vahpa, a unaupa fa a ni a pai ni." Ring si lo ten tih hriat tak si hian a ti zawi hraih a.



"Dawt, dawt a nih chu," Nu Mary-i chu a au tawn tawn. Mi inluah mai kan ni si a, ṭhenawm khawveng zawng zawngin kan thawm an hre tawh ngei ang!


Bryan chuan a chhip sam a tuai puatin, a hmai a tuai leh puat a, "I fanu kha eng nge pek loh ka neih, mipa in hmeichhe hnena an pek theih ang zawng zawng, sex thlengin a kham khawpin ka pe. A ni lo'm ni? Mahse, a mipa hmangaih tán pawha rinawm zo lo, mahni unaupa fa pai duh a ni tih hi min sawi luih tir a ni tih hria ang che," khauh zet leh kha zet hian a ti chhuak hrawih a, a ner sawk bawk. Tetei chanchin sawi a duh loh zia a hmel chang rût maiah chuan a lang chiang mah mah!


"Marco hruai chhuak la, engkim hmuh tir ang che," bul zet a tih leh a rawn inher vut, kan nufa chuan mittui nen, mit khap fak fakin kan lo en kar.


Kan bula rawn dingin thinrim inbengdaih tuma mit chhing sawk chuan, thaw la in a thaw chhuak leh ham ham a, "na in nei lo tak tak maw?" A aw pawh thunun tum viau mah se a la chang rap rap khawp mai!

Ka lu ka lo thing a, a fapa ka pawm lai chu banin, pawm chungin ka sirah a rawn ṭhu thla, ka dara rawn kuahin a hmer salh bawk a!



"Inbulah ka awm tawh, engmahin a ti na thei lo che u," nghet charh leh khauh taka a ti ri chu ring lo mah se ka thla a muang suai suai thei! Hläuh erawh ka hlau miah lo mah se nunhlui a nihna leh ka thil pal tlang tawh ka hmachhawn leh avangin, ka chiai ni berin ka hria!


"Hetah chuan a rawn kal ka rin loh nen," a ti zui leh hluk, Bryan-a lam hawiin, "eng nge i sawi awmzia?" Ka aw chu a lawi rat.


Ka nat vanga ṭap ka ni miah lo, ka fapa hläu lungchhe taka ṭap khan minti ṭap ve a ni ber!

"Office kawtah a rawn au fo a, ka ngaipawimawh lem lova," bek pawng ṭawlh ṭawlh chuan a ti leh. Ka lo thaw halh, "a fanu a chân a, a rilru tur ka hrethiam," ka ti zawi sep. Bryan-a dar ngheng datin ka bei zui hle hle bawk a.


Nu ka ni a, Nu Mary-i rilru tur ka hrethiam takzet! Ka fapa hian mit khap kar lekin min bo san ve ta thut sela, ka â thei maiin ka ring. Ani phei chu kei leh ka pa vang liau liaua chân a ni a, dam chhungin min dem pawh nise ṭawngkam khat pawhin phatmar na tur ka nei lo.



Ka tawn tur leh ka tawrh tur ve rêngah ka ngai hmiah thung, fa chân nat zia hre tu ka ni a, hmel pawh la nei lo ka fanu ka chân lai khan mi â ang mai ka nih ve tho kha maw!!!


<><><><><>



Note : naktuk zan ka awl ang aw💚

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:20 pm

MR. CAPTAIN S2
<Hello! Stranger>
{My Treasure S3}

[The Unfinished Story]
By
Floria Laldansangi

< 17 >


BRYAN..POV


Nephthy chu ka kuahna aṭanga inla hrangin, a ṭhu ngil a, a mit mittui avanga mit la hnawm chap chung chuan, "Damian-a chu ka lo pwm ang e. Nu Mary-i kha umzui rawh, thudik a hre tak tak a nih chuan a tuar zo hauh lo ang," a ti chh huak sep. A mitmeng sen râmah chuan Tetei Nu a ngaihtuah zia a lang zut zut. Kut tuar zawk a ni a, midang ngaihtuah thei dinhmun ah pawt a ding hrep lo!



Ka lo rum nghut, "a cho chhuah a nih kha," ka ti bul hluk. Nichin maia ka tihdan kha, 'mipa in hmeichhia kut a thlak' ti pawhin sawi duhse an sawi thei ang; Mahse, inchhirna ka nei ta hauh chuang law.


Ka fapa hläu hmel dang lawp mai leh ka nupui kut tuar mek ka hmuh khan tu mipa mah an insum theih ka ring nek bawk hek lo!

Damian-a chu ban ta tho vin, "nu a ni a, a thin urna kan chunga a leihbuak kha a tih tur ve reng a ni. Kal rawh, enzui tu an awm a ngai alawm, keini nufa chu kan ṭha," ka bânah min nawr dat dat.


Ka thaw ri hraih, "in ṭha ang maw?" Ka en nghal run, a lo bu nghat a, "min ngaihtuah suh," a nui zui seih bawk! A nuih erawh a za hauh lo. A mitah chuan ṭah chakna bak hmuh tur a awm lo!


Ka fapa, a nu âwm a bei chial chu a chhip ah khawih zauhin ka tho nghal vut a. Ka pen chhuak zui pawk pawk.


Car ah ṭhu lutin Marco chu ka call a, "Khawnge i awm?" Ka tlân chhuak nghal.


"Tetei Nu in aṭangin ka let chiah," a tih chuan off in Tetei te inlam chu ka pan nghal a.


In kawtah chuan car ka ti ding dat, in lam chu ka en deuh vang vang phawt a, saw In ka rah hnu hnungber kha chu Evalyn-i Pa vang kha a ni a, tunah thil kal tawh avang bawkin ka let leh a nih hi! Ka thaw hak.


Car aṭanga chhuakin In lam chu ka pan a, Tetei Nu aw ngei mai chu a rawn ṭap chhuak hawm hawm kawngkhar bulah chuan ka ding ren rawn a.


"Engtin nge i theih? I nau a nih kha, i unaunu i that tih i hria em?" Ṭap hawm hawm chuan a ti chhuak!


Kawngkhar chu dimtê in ka hawng a, min rawn hmuh rualin, chhuatah chuan a ṭhu thla hnawk, a kut tar tawh tak, vun zûr tawh tak chuan a âwm chu a chum dawt dawt.



A mit, a vun chuarin a khuh hnup tawh chu natna leh mangan na in a khat, mit paw rial leh mittui nena min rawn en in, "dawt a nih tih min hrilh teh. Engtin ngee ka fanu, nunnem leh thuawih tak, ngilnei tak khan chutiang thil rapthlak chu a tih theih ang ni? Mipa dang pawh ni lo a unaupa fa maw?" Ṭap chung chuan a chham hawm hawm a.


Ramdina ding ve run chu en in ka rum khum ngut, ka ipte zenin, "hetiang hian i awmdawn tih ka hriat vang alawm engmah ka sawi loh ni. Ka Pi kum tamtak a liam tawh hma lam i pan ve a ngai a ni," ti supin, "enkawl ṭha ang che," Ramdina enin ka tih zawm sup.


Ka chhuah dâwn thleng chuan Tetei Nu chu a ṭap hawm hawm a, "Bryan...." Ka inher a.


"Ka tihpalh," harsa tih hmel tak hian a ner zui sawk, ka kiai suk a, "kan 3-in thil tisual vek kan ni," ti let sup chuan ka pen chhuak nghal, ka nui zui suk bawk.


Engkim hi a nihdan tur ang thlapin a awm ṭan ta niin ka hria!


<><><><>

EVALYN...POV


"Mom, pitar kha a lo kal leh angem," a muhil tawh emaw tia, a rawn dak chhuak leh kiau tawh.


"Kal tawh dawn lo. Muhil tawh rawh," tih leh kuahin a hnungzang ka chul hliau hliau, ka rilru erawh a nuam thei dêr lo, "engtin nge a awm ang" tih ringawt mai chuan ka rilru a luah lo peka'h.




Kawngkhar a rawn ri ral ral, "Daddy...." Tih leh ka pawmna aṭang chuan a talpit nghal vut.

"Damian dar 11 a ri dawn, mut a hun," ka ti ve tak nâ in room kawngkhar a thleng hman dêr tawh!



"Mom kawngkhar hi hawng vat vat rawh," kawngka pui bul aṭangin a rawn au lawng lawng, khum aṭanga chhukin, "i Pa a ni em tih i hre ngawt em ni?" Tih leh ka chhuak ve nghal a.


Kawngkhar ka hawn rualin, "Daddy ka tih reng kha," dik inti fe hian min rawn en chho, ka nui hak.


"I va rawn let hma ve," Damian-a pawmin a rawn lut tlang, "Ramdina a awm alawm, an pahniha chinfel hun a ni," ti supin room lamah a fapa luhpui a tum chu, "eng nge i tih dawn? A tlai tawh, haw rawh," ka ti leh vat.



Min rawn en in, "min hnar reng lo teh Nephthy," ti zawi sup chuan a fapa nen chuan room-ah an lut daih. Ngei fe chuan ka en zui leh ta ringawt a.


Room ah lutin zantlai tawha an pafa infiam rak kuangkuah chunga en in ka nui ve ta hak, "a tlai tawh muthilh tir rawh," nui chung chuan ka ti a.


"Daddy kan bulah mu ve mai la. You can sleep here, right Mom?" Min rawn en.


"A ṭul lo, haw rawh se," ka lo ti vat. Chu Damian-a ner nungin, "Mom, i rilru a chhe e," minti reuh a nih chu!


Bryan-a a rawn nui ri huk, "i Mom hian ka mut a rem ti si lova," min rawn melh, ka kuk fawk dawn emaw ni?


"Mu mai rawh ka bulah," tih leh a pa chu a kuah ṭha vei sat sat, a pawt zawt dâwn emaw zawk ni?


"Muhil vat mai rawh," tih leh a mawngah chuan ka beng taih.


"Ni e, Buddy i mut a hun," tih leh a fapa chu mut ṭhat tirin a âwm ah chuan a beng zui thak thak, engtia naupang mut tir dan te chu thiam nge maw a nih?



"A tuar thiam lo viau em?" Khumah chuan ka ṭhu thla, tak nguk maia min rawn en in, "ngaihtuah suh, thudik a pawm hun a ni tawh. Kum tamtak a liam tawh a, thudik a hriat pawh, nunhluia a chên reng lohnan pawh a ṭha zawk hrim hrim," thutak zet chuan a ti sup sup.


A dik chu a dik viau a mah se fam ngaih erawh 'nunhlui' tihsan mai hi an har êm a ni!
.
.
.
.

"Mom, Daddy tho tawh r'u. Pawnah sawn Marco a awm a nia," min sawi dat dat.


Ka meng diar diar a, "Dude, i tho hma mah mah lo maw?" Bryan-an min kuah ṭha sauh sauh chuan a lo ti ve ṭuak bawk.


Nizan kan ti ti leh fe hnu ah ka mutsan ta nge, ka mutthilh lai ka hre lo hrim hrim!


"Marco pawnah a awm a tih chu, biak che a duh a niang tho rawh," a bân hrawl zet maiah chuan ka beng taih, Damian-a lah pawnlam ah eng nge maw a tih ni, a ri ang rawk rawk a!


Rum nghutin, "awm ang hmiang," mut la chhuah hmel zeta ti ṭiak sup chuan ka kawr chhungah zen lutin, ka hnute a ṭham salh, a kut ka lo chelh vat a, "tho rawh," ka ti nghal hlak. A fapa pawnah a awm ve reng a!

"Teuh lo," awlsam zeta a ti lehin ka nghawngah fawp nghal zat chuan, "zing exercise lak ka mamawh," tih leh a lam hawiin min leh thal, a rawn meng riai riai chu ka lo nuih sen sen a, sexy lutuk a vei nuih suk hian, min rawn fawp vawng vawng a, ka hnute hmur chu a hrual zui ne ne bawk, ka lo thaw chhuak halh.

A fapa in a rawn auh leh takah chuan thaw hawkin, "tukin chu Damian-a a tho hma mah mah a ni," nuihza aw lek lek hian a rawn ti.



Inla hrangin, "a tho hma a ni lo, kan tho tlai alawm," tih leh a hmuiah fawp zauhin ka tho chhuak a, dar 9:30 am a ri daih tawh zawk.


Khum bula sapan puan ka bân chu la in ka veng a, "tho rawh, Marco a lo kal tawh chu," tih leh room chhuahsan ka rual.


Kawngkhar bulah chair intiang er ur mai en chungin, "eng nge tih i tum?" Ka fapa bang a bet ṭau mai en chuan ka ti a.


"Unlock ka tum," tih leh chhuatah a zuang thla thak. Nuih ṭhu in, "chair hi i lakna ah dah let rawh," tih leh kawngkhar chu hawn ka rual zat.


"Morning Eva."


"Morning Marco," dawhkan lam panin tui thli chhuak chuan, "pawimawh a awm em ni?" Tui chu ka in zui khalh.


"Boss hi," a tih leh, room lam ka melh.


"Tetei Nu a boral," min rawn en, ka tui inlai chu ka hak ṭhelh, ka khuh zui kharh kharh.


"Eng maw i sawi?" La khuh kharh kharh chung chuan ka ti chhuak ṭuak!


"Eng nge i sawi awmzia Marco?" Bryan a rawn chhuak ve chiah.


"Ramdina'n min rawn call a, a kaih thawh theih loh thu a rawn sawi a. Tunah police-in a ruang an la a ni âwm e," a tih zawm leh zat. Chet mai nachang ka hre lo, nizan maiah kut min rawn thlak a, a chak ṭha viau in a lang si a. Nge ni a Tetei boral dan leh fapai dan hriain a ṭhawng lutuk em ni?


"Nephthy.... Nephthy..." Ka harh zawk, tak run hian Bryan-an min lo en.


"I ṭha em?" Ka lu hi muangchangin ka ti che a, ka ṭha miah lo, keimah ni vanga boral chu a ni êm lo'ng chu tiraw?


"Ngaihtuah vak suh, police station kalin thil awmzia hriat ka va tum ang e," min rawn kuah zui, ka la ding khawng reng, a mak teh thut lutuk chuan min ṭhawng mah mah a ni ber!


"Ka zui ang che," a inla hrang vut, "a ṭul lo, in ah lo awm rawh, duh leh an In lamah a ruang lak let hunah i kal dawn nia. Ṭul lo lo ngaihtuah vak vak suh ang che," thupe zet a tiin ka bekah a fawp zauh, "ka rawn bia ang che," tiin a fapa pawh chu fawpin Marco nen chuan an chhuak zui a. Mit khap fak fakin ka en zui.



"Mom, tunge thi a?" Damian-a chuan dak haw hian min rawn en chho.


"Tu emaw. In tifai rawh, breakfast ei zawhah i Pi Mampuii te in lamah kan phei ang," ka ti nghal vut, in ah awmin ka lo nghak tawp thei lo, Tetei te in lamah ka inlan a ngai a ni.

.
.
.
.


Breakfast kan ei zo kan chhuah dawn meuh chuan dar 10 :30am a pel thuak tawh, Bryan-a call ka chãng ve reng nâ in, min rawn la be dêr lo.


Nu Zarpuii te in kan thlen chuan, "in va rawn phei hma ve," U Mampuii'n Marcus-a chaw hrai pahin a lo ti.


"Nia, mitthi in ah kal ka duh sia, Damian-a lo awm lawk sela ka ti deuh," ka ti vat.


"Tunge boral a?"


"Tetei Nu," ka ti sep chu min en deuh haw.


"Damian-a Pa ex kha maw?" Marcus-a a ṭhutna aṭanga chhuk tirin min rawn en leh deuh hâ a!


Ka lo bu nghat, "mahni chauha kal aiin min zui ve ta che," ka ti sep a.


"I U Ryan-a a la tho lova, zing dar 2 thleng hna a thawk leh a. Naupang ka Nu lo en turin kan ti ang a, ka kalpui dâwn che nia," an pa harh hmaa chhuah hreh tak chungin a ti ta sap a. Lawm ru zetin ka lo bu nghat.


"Nu puandum, mitthi in a ven tur i nei em le?" Inchhungah kan inzui lut.


"Neih kha, tunge boral a. Eva nangpawh ilo awm a?" A ti zat.

"Tunge boral a?" A ti nawn leh.


"Nu Mary tih bakin a hming ka hre miah lo," ka ti tak tak hei leh chen hi ka hre ve tawh a, Tetei pawh hi a hmingpum ka hre dêr lo.


"Aw! i Pa pawh a kal tak kha, Vari a nih dâwn chu, a fanu boral atangin a vahpa nen chauh an awm a, a hrisel viau ah ka lo ngaia, a zia lo tak tak a ni," a ti deuh duah.


"Engtia hre daih daih nge inih?" Marcus-a pawm chuan sofa lam chu a pan a.



"A fanu Tetei vang a hria ka nia," ka ti sep, sawi chhuah mai dan tur pawh ka hre lo.


A bu ve nghat a, min zawt thui ta bik lo chuan, "pawndum kha veng zawk la Mampui," U Mampuii chu a au deuh lang lang, U Ryan-a pawh mut kham lo tih hriat takin mitbui deuh lukin a rawn tho a.



"Eva, eng maw tih intum?"


"Mitthi in ah kan va lang ve zawk ang chu ka ti," ka ti ve mai, a bu nghat.


"Khawnge Hlimpuia te unau?" Rachel-i te ho bak hmuh tur an awm lo, ka hawi deuh thuak thuak.


"A pi (a pianna Pi) te in lamah a Nu in riak turin a tir phei a nih kha. Nizanah a Nî i, a pu nawm loh thu leh riahpui tura a duh thu a rawn hrilh a, kan Hlimpuia lahin zingah ka rawn phei mai ang a lo ti ni âwm a ni, zanlai dâwnah Mampuii'n a kai tho va, a tir phei ta hnu hnu a nih kha. Ivan-a pawh a Nu te in lamah a riak phei a," a nui zui kur kur.


"Mitthi in ah a ni lo'm ni kal intum, lipstick te i hnawih a," an nu rawn chhuak chu Nu Zarpuii bula ṭhu chungin U Ryan-a chuan uluk lutuk hian a lo en a.


"Ro deuha kal aiin lip balm ka hnawih ve e ka ti," a nui zui seih.

U Ryan-a a lo rum nghut, tho vuta an nu bula ding zui run chuan, "perfume te i hmang a," a ti leh nghut. Nu Zarpuii nen za tak hian kan lo nui chhuak.


"Awi! Bawiha a zia lo emai a! Nupui te chhuak tur endik te chu. Kal rawh u Mampuii, naupang chu ka lo awmpui ang e, i pa kha rawn haw tir vat ula, a damdawi ei a hun mai dawn," nui chung chuan a tih zawm zat.


"Shopping mall a kal turah min ngai deuhin ka hria," an pa fiam zauhin, "mu leh rih rawh, ka rawn haw har lo ang," ti sepin anpa chu a fawp zauh a, "kan kal a nia Nu," tih leh kei pawh chu dingin, "kan rawn let har lo ang," tiin kan chhuak zui a!


.
.


"Ka rin aiin mi an tam lo," U Mampuii'n a rawn ti sep. Ka lo bu nghat, puitling tlem leh Y.M.A in singsa vel bak hmuh tur an awm vak lo.


"Mampui, Eva inrawn kal ve a," Nu Zarpuii pasal chu kan bulah a rawn ṭhu.


"Pa, laina hnai hi a nei lo em ni?" U Mampuii'n a lo ti sep.


"A vahpa nena khawsa annia, Ramdina nu leh pa te hi an boral tawh a, midang chhungkhat laina han tih tur em em anneih ka hre lo a. Kan khaw chhuak alawm annih ve," a ti ban chuar chuar.


"A dam ṭha viau emaw tih laiin, a mak teh thut ngawt mai," tih zawmin a hawi kual a, "ruang an rawnlet pui hmaa ka haw mai a ngaih hmel hle mai, damdawi ka la ei si lova," a tih zawm zat.


"Ka nu in rawn haw hma rawh se a tih tak kha. Kan lo awm ang e Pa," U Mampuii'n a ti vat.


Kei erawh Y.M.A che vel chu ka en ran, ka chhungrilah hian ka sawifiah thiam chiah lohvin eng emaw hian min kam deuh run a, ka kut hmawr leh ke hmawr chu a vawt tlat bawk.



"A nih ka hawsan ang che u, naktuk lamah i nu nen kan lang ve leh ang a ni mai. Eva ka haw ang e," tiin a tho chhuak a.


"Engtin emaw tak an In hi a khawhar riau in ka hria. Ka sawi thiam chiah lo, mi an tam loh vang nge," U Mampuii'n ka rilru a awm a rawn sawi chhuak, ka rilru in, an in hi engti zawng emaw tak hian a mal riau a hriatna ka nei tlat a, chu chuan ka awm a ti nuam lo lehzual.


"Nephthy.." Ka chhipah rawn fawp zuiin min si chetin a rawn ṭhu thla, ka lo en vat.


"Eng nge chanchin?"


Ka kut vawt thler mai chu a rawn hum zui chat a, "a vawt iti em ni?" Ka zawhna chhang lovin ka kut vawt lutuk chu min en nghal run!


"Ti chiah lo," ka ti zawi sep.


Ka kut chu a kut pahnih a humin, "police-in zawhna tlêm min zawt a, Tetei Nu erawh damdawiin lam an panpui, Lungphu chawl anti a ni âwm e. An rawn let pui mek," a tih zat.


"Ramdina.." Ka lo ti ve vat a. Thaw deuh hawk hian, "police in zawhna an zawh khan a chiai deuh nge chhan a mumal kha a nei lova, vui zawh lamah investigation pangai an kalpui leh ang chu," min rawn en in hmuh nuam lutuk leh hahdam thlak zet hian min rawn nuih suk bawk.


A mitmeng thûk ruih leh nuih hmelah chuan min thlamuan a, engkim a ṭhat thu min hrilh ni maiin ka hria! Chu chuan zep rual lohin hahdamna nasa minpe bawk!!

.
.
.
.

Nu Mary-i vuina leh hunserh hmanlai te chuan Ramdina ber chu ngawi nul hian a Nî bulah a ṭhu mawl tawp a, engkim mai chu Bryan-a leh Bryson-a, U Ryan-a ten an buaipui, makpa chetin an che ti ila ka sawi sual lovang.


An chhungkaw chanchin sawi tur pawhin laina hnai tak ding tur an awm loh avangin, Nu Zarpuii pasal chu a ding a. An veng Y.M.A leh an hruaitu te an fakawm em em bawk.


Ramdina thusawi tura an tih laia a hmel chu hmuh hreawm mah hian! Mittui tla chungin , a Nî ruang en chuan ngaihdam a dil mawlh mawlh, patling chuti tak maia lungchhia leh inchhir, tih theih nei tawh si lo hmuh chu tum miah loh pawhin mittui a lo tla ve zung zung mai alawm!


"Nephthy in lamah lova chawl hahdam tawh rawh. Zan 2 dâwn i tlaivar ve tawh a nia," ka taksa na lutuk, ka dar ka lo chum dat dat chu rawn hmet pahin min ngaihtuahna a khat hian a rawn ti a.



Pawi ka ti ta dêr lo, a ruang ni aṭangin ka la tal ve hrut hrut reng a, mut kham pawh ka nei lo, ka taksa hi a chau in a ni ta nghulh mai.


"Marco-an a hruai haw dâwn che nia," hnung lam aṭangin ka dar tawn tawnah chelhin min tung tho nawlh, a lam ka hawi a, mawi tak maia min nuih hian, ka sam chhawl lêng chu ka benga zep ṭha in, "thildang ngaihtuah lovin mu ang che," ti sup chuan ka hmui ah fawp zauhin, car awmna lam pan chuan min pensawn pui nghal a.


"Eva..." Kan ding dat, kawngkhar a hawng tawh, kan lam pana Ramdina rawn pen pawk pawkin kan hmaah a rawn ding a.


"Ka lawm lutuk a nia, in nupa..." A ti zet, a nui suk, "in nupa in awm lo ula, keimah chuan tih mai tur ka hre si lova ka lawm tak tak a ni; chuan, ka tihpalh lutuk i pa chungchang ah pawh, engkimah," inthiam lo tak tak tih hriat tak hian a rawn ti a.


Lo nuih sen senin, "kan vai hian thil kan tisual a, a man kan oe bawk alawm; Mahse, kan tihsual aṭangin zirlai kan zir vek alawm. A ni lo'm ni? Ramdin, inthiam lo reng reng suh, chaktakin i awm dâwn nia, ka rawn lang leh ang keipawh, ka'n mu ve phawt ang a," nui sanga tiin Bryan-a car kawngkhar hawnah chuan ka ṭhu lut zat.


"Ka rawn let ve vat ang," ti supin kawngkhar chu a khar a, kan tlân liam thleng an pahnih chuan min en zui tih side darthlalang aṭang chuan ka hmu thei.


Seat hnung nghengin mit ka chhing zui siai siai a, ṭawngṭai tam viau lo mah ila, ka rilru in Nu Mary-i hahdam taka a chawlh theihnan ka dil ru ve mawlh mawlh bawk!


<><><><>

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:20 pm

MR. CAPTAIN S2
<Hello! Stranger>
{My Treasure S3}

[The Unfinished Story]
By
Floria Laldansangi

< 18 >


EVALYN...POV


Tetei nu kan vui liamna pawh karkhat lai a ni ve leh tawh. Ka hriat zel danin Ramdina pawhin court thu thlukna a nghak mêk niin ka hre bawk.

Bryan-a sawidan chuan, a lo berah kum 5 tal jail a tán a rin thu a sawi a, rei ka tihsak viau mai. Mahse, Bryan erawhin car khalhtu a nih vang leh court-ah dawt a sawi vang niin a sawi a, kum 5 pawh ngaihdamna a tel tawh thu a sawi tel bawk.


"Naktuk chu Bryan-a te lamin palai rawn tirh nawn leh an tum si a, inneih hun tur sawi chian a ngai tawh mai ang a," U Zoa'n a rawn t a.


"Nia maw le, ni 3 lek in ngaihtuahna hun minpe duh bawk si a," U Zuala'n a tih chuan annui dar dar, Bryan-a duhdan phei chuan in ngaihtuahna hun pawh minpe lova inneih ni ruatfel kha a duh rum rum zawk a.


"I U a tluk lo emai," U Mampuii'n an pa a lo fak zauh, ka hriat danin U Ryan-a hian U Mampuii hi kum 2 ngawt a nupui atan a siamnan a nghak a ni awm a. In ngaizawng anga awm ve reng si leh inhmu thei reng si ah chuan a dawhthei ka ti ang renh khawp U Ryan-a hi!



U Ryan-an nui vur vur hian, "hmangaih ber te chu nghak ve bawk ang chu. Ani nen kan in ngai hleinem, a dinhmunah ding ila, ka nawr ve chung tho ang che," nui chung hian a lo ti ve a. Kan vai nuih ta dur dur.


"Ohh.. Ka tui chhuan a so," U Sangtei thawh tum chu ka lo thawh khalh vat, "raipuar kha chu lo awm mai mai rawh," U Mampuii'n nuisang a tiin ka thingpui siam chu min rawn pui, choka hi darthlalang hmanga an pin hran avangin, inhmu thei vek siin thawm a hriat lutuk loh.


"Engtik nge a hrin dâwn a tih kha?" Pawnlam chu ka melh zauh.

"Thlathar mai a ti tawhin ka hria a," U Mampuii'n a ti ve mai, a naupai len tawh nen rin aiin a chak vak phian lehnghal!


"Nuam lo tih chang te i nei em?" Ka nui zui sun sun.


Min rawn en in a nui ve hak tho, pasal hlui te nena in ṭhenawm sawi loh, chhungkaw khata mo leh makpa nih dun chu, nuihzatthlak dan a dang zar in nia ka rin.


"A tir chuan keimah aiin i U Ryan-an hreawm a ti zawk daih a. Chuvang a nia Mizoramah min letpui ngai loh ni, naupang ho school chawlhah pawh an mahniin Mizoram a let tir mai a, Joshua leh kei erawh Mizoram kan rap khat khawp mai. Mizorama kan zin aiin, ka Nu leh Pa te Melbourne-ah rawn kal turin visa buaipui vel kha a peih zawk a," a nui hak

"Ka nu (Nu Êngi hi ala Nu reng) boral khan Rachel-i Pi a nihna ah kal loh kha a mawi lova, Mizoram kan chuangkai ve leh a. Chumi ṭum chuan ka Nu (Ryan-a Nu) zawk hian a titi pui a, Sangtei tan U a nih thu leh atan a awm nawm lohna tura awm lo tur leh min ring a, amah inring tawk tur te khan a hrilh ṭeuh a, chuta ṭang chuan a zia ve viau. Mahse, diktaka sawi chuan keini ramdanga awm zawk kan nia, a ṭul hle lo ah chuan Mizoram a leta inpawh vak loh hi a fuh ber, chhungkuaa mi sawi neuh neuh kai reng aiin," ti duah chuan, "Bawihi chhangban kha rawn keng chhuak rawh," thingpui chawi chhuakin ka zui ve nghal zat.


A thusawi han ngaihtuah zui neuh neuh takah chuan, Mizoram ah U Ryan-a let a duh ngai miah loh chhan pawh hi âwm ka ti ta viau mai.

Nupui te pasal hlui ber hmuh reng chu rilru zau tak tán pawh thil awl a ni pawhin ka ring lo. Kawng leh lamah an rilru a puitlingin a ṭha tlâng hlawm a, U Sangtei leh U Zoa chenin an fakawm letling ka ti khawp mai!


.
.
.

< D-Day>


"Awi! Lalrinsang tihtur te hi i nei ve lo em ni? Chutia i zui kual reng le!" Mimii'n a rawn ti hluai, Bryan-a ka hnunga ṭhu chu darthlalang aṭangin ka melh zawk, a hnar tum dat chu ka hmu thei.


Vawiin nilengin kan sam vel kan buaipui a, nimin lamah mo kawr kan en kualna nen, min zui ve zel chu Mimii leh U Mampuii'n an rauh reng mai nimin aṭang tawhin!


"Kan ei zo dâwn pawh nihlei lo, chutia bodyguard ang maia i ven teh ṭau chu ni. Zanin bak a single tawh dâwn si lova 888 club-ah kan va hruai dâwn em ni Mimi. Rini leh Kimkimi kan hruai bawk ang a," U Mampuii'n nui duh miah lovin vin a rawn ti zat.


"A ṭul lovang," Bryan-an rang zet hian a lo ti hluk a, Mimii a rawn nui hak, kan sam khawihtu leh staff dang awm ve ho pawh an lo nui huk hlawm. Kei pawh chu za zetin ka nui chhuak a, "i sawi takah chuan a ṭul viau in ka hria," nui chung chuan ka ti ve vat a, darthlalang aṭang chuan min melh rum teh a sin!

.
.
.
"Samantha, vawiinah ka nu leh pa an innei tawh dâwn," zing dar 5 vel a ni. Damian-a ṭawng lawng lawng ka hriat chuan ka meng diar diar.


Meng mang hlei lo chuan ka phone ka dap a, a awm leh tawh lo!


Min nuai deuh nawk nawk hian ka tho chhuak, "Damian, zingdar 5 pawh a la ri chiang lova, tunge maw i biak le?" Ka lam hi nuisang hian a rawn hawi a.


"Samantha ka bia a," tih leh phone screen chu ka lamah a rawn lek.

"Hi, Mrs. Eva."


"Hi! Samantha," tih leh ka fapa chu en in, "mu leh ang che, chhunah i chau dâwn a nia," tiin room lam ka pan leh hna hna, in buatsaih chhung ringawt pawh a hautakin a chauh thlak takzet. Lalrinsanga ka haw ru lek lek ṭhin, man hlan ruala insuih kha duh ve mai tur a nia!

Inneih a hmanhmawh si, mo thuam famkim leh inneih pangai a inneih a duh leh ang lawi a, minti chau chhe dêr alawm!


"Damian a nih chuan pahrawn i nei dâwn tihna em ni?" Samantha-in a ti lang lang, room kawngkhar ka khar phui emaw tia, an ṭawng lah chu a ring ṭha dun ang reng bawk si!


"No!! He's not!! He is my biological father. He is..." Ring lêng lawng chuan a ti deuh tuar, ka inrin hma in ka nui chhuak hak, pahrawn tihsak chu a duh vak lo niin alang.

.
.
.

BRYAN..POV



"Ṭhu ve mai mai teh Û! I mak em em e! Ar mawnghawlh ansawi ang mai," Alice-in nuihza aw zet hian a lo ti, ka ngaipawimawh chuang lo, ka nu leh pa insiam chhung pawh chu rei ka tiin, chhun dar 11 ri har ka ti takzet bawk!



"Brayden-a nupui neih ni pawhin eng a nih bik loh kha. Ti em em hian hmeichhe pakhat in atchilh a nia," Bryson-a chu a nui zui huk huk. Brayden-a nen kan lo rum nghut.


"I neih hun a thleng ang a i hre ve mai ang Bryson. Nang phei chu zâm hma chi i ni lehnghal a, i khur chhe vek in nia ka rin," Brayden-an nui huk chungin a ti leh, an nui dar dar tak nâ in ka nui ve thei dêr lo.


Nizan aṭangin Evalyn-i hmuh an rem ti tawh lo bur a, nupui te hmel tur hmu lo a zankhua a awm chu a nuihzatthlak miah loh bawk!


"Darkar rei lo têah i nupui a ni tawh dâwn a, a tlanbo dâwn pawh ni hlei lo, engtia i hmanhmawh em em le, 10:30 pawh a la rik êm loh hi maw," ka nu in inchung aṭangin a rawn ti ve, a rawn nui zui ṭhu bawk a.



"Nu chelhbet tlat lo ila chuan Eva te in lamah a in khalh thleng leh daih tawh ang, nizan te kha riah a tum a, vawihnih lai kawngkhar bul aṭangin kan in pawt let, a rapthlak a nia," Alice-in a lo ti zat zat. Midang lah chu an nui ang dur dur a. Ka nuih erawh a za ve thei dêr lo tih an hre lo emaw ni?


"I nu nena kan inneih hunlai i ang lo em mai. I nu zawk kha a awm thei lo zawkah aṭang a nia," ka Pa in a rawn ti chuar chuar.


Ka nu lo ner nawng nawngin, "i fapa hi dem reng reng suh. Nang phei chu ka hriat lohin inneihna i lo buatsaih a nih kha le Lion! Neih che pawh ka la tum hma hauhin palai te i lo han tir a," ka nau te ho annui dur dur.



"Man hlan hma chu ka bula mut aiin i fate bhlah i mut kuk teh ai," ka Pa lah chuan a lo ti fel than.



"Inhman chuan kal teh ang u," an nuih dar dar laiin ka lo ti sup.


"Kalteh ang u, i fapa hi a in hro sa mai dâwn," ka nu chuan min fiam zui zauh.


"Keini ho pawh min ei lo chauh tawh, kal ang au," Brayden-an a lo ti ve zat. A nupui neih dâwn khan eng a ni bik lo e!


Company hall ah chuan kan mi sawm ho an ṭhu kim deuh vek tawh, kawngkhar bulah chuan Bryson-a leh Brayden-a te nen kan ding a.



"A khur ve nia."


"I neih hunah i hre ve mai ang, hmuh zin em em te pawh inneih ni ah chuan kan zâm zel tho," Brayden-a leh Bryson-a an in be mawlh mawlh.


"Kan lut dâwn em ni? Eva te pawh an hman tawh a nih chu," Bryson-an nui sun sun hian a rawn ti, ka bu nghat, kan unau thum chuan Golden Hall kawngkhar staff in an hawnah chuan kan pen lut a, camera a de zui chuai chuai bawk, Brayden-an nupui a neih khan hetiang chiah hian a ṭhianah kan ṭang a, tunah ka ṭhianah ṭangin, Bryson-an a neih ve hunah kan ṭang ve leh êm ang chu!


"All the best Buddy," Bryson-a leh Brayden-an an rawn ti sup, ka kut ka hma lama suihin ka ding khawng at, kawngkhar lam chu ka en zui vang bawk a. Patling heti tak hian a zâm theih a ni tih vawiin hian ka tem chiang teh e!


Kawngkhar rawn in hawngin, ka nupui... Ka nupui ni mai tur ngei mai chu, mo kawr var nen ngei chuan ka fapa in kai chungin a rawn luhpui a, ka fapa pawh suit nen a rawn nui lut var var bawk. Vantirhkoh ka hmu ngai lo ka tih chuan dawt lian tak ka sawi ang! Ka fapa leh ka nupui hi vantirhkoh te aiin an nep bikna ka hre lo ve!



Ka kawr hmawr chu pawt remin, thaw ka la a, ka fapa leh ka nupui rawn pên hnai chu ka lo nuih ve bawk.


Tu emaw ṭawngkam thiam tak maiin a hmeichhe hmangaih mawizia sawinan a, vantirhkoh emaw Lasi a hmang ṭhin ang maiin, ka nupui ni tawh mai tur ka lam pana rawn pen chu, ansawi Lasi leh vantirhkoh te chu a tluk loh bikna tur ka hre hauh lo.


A mitmeng mawi tak mai, dum fiah ral leh hnar tereuhte, a ngul sang ve vah, hmui sen no chek mai leh khabe dawh mawi tak te chu a uluk taka rem khawm leh chei mawi chawp ang maia ṭha a ni a!


A dul thep thlap leh kawng fek rat te chu taksa lang miah si lo pawhin mipa tamtak mit fukna a ni tih ka beng awmna ka chian tluk zetin ka chiang bawk!


"NEPHTHY" Greek Pathian Nu, ropui leh hmelṭhatna famkim neitu tluk zeta mawi leh nalh, Pathian thilsiam tawh a zawnga mawi ber leh fuh ber emaw tih tur a nalh leh famkim a va ni chiang êm!

.
.



EVALYN...POV


Ka hmaa wedding coat suit dum nalh tak mai ha chung a, mit la sawi miah lova min en tu chuan ka ke pên a ti lai lek lek ṭhin!


Min kai lut tu ber ka fapa lah chuan a Pa bul thlen hlan a nghakhlel fal bik emaw tih mai turin min pen chakpui em em mai bawk a!


Bryan-a bul kan thlen chuan Damian-an a pa kuta ka kut hlanin, "i nalh lutuk Nephthy," aw ki hniam ruih leh tak nguk mai hian a rawn ti sup.


A mita min hmangaihna leh nalh minti takzet a ni tih lang chu ka hmuh hmaih lo, thup buai a tum bik hek lo!


"Pastor in an kai hruai dâwn lo em ni," tih ka tum lai mekin, "vawiin inneih na hi pastor in kut a suih dâwn lova; an fapa Damian-a ngeiin inneih thutiam hi a chham tir dâwn a. Mak lo ti lutuk lo ula, pastor erawh zan lamah ṭawngṭai turin kan sawm tho a nia," Ivan-an a rawn ti, an nui zui dur dur.


Kei erawh mak tih vangin ka meng phar awn awn thung, engmah ka hre miah lo, Damian-a lahin engmah a sawi si lova!


"Eng nge thil awmzia?" Bryan chu ka en haw, "i hre dâwn alawm," ti supin, Damian-a dinna tur an rawn dah chuan Damian-a chu a lawn kai a, a hmaah microphone stand chu hun hnaih sakin, Damian-an a ipte aṭangin lehkha ziak ni âwm tak hi a phawrh ngei bawk a!


Ka fapa che vel chu nui ṭhû in an en hlawm, kei erawhin engthil nge thleng hi ka la hrethiam lo, engtik laiin hengte hi an lo buatsaih ni?


"Hello... Hello! Stranger...." A pa chu a rawn en, Bryan lo thle bakin, "Hi! little monster," a lo ti let sup. Mipui an lo nui huk


"Hi! Daddy. A hma chuan stranger i nia tunah chuan ka Daddy," a ti fiah leh kalh kalh.


A zâm eih lo te chu mak ka tih lutuk na lamah ka nui thei rih lo niin ka hria!


"Hello everyone. Ka hming chu Damian Malsawmhlua ka ni a, kum 5, 13 August khan ka tling tawh bawk, vawiin ni hian ka Mummy leh Daddy te inneihna a keimah ngeiin tun aṭangin ka Host tawh dawn a ni," kan lam a rawn hawi a.



Lehkha chu a en leh, "Pate Ivan, khawi aṭangin nge ka sawi ṭan dawn?" A pate lam chu a hawi, Mic in off ta si lo chu hall chhung a awm ho chuan a thusawi kan hre leh ta vek, kan nui leh ta dur dur ṭhin.



"Ohhh! Ka vawikhatna a nia sorry guys," a ti ve leh khanglang phei chuan keimah pawh chu min insum tir thei lo lek lek. Ka fapa hian tu tak nge maw a chhun ni?


"Daddy.. Bryan Lalrinsang, Evalyn Lalnunthari hi i nupui ni turin kumkhua in i hmangaih angem?" A pa a rawn en.


"Lalnunthari a nih chhung chuan ka hmangaih ang," thûk ruih hian a rawn ti a, ka kut chu la kângin zungbun nalh tak mai, a design ṭhat tir ngei chu rawlh luton a fawp zui zauh a, ka lo nuih sen sen.


"Mummy.. Evalyn Lalnunthar, Bryan Lalrinsanga hi i pasal ni turin kumkhua in i hmangaih angem?"



"Ka hmangaih ang tih ka tiam e," ti sepin a kut ṭangah chuan zungbun chu ka rawlh lut ve nghal.


"Tunah chuan damchhung a ka Daddy leh mummy ni turin ka puang che u a, ka Daddy-in a nghah hlelh em em ka Mummy a kiss thei tawh bawk e," uar zeta tih leh, "Pate ka lehkha i thlak," ring lêng lawng hian a tih zawm, a pate Ivan-a lam chu a hawi zui vut, za zet chuan kan nui chhuak hlawm.


"Dude i mummy hi ka kiss thei tawh angem?" Bryan-an a fapa chu a lo zawt ve sup.


"Aw kiss tawh mai rawh, ka la sawi zo lo a mah se...." A tih mek laiin Bryan-a hmui erawhin ka hmui a rawn thleng der tawh, Damian-a che dangdai lutuk leh mipui nui nasa lutuk chuan ka zâmna zawng zawng an lên bo hneh lutuk, a lawmawm letling phian thung.


"Kumkhua in he heh mawi tak leh i taksa pum hi ka ta, ka ta chauh a ni tawh. Hei hi seal a ka chhut hnanna a ni," min fawhna aṭanga inla hrang hlek chuan, nghet charh leh ril tak mai hian a ti zawi sup a, min rawn fawp leh zauh, sexy lutuk leh min thlakhlelhna a khat hian a kiai zui suk bawk.



Kei pawhin ka ta ni thei ngai lo tura ka ngaih, tuna ka ta, ka pasal, ka fapa pa lo ni ta chu hmangaihna a khatin ka en vawng vawng.


"Ka hmangaih" tih thumal mai hian a sawifiah zo lo, ka nun hian a mamawh a, ka ke pên tin leh thawk lak tin mai hian he mihring, nghet tak leh a neitu a ni tih chiang tak a ti lang tur a ka kut chelh tlat tu, he hall chhunga mi tamtak leh a cheina mawi tak tak aia ka chunga a mit thil ti thei tak, zûn ngah em em mai a fuk tir tlatna hian ka mamawh zia a ti lang chiang lehzual em em a

Min hmangaih thu a sawina leh ka hmuh leh ka hmaah chiah saw a mitmeng, dawhtheihna leh zaidamna, hmangaihna leh pasal leh pa nihna a hlenna tur mitmeng a tihlan ṭhinna sawn, he mipa ângchhung ah hian kan nufa hian kan famkim a ni tih rinhlelh rual loh leh, ka hmangaih a ni tih ka chian tluk zetin ka chiang a, keimah ka inrin ai nasa in ka ring a, ka rinchhan zel dâwn tih ka chiang em em bawk!


<><><>~>~>>

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)