My Treasure S3 : The Unfinished Story by Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: My Treasure S3 : The Unfinished Story by Floria Laldansangi (Completed)

Unread post by Ngaia » August 29th, 2021, 2:20 pm

MR. CAPTAIN S2
<Hello! Stranger>
{My Treasure S3}

[The Unfinished Story]
By
Floria Laldansangi


< 19 >

EVALYN....POV


"I chau em? Hei hian i ke kha dep rawh, a zia deuh ang," Nu Maya-i, ka Nu a ni tawh mai ang chu, ka ke dehna tur ice-cube pack hi min pe a, ka lo ban vat.



Nilenga pheikhawk 7cm a säng bun chuan e, ke phah na lutuk hi a sa vur thei nai maw le!


"Khawnge in Pa pawh chu, inthlak a tum ve lo em ni?" A hawi kual, ka ke ice-cube a dep pahin, "inhnuai ah a awm kha, a rawn chho ve reng reng lo," kan inthlak dâwn khan Marco-an tu emaw hi a rawn hruai a, an la inbia a nih ka ring ringawt a.



"Ate, anu te'n lo chhuk rawh u, in lêng an rawn thlen belh a ti," Rachel-i room kawngkharah a rawn dak, "kan rawn chhuk ang," ka lo ti vat.



"I chhuk ang hmiang," ka Nubchu a dinha a, ka bu nghat, ice-cube pack keng chuan kan inzui chhuak.


"Mo thar hmel hmuh kan rawn tum a, hmuh mai tur a awm si lova, i hahdam lai kan tibuai lo che maw?" Ti tu chu tunge a nih ka hre ve chiah lo.



"U Puia te chhung chu rawn lan intum ta lo emaw kan ti mai dâwn alawm! Eva, heihi i Nu Eunice-i pasal U, an upa ber a nih hi, heihi an nu, i Nu Rengpuii a ni bawk a," tiin min in hmelhriat tirin ka chibai a.


"I chanchin hi kan hre tam khawp a, a taka hmuh kan chakna che a rei tawh bawk nen, mit ngeiin kan hmu a kan Valsenior-an a lo kurpui ngei nguai che pawh hi a awm lo hran lo reng reng," nui huah huah chung hian Nu Rengpuii chuan min fiam pah zauh, kan nui dar dar.



"Khawinge in fapa Damian-a chu, hman ni khan ka hmu zawk a, Mama boral boruak vel nen khan ka bel chiang hman ta lo mai pawha. A fin zia an sawi nasa mai a, hmuh a chakawm alawm, i Pa(Nathan-a) lah chuan a fak ang chuar chuar reng bawk a," nui chunga ti deuh duah chuan Pa Puia chu a hawi kual, naupang nen, chaw la ei mêk leh ei kham tawh kan zi luih luih a, lung a zing duh mup mup khawp mai!



"Sawta saw a Patea nen an rawn lut a lawm," tia ka Nu en na lam chu kan hawi, Bryan-an hnungah a rawn zui lut ve bawk.


"Pate tinge ka lehkha kha i thlak a?" Damian-a chuan a Patea ala chhuah chhal tluang zel e!

Inneihna hmun kan chhuahsan aṭangin, chaw ei lai leh pastor-in hunserh a hman lai te chuan an in chhuah chhal sur sur reng mai a, a Patea lah chuan chhan a tum dêr lo nge a nuihsan mai mai. Pakhat lahin zawt beidawng duh bik lo!



"Pa Pui, Nu Rengpui, inrawn lang a," ka bula rawn ding Bryan chuan a rawn ti sup.


A hmel a dik miah lo tih ka lo hmu thiam nghal. Chutiang bawkin a Nu pawh chuan a hmu ve tih hriat takin, "dik lo a awm em ni?" A lo ti nghal vat.


A chhip sam tuai deuh puat hian, a kawr bân kilhna phelhin a pawt chho a, "police station ah ka kal a ngaih hmel," chang tak hian hian a ti zawi rût, a melh zawkna lam chu ka en vat, pawnlam gate lian bulah chuan police uniform ha pahnih leh Marco an lo ding ran.


"Engthil nge dik lo awm?" Ka ti nghal vat. Ka dar tawn tawna rawn chelh hian, "hlauhthawnna tur a awm lo, Fiona-i pa in case a file a ni âwm a, rei ka awm lo ang," a aw chhuak chu a ring miah lo, zawi tak a ni mah se thinrimna in a khat thung.


"Va chingfel vat teh u. He lam rawn ngaihtuah lovin, ṭawngkam a chinfel va tum la," ka Nu in a lo ti vat.


Bu nghut hian min rawn en, a mitmeng phak chap mai leh rum ûl ah chuan nuih luih hrâm a tum tih ka hmu thei, "ka rei lo ang," ti sup hian min rawn fawp zauh, "midang chu ti chiai duh suh u," tih leh in her vutin kawngkhar lam a pan zui pawk pawk.



"A va zia lo ve maw le, nupui neih ni ni ah anni pawh chutia anrawn chet ni?" Nu Rengpuii'n a lo ti hlak, ka awm a nuam ta dêr lo.


"Ngaihtuah lutuk suh Eva, an chingfel vat ang," tih leh hawi kualin, "U Pui sawta saw kanpa te an awm saw, i phei teh ang u, Eva chhungte lam pawh inla hre nang," ka Nu chuan zang vah hian a ti leh.


"Ni e, Eva rilru ti hah suh, kal rawh," tih leh ka Pa te ṭhutna lam chu kan fin phei, U Mampuii te nupa, U Zoa te ho an lo ṭhu ve bawk.


"Dik lo a awm em ni? Eng nge police khan an duh?" Mimii'n min rawn ṭhut hnaih sat sat.


U Mampuii pawhin mitmeng zawhna a khatin min lo en ve bawk!


Ka Pa te ho ti ti mawlh mawlh chu en in, "Fiona-i ten case an file a nih hmel," ka ti sep.


Mimii'n phawk lutuk hian min rawn en, "eng nge awmzia? Tu Fiona maw? Hriata nau kha maw?" A ti zawt zawt.


Ka kuta zapin ṭawng zawi turin ka khap nghal vat vat.


"Chaw ei lo an la awm em le? An awm loh chuan kan inseng fel dâwn a sin," kawngkhar aṭangin rawngbawl tura kan rawih pakhatin a rawn ti.



"Pa Pui in ei tawh em ni?" Ka lo ti vat.


"Ei tawh e, lungphun na lamah kan rawn ei puar peng pawng tawh. Hmuh che kan nghakhlel lutuk a, zan hun pawh kan hmanpui ta lo," a nui zui hawk hawk. Nu Eunice-i pasal te unau hi an nui duh niin ka hria, Nu Eunice-i pasal pawh a nui hawk hawk thei reng mai!


Kan rik hut hut laiin dar 11 a ri thuak, an haw nual tawh bawk a, U Mampuii te nupa leh U Zoa te nupa, Nu Eunice-i te chhung an awm ve bawk.



"Ate i phone hi a ri zing khawp mai," Hlimpuia'n ka phone chu min rawn pe, ka zawn ruk roh roh laiin.


"Hello."


"Princess..." Ka nui sak, "duh ber hmuh hnuah chuan i reh thei hle mai," min fiam pah hian a rawn ti leh zat.


Ka ṭhutna aṭanga kalsawn pahin, "pasal neih ngeih zawk chu i hriat zawk alawm le! Eng nge Paris chu a an? I caz thar te chu?" A rawn nui hak hak.


"Do you know what is definition of perfect? Of course, my husband..." Uar zet hian a rawn ti. Ka nui chhuak hak. Henry-a tak hi chu aw!


"Tak takin Princess eng nge i an? Damian-a pa chuan a duat che em? I hlimna tur ni a ka ngaih vangin engmah ka sawi lova mah se i hlim lo a nih chuan engtiklai pawhin ka awm a nia," zaidam taka ka best friend-in a rawn tih dap chuan ka hnuk a ulh lek lek.


Kum tamtak kan inhre ve ta, ka mangan leh tumah ka neih loh lai pawha ka bula awm reng chu Henry-a, Mimii te hi an ni. A bikin Henry-a ka ngai vawng vawng bawk!


"Ka hlim lutuk, ka chapo na tlâng aṭanga ka chhuk meuh chuan hmangaihna lo mawi zia leh thil tih theih zia ka hmu thiam alawm," ka ti sep a, rawn nui hakin, "chapo na hian eng rah ṭha mah a chhuah lo ka tih kha," dik inti fe hian a rawn ti let, ka lo ṭah nuih ar ar, ka ngai tak zet a ni he tuai hi!


20mins dâwn lai kan inbiak hnu ah kan inbiakna kan ti tawp a.


"Aw Nu Eunice-i te chu an haw tawh em ni?" U Mampuii te chhung leh U Zoa te, Brayden-a ho chauh lo ṭhu chu ka en kual.


"Ummm, ka Nu te pawh mu turin an chho a nih kha. Eng nge Bryan-a chanchin," Brayden-an a lo ti vat.


U Zoa bula ṭhu thla in, " min rawn call hun ka nghak a kei pawh," ka ti let.


"Sangkima ka be zo deuh chiah a, Zarkawt station ah pawngsual case file an awm thu a rawn sawi a. Bryan-a a nih thu nen, buaipui tur leh case a kuta awm turin ka tih kha, thilthleng awm se min rawn be tawh ang, ngaihtuah lutuk suh," U Zoa'n a lo ti sup.



Ka bu nghat a, "ni e, engmah chanchin a rawn sawi loh chuan ngaihtuahawm a ni lo tihna a nia nga, a lawmawm lamah ngai ang. A hrim hrimin engthil nge awmzia hi ni reng reng a?" U Mampuii'n a rawn ti hluai.



Thil awmdan chu ka sawi siam siam, Fiona-i Nu leh Pa te rawn kal thleng chuan ka sawi a.


"Marco kha ka be tawh a, Mumbai lamah ka naute chhui turin ka tir a, naktuk lamah chuan result ka hre tawh ang," U Ryan-an a rawn ti ve sup.



U Mampuii'n an pa en haw in, "i lo hre reng amaw?" A ti deuh haw bawk.


"Hman zanah Bryan-an min rawn bia alawm, Marco-a a tira CCTV footage vel an lo delete niin a hria a," a ti leh sup.


"CCTV footage ber a awm loh chuan a buaithlak viau a nge?"


"Hotel pumpui a cctv footage an delete thei dâwn lo. Tin, mikhual lut chhuak record na a awm vek ang Ate. Bakah, Pa Private Detective a ni lawm ni annih" Hlimpuia'n U Ryan-a en in lo ti ve vat. U Ryan-a chu bu nghutin, "ni e, naktuk zinglamah chuan kan hre tawh ang," a lo ti ve leh sup a.




Thaw huai hian, "fel vatse ka ti," ka ti leh sep. Fiona lah chu a ṭang nâ in, a huaisar mai si a, Bryan-a ring viau mah ila, 'engtin emaw a rui hian hriat hmaih a nei a ni lo'ng maw?' Tihna rilru put lek lek lah a awl.



U Mampuii te ho an haw hnu pawhin keimahin ṭhut khawmna ah chuan ka nghak ran, zinglam dar 2 a ri thuak tawh. Rilru lah a hah tulh tulh bawk si!


"Eva, mutsan rawh khai! Eng êm a ni lovang," ka Nu rawn thawh lai ka hre lo hrim hrim.



"Ka mu ṭep alawm," ka lo ti vat.


"Lawi ṭhat zan pawh i nei meuh si lova, i lawm lo viau em?" A nui sen sen, nui deuh hak hian, "Chutiang lam pawhin rilru a luah meuh lo," ka ti tak tak, lawi ṭhat zan han special bik riau na ka ngaihtuah pha rih lo, Bryan-a chungah eng nge thleng tih ringawt mai rilru ah a lian hlur mai a!


"Mutsan tum rawh khai! Chhun lamah i chau ropui si a," tih leh inherin an room lam min pan san leh, ka chau leh taksa nâ theihnghilh ṭhakin min siam chiang alawm le! Pasal neihzan e ti lo chuan pasal te lock-up tán leh tán loh ngawt maiin rilru a kap lian hlur bawk a!

.
.
.

Ka lo chhing sek nge ni, ka bekah hmui lum ham ham maiin a rawn deh rualin ka meng vat, mawi lutuk hian Bryan-an min lo nuih a.


"Min lo mutsan mai lova," ti sup hian zo zetin min pawm zui nawlh.


A ngawnga ka kut suih zawm vatin, "eng nge chanchin? In rei bawk si a?" Kailawn ah min chhoh pui.


"Pawngsual case an file a, zawhna min zawh fe hnu ah ka rawn haw," awlsam zet a tiin, kawngkhar chu a tlawh hawng a, sofa ah min ṭhut puia a mal aṭanga awmsawn ka tum chu nghet zeta ka kawnga kuahin, "ka tihpalh, lawi ṭhat zanah mal takin ka awm tir ta si che a," in thiam lohnaa khat hian a rawn ti chuak.



A sam hnawk niah mai chu tuai thur belh sakin, "i ṭhaa a lawmawm, lawi ṭhat zan te chu kan hlim a, kan dam chuan zantin a ni mai alawm," ka ti sep chu a rawn nui nghawr dat, a taksa chet zawnga ka taksa a nghawr chuan min fan nghal er er thei!



"Tun aṭangin Lei vanram ka tem tir ang che," thâwp sup maia tih leh ka bra hak chu hnehsawh lutuk hian a hmet phelh a.


Ka kawr chhungah a zen lut zat, a kut lo man chatin, "inbual hmasa rawh," ka ti chu a hnar a tum dat, "lawi ṭhat zana engmah ti lova khawvar hmuh tir che ka tum teuh lo," ti nghut chuan ka indan hman hma hauhin ka kawr hak lai chu ka lu lamah a nawr tawm chho tawk a, a kut lehlam in a pawt chhuak zui zat bawk.


Bra chu hnehsawh tak hian a pawt chuak a, chhuata theh thla in min pawm kâng nawlhin khum lam min pan puiin min nghat dat a, ka nui ta ar ar.


Ka chungah mitmeng min mamawhnaa khat, de sawr sawra bawk zuiin, ka pajama hak lai chu ka panty chawpin a pawt thla zui sawk bawk a.



Thin phu dawt dawtin ka lo insiam rem zui sat sat. Ka taksa engmah khuhtu awm tawh lo, ruak hal mai chu it hmel leh nalh ti taka en vawng vawng chuan, ka dulah a fawp zauh, ka lo ip chawih!



Pasal te mit aṭanga min it na hmuh chu "lawmawm" tih hian a sawifiah zo hauh lo, mipa dang mit aṭangin hmu ila tenawm leh huat thla la awm tak tur si kha, ka pasalin nalh minti tih leh min it a ni tih a mitmeng thûk ruih maia de chhuak sawr sawr hmuh chuan mahni inrin tawkna nasa tak chawpchilhin min siam thei!


"I nalh lutuk ka hmangaih," tia aw zawi thâwp sup mai a, ka dul aṭanga rawn fawp chho dan dana a tih ril ruih hriat phei chuan, nawhchizuar inphal ral an sawi chu nep te a ni, ka pasal, nalh minti em em tu mitah hian hur theih tawpa hur duhna min neih tir a; Mahse, chu erawh zanin hian ka ti hlawh tling thei angem?



Henry-a thusawi ka bengah a rawn ri, "i nawrlui eih loh a, i pasal i hmangaihna leh a lawmna chauh i thinlungah i dah loh chuan, a mamawh sex engtikah mah i pe thei ngai lovang. Ka tawn aṭanga hre tur i ni," a tih kha, Henry-a pawh hi pawngsual tawk tawh, a mipat puiin a pawngsual aṭanga mipa mamawh a awm, a nihna thlak hlawk khawpa nunhlui nei a nih avangin kan inbiak pawhin, Mimii te bula ka sawi ngam loh zawng zawng sawiin thurawn tamtak ka la leh a nih kha!



"Keimah chiah min ngaihtuah rawh," ka beng bulah a rawn ri ser ser, ka lo nui chhuak hak, ka ngaihtuahna ah thildang a awm tih ka taksa aṭangin a hre hneh mah mah!


A kawr chu a phelh a, a che vel chu hnuailam aṭangin ka en ran, a kekawr phelh a tum chu tawp datin min rawn en, ka lungphu a rang zual sauh, ka thaw lak a sak a, ka chil ka lem khalh bawk.


"I inpeih loh chuan..." A tih laiin ka ṭhu chhuak hlawl a, in hma tawna ṭhu in mit ka chhing deuh vang vang, "Nephthy...." A rawn ti sup!


Muangchanga meng chhuakin ka pasal mitmeng buai deuh nawkah chuan ka en kalh a, ka kut chuan a âwm zawn chu ka ban da da, ka chetdan chu mak a ti tih a mit tih zîmsan ah chuan ka hre thei.



Ka chhungrilah hian hlauhna in min tura mah se chu chu ka inhneh tir thei lo tih ka hre bawk.


Muangchanga ka pasal taksa in phiar fat mai chu zûtin, ka ṭhut hnaih a, ka chetdan ngaichang rana awm ka pasal chu dimtêa fawpin a mipatna lamah ka kut chu ka sawn thla riai riai bawk.


Duh thawh taka fawpin, ka lei chu a kâ chhungah ka hawl kual a, a lo thaw ri hrawih, min kuah leta min fawp let bawrh bawrh chuan ka hnute chu a ṭham zui tawn tawn bawk a.



A mipatna khawng zet mai a kekawr chhan a chul sakin, a rum chhuak ham ham, chu chuan mak tak maiin phurna minoe zual sauh.


Min chawi kanga min herin, a mah zawk mu chuan a kekawr chu hneh zet hian a tlawh thla a, a mipat na rawn khawng ta luah mai ka hmuh leh erawin ka lo ip leh ta chawih tho.


Mahse, "ka pasal a ni a, hlauh chhan tur ka nei lo," tia infuih chuan a mitah tak en chungin a mipatna chu ka ban leh ta da da, "Nephthy keimah chiah min en rawh, ka tina dawn lo che," a aw ri pawh chakna avangin a khur lek lek; Mahse, a nghet charh thung!


A chungah chuan ka bawk chho a, a mitpatna chu humin muangchangin ka kut chu ka ti che, "sh*t****" ti chhuak hrawihin a kiu pakhata in beng kângin ka kutchu a rawn vawn hnan, rang lutuk a chet tir zui zawt zawt chuan, rawn ṭhu chhuakin min fawp zui ngawng ngawng bawk a.


Ka rilru zat ve erawh hlauhna in ka la awm a, a zatve erawh ka inthlah dul tawh hle tih ka hre thung!


A mipatna aṭanga ba** rawn chik chhuah chawih chawih chuan rum chhuak ham ham a, sexy lutuk hian a rawn nui chhuak bawk.


Ka chil ka lo lem khalh, min fawpin min bawh tlu a, zei lutuk a min fawp zawmin, ka nghawngah a fawp thla dan dan, a kut ninhlei leh thilti thei em em mai chu ka taksa chungah vah kual turin, min chul ruai a.


Ka kap zawn a thlen chuan min rawn melh chho, ka kiu hmanga in beng kângin ka lo en ve bawk!


Vei kiai sukin ka bawp a aia kaka min awm tirin, ka hmeichhiatna chu ten hauh lovin a lei chuan a hawl a nih chu!

Ka kawchhung chu sawifiah thiam loh khawpa zâ hian a siam a, ip chawih chawih a mu thla datin, ka lu chuan lukham ka nerbet leh ngar ngar ṭhin!



A lei hmanga a hawl kual a, a nawmna laia a kut ṭanga rang tak maia a nuai zui nawk nawk te chuan awm ngaihna ka hre lo chu a hming lamin ka thle tawn sek a, ka kawchhung a nawmna leh chakna in ka pasal mamawh lutukin min siam a, "Bryan.. Bryan ka mamawh che," chu thu, mipa ka mamawh thu chu ka kâ ngei aṭang hian a chhuak a nih chu!


A rawn nui ri suk, ngaihnep na a ni hauh lo tih, ka beng taksa chakna leh nawmna avanga ngawng chhû maiah pawh chuan ka hre chiang mah mah, ka mamawh avanga lawmna nui ri a ni tih ka hriatna chuan min fan rawih rawih bawk!


Ka âwm lama rawn insawm chho in, ka hmai bul chet, ka hmui dai de de a rawn in namkhalhin, "sawi leh teh ka hmangaih. Ka mita en hian min mamawh thu sawi leh rawh," sepchilh nawk nawk hian a rawn ti chhuak.


Mitmeng da vâ mai, tisa chakna avanga phelh phang maia ka pasal lawm hmel nasa tak chu melh chho ralh hian, a nghawngah ka kut ka suih zawm a, "ka mamawh che, ka mamawh che Bawihtea Pa," zawi sep hian ka ti chhuak, lawmnaa khat a rawn nuiin, hmangaihna leh tisa chaknaa khata min fawp vawng vawng chung chuan ka bawp pakhatin a tûn a.


Ka khur ru deuh a ni tih a hriat ve leh, "mit chhing rawh Nephthy," a ti zawi sup.


Ka pasal thuawih taka mit chhingin, ka hmeichhiatna tuipur mai chu nuai deuh nawk nawk hian a mipatna a nawr luh chu ka hre thei, a luh meuh chuan ka thaw chhuak hawk, ka meng kawk bawk a.

Min rawn fawp zatin, "engkim a ṭha, engkim a ṭha," ti sup sup chuan a che zui riai riai.

Min dim a tum tih hre mah ila, rei erawh min dim thei chuang hauh lo, a che rang tulh tulh a, keipawh doctor sawi ang chiahin, "a harsa lai ber i paltlang chuan engkim a ṭha vek ang" a tih ang khan, ka hlauhna te a awm tawh lo ni lovin, ka pasal ka taksa chhunga che mêk chu pangai takin ka dawngsawng in ka che ve thei tawh tih ka hre bawk!


Vawi tamtak a vawrtawp kan thlen dun meuh chuan thlan tla hluam hian ka pasal bulah, si chetin ka let thla tap a, hmangaih taka min lo kuahin a nui nghawr dat dat, "duh aiin min khalh thiam mah mah," a nui zui huk.


A awmah ka lo beng taih chu nui chhuak hawk hawkin, "reilote tal muhil rawh," ka chhipah a fawp zui vang vang, a aw a lungawina khat chuan minti hlim a, keimah leh keimah ka inchhuang ru takzet bawk!



Inbual leh pawh ka sawi peih tawh lo, mit ka chhin rualin ka pasal thinphu dup dup chuan min awi mu nghal ni mai âwm in, hahdam leh hlauh nei miah lovin, lawm avanga nui sen senin ka muhil nghal siai siai, "ka chhuang lutuk che Nephthy," zawi supa ka beng bula a tih chu ka mang hriat zui ruai ruai a ni!!!


<><>~>~>



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:21 pm

MR. CAPTAIN S2
<Hello! Stranger>
{My Treasure S3}

[The Unfinished Story]
By
Floria Laldansangi


< LAST CHAPTER >


EVALYN...POV



Ka hmai za mer mer chu ka mang hriat ruai ruai, chhêm tu awm ang maiin ka mit vel chu a hit leh seng seng zel bawk a!


Nui ri suk ri ka hriat rual erawhin Bryan-a a ni tih ka hre nghal thung.


Ka rum zui ṭiah ṭiah a, ""min mut tir mai mai rih teh," mut la chhuak zeta ti ṭial ruai chuan ka inlet thak.


A nui nghawr dawt a, "ka tum alawm mah se....." Ti sur sur chuan a kut, dawithiam kut ni si lova min dawi hneh em em tu chuan min rawn zut riak riak a, ka hnungzang khuar lai thai thla riak riakin, "i muhil thei tak tak ang maw," nuihza aw a ang lek lek.



Thatchhe zet hian ka nui chhuak sen sen a, hnunglama mi a kut chu chelhin, "darkar tam ka mu miah lo a nia," ka ti leh. Kan mu lo tak tak, darkar 1 awrh chauh kan mutthilh ka ring.



"Lawi ṭhat zanah mut tam i tum a nih kha," tih leh min kuai zang thalin ka chungah a rawn in vawrh kai zui zat.


Harh chiang ta tak ka ni, ka nui zui ar ar. Thawh phan mood off chu a awm lo viau mai.



Mit zîmsan a min en in a hmui hnuailam hi a pet zauh a, a kut lehlama in nam khalhin, lehlamin ka hmai tlâng chu a kut ṭangin a thai thla riak riak a. Ka hmui zawnah tawpin dimtêa a ka hmui tuaiin, ka khabe ah chuan a chelh a, hmet kau zui tiar chuan, "kham tih ka nei dâwn lo a nih hi," thâwp sup maia tiin min fawp zui vang vang.



Min fawp pah reng chuan a kut, dawi thiam kut ngei maia ka taksa muang mar ṭha tak, hmanhmawhna nei miah lova zut kual ruai pahin, min fawhna chu a sawn thla zui a.


Ka khabe ah fawpin, ka ir ah a fawp thla a, ka ir khuar lai aṭanga a lei thil ti thei tak hmanga liak thla riak riak chuan ka hnute hmur chu a liak kual bawk a.



Ka taksa za lutuk leh ka pasalin muang dam raih maia min sàwng bawl velna chu hahdam leh nawmna a khatin ka lo dawng sawng ve bawk!


Min pawt ṭhu in, ka khel tawn tawna chelh chuan min chawi kâng hret, a darah ka kut nghatin, ka pasal mitmeng tisa chakna avanga buai nak chu ka nuih sen sen a!


Ka mawng hung rem sat sat chuan, a mipatna khawng ṭha tak mai chu a mita en kalh chungin, hnuailam aṭangin a rawn hnawh lut riai riai, thinphu dup dup leh thaw dep dep chuan a luh fel hun chu ka nghak a.


A luh rualin ka thaw chhuak halh, ka pasal min fawhna nghak lovin a hmui, kei pawhin engtikah mah ka kham a, ngaia ka neih theih ngai loh tur, zûn ngah leh thil ti thei em em chu fawpin, ka pasal chet hma in ka mawng chu ka ti che zui riai riai a.


Min fawp reng chung chuan, lawm tih hriat lutuk hian a rawn nui ri suk, in fawp chungin kan nui dun leh sen sen ṭhin..


Ka ir a fawh lai te chuan, hnute kawh lah leh mar ṭha tak mai fâwn lawp lawpin ka pasal mipatna chu ka ṭhut tlum pawk pawk a!


Chutiang taka rilru leh thinlung zawng zawnga ka chet a la awm hauh lo. Ka nunah mipa pakhat chiah ka la lut a, a hmasaber leh a tawpna ni turin, ka pasal chiah hi a ni.


Ka pasal chu nam mu datin, ansawi ṭhin, "nupa khum laizawlah chuan, hmeichhia chu nawhchizuar ang maia chet a ngai fo ṭhin," antih ang deuh khan, a mipatna chu phawi chhuakin, a kap zawn aṭangin ka pasal chu ka melh chho a.


Ka chetdan teh thut chuan a ṭhawng deuh nge mitko san ak a inbeng kangin min rawn en, ka lo nuih seih.


A taksa sex phiar ṭha zet mai chu ka kut chuan ka zût chho a, ka kut lehlamin a mipatna ka hum ranin, ka h***t sak dat dat bawk.


Ka pasal hmel si ham hama lungawina lang chhuak chuan minti phur leh zual a, sî ham ham chunga ka hming a lam te chuan a ai ṭha a chet min duh tir bawk!



"Keimah chauha lei vanram tem ka tum hleinem EROS," tisa chakna avanga aw khur dar darin hur hmel tak chuan a beng bulah ka ti sa sa a, a beng kawm chu, a tihdan ṭhin ang chiaha seh zauhin ka nui ri sak.



A rawn nui ri hawk a, ka dar tawn tawna chelha min nam hla deuh chuan thaw la ham hamin, "engtin maw min koh?" A aw pawh a dik bik lo nasa.



Mitmeng hur lutuk chuan ka pasal hmel hlim sarh mai chu en in, "EROS, God of Love," ti nawm sapa kun hniama fawp zui tawn tawnin, a mipatna chu ka hmeichhiatna ah ka thun lut zui a, rum chhuak ham hamin, ka pasal hrawk bawk nalh tak mai chu fawp in, ka liak kual bawk.


Ka khel tawn tawnah chelh betin, rang lutuk hian hnuai lam aṭangin a rawn d*p chho zawt zawt a.



A hming lam mawlh mawlh chuan chunglama dak awrh awrhin, ka rum chhuak dar dar, hnuailam aṭanga a ran theih tawpa ti rangin, hnute fawn lawp lawpin ka tîng awk awk a.


Bryan-a âwm khalh sek tak mai chu ṭham ngar ngarin, ke zungpui kawm ngar ngar chungin, nawmna avanga ka rak chhuak lohnan ka hmui ka petbet leh ngar nhar ṭhin!



A vawrtawp kan thlen dâwn phei chuan ka hmeichhiatna leh ka taksa pum chu a zâ chuai chuai chuan fan chhuakin, ka puak darh dâwn hialin ka hre bawk!



Darkar tam pawh mu lovin kan nupa chuan vawi tam a vawr tawp kan thleng a, bathroom ah thleng chuan vawi eng emaw zah a vawr tawp kan thleng dun, harsatna kan paltlang tawh leh, kan luhlulna, chapo na leh phuba lak duhna in a kan mit a tih del chhung zawng zawnga kan theih loh kha, kan inneih zan chuan tlak vek kan tum ni berin a lang!!!

.
.
.
.
Shower hnuaia ka in tleuh zung zung laiin, ka hnunglam aṭangin min rawn kuahin, ka hnungzang chu a fawp dan dan a, ka lo thaw hak, "Bryan...." Ka ti hman ṭawk!


Ka nghawng chu seh zauhin, ka rak ṭha, "min koh dan i thlak ka duh tawh hauh lo," thupe tak siin a nui ri suk, ka ngaihtuahna ah khum lama ka koh dan kha ka hre chhuak, ka nui ta hak, a lam hawiin a nghawngah chuan ka kut ka suih zawm a.

Thle hâ a melh chho in, "Eros," nui zui sen sena tiin, dingdi hlip ak ak chuan ka fawp vawng vawng.


Min pawm kâng nawlh, ka bawpin ka lo kherhbet ve vat, thaw chhuak ham hama a chala ka chal nghatin, "kan thei tawh lo, dar 7:30am a ri tawh," mit chhing chunga ti chhuak sa sa chuan ka nui zui hak bawk a.


A thaw lak danglam ta te, keimah angchiah a a taksa danglam ta te chu kan inhriat chianpui lutuk mah mah!


Min pawm reng chung chuan kan intleuh dun a, huh hnuanga min pawm chhuakin, room chhuata min nghat chuan towel la in, duat takin min hru hul zui zat.


Ka pasal chetdan dam dap mai leh a mit uk kharh mai, min hmangaihna leh duatna a khat chu en in, hlimna zawng zawng hi ka ta a ni ta emaw tih turin ka dawh veng veng.



"Lei Vanram," antih chu hei lo liam a awm hi ka ring bik lo ve! Hei ngei hi ka suangtuah ngam loh, ka mang lam pawha ka man ngam loh hlimna famkim chu a ni si a.


"Ka mumang emaw suangtuahna mai a ni ang a, ka harh chhuak leh si a ngem?" Ti a, hlimna avanga hlauhthawnna ka nei leh thut ṭhin; Mahse, ka mipa hmangaih, ka pasal nita mitmeng uk kharh maiin thûk ruih maia min en leh a kut, midang tana ram tak si, ka chunga dam dup leh tihnat hlau leh keh theih dawma min dawm a, min khawih chang erawhin ka tawn mêk leh ka hlimna, ka hmangaihna, kan inhmangaihna te hi a tak ngei a ni tih min hriatnawn tirin, min rin tir leh ṭhin!

.
.
.

"I va rawn tho hma ve, nizan i mu mumal âwm si lova," choka kan luh rualin ka Nu in a lo ti nghal, ka lai lek lek, mothar tukah dar 7 pelh duaiah ka'n tho chu a nia!


"Nizan inpa va kalna te chu eng nge a an?" Breakfast ei tura ka ṭhut rualin Brayden-an a lo ti vat.



"Nakin deuhah U Sangkima te an rawn kal ang a, chanchin inhre mai ang," Bryan-an a rawn ti lut, ka chhipa fawpin, a fapa biangah chuan a fawp zui a, "nimin inleng leh mikhua ho an lawm lo viau em?" Coffee an rawn chhawp chu a tem zui hlak.



"Viau lo ve, i pa erawh a chau deuh a," ka Nu chuan ka Pa a melh zauh, a chau tih a hriat reng, ṭawng pawh a tum lo in a mitmeng dul hnakah chuan a hriat viau bawk!


"Kan rawn lang hma mah mah em?" Choka ah Bryan-a sawi U Sangkima a tih ni ngei tur chu a rawn dak a, a hnungah mi pahnih an ding ve bawk.


"Hma lo ve, in ei tawh em ni?" Ka Nu in a lo ti vat.



"Ei tawh e. Heihi em ni in mothar chu," ka lam a rawn pan, ka ṭhutna aṭanga dingin ka lo chibai a.


"A khai! I ding chiah chu ka rin aiin i sang, ft engzah nge inih?" A ti deuh hluai.


Nui chung hian, "5'6ft vel," ka ti ve mai.


Bu nghatin, "Mizo hmeichhia ah chuan säng tak i ni. Bryan nupui thlan i thiam hi. Heihi in fapa maw?" Damian-a lam a hawi, "Hi! Damian-a ka nia," a lo inhmel hriat tir zat bawk.



"A khai a! Mo hmelṭha lutuk leh tupa hmelṭha leh fing tak innei a nih hi U Nathan," a tih leh chuan Damian-a chuan min rawn en in a nui sun sun. Fak hi a hria a nia!


"Mom, uncle Eric-a... Oh! Uncle Henry-a zawkin zingah khan min lo bia a sin," a rawn ti sa sa.


"Eng nge a rawn sawi?"


Ka sawi tawh em aw! Henry hi a hming diktak chu Eric Henderson a ni a, a hma chuan Eric kan ti mai ṭhin kha a nia, thawk khatlai aṭang khan Henry tia koh a duh zawk thu a sawi mauh mai a, tunthlengin kan ko Henry-a ta ngar ngar mai!


"Nuam ka tih leh tih loh min zawt a, thildang pawh," tih leh, "pate i kalna ah min hruai dâwn kha aw," a tih zawm zat. Khawnge maw a pate Ivan-a nen chuan chhuah an lo tum leh ni.


Ka pa leh Bryan, U Sangkima te ho ṭhut khawmna ah an ṭhu a, keini choka ah kan la awm.


"Eva, Damian-a school luhna tur hi han duh bik te i nei em?"


Ka Nu en chuan ka lu ka thing mawl tawp, "duh bik i nei zawk lo em ni?" Ka ti let a.



"I pa nen kan lo ngaihtuah a, i Pa ṭhianpa Jonathan-a te hian School annei a, chutah chuan lutse tiin. Damian-a tan erawh class 2 emaw aṭangin ṭan sela a pawina kan hre vak lo bawk a," a rawn ti leh duah.


Ka lo bu nghat a, "inpa nen sawi dun ula, ṭha intih dunna kha a pawimawh ber a nia." A rawn tih zawm zat.


Choka kawngka aṭanga Marco leh Fiona rawn inzui lut kan hmuh takah chuan kan tho chhuak dun a.


"Damian room-ah lo han infiam rawh," ka ti zui sap. Fiona a rawn lang si a, a pa a insum zo lo leh ang tih ka hlau, a pa thinrim hi hmu fo lo se ka duh!


"Kalrawh, ka chhuak dawn alawm," Ivan-an a lo ti. Phurzet chuan an inkai chhuak dawt dawt.


Bryan-a te ṭhutna lam panin a bulah chuan ka ṭhu thla.


Fiona nu leh pa leh midang 4 hi an rawn inzui leh.

"Engvanga i In a min ko nge inih? Police station a sawifel emaw court hmaa sawifel emaw kan ngai zawk alawm. Nge ni a cheng nuaih 10 chuan inremna siam induh zawk?" Fiona pa chuan a rawn ti ta khar khar.



Nuaih 10 a sawi zawh rualin ka lo en hraw nghal. Nuaih 10 a phut tih min hrilh miah suh se!


Ngeiawm lam lek lek hian Bryan-a lah chu a nui suk a, ngeng ngal mai a Fiona ṭhu kun ngar mai chu ten hmel tak hian a ner khum sawk, a mal tawn tawna a kiu nghatin, chiang zetin a en a, "vawikhat chiah ka zawt leh ang che. Ka fa i pai takzet tih i chiang maw?" A aw chu a ring miah lo mah se a zawtnawn tawh dawn lo tih alan chian bakah, pawisak a neih loh zia a aw zawi supah chuan a hriat chian theih viau mai!



Mittui tling pam hian a rawn hawi chhuak, Bryan chu en ngawih ngawihin, "a nih thilpakhat chiah ka zawt ve ang che," ṭah chhuak aw lawi rût hian a rawn ti. Kan lo ngaichang ṭhap.




"Ka englai hi nge i duh loh?" A rilru zawng zawng a zawt niin ka hria.


Ka hnunglam aṭanga a kut rawlhin ka kawngah chelhin a lamah min pawt salh, min rawn en a, mawi lutuk leh hmuh nuam lutuk a nui hian, "i chhip aṭanga i ke ler thleng in, nangmahah duh pakhatmah ka nei lo," ring si lo chiang kawk maia a tih chuan keimah zawk chu ka lo ip chawih!


Fiona mittui chu a luang thla pup, bu nghat hian, U Sangkima lam chu a hawi a, "ka..." A insut ri hraih, a chil a lem khalh bawk.


"Min pawngsual loh ang bawkin, a fa pawh ka pai lo. Nau chu ka pai ngei a mah se a fa a ni lo," mittui luang ngiai ngiai a a tih chuan a nu leh pa chu mitmu pawng chhuak lo chauh a mengin, "eng nge i sawi awmzia Lalthanmawii," anti hrawk.


Bryan-a nui ri hukin ka kawng a dawmna la sawnin a ding a, Marco-an lehkha hi a lo pe vat.


"Heihi CCTV footage a ni a. Hei hi i fanu nau tih tlakna damdawi record. Heihi a naupaina pa, a fâ Pa diktak chanchin," ngeiawm tawk leka ṭhensak sak pahin a mal te te chuan dawhkanah a theh thlà a.



"Ti khan Pu Hmingthan hriatfiah loh ila nei em?" Chimawm lutuk hian a thle zui bak, "i neih loh chuan, defamation ka file hi lo ngaithla ve la," tih leh ka bulah a rawn ṭhu thla leh.


A awmdan ngeiawm leh ngeng lutuk, huat thla la bawk si chu a nupui mah niin, a dikna mah nise ka lo ngei lek lek ṭhin!



"Dik lo taka intih hming chhiatna leh, social media thlenga pawngsual tu ang maia thu i theh darh avang leh, ka Boss nupui Evalyn-i an inkara tlazep ang maia thu i thehdarh avangin, Live ngei a ngaihdam dila Mizoram mipui te thudik hrilh turin kan duh che. I thei lo a nih chuan i sawi angin court thlenpui a ni ang," Marco-an a rawn ti charh charh.



Bryan lam chu ka hawi haw, dik inti zet hian min lo nuih a, a mitko a san ak bawk.



Diktak chuan social media lama thilthleng engmah ka lo hre lova, engtiang takin nge ka hming chhiat tih pawh hre lek lova ka awm leh, Bryan-an a thup hneh chu ka lawm viau rualin, live ngata ngaihdam dil tura a duh erawh ṭul ka ti viau ta lo.


Fiona-in thudik a sawi tawh a, case pawh a fel a ni mai lo'm ni?


"Dik lo a awm a ni ang. I fa a pai thu a sawi ngei alawm. I sawi a ni lo'm ni?" A nu chuan a fanu ṭhu kûn ngal chu a bânah vuanin a thing deuh sawk sawk!


"In chhungkaw buaina chu in inchhungah chingfel rawh u. In tihtur ti ula chhuak rawh u," Bryan-an dawh thei lo tih hriat zet hian a ti chang bal. Sofa hnung chu thatchhe zet hian a ngheng zui dat bawk a.


"Reporters annih kha," ti nghutin, Marco-a bula ding mi pali te chu a lu hian min kawh hmuh hlawm a.


Ka nu leh pa chu ka melh leh ṭhin, engmah an sawi lo pawh ni lo, ṭawngkam khat pawh chhah chhuah an tum lo chu mak ka ti ru viau.


Hmeichhe mualpho na hi a ho si a, hetiang a Bryan-an a chhanglet a nih chuan Fiona tan erawh khawvel a tawp a ni ringawt dâwn hian ka hria!



"Eros.." Ka ti chuak ta sep. Ṭhu ngil nghal run chuan min rawn en, "sawi duh i nei em ni Nephthy?" Ka thusawi ngaipawimawh tih hriat tak hian min en run bawk a.


Fiona lam chu ka melh zauh, thaw ka la ham ham bawk. Muangchangin ka pasal mitah chuan ka en a.



"Hetia tih kher hi a ngai em ni? Thudik a sawi tawh a, case a tawp a ni mai lo'm ni? Fiona hi kum 23 awrh chauh a la ni a, hetiang a Mizoram ah a lar a nih chuan damchhung a daih mai ang. Hmeichhia chu kan hming chhiatna ho te-ah pawh damchhung a daih ṭhin si a. In ngaidam tawn zawk ila," ka pasal bulah chuan ngen ti tih deuh hian ka ti a.



"In nupa thu thu a ni," ka Pa in a lo ti ban chap.


"Ni e, Eva thusawi pawh kha a dik reng mai. A sawnpai a hmet tla tawh hrim hrim pawh hi, a tan chuan damchhung nghawng a ni tawh alawm," ka Nu in a lo ti ve ta nge nge.


Ka pasal erawh ala lungawi chiah lo tih a mitmeng thim khup leh khabe ruh che ralh ralh ah chuan ka hre thei!


"Eros..." Ti nawn lehin, a kut chu ka chelh a, ka hmer salh bawk.


Ka mitah en run run chuan a thaw ri hrawih a, "a ṭha e, ka nupui in a sawi vang chauhin hei ai thui ka kalpui lovang, case withdraw la, ka In hi chhuahsan ang che u," chang fal mai leh thupe zet chuan a ti chhuak ta hrawih.



Ka lo nuih ta sen sen, hremna kan pek ngai lovin, an thiltih hmangin an mahni leh mahni an inpe tawh a, a tawk viau a ni.


Mihring chuan kan pek chhuah ai tam kan dawng let ngai lo. Kam thawh rah vek a ni kan seng ni!


An chhuah dawn a Fiona mit, a ṭahna avanga sen ram kara lawmthu sawina lang chhuak kha ka hmuh hmiah miah lo bawk!!!!

.
.
.
.

Hun a kal a, thla 2 chu a liam ve leh dêr tawh, Damian-a pawh ka Nu te duh dan angin Pa Jonathan-a te school ah a lut a, nuam lah chu a ti khawp, awl a tih thu a sawi deuh sek mai bawk a!




"Nephthy...." Ka dul ruak kâng mai chul hliau hliau pah chuan a rawn ti sup.


"Ummm..." Ka thawk ala dik lo, ka lungphu pawh a la rang lutuk mah mah.



"Damian-a phirpui kha...." A tawp dat, ka lo thaw kawk.


Inla hrang hlekin ka en chho a, "i hre duh em?" Min en kalh. Min zawt ngam lo tih chu ka hriatna a rei ve leh tawh. Inthiam lohna hi a la nei tlat a.



"Thla 4-na annih dâwn khan phir ka pai tih kan hria a. Kha tihlai kha anxiety leh depression ka neih nasatlai tak a ni bawk nen, ka naupai an chak lovin, an dam chuah an ring lo vek a," ka sawilai ngei chuan ka mitthla ah a rawn lang. Ka mittui a rawn hnâm ṭiam ṭiam.


"A pawi lo, i inpeih hunah le," tia min rawn kuah a tum chu ka lu ka lo thin khum mat mat.

Za vak lova nuih seihin, "thla 5 annih in doctor-in ka chhulah bawk a awm thu a sawi leh a, nau ka pai tlang duh a nih pawhin pakhat chiah ka pai theih tur thu leh, thla 8-na ah zai hmanga ka neih a ngaih thu an sawi ta a," ka ṭah nuih hak.




Mittui tling pam a ka pasal melh chho in, "an pahnihin ka duh mah se duh ka thlang lo a nih chuan, pakhat chauh ni lo an pahniha ka chân theih tur thu ansawi a, chuvangin pakhat zawk ka paih tir an ngai a......." Sawi zo thei lo chuan ka ṭap khur dar dar.



Ṭap chung chuan, "mahse Pathianin ka chungah zah a ngai a ni ang, Damian-a erawh neih pangai takin ka nei a, ka chhula bawk pawh kan paih bawk. Ka fanu, ka fanu khan kei leh Damian-a nunna a chhanhim a ni..." Ṭap chung chuan ka sawi chhuak, a tawp lam chu ka riat nawk nawk.



Nghet taka min kuahbetin, "shitt..... Engkim a ṭha vek tawh, i thiam loh engmah a awm lo," min hnem tum taka tiin, ka hnungzang khuhtu awm lo ah chuan a chul hliau hliau bawk a.


Ka pasal angchhunga tluk luh a, kum tam tak ka lo khungbeh tawh sawi chhuak a, chhuak tak maia ka ṭap hlap hlap hmangaih taka min kuah vawng vawngna chu damdawi ang maiin ka kawchhung tawt tak kha a chhawkin, a ti dam sawng sawngin ka hria!!!

.
.
.
.

"Mom tho tawh r'u. Apu birthday a nih hi," Damian-an min rawn sawi dat dat.


"Dar engzah nge Buddy?" Bryan-an min kuah hlun chung chuan a ti a.



"Dar 9:30am," a tih rualin ka meng kawk, thawh mai ka tuma engmah ka inbel lo tih ka hre chhuak zui zat.


"Bawiha inhnuai ah min lo zu nghak rawh, 15mins chhungin kan rawn chhuk ang," ka fapa en chuan ka ti vat.


Bu nghat hian a tlân chhuak a, ka ṭhu chhuak nghal zat.


"Tho rawh dar 11 ah hunserh kan hmang dawn," tih leh bathroom ah tlân luh ka rual.



Vawiin hi 23 November, ka Pa kum 80 tlin champha chiah a ni a, chhungkaw ho a lawmna hun neih kan tum a, duh aiin ka tho tlai mah mah bawk!


Bryan-a rawn lut chu shower hnuai pawt lutin sahbawn ka hnawih vat vat. Nuam tih hmel tak chuan a la nui ang sun sun a. Hmanhmawh nen a in mil lo thei!


Hman hmawh zeta insiam in inhnuai lam chu ka pan hlawk hlawk, muang fahran hian Bryan-an min zui ve bawk.



"Kha kha khawia mi nge ilak chhuah?"



"Daddy heihi eng nge a?" Ka zawhna pawh chhang ta lo chuan a pa chu a au zui.


A pa uniform hlui tih a lukhum a rawn lak chhuah takah chuan ka hre nghal!


"Ka uniform hlui a nih kha," a ti ve mai.



"Lawng Captain i ni ṭhin a mi?" A pa lukhum hlui chu thawl zet hian a khum a, coffee in hman tawh hek lo, Milk chu ka pe ve mai, rum nghut hian a ban ve leh mai bawk a!


"Keipawh Lawng Captain nih ve ka duh e.." A tih zawm deuh vawng vawng chu Bryan-a a fapa hmaa dingin, "Captain i pu te in a kal i hman em?" Damian-a chu a dak chhuak vat.


A pa salute pe letin, "hman tawh e MR. CAPTAIN," nui zui raih raiha ti letin an in pawm nalh, ka bag la in Bryan-an ka vawn theih tura a kut rawn lek chhuah chu nui sänga chelin hian kan chhuak a.



Ka Pa te in kan thlen meuh chuan an lo kim vek tawh.



Rei pawh rial lovin hunserh kan hmang nghal mai bawk a, ka nu in an in ngaihzawn lai chanchin a sawilai te chuan mittui tla phung hian kan lo nui.

Thilmak tak tak lah a sawi nasa, ka hriat thar pakhat erawh ka pa hi ka Nu pa su hlum tu a ni tih a ni. Chu erawhin an in hmangaihna kawng a dal chuang miah lo bawk!

.
.
.

"I nu leh pa an in ngaihzawn hma hian i Nu hian a iai khawp mai a. A hming pawhin a ko ngai lo 'putar running chawp ngai' hi a ti deuh kher zel a. Vawikhat phei chu kan chaw ei lai hian ka fiam a, a duh lo lutuk khan, "saw tiang, putar running chawp ngai zûnah sawn ka uai lul lovang' a tih zawh rualin i Pa choka kawngkhar ah a lo ding ve sia," Nu Jamie-in nui kur kur pahin a sawi siam siam.


Nui ṭhû in kan lo ngaithla ve bawk, "engtin nge a tih?" Alice-in a lo ti vat.



"Aw! A rawn lut a, dawhkan dawm chungin, 'putar running chawp ngai hian chaw ka ei ve thei angem?' A tia ka insum zo lovin i nu hmaiah ka chaw ei zawng zawng ka phuh chhuak a, ka nui dir tlawk tlawk mai," a nui zui hawk hawk, keini pawh chu kan nui dar dar.


"Chaw bel ka thuk ru daih sia," ka nu in a lo ti ve zat. Ka pa in, "eng nge in nuih dur dur hlawm a?" A rawn ti chuar chuar.


Bryan-a ka chair ṭhutna bânah rawn ṭhu in, ka dar ah a kut a nghat zat, nui ṭhû in ka melh chho zauh.



"Pa, running chawp ngai antih lai che in i eng nge ngaihtuahna ah awm?" Alice-in a lo ti zat. Kan nui hak.


Ka nu en in, "ala hria ang' ka ti rilru," a ti ve mai bawk a. Kan nui tak ang dur dur a!


Kan chhungkaw ho, thisen inzawm tia sawi fak tur erawh kan tam lo. Nu Eunice-i leh ka nu pawh thisen zawm ni bik lo. A fa Bryan-a te unau 3 chenin, kei leh Nu Zarpuii te, U Mampuii, Mimii te pawh thisen a inzawmna pakhatmah nei lo vek kan ni.


Mahse, ka Nu in hunserh hman laia a sawi, "tu emaw chhungkua ni turin thisena inzawm kher a ṭul lo. Thinlung leh tih takzeta i hmangaihna kha a tawk em em a ni," a tih kha ka hmufiah ni maiin ka inhria!


"Eng nge i ngaihtuah?" Ti supin ka chhipah a fawp zauh a, ka dara rawn liamthla a kut chu hum vang vangin dak chho vah nuih sen sen chuan, midang nui leh dar dar ṭhin lam chu hawi lehin ka pasal bawk chu ka en leh a, "chhungkua min pek avangin ka lawm êm a!" Ka ti sep.


Mawi lutuk hian a vei Kiai suk a, ka khabe chawi kâng salhin, hmetin ka hmui kau tiar maia fawp zauh chuan, "kan chhungkua a i rawn tel avangin ka lawm e Nephthy." Rilruih maia tiin min fawp zui vang vang.



"Daddy, Samantha-in the Unfinished Story a tia eng nge awmzia?" IPad keng hian kan lam a rawn pan dat dat.


Bryan-an a lo pawm nawlh a, an bulah chuan ka ding ve nghal, "The Unfinished Story chu kan chhungkua ang hi a ni mai alawm. Kan chhungkua, kan in hmangaihna a tawp ve ngai dâwn loh avangin. A ni lo'm ni Nephthy," ka kawngah a kut lehlam a rawm rawlh.


Nui sen senin ka fapa hnar a piai zauh chuan, "tehreng mai. Kan thawnthu hian tawp hun a nei dâwn lova chu chu The Unfinished Story chu a ni mai. Kan inhmangaihna kan ṭan chauh zawk a ni. EROS..." Ka pasal lam nui säng a hawi chho in, min rawn fawp vang vang a.



A kawng hnunglama kuah letin ka fawp let ve vawng vawng bawk!


Ni e, kan thawnthu hi a tawp lova, bul kan ṭan chauh a, chhungkua kan din chauh a, kumkhua leh chatuana a tawp tawh ngai dâwn loh avangin chu chu kan thawnthu The Unfinished Story hrilhfiahna ngei chu a ni mai. Kei leh ka hmangaih, ka pasal leh fapa, lo piang leh tur nen!!!!!


{THE END}


<>~>~>~>~><>


Note : Ka story My Treasure aṭanga a tawp thleng, MR. CAPTAIN S2 thleng a min chhiar sak a, feedback minpe zat zat tu te, sawisel ngai leh edit ngai lai sawi a, min fuih a, min fak tu te zawng zawng chungah thinlung takin läwmthu ka sawi mawlh mawlh a. Ka tlin loh leh post theih loh chang tam tak awm mah se, dawh thei tak leh min sawisel mai lova min nghak tlat tu te in zavai chungah thinlung takin läwmthu ka sawi mawlh mawlh e🙆‍♀️🙏lo dam ṭha ula, Covid19 lakah fimkhur in, in lo him zel dawn nia🤗❤️

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)