My Treasure S3 : The Unfinished Story by Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

My Treasure S3 : The Unfinished Story by Floria Laldansangi (Completed)

Unread post by Ngaia » August 29th, 2021, 2:16 pm

rlxm3ttt.jpg
<><>~>

"Excuse me....Excuse me... Hello... Hello! stranger," Tih paha ka kekawr pawt dat dat tu chu ka en chhuk a

Ka sunglass la thla meuhin ka en zui, "khawngaihin i ke ila sawn thei angem? Ka coin i rap," American aw phawi taka arawn tih fiah leh kalh kalh chuan ṭhut hniam ka tum

A kut nen meuh, "Stop. I ṭhut kher angai lo, i ke hi la sawn mai rawh," A tih fiah leh kalh ka nui chhuak ta huk mai. Kum 6 hnuah ka thu leh tihluihna tel lova ka nuih vawikhatna a ni

"Awii! Bryan te tetlai a ang lutuk. Lion han enteh mah he nau hi," Ka nu chuan a rawn ti hluai

Keipawhin ka naupanlai thlalak ka en angah ka in ngai hial

Ka ke chu ka khai a, 50cent ka rahbeh chu chhara tuai faiin, "ka lawm e," Tih leh inherin a tlan sawn nal nal, ka nui leh suk

"I fapa ni âwm a nih kha le," Ka Pa pawh chuan a rawn ti sup a, ka lo thaw halh thung. Ni e, Evalyn-i kha nei ni ila chuan kan fa hmasaber pawh khatiang rual kha a ni ve tawh mai thei asin!

Kum 6. Kum 6 lai a ni ta, Evalyn-i ka zawn erawh ka la ṭhulh phah chuang law. Ka zawng hmù ngei bawk dâwn tih ka hria. Khawvel hi hrut chhuah vek ngai pawh nise, ka hrut chhuak mai ang!

<>~>~>~>

"Damian, vawiin chu i Pi Mampuii te In ah ilo awm leh angai a," Ka tih chuan a ner nasa ngang mai

"Internet-a ka hmuh danin, March thla apiang hi an boring anti a. Api Mampuii pawh a boring ka ti," A tih chuan ka nui ringawt

Pheikhawk chu a hmaah ka theh thlaa, amaha bun pahin, "an lehkhabu pawh ka chhiar zo vek tawh, ni lengin eng nge ka lova tih ang?" Ka sam tuai mam thuak thuakin ka fapa chu ka en a

"A hmasa in Internet-a thusawi chu dawt a ni. Tin, i Pu Ryan-a leh i U te ho an awm ve dâwn a, vawiin chu a boring lo ang. Ok?" Ka tih chuan in ngaihtuah deuh vang vangin, "OK! Mahse, thil pakhat min tihsak angai," Awii! Ka tlai leh dâwn

"Ok, ok eng nge?" Ka kai chhuak pah dawt dawt a, "ka birthday ah ka hrilh angche," Car ah ṭhu lut paha a tih chuan ka nui ringawt a, ka ṭhu lut ve zat bawk!

~~~~~~~~~~~~~~~


MR. CAPTAIN S2
<Hello! Stranger>
{My Treasure S3}

[The Unfinished Story]

Chapter < 1 >

BRYAN....POV
***************

<20**> New Life, Faith>

Kum 2, kum 2 lai a ni ta, Doctor ka hmuh a piangin ansawi chu, "i kal thei tawh lo ang," Tih leh, "chance a awm lo a ni," Tih chu a ni



Ka nunah hian theihloh pakhatmah a awm lo ang bawkin; beidawnna thumalin hmun a luah hek lo. Keihian kum 2 chhungin doctor leh mithiam tamtak ka râwnin, ka pana mah se tumahin minpui thei lo.


Eng Doctor leh mithiam mahin min pui thei lo a. Mahse, an diklo a ni tih, ka unaupa Bryson-a ngei pawh tiamin ka hmuh tir chiang hle chuan ka hria. Tin, Ka hriat chhuah chu, minpui tur chuan keimah bawk a ni ka mamawh ni tih hi



Kum 2 liamta khan accident na tak ka tawk a, Bike-a chuang zawk erawh hliamna tak a tawrh loh laiin kei erawh, tleirawl kha ka sut nat ka hlauh luatah kawng thlang lamah ka tlân liam ta kha a ni a


Thla 1 chuang ICU ah Coma in ka awm a, thla 6 zenzawn damdawiin ah ka awm bawk. Mi zawng zawng sawi loh, ka unaupa Doctor meuh pawhin, "chance a awm lo a ni," Tiin, min beidawn san a nih kha!


Ka accident na avangin spinal stroke ka nei a, ka kawnga chin hnuailam zawng hi a che thei lo. Mahse, min han en ta che u, kum 2 hnuah chuan walking-frame hmangin ka kal ve ta suih suih alawm. Ka sawi kha, ka nunah hian tih theih loh a awm lova, beidawnna in hmun a luah hek lo



"Sir," Marco chu ka melh zawk, a lu a thing zui mat mat. Sofa bân chu ka chum ri zui dat bawk


Coma aṭanga ka harh rualin Evalyn-i enzui turin ka ti a, Mumbai ah ala awm tih ka chian hnuah in enkawl turin Mumbai pan ka tum nghal bawk, ka chance neih niin ka ngai bawk mah se, ka tisual chhiava a ni. Mumbai kan thlen meuh chuan a hniak pakhat pawh hmuh tur awm lo in a bo a nih chu!

Kum 2 a liam tawh, beidawn san ka tum lova, he ka ke pahnih hian ka ding ang a; ka kal ang a, kha hmeichhia kha ka nei let ngei dâwn tih leh, min hmangaih leh turin ka siam ngei bawk dâwn a ni


"Engthil nge ni bur bur?" Pawnlam a ri bengchheng hut chu ka ngaithla zui


"Ka'n en ang e," Tih leh Marco chu a chhuak vut a, keipawhin Walking-frame nen chuan ka zui chhuak ve chhat chhat tho



"Nang phatsantu hi, ka fanu Lung ru tu chu i hmangaih amaw? I chantawk i hmu a nih kha. Vawiin hi eng Ní nge a nih i hria em? A thihchham a nih hi," Tetei Nu chu atihdan ṭhin tê bawkin min au khum leh ta tuar tuar



Ka rum nghut, a vawikhatna a ni hauh lo, vawitam kan In ah emaw ka office kawtah a rawn au fo tawh ṭhin



"Vawi engzah nge ka sawi dâwn, Evalyn-in inrawlhna a nei lo tih hi. A pa jail-ah i khung tawh a ni lo'm ni?" Ka ti bul hluk


Mittui nen min rawn en, "kha hmeichhe naupang kha ka hmu leh a nih chuan ka fanu min laksak man a hmu in, a âwm chhunga ka fanu Lung kha ka la let ang tih hre rawh. Ilo hrilh dâwn nia," A ti leh tuar. "A rilru lamah harsatna a nei a nih hi" tia han ngawihbo pui tum ṭhin mah ila, he pitar ṭawngkam hi pai harsa tih chang ka nei ṭhin. A bikin, Evalyn-i chanchin ah hian!



A fanu nen khan ṭhangkhat lian zenzawn kan in ngaizawnga, a mamawh piahlam thlengin pekloh ka nei lo


Tisa chakna thlengin, nupa kara thleng tur zawng zawng leh antih ang zawng zawng, mipa in hmeichhia a pek theih zawng zawng chu ka pekim vek a ni lo'm ni?


Min hmangaih thu sawi chamchi tu leh, ka fa a pai a ni tih sawitu khan keihi min phatsan zawk a!


Kha hmeichhe le lo lutuk thusawi kha keihian mi â ang maiin ka lem avangin, hmeichhe pawisawilo lakah phuba lak ngei tumin ka hmanhlel bawk a! Hreptak hian! Hriat chhuah fo pawh ka duh nek love!


"Sir. Engvanga thudik sawi mai lo nge inih? Rama lah thilsual ti lo ang maiin a lêng kual vel si a."


Ro halha thaw hawkin, "a dam khawchhuah zawh i ring em ni?" Ka ti bul nghut

A fanu kha hmeichhe laktlak loh tak a ni tih a hria a nih phei chuan heiai hian ât a so lo ang tih tunge sawi thei?



<~><~><~><

AFTER 6 YEARS

<Safe Zone>


"Hmeichhe pakhat zawngin i tar zo dâwn. Kum 6 lai aliam tawh Bawiha. Pasal fanau neiin chhungkua a din tawh ngei ang," Music ri nuaih nuaih hnuaiah chuan a au lawng lawng


A dik, hmeichhe pakhat vanga indawm kun tur ka ni lo mah se, kha hmeichhia kha hmeichhe satliah ni lovin, ka tihnat leh a nun beidawng taka ka siam sak, dam thlahlel tawh lo khawpa a thinlung ka nghaisak tâk hmeichhia, ka hmangaih kha a ni tlat a tin ni.

Beidawn san emaw pawh ka tum hauh lo. Ka zawng ang a, ka hmu ngei bawk ang, ka tel ve lohna khawvelah ah a hlim thei a nih chuan, hmalam pansan turin khua a tlaiin ka hre tlat lo!



"Saw saw Rama a ni lo'm ni?"


A kawhna lam chu ka hawi a, whisky chu ka tem zui hlek bawk. "A rawn luhpui saw Mr. Brown a nih saw," Min rawn melh, za lo tak hian ka lo ṭhensak ringawt



A sumdawnna hi, kan sumdawnna nen danglam viau mah se, engtiklai pawhin chung nung zawk nih a tum ngar ṭhin. Engvanga Mr. Brown saw hmu nge a nih tih lah ka hre chiang viau bawk. Tuna kan mamawh erawh hi a in ang tlat a. Interior designer thian tak kan mamawh tlat a ni



Engtikah nge mipa leh mipa inkara hmeichhia ang maia inkher rek rekna hi a reh hrep dâwn ni. Hei chen a thuruk ka ngawihbo pui hi läwm tur chu a niin ka hria!


Whisky lem paha lam tual lan ka hawi thla chu, "Evalyn," Ka phun sup, ka ṭhu ngil zui at


Ka no dah zui rawk rawkin Lâm tual lam chu ka pan zui pawk pawk a, mipui tam tak, zi mup mup chu ka nek phei nawk nawk bawk, "Evalyn... Evalyn..." Ka pawt her nawk



A rak zui ṭhat a, thaw ro halhin, "ka tihpalh," Ka ti zui halh, za vak lo leh ât hmel tak si chuan ka nui zui suk bawk a


Ka ṭhutna lam pan zui lehin, ka kiu chu ka khup tawn tawn chungah nghatin, ka kut pahnih hum kawp chuan ka thaw chhuak ham ham. Khapawh a vawikhatna a ni lo. India ram hi chu ka hrut hneh ve viau chuan ka hria. Amah ang tak vawi tam ka hmu in ka tisual tawh bawk


Ṭhianpa Eden-an ka darah arawn beng thak thak. Za vak lo a ṭhensakin ka thaw ro leh halh a, "boruak thianghlim hip ka mamawh in ka hria," Melhin ka ti zui sup


Nui hukin, "helai ah hian boruak hîp turin ka hruai che tih i theihnghilh em ni? Hmeichhe pakhat vangin i ning leh tawh tih sawi tum miah suh. Zanin atan chuan ka pawm lo a nia," A tawp lam chu lungawi lo ri a tel


Ka nui ve sak tho. Mahse, a sawi dik, hmeichhe pakhat, amah ang tak ni a ka ngaih ringawt pawhin min ti danglam fo chu a nih si hi maw!


Ding vutin, "cigarette ka'n zu ang e," ti leh pensawn ka rual zui zat a


Music ri hut hut chu kalsan in, a rehna hmun tura ka rinlam chu ka pan a, ka cigarette ah chu phawrhin ka ṭan zat. Hîp zui vang vangin, vân lama dakin a khu chu ka'n thaw chhuak ham ham bawk a


"Hi!" Ka thle bak, vàn lam bawk chu ka en zui lehnghal


"Min hai leh em ni?" A aw chu Evalyn-i ka hmuh hmasak bera a aw nen khan a in ang ṭep. Mahni inringtawk ve tak, chapo ve arh si ang kha


"Min hre tawh lo niin alang," A ti leh, ka hre lutuk, nichin maia ka hmeichhe hai, Evalyn-i emaw ka tih kha a ni.


Amah chauha a ding pawh a kat deuh nak nak tih ka mir sirin ka hmu reng bawk.


Cigarette chu a phawrh ve ngei a, lighter a nei lo a ni ngei ang, "ka ṭan ve thei angem?" A rawn ti leh nak


Ka ning leh lek lek tawh, hmeichhia hi ka hne zung zung zel chu a nih tâk ber hi maw!



Ka lighter ah chu ka pe a, ṭanin a hip zui ve vang vang. Ka en chuan takah chuan tleirawl tak tak emaw tih turin a hmel a naupang



Inchhung lama luhsan leh mai ka tum a, "ding ve mai mai rawh, ka seh dâwn che pawh ni lo. Ka tibuai lo angche," A rawn ti leh nghat nghat. Ka awmdan ngeng tak chu a ei bik vak lo ni in alang. Minla ner khum ang sawng sawng bawk a



Ka cigarette pawh ka la zuk zawh bik miau loh avangin ka ding ṭha ve leh mai bawk . A sawi ang ngeiin minti buai ta lem lo. A ṭhiante hovin an rawn koh takah chuan bu deuh lap lapin min rawn en chho a, "ka lawm e. Lighter vang khan," Tih leh a kat phei deuh nawk nawk


Faifuk rat rata Eden-a ka hmaah rawn dingin, "tunge?" A melhna lam ka melh zawk


Cigarette lei ah paiha rap hrual nghalin, "ka hre lo. Kan haw dâwn em ni?" Ka ti zui sup



"Ok, ka nawrlui tawh lo angche," A nui zui huk


Nawrluih chi pawh ka ni tawh lo hrim hrim, naktuk hian ka Pa te Mumbai anrawn thleng dâwn a. Taiwan Visa vel buaipui sak ka ngai dâwn tlat



Ka sawi tawh em? Brayden-a pawh kum 2 liamta khan nupui a neia tunah hian an fa pakhatna an pai ve mek bawk. Alice-i pawh a fa pakhatna tur paiin, raino a la na viau bawk. Ivan-a, Bryson-a leh keihi la nei lo awmchhun kan ni a, neilo ber ka ni angchu. Hmeichhia han hnim hnaih pawh ka nei lo hrim hrim zawk!



><~><~><~><


EVALYN.....POV

<My father is Captain>



"Good morning Mom."


"Morning Babe," A chhipah ka lo fawp zauh a, mit nuai chat chatin bathroom lam panin a inher zui ve leh mai


Heihi kan tuktin tihdan ve a nia, breakfast ka lo siam a, a rawn tho hi a chhipa fawh hma hi chu bathroom kal a tum lo a ni ber mai.

Master bedroom ah pawh bathroom a awm reng si a, a harh ruala min hmuh loh hi chuan meng manghlei lo hian arawn chhuak a, a chhip hi a rawn dawh ngawt zel bawk a!


Kum 6. Kum 6 lai a liam ve ta, Pathian khawngaihna zar ka ti lo thei lo, Mumbai aṭangin ka fapa ka pai lai thla 1 lek a nihin Australia, Melbourne -ah ka insawn lut rawih a, raino la na chi ka la ni zui nen, chauh leh beidawn rum rum chang kha ka va ngah tehlul êm!

A changphei kha chuan Bryan-a bula let leh a, a pawm emaw pawm lo emaw, tu emaw hlimthla ka ni emaw ni lo emaw, ka kawchhunga naute tan hian ka let mai dâwn lo'm ni' tih rum rum chang kha ka nei ṭhin



Mahse, ka chauh chhan leh ka beidawn chhan kha ka chakna hnar a ni tel tlat si a, tunah chuan hna ka nei a, ka nih chak leh ka tum lian tak Interior designer ka ni ve tawh bawk a

Melbourne-ah chuan ka thawhna company TA.LE Architect : architecture and interior designing firm lianber ti ila ka sawi sual hauh lovang



Kumin hi Employee nghet ang a ka thawh kum a ni a. Ka phurin ka theih tawp chhuah ka tum nasa viau. Ka phak tawkah ka tiin ka hre bawk



Ka fapa intifai zo chu breakfast ka pe a, breakfast ei pahin Taiwan lama client ka neih, an In hlui tawh tak kum 20 zenzawn an rauhsan tawh, thuamṭhat ka tum chu en pahin ka fapa zawhna min zawh chu ka chhang leh zeuh ṭhin bawk


Breakfast kan ei zo, kan nufa in kan buai buaiin kan buai leh mep mep tawh. Kan inti buai lova, a thawmhnaw hak tur ka dah chhuahsak chu a inbel a. puih hi ngai lo, ti ila, puih a duh lo zawk mah, amah hian a insiam fel thlapa, ti chuan kan chhuak dunmai ṭhin



"Damian, vawiin chu i Pi Mampuii te In ah ilo awm leh angai a," Ka tih chuan a ner nasa ngang mai. Weekend hi chu hmang dun thei hrâm ila ka ti ṭhin mah se office kal ngei ka ngai si a


"Internet-a ka hmuh danin, March thla apiang hi an boring anti a. Api Mampuii pawh a boring ka ti," A tih chuan ka nui ringawt



Pheikhawk chu a hmaah ka theh thlaa, amaha bun pahin, "an lehkhabu pawh ka chhiar zo vek tawh, ni lengin eng nge ka lova tih ang?" Ka sam tuai mam thuak thuakin ka fapa chu ka en a


"A hmasa in Internet-a thusawi chu dawt a ni. Tin, i Pu Ryan-a leh i U te ho an awm ve dâwn a, vawiin chu a boring lo ang. Ok?" Ka tih chuan in ngaihtuah deuh vang vangin, "OK! Mahse, thil pakhat min tihsak angai," Awii! Ka tlai leh dâwn


"Ok, ok eng nge?" Ka kai chhuak pah dawt dawt, "ka birthday ah ka hrilh angche," lift ah lut paha a tih chuan ka nui ta ringawt

.
.
.



U Mampuii te In kawtah car ka ti ding dat, "ka rawn lut lo mai ang U Mampui. Bawihte fel tur aw," Tih leh U Mampuii'n, "zanin chu dinner ei hmanin rawn haw rawh aw, hetah in ei dawn a nia," Damian-a kuta kai pah chuan a ti a, ka bu ve nghat


A ṭangkai hi chu ka ṭangkai pui teh zawng a ni. An chhungkua hi an awm lo ang tih hi ka hlau hliah hliah ṭhin


Mahse, Damian-a hian a Nu duh miah lova, a pi deuh tlat, U Ryan-a pawh a Pu tlat bawk a, kanti Pi leh Pu ta vel nawk nawk ta mai!



ka fapa chu kut vai khum lap lapin ka tlân chhuak lehnghal a, ka tlai tawh lutuk rilru hman hmawhnen, traffic lights lah chu nidang zawng aiin a sen zing emaw tih mai tur a ni lehnghal!



Firm ka thlen rualin ka seat lam pana tlân mai ka tuma, "Eva... Eva hetah rawn lut kawi teh," Kan director a ni. Min ngaizawng tlat lo se chuan ka ṭhian ṭha tak tur maw le hepa hi chu


A office kawngkhar chu ka kik kharh kharh, "coming."

Ka lut a, "Taiwan aṭangin call ka dawnga, karleh hian khian Taiwan kal turin an duh zawk che a," A tih zawh rual deuh thaw in, "mahse, thlathar alawm kan inbiak dan," Ka lo ti nghal chul


Ka fapa te school anchawl hman dâwn reng reng hleinem karleh te chuan!


"Pawi ka ti Eva, ka theih tawp ka chhiahpui che a; Mahse, tun ṭum erawh client te an khirh êm a ni," A ti leh hap. Ka hrethiam mah se ka fapa hruai lovin ka kal thei âwm si lova!


"Ka hrethiam e," Ka ti sap ta tho a



"Eva..." Ka inher leh, "North East India lam aṭangin kan project chuh kha kan chang tih i hria ang tiraw?" Ka bu nghat



"Ka kuta awm a ni a, ka Team-ah tel turin ka duh che a. Bakah, North East lam mi ini a. Tin, Mizoram (fiah lo tak hian alam a) chu i ram a ni bawk si a," A tih leh chuan ka ner nawng


"He project hi a liantham tih ka hria. I team ah tel tura min duhna hrim hrim pawh ka lawm e," Nuisanga tih leh a office chu ka chhuahsan vat


Diktak chuan India ram hi Mumbai vak thlen leh pelh hi ka tum tawh lo hrim hrim. Ka ram Mizoram mah nise, ka nunah engtikah mah ka theihnghilh tawh loh tur leh, min kalsan ngai tawh lo tur nunhlui leh ser ka thinlungah hian, kha thla 3 chhunglek khan ka insiam tlat a tin ni!


"Shawn, helai hi 2m in ti säng rawh," Kal pel pah chuan ka ti a


"What? I hmu amaw? A dik lo lai ka lo thlêk mek a," A chair chawpa ka ṭhutna lama rawn inhera a tih chuan ka mit ka lo siai zauh, Architect ni lemlo mah ila, ka hna nen a inzawm deuh avang hian zir pawh ka inzir nasa


Nilengin a ngaitê in ka buai leh mep mep khawp mai. Hna ka zawh meuh chuan zan dar 7 a pel leh duai tawh. Ka fapa-in zanriah ei min lo nghak leh tlat dâwn tih ka hriat avangin office chu hmanhmawh takin ka chhuahsan a



"Eva..." Car kawngkhar ka hawng zet tawh, ka aw hriat ṭhan leh hmuh peih loh ber avangin ka thaw zui halh, heihi alawm a haw hmaa haw hram hram ka duh ṭhin chhan pakhat chu ni!


Nui chungin aw rawn chhuahna lam chu ka en a, "Hi! Director," A khi suk. A hminga ka ko lo chu a lawm hmel viau loh



"Tony. Office pawnlamah chuan Tony tih ka duh zawk tih i hriat kha Evalyn,"


Ka lam a rawn pan hnai zui, ka rilru in, "eng nge chhuanlam ka siam ang" tih ka lo ngaihtuah nghal zut zut bawk


"Dinner ei chhuahpuia ka sawmna che kha engtik nge min chhan dawn?" Kan director chu niblo se zawng ka hne viau thu ka sawi tawh ngei ang maw le!



"Pawi ka ti Tony, nula ka ni tawh lova, keiai...." Ka tih laiin, "nula ini ka ti hleinem, minhan chhuahpui chhinla, kan inmil viau pawh a ni thei a sin," A lo ti zat


Za vak lo a ṭhensakin, "ka tihpalh mah se ngaihzawng emaw ka nunah mipa dang, ka fapa tihloh neih ka tum tawh lo a ni. Min hrethiam dâwn nia Tony." Ka sawi ta nge nge, kum 4 lai a ni tawh, a beidawng har em em lehnghal a!



Beidawn hmel taka min en na chu hreawm ti ru viah mah ila, min beidawnsan duh loh leh ka awmdan a haider miau si chuan, a ruh lang deuh rawta inhrilh a ngai tawh tlat a ni.

Company pakhat, department pakhatah kan thawk ho a, inhmu rengin kan inhel ang zuk zuk a, ninawm lamah a kal tlat!



"Eva...." A rawn ti leh sup, "pawi ka ti Tony," A mita en chungin ka ti leh a, car kawngkhar hawng zau vin ṭhutluh ka rual zui zat bawk


A thaw ri hak erawh ka hre hman. Ni e, khatiang mitmeng leh beidawnna, natna a neih ka hlauh vang a nia ka hêl a, che zia engkimah ka tihlan ve ni!

.
.
.
"Mom!!! Again...!" Ka fapa ril ṭam lungawi lo hmel en chungin, "ka tihpalh Bawihte hna ka ngah deuh alawm le," Tih leh inchhungah ka kai lut nghal a


"Te..." Bryan-a te unau in min lo chhawn sap sap

U Mampuii fate hian Nute/Ate mintih laiin ka fapa erawh in a Pi deuh tlat a, a ṭawng thiam tirh aṭangin "Api" ti deuh tlat, "Nu" rawh tih pawhin a thlak duh tlat si lova, kan in Pi hlen tir ta lawp lawp mai!


"Ate, Damian-a kha chaw pek ka tuma a duh ṭhak lo," Rachel-i, U Mampuii fanu neih chhun, kan nula neihchhun in arawn tih chuan ka fapa en in ka nui seih, ani erawhin ahmel a lo ti dur nasa mai . Hetianga a awm hian a Pa chiah chiah kha a ni ringawt zel lehnghal


"Eva rawn ei ve nghal rawh u. I fapa lunghlu hmuama kha a ril ṭam tawh lutuk a hawi duk duk tawh kha," Nui kar kar chung leh chaw hmuam ṭawn chunga U Mampuii'n a rawn tih chuan ka nu hak


"Khawnge i Pa pawh chu, chaw ei zo lova a thawh nulh ni?" Anpa zawngin a hawi nghal thuak thuak


“Hna ah buaina tlem a awm deuh alawm le. Eva i rawn thleng maw?” U Ryan-an annu bula ṭhu paha a tih chuan ka lo bu nghat


"Takan a U Ryan, i office remodel i tih kha tunah rih chuan ka theih mai hmel loh e!" Chaw ei pah mawlh mawlh chuan ka ti a


Bu nghutin, "hmanhmawh a ngai lo ka tih kha," A ti sup



"Ate ka birthday present tur hi minpek i tum miah lo em ni?" Bryan-a kan chaw ei na a rawn lutin a tih chuan ka hre chhuak zawk. Zingah lah ka theihnghilh tawh!


"Ka bag-ah sawn a awm ang Tlangvâl, lova inlak mai rawh. Zingah khan pek che ka tuma ka theihnghilh tawh zawk," Chaw ei tuam tuam pah chuan ka ti vat


"Yes," Tih leh phurzeta tho in ka bag awmna lam chu a pan vut. Vawiin hi a kum 22-na piancham a ni ve leh reng ta mai. Ka hmuh hmasakber ti ila, Australia a kan inhmuh hmasakber kha chuan kum 16 vel lek kha ala nia, tunah chuan U Mampuii fate pawh an nula, tlangval zo tawh!


"Naaa...! Ate, ka U Rolex leh Fendi Wallet i pe bik a, ka birthday-ah Rolex chauh minpe a," Ivan-an a rawn ti niah niah

Chaw ei chunga lo nuiin, "sana kha ka leisak a nia. Wallet kha chu i pu Tluanga lei a nih kha," Ka lo ti vat chu a ner nasa ngang mai!
.
.
.
.

"Nu, kan chhuak lawk dâwn a nia," Kan ti ti mawlh mawlh laiin Bryan-an a rawn ti sup



"I nutei te nufa i thlah dâwn lo em ni?" Min rawn en



"A ngai lo, a birthday zan a nih hi, kan haw ve mai ang," Ka lo ti vat. Zanlam ah hi chuan Bryan emaw Ivan-a hian min thlah haw mai zel a. Zanin erawh ka phut ngam lo ni teh se!



"Hmeichhia inrawn râi haw ngawt ange aw Bryan," Kawngkhar lam an pan tawh chu fiamthu in ka au zui lang lang, an unau a rawn hawiin, "awm ang lo e," An ti nung nung chu kan lo nuih hak hak



"Engtik maw Mizoram chu chhoh antum a?" Nui reng chung chuan U Mampuii lam chu ka hawi a


U Ryan-a a rawn ṭhu ve chiah, "a mu tawh em ni?" U Mampuii'n a lo ti zui sap a


A lu thing pahin, "a U te ho an awma a mu duh lo. Thlathar lamah ka rualin anchho ang. Delhi-ah hna ka nei a," Ka zawhna a rawn chhang zui sup bawk


Ka sawi tawh em aw? U Mampuii te nupa hian fa 5 nei mah se, a tê pahnih chiah hi an inkara piang anni a. An fanu neih chhun Rachel-i erawh U Mampuii fa hmasa niin, Bryan-a leh Ivan-a erawh U Mampuii pasal hmasa unau fate anni thung.

Ka hriat danin kum 3 liamta khan Bryan-a leh Ivan-a pawh U Ryan-a hmingin an adopt tawh niin ka hre bawk. An fakawmin ka tihtheih ngai loh tur leh ka tlin ngai loh tur a ni antih ni!



"Mom, haw ang, ka mut a chhuak," Ka mal inkar ah a rawn inrawlh zui nâ nâ


"Ngawt che chuan! I infiam a, i nu haw i rawn sàwm ngawt," U Mampuii'n a lo fiam vat


Ner deuh nang nangin, "Api, naupang ka la nih hi, "Naupang chu mut hmat tur" itih kha," Fiah zet maia a tih chuan kan nui chhuak hak


Marcus-a arawn ṭah tak ruai ruaiah chuan ka bag awmna lam en in, "bag saw minva lak la, kan haw dâwn nia," Tih leh U Mampuii te nupa en in, "kan haw phawt ang, Marcus-a a ṭah leh chuann kan chiai leh zo dâwn, a aw rawl aring si," Tih leh Rachel-in anau Marcus-a a rawn pawm chhuah lam chu en chungin, nui ṭhû chuan ka ti a




U Mampuii'n nui huah huah chungin, "a teber tih hi a in hre reuh a, a ṭahbelh uchuak ṭhin, a Pa zirloh a nia," Tih leh Marcus-a rawn ṭap chhuak lam chu a hawi a

Rachel-in, Marcus-a a Pa malchunga nghat pahin, "dikchiah, Âpa hi lawm i duat leh lutuk a, hauh pawh a hauh theih loh. Tunah pawh Joshua-an a fiam ringawt a, a rîl tla râk lehnghal ringawt," Rachel-in a ti nuah nuah chu nui chunga en in, "kan haw ang e, Marcus Tetei Bye phawt la i ṭap leh dâwn nia," Ka tih chuan mittui tla miah si lova men puau chunga min rawn en in a kut chu min vai khum ang lap lap bawk a



Kan fate ho hi chu mifate ang anni lo ve chiang alawm le, "Josh..." Damian-an Joshua room aṭanga rawn chhuak a koh chuan, "U rawh," Ka lo ti vat, Joshua hi Kum 2 in Damian-a aiin a U zawk a, an inkawm tawk phian bawk



"Awww," Ti chuai deuh raihin,"U Josh weekend-ah lo lêng ve tawh zawk la," A tih zawm zat

Joshua kan bula rawn dingin, "lo kal leh zawk rawh, lehkhabu thar ka nei dâwn alawm," A nui var var



"In inthlah leh thei dâwn lo. Damian, i Nu kha amahin haw se, hetah i U te bulah mu leh mai rawh, naktuk zingah i U Bryan-an in school ah a thlah angche nga," U Ryan-an Marcus-a in hnit feih feih pawm chunga a rawn tih chuan, ka fapa chuan min rawn melh chho ralh


U Mampuii leh Rachel-i anlo nui hak, nui ṭhû in, "ka tel lovin i muhil thei dâwn em ni?" Ka tih takah chuan a mitmeng a dang leh deuh, Joshua lam hawiin, "anih keimah ka lo lêng leh mai ang. Bye, bye. Bye bye U Rachel, Api, apu, Marcus nangpawh," Ti deuh duahin ka kut a rawn chelh zat bawk a


Kan haw tur te hi kan inthlah rei thei a nia, a changphei chuan kan riak leh ang nge nge zel a!

.
.
.


Car khalh pah chuan nui sûng chungin, ka melh leh zauh ṭhin, a tâl chau ngang a ni ang, a mit a chhing diar diar ta mai. A kal dâwna a peih loh vei nen, nuam a ti viau si a, Joshua nen hian lehkhabu chhiar hi nuam anti khawp a, maktak maiin news te hi zuhan ngaithla ve dauh dauh zela maw le!

Kan Condo leh U Mampuii te in inkar hi darkar chanve zet tlân a ngaih tawh avangin duh ang tak pawhin a inkal pawh theih tawh lo mai pawh a


Damian-a sawidân takin, anni mi hausa Private landed leh keini mirethei apartment a awm chu a in ang lo êm a ni



"Mom."


"Ummmm!" Ka melh zawk, a muhil dâwn emaw tia a rawn ṭhut that tak sauh sauh ni


Seat-ah a ke hlangin ka lam a rawn hawi at a, "vawiinah Maxwell-an a Daddy chu Army a nih thu a sawi a. A Daddy angin Army nih ve a tum a," Min en ran tih ka hria, car ka khalh avangin ka melh leh zawk ṭhin chauh

"So...." Ka nui deuh säng bawk


"Ka Daddy min zawt ve a," A ti ban leh chap, "Pa" tih thumal a kâ aṭanga a chhuah hian zâmna leh natna in ka inrin hma in min tuam leh ṭhin, ngaia neih ngial ka tum a, ka fapa hian Pa a mamawh tih hria in, hmu mah ila, ka Pe thei ngai dawn tlat si lova, haider bak tih theih ka nei lo a tin ni


"Engtin nge i chhan a?" Thildang ngaihtuah tel loh hrâm tumin, ngaihsam hmel tak chuan ka chhang vat

"Ka Daddy chu Lawng Captain a nia, keipawh Lawng Captain ka ni ve dâwn ka ti," A tih rualin, ka thaw ka hip let kawk, a lam ka hawi vut a, ka lungphu zawn hi a rawn sa zawk bawk, ka thawk lak te thleng chuan chawpchilhin a sak nghal halh thei nia maw le!



Ka mitthla ah Bryan hmel chiang takin a rawn lang zui a, ka hrawk rawn na zui nghal ṭûnin, ka mit a rawn thîp zui râm bawk a


Thawk lak sak ṭalh chung chuan a ruka inbengdai pahin, boruak ka hip a, thaw chhuak ham hamin, nghet taka steering chelh chung leh inseh ruh nghal ṭau chung chuan, "engtin...engtin nge i hriat?" Ka aw chhuak chu a thâwp ral a ni ber, ka lei te chu a sak ta ṭalh a, ka chil ka lem zui khalh bawk


"Ka Daddy a ni tak tak maw?" Ka melh zawk, ka thaw zui hawk a


"Damian, ka zawhna chhang rawh?"


"I phone pakhat ami," Atih ban chap chuan mit chhing sawkin, "i Daddy a ni lo, chuan he thu, Daddy chungchang ah zawhna ka duh lo tih i hriat kha," Nghet charh leh hnial ka duh lo tih hriat takin ka ti a


"But...."


"There is no BUT Damian. A chiang em?" Chang leh aw ki säng taka tiin alam ka hawi a. Min melh rum ram ram paha a ke seat aṭanga dahthla in, hma lam en zui ngar chuan, a kuangkuah zui ngur bawk


A tu mah mah inbiak kan tum tawh lo tih hriat takin a reh zui duk bawk a, hei vang hi a nia, a Pa chungchang sawi chhuah emaw zawhna a neih ka duh loh ni! Kan inti thinrim leh nge nge ṭhin

.
.
.
.

"Damian...." A hre lo der hmak


Car a din rualin rang fahran a kawngkhar hawng chuan a chhuak a, na zeta kawngkhar kharin lift lam a pan zui nal nal chu car aṭanga chhuak ve in, "Damian, ka koh che chu," A rawn hawi deuh nghat, kan building cleaner Mrs. Joe lift aṭang rawn chhuakin, "Hi Damian," a melh zawk a,"Hello Mrs. Joe," Min rawn en leh, ka chunga thinrim ka fapa hmel chang rat chu ka lo en ran


"Mom, i duh leh nangmahin rawn haw ve mai rawh, naupang i nih loh kha," Ti deuh nghat chuan inherin lift a min luhsan chuan a khar zui daih bawk a


Ka sawi tur hre lo chu, en hu in ka nui chhuak hak, khawi aṭangin nge khatiang ṭawngkam te kha a hriat reuh ni?


"Is he sulking?" Mrs. Joe chu en in ka nui ta ringawt a, car ah lutin parking lots lam ka pan zui ve mai bawk...!



<><><>~>


Note : In vahan felin, in vahan hmaizahawm tak êm 😍hriatthiamna nen a min lo nghak hram hram tu te in zavai chungah thinlung takin ka lawm e💚)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:17 pm

MR. CAPTAIN S2
<Hello! Stranger>
{My Treasure S3}

[The Unfinished Story]


Chapter < 2 >

{Sorry Mom}


EVALYN...POV

<><><><>

"Damian kawngkhar hi hawng rawh," A thinrim changa a tihdan ngaitê bawkin a room-ah a in kalh khum leh hmiah tawh, thla 3-hnu ah kum 5 kan tling ve dâwn chauh a, kan heti deuh ngar ngar mai chu a ni sia


"Malsawmhlu, thu ngai sawi nawn ka duh lo tih i hriat kha, kawngkhar hi hawng rawh. Inbiak kan ngai," Ka chum leh dat dat


Thawm ala nei lo hrim hrim. Luhlul leh mahni thu duh lutuk kawnga a Pa a chhun leiluau lutuk hi chu ka ngei lek lek ṭhin! A hmel leh mitmeng ah a chhun mah tih nak alai hian!

"Nangpawh insûm ve tur che a nia. I fapa lunglen rapthlak tehlul nen," Mimii'n phone aṭangin a rawn ti niah niah

"It doesn't surprise me at all, she has always been very sensitive about her ex," Henry-an a rawn ti ve nghat nghat bawk a, ka thaw hak. Bryan-a hming lam rik tawhna ah hi chuan ni e, duh aiin ka sensitive ṭhin mah mah rêng a ni


"Hna ka thawk dâwn, ka out a nia," Henry-an a tih rualin, "i fapa kha ti lungawi phawt teh, naktukah kan inbe dâwn nia, keipawh hei ka fanu a ṭap," Tih leh ka chhanna pawh nghak lo chuan an out dun nghal a, ka phone en in, ka fapa room kawngkhar bawk chu ka en leh


"Vawi...vawi 5 thleng chiah ka chhiar ang. You better to open your door before i get angry. If you still refuse to open up, you know what I'll do right Damian?" Ka chum zui leh dat dat


"1.....2...3...4...5..... Ka...." Ka tih laiin kawngkhar a in unlock ri khap, ka thaw zui hap bawk


Kawngkhar chu dimtê in ka hawng a, min hmuh rualin bang lamah inherin, blanket-in a inkhuhbet zui nghal zat, ka nui ru sak


"Ka tihpalh, vin lo tur che kha ka nia; Mahse, nangpawh i thutiam i hlen bik lova," A khum tlângah ṭhu thla pah chuan blanket chu ka pawt dat dat, "Ummmm!" Ti vak chungin a pawt bet ve ngar


"Damian....! Min ngaidam dâwn lo tihna em ni?" Ka en ran


Muangchangin blanket chu a dahthla a, ka lam rawn hawiin, a rawn inher riai riai bawk. Nuisang a en chungin, "kan inbe thei tawh angem?" Ka mitah tak min en kalhin, ka thinrim tawh lo a ni tih a hmuh hnu ah rawn inbeng kângin, "Why i don't have Dad?" A zawhna tehtlawng chuan min ṭhawng lutuk a ka meng kawk, "Maw?" Ka ti chhuak haw ringawt, ka hamhaih lutuk chu sawi mai tur pawh ka hre lo


"Joshua, Maxwell, Samantha leh midang zawng zawng pawhin Daddy annei a, eng nga tinge ka neih ve loh. Damian-a pawhin Daddy a duh ve a. Camping kal ve ka duh a, ka Daddy nen 100m race pawh tih ve ka duh a," Ka fapa mittui tla zawih zawih a, chhuak vàn kâi a ṭap chu mangang lutukin ka en ngawih ngawih



Ka biang a rawn lum thla pup, "Damian....!" Ka hrawkna lutuk chuan ka aw chhuak a ti thâwp sât


Mittui nen min rawn en in, in hnit hlap hlap chung chuan, "Mom, Daddy ka duh ve, Maxwell angin a koki ah chûan ve ka duh tawh," Chutiang taka Damian-a lungchhe hmel chu ka la hmu ngai lo, ka hmu ngai lo takzet!


Sawi tur ka hre lova, ka fapa mit a natna leh Pa a mamawhna chuan ka lung hi kut lâwnga zentu awm ang maiin ana thîp ngut ngut bawk



Ka fapa chu ka lamah pawt hnaiin, nghet takin ka kuahbet a, ka duh miah lohvin ka mittui a rawn luang zawih zawih bawk


"Ka tihpalh, ka tihpalh Bawihte," A bak sawi theih reng reng ka nei lo. Puitling thiltihsual, ka thiltihsual, ka luhlul rahah ka fapa hian a seng a ni


Ka hmangaihna hmanga Bryan-a min huatna ka hneh theih kha ring tlat lo ni ila, vawiin ni hian ka fapa mittui hi a tla lek lo tur. He khawvelah hian pawisawilo ka tihnat tur an awm lek lo tûr...!



A vawikhatnan ka inchhir a, a vawikhatnan teh meuh meuh ka fapa ka hring hi ka inchhir a ni. Mahse, ka hmangaih luat vang zawkin a ni thung, he thinlung, Nu thinlung hi a kehsawm a, ka fapa mit aṭanga natna leh beiseina ka hmuh hian, ka nunhlui avanga inchhirna leh Damian-a laka ka inthiam lohna in khuarkhurum tawp chin nei lo ah min pawt lut vawng vawng a ni ber!


"Mom, are you crying too?" A rawn tih thâm ṭiak takah chuan rang lutuka ka mittui hru hulin, chil ka lem khalh a.



Nui chhuak hak a, ka kuahna aṭanga nam sawn deuhin, "teuh nang," Ka ti tak nâ in, ka fapa hi ka bum dâwn lo nasa lutuk tlat. Mit hnawm chap chung a min rawn en chho ve kiau chung chuan, a kut tereuhte mai, tinrêng damdawi a keng tel emaw tih tur khawpa thiltithei chuan, ka bianga mittui a rawn hru dam vei dap a


"Sorry Mom, ka ti ṭap tawh lo ang che. Ṭap tawh suh Mummy," Ṭah aw ṭiaua a tih chuan ka insum zo lo, ka mittui bawk a rawn luang zui leh pup.

Ṭah nui hak pahin, "ka ṭap tawh hleinem," Tih leh a sam tuai sak mai ka tum chu a lo thle sawn vat. Ka ṭah nuih zui ar ar, a sam khawih a duh loh zia ka hre chhuak thut!


"Ok, tunah chuan kan in ngaidam tawn tawh bawk a. Thutiam kha ila hria em?" Abu nghat, "kum 15 ka tlin hunah engkim min hrilh ang, chumi hma chu zawhna zawhloh tur," Kan thutiam fiah zeta a sawi chuan ka lo bu nghat nghat. Kan nufa chuan mit la hnawm chap chung chuan kan infiam zui a


"Thildang sawipui leh tur che ka nei a," A nui ar ar lai chu tawpin min rawn en kiau, thaw ka'n la hmasa te te a


"Thursday hian Taiwan ka kal a ngai dâwn a, online class i lak leh a ngaih hmel," Ka tih chuan a ner zui nang nang


"Mahse, Tuesday ah Samantha birthday kan hmang dâwn sia," A tih chuan nuiin, "nia, kan läwm hman dawn alawm," Tlawn pah si a ka tih chuan inngaihtuah deuh vang vangin, "Ok. Mahse, Joshua ka hrilh phawt ang," Tih leh phone zawn a tum chu, "a tlai tawh, naktukah pawh i hrilh thei alawm, i hmaibal te kha phihfai la, mu tawh ang," Ka tih chuan min en chungin a bu ve ta nghat nghat a, ka nuih sen sen!

.
.
.
.

Kawngkhar ri ni âwm tak, ri deuh dawt dawt ka hriat rualin ka ṭhu chhuak hlawl, Damian-a ka dap nghal rak rak, ka sirah a lo thaw ri sêk sêk


Khum lu bula light chu hmet êng in, Damian-a tihharh hlau tak si chuan ka tho a


Ka kawr chung ban pah chuan sana ka en zauh, zinglam dar 4 rik dawnah tunge maw ni le?


"Eva, keimah...." Room aṭanga ka chhuah rualin Tluanga aw ka hriat chuan ka pan hnai vat


Kawngkhar ka hawn rualin zu rim a rawn nam huk, min rawn bawh nghal rawk rawk bawk


Ka phu nasa lutuk leh a taksa rihna in min delh avangin hnunglamah ka tawlh nghal rawk rawk


Nghet taka min kuahbet chuan, "reilote ti hian awm lawk ang," A thaw chhuak zui ham ham

Mahse, min kuahdan erawhka duh miah loh dan a ni!


"Tluanga awmsawn teh," Min kuah nghet tulh tulh, "Tluanga..." Ka ti leh ṭhak

Thaw ri hrawih a inla hrangin, mit sen râm mai, rui tih hriat taka min thlek vang vangin, "Eva..!" A ti sup


Engthu nge a ngaihtuah a, sawi atum tih ka hriat chian êm avangin tawlhsawn vatin, "a tlai tawh Tluanga, naktuk lamah kan inbe dâwn nia. Hotel-ah i let theih loh chuan room ah sawn i mu dawn nia," Tih leh kawngkhar lock tumin ka pensawn a



Thaw ri hrawihin, ka hnunglam aṭangin min rawn kuah zui thut, ka rin loh dan lutuka a chet avangin ka rak ṭhat bawk


"Bengchheng suh, Damian-a a harh ang," A la ti zawk zamah a


"Min thlah rawh," Ka tal ve phat phat tak nâ in, min kuahna a ti nghet tulh tulh mai si a, tâl chhuah ngaihna a awm lo hrim hrim


"Lalnuntluang, min thlah rang rawh," Ka ti leh ṭhak.

"Vawikhat... Vawikhat chauh ka thusawi hi ngaithla rawh. I unaupa, i nuṭa neih chhun ka nih reng tur thu i sawi a; Mahse, vawikhat pawh i eng nge nih ka duh min zawt ngai miah lo," A ti ban chap chap


A ruih êm avangin a lei a seh chil deuh nawk nawk a, hriat a har lek lek zawk


Min kuahna phelhin, alam hawia min kuai her nawk chuan, kat deuh nawk nawk chung leh bu deuh lap lap chunga min en in, "Evalyn, i unaupa nih ka duh ngai lo tih i hria a ni lo'm ni? Nge ni a, i hre duh lo zawk?"


Min vawnna phelhsak ka tumve ṭauh ṭauh tak nâ in min hmer nghet mah mah. Ka thaw chhuak ta hak, a mit a en chho kalhin, "Ka nuṭa i ni a, i ni reng bawk ang ka ti a ni lo'm ni? In unau na bâk engthil nge ka lak aṭang hian i beisei chuan ni?" Ka tih zawh rualin alamah min pawt hnai hrut a


"I thinlung, i thinlung... Ni lo, nangmah, nangmah hi, tunge i hmangaih tih leh tunge i thinlungah awm tih ka pawi sa lo, Eva hun minpe ve rawh, ka tiam angche, ka tina ve ngailo angche tih leh Damian-a tán Pa ṭhaber ka ni ang. Ka thisen angin ka hmangaih ang. Ka thisen ai pawhin ka hmangaih ang tih ka tiam angche," A ngenin min ngen a ni tawh zawk


Mit khap fak fakin ka en chho haw ringawt. Sawitur ber pawh minti hre lo

"Eng emaw tal sawi teh Eva," Ka ngawih tlat avangin a rawn ti leh a

Ka dar a vawnna kut chu muangchangin ka dahsawn sak, min thlah ve mai bawk


"Ka chhanna tur che chu i hresa alawm Tluanga, engtikah mah athleng ngai dâwn lo," Dam dap leh hrethiam ngeise tih beisei zet chuan ka chhang a



A bek a pawng deuh nghal ṭalh ṭalh chu ka hmu ru reng bawk. Ni e, tlawm lakna tham a nia läwm!


Mahse, eng ang taka nasa in nge Lalrinsanga ka hmangaih tih chu hmutu leh hre ber tu a ni hial angchu! Ti chung hian engvanga ka lakah hian beisei la nei reng fo nge a nih ka hrethiam lo


Damian-a ka pai a ni tih a hriat hnu leh midang pawhin an hriat hnu ah, ka tih tlak loh avanga â nih ka hlawh nasat zia te, vawikhat chauh sawi loh 1sec pawh titla turin ka ngaihtuah buai chhin lo


A chhan chu ka fapa hi kei leh Bryan-a fa a ni miau a, sàwn mahnise ka mipa hmangaih lak aṭanga ka dawn. Pathian minpek a ni tih ah khan ka chiang êm a sin!


Bryan-a ka kalsan erawh ka huat vang emaw ka hmangaih loh vang a ni lova. Kha mipa thinlungah khan engtikah mah hmun ka chang ngai dâwn lo a ni tih leh, tu emaw hlimthla nih kha ka duh tawh loh vanga kalbosan ka ni tih kei leh Tluanga, midang pawhin an hria alawm......


Nâ leh beidawng tih hriat lutuk, beidawng nih duh si lo mitmeng a min en na chu en lehtin, "zawhna, a chhanna i hriat sa chu zawt lo tur ini. Beidawnna leh natna bak dawng ngai lo ang a, natna belhchhah thu anni fo thin," A mita natna chu ka hrethiam a mah se chu ringawt chuan a beidawn tir phah chuan siloh avangin, Tony ang maia chetzia leh mitmeng a tih beidawn chi a ni lo tih leh na taka ka siam a ngai a ni tih ka hrethiam ta zawk a



"Mu tawh rawh," Tih leh inherin kawngkhar kalhin kan room lam ka pan zui vat


Room kawngkhar kalh thlap mah ila, a rui rilru kalsualin kawngkhar, tharum hmanga a rawn hawn mai ka hlauh luatah chhin khat pawh ka chhing ta lo. Zinglam dar 6 pelh hretah kawngkhar ri ka hria a, a chhuak ri ka hriat hnu ah room aṭangin ka chhuak ve chiah bawk!


<><><><>


BRYAN...POV

{Hello! Stranger}

~Taiwan~


"Ni 3 liamta khan Melbourne-ah Tluanga hmuh a ni a, zinglam hma takah apartment pakhat a tlawh thu hriat a ni bawk. Mahse, tumahin hmeichhia nen an hmu dun lo," Marco thusawi chu mipui zi hut hut karah chuan ka ngaithla


"Ka hrethiam e, zui zel rawh se." Min chhan hma in Phone off in ka Nu te dinna lam chu ka pan hnai a


"Haw teh ang u, Gay parade tih ang reng, Kristian kan nih hi," Ka Pa chuan a ti leh hluk


"A nuam ve mai mai alawm, ei tur atam êm hi, Taiwan awmlai a LGBTQ parade hmuh ve te chu," Alice-in nui ar ar chungin alo ti vat. Hotel kan chhuahsan aṭangin kan kalna hmun hi ala sawisel char char, ka Nu erawhin nuam a ti nge engmah a sawi lem lo


"Mipa leh mipa te an infawp a'h," Ka Pa bawk a ni


"I phun peih mange aw! I duh leh nangmahin Hotel-ah chuan let la ti nia," Ka nu in a rawn ti hlak



"Ka tel lovin khawnge i kal ang?"


"I fate nen hian kan lêng angchu Vacation hmang ka a nih hi Lion," A nui ver ver, ka Pa erawh a lo rum nghut thung


"Min zui ve zela hna thawh tur inei a ni lo'm ni?" Ka Nu en chungin, "ka cancel a nih kha," Ka ti sup, ka hmaa juice ka nau in a rawn lek chu ka ban zat bawk a

.
.
.

"Excuse me....Excuse me... Hello... Hello! stranger," Tih paha ka kekawr pawt dat dat tu chu ka en chhuk a

Ka sunglass la thla meuhin ka en zui, "khawngaihin i ke ila sawn thei angem? Ka coin i rap," American aw phawi taka arawn tih fiah leh kalh kalh chuan ṭhut hniam ka tum

A kut nen meuh, "Stop. I ṭhut kher angai lo, i ke hi la sawn mai rawh," A ti fiah leh kalh a, ka nui chhuak ta huk mai. Kum 6 hnuah ka thu leh tihluihna tel lova ka nuih vawikhatna a ni

"Awii! Bryan te tetlai a ang lutuk. Lion han enteh mah he nau hi," Ka nu chuan a rawn ti hluai

Keipawhin ka naupanlai thlalak ka en angah ka in ngai hial

Ka ke chu ka khai a, 50cent ka rahbeh chu chhara tuai faiin, "ka lawm e," Tih leh inherin a tlan sawn nal nal, ka nui leh suk

"I fapa ni âwm a nih kha le," Ka Pa pawh chuan a rawn ti sup a, ka lo thaw halh thung. Ni e, Evalyn-i kha nei ni ila chuan kan fa hmasaber pawh khatiang rual kha a ni ve tawh mai thei asin!

Kum 6. Kum 6 lai a ni ta, Evalyn-i ka zawn erawh ka la ṭhulh phah chuang law. Ka zawng hmù ngei bawk dâwn tih ka hria. Khawvel hi hrut chhuah vek ngai pawh nise, ka hrut chhuak mai ang!


"A nu leh pa anṭhat hmel êm a nih saw," Ka nu hawi na lam chu ka en a


"Evalyn..." Evalyn-i a ni, 2sec vel chu chetna chang ka hre lo, a sam dum ngil ṭha tak mai, a dar thleng leka sei chuan a landan ti danglam mah se kha ka hmeichhe zawn ngei kha a ni

"Evalyn..." Ti leh supin umzui nghla mai ka tum chu Alice-in minlo pawt bet vat


"Engthil nge itih?" Ka ti hrawk


Ka Nu leh Pa pawhin min en hau, "helai hi Gay parade a nih hi. Eng nge a rawn tih ang?" Alice-in a ti hlar


"Hreptak a," Ti hlukin min vawnna chu ka thing thla a, ka hawi leh erawhin hmuh tur a awm tawh lo thung


Ka chhip sam ka tuai puat, ânchhia ka phuh chhuak zui hluk bawk a


Ka phone phawrh rawk rawkin Marco ka call zui zat


"Australia-ah ni lovin, hetah Taiwan-ah a ni an awm ni, Taiwan-ah a zawng tur tir angche," Phone a pickup ruala tih leh ka off lehnghal


Ka chhungte mak ti hmel chu hmu mahnila, Evalyn-i kal liam chiahna khan ka lu um aluh hneh mah mah

"Evalyn-i a ni tih i chiang amaw?" Ka Pa in a rawn ti dut


Ka beng awmna ka chian tlukin ka chiang, "i tisual leh a ni ang. Bakah, kum 6 lai a liam tawh, alo ni a nih pawhin, i hmuh ang khan pasal fanau nei anih kha, engtia tih nge i tum. A kalsan tawh che, amah vanga i tawrhna zawng zawngte kha i hre lo emaw ni? I thi lek lek a nih kha," Alice-in a ti zui hlak hlak


"Mambawih," Ka nu in a lo ti vat. Engthil nge Evalyn-i chungah ka tih tih leh Tetei te nena kan inzawmna a hriat loh avangin, ka accident tawhah khan Evalyn-i a puh tlu hmia a, a haw zui ta em em reng


"Hotel-ah let hmasa rawh u," Tih leh pensawn ka rual, "kaltir rawh," Ka Nu in a ti ri chu ka hre hman hrâm


He hmunah hian a awm tih ka chiang, rei a ni lova, thui pawh an kal hman tawp lovang....!

Evalyn min lo nghak rawh, ka zawng hmu ngei angche, "pasal fanau maw" ka ngaihtuahna ringawt pawhin minti thinrim, eng ang nun nge i hman ka mit ngeiin ka hmu dâwn alawm!



<>~><><>

Ads click kha chhiartu lam tih ve tur a nih kha aw, in lo click vek dawn nia

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:17 pm

MR. CAPTAIN S2
<Hello! Stranger>
{My Treasure S3}

[The Unfinished Story]


Chapter < 3 >



EVALYN....POV


"Mom, eng nga tinge mipa leh mipa an in kiss a?" Tia ka fapa zawhna leh a hmel landan chuan ka nuih a ti za tlat pek a


Ka ṭhutna aṭanga tho vin, a bulah ka ṭhu hnai a, "Uncle Henry-a kha ila hria em?" A bu nghat, "khatiang ang kha anni mai," Ka tih chuan hawi deuh vual vualin, "anva tam ve," A ti chhuak sap, ka nuihsan ta ringawt a


Tum loh deuhin kan lênkualna aṭangin LGBTQ Parade na hmunah kan chhuak hlawl mai a, mipui lah chu an zi mup mup, rinai takin kan nufa pawhin nuam kan ti phian



"Khawiah mah ka kut chelh lovin kal suh aw," Kan inti deuh mawlh mawlh bawk a, heng mipui zozai karah hian intihbo palh a hlauhawm êm a sin!


"Mom ice-cream ka ei duh e," A pawisa neih chu a en deuh vang vang a, a sunglass vuah chu la thla in, "Mom..!"


"Tah hian lo ṭhu tlat angche, khawimah lo kalsawn suh,” A bu nghat


Ka pensawn hnu pawhin ka la enzui reng, a harh ve angreng si a, alo petek bo leh daih mai ang!


"Eva...." Ka inher vat


"Tony..!" Tony hmel ka hmu hlawl chu ka hamhaih lek lek, insiam ṭha vatin, "hetah nangmaw?" A nui a, ka nuih erawh a za ve viau lo, minzui chu a ni êm lo'ng chu maw? Ka ngaihtuah tam mah mah loh hrâm ka beisei


"Nimin khan ka rawn thleng. Eng nge i hna a an, an khirh viau tih ka lo hria a," Ka ice-cream lei chu la in, pawisa ka pe nghal a

Ka nui tawi sak ringawt, "khirh" tih satliah chi pawh a ni lo. An nupa khan anthu a inrual lo hrim hrim zawk maw le.!


"Damian...." Ice-cream keng chunga Damian ṭhutna lam ka hawi leh chuan Damian-a reng reng ka hmu tawh lo


"Damian... Damian...." Kan ṭhutna lam chu ka pan vat a


Ka hawi kual nghal vut vut bawk, "hetah hian ṭhu turin ka ti si a," Hlauhthawnna in min tuam nghal. Mipui tamtak zai leh lam ri vut vut ri chuan minti chiai zual


Dawhkanah ice-cream chu dahin, "Damian...Damian...." Tony pawh chuan a au zui ve nghal lang lang


Ka hläuhna in min tuam nasa zual sauh, "Mom...." Damian-a aw ka hriat rualin rang lutukin ka inher, ka lam pana rawn tlan dat dat chu ka lo kuah thlawp, ka thaw chhuak zui ham ham bawk a


Rei lo te chhung khan ka lungphu hi a tla mai dâwn in ka hre hman, "Mom, ka thaw thei lo," Ka kuhna deuh a ni ang, a aw pawh a chhuak ṭawk chauh


"Khawnge i kal a? Kalsawn lo tur che a ka hrilh che kha i hre lo em ni?" Ka inlak hran rualin hlauhna leh thinrimna in ka hau nghal hlak hlak. Ka lungphu leh ka thawk lak pawh la dik hek lo î..!


"Ka coin hi ka thlauh palh alawm," Tih leh a kut a 50cent chu arawn lek chhuak a, ka thaw chhuak hawk, "vawikhatmah i kalna tur sawi lovin kalbo tawh suh angche," Ka ti zui leh ta hlak tho, minti hläu hman lutuk alawm!


"Hi! Man...." Tony-an a rawn tih chuan ka lo theihnghilh hmin hmiah


"Ohhh Tony, ilo kal ve maw?" Damian-a chu a nui nghal var var. Duh aiin an in ngaina lutuk hi ka duh vak lo


"Nang tereuh hian i Nu iti hläu hle tih i hria em?" Rawn ṭhu hniamin Damian-a hnar chu a piai zauh


Ka lungphu a la dik zân loh avangin ka lo thaw chhuak ham ham, "sorry Mom. Mom Captain kha ka hmu, i phone pakhat ami Captain kha..!" Uar fahran leh ngaihsan hmel fea arawn tih chuan ka fapa chu ka en haw


"Eng maw...?" Ka lungphu a rawn rang sauh, Bryan atihna chu ni lul suh se...!


"Lawng Captain kha...!" Tih leh a kawhna lam chu ka en vat a, lungtuma den dawt ang mai ka ni


Ka lungphu sa hut chu chawpchilhin a chawl zui nghal duk bawk a


Rang lutuk a hawisawn in, "kal... Tony... Kal... kalsawn ang u," Ka tih bah nawk nawk, ka kawchhung a hlauhna chu nichin maia Damian-a ka zawnlai ai khan a nasa daih zawk.

Thawk leh khatah thlipuiin ka kawchhung hi min nuai ta emaw tih mai turin, ka ngaihtuahna a nu zui bulh a, ka tha a rukin a khur ru nghal zawih zawih bawk...!


A engtak chu nge ka hlauh em em phei chu ka hre hrann law. Mahse, saw mihring, palian tak leh hmelṭha tak, smart taka ding saw ka hmachhawn thei rih lo tih ka fapa hming ka chian tlukin ka chiang thung..!


"I ṭha meuh maw Eva? I dâng lutuk a nia," Tony-a min biakna pawh en lovin, Damian-a bân a chelh chuan ka pensawn pui hlawk hlawk. Tony-an min rawn zui ve zel tih ka hre bawk



Mipui karah chuan ka fapa chu ka inhnawh luhpui nawk nawk a, "Mom, ka kut ana," Damian-an a rawn tih ṭhat takah chuan ka ding dat, ka hawilet leh, Bryan-a te dinna kan hlat deuh ta nge mipui karah chuan an lang ta meuh lo zawk?


"Ka tihpalh," Ti sepin, "Hotel-ah kan let angai," Ka ti zui hap. Tony-a nen min en hâ in, "ka ice-cream..." Damian-an a tih laiin, "Hotel-ah i ei dâwn nia. Tony kan kal...." Ka tih leh lai mekin, "ka thlah angche u," Tih leh ka kâ ângin hnial ka tum zuai hman, "min hnial suh Eva, tuna i hmel landan kha i inhmu miah lo," Tih leh Damian-a zawk chu kaiin ka bânah a rawn chelh ve bawk a


Ka hnial ta lem lo, Bryan-a khan min hmu em tih phei chu ka hre hauh lo nâ in, ka chhungrilah hian ka thla a muang ta hauh lo, he hmun hi chhuahsan vat vat ka duh laiin ka kawchhung a la khurh ruk ve tlat avangin car ka khalh mai thei dâwn lo tih ka inhre chiang lutuk...!


"Lut rawh," Tony chuan car kawngkhar a hawng a, ngawi rengin ka ṭhu lut, ka bag a phone phawrhin kan thlenna Hotel chu call-in Rental car ka hman ka dahna hmun ka hrilh zui zat bawk a


Tony rawn ṭhu lutin Damian-a chu a be zui bawrh bawrh, kei erawh ngawi rengin ka taksa la khur ru der der thunun tum chuan ka ṭhu khawng at a, ka kut pahnih chu ka mal inkarah nghet takin ka hum khawma, a ruk thei angber a boruak hîpin ka thaw chhuak leh ham ham ṭhin


Reilote bak kha en in, hmu lo mah ila, kha mihring landan kha chiang lutukin a rawn lang.


A taksa inphiar ṭha tak leh dar pharh hlai zet mai, a kamiz var hak, a ban a thlep chho a, Formal slim pants dum a ha a, loafers dum a bun bawk. Chiang takin ka mitthla ah a rawn lang zut zut, ka thaw chhuak hak, kum 6 liamta ang mai khan ala chhe lovin, ala ngai reng a ni. Ni lo, tlemin a hmel a rum zual tih mai loh chu...!



"Mom, kan chhuk dâwn lo ami?" Ka harh zawk, Hotel kawtah car a lo ding tawh chu niin


Rang lutukin ka seat belt chu ka phelh a, "Tony kan lawm lutuk e," Tih leh chhuahsan mai ka tum, ka bânah a rawn chelh, keilah chuan rang lutukin ka lo thing thla a, "cool down, cool down. Heihi pek che ka tum mai a nia, Mr. Yee te nupa background tlem a nih kha, tuna an In i design thar tur story a ni ber angchu. A puih theih mial tak che in," A tih chuan file chu inthiam chiah lova la in, "ka tihpalh. Chuan, ka lawm e," Za vak lo, harsa ti zetin ka ṭhensak bawk


Inher a chhuah leh mai ka tum chu, ka hming a lam leh avangin ka inher leh, "Damian-a Pa a ni tiraw?" A rawn ti ta chat mai


Ka en haw, rei erawh a ni lo, insiam ṭha vatin, "i thusawi awmzia ka hre lo," Ka ti tak nâ in ka aw ri ah zet zawng dawt ka sawi chiang mah mah tih alang


A ṭhensak a, "ka zawt mai mai che a nia, kal tawh rawh, Damian-an a nghah che saw," Pangai tak chuan a ti ve leh mai bawk


Hotel kan luh dawn thleng chuan Tony-an min enzui reng, nuam ka ti chiah lo zawk



"Mom, Ice-cream chu ka ei thei ang tiraw?" Damian-a chu ka melh zawk a, ka bu zauh bawk


"Mom..." Teh chhen chuan..!


"Ummm...." Nin hmelzet hian ka ti a, "ka phone ka theihnghilh," A tih deuh sap chuan a bag ah leh ka bag chu ka en nghal rak rak


Ka mitthla ah kan ṭhutna kha a rawn lang, ice-cream bulah khan a awm tak kha maw le. Keima thiam loh a ni


"A pawi lo, letleh pawh ni ila a awm tawh lo ang," Tih leh lift lam chu ka panpui a, ka hau lo chu mak a ti deuh a niang min rawn en chho leh ṭhin. Phone ṭha a ni tawh chuang lova, zin chhuah chang hian U Mampuii fate ho biaknan a hman ve ber a nia, pawi tihloh san tawh mai ang

.
.
.
.
Nilengin Mr. Yee te nupa nen an in hlui tawh tak chei ṭhat leh design thar an duh chu kan en ho a, an duhdan engkim an lo sawifel tawh a nih hmel a hma ang erawhin an inhnial ta lo, inhnial lo tawp erawh anni chuang lova..!


"I ṭha meuh maw. A hma aiin vawiin chu i rawn dâng tlat, i dam lo em ni?" Mr. Yee chu ka bulah a rawn ṭhu thla a



A coffee minpek ban pahin, "nizan ka mu ṭha lo a chuvang a ni ang," Nui chungin ka ti ve mai. Ka ti tak tak bawk, ka Lu ûm-ah Lalrinsanga'n hmun a luah hneh lutuk a, chhinkhat pawh ka chhing lo hrim hrim


Tony file minpek en in, zankhuain design thar ka buaipui ta ringawt a. Ka ṭangkaipui viau bawk. Tony-a awm lo se chuan vawiin ni pawhin hian engvanga saw banga lemziak saw tihreh duh loh nge a nih ka hre tawp nang..!


"Kan buaithlak iti em?" A nupui leh Damian-a ṭhutna lam chu a en vang vang, a nupui a hmangaih zia chu ka hmu thei

"Not at all. I nupui duhthusam taka kan design thei tur hi ka lawm takzet," A nui sun sun a


"Sawtianga a nui hmel ka hmuh lohna chin pawh ka hre tawh lo. Kan fapa boral aṭang khan a nui ngai ta meuh lo zawk," Rilru nat hmel taka ti deuh vawng vawng chuan, an In design that tur lam chu a hawi a, bangah chuan an fapa in an chhungkaw lem a ziah chu a en vang vang



Ka lam rawn hawiin, "ka lawm takzet a ni, i fapa vangin kum tamtak hnu ah ka nupui hlim hmel ka hmu ve leh a," Kan lam rawn pan mêk chu a en a, "a hlim takzet," A tih zawm leh sup. A nupui a hmangaih zia chu a mit mittui vanga hnawm chap chuan a ti lang chiang zual


"Eva, engtik nge Melbourne inlet ang?" Kan bul arawn thlen rualin Mrs. Yee chuan a ti a


"Naktukah..." Damian-an a lo ti vat. Mahse, nizan khan zanin flight ticket ka book fel vek tawh zawk. A rang thei angbera Taiwan hi chhuahsan ka duh a ni


"Sorry Auntie Lucy, Maybe I remembered the wrong day. But, if you don't mind you can call me whenever you want," Puitling tak maia Damian-an a tih chuan Mr. Yee zawk chu a rawn nui huk


"A kum rualpui ka hmuh tawh ah chuan ala puitling ber, Evelyn i vannei takzet," A rawn ti hluai


"Zanin ah dinner kil ho ila kan lo tia. Mahse, nidangah ni mai rawh se. Melbourne ah kan inhmh dawn nia Damian," Mrs. Yee chuan Damian-a en in a ti a, "You are always welcome in our home, Auntie Lucy," Tih leh Mrs. Yee ṭhu hniam chu a lo kuahlet vang vang a, kan lo nuih sen sen


Kan hawsan tur chu Mrs. Yee ber chuan harsa a tih hmel takzet. A pasal sawi angin a fapa nen in anna tamtak anneih thu a sawi nasa in, Damian-a lahin inla puitling tak leh hrethiam ve ni âwm takin a ti hlim thiam em em bawk chuan min kaltir harsa a ti niin alang
.
.
.
.

"Mom, eng nga tinge naktukah kan haw dâwn loh a?" Hotel kan luh ruala a tih chuan, "hna ka nei alawm le," Ka ti vat


Diktak chuan Taiwan-ah Bryan a awm a ni tih ka hriat ringawt pawhin ka lungphu hi a dik thei lo


"Ohh saw ball," Tih leh ka kut a vawnna thlahin ball awmna lam chu a pan a, naupang pakhat hi a su tlu deuh dat


Rang lutukin ka pan hnai nghal, ṭhu hniam a hmeichhe naupang pawt tho chuan, "nâ inei em?" Ka ti nghal zung zung


Apple juice a ken chu a kawrah a buak vek avangin a huh hneh viau lehnghal


"Fimkhur ta che Damian," Tih leh ka hawi kual a, "khawnge....." Ka tih ruala ka hmel hmuh erawhin ka lei chu a pawt ding chiang teh e..!


Bryan-a leh Farry-i kan lam an rawn pan chu lungphu rang nghal zawih zawihin ka en, muangchangin ka ding bawk



Bryan-a pawhin min hmu tih hriat takin, mit la sawn lek lo chuan min en ngur a, ka kawchhung a khur ru nghal der der bawk


A bula kal Farry-i, kum 6 liamtaa amah hmangaih em em tu hmeichhe kut zungṭanga zungbun awm chuan ka tum miah loh leh ka inrin hma hauhin ka awm zawn hi a chhun zawk bawk

"Ni e, kum 6 a liam tawh. Eva, kum 1 emaw kum 2 emaw lek ni lovin, kum 6 a ni, kum 6," Ka rilru in ka ti mawlh mawlh. Ka thawk lak harsa ta lutuk chuan ka thaw a ti chham dâwn lek lek bawk


"Eva..." Farry-i chu a rawn nuisang, Bryan-a erawhin a kekawr ipte lehlam zen chungin, mitmeng rum ûl leh hriat hrak mai chuan min hmuh tirh aṭangin min la en ngur ngur thung..!


"Hi! Farry," Harsa tizet chuan ka ti chhuak a

A fanu ṭap chu pawmin, a fanu chuan ṭawng fiah vak lo hian Damian-a chu a hêk ve zat zat bawk



Ka lungphu rang lutuk leh kawchhung khur nasa lutuk chu inbengdaih tumin, a ruk tak si chuan thaw ka la ham ham a, mit la sawn lek lova min entu Bryan erawh engtia biak tur nge ka hriat miau loh avangin haider luih tlat ka tum thung


Theih tawpa nui lui säng chuan, "Min hrethiam dâwn nia. In fanu thawmhnaw kan tibal ta si a," Farry kut ṭanga zungbun chu melh loh hrâm ka tum bawk



"Kan fanu a ni lo," Bryan-an rang fahran hian arawn ti hluk

Ka en deuh kawk mah se rei erawh a ni lo, ka inthunun lehnghal. Ka nuia, "engpawh chu nise kan thiam loh tho a ni e," Ka ti ṭha ve leh mai


Ni e, Nula kum 22 lek a upa, mahni duh zawng leh ngainat zawng, rilru a awm zawng zawng tilang a, umzui zel ang kha ka ni tawh lo tih a hrethiam ngei ang chu..!


Eng inzawmna nge anneih tih chhungril chuan ngaihven ru viau mah se, pawnlam ah erawh Nutling, mahni Lu zo leh nunhlui kalsan tawh ka ni tlat!


"Pasal dang ka nei alawm, tu in nge hetiang thinlung vawt lutuk pasal ah duh ang," Nui ar ar chunga Farry-in a tih chuan za vak lo hian ka ṭhen ve sak. Ka chhungril hi ka hriat thiam chiah lohvin a hlim ru ve ringawt lehnghal..!


"Mr. Bryan..." Rawn ti tu an awm takah chuan Bryan chuan a mit a la sawn ve chiah, ka thaw zui kawk bawk


Damian-a inthlahrung taka ding bânah chuan rang lutukin ka chelh a, "Farry min hrethiam dâwn nia," Tih leh min chhanna pawh nghak lovin lift lam chu ka panpui dawr dawr



"Mom, ana," Damian-an a lo tih ve pawh chu ngaihsak lovin close chu ka hmet sawk sawk a


Mahse, Lift kawngkhar inkhar tur, inhawn nawn leh rualin ka hmingpum ngata min ko tu ka hriat rual chuan palian tak leh hmel dur khup mai chu a rawn pen lut chhur chhur a


Ka thaw ka hip let kawk, hmuh thiang lo hmu ang maiin, ka dâng sawp sawpin ka ring, ka fapa kut ka chelh chu na takin ka hmer a, ka hnunglam ah ka tawlh hnung zui hrut hrut bawk


Ka hmaah dingin, mitmeng sen râm leh hmel ṭo ruah haw tur ang maia dur nasa a min en ngur ngur chungin, "ka hmu ta che. Nimin ang khan i pilbo hman i ring em ni?" A ti chher chher mai chu'h..! ka thlarau in min chhuahsan ta emaw tih mai tur ka ni..!


Mit khap nachang pawh ka hre lo, ka hma a ding mipa, kum 6 chhung khan vawikhat pawh ka theihnghilh chhin loh, "mangchhia" tih atana ka phal si loh nunhlui rapthlak leh hlimawm tak minpe tu ngei mai chu he lift chhung zîmtê ah hian ka hma ah a ding ta chhur mai le...!


Ka lungphu chu a ran lutuk vang zawk nge, a phu tawh lo hial te a ka hriat ni..?


"Eva...." A hma ai chuan a nem hret. Mahse, ala sehchilh deuh tho


Ṭawng chu sawi loh thaw pawh ka la ngam lo hrim hrim zawk...! Nichin maia ka inrin tawkna te chu e, minhan dinchilh meuh chuan thli chhem len ang mai anni, anreh hneh sawh lutuk


"Who are you?" Damian-an a rawn ti zat, rang lutukin ka hnunglamah ka pawt lut nghal nawk nawk a


"Eng.. Eng.. Engtin nge...." Ka tih bah nak laiin, hnaih taka min rawn din chilh chuan, "ka zawn hmuh theih loh che i ring em ni?" A ti khur khur, a thaw ri leh a aw chhuak chang lam lek lek, lawmna ri chhuak tel si chuan ka thau ah min manbet tlat thung..!


Mit chhing sawka thaw chhuak hawk chungin, a mitah ka en chho a, "eng nge i duh?" Ka ti thlawt..! Hetianga ka zâm chhiat chuan engkim a hre mai ang tih ka hlau a ni


Ngeiawm lam mah hian a nui tawi tak a, a thle bak bawk, "tu fa nge a nih?" A ti bul hluk


Ka hlauh ang ngei ngeiin maw...?


Ka thaw ngam tawh lo, ka chil chu harsa ti lutukin ka lem khalh a, "ka fa.." Ka ti thei ṭawk. Ka thlanfim a rawn bawl ṭiam ṭiam thei nia..!


"Ka hria... A pa a ni ka zawh che ni," A ti leh bul bul, a aw erawh a chang viau ta lo


Chhan ka tum lo tih a hriat vang nge ka inrin hma in ka dar tawn tawnah a rawn chelh a, ka phu nasa lutuk chu ka thlarau a thlawk chhuak lo chauh


"Min thlah rawh," Ka ti ṭhat. Lift lo inhawng ve chiah nen min pawt chhuak a ni ber


"Thlah rawh, ka Mommy kha thlah rang rawh," Damian-an tih leh a pa malah chuan a seh ta mai


"Damian..." Ka ti vat

Bryan pawh chuan min thlahin a rum nghut a


Damian-a chu ka hmaa rawn dingin, ka malah a kuahbet zui chat, a pa chu dak vaha en chho ram ram chungin, "misual inih hi, ka Mom intihnat leh chuan Police ka call ang," A ti let ve khar khar chu Bryan-a nuihzat ah atla a ni ngei ang, ka rin loh lutukin a rawn nui huk


"Ka fapa ini lo maw?" Nui hawk hawk chung leh ngeiawm lam maha a tih chuan, rang lutukin Damian-a ka hnunglam ah ka pawt lut a, "eng zawhna atthlak nge naupang i zawh?" Ka ti vin hlar



A nui hmel chawpchilh a rehin, min ner khum sawk a, "eng nge ni a i rin?" A ti nghut. Min en ngur bawk a, rawn pên hnaih a tum leh chu, Damian-a bawk ka hmaah a rawn ding leh, Bryan-a zawk chu ding datin, "Lungngai suh, ka tina dawn hleinem," Damian-a a biak dan leh a en dan chu, min en dan leh biak dan nen chuan inpersan tak a ni. Min rawn en in a ner sawk bawk a


"Eva...." Tony aw ka hriat rualin ka inher vat


"Tony..." Damian-an tih leh a lam panin a inpawm tir nghal a, Bryan-a rawn kawk và in, "Tony we should call the police and arrest this guy, he tries to hurt my Mom. Call the police now..." Damian-an chuan a ti chul, "Damian..." Ka lo khap vat


Bryan erawhin minla en ngur ngur thung. Tony-a ka bula rawm dingin, "Who is he Eva?" Tony-an a tih chuan, Bryan-a mitmeng thuk tak leh, mit zîmsan a min en na chu en letin, kum 6 liamtaa ka hmangaihna leh kan awmdan te, kan nunhlui chu chiang takin chu zawhna chuan a rawn keng leta, nimin maia thilthleng ang maiin ka hmaah a rawn lang zut zut


Natna leh beidawnna ka tawrh leh paltlang te hre chhuak chunga nui seihin, "somebody i used to know," Bryan-a mita en kalh chuan ka ti chhuak sep. Ka sawi rualin keimah zawk hi ka chhungril ana zui vawng vawng thei. Mahse, thudik a ni tlat si a



Ka hmuhlohna a rei tawh vang leh ka hriat leh hmangaih ṭhin Lalrinsanga kha a danglam ve ta emaw tih mai turin, a mitmu uk nalh kharh mai, thilti thei tak mah se, khawngaihna leh hmangaihna nei ngai reng reng lo ah chuan, natna ni âwm tak ka hmu in ka hria


Chu erawh ka beisei ngam lo mai pawh ni lovin, a thleng ngai dâwn lo tih ka chhungril hiam a hre chiang viau thung!



<><><><>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:17 pm

MR. CAPTAIN S2
<Hello! Stranger>
{My Treasure S3}

[The Unfinished Story]



Chapter < 4 >


EVALYN...POV

{The Owner}



"Tony, Damian-a kha room-ah lova luhpui rawh," Min en ngur tu en let ve ngar chuan ka ti a


"Mom..." Damian-an a tih ruala hawisawn in, "thuawih rawh. Minti na dawn hleinem," Bryan chu ka melh leh zauh, a thawk lak dan leh a chala thisen zâm thlenga lang kalhah chuan min khawih lo ang tih phei chu ka sawi thei law



"I ṭha ang maw?" Tony chuan a rawn ti sup, Bryan-a lah a meng dur tulh tulh emaw tih mai tur a ni. Ka lo bu nghat a, kan room card chu Damian-a pe in, "Room-ah min lova nghak rawh u," Ka ti leh sep a


Damian-a zawk chu ngaihṭhat hmel zân loh hian Bryan melh deuh ram ram pahin, "ka Mom i tihnat chuan ka seh leh angche," A ti leh reuh chu keimah pawh ka insum hman lo ka nui chhuak hak


Bryan pawh a lo ner ve suk tho, ka fapa hian hetiang em em hian ka thlavang hauh nachang a hria ang tih keimah tak pawh hian ka ringpha lo hrim hrim



"Min rawn zui rawh," An luhfel rualin ka ti nghal, ngawi ngurin min zui ve mai bawk a



Hotel Balcony, ṭhutna anhûnna lam chu panin, "Eng chiah nge i duh Lalrinsang?" Ka ti leh thlawt. Engmah sawi ṭha duh si lova, min en ngur ngur reng hi a ninawm



"Tufa nge a nih?" A ner deuh sawk, "ka fapa a ni em?" A tih zawm leh sup chuan ka meng kawk, ka thaw ka hîp leh kawk bawk. Mahse, rei erawh a ni lo, za lo tak chuan ka nui hak a, "engvanga i fa a nih ring ngawt nge inih ka hre lo. MAHSE.... I fa a ni lo. A chiang em?" Chang zeta ka tih chuan ngeiawm lam lek lek hian a thle bak a


"I chiang maw?" A ner leh deuh sawk bawk. Ka thusawi chu a ngaithla lo nge ni a, min ngaipawimawh lo ve hrim hrim zawk. A hmel landan ngeiawm lutuk chu bensawk mai ka nap ta rum rum


"I lei kha veng ṭha rawh Lalrinsang. Ka fapa a ni a, i tel ve hauh lo," Sehchilh zeta tih leh, "i fapa emaw ti turin eng huaisenna nge ineih ka hre lo mah se theihnghilh suh, nang leh kei chu kum 6 liamta khan inzawmna kan nei tawh lo. Ahhhh, kan nei ngai lo zawk maw le. Kan nei ngai hek lo ang," Melh na zet chuan ka melh chho vak bawk a



A nuihza insum hmel chu min tihluihna a ang mah zawk

A dar min san khum zauh a, "kum 6. A dik, kum 6 hnu ah ka zawng hmu ta che a," A tawp dat, kei erawhin min zawn thu a sawilai chuan ka mak tihna ka thup hman lo, engvanga min zawng ngawt nge a nih?


"I phuba lak ila duh tawk lo em ni? Mahse, Lalrinsang ka fapa hi i kut hmawr pawha tawh i tum a nih chuan i tisual khawp ang," Ka lo tih khalh hlar chu a phun hluk a


"Hrep a! I fapa chungchang ka sawi phiangsen lo!" Nin hmel zeta ti nghutin min rawn hnaih hrut a, ka lo tawlh hnung vat.


Min pawisak loh hmel tak hian a ner leh ang sawk sawk a, "mahse, ka fapa a ni tih keimah ngeiin min zawn chhuah tir suh ang che. Ka mizia i hriat kha," Rilruih leh in vauna ni âwm taka a tih chuan ka chhungril a khur ru nghal der der


Eng nge a sawi awmzia ka hre hauh lo nâ in, a fa a ni tih engtikah mah a zawng chhuak ngai dawn lo tih ka beng awmna ka chian tluk zetin ka chiang thung. A theih loh a ni tawp


Ṭawng ka tum zuai, a phone a rawn rik takah chuan rum nghutin a ipte aṭangin a phawrh a, a pickup chung pawhin min la en run tho. Kan inhmuh aṭangin rei tak ka laka aṭangin mit ala sawn ngai lo hrim hrim, cctv emaw tih tur zawk alawm



"Khawi hospital ah nge in awm,"."Ka hria e," Tih leh off in, "min rawn zui rawh," Tih leh ka bân a rawn chelh zui, rang lutukin ka lo thingthla ve vat


"Lalnunthar," A ti hluk a, thaw zui hakin, "ka kal tir che ring tawh suh," A ti leh sup, a sawi awmzia ka hre lo ang bawkin khawiah mah zui ka tum aw zawng lo


Ka phone rawn ri ve chiah chu la in, "Mom khawnge i awm?" Ka pickup rualin Damian-an a rawn ti lang lang


"Ka rawn chho dawn," Ka ti hman ṭawk, ka phone chu a rawn phih thla sawk a. Eng emaw hi a type zui mawlh mawlh bawk, a che zia chu mak ti fe in ka en hau ringawt


"Ka call la angche. Khawiah mah bihruk tum tawh suh, hremhmun ah pawh awmla ka zawng hmuh dâwn che tih hria la," Dam dup leh thupe zet maia tih leh ka sam chu arawn tawk zauh, a awmdan inthlak chak lutuk chuan minti hamhaih lutuk a chet nachang pawh ka hre lo


A pensawn rualin a vawt nghal sung sung bawk, a taksa lianpui khan boruak a lo dang vek emaw tih mai tur a ni. Ka thaw chhuak hawk a, kan indin chilh laia ka ṭan zia ka hre chhuak


Thui pawh a pen lo, ka dinna lam rawn hawiin, a bengah phone chu a chuktuah a, ka kuta ka phone ken a rawn ri zui zat


Ka phone screen ka en rualin ka ner nawk, a zahtheih loh zia chu pui tak a ni, "The Owner" Tiin a in save a nih chu...!


A tar â tawh a nih saw!!!


Ka pickup hma chu kalsawn a tum lo tih hriat takin a ding run a, rum tawk a melh vakin, "eng nge?" Ka pickup rualin ka ti hlar


Mawi lutuk hian a rawn nui huk a, "Kha Tony-a kha ka hmuh ah awmtir tawh duh ang che. A endan che kha ka duh lo," Ve ngawt a, thu lo rapthlak si ve!


"Tunge inih a?" Ka ti lui chu a ngaihdan a ni vak lo nge a rum nghut


"Lalrinsang, ka lak aṭang hian eng nge ila duh tih ka hre lo. Mahse, ka ngên che, khawngaihin ka nunah hian rawn inrawlh ve tawh suh," Ka ngên tak tak, beiseina beidawn thlak neih kha ka peih tawh lo. Ka inhuam tawh lo a ni mah zawk



Min hmuh tirha a hmel chang rût mai kha engtik laiin nge a bo ka hre lo. Tuna alandan erawh saw chu, naupangin an duh zawngtak an hmuh leh neiha an hlim hmel ang sarh kha a pu thung. Ka hrethiam lova, ka hrethiam ngai dawn hek lo a nih hi..!



"Nangmah..." Tih leh ring vak lo hian a nui ri suk a.


"Lalrinsanga..." Ka ti nghal hlar, a nuih a za zual sauh leh nghal, kum tamtak hnu a ka mipa hmangaih, ka fapa Pa nui ri ka hriat chak em em ṭhin hriat leh chu mumang te pawh a ang rum rum alawm


Ni e, zep rual lohvin he mihring tán hian feeling ka la nei chiang alawm mah se ât erawh ka atchilh ta lem lo


"Leh i fapa..." Ti thum leh dutin, "theihnghilh suh Nephthy ka hmu ta che ka tih kha," Rilruih maia ti thâwp sup chuan min en reng chungin phone chu a off a, mawi lutukin a vei kiai zui suk bawk. Che lovin a awmdan chu mi â ang maiin ding khawng at chuan ka thlir liam ringawt thung


Mahse, chiang tak maia ka hriat chu, nupui emaw ala nei lo tih ka hriatna chuan ka chhungrilah zahpuiawm khawpin hlimna minpe thung..!


"Mom...." Room ka luh rualin Damian-an min rawn pan vat, "Mom, misual khan a ti nâ che em?" Min rawn en chho kiau, a mitah chuan min ngaihtuah tih a lang ve kar bawk, ka nuih seih a, "na lo ve, chuan misual a ni lo a nia. Khawnge Tony-a?" Ka hawi kual nghal



"A chhuak a, a lo let tawh lo," Awlsam zeta tih leh a luggage lam chu a pan a, "haw tawh ang, helai chu misual an awm emai," Nui var varin a sunglass chu a vuah zui zat, ka fapa en chuan ka nui chhuak hak, ka luggage lam pan ve in, "ni e, kan In ah haw ang," Tih leh ka kut chu a vawn theih turin ka lek chhuak a, lehlam a luggage hnuk ve ve chuan kan nufa in kan inkai chhuak, in en in kan nui leh sak ṭhin. U Mampuii'n "nufa tur diktak inni," A tih ṭhin kha ka ringhlel ta hauh lo mai...!



"Mom, tinge kan tlânchhiat?" Car chhung kan luh rualin Damian chuan a rawn ti teh ang khauh a, ka en haw


"Kan tlân chhe hleinem," Ka nui


"Liar.... Misualpa kha i hmu duh lo," A ner nawng nawng bawk a. He naupang fing lutuk hi chu ka ngei ṭhin, a Nu ka ni chung pawh hian a hmaah hian dawt ka sawi thei lo chu a nihber hi maw!



"Muhil rawh, i chau dâwn a nia," Ka tihsan ta ringawt a, ka chhanna chuan a nuih a ti za reuh a niang nui ar ar pahin, "Joshua ka be dawn," Tih leh ka bag a phone chu a hai zui rak rak, ka nuihsan ta ringawt a


Ka mitthla ah Bryan a rawn lang, a fapa a ni tih a hre lo ang tiraw? Ka lu ka thing nawk nawk.


"A hre lo ang, kum tamtak kan inhmu tawh lova engtin nge a hriat ang?" Keimah leh keimah chu ka in hnem ang mawlh mawlh a mah se a thusawi, a zawn chhuah kher nghak lo tura mintih kha eng nge awmzia? A hria chu a ni lo'ng maw?


Ka ngaihtuahna chuan keimah leh keimah ka inti hlauthawng a niber. Ka lu ka thing a, ka fapa in hlim sarh maia Joshua te unau a be lai en in, "a ni lo ang, hriat chhan tur a nei lo," Ka ti zui sap sap bawk

.
.
.

<After 2 days>

"Hello, Pu Dinpui eng nge nita?" A sawi tur erawh ka hre sa tho. A vawikhatna a ni miau hek lo


"Tharte ka tibuai che em?"


"Buai love, eng nge nita?"


"Ka sawi kha ilo ngaihtuah em? Ka rinlawk ang chiah, vawi eng emaw zah a hnuai a thawk turin min sawm tawh; Mahse, Mizoram a let ka tum loh êm avangin ka hnial fo a, tunah erawh engtia han chhan tur nge ka hre ta mai lo.


Reilote ah Lalrinsanga'n ka awmna a rawn zawng chhuak emaw Damian-a chanchin a rawn hre dawn tih ka chhungril khawi emaw lai hian min hrilh tlat a, engtia awmtur nge ka hrethiam ta mai bik lo


"Pu Dinpui...." Ka ti dek dek chu, "Tharte min khawngaih maiteh, kan Pu te lamin min nawr ve tawh si a, interior designer an lungdum zantu ka hmu lo a nih chuan ka hna hi ka chan mai ang. India rama interior designer hmingthang zawng zawng hi chu ka be kual zo tawh, an duh zawng anhmu lo a niber," A rawn ti zung zung, a tawplam chu ngenna a ri tel bawk


Eng ang Boss nge maw a neih ni? Chuti taka khirh chu? Keipawh min duh kher dawn emaw ni?



Ka thaw deuh halh a, ka thiltih lai chawl datin, "Pu Dinpui reilotê hun minpe ta che. Damian-a te school te hi han chawl phawt se la, karleh lamah chhanna kan inhrilh dâwn nia," Ka ti ta nge nge e!


Ni e, Damian-a pawhin vawitam Mizoram kal mindil a, reilote chhung tlawh chu eng nge a pawina ni chuang ang, Bryan pawhin min zawng mah se Mizoram a kan let chu a ring pha rih tawp nang!


Ka phone rawn ri leh thutah chuan ka phu deuh zuk, "eng nge chhun chhunah i ngaihtuah a, bialpa thar i nei em ni?" Emily-in min kalpel pah chuan min rawn fiam zauh


Nui chunga ka phone en in, "ka fapa," Ka tih chuan midang ka ṭawng hre pha ho pawh an lo nui hak hlawm


"Hello."



"Hello, Damian-a Nu i ni tiraw?"


"Aw ni e, eng nge nita Miss. Chelle?" Tunang hunah te min rawn call teh mial ni?



"School-ah tunah i rawn kal thei angem? Damian-a hian buaina a nei a," A tih rualin ka ding awt. Thil awmdan zawtin office aṭang chuan ka tlân chhuak a



"Ka rawn thleng vat ang," Tih leh phone ka off zui. Engvanga naupang dang insualpui ngawt nge maw a nih le?


Car chu chak takin ka khalh chhuak, hetiang hi a thleng ngai maih si lova?

.
.
.



"Damian, Damian eng nge i an Bawihte? Nâ i nei em? " Teacher, office ka luh rualin ka fapa lo ding zum zut lam pan ruak ruak chuan, ṭhu hniam rawk rawkin ka en kual nghal sawk sawk a


"I fapa ni lovin ka fapa a ni thisen hloh chu ni," Ka sir aṭangin American aw phawi tih hriat tak hian arawn ti chang fal a

Ka hawi vat, a fapa hnar lapuaa inhnawh tut leh a kawr hmaa thisen farna tih hriat tak val kalh kalh chu ka en a, ka thaw halh bawk

Ka fapa luhlul tih hriat tak leh ami khawih la en ngur chunga ding, kut la hum ruh ngar en chuan, "Damian engthil nge thleng?" A ngawi ngul. A chang hi chuan a pa a chhun lutuk hi ka ngei lek lek ṭhin


"Malsawmhlu, thudik i sawi dawn em?" Ka ti leh khar khar, a mittui a rawn parawl ṭiam ṭiam. A men zui puau puau bawk a


Mit chhinga thaw la hakin ka en chho a, "Damian, thudik i sawi duh loh chuan engtin nge ilam ka ṭan theih ang. A ni lo'm ni Bawihte?" A mittui a rawn far kauh kauh

"Pa nei lo minti a," A ti zawi ṭuak, a bân ka chelhna chu ka hmer salh


"Dawt a sawi em ni? Engtin nge naupang si hetiang hian ka fapa a sawisak theih?" Naupang nu chuan a rawn ti leh hlak hlak

Ka fapa mittui tla hruk hul sak pahin, "eng maw i sawi kha?" An lam ka la hawi lo



"Eng maw?" A rawn ti let hlar. Ka nui sak



"Bullying my son," Dingin anlam ka hawi, "have you thought it twice?" A fapa chu ka fapa a en ang chiaha rum chuan ka en let khar



"I say have you thought it twice?" Ka ti leh fak fak



"Mummy..." Naupang chu a nu en chho in a ṭap nghal puau puau


"Engthil nge maw i tih le?" A fapa chu pawt hnaiin a hnunglamah a din tir a, "he naupang hi he school aṭanga hnawh chhuah a nih loh chuan board director hnenah ka report ang," Min vau ve khanglang a!


Ka ner sawk, ka thle deuh hâ bawk a, "Miss. Chelle an intih buaina hmun ah cctv a awm em?" Damian-a te Miss ding ve ran chu ka en a



"Play ground-ah khuan a nia, a awm ngeiin ka ring," Tih leh a computer lam chu a pan a



"Dar engzah vel kha nge aw?" A ti deuh vang vang chu ka fapa fing lutuk hian, "office -a kan dinna hi 25mins a ni tawh Miss. A awmzia chu dar 2:30 pm khan kan insual tihna," Fiah zeta a lo tih chuan an Miss chu kan lam a rawn hawi hâ, naupang Nu pawh chuan a rawn en ve hau tho



Ka fapa hi chu a fing êm a sin!



"A dik e. Heihi a nih hi," Kan lamah computer chu a rawn her a, cctv chu a play zat


Ka ner sawk, "a landan ah i fapa hian kut a thlak hmasa niin alang. Ka fapa "pa nei lo" tiin a ko a, kut a thlak hmasa bawk a. Ka fapa in kut a thlak let ve na kha chu "self defence" tiin an sawi," Nui lui sawnga ka tih chuan Damian-a te Miss chu a lo nui ri suk


Naupang nu chu ke per tan tanin a kut zungchal chuan min kawk và a, "lo nghak angche. Nang Asian uiho mai mai," Kha zeta tih leh a fapa chu a pawt kal dawr dawr


"Cctv footage hi la tel rawh, evidence atan i thehlut dâwn nia," Ka au zui lang lang chu Damian-a leh an Miss an lo nui hawk hawk ka fapa en in mit ka siai zui zauh bawk


Tu mihring mahin ka fapa hi "pa nei lo" anti tur a ni lo hrim hrim. Kei hi a Nu ka nih angin, a Pa ka ni tel tih hi an hre tur a ni tawp!
.
.
"Damian i thil tihsual i hria em?" Car khalh pah chuan ka melh zauh, a hnui chu a chip ngar


"Malsawmhlu..." Ka tih leh chuan thaw chhuak vei halhin, "tharum thawh lo tur ka ni," Lungawi chiah lo hian a rawn ti a


Ka lo bu nghat, "i fingin i ṭhiante dang aiin i IQ a sang zawk bawk. Kut thawh lovin i duh chuan i chingfel thei tihnen. Engthil nge ka sawi fo kha tharum leh tihluihna in a thlen tih?" Ka fapa hmui ti pawrh a, ner sawk sawk chu car khalh pahin ka melh leh zauh ṭhin



"Mom, kut minthlak hmasa alawm. Nangpawhin self defense itih kha," Ka lam a rawn hawi



"Ka hria mah se i khawih na hle tih i hmu lo em ni?"


Hnar tum datin, "ka tihpalh. Mahse, ka inchhir chuang lo, tharum leh tihluihna in rah ṭha aiin huatna leh buaina a ti zual tih i sawi mah se Mom, ka dawh tawp thei hleinem," Ti deuh duaha ka chunga lungawi lo tih hriat takin lehlam min hawisan hmak bawk


Nui ru seih paha ka kut lehlam a sam tawk zauhin, "ka hria alawm, ka thusawi ṭhin i theihnghilh ka hlau mai chauh a ni," Ka tih takah chuan ka lam rawn hawi lehin, "i thusawi leh kan thutiam zawng zawng chu ka chhinchhiah vek," Uar zet a tih leh a nui zui sen sen


Engtin nge hetiang taka fapa fing leh ṭha hi ka neih theih ni? Pathian ka chungah a ṭhat zia hi hmuh theih khawih theihin a awm chiang alawm!!!!

<><><>~>


Note : zanin chu ka edit lova, chhiar a harsa in, a ngaihnawm viau lo maithei, min hrethiam dâwn nia, kan khaw lamah chhiat kan tawk a, rilru ah story lam a awm lo lutuk a, tlai pawh ka rawn tlai viau mai🙏

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:18 pm

MR. CAPTAIN S2
<Hello! Stranger>
{My Treasure S3}

[The Unfinished Story]


Chapter < 5 >


BRYAN...POV
< sometimes, you need to take a step back in order to win >


"Boss, engvanga vapan hnai mai lo nge i nih? A ruka thlir reng ai chuan," Ka fapa infiam lai en chuan ka nui leh suk ṭhin!


"Boss...."



"Marco, ngawi renga i ṭhu thei lo a nih chuan chhuak rawh," Ka ti hluk, car aṭangin ka fapa infiam ka en a, min biak chhen ni..!


"Shittt.....!" Steering chu ka chum dawt, saw naupang sawn engvanga ka fapa hnektlu ringawt nge a nih...?



Rang lutukin ka kut lehlama nghet taka ka chelh Evalyn-i background ka chhuina paper leh, Damian-a nena kan DNA test result ka hum chu car seat hnunga thehin ka chhuak nghal zat


"Boss, CCTV...." Ka ding dat.. Ka hawi chho CCTV awm lohna chinah chuan ka ding a



"Damian..." Leia ṭhu sawp chung chuan min rawn en a, a mittui a tlingpam bawk


"Hneklet rawh..." Ka tih chuan mak a tih hmel reuh viau


"Hneklet rawh ka ti a nih chu, mipa i nih kha," Ka fapa hian tumah a hläu tur a ni lo hrim hrim. Engtin teh hrep nge Lalnunthari hian a enkawl a, a rualpui khawih ngama a dah hrep ni?


"Boss naupang mai annih hi, a chi loh ang a," Marco-an a lo ti sur sur, naupang mai maiin ka fapa a hnek a lawm le!

Ka fapa, ka thisen, SAILO thisen kai a nih saw


An zirtirtu kan lam rawn pan ka hmuh chuan ka dinna aṭangin ka chhuk a, Damian-a ngawi run runa inbeng kangin, a hnektu naupang lam pan chuan kuai herin a hnek ve ta siah mai..!


"Yes..! That's my man" Ka tum loh zetin ka ti chhuak sup, ka kiai zui suk bawk..!


"Satisfied ..?"


Marco chu en in, ka nui hmel siamṭha vatin, "ka fapa saw a hmai a vung deuhin i hre lo maw?" Damian-a te lam chu ka hawi, an zirtirtu in a lo ṭhelh ve mek bawk


"Boss, darkar 1 pawh liam lo ah khân i fapa a ni tih i hre chauh a, i...." A darah ka beng thak


"Marco, Pa ka ni tawh. Fa ila nei lova i hrethiam lovang," A sawilai a lo ti supin ka nui a, "Pu Dinpuia bia la, engti kawng zawng pawhin Evalyn-i ka company hnuaiah thawk turin a siamtur a ni. A sawm chhuak zo lo a nih chuan a hna bânsan rawh se," Thupe tak si a tih leh ka nui leh suk a


"Marco zanin chu intur ka leisak angche, kum 6 hnua i hnathawh ṭhatber a ni," Tih leh car lam chu ka pan zui pawk pawk. Ka awmdan Marco-an mak a tih zia min en haw danah khan ka hmu thei


Keipawhin mak ka inti, kum 6 hnuah fapa ka nei tih ka hre chhuaka, Evalyn-i laka thinrim tur ka ni em ka hre hauh lo. Amaherawh chu, ka fapa Damian Malsawmhlua he khawvela a pian ve avang erawhin ka läwm viau thung...!

.
.
.

"Hna chu dahṭha ila, engtik nge Mizoram rawn let i tum?" Hnathawk pah mawlh mawlhin Eden-a chu ka bia a


"Ka rawn haw rih lo ang."


"Seriously Dude..! Ngaihzawng anei lo tih i chiang maw?" Ka thil tihlai ka chawl dat. Marco-an a chhui chinah chuan Tony leh Hriata a tih bâk kha mipa hnaih a nei lo a nih hmel


"Ka nupui hual a lawm a nih. A la ni reng bawk," Ka ti chu ka ṭhianpa a rawn nui huk


"How about Fiona?" Ka lo rum nghut



Taiwan kan kal dâwn zanah zu in chhuah minsawm leh a, ka inturah damdawi lo telhin hmeichhe pakhat zan ka hmanpui ringawt lehnghal...!


"Ka pe ang che," Ka ti bul nghut chu za taka nui hawk hawkin, "a message te kha reply ve la," Min fiam tih hre mah ila, ka rum khum leh nghur nghur tho. A chhan chu kha zan khan ka kut hmawr pawhin ka tawk lo tih ka inhre thei a ni. Mipa chuan eng ang pawhin rui chhe mah ila, sex kan hman leh hman loh chu kan taksa ah kan hre ṭhin


Tunah phei chuan hmeichhe dang ka mamawh loh zia hre tur a ni. Fapa leh ka nupui hual ka neiin ka zawng hmu tawh, a bak ka mamawh lo



"Ok, Ok ka fiamthu tawh lo ang. Khatia ralkhat aṭanga thlir reng kha i tum lo ang tiraw? Ka rin aiin i dawh thei, ni 3 ngawt i ralkhat thlir tawh a nia," A nui zui leh tuh tuh


Ka ner sawk, "a chang chuan hnehna chang turin kan tawlh hnun leh chang a awm a ngai alawm," Ka ti sup


Ka hriat ṭhin hmeichhe tleirawl luhlul satliah kha a ni tawh tlat lo tih a mitmu dum fiah tak mai, lunghlu ang maia tle ralah khan ka hmu a ni


Hlauh a nei tawh lova, chân a hlauh awmchhun chu a fapa chauh a ni tih leh, chuti maiin ka hmangaihna avanga nghing tur thinlung a pu tawh tlat lo a ni


Mahse, ka fapa Nu a ni a, ka ta a ni a, a ni kum khua bawk dâwn...!

~~~~~~~


EVALYN...POV

< Who Is He? >


"Mom, Who Is He?" Hna ka thawh avangin ka ngaihsak lem lo, study room-ah a rawn luh aṭangin ka la enzui lo hrim hrim, lehkhabu a chhiar leh a ni ka ring ringawt a


"Lehkhabu i chhiar zawh chuan mu tawh rawh Bawiha. Naktuk last day a nih tawh kha," Mr. Yee te In chhung cheidan tur ka ruahman malh malh bawk


"Mom, who is he?" A rawn ti nawn leh, ka la ngaihsak hman lo hrim hrim.

Bakah, hna lo thawh ve lai phei chuan a thil hriat duh a khirh thei si, History bu a mi te hi a keu a, mi hi a zawt ang chut chut a, Fb hmu chhuaktu pawh ka hriatna ala rei loh laia, "Who invented the first traffic light in 1868?" Arawn tih leh ang nulh phei hi chuan, a Nu zawk hi kan hawi lel lel zel mai.

Chuvangin, ka fapa in lehkhabu a ken tawh hi chuan a zirlai lo hi chu zawhna min zawt vak lo se ka duh



"Aw..! Ka hre leh si, misualpa kha a ni chiang lutuk ; Mahse, tinge a wheelchair-ah a ṭhut Mom?" A tih rualin mawngah hawlhtu anawm emaw tih mai turin ka ding zawk, ka chair nawrsawn rawk rawk chuan, a ṭhutna lam chu ka pan nghal a


A kuta Bryan-a thlalak chu phihthla vatin, "safe-box hi khawih ve tawh suh ka ti che a ni lawm ni? Password te ka thlak vek sia, engtin nge i hriat?" Thlalak ho dahlet in, hau pah si chuan ka phun zui nung nung


"Mom, ka IQ hi naupang dang IQ aiin a säng tih leh, ka IQ hian a chang chuan kum 15 IQ a pha tih kan test khan Doctor-in a sawi kha i hre tawh lo em ni?" A tih leh kauh kauh chuan ka fapa lam hawi chuan ka âng leh ta hau ringawt mai



Beidawng zeta ka fapa fing lutuk hmaa ṭhu chuan ka bu nghat nghat, "ni e, ka thiam loh a ni," Ka ti zawi raih. Tu hi nge maw a chhun em em hrep ni?


Ka sawitawh em? Tutor kan lak te reng reng hi a rei berah thla 3 bak hi zuhan daih ngai lo amaw le!


"I fapa hi a fing lutuk Tutor a mamawh lo' emaw 'zawhna, a zirlai ni lo a ngah lutuk" tiin emaw min bânsan daih zel. Tih ngaihna tak pawh hi ka hre tawh lo



"Mom, engvangin nge misualpa thlalak kha i kawl ṭeuh a?"



"Mu tawh rawh Damian," Ka lo ti vat. A ner zui nang nang chu melh rum luiin, "thu i awih loh chuan Mizoramah kan zin lo ang, a chiang tawh em?" A hmui ti pawrh lui vakin, "Ohhh..." Tih a inbengkang a, a zawhna ka chhan loh vanga lungawi zân lo tih hriat takin kawngkhar lam chu kûn lapin a pan chhat chhat, tih ngaihna hre lo zetin ka lu ka thing ve mat mat ringawt


"Mom, vawiinah kan school-ah misualpa kha...." Rawn inherin a ti leh, "Damian," Ka lo ti vat



Ka phone a ri zui zat nen ka fapa chu mu tura tiin ka pickup zui a


"Eva, keimah Hriata, Bryan-a (Mampuii fapa) hi i rawn hruai a ngaih hmel hle mai a. Zanin dar 11 ka flight a ni tawh sia, hun ka nei lo reng reng," Ka pickup rualin arawn ti lang lang



"Khawnge in awm a? A reng reng thu in Mizoramah a chho tawh emaw tia," tih leh room aṭang chuan ka chhuak a


Kan room lam panin, "ka rawn kal ang, i hmanhmawh viau chuan kalsan mai rawh Hriata," Tih leh min chhanna pawh nghak lem lovin phone chu ka off a


Ka fapa ha nawt mek chu bia in, "i U Bryan-a ka va hruai lawk dâwn a nia aw. Lo mu la, rei ka chhuak lovang, i awm thei ang tiraw?" A bu nghat nghat, a chhipa fawp zauhin, "ka rei lo ang," Tih leh ka inher zui nghal


Hriata'n an awmna address min rawn thawn chu en in ka phun sap. Bar-ah te eng nge maw a tih ve ni? A haw tir ngam lo a ni khawp ang!

Car chuan address min rawn thawnna lam chu kan pan nghal a, a hmun ka thlen rualin ka tlan lut nghal


"Puih theihna che ka nei em?" Min be tu chu ka en a


"Ka nau ka rawn zawng a."


Nuisangin, "sawtilai ami saw a ni ang," atih leh a kawhna lam chu ka en vat, "ka lawm e," Tih leh ka pensawn nghal



A bula thlen rualin ka sawi dat dat. Engtia Lalhriata pawh chuan hetianga ruia a siam le?


"Bryan...i harh em?" A rum ṭiah ṭiah. Engvanga tiang em ema rui nge maw a nih le?


"Bry......" Ka tih leh ruala ka hma zawna mipa rawn penlut chuan ka thisen kal lai a ti ding nghal ṭhuap a, ka lungphu a rawn ti rang zui dat dat bawk


"Bryan...." Ka hriat tawk leka tiin rang lutuk chuan ka inher a. Ka lungphu rang lutuk leh sa pup pup avangin mit ka chhing sawk


Eng nge Melbourne-ah hian a tih? Min zawng tak tak chu a ni lo'ng chu maw? Za vak lo leh lungphu zawih zawih chung chuan ka nuilui sak a. A tamthei angber boruak hîp chuan ka thaw chhuak leh ham ham


Kum 6. Kum 6 hnuah pawh hmachhawn turin ka la inpeih loh zia ka hre chhuak thar uar uar mai!



Kan Lal Bryan-a zawk lah harh a tum dêr lo. Dawhkan bawh chungin ka bân ah a rawn pawt dat dat. Hmeichhe hming ni âwm tak a riat ang nawk nawk bawk a, ka hlap hrep dâwn emaw ni? Kan hma zawnah tak Lalrinsanga leh Marco te rawn lut lah chu an ṭhu bawk si!


Engtin nge maw ka tih hrep dâwn chu le??


Ka sira waiter rawn kal chu lo pawt dingin, "minpui thei angem?" Ka ti sa sa


Bu zauhin, "pawnah em ni?" A tih chuan ka bu vat a, rang lutukin kawngkhar lam chu ka pan nghal vuk, min hmu em pawh ka hre hman lo


Car kawngkhar lo hawngin Bryan-a chu a ṭhut luh tir a, lawmthu sawiin car ah ka lut ve vat


Ka thaw chhuak zui ham ham bawk, Bryan-a lam chu hawiin, "minti buai lutuk. Ngaihzawng i ṭhen tih sawi hlek suh angche, ka vaw nasa che a ni mai," Ti tan tan chuan car tinungin ka tlân chhuak nghal


Kawng tluanin Bryan Lalhlimpuia lah chuan hmeichhe hming, hriat hleihtheih si loh a lam nawk nawk lehnghal a, ka nghawk sawk dâwn emaw ni?


Kan apartment kan thlen pawhin engtia han kuah chhuah tur nge pawb ka hre leh ta lo, vanneih thlak zetin security guard mipa a lo awm hlauha minpui tura sawmin, kan unit-floor thleng chuan minpui a, khuma ka mut tir rualin ka thaw chhuak zui kawk kawk, a ritin a lian rapthlak si, thlanfimin min bual nghal zawih zawih mai alawm!



"A rui a ni maw?" Ka inher vat


"I la muhil nange?" Damian-a ner nawng nawng chu ka nuihzui hak


"In bengchheng êm alawm, engtin nge ka mutthilh ang?" Tih leh inherin room lam a pan lehnghal a


Bryan-a blanket sin tirin, ka chhuahsan ve nghal


Room-ah inphihfai mai lo chuan common bathroom ah ka lut zui zat


Ka intifai zo bathroom aṭanga ka chhuah rual a, kan sofa hun pakhat lek chunga ṭhu hmel chuan, thunun tu awm ang maiin min pawt ding dawt



Ka lungphu bawk chu a rawn rang leh dawt dawt nghal. Bar aṭang khan minzui a ni tih lah a chiang reng


Nge ni a, he mihring hian kan nufa chanchin engkim a hre tawh zawk. Harsa ti zet chuan ka chil chu ka lem khalh a


Min hmachhawn zawnga ṭhu, a khup chung ve vea a kiu nghatin, a kut pahnih chu a chelh khawma, a bânah chuan a thisen zâm a lang ṭhuah bawk


"Tunge room ami saw?" Bathroom kawngkhar bulah ka la ding ran, ani pawh ṭhu chungin mitmeng thîp zetin min melh ve ran bawk


"Tu in nge luh tir che," A zawhna chu ka haider hmiah. Chu chuan a ti thinrim zual tih hriat takin ânchhia hi a phuh chhuak hluk a


"Ka zawhna chhang rawh," A ti chang rât


Ka lungphu mawlh hi thawk a harsa tawh lutuk mah mah


Thaw ala deuh hrawk, mit a chhing sawk bawk, chhân ka tum mai mai lo tih leh ka dinna hmun aṭang pensawn ka tum lo tih a hriatna chuan a ti lungawi lo zual


"Lalnunthar, hmeichhia ini tih leh fapa nei tawh ini tih i inhria em?" A aw chu a ring miah lo, mah se a hlauhawm takzet. A tawp lamah min tenna ni âwm tak ri tel chu ka hre hman bawk


"Chhuak rawh," Kawngkhar lam chu ka kawk và," A rawn ding chhuak, ka lam a rawn pan chhat chhat chu engah mah ngai duh lo luiin, dak vahin ka en let ve khar


"Mom..." Damian-a chu rum zetin melh, a kûn zui lap a, ani lo chu kawngkhar hawn tu tur an awm lo reng reng


"I room ah lut rawh," Tih leh ka thaw ka hîp let kawk, min si chêta rawn ding taksa lian tak mai, uap na tak, a taksa lumna pawhin min ur pha ham ham thei chuan ka lei leh lungphu chauh ni lo, ka thisen kal lai thleng hian a thunun ta emaw tih mai tur a ni. Anreh ṭhuapin nia ka hriat


Thaw dep depin ka en chho a, "Tunge i room a mipa saw?" A dam dap. Mahse, a bek leh khabe ruh lawk tak mai pawng ṭawlh ṭawlh ah chuan thinrim a insum hle a ni tih ka hre thei


A ruk thei angbera inbengdaiin, ka nui lui seih a, "ka pasal hual, a tawk em? Zawhna dang ineih tawh loh chuan chhuak rawh. Security ka koh hma in," Ka sawi zawh hma in ka kawngah a kut hrawl zet mai chu hnehsawh lutukin arawn rawl zui zawt


Alama min pawt hnai hrawkin, hnai lutukah chuan min en a, ka thaw ngam tawh lo hrim hrim, ka lungphu ri chu a hre lo a nih leh ka vannei hle tihna a ni tawh mai


"Pasal hual?" A ner zui sawk, a hnarin ka hnar dai lek lekin a rawn kûn hniam a, "ka mitah en in ka tan he i thinlungah hian hmun a awm tawh lo tih sawi rawh," A hmelah chuan nuihza hmel a lang, a inring tawk lutuk chuan ka luhlul leh induh tawkna a chhun ve zak

A awma ka kuta namsawm tumin ka en chho kalh a, "hmun ruak sawi loh, rawn inlan fo lo la kan inhre ṭhin tih pawh ka hre tawh lo zawk," Ka tih let ve ta saka a lo ner sawk


Ka kawnga dawmna a hmer zui salh bawk


"Lalnunthar, i inthlak danglam a ni mahna; Mahse, i mit erawh a ngai reng," Zawi si, fiah si hian a rawn ti rilruih a, ka hmul thi a ding sur sur thei. Mahse, ka danglam tur a ni lo hrim hrim


A mitmu uk fiah kharh mai, rum deuh ûl, pa tak mai chu ka en chho kalh a, ka lungphu erawh a la phu dep dep tho


Ka thawklak buai chu a hria ang tih hläu takin dim thei angberin ka thaw chhuak bawk a


Mahse, ka taksa danglam ta chu, kum 6 liamta ang maiin a hre hnehsawh lutuk tlat. Hnehtu inti tak chuan a thle bak a, mawi leh sexy lutuka vei kiai sukin, a hmui hnuailam a pet zauh bawk


A rawn kûn hniam zual sauh a ka thaw ka lo hîp let kawk, ka thaw chhuak ngam tawh rih lo. Kan inhnaih sa nak alaiin, duh aiin kan inhnaih mah mah, kan incharbet lo chauh alawm


"I chiang maw Evalyn, ka tan eng feelings mah inei tawh lo tih hi?" A nui ri zui suk bawk a. Mit ka chhing sawk, ka thaw chhuak kawk


A nuih a za tulh tulh tih hriat taka nui chhuak hukin, awm hla leh deuh chuan a mitko veilam chu a san zauh bawk a. Ka huat tawk a tling lehpek lutuk!


A ṭawngkam thumal tin leh nui hmel, a thawk dan thleng chuan hnehtu a inti hliah hliahin ka hria


Boruak hip vang vanga, thaw chhuak ham ham chuan ka nui ta säng a, "chiang e Bryan. Nunhlui intih ṭhaih tir a, inham buai reng turin mimawl ka ni ve hleinem," Ka ṭawngkam mei nei tak chu pai a harsa a ti a niang, a rum nghut


Min thlah a, "ka inhambuai tir hauh lo," A ti bul nghut. Ka lo nui ve ta hak thung

"Nimina tina tu che chu kalsan in, vawiin a hmangaihtu che chu vuan rawh' tih hi a awmzia hriat thiam a, thupuia neih a hun iti ve tawh lo em ni? Keichuan, nunhlui chu nunhlui angin ka hre reng ṭhin. Nang ngei pawh chung zingah chuan i tel ve bawk," Nuisang chung si a ka tih leh chu a bek a pawng zui ṭalh ṭalh


Diktak chuan keipawh hian, "nimina thilthleng a ni, nunhlui mai a ni tawh" tiin ka lei hian sawi mah se, ka thinlung chhungril erawhin ka lei hi a phatsan hmiah thung!


"Mom...." Thaw kawkin Damian-a lam chu ka hawi a


"Mu turin ka tih che kha Damian," Bryan-an min la en ve reng avangin ka la dik chiah lo. A ruk chuan ka thaw leh deuh halh ṭhin, "Mah se..." Ti chuai raihin min rawn melh chho ralh


"Damian, 'Mahse' a awm lo, zanin hian buaina i siam tih i inhria em?" Lalrinsanga melh vak chung chuan ka ti leh nghat


"Eva, naupang mai ala nih kha," A lo ti ve hluk chu na zet a melhin, "ka fapa thu ka hrilh laiin pawnlam miin sawi tur i nei lo," Kha zet maia ka tih chuan, "Lalnunthar," A rawn ti chhuak hraih


"Chhuak rawh," Ka lo ti let tuar. Ni e, ka hnaih a piangin ka taksa hian ka rilru leh thinlung ala phatsan fo alawm; Mahse, tleirawl mahni taksa pawh thunun zo lo khawpa hmangaihna in a bual ât ka ni tawh lo!!



"Teuh lo lutuk. Saw mihring nen sawn zanin hian kan mu dun ang. I thei a nih chuan min theh chhuak dâwn nia," Tih leh ka chhanna leh ka thinrim hmel ngaipawimawh lo lutuk chuan, luhlul zetin Bryan-a mutna room lam chu a pan zui pawk pawk a nih chu!!!


A vahan zakthei lo ve chiang tak êm? Au khum nghek turin zan a tlai tawh rapthlak si. Eng thil nge maw a duh teh hrep le?


"Mom, a riak ve dâwn tak tak ami?" Ka fapa chu ka hau a en in, "a â tawh a nih saw," Tih bak sawi tur ka hre tawh lo. Ka thinrim tehreng nen, 1sec lekin engmah sawi tur hre lovin min siam lehnghal dêr chu a nih hi maw!


Room a alut chu kan nufa in kan en zui haw ta ringawt a!



<><><>~><>

Nizanah ads i click ve miah loh kha aw, zanin chu lo click ve tawh la aw

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:18 pm

MR. CAPTAIN S2
<Hello! Stranger>
{My Treasure S3}

[The Unfinished Story]


Chapter < 6 >

EVALYN...POV

< Yes, i do mistake but never repeat it >

^^^^^^^^^^^^^^^


"Mom, misualpa saw kan in ah a riak dâwn tak tak em ni?" Ka fapa in a pa room a lut chu en vung vungin arawn ti nawn leh a



Ka fapa en chhukin, "tu thiam loh nge ni a i hriat?" Ka tih zawh rualin, "hetia min mut tir hi i tum em ni Nephthy?" Lalrinsanga aw kan hre zui zat


Room Kawngkhar bulah kamiz bân pawt chho leh, a kilhna 4 ngawt phelhin, a ding a, a kut lehlamin kawngkhar biang a vuan bawk, a lan ṭhat zia mai chu'h...! A awm inphiar fat mai te chu uluk taka maimit chhing chunga byheart a chakawm alawm le...!


Arghhhh...! A hun lo thei


"I en duhtawk tawh chuan thawmhnaw hakthlak minpe thei tawh angem?" Nuiza insûm tih hriat tak mai a rawn ti leh dût chuan ka harh zawk. Damian-a a lo nui ri hak bawk


Ngei tawka melh vak chuan, "ka nei lo," Ka tih rualin, "Mom, kawr ha mai rawh," Damian-an a lo ti ve zat a


"Damian," Tih leh, "ka inchhung ah hian i mu thei tih ka sawi miah lo, khatianga i mu thei lo a nih leh chhuak rawh," Ti ram leh hmak chuan ka fapa tê zilzel chu kan room-ah ka nawr lut dat dat


Kawngkhar kalh rawk rawkin ka fapa lam hawi chuan ka kuangkuah at a, "Le...! Sawi rawh, engvanga kawngkhar hawnsak nge i nih?" Ka fapa chu ka en chhuk ran


A lei hi min rawn chhuah khum deuh tut a, ka kuangkuah ang chiah a kut kuangkuahin, "i ṭhianpa alawm," A ti vei hmak


"Malsawmhlu, ka ṭhiante inti satliah kawngkhar i hawnsak dâwn lo tih ka hria. Sawi rawh, engvanga kan inchhungah hian hruai lut nge inih?" Kan nufa chuan kan indin chilh ran



A hmui mintih pawrh khum tarhin, "a nih Mom engvanga misualpa thlalak kawl nge inih?" A rawn ti leh khauh, ka dar ka san khum ak, "i Nu ka ni a, puitling zawk ka ni bawk, ka zawhna che chhân chu itih tur a ni," Ka ti chu a awih loh hmel nasa ngang mai, "ka mut a chhuak, naktuk school-ah intihsiakna kan nei dâwn a, ka mu dawn, Goodnight Mom," Tih leh inherin khumah chuan min lawnsan daih a nih chu! Zawt eng ang mah ila, min chhang dâwn lo tih ka hria


An pafa hian ka thusawi hi an hre lo der nge ni a, engahmah min ngai lo zawk?


"Malsawmhlu...!" Ṭawng ring hläu si chuan Sehchilh zetin ka ti leh, ka din lohna lam hawiin blanket-in a inkhuh zui hmak bawk


Boruak ka hip kawk, "pa siar, pa siar, luhlul si, fing si, a hunah lah inzakthei lo rapthlak si," Thinrim zet chuan mahni a insawh deuh nghawng nghawngin ka ti chhuak hmiar hmiar a


"Mom, eng nge i sawi?" A rawn hawi chhuak leh chu khuma lawn kaiin, ka lamah ka pawt hnai a, "tun a chinah ka awm loh emaw, ka hriat loh emaw in tumah kawngkhar hawn tawh suh ang che. I hrethiam em?" Ka melh zawk, nui sun suna bu nghatin min rawn kuah nghet sat sat bawk a



Ka fapa mutthilh hnu pawhin ka la muhil ve thei dêr lo. Kawngkhar lam chu ka melh leh ṭhin. Single room, Damian-a tana siam single khum, 5ft lek a sei ah engtin tak mut dun tum ang maw?

Eng nge a duh reng reng ni? Engvanga kan nuna rawn inlan ta thut leh mi tibuai nge a nih ka hrethiam lo a ni
.
.
.
"I mu thei nange?" Ka phu nasa lutuk chu ka per dawrh, ka tui in ka hâk zui bawrh bawrh bawk


Ka hnungzangah rawn chul a tum chu ka lo vaisawn vat, a rum deuh nghut a, la khuh deuh bawrh bawrh chungin, "eng nge i duh?" Ka ti chhuak ṭuak, ka mittui a tling zui pam bawk



Kiai deuh suk chuan a mit ko veilam chu a ti che zauh a, "nang leh...." A tawp dat, ka hmui hru faiin ka en chho zui kar


"Nang leh i fapa," A tih zawm sup chu ka meng kawk. Mahse, ka insiam ṭha vat thung


"Eng maw i sawi?" A thusawi chu ka hre lo a ni miah lo. Kum 6 lai a liam tawh, kum 6 hnu ah pawh ka lak aṭang hian eng nge a la duh cheu ni?


Ka ngei tawk lek tur hian a nui ri suk a, "sawi nawn leh tura min duh te chuan," Ti zawi supin a rawn pen hnai hret a, ka lo tawlh sawn vat

"Nang leh i fapa," A tih nawn lehna zawng, engthil nge he mihring hian a tum tih ka hming ka chian tluk zetin ka chiang ta thung


"Phuba lak ila duh a nih chuan ka chungah ila dâwn nia. Mahse, ka sawi tawh kha, ka fapa sawitel suh," Damdap mai, engtiklai pawha a cho na hmachhawn ngam reng chung si chuan ka ti let a


Ka ṭawngkamin nge ka awmdan hahdam taka lang chuan ti thinrim ka hre lo, ka inrin hma in ka dar tawn tawnah a rawn chelh a, na zeta hmerin, min thung zui nawk nawk bawk, min thing nasa lutuk chu ka thlarau a thing chhuak ta daih emaw tih mai tur a ni. Ka ni hûih thei...!


"Ngaithla rawh Lalnunthar, kum 6 liamta khan thil ka tisual tih ka hria mah se, ka thiltih sual ka ti sual nawn tawh ngai lo. Nang leh i fapa ka duh ka tih chuan ka nei ngei bawk dâwn che u," Ring si lo, khauh leh nghet charh maiin a ti chhur chhur a, min thinna lu hai deuh muai muaiin ka en chho hau



Min dawmna chu a thlah deuh thut a, ka pai deuh khat khat, "mahse, innawr luihna a tel tawh lo ang," Thaw chhuak ham hamin a ti leh zat


A mizia a ka huat em em leh Damian-an a chhun ka duh loh em em chu anthu chauh hi dik leh ni tura an ngai hi a ni


Ka lungphu rang hman viau mah se ka sawi tawh kha, tleirawl mahni taksa leh ngaihtuahna thunun zo lo ka ni tawh lo tih..!


Lalrinsanga inring tawk lutuk hmelṭha zet mai chu khabe poh vaha en chho in, "Nul, kum 22 lek a upa, a tihsual ni miah lova a nihna, a mize diktak hloh leh theihnghilh ṭhak khawpa hmangaihna avanga tuar ṭhin hmeichhia kha ka ni tawh lo Lalrinsang. I duh i sawi a, i ti a, i neih ang khan ka chunga tih tum tawh suh," Ṭawng rin leh naupang tih harh hlau tak si chuan ka ti chhuak ve khar khar


Ka thusawi chu ngaithla ang pawhin a awm leh duh tawh lo, dawhkana no chu la in tui a thli chhuak a, a lem zui khalh khalh, a bek pawng ṭawlh ṭawlh leh khabe ruh lawk tak mai pawng lian zet, kut lehlam nghet taka hum ruhah chuan ka ṭawngkam chu a haw hle tih erawh ka hre thung



Mitmeng dur khup maia ka lam rawn hawiin, "i inthlak tih ka hria alawm," A ti zawi sup.


Ni e ka inthlak, chutiang bawkin Lalrinsanga pawh, tharum hmanga che buan buan ṭhin kha a ni ta lo. Kan danglam ve ve. A ni lo'm ni?



Ka room lam chu ka hawi a, hmel chang rût leh mitmeng na taka min en tu haider luiin, "Nu, fapa kum 5 mi neia khawvel mahni chauha hmachhawn leh do let ngam ka ni hi. A dik, ka mize ngai mai ni lo, ka neih ngai miah loh thlenga nei ka ni tawh bawk. Kan danglam, nang leh kei, chuvangin nanga phuba lakna mai mai nih ka tum tawh lo," Chiang zet leh kha zet mai, cho ar maia ka tih chuan a thaw ri hrawih, a tukkhum sam chu a tuai deuh puat bawk a


Phun hlukin, "i ngaihdan atthlak zet kha paihbo ang che Evalyn," Ning tih hriat taka ti hlukin ka inrin hma bawkin ka lama rawn pen hnai chuan ka chhipah a fawp zauh, meng kawkin, ka khawng nghal awt thei



A chetdan teh thut chuan min ṭhawng lutuk a, thawk chhuah nachang pawh ka hre tawh lo


"Mu tawh rawh. A tlai tawh hle si a," Min ngaihtuahna ni âwmtak ri tel chunga tih leh min kal pelin room lam a pan zat



Keierawh chetna chang pawh ka hre tawh lo hrim hrim, ka thaw chhuak tawh rih lo a ni mah zawk. Ka chhipah a fawp a nih chu...!

Ka lungphu ri dup dup leh sana puiin zinglam dar 4 ri ti hriat tirnan a, vawi 4 sava arawn hrâm tir chu, ṭum dang zawng aiin a ring hle bawk



"Ate.." Ka thaw chhuak kawk, harh chhuak hlawl ang maiin ka sira rawn ding Bryan-a (Hlimpuia) chu ka en chho vut a



"Tunge mipa saw?" Tiin tui thli chhuakin a in zui khawlh khawlh, room lam melhin, ka mitthla ah ka chhip a fawh lai chu rang zet hian arawn lang, ka thaw chhuak leh hak, ka lungphu sawi loh ka kawchhung a ti sa hat hat thei nia maw le



"Ate..." Ka en chho leh vat


"Ka hmel hriat satliah mai mai. Nizan a i ruih chhan kan sawi dâwn em niang?" Ka mit ko ka sän zui ak


Ka lungphu leh ngaihtuahna erawh ala buai chiai chiai reng tho


"Khawvar hunah, zing dar 4 chauh a nih hi." Za vak lova ṭhen chunga a tih chuan, ka lo nui hak, "tunge Sasha chu?" Fiam pah chuan zawitein ka sawi a


"Ate, i ho emai a," Ti thum bul chungin ka darah chelhin kan room lamah min nawr kal dat dat

"Dark circles inei a nia, mu tam rawh," Tih leh kawngkhar bul thleng min nawr a


"Sofa ah sawn ka mu mai ang," A tih zawm sup, ka hnial ta lem lo, mipa puitling pahnih room te lutuk a meng kur maia mut dun chu a nuam vakin ka ring law

.
.
.

"Morning Mom..." Dining table ah chuan ka ding dawt


An pafa chuan breakfast an lo ei a nih chu...!

"Rawn ṭhu rawh ve nghal la," Ala ti ta deuh deuh. Mikhual zawk lehnghal, zakthei lo ham ham ve

A reng rengin engtik laiin Damian-a hian a lo ngainat em em?


"Ila chhuak na nge? Khawnge i U?" Ka hawi kual nghal



"Nephthy, breakfast ei phawt rawh," Ka zawhna chhang lovin a ṭhutna aṭangin a rawn tho, ka bânah chelhin chair pawt chhuak chuan min nam ṭhu dat



"Mom, heihi i siam aiin a tui," Damian-a tê zik zek pawh hi, Lalrinsanga hi haw rawh se, beng chaw a dawng leh dâwn chiang alawm..!


"I ei tur ei zo la school kal turin inpeih ang che," Tih leh thawh ka tum ka darah Lalrinsanga'n mi lo nam ṭhu leh zat chu, a kut ka dar aṭanga vai thla in ka ding chhuak vat



"Min rawn zui rawh," Melh vak pah a tih leh kawngkharpui lam ka pan


A rawn chhuah rualin, kuangkuah fel at chuan, "eng nge i duh Lalrinsang?"


"I hria alawm," Awlsam zet chuan a ti sup


Ka huat tawk hi a tling lutuk, ani infiamna a tel hman kan ni lo


"Haw la rawn let tawh suh, kan nufa nunah hian rawn inrawlh tum ve tawh suh ang che. Keimah niin min nun tir rawh, i infiamna leh i phuba lakna emaw engpawh nise ka pawisa lo, kan nun ata hi ka bo rawh," Ka ti ta thlawt


Nizan aṭangin ka thusawi pakhatmah a bengkhawn duh lova, min ngaipawimawh lo pawh a ni lo, ka thusawi te chu hrethiam ang leh hria ang pawha a awm ngai lo chuan minti thinrim hlur


"Phuba kha sawi ve sek suh," A ning leh tawh tih hriat tak hian a rawn ti hluk a


Ka lo ner nawk, "a chhan i hre chiangber alawm," Ti let leh hmakin ka inher a, kawngkhar ka hawng zui zat, a mitmeng a natna ni âwm tak lang kha ka hmu hman mah se ka hmu sual a nih ka ring mah zawk


Nat chhan tur a nei hauh lo, na tur chu keimah hi ka ni. Ka nunhlui ka in umphak tir avang hrim hrim pawh hian..!

~~~~~

AIZAWL, MIZORAM
< Lengpui Airport >


"Ka ngai lutuk em em che in," Mimii'n min kuah vawng vawng


"Ka ngai fe che," Kuah letin ka ti ve bawk a, a pasal neih hma, kum hmasaa kan inhmuh bak inhmuh leh a awm tawh lo, keini lah Mizoram zin chhoh a awm si lo, ani lah pasal a neih hnu ah a zin thei tawh bik si lova. Henry-a erawh show vel neia hmun dang dang zin chhuak reng tih takah kan in hmu zing viau thung!


"Ahhh.. Miriami chu a va lian tawh ve," Ka in lak hran rualin a fanu cute zet chu ka ban nghal a, min lo duh ve mai bawk


"A va mak ve! A vawikhat hmuhna ah tumah a duh ngai si lova," U Ruata, Mimii pasalin a lo ti vat, a biang a tawk zauhin, "Phone-ah min hmu zinga min duh a nih hi. A dik em bawihte?" A nui sen sen, kum 1 ala tling lo deuh, lawm lah chu a hre em em khawp



"Mom ka mut a chhuak e," Ka malah rawn kuahin min nek ṭalh ṭalh, a chau viau ang, nimin piah khan Melbourne aṭangin Mumbai kan pan a, nizanah Mumbai aṭangin Mizoram kan pan lehnghal a nia, chawlhna hun kan nei lo hrim hrim



"Ni e, a chau viau ang, Daddy car lo va la chhuak la," Mimii'n anpa a tir zat


U Ruata pensawn tur chu a ding leh dat, keini pawh kan hawi nghal suau, Security guards an rawn tlan khawm khup khup


"Eng nge thleng a?" Mimii'n arawn ti haw, keini pawh chu a ngaihna hre lo zetin kan hawi â hûih tho


"Ka pu eng nge thleng a?" Security guard pakhat tar ve lampang lo pawt dingin Mimii chuan a lo zawt a



"Airport hi lock down tura thupek kan ni," A tih rualin ka hawi na lamah Marco hmel chiang lutukin ka hmu nghal, ka hawisawn vat. "Lalrinsang, i thiltih a ni tih min hrilh hlek suh," Ka rilru in ka ti zui nghal hlak a


"Mimi kan chhuah vat a ngai," Ka awm a nuam lo, Marco hmel ka hmuh vang a ni ang


"Tumah chhuah anphal hmel loh e! Engthil nge maw thleng le?" A ti zui nang nang


"Lalrinsanga thiltih niin ka hria," Ka ti zawi sap chu awih loh leh rin har tih hmel zet hian Mimii chuan min rawn en haw a. Ka lo bu zauh, ka hnunglam chu ka mitmei zui zauh bawk a


"Awi!! Mizoram i rap dek dek a, a hre nghal amaw? Melbourne-ah a ni lo'm ni ala awm?" A ti deuh hluai

"Ka hre lo, Marco min rawn hmuh hmaa kan chhuah a ngai," Tih leh ka pensawn nghal hlawk hlawk


"Ka fapa hi damdawiin ka thlenpui vat a ngai," Security-in min lo dang, khualzin thleng ve dang ho pawh an thinrim an ṭawng nuaih nuaih


"Police call mai ang u," Ti tawk an awm bawk


"Kan fapa hi he hmunah a thi a nih chuan a mawh i phur ang," kan hmaa ding security palian tak mai chu Mimii'n chho en vah chung chuan a vin hrawk, Damian-a chu a pawm zui nawlh bawk a. Ka fapa lah â lo, Mimii chu a lo kuah zui ve chial bawk a


U Ruata nen in en in a rukin kan lo khi ṭhu ringawt a


Security chuan min en kual, Marco lah min rawn hnaih tulh tulh lehnghal, "kal mai rawh u," A tih rualin chak lutukin an thir hungna chu ka kal pel nghal a, Mimii te nupa leh Damian-an min rawn zui ve bawk


"Car senah khan," Mimii'n a tih rualin U Ruata'n a rawn hawng a, ka thu lut zui zat


"Awii Lalrinsanga em em chu aw! Eng nge a duh a?" Mimii rawn ṭhu lutin a ti hlak hlak, a fanu ka pawm chu a rawn ban zui a, Damian-a ka malah arawn lawn zui zat. A chau ngang a niang ṭawng pawh a ṭawng peih lo, nidang nise zawhna a ngah dawn tehreng nen



"I rawn tlanbo sanah a ngai a ni lo'ng maw ani hi?" Kan tlân chhuah rualin nui zui kur kur paha a tih chuan za vak lo hian ka nui a


"Tlansan turin inzawmna nei tawh lo pui chu maw le," Ka ti tak nâ in, kan tlansan chu a ni tawh ber e, kan In aṭanga a haw tukah Mumbai kan pan nghal a nia



"Eva, Damian-a Pa chanchin kan sawi ta sa sa, engtik nge hrilh i tum?" Thutak zawka Mimii'n arawn tih chuan ka âwm a bei chial mai, muhil thaw sek sek ka fapa chu en in a sam chu ka chul a, "hrilh ka tum lo," Ka ti sep. Ka ti tak tak bawk, Lalrinsanga mizia en in, a hria a nih chuan thinrim vang hrim hrim leh min huat vang hrim hrim pawhin min chuhpui lo ang tih tunge sawi thei


Tetei vangin min haw so bawrh bawrh a, tunah a fapa ka hring a ni tih a hria a nih ngat chuan, huatna zawng zawng nen naupang pawisawi lo a tina tel duh mai ang



"Chutiang tur a ni ngai lo a nia. Bryan-a mizia en phei chuan a lawm viau zawk mai thei a sin. Bakah, dawt hi chu a maha ding turin kê a nei lova, dawt dang a ngai zel. Damian-a hi a rawn lian chho ang a, Pa ala mamawhin hriat ala chak tulh tulh dâwn. Damian-a ngat phei chu, naupang dang ang lo tak maiin a fing em em a, amaha a zawn chhuah hma in hrilh la a fuh zawkin ka ring," U Ruata'n car khalh pah chuan a rawn ti ve duah


Mimii'n pawmpui tih hriat taka bu nghat nghatin, "a dik chiah. Bakah, Bryan-a Nu leh Pa te pawh an la dam ve a, hetia an tu hmasaber leh neih chhun ni rih i thuhruk tlat chuan an hriat hunah an läwm lo nasa zawk ang. Chuhpui i hläu tih chu hre tho mah ila, anmahni a an hriat chuan an lungawi lo hian an chuhpui zawk lo ang che tih pawh a sawi theih miah loh a nia," Mimii pawhin a tui hnih ve leh duah tho


An thusawi chu dik lo pakhatmah a awm lo mah se, ka fapa hi Pâ nunhlui theihnghilh thei lo neih tir ka tum miah lo. Tetei naupai vang pawhin Damian-a hi a ti na ve duh mai lo ang tih ka sawi thei tlat lo a tin ni. Kei ngei pawh kha ti khawp khan minti na si a!!


"Floria Hotel-ah min dah mai rawh aw U Ruat," Ka ngawih tak vang vang hnu ah ka tih chuan na nupa in an rawn hawi vat


"A awihawmloh lutuk emai a. Kan In ah in awm ang, room i book pawhin cancel rawh. Ti awm ang lo e Lalnunthar," Mimii chu a ang zui hlak hlak


"Engah nge maw min ngaih le?" A ti zui hlak hlak bawk a


"Nia maw le, ka Pi pawhin a nghakhlel lutuk che u a," U Ruata'n annu ang tan tan nui ṭhû a en chunga a tih chuan za vak lo leh inthiam chiah lo hian ka ṭhen ve ta sak


Midang anni miah chuang lo nâ in, naupang nena han tihbuai kha ka hreh deuh a tin ni

.
.
.
.


Ni a kal a, kar a liam ve leh ta, Lalrinsanga erawh a reh hmiah, Aizawl hi a lian viau nge, a tira a chhungte hmuh thut pawh ka hlauh nen, tumah ka la hmu lo. An company building leh dawr vel erawh hêl ka tum hram hram ṭhin



Aizawl khaw chhungah ringawt pawh building an lo hung thleh thuah tawh lehnghal a. Mi zawng zawng chungah an lêng ta emaw tih mai turin an chanchin sawi ka hriat chin apiangah an zah em em hlawm lehnghal!



"Damian tlân suh, i tlu ang," Phone hmang pah chuan Damian-a chu ka hau pah, Civil-ah in entirin kan nufa in kan kal a, Taxi lah chu rinai takin a vang. Thlaihnah lei haw ka duh bawk nen, kan tlai zo dâwn


"Mr. Yee, email kha i en tawh ang chu tiraw. In duhdan a nih loh chuan min hrilh leh ula, in duhdan rawn sawi ula, ka lo siam rem dâwn nia. A nih loh chuan Room chu kan zo fel a, bathroom lam kan ti ve tawh dawn nia," Ka tih mawlh mawlh laiin motor ri tuar leh hmeichhe ṭê tuar ka hre zui nghal


Ka thlang kawngpui sira Damian-a tu emawin a lo kuahbeh ka hmuh rualin ka phone chu leiah paihin ka tlân hnaih nghal dawr dawr a


"Damian, Damian," An rawn ṭhu chhuak, Bryan-a hmel ka hmuh chuan ka meng kawk



"Mom..."


Ka hläu lutuk chu ka lungphu a rawn phu chhuak lo chauh, "khawilai nge i sawh? Kawngpuiah infiam lo tur che in ka hrilh che kha," Ka kut a khur nghal dar dar, ka aw thleng chuan a khur chhuak lo chauh


"I fapa ngaihsak lovin engtin nge phone i hman san theih?" Min dem aw lek lek a Lalrinsanga'n a rawn tih chuan mittui tling pama melh chho vakin, "ka fapa nunna i chhan avangin ka lawm. Mahse, engmah i hriat loh chuan ngawi hmak rawh," Ka hlauh lutuk leh thinrim, mahni inthiam chuang bik si lo nen chuan, ka aw chhuak te chu a khur chhuak ta dar dar mai


Nghet takin ka fapa chu ka kuahbet a, ka lungphu phu dup dup chu keimah pawhin ka hre thei


"In ṭha em?" Driver ni ngei turin a rawn tih chuan ka ngaihsak hman lo


Lalrinsanga zawkin, "kan ṭha e, kan thiam loh a nih kha," A lo ti sup


Ka fapa khup leh kiu pilh phung mai en chuan mittui tla lek lekin, "damdawiin ah kal ang," Tih leh ka pawm a


Lalrinsanga erawh vawikhat pawh ka melh leh tawh lo, ngawi rengin min zui tih erawh ka hre thung


"A la nâ em?" Ka fapa khup leh kiu an tuam en chung chuan ka ti leh sap thin. Ka hlau lutuk kha ka awm pawh ala nuam lo. Ka thlarau ka taksa ah an rawn la lut kim lo pawh a ni mahná. Nge ni a, kawngkharbula min nghak ve rûn tu vang zawkin ka la khur zawk ni?



A kut tereuhte in ka samah rawn chûlin, "ka ti hlau che em ni Mom. Mahse, ka na tawh lo a nia," A nui zui sen sen. Ka fapa fing leh inla puitling lutuk en chungin ka ṭah nuih ta hak


"A tlangval lutuk alawm. Mummy zawk hi ṭah i lo hman reng a," Nui sen sen a nurse-in arawn tih chuan, nurse en a ṭah nuih reng chungin, "a nâ viau lo tiraw?" Ka ti leh hrâm, nurse chu nui hak hak chungin, "Golden Blood type a nei alawm, RH null te chuan nâ antuar thei lutuk. Ni lo’m ni?” Nurse-in a tih rualin rang lutukin Bryan-a lam ka hawi chho



A hmel chu a danglam eih lo, a thim ngaiin a thim khup a, a mitmengah pawh engmah a lang hek lo. Nge ni a, a fapa a ni tih rin ngaihna a hre lo zawk emaw, rin a duh lo zawk pawh emaw pawh a ni mai thei


Ka fapa chuan a khat tawkin ka sam chu arawn chul leh zauh ṭhin, min thlamuan a tum ve nasa. A kut la in ka fawp zauh a, "khatiang khan i tlân tawh lo ang tih min tiam rawh," A bu zui nghauh nghauh. "Promise," A ti sep bawk



"Pawm i duh em?" A lu a thing rang lutuk, ka kut arawn chelh zui zat bawk


Nui chunga dingin, ka hnunglamah mit khap lêk lova min en ngur tu lam chu ka hawi pui a, a hmel rum ûl leh ṭo ruah haw tur ang maia dur khup mai chu pangai thei angbera hmachhawn ka duh, ka tum nasa viau bawk!



A taksa lian zet mai chu hmuh loh der tum eng ang mah ila, hmuhloh der chu har ve tak a ni


A Smart pants hak mar lek lek, a bawp lang phiar ṭha zet chuan a ti lang sei zual a, a kut leh lamin kekawr ipte a zen ap, Rolex sana lawk tak a bun chuan a ti lang puiin, a ti nelawmloh zual takzet bawk!



"Min rawn zui rawh u," A ti nghut. A aw ah chuan engmah a lang lo. Zawhna emaw han hriat chian duhna pawh. Mahse, a hmel angchiahin, a aw pawh a nelawm chuang miah lo. Ka zui dâwn lo tih hria ni âwm takin, hnial a duh loh zia lah min inhersan vut danah a lang reng bawk



Ngaihsak loh hmel taka min pensawn san pawk pawk chu en chungin ka thaw chhuak ta hawk a, "Eva, hahdam rawh. Damian-a hi tunge a nih a hre lo. A hre ngai dâwn lo," Ka phun zui sep sep.


Pangai taka ka awm lo a nih chuan min man chhuak ngei dâwn tih kha a mitmu uk leh fiah tak mai, dur khup leh fing zetah khan alang chiang ropui mai si a!



Ka fapa en chhukin, harsa tak chuan ka nuihlui a, "ka pawm dâwn che em niang?" Ka ti leh, a pên zawnga a nat ka hläu ve bawk si, ani lah pawmlam hi a duh der lo, inla puitling khup bawk sia, a hahthlak ṭhin



"Keimahin ka kal thei Mom," Tih leh min pawt zui dat, Damian-a khúpna nen chuan muangchangin kan pen ve beuh beuh a, diktak chuan min lo nghak peih lo sela, tlân haw daih se ka duh takzet. Ka rilru in ka ṭawngṭai ru mawlh mawlh bawk


Hospital kawt kan thlen chuan kan zawnah Bolero dum lian tak chungah a lo ṭhu vâng tawh


"Rawn lut rawh u,"Thupe zet chuan a ti leh nghut, a nelawm loh ren run si, hetiang car te neih, a hmel rorum sa nak alaiin, a ti lang thap zual


"Tihluihna min hman tir suh Lalnunthar," Ka chetsawn mai loh avangin a rawn ti leh khur khur, aw ki chu a vin emaw a säng eih si lova, mi thunun dan leh thupek dan a thiam em em te chu ka ngei hluah hluah



"Mom ka ke hi ana ṭep," Damian-an ka kut sawi dat data arawn tih takah chuan Lalrinsakawlha dinna lam chu ka pan a


A seat hnunglam kawngkhar ka hawn rualin, "i driver ka ni lo, a hmaah rawn ṭhu rawh," Zawi si fiah tak si chuan a rawn ti leh, ka ngei tawk a tling em em khawp a, Damian-a chu awm lo se chuan ka chuang aw kawngka lo ang maw le..!


Na zeta kawngkhar khar ri dawtin, driver seat bul Kawngkhar chu ka hawng sawk, ka ṭhu lut hmasa, Damian-a ka malah a rawn ṭhu mai dâwn emaw tih laiin seat hnunglam a pan daih chu ka ngei ru viau. He mihring nena inzawn taka ṭhut pawh hi ka duh der lo


Kawng tluanin tumah kan ṭawng lo, Damian-a erawh phone a khawih malh malh thung


Bolero lian tak mai chhung chu boruak a tlem viau mai, a khat tawkin steering nghet taka chelh, a pawi ka sawi palh ang a, min vai sawk mai ang tih hlauhawm khawpa hmel dur mipa chu ka melh leh zauh ṭhin. Ani erawh a motor khalh ah chiah a rilru a pe emaw tih turin hma lam a en ngur thung


Car chu a ding dat a, rang lutukin seat belt ka phelh rawk rawk. Ka bânah arawn chelh thut chu ka phu dawrh, a rum nghut


Damian-a lam hawiin, "Damian, i Nu Mimii te In ah lo han chho hmasa rawh, i Nu hi biak lawk ka duh," Ka fapa pawh chu a bu ve nghat a, engtia Lalrinsanga thusawi awih ta em em nge maw a nih le? Min tihna a hläu lo emaw ni?


Min vawnna chu thlahin, Damian-a chhuah fel rualin, "engvanga tlanbo leh nge inih?" A rawn ti sup


A aw ah chuan thinrimna emaw pawh alang leh tawh lo, a dam dup. Mahse, a ngaihnat awm miah chuang loh


Ka kut chu ka mal inkarah ka hum khawm ngar ngar a, ka thaw dep dep bawk

"Tlanbo a ni lo. Ka ramah ka fapa ka zinpui mai a ni," Pangai taka lan ka duh, ka lang em tih phei chu ka hre law

Ka lan lah ka inring hek lo


A rawn nui ri suk, tih elna a ang mah zawk, "i tlanbo lo," ngeiawm lam lek lek hian a ti a, ka lama rawn hawiin a nersawk bawk


"A nih chuan engtikah nge fapa ka nei tih min hrilh i tum?" A mitmu uk fiah tak mai, mit khur thûk lam lek lek, fing tak mai chuan min en kalh, ka chil ka lem khawlh, ka thaw ka hîp let kawk bawk


Ka kut chu a ai nghetin ka suihzawm a, ka lungphu rang zual ta dawt dawt chu a hriat hläu zetin, a ruk chuan ka in bengdai. Mahse, a mit alak sawn miah loh avangin thawk ngaihna a awm lo. Mit ka chhing sawk



"Zawhna ka zawt che," Aw ki hniam tak, chhan loh ngam si loh chuan a rawn ti leh



A awmdan cool raih ah chuan mi mawl ber pawhin, fapa a nei tih tunhnai maia hria a ni lo tih an hre ngei ang chu..!



"Lalnunthar..." Ka kâ ka chip tlat chu a dawh theihna a pel tih hriat tak hian a rawn ti ta hluk a, ka lamah a rawn awn hnai zui hrut bawk


Lo ip chawihin, "ka fapa a ni. Ka fapa chauh. I fapa ni lovin," Ka aw chu a khur chhuak lek lek, ka ṭan lutuk na lamah ka bek te chu ana kham ut ut bawk



Min rawn hnaih leh hrut a, seat hnung chu ṭang zetin ka tkasa chuan ka nawrbet, mit zîmsan a min en chunga inla hrang thut chuan seat ah ṭhu thla datin, "chhuak rawh," A ti bul nghut


Ka en haw. Minti hamhaih lutuk , "chhuak rawh ka tih chu.." Min rawn en zawk, a hawisawn lehnghal


A awmdan chuan ka chhungril hi a chhun vawng vawng, a fapa a ni tih hrereng chungin a haider a. Tunah a hria tih ka hria a, a mitmeng emaw a hmel, ṭawngkam khatah tal pawh a ngaihven a ni tih alan tir lohna chuan min chhun ngut ngut


Ka mittui rawn hnâm ṭiam ṭiam chu a rawn luang chhuak mai ang tih hläu zetin, ka theih ang a rangin kawngkhar chu ka hawng rawk rawk a. Ka zuang chhuak a ni hrim


Lei ka rah fel rual, car kawngkhar pawh ka khar fel hma in Lalrinsanga chu chak lutuk hian a tlân chhuak zui vuk a, ka dinna hmun lei ah chuan ka ṭhu thla hnawk, ka biang a rawn lum thla pup bawk a


Tlân liam ta Bolero lian leh nalh tak mai chu mittui vanga khaw hmuh phe ruaiin ka en zui vawng vawng a


Ka lo ngaih ve dân atthlak lutuk, a fapa tih a hria a nih chuan min chuhpui ve eih emaw ka rinna te atthlak leh mawl zia ka hriatna chuan min vit sawk sawk a ni ber


Mihring anihna ah alakah beisei ka lo ti säng lutuk te pawh a ni mahnâ.

Ni e, a thinlungah engtin nge kei leh ka fapa hian hmun chhetê tal pawh kan chan ka rin hrep ni?

A thiam loh ni lovin, beiseina leh rindan ka neihsan avangin ka thiam loh, keima thiam loh vek zawk a ni...!


A nunah, a thinlungah chuan Tetei leh a fa thi ta bakin hmun an chang lo. Kum 6 hnuah pawh, hmangaihna vanga ka la ât em em zia min hriat nawn tir a nih hi...!



<><><><><>~><>



NOTE : Inthlahrung tawkin inmi hriatthiamna ka mamawh leh🙈min hrethiam leh rawh u🙈naktuk hi Public holiday a nia, part time turin min rawnbe hlauh mai a, veng 2-ah hna ka nei dawn a, naktuk chu ka lo dah hman lo ang, Tuesday aṭang erawhin ka regu leh ang aw❤️)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)