My Treasure S3 : The Unfinished Story by Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: My Treasure S3 : The Unfinished Story by Floria Laldansangi (Completed)

Unread post by Ngaia » August 29th, 2021, 2:18 pm

MR. CAPTAIN S2
<Hello! Stranger>
{My Treasure S3}

[The Unfinished Story]
By
Floria Laldansangi


Chapter < 7 >

< Ka tum nge ruh Sa ruh >


BRYAN....POV
^ Melbourne, 11 Rivervale Link ^


Bar aṭang chuan Evalyn-i te chu ka zui chhuak a, khawilam nge kha zu rui kha a panpui dâwn tih leh, a pawimawhber "tu phiangsen nge a ni?" Tih ka hriat ngei a ṭul


An apartment ka thlen chuan security in luh phal lovin min lo dang, "Hello, visitor innei a," Security-in Evalyn-i te call a a hrilh chuan phone chu min rawn pe


"Keimah," Ka ti nghut


"Tunge nangmah chu," Ka fapa in a rawn ti lang lang, ka kiai suk a. A nu chunga ka lungawi loh rukna chawp chilhin a reh nghal hmak


"Keimah i Pa...." Ka ti zet, ka fapa rilru ka tibuai dâwna ka hriat leh avangin, "a ṭhianpa," Ka ti ta zawk a


"Engtin nge ka rintheih ang che, evidence inei em?"


"Eng nge i duh?"


A ngawih deuh vang vang hnu ah, "ka Mom pian nî leh thla, kum pawh tiamin," A rawn ti ta khauh


Ka nui ri suk, a nu ang chiaha fing a ni. A fing mah mah


"19**, 4th of April."


"Ok, a dik e. Misualpa," A rawn tih chuan ka rum nghut. Tunge ka nih a hre sa tih ka hriat mai bakah, ka fapa min hriat dan chu ka duh hauh lo bawk



"Bryan Lalrinsanga, theihnghilh tawh suh Bryan Lalrinsanga ka ni," Chiang zeta ka tih chuan, "whatever..." Tih leh phone chu a dah ri zui khap, ka rum leh nghut. Lalnunthari hian engthil teh hrep nge maw a fapa a zirtir ni?

.
.
.
.

Single khum 5ft vel leka sei ah tleirawl zu rui mu chu kawng dawmin ka thlir deuh vung vung



He tleirawl chatthla hi "ka pasal hual" a ti a nih kha..!


A thusawi kha ringse minti chu a ni êm lo'ng chu maw?


Nephthy ni ngei tur, dining table lama ri rak rak ka hriat chuan ka pensawn a, naupang chatthla ke lawr deuh zuar pawh chu ka pal deuh sawk bawk


Ka nupui leh ka fapa hmaa ding chu tupawh ni rawh se, ka pal tlang theih loh chhan tur a awm lo


Evalyn-i mita natna leh hlauhthawnna chu eng chiah nge a nih ka hre hauh lo. Ka hriat erawh kum 6 liamta ah khan kir leh a hläu takzet tih leh Tetei ka hmangaih ah a ngai hmiah chu a ni!



< Aizawl, Mizoram >


"Engtia tih nge i tum? I aiawhin Marco lah chuan a ru hlawh tling si lova?" Nui tuh tuh chunga ka nau Ivan-an a rawn tih chuan ka lo rum nghut ringawt



Melbourne aṭangin Mizoram an pan a ni tih ka hriat meuh chuan a tlai lutuk tawh, khati teh thut khan an chhuahsan ka ring pha lo hrim hrim


"Kan tupa han duhawm zia hi. Ka sawi kha, ka vawikhat hmuhna ah khan Bryan-a hmel leh nungchang ka hmu tel tlat a ni," Damian-a thlalak en chuan ka Nu in ka Pa lam hawiin a ti deuh hluai


"Engtia hmalak nge i tum?" Ka Pa in a rawn ti ve ta nge nge. Damian-a chanchin ka sawi hnu ah a vawikhat ṭawng chhuahna a ni


Ka khup chung ve ve ah ka kiu chu nghatin, ka tukkhum lamah ka kut chu suih zawmin ka kûn deuh vang vang a



"Nupui atan ka nei ang," Ka ti chhuak sup


"A nei duh lo che a, a tlansan, a tlansan che hi le..! Kum 6 chhung i tawrh kha a tawk tawh em em lo em ni U? Bakah, i fa a hring a, kan lak aṭangin a thukru a, kum 6 tehmeuh mai, dân angin khing dâwn pawh ni ila kan chak em em ang," Alice-in arawn ti hlak hlak


"Mambawih lo ngawi rawh," Ka nu in a lo ti hlak


"A duh emaw duh lo emaw ka nei dawn. Ka fapa vang a ni lo, a hma aṭanga ka tum tawh a ni. Ruk a ngai a nih pawhin ka ru chhuak mai ang. Mizo danah nupui ruk te chu a thiang alawm le," Nghet charha dak chhuak paha ka tih chuan ka Nu leh Pa an lo bu nghat nghat. Annuih erash a zat hmel viau thung.

Nia, an fapa a tawp thlenga a din ngaia dinh ṭhin hian duh thlan tur ka nei tlem ta lua a ni. Ruk chhuah ringawt pawh chu a tlawm thlak viau tawh



"A ṭha, i thu thlukna engpawh nise kan pawmpui che. Chutih rualin Eva rilru i hriat hmasak angai. A laka i chet tawhdan ngaihtuah la, ring leh emaw hmangaih leh tur che chuan kum tel pawh a ngai mai thei a nia. I thei meuh ang maw?" Ka nu in a rawn ti a


"Engpawh nise keichu nupaa insiam tur êm che u chuan ka la duh chuang lo. " Alice-i bawkin a rawn ti leh



"A hma ang khan buaina i siam belh thei tawh lo a nia. Rilru fim takin eng nge i duh tih ngaihtuah la. Tin, tihluihna emaw Evalyn-i ti hläu tur zawng phei chuan engthilmah ti tawh suh ang che. I fapa a hring a ni tih thupbo duh tur khawpin i siam tih theihnghilh reng reng bawk suh," Ka Nu chuan a rawn ti leh dap dap. Ka lo bu nghat, ka dawhtheihna zawng zawng nen bul ka ṭan chuan ka hre ve



"Lion, kan tupa hmu turin kan kal dâwn em niang?" Ka nu chuan ka Pa lam chu a hawi vat a



"Kan hria tih pawh anla hriat loh chu."



"A rukin alawm kan en dâwn. An hre dâwn hleinem," Ka nu chuan a ti leh hrâm, ka Pa chuan a lu thin khup mat matin, "a theih loh tih pawhin ka thu i zawm dâwn chuang si lova," Ka pa chuan ti supin a nui zui sun sun


"Zawm dâwn nang," Ka Nu lah chuan nui chunga ti awlsam etin, "naktukah kan va thlithlai dâwn nia," A tih zawm zat



"Damian-a a awm hunah kan naute piang hi tur han theihnghilh nâ teh u, inchak lo khawp ang," Alice-in a ṭhutna aṭanga tho paha a tih chuan, "duatpui loh i hlauh vang a ni maw, ka U in hruailuh a tih pawh i lo duh reng reng loh ni," Ivan-an a lo fiam leh zauh


Kan lo nui huk hlawm chu a duh lo nasa khawp lehnghal a!


“Ka tum nge ruh Sa ruh' tih a nih kha. Mipa i ni a, i tihsual siamṭha turin i dawhthei a ngai a ni mai," Ka Pa in a rawn ti niah niah

Ka bu nghat, a sawi dik a ni


"I Pa angin i fapa chhuanlam ah hman tumve kher lo la," Ka nu in a lo fiam ve zauh


"Engtik laiin nge ka hman?" Ka Nu lam chu a hawi


"Bryson-a damdawiin awm tur i rawn pawm haw ringawt kha a," A lo tih vat chuan a rum deuh nghut a, "naupang bula sawi chi pawh a ni lo," A tih rualin




"Darkar tam fe ruahsur hnuai ah ka Nu ngaihdam diliin a ding zui bawk a," Bryson-a rawn lutin kan ṭawng hre pha tih hriat taka nui vur vur chunga arawn tih luh chuan kan lo nui huk huk hlawm. Keimah tak phei chuan ka hre ve lo an thusawi hi

.
.
.
.

"Motor a tam si a, Eva sawn kaih tur a nia," Car aṭangin ka Nu chuan a ti leh ṭhin


Eng nge maw Lalnunthari sawn a tih hrep ni?


Car aṭang chuan ka chhuak a, Damian-a te nufa dinna lam chu ka pan phei, car rawn tlân leh Damian-a kawngpui tlân chu a inrual, Damian-a lamah chuan ka thlawk phei a ni ber


Kawng sira ka tlukpui chuan a taksa khur dar dar chu ka hriat hmasakber a ni


Evalyn-i lah hlau, mittui tling pamin a fapa chu a hau pah mawlh mawlh a


Naupang thiam loh ni lovin a thiam loh a nih hi. A Fapa ngaihsak lova phone a hmang ka hau chu a duh lo em em lehnghal a!



Nurse-in a fapa hliam a enkual leh tihfai lai te chuan a kut khur nasa lutuk chu dawm a, chelhsak duh mah ila, naupang hmaah inhauhna bak ka siam chhuak dâwn lo tih ka hriat avangin ka kekawr ipte zen chuan ka inhum ruh ngar


A khat tawkin a nat leh nat loh a zawt deuh sek bawk a


Nurse-in Damian-a blood type a sawilai a hmel te chu, hmuh thiang lo hmu ang maiin min rawn en chho, kei erawh pangai takin ka lo awm thung, chu chuan a ti ralmuang em tih phei chu ka hre hran law..!


Ka fapa a nih thu engtia rei nge thup a tum tih ka zawhlaia a taksa danglam te, a hmui thlenga rawn khur chhuak te chu haider sak ka tum a, chu erawh harsa tak a ni


Kuah a, a fapa hi alak aṭangin ṭhen hran ka tum reng reng lo tih hrilh ka duh. Mahse, saw a mitmeng dum fîm tle ral mai, fiah takah sawn min hlauhna nasa tak ka hmuh avangin, ka insum theihna hlohin kut ka thawh mai ka hläu a ni


Car aṭanga a chhuah rualin chak takin ka tlân chhuak a, leia lungchhe vàn kaia ṭhu thla a a ṭap leh min en zui te chu ka hmu reng


Ka chhungrilah mahni inhuatna in ka khat a, hmeichhe thinlung thianghlim leh huaisen tak ṭhin kha, keihian ka ti kehchhia in, rinna leh beiseina awm tawh lohna thinlung ah ka chhuah a ni tih ka mit ngeiin ka hmu a ni


A mitmeng khan ka thluak a ti buai, eng kawng nge zawh a, engtia hmalak tur nge minti hre lo a ni. Nge ni a, ka tumna hian ka hmeichhe hmangaih ka hriat miah lohvin ka ti na leh zawk??


<><>~>~>

EVALYN...POV

< birthday party >


"Lalpa!!! Ilo harh ta maw?" Lu na bura ka men chhuah rualin ka fapa hmel hnai taka hmu in, Mimii leh U ruata hmel ka hmu zui zat



Ṭhut chhuah tuma ka inbeng kâng chu min lo pui vat a, Damian-an min rawn nek zui ṭalh ṭalh


"Mom, mi sualpa khan a ti na leh che em ni?" A khabe ka âwm a nghat chungin a rawn dak chho kiu, lo nuih seih a, a sam tuai mam sak pahin, "na lo ve; ka chau deuh mai chauh a nia," Tih leh Mimii te lam hawiin, "Hriata a haw tawh em ni?" Ka ti sep


Ka hriat zawng chu Bryan-a car aṭanga chhuakin leia ka ṭhu sawp Hriata'n min rawn kuah tho in Inlam min panpui kha a ni, nachhawkna eiin ka muhil zui a ni ngei ang



"Zan dar 10 a pel tawh alawm. I mu rei ang reng sia, damdawiin ah hruai che kan lo rilruk tawh zawk a," Mimii'n tih leh, "Mummy, Damian-a kha zanriah ala ei lo a nia, a nghak che a nih kha," U Ruata'n a lo ti zawi sup


Ka fapa chu en vatin, "i ril a ṭam em?" Ka ti zui vat



Bu nghatin, "mom nang teh," Tih leh inla hrangin, "i Lu a na tawh miah lo em ni?" A kut tereuhte chuan ka chal a rawn dek ngei bawk a, ka lo nuih hak, "na ka nei tawh lo, tirawh le chaw ei ang," Tih leh lu la hai deuh muai muai chung chuan ka fapa chu ka pawm chhuak a

.
.
.

"Lalrinsanga chuan eng thu nge a sawi a?" Kan chaw eina bula Mimii rawn ṭhu chuan a rawn ti hlak


Damian-a ka melh zauh a, "eng vakmah a sawi lo," Ka ti sep ringawt a, Damian-a hriat laia a Pa chanchin chhe lam emaw ṭha lam emaw sawi vak hi ka duh lo. A fing si a, amah hian ngaihdan hi a lo nei fel thlap ṭhin nen


Damian-a chu a mut a chhuak ngang a niang, a chaw ei pawh a chhing leh diar diar ṭhin, "ei zo vatla kai mu dâwn nia," Tih leh a thleng a chaw chu lak ṭhensak in, "Hriata khan a birthday party kha a sawiin ka hria," Mimii phone hmet mawlh mawlh chu ka en



Bu nghatin, "telpui ve ngei turin a duh che kha, a hnathar neih lawmna ni pah fawmin," A tih laiin ka fapa chu dawhkanah a lu a rawn nghat ri deuh bur



Ka phu zawk, alam ka hawi chu a chaw thlengah a hmai pumin a muhil sek sek nia maw le!

Mimii nen in en in kan nui hak, U Ruata room aṭangin thawm hriain a rawn chhuak ve bawk

Nui ṭhû chuan, "Daddy lova mut mai rawh," Mimii'n a lo ti a. A chhuak ngang a niang, hetiang hian a awm ngai si lova

"A chau a niang, tlai aṭang khan engmah a ei duh lova, a khup nâ damdawi kan hnawihsak dâwn te khan i bulah a ṭhu tlat a," Mimii'n room lam en vang vang paha a tih chuan ka nui seih, malsawmna diktak a ni



"Bryan-a chuan a hre tawh a," Ka chaw thleng seng pahin ka ti sep


"Maw...?" Ring lutuk hian a rawn ti ṭhawt, room lam en in, "Damian-a chungchang maw?" Zawi tak si chuan a tih zawm leh a


Dawhkan sengfelin ka bu nghat


"Eng nge a sawi? Laksak che a tum em?" Dil chhut lutuka a rawn tih chuan thleng sil pahin za vak lo hian ka nui a



Ka mitthla ah Lalrinsanga hmel chiang lutukin hian a rawn lang. A mitmeng leh a che vel zawng zawng khan kei sawi loh, a fapa ngei pawh a mamawh loh zia a lang chiang lutuk khan, ka lungphu zawn hi a vit leh thîp vawng vawng mai



"Ev..." Ka bulah a rawn ding, ka chak lohna ti lang tu ka mittui bawk chu a rawn hnai leh kuar mai, chunglam melh ngar ngarin ka khap let zek zek a


Ka chil chu lem sak deuh ṭalhin, "a pawm lo a niang," Ka ti thâwp sap, ka aw chu a chhuak chang chang a ni



"I ṭha em?" A rawn ti leh, mit vai ruai a thleng chu silin, "kan lo beisei sang lutuk a nia nge Mi," Mit hnawm chap chuan ka ṭhiannu lam chu ka hawi a


Min rilru natpui tih hriat taka ka dara chulin, "pawi ti reng reng suh, hei leh chen a buaipuina tel lo pawhin in nufa hian inkhawsa alawm le, a hria kha a ṭha a, a ngaihsak loh leh, a buaina leh duhthlanna a nih tawh chu," Dam dap mai leh min hnem tum takah a tih chuan hrawkna ṭun hian ka bu nghat nghat




A sawi dik a ni, tunah chuan a hre tawh bawk a, thuruk leh zep ruk ka neih a ṭul tawh lo. Mahse, ka tlakna a säng hret a ni. Kum 6 liamtaa beiseina ka neih na tlâng ngeiah khan ka hriat miah lohvin ka lawn a, ka tum aiin ka läwn säng a nia nge..!

.
.
.

"Mom, Pute Hriata alo thleng tawh a nia," Damian-a phur lutuk chu room kawngkhar bulah dingin mi lo tur sek



"A mak, i hman tawh vanga min tur sek le," Tih leh ka kawrfual hak chu pawt chho deuh tawrhin pearl sandal dum flat chu ka bun a

"Kal rawh le," tih leh ka sam, ka dar chen leka sei, ngil zawi hniang mai tuai mam thuak thuakin, "Nu (Mimii Nu) kan kal a nia," Tih leh Damian-an, "Api kan kal a nia," A lo ti ve zat



Mimii te nupa an kal hmasa, Hriata'n min rawn lam, kalpeih viau lo nâ in, Hriata ngei a rawn lan tak si ah chuan tlai hnu hnawhah kan han insiam ve leh a


Mimii'n kawrfual ka hak tur a dah chhuah lah chu duh aiin ka awm alang zau mah mah, shoulder off hi hak loh hrâm ka duh ṭhin nen..!


"Fimkhur ula aw, Eva i khua kha a sik leh ang e," Kan chhuak tawh chu a rawn au lang lang. Ka U Leah ang mai kha a ni


Mimii Pa hian kum 3 liamta khan a boralsan a, ti hian Mimii nen an awm deuh tawp, U Ruata lah mipa ṭha laileng tih takah makpa chhungkhung nih a hre lo, an inneih hnu pawhin ti hian an awmpui tawp mai a




"A khaih! Nula emaw ka ti dâwn che alawm, i rawn êng lutuk a," Ka luhna tur kawngkhar a lo hawng


"Euu Mannnn," Damian-a nen an in high 5 zeuh, "happy birthday Pute," Damian-an a ti vat


"Ka lawm e, nuam iti dawn lutuk, i rualpui an tam," Rawn ṭhu lut paha Hriata'n a tih phei chuan Damian-a chu phur tawh tak a ni



"Khawnge nula chu?" Car tinung in a tlan chhuak a


Rawn hawi zawkin, "i hmu dâwn alawm," A nui sun sun. A bialnu neih a inti thei bawk a, eng ang hmeichhia nge tih minti hre chak ve takzet


Car chu a ding dat, khua pawh unau hmel hai hunlai vel a ni tawh. Zanlam party hi chu ka ngaina viau lo takzet. Bakah, naupang nen phei chuan a buaithlak lehzual hi ka tia



"Lova lut hmasa rawh," Damian-a thawmhnaw sawi siam sak pahian Hriata anrawn kohna lam hawiin ka ti vat


"Cake zai a hun tawh a niang, rawn lut rawh u," A ti ve mai


Ka fapa sam kir deuh chhap mai chu tuaiin, "harh loh tur, ai upa hnial loh tur. I dik emaw dik lo emaw ai upa annih chuan ngawih chuh tur, i hrethiam em?" A bu nghat nghat


Nuiin a chala fawp zauh chuan, "lut rawh le, i Nu Mimii a lo thinrim leh tawh ang," Tih leh a mawngah ka beng taih



Ka din chhuah rualin mitmeng dir khup maia min en tu avangin ka thaw ka hîp let kawk. Ani erawhin mit la sawn lek lovin min en lehnghal run thung. Duh aiin kan inhmu zing dâwn tlata ka hriat ni!



"Hi! Ka cousin sawi ṭhin Eva chu ini ang maw?" Aw no nalh tak mai hmeichhia, inti neitu taka Lalrinsanga bân chelhtu chu ka en a. A hmel leh pian chu nalh tak a ni. Uluk tak maia ker mawi te pawh a ang zawk mah alawm tih turin a nalh


A hnute kawh lah mai leh kawng fek rat mai, mal mum nalh tak te, a pawimawh ber, a vun no nalh tak mai chuan a ti lang duhawm zual takzet bawk


Lalrinsanga min enna haider luih hrâm tumin ka nui lui ngial a, awl erawh a awlsam lo teh e



"Ka ni aniang, Evalyn-i ka nia," Pangai taka ka ti chhuak chu a rukin lawmthu ka sawi mawlh mawlh

"Fiona, first cousin kan nia. I chanchin ka hre hnem khawp mai," Tih leh Bryan-a ding ngawi ngul mai, min hmuh tirh aṭanga mit la la sawn eih lo chu a melh chho ralh bawk, a ner deuh sawk bawk. Khaw thim deuh tawh nen ka hmu sual zawk pawh a ni mai thei


"Damian lova lut rawh, Fiona nangpawh," Lalrinsanga'n ti bul nghutin, "min rawn zui rawh," Tih leh ka inrin hma in ka bânah a rawn chelh. Ka dinna a hla thawkhat ve viau in ka hria a nia, a bân sei zia ka hre chhuak, tal chhuah theih miah loh hian a man chat a, nghet tak a ni



"Mom..." Damian-an min rawn zui a tum chu, "lova lut rawh Bawihte," Min pawt kal dawr dawr chungin ka ti hman ṭawk. Fiona a tih nula hmelṭhai lah chuan thinrim leh rilru nat hmel zetin min lo en ve bawk a. Eng nge maw a hriat teh hrep ni he mihring hian...! Hmeichhe dang a kalpui tih a theihnghilh zawk emaw ni?


A car-ah hnawh luh mintum chu ka duh bik der lo, ka lo in nam khalh ve bawk a


"Lalnunthar," Ring miah si loh hian, nin hmel zet hian a ti hluk


Thinrim ngei lutukin, "Lalrinsang.." Ka lo ti let ve hlar chu thaw hawkin alam hawiin min kuai her a, ka dar a vawnna kut ka lo paih thla vat, a hnar a tum dat



"Eng nge hetah itih?" Tih leh uluk mang tara in, min x-ray ta emaw tih tur khawpa uluk hian ka chhip aṭangin min en thla a, ka lo mur er er thei


"Ka duha ka kal a ni mai," Ti let hlar chuan ka kut hian kan inhup bet ve tak nâ in, a hmu tlang pawh a ni tawp si lova


"I kawr hak te chu'h" ti leh sup hian off shoulder, ti mawi tu atana a bah ka dara liamthla chu a rawn pawt chho deuh sawk a


Keilah sual thiam, "khawih suh," Ti hhlarin ka tuai thla ve leh ngat


"Nawhchizuar i ni lo," Ti bul supin a coat hak chu a phelh a, min rawn hak tir tumin a rawn che hrut, na zeta a awma nam chuan ka kal pel, "a dik nawhchizuar ka ni lo. Chuvangin lo inrawlh ve tawh suh," Chang zeta tih leh pên sawn ka tum

Min pawt let nawk, thaw ri hraih hian, "ka dawhtheihna enchhin tum fo suh Nephthy," Harsa tih hmel tak leh thinrim insum tih hriat tak hian a ṭawng a sehchilh deuh bap bap bawk



Min vawnna phelh sak tumin a kut chu ka ham vel nâ in hma ka sawn lo viau



"Eng inzawmna nge inneih?" A rawn ti leh khur khur. A aw erawh a dam ta duap lo khawp mai


"Eng chungchang nge i sawi ka hre lo. Min thlah rawh," Ka melh vak


"Ka sawi awmzia i hre khawp mai," Nin hmel zeta ti hluk hian min rawn din hnaih a, tawlh sawn ka tum chu kei aiin a che rang daih, ka kawngah hneh sawh lutuk a chelh hian, ka tukkhum ah a dawm zui a, min kuai dak deuh awrhin, ka rin loh lam lutukin a hmui in ka hmui a chil zui hmiah bawk


Na zet mai, inhremna ni awm fahrana na thîp vawng vawnga min fawp chuan min keih buan buan a


Ka talh laih laih, ka chum a, ka sik bawk, nâ ti awm pawha awm chu sawi loh, min fawhna leh min dawmna a ti nghetin, a lei ka kâ chhungah a hawl lut thuk sauh lehnghal



Sual let eng ang mah ila ka hneh dâwn lo tih ka hriat avangin, min fawp ngawng ngawng tu chu ka dawh mawl tawp

Chutia ka thah ka thlah a hriat veleh min fawh dan chu thlakin, dimtê leh ngên ngawl zet mai hian min fawp vawng vawng a, zei tak maia a lei hmanga ka kâ chhung fang kual chuan, ka hmui hnuailam chu a fawp zui dek dek bawk


Fawp let lo turin nghet takin ka inhum ruh, ka fawp let a nih chuan nawhchizuar a sawi ang lek kha ka ni dâwn tih ka chhungril khawi emaw lai aṭang hian a rawn ri chang chang



A hmui la sawn miah si lo chuan a chawl dat a, a thawk lak rang ta sauh leh chil lem ri khalh te chu hre chiang tak ka ni

Keimah ang chiahin tih danglamin a awm tih ka hre thei, "Nephthy..." Ti supin min thawk khum ham ham a


Kan hmui ala indai sa ham ham reng bawk


Ka thaw ṭha ngam lova, a dim thei ang ber leh ka danglamna thup tum ngar chungin, "i duhtawk i hmuh tawh chuan min thlah tawh rawh," Ka ti chhuak ṭawk


Ka aw a khur chhuak lo chu ka lawm takzet. Ka kaw chhung erawh vawt ti si lovin a khur der der thung


"Eng maw?" A aw ri a hamhaih na chu ka hai mawlh lo


Keimah chu inla hrangin, "i lungawi tawh ang chu maw?" Engah mah ngai lo ang chuan lan luih ka tum tlat a, ka hmui hnawm chap mai chu ka tuai fai zui tawk a, ka thlanfim erawh rawn bawl ṭiam ṭiamin, ka hrawk a ro halh bawk


Za vak lo hian a rawn nui hul hak, beidawn na a ang mah zawk


A chhip sam chu a tuai deuh puat a, "a ṭha e, i duh a ni tiraw. Hriata saw i mipa sawi kha a ni em?" A aw ri chu ka hrethiam lo, thikna nge ni a mak tihna


"Chu erawh ka buaina a ni," Tih leh ka inher, "i buaina ah chuan buai ta tlat ila," Min rawn din chilh leh tawh, ka kut rawn banin, tihluihna tel miah lo, dimtê si hian a pahnihin a hmer deuh vang vang a, mitmeng hriat thiam harzet hian min en deuh vang vang bawk


Ka inhnial buaina ta langah, khua pawh a lo thim viau tawh, pawn light in Lalrinsanga hmai chu a chhun eng chiang viau thung



Ka en chho a, "eng nge i duh diktak hi ka hre lo mah se kum 6 liamta, ka tel ve lohna khawvel i hman ang khan hmang rawh. Keipawhin chu chu ka duh, ka sawi tawh kha ka nunah mipa dang an awm tih," Tih leh min vawnna dah thlak sakin inchhung lam chu ring khawng at in ka pan zui hlawk hlawk a



Min enzui a ni tih hriat takin ka tukkhum leh hnungzang a za mer mer thung


Inchhung ka luh rualin an lo ri hut, "Eva," Mimii min lo kohna lam chu ka pan a, Fiona a tih hmeichhe hmelṭha-in min kal pel pah chuan melh na zet hian min melh bawk. Sawi lo mah se Lalrinsanga kha a duh tih ka hmu thei. Ka lawmpui bawk, an inhmeh mah mah a ni


Mimii bul ka thlen rualin, "cake an zai zo deuh chiah, khawnge i kal? Ohhh, heihi Hriata ṭhiannu, a chhuan em em chu a nih hi. Mawimawii," A lo ti nghal



Chibai pahin, "Eva ka nia, inti thei tur pawh a lo nih hi a," Nuisanga tih leh, hawi kualin, "Lalrinsanga nen kan inbia. Khawnge Damian-a?" Mimii chu ka en a



"Hriata U fate nen an inzui kha," Mawimawii'n a lo ti vat, "a fing em em lehnghal a," A tih zawm zat chuan ka nui ringawt, eng emaw a lo ti leh hman a ni khawp ang



"Hriata khuan min ko, ka zu kal lawk ang e," Mawimawii'n a tih chuan bu nghatin, "nakinah kan inkawm dâwn nia, birthday neitu khu zu ti läwm rawh," Ka fiam zauh, laih hmel zet hian a nui sun sun. Tleirawltê a nih ka ring, a zahzum hmel em em lehnghal a


"Eng nge a sawi leh pek a Lalrinchhekawia chuan, arawn kal ve pawh ka rin loh nen," Mimii'n, Mawimawii kalsawn rualin arawn ti awlsam et. A hresa emaw ni


Ka melh zui ram ram, "Ti khan min en suh, social media ah tunlai chu Fiona nen anlar riau a, chuvang zawk," A ti ve leh mai, mango juice chu ban in minpe ve nghal


Kan thlang lam deuh, lam tual atana an hmanna hmun ni âwm tak aṭang chuan ri a rawn chhuak huk, hmeichhe ṭê ri hian a zui zat bawk a


Mimii nen kan hawi thla vat, chiang taka ka hmuh chu Lalrinsanga'n Hriata kawr âwmah hneh sawh lutuka ṭham a, a hnek sawk chu a ni


Ka dinna aṭangin chak mang kheng hian ka tlan thla, ka chetlai ka hre lo hrim hrim zawk


"Lalrinsanga.." Ka ti thla tuar bawk a


Tawp tumlo tih hriat zet hian a hnek nawn leh sawk sawk


“Engthil nge itih, LALRINSANG..??" A bul ka thlen rualin ka au ṭhawt, hnek leh tuma a tin uaih chu ka lamah mit sen râm leh thaw hrawih hrawih chung chuan hian arawn hawi a. Midang pah chuan min rawn hual zui ṭhap



Bryan-an a kawr âwma ṭham chunga, a hnuai lama kam sir thî leh mitko kak duai chunga Hriata'n min rawn en na lam chu mangang lutuka en lehin, Bryan chu nek sawn nawkin, Hriata bulah ka ṭhu hniam rawk rawk bawk


"I ṭha em? Ka... Ka.. Ka tihpalh...." Ka ti bah nawk nawk, "i ṭha em?" Ka tih leh ruai laiin ka bânrekah rawn chelhin min phih tho nawk a



"Min thlah rang rawh," Ka ti zui tuar bawk


A mit sen alh hum hum leh thaw lak ri ring ṭha tak mai chu khurh zawih zawihna tham a ni


"Hreptak che hian Evalyn. I mipa hian hmeichhe dang a fawp tih i hria em?" A ti khur khur. A aw ki erawh a sang maih lo chu a mak ka ti


"I buai loh tawpna tur a nih chu," Kha zeta tih leh ka inher a, min pawt her leh sawk


Na taka thing thla in, "i Sakawlh kut hian min khawih tawh suh," Ka ti leh tuar


A mitmu sen dur hum maiah chuan natna ni âwmtak ka hmu zuai. Rei erawh a ni law


A tukkhum sam chu a tuai puata, "he mipa hian a hmangaih lo che Evalyn," A rawn ti leh hluk. A thusawi chu hrethiamse minti in, thil awmdan chu manse minti tih a aw ki hniam ruih leh bul nghut si ah chuan alang chiang viau bawk



Ka lungphu zawn chu a rawn sa veng veng. Ani pawhin min hmangaih chuang hleinem.


Za vak lo chuan ka nui hul haka, Mawimawii'n kut khur dar dar leh mittui parawl puau chunga Hriata a buaipuina lam melh zawkin, Bryan-a thinrim insum hmai sen mar ṭang mai en lehin, alamah ka pen hnai hret a, "Lalrinsang mipa zawng zawng hi nangmah ang vek anni lo. Phuba laknan leh an hmeichhe hmangaih hmunruak luahtu atan leh, nunhlui hrutmam nan hmeichhe dang an hman kher angai lo," Kha tak leh natna a khat a ti chhuakin, ka ner khum leh sawk a


Na taka melhin Hriata rawn ding chhuak chu ka lo pui ve vat bawk. Thaw hrawih hrawih chunga Bryan-an min en chhur chhur chu hmu in, ka taksa hian hre reng mah se ka haider luih a, he ka taksa, ka taah hi chuan thuneih tir leh nghawng neih tir ka duh tawh miau loh avangin, pangai taka ka lan theihnan ka inseh ruh ngar ngar bawk



Mahse, ka tumna leh duhdan erawh ka taksa hian a phatsan hneh viau thung, ka tukkhum leh ka hnungzang za mer mer hian ala feel tlat a ni!


<><><><><>

#Hey you, ads click loh tawh awih aw, lo click ve ngei ngei tawh rawh, i fel em kha



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:18 pm

MR. CAPTAIN S2
<Hello! Stranger>
{My Treasure S3}

[The Unfinished Story]
By
Floria Laldansangi


Chapter < 8 >


EVALYN...POV



"Damdawiin i panpui mai ang u," Ka ti chul tawh, a mitko lah chu a kak thui bawk si, a mitmu a khawih thleng ang a, a mit a del phah ang tih hlauhawm khawp a ni, a hnar thi lah chu a tawp thei ta lo emaw tih mai tur a ni lehnghal


Mawimawii'n kut khur beuh beuh chuan a buaipui a, keimah tak phei chu inthiam lohna leh hlauhthawnna in minla tuam tlat avangin ka che ṭha thei dêr lo


Kan buaina ah Hriata ka hnuk lut chu ka inchhir ngawih ngawih, zahna leh inthiam lohna vanga pil bo vang vang theih chu nise ka dina hmunah hian pil vawng vawng mai a nia ka nap ni..!


"Awmsawn teh u, khawi keiman ka lo buaipui ang e," Fiona tih hmeichhia chu a rawn lut a, lapua leh pemthar damdawiin nen hnehsawh zet hian a rawn che zung zung


"Engmah pawi tur a awm lo hlauthawng suh u. I mitko erawh ṭhui ve deuh a ngai dâwn a. Hetah ṭhui sak tur che a min duh chuan nâ i tawrh angai ang a, i duh loh leh hospital pan a ngai," Fiona chuan a ti zung zung



"Hlauthawng suh, nurse a nih hi, 'hlauhthawnna tur a awm lo' a tih chuan a dik ang," Mimii'n min rawn kuah pahin ka beng bulah a rawn ti sa sa



Ka thaw chhuak ve ta ham ham, ka insan mar zia ka hre chhuak chiah bawk


"Eva inthiam lo duh suh, ka ṭha mai ang, Mawimawii hian hospital ah chuan minzui sela, nangni naupawm ah haw hmasa rawh u," Hmai leh a kawr hak laia thisen kai luai chung chuan a rawn nui sen vur vur




"A chi nang, ka zui angche u," Ka ti ngial nâ in, a duh miau si lova, tih ngaihna dang awm hek lo


Fiona erawhin vawikhat pawh min melh ta eih lo, Lalrinsanga pui ren run kha khawnge maw a awm hrep ni?



"Mom tinge misualpa kha a sual viau le?" Damian-an min rawn en kar chunga a tih chuan sawi mai tur pawh ka hre lo. A pa thinrim hmel a hmu, hläu lutuk kha ralkhat aṭangin ka hmu reng

"Naupang antam si a zia lo tak tak a ni zanin Bryan-a chetdan chu," Mimii'n a ran ti ve hlak bawk



Mit ka lo chhing sawk a, thaw ka la zui kawk bawk, Lalrinsanga hi ka hrethiam ngai dâwn lo takzet a ni. Engvanga khati teh hrepa Hriata kutthlak nge maw a nih hrep ni? Tleirawl tha za rual pawh a ni tawh lova; thinrim hleka kut thawh chin hi a naupang chhia takzet bawk..!


"Thikthu niin ka hre lo zanin Bryan-a chetdan chu," U Ruata'n a rawn ti khauh. Annu nen chuan kan in en deuh haw a


Miriam-i hnute pe pahin ka lam rawn hawi ṭha sauh sauhin, "ni e, zanin a thusawi kha eng nge awmzia, Hriata khan a hmangaih lo che te kha a ti ang nuaih a," Mimii'n hriat chak fe hian min rawn en


Damian-a chu ka melh zauh, a lo muhil leh bam tawh, "mipa dang ka neih thu ka sawi," Ka tih rualin, "nangpawh chu aw.! In vahan chhah dun tak Lalrinsanga mizia en pawhin mipa dang sawina chi pawh a nia maw ni le," A rawn ti hlar. Ni e, Hriata ber kher ka hmang te kha ka inchhirna hian vàn a tawng rum rum maj


"Bryan-a ṭawngkam ah kha chuan i nat leh a hläu a nih ber kha. A lo tihnat tawhna che leh i nat tawhna a hria a, mipa dangin an bum che a, an tihna che a hlau a nih kha," U Ruata bawkin a rawn ti leh



"Eng nge zanin hi i hriat a, a nau te nen in inkawm avang ngawtin Lalrinsanga lam i ṭang ngawt ang e," Annu chuan a lo ti hlak


U Ruata chu a nui huk a, annu melh zauhin, "thudik alawm ka sawi ni Mummy. Ka hmuhdan che u chuan, pakhat lahin tihsual hläu, pakhat lahin beiseina neih sual hlau, inhlauh rukna ve ve in inthinlung a thu awm a sawi chhuah tir thei lo che u a nih kha. Bryan-a pawh hian tihnat leh che a hläu hle tih a hmuh theih," A rawn ti leh duat


Ṭhenkhat ah chuan a thusawi dikna chin a awm khawp ang


"Ni e, i thil tawn tawh avangin hlauhthawnna leh rinhlelhna in i khat tawh tih hriatpui tho che mah ila, a chang chuan risk kan lâk ve te hi a ngai a nia. Bakah, vawikhat chance pek phu lo mihring kan awmin ka hre lo. Zanin a, Bryan-a hmel kha en har ka ti reuh, Hriata kan buaipui laia a ding ngur kha ka en zui reng a, kan haw dawn te khan car aṭangin kan lam a rawn hawi vung vung mai," Mimii'n a rawn ti ve siam siam bawk..!


Ni e, a hma anga nat leh, beidawnna ruama luh leh kha ka hläu êm a tin ni!

.
.
.
.

Inchhung kan luh ruala ka hmel hmuh chuan minti ding dat, "Nu Maya..." Ka ti zui sep bawk


Bryan-a nu leh pa lo ṭhu run chuan minti hamhaih lek lek



"A muhil tawh em ni?" Ka pawmlai Damian-a en chuan Pa Nathan-an a rawn ti sup, "a tâl chau deuh a niang, ka'n mut phawt ang e," Tih leh an rawn lang deuh thut mak ti ru tak chung chuan room lam ka pan a, "eng nge anrawn tih ang? Damian-a hi min chuhpui antum a ni êm lo'ng maw?" Tihin ka rilru a luah nghal dêr

<><>~>


BRYAN....POV





"Khai a Bawiha lehh!! Internet i mawi hneh khawp mai aw," Ka dara rawn beng thuk thukin ka sirah a rawn ṭhu thla a, ka lo rum nghut


Whisky no a hmaa nawr hnai in, "ngawi reng khan ṭhu rawh," Ka ti sup chu nui hukin, "kha, han in en ve reng reng teh," Tih leh ka hmaah hian a phone chu a rawn nawr hnai a, ka melh zawk, Hriata ka sawisa lai video an lo cover hman leh pek a



"Thikthu i pek chhiatdan hi a tleirawl zia emai, hmeichhia in kan läwm teh chiam lo a nia," Rinhlui'n anpa sirah ṭhu thla pahin a rawn tih chuan annui zui kur kur



"Thikthu lam a ni lo," Ka ti bul sup a, ka thik hauh lo, mipa dang a neih thu a sawi khan rilru na lo leh pawisa lo ka ni hauh lo bawk. Ka tihnat tawh zia ka ngaihtuah letin mipa dang lakah a hlim a nih chuan pawm ka tum mai chauh a ni


Mahse, Hriata'n a bum ang a ka hmuh khan, ka rilru a awm zawng chu Evalyn-i rilru leh thinlung keimah ang a ati nâ a nih chuan a dinna hmuna phumbo nghal bak ka ngaihtuah hman lo hrim hrim


"Thikthu a ni lo, thlavang hauh a nih saw," La nui tuh tuh chungin a phone la let chuan, "a tihnat ang a Hriata'n a tihnat ve a hlauh vangin tleirawl thaza ang maiin a che leh ta buan buan a," Inti hre fe a tih leh a whisky chu a tlak zui pap



Ka lo thaw chhuak ham ham, a sawidik viau mai, ka hlauhber chu hmangaihna ring ngam tawh lo khawpa thinlung beidawnga a awm a ni. Mahse, chu erawh keimah ngeiin ka thlen tir tawh si a



"In awmdan hi keichu ka peih loh zawng tak. Pakhatin tihnat leh i hlauh avangin i duh danin i che ngam lova; pakhat lahin nat leh beidawnna bak hmuh leh a hlauh luatah amah a inveng ngar ngar bawk a. Chapo leh chapo, luhlul leh luhlul, hlauh ngah lutuk thinlung pu chunga in inhmangaih vang a nih kha," Rinhlui'n a rawn ti duah, za vak lo hian ka lo nui suk thung


"Ka nupui thusawi hi engtik lai pawhin a right a, left chang awm mah se a right tho," Fiamthu in nui huk hukin Eden-an a rawn ti vat, annu in a dara beng taihin, "There are two golden rules. Rule no. 1 : wife is always right. Rule no.2 : when you feel that your wife is wrong. Slap yourself and read rule no.1 again' antih kha," Nui zui kur kura a tih chuan Eden-a nen kan nui chhuak huk


"I lo hria maw Bawiha, 'slap yourself and read rule no.1 again. A thlavang i la hauh fuh lo zui bawk a," Za tak chuan a nui chhuak hawk hawk, keipawh chu nui chung chuan ka whisky chu ka tlak zui a. Nephthy thusawi ah ka at huai a tin ni. Hriata ai mahin a bialnu lakah khan ka inthiam ta chiah lo zawk


"Ka unaupa hmai, hmeichhe pakhat hmangaih miah lo tu che avanga ṭhui ngai khawpa i siam hnu ah, ila nui hawk hawk thei hi i fakawm hle mai Bryan," Ka sira rawn ding chu tunge tih en kher ka ngai lo



"Eng nge i duh Fiona?" Ka aw chu a nelawm viau loh, ring tak erawh a ni lo


"Eng nge ka duh i hria alawm?" Ka ner sawk



"Kan inremna a tawp tawh," No dawm chungin alam ka hawi a, luhlul tih hriat taka thle bakin, "a ni lo'm ni?" Ka ti zui sup


"I duhdan a ni, ka duhdan ni lovin," Inseh ruh tih hriat tak hian a rawn ti let a


Ka kiai suk, "ohh, anih chuan eng dang nge ila beisei ni, i ṭhiante hmaa bialpa lem bak," Inher in whisky chu ka thlit belh leh a


"I rai thu i rawn sawi ve êm lo'ng chu maw? In ṭhian ho style," Rinhlui'n a lo ti ve salh


"Rinhlu, midang buaina chuan inrawlh duh suh, Melody-in la duh nise tunah hian i bialpa bulah i ṭhu kher angem?" An inti ta salh salh mai



"Lalthanmawi...!" Rinhlui'n a ti ṭhat, Eden-an, "Bawihi," A lo khap vat a


Fiona chu hawi vahin, "ka sawi kha, kan inkar a inṭan chauh tih," Tih leh ka hma ah hian eng emaw hi a rawn dah, ka melh zawk, "engthil nge heihi?" Ngaihsak lo leh ngeng zet chuan ka ti a



"Don't give me such a fucking attitude Bryan," Ka awmdan chuan a ti lungawi chiah lo a ni ang. A thinrim aw a khur lek lek


"I rai thu i sawi tumna em ni?" Pregnancy test-kit chu la kângin ka en vang vang


"Thla 1 leh kar 1 ala tling lo deuh," A ti ve leh mai


Ka ner nawng, "tichuan heihi ring turin minti a?" Lek zauhin ka thle zui bak a, dawhkan ah chuan ka dah letleh


"I ring dâwn lo tih ka hria alawm," Ti ṭha ve leh mai chuan a bag aṭang hian paper hi a rawn phawrh a, "Doctor lehkha a nih kha. Nurse ka ni a, dawt ka sawi chu i ring tawh êm lo'ng chu maw?" In ring tawk tak hian a hawi vah bawk


Lehkha chu la kangin ka ner deuh nawk a, thaw chhuak ham hamin, "i hria alawm, ka kut hmawr pawh hian ka tawk phiangsen lo che tih," Chang rat a tih leh lehkha chu dah letin ka inhersan a


"Lalrinsang hetiang hian minti ngawt thei lo. Hmeichhia, zahawmna nei ka nih hi. Minpawm turin ka ti lo che, ka pum chhunga i fa hi a ni pawm tura ka tih che ni," A ti leh rap rap


"Fiona, nang nena inhnialna hun ka nei lo, thudik i hria. Tin, engtikah mah ka fa pai tir tur khawp che in ka it ngai dâwn lo che tih pawh," Ning zeta tih leh din ka tum, ka hming lam tuara min beng chuan a thîp ve sek. Ka thaw hak, ner sawkin ka khabe ruh ti che ralh chuan, "ilo rai a nih tak tak chuan thla 6 hnu ah DNA test ka neihpui dâwn che nia," Ti leh sup in, "ka haw san dâwn che u," Ka ṭhiante en in ka tih zawm zat


Khur dar dar a dingin min en a, "ramhuai inih hi Lalrinsang. Hetiang hian i awmdawn tih ka hriat vang alawm i nu leh pa ka hrilh hmasak ni," Sehchilh rap rap a a tih chuan ka ding dat


En chhuk run chungin, "min nawrlui suh Fiona," Ring si lovin ka ti chhuak hraih a, na zet hian min rawn melh chho ve rawm rawm bawk



"Kalteh ang u, Fiona khami zan khan in chatthla ve ve ti i hriat kha," Eden-an ti leh hramin, min pawt chhuak a ni hrim. Rui chhe eng ang mah ila, emaw damdawi rui pawh ni ila, mipa hi kan mipatna kan hmang em tih hre lo tur khawpa mawl kan awm hauh lo ang...!
.
.
.

"Boss," Marco chu melh zawkin car-ah ka ṭhu lut


"Pu Dinpuia'n min rawn call chiah a, Eva chuan kan hnuaia thawh a rem ti a nih chu," Rawn ṭhu lut a a tih chuan ka nui ta suk


"A dawhkan ka office chhungah dah ang che u," Ka nui leh suk, engtik kawng mahin ka lak aṭang tlânbo na kawng a nei tawh lo


"Mahse, in aṭanga hnathawh a duh thu a sawi a," Car tinung in a tlân chhuak nghal



Seat hnung chu nghet datin mit ka chhing zui a, "Marco chu chu i buaina a ni," Ka ti zui sup bawk



<><><>~>


EVALYN..POV


"Eng nge i ngaihtuah veng veng?" Ka harh zawk. Hawi â heu chuan Mimii lam chu ka hawi a


"Eng maw?" Ka ti chhuak heu bawk

Meng kalh ralhin, "eng nge ang i tih? Pahnih lek tán chuan a tawk lo maw?" A ti leh


Ka hawi kual, kan nufa awmna atan chuan a tawk thaw khat viau in ka hria

"A tawk thaw khat viau chuan ka hria," Ka ti sep


Pu Dinpuia'n ngen taktêa min ngen avangin loh theih lohin Mizoram ah ka châm rih a ngai dâwn a, Tony nen inremna lo siamin, an hnuai a thawk turin min lo transfer thlap tawh bawk. Diktak chuan tuna Mr. Yee te In ka zawh hi chuan Farm aṭanga bân a, In aṭanga hnathawh ka rilruk tawh zawk a nia. Engtin nge Damian-a zirlai te hi ka chhunzawm tir dawn ni?


"Nizana Pa Nathan-a te nupa thusawi khan i rilru a luah em ni?" Inchhung en kual pah chuan ka bu nghat


Sawi dik loh phei chu annei miah lo. Tupa annei tih kum 6 hnu ah an hria a, ka chunga anthinrim miah lo te kha läwm fe zawk tur chu ka ni tih ka inhria; Mahse, engtin nge ka fapa hi ka hrilh ang tih zawk a ni



Ka fapa fing lutuk hian engtin nge a ngaih ang. A hrethiam ve leh mai angem?


"I rilru iti hah a nih kha. A sawi angin zanin tlaiah chaw te chu ei phei ula, inhmel hriat ṭha sela; Damian-a te chuan a hrethiam lehnghal vek ang," Mimii bawkin a rawn ti duah


Inchhung aṭanga chhuakin, "ansawi ang khan minchuh buai tum lo mah se, Damian-a hian an In nen a kartawn chhen ang a, ṭhanglai anni bawk nen, eng emaw hleka a Pa te lam kalfo hi a ching ang tih ka hlau a ni," Ka ti chhuak ta hap


A fing tih inhriat kha, nufa han inhauh ve bap bap chang kan nei ve fo si a, a pa te In lama tlân te a chin ka hläu takzet.


"Chung thleng thlenga ngaihtuah a ngai lo, thil ṭul lo ngaihtuah vak vak suh," Tih leh, "lehkha kha sign rawh," A tih zawm zat


Inneitu te nen contract kan sign hnu ah, "karleh aṭangin kan rawn luah lut dâwn nia," Ka ti a, Mimii'n hmundang en leh duh viau mah se helai hi a laili ber a nia, Damian-a tan pawh tlêma laili deuh chu a nuam dâwn a ka hriat vangin ka thlang ta mai



"Kan haw tlang dâwn em ni?" Mimii en in, "naupang kan hruai si lova, haw hmat a pawi lo. Damian-a te kha a lo vak chhuak ang tih ka hlau." Ka hlau tak tak a ni. A kawlhrawng ve reuh si a, khawi emaw ah hian a lo vak de de ang a, buaina a tam


Mimii nen in kan thlen meuh chuan tlai dar 3 a pel duai tawh, rawngbawl a hun viau tawh bawk


Ka phone a rawn ri a, "Eva, keimah Damian-a Pi ka nia, zanintlai kha inrawn kal lo palh ang e aw. Hei chaw kan chhum kep vek tawh che u a nia," A rawn ti nghal lang lang


"Kan lo kal ang ti rawh," Mimii'n a hmui phunin a lo ti sur sur.



"Damian-a ka'n tifai ang a, kan rawn phei dâwn nia," Ka ti ta nge nge. An nupa in azan a zanah an rawn kal a, kal loh pawh a inthlahrunawm mah zawk



"Car kan rawn tir dâwn nia, intan a awlsam zawk ang," Nu Maya-in a ti leh chuan ka pawm zui a


Phone ka dah rualin, "Nu, khawnge Damian-a hi?" Ka hawi kual, Ka nu puanthah mawlh mawlh lai chu chawl datin a hawi kual a, "Khawnge a awm hman, inrawn luh hma pawhin kawngkhar bulah lehkhabu a chhiar kha," A tih chuan pawn lamah chhuakin ka au kual



"Damian... Damian.... Infiam a hun lo, rawn chhuak rawh. Kalna tur kan nei a nia," Inhnuai leh a chhehvel chu ka zawng kual a


Ka hmuh tak mai loh avangin hlauhthawnna in min rawn luhchilh nghal


"Damian..." Ka au leh ṭhin



"I hmu nange?" Mimii a rawn chhuak


"Hmu lo, khawi lamah nge a kal ang? Henglai vel hi ala hre chiang si lova," Rilru hlauthawng ṭan zet chuan ka ti chhuak a



"Ṭhenawm hnai ho hi ka'n zawt kual ang e," Tih leh ani pawh chuan a zawng ve nghal a


Ka tlân kual, an veng field ah chuan ka tlân chhuak hlawl, "mipa naupang kum 5 bawr vel in lo hmu em?" Ka hmu a piang chu ka zawt kual. Ka hlauh tawh lutuk chu ka lungphu a ri dup dup, a sa hut hut bawk


"Eva.. Eva..." Ka hawi thla


"In kan thlen hma deuh khan hmeichhe pakhat car-ah a lut lai anhmu a nih chu," Mimii thaw hlawp hlawpin ka bulah a rawn ding

Tunge ni ang? Tu hmeichhia nge ni ang? Bryan? Bryan-a te chhung anni thei angem? Annih ka ring si lo


Ka ṭah a rawn chhuak ut ut, "Mimii tunge ni ang? Damian-a hian chhan awm lovin a zui dâwn lo tih ka hria. Bryan-a te chhung anni angem?" Zawhna a rawn lut zut zut, ka mangang lutuk chu ka khur chhuak dar dar bawk


"U Ruata arawn haw mek a, tihdan kan ngaihtuah dâwn nia, inbengdai rawh. Police ah report a ngaih leh kan report ang a. Engmah thil ṭha lo a thleng lo ang," Min hnem a tum viau nâ in ka awmdan a hmuhin min hnem vak ngaihna a hre lo a ni ang, "let phawt ang U Ruata a rawn thleng ṭep tawh. Tihdan kan ngaihtuah dâwn nia," A tih chuan ka bu nghat



Ka ṭah a chhuak ut ut a mah se ka mittui far khat pawh chhuak tur a awm lo. Ka âwm chhung hi a sa hat hat a, ka lungphu a in vuak rawn dup dup bawk


In kan thlen hma deuh chuan ka phone hi a rawn ri a, kut khur dar dar chuan rang lutukin ka pickup, "Damian..." Ka ti nghal tawl. Phone a nei lo tih hre mah ila, ka fapa hian tu emaw phone hmangin min rawn biak ka rin vang a ni



"Keimah.." Bryan-a aw thâwp sût mai ka hriat rualin ka inrin hma in ka mittui a rawn lum thla pup



Ka hnuk rawn ulh ta lutuk chu ka hre thiam lo, "Bryan... Damian-a..." Ka inhnit zui hlawp hlawp



"Shitt...! Inbengdai rawh Nephthy, hlauh tur a awm lo. Damian-a chu ka bulah a awm, " Dam dupa a tih chu ka hre hman ṭawk, ka phone dah thla in ka dinna hmunah ka ṭhu thla hnawk, lawm avangin chhuak lutuk chuan ka ṭap chhuak, ti em em hian ka la hläu thawng ngai lo hrim hrim. Ka lungphu chu a tla thla daih emaw tih tur khawpin ka lungphu a rangin ka hlau a ni



Ka ṭhutna chu khawi hmun nge a nih pawh ka hre lo, ka fapa a bo lo a ni tih ka hriatna chuan minti läwm lutuk a, ka ṭah theih lohna kha a rawn irh chhuak ni maiin ka hria



"Engthil nge thleng?" Mimii chu mittui nen ka en


"Bryan-a... Bryan-a office ah," Ka ti bah nawk nawk


Mimii'n chu a phun hlak, ka mittui hru hul tawk tawkin ka tho chhuak a, U Ruata car a rawn ding ve chiah bawk, "Daddy, Bryan-a office ah hruai rawh, Damian-a a awm a nih hmel," Ka luhna tur kawngkhar min hawn sak chuan Mimii'n anpa chu a hrilh nghal


Traffic jam hlek te chu maw rei ka tih zia chu rapthlak tak a ni!


A khat tawkin U Ruata'n, "a pa bulah a awm chuan a him em em ang," Ti ṭhin mah se ka hriat loha chhuak a nihna ah ka hläuh a reh thei der lo

Phone chu la kangin Bryan-a ka call, "nangmah em ni hruaitu, tunge i hruai tir? Engvanga ka hriat loh a hruai chhuak nge inih? Ka hlauh zia i hria em?" A pickup rualin ka au khum tawn tawn


"Nephthy..." A rawn ti ri sup, ka mittui bawk chu rawn tlak leh a tum.



"Ka tirh a ni lo, Fiona-in ka office ah a rawn hruai a," A tih chuan ka sa phat, ruh lutukin ka inhum ruh, "tunah khawnge a awm?"


"Tu maw?"


"I bialnu," Ka ti tuar



A rawn nui huk a, a nui ri ka huat zia te chu, "hetah" Nuihza aw lek lek hian a rawn ti. Ka huat tawk a tling lehpek lutuk, phone ka off hmak, car a ding zui ve dat bawk


Tlân chhuak deuh rawk rawk chuan an company building ah chuan ka tlân lut a, Marco hmel ka hmu zui zat. Lift a lo hawnna ah chuan lutin, nghet lutuk hian ka inhum ruh


"He lamah," ka kalna tur a kawhna lam ah chuan ka pen hlawk hlawk


Marco-an office kawngkhar hnûm mam nalh zet mai a hawn rualin Fiona sofa chunga a bawpmam ṭha tak mai khawkherha a lo ṭhutna chu ka pan pawk pawk

"Mom..." Damian-a min auhna pawh en lovin Fiona kawr âwmah chuan ka tham nawk, ka oawt tho nawk bawk

Ka thinrim lutuk chu ka khur hlawk hlawk thei


"Ka fapa hi engvanga tawk nge inih?" Ka ti tuar


Ka aw thlengin a khur nia maw le!


"Nephthy..." Bryan-an a rawn tih chuan, ka ṭhamna chu ka thing nawk a, "naupang rukbo case in report ka siam dâwn tih hria ang che," Tih leh ka nam let nawk


Fiona chu a rawn nui hak, "over reacting deuh chu a ni. A pa hriat tir ka tum mai a nia," Ner nawng paha a rawn tih chuan Damian-a ka kut rawn chelh chiah chu ka melh thla


Rum zet hian Lalrinsanga lam ka hawi zui bawk a


"Tunge a pa tih hrilh chu ka buaina a ni. Nangni inkarah ka fapa hnuh luh tum suh," Ka thinrim ala reh lo. A hmeichhe kawp laiin min pawisa lo lutuk a ka fapa chunga thuthlukna a siam chuan Lalrinsanga thlengin min huat zual tir ngawih ngawih



"I hmu maw Bryan. A fapa pa ah a pawm ve lo che tih," Bryan-a lam chu hnehtu inti zet hian a hawi vah a


"Fiona, i lei kha veng rawh," Bryan-an a ti bul hluk


"Haw ang Bawihte," Tih leh kaih chhuah ka tum


"Kan haw rual dâwn nia. Zanriah in rawn ei dâwn a ni lo'm ni?" Tih leh kan ruala pên chhuah a tum chu ka melh chho vak. A awmdan hahdam hmel lutuk te chuan minti thinrim ut ut nia maw le!


"Ka thuthlukna ka thlak," Chang zetin ka ti chhuak a


Fiona a lo nui hak, a nui ri a hnehtu intihna chuan minti tlawm ngawih ngawih


Mit chhing sawkin, boruak ka hîp vang vang a, thaw chhuak ham ham a inherin, nui lui säng chuan alamah ka pen hnai


Thinrim a ka hma chhawn a nih chuan he hmeichhe naupang hian nuam a ti telh telh tih ka hria


A hma ah chuan dingin ka theih tawp a nâ hian ka beng thle sawk a, a rak ṭhat, a biang a dawm zui vawng vawng bawk a

Chhe lo viau mah se kei aiin a hniam daih a, min ban ve dawn pawh nise min ban pha mai teuh lo





Ka kut thîp vawng vawng thin khumin, "I mipa atchilh em em hi eng nge ka hrilh ṭhin i hria em?" A hmaah chuan ka pên hnai leh hret a. Mittui parawl puam hian min rawn melh khai


Nui sängin, "ramri pel lo turin ka hrilh ṭhin. Ka hmachhawn te a zirin ka ramri kham ka ti tawiin, ka ti sei thei a; mahse, nang erawhin ramri kham hman lek lova min siam avangin i pek chhuah zat chiah ka dawnlet tir mai che a nih kha," Ka nui hul hak a

A bengbula kûn hniamin, "a chhan chu maw Fiona, hringnun ah hian kan pek chhuah aitam kan dawng let ngai lo. Hmangaihna ah pawh. I hrethiam tiraw?" Ti zawi sa sa chuan ding ngilin a kawr âwm chu ka chul zauh a, "i kuang lo tur i nawr a ni," Elhsen na a khat chuan ka nuih khum, a mitmeng alh phut phut mai leh thinrim vanga khur dar dar, thlanfim bawl ṭuah ṭuah mai nuih lui leh seihin ka sam phe siau in ka inher san hmak bawk a



Ani ang naupang cho chhuah chi ka ni lo tih inhre mah ila, ka fapa a kut hmawr pawha a tawk leh a nih chuan, Nu-in an fate tan engthil rapthlak leh tawpna nge an thlenpui ngam tih ka kut ngei hian ka hmuh tir mawlh ang!

Kut erawh kha chu thlak tumna ka nei lo mah se a hmel te sersawr khan ka kut hi a ko in, a phu ve hrim hrimin ka hre bawk..!


Bryan-an, Damian-a a lo pawm a, a nuih ṭhû laiinc a fapa Damian-a erawhin mak tih hmel zet hian min lo en heu thung!

Mak ti âwm pawh a ni, ka fapa hmaa ka tih duh ngai lohber ka ti miau si a


"Marco, Nephthy sawi ang khan naupang rukbo case file ang che," Min en reng chungin nuihza insum tih hriat zetin a ti a, "ka fapa leh ka hmeichhe chunga kut lek apiang ka chhuah ngai lo tih anhriat nan," Ka mitah tak a en kalh, sawi tur pawh minti hre lo

A bialnu emaw tia, a hmeichhe kawplai hmaa ka thlavang a hauh chu ka rin loh chu sawi loh suangtuahna ramah pawh ka suangtuah ngai loh thil a ni!!!!


<><><>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:18 pm

MR. CAPTAIN S2
<Hello! Stranger>
{My Treasure S3}

[The Unfinished Story]
By
Floria Laldansangi


Chapter < 9 >

EVALYN...POV



"Damian, chhuk rawh," Office kan chhuahsan a, lift kan luh thleng pawh chuan a la inpawm tir ṭau


Chhuk tura ka hrilh ve leh a Pa nghawngah chuan a kuah ṭha sauh sauh a. "Malsawmhlu," Ka ti leh khur khur chu ngeiawm zet hian a Pa nghawngah a hmai a phum zui sat sat nia maw le! Ka vahan ngei tak..!


"Malsawmhlu ka thusawi ngaihthlak i tum miah lo em ni?" Tih leh ban ka tum, a pa chu a kuah tak ang chawih chawih a, ka beng zawt dâwn emaw ni? Mintih hlauh tawh nen, amah vanga ka buai zia te kha..!


"Awmtir mai mai rawh Nephthy," Bryan-a lah chuan intih theih hmel fe leh nuihza insum tih hriat fe hian a rawn ti sup a, a hmui hnuailam chu a pet leh zauh ṭhin. Ka ngei tawk a tling viau bawk..!


Lalrinsanga melh vakin, "Malsawmhlu engvanga i hmel hriat loh zui ngawt nge inih?" Lift a rawn inhawng chiah a



Lift aṭang chhuakin, a bulah chuan ka ding dat. An company a hnathawk ho lah chuan min en hrek hrek lehnghal a, Lalrinsanga lah hmel dur khup zel kha eng a hria ni maw? A nung sarh lehnghal!


"Malsawmhlu...." A pa nghawnga a hmai phum tlat chu a bânah ka pawt zauh


Thaw la vei halhin, a pa bânah arawn ṭhu chhuak a, kuangkuah run chunga ka en na chu, kuangkuah zui ve ât in, "Ka Daddy bulah min hruai a tum alawm," A ti vei nghat



Lalrinsanga a lo nui ri huk, "inhnathawk rawh u," A ti zui hluk bawk, a hmel erawh nuihza hmel ala pu reng, min en nasa hlawm lutuk chu a ngaithei vak lo a niang



"Nangpawhin i Daddy i hriat loh chuan mihrang chuan engtin nge hria se i tih?" Ka tih rualin Lalrinsanga'n a hnar a lo tum dat



"Ka hria alawm," A rawn ti zat, ka meng deuh kawk, Bryan-a pawh chuan Damian-a en in min rawn en leh



"Eng maw i sawi?" Ka ti nawn sap

Ka fapa thusawi kha ka hre lo a ni hauh lo, ka hre chiang lutuk mah mah, a thusawi a hrechiang lo zawk ah ka ngai a zawt nawn ka ni


"Misualpa hi ka Daddy a ni tih ka hria alawm," A nui zui sen sen


Kei ang bawkin Lalrinsanga chu a ṭhawng a ni ngei ang, a fapa en kalh chungin, "Buddy engtik aṭangin nge i hria?" A ti sup. A aw ah pawh mak a ti ve tih hai rual a ni law


"Sir, ṭhutna induh em?" Hmeichhe tleirawl pakhat, an company a thawk ni ngei turin a rawn ti a


"A ṭul lo ve," Tih leh, "Nephthy...." Tiin ka bâna chelh chuan min pawt sawn, waiting area lamah chhuan min kai dat dat. Ka zui ve mai bawk a


Sofa ah chuan ka ṭhu thla a, ka sirah Bryan-a rawn ṭhu in, min si cheta a rawn ṭhu chu ka lo tawlh vat, a rum nghut. A hmaah a fapa ngeng zet mai chu din tirin, "Buddy engtik aṭangin nge i hriat?" A fapa a biak dan aw ri chu Lalrinsanga a ni ta lo emaw tih tur hial a dam a ni


Damian-a chuan min rawn melh zauh, "Joshua birthday hma chiahin," A ti zawi sep a

Ka fapa en chungin, "engmah i sawi si lova," Ka lo ti sep, ka fapa hian ka lakah thuruk a nei tih hre miah lova ka awm chu ka indem ru ngawih ngawih bawk



"Ka Daddy thlalak i en leh i ṭap ziah a, i ṭah ka duh lo alawm," A rawn ti chhuak reuh a nih chu..!


Min ṭhawng lutuk chu ka ṭhu ngil awt, ka fapa chu natna leh inthiam lohna a khatin ka en ngawih ngawih


Ni e, khang kum chhung zawng zawng khan vawikhat pawh Lalrinsanga hi ka theihnghilh ngai lo. Accident a tawk tih ka hriat hnu phei kha chuan ka theih ang tawk leh a ruk thei ang berin a chanchin ka ngaihven a, Doctor ka hmel hriat leh ka Pa thawhpui tawh ṭhin ka theih ang ang be kualin chanchin ka zawt ṭhin


Mimii'n thlalak min rawn thawn fo a, hma a sawn a ni tih ka hriatin ka lawm a, ka lawm rualin natna in a zui fo ṭhin avanga mittui tla tel fo ṭhin kha ka ni bawk!


Mahse, ka fapa hian chung chu a hria ang tih rin ngaihna ka hre lo hrim hrim..!


Ka biang rawn lum thla pup chu rang lutuk hian ka hru hul vat a, ka inring hman lo hrim hrim. Ka aw chu zahzelah ka thian zui kharh, "Mom are you crying again?" Ka lam rawn pan hnaiin ka kut a rawn chelh


Ṭah insum zet a nui hakin, "teuh lo, ka mit a thîp deuh alawm," Tih leh, "a nih chuan engvangin nge i hmelhriat loh i zui a? I Daddy i hre si a," Ka tih zawm zat


Hmui ti sawi deuh nawng chung hian, "ka Daddy angin ka la hmu lo alawm. Misualpa ang lovin ka hmu duh alawm," Uar zet chuan a ti chhuak Lalrinsanga nen chuan in en in sawi mai tur pawh kan hre lo


"Mahse, Buddy i hmelhriat loh i zui mai mai thei hleinem," Bryan-an a rawn ti veleh


"Evidence ka dil a, i thlalak leh i phone number min hmuh tir alawm," A ti let ve leh khauh, a fapa ṭawngkam inla puitling vel lutuk chuan a ti nui deuh huk, a chhip sama tuai sak zauhin, "engtin nge hetiang a fing hi i hrin theih?" Hmel hlim tih hriat tak hian min rawn en


"Ka fapa alawm, a fin lohin," Ka lo ti ve nghat. An pafa chuan annui tak ang hawk hawk a, ka nui ve ta kar kar tho mai..!

.
.
.

Damian-an haw a intihfai hmasak a duh miau loh avangin, a bal, a bal chuan a Pa te in lam chu kan pan a



Kawng tluanin an pafa chuan an titi thei a maw le!


Lalrinsanga hian naupang a ngainat hmel loh berbur chu sawi loh, a fapa a ni tih pawh hre duh lo a ka ngaih khan a nuihpui a, a chang leh car te chu a khalh tira kan in hau leh ang chul bawk a.

An pafaa car in khalh tir ka hau chu anläwmah a tla emaw tih turin annuih a za tulh tulh zel lehnghal, hahthlak ṭhin hian...!


Mahse, chiang taka ka hmuh chu ka fapa hmela hlim hmel nasa tak chu a ni. A mitmeng de set set te chu ka la hmuh ngai reng reng loh hlimna nasa tak ka fapa mit aṭang chuan ka hmu thei


Chu chuan inthiam lohna min neih ruk tir a, engkim "Pa" tih loh chu ka pe in, a hlim ni a ka hriat ṭhin ka fapa kha a lo famkim reng reng lo tih ka hre chhuak uar uar bawk..!

.
.
.
.

Bryan-a te in kan lut tur, gate pawnah anchhungkua a an lo ding ṭhap mai ka hmuh chuan ka hawi hraw mai..! A zahthlak lam mah zawk a ni. Khawi emaw a khual lian te pawh kan ang alawm


Gate sirah chuan car chu a ti ding dat a, Malsawmhlua lah pawm leh kaih duh ngai der lo khan, a Pa pawm beiseiin a kut a phar zui duai, ka ngei zia hi hepa hi..!



"Eng nge a an? Nangmah i ṭha em Eva?" Nu Maya-in a lo ti vat


Ka hawi heu mai, chanchin an lo hria emaw ni?


"Mimii'n a rawn call a, Fiona-i chu nizana min rawn call tu kha a ni em?" Pa Nathan-an a lo ti sup


Bryan-a chu bu nghatin, "anṭha ve ve," A ti zui sup a


"Hi! Damian, Eva inhmuh lohna a rei ta hle mai," Bryson-a chu ka chibai a, "nia maw le, nupui ineih ve tawh ka ring a nia," Pangai tak leh tlangnel tak a lan chu ka duh ber. Anni tán pawh awm nawmlohna tur siam ka duh miah lo bawk ; Mahse, ka rindan mai mai nge ni chu ka hre lo nâ in, Alice-i, Bryan-a te naupang ber leh an farnu neih chhun min en dan erawh min lawm hmel viau loh. Ka ngaihbel te pawh a ni mai thei



"Hello! Strangers, ka hming chu Damian Malsawmhlua ka nia, ka Daddy leh mummy fapa, kum 5 thla lehah ka tling dawn bawk. Ka blood type chu AB- a ni bawk," A kut vaiin chuti chuan a sawi reuh a nih chu...! Ka zahna hian van a tawng tak ngial dâwn...!


Hengte hi khawi aṭanga a zir leh a hriat nge? Hetiang ṭawngkam hi vawikhat mah a hriatah ka hmang ngai miah lo tak tak


"Malsawmhlu..." Ka khak vat, midang erawh annui dur dur


"An hming ka hre lo alawm," Inthiam chiah lo hian a ti leh a.

"Min hmuh hmasakber ṭum a min koj dan a mih kha," Bryan-an a lo ti sul, a nhi zui suk bawk a



"Inchhungah lut phawt teh ang u," Pa Nathan-an a rawn tih takah chuan kan inzui lut diah diah, an rawn chhuak vek a, gate meuha min lo nghak chu a zahthlak dan a dang chem chem khawp mai...!



"Damian, heihi i Pi leh Pu, ka nu leh Pa an nia. Heihi i pate Bryson-a. Saw saw i Patea tho Ivan-a. Sawta ṭhu saw i Nî Alice-i," Tiin Bryan chuan zaidam zet hian a fapa chu a hrilh kual a



"Tinge pate Bryson-a nen hian in in an em em a? Twin inni em ni?" Bryson-a en deuh vang vanga a tih chuan kan lo nui hak, "triplets kan nia, i pate Brayden-a erawh Delhi ah a awm a, thlathar lamah a rawn chho ang," A ti ve leh mai


Hriat thiam hmel tak hian a bu nghat nghat a, "tunge saw saw?" Kawngkhar aṭanga rawn lut chiah chu a kawk leh, zawhna lah hi a ngah thei sia...!


"I nî Alice-i pasal, i pa Vala a nih hi," A ti leh, a fapa a biak dan zaidam zia chu mak ka la ti tawp hlei thei lo. A awihawmloh hial zawk tak tak a ni



"Damian, hetah ka bulah lo kal teh," Nu Maya-in a lo ko, a pan ve mai bawk a. Hetiang hian midang, ti ila a vawikhat hmuhna ah a pan surh ngai lo reng reng. Thisen chu thisen a ni deuh a nia nge



Nu Maya-i leh Alice-i te nen an kalsawn chu ka en zui deuh vang vang, "ngaihtuah suh," Bryan hian a rawn ti sup, ka mal chunga ka kut chu arawn vuan zat, kei lah sual ve kher kher, rang lutuk hian ka lo la sawn a, a hnar a tum zui dat bawk



"Fiona chuan eng nge a tiha?" Ivan-a hian a rawn ti chhuak


"Engti lo ve, Damian-a ka office-ah a rawn hruai maw le," Eng vakah a ngai lo lutuk nge a ngai lo lui chuan minti thinrim zak


Rum zet a melh vak hian, "ka hriat loh a a hruai chu thuran ni rawh se, ka hmel hriat a ni lova, tunge a nih leh eng nge a tih pawh ka hriat loh, inzawmna i lo neihpui em tih pawh ka hriat loh khan ka fapa a hruai chhuak kha eng vak chu a nia lo'm le," Ngei zet hian ka ti chhuak. Pa Nathan-a pawh ka hmaizah zo lo. Ka fapa chungchangah hi chuan ka no mah mah tih hre mah ila, a fapa a ni a, a hmeichhe kawp laiin khatianga chet a la a nih chuan thinrim ber tur a niin ka hre thung



Mahse, a hmel leh aw ki hniam sut mai, hahdam hmel zet chuan minti thinrim thar leh hlur mai..!


"A mak teh fo, inzawmna kan nei lo," Nin hmel zet hian a ti zawi hluk. Mak teh fo ang chu, inzawmna nei ti duh si lovin a aw chhuak hian a ṭan ru tlat lawi si a


"Engtia hmalak nge i duh? A nu ini a, i thuber Eva," Pa Nathan-an a rawn ti sup.

Nu Maya-i rawn ṭhu thla ve chiahin, "Eva thusawi kha ka ṭawmpui. Inhre ngai pawh anni lova, naupang a ruka a hruai chhuak kha a thiam lo hrim hrim, ka chunga thleng atan pawh ka duh loh a ni," Ka thlavang an hauh thiamin, min ṭander thiam lutuk chu nuam lo ka ti letling leh ang lawi bawk si. Awmdan tur pawh minti thiam lo zo



"Marco-an case a file ang, ngaihtuah suh u ka tih kha," Bryan chuan a ti bul leh sup, a file tak tak angem pawh hriat loh, keimah ngei hian ka file zawk dâwn emaw ni?


"Chaw a ei theih a nia," Choka lam aṭangin an nula in a rawn tih chuan, "zanriah i ei phawt teh ang u, khawnge Damian-a te pawh chu," Tiin Pa Nathan-a chu a hawi kual a



Hmuh lohna a rei ve ta deuu bawk a, an lo tar ve ta khawp mai. Mahse, an kum rualpui ah erawh an la in fit tih an thotháng ṭhat danah a hriat thung, Nu Maya-i phei chu ala nula takzet



"U i kawr kha phelh la heihi ha teh, U Bryson-a nangpawh," Alice-in kan tho tur chu a rawn ti sawk sawk


"Chaw ei dawn dawnah eng nge?" Bryson-an a lo ti vat



"Damian-an a hre hrang che u em ka hre duh alawm," Tih leh, "phelh teh," A ti leh hlar




"A khai! A la naupang si. Bakah, nutling tih chi loh êm maia mambawih," Pa Nathan-an a lo ti a


"Ka hre chak alawm," Tih leh in a U te chu a inthlak tir, kan lo en ṭhap ringawt a


Alice-i pasal chu ka be ve bawk, a hna leh eng emaw te sawiin, thlathar lamah Lunglei lamah an sawn tur thu te chu kan sawi bawk a. Pasal a nei vannei khawp mai, a ṭawngtam lo tih erawh a hriat


"Damian khawi zawk nge i Daddy i hria em?" Damian-a rawn lut chu Alice-in a lo pawt vat



A thlek deuh vang vang a, "ka thlan kher an ngai em ni?" A rawn ti heu, kan lo nui hak



"I hre lo a ni maw?" Alice-i chuan a lo ti leh a


A hmui ti pawrh deuh tarh hian, "hria e," Ti leh a pa chu a kuah deuh thak, a pa lah chu läwm tih hriat zet hian a nui ri hawk a, zo zet chuan a pawm kâng nawlh bawk. Lalrinsanga läwm leh hlim lutuk chuan midang pawh chu a ti nui dar dar



Damian-a chu a rak ṭhat, nui ṭhû hlawmin, "chaw ei ang u, tiang hian kan in nel hma ang tih pawh ka ring lo a," Nu Maya-in a rawn ti niah niah


Keipawhin ka ring bik chuang miah lo, Damian-a lak aṭang ngat phei chuan, mi a vawikhat hmuhna ah chuan zawhna mak tak tak a zawt a, a pan surh duh ngai lo a nia..!


Chaw ei kai te chuan Damian-a an bawr nasa lutuk chu Damian-a berin a ning leh ang lawi a, kan nui ho leh dar dar ṭhin



Kan chaw ei kham, thei ei a kan ṭhu ho chu, "Damian mathematics ah i ti ṭha ngai em?" Alice-in a rawn ti lwh, chaw ei lai aṭangin zawhna dang dang a zawt a, Damian-an a zawh let leh a hriat loh a tam zawk bawk si



Kan en ṭhap, "thiam tih piah lam a ni," Ka rilru ka fapa chu ka lo fak

"Ummm," Pear a ei avangin a ṭawng ṭha thei lo, a bu nghat nghat



"A nih ka zawt angche aw?"


"Yes," An ṭhu rem sat sat a


"193+27+90 ="


"Number liantham kha chu ti lo la," Nu Maya-in a lo ti vat


"Lian hleinem tiraw Damian. A fin êm kha, world war 2 chanchin oawh a hre zul a nia," Alice-in a tih chuan Damian-a chu a bu nghat


"the answer is 310," A nui var var, engah vak ngai lo tih hriat tak hian a thei ei lai chu a ei zawm leh mial mial a

Midang an lo nui huk, Alice-in calculator nen a chhut bawk


A Pi leh Pu te mita an tupa anchhuan na chu hmuh hmaih chi a ni lo nasa, an nuisang reng mai


"A thluak a ṭha hle mai," Vala pawh chan a rawn ti ve a


"A nih leh...” Tia zawh leh a tum chu, “a tawk Mambawih, zawhna i zawt hnem tawh lutuk, chaw ei lai aṭang tawhin," Pa Nathan-an a lo khap, Alice-i chu a ner deuh nang nang


"Pakhat leh chiah Damian. Traffic light hmu chhuaktu i hre tawh bawk a, anih khawi ramah nge an hman hmasakber?" Kan en leh ṭhap


Kei erawhin ka thei ei laiah rilru ka lo pe, a hre lutuk a mak ah pawh ka ngai tawh lo, min zawh nulh a ching ka tih kha


"Anî zawhna har deuh min zawt la ka zawh angche kha," Ti vei hapin, "kum 150 liamta khan London-ah an hmang hmasaber," Ti awlsam leh et chuan, "Mom pawn a hre tawh a nia," A zui chu kan nhi hawk. Ka ngei ru ang reng bawk sia


"Keipawhin ka hre miah lo," Ivan-an nui ṭhû hian a rawn ti


"A nih..." Alice-in a ti leh chu, "Mate i inti mualpho mai mai duh tawk teh, i vahpa hian a dahnil lutuk che. Khavang khan alawm Korean mipa lam ringawt en lovin lehkha zir rawh ka tih ṭhin che," Nui kur kur pahin Ivan-a chuan a nau chu a fiam zui a, Alice-in a beng zui taih



Hmeichhe awmchhun tih takah an duat tih hi a hriat ṭhin ngang mai


Zan dar 10 pelh thleng chu kan awm a, kan haw tur te chu Damian-a zawk chuan riah an ngên teh tlat a


Bryan-a lahin, "in nufa in riak mai rawh u," a lo ti ve sek, a fapa mah ssual khirh nak alaiin, a fapa ti pawng pawrh zawng a ṭawngkam a lo nei sek chu ka ngei lek lek ṭhin

.
.
.
Haw lamah erawh a chau deuh a niang, in thlen hma hma in a muhil nghal sek sek mai, inbual a la ngai dâwn sia, kan inti ṭap leh ngei dawn a nih hi!


"Case file chu min pawmpui tak tak maw?" Damian-a ber a mutthilh tak hnu ah Bryan-a chuan a rawn ti sup


Pawnlam hawiin, "duh e, i file lo a nih chuan keiman ka file tho ang," A lam ka hawi zawk


A rum nghut, "ka sawi tawh kha kan inkarah engmah a awm lo tih," A rawn ti bul nghut a, a aw chhuakah chuan ring se min ti takzet bawk tih alang



"A ṭhat chu," Ka ti ve mai, ka buaina tur niin ka hre tlat lo, a fapa vanga case a file tak tak leh a lawmawm a ni mai a



"Naktukah Hriata kan va tlawh dâwn em ni?" A rawn ti leh


Min rawn melh leh ṭhin tih ka hria, kei erawh Damian-a pawm chungin pawnlam ka hawi daih thung


"Hna ka nei, ka hman lo ang," Ka ti ṭha ve mai, vawiinah Mimii nen kan kal kual pah tawh a, naktukah erawh Mr. Yee te hna ka zawh ngei a ngai, karleh ah Pu Dinpuia hnuaiah ka thawk ṭan leh tawh dâwn si a



Kan ngawi leh ta vang vang, inhau buai emaw inhnial buai miah si lo chuan car chhung chu pik tak a ni, hawi na tur leh kham khawp boruak hîp tur a awm lo reng reng, in thlen hlân ka nghakhlel lutuk mah mah



Car chu ti dingin a chhuak vut a, kawngkhar rawn hawngin Damian-a ka pawm lai a rawn ban zat. A lian ve tawh bawk nen, min pawm luhsak chu pawi ka ti lem lo khawp mai


"Inbual a la ngai a nia, a bal lutuk," Car aṭanga ka chhuah pah chuan ka ti a


"Ho mai mai, a thih phah dâwn lo. Balh lutuk vanga thi an awm kan la hriat loh hi," A ti awlsam et, inchhung lam a pan zui pawk pawk bawk. A tukkhum lam en chuan ka nui ta ringawt, a thusawi leh a hmel chu a inhmeh lo lutuk a tin nj


Khumah chuan mutin, "ka lawm e," Ka ti sep


A nui ri suk a, ka kawrchung chu phelhin, Damian-a chu blanket ka sin ṭhat tir


Bryan-a la ding ve run chu en chho heu hian, "chuak tawh rawh," Ka ti ṭha ve mai a


A dar min san khum ak, a kekawr ipte chu a zen ap bawk, chhuah lah chu a tum hmel loh, Ka nu leh Mimii te ho an mut tawh avangin thawm pawh ka dim viau



"Chhuah mai ka tum hleinem," A ti ta deuh deuh lehnghal a

"Lalrinsang uanna..." Ka ti ṭawk, ka lamah hian a rawn pen hnai hrut, ka tawlh hnun rualin khumin min dang nghel dêr


Ka in din hnaih leh ta lutuk, ka thaw ṭha ngam leh ta lo


"Tunah chuan Damian-a Pa ka ni tawh bawk a, i pasal nih chiah hmabak ka nei tawhin ka hria," Mitmeng de sawr hian min en, a hmui hnuailam chu a pet zauh bawk a, a vahan lang sexy tak..!


Arghhhh..! Hun lo ber âwm e!

"Thu lawi lo sawi lovin chuak rawh," Ka nam dat, ka kut lak let leh mai ka tum chu a âwmah dawmbet vatin, a lungphu zawnah chuan a nghat a, a hmer salh bawk.


Keimah ang tho in a lungphu chu rang dup dup tak a ni, "ka fiamthu lo, ka ruk i duh lo emaw, ṭha te tea min neih i duh loh chuan ka luhkhung hreh lo che a," A ti ril leh ruih


Ka thlanfim a rawn bawl tak ang ṭiam ṭiam a'h! A zia lo thei


Ka lungphu phu dup dup nen, sawi mai tur ka hre lo, kan melh rum lui vak a, sexy lutuk a kiai suk hian, "in ngaihtuah ang che mah se dawhthei tak ka ni lo tih i hriat kha. Mu tawh rawh, a tlai tawh," Tih leh ka inrin hma hma hian ka chalah fawp zauhin a inher vut


Khawng awt siin room a chhuahsan meuh chuan ka hit nghal sung sung thei

A taksa lumna, uap na kha a na takzet, ka kut a chelh ringawt pawh khan minti buai tawh a, ka chal a fawhna chu ngaihtuah emaw hriat reng duh lo viau mah ila, thaw lak tibuai khawpin minti buai chiang a lawm!

.
.
.

Ni a kal, ka in luahna tharah kan insawn luhna pawh ni 4 vel a ni leh tawh. Bryan-a leh a chhungte an rawn lawr sek chu nuam ka ti lo. Bakah, Damian-a an inlam a anhruai zing lutuk chu ka duh vak lo bawk


A Pi leh pu chenna mah nise thil nihdan tur pawh niin ka hre lo a ni


Damian-a muhil deuh chiah Bryan-a hmel a rawn lang leh hlawl


Ka ṭhutna aṭangin ka tho a, Bryan-a rawn pen lut chu, "min rawn zui rawh, inbiak kan ngai," Tih leh Mimii room aṭanga rawn chhuakin, "eng nge ni a?" Arawn ti zat, haw tumin Miriam khuma mu arawn pawm chhuak


Sofa-a ka kawrlum phiar la in, "Damian-a lo awmpui lawk rawh, kan rei lo ang," Tih leh Bryan-a melh zawkin ka pen chhuak nghal a


Playground-ah chuan ka lut a, kuangkuah at a Bryan-a hmaah dingin, "rawn kal fo lo la ka duh. Ni lo, i rawn kal hun tur hi bithliah ka duh a ni," A mitah ka en chho kalh, ka bula ṭhutna chu panin ka ṭhu thla zui a



A phun hluk a, "i ti tak tak lo tiraw?" A ti bul hluk. Ka thusawi chu a awih chiah lo tih alang bawk


"Damian-an In inleh helai hi a kar tawn chhen ka duh lo. Naupang mai ala ni a, awmna hmun nghet nei lo ang maia a inngaih ka duh lo," Ka melh chho ran, ka sawi awmzia a man tih hriat takin a phun leh hluk, ânchhia a ang mah zawk



"Hreptak che hian Evalyn. Chu chu ka sawi tur a ni, ka fapa a ni a, ka In chu a In a ni. A awmna nghet tur a ni bawk," Chang zet leh bul ṭha zet mai, läwm lohnaa khata a tih chuan a thaw ri zui hrawih bawk a, a aw chhuak chang lutuk leh lawm lohna nasa tak lang chhuak chuan ka ti rilah a man leh nghal ngar tawh



"I fapa a nih hma in ka fapa a ni tawh tih theihnghilh suh angche Lalrinsang," Ka ṭhutna aṭanga ka ding chhuak tur chu ka darah min lo nam letin, ka ṭhu let hnak


A chhip sam chu a tuai puat a, "kum 6, kum 6 teh meuh hnu ah fapa ka nei tih ka hria a engtin nge awmse mintih Nephthy? Engthil atthlak mah ngaihtuahin, tih tum tawh teh suh," A aw thum bul chu a dam dup a, ngenna ni âwm tak a ri tel bawk


"Hmu suh ka ti lo che mah se naupang mai ala ni a, a kal kawi zing lutuk hi thil nihdan tur pawh a ni lo," Ka la ti fan


"A nih chuan zanin aṭangin inbulah ka awm ang," A rawn ti bul nghut, a fiamthu em tih en tumin ka en chho. Fiamthu hmel lah chu a pu dêr lo lehnghal



"Weekend a piangin inbulah hun hmang ta zawk sela," A thusawi chu haider tumin ka ti leh


"Ka sawi tawh kha, ka haw tawh dâwn lo. Hun ka pe tamtawk tawh che alawm," A ti leh


A thusawi lah sawhsawn a tum loh hmel rapthlak si


"I â em ni? Hmeithai, ni lo, nuthlawi..." Ka tawp dat, ka ni lo ve ve tih ka hre chhuak


Lalrinsanga za tih hriat tak hian a rawn nui huk, a hmui chu tuai zauhin, "Nephthy, engpawh sawi la haw ka tum tawh lo, ka luhkhung hreh lo che ka tih kha," A rawn kûn hniam

Na tawk hian ka lo melh, "i â a nih hi," Sehchilh zeta tiin ka nam sawn a, ka ding zat bawk



"Naktukah i nu leh pa ka be mai ang," Tih leh pên sawn ka tum chu ka bânrek ah manin hneh sawh lutuk hian a darah min pui zui lawp a nih chu...!


Ka rak ṭhat, "min dah thla rawh," Tih leh ka chum a, ka sik nawk nawk bawk


Nâ ti ang pawhin a awm lo, a pen ngaiin a pawk pawk a, ka tal sek chu ning ni âwm tak hian phun hlukin ka mawnga beng taih chuan, "tlak i duh loh chuan che che suh," A ti duh lek lehnghal. He mihring ka huat zia rapthlak hi

Min dah thlak hun hunah kan insual dawn khawp alawm! Hneh dawn lo mah ila a hmai hi ka vahan ham pilh âwm chiang tak..!




<><><>~><>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:18 pm

MR. CAPTAIN S2
<Hello! Stranger>
{My Treasure S3}

[The Unfinished Story]
By
Floria Laldansangi

Chapter < 10 >


EVALYN.... POV


"Min dahthla rang rawh," Inchhung min luhpui rualin ka ti tuar, Miriam-i harhin ṭap zui zat a


Mimii'n awi nghal durh durhin, "a mak e, ṭawngkam khan sawifel tum rawh u. Kut thawh ta reng mai, kanpa a rawn thleng ka haw a nia," Tih leh bag ban chuan a chhuak zui a


Lalrinsanga erawhin minla pu vâ reng, a hnungzang ah chuan ka chum leh ṭhin


Damian-a mut lohna lam room kawngkhar chu tlawh hawngin min theh thla nawk a, ka ting awk



"I fapa tih harh i duh loh chuan au tawh suh," Ala ti zawk zamah lehnghal a



Rang zeta khuma dingin, "eng nge i duh?" Ka ti hlar, ka en chhuk run bawk



"Ka sawi tawh kha, ka luhkhung dâwn che tih," Tih leh, hnehsawh fahran hian ka bân a pawtin min pawt mu nawk, kei lah kawlhsen lo tal ve nawk nawk chuan ka lo sual let a


A hmai chu engtin tin nge emaw hian ka ham ta hram niin ka hria a ri hrup a, a phun sup bawk



"Kawlh lutuk," Tih leh hneh lutukin ka kut pahnih chuan ka bânrekah man betin, khumah chun a rawn mu thla zat, a bawp sei leh rit zetmai a min chep bet chuan tal ngaihna a awm tawh lo, ka thaw ṭawk a ni..!


"Minthlah rawh," Min kuahbet a, man bet chung pawh chuan ka la ti hlar, a nui nghawr dat a, "i fapa a harh ang ka tih kha," Tih leh rem lo zeta min kuah bet hian, "muhil rawh," A ti zui sup, a nui zui tih hriat takin a taksa nghawr chuan min nghawr ve dat dat thei


Ngawi reng leh rem lo zeta kan inkuahbeh ran hnu ah, thaw halhin, sual letin, thinrim chuan kan inthlah dâwn lo tih ka hriat avangin ka thaw hap a


"Ka bân a na, min thlah teh," Pangai tak hian ka ti chhuak


Ngawi rengin min thlah ve mai bawk a, ka tal phut, hresa ni âwm fahran hian a bawpa min chehna chu ti nghet salhin, a âwm ah nghet lutukin min kuahbet zui a


A nui zui huk bawk, ka huat tawk a tlin zia chu tling tak a ni



"Minthlah rawh, i duh leh zanin chu hetah i riak dâwn nia, Damian-a bulah ka mu dawn," A tawp a tawpah chuan ṭawngkam pangai leh thlem ti tih deuh chuan ka ti ta ringawt a. A luhlul zia chu a awihawmloh hial zawk alawm


"Teuh lo lutuk," Ti duh lek chuan min kuah ṭha sauh sauh, ka chhipah a hmui lum thar thar mai chu nghat vang vangin, "nupa chu mut dun ngei tur, kan inṭhen te a nih ngawt loh chuan," A ti leh, a ṭawng zawnga taksa chet dut dut lah chuan minfan hnehin nuam ka ti ru phian lehnghal a! Hahthlak ṭhin hian...!



"Nupa kan ni lo," Min kuahbehna aṭang ka ti let ve nghat, ka nui nghawr dat a, "kan ni dâwn alawm. Ka luhkhung tawh che hi," A ti awlsam leh et chu ka ngei lutukin ka tal nghal leh phat, a taksa aṭang 1inch pawhin ka tawlhsawn lo, min thlah ngat se chuan ka kek hrep duh ngei ngei ang



Min kuahbeh tlat avangin chesawn thei tawh hek lo, kan insawn leh mamawh vel lama nitin chhuak vak na nâ nâ chu ka taksa a chau nge ni, ka muhil zui a ni ngei ang, ka harh leh meuh chuan Lalrinsanga kuah letin, a awmah bei chial chuan ka lo mu nia..!


Inlak hran ka tum chu min kuahna ti nghet let salhin, "mu mai mai rawh Nephthy. Khua a la var loh hi," Tho phang aw tih hriat tak hian a rawn ti ṭial deuh dut, a sexy vei phian lehnghal


"I muhil emaw tia, i harh vang mah mah lo maw?" Ka ti ta ngawt chu a nui nghawr dat a, min kuahna ti thawl deuh chuan a hmel ka hmuh theihnan, zo zetin lu lamah min pawt tawlh a, zinglam khawvar lek lek ah chuan hnai set sawtah kan in en, ka lungphu rawn rang ta dup dup chu duh lo teh mah ila, mut kham chiah lo tih hriat tak mitmeng zîmsan leh rilruih maia min en tu hian ka taksa hi a thunun hneh êm a sin...!


A rawn kûn hniam a, ka chhungril khawi emaw lai hi chuan namsawn tur leh, inveng turin min rawn hrilh; Mahse, ka thluak a thleng a, ka taksa hian a zawm thei si lo a tin ni


Mintihnat hlauh hmel tak hian, dimtê in ka hmui chu a dai a, zei tak leh hmanhmawh miah si lova che zuiin, a lei chu ka kâ chhungah a hawl lut zui a, ka chil ka lo lem khalh, ka thaw ṭha ngam tawh lo, a hmui sa ham ham leh lei sa veng veng maiin a ka kâ chhungah zei tak maia a chet kual tir meuh chuan engkim mai chu a reh zui dûk mai


Ka kut chu ti che riai riaiin, a kawngah chuan ka nghat chho a, ka hmui ti che in, ka mipa fawh hmasakber leh ka thianghlimna ka hlan mipa ngei mai chu kum 6 hnu ah pawh a hmasaber ni leh turin ka fawp let ve ta da da




Engtik lai pawhin ka tan chuan a hmasaber leh hnuhnung ber a ni zel dâwn tih hi, tuna ka inphalral leh ṭhak tawh a ni tih ka chian tluk zetin ka chiang bawk


A hmui la sawn chuang miah si lovin, kan hmui thlum zet mai in si reng chung chuan, inbeng kâng tharh hian ka chungah a lawn zui zat a


Dim tak leh âm tak si a min fawp chung chuan, "Ka hmangaih che Nephthy. Ka hmangaih che," Aw ki hniam sût leh rilruih mai, kawchhung fan thla rawih rawih thei khawpa thûk hian a rawn ti chhuak, a aw chu a sakin, a khur lek lek bawk!



Ka thaw ka lo hîp let kawk, min hmangaih thu a sawi a nih chu...! Vawikhat mai pawh ni lo, vawihnih ngawt a sawi chuan min ṭhawng mah mah


Ka hresual em tih fiah tumin, ka meng chhuak a, a chal chu ka chalah nghatin, min lo en kalh, zing khawvar dâwn vel a nih tawh avangin, tukverh kharphui lo na nâ nâ chuan kan lang chiang thaw khat viau in, eng nge kan rilru a awm tih leh eng nge kan ngaihtuah tih chu, tisa chakna leh zâmna avanga kan mitmeng phelh phang karah pawh chuan lang chiang tak a ni


Âwm sep dawrh dawrha thaw in, "eng maw?" Ka ti chhuak hap


Ka thisen kal lai te chu an chawl ta ṭhuap mai hian ka hria, thaw dep dep leh mit khat fak fak chuan ka en ran



"Ka hmangaih che. Ringhlel tawh suh," Ka mitah en kalh chunga ril thûk ruih mai leh nghet charh, rinhlelh tum pawh ni ila rinhlelhna tur awm miah lo khawpa ngheta tiin, ka hmui chu a hmui lum ther ther leh kan infawhna avanga la hnawm deuh chap hian a chilhhnan leh a!



Ka lo thaw chhuak hap, ka hmui hnuailam fawpin a seh salh a, nâ erawh a ni miah lo chu chuan minti zauthau zawk emaw tih mai tur a ni


A kut hrawl leh zei tak mai chuan ka tâi chu a zut kual a, a kut lehlama ka pajamas tlâng dawmin, a hmui chu ka nghawngah a sawn thla dan dan, ka thawk lak harsa ta lutuk leh boruak ka kâ a khat ta lutuk te, ka hmeichhiatna rawn zâ leh mar ta lutuk te chuan awm ngaihna min ti hre lo ṭan


A tukkhum sam ah ṭhamin, a bân bul lian leh sek ṭha takah chuan ka ṭham bawk a, a kut zei tak mai chu sawn chho in, a hmui pawh a sawn thla ve zel bawk a, thaw halh halh leh âwm sep dawrh dawrhin ka lo insiam rem ve sat sat bawk




Ka thluak nu bulh bulh karah hian zawitê a ri rawn chhuak, "i easy lutuk lo maw?" Ti tu chu ka hre ṭawk ṭawk.

Eng tiangin nge min ngaih ka hre lo mah se he a kut, a taksa leh a fawhna, kum 6 liamta a ka lo tem tawh, ka hriat chian em em kha. Uluk taka zût chhuah leh a, hriatchian nawn leh a byheart leh vek ka duhna chuan, ka lu ûm-a ri rawn chhuak te chu e! ka taksa hian a phatsan hnehsawh lutuk mah mah..!


Ka hnute, naupawm hnu emaw tih tur khawpa tisa chakna avanga aṭang mar at mai chu ka t-shirt chhanah chuan a kut phah hrawl leh hlai tak mai chuan a ṭham tâwk a, ka thaw chhuak hawk, chutiang bawkin Bryan-a pawh, a thaw ve hawk hawk tho, kan dang lah chu a ro dun tih hriat tak maiin ka chil lem ri pawh ring tak a ni


Ka kawr chu nin hmel takin, ka bra chawp chuan ka âwm lama nawr chho tâwk hian, a hmuin ka dul nêm lai chu a fawp zat, ka lo ip chawih bawk a..!


A lei thap leh sa ham ham maia a liah rualin ka kiu hmangin ka inbeng kângvat, engthil nhe a tih hi?

ka dul zawn aṭanga rawn melh chho chung leh ka dul thawk khum ham ham chungin sexy lutuk hian a rawn kiai suk a, a kut chu ka pajama ah chuan a zen lut a, ka dang ro lutuk tih hnawm nan ka chil ka lem leh khalh



Ka panty chhanah ka hmeichhiatna, tisa chakna avanga mar ṭha tak leh tui pur mai chu hmanhmawhna tel miah lo hian a thai riak riak a, thaw chhuak ham hamin ka dak leh ngar ngar ṭhin, badsheet chu ka ṭham ngawr ngawr bawk a


Ka hmeichhiatna a kut ṭanga thai a, zut reng chung chuan a rawn tawlh chho, ka nghawng a fawpin, ka bengah a fawp kual a, "hetiang ti tur hian kum 6 ka nghak tih i hria em," Ti ham hamin, ka beng chu a seh zui ne ne bawk


Ṭawng chu sawi loh ka thawk lak pawh a buai lo chauh tawh a nia..!


Tisa chakna leh ka hmeichhiatna a khawihna vanga awm ngaihna hre lo leh kawchhung zâ mer mer chung chuan, "Hmeichhe dang i khawih lo amaw?" Ka ti chhuak halh


Hetiang hunah pawh ka thikthu chu la chhe tuk tuk tak a ni


Sexy lutuk hian a rawn nui a, ka chala ka sam hnawk niah mai chul mamin, ka hmeichhiatna hup thak in, "ka mipatna i kalbo pui tel a ni mahna," nuiza aw lek lek a tih leh ka hmeichhiatna chu a nuai zui nawk nawk, ang hlawi hlawi chung chuan ka nui chhuak bawk a


Ka hmuiah duh thawh lutuk a rawn fawp zui hian, a kut la chhuak a ka pajama phelh a tum chiah, kawngkhar a rawn inhawng ri rak, "Mom..." Tih riin a zui nghal zat, rang lutuk hian a let thla tawp, chhuatah chuan a ri thla dup bawk a


Ka kawr pawt thla nawk nawk chuan, "Bawih..Bawihte..." Ka ti bah nawk nawk


Damian-a mit nuai chat chata khum rawn panin, a pa hmel a hmu chu, "Daddy," Tih leh a zuan nghal thak


Kei erawh ka thawk lak la buai lutuk leh ka lung phut dan la dik loh avangin, mit chhing chungin inbengdaih tumin boruak chu ka him vang vang a, ka thaw chhuak leh ham ham bawk



Ka sirah rawn mu kaiin, "hetah i riak ve maw?" A pa ahmu lawm lutuk chu a awihawmloh zawk



"Umm, i va tho hma ve?" Bryan chuan a ti sup, a aw ri pawh ala dik bik lo, min rawn melh, sexy zet leh nuihzat hmel tak hian a rawn nui suk bawk a

Kei pawh kan awmdan lai lutuk khan ka nuih a ti za ka nui chhuak hak, Damian-a lah chuan min rawn en vat a


Kan inkarah mu in, Bryan-a bân sei zet chu ka nghawngah a rawn rawlh lut ve, "Mummy lo mu hnai rawh," Bryan chuan a ti sup.

Damian-a lah phur tawkin, kan taksa danglam min hriat thiam pui dêr lo chuan a pa lama tawlh hnaih surh surh hian, "kan pathumin ka muhil dawn tihna," A ti ang deuh deuh a. Tunah tak hian ka fapa hi ka ngei lo ka tih chuan dawt ka sawi let der a ni ang. A hun lo viau a ni a ranw thawh hun hi..!


Bryan chu a rawn nui huk, inbeng kâng deuha min rawn en in, "naktuk zanah kan chhunzawm ang," Thutak fe a tih leh ka nghawng aṭanga min pawt hnai chuan, ka kut rawn ban in a fapa chu min kuah tir a, lai zet leh zak ru zet chung chuan ka kuah hnai ve ta sat sat

Damian-a lawm lutuk chu a che deuh sek, "naktukah pawh tiang hian kan mu leh dâwn tiraw?" A ti deuh chhen bawk a, ka chhang peih lo, an pafa hian inbum teh se...!


Ka muhil nawn leh sek a ni ngei ang, Damian-a nui kher raih raih riin minti harh, ka men chhuah meuh chuan nî a kangsang tawh viau mai


Ka inperh tho vat, ka sam, ka dar chen leka ngil chu ka tuai mam puat puat a, chhuah ka tum zet a, ka sira darthlalang intarah chuan in en in, ka hmai mawm chu ka hrufai leh nawk nawk


Tawp deuh datin ka ding ngil a, "eng nge lan ṭhat ka ngaihna?" Ka ti chhuak sep, lai zet chuan ka nui zui leh sen sen. Ka tho fuh viau niin alang


"Vawiin chu kan putu in kan sam kan dum angchu," Pa Nathan-a leh Nu Maya-i hmel zing zingah ka hmu chuan min ṭhawng lek lek


"Morning Nephthy," Kan choka lam ka hawi vat, Apron hâ in breakfast a lo siam a nih chu...!



"I lo tho ta maw?" Nu Maya-in a rawn tih ve phei chuan khuk ral chem chem a nia ka duh ni..!


Ka hmai a sa hat hat a, zingkar thawhhlim ah ka thlanfimin min bual mai dâwn alawm..!


An mitmengah an fapa kan in a ariak chu mak tihna emaw min ngaihnep na emaw pawh lang miah lo chuan minti lai letling zawk



"In va rawn thleng phei hma ve," Sawi tur hre hek lo. Bakah, an rawn lang hma mah mah a ni.

Damian-a te putu chu ka en. A pu vun chuar tawh tak mai hi pawhfân nuam a ti em em khawp a, a kut vun chuar pawtfân pahin, "sam pawh i nei tawh si lova," A ti chhuak heu


Nu Maya-i leh Bryan-a an lo nui hak, "Malsawmhlu.." Ka lo ti vat thung


A tir phei chuan, "tinge i vun hi avan sei?" Te a ti mai mai a. A dilchhut thei lutuk leh engkim mai hriat a tum hi a buaithlakna pakhat a nia


Kan mitah chuan fingfel viau mah se midang mitah hian a ngeiawm ṭhin tih hi ka hre si a, a mize tlang lutuk, ngeng bawk si, fing bawk si hian kan hriat miah lohvin mi pawi kan sawi ang tih hi ka hlau ṭhin

Bryan-an min rawn pan hnai, ka dar tawn tawna chelha dawhkan lam min pan puiin, chair a pawt chhuak a, "hna i tlai dâwn ei phawt rawh," Ti supin min nam ṭhu chuan ka chhip a fawp zauh, ka sirah a apron hak chu phelhin a ṭhu ve zat a


Ka awmdan lai lutuk leh a nu leh pa hmai ka veng bawk si chuan, ka mitmei hian ka khak ve bawk a, hmu ang pawhin a awm lo

"Ni ngawt mai tiraw bawihte, i pu khan sam pawh a nei tawh lova; tichung khan sam dum hi a ti reng lehnghal. A sam dum leh a lu ana nghal zel bawk si," Nu Maya-in nui chungin an pa chu a zilh pah

Damian-a lahin a pu tarmit vuah lai la thla in, "awi! ava thûk ve," A vuah rualin a ti deuh hluai, an nui hawk hawk hlawm, naupang dang hi anni em ka hre lo, ka fapa hi chu engkim hi fiah leh chhin vek a tum ni ber hian ka hre ṭhin..!


"Vawiin chu i hna Ni hmasaber te a ni sia, Damian-a kan bulah awm sela, keini pahnih in a awm bak tih theih kan nei si lova, kan lo awmpui ang e," Nu Maya-in a rawn ti


Damian-an, "ka Daddy office ah kal ka tum a sin; Mahse, nidangah a ni mai, apu in ka khua a har dawn a tia, ka awmpui mai ang," A ti ve ngei, a inla puitling lutuk hi a chang chuan ngeiawm lamah a kal ṭhin ka tih kha..!


"Eva, hetah hna ineih si chuan Damian-a school luhna tur lam hi eng nge i ngaihdan," Pa Nathan-an a rawn ti chuar chuar


Bryan-a ka melh zawk, min rawn en ve chiah bawk, ṭawng ka tum zuau, "thlathar lamah kan pahnihin kan en kual angchu ka ti," Bryan-an mi lo tih khalh chu ka melh nghal vak


Ka tum dan chuan Melbourne-ah let a, Melbourne aṭanga hna khawih mai ka duhdan a nia!


"Khawimah kalbo tum tawh suh," Ka lama rawn awn hnaiin thuoe zet hian a ti zui sup, ka rilru a hre reuh emaw ni?


"Eva ngaihdan leh ruahman na te i nei em?" Ka ngaihdan leh duhdan dâwn tak hian Nu Maya-in a rawn ti a



Coffee lem zauhin, "ka hna a zirin Melbourne lam aṭanga thawhdan a awm ka lo ring a. Damian-a tan pawh zirlai a laklawh ka hlau deuh a," Ka ti zaih, let ngei ngei duh anga min ngaih ka duh bik chiah lo



Lalrinsanga a lo rum nghut, "laklawh na tur a awm lo," A ti bul nghut bawk a


Marco rawn lut ve chiahnen ka chhang buai peih ta lo


"In pahnih khan sawifel ula, thuthlukna mumal tak siam tum rawh u. In fapa chungchang chauh pawh ni lo, in inkar pawh kha sawifel tum rawh u. Tleirawl inni tawh lova, 'ka luhkhung' tih ringawt pawh a dik ber lo," Pa Nathan-an a rawn tih leh chuar chuar, zahna avangin ka biang hi Tomato rah a ang ta viau ve in ka ring


Min luhkhung tiin a hrilh emaw ni hepa lellul hian!


"Bawihte i bag leh lehkhabu i keng tel dâwn a ni lo'm ni? Va la la, i kal ang u, nangni pawh intlai dâwn hmanhmawh rawh u," Nu Maya-in tih leh a ding hluai



"Marco ka Pa te kha thlah haw rawh, Nephthy nen hna chu kan kal dun mai ang," Bryan-an a lo ti sup


Phawk fe hian keiin ka lo en, kan hna kalna a in ang reng reng lo


"Kan kalna tur a in ang hleinem," Ka lo ti chu min en duh miah lovin ka eina no leh thleng vel la khawmin a tho thurh a



Minzui ve zel chu a tum êm lo'ng chu maw?


Damian-a te chhuah hnu ah ka inbual sawk sawk, ka hmaiah moisturizer tat nawk nawkin, ka hmui chu hnawihsen tlem ka hnawih a, pencil skirt dum ka khup hnuai thleng chu fengin, kamiz var chu ka ha bawk, ka hak lohna a rei ta deuh nge a a mar ṭha in, ka hnute a tilang lian em ema ka hriat hrep ni!


Ka insiam zo ka chhuak chu uluk lutuk hian min lo en, Armani Business suit vutbuak rawng a hak chu inhmeh tak a ni, a bana Rolex sana rangkachak rawng lawk tak mai chuan a ti lang pui zual. Hnamdang model ti ila awih tawk an awm khawp ang tih turin a chhe lo


"Kawr dang i nei lo em ni?" A ner zui sawk bawk


Ka in en a, "a ṭhat hi," tih leh mit zîmsan a min en tu chu khabe poh vah hian ka en chho


Min rawn pan hna hrutin, "i awmbawr a lang mah mah," A ti leh nghut. Thu lo ve sia..!


"A läwmawm a nih chu, zawnglai alawm ka nih le," Ka fiam ve chak hrim hrim

"Lalnunthar," Tih leh ka kawngah a kut hrawl zet mai a rawn rawlh lut zat, a alamah min pawt hnai hrawk bawk


Pheikhawk säng 4cm a säng ka lo bun ve nen, ka nek nghal rawk rawk, ka tukkhum a dawmin ka inrin leh dinfel hmaa min fawp nawk chuan a inla hrang a, "ka ta ini, a chiang em?" tih leh a hmui a tuai zeuh, "i hmui pawh ti khan a tawk chiah, pasal nei tawh ini tih theihnghilh suh," Thutak leh thu minpe zet a tiin a inher zui vut, a awmdan chuan minti hamhaih lutuka en zui hau in ka nui chhuak sak ta ringawt a


<>~><><><><


BRYAN...POV



Kawng tluanin, a hna thara zui ve zel turah min ngai chuan ka nuih ti za viau mah se nuih chhuah erawh ka tum lo


Engtin tak min en ang maw tih ringawt ka ngaihtuah thung



Ka rinlawk ang chiahin, ka hnuaia thawk tur a ni tih a inhriat rualin a mitmu lian tak mai chu a lian leh zual, "i tumsa a ni em?" midang hriat hläu tak si chuan a rawn ti leh sur sur ṭhin


Ka nupui a ni tih hnathawk ho hmaah sawi chak viau mah ila, heiai hian ka chungah a thinrim dâwn tih ka hriat avangin ka la insum; Mahse, rei erawh ka zep hauh lo ang


Hnathawk thar tur kan lak, Architect & interior designing Department a tel tur mipa ho en dan chu ka duh hauh lo, a awm bawr kawh lah mai leh a kawng fek rat te, mawng bawr bial nalh tak leh chawn puar nalh tak mai awh leh it hmel taka an en zui dauh dauhna na mit saw kher chhuah vek a nia ka duh ni. Nge ni a, ka bân vek ang a midang ka la zawk dâwn?


A bikin saw Architect engineer saw! An nikhatna ah an inhnaihin, ka office aṭangin ka hmu thei a ni tih an hre lo emaw ni?


"Marco, engthu nge ansawi?" Sehchilh zet chuan ka ti chhuak


Hnungzang khawng at a ṭhu in, ka kiu pahnih chu dawhkanah ka nghat a, ka hmui zawnah ka kut pahnih chu nghet takin ka suihzawm bawk


Hnathawk turin ka ruai, inlêm kual tur ni lovin! An nikhatna lehnghal!!!


"Boss, i ṭhutna bulah a ni ka din ve tho ni?" Marco chuan a rawn ti sup


Ka melh chho a, ka mitko san zauha Lalnunthari ṭhutna lama thle bak chuan, "a nih chuan hriat va tum ta che."


"What? I fiamthu tiraw? Ka thei lo," Lu thingin a nui vur vur



"I ring em?"


Za lo zeta nui luiin, "hna chungchang a niang chu," Marco-an a tih laiin saw zawnga sawn a hnaih lehzual vangin dawhkan ka inrin hma in ka chum ri dawt, ka ding chhuak zawk bawk


Dawhkan chunga nghet taka ka kut hum ruhin, "bân angche, saw mihring saw bân angche," Sehchilh rap rapin ka ti chhuak. A bâng ngei tur a ni



"Tunah... Tunah ngei..." Marco lam hawiin ka ti leh hraih bawk


"Boss, inbengdai rawh. Tunah chuan Engineer ṭha leh rintlak kan mamawh zia i hriat kha," A rawn tih chuan amah zawk hi hnek sawk a nia ka duh ni..!



Naktuk, naktukah chuan Lalnunthar i kut ṭangah khan zungbun lian lutuk, ka ta ini tih chhinchhiahna a awm tawh ngei ang. A awm ngei tur hi a ni tawp...!

"Inneih zungbun leina tur dawr lian tak zawng ang che. Tunah," Ka ti leh hluk. Marco lah chu a nuih a zat hmel viau, pawi ka ti hrep love



An lam en run run chungin ka ha pui ka seh ri bap bap bawk, inbengdaih ngial ka tum pawhin Lalnunthari'n a nui hmelṭha tak mai a hmuh tir fo sawn min inbengdaih tir thei lo chu a ni ber e...!


<>~>~><><>~>~>


NOTE : naktuk ka chawl ang aw🙏❤️💚

Ads in click hian hah taka in story chhiar tur lo ziahsaktu che u hian hlawh an lo nei ve zel thin a, chuvang chuan ads click hi story chhiar manah in lo ti ve ziah dawn nia

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:19 pm

MR. CAPTAIN S2
<Hello! Stranger>
{My Treasure S3}

[The Unfinished Story]
By
Floria Laldansangi


Chapter < 11 >


EVALYN..POV



Pu Dinpuia hnuaiah ka thawk dâwn emaw ka tih laiin, Lalrinsanga company hnuai, Architect and designing department an dinthar ah ka thawk tih ka inhriat ruala mak ka tihna leh thinrimna kha ka thup hman lo.


A thangah ka awk chiang lutuk hian minti thinrim hluah hluah.



"Nephthy ka office ah rawn lut teh," kawngkhar lam chu ka en vat, ipte zen apin a lo ding run. Min koh dan mai mai chu'h..! A office leh a company-ah kan awm tih a hre lo emaw ni?.



Ka ṭhutna tur lah a office chhungah a dah a, glass zawngin min dang lehnghal, he mihring hian engthil atthlak nge maw a tih hrep hi ni?.


"Ahhh.. Eva hei chu tlailamah kan sawi dun leh mai dâwn em ni?" Ka bula ṭhu Aruata'n tih leh ding zuiin, "lunch break a hun tawh hrim hrim a, lunch ei phawt ila," atih zawm zat.



Lalrinsanga erawhin min en reng tih ka hria, a hnuaia thawk tura min bum vang hrim hrim pawh hian a chak dâwn lo nasa..!


"Company building ah hian food court a awm em?" Lalrinsanga min en na haider lui tlatin Aruata chu ka en a, Lalrinsanga lo rum nghut.


"Umm awm lo," tih leh Lalrinsanga lam melh zawkin, "ka chhuak hmasa ang e," tih leh rang zet hian kawngkhar lam a pan nghal a.


Mit ka lo chhing sawk, "tunah chuan kan pahnih chauh kanni ta," A rawn ti sup a.


En miah lo mah ila min rawn pan hnai tih ka hre thei.


"Ila thinrim em ni?" A aw chu a room a lut tura min hrilh lai aiin a nem daih tawh.. Nuihza aw emaw ni te ka hre tel.



Ka la dak chhuak chuang miah lo, ka tihlai chu bih ngar hian ka tihzawm a.


"Ka biak che chu," Ka beng bulah rawn kunin a ti sup, hneh sawh zet hian ka chair chu a pawt vir zui a, a lam hawiin a chelh bet hmiah bawk.


Engahmah ngai lo zeta melh chho vah chuan, "eng nge i duh ka Pu?" Ka ti chu a nui chhuak huk, a nui ri lah chu a mawi em em lehnghal a..! Ka thinrimna te a reh leh zo dâwn!


"Pasal nei tawh ini tih i theihnghilhin ka hria ka Pi," a mit a ti zîmsan, fiamthu thawh hmel lah chu a pu dêr lo.


Thle hâ chung hian ka melh chho a, "pasal ka neih lai âwm reng reng ka hre lo," ka ti chu a lamah ka chair chu pawt hnai salhin, "sawinawn leh rawh," hnai lutuk maia min en chung hian a ti sup.


A thaw lum ham ham chuan min ur leh er er tawh.


"Pasal ka la nei lo...." Ka tih laiin ka hmui chu a hmuiin a chilh zui hmiah a, ka hmui hnuailam a seh zui zauh bawk.


A thîp lutuk chu rak ṭhatin ka nam let sawk, ka hmui khawih nghal chuan, "Lalrinsang," ti zui hlarin ka melh vak bawk .


Hnehtu inti zeta mitko min sän khum zauhin, "hremna a nih kha," ti awlsam et chuan, "tho rawh, lunch ei ang," tih leh min pawt tho zui zat.



Ka ṭhutna room aṭanga kan chhuah rualin a office chhung dawhkana ei tur awm ka hmuh chuan en deuh haw in, "Engtik laiin nge i chah?" Ka ti a, min rawn melh zawk, "zing aṭangin ka thiltih i rawn melh chhin eih hleinem," lungawi lohna ri tel chung hian a ti a, a ruk hian ka lo nui seih.



A sawidik chiah, a hnuaiah ka thawk dawn a ni tih ka hriat hnu a ka en peih loh chu dahṭha ila, a office chhungah ka dawhkan a awm a ni tih ka hriat hnu phei chuan melh kha ka tum lo hrim hrim.


Mahse, Marco erawh ka ṭhutna zawnah arawn taikual zing hle tih erawh ka hre thung..!



"Engtin nge Japanese food ka ngaina tih i hriat?" Ka ṭhu thla nghal, ei tur ka hmu a ka ril ṭam zia ka hre chhuak chiah bawk.


Ka sira rawn ṭhu thla in, dispo chopstick pawt phel chuan a nuai nawk nawk a, kei erawh engmah sawi tawh set set lo chuan ka kutin sushi chu la in ka hmawm zui zat.



Nui huk hian chopstick chu ka kutah a dah a, "muangchangin ei rawh, i tan vek a nih hi," tih leh, "i thil ei ka hmuh hmasakber che khan Japanese food i ngaina tih ka hria alawm," a ti zat.


Sushi hmuam ṭun chung chuan ka chal ka ti chuar nâng bawk a, khawiah nge ka ei a hmuh reng reng ni?



A ṭam bawk a niang, ngawi rengin ka ei mawp mawp, a changin, "i hak ang e," Bryan-an rawn tiin tui minpe leh ṭhin, min vil deuh chawt mah se "pum lamin ro a rel tawh chuan smart-in awmzia a nei lo" antih kha, ka ngaihsak peih lo.


"I puar tawh bawka inbe tawh ila," a rawn ti sup, thatchhe zet chuan sofa hnung ngheng hian ka ṭhu duai a.


Intha zo lo zeta tho chhuakin, "eng nge i duh?" Ka ti ve mai. Damian-a chungchang a nih ka ring bawk.



A office chu chiang takin ka lo en ngai lova, a zau takzet a ni, bangah lah chuan painting manto tih hriat mawi tak tak a in tar bawk a. Mahse, mipa office tih takah a thim mah mah ka ti, a hmel ang chiah..!



"Hetah lo kal teh," tih leh zo lutuk hian ka zak hnuai aṭanga min chawi kâng nawlh chuan a dawhkan chungah chuan min nghat a.


Chair-ah ṭhu in ka mal inkarah rawn in rawlhin min rawn en chho a, sexy lutuk maia nuiin, ka hnunglamah a kut a suih zawm zat bawk.


"Ka ta ini tih chhinchhiahna i neih a ngaiin ka hria," a rawn ti, hrethiam chiah lo hian ka lo thle hâ a, ka kut, ka mal chunga ka dah chu la kangin, a fawp zauh, minti mur er er thei, a che vel dam dup leh a mitmu uk fiah tak maia min enna hi chhiar ngial ka tum a, eng nge awmzia tih ka chhiar thiam lo.


"I ta ka ni em ni?" Ka ti sep, ka lungphu hi zep rual lohvin a rang a ni. Mahse, pangai taka lan erawh ka tum tlat thung.



"Sawi tawh suh ka tih kha," duh lo tih hriat tak hian a ti bul sup.


A ruka nuiin, "thudik a ni sia lawm, ka man pawh i pe lova, i nupui ka nih ngawt chhan tur awm hek lo chu!" Nuihza ru tak chungin ka ti leh a, a rum nghut!

"Anih chuan zanin ah man ka pe mai ang," naupang chhia deuh hian a rawn ti chhuak, ka insum zo lo zat zet hian ka nui chhuak, a hmel pa hraih ṭhin kha, Damian-a ang rual vel lungawi lo titau ang mai hian a rawn inthlak..!


"Ka fiamthu lo a nia," ti leh nghutin ka kut ṭangah chuan eng emaw hi a rawn rawlh lut, eng nge tih en tuma ka kûn chu ka meng kawk, ka nui hmel chawpchilhin a reh nghal hmak bawk.


"Eng nge heihi?" Ka hre lo a ni lo, zungbun a ni tih chu ka hria mah se engvanga min bun tir nge a nih. Chuai mah a ka hriat chian chu he zungbun ngei hi kum 6 liamtaa inhualna lem leh Tetei tana phuba lak a tum laia zungbun ka kuta a hnawhluh ngei kha a ni.


Ka inrin hma in ka kawchhungah hläuhna in min rawn tuama, rang lutuk chuan ka kut a vawnna chu ka thehsawn sawk, zungbun chu phelh ka tum zui zat bawk a.


Ka kut rawn dawmbetin, "Nephthy ka thusawi ngaihthla phawt rawh," min bengdaih tum tih hriat tak hian min chelhbet a, ka mittui a rawn hnâm ṭiam ṭiam, heihi alawm ka hlauh em em a, ka hnaih ngam loh ni!


A tawpa ka chan chu, Tetei hlimthla mai ka nihzia hmuhfiah a ni ṭhin..!


"Minthlah rawh," ka aw chu a chhuak ṭawk, ka hrawk ah boruakin min rawn hnawhbet a, a kham nghal ut ut bawk.


Min thlah tum lo tihbhriat tak hian ka kut chu a hmer nghet sauh a, dawhkan aṭanga chhukin, ka theih tawpa nâ chuan a kut chu ka thing thla sawk, "i inthlak emaw ka tia. Hmalam i pan emaw ka tia," ka kawchhung leh ka âwm zawn na lutuk chuan ka chak lohna lantir tu ka mittui a ko chhuak leh, ka biangah a rawn luang ngiai ngiai.


"Nephthy, ka thusawi ngaithla rawh, he zungbun hi i tana ka siam a ni," a thusawi chu ngaihthla se minti tih hriat takin, "min ring rawh ka tih kha," a tih zawm leh a, za lo lutuk hian ka ṭah nuih.


Ring tak chuan ka ṭah nuih uar uar a, mittui nen natna a khata Lalrinsanga en in, "he zungbun hi Tetei ta tur a i lei a ni tih ka theihnghilh ring suh. Kum 6, kum 6 liamtaa ka kut ṭanga tihluihna hmanga i hnawh luh, phuba lakna atana i hman, i sal atana min thlunbehna zungbun ngei a nih hi," ka ti chhuak tuar, zungbun chu phelh nawk nawkin amah vawmnan chuan ka hmang zui sawk bawk a.


A chhip sam tuai puat hian, "a dik, kum 6 liamtaa ka hman ngei kha a ni mah se engtiklai mahin Tetei tan zungbun ka lei ngai hauh lo," a aw sang miah si lo bul zel hian a rawn ti a, ka lo melh ngawt ngawt, dawheh hi ka ti lutuk mah mah!




"Engthil nge ni a?". "Mom.." Nu Maya-i leh Damian-a aw ka hriat rualin rang lutuk hian ka mittui chu ka hru hul sawk sawk a, Lalrinsanga erawh ngawi ngul leh beka thisen zâm pawng ṭawlh ṭawlhin min la en ngur thung.


Damian-a te lam chu ka hawi a, "mom are you crying?" Ti deuh hâ-in min rawn pan hnai, ka lu ka thing ringawt, ka ṭawng chhuak mai thei lo, ka fapa hmel ka hmuh phei chuan mahni in khawngaihna leh mawl intihna in ka khat hluah hluah.


"Nephthy..." Ka kut a rawn chelh a, ka lo thing thla vat, a lam hawiin, Damian-a ka bula rawn ding chiah chu a bânah ka chelh zui a.


"Lemchan tum buai tawh suh Bryan. Kan tawpna tur hrereng chungin ka beiseina ka lo ti säng lutuk a tin ni, i thiam loh ni lovin, ka thiam loh a ni. Chuan khawngaihin ka hna hi ka bânsan nghal tih min hriat sak dawn nia, kan pahnih tana ṭha tur ber niin ka hria," aw ki vin hmang turin ka chau lutuk mah mah, ka nghilh dup a, ka kawchhung hi a chau hluah hluah a ni ber!


"Hreptak che hian Evelyn! Engtiklai pawhin kan inkar tih tawp hi hman reng suh," a ti chhuak hrawih.

Ka tum reng lova a nunhlui ah ala tán tlat vang zawk a nih hi!


"I aw ki kha san hlek suh Lalrinsang," Nu Maya-in a rawn ti ṭhak.


"Eng nge thil awmzia Eva han sawi teh," Ka bulah a rawn ding, ka hmaizahin, kan nufa chungah ṭha viau mah se a fapa thinlungah hian hmun kan chang ve ngai dâwn tlat lova, insawifiah viau pawh ka tum lo.


"Min hrethiam rawh Nu Maya, kan lova haw hmasa ang e," tih leh Damian-a hawi â hûih chu ka kai chhuak a, Lalrinsanga'n minzui a tum tih hriat takin, "i dinna ah khan ding rawh," Nu Maya-in a ti ri ka hre hman, min en zui reng tih pawh ka hre reng bawk!



Taxi kan nghah lai te chuan Damian-an, "Mom are you ok?" A rawn ti leh ṭhin, ka fapa aw ri leh min ngaihtuahna ri te chuan ka hnuk a ti ulh zual. Nizan maia min hmangaih thu rinhlelh theih miah loh tura min hrilhtu ngei khan, vawiin ni hian kum 6 liamta ang mai khan a hmangaih hmun ruak luahtu mai ka nih zia min hriatnawn tir leh si a. Zahna in ka khat a, mahni indemna in ka khat hluah hluah bawk


"In chuang dâwn em?" Mipa aw ka hriat chuan ka harh zawk


Ka mittui ka biangah a luang tih ka hre chhuak chiah bawk, rang taka hrufaiin kawngkhar chu ka hawng a.


Kan inluahna lam sawiin, kan nufa bawkin kan let leh ta, a tir aṭangin pahnih chiah kan ni a, pahnih aitam kan ni ngai dâwn lo a, kan ni reng dâwn a nih hi!


Inchhung kan luh rualin, "Damian," a hmaah chuan ka ṭhu thla, mitmu dum fiah zet mai, bial kerh hian min en a, a khap fak fak bawk, thaw la halhin, ka nui lui säng bawk a, "zanin hian...," ka tawp dat, ka chil chu harsa zet hian ka lem khalh a, "Melbourne kan pan a ngai a," ka ti chhuak thei ṭawk



"Mom Melbourne ah ka let duh hleinem. I want to be with Daddy," tih leh a tal deuh nawk nawk chu manbet luiin, "ka thusawi ngaithla rawh, phone aṭangin i be thei a, i ngaih hunah i zin thei bawk. Kan let angai," tih leh ka mittui tla tur khap let sawk sawkin room lam chu ka pansan a.



Luggage chu phawrh chhuakin ka thawmhnaw chu ka khung zui nawk nawk


"Melbourne-ah ka haw duh tawh lo. Mom Mizoram-ah hian awm ka duh. Daddy bulah ka awmve duh," Luggage ka siam laiin ka sirah Damian-a a lo phun ve char char bawk.


" Sual chhuah loh tur Damian. Ka thusawi ngai sawi nawn fo ka duh lo ka tih ṭhin kha," Ka aw a khurh chhuah lohnan ka in thunun nasa viau.

Khang kum liamtaa ka thil paltlang te kha a tir aṭangin ka dai nawn leh ta ni maiin ka inhria!



"Damian.." Lalrinsanga aw ka hriat chuan ka tawp dat, "Daddy, mommy hian Melbourne-ah min hruai a tum a nia, ka haw duh tawh lo, Melbourne-ah chuan Daddy ka nei leh dâwn lova, ka duh tawh lo," ṭah aw ṭiau hian Damian-a chuan a ti zet zet a, ka mittui bawk a rawn far kauh kauh.



"In haw dâwn lo khawiah mah, pawnah Marco a awm a, i pi te bulah a hruai ang che, kal rawh le," a tih rualin ka hawi dawrh.



"Malsawmhlu khawimah kal suh," tih leh thawh ka rual, Damian-a room aṭanga a tlân chhuak chu umzui ka tum a, Lalrinsanga'n min manbet chuan, "awm hle hle rawh," a ti hluk.


Melhna zeta melh nghek chuan, ka tal chhuak phut a, "eng nge i duh?" Mit hnawm chap chuan ka ti kha fak


"Nangmah ka tih tawh kha," a ti sup


Keh bawrh bawrh mai ka duh, ka ngei lutuk hi!


"Nephthy engtia bul ṭan tur nge ka hre lo mah se Tetei vangin engthilmah ka ti tawh lo tih erawh hre turin ka duh che. Hmalam ka pan tawh," thutak leh nghet charh hian a rawn ti a


Ka lo ṭah nuih hak, "min ring lo a ni tiraw," a thaw zui hak


"Kum 6 liamtaah khan cheng tawh suh, keini lovin nangmah hian hmalam i pan angai. Tetei nen inzawmna kan nei tawh lo ang bawkin nangnen pawh innei tawh lo," ka dar tawn tawnah a rawn chelh a.


Mittui luang ngiai ngiai hian ka lo en. Ni e, kum 6 liamtaa ka chunga thilthleng khan minla zarbuai fo a sin. Mahni inrintawk lohna min neih tira, tu tánmah ka tling ngai dâwn lo tih min hrilhtu an awm tlat ṭhin bawk, chu chuan eng inzawmna mah min neihtir ngam lova, phatsan nih leh hmanrua mai nih leh kha ka hläu va mahni ka inveng reng ṭhin. Mahse, he mihring lakah hian ka inveng hman ṭhin lo chu a nih hi!


"Engtin nge hmalam panse itih?" Aw rawn chhuahna lam chu kan hawi dawrh


Mittui kar aṭangin U Mampuii te nupa hmel chu ka hmu phe ruai ruai.


Bryan-a min vawnna paih sakin a lamah min pawt hnai a, "hmalam pana ngaidam tur che in i duh em ni? A thil paltlang i hria em?" A ti zui hlar.


"U Mampui..." Ka aw chu boruak ah a thamral vel niin ka hria!


"Tunge innih a? Ka nupui nena kan inkara inrawlh tur hian," Lalrinsanga lah chuan hläu lo zet hian a ti let a


"Nupui," U Ryan-a zawk chu a nui hul hak.

U Mampuii'n min chelh chungin, "Nupui ti chunga i pawngsual vang leh, thim tham, a hmun hlauhbera i khungbeh avang te, phuba lakna atana i hman avang te-in mi â ang maiin a awm ṭhin tih i hria em? Nanghi ini Evalyn-in a raipuar chunga psychiatrist pan ngai khawpa siamtu leh a mumang thleng tibuai ṭhin tu chu," U Mampuii'n a ti fak fak.


Ka mittui dan rual lohvin a rawn baw zawih zawih a, vawikhat, vawikhat pawh ka sawi chhuah ngai loh leh, U Mampuii te nupa bakin a an hriat loh ka nunhlui, Lalrinsanga avanga ka talbuaina leh Damian-a pai puitling tura ka tawrhna te chu ka hmaah a rawn lang zut zut.


Doctor phei chuan "a â tak tak mai ang" mintih tur khawpa zan pawh mu thei lo, Lalrinsanga bak ka rilru a awm lo leh ka chunga bawraw taka a chetna leh, ṭawngkam vanga zan tam mu thei lo leh mangchhia ka neih fo lai te chu nimin lawka thleng ang mai hi a ni.


"Engtin nge i fapa hi a pian i hre duh? Fanu inei tel tih pawh i hre tawp nang. I fapa a dam taka a pian theihnan a danu kha a tihtlak a ngai tih i hre tel em?" U Mampuii aw pawh chu a khur hlawk hlawk.


"Ti chung chuan a nunhlui theihnghilh a, i thiltih theihnghilh sak tur che in i hrilh a maw? Mihring pawh i ni lo. Evalyn-i hian hmangaih tlat lo che sela chuan ka kut ngei hian ka that duh ta zawk hial ang che" U Mampuii a ti leh phiar phiar. Chutiang taka J Mampuii thinrim leh ṭawngkam thlahdah a, na taka a ṭawng ka la hre ngai lo hrim hrim.


"Bawihi, Eva zawk kha...." U Ryan-an a ti ri chu ka hre ṭawk ṭawk chauh, ka hriat hnuhnungber chu bân tha chak takin min pawm kâng nawlh tih leh ka hming a min ko mawlh mawlh ri chu a ni..!


Ka thil hriat a hla tial tial a, ka khaw hmuh a thim zui ruai ruai bawk..!

<>~><><>~><>
##
ads i lo click satlaih ringawt avang khan i chhiartur hah taka story ziaktu ten hlawh an neih ve theih phah a nia aw, an hah man tlema zawng an hlawh ve theih nan i lo click sak ve thin dawn nia

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 29th, 2021, 2:19 pm

MR. CAPTAIN S2
<Hello! Stranger>
{My Treasure S3}

[The Unfinished Story]
By
Floria Laldansangi


Chapter < 12 >



BRYAN...POV



"He thil hi i bun tir tih sawi suh ang che," chhuata zungbun chu chharin ka hmaah a rawn lek chhuak. Ka lo phih thla sawk.



Ka tukkhum sam tuai puat hian, "ka bun tir alawm mah se he zungbun hi atan ka siamtir a ni,"," engvanga tumahin ka thusawi chu ngaihthla lo nge annih pawh ka hre nek lo ve!


"Kum 42 i ni tawh, engtia mawl em em ngaw maw i nih le? A rin che i ring em? Khatiang taka i tihnat tawh hnu ah i hmangaih a ni tih rin pawh a harsat dâwn laiin, he zungbun kum tamtak hnua i bun nawn tir hian eng nge a rilru ah awm dawn i hria em?" Ka Nu chuan a ti hmuar hmuar.


"Eng nge i tih reng, chân i duh loh chuan um zui ta che," a rawn tih leh, ka thaw halh, "i haw thei ang tiraw?" Ka ti sup a.


"I Nu(Eunice-i) pasal U a borala i pa akal tawh a, ka zu kal ve ang, chanchin min rawn hrilh ang che," a tih chuan bu nghatin office chu ka chuahsan nghal vut.



Evalyn-i te in ka luh rualin Damian-a ṭap aw lek lek ka hre zui a, an room ka luh chuan ka rin lawk angchiahin tlânbo a tum leh tawh!



Ka chhungrilah tlawm intihna a rawn awm zawk mah se ka thiam loh a ni tiin, thaw la in ka pan hnai a, mipa ka ni a, kum 6 chhung tehmeuh ka zawn hmeichhia hi ka chapo na leh tlawmlakna avangin ka chan thei lo!


Henu vang hian vawi engzât atam nge ka Chopona tlâng aṭang hian ka chhuk fo ngai dâwn le?


Damian-an Melbourne-a let a duh loh thu a sawi laia a mitmeng chuan minti thinrim lek lek.

Ni e, mipa mahni tawka chapo ve tak hian hmeichhe pakhat ka um kawi ngat ngat a, ka thiam loh tamtak awm mah se tlawmlak nei mihring ka nih avangin tlawm vawng vawng intih chang chu ka nei ṭhin alawm!


Mahse......

Mampuii tih nu upa lam, ka Nu aia naupang hret turin Evelyn tawrh leh ka thiltih avanga a nun ah a nghawng nasa zia ka hriat chuan engthil nge tih mai tur ka hrethiam leh ta lo, ka kal tir ang nge, luhlul tak hian ka chelh zawk dâwn!

.
.
.
.

< Nazareth Hospital >


"Eng nge a an?" Ka Nu aw a ni, kei erawh Evalyn-i kut chelhin a sirah ka ṭhu ran, vawikhat pawh ka la che sawn leh eih lo.


"Ngaihtuah tur a awm lo, Nu heihi Eva chhungte annih hi, U Mampuii leh U Ryan-a te," ka nau Bryson-a chuan ka nu te rawn lut chu a lo be zung zung.



An inhmel hriat tir a, "a na viau em? Tih theih te kan nei em?" Ka pa in a rawn ti.


"A chiai chang hian a awm leh zeuh ṭhin a, a ṭha ve leh mai ang," Ryan-a tih zawk chuan a ti sup .


Mampuii zawk chu a lungawi chiah lo nge ward kan luh aṭangin a la ngawi ngal thung, ka nau nen Evalyn chungchang a a natdan an sawi lai bak ṭawng a la nei lo.


"A zia lo ngawt mai," ka nu chu Eva bulah a rawn ding a.


"Mihring hi rilru lamah hliam kan tawrh nasat chuan, hmuh theih miah si lovin min hmet hlum thei tlat a ni," U Mampuii chuan a rawn ti fak.


Eva kut chu nghet taka chelhin ka fawp vang vang bawk a, ka rin phak bakin ka ti na a ni, "Nephthy min ngaidam thei lo a nih pawhin, rawn harh tal ang che," tih chu ka rilru a awm chhun a ni bawk!

"Bawihi..." U Ryan-an an nu a lo khap vat.


"Ni e, kan fate hi puitling anni tawh a, keini nu leh pa inrawlhna chi-ah kan ngaih loh avangin engmah kan sawi ngai ta lo a nia; Mahse, hetia thil a kal takah chuan Evalyn-i lam chauh hre lovin Lalrinsanga lam pawh hi hria ula ka ti khawp mai.


Kan fapa a nih vanga sawi khawngaih thlak tum ka ni lova, mah se karah fa anneih tawh avangin phone a sawifel leh insawifiah chi nia ka hriat loh avangin ka sawiah min ngaihsak dawn nia.


"Kum 6 liamta khan Evalyn-i a umzui na ah car accident na tak mai a tuar a, Doctor kan râwn a piang, kan fapa ( Bryson-a) ngei pawh tiamin, kal thei tawh loh tura an sawi a ni; Mahse, engtik lai mahin ka fapa hian Evalyn-i zawn leh a ke kha a beidawn san ngai lo. A unau te leh keini ho zawng zawng beidawn hnuah pawh beidawng duh lova vawiin ni hi thleng a ni. Thil a tisuala, na takin Evalyn-i hi a hliam tih kan hria, pawi kan ti takzet bawk mah se a fapa tal hi ngaihtuah tur a ni. Pa a mamawh zia hrethiam tur ber a ni in ka hria.



A unaunu chungchang pawh nise, Bryan-a sut ni lovin Brayden-a zawk a ni a Leah su tu kha, chu chu Eva hian a hre rêng em? " Ka nu chuan a ti hmiar hmiar.


"Tuna i fapa leh Eva buaina hi i hre chiah em? Engthil chiah nge a chungah thleng inhria em?" U Mampuii'n a rawn ti ve vat.



"Tetei chungchang hi an buaina ber niin ka hria a, heipawh hi sawi chhuah law law ka duh," a tih laiin, "Bawihi dam lo awm laia sawi chi a ni lo ang," ka Pa in a lo tihna chu a kut dahsawn sak pahin, "tuna kan sawi lohvin naktuka sawi atan em ni ka khek dâwn? Kum 6 a ni tawh, thil chu a awm leh mawi tawk a awm ngai. Ka fate nunah hian inrawlh ka tum ngai lo, mahnia buaina chingfel turin an puitling tawk tih ka hria a, ka ring tawk bawk. Mahse, Evalyn-i leh Lalrinsanga inkar hi chu inrawlh leh tun hi a hun tak a ni bawk," tih leh, "Tetei nen khan tleirawl chhuah tirha in ngaizawng anni tih kan hre vek a, a boralna ah pawh Lalrinsanga'n a tawrh zia kan hre vek bawk, Eva ngei pawh hian a hriain a nghawng atawrh phah hial a mah se chu chu a nunhlui a ni tawh. Tu pawhin nunhlui kan nei a, tihsual kan nei bawk.


Tetei lak aṭang phei chuan natna bak kan vai hian kan hmu lo, kan vai hian a tuartu vek kan ni. Lalrinsanga fa a pai emaw kan tih laiin, mipa dang fa a pai a, chu ringawt pawh chu ka fapa tan hian a na tawh lutuk, mipa a ni a, a rilru leh thinlunga awm zawng zawng a sawi ngai lo, Tetei dik lo taka boral a ni tih a hriat avang leh a fa an thata a ngaih vang chauhva bawraw taka che a ni a, a inchhir a, a tihsual simna leh siamṭhatna hun pek chu a phu ve chuan ka hria. Ṭhu chunga chinfel theih tawh a ni lo'm ni?" Ka nu in a ti tan tan, a thaw zui chhuak ham ham bawk, a aw chhuakah chuan Eva laka a lungawi lohna ai mahin Tetei buaina siamin a nghawng na lutuk chu a thinrim ber niin ka hria!


Kûn ngar chuan Evalyn-i kut chu ka chelh ngar ngar thung, lehlam ve ve thiamchan an tum emaw tih turin an dikna an sawi ve ve a, kan natzia ansawi a, a bul ber erawh keimah ka ni, tihluihna hmangin ka fa a paia tihluihna hmang bawka a fa a chan ngai leh a, a bul ṭan tu chu ka ni..!

<><><><>



EVALYN....POV


Ṭawng ri nuaih nuaih chuan minti harh, ka taksa in a feel hmasakber erawh, ka kut nghet taka tu emaw in chelhbet chunga a hmui lum ham ham maia a fawh vawng vawng chu a ni.


Men ka tum zuai nâ in, Nu Maya-i thusawi avangin ka meng leh ta lova, a thusawi chhung zawng chuan thawk pawh ka thaw ṭha ngam lo, "kei hian ka hma ka sial lutuk em ni?" Tih zawhna a rawn lut zut bawk.



"Ka hrethiam lo, eng thilsual fakau nge ka U hian a tih? A hma a sial mah mah lo maw? Kum 6 chhung a bi bo tawh, mi â ang maiin ka U in a zawnga kual a, mihring, mipa chapo na nei a ni a, hetia Evalyn-in chhan leh vang sawichian hmaa bikbo a tum zel hi thil nihdan tur pawh a ni lo. A tawrhna leh kan chhungkuaa kan hliamna ah erawh pawi kan ti takzet. Mahse, eng emaw hleka sawifel hma hmaa bo a tum zel te chuan innei pawh nise tlân a awlsam dâwn lutuk, tleirawl in ngaizawng pawh anni tawh lo. Tin, a tawrhna chauh leh ka U thil tihsual chauh hi a hre lutuk a, kum 6 chhung hreawm an tuar ve ve, ṭha taka sawi a fiah thei a ni tawh, in hmangaih tawh lo chu ni sela thu hran," Alice-i a ni, a aw chuak tin maiah chuan min huat hmel takzetin min dem takzet tih ka hre thei.




"Alice duh tawk rawh," Bryan chuan harsa tih hmel zet hian a ti hluk a.


"Eng nge hriat i neih? I unaupa hian ka nutei chungah hian engtiang chiaha bawraw in nge a chet i hria em ni?" Hlimpuia(Bryan) aw chuan a rawn ti chang rat.



"Bawiha, inrawlh suh," U Ryan-an a lo ti vat.


"An duh duh ansawi thei hleinem Pa, a unaupa in a pawngsual hnuah duh vang pawh ni lovin Atei hian nau a pai tih pawh an hre tawp nang," Ivan-an (Mampuii fapa) a rawn ti ve khar khar.



Ka mittui a rawn hnâm ṭiam ṭiam, "eng maw i sawi?" Alice-i chuan a ti haw.



"Kan sawi chu i unaupa hi pawngsualtu a ni," Ivan-an a tih leh rualin, "Ivan a tawk. He thu ah hi chuan kan inrawlhna tur a ni lo, an pahnih a chinfel tur a ni mah se tihsual lian tak erawh inei tih i hre dawn nia Bryan," U Mampuii'n a ti nawn leh a.


Ka bekah ka mittui a rawn luang ngiai ngiai, "Nephthy, Nephthy i harh tiraw," Bryan-an a rawn ti nghal, ka meng diar diar a, hnai taka hlauhthawnna leh lawmna inpawlh nawk mitmeng chuan min lo en.


Ka biang tawn tawna chelh hian, "i harh em?" A ti leh sup, a aw ah chuan hlauhna ni âwm tak ka hre tel.



"Eva," Mittui nen chuan ka melh kual, ka hrawkna kham ut ut chuan min ṭawng tir mai thei lo.


Mittui luang ngiai ngiai hian, Bryan-a chu ka en leh ngawih ngawih a, Tetei naupai kha a fa a ni lo amaw?


"Nephthy nâ i nei em ni?" Bryan-a hmel chu a chiai nghal, "Bryson rawn enteh," a tih zawm hluk bawk a.



"An pahniha inbiak an mamawh a nih kha," U Ryan-an a rawn ti sup.


"Mahse, Duhtak...." U Mampuii'n min kalsan hreh hmel taka a tih laiin, "an sawifel thei, kal rawh u," tih leh Bryan te unau nen a hnawt chhuak ti tih.


Nu Maya-in, "pawnah kan lova awm ang, mamawh i neih chuan i sawi dawn nia, Damian-a chu ngaihtuah suh, hahdam rawh," pangai taka tih leh, "Lion chhuak ila," a ti zui sep bawk a.


Alice-in mak tih hmel tak a min enna chu mittui kar aṭangin ka hmu hman, a U in min pawngsual a ni tih a hriat chu a la ring phal chiah lo a ni mahna!


"Nephthy..." Ka men aṭangin a mit a la la sawn eih lo.


"I fa a ni lo amaw?" Harsa ti tak hian ka ti chhuak.


Tetei khan mipa accident pui a nei tih ka hria mah se tunge a nih tih ka chian loh mai bakah, a naupai kha Bryan-a ngei pawhin a fa a nih thu a sawi si a.


"Eng maw?" Ka aw zawi lutuk chu a hre lo a ni ang, a rawn kûn hnai a.

"I fa a ni lo amaw?" Ka ti leh sep. A bek chu a pawng zui ṭawlh ṭawlh a, a khabe ruh pawh a chuti tho

"A dik, Tetei nen fa kan nei lo Nephthy. Keipawh hi bum ka ni," A ti chhuak hrawih. Sawi harsa a tih hmel takzet bawk.


A nih chuan engvanga engmah sawi lo nge a nih?


"Bul ṭan dan tur ka hre lo a ni," a rawn ti sup, min rawn melh zawk, a mitahchuan natna ka hmu thei.


"Hmeichhe pakhat vangin min hmangaihtu thinlung ka ti na si a, engtia bul ṭana hrilhfiah tur che nge ka hre lo a ni," sak tak hian a ti chhuak leh a, mit sen ram hian min rawn en leh vang vang, "min ngaidam emaw ngaidam lo emaw tunah chuan engpawh ka pawm tawh, i tana hreawmna ka thlen te ka hria a, ka fa ngei pawh ka venghim zo si lova, engtin nge i ngaihdamna ka dil ngam tawh ang ni," a tawp lam chu a sehchilh deuh rap rap bawk.


Ṭhut chhuah ka tum chu min lo pui vat, ka mutna adjust-in ka ṭhu chhuak a, "zungbun kha ila kawl a," ka aw a la lawi rat mai. Ka sawi zawng pawhin ka lungphu zawn hi a rawn sa veng veng thei


Za vak lo hian a rawn nui huk, a ipte aṭanga phawrhin, a en vang vanga, "vawikhat pawh i en chiang ngai lo niin alang," a rawn ti sup, lungawi lo ngam si lo hian a ṭhen deuh sak bawk a, ka kutah a rawn dah a, zungbun chhung chu ka en chiang.



Hnai taka en in, a chhungah chuan tereuhte hian, "Nephthy" tih a in ziak a nih chu!


Ka vawikhat hmuhna a ni. Ni e, ka pha hauh lo, tihluihna hmanga bun luih tir ka ni a, vawikhat pawh kha en chian ka tum ngai lo, phuba lakna ka nihzia leh tu emaw hmun ruak luahtu mai ka nih zia ti lang tu leh nem nghettu ah khan ka ngai hmiah a, ka en duh ngai lo a ni zawk!



"Heihi..?" Bryan chu ka en haw.



"Ka hmuh hmasakber che aṭanga ka rilru a awm chu Nephthy hi a ni. Hmeichhe huaisen, lu zo tak, mahni inrin tawkna a khat leh luhlul tak i ni tih ka hmuh vang a ni ang," sexy lutuk hian a vei nuih zui suk bawk.


Ka nui zui ve seih, "a nih chuan engvangin nge Tetei tán a nih thu min hrilh nge inih?" Ṭah aw ṭuau hian ka ti chhuak a.



A dar a san ak, "engtin nge chhang che se mintih?" A rawn ti, ṭah chhuak ru deuh leh läwm ru tho si chuan mittui tling pamin ka lo melh rum lui vak, nui huk hian a rawn dinga khum chunga ṭhu in, ka biang tawn tawnah a kut phah hlai leh lian tak chuan a dawm a.



A chil a lem deuh khalh, a chil lem zawnga a hrawk bawk che ralh chu mawi tak a ni!


"Vawikhat ka ti sual tawh a, tihsual nawn leh ka tum tawh lo Nephthy, " nghet charh maia tiin ka chalah a chalh chu a nghat vang vang a. A hnara ka hnar rawn tawk zauhin, sexy tak hian a nui ri suk bawk.



"Vawikhat chauh min ring leh rawh," a ti thâwp sup bawk a, ka melh chho ralh.



"Engtin nge ka rin ngam tawh ang che ni?"


A inla hrang a, za vak lo a vei kiai suk hian, "rin ngam ka ni em tihfiah tur pawhin min rin hmasak a ngai a ni lo'm ni?" A mit ko a san zui zauh. Ka ṭah nui hak.



Ka kutphah chu pharhin zungbun chu ka en a, "mah se hei erawh ka bun duh tawh lo," ka melh chho ralh.


Lawmna avanga nui hawk hawkin, "tehreng, tehreng mai, i duhdan tak i bun ang, i bun em em ang," min kuah zui nawk nawk. A lawm lutuk chu a ṭap ve te a kha hriat hrep ni!


Min kuah nghet lutuk chu a hnungah ka beng dat dat, "ka thaw thei lo," ka tih ruala min thlahin, a la nui hawk hawk tho.


Nui ve sen sen a en chungin, "Tun aṭang chuan inzawmna diktak nei kan ti tawh," lawmna avanga ṭah aw lek lek chuan ka ti chhuak a


"Ni lo," a lo ti sup.


Ka thle hâ, "seal ka la chhu lo," sexy lutuka nui suk chunga tih leh ka biang tawn tawnah rawn chelh lehin dimtak leh hmangaih tih hriat taka min fawp vawng vawng a, infawp reng chung chuan kan nuidun leh hak ṭhin

"Ti kha chuan ka ta, ka ta chiah i ni. Ka ta diktak, ka fapa Nu," rilruih leh nghet tak siin a rawn ti chhuak ham ham bawk!


Ni e, eng nge ka hlauh a, ka zâm ang ni? Rin ngam a ni em tih hre tur chuan, ka rin hmasak a ka fiah ngai alawm. A ni lo'm ni?


<><><><>~>

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)