ZAWLAIDI By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: ZAWLAIDI By Floria Laldansangi (Completed)

Unread post by Ngaia » December 19th, 2021, 1:00 pm

ZAWLAIDI
BY
Floria Laldansangi


Chapter < 13 >


MC-A..POV


"Thew-a awmdan hi a dang riauin ka hria, a luhlul a zual nge maw ni?" Pu Zarlawma te in lam kan pan lai chuan ka nu in a rawn ti.


"A nu a hmu zing lutuk hi a ṭha dâwnin ka hre lo tawp mai, tunah pawh a lungawi lo hlek a, a Nu in lam pan nachang a hre nghal mai a, heihi chu ka la sawipui a ngai a ni," ka ti ta nghut nghut.


A tir aṭangin felfai taka inhmuh hun siam ka kha ka duh a, "nufa anni a" tiin a duh hun huna inhmuh tir a remti tlat kha a nia, hei a ṭhat loh zia chu kan hmu ṭan derah ka ngai.


Naupangin In hnih an kartawn chhen chuan rilru nghet anpu thei lo, eng emaw hlekah tlan tauhnan tak an hmanga ka duh dêr lo bawk!


"Nunsiami pawh hian fuih dan a nei a ni lo'ng maw? Kan Lalhruaitluanga at lellul tehlul nen, a ngeng zawngin a kal tlat," a nui zui kur kur a.


Ka lo thaw hawk thung, Siakmawii haw tura a fuih tak tak te a nih ngat chuan a fapa hi vawikhat mah ka hmuh tir leh tawh lo ang!


"Kan thudang alai chuan, i nupui chu kan Home Minister fanu elaw lo ni reng a?" A rawn ti hluai.


"Kan cho chi anni dâwn em maw ni Bawiha le, a säng lua em aw te ka tia," a tih zawm deuh vawng vawng bawk a.


A tira ka ngaihdan ve tho a nih bakah, a naupangin keiai a mipa ṭha leh rintlak a hmu in, hmalam hun eng tak a neiin ka hre bawk.

"Bakah, tuna inneih rum rum te hi i duhdan em ni?" Min rawn en zawk.

"A ngaihtuah phei chu ka ngaihtuah pha bik lo; A mita puitu a mamawh zia ka hmuh khan ka thlazar hnuaia lakluh a, venhim kha ka duh ber a, a bak ngaihtuah dang kha ka nei lo hrim hrim," thutak zeta ka tih chuan ka nu a lo nui hak.



A ngaihna hre lo zet chuan ka en chhuk a, ka rum nghut bawk.


"I hma i sial i inti deuh em ni?" Nui chung hian a rawn ti a, ka lo khi ve suk, ka hma chu sial lo ni ila hetiang dinhmuna a din hi a ngai miah lo tur.


"Bible-in hmangaihna a sawi bakah hian mihring thinlung hian hmangaihna a nei ve a, chu chu mahni hmasialna a ni, indemna tur a awm lo, ngaihṭha tak khan awm rawh, venhim kan duh leh hma kan sialna thinlung neitu te reng reng ka hmangaihte anni ṭhin; Mahse, hmasial dan dikin sial la, a tina zawng ni lovin," ka darah a beng thak thak.


"Haw chho tawh rawh, khulai lawk khu alawm ni tawh hei, Bawihtei'n, Rinrin a lo tibuai lutuk ang," step ah chuan a pe thla zui zat, inchhung a luh thleng chuan ka thlir ta tho a.

.
.
.

"Mc...." Kan in step chhohna turah Siakmawii U, Ruata a lo ṭhu run.


"Ka nau i ru tih ka lo hria a," a rawn ding a.

"Nupui atan i duh tak tak tih i chiang amaw?" A rui deuh niin ka hria.


"Mahni duh hrechiang lo rual ka ni tawh em ni?" A nui huk, "no dawm dum i duh em?" Nichin maia a aw ki erawh a dang ta daih, a nau thlavang a hauhnat zia alang chiang viau thung.


"Ti lo zawk ang, rawn lut chho la, Rinrini pawh ala mu lo ang," a lu a thing mat mat.



"Min hmuh chuan a zak ve reuh ang, i kutah ka nau luhlul deuh khi ka dah dawn a nia, hremhmun kawng aṭangin i hruai chhuak tawh a, thlah tawhsuh ang che. A mittui iti tla a nih erawhin i lu la turin keimah ngeiin ka rawn zawng chhuak ang che," a ti leh fak fak, "rui ṭawngkam ah ngai reng reng suh, kan chhungkua chu kan mawl ang ang hian kan huaisen a nia, i tihnat chuan ka that duh tak tak mai ang che," a ti nawn leh, ka nui ta suk a.


A dar ah beng thakin, "i venhim duh ang chiahin a ni vehim ka duh ni. Ngaihtuah suh, min thlah te a nih ngawt loh chuan Vantirhkoh tluk zeta thianghlim hmeichhia thlah turin ka mawl bik lo ve," ka ti sup.


Bu nghutin, "Niraw-a ten buanna anrawn siam sak che u chuan min rawn be dâwn nia," a ti leh, Niraw-a a tih chu tunge ka rilru in ka ti ru hman.


"Ka Pa te," nui chunga tiin, "tina suh ang che ka tih kha hre reng rawh, a chhungkua aia a thlan che ini a, a mittui farkhat pawh a tla a nih chuan ka that tak tak dâwn che a nia. Ka kal...." A pensawn zui nghal.


Farnu nei ve tho ka ni a, Ruata rilru ang tho hi ka pu ve bawk, Gabrielle-i Pa hi tunge a nih a sawi duh loh avangin zawh buai ka tum lova mah se, ka zawh loh avangin ka ngaidam tihna a ni lo, ka farnu rai tir a, a nun hremhmuna siamtu chu tu pawh ni rawh se, ka hriat chhuah ni chu a thih ni tui a ni ngei ang!

.
.

.

"E khai! I rawn haw tawh dâwn lo emaw kan ti mai dâwn alawm," Medal-a a lo nui vur vur.


Siakmawii'n Gabrielle-i a lo pawm muhil chu chal ti chuai nang hian ka en a, "keipawhin mak ka ti lutuk, ka haw in an lo in kuah hlu hlu sia," Mami'in a lo ti zui zat.


"Engtin nge i pawm mut mai theih?" A U aiin tih awl mah se a pawm mu thei chu a mak ve hrim hrim.


"Bum dan ka thiam alawm," a nui nghal var var, tlai lam ngawt aiin a hmel hmuh a nuam ta deuh.


"Ka rin aiin in hmanhmawh a, hetiang a ni ta sa sa mo lawm lam te hi?"


"Chutiang sawi thei pawh kan lo nih loh hi. Pi Ruati te number kha i nei em?" Ka lo ti sup.



"Nei e, ka rawn kal dâwnin i number min dil ve tak kha, a rawn bia ang che," Siakmawii chu Gabrielle-i pawm chung chuan a tho chhuak, "ka'n mut ang e," a ti zui sap, ka bu nghat.



Room an luh rualin, "Palai tirh i tum em?" Medal-a chu ka en, "boruak te hi han dai deuh sela keimah ka kal ang, min kalpui tur che in sawm che ka tum a," ka lo ti sup.


"Palai pangai tirh i tum lo em ni?"


Ka lu ka thing zauh, "palai tirh hming chhiat ka tum lo. Kan palai tur te an hmaizahawm mai mai dâwnin ka hria, ka kih hnawk a ni a, keimah ngei ka kal ang chu," ka ti zui ta duah a.



"Anih chu a ni khawp mai, chutih rualin an lo läwm dawn lo nasa che a, nangmah ngei i kal phei chuan an thinrim zualin a man pawh an la duh angem?"


"An fanu nupuia dil leh ngaihdam va dil chu ka tih tur ve hrim hrim ah ka dah, aman erawh chu, an duh emaw duh lo emaw ka nupui zahawmna tur a ni a, man nei lova awmtir reng ka tum lo," ka ti nghet bur. Hmeichhe zahawmna, nupui nihna leh dikna zawng zawng neise ka duh a ni.


"A nih chuan i thu angin i duh hun sawi la kan kaldun dâwn nia. Ka haw san dâwn che u, tunlai chu Roreltu mood a fuh thei lova thuawih viau a ngai," a nui zui huk huk.



"Nangte hi chuan nupui te thuawih loh lai pawh i nei emaw ni. Ṭawng hlek la Roreltu hi i ti ṭuah hum reng mai a," Mami'in a lo fiam zauh, Siakmawii a rawn chhuak ve chhiah bawk a.



"E khai! Chutin ti reng reng suh, i U hi alawm le hläu tur chu le, i rawn hmufiah chho ve zel mai ang, muttui u. Rinrin zanin chu insum a ngai lo ang aw," a ti zui zat, Siakmawi'in min rawn en deuh haw, a thusawi awmzia a man chiah lo hawi â chu kan lo nuih huk bawk a.


"Eng nge a?"


"Insum suh a ti," ka nui zui, ka mala chum zauhin, a lai nghal ringawt bawk a.



A laiha a hmai tai têk hian a ti duhawm lutuk tih hi a inhre ṭhin lo emaw ni? Mipa dang hmaah phei chuan a hmai hi a tai tur a ni lo tawp!

.
.
.

"Inpa chu thawh ala tum lo em ni?" Nizan chhin khat pawh ka chhing lo tih hi min hriat pui tawp nang. Chaw bel bula ril ṭam ansawi chu nep te a ni!

Duh aiin zial ka pak zing hlur ringawt a, Mami t-shirt a hak, atana te lam hret chuan a hnute mum nalh tak maiin hmalam ah a rawn tawn mar vah a, a kekawr bul hakin a khuh loh chin mal mum leh mam han maiin a min tawh min tawh a, nghet tak maia min rawn kuah leh ṭhin a, nghawng zawna a thawk ham ham phei kha chuan, maimit chhin a sual thupa chawi chunga luh mai kha chakawm rum rum tak a ni.


Mipa hrisel tak tán chuan hremhmun ko tlángah kan ding zankhua a ni ringawt alawm le!


"Nizan a mu lo a," nui chunga Siakmawii'n a ti ri chu ka hria, meng miah lovin ka thaw ri hraih, amah vang vek a ni tih a hria a ni mahna!


A inpeih hun ka nghak thei ngut ang emaw chu! Heti zantin tur chuan ka insumna ah ka dam lo zawk mai dâwn alawm!

.
.
.

"Zanin khera kal itih ni?" Medal-a chuan a ti leh sup ṭhin.


"Sunday hmaa tihfel ka duh alawm," ka ti chu a lo nui huk.


"Insum thei tawh lo em ni?" A nui ṭhû bawk a.


Kahnar tum datin, "i hrethiam pha lovang," ka ti zui nghut, a man ka pek hma chu khawih ka tum lovin a inpeih hun nghah ka rilruk ve kha a nia!


Ka ṭhianpa chu za taka rawn nui hawk hawkin, "ka hrethiam lutuk che, nupui te p8 chhung lek pawh a harsa a nia," a nui zui leh huk huk, ka nuih a za ve dêr lo, "Bawiha i dim lutuk a ni, i inah ila lut tawha i ta alawm a nih tawh, i pa thei lo emaw a ti mai tur che a nia," nui zui bawk bawk chuan a ti zui leh zat, ka lo rum ri nghur .


A ti tak tak zawk maw le, nizanah a U Veni a biak laiin, "min it na a nei lo nge, a mipatna a hmang thei tawh lo zawk?" Minti a nih kha!


Hreptak hian! Zanin hina a man ka pe fel ang a, ka pa thei em tih ka hmuh tir dawn alawm!

A duhai tam ka pe zawk ang maw le!
.
.
.



Gate ah chuan kan lut a, zanriah ei hmaa kal kan nih vang a ni ang, an awmkim hmel khawp mai.


"Eng nge ka inchhungah in rawn tih dawn?" Kawngkhar a kan pen luh rualin Rinmawii Pa in a lo ti nghal chhur chhur.


"Pu Biak, hei Rinmawii chungchanga rawn kal kan nia..." Medal-an a tih rualin, "tunge Rinmawii kan hre lo, chhuak rawh u ka theh chhuah hma che u in," a ti leh hrawk.



Ka ipte aṭangin envelope chu ka phawrh a, ṭhu tur pawha mintih miau loh avangin kawngkhar sir a an pangpar khawina ah chuan envelope chu dahin, "induh chuan inla in emaw in paih emaw thei, heihi Rs. 400 a ni a, Rinmawii man a ni. Mizo danah 420 niin hmeichhe chhungten Rs. 20, ṭhut phahman chu anpe let ṭhin angin hei erawh keima thu-in ka la let ang e. Tihian, cheng sawmhniha ka la pektlâk loh avangin in fanu ala ni reng bawk," inhnial pui emaw, dil kawi chiam ka thiam lo ang bawkin, ka tum hek lo.



Envelope chu a Nu-in phih thla sawkin ka hmaiah a rawn vawm let sawk a, "engtin.. Engtin nge i ngam zawk?" Ka hmai bulah chuan min au khum tawn tawn.



Insawifiah emaw ngaihdam dil turin dikna ka nei lova, an mita en let tur pawhin.



"Engtin nge naupang chungah i hma insial em em theih?" A mittui a tla ta zawih zawih mai.


Min rawn en a, "i hming kha..." A ti leh hnuhnawh.



"Mc-a...." Medal-an a lo ti sup. A mittui hru faiin a bu nghat a, "MC, min khawngaih la, i hmaa ding nu leh pa hi khawngaih la, kan fanu kha minpe let hrâm rawh. Nangpawh fa nei tawh i ni a, kan rilru i hriat thiam ka beisei takzet, nu leh pa chuan a ṭhaber zel kan duh tih. 'I ṭha lo ve' ka tihna a ni lova, ka fanu neih chhun ngawih ngawihin pathlawi, pathlawi ah fa pahnih nei pasala a nei tur hmuh chu, Nu thinlung hi a na êm mai!" A ti ngawih ngawih.



Inchung lam aṭanga rawn chhuk anpa chuan Airgun a rawn chelh a, "chhuak rawh u, he hmuna ka thah hma che u hian," ka lamah a silai hmawr chu a lek zui vah.


"sh*t!" Medal-a a tawlh hnung hrut.


Ka din ngai a dingin, a mitah tak ka en let a, "ka hma ka sial tih ka hria, min hrethiam dâwn nia, mahni hmasial tak ka ni ta sa sa chu a tawp thlenga hmasial taka chelh ka duh a ni," nghet charh chuan ka ti chhuak.


"I ruang pawhin ka inchhung pel lo turin ka siam dawn che," a silai chu kâu zui khap a.

"E khai! Pu Biak, hetiang tur a ni ngai lo ve, i thusawi kan hriaiin, kan duh kan sawi zo tawh. Ti rawh i chhuak ang," ka ṭhianpa chuan min pawt zui dawt dawt.



"Min that hreh lo tak tak ang maw le, ka rin aiin Pu Biaka chu a lo turu," gate kan chhuah rualin a nui zui huk.



"I Pi zawn erawh kha chuan a ngaihtuah hmel khawp mai," a ti zui leh sup a.


Ka ipte lehlam zen chuan ka bu nghat, "a dinhmun aṭanga thlir chuan a dik ve reng, Rinmawii te ang tán chuan ka tling lo a lawm," ka ti ve sup.


Mahse, thu ka tiam tawh a, hma ka sial tawh a, sial tlang erawh ka la tum fan thung!


<><>~>~>~>

RINTEI....POV


"U Medal chaw chu i ei dâwn lo maw?" Tlai lamah khawnge an kaldun ka hre lo, an rawn inzui luh leh rualin chaw ei kan lo siam nen, chhuah leh mai a tum a.


"Ei lo ang, Roreltu-in min nghak ve a," a ti vah.


"Roreltu hi i nei bik bawk si. Mahse, mipa hi chuan hmeichhia hi han hläu em em ula a nghet rei a ni mai," Bathroom aṭanga Mami rawn chhuakin a fiam leh zauh, nui huah huahin, "chu chu i U hrilh rawh, keite chuan changvawnah ka nei tawh, ei rawh u, keipawh ka chhuk ang e. Mo thar rawngbawl vawikhatna niin ka hria a, han tem a chakawm viau rualin ka chhuksan ang che u," a ti leh duah, ka lo nuih san san ringawt a.



Ka mo thar tuk ti mai ila, ka zui luh tuk khan rawng bawl ka tuma tumah khan engmah ka khawih an phal si lo, nimin thleng pawhin ka rawng bawl an khap a, vawiin erawh ka nutet zaidamna in a tlin tawh lo, ei a hma hauhin ka chetsual leh a tui loh an hläu lutuk chuan ka thin anti rim hlur, an rawn haw hma in fridge a chawhmeh awm ka lo siam ve hmiah.


"Ei ila a ni mai alawm," Putara lah chu a nuih a zat hmel ringawt lehnghal, an mengphar nasa ang.


"Naktuk i birthday a nia, kan läwm dawn em?" Mami a rawn ṭhu thla, Putara ka melh vat.


"Lawm rual pawh ka nih tawh loh hi," a ti sup. A duh emaw duh lo emaw zanin chu ka chhuah dawn lo hrim hrim, a birthday present atan ka khawih dawn hi a ni tawp.


Duh leh pawngsual pawh minti rawh se, pawi ka ti lo, zantin a mipatna khawng ṭha tak maiin min nawk, min runluih emaw tih mai turin.


Ni 4 ngawt kan inkawl tawh, vawikhat pawh min khawih a tum lo hi min itna a nei lo emaw ni tih mai tur a ni lehnghal!

U Veni lahin, "i inpeih hun a nghak a niang, signal han pe la," a ti ringawt a, nutling ṭhankin tawh inpeih nghah a ngai maw ni?


He pathlawi zei lo lutuk hi zanin hian ka sawisa dâwn chiang alawm!


"I siam tak tak em ni?" Ka lo hawi vah.


"I bai hi ka Nu bai ang chiah a tui lutuk," Mami'in a rawn ti ve zat bawk.

"Ei rawng i bawl thiam reng amaw?" Ka chhu fawk hlawm dâwn maw ni?



"Mizo nula ka nih hi. Mahni hnam chawhmeh leh eiin siam em em ka thiam ve lohin," ka lo ti hlar, min ring lo lutuk chu ka ngei ru ve reng.


Putara chu a rawn nui suk suk a, ka lo melh lui vak, mihi a ring lo ve khanglang lutuk a, ka ngei a nia, rawngbawl te mai mai, Nu Hmaii khan min zirtir ve alawm le!



A nupui hlui rawngbawl ai pawhin a tui fe in nia ka rin ni!


Bakah, Mizo nula nih a, Mizo chawhmeh siam thiam lo nih kha ka tum ngai lo hrim hrim, a zahthlak ka ti ve tho!


"Anu bulah awm ka duh," Hruaitluanga chu ka melh nghal vak, mood off laiin hepa pawh hi.



"Hruaitluang, ni 3 ngawt i nu bulah i awm, a tawk." Mami'in a ti zui hlak.



"Apa pawh nupui a neia min duh tawh chuang hleinem..." Dawhkan Putara'n a chum ri zui dat, ka phu nasa lutuk, chutiang bawkin Mami leh Gabby-i pawh. Kan meng nghal hraw hlawm.



"Chu chu tu sawi nge i hriat?" A aw chu a nelawm fahran loh.


A meng khup nghal rawk rawk, a pa chu a hläu tih a hriat, "Lalhruaitluang zawhna ka zawt che." A ti bul leh hluk. A chhang mai lo chuan a ti thinrim zual a.


"A ṭha, tun aṭangin min thinrim khum ngam a, Nunsiami a rawn kal emaw Lalhruaitluanga chhuah a tum a nih chuan tumahin chhuah tirin rawn luh tir suh ang che u." A fapa kum 8 mi lekin a thusawi zawm lova, ngeng ngal maia a nawrna chu a ngai thei dêr lo.


A chaw thleng nawrsawn a tho tau nghat chu Putara a inthunun hman lo a ni ngei ang, "ṭhu rawh..." A ti ta hrawk, keimah pawh chu ka phu leh nasa lutuk. Ka thlarau a thlawm chhuak lo chauh alawm, Gabrielle-in a Ni a nek nghal rawk rawk.


A kut ka chelh nghal vat a, a thaw ri zui hrawih bawk, a kut chu a ruh lutuka hum pawh ka hum ṭha thei lo.


An unau mai ni lo keimah thlenga kimki dek a kan awm chu inthiam lo leh hnuhnawh tih a mitmeng tâl rakah chuan ka hmu thei. Mahse, a hmel erawh a siam dang lam duh chuang lo.


"Ṭhu la i chaw kha ei zo rawh," bul zet a a tih leh chuan, Mathew-a chu a mittui a tla zui riai riai, a in hnit zui hlawp hlawp a.


Ṭap ri miah si lo vin, mittui tla leh inhnit hlap hlap chungin min rawn melh lui ta ram ram, ṭawng tuma Putara kâ a âng tur chu a kuta ka chelhna chu ka hmer salh a, ka lu thin khumin, tawp turin ka mitin ka ngen zui tak avangin a mit a chhing sawk. A thaw ri zui hraih bawk.


"Mathew, min haw viau a ni tiraw?" Ka melh chho ralh, mittui tla pur chuan min melh ngar ngar a.


"I pa hi ka neih vek i hläu a nih kha, i duh chuan i nu bulah chuan awm rawh, ka tan a nuam ting a ni mai, i Pa hi ka ta vek a ni ang a," ka ti el leh, he naupang hi vin leh thupek a thu hrilh chi a ni lo, keimah ang chiaha cho chi niin ka hre ta.


Kan mize in ang lutuk te hi a niang min duh theih dêr loh ni!


Niminah a nu hnena aṭangin a rawn haw chiah a, "rukru" tih ngatin minla ko ngar ngar, midang chu awmve zel lo se emaw, ka pasal fapa chu ni lo se ka beng hrep tawh ang!


"Ka pa a sin," ṭap ṭuau hian a rawn ti, ka nui ru sak, "ka Pa a ni ve hleinem," ka melh chho ralh, a chaw thlengah ka parbawr kan chu ka suah sak a.


"Min ngei a min haw tur pawhin chaw i ei a ngai, hmelma bei turin mahni kan intih chak hmasak a ngai tih i hre lo em ni?" Ka ti leh, Putara chu a lo nui ta suk, ka tihdan a hrethiam ve chauh a ni mahna!


Mittui tla pur chuan a ṭhu hniam ta ruai ruai a, nui chungin, "Mathew, ṭap chunga chaw ei chu hak a awl a nia, muangchang khan ei rawh, chaw hak avanga thi kumtin India ramah mi 4000 chuang an awm, i thi ve duh te a nih loh chuan i ṭap kha bâng rawh," ka ti leh, Mami a lo nui ta hak.


Naupang tih ṭhaih nan chuan a chi viau loh maithei mah se he naupang zikzek enkawl nan chuan thih tir ve zeuh zeuh te a ngai alawm!


"Chaw ei laiin min hmu duh lo emaw ka rawngbawl i ei duh lo a nih chuan ka ei hnuhnung tawh dâwn nia. Zanin chauh chu ei dun hrâm ang aw," zaidam leh thlem chung chuan ka tih zawm leh, "a ṭul...."



"Lo ngawi rawh..." Putara chu ka khap , a chip leh rih, Gabrielle-i pawh chu a khap fak fak, a Pa aw ki sâng a hre ngai lo bawk a, hläu tih a Nî bân a vawn tlat danah ka hrethiam bawk!


"I hmel a hmuha a ei thei lo a nih chuan chaw nghei rawh se," Putara'n a ti bul nghut.


"Tun aṭanga min nawrluih i zir a nih chuan Lalhruaitluang iti sual ang," a tih zawm leh chhur chhur, a thin erawh a rim ta lo; Mahse, a thu erawh nekluih chi a ni miah lo thung!


Mathew-a chu a ngawi ran, a mittui erawh a tla reng, diktak chuan ka inthiam ta bik lo, nizan pawhin keimah vangin chaw kaw puar a ei tawh lo a, ka rualin a ei duh lo a ni ber, tukkin ah pawh chuti tho.


A nau-in min ngaina ṭan leh min ko deuh te chu a thinrim khum ber ber bawk a. Engtia hma han lak chi nge pawh ka hrethiam ta dêr lo.


Ka duhdana he naupang ka in ngainat tir hma hian, Mathew-a hian a Pa hi a huat tak tak hman ka hläu takzet a ni!


<><>~>~>

NOTE : Naktuk ka buai dâwn avangin ka dah lo ang aw💚



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:00 pm

ZAWLAIDI
By
Floria Laldansangi


Chapter < 14 >


RINTEI....POV


"Hruaitluanga chu a mu ta em ni?" Mami an room aṭanga rawn chhuak chu Putara'n a lo ti nghut.



"Nu, U Nunsiami hi ka biak a ngai a ni, a awm hian a ang lo êm mai. Lalhruaitluanga hian khatiang nungchang kha a nei ngai lo reng reng. Bakah, a ṭawngkam hman duhdan te hi naupang, a kum rualin anhriat leh hman âwm pawh a ni lo," Mami a ang hlak hlak.



"Siami ringawt chu a luhlul ve si a, mualpho te a hlauhawm, a nu te lam hi ka lo be zawk ang e. Bawiha, chawhmeh chu zu la tawh teh khai," Bible chu a bih zui leh mai.


Gabby-i chu a Pa ala hläu deuh nge, meng kar leh mit khap zek zek hian min rawn nek hrat hrat a, lo nuih sen sen in, "i mut ala chhuak lo em ni?" Dar 8 chauh mah nise Mathew-a chu a ṭap chau a ni ang, chaw ei kham rei loah a muhil nghal mai.


"Keichu maw Au Rinrin, ka duh tawh che," a rawn ti sa sa, ka insum hman lo ka nui chhuak hak, Putara leh Mami pawh an lo nui vur vur .


A U hian a fin a chelh dawn lo he nau hi! A pa thin tihrim a hlauh vang a ni reng sia.


"I duh tawh chuan i la U tlat bawk sia," Mami'in a rawn ti zauh.



A pa melh zek zek chung chuan, "mahse Anu tak tak a ni si lova, Au pawhin Anu tak tak a nei a, tinge anu tak tak ka neih ve loh," a ti chhuak. Ṭah a tum nghal ruai ruai mai, pawm kangin ka malah ka ṭhut tir a.


Putara leh Mami, A nu Bible chhiarlai chu ka melh tawn, an kâ an chip hmak, Putara hmelah thinrimna ka hmuh laiin, Mami hmelah erawh natna leh inthiam lohna ni awm tak ka hmu a, ka hmu sual pawh a ni mai thei, Ka malchunga Gabrielle-i ṭhu chu a rawn en vang vang, "Bawihte anî bulah lo kal la," a aw te chu a lawi ratin ka hria.



Ṭap leh ta lo chuan a nî chu a pan zui ve mai bawk a.


An han inpawm takah chuan nufa an ang alawm le!


"Nufa ni âwm zawk tak innih kha, in hmai tlâng vel a in ang bawk si," ka ti chhuak, za vak lo hian a rawn nui a, a thin ka ti rim ta emaw ka ti hman dawn alawm!


"Chawhmeh chu ka zu la ang e," Putara'n a rawn ti sup, naktuk lamah Evan. Tluangtea leh an Pastor Zarlawma te chhung chaw ei koh an tia, kan nupa min ṭawngṭai pah turin. Putara Nu hian a ngaipawimawh viau bawk.



"Ka zu kal lawk ang e, ka rei lo ang," a tih zawm sup, ka bu nghat a, a chhuak tur chu kawngkhar thleng ka zui.



U Ruata leh Zohminga anrawn lang hlawl bawk, U Ruata'n ka luggage a rawn khai lut, Putara nen kan lo en haw ringawt a.



"I thawmhnaw, thawmhnaw hak tur i nei em ni?" A ti, ka nui var var, Mami thawmhnaw hlir ka la ṭawm a, Putara'n bazaar tur chuan minti ve ngei, mah se a ṭulna ka hre hran lo, ka hak ṭawm thei tho va.

"Engtin nge a nachang te inhriat a?" Ka ban vat.


"I pheikhawk....." Zohminga khai zawk bag pawh chu ka la vat a, ka nui nghal ar ar. Ka lawm zia hi.



"Engtin nge inrawn lak," luggage chu chhuatah ka hawng zui rawk rawk.


"Ka chhuk dâwn a sin," Putara chuan a rawn ti nghut, ka ngaihsak ta vak lo chu a lawm lo leh tawh emaw ni? Ka hawi chho a, a lo tum bau, nui chung a dingin, "rei lo la," ka tih tak sepah chuan ka bekah a fawp zauh, a ti vak ngai si lova, eng nge hriat le?


A chhuah rualin, "i ex emaw minti lo tiraw?" Zohminga'n a rawn ti sup.


"A awihawmloh êm mai a. Min lo hnuh pui rawh," Zohminga bag rawn khai zawk chu ṭhut khawmna lamah ka khai, luggage chu anrawn hnuk hnai ve bawk a.



Gabrielle-in hmuhnawm a ti khawp mai ka U leh Zohminga chu, a lo en kar.


"U, Mami a nih kha, Mc-a nau, kha kha kan fanu, hehi Mc-a Nu...." Ka nui zui, "Nu" tia koh hi ka la zak ve deuh ṭuta, koh vat erawh ka duh thung. A inzah loh thlak antih ka rinh tho a mah se ka zahtheih lohna hian min la nawrna lo a niang, ka la zak tlat.


"Zahpuiawm e," Zohminga'n a lo ti sup chu ka melh vak. Zak ni ila ka zui tawp nang! Ka zak ru ve reng tho.


"Ruata ka nia, heihi Zohminga..."


"Ka hria che u lawm," Mami'in a lo ti zui var.

"Kha a thawmhnaw leh mamawh te inrawn la a, in va fel ve. Inkawm rawh u, helai châng hi ka chhiar zo ang a, ka mutsan ang che u," a ti zui ṭiah ṭiah, Bible bawk a bih leh.


Tiang em ema Bible ngaina hi ka la hmu ngai lo reng reng, a ṭawngkam mi fuihna tin mai lah hi Pathian thu nen a inzawm a, nelawm tak si a mifuih leh enkawl dan a thiam em em bawk si.


Putara re unau damdup pawh hi a mak ta hran miah lo.



"Inrawn la hnem si, an hmu lo che u mi?" Ka zawhna pawh anchhang thei lo.


"Duh ila chuan i khum chawpin ka rawn la chhuak thei ang chu, boruak ka nih hi, boruak..." A nui zui, ka lo nui ve hak, kei leh U Ruata hi chu kan inchhung ah khi chuan boruak kan ni rêng a ni.


"Zohming, Hotel-ah em ni ila awm?" A bu nghut.


"Mami enteh heng ho hi i hak theih chuan ha rawh aw, pheikhawk te hi nge a sang hlir inrawn ken a?" Ka U te chu ka en hraw hraw.


"Naktuk lamah a dang ka rawn pe lehang che, incheina te i mamawh em? I lehkhabu te?" Hepa tak hi chu a uang thei si. A ṭangkai bawk si.


U Ruata nen chuan ṭhut thlengsei pakhat ah ṭhu in kan titi malh malh, Mami'in Gabby-i a mutpui avangin room ah ala awm a, Zohminga erawh damdawi a ruih deuh hi chuan U Ruata ang lo takin, ngawi ngal zel, tunah pawh Putara nu Bible chhiar en run chungin, a ṭhu ngawi ngal.


"Inpa nau kha a va chhe lo ve," a ban puarah ka chum zui ṭawk, melh vakin, "i lo ngaizawng ringawt ang e. Nangni ngaihzawn chi a ni lo, a fel lutuk," ka ti zui nghal chu nui hukin, "i U tan pawh hmeichhe ṭha i duh lo a nia," a ti chu ka nui hak.



"Ka Pu Bible i chhiar khan eng nge hlawkna i neih?" Zohminga chu kan Unau in ka en vat.



"I ṭha tak tak em ni? Ka Pi a nih kha," U Ruata'n nui ṭhû chungin a lo ti.


A ṭawng a sehchilh a, a bah leh nawk nawk danah Damdawi chauh a rui leh pek lo a ni maw?



"Ka thlarau chaw alawm. Pathian nena kan inbiakna te a nia," zaidam deuh hian Putara Nu chuan a lo chhang a.




"A nih e ka Pu...." A va mak teh ṭalh e aw!


"Zohming...." Putara nu chu a nui var var, a ṭhut dan siam remin, "itan chuan Pu ka lo ni mai a niang chu. Han sawi rawh, ka lo ngaithla ang e," uluk takin Zohminga rui ṭawng bah leh ban chap mai chu a ngaithla a, U Ruata pawh chuan a en ran.



Mak ka tih chu, "rui ṭawng leh zawhna mai mai," tia haider a tum miah lo chu a ni. Tamtak chuan U Ruata te, Zohmingthanga te ang, keini ang khawvel lama cheng lutuk te hi min hläu in, min ngaithei lo ṭhin a nia!


Kan biak hi an hläu a, U Ruata phei chuan, "rawngbawl tu, thlarau bo hläu ho," tiin a sawi fo ṭhin kha a nia, Putara Nu erawh hi chu a dangdai ve khawp mai!


"Pathian khian e...ngaihdam theih loh a nei angem?" A tawp dat, "keini ang te hi," a ti zawm leh sap.



"Pathian khian he khawvelah a fapa neih chhun a rawn tirh khan, mifel te chauh lam turin a rawn tir lova, misual te lam tura rawn tir a nih avangin, keini mitling lo te pawh tlan kan lo ni ta a nih kha. Chuvangin nang ini emaw nangmah ang pawh Pathian khian a ngaidam thei a, a nghak reng zawk che u."


"Pathian chu engtin nge kan hmuh ve tawh ang ni? Kan dil pawhin a reh tlat tawh si chuan, kan tan zawn hmuh tur a awm ve tawh lo a niang chu maw....emaw kan au eih zo tawh lo a niang in Pathian hi," a lo tih zawm nghut nghut. A aw chhuak chu Pathian hnenah vui chak vui ngam si lo hi a ang ber.


Ka U leh ka ṭhianpa te nun chu keimah ai mahin a ro zawk tih zanin hian ka hmufiah leh zual.


Putara Nu chuan ka U te pahnih chu a en vang vang a, "Bible-ah 'mi hmangaihtu chu ka hmangaih a; Ṭhahnem ngai taka mi zawngtu te chuan mi hmu ang' a tia, mihring thinlung hi chuan a zawng ve ṭhin meuh mai mah se, ṭhahnem hi a ngai ṭawk ṭhin lova, kan dil a, kan au a, kan mamawh huna a lo thlen lohin kan beidawng nghal mai ṭhin.


Kan dil te a hre lo leh a ngaithla lo ah kan ngai ṭhin a, a ni reng reng lo, Pathian khian kan dil hma leh sawi hma pawhin kan mamawh, kan mangan leh natna te hi a hre vek a, amahah kan innghah hun a nghak a, kan thinlung zawng zawnga kuta kan dah hun a lo nghak ṭhin zawk a ni. In chakna te, in damdawi châknaah te innghat lovin, i damdawi châkna aiin Pathian i mamawhna kha han dah hmasa chiah te, Pathian hmel khi inhmu ngei ang, a chakna leh thiltih theihna chu chak lohna ah tihfiah a niin, a êng chhuak ṭhin si a," a sawi zo chu a thaw chhuak ham ham.



An hrethiam em pawh ka hre lo, keimah tak pawhin zawhna ka ngah lutuk; Mahse, ka hriat chhuah erawh chu, kan ṭawngṭai na te kha chhan loh kan ni lova, keimahni hian dawh theihna kan nei lovin, Pathian hnathawh kan lo nghak thei lo mai zawk a ni tih hi.



Kan ngawih deuh vang vang hnuah, "i sawi ang chu lo ni pawh ni sela, keini ang mahni mipat pui pawh kawp duh, kan Mizo Kristian te ngei pawhin a khawih thiang lo leh ṭawngṭaia Pathian be tlak lohva min ngaih tawh hi chu, Pathian pawh khian a ngaithla ngut pawhin ka ring lo," Zohminga'n bul zet hian a rawn ti leh nghut nghut, Putara Nu thusawi chu an ringa an pawm ngam lo ni berin ka hria.



"I Nu hming hi ka la hre lo," U Ruata a rawn phun sar sar.

"Nu Maring tiraw." A bu nghat.



"Nu Maring, zawhna kan zawt ta sa sa che, ka'n zawt leh ang che nga, mahni anpui kawp hi eng nge i hmuh dan?" U Ruata chuan thutak zetin a zawt.



"Ngaihdan ka nei lo. Pathian leh an mahni inkar a ni, ka ngaihdanin midang rilru a tina thei tih ka hriat avangin ngaihdan neih loh ka duh lo a ni ber," Putara Nu chuan awlsam deuh hian a lo chhang.


A nui var var bawk a, U Ruata te pahnih chu ka melh zawk, minti hamhaih lek lek zawk alawm.



"Ka Pu...." Zohminga chu'h. Weed a rui tel lutuk hepa hi, weed a ruih tel a piangin thil eng emaw ber hi a hre thei lo ziah.


"Zohmingthang iti lui maw ni le?" Ka lo ti hlak. A ti lui lo toh hre tho mah ila, ka mother-in-law te a ni ve a, minti zak dâwn. Tehtuh mai!


A rui tulh tulh emaw tih mai tur a ni lehnghal a'h.


Min ngaipawimawh lo zet hian Putara Nu lam chu a hawi ṭha sauh a, "Mizoram a Mizo, Kristian 100-ah 100 kan nih chu ka ring lova, 99 kan ni ang, Kristian te chuan sual chi 3 annei," a tawp dut. A ṭawng lah chu a sehchilh nasa nawk nawk bawk si. Kei ni ila ka vin leh vak tur!



"Zu, rukru leh thildang hi, sual mah se ngaihdam thei, diriam an hlawh ve chang pawha chhantu la nei zel anni. Damdawi ti hi sual tak, Biak In ah pawh lut ve thiang tawh lo, sim thei lo leh ṭawngṭai pawhin a awmze nei lo ang a ngaih kan ni. A tawp berah chuan mahni anpui kawp te, keini ang te hi mi tenawm, Pathian pawh zah lo, Pathian hre lo leh Bible pawh tawk, dek ve thiang lo ang a ngaih kan ni tawh, tichuan kan thlarau te hi tuihal in, Pathian mamawhna te nei ve mah ila, kan khawvel zîm tawh zia i hrethiam mai em? Kan Kristian pui, rawngbawltu leh mifel, Sunday tin inkhawm ṭhulh lo, Pathian thu sawi dur dur pawhin an hlauh tawh khawpa sual kai kan nih tawh chuan, i sawi i Pathian khian engtin nge kan thusawi a ngaithlak ang ni," a tih duah chuan Putara Nu in a chhan hma in


"A chhan chu kan thlarau tuihalna au thawm leh, kan mangang aw rawl aiin kan nundan leh thiltih a rin zawk vang a ni. Rawngbawltu tam tak ten kan biak an hläu a min bihruksan ṭhin," ka lo ti sep.


Ka U leh Zohminga chu ka melh tawn ralh bawk a.


"Nu Maring, i ṭanna chu a dik a, Pathian i rinna leh thinlung taka auh, Pathian hnathawh kan nghak zo lo itih te chu sawiselna ka nei lo mah se, kan society-ah chuan addict a piantharin lawmpuina aiin "rei a daih lo ang" tih kan hlawh hmasa a. Bible kan chhiar ve a ni tih phei chu hre hlawm sela; Bible chhiar fo ṭhin chhunga thu hmang ngeiin, 'rinna chu thiltih tel lo chuan thi a ni' mintih khum leh a, kan hnunglamah min sawi zui a, min nuih tu te hian nitin Pathian hming lamin anla ṭawngṭai ve zel tho a," a lo ti bul nghut nghut.


"Beiseina pawh neih ngam tawh lohna hringnun neitu hi chu meidil bak kan chan a ni chuang lova, tla dawn ta sa sa leiah tal nawm ve zawk zawk hi a pawi lo," a nui zui huah huah tak nâ-in, a aw ri ah erawh natna leh beidawnna, khawharna ka hre thei. Chu chuan ka U ka hriat ṭhin kha a ni ta lo emaw mintih tir dâwn alawm.



Ka hriat theih chinah zanin chiah hi a ni U Ruata'n thutak leh, rilru pe taka Pathian thu a ngaithlak leh sawipui a thei chhun ni.

Nidangah chuan uang thuang tak tak a chhangin, Pastor meuhin camp luh an sawm pawh a, "ka piantharin vanram kai tur an awm nang emaw, 'a da leh dawn tho tho' minti tura luh hming chhiat ka peih lo," ti tlat ang chi kha a nia. Chutiang bawkin Zohminga pawh, ani phei hi chu, "min zahpui leh tur te inni," ti hmak zel a ni. Chutiang khawp chuan Pathian thu sawi pui an har a nia, zanin chu eng nge maw an hriat ni?



"Kan haw dawn em ni?" U Ruata a ding zui vut, Putara nu chu inngaihtuah muk hmel tak hian a ngawi vang vang a, Zohminga leh ka U ding tawh chu rawn en chho in, "Tlangval, Choak pawhin Ar-awn chang khimin, Ar-awn emaw a inti thei a; Mahse, kha Ar-awn chang khan a nihna diktak a khuhmawi pha chuang lo. Chhungrilah tunge a nih a, eng nge a landan a hre reng ṭhin a, thinlung takin anhlimpui chuang miah lo.

Nangni pawhin, in anpui in kawp a, sualbawih ah in lut a, inhlim chhung chu mit khap kar lek a ni. Inchhung rilah tunge innih a, eng nge innih tih leh, miin tunge innih an hria tih inhre reng ṭhin ang khan! Chung kan nihna kan pawm lohna leh sual chuan, beiseina ata min paihbo a, beidawnna khuar khurum ah min hnuk lut ṭhin.


Hlimna leh lungawina te, mawina te hi a ni lo lama kan zawn ṭhin avang alawm, beiseina, beidawn thlak kan neih leh ṭhin ni. Mihring chakna leh hlimna tawite ah kan innghat a, a tawpna chu thim chhah takin min zui ṭhin, ṭhu rih teh u..." Zohminga zawk chu a pawt ṭhu leh a. A rui bawknen a ṭhu thla ve hnak.


Putara a rawn lut ve chiah, a thil khai ho chu lo pui vatin, fridge lamah kan khai phei a, "naktuk..." Putara'n a ti sup chu, "shittt.... I nu thusawi ka ngaithla duh," ngawi tura ka lo ti chu a chal a ti chuar tap, ka nuih let var var.


"Hani khan ṭawngṭaiin Lalpa hnenah fapa a dil anih kha, vawikhat chauh a dil lo va vawi tamtak a dil a ni. Tichuan, Lalpan zawlnei Samuela a pe ta anih kha. Mahse, Hani chuan chu a fapa chu Lalpa pêk a ni tih a hrechiang hle a, tichuan Lalpa tan a serh hrang ta a. Hani khan a manganna leh a lungngaihna thlen tur diktak Lalpa hnenah a thlen a, a tisual lo reng reng. Keini chu Pathian pan hmasa lo in kan chakna leh nuam tih zawngah emaw, mihring ah emaw tleina kan zawng hmasa ṭhin a, kan tisual fo ṭhin bawk. A rah chhuah leh kan hlimna, inhnemna tawite chu beidawnna in a zui fo ṭhin. Thimah thlai chi pawh a ṭiak a, chi a chhuah ṭhin ang hian, beidawnna thimah Pathian ropui zia alang zual ṭhin, chu chu mihring te hian kan nghak zo lova, thim thamah Pathian lakah kan vui a, a hnathawh dan kan ringhlel a. Beiseina leh hmangaihna dawn kan in beiseina hmunah, kan dawnga kan hriat lohin "Pathian rorel dan hi" kan ti leh bawk a. Pathian khi tlaingai lo Pathian a ni tih kan theihnghilh ṭhin a.


Pathian chakna rinchhan chuan theih loh a awm lo a ni tih Bible-in min hrilh kha kan ringhlel in, mahni hriatna leh chakna hmangin ke kan pên a, kan rinna a tlêmna hmun a piangah vui vaina leh lungawi tawk lohna kan hmu tam ṭhin. 'I rin chuan Pathian ropui zia i hmu ang' minti tu khi rintlak a ni tih theihnghilh reng reng suh u, kan rinna a nasat poh leh, a nghehna hmun a piangah Pathian ropui zia leh thiltih theih zia a êng chhuakin, mihring finna ril ber pawhin a hrilhfiah zawh loh chakna kan hmu ṭhin....."


A sawi zo chu tumah kan ṭawng lo, kan ngawi dak, ka ṭhutna ka hai ṭhelh, engtik laiin nge Putara ke ah ka ṭhut ka hre lo, chhuahah ka ṭhu tung emaw tih lai a.


Ka dak chho hâ chu min rawn en chhuk ve run, ka nui var var, rawn kûn hniama ka hmuiah fawp zauhin, "zanin chu i U te sawn anning viau dâwn a nih saw. Ka nau Hriata awmse chuan a titawp tawh tur a nia," a nui zui, ka lu ka lo thing mat mat, ding ta mai lo chuan Zohminga te ṭhutna lam en vang vangin, "diktak chuan keipawhin ka mamawh ve tho a," ka ti chhuak sep, ka chhip, a kut ṭangin a rawn ṭham zui zauh.


"Haw ang..." Zohminga chu a ding ta hluai mai. Ka phu zawk, a thinrim emaw ka ti mai dâwn alawm.


Kan lam a rawn hawi a, min en run run in, "kan kal..." A ti zui nghut, a pensawn nghal nul nul.



"Kan chhuak ang e," U Ruata chuan pangai takin a ti ve mai, "ka nau man i rawn pe tih ka hria a, i ti ṭha lutuk, ka kal..." A chhuak zui ve vut, eng thu nge maw a sawi le? Ka man em ni a sawi?


A ngaihna hre lo zet chuan ka dak chho leh hau, min rawn en chhukin a kiai suk ringawt a, sawifiah pawh a tum lo.


Ka ṭhutna aṭangin ka tho ṭiah ṭiah, Putara'n mi lo pawt tho ve bawk a, "Rinte...." A hmel chu ka hrethiam lo, Putara Nu hi ngaihtuahna tilang ngai lo leh chhiar har tak niin ka hria a, tuna a hmel leh mitmengah erawh Ka U te pahnih kha a khawngaih emaw tih tur hmel a pu in, alang bawk!


"I U te kha Zokhawthar ka haw hma in, rawn lêng turin sawm leh teh a," a rawn ti hlawl.


Ka meng zauin, mak ka tihna ka thup hman lo deuh nge a nui var var, "titi pui leh ka duh mai chauh a nia," a ti zui sap.


'Rui lungpuam thusawi, mahni sual rah leh thuawih loh rah seng avanga Pathian chunga vuina tur zawng mai mai' ti lova titi pui a la duh chu a mak ve êm a ni.


Kan Nu leh Pa te tak ngial pawhin, chhung inkhawmna ah pawh "i rui, i tel peih loh chuan room-ah chho rawh" antihsan ṭhin kha anni miau a, a mak ve êm a sin!


"Umm..." Ka bu nghat, ka nui zui sen sen bawk.


'Pathian hnathawh dan' antih chu a ni mai a ngem tih ka ngaihtuahna ah a rawn lang. Beiseina, hmangaihna leh ngaihsakna dawn kan inbeiseina te lak aṭangin kan dawngin, ngaihsak kan hlawh lova;. Mihrang lak aṭanga kan thlarau nun thlenga min dâwnpui tu neih chu a hnathawh a ni ngeiin ka ring.


"Sa chu kg engzah nge i rawn hawn?" Ka harh zawk, ka sira ding chu ka melh zui zat.


Phone hmeta a lo kûn ngur chu, a eng amah hma hmain tum vau hian ka bih zui a, a nu lam hawiin a phone chu ka en chian theih turin ka hmai zawnah a rawn dah hnai, min la en chuang miah lo chuan, "vawksa 3kg leh arsa 1kg ka rawn la tel," min rawn melh thla, nuih tlawn deuh hian ka lo nui vur vur chu a kut ṭangin ka hnar a tawk leh zauh.


Hmeichhe dang hming chu hmu ila a ngal charah ka chhir ang ka ti rilru hman a nia, U Medal-a nen an lo inbe ve chu niin. Mahse, ka pa in engtik laiin nge Airgun nena a lo tin reng reng ni? Engmah lah a sawi bawk si lova.




"Ka mutsan teh ang che u," Tih leh, "Mami chu a naute ho bulah a muhil ve nge? Ṭhut thlengsei ah hian ka mu mai ang e," a tih zawm zat.



"Nu......" Ka ti hman, ka tawp dat, Nu Maring tih leh mai ka tum a ka lai thut, Nu tihlah chu ka lai tulh tulh bawk si.


An nufa chuan min en ran, lai deuh ṭut hian, "Nu kan room-ah mu rawh, chhuatah kan mu zawk ang e," ka ti zawi sap sap. Aaaa.. Mo thar nih hi maw a lo awl lo tawp mai, ka zah theihloh ve tehreng nen, ka lai ka lai ta mai.


Putara ka melh chho ralh, hmui chip chung hian a lo nui sun sun, min chhuan hmel deuh hian min en vah bawk a, ka hmai lah chu a alh ta emaw tih mai tur a ni lehnghal!!!


"Ka haw hma in 'Nu' tih ka hlawh dâwn lo emaw ka ti mai dâwn alawm," min rawn fiam zui lehnghal ahhh!!


"Nu khumah va mu rawh, ka la muhil lo," Mami rawn chhuak chu kan lo en ṭhap.


Ṭahna tih hriat tak aw lai rut leh mit hnawm chap, hnar leh hmai tar hlar chung a rawn chhuak chu uluk tawk hian ka lo en.



Kan titi nasa lutuk a, room lam reng reng ka lo ngaihtuah lo, Putara leh ka Nu chu ka melh ralh ralh, an haider hmiah lehnghal. Hre chak viau mah ila mo thar berin a zawhna ngah em em pawh a ni thei bawk si lo.


Putara hi farnu te thlavang hauhna tak a nih ka ring a, a ṭah chhan te chu zawh ve âwm!


"Anih nangni pawh mu rawh u, dar 10 a pelh tawh hi," Ka Nu chuan a rawn ti, a chhan zawh antum lo tak tak maw ni le?


"Ka luggage saw...." A pensawn nghal vut, zui ve nghalin Zohminga rawn ken zawk bag, Backpack chu ka la a, "pheikhawk sâng anrawn keng ṭeuh a, ka bun ngai si lo va, a ṭhen phei hi chu ala thar, Mami inkhawm i peih deuh i bun vek dâwn nia," pheikhawk ka phawrh chhuah ho la khawm pahin ka ti niah niah.



A rawn nui hak, a nui ri pawh chu a la lawi nasa, ṭap satliah pawh a ni lo, ṭap hrep hi a ang ber.



Zawh tumin ka kâ ka âng zuai tawh, "mu ang..." Putara'n min pawt sawn daih, "Kawngkhar kalh ang che aw Mami...." A tih zawm leh. A bek lam chu rum tawkin ka melh chho, nâ a nei emaw harsatna a nei te pawh a ni thei a.


"Tinge a ṭah i zawt dâwn lo em ni?" Room kawngkhar a khar rualin ka ti nghal.


"Dawn lo..." Luggage a thawmhnaw chu phawrhin rem ṭha lem lo chuan a, Steel Almirah ah chuan a hnawh lut tawp tawp.


A chhan zawh ka tum nâ-in zawh chi ah ka ngai leh ta lo, ka chip leh ta zawk a.


Ka night dress a phawrh leh chu rawn lek chhuakin, "heihi eng nge?" Pheikhawk phawrh chung chuan a lam ka hawi, ka nui chhuak dâwn a insum lehin, "night dress," ka hawisawn leh daih, engtin nge saw te saw rawn ken nachang a hriat, ka U hi chu aw, ka rilru hi a hre ṭhin emaw ni?


Solid Satin Strappy night dress sexy over lutuk mai, a darbah pawh bra hrui ai pawhin a sin daih, pawt hlek ila a chat mai ang tih hlauhawm khawpa sîn, chhing over lutuk mai a ni.


Ka lei phei chu a ni maih lo, nikum Christmas khan kan ṭhian ho uang thuangin Gift exchange kan nei a, Lalchhuanawma lei ber kher ka lak fuh kha a nia, vawikhatmah ka la ha lo hrim hrim bawk.


"Heihi i ha ṭhin amaw?" A aw mai mai chu'h!


Ka lam a rawn hawi tih ka hre thei, ka nuih a za viau nâ-in ka nui âwm lo.


"Ha e. Khawimaw," tih leh ka kal hnai a, ka phih sak, lehlam hawi zuiin ka t-shirt hak, Mami ta mar ṭha zet chu ka zahtheih loh chhuah lui lehin ka phelh a, ka kekawrbul hak pawh chu ti tho.


Mahse, ka taksa hi a za mer mer a, a hit mer mer bawk, ruak thaw thanga ka din tak vang nge min en ngur ngur vang zawk ka hre lo.


Night Dress, "mihur dress" tia ka sawi ṭhin, Lalchhuanawma ka kuk fawkna chhan ngei chu ka ha a, ka bra chu ka phelh zui zat, ka kekawrte phelh leh ka tum rualin, "i ha fo amaw?" A rawn ti bul leh hluk.


Phelh ta lo chuan ka hmel landan ka siam rem te te, "ha e, tiang te chu tunlai dan alawm, kan ṭhian ho kan riahkhawm te, Lalṭanpuia te ho nena kan riah pawhin ka ha mai a, mipa pawh kekawrte nen in mu tho a, a mak vak em ni?" Khum ah ngaihsam deuhin ka lawn kai zat.


Ka mut phei chuan ka dawr alang tak tak ṭep maw le!


Heti chung pawha min khawih a, a chakna ala chhuah loh chuan a tho thei tawh lo tihna a ni mai!


Tho thei tawh lo ta se engtin nge niang?


Lalrindiki'n "running chawp an ngai" a tih kha tak tak chu a ni lo ang chu maw? A nih vaih chuan ka virgin thi ṭhak dâwn tihna em ni?


Awi!! Ni lul suh se, pasal nei chunga a ngai ngaia let te chu lei vantirhkoh kan ni ringawt dâwn a sin.


Ni lo, ni lo, a tho thei ang. A tho thei em em ang, signal ka pe chunga a thawh loh chuan ka running pui mai ang.



"I ex chungchang ka sawi hlek lo," a ti hluk.


A thinrim emaw ni le. A mawl si a, pathlawi ve si zei lo si, hint te hi hriat thiam ve tur a nia. Thinrim rawh se pawi tawp lo, min sual mahna...!


"Ohhh... Kan ṭhian ho..." Pangai deuha tiin ka sam ka zial tawm vek chu ka phel zui a, ka sam hi a tam in, a ngil bawk si, a sei tawh angreng bawk si a, hetia inchhung a kan chet ve takah chuan hnawk ta riau in ka hre ṭhin. Ka thlah khat ta viau mai.


"Tho teh..." A ṭawngkam a van bul sawt tak.



"Ka mut a chhuak alawm maw le," ka ti let ve hlar.


"Lalrinmawi....."


Ka melh vak, "hetiang hian mipa dang hmaah i mu amaw?"


"Min va zawt zing tak e aw. Mu e, mu......" Ka sawi zo hman lo, hneh sawk lutuk hian ka chungah a rawn zuang kai a, ka kut chu ka lu chungah theh chho in, ka bânrekah a hmer khawm hmiah, ka ke pawh chu a bawpin a chepbet hmiah bawk a, ka meng kawk.


"Sawi nawn leh rawh..." A ti zui khur khur, thinrim si, thinrim ang a lang duh si lo aw ri leh hmel ka hmu thei.


Yes.. A fuh chho dâwn e! A duh mah mah ṭan, a hma daih tawha Lalṭanpuia hming lo sawi tur a nia.


"Hetiang hian ka mu...." Ka hmuiah na lutukin a rawn fawp, a hipbet a, a thi dâwn emaw tih tur hialin a nâ!


A inla hrang leh, "sawi leh rawh..." A ti leh hluk, ka ngawi ta ran, ka hmui chu a thîp sa veng veng mai!



"I taksa khuhtu awm miah lo hi mipa dang hmaah iti lang amaw?" A lawm loh zia chu, a hnel dur khup te chu a ṭap dâwn emaw ka ti zawk alawm! A cute phian lehnghal!


"Khuhtu a awm hi....."


"A hmuh tlang theih vek hi," a lo ti nghal nghur.



Ka hmel landan siam ṭha in ka nuih ta var var a, "tinge? I thik em ni?" A rum nghut.


"I hria alawm," ti bul supin min fawp zui lehnghal tawn tawn. Tun ami pawh inhremna ala ni, min fawp na mah mah a, a nawmna ka la pawh pha rih lo.


A hmui ka lo seh salh chu rum nghut a inla hrang hlekin, a phun hluk a, min la vuanbet reng tho, "kawlh reuh lutuk," ti zawi supin ka bawp a chehbehna chu ti thawlin, ka mal leh mal inkarah a khup pakhat chu a nghat a.


Ka bawp zawk chu a tung zui, ka kawr hak chhing leh pan tak mai, nâl bawk si chu ka dul lamah a rawn tawlh thla ta, chiang lutukin ka kap chu a hmuh theih, a melh chhuk nghal ran bawk.


Chawpchilhin ka thawk a buaiin ka lungphu a rang zui dep dep.


"Zanin hian i cho chhuak tih hria ang che," a sehchilh deuh rap rap, a mitmeng si sap mai, min it na avanga phelh ta Phang mai chu a va han hmuhnawm tehreng êm!


Experience nei lo mah ila, a duh ai nasa in a châkna ka ti chhuak dâwn alawm!


A kap zawna ka khup chu ti che zauhin, a mipatna khawng leh ruh taj mai chu a tawk zauh a, hnuailam aṭanga nui sen senin, "tunge ka cho ka hre hauh lo...." Ka ti zawi sa sa.


"Hrep che hian...!" Min vawnna phelhin, a t-shirt hak lai chu a hlim pawk a.


Hnehsawh zet hian ka kekawr te chu a pawt hlip hrawk.


Ka zâm lutuk ka kawchhung a khur nghal dar dar mah se Siakmawii alawm ka nih le, ka pasal hmaah chuan nawhchizuar ang pawhin awm ila a pawina a awm chai lo!


Ka hmuiah a rawn fawp a, insiam rem sat satin, ka mawng ka hung rem zui set set bawk a, a bân bul lian leh khal tak maiah ṭhamin, ka zût chho a, chutiang bawkin Putara pawhin a kut chet tir dan a thiam mah mah ta emaw tih mai tur hian, min fawp reng chung chuan min tung tho nawlh a, ka kawr hak themhle lutuk chu a pawt sawk, a ri zui tuar, "vawikhat mah i ha tawh dâwn lo," aw khur deuh dar dar hian a ti zui hluk.


Tisa chakna avanga âwm sep lawp lawpa a thawin, a âwm sek lutuk maia zût thla in ka nui sen sen a, "itih te chuan....." Ka ti zui sa sa. Ka hmai lah chu a sa em em bawk a!


Duh thawh taka min fawp leh ngawng ngawngin, ka nghawngah a fawp thla a, kawchhung leh pawna nawn na leh zà-in a tuam chhuak chunga dakin, ka hnunglamah ka lo in nem khalh a, ka thaw chhuak ham ham.


Ka hnute hmur a lei hmanga a liah kual a, a kut lehlam a a hnek loh lam hmur a hrual nawk nawk chuan, ka hmeichhiatna sawifiah thiam rual lohin a ti mar a, a nâ a, a zâ et et bawk.


Tuiril a chhuah nasat phei chuan kezungpui kawm ngar ngarin ka lo rum ham ham ṭhin.


Min kuai mu lehin, ka dulah a fawp thla a, ka lai pawng a lei hmanga hawlin, ka hnute ala hup ran bawk.


Ka tai zawn aṭanga rawn melh chho chu ka kiu hmaga in beng kângin, thaw hlap hlap chuan ka en chhuk.

Mitmeng buai zeta min en chung chuan a rawn nui a, "i duh ka hria alawm...!" A ti chhuak sup, hmai sa ham ham leh kawchhung za mer mer chuan ka nui ver ver a.


Ka hmeichhiatna tui pur leh nal puat mai, kekawrte chhana nuai nawk nawk chuan, ka tum loh lutukin, "ahh***" ka ti chhuak dar dar, Putara ka ko zui dar dar bawk.


Ka kekawrte pawh chu pawt thla nawkin, a kut lawng chuan a nuai nawk nawk a, "i rin phak baka nuamin ka siam dawn che," a aw chu khur mah se mahni inrin tawkna in a khat, ka hmeichhiatna tlang chu a fawp kual a, a kut ṭang a rawlh luh a, a nawmna lai a lei hmanga a hawlh nawk nawk phei chuan awm ngaihna ka hre lo, ka thlek tawn zak zak loh leh, ka lu chuan lukham chu ka nawrbet a.


Nghet taka bedsheet ṭhamin, ka ke ṭang ti arh vekin ka rum dar dar bawk.


A rawn tawlh chho, a thaw ham ham, a lungphu ri chu chiang takin ka hre thei.


Blanket chu chhuata a theh thla a, zo taka min chawi nawlhin, chhuata blanket ah chuan min mut, ka sawi tum a ni, khuma kan tih tak tak a nih chuan thawm a ring dâwn lutuk!


"Aw rawl chhuah tur insum ang che," a ti sup, ka nui ri hak, a ni pawh a nui vur vur.



Ka hmeichhiatna bawkah chuan a kut ṭang a rawlh leh a, ka hmui ka lo pet bet, "ka hmangaih...." A rawn ti ṭuak, ka meng kawk, ka hre sual emaw ka ti, tisa chakna avangin ka beng chhe ri a ni mahna.


Ka mitmeng buai nuaihah chuan, a mitmu dum fiah kak mai chuan min en a, "ka hmangaih, a tight lutuk... I inhuam maw?" A ti dam dup.


Ka aw ka chhuah thei lo, chu a aw rilruih leh ngaihthlak nuam tak ṭhin, damdap kha zanin hian a nuam leh zual.


Ka dang ro halh mai ti hnawm turin ka chil ka lem khalh a, a biang tawn tawna chelhin a hmuiah ka fawp zauh.


A mita min hmangaihna bak hmuh tur awm lo chu en in, "i tan, ka hmangaih tan ka inhuam reng. Ka thianghlimna mai ni lo, ka thlarau thlengin tihlawm che hi ka duh," ka ti tak tak bawk. Hetiang tak hian mipa, ka mihring pui tih läwm duhna ka la nei ngai lo.


A mitmeng chu a tal rak a, "i la thianghlim..." A nui zui. Läwmna leh mak tihna, min ngaihsanna in a khat nuk mai! Chu chuan a vawikhatna keimah ka ni tih min inchhuan tir veng veng.


Min rawn fawp vawng vawng, tisa chakna a ni miah lo, mipa i hmeichhia a hmangaih leh thlakhleh em em a fawp vawng vawng ang mai hi a ni. Chhan awm miah lovin ka bekah ka mittui a luang ngiai ngiai, natna vang emaw lungngaihna vang a ni lo, ka hlim a, ka läwm êm vang a ni ber.


"Ka tina lo ang che," ka chalah a chal a nghat a, thaw chhuak ham hamin khuma lukham chu banin, ka kawng hnuaiah hian a hnawh lut a, min rawn en leh, min fawp leh zauhin, "i nat ka phal lo," a ti leh sup. Min tina ngai dâwn lo tih ka chiang tawk lutuk tlat.


Engtik laiin nge a kekawr a phel ka hrelo, mipatna khawng zet mai chu a tuai deuh nawk nawk a, ka chil ka lo lem khalh.


Diktak chuan ka zâm a, hlauhna in min tuam ve reng; Mahse, ka pal tlâng ngei dâwn tih ka beng awmna ka chian tlukin ka chiang thung!


A chhanchu, ka neih zawng zawng hi he mipa tan hian hlan ka duh tlat a tin ni!


Ka hmai zawnah a rawn innam khalh leh, "a vawikhatna mah nise khum dup nuam tak a ni dâwn lo a nih hi," a tih chuan ka nui hak, ka kut tereuh te chu a awm khal zetah chuan ka nghat a, chul zui riak riakin, "thildang dai ka ngaina tih i hriat kha," mitmeng hur lutuk hian ka melh chho ralh.


Phun sup hian, "nangmah pawh i dangdai alawm, min ṭhawng reng mai a," ti zui sup chuan a mipatna ka hmeichhiatna ah a hnawh lut riai riai, a âwm, lungphu zawn chu nghet takin ka ṭham a, ka ha pui ka seh betin, mit ka ching zui vak bawk.


A nâ tih hian a sawifiah lo, ka mittui bawk a rawn luang leh, "ka ti nâ che em ni?" Min ngaihtuahna a khatin a rawn ti, ka sam chu chul zui hliau hliau a.


Chil lem khalhin ka lu ka thing, a luhfel rualin ka thaw zui kawk, ka meng a, mitmeng de sawr sawr mai, min ngaihtuahna leh khawngaihna a khata min en na chu ka nuih let sen sen, ka la ṭawngthei chuang lo.


"Rei a na hauh lo ang," ti leh sup a min fawpin, Muangchangin a che zui a, rei erawh a na hauh lo tak tak, ka kawchhung hi a za chhuak a, kan pahnih chuan "lei vanram" antih ngei mai chu vawiduai lo fang dunin, hmangaih biahthu kan inhlan mawlh mawlh bawk.


He vanram ansawi hi, chunglam vanram nen khian a danglam vak ka ring ta lo, engkim mai chu a famkim a, taksa chhunglam leh pawnlam thlengin nawmna vawrtawpin min tuam a, thinlungah hlimna luang liam zawih zawih chunga ka pasalin ka taksa enchim loh tak leh, lungawi na nasa hmu tih hriat taka a sawngbawl te, ka thiam ang tawka ka chhanglet te chuan, harh chhuah tawh loh a, hun hi tawp maise tih rilrukna min neih tir ta rum rum mai.


Putara pawh a tho thei lo ni a ka rinte kha chu sual thlemtu pakhat emaw tih tur a ni.


Mipa, mipa diktak, a taksa pawnlam landan ang chiah a hrisel leh in fit lutuk, style chi hrang hrang hmanga khawvel vanram min fanpui tu, Lalzeiemema tih hmingpu tlak hialin nawmna min barh a, a khat tawk a, nawmna nasa lutuk avanga ka rak chhuak leh ṭhat ṭhin, ka kâ a rawn hup bet leh ṭhin te pawh chuan kan nawmna vawiduai lo vawrtawp min thlen pui pawh a tikiam pha chuang lo.


Tin, zanin thil hi, naktuk zan emaw tuk leh emaw a tuk leh ah pawh ka zawngchhang fo tur, ka pasal nen chauha tihdun ka duh tur leh, ka sim ngai loh tur a ni tih ka nemnghet hmiah bawk!


<><><>~>~>


Note : Zanin chu Pathian thu a tel ta ṭeuh mai, a boring inti mai thei a mah se telh ṭalh ka duh sia, boring ti lo mai ru😬💚💚

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:01 pm

ZAWLAIDI
By
Floria Laldansangi


Chapter < 15 >


RINTEI....POV


Lei vanram enchim leh âm tak chunga vawi tam kan thlen dun hnuah ka sirah a rawn let thla tap a, a thlan a tla nasa in, kei ngei pawh thlan leh kan s**h aṭanga tui chhuakin minti ban deuh chuap bawk.


"A ropui lutuk Siakmawi...." Nui nghawr datin, lungawinaa khat ri a tiin alamah min pawt a, a âwm thlan huh dapah chuan mit chhing chial chung leh lungawi tak chuan ka bei zui ve hle hle bawk.


Ka chhip a fawp zauhin, ka khabe ah a rawn dawm a, a kut zungpui a ka hmui tuai zui neuh neuhin, "ka ti nâ che em?" A ti zawi sup, a aw ri a min ngaihtuahna ri tel ṭhin hian ka thla a ti muang em em ṭhin.

Min dim a tumin theih tawp a chhuah tih ka hria. Keimah ngei pawhin dimtaka t*h kha chu ka duh bik lo a ni mah na, a nasat poh leh a ai nasa leh chidang dang a bul ṭan kha minti chak tlat a, a vawrtawp kan thleng zo chiah pawh, he a kut thil titheih tak hian min khawih chuan ka lo inpeih nghal at ṭhin te kha a mak a ni.

A hma khan ka ngaihzawng te kha sex hmanpui ka tum ve ṭhin, kan kal thûk a, sex kan hman dâwn hnaihah ka chakna leh phurna a reh ṭhuap a, ka thisen a vawt nghal sung sung zel a, ka in rinhlelh phah hial kha a nia!



"Siakmawi...." Ka chhang lo, ka thaw ala buaiin, boruak ka la hîp seng lo va, ka kâah hian a leng lo a ni ber. Ka lungphu ri dup dup leh Putara lungphu dup duprib chu ka ngaithla ran.


"Bawihi...." Inbeng kâng deuhin min rawn en, a âwm a la bei reng chuan ka melh chho ralh, ka nuih sen sen a, "thisen a chhuakin ka hria," ka ti chhuak sap, ka aw pawh ala dik lo nasa.


Ani erawh a inthunun nasa tih a hriat thung!


A âwma ka lu chu dimtêa a dah sawnin, inbeng kâng in min pawm leh nawlh, naupang ang mai leh Lalnu ang maia min treat tu ka pasal min khawih ang ang chuan, inti thei em em in ka lo awm tawp.


Khumah dimtê bawka min nghatin ka chalah fawp zauhin, "lo nghak rawh," ti supin towel in bâng chu a pawt thla a vengin, a bula face towel ka bân pawh chu pawt thla lehin a chhuak zui zat.


Saruak ngal ngat chuan ka Putarte rawn let hun chu ka lo thlir ran, a rawn let leh chuan towel chu a tihuh tih hriat takin a rawn keng a, ka bawp ti kak hretin, ka lo ip deuh zuk chu nui suk hian, "a na lo ang," a ti leh sup.



Ka hmeichhiatna a hrukfai lai te chuan hmuhnawm thlirin ka lo thlir dauh dauh, min hruk dan lah chu, ka pilh a hlau emaw tih mai turin min hru dim em em bawk a.


Towel huh leh blanket, thisen kai leh tuihnang kai chu room-a chairah chuan a dah a, a che vêl chu ngawi rengin ka en ran, ka in hmuh dan ber chu Lalnu ka rawng min bawlsak hi ka ang ka tiber.


Blanket dang rawn phawrh lehin, a towel ven chu phelhin minrawn sin tir a, ka sirah rawn inthawlh lutin ka lo hnaih nghal sat sat, ka nghawngah a bân a rawlh a, alamah min pawt hnaiin nghet taka min kuah zui hlu hlu chuan, "muhil tawh rawh, i chau lutuk ang," ti sup supin, ka chhipah a fawp zui a, naute ang maia duat taka min chul hliau hliau chuan, ka pasal âng chhungah thlamuang leh helh nei miah lo, lungawina leh lawmnaa khatin ka mit ka chhing zui riai riai bawk.


Hei ngei hi a ni ansawi ṭhin, "hmangaih te âng chhungah chuan kan him bikin, kan thla a muang bik hliah hliah e," an lo tih ṭhin chu ni!


Ka pasal kuahna âng chhungah chuan thlamuang zetin ka muhil ta suai suai a ni ngei ang, ka harh leh chuan ka mutna bul a lo ruak hiau mai.


Sana chu mit phak zetin ka bih zui a, dar 3:40am chauh a la ni, kan room zau lo ve tak, vanram ansawi ang maia nuam tak si chu ka en kual thuak thuak, a hmel ka hmuh mai loh avangin zialzu turin a chhuak leh ah ngaiin mut leh mai ka tum a. Ka lu in lukham a deh fel rualin hmeichhe aw ka hre zui zat.


Ka meng zui kawk, a reh leh daih avangin ka mut chhuak beng chhe ri-ah ngaiin ka mu ṭha leh sat sat a, ruak veka awm ka la nih avangin blanket chu ka pawt hnaiin, ka sin ṭha zui sat sat bawk a.


"Mc, Bawihtea Pa engtin nge ka chungah hetiang hian i tih theih?" Ṭah aw lek lek ka hriat leh rualin ruak chuan ka in perh tho a ni hrim.


Chu aw zet chu engtikah mah ka theihnghilh loh tur a ni, kha thliarkar rilru neitu ngei, a nupui hlui ngei kha a ni.



Thawmhnaw hak mai tur zawngin ka hawi kual, chhuata Putara t-shirt dum chu chharin ka ha zui nawk nawk, ka hak zawh rualin a letling tih ka hre chiah bawk a, pawi tawp lo mai!


Putara, Puma Slides dum lian zet mai chu ka in thawlh nghal nawk nawk, lawng lêng a chuang ang mai ka ni, a lian em em lehnghal a!


Room aṭanga ka chhuah rualin ka ding zui dat, min hnung chhawn zawngin Putara, a kekawrbul ipte zen apin a ding kak ran, a tukkhum awmdan aṭangin hmalam a en vah tih ka hre thei.



Pan hnai ta mai lo chuan ka ding ta reng a, Putara taksa a len êm vang a ni ang a nupui hlui hmel emaw, taksa engmah ka hmu thei lo.


"Nuhrawn tuar tir i thlan zawk chhan tal min hrilh rawh," a aw chu rui aw a ang ka ti deuh; Mahse, rui ṭhin hmel kha a pu si lova!


"Hrechiang ber tur i ni, haw rawh...." A ti bul nghut.


"Engtin nge heti em ema vawta i inthlak theih?" Khawih a tum emaw ni Putara'n a kawng a chin chunglam chu a lo her zauh, a lu pawh a awm ngaiin ala awm reng, a inher takah chuan a nupui hlui hmel chu ka hmu zui thnuak, a rui chiang khawp mai!


Putara chu a din ngai bawkin a ding leh a, hma lam aṭangin hmu ila "ngeng" ka tih tur chi, a fapa hian thudang mah ni lovin Lalduhawma a nih hi a lo chhun ngar ngar ni!


"Nupui i nei tawh tho tho a, a nih chuan Mathew-a hi ka hnenah awm tir rawh," a aw ah chuan a beidawng deuh emaw ni?


Putara chu a nui huk, a za miah lo, a rapawm lek lek zawk, a en chhuk a, "Nunsiam, vawiin aṭangin i fapa hi i hmu tawh dawn lo," damdup si, nghet charh maia a tih rualin, "a theih loh," Nunsiami'n a lo ti let ṭhat.


Putara chu a ding ngil leh a, a nui nghawr dat, a awmdan zawng zawng chu kei ni ila ka bengsawk duh ang chutiang khawp chuan a ngeiawm mah se, tunah tak saw chuan a va duhawm zual tak êm.... Lalhmingpuzoa a nih saw!


"I zak lo hi ka ti e U NUNSIAMI..... Lalhruaitluanga ṭawngkam mawi lo tak tak i zirtir te hi ka la chhâl ang che ka ti hrim hrim a, naupang zirtir leh hrilh awm te hi hre rawh," Mami'in ti zui hlak hlak a rawn tho a, chhuata mu na nâ nâ chu engkim a hre vek ang, min rawn en zui,


"Engthu mah ka hrilh lo, naupang â ni lo chuan a hrethiam a ni mai," a ti zui hmak, eng nge a zirtir tih pawh a la sawi tawp si lova, vahan dawheh tak! Mawl bawk si, a hmel en aiin kei aiin a mawl.


"Nu..." Mami'in a rawn ti, ka hawi ve vat.



Ka hnungah ka Nu a lo a ding ve ran chu niin, ka thawmhnaw hak chhuah hrep nen, ka zak ru nghal chem chem, ka hmai a sa nghal veng veng bawk, kan thiltih a hriat nghal vek alawm!


Pawi lo, zak lo lui leh tawp mai ang, ka zak lo thei tih chu anhre tho in ka ring.


"Siakmawi...." Ka hawi leh vat, Putara mitmu tal rak chu ka hmu hman rei erawh a ni lo.


Nui var varin alamah ka pan hnai a, Nunsiami chuan ka Nu chu a zah tih hriat tak hian rum deuha min melh siin, a meng khup zui zal zal.



Putara pawh rawn lutin, ka sirah a rawn ding a, a t-shirt ka hak chu uluk lutuk a ka chhip aṭanga en thla in ka ke ler thleng chuan a x-ray emaw tih mai turin a en thla dan dan a, a nui zui suk, a mitmeng de nghal sawr sawr chu chiang lutukin ka hmu thei, a Nu awm ve lai lehnghal he pathlawi hi duh aiin a nghal mah mah!


"Nunsiam, eng maw i rawn tih dâwn?" Ka nu chu a rawn kal hnai.


Nunsiami a rawn pen lut tur chu, "i dinna aṭang khan sawi rawh," Putara'n ngaithei lo tih hriat zet hian a lo ti hluk a.


Nunsiami chu a rawn lut lui ta tho, rui chhia phei chu a ni miah lo, min rawn en hrawk, ka lo hawi vah, hmelchhe hma ansawi chu sawi loh zu rui hmaah lehnghal ka zâm ngai lo hrim hrim.


"Nu i harh ta sa sa, Mathew-a chungchang hi sawipui che ka duh a. A pa berin nupui a neih tawh si chuan ka hnenah awmse ka duh a ni," a ti charh charh, sawi sual a hläu khawp mai.



"I ruih loh huna sawi chi a nih chu, haw tawh rawh, hei zinglam dar 4 chauh a la ni a, naktuk lamah kan sawi dâwn nia," ka Nu chu kan lam a rawn hawi, "mu rawh u, kawng chu ka lo kalh mai ang," a rawn ti zui zat.


"Mu ang.." Putara bânah chuan ka pawt dat.

Ka kawngah rawn chelha min inher pui rualin, "rukru...." A rawn ti kha hraih, ka ding dat.

Ve mai mai a, engthil mah ka tu nek lo ve!


A lam hawiin ka inher a, "engmaw i sawi kha?" Mami a rawn ṭhu chhuak ve nghal.


"RUKRU...." Fiah zet hian a rawn ti leh ka nui lui hak, "Bawiha innu kha hruai lut rawh," ka nu in a lo ti vat.


Putara'n ka dar a rawn kuahna chu ka lo dahsawn sak a, Nunsiami en in, "i fapa min koh dan ang chiah a ni," ka nui sâng reng.

Hetiang hmaah hi chuan thinrim duh lo ila, an sahuat deuh a awl deuh alawm.


Ka sawi kha a fin ka chelh loh pawhin ka at hi a chelh dawn lo. Â deuh hian ka sual thiam zia hi a hre lo a ni.



"A pa i ruk sak a hrethiam ve a nih chu," min nuih khum ve ngei a'h. Ka kek hrep dâwn emaw ni, hetiang hmeichhia 5'ft boruak hip ve dek dek lehnghal! Vawikhat hnek oawh dâwl âwm der si lo.


"Mihring, mipa lehnghal keia ruk chi va ni suh, ka enkawl ṭhat loh i hläu a nih chuan lungai suh, i enkawl aia ṭha in an pahnihin ka lo enkawl ang, nang aiin ka naupang feeeeeee zawk a, minthlang zawk a ni mai. I sawi duh i sawi zawh tawh chuan chhuak tawh rawh." Awsal tawk leh inti neitu tawk hian ka ti liam puat puat a.



"Lalrinmawi...." A rawn ti ṭek chuai, a kut a lek rualin Putara'n alamah min pawt hrawk, a che rang teh e...... Thli pui ang mai alawm a nih!


"LALNUNSIAM....." Ti zui hrawihin engtin nge a tih ka hmu hman lo, Nunsiami chu a kat zui nawk nawk, ka mit khap kar lek tak tak a ni, kawngkhar tlâng chu a chelh zui dawta, chelh lo se chuan a let chhuak hrim hrim ang.

"CHHUAK RAWH...." A ti zui leh hrawih , a aw ki a säng lo na in mar tak a ni, a Nu leh Mami pawh chu an meng phar zui awk awk mai.


Nunsiami chu a mittui a tling zui puau puau, Putara ka lam a rawn hawi a, "i ṭha em?" A ti sup, a aw chu thunun a tumin Nunsiami a biak angin min be lo mah se a la sak ṭha ṭalh ṭalh khawp mai!


"Min khawih fuh hleinem," ka lo nui, hahdam ta huai hmelpui hian a thaw chhuak zui ham ham a.



"Siami, hrilh che a, sawinawn ka duh lo viau na chungin, hetiang dinhmuna min dintir tak si ah chuan tun chiah hi ka sawi ang, Mathew-a hi i hnenah a awm ngai dawn lo. Chu chu hre chiang ber tur ini," Ka nu in a rawn ti ta ri charh charh. A aw chu a dam thluam tak nâ-in in vau na a ang mah mah zawk.


"U Siam nangmah a nih kha ka U kuta Mathew-a dah tu chu, lehkhaa ziak thlàpa dah i ni bawk. Duh lo a kalsan hmasa tu i ni," Mami'in a rawn ti ta fak fak mai, chutiang pawh ka lo hre lem lova, an inṭhen chhan lam hi ka lo ngaihtuah lo hrim hrim, zawh lah ka tum lo ve bawk!



"Mami, 'duh lo' tia min ṭawng khum thei dinhmun ah i ding bik miah lo a nia. Engmah hre lo turah hian min ngai hlek suh u," ngei na zet hian a rawn ti let khar khar, a thusawi awmzia erawh ka hre ve leh tawh lo!


Min rawn melh ram ram chungin, "Mipa thinlung vawt tak neia siam tur hian engthil nge a chhungah i tih ka hre lo; Mahse......" Ka lo nui hak, min en hraw a. A mit aṭang chuan mei alh chhuak tur ang mai a ni.


"I hresual niin alang ka PI.....ka siam ni lovin, hmangaih ṭhintu che thinlung, lûm tak ṭhin kha, natna leh hliam na tak neia i kalsan avangin i lakah a vawt ta mai chauh a ni. KA LAKAH NI LOVIN," confi lutuk a ka ti let fak fakin Putara ka melh chho ralh, a mit veilam ko a lo ti che zui zauh.


Nunsiami a en a a mitmeng dur khup ṭhin kha, ka chungah erawh a de sawr sawr ṭhin chuan mahni inrin tawkna ka neih ṭhin ai nasa min neih tir ṭhin.



"Nunsiam, min chhuahsan teh, zanin hian ka inchhungah buaina i rawn siam a, ka mo-nu kut thlak i tum bawk a, eng ang Nu nge ka nih a, ka mo te thlavang ka hauhnat zia i hriat kha, min tilui suh. Hruaitluanga chungchangah pawh tun aṭang chuan inrawlh ka tum tawh lo, a pa thu thu hi a ni tawh," thutawp siam tih hriat tak hian a rawn ti leh.


"Api...." Kan hawi zui vek, Mathew-a room kawngka bula mittui tling pama lo ding ka hmuh chuan chawpchilhin ka inthiam lo ru nghal ringawt nia!



"Bawihte...." Nunsiami pawh chu ṭah a tum ve ringawt bawk a. A va zak lo tak!


A nu a rawn pan dâwn emaw ka tih laiin, room-ah a let zui a, kawngkhar a khar zui dat.


Nunsiami lam ka hawi, a meng phar nasa teh mai a sin.


"Haw tawh rawh le, i fapa pawhin a be peih lo che a nih kha," Mami'in tih leh, "lut ula a haw mai ang," min rawn ti.


"Lut ang," Putara'n Nunsiami ben mai inring ni âwm taka en run runna chu a bânah ka pawt dat dat. A lian si pawh kal pawh a pawh kal theih loh.



Mipa chu nise kut a thlak ngei ngei tawh ang.


"Lut rawh u," ka Nu-in a rawn tih leh takah chuan thaw ri hraih hriah hian a inher vut a, min kuahin room lamah min pen pui zat.


Room kan luh rualin an ṭawng chu ka ngaithla deuh vang vang, thawm a awmzui loh avangin a haw ta a nih ka ring ringawt bawk a.


"Dar engzah bawr velah nge a lo kal? A hrim hrimin engtin nge i hriat?"



Lighter leh zozial a ah chu a phawrh a, khuma lawnkai zuiin, "ka zial zu tur kawngkhar ka hawng pawnah a lo ṭhu, lo mu rawh," ka malte thleng chauh a t-shirt in a khuh theih avangin a lang var ve han mai, a en a a nui zui suk.


A va nghal thei tak!

"Eng nge?" Lai deuh si chuan ka lo ti hlak.


"Lo kal teh...." A kut a rawn phar chhuak, khuma ka ṭhut thlak rualin min kuai mu zat a, nui chhuak ar ar in, "i nghal lutuk," ka ti chhuak awr awr.


"I kawr hakin zir ṭhin hek lo," ti hlukin ka hmuiah a fawp a, ka biang leh ka chal, ka hnarah a fawp kual zui dun dun, ka lo nui zui awr awr bawk.


A nupui hlui zu rui rak mai maiin kan mood a tih off ka phal teuh lo, Putara pawhin sawi zui a duh lo tih ka hria; Mahse, Mami a tihdan erawh ka hre chak reng.

.
.
.
.

"Au Rinrin...."


"Ummm..." Thawmhnaw zar chungin ka chhang.


"Au Rinrin, Au mi nen an insual," ka hawi vat.

"Tunen nge an insual a?" A thaw vei hlap hlap a.


"Khutah khuan, Au leh mi pathum," a kawk zui.


"Anî ka ko dawn," a ti leh, chelhin,"i ni i hrilh chuan i pa a hrilh ang a, i Pa a thinrim leh ang. I U a hauh i duh em ni?" A lu a thing vat vat.



"khawiah nge i U chu?" Inchung zawl aṭang chuan ka kai thla zui a.



Naupang ho infiamna lam chu ka pan a, thingkung hnuai a Mathew-a leh Emmanuel-a ṭhutna bulah ka ṭhu thla ve zat.

Ka ṭhut lohna lam a hawi zui hmak a, ka nui sak.


"Khawimaw ka lo en ang e."


"A na lo..." A nâ a ti reng si a, a aw pawh a lawi rat mai.


"Gabby, El-a nen khan"pemthar damdawi" zu ti ula, zu lei rawh u, khulai dawrah khuan. Inlei thiam ang tiraw? I Pa in a hau leh palh ang," ka ti tel kher.


Ka ipte aṭangin pawisa ka phawrh a, Gabby-i leh El-a chu an inzui thla hnak hnak.


"Khawimaw ka lo en ang e....." A inher leh zual.

Ka va en âwm tak!


A khupah chelhin, a kawngah ka dawm a, ka kuai her hrut, a banrekah ka chhelh zui zat a, a kut nâ lam chu pawt deuh sawkin, "che suh..." Ka ti zui hlak bawk.


A kak thuk reuh em em zui a!


"A nat chuan"a nâ" ti mai ta che," ka kekawr chunga ka puanbih, sapan puan chu hlimin, a tlângin ka hru fai hlek hlek, a lo sî zui hlek hlek bawk.

"Engvanga min haw em em nge inih a?" A ngawih reng laiin ka ti leh, ka en duh miah chuang lo.


"Nangma vangin anu leh apa an innei thei lo," min chhang dâwn lo emaw ka tih hnuah a rawn ti sep. Min la ngei hmel viau tho.



Gabby-i te rawn let sarang khai chu ka lo la a, ointment chu hawngin, ka hnawih zui, a kut a la let zauh, "a na em ni?" A mittui a tling pam, a lu ala thing zui tho a, a luhlul leh ngeng vel lutuk chu ka nui ta ringawt.



"I Nu leh Pa chu an inṭhen tawh alawm," ka melh zauh.


"Ka hria..."

"I hriat si chuan tinge i Pa ka neih chu i phal loh a?" Ka en chuang lo, zawt satliah leh ngaipawimawh vak lo a biak hian min chhang ṭha zawkin ka hria.


"Keichu ka phal tawh..." Gabby-in a lo ti vat. Ka en a, ka nuih sen sen.


Mathew-a chu en lehin ointment chu ka chhin a, min melh ram ram hian, "aPa in min duh tawh dawn lo, fa i neihsak ang a, keimahni aiin i fate a hmangaih zawk dawn. Nakinah kan chungah i sual bawk dawn tih ka hria," a mittui a parawl nghal ṭiam ṭiam.


"I Nu sawi em ni?" Ka ṭhut hnaih a, a ngawi leh ngal tawh. A nu venhim a tum ve reuh lehnghal emaw ni?


"Mathew, i Pa hian Gabrielle-i a neih hnuah a hmangaih loh phah che em? A nih inchungah ka sual tawh reng reng em?" Mittui tling pam a min en in, a nau a en leh, a lu a thing a min rawn en leh a.


Nui chungin, "ni rêng e, fa nei pawh ni ila a fate innia a hmangaih reng dâwn che u. Hmangaih dan che u a in ang vek dâwn. Chutiang mi chu a ni i oa mizia leh thinlung chu. Ka tan pawh ka pasal fate innia, ka hmangaih dâwn che u, nu leh pa chuan an fate an sualin an zilh hau ṭhin, i Pa pawhin a hauh fo che u hi, keipawhin ka la hau ang che u nga, ka hmangaih bawk ang che u," Mathew-a chuan min en kar. A hrethiam ngut emaw chu? Naupang fing tak a ni a, a hriat thiam erawh ka ring tho a.



"I Pa chauh neih ka duh bik lo, nangmah ni pawh neih ka duh che u," ka ti leh sep. Engtia ka hnuk chu ulh ṭeu ringawt nge maw a nih le?


"A nih, Anu angin min duh lo ve angem?" Ka meng phar awk


"Engmaw?" Ka hre lo pawh a ni lo mak ka ti lutuk zawk.


"Anu pawhin ka tetlai pawhin min duh lova," a mittui a luang ta ngiai ngiai mai.

He mipa naupang luhlul leh nghal lutuk mittui tla leh ṭawng dan hi a mak lutuk mah mah.


"I hria em ni?" A bu nghat. Ka lamah ka pawh hnaih, kuah ka tum ve ngei chu a lo ṭang ve ṭau.

"Lo kal mai mai teh, ka kuah lo tawp tur che nia," nui chunga tih leh ka pawt lui a.


Kuah lui chungin, "ka kalsan dâwn lo che, min haw chung chung pawhin ka kalsan loh che hi, ṭap tawh suh. I ṭah zel chuan ka kuah hlum daih mai ang che," ka ṭah nui ve hak. He naupang hi ka ngei lutuk, minti ṭap ve lek lek alawm.


Mahse, ka khawngaih em em tho, anu bulah awm a lo duh reng reng hleinem, apa ka neihsak a hläu mai chauh a ni he naupang hian!


"Au ṭap tawh suh.." Gabrielle-i a rawn ṭap ve par par, El-an a rawn zui ve uah uah bawk, ṭah nuih hak hakin Emmanuel-a ho chuan ka kuah khawm a, chhangchhiat theih ta ve aw!


"In ṭap zo tawh em?" Ka kuahna aṭangin an inla hrang diah diah.


"Gabby, a tuamna tur inlei tel lova," ka melh ralh.



"I sawi lo alawm," a lo ti, ka nui leh a fing Kirker bawk si.



"A..char...na.. min pe," El-an a lo ti khauh. A ṭawng hi a ban thei chap chap a nia.



"Khawimaw...." Band-Aid a rawn lek chhuak, nui chunga la in Mathew-a kutah chuan ka bel a. Gabby-in a pawisa hman bâng a rawn lek chhuak zat bawk.



"Haw ang u, ni a sa si..." Ka ding chhuak.

"Apa-in a hau ngei ngei ang che," Gabrielle-i lah hi!



"Engvanga insual reng reng nge innih?" Mathew-a chu ka melh zui ran.


A melh ram ramna lam chu ka en ve vat, naupang pathum hi anrawn hawi chho. Mathew-a anti lui emaw tih turin an kut te anrawn la vai zuiah! Ka beng hlawm nang a!

"Au Rinrina leh Au Puipuia te annia, school-ah pawh Au anhau ziah.." Gabby-in a rawn ti zat zat.


"Hruaitluang, i nu thar kha mi?" A vahan nghal e aw! Ka kuk fawk nang a!


"Rinrina em ni inih?" Ka hming angte chu ala nei a, Rinrin tih hmingpui hi chuan a mal mal bakin mi kan sual ngai lo a sin maw le!


"Aih. Aw..." Min tih khum a nih chu! Lalhruaitluanga aiin a chimawm daih lehnghal, dawih nen sualnen a kawp chiang lutuk


"Mathew, a malin i ngam em?" Ka insual tir dâwn khawp, a hneh âwm tawp si lova.


"Ngam em mai a," a lo ti nghat.


"Hey.. Naupang nghal, i ngam em?" Ka en ran.

A ṭhian te pahnih chu a melh ta zak zak mai, "i ngam loh chuan ngawi chip cham rawh i hria em?" Ka ti leh rualin, "ka ngam êm mai a," rang tawk hian a rawn ti.


"Zu hnek rawh," mak tih hmel tawk hian min rawn en chho.


"I cho a ni lo'm ni? A ṭhian ten anchhan chuan ka chhan ve ang che," a hnungah ka nam zui dat.


Rinrina antih naupang chu a kut a tum vei ṭang, hnek hrep rawh se, nghal zikzek lutuk mai.


"Rinrina Nu-in school ah a hrem dâwn che," vai naupang ang deuh, laldumtea ni âwm tak chuan a rawn ti zat.



"Nu a nei ve, nanga lo sawi a ṭul lo," ka tih rualin Mathew-a chu a tlan ter tera a hnek tlu tawp.

Vawi 2 lai a hnek hnuah ka pan a, ka pawm sawn nawlh, hnar ala thi zui!

A va chawh tak!


"Anu bulah ka sawi dâwn cheu..." A ṭap ring ropui si, duh leh sawi sawmsarih sela, anni pawhin ansual rawn ve tho alawm.


Kan khawih hmasa hleinem, self defense a nih kha!


Kut tum ran chunga ding Mathew-a melhin ka nui a, naupang ṭap lam chu hawi lehin, "a mala insual inngam loh chuan tumah tibuai tawh suh ang che u in hria em? Chuan, in nu leh pa in hrilh chuan police ka hrilh ve ang, kan khawih hmasa lo che u a, nangmahni kn Mathew-a kut thisen inchhuah tira jail in tâng a ni mai," naupang ho chu vau in ka sawi ṭhaih zui khar khar.



A hnar chu hupbet in, "Mathew ila chak lo ang," tih leh tlân chhiat a rual. A phutawk chiah, a nu zirtirtu a nih vanga naupang dang, a ngam zawng lo khawih ve ringawt mai, zak lo reuh lutuk.


"Eng nge?" Mathew-a lam ka hawi min lo en hau.


"Puitling pawh i ang lo," tih leh min inher san daih a nih chu! Ka chhan zo chiah a, lawmna a va nei lo reuh e.



"Ka chhan che a nih kha. El-a,Gabby haw ang u," ka zui chho. Gang thar ka din hi a ni ringawt. Ka kalna leh awmna apiangah hian, ṭhui hruai der dep deuh deuh hi ka nei thei si!



"Naupang an insual tir ngai ami?" Min rawn en hraw.


"Ka insual tir che em ni? Phuba ka lak tir che a nih kha, tikhan anti ngam tawh dâwn lo che," step ah a tlan chho dawt dawt, kawngkhar zawn a thlenin, "ka la duh chuang lo che," min rawn au lawng lawng.


Ka vawm ṭawk tak tak dâwn maw ni? Chhe hri hre lutuk mai!



"Ka duh bik lo che," a tlân lut chu ka au zui hrâm, ka lo ṭan palh palh ka inchhir zia mai chu a!

.
.

"Engvang maw in insual a?" Mami leh ka Nu an lo nui ṭhû, Mathew-a te unau nen ka pasal hmaah kan ding ran.


Engtin nge maw a hriat le?

"Siakmawi, Nu ber inia, han sawi teh," ka sawi âwm lo êm mai a.


A fate pahnih nen chuan min enkual, "a ṭha insawi dâwn lo a ni maw. Inṭangrual tihna em ni?" A tih leh nuihza aw a tel deuhin ka hria.


Gabby-in, "Au Rinrin, sawi mai ila..." A rawn ti sa sa, "a pa vuak i duh mi?" Mathew-an a lo ti zui hlak.



"Ka insual tir a nih kha," ka ti ta nge ng.


Putara'n nuihza insum, hmui hnuailam pet zauh hian min en ta ran, ka hmui ti pawrh tarhin, "an ngam lutuk a, vawikhat a khawih ve kha a pawina a awm lo,ansim nan ka khawih tir a nih kha," ka ti leh.


Putara chu ala ngawi ran, a khup a kiu nghatin, a hmui chu a tuai leh zauh ṭhin, nuihzat tur pawh ka sawi si lova, ngw maw an nuih ṭhû hlawm ni.



"A kut nâ saw le?" Ka sawi tawh âwm lo.


Ṭawng leh a tum laiin kan chaw ei koh te an rawn lut chiah, Mathew-a te nen in en in kan nui ta var var. Khual zahawm tak anni.

"Chaw ei a hun dâwn, zan inkhawm kan duh dâwn si, rawn ṭhu rawh u," ka nu pawh a nuih a za a niang a la nui ṭhaw mai. Mikhual ho chu a be zui siam siam.



Putara chuan a lu min thin khum nâ nâa, a nui zui suk suk bawk. Khawi aṭangin nge maw a hriat hrep le?


.
.
.
.



"Ka nu chu a rawn haw tawh em ni?" Room ka luh rualin a lo ti, ka bu nghat, Putara birthday lawmpah fawmin, kan nupa min ṭawngṭai turin Evan. Tluangtea leh an pastor te chhung chaw an rawn ei chu ka buai chhuak ṭhak.



Ka dar chum dat dat pahin, "umm.. Eng nge itih?" Envelope ah eng emaw hi a lo thun a. Dahsawn pahin, "ka Nu pawisa hum haw tur maw le," a ti sup.

"Lo ṭhu teh," tih leh min pawt a, kawngkhar lam hawia min kuai herin ka dar chu a hmet zui zat, ka nui zui sen sen.


Pasal hi chu ka vahan nei vannei ve tak e aw! Hmalam hun tur ka sawi thei lo nachungin, hmalam hunah pawh ka rethei dâwn lo tih hi ka chiang lutuk mah mah.



"Hruaitluanga kut chu engvanga kak maw a nih a?" Min zawt tawh dâwn lo emaw tih lai a.


"A tlu ka tih kha...a nâaaaa!" Ka inher vat, "a nâ.." Ka ti vin hlar, ka dar a hmer na em em lutuk.



A nui suk a, "thudik sawi rawh," a mitmu dum zet lah hi a ti fiah ang tulh tulhin, a mit a ti zim ang sun sun zel a.



Mahse, ka va sawi âwm lo tak!


"I nu chu engzah nge pek i tum?" Thudang ka sawi daih chu a nui ta suk a, ka hnar tawk leh zauhin, "naupang thuruk zeppui i ching dâwn tlat," ti supin, "sing 3, eng nge i ngaihdan?" Ka mit ka ti zau lui a, "ka ngaihdan a pawimawh em ni? I thu thu alawm," a lu a lo thing vat.


A lama min pawt hnai zualin ka kawngah a kut suihin, hnai setsawt a min enin a thaw chhuak zui ham ham a, "i thu pawh a ni tawh. Nupa kan ni a, engkim kan inhrilh in, kan inrawn tur a ni," rilruih maia tiin a nui zui suk a, dimtê leh damdup hian min fawp zui vang vang.



Mit chhingin ka pasal min fawhna lungrun lutuk mai chu, hmangaihna a khatin ka chhang let a, a nghawng a ka kut suih zawmin, a bawhtu zawkah ka ṭang leh ta riai riai mai!


Ka tum leh ka duh a hria tih hriat takin min fawp chung chuan a nui a, kawngah a zut chho-in, ka bra hak chu a hnehsawh takin a hmet phelh zat.


Ka hnungzang chu chul ruaiin, ka hnute, tisa chakna a vanga mar ṭha tak mai chu chu a zût kual a, a ṭhâm zui salh salh bawk.



Khuma lawn kaiin, a mal inkar a lutin mipatna chu ka khupin ka do lui salh a, a rum chhuak hak.



Ka sam hmalam a rawn tla hui kiang a, ka benga zepin, ka biang chu a kut phah hlai tak mai, a hnathawhna avanga mam em em lo, ka tan erawh ka taksa pum mai ni lo, ka thinlung thleng khawih thei tu ni si chuan a dawm a, ka hmui kan infawhna avanga hnawm chap chu a kutzungpui a tuai zauhin, "keimah ngei hian i mawina thliak lo ni ila, i vawikhatna emaw tawnhriat nei lo i ni tih ka ring hauh lo ang," mawi lutuk hian a nui zui.



Kun hniamin, a bengbulah, "talent ka ngah alawm.." Hur hmel zet a ka tih sa sa chuan khum awl lamah min lehpui thawk, ka rak ṭhat, nui zui ar ar in, "eng nge tih i tum?" Ka hre lutuk mah mah.


"I duh ka ti hlawhtling dâwn," a kawr haklai a hlip zui, nui chungin ka lo inphelh ve sat sat bawk. Zan hi a lo nuam ber a nih hi!


Min fawp tur, kan hmui a indai chiah tihah ka phone a rawn ri, a phun hluk, a nghawngah ka kut suihin ka fawp lui ngawng ngawng a, kan thisen a lum ṭan chiah tihah a rawn ri nawn tluk tluk .


"La teh..." A ti hluk, tisa chakna avangin a aw chu a chang zual.


"Tunge maw ni le?" Kawr ha lo chuan ka ṭhu chhuak, ka phone chu ka la, Rindiki a ni, min hre chhuak ve ta a niang, kan In ka chhuahsan aṭangin vawikhatmah min la rawn be lo, message lah a reply ngai si lo, Freddy vangin min be peih lo a niang ka ti ve ngawt bawk a.



"Eng nge?" Ka ti nghal hlar.


"Tunah...tuah Floria Hotel-ah rawn kal rawh..." A aw chu a khur deuh emaw ni?


"Eng maw...?"


"Tuah Floria Hotel-ah rawn kal rawh. Zohminga... Zohmingthanga...." A aw a khurh nasat mai bakah a dang a awk nasa lutuk.


"Hahdam la sawi rawh, a OD em ni?" A OD fo alawm le. Hlauh vak angai em maw ni?


A chil lem ri chu ka hre thei, "ni lo, ni lo, a in awkhlum.. Tunah lo kal rawh.." A ṭap zui hlawp hlawp.


Ka khawng at a, ka khap zui fak fak bawk, "eng maw?" Ka hre lo a ni lo, ka ring lo, min fiam a ni ngei ang.



"LALRINMAWI...." A rawn ti ṭe tuar. A ni lo ang, a awihawmloh lutuk, nizan maiah a rawn lêng a, Pathian thu te a ngaithla a, engtin nge a nih ang? Dawt a nih chu.


"Siakmawi..." Ka phone chu a rawn la, chet nachang ka hre lo, engkim mai chu a reh ṭhuap a, ka thaw dep dep a ni ber!



"Ka rawn hruai ang..." Putara'n a ti ri chu hla deuh aṭangin ka hre thei.



"Bawihi, inti harh rawh.." Ka bra chu min hak tir a, ka awm ngaiin ka awm mawl tawp.


Zohmingthanga ka mitthla ah a rawn lang, ka lu thingin, "a ni lo ang, an hresual a ni ang. Emaw min fiam a niang, Zohmingthanga mi chapo lutuk leh mahni nunna ngaihlu lutukin chutiang thil atthlak a ti dâwn lo," ka pasalin kawr min hak tir lai chuan ka en chho a, ka riat nawk nawk bawk.


A bu nghat, ka biang tawn tawna dawm vang vangin, hahdam tura mintihna mitmeng de sar sar chuan min en a, "engkim a ṭha vek mai ang, kal phawt ang," a ti sup. Za lo tak hian hmui chip chung chuan ka nuih seih a, ka tho zui zat.


Min fiam a nih chuan anchak lo khawp ang, fiamthu nuihzatthlak loh ber a ni bawk ang.


Putara'n kan chhuah lawk tur thu a nu leh Mami hrilhin kan inzui chhuak a, taxi hmuh lah chu a har hrep lehnghal, kan taxi nghah lai pawhin ka khur ru dar dar, hlauhna in mintuam a, ka rilru in, "fiamthu a ni ang," chu thu chu ka sawi nawn mawlh mawlh, Putara'n ka darah a kuah ran chung pawhin thihna thu meuhah chuan ka thla a muang zo lo a nia nge!


15mins dâwn kan nghah hnuah taxi a rawn tlân ve hram!


Min luh tir a, amah pawh rawn ṭhu lutin kan kal duhna sawiin, tlân chak deuhin a ti zui zat.


Ka kut hmawr vawt tak mai rawn hun zui vang vangin, "hlauthawng suh, i bulah ka awm," chu thu chu zawi viau mah se ka bengah hian a va ring si êm!



Ka darah a kuah a, a dara ka lu nghat zui chialin, ka hlauhna tih rehnan ka chhip a fawp zui vang vang bawk.


Hotel kawt kan thlen a, taxi aṭanga kan chhuah rualin mi pakhat hi an rawn zawn chhuak a, puan var vekin an khuh bawk.


Freddy leh Rindiki mitsen râm mai ka hmuh rualin, ka lu ka thing, "a ni lo, a ni lo...." Phun mawlh mawlh chuan ruang an khuhna lam chu ka pan hnai.



Ka lungphu zawn hi a na lutuk, a thîp vawng vawng mai!


"A ni lo ang..." Ruang anzawn chu ka chelh ding a, Rindiki te lam chu ka hawi, "a ni lo tih sawi rawh u..." Ka mittui a rawn luang ngiai ngiai, ka ṭhian te pahnih chu beiseina khatin ka en chho.


"Zohming...." An khuhna puan chu ka hlim riai riai.


A hmai var pup te, a hmui duk vek te chuan Zohmingthanga ngei a ni tih anti fiah a mah se ka ring chuang lo a ni. Ka mit hi ka ring lo a ni ber!


"Tho rawh.." Ka sawi dat dat.



"Khawnge i awm? Vawi tamtak a rawn call lai che khan khawnge i awm?" Rindiki'n ka darah a rawn nam sawk sawk. Ka kat zui dawt dawt.


A ngaihna hre lo lutukin mittui nen ka en let, ka hrawkah boruakin min hnawhin, ka awm tawt lutuk hi ka thaw a chham ve mai dâwn hialin ka hria!


"Ka sawi chu khawnge i awm?" A au zui tuar.


"Eng nge i sawi awmzia?" Mittui nen ka ti chhuak ṭuak.


Ṭap chunga min nuihsawh chungin, "i tihdan ṭhin bawk. Vawi tamtak a phone che a, a harsatna hrilh tum che in vawiduai lo a call che. A nunna a lak hma sawn nagmah chauh a sin biak che tuma vawi tam a call ni. Khawnge i awm ve? Khawnge i awm ka tih chu?" Ka lu ka lo thing nawk nawk.


"Ka ni lo, ka ni lo. Ka hre lo tak tak, ka hre lo tak tak..." Mi â ang mai chuan ka ti chhuak nawk nawk, ka darah Putara'n nghet takin min rawn kuah a, "duhtawk rawh Rindik, engmah a hre lo. Hetiang a thleng dawn tih a hre lawk bik lo tih i hriat kha," a lo ti nghut nghut.


Ka pasalin ka thlavang lo hauhve chu mittui nen a melh chho in min rawn en leh, "mipa hmangaih leh pasal hial inei a, i ṭhiante hi chu engmah kan ni tawh lovin, min mamawh tawh lo a ni tiraw?" Ka lu ka lo thin khum nawk nawk.


Chutiang a ni miah lo, ka tan chuan ka ṭhian, ka hringnun a mi pawimawh ber ber te anni reng, engtik lai pawhin, chu chu hre chiang ber tur a ni.


"Duhtawk rawh u, ruang hi postmortem turin kan zui angai a nia," Freddy-an a rawn ti ve ta sap. Ani pawh a mit a sen ve râm tho.



"Kan hnungah min rawn zui mai rawh u," police pakhatin a rawn ti. Putara'n min pensawn pui a tum chu, "inzui a ngai lo ang, innupa zan hun kan tibuai che u a ni," Rindiki'n kha zet hian a lo ti hmak, inherin Freddy car lam chu a pan zui zat, vih nawn sawk sawk ang mai hi ka ni.


"An inlamah lo va phei zawk rawh u, helam chu kan lo buaipui ang," Freddy pawh chu mak ti lutukin ka en ngawih ngawih tawp, ani pawh hian min ring miah lo tihna em ni?



Min call tih kha ka hre lo takzet a ni, ka hre lo takzet.


Ka kawchhung na lutuk leh lungphu zawn na lutuk chu ka ṭham vawng vawng a.



Freddy pensawn chu Putara a che hrut, ṭawng a tum tih ka hriat avangin ja kut lehlam chuan a ban chu ka hmer salh a, mittui nena melh chho in ka lu ka ti che zauh.


A rum nghut, ka thaw chhuak kawk kawk bawk a, an kal liam rualin ka tliak zui rawih rawih ni maiin ka hria!


Putara ka nek zui rawk rawk a, ka ke chuan min zo ta lo a ni ber.


Nghet taka Putara'n min kuahin, "i thiam lohna awm lo, i thiam lohna engmah a awm lo," chu thu chu min hrilh nawn sup sup.


Mahse, ka chhungrilah hian Rindiki thusawi kha a dik a ni tiin pawm hmiah tu an awm tawh si a, chu chuan min chhun na lutuk mah mah.


A call kha lo chhang ila, phone ri tal lo hria ni ila, emaw ka hman veleh ka phone lo check-in call let vat ni ila heng hi a thleng lek lo tur.



Keimah ka ni, keimah ngei hi a ni thiam lo chu!!

Engtin nge ka tih ang. ZOHMINGTHANGA engvanga hetiang hi tinge inih? Mumang a ni ngei ang. Ni e, mumang a ni ang!



<>~>~>~>~>~>





Note : Min hrethiam rawh u, tum loh deuhin Part time hna ka nei leh thut a, ka tlai zo vek💚🙏

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:01 pm

ZAWLAIDI
By
Floria Laldansangi


Chapter < 16 >


RINTEI...POV



"Enge inla tih?" U Ruata aw a ni.



Mit thîp zet chuan Putara min kuahna aṭangin ka inla hrang a.



"I ṭha meuh maw?" Ka U bawkin a rawn ti, ka bu nghat mah se ka thaw ṭha thei lo, ka pik lutuk mah mah.


"An in lamah kal kan tum a," Putara'n a ti sup.


"Car sawtah a awm alawm, kal ru," a pensawn nghal.



Ka darah Putara'n a rawn kuah a, "hahdam tum rawh. Engmah ngaihtuah lo la," min ngaihtuahna aw ri hlir ka hre thei.


Ka ke pen sak ta lutuk te chuan minti tawt zual, ka chhungril, ka âwm chhungah hian ka tawt a, ka thin a rim ngut ngut bawk!



Car min luhpui lai te, kan tlân chhuah thleng chuan ka rilru leh ngaihtuahna zawng zawg hi a mang vek a ni ber.


Ka U leh Putara inbia pawh chu ka hre reng mah se eng nge ansawi tih reng reng ka hre lo.


"Vawiin lama social media-a thlalak darh vang a nih ka ring. Hetiang em em a thlen hi chu ka ring lo a sin maw le," U Ruata'n a ti ri ka hriat rualin


"Phone!" Ka ti chhuak sep.



Ka harh chhuak thut a ni mah zawk, ka ipte chu ka dap zui rawk rawk, "zawn i nei em ni?"


"Ka phone..." A che hrut a, ka phone chu a rawn lek chhuak, pawt thla vatin, contact a recents chu ka hmet chhuak vat, Zohmingthanga call luhna vawi 15 zet chu en ngawih ngawihin, nghet lutukin ka phone chu ka hmer ngawt ngawt bawk a.



Putara'n min rawn ṭhut hnaih zualin, nghet takin min kuah leh, duat takin ka dar chu a chul zui hliau hliau.



Ka mittui tla tawh miah si lovin, ka na ngut ngut a, ka thaw lak a sakin, Putara awm chu, ka lu in ka nawr bet ngat ngat bawk, ka âwm chhung hi a sa halin, alh chhuak tur ang mai ka ni.



Zohminga te In kan thlen rualin mipui ṭawng ri nuaih nuaih mai leh ṭap ri ka hre zui nghal a.


Inchhung lam kan panlai a ṭawng ri nawk nawk te, keimah ni ang rual nula tlangval che suau suau te chu hlimna avanga phusa anni si lo.


Hetiang huna mawng zâng ber ṭhin Zohminga tan a ni an chet ni!

Inchhung ka luh rualin Zohminga Nu a ṭhutna aṭangin a rawn tho a, mittui nen ka lam a rawn pan nghal ruak ruak. Ding khawng at chung leh thawpik lutuk chuan ka lo en ran.



"Rinte, eng nge i ṭhianpa chuan a sawi? Engthu nge a hrilh che?" A beiseina zawng zawng chu ka chungah a fu ta emaw tih mai tur a ni.



Keipawh hian eng nge sawi a duh a, eng nge min hrilh a tum rih hria ila ka ti. Ka ti takzet!


Chhan ngaihna ka hre lo, ka mittui lah chu far khat pawh a far thei tawh lo; Mahse, ka kawchhung, ka lu thleng hian boruak in min hnawh bet a, thawk ngaihna reng reng ka hre lo.



"Rinte engtin nge kan tih tak ang...." A nu chuan min kuah chung chuan a ti zui rawih rawih. Ka chhungril hmuntin mai hi chansawm ang maiin ana vin ngut ngut mai a ni.


Engthu nge ka sawi ang a, engtin nge ka insawifiah ang. Zohming, i nu hi engthu nge ka hrilh ang tih minhan hrilh teh!


Chutia Nu Biaki'n min kuah chunga a ṭah hawm hawm laiin Zohminga Pa ka sirah a rawn ding a.


"Postmortem lo in kan rawn let," a ti thâwp sup.


Nu Biaki chu inla hrangin an Pa chu a chum zui dawt dawt.



Ṭawng tum ṭawng thei si lo tih hriat taka anpa en chungin, a kaihza tha a tliak zui hnawk a, nikhaw hre lova awm zui chu, "room-ah hruai lut rawh u," an rawn ti.


Ka dara kuahtu Putara ka melh vat, Zohminga Pa-in a dawmna aṭang chuan zo tak hian a pawm kâng nawlh a, kalna tur an kawhna lamah chuan a pen pui nghal pawk pawk.



"Au Rinrin, kan inbe thei a ngem?" Ka hmaah Puipuii a rawn ding.


A mit sen râm aṭang chuan eng nge a duh a, eng nge min zawh dâwn tih ka hre thei; Mahse, kei ngei pawh hian heng an zawhna chhan te hi ka hre bik lo a ni.

Hria in, chheng thei ni ila ka ti ve takzet tih hi tinge tumah hian an hmuh thiam loh ni? Ka chhungril nat lutuk vanga ka mittui hul ta tlat te hi an hmu thei lo em ni?



Puipuii kalna lam chu ka pan a, a room a min luhpui rualin, "Au Rinrin, zawh che ka duh lo viau nâ in, Au-in eng nge a rawn hrilh ve che," mittui tling pama min en chung hian a ti zui ṭiak a.



Puipuii chu pawh ka en ngawih ngawih, mit chhingin boruak ka hip kawk a, thaw chhuak ham ham chuan, "ka hre lo Puipui, ka phone Ring ka lo hre lova, check nachang lah ka lo hre bawk si lo," âwm chhung tawt lutuk chuan ka ti zawi sap sap. Boruak chu ka hk ta zawk emaw tih mai tur a ni.


A tawp lam phei chu boruakah a tham ral vel ni maiin ka hria!


Mittui luang ngiai ngiai hian, "apa nen an inhau leh a, inhau lo se, Facebook ah te khan a thlalak post lo sela; khatiang a ṭawngkam mawi lo tak tak, 'mawngkaw hur ho hi Pathianin a siam ve lo' te kha mite khan ti lo sela hetiang hi a thleng miah lo ang," a mittui a luang nghal zawih zawih.


"Message min thawn a," a phone chu hmet engin ka hmaah a rawn lek chhuak, ka thaw thlenga khur dar dar chuan ka ban da da a, "Mate, Gina(a uite hming) kha lo enkawl ṭha ang che. Ka Nu leh Pa thuawih la, keimah angin anzahna leh mualpho na thlen tu rawn ni ve suh ang che. Kei aiin i fing tih ka hria, kei angin mahni nun pawh chhanhim zo lo khawp leh, Pathian au ngam tawh lo khawp rawn nung reng reng suh.

Pathian lakah pawh i inkil tawih tawh chinah chuan khuar khurum thuk tak, tawp chin nei loah i pil tawh a ni tih hria la, chutiang hun i tawn ve lohnan i nun uluk ang che. Engpawh thlengse ṭap ngai lo la, i mittui far khat pawh ti tla suh ang che. Mamawh leh harsatna i tawh hun a piangin i U Rinmawii, bia la, a puiin, a chinfel sak ṭhin dâwn che nia. Mawl si, sual si, hlauh nei lo a ni a, engkim a ti thei tih hre reng rawh. Mate, ka chau a, hawi kir ka duh mah se hawi kir ngaihna ka hre tawh si lo, ka hawina tlam a piang hi a thim tawh tlat a, kawng dang zawh ka duh mah se zawhna tur ka hre tawh si lo, ansawi kha a dik a ni, kei hi Pathian siam ni lovin, sual a siam ka ni. Kan Piang nawn leh theih a nih ngai chuan kan Nu leh Pa fate kan nih tawh lohnan i U hian ka theih tawp ka chhuah ngei ang, ka chhuah nhwi ang."


Ka mittui a rawn luang zawih zawih, ka awmna lutuk chu ka dinna hmunah ka ṭhu thla hnawk a, aw rawl tawpa ṭah ka duh laiin ka aw reng reng a chhuak thei lo, ka âwm chu ka ṭham bet ngawt ngawt a. Ka chum leh dawt dawt ṭhin!



"Bawihi...." Ka sirah Putara rawn ṭhu thlain ka darah a rawn kuah a, chhuata ṭhu sawp niah chuan, a âwm ah ka bei zui ngawt ngawt bawk.


"A ṭha vek e, a ṭha vek e. I bulah ka awm," a ti sup sup, duat tak leh ka tla timuang thei tur ang ber chuan min kuahin, min chul hliau hliau bawk a.


Ka aw a chhuah theih tlat loh avangin ka hmui chu ka petbet a, boruak tlakchham avangin ka kâ chu ka âng leh hlawi hlawi ṭhin.

Ka kawchhung hi ana lutuk, a na lutuk mah mah a ni!


Rei tawk fang ka ṭhut hnuah Putara'n min kuah tho a, Puipuii room kan chhuahsan meuh chuan Zohminga ruang pawh an lo kil ṭhap tawh.


Politicians hmel hmuh tur an kat nuk a, mi hausa leh rawngbawltu tamtak nen. Ka pa pawh a lo ṭhu ve ran mai, a mitmeng hmuhnawm loh tak chu kan nupa chungah chuan a fu zui run a, a bik takin min kuah tlattu ka pasal chungah chuan.


Rawngbawltu ho hmel leh, mi tamtak hmslt ka en kual lai chuan ka na zual takzet, a damlai khan hetiang hian ngaihsakna lo hmuh tirin, a nun kha lo ngaihven sela hetiang hi a thleng lo tur tih ka ngaihtuah a.


Mahse, tunge ka dem theih a, tudang nge dem theih dinhmunah ka din ni. Kei a ṭhian ṭha ber, engkim a hrilhna ṭhin, midang zawng aia a rin pawhin a call chhanna chang ka hre lova, theihnghilh a, a nun tuihal zia pawh hmufiah thei lo tu hian!!!




Ka ṭhiante, Rindiki, Freddy leh Chhuana hmel ngui leh na hmel pawh chiang takin ka hmu thei.


A ruang lam chu ka pan a, nghet takin Putara'n min chelh tlat bawk, ka pasal tha ring chuan ka dingin, ka pen a ni mah zawk!



A ke lam, Zohminga cousin te ṭhutna bulah chuan ṭhutna min lo kian a, ka thawk lak hi ala harsa in, Zohmingthanga hmai var pup mai, hmui duk vek ka hmuh phei chuan ka thaw a chham lek lek.


Nghet takin Putara bân chu ka hmer a, ka inseh ruh ngawt ngawt bawk.


Ka mitmu leh ka chhungril hi a tuma hriatpui si lohin ka talbuai a ni ber!


Chil lem tak te chu a nia harsa ni! Han lem khawlh thei ila emaw, vawikhat chauh han thaw deuh kawk ila, heti taka ka thaw ippik leh na ngut ngut hi a reh ngei âwm si a!


Zankhua in, ka ṭhutna aṭangin vawikhat pawh ka tho chhuak lo, Zohmingthanga hmel chu ka thlir tlaivar ṭhak a ni ber. Chutiang bawkin, ka pasal, min chelh tlattu chuan vawikhat pawh min thawhsan lova, ngawi rengin ka bulah ṭhu in, ka tan a awm reng a ni tih sawi loh mah se nghet takin min chelh a, a taksa ka tawh rengna chuan, thawchham a ka awm mai lohnan min veng ni berin ka hria.


Rindiki chu Chhuana leh Freddy inkarah ṭhu in min rawn en leh ngut ngut ṭhin


A mitmeng hriam tak mai, natnaa khatah sawn eng nge a ngaihtuah tih leh, kan hmaa engmah hre tawh lo, a ṭhiante, mitmei hmanga indo ta ran pawh hrethiam lo a mu, a mut chhana keimah ka ni tih a lang chiang em em bawk si!


Chu chuan men ngaihna minti hre lo lehzual takzet a ni. Engtin nge ka hrilhfiah hlawm ang a, engtin nge ka insawithiam ang?



"Bawihi, eng emaw tal ei ta che. I chau lutuk dâwn," ka harh deuh zawk, Putara chu ka melh zui a, ka sirah Mami pawh a lo ṭhu ve reng tawh niin, Zohminga thlahna hun hnu hnung tak tak, thlalakna annei a, kan ṭhian hoa kan lak zawh tawh avangin a sirah kan lo ṭhu, ka ngaihtuahna te hi a thi ṭhuap mai


"Rinrin, eng emaw tal ei rawh hei thlàn kan panpui tawh dâwn si a, i chau dâwn lutuk," Mami'in a rawn ti ve sep sep.

Nizan aṭangin tui farkhat pawh ka kâah hian ala lut leh lo, ka mittui far khat pawh a tla leh tawh lo bawk; Mahse, ka kawchhung erawh mitthi taksa vawt taknen danglamna a awmin ka ring lo, a vawta, a vawtna vin tuk a, boruakin min hnawhbet tlat bawk..



ORS chu min pea, "hei tal hi inrawh," Putara'n a ti leh sup, min en vang vanga thaw ri hraihin, "mithi tur ang mai alawm inih ve?" A ti bul leh nghut, ka hmel pawr tak chuan ati thinrim a ni ngei ang.


Rei loah Zohminga chu thlanmual kan pan pui a, a nu chu nizan aṭangin a khat tawkin nikhaw hre lovin a awm zeuh zeuh ṭhin, a fapa neihchhun tak meuh meuh a chan chu atan chuan vanpui a chim hi a ni ringawt mai.


A tawpnan, a tawpnan tak tak, kan ṭhianpa, ka ṭhianpa Zohmingthanga chu kan thlah liam a.


Thlahna thu an sawi liam liam a, kei erawh ngawi ran chungin, lei chhunga an dah tawh, a kuang en tlawk tlawk chungin ka rilru in, "Zohming, mawla, mangṭha aw. I call ka lak loh avang leh, i tana ka awm loh avangin min ngaidam reng reng suh ang che. I piang nawn leh a nih ngai chuan, ṭhian ṭha tak tawng la, keimah ang a ṭhian laktlak loh hi rawn nei tawh reng reng suh ang che," ka ti sep sep.


Ka thlah liam dâwn meuh chuan ka mittui a rawn hnai ve ṭiam ṭiam a, thinlung na vawng vawng chunga nui luiin, "mah se lungngai suh, i unaunu hi ka theihtawp chhuahin ka lo enkawl ang tih ka tiam thei che. Mahse, min hriat kha, kawlh leh zahtheih loh bak ka lak aṭang chuan a zir dawn lo tih," ka ti chhuak ta sep sep, ka mittui a rawn luang zui ngiai ngiai a.


Khur dar dar a ka rose par ken chu theh thla in ka inher zui riai riai.


Ka pasal chakna ringa pênin, ka kâ in mangṭha thei lo mah ila, ka rilru erawhin, "mangṭha le ka ṭhian, Pial lei daiah chham ang zalin, fam khawpui i lawi ta a. He khawvel, i tana hremhmun ni si ah intawn leh nireng awm tawh lo tur, mah se thinlung a dai ngai tawh lo turin, pial lei rûn i mawi ta sa sa chu, rawn hawi let lovin, he khawvel, i duhthu ngei a i kalsan tak hi rawn ngai reng reng suh. Mangṭha vawng vawng le Zohmingthang," thinlung na vawng vawng chung chuan ka ti ru ta vawng vawng ringawt a! Thihna tawp zia chu maw, a tawp vawng vawng mai a ni.


Sawi chhuak turin ka huaisen tlat tawh lo a ni, ka lei hian "mangṭha" tih thu a la sawi ngam lo zawk a nia nge!

.
.
.

Zohminga kan vui zo U Ruata'n inlam panin a car a niang chu ka ti mai a, nizan aṭanga a khalh tawh chuan min thlah leh thlap a, ka ṭhian te tumahin min be miah lo chuan ka nâ hi a ti zual ngut ngut ni maiin ka hria. Ṭawngkam khat tala min biak leh, kan inhnem tawn tal kha ka lo beisei ru ve a nia, ka tisual a nia nge!


"Va mut tir rawh u, kha mitthi ang mai alawm a ni ve," kan luh rualin ka Nu in a lo ti sawk sawk.



"Naupang ho Rasgula ka zu lei tir ang e, nakina a ei atan," a tih zawm zat.


Engmah ka sawi peih lo, sawi duh pawh ni ila aw chhuak tur ka nei tlat lo.

Khumah chuan min tihnat hlau takin min ṭhut tir a, ka pasal, min ngaihtuahna avanga mitmeng dur khup chu phak zeta en chho in, "ka tihpalh, tiang a awm tur hi ka ni lo a sin," ka ti chhuak se se.


Ka sam hnawk niah mai ka benga zepin, ka hmai chu a chul riak riak a, "Bawihi, engmah ngaihtuah suh. I bulah ka awm tlat dâwn, tu hnenah mah ngaihdam dil i mamawh hek lo. I hrethiam em?" Aw ki dam thlup leh ngaihthlak nuam tak a a tih chuan za lo tak hian, hmui chip chungin ka nui lui a.



"Mu hahdam rawh, khawiah mah ka kalsan lo ang che," ti leh supin min mut tir chuan puan min si tirin, ka sirah a rawn ṭhu zui zat.


Ka sam a chul zui hliau hliau a, ka an ber chu, naute tih mut tum hi kan ang ta berin ka hria.


Mit ka chhin riai riai rualin, ka mittui a rawn hnai zui ṭiam ṭiam.


"A pawi vawng vawng em mai! Ala naupang si a, kum 23 chauh chu a vanglai a hmang dâwn chauh a sin maw le!" ka Nu thusawi ka hriat takah chuan ka mittui a rawn luang chhuak ta ngiai ngiai, mu kawm zui nghal ngal chuan ka ngaithla ran bawk.


"Pathian neih loh pawizia hi maw! A pawi takzet, Pathian aṭang lo chuan eng sual mah hi a hneh theih si loh a. Mihring mit aṭanga thlir chuan dik lohna em em awm si lo kha, Pathian mithmuhah thil tenawm a ni tlat si a. A pawi êm mai!" A ti leh deuh vawng vawng.


Aw rawl chhuak meuha ṭah hawm hawm ka duh a, ka thei bawk si lo!


Ka puak darh mai dâwn in ka hria!

"A lehkha ziahah khan, 'mi fate invei hmain in fapa nun hi vei ni ula, ṭhenawm te tana in ṭawngṭai leh Pathian thu inhrilh hmain ka tan ṭawngṭaiin, min hrilh hmasa ṭhin ni ula, ka nun hi hetiang hian a inher bik lo tur' tiin a inziak lehnghal, eng ang natna leh nun khawhar a, tuihal na nhe a pal tlangin, a tawrh ang ni? ka lainat lutuk, social media-ah lah darh chak bawk si," Mami a ti zui ṭuak ṭuak



Thawk leh khatah ka khur zawih zawih, ka puansin chu ka pawt khawma, ka kâah hnawhbetin ka ṭap zui zawih zawih.


Putara ka sirah rawn mu vatin, min kuahbet nghal vat a, ka chhipah a hmui a nghah nghal vawng vawngna chuan, aw chhuak tur minpe emaw ni, ka inhnit zui hlawp hlawp.



"Vawikhat, vawikhat chauh kha inngaihtuah ṭha leh sela, vawikhat chauh kha a pa khan ngaithla ve sela. A call lo chhang ni ila..." Ṭap khur zawih zawih chuan ka sawi a, a tawp erawh ka sawi chhuak zo ta chuang law.


He thihna ah hian tu thiam loh nge ni a, tunge mawhphurhtu, keimah ni ho hi kan ni, kei leh a chhungte ngei a ni lo'm ni?


Pawnlam mit hmuha Kristian chhungkua aṭanga seilian, Pathian nun nei si lo a seilian chu kan nih hi! Keini ngei hi kan ni.


Kan nun a tui hal a, mahni duhna lam lam hawiin, nuam kan tihna lam lam hawiin nawmsit kan bawl a, a tawpna erawh mittui leh thihna in kan khar ta ngei chu a nih si hi!



<>~><>~>~> Ads i la click ve loh chuan a hnuaia milem khu lo click ve hram la, kan lawm hle ang

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:01 pm

ZAWLAIDI

By

Floria Laldansangi


Chapter < 17 > (🔞)


RINTEI.....POV



Ka ṭap chu, ka ṭap muhil ta a ni ngei ang, ka harh leh chuan room chu a thim mut tawh, Putara pawh a lo mu tawh lo.


Ka mit lah chu bui lukin, a phak chuap a, ka ṭahna ka lu hi a na ngut ngut bawk.




Kawngkhar a rawn inhawng de de, "Rinte..." Ka nu aw ka hriat rualin ka ṭhu chhuak vat.


Light on-in tray hi a rawn chawi lut a, thawh chhuah a, din ka lo tum ve chu, "khumah khan ṭhu rawh, i taksa a chau lutuk a nih kha," a lo ti vat.


side-table ah chuan tray chu nghatin ka pang a rawn dek a, "i khua chu a sik lo a nih hi, buhhawp hi ka siam a, tlem tal ei tum rawh," ka bulah a rawn ṭhu thla a, min khawngaih tih hriat tak hian min en vang vang, a mitah chuan min ngaihtuahna bak hmuh tur a awm lo.


Min enna chuan ka hnuk a ti ulh nghal ṭeu nia maw le. Min hringtu ka nu leh pa mit aṭanga ka hmuh ngai loh ngaihsakna ka hmuh vang te pawh a ni mahna!


"Rinte, khawvel hi chu inṭhenna ram a ni a, a kal hmasa kan awm a ngai tih hre reng la, khawvel hreawm hnung chhawn a, hringnun piahlam rama kai hmasa te hi an vannei letling a sin. Chutiang chuan ngaihtuah tlat rawh," dam diai hian a rawn ti siam siam.


Ka mittui a rawn hnâm zui ṭiam ṭiam, "Nu, Zohminga kha mahni anpui kawp a ni si a, i hmusitin, meidil a tlak tur thu i sawi ve ngai miah lova," ka ti chhuak sap .


Nui sen sen hian, "Pathian khian min hmangaih dan a in ang vek a. Kei, a chhiahhlawh ve mai hian ka mihring pui chu engvang tehlulin nge ka hmuhsit ang ni? Bûkna diktak ah khian inbuk ila, kan hmusita te leh a hmusit tu te ah hian tunge bûk rit zawk ang le?" Min en chungin a nui sen sen, khap fak fakin ka en ve bawk a.


Buh hawp chu la in, ka kutah a rawn dah, "mitin hian sualna kan nei vek alawm, kan sual dan a in ang lo mai pawh a. Mahse, sual chu a lian emaw ate emaw Pathian mit hmuhah chuan sual vek a ni. Chuvangin, kan mihringpui hmusit turin famkim kan awm reng reng hleinem, Pathian leh anmahni inkar a ni. Ringtu in kan tih tur erawh, antan a ṭawngṭai leh kawng dik kawhhmuh a ni thung. Sual kan haw tur a ni, diriam a ensan tur ni lovin," a ti leh dap dap.


"A pawi ka tiin ka lainat takzet a ni, leiah lah khawvel mitmei vengin, mite diriamna leh hmusitna te dawng chungin, a ruka annun a ngai a, hlimna tak tak an tem ngai si lo. Khawvel piahlam ram, chatuan hmunah lah chan annei leh bawk si lo.

Mahse, Rinte hrereng rawh, LALPA rinchhanin hmalam pan tum ila, kan ke pen tina min pen pui tur leh, kan kut vuan tlat turin PATHIAN a awm a. 'Lui te in daikai lai pawhin a chim pil lovang che u, mei alhin a kang hek lo ang che u' a tih kha. Tuna kan harsatna leh lungngaihna te hi malsawmna ah a chang thei a ni tih hriatreng la. Kan harsatna aiin kan Pathian biak khi a lian a ni tih theihnghilh reng reng suh.

Engtiklai pawn kan kut vuan reng a, kan ke pen tina pen pui intiamtu kan Pathian khi a rinawmin, a dik em em a ni," a ti zui leh sep sep. Chu a ṭawngkam chuan ka âwm chhung hi a vit ngut ngut.


Ka mittui a rawn far kauh kauh, hetiang hian, tuna ka hriat ang hi Zohminga khan hre ve sela, he khawvel ami zawng zawng hian a anpui a kawp avangin an hmusitin, an dem lo a ni tih hi hre ve se. Beidawng lovin, Pathian khian a nghakin, a kutin a chelh a ni tih hrilhtu nei ve sela, hetiang dinhmun hi kan thleng miah lo tur.


Mahse, a mihring tawn leh hmuh te erawh, a tan a vawikhat pawh ṭawngṭai ngai lo, awmdan mawi vawikhat pawh hrilh ngai lo tu, hmuhsitna nen a enliam a, diriam tu te; Mahse, an duhdana awmtir tum tlat mihring anni leh lawi si a.



Ka ṭhianpa thihna karah ka vanneih zia ka hre chhuak a, Putara ka nei hi tisa leh thlarauah ka vanneih zia a chiang tulh tulh ni maiin ka hria!


Putara te chhungkua aṭanga ka hmuh chu Pathian hmel diktak a ni. Anni chuan Pathian an thinlung zawng zawngin an fak a, an chawimawi a, an ṭih bawk.


Gay kan tih te pawh hi an ṭan bik miah lo mah se keini angin an diriam lova, an chirh theh hek lo, chutiang a hnekin Pathian thu an hrilhin, an ṭawngṭai pui zawk nia maw le!

Tu pawhin inhmuhsitna ṭawngkam chhe tak tak aiin, hmangaih tak leh duhsak taka min hrilhtu thusawi chu kan ngaithla in, zawm kan tum hram hram ṭhin zawk a ni lo'm ni?


Ka nu thusawi ka benga ri tluk tluk chu, "leiah lah khawvel mitmei vengin, mite diriamna leh hmusitna te dawng chungin, a ruka annun a ngai a, hlimna tak tak an tem ngai si lo. Khawvel piahlam ram, chatuan hmunah lah chan annei leh bawk si lo," a tih vawng vawng khan minti nâ-in, pawm harsa ti viau mah ila, thudik a ni tlat bawk si!



A hmain Pathian hi lo hnaih ila, ka ṭhianpa te pahnih inngaizawng kha ṭan a hnekin, Pathian thu nen lo kawm ila, Pathian lo zawng ho ni ila vawiin ni hian Zohminga kan chan bik lo tur a nia!


Ṭah chhuak hrawkna urh chung chuan buh hawp chu ka hawp a, tam phei chu ka ei thei lo, ei loh aia ei ka ni ber.


Pawnlamah ri khut khut kan hria, kan in en a, "Mami aw a ni lo'm ni?" Ka nu chuan a ti zui.


"U, U duhtawk rawh....." Mami'in ṭah aw ṭuau a a tih leh takah chuan thlengkum chu side table a dahin ka slipper bun nawk nawkin ka tlân chhuak, ka nu in min rawn zui ve vat.



Kawngkhar bula Putara'n U Awmpuia a rek bet ka hmuh rualin ka meng phar awn awn mai.


A kamsir thi ser serah te chuan kut a thlak tawh tih alangin, Putara lah a thaw ri hrawih hrawih bawk si


"U....khawngaihin..." Mami'in Putara a hnunglam aṭangin, mittui nen a kuahbet ṭau bawk a.


"Mc, ka nau nen hian fa inla nei pawh a ni lova, Gabrielle-i hi fahran ni kumkhua turin i duh lo ang tiraw?" Ka U in thawk harsat hmel tak hian a ti chhuak a. Putara bân chu a kut hnihin a chelh ve ran bawk.

Mahse, Putara'n bangah a nawr na leh zual sawk a, "ka kutah hian i thi ngei ang," a ti ri chhur chhur mai. A aw chuan ka chhungril a fan thla rawk rawk thei. Chutiang aw ri chu a neih ka hre ngai lo mai pawh a ni lo, mang lamah pawh ka mang pha lo zawk!


A bek pawng ṭawlh ṭawlh leh a bâna thisen zâm lang ṭhuah te, khabe ruh pawng ṭhulh te chu hmeichhe dawih deuh tán chuan tlân chhiat vawn vawnna tham a ni .


A rek hlum dâwn ta emaw tih mai turin ka U lah chu a dingdi hlip awk awk a, a mit a var zui ṭan ta chuan minti hlau ve deuh. Mahse, ka la chesawn ta chuang law.


"Lalduhawm...." Ka ṭawng hma in ka Nu in a ti ṭhat.


Putara chuan thlah mai mai a tum lo tih hriat tak hian a nawr na leh zual sauh a.


"U, ka tihpalh, keima thiam loh a ni, U Puia thiam loh a awm lo, i that a nih chuan ka thi ve thei mai ang..." Mami'in mittui tla zawih zawihin a U chu a ngên lawm lawm a.


Mi mawl leh mi lim ang maiin ka ding khawng at, an thusawi chu ka hrethiam a mah se ka hresual a nih ka ring ber, ka hresual em tih chian tumin Putara'n ka U reh hlum ngei tuma a rehbehna chu mit khap fak fakin ka en tlawk tlawk .


Zohminga ka sunna avangin ka hriatna hi a ṭha lo a ni ngei ang.

Gabrielle-i hi ka U fa maw?


"Lalduhawm, thlah rang rawh.." Ka nu a tih leh ṭhat takah chuan na lutuk hian ka U bengbul cement bang chu a hnek dawt, a ri dup thei, a kut a lak let rualin na lutuk hian ka U chu chhuatah a theh vial zui nawk a, ka U chu a khuh zui bawrh bawrh bawk.


Putara chu thaw hraih hraiha a kut thisen chuak zui ser ser nen chuan a chhip sam chu a tuai puat a.


Ka lung hi a phu dep dep, Putara thinrim insum zo lo ka vawikhat hmuhna a nih vang nge ni a, ka U leh Mami hi Gabrielle-i nu leh pa diktak tih ka hriat vang zawk ka hre lo. Mahse, Putara thinrim in hrosa hmel chuan ka hmul thi a ti ding ur ur thei!



A mit sen râm mai, thisen chhuah chak tih hriat ngawih ngawih a min rawn en in, anchhia phuhchhuak hluk hian kawngkhar ah chuan a chhuak zui vut a, umzui nachang pawh ka hre lo, ka din ngaiin ka ding ngawt ngawt tawp mai a ni.



Ka rilru erawhin engvanga U Puia'n, Putara hi nei lo tura min lo ti chamchi nge a nih ka hrethiam zui uar uar.


"I ṭha em? A ti nâ che em? Damdawiin ah kan kal dâwn em niang?" Mami'in ka U chu a buaipui nghal sawk sawk.


Ka mawl zia alang tulh tulh, ka nui chhuak hak hak. Bum ka ni chiang lutuk chuan mahni CHAWH intih ngawih ngawihna min neih tirin, ka kawchhung thinrimna avang leh phu inti na avangin a sa hal a, awmdan tur ka hre lo chuan ka nui chhuak a ni ber!


Ka U lam chu ka pan hnai chhat chhat a, a hrawk, Putara kut hniak lang kulh dawm chung leh, la khuh kharh kharh chung chuan min lo melh chho ran.


An bulah dingin, mittui kar aṭanga phe ruai a en chhukin, ka U chu natna a khatin ka en ngawih ngawih a.


A tir aṭangin thudik min hrilh ni sela, zep ṭhen nei lo khan sawi sela hetiang dinhmunah hian ka din a, a din a ngai miah lo tur a nia!



"Rinrin ka tihpalh, ka tihpalh tak tak." Mami zawkin a rawn ti chhuak nawk nawk, diktak chuan ka zak zawk, ka lakah, ka chungah rilru diktak pu a, ka rilru ang pu in, ka thinlung zawng zawnga ka kawm ang a min ka kawm a, ka rin tawk ang a min rin ve ka ring a ni tih ka ngaihtuah chhuah chuan ma zak ngawih ngawih a, natna ai mahin ka zahna a lian zawk ni maiin ka hria!


Anlak aṭanga ka dawn let erawh bumna leh phatsan vek a ni.


A U ka neih dâwn khan engvanga min hrilh lo nge a nih? Engvanga zep tlat nge a ni?

Putara pawhin engvanga engmah sawi lo nge a nih?


Zawhna tamtak a rawn lut zut zut. Sawi tur ber pawh ka hre chuang lo.



"I U...." Ka ti sep.


A lu thing nawk nawkin, "ka U in engmah a hre lo, a hre ve chauh a ni," a mittui a luang ngiai ngiai.



Keimah hi a sin ṭap tur chu ni; Mahse, tumah hian ka mittui hi an lo phu reng reng lo a nih hi!



"Mami, Puia kha thlah haw rawh. Rintei hi kan lo bia ang e," ka Nu-in dam diai hian a rawn ti.


Ka U chu chhuat aṭangin Mami puihna ring chungin rawn tho chhuak a, a nghawng chu naktukah chuan a duk kual ruih dâwn tih a sen vual tut danah a lang reng.


A kam sir thi chu hru zauhin, "ka tihpalh Mate, duhthlan tur dang ka nei bik lo a ni. Ka fanu leh a nu hi, fahrah leh sawnpai tia ansawi ka remti lo. Min hriatthiam ka beisei," a ti sup sup.



Ka U mitmeng inthiam lohna kara tawlh hnun tum miah lo chu en letin, "keipawhin ka tihpalh, ka pasal hi ṭhen tura minti a nih chuan, ka thei lo tih ka hrilh lawk ang che. Hun tamtak i nei a, mah se vawikhat pawh ka pasal i duh loh chhan i sawi ngai lo. U, mahni hmasial leh hmasial kan inhma chhawn a nih hmel," ring si lo chuan luhlul zetin ka ti let ve ta sak sak.



A dinhmun ka hrethiam a, ka dinhmun pawh min hriat sak ve a ngai bawk. Ka pasal, ka thisen zawmpui te ai pawha ka thlan hi kalsan a, ṭhen mai mai turin ka vuan hauh lo.



A bu nghut a, "a ṭha e, i thuthlukna chu engpawh ka zahsak ṭhin che. I pasal chungchangah pawh vawitam ṭhen tur che in ka ti che a, i duhthlanna a ni; Mahse, engpawh thleng dâwnse ka fanu hi fahrah a nih ka rem ti tawh lo tih leh, i nat lohnan fimkhur ang che. Ka nau, ka thisen zawmpui ini a, i nat ka duh ngai lo tih i hriat kha," a aw chhuak tinah chuan a ti takzet a, engpawh tih ngaise Mami leh Gabrielle-i chu neih ngei a tum tih, a mitmeng leh ṭawngkam tin maiah chuan a lang chiangin, warning minpekna pawh ka hre chianga, ka hmu chiang viau bawk!



Mami nen an inzui chhuah rualin ka thaw chhuak hawk, ka inseh ruh zia leh, boruak ka kham loh zia ka hre chhuak nghal, ka taksa te chu a na kham nghal ut ut nia maw le!


Ka U hmaah a vawikhatnan ka inseh ruh ṭau ṭum a ni ngei ang, vawikhat mah ka cho ngai lova, ka cho rual lah a ni hek lo.

A sawi ang takin engpawh ti ila a inrawlh ngai loh vang te pawh a ni mahnâ!


A vawikhat inrawlhna a ni a, ka vawikhat hnial letna leh chona a ni bawk, kan luhlul tih kan inhre ve ve ang bawkin, awlsam takin kan tawlh hnung dâwn lo tih kan inhre ve ve bawk!



"Rinte, hetah lo ṭhu teh....." Ka nu ṭhut chiahna lam chu ka hawi zui a, thaw ham hamin ka pan hnai.


A hmel dam diai leh ṭawngkam, chezia ngai reng mai, dam dup chu ka hmuh chian poh leh mak ka ti zawk hial, a fapa thinrim mitmeng sen vek mai, sakawlhah a chang ta emaw tih mai tura hlauhawm leh in hrosa a hmuh pawhin a chiai miah lo te, aw ki vin ṭhata a fapa ala thunun thei te chu Nu pakhat, zah tlak ngawih ngawih leh phu ngawih ngawih tak chu a ni tih a ti lang chiang em em.


Ka nu hi a nih hi Lalduhawma hian a lo chhuna a damduo reng mai ni!


"Engtin nge bul ka'n ṭan ang ni?" Min thlek deuh vang vang a.



"Kei leh inpa pawhin zanin khan, tunge Gabrielle-i Pa hi ni tih kan hre ve chauh a, i U a lo ni leh zel nen, han insawi vak dan tur ka vân ta riau mai," a ti leh deuh vawng vawng


"Ka sawi tawh kha Rinte, mitin mai hi kan sualdan a in ang lo mai chauh a ni tih. Minhan en la, keini chhung pawh, damchhung a kan inchhirna nitawh tur chu Gabrielle-i inpa fa ang a a awm hi a ni. A hunlai khan lo ngaihtuah thui deuh ni ila, hetiang dinhmunah hian nang thleng thlenga kan hnuhluh che a ngai lo tur a nia," ti zui leh vawng vawng chuan Mami'in nau a pai dan chu a sawi zui sep sep a.



"Gabrielle-i hi kei leh Mami tak khan tihtlak kha kan tum ber a ni a; Mahse, inpa hian engkim kalsanin a nau leh a fapa Aizawlah a rawn hruai thla rup mai si a, rawn zui loh chu tih theih nei tawh hek lo, Aizawlah bul ṭanin, a piantirh ata engkimah inpa hmingin a kal ta vek a, a nun kalsanin a nau te nufa leh a fapa tan hun a hmang ral tawp mai a ni. Zanin a chetdan ah khan lungawi lohna emaw, i lakah Gabrielle-i piandan kan zep avangin i lungawi lo viau ang tih hre mah ila, inpa hi hriat thiam hram hram i tum dâwn nia. A thil tawn leh paltlang te hi mipa tán pawh lu hai natham a ni si a." A mitmeng ah chuan min ngenna ka hmu thei ang bawkin, inthiam lohna leh rilru natna ka hmu tel bawk.


Ka sawi tawhin ka hria, ka Nu leh Putara mitmeng leh landan hi chhiar har tak a ni tih. Eng nge an ngaihtuah tih rin tum ngial pawhin ka hlawhchham ṭhak ṭhak ṭhin. Mahse, zanin hian Putara insum zo lo hmel ka hmu a, ka Nu mitmeng leh hmel landan thlenga ka chhiar thei chu a mak a ni.




Zanin a chiang lehzual a ka hriat chu, tumah, tu chhungkua mah hi kan lo famkim reng reng lo a ni tih leh, chhungkua emaw mimal tin hian sualna nei vek kan lo ni a ni tih hi.

Mahse, kan chung a thilthleng leh, kan tihsual kan hmachhawn dan a in ang lo mai pawh a.



"Rinrin...." Kawngkhar lam chu ka hawi, Mami mit sen râmin a rawn lut a.


"Ka mut san dâwn che u, inpa chu ngaihtuah suh, hun a mamawh a nih kha. A in thing harh ang a, a rawn haw ve mai ang," ka Nu chuan tiin a tho zui nalh, a mitmeng ah erawh a fapa a ngaihtuahna leh Mami laka alawm loh zia ka hmu hman thuak tho.


Mami chu a nu ṭhutna hnuah chiah chuan a rawn ṭhu thla a, mittui tling pam hian min en da da.



Keimah hi ṭap a, rilru na tur ka nih lai a, amah zawk chu a mittui a tlak pur reng chu ni maw!


"Ka tihpalh, a tirin engkim lo sawi tur a nia," a ti sep.


"A dik engkim sawi ni la, ka U pawh khan min hrilh nise hetiang hian kei leh i U hian kan tuar lo ang," tih hrep mai ka duh a mah se, Putara'n hmangaih taka a enkawl a fanu, a nun ai pawha a dah hmasak hringtu a ni tlat si a, ka pasalin a hmangaih leh keh thei dawma a dawm, a insum zawh loh leh inthunun theih loh lai pawh a, aw ki vin vawikhat pawh a hman khum loh a nau chungah hian thinrim turin dikna ka nei bik tlat si lo!



"Lungngai suh, U Puia hi neih ka tum ngai lo a, ka nei ngai dâwn hek lo. Ka neih phak lah a ni hek lo. Mahse, vawikhat chauh hun minpe la....ni lo, ka U min biak sakla, Gabrielle-i hi ka fanu ang a awmtir ka duh tawh tih hi," a mittui a tla zui zawih zawih. Mak ti fe hian ka lo en thung!


A âwm ṭham ngawt ngawt chung chuan, "ka hrin, ka fanu ngei maiin, 'Anî' mintih hriat te, 'anu tak tak ka duh ve' a ti ri ka hriat te hian ka chhungril hi vawi sang tamtak vih nawn ang mai hian a na ṭhin. A mitah ka en ngam lova, nitin mai hi ka tan chuan hremhmun patê a ni ringawt mai. Rinrin, ka tiam ang che, ka U hi i ṭhen kher a ngai miah lo mah se, ka fanu tán hian Nu nih theihna hun minpe turin ka U hi min biaksak hrâm rawh. A duh lo hmasa tu ka ni tih ka hria mah se......." Mittui nen chuan min rawn en, "mahse, damchhunga inchhir reng renga nun ka ngam lo a ni. Ka fanu hian min rawn haw ta se engtin nge ka nun ve tak ang?" A ti zawi sep sep.


"Ṭhen rawh," pawh minti se ka ṭhen tum miah miah lo. Mahse, a mi dilna erawh ka ti hlawhtling thei lo thung, a chhan chu ka pasal na hmel leh a farnu, a hmangaih em em a fanu Nu ngeiin a thinlung a tihkeh sak lai hmuh ka tum awzawng lo!



"Mami...." Ka tawp dat. Boruak hîp vang vanga thaw chhuak leh ham hamin, "i U dinhmunah ding la, tunah Gabrielle-i pa, ka U in neih che a duh thu a rawn sawiin, Gabrielle-i lâk a duh thu a sawi zo chiah a, chungthu i sawi a nih chuan i U rilru tur i dâwn ve reng reng em? Vawikhat mah tufa nge a nih a zawt lui ngai lo che a ni lo'm ni? A hmangaih che u a, a hmangaih vang chea a thiltih zawng zawng haider sakin, tunah i fanu tán nu i duh let thu chu i sawi thei tak tak ang maw?" Ṭap zawih zawih chuan min en a.



Chil lem khalhin, "i U hian i fanu a nih angin, i kutah a dahlet thei ngei ang mah se, i U rilru nâ engtikah mah i ti dam thei tawh lo ang. Chu chu hmangaih em em tu che i U chungah iti thei dâwn em ni?" Ka ti leh sep sep. Diktak chuan ka U nen ka hmuhdan a in ang ta reng, anhma an sial ka ti takzet.

Ni e, keipawh ka bâng chuang hauh lo, ka hma ka sial vang chauh a chung thu chu Mami zawt ka ni.


Kan pali zinga pawisawi lo leh, rilru thianghlim leh dik ber chu ka pasal Lalduhawma chiah hi a ni. Kei, a nau Mami leh ka U, mahni hmasial rual ṭhah te kan ni a, chuvangin mahni hmasial takin ka pasal tihnat tum tu reng reng tumah hi chhuah ka tum lo.
.
.
.
.
Kan nupa room-ah chuan ka pasal lo haw hun chu ka nghak rân.


Zinglam dar 2 a pel thuak tawh, a hmel reng reng hmuh tur a la awm lo.



A hmel sawi loh a message pakhat pawh chhiar tur a awm lo. Call emaw message emaw ka duh a; Mahse, keimah pawhin phatsan leh bum ni a ka inhriat chuan, kum 5 tehmeuh a fanu lo ni tawh hringtu a nau ngei maiin, a fanu pa alaka a thup leh tunge a nih tih a sawi lo chu a rilru a na viau ang tih ka hriat thiampui in, hun a mamawhah ka ngai a, tihbuai ka duh hauh lo bawk.


Mahse, sana ka en in, phone hi ka va hmet eng zing si êm!


Ṭhut thlengseia nghah paha ka mu, ka lo chhing sek a ni ngei ang, zo tak hian min pawm nawlh a, tlak hläu in a nghawngah ka kuah ṭha zui ve sat sat.



Meng kher lo mah ila, tunge a nih tih ka hre ching lutuk mah mah, a zozial rim, mipa dang rim nise "rimchhia" ka tih tur ngei mai, ka pasal taksaah erawh rim pa hrak mai leh, a pang ti lum, ka hmul thi ti ding sung sug thei khawpa mi hipna ngah, mihring pangai lungphu phutdan ai ranga min awmtir thei tu hi tunge a nih tih ka chiang mah mah tlat.



Mahse, zanin erawh rim dang a nei tel tlat, ka hnar hian rang takin a hre thei, zu rim a rawn nam tha tha mai. Zial rim leh a rimtui hman rim, zu rim te chu a inchawih tawk lutuk mah mah emaw ni, thluak a fan raih raihin, min zêm chiai chiai zawk lehnghal!



Khumah dimtêa min nghah rualin, "Bawihi...." A ti sup.


A kamnam aw ri, thum deuh dût leh tlema ṭêng deuh chuan a ti sexy takzet.



Ka meng diar diar a, mawi lutuk hian a lo nui a, ka sam ka benga zepin, a kut ṭangin ka hmai tlâng chu a thai zui riak riak bawk a.


Thaw chhuak ham hamin, ka biang chu a dawm a, "ka tihpalh, khatiang kha hmuh tir che ka tum a ni miah lo," zawi sup hian a rawn ti leh.


A kut ka biang a dawmna chu, ka dawm let vang vang a, mit chhingin, "thil pakhat chiah ka dil ang che," ka meng a, rui chhia a ni miah lo, a mit phak deuh chuap mai, natna a khat leh, ka thusawi hun nghak ran si chu en in, "min kalsan ngai suh. Engpawh thuthlukna siam dâwn la, ka kut i thlah ngai lo ang tih min tiam rawh," a ngenin ka ngen a ni ta ber.


Midang hmaa ka mittui tla thei dêr si lo kha, ka pasal hmaah chuan awlsam tein a rawn hnâm leh ta ṭiam ṭiam mai. Duh lovin khap let sawk sawk mah ila, ka thunun theih piahlam a nih ang bawkin, engthil maha hlauthawng zung zung ngai lo khan, ka pasal hming a telna ah erawh ka hlauthawng hma ta em em ṭhin chu a mak a ni .


"sh*t!! Engthil lawi lo nge i ngaihtuah," a ti hluk, min tung tho nawlh a, ka biang tawn tawn a a kut phah hlai zet leh hrawl zeta dawmin, ka hmuiah, ka hlauhthawnna tireh turin min fawp vawng vawng a, a thaw chhuak zui ham ham, a thaw lum ham ham leh zu rim pa hrak chuan minti mur er er thei!


A chal chu ka chalah nghat datin, a kutzungpui a ka hmui, min fawhna mawm hlap mai chu a tuai zauh a, min fawp leh chawkin, "engtikah mah ka kalsan dawn lo che. Mahse..." A tawp dat. Inla hrang hlekin, hretiam lo zet chuan ka lo en kiau a, "i duhthlanna a ka kut i thlah a nih erawhin, vawikhat pawh ka rawn hawi let lo ang. I hrethiam em? Min kalsan thlangtu ka chelh ngai lo," nghet charh leh a ti ngei dâwn a ni tih hriat tak maia a tih chuan, ka nui ta var var.



"Theihnghilh suh, ka chhungkua, ka thisen aia ka thlan i ni a, ka nunah i pawimawh ber," ka pasal hmelṭha tak mai, khawpui mipa ang lo tak a, hna hram a thawhna vun eng uk kharh, chang rût mai, pa hrak si chu en in, thinlung läwm naa khatin ka nui ta ver ver a.



Ka kawngah chelhin zo zetin min chawi kâng nawlh, ka bawp sei em em lo chuan a kawng ka kherhbet ve zui zat a.


Tihdan ka hre lutuk chuan a nuih a ti za nge ni, nui ri huka a hnar a, ka hnar tawk zauhin, "zirlai ka hriat tawhah ila thiam thei ber," a aw ri thûm dût dût mawlh chu, ka hriat tawk lek ni siin, ka beng chhungah hian a ringin, a vahan sexy si em!


Nui var vara a tukkhum sama ka kut ṭang rawlhin, ka ṭham salh a.


A hmui, thiltih theihna zawng zawng neitu emaw tih hial tura ka chunga thuneihna nei chu ka fawp zui a, duh thawh taka min lo chhang letin, ka kawr hnungah chuan a zen lut zat a, a tih ṭhin leh a thiam em em mai, bra kilhna chu hmet phelhin, min pawm kâng reng chung chuan ka khabe ah a fawp thla a, ka nghawng ah fawpa a liah kual meuh chuan ka rum chhuak dar dar.



Khum mawng lama min pensawn puiin, bangah chuan min nawrbet a, a lu hmanga hnehsawh lutuk maia ka kawr hma nawr hlim pawkin, duh thawh tak leh chimlem awm lo chuan ka hnute, ka pasal ka mamawhna nasa tak avanga ṭang mar awh mai chu a fawp zui buan buan, a hmur a seh ner ner te chuan awm ngaihna ka hre lo, ka natna leh mangan na te tihreh a tumna emaw tih mai turin zanin chu, zan dang zawng aiin a thawm ana in, min dim loh daih lehnghal a, nge ni a, a zu power vang zawk?


A engpawh chu nise, ka duh loh em em ka hre lo pawh a ni lo, ka duhin, ka duh mah mah a, ka dawngsawng ṭha mah mah bawk!


Chhuatah chuan min nghat a, tisa chakna avanga khur hlawk hlawk a, a kekawr phelh nawk nawkin, ka kekawr haklai chu a pawt thla nawk, ka kawr hak leh bra hnunglam inphelh tawh chu ka lo phelh ve sawk sawk bawk a.


"Ka dim dâwn lo che a nia," a aw chu a khur ve dur dur, ka lo nuih sen sen.


Mitmeng buai nak karah pawh, ka pasal talbuai ve lek lek, a hmelah ka mamawh ang bawkin min mamawh a ni tih hmuh chuan chona thar minpe fo a, ka inchhuang ru em em ṭhin bawk.


Saruak ngal ngata ka pasal hmaa dingin, ka hnute kawh ṭha lah mai chuan ka nek deuh ṭalh ṭalh a, a rum ri hrawih, "hrep che hian ka hmangaih..!" Ti kha hraihin, ka bawp pakhat chu ka kaihza aṭangin a chawi nawlh a, "ka dim dâwn lo che," a tih ang chiahin, a thun hmaa min fawp nawk nawkin, dimna tel hauh lo chuan, hnuai lam aṭangin a rawn hnawh lut zawt a, ka kâ ka âng zui hlawiin, ka lu-in bang chu ka nawrbet nghal ngar ngar a, ka thaw chhuak zui ham ham bawk.


"Ka tina che em?" A chet hma chuan a ti hnu hnawh leh, ka nui sak, kan taksa hnuailam inzawm reng tawh chuan, a nghawngah ka kut ka suih zawm ve a, "a ai nâ dil ta che ila," ka ti chhuah sa sa rualin, dimna tel lek lo chuan ka hmui a rawn kaih nghal tawn tawn a, bangah a ai nâa min nawr betin, "nupui te mamawh pek chu pasal te tih tur a ni," ril leh thûk ruih mai, awmze nei fea ti zawi nghutin, a rawn dâwm chho nghal zawt zawt.


Ka pasal hming lam ri nawk nawk a, a hnungzang ṭham a, ham leh ngat ngat ṭhinin, natna vang ni si lo va rum dar dar chung leh ngik feih feih chung chuan, ka pasalin engtiklai pawha ka mamawh aitam minpek ṭhin nawmna nasa tak, angel te pawhin an fan ve ngai reng reng loh lei vanram, khawizu leh hnute tui luanna ram, hmangaih te chauhin an tlan leh an fan ṭhin chu, thinlung leh tisa inpawh tak chuan kan fang dunin, vawi tam kan suangtuahna piahlam ramah kan cheng dun leh ta vawng vawng a!



<><>~>~>~>

NOTE: Nizan kha min hrethiam rawh u, website ṭhat hun kha ka nghak ve reng a😆ka nghak chhuak zo thlawt lo, ka lo muhil daih a🤣🙏inhmaizahawm hlawm lutuk nâ-in, min ngaidam hram rawh u♥️💚

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:02 pm

ZAWLAIDI

By

Floria

Chapter < 18 >


MC-A....POV



"Min rawn call khan i fiamthu emaw ka ti dâwn a," ka darah a rawn beng thuk.


Vawikhat he zu dawrah hian min hruai tawh a, Zu dawr ka hriat chhun pawh a ni mai thei.


"I kut chu, tar alamah insual pui i nei chu a lo'ng maw nang hi?" Zela'n a rawn ti ve zat.

Medal-a leh Zela en zawkin, "teuh lo lutuk," ka ti hluk, annui dun nghal hawk hawk a, kei erawh ka lo rum nghut thung.


Kan inphak tawk leh keini pachhe kâ-ina tui a tihber local chu kan han thli ho karh karh a. Zopa kâ leh pumpui nen hian a inrem ber bawkin ka hria!


"Innu chu eng ang nge ni reng reng a?" Ka nui suk, ka Siakmawii hmel ka mitthlaah a rawn lang zui zat.


"Kan ṭhiana hi e...tleirawl zûnin a phuar vel a nih hi, Zawlaidi a tat emaw ni Rinmawii hian," Medal-an nui vur vurin a lo ti.


"Eng ang hmeichhia nge maw a nih chiah le, khati tak maia thinlung khal ṭha lai rawn ti tuiril tu chu ni maw?" Zela bawkin a ti leh deuh duah, "ka Pi, um khatin rawm dah belh rawh. Mc-a, zu inpui a khat alawm le tiraw Bawiha, hrai rui teh ang zanin chu," Medal-a enin min rawn en a nui huk huk chuan a tih zawm zat. Ka lo khi suk ringawt


"Uikawm lo khan i nupui chanchin chu han sawiteh, ka hriat dan erawh i hre duh kherin ka ring lo."


Ka no a zu chu tlak deuh pap a, ṭhen zui sawk chuan, "Mipa kara hmeichhia leh hmeichhe kara mipa ang a ni," ka mitthla ah ka nupui, ka Siakmawii hmel a rawn lang zui leh, ka kiai zui suk.



"Eng nge awmzia?"



"Hmeichhia mahni lu zo tak, a hmaa awm zâm lova tawn tlang ṭhin, duhawmna leh ṭhatnaa khat bawk si," seh hmeh ei pahin Medal-an ngaihsak vak lo hian a rawn ti vat.


Kei erawh Siakmawii hmel ngaihtuahin ka kiai leh suk ṭhin. Mahse, zanin erawh a mit aṭanga min hlauhna ka hmuh kha thlen tir lo tawp tur ka ni tih ka hria. Tuna a hun tawn lai mêk nen phei chuan!



Eng nge tih theih ka neih chuan ni? Kha uicho, ka nau rai a, hremhmuna hnuk lut tu, ka hmeichhe hmangaih, ka nupui U ngei mai khan, ka nupui ṭhen turin min hrilh mai pawh a ni lo, min vau ve khanglang a, kei thingtlang pa thinthawk tawh kha ka inthunun theih piahlam a ni tlat.


"Dik lo a awm em ni? No dawm ho lai aṭang tawhin i thaw leh huk ṭhin a," Medal-an a car khalh paha a tih chuan, "awm lo," ka lo ti bul sup.


"Innu chhungte'n buaina anrawn siam em ni?" Ka thusawi chu a ring lo tih hriat takin a ti leh zat.



Chhang lova ka ngawih deuh vang vang hnuah, "Bawiha," min rawn melh zawk.



"Ka nupui leh ka unau, ka Nu te inkara din ka duh loh zia i hria tiraw?"



A nui huk a, "i chhungte leh i nupui an inngeih lo tih sawi miah suh," a nui huk huk.


Za vak lo hian ka Kia ve ta suk a.


Ka nupui leh ka chhungte inkara ka din duh loh ang bawkin, ka nupui hi, kei leh a unaupa inkara a din ka rem ti hauh lo.

Tin, he buaina hi tun maia tawp chi a ni lo bawk.

.
.
.
.
Min kuah chiala muhil ka nupui thaw ri sek sek leh, nichin maia kan thiltih avanga a hmai la sen tai hlar mai chu hmuhnawm ti takin ka thlir veng veng a.


"Vantirhkoh thla nei lo" antih hi a awm a nih ngai chuan, he ka nupui, pawn leh chhunglam thlenga naupang rilru thianghlim nei hi a ni ngei ang!


Hetiang hian hmeichhe pakhat, hmeichhe naupanga ka ngaih ṭhin ka atchilhin, mi thlak danglamtu a ni ang tih keimah pawh hian ka ring pha hauh lo.


Hmeichhe pakhat chu a ni ve alawm.

Ka khawvel rethei tak hausa taka siamtu kha a ni miau a!


A hmai tar hlar mai, ti duhawm zual em em tu chu chul zauhin, a khabe ah dawm a, a muhil thaw sek sek mai hmui chu hmet kau tiarin, ka tum miah lohvin ka fawp leh ta vawng vawng mai.


He a hmui, hnawihsen vanga sen vâmham ni si lo, hlum dek dek mai, eng ngawl mah ka vei ka rin ngai loh, a ngawl ka vei tak tlat si chu fawh loh tum ṭhin teh mah ila, tleirawl thutiam zut ang maiin, ka taksa hian ka rilru a phatsan leh tlat ṭhin.


A rawn rum ṭiah ṭiah a, ka lo nuih suk, ṭhatna leh famkimna in a tuam, sum a lei theih ni sela damchhung pawha ka neih phak ngai loh tur, lunghlu manto eltiang thlira ka thlir dauh dauh tur leh, ka tana van a rah ang mai ni tur kha, ka ângchhungah mu in, hmangaih takin kei ve mai hi min kuah a, kalsan lo turin min ngên chu a ni si a.



Ka nun hmasaah engthil ṭha nge ka tih a ka nupui ni tur hian?


Eng nge chiah nge a mangah a hmuh ni, ka nupui tinui var var tu chu. Atthlak deuhin, hnamdang mipa a sawi te kha ka ngaihtuahna ah an rawn lang, ka rum ta nghut a.


A hnar a tawk zauhin, "mipa dang i hmu tih sawi hlek suh ang che," ka'n ti zui sup a.


Hmangaihna hian kum zat a thliar lo ang bawkin, putar pawh minti naupangin, atthlak tak takin min chet tir ta fo mai chu a nih hi!


Min kuah a, a bawp tawi ve tak, no leh mam nalh tak mai, mioa dangin an thlir a nihbchuan an mitmu ka kher chhuah sak ngei ngei tur chu dimtêa dahsawn sakin, ka zial leh lighter chu la in ka tho chhuak a. Zing khawvar hma hret vela zial zuk ka chin hi ka sim a ngai a ni.




"U....." Ka hnungah 3mins vel a ding tawh tih ka hria.


Ka din ngaia dingin, zial chu ka hip leh vang vang a, ka sirah rawn dingin, min rawn en chho.



"Mu tawh rawh a tlai tawh hi," ka lo ti sup.


"U, ka chungah i lungawi lo viau em?" A laka lungawi lo viau pawh ni ila, ka farnu ala ni reng a, chutiang bawkin ka fanu hringtu a ni reng bawk.

Zial bung chu ka sira bawlhhlawh bawmah vawm lutin, ka kekawr bul ipte zen chuan ka ding ṭha leh a.


"I hmangaih em?" Ka ti sup.


Min chhan mai loh avangin ka melh zawk, a mittui a lo tling pam.


Ka farnu, ka enkawl seilen tluk a ni a, a hmangaih em tih chu kei tluka hmufiah tu an awm lo mah se, a kâ ngei aṭanga hriat hi ka duh a ni.



Min chhan loh avanga kiai sukin , "mu leh rawh, a la hmat hi," tiin ka inher san a.


"Bul ṭan ka duh ti ila, U engtin nge min chhan ang?"


Ka kekawr ipte chhungah chuan ka kut nghet takin ka hum ruh nghal.


A vawikhatnan leh a hmasaberna atan ka farnu laka ka läwm lohber ṭum a ni hial ang.


"Ka fanu leh U Puia te nen chhungkaw pangai din ka duh ti ila, U vawikhat chauh ka hma min sial tir leh thei angem?"


Ka inher, ka farnu mit ah chuan ka en zui kalh, "ka nupui hi ṭhen turin minti itihna em ni?" Inthunun tum viau mah ila, ka aw chhuak zawi tak leh bul nghut ah chuan a hrethiam ngei ang.


Ka hapui ka seh ruh ngar ngar bawk, a chungah vawikhat pawh ka inthununna ka hlauh ngai lova, hlauh lah ka tum hek lo. A cho chhuak a nih ngawt loh chuan.


A lu thing nawk nawkin, "ka hre lo, ka hre lo mah se U......" A mittui a tla zui zawih zawih.


Ka nuna harsa ka tihber pakhat chu, ka farnu mittui tla hmuh hi a ni. Ka chak lohna lianber te zing ami a ni ngei ang?


"Nau... Nau ka pai leh a ni. Gabrielle-i nau tur, U Puia fa ka pai leh....."



"LALNUNPAR....." Ka ti hrawk, ka kut ka ipte aṭangin ka phawi zui zawk, a phu zawk leh mit chhinga ip zui chawih ka hmuh chuan na takin ka la let vuk a, ka hmai ka tuai zui puat.


"Putar....." Ka nupui aw ka hre zui zat.



"Zah pawh hi inzak lo hi ka ti, innu ka la dam a, ka la thaw ve a, in aw ki insan in, buaina insiam insiam a nia. In zak chai läwm ni?" Ka nu-in an room kawngkhar bul aṭangin a rawn ti zui hlak hlak.


Thaw ri hrawih hrawih a, ka nau ding khur dar dar en ngur ngur chuan, ṭawng ka tum zet, ka thinrim lutuk vang nge ni ka lei ka ti che thei lo.



"Mu rawh Lalnunpar, zahpuiawm dun lutuk mai. Khawvar nghah theih reng lai a. Lalduhawm nangpawh mu rawh, ka vuak hma che u hian. Saipui pawh tiat rawh u, ka fate innih chhung chuan ka vaw ngam che u tih hre tawp rawh u," a ti zui leh hlak hlak.

Ka nupui-in ka kut ruh taka ka hum chu rawn hum hnanin, "Putar...." Mit chhing leh sawkin, ka thaw chhuak hrawih.


"Ka ṭha, mu ang." Harsa tak chuan ka nupui pawisawi lo zet mai chu nuih luih ka tum a, ka hlawh chham a ni e!


<><><><>~>


RINTEI....POV



"Inpa chu nizan a mu thei em?" Chaw ei ka siam mawlh mawlh laiin ka Nu-in a rawn ti.



Room lam melh zauha chhunzawm leh chuan, "dar 6 pelh hretah a muhil ve chauh. Theo bengchheng suh u," ka ti zui zat.


"Theo' ka ni lo, Thew-a läwm ka nih," a lo ti hlar, melh zawkin ka nuih a, "ka duh duh danin ka ko thiang che alawm, nang pawhin, 'rukru' mintih tho kha," ka la nui reng.


"Tunge naupang hnial zawt zawt ngai," a ti zui nang nang chu ka nui hak hak, hnial loh chuan ka thusawi ngaithla duh hek lo le!


"Innel tir dan i thiam khawp alawm kan Hruaitluanga pawh," ka nu-in a rawn ti. Nui chungin, "Pangai deuha min biak dâwn hian a lai ve laklawh tawhin ka hria, a inla ngeng mai mai a ni," ka lo ti, a bu nghat.



"A Pa hi a chhunfuh khawp a, Inpa naupanlai pawhin ngeng ngalh mai. A tihsual a ngaihdam dil te kha hrehtak te khan a hreh a; Mahse, an ngainat tawh erawh an duat thiam em em thung," chaw a ei zui mawlh mawlh, chaw ei khama Zokhawthar lam a pan tawh dâwn avangin tukkin chu nidang aiin kan ei hma.


"Nu, heihi Putara'n i hawn tura a siam a nia," pawisa chu dawhkanah ka dah.



"A khai a! A hmaa min pek pawh kanla hmang zo reng reng hleinem, la let rawh, inpa hi chu!" A rawn nawr let.


Pawisa chu la letin keima pawisa tlêm a zawng ka lak chhuah chu dawhkanah ka dah a, "a nih hei tal hi la rawh...."



"Rinte..." A lo ti, ka nui a, naupang ho rawn ṭhu thla chawhmeh suah sak pahin, "ka pawisa khawl tlem a zawng ka la chhuak a, pek ve hrim hrim che ka duh, kan inneih dan lah kha ti rum rum kha a ni bawk si, damdawi leh mamawh leinan hmang haw rawh, tam phei chu a ni law," ka nawr hnai.


Min en vang vangin, "a nih tun chiah hi ti ang che. Inpa pawh hrilh rawh, in luahman pawh kan ei seng lo zawk. Hriata hlawh nen ngaihtuah ngai kan awm lo reng reng. Nangni zawk hi a hautak zawk in nia, naupang fee leh inluah man, thlatin sum chhuak dang nen," ti malh malh chung chuan a la ta hram a.


Ka Nu hi chu nu pakhat a ni ve chiang alawm, nizana Putara te unau inhau pawh vuak ala tum mai a.


Thâah phei chuan a hneh dâwn lo nasa tih tu pawhin kan hria ang;Mahse, a faten an hlauh zia leh, a fate a la thunun theih zia ka hmuh khan mak ka ti ṭha leh hial zawk.


Tunlai chhanah, fate kum 40 ral kai dâwn vuak a vau thei leh ngam hi antam lo viau ang.

Nu leh Pa ṭhenkhat phei hi chuan an fate tleirawl tir pawh an hau ṭha ngam lo zawk ang maw le. An fate zawk hi anhlau let ang daih a, Mizo Kristian chhungkuaah hian kan tam viau ta ve ang!

Fa enkawl a thiamin, Nu fing tak a ni tih a hriat.

"Saipui pawh tiat rawh u, ka fate innih chhung chuan ka vaw ngam che u" a ti te khan thu a sawi thui khan ka hre lutuk a.


"Anî.." Ka harh deuh zuk!


Mami rawn lut ve chiah lam chu hawiin, "lo ei ve nghal mai rawh, Zohminga te in lamah kal ka duh bawk nen, ka Nu haw tur nen kan ei hma ta mai," zing kan thawh hma in a chhuak a, a rawn haw a mit a rawn sen lut ram mai.


Nizan an unau an inhauhna kha eng nge a nih chiah hre lo mah ila, ka U vang a nih ka ring ringawt bawk a.


"Ka ei chak lo, Nu ka thlah hman dâwn lo che, class ka nei a, ka inthlak ang a, ka kal mai ang," a aw pawh a lawi rût mai, a ṭap leh a ni ngei ang.


Diktak chuan ka chhungril khawi emaw lai hi a inthiam lo ru ve reng. Haider tum eng ang mah ila, Nu thinlung nei a ni a, a fanu-in 'Nî' tia a koh reng hriat chuan a na ngeiin ka ring.


Ka U pawh a zawng zawnga demna ka nei chuang lo ang bawkin, lainatna leh inthiam lohna alakah pawh ka nei tho. Ka hriat chhuah chu kum 5 liamta khan Mami hi a lo zawng ru daih tawh tih hi. Kei leh Rindiki te pawh a number min lo zawh ngat ngat tawh kha!


"Ka kal a nia!" A chhuak zui.


Ka nu chu ka melh zawk, Mami chungah a läwm lo ve hle a nih ka ring, nizan aṭang tawhin Mami a endan hi ka lo chik a, a dang riau mai!



"Pa, hna i thawk dâwn lo ami?" Mathew-a hawina lam chu ka hawi vat.


"Kal dâwn e, ka'n inbual hmasa ang e," ka Nu a rawn melh zauh, a zu rim a hriat a hläu a nih chuan a hre daih tawh ang. Ka lo nui ru sen sen. Patling a ni tawh duh nise a ngaipawimawh lo thei mah se, a Nu a dah lal thiamin, a dah pawimawh thiam lutuk chuan Lalduhawma hi a ti duhawm zual takzet.



"In awm em?" Ka kham deuh chiah, police uniform ha pakhat hi a rawn dak a.


"Awm e, eng nge nita?" Putara bathroom aṭangin a rawn chhuak ve chiah bawk.


"Lalduhawma i ni em aw?" A hnungah midangin an rawn zui ve.


"Ni e, dik lo a awm em ni?" Ka sirah Putara a rawn ding zui a.

"Station ah minzui dâwn em niang? Mi kut thlak chungchangah i chungah F.I.R thehluh a ni a, thuzawh fiah tur che tlem kan nei a," phawk fe hian ka lo en.


"Engthu nge maw i sawi le?" Ka Nu-in a rawn ti.


Putara hmel ka en chho, thil hriat nei ni âwm tak hian a bu nghut a, "ka hria e, pawnah min lo va nghak rawh u. Ka Nu leh nupui fanau te hi minzah sak rawh u," dil pah ni si, läwm lo tih hriat tak hian a ti bul nghut.


Ka lam a rawn hawi. Naupang ho leh ka Nu chu a melh leh, "hlauthawng suh u, engkim a ṭha. Naupang ho school kal tir la, nangpawh Zohminga te in lamah chuan kal rawh. Nu ngaihtuah awm ka awm lo," a aw chhuak tinah chuan ring turin minti tih a lang thei!


"Eng nge thil awmzia ni Bawiha?"


Min melh zawk, "Puia thiltih niin alang," a ti zawi sup.


Ruh zetin ka inhum ruh nghal. Hetiang zawng hian maw chet lak atum a?


"Lalawmpui..." Sehchilh zetin ka ti chhuak. Tenawm lutuk mai!


"Min ngaihtuah suh u," ka dar tawn tawnah a rawn chelh a, "eng buaina mah lo han siam suh ang che. I hrethiam tiraw?" Mit ti zîmsanin mawi lutuk hian a nui a, ka chala fawp zui vang vangin, "i Nu thu lo awih ang che u," naupang ho en chunga a ti zui sup chuan ka phu deuh zuk, "Nu" tiin a sawi em ni?


A sawi chiang alawm, thinrimna leh läwmna a in pawlh leh ta nuk mai!


Ka pasal leh police pahnih inzui thla chu ka thlir reng.


Car a luh dawna rawn hawi chho in, a rawn nui leh suk a, nuih let mah ila, ka chhungril erawh a alh lo chauh. Mipa pawh a ni lo, che tenawm lutuk mai!


"Khawnge kal i tum Rinte?"

"Nu, naupang hi school lo kal tir mai rawh. Theo, Gabby nangmah niin insiam ula, buaina siam lovin school kal ang che u," tlân chhuah ka rual. Naupang ho mita zawhna tamtak pawh kha ka hmu reng.


A fate hmaah a rawn man tir tehreng a nia, zawhna nei âwm pawh anni. A vahan chak dâwn lo lua em!



"Lalawmpui.... Lalawmpui rawn chhuak rawh!" Gate ka luh hma aṭangin a au in ka au.


Na zeta kawngkhar hawng chuan, "LALAWMPUI...." Ka ti leh tuar!



"Lalrinmawi, ka inchhuangah eng nge i rawn tih dawn?" Ka Pa aw ki vin zet ka hre zui zat.


Ka pa lam chu ka hawi a, ka ner khum nawk.


"Hetiang hian maw inchet dawn a?"


Min ngaipawimawh lo zetin mi kalpel vuk, sofa ah a ṭhu thla zat bawk.


Rum lutuk hian ka en ngar ngar.


"I unaupa thichhawnga a awm laiin kha mihring vang khan ka Inchhungah mi rawn au khum amaw?"


"Kha mihring kha ka pasal a nih kha," ka lo ti let hlar.


"LALRINMAWI...." A ti nghal hrawk, 'ka pasal' ka tih chu a ngaithei dêr lo.



"Hming a nei ve bawk," ka ti let ngat. Ka pasal a namnul lutuk chu ka ngaithei bik ṭhak lo!



"Siaki, i rawn haw ve teh mial," U Ruata a rawn lut.


Ka pa chu ka en la en ding ngar ngar.


"Indopui inṭan leh ringawt em ni?" Nui ṭhû chuan a ṭhu thla a.


"Niraw...." Ka pa in a lo melh hrawk, a ner nawk.


"Eng buaina nge ineih a?" Keimah zawk min rawn en a, U Puia rawn lut chiah chu ka lo melh vak.


"Ka pasal man tir tur hian eng dikna nge i neih?" Kha zetin ka ti chhuak.

"Tei vet che hian Lalrinmawi," ka Pa in a lo ti zui hlak.


Ka U chu ka sirah a rawn ding a, ka pa lam hawiin, "Duhawma hi chhuah tir rawh," ka en hraw. Aman tir ni lovin ka Pa thiltih tak tak maw ni a?



"Lalawmpui..." Ka pa in a ti hlur.



"Kha aia a lo reh nat loh che ni. An inah i zu kal a ni lo'm ni, i phu tawk chiah,"U Ruata'n awlsam deuh hian a lo ti liam puat. A sawi dik viau bawk!


"Hetianga i inṭhen tir a ṭul lo. Engpawh thleng dâwn se an inṭhen angai."



"U....!" Ka lo ti vak.


"Eng nge i sawi awmzia?" Ka pa chu a rawn ding.



"A pasal nau hi nupui ah ka nei dâwn?"



"LALAWMPUII....." Ti tuar chuan, Ka U chu ka en ngawt ngawt. Rapthlak katih zia chu pui tak a ni.


"LALAWMPUII...." Ka pa aw chu inchhungah a khawk rum rum.


"Eng nge i sawi awmzia?" U Ruata pawhin a rawn ti. U Puia hmaah a rawn ding zat.



"Ka sawi tawh kha, a tan a ṭha tur a ni tih, mah se ka thu zawm lovin a nei lui tlat a, tun hi kan thleng a ni. A pasal nau nen hian fa kan nei dun tawh. Ka fanu hi fahrah nih tir ka tum lo..." A sawi zawh rualin a ri ṭawk, a thle zui sawk bawk a.


U Ruata'n a kawr âwm ah a ṭham zui nawk.


A kamsir chu a hliamsa a nih vang nge a thi duh zawih zawih khawp mai!


"Tichuan, i nunhlui a itihsual avangin i nau chu nuthlawi turin i hrilh amaw?" U Ruata'n a ti khur khur, a ṭawng a sehchilh deuh rap rap bawk.


A kut chu a phih thla sawk a, "i buai lohna tur a ni." U Puia'n ti nghutin ka Pa lam a hawi leh.



"Ka fanu hringtu leh ka fanu ka hruai lut dâwn a, min hnawt chhuak a nih pawhin i thu a ni tawh." Tawlh hnun a tum lo hrim hrim.


Ka kâ ka âng leh tawh lo, ka U, mahni hmasial lutuk mai chu ka en tlawk tlawk.


Engtin nge hetiang em em hian a hma a sial theih ni? A thisen zawmpui ka ni lo em ni?


"A ṭha, hmeichhia chu inchhunga awm tur anni a, a pawi lo. Inchhung enkawl tura siam anni. Lalrinmawi i hria maw? I pasal chu ṭhen ang che," nui huah huah leh hnehtu inti fe hian ka Pa in a rawn ti leh.


He inchhung a cheng te hi an â vek tawh a nih hi. Mipangai pakhat mah kan awm lo, kan vai hian mihring pawh kan ni lo!


Ransa ai pawhin kan laktlak loh zawk!



<>~>~>~>~>

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)