ZAWLAIDI By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: ZAWLAIDI By Floria Laldansangi (Completed)

Unread post by Ngaia » December 19th, 2021, 1:02 pm

ZAWLAIDI
By
Floria Laldansangi



Chapter < 19 >


MC-A....POV


"Nizan aṭangin i kut pem khan ka rilru a luah tawh rêng a ni," nui vur vurin Zela a rawn ṭhu thla.


"Ka tibuai dâwn che a nih hi," ka lo ti sup.

"Minti buai reng la ka duh a nia," a nui huk huk.

"A buaithlak hmel em?"


"Awlsam chu a awlsam lo ang. Kan hmelma lam te hi Home minister ni lai a ni bawk nen. Tin, Doctor lehkha nei thlap leh i kut thlakna hnuhma prove na awm thlap a ni bawk si a," a ti zui duah.



Ka thaw hak, hlauh erawh hlauhna ka nei hauh lo mah se, ka nupui fanau te zawkin a ni ka rilru luah lian ta ber ni.


"Bawiha, ngaihtuah tam lutuk suh. I inchhunga buaina thleng a ni a, ṭan chhan kan nei ṭha ve a nia!"


"Bakah, i nupui leh a U sawn thil ansu kaw zung zung mai," nui ruh ruh chung hian a rawn tih zawm zat.


"Hetah an awm em ni?" A bu nghat.


"Inrawlh tir lo la ka duh." Ka ti sup, a bu nghat a, "lungngai suh, i ngaihtuah ka hria alawm," a tih chuan lawmthu ka hrilh zui leh sup.


A pa leh a U te anni si a, an chhungkaw inkara ding turin ka duh hauh lo.


"Ukil a rawn kal tawh bawk a, i ṭawng thei ta maw?" SDPO rawn lutin a ti hluk. Zela rawn thlen hma khan zawhna min zawt nual, chhan duh kha ka neih tlat loh avangin kut thlakah min vau phah nghe nghe a nih kha!


"Ṭawng loh chu a tihtur a niin i hre lo em ni?" Zela chu a ding chhuak zui.


"Zawhna chhanna chu a Ukil tih tur a ni bawk," a tih zawm zat.


"Bawiha, vawiin ni a UKIL tih hmingpui theia ka awmchhan hi nangmah ini a, he case hi eng ang pawha harsa pawh ni rawh se, hnehna i chang ngei ang," ka lo kiai suk. A lak aṭangin engthil thlawn mah beisei ka nei ngai lo, ka ṭhianpa a ni a, a mamawh laiin ka sum tlem azawng ka lo hman tir a ni ve mai.


Mahse, tuna ka dinhmun ah erawh a kutah ka in nghah tawp a ngai thung a ni.



"Kan be ve thei ang chu tiraw Ro-a. Kan tibuai hle che u a nih hi," Puia leh a Pa anrawn inzui lut.



SDPO chuan min en run chungin, "kan tih tur alawm Sir. Public figure innih avanga khinglet ngam lo tur che u a anngai ṭhin hi a dik lo," a ti ta daih.


Zela a nui huk, "teh daih che chuan," a lo ti hrâm bawk, ka awmdan ngeng ngalh mai chu a tu amah chuan min ngai thei lo nge ni, kut thlak mai turin police ding ve ho pawh chu an inpeih deuh at maiin ka hria!


"Ka rawtna kha i in ngaihtuah ta em?" Ka hmaah Puia pa chu a rawn ṭhu thla.



Ka ngawi ngal, "Mc, i ngawih reng hian awmzia a nei dâwn lo a nia. Hetiang zawnga kan che erawh i läwm lo viau in ka ring bawk," Puia'n a rawn ti zui.


A hmai chu, hnek a dawn belh nge ni, a hma aiin a vung nasaa ka hriat ni!


"Heihi, inremna lehkha a nih a nih hi, i sign a ka fanu i ṭhen a nih chuan i nau leh Puia an inneih theih piah lamah, i zirna pawhin a phak loh tur hna ka pe tel bawk ang che," engvanga Rinmawii nena min pawh ṭhen tum tlat nge annih hi ka hrethiam ta tlat lo.


Mahse, chiang taka ka hriat erawh, an fanu hi hmangaih vangin an duh let hauh lo.



"Ka nupui hi ka thawk tawp thleng pawhin ṭhen ka tum hauh lo," ka ti zawi sup.



"I chiang amaw? I nau-in ka fapa fa a pai leh tih i hre lo em ni?" Chair bân chu nghet takin ka hum nghal .



"Puitling anni tawh a, anbuaina chingfel turin buaina siam anthiam tâwk bawk. Ka inrawlhna tur a awm love," ka ngawi dat a.



"Mipa i ni a, i fa lo piang tur leh i fa pai tu laka mawhphurhna lak chu itih tur a ni. I nu leh pa ni lovin," ka ti zui chu dawhkanah a rawn chum dawt.



"I ṭhen dâwn lo itihna em ni?" Ka nui suk.


"Jail-a min khunh bo emaw court-a thlen emaw chu inthu thu a ni e, ka nupui hi ṭhen ka tum lo ka tih tawh kha," nghet charhin ka ti leh, a kut ṭang sai hlawk hlawka min kawkin, "i duh thlanna a ni tih i hria ang che," a ti hrawk.



A ding chuak a, "i farnu mualpho tur leh tur loh chu i kutah a awm ang bawkin, i nunna ka kutah a awm bawk."


A chair a nawrsawn hrawk, "ka nunna hi tuma kuta awm a ni lo," Sehchilh zetin ka ti ban chap.



"Kan hria ang chu," tih leh a pensawn, "Mc, inngaihtuah ṭha la ka duh khawp mai. Hethil ah hian puih theihna che ka nei dâwn lo a nia, Rinmawii pawhin," Puia chu a ding a.


Dawhkanah ka kiu ka nghat dat a, melh chho ran chungin, "farnu inthleng hi pawi tihna ka nei lo Puia; Mahse, ka farnu naupai hmang a, i farnu nun vuak chhiat i tum a nih erawh chuan, i tisual ang. Ṭhen tumna ka nei lo ang bawkin, ka ṭhen ngai dâwn hek lo," ka ti fiah kalh kalh. A farnu hi a hmangaih lo zawk em ni? Tih rilruah alang rum rum zawk alawm.

Farnu inthleng nih ka pawisak hauh loh laiin, Lalnunpari naupai hmanga ka nupui laklet a tum dan chu ka ngaihdan a ni hauh lo bawk!



<><><>~>~>~>~>


RINTEI...POV


"Engvanga hmu thei lo nge ka nih. A nupui ka ni a. Tin, ka pasal tihsual inhmu miah lo leh warrant tel lo hian darkar 24 bak inkawl thei lo. Tunah ni 3 ngawt inkawl tawh a. F.I.R hi he police station chungah hian ka theh lut ve thei tih in theihnghilh a nge," a au in ka au a ni ta ber.



Khanglang hlawm hian, ka pasal thuzawh fiah tura anlak ni 3 ngawt an kawl chhan tur a awm loh mai bakah, ka hmuh pawh anrem ti lo chu ka läwm der lo.



"Kha kha inpu hnen aṭanga hmuh phalna a nih kha," Zela, Putara ṭhianpa in a rawn tih chuan police officer inla lal deuh chu rum tawk hian ka melh.



A bu nghut a, "rei suh ang che u, 15mins chiah a theih a nia," a ti ta sup. Ka chhir zawt dâwn emaw ni?


An khungna room-ah min hruaiin, ka luh dawnah, "15mins chauh a theih a nia," Putara hmuh kan dil hrep tawh hnuah a rawn ti leh hrâm chu ngei zet a melh vakin, "beng ka nei ve reng, ka hria. Mimawl ka ni lo," ka'n tizui ta nghek hrâm a. Thei ngat ila chuan chhir pawp pawp a nia ka duh ni!


Room ka luh rualin bulb pakhat lek inkhai hnuai a, Putara lo ṭhu run mai ka hmuh chuan thinrimna leh hlauh rukna in min tuam nghal. He room hi ka ngaina dêr lo.


Room chhung chu a thimin, an mi man dawpna tur bikte tana siam ni âwm hrim hian a dai ruih.



"Bawihi....." A rawn ding chhuak, a aw chu a tham chal nia maw le. Ka pan vat a, a bul ka thlen rualin ka kuah nghal vawng vawng.



Ka ngai lutuk hi zan rêng ka muhil thei lo. Nghet taka min kuahlet vawng vawng chungin, "engtin nge i rawn luh theih?" A aw ah chuan mak tihna ka hre thei.


La kuahbet tlat chung chuan, "Zela'n minpui a," ka ti chhuak sep. Kei leh kei lo ang maiin ka ṭah te lam lam a chhuak.


A nui nghawr dat a inla hrang hlekin, "ka bal lutuk, ṭhu phawt teh," ti supin chair ah chuan min ṭhut tir, ka hma zawnah chair pakhat chu pawt hnaiin a ṭhu ve zat.


A hmelṭha tak mai, ni 3 leka tla ta dûk mai leh, a hmai hmul ṭo ṭan siar siar chu en in, "I cher lutuk," ka ṭap ṭep tak tak nia!


"Lo kal teh," ka bânah chelhin a malah min ṭhut tir a, a tihdan ṭhin bawk, ngâi a ka neih tawh leh, ka hnaih a pianga ka beisei ṭhin nita ka hnar chu tawk zauhin, "min ngaihtuah suh ka tih kha," a nui leh suk ṭhin.



Ka sawi tawh kha, a hmel leh a mitmeng hi kei takngial pawhin ka chhiar thiam ṭhin law.


Ka biang chu a kut phah pakhat chuan a dawm vawng vawng a, a kut lo vawn hnanin, ka pasal khawihna ka thlakhlelh em em mai chu mit chhing chialin ka feel veng veng. Hun hi tawp sela, he hmun thim taka awm kumkhua mai hi ka nap ta rum rum mai.


Ka âwmah a hmai a rawn phum, meng chhuakin, ka pasal Lu chu ka kuahbet a, a chhipah ka fawp zauh.


"Ka rimchhia a nia," nui hukin a nghawr dat. Ka nui ve sen sen, inla hrang hleka ka âwm chu, mit ti zîmsan a en vang vangin, "hetiang ha chung tea hetah i rawn kal ni?" A aw ah chuan lawm lo ri ka hre thei.


Tunang dinhmunah pawh thikthu chhe ri ka la hre thei a nia.


Nui chungin ka inbih zauh, "ka hmanhmawh deuh alawm. Bakah, a pawi vak em ni?" A rum zui nghut.


Silk tank top chauh ka hak avangin tlêm chuan a sexy ve reng.



"Pawi, i taksa khuhtu awm miah lo hi a pawi," a ti bul nghut nghut. Za zetin ka nui chhuak chu, "Lalrinmawi...." A rawn ti leh khur khur.


Nuih insum tuma ka hmui petbet in, ka en a, hnar tum datin ka âwm a fawp zui zauhin, "keimah chiahin i taksa hi ka hmu thei. A chiang em?" Thupe aw leh inti neitu zet hian a ti khauh fak, hmui chip chunga nui reng siin ka bu nghauh nghauh a.


A biang tawn tawna chelhin, ka fawp zui zauh, a duh khawp lo tih hriat taka ka tukkhum a chelhbet nghalin, duh thawh leh tawp chin awm tawh lo tur ang maiin min fawp nghal tawn tawn a. Ka lo chhang let ve tan tan bawk.


Ni 3 chhung kha kumkhua ang mai a ni. A rei ka tih ang chiahin ka pasal pawh hian rei a ti tih, min fawh dan leh, ka taksa a chul kual danah ka hre thei.


Thaw chham lek leka kan infawh hnuah ka chal chu a chalah ka nghat a, kan thaw chhuak dun ham ham.


"15mins a zo tawh e," Kawngkhar lam aṭangin constable pakhat hian a rawn ti, inla hrangin, ka hmui ka ti sawi zui nang nang a.


Ka sam hmai zartu chu ka benga zepin, "a rei tawh lo ang. Min ring rawh," zawi tak si, nghet charh maia a tih chuan ka ring hmiah bawk.


A mal, min pawmna aṭanga inla hrang a dingin, a rawn ding ve a, "naktukah chuan i rawn haw tawh ngei ang," hreh zet chuan a kut lian ṭha tak mai, ka tana damna dawi hlo keng ṭhin ngwi mai ka vawn chu ka hlah riai riai.


A lamah min pawt leh hrawk a min fawp leh vawng vawng chuan, ka biang tawn tawna chelhin a hrawkbawk che ralhin chil a lem khalh a, thaw chhuak zui hawk chuan, "he i kawr hi paih ang che," a ti leh hluk chu ka nui hak.


Kan inṭhen leh tur lungngaih ruk ve nak alaiin, hepa duhawm vel lutuk hi chu! Duhloh lai ber pawha Lalduhawma kha a ni miau a lawm le!


"Yes, Boss..." A hmuiah dingdi hlip ak ak a fawpin, "in ah ka lo nghak ang che," mawi zeta nuihin ka inla hrang zui. A taksa aṭanga ka inla hrang leh room chhung tereuhte thim ve tak ka chhuahsan rualin ka ruak nghal vek thei, a min uapna na tak khan min lo thlamuan zia leh ka famkim bik zia ka hre chhuak nghal rum rum thei bawk!
.
.
.
.


"Ngaihtuah lutuk duh suh, naktuk chuan a chhuak thei tawh ang," Police station kawtah chuan Zela'n a ti sup.


Ka bu nghat a, "ka lawm lutuk a nia, awm lo la chuan min hmuh tir miah lo ang," a lo nui.


"Inpa ang mai i ni, lawmthu min hrilh duh suh u. Inpa awm lo se vawiin ni hian he hmunah hian ka ding dâwn lo, ka mangan leh mamawh ngawih ngawih laiin sum minpe lo sela, vawiin ni hian ka Nu in min dampui tawh lo ang a, kei lah he hmunah hian ka ding hek lo ang," thil kal tawh ngaihtuah let ni awm takin a ti deuh vawng vawng.



A hmel landan leh ṭawngkam tinah chuan Putara chunga alawm zia leh, a ngaihsan zia a langin, a hmuh theih bawk!


"Ka thlah ang che," ka lu ka lo thing vat, "Gabrielle-i school bang ka lam kawi pah ang, bazaar te ka duh," ka ti vat, bu nghatin, "a nih ka kalsan ang che, lehkha tlem tihfel tur ka la nei a." Pensawn in car lam a pan zui.


Police station kawt aṭanga taxi ka chân laiin ka sirah car a rawn ding dat.


Tu car nge a nih hrilh ka ngai lo, inla mi pawimawh tawkin Home Minister tih a intar kuau alawm le.


Ka vawm ṭawk dawn maw ni le?


"Rinmawi...." Hma lam ka en tlat, ka hawi âwm lo, a hmel hi ka hmu peih lo. Ka Pa mah nise ka luak a ti chhuak a nia!


Ka bul a rawn thlen rualin ka lo uak ṭhat, ka ti lui miah lo. Ka uak tak tak nia maw le, ka pumpui hian ka rilru a hria a niang! Pawi tawp lo.


"Lalrinmawi...." Ka pa chuan a ti ṭhat, uak leh mai tumin ka kâ ka âng zuai zuai, a rimchhe si, engtia chutiang perfume rimna lutuk te arawn hman ni.


"I rim a chhia.." Ka lo ti nghek chu min melh vak.


A chhe tak tak miau alawm.


"Inremna min siampui thei tih i hriat kha?" A ti nghut, ka va siampui âwm lo tak.



Taxi rawn tlân chu phar dingin kawngkhar ka hawng vat, a rim a tak lutuka ka lu a ti hai zo dâwn.


Ṭhu lutin min en chhur chur tu chu taxi chhung aṭangin, "inremna min siampui thei ni la, i inchhung ka chhuahsan nang. Chuan, i perfume kha thlak rawh, tunlaiah khatiang a tak an uar tawh lo, ramthim aṭanga rawn kal emaw anti ang che," ngeiawm deuha ti duahin glass ka hmet chho daih. Taxi driver nui vur vur chu ka hmu ru reng.


"Lalrin...." A ti ri kha ka hre hman tho!
.
.
.
.

"Au Rinrin, engtikah nge apa a lo haw dâwn?" Ka melh thla zawk.


"Naktukah a lo haw tawh ang," ka ti sep. Läwm tih hriat zet hian a nui zui var var. A pa a ngai ve a ni ngei ang.


"Rin...." Gabby-in nen chuan kan ding dat.


Ka hmaa rawn ding chiah Freddy chu en ran chungin, "eng nge hetah itih?" Ka aw chu a nelawm viau loh, kan in lam ka melh chho zui zat.


Putara hmuh hun minpe tlêm lutuk kha ka lawm viau lo nen, ka mood a off viau bawk.

Ni 3 ngawt a ni tawh, darkar 24 bâk lock-up ah an dah thiang lo emaw ka tih laiin, ka Pa hian thil a lo ti thei khawp a, a statement a thlak avangin engkim mai kan thunun theih piah lam a ni leh tawh.



"Vawiin tal chu Zohminga te In lamah hmuh che ka in beisei nen, ka hmu si lo che a," a ti leh sup. A mitmengah erawh chu chu a rawn kal chhan a ni lo tih ka hre thei.



"Nia, buaina kan nei deuh alawm maw le. Eng nge i rawn kal chhan ni reng reng?" Ka ti ta ṭalh.



A nui a, "min hre chiang thawkhat a ni. Mc-a buaina tawhah hian nangmah chauhin i chingfel thei tih i hria tiraw?" Min en kalh.


"Eng nge i sawi awmzia?"


"I kalsan a ngai," ka lo nui lui hak.



"Chumi sawi tura i rawn kal vang vang a nih chuan i let thei tawh, nang lo pawhin min hrilh tawh e. Gabby haw ang," tih leh kal pelh ka tum. Ka bânah a rawn chelh chu rang lutuk hian ka lo thing thla, ka tum em em pawh a ni chuang miah lo.


Mahse, ka pasal ni lo mipa dang, a bikin Freddy-an min khawih rual khan ka inrin hma in ka che phut a ni ber!



A kut chu a en a, a nui zui suk, a nuih erawh a zat hmel viau loh, ka inthiam leh chiah lo nangin engmah ka sawi ta chuang lo va.

"I inthlak zia i hria em?" A rawn ti thlawt.


Ka inthlak ka hre hauh lo, keimah Siakmawii kha ka la ni reng; Mahse, midang rilru tur dâwnna chang leh, tawlh hnun nachang ka hre ve ta deuh chu ka inti.

Ni e, a hma aiin mahni inthiam lohna neih te ka ching ve ta alawm. Kei pawhin engtik laiin midang rilru dâwnna chang ka lo hriat ṭan ka hre bik lo, ka boruak hîp leh min hual veltu a dan vang te pawh a ni mah na!



"I ngaihdan mai mai a nih chu, pawimawh a awm loh chuan kan chhohsan ang che," Gabrielle-i en thla in ka nuih sen sen. Freddy ngawt a lo en kiau lehnghal, ka kuk dawn maw ni. Mipa hmelṭha a hre dâwn lo tlat he nau hian!


"Man theihna warrant annei tawh tih i hria em?" Freddy chu ka en vat.


"Gabby lo han chho rawh," a bag ka khai chu ah(ak) tirin kan chhoh hmasak tir a.


"Eng nge i sawi awmzia?" Custody office ah ka awm ve reng a, chutiang engmah ka hre lo. Tin, Putara pawhin engmah a sawi hek lo.



"Tih hlauh che emaw tih thinrim che emaw ka tum lo a nia. Mahse, attemted murder case a ni tawh a, AMC ah chuan IPC Section 307 hmangin a lo berah kum 10 aṭanga dam chhung tán theihna a ni," a ti leh daih, ngei lutuk hian ka melh. Chutiang te chu ka hre ve bawk e!



"I thusawi awmzia sawifiah rawh," ka ti leh ngat, man theihna warrant la turin investigation kal mek pawh la ni chiah lo, kal mêk tur chauh a la ni.

Tin, vawiinah pawh police zawhna ka zawh, min chhan ṭhat duh miah loh kha ka zawhna ngai a la ni reng.


Engdan hmangin nge ka pasal hi ni 3 ngawt thu zawhfiah tura an kawl tih hi.


He kan ram, Kristian 100% ah hian ansawi angin, "mi rethei dikna au ri te chu, uṭawk hrâm ang lek alawm a nih. I dikna ah pawh an vawm ṭawk zawk ang che," anti ṭhin, ka pasal thil tawn vel nen, a dik dâwn riau in ka hre bawk.


Police tam zawk hi sum a lei theih, dikna aiin pawnlam landan ngaipawimawhtu hi atam zawk anni miau si a.


"A sawi awmzia chu i hria alawm. Rinmawi, Zohminga Nu-in a beisei zia che i hre reng si a, engtin nge vawiin ni angah tal te chuan i rawn lan loh theih? Thlàn ṭhut ni takngial pawhin i bo bawk a," Rindiki aw rawn chhuak tin maiah chuan min demna bak hriat tur a awm lo.



Tihluihna hmanga a hmel rawn inlan te pawh a ang alawm, min en dan nger nger chu!





"Pawi ka ti, i hmuh ang hian buaina tlem kan nei deuh alawm maw le. Remchangah Zohminga Nu chu ka lo han tlawh ang, ka chhohsan dâwn che u a nia," ka ti ta zung zung.


Nidang ang chu nise, Rindiki ṭawngkam mei nei tak leh a mi en na hriam hrak mai chu ka khak tawh ngei ang.


Engtik laiiin nge hetiang te hi ngawihbo pui dan ka lo thiam tak ni?


"Chuti tak chuan em nu minhuat ni?" Ka hawi let leh.


Freddy chuan min en kalh, "ka haw lo che..." Ka tawp dat, sawi loh ka tum viau nâ-in, sawina hun ni a ka hriat avangin, thaw ka la hak a, thaw chhuak ham ham in, "ka laka zep nei mihring erawh ka ngaina lo tih inhriat kha. Engpawh nise a harsa emaw harsa lo emaw, thudik ka duh ṭhin mah se nang erawhin ka hnunglam aṭangin minbei thung," a lak ka lawm loh zia chu a hre chiang viau ang.



A kiai suk a, "râwn lo chea palai ka tirh avangin pawi ka ti; Mahse, Rinmawi, tunah emaw nakinah emaw ka hnena i rawn let a ngai dâwn tho," mahni inrin tawkna in a khat.


Rindiki zawk ka en vat, a mita natna chu thupbuai pawh a tum tawh lo tih ka hmu thei.



"Freddy i ṭawngkam fimkhur rawh, pawmlai nei, pasal fanau nena awm ka ni tawh tih i theihnghilh palh ang e," nelawm vak lo chuan ka ti let a, a nersawk, "nawrluih che ka tum ngai lo mah se, ka sawi tawh chu ka nei ṭhin. Ka ta inih loh chuan tuma ta ini dawn lo," a luhlul zia chu a rapthlak zawk.



"Hmangaihna a ni lo kha kha, tlawm nih i duh lo mai zawk a nih kha. Kei ni lo, midang pawh ni rawh se tuna i rilru ang tho kha i pu ang," Rindiki en in, "i bul hnaia nagmah hmangaih tu che hun pek dan zir zawk rawh," tih zawmin ka inher zui hmak.


Ka chhungril khawi emaw lai hi keimah Siakmawii ang lo takin a na ru veng veng thung.

Kum tamtak, chhun zan zawma ka kawm te anni a, harsatna leh buaina ka tawn changa ka kianga awm a, min hnem a, minpui tu ber te anni.



Mahse, engtin nge mit khap kar lekin kan vai mai hian hmelma ah kan lo chhuah zawh tak ka hre lo. Chu chuan kei Siakmawii, ṭhen leh rual ngaina lutuk thinlung hi a ti na a ni ber e!
.
.
.

"Eng kan tisual nge ni a, khawlai fa vawi hnih ngawt i rawn pai haw ta mai hi! Kan thiam loh nge ni a i thiam loh ni zawk pawh hi ka hrethiam tawh lo. Nge ni a, Pathian khian Gabrielle-i piandan kan zep avangin hremna minpe zawk ni?" Kawngkhar bul ka thlen hma deuh chuan ka Nu rilru na aw ri chhuak vawng vawng chu ka hre zui.


Ka ding dat a, in lam hawiin, ka tih ngai miah loh mi thusawi ngaihthlak tum chuan ka ding deuh vang vang.


"I nun hi a rawng ka ti ngawt mai Nunpar. I U-in heti chen hi in nufa tan a nun a hmang a, khawngaihna nei miah lovin a nupui ṭhen turin i ngên ngam a nia! Rintei pawh i hmachhawn ngam tawh dâwn em ni? I lo nasa mange aw ka tia lawm, kei i Nu ngei pawh hian mak ka tiin, ngaihdam che hi harsa ka ti. Kei i hringtu mitah mah i tlin loh chuan midang mitah phei chuan hnawm hnawk pawh i tluk dâwn lo a nia," A ti leh vawng vawng, a aw ri ah chuan ṭah chhuak ri ka hre thei.


Ka kut nghet takin ka hum ruh, za vak lo hian ka ṭhensak bawk a.


"Inṭhen tir hi ka tum a ni bik lo; Mahse, U Puia pa berin an inṭhen lo a nih chuan kei leh ka fate a pawm ngai loh tur thu a sawi si a. Duhthlan tur dang ka nei lo alawm. Ka nâutê a rawn piang ang a, Pa tel lo bawkin awmse iti em ni? Anni chu fa an la nei lova, rei tak inhmangaih tawh pawh anni lo, a rei ang a, U Siami a theihnghilh ang khan a theihnghilh ve mai ang. Kei erawh ka dinhmun a dang daih, U Puia fa pahnihna ngawt a ni tawh a sin," Mami chuan ṭap chungin a ti nawk nawk.


Mit ka chhing sawk a, boruak hîp vang vangin, ka thaw chhuak leh ham ham. Ka hrethiam lo a ni, engvanga ka pasal hi ka ṭhen kher ngai nge a nih tih hi?


Muangchangin ka pên chho, "Rinte..." Kawngkhar zawn ka thlenin ka Nu aw ka hria, a mittui a hru zui zauh.



"Inpa chu i hmu em?" Ka Nu-in aw lawi ratin a rawn ti leh, "hmu e, rei erawh a ni lo thung," Mami ka melh zauh, min en ngam lo hrim hrim. A kûn ngar.


Diktak chuan mihring thinlung dum lutuk, misual, mahni hmasial leh kawlh tak mai ka ni a, ka la nih reng avangin a lakah hian ka lungawi lo takzet!

Mahse, eng nge tih theih ka neih chuan, ka pasal, ka mipa hmangaih nuna hmeichhe pakhat, mi pawimawh tak kha a ni tlat si a. Ka pasalin a hmangaih chu tupawh nirawh se, hmangaih ve zel ka duh a, a fate emaw a laina te zawng zawng pawh.



Za vak lo hian ka nui a, "central-ah zaninah an dah lut ang, ka Pa ten statement anthlak a ni âwm a, 'attempted murder' case in a kal hmel," ka ti ta sep. Naktukah a lo haw ngei tur thu kha ka hrilh a; Mahse, central lama a luh tur thu hria angin ka awm duh lo, ani pawhin a sawi ri hek lo.



Ka nu chuan min en kawk, "eng nge i sawi awmzia? Chu chu engtihna nge ni?" Ka nu aw chu a khur lek lek.


Ka pan hnai a, a bula ṭhu thla in, Mami ka en, "Mami, attemted murder case-a a kal chuan eng nge a chungah thleng dâwn i hria em?" Mit sen ramin min rawn en.



"A lo berah kum 10 aṭanga dam chhung tán theihna a ni," ka en ran.



"Engtin nge kan tih ang Rinte? Zela kha be teh u, midang puihna te hi kan dawng thei angem?" Ka nu mangang lutuk chu ka khawngaih ngawih ngawih.



Ka kawchhung hi a tawt up up, theih pakhat chiah ka nei. Chu chu ka kut a awm a ni mah se, ka pasal kalsal tur hian ka huaisen tawk si lo.



A kut chelh tura ka huaisen ang leh, mahni inrin tawkna ka neih ang khan; Thlah turin ka huaisen tawkin, ka inring tawk tawh tlat lo a tin ni.


Ka Nu emaw midang pawh hian min dem ru viau mah se a âwm lutuk, ka hma ka sial tih ka hria; Mahse, he mihring tel tawhna chu ka chak lohna lianber a ni si a, kawng awmchhun zawh tur leh, mahni a ke pên leh turin ka huaisenna ka hloh zo tawh tlat a ni.


<><><>~>~>



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:02 pm

ZAWLAIDI

BY

Floria Laldansangi


Chapter < 20 >


RINTEI....POV



"I muhil thei nange?" Ka Nu pawnah a rawn chhuak ve, step-ah ka lo ṭhu vang chu min en in a nui a, "inpa awm lo rih lo chu, inchhung a kim lo takzetin i hre lo maw?" Hre tak ka ni.



Kan nupa khum te chuan lumna reng reng a nei pawhin ka hre lo, min kuahlum tu kha ngaiah ka lo nei hman a ni mahnâ!



"Buaina kan thlen ta nghek che a nih hi. Eng hi nge kan Lalnunpari hian a ngaihtuah ka hre bik lo reng reng. 'Keiin engkim nei ila, ka unau te hian tuar vek sela' a ti ni beriin ka hre tawh," ka Nu bawkin beidawng leh rilru hah tih hriat tak hian a rawn ti leh hap.



Hma lam en vang vangin za vak lo hian ka nui ta sak a, a chhan chu ka Nu thusawi chuan kan chhungkua atu mai pawhin kan neih leh kan rilru a sawifiah chiang lutuk tlat a ni.


'Keiin nei vek ila, kei him ila, ka unau ten nei lo sela; tuar zawk sela," tih chu kei leh ka chhungte, ka Pa aṭanga kan in rochun emaw tih mai tur zawk alawm, kan chhungkaw tan bika sawi ni âwm hial a mawi a ni.


"Rinte..." A tawp dat, ka lam a rawn hawi a, ka kut ka malchung ami chu rawn ban da da in, a hmer deuh vang vang, "engtin nge kan tih ang le. Pawisawi lo berin intawrh a ngai si a," ti zui leh vawng vawngin a mittui a khap let sak sak, ka Nu chu ka en vang vang.


"Nu engti turin nge min duh?" Ka ti sep. Ani pawh hian a fanu tán a fapa hi ṭhen se minti ve tho em ni?


"I Nu leh pa hi ka be mai dâwn em niang. Tunlaiah fanu pawh an inthleng fo a, thil mak a ni hleinem, kan neihin a tlin lo ang tih chu hre tho mah ila, insawi rem dan te pawh a awm mai lo em ni aw!" Ka Nu chu ka lainat takzet, ni 3 chhung leka a cher ta duk mai te, a kut tar ve tawh tak mai tla ta ruak mai te chu, kei a hrin pawh ni lo hian ka hmu chiang lutuk mah mah.


Hmel hmuh hahdam tak leh nelawm tak ni ṭhin kha, a pawr fep reng mai a, ka puihna min dil ngam si lo leh, ka laka inthlahrung, min khawngaih bawk si thaw leh hak ṭhin te chu en a hreawm ngawih ngawihin, minti na ru ve vawng vawng ṭhin.


"I lungngai a nih kha, tih dan a awm mai ang. Naktuk lam te nghak ila, court hun te kan hriat theih chuan kawng a awm chawp mai ang," ka ti tak nâ-in, central a luh thlak tawh ber chuan, midang ngaihah leh dan hmaah thil tisual chu a ni ber tawh a.


Social Media a chak rapthlakin, mitin chaw tui ber emaw tih turin an chuk leh ta luih luih mai si.


Mahse, ka pasal hi heti maiin ka tlawm tir dawn lo reng reng.


"Ni e, Pathian khian zahngai hrâm rawh se," tiin, "Mu hma rawh, a tlai mai dâwn," a tho zui a, "ka rawn lut ve vat ang," ka ti zui sep, mu pawh ni ila, khumah, muthilh theih loh avangin lu na burin ka mu meng leh kur dâwn tho tho a, mut hmat pawhin awmzia a nei vak lo.


"A nih mengrei lutuk suh aw, tunlai chu nangpawh i tla riau a nia," ti lehin inchhung lam a pan zui nghal a.


Zan boruak thiang kak mai chu hîp vang vangin ka thaw chhuak leh ham ham, ka mitthla ah Putara rawn langin mi â ang mai chuan ka nui zui sen sen bawk a.

Suangtuahna leh mitthla ringawt pawhin minti hlim veng vengin, ka hmelah nui hmel, tih luihna tel miah lo a awmtir thei ṭhin a nia. Hepa hi chu ka engkim a ni ta ber chu a nih hi maw!


Ka phone hmet eng a, dar zat ka en meuh chuan zinglam dar 1 a ri thuak tawh, eng amah ngaihtuah tak tak lo in ka ṭhu rei phian.


Inchhung ka luh a, kawngkhar ka kalh rualin, "Rinrin...." Sofa a mu Mami a rawn ṭhu chhuak.


"Kan inbe thei angem?" Ka bu nghat.



"Ka tihpalh Rinrin...." A thawk a phita a mittui tling nghal pam zel chuan, a mittui a ti hlu lo zo takzet!


"Ka U hi i hmangaih em?" Min en kiau.



A bu nghat a, za vak lo a nui zuiin, "a tir kha chuan ka duh ngam lo a. Bakah, hetiang hian Gabrielle-i hi a hmangaih ang tih rin ngaihna ka hre lo hrim hrim," a ti zui sep sep.


"Min haw viau em?" Min rawn melh leh zauh.


"Thudik i hre duh em?"



Hlauhthawn hmel deuh hian a khap zek zek a, "ka haw lo che. Mahse, mak chu ka ti ve a ni," ka ti thlawt, za lo tih hriat taka min nuih lui lehin, "keipawhin ka tisual nawn leh ang tih ka ring pha lo a ni," a ti chu ka tum loh lutuk leh awih loh lutuk na lamah ka nui hak.

"Vawikhat itisual a, a vawihnih erawh i duhthlanna a ni tawh. Kan tihsual ngaiah kan tisual ngai lo, duhthlanna a ni," ka ṭhutna aṭangin ka ding chhuak a, "mu tawh rawh, nau i pai kha," tih leh pensawn ka tum.


"Rinrin," a rawn tih leh avangin ka ding leh dat. Alam ka hawi a, mittui tling pam bawkin min rawn melh chho kiau, he a mitmeng pawisawi loh hmel tak, pawisawi lo a ni ti fiah tura a mittui hman hun a hre lutuk leh thiam lutuk hian a ni ngei ang mi tamtak a thunun a, ka pasal ngei pawhin a dimdawih em em ni!


"Min ngaidam thei lo tih ka hria. Nangmah ni ila ka in ngaidam bik lo ang mah se khawngaih takin ka U hi i ṭhen mai thei lo em ni?" Ka thaw ka hîp let kawk. Huaisen ka ti lutuk mah mah.




Ka huaisen in, zahna ka hre lo ve viau emaw ka ti a, kei aiin ka hmaa ṭhu hmeichhia hi a huaisen in, a zak lo ka ti ta fe zawk!


A aw dam diai mai te chu a tenawm lam lek lek ta zawk hial mai.


"Eng maw i sawi?" A thusawi kha ka hre chiang lutuk mah maha zawt nawn ngat ka ni.


"Reitak inhre tawh emaw, reitak innei tawh inla ni lova, nau lah ila pai bawk si lo. Min khawngaih la, ka U hi i ṭhen maithei lo em ni? A vawihnihnan ka fa lo piang tur hi fahrah nih tir ka duh lo a ni," a mittui a luang zui ngiai ngiai.



A chil a lem khalh, kei erawh Mami ka hriat ṭhin kha zanin hian ka hmuh tlat loh avangin, mak tihna in minla tuam, ka din ngaiin ka la ding â hau ringawt.


"Ka U hi i kalsan a nih loh chuan engtikah mah a thlah ngai dâwn lo che tih ka hria. Mahse, duhthlan tur ngai ka nei lo a ni, i khawngaihna dil mai loh chu, min ankhum la, anchhia min lawh la, eng pawh tirawh, ka pawm thei vek; Mahse, kei leh ka fa lo piang tur, i vah ni mai tur chungah hian khawngaihna lantir hrâm rawh," mittui tla zawih zawih leh hnap tui nen chuan min ngên ngawih ngawih.


Thawkna chang pawh ka hre tawh lo a ni ber. Ka chungah chutiang rilru a pu chu ka hrethiam mah se a nuṭapa, a thisen zawm ngei chunga a nunrawng lutuk chuan sawi tur minti haihchham mai pawh a ni lo, mit pawh khap nachang pawh minti hre lo hial zawk alawm le!


Mihring chu a ni ve meuh sia maw? Kei hremhmun pate aṭanga seilian, hmangaihna awmzia hre lo pawhin a unaupa ka lainat laiin, a farnu ngei maiin a unaupa natna thlen a tum leh, a thlen mek chuan mi â ang maiin min din khawng tir reng a, ka hre sual em tih ka rilru in ka inzawt nawn mawlh mawlh mai ta hial mai.


Mittui tla zawih zawiha min entu Mami la en hau chuan, "Mami i U hi ṭhen ila i hlim phah i ring takzet em?" Ka ti chhuak thlawt. Mak ka tihna hian min la tuam mup mup a ni ber!



A lu a thing nawk nawk a, "mah se ka fate fahrah ka duh si lo a ni," a ti ṭuak chu, a zat vang em em pawh ni lovin ka nui hul ta hak.


Ka pasal farnu a ni hi lawmthu sawi mawlh mawlh tur a ni. Tin, ka mize chhe zet leh kha zet zet ka lo sim ru hman chu a vannei viau bawk.


Mahse...... "an fahrah i hläu ni lovin, zawitê leh damdiai in i hma i sial mai chauh a ni. Ngaihtuah tak tak ni la Gabby-i aṭangin tuna i ngaihdan kha i nei tawh ang," ka ti ta fak fak tho. Mize paih hi a lo har a nia nge.


Mittui nen chuan min en kar, za vak lo hian ka ṭhensak a, "mu tawh rawh, a tlai tawh hi," ti nawn leh chuan inherin kan nupa room lam ka pansan ta nghal a.


Kan room ka luh dâwn thleng chuan min en zui tih ka hre thei, min haw ru khawp ang. Tin, ka ṭawngkam chaltlai zia ka hre bawk, ka lei ka veng hneh ta nang lo a ni mai.

.
..
..
.
Zankhua in chhin khat pawh ka chhing ta lo, zing khawvar hnuah ka lo chhing sek a ni ngei ang, "eng nge chu chu awmzia, court hun tur ansawn itih chu eng nge a awmzia?" Ka inperh tho nawlh.




Khum aṭanga chhuk rawk rawkin, ke hlap nena tlân chhuak chuan, "eng maw insawi?" Ka Nu mittui nena a ṭhutna lam chu ka pan.


"Rinte, engtin nge kan tih ang?" Ka nu chu a inhnit feih feih.


Zela chu a thaw halh, "tukkin khan Mail ka dawng a, September thla tawp emaw Oct. Tha tir lamah chauh court ah a inlan thei ang anti a nih chu," a tih chuan hrethiam lo zetin ka en hau.


Ka hmel landan ah a thusawi ka hrethiam lo deuhin a hria a ni ngei ang, "attemted murder case-a ankal chuan a serious viau mai a; Mahse, hetia court hun an postpone tir theih dan ni a ka rin chu, kut tuartu damdawiin ah a awm emaw biak theih lova a awmin emaw a ni thei," a ti leh.


Lalawmpuia hi damdawiin ah a nu lul lo ang, a ṭha mah mah lutuk.



Mami rawn lut chu ka lo en, Zela ka en leh, "ka hrethiam e, U Puia ka lo be chhin dâwn nia," ka ti ta sep. Ka dinna hmun chep zia ka hmu chiang tulh tulh a, duhthlan tur ka neih loh zia ka hmufiah tulh tulh bawk.

Ka Nu mit aṭanga mittui chhuak ka hmuh phei chuan minti nâ in, ka kawng zawh duh loh ber leh ka nuna a vawikhatnan tlawm zawk ka nih a ṭul tih min hriat tir bawk.

.
.
.
.

"Khawnge kal i tum a Rinte," naupang school kal tur anchhuah ruala chhuah ka tum ve chu ka Nu in mi lo zawt vat.


"U Puia chu ka han bia ang chu ka ti," a rawn ding ve.



"In a lo nghah tawp pawh a ni thei lo, ka zui ang che, i Nu leh Pa te nen pawh inbia ila, an rilru an thlak maithei a sin," a ti zui niah niah.


"Nu, keimahin ka han kal zawk ang e," Mami, chaw ei lai aṭanga ngawi ngal mai chu ka melh zauh, "statements diktak pe duh leh pe thei awm sela hetiang hi kan tawng lo ang maw le," ka ti lui ta hrâm chu min rawn en in a meng kalh nawk nawk nghal.


Ka Nu hmaizah viau ṭhin mah ila, ka rilru tawt leh thawpik lutuk hi Mami lakah a läwm lo zual ni ber te in ka hria a, insun hi har ka ti ṭhin, ka tum miah lohin ka lei hi ka veng hneh leh ṭhin law.
.
.
.
.

"Ka pa a awm em?" Nu Hma-i inchung lam a hawi a, "vairengte buaina lamah kal antum a, an insiamin ka hria. I vahan cher em em ve nang hi, nau i pai em ni?" Ka kut a rawn hum zui.


Nui chungin, "pai ila ka tih zia hi," ka nui zui, ka ti tak tak bawk, ka nau la pai lo hmanrua a hmang a, amsawi sek te hi ka kham lutuk.


"I kut lah chu a vawt rapthlak bawk si, i dam meuh maw? I pasal chhungte an ṭha lo em ni?" Ka nuih sen sen, he inchhung a thinlung zawng zawnga min ngaihtuah ṭhintu chu Nu Hmai chiah hi a ni ṭhin a, a la ni reng bawk a nih hi.



"Tunge ka chungah ṭha lo ngam ang ni," a nui zui hak, ka kut a vawnna chu beng thak thakin, "i cher deuh riau in ka hria a; Mahse, i hlim tih ka hrethei a lawm," a ti zui sep.


Ka pa inchung kailawn aṭanga a rawn chhuk takah chuan min thlah a, "inhau lo in aw Rinte," a ti zui leh sep. Ka naupanlai khan Nu Hmai hi ka Nu nise tih kha ka'n awt ṭhin khawp a, tunah pawh ka la awt reng chu a nih hi!



"Eng nge ka inchhungah i rawn tih dâwn?" A lam ka pan hnai.


Hnehtu inti taka nui chungin, "i rilru i thlak tih ka hria e," tiin, "min rawn zui rawh," a ti leh. Ka pa a ni miau alawm le!



"Ṭhu rawh," a lehkha chhiarna room kan luh rualin, chair ah a ṭhu thla a, a hmelah chuan hnehtu intihna leh hneh theih a ni lo tih chu chiang takin a lang thei.


"Sawi rawh, eng maw i duh a, i duhdan taka i chhuahsan tawh inchhunga i ke i rawn chheh leh ni?" A mitmeng leh nui hmel zawng zawng nen chuan ka luak mai dâwn. Ti em em hian ka Pa hmel hi a lo chhia a ni maw?


"Heti em em hian i hmel hi a lo chhia a ni maw?" A ṭhu ngil nghal awt.


"Lalrinmawi..." A ti zui khur. Hmelchhia tih chu a haw ve tho a nih dâwn hi.


Chair hnung ngheng datin ka ṭhu zui a, kan in en ran bawk. Pafa inbe tur hi kan ang lo hrim hrim, insual tur, in nghir dun ngur ngur hi kan ang ber.



"Engvanga ka pasal hi ṭhen tura min duh nge inih? Ni lo, engvanga Freddy-a nei tura min duh nge i nih?" Ka en kalh.


A kiu pahnih chu dawhkanah a nghat a, a kut suih zawmin, "engvangin nge ka hrilh ang che ni?" A hmela hnehtu a intihna hian ka chapona a ti chhia.


Ngeiawm lam lek leka ner zui nawkin, "inrem siamna min neih pui dâwn chuan a chhan ka hriat a ngai a ni lo'm ni? Hlawkna awm lohna ah hetiang hian i che tenawm dâwn lo tih ka hria alawm," Ka ti ve ngat.


Nui hukin, chair hnung chu a ngheng dawt a, a kut ṭang sai chunga min kawkin a chek zui tlak tlak bawk a, "ka fate zingah chuan i fingin, min chhun ber tih ka hria alawm. Hringnun hi investment company pakhat ang a ni tih i hre chiang ber e," a nui hawk hawk.



"Ka hnung zuiin politics ah hian lut ve ni la, kan pafa in mi ropui tak kan ni thei maw le. I U Puia hi chu fing ve ṭhin mah se i thluak erawh a la pha chuang law," a bek chu a kut chalin a tuk karh karh a, "i lu ûm-ah khan ka thisen diktak a awm tlat a tin ni. Â viau mah la, i thluak erawh keimah ang chiah. A ṭha lutuk mah mah," a nui huah huah. Ka lo meng kalh ralh.



"Ka finna ah i tel lo ve; eng chiah nge i duh," a in fak lutuk chu a tihdan ṭhin tih hre mah ila a ninawm ṭhin.


La nui huah huah chungin, "i sawidik, hlawkna awm lohna ah engvangin nge khatiang mihring hnuai hnung lutuk ka hman duh ang ni," a ner zui sawk, ruh lutukin ka lo inhum ruh nghal vak.


"Hnuaihnung itih kha i makpa a nih kha," kha lutuk hian ka lo ti let, Putara tel tawhna ah hi chuan thunun theih ka ni lo ṭhin reng a ni.


"A ni lo vat dâwn a ni lo'm ni?" A nui vur vur.


"Eng maw a chhan chu?"


"Ka fanu, engdang nge ni a i rinni? Case nei lai ka ni ve tih i theihnghilh em ni?" Fing inti zet hian min en a. Ka lo nersawk.


Engtin nge ka theihnghilh theih ni? Nikum kum tawp lam khan, CBI lamin an man a, fiahna mumal a awm loh avangin case kha khar lailawk niin, kumtir lamah chhuizui tura tih leh kha a nia. Ka theihnghilh leh chu Freddy Pa hi ED Chief (enforcement Directorate) a ni tih hi.



Mawl inti zet chuan ka nui hul hak. Engtin nge ka ngaihtuah chhuah loh theih zawk?


Kawngkhar a rawn in kik rualin, "Pa an nghak reng che a nia. Intlai mai dâwn," U Puia aw ka hre zui.


Ka hnunglam chu ka hawi a, ka ner khum nawk, a mitmeng kimki dekah chuan ka lakah a inthiam lo ve deuh a ni mah nâ!


Ni e, inthiam lo tur chu a ni alawm, dawt hmang ngatin ka pasal jail ah a khung a, chumai piah lamah court hun ansawn tir bawk a nia. Rapthlak hian!


"I thluak ṭha tak kha hmang ang che ka fanu," Nui ṭhû chunga tho chhuakin a chair a nawr sawn a, ka lam a rawn an chu lo ding ve zatin, "ka pasal leh a chhungte lakah buaina i siam tawh lo ang tih engtin nge ka rin ang che," a ding dat.


"Ka thusawi ka tih loh a awm tawh em ni? Hlawkna tur kan nei ve ve. Ka neih lohna hmunah ka kut ka tibal ngai lo. A ni lo'm ni?"


"A nih chuan case drop ula, ka pasal him dam takin a rawn chhuak tur a ni. A hnu leh a awm tur a ni lo bawk. A chiang em?"


A nui huk huk, "tehreng mai. I fing tih ka hria in, ka thusawi angin i awm ngei dâwn tih ka hria alawm."


"I tana ti ka ni hauh lo, ka mipa hmangaih tana ti ka ni. I theihnghilh em ni, hlawkna tël ka duh mai chauh a ni tih hi," ka ti let nghat.


A la nui reng, a hmel nung ta sarh mai chu thup buai lah a tum lo nasa.


Minti lui zawk emaw ni?


Ka darah a kut a rawn nghat dat, "hmangaihna," a nui zui huk, a kut chu ka lo hai thla vat a, nui leh sukin a rawn beng lui leh thak thak, "hmangaihna atthlak zia leh ṭangkai loh zia te, hmangaihna aiin thil tih theihna, Power pawimawh zia i hriat hunah tuna i thusawi te hi ila nuih zui ngei ang. Freddy-a i neih hi ka tan chuah ni lo. I tan, kan chhungkaw tana pheichham man ang i ni tih hre ta che. Mizoram mipui chungah i lêng dâwn a sin. Chu mai ni lo, India ramah lah mite zahkai tur ni bawk. I tan vek a nih hi," a ti sur sur.


Nghet taka ka kut humin, ka ner sawk a, a kut chu dah thlak sak nghatin, "engtik thleng nge chu thu chu i sawi theih kan hre dâwn alawm," tih leh ka U ding ve reng chu ka melh.



"Natuk dar 10 hma ngeiin ka pasal hi an inah a rawn let tur a ni. Tin, a hmingchhiatna zawng zawng a bo, a bâng awm lovin Mizoram mipui hmaah ngaihdam dil ang che. I hrethiam em? Ka pasal kalsan erawh min nawr a ngai lo ang, hun ka tih hunah he inchhung, hremhmunah hian ka ke ngeiin ka rawn pen lut leh ang," ti duahin ka sawi zo chu ka thaw chhuak nghal ham ham.


Ka Pa mitmeng inthlak nghal rawk rawk leh, hriam ta hrakah chuan Putara ka ṭhen hun tur ka sawi loh avangin a lungawi lo nasa tih ka hria; Mahse, min mamawh a, engmah erawh a sawi zawm ta lo thung.


Ring tung vahin ka Pa lehkha chhiarna room chu ka chhuahsan a, "ka tihpalh. Chuan ka lawm e," kailawn ah chuan ka ding dat. Ka sira ka U rawn ding chu mitmeng vawt ruih maia en in ka ner deuh nawk bawk a, "i tan emaw i hmeichhe hmangaih emaw, i fate tán a ti ka ni lo. Chutiang ti turin ka thianghlim hek lo, ka pasal tana ti chauh ka ni. A chiang em?" Ti leh fak fakin ka pen thla nghal hlawk hlawk.


An mahni vanga he thuthlukna hi ka siam emaw anti a nih chuan anti sual let der ang, Putara leh ka Nu lainat lo ila, 1inch pawhin ka dinna sawh sawn ka tum bau lo tih hi hre tawp rawh se.


Ni e, ka pasal tel tawhna hi chu ka chak lohna a ni fo rêng a sin. A na tuar lai leh rilru hreawm lai hmuh ka thei ve lo a tinni. Chutiang bawkin kei leh a farnu inkara ding turin ka duh hek lo. A than hringnun hremhmun a ni dâwn si a.


Nunpari (Mami) sawi ang khan, ka pasal, ka tan chauha Putara hian engtikah mah min thlah ngai dâwn lo tih ka hria; chutiang bawkin, engtikah mah a farnu in sawn fa a pai tlang avangin amah leh amah a in ngaidam ngai dawn lo tihnen.


Rilru hreawm leh, a farnu laka mahni inthiam lo kumkhuaa a nun a hman ka duh loh vang chauh a ti ka ni.


Ka pasal hian hlimna leh hmangaihna, mitin hnen aṭanga zahna leh thinlung diktak nei a phu em em si a.


<><><><><>


NOTE: Tunkar chho chu ka chawl zeuh zeuh a, min lo hrethiam hrâm rawh u. Tar ka enkawl bakah, a ṭul ṭul leh a awm awmah part time hna ka thawk ve leh a, tunah phei chuan English class ka kalve leh bawk nen hun ka nei lo em em a; a bikin, Tuesday leh Thursday zan hi ka chawlh a ngai ṭhin tawhin ka ring a, min lo ngaidam hrâm dâwn nia.🙏💚ka lawm em em vek e. Rinni zan chu ka chawlh zan hrim hrim aw😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:02 pm

ZAWLAIDI
BY
Floria Laldansangi


Chapter < 21 >


RINTEI...POV



"Ka pi eng nge ila neih?" Ka hmaa tar ve tawh tak, ka Nu te ang rual tur êm phur a chawhmeh zuar chu ka ko ding a.


"Anṭam leh behlawi rah tlem a la awm. Hralh tham anni tawh lo êm mai nula," a ti zat. Kal hnaiin a êm chu ka en a, a vuaiin, a chhe ṭan tak tak. A hralh bâng anni tih a hriat reng.


"Ka lo la vek ang e," min en hau mai.


Ka nui a, "vawksa chhumah thlak a tui ber alawm," ka ti ve ringawt, vawksa pawh kan nei tawp si lo a.


Lawm tih hriat taka nui chungin, "a man zatve talin i la dawn nia," a ti leh.



Pawisa nawi ka ak mai lo nen ₹500 chu pe in, "a khaih! A va lian ve," a in dap zui rak rak chu, "min kir duh suh," ka pensawn vat.



"Nula, malsawmna tamtakin Pathianin vur let che rawh se," a rawn ti zui lang lang chu za vak lo hian ka nui a. Ka vawikhat thil tih ṭhat, ka tih ngai loh ka tih avanga min vur dâwn a nih chuan, kemah ni lovin, ka mipa hmangaih hi hlimna zawng zawng pe mawlh rawh se!
.
.
.



"I pa te chuan eng thu nge an lo sawi?" Ka chawhmeh lei haw chu dawhkan ka dah a.


Ka hawi kual, "Mami hi?" Ka chawhmeh lei rawn en pahin, "in checkup turin a kal a nih kha," a zawhna ka chhan loh chu a nghak tih a mitmeng ah ka hre thei.



"Naktukah a rawn chhuak ang," ka nui sen sen; Mahse, k chhungril erawh a khur ṭan titih dêr nia maw le.



Putara ka kalsan dâwn a ni tih ka ngaihtuah ruk ringawt pawhin ka lungphu zawn hi a na veng veng thei.



"I thusawi chu tak tak em ni Rinte? Dawt an hrilh lo che maw?" Ka Nu mit chu rin ngam lohna leh lawmna ni bawk si a in pawlh nghal nuk mai.



"A rawn chhuak tak tak ang tiraw?" A ti leh, a mittui a rawn hnâm zui ṭiam ṭiam.



Nui chungin ka bu nghat, "engkim a fel vek tawh ang," ka ti sep chu ka kut a rawn dawm vat a, "Rinte engtin nge lawmthu kan hrilh ang che. Awm lo ni la hengte hi a thleng dawn si lova, Pathian khian malsawmna vur mawlh mawlh che rawh se. Ka lawm e, ka lawm lutuk e," a mittui a far nghal kauh kauh.



Âwm chhung tawt ru tak avanga thaw lak sak ṭalhin, harsa ti zet chuan ka nui lui. Ti tak hian nuih hi a lo harsa thei ang tih rin ngaihna ka hre lo hrim hrim.


"Rinte, dik lo a awm em ni?" Ka chhan mai loh avangin a rawn ti tham leh ṭiak a, alam hawiin, a hmel nung ta sarh leh, mitmeng de ta sar sar chu en in ka nuih ta sen sen. Ni rei lo te chhung chauh mah nise, hetianga a mitmeng hahdam ka hmuh lohna hi hun rei tak ang mai alawm a nih.



"Awm lo ve. Lungngai tawh suh, ka Pa in min tiam tawh alawm, naktukah a rawn chhuak ngei ang tih," ka tih laiin, "Mami te..." A lo ti vat chu za vak lo hian ka ṭhensak a, "an inneih tur thu a sawi bawk kha," ka tih leh rualin a thaw chhuak zui ham ham. Hahdam ta suai hmel hi a pu nghal.



Lawmthu min hrilh leh mawlh mawlhin, "tihi chuan rilru damtê-in ka haw thei tawh ang. Hriata rawn chhuk a tum ve pawh ṭhulh sela a ṭha ang, sum a hek mai mai. Rinte, i Pa-in inpa ṭhen tur che chuan a ti lo ang che tiraw?"


Za vak lo hian ka lo nui leh a, chawhmeh ho chu a ṭawnna phelhin, "zanin ah kan ei nghal angaih hmel," ka ti ta vat a.


"A pawi lo ang," tiin, "Nu leh Pa te hi chu fate lakah kan chak tak tak thei lo a nia, thinrimin, han inhrosa ve ṭhin mah ila, a tlawm zawkah kan ṭang leh nge nge zel zawng a nih hi. Lalnunpari te hi haw viau mah ila, pa tel lova nau a pai leh tur erawh ka ngai ngam chuang miah lo," chawhmeh min tihfai pui chuan a ti leh siam siam.


Chutiang rilru chu ka Nu leh Pa te hian pu-in nei ve ṭhin sela, kan dinna aṭangin min thlir sak ve ṭhin sela ni tur!



"Kha, engtia ṭap chungte a in inrawn haw?" Choka aṭang chuan ka hawi. Gabrielle-i a rawn ṭap lut uah uah.


"Api, apa hi apa a ni lo ami?" Uar lutuk hian a ṭap zui.



Ka chawhmeh chawhlai chu chawlin an lam ka hawi a. Mathew-a pawhin mittui tlingpam in a Pi chhanna a lo nghak ve bawk.


"Tusawi nge i hriat a?" U Puia leh Mami anrawn inzui lut ve bawk.


"Thudik ka hrilh a nih kha," Mami chu mak ti zetin ka en he haw.


"Naupang mai a la nih hi Lalnunpar..." Ka nu chuan a ti ṭhat.


"Ka sawitum pawh a ni lo, U Puia nen kan inbe lai a rawn hria alawm."

"Api tak tak ami? Anih keiteh apa fa ka ni ve em?" Mathew-an a lo ti ve bawk.


An unau chuan khawngaih deuh hian ka lo en ringawt a, "ni e, i pa fate ve ve inni. Bang tawh rawh," Gabby-i chu a kuah a, Gabby-i lah chu a chhuak laklawh nge ni, ring tak hian a ṭap chhuak uah uah.


Mathew-a lah a nau ṭap a hmu chu a mittui a lo hru zui ve zauh zauh bawk a.


"Eng nge i rawn tih dawn a?" Ka U ding chu ka melh ran.


"Zanriah a rawn ei thei ang tiraw?" Mami chu ka thlek deuh haw.



"Kan chhum kep lo," ka Nu in min rawn melh zauhin a lo ti hlak.


"Nu, man inhlan hun tur te sawipui a duh che alawm," Mami'in a lo ti vat.


"Ei rawh se. Mathew i nau nen khan inthlak ula, inbual faiin lehkha zir rawh u," inherin ka chawhmeh siam lai ka chhunzawm lehnghal. Eng nge sawi theih ka neih chuan, thu ka tiam tawh a, he In chhung hi rei lo teah ka chhuahsan dâwn tih an hre ve ve tawh tlat alawm.

.
.

.

"Ka Pi, man inhlan hun hi, Mc-a rawn chhuah veleh tih ka duh a," U Puia'n a ti sup.



"Nu chaw ei lai aṭangin engmah ila sawi lo a nia," Mami'in a lo ti ve bawk a.




Ka Nu nen chaw ei lai aṭangin ṭawngkam khat pawh kan chhak chhuak lo.

An mitmeng ah chuan ka lakah inthlahrung an ang ṭhin; Mahse, an che zia erawhin an mitmeng a phatsan daih thung, 'kâ chu a daw thei, mitmeng erawh a daw thei lo,' antih te chu tih ve mai mai a ni e!


Mitmeng thlenga lemchang thiam leh daw thei hi an tam lutuk mah mah.


"A man sawipui che ka tum reng reng hleinem," ka Nu chuan a ti ta daih mai.


Kan en vat hlawm, bible chu khupin, a tarmit chu a la thla a, "Lalnunpari nena in chungchangah hian inrawlh ka tum reng reng lo, a ṭul a nih leh a U rawn chhuah hunah, a U te nupa nen insawi ho dâwn nia. Rinte inpa nen inpeih leh buaipui ula, inpeih loh leh amahin inbuaipui rawh se," ka lam a rawn hawi.



Naupang lehkha zirna bula ṭhu ka nih avangin an lam chu ka hawi ve a, ka U leh Mami chuan min en ran.



"Man sawi i duh a nih chuan palai pangai takin i rawn tir tur a ni lo'm ni?"



Ka U chuan min en run, ka rintawk vel a ni, ka Pa hian palai pangai tirin inneih pangaiin a inneih tir dâwn lul lo.


"Kanpa te pawh rawn chhuak phawt sela, tih dan dan a awm mai ang," tihsan lehin za vak lo hian ka nui ru zui sak, ka ngeiawm chu anti ve khawp ang.
.
.
.
.
Zankhua in ka chhing leh ta miah lo, ka ngaihtuahna kawmin zinglam dar 5 pelh thleng ka meng leh ta.


Ka rilru a lianber erawh, Putara hi ka ṭhen a nih chuan min haw ngeiin ka ring a, chu chuan hlauhna in ka kawchhung a tum leh ṭhin.



Ka hmai tlâng rawn zût riak riak tu chu tunge a nih tih meng miah lo pawhin ka hre thei. Ka nui zui sen sen a.



A inbual fai tawh tih hriat takin, a rimtui hman pa hrak maiin thluak thlengin a verh nghal zar bawk.


Nui ri sukin ka hnarah a rawn fawp a, ka chalah fawp zuiin, ka hmuiah a fawp leh zauh, la meng miah lova nui sen senin, ka inher rem a, zi mar zui ar arin, "engtikin nge i rawn chhuah?" Ka meng zui diar diar.


Ka pasal hmelṭha tak mai, hmeichhia te zawng zawng duhthusam pian leh hmel, mizia neikim khawpa famkim chu ka nuih ta var var.



Ka chungah a sam la huh deuh chap chunga rawn bawkin, "ka nupui hian min ngai ve vak lo niin alang?" A aw ah chuan läwm lohna ka hre thei.

Nui awr awr chunga a nghawng ah ka kut suih zawmin, "i rawn chhuak dâwn tih ka hre sa alawm. Bakah, ka rin aiin i rawn chhuak hma a," sana ka melh zui zauh. Ka meng zui kawk.


"Tho teh...." Thawh tuma namsawn ka tum chu ka kut pahnih ka lu lamah theh chho in, ka bânrekah a hmer khawm hmiah a, "vawiin hian khum aṭangin i tho chhuak dâwn lo tih hre tawp rawh," zawi sup leh mitmeng awmze nei zetin a ti nghet bur nghal.


Ka lo nui hak, mitmeng de sawt sawta en letin, "midang..." Ka ti chiah ka chalah a rawn fawp a, ka biangah fawpin, ka hnarah a fawp kual zui dan dan a, ka nui zui ar ar.


"Ka Nu Biak in ah a kal, naupang chu i hriat kha," ti leh supin ka hmuiah arawn fawp leh zauh a.


Ka chal lo ti chuar vakin, "hâ ka la nawt lo....." Ka sawi zo leh hman ta lo, ka hmui chu a rawn chilh leh hmiah, duh thawh takin, kum tamtak inhmu tawh lo, lungchim taka infawp ang maia min fawp zui ngawng ngawng chuan, ka kut a hmerbeh chu thlah riai riaiin, ka pajamas hak chhungah chuan a kut hrawl tak mai chu a zen lut nghal rawk rawk a.


A tihtur leh a duh, ka nghahhlelh tak ni bawk, ka pasal min sawngbawl ṭhinna dawngsawng turin ka lo insiam rem ve sat sat.



"Chaw ei tir min tum lo em ni?" Thaw ham hamin ka ti chhuak, mawi zet hian a nui suk a, "ka ei hmasa phawt dâwn che," rilruih maia tih leh ka kawr hak chu hlim pawkin, ka hnute, ka pasal mamawhna avanga mar ṭha tak leh kawh lah mai chu a hap nghal bawrh bawrh.


Kei lahin ka haw lo nasa mai bawk a, ka taksa za chuai chuai awm ngaihna hre lo, ka hmeichhiatna rawn tui ta ṭiam ṭiam leh ṭang mar ta ṭang nen chuan ka thle tawn leh ta sek a. Lei vanram, angel tena an fan ve theih hlek loh fang turin kan in chulin, kan mamawh ioek tumin chhunglam thlengin a inpuahchah leh ta.


Ka pasal che zia, hmanhmawh takin a an ber chu, sakeibaknei ril ṭam hi a ang ber. Keipawh ka dang chuang miah lo, ka pasalin hmangaihna leh duh thawh tak mai, min dim tum tak, dim hleithei si lova min khawih velna chu ka taksa hian a lo dawngsawng ṭha mah mah. Ka rin phakbakin kei hian ka pasal hi ka lo mamawh a ni tih ka hre chhuak uar uar bawk.



Chaw lama ril ṭam tak ni lo ve ve; Mahse, inmamawh tawn taka ṭám chhawl tur ang maia duham a hmangaihna chên dunin, ka pasal min khawihna leh, hmangaihna tuipuia ka pil pui vawng vawng theihlai chu âm takin, a lehpek tur awm tawh dâwn lo tih hre reng chung chuan ka chenâm ta ngei a.



Thlan hluam maia ka pasal sira let tawp chuan, alamah min pawt hnaiin a âwmah ka bei zui chial bawk, a lungphu ri dup dup leh thaw ri hraih hraih chu, thaw chhuak ve ham hamin ka ngaithla veng veng.


"A ropui lutuk," lungawi hliah hliah tih hriat tak hian a rawn ti chhuak hap, ka nui zui sen sen a, ka kut phah thlan dap maia ka pasal taksa inphiar fat mai chu zût dan danin, "vawiin chu lêng dun ang hmiang. I chauh viau loh chuan," ka dak chho.


A nui nghawr dawt, a nuih ruala ka taksa nghawr ve dawt chuan min fan rawih rawih thei.


Ka khabe ah dawmin ka hmui chu a tuai zauh a, "khawiah nge lên i duh?" Ka nui sen sen.


Ka lu chu a bânah dahin a inher zui a, ka hmui hmet kau tiar a fawp zauhin, "i ril a ṭam em?" A ti zui sup.


Ka lu ti che zeuha a hmai tla ta duk mai chulin, "pawnah kan ei dâwn em niang, chawhnu a ni tawh tho a," a nui ri leh huk, a nui ri te, a mi khawihna te, a mitmeng a min ngaihsakna leh dimdawihna te hi ka ngai dâwnin, engtikah nge ka kuah a, a thlazar hnuaiah hetiang hian thlamuang leh ngaihtuah dang nei lova ka awm leh theih ang. Emaw, kumkhua pawhin ka thei tawh lo maithei a sin.



"Ka thusawi i ngaithla miah lo," a ti bul nghut, ka melh vat.


Ka nuih zui var var a, inbeng kângin a chal ti chuar tap chuan, a mit a ti zim zui sän a, "i Pa lakah engthu nge i tiam?" Ka thaw ka hîp let nghal kawkin ka hria.


Nui luih ngial ka tum a, a mitmu dum fiah tak mai, fing tak mai chuan min en kalh avangin ka hlawhchham ṭhak thung, ka ner lui thei ṭawk a ni.


"Engthu mah ka tiam lo," a hnar a lo tum ri dat. Ka thusawi a awih loh zia alang reng.


A ruka thaw chhuak ham hamin, ka nui ta var var a, "sana min leisak thei angem? Zanin dinner ka treat ang che," a thaw hak, a zawhna hel ka tum tih a hrethiam nâ-in min zawh luih erawh a tum lo thung.


A ṭhu chhuak a, "eng ang nge i duh?" Min rawn melh, "tuna taka sana te i duh a," a tih zawm sup.


Nui chunga tho chhuakin, ka pasal zial ṭan chu a hnunglam, a dar pharh hlai ṭha tak mai, ennawm tlingpha hial chu kuah nghal chialin, ka bei zui hle hle a, "Bawihi, ka lakah thuzep i neih chuan, ka hriat chhuah hma in sawi ang che, ka thin a rim dâwn a nia," a ṭawng zawnga a taksa che dat dat chuan ka kawchhung rum ru veng veng hi a chhun na veng vengin ka hre bawk.


Ka thinlung a inpuah chah a, ka thinlung hian a hlat a ngai tih ka hria, hlat ṭan ka tum alawm.

Mahse........


"Bawihi..." Rawn inher a tum chu ka kuah nghet sauh.


"Ka ngai che alawm, rei lo te tihian min awmtir rawh," ka mittui a rawn hnâm ṭiam ṭiam.

"Sana ka duh chhan chu maw?" Ka hrawk tawt ta tlat chuan ka aw chhuak a ti thâwp sâp.


A ngawi ngal a, mi â ang maia a hnunga bei chunga nui zui vur vurin, "ka en a piangin kan hun hman dan te ka hre chhuakin, i bulah chuan hun kal chak zia ka hriat reng theihnan," ka ṭah chhuak chu mit ka chhing zui vang vang a.



"I ṭha miah lo," rawn inher a tum leh, "Putar. Lalduhawm, duh loh laiber pawha ka tana Lalduhawma ni reng hi ka hmangaih tih i hria tiraw?" Ka mittui ka dang zo ta lo, ka insum theihna bang te chu, Lalduhawma hming chuan a su chhe hneh lutuk mah mah.



"Hrep a!" A rawn inher vut, phun hlukin, "nâ inei em ni? Min enteh, min enteh," ka biang tawn tawnah a rawn chelh.


Dimtaka ka mittui chu fawpin, "i mittui tla ka hmu thei lo. Ka haw hle bawk," a ti bul leh nghut a, ding kiai suk hian, "eng nge i ngaihtuah ka hre lo mah se Siakmawi, keipawhin Lalrinmawii, a ṭah hmelchhiat leh zahtheih loh em em lai, a mawi miah loh lai pawh khan ka hmangaih em em a ni," a tawp dat a, ka mittui bawk fawp hul lehin, "ka rin phakbakin ka hmangaih tawh che," nghet charha ti leh supin ka hnar chu a tawk leh zauh a.



Ka mittui a ai nasa in a rawn luang zui zawih zawih, alamah min pawtin, kan taksa ruak kâng mai chu in remthlap a, in charbet chial chuan, ka pasal, naktuk khau avar meuh chuan, thinlungin ala vawnbeh tlat ni si a, pasal tih hnunga 'hlui' tih thumal ka hman ngai tawh tur chu kuah vawng vawngin ka ṭap khur zui dar dar.



Naktuk aṭang chuan, engkim mai hi a dang ang a. Min hmangaihtu mit aṭangin HUATNA ka hmu maithei bawk. Chu erawh ka tuar zo ngut ang emaw chu?


Tin......


Thinlungin a la beisei leh vawnbeh tlat, mitmeng leh che ziain a tlan chhiatsan ngai tawh tur si hmangaihna hi, kumkhua in, pial lei ni si lo, thinlung hmun vawt lai bera phumbo a, a lumna la pawh veng veng si a hriat reng ni tawh turin ke ka pen a ngai dâwn em ni? Ka theih meuh angem?


Thinlungah zawhna tam tak awm siin, mitmeiin hêl a, nui hmela ka thup a ngai tawh dawn si a.



Ka banphak maia awm tur, a taksa aṭanga lumna chhuak pawhin a min la ur veng veng theih khawpa ka hnaih, hmul thi ding sur sur pawhina a dai de de phak mah se, a tak ram ka thlenpui ngam tawh loh tur leh, thlen theih ni dawn ta miah si lo ka hmangaih chu, a tawpnan ka kuah vawng vawng a, a rimtui tak te chu ka hnara kumkhuaa a châm theihnan ka hip leh veng veng ṭhin.


"I ṭha tawh em?" Aw damdup mai, hriat nuam taka rawn tiin, a inla hrang hlek a, ka biang bawk chu a dawm leh, thinlung rum ru vawng vawng leh thîp vawng vawngin ka nui lui leh ta sen sen ṭhin.



Ka hmelah nui hmel leh 'ka ṭha' a ni tihlan ka tum hram hramna chuan ka biang a ti ṭengin, a ti kham ut ut ta mai. Ka hrawk te chu rehbeh ang maiin a na kham ta ut ut nia maw le!


Mahse, ka pasal mit aṭanga min hmangaihna leh min ngaihtuahna lang chhuak chuan 'ṭhat der' pawh chu a ti hlu em em tho si!


<><><>~>~>




NOTE : Nizana ka sawi tawh angin, naktuk zan ka chawlh a ngai aw, hna bakah chawhnu ah class ka nei a🥰😘ka läwm vek e.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:02 pm

ZAWLAIDI

BY

Floria Laldansangi


Chapter < 22 >

RINTEI...POV



"I ṭha tawh em?" A ti nawn leh sup, a ṭhut dan siam remin, "lo kal teh," ti zui lehin a malah min hlang nalh a, naute ang maia min kuah ta hlu hlu chu, ka ṭah nuih zui ta hak hak.



Kan taksa ah engmah la inbel lo na nâ nâ chu, a in nawk zui chial a, a awm in phiar khauh tak maiah ka kut nghatin, ani pawhinmin chul dân a thlak leh ta riai riai bawk a!


Ka pasal thisen rang takin a lum lehnghal tih, a mipatna rawn tho zui ṭiam ṭiam leh min do nghal at ah chuan ka hre thei. Keipawh ka dang leh ta chuang miah lo, engtiklai mai pawha ka lo in peih at zel chu thil mak ve tak a tling pha.


Sex ah hian ka sän em em ka hre miah lo; Mahse, ka pasal tawh vëlna leh khawihvêl a piang maia ka lo inpeih at thei zel mai hi a awihawmloh mah mah zawk. Nupa tin hi anni vek ang chu maw?


Ka khel tawn tawna chelhin zo tak mai chuan alam hawiin min chawi a, a tan chuan lukham dahsawn ang lek ka ang mah mah zawk. Rit ti hmel pawh a pu ngai hek lo.


A lam hawiin ka bawp chu ka kak a, a ke lo thluangin, a mipatna tho at maiah chuan ka ṭhut tlum leh ta chawih mai! Kan thaw chhuak dun zui ham ham a.


Ka pasal dar pharh hlai ṭha tak mai, thau chhia awm miah lo, tihrâwl mar ṭha tak chuan chelhin, ka khup khumah nghatin, kan vawikhatna a ni lo tih hriat tak ve vejn ka khelh tawn tawna chelhin, ka hmeichhia naa a mipatna lut sa ham tawh chung chuan ka lo insiam rem ve nghal sat sat

Mawi lutuk hian min rawn nuih suk a, ka hmuia fawp zui vang vangin, "ka kham thei ngai dâwn lo che a nih hi," ril thuk ruih maia ti zawi supin, min fawp leh zauh a, ka hmui hnuailam petfan zauha nui nghawr datin, a mipatna chu min ṭhut tir nghal pawk pawk bawk!



Ka pasal thaw chhuak ham ham leh, a khat tawka ka hnute fawn lawh lawh, duh thawh taka fawp leh nawk nawk ṭhin chu, ka taksaa nuam tihna avanga a rum chhuak dar dar chuan ka chhang let ve sar sar a.

A tukkhum samah ah ka kut ṭang rawlh lutin, ka ṭham ngawng ngawng bawk.

Kei pawhin engtikah mah ka kham ngai loh tur, engtiklai mai pawha a taksa deh phaka awm ka duh, ka thinlunga ka khungbeh tlat tawh tur ni si ka pasal hming chu ka lam chhuak nawk nawk bawk a.


A vawrtawp kan thlen dâwn a, nawmna nasa takin min tuam dun a, ka mawngtam ṭham salh salh paha, "ka hmangaih che," a tih chhuah hraih chuan ka ṭah nuih hak, taksa nawmna a tuam khahin ka awm a; Mahse, ka chhungril erawh, chu a aw chhuak thinrim vang ni si lova mar ṭha tak leh thumal chhah chhuah, tawi tak awmze thûk tak nei si chuan lawmna karah, chem hriam tak ang maiin min at tel tlat ang lawi si!



"Ka hmangaih che Putar......" Ti chhuak raih raihin, a nghawngah kuahin, ka thaw chhuak nghal kawk kawk a, nui nghawr leh dat a, min pawm nawlhin, khum aṭanga min chhukpui chu, "hey.....!" A darah ka chum dat, ka en nghal kawk, ding datin, a nui leh suk. Hmelṭhat lutuk hi sim teh se.



A mit a tih zîmsan a, nuih insum tak chunga a hmui hnuailam a seh zauh phei hi chuan lungphu hi pangai tak pawhin a phu thei tawh ṭhin law.


"Khawnge min kalpui i tum," ka pasal mitmeng de sawt sawt, makti zeta en chunga ka tih chuan a ding kiai suk a, kawngkhar lama thle bakin, "kan inbual ang, zanriah min treat dâwn a ni lo'm ni?" A nui zui leh suk suk.

A nghawng a ka kut suihbet vatin, a khela kherhbet chunga ka taksa ruak vek mai melh thla zawkin, "ti hian min chhuahpui i tum tih sawi miah suh," room-ah a hranin bathroom kan neih loh mai bakah choka lamah daih kal a ngai bawk!


A hnar a tum dat a, ka dar ruak kâng mai chu fawp zauhin, "ka nupui ka phelh ruah dawnin a himna ka ngaihtuah loh i ring em ni?"


Kawngkhar lam ka melh, ka nui ta sen sen a, a ai ngheta kuah sauh sauh chuan, a tukkhum sam ṭham salh a, a nghawng a seh zui vak chuan, "inbual ang!!!" Phur tawkin ka ti chhuak, a nui zui hawk hawk. A nui ri leh tkasa che vel chuan min fan rawih rawih thei.


Hetiang hian, tuna kan nuih ang hian harh tawh lo thei ila ka ti ngawih ngawih!



Kan bathroom, ka Nu leh Pa te in ang a lian leh bathroom mahni room a awm ang ni lo, shower leh bathtub pawh awm miah lo, toilet nen a in hnaih tak mai, No hmanga inleih ngai bathroom ngei mai;

Mahse, ka tana he inchhung vanram tluk, bathroom lian tak ngaina ber ṭhin pawhin vawikhat pawh ka la phunkhum ngai loh, sawiselna ka hriat miah loh zawk, hlimtaka ka inbual fo na ṭhinah chuan min luhpui a, kan nupaa tui a inleih in, bathtub a inchiah dunna awm miah lo ah pawh vawi tam hmangaihna chendun in, he bathroom tereuh te, chhungkaw members tin maiin kan inhman ṭawmah pawh hian nunhlimna tamtak, mite bulah sawi ila, "â" nih ka hlawhna ngei turah ka pasal taksa chu âm taka chulin, duat taka min khawih velna pawh mahni hmasial takin ka lo dawngsawng leh ta sarh sarh reng mai!


Ni e, ka taksa hian "kham leh nin" tih a nei dâwn lova; Mahse, ka ka thlakhlelh em em mihring leh taksa, ka ta chauh ni kumkhua se ka tih, ka hmangaih em em hi darkar rei lo teah chuan "ka ta" ni ṭhin kha, "hlui" tia ka zui tir a ngai tlat tawh si a.

Chu ka ngaihtuahna ringawt pawh chuan thu pawh tling lo; Mahse, chem hriam tak ang maiin min at nawn fo si!
.
..
.
.

"Kha kha hak i tum em ni?" Min en tlang a tum emaw tih mai tura uluk taka min en chunga a tih bulh nghut chuan ka sam tawm tum, vuanbet chung chuan ka in bih zauh, ka sam tawm ṭha pahin, "tinge? Dik lo a awm em ni?" A thaw ri zui hraih.


A rilru ka hriat avangin ka nui chhuak ta hak, a hma pawhin "paih rawh" a tih tawh tak kha maw.

Ka pasal chhe lo em em mai, t-shirt var plain thianghlim lutuk leh, a cotton jean hak leh Vans pheikhawk a bun chu a inrem thlap a. Diktak chuan thingtlang pathlawi tih a ni tih hi a hriat loh hrim hrim. Hmmmm, tlangval virgin pawhin an tluk teuh lo!


"Khatia chhuah kha i tum tak tak lo tiraw?" A rawn tih leh nghut takah chuan ka harh deuh zawk. A aw ri chu min zawt pawh a ang lo, "paih rawh" a tihna ang bel a ni.


Nui var varin a kawngah chuan ka kut ka rawlh kut a, suih zawmin, dak chho heu chung chuan, "a nalh ka ti viau a sin," ka ti lui duh ve hrim hrim.



A hnar a tum dat, "paih rawh ka tih tawh kha," a aw thikthu chhiatna leh a mitmeng lawm lohna chuan a ti cute veiphian lehnghal!


Hetiang hian hmeichhe dang a en a ngem? Hetiang hian kei lo hmeichhe dang lakah a thikthu a ti chhia angem? Hmeichhe dang a tawng ang a, a hmangaih angem? Tih zawhna tam tak a rawn lut zui zut zut.


Ka ngaihtuahna avangin ka nui hmel a tawp riai riai, "eng nge i ngaihtuah?" Ka en chho leh vat.


"Hmeichhe dang khatiang khan i en angem?" Sawi ka tum lohnen! Ka lei leh ka thikthu chhiatna ka veng hman ta lo.

A nui nghawr dat a, ka kawngah rawn kuah letin, "eng nge hmeichhe dang chu?" Ka chalah a fawp zui zauh, lawm zet chuan ka nui hak, nghal reuh lutuk mai!


"Phelh rawh," Tih leh min kuahna phelhin, a pawt hlipa a thehsawn nghal daih, ka hnute hmur a nipple patch ka bel chu mit zîmsan a en in min rawn en thla leh run.


"Heihi eng nge?" A kut ṭangin ka hnute hmur a kawh vah bawk


A aw bul nghutah chuan mak tihna aiin lawm lohna a nasa zual zawk sauh.



"Hnute hmur lan lohna," ka nuih za lutuk bhu ka nui chhuak tak tak dâwn!

A thaw ri leh hraih a, inherin Adidas t-shirt var leh bra chu phawrhin, "ha rawh," tih leh min hak tir nawk nawk a, nui chungin ka pasal bra min hak tir a, min kuai vir leh t-shirt min hak tirna chu a khawih ang angin ka dawh mawl tawp.


Min hak tir zo chu ka kekawrah bilh lutin min thlek deuh vang vang, "ti kha chuan i taksa a lang tlang tawh lo," a ding kiai zui suk a, a mita lungawi na lang chhuak chu thup pawh a tum chuang law.


Ka kut ṭangah a kut ṭang hrawl leh lian tak mai rawn rawlhin nghet takin a chelh zui a, min rawn en a nui leh sukin room chu min chhuahsan pui nghal pawk pawk.


Kawngpui kan panlai te, taxi kan chuan lai pawha ka kut thlah miah lo tu ka pasal chu ka en leh ṭhin, ka hlim angzat chiahin a hlim tih ka hmu thei a. Mahse, he hmelṭha tak, nui hmel leh mitmeng de sar sar reng hi rei erawh keimah vangin a cham leh dâwn si lo.


Bazaar-pui thlaah inkai rial maia kan nupaa kan kal chu hmuhnawm ti taka min thlir zui lah antam. Ni e, a tam zawk chu hmeichhia anni!



Ka bula kal, inti neitu tak maia ka kut chelh tlat tu, a khat tawka min rawn en a, min hmangaihna thupbuai tum miah lo tih hriat taka min nuih leh suk ṭhintu hi enzui lo atan chuan a uiawm êm a sin!


"Dar 6 a ri dâwn, eng nge ei i duh?" Sana ka en kual laiin a rawn ti sup a.


Rang tawka alam hawiin, "KFC ei ang," a nui suk, ka hnar a tuk zauhin, "kan lei haw zawk dâwn em ni?" A fate a ngaihtuah tih ka hre reng, ka nui a, ka bu ta nghat, lo ngaihtuah tel zawk tur ka nia.


Kan chhuah tirh aṭangin ka pawisa hman min phal miau loh avangin dinner romantic ve tak pawh ka sawi ri ta lo law law.


"Duhzawng i nei tawh em?" A en ve nghal, darkar chanve dâwn lai chu ka en kual tawh, dawr dangah kal ang ka tih lahin a duh ṭhak lo, ka duh aiin an to lutuk mah mah.


Hmmm! Engtik aṭangin nge ka thil leitur aman ah te ka lo buai ṭan tak ni maw?


"Heihi," gold rawng tel fel et chu ka la a, dawr nghaktu nula in min rawn panin, "a tlawmber a nih kha, kha chiah kha a awm tawh hrim hrim a, ₹800 in la rawh u," a rawn tih chuan ka lo ṭhen zauh, ka duh aiin a to mah mah.



Ka dah let vat, Putara a lo nui suk a, sana chu la lehin, "kan lo la ang e," a ti sup bawk.


Ṭawng tuma ka kâ ka ang zui zuai chu ka kawngah hnehsawh lutuk maia a kut rawlh lutin alamah min pawt hnai hrawka, chiang zeta min rawn en chhukin, "pawisa pe tu tur ka ni," a ti zawi sup, inthiam lo ru viau mah ila, a tawpna tur a ni tho, ka haider lui mai ang.


Ka nui ta sen sen. Ka chhungrilah erawh to ka la ti fan, engtiangin nge sum a thawh chhuah a, nikhatah engzat rate in nge a thawh tih hriat a, hmuhpui vektu tan chuan hmansak chu thil awl tak a ni miah lo!
.
.
.
"Eng nge i ngaihtuah a?" Ka harh zawk.

"Engmah ka ngaihtuah lo."


A hnar a tum ri dat, "taxi chhung aṭangin i hmel adang tawh," a ti leh sup, a lawm hmel viau loh bawk, nuih tlawnin, ṭawng ka tum zuai, "Rinrin...." Ka hawi chho. U Puia hmel ka hmuh rualin min hmuh duh chhan ka hre nghal bawk.


"Putar lova lut rawh, ka U hi ka'n be lawk," min en deuh ren rawn.


"Ka ṭha" ka tih takah chua kan zanriah tur KFC lei haw chu khai lutin, inchhung ahchuan a lut a, U Puia dinna lam chu ka pan chho.


"Eng nge i duh?"

"Ka Pa call i chhang lova," ka lo nui hul hak, ka U lam chu ka melh chho ralh a, "thu ka tiam tawh a, ka ti ngei bawk ang, nangni min rawn nawr chhen a ngai lo. Zanin bak innghah a ngai lo ka tih kha," ka ti chang fak fak. U Puia chu a bu nghat nghat.


Inher a luhsan ka tum chu, "Mate...." Ka hawi let chuang lo.

"Lungngai suh, kawng dang ka zawnpui dâwn che nia. Mahse, tunah rih chuan inkalsan phawt a ngai tih i hriat kha," a aw chhuakah chuan inthiam lohna leh minpuih a duh tak tak na emaw a ri tel ve nia. Mahse, rinna pakhatmah ka nei tawh law.


Minpui duh tak tak nise heng a thlen hma hian hun tamtak a nei. Ka ring ngai lova, ka ring lo ngai hek lo, tunah erawh rinna pakhatmah ka nei lo thung!



"Dan ang thlapa nupui ineih theihnan nangmah chiah inbuaipui rawh," tih leh kawngkhar lam ka pan zui daih a, ka luh thleng chuan min en zui tih ka hre thei.


Inchhung ka luh ruala naupang nui ri awr awr te, an ei tur inchuh ri te, apa jail tâng chhuah hun an zawt leh ang nawk nawk te ka hriat rualin choka lam hawiin ka nui sak ṭalh.


Ka âwm zawn hi ana veng veng bawk, hetiang hlim aw ri te, hlim nui ri te hi engtikah nge ka hriat leh theih ang? Ka hrawk tawt ta tlat chu mit chhing sawkin boruak chu sak ṭalh maiin ka hîp lui a, ka thaw chhuak leh ham ham. Ka thaw thleng chuan a khur ru dar dar nia maw le!


Ka pasalin a fate a nuih hmel te, a fate avanga a hmel nung zual ta sarh te chu thikna lam a lang lo, mittui tla ṭeu chuan ka nuih ta sen sen.


Engtin nge he inchhung hi ka kalsan theih ang? Ka pasal, ka hmangaih em em saw engtin nge ka tih ang?


Ka theihnghilh ang nge, kan intawn leh hun tur ka nghak zawk dâwn? Mahse, a harsa lai ber chu engtia awmtur ngw ni lovin, hun ka nei tawh angem tih zawk a ni!


Ka ngaihtuahna avangin ka ṭah nuih hak, "nghah leh theihnghilh" chu chuan ka ṭah a ti chhuak zual. Ka hriat chhuah nghal chu, ka kalsan a nih chuan vawikhat pawh rawn hawilet a tum loh kha mawle tih hi.


"Lalrinmawi, i thlân tur i lâi a ni," ka rilru a ti mawlh mawlhin an lam chu ka pan zui a.

"Eng nge a sawi a?" Ka ṭhut rualin a lo ti sup, min en chiang thei bawk si!


"Engmah a ni lo, i hmaichhan ah ngaihdam dil che a hreh a nih kha," ka ti liam puat, a awih hmel miah loh mah se ka pasal hi mi â a ni lova, ka sawi duh loh min nawrlui ngai lo tih ka hria!

"Chaw lo chhum tlem tur a nia," ka Nu chuan a rawn ti nang nang.


"Chaw ei lovin KFC hi ei ta che Nu," ar bawp chu ka pe zui a.

"Aii... Ka puar dâwn lo, chaw nen hian ka'n hmeh zawk ang e," tih leh chaw bar a rual.


"Mami hi kan dah ve lo a."


"A rawn haw ang a, amahin inbuaipui rawh se," Putara ṭawng hma in ka nu in a lo ti zui hlak.


"A man te hi la sawi mai suh u. Mualpho te hi han tawk ve phawt sela, a thiltih pawi zia hi hre tehse. Thawhṭanah ka hawsan bawk ang che u nga, hreawm hi han tuar tak tak tehse," ka Nu in a ti zui hlak hlak.


Putara hmel chang ta ṭalh ṭalh mai chu ka melh ru reng, a thil ei pawh a tui ta meuh lo a ni ang, "ka inbual dâwn a sin," min rawn en, ka mit meiin ka lo chhawn vat.


A nau in, nau a pai leh a lawm loh zat chiahin ka U pasala neih a tum hi a läwm lo tih ka hre bawk.



"A zirlai zir zawmnan sum tamtak kan seng a, tunah zawh pawh a zawh hmain pasal neih a tum a, a U thawh chhuahsa, thlantui fara a thawh chhuah kha ngaihtuah letsak pawh a tum lo hi mak chu ka ti ve a ni," chaw ei pahin a ti leh malh malh, min bia nge a nih a, amah leh amah inbia pawh ka hre lo.


Mahse, ka Nu thumal tin erawh mahni indemna leh natna kn a khat thung!


A thiam loh ni miah lova fa enkawl dik lo leh thiam lo ang a a in ngai chu ka lainat ru takzet bawk!
.
.

"Inbual i tum lo em ni?" Ka hmai ka phih tawh a, kan chhuah hma in ka inbual tawh tho ka peih tawh lo. Ka thi âwm lo êm mai!



"Ka chau, mut ka duh," khumah ka lawn thak, a nui huk a, ka ke lama ṭhu in, ka ngalrek ah a chelh chuan ka kiu a in beng kangin, "eng nge..." Ka ke chu a hmet zui zat.



Ka nui leh ta sen sen, "Siakmawi, dawtsawi i thiam loh zia i hria em?" Min rawn melh zauh, ka ke a en leh.



Ka lung a phu nghal dep dep.

"Egmaw?"

"I Pa bulah engthu nge i tiam?" A rawn ti leh sup, a damdup a ; Mahse, chhan ngei a duh tih a mitmeng zim ta sanah chuan ka hmu thei.


"Ka sawi tawh... A nâ....!" Rum tawkin ka melh.


"Lalduhawm...." Ka ti zui hlar chu ka lamah a rawn vâk chho a, a mitko veilam min tihsan khum ak hian, "dawtsawi i thiam lo ka tih kha," zawi supa tih leh ka hmuiah a fawp zauh.


Ka kiu in phetin ka mu thla dat a, nui chunga ka pasal mitmeng de sawr sawr a en a, ka kut ṭang a âwm a vah kual tir riai riaiin, "midang chanchin kan sawi lo thei em?" A nui ri suk, ka chalah fawpin ka sirah a rawn let thla tap a.


Min kuah zui hlu hlu chungin, "i chau lo em ni?" A aw ri ah chuan nuihza aw ka hre thei a, a sawi awmzia ka man viau bawk!


Ṭawng ka tum mêk laiin kawngkhar a rawn in kik kharh kharh, Putara chu a in perh tho nalh a, "Nu..." A hawn rualin a ti nghal, ka lo en ve kiau bawk.


"Ka hrilh theihnghilh che, Pu Chhuma'n naktuk hna dang ineih rih loh chuan anhuan lamah pui tur che in a duh deuh che a."


"Nei rih lo, a pawi chuang lo, zingkarah ka hman thu ka han hrilh dâwn nia," a ti ve sup.


Khuma a rawn let lehrualin, "Mami te chungchang hi i ngaihtuah em?" A bân min kham tirin min kuah zui hlu hlu a, nek zui ve ṭalh ṭalh chuan a awmah ka bei zui chial bawk.


"An inneih a ngai ang chu," ka ti sep, mit ka chhing zui riai riai, ka pasal inbual fai rim tui tak mai, pa hrak mai chu a tawpnan ka hîp in, nghet takin ka kuah zui vawng vawng a.


Ka lungphu thîp ru veng vengin, "khua hi var lul suh se," ka rilru in ka rilru mawh mawlh bawk.

Chutiang tak chuan khawvar hun hmuh ka hreh ṭum a la awm lo hrim hrim. A vawikhatna zawk maw le!

.
.
.
.

"Mathew i nau khawih rak chel chul suh. Chaw ei ula school kal rawh u," ka Nu in a ti hlak hlak, zingkar aṭang pawhin heti nuaih zel hi. Mahse, ka ngai dâwn hle tih erawh ka chiang!


"Atete, Gabrielle-i te anla hman ve lo ami?" El-a rawn lut chu chaw ei siam pahin ka lo en.


"I va hma ve El-a, chaw an ei dawn chauh, rawn lut la, nghak rawh. Chaw i ei tawh em ni?" Ka lo ti zung zung.


A bag ah lah chu a lian ang reng bawk si. Amah a te reuh sia, a buk tlu daih ang tih a hlauhawm alawm le.


"Emmanuel-a hi i hma thei ngawt mai," Mathew-an a rawn ti vat.


Chaw rawn kilin, "Apa school fee pek a hun tawh a nia, kan ken a ngai," bathroom aṭangin Putara arawn chhuak.



"I Nu bulah sawita che," min rawn en, ka lo lai ringawt lehnghal a!


"Ka nu pawh a ni lo," Mathew-an a hriat tawk tea a tih chu ka hre ve ta tho a.


"Chaw ei vat ula, in keng dâwn nia," tih leh Putara pawh rawn ei ve nghalin chaw ka lo khawrh belh zat.


"Nunpari hi nizan a rawn haw lo em ni?" Putara'n ka Nu chu a melh.


"Anî maw? Alo haw a mah se a chhuak leh," Gabby-in rang tawk hian a lo ti.


'Hmelchhe sawi chu koh aiin a hnai' anti emaw ni? Mami chu a rawn lut zui a.


Room-ah a lut tlang chu ka Nu a ṭhutna aṭanga tho in a zui lut ve nghal a. Putara chaw ei hmel chang ta rutah chuan a farnu awmdan chu a mil lo hle tih a hmuh theih.


Room chhunga ka Nu in a hau ri leh Mami'in a chhang ri chu chaw ei chungin kan ngaithla ran, "U Puia bulah ka riak lo ti mawlh mawlh a, eng angah nge maw min ngaih le?" Mami'in ka Nu a vin let hrawk.


Putara chu a tho vut, rang lutuka a kut a chelhin, "hna kal rawh, i tlai dâwn," a ip pui leh zingkara a chempui tah hriam chu ka ban vat.


Room lam en ngur ngur chungin, Mami room aṭanga rawn chhuak chu, "engtia awm nge i duh Lalnunpar?" A aw chu nelawm loh tak a ni.



"School kal rawh u," naupang ho chu ka tur nghal sawk sawk.

An hrethiam a ni ngei ang, an kham ve mai bawk, a tu amah chu chaw kaw puar pawh chuan kan awm ta lo. Naupang ho chhun chaw ka fun chu pe in ka chhuah tir vat vat a.


Naupang an chhuak fel ṭawk tih ah, "LALNUNPAR...." A aw chu a ring lo nâ in mar tak a ni. Ka lo ip chawi thei.


Nunpari'n mittui tling zui pam hian a U a rawn en kiau a, "engtin nge ti se mintih, keimah vangin i nupui kha i ṭhen thei chuang em ni?" A ti chhuak ṭiau.


Ka lo thaw hak, rei lo te, rei lo te a nghak thei lo emaw ni? Ka ṭhen dâwn tih a hre reng si a!


"Zokhawtharah ka Nu haw rualin haw ang che," a ti bul nghut, Mami ṭawng a tum chu, "min hnial hauh suh, i naupai lai ka hmeh tlak tir loh che chu," a ti leh hraih. A thu chu thu tawp tih hriat tak leh hnial a duh loh zia tihlan nan, ip pui chu la in kawngkhar lam a pan zui pawk pawk a.



Putara thinrim hi ka hmu khat viau a, ka hmuh ve chhun hi chuan ka lung hi a lo phu zawih zawih zel, a mitmeng chauh pawh hi khurh zawih zawihna leh tlân chhiat vawn vawn natham hi a ni ṭhin.


Mami chu ka en a, "Mami darkar rei lo teah he in hi ka chhuahsan dâwn a, i nghak thei ngang lo em ni?" Ka ti chhuak thlawt. A U tih thinrim a, a duh loh zawnga a awm kha a ngai kher em ni? Nge ni a kei hian ka pasal lam ka ṭang lutuk mah mah.



"Eng nge i sawi awmzia Rinte?"


"Ka tihpalh Nu," Ka ngawi dat, za vak lova nuiin, "vawiin hian he in hi ka chhuahsan ang," ka ti ta sep a.



"Heihi a nih hi inpa khan a hlauh a, enzui tur che a min tih ni, i chhuak tur hi a hre lawk a ni mahna. I chhuak thei lo. Lalnunpari te vang a nih ngat phei chuan a ṭul lo nasa lutuk, duh leh mualpho ang hmiang," ka Nu chuan a ti zui hlak hlak.


Mami'in rum taka a Nu melhin, "i fanu ka nih hi. Sawnpai mintih tur pawi iti lo amaw?" A ṭap leh hliam hliam tawh.



"I duhthu a pai alawm inih? Nanga naupai avanga i U te nupa an inṭhen chhan tur a awm lo. A zah pawh hi i zak lo hi ka tia lawm Lalnunpar, engtin nge hetiang tur hian ka enkawl che ni?" Mahni indemna ri tel chuan ka Nu in a ti hlar.


Kan room lamah chuan ngawi rengin ka luhsan a, ka luggage chu ka siam zui mawlh mawlh.


"Rinte ka kal tir thei lo che. Inpa rawn haw hun tal nghak rawh," ka Nu a rawn lut.



"Nu....." Mami'in a lo ti ve.


"Nu, a awm chuan ka chhuak thei lo zawk ang. I hriat kha min kaltir dâwn lo tih," ka Nu lungngai hmel chu nuih luih ngial ka tum a, ka hlawhchham ṭhak thung!


"A theih lo, hetiang tur hi a ni lo reng reng," a lu a thing nawk nawk.


Ka luggage chu tungin kawngkhar lam ka pan a, kan room kawngkharah ka nu chu ding deuh ran in, "Rinte, i kalsan a nih chuan a kehchhe dâwn lutuk, i khawngaih lo em ni?" Ka nu chuan min ngên a ni mah tawh zawk.


Ka khawngaih alawm, kalsan ve loh a, a bula awmreng hi ka duh dan a ni; Mahse, he in a ka awm a nih chuan harsatna tamtak a hmachhawn ṭul miah lo a hmachhawn ang a. A pawi ber tur chu, a hmangaih em em a farnu hian engtikah mah a ngaihdam dâwn lo ang bawkin, amah leh amah inthiam lohna a nei kumkhua tawh bawk ang.



Chu chu thlen tir ka duh lo, ka duh lo takzet. Ka Putara nunah hian hlimna awm thei zawng zawng thleng sela ka ti. Ni e, rei lo te chhung chu ka tina ngei dâwn tih ka hria mah se mipa a ni a, mipa mahni thusawi a ding nghet ṭhin, ka kalsan a nih chuan vawikhat pawh ka lam a rawn hawi nawn dâwn lo tih leh hawi lo turin a chak hle tih ka hre bawk!



Ka mittui a hnâm zui ṭiam ṭiam, ka Nu mita min lainatna te, kal lo tura min duhna leh ngenna te chuan ka thawk a ti harsa a, ka âwmah leh hrawkah hian boruakin min hnawhbet tlat bawk!


"Inpa ka'n ko haw ang e," a phone zawng tur ni âwm taka a hawi kual chu, a kut tar ve tawh tak maiah chelh vatin, mittui tla tur khap let sak sakin ka nui sak ta ṭalh a, "Nu....." Ka ngawi deuh vang vang.


Ka hrawk leh ka hnungzang tawt leh kham ta ut ut chu tih reh tumin ka kûn deuh ngial a, ka mittui zawk chu a rawn far ta fap fap.


Mit chhing vang vanga ka nu kut nghet taka chelhin, ani pawh chuan min chelh let ve a.




"Rinte...Rinte, eng thuthlukna nge maw i siam tâk hi le? Keini chhungkua, ka fa laktlak loh tak tán hian i hlimna i kalsan a ṭul lo a sin. Kan in a lawi tîr tur che hian engthil ṭha nge maw kan tih a, i hlimna laksak turin tu pawi nge maw kan sawi le?" Ka nu chuan a ti vawng vawng.



Ka mittui chu dan rual lohin a luang zung zung a, insum a, ṭah loh hram hram ka duh nâ-in, ka kawchhung hi pawhdarh vek ang mai a ni, ka na lutuk mah mah.


Ka nu kut ka vawnna chu thlahin ka bag ah chu ka hawng a, la in hnit hruih hruih chungin, "Nu heihi la rawh," pawisa chu a kutah ka dah.


Rang zet a minpe letin, "engthil nge i tih Rinte?" Mittui vanga mit sen râm in min en kawk.


Ka nuih seih a, a kuta hmehbelin, "ka tán ṭangkaina a nei tawh dâwn lo," ka kut ka la let vat. Ka tan chuan heng sum tamtak te hi neih a awl lutuk tlat


"Ka la...."


"Nu, naupang mamawh leinan hmang rawh, Putara'n ram lei te a tum kha, ṭangkaina a neih takin," ka ngawi dat.



Ka Nu chu nuih lui sänga en in, "ka chhuah chhanah hian inthiam loh a awm lo, nang emaw Putara emaw tu amah inni lo, duh ka thlang mai chauh a ni," a tawp lam chu boruakah a thawm sap. Ka hrawkah a tâwp a ni zawk mah!


Ka hrawk lah chu a kham zual ut ut bawk a. Ka nu mitah pawh ka en nawn ngam tawh lo, ka ṭah leh mai hläu chuan thudang a sawi leh hma in ka luggage nen chuan ka kal pel vuk a. Kawngkhar lam ka pan zui hlawk hlawk.


"Rinte..." Ka ding dat.


"I duh hun hunah i rawn haw thei a nia. He inchhung hi itan engtik lai pawhin a inhawng reng a nia aw! Ka fanu i ni a, ka mo i ni ngai lo. He in hi i IN a ni tih leb, i Nu ka awm reng tih hria ang che."

Ani pawh a ṭah a chhuak tih hriat takin, a aw dam thluam chu a lawi rut mai.


Hawi let lova chunglam melh a mittui khap let sak sakin ka nui lui a, hawi miah lo chuan ka bu ta nghauh nghauh. Let ka duh ngei ang mah se chu erawh ka dam chhung tawite ah pawh hian ka beisei ngam tawh loh tur thil a ni thung si!


In ka chhuahsan rualin ka ruak vek a, ka thlarau ka kalsan ta daih emaw tih mai tur a ni.

Ka chhungril hi sawifiah thiam rual lohin a keh chhia a, ka mittui lah chu dan rual lohin a rawn luang zung zung bawk.


Ka âwm tawt lutuk leh aw chhuak meuha ṭah ka chakna chuan min hnawh hlum mai dâwnin ka hre hial a, mittui tla zawih zawih chung chuan ka rilru in, "ka tihpalh, ka tihpalh Putar," ka pasal ka tihnat em em tur chungah chuan ngaihdam ka dil rilru mawlh mawlh bawk.


Ka mittui vangin ka khaw hmuh te chu ka fiah lo ruai a, naupang ang maiin ka mittui lah chu a tla zung zung bawk!


Gate pawnah chuan dingin mittui nen kan In lam chu ka hawi vang vang. Hremhmun a lut tur ang maiin hreh tak te-in ka hre nia maw le!


<><><>~>

NOTE: In hmaizahawm takzet, ka phone chhia chu thuhran, ka ac a lo chhe leh zel nen ka chawlhsan che u a, zirtawp khan ka phone chu a ṭha tawh a, rinni zan ka chawlhsan leh tho tho che u a ngaih avangin zanin ka nghak ta law law a ni😍😍inmi hriatthiam naah ka lawm em em e. Tun karah zawh kan tum dâwn nia aw.

#Ads i la click lo a ni maw, a hnuaiah ads milem khu lo click ve zeuh la aw

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:03 pm

ZAWLAIDI

By

Floria Laldansangi


Chapter < 23 >


"Hma-i, zanin chu vawksa kha chhum hluah ang che," inchhung ka luh rualin ka Pa chuan nui huah huan leh hnehtu inti tak hian a ti zui a.


"I phone kha...." A kut a dawh zui. Ka lo melh zui rawm rawm. Ka vahan pe âwm lo tak!

"Rinmawi, thu i thiam tawh a, tin ka thutiam ka hlen tawh bawk. Ka duh ang a thil a kal hma chu i duhdanin i nung thei lo tih i hriat kha," a ti leh fak fak, a kut chu a dawh ran. Ka mit ka khap fak fak a, pek erawh ka tum bau lo



"Ka kalsan ang' tiin thu ka tiam, ka nuna thunei turin dikna ka pe lo che," ka ti kha hraih.

A nui hak a, ka pe dâwn lo tih a hria a ni ngei ang, a kut chu a la let ve mai bawk. Mahse, eng emaw tak a ti leh dâwn tih erawh ka Pa a ni tih ka chian tlukin ka chiang.


"Tun aṭang chuan Freddy-a nen in inneih hun tur chiah ngaihtuah ang che," a ti zui leh ṭhu bawk a.


Chhan pawh ka la chhang buai peih lo; Mahse, engtiklai mahin pasal dang ka nei dâwn tih ka sawi ngai miah lo.


"Rinte, i thawmhnaw chu ka lo han dah chho ang e," Nu Hmai mitah chuan min khawngaihna ka hmu thei.

Ka ṭah la chhuak lutuk leh ka kawchhung ruak ta lutuk te, ka pasal inchhung leh ka pian ka seilenna inchhung ngei mai keimahah danglamna nasa tak awmte chuan boruak hîp tur a ti awm lo, ka thaw a sak ṭalh bawk.


Hmeichhe dang, pasal neia mahni pian sei lenna inchhung ngai tamtak an awm ṭhin tih ka hria. Kei erawhin ka pian ka seilenna aiin ka pasal in, mi inhnuai leh room lian lo tak te kha ka ngai fe zawk!



"Keimahin ka inbuaipui thei," ka aw a chhuak ṭawk, ka lei hmawrah hian a thâm ral a ni ber.

Tun thlengin ka Pa hmaa mittui tih tlak chu ka tlawm ala la reng a nia nge, hrawkna ṭung chung leh, ṭahna mit thîp râm a, hnarpik chûk chung pawhin, ṭah chhuak ang a lan chu ka la duh lo fan.


Ka mittui hian he inchhunga chengte thinlung a thleng ve ngai dâwn lo a ni tih ka hriat chian lutuk vang te pawh a nia nge!


Ka Pa hawi vah leh hnehtu inti tak, roreltu hmelpu chunga min enna chu elhsen naa khata nuih let ka duh viau laiin, ka hmui ringawt pawh tih chet a harsa ṭalh a, nghet takin ka luggage chu chelh ngawt ngawtin ka inseh ruh ngat ngat ringawt.


Ka mittui tla lo tura khap let leh chil lem, thawk lam ringawt pawh chu harsa tak a ni, harsat tak!


Hetiang tak hian thâwk a harsa thei ang tih ka lo ring pha ngai lo hrim hrim.


"Tirawh ka pui ang che," Nu Hmai'n ka luggage chu min chelh pui zat.


Kailawn a kan chhoh dun laiin min rawn melh zawk a, thaw deuh halh hian, "i Nu leh Pa te hian engtak chu ngaihtuah ang i maw?" Zawi tak siin a ti deuh vawng vawng.


Ka mit ka khap fak fak, eng nge an ngaihtuah ka hre lo nâ chu, an fate hlimna erawhin anthinlungah hmun a luah ve lem lo tih erawh chiang takin ka hre thung.


Tu nu leh pa tehlulin nge mahni ham ṭhatnan, fanu nuthlawiah siam ang ni? A ni lo'm ni?


Zohminga'n, "kan piang nawn leh a nih ngai chuan kan Nu leh Pa te fa kan nih tawh lohnan theih tawp ka chhuah ngei ang," a tih kha ka hrethiam ta mah mahin ka hria!


Ka piangnawn leh a nih ngai chuan ka Nu leh Pa fa ka nih tawh lohnan Pathian khi ka ngên ve ngei ang!


Ka room zau tak mai, sofa nalh tak leh dawhkan, computer te inhung ruih a, dressing table lian leh nalh tak hmaa incheina man to tak tak intlar dul te, khum zau tak leh wardrobe lian ṭha tak, bathroom zau leh lian tak te chu ka en kual a, a engamah hi ka hlimpui tawh lo nia maw le!


Engkim mai chu a thim mup a, ka chhungrilah Putara nena kan hlimna zawng zawng thlenna hmun, kha room te tak te, pen tam lova bang ni nghal, steel Almirah lian lutuk lo mah se kan nupa thawmhnaw khat ve ṭan si te, khum zau tak ni si lo, kan nupa tana tawk chauh te khan ka lung min lên vawng vawng a, kha room, kha in zimte kha ka tan chuan vanram tluk hial a ni tih ka room zau tak mai, thil manto a khat mah se thawk ngaihna reng reng ka hriat lohna hmuna ka din meuh chuan ka hre thiam zual uar uar a, chu ringawt pawh chuan min hmet na ngut ngutin, boruak ka tlachham mai dâwnin ka hre hial a ni.


Ka luggage chu kawngkhar sirah hungin ka hawi kual a ruai a, he room-ah hian ka thaw thei lo mai dâwnin ka hre tak tak nia maw le!



Ka pik up up a, boruak tlakchham ang maiin boruak chu ka hîp leh kawk ṭhin; Mahse, hahdam taka thawk chhuah pawh chu harsa tak a ni tho!


"Rinte..." Mittui tla ṭeuh chuan ka hawi let a.


"Rinte....." Nu Hmai'n min khawngaih hmel taka min thlek leh vang vangin, "inpa gate pawnah khuan a ding reng a nia," muang ban chap hian a ti chhuak, a aw ah chuan kei aiin a ṭah a chhuah hmel zawk daih lehnghal!



Rang lutukin room thlanglam varanda chu ka pan a, parda chu keu mai ka tum a mah se ka kut la letin, tlêmtea keu in ka bih zui ta dek dek.



Ka Nu khan a ko let ta hrâm a ni ngei ang, a hnathawhna thawmhnaw sawi loh, a ip pui-ah lai thlengin a la ngai reng.


"Ka Pa....." Nu Hma-i lam hawi zawkin gate lam chu ka thlir thla leh.


"Lungngai suh, a chhuak tawh mah se...." A tawp dat.

Mahse, vengtu erawh a dah thung!

Ka rin lawk sa a nih avangin mak erawh ka ti hran law.


Ka pasal luhlul tih hriat taka gate pawn a ding a, constable pahnih, ka Pa veng ṭhin tu te nena inhma chhawn ran chunga ka room lam a rawn hawi chho ka hmuh chuan chhuatah ka ṭhu thla hnawk.


Ka nui chhuak hak, a zat vang a ni lo nasa, ka kawchhung sa hâl, mangang leh na lutuk awm ngaihna hre lo ka ni ber zawk.


Ka biangah ka mittui a rawn luang thla ngiai ngiai a, parda chu nghet taka chelhin ka pasal luhlul taka ding run, vawikhat pawh minko lo tu, min nghak mawl tawp tu chu mittui vanga khaw hmuh fiah lo ruai a en in, "mawla...." Hrawkna ut ut chuan ka ti chhuak sap!


Ka âwm zawn leh hrawkna lutuk chu ka hrawk dawmbetin, mit chhing chuan ka kûn leh vang vang ṭhin, ka dak a, a changin ka ke ka tawm a, ka âwm te chu ka ṭham leh ngawt ngawt ṭhin mah se maw... Engtiang pawhin awm ila, ka nâ hi engmahin a ti zia awm thei lo mai pawh a ni lo, gate pawn lam, nisa vel vawl hnuaia ka pasal ding run khuan minti na zual takzet zet a ni!


Chhuata ṭhu sawp niah chuan, Putara, 1inch khat pawha tawlh hnun tum lo, ding ngawi run mai chu ka thlir ngawt ngawt a, ni lah chu ni dang zawng aiin a sa in, a ti lui emaw tih mai turin a sa ṭha vawl vawl khawp!


Ni sat luat avanga a taksa mar sen ṭha tak, a hmai sen ṭal leh thlan tla hliam te chu ka ṭhutna hla tak, mittui avanga khaw hmuh fiah lo ruai chung pawhin ka hmu chiang lutuk mah mah a ni!
.
.
.
"Siakmawi, zu bia la a ṭha lo'ng maw?" Kawngkhar ri ka hriat rualin U Ruata rawn lutin light a On zat. Engtia rei nge ka ṭhut tawh a, ka pasal khu a din tawh ka hre law.

Mahse, khua erawh a thim rup tawh thung!


Ka hmel a hmuh rualin a thaw halh a, "hetiang a i awmdawn te chuan ṭhen kher a ngai emaw ni? Ka Pa mizia te chu i hria alawm," khumah a ṭhu thla zat.


Zan dar 7 a pel tawh tih ka hmu chiah, Putara luhlul lutuk maia la ding ngur lam melh leh zauhin, "a beidawng ve mai ang," ka aw chu a chhuak ṭawk ṭawk zêl.

Tin, khu mihring luhlul lutuk khu engtikah mah a beidawng dâwn lo tih ka beng awmna ka chian tlukin ka hre chiang em em bawk si!


"A ding zankhua duh mai ang. Ka Pa rawn haw hma in zu chingfel rawh," a ti leh sup.


Zu chhuk ila eng nge ka zu sawi ang? "Ka pa lakah thu ka tiam a jail aṭanga i chhuah theihnan?" Ka ti ang maw? Ka ti na zual sauh dâwn tih mi mawlber pawhin an hre ngei ang chu!


"Siaki...." U Ruata chuan luhlul mintih hmel takzet.

Boruak hîp vang vangin, ka thaw chhuak leh ham ham a.


"Haw tawh rawh, nilengin i ding tawh a, a hmu duh lo che a nih hi," constable pahnihin deu sawh leh diriam lam lek leka an lo ti ve sek chu zu chhut thluk tawp a nia ka duh ni!


"Parda te kha i pawt tla ang e," U Ruata chu ka ṭahna mit sen leh phak zet chuan ka melh vak.


Thlang lam ka melh thlak leh chuan Putara bulah Mami a lo ding ve ran. A U chu eng nge a hrilh ka hre thei mai lo mah se a landanin, haw puiah a sawi a nih hmel, a U bânah chelhin a pawt dat dat a, Putara erawh a din ngaia ding runin, a nghing eih lo bawk!


"Nu Hma, chaw ei ka duh..." Engtik laiin U Ruata a chhuah ka hre lo, kawngkhar khar nachang hre lo chu a au thla lawng lawng ri ka hre thei.


"I Pa te an lo haw mek a sin."


"Chaw ka ei tam i hläu em ni. Ka ei puar hmasa dâwn," U Ruata chu a nui zui huk huk.


Mami'n a U a be lai chu en chung chuan thawh chhuah mai ka tum a, ka ṭhu tung zet tawh chu ka lu hai lutuk avangin ka ṭhu sawp leh hnawk, mit chhingin ka bek dawm chhuan ka kûn deuh vang vang. Ka ṭah ve deuh vang a ni ngei ang!


Ka ding leh pensawn te chu ka lu hai muai muai chuan minti vir mai dâwnin ka hria. Hetiang hian ka awm ngai si lova, ka ṭah tam deuh vang tak tak emaw ni le?


"Rinte, i...." Kailawnah ka pen thla hnak hnak chu min en chho haw in, "nanghi i rai a ni lo'ng maw?" Kailawn hmawrah chuan ka ding dawt.


Ka en kawk a, "engmaw?" A thusawi kha ka hre lo pawh a ni lo, a zawhna teh thut khan min ṭhawng a ni ber.


"I rai a ni lo'ng maw ka ti," pawnlam a ri zui khut khutah chuan ka tlân chhuah san ta dawr dawr a.


"Thlah rawh u," Ka au ṭhawt, ka au zawnga ka pum thîp zakah chuan ka ding dat a, ka ner deuh sawk bawk!


Thaw la ham ham chuan ka Pa in Putara a chelhbeh tirna lam chu ka pan a.


Na zeta constable pahnih kut chu phih thlak sakin, "i thutiam ah ding rawh," ka Pa chu ka au khum tuar.


Ka pum na zawk zawk lah chuan min pawt ve ṭau lehnghal!


"Ka compound ah buaiba a siam thei tih ka sawi lo," ka Pa chu rum lutukin ka melh.


"U.....haw ang, buaina a punlun hma in," Mami'in a lo ti sap.


Ka sira ding palian tak maiin, khawimah hawisawn lova min en ngur ngur tu chu, ka hmul thi ding sur sur leh ka hmai phel za mer merah hian chiang lutukin ka hre thei.


Ka bula ding, ka hmul thiin a a taksa pawh a dai er er theih khawpa ka hnaih, ka lungphu a phut zawnga tisa hat hat tu leh ka thawk lak hial ti buai tu chu theih tawpa haider luiin, ka Pa chu ka melh lui tlat a.



Kut chala min kawk vâ chungin, "buaina siam tum suh ang che Lalrinmawi," kha zeta tih leh, "enzui ang che u," constable pahnih bakah U Puia ding ngawi run chu a melh a, a inher ûk tawh, kan lam rawn melh lehin Mami dinna lam en in, "nangpawh, ka fapa neih i duh a nih chuan eng buaina mah rawn pu lut suh ang che. Ka tana ṭangkai lo tur ka la lut ngai lo ka tih kha," thupe zet leh inla roreltu zetin a ti leh, gate ah a lut zui zat.


"Haw ang," ka Pa luh rualin Putara'n a rawn ti sup, ka din ngaiin ka ding ran.


"Bawihi...." A aw chu a dam ngaiin a dam dup a; Mahse, nidang ang lo takin natna leh lungawi lohna in a tuam thung.


Thawk pawh ka thaw ngam tawh lo hrim hrim, ka khawvel chu a hma aiin a zîm zual a, nidang chu nise ka khawvel vanram, ka tana In(home), ka pasal min kohna chu chhangin ka nuih let var var ngei ang a, ka khawvel zau zia ka hmu fiah ngei ang.


Mahse; a ni tawh tlat lo, ka khawvel chu a hma zawng aiin a zîm a, men ngaihna ka hriat loh chu thu hran daih a ni, thawk lak ngaihna ka hre lo hrim hrim zawk!


"Bawihi....." Ti zawi leh supin ka dar tawn tawnah a rawn chelh a, ka mittui ka khap let sak sak.


A kut hrawl tak, damdup si a min khawihna chuan min ti khur lek lek nia maw le!


Ka kûn ngar a, ka thawk lak a harsat êm avangin thaw chhamin ka thi mai dâwnin ka inhre hial bawk!

"Min en teh..." A aw ri ah chuan vawikhat pawh thinrim ri a la lang miah lo. Chu chuan minti na zual ngut ngut!


"Bawihi, haw ang, a tlai tawh hle si a..." Damdup leh thlemna aw ri tel chunga a tih leh chuan ka kutah chelh tum in ka dar a thlah a, rang takin ka lo tawlh sawn vat.


Ka thaw zui kawk, bawptawt tak aṭanga pawh chhuah ang maiin ka thaw kawk kawk a; Mahse, rei erawh a ni hauh lo.

Ka hmaa mit la sawn miah lova min entu ka pasal mit leh ka mit a intawn rualin ṭêka den chuai ang mai ka ni.


Ka sa pup a, ka lungphu zawn hi ana zui veng veng bawk!



A mitah chuan thinrimna emaw min huatna emaw hmuh tur pakhat mah a awm lo, natna thûk tak, a mi rinber lak aṭanga phatsanna a dawng ang maiin a hmel leh mitmeng chu a intuam khat vek a.


A mitmu dum fiah tak, mawi tak ṭhin kha pawn light in a chhun theih chin leh ka hmuh theih chinah pawh natna in a tuam tlat avangin mawina a nei ta meuh lo!


"Bawihi...." A ti leh hap, vawikhat pawh min la vin eih lo chu a makin, minti na ngut ngut zawk nia!


Min hua sela, mahni thusawi pawha ding lo, kalsan lo tura thutiam tu in ka kalsan avanga ânchhia tinreng min lawh emaw, a thinrim laia a farnu a en dan ang tala emaw a, thinrimnaa khat khân min en ve nise ka nat dan hi a nep deuhin ka ring ringawt a.


Tuna.... Tuna min endan damdup leh aw nelawm tak, engmah thleng lo leh, ka lêng haw min rawn hruai tur ang maia aw ri chhuak; Mahse a hmel, a thumal chhuak tin mai leh mitmeng engkim mai natna in atuam khah tlat hriat tak leh hmuh chuan ka lo rin dan pawh ni lo, ka beisei ai nasa piahlamin minti na vawng vawng a.



Mahni inthiam lohna, inthlahrunna in min tuam zui nghal hlup hlup bawk!

"Ka zui haw dâwn lo che..." Ka ngawih tlat hnuah ka ti chhuak ṭawk.



"Kan haw a ngai..." Luhlul taka tih leh min pawh leh a tum, a nau in a lo chelh ve vat a.


"Hetiang hian i hmasial i tum tak tak em ni?" Aw lai rûtin Mami'in a rawn ti tuar!



A nau aw ki säng leh vin tak chu haider hmiahin min en ngur ngur a, "hetianga itih a ṭul lo tih i hriat kha," a ti leh sup. A aw chhuak ala ngai reng.



"Haw rawh u, ka lo haw tawh dâwn lo...." Ka sawi zo hman ṭawk, ka bânrekah hneh sawh lutuk a rawn chelhin, a lamah min pawt hnai hrawk a, ka kawngah a kut rawlhin min chelhbet nghal thlawp bawk.


Constable pahnih an lo che hrut, a taksa khauh zet leh inseh ruh avanga sak zual ṭalh chu ka su dawt a, keimah zawk chu ka nghing luih thei!

Ka lungphu lah chu'h mihring pangai sawi loh mihringin anneih ngai loh tur khawpa rangin a phu nghal zawih zawih lehnghal!



"Ka mitah en in, min zui haw dâwn loh thu sawi leh rawh," zawi leh dam dup hian a ti leh sup a, ka melh chho ralh, a ṭawng zawng leh thawk lak hraih hriah ruala a taksa che dat dat te, a mitmeng a mahni inrin tawkna leh kara beiseina te chuan minti khur chhe zo dâwn.

A mitah rei ka en ngam ngai lo, ni lo ka thei lo zawk maw le. A hrawkbawk che leh ralh ṭhin chu thaw dep depin ka melh ran a. Ka inseh ruhna lamah ka bek ana kham ut ut bawk!


"U!" Mami'in ti tuarin a kutah a rawn pawt sawk.


"LALNUNPAR....." A kut chu a phihlet sawk a, aw teh hrawk pawh chu a ring mai pawh a ni law. Thal kâp tu in mar ṭha tak maia a thalmu a chhuah ang maiin, a mar ṭha in, a hriam ṭha viau bawk .


Putara chuan a bân avai na deuh nge kawngpui charah chuan a ṭhu thla hnawk a, "Mami... Lalduhawm engthil nge maw itih le?" U Puia'n a ti ve hrawk.


Putara chuan a kut lehlamin ka kawngah a la chelh ran. A taksa rawn mar zual ṭalh ṭalh chu chiang takin ka hre thei.


"Ka pum...." Mami chuan a dul a dawm a, a ner sawk sawk.


An lakah rinna ka nei tlêm ta deuh nge, a ti der nge a tak pawh ka hrethiam ta lo. Mahse, a na hun viau tho, ka Putara zawhna kha ka chhan theih miah loh tur a ni tlat a tinni.



"Ka pum...." A kap aṭangin thisen a rawn luang ngiai ngiai. A ti der lo chu a nih hi!

Putara bek pawng ṭalh ṭalh leh min kuahna nghet ta tulh tulhah chuan a inthiam lo leh deuh tih ka hria, "damdawiin ah hruai rawh u," ka ti sap.


Min rawn en chhuk, ka tel lova kal a tum loh zia chu a chal chuar tupah chuan alang chiang lutuk mah mah.



"A tlai zo dâwn, eng nge i nghah?" Inlak hran ka tum, alamah min pawt leh salhin a rawn kûn hniam a, thaw dep dep leh mit khap fak faka lo eu hla deuhin ka en dâ dâ.


"I hnena ka thusawi te kha ka fiamthu lo tih hrenawn ang che," a thu sawhsawn tum lo tih hriat tak maia nghet charha tih leh min thlah thut arual, ka kat nawk nawk. Ka lungphu zawn chu chem hmawr zum, hriam taka vih sawk ang mai a ni, a na thîp vawng vawng mai.



A thusawi awmzia ka hriat lutuk vang pawh a ni mahna!



U Puia'n, Mami apawm chu hnehsawh zet hian a phih sak a, a nau chu zo zeta pawmin a pensawn pawk pawk, U Puia'n a zui ve vut bawk a.


"Ka car-ah....." U Puia'n a ti hman ṭawk taxi rawn tlân chu phar dingin, kawngkhar a pawt hawng a, vawikhat pawh rawn hawi let lovin taxi ah chuan min luhsan a nih chu!



Ka kaihza tha a tliak rawp, ka dinna hmunah chuan ka ṭhusawp hnawk a, ka mittui ka biangah a rawn luang zui ngiai ngiai bawk.


Ka na lutuk chu na tur dang ka awm tawh lo nge, engkim mai chu a reh a, ka tawt a, ka â vek a, ka kawchhung te hi a na kham ut ut bawk!

Mahse, tunge dem theih ka neih? A thutiama ding tura ti hlawhtlingtu chu keimah, keimah ngei hi ka ni miau si a!


"Lalrin...." Mittui vanga khaw hmuh fiah lo ruai chuan ka dak chhuak, khua a thim tawh mai bakah pawn light êng ringawt chuan ka khaw hmuh a tifiah zo tawh lo. Ni lo, ka thinlung mit aṭanga hian ka del zo vek a ni zawk!


A aw aṭang erawhin rei tak ka hriat tawh lo, Chhuana aw a ni tih ka hre thei.

"Tho teh!" Min rawn chelh a, min pawt tho zat.


Putara te tlân chhuahna lam chu en zui vawng vawngin, thinlung na rûm vawng vawng chuan mit ka chhing vang vang a, boruak hip kawk kawk ka duh laiin ka duh ang a tam ka hîp thei lo mai pawh a ni lo, thawk chhuak ringawt pawh chu thil harsa a ti tlat tawh!



"I ṭha em?"


"I ṭha lo tawp mai, inchhungah lut phawt ang," tih zawm lehin ka bânah chuan chelhin min inher pui a.


Min vawnna chu phelh sakin ka mittui ka hru hul nawk nawk, ka Pa hmaa mittui tih tlak hi ka tum ngai lo hrim hrim. Ka ti tla ngai dâwn hek lo!


"Ka room-ah chho ang," ka ti sep. Ka thusawi chu a hre meuh em pawh ka hre law. Keimah pawhin ka hre ṭawk a nia, a hriat pawh ka ring nek lo ve!


"I Nu lunglei kal a rawn la haw nange?" A kal tih pawh ka hre lo hrim hrim, a sawi takah chuan zing ka haw let pawhin ka hmu miah lo tak e!


Room kan luh rualin ka khum bulah chuan chhuatah ka ṭhu sawp hnawk, ka chau satliah pawh a ni lo, mitthi ang mai ka ni.



Chhuana ka sira rawn ṭhu thla ve chu ka lo melh zauh a, min rawn nuihin, "ka hrethiam che, khang kar liamta chhung khan mahni intih chak tumin ka theih tawp ka chhuah ve tho a nia," a rawn ti sup sup.


Ka mittui a rawn hnâm leh ṭiam ṭiam, a chhan pawh ka hre lo, vawiin ni chu ka ṭahbelh thar riau in nia ka hriat ni!


"Min haw lo em ni?" Ka aw hi duh angin a la chhuak thei meuh lo a ni!! Ka hrawk te hi a na lutuk mah mah.


A nui dat a, "huat tur neiin, thiam lo ber sawi tur ni se keimah hi huat tur awmchhun chu ka ni. A nunah lut lo ila, ka nunah la lut lo ila, khatiang taka diriamna te, a hringtu nu leh pa hmuhsitna te pawh a dawng lo ang a, vawiin ni hian amah zawkin i mittui a hru hul ngei ang," Chhuana pawh chu a ṭawng a sehchilh deuh rap rap.


Ka lungphu zawn na lutuk chu ka ṭham deuh vang vang a, "ka rinphak bakin a nâ a ni Chhuana...." Ka mittui a rawn luang leh ta ngiai ngiai mai!



"Ka lo rindan chuan, ni lo, ka lo ngaihve dan leh tum ve dan chuan, ka na ve deuh ang a; Mahse, hetiang hian a nâ ang tih ka ring pha lo hrim hrim. Helai hi...helai hi kut kawnga phawrh ang maiin a nâ a ni...." Mittui tla zawih zawih chuan ka âwm chu ka ṭham bet a, ka ṭap khur nghal zawih zawihin ka riat chhuak nawk nawk.


Ka nunah lo la lut lo ila, a nunah lut lui tlat lo ila, khang a mit aṭang khan natna ka hmu bik lo tur!


A thinlung kawngkhar, phui taka a kalh ṭhat thlat chu, a hmangaihna Zawlaidi intah tir ngei tumin ka theih tawp chhuahin ka kik a, ka kik hawng ta ngei a; Mahse, a tawpah engthil nge ka tih hi, a mita natna te, hamhaihna leh mak tihna te kha ka thlen vek a, na taka siamin ka chhuahsan leh ang lawi si! A nun tibuai miah lo tur leh, a khawvel ralmuang leh, vanram ang maia mawi kha ti bawlhhlawh a, tibuai tur kha ka ni lo a sin!



Aw rawl tawpa ṭah ka duh a mah se aw rawl erawh chhuah turin chakna reng reng ka nei tawh lo, ka hnungzangah boruakin min hnawhbet tlat a, ka hrawkna kham urh te chuan min hnawh hlum mai dâwnin ka hre bawk!


Ka darah Chhuana'n a rawn kuah a, ka khúp tawmin, nghet taka leh ruh taka in seh ruh chung chuan ka ṭap khur dar dar.


Ka hria a ni, engtikah mah ka Putara mitmeng aṭangin min hmangaihna ka hmu tawh ngai dâwn lova, a sawi ang ngeiin engtikah mah a nunah hmun ka chang ve tawh ngai dâwn lo tih leh, eng nge ka an tih en tur pawhin a rawn hawilet ngai dâwn lo tih hi!



Mahse, ka thinlung hian enga tinge a pawm theih lo, hre reng leh inring reng siin kha In, ka tana vanram ni si kha ka chhuahsan a, a mit aṭanga huatna hmuh inringin ka pensawn a mah se, ka hmuh tak erawh kei hian, kei a nuna lut hmasa tu, ka khawvel hremhmun a hnuk lut tu zawk leh thlah ngai lo tur a intiam fo tu zawk hian ka phatsan a, a mita natna kha ka siam ngei a ni si a.


Duh ka thlang sual takzet zawk em ni?

Eng kawng nge ka zawh mek tih leh engtin nge hma lam ka pan ve tak ang tih ka hrethiam tawh lova, ka hawina lam a piang chu a tâwpin, a thim mup mup a ni ber!


Nung reng chunga thinlung thi ṭhuap chungin ka chhungrilah ka hmangaihna, darkar tam lova ka kalsan tak ka nun "nunhlui" lo nita chu ka ṭawih ral tir zawk dâwn em ni?


Zan hun ka hman dan tur mawlh te chuan maw minti khur ru dar dar a, ka pasal pang tilum, a kuahna leh taksa khauh tak mai, zûn ngah em em si ngaiin zan ka mu thei lo tur ka ngaihtuah ringawt pawhin ka thil tih dik loh zia min hriat nawn tir awn awn a.


Mahse, duh ka thlang tawh a, hawi kir leh na hun ka nei tawh lo tih ka hriat ang bawkin, ka hringnun hmawr tawpah ka ding a ni tih chiang takin ka hre bawk.



"Chhuana, engtin nge zan ka mut ve tak ang, a pang tilum tel lo leh a kuahna, a thlazar hnuai a thlamuang taka ka awm ang a ka awm loh chuan engtin nge rilru fim leh, thinlung fim chungin zan ka hman ral ang a, zing khawvar ka hmachhawn ve tak ang ," ṭap zawih zawih chung chuan ka ti chhuak leh nawk nawk.


Ka ṭhianpa, min haw tura ka rin, ka dam chhung pawha ka biak theih tawh ngai loh tura ka dah, midang zawng aia ka hriat hnuhnun ber, Zohmingthanga vang chauha ka ṭhianṭha lo nita; Mahse, tuna ka natna zawng zawng min chelhpui a, min kuah tlat tu chu nekbet tlatin, ka ṭap chhuak ta hawm hawm a.



"A ṭha vek mai ang Rinte," a tih angin engkim mai chu ṭha vek se ka ti mah se engtikah mah, he hringnun tawite, damchhung hremhmun ni tawh tur hi a ṭha tawh ngai dâwn si lo.


Ni e, Siakmawii pawh hmangaihna ah chuan a â in, Siakmawii a ni theih meuh lo a nih hi!

Tun aṭang chuan kha ka hmangaih, ka tana LALDUHAWM, Putara ni reng ṭhin kha, ka duh ka tih zing ami, ka ta ni tawh miah si lo, ka hmangaih ka tih, ka khawih phak leh khawib theih nita si lo, ka nunna tia ka chhal, ka hringnun thihna ni tawh tur chu thlah liam dan ka zir dâwn em ni?


Nge ni a, fam si lovin, ka thinlung phekah hian "famta" tiin ka ziak zawl dâwn?


Hmangaih chân natzia an sawi ṭhin, ka hre fo bawk; Mahse, hmangaih em em tina chunga kal tir nat zia hi tu in nge min hriatthiam pui ang le???



Ka kawchhung na lutuk chu ka kûn tlawk tlawk a, ka hrawk dawm a, ka âwm ṭham ngawt ngawt chuan ka ṭap zawih zawih.


Mahse maw, mittui hian he thinlung natna, thinlung thi mêk hi a ti damin, a chhawk chuang miah lo nia!



<><><>~>


MC-A....POV


Ka rin lawk mah nise kei patling pawh hi, kha hmeichhia khan min ti hrilhhai tho mai!


Hmeichhe luhlul tak leh rilru a awm ang ang ti mai ṭhin, tu nawrluih leh vaubeh theih ni maih lo hmeichhe thinlung sak tak kha, eng thu in nge a thinlung lam let tir tih ka ngaihtuah chhuak zo meuh lo.


Mahse, ka farnu awmdan leh ṭawngkam aṭanga erawhin thil awmzia ka man thiam thung!


"Eng nge a an?"


"A muhil deuh chiah," ka Nu chu a thaw zui ham ham.


"Rintei chu i hmu em? Eng nge a lo sawi?" Ka sirah a rawn ṭhu thla.


"A dinhmun kan dah khirh ve êm a ni. I chhuah theihnan leh i nau in pasal a neih theihnan hetiang hian thuthlukna a siam ka ring pha lo hrim hrim a," ka ngawih ngur avangin ka nu bawkin a rawn ti leh siam siam.


"Pi..." Puia arawn lut.


Doctor-in a rawn zui lut bawk a, Mami mu lai check leh chuan, "a khawsik tlêm a awm pawh kha a zia tawh a nih hi, ngaihtuah tur a awm tawh love, a harh rualin inhaw thei ang, rei a muhil tawhin ka ring law. Puia nupui a ni tih kan lo hre lawk lova, min hrethiam dâwn nia," a ti zui zat.




"MC, i nau hi nupui ah neih ka duh a ni," Doctor chhuah rualin ka hmaah a rawn ding a, ka ṭhutna aṭanga tho chhuak vutin, ka tum miah lohin ka hnek zui sawk, a kat zui khut khut.



"Engthil nge itih? Damdawiin a nih hi," ka Nu in min rawn chelh nghal.


Thaw ri hraih hraihin, "Mawhphurhna lak induh a nih chuan, hmeichhia hmanrua a hman hi bansan hmasa ang che," sehchilh rap rapin kati chhuak hrawk.

"Keimah a nih kha Rinrin ṭhen tur che a ngên tu," Mami a rawn ṭhu chhuak. Ka hria, a sawi nawn a ngai miah lo.


"Lalnunpar...." Ka Nu in beidawn hmel tak hian a lo ti hao.


Ka thaw hraih hriah a, ka farnu, a tana engkim ka tihsak, ka nun zatve tawp ka hlanna ngei mai kut thlak loh tumin ka in seh ruh ngar ngar bawk!


"Tihpalh U, mah se duhthlan tur dang ka nei bîk lo a ni," Mittui tling pamin min en a, nidang ang chu nise ka farnu mittui avang sàwn, "a pawi lo, ka chingfel leh mai ang" tiin ka âwmah bei tirin ka hnem ngei ang.



"Engtin nge ti em em a i hma hi i sial theih le? Mi zawng zawngin i U hi phatsan pawh nise i phatsan ve thiang lo a ni tih i hre lo em ni? Nunna pe leh tu che a nih hi!"


"Nu, ka Nu i ni a, pakhat lah ka pianpui nuṭa ngei! Engvangin nge ka dinhmun aṭangin inthlir ve duh loh ni? Ka pumchhung ah hian, a ni têlin ṭhanglai a awm a ni tih hi engvanga hrethiam duh lo nge innih?" A ṭap zui hlap hlap.


Bek leh khabe ruh pawng ṭalh ṭalhin ka inhum ruh a. Mahni rilru ngaihtuahna pawh sawi chhuak thiam lo khawpa ṭawngkam bungraw tlachham tán chuan ka farnu chu thinrim taka zilh ngaihna ka hre hlawl lo.


Bur bun turin dik ni a a ngaiha a ti a, keiin ka Nupui, zantin ka kiang a mu, "ka hmangaih" tia ka sawi ka venghim zo lova, ka farnu in a tihnat theih tur khawpin ka lo hrethiam hek lo, ka chhungril chu mahni inhuatna in a khat mup mup!


"Tun aṭang chuan i kawng thlan zawh la, keiin ka kawng," inthunnun tum tak chungin ka ti bul nghut.


Mit mittui nena min rawn kiau in, "min tuithlar dâwn i tihna em ni? I ti lo tiraw?"


"I ngaihdan ah a innghat...... Midang tana ka nun hlan erawh ka tum tawh lo, ka nupui nun ngat phei chu," muang ban chap hian ka ti bul leh sup sup.



Ka farnu mitmeng a mak tihna leh rin lohna chu ka hmu reng, ka haider thung! A hma aṭangin saw a mitmeng pawisawi lo leh a mittui, ka lak a beiseina a neih ṭhinna saw lo haider daih tawh tur ka ni zawk!


"Midang' keimah hi maw? Midang ka ni em ni? I farnu, i farnu neihchhun ka nih hi. Engtik laiin kei aiin Lalrinmawii kha innunah a lo pawimawh tâk? Kum 1, kum 1 pawh i mo, i nupui la ni lo, hman ni maia i hmangaih lo nita vangin min tuithlar i tum tak tak amaw?" A dul dawmin a ṭap zui hlap hlap.


"I nun aṭang hian ka kut ka sil a, man nei lo erawhin pasal ka neih tir dâwn lo che," Puia chu ka en nghal run.

"Zaninah emaw naktukah emaw a man rawn hlan ang che. Chu chu in duhdan a nih ka ring," sehchilh deuh rap rapa tiin ka inher vut.


"U...U...." Ka nu mitmeng buai nuaih leh natnaa khat, chiai tak chu haiderin, ka nau min auh zui lawm lawmna pawh chu ka pensawn san pawk pawk a, chak takin damdawiin kawt lam chu ka pan zui.


Damdawiin kawt a dingin ka chhip sam ka tuai puat a, boruak hip kawkin ka thaw chhuak zui ham ham.


Ka zozial ah chu phawrhin ṭan ka tum a, "damdawiin kawtah te zial an zu ngai lo, i haw phawt teh ang."

Ka Nu rawn ding chu ka en chhuk, "i awmpui dâwn lo em ni?"


"Ka duh loh thleng thleng ka sawi a ngai ang tih ka hlau. Tirawh inthlak te inthlaj rawh kha," a ti leh zat.


"Rintei pawh hruailet dan tur kan ngaihtuah a ngai ang chu. Ar talh dan chikhat chauh a awm hleinem, nangni ho pawh rukru fa alawm innih," ka nui ta huk.


Kan boruak avanga a thawk a pik viau ka rin nen, zozial chu dah letin ka nui ta suk suk a.


Ar talh dan chikhat chiah a awm tak hleinem maw le. Ruk ngai pawh nise ka ru chhuak mai a niang chu!


Awlsam taka ṭhen chi ka ni lo tih tal a hriat a ngai LALRINMAWII khan!!!



<><><>~>~>

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:03 pm

ZAWLAIDI

By

Floria Laldansangi


Chapter < 24 >


RINTEI...POV



"A haw tawh em ni?" Nu Hmai ka room a rawn lut chu ka pan vat.


Ni 3 lai a liam leh tawh, ka haw let tuk aṭangin nitin sawi loh zan lamah pawh Freddy-a a rawn lawr zak zak, ka room ka chhuahsan ngai lo chung pawhin ngawi reng hian zuhan ṭhu ngar ngar peih a maw le!



"Haw chiah, kha han test chhin teh, ka ring sualin ka ring lo êm mai," pregnancy test kit chu ka kutah a rawn dah.



Thutak em emah ka ngaih loh bakah, zan ka mu thei lova, Putara pang tilum tel lova mut harsa ka tih êm avangin sleeping pills ei zeuh chang ka nei ta bawk nen, ka taksa chak tawk loh vangah ka inngai deuh a ni. Ka rindan pawh a la ni reng, mahni naupai hre lo tur êm chuan ka awm ka inring chiah lo.


Min nawrluih ve tlat bakah, a thu in test kit a lei miau avangin ka'n test poh a niang chu!


Pregnancy test kit chu pathum a rawn la lei zui ah!

A pathum a la in bathroom lam chu ka pan, "hmanhmawh lo khan han ti teh," a rawn tih leh.


Tlêm chuan ka hlauthawng ve ta deuh. Nu Hmai hi mi naupai a hre thei riau a, ka nula pakhat, khawchhak lam mi pawh amah a inhriat hma in a mitmengah khan ka hria a tia, a dik ngei bawk a.


Muangchangin test kit chu ka en, pakhat chauh a inrîn avangin ka thaw halh; Mahse, rei erawh a ni lo, rin hnihna a rawn sen riai riai, "a ni lo ang," ti sapin pakhat ka phawrh leh, a vawihnihna pawh chu ti tho.

Ni lo, ka rai tak tak a nih chuan ka kut ngeiin engkim hi ka ti chhe vek tihna a ni dâwn a sin!

Test kit chu a vaia hmangin, a result pawh a in ang vek, ka ṭhu hnawk a, ka dul chu khawih de de in, "ka rai amaw?" Ka hriat tawk lekin ka phun chhuak sap.



Mi â ang mai chuan ka nui a, lawmna leh hlauhthawnna, inchhirna leh thawpikna, engkim chuan min tuam zui hlup hlup.


Ka hmai hupin ka kun vang vang a, thaw la kawk kawkin, ka mitthla ah Putara a rawn lang zat.

Mi â ang maia nui chhuak sen senin, test kit chu ka en a, "i hlim angem?" Ka ti sep.

Mahse, rei erawh ka nui hauh lo, "phatsantu fa chu engvangin nge a lawmpui ngawt ang ni?" Tih thu chuan min deng dawt. Ka ngaihtuahna mai mah nise ka thawk a ti sakin, ka lungphu sawi loh, ka thisen kal lai thlengin a a ti danglam thei nia!


Ni e, a nat ka hlauh leh duh loh ang zat chiahin, "phatsantu" tia min huat ka hläu in ka duh tlat lo a tinni!


"Khawnge Mami chu?" Ka nu aw ka hriat rualin test kit leh a bawm ho chu ka la khawm sawk sawk.

Towel ah fun khawmin pakhat chu ka ipte ah ka ak zui a.


Bathroom aṭanga chhuakin, ka Nu pawh be lo chuan kawngkhar lam chak zetin ka pan zui hlawk hlawk.


"Lalrin...henu hi chu'h. Min hmu lo em ni?" Ka Nu in ka hnunglam aṭanga a rawn ti zui hlar chu ka tlan thlaksan dawt dawt.


"Khawnge kal i tum?" Ka ding dat.

"Lungngai suh, ka tlânbo dawn lo," pen chhuah mai ka tum a, "i kalna tur ka zawt rêng che a ni," a ti leh, a rawn ding chhuak a, U Ruata a rawn faifuk lutuk ve chiah bawk.


U Ruata melh zauhin, "i bike in Zohminga te in ah min hruai teh," ka mitmei zauh.


"Kal la," ka pa ka melh vak, "ti khan i lawm tawh em?" Tih leh chhuah kan tum.


U Puia leh Mami rawn inzui lut chu kan lo en deuh hau, "eng nge i rawn tih dâwn?" Ka zawhna zawh duh tak a ni a zawh ni.


"Nizanah man kan inhlan fel tawh," U Puia'n a ti sup. Za vak lo hian ri miah si lo in ka lo nui ringawt a.


"Remchang nghak rawh u' tih tih pawhin, in mak hi ka ti. Nupui pasal inneih te hi awlsam lutuk loh tur. Zahpawh inzak lo em maw ni? I lu len tehlul nen hian i thluak hi a tlêm lutuk a, i nupui zahawmna tur a ni tih hre ta che pangai taka inneihna hun neih kha," Ka nu in a rawn ti tan tan.



"A mak e! Ka sawi tawh kha, a naupai len hmaa kan tih a ngai tih. Bakah, ka nupui a ni tawh a, tu hnen aṭang pawhin mo upa ber a nihna angin inzah ka phut a nia," U Puia'n a ti leh nghut nghut, a ṭawngkam ah erawh mintih chhan tih ka hre thei!



"Khavang kha alawm Niraw-an, 'Lalrinmawii thluak zatve tal nei la ka duh' a tih ṭhin che ni," nui huk huk pahin U Ruata'n a lo ti sup sup.


"I car min lo hman tir teh, Siaki nen hian Zohminga te In ah kal kan duh," a ti zui zat a.



Chahbi chu a pe ve mai bawk, Mami chu a kûn ran, kan inchhunga lawi chi a ni pawhin ka hre chiah lo. Nge ni a ka rin aiin a fing maithei zawk?


"Kan rei lo ang," tih leh, "kal ila," a rawn ti leh zat.



"Chaw ei dâwnah khawnge kal intum?" Ka Nu zawhna pawh chhang lovin U Ruata chu ka pawt chhuak ta zawk a.


"Civil ah min hruai rawh."


Ding meuhin min rawn en, "ka ṭha," min ngaihtuah hmel chu ka melh ralh.


"Tunge awm a?" A pensawn ve leh mai.


"Ka in entir dâwn?" A bu nghut ringawt a, car kawngkhar hawngin a ṭhu lut zat.


Keipawh chu ṭhu lutin ka ipte aṭangin pregnancy test kit chu phawrhin ka hum ran bawk a.


Kan tlân chhuah rualin a rawn melh zawk, "i rai tih sawi miah suh," a rawn ti.



"Ka la chiang lo."


"f**k*** You totally sh*t the storm Man**" a rawn ti chhuak hriah.



Ka lo thaw halh a, pawnlam chu hawi zuiin, "ka hria, sawi lo mah la engkim mai hi ka tibuai chuar vek tih," ka ti chhuak sep sep.


Ka lo rai tak tak te a nih phei chuan engtin nge hmalam ka pan tak ang. Putara thisen a ni a, tih tlak te chu a hnai dawn lo rapthlak mai si. Thi dâwn pawh ni ila ka lo rai a nih chuan paitlang ka tum hrim hrim. Ka tum hi a ni tawp!
.
.
.
.



"I U Ruata hmel hi engtia chhe em em reng nge maw a nih le?" Dr. Remi chu a nui zui tuh tuh.



"Ngawi mai mai teh a, ka hnawl hnu nih ila na a nih kha," chair ah duhdah deuh a ṭhu in U Ruata'n a rawn ti zat.



"Chu chu alawm. Ka thluakah kha engtak awm ang i maw, ka lo atchilh ve em em che a. Rinrin, sawtah sawn lova mu rawh," nui säng chungin a ti leh zat. U Ruata zarah nghah pawh kan ngai law, Dr. Remi duty zo tawh kan pawt peng leh a, U Ruata ṭhiannu a lo ni bawk nen min en ve leh mai bawk!


Eng emaw hi ka dulah a rawn hnawih, a hit em em lehnghal a, ka lo ip deuh chawih chu a nui chungin, "a hit em ni? Pasal i nei tih pawh kan hre ve reng reng lova. I U RuatZuheha lah hi a ruih chiah hian min rawn hre em em a. I bialnu hminga min ko chunga i ṭah leh chuan ka hmuhna hmun hmunah che ka vawhlum tawh ang che. Tunge mahni ex te hmeichhe dang hminga ṭah khum pur pur ngai," a nui tak nâ in a hau pah mawlh mawlh.


"I nau hi a la te a ni maw?" Tih zawmin min rawn en, ka thi hul hun ka chhut zui neuh neuh, ka ngaihtuah vang vanga ka rilru anruak tlat bawk a.


"Ti âwm ang lo thei e! Ka ex pawh ini maw ni le? Bakah, ruih laia kan hriat chhuah nih hi hmeichhe ho hian läwmah la rawh u, ruih lai pawha hriat chhuah nih loh nih hi a sin hlauhawm ni," U Ruata'n a rawn ti nung nung.

"Kar 3 leh tlêm a ni ang. A dik em?" Ka dul chu a hrufai a.


"Min ex tih pawh i theihnghilh elaw?" U Ruata a melh zauh.


"Thla 2 vel chu kan inzui tak kha," U Ruata chu a nui zui huk huk a.


"Kar 3 leh ni 3..." Ka ti sep.


A bu nghat a, "a la te si a, i sawi danin i taksa a chak lo a nih hmel. Rai tirh vel hi chuan rilru sen tam loh hi a pawi lo ber a nia, thildang erawh i hriselna a ṭha lutuk e. I U zawk hi thisen test sak ka duh," a ti leh, U Ruata a ngam lutuk chu ka nui ta hak.


"Ve ziah a che, ka thianghlim lutuk zawk."


"Nang baka chh* chhe ngam le Vanlalruat," za zetin ka nui chhuak ta hak hak, a tawp lam erawh ka ṭah nuih leh ta tho a, ka mittui ka khap per leh ta sak sak mai. Ka mitthla ah Putara bawk a rawn lang, ka naupai hi hriase a hlim angem? Tih bawk a ni ka ngaihtuah ni!

Zawite chuan ka thaw chhuak zui ham ham a.


"Condom a awm loh pawha sarang hmang ngam ngat ka nih hi. Ka thianghlim lutuk," nui chungin U Ruata'n tiin a tho zui zat a.

"Inzo em? Hmeichhe ho hi chu!" A ti leh.



"I pianthar rât thlengin ka ṭhut tir dawn che maw ni le?" Nui hak hakin, "thlatharah lo kal leh ta che, i pum na zawk zawk ṭhin itih kha i pumruah(ril ṭam) vang a nih ka ring a, in checkup pangai tur hrim hrimin," ka lo bu nghat.



Dam lo dangin hmuh an duh thu anrawn sawi chuan sana bih zauhin, "a tawpna tak tak aw," a ti leh ta tho. Doctor fel tak leh ṭawngkam zangvah hi chu dam lo tan pawh damna dawi pakhat a ni ve in ka ring.


"Engtia tih nge i tum?" Car ah a ṭhu lut zat.


Ṭhu lut ve in, "ka hring ang chu," a lo nui huk a, car tinung chuan, "i hrilh dâwn em?" Min rawn melh zawk. Ka lungphu zawn sa leh veng veng chung chuan ka ngawi ta vang vang a.



Ka hrilh angem? Hrilh ila lo pawm ta si lo se. A pawm ngei ang, ka Putara chutiang mi a ni miah lo mah se.....


Ni e, ka thinlung khawi emaw laiah hian "mahse" a awm tlat tawh a ni!


"Hey...." Ka harh zawk, kan va tlân chak em em ve, ka hawi kual, hepa hi chu'h, min tihna belh a tum emaw ni?


Putara te in thlang kawngpuiah chuan mi zuhan dinpui a maw le!

Ngeiawm ve tak chu a ni.


"Zial zu ang," ka melh vak chu nui chungin a hawisawn daih lehnghal!


Âwm zawn na veng veng chungin ka hawi chho, light a eng ṭhap, khi in, mi In hnuai, ka Pa chuan sawise "daikil kar a mi" hmusit taka a tih tur In khi ka ngai a, a chhung lum tak mai, boruak thianghlim chauh hip tur awmna hmun emaw tih mai tura boruak zâng awmna inchhung khi ka ngai takzet a, chu ai nasa chuan ka pasal ka ngai a, a hnathawk kal tur thlah te, a bâng lo hmuah te, a fate te inhnialpui te, a fate school kal tur thlah leh hruai te, an ei tur siamte, engkim mai chu ka ngai em em vek a ni.


Mahse, chung erawh ka mang lamah pawh ka hmu in, ka ti leh tawh ngai dâwn lo tih ka beng awmna ka chian tlukin ka chiang si!

"Kan haw...." Ka biang a rawn lum thla pup, rang tawka lo hru hulin ka U lam chu ka hawi a, "sh*t! Ka ti ṭap ringawt che elaw?" Ka lu ka thing mat mat.



"Naupai lai hian an ṭahbelh antia, inih chiah kha," a nui vur vur.


"Tak tak em ni?" A nih ka ring, ka ṭahbelh dan em em hi, ka rilru hi hmeichhe rilru no tak ang kha ka ni ngai lo hrim hrim.



"Tak tak e," a tlân chhuak a, "i naupai chu remchang hmasaber zawn tum la, hrilh ve ang che. A pa a ni a, hriat a phu a nia. A hrim hrimin ṭhen hlen i tum em ni?" Min rawn melh zawk.


Ka lo thaw chhuak ham ham, a nuna buaina bulpui ka ni tlat si a. Ni 3 lai a liam tawh, a reh vung vung danah Putara pawhin a sawi ang ngeiin min kalsan a ni tih ka hrethiam viau bawk. Mahse, naute chungchang erawh ngaihtuahna fîm tak, fîm leh zual taka ka ngaihtuah a ngai tih ka hre thung.



"U...."

"Min U suh, min U a piangin Niraw-a duh loh zawng thil ti turin min ngên ziah," car a ti ding dat.


Ka lo melh vak, a dik ve tho bawk si.


"Minpui la."

A rin lawksa tih hriat takin, "engtin?" Min rawn en.


"Mizoram aṭanga ka chhuah dan tur min ngaihtuah pui rawh."


A mit a ti zau lui vak a, "Bawiha...i thusawi hi i hria em?"


"Hria e. Freddy neih ka duh loh ang bawkin ka naupai hi ka Pa in a hre thiang lo. I hriat kha, ka Pa mizia tur," ka U chu ka ngên pah.


In ngaihtuah deuh vang vangin, "hun tlêm minpe rawh," a ti ta sup chu ka nuih ta ver ver. U Ruata chiah hi a ni he Inchhunga ka mi rin leh ka tán a awm chu.


Car kawngkhar a hawng zet tawh ka lam arawn hawi leh a, "Siakmawi, inpa chu be hmasa la ka duh viau mai aw. Naute chungchangah phei chuan i inchhirna tur engmah ti suh ang che," thutak zet leh min ngaihtuahnaa khatin a rawn ti leh sup, a chhuak zui vut bawk a.


Ka thinlung chu hlauhna leh manganna in min tuam zui leh ta hlup hlup mai, ka U thusawi chu a dik a, ka hre bawk. Mahse, ka lung hi a phut rualin hlauhna leh inkil tawihna in min tuambet tlat tawh si a, eng kawng nge ka zawh ang tih ka hrethiam tawh lova, ka kawng tur ka zawng hmu thei tlat tawh lo!


"Mo U paber ini a, he In ah hian indang turin i rawn lut lo, vawikhat mah in dang induh thu sawi ri tawh su ang che u. A hrim hrimin, i rawn lut dek dek a buaina i siam nghal ringawt pawh hi i zak lo'm maw ni le?" Ka nu a lo ang tawn tawn.



Ka Pa chu sofa ah ṭhu in Freddy nen an lo inbe mawlh mawlh.


"Eng nge ni a?" Ka Nu in lawm lo tih hriat deuhin, "indang ansawi a nih kha," a lo ti zui hlak.


"Keimah a nih kha sawi, Mami sawi ni lovin," U Puia'n a lo ti ve zat.



"Innu sawi ni lo se nang khan i ngaihtuah chhuak dâwn lo." Ka Nu-in a lo ti let hlar bawk.



"Zohminga te In ah in kal lo. Khawnge in kal?" Ka pa chu ka chhang peih lo.



"Tunlai ah tunge pasal nu te nen awm khawm dul dul ngai," ka Nu chu ka en daih, a thlavang hauh pawh ka tum chuang miah lo, insum erawh har ka ti.



"Pasal chhungte hrawn peih loh chuan pasal neih loh mai tur. A hrim hrimin nizan lawkah a rawn lut a, buaina siam nghal ngawt mai. Nangpawh amah chawp khan a ni lo'm ni i hrawn," ka Nu thinrim lutuk chuan min rawn ti deuh kher.



"Lalnunmawi..." Ka pa in a lo ti hrawk, Freddy-a a melh zui zak. Za lo zetin ka lo ner sawk a.


Room-ah ka chhohsan nal nal bawk, min ti â thei tak tak dâwn.


"Rinrin..." Kawngkhar luh hma in ka hawi let. Mami'in min rawn zui tih ka hre lo hrim hrim, Freddy-a hmel ka hmu leh zat, a haw na pawh darkar tam a la ni lova, a hmel hian ka luak a ti chhuak tlst lehnghal!


"Ka lawm e..." Mami'in a ti sep.


"Intan engthil mah ka ti lo, ka pasal farnu i ni a. I U ka hmangaih angzat chiahin i nuṭa pa hian a hmangaih che tih ka hriat vang chauha i thlavang hauh ka ni. I U hmangaih lo niin, a rilru a hah duh lo ni ila i thlavang ka hauh chhan tur a awm lo tih i hriat kha..."

'Ka pasal' ka tih laia Freddy hmela lawm lohna nasa tak chu ka hmu ru reng bawk. Ani ngaihdan erawh kawngsir a ui ek ai pawhin ka dah pawimawh lem lo.


Mami dul chu melh zauhin, ka kut ka ti che zauh, ka dul khawih mai ka tum a, ka kut la let leh riai riaiin, "i naupai kha hrisel taka hring turin ka duhsak che," ti sepin room ah ka lut zui, ka kalh hma in rang takin Freddy-an a rawn nam a. A rawn lut zui zat.


"Ka room hi duh duh luh chhuahna tur a ni lo," ka lo ti hlar, ka thusawi ngai pawimawh lo zeta couch a ṭhu thla chuan, "thlatharah palai rawn tirh ka tum tih i hria ang chu tiraw?" A hmela hnehtu intihna chu ben sawk a nia ka duh ni!


"Chhuak rawh...."


"Rinrin...."


"Chhuak rawh....." Ka au khum nghek, Freddy-a ka hriat tirh aṭanga aw ki vin ka hman khum vawikhatna a ni.


A mit a ti zîm salh a, rawn ding chhuakin, "tun aṭang chuan i pasal hual ka ni tih hria la, "ka pasal" tih ṭawngkam kha hmang tawh ngai suh ang che. Ka hmangaih che a; Mahse, ka dawh theihna hian tawp chin a nei tih i hre tel dawn nia," thu minpe zetin a ti nghut nghut.


Ka lam arawn pan chu cho zeta lo en vah hian, "hremhmun ah kal rawh Freddy. Nang neih ai che chuan mahni intih hlum ka thlang ve zawk tih hria ang che..." Ka sawi zo hman ṭawk, ka dar tawn tawna rawn chelh thut chuan min thing nawk nawk a, ka lu a hai nghal muai muai bawk.



Ka dar a hmerna te chu a hit zui mer mer bawk a, hnai lutuk a min en zuiin, "Rinmawi ka ta i nih loh chuan tu ta mah i ni dâwn lo ka tih tawh kha," kha zet chuan a ti chhuak hraih. Min nam kat nawk bawk.



Ka lu hai lutuk chu ka vir mup mup, ka thlanfim a rawn bawl nghal ṭiam ṭiam a, ka uak zui tuar, "chhuak rawh...." Ka ti thâwp sap, ring tak pawhin ka au thei tawh lo, ka dinna hmunah chuan ka ṭhu thla riai riai, ka tluk nat lohnan ka hnaih ber khum chu ka dawm thla nawk nawk bawk a!


Mit chhing sawika kûn zui tlawk tlawk a, bek dawm vawng vawng chuang chuan, "CHHUAK RAWH....." Ka tha leh aw rawl zawng zawng ka sawm khawm.


"Rinrin...." Mami a rawn tlân lut, U Puia aw leh ka Nu aw ka hre zui zat.



"Chhuak ru.. Chhuak vek ru...." Ka au tuar tuar, ka mittui chu a rawn tla zung zung bawk. Ka bul hnaia thil awm, ka ban theih theih chu ka hai pawp pawp a, blanket te chu ka pawt thla nawk nawk.


"Chhhuak ru...." Ka au khum tuar tuar, Mami kut pawh vaisawn lawpin, "ka sawi chu chhuak rawh u, chhuak ru.." A tawp lam chu a lawi rût mai!


"Pi Mawi, chhuahsan phawt rawh u.." Nu Hmai a ni.


"Engthil...."


"Chhuak ang, hun a mamawh a nih hi.." Mami'in U Puia a lo dang ve vat bawk


An chhuah rualin, ka âwm dawm a, ka dul dawm bet chuan aw rawl tawp chuan ka khek chhuak ruah ruah a, ka au chhuak ruah ruah a ni ber....!


Ka kawchhung na lutuk te chuan min hmet hlum dâwnin ka hria a, a vawikhatnan, a vawikhatnan tak meuh meuh engmah ti thei lo leh, nawrbeh ka nihna chuan mahni in khawngaihna min neih tir a, ka hringnun ka hne vawikhatna a ni hial bawk.



Jail tâng, sal nen kan danglamna awm miah lo chuan min hmet hlum mai dâwnin ka hre hial bawk!!!


Chhuatah mu kawm ngiai leh mittui nen chuan ka Putara hmel chu ka mitthla a, ka dul chu chulin, "ka ngai che Putar, ka ngai lutuk che..." Mit ka chhing zui diar diar bawk a!



Ka manglam a ni ngei ang, ka hnunglam aṭanga min rawn kuah a, a pang tilum ham hamin min ur er erin, ka bânah a rawn zut thla riak riak a, a taksa khauh tak mai, ka tana nêm tak ni ṭhin, si chet chuan min pawt hnai a, nghet takin ka hnunglam aṭang chuan min kuah veng veng. A hmui lum ham ham ṭhin, ka natna zawng zawng fawp dam ṭhin tu ni ngei chuan ka tukkhum ah chuan a fawp zui vawng vawng bawk a. Ka thinlung nâ zawng zawng a fawp dam leh ta ni maiin ka hria!


A tak a ang mah mah a ni!


Ka mumang mai mah nise a tak ang chiahin ka feel a, ka meng phal tawh hek lo.


Ni lo, ka meng a nih chuan a bo a, ka mumang mai a ni tih ka hriat nawn ka hläu zawk a ni.


Hetiang hian, suangtuahna chauh emaw, mang lam chauh pawh nise, a hlimthla chauh pawhin min kuahlumna hi ka thlahlel ngawih ngawih si a!
.
.
.
.
Ka pasal rau mutpui chungin ka mu nghet a ni ngei ang. Ka harh leh chuan ka khumah ngei blanket sin thlapin ka lo muhil nia maw le!


Ka hawi kual a, thlanglam varanda leh tukverh, kawngkhar engkim mai chu a inkalh ṭha thlap a, ka mutna bul tihpalh thilthu a ka kut ka nghahna chu a lum veng veng. Ngaih ṭha zan lo chuan ka hawi kual leh hrek hrek, U Ruata a ni ngei ang, khuma min sawn tu.


Nizan lama ka mumang, ni lo mumang ang maia ka Putara taksa ka feel kha ka ngaihtuah chhuak, ka nui ta sen sen. He in ka let leh hnu a, vawikhat pawh harh miah lova ka mutthilh vawikhatna a ni. Damdawi ka ei pawh a ni si lo, a tak ang hial a ka feel kha a mak takzet!


"I harh tawh chuan heihi rawn ei rawh," ka Nu in tray a rawn chawi lut, mit bui lukin phawk fe hian ka lo en.


Ei tur a rawn keng lut a nih chu!

Ka pian a hnu lama ka room-ah ka Nu in ei tur minpek ka vawikhat hriatna a ni. A kawchhungah ramhuai a lut a ni lo'ng maw?


Nu Hmai rawn lut chu ngaihṭha lo tak hian ka lo melh hrek hrek a. Nu Hmai lah chu a nui ang sawng bawk si. Ka Nu hi thil hrilh a nei a nih vaih chuan a chak lo ang.


"I Nu Hmai melh melh lo khan rawn ei rawh," a ṭhu ve nghal ran lehnghal a, a tho â nge ka tho â zawk?



"Tho vat ta che..." Nu Hmai chu ka la en hau tho, ka tho â a niang.


"A sat lai hian rawn ei rawh," ka Nu bawk a ni.


Nu Hmai'n ka blanket sin pawt hlimin a thlep zui nghal mawlh mawlh. An â a niang!


Ka nu sirah chuan dimtê in ka ṭhu thla a, eng nge maw ni, mawm deuh hlap chu ka en ran, a tui hmel vak loh, ka Nu siam a nih chuan a tui lo sa tih ka chiang.



"Bawng thin âwm a nih kha. Zingkarah lei turin a tho alawm," Nu Hmai'n nui sängin a rawn ti. Ka nu chuan min en kar, ka awm te a ti nuam dâwn lo zawk alawm le, a ti nuam lo sa reng tawh zawk.


Nizan ka mumang anawm nen, a ti chhe zo tak ngial dâwn!


A thil âwm chu ka hawp zauh a, a tui lo hran lo reng reng, a âwm tak tak pawh a nih ka ring lo. Nu Hmai'n a pui a ni hrim hrim.


"I rai em ni?" Ka thil hawp ka hak zui kharh kharh, ka hnungzangah rawn beng thak thakin, "fimkhur ta che maw," a ti zui hlak.


Khuh kharh kharh a ka Nu melh ran chuan, "eng nge i sawi awmzia?" Hrethiam lo ang deuhin ka zawt let hâ a.


"In zo rawh," tih leh, "i rai tih ka hria alawm," ka en kawk, ka thaw zui dep dep.



"Lungngai suh, i pa hrilh ka tum lo. Nangpawh buaina siam lovin i Pa ka biak hun nghak ang che. Inpa nen inhruai leh rawh u," ka thaw chhuak kawk. Ka bengchhe ri chu ni lo hrâm rawh se.



"I piangthar em ni?" Ka sawi tum pawh a ni law. Mak ka ti ve êm a ni, mak ka tih zia hi ka sawifiah thiam lo zawk!


A ngawi deuh vang vang a, "i pasal duh lo viau mah ila, ka fanu i la ni reng tho alawm. Ka tu lo piang tur kha fahrah emaw mipa dang fa ang a a awm ka rem ti hleinem," a chawl dat a.


"Kan chhungkua, kehdarh ni si lova, kan heti teh nuaih chhanah hian ka thiam loh te pawh a ni ang. Pathian rawng ka bawl dan a lo dik tawk lo tih ka hrethiam chauh a, ka tlai lek lek zawk a ni. Thlarau bo pawhin anpan ngam loh khawp a piangthar, mahni inchhung buaina leh fate thlarau ngaihsak hman lo khawp rawngbawltu nih hi a lo hlauhawm takzet," a ti leh siam siam.

A Lunglei kal chu a va piangthar a ni ngei ngei ang, ka Nu pawh a ang hleinem le!


"Nu iti tak tak em?"


Ka nu chu a lo nui sen sen, ka tho phang sam la hnawk zet chu ka bengah a zep a, chu ringawt chuan ka hnuk a ti ulh ṭeu nia maw le!


Rai no hi ka haw lutuk, ṭul lo ah ka ṭap ka ṭap dâwn tlat!


"Huat ila nei lem lo em ni?" A ti ta sep.


Ka lu ka thing mat mat, "ka ṭahbelh em em ringawta a ni mai," ka ti chhuak ṭuak chu nui chungin, "min chhun a nih chu, ka fa hmasa berah khan engmah huat dang nei si lovin ka ṭah chiah kha a belh a," a nui zui kar kar.


Ka ṭah nuih ve hak hak, ka mittui erawh hlimna vang a ni zawk, ka khawvel tawp tura ka ngaih kha, eng a rawn chhuak de de in ka hria!


Bakah, ka Nu, min hringtu nu nen ngei mai a, kan hlim nui ri ka hria te chuan ka hnuk a ti ulh tak zet bawk!


"Mumang mai ni ve lul suh se. Putara ka mang ang maia a tak ang chiah kha chu nu ni lul suh se " ka rilru in ka ti ru mawlh mawlh bawk!!

Ansawi ṭhin, "fate hi Pathian thil thawn pek., malsawmna rohlu" tiin, a ni ngeiin ka ring. Ka mang lamah a Pa a rawn hrua a, zingkarah a Pi nen min nuih tir bawk a.


Ka dul chu dimtêa chulin, ka nuih ta sen sen a!!

<><><>~>~>

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)