ZAWLAIDI By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

ZAWLAIDI By Floria Laldansangi (Completed)

Unread post by Ngaia » December 19th, 2021, 12:57 pm

hhb8grfz.jpg
ZAWLAIDI
By
Floria Laldansangi


Chapter < 1 >


MC-a....POV (MC Lalduhawma)


"Pathian ni tukah hi chuan Pathian hla te hi zai tir teh u! Lalhriatkim, thawh i la tum leh miah lo em ni? Mualchin pawih ho hi chu, luhlul ngir nger hlawm lutuk!"



"I ân a pianga “Mualchin” ti ta reng mai, Pathian ni tuka ân tam lutuk te hi a malsawm lo," kan teber Mamii'n, nui zui kur kurin ka Nu a rawn fiam.


"Ân loh theih loh hian minsiam alawm."


"Mama, buhfaiṭham ka khawn dâwn a nia, i thing eh zawh khan chawhmeh lo han kang la, chaw ei kan hman a ni mai," ka thing ek mawlh mawlh lai chu min rawn au zui ve leh.



"Ummm," tiin ka ek chhun zawm ve leh mai a.



"Zing zingah U Maring khawi lamah nge i kal dâwn."


"Buhfai ṭham ka'n khawn ang e. Nangni pafa zawk chu Pathian ni tuk em em te chuan awl ve ṭhin ula maw le," ka nu leh pa Zatea te in bia chu thing ek pahin ka la hre pha reng.


"Vawiin chu kan tlar a chhe leh pek tlat a," nui vur vur hian Pa Zatea chuan a ti ve leh mai a.



"MC, khawilam thing nge kha, a va ṭha ve. Nang hi chu'h ti hian i ti keuh keuh a, kum khat tuah i chhêk khawl leh dêr mai dâwn hei!"


Ka lo nui suk, ka thing eh sa rem nghal zung zungin, "mualrawt lam ami, hman ni a ka dahsa ka tih kha maw le. Kha...khawnge Pathian ni tukah te kal intum zawk a?" Ka hrei ken chu ka sirah ka tung zat.


"Kar hmasa lama kan thing tuhtluk sa kan han tan ang chu kan ti. Tak takan a hman nî ka sawmna che kha inngaihtuah la, midang han rawih ai chuan minpui pah a ni ve mai a," a kuhva ei-na sen ham nen chuan a nui zui huah huah a.



Nui ve sukin, "nia maw le, kan khawihlai te hi han zo fel ila, kan la in be ṭha dâwn nia," tiin kan inthlah liam a.



Ka nu chawhmeh chansa, nimin lama bazaar-a a lei vawksa 1kg chu alu nen ka kang a, ka chhang chiah Hriata ka bulah rawn dingin, "innu hi rawn haw a tum tawh lo tak tak em ni?” Bâwlthak tem zui zauh pahin a rawn ti su su.


Ka lo rum khum nghut chu nui vur vurin, “nangmah hian i zir lo pakhat alawm, hmeichhia, pasal nei tawh a nia, a Pa te in lama a kal reng hi khap tur chu i ni,” Min zilh ni ve ngei tur a ni.


"Dikchiah. A hrim hrimin chhan awm lova tlân ngawt te hi sim tir rawh," Mami'in a rawn tih zawm hlak bawk a.


"Lo en zui ang che u," Tihsan sup chuan ka pensawn nghal.


"Û!...." Mami'in a rawn ti zui ṭhat, ngaihsak lo vin bathroom-ah chuan ka luhsan a.

.
.
.

"Inkhawm bân lamah innu te in lamah lên phei kan tia, eng nge i ngaihdan?" Chaw ei laiin ka nu in a rawn ti.



"Kal kal a ngai tawh em ni? Ka rawn haw ang a ti tawh a, a rawn haw loh leh inṭhen a ni tawh mai alawm," ka ti ve ta nge nge.


Kar hnih liamta khan a nawmsam theih loh avangin an in lamah in enkawl a duh thu a sawi a, zui ka tum lahin duh hek lo, amaha chho vin, phone aṭangin inṭhen a rawn sawi ringawt bawk a, mipa ṭawng tamtak ka ni bawk lo nen, inṭhen duh na nâ na chu ngaihtuah chiang lem lo vin ka lo pawm ve mai bawk. Buai lohna turah ka Nu kan ti buai ta hrep chu a nih ber hi!


"A khaih! Chutiang tur a ni ngai lo, mipa lam zawk kan nia, dawhthei zawkah kan ṭan angai. Bakah, mite angin Pa nei kan ni lova, in naupanlai a kan eizawnna ṭhin nen, mizah kan kai lo sa tih inhriat kha, kan thiam emaw thiam lo emaw ho têah "anni saw chu" tih hlawh aiin, thiamchan zawknan hrim hrim pawh "zai aw dam dam" kan tih a ngai alawm," ka Nu chuan chaw ei pahin a ti siam siam.



A chang chuan ka inthiam lo mah mah zawk ṭhin, ka fapa a pian hnu phei hi chuan zan pawh a mu mang lo ti ila ka sawi sual tawp lo ang.


"Apa boral hma lutuk hi chu a pawi ngawt mai," kan teber Mami'in a rawn ti chuai raih. Ani phei hi chuan ka Pa hmel kha a hmu hman lo tluk a ni.


"A eng a pawh chu nise nutling a ni tawh a, a thawk a phita tlân reng mai, motor nei ve phei ila chuan kan motor ai a tlân zin a nia ka rin ni," nui zui huk huk chungin ka nau Hriata'n a rawn ti zui chu, an lo nui huk hlawm, keia a tak pawh ka inrin hmain ka nui ve huk tho. A hmel en ai tak hian tehkhin tur te hi a hria a.



< Sunday Chawhnu >


"Mo kan nei ve a, chhawr chu sawi loh a chhiahhlawhah kan ṭang zawk a ni ber alawm le Bawiha..!" Za vak lo hian Putea chu ka nuih suk ta ringawt a.



"Duhtawk rawh," ka nu-in rawn tiin, inchhungah chuan a lut zui nghal a.


"Inkhawm inbang chiah em ni?" Nunsiami Nu-in a lo ti vat.


Ka nupui, kan kal chhan ber erawhin min hmuh rualin, room ah a lut bo nghal vat thung.



"Nia maw le, eng nge Siami chu a an deuh tawh, a ṭhat tawh chuan rawn haw zâite rêl ve dâwn se la," ka nu-in ka fapa lâwm paha a tih chuan, ngawi ngurin room lam chu ka melh run thung a.


"Amah nen inbia ula ṭha ka va ti ve Mc," a nu mitah leh ṭawngkamah pawh chuan sawi hreh a nei a ni tih alang reng.


"Ni e, va bia la, a lo beisei che pawh a ni thei a," ka nu bawkin a lo ti vat. Ka Putea phei chu ṭawng a tum lo tih hriat takin a ngawi ta ngal a, a lungawi loh zia chu mimawl ber pawhin an hmu thiam ngeiin ka ring.



"I ṭha em?" Room ka luh rualin ka ti sup.


Min hnung chhawn zawngin a inher zui zat a, ka rum nghut, titau emaw thinrim thlem ka thiam loh zia hre chiang ber tu a ni a. Bakah, a lungawi lohna ka hriat miau loh avangin engtia han thlem tur nge ka hre hek lo .



"Rawn haw tawh la, ka nu leh ka chhungte pawh an hmaizahawm alawm le," khuma ṭhu thla pah chuan ka tih zawm leh.


A reh deuh vung vung hnuah rawn ṭhu chhuakin, "inṭhen mai ang," a ti teh thlawt!


Ka thaw ri hraih, "Thla 8 êm pawh kan la innei lova. A hrim hrimin eng nge lungawi lohna i neih? I fapa te ngaihtuah ve la."


Ṭhen leh mai turin ka nei hauh lo, rai hnua innei kan nih avangin kan fapa pawh thla 3-na a hmang ve mêk chauh a, tunah inṭhen a sawi amaw?



"Ka ngaihtuah nasat poh leh Bawihtea len hmaa inṭhen hi ṭhain ka hria," min rawn melh zawk, ka lo en run avangin a kimki leh deuh tih hriat takin hnuai lam a bih zui vat bawk a.



"Nupaa insiam hi eng angin nge i hmuh, chuti maia zawma tihchah chi a ni hleinem, fa kan nei tawh a....." Dam dup maia ka tih laiin, "ka fa vanga ka nun tihchhiat a inchhir ka duh hleinem, tunah Bangalore-ah hnathar ka hmu a, chhuk a bulṭan ka duh, ka zui haw dawn lo che," a thusawi chu awih lo tak hian ka lo en run a.


"Engtik laiin nge hna i lo dil a, engmah i sawi lo va," ka aw chhuak chu dam viau mah se lungawi lohna a hre thei ngei ang.


"Hrilh tur che in hun i nei em ni? Kan nufa tan i awm ngai hleinem," bung zet hian min chhang.



"I tum lo a ni zawk lo maw?" Ka aw ki a dang ve ta deuh.


"A dik, hrilh kher che pawh ka tum lo, hria pawh ni la tih theih i nei chuang hleinem," min melh zawk, a ngawi deuh vang vang a, "Bakah, i Nu leh i unau te engkimah kêp reng an ngai te hi ka tlin ve lo, i Nu kalsan i theih bawk si loh chuan ka tan awm reng a harsa alawm," a tir lam aw ki san deuh tak siin a tawp lam erawh a nem viau thung.


Nghet takin ka inhum ruh, theih tawp tak meuh meuhin ka lungawi lohna lantir loh ka tum bawk, mipa zawk ka ni a, hrethiamtu zawk ka nih a ngai tih ka hria.


"Ka Nu leh ka nau te kalsan turin minti tawh suh ka tih kha, ka Nu vanga vawiin ni hmu leh i pasal ni thei ka ni," ka ti nghet charh. Ka Nu leh ka chhungte inkara din ka duh loh zia a lang chiang viau bawk.


Min rawn melh hrawk, "puitling, fa nei tawh i ni a, chhungkaw hrang nei ini tawh. Mc i fapa leh kei, i Nu ah duhthlan ngai se tunge i thlan ang?"


"Lalnunsiam....." Ring si lo hian ka lo ti hluk.


Min melh rawm rawmin, "a la chak a, hna a la thawk thei a, enkawl ngai leh bawrhsawm pawh a ni lo, duh i thlang thei lo a nih chuan inṭhen ka duh," a tih zawm hlak hlak.



"Lalnunsiam chin tawk hre rawh, engtikah mah ka nu dinhmun i luah thei ngai dawn lo," ka ti leh chu a ai nâ-in min melh leh a, a mittui a tla lek lek bawk.



"Indan ka duh, min indanpui thei lo a nih chuan inhruai buai a ngai lo." A ti zui hmak.


A indan duh vanga tlân a ni tih hre lo ka ni hauh lo, ka Nu te insak zawh leh ka Nu tlêma a hriselna kân deuh hun ka nghak rih a, nghak hrâm hrâm turin Lalnunsiami pawh ka hrilh zing laileng. Inṭhen hi a cho ve hrim hrim zawk emaw ni?



"A tira indan duh lo tu inih kha le! Tunah ka Nu te'n In an sa mêk tih i hria a, anbuaiin, ka nu kut inhliam nen, an harsat laia chhuahsan pawh chu nuam i ti em maw ni le?" Ka ti ta duah, ka thusawi sei ber ṭum a la ni ang.


"Harsat loh lai tak tak pawh annei emaw ni? I hlawh ang ang chan pawh kan nei ngai lo, in saw sa zo se chan kan nei ve dâwn em ni? I nau te lah nise kut ke kim, i chawmhlawm an ni bawk a, Mami'in ka incheina thlenga min ṭawm te hi ka hne hluah hluah, privacy a neih theih loh, i chhungte hi ka kham a ni tawp, inhrang ila in hmangaih a awl zawk. Awmho dual dual chuan a inngaih reng theih loh, i nu....." A tih tawn tawn laiin a tawp chawt.



"In insawifel em? Bawihtea saw a khua a sikin ka hre deuh tlat Siamte," ka nu a rawn dah(dak) takah chuan thinrim insawh nghawng hian a hawisawn hmuk a, ka nu rawn lut zuiin a hnungah Nunsiami Nu leh a nau hmeichhia-in ka fapa pawm chungin anrawn zui lut ve bawk.


Thaw chhuak ham hamin, "insiam rawh kam haw dâwn nia," ka ṭhutna aṭangin ka tho zui.



"Bawihtea nen khan haw rawh u, zui che ka tum lo ka tih tawh kha...."


"LALNUNSIAM...." A ṭawng zawh rualin a ti hrawk, midang awm ve ho an lo ip chawih tih ka hmu hman.


Ka thaw zui hrawih a, ka hmai tuai puatin, ka fapa, hlauhna avanga rawn ṭap zui ngâk ngâk melhin, "ka sawinawn tawh lo vang, min zui i duh leh min zui la, i thu a ni," ka ti bul ta nghut.



"Engthil nge ni? Aw ki sân lo khan sawifel rawh u, Siamte chutia inṭhen i tih thut ni, a chhante sawi la, i duh loh leh lawm loh zawngte pawh, insiam ṭhat leh inrem dan te a awm ang chu," ka Nu ṭawngkam tlawm lutuk chuan ka thin a rim zual lek lek.



"Chhan ka nei lo, inthiam loh pawh a awm lo, pasal neih a, fa enkawl ka la inpeih lo a ni ber," ring si lo hian a rawn ti leh. A nu dinna lam chu ka nu chuan a hawi a, ṭawng a tum laiin, "i fapa hi i duh lo amaw?" Ka bek pawng ṭalh ṭalh khawpin ka inseh ruh.


Nunsiami erawhin ka mitah pawh min en ngam lo, kum 1 chuang kan in ngaizawng a, thla 8 chhung nupa kan ni, chumi chhung zawng chuan vawikhat chiah ka thinrim hmel leh aw ki sâng hi a hriain a la hmu.


Mipa zaidam tak ka ni ka ti thei lo, thinrim erawh thinrim zen zen lo, thin thawk erawh ka pe na viau thung, chu chu a hre chiang ber tu a ni ang.


"Ka duh lo a ni lo, ka la inpeih lo alawm, hna ṭha takin min hmuak a, thawh a, ka nun hman ve ka duh rih mai chauh a ni. Degree nei ka ni a, ka thiamna te pho chhuah ka duh. Hetah thingtlangah pasal neih a, pasala chhungte nena chên ho dual dual a, fa enkawl turin ka inpeih lo mai chauh alawm, tinge inhriat thiam loh," a mitah chuan hrethiam se minti tih alang zut nâ-in, a thusawi leh ngaihtuahna chu kei thingtlang Pa, lehkha thiam lo hian ka hrethiam ve hlek lo ve.


Ka hriat zawng chu duhthlanna a min zuitu leh ka fa hringtu hian, a fapa leh keimah lawmna a hmu zo lovin, min duh leh si lo a ni tih hi a ni.


"A la naupang êm mai a hretiam rawh u, a sawi ang khan a lehkha zirchhuak chauh a, a duh zawng leh chak zawng pawh ti hman lovin pasal a nei mai si a, a rilru a nuam thei lo niin ka hria. Inla naupang a, chhungkaw din turin hun inla ngah a, a duh zawng han tiin, thawk phawt sela. Bakah, Mc-a pawh Aizawl lamah awm thla turin a sawm fo che a, 'nakin' itihsan zel bawk si a, a tan a thiamna te thingtlangah kut hnathawk nupui niha riral tir mai mai tur atan chuan a uiawm alawm," dam diai mai a ka pi zawnin a rawn tih chuan ka thinrim ka insum zo lo takngial dâwnin ka hria.



Ka Nu leh Patea pawhin mak anti a ni ang mit khao fawk fawkin ka Pi zawn chu an hau ringawt a.



"Chuti a nih chuan Nunsiami berin rilru thlak a tum lova, a fapa, a pa te lamah dah a duh bawk si chuan hriatpuitu awm lovin kanla ngawt thei bik lo. Nakinah in fanu hian a rilru thlakin a fapa rawn neihlet a tum leh loh ang tih pawh a hriat hleihnem. U, Pu Chawnga call la, lehkha a ziak ngeiin Mathew-a hi kan kutah hlan rawh se," Putea'n a rawn ti vut.


Putea leh ka Nu in an chingfel dâwn tih ka hria, ka nupui hmel, a tuartu zawk ang maia mittui ti tla reng hmuh chuan minti sa up up.


"Vawiin ni a i thusawi hi i damchhung pawhin theihnghilh suh ang che, i duhthu a kan nun aṭanga chhuak i ni tih hi," aw ki hniam tak leh nghet churh mai, sehchilh lek leka tiin, ka fapa chu ka pawm nulh a, ngawi rengin mittui nena min en tu ka nupui chu kan chhuah san zui pawk pawk.


Retheihna a tuar thei lo chu ka hrethiam thei, mipa ka ni a, theihtawp chhuaha ka nupui fanau enkawl a, nuam taka siam chu ka tih tur a ni; Mahse, ka Nu min zahpui lo a, ngaithei lo tu, hnawk ti tu hmeichhia erawh chelh a, ka inchhunga chên tir reng ka tum ta bik lo.


A nih nih kan nih ang a a ni mai! Mipa alawm le ka nih le...!



<><>~>~>~><>

Note : Tun ṭum ka story chu ṭawngkam ka thlahdah deuh a nih pawhin min lo hrethiam dâwn nia. Chuan, a chunga "Mualchin pawih" ka tih khi inhuat loh ka beisei, inhmuhsitna lam a ni lo tih min hriat sak hrâm dâwn nia 🙈hua in awm chuan min ngaidam ula, min rawn DM mai dâwn nia😂♥️ Ka lawm vek e.😬🙆‍♀️💚



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 12:57 pm

ZAWLAIDI
By
Floria Laldansangi



Chapter < 2 >

MC-A....POV (Mc. Lalduhawma)



"Khawnge kal i tum?" Ka nu leh Patea rawn lut tur nen kawngkharah kan intawk.


"Ka thing eh sa khu inhnuaiah ka thiar thla ang chu ka ti."


"Naktuk lamah tirawh, Pathian ni tûka i ek mah tih nak alaiin, zinglamah ka hauh theihnghilh che a nih kha," tih leh ka bânah a pawt zui dat.


"Inhauh theihnghilh te a awm ngai maw ni? Min hauh hi theihnghilh ve ṭhin rawh," Hriata'n a lo ti vat.



"Nangpawh chu eng nge i pheikhawk chu i tihfai leh hliau hliau tak a, ball pet i tum a nih chuan i ngal ruh ka vaw tliak tak tak ang," thuthlengseiah a ṭhu thla zat.



"Naktukah friendly match kan khel dawn, don't worry Mother India."



"Fenli met te hi inti reng mai, Sunday tlai tin khelh pawh a ngai em ni?" Ka nu-in a ti zui hlar.


"Friendly Match antia lawm. Nula ka tawmpui ve ngai lo hi lawm viau zawm tur chu i ni maw le," Hriata chu a nui zui kur kur.


"Karkhat ah ni 6 chhung duh duh tiin, hna kan thawk a, Pathian ni hi chu serh hrâm hrâm tur. Takan a, hei Pu Chawnga hriatpuina in Bawihpuia chu kan hnehah a dah tih a ziak a," lehkha a rawn phawrh zat.


"I lungleng hi i kur i kur mai ang tih a hlauhawm khawp mai. Mualchin ho phei chu'h, lunglen hi inpe na thei ang reng si a," Patea'n nui ruh ruh chungin min rawn fiam a. Ka lo khi suk, a leng lo ang phei chu ka ti thei law, ka bialnu hmasa ber leh nupui hiala ka neih kha a ni ve tlat a; Mahse, kur pui dup erawh ka tum hauh lo thung.


"I Pu zawn hi a la rawn haw lo a niang maw, ka hmu lo êm mai."


"A rawn haw hunah a lawm lo viau mai thei a ni, Tei nen kan kal hmasak ṭum khan haw tur khan a ti nasa malh malh si a, tunah an inṭhen leh bawk nen. Hriatkim, i Nu Kûri te dawrah Cerelac zu lei rawh, Bawihpuia hi a thawh chuan a ril a ṭam dâwn," ka nu-ina tih zawm zat.



"Ko lo kan ni lova, vawi tam kan ko a, inṭhen a duh tlat a tih theih kan nei hleinem, Pu Hranga awm loh lai anchuh nufa niin ka hria," Patea'n a lo ti sup, ka rindan ve tho a nih avangin ka bu nghat. Ka Pu Zawn awmse chuan inṭhen ansawi ri ngam dâwn lo tih ka hria, a rawn haw hma anchuh a ni ber.


"Eng nge....!" Ka nu chu kan en.


"Pawisa."


"I pawisa zu hmang hmasa rawh," Hriata chu ner nung a.



"Minpe leh lo ang e aw, Ba bu-ah ka ziak dawn a nia," a nui vur vur. Kan lo nui ve sun sun tho.



"Kal mai mai teh, i ngal ka khawn hma in."


"I khawng thei ngawt dâwn em ni," ka chhang chiah hian ho te teah hian ka nu hi a hnial a, hlauh loh leh zah loh vang ni si lo hian ka nu tih hlim dan hi a thiam khawp, Mami phei hi chuan, "anu fa bik" a ti deuh kher zel.



"Sai pui pawh tiat rawh u, ka fate innih chhung chuan ka theih loh chhan tur a awm lo. I Putea Bai kha khalh rawh, a haw hma in."


"Aw le ka Lalnu, Bai chu ka khalh lo ang a, Bike hi ka zu khalh ang e," nui hawk hawk pahin a pen chhuak zui thauh thauh.


"I dawl rep te chu rawn phawrh sa rawh, i theihnghilh ang."


"Mama, chawhmeh rep ka dahna ah khan a awm ang, lo va fûn rawh, Lalhriatkima ka biakna lamah ka dang a ro zo. Hepa biak hi chu hrisel a ngai thei lutuk," tih leh a tho zui ṭuah tuah a.


"In inṭhen tawh bawka ka rel hrep teh ang U Siami chu, in inneih kha chuan "mo te rel" nih kan hlawh dâwn si a, engmah ka sawi duh ngai lova; tunlaiah mi an fing tawh, tumahin mo sual nih an duh tawh lo, 'a sual e' ka tihna phei chu a ni lova, a pasala chhungte min zahna a nei lo reng reng....
In inngaihzawn lai aṭangin ka sawi ziah, U Siami te ang chu kan In ang a Mo chi anni lo tih, mahni duhdan a khawsa an nia, hnathawkin sum la lut se la, mahni a pum bilh thei, inchhung a vawmluh ngai lo an nia, keini In ang ah chuan khang kha a ni ve tawh lova, kan thawh chhuah a piangin inchhungkhur mamawhah kan dah ngai a, ei chak leh duh zawng zawng pawh kan ei vek thei hek lo... Zingah lah nise i thawh hma chu thawh a tum ngai lo reng reng, vawk leh ar nen buai vut vut mah ila thawh kha a tum ngai lo hrim hrim kha a mak ka ti zawk, phût vang em em pawh ni lo se, Mo a ni a, han chet ve surh surh te chu a tih tur a nia, nau a hrin hma, a dul len hnu leh a hrin hnu phei chuan zanah a tho khat berah aṭanga, zing rawngbawl dawn leh tlailamah nau a chuh that a, a Nu te in lamah a chhuahpui vang vang a... Aaaaa.... A tawi zawngin in inṭhen hi a lawmawm a ni tawp, kan inchhungkhur leh an khawsak säng lutuk a in mil lo a ni ber," ka nau-in room aṭanga rawn chhuakin a ti tawn tawn.



"Sawi sawi a ngai tawh lo, ṭhenawm ten an hre reu reu ang e, midang bulah phei chuan khang kha sawi reng reng suh, misual nih kan hlawh dâwn a nia," ka Nu in a lo ti vat.



"Mi â ka nih bik loh hi a," a lo ti let ve vat bawk.


"Mo sualin chhungkua a tlawhdarh a, Mo ṭha-in a huikhawm' antih kha maw! Chung êm kan tawng lo hi a lawmawm ah i ngai mai ang . Ka zu haw teh ang U," tih leh Patea chu a tho tharh, Hriata rawn lutin bike chahbi chu a pe zui vat bawk a.


"Karleh lamah Lo inrî na lai i sawi te chu ka han enpui dâwn nia," tih zawmin a chhuak zui ta a.



<~> Kum 3 hnuah <~>



"Apa, apiin maw, ani a bua..." Ka zing vaithang kam en zo, ka fapa kum 3 la tling lo deuhin fiah lo zeta a lo tih chuan Hriata chu ka melh.


"Lut phawt rawh. Zupui hi khawiah nge i awh a, kan khua angah te a awm ve elaw?" Ka vaithang khai ho chu min chhawk zui a.


"Pu Hmuaka phaiah," tih leh inchhung luh ka rual.


"Engtia enkawl nge i tum? Engtia nun nge i tum?" Ka n, nu zaidam ve takin thinrim sehchilh deuh nawk nawk hian a lo hau a.


"Engthil nge ni a?"


"A sawi pawh ka sawi peih lo, amah kha zawt rawh," ka Nu chuan ti hlarin a ṭhu thla hnawk a, a chal a dawm zui deuh vang vang.


Ka fapa lah chuan api rilru hah tih hriat tak ṭhu deuh tlawk tlawk mai chu hrethiam hek lo, "api, zuzu hi lian tuk....!" Zupui ka awh chu a rawn kuahlut a, api mal inkarah a intat lut zat bawk.


"Mate engthil nge ni a?" A la kûn ngar ngar, vawikhat pawh a rawn dak chuak lo.



"Api zuzu hi rawh tawh ang...."


"Bawihte, Thew-a hetah lo kal rawh, ka rawh pui ang che," Hriata'n a lo ti vat.



"Nau a pai a nih kha," ṭah aw lek lek hian ka nu in a rawn ti zui.


Ka nu lam chu ka hawi vut, "engtin nge kan tih ang? Neih lungkhawng tak meuh meuhin khawpui lamah zirna sang zawk beiseiin kan thawn che a, khaw êng pawh kan hmu ngam tawh dâwn em ni?" Ka Nu chuan ṭap zui hlap hlap hian a ti chhuak ṭuak.


Keimah bera pawh chu sawi tur ka haih chham lutuk chuan ka dinna ngaiah min la dintir tlawk tlawk.


Kan naupang ber, naupang en en a kan la en, zirna lama kan beiseina zawng zawng kan nghah leh kan chhuanruk ve ber a ni a, ka lungawi lohna ai mahin ka nu rilru na lutuk tur chu ka ngaihtuah thiam lo zawk!


"Mate, sawi tur i nei lo em ni?" Ka ip-puiah lai chu la thlain, chhuatah ka dah a, ka nau ṭhu kûntlat lam chu ka pan zat bawk.


"Eng nge sawi tur a neih ang, ngaihzawng a nei lo a nih leh kan hnunglamah ruihtheih thil a ti a ni mai," ka nu thinrimin a lo ti ve leh hlak, a insut ri deuh hraih hraih reng bawk a.



Naupang ber, tar lam fa leh duat rawn mah nise, a rualpuiah chuan rilru puitling tak, beer sawi loh, tunlai tleirawl tin maiin an ei emaw tih tur Shikhar takngial pawh ei ve lo a ni a, nau a pai tih pawh chu kei tak pawhin awih har ka la ti.



"Ka tum rêng vang a ni lo, U ka tum dan a ni lo tak tak," a lu a rawn thing nawk nawk a, mittui nen, mit sen râma min rawn en in, ṭawng tumin a kâ a âng deuh zuau zuau, a ṭawng mai thei lo tih hriat tak hian mit a chhing deuh sawk a.


Thaw la deuh kawkin, inthlahrung dai hian min rawn en a, "Aizawl aṭanga ka rawn haw hma zan khan, ka ṭhian ten minsawm luih avangin inthlahna party an siamah ka zui ve a, Zokhawthar-a pianga seilian kan ni a, ruihtheih thil tamna hmunah pawh ka tih duh loh chu engtin nge Aizawlah chuan ka zu tih kher ang ni," a thusawi chu hrethiam se, uluk takin ngaithla se min ti tih a mitmeng talbuai lutukah chuan ka hmu thei.


"Khami zan pawh khan engmah ka ti lo; Mahse, haw dâwnah cocktail no khat lek minpek ka in khan ka lu a ti haiin, nikhua minti hre lo a tin ni, ka harh leh chuan engkim...engkim a lo thleng fel vek tawh, U engtin nge ka tih ang, ka hläu a, ka zak bawk, naute hi ka duh lo...." A ṭap chhuak zui zawih zawih.


Kei pawhin tunah rih chuan engthil nge tih tur ka hre mai bik lo a ni, a thusawi te erawh pakhatmah ka ringhlel lo thung.

Mipa fa mah ni ila, kan retheih a leiah ka nu aiin kan teber hi chu ka pawm leh ka enkawl seilen ka tih ngam a ni a, ka ring tawk viau bawk!

.
.
.

<><><><>


RINTEI...POV (Lalrinmawii aka Siakmawii)



"WanHo-an video thar a nei a nia." Ka ṭhiannu lam chu ka hawi vat.

A phone pawt thla sawkin, "karleh a ni lo'm ni Military aṭanga a rawn chhuah dâwn chauh ni?"


Kan pahnih a Seegasm kan enna ṭhin, Twitter fake ac kan siamah chuan ka lut zat a.

Ka play hman lo, "nangni pahnih chu p0rn in en leh a ni maw?" Rang lutuka phone hmet thimin, "Pathian thu kan sawi," ka ti chhuak chu annui zui huk. Kei pawh ka nui ve nghal sen sen tho, ka awih lo ve êm a ni.


“Karleh nilai chu Reiek lamah kal ila," Chhuana ka bulah a rawn ṭhu zui a, melh zawkin, ka hma zawn a ṭhu thla ve chiah Zohminga en leh chuan, "ka hman lo ang kei chu, ka Pa-in a campaign-naah zui turin min tia," ka tih zawh rualin an nui deuh huk. Keimah pawh chu ka ner ve nung tho.



"Fanu high-class ah i ṭan zuai a ngai leh tawh em ni?" Chhuana malah chum zui zauhin, "fanu Angel rangkachak ka nih hunlai alawm," ka tih zui chuan za zetin kan nui chhuak hlawm a.


"A hrim hrimin nangni pahnih hi, kan in hi Hotel emaw inti em ni? Ka room-a in awm a piangin bad-sheet thlak a ngai ziah," Chhuana leh Zohminga chu ka melh zui ram ram.


Engah mah an ngai lo tih hriat tak hian, "Hotel man chawi aiin helai hi a nuam zawk alawm. I chhungte an awm ngai chuag lo va," tih leh a ṭhutna aṭanga tho vin, couch bâna rawn ṭhu hnaiin, ka bula ṭhu Chhuana hnute chu a ṭham zui salh.

Rindiki nen lo ner vakin, "a hnute dep lutuk kha i ṭham i ṭham ve chu a nia," Rindiki'n a tih zui chuan kan nui zui awr awr..



"In hnute lianpui aiin ka bialpa hnute hian minti phur fe," Zohminga lah chuan uar fe hian a lo ti let ve bawk a.


Rindiki nena in en chuan meg rang lui kual velin, "vawiin chu a theih loh, ka Pa te anrawn haw hma dawn."


"I piancham inlawm dâwn em ni?" Chhuana'n a lo ti vat.


Ka lu thingin, "No idea. Mahse, ka ring lem lo," ka piancham, kum 18 tlin champha an hre reng a nih chuan khawvel hi a letling zawngin a vir tihna a ni mai!


"Ka haw dâwn a sin, Chillax lamah kan inhmu dâwn nia," Rindiki a tho nulh.


"Hyde Inn lamah emaw tia," Zohminga pawh chu a ding zui a.


"Zanin chu Chillax lamah kan ti ang kan lo tia. Zohmingthang, Rindiki te in lamah va inhnawh ula a ni mai alawm, zui haw rawh u," ka fiam zui hlak.


"Sex hmang reng turah hian min ngai em ni? Sex machine kan nih loh hi," nui vur vurin Chhuana'n a rawn ti hlak, ka lo khi vur vur a



"A pa-in Pathian thu min lo hrilh leh hrep ang a, ka Gay-na theihnghilh ṭhakin Amen ka pe leh ang a, piangthar haw a haw a ngai leh dâwn, ka peih lo," Zohminga hnungzang a ri zui awk, kan nui ho dar dar.


Gay couple anni tak nâ-in mipa chhe lo tak anni a, Gay anni tih hi a hriat loh hrim hrim.

Bakah, Gay han tih hian tuai ni duai duai turah hian Mizo hi chuan kan ngai deuh tlat ṭhin a, Gay awmzia an hre lo a niang ma ti mai!


Inhnuaiah kan inzui thla diah diah, ka U a rawn lut ve chiah bawk a.


"Mate, henu hi i ṭhiannu em ni?" A zawhna pawh chhang lem lo chuan, a kuta thlalak ho chu ka pawt thla vat.


"Farewell Party-naa thlalak ho kha a nih hi," ti hluaiin ka en zui dan dan a.


"A chhuak tawh emaw tia?"


"Lalhmingchhuanga'n, 'ka hman lo' ti reng hek i maw le!" Ka lo ti deuh hlar. A rei êm a tin, kumin a thar hnan a nia!


"ka zawhna chu i ngaithla em?"


"Tuber hi maw?" Ka kuta thlalak chu a rawn en hnai, a rawn kawk a.


Thlek deuh vang vangin, "ka hre lo, Rindiki ṭhiannu a ni in ka hria," ka sira thlalak dang ho en ve mek Rindiki te lam chu ka hawi heu a.


"Tu maw?" Thlalak chu ka hmuh vat.


"Aw... Tetei ṭhiannu a nih hi, ka hre em em bik lo. Bakah, kan kawm chi a ni lo, a Inno lutuk mah mah," nui zui kar kar hian, "country pumkin ang kha," a tih zui chuan kan lo nui chhuak hak hlawm. A sawi takah chuan ka hre leh si.


"Ka hre leh si, Zokhawthar tleirawl kha a ni lo'm ni? Classic Pink Vodka cocktail no. 1 rui tu kha. A ni tiraw? Zohmingthang nangmah a ni lo'm ni room-ah hruaitu kha, eng nge i han tihpui?" Ka mit hmul ka kân khum ak.


"Tu maw?" A rawn ti heu.



"Tetei ṭhiannu Country Pumkin-i kha, nerd deuh kha," Chhuana'n a lo ti vat.


"Huh! Taka a rui chhe lutuk a keimah pawhin ka kalpui lo, Bae kan pahnihin a ni lo'm ni kan mut tir kha?" Chhuana a lo bu nghat.



"Lalrinmawii hur viau turah hian min ngai reng suh, hmeichhia it ni ila inhim tawh lo ang. Ka ti darh vek tawh ang che u," Zohminga'n a ti zui hluk chu za zetin kan lo nui a.


"A number nei in awm em?" Ka U ala ding ve tih ka theihnghilh.



"Engnga tan nge itih?" Ka zawhna chhang lovin min en kual. Min chhan a tum lo zawk tih a hriatreng.



"Tetei'n a nei ang, ṭhian a kawm vak lo va," Rindiki'n a lo ti.



"Nerd deuh ka tih chu, lehkha chiah a thiam," Chhuana'n a lo ti zat.


"Inhre lo a nih kha, a ṭawng duhin a bright reuh lutuk," Rindiki bawkin a rawn ti leh, hriat pawh ka hre chiang lo, College compound velah ka hmu zeuh zeuh a, farewell party-naah ka hmu leh a ni mai.


"Tetei number chu min lo pe teh u," ka U chu eng nge maw a duh le?


"Mi number anhriat lohin kan pe ngawt thei lo che, eng ngatan nge itih reng reng," ka lo ti vat.



"Ka mamawh a ni mai," tih leh Rindiki phone chu la in a copy zat.


"I duh tih sawi miah suh," ka nui vur vur.


"Chutiang a ni lo," tih leh, "zanriah ei a hun dâwn chhuak suh ang che," tih zawm zatin inchung lamah a pen chho nulh nulh.


Nia, ka nu leh pa thu lovin hmeichhe duh engtin nge a neih ngam ag ni, perfect big brother-a hian!


.
.
.
.

"Zanin tlai chu Pi Mali fapa camp lut, a talbuai a, kan zu ṭawngṭai pui a," ka nu-in chaw ei laiin camping chung chang leh campers te chanchin a sawi malh malh.


"An fapa khu chu an buaipui thaw khat ve a ni, inthlan a hnai tawh bawk nen kan Vanlalruata pawh hi camp lut sela a ṭha ang. Bawihi nangpawh i ṭawngkam leh awmdan, social media lama thu post leh comments thlengin fimkhur ang che, opposition party lam sawikai tura awm ka duh miah lo ka tih kha," ka Pa-in a ti ban charh charh, chaw ei chung chuan za vak lo hian ka lo nui hak.


"Mahni inchhungah drugs addict fapa in kawl a, mihrang fapa in in rilru a luah lian zawk daih a," an lam pawh ka hawi lem lo, ka ṭawngkam chhuak pawh a ngeiawm thawkhat viau tih ka hre bawk.


An thinrim a nih pawhin a vawikhatna a ni chuang lova, pawi ka ti lem lo bawk.


"Mate," kan upa ber, Au Awmpuia'n a lo ti vat. Ka ner khum nawng ringawt.



"Piangthar vanram kai tum si lo annia, Happy birthday Naui," ka U chiah Au Ruata a rawn lut, ka sira chair pawh chhuakin, thawveng zet leh ruih neih tih hriat taka ṭhu thla in, "hmm, i birthday present," a tihdan ṭhin tê bawkin kawlthei sweet (guava candy) ka duh ber mai chu ka hmaah a rawn dah a.


Ban vatin, "ka lawm e," Ka mit ka siai zauh.

"I piancham a ni tak maw kha'h, i AC ah pawisa ka lo transfer dâwn nia," ka Pa thusawi leh min lawmpuina te hi chu ngaiah ka nei tawh.



"Ṭawngṭai khâwlah ka tel ve si a, Biakin lamah zanin chu hun ka hmang ang aw," ka nu in a rawn ti zat.



"In fapa damdawi rui thlep hmu thei viau si khan, ṭhenawm nu fapa zu rui invei leh ang lawi a, ṭawngṭai te hi ṭawngṭai ve duh suh u, inchung pawh a pel dâwn lo," Au Ruata'n ngaihsak lo leh ngeiawm zeta a tih leh chuan ka lo nui ru vur vur.



"Vanlalruat rak rak suh, vawi engzah nge camp lut tura kan tih che, tuna taka keini minpuh leh ni," Ka Pa-in a lo ti zui hlak.


Au Ruata ner nawngin, arbawp khel pah a tep chuap chuap chung chuan, "i dawtsawi rintir tumin, Mizoram mipui bum buaiin i buai a, kan ram i vei a, Minister-a tlin loh hläu vin i hun zawng zawng pawn lamah i hmang a. Chutiang bawkin ka Nu pawh, kohhran leh khawtlangah mi zawng zawng fak leh chawimawiin a awm a, a inhmang ral ṭhak a. In duh hunah "camp-ah lut rawh, i thiltih hi sim rawh" inti thla zen ringawt a, in faten eng nge an mamawh pawh hi inhre lo," Au Ruata chu a rui kamnam bawk nen a ṭawng a kal par par teh e!


Ngawi rengin ka chaw thlenga ei tur thai kawi chung chuan ka ngaithla ran, dik lo pakhatmah a awm lo mai pawh a ni lo, a dik lutuka a zahthlak lam zawk a ni.


"Vanlalruat, i rui a nih chuan han mu rawh," Au Awmpuia'n a lo khak vat chu zah lo tih hriat ngawih ngawih a nui hukin, "milem ten ṭawngna changte in lo hre ve tawh a ni maw?" Tih leh tissue pawt chhuakin a hmui a hru zui tawk a.


"VANLALRUAT...." Ka Pa in dawhkan a chum ri ṭhuai, a ding zui zawt. Ka phu nasa lutuk mah mah!


"Vanlalruat han mu rawh," ka Nu in a lo ti bak ve hlak bawk a. Ka thleng nawrsawnin, "a sawi dik lo hleinem," tih leh ka ding ve nghal.


Ka nu leh pa lam chu ka hawi a, "Pawisa hi kan mamawh ber lo, inhun, in mi ngaihsakna, fate thinlung leh mamawh hrethei leh hre tu, fate thinlung chhiar thiam sak tura hunpe tu Nu leh Pa a ni kan mamawh ni. In duhdana kan awm induh chuan inhun nen min enkawl hmasak kan ngai," ti duah chuan Au Awmpuia ṭhu ngawi ran chu ka melh a.



"Duhdan leh ngaihdan kan sawi ve theih lohna hmunah hlutna kan nei ngai lo, milem duh duha kawih her theihnen danglamna kan nei lo bawk," ka Nu leh Pa an dik emaw dik lo emaw, an thusawi a piang leh, "tirawh, ti suh," antih te, school naupang a nihlai aṭanga, "a ber nih tur," an tih te thlengin zawm famkim a tum lutuk chuan ka U mah nise minti ngei lek lek ṭhin.


Kan chhungkua, mi zawng zawngin an awh, Kristian chhungkaw ṭangrual inti chu kan la ni ve zel a nia! A kâwr a mawi phawt chuan a chhunglam chu ṭawp deuh mah se mi hian en kân dan an lo thiam khawp, kan chhungkua min zahtu leh ngaisangtu an lo awm ve zel bawk a!


<><><>~>~>

Hah taka min ziahsaktuten ads i click theuh ang u aw, ads kan click hian hlawh tlem te te a lo neih phah ve zel a nia

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 12:58 pm

ZAWLAIDI
By
Floria Laldansangi


Chapter < 3 >

{ Kum 5 hnu-ah}

RINTEI...POV (Lalrinmawii)


"Khawnge kanpa kha?"


"Engmaw i sawi?" Lam hut hut leh music ri dup dup karah chuan kan au lawng lawng a.


"Johnny-a...." Zohmingthanga te pahnih lah chuan min ngaihsak lo em em lehnghal, an la in kiss ta deuh deuh, ka pet zawt dâwn maw ni?


"Khawnge kanpa?" Rindiki rawn lam chu ka lo au khum leh.


"Johnny-a maw?" Beng bulah kan in au lawng lawng. Ka bu nghat, a lu thingin, "Lubuara nen anṭhu dun a ni lo'm ni?" Freddy ṭhutna lam chu insawh nghawng nghawng pahin a hawi a, chhang tawh lem lovin ka pensawn vat.


"Khawnge Johnny-a?" A bula ka thlen rualin, "pawnah anchhuak a ni lo'm ni," ka favorite classic cocktail Bloody Mary chu min pe zui zat.


"Tu nen maw?" Banin, ka tem zui hlak, a whisky no chawi kanga ti che ralh ralha tem ve hlek chuan, "Ruthy-i nen," a kam a tep zui chap.


"Tu Ruthy-i?"


"Tudang nge ni ang, i ṭhiannu maw le," Zohminga te pahnih, anlâmna avanga thaw deuh hlap hlap chunga rawn ding chu ka lo melh hraw.


"Sawi ka duh lo viau na in, an in maitai deuh a ni lo maw?" Chhuana'n ka no dawm lai min laksak a, lem zui khawlh a a tih chuan za vak lo hian ka nui seih.



"Devil smile," Freddy-an min lo ti zui zat.


"Ka haw dawn..." Ka bag Freddy sira awm chu ka ban a.


"Hey...hey..hey...buaina i zawng leh em ni?" Freddy a rawn tho zat.


"Zawng lo, kut ngeia man ka duh mai a nia," ka mit hmul ka kân ak.

"Eng maw?" Rindiki a rawn thu thla hnawk. Whisky thli zuiin a lem zui khawlh a, a ner nasa mai mai teh e!


"Johnny-a..."


"Ruthy-i kha ka hmu in ka hre sia," a hawi kual nghal vut vut.


Ka phone phawrhin message ka screenshot chu ka hmet chhuak a, dawhkanah ka phone theh thla in, "ka lerh nâ, ka rinawm; Mahse, ka mawl lo," ka thle zui bak.


"Khai!..." Rindiki leh Freddy-an min rawn en haw!


"Eng nge?" Chhuana'n tih leh ka phone Rindiki kut ami chu pawt thla in Zohminga nen an en zui heu bawk a.


"Lol...." Chhuana chu a nui zui kur kur.


"Thinrim lo la, Research department ho vin field trip anneih ṭum khan an in kiss lai hmu an awm a," Zohminga'n a rawn ti sup.


"Kha kha em ni i tih?" Chhuana kuta ka phone screen chu ka thâi sawn a.


"Khai! Lalrinmawi, i hre daih tawh amaw?" An vai chuan min en deuh haw hlawm.


Thle zauhin, "why don't we make it hot and help them out," ka ṭhian te chu ka melh kual.


"Hot? How hot and How much?" Rindiki'n phur tawk hian a rawn ti vat.


"I bet Rs.1000...." Zohmingthanga'n a rawn ti ve zat bawk.


"Engmah anti dâwn em ni?" Freddy chu kan en râm hlawm.


"Ok! Rs. 500..." Kan nui zui huk.


"I dare to wager a 2 thousands of rupees. BUT...we have to catch them red handed..." Rindiki'n a rawn ti ve varin dawhkanah cheng sanghnih chu a dah zui dat.


"Deal...." Kan nui vur vur hlawm.


Club chhuahsan turin kan inla khawm sawk sawk. 3 Idiots ni lovin 5 IDIOTS diktak kan nih hi...! Pawisak leh midang mitmei han ven pawh hi kan nei lo.



"Khawnge kan kal dâwn?"


"FLORIA HOTEL..." Kan lo ti rual ṭhawt, Freddy hi chu tlêmin a chut deuh ṭhin a, buaithlak ṭhin a nia!


"Message kha i chhiar ve reng sia," Zohminga'n a rawn ti nui ṭhû, kan lo nui hak hlawm.

.
.
.
"Min hrethiam ula kan pe thei lo che u," receptionist-in a tih ri ka hriat chuan pan hnai vatin, "eng nge?" Min rawn en.


"An room No minpe thei lo," Chhuana'n a ti hlak, kamnam ṭan nen a thinchhe leh ṭan tih a hriat, hmuk hmuk ṭhin hian!


"Ka bialpa leh ka ṭhiannu an nia. Ahhh.. Hei an message pawh," tih leh Johnny leh Ruthy-i te inbiakna ka screenshot chu ka hmuh a, receptionist beng bula âwn hnaiin, "kan ṭhianpa birthday surprise kan duh a," ti sur sur chuan ka hnunga ding, ka dara a Leather Jacket rawn bat tu chu ka mitmei zauh bawk a.


Min en deuh vung vung chuan, "Room no. 208, card," tih leh room card rawn dah chhuah a rual, ban vat chuan, "kan lawm e, review a ṭha viau ang," ti zet zet chuan a kawr hmaa a hming inziak en in, "Melody..." Tih leh ka ṭhiante enkualin lift lam ka pan zui vawh vawh a.


"Eng nge i hrilh a?" Rindiki'n lift kan luh rualin a rawn ti, nui ṭhû-in, "Lubuara tan hian birthday surprise kan nei dâwn ka ti," ka tih chuan an lo nui huk.



"I dawtsawi dâwn a piang hian ka hming hi lam tel ziah suh," Lubuara'n a lo ti hluk, ho êm mai.


Ka sawi tawh em aw, Freddy nen hian naupang tet aṭanga inkawm, inṭhenawm, nursery pawh lut tlang kan ni a, midang erawh hi chu high school aṭanga inhria, tunthlenga amei leh alu ang maia inzui ta hlawm kan ni.


Lubuara tih hi chu ka koh duat ve na a nia, a sam kir hi kan naupan deuhlai phei chuan "chh** hmul a ang" ka tihsak ṭhin a, a duh lo thei lutuk hi, thinrim kut min thlak ngam si lo, a ṭap ṭuau in min tin uaih uaih ringawt zel...!


"A chi dâwn em ni? Case a file thei a nia aw Lalrinmaw," Lubuara chu ka melh chho vak.

Card chu kawngkharah ka tap zui zat, a inhawng ri rak a, kawngkhar dimtêin ka hawng riai riai, hnunglam ka hawi zauh, kawngkhar hawn takah chuan anthawm a ring teh e!


Zohmingthanga te ho ka hnunglamah an nuihza, an kâ an lo hup bet bawk a.


"Hi...." Ka tih rualin rang lutuk hian Johnny-a a rawn hawi chhuak, Ruthy-i a rak ṭhat bawk.

Ka dar ka lo sän khum ak, an intih dan lah chu'h, khum mawng lamah an lu an la dah zuiah!!


"Dua... Dua... Duat...." Johnny-an a ti bah nawk nawk, a mitmeng, a aw chhuak leh thawklak te chu a la buai hlap hlap khawp mai!


Ruthy-i chu a kut lehlamin a hnute a khuh ve tak nâ in kan hmu vek tho sia..!

"Rin...Rin......" Ruthy-i chung aṭanga chhuk a tum chu rang tawk hian, "chhuk duh suh, tihzawm rawh u, tih zawm rawh u," ka kut nen meuha tih zawm tura ka hrilh chu ruak kung chuan min en dun heu.


Ka ṭhian te hmel hlei hlei chu a hmuhnawm lehzual, mitthi tho leh an hmu emaw tih mai tur alawm!


"Duat...." Johnny-a chu Ruthy-i chung aṭangin a chhuk rawk rawk, ka mit Lubuara'n hnunglam aṭangin a rawn hup vat, a in pal nawk nawk nawk ri erawh ka hre theiin, a mipatna pawh ka hmu hman tho.



"Ka rin aiin a khai tê," Zohminga'n nui ru kur kur pahin a rawn ti su su, Lubuara tel lovin kan lo nui huk a.


"LALRINMAWI.... Ka hotel room ah, ka phalna tel lova i rawn luh avangin engthil nge ka tih dawn lo en ang che," Ruthy-i aw chu a khur dar dar.

Ka hmui la lo ti pawrh vak, "awmsawn teh," ka hmaa ding Lubuara chu ka namsawn.



Johnny chuan insawifiah chak tih hriat tak hian min en a, Ruthy-i erawh zahna leh thinrimna, min huatna mitmeng in min en rawm rawm thung!



"Chutiang sawi thei dinhmunah chuan i dingin ka hre lo," ka hawi vah.


"Ruthy, Johnny leh Rinrini an in ngaizawng tih i hre reng si a, i ṭhiannu bialpa engtin nge i mutpui theih zawk?" Ruthy chu a nui hul deuh hak, Rindiki en in min rawn en leh, midang ho enkualin, "nangni ho hian engtik laiin nge inṭhian zingah min chhiar tel ve ngai ni? In chhiahhlawh pakhat ve mai ka ni zawk lo maw?" Kha zet hian a rawn ti chhuak.



"Ruthy engtkilai mahin chhiahhlawh angin kan en mgai lo, en dâwn che pawh ni ila, chhiahhlawh i nih miau loh avangin kan en thei lo che. Ka bialpa i mutpui avangin ka haw lo che a, ka thinrim hek lo, ka bialpa rinawm loh vang a ni mai; Mahse, ka ṭhian i ni a, ka hnunglam aṭanga min beihna erawh ka ngaidam thei lo che," ka ti fiah kalh kalh, ka rilru tak tak ka sawi bawk.


Mipa aiin, ka ṭhiante engtik lai pawhin ka dah pawimawh hmasa ber ṭhin, tunah pawh. Engtik lai pawhin a ni bawk ang.


"Ṭhian.." Ngeiawm lam lek lek hian a nui a, zahna hre vak lo tih hriat taka, couch chunga a thawmhnaw ban a in ha zui sawk sawkin, "i duh duha i kawh kual theih ṭhian em ni i sawi? I pa ei ruk hmanga inla lian leh zahawm chauh in ni, mihian engah an ngai lo che u."

Min hmusit mai a ni lo, kan chhungkua min hmusit tihnhriat tak hian min ner khum sawk sawk a, "mi zawng zawng "ṭhian" tih hmingpuiin i thuhnuai ah i dah theih i ring em ni?" A kekawr chu bana inthawlhin a zuang zui auh a, kilh zuiin, "tunah i bula ding te ho pawh hi harsatna tawkin, ansum puk ngaiin awm la, tumah hian i ṭhian annih thu ansawi duhin ka ring lo. Ngaihzawng, ṭhian, i thuhnuai a an awm chhan chu i pa vang chauh a ni, a ni lo'm ni? Ṭhianah min ngai ni la, Johnny ka duh zia hre chungin i nihpui lo ang," a tawp lam chu thinrimna leh huatna a lang tel.



"Ruthy, ngaihdam i dil thei lo a nih pawhin a Pa i hmer tel kher a ṭul lo," Freddy-an a lo ti hluk.


A thusawi tawpna chuan min ṭhawng viau bawk, Johnny hi a lo duh amaw? Ka hre hauh lo.


"Engvangin nge ka hmer loh ang ni, i Pa politician ni lo se he hmunah hian inrawn lut ngam dâwn em ni? Hre rawh Lalrinmawi zanin a i thiltih hi case ka file dâwn tih hria ang che, ka private nun minzah sak loh man hi i hmu dâwn," a thinrim zual tih hriat tak hian a au tawn tawn.


Ka ṭhian te ho lah chuan engvak ah an ngaih loh hmel khawp a'h!



Johnny ding zum zut chu ka melh zawk, Ruthy-i hian duh a ni tih ka hre lo tih ka sawi a nih chuan min ring dâwn lo tih ka chian avangin ka nui lui säng a, "engvanga i room rawn lut nge kan nih i sawi tel dâwn nia, a pawimawh lai part a nih chu. Ahhhh...i sawidik, ka Pa hi politician a ni a, a ei ru thur thur bawk, i cho chhuah ngam a thu le," tih leh Johnny-a chu ka en vang vang, "duat..." A rawn ti dek dek chu Freddy-an a lo melh nghal khur, a mitmeng a khup lehnghal zal zal bawk.



"Min ring emaw ring lo emaw Johnny-a erawh i duh tih ka hre lo, tunah chuan inei thei tawh ang, suk inṭawm hi ka ngaina ve vak lova," ka tih zawh rualin an lo nui huk.


Freddy-an, "kal teh ang u," ti supin ka darah a rawn kuah a, min kuaiher zat.



"Ruthy, i nu damdawiin awmna bill petu kha Lalṭanpuia ni lovin, Lalrinmawii a ni. Tin, Ṭanpuia i duh tih hi a hre hek lo, midang erawhin kan hre thung, Lalṭanpuia hian i rilru ang pu ve nise Lalrinmawii hi kan hrilh ngei ang mah se ngaihzawng nghet atan a duh lo che, amah hi i zawt dawn nia," Rindiki'n a ti ri chu ka hre hman, Johnny-a hming alam hnu erawh ka hre zui ta lo.


"I ṭha em?" Lubuara chu melh chho in ka nui a, "tehreng mai, bialpa ṭhen mai mai alawm, ṭhat lohna tur a awm em ni?" Zohminga te pahnih chu an lo nui ruh ruh a.


"Inni rei ve reuh sia, i laknat a, mittui far 2/1 i tih tlak ve ka rin nen," Chhuana'n a rawn ti zat.


Lift hmaa dingin, "Mittui hi thisen aṭanga insiam a ni tih inhre lo em ni? A man a to lutuk, a phu te tan chauh tih tlak tur," ka nui zui ar ar.



"Lalrindik phatsantu, Ruthy-in Lalṭanpuia a duh tih engvanga sawi lo nge i nih?"


Lift ah kan lut a, "Johnny-a berin ka duh lo a tih chuan sawi kher a ngai ka tih loh vang a nia, ṭhian ho vek kan nia, boruak ka tihchhiat ka hlau maw le," Zohminga en chunga a tih chuan kan lo bu nghat, a sawidik viau tho, keima thiam loh pakhat a ni, ṭhian ti siin ṭhiante mipa duh pawh ka lo hre lo a nia.


"Hey.. Nangni pahnih pawh hi in mipa duh inhrilh zel ang che u, duh in ang te in lo nei palh hlauh ang e," Chhuana'n a rawn tih chuan Rindiki nen in en in kan nui chhuak vak.


A in ang dâwn lo nasa tih kan hre ve ve, a chhan chu Lalrindiki hian hman aṭanga tunthlengin crush kumhlun a nei tlat..
..
..
.
.

"Eyy... Ka pawisa tur rawn la rawh u le," Hotel kan chhuahsan rualin Rindiki'n a ti zat.


"I phone.."


"Lubuar nangpawh," Freddy chu nui ṭhû-in, "ka bet tam ber ṭum a sin le," ti nuah nuah chuan a jacket ka dara inbat chu a rawn zen rak rak.


"Hotel ah an kal tih hre ta che u, kawngsirah ni lovin," inti hre tawkin Rindiki'n tih leh, "Sumparlawmi tiin ka hming hi thlak ila a ṭha ang, sum rim hi a tui ka ti êm mai," uang zet a tih zawm chuan kan lo nui chhuak hawk. Koh tak tak tawh tur a ni.


"11 a pel dâwn, haw ang u. Minzui tur in awm em?" Freddy-an a ti zat.


"Taxi ka la mai ang, ka U te in ka riak dâwn a," Rindiki'n a lo ti vat.


"Keini pawh kalna tur dang kan nei, ni lo'm ni Bae," Chhuana'n, Zohmingthanga kuah rialin a lo ti ve vat.


"Lalrinmawii ka thlah ang a ni mai, naktukah kan inhmu dawn nia, lut rawh," ka luhna tur kawngkhar a hawng zat .


"Rinmawi, Duat min ngaithla teh..." Johnny-a rawn tlan chhuak ka hmuh rualin rang tawkin car-ah ka ṭhu lut a, "rawn lut vat rawh," Freddy chu ka ti nghal.

Freddy rawn ṭhut luh rualin, Johnny-an glass a rawn chum dat dat, ka va hawng âwm lo tak.



"Felfai taka ṭhen te i duh lo em ni?" Car tinungin ka lam a rawn hawi.


Inṭhen leh chuan kan ngai pawhin ka hre lo, tu hmeichhia in nge, a bialpa leh hmeichhe dang saruaka awmlai hmu a, "inṭhen ang" ti duh ang ni, inṭhen chiang sa tur anni zawk.


"Kal mai mai teh," ka ti hlar chu nui huk hukin, "i tet tet nen hian, i nunrawng ve reuh sia," a nui zui ruh ruh, na tawka melhin, "te hi minti ziah suh u, Mizo hmeichhia-ah te chuan vantlang pawl alawm ka nih," ka lo ti let hlar chu a nuih a za zual tih hriat takin ri chhiak meuhin a nui zui huk huk a, keipawh chu ka nui zui ve ta ṭhû tho.


"I ṭha tak tak maw?" Thui fe kan tlana kan nuih nuih hnuah, thutak zawk hian a rawn ti leh.


Ka lo thaw deuh ham ham, "ṭha deuh reuh, Lalṭanpuia ai mahin Ruthy-i thusawi khan ka rilru a luah," ka ti chhuak sap.


Ka ti tak tak bawk, ngaihtuahna thuitak min neih tir, ka bul hnaia awm ka ṭhian te hian engtin nge min ngaih ve ang tih te thlengin ka ngaihtuah thleng bawk.


A sawiah khan dik lo pakhatmah phei chu a awm lo, kan chhungkua duh aiin a hre chiang lutuk chuan minti zakin, minti thinrim ni maiin ka hria!


"Thutaka lak chi pawh a nih loh kha," ti supin car a ti ding zui dat.


"Ngaihtuah vak vak suh," a ti zui leh a, seat belt phelhin, "i rawn lut kawi dâwn lo em ni?" Kawngkhar chu hawn ringin ka dawm ran.


"11:30pm a pelh tawh hi, min ru dâwn te a nih loh chuan lut lo ang," a nui zui huk, ka hmui tih pawrh khum vakin, "muttui le," tiin ka chhuak zui a.


Kan inkawtah chuan ka ding deuh vang vang, ka awm lo tih leh, eng nge ka tih a khawiah nge ka kal tih tumahin an ngaihsak leh dâwn lo tih ka hriatna chuan haw min ti chak lo takzet.


Midang chuan nuam anti zawk mai thei. Mahse, keiin a ka chak chu, hau tu neih a, zantlai tak taka haw châng leh zan riahbo changa ka kalna, riahna leh thiltih min zawt ṭhin tu neih a ni.



Zohminga nen, Rindiki leh Freddy nuna kan awh ber chu, engpawh ti dâwn ila, an nu leh pa ten fimkhur tura tiin, thil an tihsualin an zilh a, zan tlai a an haw in thinrim hmaisen, hrawk phiar ṭâwng ṭâwngin an zilh hau ṭhinna chu a ni kan awh ber ṭhin ni, kan chhungkua ang lo takin, engpawh ti ila tumahin an ngaihsak lohna inchhung ang ni lo vin.


"I rawn haw peih lo em ni?" Gate chhung lam aṭangin Au Ruata aw ka hriat chuan ka hawi vat.


A bân a rawn vai zauh ka hmuh rualin ka tlân lut vat bawk a.


"Nge intih?" Ka ṭhu ve nghal, beer can chu kheuh hawngin ka in nghal khawlh khawlh a.


"Hey...hey....hey... I U te kan awm laiin...."



"Ahhhhhh.....!" Ka hmui hru tawkin ka irh zui awk a, "ka rim i hre dawn tho alawm," Au Ruata en chuan ka ti zui chu an lo nui suk ringawt, kan unau zingah ka rui har ber tih an hre ve tlat.


"I bialpa Freddy-an a rawn thlah lo che em ni?" U Ruata ka melh vak.


"Ka bialpa a ni ziah lo, Rindiki awmlai phei chuan min fiam tawh suh," ka lo ti hlar, U Puia a lo nui suk suk.


Kan naupanlai aṭang tawhib Freddy hi "i bialpa" a ti ziah.


"Ka pa in makpa atan a hual tih i hriat kha. Inṭhian dunin mipa in inchuh dâwn a nih hi, fimkhur hle rawh," ka beng pawp dâwn maw ni?



Ka ṭhutna mau aṭanga siam, nghen chhan tlema âwn deuh chu ka ngheng dawt, ka ke dawhkan hnuai a thluang zui duaiin, vam lam arsi êng phe un mai chu ka thlir zui vang vang a.


"Dik lo a awm em ni?" Au Puia'n a rawn ti sup.

Van lam thlir dauh dauh chungin, "i feel a little Blue," ka ti sep.


"Na hahhh! Tu in nge i mood ti off ngam a?" Au Ruata'n nui hukin a rawn ti zat.


Thle bak a melh vakin vàn lam bawk ka en leh a, inchhung aṭanga glass keh ri chuai kan hriat hre zui, ka ṭhu ngil awt. In hau riin a zui zat bawk.


"An zo tawh emaw tia," ngaihsak lo zetin U Ruata'n a rawn ti. Beer a lem zui khalh khalh.



"In zo la, mu ang u, a tlai tawh," Au Puia zawkin rawn tih leh beer can ruak ho chu a la khawm a.


Za vak lova nui hian, "kan chhungkua hi kan nuihzatthlak inti ve em?" Ka ti thlawt, sawi vak ngaihna pawh ka hre lo.


"Ka hrilh ang che Mate, pasal i nei dâwn a nih pawhin ka pa ang hi nei reng reng suh. Fa 3 hremhmun tla tur vek a neih hi. U nangpawh i inchhir hma-in ka Pa hnung i zui hi bansan rawh, financial lamah a buaipuitu ber ini a, i him rei dâwn lo a nia," U Ruata'n a ti nuah nuah.


"Mu ang u, kan ṭha tlâng tawh," U Puia chuan engmah a sawi chhun zawm lo, ka Pa thu záwm lo tur a tih te chu e lung tum hrilh ila thu a awih zawk ang, U Puia hi chuan engkimah ka Pa hi a dik berah a ngai tlat niin ka hre ṭhin.

.
.
.

"Biakthansang hei aia mualpho i duh loh chuan i hmeichhe kawp kha ṭhen ang che," Ti tuarin kawngkhar ri in a zui ri bur bawk. Ka mit ka lo chhing sawk.


Ka Pa, ṭhut khawmna a zu in chu kan unau thum chuakan en ṭhap. Kan naupanlai aṭanga kan tih dan a ni, an inhauh a piangin kan ding khawm a, ngawi rengin kan en ṭhap ṭhin.


"Han mu rawh u," kan lam pawh rawn hawi lem lovin a ti hluk.


"Kan ropui thei hle mai!" U Ruata'n ka Pa ti el deuh hian uar fahranin a rawn ti chhuak. U Puia'n a lo khap vat.


"Vanlalruat khanglang ṭhin che hian, i U ang khan thu awiha No. 4 ti a, chh** lu kual dun dun lo khan nun pangai hmang rawh," ka Pa in a rawn ti chhar chhar.



"Mate i room-ah chho rawh, Pa nangpawh duhtawk rawh," U Puia'n ka darah min kuai dat dat.



"Thu awih rawh," a tih leh takah chhan muangchangin ka inher a.

"I hnung ka rawn zui a nih hi, nangpawh chh** vang a ni lo'm ni hei i nupui nen in inhauh leh ni," U Ruata lah hian a hläu lo ve bawk.


"Ngawi chipcham rawh Vanlalruat..." Chhuatah no a vawm keh nghal chuai....


"I nungchang hi khawi phiangsen aṭanga nei nge i nih? Laktlak loh lutuk mai," a ri kawk rum rum. A thinrimna U Ruata chungah a hrithla a ni ber.



"Entawn turin awmta reng che, ka U nena min tehkhin te hi bansan rawh, kan naupanlai aṭanga tun thleng a intih awmchhun chu "ti rawh, ani ang hian awm rawh, eng nga tinge itih ve theih loh" tih a ni, thupek ringawt hi Nu leh Pa tih tur a ni lo." U Ruata'n a ti let hrawk. Ka mit a rawn hnâm sawk.



Kan chhungkaw buai rum rum reng chuan ka ṭah a ti chhuak a ni ber.

Ka room lam chu ka pan chhat chhat, "zanin khan khawnge i kal?" Ka ding dat. Room aṭangin a rawn chhuak a, min en run bawk.

Inhnuaia a pasal leh a fapa insual lo chauh a, patling aw khawk rum ruma inhau hre lo ang hmaka a awm chu ka fak letling khawp mai.




"Club-ah," tih leh pensawn mai ka tum a, ding lehin ka Nu chu ka en vang vang, kuah vawng vawng ka chak takzet, chutianga ka ti a ni erawhin, "naupang i ni tawh lo, puitlin tum rawh," tih leh namsawn bak ka hlawh dâwn lo tih ka hriat avangin za vak lova nuih seihin ka room lam chu ka pan chhat chhat a, ka duh miah loh vin ka biangah mittui a rawn luang ngiai ngiai.


Ka room-a lutin kawngkhar khar dawtin ka kâ hupbet chuan chhuak lutukin ka ṭap chhuak hlawp hlawp a, chhungkaw pangai ka neih chakna leh ka chhungte, ka nu leh pa, ka unaupa te chu ka ngai ngawih ngawih a, ka khawih phak a awm ka khawih theih si loh ka thisen zawmpui, hmangaihna minpe ngai lo tu te annihna chuan minti na zual takzet bawk!



<><>~>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 12:58 pm

ZAWLAIDI

By

Floria Laldansangi


Chapter < 4 >


RINTEI...POV ((Siakmawii)



"A la tho lo amaw? Kal ve a tum lo em ni?" Rindiki aw ka hre ruai ruai.


Ka zi mar ṭiah ṭiah a, "Lalrinmawi tho rawh," blanket a rawn pawt hlip sawk.


"Dar 1 a ri dâwn a nia, kal i tum lo em ni?" Ka mit ka nuai chat chat a.



Ka lu lah chu a na em em!

"Dar engzah maw?" Ka ṭhu chhuak luai luai.


"12 : 40pm, i mit chu'h, i ṭap elaw?" A nui zui ṭhû, ka sira dressing table lam chu hawiin, "khai!" Za vak lo in ka ṭhen zui a, nizanah ṭap chungin ka muhil tih ka hre chhuak chiah bawk.


"Lalṭanpuia vangin i ṭap chu a ni êm lo'ng chu maw?" A phone phawrhin ka thla chu a la zui zat. A nui zui kur kur bawk .


Lo melh vakin, "nizanah ka U te nen beer kan in ho leh alawm le. Vodka leh beer power a nih hi," tho in bathroom lam ka pan zui chhet chhet.


Ka inphih fai nghal sawk sawk, "Lalṭanpuia i block em ni?" A rawn au deuh lang lang.


"Block nang, nizan aṭangin ka phone ka la khawih lo hrim hrim," bathroom aṭang chuan ka chhuak a.



"Min block a rawn tih hi. Inbual i tum nange?" A ner nung.


Nui vur vur chungin, "tum lem nang," ka tih chuan a ner nasa zual sauh.


"I ṭawp e Lalrinmawi, i zu ṭhingrim nem inbual rawh," a lo ti hlar, ka inhnim kual, ka nam pawh ka hre lo a sin le!

.
.
.

"Awi! Rinte i vahan chhe lo em em ve. Khatia inchei ziah tur che kha alawm," inhnuaia kan chhuk chu kan in enkawltu Nu Hmai'n a rawn ti hluai.



"Ka ngaina lo i ti i tia, hei i inhmeh viau si; Mahse, i kekawr hi a chhing hret lo maw?" A thlek deuh vang vang, nui chungin ka blazers suit hak chu ka bih kual thuak thuak a.



"Tunlai fashion a nih hi. Ka nu hi khawnge?" Ka hawi kual, pawnah Rindiki a ding vang tawh.



"Pastor te in lamah a tiin ka hria a," a ti chuan za vak lo hian ka lo nui ringawt a.


Ka hmel landanah Nu Hmai chuan ka rilru a hria a ni ngei ang, "kal tawh rawh, i tlai ang," a nui ve tho.

Ṭawng thei tak ni se chuan Nu Hmai hian kan chhungkaw chanchin chu a bu a siam tur a nei ngeiin ka ring, a ruk tak chuan min hmusit te in nia ka rin ni.

.
.
.

"Pasal ka neih chuan Beach-ah ka nei ang, simple si fancy bawk siin," ka ti chhuak sap. Biakin hawnga inneih loh rau rau chuan tih deuh chiai tur.


"Tlawng emaw Ṭiau lui kamah emaw hian i nei mai ang e aw," Zohminga'n nui ruh ruh chunga a rawn tih chuan ka lo melh vak.


"Vawiin i thlalak ho chu aw!" Lubuara a rawn nui ṭhû, "khawimaw," tih leh a camera chu ka ban a, ka ner zui vak.



"Naaaa! Chaihchim ka ang hlawm e," ka ti chhuak chu za lutuk hian anrawn nui chhuak, ka nuih pawh a za ve lo, ka mit a bui nasa si, ka chhe lutuk a!


"Vawikhat pian ve mana pathlawi han neih ngawt mai chu aw!" Melody-i te nupa ṭhutna lam hawi vung chung chuan Rindiki'n thutak fe hian a rawn ti chhuak.


Camera pe letin, Melody kut rawn vai zeuh chu vai letin, "Nichiah, a tawn loh thlak hi ka tia, fa pakhat ala neisa bawk a," ka lo tih zawm zat.


"Buy 1 get 1 free a nih saw," Chhuana'n a rawn ti, nui ṭhû-in, "nula hnahkhat nih a, second-hand thin ngawt mai chu a ho e! Ka chapo-nain min phuar," ka tih chuan a ai ringa rawn nui dur dur chuan, "secondhand lo an tam nen tiraw?" Rindiki en in nui ṭhû chuan ka bu nghauh nghauh.



"Tunlaiah pathlawi a lawm luck tawh zawk a. An zûna uai te hi a nâ an ti a nia. 'Thlawi zûn a uai leh ngalchar khawn chu a natdan a in ang e' antih ṭhin hi," Chhuana'n a rawn tih ve chuan kan lo ner nasa ngang mai. Pathlawi neih hi chu kan tum lo dun ve êm mai a ni.


"Tikhan inti intia, innei tulh mai ang aw. 'Ka duh ka tih zinga tamtak hi ka duh leh loh tur a ni a, ka duh lo ka ting zing a tam tak hi ka chhar khawm leh tur te anni' antih kha, inṭawngkam hi inchhar khawm leh si ang e," Zohminga'n inla fing tawkin a rawn ti zui zat bawk. Hemi te nupa hi chu hnial pawh ka hnial peih lo, an ṭang rual si ka ngei a nia.


"Ka hrin loh ka fa hi ka hmangaih theih pawh ka ring love kei chu...." Rindiki thusawi pawmpui tawkin ka lo bu nghat, tunlaiah mahni fa hrin pawh hmangaih dan thiam a har laiin... Aiiiiii... Pasala fate hmangaih chu a har ve khawp ang. Keini "fanu fel leh nula fel" tia sawi ni ngai lem lo tán phei chuan thil theih loh taw a ni ang.


"Bakah, an nupui hlui te a khat tawka hmuh reng an ngai dâwn si a, fa 2 chungchangah inbiak a lo ṭul bawk ang a, nuhrawn chu nuhrawn tho tho. Antih ṭhin hi, hmangaihna in zilh hauh mah la, nuhrawn inih chhung chuan 'a fa tak a ni lova' tih i hlawh dâwn tho tho, zilh hau loh leh, 'a zilh hau peih nang, a fa ni hek lo' tih a ni zel e antih kha," Rindiki bawkin a rawn ti leh duah, ngaihtuah pawh ka ngaihtuah peih lo, pathlawi neih ai chuan lêntar a ni mai!


"Pathlawi neih aiin lêntar a ni mai," ka ti chhuak chu an awih vak lo nge an rawn nui ri huk.


"A neite berin anduh chuan sawi theih kan nei lo," Lubuara'n a lo ti ve sup a.


"hey...hey...hey..." Ka malah Rindiki'n a rawn kheuh zui deuh nawk nawk.



"Ngeeeee!" Tih leh a en na lam chu ka en, ka thaw zui hawk, Lalṭanpuia hmel hmuh hi ka peih lo a sin.


"Duat...." Ka hawi kual thuak thuak, ka hmuh kân lui hmiah.


"Duat..... Rinte...." Ka hmaa ding chu en chho vin, "huh... Min bia em ni?" Ka ti lui heu chu ka ṭhian te an lo nui ri suk hlawm a.


"Inbe teh ang." A va thu lo tak!


"I sawi duh chu sawi mai rawh, ka ding peih lo," ka sual thiam zia mai chu!


"A rei lo ang," tih leh ka chhanna pawh nghak lovin a pensawn daih lehnghal, ka vawm zui awk dâwn maw ni le?



"Kal rawh, pangai takin inṭhen pui rawh, nakinah buaina a tam lohnan," Lubuara'n a rawn tih takah chian peih lo zeta tho in, "ka bag vel hi lo en ang che u," tih leh ka pensawn zui nghal.


"Chuang rawh," a bike bul ka thlen rualin a ti zat.


"Sawi mai rawh ti khan," ka ti tak nâ-in bike ah chuan a lawn daih tawh.


"Kan rei dâwn lo," a ti leh.


"Min kal hlatpui suh ang che," tiin ka chuang ve ta nge nge a.



Min khawih ngam dawn lo tih ka hriat avangin ka zui a ni mah zawk.


Bike a ding dat, ka hawi kual, Waiting seat hmaah hhuan min dinpui a, "sawi rawh," ka chhuk rualin ka ti nghal.


Ka hawi kual, kan awmna hi khawilai nge a nih pawh ka hre ve leh pek lo, Sikulpui kawn huam chhung chu a la ni chuan ka hria.


Helmet phelh a dah ṭha in, ka lam a rawn hawi a, Bike aṭanga chhuk chuan ka bul chetah a rawn ding zat. Rang zet hian ka lo tawlh sawn a, a thaw zui halh bawk.


"Ruthy-i nen kan inkar kha....." Ka kut chunglam ah ka lo vai thuak, "a point-ah lut rawh," ka ti zui hmak bawk a.



"Duat, vawikhat chauh chu min ngaidam la. Bakah, Ruthy-i ka duh loh zia leh min zarhneh zia i hria alawm," thiamchan tum zeta ti lehin alamah min pawh a tum chu rang lutukin a kut ka lo bensawn sak a.


Mahse, kei aiin a che rang daih, ka bânrekah chelhin alamah min pawt hrawk, tal ve nghal phat phat chuan, "ṭawngkamin sawi rawh, i kut thawh suh Lalṭanpui," ti let hlar chungin tal chhuah ka tum ve phat phat.


"Ka thusawi ngaithla duh hek lo che," a ti ve ta hluk.



"Min khawih vaih chuan i dam chhung leh chatuanin i inchhiar dâwn tih hria ang che," ka ti tuar, ka Pa a hlauh zia ka hre reng.


Min la kuahbeh tlat avangin na zeta a mipatna ṭham sak ka tum laiin, hnehsawh zet hian tu emaw-in a rawn pawt ṭhen phawk.


Keimah chawpin ka leng lawp in nia ka hriat ni.


"Ṭawngkama sawifel turin a tih che kha," a aw zet chu, a ring miah lo, dam dup ang a lang siin a khauh fuk thung.

"Tunge inih a, min thlah rawh," Johnny chuan a ti khar khar. A vawnna bân chu a na a ni ang, Lalṭanpuia chu a ner deuh nawng bawk.


Ka hmaa ding palian zet mai chu a hnunglam chiah ka hmu nâ in, lian hem hem tak a ni, a dar pharh hlai ṭha khup mai te, a jeans jacket hak chhan a tisa hrawl ṭha tih hriat tak hmuh theih te chuan a hmel hmuh minti chak zual.


"Min thlah rawh," Johnny bawkin a ti leh, ani aiin a lian fe a, Lalṭanpuia chuan a en chho deuh hâ mai alawm.


Johnny kut a vawnna en zawkin a thlah a, ka lam a rawn hawi.

Khai!!!! Ka hmaah Pathianin a fapa a rawn vawm thlà emaw ni le? A va ṭha tehreng êm!


"Tuge inih a?" Tih leh a kawr âwm a rawn ṭhâm a rual, ka pan hnai vat.


"Thlah rawh Lalṭanpui," ka ti ṭhat, ka bula ding Lalhmelṭhaa lah chuan hnehsawh zet hian Lalṭanpuia kut chu a pawt thla nawk a, a theh let deuh sawk bawk.


"I bialpa thar a ni tiraw?" Min en khur khur.



"I hriat a ṭul lo," ka ti let hmak chu a ner sawk sawk.


Kut ṭang sâi dar dar chunga min kawkin, "Lalrinmawi inchhir hlek suh ang che," thinrim sehchilh deuh rap rapa a tih leh chuan ka ner khum vak.

Ve an a! Ka khâk chhak chhuak ila, ka lem loh avangin ka inchhir zawk ta ve ang.

A kut tum la let vuka inher a tum chu kuangkuah at a, zam duh bik eih lovin ka dak leh vah, chhantu ka nei tawh tho, ka zam leh âwm lo.

"Johnny, free advice ka pe ang che, Z**ng pahnih i nei te a nih ngawt loh chuan ngaihzawng kawp tawh ngai suh ang che," ngeiawm lam lek lek a ka tih chuan ka sira ding ve run, Lalhmelṭhaa chu a nui tih hriat takin a hnar aṭanga ri chhuak vûk chu ka hre zui zat.

"LALRINMAWI...." A chang fia fia teh e, ka Pa chu hlau lo se min hnek thal tawp tawh ang chu maw le. Ka Pa laktlak loh ve tak hming hmang hian buaina hi ka va pumpelh zing ta si êm!

.
.
.
.

"Ka lawm e..." Johnny tlân chhuah rualin ka sira ding Lalhmelṭhaa kha pensawn a tum a, ka au ding dat.


A rawn hawi let, "umm," tih ngawt a min chhangin min inhersan leh a nih chu!

Ka chhiat loh tehreng nen ka taksa chu uluk tak pawhin a thlir lo nia maw le! Gay a ni lo tih min hrilh hrâm teh u!


"Kan haw tlâng thei angem?" Ka um vat.


A ngawi ngul, a len zia chu a awihawmloh zawk, Mizoah hetiang a lian mipa hi an lo awm a ni maw?


"Tunge i hming?" Min chhang lo.


"Lalrinmawii ka nia," ka kut ka lek chhuak, en pawh min la en chuang lovin, "ka hria," a ti bul nghut. Ni tak, nichin khan a hria ang chu.


Nelawm viau lo mah se a chhe lo tho, ka ngaidam mai ang. Mahse, ka rilru tetekn Gay a nih lohnan ka phun malh malh thung!


"I hming chu," ka ding dat. A ding ve mai bawk a.


"Ka nei lo," ka vahan beng chak tak! Hmelṭha viau lo se chuan ka kalsan daih tawh ang, a aw chhuak lah chu a ngai reng, a ring lo a, dam viau siin a nelawm viau loh thung. Engahmah min ngai lo tihna a niin ka hria.


Ka zahtheih loh ka chhuah laklawh tawh, ka beidawng âwm lo!


"Ka bag leh phone ka kalsan daih a, i phone ka hmang lawk thei angem?" Awi ka zei zia hi!


Min en deuh run run, a ipte aṭangin phone chu a phawrh a, a phone ka hmaa a rawn lek chhuah ka hmuh rualin ka ka hau mai.


Kum 2021-ah Nokia C21 a hmang a nih chu! Kum zabi sawmhnih pakhatna a nih hi le

"UNCLE!!!!!!!"



"I hmang dâwn nge dawn lo," ka harh zawk.


"Chuan Uncle tih tur a upa ka la ni lo," a ti bul nghut. Shia.....! Ka rilru ka lo sawi chhuak leh a ni maw?


"Hmang dawn," ka nuih a za ru viau UNCLE tih chu a duh viau lo a nih hmel.

Tunlaiah hetiang phone te ala hmang a nia!


"Rindik," ka ṭhiannu aw ka hriat rualin ka ti sep, "keimah, ka bag leh phone kha kan inah min rawn pe mai ta che u, hei ka haw dâwn chiah," ti zui a.


"Ka dah mi phone ka hmang bawk si," min chhanna pawh nghak lovin ka off vat.


Phone chu pe letin, "kan haw dun mai dâwn em ni...." Ka ṭawng zo hman lo taxi rawn tlan chu a phar ding a. Kan bula a din rualin, kawngkhar a hawng zat.


"Lut rawh," a ti sup, ka en haw, "ka inthuam dan chu ka chhip aṭangin a en thla dan dan, ka sawi kha hetiang khawpa chhe lo hi a haider reng thei lo, tar pawhin luangno an duh alawm le


"Lut rawh," a tih leh chuan ka nui var var, a rilru ka hria mah se chuti maia hmeichhe easy ka ni bik lo.


"I hming min hrilh phawt la, i rilru ang kha chu nakin atan," ka pan hnai tur chu a rum nghut

"Haw rawh ka tia lawm," a ti bul leh sup, ka meng kawk, min mutpui a tum lo amaw? Eng nge maw ka ngaihtuah le?? Awiii!!!


"Sawi ta che," ka ti let hlar, ka thusawi hre lo ang hmakin taxi lamah chuan a thle bak, ṭawng tawi thei si, a hawrawp hriat tlem tete a rem khawma a chhak chhuak emaw tih tur khawpin a tawi.


"Pawisa....." Min en run run, ngawi reng chuan ka ṭhu lut ta nge nge a, a mit khur thûk lam lek lek, thûk chhia ni si lo, mitmu dum fiah zet mai sawn thil a ti thei vei phian a ka hriat ni.


"Inveng...?"


Ka veng ka sawi zawh rualin, "in inkawtah din tirin i pe dâwn nia," tih leh kawngkhar kharin min kalsan nul nul a nih chu!!!!

A vahan gentleman lo rem rem tak e aw!

Ka chhiat loh tehreng nen en pawh min en nawn eih lo lehnghal a! Tunge maw a nih hrep le??? Ka hre chhuak tho ang che.


<><<>~>~>


MC-A....POV (Mc. Lalduhawma)


"Eng nge a khawsik a an?" Chhuata ka fanu infiam chhip a tawk zauhin ka nau chu ka en a.


"A dam tawh lutuk kha, a U pawh a hnial leh zet zet thei tawh," ka nau in a lo ti nui vur vur.


"Eng nge i han kalna chu a an zawk?" Ka Nu bula ṭhu thla in, "karthar lamah a insawn luh theih ang," ka ti sup.


"In insawn zawh lamah ka haw mai dâwn em ni te ka tia. Mahse, Lalhriatkima ngawt chu ka ring bawk si lo," naktuk hian kan khaw lamah a haw hlen tawh dawn a, keini pafa leh Mami erawh Aizawl-ah kan la awm rih hmel thung.


"Bungrua a tam lova, ngaihtuah tur a awm lo, Hriata ringawt chuan hreawm a ti ang."


"Pa engtik nge kan khuaah kan zin ve dawn?" Ka fapa kum 9-na hmang ve ṭan tawhin a rawn ti.


"Keichu api rualin ka zin duh e, anî zui ve daih ila," Mami lam chu a hawi, a nuih tlawn ver ver bawk.


"School kal loh dan tur ringawt i zawng," Mathew-an a nau chu a zilh ve hlak.


"Ka zawng lo..." Ṭah nghal tumin ka lam a rawn hawi.


"Gabrielle, i zahpuiawm lutuk, thawk a phit hian ṭah hi i tum reng mai. I pa fanu tih hi i inhre lutuk a," Mami'in a lo ti hlak chu a ai chhuakin a rawn ṭap.



A mittui tla miah si lo chuan ka malah a rawn lawn kai a, a ṭap zui raih raih, ka lo nui nghawr dat dat.


"A nu tetlai chiah a ni, nu siar, nu siar," ka Nu in nui chung a lo ti ve bawk.


"I phone a rik kha."


Ka phone chu phawrhin, "Hello..."


"Hi... Min hria em?" Hmeichhe aw ka hriat rualin kha hmeichhe no tak mai, mal mum ṭha tak nei, mit bial leh mitmu fiah ṭha tak, thinchhe mithmul tih hriat taka sei pir vah kha a rawn lang zat.


Mipa tán chuan khatiang a nalh, khawih thiang loh ni âwm hiala mawi kha theihnghilh chi a ni tlat lo.


"Hre lo," Ka ti ta tho va.


"Lalrinmawi... I hming min hrilh ve tawh la," a rawm ti leh.


"A ṭul lo ve," ka ti zui sup chu nui ri huk hian a zui, a mah chauhin a awm lo tih ka hre nghal bawk.


"Ka ei zo dâwn pawh nilo i va uikawm ve," a rawn ti hlar. Ka in rinhma in ka nui ta suk. A hmel tereuh nen khan a lungawi lo aw chu ngaihthlak a nuam vei phian.


Gabrielle-i ka mal aṭanga a chhuk rualin room lamah ka lut phei a.


"Ka duhdan in ka ko ang che nga a ni mai, Bialnu i nei em?"


"Nei lo," Keimah ang lo takin ka hmel hriat loh lehnghal kachhan ve ze ni.


"Nupui.."


"Nei lo...." sh*t! Chhan ka tum miah loh a ni

"yes..." Ti ri ka hre zui.


"Tun atan chuan kha zawng kha, muttui le," tih leh a off zat. Phone en chuan ka kiai ta suk ringawt a.

"Tu nge ni a, nangmah a i nuih vur vur," ka nau rawn lutin ka bulah a rawn ṭhu.


"Ka hriat ngai a ni lo," ka tihna chu a awih hmel viau loh.


"U Siami'n min rawn be leh a. A rawn be ve che em? Inhruai leh te hi a rilruk a ni lo'ng maw aw ka ti," a rawn ti sa sa. Mizoramah a rawn haw tih nimin khan ka ve chiah zawk.


"Pasal kha a nei emaw ka tia?" Ka ding a, min rawn en chho.


"Biak biak a ṭul tawh lo," tih zawnga chhangin, "ka Nu chu Patea te a bia em ni?" Ka tih san a.


"Ummm, U....scholarship kan dawn theih loh chuan college hi chawlin hna ka zawng ve mai dâwn em ni le?" Inthlahrung ru tak chung chuan a rawn ti da da.


A naupai avangin kum 2 dâwn kha a chawlhsan kha a nia.


"Rilru tihah duh suh, a awm ve leh mai ang." Class a neih loh chang pawha a awm awm a thawk pawh hi duh lo viau mah ila, a luhlul ve tlat avangin ka sawi zui duh ta lo zawk a nia.


"Anî i ṭhiante an lo lêng," Mathew-a a rawn dak zui.


"U chawhmeh ka ti lum tawh a nia," khum aṭanga tho a tiin a chhuak zui. Message ka dawn ka en zui ve nghal bawk.


"Putarte," tih zawng hi a ni. Ka number hriat loh mah nise, a ṭawngkam aṭang erawhin kha hmelchhe tleirawl, nghal hmel tak kha a ni tih ka hre nghal bawk.


<><>~>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 12:58 pm

ZAWLAIDI

By

Floria Laldansangi

Chapter < 5 >


RINTEI...POV (Lalrinmawii)


"I peih ngawt mai, i message a reply ngai che pawh ni lo," Chhuana chu ka melh vak. Kan inhre ngai lova min reply loh chu a tij ve tur rêng alawm le.


Bakah, awlsam taka thioneih chu awlsam takin a rilral ṭhin, harsa taka neih erawh kan ti riral mai mai lo. A ni lo'm ni?


"Karkhat chhung a text reng a, a hming pawh a la hre lo a nia," an nui zui hawk hawk.


"A duh lo tihna a ni mai alawm," Lubuara'n a lo ti nghut.


"Lubuar, lawm lohna i nei em ni? I tûm bau reng mai," ka phone dah thlain ka en, Putar hmelṭhaa chanchin ka sawi aṭangin min melh ngur ngur hi a bansan lo reng reng.


"Nei lo," a ti bul nghut, a nei khawp mai.


"I nei a nih kha a," tih leh phone bawk chu ka la leh, "min duh lo a nih pawhin, min duh loh vang talin a buai tur a ni," ka tih zui zat chu an lo chek tlak tlak.


"Vawikhat chiah ila hmu a, tikhawp hian i buaipui a. A englai ber chu nge maw i duh le?" Assignment ti pahin Zohminga'n a rawn ti.


Ka mitthla ah Putartea a rawn lang, lai deuha nui sun sunin, "ka hre lo mah se a taksa ka hre chiang chak," ka nui zui ar ar.


Rindiki'n a lukham pawm laiin mi rawn vaw deuh pawp, "tenawm lutuk suh," tih leh, "scholarship chungchang hi inhre ve em?" A tih zawm a.


"Dawn vat ka duh a nia, Bike lei ka duh," Zohminga'n a rawn ti.

"I pa zawt ta che, education minister a nih kha le," Rindiki'n a lo ti hlak chu ner nung nungin, "chhung inkhawm anneih pawhin ka tel ve ngaiah pawh an dah tawh lo, kan inbiak khat leh hmuhkhat zia chu cheng dun lo ang mai kan ni," za vak lo hian a ṭhen zui sak.



Zohminga leh keini hi chu in anna tamtak kan nei a, zalen deuh siin kan zalen dan hin a pik tlat ang lawi si!


"Keini ho hi chuan dawng lo mah ila a pawi lo maw le, scholarship ring zirlai an tam si a, mamawh ngawih ngawih ho hian dawng se ka lo tia," Freddy-an thutak zetin a rawn ti ve.



"A dil pawh ka dil lo hrim hrim keichu, ka dil miah lohvin kum hmasa kha chuan ka dawng, ka Pa-in min dilsak a niang," ka ti chu an lo nui hawk hlawm.



"Tunah pawh zirlai ṭhenkhat chu an talbuai chu a nih ṭan der hi maw! Inthlan leh hun chu zirlai te kan harh chhuah a sorkar tur ka thlan uluk a ngai viau in ka hria," Freddy-a thusawi chu pawmpui zetin kan lo bu nghat nghat.



"I Pa te an tling dâwn lo a nih chu," Zohminga nen min en in Chhuana'n a rawn ti, za vak lo hian kan lo nui ṭhû ringawt a.

.
.
.

"Scho chungchang hi hriat i nei em?" Chaw ei laiin ka Pa chu ka melh zauh.


"I buai lohna turah buai suh," ka Nu in min lo chhang hlak, ka Pa erawh a ngawi ran.


"Supplementary Demand a nikum scho tur dil belh pass vek tawh kha sum khawiah nge a awm? Kumin zirlai ten scho an dil a, state tum ve tur budget - 20% chauh dah a ni a 80% dang kha khawi aṭanga pek tur nge?" Ka sawi zo hman ṭawk, na lutuk hian dawhkanah chuan a fian a dah ri bur a.



Rum lutuk a min rawn enin, "nang naupang khan eng nge hriat i neih ve, i lehkha chiah ngaihtuah rawh," ring si lo hian a ti chhur chhur.



"Zirlai tamtak mangang saw inhmu lo em ni? An innghahna, an zirlai chhunzawm theihna tur, an hmalam hun a ni tih hi inhmu lo em ni?" U Puia leh ka Pa chu hmai sa hat hatin ka melh tawn hraw hraw.


Tumah mahin chhan mintum lo an ngawi ngal, "Mate i hriat leh hmuh ang ngawt hi a ni lo a nia, H&TE Minister pawhin central lamah theih tawp a chhuah ve bawk tih te hi hria ula," U Puia'n a tih rualin ka nui hul hak.

"Hnar hnuaiah phatna a bo lo" antih kha maw!



"Ruk in ru a, a rukin emaw inlak intia a lang chhuak leh bawk si, mipui inbum emaw in ti a, mipui inbum fin sa ho nangni aiin an lo fing fê tawh si nen, in rilru hi a hah ve thei ngawt lo maw?" U Ruata chu rawn hawi chhuak miah si lo hian a nui zui ruh ruh a.


Ka hnar zawnah eng emaw hi a rawn thlawk fua, ka hnar a thawi in ka hre hial zawk, ka Nu a rak ṭhat, "chhuak rawh..." Ka pa in a ti ṭhawt bawk a.


U Ruata bek chu rang lutukin ka en, a pawng nghal ṭawl chu lian tak a ni.


"Inhau lo leh inhnial lo hian chaw kan ei thei lo em ni?" Ka Nu in a rawn ti ve nghal hlur. Ka thaw dep dep, pangai taka awm ka tum a mah se ka Pa aw khan minla ṭhâm niin ka hria, ka vawikhat hriatna phei chu a ni miah lo mah se ka mit hmuhah kut a thawh ngai miah lo thung.



"Pu Biak, Pi Nunmawi, in awm maw? A khai! Chaw ei lai ka va nangfuh thei ve," Pastor a ni.



Ka Nu leh Pa hmel chu chawp chilh hian a inthlak nghal, an kâ pawh zen ila min seh tawp nang.


"Lo ṭhu rawh, kan kham chu a ni mai," ka Nu-in dam diai a tih leh U Ruata nen a mit hmanga min vau zuiin a tho nghal a.



"Ramhuai pawhin Bible zakzeh chungin Biak In hi a lut thei' antih kha tak tak a nih dâwn hi," ring si lo a U Ruata'n tih leh a tho nulh, ka zui ve nghal.


"Ruata," kan unau chuan kan ding dat a.


"Hei 'Harh tharna' tih thupui hmangin camp chhawng 2-na kan siam leh dâwn a, rawn lut ve ta che," Pastor-in nuisangin a rawn ti. Min biak ve lem loh avangin ka room lamah ka chho zui a.


"Pastor kum thar lamah inla siam chuan ka lut dâwn nia, Û-Á-MÂ dâwnah kan da leh dawn tho tho va, kohhran buhfai a hek mai mai," U Ruata'n a tih chuan keimahin ka nui vur vur.


Ka Nu-in nui awr awr chunga Pathian thu a sawi zui chu ka hre hman, za vak lo chuan ka nui leh ta ringawt a. Kristian ze thup thiam diktak chu kan nih hi!


Lemchan lamah te hian ka ila kan chhungkaw ho hian, OSCAR AWARDS te hi kan dawn hial a nia ka rinni.

.
.
.

<><>~>>

Mc-a..POV


"Apa, Siakmawi'in a lo call che," phone chu ka ṭhutna lamah a rawn keng a.


"Tunge Siakmawii chu ni a?" Ka ṭhianpa in a lo ti sup, a nuih danah a rilru a awm ka hriat nghal avangin ka nui suk.



Chhang lova off zuiin, "naupang maw le," ka tih chuan a awih loh hmel khawp mai.

A engtia he hmeichhe naupang hming pawh hi pangai taka save ve ta mai lo nge maw ka nih le? A message leh call ka chhangin, ka la ngai pawh a ni chuang si lo va.


"Tunlai chu phone hi i bih zing hrim hrim, a chang leh i nui ang vur vur a. Bialnu i nei te hi a ni lo maw?" Mami'in thing hâng rawn chhawp paha min fiam zui ve zauh chuan lo nui sukin, "phone thar ka läwm ve rih a nih hi," ka ti thla ngawt bawk a.


"In awm em?" Kawngkhar aṭangin ka aw hriat ṭhan em emin a rawn ti.


"Indam maw?" A tih zawm zat. Kan ṭhutna lama rawn pen hnai.


"Eng nge i duh? Bawihpuia Inah a awm lo," Mami'in a lo ti zui hlak.


"Bawihpuia ni lovin, a pa zawk hi nia biak ka duh ni," a nui säng. Ka lo en ngur a, ka lawm loh zia a hmu lo der tlat thung!

"Ka phei ve ang e, kannu a lo âng leh nasa lutuk ang," Medal-a chu a tho nulh.


"Thingpui hâng hi in ve phawt la."


"In lo ang, rawn kal a piangin ka ina, ka zawngchhang dâwn tlat, kannu thikthu a chhe si," a nui zui huk huk, ka lo khi ve suk suk a.


"A nih ṭhiana ka ring che a nia," tiin a pensawn zui a.


Nunsiami ṭhut thlengsei a rawn ṭhu thla in, "Khawnge Bawihtea te unau chu?" A hawi kual zui thuak thuak . Mami lah chuan a en ngur bawk a. Nunsiami lah zam bik lo, a nui säng reng.


"I duh sawi mai rawh," ka lo ti bul nghut.


Ṭhu ṭhain ka lam a rawn hawi a, "Bawihpuia te school karlehah an chawl dâwn tih ka lo hria a, khaw lamah ka hawpui zawk thei a ngem?" Min en ran.


"A theih loh," tih chiahin ka chhang, ,"khua a haw thei ni se ka Nu a zui haw ang chu," Mami'in a lo ti zui hlak.


"Rei pawh ka champui dawn chuang lova, keipawh hetah, Aizawlah hna ka zawm mai dâwn a rei pawh kan awm hman dâwn chuang lo tak tak," ngên ngawl deuh hian a ti leh.


"A hma zawng zawng pawha ngaihsak si lova, tuna taka rawn inlak ngaihsak," Mami'in ti niah niah chuan dingin a pensawn zui hmawk hmawk bawk a.


"A landanin a rem dâwn lo niin alang," a ti sep, za lo tih hriat tak hian a nui zui bawk a.


Ka ṭhut ngai a ṭhu in, luhlul zetin hma lam ka la en ngur thung, "min la haw viau em ni?" A ti leh.


"Nupui neih i tum tawh loh pawhin, ngaihzawng te tal neih i tum lo em ni?" A zawhna pakhatmah chhang lova ka ngawih ngul takah chuan beidawng nui ti tih a nuiin, "Bawihpuia khaw lama ka hruai haw theih loh chuan ka rawn tlawh fo a ngai dawn a nih chu, hna ṭan hma chu hun hman tampui ka duh ve si a, zanriah ei a hun tawh dâwn sia ka haw ang e, chaw ei tui u," tiin a tho a, min rawn en leh, kawngkhar lam ka la en ngur thung.


Ka Nu-in a hmuh rem ti lo se zawng, ka thu chuan a fapa hi a hmu lek lo tur!


.
.
.

"Mc, chhun chaw hi rawn ei hmasa rawh," Awmpuia te In kan khawih a, hlawh a ṭha in, hnathawk anchhawr nual bawk nen, a zia khawp mai.

Cement work lam pawh kan thawk chak vut vut viau bawk.


"Naktuk chu Biak In lamah slap chhun antia, hnatlan ve zawk ka duh a, ka rawn tlai deuhin ka ring," ka kut bengfai thawk thawkin ka ṭhu thla nghal


"Awmpuia a rawn kal dâwn alawm, nichin mai khan min rawn bia a," Medal-an a tih chuan bu nghutin pizza inchhawp hnur mai chu ka ban zat.



"Hi...!" Ka thil ei ka hal ṭhelh!


"Putarte, kan in sakna ah hna i thawk tih i sawi lo va. Pizza hi ka lei a nih hi, a tui iti em?" Min rawn din hnaih nghal surh surh.


Midang chuan nui ṭhû hian min en hlawm a.

"Eng nge i duh?" Ka ding chhuak.


"Nangmah?" Ka aw zawih ang chiaha zawiin a rawn ti let.


"Lalrinmawi...." Ring si lo hian ka ti hluk, a ha var leh rual nalh tak mai lang chuan a nui sen sen, a biang no tak lah chu a sen taitêk ang bawk a!



sh*t! Keihi ka dik dâwn lo tawp mai, naupang mai a la nih hi le!


"Ahh...ka hming i lam ve tawh elaw," a nui zui ar ar.


"Ka message leh call...." Rang takin a kâ ka hup, ka thawhpui te lam ka hawi chu nui ṭhû a min lo en in, "kan mit kan chhing a nia," Medal-an a lo ti. Ka tan ni lo he tleirawl tán zawk hian a ṭha hauh lo.

Pathlawi dem a hlawh chuan a hmingchhe thei a ni tih te hi a hre lo em maw ni?



<><><>~>


RINTEI..POV


"Nilengin vai hnathawk i thlir a ni ringawt alawm Lalrinmawi," ka ṭhutna aṭangin kan In sa mek tu te chu ka thlir veng veng, lawm lohin ka nui ver ver reng bawk.


Ka kâ a hup lai te, ka hming alam lai phei kha chuan nikhaw hre lovin ka awm lo chauh zawk alawm le!


"Zakthei lo a ti ngawt ang che, i zar hneh ropui si," Rindiki'n a tih leh zat chuan nui awr awr chung hian, "zahloh theih a ngai zawk alawm. Duh reng duh lo ang a lan chu chânna," ka melh zu zauh, ani ang a mahni duh ngawih ngawih pawh hrilh ngam lo nih ka tum aw kawngka lo!


"A chhiat chu a chhe lo a nih saw. Thingtlang tlangval ka lo suangtuah dan chuan, bâl hnik hnek, vun dum beh ve tak ro bawk si, ha bâl deuh, an kuhva eina sen deuh huam zel turah ka ngai a. Bakah, a phone hman i sawi khan a ṭhin hmel bawk sia. Ka hmu chiah kha a taksa hriatchian i chak saw ka dem ta lo reng reng che," Rindiki bawkin a rawn ti leh a nui zui uar uar bawk.


Inti thei fe hian ka lo hawi vah, tunah chuan ka thusawi an awih tawh ang chu, Lalputara hmelṭhat zia leh taksa nalh zia ka sawi a pianga ka mumang sawi emaw mintih pawh a reh hmak ang chu.


Pathian khi ka lamah a ṭang tih hriat reng reng, kan Inah hnathawk turin a rawn tir a nia, ka pian a hnua malsawmna ka dawn awmchhun a ni hrim hrim ang.


"Tunlai Zohminga awmdan hi a danglam inti ve em?" Chhuana'n a rawn ti. Nizana Zohminga message kha ka hre chhuak, ka ṭhu ngil a.


"Engtin nge a awm a?" Ka ti sap.


"In inhau ve leh khanglang em ni, Gay a kara in inhau ve hi chu in ninawm," Rindiki'n a lo ti bak hlak, a ṭawngkam hi ana ve hrim hrim a, a hmuhsit vang phei chu a ni hauh lo.


"Chutiang lam a ni lo, tunlai hi a mood a inthlak a inthlak mai, Bible te a chhiar a..." A rawn ti sur sur.



"Chhiar ve bawk ang chu, Kristian a läwm kan nih a," Rindiki chu a nui zui kar kar.


Kei erawh ka nui thei lo, a hma pawhin a nunram chauh thu leh a nundan thlak a duh thu a sawi fo tawh ṭhin. Chutiang bawkin nizan a message-ah pawh, "Pathian hi engtin nge ka neih theih ang?"
"Au ila min chhang a ngem?". "Min kaihruaitu tur ka mamawh niin ka hria," Tih te a nih kha.


Puih theih ka duh, ka ṭhian a ni a hetianga mahni anpui kawp reng tur hian ka duh bik miah lo mah se, puih ngaihna ka hre lovin, zilh thei leh pui thei dinhmunah lah ka ding bik tlat si lo.


Keima thlarau ngei pawh hi a tuihal ruk ve em em chang a awm a, kan chhungkau, kan vai mai hian Pathian tak hmuh kan mamawh tih hre mah ila, auh ngaihna leh auh pui ngaihna ka hre thlawt lo a ni.


"Mihring chuan nunchauh ruk em em chang kan nei ṭhin alawm, a reh ve mai ang. Bakah, Zohmingthanga tan chuan an Inchhungkhur ringawt pawh saw mood off reng natham a ni," ka ti hap, ka chhungte ho ka mitthlaah an rawn lang zat, a sawitu pawh hi eng ka ni chuang si lova, hei vang hi a nia tumah Pathian au tura ka hrilh theih loh chhan ni!


"A pianthar san che i hläu a ni maw?" Ka nui hak, Rindiki mawl theih zia hi chu'h!


"Hlau nang aw! Pathianah piantharna a duh tak tak a, a zawng tak tak te a nih chuan 100% in ka support," tih leh, "bialpa dang zawn a har lo êm mai, Mizoramah hian a ruka Gay antam lutuk," a nui zui huk.


"Kan thingtlang tlangvala hming te chu sawi ve la?" Chhuana'n a rawn tih zawm. Nui sen senin, "Lalduhawma, MC. LALDUHAWMA...." Ka ti sep.

Duh loh laiber pawha LALDUHAWMA ni tur a ni tlat!


Kan Inah hna a thawk a ni tih ka hriat tirh leh hmuh tirha ka lawm zia kha a! Ka U hnenah a chanchin a hriat zawng zawng ka zawt a, a hriat zawng erawh a hming leh a chenna, kan In thlang lawk a Pu Chhûma te in hi anrawn luahlut deuh chiah tih zawng a ni!



"A pian saw chu a nalh maw le. Mahse, kan ngaihzawn chi a nih hmel loh e, a ṭawng tam loh hmel sia," Rindiki'n a rawn ti leh, nui var varin, "minduh chuan a tawk," ka lo ti hmak.


Ner vak chuan, "kar hnih deuh thaw phone aṭangin i be tawha a chhang tawh che emaw ni?" A lo ti vat.



"A haw dawn a ang," a tih zawm chuan ka ding zat.


"Eng nge itih dawn?" Ka ṭhiante pahnih lam hawiin, " ka taah ka siam dâwn," tih leh pensawn ka rual.


"A hláu zawk ang che," nui chunga Chhuana rawn tihna chu ka kut ka vai san ringawt.


"Hi...." Kawngpui ka thlen rualin a bulah ka ding dat a.


Min kal pelin a pen ngaiin a pen pawk pawk.


"Mc Lalduhawm..." Min rawn en zawk. A hmelah chuan min nin hmel emaw thinrim hmel pawh a pu lo, ka sawi thiam dan berin boruak ang maiin min ngai a ni ber. Chu chu ka duh ṭhak lo bawk.


"Eng nge i duh?" A zawhna ngai bawk, amah ka duh tih ka sawi tawh sia chhunah khan!


"Nangmah," min zawh peih chhung ka chhang peih thung, min rawn en chhuk zawk, a hawisawn leh a, a pen ngaiin ala pên reng, a pen zau si ka ngei e!


"Love at first sight hi i ring em?" Min chhan a tum leh tawh lo.

"Ka hmuh aṭang chein ka ring," ka rih rualin a ding dawt.


Yessss! Ka zeina hi chu haider chi a ni lo a lawm.


"Kum engzah nge i nih?" Naupang mintih a tum a ni lo maw? Khanglang chuan, a hmel landan zawng zawng nen naupang minti tih a hriat ngawih ngawih.



"Kum 23, bialnu i nei lova in ngaizawng ang?" Khai!! Kha chu ka sawitum a ni rih lo.


Ding dat hian ka lam a rawn hawi a, min en run run. Ka lo nuih sen sen thung.


"Engvangin nge ka ngaihzawn ang che?" A ti zawi sup, a hmel leh mitmeng chhiar ka tum fe pawhin ka hlawh chham ṭhak; Mahse, a mi enna thûk ruih erawh tawrh a har takzet thung, ka lai ve lek lek alawm.


"Ka bialpa ni turin," awlsam et a ka tih chuan a hnar a tum dat a.


Kal leh a tum chu rang tawkin a hmaah ka ding a, kuangkuah atin ka en chho vah.


"Khawvelah hian mipa pathum hmeichhia ten neih kan chak ngawih ngawih an awm," ka en chho vang, 6'ft vela sang, taksa inphiar ṭha tak leh infit tak a nih avangin ka tan chuan dah deuh vah a ngai tlat.



"Chuan..." Tih zawngin min chhang leh.



"Chung mite chu:- (1) Lee Min Ho. (2) Mew Suppasit. (3) Joss Way-Ar. A chhan i hria em?"



Nin hmel lek lek, ning ngam chiah si lo tih hriat tak hian, "ka hriat kher a ṭul em ni?" A rawn ti bul leh sup. Ka rin aiin he putar hi a zaidam daih. Mioa dang chu nise an hmeichhe duh miah lohin an zar reng chuan an vin hrawk hrawk tawhin ka ring.


Ka lu ka lo thing mat mat, "ngai lo, a chhan chu i nihna ang vek annei, manly, attractive, handsome, gentlemen nangmah ah a awm vek. A awmzia chu kan mipa duh zinga pali na i ni," a tawp lam chu keimah ang lo takin, lai zetin ka ti zawi deuh dâi a, hnuai lam melhin hmai sa zui hat hatin, ka ni zui sen sen bawk.


"Umm.. Chuan..." Rang tawk hian ka hawi chho, "chuan??" Ring zetin ka tih nawn khum! Ka ṭhiante lam ka hawi, an lo dir char char, kan thusawi an hriat pawh ka ring hrep si lo a!


A hrethiam miah lo emaw ni le? Ka zah ruk ve na te kha chawpchilhin a bo lehnghal. A at lutuk zarah!


"Umm.." Bu nghut hian a ti leh. Tuna a hmel erawh nuihza hmel a pu lek lek.


A mawl emaw ni le?


"Chuan, ka sawi chu kan mipa duh, kan dream boy pali na ini, i hrethiam em? Ka mipa duh pali na ini," ka ti leh tan tan, ka nutet thinchhiat a chhuak leh tak ngial dâwn.



"Ka lawm e," ti zawi supin min kal pelh a tum a nih chu!

A chut lutuk hi duh lohna tham chu a tling maw le. Mahse, ka duh miau bawk sia.


Heti em em hian hmelhriat loh ka taa siam ka duhna ala lian ngai lo hrim hrim, keimah zawk hi ka â a nih hi!


Rang tawka pawt letin, "ka sawi awmzia i hre lo em ni? Kan mipa duh zingah pali na i ni, ka mipa duh ber te zingah i awm. A awmzia takah phei chuan ka Mizo pui mipa ah ka duhber che," ka kut nen meuha hrilhfiah tumin, ka kut chu ka lek kual ta nawk nawk a.


Thaw deuh hawk hian, a bân ka vawnna dam thluam a dah thla in, "Rinmawi, i mipa sawi te kha tu te nge an nih ka hre lo hrim hrim. A tawk em?" Dam dup si, bul zet hian a ti leh a, mit ko san awk in a thle bak bawk.


Sawi tur hre lo zetin kâ hau hian ka en chho haw, mit ka chhing sawk, ka chal dawm deuh vawng vawng chuan ka melh chho leh, "i hre lo maw? Lee Min Ho pawh i hre lo a?" Beidawng lek lek chuan ka ti chhuak thlawt .


"Hre lo," a ti tawi leh tak.


Thaw chhuak hawkin, "Lee Min Ho, Lee Min Ho, Gu Jun Pyo hi i hre lo amaw?" Ka duh aiin ka aw rawl a ring leh tawh mah mah, engtin nge a hriat loh theih zawk?


"Hre lo." Ka beng chawrh dâwn maw ni le?


"Enteh ka Pu Ramses, Aizawla i awm hma hian khawnge i awm?" Khabe poh vawh leh kawng dawm at hian ka en chho. Heti khawpa lar, kanpa a hre lo hi ka lung a awi lo hrim hrim!

Midang kha chu Thai an nia ka hrethiam, Lee Min Ho em em hriat loh! TV te a en ve ngai lo emaw ni?


"Kan khua ah," tawi zet hian min chhang let leh a nih chu!!!! Ka beng tak tak dawn hepa hi!


Beidawng zet leh thinrim insum thaw kawkin, thinrim meng chuar nungin ka en khur khur a , ka thusawi awmzia hi man a har viau em ni? Engtia ka zawhna pakhatmah hrethiam lo nge maw a nih le?


Planet dang a ṭanga rawn kal a ni hrim hrim ang. A ni loh a leiah a mak khawp ang!


Mihring te hi a lo ni lo zawk nge? In bame thluk chu a har ve khawp ang le!


Min kalsan ka rin laiin, "kum engzah nge ka nih i hria em?" A rawn ti sup, a mit dum fiah tak mai, ti zîmsan chuan min en bawk a.


Ka thinrimna chawpchilhin a reh nghal, ka nui nghal sâng, "30...35...."


"I U Awmpuia ai pawhin ka Upa," a ti leh sup, a aw ring si lova thum deuh dût leh damdup mai chu hriat a nuam takzet! Midang thunun theihna a kengtel hial emaw ni?

"Eng nge pawi, i kum ka ngaizawng hleinem, nangmah alawm ka ngaihzawn ni," thle heu in ka en chho ralh bawk a. Luhlul min tih hmel tawk hian min en deuh run run


Sawi tur nei ni âwm taka a awm laiin a phone a rawn ri, "Mami...." Phone a pickup rualin a ti nghal.


Ahhhh phone thar pawh a nei!


"Phone thar i nei alaw...." A phone hmanlai chuan ka lo ti deuh ṭhat.


Min rawn melh zawk, "um..." Chu zawng chu sawiin a off zui zat a.


"Phone thar i nei tawh alaw?" A rawn kûn hniam thut ka lo eu nghal vak, a awmdan tehthut chuan min ti hamhaih.. Shiaaaa.... Ka lungphu... Ka duh tak tak chu a ni êm lo ang chu maw? Ka lungphu a tirang nia!!! A rang satliah a ni lo tuna ka lungphu hi!!!!!!!



"Ti..tinge...?" Hmeli leh! Ka dang te a awk vel.


"I rualpui ngaihzawn tur zawng rawh," zawi ruih mai hian a ti a, ding ngilin, ka chhipah a kut a rawn nghat a nih chu!!!


Khai!!!! Ka flirt pui dawn emaw ka tia, min flirt pui a tum zawk a ni lo maw? Ka chhip sam chu thai hnawk zauhin, hmui chip chungin mawi lutukin a rawn nui bawk nia maw le!!!!!!


Aw Lalpa!! Kei milerh, rinawm si thinlung hi a nghing nasa mah mah.


Lucifer-a a nih loh chuan vanrama meidil vengtu Angel a ni hrim hrim, min duh loh chuan meidil a tla ang.



A pensawn chu ka uipui tu lian thlir heuh heuh, a kut phah hrawl leh lian tak mai a ka chhip a tawh te khan "min thei sa" tih mai a nia ka duh ni!


"LALPUTAR...." Ka au vak, ti maiin ka kal tir thei bik ṭhak lo.


A ding dat a, a rawn hawi miah lo, "min hnawl a nih chuan Kristian i ni lo a ni mai," ka ti a.


A rawn inher, a veilam a thle deuh bak hian a chal a ti chuar deuh tap chu ka hmu thei.


"Min hnawl a nih chuan ringtu ṭha i ni lo tihna. Ringtu tih atan a mawi lo a ni," keimah pawh chu ka nui ta ringawt. Ka â tawh a nih hi, ka â tak tak tawh.


Mawi lutuk hian a nui ri huk a, a ha var nalh lutuk leh nui ri chuan maw ka thinlung der dep lutuk hi a tâwntlang hneh lutuk mah mah. Lottery ka man hi a ni ringawt alawm le!


A lu thingin, "chaw ei tui le," thum dut a tiin a inher a, a la nui reng tih ka hmu thei, a kut chunglama rawn vai zauhin a pen nghal pawk pawk.


Lalduhawma tih mai pawh ka duh tawk tawh lo, VANLALṬHAFAMKIMA a ni tawh!


"Eng nga, 'ringtu tih atan a mawi lo a'," nui dir char char chuan ka darah Rindiki'n a rawn vuan, ka harh zawk.

"Nge..." Ka ti bak hlak, ka mitthla ah erawh Putara nui hmel ringawt kha a lang thung, ka milar bialpa te zawng zawng chawpchilhin ka bân nghal vek! Lalduhawma chiah ka ngaizawng tawh ang.


Ka ṭhiante pahnih chu ka melh lui ram ram, ka thusawi te kha an lo ngaithla chu niin, "i rualpui ngaihzawn tur zawng rawh," nui hawk hawkin Lalchhuanawma'n a rawn ti. Lalputar ṭawngkamah kha chuan mawihnai takin min hnawl tihna a nia. A ni lo'm ni? A ni tiraw?


"Did i get dumped?" Ka ṭhiante pahnih chu ka en he haw.


Ring lutuk a nui chhuakin an dul dawm meuhin an nui dir tlawk tlawk, kei erawh kawngkawi laia liam thla mek Putara en in, "ka va beidawn san awm lo tak che, ka tum laklawh," luhlul zetin ka ti chhuak leh hrâm, ka ṭhiante ve lah chu mittui thla phungin min la nuih zui hawk hawk a.



"Ahhh...ahhh.. Ka theihnghilh ṭep, i U a rawn haw," Rindiki'n nuih insum tum, sum hleithei lo hian a rawn ti chhuak.



"I Celeb bialpa te hmingnen meuh i bame a nia."


Chhuana enin, "in ninawm," ti hlak chuan, "tu ka U maw?" Ka tih zawm zat.


A nuihna mittui hru hul paha la nui reng chungin, "i U veni," a tih chuan ka meng kawk.

"Au Veni maw?" Ka awih lo lek lek zawk. Kum 6 chuang rawn haw duh loh chu sawi loh, phone tak ngial pawhin tumah a rawn be ngai lo a nia, tunah a rawn haw amaw?



"Umm.. Naupang pahnih nen," a tih zui chuan chak tawkin kan In lam ka pan zui, ka tlân a ni mah zawk.


Thaw deuh hlawp hlawpa inchhung ka tlân lut a, din pawh ka ding fel hman lo, "chhuak rawh, nang ang fanu ka nei lo.." Ka pa aw ṭeng leh khawk rum rum chu ka hre zui.


"U....." Ka hamhaih lutuk, naute kum 2 mi âwm hi a pua a, lehlam ah kum 5 mi âwm mipa naupang a kai bawk. A U zawk hi chu he in a chhuahsan dâwna a pai kha a ni ngei ang.



A hmel pawrfar leh mitko duk deuh te chuan minti hrilhhai leh zual.


Mittui tlingpam hian a rawn hawi a, ka Pa lam chu a en leh.


"Mittui nen he inchhung hi ka chhuahsan a, mittui nen bawk ka rawn let a, tichung hian engmah ila hrethiam lo em ni? Nge ni a i hrethiam duh lo tak tak zawk," mittui tla zawih zawih chuan ka pa chu a au khum. A fate pahnih chuan anhlau tih hriat tak hian an kuahbet ṭai bawk a. Ṭah erawh an ṭap eih lo nia maw le!


Thil awmzia ka hre lo lutuk chu ka en tawn zak zak.



"He inchhung ah hian awmhlen ka tum lova, fanu in a mangan lai leh thlabar lai, belhtur dang a hriat loh avang chauha rawn bel ka ni; Mahse, kan tisual a niang nge. He inchhung hi mittui nen bak ka chhuahsan ngai dâwn lo a ni tih reilote chhung ka lo theihnghilh palh a ni," mittui leh hnap tui nen, a riat chhuak leh nawk nawk, naute paw chunga a kut lehlama a fapa kaiin, lehlamin luggage chhe ve tawh tak chu nghet takin a chelh bawk a.


"I duhthlanna a pasal um leh i mipa hmangaih nei ini, he Inchhung i chhuahsan dâwn a ka thusawi kha hre reng rawh, kha mi rethei fa kha i nei a nih chuan pafa kan nihna a chat kumkhua ang ka tih kha Lalvenhim," a ti leh khur khur.


Kum 6 a liam tawh, kum 6 hnuah pawh a la ngaidam thei lo a nih chu!


Eng ang Pa nge maw a nih hrep le?



"He inchhung, ka Pa inchhung hi ka hnukchat dâwn pawh nise rawn lut miah lo tur ka ni," mittui tla zawih zawiha a tih leh chuan ka Pa lam chu ka hawi.


Ka ṭap ve mai dâwnin ka hre zawk, ka Nu ṭhu ngawi ran chu ka en a, "Nu sawi tur i nei miah lo em ni?" A hrin ni lo mah se a pasal fa a ni a, a thlavang a hauhder thei lo em ni?


"An pafa inkar a nih hi, nangpawh inrawlh suh," minti a nih chu!!!!


Mittui vanga mit hnawm chap chuan ka nui chhuak hawk.


"Lalrinmawi i room-ah chho rawh, i inrawlhna tur a awm lo," ka Pa in a rawn ti zui khur khur.


"Nu Hma, ka U luggage leh a fate hi inchungah hruai chho rawh," Nu Hma-i choka kawngkhar bula ding chu ka melh.

A puak zawk chu a rawn ṭap khek tuar tuar a, a U zawk erawhin a nu mal chu mit chhingin a kuahbet tlat thung. An vawikhat inhau ri leh invîn thawm an hriatna a ni lo tih lah a chiang reng.


"LALRINMAWI....."


"PA....." Ka ti leh ve tuar.



"A tleirawl laiin thil a tisual a, duhthlanna a siam sual a, inchhir leh rilru nâ-in a rawn let tih i hmu lo em ni? Pa i ni a, fate tihsual ngaihdam chu thil harsa a ni em ni? Diktak chuan a chunga thunei tur hian dikna i nei bik lo tih i hriat kha, a naupanlai ata tawh vawikhat pawh a tibuai ngai lo che....." Ka thle zui sawk, ka biang a thîp sawk, sa nghal nghal veng vengin, ka beng a kiu nghal vung vung bawk.


"He inchhung aṭanga chhuah hi i duh ve em ni?" Ka Pa chuan a ti hrawk.


"Engah nge i fanu hur avanga ka fanu chu kut i thlak ngawt ni?" Ka nu a rawn ding, ka Pa chu a vin tuar bawk.



Mittui luang ngiai ngiai chuan ka Pa chu ka melh let khai khai.



"Zilh ta reng che..." Ka Pa chuan a ti leh.


"I fanu ang êmin a mawl lo tal alawm," ka Nu in tiin, ka bulah a rawn ding hnai.


"Kan chhuak ang, lungngai suh u, kan chhuak ang," ka U aw chu ka hre ṭawk ṭawk.


Rang tawkin a luggage chu ka lo phih sak a, "a vawihnihna atan i hnawt chhuak ngam a nih chuan hnawt chhuak rawh, keipawh ka chhuak tel ang," nghet lutukin luggage chu ka chelh.


"LALRINMAWI...." Ka nu in a rawn ti nghal tuar. Ka bula ding a ni bawk nen ka beng bulah a au a ni ringawt alawm le.


"Rinrin...." Ka U-in mittui nen min en. Cho zetin ka Pa chu ka en ngar ngar thung a. Ka U leh a fate hi vahvaih tir ka tum aw zawng lo!!!


Kut khur hlawk hlawka min kawk tawnin, "awmhlen tum hauh suh ang che," ti thla hrawih chuan a kut la let vukin a inher zui vut. Ka thaw chhuak hawk.


Ka Nu chu ka melh zawk, "mawli" tih melh a min melhin ka sira ding U Veni na zeta melh lehin a pensawn ve hlawk hlawk a.


Ka thaw chhuak ham ham, "ka lawm e Rinrin," a lam ka hawi a, "room-ah chho ang u," ka ti zui ta sep. Ka biang lah chu a vûng reuh emaw ni nge ka ngaihbel zawk, a lian riau a ka hriat nghal chu ni.


Nula hmelṭha tak ni ṭhin kha engtia hetia cher a, thû leh khawro em em nge maw a nih chu le!


Ka Pa chungah hian lawm lohna neiin, haw ngawih ngawihin "Pa" ti duh lo pawh nise ka dem miah lo ang. Keini unau thum phei chuan high school ka rah dâwnin ka Pa hiam fa hmasa a nei tih kan hre chauh tak tak a nia, chuti khawp chuan U Veni hi ka Pa lak aṭangin ngaihsak a hlawh lo.


A nu boral lo phei se chuan fa hmasa a nei tih pawh kan hre tawp nang! A Nu boral avanga ka Pa rawn bel ve mai chauh kha a nia!



<>~>~>~>~>

NOTE : Naktuk zan ka chawl ang aw hmelṭha ho💚💚

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 12:58 pm

ZAWLAIDI

By

Floria Laldansangi

Chapter < 6 >


RINFELI...POV


"Kan lawm lutuk Rinrin, awm lo la chuan kan nufa in kan vakvai âwm si a," ṭah aw lek lek hian a rawn ti chhuak.



"Lawmthu sawi a ngai lo, ka laizawn neihchhun i ni a, i fate nen ka vaihvaih tir dâwn lo che u," ka nui var var.


"A mut a chhuak em ni?" Luggage chu kilkhatah hungin, a naute puak chu ka melh zui zat.

"A nih hi, i room-a kan awm chuan khawnge i mut ve ang?" Khumah a bag a dah a.


"Au Ruata room-ah a ni mai, in-ah a riak ngai tak tak chuang lo," tih leh a fa U zawkin ka IPad a thlek dauh dauhan lam chu ka pan hnai a.



"Cartoon i en duh?" Min rawn en chho kiau, a pa a chhun rapthlak lehnghal a'h!


"Ummm..." A bu nghat. Nuiin Tom & Jerry chu ka play sak a. Tom & Jerry hi tunthlengin keipawhin ka la en ṭhin a ni.


"Mut a va awlsam ve," nichin mai kha chuan a la ṭap vak vak sia.

Couch ah chuan ka ṭhu thla ka sirah a fapa chu ka ṭhut tir ve bawk a.

"Ka vanneih ve na a nia, mut chhuah sual hi annei ve lem lova," a nui ver ver.


U Veni hmel bumro lutuk leh cher lutuk chu ka en leh veng veng ṭhin, "kut a thlak fo che em?" Ka ti chhuak thlawt, a miko duk leh vung deuh bar phei hi chuan ka thin a ti rim deuh ṭau mai.



"Fo lo ve, min thlak ngai meuh lo zawk. Tunhi a vawi 3-na chauh a ni," a ti sep sep.


"Mipa nge hmeichhia?" Bu nghatin a fanu chu ka melh, "hmeichhia," a nui zui. Eng nge ka hrethiam lo alawm, a lu a kawlh bawk si, mipa thuam a inbel bawk sia, kei mi pawlawh lutuk hian ka hrethiam lo.


"A tukkhum hi a ti pawp deuh a, a lu ziah kawlh a ngai maw le," ka rilru hria ni âwm takin a rawn tih zawm.


"Inbual te i duh wm, inchau âwm sia," thawh ka tum, "nakin deuhah le Rinrin. I nutei thil kha i khawih chhia ang e," a fapa en chungin a ti zat.


"En mai maiin a chhe thei lo ti la. An hming ka la hre miah lo."

"Emmanuel Zothanpuia a nia, El-a ti mai rawh, heihi Vanlalpeki, Peki."


"Inpa in i fate hruai hi a phal em ni?" Ka dilchhut a chhuak leh tawh.


"Phal nang, kan inhau nasa alawm. Ngaihzawng chu nei lo sela ṭhen pawh ka tum chuang lo, a zu in leh inchhung a buaina a siam hi chu ka fate vang pawhin ka tuar hram hram thei a; Mahse, mahni pasal ten hmeichhe dang annei a ni tih hre reng chunga nun hman chu hremhmun tenau nen hian a danglamna pawh ka hre lo, ka thei ve lo a ni ber. Ka fate vanga tawrh hram hram ka tum nasat poh leh, an mahni vang vekin ka chhuahsan a ngai niin ka hria, nu leh pa in nghirngho reng kara seilen tir aiin ka thlang zawk ta mai," a sawi lai chuan a mitah natna bak hmuh tur a awm lo, a mittui tla tur chu a khap let sak sak bawk a.


Mittui tih tlakpui ve dâwn ila ka nei ve dêr bawk si lova!


"Inṭhen a duh loh viau chuan a rawn zawng mai ang che u a."


In sut ri hraih hian a nui a, "chuvang alawm engkim huama helai ka rawn pan ni, Lunglei lama haw a, ka Nu in chhetê ding, ka Putea enkawl mek saw uah ka duh a. Mahse, min rawn zawna buaina neih a, mualpho ai chuan hetah a rawn lawr ngam lohna tur a bihruk rih ka duh a. A nu(pasal nu) pawhin inhmuh tir rih suh a ti hrim hrim a," a ti leh sep sep.


Ka lo bu nghat, "i duh chen chen hetah awm rawh, ka Pa-in chhuak tura a tih leh che chuan kan chhuak dun dâwn nia," ka pa cho tih hriat fe hian ka chhuak.



Nui hakin, "I Nu leh ka Pa tenen in inkar ala ṭha nange?"


Ṭha tur pawhin kan inbe khat hlawm e! Inhauh chiahin kan inbe ve. Chhungkua si ti em em a inbe khat hi ka hre ngai lo.


"I haw ve lo em ni? Ka pa phei chu haw ngawih ngawih mah la tumahin an dem lo ang che." A fanu rawn chik deuh chu a âwmah kut nghatin, "chsk..chsk...chsk..." A ti a


"Kan Nu leh Pa te chu eng ang mi pawh nise, min hmangaih lo leh min ngaihsak lo emaw kan tih lai pawhin nâ kan tawrh te, puih kan ngaih te, kan mangan laiberin. kan bulah an ding tho tho ṭhin. Nichin maiah pawh ka Pa-in a beng che a, i Nu-in a rawn chhan vat mai che kha," a nui sen sen a, ka lo ner nawng thung!


"Fa enkawl hi thiam har tak mai, thiam ngai ni tlat bawk si a nia, fa neih ve lem loh phei chuan Nu leh Pa rilru leh ngaihtuahna, thinlung hriatthiam pui an harsa a nia, fa i nei ang a, i hrethiam mai ang," a tih zawm leh. Fa nei ve pawh ni ila, ka fate aiin ka hna eh khawtlang, kohhran ka dah hmasak ka ring lo bur, ka tum lo bawk.


Pathian rawng bawl a, khawtlang a inhman te hi "a ṭha lo" ka ti hauh lo mah se, mahni inchhung enkawl ṭhulh ṭhak leh awplum ngai miah lo khawpa inhman hi Pathian pawhin a duh ka ring lo ve tawp a.

"Khawinge kan Long lost sister-i chu," hepa hi chu'h.


"I thawm dim rawh," ka lo ti zui hlak. Nui vur vurin, "sorry, sorry... Nîrawropuia'n zilh hauhna a lek kawh leh tih ka lo hria a, inṭha tlang maw?" El-a bulah ṭhu thla in, "i fapa em ni?" A lu ah a tawk zauh, a video en a hlimpui khawp a niang, kan titi a rawn ngaihven eih lo reng reng.


"A nih ve kha, nupui neih ila tum ve lo em ni?" U Veni'n a fiam zauh, "a khai a, nupui ka neih te chuan ka vanglai a zo a ni mai dâwn a sin."


Kan nui hak ringawt, "Rinte zanriah in rawn ei dawn em?" Nu Hmaii a rawn dak dek dek.

"Aw kan rawn chhuk ang, ei zawhah inbual mai rawh u, Nu Hmaii tan thlengseng a buaithlak ang," ka tih chuan a bu nghat.

"U, i room-ah ka mu dawn a nia," ka din rualin ka ti zui.


"Hmm, sitting room ah ka mu mai ang, Niraw-a nen biahthu kan inhlan zing deuh a nga a ni mai," a tho nulh, "tlangval chaw ei ang, i Pu chaw ei chakna zu ti reh mai mai ang aw," tih leh El-a chu a IPad chawpin a pawm nawlh. U Veni nen chuan in enin kan nui ta vur vur ringawt a.


"Engtia awm chhunzawm nge i tum Venhim?" Ka pa in chaw ei pahin a rawn ri.


"An rawn thleng chauh a, chaw ei tir ve phawt teh," U Ruata'n a lo ti hlak.


"Rei kan awm lo ang, in luah tur naktuk lamah ka zawng dâwn nia," U Veni'n a ti sep, ṭawng ka tum laiin ka Pa bawk a rawm ṭawng leh.


"Vanlalruat nangpawh Pu Ṭhatluanga fanu naupang zawk khu nupui ah nei ang che, Pu Ṭhatluanga pawhin a rem tih viau khu," a ti nghur nghur.



"E! I duh leh nei la ti nia, bialnu pawh i nei tho alawm," awlsam zet hian a lo chhang.

"VANLALRUAT.....!" Ka Nu in a ti ṭeng chuai.

U Veni hmaa an nupa inkar hlim lohna hi tihlan a duh ngai miha lo, hman aṭanga tunthlengin a la ni. Mahse, mimawl tan lo chuan hriat loh theih ni hek lo.


"Mihrang awm laiin i ṭawngkam fimkhur rawh," a ti zui leh hlar.


"Tumah mihrang kan awm lo," ka Nu ṭawngkam ngei zet chuan ka lo ti let. El-a a ṭhut ve avangin keimah zawk chu ka tho nulh, naupang awm lai em em hi chuan insum ve hlawm tur hi a nia!


"Lalrinmawi nangpawh pasal nei turin inbuatsaih ang che, naupang chhia i ni tawh lo. Zan chhuah a, party-na hmun, khawi khawi emaw a ruih te kha sim ang che." Ka Pa bawk a ni.


Ka chhang buai peih lo, ka chair nawr sawnin ka pensawn a, "tu chhungkua leh nu leh Pa-in nge, keini fate zû heh sa, hlimhlawp ngaina bawk si, Pathian hre bawk si lo hi mo leh makpa atan duh tehlul ang ni? Pakhat lah fa 2 nen a rawn haw let bawk a," ka Nu-in a ti zui hlak hlak chu ka chhuah hnu pawhin ka la hre zui reng.


Ka rilru in, "tu fapa leh fanu in nge in Mo leh Makpa nih chak bik ang le," ka ti zui hrâm a'h!

.
.
.
.

"Siakmawi, vai hnathawk ho kâ aṭangin thil hriat ka nei a nia," hawi let lovin coffee chu ka in zui hlek, chaw kaw puar ei hek lo, zan zanah coffee in a ngai.


Siakmawi ti hian U Ruata leh Ka Pu (ka Nu Pa) te chiahin min ko ṭhin, ka ṭhian ṭha tak tak te pawh hian an hre miah lo, Freddy chiah hian a hria.


"Eng maw?" Ka bula rawn ding chiah U Ruata chu ka melh zauh. A kut chu rawn phawrhin kawlthei sweet bawk chu minpe a.


Nui chunga la-in, "puitling ka nih tawh hi," ka ti tak nâ-in ka duh ber a la ni tho.


"Ka pek theih che awm chhun a ni bawk si a," a nui zui huk a, beer can kheuh hawng pahin, "i naupanlai aṭang tawh i hlim loh a, i ṭahin ka pe che a, i hlimin ma pe leh che a, dawtsawi tura ka duh che-in ka pe bawk che a," nui vur vurin min rawn en, beer chu a lem zui khawlh khawlh bawk.


"Niraw-a nen kan inhnial a, ka lama i ṭan ka duhin ka pe bawk che nen i hmel hian kawlthei sweet hi a pai ve hrim hrim tawh," ka bek sam a tawk zeuhin a tih zawm zat. Ka lo ner nang nang thung.


Ka coffee no ka sir ṭhutna a dahthla in, "eng nge nichin a ka hria itih kha?" Tiin ka melh zui ralh.


Nui ruh ruh chungin beer bawk chu a lem leh a, room lam hawia inherin a hnunglama grill chu nghengin a ke a khawkherh a, "kan hnathawk ah ngaihzawn i nei an ti, a dik em?" A thle bak.



Ka din dan siam rem ve in room lam chu ka hawi ve a, "umm chutiang deuh chu," a rawn nui ri huk, a beer can hmet khawrin a sirah a dah a, pakhat chu a hawng leh zat.


"I duh ve em?" Ka lu ka lo thing vat.


"Tehmial a," ti supin, "Niraw-a te nupa-in anhria ang e, fimkhur ang che," min ngaihtuahna ri tel chu ka hre thei.


U Ruata nen hian han inhnial bat bat ṭhin mah ila, kan chhungkua ah chuan min ngaihsak ber tu ka ti lo thei lo. Tin, kan naupanlai aṭanga tunthlengin vawikhat pawh ka piancham hi ala theihnghilh ngai lo, ka duh zawng leh duh loh zawng, ka rilru nat leh nat loh, ka hlim leh hlim loh thleng a chik em em a, hre thei zel awmchhun a ni a, ka ngaina takzet bawk.


"Lungngai suh, ka in enkawl thei tih i hriat kha," ka mitko ka san ak. A bu nghauh a, "fimkhur ang che, nau te i pai ve ngawt ang e, ka that duh mai ang," nui mah se a thutak viau thung.


"Eng angah nge maw min ngaih le, a rai loh zawknan i lo ṭawngṭai dâwn nia," ka ti chu za tak hian a rawn nui chhuak, "ka nau i ni tih ka lo theihnghilh deuh alawm le," a nui huk huk, ka nui ve sun sun tho.


<><><>


MC-A...POV


"Khawnge Matthew-a?"


"Aw! U Nunsiami khan a biak tawh thu che a sawi a, chaw ei turin a hruai chhuah kha," Mami'in a chaw khawrh lai chawl meuhin min rawn en.


"Min hruai ve duh lo reng reng," Gabrielle-in a lo ti niah niah bawk a.



Ka phun hluk, "tun achin ah, ka sawi lo a nih chuan hruai chhuah tir tawh suh ang che," lungawi chiah lo chuan ka ti chhuak a.


"Tunlai hi a rawn lawr zing hrim hrim, ka ka ninchin a thleng ang a, kan inkhak duh mai ang tih a hlauhawm. Gabrielle ṭhu ṭha rawh i tla dâwn," a ti zui hlak hlak.


Zingkar aṭanga hnathawk a chhuak na nâ na chuan engmah ka hre ve lem lova, Nunsiami bulah erawh rawn kal fo lo turin ka hrilh chiang hle si a.

"I lung te hi iti lêng ang e," a rawn ti leh, a nui zui ruh ruh, ka lo rum khum nghut thung.

.
.
.


"Pa..." Mathew-an ka kut a rawn vuan zat.


"Tinge pawnah min lo nghah duh a?" Nunsiami chu a nui var var. Kum 8 liamtaa ka hmeichhe hriat Nunsiami mizia erawh a nei tawh lo nge a nuihsang reng danah. Kum 8 liamta kha chuan nui hmel min hmuh tir khat viau a nih kha!


"Hruaitluang, inchhungah lut rawh."


"Muttui le Bawihte, naktukah school kal turin ka rawn hruai ang che," ka lo melh run a hmuh rualin za vak lo hian a ṭhen zui a.


"Ka nau tel lovin khawiahmah ka zui tawh dâwn lo che," Mathew-an tih leh inchhungah tlân luh a rual.


"Min rawn zui rawh," ka pensawn nghal pawk pawk, kan building luah lai, a chung zawlah chuan ka läwn chho a.



"I thinrim em ni?"


"Vawikhat chiah ka sawi nawn leh ang, ka hriat lohin vawikhat pawh ka fapa hi hruai chhuak tawh suh ang che," bul zet chuan ka ti chhuak, ka aw ki erawh ka san eih lo thung!


"Ka fapa ve tho alawm a ni Mc. Bakah, kum tamtak chhung kan inhmu lova, ka hmel pawh hre lo in i awmtir a, rei lo te chhung hun hman dun zauh zauh chu a pawina a awm em ni?"


"Ka awmtir a ni lo, i duhthlanna a ni," ka lo ti hluk. Ka mit ka chhing sawk, ka inthunun zo lo mai ang a, ka thinthawk hian hmeichhia a ni tih theihnghilhin ka thing hrep mai ang tih ka hlau hlel lo ve!


"Duhthlan tur dang min siam lo tih i theihnghilh tawh em ni? Patling ini a, i Nu thlazar hnuaiah kei leh ka fapa awmtir reng kha tum hek che." Ka lo nui huk.


"I duh i thlang a i fapa ka kut a dah i ni, ila hmuh duh chuan ka thu zawm la, buaina i nei lo a ni mai," dam dup si khauh zet a tiin ka hma lam hla tak chu ka thlir san a.


"Haw tawh rawh, a tlai tawh," ka ti zui sup.


"Min la ngaihtuah tihna em ni?"


Ka kekawr ipte zena ding khawng at chuan, "i hmel ka hmu peih lo mai chauh a ni." Ka ti zawi sup


A rawn nui hak, "inhruai leh ka duh ti ila engtin nge min chhan ang?" A lam ka hawi zawk a, hawisawn leha nui suk ta ringawt chuan, "i indahsan ang aiin i che hniam. Midang i zah lo a nih pawhin nangmah tal kha inzahdan zir rawh Nunsiam."



"Ila danglam miah lo, i zaidam ngaiin ila zaidam reng a ni. Hei vang hi alawm, ka ngaih em em ṭhin che, i dawh thei a, i thinrim i insum thei em bawk," ka lamah a rawn pen hnai leh hret, "In ngaihtuah rawh, karah fa kan nei tawh a, nuhrawn tuar tura i duh ka ring bik lo," ka sirah a rawn ding hnai leh zual. Ka din ngaiin ka la ding reng. Ka ipte chhungah chuan ruh takin ka kut ka tum bawk. Thu lawi lo a sawi reng a nih chuan ka zaidamna in a tlin loh mai ka hläu ru viau bawk!



Ka bân rawn chelh a tum chu duh aiin ka lo vai na deuh nge, a rak ṭhat, a kat deuh nak bawk.


"Min nawr lui suh," ka ti chhuak hraih. A khap zui zek zek, ka aw ki tlema danglam chu a hre hneh hle tih min en danah ka hrethiam.


"Ka...." A tih laia a phone a rawn rik takah chuan pickup in, "ka rawn haw mek," tih leh phone dahin, "inngaihtuah rawh MC, Bawihtea hian Nu a la mamawh dâwn chauh a nia. A hringtu ka ni a, ka hmangaih angin tu hmeichhia mahin an hmangaih dâwn hek lo," beidawn tum lo tih hriat zeta ti lehin a pensawn zui zat.


Mumang lamah pawh hmuh zawm a tana ka duh loh tawp thil a nih chu!


<>~>



RINTEI...POV


"In inbiak chhung pawnah ka lo va hawi thaw veng ang," U Veni chu ka be sap.


In luah tur a zawng a, Pu Chhuma te building, tuna Lalputara te awmna hnuai chiah hi a ruak tih kan hria a, luah turin an inbe mek a, rem ngei se ka ti bawk.


Lalputara ke hmu reng thei dâwn tih ka chiang, kan kawmthlang kawi a awm mah nise inchung, inhnuaia awm chuan min duh ve vat maithei a sin. Tunge sawi thei?


Lalputara te in lamah chuan ka tlân thla zui dat dat, an awm lo emaw ni le? Pawnah chuan ka ding deuh vang vang, thawm chhete mah chhuak a awm lo, an awm lo niang a.


Pu Chhuma nupui khan an awm a ti sia! An lêng ami le? Kawngkhar hi ka kik duh a ngem?

Ni lo, ni lo, zakthei lo min ti lutuk ang; Mahse, zah ka hre ngai emaw ni leh ka duhna ah te chuan?

Nia, nilengin class ka nei a, vawiinah ka hmu lo a, ka ngai a ni mai. A dik, zah lohna lam a ni lo. Ka rilru a insual nawk nawk laiin Kawngkhar chu kik ka tum zuai. Ka kut et lehin, "ni lo, ni lo, dar 10 a ri ṭep tawh a, an mu tawh ang. Naktuk Sunday a ni bawk si, ka Putartea ni khat dang ka hmu lo leh dâwn che tihna em ni?" Keimahin ka phun sep sep.



"Pawi lo, naktukah ka lêng mai ang, zahzel atan U Veni a awm tho" ti rilru in ka inher leh luai luai a.


Step ka hmuh chuan ka dak chho, inchung chhohna a ni ngei ang, ka pen chho thak thak.

Ka thlen chhoh meuh chuan boruak chu thiang kak kak tak a ni. Freddy te inchung zawl ka hre chhuak zat bawk.


Ka hawi kual thuak thuak, "beer nei ila, beer in nan a rem nen, thla a êng ropui si," ti naih niah chunga chhuk leh mai ka tum chu tu emaw hi ka lamah rawn hawi a, a hmel ka hmuh rualin, "Putarte....." Rang tawkin ka tlân hnaih, ka thlawk a ni mah zawkin ka hria.



Nui var vara a sira ṭhutna awm a ṭhu thla rawk rawk chuan, "lo lên ka tum a, in mu tawh emaw ka tia," ka lawm lutuk chu ka kâ ka chip thei meuh lo.


"Eng nge rawn tih i tum?" A va â thei tak. Min hmu te hi alawm ve lo emaw ni?


"Ka lo rim dâwn che," a mawi tawk lek hian a rawn kiai suk, thla êng hnuai a a hmel Pa hrak mai, mah se zaidam tih hriat tak mai damdup lawi chu hmuh a vahan nuam mai mai tak.


Pathian khian a duhsak bik emaw ni, ti em ema ṭha a a siam ni?


"Pathian khian mihring a siam laiin duhsak bik a nei a niang, hmel rangkachak i nei a ni ringawt alawm. Tiraw?" Ka sawi lo thei lo, ka thutak viau bawk.


Min rawn melh zawk, tih ngaihna min hriat loh hmel zet a thaw deuh hawkin a lu a thig zui mat mat a.


Zial hi a rawn phawrh chhuak zui, a ri rat rat lehnghal, zozial ngat chu a rawn phawrh a, a ṭan a, thla êng ruih hnuaiah chuan van lam a dak chungin, zozial chu a zu khu ham ham. A vahan ṭha teh thlawt ve maw le.


"Lalduhawm," ka lamah a rawn thle bak, a mit a ti zîmsän a. Meizial khu chu a kâ aṭanga ti chhuak ham hamin, a hawisawn leh, min rawn en lehnghal.



A mit khur thûk lam lek lek, mawi lo khawpa thûk ni si lo leh, a mitmu dum fiah tak mai, lunghlu dum hi a awm em ka hre lo mah se, a awm a nih ngat chuan a mitmu nen hian danglamna a awm in ka ring lo. Chutiang khawpa mitmu dum fiah chu thla eng hnuaiah chuan a de va va mai, chu mitmu dum nalh tak nena min en tawh hi chuan tui ral lo thei lo dinhmunah min din tir tlat ṭhin.


Hmeichhe dang hetiang hian a en em ka hre lova, a en tura ka ngaihtuah ringawt pawhin ka thik nghal er er thei nia maw le!



"Sawi duh i nei em ni?" A ti thum dut.


"In ngaizawng ang," teh thlawt a.

A meizial zuk a hak nge, a khu kharh, ṭhu ngil zuiin, "i mut a chhuak a nih kha, haw rawh," ti bul supin a tho nulh a, a sang ropui si a!



Mut chhuakin chutiang ka sawi a ring emaw ni? Ka ding ve zat.


"A chhuak lo, a nih min ngaihzawn tal tum rawh," ka ti leh ṭalh.


A rawn nui ri huk, a nui ri mawlh chu! Ahh... A engkim hi ka duh!



Inchung zawlah light pakhat, eng ṭawk ṭawk a inkhai ve a, chumi engin, a hmel pa em em mai ti pa zual tura chhunin, ka lam rawn hawiin, nuihza insum hmel tak maia dingin a hmui hnuailam a pet leh zauh ṭhin te chu a va ṭha teh kher êm!


Ka bialpa celeb ho zawng zawng bansanin he mihring hi ka atchilh hlum dâwn tih ka chiang!


"Ka ngaihzawng nih i duh loh chuan i ngaihzawng atan minpawm rawh," ring deuh lêng lawng chuan ka ti leh.

Min chhan a tum lo emaw ni?


"Min hnar chhung chu ka umzui peih che a nia," luhlul zetin ka ti chhuak leh a, he inchung ka thlen aṭangin ka la ṭawng char char a, min chhang tawi thei si.



"I thawm a ring lutuk," zawi sup hian arawn ti a.

Kuangkuah at a en chho kiau in, "thlarau thianghlim leh hmangaihna in an na i hre tawh em?" Min en run. Ṭawng a tum leh tawh lo emaw ni? a ṭawng tlem si, ka bame tawh lo tawp dâwn maw ni? Mahse, Zawlaidi min tat emaw tih tur khawpin ka atchilh bawk si.

Noooooooo....! Ka fin chilh zawk hepa hi chu, ka chiang ve em!

"Thlarau thianghlim leh hmangaihna chu a ruktê-in a lo thleng thei a, ngawi reng erawhin a pai theih loh," ka sawi zawh rualin a rawn nui ri suk. A hmui hnuailam pet zui zauha nuihza insum tih hriat tak hian, "chhuk tawh rawh, a tlai tawh," a aw chhuakah pawh chhuan a nuih a za tih a hriat reng, kei pawh chu ka nui ve sen sen tho.

Ka sawi ang khan a rukin hmangaihna a rawn thleng a, a ruk erawhin ka pai thei lo, ka taah ka siam dâwn hi a ni ringawt!

Ka ta ni tura piang a nih hi! Siakmawi'in ka tih chu ka tih a ni tawp mai. A bak a awm lo.


Min chhang lovin kekawr ipte zen chuan a pensawn a, ka umzui vat.


"Ka bem rei tawh ropui che sia, ka tactic hriat zawng zawng ka hmang tawh a, diktak chuan mipa hetiang hian ka la umzui ngai bik lo va, i bialnu nih chu ka phu ve hrim hrim lo em ni?" Step-ah a pen thla thauh thauh, a hnungah ka zui thla dat dat.



"I bialnu atan min duh loh pawhin ka bialpa ni tal rawh," ring lêng lawngin ka thlen thlak ruala ka tih leh chuan, rang zeta min rawn din chilhin, "zan a rei tawh," thâwp sup leh sexy lutuk hian a rawn ti .

Ka thaw ka lo hîp let kawk, a taksa lianpui maiin hnaih tak maia min din chilh chuan, hlauh vang pawh ni lovin ka hmulthi a ding er er nia maw le!

A taksa lumna te chuan min ur ham ham bawk a, ka mumang emaw ka ti mai dâwn alawm. A rim pa hrak mai te chuan ka hnar aṭangin ka thluakah an verh chho chiai chiai thei nia! Hetiang hian thingtlang mipa rim hi a lo tui thei a ni maw?

A rim ringawt pawh hi ngaihzawn thawm a ni ta hialin ka hria!


Thinphu dep dep leh ri dup dup chung chuan muangchangin ka hawi chho.


Lalpa kei mi derpdep hi, lungphu ṭha lo neih tir mintum a nih chuan i hlawhtling chiang khawp ang.


Mawi leh sexy lutuk maia ding lama kiai suk hian, "muttui le Siakmawi," a aw chu a hniam ruih a, a zawi thâwp sût tak nâ in chiang lutukin ka hria.


"Heh..." Ka ti chhuak heu a nih chu! Ka lu ka thing zui nawk nawk. Ka â emaw ni le?


"Engmaw i sawi?" A inla hrang daih lehnghal. Engtin nge Siakmawii tih te chu a hriat?



"Engtin maw min koh?" Ka pan hnai vat, ani erawh an in pan thlakna step ah a chhuk thla daih tawh. A che rang lutuk hi ka ngei thin.


"Ka Pu," a ni leh lo, "Putarte, tun aṭang chuan miin ka bialpa min zawh chuan i hming ka sawi zel tawh dawn......." Mi â ang maia nui vur vur chungin ka au lawng lawng.


"Siakmawi...hihibiii...." Ka za cheng mai, engtin nge a hriat le?


A hriatdan chu engpawh nise min ngaihven tihna, a ni lo'm ni?


Lalduhawma, midang tana duhawm tir che ka tum awkawngka tawh lo a nia, ka hmangaihna ramri kham i pel a, chhuah tum buai reng reng suh, i ṭan peih chhung leh, min duh hma chu ka umzui dâwn che ka tih kha!!!


Ka ti ngei bawk ang Lalduhawm!!!


<>~>~>~>

Ads click theihnghilh awih loh aw, in fel kha

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)