ZAWLAIDI By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: ZAWLAIDI By Floria Laldansangi (Completed)

Unread post by Ngaia » December 19th, 2021, 1:03 pm

ZAWLAIDI

By

Floria Laldansangi



Chapter < 25 >


{ MC-A.....POV.}



"Nizan Rintei te In thlirin i han tlaivar leh em ni?"


Ka lo rum nghut a, "i chhuak thawm ka hria alawm. Boruak daih hun nghak rawh ka han ti ve tak nâ-in nangmah ber hi i dâi hlei thei bawk si lo," ka Nu chu a nui zui tuh tuh.


"Ruk ka duh a ni," ka ti ta nghut.


"Apa, thilruk chu a ṭha lo i tih kha," Gabrielle-in a lo ti vat. Kanu a lo nui vur vur a.


A sam a chul zauhin, "i Nu alawm ka ruk dawn."


"Anî maw?"


Ka thaw hawk, "chaw ei kham ula school kal rawh u," Mathew-a rawn ṭhu chu ka lo ti zui sup.


"Dik lo a awm em ni? Chutia i hmanhmawh leh si ni?"


Chaw chu barin, nizana Siakmawii awmdan ka mitthla ah a rawn lang, a muhil kha ka thlir reng a, a ṭap muhil tih hriat takin a mit a huh hnawm chap a, chhuatah a mu kawm ngiaih bawk.

A phun ri ah khan eng nge a sawi hre vek lem lo mah ila, ka hming (Putara) a lam erawh ka hre leh nawk nawk ṭhin. Khang zan 3 chhung khan khatiang hlir khan em ni zan hun a hmanral tih min ngaihtuah tir rum rum mai.


"I fapa in a biak che kha...." Ka nu chu ka en.


"Engtia tunlai chu thil i ngaihtuah vung vung zel le?"



"Tinge i Nupui kha a haw daih a?" Mathew-a ṭawngkam ṭhin hi chu!



"Nu ti mai rawh u," ka lo ti sup.


"A Nu te in ah a riak lawk a nih khi. A rawn haw hunah Zokhawthar ah kan haw ang," ka ti takah chuan an unau in a nui zui vur vur.


"Au Rinrin chu keiman ka han ko haw mai ang, kan khuaah haw vat vat ka duh," Gabrielle-in a lo ti ve bawk.


"Gabrielle-i hi hruai tir i tum lo tak tam em ni?" Naupang chhuah tawh hnu ah, ka hna kal tur insiam chu ka Nu ka sirah a rawn ding a.


Ip pui la in, Pu Chhuma min rawn auhna chu ka chhanglet a, ka nu melhin, "Gabrielle-i duhthlan naah a awm ang chu." Tih leh pensawn ka rual, ka hauh bur thei tlat lo, an fanu a ni a, Puia sawi danin, ka farnu aiawhin ka lo enkawl mai chauh a ni!

.
.
.
.
Nilengin a Pu Chhuma te huanah ka thawk ve leh. Hna dang nei mah ila, kan in luahna Pu Chhuma'n min chhawr a lo duh ve tlat nen hnadang erawh ka kalsan reng ta mai!


"E khai! Duh aiin kan ban tlaipui leh ta che."


"Tlai hran lo ve," ka hmaah Zela car a rawn ding dat.



"Pu Chhum, kalna tur dang ka nei a, ka chho tlang lo ang," haw hmasa ta lo chuan ka hnathawh thawmhnaw nen Zela car ah chuan ka ṭhu lut a.


"Aizawl a awmlai tak a nia, i vannei khawp mai," Zela'n a rawn ti sup.


"I hmelhriat a ni tih awih a la har alawm le," min rawn melhin a nui zui ruh ruh .


Ka hmelhriat tak pawh a ni law. Ka pa ṭhian hlui a ni zawk mah!



"A hnuai bera lehkha kha, ram chungchang aw, sum inhlan hun tur chu inkutah a awm," lehkha chu ka en dan dan a, bu nghatin lawmthu ka sawi zui sup bawk!
.
.



"Lo ṭhu rawh, lo ṭhu rawh," naupan deuh laia ka hmuh bak kha tun hi a ni leh mai a, danglamna em em a neih phei chu ka hre hran law.

Freddy Pa a ni tih hriat erawh mak ka ti ve reng!



"Ka hai mai dâwn che alawm Mc."

Ka nui suk a, "hnathawh thawmhnaw nen ka la ni si a, pawnah sawn kan inkawm zawk dâwn em niang?"


"Ṭhu rawh, ṭhu rawh, a pawi reng reng lo. I nu a dam maw?"


Ka bu nghut, "Aizawlah in awm tih hria ila chuan, rawn tlawh zawk tur che u ka ni maw le," a ti leh deuh vung vung.


"Thil dang alai chuan, engmaw min rawn hmuh chhan tur chu?"


"I fapa nupui tura intih chungchangah zawk a nia." Ka ngawih deuh vung vung hnuah ka ti sup. Annu ni ngei tur rawn ṭhu thla ve in, "Rintei chungchang i tihna em ni?" A rawn ti vat.


"Han sawi chiang teh Mc. Hriatthiam a va har ve."



Thu han khuhmawi ngaihna ka hre lo bawk nen an nupa a en run chung chuan, "pasal nei tawh a ni tih in hre lo niin alang."


"Engthu nge maw i sawi le? Pasal nei tawh nise kan fapa a neih tur chhan a awm lo," a nupui zawkin a lo ti leh vat. A lawm hmel viau loh. Ni e, a fapa nupui atana a thlan hi ka nupui a ni tawh tlat a tin ni.


Freddy Pa, Pa Roa chu ngawi vung vungin, "nimin ka lên naah an sawi lo tawh tlat mai, an fiamthu ah ka lo ngai a ," min rawn en,"i nupui i tihna em ni?" A rawn ti ta chat.



"A dik alawm."


"I Pa ang chiah i ni, midang rilru tur dâwn rânin i ṭawng chhuak a. Engvanga heng thu te hi min rawn hrilh nge i nih le?" Pa fing tak a ni a, ka kal chhan pawh hel buai lovin min zawt ta chat bawk.


Mizo Pa ip pui ngei aṭang chuan, ṭhianpa Zela lehkha minpek ho chu ka phawrh a, "Doctor lehkha annih hi. Pakhat hi report diktak a ni a, pakhat case an file na report zawk," la kângin a en dan dan.



"Engtin nge tise min tih?"


"Eng case nge ka Nupui Pa hian a neih ka hre hauh lo; ka hriat thiam phak lah a ni hek law ; Mahse, kum liamta aṭangin case buaipui erawh i nei tih ka hria," a lo nui suk a.


"I hrethiam tih ka hria e. In pafa hi mi â inni lo tih ka hria lawm," a ti leh, ka hmelah ka Pa ka an thu ansawi fo, ka mizia ah erawh ka an ka hre hran lo, ka Pa erawh Pa zaidam tawp khawka sawi a ni tlat.


Ka ṭhutna aṭangin ka ding chhuak a, "i nupui vanga rawn kal i ni tih sawi lo mahla, i rawn kal chhan ka hria in, ka bawhzui ang e. Remchang hmasa berah i Nu pawh ka rawn tlawh ve ang," rawn tiin kan in thlah fel ta a.


Buaina tamtak siam ka tum hran lo; Mahse , ka nupui Pa thiltih ti tawp a, ka nupui hruai let tur chuan in venna ṭha tak ka mamawh hle tih ka hre thung!


Ani angin thil ka ti thei lo tih ka hria mah se pasal, a nupui venghim duh leh la let duhtu kha ka ni ve tlat!



<><>~>


RINTEI.....POV


"Au Rinrin...." Gabby aw ka hriat rualin ka hawi vat.


Ka room-ah Mathew-a nen anrawn lut chu phawk fe hian ka lo en a. An hnunglam chu beiseina nei miah si lovin ka'n bih zui hrâm a.

Eng nge hmuh tel ka beisei erawh ka hre lo; Mahse, an hnungah zuitu palian tak anneih kha chu ka beisei ru ve reng alawm!

"I room ami, avan lian em em..." Gabrielle-i chu a hawi kual dauh dauh.


"Anî pasalin chaw ei turin min lo hruai a," Mathew-a chuan a ti sep. Ani leh ni lo ang maiin sofa ah chuan a ṭhu fel zui at bawk a.


Mathew-a bula ṭhu thla ve in, min lo en kar chu, "eng nge? Ka room en kual i duh ve lo em ni?"


A ner deuh nung nung, eng emaw ngaihtuah ve ni âwm tak hian a ngawi deuh vang vang a, "tinge kan in ah i awm tawh loh a," a tawp dat, "keimah vang ami?" A ti zawi leh sep a.



Ka chal ka lo ti chuar nung, "engah nge chutianga i ngaihtuah a?"


Lungngai hmel pu ve ni âwm taka min rawn en in, "rukru ka ti che a," a ti leh sep chu nui var varin, "nangmah vang a ni lo a nia," a hmela inthiam lohna ninawm tak lang chu ka khawngaih reuh.


A pa chanchin zawh ka chak rualin, ka hläu ru deuh bawk si. Ka tel lova a hlim tih hriat ka hläu a ni mah zawk


"Engtik nge i lo haw dawn Au Rinrin?"




"Min ngai em ni?" A sam hnawk niah chu ka chulmam sak a.


"I lo haw loh chuan apa in kan khuaah kan haw thei lo a tia..." Ka lungphu zawn hi a rawn sa zak nia maw le!



"Eng nge a sawi?"


"I Nu lo haw hunah kan vaiin kan haw ang a ti," ka nui hak. Ka lakah beiseina a la nei tak tak tih sawi lul tehse!


"I pa....."


"Eng nge hetah intih? I U Rinrini kha tibuai suh u," ka sawi zawh hma in, Mami kawngkharah a rawn dak.

"Min tibuaiin i hmu em ni?" Ka lo ti deuh nghat.


"Rinrin chaw rawn ei rawh u, zan a tlai dâwn, naupang kha haw hmat an ngai si," Nu Hmai'n a rawn ti lang lang.


"Chhuk ang u," ka ṭhutna aṭangin ka ding chhuak.



Gabrielle-i tho peih lo ner nung nung chu ka en thla. Min rawn melh chho kiau in, "Au Rinrin, i Pa khu misualpa a ang e. Ka duh lo," a rawn ti reuh chu ka inrin hma in ka nui hak.



"Gabrielle...." Mami'in a lo khap zung zung chu ka duh dêr lo.



"Vai film-a misualpa a ang, min melh vak vak bawk si," Mathew-an a rawn ti zat, ka dul dawm chuan ka nui tak ang bawk bawk a. An ṭawngkam thiam lo lutuk, thiam dan dana an sawi chu a âwm ang phian bawk si!


Nui tlawk tlawk chung chuan, "koyla kha in en tawh em? Changtupa chu ṭawngthei lo kha? Kha ta mi kha a nia," nui khur hlawk hlawk chuan ka ti chhuak. An unau chuan min en kiau, Mami pawh chu a lo nui ve ta sun sun.




"aw ka hria, a hming chu Raja saab," Mathew-an ring tawkin a rawn ti, ri chhuak meuhin ka nui chhuak uar uar a, ka nuihna avanga mittui tla hru hul pahin, "kha kha a nia," ka ti leh.



Mathew-a pawh nui vur vur chuan, "mahse i Pa hmelchhia ka ti zawk," a la ti leh hrâm chu vuak thluk tawp ang ka ni, thlan tla phung chuan ka nui ta nghek a, Mami pawh chu a lo nui ve kur kur tho.



Inhnuaia kan inzui thla te chu ka nui leh ṭhin. Ka Pa ṭhut khawmna aṭanga choka lam a pan kailawn aṭanga ding meuha en thla in ka nui leh kur kur bawk a.


Ka â ta emaw a ti a ni ngei ang min rawn en rawm rawm, a chhan hria se a haw âwm ropui sia!


Chaw ei lai te chuan ka tum miah lohin ka Pa ṭhu ngawi ngul mai chu melhin ka nui leh ṭhin. Ka mitthla ah Amrish Puri a lo lang ve chhen bawk nen.


An in anzia chu! Phir anni ti ila naupang hian an awih tho ang.


"Eng nge maw i Pa chu i nuih i nuih le?" Ka Nu pawh chu a rawn nui zui ve ṭhu. Mami lo nui ve sen sen zel chu a melh ve bawk a.



"Naupang ho rawn kal chu Rinrin pawh mihring a ang ta deuh alawm," Nu Hmai'n a lo ti ve zat.


Ni e, kei pawhin mihring ka ang ta deuh chuan ka in hria.


"Karleh thlathar a ni tawh bawk a, Freddy pawhin palai rawn tirh a duh tawh kha. Thla laihawl ah inneihna hun pawh ruat a ni ang," ka pa in a rawn ti nghut nghut.



Ka nui hmel chawpin a reh, ka thleng chu ka nawrsawn hret a.


"Chaw ei laia sawi chi pawh a nih loh chu," ka Nu in a lo ti hlak.


Ka pa in min rawn melh zawk a, "chaw ei lai bakin a hmel hmuh tur a awm si lo alawm. Pasal nei sela naupai vat se a dik a ni mai," a ti leh nghut.



Za vak lo chuan ka nui a, ka dul chu zawitea dawmin, "ka rai thei lo," ka ti chhuak.



"Eng maw?" Min rawn en ṭhap hlawm. Mami phei chu hmuh thiang lo hmu ang mai a ni.


Ka pa lam chu hawiin, "ka sawi chu, nau ka pai thei lo," a mitah tak en chung chuan ka ti fak fak.



"Eng nge a chhan ka tia lawm?" A rawn ti chak ta khur khur mai.


"Nau keng thei lo turin ka in siam tir. Ka sawi awmzia chu ka dam chhungin nau ka pai thei ngai dâwn lo...." Ka sawi zawh rualin ri bur leh ka chal a ri zui fawk a, ka lu a hai nghal mur mur bawk.



"Thih i duh em ni?" Dawhkan chum ri bur chuan a ding zui zawt


"U Biak..." Ka Nu-in a lo ti ve ṭhat. Kut ṭang sai hlawk hlawka min rawn kawk in, "naktukah inzai tir ang che. Zaninah damdawiin ka be fel zawk ang," a ti leh khur khur.


Naupang chu ka melh zawk, an hlau hmel chu an kimki dek a, an mit an khap fak fak, Gabrielle-i phei chuan a U a lo vuanbet ṭai mai


"Nu Hma, naupang hi thlah haw rawh," Mittui tla ṭeu chuan ka ti chhuak sap.



"Mathew, i Pi Hmai'n a thlah ang cheu," naupang hmaa mittui tih tlak ka duh loh ang bawkin, ka Pa hmaa mittui tih tlak ka tum miah lo bawk!


An unaua min en zui dauh dauh chuan choka chu an chhuahsan a.



"Sawi rawh, engvanga naupai thei lova insiam maw inih a?" Ka Pa chuan a rawn ti leh khur khur.



Ka biang a rawn lum thla pup, rang taka hru tawkin ka Pa dinna lam chu ka hawi a, min lo en khur khur bawk.


"A chhan chu, meidil tla tur hrin ka sak che ka tum lo..."



"LALRINMAWI....."


Dawhkan plate leh thildang chu a hai thla rum rum, ka Nu te ho an rak ṭhawt.

U Puia'n annu a kuah tho a, "room-ah chho rawh," ti zuiin a choka aṭangin a nawr chhuak nawk nawk.


Mami hlau lutuk chu a dang sawp sawp thei tih ka hmu ru reng bawk!


"I pa ka nih hi i hria em?"


"A tawk, Lalrinmawi i room-ah chho rawh," ka Nu in a rawn ti ṭhat, ka Pa chu a chelhbet ran.


"Engthil nge thleng a?" U Ruata a rawn lut. Ka hmel a hmuh rualin a phun hluk a, "chhuak ang, boruak thianghlim ka hîp pui ang che," tih leh min pawt kal dawr dawr.


Ka Pa in min auhna leh, inzai tura min tihna chu mittui luang ngiai ngiaiin ka ngaithla a, pawn ka chhuah thleng pawha a thusawi ka hriat chu, "i duh emaw duh lo emaw Freddy fa i hring dawn," mintih khum na chu a ni.



"Buainaralliani leh Liana te hi inni ringawt," U Ruata'n a ti nung nung.


Car ah chuan min hnawh lut nawk nawk a, "ka car ah ṭap hlek suh, hnap i ngah thei si," a tih zui zat. Mittui nen chuan ka melh chho vak. Ka chal lah chu a na reuh em em zui a.


"Khawnge min kalpui i tum?" Ṭah aw ṭuau chuan ka ti chhuak.


"Nuam kan tawl ang," a nui vur vur.


Khawnge min hruai dâwn pawh ka hre lo, ngawi reng chuan ka ṭhu ve ta hle hle a.


Kan tlan deuh vang vang hnuah car a ding dat, ka hawi chhuak, "Vanlalruat....." Ka melh nghal vak.


Nui vur vurin, "Hyde Inn pum pui hi zanin chu Lalṭanpuia'n a book tih i hre lo em ni? A birthday zan a nih hi," ani birthday ah ka buai lo.



"Car chahbi minpe rawh," a chhuak zui daih a. Ka awmna lam kawngkhar rawn hawngin, "rawn chhuak la," ka bânah a rawn chelh. Ka peih lo tak tak.


"Ka peih lo tak tak a nia...."


"Yo.. Hei chu nuthlawi tharlam a nih hi," Lalṭanpuia'n, U Ruata hnung aṭangin min rawn bih, rum deuhin ka lo melh let khai khai.. mood off nak alaiin.


Car aṭanga ka chhuah rualin, "ka piancham min la hriatpui tih sawi miah suh," ka beng sawk dâwn maw ni le.


"Inbe rawh u, Siaki rawn lut rawh aw," tih leh a pensawn daih lehnghal! Hepa hi chu a chang hi chuan ka ngei ṭhin lutuk!


"Keiai a i thlan thingtlang pathlawi chu engvanga ṭhen maw i nih a? Kei aiin a nei lian leh si lo em ni?" Car ngheng datin a rawn ding.


A aw ah chuan elhsen na a khat, ve mai mai a, anni neih ai let a nei.



Lo ner khum sawkin, "i z**ng, baibing tiat lek kha em ni i sawi?" Kha zeta ka tih chhuah rualin a ding khawng at.


"Lalrinmawi..." A ti nghal khur khur.


A lam hawiin ka ding rem a, melh chho ralhin, "nang aia ka thlan sawi loh, nang ang thlir sawm 70 ai pawhin ka thlang zawk. I neih i sawi a nih phei chuan..." A kap ka melh thla ralh a, ngeiawm lutuk a ner khum leh nawkin, "i khâi aia let 3 a lian a khai..." Ka Pa laka ka thinrimna Lalṭanpuia chungah ka hrithla ni maiin ka hria, ka thaw zui kawk. Ka thawl hawk tak takin nia ka hriat ni!



"Zawngi...." Tih leh min rawn din hnaih tuma a che hrut chu, thlipui ang maia rangin kan inkarah taksa lian zet mai hi a rawn ding zui vuk, ka lo ip chawih, ka rim hriat ṭhan tak, pa hrak mai, engtikah mah ka hai ngai loh tur chu ka hîp zui kawk a, hnar leh thluak thlenga a verh chhoh danah tunge a nih tih ka hre chiang lutuk mah mah.



"Putar..." Ka phun chhuak sep.


"Tunge i nih a?"


"A pasal, thingtlang pathlawi chu!" A ti thum sup.


Ka lo ṭah nuih hak a, Lalṭanpuia hmel erawh ka hmu thei tawh lo, ka hmaa ding, he palian tak mai, mi uap na tak leh rim pa tak hian min hliah hneh lutuk mah mah!


Lalṭanpuia pensawn ri chu ka hria, kei erawh ka hmaa palian tak mai, min hnung chhawn zawng a ding, dar pharh hlai ṭha tak mai, taksa invuah dik thlap chu mittui hnam ṭiam ṭiamin ka en vawng vawng a, kuah mai ka nap mah se ka huaisenna ka la nei let si lo.

Hetiang hian, hetianga hnai hian ka hmu leh ang tih ka ring pha lo hrim hrim!



Ka thlanfim a rawn bawl ṭiam ṭiam a, ka mumang a ni em tih ka inzawt ru mawlh mawlh bawk.


"Putar...." Ka lam a rawn hawi a, a mitmeng thim khum mai chuan minti tîm leh deuh na chu, ka haider lui ta zawk a.



Mittui kar aṭangin ka en chho, a ngawi ngal, ka kut chu khur dar dara la kângin a hmai, ka dawm leh chul fo ṭhin chu deh tumin ka ban da da. A lo tawlh hnung hrut.


Ka âwm zawn hi chhun sawk ang mai a ni a na thîp vawng vawng.


Ka kut la letin, a kutah chuan ka chelh zui vat a, ka mittui rawn tla zawih zawihin, "min hruai haw tawh rawh...." Ka ti chhuak ṭuak bawk.



Haw let ka duh tawh lo takzet a ni, "ka tihpalh Putar. Ka tihpalh... Min hruai haw tawh rawh, haw ka duh tawh..." Mittui tla zawih zawih chuan ka ngên a, ka en chho kiau bawk.


"Thlah rawh..." Ka ṭap insut ri chu chawpchilhin a tawp.



Mittui nen chuan ka pasal hmel vawt ruih mai chu ka en a, "Eng maw?" Ka ti chhuak sap. Ka hresual ah ka ngai zawk.


"Min thlah rawh....." Vawt ruih mai hian a rawn ti nawn.


Ka lu thing nawk nawk chuan, "ka tihpalh, ka tihpalh tak tak..." Ka inhnit hlawp hlawp.


"Mahse, lo let ka duh, i bulah.. Ka nau..." Ka tawp dat.


Ka hmaa ding mipa khawngaihna nei lo taka min entu chu melh chho in, "ka naute nen hian kan mamawh che Putar..." Mittui tla zawih zawih chuan ka ti chuai raih raih a.


Ni e, ka naute, ka hmatheh ngai loh tur ka tih kha, ka mipa hmangaih neih letnan hmanrua ah ka hmang a ni. Mahse, eng nge tih theih ka neih chuan?



Beiseina a khatin ka melh chho ngawt ngawt a, min chhang dâwn lo emaw ka tih hnuah, "i duh thlanna a ni tih theihnghilh suh, ka buaina a nih loh chu! I kalbo thei tawh ang," vawt ruih maiin chu chu a sawi a nih chu!


Ka nghing dawt a ni ber, "i fa a nih tih i hria em?" A ngawi ngal.


Mangan lutuk avangin ka thaw a chham mai dâwn.


Hrawk na leh kham lutuk chuan min ṭawng tir mai thei lo.


'Hmanraw tel lovin min that' ti ila ka sawi dik ber ang, "ka buaina a nih loh chu" a ti ri chuan vawi sang tamtak min vit nawn a, ka beng chhungah hian a ri nawn tluk tluk bawk!!!


Natna a khatin ka mipa hmangaih, ka fa lo piang tur Pa ngei mai chu en ngawih ngawihin, ka ṭah nuih ta hak hak a.


"Engmah lo ata kha engkim i ni a. Ka inrin hmain ka hmangaih che a. Hmangaih neih hlut zia leh hmangaihtu nih ropui zia min hriat tir hnuah engtin nge i nun ata kalbo tura mintih theih," mittui luang ngiai ngiai chuan ka ti chhuak nawk nawk


"I duhthlannaa min kalsan ini," a ti bul leh nghut. Mangang lutuk chuan ka nui chhuak, a sawi dik, a sawi dik chiah!



"A nih i fa hi le?" Ka mittui chu ka hru hul tawk tawk, a tla hnem tawk tawh alawm le!


Ka hriat tirha mipa vawt tak ang mai khan a ngawi leh tlat a, a mitmu dum fiah kalh mai leh a mi enna thiltithei tak ṭhinah chuan engmah hmuh tur a awm lo, a ruak ngawih ngawih a ni ber.



"Mipa pawh i ni lo LALDUHAWM," ka'n ti thla ngawt a, ka thiam loh a ni reng tih ka hria mah se chutiang ṭawngkam chu ka dawn ka inring lo êm a sin.


"Hetianga mahni fa pawh kalsan a, kawng zatvea min hnutchhiah leh tur si chuan engvanga beiseina säng taka min dintir nge i nih? Sazu ang maia tlân chhe leh tur si chuan ka kut hi chelh ve lo tur i ni," au nghek ka duh a, au turin chakna ka nei tawh lo, naupang thu hrilh ang maiin ka hrilh mial mial. Ninlo, keimah leh keimah chu ka inbia a ni zawk mah, min ngaihsak lo tih hriat taka ka hnunglam a melh leh zuk ṭhin te chuan minti na zual vawng vawng.


Min hne emaw tih mai tur niin alang zawk alawm!

Ka mittui lah chu tih tlak ka duh tawh dêr si lova, farkhat pawh tih tlak ka tum tawh lo bur !


Ka mipa hmangaih hian ka mittui hi a phu miau lo a, ka mittui manto zia a hre lo a tin ni. A phu te tan chauh a ni ka tih tlak ṭhin ni!


Thil ka tisual tih ka hria mah se ka pumchhung a naute hi pawisawi lo a sin a nih!


Ka mittui bawk duh lo viau mah ila a rawn lum thla leh pup, bek pawng ṭawlh ṭawlh hian ka lamah a rawn pen hnai, lo tawlh sawn ka tum chu ka bânrekah rang taka chelhin a lamah min pawt hrawk a, ka beng bula rawn kûn hiamin, "che suh...." Chu chiah chu a sawi hman, "Rinmawi..." Freddy aw kan hriat rualin min thlah dat a.


Freddy-a ka bulah rawn dingin ka darah a rawn chelh zat. Ka bânrekah Putara'n ala chelh reng, a hmer na tulh tulh a, a bek pawng ṭawlh ṭawlh leh khabe ruh pawng lian tulh tulhah chuan Freddy chu thah mai a pawisak loh hmel takzet bawk.


Ka bân a hmer pawh a tliak mai dâwn emaw tih mai turin a hit mur mur. Ka lo ner sawk sawk.


"Thlah rawh," Freddy-an tih leh ka bân chu a phih a, "ka hruai haw ang che," tih leh Putara laka beisei la nei ru em em chunga ka melhna ata chu min inher pui riai riai.


Ka kawchhung a chauh lutuk luatah Freddy min kuahna pawh paih sawn duh mah ila, ka che thei lo.


"Keiman ka haw pui thei," U Ruata ka hmaa rawn ding ka lawm zia chu ka sawi seng lo.

Ka U ka hmuh rualin ka mittui bawk a rawn luang leh ngiai ngiai, "ka hruai haw ang che," kan hnunga Putara la ding reng leh min la en reng tih hriat tak. Ni lo, ka taksa in ala hriat leh kalsan theih loh, feel veng veng chu U Ruata'n en in, ka bânah a rawn chelh a.


Ka U chu ka nek deuh rawk rawm, ka dara kuah chuan, "i hmuh ang leh hriat ang hi, thil nihdan tur a ni lo a nia," a ti sup. Ni e, hetiang tur hi a ni lo a sin.


Ka pasal kha lo kalsan lo ila, hetiang hian ka fa thlengin duh loh kan ni âwm si lova.


"Freddy, keimahin ka hruai haw thei," tih leh car kawngkhar pawt hawngin min ṭhut luh tir a, Freddy-an min en run reng pawh chu ka hmu, ka melh peih lo hrim hrim.


Putara erawh side-glass aṭangin ka melh leh hrâm, a kut a hum ruh ngar a, min rawn en ngur ngur bawk.


Boruak tamtak hîp ka duh;Mahse, boruak hîp tur ka nei lo, mit chhingin muangchang chuan inbengdaih tumin ka thaw chhuak ham ham ta a, ka bekah ka mittui a rawn luang ngiai ngiai bawk.


Car a tlân chhuah a, ka Putara dinna kan hlat poh leh, ka âwm zawn hi a na tulh tulhin, boruak ka tlachham tulh tulh ni maiin ka hre bawk si!!!


Ka rinlawk leh rindan mah nise, Putara kâ aṭang ngeia min mamawh tawh loh thu leh, a fa a pawm loh thu hriat chuan min chhun ngut ngut a, kan inbuatsaih hman mawlh lo a ni ber.


Ka pum chu dekin, ka rilru in ngaihdam ka dil ru mawlh mawlh bawk. Keimah vang ni lose chuan a Pa a chan bik awm tawp si lo va! Keihi buaina bulpui chu ka ni. Keimah ngei hi!


<><><><><>



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:03 pm

ZAWLAIDI

By

Floria Laldansangi


Chapter < 26 >



MC-A......POV



"Sawi a nei em? A rilru a nâ in, a ṭap nasa em?" Ruata rawn lut chu keimah ang lo takin zawhna ka lo zawt nghal duah.



Min en vung vungin, "ka hrilh theihnghilh...." A tih chuan ka rum nghut, a la ṭap reng dâwn tihna em ni?



Keimah ngeiin ka hrilh mai a ngai dâwn a nih hmel!


"Khawnge kal i tum? Ka fiamthu a nih kha, 'min rawn ru reng reng suh se, ka zui dâwn lo chuango' a tih hlak hlak kha," ka chhuak tur ka bânah chelhin a ti zat, ka thaw ta hak a.



"Khawimaw U Mawi, Um 2 chuan min han pe la," a ti zui lawng lawng.



"I pa mi tirh te anni em?" Zu dawra rawn lut ve chiah che chu melh zauhin ka ti sup. Engtia keimah thlenga min zui ruk tir nge a nih tih ka hrethiam lo a ni.


"Annih saw," a ti sup.



"Nau a pai tih a hriatna a rei tawh em?" Zu chu a thli chhuak a.


"Rei nang, ni 2/3 bak a ral dâwn em ni? Ngaihtuah suh, keimah ngeiin damdawiin ka hruai alawm," nui vur vurin no chu min pe.


La in, lawmthu ka sawi zui sup.

Ka mitthla ah Siakmawii hmel bawk a rawn lang, duh aiin ka ti na mah mah em tih ka ngaihtuah, nau a pai tih a sawi laia ka kuah chak a, dawt min hrilh lo a ni tih zawh ka chak lutuk khan heng min zuitu te leh, Siakmawii zui kual tu te theihnghilh ṭhak a kuah vawng vawng mai kha ka nap hial a ni.



Keimaha a lawm lo leh rilru na hmel ka hmuh phei kha chuan, kei thingtlangpa thin butut tak kha a chhuak lo chauh hial!



"A ṭap tawh lo ang chu maw?" Ka ti leh sup, a mittui tla ka hmu ngai meuh lo; Mahse, a mittui ka hmaa a tlak ve chhun erawhin amah ang chiaha nâ in ka lo tuar ve nia maw le!



"Chutiang mizia nei turah i ngai em ni?" A nui huk huk. Duh aiin he hmeichhia hian a mizia a thlak nasa mah mah a tin ni. Ngaihruat dan pawh minti thiam thin law.


"Minpui dâwn tih i chiang amaw? I pa a ni si a?"


"Mc...." Zu tlak deuh pap chuan a ner sawk a, thlit belh leha min rawn en in, "ka Pa aia ka hlauh leh thih ka hlauh chhan i hria em?" Ka lo en run.



"I nupui vang hi a ni, ka thi a nih chuan a mal dâwn lutuk a, chuvanga thih hläu ka ni ṭhin. Ka thih hma ngeia ka Pa hi ka dahṭhat a, a tihsual rah ka seng tir a ngai tih ka hria.

Tunah chuan khawi emaw daikil karah pawh OD pawhin thi mai mai mah ila, ngaihtuah tur ka nei tawh lo reng reng," thutak zet chuan a rawn ti chhuak.



Lo rum khum nghutin, "i nau in a hriat chuan a läwm hauh lo ang," ka lo ti sup. Siakmawii'n, "kan inchhungah chuan, U Ruata chiah mipangai a awm a, khawvel erawhin mipangai lo ber hmuhin an hmu thung," a tih kha a dik a nih dâwn hi!


Ruata'n a farnu a hmangaih ang êm hian, ka farnu hi ka hmangaih ve em tih te min ngaihtuah tir rum rum.


"Buaina i zawng em ni?" Ka ṭhutna a rawn pal rualin min rawn nam zui sawk.


Buaina anzawng ve hrim hrim tih leh, buaina neih tir min tum tih ka hriat avangin ka ngaihsak lo lui. Lo kamnam ve deuh nen, duh aiin ka thin a butut ang tih chu ka hlau ru viau thung!


"Buaina i zawng em ni ka tih chu?" Tih leh ka tukkhum ah rawn nam a rual. Ka che phat, ka ṭhutna aṭanga dingin, a kut chu ka herh a.



"A na...a na...a na..." Ding di hlip awrh awrh chuan a ti chhuak nawk nawk.


"Incho sual a ni..." Ruata a lo nui vur vur. A ṭhiante ni ngei turin, "pawnah rawn chhuak rawh..." A ṭhian pakhat chuan a rawn ti. A kut ka herh sak zawka chu nawr sawnin a kut a thing zui nawk nawk a.


"Buaina hetah siam ka rem ti miah lo, chhuak ru, chhuak ru...." Inneitu chuan a rawn nawr chhuak nawk nawk.

Kan lam rawn hawiin, "Tunlai Excise tam nen, Vanlalruat i rawn kal a piang hian buaina hi i nei reng mai," ngamtlak takin a rawn ti zui hlak hlak.


"Ka ṭhu mai mai alawm hei."



"I ṭhu mai mai hi anrawn tibuai reng mai che a, i hmel khan mi pawi a sawi hrim hrim a nih kha," an nui zui kur kur.



Ṭhu thla in pawn lam chu ka melh, min nghak tih ka hre thei, zanin chu tleirawl ang mai a rik hut a ngai lo ang tih pawh a sawi theih ta miah loh!!


<><><>~>


RINTEI.....POV


A changleh mi â ang maiin ka nui leh a, U Ruata'n thudik min hrilh laia mak ka tih zia leh, ka thinrim zia, lawmzia kha, ṭawng nachang ka hriat loh mai bakah ka mittui lawmna avangin a tla a, ka ṭah nuih ta uar uar kha a nia!




"Mawl lian, Mawla... Min ruk tum pawh ni la, ka zui lo ang che," a sana min leisak en chuan keimahin ka phun leh nung nung ṭhin.



"Min zui dâwn lo tih i chiang maw?" Ka inher vut. Rang lutukin khum aṭangin ka petek thla a, varanda kawngkhar, a pawhtawlh chu khar tumin ka tlân ve tak nâ-in kei aiin a chet ran fe bakah, room chhung a rawn lut mai tur a ni bawk nen, ka thlen hma in kawngkhar chu pawt kharin a kalh zui hmak bawk.


Duh aiin ka speed a chak deuh nge ka taksa thunun leh thei si lovin, ka pasal chu ka su dawt a.


Phun hlukin, "fimkhur rawh, nau i pai," min ngaihtuahnaa khatin a ti chhuak sup.


Thinrim ṭha leh chuan a âwm a chum taihin, "chhuak..." Ka ti hman ṭawk, ka dahchhuah rualin, ka kawng aṭangin alamah min pawt hnai salh a, ka hmuiah a rawn fawp nghal bawrh bawrh. Ka sawi thiam dan berin a hap hian a rawn hap nghal bawrh bawrh a ni ber.


Min Fawp reng chung chuan ka nui ta sen sen a, a thaw lum ham ham a, zu rim nam ham ham leh zozial rim inchawih tawk tak te chuan minti phurin, kawchhung leh thluak a verh hneh leh ta mah mah.


Khum lama min nawr kalin, a nghawngah chuan ka kut ka suih zawm a, zo taka min pawm kâng nawlh chuan, a khelhah ka lo kherhbet ve zat bawk.



Kan chetdan bawrh bawrhah chuan, kum tamtak inhmu tawh lo hi kan ang ber.


Dimna tel hlek lo va khuma min nghatin, ka chungah a rawn bawk zui a, ka lo insiam rem sat sat bawk.


Ka t-shirt hak chu nin hmel taka lu lama pawt chhuak nawkin, ka bra hak chu a nawr tawp tâwk bawk a!


A t-shirt phelhin, ka hnute chu duhthawh zetin a rawn fawp nghal ngawng ngawng.


Ka taksa za ta chuai chuai chu awm ngaihna hre lovin ka thle tawn sek a, ka pasal sama ṭham chuan, ka hmeichhiatna za ta mer mer leh tisa chakna avanga ṭang mar ta et et ah chuan ka bawp ka kakin, ka kut lehlamin Putara kekawr kawng chu ka vuan bet ta ran bawkm


Ka taksa khuhtu awm lohna chu a fawp kual a, thaw hlawp hlawpin, ka lo eu ngawng ngawng, ka dang ro ta huam huamah chuan tui ai mahin ka pasal fawhna chu ka mamawh ta zawk a.


A biang tawn tawna chelhin ka hmai zawnah ka pawt hnai, thaw ri hrawih hrawih a, mitmeng phelh phang maia min en chuan, ka sam chu chul mamin, "ka ti na che em ni?" A ti sup, a ṭawng a sehchilh lek lek.


Ka lungphu a ran êm avang leh ka pasal ka mamawhna a san tawh êm avangin ka lei ka ti che mai thei lo, ka lu ka thing a, ka pasal chu ka lama pawt hnaiin ka fawp ta vawng vawng zawk a.


A nui ta suk, a lei hman thiam em em, mahni rilru ngaihtuahna sawi dâwn a, che hleithei miah si lo, kâ chhung leh taksa chungah erawh rûl verther lutuk ang maia zei si chu, ka kâah a rawn hawl lut a, kan lei inhuat vanga insual ni si lovin, kan kâ chhungah duhthawh tak leh tui titak a inbuan let tap tap in kan in fawp ngawng ngaw a.

Inzût ruai chung chuan ka kekawr hak thawl ve tak chu a pawt thla nawk a, ka hmui la si reng siin, "ka ti na lo ang che," a aw chu a khur hlawk hlawk nâ-in, a aw ah chuan min ngaihtuahna nasa tak ka hre thei.



A hma zawng aiin min ngaihtuahna a lang nasa zawk mah!


Inla hrangin ka chung aṭangin a kekawr chu a phelh zui ve nawk nawk a, a kut khur dar dar chu a phun zui hluk bawk!



A kekawr a phelh ruala a mipatna rawn kawh ṭha luah mai en chuan ka lo thaw chhuak kawk, ka chil awm zawng zawng sawm khawmin ka lem khalh. Ka vawikhat hmuhna a ni miah lo mah se, ka hmuh a piangin, hlauh vang ni si lovin min la ti ṭim fo chu a nih si hi!


Ka taksa khuhtu awm miah lo chu mitmeng tisa chaknaa khatin min en vung vung a, a kut, kut hnathawk pa kut ngei mai, thap deuh hrup, mipa dang kut nise, "a nâ" tia ka vaisawn ngei tur, ka pasal kut a nih avanga damdup leh, thiltithei tak nita si chuan, ka dul chu a rawn khawih de de a.


Tisa chakna kha hmuh tur a awm tawh lo, vawmbo hmak ang a ni, lawmna a khat mitmeng de sawt sawta min rawn en in, "hetah hian ka thisen tereuhte a awm a," zawite hian a nui ri zui suk suk.


Eng amah hma hma in ka ṭah a rawn chhuak leh ringawt tawh. Mittui khap per sak sak a, ka pasal biang chu banin, ka chul a, ka ṭah nuih sen sen, "ka mumang leh ka suangtuahna mai ni tawh lul suh se," ka beka mittui luang ngiai ngiai chuan ka ti chhuak.


"I suangtuahna ka ni ngai reng reng lo ka hmangaih," rilruih leh min hmangaihnaa khatin a ti supin, a rawn kûn hniam a, ka biang chul zauhin ka hnarah a fawp a, nui hmel nelawm leh hmangaihnaa khat mitmeng a min en in, "ka khawvel te inni," thâwp sup maia a tih leh chuan ka kawchhung a fan thla rawih rawih. Lawm lutuk avangin ka ṭah nuih ta hak hak.


Ka hmuiah dimtêa fawpin, ka hnute chu a ṭham salh salh a, thaw chhuak ham hamin, "ka fanu hi ka ti na lo ang tiraw?" A ti a nih chu!


"Lalduhawm...." Lai zeta nuiin a darah ka beng taih, fanu a ni em pawh a hre hawt si lova. Ka biang a sa nghal hat hat, a ling nghal hlar zawk maw le. Awm ang lo leh lutuk mai!!




Nui hukin, "ka hawlh na lo ang," a ti leh sup chu, hnuai lam aṭanga melh lui ram ramin, "thun suh," ka ti zo hman ṭawk, ka bawp chu a khupin a ti kau a, hnehsawh lutuk hian a hnawhlut zat. Ka âng kawk a, ka kâ a hmui hmangin a rawn chhîn zui nghal hmak bawk!



A lei a rawn hawl luh ruala, a mipatna hnawh lut thûk riai riaiin, min dim tum tak siin, a che zui bawk a!


Ka kawchhung chauh ni lo, ka thluak thlenga ti nu bulh bulh khawpa nawmna nasa takin mintuam chungin, ka kawchhung a naute nen ka pasal min sawngbawlna avangin, vanram tlafual chu vawi tam kan fang leh ta delh delh mai. Ka chhunga a awm a, min zût kual a, ka hming a lam ri leh a hming vawi duai lo ka lam ri min chhangtu ka pasal, kan thawri huam huam kara lungphu ri dup dup hre thei siin, ka rilru khawi emaw lai erawhin suangtuahna mai a nih a la hlau ru em em tho mai!


Vawitam a vawrtawp kan thlen hnuah ka sirah a rawn let thla tap a, alama min pawt hnaiin, nghet taka min kuah chuan, ka bekah a fawp vang vang, "ka ti nâ cheu em?" Ka dul a khawih zui zat a, duat taka chul hliau hliau in, ka lu, a bân ka kham chu dah sawnin, a kiu hmangin a rawn in beng kâng a.



Nui suka min en in, ka sam chu a chul mam a, "nâ i nei em?" A ti leh sup.


Ka mitmeiin ka chhang, ka thawk lak leh mitmeng pawh la dik hek lo le!


Ka dar ruak kâng mai zut hliau hliau in, "insiam la, heta ṭang hian ka hruai chhuak ang che," thutak zetin a ti leh sup.



Lawmna avangin ka mittui a rawn hnâm ṭiam ṭiam.

"Min haw lo em ni?" Ka aw chu a chhuak ṭawk a ni.



A chal a ti chuar nung a, "ka hmangaih che ka tih tawh kha," dam dup a tih leh ka hnarah a fawp leh zauh, ka hmui a kutzungpui a tuaiin, "innghahna tlâk ni ila, nang leh ka fa lo piang tur hian intawrh a ngai lek lo tur!" Sak ṭalhin, zawi tak siin a ti chhuak hraih, a bek leh khabe ruh a pawng zui ṭalh ṭalh.


A aw chhuakah chuan min huatna hriat tur a awm lo; Mahse, a thumal tin maiah chuan ama chunga a thinrim zia erawh hriat tur a awm thung!



Ka biang a dawmna kut chu dawmin, "rintlak ini tih ka hriat vang alawm khatiang a, atthlak taka ka chet ni," ka ti chhuak ve sap. Rintlak leh rinngam a nih vanga ti ka ni takzet bawk. Kei leh a farnu inkarah a din a, kan tana rin ngam a nih ve ve na khan a tihnat ka hläu êm a tin ni!


Ka hmuiah a rawn fawp vawng vawng a, ka chalah a chal nghatin, a thaw chhuak ham ham, "ka nung leh ta in ka hria," a ti chhuak sup a, nui nghawr datin, "i hmangaihna Zawlaidi hi a tak mah mah a ni Bawihi," a nui zui huk huk.


Nui sen sen chunga inti thei fe a melh chho ralhin, "hnawl mai mai chi ka ni lo rêng a sin. Min hnawl ngun leh ka zûnah i uai na ting a ni mai," uar fe a ka tih chuan a nui huk a.


Ka hmuia fawp lehin hnuailam seh zauh chuan a inla hrang hlek a, "kha ai khan lo hnawl rei deuh tur che a nia," a thle zui bak chu a bân bulah ka beng taih, a nui zui hawk hawk.



Ka pasal nui hmel leh a nui ri chuan min tuam hneh mah mah. Chutih rualin, ka mumang a ni ang a, ka harh chhuak leh mai ang tih ka la hläu takzet bawk!!!



<><>~>~><>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:04 pm

ZAWLAIDI

By

Floria Laldansangi


Chapter < 27 >


RINTEI...POV


Ka tan chauha siam ni âwm maia bân puar sek ṭha tak mai khan ar ar chuan, ka pasal khabe chu ka khawih neuh neuh a, "Khawnge kan kal ang?"



Ka zawhna atthlak tak leh naupang chhia tak chuan a nuih a ti za a ni ngei ang, a nui nghawr dawt a, ka dar ruak kâng mai chul pahin, a kut lehlam chu a khan zui ve a.


"Khawiah nge ka hruai che i duh?"


Ka ngawi deuh vang vang, melh chho ralhin, a kut a kham zawk chuan ka khabe a rawn chelh a, lo nuih seihin, "helai hmun aṭanga a hla thei ang berah," zawi sep leh ngenna ri tela ka tih chuan a mitmeng a minchhangin a kiai suk a, ka hmui hmet kau tiar chuan rawn fawp zui vang vangin a inla hrang a, tho vutin, "eng nge itih dawn?" Ka lo ti vat.



Min rawn nui leh suk a, ka hnar tawk zauhin, "ka hrufai dâwn che, rubo tur che in," mawi lutuk hian a kiai leh, a nui hmel dam dup ringawt pawh hi dampui vawng vawng natham a ni ṭhin.


"Shower chungah towel a awm," inti lal tawkin ka lo ti zat. A lu a ti che nghut a, a tho zui nulh bawk


Bathroom lam pan mêk ka pasal taksa inkhai fithla thlarh mai, Mizo mipa pian a ni tih hnunglam aṭang phei chuan hriat meuh loh chu, hmai sa hat hat leh lai ru zet chuan ka en zui kiau a, a luh rualin varanda lamah ka inlet thak, ka ngaihtuah nasat pawhin engtin nge a rawn lawnkai tih ka ngaihruat thiam lo. A sän zia chu dahṭha ila, security bakah cctv a awm vek si a!



"Engthil nge i ngaihtuah?" Ka mawngtamah a beng ri zui thlawrh a, ka melh zauh, ka mawng chu towel a hrufaiin min kuai zang thal a, nui sukin, "i nalh takzet," rilruih mai a ti chhuak sup chuan, ka dula a fawp zui zauh bawk.



Ka taksa hi ka chhuang ngai miah lo, 'Mizo nula nalh tak' tia sawi tur lah ka ni hek lo, ka sân zawng phei chu 5'4ft ka pel ve deuha a ni mai. Tin, khawpuiah awmin, duh leh tui tih a piang eiin a, mahni chaw eina thleng pawh sil ṭha peih lo, kum 1-ah vawi 3 pawh hmun kan phiat dâwn em ni tichunga inla no tawp, thingtlang nula ni ila berh ve tak tur taksa, it leh khawvela hmeichhe nalh ber ang maia min in ngaihtir ṭhinna mitmeng chuan, ka taksa phu lovin inrin tawkna min neih tir fo a, ka pasal hmaah ka taksa leh pian zak map lova, tihlanfo minti chak fo ṭhin!


Ka bawp hrufai pahin ka mal a fawp leh zauh ṭhin chu ka lo nuih sen sen a, varanda lama thle leh zauhin, "engtin nge i rawn lawn? Security leh cctv te a awm vek si a?" Mak ka la ti reng.



Mit zîmsana min en in, a ding kiai suk a, dingin, "puitu ka nei ṭha alawm," ti supin, "inha lum rawh, thawmhnaw keng suh ang che," tih zawmin bathroom ah a lut zui vut bawk.



Sana ka melh zauh, zinglam dar 2 a ri thuak tawh, ka chhungte muttui hunlai tak a ni.


Ka inhak mawlh mawlh laiin kawngkhar a rawn ri, Putara bathroom aṭangin a rawn chhuak ve chiah bawk a, hlauthawng ru zet leh lungphu phu nghal dep depin Putara lam chu phawk fe hian ka hawi a, hlauthawng hmel pawh a pu ve lem lo tih a hmel damdup ah chuan ka hmu thei.



"Keimah..." U Ruata'n a rawn tih zawi dût chuan ka kawchhung a boruak zawng zawng ka thaw chhuak hawk tak tak.


Thaw chhuak ham hamin, "minti hlau alawm," ti zui nang nang chuan kawngkhar lam chu ka pan a.


Putara lam ka hawi leh chuan kekawr a lo ha fel dêr tawh, kawngkhar hawngin, en pawh min en lo, Putara en chungin, "darkar 1 hun ka pe che a darkar 3 i awm. Siaki min zui la, inpa a rawn chhohna aṭangin chhuk rawh se," a ti zawi su su.


Ka U chu en chho haw in, "a tla dâwn a sin, kawngkhar pangai awm reng a," ka lo ti vat chu ka chalah pen kawrhin, "a vawikhatna pawh a ni lo, kal rawh Niraw-a harh hma in," tih leh room aṭanga min pawh chhuah a rual.


Putara lam chu ka hawi leh hram a, varanda lam a pan, a hnunglam chiah ka hmu hman nia maw le! Engtin nge maw antih le?


Inhnuai lam pan a kan unaua kan chhuk laiin, ka Pa te room kawngkhar a rawn ri rak, "khawnge kal intum?" Vûr tuia leih ang mai kan ni.


"Vanlalruat...." Ka pa chuan a ti leh hluk.


"Zinglam tawhah khawnge kalse mintih, beer kan in dawn," U Ruata chu a hawi let. Kei erawh ka din ngaiin ka ding ran.



"Civil ka be fel tawh a, in checkup turin naktukah kal ang che," a ti leh chu chhan tumin inher ka tum a, U Ruata'n ka bânah chelh vatin, "chu beer i inthei tawh lo ṭep a nih chu..." Nui vur vura tih leh mitmeiin min khap vat.


Ka Pa chu rum tawkin ka melh ta hrâm a, room a aluh leh thleng chuan ka melh ngar ngar.


"Kal ang..." Min pawt dawt dawt.

"Security....."


"Doctor bialnu hlui ka nei tih i theihnghilh em ni?" Sleeping pills a pek loh hram ka beisei. A pe tak nge an muhil bawrh bawrh chu ka hmu nghal.



"Rinte..." Pawh din dawt ang kan ni, kan hawi let vat a, Nu Hmai kan lam pana rawn pen hlawk hlawk chu phawk fe hian ka lo en.


"Nu Hma..." Kan in lam ka melh zek zek.


"I Pa te chu an mu tui," ti sepin, "heihi champhai a ka fanu te address a ni a, inbe dâwn nia, engpawh tawk la a lo pui vek ang che. Champhai DC ah a hmingin an Pa a thawk ve a, buaina i neih palhin. Heihi ₹5000 ka kawl chhun a ni a, mamawh leinan hmang rawh," ka kutah a rawn hmehbel nawk nawk.



"Ka la thei lo, i neih zawng zawng a nih bakah, i tupa school fee te nen...." Pek let ka tum chu a la let duh lo nasa.


"La rawh," Mittui tling pam hian min rawn en vang vang a, a mitah mittui tling mah se ka tana a lawmna chu hmuh hmaih chi a ni chuang miah law.



"Nu Hma, pawisa hi chu la let rawh. Mahse, i fanu chu ka tibuai dawn tih ka chiang. Pawisa chu tlêm a zawng ka nei alawm. Bakah, innei thar pawh kan nih loh hi," ka ṭap ve leh ringawt dawn. Rai no hi ka haw takzet a ni. Ṭul loah mittui hi a lo hnâm ve ruai ruai reng mai a!


"Ni e, pawisa kha chu a mamawh lo ang. Inthlah fel ula, kal ang," U Ruata'n a lo ti vut .


Pawisa chu duh lo viau mah se ka pe let thei ta hrâm a, "rawn haw tawh suh ang che..." ti sepin, "kal rawh u," a ti leh sep.


Kan in lam chu hawi vang vangin, a vawihnihna atan ka chhuahsan leh dâwn a ni a, keipawhin ka let tawh lo hrâm ka beisei takzet bawk!
.
.
.


"Chhuah vat kan ngai, Mami'in min hmu tlat," Putara'n rawn ti supin, In lam chu a hawi chho a. Mami kan lam a rawn hawi thla ran a, ka thaw ka hîp let kawk.


Ka rilru in, "tun ṭum chauh chu min thlah rawh Mami, khawngaihin..." Ka ti ru nghal mawlh mawlh, lungphu dep dep chuan Mami melh chho ran chungin Putara lam chu ka pan thla hlawk hlawk a.

"Engmah a sawi lo ang," U Ruata'n a rawn ti sup. Putara hmelah erawh keimah ang chiahin a nau chu a ring ngam lo tih alang reng!




"Khawilam nge kan pan dâwn?" Car a ka luh rualin ka ti nghal. "Hmanhmawh ve la," ka ti zui zat.



Putara ka bulah a rawn ṭhu lut a, U Ruata'n car a khalh, "ka mut a chhuah hunah Mc i khalh dawn nia," a rawn ti zui zat bawk a.


"Kan khuaah, boruak a daih hma chu kan awm dâwn nia," Putara'n a rawn ti. Ka bu nghat, khawi pawh kal dawn ila, ka Putara nen a nih chuan pawi tihna ka nei lo hrim hrim.


Putara chu ka nek zui ṭalh ṭalh, a darah ka lu nghat chialin, U Ruata'n tlân chhuah hmaa zu a lem deuh khulh khulh chu melh vakin, "A mak e Vanlalruat. Mami' khian ka pa a koh chuan i chak dâwn lo a nia," ka ti hlak hlak chu nui huk hukin car a tinung a.


"Inpa pawhin min rin chuan min ring hle hle rawh." Ka pasal chu ka melh zauh, a lo nui sun sun.


"Engtik laiin nge in lo inkawmngeih em em a?"


"Hmelma in ang kan neih aṭangin," U Ruata'n a rawn ti vat. Putara a lo nui nghawr dat ringawt a!


"I mut a chhuak em?" Ka chhipah a fawp zui zauh. Bu nghatin mit ka chhing zui riai riai.




U Ruata a ṭawng bawrh bawrh laiin Putara erawhin ka darah nghet taka kuah chungin a lo nui ri leh suk ṭhin ringawt!



An mizia lah chu in anna pakhatmah a awm si lova, an inkawm ve thei a ni chek ang a, hetia an inthurual em em danah leh, U Ruata ṭawng duh tak mah se ka mipa kawp te lakah chuan inla strict leh ngeiawm tak mai pawhin, a ti ti pui bawrh bawrh danah!


An ṭawng chu mit chhing chial leh, ka pasal, ka thlakhlelh em em, pangti lum si chet a, naute ang maia min chul hliau hliau a, nghet taka min kuah tu si chial chuan ka ngaithla a.


Pakhat lah damdup, nui nghawr let dat a, ri leh suk suk ṭhin, ṭawng tam lem lo, pakhat lah ri phawr phawr ngaithla chung chuan mut chhuakin min zêm zui chiai chiai a.


Putara'n ka ṭhut dan siam rem a, ka ke seat ah hlang kangin, min tih harh hläu tak chunga ka Lu a malah dah thla riai riai a, "Ruata blanket kha min lo ban lawk teh," a ti sup leh min sin tir te chu ka mang hriat zui ruai ruai.


"A thinrim leh a lawm changa i pek tur chu kawlthei sweet a ni mai. A thinrim em em lai pawhin kawlthei sweet a hmuh chuan a lungawi nghal ṭhin, innu thuruk a nih chu," U Ruata'n nui huk huka a tih chu ka hriat hnuhnun ber a ni.

Ka pasal mal sek avang ruh zet ṭal mai, lum ham han nek ṭalh ṭalh a blanket sin ṭha chuan, ka pasal kut, ka dara innghat lum veng veng feel chung chuan ka muhil ta sek sek a!



Hetiang taka thlamuang hian ka awm leh ang tih rin ngaihna pawh ka hre tawh lo kha a nia!

Thilmak pasarih min zawt dâwn sela; ka sawi tel ngei tur zing a mi a ni. Tukkin zing sawi loh, zantir lam thleng pawhin ka tan khawvel kha a tawpin, vanpui a chim ruah ruah kha a ni si a!!
.
.
.

Engtia thui nge kan tlân tawh ka hre lo, ka mu nasa tih hriat takin ka harh leh chuan Putara pawh ka kham tawh reng reng lo, car a lo khalh daih tawh zawk.



Ka ṭhu chhuak luai luai chu min rawn melh zawkin, "i muttui em?" A kiai zui suk.


U Ruata ka lam a rawn hawi a, "i mut theih sa nak alaiin inrai ve phei chu vawk ang hlauh alawm inih le. Pawngsual che pawh nise i hre tawp nang," nui vur vurin a rawn ti deuh buah buah. A ṭawngkam buh leh nuaih danah damdawi a rui leh tawh tih ka hre thei. Khawiah hian nge maw a lo tih hman ṭhin ni.


"Ka ril a ṭam," naupang chhia zet chuan ka ti chhuak.


Ka pasal, a bâna thisen zâm lang ṭhuah leh bânpuar lian tak mai nena steering a chelh ran chu a vahan inhmeh chiang tak, ka en nghal vauh vauh. Hmuhnawm a tling pha tak tak alawm!



"I ke lamah ei tur ka dah kha. I ei chak leh duh ka hre lova, i duh zawng a awm em en la, a awm loh leh Khawzawl kan lut dâwn a, kan lei dawn nia," a rawn ti sup sup.



Ka en vat a, sarang inkhai ka hmuh chu ka tawlh hnaih nghal sut sut.


Cake leh theitui a lo awm nual tak tak, Nimbu a kawr velh loh bakah apple te nen lam a lo awm bawk a.


"Nimbu te eng atan nge?" Banana cake chu phawrhin ka ei nghal tuam tuam, a tui em pawh ka hre chuang lo, a ṭam êm a ka ei hmawk hmawk a ni ber.



Vawikhatah ka hnawh hnem deuh nge ka khuh zui kharh kharh chu Putara a rawn hawi vat, "hma lam en rawh," khuh deuh kharh kharh chuan ka lo ti ṭuak a.


"Ei tlem deuh ta che maw le! Tuman an ei sak dâwn lo che," ka U in a lo ti hlak.


Putara pawh a läwm hmel viau loh, darthlalang aṭangin mitmeng dur khupin min rawn melh leh run ṭhin chu theitui lem pahin ka nuih tlawn ta vur vur ri ringawt a.


A hnar min tum khum datin, "ei muang rawh," a ti zui hluk. Thuawih zetin ka bu zui nghal nghauh nghauh.


Thil ei tuam tuam chuan ka hawi kual, Seling sawi loh Dulte kan thlen lai pawh ka hre miah lo tak tak nia!


Kawkulh te pawh kan lo tlân pel daih tawh zawk maw le! Engti mutin nge ka mut tak tak le aw. Chuti fakaua tuia ka mut chu ni!


"Kawkulh te kan tlânpel daih elaw. An sawhchiar ka ei chak a sin," ka phun nang nang.



"Darkar chanve lai kan car ke chhiaah kan chawl a, damdawi in kan hrai ta che emaw an ti hial zawk, i mu nasa lutuk kha," Nui huk hukin U Ruata'n min rawn fiam, Putara pawh chu a khi ve ta suk suk tho.


Ka hre lo tak tak, ka thi lailawk a ni hrim hrim a awihawmloh zawk hial, tilui te pawh ka ang e a!


"Ka hmanhmawh deuh hrim hrim a chuvang a nih kha," ka mutthilh san char char avanga tlêma ka inthlahrung hmel deuh chu Putara'n nui hmel hahdam lutuk a min rawn melha kiai sukin a rawn ti sup.



Ka lo nui nghal var var, ka U ve lellul hi chu min dim lo si! Mi chhaih buai ringawt hi a thiam a.



"Niraw-a vang maw le...." Sawi sual intih hmel zetin Putara a melh zawk, pawnlam a hawi zui nghal chu theitui lem khalh khalhin, " eng nge awmzia?" Ka U leh Putara chu ka ṭhut hnaih nghal sut sut a.


Putara chu a kâ a chip hmak. Mahse, a steering dawmna kut ṭang ta tulh tulh leh, a vawnna kutzungpui kar var ta pup te, thisen zâm pawng ta ṭungah te chuan thilthleng a awm tih ka hre nghal ang bawkin, engmah a sawi dâwn lo tih ka hre bawk!



"Vanlalruat...." ka U chu ka melh ran, a damdawi rui hian a lei a veng hneh lo tih ka hre chiang lutuk mah mah.



"U!!..." Ka'n tih leh duai takah chuan thaw halhin, "inpa Wanted list-ah a dah bakah, mantheihna warrant anti chhuak," a nui zui tuh tuh. Nuihzat tur a awm dêr si lo, thutak hun hi a hre lo thei lutuk mai.


Phawk fe hian ka meng a, "engvang maw? Engvanga wanted ringawt nge annih? Eng nge an man ngawt ang? Putar...." Lo thaw chhuak ham hamin, a ding kiai suk a. Min rawn melh zawkin, "hahdam la, ṭhu ṭha rawh, i inti nâ ang," a ti zui sup sup. Buaina ka zawh aiin ka nat chu a hläu zawk tih a mitmeng leh chezia ah chuan a lang chiang zawk daih!


Ka ṭhutna aṭangin ka mawng ka kân tih pawh ka lo hre lo hrim hrim.


Ṭhu thlain, "engtin nge kan tih dâwn?" Rilru hah deuh chuan ka ti chhuak hap; Mahse, mak tak maiin a hmaa ka hlauhthawn ṭhin ang khan ka hläu miah lo. Ka bulah Putara a awm a, min venghim dâwn a ni tih ka chian lutuk tawh vang te pawh a ni mah nâ!!!


"Min ring rawh ka tih kha," a ti leh sup, rei lo ah kan hmaah police duty kan tawk ta rêng a, a landan in Khawzawl kan lut ṭan niin alang.



"Bawihi, i bula bag ah khan ka phone a awm min lo ban mai ta che," Car an lo phar din avangin Car chu kawng sirah a Park zui thlap a.


Putara ṭhutna, driver seat lam chu police pakhatin a rawn kik kharh kharh, glass chu a ti thla a, zu rim a rawn nam zui huk chu, chawpchilhin ka kua a inlet nghal rawk rawk, ka uak ṭhawt, kawngkhar hawng rawk rawkin ka tlân chhuak zui chawn chawn.


"Min hrethiam teh," ti ri ka hriat rualin Putara ka bulah a rawn ṭhu thla zui a.


Ka uak tuar tuar chu ka hnungzangah chulin, sama tla ve chhen chu ka hnunglamah a vuanbet zui zat.



"I ṭha em? Nâ i nei em ni?" A aw a hlauhthawnna chu ka hre thei.



"Tui..." Tih leh tui chu min pe a, 5mins dâwn teh meuh ka thil ei sa zawng zawng luak chhuak lehin leiah ka ṭhu sawp hnawk. A zu rim kha a na lutuk mah mah a ni!


"A zu rim kha....." Ka aw a chhuak ṭawk, ka sam chul mamin, ka uak na avanga ka mittui tla phung chu dimtê hian a rawn hru hul a.


Ka hmui min tuaifai sak zatin, "Na dang i nei lo tiraw?" A aw leh mitmeng zawng zawng nen, ka khawngaih letling zawk. Ka rai aṭangin, tun hi uak tuar tuar ansawi ang a ka awm vawikhatna tak tak a ni.


Nizan pawhin Putara zu rim te chu ka hre reng si a, rimtui ka'n tih vei nen, saw constable zu rim saw ka'n huat tlat chu mi maw!



Pasal te nge nge chu an lo rimtui zawk a nia nge!


"MC Lalduhawma ini em?" An rawn ti ta chat, rawn pan hnaih antum chu Putara ding chhuak vatin, "ka ni e, ka nupui hi a raino a, keimah chiah hi minbe mai ta che u. Lo nghak lawk rawh u," nelawm vak lo, bul deuh nghut nghuta tih leh a rawn ṭhu hniam a.


"I ṭha tiraw?" A dam leh thluam bawk si!

Ka lo bu nghat, "car-ah min lo nghak rawh, nâ i neih chuan sawi ang che," thu minoe zetin min kuah tho a, car lam chu min panpui zat.


Dam lo ang maia min dimin, min ṭhut tir a, ka chala fawp zauhin, "ka rei lo ang," a ti zui sup. A hmelah chuan eng nge a ngaihtuah tih ka hrethiam lo; Mahse, police ho rawn ding hnai tual tual leh, an kut a phone an bih leh ṭhin danah, Putara thlalak an en in, man antum tih ka hrethiam nghal vek bawk!


"Thana ah minzui a ngai ang," constable pakhat chuan a rawn ti deuh chhar chhar. Rui chungin an duty vek emaw ni le?

A tet tet nen Putara chu a melh chho ve ram ram a, wanted tih vang ngawt a cho a nih chuan keimah zawk hian ka chhir hrep duh mai ang.


"A thlalak an kawl vek a nih saw," U Ruata hahdam zet a ṭhu in a rawn tih chu melh ralin, "pui ta che," ka lo ti hlar.


Nui hukin, "inpa saw thluak hlang a nih saw, hre ta che.." Ti duh lekin a chhuak zui zat.


"Engvanga man duh nge innih sawi ula," a va ti nghal lung lung. A damdawi rui hi chu ka ngei ṭhin!



"Thupek kan zawm mai chauh a ni," tih leh handcuff chu a phawrh ta mai.


Putara'n a kut chunglam a phar zeuhin, "Pu Ziona, Lungvar SP ka be tawh a, station lamah kan sawifel ang, call indawn vat ka ring," Putara chuan a ti ta sup sup. A aw chu a dam leh dup tawh, nichin ka luak zo hlima a biak dan bul nghut ang erawh a ni tawh lo.


Putara phone ka bula mi, ka phawrh chhuah ka pek tak loh chu a rawn ri a, "Pu Zion-a" tih ngei a ni.

Chhuak vatin, "hei..." Ka hnar hup chungin ka va ti haw chu Putara'n a phone chu a la vat.


Rang tawkin car-ah ka let zui chu ka hnunglamah a nui ri suk chu ka hre hman hrâm!


Car chhung aṭangin an inbia chu ka enin ka ngaithla ran, Lungvar camp lamah kal turin an inti tih hriat tak hian, "kan hnungah min rawn zui dâwn nia," tlema ho tu zawk chuan aw ki dang zar hian a rawn ti ta a, ka lo nuih sen sen.



Ka pasal hian eng ruahmanna nge a neih ka hre miah lo mah se ka ring tawk em em a, a chingfel dâwn tih ka naute pa a ni tih ka chian tlukin ka chiang tlat!!!!



<><>~>~>~>

(Tunkar a zawh ka tum nen, kan zo thei meuh angem?)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:04 pm

ZAWLAIDI

By

Floria Laldansangi


Chapter < 28 >


RINTEI...POV


Lungvar Police station kan thlen rualin, Putara'n phone a a biak ni ngei tur chu pawnah a lo ding vàng a!


Car aṭanga kan chhuah rualin Putara lam a rawn pan vat, "e khai a! Chanchin thar i va nei pui dup dup ve maw le Mc. I rukruk Mizoram mipuiin kan buaipui dêr alawm le," nui huah huah hian a rawn chibai a.



"Heihi em ni kan Home Minister fanu duatlai chu? I ru lianin, i thilruk a puitham êm a nih hi," nui chung chuan min rawn chibai ve nghalin, U Ruata pawh chu a chibai ve mai bawk a. A nuih huah huah danah pa sual tak chu a nih ka ring lo.


Putara lah chu a be bawrh bawrh a; Mahse, an inzah ru tawn viau tho si.


"Inchhung lamah kan inbe dâwn em ni?" A pensawn zui a.


Ka kutah Putara'n rawn chelhin min pensawn pui ve zat.



Ka chil rawn rial ta riai riai ah chuan ka luak a chhuak leh dâwn emaw ni? Ka lu lah chu a hai zui muai muai bawk si.

Car ka rui a ni hrim hrim, ka luak chhuak ta hnur reng mai te chu ka vahan ning ru ṭan si êm!

Ka kut lehlama ka tui um ken chu Putara leh Pu Zion-a inbiak mawlh mawlh laiin hawn tumin ka herh leh ṭhin. Engti tia chhin nge maw ka nih le? Ka rilru in, "ka raino vang vek," ti deuh ta chhen lehnghal a!


Ka kuta bottle chu min en miah lo va rawn banin, a herh hawng a, min la en chuang miah lo leh Pu Zion-a thusawi ngaithla pah reng chung chuan ka hmaah a rawn lek leh zat, nui sen senin ka lo ban ve vat bawk. Min en lo emaw tih laiin!


"Kum a tling tih i chiang maw?" Tui in khawlh khawlhin ka hnunga chair chu melhin, tawlh hnungin ka ṭhu thla.


Putara ka lam a rawn hawi a, kiai suk hian, "nau a pai mêk a," a ti sup. Pu Zion-an lawmpuina hrilh mawlh mawlhin, "Home Minister thuchhuak hi keini tan zawm loh ngam chi a nisi lova; chutia, nangni inru pawh ni tawh lo, nupaa insiam tawh in lo nih si chuan engtia han tih chi nge maw le. Inneih certificate te innei em?"


'Kan nei hman dêr lo' rilruin a tih laiin, "nei e," Putara'n a rawn ti leh chu ka tuiin ka hak lo chauh. Ka khuh kharh chu a rawn hawi vut a, ka lamrawn pana ka hnungzang chul nghal vut vutin, "naupang ang mai," a ti zui hluk. Ka eiin hak ṭhin chu a lo läwm lo ve em em zel ringawt a.


"I nuamsam lo em ni?" A rawn ti leh sup. Ka lu ka lo thin khum mat mat, a ṭhutna a let ta lo chuan, Pu Zion-a lam chu a hawi a, ka darah a chelh zui ran bawk.


Pu Zion-a nuihza insum hmel chuan minti lai lek lek, a mitmenga Putara a rawn chhaih pawh chu ka hrethiam ve reng bawk!


"I thilruk hi a lian êm a nih hi...." Nui ruh ruh chuan Pu Zion-an a ti leh, lai zetin ka sira ka pasal ding run mai chu ka melh chho ralh a, ani erawh a khisuk duh lek chauh a ni.



"Inneih certificate vêl chu min lo pe la, Pu te lam ka zu bia ang e," a ti leh, a la nui ruh ruh tho.


Ka dar hmer salhin a pensawn zui a, a bag chu hawngin, "Inneih certificate bakah, kohhran hriatpuina lehkha nen," mi â ang maiin ka pasal chu ka en hau ringawt, ka ngaihtuah let neuh neuh pawhin inneih certificate sawi loh kohhran hriatpuina kan neihlai pawh ka hre lo mai pawh a ni lo, Biak In pawh kan kal dun ka hre lo hrim hrim zawk!


Pu Zion-a bu nghat nghatin, "chhungkaw buaina a ni si a, kan inrawlh thui vak chu ka ring lo," ti lehin a ding zui a, "hahdam induh chuan kan In a hla lo tih i hriat kha," a tih zawm zat.

Putara'n min rawn en, ka lu ka lo thin khum na na chu nui sukin, "kan lo nghak ang che," a ti ta sup.



"Engtik laiin nge inneih certificate i buaipui a?" Ka pasal chu ka lam a rawn hawi.



Ka lam a rawn pan a, nuih var varin, "i va fing ve," ka lo fiam zauh chu nui ri suk hian ka hmaah a ṭhingṭhi thla a, ka kut ka mal chung a mi chu hum vang vangin, mitmeng damdup hian min rawn en, "i telna ah chuan, mipa leh pasal angin ka ngaihtuah ṭhin," zawi thâwp sup, kiai zui suka tiin, a kut phah hlai tak maiin ka biang a rawn dawm vang vang a, ka lo nuih ve sen sen bawk.


"Mc, kan inbe lawk dâwn em niang?" Pu Zion-a a rawn lang leh, Putara chu a bu nghat a, "pawnah boruak ka lo va hîp ang," ka lo ti ve vat.


"Kal hla lo la," tih leh a dingin, ka chhip a fawpin a pensawn nghal.


U Ruata ka melh kual deuh, kan luh aṭangin a hmel ka la hmu lo reng reng, ani pui roh hi damdawi te hi a lo va tih belh leh reuh chuan ka kuk fawk ang.


"Human trafficking, Trafficker angin i lakah case an file tih i hria ang tiraw?" A ti ri ka hriat rualin ka ding dat. Pu Zion-a dawhkan lam chu ka melh, Putara leh mipa pakhat inkuah lai thlalak inhung chu en in ka nui seih, an tlangval lai a ni ngei ang; Mahse, Putara kuah erawh Pu Zion-a a ni lo tih ka hre thung!



"Hria e." Putara'n a rawn ri dut.


"Ka kal tir thei rih lo ang che u tih ka hlau hle mai. Tunah hian Home Minister Pu Biaka ten Khawzawl anrawn pan mek a, in nghah a ngaih hmel ka ti. Social Media ah i case hi a darh nasa hle tawh bawk nen!"


Pu Zion-a thusawi chu ka hre reng, U Ruata ka lam pana rawn kal chu chhuakin ka pan vat, "i phone min lo hman tir teh," min en heu, a rui zual tih ka chiang lutuk hepa hi!



"Eng nge i lo ruih thawt thawt a," phone phih paha ka ti hlak chu a nui vur vur duh chauh lehnghal a.


"Eng nge tih i tum," ka phone hmet mawlh mawlh chu a rawn bih.


"Ka live dâwn..."


"A ṭul lo êm mai..." Phone a rawn pawt, pawt letin, "status ka Up dâwn, ka hmel nen hian live duh hmel ka pu em ni? Social Media an hman ṭangkai chuan nge ka hman loh bik ang," ti hlak hlakin status tur chu ka type mawlh mawlh.



"Hello, keihi Lalrinmawii, Home Minister nilai mek Biaka fanu ka ni a, tunah hian social media hrang hrangah min kidnap ang a thuthang a awm hi pawi ka ti takzet a, a hmasa in ngaihdam ka dil che u. Mahse, kidnap ni lovin, kei leh ka pasal Mc Lalduhawma, ka U Vanlalruata te nen ka pasal te khaw lama zin kan tum mai chauh a ni," ka type lai chu bih duk dukin a chhiar deuh thlap thlap a.


"awmsawn teh." Ka lo nghawk sawk chu a nui huk.


"Nau i pai thu sawitel rawh," a rawnti ban leh chap.


"Ka sawi thiam lo, ka...."


"Post siam duh suh Bawihi, ka ṭhianpa India Times a thawk ka be zo deuh chiah a, kan inneih certificate thlalak ho nen, a lo buaipui mai ang," Putara a rawn chhuak chu ka lo ner nung nung. Ka Pa ka huat nasat zia hi!


Engtin nge ka pasal hi trafficker angah te ah a chhuah ngam ni, Zokhawthar kan thlen hunah post ka siam tho ang.


"Zui tu tur che u chu in mamawh lo maw?" Pu Zion-a a rawn chhuakve, engtin nge an inbiak ni, nichin mai kha chuan kan chhuah mai theih loh tur thu a sawi si a. A hrim hrimin ka pasal hian hmelhriat pui deuh deuh hi a nei rohin nia ka hriat!


"A ngai lo ang, Champhai tal kan thlen hman chuan tihdan a awm ve zel mai ang, a tlai mai dâwn kan kal ang e," ka bula rawn din a rual.


"Kan kal thei em ni?"



"U, car khalh suh aw..." Car a luh a tum chu ka lo ti vat.


"Ni e, Ruata keiman ka lo khalh ang e." Putara pawhin a lo ti ve sup.


"Min ring mai mai teh u," tih leh ṭhut luh a rual, ka ngei thei a nia hepa hi chu.


"Aizawl inlet dâwnah min rawn tlawh ula zankhat riak pawhin, i ṭhianpa pawhin a hmu ve chak ngei ang," Pu Zion-an a rawn ti leh. Ka hmu sual nge ka hre lo Putara hmel chu a inthlak zawk, rei erawh a ni miah lo, ka hmusual a nih ka ring mah zawk!

"Ni e, nau neih zawh lamah a nitawh ang," Putara chu a nui zui sun sun.


"Lawmpui vak pawh i ngaih loh kha i lawm tih a hriat êm mai. Kal rawh u," ban a vai zui.


Kan tlân liam thleng chuan min thlir zui a.


"Hmelhriat i nei ropui hlawm tlat," ka pasal chu ka fiam zauh.

Nui nghawr datin, tui bottle chu a hawng a, "Criminal Investigation Department-a ka thawhlai a ka hriat te annia."



"MAW????" Ka duh aiin ka au ring mah mah.


"Thingtlang pathlawi kut hnathawk, lehkha thiam lo i ni lo maw?" Ka lei ka veng seng lo, tui in chungin a khi vur vur.

Bottle chhinin ka hnar a rawn tuk zauh, a nui ri huk bawk, hmel buai zetin ka lo en haw haw thung.


U Ruata a rawn nui ve huk huk a, "chhe zawt zawt tak e aw!" A rawn tih chuan ka melh zui vak.


Lawkin!

U Ruata pawh hian a hria amaw?



"I hria amaw?"


"I pasal hi thluak hlang ka tih kha i hre lo em ni?"


"VANLALRUAT...." Keimah chauhin maw hre lo, min bum amaw?


"Engtikin nge i hriat?" Ka U chu ka melh ran, ka pasal erawh melh pawh ka melh duh tawh rih lo.


Darthlalang aṭanga min rawn melh zawkin, "a nupui hluiin a sawi.." Putara'n a tuiin a hak nge maw ni a khuh khurh, rum tawkin ka melh, a nupui hlui thlengin maw?


"A rei tawh alawm?" Ka lungawi lo tih a hre nghal a ni ngei ang, min rawn ban, ka ṭhutna kawngkhar lamah ka tawlh hla vat chu a rum nghut a.


"Bawihi...." A ti bul sup. Ka lo melh ram ram. Lalṭanpuia'n hmusit tawka a hming alam lai te khan intih theihnan ka hmag tur a nia, nge a zep daw daw ni?


A nupui hlui pawhin a hria a. Keiin ka hre si lo a. Vanlalruata'n a hria a, ka hre lo leh a!



Ka ngaihtuahna ringawt chuan minti ṭap ṭep, ka mittui a rawn hnâm per per.


"Ka tihpalh, ka tihpalh...." A rawn tawlh hnai, "ka ṭah duh vanga ṭap pawh ka ni lo, ka raino vang a nih hi i hria em? I thisen vang vek..." Ṭap aw ṭuau chuan ka lo ti hlak hlak.


Nui hawk hawka min kuahin, "ka thiam loh tih ka hria e," a nuihza aw ka la hre thei.


"Nui suh..." Ṭah aw ṭuau chuan ka nghawk zu zauh. A za tulh tulh emaw ni, a nui hawk hawk a, keipawh chu ka ṭah nuih ve ta pur pur tho.


Engtia ka rilru te hi no ta em em nge maw a nih le, ka confi lo zo vek tea ka hriat ni!


"Mc, i bânsan chhan ka la hre miah lo takin," U Ruata'n a rawn ti. Keipawhin ka pasal chu ka melh vat a.




Min kuahna chu thlahin a ṭhu ngil a, a hmel inthlak ta chu chik zetin ka lo en, za vak lo hian a ner deuh sawk a, a bek pawng ta ṭalh ṭalh te leh a tui um vawnna nghet ta tlat leh, khawr chhe lek lek chu ka en kar a. A hmel inthlak chak lutuk chu a rapawm letling mah zawk.



"I sawi kher a ngai lo a nia...."


"Ka ṭhianpa ka kâp palh a..." Harsa tih hmel zet hian a rawn ti hraih. Thin phu dep dep hian ka en ta kiau.



A thaw ri ta hraih chu ka ṭhut hnaih a, a taksa lianpui mai ṭang ta ṭung chu nghet takin ka kuahbet vat bawk!


Za lo tih hriat taka rawn nui ri sukin, a chil a lem ri khawlh a, mit sen râm a min rawn melhin, "vawiin ni hian kei ni lovin, Joseph-a a ni dam zawk tur chu," a ti chhuak leh hraih bawk.



A aw chhuak sak ṭalh leh natnaa khat chu hriat a hreawm ngawih ngawih. A mitmeng a inthiam lohna, hreawm tihna zawng zawng nen chuan a thaw leh hraih ṭhin!


Chutiang nunhlui hreawm tak a nei tih rin ngaihna ka hre lo hrim hrim, ka hre lo takzet!


"Pu Zion-a fapa em ni? I hna i bânsan hi i ṭhianpa pawh chu a lawm pha dâwn chuang miah lo," U Ruata tak hi chu aw hnem ve mai se, a hna bânsan thu sawi kher!


A lu a thing zauh a, "a chhangchiah...." A ti sak leh ṭalh, a taksa ṭang ṭung chu kuah pawh a hreawm lek lek zawk.


"I Pu daih sia, mak ka ti mai mai..." U Ruata'n nui deuh hukin a rawn ti leh, ka U chu hnunglam aṭangin awmze nei lo zet chuan ka'n melh rum ang vak vak a, awmzia a awm dêr mai si lo! A thluak hi ka thluak ang zat nei si hian thawl tlat chang hi a nei.


Ṭawng ka tum zuai, Putara phone a rawn rik takah chuan ka inla hrang a, "Pu Zion," a phone loudspeaker-ah a dah zui zat.


"E khai! Ka rin aiin anrawn thleng hma, hetah chawlh pawh chawl lovin anrawn tlân tlang a nia. Chhungte inpel tawh em?"

"La lut lo deuh, kan hlat viau tawh lo..."


"Bitpost a hlat tawh dâwn loh chu, ka nau te ho ka be tawh a, an lo check lo ang che u, thil landan a ṭha lo riau mai, a ma nau te ho a rawn hruai tlat mai a, khawchhung a inbiak kha a fuh zawk dâwn tlat," Pu Zion-a, hmel confi ve tak niin ka hmu a, tuna a ṭawngkam ah erawh ka Pa, U Ruata'n "Niraw-a" a tih ngei mai Amrish Poori hmel tur ka hmu thiam nghal.


"Ka hrethiam e, Bitpost-ah Hriata te min lo nghak turin ka ti tawh a, Bitpost kan thlen hman ka ring..."


"sh*t****!" U Ruata'n a ti hraih.

Hnunglam ka hawi vat, head light an rawn ti eng zawk zawk a, U Puia car ka hmu hmasaber, a sirah Bike pahnihin U Puia car anrawn tlân pel a, kan hmaah tlân antum tih lah hriat reng bawk


U Ruata'n, "invuan rawh u. Zawngho hian min man lul lo ang," tih leh a speed a ti säng zui vut, ka lungphu rang ta lutuk leh thaw rang ta lutuk chu Putara ka ṭhut hnaih rawk rawk.

U Ruata phone ri zuiin a screen a lang chu ka en, U Puia a ni, rei loah ka Pa in a rawn call ve zat bawk a!


Putara, hnunglam hawi zawkin a phun hluk, min kuahbet chuan, "i bulah ka awm..." A ring lo nâ-in hre chiang tak ka ni, hre chiang tak....


"Ruata, Chhûngte ah i ding dâwn nia, Chhûngte aṭang chuan Bitpost a hla tawh lova, ka nau te kan ko thei mai ang," a tih rualin kan car chu hnunglam aṭangin a rawn su dawt!


Hmalamah kan bu lawp a, inbeng daiha, hlauh loh luih ka tum pawhin chân tur ka neih tawh vang te pawh a ni mahnâ, ka pasal kuahna chhûngah pawh chuan hlauhna in min tuambet nghal a, nghet takin ka pasal bân, ka dul veng a, dawm tlat tu chu ka chelh bet ṭau.



Kan rilru a kan hlauh a in ang tih ka hria, ani pawhin ka pumchhunga mihring pawh la tling lo, thisen mihringa rawn insiam ve mêk chu a ni kan ven ber ni.



"Kawi khatin kawi la, ding mai rawh, Chhungte kan hlat tawh chuang lo......." A ti zo hman lo, na tak maiin kawng chhak lam, ka ṭhutna lam aṭang chuan a rawn nek dawt a, kan hnungah min su zui dawt bawk.

"Zawngho chu'h!!!!!"


Ka rak ṭhat..."U! ding rawh...." Ka ti hma ṭawk a ni, ka hriat leh chu nghet takin ka Pasalin mian kuah bet a, kan chuanna car boruak a kâng ta vawng vawng leh minutes rei lo têa ri thla bup bup te, ka bân thîp ta vawng vawng te leh tyre kâng rim chhe tak mai te chu a ni.



Ka khaw hmuh a thim mup a, engtin nge kan awm ka hre lo, chet mai ka tum a, car chu a ri ṭhawt ṭhawt...


"Putar.." aw khur dar dar chuan thim zingah ka ti chhuak a, ka aw pawh a chhuak meuhin ka hre lo!

"U!!!" Ka melh kual dawn, melhna tur lam pawh ka hre lo, ka hmu thei miau lova, khawilam nge hmalam a nih a, khawilam nge ka sir lam pawh ka hrethiam lo.


Ka hriat zawng chu ka awm dân hi a lêi (âwn) em ema ka chet nat chuan ka tawlh thla zual ang tih hlauh awm khawpin ka awmdan nghet lo tak mai, car ri leh ṭhawt ṭhawt ṭhinah chuan ka hre thei!


"Putar...." Mangang leh hläu bawk si, tih theih nei si lo chuan ka ti chhuak leh.



Ka mit a hnawm chap, ka ṭah a chhuak a, ka hläu a, ka pasal leh ka U an dam nge anthi ang tih ka ngaihtuah chhuak a, ka hläu tulh tulh, ka kawchhung a vawt nghal sung sung!


Ka lungphu zawn a na ngut ngut bawk a, ṭap chunga auh leh ka duh mah se ka ti thei dêr chuang si lo.


"Putar...." Ṭah chhuak tak, mittui tla thei si lo vin thim thamah chuan ka ti chhuak leh a.

"Keimah..." Ka bânah Putara'n a rawn chelh, ka hlauh lutuk luatah nge ka bul maia Putara awm pawh chu ka hre lo nia maw le!

"I ṭha em? Nâ inei em?" Ka chhang thei lo, min vawnna kut chu ka hmer vak a, a thaw chhuak ri hraih chu ka hre thei.

"Ruata...." U Ruata thawm reng reng hriat tur a la awm lo, Putara chu a che hrut a, a thim bawk nen engmah ka hmu lo hrim hrim.


"U!!" Ṭap ṭuau chuan ka tichhuak.


"Ruata... sh*t***" Putara chuan a ti hluk. Eng nge thleng tih ngaih venin thin thamah chuan ka melh kual hrek hrek ringawt!



"U.. U...." Mipa aw ka hre zui, ka ṭap chhuak hawk, chhuak lutuk chuan car chhungah chuan ka ṭap a, "kan thi dâwn emaw ka ti hman alawm...." Ka ti bah nawk nawk.



"Vanlalruat...." Ka U bawk chu ṭap chungin ka ko leh, chutah zet zawng a ai nasa in hlauhna in mintuam zui hlup hlup a.


"Putar.. Ka U...."


"Hriata, diver seat en hmasa rawh u, kei leh ka nupui chu kan ṭha...."



"Samuel, hawng rih suh, car hi a liam thla mai ang. Rohlu, hrui chu i thlung tawh em? Chhak lam in inring em?"


"U Rinte, i kut kha min rawn pe rawh," ka ṭhutna lam a rawn inhawng a, torchlight in ka mit a rawn chhun zui zat.


Ka kut chelh bet tlat tu Putara lam chu ka hawi, "ka nau a nih kha, kal rawh, ka rawn zui ang che," a hmaiah chuan thisen a kai nuaih mai, chu chuan minti khur nasa zual!


"Bawihi ka chelh che....." Ka hahdam theihnan aw damdup mai hian a rawn ti leh a, muangchangin ka kut chuan Hriata, Putara nau kut chu ka ban da da.


"Nau a pai a nia..." Putara'n ka hnunglamah a rawn ti zui leh hrâm bawk a!


Car hma lam, driver seat erawh an la hawng thei lo tih ka hmu hman hram bawk.


Engtia thui nge kan lum ka hre lo; Mahse, kawngpui kan thlen chhoh vat danah kan lum hla lem lo tih ka hre thei.


Ka taksa khur nasa lutuk chu kawngpui min thlenpui rualin ka ṭhu sawp hnawk a. Ka khur zui zawih zawih bawk.


"Bawihi...." Mittui nen ka hawi, ka biang rawn lum thla pup, leia ka ṭhu sawp chu min rawn kuah hlup a, "nâ i nei em? In ṭha em?" Min namsawn deuhin min en nghal thuak thuak. Mittui nen chuan ka bu ka lu ka thing nawk nawk.



"Rinmawii...."


"Inṭha em?" Ka Pa aw ka hriat rualin U Puia aw ka hre zui bawk.


"In driver hi...." Ka hawi chhuak vat.


"U Ruat..." Ka ding tur Putara'n min lo pui vat.

"A ringruh a tliak niin ka hria...." Pakhat chuan a ti chhuak sup.



"Engmaw? Eng nge i sawi awmzia...." Ka U an mut tirna lam chu ka pan zui chawn chawn...


"A awm tawh lo..." Putara nau Hriata chuan a rawn ti ve sup.


Ṭhu thla rawk rawkin, "U...U..." Ka sawi dat dat, thisen tlêm te chauh a chhuak, ka pasal ai pawhin a thisen a chhuaka tlêm zawk a, engvang teh ngawtin nge a awm loh ang ni?


"Ruata... Vanlalruat..." Ka mittui a luang zui zung zung...


"Tho rawh..." Ka sawi dawt dawt.



"Ruata..."


"KHAWIH SUH!!!" U Puia leh ka Pa rawn ṭhu hniam chu ka vin tuar.


Mittui nen ka dak chhuak, motor light eng in min kah vek avangin kan lang chiang lutuk mah mah.


Mittui tla zawih zawih chuan ka U leh ka Pa chu huatnaa khatin ka en a, engmah erawh ka sawi thei lo.


"U...tho rawh. U!!!!" Ka sawi dawt dawt. Ka aw thleng chuan a khur dar dar.


"Bawihi..."


Ka pasal lam chu mittui nen ka hawi a, "a awm alawm, a taksa pawh ala lum a, nangai pawhin thisen a chhuak tlêm bawk. Putar, ka U hi ko rawh...." Ṭap chung chuang ka riat chhuak nawk nawk.


"Ambulance a rawn thleng...."


"Tho phawt la," ka dar aṭangin min kuah tho a.


"I bân leh i lu kha enkawl hmasak angai a nih kha, ka motor ah chuang ula, Ambulance saw chu midangin zui rawh se," Hriata'n a rawn ri sawk sawk.

"Ka U ka zui dawn..." U Ruata anzawnna lam chu ka melhin pensawn ve nghal ka tum.


"Kan zui zawk ang, ka Nu bia la thil awmdan hrilhfiah ang che," min pensawn pui.

Ambulance ah ka Pa alawn thak, U Puia lawn ve a tum chu, "chhuk ru..." Min rawn en.


"Inhliam kha enkawl rawh u, Ruata chu kan buaipui thei," ka Pa chu awih lo lutuk hian ka en ngawih ngawih.

Thi tura min nawr liam hnuah tunah a buaipui tur thu a sawi a nih chu! Mihring pawh a ni lo.


"Chhuk rawh..."


"Rinmawi...."


"Chhuk rawh...." U Puia'n a rawn ti leh dek dek chu, ka aw zawng zawng leh tha neih zawng zawngin ka au khum.


"Ka fapa a nih..."


"I thah a nih kha..." Kha lutuk chuan ṭap chungin ka ti chhuak leh tuar, kan bul velah mi tamtak an pung khawm a. Y.M.A, hruaitu dang dang leh police an awm nuk bawk. Ka pa chu a meng nawk nawk. A hlauh ka hria mah se ka tan erawh hlauh tur an awm lo.


"Sir, lo chhuk mai la a fuh lo maw?" Police officer pakhat hian a rawn ti, midang pawhin an pawm pui tih ka mit sirin ka hmu thei bawk.


Ka Pa chuan a zahawmna hlauh leh mualpho a hläu a, inphah hniam a, tlawm zawk nih a hreh tih hriat tak hian min en ngur ngur, rei loah erawh a rawn chhuak ṭuah ṭuah ta tho a.


Putara'n min hlang kai vat, U Ruata ruang chu ka ṭhut hnaih sawk sawk, ka mittui bawk a rawn luang leh ngiai ngiai.


A kut chu ka la kâng a, ka chelh vang vang, a la lum veng veng mai, "a la lum vek a nia," Putara chu beiseina awm tawh lo tih hre chungin, beiseinaa khatin ka melh a.



Ani pawhin sawi tur a hre lo tih hriat tak hian ka darah min kuah nghet salh ringawt a.



"U.." Hrawkna ṭun leh hnungzanga boruak hnawhbeh avanga thaw ṭha thei lo chuan ka ko leh sep sep ṭhin!



A hmai ah pawh hliam pakhatmah a mei lo va a nia, "damdawiin kan thleng ang a, a ṭha vek mai ang," hrawk nazet chuan keimah leh keima beiseina ka insiam chawp leh nawk nawk ṭhin.



Ka kawchhung hi a nâ a, mahni inthiam lohna in ka khat bawk. Minpui lo sela; ka tán he hmunah hian minzui lo sela hetiang hi a thleng lek lo tur.


A vawikhatnan, a vawikhatnan takzet ka rilru in, "Pathian minpui rawh" ka ti ngawih ngawih, ka hroatt theih chinah a vawikhatna takzet a ni Pathian puihna ka auh ni!



"Lalpa ka U hi min laksak suh, khawngaihin, khawngaih takin....." Ṭap chung chuan ka ti chhuak nawk nawk, boruak ka hîp thei lova, ka hrawk tawt tlat leh hnungzang min hnawhbet tlat tu boruak vangin ka khaw hmuh fiah lo ta riai riai te, Putara'n min sawi dawt a, "Siakmawi.... Bawihi...." A tih ri leh,"nurse, ka nupui hi.." A ti ri hluk chu ka hriat hnu hnunber a ni, ka khawhmuh a thimin, ka thaw lak a zawi ta hle tih ka hre bawk!!!!!




<><><>~>~>

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:04 pm

ZAWLAIDI

By

Floria Laldansangi

Chapter < 29 >


MC-A...POV



"Bawihi..."



"Kanlo en ang e," nurse pakhat chuan mi rawn ṭhut hnaih a.


Ruata ruang chu ka en leh ṭhin, mahni inthiam lohna in min tuam ve hlup hlup mai. A puihna kha dil miah lo tur ka ni.


Eng aiah nge a damdawi rui tih hre reng si kha car ka khalh tir a, ka nupui nuamsam lo hmel kha ka dah pawimawh zawk chu ni maw?


Ngaihtuahna a vak ruai a, patling pawhin tihber tur leh awmdan mai tur ka haichham ta viau mai!


"Nau a pai em?"



Ka bu nghut, "a ṭha em? Naute a him maw? Champhai hi kan la lut lo em ni?" Ka nupui pawm chung chuan ka tih zawm. Duh aiin kan tlân rei, Chhûngte aṭang chuan thui a ni tawh hauh si lova.


"Aizawl alawm kan pan, Pu Biaka khan Aizawl a let tur a ti si a," nurse, Ruata taksa hliam tifai tu zawkin a rawn tih chuan ka phun hluk.



"Ka Nupui hi a ṭha tiraw? Engvanga nikhaw hre lo a awm nge a nih?" Ka hlauthawng ru ve reng!


Duh ang pawhin ka nupui himna pawh ka ngaihven tawk thei lo.


"A landanin boruak a zo lo mai chauh a ni, na dang a sawi lo tiraw?" Minti let chu rum nghutin, "nurse alawm inih?" Ka ti zui hluk, nghet takin ka kuah zui. Duh aiin ka ṭawngkam a bul mah mahin a rum mah mah tih ka hria.


"Hlauthawng suh. I nupui kha ṭhutna ah khan mut u la, boruak a tam thei ang ner hîp rawh se," kan lam a rawn melh, ka nupui enkawl tu nurse chu tleirawltê a ni, ka vin deuh hluk avang khan min hläu ru ta riau in, a che khawr ta riau bawk.


"Min hläu duh suh, ka hlauthawng deuha tin ni," ka mal chunga mu ka nupui Lu kawih zauhin ka ti ta sup.


"A rai chuan a boruak tawn nen, a lungin a zo lo a nih kha, raino lai hi chuan kan Lungphu te, kan engkim hi a chak lovin, 40/100% dawrhin kan hriselna a tla hniam a, kan rilru engkim hi a sensitive em em ṭhin . A rawn harh vat mai ang. IV drip kha a ngai ang a, a harh ve leha in tur ORS a awm phei chuan atan a ṭha ang," senior zawk chuan a rawn ti leh ka lo bu nghut. Ka thaw chhuak ham ham bawk.

"Na dang a sawi loh chuan in naute pawh a ṭha ngei ang, i kut zawk kha enkawl i mamawh em?" Ka kut chu ka en zawk, a nâ tih pawh ka hre tawh lo zawk.



"Ka ṭha..."


Nurse naupang zawk chuan a rawn kawk zauh a, a lo la sawn vut, "a ruh iti nâ a nih kha...."


"Moov hian ka spray ang a, nakinah intuam ṭha in, a ruh kha xray emaw i tih tir dâwn nia," a rawm spray zui, a hih tak mem mem ah chuan a na ve ta deuh!
.
.
.
Seling kan lut ṭan tih ka hre thei, ka nupui muhil thaw sek sek biang chu ka chul zauh, a harh hunah engtin nge a tawrh leh ang? Engthu in nge ka hnem tak ang?

A ṭahna mit la hnawm chap chu dimtê in ka hru hul a, a harh tih hriat takin a bekah mittui rawn luang zui ngiai ngiaiin a rawn meng diar diar bawk!


"Bawihi, nâ i nei em?"


"Ka U a la harh lo em ni?" A U Ruang lam chu a thle a, "Aizawl kan lut tawh a...."



"Eng nga tinge Champhai damdawiin ah kan luh loh? Engah nge Aizawl kan pan?" A au zui tawn tawn, a U kut ban rawk rawkin, "motor ti ding rawh, motor ti ding rawh, a vawh vek tawh hi," ka nupui, a U a chân avanga, a hriat leh ṭha hriatna hlauh mek chu engtia hnem a, beng daih tur nge tih kei patling, a pasal hian ka hre lo takzet a ni!



"Bawihi, min en rawh, ka mitah en rawh....."


Mittui nen min rawn en, "damdawiin min panpui rawh. Ka U hi tidam rawh...." Chutiang a ka nupui lungchhe hmel leh na hmel chu ka hmuh ngai lo va, ka hmuh pawh ka inring ngai hek lo.


Hmeichhe chak tak, lu zo tak mai, insum thei leh engtiklai pawha rilru fim put tum reng hmeichhia kha, zanin hian a tlu sawp a ni ber!


<>~>~>~>


RINTE....POV


Ka pasal, ka biang tawn tawna chelh a, mitmeng thîp râm mai, min bengdaih tum tak si chu mittui kar aṭangin ka en ngawih ngawih.

Ka sira mu, ka U Ka nuṭa neih chhun emaw tih tur hiala ka tan chauh a nung leh ka tan chauha awm ṭhin ruang vawt ta thler mai chu ka kut lehlamin ka chelh ran bawk.


"Putar.. Ka Nu... Ni lo, i Nu call la, ṭawngṭai sela a dam em em ang. Ka U hi min tihdam sak rawh se. A kut te hi a vawt tawh lutuk." Mittui tla zawih zawih chuan ka riat chhuak nawk nawk a, ka pasal chuan a tidam thei lo a, he khawvel hi fang chhuak mah ila a dam tash dâwn lo tih hre chung chuan ka ngên ngawih ngawih!


Ka kawchhung na lutuk hi ka thi ve mai dâwn hialin ka hria. Hetiang tak hian mihring hi a mangan in, a nat theih ang tih rin ngaihna ka hre lo hrim hrim.


Ka thaw ṭha thei lova, ka hnungzangah boruakin min hnawhbeh leh tlat avangin, nikhaw hre lovin ka awm leh mai dâwn hialin ka hre bawk.


"Bawihi, min en la, thaw la rawh...." Ka pasal aw, inthunun tih hriat tak sak deuh ṭalh, damdup si chu ngaihthlak tumin mittui nen chuan ka en a.


Ka mit ka chhing a, a thim rualin a ai nasa in hlauhna leh natna in min tuam zual, ka meng kawk, chiang lutukin U Ruata nui hmel ka hmu zui zat.


Chhuak lutuk chuan ka ṭap zui a, alama min pawt hnaiin, nghet taka min kuahbet chuan, "i bulah ka awm e. Ṭap rawh, insum reng reng suh," sak zet hian a ti chhuak hraih, min kuah nghet sauh bawk.


Ka pasal min kuahbetna aṭang chuan ṭap khur hlawk hlawkin, "Putar, ka chân thei lo, ka chhungkaw neih chhun hi ka chân thei lo. Min kalsan thei lo.... A taksa hi a vawt thiang lo, ka thu lovin engvangin nge a kal ngawt ang ni?" Ṭap chung chuan ka riat leh nawk nawk.


"Ka hria e.... Ka hria e," ka bekah a fawp a, ka natna chhawk tumin min kuah ṭha sauh sauh bawk. Mahse maw.... Ka kawchhung hi kut lawnga zen ang maiin a na lutuk, a na lutuk mah mah a ni!!!!


Khawvel hi a fair tawk lo tih ka hria; Mahse, ka U tan hian a fair lo mah mah a ni.


Pathian tal a zawn hmuh an phal lo em ni? A nun a chauh a, a thlarau tui hal tui a in hun tal Pathian khian a nghak thei lo em ni?


"Tinge Pathian hian ka U chungah zah a ngaih ve loh?" Hrawk na chu a thler emaw tih tur hial a ni!


Zohminga min laksak a, tunah ka thisen zawm awmchhun ni hial tur U min laksak leh a, an pahnih hian keimah vanga boral anni tih lah ka chiang em em bawk si!!!


Engtia rei nge ka pasal kuahnaah chuan ka ṭah ka hre lo, "Civil kan thleng e," Ambulance chu a rawn inhawng, keimaha che sawn turin chakna reng reng ka nei tawh lo, Putara'n min kuah ang angin min pawm chhuak nawlh a.



Chanchinbu mi an tam lutuk leh mipui pung khawm, ri nuaih nuaih mai, police nena innawr ri te, a ṭhenin ka Pa demna nasa takin lo au pui an awm nawk bawk a. Ka â mai dâwn hialin ka hria!



"Ruang hi postmortem turin nawr lut ula, hliam tuar dang kha...."



"Ben-a...." Putara'n tunge a biak ka hre law.


Ka U an nawr sawnna chu ka melh thei ṭawk ṭawk chauh a ni. Hetiang hian, hetianga taksa leh rilru na, mahni taksa pawh thunun thei lo khawpa nâ in ka awm ang tih ka manglam ah pawh ka mangpha ngai law.



"Nawr....."


"Ka pawm lut thei..." Putara chuan min thlah tum lo takin a ti leh sup.


Damdawiin kan luh leh mipui ri, chanchinbu mite zawhna ri nuaih nuaih te chu ka mang hriat leh ta ruai ruai mai. Ka thaw a chham leh ni maiin hria!


"Hetah hian mut rawh. Nâ a nei em?"


"Ben-a nau a pai a...." Mit chhing tlatin, ka pasal hmel chu hmu lo mah ila, a vawikhatnan a aw chhuak zawi taka hlauhthawnna ri tel chu ka hre chiang lutuk mah mah!


Ka kut pawh a thlah lo hrim hrim, a hmer nghet viau bawk!



"Bawiha kan inbe lawk dâwn em ni?" Zela aw ka hriat chuan ka meng riai riai.


Putara chu ka lam a rawn hawi a, a mitmeng a min kalsan a hrehna chu mittui kar aṭang pawhin ka hmu thei.


"A rei lo ang, 5mins..." Zela'n a rawn tih leh takah chuan a thaw ri hawk!


Rawn kûn hniamin ka chalah a fawp vang vang a, ka sam hnawk tak mai chul mamin, "ka rei lo ang," aw hriat nuam taka tih leh ka mittui hnâm reng mai chu a hrufai a, a hmai a thisen kai te chu a ro riap tawh, a nui suk, "lo ṭap tawh suh ang che, i mittui tla ka hmuh hian awm ngaihna ka hre lo ṭhin," zawi sup leh thûk ruiha tiin a nui zui suk a.


"I kut leh i Lu kha enkawl tir ang che," ka ti chhuak ve ta sap, ka aw chu ka lei hmawr a thlen rualin boruakah an chang ta emaw tih turin a thâwp ral.


"Ka hria e," ti leh chuan a ding zui a, "Ben, ka rei lo ang," Doctor ding ve chu a be leh sup.


An chhuah rualin, "A mak hle mai, i naupai a la sen nen, nâ i nei lo chu," nurse chuan a rawn ti.



"IV drip hi a zawh chuan, i ṭha mai ang," Doctor chuan a rawn ti ve zat.


"Egtia rei nge ngai?"


"Lungngai suh, i rilru a awm kha an zawh hma in a zo ang," nelawm takin Doctor chu a rawn nui, ka lungphu zawn hi a na veng veng, ka mutna pawn lama ri nuaih nuaih ka hriat zui avangin thawh ka tum a.

"Che suh..." Nurse chu ka en vat, "thawh ka duh."


"Che lo la a ṭha zawk lo maw?" Doctor thusawi chu hre lo luiin thawh ka tum a, "case kal lai a ni a. Tin, he inpuhna ah hian keini lam chuan sawi tur kan nei rih lo; Nupa anni a, kidnap tih ang reng phei kha chu awm a awm lo hrim hrim. Kan sawi theih zawng chu, defamation case kan file a ni tih hi a ni," Zela chuan a ti dap dap.


Thin phu dep depin ka ngaithla ran, "a nih Home Minister fapa boral danah hian sawi theih innei em?"


"Accident a ni tih kan hriat vek ka ring, a bak awm a awm lo," Zela bawk a ni.


"Mc, kum 12 liamta khan i ṭhianpa pawh i lo kâp hlum tawh a, tuna accident pawh hi i tih a ni thei mai em? Engtia thleng nge a nih i sawifiah thei em?"



Ka ṭhu chhuak hlawl, Doctor leh nurse pawhin min dan antum ta lo nge min lo pui sawk sawk a.


"Engthil mah hriat tur a awm lo. Mawhphur tur an awm chuan ka Pa. Inzah em em leh mahni hmasial in Home Minister BIAKTHANSANGA saw a ni...." A au in ka au chhuak.


Damdawiin a rawn lut chiah ka Pa lam chu anhawi zui ṭhap.


Putara'n min rawn kuah a, "he accident thlen chhan hi, insawi ang khan keimah ka ni. Inzawhna tamtak te chhang turin min duh tih ka hria mah se hun minpe rawh u, tunah hian ka nupui hian nau apaiin, a ṭhawng hle si a," Putara chu chiai sawi loh, a aw dam ngaiin a dam dup a, "cabin-ah luh pui rawh u," ti zui supin, "hahdam rawh, ka chingfel thei," ka bekah a fawp zauh, ka Pa ding run mai, min en ngur ngur chu ban pha ngat ila a hmaiah sawn ka ham duh ngei ngei ang.

.

.

.

Cabin-a ka luh leh hnuah ka muhil ta a ni ngei ang, ka harh leh chuan ka kut hi nghetin ka pasalin a chelh a, a hmui lum ther therah chuan anawr bet tlat bawk.


"Na dang a nei lo in, naute a him tak tak maw?" Putara chuan a ti sup.


"Him e, a taksa a chauh bakah, a hlauthawng a, khawsik a nei bawk nen Paracetamol ka pe tel a, a hneh deuh a nih kha."



Putar chu a thaw ri hraih, ka sam a rawn chul a, "engtin nge maw kan hmachhawn tak ang le? Lalnunpari ṭawng tam a zarah a nuṭa pa a chan ta si a," ka Nu chu a insut ri hraih hraih.


"U..." Mami aw a ni.



"Chhuak rawh..." Putara aw chu chang fal fal khawp mai.

"Ka tihpalh, ka sawi tum a ni lo.."



"Ka sawi chu inhre lo em ni?" A ti bul leh hraih, ka kut a hmer ngheh zual dan leh a thaw lak a ran danah a insum nasa hle tih ka hre thei!


"U, ka thusawi...."



"Chhuak rawh!!" A ti hrawk, a ding zui a, ka meng zui ve kawk bawk!


Ka lungphu mawlh chu a rawn phu chhuak mai dawnin ka hria, ka Nu meng phar awn awn chu ka melh, ka ṭhu chhuak vat a.

"Chhuak... Chhuak rawh Mami..." Ka nu pawhin a fapa thinrim leh aw ki vin chutiang a säng chu a la hre ngai bik lo a ni ang, a hläu tih a hmel dang sawp sawpah chuan ka hmu thei.



Keipawh chu ka dang miah lo, ka pasal kut tuma, a bân thisen zâm puar thluah te leh, a bek ka hmuh theih chin khabe ruh pawng ruh ṭawl maiah te chuan, a vaithlu tawp mai ang tih ka lo hläu ru ngawih ngawih.



Mami lah chuan hläu hmel pawh a pu lo, nge ni a, a U hi a thinrim ang a, a ngaidamin, a farnu a nihna angin a pawm ve leh mai a ring zawk.


"Ka dinhmun ah hian dingin, ka thlirna aṭangin eng nga tinge min thlir sak ve duh tak loh. Khami zan khan sawi lo ni ila, zanin hian ka pasal inchhungah ka awm tawh lo ang, nuthlawi ka ni dâwn tihna a nih chu. Loh theih loh dinhmun ah ka ding ve a ni tih hi eng nga tinge inhriat thiam duh lo," a ṭawngkam chhuak tin mai chu a fiahin, mitmeng ah chuan inthiam lohna pakhatmah zuhan awm lo a maw le!


Putara chu ka melh chho ran a, a khabe ruh ti che ralh ralhin, a che hrut, rang lutukin ka ṭhutna aṭang chuan ka pasal chu ka ban rawk rawk.


A bânah ka chelhbet vat a, mit sen ram mai, kut thlak mai pawi sa lo tih hriat ngawih ngawih chungin a thaw ri hraih hraih bawk.


Thaw dep depa ka lu thingin Mami lam chu ka hawi a, a mitmeng a khap zek zek, a U a thinrim tih a hrethiam ve ta in, kut hial thlak hreh lo dinhmunah a siam a ni tih a hre ve ta a ni mahnâ. A mita mak tihna chu ka hmu nghal zut zut mai!



"Mami, ka U nunna nena i thleng, i duh em em leh hlauh em em ka Pa inchhunga chên chu engtiang chiaha hlimawm nge a nih a, engtia rei nge i awm theih kan en dawn nia, vawikhat chauh chu ben che ka duh mah se i phu lo. Mahni hmasial leh lawmna hre lo mihring Nu atana annei tur erawh i fa lo piang tur leh Gabrielle-i te ka khawngaih ngawih ngawih thung. I dam chhung zawngin i pasal, ka Nuṭa pa nen hian 'tualthattu' tih inni tawh dawn tih i hre tel dawn nia..." Hrawkna ṭeu chuan ka ti chhuak, a tawp lam phei chu a thâwp ral a ni mah zawk!


A mittui a rawn hnâm ve ṭiam ṭiam tih ka mittui kar aṭangin ka hmu thei, Putara erawh vawikhat pawh a nau lam a hawi leh tawh lo, insum theih loh a hläu pawh a ni mahnâ.


"A ni lo, ka tih zawng chu i Pa zawhna chhan chauh a ni...." A ṭah aw zui ṭuau a.



Thinlung na vawng vawngin ka nui chhuak, rapthlak hi ka ti lutuk mah mah, a hmel pawi sawi lo leh aw dam diai mai saw tûr leh râlthuam hlang ang maiin ka hmu tawh. A mittui te chu a lem hian ka hre ta tlat bawk a.


"Nangin i lei hmangin i that a, i pasalin a kut ngeiin a vit thung," kha lutuk chuan ka ti chhuak.


Ka biang a rawn lum thla pup, "chhuak rawh Nunpar, i hmel hi ka hmu peih lo," ka Nu chuan a fanu chu a nawr chhuak dawt dawt.


Putara'n mitmeng natnaa khat leh inthiam lohnaa khatin min rawn en thla, "Lalnunpari hmel kha min hmuh tir suh ang che u," min en reng chung chuan, kha lutuk hian a ti chhuak ta hraih a, a ring miah lo mah se a hmuh rualin a that duh mai dâwn tih a lang chiang mah mah thung!
.
.
.
.
"Ka rawn kal ve vat ang," damdawiin kawt thlengin Doctor Benjamin-a chuan min thlah a.


"MC Family" tih chuanna Sumo chu kan hmaah a rawn ding dat, "U..." Hriata hmel ka hmu zat.


"U Rinrini te In lamah em ni ka dah dâwn che u?" Kawngkhar Putara'n min hawnsak rualin Hriata'n a rawn ti.


"Min U duh a..." Ka lo ti sep.

"U loh ngam i ni nang, inpa in min hrilh zing lutuk ka mangphan phah..." A nui huk huk.


A mize thawveng ve tak leh tawngkam hman dan chu U Ruata nen in anna annei riau in ka hre pek.


"Lalhriatkima ka nia, Hriata minti mai rawh, inhmel hriat tirna mumal a la awm lo nen remchang ka'n la ang e," a kut a rawn lek. Ka lo chibai vat.


"Lal...."


"Sawi duh suh, i pian kum thlengin ka hria..." A lo ti vat, Putara rawn ṭhu lut ve chiah chu ka lo en a, "eng nge insawi a?" A nui suk.



"I kut chu iti na viau em?" A zawhna chhang lovin ka lo ti sep. A kut antuam chu a melh zauh.


"Na lo e, na dang i nei lo tiraw?" Min ngaihtuah thei lutuk chu ka inthlahrung mah zawk, ngaihtuah tur dang a ngah tih ka hre ve reng si a.

Ka lu ka thinsan ta mat mat. A hmelah chuan hahdam ta huai hmel a pu zui bawk!

.

.
.

Kan in kawt kan thlen chuan mipui an tam tih piah lam a ni, police nen, chanchinbu mite an kat nuk bawk a.


Car lah chu Pu Chhuma te In kawt thlengin a intlar thla dul bawk!


Inchhung chu muangchangin kan pan, ṭhut khawmna a ka U ruang an zalhna lam chu ka pan chhat chhat.


Ka nu, ṭap chau tih hriat ngawih ngawih, mit bui luk hian min rawn en chho, "Rinte, i ṭha em?" A aw pawh a thâm ve chal mai.


Ka U hmai duk deuh thluah leh, a nghawng duk kual ruih mai, an postmortem na vang nge ni, anṭhui niin ka hria, ka en ngawih ngawih a.


Ka ṭhu thla hnawk, ka âwm zawn na lutuk hi ka thaw ṭha thei lo.


A ke hmawr chu kut khur dar darin ka ban da da a, "kawlthei sweet ka ei duh ti ila, minpe tur i awm tawh dâwn lo tihna em ni?" Thâwp sap chuan ka ti chhuak.


A ke hmawr vawt ta ruih mai chu sawi dat datin, ka mittui a rawn luang ngiai ngiai, ṭap vak turin chakna ka nei tawh lo, ka chau a, ka kawchhung hi a chau takzet a ni.


"U...." Ka ti leh sep sep ṭhin.


Ka Pa pawh mit sen râmin a ṭhu ngawi ran, U Ruata ruang chu a en ve ngawih ngawih.


A hmel dur khup leh ngui ve ta ruih chu a ti der nge ni a, a fapa a thah tâk hi a ui ve in, a thiltihah a inchhiar ve zawk pawh ka hre nek lo!



"Pu Biak...." Anrawn ti ri kan hriat chuan ka Pa chu a hawi chuak a.


Ka hmu sual nge ka hre lo a mit chu a hnawm chap, ka mittui vangin ka hmufiah lo a nih ka ring ber.


"Min rawn zui dâwn em niang?" Freddy pa chu ka en chho heu. Uniform a ha deuh thlap bawk a.


A sirah police officer pahnih anding ve bawk.


"Engvangin nge ka zui ang che u ni?" Ka Pa chuan a ti nghut.


"I fapa ruang chungah hian sawi turin minduh em ni?"


"Engthil nge ni a?" Ka Nu in a lo ti vat.


Ka Pa chu a ngawi leh ta run, ka bula ṭhu ka pasal chu rum lutuk hian a rawn melh zui hrawk bawk a.



"Money laundering case vanga man i ni..." Freddy pa chuan a ti chhuak sup.


Za vak lo hian ka lo nui, "thiltheih loh a nih chu!" A ti nghut.


"Chu erawh court-ah i sawi tur a ni."


Ka Pa chu a nui hul hak, "itih a ni tiraw?" Ka pasal chu a rawn en ta ram ram mai, mi kan tamin, mi zawng zawng mit chu kan chungah a fu leh zual a.


Putara chu kei pawhin ka en ta hau, "ka tih zawng chu, fiahna zawn chhuah chauh a ni," Putara'n a lo ti sup. A aw damdup ah chuan awlsam taka a hmuh ang maiin a lang.



Engtin nge maw a zawn leh he case phei chu a rei tawhin, thi ṭep tawh a ni si a.


Ka Pa chu an nghak ran, "ka fapa ruang ka thlah hmasa thei angem?" Ngawi rengin a zui ta mai dâwn emaw tih hnuah a rawn ti leh sup.



A mitah chuan natna ni âwm tak ka hmu thuak, rei erawh a ni lo.



"Pawi ka ti hle mai. Tunah man tura tih kan nih," tih leh ka Pa lama kal hnaiin handcuff chu an bun tir zui a.



Ka Pa mah nise khawngaihna chhete mah ka nei lo nia maw le. Ka Nu tak pawh chu a ngawi ta ran chu mak ka ti lek lek zawk!


"Ka fapa ruang êm hi chu min thlah tir dâwn lo em ni?" Kan bulah rawn dingin Putara chu a rawn en leh, ngenna a ri tel bawk.



"Mc, Ruata ruang tal chu i thlah tir thei lo em ni?" Ka Nu chuan a rawn ti ṭuak, a aw chau lutuk leh hmel natnaa khatah chuan zahna leh manganna a kat nuaih bawk.


Ni e, politicians tamtak in min en ṭhup a, phone leh camera a de chuai chuai bawk a,mi pangai tan chuan hawi chhuah ngamna chi a ni tlat tawh lo.

"A fapa tal chu thlah tir ula ṭha ka va ti ve," tunge a nih ka hre lo mah se Minister pakhat chu a ni ve tih ka hria.



"Pawi ka ti, a theih loh a ni," Freddy pa chuan ti lehin, "kal rawh le..." Tih leh a namsawn dat.

ED lam annih miau avangin, eng ang a Minister lian leh thil ti thei pawh nise an hnial thei lo tih an hre vek tlat a, tumahin an rawn sawi sak zui ta lem lo bawk.



Ka Pa chuan U Ruata ruang chu a enzui deuh ṭawk ṭawk a, ka Pa hnungah U Puia pawh handcuff bun chungin kan lam a rawn hawi a, an kai chhuak ve zat bawk.



An chhuakfel chiah ka Nu a rawn ṭap chhuak uah uah a, "Ruata, min hruai ve mai rawh, engtin nge kan chhungkua kan awm tak ang? Khaw eng engtin nge kan hmuh ang?" Ka nu chu a ṭap chhuak uah uah.

Ka mittui ka khap per sak sak, ka thawl hawk ka ring a nia! A teuh lo mai, ka tawt a, zahna leh natna in min tuam hlup hlup a, thawk pawh ka thaw ṭha thei lo.

Ka âwm chu ka ṭham ngawt ngawt a, ka pasalin nghet takin min chelh lo phei se chuan, he hmunah hian thaw chhamin ka thi ve ngeiin ka ring!


<>~>~>~>~>

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2021, 1:04 pm

ZAWLAIDI

By

Floria Laldansangi


Chapter < 30 >


RINTEI....POV



"Eng nge i ngaihtuah ni?" Ka Nu ṭhu ngawi vung vung, inlêng pawh chhawn chhaih lova tuala a ṭhu chu ka pan hnai a.



A mittui a hru hul vat. Keipawh hi ka la dik zân chuang lo, U Ruata, kan nufa in kan vui a, ka Pa leh U Puia erawh ED lamin an la kawl tlat thung.


Social Media mai ni lo, Mizoram, India ram mipui te sawiduh leh ngaihven ber kan la ni bawk nen. Hawina lam a piang chu a thim mup mup maiin ka hria.


"Pathian hian hremna minpe niin ka hre ber," a aw chu a thâwp sap, a mittui a tling pam reng bawk a!


"Nu!!!" Ka nu chu lainat lutukin ka en, a bulah ṭhu thla in a kut chu ka chelh zui vang vang a.


"Pathian pawi khi kan sawi nasa lutuk a, kan neih kan chhuang a, sawma pakhat chauh min dil laiin, sawma pahnih kan inti pe a. Kan inchhung, kan ril arah te ngeiin Pathian an hmuh sawi loh, inthlarau pawhin tuihâl ngaihna a hriat loh laiin, ṭhenawm te fapa zu in kan vei a, kan lo ṭawngṭai a, Pathian kan auh pui a, Pathian pawi khi kan lo van sawi nasa tak êm! Mate, engtin nge keini nufa hi kan awm ve tak ang le, Pathian khawngaihna pawh kan dil ngam tawh dâwn em ni?" Ka nu mittui chu a luang ngiai ngiai, a tawp lam chu a thâwp ral sa sa chauh a ni.


A thaw chhuak ham ham a, keipawh cbu ka bâng chuang law.


Ka hrawk a na kham ut ut a, kan thaw thleng chuan a khur dar dar thei.


"Pathian te chuan kan inlam let hun a nghak ang chu. A la tlai hleinem, kan nufa in, bul kan ṭan thei em em ang," hrawkna ṭeu chuan ka ti chhuak.

Nunpari sawitel hrâm ka duh a, ka Pa leh U Puia hremna a nep theihnan leh kan vaiin bul kan ṭan theih ang tih sawi ka duh mah se maw....


Helai, ka helai hi a na lutuk, kei mihring fanu, rilru ṭha leh fel zawk zawk ni ngai lo hian, mihring mihrinna sawi loh Pathian lam aṭang pawhin ka la ngaidam thei hlawm tlat lo a ni. Kan nuna sawi tel turin Pathian ka hre chiang tawk lo a ni mahnâ!


"Mami hi engtin nge kan tih ang? Puia ber a awm si loh chuan?" Ka Nu chuan a mittui a hru hul sawk sawk a. Mami rawn chhuak lam chu a en vang bawk.


Kei pawhin ka hre lo, an innei tawh tawh a, a nghah peih leh peih loh a ni tawh a niang chu. Ni mai lo'm ni?



"I U Ruata vangin ka hmu peih lova, i U Puia vangin ka tawrh a, ka enkawl ngaiin ka hre bawk si," ka Nu hmel, rilru nâ leh mangan na in pawlh vel chu ka en leh ngawih ngawih ṭhin.


"A rualin ka pasal leh fapa pahnih ka chân ni mai hian ka inhria. Kan tuhrah kan seng tih hre mah ila, a lutuk mah mah a ni..." Ti sep sepin mittui bawk a rawn luang leh ṭhin.



Ka Nu hi mahni rilru a awm sawi ve mai mai lo, Lu zo veh vawh tak mai, luhlul leh thinlung sak tak nei, keini a fate hmaah phei chuan a mittui hi a ti tla ngai lo hrim hrim, ka Pa-in ngaihzawng a neihsan a, a kawpsan chang pawhin a ṭap lai emaw hi vawikhat pawh ka la hmu lo. Chutiang khawpa nu chhel chu a ni a, U Ruata ruang zanah a pasal leh a fapa U zawk man annihna chuan a ti kehchhe ve takzet zet a ni!


"Bawihi....." Putara ka bulah a rawn ding, U Ruata ruang zan aṭangin a la che char char. Lunglei lama kan chhung te leh hmun dang danga kan chhung te rawn kal ve bawk mah se hetah inpui ber aṭangin tumah mikhual leh inleng lo chhawn tur kan awm si lova, Putara a vir zak zak. A chau viauin ka ring bawk.


Kei leh ka Nu erawh che tur kan awm lo hrim hrim ti ila a dik ber ang. Keimahni chauh pawh hi kan inbuaipui hleih theih loh chang kan nei a nia!


"Zan lêngkhawm ṭan hma in, zanriah hi ei ta che u," Ka nu nen chuan minrawn en.

"Ka ei chak lo tlat keichu, in nupa khan ei rawh u, naupai lai phei chuan chaw ei ṭhat i mamawh a nia," ka nu in a rawn ti.



Putara chu en zuiin, "Ma Enga chuan eng nge a sawi a?" Ni e, thlan ṭhut zawh khan ka Pa lawyer Maenga nen an inbiak tak kha maw le.


"ED director hnenah investigation kal chhung chu chhuah turin dilna a thehlut, bak chu zawhna an zawh tawp hun kan nghah a ngai ang," a thusawi damdup ah chuan zep a nei tih ka hre thei. Ka pasal hi khawvel a dawtsawi thiam lo ber mipa ti ila ka sawi sual tawp lo ang.


Thuruk kan zep thei; Mahse, dawt sawi erawh kan thiam lo. Chu chu kan inhre ve ve.


"Nu, ka Ni ten anzawng che a," Mami'in a rawn tih takah chuan ka nu chu thaw ham hamin, "Maenga chu zanin lamah ka lo be ve reng reng ang e. Nangni pawh chaw ei rawh u," a tho zui.


Mami chuan min en leh ṭhin, ka pasal erawhin vawikhat pawh a melh lo, nizan anpa an man khan Police station lamah hun a hmang tih ka hria. Vawiin nilengin thlan ṭhut leh thiltih ah pawh, inhre ngai lo ang hmaka ka pasalin a farnu a en kân chu diktak chuan hrehawm ka ti ru ve reng.


"Tumahin ka hriatah a hming lam ri tawh suh ang che u," tukkin khan a tibur mai si a, kei sawi loh, a Nu leh a nau Hriata pawhin engmah an sawi ngam lo hrim hrim.



"Putar...." Mami pensawn takah chuan ka ti sep.


Min rawn en in za vak lo hian a nui tawi tuk a, ka sirah a rawn ṭhu hniam zat bawk, "nâ i nei em ni?" Engtiklai mai pawha nâ ka nei em tih min zawh reng hi sim se ka duh. Keimah chiah hi he khawvela naupai awm pawh ka ni si lo va.


Mahse, ngaihthlak leh dawn nuam ka ti em em tho si!


"Min zawt zing lutuk," ka lo ti hlak chu nui ri hukin ka sam chu ka bengah a zep a, "i Pa te chanchin em ni?" Ka zawhna tur a hre sa tih hriat tak hian a rawn ti zawi sup.


Ka lo bu nghat a, za vak lo a nui kiai sukin, ka mitah a rawn en, "Smuggling case a awrh tel dâwn a nih hmel," a tih chuan ka meng phawk nasa lutuk.



"Eng nge awmzia, Smuggling case itih chu? Ka Pa em ni i sawi?" Mak ka ti lutuk mah mah, Corruption case chauh a awrh ka ring a nia! Engtin nge Smuggling lam daih daih te a inkaih hnawih theih zawk?



Ka sira mau hmanga siam chair tho chu a pawt chhuak a, ka ṭhutna pawt hnai a ṭhu thla in a lamah min kuai her zat.


Uluk taka min en in, mawi zet leh nelawm zet hian a nui a, "kum 12 liamtaah ka ṭhianpa ka kâp ka tih kha ila hria em?" A ti sup.

Ka lo bu nghat a, "Mahse, ka Pa te case nen eng nge inzawmna a neih?" Ka lo ti vat chu nghak thei lo minti hmel deuh hian a nui tawi leh suk.


"Khami ṭum khan, Kerala International Airport ( Thiruvananthapuram) hmunah gold smuggler hmingthang tak, Tiger Memon man tura thupek kan ni a," chipchiar taka a sawi laiin, "Tiger Memon itih chu ka Pa a ni lo tiraw?" Ka lo ti leh hau.


A thusawi te hi awih atan chuan a mak ka la ti mah mah; Mahse, ka pasal hian dawt a sawi dâwn si lova, kan hausakna hú hi a vaiin belhkhawm ila a lo berah vaibelchhe tamtak man a ni tih ka hria; Mahse, Corruption aṭanga kan neih emaw ka ti a, Smuggling leh zel maw? Thawnthu min hrilh ti dâwn ila, thawnthu sawi chi lah a ni dêr mai si lo.


"A dik alawm; Mahse, a tirin ka hre bik hauh lo," a ti sup, a hmelah a lang reng.

"Vijay shah chu i Pa emaw tia man in, a hnen aṭang 302 gram rangkachak, vaibelchhe khat man hu a ni ang chu, kan man hnuah i Pa a ni lo tih leh, i Pa chu Kappakadavu lamah umzuiin Azhikkal, Kannur hmunah nang chingin kan in kâp zui a, ka hriat sual loh chuan i Pa malpui veilamah ser a awm ang..." Mak ti zetin ka lo bu nghat.



Za vak lo leh nunhlui hre chhuak tih hriat tak hian a nui a, harsat hmel taka chi lem khalhin , "chumi ṭum chuan a ni ka ṭhianpa Joseph-a chu ka kah fuh ni. I U Ruata khan fiahna tlêm minpe in, chhui chiang tura min ngên avangin ka chhui chiang a, i Pa Smuggling chauh ni lo, ka ṭhianpa ka thah chhan a ni tih ka chhui chhuak leh zel nen...." A tawp deuh vung vung.


Ni e, a ngaidam thei lo!


Ka pasal kut, ka ṭhutna chair bân nghet taka chelh a, a bân thisen zâm lang ṭhuah chunga kûn deuh ngur chu chelhin, min rawn en chho, a mitah chuan ka Pa thiltih a hai chhuah vek avang leh, a farnu avanga ka laka inthiam lohna te, a ṭhianpa laka inthiam lohna leh an case chinfel loh chinfel a duh si na te chu ka hmu zut zut.


Ka pasal, mihring a zawnga ngaihtuahna chiar har ber mai hian a rilru a awm a thup thei lo tih a mitmeng damdup leh natnaa khatah hian ka hmu thei.


"Ka Pa emaw Mami avanga ka lakah inthiam lohna i neih dâwn ai chuan min ṭhen ang che," ka thusawi avangin a meng dur nghal khup, a hmelṭha tak mai, a bianga hmul ṭo siar siar avanga thap deuh hrup mah se ti Pâ em em tu si chu ban da da in ka chul a, ka pasal, mipa a zawnga zaidam leh mi hriat thiamna ngah, thinnel tak mai, a hmel ang chiaha thinlung thianghlim leh ṭha nei chu en vang vangin, "i nupui ka ni a, ka lakah i inthlahrung hmel khan minti na zawk tih i hria. Putar, ka Pa emaw i nau vanga ka laka ṭhat i chhuah zual te, min ngaihsak zual a, min hmangaih zual sauh te ka duh hauh lo. Keimah Lalrinmawii ang a min hmangaih tur che in ka duh che."



"Chutiang a ni hauh lo," a lo ti bul hluk, ka hria a ni lo tih chu mah se a mita inthiam lohna hi hmuh ka duh tawh lo a ni.



A biang ka dawmna chu chelhin, ka kut phahah a fawp vang vang a, "pawi ka ti Bawihi, hun khirh tak i tawn mek laia i Pa chunga hetiang ka tih ngai hi," min rawn en, mittui tling pamin ka lo nuih sen sen a, ka lu ka lo thing mat mat bawk.


Ka pasal thinlung thianghlim lutuk hi kei hian ka phu lo, ka phu lo takzet a ni.


Pathian khian engtia kei mal min sawm em em a, U Ruata chunga nunrawng a, fair lo em em si nge a nih hi ka hrethiam lo. Hmangaihtu kha a mamawh ve hle si a.


Ka ngaihtuahna avangin ka mittui a rawn luang ngiai ngiai, ka biang a mittui chu dimtêa a kut ṭanga min hruk hul sakin, "kawlthei sweet ka nei miah lo a nia," a ti sup chu ka ṭah nui hak hak, a tawp lam erawh ka ṭap khur leh zui ta dar dar tho.


A ṭhutna aṭanga dingin min rawn kuahbet, ka chhipah nghet takin a fawp zui vawng a, ka natna te chu fawh dam a tum emaw tih mai tur a ni.


"Rinte...." Kan pasalin min kuah vawng vawng laiin, Freddy aw rin loh lutukin ka hria a, la inhnit ri hraih hraih chung chuan ka inla hrang hlek.



Freddy dinna lam chu hawi, za vak lo a ṭhen deuh sakin, "kan inbe thei angem?" A ti sup.


Putara ka en vat a, ka mittui min hruk hul sak pahin, "inbe rawh u, i ei tur inchhungah ka lo va la ang," a ti chu mak ka ti lek lek, a thik viau emaw ka ti a. Ka bu ta nghat tho.


Putara pensawnin Freddy a rawn ṭhu thla, pawn light chu ëng viau mah se ka hmusual nge ni, ka hmuh hnunber zan ang lo takin a hmel chu, ka ṭhianpa Lubuara hmel kha a ni tlat.


A ṭawng dâwn lo emaw tih tur khawpin a ngawi deuh vung vung a.


"Eng nge i an?" A rawn ti ta nge nge



"Ka ṭha..." Teh tawp tawp a.


Kan ngawih leh deuh vang vang hnuah a rawn nui suk a, ka en haw thung.



Min en a nui chungin, "engtik aṭang khan nge hetiang hian kan inkar hi a hlat tih ka ngaihtuah a," a tih takah chuan ka nui ve ta seih.


"Ka tihpalh..." Nui reng chung chuan a rawn ti sep.


Ka lo en kar thung, kan hmazawn kawngpui lam chu hawi thla vung vungin, "Mc-a khan a lo sawidik a ni. 'Thinlung tel lo inzawmna in hlutna a nei lo' a tih kha," ti leh supin min rawn en a, nui chungin hmalam bawk a hawi leh.


"Kal rawh...." Zawi tak maia a tih chu ka hre sual emaw ka ti, hrethiam lo zetin, ka ṭahna avanga mit phak chhap hian ka en he haw a, "eng maw?" Ka lo ti heu thung.


"I zalen ka ti a nih chu," min en miah lovin za vak lo hian a nui leh suk suk ṭhin, kei erawhin a thusawi chu ka la hrethiam chiah lo.


Ka lam a rawn hawi a, a mita natna chu ka hmu thei, a thaw deuh halh a, a mit a sen ve râm mai, a rui emaw ka ti hman ṭhelh; Mahse, zu rim erawh a nam dêr lo. Nichin mai pawh khan a la panga si a.


Nelawm lutuk leh, ka ṭhian ṭhaber mitmeng ang a min enna ṭhin ngei chuan min thlek deuh vang vang, a hma zawn, hla tak lam muangchanga hawiin, "i thinlung awmna zui turin ka ti che a nih chu. Ka sawi awmzia chu, ka bansan che. Ni lo, i pasal sawn bânsan tur che in minsiam a ni," kan hmaa Y.M.A lêngkhawm tur rawn lut ho chu a en leh vang vang ṭhin

"Engtikah mah min thlah loh tur thu leh, i beidawn loh tur thu i sawi si a," ka sawi loh tur ka sawi tih a mit, mittui vanga hnawm chap mai, sir zawnga aṭang pawha chiang taka ka hmuh theihah chuan ka hre chhuak nghal. Mahse, kasawi tawh laklawh.


"Ka tia lawm; Mahse, ka hriat chhuah chu, hmangaihtu in, a hmangaih mitah hlimna a hmuh loh a, natna leh mittui chauh a hmuh chuan hmasial a lo harsa a ni tih hi," za vak lova nuiin ka lam a rawn hawi zawk a, ka lo en kar thung, tuna Freddy hmel leh mitmeng hi natna in a khat a, chumi phêna ka ṭhian ṭhaber ni ṭhin nui hmel ka hmu tel erawhin, alakah minti ngampa leh ta sarh thung.


"Min hmangaih lo emaw, ka duh zatve veleh ang che talin min duh ni la, emaw i ṭhian ang talin min la en ni la chuan ka thlah lo ang che nga, ka inti chak tharin, ka hma ka la sial fan mahnâ; Mahse, ṭhian ang pawhin min en tawh lo tih leh, ka hmangaihna che in natna chauh a thlen che a ni tih ka hmuh hian ka hlim chuang lo tih ka hre chhuak," a sawi zawh rualin a thaw chhuak ham ham a.


Ka lam a rawn hawi leh zawk, mittui tling pam hian ka lo en ve a, nui sun sunin, "i mittui kha a to viau emaw ka tia," a nui zui huk, ṭah nuih ve hakin, "Lubuar, ka lawm e," ka ti chhuak ṭuak chu hma lam bawk thlir zui leh vauh vauhin, "kum 20 chuang Lubuar tia koh ka hua a, tuna min koh erawh ka hlimpui viau thung," a chawl dat. Ka hlim vang nge ka hre lo, ka mittui bawk chu a rawn lum thla leh pup.


"Hlim ang che Siakmawi, i tan chauh ni lo, ka tán pawh," a kut ka lama rawn lekin, ka lo eu deuh chu a nui suk a, ka mittui chu dimtêa min hruk hul sakin, "ka hmangaihna ka dahkham tih hre reng rawh," a nui zui huk, ṭah nuih chunga bu nghauh hian, "ṭhian kan la ni thei ang tiraw?" Freddy chu mit hnawm chapin ka en kiau, ka khap fak fak bawk.


"Min la pawm duh te a nih chuan," a mit hmul a kân ak a, ka ṭah nuih ta hak hak, "Lubuar, lubuara i ni reng," ti ṭuau chuan kan ṭah nuih dun hak hak.


"Insawi zo em?" Putara a rawn ṭhu thla, thlengah ei tur a rawn keng bawk a.


Ka mittui lo hru hul vatin, "ka ril a ṭam pawh ka hre lo a sin," ka lo ti chu a rum nghut.


"Engmah ila ei mumal lo," ti bul supin ka hmaah a rawn dah a, a läwm lo tum ve ber ber hi a hmuhnawm ka ṭi ṭhin.



"Ka Nu leh Hriata hi?"


"An haw thla deuh chiah," a ti ve mai.


Freddy tho vut chu ka en chho, "ei rawh inchhungah ka'n lut ang e," a ti sup


Putara chu en in, "kan inbe ve lawk dawn em ni?" A ti leh.


Eng nge maw sawi tur anneih ve ni? An inbiak danlah chu inhaw ṭhin annih pawh a hriat loh.

Hmeichhe ho a nih hi inremna siampui har chu ni, kei leh Rindiki ang te, ka pasal leh Freddy te chu an titi leh mai thei a!!!!


<>~><><>


MC-A....POV



"Pu Biaka te pafa case chu a sâng ta si a, an hremna tur ang i hrethiam em?"


"I pa in a hre zawk ang chu?"


"Min la be duh lo niin ka hria," a nui suk, ka lo nui ve ta suk tho.


Ka zozial ah chu phawrhin ṭan ka tum a, "cigarette ka nei a sin."


"Zozial hi a tui zawk a nia," ka lo ti sup.


"Corruption case chu dahṭha ila, Smuggling case hrim hrim pawh hian kum 8 aṭanga kum 10 a keng tel a, anman chhan money laundering case hian kum 7-10 tho a ken tel chuan a lo berah kum 15-20 chu a tán ka ring."



"Bail-in an chhuah theih mai a ngem?"


Ka zial chu ka hîp vang vang a, thaw chhuak ham hamin, "theih loh ang. Bail sawi loh sum faiin nuam 20 dâwn chu an fine bawk ang."


Freddy chu bu nghut nghutin, "Rintei leh Nu Mawii an lainatawm ta hle mai," ti deuh vung vungin, ka nupui ṭhutna lam chu a hawi thla a.


"I vannei takzet a ni," tiin, a nui tawi tak.


"Engtik ni-ah emaw i hmangaih tawh lova, i duh tawh lo a nih chuan ka hnehah rawn hruaiin, i rawn let tir thei angem? A hma ang bawkin ka lo enkawl dâwn nia," min rawn en.


"Chutiang chu a thleng ngai lo ang." Zial chu leia paihin ka rap hrual zui zat.

A nui ri suk, ka darah beng zui thak, "i hre reng dâwn nia," a ti leh sup.


Ka hre reng ang engtikah mah a thleng ngai dâwn lo tihnen.


"Ka'n lut ve ang e, enkawl ṭha ang che," a ti nawn leh. Ka bu nghut, ka nupui chaw ei chu en zuiin ka nui ta suk suk a. Mipa a zawnga mipa vannei ber chu ka nia lawm; Mahse, ka nupui tán erawh vanneihna ka ni ve lem lo tih ka hre thung!


<><>~><>

RINTEI..POV


Ka ṭhutna aṭang chuan ka tho chuak a, ka pasal, taksa lian tak, inkhai fithla thlarh mai, bawp sei ṭha tak maiin ka lam a rawn pan chu nui sen senin ka lo thlir. Y.M.A nula lêngkhawm, pawna ṭhu ve ho chuan an en deuh zek zek, ka lo inti thei ve em em ringawt a!


"Eng nge insawi a?" Ka bul a rawn din rualin nui var varin ka lo ti.


Min en deuh ren run, alama min pawt deuh hrawk chuan nghet lutukin min kuah zui a. Mi tamna-ah kan ding tih a theihnghilh emaw ni le?



"Engthil nge ni a? Miin min en a nia," lai ru deuh chunga ti siin ka kuah let da da tho.


Nui nghawr datin, "i zak chuang lo a ni lo'm ni?" Ka chhipah a fawp zui zauh. A hnungzangah ka chum deuh dat, ring si lovin a nui zui huk huk.


Min hre chiang leh lutuk hi a buaithlak ṭan riau mai. Ka zak chuang miah nang, a kuahna nghet tak leh thlamuan thlak tak mai hi ka mamawh thei êm alawm!

.
.
.
.

Ni a kal a, thla hial a liam leh ta duak duak mai. Christmas leh kumthar pawh U Ruata ngaiin kan hmang ral ve ta chu a nia. Thla 4 lai a lo liam ve ta.


Ka Pa te case pawh vawiin hian final a ni tawh dâwn bawk a. Ka Pa leh ka U an nih reng vang nge, dam chhung erawh tâng lo hram se ka ti.


Mami pawh ka Nu bulah a la awm ve reng. Ka Nu hian a rilru natna a thup seng ṭhin lo tih Mami a biak dan leh, ngaihven loh luih danah ka hrethiam. Rai lai ni ve nen, ngaihsaktu leh duat tu a nei lo lutuk te, hmangaihtu ber tur a pasal lah Jail lamah hun a hmang ta daih si te chuan lainat erawh minti ka lainat ru ve reng.



Ka pasal sawi loh, ka Nu (Mami Nu) thlengin biak tinah an tin rih bawk si lo nen, a chang chuan keimah zawk hian nuam lo ka ti ru ngawih ngawih ta ṭhin. Ka Nu khawhar ka hlauh luatah ka hmuh ve reng a ngai si a.
.
.
.



Court chhungah chuan kan ṭhu ṭhap, ka Pa leh ka U an rawn kai chhuak a, ka ngaihbel nge an cher duk maia ka hriat ni.


Kan ṭhutna lam an rawn hawi deuh vung vung. Diktak chuan ka khawngaih ru ta ve reng!


Judge in thuthlukna a puan lai chuan nghet takin ka pasal bân chu ka chelhbet a.


Judge-in insawifiahna emaw, a tihsual a pawmna thu sawi tur a neih leh neih loh a zawh lai chuan uluk lutuk hian ka Pa chu ka en a.

Judge mitah tak en chho kalh chungin, "ka chhungkaw chawmnana ka tih a ni a, tihsual ka neih ka hre lo," nghet charh leh inthiam lohna chhete pawh ri tel lo chuan a ti a nih chu!

Ka zawi hnawk. Ka Pa mah nise phu ka ti ta hliah hliah lutuk!






"Kum 15 chu a rei mah mah lo em ni?" Ka nu in ṭah aw ṭuau hian a rawn ti chhuak.

Ka Pa kum 15 leh cheng nuai 10 chawi tura tih a nih bakah, Bail-a chhuah phal loh a ni a, U Pui erawh kum 7, Bail phal loh tho a ni. Bail phal loh a nih chhan hi Putara laka medical record lem hmanga case an file vang niin alang ber.



Mami a rawn ṭap ve feih feih, U Puia dinna lam chu hawiin, a ding chhuak ṭiah ṭiah, a dul a lian tawhin thla 7 chuang lai a ni ve tawh a, a ritin a pasal a mamawh em em tih ka hria.

"I tel lovin kum 7 chhung engtin nge kan awm ang ni?" A ti zui pur pur bawk. Ka Pa case dang Smuggling thilah a in hnam hnawih tih fiahna a awm loh avangin a case erawh ka Pa ang em em chuan a sang lo.


"U Pui, kei engtin nge ka awm ve ang," Mittui tla zawih zawih in, dul kawh luah chuan U Puia dinna lam chu a pan a.


Engtiang pawhin hua in emaw ngaihsak loh duh mah ila, ka unaupa nupui leh fa hial hrinsaktu, a chhungte aia a thlan mipa kha ka U a la nih miau avangin haider tawp chu thil har tak a ni!



Ka ṭap em tih hriat tumin Putara chuan min rawn en ni maiin ka hria, mit hul haka ka lo melh chho kiau chu a nui suk a, ka bekah fawpin, "pawnah kan lo nghak dâwn em ni?" A ti zui sup.



Ka bu nghat, ka Pa te lam chu ka melh leh, min lo en ve run bawk. A mitmengah chuan ka hmuh ngai reng reng loh, a vawikhatna tur a ni hial ang, "inchhirna" ni âwm tak ka hmuh chuan ka ke hi a ti che thei lo.



"Sawi duh i nei lo em ni?" Ka ti chhuak sep. Kan dinna hmun hi inhlat tak a ni lova, ṭawng pawh hriat har tak a ni hek lo.



Ṭawng a tum lo emaw tih hnuah, "Ruata kha ngaihdam min lo dilsak dâwn a nia," bul zet hian a rawn ti chhuak. Ka lakah emaw a thiltihsual leh ka pasal nena minṭhen hran a tum avanga inchhirna erawh hmuh tur leh hriat tur pakhatmah a awm lo. A inchhir hek lo tihlah a mitmeng thim zet maiah chuan a hmuh theih a, thup lah a tumbuai hek law.


Ngeng ngalh hian ka nu lam chu a en leh, "ka office safe-box ah khan Khatla a inhmun LSC lehkha a awm a, tuna kan chenna aṭanga i chhuah hunah i mamawh ang. Lungngai suh, ka Nu leh Pa min hnutchhiah a ni tih i hriat kha," ka Nu ṭawng tuma a âng zuai chu a lo khap vat.



Kal a hun tih anrawn sawi chuan ka Pa chu ka la en ngawih ngawih, mak ka tih piahlamin mak ka ti.

Ka lakah pawh hian sawitur a nei lovin, ka Nu lakah pawh ngaihdam a dil thei lo em ni? A tawp thlengin pawi sawi lo leh, engmah tihsual nei lo ang maia mitmeng chapo leh a ring a tun ah thei chu mak ka ti lutuk mah mah.


"Thil ka tisualah ngaiin, i lakah emaw, tu lakah mah ngaihdam dil ka ba lo. Ka nupui, ka fate, ka kut ngeia, hmangaih taka ka chhungkaw din tana engkim kha ti ka ni," ka rilru a hria a ni ngei ang, ṭawngkam khat pawh bahlah lovin a rawn ti leh dap dap, sawi tur ka hre lo lutuk leh en dan tur pawh ka hre tawh lo chu ka nui hul ta hak a.


"Kan tan a ni lo. Duhâmna leh hmasialna a nih kha. Tumah i hmangaih hek lo, nangmah chiah i inhmangaih, i thinlungin a hre chiang hle bawk." Vawi tamtam ka Pa hi ka inhnialpui a, kan inhrawk a; Mahse, vawikhat pawh ka mittui hi a la hmu ngai lo.

Hmuh tir ka tum ngai hek lo, phu lah ka ti hek lo; Mahse, ka nâ tih piah lamin ka nâ a, ka mittui pawh dan ka tum ta hek lo, ka mita mittui rawn hnâm ṭiam ṭiam chu khap let tumna ka nei loh ang bawkin, ka mit aṭang hian eng pawi nge a khawih a, sum leh hmingṭhatna, thiltihtheihna te aiin, Pa awp lumna leh Pathian ṭihna diktaka min kai hruaia, hmangaihna diktaka min zilh hau a, kan thlarau kalna tur min veipui tu Pa kan mamawh a ni tih hmu se ka ti a ni.



Mahse......chu erawh a tawp thlengin ka suangtuahna mai a ni tih, a mitmeng dur khup mai, ka natna hrethiam pha miah lo tih hriat taka a nui hmel dam leh ruak tak siah chuan alang chiang lutuk mah mah.


U Ruata a kal hmasat natpuiin, hreawm ti viau mah ila, vawiin ni a ka Pa hmel, a fate thinlung hrethiam ngai lo tu leh, hrethiam ngai lo tur mitmeng a hmu lo hi malsawmna pakhat pawh a ni ang e.


"Kan nu leh Pa te chuan Laiking fa neihin alawm min neih," tia a sawi kha thudik ngei a ni tih ka fiah viau bawk!!!!



"Mami.... Min thlah ru... Mami...." U Puia'n a ti hrawk hrawk chu kan hawi vat.


"Mami...." Ka mittui ka hru hul tawk tawk.


Ka dara min kuahtu ka pasal che eih lo chu, mangang ru zetin ka en chho a.



A nau thi pût chu inseh ruh ṭau hian a en ngur ngur a, ka dar a hmerna a hit nghal mer mer bawk!



"Min thlah ru. Ambulance ko rawh u...." Hall chhung chu a khawk rum rum. Police pathumin an chelhbet chung pawhin an hneh meuh lo chu a ni. Engthil nge lo thleng le? Anni lam ka lo en lo hrim hrim a.



"Hruai rawh u," police officer in tiin an pawt zui a.


Mami chu ṭah pawh a ṭap ri thei meuh lo, a dul dawm a, kûn tlawk tlawk chung leh na ti inpet ruh fan fan a, mittui nen a U lam chu a rawn melh ṭawk ṭawk.


Ka pasal lah chu chet a tum eih lo, milim ang maiin a ding khawng ngur reng a. ka Nu mangangin a lo au ve bawk a.


"Putar.." Ka pasal mangang leh pui ngeise tihna nena en in, ka sawi dat dat.



"ka tih chu ka tih..." Ti ni âwm hrima ding ngur chu tihtauh khum ti tih leh hlau bawk si chuan chet ka tum.


Rum ri nghut chungin a rawn che vut, a nau thisen nena inchiah chu pawm nawlhin. Zela, Chanchinbu mite be zo rawn lut ve leh chiah chu, "Car tinung rawh," bul zet a tiin a pensawn pawk pawk. Ka Nu in a hnungah a um zui dawr dawr bawk a.



Kei erawh thinphu dep dep leh thaw dep depin an kal liam chu ka thlir ngawt ngawt.


Nichin maia ka pasal hmel leh luhlul ngeng ngal mai kha Lalduhawma a ni ta lo emaw tih tur hial a ni. Mipa nunrawng tak, a hmaa hmeichhe raipuar, raicheh lek lek pawh khawngaihna nei lo hmel a pu khan min râp lek lek zawk hial!


"Bawihi...." Kawngkhar ka thlen rualin ka pasal hmel ka hmu hlawl chu phawk fe hian ka en.



"I zui lo em ni?" Ka duh aiin ka au ring. Kan bul vela awm ho an rawn hawi zui hrek hrek hlawm a.



"Zela leh ka Pi (ka Nu) in anzui a nih kha," ti sup.


Ka pasal chu ka melh nghal vak, a nau thi lo chauhin a awm a, khati khawpa thisen chhuak, nau a chhiat dawn nge dâwn lo pawh hriat loh kha, engtin nge maw a rawn kalsan theih le? A nunrawng lutuk mah mah lo maw?



"Tihsual ka nei em ni? Kalsan che kha ka tum a ni lo?" Inthiam lo tih hriat zet hian a rawn la ti ang deuh deuh a.


"LALDUHAWM...." Ka au nghek chu a meng buai tulh tulh.


"I nau, khati khawp khan nâ a tuar a, engtin nge i rawn kalsan theih?" Ka ti nghal tawn tawn, ka dul lah thla 6 lai a ni ve tawh a, ka au a, kan ṭawng ta nghek chu ka thawk lak ka buai leh si, ka thaw zui kawk kawk.


Ka thinrim, inhro sa, ke per ve tan tan leh dul kawh bawk si chu a nuih a za a ni ngei ang, a nui ri huk a. Keilah ka lo thinrim tulh tulh.


Ka kuta rawn chelh a tum chu ka lo vai sawk, "a nau kha chhiatse nuam pawh iti dâwn em ni?" Ti zui leh tan tan chuan ka pensawn a, nuihza insum tih hriat reng reng a hmui hnuailam pet leh zeuh ṭhin hian min rawn zui, "Damdawi Inah kan kal dâwn em ni?" Ka sir lam aṭangin a rawn ti dut, step a ka chhuk chu a rukin min veng tih ka mit sirin ka hmu ru reng bawk.



"Kal ang chu," ka ti leh hlak chu nui huka min rawn pawm nawlh chuan ka rak ṭhawt, "LALDUHAWM....." Tlak hlah lutuk chuan a nghawngah ka kuah nghal rawk rawk.


"Tlak i hlauh chuan che suh," a nui zui leh dat, a dar a chum ṭawkin, "ka tlak chuan i fa hi a thi a ni mai. I â mi?" Ka ti hlak hlak chu hnar a tum dat. A fa, thih tir hlau hle si a nau thisen chhuak pawh ngaihven lo, nunrawng lutuk mai!



Step a min pen thlak pui pahin, "ka zui khan ka tidam thei chuang hleinem," a ti zawi sup, a aw ah erawh a ngaihtuah a ni tih a ri tel ta dut tho.


Thaw chhuak ham hamin, ka pasal chu ka nuih ta sen sen a, "luhlul i chhuah mai mai, i ngaihven reng si a," a nui tawi tak.


"I U pasala a thlang hi thildik a ni, a fate Pa a ni a; Mahse, mahni duh neihnan a midang nunhlan erawh hmasialna a ni tawh. Bawihi, thianghlim tak hian hma a sial theih," a thusawi leh a farnu thiltih chu hre nawnin, a farnu laka a vawh tak em em chhan chu hrethiam se minti takzet tih a lang bawk!


<><><><>

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)